APRIL

APRIL : Maengi ralte

APRIL - 1

Ka pum a thip zawk a, chianglo ruai in ka tlu hnawk a, ka hnung ah na zet in a rawn chhir leh bur a, a bak engmah ka hre tawh lo...a thim mup a, tunah chuan ka tawp ta tak zet mai , Ka pian tirh a tangin hetiang teh tawp a thi mai mai tur hian ka lo suangtuah ngai eih lo , Mahse a vawi khatna nilo in vawi 2 na ani tawh lehnghal a,....ka ral riai riai a ,a tawp ta.

ka phu zawk a, ka taksa a natna zawng zawng a bo duak a,Ka hma ah chuan kapa alo ding a, a nui sang a, a hmeltha tak zet,
“Pa.” Ka ti sep a , a la nui reng ,a rawn thu hniam a, a kut dam dup mai chuan min rawn kuah a, tunah chuan ka thlamuang ta,
“Bawihte....duh tawk tawh ta che , i tuar nasa in ka tan i bei tam tawk tawh alawm” a ti dam thlap a,ka Mittui luang ngai ngai chu ka hre thei a,
“mahse...Pa , ka thei lo, i hmelma pa pawh ka that thei silo...” ka ti leh tawk tawk a,
“Phuba reng reng chu keiman ka la ang Pathian in a tih kha, nang chuan duhtawk tawh ta che...i tan i nun hmang ve tawh zawk rawh...” a hmui nem thep chuan ka chal a rawn dek a,
“Min kalsan tawh suh Pa,i bulah min hruai ve zawk mai rawh , Dam hi ka tan sawtna a awm lo..”ka sawi ri nge ri lo ka hrelo,
“nilo e, i tello a dam zo lo tur an awm tih i hriat kha , a lo thleng tep tawh e ,ani khan a Hmangaih takzet che a,ngaidam ang che aw, Bawihte, ka Hmangaih che...” min rawn kuah a, hlim hmel tak a a ral riai riai chu ka thlir a..
“Pa.....Pa...” ka ti sep sep a,ka lum deuh pup a, ka na a rawn let a, nilo....reilote chhung khan ka nunna a tawp hman zawk ani ngei ang, na reng reng khan min kiansan a, kapa ka bulah a awm bawk a, mahse tunah chuan na ka hre leh thei tlat tawh.

Motor eng in min rawn chhun a,ka bulah cuan a rawn ding dawt a, a din rual deuh thaw hian mipakhat a rawn zuang chhuak a, ka lam pan a rawn tlan chu ka hmu phe ruai a,

“Lalpa leh... Ka tlai hret animaw?...i tha vek ang, Hlau suh, ka tello in khawiahmah i kal ngawt theilo ania, phalna ka pe miah lo che ” min rawn pawm kan pah chuan a ti mial mial a, amah ani...

“Zawngi , i thil hmuh kha i hmulo, i hria em?” ka hmai bul chet ah a rawn kun a, ka chhang theilo. Ka hlauh luat avangin ka khur hlawk hlawk a, ngam leh ngamlo hian ka piah lawk a kapa Thisen nen a in chiahpiah nuaih a let reng chu ka va melh a, nun na nei tawh lo tih hriat ngawih ngawih hian a melh ngai a melh reng bawk a, ka inrin hma in ka sam tawn ah ka bula ding chuan a rawn phih lawp a, a na kher bawk, ka mittui a far zung zung a, ka tap ri ngam lo a, ngam pawh ni tehreng ila a ri chhuak thei kher lo ang.
“ka sawi kha i hria em?” a ti leh tuar a, Mittui kar atangin ka melh chho a , ka hriat theih tirh atangin kapa thian tha ber ani thin a, ka ngaina hle bawk , mahse tunah a ma kut ngeiin ka pa a that leh lawi si...ka kut tereuhte chu a na zet hian a rawn hmer a,
“ipa hi thah kher ka duh miahlo, mahse ka tan hnawksak in a khawsa lui zel a ka thah ngei a ngai tlat ani, warning pawh ka pe a, mahse a ti lui zel a, a tawp kan thleng anih hi..” a aw lian thum chhur mai chuan a ti bul hmuk hmuk a, Ramhuai ang ka ti ber, Kawngkhar a rawn inhwng rawp a, Palian zet hi a rawn luh belh leh a, kapa a melh zawk a, a bul a chair ah chuan a thu zui nghal a, ngaipawimawh lo hmel fe hian a bawp a khawkherh a, Meizial a phawrh a , a tan nghal a, a hip zui vang vang bawk a, Kapa thianpa erawh chuan thupek nghak niawm fahran hian che chang lo in a thu ngawi run bawk a, Rawn lut thar pa chuan muangchang hian min rawn melh a, a mitmeng chu a ling vek nimai in ka hria, ka khur nasa zual sauh bawk a,
“kha hmeichhe naupang kha that rawh” a ti sup a, rapthlak ti zet hian ngam leh ngam lo in ka va melh leh a, rum ul a min melh na chu ka en rei ngamlo,
“aaaa.....engmah a sawi chhuak ngamlo ang...” kapa thianpa tawnglai chu Paliana chuan a kut zap in a lo ti tawp a,
“That rawh, ka sawi nawn tawh lo ang, i thianpa fanu anih vang a harsa i ti anih chuan keiman ka ti mai ang, engkim a hmu vek a, nakinah kan buaina tur ala ni zawk ang ” a hma aiin a tawng ri chu a rum zawk a, hnial chi anilo,hreh hmel zet hian min rawn pan chhut chhut a, kei erawh chu ka chunga a thiltih tur ka hlauh luat avangin ka maimitchhing ta ngawt a,kum 7 chauh ka la ni a,mahse kapa khan nu tello in min enkawl a,Dik taka nung tur in min zir tir a, engkim a Bul leh Tawp chu PATHIAN ani tih ka thinlung ah min hriat fiah tir a, min zir tir fo thin ang in ka rilru in ka tawngtai a, engpawh kan chungah thleng se Pathian hnen ah inkawl tir tur a min zirtir thin na chu ka thih dawn lai hian ka hre chhuak nawn leh a, min ti chaktu ani a,chiang tak in a chhanna ka hmu nghal bawk a, mahse Naupang mai ka ni a,Pathian thlamuanna ani tih erawh ka hrethiam chuang lo, ka bul a lo thlen hma in ka hlauhna ten min kian san hman tawh.Pathian thu lo in ka chungah engmah a thleng dawn silo a, vui chiam emaw hi tih tur anilo tih min hrilh fo thin a, huaisen tak a hmachhawn mai tur a zirtir ka ni bawk.

Ka samah tham in min phih tho nghal a, ka che phat a, a rak tuar bawk a, min nem sawn dawrh a, a hmai ka hamna vang a thi sung mai chu a tuai a, “rapthlak reuh lutuk mai,min khawih ngam amaw?” tih pah in min rawn pan leh a, indan tum a ka ban ka lo lek chu a rawn man a, a phih thuai a, a ri pawp a, a na nghal vawng vawng bawk a, a dawk ani mahna,a kut lianpui, hmul thur chuan ka hrawk ah a rawn rek a, thei leh theilo in ka tlawh a, ka kut na lo lam ka vai bawk a, kan in len hleih lulai lutuk a awmzia a awm lemlo, ka khawhmuh a phe ruai a, min la rek zui zel a, ka taksa a zawi a, mumal ka nei zui ta lo.

“Vawiin ah kan pu Nupui Nau Fapa alo kal ve dawn a, a awm tha duh vaklo a an buaipui ve deuh anih hmel a, i hnuaiah Training a rawn zawm ve dawn a..” Ka Boss chu ka melh a, chutiang mi kawisawi enkawl chu phurna ka nei miahlo, ka Hnathawhna hi Company lian zet mai ani a, mimal ta ala ni zui bawk a, a Neitu te erawh chu Mizoramah awm lo in Kan Boss hian a enkawl thung a, mi sawi ka hriat dan in a Neitupa hi a hriselna a tha tawk tawh lo a, an chhungkua in an hun tam zawk chu Shillong ah an hmang a,an fate 2 pawh shillong ah an seilian a, In leh lo turu zet an nei a,Mizoram hi an sumdawnna peng pakhat niin an sawi a, a khat tawk in a Fapa alo kal thin a, mahse kei chuan ka la hmu hauhlo , ka awmna Dept ah Manager ka ni a, Mithar lo lut an awm ve deuh reng a , chung ho Training pek chu ka hna ani mai a, A neitu chhungkua te tan min hmuh kher a tul na a awm miau lo a ka hmu ve ngai lo.

Ka sana ka bih zauh a, Factory kal turin ka kal a hun tep tawh a, minute 5 chauh a awm tawh, mahse ka mi nghah ber alo la lang theilo, Room pawn ah min nghak tawh hlawm ngei ang a, tah chuan alo awm ve zawk maithei, kan Boss khan Pu ber te Family Member nimahse dim hauhlo a enkawl turin min ti a, ka ngaihdan chiah anih bawk avangin ka thu hriat chuan min ti lawm hle zawk, ka Sana ka bih leh a, ka kal a hun chiah, ka Phone leh Note bu ka la a, ka rin ang chiah in Room pawn a Waiting room ah chuan Mithar 5 te chu an lo thu thap tawh, ka hriatsa hlir te anni a, alo la thleng lo ani phawt mai, min Wish liam liam na chu ka chhang let a, ka kal tur inher chiah chuan hmuh ka nei, ka hawilet leh a, Tlangval Naupang vak tawh lo, Palian zet, Nalh thlarh mai chu ka en a, mahse, a nalh dan chu Training tur a ang lo tawp,
“Minlo hrethiam lawk, Miss....ih...aw...Remruati i nih ka beisei a...” a aw thawp sut chuan min ti ner sawk thei, Staff thar ho en danah chuan a chhe lo thawkhat tih a lang reng bawk a, kei erawh chuan chutiang lam ka ngaihtuah miah lo,
“eng vang in nge i First Day ah i tlai a ?, chuan khatiang thawmhnaw nen chuan i Training thei hauh lo ang,oh....i thei lo tih ka chiang..” ka ti bul hmak thung, a hmelah chuan awih loh na a lang a, a bo leh thuai a, a then ta sak a,
“mahse....keihi...” ka ban ka phar hluai a,
“ka hria che....Statt dang ang bawk a enkawl tur che in minti bawk” ka ti leh hmak a,
“um....Sorry....anih chuan eng Dress nge Training laiin ka inbel ang?” a ti leh a,
“Thawmhnaw hak nuam leh Simple thei ang ber i inbel tur ani, chuan khatiang a Smart lutuk kha chuan Factory ah i lut thei lo ang, a chhan chu maw i chhuah leh meuh chuan engzatman nge anih tih i ngaihtuah hman lo ang” ka ti leh hmak hmak a, a mitmeng a Nuih zatna lang chuan minti thinur sauh bawk,
“eng nge nuihna tur awm?” ka aw ah ka thinur tih ka lan tir a, a mit mu dum tak zet chuan min melh a, a tim eih lo,
“ka nui hleinem , chuan vawiin chu he Thawmhnaw nen hian ka kal mai ang, pawi i tih loh chuan?” ka chhang zui peih tawh lo, ka inher hmak a, ka pen ta hlawk hlawk zawk a, a mizia chu ka beisei aiin a ngeiawm zawk daih a, ka vawikhat hmuhna ah ka ngaitheilo nghal bawk a, hetiang Mipa nalh satliah hi ka ngainat zawng ani hlawllo...Nilo..Mipa hrim hrim ka ngaina lo ani zawk, keimah leh keimah ka inbum theilo.

Factory hi Company Building hnung ah a awm a, Gate lianpui ah chuan ka lut a, Min ko ri ka hriat avangin ka hawi let a, kan Boss hmanhmawh lutuk a rawn tlan hlawk hlawk chu ka en a, amak kher mai, hetiang khawp a hmanhmawh hian kum khat zet kan thawh dun chhung in vawikhatmah ka la hmu miah lo,
“aw....eng thil nge nita?” ka lo ti thuai a, hah zet hian a thaw huam huam a, a chal a thlan fim bawl tuam mai chu a tuai pawk pawk a, kei min en lo hian Mithar pa lam chu a hawi a, nelawm zet hian ala nui sang zui...hrep tak a, amah ngeiin midang nen in ang reng in enkawl turin min ti a, tunah lah a tlawn hlumlo chauh tih a hmelah a lang leh reng si..

“Zodin....ilo thleng tih ka lo hre lo palh ani, Room i rawn pan ding tur thu i sawi si a, chuvangin Ka lo hmuak lo che a....” a ti bah nawk nawk mai,
Eng maw a hming kha...ZODINA....kan Company neitu nen an hming a in ang maw?, ka che theilo, ka khawng vek....

“Nia....i Room ka rawn pan laiin Miss hian minlo ti ding a, chuan ....Factory lam ah ka Training ve lawk ang chu ka lo ti a...” a ti hmuk a, LALPA......Lei hnuai a tlak pil daih tluk a duh engmah ka neilo,a Mitmeng lian leh mi melhna zet chuan min rawn melh a, a bu nghut bawk a,
“oh......a va han zialo em...i Cousin lo kal tur kha emaw ati palh che ani ang ..keima thiam loh ani..” inthiamlo zet hian a ti leh duk a,ka melh let ngam tawh lo...Midang ho pawh chu an phawk hra tho mai.

“a pawilo , tunah min rawn hmu tawh tho a, Factory lam erawh chu ka kalsan rih a ngai dawn a ang khawp mai..”a ti leh hluk a, engmah ka sawi ngam tawh lo, ka hlau pawn ka hrelo, ka zak lutuk zawk niber in ka hria.

Kan Boss chuan min rawn en a, a hmelah chuan thinur hmel a lang lo, min khawngaih a ang zawk , kan Boss te leh a neitu te hi an in hre hnai hle a, “sir’ tih tawngkam pawh a hmang lo reng bawk a,
“um....nia, kan hmelhriat tir law law ang che, heihi kan Staff thar te lo enkawl tu Manager Remruati anih hi, mahse Traineer ani mah zawk.” Ka lam hawiin a bu zauh a, a khi vur vur bawk a, kei erawh chuan nuihna chhan tur engmah ka hre hlawllo.Misualpa lam a hawi leh a,
“Ani hi kan Company neitu Fapa, Zodinsanga anih hi..”a tih zawm leh zat bawk a,a mit a ti zim sun a, nelawm loh zet hian min rawn melh a,
“nia....ka lo hria e, Manager i nei tha khawp mai..” a ti sup a, a hawisawn pah a a ner sawk erawh ka hmu hman tho.

APRIL - 2

Ka chet chhiat na chuan Company pumpui a fan ani ber, ka zak hluah hluah bawk a, vanneihthlak zet in ka hmu zui tawhlo hlauh thung, ka ngaihtuah let apiangin ka zak veng veng a, kan Company neitu anih vang nilo in insawifiahna hun ka pek miah loh vang a zak ka ni mah zawk.A Cousin pawh kha alo kal ngei a, amah ang tho a Palian ani a, mahse an mizia erawh a letling hlauh thung, a nui peih in a bul a awm a nuam a, mahse kei chuan ka ngaina chuanglo, a Lerh lutuk mah mah ni in ka hreve tlat.Midang tuman an sawi ngam loh ka chet chhiatna chungchang chuan min fiam fo a, min hnaih mah mah a hriat chang ka nei bawk.

Ka Mumang rapthlak zet avang chuan ka harh hlawl a, ka te chhuak hial in ka ring , keimah chauh in In ka luah a, Kapa nen a kan In erawh kha chu ka rem tihna in ka ni In a hralh a, Ka Puitlin hun a ka in enkawl nan Bank ah a dah a, ka thi emaw ti a min kalsan na hmun ah khan let leh chakna ka nei miahlo, Ka Ni khan Kapa hnen atangin thuruk eng eng emaw alo hre nual a, a boral anih chuan keimah min enkawl turin alo ngen lawk vek a, Ka thi lo tih pawh kha zep zui anita a, Police te khan an chhuizui ve hle a mahse engmah hriat chhuah an neilo. KaPa an thah ni khan Pa Tlana office hna pawimawh tifel tur leh min tlawh pah tur a alo kal ni ani a, kan In alo thlen in Misual te kha chu an lo kalbo tawh a, an intawng fuh tep ni a a rin thu a sawi nghe nghe a,min hmu hmasa ber a, anipawn kan thi ve ve ah angai a, mahse min pawm kan na lamah ka thaw feih feih chu hria in min enkawl zui ta ani.Aizawla awm kan nilo a, Hnamdang te Pawisa duh in min that niin sawizui ani ta a, kum khat a vei meuh chuan tuman an sawi peih tawh lo.

KaNi pawh kha Misual te khan an chhuizui tho a in rin avangin a fimkhur hle a, an In ah min hruai haw lo in Hostel ah min dah zui ta daih a, thla tin min tlawh turin an Nupa in an lo kal thin a, Kapa hmunruak luah khat zo lo mahse ka thlamuanpui takzet a, min enkawl zuina ah sawiselna tur pakhatmah ka hrelo, Lehkha thiam thei tak ka nilo a, a vantlang ka ni ve zel a, M.A ka zawh veleh he Company ah hian hna ruak a awm tih hria in ka dil ve a, ka tling hlauh bawk a, Mizoram awm ka duh vang a dil ka ni mah zawk a, ka thil tih tum hi ram pawn atang chuan duh angin ka che chak thei dawn lo tih ka hria a Hmanhmawh tak a chet rum rum erawh ka tum chuanglo, kum 20 dawn ka lo ngaihtuah tawh a chetsual emaw a thianglo bur , Ka Ni emaw ka Cousin te tuman ka thil tum an hre eih lo, an bula awm ka duh tawh vang a haw ka ni tih ka sawi chu an pawm thlap a, kapa that tu kha tun thlengin ka la theihnghilh chhin lo, engkim mai kha nimin ang maiin ka la hre chiang a, zan tam tak ka mangphan a, tuma hnen a ka sawi chhuah loh thuruk ala ni ta zel a, sawi chhuak pawh ni ila tuman an awih chuang in ka ringlo a, Kapa thianpa kha an awmna vengah chuan pa zahawm tak ani tih te ka hre belh leh a, ka lo ngawi tlang ta leh kani in ka dam tih alo thup na khan tunah a that zia ka hmu chiang deuh deuh ani ber. Ka la dam tih hria se chuan min chhuah dawn der silo. Mahse Kani leh Pa Tlana hnenah pawh a thawi pawn kapa that tu anitih ka hrilh miah lo thung, ka ring zo lo pawh ani mahna.

Thla 3 chauh ka awm hman tih in Pa Tlana an transfer leh ta si a, ti hian keimah in ka awm ta zawk a, Ka Ni in min min ngaihtuah hle a, mahse ngaihtuah ka ngaihloh thu ka sawi chiam avangin a remti ve ta hram a, thian ka kawm teh chiam lo a, ngainat ka har pawh ani ang kan Company ah pawh thian han tih tur chu pakhat chauh ka nei. Ka beisei loh zet in ka hna ah ka tui ta phian a, hna ka kal lo anih chuan ka inkhung deuh chawt a, Ka Hmelmapa chanchin zir chian nan ka hun ka hmang ral ani ber a, a Thianpa, Palian zet, min thah tum tu kha tunge anih ka la hre theilo cheu erawh chu ka beidawng ve deuh thin a, Aizawl hi a zim an ti fo thin a, mahse mi pakhat zawn hmuh nan chuan a zau mah mah ani.

Ka Phone ri chuan ka ngaihtuahna atangin min ti harh zawk a,ka la thuai a, ka Alarm set alo ni a, ka mangchhia vang khan ka muhil leh ta miahlo a, zing dar 5 alo ni der tawh, zing tin Gym ka kal thin a, ka thau vang nilo in Taksa sawizawi hi nuam ka tih zawng anih vang ani ber,Mahse tuk in chu ka kal loh mai angai , kan Instructor in min hrilh dan in zan men rei leh mut that loh chuan Exercise lak a tha lemlo tih a sawi a, a pawimawh ani ngei ang, min hrilh ngun phian avangin ka hre hne hlui tawh zawk , Thatchhe zet in ka Blanket in ka intuam tha leh a, Thlasik vawt vin tuk in min kalsan tawh mahse zing lamah chuan ala lum lemlo a, Mut a nuam phian zawk.

Office ka thlen a ka hmuh hmasak ber erawh chuan min ti khur lo chauh thung , Ka Room luhna bul a Chair awm ah chuan Zodina alo thu a, nghah nei niawm tak hian alang bawk a, rang zet hian thil tihsual ka neih leh neih loh ka ngaihtuah kual nghal zung zung a, ka neih awm ka hrelo...het....eng vang in nge ka phawk lek chiam ngawt ni???, Rapthlak zawk hian....Thutna tur a dah ani a tupawh an thu thei alawm.
“hun i vawng dik hle mai” a ding chhuak nghal a, Midang ka hnung lamah an awm anih ringin ka hawilet a, mahse tumah an awmlo,
“oh....keimah maw?” at thlak zet hian ka ti hu a, ka beisei loh zet hian ala khi suk zui,a bu nghut a, a kekawr ip te a zen a, a Thawmhnaw hak Smart zet chuan a tilang lian zual a, Diktak chuan a nalh thlawt, A Kamiz pawl duk hak chuan a taksa a phuar deuh a, a pian nalh zia a tilang chiang hle bawk,
“aw....nangmah kha, vawiin chhun ah Lunch min eipui hman em tih ka hre duh a..?” a ti leh sup a,
“um...hna thil anih chuan tunah hian kan sawi dun thei alawm, Room ah lo lut la...” ka thle bak a, Pangngai theih ka duh a, ka khur ru dar dar chuan min ti thinur ru teuh bawk.

Kawngkhar ka hawng zui nghal a, dik tak chuan Company mi tuman min hmuh ka duh lo, kan Boruak khan Company a fan hneh si, ngaihdan an duh duh a anlo siam leh tur kha ka duhlo takzet bawk,Office chhung chu uluk zet hian a melh kual a, kei erawh chuan amah ka en thung a, a rawn hawi thut a, kan mit a intawng tak siah ah chuan ka hawisawn thuai a, ka hmai sa hat hat ah chuan ka sen nasa khawp in ka ring.
“vawiin chu Factory lam ah min hruai ve peih em?” a ti a,ka en leh thuai a,a hmelah chuan nuihzatna a lang a, Ka Chair ah chuan thatchhe zet hian a thu a, a hnung a ngheng ur ur a, kei erawh chu amah ep zawng a thutna awm ah chuan bet lo zet in ka thu thung a,
“ok.....hmanni vang khan thupha ka chawi e....” a nui hmel ka hmuh rual in sawi zo lo in ka ngawi leh rih a,
“a pawilo, Theihnghilh rawh, mahse...vawiin ka Dress hi eng nge a an?” a nui ri hawk a, tum loh zet hian ka nui ve hawk tho.

Ka Zam ani tih lantir loh hram tum hian ka melh a, uluk zet hian ka thlek kual a, diktak chuan tunah en that leh ka mamawh lo, ka hmuh tirh khan a incheina ka hmu kim hman vek tawh,
“ a tha vaklo, Factory kal tur chuan i Smart leh mah mah anih kha...” ka ti ta a, a Mit a thim raih a, enge a ngaihtuah hriat har zet hian min melh a, Dawhkan hnuai lam a ka kut ka dah chu ka hum ruh a, a hmu theilo hlauh chu ka lawm ru kher bawk.

A rawn ding hluai a, a ngaihna hrelo zet hian ka melh a, ka thusawi khan a ti lawm lemlo a ang khawp mai,
“vawiin chhun chu...?” Dawhkan a rawn kal hual a, ka ding chhuak ve nghal a,min kal pel in ka Hnung lam bang a thil ziak intar chu a pan a,ka hawi let leh nghal a,
“eng maw?...e...aw..ka hria e” ka ti bah nawk nawk mai, eng vang a hetiang em em a han zam nge maw ka nih tehlul ni??, Mipa ka kawm ngai loh lutuk vang ani ngei ang....oh....nihram teh se, he pa Zun a uai hi ka duh miahlo.,ka thil tum leh Mipa ngaihven a in mil miah lo.
“chuti chu a rem tihna mi?” ka hnung mai atang a a rawn tih chuan ka phu zawk a, ka bul a rawn kal thlen lai ka hre miahlo,a Perfume rim pa zet chu ka hnar ah a rawn lut a, a mah nen a inhmeh hliah hliah,
“eng chungchang ah nge?, hna thil anih leh nih loh a hma khan ka zawt che a” Dwhkan a Paper chu tullo zet hian ka remtha a,
“ni chiahlo, thildang, chuan Mipa hian Hmeichhia Lunch Treat an tum hian Hna vang chauh anilo tih i hre reng reng em?” a aw pa zet ah chuan tih el na a ri tel bawk a,
“Hna thil anih loh chuan ka theilo ka ti mai teh ang, midang nen kan lo tum sa a,..” Ka kalsawn nghal a, inhnaih lutuk a din dun kha ka thei lo, ka awmdan pangngai in ka awm thei lo. Ka Sana ka bih zauh a, Factory kal a hun tawh,Note bu ka la a, a lam ka hawi chuan Uluk zet hian ka che vel chu minlo thlir vung vung a, a hmel a rum ul bawk,
“min lo hrethiam la, Factory lam ah Staff thar te ka hruai a hun a, ka kalsan mai ang che..” a rawn kal phei a, Kawngkhar hawnna ka vawn lai chu a rawn chelh ve nghal a,a kut sei thlurh in ka kut a tawh rual chuan ka tek sawk niber in ka hria, rang zet hian ka kut ka lasawn a,
”tak tak in min hai avang khan ka lakah Thupha chawi tur in i ba alawm, chuan insawifiahna hun min pek miah loh avang khan Lunch chu i hnial buai thei lo hrim hrim..” a ti hmuk a,
“oh....” ka ti ngawt a, sawizawm tur ka hre miau lo,
“Vawiin a tan chuan i hman leh lo tih hrilh ang che, Dar 1 ah ka rawn lam ang che” a ti hmuk a,

Kawngkhar a hawng a a chhuak zui ta daih a, eng mihring nge maw anih teh hrep ni??, zak lo lutuk mai.Lunch ei pui tur atan a ka biak lawk erawh chu kan Boss ani tih ka hrilh tello hlauh kha a tha phian e.

APRIL - 3

Nidang ka ang theilo, ka tang ru teuh reng a, alo kal tak tak ka hlau a, alo kal lo leh si ang tih ka hlau tho bawk, huiha.....eng ka ti zo ta nge ni??!!, keimah kha ka ni ta lo niber in ka hria a, eng thil pawh nise ka beisei phak tur mipa anilo tih ka hria, Company a ka thawh avang hian ka rethei tihna ani hauh lo, kapa pawisa min hnutchhiah khan pang ngai tak a ka khawsakna tur a awm a, ka duh chuan Bul tanna atan ka hmang thei bawk, mahse hetiang a mi hnuai a ka thawh hian ka hna a chak zawk dawn a, ka inthup thei zawk dawn tlat si ani.

Office ka let leh in Dar 1 ala ri lo a, hna dang thawh tur ka neih ho ka thawk zui leh a, ka rilru erawh ka pe hleithei der lo, Dar 1 a ri tawh em tih en tum in ka Sana ka bih a, ka phone a ri ve chiah bawk, Number ka hre ngailo, zangkhai zet hian ,
“Hello...” ka ti zui zat a,
“lo chhuak rawh le, hun ka vawng dik ve tho ania” a aw pa zet ka hriat rual chuan ka phone ka thlauh lo chauh,
“ka hmanlo tih ka hrilh che kha, Midang biak lawk ka nei...” ka sawi laiin a tawp hmak, Hreptak hian a....a hnuai a thawk ka nih avangin a duh duh in min tikual thei ngawt lo, ka hlau miah lo bawk, ka inseh ruh a, a duh duh ti tehse.

Mahse eng nge thleng hi??!!!....ka Room kawngkhar dimlo zet a a rawn intheh hawng lawp rual chuan Lungawilo tih hriat zet hian a rawn lut ve nghal a,
“eng nge..?” ka ti hman chauh tih chuan ka bul a rawn thleng der tawh, Dawhkan bulah min hmachhawn zwng in a ding luah a, min melh chhuk run bawk a, min ei zawh vek tum a ang kher bawk.
“Office a midang zawng zawng sawi tur a rawn lam kher che i duh tih ka lo hre lo a..” a ti nghut a, a kalsawn a, ka piah a ka Bag dah chu a la a,engmah sawilo in a chhuak zui leh nghal a, Ka a huih mai, ka khap sawk sawk a, ka mumang ani zawk maithei, ka Bag dahna lam ka en leh thuai a, a awm lo, LALPA.....ka mumang ani lo, thil engkim kha a thleng chak vel vek, a thleng thut a, a tawp leh nghal a,Thlipui in min nuai thut a, a reh lehnghal nen ka tehkhin ber,nia.....amah pawh kha Thlipui lo thleng tur ang maiin a hmel a dur khup tak alawm le.,a lak ah ba ka nei miah lo,a thil min bat tir lah kha ka hai vang chauha ni a, Kha pawh engmah thil pawi ka tih hma in a nihna ka hrechhuak leh tho a, a sawi ang em a Ba nei ka ni lo, engvang a ba nei ang mai a min tikual vel nge anih tehlul ni?...Mahse....Ka zui phawt angai, Ka Bag ala daih si alawm le, Office ah ka lar leh hat dawn ani phawt mai a, min rawn call khan kal ve ta mai ila hetiang hi a thleng miahlo tur.

Huphurh zet hian ka chhuak a, ka rin ang ngeiin Staff dang lo awm ho chuan min lo en thap mai, Lunch Time ani a, an tam lo hlauh zawk a, mahse ka chanchin sawi tur chuan an tam tawk tho, naktuk thlen hma in Building pum puiah a darh leh vek dawn tih chu ka beng tluk vel in ka chiang ani.

“Lut rawh “ a ti hmuk a, a Car ngheng in alo ding a, a kekawr ipte a zen a, a hmel rum ul erawh kha chu a bo tawh , hriatthiam har zet hian min melh a, ka melh let ngam lo, thuawih tak a Car a luh bak tih theih ka neilo tih ka hria , a rawn thu lut ve a, a ngaite bawk in a Rim pa hrak mai chuan ka hnar a verh leh nghal zar bawk,
“Khawiah nge kan kal dawn a?” ka ti ta nge nge a, a rawn hawi zawk a, a hmalam a en leh a,
“i hre mai ang” a ti duh lek...a sual thiam kher mai, ngam ila chuan ka Ham ngei ngei ang.
Darkar Chanve dawn kan tlan hnu chuan Aizawl kan chhuahsan fel der tawh, ka Sana ka bih zauh a, ka thaw hawk mai, kan rei mah mah dawn tlat,
“mih lo hrethiam la....” ka ti hman chauh a,
“kan thleng animai, chuan i Boss kha hlau vak suh, i Boss aia thu zawk bulah i awm tih hria la, engmah hlauh tur a awmlo, chuan Office ah i let tawh dawnlo tih ka hrilh tawh” a ti ta duah a, Rapthlak ti zet hian ka melh a, ka thinur hluah hluah bawk,Motor a din takah chuan kan kalna tur kan thleng tih ka hre chauh,
“kan thleng e.” Zik mar ur ur pah hian a ti a, kei erawh chuan chhuk tumna ka nei miahlo, kan hmalam a In chu ka thlir a, a Lian lemlo, bakah a hlui tawh hle,Brick sen a sak ani a,a bang velah hruizam chi a zam a,a hmanlai in engemaw zawng tak in a nalh hle bawk a, mahse uluk tak a enkawl tih hriat zet hian a fai hlarh a, kawtzawl a Thingkung chu Thli in a chhem zawng in an che suau suau bawk a,
“khawilai nge a?” ka ti ha a,
“kan In anih hi...Aizawl a ka lo kal chuan hetah hian ka khawsa thin..” a ti ve mai a,
“Office ah let ka duh..” ka ti ve hmak thung,
“oh...i luhlul reuh mang e ka ti, a pawi hleinem..” tih pah in Kawngkhar a hawng a, a rwn nem khar dawt a, mahse.....a chetdan hi ka hrethiam thinlo, Motor a kal hual a, ka awmna lam Kawngkhar a rawn hawng a,
“Pawm chhuah che chu ka chak zawng tak alawm...” a ti sup a, a aw ah chuan a Phur hmel tak tak bawk,
“ni lo....eng thil nge i tih?” ka mangang lutuk chu ka aw a khur dar dar bawk, a nui suk a, a rawn kun hniam zui nghal a,...Nilo....Nilul lo mai...
“min khawih suh, ka kal ve thei...” ka sawi pawh anilo, ka au animah zawk.A nui ri hawk a, a kalsawn zui ve ta mai bawk a.Kei erawh chuan heihi ka hrechiang, he mihring hi ka hnaih tur anilo, min zui a min tibuai reng anih chuan rei tak ka hnar thei dawn miahlo.

Inchhungah ka zui lut a, pawn lam landan a hlui tehlul nen a chhung a bungraw awm ho erwh a changkang hlawm kher mai, Bangah chuan lemziak nalh zet zet a intar a,Hnangtah chair hlui leh nalh zet zet si hi a awm kual thap a, Centre Table nalh zet a awm bawk a, bang kil tinah chuan Vase lian deuh ah hian Pangpar lem an khawi vek bawk a, ka thaw hawk mai, a Nalh em ani.
“ lo thu la” a ti sup a,
kei lah chu ui eiru an sawi ang maiin inthlahrung zet hian ka ding kher bawk nen, ka lan nalh loh dan tur chu...oh....eng ang pawn lang ila eng nge pawi???, hepa hmuh ah hian nalh viau a tulna ka hre hrep lo e.Kan thawm hria in Nu Upa lam hi a Sir Parda pawt tawlh hian a rawn dak a,
“ilo let tawh maw?, ei tur pawh kan peih tawh a, in ei nghal mai dawn mi?” a rawn ti nghal zat a, zawh kher ngailo in an awmpui ani tih ka hrethiam ve mai,
“ei nghal i duh em?, i riltam ka ring tlat..” min rawn en a, a mit a de sawr sawr bawk a,
“i tih dan dan animai, mahse...ka bag kha..”
“oh....” a ti hluk a, hamhaih ve deuh a ang,
“ka va La lawk ang, lo thu rawh ka tih kha...” a kal chhuak tur chu ka en a, Ka Pasal han nimaise aw....huh...zahthlak, hetiang ngaihtuah tur ka ni lullo, engvang in nge hetah min hruai pawh ka hrelo a, ka tawngkam bung leh nelawm loh zet avang hian Customer Complaint ka dawng anga, min hauh a tum pawh ani mahna.

A lo let leh lai chuan Bang a lemziak nalh tak tak chu ka lo en kual mek a, ka hnung mai atang a a rawn tawng ri ka hriat chuan ka Phu zawk bawk, ka nghawng a thawk khum lum ham ham avang chuan min hnaih thawkhat tih ka hria,
“ei ila...” a aw thawp sut chuan eng nge maw zawng tak hian min fan raih raih bawk a,ka insik ru hlak a,
“Pawi hleinem..” ka zamna zawng zawng tih lan loh hram tum hian ka inher a, ani erawh alo kal sawn hman tawh, ka hmel a hmu lo erawh ka lawm viau, a kalna lam ah chuan engmah sawilo hian ka zui a,Kitchen pawn min la barakhaih viau tho. Ka riltam tawh bawk a, ka ei hnem kher bawk, min en leh en loh lam pawh ka ngaihven lo..an thilsiam a tui bawk si, a hma a hmeichhia ka hmuh bawk khan engkim min buaipui a, midang erawh tumah ka hmulo.

“i puar em?” a rawn ti sup a, a thu thluang duai a, a hadam hmel kher bawk,ka bu nghat a, tlem chuan keipawh ka inthlah dul ve tawh,
“Company mi ho hian an sawi dan che i hria em?” a rawn ti leh thut a,
“aih..” ka ti mawl tawp, ngaihtuah muk hmel zet hian min melh a, a then suk a,
“Hna i thiam em em a, i Strick bawk a, tumah i kawm ngailo a,oh...Pakhat i kawm tak, chuan , i vawt raih reng in an sawi bawk” a ti ta duah a,
“Duh duh sawi rawhse, a ho em mai, ka ngaipawimawh lemlo e” ka ti ve hmak thung,
“nia...i ngaipawimawh lo niin ka hria, mahse an sawi hmaih ka hrilh ang che, i Nalh em em a, i nelawm lohna leh vawt raihna phen ah hian Hmeichhe Phur thei tak, tihnat awlsam em em i ni tih hi mawle”
Sawi ve tur hrelo hian ka ngawi ran thung, eng vang a he laia min hruai nge anih sawi thuai thuai se ka duh a, ka zawt ngawt ngam der thung lo.A tho hluai a, ka tho ve tur chu a ngailo tih nan a kut in min signal a, ka thu leh ta zawk a,
“ka inbual lawk dawn, i duh leh lo fang kual la, chumi zawh chuan ka thlah ang che” ati a, a kalsawn ta nghal a.

Han fan kual chiam lai tur ka hre lemlo, a lian lo a, chubakah a neitu tel lo a lo luh kual vel nuam ka tilo, Pawnah ka chhuak ta zawk a, a dai raih a, thlifim a thaw heuh heuh bawk a, kan luh dawn khan ka lo en chiang lemlo a,Kawngpui a tang in a peng a, Tlangsang vaklo chhip ah In an sa a,an awmna In piah ah chuan In lian vaklo pakhat a awm bawk a, hnathawk tu te awmna ani mahna, In awmna lai vel erawh a zawl duai a,Midang hnuhma engmah a awm loh avangin an mahni ram chhung vek anih ka ring a, a thlang Kwngpui ah chuan a khat tawk in Motor an tlan reng a, an Thenawm hnai ber pawh ke a kal chuan chhuk ve deuh fe a ngai a, kum tam tak an lo awm tawh tih hriat zet hian an In thlang lam a Bung kung pawn zung a thlak fur mai.Kan pen tan na ah khan Thir Gate hlui tawh lam a awm a, an In thlen dawn ah Gate dang alo awm leh bawk a,an Compound hungna erawh ka hmu tel lo.

Motor thawm ka hriat chuan kawng lam ka en thla thuai a, a rawn tlan chho zel a, kei erawh chu ka Dinna Thing lianpui phen ah chuan ka tawlh lut ve thung, Company lam mi an lo nih palh ka hlau a, tu nge anih ka hmuh chian hma a inhmuh tir ka duh lo,Gate bul ah chuan a ding a, Horn a hmet ri a, a khawsak dan ah a kal ngun in a tlangnel hle tih a lang a, inchhung a tang a Hmeichhe pakhat rawn chhuak chu ka en a, an nula kha ani, a hmelah chuan a chiai lo tlat a, a hmelhiriat sa ani phawt ang.

Zodina Motor dahna bulah chuan a dah a, Hmeichhe pakhat nalh lutuk mai hi a rawn chhuak a, Driver side atang chuan Palian lam a rawn chhuak bawk, an hmel ka hmu theilo ve ve,
“a awm ti raw?” hmeichhia zawk in a tih ri chu ka hria a, a pian nalh zet chu ka awt ru kher bawk,
“aw...awm e, a inbual a, lo lut ru, Kha kapu i tha maw?” tih pah in Mipa lam chu a hawi a, ani erawh chu a bu nghut thung, Hmeichhia zawk chuan Inchhung lam a pan a, Mipa erawh chu a tawi khawmuang a, a rawn hawi a, LALPA....Ka tek sawk mai... ani theilo !!!!!

Khapa kha ani, Kapa lainatna neilo a THAT tu leh kei ngei pawh min Thah tum tu..kapa thian tha ber kha....

Ramhuaipa ngei kha....

APRIL - 4

A va mak em!!, kan Boss hi a Fapa chu alo ni reng tihna ani thei mai angem?, Fap leh Fanu a nei ngei tih kha ka hria a, mahse eng rual nge annih ka hrelo a, hmuh lah ka hmu hek lo, nge an chhung hnai tak zawk?... ka rilru buai mup mup chu tihreh tum in ka Lu ka dawm vang vang a, kum tam tak ka lo mangphan thin, ka zawn ruk leh ka Rilru natna zawng zawng thlen tu ngei chu hetah, ka beisei na hmun nilo ber ah ka hmu a, ka lawm nge ka Rilru natna a thar leh tih pawh ka hrethiam lo...

Ngawireng a haw vang vang a in ngaihtuah ka duh,mahse , Mihringa hi a awmna ka hrechhuak ngei ngei tur ani, huai tak in ka awm a ngai, kum tamtak hnu ah hian tu nge ka nih a hre dawnlo, ka Thi niin a hre bawk a, ka tan engmah hlauh thawnna tur a awmlo.In chhung ka lut tur leh Zodina rawn chhuak tur kan intawk a, a lang fai in a sam hnawng chap chuan a ti lang sexy lehzual,
“ka rawn zawng dawn che a” a ti sup a, ngaipawimawh lo thei ang ber in ka kal pel a, ka pelh lai a a rim pa hrak mai ka hriat chuan ka hnar a rawn verh a, Hetiang hi Mipa ho zawng zawng Rim ani zawk nge maw ni ?..huh....awmlo em mai..
“ka lo en kual a” ka ti tha ve mai, min rawn zui let leh let loh ka hrelo, Tlangnel tak a lo thu, Pa Upa tawh lam chu ka melh a, ani pawn chiang tak in min rawn en let ve tho, Hmeichhia zawk erawh ka hmulo, min melh danah min hre hmel a pu lo, min hriat ka beisei hauh lo a, mahse ka thawveng ru hawk tho. Hei leh chen ka zawng tawh a, an awmna veng an sawn a, an In hlui lah midang in an lo luah a, a neitu Hmasa te chanchin min hrilh ve lah chu amah hi ani silo, Kapa a Thah hnu khan a hralh ta mai ani ngei ang.

“Hei hi kapa Thian tha ber, Pa Thanga anih hi, chuan Pa Thang, Remruati anih hi, kan Company ah a thawk a, chuan Kan Innei har tawh lo ang...” a ngaihna hrelo lutuk a ka ding khawng reng chu ka kawngah a rawn kuah a, Dah sawn sak tum a ka Ban ka lek chhuak tur chu Rang zet hian a rawn man bet a, a rawn kun a,
“Khawngaih in..” a ti sup bawk, a tawng danah chuan Tanpui a ngai anih ka ring ve ngawt a,ka che zui ta lo,

“Tu maw anih ?” kan hnung lam a aw ki sang tak rawn ri chhuak chuan min tihnat a pawisa dawn hauh lo tih a aw hriam hrak ah chuan a lang a, ka inher a, kha Hmeichhe nalh lutuk kha ka Hmachhawn ta ran mai,
“ka lo sawi mek a, ka Nupui tur anih hi...oh...Remruati ania, chuan ani hi Pa Thanga Fanu, Jenny anih hi..ka Farnu ang maiin ka en bawk” a ti tel kher a, mahse chu hmeichhe mitmeng ling hlar mai ah chuan Nuta ang in a en ve hauh lo tih a lang reng thung.Eng infiamna ah nge min hnuh luh tak hi?, hei vang chiah hi ani ngei ang helaiah min lo hruai ni??!! , Hmeichhe dang tam tak in a bula awm nan chuan hetiang Infiamna khelh pawh hi pawi an ti lo ang, mahse kei chuan pawi ka ti a, ka duh hlawllo.

Min thlah tur a kan Tlan chhuah meuh chuan ka chau hlum lo chauh tawh , Ramhuaipa ka chibai lai khan ka khur a, a Fanu erawh kha chu Thinrim vang in a khur ve thung, Zodina lah khan a lemchan a ti zui zel a, kan thu dun a, ka kut a vuan reng a, min duh ani tih a hmelah a ti lang a, midang tan chuan rin loh ngawt a har ang, kei ngei pawn a ti der tih hre reng chungin ka awih lek lek tlat tho.

“Sorry ...ka thiltih khan a thawng che tih ka hria, mahse, kei pawn ka Plan lawk miah lo ania..” a ti hmuk a, chhan pawh ka chhang buai peih lo, Pawn lam ka thlir vauh vauh a, a hnar a tum dat a,
“i awih dawn lo tih ka hria alawm, mahse, Jenny awmdan a tang khan i hrethiam ang chu..” a ti leh sup a, a dik ,kha nu khan a duh hlum lo chauh anih ber kha,
“Nei mai la, a Nalh bakah kei chuan Perfect niin ka hria” ka ti a, Inthiamlo zet hian ka melh a, ani erawh chuan hmalam a en ngur thung,
“oh....ka sawi mai mai, ka sawi tur a awm miah lo, mahse, khawngaihin Company mi ten an hriat hma in i chingfel thei ang chu tiraw?” ka ti zui ta niah niah a, nuam ka ti hlawllo, Hmeichhe induhtawk leh midang mamawh lo ve tak ka ni thin kha ania, Hepa bul a ka nawi ta riau hi a mak ka ti,Ka Mihring huat em em ka hmu khan ka zawn lai ni mahse min ti chauh zo ni ber in ka hre bawk.

