29

29 : Maengi ralte


Sorry..engmah sawi tur ka neilo” titu Mipa,kum 5 lai ka lo zui ve tawh chu ka melh reng a,a uang anih ringin uluk zet in a Hmel chu ka thlir a,mahse,uang hmel a pu lo,’mahse,engmah ka hrethiam lo"ka kut ka hmer tawn ngawt ngawt a,a thaw huai a,a rawn kal hnai a,"Ka hmangaih che,mahse,kan inthen angai,khawngaihin buaina min thlen lo hram rawh”ati leh hrawk a,”a va fair lo ve,hetiang ngawt chuan kan inthen ngawt theilo” ka ti leh tuar a,ka insum hman tawh lo,”I duh duh in ngai mai rawh,tuna tang chuan Mihrang kan ni tawh” ati leh hmak a,a inher a,a chhuak zui nghal a,Kawngkhar Dimte in a rawn nem khar a,Um zui nachang ka hrelo ,ka awmdan pawh ka hrethiam chuanglo,ka mawl huih ani tawp mai.

Ka Muhil lo,ka tap miahlo bawk a,ka Thinlung hian a pawm theilo,ka Phone ka bih sek a,Zantin mut hma in rei tak tak kan inbe thin a,mahse,a reh hmak,msg tal in min fiam tih min rawn hrilh ka beisei a,mahse,chu pawh engmah a thleng chuanglo,Khawvar dawn ah ka lo chhing sek a,Ka Phone riin min tiharh a,lawm zet in ka ban nghal a,amah ani ngei ang,a awm dan avang khan ngaihdam min dil dawn ani phawt ang,mahse,ani tlat lo,kanu zawk ani,kan Inbe nual a,a sawi erawh chu mumal takin engmah hriat ka neilo.

Office ka thlen veleh ka Best Friend Mawitei ka zawng nghal a,ka hmelah diklo a awm tih a hre ngei ang,"Lunch hunah hrilh tur che ka nei ania”ka ti sap a,a nui a,vawitamtak ka Problem min solve sak tawh a,anipawn Buaina a neih apiangin min pan ve tho bawk a,kan inhrechiang dun ani ber,"um…keipawh hrilh tur che ka nei ve tho ania” a ti let ve a,a khat tawk in ka Phone ka melh leh thin a,mahse,min rawn be hauh lo,nitin hunawl kan neih apiangin kan inbia a,kan in ning ngai lo kha ani sia,tunah engtin nge ka tello in a hlim theih bik??,zing atangin a Msg emaw a Call ka chang a,chaw pawh ka ei mumallo ania,ani erawh a reh hmak thung a,nizan Boruak tehhrep kha chu awmlo se,mangan luat vangin a Nau ka call tawh ngei ang.

“I thil ei tur kha ei phawt teh,ka thilsawi tur hi I hriat hunah chuan I ei dawn miahlo ania” nui chung in min ti a,"aih,ka ei chaklo,ih…englo..Johny nen kan Inthen a”ka ti sap a,ka Sawi lai ngei pawh chuan ka Thinlung in ala pawm chuanglo,"mahse,kan tha leh mai in ka ring” ka ti zui leh a,a hmelah chuan makti hmel ka hmu miahlo,”um….a pawi ka ti,mahse,lungngai suh”tih pah chuan ka kut a rawn vuan a,”mahse,mak I ti miahlo ami?,nge kan inthen ngun lutuk a engahmah I ngailo zawk?”ka ti let ha a,za lo zet Gian a nui a,"Bawihi,engmah ila hrelo tak tak a mi?” ati sap a,"aih”ka lu ka thing a,a aw a thian te te a,"in tha leh tawh dawnlo,Johny an Nupui a nei dawn” ka kut a vawn chu ka Phih sawn sawk a,ka melh vak bawk a,"nangni 2 hian min bum ami?,Inneih a duh chuan min hrilh mai se,I bulah kher sawi angai hleinem” ka nui a,"Mahse,nangmah I ni silo alawm”…ka awih theilo,tunlai hi engatinge hetiang hi ka tawn reng le!!!,"ka hrethiamlo,nizanah alo kal a,Kan inthen angai ati a,a chhan engmah a sawilo a,I bulah eng nge a sawi?” beisei nei zet in ka melh a,ka chawmawlh vek,"ih…nangmah hrilh che a tum a,a ngam nganglo a,nizan khan I bul atanga a kal hnu khan kan In ah alo kal a,sawn a thlak tih min Hrilh alawm,chuan an Tifel tep animai” a sawi tawp lam chu engmah ka hre mumal tawh lo,ka tho thut a,Toilet ah ka tlan lut a,midang bulah khan tah mualpho ka duh lo,ka Mittui luang ngiai ngiai chu hruk ka tum lo,kan inkawp chhung zawng khan engmah sawisel na tur ka neilo,kan Inhmangaih em em a,atan engkim ka huam a,anipawh ani ve thin emaw ka lo ti a,ka neih hlu ber ka hlan a,min kalsan leh ka ring tawh ngailo,Nupa kan nih lohna chu kan nih lohna chiah in min dal ni khan ka lo hre thin a,mahse,engtin nge hetiang hian min tih theih?,engtik laiin nge midang alo chetsualpui hman???,engmah ka hrethiamlo..

