FRECKLE

FRECKEL

Chapter – 1

Ka hmai atangin ka thlan a far zawih zawih a,mahse, chawl lo in ka Dumb-bell ken lai chu ka chawikang lui zel a, ka tih than leh tuktin ka tih dan anih avangin thil hahthlak lutuk anilo,mahse, ka bul ah chuan Hmeichhe pakhat a rawn ding a,

“Khawngaihin heng ho hi min lo dah thlak sak thei em?” tih pah in Squat Rack lam chu a kawk a.

 Ka lawm vaklo, number ka chhiar laklawh a, zawh hman hram ka duh tehlul nen, mahse, ka bu ta tho, ka thil ken ka dah a,Squat Rack ka pan a, min ngenna kha a awm lo hranlo, a tawn tawn in 20 kgs ve ve a awm a, hmeichhe chak filawr deuh  tak leh ti thang lo tan chuan han chawikan zawh chi anilo,ka laksawn sak a, lawmthu a sawi niah niah bawk, ka nuih lui sak a, Hmeichhia min hip tak anilo chiang, a thau tep a, a hmai ah Freckel a awm nual a, a ngo fahran lo bawk, mahse, engemawti zawng  tak in a ngainatawm maithei, a hmel tak ngal mai chu ka duh chi anilo nghal phawt,a sam a tawnkang lah a, Silver thi sin te fual deuh hlek in a awrh a,a locket atan Cross a hmang thung,a hnute erawh Mipa tan chuan en nawn loh a har in ka ring..Hetia a landan ka hmu kim nghal hi ka duhzawng anih vang nilo in ka tihfo dan anih vang zawk aniber, ka Nupui hmeltha leh ngainatawm tak in In ah min nghak reng a, kan inkawp hnu ah Hmeichhe dang hi rilru tenawm na nen ka la en nawn leh lo , kan inneih hnu ah phei chuan  ka lungawi em em ti ila a dik ber ang.

Mizo ah chuan Palian pawl tak ka ni a, karkalta khan kum 30 ka tling tawh bawk, Ka Nupui nen kum 2 in kan in upat hleih a, kum 3 lai kan inzui hnu ah kan innei zui ta a, Sericulture Dept ah hna sang tak chelh in a awm mek a, kei erawh kan chhungkaw eizawnna kan dawr enkawl in M.Com ka zawh veleh ka buai nghal a, tun thlengin ka kut ah a awm ta vek, Ka pa  Boral hnu ah phei chuan ka Nu leh Ka Farnu te 2 keimah ah an in nghat nasa lehzual a, innghahna tlak nih tumin ka bei nasa a, vanneihthlak tak in Ka Nupui pawh Officer lai nimahse In ah chuan a khirh hran lo, ka chhang chiah hi Designer ani a, kan te ber erawh a hrisel lo a, zirlai a tui lo bawk nen B.A thleng a zir a, tunah chuan a awm ta deuh mai mai a, pawi ka ti hranlo, Pathian Zarah a mamawh tawk chu kan nei ve a, thawk lo mahse engmah buaina kan neilo.

“Ka lo tibuai leh lawk che..” chunglam ka melh chho a, ka hmelah ka lawm loh zia a lang chhuak hial in ka ring,

“Aw, eng nge ni leh ta?” ka ti deuh hmuk a, ka thil tih laklawh lai min ti buai ziah mai, a duh anih chuan Instructor a ko thei reng si a,

Squat Rack bawk a kawk leh a, “Ka hmang thiam chiah lo a, min lo tihpui lawk thei angem?”  inthlahrung hmel deuh hian a nui a, a Mitmeng lian kelkawl chuan min en kiau bawk,

“Aw, lo kal rawh” ka ti a, ka tho a, ka ti hmasa phawt a, uluk deuh in min melh kar mai, ka dahthla leh a,

“Ti ve teh , a harsa lo..” ka ti a, a rawn kal hnai a, a va ding a, mahse, ka dah sang deuh hlek anih hmel, a dingdihlip ak ak chung pawh in a Dar in a tawk pha lo, a rawn hawi let a, a biangsum khuar nalh zet lang kalh khawp in a nui a,engmah sawilo in ka pan hnai leh a, ka kut lehlam in ka chawikang a, a khawih phak tawk awm velah ka dah sak a, ka kalsawn leh a, lawmthu a sawi leh sep a, engvanga lawmthusawi sek nge maw anih hrep ni??

A Dar ah a nghat a, Hnunglam atang chuan a thau hran hauh lo, a Hnute lian kawh lah khan a tilang thau mai mai anih mahna,a Dar in a do kang a, a thu hniam a, a thut dan a dik leh pek lo, a Khup chhunglamah a ti kum lut a, ka pan hnai a, a hmalam ah ka ding a,a khup ah ka nem a,

“Hnunglamah zawk i khup hi ti chhuak rawh, chuan muangchangin tho leh la, chuti anih loh chuan i upat hunah Khup ruh emaw ngal ruh sawiselna i nei ang” ka ti nghut a,

Ka thinrim vang nilo in ka twngkam hi ka pa hnen a ka chhawm ani a, a bung ve hrim hrim.A thu a, a tho kang leh tur chu a then chak chak mai, mahse, a duhtawk mai tlat lo, a rawn thu hniam leh a, a khup rawn thlep lut tur chu a Khup chung chiah  ka vuan a, Ka Nupui neih hnu ah ka Nupui  nilo Hmeichhe dang taksa ka khawih na hmasa ber ani ngei ang, ka Tlangval lai chuan Tlangval fel zawk zawk ka ni hauh lo thung.A tumruh zia chu mak reuh tak ani, harsa ti hmel zet in vawi sawm lai chu a ti thei mai, hetiang reng a a beih chuan a aia rit pawh a chawi zo thuai ang.

“Ka lawm hle mai,midang han pun mai tur ka hrelo a..” a ti a, a thlan chuan a sam chhawleng chu a ti hnawng chap a, a chalah a then an bet a, a nghawng sang nalh zet ah chuan a then an bet bawk..Nilo..kei hian Nalh tiin ka ngaihtuah anih kha...

“A pawilo, mahse, Nidangah chuan Traineer te hrilh tawh la”ka ti sup a, ka tih lai tihzawm tumin ka thu hniam leh nghal a, a then sak a,

“Nia, ka lo hre reng ang “ a ti a, a tui Bottle a herh hawng rak rak a, hah hmel deuh hian chhuatah a thu sawp niaih bawk,

“Ka peih loh vang pawh anilo, kei aiin an thiam zawk vang ania “ engvangin nge thuphachawi ngai a ka inhriat kher ni??!!

“Ka hrethiam alawm, i sawi dik reng..” ati a, tui a in a, a chetvel na ah khan a kawr nghawng a kau a, a Hnute chunglam a lang phir thaih mai, ka inthiam vaklo, mahse, keilo tupawn an en lo bik hauh lo ang..

In ka thlen veleh Room ah ka tlang chho nghal a, ka rindan chiah in Kan Nu alo la mu a, thildang ah sawiselna tur ka hre hran lo, mahse, zing hi chu a tho theilo ve thlawt, a pawi chuanglo, a tih ngailo in thil engkim ti tu tur an awm a, ka Farnu te pawh an tho hma chuang hleinem.