Ka In luah awmna min zawt a ka hrilh tha ve mai, dik tak chuan tawng ka chak hlwllo, ka rilru mumallo leh buai nuaih nuaih mai chu tih fim vat ka mamawh a, ka thil tawn zozai te kha a rang lutuk hret ani, a mal te te pawh khan Lungphuchawl a thihpui tham vek anni in ka hria, Leng lut tur pawn ka sawm lo, alo luhna chhan tur ka hre miau lo, Jenny te Pafa khan an lo nghak dawn tih an sawi sa a, thil pawimawh sawi dun tur annei ani maithei, ka lo buaina tur a awmlo e.
“anih phawt le, khawngaihin Company mi ten kan buaina kha hrelo hram se...” ka ti hmak a, chhuah tum in Kawngkhar hawnna ka ban nghal a, kei aiin a che rang hret,a rawn kun phei a, a man a rawn vuan a, a nem hawng zui nghal a, kei erawh chuan amah sik hlau lutuk in ka thu mar at thung,
“Ka ti mai mai hleinem, Bul ka tan tawh a, a tak ah chan tir pawh ka tum tlat..” a ti mai mai lo, chhuak lo in ka pawt khar leh a, ka zam na zawng zawng dah bo in chiang kek kawk hian ka melh a, ani pawn a mit ti zim sun in min en a, ka chet dan chuan a tibuai ve deuh a ang,
“i hnuaiah ka thawk a, mahse, hna chungchang ah lo chuan min control theihna i neilo, Mipa ka kawp dawn anih chuan keiman ka thlang ang, chuan, tlang tak in ka hrilh ang che, ka duhzawng i ni lo, khawngaihin Office ah min hmu turin lo kal tawh suh, vawiin khan ka Ba ka tlak fel tawh e”

Ka chhuak zui nghal a, a na thei ang ber in ka khar bur bawk a, mahse...he Pa pawh hi Ramhuai tho ani, Thinrim lo in a Nui ri hawk ri ka hria a, let leh a Ben sawk ka chakna erawh ka thunun thei hram thung.

Khum ah ka let tawn sek a, ka Muhil theilo, Sana ka melh a, Zan lai ani tawh ,ka thawmhnaw pawh thlak lo in ka Bag te nen ka let tawp ani ber, ka rilru a buai lutuk, Kan Company nei tu nen Best Friend an nih chuan kha Palian pui, mit meng hlauhawm em em mai kha Kan Company neitu chu ani tihna ani thei angem?, Zodina hi a Fapa alo ni reng tihna zawk ani em?....ka buai vek tawh, ka Mit ka chhing vang vang a, Zodina hmel a rawn lang a, a hmel pa hrak mai, a mit meng, mi melh na leh ngaihtuahna zawng zawng hmu tlang thei nimai awm te , a khabe hmul ziah fai na hnu lang kual raih te, a hnar sang vah, khabe kual nalh zet mai te nen a rawn lang iar iar a, a hmeltha ani...zep thu a awmlo, a hmelthatna ai chuan a mi hipna na lutuk mawlh mai te kha...Ramhuai Fapa ni tur khan ka mitthla a, a ni theilo...an In ang lutuk mah mah niin ka hria, Kapa Thih ni kha ka hmuh hmasak ber leh a tawpna ani a, mahse, vawikhat te mah ka la theihnghilh chhin lo, Theihnghilh a hnek in hriat reng tum in ka bei a, ka Thinlung chhungril ber hi huatna avang in a alh hlep hlep reng a, Ka rilru ah Ngaihdam na chungchang alo lan apiang in Khang Misual 2 te hmel kha mitthla chungin ka in ti chak zawk thin anih kha.

Zing lam ah ka lo chhing sek ani ngei ang, ka Phone thawm in min ti harh a, Chaw pawh ka eilo a, ka mut dan ngai ngai in ka lo mu tlang a, ka Thinrimna leh rilru natna lo lang thar leh khan Mittui tam tak min sen tir leh a,Light pawh alo eng iar bawk, ka tho taih taih a, Toilet ka pan nghal a, ka Hmai ka phih a, ka Hmel ka en chu ka rin ang ngeiin ka mit a bui lak mai, Mut na a tah kher hi chu ka duh lo asin le...Hreptak a....

Ka Phone ri khan min ti harh a,mahse ka pick hma in a tawp a, ka en zui miahlo, ka la kang a, ka en chu ka Thiannu alo ni a, nimin khan Office ka chhuahsan dawn khan ka hmu lo a, ka let leh ta bawk silo nen khan min ngaihtuah ani ngei ang, ka chhuah lai a awm te khan engkim an rinthu in an sawi leh ngei tawh ang a, ka lar leh tawh khawp ang.
“ka harh chiah a, eng nge ni ta?” a pick veleh ka ti tawng a,
“eng nilo e, nizan khan rawn biak che ka tum a, mahse ka buai leh sia, Office ah i lar lutuk a , min hrilh tur i neih chuan ka ti mawle..” a nui hak hak a, he nu hi chu mitha a tling takzet, kawm ngeih ka har tehlul nen hian min kawm thei tlat, chumai bakah ka mizia, nelawm lo leh induhtawk lutuk pawh hi a palzam thei tlat ani.
“naaa...ka rindan chiah....sawi tur ka nei lo..a ho em mai..” ka ti sap a, ka Mood ala fuhlo, min zawt dawn tih hre reng mah ila ka sawi chak lo a, tunah chuan ka Thinlung hi huatna chauh in a luah khat vek.
“ok...a pawilo, Office ah kan inhmu dawnnia..Bye aw” ..he nu hi zawng a va han fel tak em...ani ang a chhungkaw tha tak a seilen a nun tluang tak neih hi ka chak ve a, Hutna thinlung hian Taksa thleng in min ei chau thin ani si a, chau mah ila chau hman ka ni silo.

Kan Company pumpui ah chuan min sawi luih luih ni maiin ka hria, an bul ka thlen veleh thil dang an sawi vat zel a, ka kalsawn ta maw tih ah min rel leh a..ngaiah neih ka ngai, karkhat hnu ah chuan tuman an sawi peih tawh lo ang.

Lunch erawh Office Canteen ah kan ei a, Ka Thiannu Mali nen kan luh lai chuan min lo en deuh thap a, Mali tawng ri lawng lawng chuan an ngawi thap pawh chu a ti ziawm leh nghal a, an ri leh nghal mam mam mai,
“i thilsawi kha ka awih miah lo ania, min hrilh tur i nei lo tak tak maw?” a thil ei lai chawlhsan meuh in min rawn en a,
“neilo tak tak..” ka ti hmak a, ka lungawi vak lo,
“rin che ka duh hle mai, mahse, nizan khan Number ka hriat ngai loh atangin Call ka dawng a, i chanchin min zawt a, Mipa kawp lai i neih leh neih loh min zawt a” a ti ta duah a, ka thin a phu dawt dawt mai, Jenny ani ngei ang, kan Company neitu nen an Family an in Closed em em si a, a duh phawt chuan number neih a harsa lo tih ka hria...

“Meng phar vak suh, Saw...tunah pawh alo kal mek ania, min rawn pan bawk...” ala nui sang zui..

APRIL – 5

Ka hnug zang chu a hit mar mar mai, hawi let lo tur in theihtawp in ka in control a, Canteen chhung Boruak reh ta deuh duak pawh chu ka hre nghal a, engpawh lo thleng se huai tak a hmachhawn turin ka inring ran bawk,
“ka lo thu ve thei em?” ka beisei loh lutuk a Zodina aw ka hriat chuan ka hawi chhuak zawk mai,Jenny tur ah ka ngai a, mahse, a aia huphurhawm zawk alo nih tak hi..
“lo thu rawh, lo thu rawh “ Mali lah chu a phur sarh mai, rapthlak lutuk...
Ka bul a Chair chu a pawt chhuak a, a thu zui nghal a, kei erawh chu ka thil ei lai chauh ngaihsak niawm tak hian ka hawi chhuak leh lo, a chet dan pawisak neilo lutuk chu ka haw hluah hluah a, nimin boruak avang ringawt pawn Company pumpui ah min Rel phar lo chauh hlawm a, a hre reng awm si, nge a hrelo zawk?, min tih zah bak tum dang a neilo ani phawt ang.

Mali nen chuan an inbia a, an sawi erawh engmah ka hriat hmaih hauh lo,
“ei muang deuh la, i hak hlauh ang” a aw ah chuan nuihzatna a lang tel a, kei erawh hre awm in ka awm duh lo,Ei tur a chah thawm chu ka hria a, en loh reng theih ni hek lo, phur lo zet hian ka hawi chhuak a, Midang zawng zawng te chuan min en thup nimai in ka hria, ka thawh ve tan atangin tun chauh hi Company neitu te Canteen ah thil ei tur a an lo kal ka la hria.keipawn mak ka ti anih chuan midang phei chuan mak an ti lehzual ang.
“ka hmanhmawh deuh a, ka kalsan mai ang che u” tih leh thawh ka rual a,a phun hluk ri ka hre thei a, mahse ka ngaipawimawh lo, Dak vah chung in ka kal chhuahsan ta a, Midangte min sawina hi ka hre fo a, ka ngaipawimawh ngai vaklo, tunah erawh chuan min sawi zui tawh lo ang, Mali zawk kha alo kal chhan a ang zawk, kei nen kan inbe lo a, chutah ka kalsan zui leh bawk a, rei an sawi peih loh ka beisei takzet.,ka awmdan mawilo zet vang erawh kha chuan Nakinah Mali hnenah thupha ka la chawi mai ang chu.

Door bell ri ral ral ka hriat rual chuan mak ti zet hian ka hawi a, Inleng ka nei khat hle a, ka Inluahna te a khat tawk a an lo kal leh Mali a lo kal zeuh zeuh tih loh chu inleng han tih tur ka nei ngailo,Kawngkhar ka hawng a, pawn a lo awm ka hmuh chuan ka thaw hawk mai, He mihring hian min kalsan a tum miah lo tak tak ani ngei ang,a Dress a inhmeh leh kher bawk,
“eng nge i duh?” ka ti hmak a,a ner sawk mai,
“in leng te i lo lawm dan a mawi lemlo hle mai a” a ti hluk a,
“nia, animahna, ka ngainat loh zawngte bulah chuan ka Polite vak lo” ka tawngkam a mawilo tih ka hai lo,
“ka lo lut duh..” a ti sup a, kalsawn a tum lo tih a hmel rum ul ah chuan a lang a, tih theih ka neilo, ka tawlhsawn ta nge nge a, min rawn kal pel a, Ka In luah a lian lutuk si lo a, a ni a han ding run mai chuan a ti lang te lehzual a, a enkual dun dun a, eng tak en ni maw?
“mahni a awmnan chuan a tawk hle mai, mahse, Inleng i nei ngai vak lo ani maw?” a rawn ti a, thu tur a ka tih pawh nghak lo in a thu a, thu tur in ka ti dawn lo tih a hre zawk pawh ani maithei.
“oh...i hriat tur a awmlo ,i duh chu sawi la kal leh vat rawh” ka ti hmak a, a nui a,
“nia...ka hriat tur a awmlo, mahse, i Lang Sexy em a, khatiang a Inleng te i kawm zel anih chuan an pawngsual mai ang che, kei pawh tel in...”a mitt him raih ah chuan tisa chakna lang chu a thup eih lo.
LALPA leh....ka thawmhnaw hak tawngchham lutuk hi...ka awm ka hup ringawt a,ka chet dan atthlak lutuk chu ka hrechhuak leh thuai,
“minlo hrethiam lawk..” Room ka pan nghal a, In leng ka neih khat luat ah Inchhung ah hian thawmhnaw ka ha duhdah thin a, kekawrbul tawi tak tak ka ha fo a, ka chhuak dawn anih loh chuan Bra ka hreng ngailo.

Ka let leh chuan Phone in mi alo be mek a, min hmu ve lo bawk a, uluk zet hian ka en a, Tukverh biang ngheng in a ding a, a kekawr ipte a zen tut bawk a, a palian in a T-Shirt hak chuan a taksa phiar fat mai chu a khuh bo zo lo, a taksa ah chuan thau chuangtlai emaw hnawk deuh pawh hmuh tur a awmlo,a rawn inher thut a, kan mit a intawng sawk a, ka tek sawk thei, ka hawisawn thuai a, a Phone a dah a, a thutna ngai a pan leh a,
“ i tawngkam chang tak ang em kha chuan min huat loh hmel in ka hria, hmuhnawm ti deuh in min lo thlir tlat a” a nui leh suk a, a ha var rual that mai chu a lang a,
“ha...i beisei sang anih chu, i zaklo lutuk hi mak ka ti em a, ka lo en mai zawk che anih kha” ka ti ve hlak a, a awih lemlo tih a lang reng,a mah hlat thei ang berah ka thu a, ka In a lian lo miau a, kan in hlat tak tak chuang lo,
“Mal-i kha ka lo zawt a, Mipa kawp lai i nei lo niin ka lo hria a” a ti tawng a, Mipa zei tak zawng ani bik lo a ang khawp mai,
“chuzawng ilo buaina tur anilo e...” ka ti ve thung,
“oh....ni chiang e, Mipa kawplai nei hi ka hnaih ngailo, kawp lai neilo erawh chu ka duhzawng ka hmuh phawt chuan ka chhuah ngailo” dawt a sawi hauh lo ang,
“i duhzawng ka nilo hlauh chu ka lawm e” ngeiawm zet hian ka chhang a,
“i ni lo tih ka la sawi miah lo, i ni tih ka hrilh nghal law law ang che, chuan ,ka sawi ang ngei khan ka nei ngei ngei bawk ang che” Rapthlak ti zet hian ka en a,engvang a kei kher hi min han tibuai tlat nge maw anih le???
“eng vang in nge min tihbuai reng ?. ka ngaina lo che tih i hria a,Hmeichhia,nangmah kawp chak ngawih ngawih an tam tehreng nen” beidawng zet hian ka ti hap a,
“min kawp chak tu te kawp ai chuan min kawp chak miah lo tu kawp hi ka duh zawk, Chona thar hmachhawn hi nuam ka tih zawng ania” a meng sim sun a, a rilru sawh sawn a harsa khawp ang le,
“Tak tak in ka hrilh law law ang che, Jenny-i kha i hmu a, a Pa pawh i hmuh kha, Tanpui ka ngai zawk tih i hrethiam ang, Naktuk hian Ka Nu leh Pa an lo chho dawn a, Hmanni a Pa Thanga hnen a ka sawi kha an lo hre thawi a, hmuh che an duh a,ilo kal ngei ka beisei takzet,min kawp i duh thlawt lo anih chuan Deal kan siam thei ang, Thla 1...kum 1 emaw a aia rei pawh..khawngaihin lo in ngaihtuah ta che, lawmman i hmu ngei ngei ang tih ka tiam che” a hmel chu ka en a, ka hmuh tirh atang khan amah hian engmah Harsatna emaw buaina a neih ka lo ring ngailo a, mahse tunah chuan Mihring ve bawk anih zia alo lang ta,

“i nei mai thei lo em ni?,kan inhriatna ala reilo a, chutiang ngawt a inkawp der pawh chu harsa ka ti, ka hlawh min pe tha thawkhat a, chutiang kawng kher a Inhlawh chu ka chak zawng anilo” ka ti let ve thung a,
“nia, nei mai thei ila ka ti khawp mai, Hmangaihna hi ka hrethiam lo a, Hmeichhia tumah ka la Hmangaih heklo, mahse, Jenny kher hi chu Nupui tur emaw Nula ang pawh in ka en thei hlawllo” a ti hmuk a, kei pawn Hmangaihna ka hrethiam biklo tih khum vak ka chak takzet, ka ti ta em lo,
“mahse Hmeichhe dang kei aia tha an tam si a,ih...Mal-i te ang pawh hi...” a tho hluai a, Tukverh lam a pan a,Pawn lam a thlir vang vang a,
“ka duhzawng anilo, i mize dam raih mai te, mahni induhtawk tak i nihna te hian ka chhungte a hneh dawn tih ka hria,chuvangin midang min kawh hmuh suh,mahse, Hmanni erawh kha chu tihpalh liau liau ani, ka duh vang reng a hnuk lut tel che ka nilo” a ti tak tak ani mahna, a thu tak em mai, min duh ve hrim hrim vang nizawk se tih ka lo ngaihtuah leh hmanhmawh bawk a, Hahthlak hian a....

A haw hnu ah ka in ngaihtuah nasa kher mai, he mihringpa hian min hlatsan a tum dawn hauh lo, Darthlalang a ka thla lo lang chu ka en vang vang a, ka sam dum leh ngilsang mai, ka dar chen a ka tan rual tawp chuan ka hmai a tilang sar hle a, ka dang mah mah niin ka hria,Midang aia ka thatna tehchiam ka hrelo a, mahse, Hmelchhia zawng ka nilo tih ka hria, mite min sawi ruk ang a vawt raih reng lah ka ni hek lo, kani Fate nen kan awmkhawm chuan kan ri le lu a, ka School kal lai pawh in ze zawi a sawi tur ka nilo, mahse, keimah in ka awm veleh ka chhungril natna in min rawn luah a, khap dai tu neilo in tha ka tih ang ang in ka khawsa a,tun a ka mizia hi ka pianpui mizia ang maiin ka pu nghet ta tlat a, Midangte nen a inpawhna neih emaw, Mipa nen a inzawmna neih emaw ka duh lo bur ani tawp mai.

Eng vang in Zodinsanga hi ka kawp mai loh ang?, ka tan chuan ka hna a awlsam khawp zawk ang chu, Company neitu ber ka Bialpa anih miau chuan ka zalen ang a, ka tan chet vel a awlsam sawt thei bawk,mahse, ka thuruk hi a hrechhuak ve thei tho bawk, chu zawng thleng lul suh se, ani pawh hi Misualpa fapa kha ani thei tlat a, alo ni anih chuan tu fa mah in Pate sualna kan pawm zam theilo, eng ang pawn sual se kan ngaidam zel thin a, ani pawh in min dan a tum ngei ang, huiha.....a Pa nilo lul tehse..ka kawp loh pawh a min tibuai zui zel dawn anih chuan ka chungchang mi te sawi hi a reh dawn lo, kawp mai hi a him zawk thei a, a him lo zawk thei tho bawk.

“ilo ngaihtuah tawh em?” a tuk zing ka thawh veleh ka phone ka check nghal a, Zodina Msg alo ni a, nizan a haw dawn khan in ngaihtuah tur in min ti anih kha,
“ka pawm e, Deal chungchang chu vawiin sawi dun ila, Lunch ei pah in” tiin ka thawn let a, a rawn reply dawn emaw ka ti a, a rawn Call ta zawk a,
“ok...Office Canteen kha chu nuam i ti lo niin ka hria, kan In ah ni leh mai se, eng nge i ngaihdan?” a aw pa zet chuan min fan raih raih mai,ka remti tih ka hrilh a, ka Phone ka Off hnu ah ka insehruh nasat zia ka hre chauh, eng vang a hetiang em em keimah ah hian huhang ngah nge maw anih tehlul ni ???

Office ah min rawn lam a, kan inkawp rem ka tih tawh miau avangin mi min sawi danah ka buai ta lo, an duh duh sawi mai mai teh se,khua a lum lutuk avang in ka sawm ka tawn tawm tawp a, Top mawlmang tak ka ha a, khawlum lai hi chuan zangkhai leh hmkuh nuam ka thlang hram hram thin a, nalh lam ai chuan hak nuam ka thlang zawk fo bawk.
“ i nalh hle mai” a ti sup a, min fak ka beisei hran lo a, mahse, Fakna hi chuan tupawh min ti lawm chu ani,ka lawm ru veng veng tlat,
“ka lawm e “ ka ti sap a, ani erawh chu han fak vechiam dan tur ka hrelo, a Pian nalh leh In fit zaih mai ah chuan engpawh ha se a inhmeh em em vek tlat a,ka hmuh zin poh leh a zun ah ka tang nghet ting mai ani ber, mahse, hetiang ngaihtuah tur ka nilo, ka thiltum ah ka chiang hle tur ani.
“Deal chu....eng chen nge ni ang?”a rawn ti leh thut a,
“a reilo thei ang ber ani mai, Thla 2 ni ta se..?” zawt pah hian ka en a, min rawn melh zawk a, a hawisawn leh nghal a, a Bek a thisenzam chu a pawng tawlh tawlh bawk a,
“aih...ka pawmlo, a reilo ber ah kum chanve tal ani tur ani.” A aw ah chuan tumruhna a lang tel a,hnial ka tum lo, hnial in awmzia awm heklo le.
“a tha alawm, mahse,kum chanve hma in buaina kan nei anih chuan kan tawp thei thung ang” ka ti let ve thung, ka aw a nghet charh bawk. A bu nghut a, kei pawh ka thawveng huai tho.

An kawt Motor dahna ah chuan XUV Pencil Colour hi alo awm a, a pawt nasat dan ah an rawn kalna a hla thawkhat tih a hriat a, mahse, ka rilru hria niawm tak hian,
“Kapa te anlo thleng tawh anih hi..Kanu hi thil chik thei tak ania, che buai lo hram ang che” a ti sup a,tawngka a chhang lo in ka bu nghat a.
Motor thawm hria in an Nula kha a rawn chhuak a, a hnung ah chuan nu upa lam tawh, Hmeltha leh nalh em em si hi a rawn chhuak ve bawk a,a Mitmeng lian kel kawl ah chuan Zodina Nu ani tih hrilh ka ngai lo,an in ang em em tlat ani.Zodina chuan min rawn kai a, nghet zet in ka kut a hum a, A nu chuan a rawn pan a,hlim zet hian a rawn kuah a...
“Bawihi...kanu anih hi...Nu, heihi Remruati anih hi...ilo hriat tawh ka ring” a ti zui zat a.ka kut ka phar chhuak a, uluk zet hian min melh vang vang a, ka rilru zawng zawng a hmu tlang niber in ka hria, ka khur ru dar dar bawk,min chibai lo in min rawn kuah ta zawk a,ka lo beisei dan ani lo nghal pang mai.

“ka tello pawn in hlim hle mai a..” aw thum dut in a rawn tih chuan kan hawi rual thawt mai, ka zawi hnawk mai, ka beisei ruk, nilo se ka tih chu ani tlat.....Zodina ka nek rawk a, min ngaihtuah hmel zet hian min kuah thuai bawk a...a thim mup....

Zodina min ko ri chu hla tak ang maiin ka hre ruai ruai a...ka ral riai riai mai..

APRIL – 6

Ka meng riai riai a, ka hawi buai tlat, khawiah nge ka awm?, rang zet hian thut chhuah ka tum a, mahse, ka Lu hai vang in ka mu leh nghal a, ka mit ka chhing leh vang vang a, ka rilru tih fim ka tum a, ka hre chhuak tial tial a, KaPa thah tirtu ka hmuh rual khan hlauhna in min fan nghal a, Thah vet um in zawng mah ila ka hmuh leh meuh chuan a huhang khan min ti zam nasa lutuk a, hlauhna in min tuam leh a, nikhawhrelo in ka tlu ani ngei ang, Kawngkhar inhawng ri ka hria a, ka la meng chuang lo, Dimte hian Khum ah a rawn thu a, a hniam sat mai, a rim ah chuan tunge anih ka hria, a Kut sei thlurh mai chuan ka Chal a rawn dek a, a la sawn leh a, ka meng chak lutuk, mahse, awmdan mai tur ka hre dawn silo, mut hilh luih hi a tha zawk ngei ang, ka zak hluah hluah bawk.a reh vang vang a, ka hmai a sa hat hat mai, Hmui lum thar thar in ka Chal a rawn sik takah chuan ka beisei loh dan ber ani tlat, ka mur uai mai,
“Harh tawh la, i muhil rei tawh em mai.” A ti sup a,
kei lah ka tah a chhuak ut ut bawk. Chutiang tak a Duatna tawngkam chu ka dawn lohna chin ka hre tawh lo, Kapa Boral hnu ah phei chuan a vawikhatna ani hial ang, kan inkawp dan a der mai nimahse tun a a tawng danah kha chuan ti der a ang hlawllo.,ka lo chau ngang ani ngei ang, ka harh leh chuan a lo thim vek tawh a, Pawn lam a eng lo lut chuan Room chu chiang vaklo hian a ti eng a, Ka thu chhuak a, ka harh chiang in ka zangkhai vah mai, Zan ka mutha lo thei em em a, ka ngaihtuahna kawm in rei tak tak ka meng a, ka muthilh ve theih zan berah pawh Mangchhia avangin ka harh leh fo a, Mangchhia in min tihbuai zan chuan muhil leh ngam tawh lo in ka tlaivar zak zak bawk si a, ka chau tawngkhawng ani mahna.

Room chhung chu ka en kual a, engmah ka hmu fiah theilo, Switch awmna ka hre bawk silo, Zodina awm bawk lo nen keimah mai a chhuah a midang fin ka zuam ngang lo, ka hawikual , ka Bag chu ka mutna bul ah chuan alo let ngat a, ka Hawng a, ka Phone ka hmuh veleh ka hmet eng a, Dar 8 lai alo ni tawh, kan thlen khan Dar 2 vel ani a, ka mu rei thawkhat viau mai, Zodina number ka zawng a, ka Call dawn a, mahse, ka rilru thlak in ka Text ta zawk a, ka Mu tha leh a, alo kal ka nghak a, ani ber pawh chu hmachhawn ka chak chuang miahlo, a thinrim ka ring a, Anu leh Pa chuan min pawm hauh lo ang, oh...nia....kha misual khan min pawm lul lo ang, min pawm lo se a tan pawh a tha zawk ang, tunge ka nih a hriat chian hma in ka That ngei dawn si a.
Kawngkhar herhna a ri rak a, Pawnlam Light eng ah chuan Mipakhat Ruangam sang tak hi a rawn lang, Light a On zui nghal a, ka thu chhuak a, min ngaihtuah hmel zet hian min rawn en a,
“tho duh suh, mu rih la, ila tha chianglo maithei ania” a rawn ti a, a rawn kalphei a, Khumah bawk a rawn thu a, a tihdan ngai bawk in ka Chal a rawn dek a, a bu nghut a,
“i khawsik pawh a reh ta in ka hria, min ti hlauthawng kher mai” a ti leh sup a, ka puan sin ka dahsawn a, Khum a tang a ka chhuk tur chu min lo pui thuai a,
“a hrehawm ka ti hle mai, khatiang kha ka tum dan ani miahlo, nizan ka mu tha lo lutuk a...”ka ti niah niah a, a nui hak a,
“pawi ti suh, Kanu lah chuan a khawngaih phah teh che ania” a ti hluk a, ani erawh chuan min khawngaih lo ani ngei ang..
“a tlai tawh sia, min thlah haw mai ta che..” ka ti leh sap a, ka kalsawn tur chu ka banah a rawn man a,
“i haw dawn lo, zan in chu hetah i riak ang” a aw ki nghet charh mai chu nek luih ka chaklo takzet, mahse, eng vang mah in ka riahna chhan tur ka hrelo, tunah chuan ka tha tawh a, ka In ah ka haw ngei angai, thil tamtak ngaihtuah tur ka nei.
“ni lo e, ka haw angai alawm...ka riak ngawt theilo, bakah a tak a an nasat poh leh kan buai ting mai dawn asin” ka sawi zawi hle, engtik lai pawh in midang lo lut thut thei anni a, tawng rin vak ka duh lo,
“ok....mahse, Ka ngaihtuah tak tak che, Doctor khan i hah lutuk leh Mutthat loh luat vang in i chau a ti a, khatiang khan i awm leh mai tur asin” a ti ro hulh a,Mipa tha tak a ang khawp mai, mahse, a Hringtupa ngeiin Mi a That thei anih chuan ani pawh hian a harsat hauh lo ang.
“min thlah theih loh chuan Taxi ka ko mai ang, a harsa lo” ka ti ve hmak mai, ka ngaihdan ani tawh bau lo, a rum hraih a,
“ hmeichhe luhlul lutuk, Kanu chu a lawm hauh lo ang” a ti hmuk a, ka Bag ala a, min kai chhuak ta dawr dawr a, ka rin dan chiah, min ngaihtuah thu a sawi zo chauh a, a duh ang a ka awm loh avang in min ngaihtuahna te kha abo lehnghal ani ang, min dim lemlo khawp mai.

Sitting Room ah chuan an lo thu thap a, min hmuh veleh min ngaihtuah hmel deuh hian Zodina Nu chu a rawn tho thuai a,
“i tha takzet em?” a rawn ti hluai a, ka bu nghat a, thildang zawng zawng ai chuan Jenny- i lo awm ve chuan ka rilru a la peng zawk, Pa Thanga erawh a awmlo a, Zodina pa chuan nui vur vur chung hian min lo en a, Pa Tha tak a ang lehzual,
“chaw i ei peih nghal em?, ka siam tir nghal ang aw, i rest leh phawt duh em?” zawhna 3 lai min zawt zui leh a,
“aih...ka ei lo mai ang, ka ti buai che u a hrehawm ka ti in pawi ka ti lutuk, ka haw phawt zawk ange” ka ti a, Zodina chuan na zet hian ka kut a rawn hmer a, min Warning tih ka hria,
“Bawihi...In ah tumah an awm silo a, ei mai la, i riah duh loh chuan ka Drop zawk ang che..aw” a aw dam thlup ah chuan min duat hmel tak tak,hetiang a Duat lutuk hian min be fo lo hram tehse,ka kut a hmer na zual sauh a, ka melh chho ha a, a mit a thim raih mai, a hlauhawm takzet,Zodina Nu lah chuan haw lo turin min lo thlem bawk a, Jenny erawh chuan engmah a sawi lo, min melh lo hrim hrim, a Phone a en a, hetiang em em a min ngaipawimawh lo tu ka tawn hmasak ber ani hial ang,
“ni e, ei phawt la, Mama pawn a nghak che a, ala ei hleinem, kan Inhmelhriat dan a fuhlo deuh ah i ngai anih chuan a pawi lo reng reng,Hmelchhia min ti lutuk a i tlu emaw ka ti a, mahse, alo ni lo hlauh a...” a nui huau huau a, za lo zet hian ka then sak a, A nupui chuan alo khap thuai a,
“amak thin, lo uang thin lo teh, a zah vangin a sen vek ania..” a ti hlak hlak a,
“ila eilo maw?” awih lo zet hian ka melh a, a ner sawk a, a bu leh nghut a,hepa hian a lemchan hi ala serious mah mah ani.

Ka ril a lo tam ngang aniang, ka rin aiin ka ei tam daih mai, an siamtui hlawm bawk si, eisiam kher hi chu ka beidawng thak, engtik lai mah in ka ei tur ka insiam ngailo a, kapa dam lai khan aman a siam loh chuan kan awmpuinu khan a siam mai thin a, a Boral hnu ah lah ka hun tam zawk Hostel ah ka hmang ral a, Kani bulah ka awm leh a, chutah erawh chuan Kani khan a theih ang ang in min zirtir a, ka eitur chu ka siam ve thei ta mai a, mahse, Midang ei tur chuan ka siam ngam lo,Artui kan ka thiam hle a, abak chu engmah thiam deuh pawh sawi tur ka neilo,Mal-i hian Bai a siam a, min pe fo a, ka ei chak chang a ka siam ve pawh in a tuilo lutuk a ka ei zui peih leh ngailo.

Ka haw dawn chuan min thlah a, min hmuh leh vat an beisei thu an sawi luam bawk a, a landan maiah chuan chhungkaw awhawm tak anni, mahse, mak tih ka nei, engvangin nge ka Chanchin pawh hre miah lo a min pawm thlap ang a an lan theih ?, thil mak tak ani, an ni ang Mi hausa leh mi changkang chhungkua chuan an Fapa neihchhun Bialnu chu hriatchian an tum tur ani dawn lawmni?, mahse, kei kha biak tur awm lo tawp a ka tluk mualpho zui vang in min la zawt lo pawh ani mahna le.

Kawng tluan in kan inbe lo, a ngawi ngur ringawt, keilah chu ka tawng chak lo nasa mai bawk nen a ngawi tlat chuan min tilawm zawk, engpawh sawi ila kan inhnial a, tha tak in engmah kan sawi dun thei ngai der silo,Mahse In kan thlen chuan haw nghal lo in min zui lut a, Room ah inthlak tum a ka lut pawh min zui zel,
“eng nge min zui reng a?” ka aw ah ka lawmlo tih a hriat theihnan ka ti lang lui a, thinrim zet hian ka melh khai bawk a,min rawn pan hnai a, ka tawlhsawn a, a rawn kalzel a, Dressing Table in min lo dan takah chuan beidawng zet hian ka ding a,
“eng thil nge i tih a?” ka ti thei tawk, ka hlau ni in ka hria,ka beisei loh zet hian a rawn kun hnai a, min rawn kuah ta zawk a, ka hamhaih luat avangin chet nachang ka hrelo, a hmui lum thar thar chu ka dar ah a nghat a,ka kawr hak chhan ah pawh min ti mur ar ar thei tho.
“ka lawm e aw..engkim vang in” a aw ah chuan engemaw thup nei a ang a,
Ka tal phat mai, mahse, min kuah nget ve sauh thung a,
“min thlah teh, hetiang a Lawmthu inhrilh kher ka duh lo” ka ti sap a, vin deuh tak a tawng ka tum erawh ka hlawhchham chiang kher thung,
“keiin ka duh alawm..Kanu kha Nu tha ber anih kha, Kapa erawh ngainat harsa i ti deuh maithei,mahse, Kanu kha chuan a ngaina nghal takzet che” a ti leh sup a, kuah let ve lo tur in ka insum tang tang ani ber,
“min thlah tawh la....” ka beisei loh deuh hian min thlah ve mai bawk a,
“um....Inthlak la, Sitting Room ah ka lo nghak ang che” ati a, a inher vut a, a chhuak zui ta daih a, Mak deuh hian ka ruak huai in ka hre bawk a.

TV alo On a, Hmuhnawm tih hmel deuh hian alo thlir a, alang nanupang sawt mai, a sam chhip buk deuh chu a thur chhap a, a T- Shirt var hak chuan a ti lang thianghlim in a Taksa nalh zet chu a phuar tang bawk a,a piah ah chuan ka thu a,
“ila haw dawn lo ami?” a rawn hawi zawk a, TV a melh lehnghal a,
“aih...ka Bialnu bulah ka awm rih dawn” awlsam zet hian a ti liam puat a,
“ka chau deuh asin” ka ti leh talh a, dik tak chuan ka chau hauhlo, ka Pangngai mah mah zawk,min rawn en a,
“i chanchin ka hre duh a, engvang a nangmah a awm nge i nih tih te pawh...i sawi theih chuan?” min en run a, ka en let ngam lo,
“Nu leh Pa ka neilo..” ka ti mawl tawp, a dang sawi tur ka hre miau lo,dawt lah ni hek lo le,
“oh....Sorry..an Thi tawh tihna mi?” a ti leh sup a,a chang hi chuan Mizotawng hi a hmang nalh lo ka ti deuh thin,”BORAL” te pawh han ti ve tal se,
“aw...” ka ti leh a, sawizawm ka chak loh zia ka lan tir bawk a, mahse, a ngaipawimawh duh tlat lo,a tho a, ka thutna bulah a rawn insawn a,
“min en teh” min kuai her a, amah en thei turin min kuai dak a, chiang zet hian a Mitmu dum lian leh Sexy zet chuan min melh a,
“ka chhuang takzet che, Nu leh Pa tello in i seilian a, mahse Hmeichhe tha leh zahawm tak ah i thanglian hi ka chhuang che, ka hriatna che ala reilo, mahse, i mizia zawng zawng hian min hip a, kan Deal kha chu engpawh nise, ka ngaina tak tak che” a aw thuk leh ril raih mai chuan engemawti tak hian min hneh a, ka tum loh tawp hian ka Mittui a rawn hnam a, dan kir tum a ka khap chu ka biangah a luang thla a,
“Shhh.....ka ti tap ringawt che alaw?, ok.....tap rawh ,a pawi lo” a kut zungpui in ka mittui luang chu a rawn tawk a,keilah ka lungchhe zual sauh bawk...
Ka Khabe a dawmna a la sawn a, a lamah min pawt hnai a, a awm ah min pawm bet a, min hnem nan ka samah a chul hauh hauh bawk a,

“i duhtawk in tap rawh, i thawl hawk mai ang, tun atang chuan Mal i intih avangin i tap leh tawh lo ang, i bulah ka awm zel ang, tu pawn an tina che anih chuan keiman ka chhang let zel ang” a ti leh a, a sawi ang ngei hian amah ah hian in nghah theih ka va han duh tehlul em....Mahse, ka hmelma lianber hi Apa ngei ani a, ka la ti chhe vek dawn tih hria se chuan hetiang hian a tawng dawn der silo.

APRIL – 7

A angchhung ah hian himna ka hmu a, mak tak in ka Thlamuang em em bawk, ka tah chhuak zual a reh chuan in lak hran tum in ka che a, mahse, min thlah duh lo in min la kuah bet a, hnung lam a ngheng a, kei erawh in a mah ka rinchhan ve thung,
“a zialo hle mai.” Ka ti sap a, ka tah nasat avangin ka aw pawh a khur dar dar a,a thaw hawk a,
“a pawilo, Thlamuang tak a Tahna hmun i nei ngai lo tih ka hrethiam che, i tap duh emaw Harsatna engpawh neila ka bulah lo kal ang che” a ti sup a, a ti der lo tih a aw nghet charh ah chuan a lang a,
“nia, Kanu hi ka hrelo hrim hrim a, chuan kapa a Boral hnu phei kha chuan keimah chauh ka ni a, ka hlauthawng a, neih engmah ka nei heklo...” ka mittui rawn hnam leh tur chu ka khap kir sak sak a,a rum hraih a, a Taksa phiar talh talh chu ka hre thei a,
“Bawihi....Sawi tawh rih loh i duh em?, nakinah pawh min hrilh thei a, hun kan la nghah alawm” a ti hrawk a, min khawngaih a ang kher mai,

Ka harh chhuak zawk ani ber, engvang a a bul ah tap reng reng nge maw ka nih ni?, mualphothlak lutuk, ka Inlahrang tur chu min dang ta lo, ka tawlhphei a, Sana ka en a, a tlai tawh lutuk, tun thleng thleng a Inleng ka nei anih chuan ka Mualpho ngei ang,
“a tlai tawh sia, haw tawh mai la” a then suk a,
“Tunah chuan ka kalsan thei tawh ang che, i tha leh tawh in ka hria” ka awmdan inthlak thut chu a hria tih a lan tir kher bawk a,
“nia....vawiin ang kha chu a thleng leh tawh ngailo ang..” ka ti ve a,a Tho a, Kawngkhar lam a pan chu ka zui dat dat bawk a,Uite leh a Neitupa kan ang ngawt in ka ring,ka Rilru ah thil lo lang a awm zawk a,
“ee....Zodin...leh lawk, Pa Thanga te kha khawi vengah nge an awm?” ka ti leh hnuhnawh a,a vawikhatnan a hming in ka ko bawk, Kawngkhar a pel tawh chu a rawn hawi let leh a,
“teh daih che chuan, ani berk her chu..” a ngaihna hriat loh hmel zet hian a hawi a,
“Fimkhur kan mamawh ber alawm, tupawn Jenny emaw Pa Thanga pawh an lo hrilh anih chuan kan buai hle ang” ka rilru a lo lang hmasa apiang ka sawi pawp pawp animai,,a nur nung a,
“um....ni dawn tak, Luangmual ah an awm a, tu ve ve pawn kan hlat deuh hlek nang in i sawi dik in ka hria” a ti sup a, Kawngka biang ngheng in ka ding a, ka nui lui sak a,min Ringhlel miah lo niin a lang,
“Mangtha phawt le” ka ti sap a, a bu nghut a, min Mangtha ve chuanglo in a Inher a,Motor lan theih chhung chu ka thlir a, mahse, ani erawh chu vawikhatmah a rawn hawi let miah lo.Ka Bialpa nise, hlim tak a zan tin thlah haw tur ni ila...huh....ngaihtuahna tha lo tak ani.

Khum ka pan nghal a, ka Mut a chhuak miah lo, chhun ah khan ka Mu nasa a, ka chau leh ngauai lutuk pawh a reh hawk bawk,Ka Phone a ri a, Msg alo ni a, ka Open chuan ka Beisei loh deuh in Zodina alo ni a,
“Good Nigt Kiss pawh ka hlawh lo a..” ka hmai a sa hat hat mai, a fiamthu tih hre mahila min Effect tho,
“heh..” tih ringawt in ka reply a, sawi tur dang ka hre miau lo,
“Tha deuh in Muhil la, i Khum ka rawn tawmpui hun ah che chuan i muhil hman manglo ang”
A va han zak theilo tak, ka Phone chu thinrim zet hian ka Paih thla chawrh a, ka chetdan chuan ka nuih a ti za leh a, Zodina chung a lungawi loh vang a ka Phone ka paih ngawt chu mak ka inti zawk.Jenny-i te chu Luangmual ah an awm anih chuan Zawn harsa ani ta lo, an veng awmna pawh hrelo a zawn ngawt kha a hautak em ani,Tunah chuan ka chet a hun tawh, An In leh lo Enthlithlai ka duh a, chuta tangin chet lakdan tur ka hre thei tawh ang,Mahse, Zodina hian engmah a hre tur anilo,a Rinhlelh tur pawn ka awm a thianglo ani tawp mai.

Zingah ka Dan pangngaiin Gym ah ka kal leh tan a, karkhat dawn ka chawlh avangin ka ti tha thei vaklo, ka haw veleh ka inbual sawk sawk a, Office ka thlen chuan ka tlai lo tawk vel chiah bawk, Hun ka vawng dik hle thin a, ka Hnuai a mi te pawn Nasa tak in min zah phah bawk, hun vawng diklo lutuk Mihring reng reng chu an zahawm lo tih hi ka mimal ngaihdan ani ve a, Mahse tu pawn Harsatna tawk thei kan ni tih erawh ka hre tho.Training tur 2 an rawn luh belh a, Factory ah ka hruai a, chawhma lam zawng chu buai tak kan ni, Zodina emaw Apa emaw ,Pa Thanga pawh ka theihnghilh hmin thak,Kan let leh chuan Lunch ei tur in Mal-in min lo nghak ran tawh,Company khat a thawk nimah ila kan Dept a in ang lo a, Lunch eitur leh haw dawn ah bak kan inhmu ngai meuh lo, he Company hi kan zawm rual a, kan inkawmngeih nghal chat bawk a, min dah hrang mahse kan la inkawm ta zel a, tunah phei chuan Office ah emaw hmundangah pawh Mal-i bak Thian han tih tur ka nei lo tluk ani.

“Nimin ah Little Boss in a rawn lam leh che animaw?” a nui var var bawk a,
“aw” awlsam zet hian ka chhang a, a hnar a tum dat a,
“eng nge i hmuh dan ni reng reng?, kei chu a en danah che khan a duh che anih ka ring” a ti leh a, ka Thil ei lai ka hak thelh bawk,
“he.....ka hrelo le, animaithei, a beidawng dawnlo aniang, kan In awmna pawh a hria alawm” ka ti leh a,a hma in Min Drop tawh tih ka sawi duh lo,
“wow...alo leng tihna mi?” a Phur lutuk chu ka ngei lek lek zawk,
“shhh...bengchheng suh, ka chanchin sawi tur in an in Ready hlawm teh ania” ka ti hlak a, a nui hak a,
“dik chiah, vawiin ah pawh mi 2 lai in ka Hmaichhanah in inkawp em tih min zawt ngam mawle” a ti hlak a, a ner nang nang bawk a,
“oh....an va han mak hlawm tak, kan inkawp leh kawp loh chu kan thu thu alawm, ho em mai” ka ti leh a,ka thiannu ber nimahse thil engkim hrilh kher ngai ka tilo a, kan Deal a tawp hunah kan Inthen tiin ka hrilh leh dawn tho a, lo lak Serious viau angai hran lo e.