“kan inbiak angai” ka va ti mawl tawp a,"sawi tur ka neilo” a rawn ti ve thung a,’mahse,ka be duh che alawm” ka ti ve thung a,ka thinlung hian ala pawm theilo,Kawngka a a rawn luh rual chuan ka ngaihzia ka hrechiang leh zual a,kuah lo tur erawh chuan ka insum tang tang thung a,”eng tikah nge in chetsual?” ka ti mawl tawp a,a mengphar awk a,hnuai lam a en a,”chutiang engmah sawi tur ka neilo,kan 2 in kan tawp tawh a,ilo buaina tur a awmlo” ati hmuk a,ka melh tlawk tlawk ringawt,”anih leh minlo duh ngai miahlo a,min bum kual thin tih na ami?,kum 5 chu a va rei ve….”ka sawi zo theilo,ka mittui dan kir tumin ka khap sak sak a,ka aw ah erawh ka tap ani tih a hai theih loh..”Sorry….ka kal ange,engmah sawitur ka neilo,min hrethiam dawnnia” a aw a hniam sat a,a tho a,Kawngka a hawng tur chu ka tho zawk a,a hnung lam atangin a kawngah ka kuah a,a kal tur chu ka pawt bet a,anipawh a kal lui bik lo,”min kalsan suh,mawh…..i tello chuan ka dam zo lo ang..” ka tap zui ta hlawp hlawp a,a taksa chu a phiar talh talh a,kei erawh ka tah a chhuak tulh tulh thung,ka tlawm ani…hetiang em em hian ka tlawm thei ang tih ka lo ring ngai lo,mahse,Hepa bulah hi chuan ka chapo theilo,min kalsan lohna tur anih phawt chuan engpawh ka timai ang.

Ka kut a phelh a,a ding khawng at bawk a,”ka hmangaih che a,ka duh bawk che ,mahse,Hmeichhia,ka fa pai mek tu hi ka thlahthlam theilo,min ngaidam dawnnia” ati sup a,a tawp ta….tunah chuan Dam reng chakna ka neilo..

Ka thiannu in nasa takin min tih hlim a tum a,mahse,ka hlim zo lo,pawn lam ah chuan engahmah ngailo leh pawisa lo niawm takin ka lang a,ka hna ka ban veleh ka leng kual a,ka chhungte ka bia a,hlimna ka zawng bawk a,mahse,Johny tello chuan a der mai ani,thil engpawh ti ila a hriat ve atan ka it a,eitur angainat zawng ka siam apiangin ei ve se ka duh thin a,nidang ang chu nise a bulah ka awmlo anih pawh in kan in bia ang a,min ngaih thu a sawi leh anga….hetiang Bak hian ka rilru ah hmun an changlo,ka Tawngtai a,mahse,ka na a reh chuanglo,engvangin nge ka chungah hetiang thil hi a thlen bik tiin Pathian ka zawt a,chhanna ka hmu silo,Kum 29 ka ni tawh a,Johny nen kan inkawp tih hi min hretu apiang in an hria,kan Inneih ringlo an awmlo,kei ngei pawn ka ring a,engtikah nge a sawi ang ka ti thin a,ka nghak a,mahse…hetiang a kalsan mai mai tur hi chuan ka nghak lo..

An Inneih sawmna ka hmuh veleh tah pawh tap chhuak theilo in ka khur hlawk hlawk a,ka mittui a sur zung zung bawk a,mahse…hetiang chung pawh hian alo let ka la ring cheu,ka beidawng theilo,ka Call fo a,chhanna erawh ka hmu ngailo,a rei hnu ah phei chuan ka Call tlang thei ta NGAILO,Switch Off a inti zel a,a Phone a On hun a a hmuh tur tal In tiin Msg ka thawn nitin a,ka ngaidam a,alo let leh hun ka nghak reng tiin ka thawn a,mahse,Deliver tih a awmlo,Ka hmelhriat ten min zawh chang erawh chuan,”kan inthen tawh” tiin ka hrilh a,engahmah ngailo niawm tak in ka lang lui thin a,mahse,In ka thlen veleh Khumah muchungin ka tap a,kaThinlung chhungril ber atangin a hmingin ka ko a,chhanna ka dawng silo,Fb ah ka lut a,a Wall ah ka lut kual a,mahse,Rilru natna bak engmah ka hmu ngailo,ka rilru a tina dawn tih hre mah ila ka en lo phal chuanglo.Hmangaihna hi a va mak em!!!!