Ka inbual nghal a, Shower hnuaiah ka ding a, ka mit ka chhing a, kha nu hmel kha a rawn lang nghal zat ,ka mengchhuak nghal a, engvanga ngaihtuah ngawt nge ka nih ka hrelo, a nuih zawng khan a biangsum a khuar kek a, a  hmai a Freckel awm kha a mawipui mah mah zawk emaw tih tur ani, a hnute  a kawh lah a, Timex sana Silver rawng  a bun a,Silver kual tereuhte a beng fai zet ah khan a beh a,a chet zawng khan Jovan Perfume rim a nam vang vang bawk, Ka Nupui in a hman thin avangin ka hre ve tlat, Jockey Track Pant a ha a, Reebok T- Shirt a ha thung, a beng hnuai a nghawng hnunglam hret ah  kutchuk tereuhte a nei a,engvanga min nuih khan danglam ngawt nge ka nih ka hrelo, Nupui pawh la neilo ta tehreng ila ka Umzui loh tur hmeichhia ani tih ka hai hauh silo.

Ka intleuh sawk sawk a, ka thawmhnaw ho erawh Balbawmah ka thehlut tawp a, Khum a Ka Nupui mu chu ka en a, a sam dum hlap chu lukham var thianghlim zet ah chuan a darh niaih a, a hmeltha tak chu a saisir avangin alang chiang vak lo,ka Nula kawp tamtak zing a ka thlan ani a, ani ka kawp hma hian tumah tih takzet a zui ka neilo, a rei berah thla 3 animai, mahse, ani ka tawn tak ah chuan midang ka ngaihven ta miah lo, min dawhthei em em a, ka thinchhia leh midang hriathiamna pianpui lo lutuk pawh ani ka tawn hnu hi chuan a ziawm ta viau, an chhungkua leh kan chhungkua kan inmil tawk viau a, Hmeichhe rual hlir an ni a, a chang chuan a Laizawn te milloh tum ka nei zauh, a rilru tihnatsak ka duh loh avangin ka sawi chhuang ngailo thung.

“Min enreng lo khan lo mu la..” a rawn ti a, a zi mar ar ar a, Nizan a kan chet hnu ah khan thawmhnaw a inbel leh ta miahlo tih hriat zet hian a chet zawngin a hnute var haih mai chu a rawn lang a, kum khat lai kan innei tawh bawk a, a zak lemlo,a pasal ka ni miau a, zahna tur a awmlo hrim hrim bawk.

Ka lawn a, Thlasik la intan chiah lo mahse zinglamah chuan a vawt ve tan tawh a, kum dang anglo tak in ruahtui a tlak rei avangin Favang hun nuam pawh ala awm thei meuh lo.Blanket ka keu a, min rawn khan nghal chial a, Mipa ah pawh pa ve tak leh taksa Fit bawk si ka ni a, kan taksa lum a in nawk takah chuan ka Mipatna a rawn tho nghal at mai, a kut zungtang sei nalh seng sawng zet chuan ka Boxer chhung a rawn zet a, zei zet hian a kut a ti che a, ka thaw hawk mai, ka chungah ka pawtkai a, a nui ar ar bawk, a nui ri hi hriat nuam ka ti thin a, kei erawh ka nui khat viau thung, a rawn kun a, ka hmuiah a hmui vawt thler chu a rawn nghat a, a tukhum samah ka tham a, a kawngah ka kuah bawk a, zei zet hian ka Boxer chhan ah a mawng a ti che kual a, ka Mipatna khauh leh inpeih at mai chu a hruat kual vel a, a zei zia chu pui tak ani, kan Inneihna kum khat lai liam tawh mahse ka la hne chhin miah lo,

“Ti hian duhtawk mai ang..” a nui hak a, kalsawn a tum chu ka manbet a, ka lehthal a, ka bawhbet a, hmahmawh zet in ka Boxer ka phelh a, nui ar ar chungin min lo pui a, a mal ka nawr kau a, a Point ka khawihsak a, nuam ti zet hian a rum hak bawk, ka hnungah a rawn tham a, a khup lehlam ka nawr tawm a, a mawng a rawn kan ak ak bawk, ka hnaih leh sauh a, ka kawngah a mal lehlam in a rawn kherh bet a, kan inzawm takah chuan a rak that mai, kei pawh ka bang biklo,a zei bakah min ti phur thiam em em a, a Hnute bial karh mai chu ka chet zawngin a fawn ve zel a, nuam tihna avangin  a rum leh hak thin bawk...Ka hnung a tham tawn tawn a, ka kawng a kherhna pawh a nghet sauh a, a hma aia na zawk in ka nawr leh a, a meng si sep a, min rawn tham leh vak a, a zawi ta hnak mai, keipawh a tawp ka thleng chiah bawk..Hei hi ka nun ani a, nuam ka ti a, Vuina tur ka hrelo.

Ka Nu  nen thil ei pah in kan ti ti mawlh mawlh a, Ka nu hi Mizo nu ve tak mai ani a, engkim kan awmpuite kut a dah mailo in aman a enpui thlap thin a, chawhmeh siam a thiam em em bawk,

“Naktuk Tlai  I Putea te In ah  chaw kan ei tur kha i theinghilh ange” a ti a, ka bu nghut a,

“Theinghilh lo, mahse, kan tlai deuh angai ang, Rosy te tunlai an buai a, keipawh kan thil zawrh thar tur kha Company lam in an rawn en dawn a,lo nghah ka ngai ang” ka ti a,

“A pawilo, a hmasa zawk a in kal lo kha i Putea a lawm vak lo a, a sawi leh thin a, chhungkaw thil tih hi ngaihpawimawh hram a tha” a ti leh a,Midang erawh ngawirengin an thil ei lai an ei mial mial a, kan thusawi engmah an sawizawm ve lo.

Rosy chhuah hnu ah Dawr kal turin ka chhuak a,Dawr hi hmun thum lai ah kan neih avangin nitin a vaiin ka tlawh hman lo fo thin a,Pakhat pei hi chu Godown nen a inkawp a, a Pathum ah Manager ka dah vek a, ka kal chuan product kan neih loh leh thil tul zual, Pawisa dinhmun  ka en thuak thuak a, a tlangpuiin Kan Dawr hmasaber Zarkawt ah a tlangpuiin Nilengin hun ka hmang thin a, Buaina dang a awm anih loh chuan Hmundang chu karkhatah vawikhat bak ka tlawh ngai meuh lo.

Dawr ka thlen hnu rei lo te ah Kan Dawr pakhat a kan Manager Biaka’n min rawn Call a, thil fello a awm thu leh ka kal a duh thu a rawn sawi a, kan thawk dun rei tawh a, kan innel a, kan inrual vel bawk nen min Pu hran lo, thian angin kan inkawm mah zawk,

“Ka lo kal ang, mahse, i theih ang in lo chinfel tum la” ka ti a, hetiang buaina neuh neuh hi chu kan tawk fo a, chinfel harsa ani ngailo, mahse tun tum chu Biaka aw ah khan thil diklo a inphumru a ang viau, a hlauthawng hmel tlat.

Ka theih anga chak in ka tlan chung pawn Darkar khat lai hun ka hmang tho,ka thlen veleh kan Driver chhar pakhat in Motor min rawn dahthatsak tumin min rawn pan a, ka chhuak a, Biaka a rawn lang vat bawk,

“Tun tum chu kan chingfel thei dawn lo in ka hria,Police an lo thleng tawh a ” a ti nghal a, Dawr chhungah ka lut a, Police uniform ha 2 an lo thu a, min hmuh veleh an ding a, min chibai tumin a Senior zawk chuan a kut a rawn phar chhuak nghal bawk,

“Kan lo nghak tawp mai che, i tello chuan hmalak a har riau mai” a ti a, nui vur vur bawk,lawmthu ka hrilh a,thu turin ka ti a, Kan Nuls pakhat in Coffee min rawn pe nghal var bawk,

“I hming ka hre reng thei thin lo..” min zawt dawt hreh tih hriat deuh hian a ti leh a,

“Malsawmkima...’Maski ‘min ti thin a, ‘ Malsawm ‘ pawh min ti tho a..”ka ti a, a bu nghut nghut a,

“In buaina hi tun tum chu a lian dawn riau mai, in Bungraw phur motor ah khan Damdawi engemaw zat an man tel a,mahse, Driver khan zep lo in a ta anih thu a puang mai a..” ka Lungphu a rang nghal zaih Zaih mai, ka thinrim em pawh ka hrelo, engtin nge hetiang thil liantham hi ka hriat miah loh theih??!!