Nileng in Zodina ka hmu lo a, min rawn be miahlo bawk, mak deuh in Ka Phone ka bih phah sek mai,Zanah pawh min rawn be chuanglo, Mu chungin Kani ka Phone a, Luangmual ah Chhungte emaw hmelhriat pawh kan nei em tih ka zawt a, a ngawi deuh vang vang a,
“aw...Mampui, I pi, Kanu Laizawn te kha an awm thin a, an Insawn thawm ka hre lo a, la awm turah ka ngai” a rawn tih chuan Lawm avangin ka lam lo chauh,Hmelhriat nei hmasa phawt lo a Midang chhui Hautak tur zia ka hre ve tho a, Kan chhungte ngei anlo awm chu ka lawm kher mai,
“chutichu an Hming chiang deuh hlek in sawi la, in awm lo bawk nen ka mal em mai” ka ti a, a awih leh hmiah dawn tih ka hria, Ka Ni pawh hian Midangte ang tho in a Vahnu hian thil sual emaw Dawt pawh nise engmah ka tiin ka sawi a ring phal biklo, Vah te chu Ni te tan chuan kan tha ber miau a,
“kha kha alawm ka tih, nangmah in awmlo ang ka ti mawlh mawlh che a....” a sawi thui hma in thildang sawi angai,
“Ni, Ka Dam tih kha tumah i hrilh lo tak tak tiraw?” ka ti a, a insut hraih ri ka hria,
“aw...hrilh lo, Ipa khan a hma in i chungah engpawh thlengse i Thi tiin sawi zel turin min intiam tir alawm, bakah ,engatinge tunah min zawh leh a?” a ti leh a,a hlauthawng hmel hle bawk,
“ka zawt mai mai che mawle, Kapi te pawh chu va tlawh pawh ni ta ila kanu leh pa hming pawh nangmahni alawm ka sawi dawn, amak em a..” ka thaw halh a,
“Mampui, Ipa khan engmah min hrilh fiahlo, mahse, a sawi ang in Ka fanu ang in kan hming i chhawm a, ipa in sawi lo mahse ka Fanu i ni sa reng alawm”
Ka Ni rilru tur ka hriatpui rei ruai in ka hria, Mahse, Zodina bulah khan Nu leh Pa ka nei tawh lo tih ka hrilh anih kha....engvang a hrilh ringawt nge ka nih pawh ka hrelo, a huhang na lutuk kha ka zo lo niber in ka hria.

Zodina lah a reh hmak zui, ni 2 lai min be tawh lo, Sunday erawh chu Kapi te tlawh tur a kal ka tum a, Ka Inbual laiin Ka Phone ri ka hria a ,mahse, ka chhuak chuanglo, a pawimawh anih chuan a rawn ti leh mai ang chu, rei tawk ka inbual a, Towel ka Hnute hnuaiah ka veng a, Tumah Chenpui ngai lo ka nih avangin midang han zah tur awm heklo, Uluk tak in Lotion ka inchulh chhuak leh vek thin a, keimah ah chuan ka chhuan ve ber pawh ka vun mam leh No tak hi animai awm e,mahse.....engthil nge thleng leh ta??!!!!

Zodina chu khumah alo thu a, Hmuhnawm tih hmel zet hian min rawn melh reng bawk a,
“chhuak rawh....” ka au aniber, a then suk a,a rawn ding a, keilah kal sawn nachang ka hrelo, ka hamhaih lutuk chu ka ding khawng reng ringawt,a tho a, min rawn en a, a Mitmeng chu chakna niawm tak hian a thim raih a, thup buai a tum lo kher bawk,
“eng thil nge i tih dawn?” tha tak pawn ka sawi thei lo, ka tawng bah nawk nawk mai,
“chhuak turin min tih kha...i phal leh lo tihna mi?, i thawmhnaw haktir che ka chak khawp ania” a nui hul hak a,ka lu ka thing nawk nawk ringwt, a Inher vut a, engmah sawi leh tawh lo in a chhuak ta zawk a, ka khur hlawk hlawk ani ber, ka hlau nge ka zak pawh ka hre hrep lo, Kawngka ka kalh vek in ka hre si a, engtin nge alo luh theih zawk?, ka kalh lo zawk pawh ani mahna.

Ka Thawmhnaw ka ha sawk sawk a, Diktak chuan Towel hnuaiah khan engmah ka Inbel lo,tla palh vaih se chuan Zah vangin ka thi thei hial ang...amah hmachhawn pawh ka huphurh hlur bawk,Tawm reng theih niheklo le, ka chhuak chu min rawn en vat a, Tukverh bulah bawk alo ding a, Bar ngheng in a ding a, Pawn lam chu Thli a thaw ham ham a, Tun ang hun ah Eng Thli nge thaw chiam ka hrelo, Ruah a tla leh dawn ani ngei ang,
“Thu la, e...eng tin nge ilo luh theih a?” ka ti leh hnuhnawh a,
A rawn kal phei a, ka Bulah a thut loh nan ka tawngtai ru mawlh mawlh bawk a, Ni reilo te chauh ka la hria a,nitin kan inhmu hek lo, chute chung chuan tun a ka hmuh leh hian ka lo ngaih hman zia ka hre chhuak tho, eng ka ti zo ta nge ni?, ka Phuba lakna ah min puih theih ka beisei vang leh aman Min mamawh avangin tiang hian Deal kan siam ani a, Rilru zawng zawng a lo ngaih veng veng chu ka tihtur ani lo chiang.Min ep zawng tak in a thu a, a ngawi ngul chuan min ti zam lek lek bawk,
“Kawngkhar ka rawn kik a, Ka Call bawk che a, mahse i pick lo a, i Muhil emaw i buai anih ring in ka Nem chhin a a inhawng ta sia, i fimkhur lo em mai” a ti chang rut a, lungawilo a ang,eng vang a lungawilo nge tih erawh ka hrelo,Hriatthiam har zet in min melh run bawk nen ka en let ngam lo,
“ka kalh ngei khan ka hre sia, a mak hle mai “ tim dai hian ka ti a, engvang a ka Bialpa tak tak ang maia in ti thu viau nge anih hrep ni??!!
“kei nilo midang lo lut se engtin nge i tih ang?” a hma aiin a Thinrim tawh zawk,
“ka hrelo, nangmah ilo lut tho alawm, chuan ,eng nge i thinrim vak kher?” ka ti ve nghat a, min vin deuh ti tih chu ka ngei riau,
“oh...a tha anih chu, ka Bianu Lem te i ni ve a, ka mawhphurhna ah ka lo ngai mawle...huh...theihnghilh rawh” a ti hmuk a,sawi tur hrelo zet hian ka thu a, zah zelah ka Phone a Games ka khel a, ka rilru ah erawh a lut hlawllo.

“Insiam rawh, Tlaiah I pual in Ka Pa in Dinner a buatsaih dawn a, kan chhungte leh hmelhriat hnai tlem an lo kal ang, i Pual ani tih erawh Kanu leh Pa leh kan 2 chauh in ka hria,i hrethiam em?” ka awih lo zawk, a fiam thu anih ringin ka melh a, mahse, a hmel thutak ngul maiah chuan Fiamthu a sawi lo tih a chiang reng,
“engmaw i sawi?” ka ti tawk a, a sawi kha ka hre lo anilo, ka awih lo lutuk in ka zawt nawn mai zawk, chuti tak a awlsam a min pawm chu Thil tha lo lo thleng tur awm in ka hriat phah tlat ani,
“I hmeltha tak ah khan ka saw ii hria tih ka hre reng, chuvang in Insiam rawh, chuti anih loh chuan ka pawm lut che anga i thawmhnaw ka thlak sak mai ang che” a ti leh nghut a,
“aih ka kal dawn lo, tihtur ka neih leh neih loh pawh in hre lo a, min zawt hmasa tur alawm” ka ti ve hlar mai,
“Sorry...mahse, i tihtur chu Cancel rawh, vawiin hi a pawimawh, i chet that viau chuan Deal hi a tawp vat thei ania” a ti a, a tho thut a, chak zet hian a vei kual a, ka In a te si, a ti tawt leh zual vek mai, kei erawh ka la che aih lo, an duh duh a min tih kual an tum chu ka ngaithei bik miah lo.

Min rawn phih tho thut a, ka inring hman lo chuan ka Phone ka thlauh a, tluk hlau lutuk hian a mah chu ka va kuah a, ani pawn nghet zet in min rawn pawm bet ve bawk a,chetsawn mai nachang hre lo hian a lungphu ri dat dat chu ka ngaithla a,

“eng vang in nge ni 2 chhung khan min biak miah loh?” a rawn ti sup a,a rawn kun hniam nghal a, ka nghawng a thawk khum a, a lum ham ham bawk a.

APRIL – 8

“Nang pawn min be bik lo “ ka aw a ri chang chang,
“min biak ka nghak alawm, induh thiam reuh lutuk “ a ni pawh a mumal bik lo,min kuai dak a, a rawn kun hniam lehnghal a, awmdan tur ka hrelo ,ka maimitchhing ta ngawt a,a Hmui lum ham ham in min rawn sik chuan ka tek sawk a, ka kawchhung thleng in min fan a, a dim in a dam hle , chhan let dan tur ka hrelo, vawikhatmah Mipa ka la Kiss lo a, a hriat ka hlau bawk, min hmusit dawn lutuk,a duhthawh tial tial a, ka ke a zawi vek , ka ngheng lo thei lo,a rum hak a, a lei in ka ka chhung a rawn hawl a, ka chhang let lo theilo, ka Thiam ang ang in ka chhang let ve ta nge nge a,min pawmkang nawlh a,ka Rilru ah tawp a hun tih a rawn lang zawk a,mahse, ka Rilru ang in ka Taksa a awm silo.Khum ka sik rual in ka thluak ah tawp tur a min hrilh tu zawite in a rwn ri a, lehlam erawh chuan ti zawm zel turin min fuih a, chu ngei chu ka Taksa in a zui bawk a, a Taksa Lianpui in min rawn delh chuan Phur zet hian ka lo kuah leh nghal a, min rawn fawp zui leh a, a kut zungtang sei thlurh in Ka Hnute a rawn hum chuan ka tum loh lutuk in ka rum chhuak hak mai,Ka Nghawng ah a fawp thla zel a, a kut chevel chu a Hmui in a zui zel bawk, Ka Kekawr kawng Suihna a pawt phelh tur chiah chu ka Phu dawrh a, ka harh chiang nghal kawk bawk, ka tal phat a,a beisei loh dan in ka awm ani ngei ang, a rum nghut a,
“eng thil nge i tih leh tak?” ka aw khur dar dar chu thup theih ka duh kher mai,Chakna avang in a meng thim raih a, engmah sawilo hian min rawn Kiss leh tum in a rawn kun hniam nghal a, ka thle sawn thuai thung,
“ka sawi i hria em?,KS ka nilo” ka aw a khur ta lo,a rawn hawi chhuak a, hriatthiam har zet hian min melh a,
“KS ang in ngai che ila chuan ka Fawp hauh lo ang che” a ti hmuk a, a tho chhuak nghal a, Khum kil lamah ka let phei thuai a, ani erawh Khum hmawr lamah a thu a, a thaw hawk a, a Lu a dawm vang vang bawk.
“khawngaih in Haw tawh rawh, chuan kan Deal kha chu tawp rawh se” ka ti leh sap a, a rwn hawi a, a Mit ah chuan Na tuar niawm tak hi a lang zawk a, a reh leh thuai a, ka hmusual pawh ani mahna,
“ni love, chutiang in kan tawp ngawt theilo” a ti hluk a, a aw a chang in a hlauhawm kher bawk,
“aih..keiin ka duh tawh lo alawm” ka ti ve thung a,
“ok....i rilru tur ka hria, vawiin kha chu tihpalh liau liau ani, khatiang kha engmah a thleng leh tawh lo ang,a tul tawp anih loh chuan ka kut hmawr pawh in ka tawk leh tawh lo ang che” a aw nghet charh ah chuan a ti mai mai lo ang tih a hriat theih a, ka Rilru erawh a nuam bik lo, min khawih kha lo hnar tur ka nih laiin ka hnar bik lo a, ka lo dawngsawng tha em em bawk tih keimah ngeiin ka hrechiang si ani.Mahse ka ti lang tur anilo, a hria anih pawh in a sawi chhuak bik chuang hleinem.

An In lam kan pan lai pawh in vawikhatmah a tawng lo, Hmelhriat loh nen danglamna a awm lo,kan Taksa inhnaih mahse kan Rilru erawh Chhimtawp leh Hmartawp ah a awm niin ka hria, ka Thinrim vak avang khan Thuphachawi ka duh a, mahse, ka induhtawkna avang in ka theilo,
“Kapa Thiante bulah chuan reilote chhung chu tha tak in i tih ka beisei ania” min en chuanglo hian a rawn ti sup a,
“ka hria, min hrilh nawn sek duh suh” ka ti hmak a, engvang a ngeiawm tak a tawng talh thin nge ka nih erawh ka hrelo, tha tak pawh in ka chhang thei reng tho si,mak deuh in engtinmah min chhang let lo, a awmdan inthlak thleng nasa lutuk chuan ka awm a ti nuam lo letling zawk.

Gate kan tlan luh chuan Motor ka la hmuh ngailoh 3 lai a lo awm a, Jenny te Car pawh alo awm bawk,a chhuk a, kawngka min rawn hawn sak tur a a rawn kal kual chu nghak hman lo in ka hawng a, ka chhuk a, min melh zawk a, a inher a, In lam a pan ta zawk a,a Bawp sei zet a a Pen Pawk pawk chu ka um hlak hlak a,min nghak duh thak lo,In chhung kan luh veleh chuan Zodina nu in min lo lawm vat a, ka that chiang tawh em tih min lo zawt thaui thuai a,Apa erawh chu Inleng te nen an inkawm a, Nui chung in a ban a rawn vai ringawt thung,Midang lo awm ho chu min hmelhriattir zung zung a, mahse, a sawi zo chiah a ka theihnghilh leh nghal vek, Jenny ka hmu hauh lo, alo kal ve lo ani maithei.
“Nu...tih tur dang a awm loh chuan Room ah kan chho dawn asin..” min rawn ban a,ka kut a rawn vuan a,
“aih....awm tehnang, Dar 8 velah kan ei dawn nia aw” a ti a, min rawn nuih sak a, a Hmelthat ang bawk in a Rilru pawh a tha ngei ang.
Zodina Room kan pan chhoh lai chuan min la kai reng a, min tawhna chu a kang ta emaw tih mai tur hian a sa ham ham bawk.Room kan thlen hma, midang in min hmuh theih loh veleh Bawlhhlawh khawih ang mai hian min thlah vat a,Thuphachawi ningei tur hian a phun sup bawk a, a sawi erawh ka hre theilo a, ka zawt ngam hek lo.Room chhung a a lut chu ngawireng in ka zui lut a, kan Boruak rit lutuk chuan min ti chau zo vek in ka hre tawh.
“Thu la “ a ti leh hmuk a, thuawih zet hian ka thu ve mai bawk a, ka hawi kual a, a hma a ka lo mut tawhna kha ani a, ka lo enchiang lemlo a, a nalh in a nawm hmel hliah hliah mai, Pawn lam atang a en ang ngawt ani hauh lo, Khum lianpui a awm a, Bang chu an thuah vek a, Cabinets lian leh nalh lutuk mai a awm kual pup a,Cabinets ah chuan Tv Phek thler thlawr a awm bawk a,, Khum a tang in en a nuam tawk khawp ang,Mipa Room tih tak ah Thil tarmawi leh Pangpar lam chi engmah a awmlo,Games a khel nasa tih hriat zet hian Tv bul a ah chuan Games khelhna hmanrua a let rum bawk a, Tukverh ah chuan Curtain chhah leh nalh zet hi an zar bawk a, engkim mai chu a inhmeh vek ,a neitupa thlengin..
“In tur i duh ve em?, Beer lam te?” Fridge lian vak lo awm chu a hawng a, ka duh loh thu ka hrilh a, a chevel chu ka thlir a, Fridge chhung chu a hmuh theih a, In tur hlir in a khat vek, Beer leh Zu pangngai vek nimai in ka hria.Beer a phawrh chhuak a, hnehsawh zet hian a hawng a, a In pawp pawp mai, tui in ang vel ah a ngai a ang khawp mai,a Phone a rawn ri a, min rawn en a,
“min hrethiam lawk aw...” a ban a vai zauh a, Tukverh a hawng a, Balcony ah a chhuak a,a Pick chiah in a sawi erawh chuan min vit zawk mai,
“hey....Honey...” a bak chu Tukverh a rawn nem khar tak a vangin ka hre theilo,mahse, engvang a lo na ve ngawt nge maw ka nih tehlul ni ???,an la inbe rei phian zui, tih tur hrelo zet hian Room chhung chu ka melh kual vel mai mai a, he buaina ah hian engvang tehlul a lo in tat lut nge maw ka nih hrep ni?, Vawiin hian Ka Phuba lakna tur ah tlem tal hmasawn ka lo in beisei tehlul nen,ka tum ang in ka awm ta lo phawt mai a,nidangah hetiang a min koh thut thut tawh loh tal ka beisei mai aniang chu..Living Room lamah khan Pa Thanga kha a awm ve a, lo kawm ila ka tangkaipui in ka ring tlat,he laia tihtur nei lo a thut reng ai chuan ka hlawkpui ngei ang.

Zodina chu ka va melh a, a Nui sang mai, chuti tak a a hlimpui chu Hmeichhia ani ngei ang, ka Thik rilru nghal pang mai, hahthlak hian a....ka nihna ka inhriat vat angai, vawiin hian ka che tha viau anih chuan a tawp vat ang tih min hrilh kha, chuvangin tha tak in ka awm mai tur ani.kan tawp thei hlauh anih phei chuan amah ka hmuh apiang a keimah a engemaw thawk awm thin hi a bo hlen thei tawh ang, a chhan chu ka hmu leh khat tawh dawn miau a, Office ah alo kal anih pawh in kan Boss nen bak an inhmu leh chuang dawn lo a, ka tan rilru hahna tur a awmlo.a vei kual pah a a rawn hawi chu ka lo vai a, a mit in zawhna zawt hmel deuh hian min rawn en a,Tukverh a rawn hawng a, a Phone biak lai erawh a la dah chuanglo,
“in hnuai ah ka lo zuk chhuk ang, midang ho kha ka lo zuk kawm ang” ka ti a, Hriatthiam har zet hian min melh a, min hnial dawn emaw ka ti hman,mahse, a but a ngut a, ka Bag ka dah a, kei erawh chu Lawm zet in ka chhuak zui ta a, Politics an lo sawi a, Pa Thanga Bul a Thutna awl ah chuan ka thu a, Zodina pa chuan min rawn en a,
“i ril a tam tawh em?, keini hi chu kan ei tlai deuh thin a,” a lo ti thuai a,ka lu ka thing a,
“Tamlo e, in ti ti tui em a, ka lo ngaithla ve ang chu ka ti zawk a” ka ti a, ka rin aiin ka sawi mar tha zawk.Pa Thanga chuan min rawn en a, a nui vur vur a, ka ten lutuk a ka luak lo chauh, mahse a lang ah chuan ka nuih let ve a,
“Jenny alo kal ve lo ami?” theihtawp a pangngai tum hian ka bia a,
“nakin ah a lo kal ang, tih tur a nei a” a ti mar ut mai, a aw ri pawh ala thum in a la tenawm reng mai,Kapa natuar hmel ka mitthla ah alo lang zawk zawk a, lainatna tel miah lo khan a vit a, a chhu a, Kapa in That lo tur a a ngen lawm lawm pawh khan a nuihsan mai mai a, engkim mai chu a ngai ang mai hian a rawn let leh chuai chuai a, ka natna pawh hma ang tho kha ala ni.ka kut ka hum ruh ngawt ngawt a, ka thaw a chham dawn hial in ka hria.
“Bawihi...i tha em?, i dang vek mai” Zodina Pa in min rawn tih chuan harsa ti lutuk hian ka then lui hram a,
“ka tha e, a chang hian ka dik lo leh deuh thut thin a, Boruak lum lutuk vang hi aniang” ka ti thla ngawt a,
“ehe...anih chu mawle, AC kha On ang hmiang, vawiin chu a dai deuh ka tia ka lo On lem lo a” a ti leh a, a aw a dam thlup mai, Kei kha min thah ve kher tum lo se chuan Zodina’n Pa tha tak a tih kha ka pawm thei mai awm e.
Pa Thanga chu ka en leh a,
“Pa Thang, khawi vengah nge in awm ve a?” ka ti leh hnuhnawh a, zak awm deuh hian ka nuih bawk a, a ruk tak chuan ka zak hauh lo, Mipa, Putar emaw tupawn, Hmeichhe nui hmel hi hmuh nuam an ti tih ka hre ve tlat,
“Luangmual ah khuan mawle, nakinah Zodina nen pawh lo la leng ula atha ang, Kan nu te pawh ila hmu ve ang chu” a ti leh a, ka tum khawp mai, min sawm lo mahse ka kal dawn tho tho.Politics lam an sawi zawm leh takah chuan Pawn lam ah chhuah thawven ka duh thu sawiin ka kalsan ta zawk a.

Ruahsur silo in Thli a thaw vuk vuk a, boruak a uap churh bawk, ka rilru hnim ruai nen a inhmeh hluah hluah,In hnung lam a Indang awm chu ka pan phei a, a chhung ah lut lo in ka kal hel a, a pawn a faiin a thianghlim hle bawk,

“a va hmuhnawm awm veng veng ve?” ka hnung lam atang a Mipa aw in a rawn tih chuan ka inher thuai a, Mipa, sang zet,cher lam hian inkuangkuah in min lo en a, chung zawng zawng ai chuan Mipa ka hmuh tawh zawng zawng ah ani aia Hmeltha ka la hmu lo, a Sam chu Thli in a chhem thur deuh a, chu pawh chuan a ti lang tha zawk emaw tih tur ani.

APRIL – 9

A rawn kal phei ve a, chhan mai nachang hrelo hian ka melh reng ringawt,a nui a,
“nangmah hi ani ngei ang,Zodina Nupui hual chu...? zawhna mitmeng hian min en a,chhan dan tur ka la hriat chuan loh avang in 'aw' tih nan ka bu zauh a, ka bul a rawn thlen chuan a lang lian leh zual sawt bawk, ka melh chho ha a,
“nang tu nge i nih ve a?” ka tawngkam a hawihhawm lo ka ti leh hnuhnawh a,mahse, ka sawi zo vek tawh si,
“Michael-a ka nia, Zodina thianpa, ka Best ka ti a, ani in min best ve em ka hre lo a..” a nuih zawng in a Khabe phir thaih chu a lang chiang lehzual a,
“eee...ok....ka lo hre miah lo a, min hrilh bawk silo a...” ka riat nawi kual ta mai mai a,a nui hawk hawk a,
“a hrilh hauh lo ang che, a sual ania,Kapa chu i hmu tawh in ka hria, In chhungah khan a awm a,In chhung atang a lo chhuak i ni in ka hria” a ti leh a, Zodina nen an in ang lo vel vek,ka hmuh tirh atang khan ala nui deuh reng a, a tawng duh bawk, Zodina aiin Hmeltha zawk mahse Zodina ang in Mi hipna a nei lo a, a bula awm a hahdam hmel kher bawk.
“anih chu mawle, mahse i pa ber ka va hre lo” ka ti leh a,In te chu kan kal hual a, thli thaw vuk vuk mai chuan min len lo chauh mai, an Compound ah Thingkung a tam avang leh Tlang a awm anih bawk vang ani ngei ang, Thli a na in a thawm pawh a na zual hle bawk.
“Thanghmingliana ania, Pa Thanga an ti bawk a...” LALPA....he Mipa hmeltha leh kawm nuam tak hi engtin nge mi nunrawng lutuk leh mi Tenwmpa fa alo nih theih zawk??, ka mit ah chuan in anna pakhatmah an nei lo,Nilo....chhungril ah chuan an in ang tur ani, Pa leh Fa anni a, Hmeichhe fa chuan Nu te kan chhun a, Mipa chuan Pa te an chhun tiin an sawi thin ani lawmni?, Pa Thanga pawh han en mai chuan a sualna sawi tur a awm hauh lo, chuvang ani ngei ang an vengah pawh Pa fel tak niin an sawi tlat ,mahse, a chhungril khakna a khat hi kei leh Zodina pa lo chuan tu nge hria?, eee...PATHIAN in min hriatpui bawk e.
“i va ngawi ve?,sawi sual ka nei ta zawk nge?” ka hmai zawnah a kut a rawn vai a,ka petek nawk a, ka tlu tur chu min rawn pawt ding a, ka hlauthawng lutuk chu ka lungphu a rang zaih zaih mai,
“ka lo ngaihtuah a, Jenny kha i Farnu alo ni maw?, in in anglo ka ti lutuk a” ka ti buh nuai mai, a nui hawk a,
“chutiang mai mai ngaihtuah in i in pal thlu lo chauh anih kha, nia,Ka Nau nen hi chuan kan in anglo ania, midang pawn an sawi fo mai,i hmu tawh tih ka hre mai e” a ti a, ka kut ala chelh chu ka hrechhuak thut a, ka la sawn thuai a,
“a zialo hle mai, in chhuih khut hi ka ching riau a” ka ti leh hnuhnawh a,
In lam pan in kan kal zel a,ala tawng bawrh bawrh a,Jenny kha chu ka hmuh tan tirh atangin ka ngaina lo nghal a, Michael-a erawh hi chu ka hmuh tirh phat atangin ka kawm ngeih tur chi anih ka ring ve thung, ka kawm ngeih thei anih ngai chuan amah hnaih thei ang ber in ka awm zel ang a, a Rinna zawng zawng keimah a a nghah hun ah ka la ti chhe vek bawk ang.

Kawngkhar a rawn inhawng a, Zodina a rawn lang nghal zat bawk, a Mitmeng thim raih mai in min rawn melh chuan ka khur ti tih a, min melh danah chuan Thil sual lianpui ti ka ang khawp lehnghal.
“eheu....Boss...ilo kal tih ka hrelo reng reng” min melh lo in a mit chu Michael-a lam ah a fu a, a hlim tak tak a ang,
“Kapa rual in ka lo kal a, chuan, Thil ianpui i thup hi i hriat loh in ka lo zawng hmu bawk a..” a nui hawk hawk a, ka awm ve tih an hrelo hial in ka hria, an han inchibai leh rih a, Thlang thei dinhmun ah ding ila thlan tur zawk hriat a har ngawt ang tih ka lo ngaihtuah leh hman a,ka ngaihtuahna ho lutuk avang chuan ka ner sak bawk a,
“Bawihi...hlau rawh hepa hi aw..ka thil duhlai min chuhpui hi nuam a ti teh ania” tih pah hian min rawn ban a,ka kut a rawn chelh a, Na zet hian a rawn hmer a,
“i sawi dik, eng vang in nge kei aia Remruati ilo hmuh hmasak tih hi ka lo ngaihtuah mek reng ani” a ti a,a nui hawk hawk a,Zodina pawh a nui ve hawk tho,
“in ho em mai, Lut ang u,a vawt si” ka ti a, Inchhung kan luh thleng in ka kut ala vuan a, inchhung chu AC an On avang in Pawnlam aiin a lum nuam hle a, a hma khan Boruak a uap churh a,tunah chuan a vawt mah mah tawh zawk,
“min thlah tawh la, Putling ho an awm ve hi” ka ti sap a, hriatthiam har zet hian min rawn en a, ka Thutna Chair aban ah a thu a,a rawn kun hniam a, ka inrin hma in a Hmui lum thar thar chuan ka chal a rawn tawk zauh a, a thu mar lehnghal a,
“engtik lai pawn ka vuan duh alawm, ti khan a zahthlak loh tih i hrethiam em?” chimawm zet hian a meng de sawr sawr a,Ben pawp ka chak kher bawk.

Kan Chawei chu a dan pangngai in a tui tih piah lam vek ani leh a, Zodina leh Michael-a in karah ka thu a, min Care ve ve a, midangte chu inhresa vek anni a, ka mal lutuk tur chu an hria ani ngei ang, an 2 in ka tan an tha takzet, an mahni hringtu an Pa te ve ve chu ka en a, ka ten hluah hluah mai, ka chawei tuina a bo duak a, Tihsual nei lo niawm tak in an nun an hmang a, Fahrah nun min rah tir a, Beidawnna khur ah min hnuk lut a, min la chhuak tur in tumah ka tan an awm lo a, ka Thinlung ah Huatna reh thei ngailo tur leh Phuba lak chakna chauh an hnutchhiah a, Natna tam tak nen min kalsan lai khan Pathian a awm pawh ringlo khawp in ka beidawng hman hial bawk.Tunah erawh chuan Dawkhan khatah chaw kan kil ho a, kan ti ti a, kan nui bawk a, an mahni avangin Nun tum a ka Fight nasat zia leh ka ti chhe vek dawn tih hi hria se zawng ka Pa an thah rual a min thah an tum lai khan ka thih chian leh chian loh en tur a ka Lu an kap darh vek lo kha an inchhir ngawih ngawih ang.

Zodina te In ka chhuahsan meuh chuan ka chau takzet tih ka hre chauh, Motor Seat ah ka thu tlum kak a,kan lemchan kha Michael-a bulah pawh a ang thei ang ber tur a kan tih a ngai tho a, kan 3 a Room lam a kan awm hnu pawh khan ka tang ru teuh reng bawk nen, hahdam tak a ka thut theih tak ah chuan ka thawl huai huai mai,
“Mike kha eng nge i hmuh dan?” min rawn en chuanglo hian a ti hmuk a, tunah chuan a hlauhawm leh tawh takzet, midang zing a min duat em em tu kha chu a thi leh daih tawh,
“a ngainatawm ka ti,chuan...a Hot bawk” ka chhang rang mah mah, a thaw hawk ri chu ka hrethei a, ka en thuai a, a inseh ruh talh talh chu ka hmu a, ka nuih a za zawk, amah aia midang tha zawk a sawi chu a ngaithei lo anih hmel khawp mai,
“nia...Hot tak ani, kan Deal a tawp hun hun ah a Hot zia ila Test dawnnia, ani pawh khan a hnial hauh lo ang che” a ti hmuk a, a ngaihtuahna tenawm lutuk chu ka Thinrim ru teuh bawk.
“um....a tha ngawt in ka ring..” ka zi mar ar ar a, a Hmel en duh lo in Pawnlam ka thlir daih thung, Khawpui chhung pe uar mai kan Tlan pah a lang thei chu ka thlir vauh vauh a, a va han nalh tak em, mahse, Zing ah khua a var meuh chuan Building lian leh hnawk rep rup ,Thenawmte ram nek tum ran a in si khup a sak hlir an lang leh thut dawn si a, Aizawl tan hi chuan Zan nireng maise a Mawi ber e.

Motor ding dawt ah chuan kan thleng tih ka hre chauh,kawngkhar min hawn sak tum in a che aih lo, kawngkhar hawnna ka vuan a, ka hawi let leh a,
“lo leng lut la..” ngeiawm ka chhuah let ve chak tlat,a rum hruih a,
“chhuk hle hle la anih chu, vawiin hian ka duh aia tam i bulah hun ka hmang ania” a ti ta duah a,chutiang teh tawng a in hmuhsitna chu ka dawn hmasak ber ani hial ang, mahse, Thinrim aiin ka nuih a za zawk, a awm dan Naupang chhia zet chu ka lawm riau.

Ka chhuk fel hman awrh tih ah chuan chak zet hian a dawk chhuak zui nghal a, engvang a han thinrim em em nge maw anih tehhrep ni??

Monday hi chu Ni sakei dik tak ani, kan buai dan hi a Over ka ti fo thin a, Lunch ka ei hman tawk ani mai,Nilengin Zodina nen kan inbe miah lo, nilo...Nizan a min drop hnu khan kan la inbe leh miah lo zawk,min biak hmasak loh chuan biak hmasak ka tum miah lo,hah hnep in ka haw a, ka Thawmhnaw pawh thlak lo in Khumah ka thal der mai.Ka lo chhing sek ani ngei ang, ka Phone riiin min ti harh a,Kani alo ni a,
“MAMPUI, i mu tawh em?” a rawn ti vau vau a,ka la mut loh thu ka hrilh a,
“Ipi te kha i va tlawh ta lo animaw?, An Number ka neih ah khan ka va be chhin a alo la dik mial a, i tlawh dawn tih ka hrilh a,an lawm khawp lenghal a” a rawn ti leh lang lang a, Kani tak hi chu aw...min ngaihtuah tih hi hriat loh der theih anilo, KAPA hmun ruak hi luah khat zo lo mahse ani hi neilo ila chuan hetiang hian ka Puitling hauh lo ang,Nu hmangaihna dawnglo leh hrelo nimah ila Kani min hmangaihna hi Nu hmangaihna nen a danglam ka ring chuanglo, chutiang bawk in Pa Tlana pawh hian a Fate nen min en hranna engmah ka hre lo.
“um....nimin ah kal ka tum a ka hman leh lo alawm, naktuk tlaiah ka haw hma thei in ka ring a ka va kal ang chu ka lo ti a” ka ti ve a,
“a tha ngawt ang chu,an hmu chak khawp che ania” a ti leh a, thildang a sawi zawm teuh a, kan nui dun leh rih bawk a.
Ka intifai sawk sawk a, engmah ei chak ka nei lo a, ka mu ta zawk a, Reilote Fb ah leh Whatsapp ah ka awm a, ka hriat loh kar in ka lo muhil ani ngei ang, ka harh leh chuan khua alo var uar tawh.Msg alo awm vang a, ka en chuan Zodina min Mangtha na alo ni a, a chhan hriat si loh hian ka Mood a fuh veng veng mai.

Lungmual lam pan a ka inkhalh chhuah meuh chuan ka zam leh hnuhnawh kher mai,kan chhungte mah nise vawikhatmah ka la hmu ngai silo,Kani lah a number min lo thun tur thu a sawi a, minlo thawn silo, ka be tlang thei der lo lehnghal, Luangmual hrim hrim pawh ka vawikhat kalna chauh ani a, Chhangurkawn ka thlen in mi ka hmuh hmasak hnen ah kal dan ka zawt chawp a, Luangmual veng ka thleng tih Signboard ka hmuh chuan ka thaw huai mai,Kapi hming sawi in Dawr lian ve pangngai tak ah chuan ka zawt a, ka beisei ngam loh aiin alo hre tha a, min kawhhmuh na lam chu ka pan a, Martarte Thlan thlen dawn tep a In lian tak ah chuan Gate ah Kapi hming alo in tar vang mai...tunah chuan ka hmu ta, an khawsak a harsa zawk zawk lo tih a chiang nghal vek bawk,An awmna lai chu mi hausa ho awmkhawmna ani ngei ang, Kapi te in Bul mai a In phei chu turu tak ani.

Gate a in hawnsa avang in ka lut tlang ve tawp a, kawngka erawh a inkhar a, Bell ka hmet a, a reh thap mai, hmeh nawn leh tum a ka kut ka kang leh chiah chu Kawngka a rawn in hawng a, Pitar, Zang kul khan mai hian a rawn hawng a,
“tu nge ni?,lo lut rawh” a rawn ti khur bauh bauh a,
“Kapi, Thanzami tunu ka nia, ka rawn zawng chhuak che u a” ka ti a, Inchhung fai zet ah chuan ka zui lut a, a ding dat a, a rawn hawi let leh a,
“tu maw? Thanzami a?” a ti ha a, ka sawi sual ta anih ka ring rum rum mai.
“aw....Thanzami,i nau kha” ka sawi sual anih pawn ka chhuak leh mai ang chu
“aw haw.....nang hi animaw ka Tunu min rawn tlawh tur kha...i va han hmeltha em em ve” a ti chul a, a mit a nuai a, a lungchhia ani ngei ang,min kai a min thut tir a, a rawn thu ve a,
“min hrethiam rawh, ipi nen in danglam lo reng reng a ka lungchhe deuh a tin ni...” a ti khur bauh bauh a, ka chanchin min zawt a, sawi sual ka hlau hle, kani fa ang a ka awm miau avang in tawngsual zauh hlauhawm tak ani, An hnen a awm turin min min sawm nasa a, mahse ka hnial fithla thei hram thung.Ka zawh duh leh ka thil hriat duh erawh ka zawt ta lo, Kapa Boral a tuar natzia a sawi lai chuan a ti mai mai lo tih ka hria a, a hmel ah chuan tap mai thei leh puak thut tur ang hian a lang a,
“Fapa ka neih loh avang in kan Unau hian Kan intawm ani ber ,ka duat lutuk hi ka fa tak te pawn an thik fiam hial thin a, mahse, min ti vui ngailo a, ka lawmna hlir min siamsak thin a, a Farnu te ka fate 3 leh i nu ( kani) te kha a hmangaih theuh a, tumah a hau phal ngailo, mahse....a kalbo dawn khan ka lawm lohna tur a ti a, ka bawihsawm loh in a Boral a...” sawi zui theilo in a inhnit ta hlep hlep ,tap ve lo turin ka theihtawp in ka inseh ruh a,
“Pi...thil kal tawh alawm, ani chu a chawl tawh a” ka aw a lawi vek, a bu nghet a,a mittui a hru a,
“a dik alawm,Ka Fanu ten Pasal an nei zo a, Ipu a boral leh a, Ipi erawh kha chuan Pa tel lo in Inu te a chawilian a,kan pa thih atang rei vaklo ah ipi a boral ve leh a, ka a mai dawn in ka hria asin..mahse, hei tunah chuan kan Fate hian min ngaihtuah avangin ka hnaih ah an rawn insawn a,saw....kan inpiah chiah ah sawn an awm a” a ti leh a
“pi,tumah awmpui i nei lo ami?” ka ti a,
“nei e, ka fanu upa ber fa,kan tupa hi a tet lai atangin ka chang chawt a, a rawn haw tep ang,nula hi 2 kan nei bawk a, kan 4 in kan awm “ a ti a,Chaw ei tur in min chelh tlat mai, hawsan ngaihna a awmlo, an awmpui nula in Thingpui min rawn pe a, Pawn lamah chuan Motor thawm a awm a, a hnu ah chuan Kawngka a rawn inhawng a, ka hawi let lo,
“pi...ka lo hawng ania “ a aw chu ka hria...ka hawi let nghal a,Thidang thei ila ka Thidang chiang ngawt ang...

Michael-a rawn kal phei chu ka hmusual anih beisei in ka melh ngawt ngawt mai.

APRIL – 10

“Michael “
“nang maw?” kan tawng rual thawt mai, a nui hawk hawk a,kan piah ah chuan a rawn thu ve nghal a,
“in lo in hresa em ni?, Mama, hei,i Nutei Fanu in min rawn zawng chhuak anih hi,chibai rawh” a ti bawrh bawrh a, phawk zet hian min rawn melh a,
“ka Nutei maw?, tu ber maw?,ka Cousin te ka hre vek alawm” mak a ti tih hriat zet hian a mit ko a san awk a,ani theilo....ani thei lullo, ka rilru in ka ti mial mial a, ka Mumang anih beisei zet hian ka mit ka chhing a, ka meng leh a...mahse...a ngai reng,ka ep ah chuan a thu thluang duai a, an Nula in Tui a pek chu a in mek bawk.
“aw...ka Nau Fanu, i Nu Rininkimi mawle, aaaa...i hrelo anih pawn a awm tho, ih e...Bawihi, i Pa kha kan duh lo thei thin lutuk a, mahse an innei lui ta tho a, Ipa lah in Zu a in nasa bawk si a, i pi nen khan hrehawm kan ti thei thin lutuk a, chutah Ipa kha kha an Sawn kual sek bawk nen, Ipi kha Nu rilru lian leh luhlul ania, i Nu in a chhun chat bawk a,reife kha chu kan intlawh pawh ta miah lo a, mahse, kum a vei nual hnu khan Ipi kha a tlawm ta zawk a, ipa’n zu a in ta lo bawk nen,kan inpawh leh ta deuh a, mahse, Inu hi chu a inla hrang lui ta zel anih hi...inlo inhre pawh lo pawh thilawm tak ani,mahse tunah chuan Unau inni tih inhre tawh a,theihnghilh leh tawh suh u” a ti dap dap a,nia....Pa Tlana Zu in nasat theih zia ka la hre reng,kan In a rawn kal chang khan kapa pawn a zilh hau fo thin a, mahse, kapa Thih hnu khan a nghei ta thut a, tun thleng in a in awm ka hre leh tawh lo,Kapa kha a fel in a nelawm takzet a, mahse, tumah Kani bak hi an chhungte dang min hrilh ngailo,chu erawh a chhan ka hrelo,Mipa hi chuan a tlangpuiin chhungte tlawh kual an peih lo thin a, keini lah Mizoramah kan awmlo bawk nen, a awm viau tho e.

Rinhlelh hmel zet hian min melh a, keipawh in hmu thei ngat ila chuan ka dang chuanglo tawp ang tih ka chiang,
“wow....a va mak em !!!!!,Pi....Zodina Nupui hual ka tih kha amah hi alawm” a mak teh tawp thin,Pitar chuan a kut a beng thak a,
“LALPA ropui rawh se, ka va han lawm leh zel em..Ka Tupa ang maia ka en ani alawm” a ti hliai a, a phur zia chu mak ka ti zawk.
“aaaa.....Pi, thil hi a thleng chak lutuk a, ka buai nuaih mai, mahse, Pa Thanga kha ipa anih chuan i Nu chu ka Nu u anibawk si...aaaaa....amak em mai” ka Rilru buai zia tih lan loh hram tum hian ka tawng a,haw ka duh ut ut mai, mahni chauh a in ngaihtuah ka mamawh lutuk, engvang in nge Kapa khan Kani Pasal ani tih min lo hrilh ngai miah loh?,Kani pawn min hrilh lo....Nilo, keiman kani kha ka zawt lo hrim hrim zawk.

Tlai chaw ei tur a min sawmna chu ka hnial thei ta lo, Kapi lah chuan min chelh deuh reng mai a, a khat tawk in Kapi ka chhun zia a sawi sek bawk, Pitar Thianghlim leh che fel thlap ani reuh a, a Tupa lah chuan a duat hlum lo chauh bawk.
“ih....Zodina chuan kan In Cousin tih hi hrelo rih se ka duh a” ka ti sap a, min en ran ran a,
“eng vang chuan maw?, hrilh ka lo chak tehlul nen” a nui vur vur a, vawikhat hmuhna ah pawh ka ngaina ti tih a, tunah phei chuan ka Unaupa alo ni bawk nen, ka ngaina mah mah ang tih ka hlau ta hle mai,
“nakin ah Surprise nan a tha dawn alawm, Kapi pawh khan lo hrilh miah suh se aw” ka ti leh talh a,a bu nghut a,
“ok...hrilh lo ang, a hrim hrim in alo haw hma chuan Kapi nen an inhmu dawn hleinem, Kapi chuan a Call peih teuh lo” a nui leh huk huk a, ka melh chho ha a,
“maw???, khawiah nge a kal a?” ka zawhna atthlak zia ka hriat chhuah chuan a tlai lu hret ani.ka sawi zo vek tawh,
“eng a??, a hrilh na che nge?” a aw ah chuan mak a ti tih a lang reng,
“kan in bauh deuh a, ka be lo a” Dawt ka va sawi ngun ta em...
“huh.....anih chu mawle, Apa kha a tha vak lo a, nimin khan Flight in an chhuk a,a hrilh tur ah che ka lo ngai a” a ti leh a,
“a van zia lo, an kal hma tal in han thlah tur ka ni asin le” ka ti vang vang a, ka ti tak tak bawk,Apa vang nilo in Anu vang zawk in an lak a that han chhuah ve chu a phu ani.