“Bawihi,Vawiin tlaiah chaw lo ei rawh aw” tiin Mawitein min sawm a,ka mu theilo a,chaw ka ei mumal lo bawk a,ka rihna a tlahniam nasa,midang bulah chuan ka ziawm mai thei,An IN kan thlen veleh tahpui tur ka hmu leh tho,vawitam tak Johny nen khan kan leng dun a,a thutna thin zawng zawng te engmah ka la theihnghilh si lo,Mawitei Cousin Rinawma alo awm ve bawka,ani hi ka hmu zauh zauh a,mahse,ka ngainat zawng anih loh avangin kan inbe ngai manglo,Chaw pawh mumal in ka ei leh chuanglo,Mawitei Room ah kan thu ho a,Nidang a ka tih ngai reng reng loh in Beer min pek chu ka la a,ka theihtawk a tam ka in bawk a,a hma chuan Johny tan ka nung thin a,aduh loh zawng engmah tih ka duh ngailo,tunah chuan ani pawh a kal bo tawh,tumah hlauh tur ka neilo,ka Lu a hai muai muai a,thildang engmah ka hre zuilo.

Theihnghilh tak tak tum hian ka rilru ka siam lo,ka la inpeih lo ani zawk,ka thinlungah hian ka chelh bet tlat a,ka Thinlung a chhuahsan tluk a hlauh ka neilo,Zu ka in ta zauh zauh bawk a,engmah hrelo mut tawp ka duh ber fo thin a,mahse,ka harh a,a hma ang tho in mal leh khaw har,nula Senior,nun beidawng ka ni leh tho.

“ka lo leng dawn ania” tiin Rinawma'n min rawn Msg a,ka phur viau lo,mipa reng reng ka hnaih peihlo,Johny a lo let leh hunah rinawmlo ti in min puh ka duhlo,”I tuar nasa tawk tawh alawm,min nei mai rawh” ati sup a,ka melh ha a,”fiamthu lo teh,chutiang ngawt a theihnghilh theih ani lo alawm” kati hlar a,a nui suk a,”I tumlo alawm,ka uanglo,min nei rawh,kei chuan ka kalsan ngai lo ang che” ati leh a,a hmel thutak zet chu ka en a,’Rinawm..min hrechiang a nilawmni?,mipa dang hmangaihtu Hmeichhia ka nih hi” ka ti sap a,a nui leh suk a,”ka hria alawm,khapa vang a I tawrhna kha tih reh ka duh,I hlim hmel hmuh ka duh bawk,min test la,ka inpeih reng ania” ati leh talh a,a hmel chu ka en a,a Khabe ruh kual lian lam te,a hnar sang vah te,khabe hmul tlem a nei a,a mitmeng a lian in a zahawm a,a sam chhah zet erawh chu a thur deuh bawk a,a palian a,a zaidam em em bawk a,’nula tam tak,nangmah duhtu che an awm ang chu” ka ti let ngawt a,a nui a,’maithei,mahse,kei chuan pakhat chauh ka duh” ati hluk a,a rawn thu phei a,”I rilru nat zual chang apiangin min ko la,I bulah ka awm zel ang,min ring rawh,ka tiam ang che”tih pah in ka kut a hum a,keipawn ka hnar ta lo..Nia…Mipa dang hi kawp ila ka ziawm maithei asin,”mahse..ka upa tawh ania,kum 29 ka ni tawh ania” ka ti sap a,a nui leh hak a,,”lungngai suh,nang aiin ka upa zawk alawm” a ti sup a.

Kan inzui ve ta ngei a,a sawi ang chiah, ka bulah a awm tam a,mi hausa chhungkua ami ani a,a changkang a,a bula awm a nuam bawk a,a hma a ka ngainat loh chhan kha chu ka hriatchian loh vang alo ni,mahse….ka thinlung a Johny hmun ruak erawh a luah zo lo.

”ok….Mate…tap rawh,a pawi reng reng lo”ka beng bulah a ti sup a,Johny nupui neihni ani a,kal ka duh tlat avangin min kalpui a,mahse,ka nat zia chu pui tak ani.”I haw tawh ang hmiang?” a ti leh sup a,”aih,ka duhlo,ka chibai duh alawm” ka ti a,a hmel ah chuan natuar hmel a lang a,a phiar talh talh bawk a,min hnial erawh atumlo.
“Johny…innu chu ka lo chibai aw” ka tawng a zangkhai vah a,keipawn mak ka ti zawk,Rinawma’n ka kawngah a rawn kuah a,”Rin…heihi Johny ania…I hria tiraw” ka ti hlak a,ka ngeiawm viau chu keipawn ka hrethiam biklo,an inchibai a,Rinawma hmelah chuan engmah alanglo,Johny erawh a hamhaih niin ka hria.