“Ekhai...a va mak ve aw, tu ber nge?” Biaka ka en a, a rawn sawi vat a, Motor kan kawl nual a, kan Driver te an inthlak ve reng bawk,

“Chu chu tun hnai a kan lak thar kha ani em?” ka ti a, a bu nghat a, kan lak dawn khan an chhungkaw harsatna leh a Nu pitar a enkawl thu kha uar tak in a sawi a, khavang a la ta kha ka ni reng a, mahse, min chhanletna a chhe kher mai, keini ang Sumdawng lian ah chuan thil ho te a mualpho pawh kan duh ngailo a, tuna mi phei hi chu thil ho te ani tlat lo.

“Um, chuti anih chuan  tihsak  theih che u  eng nge ka neih le?” ka ti a, ka aw ah ka thinrimna  tilang lo turin ka thup hram hram  a, Godown a thil an ru chhuak kan man fo a, mahse, kan chingfel mai, tun tum erawh chu kan chinfel theih piah lam leh ka mualpho laih theihna ani ta tlat.

“Amah hi tunah Vairengte Police ten an kawl mek a, i ta ani lo tih sawi mahse Motor neitu i nih angin engkim ah thu hretu ah kan hman che angai dawn tlat mai , i Motor hi kan hren angai bawk ang” ati a, ka thaw hawk mai, Motor pakhat an hren avangin ka buai phah dawn lo tih ka hria, mahse, hetiang a mualpho na hi ka duhlo a,eng ang pawn insawifiah mah ila min ringhlel tawk an awm tho ang, chumai bakah ka sumdawnpui leh ka in elpuite tan chance ka pe tha hle bawk ang.

“Awle, engmah sawisel tur ka neilo, Tumah dan chung a leng kan awm hleinem,mahse, a theih anga rangin Motor chu tlan leh thei se ka duh hle mai, an Bungraw phurh thenkhat kha eitur lam chi anih avangin a chhe mai dawn si a” ka ti leh a,a bu nghut nghut a,

“Theihtawp kan lo chhuah ang, rei tak an hrenglo turah ngai ila...mamawhna kan neih che chuan kan lo be leh ang che”a ti a, a tho nghal a, a chhuah dawn tep ah a rawn let leh vut a,

“I number ka la hleinem mawle” a ti a, nui vun vun bawk, Pa ngainatawm tak anih ka ring, ka Business Card ka pe a, a la a,a chhuak chu ka en reng a, ngaituahna mumal ka nei theilo.

“Engtin nge kan tih dawn le?” Biaka chuan a ti hap a, pa te lam leh chefel zet mai ani a, kan dawr hi a ta ang maiin a en a, a thawk rim em em bawk,

“Kka Thiante kan be lawk ang, kan kal pawh a tul maithei a..” ka ti a, ka Thianpa number ka zawng nghal a, ka hmuh veleh ka Call a, mahse, a la theilo, ka ti nawn leh a,

“Hey...Buddy..” a rawn ti lar lar a, ka Mood nen a inmil hlawllo,

“Ka Motor an man tih i hria em?” ka ti nghal tawng a, a thaw huk ri ka hre zui zat bawk,

“Hria a, ka buaipui mek chu ania..” a rawn ti a, tlem chuan ka thawveng ta deuh, thil thlen dan vel min rawn hrilh zung zung a, a Naute Duty in ka Motor ani tih an hriatloh vang a pawi a tih thu a sawi luam bawk,

“A pawilo nitawh maitehse, a pawitur a pawi zo tawh a, mahse, Motor kha a che thei rihlo anih pawn a Bungrua kha kan la chhuak thei angem?” ka ti leh a,

“Dan ah chuan theilo, mahse, ka awm a, in thei turah ngai ang, Naktukah Motor dang ka lo zawng anga, an rawn dah chho mai ang” a rawn ti leh zung zung a, ka School kalpui thin ani a, A pa in thil a ti thei bawk a, tunah chuan a lal ta viau, ka tangkaipui tum a tam em em bawk.

“Ka lawm takzet, thian tha neih man a awm thin e..” ka ti a, a nui huk huk a, kan damthat leh that loh kan inzawt leh rih a, a tir lam a sawi awm tak a tawp lamah kan sawi dun leh ngial a, mahse, ka thawveng huai tho mai.

Nilengin ka rilru a nuam lo a, kan Sumdawnna ka enkawl ve hnu ah Mualphona liantham ka tawh hmasak ber ani a, ka tuar thiam chiahlo pawh ani mahna, Tlaiah erawh Rosy lam tur a an Office ka thlen meuh chuan ka pangngai leh ta viau, a hmuh laia rilru hahna nei anga lan ka duh lo bur.

“Ka Msg i Reply lo a..” Motor a rawn thut luh veleh a ti a, ka inthiam chiahlo, Msg pawimawh tak nilo mahse engtiklaimah in ka Reply lo ngailo,

“Ka buai deuh em ani, i chau em?” ka ti  a, Seat hnung a ngheng ar ar a, a lu a thing mat mat a,

“Aih, mahse, kan buai angreng a, ka hne lutuk..” a ti tha ve mai,thil thlen dan tlangpui ka hrilh a, phawk hra hian min en a,mahse, Rinfela’n alo buaipui tih ka sawi takah chuan a thaw ve huai mai.

Putea te In kan thlen chuan an lo awm laih laih tawh a, ka Putea Fanu Dorothy Pass lawm tur kan ni a, ka hawikual a, amah ber ka hmulo, midangin min lo lawm chul a, ka nu leh ka Nau te 2 an lo thleng tawh a, ka Nu te hi unau pahnih chauh an ni a, an inhmangaih hle bawk,

“Khawnge Dorothy ber chu?” ka ti a, ka hawikual a,

“In chunglamah an awm kha, a thiannu nen an awm” Pitei’n a ti vat a, inchunglam ka pan a, ka cousin te zingah ka ngaina ber a, ani pawn min ngaina em em bawk,a Room kawngka ka kik a, min chhang mailo, ka kik nawn leh a,

“Lo lut rawh “ Dorothy aw nilo hmeichhe  dang aw hian min rawn ti a, ka hriat hnu a ang phian bawk, ka nem hawng a, Khumah chuan Dorothy alo mu a, a hmai a hup tlat bawk, min hnungchhawn zawngin Hmeichhe pakhat a thu a,

“Mate...i dam na nge?” ka ti a, a che hrat a, mahse, a hmai hupna a la sawn chuanglo,

Hmeichhe thu ve chu a rawn hawi chhuak a, ka beisei loh zet in kha hmeichhe ninawm leh Freckel ngah zet nu kha alo ni a, mak ti zawk pawh awm lo in kan in melh dun ran mai.