Sooty ka dahna thleng min rawn zui a, Kapi erawh chuan Kawngka thleng min thlah a, leng leh thuai tur in min chah lawm lawm bawk a,
“kal lo lawk teh, Ka Unaunu ilo nih tak ah chuan thil engemaw hrilh che ka ba in ka hria” a ti a, ani leh ni lo ang in a thutak phian zui,ka bu nghat a,”sawila..” ka ti tha ve mai bawk a,
“Zodina hian Hmeichhe pakhat kawp thin a nei a,i hria em ka hrelo” a chawlh det chhung chuan,
“Jenny i tihna mi?” ka lo ti hmanhmawh a, a chhan ka hriat siloh hian ka lungphu a rang nghal zaih zaih bawk a,
“ni nang aw, Jenny te chuan a Hero ania, bakah Zo-a hian Farnu ang tak tak in a duat alawm” a ti leh bauh a,
“chuti chu ka hrelo anih dawn chu” ka ti a,hriat ka chakna leh ka hriat duh loh dan a in ang reng,
“Kan Naupan lai atang a kan hriat tawh ania, ka zirna hmun ka sawn takah khan Zoa nen hian an lo inkawp zui zel a, In an luah dun a, Nupa ang deuh hlek khan an khawsa dun thin a, mahse, Zoa nu hian a duh thei thlawt lo a, an inkawp zui ta lo niin ka hria, mahse, an inthlah tak tak lo anih ka ring, hmanzan pawn khan an inbia a,Aizawlah Zoa awm ngheh a tum takah chuan ani pawh kha rawn haw a tum a, mahse....a pawilo, kha chu thil kal tawh alawm, tunah chuan in inkawp tawh a, a duh hle che niin ka hre bawk a” a ti ta duah a, ka pum ni nghulh chuan ka awm a ti nuam lo nghal a, hlauhthawnna avang ani ngei ang ka inseh ruh nasa kher bawk.
‘ok...min hrilh a ka lawm e, mahse, tu pawh hian kan Hmangaih hmasa te kan theihnghilh theilo an tih kha,tunah chuan ka hun a ni tawh alawm” ka nui lui var var a,a hahdam huai hmel chu ka thlir a, Kapi khan ka pa in a Farnu te a duat zia a sawi kha ka la hria a, Michael-a hian a chhun ani ngei ang, a chhan chu APA hnen a tang khan engvang mah in hetiang rilru tha hi a chhun dawn lo, kha Misual khan Rilru thianghlim nei hek lo le.
“um....ka ngaihtuah lo che, i in enkawl thei tih ka hmuh hmasak che khan ka hria alawm” a ti a, a nui leh thei ta,Hmeichhe tha tak tawng mawlh rawh se.
“eee....chu nu hming chu?” ka zawt leh rih a,
“Zorini ania....” a ti ve mai,a tha e...ka theihnghilh leh tawh kher in ka ring lo.

Ka mu meng kar a, ka ngaihtuahna buai nuaih nuaih chu tih fim tum in rei tak ka bei tawh, mahse, a la fello mai pawh anilo ,ka Thluak a chawmawlh vek tawh niber in ka hria,Kani Pasal anih chuan engvangin nge kapa a thah kher?, a thian tha ber ti chauh in ka hria a, Thian aia thuk zawk inzawmna kan lo nei reng si, chuti chung chuan engvangin nge a thah kher?, Kapa khan Thih phu hial khawp in engmah a tisual dawn lo tih ka hria,Keiin kani Pasal ani tih hrelo mah ila an 2 kha chuan chhungkhat kan ni tih an hrechiang hle tur ani.Kani biak tum in ka Phone ka phawrh a, mahse, a tlai hret tawh, zingah ka be mai ang chu...ka hriat chakna in min tur nasat lutuk avangin ka muthilh theih ka ring chuang lo.Michael-a lakah kha chuan a Pa sualna avangin Phuba ka la thei miah lo ang tih ka hrechiang tawh, Ka ti na thei ngai dawn lo tih pawh ka hrechiang tawh bawk.Jenny erawh kha chuan chiang tak in Apa a chhun anih kha...a mitmeng ling hlar maiah khan midangte tihnat pawi tih loh na a lang chiang em em tlat ani.Zodina pawh chu a,.....engvangin nge maw Apa a tha lo tih te chu min hrilh loh ni??, a lem mai mahnise hriat ve ka phu tho, aaaa....tunge kha?, Zorini....khanu kha a hruai maithei asin, anih loh chuan an rawn haw dun dawn pawh animahna,Hreptak a...a duh duh in awm tehse, ka Free animai alawm.

“Ni, nimin ah kapi chu ka va tlawh a, a fel lutuk a” Phone a pick veleh ka ti thuai a,
“awiha....ka hmu ve chak hle mai,a ngainatawm asin”a rawn ti a
“nia...Ni,Pa Thanga kha ila hria em?,Kapa thianpa kha?”ka aw a khur dar dar mai,
“aw...hria e, mahse, kha te chu Ipi Fanu Pasal ania, i hria emaw ka tia” a rawn ti leh a,
“aih....hrelo, kapa thian ringawt amaw ka ti alawm,nimin ah khan Kapi in min hrilh a, min thawng ania aw” ka ti vang vang a, a nui hawk hawk a,
“Ipa pawh hi a...a hrilh che maw ka ti alawm, mahse,i hriat chuan a that chu...ipi chuan ka tlawhpawh loh chhan pawh a hrilh che ka ring tlat” a nui leh ar ar a,
“hrilh chiang e,chuan ,Pa Thanga Fapa khan kapi chu a enkawl a” ka ti leh a,
“aw....ka hria alawm, ipa Thanga te chu Pa tha tak alawm” a thilsawi ka awih lo lutuk chu ka nui hawk mai.

Zodina nen kan Inbiak loh na pawh karkhat zet ani ta,Biak hmasak na chhan tur ka neih ka hrelo a, Biak ka tum heklo, mahse, Zantin ka ngaihtuah fo thin a, a hmui nalh leh Sexy zet khan Zorini a fawp mek angem?, tunah an riak dun leh angem?...aaaa....ka ngaihtuah loh tur ka ngaihtuah a, ka buai anih hi tiin keimah leh keimah ka inhau fo mai,Kapa Thihcham a hnai tawh hle a, Zodina hnenah khan atthlak zet in Kapa a thi tawh tih ka hrilh a, ngaihtuah chiang hmanlo a ka thil lo sawi ve ngawt khan eng thil pawi nge a thlen dawn ka hre silo, mahse, Michael-a khan a Farnu ka ni tih a zep chhung chuan ka buai lo ang, kan Deal tawp hunah chuan hre mahse engmah buaina a awmlo, ka hmu zui tawh dawn lo tlat a, ka chanchin a ngaihven ka ring miah lo bawk.

“Thiannu, saw saw Zodina anilo mi?” kan inkawp hnu khan a hmingin a sawi ve mai,a hawina lam chu ka hawi phei ve a, Zodina leh hmeichhe nalh lutuk hi an rawn kal dun a, a nalh satliah pawh anilo, a changkang in a hawi her a zangkhai vah mai a, ala hmeltha tel zui bawk,
“aw...nih saw, lo kal rawh, helai dawr ah hian i duh ang kha a awm, lut ang” tih pah in ka pawt lut a, kan luh loh chuan kan intawk dawn a kan inhmuh ngei ngei angai dawn tlat a,inhmuh ka duhlo bur thung,Dawr chhung a Darthlalang lianpui an dah atang chuan pawnlam a mi kal vel chu a hmuh theih a, Dawr thil chu eng nge annih pawh hrelo hian ka lek kual a, Darthlalang atang chuan an kal tawh em tih ka en ru pah bawk a,Mal-i lah chuan hrethiamlo hmel zet hian “chhuak ang, engmah ka duh tur chi a awmlo ania ” alo ti sek bawk a,kan hnung lamah chuan Zodina te chuan min kalpel fel chiah tih ka hmu a,
“aw...chhuak ila, an nei khan ka hria a, chuvang alawm” a kal chhuak chu ka zui a,a hawi kual vat vat a,
“Zodina te kha ka hmu tawh miah lo, tunlai chu Office ah alo kal ngai miah silo a, in in hau ami?” a zawhna ngah lutuk hi ka ning thin,
“um...hau deuh tho, bakah Apa a damlo leh a, Shillong ah a zuk dah a” ka ti a, a chek tlak tlak a,
“anih chu...mahse, a duh hmel che e, i vannei tho, Kapi i nih hun chuan Office ah ka inti lal ngawt ang” a fiamthu tih hre reng ma ila ka na zawk tho, ka ni dawnlo a, kan inkawp der tih hriase chuan min khawih hrep duh hial ang.

Pawn lam ah chuan Ruah a sur buan buan a,kawl a phe zawr zawr bawk a, ka Thil hlauh ber anih avangin che chang ngamlo in ka thu tawm kak a, Ka mu ngam lo a, ka chesawn ngam chuanglo bawk.Kapa thih hnu khan Kum tin kan tan chuan Fur lai tluk a hrehawm tih ka nei ngailo, mahni a awm nuam ka ti a, mahse Fur lai chuan Pasal emaw chhungte pawh, chenpui hrim hrim neih ka chak thin.Zodina bulah khan ka him riau khan ka hria a, mahse tunah chuan ka hnenah a awm lo a, min hre tawh lo zawk pawh ani maithei.Ruahsur nasa lutuk chu a reh tial tial a, Kawlphe zawr zawr pawh a reh a, khawpui ri pawh a ri hla tial tial bawk, Light ka Off a, ka khum ah Ka lawn a, ka Phone pawh ka khawih leh ngam ta, Khawpui rik lai leh Tek tlak lai hian Phone ka khawih ngamlo satliah pawh anilo, ka bulah pawh ka dah ngam ngailo hrim hrim.
Msg a rawn lut nghal tawk tawk a,Ka Open nghal a, Zodina hlir,hmanhmawh zet hian ka tho leh nghal a, Room atangin ka chhuak a, Light ka On vek a,

Kawngkhar ka hawng a, LALPA leh... Huh hnuang hian Zodina chu alo ding a, a vawt a tih hmel kher bawk.

APRIL - 11

“Lo lut rawh, i huh vek anih kha” ka ti sawk sawk a,
“Towel min rawn pe phawt la, ti ringawt chuan i Carpet ah tui a tling lung mai ang” a ti hmuk a, a vawt ati ngang aniang,a tawng khur ve deuh in ka hria,ka let leh vat a, Towel ka la a,ka pe a,a Kawr hak lai hlih nghal a tum a,
“hey....lo lut la, Bath Room ah emaw Room ah pawh i hlip thei ve ve, khalai a i hlip ringawt anih chuan a tha nang” ka ti hmak a,
“a pawilo, i chhuat ....”a ti leh chiah chu ka lo pawt chat a,
“ka hru hul leh thei alawm,lo kal rawh”a luhna tur ka kian a, ka tawlh sawn a,hrilh ngai lo in Bath Room awmna a hria a, a pan nghal a, kei erawh chuan Coffee siam sak tum in Kitchen ka pan a, khati khawp a vawt ati anih chuan a hritlan loh nan a taksa a tih lum vat angai,Coffee hian Taksa a ti lum awlsam ber in ka hria.
“i Thawmhnaw hak hawh mai tur a awm em?” ka hnung lam atang a a rawn tih thut chuan ka phu zawk a, ka Inher nghal a, Towel a veng a, Ke lawng in a awm a, a Taksa phiar fat mai chu engmah khutu dang a awmlo, Towel hnuaiah lah engmah a hak ka ring lo,Infiammi ang mai in a Fit zaih a, a Dar a pharh tha hle a, mahse a kawng a fek raih thung,a Dul sek leh phiar fat ah chuan Hmul a to a,lang zo lo in Towel chuan a khuh a,oh....LALPA....engvang a han en reng nge maw ka nih teh chai ni?!
“aka nalh tih ka hria ania” a nui huk zui a, a va han ngeiawm tak,
“chutiang lam anilo, i rawn tawng thut khan min ti phu a,chuvang mai mai” ka ti leh ve hlak thung, nui leh hawk a,
Ngaipawimawh lo hmel zet hian ka kalpel a, Ka thawmhnaw ah chuan engmah hak tawk anei dawnlo, kan in len hleih lutuk, Mahse,Pa Tlana kawr tur a ka lei sak ,ka la thawn loh a awm a, a ha tawk maithei, a ha tawk chiah lo anih pawh in adang a awm chuanglo a, a thawmhnaw a ro hma chuan a ha mai ang chu.
“kha....hei chiah hi a awm a, i hak tur chi ka neilo reng2” tih pah in ka pe a, a Ha nghal a, a mawi lemlo khawp mai, a te lam hret chu ani,
“a Te anih hi, mahse, a pawilo, ka thawmhnaw a ro hma chuan ka ha rih mai ang chu” a ti sup a.
“nia, tihngaihna a awmlo, mahse,Kekawr lam ka neilo a, tikhan Towel kha veng la, i Thawmhnaw ho kha ka su ang a ka Spin leh anga a zia hawk ang” ka ti a,a Bu nghut a,
“nuam ka ti chiah lo a, mahse, ka hnial lo ang che, hak tur dang awm heklo,Kan Driver ka Phone a,a la thei bawk silo a, hetah ka riah mai angai ang” nuam lo a tih ve hmel tak tak,ka Bu nghat a, Bath Room ah ka luhsan a, a thawmhnaw machine ah ka vawm lut a, ka Set fel a, ka chhuah leh chuan Tv alo en a, Ka Coffee siam tur ka hre chhuak zawk a,
“Coffee in la, hritlang i kai palh chuan a chi loh ngawt ang” ka ti a,
“a lawmawm ngawt ang, tunah pawh ka hnar a ping Tan der in ka hria” a ti sup a,
Ka siam sak a, a in zo rang kher mai,
“khawiah nge kali tum reng reng a?” ka ti a,
“rawn kal ka tum a, sawi lai deuh ah sawn ka Motor ke a Puncture a,ka Phone che a, i Off tlat bawk sia, Msg ka rawn thawn leh a,Deliver thei bawk lo a, ka rawn kal phei a,Motor chhung a awm reng ka peih lo a” a ti duah a,
“Tek a tla nasa em a, Phone ka Off a, a zialo hle mai,..e...Ipa eng nge a an tawh a?” zawh tum pawh ka nilo, ka rilru a lang hmasa apiang ka sawi ve tawp ani ber,
“a tha e,tu nge hrilh che?” a ti hmuk a,
“Michael-an, nang pawh min hrilh ve tur ania” ka ti hmak a,min melh run avangin ka en let ngam lo,
“in lo inhmu animaw?” ka lungawi vak lo chu a haider hmak,
“um....an In ah Chaw ka ei a” ka ti let ve thung a, eng vang a tih el chak tlat nge ka nih ka hrelo,
“huh.....i ti tak tak em?” a ti thawt a,ka phu zawk bawk,
“aw,ngatinge?, tlawh tur in min sawm a, i wmlo bawk nen, ka zuk tlawh a” ka ti leh sap a,
“ka rin ang chiah, i duhzawng ah chuan i che rang hle mai, Michael-a hi i duh zawng ani em?” a ti hluk a,
“ka hre chiang lo, mahse, ka ngaina khawp mai” dik tak in ka chhang a,a rum nghut a,
“hlau hle rawh, a ti na ngei ngei ang che” a ti hmuk a,a tawngdan kher chuan min khei zak mai,
“aih...min ti na ngailo ang, nang ang in midang a hmang tangkai ve ngai hleinem” ka sawi chhuak ta nge nge..min rawn pan a, kei erawh hlau lo awm tak in ka thut ngaiin ka thu ngar thung, a ruk erawh chuan ka khur dar dar mai,min chhuk en run a, a mit a thim raih bawk,
“sawi nawn leh teh” a aw a hlauhawm kher mai, ka Ding ve phat a,
“Zorini kha i nu khan a duh lo hle tih ka hria, mahse, Mipa i ni a, Inu bum kual vel lo in i duh te chuan nei mai ta che” ka ti chang ve fak mai,min chhan na chang hrelo in a ding khawng luh a, a kut a hum ruh nasa hle bawk,
“Zorini chungchang kha i hre chiang anih loh chuan sawi leh tawh ngai suh ang che” min thah mai a duh hmel khawp mai,
“oh....tehreng mai, vawiin khan ka hmu che u a, in inhmeh takzet” ka nui hak a,ka kalsawn zui nghal bawk a,Room atangin Blanket dang ka la chhuak a,Zodina erawh chu ngaihtuah muk hmel zet hian che lo in a lo thu run a,
“a tlai twh sia, Mangtha phawt le” Blanket ka dah a,Room ka luh thleng in min chhan ka beisei a, mahse, min chhang ,a Thawmhnaw ka suk ka la chhuak a, ka khai a, Zingah chuan a ro hman lo anih pawh in a ha lui thei mai ang.kan Deal a tawp em tih ka zawt lo erawh ka in chhir viau thung.

Ka Beisei loh zet in ka mutui phian mai, ka Alarm set in min ti harh a, ka tho thuai a, ka in phih fai sawk sawk a, ka insiam zawh chuan thawm dim fe hian ka chhuak a, Zodina erawh alo la muttui hle thung, Blanket chu tha tak in a sin a, a thaw sak sak bawk, a hmel chang leh rum ul thin kha tunah chuan a awm lo a, Mipa Naupang thuawih thei tak a ang takzet.Mipa tih har leh luhlul tak nilo in tihnat a awlsam hmel kher bawk.khua chu awihawm loh khawp in a thiang vuk a,Boruak a dai in a nuam phian bawk.

Ka haw dawn ah ka phone ka khawih leh chauh a, Zodina Msg alo awm a,
“chahbi hi Doormat hnuaiah ka dah a, chuan min riah tir avangin ka lawm e” tih hi alo ni a, ka then sak a,ka nun atang hian kalbo mai se ka va ti em,ka nat phah mai mai dawn in ka hria a,Zorini pawh kha ka thik chiang alawm,mahse, a hre dawn chuanglo a, nakinah chuan ala tawp leh mai ang.Blanket chu a lo thlep tha thlap a, khumah alo dah a, a T-shirt hak pawh a lo dah a, ka la kang a, ka hnim vang vang a, a rim pa hrak mai kha ala nam vang vang bawk.Zorini a duh em em zia lah kha a,ka sawi ve tak ngial pawh a phallo bur ania,ka sawi ma lek anga animai alawm.

Lunch kan ei laiin ka beisei miah loh in Zodina Call ka dawng a, Tlaiah min hmuh a duh tih a rawn sawi a, a chhan ka hrelo a, mahse, ka hnial chuanglo, ka awm a nuamlo ru teuh a,engvang a min hmuh duh nge anih ka hre miau silo a, ka rilru a nuam theilo.Office ah min rawn lam a, midang te min sawi na pawh a reh tan tawh a, kan inkawp ni in an ngai miau alawm le.
“khawnge kan kal dawn a?” tim dai hian ka zawt a, ala tawng lo tluk ani ,ka biak chauh in min chhang a, rilru hahna nei te pawh a ang ve hial mai,
“i la hre mai ang chu” a ti hmuk a,
“ih....kan Deal hi kan ti tawp tawh tihna ami?” ka ti leh a
“chutiang ka sawi ka ve hrelo ve” a ti bul hmuk a,
“eee....aaa,ka zawt mai mai che, hmanni khan ka chet that chuan kan tawp thei ang i ti sia” ka ti bah nak mai,a rum nghut a,
“a rei tawh lo ang, reilote nghak rawh” a aw a nghet charh mai..engmah zawt ngam lo in ka ngawi ta hle hle zawk a.

In nalh zet kawt a kan din takah chuan ka thaw huai mai, midang bulah chuan a ze tak ngul hi a bo mahna,
“lut ila, Michael-a pawh a thleng tawh ang” a ti kher a, kei erawh ka thinlung tak in ka lawm, Michael-a bulah chuan ka thlamuang tlat zel,
“ehe...a awm ve maw?, tha lutuk..” a kal nghal daih chu ka zui a, ngam ila chuan ka vawm chawrh ang, ka ngam der silo.

Inchhung kan luh veleh chuan hmanni a Zodina bula ka hmeichhe hmuh khan min lo Welcome vat a,thawmhnaw ho tak a ha a, kei, Office kal nan a thawmhnaw pangngai tak ha ai pawn a la nalh tho tho,
“in lo thleng thei chu ka van lawm,hei hi mi Remruati chu?” Zodina a en a, a mitmeng ah chuan a duh hliah hliah tih a hriat a,Zodina chu a bu nghut a, min rawn en a,
“Bawihi, hei hi Zorini anih hi,in chibai ula, a hre sa che a, ka hrilh tawh a” eng nge a hrilh ang?,kan inkawp der tih a hrilh ani ngei ang, a kut zen leh zum sal chu a rawn phar chhuak a, ka lo vuan vat a, rei vuan lo in ka thlah leh nghal a,
“ka hmu che chu ka lawm hle mai” ka ti ve a, a nui saih a,
“Zoa tan a mi pawimawh apiang hi ka tan chuan an pawimawh animai, a dik tiraw?” Zodina bawk a en leh a, a mitmeng vap ham mai ah chuan tu mipa mah an tal chhuak mai mai lo ang tih a chiang, a hmeltha mai pawh anilo,a zei vel vek, a nu zem a, inti nu chawp anilo, amah ah chuan Hmeichhia tih hi a kim vek animai,Zodina chu a nui huk a,
“ok....ka hria e, keipawh mawle” vawikhatmah kan inhriat tirh atangin hetiang a duat leh zaidam hian min la be lo, min duat ve emaw ka tih kha chu engmah ani hrep lo e.
“Hey....Rem-i,Zo......inlo thlenna a rei tawh em?” Inchung panna Step atang chuan a rawn chhuk a,a dan pangngai in a lang tha leh hle bawk, a then sang bawk a,Ka Unaupa alo ni bawk nen ka chhuang hliah hliah mai.
“kan lo thleng chiah” ka pan nghal a,min rawn vuan vat a, a Mit in Signal min pe a, ka hrethiam ve mai bawk a,
“Mike....ka awm loh hlan in Bawihi ilo enkawl tha tih ka hria a, ka lawm khawp mai” ka bulah a rawn thu a, a Kut sei thlurh chu ka mal chungah a rawn nghat a, paih sawn ka chak lutuk,
“ha....ka tih tur alawm, midang in an ruk vaih chuan pawi dawn lutuk asin” a nui hawk hawk a,Zorini pawh a rawn thu ve a,an 3 chuan an tawng bawrh bawrh a, an inkawmngeih tih a hriat ngawih ngawih, an infiam a, thil hlui an sawi a, an thiante chanchin an sawi bawk a, kei erawh min bia anih loh chuan sawi ve tur ka hriat loh avangin ka ngawi reng thung.

“engtik ah nge kan haw ang?” Zodina ka zawt a,
“naaa....chaw in ei dawn alawm, i hrilh lo ami?” Zorini zawk in min lo chhang a,
“aih...hrilh lo, Surprise hi a nuam alawm” a ti awlsam et mai, ka ngei hluah hluah, hetiang zawng a in Surprise hi ka lawm miah lo,
“awi....chutiang tur in ka lo in ring hleinem,min hrilh lawk la tha tur”ka lungawi vak lo tih ka aw ki ah chuan ka ti lang lui a,a then sak a,
“tunah i hre tawh alawm, Zorini hi a chhungte an zin bo vek a, chawpchilh deuh in kan ti thut alawm” a ti sup a, a rawn kun a,
“Sorry aw” a ti leh a, tider lo in ti tak tak se a van nuam dawn tak,ka bu nghat a,mahse kana wm chhung zawng chuan Zodina leh Zorini in duh hmel ka haider theilo..

In chungah keimah in ka hawi vel mai mai a, Zodina leh Michael-a erawh chuan thil pawimawh sawi dun tur an neih thu sawiin an inkawm a, Zorini erawh a inbual thung a, An Hausa thawkhat ang, an Inchung zawl a, inleng kawmna an neih ringawt pawh a nuam tham em mai,Aizawl khawpui pe tuar mai chu ka thlir a, Ka pum a rawn ri raih raih a, ka Riltam tawh zia ka hre chhuak zawk mai, tunah dar 9 a ri tawh a, midangte kha cu riltam awm pawn an awm lo,
“hetah ilo awm daih a” Zorini aw in a rawn tih chuan ka hawi let a, ka nui lui a,
“nia, ka hawi khawthawng vel mai mai,In in nei nuam hle mai” ka ti leh hnuhnawh a,a rawn thu ve a, a vun var haih mai chu a thawmhnaw dum hak chuan a ti lang chiang in a fai sar mai,
“um...hemi te pahnih hi chu sawi dun tur an ngah thei ania” a ti sap a, a hawi vang vang a, a hrechiang bik lutuk chu ka lo thik hmanhmawh thung,
“In inkawmngeih lutuk hi inhmuhnawm tawp a” sawi tur dang hrelo zet hian ka ti a...
“nia....a dik alawm...chuan, sawilo tur a tih ka ni nang in Lawmthu hrilh che ka duh a” a ti sap a, ka kut a rawn vuan a,
“eng thil ah nge?” ka ti let ha mai,

“Zo-a tan i lo thawk duh a, a Nu leh Pa lakah Zo-a i chhan him a,keipawh min chhanhim tel ve tho ania, nakinah ila hre dawn tho a, Zo-a nen hian kan induh tawn a, inneih ngei kan duh bawk, mahse, Problem kan neih vangin hetiang hian kan awm hrang a, mahse, tunah chuan Zo-a Nu leh Pa pawh an rilru ilo hmin sak a,ka lawm takzet ania aw”

Ka hre sual anih beisei in ka melh ngawt ngawt a,mahse, ka hre sual der silo

APRIL – 12

Harsa ti zet hian ka aw ka thian a, ka nui lui sak bawk,
“lawmthu sawi angai hleinem, keiin pawisa ka mamawh a, kan inpuitawn animai” ka sawi mar tha phian mai,
“nia, tumah in mamawh lo kan awm lo a, kan inpuitawn vek alawm, min mamawhna i neih phawt chuan min hrilh zel dawn nia” a ti leh a,ka bu nghat a, mahse, vawikhatmah he nu tanpuina hi ka dil ngai dawnlo tih ka hria,Zodinsanga Rilru dik taka lo Lang ta,Apa ang chiah a Ramhuai rilru pu ve tho alo ni, Danglam deuh tur a ka lo beisei kha ka ti sual chhiava ani.

Kan chawei a tui leh tui loh ka hrelo, ka ei liam vel mai mai ani ber, an tawng bawrh bawrh a, kei erawh chu ka thil ei lai chauh ngaihtuah niawm tak hian ka awm a, mahse, harsa ka ti, Zodina ka huat na chuan ka thinlung mai nilo in ka Taksa pawh ati na vek thei hial in ka hria.
“Mike, Ipa biak duhna ka nei a, a number ka van mamawh, i phal chuan..?” a mit ko a san awk a,
“tehreng, i tan chuan phalloh ka neih pawh ka hrelo e” a mit a siai zauh a, a chimawm lutuk chu ka nui ve hawk hawk tho.
“ilo phal mah mah ange aw” Zodina Mitmeng hriatthiam har zet chu ka en a, kan mit a intawng sak a, ka hawisawn leh nghal thuai a, ka en rei ngam lo,
“haha....thikthu pe chhe bawk sia, tak tak in ka rawn thawn ang che aw” a ti liam puat a,ka bu nghat a,a hnu rei vaklo ah chuan a rawn thawn nghal a,ka en thuai a,
“um..ka lawm e” ka ti a,ka lawm tak tak, tunah chuan bul ka tan thei tawh ang.Kani Pasal ani emaw nilo emaw ka ngaipawimawh lo, ka hriat chhun chu ka Pa THAT tu tih chauh ani.

Kan haw tur chu Zorini leh Michael -an min thlah a, Michael-a pawh a hw ve dawn tho a, mahse kal hmasa turin min ti a, tawng miah lo hian ka rilru ka kawm a, Pa Thanga chanchin hrechiang tak ka mamawh hmasa a,a eizawnna pawh Sumdawnna ringawt anih ka ring hek lo,
“Thil dik lo a awm em?, chaw pawh kha i ei mumal lo ania” a rawn ti dut a,
“eng....aih...engmah diklo a awmlo” ka ti bah nawk mai,
“a that chu...Michael-a number nei tur khawp in in lo inpawh hman bawk a..huh..ropui hle mai” ten hmel zet hian a ti hluk a,
“nangpawh mi thianghlim i ni bik hleinem, kan 2 te chuan a Der mai in kan inkawp a, ka duhzawng ka biak a thianglo tihna ani chuang hleinem” ka ti ve hmak thung,
“oh....mahse, a Der ani tih hi midang tupawh i hrilh anih chuan a pawi khawp ang” a ti tuar a, na zet hian a Breake hrawk a, ka lo in ringlo nen ka in tauh lo chauh,
“enge i tih a?, min ti na dawn alawm” ka ti that a, min rawn hnaih ruak mai,
“engmah ka tilo, i in kan thleng a,ka ding mai ania” ka hawi chhuak vat a,Dik chiah...ka lo ngaihtuah muk deuh a, kan tlan chin pawh ka lo hrelo,hmanhmawh zet hian ka Bag ka la, ka chhuk nghal a, na lutuk in ka khar bur bawk, amah tak pawh chu khar chilh pawp ka chak takzet.Kawngkhar ka hawng a, Inchhung ka lut a, ka khar leh tur chu Zodina Pheikhawk hian a rawn dang a, a mah a rawn in zep lut nghal bawk a,
“chhuak rawh, ka hmu peih lo che” ka nem a, lungbang sut ang chiah, a tawlh eih lo,engmah sawi lo leh ka tawng ngaipawimawh lo zet hian Kawngka a kalh a, min rawn pan leh a,
“ka ten che, i bulah ka awm peih lo, chhuak vat rawh” Ka Bag a vuak ka tum chu alo indang a, min ti let lo in a indang zel a,Ka Pet a, a samah Tham tum in ka ban a, alo thle sawn zauh chu ka Balance ka hlauh a, ka pai dawrh a ka tlu tur chu min rawn man a, amah si chet in min pawm bet a, a Lungphu ri dat dat pawh ka hre thei hial mai,
“Duhtawk teh, i chau lutuk dawn” a ti sup a, ka la tal laih laih thung, awmzia erawh a awm chiam lo khawp mai,a rawn kun hniam a, a hmui nalh leh sexy zet chuan ka Beng a fawp zauh a, ka mur uai a, ka Danglam nghal huih bawk,
“min thlah rawh, khati khan min ti suh” ka aw a lawi rat mai a,a nui hawk a,min chhang lo in a tih ngai a chhunzawm a, ka inrin hma in min pawm kang nawlh a,tlak hlau lutuk in a nghawng ah ka kuah lo theilo,Sofa ah min nghat a, a Taksa lianpui chuan min rawn bawh thuah nghal bawk a,
“Zorini kha i thik tih ka hria alawm, kan inkawp hi a Der iti ziah bawk a, zan in a tang chuan a Der i ti leh tawh ngai lo ang” a aw pa zet chu a tham ve sup tho,min rawn fawp tur chu indanna chang pawh ka hrelo,ka mit ka chhing ta ringawt, ka thik lo ti a au khum nghek ka chak a, mahse, ka tawng chhuak thei lo,ngenngawl zet a min rawn fawh takah chuan ka thaw hawk a, ka thiam tawk in ka chhang let ve ta nge nge a,ka Chhan let takah chuan a rum hawk a, a hma aiin a uar sauh bawk,a kut lum thar thar in Ka hnute a rawn khawih fuh takah chuan ka tum loh tawp hian ka rum hak mai,a nui ri hawk a, a inla hrang zui nghal bawk a, makti zet hian ka en chho a,
“khawnge i kal dawn?” a kalsawn tur chu pawh beh ka duhna chuan min tur ut ut a,mahse ka ti lo hlauh...
“i awmdan kha ka awih lo hial mai, Mipa i mamawh hmel hliah hliah ania” a thusawi chuan a mal mal in min deng dawt dawt a, muangchang in ka thu chhuak a, nia...a sawi dik ang, a mi hipna nasa lutuk avang khan ka mamawh miau a, min khawih zel se chuan a tawp thleng turin hnialna ka nei hauh lo ang tih a chiang reng.
“Kan Deal hi tawp tawh rawhse” amah pawh en ngam lo in ka sawi a,ka aw pawh a ri chang chang chauh,a hriat phak leh phak loh pawh ka hrelo,
“ok...ka pawm e, tawp rawhse,i zalen e” ngam leh ngam lo hian ka en a, a hmel dur khuih chu en rei ngam lo in hnuai lam ka melh lehnghal a,chutiang maia awlsam a a pawm chu ka lo beisei miah lo...a ruk tak chuan a theih loh ti a min chhan ka lo beisei takzet a, mahse tunah chuan a tawp ta,
“Mangtha le, min puih avangin ka lawm bawk a, i AC number min rawn thawn la, naktuk ah i hlawh tur ka rawn thawn ang che” engmah sawi na chang hrelo in a kal chhuak tur chu ka thlir a, a kal liam ta, ka Rilru leh ngaihtuahna zawng zawng pawh a kalbopui ve a, ka Nun a Mipa ka duh hmasak ber leh hnuhnung ber tur ani tih ka hrechiang a, kan bultanna pawh LEMCHAN anih avangin kan tawpna pawh heti mai hi ani, thildang beisei tur ka nei lo a, beisei ngam tur ka ni heklo. Kan inkawp dan atak ani dawn tiin min hrilh kha ania, min hmuhsit na mai tur in keilah ka lo awm bawk a,a rapthlak em mai..ka mit ka chhing a, Kapa Vang nilo in Mipa dang vang zawk in a Vawikhatnan ka tap ve ta.

“Bawihi....tunlai chu ka hmu ngailo che a, tlaiah chaw rawn ei la” Michael-a min biakna chu ka ngaithla a, Computer ah hna ka thawk pah mawlh mawlh a,
“awi...nia,Kapi a tha em?” ka ti chul a,
“lo kal la, i rawn hmu ang a i hria ang chu” a nui huk huk a, ka ngaina ani he mihring zet hi chu.
Ka kal thei tih ka hrilh a, hruai ka ngailo tih ka hrilh bawk a, Zodina nen kan inbiak loh atangin thla 2 a liam tawh a, Michael-a nen erawh chuan kan inhmu zauh zauh a, min rawn be thin bawk a,ka Unaupa ani a, ka ngaina takzet bawk,Zodina leh Zorini te an inzui ka hmu fo a, Office a rawn kal chang pawn min hmulo niawm tak in min kalpel mai thin, lawm lo tur ka ni lo tih ka hria a, mahse ka na vawng vawng zel a, ka tap muhil fo bawk.Company pumpui ah kan inkawp tirh ang chiah khan ka lar leh hat bawk a,a hma kha chuan Zodina phen ah min sawina te ka tuar a, tunah chuan tumah min chhan tur emaw han inghahna tur ka neilo,Mal-i Training in a kalbo rih bawk nen, ka mal ngawih ngawih a, Michael-a erawh chuan vawikhatmah kan inthen chhan min zawt lo, ani pawn kan LEMCHAN kha alo hria pawh animahna.

Kapi in min lo lawm hlut a, a landanah pawh a dam that hmel hle bawk, min en vang vang a,
“Zo-a nen in inthen tih ka lo hria a, i tuarna deuh tih pawh ka lo hre bawk a” a mitmeng fing lutuk chuan Tarmit phen atang in min melh kar a,za lo zet hian ka then sak a,
“nia....a tawp ta anih kha, tuar chhung te chu a rei nang, tunah pawh ka theihnghilh tan der tawh” ka ti a, kei ngei pawn dawt ka sawi chiang lutuk chu nuam ka ti lo,a hnar a tum dat a,
“um...mahse, i cher in i dawldang em mai a, i na ala reh lo anih kha,a pawilo,i tha mai ang” a ti leh halh a, ka bum lo chiang khawp mai,
“tunlai chu Mama hi a buai ve deuh a, Ipa Thanga hi Upat lamah a khawsa ho riau a” a ti a, ka beng a verh zak mai,
“engti khawsak hoh in nge?, ka hriat ve chi ani em?” ka ti a, ka aw a phurna lo lang chu thup hram ka tum bawk,
“Nula a duh riau a, Mama hian Anu hriat a hlau si a,keilah in ka hre ru kar bawk si, ka hah em mai” a ti halh a, tunah chuan misual chuan a inkhuhna a hai lang ta, keipawn ka chet tan dan tur ka hre chhuak ta bawk,
Michael-a lo haw hnu ah erawh chuan kan ti ti a, kan ri chul a, Zodina nen a kan tawp tak hnu a hlim tak leh a der nilo a ka nuih leh na hmasa ber ani,chaw ka ei tui phian bawk a,Michael-a chu ka en ru zauh zauh a, a hun tawn khirh tak karah pawh a nui sang reng thei te chu a fakawm ka ti a, nakin lawkah Apa nihna tak ala hrechhuak anga ,a va la na dawn tak em..
“Pi, Bawihi hi thil zawh lawk tur ka nei a, Room ah kan chho lawk dawn ania” a ti lar lar a, Room ah ka zui chho a, a Room hi ka kal hmasak ber khan ka hmu tawh a, a nuam in a thianghlim a, a changkang hle bawk,in ngaihtuah muk hmel zet hian chunglam a melh vang vang a,
“i la na em?” teh tawp a,
“eng vang chuan maw?”ka ti let ve ha thung,
“Zodina vang a i na hi ka hai hleinem, hetiang hun hi ala thleng dawn tih hre reng chung a ka venghim zo lo che hi ka thiam loh ani” a ti sup a, hetiang tak a a Serious hi vawikhatmah ka la hmu lo,
“ha....a ho em mai, a reh leh mai dawn alawm” ka nui lui hak a,a rawn hawi chhuak a,chiang zet hian min melh a,
“nilo....a reh mailo chu anih kha, i Unaupa ka ni a, DAWT hrilh ka ngailo,ka hmu che a, ka hria alawm” a ti halh a, a rawn tho a, ka thutna bulah a rawn thu ve a,ka kut ka hum ruh ngawt ngawt ringawt,
“min ngheng la, tap ta che, i natna zawng zawng i tap chhuak vek dawnnia” min rawn kuah a, nia....ka Unaupa ani a, ani ka rin loh chuan tunge ka rin chuang ang?

“Kan ti buai che u em?” kan hnung lam atang a tawng ri avang chuan ka hawi chhuak thuai a,Zorini leh Zodina Room a lo lut mek chu ka hmu nghal a, Zorini chu a nui sang a, Zodina erawh a hmel ah engmah a ngaihtuah ka hrethei lo. Ka thu tha thuai a, engchen nge ka tah ka hrelo,
“aih tibuai lo e, kan lo sawi zo chiah a” Michael-a chuan a ti thuai a, ka kut a rawn hum a, hnialna ka neilo,
“Mike....ka kal tawh mai ang, a tlai tawh deuh em mai” ka ti a, ka tho nghal a,mahse Zodina rawn tawng avang chuan ka ding chawt mai,
“la kal mai biklo e, khatiang a News lian tham in lo zep kha insawifiah i ngai alawm” a aw a hmusitna lo lang chu ka hriat hmaih lo,
“hey...eng News maw?” Michael-a chuan a ngaihna hrelo zet hian a ti hu a,
“oh....nachin a kan rawn hmuh zawh chiah kha...in in hmeh teh ania aw” Zorini aw tliang ral mai chuan ka luak a ti chhuak hluah hluah...Michael-a chu a nui hawk hawk a,
“aaaa....Rem-i te chu ka....” a sawi tur a sawi zawh hma in a Malchungah ka thu thla nghal a,ka kuah a,
“nia...kan thiam loh ani,kan lo zep a..” Michael-a chuan hrethiam se ti lutuk in a mit ah ka en a,a meng buai nak mai,a hrethiam dawnlo emaw ka ti hman a,
“eee...ooo...nia,kan zep mai mai mawle” ka thaw huai mai...

Zodina rum hrawk chu ka hriat hmaih hauh lo

APRIL – 13

Ka chet dan mak lutuk avang in Michael-a hnen atang in Bonus tlem ka dawng hlak a, mahse, ka nihna thup tur a ka chet angaih miau avang in pawi ka ti hran lo,Michael-a Bianu erawh ka la hrilh fiah mai ang chu.

Ka Phone ri kauh chuan ka Suangtuahna atangin min kai harh zawk a, ka en thuai a, Pa Thanga Msg alo ni a,
“Zan in chu i hman thei dawn em?” tih ringawt alo ni a, tunah chuan ka thang kamah a in tal hnawk tan mek a, a Nihna diktak, Mipa tenawm leh Hurherh lutuk, Sum hmuh nan a midang nunna lak pawh hreh lo anih na alo lang ta,
“dawn e, angai ah aw” tiin ka reply ,ka Phone ka Off a, Sim ka phawi nghal hmak bawk, tul ka tih chin bak ah chuan min biak pawh ka duh hauh lo.

Ka duhtawk a ka insiam Danglam hnu ah Darthlalang hma ah ka ding a, ka landan danglam ta vek chu ka thlir a, ka Sam dum hlap kha a bo a, a aiah sam rawng uk kharh mai a lang ta zawk a, ka Hmel ti danglam tur a uluk theihtawp a ka Siam tir ka Hmaikawr chuan ka hmel zawng zawng a khuh a, hmeichhe hmeltha leh lerh hmel zet ka ni ta zawk a, ka thawmhnaw hak pawh a chhing lam hret bawk.

“ka ngai tawh lutuk che asin” tih pah in min lo kuah chung chung a, zu rim chuan ka hnar a verh zak bawk, ka luak a ti chhuak hluah hluah a,nam sawn lo tur in ka insum tang tang bawk,
“a mak thin e, thu phawt ang” ka kalsawn tur chu min la pawt a, a kut ka dahsawn sak a,Khum ah ka Bag ka theh thla a, duhdah zet hian ka thu nghal a, min rawn bawh ti tih hian a rawn thu thla ve nghal a,Ka mal var haih mai chu a rawn chul a,a kut ka man beh sak leh a,
“zan in chu ka rilru a hah ania, min duat viau ka ngai ang ”no zet hian ka melh a,a rum huk huk a,
“engatinge a?, tu nge hau che?” a ti buh nuaih a, ka ten lutuk ringawt,
“tuman min hau lo, Kanu a dam thalo a, enkawlna tur ka mamawh hnem lutuk a, engmah ka nei silo a, ka buai vek” mangang hmel zet hian ka ti a, min rawn kuai thlu a,
“Lungngai mahta che, hmansen loh ka nei alawm,i duh zat sawi la ka pe ang che” a ti thum tuak a, ka ten zual sauh bawk,ka tho that a, ka melh chhuk ran a,
‘nia, i hausa alawm, ka hre vek, in vengah pawh i hausak thu an sawi vek a, mahse, enteh, tun a i awmdan hi in veng ho in rawn hmu se mak an ti awm” ka nui har har a, min rawn pawt leh a,
“chutiang sawi mai mai lo teh, Pa zahawm tak ka ni a, sum hian engkim a lei thei bawk, ka mualpho teuh lo mai” a ti a, mahse, a aw ah chuan tlem in a zam deuh in ka hria,hun engemawti chhung chu min chul kual a, keipawn ka chhaih bawk a, harsa erawh ka ti thlawt, a tawp erawh thlen pui ka tum lo hual hual, Ka Mipa duh ber lakah pawh ka tlawm lo a, ani, mipa ah pawh ka Hmelma leh ka pawisawi tu lakah hian tlawm ka tum lo bur, Mahse, a tul anih phawt chuan min khawih mai mai chu pawi ka ti lo,ka duhzawng ka hmuhna tur anih phawt chuan ka tuar chhuak thei ang tih ka chiang bawk.