“riak ve mai la” kati sap a,”tak tak?!” a aw ah chuan a confi lo..thil thleng zui erawh sawi angailo,Johny let in min tiphur a,ka insumtheihna zawng zawng a bo vek,a taksa lianpui,infit zet in min sawngbawl chuan nwmna nasa lutuk avangin ka au chhuak hial bawk a,zei tak ani..

kum chanve dawn kan inzui ve ta,mahse,ka thinlung atangin Johny ka la paih chhuak theilo,Rinawma pawn a hailo,min neih a duh a,keiin ka zuamlo,arilru na hmel ka hmuh in insum har ka ti,mahse,ka Hmangaih lo tlat hi ka buaina ani,Sex ah erawh Johny let in min ti phur,ka pha hauhlo..

“vawiin ah Johny ka hmu a,an Inthen an ti a” tiin Mawiteiin min rawn hrilh a,ka hnim rawih thei,engvang nge ka hrelo,”Rin,Johny te an inthen a”ka ti sap a,a hmelah chuan natuar hmel a rawn lang a,”ok…ka hrethiam e’a ti sup a,sawizawm mai tur ka hrelo,”I rai em?’a ti thut a,kan thusawi inpersan lutuk chu ka nui hawk bawk a,ani erawh a nui lo,”aih…railo,ka p8 tep ang” ka ti a,zawhna nei zet hian ka melh a,”um…athat chu,I rilru ah ka awm chuanglo a,tunah Johny pawh a free leh tawh a,kan Inthen angaiin ka hria,hlim la tih hi ka duh ber ani a,I hlim hian kei pawh ka hlim a,ka bulah chuan I hlim tak tak lo tih ka hria,chuvangin Johny nen intan leh thei in ka ring,vawiin khan kan in hmu ve tho a,a la Hmangaih che tih min hrilh a,ka kalsan che a hun niin ka hria,min mamawh erawh chuan I tan ka awm zel ang” a ti a,a hmel thu tak run mai ah chuan nui hmel alo lang a,a thusawiin min barakhaih zia a hrelo ani ngei ang..Kawngka achhuahsan lai chu ka thlir a,tunah chuan 2 tiin ka phun sap a.

Johny nen hian kan inhmu leh nawlh thin,mahse,a hma ang khan keimah ah effect anei ta hauhlo,Rinawma erawh chu ka be zuilo a,kan tawp tawp ani ber,anipawn min rawn be heklo.Mawitei'n pasal a nei dawn a,Best ah ka tang dawn bawk a,an In lamah ka awm tam hle nachungin Rinawma ka hmu ngailo,hmuh mai inring in ka hawi kual fo mai,ka zawt dawt ngam silo.

Inneihni in ka hmu ta,nula nalh zet mai a rawn hruai a,an inhmel lutuk hi ani tawp mai,ka kawchhung ah che a awm a,mahse,ka haider lui a,Johny an min zui deuh reng bawk nen,kan inbe lo,Ral atangin a ban a rawn vai a,a nui suk bawk a.

“ka lo drop ang che”a rawn ti thut a,beisei loh lutuk anih avang in ka phu zawk thei,”aih,angailo e,Scooty ka keng a” ka ti ve mai a,a in her vut a,a kal ta daih a,ka hrilhhai zawk.

”I hlim tih ka hria,ka lawmpui che” ka va ti a,ka insum zo lo,khanu hmeltha zet in inti neitu lutuk a achelh reng kha ka hmu hne lutuk,”kawngka rawn hawng teh” tiin a rawn reply a,ka tho a,ka va hawng chu pawnah alo ding a,a rawn lut a,a pawt khar leh nghal a,min kal pel thuak a,Room ah a lut tlang a,ka zui zel a,a rawn hawi let a,”khawnge mi tenawmpa kha?” a rawn ti tuar a,”tu maw?” ka ti let ve thung a,”kalsan tur che in min ngen a,tina tawhlo tur che in a intiam bawk a,mahse,vawiin khan hmeichhe dang a fawp lai ka hmu a,I duhlo anih pawn ka then tir dawn tho che” a ti hmuk a.

“min nei duh em?” ka meng de sawr sawr a,a ban a phar hluai a,adah thla leh a,min hnial dawn ani ngei ang,ka thinphu dawt dawt chu ka ngaithla a,min rawn pan a,a rawn kun hniam a,min rawn fawp ta vawng vawng a,”mahse…kha nu kha..?” ka ti leh hram a,a nui huk a,”kan unau zing a te ber anih kha,ila hmulo ang,a hmuh veleh che khan nei tur che in min ti a”….

“um….nei dawn chiang'