Chapter – 2

A rawn ding hluai a, keipawh ka harh chhuak nghal vat tho, ka harhchhuak ti ila ka in ngaihtuah harh animah zawk,

“Ngatinge a?” Khum a Dorothy mu chu kan pan leh a, ka hmelhriat sa ani tih ka haider hmak thung, vawikhat chauh kan inhmu a, diktak chuan ka haider lui pawh ka inthiam lo hranlo,makti hmel deuh a min melh chu ka mitsir in ka hmu a, mahse, ka ngaipawimawh hran lo,

“Ka lo zuk chhuk ang, inbe ru..” a ti a, a tho zui nghal a, a chhuak thawm chu ka ngaithla a, mahse, ka en zui lo, Khumah ka thu thla a,Dorothy Samah ka chul a,

“I hlimni ber turah i awmdan amah lutuk ania” ka ti a, ka tihfo dan in a chalah fawh tumin ka kun a, mahse, a inlet thak a, a insut zui hlap hlap  bawk,

Engmah sawilo in ka thu ngawi ta hle hle zawk a, Hmeichhe tap thlem hi ka thiam lo, ka ti ngailo, an duhtawk in tap se an tah zawh ah sawipui mai hi ka chindan ani a, ka Phone ka phawrh a, Kan Bungraw thar lo thleng invoice Mail a min rawn thawn chu ka check kual ta zawk a,mahse a rukin Dorothy ka ngaihven reng bawk.

Rei angreng tak a tah hnu ah a rawn inlet leh tap a, a mit a bui char a, a hmeltha tak chu a tahna avangin a sen deuh tan bawk,

“In lo thlenna a rei tawh em?” a ti a,ka bu nghut a, ka phone ka  kekawr ipte ah ka thun a,

“Ben-a kha i hria tiraw?” a ti leh sep a, a aw a zawi hle bawk, Ben-a hmel ka ngaihtuah a,Dorothy nen College an kal dun  a, kan in ah pawh a rawn kalpui tawh a,sawikher lo mahse an induhtawn tih an awmdanah a hriat theih vek bawk,

“Um..”ka ti sup a, a mittui rawn tla leh tur chu a hru zauh a,

“College kan kal dun a, kan inzui rei ve tawh, mahse, Sawn alo thlak a, Tlaiah khan ka hre chiah a...” a tap chu ani leh nghal mai,sawi ve tur hrelo hian ka en reng ringawt,Hmeichhia vang hian rilru natna em em ka la tuar ngailo a, ka kawp tawh ho reng reng kha tuman min then lo, keiman ka kalsan zawk zel bawk,Rosy hi chuan min ti na thei in ka ring thung, Hmiechhe dang erawh chuan min tihnat theih ka ring lemlo,

“Sawi ve tur ka va hrelo, mahse, kal rawhse, chutiang a i rilru tur ngaihtuah miahlo tu mipa chuan a phulo che” ka ti nghut a, ka ngaihdan chiah ani bawk, ka Farnu hi a fel em em a, ka nau anih vang pawh ani maithei,mahse, tuman a chanchin mawilo an sawi ka hre ngailo, hetiang tehhrep a tin a duhtu hian a phu ka ti hlawllo,

“Mahse, ka Hmangaih em asin..” a ti leh tiau a, ka tum loh deuh in ka nui hawk mai, tun thleng hian Hmangaihna awmzia ka la hre miahlo, Rosy pawh hi ka duh a, hmeichhe dang nen a in anglo a, ka nei animai, mahse, eng nge Duhna leh Hmangaihna hi a danglamna ka hre thiam ve tlat lo.

“Min nuihzat ami?” a ti leh a, thinrim hmel deuh hian a rawn tho chhuak nghal at bawk, ka lu ka thing a,

“Aih, keimah leh keimah zawk ka innuih a, mahse, tunah chuan kan chhukthlak a hun tawh in ka hria,nakin ah kan sawi leh thei a.” Ka ti ta zawk a, ka hnem viau thiam lo a, engemaw kawng tak chuan hetiang a hmeichhe kalsan hi Mipa tamtak tihdan ani ve reng a, kei ngei pawh khan ka kalsan hnem lutuk, Dorothy pawh hian a rei anga a theihnghilh mai ang tih ka chiang, lo lak thutak lutuk tul ka ti hran lo.

“Nia, midang te khan nuamlo an tih ka hlau, eee..khawnge Muanpuii kha?” a ti leh hliai a, ka ngaihtuah a, khanu kha Muanpuii alo nih tak chu,

“I thiannu kha maw?” ka tin awn leh talh a, a bu nghat a,

“Ilo luh lai a thu kha..” a ti a, inhnuailam ka kawk zauh a,

“Ka lo zuk chhuk ang a tih kha, i Hmai kha phih la a tha ang, i mit a bui bawk sia,an rilru a nuamlo ang” ka ti leh hluk a, Bath Room a pan a, chhuksan ka tum zet a mahse, ka nghak leh ta zawk a.

Inhnuai kan thlen thlak chuan midang pawh an lo awm nual a, mahse, kan thahnem vak lo, Miss Freckel-i kha kil khatah inthlahrun hmel deuh hian a thu tawm chaih a, ka melh zawk a, min lo en kiau bawk, ka mit ka la sawm thuai a,hrelo der tlang law law ila atha zawk in ka ring, ka bia anih chuan Naktuk ah min nel palh mai ang, hmelhriat thar siam ka chak miahlo, Gym chhungah phei chuan mahni a Workout nuam ka ti ber.

Putea a tawngtai a, kan chawei boruak pawh a nuam ta viau, Dorothy pawh a pangngai leh hmel tawh in a nui leh hak hak tawh, ka melh ru leh zauh thin a, Miss Freckel-i nen zawi te te in thil an sawi dun a, a khat tawk in an nui leh hak thin bawk,

“Kan haw tawh mai dawn mi?” Rosy a rawn thu a, kan chhungkaw thil tih khawm ah reng reng kan inneih hma pawh in ka hruai anih chuan ka bulah awm lo in kan chhungte bulah a tap chawt thin a,tun tum kan chawei pawh kan cousin dangte nen an inkawm khawm a, tu te pawn an ngaina viau vek a, mahse, Dorothy ber hian a ngaithei mang hauh lo thung.

“Pawi miahlo,mahse, Ka nute kha kan rual in an haw duh em zawt ila.” Ka ti a, a hmeltha tak mai ah chuan nidang a ka hmuh ngailoh lungawi vaklo hmel a lang zawk a, mahse, a bo leh thuai a,a ha var nalh zet lang in a then sak a,

“Nia, kan zawt ang” a ti a ,a tho a, a kalsawn zui  nghal a,a nulian hran lo, mahse, a pian a tawk hle thung,a thianghlim sar a, Make-up hman a thiam em em bawk,mahse, a hmasa ber ka nilo erawh hriat chhuah chang ka nei fo,ka rilru a na em ka hrelo a, mahse, tu nge a hmasa ber hriat ka chak ru fo thung,sawi erawh ka sawi chhuak ngai miah lo thung.

“Mam, in haw dawn hunah Muanpuii hi in rual in haw ve se la” Dorothy chuan min en chhuk ran a, a hmel a hlimlohna awm chu ka hmuh hmaih hauh lo,a thiannu chuan a kutzungtang fai sar mai chuan Dorothy banah a rawn vuan a,engemaw sawiin a phun sep a, a kut tin a bul thap a, a fai sar a, engmah a hnawih lo.

“Pawi hleinem, mahse, i Ni te kha kan rual in an haw chuan a theih dawn loh a..” ka ti a, vawikhatmah Miss Freckel-i lam ka hawi lo,

“Angailo ,ka haw thei alawm, ka thiante’n min lo hruai dawn ka tih kha” inthlahrun hmel deuh hian a ti a, ka bu nghut a,

“A tha hlauh anih chu” Dorothy tawng leh hma in ka ti hmuk a, engvanga haw viau nge ka nih ka hrelo.