Ka In ka thlen a Kawngkhar hawngtur a chahbi ka lak chhuah lai chuan Kut tha chakzet hian min rawn pawt dawrh a, ka au chhuak tur chu ka ka a hup zui nghal hmak bawk,Ka Chahbi ken lai ka thlauh nghal daih bawk a,
“au suh, keimah” Zodina aw ka hriat rual chuan ka thlamuang nghal huai huai mai,min thlah zui nghal a, Chahbi chhar tur a ka kun chu a rawn kun hniam ve nghal a,min lak khalh a, rang zet hian ka ding mar a, ka tawlhsawn nghal thuai bawk,
“khawi chahbi kha...” ka ti sep a, zan a rei tawh a, Dar 1 a pel tawh hial ang, ka tawng hrelo niawm tak hian a man a hawng a, a lut zui nghal bawk a, ka haw tlai dawn zan chuan Common Room Light ka Off ngailo,ngawirengin ka zui lut a, lut duh lo ngawt dawn ila awmzia a awm miau lo,a kalh leh nghal hmak a, kal lehnghal a tum lo tih alang reng bawk, Ka let leh hma in Ka intih danglamna zawng zawng ka hlip vek hman kha ka lawm ru hliah hliah bawk.
“khawiah nge i kal?” a aw ri chu hrui hrual vai rik ang mai hian a fiak thak mai, mahse a ring hauh lo, a hlauhawm kher bawk, Ka Bag chu Sofa ah ka thehthla a, a khawsak dan chuan min ti lungawilo takzet bawk,
“oh...ka duh duh na ah..” ka ti hmak a, mut chhuak hmel zet hian ka ham zui bai bai bawk a,
“i sawi lo ang maw?” a ti hmuk a, min rawn hnaih chilh nghal ruak bawk a, hlau zet hian ka tawlh hnung dawrh a, min rawn man bet hman tho, amah si chet in min pawt let rawk a, ka inrin hma in min pawm kang lawp a, ka te thawt thung,Room kawngkhar a nek hawng a, kei erawh in ka theih ang ang in ka sual let a, a Samah ka tham a, mahse, a ngaipawimawh miah lo,Khum ah min nghat a, min rawn bawh bet zui nghal bawk a,Pawnlam hla Deuh a Light eng in a rawn chhun avangin a thim mup tur a ziawm a,a rawn kun a, a hmel chu Ramsa kawlh , Tisa chakna leh Thinurna inpawlh hmel rapthlak lutuk hi ani ringawt,
“kal bo rawh” ka ti khur hlawk hlawk a, a rum nghut a,
“oh...ka kalbo dawn hauh lo, hetiang khawp hian Mipa ilo mamawh tih ka lo hre hleinem,a hma khan min hrilh tur che alawm” a ni pawh a khur ve dur dur tho mai,a thusawi mal tin chuan ka Thinlung a vit zawk zawk a, hetiang khawp a min hmusit tur hian engmah tihsual ka nei lo,ka che leh phat a, a Kut tha chak zet chuan ka ban Pahnih chu chunglam ah a nem bet a, a Taksa lianpui chuan min delh beh tlat avangin ka che vel chu awmzia a awm teh chiam lo,a rawn kun hniam a, Dimna tel miah lo hian min rawn fawp ta buan buan a, phurna pakhatmah ka neilo, hlauhna avang zawk in chet zuina chang hrelo in ka dawh hle hle mai,ka kut a vawnna a thlah a, dim map lo hian ka kawr a pawt a, a thler kawk bawk,
“i duh chu keiman ka pe ang che” a ti leh nghut a, a tawng chuan ka mawl huih chu min ti harh leh a, ka tal leh phat mai, alo inthlahdul deuh ani ngei ang, Bangkil lamah ka tawlh phei nghal thuai a, mahse ka him reilo, min rawn nangching leh nghal a,
“eheu...Nula Thianghlim ang maiin i inla ngeng amaw?” min rawn pawt a, ka kawr teh hnuang chu ka pawtkhawm tawk tawk a, mahse, Awlsam zet hian a rawn phih thla a, ka Hnute ka hup tur chu a rawn thingthi a, ka kut a laswn leh a, a kut sei thlurh mai chuan a rawn tawk a, a kun a, a hmui lum ham ham in ka Hnute a sik rual chuan ka mur ar ar mai, a lei chuan zei zet hian a liak kual a, a samah ka tham a,
“Zodin...engmah ti suh, i inchhir ang” ka ti sep sep a, mahse, ka Taksa danglam tan mek chu ka hai lo,a rum hawk a, a thil tih lai a chawlhsan chuanglo, a Mal khauh tung in min rawn kherh beh leh chuan Thawmhnaw kan ha tawh lo tih ka hre chauh, eng tik laiin nge a phelh hman ka hrelo,Ka Mal karah a rawn tla zep a, zei zet hian ka Mal a rawn nawr a, hrilh ngai miah lo in ka lo kherh nghal chial bawk, oh...hetiang hian ka awm thei lullo..hetiang a awm tur ka nilo, min Pawngsual mek anih hi..mahse, ka ngaihtuahna chu lehlam chuan zawmlo turin min lo fuih a, a nuam lam chu ka Taksa in a zawm nghal zel bawk..
“Tawp tawh rawh...” harsa ti zet hian ka ti leh hram a, mahse min chhanglo, a kut chuan ka Point a khawih thlen takah chuan in ring hman lo in ka rum chhuak hawk mai,
“ka tawp dawn em?” min kuai dak a, a Mitmeng chakna avang a thim raih mai chu Room chhung thim ruai ah chuan ka hmuh hmaih lo,
“aw....aih...ka hrelo...” ka tawng mumal theilo, a Ha var rual zet lang in a then suk a,a rawn kun a, min rawn fawp leh ta zawk a, tun tum chu a dim in a dam hle, ka Hmui chip tlat chu zei zet hian a Leiin a rawn nawr kau a, ka Insum theihna zawng zawng a bo duak a, Duhthawh lutuk hian ka chhanglet ve ta zawk a,a Mipatna khauh tungin min rawn nek takah chuan ka hlauh thawnna bawk a rawn let leh a,ka thle sawn a,
“Tho teh...thil pawi thlen hma in..” ka rin aiin ka tawng mar tha,a rawn hawi chhuak a,
“engmah pawi a awmlo...” a tawng a seh chilh nak mai,
“aih...pawi e...” Ka Hnute a Fawh leh tak avangin ka sawi zo hman lo, a Samah bawk ka tham a,
“mawh...Zodin...Tawp teh, min ti na mai ang” ka ti leh a, a thaw hawk a,
“nangchuan min ti na tawh asin..” Dim map lo a ka Taksa chhung a rawn luh takah chuan na ka tih luat avangin ka ang pham ringawt, ka Biang rawn lum pap pap ah chuan ka mittui a tla tih ka hre bawk,

“oh....LALPA..” a rum hrawih a, Ka chung atangin a let thla a, a chungah min pawt kai a,kei erawh ka Mittui tla zel tur dan kir tum in ka mit ka chhing a,
“Mate...Sorry...engthil nge ka tih tak?” manganna a khat, rilru chhungril atanga chhuak tih hriat ngawih ngawih hian a aw chu a thuk a,Ka Biangah a rawn dawm a,Ka Mittui luang chu dimte hian a rawn fawp a, haw ngawih ngawih tur ka nih laiin ka haw miah lo, a inchhir ani tih ka chhungril atang hian ka hre thei tlat ani,
“min ngaidam rawh aw...ka Rilru nat na hian khua min hmuh tir lo ani” a ti leh a, ka Samah a rawn fawp a, a darah ka Lu ka nghat a, ka Tahna avang a ka Taksa khur hlawk hlawk pawh a reh ta bawk, ka tawlhsawn tur chu min dang lo, ka tho a, a kill amah ka thu a, ani pawh a rawn thu chhuak ve nghal bawk a,
“haw tawh la a tha in ka hria” ka sawi zawi hle na a hriat loh tur khawp a zawi erawh anilo, a rawn tawlh phei a,
“aih...min hnaih suh, khawih ka duh lo” ka vin thak mai, a tim leh deuh ani ang, min rawn hnaih zui lo,
“mahse, ka Tina che alawm...” a ti tham tuak a,
“um...ka hria e, chuvang tak in kal tawh rawh, ka duh phawt chuan Pawngsual case in ka Mantir thei che, mahse ka ti lo ang,chuvangin tunah kal tawh rawh” engvanga hetiang sawi duah nge ka nih ka hre biklo a, ka Rilru fim tial tial chuan a ka Taksa aiin ka chhungril natna min hriat chian tir tial tial bawk.

Ka Tlaivar thak, vawikhatmah ka Muhil chhin eih lo, a chang leh ka tap a,Zodina ka huat vang a tap ka nilo, keimah ka in hua a, ka inten bawk, Kapa hmelma ber Fapa lakah ka tlawm a, tuna tang chuan min hmusit zual sauh tawh ngei ang, Pawngsual chungchang kha sawi ngam tur ka nilo, ka duhna khan min hneh a, a mi hipna chak lutuk avang khan ka tang tawk lo ani zawk, ka theihtawp in ka beilet lo tih ka hrechiang a, Chapo tur ka awm hlawllo,mahse, engvanga rilru na nge a nih?, keimah vang in a rilru ana a ti a, mahse eng nge ka tihsual?, a Rilru tihnatsak thei tur khawp hian amah ah khan Thu ka lo nei reng zawk em ni???, chuzawng mumang mai ani.

“Mabawih, i hna banah min rawn tlawh ta che” Kapi in a rawn ti a, engthil tak nimaw??,Ka Ban veleh ka kal nghal a, Ka beisei loh deuh hian Michael-a nu alo awm bawk a, a hmelah chuan Lungngaihna thuk tak nei ani tih a hriat ngawih ngawih bawk,Dik tak chuan ka chhungril hian nuam a ti chiah lo,
“Khawnge Michael-a?” ka ti a, nidang ah chuan tun ang hunah In ah a awm tawh thin tih ka hria a,Anu chuan min rawn melh zawk a, engemaw sawi duh nei a ang, mahse, sawi lo in a ngawi leh ta daih a,
“I Pa Thanga nen an inhmu thiam lo deuh a,khawiah nge a kal pawh ka hrelo” Kapi zawk in min chhang a,
“ehe...a va zialo ve” zialo ka ti tak tak, amah chauh tihnat ka duh a, mahse, a chanchin thalo hian a chhungte rilru a nghawng lo thei silo,
“chu chu lawm ka kohna chhan che, Michael-a hi lo titi pui teh, Apa nen an in ngur reng mai a, eng ang pawn awmse Apa ani tho a, ngaidam se ka duh” a ti leh charh charh a,ka bu nghat a,
“um...kan Phone haw ang,Duh leh ka In ah pawh riak mai se” Rawn pah titih hian kapi ka en a, a hmelah chuan a rilru a buai hmel hle bawk, Michael-a nu lah chu ka thlen atang in ala tawng miah silo a, ka rin aiin Boruak a tha lo daih zawk maithei.

Ka haw veleh ka Call nghal a, a Pick thei lo, mahse Beidawng duh lo in ka ti nawn zel a, vawi sawm aia tam ka call hnu in A la ta hram,
“Hello.” A tawngah chuan a rui hmel kher bawk,
“Mike...zanin chu rawn riak la, tunlai chu ka khua a har ve deuh a” chhuanlam tur dang ka hrelo,a reh vang vang a, a Muhil ta zawk nge mawni??!!
“aw...ka lo kal ang, mahse Kapi hrilh la...” a rawn ti leh a,Motor a khalh tur ka ngaihtuah ringawt pawn ka hlauthawng a, Ka chan mai ka hlau hliah hliah.

A rawn thlen chuan ka thaw huai mai, ka rin aiin a rui chhe lem lo a,chaw a ei tawh thu a sawi a,a Hmel ah chuan a chauh hmel hluah hluah bawk,
“Mike...tunlai i awmdan a mak ka ti e, Ipi leh Inu pawh khan an ngaihtuah lutuk che a” ka ti a, min rawn en a, mahse, min hmu pawn ka hrelo,
“Thih ka chak tekzet asin” a aw a zawiin a ri chang chang, ani ang mihlim thei em em, hetiang khawp a a Rilru ana hi ka khawngaih lo theilo,Ka Tho a, a Bulah ka insawn a,
“min hrilh ve ta che, keipawh i bulah chuan ka tah mai kha...um....sawi a harsat loh chuan min hrilh la, i thawl hawk ang” ka ti a, min rawn ngheng a, a thaw ham ham bawk,
“Kapa nen kan inhmu fuh theilo, Kanu rilru na hmel ka hmuh hian Thah mai ka duh thin” Thinurna a vangin a tawng a sehchilh nawk nawk mai,
“ka la tawn loh thil ani a, mahse, chutiang khawp in mahni Pa te chungah Rilru chhia put tur ani ngailo” ka Darah a lu a rawn nghat a,
“um...ka duh asin, Ngaihdam a thlir liam mai mai theih ka chak asin, mahse....aaaaaa, hrelo zawk la a tha ang” a ti leh lawi a, a sawi duh lo anih chuan zawh talh ka tum lo,Ngawireng in kan thu dun a, engchen nge kan thut ka hrelo,
“Mahse Bawihi....Ipa hian Hmeichhe chi hrang hrang emaw, kawp bik emaw nei se la i lawm angem?” a rawn ti leh thut a,
“aih...harsa ka ti ang, Kanu ka khawngaih vangin ka lungawilo bawk ang” Rang zet hian ka chhang a,mahse, Apa hmeichhe kawp zing a Pakhat ka ni tih hria se chuan min that duh ngei ang,
“chu chiah chu...a harsa, mahse maw, chu aia harsa tih ka la nei...Kapa hian a Hausak na tur hian Midang Nunna a la tih ka hria asin...mahse a fiahna ka la zawng kim lo a, engtin nge ka tih ang,ka la sawi chhuak thei bawk silo, kanu phei chuan a at phah mai ang ?” a mangan zia chu a aw ah alang a ,haider theih ani lo,Ni e...a Mangang dawn tih hre reng chung in khatiang thil kha ka thawn alawm le.

APRIL – 14

Michael-a a na tel dawn tih ka hria a, Anu pawh ka Ni ani bawk a, an nat dan tur ka hailo, mahse, Misualpa hi a mualpho na tur leh a thil tihsual hremna tur chuan hetiang a hma ka lak angai tlat ani.

“Zan in chu i nguai hle mai” Pa Thanga chuan ka kut rawn hmer pah in a ti su su a, Ka Kut laksawn ka chak zia ti lang lo turin ka insum hram hram a,
“Nia, ih....in veng a ka Thiannu in thil min hrilh a....” sawi zo duh lo in ka ngawi leh daih a,
“tu in maw sawi a?, engtin nge a sawi a?” a mangang hmel chu thup a tum ani ngei ang,
“aaaaaa, a pawimawh lo, sawi kher angailo, kan 2 a kan hlim chuan duh duh lo sawi mahse a pawimawh lo” ka nek lui salh a, a khi vur vur a, min rawn kuah tur chu hrelo der in ka tho a,
“mahse, In Nupa in in then an ti a.” Kalsawn pah chuan ka ti leh zauh a, Darthlalang lianpui a tang chuan a mah ka hmu thei a,
“enga?, a teuh lo, min then ngam lo, keimah vang a nuamsa alawm anih” a ti hmuk a,
“a that chu, kan 2 chugnchang a hrelo ang tiraw?. Duh viau che mah ila midang rilru tihnatsak kher nuam ka tilo ania,min nei kher turin ka phut bawk lo che a, ka mamawh min pe a, a chang chang a i bula ka awm theih chuan tawk ka ti lutuk” Darthlalang a in en pah chuan ka ti a, ka thusawi in amah a nghawng dan ka hriat duh avangin a hmel ka en ruk theih nan zahzelah ka sam ka khuih hauh hauh bawk a,
“Hmeichhe rilru tha tak ini, mahse neih lo duh ta tlat che ila i buai viau ang aw” a nui tak vur vur a,ben sawk ka chak kher mai,
“chutiang anih chuan min hmuh tawh loh na turah ka kalbo mai ang” ka ti leh a,a rawn tho tuih tuih a,
“i kalbo lo tawp ang, kei hian tih theih loh engmah ka nei hleinem, ka duh phawt chuan ka zawng hmu em em ang che” a ti teng chhur a,
“oh....a tlai tawh hle mai, haw ka duh tawh, ka chhungten min ngaihtuah lutuk pal hang” ka Sana ka bih zauh a,a rum huk a,
“ala hma em mai, i mak reuh ka ti tlat che, min duh hle si hian ka khawih che i hlau niin ka hre tlat ania” a ti a, i sawi dik tih khum nghek ka chak ngei mai,
“chutiang anilo lutuk, mahse Nula ka la nia, ka Rai ngawt chuan a tha lo alawm, tih chuan Rai hun a awm lo theilo a” ka nuih lui sak a,
“mahse ka nghak kumkhua dawn miah lo ania” a aw teng tenawm zet chuan a ti leh talh a, ka chhanglo.

Michael-a nen kan inhmu fo a, alo riak zeuh zeuh bawk a, engtiklaimah a unau nei ngailo ka lo ni bawk nen ka ngaina takzet a, ka Hmangaih bawk,Midangte chuan kan inkawp emaw tiin tawngkam na deuh tak pawh in min ti fo a, mahse, Zep tur ka tih avangin engmah a sawi chhuak ngailo, a buaina ka belhchhah sak mai mai tih hre mah ila ka tih ngei angai si,a chhan min zawt miah lo erawh mak ka ti fo ,
Apa avang a Rilru na a a kun ngawih ngawih te, awmngaihna thlawt a hriat loh lai te pawh in ka Bula awm a thlang fo thin a, Kapi leh Anu hmuh laia hlim lo nih a duh loh avang in a bei nasa tih ka hria a, Ka Bulah erawh chuan a buaina zawng zawng te sawiin hahchawlhna a rawn zawng thung thin a, ka Rilru chhungril a nuamlo tihna erawh chuan min kian san thei lo,Zodina erawh ka hmu ngai ta lo, khatiang thil lian tham a thlen hnu ah kha chuan min hmuhsit lutuk in min hmuh zui peih ka ring lo a, ka rin Ang chiah in min hmu tur emaw ka chanchin ngaihven pawh in min rawn Call ngailo,na ka tuar zui em tih pawh a ngaihven hek lo, Nula Chapo leh induhtawk tak kha, Hmangaihna leh Duatna tel hauh lo in ka Induhtawkna min tihchhiat sak a, hmuh leh chakna ka neilo, Mahse, Ka Rilru chhungril ah, hmun khat hi chuan ka theihnghilh tawh ngai dawn lo a, Ka Duh a, Ka Hmangaih bawk tih min hriat nawn tir fo thung.Nie...ka Nun pumpui ah Mipa,Ngaihzawng ang a ka kawp awmchhun ani a, a der mai mahnise Midang lo lut tur leh a hmun ruak rawn luah khat tur in ka duh lo a, ka Thinlung ka khar mai zawk, keimah a a sulh leh engkim hi midang in an tih reh ka phal heklo. HMANGAIHNA hi mi vanduai te tan chuan at na chi khat zawng alo ni takzet mai.

“Bawihi....Buaina ka tawk ania” Michael-a aw ri ka hriat rual in ka kawchhung ah hlauhna a rawn lut nghal a,
“eng buaina?, Mike...khawnge i awm?” ka hlauhthawn na ka thup hlei theilo,
“hey....nangmah zawk kha iv a buai hmel ve a, ka lo kal mek, In ah kan sawi dun dawnnia, chuan ,chaw kan ei nghal dawn bawk aw” Michael-a pangngai ang chiah khan a nui leh hawk hawk tawh, ka hahdam huai huai mai,
“um....eee,kan i tia, tu nge ilo hruai a?” ka ti leh he haw a,
“i hmu mai ang, kan lo thleng animai” a off ta daih a , Hepa pawh hi a, Mipa hi chu an lo in ang tlang anih hi.

Michael-a leh Sangtei rawn in zui lut ka hmuh chuan ka lo insehruh teruh chu a ziawm nghal hawk a, Zodina anih hlauhna in ka khat a, ka Beisei lo niin hre mah ila He Mihring hian ka nun ah hian nghawng a nei lian em atin ni.
“Rem....ka hau dawn che” min rawn chum taih pah hian Sangtei a rawn thu nghal a,
“ah....eng thil nge a?, Inpa hian min lo chhuan lam leh pek ami?” ka nui a,
“Unau inni tih ka hriat loh avang a ka Rilru na talbuai vel kha ka hmuh nawm loh ngawt ang” phawk zet hian Michael-a ka melh a, Mitmeng a thuphachawina lang chung hian min rawn melh let a,a bu nghut a,
“Bawihi... Hmeichhe 2 pawimawh em em ka nun ah hian in awm, Ka Farnu i ni tih ka hriat atang khan ka Hmangaih nghal che a, ka pawm thlap che, chutiang bawk in Sangtei hi ka Hmangaih a, ka kalsan thei hek lo, nangpawh ka thlah theilo bawk che , mahse ka Hmangaih dan che u a in ang lo thung,Unau kan ni tih a hriat loh avangin Buaina tam tak kan tawk a, ka hrilh che chuan i nat ka hlau bawk a, mahse, vawiin hian Inthen mai a duh tih a sawi miau a...engpawh ti ila nang chuan min ngaidam dawn tih ka hre sa bawk a..” a nui a,
ka tho thut a, Sangtei pawh ka zah zo lo, a Ding a ,min kuah inpeih at hian a ban a phar a , ka tlu lut rawk rawk ani ber...Ni e, Ka Hmangaih lutuk...Hetiang khawp a Mipa tha hi tunge Hmagaih lo thei ang??

Sangtei nen pawh tunah chuan kan inkawngeih ta viau a, Mali alo haw tawh bawk a, Michael-a chauh ka nei ni a ka hriat thin kha ka tan thian dang an lo lang leh a, ka mal lutuk in ka hre ta lo, Zodinsanga erawh ka ngaihtuah fo a, ka Rilru no a chhuah chang chuan ka tahpui fo bawk,an Company ah thawk mah ila ka hmu ngailo a, alo kal ngailo ani mahna..

“Oiha....Remruati hi ana ve ngawt ang tiraw?” Office a Hmeichhe Toilet ka pen lut tur chiah chu ka ding chawt mai,midang tawng ngaihthlak ruk hi a mawilo tih ka hria a, mahse ka chungchang an sawi ni a ka hriat avangin ka kalsawn theilo,
“Na awm teh e, a mawl man a hmu animai alawm, Company neitu meuh khan Sex Toys ah bak a duh dawn lo tih te chu hriat ve bawk awm?” a la nui hak zui, ka kut ka hum ruh ngawt ngawt a,
“Inneih kha Ni engzat nge an tih kha?, Nizan khan Boss in Phone a a biak lai ka hre reng asin le” a ti leh ,Midang chungchang an sawi ta ni a ka hriat avangin kalsawn tum in ka inher a, mahse....
“Big Boss kha a Boral mai a hlauhawm a, a ranglam in an ti a, Zorini hi kei chu ka ngaina miah lo”....ka keh chhe vek mai..

“Mike....zan in chu lo riak la...” ka tah nasat lutuk avang in ka aw a lawi rat mai,
“ka lo tum dwnnia aw..mahse, Sangtei nen tih tur kan lo nei a, ka theih loh pawn thinrim lo la” thupachawi aw dai hian a rawn ti a,
“ok...min lo hrilh leh la..” ka ti sep a, Ka Pasal anilo a, ka Bialpa ani hek lo, chuvang in ka beiseina zawng zawng min tih hlawhtlin sak turin ka beisei ngam lo,a tur ani hek lo,a lo riak ta lo ngei bawk a, mahse, a lo riak lo pawh a tha tho mai, a bulah khan ka inphawrh mualpho vak maithei, k rilru a fim miau lo, Kapa vang in La dam duh mah ila Thih ka chakna erawh nasa tak ani.

“Remruat.....” ka hnung lam a min ko ri ka hriat rual in ka hawi phei nghal a,LALPA...Zodina nu nen kan inhmachhawn ta ran mai,
“oh.....” sawi mai tur ka hrelo,
“i dam em?” a nui sang a, mahse lungngaihna thuk tak nei a ang kher bawk,
“aw....dam alawm, nangni zawk?” ka nui lui sak a,
“aw, inkawm lawk ang aw,i hman chuan..?” ka Paper ken chu a melh zauh a, ka hmanlo anih pawh in Company neitu ani a min mamawh chuan ka hman lo tih ka sawi a thiang lo,Ka Office ah kan inzui lut a,Ka Chair ah a thu a, kei erawh amah ep zawng in ka thu thung a, Tawng miah lo hian min en a, ka ngaihtuahna zawng zawng min hmuhsak niber in ka hria,
“Mama Nupui nei tur kha i hriat ka lo ring a..” tawngka a chhang lo in ka bu nghat a,
“Ka lawmlo tih erawh i hrelo ang tiraw?” a aw a zawi hle,ka lu ka thing a,
“Kapi, in chhungkaw chungchang ka hriat a tul na a awm hleinem, tunah chuan mihrang kan ni a..” ka sawi zawh hma in a kut in min lo khap a,
“ka hria alawm, mahse, ka Ngaina takzet che a, ka Fanu ang thlap in ka pawm tawh che,Mama vang ani lo,rawn biak che ka duh thin a, mahse Zodina Pa a dam that loh zual avangin hun ka nei thin lo a,Zorini ka ngainat loh zia paw hi hriat ka ring tawh, amah i hmuh tawh chuan a Mize chhungril khak zia i hria ang” a thaw halh a,sawi ve tur hre lo in ka ngawi ran thung a,
“mahse anih tur ani zo tawh, ka pawm emaw pawm lo emaw engkim an ti fel tawh, chu pawh ka thu tel miah lo in...ok....tunah chuan duhtawk phawt ang aw, ka kal mai ang, ka ti khawtlai lutuk ang che” a ti leh thut lawi a, a tho nghal a,
“kan inhmu chu ka lawm tak tak , Kapu pawh lo dam tha zel rawh se.” Ka ti a, ka kut a hmer vang vang a,Muangchang a a chhuak chu ka thlir a, Sum hian hlimna min thlen loh zia amah ah chuan a lang niber in ka hria.Mahse, ka Thil thawn tur ka thawn hun ah phei chuan a damlo satliah mai pawh ani lo ang, Lungphuchawl in a thi nghal zawk maithei.

Zanah Michael-an min rawn Call a, a hlimlo hmel kher bawk,
“Zan in chu titi pui che ka duh a,ka lo leng ang chu ka lo ti a” a rawn ti a,
“oooo,min hrilh a ngai hleinem, i duh hun hun ah lo kal rawh,buaina a awmlo” ka nui hak hak a,
Zan a alo thlen lai chuan ka Movie ngainat tak” P.S I Love You” ka lo en a, ka sawi chhuak thei vek tawh chungin ka la tah pui tho mai...hihi.
Sofa ah chuan a thu hnawk a, a hmel buai nuai mai ah chuan Zu a In tih alang reng bawk,
“Nun hi ka ning..” a ti mawl tawp a, a thaw hawk bawk a,
“engthil nge ni leh ta?” ngaihtuah hmel zet hian ka melh a, a buaina erawh keima thlen sak anih maiu avangin nuam ka ti lo takzet,
“Kapa hi ka hua, ka Huat lutuk avang hian THIH Mai ka chak, Kapa ani miau a, ka khawih thei silo” a ti chuai raih mai,
“oh....Buaina ngai bawk maw?, i hrefiah thei ta mi?” ka ti a,a hmai a hup vang vang a,
“aw...hrefiah animai, mahse, diklo se ka ti, chuan ,Bawihi, i ngaihdam na ka mamawh nghal ania” Beidawnna a khat hian min rawn en a,
“oh...keimah maw?” bangbo hmel zet hian ka en a,
“um....a Mi THAH chu i hria em?, Ka Putea, i Putea nibawk...aaaaa..Dawt ni hram tehse” a rum hawk a, engkim hi ka tih vek ani tih hria se zawng ka bulah a Lungngaihna a leih baw dawn hauh silo.

Door Bell ri ah ka harh a, Tun ang zanah tu tak nimaw?, ka thawh hma in Michael-a thawm ka hria a, ka tho ta lo, Kawngka a hawng ri erawh ka ngaihven a, Ri bur ka hriat rual in ka zuang tho nghal zawk a,Hlauhna ka nei lo, Michael-a bak engmah ka rilru ah a awmlo,

“Mike....engthil nge..?”

ka sawi zawh hma in chhuat a tanga Michael-a lo tho leh mek chu ka hmu a, a Bulah chuan Zodinsanga alo ding run a, a hmel chu Ramhuai hmel chiah chiah ani ringawt.

APRIL – 15

“Awi...LALPA...eng thil teh hrep nge i tih a?” a Mit meng hlauhawm zet chuan min rawn melh khui a,
“lo tel ve suh, i buaina anilo” a ti hmuk a, Rapthlak hian...Ka Inchhungah ngei buaina a rawn siam a, Ka Unaupa a khawih ngam bawk,
“chhuak rawh.” Ka ti tuar a, ka nem nghek bawk, mahse, a che sawn eih lo, Michael-a zawk in min rawn chelh a,
“Zo-a leh....hnek hlawh hial tur khawp hian i pawi eng nge ka sawi le?” a aw a dam dap mai, Ramhuaipa chu a rum nghut a, inthlahrung lo zet hian Sofa a pan a, a neitu ang mai a a khawsa vel chu ka ngaithei hlawllo
“aih, engmah sawi teuh tur a awmlo, heihi Ka In anih hi, chuan ka thu lo in tumah in lo lut ngawt thei hek lo” ka Thinrim luat avangin ka aw a khur dar dar mai,Michael-a ka en a, khawi laiah nge a hnek ka hre lo,
“a na em ?, Thu phawt la ka lo en ang” ka ti a, Zodina thut lohna lam ah chuan a thu a , a Biang a chul hauh hauh a,
“na vaklo e, mahse, Vur chuan dep ila a tha in ka ring” harsa ti zet hian a then lui sak a,ka tho vat a, Vur la turin Kitchen ka pan nghal a, ka kawchhung a thinrimna mei alh hluah hluah chu eng chen nge ka up beh theih dawn ka hrelo, ka let leh lai chuan an lo ngawi dun ngar a, tumah mah in tawng an chak lo ani ngei ang,

“Engtik ah nge Inneih kha in tih tak a?” Michael-a chuan Pangngai tak hian a zawt a,mak teh daih thin,Zodina Phun hluk ri chu ka hriat hmaih lo,eng nge a sawi erawh ka hrelo thung,
“Next Month ah, 26 ....” a bak engmah a sawi zui chuanglo,
“Khawngaihin chhuak tawh rawh, Mike-a nen In buaina chu engpawh nise nidangah in sawi dun dawnnia, tunah chuan Dar 3 lai ani tawh a, khua a var hnai tawh, chuan ,sawm loh a mi in a i leng dawn anih pawh in kal hun i hre tawh dawnnia” ka tawngkam chu eilo tih hriat zet hian a ner nawk a,mahse, a la che eih lo,
“Bawihi....Lo va Mu la. Kan sawi fel theih chuan a tha nimai...”Michael-an a tih tak ah chuan hnial zui duh mah ila ka ngawi ta zawk a,Ka kun a, a chal ah ka fawp zauh a,
“Mangtha aw” ka ti sap a, a nui var var a,
“Mangtha le, Buaina ka siam sak che a Sorry aw” a aw ah chuan tih el na a lang thei a, Mit a Signal min pek zauh ah chuan keimah nilo in Zodina zawk a ti el anih hmel khawp mai.

Muhil mai lo in ka meng kar a, an 2 khan eng tak hria nimaw?, an awmdan engkim kha ka hrethiam lo vel vek a, an tawng danah khan ka hriat ve an duh lo anih hmel bawk,engvang a Zodina kha deuhsawh kher nge anih?, an inkawm ngeih zia zawng zawng nise hrechiangtu ka ni a, Mak tih loh rual anilo.Zodina Nupui neih ni chu thla leh 26 anih chuan ka Birth Day ani chiah bawk tih ka ngaihtuah nauh nauh a, Company pumpui min sawm ngei ang a, ka kal lo anih chuan mi te min sawi dan tur chu ka ngaihtuah lawk ngamlo, kal tai la ka hmu ngam in ka ringlo a, Mualpho lo in ka awm tluan chhuak thei angem tih ka hrechiang ngam heklo.Engvang tehlul in nge Shillongah nilo Aizawl ah kher Inneih an tum talh ni??, Shillong ah nise chuan kal kher turin min phut dawn der silo.

Zing ka thawh chuan tim dai hian ka chhuak phei a, Michael-a chu tui zet hian Sofa ah alo la muhil a, Zodina hmel erawh hmuh tur a awmlo, huh....engvang in nge a awm ngawt ang?, keimah ngeiin chhuak turin ka ti anih kha. Michael-a lah in engmah a sawi zui silo, engmah thleng lo ang hmak in a awm leh mai bawk si.

Nileng in Office ah pawh nuam in ka awm theilo, Rilru helhkam nei tun in ka awm a, ka rilru ti hahtu lah ka hrechuang der bawk silo.Lunch erawh chu Mali nen kan ei dun a,
“Rem, Zodina te kha an Innei dawn tak tak a mi?” a tim dai mai,
“aw.....thla thar 26 a ti a, “ ka nui lui hak a, ka chhungril erawh a rum vawng vawng thung,
“thil hi a thleng chak lutuk a, engmah hi ka hrethiam lo, Zodina khan a atchilh che niber khan ka hria a, mahse, tunah midang a nei dawn chu ani leh mai sia” a ti siam siam a,
“aaaaa, khawvel anih hi...a ho em mai,i Soup kha a dai chuan a tui miah lo ang, In vat rawh” kan thilsawi lai sawi zawm ka duh loh zia ka lan tir a,hrethiamse ka ti takzet bawk.
“aw...nia, mahse, ka ngaihtuah che” a la ti ta fo, ka chhang zui tawh lo.

Tlaiah ka ban veleh Kapi te In ka pan a, an Boruak ka hre duh a, diktak chuan Pa Thanga thah chakna in ka khat a, mahse, ka That anih chuan an mahni ang chiah ka ni dawn si, hun rei taka mi ani tawh a, Police te kutah ka inghat ngam heklo, tun hnai mai thil thleng pawh an chhui chhuah aiin chhui chhuah loh a tam zawk a, a hlimchhawn ah an ri hluai a, thla khat pawh a ral hma in tuman an sawi zuilo mai pawh nilo in an hre zui leh tawh ngailo, Kapa thih atangin kum a liam hnem tawh bawk si a, Pa Thanga lah a hausa in Mi zah a kai em em si nen,a Chhuitu tur te chu a lei vek mai ang chu,ka Inpuan tir anih ngawt loh chuan ka tan chuan chance avang a, a tir kha chuan Thah ka duh a, ka tum bawk , mahse, tunah chuan Kani Pasal anih mai bakah Michael-a Pa ala ni lehzel nen, a Thih khan kapa alo nung leh dawn tihna ani heklo , Ka inpuantir theih phawt chuan eng ang pawn lam tang ngah mahse a tang ngei ngei ang.

Kapi In min hmu thut chu alo lawm phian mai,
“lo kal tur in lo Phone che ka lo tum mek a, tunlai chu Jenny alo haw a, kan ri chel chul mai, Ipa Thanga pawh a nun a sim deuh in ka hria” alo ti siam siam a,
“ehe...athat chu mawle, Jenny chu engtik nge akal leh dawn a?” ka ti satliah a,a kal hun tur a sawi a, Zodina te Inneih hmang tur a lo haw anih thu a sawi tel zauh chuan min ti nuamlo nghulh mai,Chutih lai tak chuan Pa Thanga leh Jenny an rawn inzui lut mek a, Jenny chu a nalh ngaiin ala nalh reng mai,
“e..ilo leng animaw?” Pa Thanga chuan a rawn ti nghal sawt sawt a,ka Ngaihbel nge ka hrelo, tun kar 1 lek ka hmuh loh chhung in alo tar bawih mai, chhuah pui tur a ka sawm pawh in min hnial ve a, Kapa chungchang engkim ka hria anih tih Lehkha ka thawn kha a hmu tawh tih ka hria a, a nun pawh a chiai hle ang tih ka hria,Kapi in a fel dawn emaw atih pawh kha hethil vang a a hlauthawng tal vel ani tih ka hai hauh lo.
“Mampui, hei hi i Nutei Fanu anih hi.lo chibai rawh” Jenny hnenah chuan a ti lar lar a, min rawn pan a,
“ka hria, Kanu in min hrilh vek tawh” nelawm loh zet hian a ti nghat a,Ka kut lo phar chhuah sa chu a haider hmak bawk, a Mitmeng ling hlar maiah chuan min huatna ala bo lo tih ka hmu thei bawk.
“Pa Thang, tunlai In Dawr lam te in tluang em?” ka ti a,a bu nghut a, a Mitmeng dul ruai mai chuan min en vung vung a, min hriatchhuah mai hlauhna in ka khat a, ka khup a sai dar dar mai,
“a ziawm hlauh chu..keihi ka awm rei mah mah tawh, Zan ah tih tur ka nei a” tih leh thawh ka rual a, Kapi in chawei tur a min sawmna pawh ka hnar a, Pa Thanga min en dan ah khan ngaihthat lohna ka neih miau avangin awmrei ka duh lo a, Kapa mah a That thei anih chuan kei Hmeichhia mai mai chu min dim dawn hauh lo tih ka hrechiang em ani.

Door bell ri ka hriat chua ka hawi phawk hra mai, Michael-a anilo tih ka hrechiang si,Sangtei U te In ah a kal dawn tih min hrilh tlat ani,
Ka hawn rual rual in Zodina chu a rawn inzep lut ani ber, Mangang zet hian Common Room lam a pan chu ka en a,hetiang khawp a Mihring zak theilo hi hriat pawh ka hre ngai hrep lo e,
“eng nge i duh?” ka ti nghat a, Ka aw ah chuan ka lawm lo ani tih alang reng bawk,mahse, hreawm pawn a awmlo,
“ka lo leng, ka lo kal chuan ka hmu duh che tihna animai,Midang an awm ve hleinem,lo awm pawh nise ka Hnek leh mai dawn si a,” a ti duah a, Michael-a a sawi tih ka hria, ka hnar ka tum dat a,
“sawi dun tur kan neih ka hre reng reng lo..” vuak sawk ka chak kher mai,
“oh....keiin ka nei alawm” ngaipawimawh lo hian a bawp a khawkherh a hahdam zet in a a thu a,ka Thinrim lutuk chu ka luak a chhuak vek nimaiin ka hria,
“I Nupui nei tur vang ringawt pawn Company ah midangte hmuhsit ka hlawh nasa asin, chuvangin lo kal in min rawn hmu tawh suh, Mihring pangngai in khawngaihna an neih ang hi i nei ve anih chuan....” Beidawng zet hian ka ban ka phar hluai a ,ka dah thla leh a,
“oh....Mate...Mihring pangngai ka nilo em ni?” zalo zet hian a nui lui hawk a,
“khati khan min ko hlek suh” ka lo ti ve that thung,a mit zim sun chuan min en vung vung a,
“chuan, Mike-a nen inlo riak dun vel ta thin a???” thil tenawm zet chanchin sawi ang mai hian a hmel chu a awm a,
“ilo sawi tur a awm lo bawk “ ka tawngdan Naupangchhia lutuk chu ka in ngei ru kher bawk,a tho thut a, chhuatah a vei sek a, a Palian si, ka thawk a ti sak zo vek in ka hria,
“ka sawi tur a awmlo maw?, ka ta midangin min tawmpui ka ngaitheilo..” a vei vel a tawp thut a,min rawn hnaih ruak bawk,hlau zet hian ka lo thu tawm chaih thung a,a rawn thu thla a,
“Ka ta i nilo ami?, mawh.....” a Mitmeng hriatthiam harsa zet chu ka melh zawk a, ka melh rei ngam lo,
“Nupui i nei dawn tih ka lo hria a, ka lawmpui che, kan 2 kha chu tihpalh thil tak meuh ani” ka tum loh zet in ka mittui a rawn hnam a, thinrim zet hian ka hru tawk bawk.
“Nupui tehhrep chu “ anchhia a lawh zui hluk bawk,ka tho tur chu rang zet in min rawn man bet a, ka Inrin hma in a malchungah min nghat a, nghet zet in min kuah bawk a,
“min thlah teh..” tih pah in ka tal a, min kuahna a kut chu laksawn tum in ka bei bawk a,a thaw ham ham a,
“Ka ngaihzia che i hrelo ami?” a ti hrawk a, na tuar a ang khawp mai,
“chutiang sawi dun ka duhlo,engmah sawi tur kan nei heklo” tal chhuah tum in ka che leh a, ka beisei loh zet in min thlah leh ang lawi a,
“nia, ka kuah emaw ka khawih pawh i duh dawn lo tih ka hria alawm,Mahse Michael-a paw hi riah pui theih chuan engvangin nge ka khawih che i duh loh ang?, ani ai chuan ka ti phur thei zawk ang che...” ka sawi tawp tir theilo, a Hmai a ri thuai a, ka benna ka Kut thla chu a lang pap bawk, a rawn tho zawk a,
“kut min thlak a maw?, Thudik chuan a ti zak che nge pai har i ti zawk?” a tawng pawn ka hrelo ,min rum thaih niber in ka hria, tunah chuan ka Rilru a fim tawh, hlauhna in min tuam a, min rawn pan zel chu ka tawlh hlatsan a, min zui zel bawk, ka tehkhin ber chu Ramsa kawlh in a ei tur a veh a, hlauhlawp a tlanchhia ka in chan a,mahse rei tak tawlhna tur a awmlo, Ka In a lian lo miau a, Bang in min lo dan takah chuan chesawn zui ngam lo in ka Ding khawng at mai,a rawn kal hnai zel a,Min Beng tur hmel pawh a pulo, min Thah a chak hmel hliah hliah zawk, ka maimitchhing ta ngawt a.

Ka Lu awmna bul a,Bang zawk chu a ri pawp a, ka meng chhuak zawk bawk, kei ni lo in Bang zawk chu ani a hnek ni,Hmeichhe khawih em chu a tlawmngai ve animahna,
“Michael-a pawh i kawp thei anih chuan engvang in nge keimah zawk min hrilh loh?” a aw a thuk ril ruih mai, a dam thluam bawk,
“ih....ka...” ka sawi theilo...nilo, sawi ber tur ka hrelo zawk,
“anilo tih i tum tiraw?, min enteh, Ka Na tuar hi i hmu theilo ami?” Dimte in min kuai dak a, ka en lo thei ta lo,
“hmulo....engvang a Na nge i nih ka hrelo alawm, Zorini pawh i Nupui ani mai dawn...” a Hmui lum thar thar in Ka Hmui a rawn bawh thuah takah chuan ka sawi zo theilo, ka Beisei loh dan a a chet avang in ka awm ngaiin ka awm mawl tawp ringawt,Duhthawh leh ngenngawl lutuk hian a che a, ka Natna zwng zawng te ka theihnghilh riai riai a, a Kut sei thlurh in zei zet a ka Hnute a rawn tawh takah phei chuan ka insum theihna a bo zo tawh, amah hian min hip a, min aikaih bawk,Ka Ke a zawi huai a, amah ka nghenchhan ta nge nge a,Ka Mal lehlam a rawn chawi kang a, ka kherh nghal chial bawk, tunah chuan engmah pawisak ka nei tawh lo, Ka HMANGAIH a, a tan chuan engmah ui ka hek lo, reilote chhung chauh pawh nise Hlimna ka tawn na anih chuan pawi tihna ka neilo,mahse...Nupui..ka Harh hawk a, a samah ka tham a,
“Zodin..tawp ang, kan ti thei lo ania...” ka aw tehhrep chu a..
“shhh.....tunah chuan engmah sawi suh.” Ani pawh a mumal biklo,
Room lam pan a min kai phei pawh chu hnialna ka neilo...amah ah hian ka Duh engkim ka hmu a, a hnu ah ka natpui ang a ka tahpui leh dawn tih hre mah ila, pawi tihna ka nei rih lo,Ka T-shirt a hlim chho a, Bra ka hren loh avangin Ka hnute chu chiang tak in a lang a, a rawn kun hniam a, a rawn fawp chu ka inring hman lo, ka rum hawk a, Hmanhmawh lutuk hian a kawr hak lai chu phelh sak tum in ka ban a, amah zawk in a phelh a, a thehsawn nghal daih bawk,a Kekawr kawng ka pawt leh chu a nui hak mai, ka nui ve ringawt, a Dar pharh nalh zet leh a kawng fek rat mai chu nalh lo tih rual anilo, kan 2 in muangchang in ka che theilo ve ve, min rwn delh beh leh takah chuan engmah a inbel tawh lo tih ka hrethei a, muangchang hian ka Panty chhung a zen lut a, kei erawh nuam tihna nasa lutuk avangin ka vai ruai mai,a pawt phelh a, ka mal karah a rawn tla zep a,
“Mate....ana tawh lo ang tih ka tiam che..” Ka chhungril ah chuan Warning Bell a rawn ri a, tawp a hun tih ka hria, mahse, lehlam erawh chuan kal zel turin min fuih thung,Ka chhanna nghak in min en a, a Mitmeng thuk ril ruih mai chu Tisa chakna a vang in a de sawr sawr bawk a,..Nia....tawp angai hleinem, tun bak chance ka nei lo maithei asin, Ka hmangaih a, Kumkhua atan ka hriatreng tur hun ka hman angai zawk alawm...Hmeichhe HMANGAIH Na hi zawng ana em a, At pui an lo awm anih pawh in ka dem lo, kei ngei pawh hin ka At pui chu ani ber si a,
Tawngka a chhang lo in Hnuailam a tang a ka han zawm takah chuan a rum kawk a, kei erawh ka te that thung, nia, a na lo, Dimte in a che a, tunah chuan kan 2 bak engmah hriat ka neilo....