Kan haw hma in Dorothy-i leh Freckel-i an chhuak a, rei vaklo ah Dorothy a rawn let leh a, mahse, Miss Freckel-i erawh a tel tawhlo, an rawn hruai ani ngei ang, mahse, tunge khatiang tleirawl hmai thuangvuak ngah zet kha duh ang?, amak hle mai!!!, midang chungchang hi ka ngaihven ngai miah silo a, kha nu kha engvangin nge ka ngaihtuah tak viau ka hrelo,nilo, ka ngaihtuah hran lo,ka thiltih lai min tibuai a, chumai bakah helai hmunah ka hmu leh a, chuvangin ka ngaihtuah mai zawk ani ngei ang.

Ka Nu te kan rual in an haw leh ta lo, Ka Nu in Driver alo chah vek tawh a,Rosy nen chiah kan haw a, a chang chuan Rosy hian ka chhungte hi hnawk tih chang a nei ni a hriatna ka nei fo,a sawi chhuah ngailoh avangin sawi erawh ka tumlo,a tawng siam siam a, ka Cousin dangte thilsawi vel a sawi a, kan Motor a Damdawi chi khat an man pawh a sawi tel bawk,an lo hre leh tawh anih hmel,Ka Putea Fa te hi chuan min tan em em a, mahse, ka nu Cousin fa te dang nen hi chuan kan inmil thak lo, kan sawi ngai miahlo a, mahse, min tih chhiat na chance hmuse an hreh dawn lo tih ka hre ru kar thung.

“Maski...” Rosy thinrim awki ah chuan ka rilru ka lo kawm tui mah mah tih ka hrechhuak a, a chang chuan ka rilru ka kawm nasa lutuk a, min biak hi hriat loh tum ka nei fo, a thinrim ziah bawk,

“Um, sawi rawh, ka hria alawm” ka ti ringawt a, a te leh that a,

“I hre miahlo, engmah ka sawilo, ka ko ringawt che” a ti hlar a, ka nui lo theilo,

“Ok,,,anih chuan tunah sawi zawm la, ka ngaithla e” ka ti a, Car tukverh ah a dak chhuak a,a lungawiloh chuan a tihfo dan ani a, reife chu a tawng duh dawn lo tih ka hria,

“Sorry...i lungawi nan enge ka tih ang?” nuihza insum deuh hian ka ti leh a, min rawn en a,

“Engmah...i ngeiawm em mai” a ti hlak ringawt, tih thinrim dan ka hria a, tih lungawidan pawh ka thiam tho, Khumah phei chuan ka tihlungawina aia nasa in min ti lawm thiam zawk.

“Bawihi,naktuk chu chawl la, kan Pahnih in Vairengte ah kan kal daih dawn mi?, kan Motor pawh kan zuk ngaihven anga, chuan haw lamah haw tlang lo in Huanah Weekend kan hmang daih anga” ka ti a, a duh dawn tih ka hria,mahse, a ti tau laklawh miau a, min hnial hmasa phawt ang,

“Ka duhlo,i duh leh nangmah in kal rawh” a ti leh hlak a,

“Aih, i duhloh chuan kan kal lo mai ang,i thinrim chuan nuam ka tilo ania” ka ti leh a, a rawn hawi leh a,

“Nuam iti alawm, ka thinrim na turin i awm ziah a,kan zin ngawt theilo, naktuk hi kan Doctor kan hmuh hunk ha ania” a ti nghat a, ka hre chhuak zawk, Fa kan neih mai loh avangin Doctor kan pan a, kan tha ve ve ti siin Fa kan nei chuang silo a, kan inneihna la reilo mahse Fa kan awt em em a, neih theihnan engpawh tih kan huam ani ber,kan Doctor hmasa kha duhkhawp lo in Doctor dang kan pan leh mek a, Rosy thiannu ani a, a thiam an ti viau bawk.

“Nidawn tak maw...pawilo, Saturday chhunah kan kal mai dawnnia” ka ti a, diktak chuan sakhua ka ngaihven vak lo, ka nu erawh in a ngaihven a, inkhawm a thulh manglo thung, ka Farnu te pawh an theih tawk in an active ve a, kei erawh hi chu ka tal deuh mai mai ani ber, ka duhtawk a hmantur pawisa ka nei a, ka hriselna a tha a, ka pian phung engkim ah sawiselna tur ka inhre hran lo, Nupui hmeltha leh Fel tak ka nei zui bawk nen, Pathian thu lam ka ngaihsak vaklo, Biak in a pawisa thawh tur an sawi leh kohhran in kan Motor an mamawhna an rawn sawi anih erawh chuan ka ti beidawng ngailo.

“Ka nu in a phal dawn ami?” a ti sap a, a pangngai leh der tawh tih ka hria,

“Ka lo bia ang,Sunday apiangin kan kal pawh ani hleinem” ka ti awlsam mai,ka ngaihdan ani chiah bawk.

In kan thlen veleh Rinfela nen kan inbe leh a, kan Driver khan a ta ngei ani tih a puan chian tawh avangin ka Motor an hren kha an chhuah leh tih min rawn hrilh a, awlsam tak in  sawi mahse min buaipui nasa hle in ka ring thung,lawmthu ka hrilh a, Rinfela leh Rosy hi keimah atang nilo in an lo inhre sa a, an innel in an inkawmngeih viau,engtin nge ka hriat loh erawh ka hrelo,ka thianpa ber nimahe a thiante lehzel ka ngaihven pui loh vang pawh ani mahna.

Zing ah Dar 5 ah ka harh a, ka tihdan than anih avangin thawh ka hai khat viau, Rosy tih harh hlau tak in ka insiam a, la hma deuh mahse kal hma ka duh thin a, Aizawlah Gym tha leh changkang tamtak awm mahse tun a ka kalna hi ka duhber, a changkanglo em em hran lo a, mahse, Gym thar an hawn belh zel a, bungraw thar a chhuak ve zel bawk a, mahse, kan kalna a kan Instructor hi ka duh avangin insawn lo in ka la kal ta zel mai.

Ka thlen veleh min lo Wish sap sap a, kal an lo awm leh nual hman tho mai, ka tih dan pangngaiin bang kil lam deuh ka pan a, ka taksa tihlum tumin ka zuang hmasa a, reilote ah a lum thuai bawk, Darkar chanve zen zawn ka beih meuh chuan ka kawr hak pawh thlan in a ti huh leh hnap tawh, tui in turin ka thu chawl a, ka hawikual a, mahse, ka hmulo, engvangin nge ka zawn kher ka hrelo, Hmeichhe dang ang bawk in Nalh duh in alo kal anga, a kalzawm peih leh lo tihna animai,ka tihzawm leh a, mahse, rei vaklo ah ka bulah pen ri a rawn awm a,

“Good Morning, i va ti nasa tawh awm bik ve” Hmeiche aw hian a rawn ti a, ka en thuai a, kha nu kha...

A hma lawk khan hmuh tum in ka hawikual a, mahse, tunah ka hmu ta cheng a, ka lawm chuang miahlo,min rawn biak rikngawt avangin ka thinur ru teuh zawk,a nui sak a, a biangsum a khuar leh kalh a, nimin a a dress ngai bawk a rawn ha leh a, kan chawei na ah khan khati khawp khan ka hrelo der a, mahse, min la be ta tho, hmeichhe mak tak zawng ani ngei ang.

“Nia “ tih chiah in ka chhang,

“Hei hi ka hmang leh duh a “ tih pah in Squat Rack a kawk zauh a, a nui var var bawk, ka bu nghut a, ngaihsak lo awm deuh in ka thil tih lai ka tihzawm leh nghal a, hetianga min biak buai reng dawn chuan ka mamawh ho hi a awmna sawn angai ang, anih loh tal pawn Squat Rack zawk hi bang kil lehlamah dah se atha ang.

A rawn kalna a la rei loh nen Sana a en zauh a, ka en ve thuai a, Dar sarih a kawk va, a thil tih laklawh lai a dah a, engmah sawi leh tawh lo in a tui Bottle a la nghal a, a awmdanah haw a tum tih hai rual anilo,

“I va duhtawk hma ve” ka tit a nge nge, engvanga be chak talh nge ka nih ka hrelo,

“Nia, Dar Sarih bak hi chu hun ka nei tlat lo” a ti a, a thlan chuan nimin ang bawk in a sam chhawl leng ho chu a chalah a ti bet thlar hlawm a, a hah vang ani ngei ang, a biang a tai hlar bawk,

“Anih chu..” ka ti hmuk a, ka hawisawn nghal a, a ruk in a thawm ka ngaithla kar thung,

“Lawk..ka lo be buai leh lawk che, Nimin khan min hrelo nge min be duh lo ?” ka en vat a, Jacket a ha mawlh mawlh a, min en lo,

“Khawiah ?” ka ti hmak a, sual ka inti ru  ve tho mai,

“Oh...Dorothy te In ah khan..” a ti sap a ,a ngaihdan ani vaklo tih hriat zet hian a chal a ti chuar tap a,

“Ka va hmulo che, ilo kal ve ami?” ka ti nawn leh a, a lungawilo meng tal tap mai chuan min dek zar mai, a hmuhnawm takzet bawk,

“Aw, ka kal lo, ka zawt mai mai che,nih phawt” a ti hmak a, a kalsawn chu ka enzui a, a mawngbawr nalh zet leh a kawngfek rat mai chu a nalh lo ti a sawi chi anilo,ka lu ka thing nawk a, ka ngaihtuahna hrep hi a...

Nilengin ka buai a, ka chhungkaw tan ka thawk a, hrehawm ka ti hran lo, Zanah kan Nupa in kan thiante Inneih Anniversary lawm turin kan kal a,Dinner ei nghal tur kan ni bawk, mi changkang tak tak hlir anni a,mahse, nuam lo tih na ka nei, kan vai mai hian rilru a inpawh silo in kan inkawm a, a ruk tak in kan in er em em vek lawi bawk ,Rosy leh hmeichhe dang ho an awmkhawm laih a, ka nu remtihloh zawng tak in  a awm leh dawn tih ka hailo, mahse, a Pasal ber in ka sawisel tlat lo a, tuman an sawisel chuanglo,kei ngei pawn ka in nual, mahse, vawikhatmah rui chhe khawp in ka in ngailo.

Lu na bur in zingah ka harh a, kal loh mai ka duh viau, ka mit ka chhing leh vang vang a, kha hmeichhia kha ka mitthla ah alo lang a, ka request kha a hlawhtling anih chuan ka bul ah alo kal tawh tawp lo ang,a hmel awmdan entur ringawt pawn kal ka duh, ka tho ta nge nge a, ka lu rit bur tihreh nan damdawi ka ei hmasa a,Rosy erawh a muttui lutuk,a biangah ka fawp zauh a, ka chhuahsan lai pawh a hrelo ang, nizan khan kan in ve ve a, chumai pawh nilo in kan che na dun viau bawk, a chau viau in ka ring.

Ka thlen veleh ka hawikual nghal a, ka beisei ang chiah in Bungrua ho an lo siksawi vek, Squat Rack leh Dumb-bell dahna phei chu ka duhthusam ang ngeiin a kil tawp ve ve ah a awm daih bawk,min be tawh hauh lo ang,mahse amah ka hmu tlat lo,Dressing Room ah ka Bag ka dah a, ka Pheikhawk bun ka thlak a, ka chhuah leh chuan Miss Freckel-i rawn lut nen kan mit a intawng sak mai, mahse, a hawisawn lehnghal a, a danglam ta vek chu a en kual a, a hawihai hmel chu a hmuhnawm takzet,a rawn kal phei a, ka melh kan lui a, Hmeichhe Dressing Room a pan a, kan intawh dawn ah lehlam ka hawi a, mahse, ka kalna tur dal in a ding ta tho, ka su lui dawn anih ngawt loh chuan tihngaihna a awmlo,

“Min lo ning awm hle mai” midang hriat tham siloh hian a rawn ti a,ka en lo thei ta lo, a sam tlem a uk deuh chu a chhip ah a bawk khawm a, a kawr hak chu a hnute lian kawh lah chuan a rawn nek puar a,a Kekawr hak Tight zet nen chuan a inhmeh takzet, he nu ka hmuh apianga ka rilru danglam thin hi ka control ngei ngei angai,ka it ti ila a dik ber ang.

“Tunah chuan i hrethiam tawh ang chu, kei chauh nilo in an vai hian biak buai an duhlo vek,chumai bakah Nupui nei tawh phei hi chu nel talh tum loh tur ” ka ti nghut a, ka tawngkam mawiloh zia chu mak tak ani,vawikhatmah hetiang in midang ka la tawngkhum ngailo,

“Oh...” ati ringawt a, a mitmeng lian leh zahawm zet chu huatna avangin a ling hlar mai,a hmui chhah lam lek lek chu a ti pawrh tarh bawk a, a landan duhawm lutuk hi a inhre lo anih chuan tu emaw tal in hrilh se a tha ang.

“Kalsawn la, ka kalna i dal a “ ka ti leh nghut a, a hmui hnuailam a pet a, hreh hmel zet hian a tawlhsawn a, kan tawng hre phak tumah an awm lo hlauh bawk,a rimtui zet chuan ka hnar a verh zar bawk,

Nilo...Nupui nei lai ka ni a, chhuang zet in Nupui nei tawh ka nih thu pawh ka hhrilh talh anih kha,ditak chuan ka Nupui nen phei chuan Khaikhin chi lul anni lo,ka hmuh tirh pawh khan ka duhzawng anilo tih ka ngaihtuah ngei kha ania, vawi tam ka la hmulo chung hian ka phut zawkna turin a awm ta fo mai,hetianga duhawm tihna ka nei ta tlat hi ka thiam loh nilo in a awmdan hian min cho tlat atin ni.

Tuk dang ang in ka ti hleithei derlo, Zan lam a ka thil in vang ani tih ka hailo, chutih rual in Freckel-i lam ka melh ru leh zauh thin a, mahse, ani erawh chuan min rawn en eih lo,a tih lai a ti mial mial a, khatianga ka tawngkhum hnu ah engmah thlenglo ang mai a a awm tlat chuan min ti lawm leh chuang miahlo,hetiang mihring hi ka ni sa reng alawm, tuman min ngaipawimawh lo deuh a thil an ti hi ka hmu theilo,He Gym ah hian ka kalna a rei tawh, In lamah pawh keima pual in Gym lian lo te ka nei tho, mahse, regular lo in helai hmunah hian ka la kal ta zel, In a mi chu khawnawm loh leh zing ah Problem ka neih changin ka hmang chauh thin a, a changin ka Farnu te leh Rosy-i ten an hmang ve bawk.

Sana a en zauh a, ka en ve nghal thuai a, Dar Sarih bawk, a hun a vawng dik thlap thlap kher mai ka ti rilru a, Dressing Room a pan a, kei pawh ka thil ken lai ka dah a, Dressing Room ka pan ve nghal a, engvang a a rual a haw tum nge ka nih ka hre biklo,ka Pheikhawk ka thlak sawk sawk a, ka kawr hak ka thlak leh a, Inbual pawh ka tum hran lo, hmanhmawh a kal nghal ngaihna ka nei anih loh  chuan ka inbual nghal ngailo,ka chhuak lehnghal thuai a, Freckel-in kawngkhar a chhuahsan tur chu ka hmuhman chiah bawk, ka pen pawk pawk a,Pawn ka thlen veleh ka hawi kual nghal a, Kawngpui a chak deuh a a kal chu ka va hmu a, Motor ah ka lut sawk sawk a, a kalna lam pan in ka tlan phei a, diktak chuan ka haw na tur lam ani hauh lo.