Chau zet hian a chungah ka bawk thlar a, ka hriat na pawh a pangngai tial tial bawk, ka tah chhuak lutuk chu insum theih ka duh kher bawk, engkim a nih tur ani tawh a, tun a tah leh a sawt lo tih ka hria,
“i tap ami?” a rawn che a, ka samah a rawn chul a, Insum tum in ka insut hraih ,
“ka tin a che ami?” min ngaihtuah hmel zet hian a rawn ti leh a,
“aih...kal tawh la, keima thiam loh..” amah en thei turin min pawt chho a,
“tuma thiam loh anilo, kan induh a, kan inhip tawn a, kan in mamawh bawk” chu zawng chu maw????, ka chhungril na vawng vawng chu ka hrethei a, mahse, thil dang sawi tur in ka beisei ngawt theilo ,hnialna ka nei hleinem,ka inla hrang tur chu min dang ta lo,
“nia....ka hriatna atang hian tunah chuan kalbo tawh rawh, Zorini avang a ka inthiam loh na nasa lutuk hian min ti a thei mai ang” ka aw chhuak pawh a pangngai leh tawh, a rawn Inbengkang a,
“Michael-a pawh mawle....” a ti sup a,Kan Boruak inthlak thleng chak lutuk chu a mak zawk, nachin lawk a induh tawn taka Duhthawh taka che dun kha kan ang leh tawh lo kher mai,
“oh....ani te chu?” ka ngawi leh daih,
“i beisei ang a pe na che nge?” a nui ri ah chuan hmuhsitna bawk,

“khatiang in a chungchang sawi hlek suh, Michael-a hi ka Unaupa anih hi..”
LALPA,engvangin nge a bulah hian ka insawifiah kher ?,mahse ka sawi zo vek tawh.a pawi tur a pawi zo tawh.

APRIL – 16

“Maw?!!! “ Zodina a aw ah chuan awih loh na leh mak tihna a inpawlh nuaih mai,
“ih....Michael-a hi ka Unaupa ania” a nui hawk ri chu ngaihthlak a nuam fahran lo,
“chutiang ring tur khawp in ka mawl hmel em ni?” tunah chuan Thinrimna a lang ta thung,
“i awih emaw awih lo emaw engmah a danglam lo,i bulah insawifiah chiam nachhan tur ka nei hek lo” ka ti ve ta hmak a, a rawn thu chhuak a, chiang zet hian min en a,
“tumah i neih loh thu i sawi kha, chuan ,i unaupa anih chuan a hma khan i hre ngailo a,an In ah pawh ila kal lo anih kha, keiman hruai che ka tum a” a thaw huai a,
“nia, keipawn ka hre lawk biklo,Kapi leh Mike-a Pi hi Unau annia, kan Chhungkaw Problem eng ngemaw vangin kan In tlawhpawh ngailo a,tunah chuan kan upa tawh a, khang Problem te kha chu kan Palzam lui ve a,An In ka va tlawh in kan inhre chhuak chauh a,....” ka ti niah niah a,
“oh....ani ngei si amaw?’” min rawn pawt dawrh a, ka inring hmanlo chuan ka bawh rawk bawk a, ka Tho tur chu min kuah bet a,
“ti khan mu hle hle teh” a ti sup a, a awm ah hmai ka phum kak a, a rim pa hrak mai chu ka hip vang vang a, chetsawn tumna ka nei lo,a Lungphu ri dat dat chu ka hrethei a, tihian Kumkhua a awm theih nise ka ti kher mai,Mahse, Zorini Pasal tur a ni..ka chet dan zawng zawng kha Mihur ang mai ka ni a,zahawmna neilo tawp ti pawn mi sawi se ka dem hauh lo ang,
“I Nu nen hmanni khan kan Inhmu a” ngawih reng nuam tih loh vang in sawi tur ka ngaihtuah a,
“um....a ngaina em che ani, ani chuan Ka Nupui ni turin a beisei che a,Fanu ang tak tak in a ngaina bawk che a” thatchhe aw zet hian a ti sup a,A Nu chauh in min Beisei a, ani chuan nawmchenna atan chauh ani min duh ni...Hreptak hian .....tunah chuan nakin ngaihtuah ka duhlo, Zodina chauh ngaihtuah rih ka duh ber, naktuk khua a var hun meuh chuan ka Damchhung atan ka thlah hlen tawh dawn si a,
“keipawn ka ngaina alawm,mahse, Zorini pawh ala ngaina thuai ang tih ka ring, Hmeichhe tha tak ve ve anni miau a” ka ti sep a, ka Mitui rawn tla tur chu ka khap kir a,tah mualpho nawn leh ka duh tawh lullo mai,
“ka hrelo...Mate, min en teh..” muangchang hian ka dakchhuak a, a awm ah ka khabe ka nghat a,
“Kan Inneihna tur hi Hmangaihna vang nise tunah hian i Bulah ka awm i ring em?” a ti sup a, hrethiamlo zet hian ka melh reng ringawt,
“Zorini hi ka HMANGAIH hauh lo, ka ngaina a ka duh thin bawk, mahse, tunah chuan engkim a danglam tawh, Zorini aiin ka duhna che a tam zawk a, i Tello a awm harsa ka tihzia hrilh che mahila min hriatthiam sak chuanglo ang,Zorini nen kum kha leh chen kan inkawp chhung a Hlimna ka neih kha nangnen a Thla 2 lek a der a kan inkawp lai khan a khum vek asin,Zorini vang a ka Natna aiin Nangmah vang a ka NATNA hian min tin a zawk..” a hmui ka hup a, Ka Mittui avang in ka Hmu phe ruai bawk,
“sawi tawh lo ang, eng ang pawn min duh mah la tunah chuan Zorini Pasal tur i ni tho tho a, kan awmdun hian kan Intina tawn mai mai zawk ang..” ka sawi zo theilo ,ka tum loh tawp in ka insut zui ta hlawp hlawp a,
“shh....Tap lo teh, i tah apiang hian keipawh ka Na telve vek zel ania” dim te in ka Mit a rawn fawp a,min hnem nan ka sam ah a chul hauh hauh bawk a,
Ka tah ban hma chuan engmah a sawilo,ka tah chhuak zual pui a reh chuan ka che sat sat a, aDar hlai hlap mai ah chuan ka Lu ka nghat a,Ka Mittui a vang in a awm a huh hliam bawk,
“Kapa hi rei a dam dawn tawhlo, Nupui nei turin min tur lui a,I in ah sawipui tur che in ka lo kal a, mahse, Deal tih tawp i duh tih i sawi ta sia, Michael-a vangin ka Thinrim a, engmah Pawisak ka neilo, i tan Mipa Hmasaber ka ni tih ka hriat zan khan vawikhatmah ka muhil lo,Kapa avang bawk in a tuk ah khan hmanhmawh in Shillong ka pan leh a, rawn Call che ka tum a mahse i Off reng bawk si,Zorini hnen atang in Michael-a nen in riak dun thin tih ka hria a, In 2 khan khatih lai khan hmu ngat che u ila chuan ka THAT duh ngei ngei ang che u.....ka tih theih hmasak ber chu Zorini nei tur a thu tlukna siam animai, mahse Kan Inneihni atan paw hi Birth Day kher ka duh a, Hmeichhe lam thlan tur nimahse min neih loh an hlau miau a, engmah min sawisel ngamlo, Nizan erawh kha chu ka insum thei thawt lo a ka rawn kal lui a, engkim hrilh tur che leh ka hmuh tawpna che niturin...Michael-a zawk in min lo chhawn kha ka insum hmanlo....” a rum nghut a, Na tuar aw alang tel bawk, engvang a hetiang sawi ta mai nge anih ka hre heklo, Number Dang hmang a Pa Thanga ka chhaih buai lai kha ani ngei ang,ka Sim ka Phawi daih miau a, min Call tlang thei hauh lo ang le.
“Michael-a te chu ka Unaupa ania, sawilo tur a ka ngen avangin a a sawilo mai zawk,mahse....Zorini te chu i duh em em si a, keipawh amah chhan na turin Deal min siampui hial si” ka ti a, a Khabe ruh kual nalh zet chu ka hmet niap niap a,
“Zorini chuan engmaw a hrilh che...” a ti hmuk a,
“i Nu lak a amah chhan nan kei min hmang tih min hrilh a..” ka ti leh a,a thaw hawk mai,Ka Kut che vel chu a rawn man bet a,
“chutichuan alo tih vang anih chu an In a ka hruai tum che khan i Mood i thlak vek, i awmdan mak ka ti reng ani,chuan ,a sawi chu ilo ring mai amaw?” thinrim hmel zet hian ka kut a vawn chu a hmer salh bawk a,
“aw....ka awih mai loh ten, in in duh zia ka hre sa alawm...”
“ha....a reuh lutuk,Michael-a vang a ka thinrimzia leh ka tenzia che kha, chutichung a ka hmuh chakna a reh chuang silo kha a hrehawm asin, kan mawl ve ve “ a nui huk huk a, keipawh ka nui ve tho,
“anih leh Min hmangaih em?” a ti leh thut a,
Ka Lu ka thing a,
“namgmah ang bawk in Hmangaihna awm zia ka hre biklo” ka HMANGAIH tih hrilh a insawi mualpho kher ka duh lo, a thaw ham ham a, a Kut sei thlurh mai chu zei zet hian a ti che kual a,
“Mahse ka Duh che , Hetiang hi lo hre lawk ila chuan engvangmah in Zorini neih ka remti ngailo ang, Kapa hi ka Hero ani a, Nupui nei tur a min tihna pawh hi hnial duh mah ila ka theilo, a Hun tawite hi a taksa natna bak natna dang thlen belh sak ka duh lo hul hual bawk” a ti leh sup a,
“ min Hmangaih lo a keipawn ka Hmangaih lo che,Nilo, Hmangaihna awmzia kan hrelo ve ve” ka ti sep a, ka rilru chhungril a nuamlo ka tih rukna leh Apa ngei pawh ka la tihnat sak dawn tih ka hriatna chuan min rawn fan a, mahse hun tlem te ka neih hi ho mai mai a chantir ka duhlo na chuan engmah pawisak lohna ah min hruai lut leh ta,
“Nia....Kan Induhtawn a, Mak khawp in kan inhip tawn bawk, chuvangin Zan In chu i Muhil hman manglo ang” a Mit chu chakna avangin a Thim raih a, thup a tum eih lo...

Zing a ka harh chuan Zodina alo awm tawh lo,ka ruak nghal huai in ka hre bawk,Office ka thlen veleh ka Banna tur ziah sa chu kan Boss hnenah pek tum in a Room ah ka lut a, mahse, alo la thleng lo, a awmloh lai a dah ka duh zawk avangin ka lawm phian mai, Dawhkan ah ka dah a, Ka Bang dawn tih tumah ka hrilh lawk lo a, Mal-i pawh engmah ka hrilh hek lo,tman min rawn biak awh ka duh loh avangin ka number ka thlak hmak a, Kani te chauh ka hrilh a, tupawn ka awmna zawt se sawilo turin ka chah lawk thlap bawk,ka Office chhung chu ka thlir kual a, ka tah mai ka hlauh avangin ka chhuahsan ta thuai a, hawi let miah lo in ka chhuak a, ka rilru paukhauh laia ka kalsan lo anih chuan ka kal theih loh ka hlau ani ber.Ka Mamawh tur Zualpui chauh ka keng a Ka In erawh tun kum chhung atan luahman ka pek lawk tawh avangin ngaihtha tak in ka kalsan thei a, In Neitu te hnenah erawh chuan rei deuh hlek Chhungkaw thil ah ka zin chhuak dawn tih ka hrilh a, engmah sawi buai anneilo, an tan chuan Inluahtu tha tak ka ni miau a.

Ka Hma Chair a Pathanga thu bur mai chu ka en a, khawngaihna pakhatmah ka neilo, Michael-a kha engkim ka hrilh tawh a, mahse atan chuan a Pa ani a, tih nat duh mahse a thei lo,a Malchungah ka thu a, ka kuah a,
“zan in chu i duh duh nimai, ka ngaihtuah a, hei leh chen Innu pawh ngaihsak lo in ka tibuai che a, engmah ka pe lo che hi sual ka in ti tlat” ka nui har har a, lawm zet hian a rawn meng phar awn a, a thu hriat avang chuan a chil thli a tla lo chauh niin ka hria,
“chuti maw bawihte...Khawvel Mipa Vannei ber ka ni dawn anih chu “ ka Mal chu it hmel zet hian a chul kual vel a, rap na leh tenna Inpawlh hian ka tim ur ur thei hial mai,
“mahse, chumi hma in ka rin ngam na tur che in i thuruk tumah ila hrilh ngailoh, I nupui pawh tiam in min hrilh phawt angai” no zet hian ka melh a, Ka nek lui salh bawk,
“akhai a,chutiang ka neilo reng reng” a ti a, a lu thak lo pui chu a hiat a,arui deuh pawh a harhfim kawk in ka hria,
“atha lawm, min ringlo anih kha, keipawn ka ring biklo che” ti tau deuh hian ka tho hmak a, ka kalsawn tur chu min rawn man a,min pawt thu leh a,
“Thuruk chu ka nei ngei alawm, nang chan che ai chuan ka hrilh em em ang che, mahse i sawi chhuak anih chuan a pawi zia i hre mai ang” a nui a, min tlawn hmel zet hian a hmel a awm a, ka ten lutuk chu ka luak a chhuak ut ut thung,
“aih, sawilo mai rawh, angailo” ti tau niawm tak hian ka ti leh hmak a,a Rilru buai hmel chu hmuhnawm tak ani, min chan phal silo, a thuruk sawi chhuah a ngam bawk silo lai chu a khawngaihthlak ve lek lek mai,
“Kum a liam teuh tawh, kan Nupa hian kan Inneih hnu hian kan khawsak a Harsa in keilah hna Mumal ka neilo a, Kapa Hausakna rinchhan in Nupui ka nei a, mahse kapa in Ka Nau hnenah engkim a hlan tak avangin kan khawsak a Harsa takmeuh a,Motor Khalh ka lo thiam avangin Mi Motor te ka khalh kual lawp lawp thin a, Kannu chhungte hi Mi khawsa thei tak annih avangin min Hmusit riau hian ka hre thin a, a bik tak in an Nutapa, kan NU Nutei Fapa phei hi chu ka haw zual a, mahse, alangah chuan kan inkawmngeih takzet, ka Rilru natna erawh ka pai zel a, Tun a Ka Thiantha ber, Company lian tak neitupa nen hian kan Inchhar fuh ta hlauh a, Sumdawnna a tan lai vel ani a, a Motor ka khalh sak a, a rei deuh hnu chuan a Sumdawnna kawngah Dan Phalloh thil a tel tih ka hrethiam ta thuai a,ka theih dan dan in a tihdan ka zir a, mahse, Pa fing ngang ani a, ka ti ve duh tih alo man thiam thuai mai, kan Inthurual chho ta a, keiin a Motor khalh chu ka Bansan a, Mizoram lamah a sumdawnna ka enkawlsak a, a Bungraw kal vel zawng zawng ka thunun a, kan khawsak pawh a ziawm ta viau mai, mahse, Buaina dang ka tawk ta tlat mai, kan nu Nutapa kha News Reporter huaisen tak mai ani a, kan chet kual dan vel kha alo hre fuh a, a ruk in alo chhui fel diam tawh a, ka bansan anih loh chuan Kannu hrilh ah min vau ta tlat si a,tihdan ka hrelo a, Ka Thianpa ka hrilh a...” a sawi laklawh laiin ka lo titawp a,
“i hausa tawh awm hle si a, tawp mai a harsa ani maw?” ka ti a, a bu nghut a, thil ngaihtuah niawm tak hian a hawi vung vung a,
“Ka Thianpa chuan ka lo ngaihtuah mai ang tiin min hrilh a, ka Ngaina hauhlo nangin kan Nu unaupa neihchhun ani a, a Fanu tereuhte min ngaina em em tu anei bawk a, ka ngaihtuah avangin ka va kal a,Ka va thlen lai chuan alo tlu der tawh a, chhuatah thisen nen alo in chiah nuaih mai a, a bulah chuan Chemte, amah an vihna ni ngei tur alo awm bawk a, ka chhar a, ala chat thla lo deuh a, min rawn en tawk tawk a, chutihlai chuan A Fanu te chu a rawn lut a,Apa that tu ah min ngai tih ka hria, Dam chhuak mahse amah ngei pawh khan amah beitute kha ka tirh ah angai dawn tho si a.....” a tawp leh rih a, ka thu hriat avang chuan ka bing mum mum mai,
“chuan...” ka ti sap a,
“Chemte chuan keimah ngeiin ka vit ve leh a, a tal awrh a, a chatthla zui chu animai,a Fanu pawh kha kan tan ala pawi theih dawn avangin ka that ta law law a,” min nem tho a, nuam lo tih hmel zet hian a vei kual a, Tui ka chhawpsa chu a inkhawlh a, min rawn en a, kei erawh ka lo tim sawk mai,engkim chu ka hriatsa ni mahse ka na vawng vawng tho,
“kha zawng kha ka THURUK chu ani e, khawi atang pawn i sawi emaw a chhuak leh ni a ka hriat chuan ka Duhna tluk zet che hian ka che na dawn ania” a nui suk a, a nui hmel chu ka rap a, ka ten bawk,
“anih chuan kan mu thei em?” min rawn melh rulh a, ka bu nghat a,
“tehreng mai, mahse, Drinks lam te?” hun tih khawtlai ka duh a, a Tui in tur a ka Damdawi pawlh kha Minute 5 hnu ah chauh a thawk dawn si a,
“pawi hleinem, min han pe la..” phur hurh hian a ti a,
“um...lo mu la, ka rawn lak ang che” ka ti a, min hnial lo in Khum ah chuan a lawn ta tuih tuih a,
Muangchang in ka thli chhuak a, Ka pan phei lai chuan a ham bui bui tawh, Ka pe a, ka kut a man a min pawh thut a tum chu ka tal chhuak a,
“kan intifai lawk ang aw, ka rei lo ang” ka nui lui a, min thlah ve mai, a Mitmeng phelh phung ah chuan a harh rei tawh dawnlo tih ka hai lo.Bath Room chhung ah ka awm rei lui a, min rawn au miah lo, a Muhil tui hle tawh zawk ang,ka chhuak tham tham a, Ka rin ang chiah in alo mu hnar thlurh thlurh tawh, Thah ve nghal mai ka duhna in min tur ut ut a, mahse, Michael-a leh Kani hmel ka Mitthla ah an lo lang a, ka theilo,ka Bag ka la a, a chhung a ka Phone a Ka Record na chu ka phawrh a, BathRoom ah ka let leh a, Ka Play nghal a, a tha tih ka hriat veleh Thawm dim tak bawk in ka chhuak leh a,a harh dawn lo tih ka hria, mahse Fimkhur tluk awm hek lo le.

A tuk zing chanchinbu chhuak chu uluk zet hian ka bih vang vang a,
“Aizawl a Sumdawng lian leh Lar tak chu Sawrkar phalloh thil a inhnamhnawih a puh ani a, chhui zui mek ani”

A hnuai lamah pawh thil an ziak thla teuh, ka nui var var mai, Pa Thanga pawh buai na Men lo in a buai ang chu, khawvel a Police tha ber pawh in an chhan chhuak hauh lo ang.Naktuk hi Zodinsanga te Inneih ni ani a, Ka Birth Day ani bawk, Ka Damchhung chuan he ni hi theihnghilh duh mah ila ka thei dawn lo, Ka Birth Day anih mai bakah Zodinsanga Nupui neihni ani miau alawm le.

Ka In ka Thleng leh ta, Pa Thanga chanchin ngaihven niawm tak in Kapi ka Phone a,a rawn tap tuau mai, Ka khawngaih a, ka Lainat takzet rual in hei bak tih theih dang ka nei thlawt silo.Chanchinbu ah khan Kapa a thah dan chungchang nilo in an Sumdawnna a Thil fello zawk chauh ka hrilh a, Kapa chungchang erawh kha chu sawi tul ka la tilo, Ka Inluah ah ka let leh tawh a, min rinhlelh na tur thil engmah siam ka duh lo.

APRIL – 17

Kapi min sawm ang in an In ah ka va kal a, Michael-a chhuak tur nen Kawngka Bulah kan intawk a, min hmu chu Thlahrang a Hmu ta emaw tih tur khawp hian a Mengphawk a, hmeltha tak pawh a buai nak mai,ani ai fe in ka buai zawk, tunah In a awm tur anilo, Zodina Te In ah emaw Mo hruaitur in Zorini te In a pan a hun tawh,
“Hmelchhenu...Khawiah tehhrep nge i tlanbo?” a hmelah chuan Thinrimna leh Lawmna a inpawlh nuaih mai,
“Kanu te bulah ka kal mawle.” Tlawn lungawi tum in ka nuih sang a,
“Dawt min hrilh hlek suh, i kal miah lo...ok..mahse tunah chuan engmah sawina hun ka nei rih lo” Thil hriat chhuah thut nei niawm tak hian a Sana a bih vut a,
“Dik chiah, tunah chuan Hmanhmawh i ngaiin ka ring” za lo zet hian ka then sak a,Hmanhmawh lutuk a a kal chhuak chu ka en zui vang vang a, Ka lo ngaihzia pawh ka hriat chhuah phah bawk.

Kapi pawh chu chhuah tum hmel a pu chuanglo, In awm thawmhnaw nen tho...an awmdan ka hrethiam lo, Zodina pawh a Tupa ang mai a a en ani a, vawiin ah te chuan kal ngei tur ani asin le,
“I kalna tur sawi hauh lo a i kal bo ngawt mai chu min ti buai hle mai” min zilh ti tih hian a ti a,
“Nia mawle, Diktak chuan Zodina Nupui neitur vel kha hmuh nuam ka tih ka ring chiah lo a...” ka phat na chu a pawm lo anih hmel,a Lu a thing nar nar a,
“chuti si ngatinge vawiin ah ilo let leh si?,eee, nidawn tak, an thulh leh tih kha i hria ang chu mawle” Ka hmel ah mak ka tih zia alang chhuak chiang ngawt ang,
“eng maw?!!” mak tihna leh awih lohna inpawlh hian ka zawt a,ka tawng ri thei tawk ani ber,
“Nizan Hmasa khan Zodina Pa kha Nikhawhrelo in a Tlu thut mai a,Inneih kal tlangpui luih chi ziazang ni heklo..” a ti a,Ka melh ngawt ngawt mai,Ka Thil tih vang ani tih hre mah ila chuti tak in a nghawng ka lo ring miahlo.Khavang ngei kha anih kha Michael- a pawh In ah ala awm,Hospital a pan dawn ani ngei ang,
“awi....a va han zialo em” ka aw khur dar dar chu thup theih ka duh kher mai,
“ni e, a Zialo ani, keipawh tlai lamah ka va kal ang ka ti a,Ipa Thanga chanchin kha i Nute chuan an hria em?” a ti leh a,ka Bu nghat a,
“aw, engtin nge Michael-a te a nghawng le?” ka hre chak tak tak,
“Anu leh Jenny chu a nghawng na khawp, mahse, Mama hi chu engtin a awmpawh ka hre lemlo,alo hre ru sa reng zawk nge ka hrelo a, i kalbo khan a ti buai mah zawk in ka hria” a ti a,hahthlak hian a..
“ka khawngaih ngawt mai, a deng thut bawk si ang a ,an zak dawn em mai” ka ti leh a,
“an tap reng ringawt a, mahse,nang hi Dawt min hrilh tih ka hria, i Nu te bulah i kal miah lo tih ka hria ania “ a Mitmeng fing zet chu ka melh ngam lo,
“ha...tak tak in ka zin kual daih alawm,khatiang a engmah vei neilo a han chawlh vel kha ka chak em ani” Chawlh hmang ni tak tak ila ka ti hle mai, ani der silo,
“Ipa Thanga lah chu a Inhrosa kuk kuk a, tuman an man dawnlo tih ngawt a sawi a sawi a, a rilru lam a chianglo deuh emaw ka ti hial mai” Rilru hah tih hriat zet hian a thaw halh a, tunah pawh heti khawp a a buai anih chuan Kapa chungchang a hriat meuh chuan a Thi thei mai in ka ring.

Muangchang in ka tlan a, Kapi sawi hmang khan Pa Thanga chu an la Man lo phawt chu ani ngei mai a, mahse, Man ngawt tur in a tisual lai an hmu lo miau a, mahse Ka Reporter chhar thar khan a Bawhzui chak zawng tak anih avangin rei a zalen in ka ringlo,Ka tan chuan hmuh leh nachhan tur a awmlo a, ka Intihdanglamna zawng zawng pawh ka halral vek bawk.Michael-a nu ka rilru ah alo lut a, A Pasal vangin Rilru hah em em in a awm ngei ang chu, Kani ni mahse ka tan chuan hei bak kawngdang a awm lul silo, Michael-a tak pawh hian ka tih ani tih hria se chuan tun ang hian min lawm hauh lo ang, eng ang pawn sual mahse Pa chu Pa an ni tlat si ani.

Zodina pawh ka khawngaih tho, an Inneihna em chu a nghawng ka lo ring phak hauh lo a, Duh lo ang in insawi mahse kha leh chen alo kawp tawh ani a, Duhna chu engemaw chen a nei ngei ngei dawn, Zorini tan tak pawh a hrehawm khawp ang, Zodina Nu hmel zaidam leh Lainatna a khat chu ka Mitthla ah alo lang a, Ka Natpui ve vawng vawng in ka hre hial mai, Apasal ani a, a engkim a engkim ani a, A Pasal a kal san hauh in ka ringlo.

Mal-i ka Call a, a la dawnlo emaw ka tih hnu ah a la ta tawk ,Ka Number hlui ka hmang leh tawh a,Hello pawh ti hmasa lo in a rawn te nghek ringawt,
“khawiah nge i awm?, i Na khawp ang” a rawn ti hlar a, ka nui a,
“Ka In ah mawle, Tlaiah chaw lo ei la..” ka ti a, a thinrim rei dawnlo tih ka hrechiang,
“Ka duh mai mai lo, i kalna tur pawh hrilh tlakah min ngailo a....” a sawi zawh hma in ka tawng khalh a,
“nia...nia, chuvang tak in rawn kal la, i duhtawk in min sawisa ang chu le” a tawng leh hma in ka dah daih, a hmel awm dan tur ka ngaihtuah a ka nui lo theilo.

A rawn tum lut deuh bar a, kei erawh ka nuihza lutuk ka insum ve tang tang thung a,
“khawiah maw i kal reng reng?” that chhe tak hian Sofa ah a mu zan zan a,
“chawlh ka hmang mawle, ka thian hluite ho ka tlawh kual a..” ka ti a, awihloh hmel fe hian min en a,a thu chhuak thut a,
“ i Bang thut bawk si, engmah i sawi lawk silo,Kan Boss hmel a hmuh tlak loh..Zodina mangan zia chu hmu ve la mak i ti ngawt ang..”ka lo lawm ve tumhrang, lawm vang zawk in ka chhungril a hlim veng veng bawk,
“Sawi lawk kher angai ka tilo a, tikhan a Fair ber alawm Zodina chu a File tihfel sak ngai ka nei a chuvang anih chu” ka ti liam puat a, min melh kar a, engkim fel fai tak in ka kalsan thin tih hrechiangtu ani a, ka dawt sawi chuan a hneh lemlo a ang khawp mai,
“Nilo...Hna vang anilo, Company ah alo kal a, i awmna min rawn zawt a, ka lo hre silo, i Number dang min dil a chupawh ka nei chuang lo, ala beidawng duh chuanglo, In ah min rawn kal chilh leh a,min rawn zawt nawn leh a, a Hmel kha Thlipui nuai hrep hnu a ang ka ti lutuk..” za deuh hian a nui a,
‘khatiang File mai mai vang a min zawng mualpho hrep chu a zialo hle mai” ka ti duh lek,
“aih....a mangang lutuk, a khawngaihthlak zawk, Zorini ai in a duh zawk che anih ka ring tak tak ania aw” a ti leh talh a, Nula fel leh Puitling, a nun ka awh em em thin ani chung hian a chang chuan Naupangchhia deuh a khawsak chang a nei ve thin tho mai.
“ Thildang sawi ang..” nin hmel fe hian ka thaw halh a,
“aih, thil dang la sawi chi nang, enteh, Zorini chu a intih theih tehlul nen, Big Boss chanchin kha i hria tiraw?, i hre sa tih i hmelah khan ka hre thei mai..” a tih zawm zat a, ka bu nghat a,
“a zialo ka ti” ka ti a, alo nui ka hmuh veleh ,
“ka ti tak tak alawm” ka ti leh nghal a, a nui nasa zual sauh a,
“i ti tak tak lo ka ti ami?, mak mawlh mawlh lutuk,awiha....sawi tur a tam e, Michael-a Pa chungchang te kha...tunlai chu thu thinthawng deuh deuh kan hmelhriat te ah a thleng duh riau mai,i Bo amaw ka ti a, Company pumpui ah lah chuan i Rilru na i tlanbo an ti che a” a sawi tawp lam chu a Thinrim hmel khawp bawk a,
“ha...duh duh sawi rawhse ka ngaipawimawh mai mailo e, chuan ,Pa Thanga te chu vawiin khan ka va tlawh a, mahse amah ka hmulo,Michael-a chu a ngai reng mai in ka hria” ka ti ve a,eng eng emaw kan sawi kual teuh a, Thla khat pawh tling manglo ka kalbo san a, sawi tur erawh kan ngah ngiang thung mai.Mal-i Bai siam ka ei leh takah chuan chawei a tui lam mah mah ani,Riak ve tur a ka sawm erawh min hnial a,
“Thiannu, eng nge i tih tak ang?” a haw dawn chuan Kawngka bulah kan ding dun leh rih a,
“ka la ngaihtuah fel chiah lo,a awm mai ang” ka tih san a, min ngaihtuah tih ka hailo, chhungte ka nei mumallo tih a hria a, kani te an awm bawk silo a, eitur neilo a ka thih mai a hlau pawh ani mahna.
“ok...ka ngaihtuah lo che, i hna thiam zia ka hria a, i thawk duh anih phawt chuan i tan hna a tam tih ka hailo,lungngai reng reng suh” min hnem nan min kuah leh rih a, Ka tan chuan Laizawn tha ber ani, ka Thisen zawmpui, Kani Fa te ai pawh in dik tak chuan ka ngaina zawk.

Ka Mu meng kar a, Thil chi hrang hrang ka ngaihtuah kual a, Pa Thanga hi mimawl ani hauh lo, Kani hnenah ka chanchin a zawt ngei ang, kani te nen tun hma atanga an lo inpawh lo hlauh chu ka vanneihna ani chiang, an Fa ka nilo tih pawh hrelo khawp in kan inpawh lo,Kan Inchhung hnai tih chauh an hria a, tun ah erawh keiman ka pawh luih tak talh avangin an in be leh animai, Kani leh Pa Tlana ka hrilh chiang a,engpawh zawt se an tawng sual lo ang, mahse, a chhui tak tak anih chuan rei ka inthup zo dawn lo tih ka hrechiang ngang mai,chumi hun thlen hma ngeiin ka tih tur ka zawh fel vat angai tih ka hre bawk,Michael-a khan ka let leh tawh tih min hmu si a, Zodina a hrilh maithei, oh...Hrilh in hrilh lo se enge ka lo buai ve na tur??

Dan Pangngai in Gym kal tur in ka chhuak a, min lo hmu chu min lo be sap sap hlawm a, rei erawh ka awm lo, ka kal khat a, thlakhat dawn tehmeuh ka kal loh avangin Nasa lutuk a Insawizawi ka duh lo,Ka haw veleh Kawngkhar Bulah Box te fel ren rawn hi alo let ngat a, ka hawi vel a tumah ka hmulo, ka la kang a, a Rit lemlo, ka Thing chhin a, ka Thil tih te kha tuman hrelo mahse keimah ah thlamuan lohna a awm tlat tawh avangin ka Fimkhur hle tho ,engvak a awmlo ani ang, a ri deuh rak rak a,Pawn a hawn ka duh loh avangin Inchhung ah ka luh pui a, ka hawn chuan Lehkha hian alo la intuam chhawng leh a, ka phelh chiah chu engmah ka sawi theilo, ka Thlauh tawp a, ka tawlh hnung dawrh bawk.

Ka Photo hlir, ka Intih danglamna zawng zawng nen a ka inthuam lai te, Hotel chhung a ka kal lai niawm tak te alo awm teuh mai, ka Rap lutuk..tunge hetiang thil hi lo hria?, tu tehlul in nge ka thuruk hi min hriatpui tehchai ni???.

Ka thlan fim a rawn bawl tawk tawk a, hlauhna avangin ka khup a sai dar dar bawk,Harsa ti zet hian Chair hnai ber ka thleng hram a, ka Ngaihtuahna Buai nuaih mai tih fim tum in ka mit ka chhing a,
“Hlau suh, hlau tur i ni lo” tiin keimah leh keimah ka infuih mial mial a, Ka Taksa khur erawh ka Control theilo.

Eng chen nge ka thut ka hrelo,Door Bell ri ral ral ah chuan ka zuang tho zawk mai, Chhuat a thlalak tla Darh nuaih mai chu ka chhar khawm sawk sawk a, Cushion hnuaih ka rawlh lut nawk nawk a, tu man min hmuh pui ka duhlo,
“tunge?” ka aw a la pangngailo,
“Keimah, Mike....LO hawng vat teh,Ruah a sur dawn ania” a rawn ti lauh lauh a, ka Thlamuang nghal huai mai,
Ka hawng nghal thuai a, a sawi ang chiah in khua a dur khup a, Ruah a tla fuap fuap bawk,a rawn inhnawh lut nawk nawk a,Damdawiin a tangin a haw chauh ani ngei ang, Nimin a a thawmhnaw hak tho kha ala inbel a,a Leather Jacket hak a Ruah far chu a beng fai nawk nawk a,kei erawh chuan a che vel chu mit la lo lek in ka lo melh reng ringawt,
“hey...Thlahrang ka ni ami a?” a nui huk huk a,
“aih, ka hmu khat lutuk che a, ka ngai che alawm” ka ti a, inthup tum tak hian ka nuih var var bawk,
“Ka mut a chhuak lutuk.” Tih pah in Sofa ah a let thla nghal a,Nizanah an mu miah lo ani ngei ang,
“ei tur i duh em?, i muthilh hma in ei la..” a rawn inbeng kang a,
“aih...mut ka duh ber, Kapi hnenah he tah ka awm tih hrilh rawh aw” a sawi tawp lam chu a riat nawi vek tawh.

Pawn lamah chuan ruah a sur bur bur a, a pheikhawk ka phelh sak lai pawn a rum tuah tuah ringawt, Puan ka sintir a, ka Inbualsan ta zawk a, Ka Inbual zawh ah pawh a mut dan ngaiin alo la mu a, a hnar ri sak sak bawk,Eitur siam awlsam deuh deuh ka siam a, a harh hunah a ei duh ngei ang, kei erawh chu ka Boruak tawn tehhrep avang khan engmah ei chakna ka neilo.

Door Bell ri bawk, ka lo muhil sek ani ngei ang,Michael-a pawh alo la mu tho, ka Muhil anih pawh in a rei lo tawp ang,
In Neitunu chu pawnah alo ding a, a Nui var var bawk, a tul fe lo ah chuan alo kal ngailo,
“aw,nang i ni maw?,lo lut rawh” ka ti sawk sawk a,
“aih, lo lut lo ang, enteh, ka lo hrilh theihnghilh daih che a, i Unaupa Michael-a emaw ni kha i awmloh lai in alo kal a,a Bungrua i kawl tih a sawi a, kan lo luh tir mai a,nuam ka ti leh chiah lo a, ih..englo...Thil bo te a awm tak in...” nuam lo tih hmel zet hian a then sak a,
“aih...engmah bo lo e,nia, ani chu Ka unaupa tak tak ania, a pawilo ,nuam lo ti duh suh...” ka nuih sak a, mahse, kei ngei pawn ka thusawi chu ka ring zo lo.

Room ah ka tlan lut nghal a, ka Thawmhnaw dahna ka hawng a, ka hai a, ka hai nawn leh pawn ka hmulo, khawiah nge a awm ang, Pa Thanga ten Kapa an thah dan kim chang ka ziahna kha...Living Room ah ka let leh nghal a, Michael-a chu a mut dan alo thlak tawh a, mahse ala hnar sak sak tho, thil hriat chhuah ka nei leh fo, Cushion hnuai ka keu nghal a, ala awm vek ,mahse, ka dah nawk nawk ang nilo in a inrem tha tlat ani.

Michael-a mu chu ka en a, Mak tihna leh Awih lohna nen ka en tlawk tlawk ringawt mai...

APRIL – 18

Ani hian min lo ti kual vel tihna ani ngei ang, nilo..chutiang a Misual anilo, ka hriat tirh atang a min ngaihsakna leh Hmangaihna zawng zawng kha tih der atan chuan a tam in a Serious mah mah ani,Mahse ka awm loh laiin a lut a, ka Note Bu ala a, tunah pawh ka Photo vel lo thawn tu hi tumah dang anni dawnlo, amah ngei hi ani, Apa Thisen chu Fapa ah chuan alang tur ani reng a, a Duh phawt chuan ani hi chuan Nikhat lek ah tunge ka nih tak tak a hrefiah vek ngei ang, tunah pawh alo hre reng tawh pawh animahna.

Michael-a harh hma chuan rilru buai nuaih nuaih in ka thu reng a, anih ka ring a ka ring phal lo bawk,a In thup thei hle tihna zawk ani thei tho bawk,
“Ka va mu rei ve, Ruah ala sur reng ami?” thawhphan pawh neilo hian a rwn ti a, Tv ka en a, mahse, eng nge ka en pawh ka hre chuanglo, hmu hleilo in ka melh reng ringawt,
“um...sur Nasa, Nizan i tlaivar ami a?” ka ti satliah a, a hmel chu chik zet in ka en a, mahse engmah hmuh ka neilo,a bu nghauh a,
“Mu nang le, Zo-a nen kan Tlaivar thak a,eee, ilo haw kha Zoa ka hrilh a,pawi em?” chimawm zet hian a nui a, ka Rinhlelh n ate chu an thlawk bo leh zo tawh,
“ha...ka awm leh awm loh chu a tan buaina anilo e,Zorini ka khawngaih hle mai” ka rilru tak tak in ka khawngaih ta,Pasal neih tum vek tawh han thulh leh chu a hrehawm tur zia pawh ka ngaihtuah pui phak lo e,
“nia, Khawngaihthlak, mahse, engkim hi Pathian thu a thleng ania, Tuar laiin Nuamlo in Na mahse a hnu ah chuan hlimna zawk alo thleng thuai thin a”min melh vang vang a,
ka ip ru chawih mai, a thusawi dan chuan awmzia a nei tlat ani, a ngaihtuahna hriat tum in ka en a, mahse a hma a Michael-a kha ani ta hauh lo,a hma kha chuan engkim kha a hmelah hian a lang chhuak zung zung thin a, tunah chuan a hmel a dam thlap reng ringawt,Thla khat pawh tling manglo ka kalsan chhung khan engkim alo hre hman ani ngei ang, min chhui let ngat ngat zawk maithei bawk.

“In chanchin ka lo hria a, zialo hle mai” ka ti leh sap a, a lu a thle bak a,
“nia, Zialo, mahse thil hi lak ulh lutuk loh a tha, Kapa erawh chuan a ngaidam in ka ring chiah lo” a ti hmak a,
“anih leh nang in?” engvang a han zawt tehlul nge maw ka nih ni?, ka inpuang ani ngawt alawm,
“ka hrelo le, Kapa Fapa ka ni miau a, Harsa ka tih ka ring, ka hre biko le” a ti duah a, a hrelo tak tak pawh animaithei, minlo ngaina tak tak anih chuan a chhan a zawn chhuah ngei ka beisei tlat bawk.
“a dik alawm,Zodinapa chu eng nge a an tawh a?” thildang sawipui tum ka zawt a,
“a tha lo,a dam chhuah pawh ka ring chiah lo,an phur sawn ngam silo a” a ti a,min en vang vang a,
“thil ei la, ruah a sur reng bawk si,inbual pawh iduhlo ami?” ka tih zawm duah a,
“duh e, ka riltam zia chu a, mahse, i ei siam a tuilo thei e lawm” min fiam tih hriat zet hian a nui var var a,ka nui ve hawk hawk a,
“I hmelthat zia hi i hre reng reng em?” a ti leh thut a, a Mitmeng dam raih chu a de sar bawk,chhan mai ngaihna hrelo hian ka en a,
“i nalh a,i fing a, i hmeltha bawk, Zodinsang’an a at chilh hlum lo chauh che hi a tir khan mak ka ti a, tunah chuan keipawh hian ka atchilh che anih tawh ber hi a,tihnat che duh mah ila ka theilo kumkhua ang” a hmel thutak zet chu ka en a, hei hi Warning ani mai angem?, ka thil tih lai bansan tur a min nawrna hmanrua ani thei mai angem?

“Zodina’n min atchilh maw?” huh...za zet hian ka nui a, ani erawh anui miahlo,
“Bawihi...ka ngaihtuah tak tak che ania, Zodina khan ka Farnu i ni tih a hriat loh vang khan min ti na a, mahse ka tuar thei mai, nangmah zawk hi kut thlak khawp a a tina che anih chuan keiman ka ti let ngei ngei ang,chuvangin tunah hian i nun hi Fimkhur la ka duh, engpawh tila fimkhur hle rawh,ka theih phawt chuan ka rawn tlawh ziah ang che,Harsatna i nei anih chuan min hrilh vat turin ka duh bawk che” a ti ta duah a, a hmel a thu tak kher bawk,
“Mike...ka awmdan hi a tha tawk lo em ni?” ka nui lui a, ani erawh ala nui chuanglo,a rawn tho a,a rawn kun hniam a,ka Biang tawn tawn ah a chelh a,
“tha tawk tehmeuh mai, mahse, Tunlai ah hi chuan Hmeichhia mahni a awm hi an ngaihtuah awm riau zel a, mi hi an sual tawh si a” Ka chal ah a a rawn fawp zauh a,
“ok...ka lo fimkhur em em ang” a awmdan chuan ka Rilru chhungril ber thleng in a fan a, ka Mittui a hnai kuar mai,
“um...Ka Hmangaih che ka tih kha” a rawn fawp leh zauh a, ka chhan let hma in min thlah a, a Ding mar a, a kalsawn ta nghal a, kei erawh ka Mittui rawn bawi zawih chu a hmuh hlau zet hian ka hru hul ve sawk sawk thung.

Michael-a kan In atang a a haw meuh chuan ka khua a har in ka ruak huai mai, ka Rinhlelh na zawng zawng pawh a chet dan avang khan a bo vek tawh, Min ngaihtuah ani, a awmdan kha tider mai mai zawng ani theilo, a tawngkam engkim ah khan a hre fai vek tawh a, tu te emaw lakah min chhan a tum tih ka hrethiam a, a sawi dawt hreh avangin ka hriatthiam tur siin a sawi chhuak tih ka hrethiam bawk.

Zodina PA tlawh ka duh a, mahse Thih hreh in ka hreh lawi a,Hmeichhe zaklo tak ang a lan ka hlau ve bawk a, Zodina pawn Ka haw leh tawh tih a hre ngei ang, mahse vawikhatmah min rawn be lo, Apa vang pawh in a buai na tawk a hmu em em ang, kei min buaipui nah un a neidawnlo tih ka hria a,a tan engmah ka ni heklo,ka lo beisei sang ve ringawt pawh hi mi in hria se chil min chhak khum duh hial in ka ring.Michael-a erawh chu a rawn kal deuh reng a, a riak zauh zauh bawk,amah ah engmah rinhlelh tur ka hmu zuilo mai nilo in amah ah ka inghat pumhlum ani mah zawk,a hre tawh tih hre mah ila sawi chhuah ka tum chuanglo.
“Bawih....Vawiin chu lo kal ve la, Zodina Nu khan a beisei deuh che in ka hria” ka Thingpui in lai ka hak lo chauh,mak ti zet hian ka melh vak a,ani erawh chuan a chhang ken laiah Butter a tat mawlh mawlh a,
“keimah maw...??!!” ka ti that a,
“aw,kan 2 in kan awm a, Midang biak tur an awm ami?” chimawm zet hian ka hnung lam a thlek a,
“aw..aih...ka duhlo...” ka chiai der,
“a ho em mai, Zodina te chu nunhlui ani tawh alawm, a biak loh che chuan Biak kher a angailo” a ti awlsam et.