Motor thawm hria in a rawn hawi let a, a sir lam a pan nghal a,mahse, a bulah ka ding a,Glass ka Down a,

“Khawilamah nge i haw dawn?” ka ti a, a rawn hawi thuai a,

“He lamah hian “ tih pah in hmalam a kawk a, a awmdan chuan ka nuih a ti za deuh tlat bawk,

“Keipawh ka kal dawn a, lo kal ve nghal la “ ka ti a, a mengphak deuh awk a,

“Ka duh lo mai, ka lawm e” a ti a, a inher hmak a, a kal  zui nghal daih bawk, hreptak hian a..ka phur malek anga animai lawm.

Rosy alo la mu a, mahse, nidang angin khawih chakna ka nei lo,engvang nge tih ka hrelo,mahse, khatiang hmeichhe naran ve mai in min hnar kha ka duh lo ve thlawt, ka awmdan ka siamrem angai, ka kawmngeih tur ani, min ngaina se ka duh tih hi ka pawm angai,mahse, engtin nge ka tih chuang ang?, kei ang Nupui nei tawh mipa lehnghal chu hnaih pawh min hnaih duh tawh kher lo ang.Mawilo tak tak in ka tawngkhum khanglang bawk nen.

Rosy hnen a ka lo tiam tawh ang ngeiin kan Farm House ah Weekend ka hmanpui a, Picnic Spot atan a ruahman ani a, Mizo in Architect kan neih that leh Graphic  Designer kan neih that ber ka ruai a, reilote ah mipui hman theih in hawn ani thuai dawn bawk,hun nuam tak kan hmang a, min tihlawm a tum a,keiin tihlawm ka tum bawk, Nupa nun ah kan inlungrual em em a, ka mamawhna a hria a, min ti beidawng ngailo,Monday zingah kan haw a, Weekend a twp chuan nawmchenna lam dahtha in hna ah ka insawrbing lehnghal a,kan Driver in buaina min thlen mahse Sum a awm chuan engmah hi buaina tak taka lo ni lo e.

Ni 4 lai ka chawlh hnu ah Work out tur in ka kal leh ta chauh,an lo awm laih laih a, mahse, ka mit tikham tur ka hmu nghal pang mai, Miss Freckel-i leh amah rualpui awm lek, Michael-a lo nui dun bawk bawk chuan ka mit a la nghal chat a, ka melh deuh vang vang a, mahse, min hmu ve lo, Michael-a chuan a tihpui a, kei aiin a senior lo zawk a, a inzirmi em em a, tunah chuan Traineer puitling ani der tawh, Hmeichhe lo kal thar ten an pan nasa, a zaidam a, Hmeichhe ho puih nuam a ti em em bawk.Dressing Room ah ka dahfel a, ka chhuak leh a, an lo la awmdun ta fo, pawi tawp lo, awmdun se eng nge pawi?, min ti buai tawh dawn lo tihna animai.

Ka awmve tih hre miah lo a a khawsa chu ka ngei kher mai,ngei ngawt turin a engmah ka ni der silo, ka insehruh a,a pawilo, a thian tal ka i ngei tur ani.

Chapter – 3

Ka tho a, ka pan phei a, a khup inthlep diklo chu Michael-a chuan alo chelh sak a, a thu hniam a, Muangchangin a tho leh a,ka va din hnaih a,Squat Rack nghengin ka ding a, min rawn melh zawk a, a mengphar deuh awk a, mahse, a thil tih lai a chawl chuanglo,biak tan dan tur ka haihchham a, sawi tur ka lo ngaihtuah ve thung,

“Dorothy nen in inkawm thin ami?” a DarBells ken a dah a, min rawn en a,

“Min bia em?” a ti nghat a, a tui Bottle a la a,Darthlalang lianpui nghengin chhuatah a thu thla nghal a,

“Aw, Dorothy kha a damlo a, i thiannu i ti in ka hria” ka ti leh a, chhuanlam tha tak ani, Nizan khan Damdawiin ah an kalpui a, Admit erawh an admit lo.

“Hria e” a ti leh mai a, biak zawm dan tur ka hrelo,

“Eng nge tunah a an tawh a?” amah zawk in a rawn ti leh ta hlauh,

“Nizan khan Damdawiin ah an kalpui a, mahse, an admit lo, ka tlawh kawi dawn a, i duh chuan lo kal ve nghal la..” ka ti a, zak lo ka inti  viau, Hmeichhia hi ka hriat theih chin ah keiman ka tih hmasak ka la hrelo, an mahni zawk in min beisei hmasa zel a, Rosy ngei pawh hi a bang chuanglo,

“Kal chu ka duh a, mahse, a tlai tep ka tia” a ti a, Bang a Sana intar lam a melh zauh a,ka en ve thuai a, Dar 6:30 a pel hret, tlai chhia ala nilo, mahse, a tihdan pangngai ala zawm anih chuan dar 7 ah a haw duh tih ka hria,

“A la tlai hleinem, mahse i kal duh kher loh chuan ka ti lui chuanglo che ania” ka ti nghut a, kalsawn tumin ka inher a,

“Lawk, kal chu ka duh reng a, nilengin ka kal hman dawn silo a, mi In a kal nan chuan ala hma lawi si angem?”a ti leh lawi a, ka hawi let a,

“Hma nang, an tho hma thin alawm” ka ti liam puat, an tho hma em em lo tih erawh ka hre ru kar thung.

Tunah chuan   Ka Putea te Kawtah kan ding ran tawh, a tawng duh reuh phian a, a ti ti siam siam a, a hma a ka tawngkam mawi vaklo kha chu a hre leh tawh lo animaithei, Work Out chungchang a tihdan min zawt a, ka hriat ang ang in ka chhang zel bawk,Dorothy nen kan in kungkaihna min zawt lo a, ka hrilh bik chuanglo,

“A hma khan ka van ngei tak che aw” a ti hap a, a nui var var a, Putea te an lo la tho lo a, ka Phone a, tuman an pick thei lo lehnghal,mahse, pawi ka ti miahlo, a tawng siam siam chu ngaihthlak nuam ka ti riau,

“Engvang chuan?” ka ti hluk a,

“I tawngkam a ngeiawm, bakah i Nupui neih i chhuang lutuk, i sawi ngailo in ka hre ve reng” a ti hmak a,ka nui suk a,

“I hriat loh ka hlau alawm, Hmeichhe zak lo tak tak hi an tam a..” ka nui a, mahse, a nui ve miahlo,a mitmeng lian kel kawl chuan min rawn en a,

“Ka fel ka ti miahlo, mahse kei chu Mi pasal kawp duh tur khawp in ka in ngai hniam lo, Mipa an tam em mai” a ti hmak a, ka chhungril thlengin a hmu tlang niin ka hria, ka zak ru veng veng bawk,

“Um, mahse, in in ang veklo alawm” ka ti leh talh a, tlawm mai hi harsa ka ti thin tlat,Kawngkhar an rawn hawng a, Pitei a rawn dak a, kan chhuk a, Inchhung ah kan inzui lut a, Nizan ah Dorothy vang in an mu tha lo tih a sawi a, Miss Freckel-i nen min hmu dun chu mak a tih hmel kher bawk,