Hospital kan thlen meuh chuan ka zam na bawk a rawn lang leh a, ka Kut a thlan dap dap mai ,ICU ah alo awm tawh lo a, Cabin ah zawk an lo awm a,sawn chhuah theih khawp in a tha tawh ani ngei ang,Zodina Nu in min lo lawm thuai a, Zodina leh Zorini an lo awm bawk a, hmeichhe Pakhat Zodina Nu ang zet hi alo awm bawk a,Apa erawh chu a Muhil ni maiin ka hria,
“i dam tha maw?” min hmuh veleh minlo ti a,Michael-a erawh keimah si chet in a thu a, Ka kut a chelh a,
“aw...ka lo lang vat theilo a, zialo ka ti” ka ti sap a, ka aw a khur dar dar bawk, Zodina erawh chuan engmah a sawi chuanglo,Min la Hmu ngailo niawm tak hian Min melh run a,a chau thawkhat bawk ani ang, a Hmuihmul a to siar siar a, a Sam a thur chhap bawk,ka en zawk a, a Mitmeng dur khup avang chuan ka hawisawn leh thuai a, ka hmai a sa hat hat mai,
“Nia,a zin kha a rawn damlo haw ve a, chuvang anih hi,vawiin chu ka rawn hruai lui a” Michael-a chuan min chhan nan Dawt a rawn sawi a,Ka kut a rawn hmer nghet salh bawk,
“i dam that hmel khawp alawm kha tunah chuan..” Zorini a rawn tawng a,an Boruak tawn vel hi a beisei biklo ani ngei ang, a Hmeltha tak pawh a dang ve lap mai,
“nia,,ka tha,hei nangni pawh ICU ah awm angai tawhlo a, in tha sawt hmel in ka hria” hawihhawm chhuah in ka ti leh a, Zodina leh Hmeichhe pakhat erawh chua an la tawng chuanglo reng reng,Zodina Nu a tawng siam siam a, Ka Thil tih avang a a tuarna ka hmuh chuan ka chhungril a ti nuamlo nghulh bawk.
“Nu...tih tur ka nei a, ka kalsan mai dawn che u mi?, Mami a awm rih tho bawk a” Zodina chuan a rawn ti thut a,
“aw...pawilo,Zorini pawh chu Drop law law la” a ti ve mai bawk a,
“Keini pawh kan kal ve nghal mai ang,Kan In lamah chaw ei kan tum a” Michael-a chuan ati ve nghal a,kan tlawh avangin Lawmthu an sawi nual bawk a, Zodina Farnu pawh mi tha tak ani ngei ang.

Michael-a te In kan pan lai chuan ka tawng lo, ka ngaihtuahna ka kawm a, ani pawn ka awmdan a hrethiam ani ngei ang min be biklo,Kapi In min lo hmuh chuan a dan pangngaiin min lo lawm chul a, a thlamuanthlak thin,
“Remruat, i dam maw?” ka hnung lam atangin Pa Thanga aw in a ri ti a, ka thluak a vir zawk mai,
“aw, dam e, it ha zawk em?” ka ti let ve nghal a, a hmel phawhraw zet ah chuan engmah pawisak lohna alang chhuak hialin ka hria,
“aw,kei te chu chutiang a tlu sawp mai mai chi ka ni ve hleinem” ngeiawm lutuk hian a kiai suk a, ka Rilru chhungril a hlauhthawnna chuan min tham er er bawk, ani pawh hian rinhlelh rual loh in min zir chiang vel ani tih alang reng mai,
“a that hlauh chu, tunlai Boruak a rit ka lo ti khawp a” ka ti a,a aw per thum zet chu a thian khurh a,
“ni e, mahse, keini ang te hi chuan el tu kan nei ang tih hi ka hre sa a, Mihrang mai nilo chhungkaw zingah pawh Hausa deuh hi chuan er tu hi kan nghah duh khawp” a ti leh ta fak fak mai, min ringhlel tak meuh tih a chiang e,
“ani khawp ang,Lawmte lawmpui hi a harsa thin alawm” ka ti let ve a, engmah hrethiamlo niawm tak hian ka awm lui tlat bawk,min rinhlelh na ti chiang turin engmah hmuh tir ka tum eih lo.

Zan ah erawh chuan keimah in ka awm a, Michael-a erawh chu tihtur a neih avangin alo kal lo a,
“Bawihi,Zan in chu Kapa nen kan Inbauh leh deuh a, mahse lo lungngailo la, a tha leh vek ang” a ti anih kha,
Ka chet lak leh dan tur ngaihtuah in ka Mu meng kar mai, Pa Thanga awm dan ah khan engmah hlauh neilo dik tak in alang a, a hlau lo tak tak pawh ani ang, anni ang te chuan puitu an nei tha thin reng a,Khawvel ah chuan Pawisa a awm phawt chuan buaina awm heklo le.
“Rem-i,Vawiin chu ka che buai teuh kher mai” tiin ka Reporter chhar thar chuan min rawn bia a,
“ekhai...engti zawngin?” ka lo ti let thuai a,
“ka haw lam khan tihpalh thilthu niawm tak in Car pakhat in min su hlum thelh mai a,mahse, kha car kha kan In kawt ah vawi 3 lai mai ka hmu tawh a, Driver leh Mipa pakhat hi an dinna ngai, kan in sir ah an ding a, zan a ka haw in tun kar 2 chhung khan vawi 3 ka hmu a, min enthla ani maithei, vawiin a min han Sut hlum thleh takah chuan nangpawh i fimkhur angaiin ka hria” a aw ah chuan thil dang pawh thup anei in ka hria,
“ehe..ka lo hre miahlo, ka lo fimkhur viau ang, anih chuan i thil chhui chu hmasawn na a awm em?” ka ti leh a, a thaw huai a,
“awm chiah lo, a harsa rih khawp mai...” a ti hap a,
“ok...ka tibuai ta hle mai che, Bansan i duh anih phawt chuan ka hnial ngam lo che ania” ka ti tak tak, keimah vang a midang an thih belh ka duh lo,
“hehe...Mipa ka nih hi,,ka tih tawh chu a tawp thleng rak in le” a nui huau huau duh lek chauh.

Ka Beisei loh zet in ka Mutui phian mai, Zingah Gym kal turin ka chhuak a, Ka tlanchhuah dawn chuan ka mitsir in thil che zauh ka hmu a, ka hawi let vat a mahse engmah ka hmu zuilo. Ka hlauhthawn vang in ka hmusual ani zawk maithei bawk.mahse Gym ah pawh nuam ka ti chuanglo, ahma a ka la hmuh ngailoh kal thar a awm a, Palian zet mai ani a, ka thlen hnu ah a rawn thleng a, ka va melh a piangin min lo melh kar thin a, ka awm a ti nuam lo takzet, khawi hmun mah hi ka tan a himlo a ang khawp mai.In ka thlen veleh a min lo hmuak tu ka hmuh rual in ka khur dar dar mai,Zodina chuan Kawngka ka hawng tur chu min rawn pan a,
“lo ding teh, in be lawk ang” a rawn ti a,ka hawi let a,
“engthil nge ni ta?” ka ti a, ka hrawk a ro halh bawk, amah ka hmuh rual chuan thil tamtak ka hrechhuak miau ani.
“lut tur pawn min sawm dawn na nge?” a ti leh hluk a,a Hmelpa zet chu a ruh talh talh bawk a,
“oh,.lo ding rawh iti bawk sia” ka ti bah nak mai,a then suk a,Kawngkhar kalhna ka hawng a, ka lut chu ngawirengin min rawn zui lut a,
“thu la” ka ti sup a, kei erawh ka ding a,
“khawiah tehhrep nge i kal bo a?” a aw chu thinrim vang nge ka hrelo a khur ve hial in ka hria,
“oh,chu bawk chu...ka duh duh na ah ka kal thei lo ami?” ka ti ve ta hlar a,
“kal theilo, khatiang thlen hnu ah khan chuan i duh duh na ah i kal ngawt theilo” a aw chu a thuk ril ruih mai,
“huh....ka thei a ka kal bawk, chuan ,i hnuaia thawk ka ni tawh lo ania” ka ti hmak a, engvang tehlul nge kan inhauh ngawt ni?
“ka hria, mahse, i Banna kha pawm anilo hrim hrim” rapthlak ti zet hian ka melh reng ringawt,
“Misual, Zahna neilo lutuk” ka sawi pawh anilo ka Au ani ber, min rawn pan a, tun tum chu tlan chhiat tumna ka neilo,ka Din ngaiin ka ding a, ka melh ngar bawk,
“Zahna neilo leh Misual maw?, Misual chu keini lo in nangmah, engvangin nge ngawirengin i Tlanbo theih zawk?..mawh....sawi rawh” min rawn thing nawk a,min tihnat a hreh dawn lo tih a lang reng bawk, tal chhuah tum in ka che a, min vawnna a ti nghet sauh bawk,
“Zodin....Min tina ania” min hmerna chu a na talh talh mai,
“Ka natna zat ve pawh hian i Na lo asin” a aw a tham tuak mai, sawi harsa a tih hmel hle bawk.

Ka Phone ri ral ral chu a hre ve ani ngei ang, hreh hmel zet hian min thlah a,a kalsawn a Sofa ah a thu thla nghal a,a Hmai a hup vang vang bawk,Ka kut khur avangin ka Phone ka phawrh lawk theilo lehnghal a,
Michael-a alo ni a, min ngaihtuah ani ngei ang,Nizan alo riak silo,
“aw....Mike.” Hello pawh k ti buai peih lo,
“Kapi, He Phone neitupa hi i hriat mi ani em?” Hmeichhe aw hian a rawn ti a,LALPA leh...
“aw hria e, engthil nge ni ta?” Mike...i chungah enge thleng tehlul le??!!
“A Car a Accident a, hei tunah Civil kan panpui dawn chiah a,ilo kal theih chuan....” a sawi tawp lam ka hre tawh lo, ka Phone ka thlauh daih bawk.

APRIL – 19

Zodina rawn tho vat chu ka en a,
“Eng thil nge?” a ti hmuk a,
“ih....Mike...Mike..” ka aw khur nasa lutuk vangin ka sawi mai theilo,
“engmaw?” min rawn Kuah a,
“a Accident an ti a...” Phone tla chu a chhar nghal a, a Call Back nghal bawk,
“Kapi, tunah Civil ah maw in kalpui?” a ti a, a ngawi vang vang a,
“kan lo kal nghal ang” a ti leh a, Ka Khabe ah a rawn dawm a,
“Lungngai suh, kan kal dawn nia,aw...hahdam rawh” a hmel dam thlup mai chu ka en a, tunah chuan Duh loh sawi hman ka nilo.

Ka Rilru in ka Tawngtai a, ka Tawngtai pawh ani in ka hre chiah lo, mumal ka neilo,
“Mate....Ipi te hrilh ve la a tha lo maw?” ka kut a rawn vuan a, ni dawn tak, Ka Phone ka zawng nghal a, mahse ka hmu lo,ka kut a vawnna a thlah a,a Kekawr ipte atangin a Phone a rawn phawrh a,Min pe a,hnial buai lo in ka la ve mai bawk,Kapi number ka hre mai tlat lo,
“Ipi Number a awm ang,mahse, Jenny hrilh zawk la a that ka ring,Ipi chu a thawng lutuk palh ang” a ti leh sup a,Jenny biak ka chak lo,mahse, chak loh sawi nah un a nilo,
“aw....Zo...” a aw a zangkhai vah mai,
“keimah, Remruati zawk....” ka ti sap a ,a Beisei lo nasa ani ang, a thaw hawk ri ka hrethei,
“oh...eng nge?” teh tawl a,
“Mike-a a Accident a, min rawn hrilh a, tunah Civil kan pan mek a...” ka sawi zawh hma in a rawn au thawt a,
“eng maw?” a ti tuar a, ka sawi nawn leh a, a Tap zui nghal ringawt ,kei ai pawh in a lak tlak loh ve leh chhawng anih hmel,mahse, a Unau, a Pianpui ani a, kei aia a Shock anoih pawh in thil awm lo ani hleinem.

Mi an lo zi nuai nuai a, kan inzep lut ve nawk nawk a, Nurse leh Doctor ho in an lo din hual thap a, hmuh ka duh na leh duh loh na a inchen reng, Zodina Kut chu ngam leh ngam lo hian ka va vuan a, min rawn en a, nghet zet hian a rawn chelh a, tunah rih chuan in nghahna tur dang ka neilo ,ka Inngahna ber Thichhawng in a awm miau si,
“Jeff, nangmah ilo Duty hlauh maw?, a va lawmawm” Doctor Duty chu a hmelhriat alo ni a, a rawn hawi a, a hmel a fel in a zaidam hmel hle, kan inrual loh pawh in kei aia a upatna a tam lo tawp ang,
“aw...nia, hei Mikey –a lo nia, lo kal lawk teh” Zodina a kai hrang nghal a, kei pawh Zodina chuan min kai tel ve zel a,
“a chhungte i hrilh tawh em?” zawi sup hian a ti a, Zodina erawh a bu nghut ringawt,
“a tha lo takzet ania, ka en kual vel thuak thuak dan hi chuan Car Accident Shock ani thei lo” a aw a ti zawi sauh a, ka inring hmanlo, Zodina ka nek rawk mai,min rawn kuah vat a, ka Khup khur hlawk hlawk avang chuan keimah chuan ka ding mar zo in ka ringlo,
“wow...ava mak awm ve” a aw ah chuan Thinrim in thup ani tih a hriat theih tho, eng vang a thinrim nge anih ka hrelo, a Best ani a chuvang in a thinrimpui pawh ani mahna,
“Boss...Mahse chu thil chu thuruk ni rawh se aw, keiman ka hriat chuan a tawk rih” a aw a nghet charh mai,
“Mate....lo thu lawk la, Mi ka be lawk ang, ka lo let leh nghal ang” chair hnai ber ah chuan min thut tir a, tiang em em a ka lak tlak loh hi ka Thinrim ru teuh bawk,Midangte ngainat miah loh ka duh thin kha ania, Midang tupawh kan ngaina anih chuan an Buaina apiang hi kan Buaina a ni tawh thin si,mahni chauh a ka awm lai khan midangte an nat leh nat loh ka ngaihtuah lo a, ka natna chauh ka hmu a, ka chak thin ,tunah chuan Michael-a a na tih ka hriat na ringawt pawh hian min hmet chau hluah hluah.
“kha, Coffe hi in la,i ziawm deuh in ka Ring” nachin lawk a Zodina Biak, Doctor kha alo ni a, a nui sang bawk,ka ban ve mai a,
“Mikey Cousin maw i nih?” amah bawk chuan a ti leh a ka bu nghat a,chutih lai chuan Kani leh Jenny an rawn lut ve chiah a, Kani Mit sen ram ah chuan a tap ani tih a hriat theih a,a va pan rawk rawk a, mahse Jeff-a an tih pa khan alo dang thuai a,
“Ka Nute, a rei lo ang, an tifai lawk anih kha” a kai sawn nghal a, Jenny chuan min rawn hmu a, min rawn pan a,nidang a ka hmuh tel ngei ngei thin a Mitmeng a min huatna pawh ala vo chuanglo,
“tunge Mama Accident rawn hrilh che?” a aw a chang fal mai,midangte chu an rawn hawi thap a, mahse, an hawi sawn leh thuai a,
“ka hre biklo, Hmeichhe Pakhat in Mike-a Phone atangin min rawn bia a” ka hriat dan ni miau hek,a Hmui a ti sawi zauh a,a awih lo a ang,
“anih vel chu...” engmah sawilo in kaNi te awmna lam a pan nghal a,Jeff-a nen an inbe mawlh mawlh a, engvang a Jeff-a khan Kanute ti a ko nge anih ka hrelo, engkim hi a BUAI kual nuaih mai,mahse, ka Thinlung chhungril ber ah chuan Jeff-an Zodina hnen a a sawi kha a ri tluk tluk a,
“Accident Shock nilo in Midang kut a tuar ani”

“Mike.....na i tuar lai in i bulah awm ka duh asin, min venhim i tum na ah ka nat ai i na asin” ka thinlung a rum vawng vawng mai.

Hospital kan chhuahsan meuh chuan ka Tah chhuak lutuk in up chu a puak keh ani ber,Zodina chuan min kuah a, ka sam a chul a,
“kal phawt ila, In kan thlen veleh i duh tawk in i Tap dawnnia, tunah chuan a Thi em pawh ala nilo a,midangte hian mak an ti ang che” a ti dam thlup a,ka Insut hraih a, a sawi dik tih ka hria, ka Inla hrang thuai a,Muangchang in a tlan a, a hmel Phiar fat maiah chuan a insehruh nasat zia alang a, Michael-a natna hian a thawng tih a lang reng bawk,
“i lo lut dawn em?” lo chhuk tum hmel a pu lo,ka rin ang chiah in a Lu a thing a,
“nakinah ka lo kal ang, ka rawn Call ang che ,tihtur hmanhmawhthlak ka nei a,Tupawn i Door Bell rawn hmet se hawng suh ang che,keimah ka lo kal chuan ka rawn call mai ang” a ti ,ani pawh hian enge a hriat leh tak???!!!
“um...kal phawt la,” ka ti sap a, a thle buk a,
“lut rawh ,ka lo thlir ang che” a ti leh a, hnial tawh lo in ka kalsan ta zawk a,Inchhung ka luh hnu ah chuan a Motor tlan chhuak thawm ka hria a, a ri ah ngawt pawh a tlan chak thawkhat ang tih a hriat theih, chuti chiam a hmanhmawhthlak chu eng thil tak nimaw??

Muthilh ka tum a, ka theilo ,ka Buaina leh Phuba lakna hian engthil nge a la hrin chhuah zel dawn ka hrelo, Zodina tawng dan ah khan ani pawn thil hriat anei ani phawt ang, Michael-a nen an lo inthurual reng zawk maithei bawk,Michael-a kha kan awmchhung khan a harh miah lo a, Oxygen an pe char char bawk, Nizan khan Apa nen an inti buai tih min hrilh a, Apa lakah kei min chhan ani mai angem?, apa kha vawiin khan alo lang hauh lo,Fapa te thichhawng a an awm laia rawn kal na chang hrelo Pa chu Pa Maktak ani phawt ang,Ka Rilru a thil lo lut avang chuan ka ner sawk a, Nilo, ni lullo e, eng ang pawn in hua se Pa fa an ni a, Pa Thanga pawn A Fapa that duh khawp in Rilru a pu chhe lo ang, Mike-a pawn Apa anih vang in a tina thei lo tih a sawi kha.

Ka Phone nghawr dar dar ah ka harh a, ka ban vat a, Michael-a chanchin thalo lam anih hlauhna avangin ka Lungphu a rang zaih zaih bawk,
“Hello..” ka ti sap a,
“lo hawng la, Pawnah ka awm” Zodina alo ni a, ka tho vat a, Ka muthilh lai ka hrelo ,Khua Alo thim vek tawh a,Light ka On loh avang in Pawnlam a eng rawn lut chuan a chhun eng deuh riai a,Ka On hmasa leh te te a, Living Room pawh ka On leh bawk a,Kawngka ka hawn veleh a rawn lut nghal a, a kalh nghal hmak bawk,engmah sawilo hian min rawn ban a, min pawm bet nghal a, keipawh ka tang eih lo, a Lungphu ri dat dat chu ka ngaithla a,hetiang a kan awm na kha Thla khat lo liam ala nilo, mahse kum tamtak ani tawh in ka hre thung,
“ilo tha em?” a ti sup a,
“aw...ka lo muhil a” ka ti ve ringawt,
“engmah ila ei ka ring lo a, ei tur ka rawn keng a” a Kut lehlam chuan Thil a khai tih ka hre chauh,ka in la hrang nghal thuai a,
“aw....eilo,mahse, ka siam ve mai ang chu, lo ken kher angai hleinem” ka ti a, a nui hawk a,
“keipawn ka la eilo a, i eisiam a tui thei sia,mahse vawiin tlai chu a dang ei ka duh a, Chaw erawh chu i chum thei ang chu” a Mitmeng Sexy zet chu nuih zatna vang in a De sar bawk, ka siam tui loh theih zia a hrechiang em ani,
Chaw ka chum a, ka chet vel lai chuan tu emaw Phone in a bia a, a lawm vak lo ani ang, a tawng a vin thak thak khawp mai,Kitchen ah a rawn dak a,
“kan ei thei tawh em?, ka ril a tam ania” a rawn ti a, a tawng lai a a thinrim hmel nen tunah chuan a dam leh thlap tawh,
“aw,thei ani mai, mahse, a Sa dawn em mai, nghak lawk ila, pawi iti em?” ka ti a, a thle buk a,
“ka bulah i rawn thut hman dawn chuan pawi ti lo” a Mitmeng nalh zet chuan min en run a, ka ngaihtuahna zawng zawng a hmu tlang vek thei in ka hria,dik tak chuan a bulah thut ka duh,mahse, ka In control leh thei dawn em ka hre silo, a bulah chuan ka in sum theihna zawng zawng ka hlauh vek zel tlat ani.

“iPa a tha zel em?” a bulah thu duh lo in a ep chiah ah ka thu a,
“aw, a ziawm zel e” a tit ha ve mai,
“a pawi ka ti tak tak, in inneih thulh a ngai bawk si,Zorini tan pawh a nuam dawn lo lutuk a” engvang a han sawi chhuak kher nge maw ka nih thin le??
Min rawn en a,a hmel ah engmah a ngaihtuahna awm ka hrethiam lo,
“nia, mahse, Hmeichhe Pakhat, tunge anih ka hriatsa kha ka hre chiang lehzual a, a thatna leh ngil neihna avang pawh in ka kalsan leh tawh dawn lo tih ka hre bawk, Inneihna thulh nimahse amah nen a kan nun erawh a pangngai reng tawh dawn tih ka hria” a thusawi zawng zawng chuan min Deng dawt dawt a, ka Natzia erawh tih lan ka tumlo,
“um...mahse, ipa a that veleh in rel fel sa chu a tih leh theih nghal ang chu” ka ti leh a, a rum hawk a,
“Remruat.....min en teh” thupe aw zet hian a ti hrawk a, ngam leh ngam lo hian ka melh a,
“Kapa a tha leh emaw, vanduai thlak tak a a tha talo anih pawh in Mi Pakhat chauh ka nei ang, ka chiang ani,Ka Hmangaih bawk” a aw ah a in rin tawk zia alang a,
“ka lawmpui che, Hmangaihna ilo hrethiam ta animaw?” mihring hi kan lo va danglam thei em!!,Apa nat tirh atangin Zorini khan a tawiawm tha em em a, a hma khan a duh chauh emaw a ti a, tunah chuan a lo Hmangaih ta hial anih chu...Thatna hian midangte nun ah thu a sawi a, engmah a thlawn a awm ngailo e.
“Ni e, Ka Hmangaih tih ka hria, ka Haider lui mai zawk ani” a ti leh sup a,
Sawi leh mai tur hrelo hian ka kut ka hmet nauh nauh a,
“Michael-a nen engtik nge in inbiak hnu hnun ber?” a rawn ti leh thut a,
“Nizan ah, lo riah a tum a, mahse, Problem a nei leh thut a..” ka ti niah niah a, min en run avangin ka en let tha ngamlo,
“ka ril a tam lutuk” a ding hluai a, ka lo theinghilh daih, ka tho ve vat a, Kitchen a pan chu ka zui a, Ka chawei siam lai min pui a, inbe lo in ka ei dun a, ka ril a tam ngang ani ang,ka ei hnem phian bawk.

Tv a en vung vung a, Sana ka en zauh a,a tlai tawh,
“ila kal dawn lo mi?” inthlahrung zet hian ka zawt a,min rawn en chuanglo,
“min va ning awm ve” that chhe zet hian a ti hluk a, min chhan dan teh fawk chu sawi mai tur ka hrelo,Ka Phone a rawn nghawr tak dar dar ah chuan lawm zet hian ka Pick a...
“Hello....” a reh vang vang mai, ka ti nawn leh a,
“Michael-a kha keima tih anih kha..Next chu i Reporter kha ani ang” a thi nghal hmak, hamhaih lutuk hian ka Phone ka melh reng ringawt,

“engthil nge ni leh ta?” Zodina chu min ngaihtuah hmel zet hian a rawn hawi a, ka sawi dawn zuau a, mahse, ka sawi anih vaih chuan thil dang pawh ka hrilh angai ang,ka hrilh thei silo.
“aaa...engmah anilo, line kal sual anih ka ring” ka nui lui sak a,a hmel a hahdam huai hmel chu ka hmuh hmaih lo.A rawn tho a,Sofa hnung a a Jacket dah chu ala a,a ha nghal zui nghal a, Ka zui chhuak a,
“lo chhuak duh suh,Harsatna engpawh neila min rawn Call ang che, i hlau emaw anih pawh in min rawn hrilh dawnnia” a ti sup a, ka Bu nghat a, mahse, ka Call ngai dawn lo tih chiang tak in ka hria.

Tukverh leh Kawngkhar ka check fel vek a, a tha tawk tih ka chian loh chuan ka thlamuang lo,a hma pawh a ka tihdan than nimahse tunah phei chuan keimah ah hian hlauhna a awm tlat tawh avangin ka fimkhur leh zual a, mu chungin ka in ngaihtuah a, min lo Call tu kha tu nge ni ang?.Chiang tak in ka hria, Min vau ani,midang anni theilo,pa Thanga kid te anni ngei ang, Zodina pa in engmah ala ti theilo a, min tih nat tum in min veh dawn lo,Michael-a leh zel pawh a tin a duh anih chuan kei phei chu min dim lo hle ang tih a chiang,ka rilru ah Reporter kha alo lang a, a tlai tawh tih ka hria, mahse ka rilru a nawm theih tlat loh avangin ka Call ta tho,

“i muhil tawh em?” a pick veleh ka ti mawl tawp,
“aih,hna ka la nei a,eng nge nita?” a rawn ti a,
“a tlai tawh tih ka hre tho a, mahse, ka ngaihtuah che a, Michael-a chanchin kha ilo hria em?” ka ti leh a,
“aw, hria e, a zialo hle mai ,a accident niawm in ka lo hria a” a rawn ti a,hrilh tur nge hrilh loh tur ni ang..ka hrilh lo anih chuan ama tan pawh a hlauhawm ve tho si a,
“aih,Accident lo, accident ang in an lantir ani,nachin khan Call ka dawng a, Next chu Nangmah an ti a, bansan mai rawh” ka ti a, a thaw huai ri ka hre thei a,
“Thudik avang in ka Thi anih chuan pawi ka ti hleinem, an duh duh ti rawhse, kei pawn ka tih tur ka ti ve ang, Lungngai suh,tunah ka buai deuh a, ka Mangtha phawt ang che, ilo fimkhur dawnnia” a ti a, ka Mangtha a, Phone ka dah a, ka vannei nge ka vanduai pawh ka hre hrep lo e,hetiang mi tha hi tawn ka phu hlawllo e.Mut chhuak in min rawn zem a, ka Phone ka thlauh lai ka hre ruai a, ka muhil zui ani ngei ang.

Kawngka rik ri ka hriat rual in ka thu chhuak nghal a,mak tak in hlauhna in min rawn tuam a, ka tum loh tawp in ka khur nghal hlawk hlawk bawk.

APRIL – 20

Ka hawng ngam lo, Zodina nise chuan kik lo in min rawn Call hmasa ang tih ka chiang,a rawn chum leh Dawt a, ka la chesawn chuanglo, a reh ta hmak a, mahse ka thlamuan phah chuang lo,Darthlalang a ri chhuai a, ka phu nasa lutuk chu ka zuang zawk ani ber,Zodina Phone tum in ka Phone ka la kang a, mahse tunah a tlai tawh lutuk,a Muhil tawh zawk ang,Kan Inneitu te nen hian Building khat ah kan awmlo a, Compound khat vek mahnise thawm hriat a harsa a, Inneitu Pa Number ka zawng a, Ka la hmu mai lo zui lehnghal a, ka en tha leh a, ka hmu ta hram, ka Dial nghal a, a la Pick theilo,ka tinawn leh a, Mutchhuak hmel zet hian min rawn chhang ta hram a,
“eng nge nita?” a rawn ti muang churh a, Thil thlen dan ka hrilh a,lo kal nghal a tum thu a rawn sawi a, tlem chuan ka thlamuang ta deuh,a hnu rei vak lo ah chuan ka hming in min rawn ko a, ka chhuak phei a, Kawngka ka hawnsak a, amah maia lo kal lo in a Nupui a rawn tel ve a,Kawngka bul a Tukverh awm chu a Darthlalang chu tih luih tih hriat zet hian 2 a keh a, Bar a awm avangin alo lut theilo mai mai tih a chiang reng,Thil thlen dan min zawt nawn leh a,ka hriat dan ka sawi leh a, Darthlalang keh chu Lungawilo tih hriat zet hian a melh vung vung a,
“Tu han tih nge mawni kher kher le?” a ti nuah nuah a,ka khur ala reh fel lo, An nu zawk chuan min hnem a, ka duh phawt chuan an In lamah ka riah theih thu a sawi bawk a,Ka Inthlahrung teh nangin ka hnial phal lo, mahni mai a hmachhawn ka zuam tawh hlawllo,
“Ka lo riak mai ang, Mutna hun phei chu a tam tawh vaklo a, mahse,khawvar han nghah leh pawh keimah chuan ka chak vak lo” ka ti a, an pawm zawng ani ang, an Bu nghat nghat a, an In ka Luah tirh atangin tun tum bak hi ka tihbuai ka la hrelo.Room awl ah riak turin min ti a, mahse Sofa a awm ka thlang zawk a, ka mut theih ka ring chuanglo hrim hrim bawk,Ka ngaihtuahna ka kawm a, ka tihsual niin ka hria, a tir khan ka hriat dan zawng zawng kha lo tilang pawp mai ila a tha zawk ngei ang, an Sumdawnna diklo tlem chauh ka hai lang chung pawh in heti khawp hian min bei let nghal a, k inthup na zawng zawng pawh an hria tih an chet danah a lang reng bawk,ka mi beih te hi ka tan chuan an turu mah mah ani, kei hmeichhia ah pawh awm nem leh tihnat awlsam em em tan chuan a Harsa ani.Police te kut ah ka dah ngam lo a, nilo, ka ring zo lo ani zawk, ka theih ang a rang a ka chet angai tawh, ka tih tur ka tih tawh ber chuan duh leh min that rawhse, ka chet tlai lutuk chuan keimah vangin midang in an nat phah leh ngei ang,chutiang thil thlen nawn tir ka duh lo.

Khawvar veleh ka tho a, Pawnah ka chhuak a, Ka In lam ka thlir vang vang a, Ka In nimahse let leh chakna pakhatmah ka neilo,Ka Gate Piah ah chuan Mipakhat hi zawn nei niawm tak hian a kun dan dan a,ka en reng a, Gate lam a rawn pan a, ngaihthat lohna ka neih thut avangin Pangpar phen ah ka tawlh lut nghal a,ka rin ang chiah in midang an awm leh awm loh en niawm tak hian a hawi kual ruai a, Gate chu Chhunglam atangin ka hawlh kalh ringawt a,hawn tum niawm tak hian a zen a, mahse, a kut ala chhuak leh a,ka ngaihtuah a, Nizan thil thlen lai leh a hnu ah pawh Gate inhawng thawm engmah ka hre miah lo,Ka In lam chu uluk tak hian a thlek leh vang vang a, a zir chiang vel a ang khawp mai, tunge ni leh ta ang??, ka Phone ka Phawrh a, ka awmna lam a rawn hawi leh chu Thla ka la a ,a hawisawn leh mai avangin ka duh ang in a fiah lo,ka nghak reng a, mahse, rawn hawi kual leh tawh lo a a kalsawn tak avangin lak nawn leh theih ani ta lo.

Iinneitunu a rawn thawh veleh ka chhuk san a, ka lut tur pawh ka la ti dek tho mai,mahse vanneihthlak tak in engmah thli danglam thlen belh a awmlo, Gate ka kalh lo thin kha ka ti diklo hmasa phawt a, zanin atang chuan ka kalh chiang tawh khawp ang,Darthlalang keh nuaih mai chu ka tifai a, ka zawh veleh Michael-a chanchin hriat ka duh avangin Kani ka Call a, a harh tawh tih min rawn hrilh chuan lawm avangin ka khek raih mai, tunah chuan a Thi dawnlo tihna ani phawt ang,ka hlimna avangin ka hun tawn duhawmlo zet pawh ka Theihnghilh hial mai,Kal chhuak turin ka insiam sawk sawk a, ka kal pah in Tala leh Darthlalang pawh ka lei nghal mai ang chu..Mahse engthil nge ni leh ta??,Scooty ke chu a 2 in a thep ve ve a, Nimin ah ka khalh chhuah hnuhnun ber khan engmah a chhe lo tih ka chiang.ka thut chilh ka en chiang a,a hnung lam chu chem. Hriam tak a zai tih hriat zet hian a thler a,tih luih tih a hriat ngawih ngawih bawk,Beidawng zet hian ka melh tlawk tlawk ringawt.Ka Phone a rawn ri a, Zodina alo ni a,
“i tho tawh em?” ka Pick veleh a rawn ti a, ka tho tawh tawh tih ka hrilh a,
“mahse...Michael-a a harh tawh an ti a, kal ka tum a, Ka Scooty ke hi a 2 in a lo thep ve ve a” beidawng zet hian ka ti hap a,a rum hrawih a,
“keipawh kal ka tum alawm, ka rawn chhuak dawn chiah a, ka rawn lam kual ang che” a rawn ti ta hlauh a,ka Scooty chu ka thutchilh a, ka thlek kual ve ngial a, tih dan vak erawh ka hre chuanglo,Nizan a ka Kawnkhar rawn kik tu kha ani thei mai angem?, thawm a dim hle ani tih a hriat a, Gate hawng ri pawh ka hre lo a, hlau hauh lo a Phuba lak tum ka nih tehlul vei nen, tunah chuan engkim mai hian min ti zam chhia chu ani der tawh.

Rei vak lo ka nghah hnu in Zodina alo thleng a, Pawn ah ka lo nghah sa avangin rawn chhuk lo in Kawngka a rawn nem hawng a, a Hmelpa leh Sexy zet chu a lang thar sar mai, a Sam la hnawng deuh chap ah chuan a Inbual na ala reilo tih a lang a, Motor chhung ka luh veleh a rim fai leh Pa tak chuan ka hnar a verh nghal zar bawk,
“Nizan i Mu tha lo tih ka hre mai” a ti sup a, ka melh zawk a, ani erawh chuan Hmalam a melh ngur a,
“nia...ih...thil thleng a awm a.” Ka ti sap a, a rawn hawi a,hmalam a en leh nghal a,
“eng thil?, min rawn Call rawh ka ti che khan ka hre sia??” a aw ah chuan Lungawi lohna a lang tel a,
“nia...mahse..a tlai tawh a..” ka ti leh a,
“aw...engpawh nirawhse, ka sawi apiang i ngaipawimawh ngailo, Michael-a sawi nise chuan i hre lutuk ang” a ti leh hluk a, eng vang a Rilru te viau nge maw anih tei vet ni???
“engmaw thleng chu....?” a ti leh hlur a,a Thinrim viau ringawt chu ka ngei ve tlat, ka hlauh tehlul nen,chhan tum lo in Pawn lam ka hawi san ta daih a,Motor chu a ding chawt a, a ri tuar bawk,ka lo in ringlo nasa mai si a, Hmalam ka bawh rawk rawk mai,Phawk lutuk hian ka melh a,ani erawh engmah thleng lo ang mai hian a thu ngur ringawt, Mi kan su anih ring in Hmalam ka en leh a, mahse tumah an awm chuanglo,
“eng thil.....?” ka sawi zawh hma in min lo ti tawp a,
“Ka zawhna che kha chhang rawh, i awmdan Naupanchhiat thlak lutuk hi ka kham ania” a ti tuar a,
“oh...chuvang chuan maw i din thut a??!!,huh..ka awih lo hial zawk,Kei chauh Naupangchhia ka nilo ani ang , tun a i chet dan pawh kha a Puitling zia bik lo ania aw” ka Thinrim lutuk chu ka aw a khur dar dar mai,
“sawi mai la....” a mitmeng Dur khup chu ka en a, ka zam ta deuh,
“Nizan khan Zanlai pelh tawh hnu khan Kawngka kik ri ka hria a, a chang in a chum deuh bawk in ka hria, chuan....” ka tih lai in alo inrawlh leh a,
“tu phiangsen nge?” a ti hluk a, ka lu ka thing a,
“Ka hrelo, ka hawnsak lo, chuan, a reh leh daih a, mahse, a hnu ah Kawngkharpui bul ami Tukverh Darthlalang kha a keh chhuai a, chuan , Inneitu te kha ka Phone a, an Nupa in an lo kal a.chuzawng chu...” ka ti a, awlsam deuh a ka sawi chhuak thei chu ka lawm hle zawk,
“tumah in hmu lo hrim hrim tihna mi?” a ti leh a, Thinrim Insum tawng ang deuh hian a Seh chilh deuh a,
“aw...Hmulo hrim hrim, chuan Inneitute In ah khan ka riak chho ta daih a...” ka ti liam leh Puat a, min melh run ringawt, a mit meng lian leh mi melh na zet chu ka melh let duh lo, ka hlauh zia ka thup zawng zawng pawh a hre chhuak thei mai in ka ring tlat,Ka rilru ah engpawh awmse ka thup thiam thin si lo,
“Mal-i te In ah riak phei ang che” eng dang mah sawi lo hian Thu min pe ani hrim mai,ka melh hau a,a duh duh hi a sawi ngawt zel, amah ang a engkim a thu thu a ti thei ah min ngai zawk ni hian ka hre thin,
“aih,a ngailo, engmah a thleng tawh lo ang,Kal tawh ang,kan tlai mai dawn” ka ti a, a Sam a tuai puat a, min hnial lo hian Motor a Start ve mai bawk a, ka hamhaih let ling zawk.

Damdawiin kan thlen chuan Kani chauh in alo awmpui a, min lo chiau au vat a,Beisei aia a harh that thu te a sawi a, tunah erawh a Muhil deuh chiah a, mahse amah ah hian Kim chiah lo a awm ni a a hriat thu a sawi a, a Sawi tawp lam chuan ka beng a verh zak mai,an khawihna lam ah a thluak a khawih anih teh chuan aw....Ngaihtuah zui pawh ka duh hrep lo e.
“Zo-a Ipa a tha em?” a ti a, ani erawh a bu nghut ringawt, kan luh tirh atang khan Mumal in ala tawng ve miah lo tih ka ngaihtuah a,Michael-a ngawt chu a melh a, To haw tur ang mai hian a hmel a Dur khup bawk, engvang a Thinrim em em reng nge anih ka hrethiam hlawllo,Beisei aia a Mut theih avangin a harh kher nghak lo in kan hawsan ta zawk a, Tlai lamah erawh kal leh ngei ka tum bawk,Zodina erawh ka tumdan engmah ka hrilh lo,
“engmah eitur i siam leh awm silo a, Kan In ah kal ang” min zawt pawh anilo, a Duhdan min hrilh ani ber,
“aih,kal kualna tur ka nei a,Bazar ah thil lei lawk tur ka nei a” ka ti a,
“eng vang a tih har viau nge maw i nih ziah le??,ok..pawilo, ka kal ve mai ang” a ti hmuk a, ka awih lo hial zawk,
“a ngailo,...” a Bawp sei zet a a Pen pawk pawk chu ka en a, zui mai loh chu engmah tih tur ka neilo,Hmanhmawh zet hian ka um ve ta hlawk hlawk zawk a,
“eng thil nge i lei dawn?” a rawn hawi let a,
“Darthlalang chu mawle,chuan Tala lian deuh ka duh bawk a,Gate ka kalh lo thin kha a tha lo” ka tih zawm zat bawk, a Ner nawk a,
“Fimkhur tur khan ka ti che sia,Gate pawh ilo kalh lo amaw?, Huh....” a inher a a kal leh nghal daih,Ka Mamawh 2 bak pawh ka lei ta nual, aman a keng vek a, ken ka tum pawh in a phal der lo,
“Zo....” Kan Dawr kal pelh chiah atang chuan Hmeichhe aw hian a rawn ti a, Zorini aw a ang hle bawk, a Ding chut a,kei pawh ka hawilet vat a, ka Rin ang chiah in Zorini alo ni a,
“eng nge in tih a?” Zodina melh lo in keimah zawk min melh kal mai,in melh ringawt hian thih theih se chuan ka Thi nghal hial ang,
“I hmuh ang hian kan Bazar a..” Zodina chuan a ti sup a,
“Nang zawk..?” a ti let nghal bawk a,
“Mike-a ka han tlawh ve ang ka ti a, tah hian Thil ka lei kual lawk a” a Nui sang a,
A Mitmeng erawh Thinurna leh Huatna avangin a Ling hlar mai, eng vang a min haw ngawt nge maw anih ni??, Zodina te chu a ta ani a ,a ni reng dawn bawk a, chuti chung a ala lungawilo fo chu a sual thlak mah mah ani.
“aw...han kal rawh, a harh tawh kha...” awlsam zet hian a ti liam puat a,a Thil khai lohna lam chu a vai zauh a,
“nakin ah ka rawn bia ang che” a ti sup a, Zorini tawng ve hma in a rawn inher a,
“Kal ila..” tih leh kal a rual nghal a,Zorini lam ka hawi leh a, ka Nuih lui a, mahse, lo Nui miah lo ila a tha daih zawk,Khatiang khawp a min huat hmel kha ka la hmu ngailo.

Darthlalang keh chu aman a siam a,Scooty Ke chu a en kual vel a, a Phun hluk a, a sawi ka hre theilo a, mahse thu tha erawh a dawi hauh lo ang, kan In bui hnai ah Tyre siamna a awm loh avangin an Driver a ko a, a hnu rei vaklo ah an rawn thleng a,Thep satliah nilo in a thler deuh bawk nen Motor ah an load a, Siam tir tur in a hrilh a, Ka Pasal nise tiin ka lo ngaihtuah hmanhmawh bawk, huiham.., An In lam a kal erawh ka hnial avangin min ti lui lo in aman eitur a siam a, kei erawh tihtur hrelo hian a che vel chu ka lo thlir ringawt,
“engtin nge eisiam te i thiam a?, engmah i ti ngai awm silo” mak ka tihna ka thup theilo zawk,
“ka zir mawle, Kapa hian chhel turin min duh a, college ka kal laiin keimah in In min luah tir thin alawm,a tir chuan chaw ka nghei zing ania aw” a nui hawk hawk a,
“haha...a va ti tha ve” ka ti hap a, an Hausak turu zia ka ngaihtuah a, engmah ti lo pawn awmse Buaina an nei lo ang,an tih ai zawng zawng ti tur an ngah lutuk tlat, Company ah pawh a tirh mai theih tur in Hnathawk an phu suau suau a, chu pawh Aizawl ah chauh..
“nia, a tir chuan ka ngei khawp, Ka Inluah lah chu a Te si, a chep bawk a, Ac tak ngial pawh a awmlo, Kapa ka huat na kha turu tak ani” thil hlui ngaihtuah niawm tak hian a chhing vang vang a,
“chutih lai vel chuan emni Zorini nen in intawk tak?” ka sawi leh ta, engvang a ka Lei hi veng zo thlawt lo nge maw ka nih thin ni???
Min rawn en a,a Mimeng dum fiah kak leh Ril ruih mai ah chuan engemaw hi alang zawk a, mahse, a bo leh nghal mai avangin eng nge anih erawh ka hrelo,
“Tunge hril che?” a ti sup a,
“er..ih....ka hre ve tawp” chhan ngaihna hrelo hian ka che sek a,a then suk a,
“tupawn hrilh che se la pawi ka ti hleinem, Zorini emaw Mike pawh nise,Nia....aw..chumi a ka awm lai chuan kan intawng a,Hmeichhe nalh leh fing tak ani a, Kan Hausak leh Hausak a hre heklo,Kapa Sumdawnna kha chu a hre ngei ang,mahse kapa ani tih a hrelo thung” a ti a, a sawi zawng ringawt pawn a duh hmel hliah hliah, ka lo na ve leh ngawt bawk,ka kut tin ka sik nauh nauh a, a hma in hre tawh mahila ama hnen ngei atang a hriat chu a nuam fahran lo,
“um...tunah pawh hian a nalh a, a fel bawk alawm”ka ti sap a, a bu nghut a,
“Maithei, a hnu ah a rawn in sawn lut ve a, ka Inluah nuam lo lutuk pawh a zia ta deuh a,College kan zawh thleng in kana wm dun a,Mike-a erawh chu Apa in kei ang in a ti hrehawm ve lemlo” an cheng dun na ringawt pawh chuan ka Luak a ti chhuak hlui mai, an cheng dun satliah dawn lo tih a lang reng, ani Mipa ah pawh Pa tak mai hi Zantin a awm mai mai dawn hauh lo tih a chiang.
“um...ka Riltam tawh e, i thilsiam kha a rimtui bawk si” thil dang sawi ka duh zawk, a Nui suk a,engmah a sawi lem hleilo a.

A kal dawn chuan hriat chhuah ka nei a,Ka Phone a thla ka lak kha, Gate a pel tur chu ka ko leh rih a,
“thil hrilh loh che ka nei,zing ah khan Mipakhat helai velah hian a awm reng a,engemaw zawn nei a ang lutuk a” ka ti a, a rawn let leh a,
“a hmel i la hria em?” a aw ah chuan ngaihthat lohna alang tel a,
“aw...ka Phone in thla ka lak sak a” tih pah in ka phone ka phawrh a,
“ok...Good...fing reuh lutuk” a ti sup a, Ka pe a,

“oh....hreptak hian..” A ti hluk a, tu nge anih a hre chiang hle anih hmel

APRIL – 21

“I hriat zawng anih hmel hle mai” ka ti a, a Ner nawk a, min rawn en a,a Bu nghut a,
“engtik hun ah pawh i hmu anih chuan min rawn Call ang che.....” hnial tum a ka lo au ziau chu a ban vai thuak chuan min ti tawp a,
“min lo hnial suh, engvangmah in min hnial thin tawh suh” a ti zui nek bawk,Sual lutuk mai,Chhan pawh ka chhan hma in Ka Phone min pe a, a kal zui daih bawk.

In ka tifai a, ka Rilru ah vei ka nghah lutuk a ka thaw a pik chang apiang in chhuat ka nawt chiam thin a, ka thawl hawk zel bawk, Michael-a khawih tu kha a Number Reporter kha ka pe a, alo chhui zui tawh em tih zawh ka duh a, Zodina erawh engmah ka hrilh ta lo, Hrilh pawh ni ila a chhan hriat siloh in a thin ur leh vak ringawt ang,Buaithlak mai mai.
“Hello.” A rawn ti a,
“Number kha ilo en thei ta em?” ka ti a, a reh vang vang a,Hlauhthawnna in min man nghal a,
“aw..en a, mahse, ka la hre mai theilo, mahse,lungngai suh,a hmawr kan bawk tep ania” a rawn ti a,a aw ah chuan Thil dik chiah lo a awm anih hmel khawp mai, ka Inbual a, Michael-a ka tlawh hma in reilote muthilh zawk ka mamawh, Nizan ah khan ka mu tha lo nasa si a, ka chau viau pawh chu chhan dang a awmlo, ka Mut that loh vang ani ngei ang.Shower in ka Inphuh tir a, ka hahdam huai huai in ka hre hial mai,Ka inbual zawh veleh ka Mu nghal a, Zodina Hmelpa hrak mai ka Mitthla ah alo lang a, vawiin a Zorini chanchin a sawi lai a a Duat hmel zia kha aw....khatiang khan ka chanchin midang hnen ah han sawi ve se ka ti takzet, an lo cheng dun tawh a, Nupa ang chiah in engkim an lo ti dun tawh bawk, oh...ka ngaihtuahna tehhrep chu....kei nen kha chuan nawm chenna mai ani, ka tan chuan intih hlimna satliah anilo, ani tan kha chuan zankhat nawmchenna mai ka ni a, Hrereng chung khan ka hnar thei miau silo.Michael-a ka ngaihtuah a, tunah engtin tak awm ang maw?, Sangtei hna thil ah a lo zin bo kher bawk nen, awm se chuan a kalsan phal hauh lo ang,ka ngaihtuahna a vai riai riai a, ka muthilh lai pawh ka hrelo.

Ka Alarm set in min ti harh a, Sana ka en chuan Tlailam Dar 4 alo ni der tawh,ka tho nghal a, ka chau lutuk pawh kha a awm ta lo, ka Insiam a, Scooty a lo la thleng silo, Taxi a ka kal mai angai dawn anih hi,Zodina khan tlai ah an rawn dah hman ang ati kha ania, an rawn dah lo ani ang, rawn dah dawn se chuan min rawn Call hmasa ngei ngei ang.
Taxi ka chang a,Michael-a ka ngaihtuah a, ani chu awmse tunah te chuan ka Call ang a min rawn hruai ngei ang,mahse amah ber natna khum ah a mu a,tlawh turin ka kal dawn mek ani si a,Taxi lo kal hmasa ber chu ka phar a, ka kal duhna ka hrilh a, a Driver lah chu ala tawng duh em em mai bawk si,haha...

Michael-a Room ah chuan Kani leh Kapi an lo awm a, Jeff-a kha alo awm bawk a, min hmuh veleh min lo lawm a,Ka Beisei phak bak in Michael-a pawh a hmel a harh tha a, thei leh theilo hian min lo nuih a,Hepa Tak hi chu aw....a Khum bulah ka thu a, a Kut chu ka tuai hauh hauh a, Nimin lam kha chuan a Thih mai hlauhawm in a awm a, tunah chuan la tawng peih lo mahse a harh tawh a, Kani in a Hriatna lam Fello ni a a sawi pawh ka awih chiah lo, min hmuh veleh min lo nuih thei tlat a, a Hriatna buai se chuan min nuih hauh in ka ringlo.
“Pi...Haw ula, Va mu hahdam rawh u, ka lo awmpui mai ang” ka ti a, Kapi chuan Rilru hah hmel tak hian min en a,Kani thung erawh chuan Haw a tum hmel lem loh a,
“a ngailo, kana wm thei alawm” a ti mai a,
“Nimin leh Nizan nen, i mu miah dawn lo tih ka hria alawm, min ring mai rawh, ka lo awm ang, zanah pawh keiman ka riahpui mai ang,Ka inringsa vek alawm” ka ti leh a,Diktak chuan ka Inringsa hauh lo,mahse, zan khat chawei loh mai mai chu pawi tihna ka neilo,
“chuti anih te chuan Mami haw ila, hei tunah chuan a ziawm tawh a, Zodina kha a rawn riak thei dawn bawk a,Jeffrey-a a awm bawk a, zan in chu hahchawl la a that ka ring riau mai” Kapi chuan alo ti ve charh charh a,Jeff-an alo sawipui bawk nen, min hnial ta lo,
“Pa Thanga hi khawnge a awm a?, ka lo kal apiang in Ka hmu ngailo reng reng” Kapi ka en a,
“a Zin chhuak a, a Zinna atang in a rawn haw mek a” Kani zawk in min chhang a, Apasal chungah a thinrim tawhlo anih ka ring, Buaina nei hmel an pu tlat lo,
“aw...anih chu.mahse, hei rin aiin a tha a, lo haw chuk chuk pawh angai dawn ami?” ka ti ve a, an ngaihdan hriat ka duh a, Mike-a Accident dawn zan khan an Inhau buai tih ka hria a, eng ti tur a zin nge anih ang?, A Fapa an ti na lai hmuh a hreh vang in tiang hian a zin der zawk pawh ani thei, huiham...Pa Thanga lakah kher kher hi chuan rilru Thianghlim ka pu thei hlawllo.
Jeff-an min kalsan a, Kani leh Kapi an haw tawh bawk a, Kalsan kha an chak lo tih an hmelah a lang a, ka dem hran lo, kei ni ila ka kalsan kher in ka ring lo,
Zodina’n min rawn call a,
“khawnge i awm?” a rawn ti nghal hlur ringawt,Tukverh bul ka pan a, Michael-a tih harh ka duh rihlo, mut tam a mamawh tih Jeff-a khan a sawi a,
“Damdawiin ah..,mike-a ka riahpui dawn a, nge nita?” ka ti let a,
“chuti chu Scooty hi Kan In ah ka dah tir mai dawn mi?,kan nauten rawn dah an tum a, Gate ilo kalh vek si” a rawn ti leh a, a hma ai chuan a aw ngaihthlak a nuam ta deuh,
“awi,ka lo theihnghilh daih,Pawilo, lo dah tir mai la, a harsat loh chuan...?” nuam ka ti chiah lo,
“a harsat na tur a awm lo” a Phone a Off Daih,ngeiawm lutuk mai,
Khum bulah ka thu leh a, Michael-a Sam tla chu ka hui kian sak a, engkim a min buaipuitu leh ka In nghah na ani a, tunah NAtna khum ah an mu bam mai chu en har ka ti a,a Hmeltha tak mai chu a dang diau bawk,
“Bawihi....” Muangchang hian a rawn meng a, ka Phu zawk a, Ka Kut ka la sawn nghal a,
“aw...ka ti harh che ami?” pawiti zet hian ka en a,thei leh theilo hian a then sak a,
“aih, ka harhna a rei tawh,Zo-a ani tiraw rawn Call che kha?” a tawng a zawi hle bawk,
Ka bu nghat a,”Mike...tawng i harsat lutuk,tawng rih lo mai rawh, inkawmna hunt e chu kan la ngah dawn lutuk alawm” ka sawi ang ngei hian a thlen ka duh takzet bawk,
“hrilh duh che ka nei,ka Accident lo, mi tuemaw in min Thah tum in min bei ani” a Kut ka vuan a, ka kun hniam a, a chal ah ka fawp zauh a,ka tawlhsawn tur chu min chelh bet a,
“Mu ve la, chuti tak a thalo ka nihleinem,ka awm loh hnu ah Zodina’n alo ngaihven che em?” a ti leh sep a,Khum ah chuan ka thu kai a, Mut erawh ka mu ve lo, Unau mah ni ila midang hmuh ah thil mawi anilo tih ka hria,
“aw, min ngaihven khawp mai, mahse, i Natna avang hian a Thinrim a, a bul a awm anuam lo,Apa alo tha lo bawk si nen,a Mood a fuhlo thei lutuk” ka thusawi avang chuan alo nui a, engvang a nui reng thei nge anih bik le ??
“a lungawilo ang tih ka hresa alawm, kei chu Thih hi ka hlau reng reng lo, mahse, ka awmloh hun ah tunge enkawl ang che tih ka ngaihtuahna avang chauh hian Dam ka duh a,ka Tello chuan nangmah zawng tut e hian reilote ah an dahbo mai dawn che tih ka hrechiang ani” hetiang tak hian ka Unaupa hian min lo Hmangaih anih chu...ka Mittui tla tur chu dan kir tum in lehlam ka hawi a,
“lo hawi la, Ka bulah chuan i duhtawk in i tap thei alawm” ka tah nuih a, Dimte in Khumah ka lawn a, a mu chu ka kuah a,
“Mike...Ka Hmangaih che, i awm loh chuan ka zam a, Zodina chuan min ngaihven mahse Midang ta ani a, ka Bulah pawh a riak thei heklo,i thih chuan kei chu Thi sa ka ni mai,” ka sawi zo theilo ,Tah ka tum loh tehlul nen ka Tap khur ta dar dar mai,
Ka harh chhuak thut a, ka Thu chhuak vat a, Midang tupawh lo lut thut thei reng anni a, chumai bakah Damlo awmpui ka ni tih ka hriat a tul bawk,ka chhuk vat a,
“i sual aniang, i bulah hian ka tahbelh tlat,i Na ka ti zual mai mai” nuam ka ti chiah lo,
“Thildang hrilh tur che ka la nei,ka Na vak hleinem, min vihna hi a thuk vak lo a, a tir a ka harh mailoh na chhan kha chu Thisen ka hloh hnem vang mai mai alawm, Kanu te khan ka Na lutuk lo tih an hriat ka duh loh vang mai ani e” Michael-a chu ka melh a,
“engtin maw?, engmah ka hrethiam lo...” bangbo zet in ka melh a,
“Ipa ka hria, Pa Tlana kha i pa anilo, i Pa kha Ka Putea ani,chuan ,Kapa in a thahsak bawk che...Mate, engmah lo sawi suh, i zin lai khan ka hrechhuak vek tawh, mahse, ka zep a, Kapa Sumdawnna chungchang a nihna hailan anih tuk ah ilo haw ve chiah bawk, ka Ringhlel che a, ka zawng a ka chhui a, tunge i nih ka hre ta mai che ani,mahse, keipawn ka hria anih chuan Kapa hian a hriat loh bik ring suh,chuvangin ka theihtawp in ka veng che a, Kapa Mizia chu i hriat kha, a hlawkna turah chuan a kawng dal apiang a dah tha mai thin a,mahse, He thu ka hriat tirh a min nghawng nasat zia chu i awih lo zawk ang” ka melh tlawk tlawk ringawt,
“Mike...tawng tawh rih suh, i chau lutuk ang” ka ti sep a,
“aih, tunah hian hre vek la ka duh, a chhan chu maw, Min beitu te hian min bei nawn leh dawn tih ka hria,Room i rawn luh dawn khan kawngka bulah khan Ka Naute min Veng tu an awm tih i hmu ang, aaa, hmu mahla i hre kher lo ang, Nangmah kalsan tur che hian kapa in vawitam min hrilh tawh, mahse, ka hnial a,a ti na dawn che anih chuan keimah min dahbo hmasak angai tiin ka hrilh a, ka Accident ang a an lantir hma zan khan kan in hau buai leh a, Min Dahbo tak tak duh ang tih a sawi leh a, keipawn pawi ka ti lo tiin ka chhang bawk” engkim hi ava mak em!!!!,Mike-a hi chuan Apa anih vangin a khawih theilo a, Pa Thanga erawh chuan a Fapa pawh Dah bo mai a hreh lo ani si, hetiang Fapa tha leh hlu hi engvang a Dahbo duh nge anih?, sum tam tak ai chuan Michael-a hi kei chuan ka thlang zawk fe si.
“aih...Mike...chutiang sawi tawh lo ang,aw....dam vat la, ka Bulah awm ve mai rawh” ka hlauhthawn rukna chu tih lan loh hram ka tum a, A sawi ang chiah in Room ka luh dawn khan Palianpui 2 kha an thu a, mahse, chutiang tur ah ka lo ngai lo,
“eee...Mike..Sangtei hian a hre tawh em?” ka ti leh a, a mit a chhing vang vang a,
“Kan inthen tawh alawm” mak ti zet hian ka melh leh a,
“Mike.....” adang sawi tur ka hre miau lo,
“Midang ka Hmangaih alawm,atan nun Pum hman ka duh bawk,tunge anih min zawt suh,ka sawi dawn chuang lo” zawt mah ila min hrilh dawn chuanglo tih ka hria,ka ngawihsan ta zawk a,
“ok...thil dang sawi ang aw” Thil dang sawi ka duh,tu pawh Hmangaih se ka tan chuan Buaina tur a nilo,a Hlimna apiang ka Hlimna ani mai,
“ Bawihi, Mihring hi kan beisei ang in kan wm thei silo, Ka Taksa ah hi chuan na lutuk a awmlo, ka malpui ruh tliak erawh hi chu ka mut reipui dawn a, Ka Pum a min Vuakna leh Vihna hi chu a dam leh mai ang, ka nihna aia na a min lan tir turin Jeff-a kha ka hrilh ve hrim hrim bawk a, tunah chuan Kapa hi Mihring ani tawhlo, Ramhuai dik tak ani” a rilru natzia chu a aw ah alang a, sawi tur hrelo hian a Kut ka hmer vawng vawng ringawt,
“Zodina pawh a rawn riak ve dawn a,mahse kan 2 a riah i duh zawk em?” a rilru hriat tum in ka en a,a Mitmengah chuan a chau tih alang reng bawk,
“aw, kan 2 a titi ka duh zawk, mahse, alo riah duh chuan lo riak se, a Sual si, a Thinrim khum leh mai ang che” a ham bai bai a,
“Muhil leh tawh la, ka lo veng ang che” ka ti a,
“um...ka chau ani, Min kalsan suh aw” a tawng tawp lam chu a riat nawk nawk mai.

A muhil hmel chu ka thlir a, Ka Ngaina ani, Zodina chu tawng hmasa lo ila chuan Mike-a hi ka Hmangaih in ka hre ngei ang,mahse,Nulat Tlangval kawng erawh chu niin ka hre silo,a Pian a nalh a, a Hmeltha a, a Hausa bawk, Zodina nen Danglamna an neih chhun chu Zodina chuan mi hipna a nei a, Mike-a hi chuan a nei lemlo,Hmel ah phei chuan Mike-a hi a tha zawk, mahse, ka tan chuan Unaupa ani a, ka himna leh ka Inghahna ani bawk,Zodina chu a tawng duh lo a, a nelawm loh bawk, Michael-a hi chu tawng duh em em a, Nuihna tur a tam a, a bulah chuan rilru zawng zawng in ka nui thei thin a, tumah tih nat a duh ngailo.

Zodina lo thlen lai pawn ala Muhil a, Inbe mang lo hian kan Phone ve ve kan khawih a, alo thlen veleh Boruak a nuam lo nghal in a mi uap na lutuk hi hrehawm ka ti ber,
“chaw i ei em?” a rawn ti thut a,
“aw...aih...” ka ti bah nawk a,
“zuk ei rawh, ka lo awm ang” a ti hmuk a,
“ka ril a tam lo” ka la ti fan a, Michael-a khan kalsan lo turin min ti a, kalsan ka duh lo,
“ok...i thu thu le” a ti leh sup a, kan ngawi dun leh ta ran mai,Jeff-an a rawn tlawh leh a, Damdawi pek a ngaih avangin kan ti harh a, Mutna in a Jection leh a, Muhil tam se a that thu a sawi leh bawk,kei erawh chuan mak ka lo ti a,an Jection ngun mah mah in ka hre ve ringawt, mahse, kei aia thiam zawk anni a, sawisel erawh ka ngam lo, Zingah Kani leh Jenny-i an rawn kal a, Pa Thanga erawh alo la lang lo cheu, make m em tawh tak ani, mi ngaih a mawi ah tal pawh lo lan a hun tawh takzet.

Michael-a pawh Damdawiin a chhuah san tawh a, ka nun ah engmah thil danglam em em thleng a awm rih lo bawk, mahse, ka thlamuan phah chuang miah lo,engemaw thleng tur a inmun mek awm in ka hria a, hlauhna avangin ka nun a ralti takzet bawk,Pa Thanga pawh in Michael-a chu ala bei nawn leh lo anih hmel, engmah thil danglam ala awm lo,Zodina erawh Apa a that deuh veleh an sumdawnna lam buaipui in Delhi a pan a, ka duh aiin min rawn be ngun mah mah ani,Ka ta nilo tur anih miau avangin Beiseina min siam sak lo law law se ka duh zawk a,Zorini nen an awmdun ka hmuh hun ala awm ngei dawn si a, ka Nat phah nasat dan tur ka hria a, chumi hma a inven lawk ka duh a, mahse, Zodina erawh chuan Zorini chungchang engmah a sawi leh tawh lo, Nitin min rawn call a, vawi khat mai nilo in vawi tam tak animai,Michael-a awmpui tur in Ka kal thin a, Pa Thanga Ka hmu ngailo hrim hrim.

Ka suangtuahna ram a ka lo cheng veng veng chu ka Phone ri in min ti harh zawk a, Number ka hriat ngai loh alo ni a,
“News turu lutuk animai,tunah lo kal nghal rawh,Msg in ka awmna ka lo thawn ang che” ka Hmelhriat,Pa Thanga chhuitupa kha alo ni a,ala Off daih zui,a hnu lawk ah Msg a rawn thleng a, ka insiam sawk sawk a, mahse, engatinge kal chhuak tur a min tih kher ni??!!

Ka Scooty ka dah a, a sawina lam chu ke in ka pan a,a thim mup a, tumah an awm pawn ka hrelo, a hming in ka ko a,min chhangtu awm lo in a reh tlawk tlawk ringawt,ka ding vang vang a , ka Phone ka Phawrh a, a Number pangngai ah ka dial a, a tlang theilo, min rawn Call na ah ka call leh a, Switch Off...
“Helamah...” ka hnung lam atang chuan a rawn ti thut a,
ka hawi let tur chiah chu min rawn nem a, ka tlan dawrh a, ka in pal a, ka tlu bawk khup thlawrh mai, ka tho leh tur chu ka hnung ah min rawn chhir pawp a, a na lutuk chu ka a mup in ka hre hial, Ka Pum a thp leh zawk a, Na zet in min chhir leh bur a, ka vai ruai a, engmah ka hre mumal ta lo...

APRIL – Last episode

ka phu zawk a, ka taksa a natna zawng zawng a bo duak a,Ka hma ah chuan kapa alo ding a, a nui sang a, a hmeltha tak zet,
“Pa.” Ka ti sep a , a la nui reng ,a rawn thu hniam a, a kut dam dup mai chuan min rawn kuah a, tunah chuan ka thlamuang ta,
“Bawihte....duh tawk tawh ta che , i tuar nasa in ka tan i bei tam tawk tawh alawm” a ti dam thlap a,ka Mittui luang ngai ngai chu ka hre thei a,
“mahse...Pa , ka thei lo, i hmelma pa pawh ka that thei silo...” ka ti leh tawk tawk a,
“Phuba reng reng chu keiman ka la ang Pathian in a tih kha, nang chuan duhtawk tawh ta che...i tan i nun hmang ve tawh zawk rawh...” a hmui nem thep chuan ka chal a rawn dek a,
“Min kalsan tawh suh Pa,i bulah min hruai ve zawk mai rawh , Dam hi ka tan sawtna a awm lo..”ka sawi ri nge ri lo ka hrelo,
“nilo e, i tello a dam zo lo tur an awm tih i hriat kha , a lo thleng tep tawh e ,ani khan a Hmangaih takzet che a,ngaidam ang che aw, Bawihte, ka Hmangaih che...” min rawn kuah a, hlim hmel tak a a ral riai riai chu ka thlir a..
“Pa.....Pa...” ka ti sep sep a,ka lum deuh pup a, ka na a rawn let a, nilo....reilote chhung khan ka nunna a tawp hman zawk ani ngei ang, na reng reng khan min kiansan a, kapa ka bulah a awm bawk a, mahse tunah chuan na ka hre leh thei tlat tawh.

Motor eng in min rawn chhun a,ka bulah cuan a rawn ding dawt a, a din rual deuh thaw hian mipakhat a rawn zuang chhuak a, ka lam pan a rawn tlan chu ka hmu phe ruai a,

“Lalpa leh... Ka tlai hret animaw?...i tha vek ang, Hlau suh, ka tello in khawiahmah i kal ngawt theilo ania, phalna ka pe miah lo che ” min rawn pawm kan pah chuan a ti mial mial a, amah ani...

Motor a min pawm luh lai chu chiang lo ruai in ka hria a, Min pawmtu pa chuan min be mial mial a, a chang a a vin leh tuar thin chu k hre ruai ruai a, ka mumal lo takzet,ka hriat leh hmasak berah chuan Light a eng pup a, ka Taksa khawi lai mai pawh chu a na zawk zawk a, chem. Hriam tak hian an duh n alai lai an pir thler ni ber in ka hria, a thim leh mup a, Na zawng zawng in min kalsan a, tunah chuan Ka hahdam ta.Mahse...keimah ngei khum a ka mu ka inhmu ta tlat, Doctor ho in Ka Taksa an zai vel lai chu ka hmu a, kei erawh mithi ang maiin ka Mu a,Nilo....Ka Thi tihna ami?, an bul ah ka kual a, mahse tuman min hmu lo, ka au a, ka zuang a, ka Bul hnai a Nurse ding chu nem ka tum a, ka khawih theilo, Pawnah ka chhuak a, mahse Kawngkhar ka hawnglo, ka kal tlang tawp, Zodina chu Mangang tih hriat zet hian kawngka bulah a Vei kual sek a, Mike-a pawh a awm,ani erawh chu a melh ngai a melh reng ringawt,Kapi leh Ka Ni an awm bawk a, Kapi chu a tap ani maithei, a Mit a hru deuh sek bawk. An vaiin ka bia a, mahse tuman min chhang lo, min hmu pawh an awmlo,Thawkleh khatah ka zawi hnawk a,Midang ka hmuh ho zawng zawng pawh an bo nghal vek, Ka Taksa na ut ut kha a rawn let leh ta.Hriau lian pui pui in min vit sup sup ang mai hian ka hria a, ka vai ruai a, engmah hriat ka nei leh ta lo.

Ka meng riai riai a, ka thil hmuh hmasak ber chu a var ringawt, kei hi ka THI ta tak tak ani ngei ang,ka Taksa na em em pawh kha a awm ta lo, ka mit ka chhing leh a, Zodina khawiah nge a awm ang?, min Zai lai khan Mangang em em in a vei sek anih kha..a awm dan ah khan engmah ti der hmel alanglo, Kapa khan Zodina min Hmangaih thu a sawi anih kha...Nilo...Thlarau khawvel atang khan engmah a hre lullo ang,Ka Mittui a tla ani ngei ang,ka bek ah aluang thla a, mahse, tu emaw hian Dimte in a rawn tuai a, a hnu ah phei chuan Hmui lum thar thar hian ka Mit chu a rawn fawp a, amah ani, tuman min hrilh lo mahse keimah ah hian a chiang ani.
“Mate....Harh tawh ta che, i muhil rei tawh em mai’ Mipa aw,Pa hrak mai chuan anihna a nem nghet lehzual a,
Ka meng leh siar siar a, tunah chuan a Var ringawt ka hmu ta lo, Zodina Hmel ani ka hmuh tak ni...a Mengphar awk a,
“oh.....Honey....i harh tak tak tih na mi?” a aw pa zet pawh a tham ve tuak mai,Thei leh theilo hian ka nuih a, tunah chuan engmah tih der a ngai tawhlo..Ka HMANGAIH tih hi ka hrilh tawh ngei ang,a rawn kun a, Ka chal ah a rawn fawp a,
“Mate....Ka Hmangaih che asin...tunah chuan ka kal san leh tawh ngai dawn lo che” ka Hmai ah chuan Mittui a rawn far a,ka biangah a luangthla a, a va mak em!!!!
Mipa ka hmuh tawh zawng zawng a Pa leh Luhlul ber mai hi ka tan a tap anih chu...

A tuk ah chuan ka Harh chiang tak tak ta, nimin thil thleng kha mumang mai ani ang tih ka hlau hluah hluah,ka khum an kam kang a, ka thu mu a,Kani leh Pa Tlana hmel pawr fap mai ka hmuh rual chuan ka Mittui a tla zung zung mai,ICU atangin min lo sawn chhuak tawh a,Vanneihthlak tak in Cabin kan chang hlauh bawk, Jeff-a vang liau liau anih ka ring,
“Mamte...engmah min lo hrilh lo a, nangmah in ilo tuar tang tang ringawt a” Kani in min rawn kuah a, Pa Tlana erawh insum tih hriat zet hian Khum ah chuan a thu a,
“Ni....tunah chuan a tawp tawh ang tiraw?” tawp vek tawh se ka va ti em..
“aw....U Thanga kha an man a, engkim a fel ni tawh mai..” a sawi laklawh laiin Pa Tlana chuan alo khap a,
“amak thin em mai, han Dam tha deuh phawt se kan la sawi ho ang chu mawle” alo ti bal bal a,Zodina ka beisei a, ka Hmu lo,Mike-a erawh chu Apa avang in a Buai hle ang tih ka ring,mahse...engvang in nge Pa Thanga chauh an man?,Zodina pa pawh an man tel angai,ala dam that loh vang zawk a ni tal ang..
Mal-i a rawn thleng a, a hnu lawkah Kani te erawh an haw ta thung a, Ni 3 lai mai harh chhuak lo in ka lo mu tawh a, an lo beidawng viau tawh a,Kani leh Pa Tlana te kha ka chanchin an hriat veleh an lo kal nghal a, Kani phei chu a beidawng a tap nasa viau niawm tak ani.
“Thiannu....khatiang khawp a rilru natna kha engtin nge ilo tuar theih zawk?” min en kiau a, a mit ah chuan Mittui a tling pam bawk,
“ka hre biklo, kum tam tak ka lo pai tawh a, awlsam zawng ani lo..” ka ti sap a,a Mit a hru a,

“Zodina Mangang han che vel chu a hmuhnawm tham khwp mai” a nui a, mak ti zet hian ka melh hau a,
“maw??” a awmdan ka hre chak takzet,
“Hospital a thlen pui hnu ah che min rawn Call a, ka va thlen chuan a lo tei sek tawh, Ramsa kawlh a ang ania aw..” a nui awr awr a,
“vawikhatmah a kalsan lo che in ka hria, ka riahpui ziah che a, haw tur a ka tih pawn a duh ngailo a nui ringawt zel,Nimin a i harh hnu kha chuan Jeff-a khan i Dam chhuak dawn tih a sawi a, khami hnu khan chawl hahdam turin kan vaiin kan nawr a, a haw ve ta hram anih kha..mahse, alo thleng leh tep tawh ang” sawi nuam a ti lutuk chu ka nuih a ti za letling zawk,
“a va tit ha em aw” ka ti sap ringawt,
“ehe...chu chauh chu maw i sawi dawn?, khatiang khawp khan min buaipui ve dawn se chu Damloh char char pawh pawi ka ti teuh lo” ala ti ta fo..
“alo kal veleh ka lo sawipui dawn nia” ka nui a, ka mut chhuak in min rawn zem chiai chiai a.

Ka harh leh chuan khua a thim tawh ani ang, Light alo in On va a, ka Khum bawh in Zodina alo muhil a,Midang tumah an awmlo, a thaw ri sak sak chu ka ngaithla a, Ka HMANGAIH ani...Hepa hi ka Hmangaih takzet.
Dimte in a sam ka chul sak a, thawhphan awm miah lo hian a rawn thu mar zawt thung,min rawn en vat a,
“Na i nei em?” a aw a pangngailo,ka then sak a,
“aih...Ka ngai che a chu zawng chu..” a thaw hawk mai,Ka kut a rawn vuan a, a kut tang sei thlurh mai chuan a hum bo hneh kher bawk,
“kei pawn ka ngai che, vawi khatmah ka tello in i kal bo leh tawh lo ang tih min tiam la....aw..” a aw ril ruih mai ah chuan ngenna a ri tel bawk,ka bu nghat a, a awm dan engkim mai chuan ka tah a ti chhuak hluah hluah,
“khawiah nge Mal-i?” ka ti sep a, min riah pui leh dawn maw ka ti a,
“a haw tawh, a raih pui ziah che a, a chau lutuk ang” a ti sup a,
“nangman min riah pui dawn tihna mi?” mak ti zet hian ka melh a,
“aw....i tello hian nun chakna ka nei lo, i harh tawh a, i bulah, min mamawh apiang a kal thei tur a awm reng ka duh alawm” a ti sup a,
“Zodin.....” adang sawi zawm tur ka hrelo,Khumah a rawn thu kai a,Ka Biang tawn tawn ah a vuan a,Ka chal a rawn si a,
“Mate....Ka HMANGAIH che ka tih kha.....” min kuai dak a, chhan tum a ka ang ziau chu a Hmui Sexy zet chuan a rawn khar ta hmak a,kan inthlah meuh chuan kan thaw dun hlawp hlawp mai,a Mit thim raih mai ah chuan a duh chu a lang reng bawk,
“Keipawh ka HMANGAIH che..” ka sawi zawi mah mah...
“Dam vat rawh aw, min nghah rei tir suh,Pawngsual che ka duh lo ania” Sexy zet hian a nui ri hawk bawk.

Damdawiin ka chhuahsan zan ah Michael-a te chhung an lo leng a, Kani hmel tim dai mai chu ka khawngaih hluah hluah,Michael-a erawh a dan pangngai te in a rawn nui lut var var thung,Kani te 2 chu an ri hlut a,Kapi pawh in Nuam a tih hmel viau bawk,
“Nute...Bawihi hi Room ah ka be lawk dawn ania” Michael-a chuan Kani a en a,
“aw...aw...va inkawm ru..” Ka ni chuan a ti awlsam et thung,
Room ah kan inzui lut a, ka chevel ka la khawr hle thung a, Dam chiang var tur chuan hun ala duh rei in ka ring,Khumah ka thu mu a, Michael-a erawh Khum bul Chair ah a thu a,
“i ziawm tawh hmel khawp alawm” min en ran a, a hmel ah a ngaihtuah na alang hauh lo,
“nia....mahse, ngatinge Damdawiin ah khan ilo kal miah loh a?” chhuah chhal ti tih hian ka zawt a, a then sak a,
“nuam ka ti chiah lo,ka inthlahrung ani zawk mah, bakah Zodina a awm tho a, min mamawh in ka ring lemlo a” a aw ah chuan na tuar a ang, mahse, natna chhan tur ka hre silo,
“Mahse,Nang leh Zodina te chu a hran alawm, pawilo, i buai dan tur ka hria alawm” ka nuih a,
“sawi tan dan tur ka hrelo hle mai, nia..Kapa vang in ka Buai a, kanu leh Kapi mai Ka Nau pawh buaipui an ngai a, Kanu phei chu a thawng lehzual a,ka hun tawn kha a rapthlak em ani” a thaw hawk a, a lu a dawm vang vang a,
“ka hrethiam che...Mahse, Ngatinge engkim ah Ipa chauh in mawh a phurhna chhan?, Zodina Pa lah engtinmah an ti silo..” ka ti a,Makti awm deuh hian a meng phar awk a,
“Zodina Pa maw?!!!, i sawi awmzia ka va hrelo em?” a ti sup a, a hawi ka ho mai,
“aw...Kapa an thah zan khan ipa chauh nilo Zodina pa pawh a tel ve alawm” ka sawi chhuah takah chuan engtinmaw tak hian ka thawl huai mai,
“oh....nilo, i hresual chiang ani.” A ti a, a tawng zawi lutuk chu min bia nilo in amah leh amah a inbia niber in ka hria,
“nilo...ka hresual miah lo, ka hmu ngei alawm, kei ngei pawh ipa hnenah Min that turin a ti a, chuan Ipa khan min rek a...vanneihthlak tak in ka Thi ta lo hlauh a..” Ka hunk al tawh chu nimin ang mai khan alo lang leh a, ka khur dar dar mai, a Kut lian pui in ka nghawng tereuhte a rawn hmer lai khan Mangan vangin ka khawng vek anih kha..
“engmah ka hrethiam lo,Zo-a ka biak angai anih chu..Kapa chauh in a tuarna tur a awm miah lo...” a ding nghal a,
“Boss....kal a ngai lo, ka awm alawm..” Zodina aw kan hriat chuan kan hawi rual thawt a, Room kawngka ngheng a Zodina lo dng chu alo kal lai kan hrelo ve ve..
“ilo kal na a rei tawh em?” ka ti a, a lu a thing a, a Hmelpa zet chu ka en a, kan thusawi te kha engkim a hre vek ani ngei ang,a rawn kal phei a, Thutna tur dang a awm loh avangin Khum ah chuan a rawn thu a, min en a,a Perfume rimpa zet chuan ka hnar a verh a, a mah nen a inhmeh hliah hliah bawk,
“i tha em?” a ti sup a,
“aw....ilo kal peih pawh ka ring miah lo a...” ka ti niah niah a, a then suk a,Michael-a lam a hawi a,
“Boss...Kapa nilo in a Phirpui zawk ani e,Jeff-a Pa hi...” mak tih luat avangin ka ang pham mai,
“oh....engmaw i sawi?” ka awih theilo hial zawk,
“um...Mate...Jeff-a hi ka Cousin ani tih ka la hrilh lo che tiraw?,ka hrilh loh che avangin min ngaidam dawnnia aw, i hria anih phawt chuan i bei tel ngei dawn tih ka hria a, mahse Jeff-a hian a Pa tihsual,engmah a hriat pui siloh avang a a tuar ve ka remti lo hulhual a, nangpawh i nat belh ka duh hek lo,Kapa khan engmah a hriatpui hauh lo a, Ipa in Pa Thanga a vau khan Kapa hnenah a sawi ngei a, Kapa erawh chuan Ka Patea thil tih sual kha a siam that theih a beisei avangin Ipa biak a duh a, a chingfel ang tih pawh a hrilh a,mahse,Ka Patea, mi tawrawt tak, Kapa Sumdawnna tluk tum reng reng a buai khan ama thu in alo chingfel ta mai zawk a, Kapa phei chuan a hre miah lo,vawi tam tak Ka patea a zawt a,mahse, engmah a tih loh thu bak in a chhang ngailo, Pa thanga pawh a zawt a, ani pawn engmah a tilo tih chauh a sawi a,Ipa Boral hnu kum 2 vel ah khan Ka Patea chu Car Accident in a Boral a, Jeff-a hi a Nu in a Hmeithaipui a, tunah chuan Doctor tha taka lo nit a anih hi....”

Tawng nachang hrelo hian Zodina chu ka melh ngawt ngawt ringawt,
“Mahse, Zo...Ipa leh Pa Thanga zawk alawm inkawm,I Patea ni lo in...” ka tawng chhuah theih veleh ka ti a, ka aw a lawi rat mai,
“um...dik chiah, mahse, Sumdawnna a thil diklo ti tu leh Sorkar Phalloh Supply tu chu Kapa nilo in Ka Patea zawk ani,a ruk in Pa Thanga nen khan an ti kual a, Kapa beng a thleng a, a hnu lawkah Ipa khan alo chhui chhuak ve chiah bawk,Ka Patea lah khan tha tak a chinfel tum lo in Ipa a laksak ta zawk che a,engpawh nise min ngaidam ang che aw..” a Mitmeng thuk ril ruih mai ah chuan a Rilru tak tak in min ngen tih ka hmuh sak thei tlat ani.
“Boss....engkim hi amak teh nuaih ani tiraw?” Michael- a aw tham chal mai ka hriat rual chuan a awm ve tih ka hre leh chauh,
“aw...mak tak ani...mahse, tunah chuan Ipa vang in i Rilru a hah tih ka hriat sak che, tih theih ka neih ka ring lo a, mahse min mamawh phawt chuan i tan ka awm ania” Zodina tawng ri ah chuan a inrin tawk zia a lang reng bawk,
“aw...aaaa, ka hrelo le, Kapa chu ani ngei a, mahse, nangni chuan in hriat kha, A Fapa ngei pawh a Kawng daltu ka nih chuan min Tih hlum a tum kha...ka ngaidam thei dawn em ka hrelo ani.ka hrelo takzet” a kun a, a Hmai a hup a,Ka lo natpui ve vawng vawng mai,
“ka hrethiam che, mahse, eng kawng pawh zawh la, kei chu i lamah ka tang zel tih i hria alawm” Zodina chuan a ti sap a,Michael-a chu a rawn hawi chhuak a, a Mit a sen ram bawk,a tho a,
“ka lo va kal phawt ang,Kanu te khan haw an duh in ka ring..” Kawngkhar lam a pan nghal a,
“lawk....” Zodina chuan a ti leh rih a, a ding dat a, a rawn hawi leh a, zawhna zawt hmel deuh hian a rawn melh a,
“Thil Pakhat dil che ka duh, i Farnu hi ka Nei duh a, i Phalna ka mamawh in ka hria..”ka chhungril lawmna chuan min ti nui lo theilo, a nur nang a, a rawn let leh a,
“Ka Farnu hi ka Hmangaih tih i hriat kha, i tin a emaw, a lawm loh zawng a i awm anih chuan keimah min hmachhawn zel angai ang...” a nui sang mai,
“aw .tihna ah ka ngai thei ang tiraw?, ka lawm e, vawikhatmah ka tina ngai lo ang, chuan khawvel ah hian tu pawh ka hmachhawn thei,Mahse Nang erawh ka beih chak loh ber i ni, a chhan chu i hriat kha..ka Khawih na ngai dawn tlat lo che...”Zodina sawi lai chuan ka lo nui a, a hma khan Mike-a kha a hnek tawh tlat a, anni 2 pawh chuan an la hre reng ani ngei ang, an nui ve hawk hawk tho mai.

Mike-a kal chhuah hnu chuan sawi mai tur hrelo hian kan ngawi dun leh rih a, a mah nen chauh a awm hi ngaiah ka nei thei rih lo, ka zam em em ziah ringawt,
“Zo...”
“Mate...” kan nui ringawt, min en a,
“sawi hmasa la..” ka nui leh rih a,
“engtik ah nge kan Inneih ang?” a ti sup a,
“Ka hrelo, Ipa pawh ala tha vak silo..Jeff-a chu aw.” Ka ti vang vang a,
“sawi suh, Jeff-a chanchin sawina hun tur chu kan la ngah alawm,Kapa khan i Lehkha a hmuh khan Ka Patea tihsual a hr eve chiah a, a ma halo tha lo san en a zo lo ani” a ti sup a,Khum Sir lamah chuan a rawn thu Mu ve a, Ka ngheng nghal a, a Dar ah ka lu ka nghat a,
“engtik atang in nge ka thil tum hi i hriat?” ka ti sap a,a ngawi deuh vang vang a,
“a rei tawh, kan Deal a tawp hnu khan nangmah hmuh tum che in ka lo kal a, mahse Zan tlai tak tak ah bak ilo haw ngailo, thil tum i nei tih ka hrelo a, mahse, i Bo tak thut ah khan thil inthup a awm tih ka hria, i awm danah hian Pa Thanga hi i tih ru tlat a hriatna ka nei a, I Nu i hrelo a, Ipa a Thi tawh i ti bawk a, mahse, Mike-a ka zawh khan i Nu kha a Nu nau a ti leh bawk si a, Ka ringhlel a, ka chhui che a, mahse, ka Tum loh lam daih a chhuak ta si a, mak ka ti a, i chetsual ka hlau bawk, ka veng che a, Mike-a pawh ka ring lo hial,Mahse ,Mike –a khan a hnu ah min hrilh ta tho a, a hlauhthawn zia ka hmuh khan ka thlah fal ngam lo che, i Phone a i biak leh nangmah be tu te pawh number kha ka chhui zui zel a, i kalna apiang a zui tu tur che ka ruai bawk a...” a ti dam dap mai, ka in let a, a awm ah ka Hmai ka phum a,sawi ve tur reng reng ka hrelo,

“chuan...Mi pakhat, nangmah enthla tu emaw i tih kha ka chhawr tho ani a, nangmah in hmuh tir lo turin ka ti a, chuvang ania a Photo min en tir khan ka thinrim viau ni..Pa Thanga chevel zawng zawng ka chhui zel a, i Reporter hriat kha i phone hman na atangin ka chhui chhuak a, ka thawh pui ta zawk a, Mike-a erawh kha chu A Fapa anih miau avangin a khawih tak tak ka ringlo,mahse, ka rin loh tawp in a khawih ta tho, chuvang ania, ka Thinrim em em ni..Pa nitlak ani hlawllo...”a Lungphu ri dat dat chu ka ngaithla a,
“Ka Phone chu engtin nge ilo track theih zawk a?” ka ti sap a,a nui nghawr dat a,
“Sum a awm chuan khawvelah hian theih loh a awm hleinem” a ti sup a, a dik tih ka hria,
“ i bo dawn zan khan ka zin reng reng lo, Pa Thanga bum nan ka zin der mai chauh ani, Reporter kha an lo man a, an rawn Phone luih tir che a, mahse an khawih hma in ka Naute ho in an va chhan hman a, nang erawh an lo khawih hman che a.....mahse, tunah chuan damchhung chu Jail ah hun an hmang taw hang” a thinrim zia a aw ah chuan a hriat theih a,
“ni e...engkim vang in ka lawm e aw..” ka ti a,
“kei hi ka lawm zawk, i dam chhuak lo anih chuan keimah ka inhuat vangin ka a hial in ka ring” a ti sup a, Ka va Han Hmangaih hluah hluah tak em..mahse....
“Zorini kha...??” engtin tak awm ang maw???
“ka hre tawh lo, ka Hmangaihlo tih a inhria a,tunge Ka HMANGAIH Pawh a hria alawm, Puitling ani a ,ngaihtuahawm anilo...” a ti a,ni e, Hmeichhe Puitling tak, mahni in enkawl thei ani tih ka hria.
“Tunah chuan engkim theihnghilh in a Bul atang in tan ang aw...Ipa pawh a hahdam tawh ngei in ka ring” ka samah a rawn fawp a.
Mike-a Hmeichhe Hmangaih erawh ka hre ta lo.,a nun hahdam se tih hi ka duh ber ani a, ka Nutapa anih ang in ka Hmangaih a, a tan hmeichhe tha tak an awm ngei ka ring tlat bawk.

“Tunah hian ka tih chak ber i hria em?” Inneih hunserh kan hmang zo chiah a,
“aih..hrelo..” ka en a, a Coat hak a phelh a, a Necktie pawh a pawt thawl bawk a,ka beng bulah a rawn kun a,
“Khawvel a Hmeichhe Hmeltha ber hi Khumah ka awmpui chak tawh..” ka beng ah a fawp zauh a...

THE END