“Muanpui, engtin nge in rawn kal rual theih a?” a ti a, Thingpui a chhuang nghal a,

“Gym kan kal dun a, bakah in lo inchhung reng a” min rawn melh zauh a, ka haider lui tih chiang tak in a hria ani phawt ang,

“A that hlauh chu,a ziawm lutuk, nizan khan a zual deuh phat a, mahse, tunah chuan a ziawm, a muhil a, i duh leh han chho la” a ti a, mahse, a Lu a thing mai,

“Angailo, ka lo kal tih i lo hrilh mai dawn nia” a ti a, ngaihtuah muk hmel deuh hian a hmui hnuailam a pet a,

Pitei nen eng eng emaw kan sawi dun a, Miss Freckel-i erawh a ngai kar thung, a Phone a khal nauh nauh a, a hmelah engmah a ngaihtuah a hriat theih loh, Dorothy nen an inkawm ngeih hle ani ngei ang, Pitei nen an inbiak danah an inpawh hmel riau a, chumai bakah a kal fo tih a Room a chho maitur a a tih danah khan a hriat theih bawk,

“Kei chu kal mai ka duh, ka tlai dawn tlat” a ti a, a ding chhuak nghal a,

“Thingpui in phawt rawh, ala hma alawm” Pitei’n a ti a, mahse, a kal tan nghal chu animai,

“Aih, ka in lo mai ang, ka lo kal leh hunah nimai rawhse, ka kal mai ang” tih leh Kawngkhar pan a rual a, engvanga hunbi nei thlap thlap a khawsa nge anih ka hrelo,

“Ka lo Drop ang che” ka ti a, ka tho ve nghal a,a rawn hawi let a, a then sak a,

“Angailo, ka lawm e,naktukah Gym ah kan inhmu dawnnia, In nu in kal a phal chuan?” a nui leh hak a, a chhuak zui nghal a, hnial a har dawn hle mai ka ti rilru a, a duhloh ah chuan tihluih ngaihna awmlo khawp in a luhlul ngei ang.

“Kal tir rawh, i tilui theilo ang” Pitei’n alo ti ve chiah bawk, ka thu leh a, chhungkaw lam thil kan sawi dun leh a, Ka Cousin dangte an rawn tho phak phak a, haw turin ka chhuahsan ve ta zawk a.

 Motor a ka luh rual in Miss Freckel-i thutna hnu a Purse Pink lo let ngat chuan ka mit ala nghal chat, a theihnghilh tih a hre lo ani ngei ang, ka la kang vat a, a number takngial pawh ka nei silo, nuam ti vaklo in ka hawng a, Pawisa tam vaklo leh Lehkhathem hi a awm ram a,  Card dahna ah chuan Bank hran hran ATM Card 3 a awm a, Driving License a awm bawk a, ka phawrh chhuak a, a hmingpum LALMUANPUII ani a, ka rin ang chiah in ala naupang,mahse ka rin aiin ala naupang mah zawk, kum 22 chauh,a mize tak ngal mai nen kha chuan a kum zat hi rinthiam a harsa deuh,amah biak pawhna tur number a dah miah lo,ka chhuk leh a, Putea te in ah ka lut leh a, mak tih hmel zet hian min lo en thap bawk,

“Tu emaw ber khan Muanpuii number in nei em?” ka ti a,

“Tu Muanpuii?” Estheri chuan a rawn ti vat a,

“Dorothy thiannu kha, kan lo kal dun a, a thil motor ah a theihnghilh a” ka ti a, a phone a en a,

“Ka rawn thawn ang che.”  a ti a,

“Hetah dah la, alo kal fo alawm, kan lo pe mai ang” a ti leh a, ka lu ka thing a,

“Ngailo, haw pah in ka pe mai ang, a mamawh nghal tur thil ania” ka ti a, an In awmna ka hriat duh vang animah zawk, a purse ah khan Pawisa tih tham a dah  lo hrim hrim.

Motor Start mai lo in a Number min rawn thawn chu ka save nghal a, ka Call a, ala theilo, ka ti nawn leh a, ala chuanglo,ka call leh dawn chiah a, amah zawk in a rawn Call a,ka thluak a vir zawk, ka reject ta daih, keimah ka ni tih a hriat chuan an In ah min hruai duh lo maithei, a mizia hriatthiam a har em mai, ka bulah khan a rilru zawng zawng in engmah a tilo tih ka hria,a sawi ang ngeiin Nupui nei tawh ka ni a, min kawmngeih a tum dawn hauh lo bawk.

Putea te In lan theih tawh lohna ah ka ding a, Estheri ka call leh a, Muanpuii ka biak tlang theih loh thu leh an In awmna lai ka zawt ta zawk a, awlsam te in min rawn hrilh mai, kan Veng thlen hma chiah alo ni a, harsa vak lo in ka zawng hmu thei mai ang, mahse, Estheri sawi hmang ah khan an mahni In nilo in mi In an luah anih hmel,a In neitu hming min hrilh kha ka hriat sa  ani tlat, Muanpuii te nen chhungkhat  an nih ka ring heklo.

Motor hun na remchang ka zawng a, In neitupa a sawite in lam ka pan a, vanneihthlak zet in a neitupa ber Pu Sanga a rawn chhuak chiah bawk,

“Ekhai, Maski, helam ah eng nge i rawn tih dawn?” min ti a, Rosy chhungte an ni a, mahse, inhnaih tak erawh anni lo,

“Mi zawn ka nei a, In in luah niawm tak ani,Muanpuii ania” ka ti nghal a, a nui vur vur a,

“Anih chiah chu, kan Inhnuai ber khu a luah a, zuk kal rawh, a awm lai tak aniang” a ti a, Inhnuai panna Step ah ka chhuk thla a, a hnuaiber ka thlen chuan kawngka bulah ka ding leh rih a, inchhunglam thawm engmah ka hre theilo,thawm a awmlo hrim hrim zawk pawh animaithei,Kawngkhar ka kik a, Doorbell awm heklo le, a reh thap a, tuman min chhanglo, ka kik nawn leh a, rei vaklo ah a rawn ri rak a, Muanpuii nen kan inhmachhawn ta ran mai, a Inbualzawhna ala reilo tih hriat deuh hian a sam a tuam a, T-Shirt lianpui leh Kekawrbul a ha a, min hmu thut chu tawng mai na chang hrelo hian a hawi buai deuh nak bawk,

“Ka lo lut thei em?” ka ti a, a tawlhsawn a,

“Aw, lo lut rawh, ka rinloh lutuk ka hmu che a, chuvang alawm” ati bah nak mai,

Inchhung ah ka lut a, kawngkhar a khar a, min rawn zui a,a zau hran lo, diktak chuan kan Room ai pawn a zim mah zawk, a fel fai thlap a, bungrua awm ho pawh a hlui tawh hlawm hle bawk, mahse, a fai em em thung,

“Thu la, eng thil nge?, Dorothy a tha lo leh ami?” a sawi tawp lamah chuan hlauhthawnna a ri tel a,

“Nilo e, i Purse i theihnghilh a, ka rawn pe kual che” ka ti a, ka kekawr ipte atangin ka Phawrh a, a mengphar awk a,

“Awi, ka theihnghilh tih pawh ka hre miahlo mawle,a va zialo tak, sawtah khan i dah mailo anih chu” ati leh rih a,

“Tak tak in ka rawn kal kual dawn tho a, rawn pek che a rem lutuk a” ka ti a, tumah midang an awmlo anih hmel, a reh thap mai,

“Engpawh nise ka lawm reng reng e, tunah pawh ka theihnghilh tih ka lo hre leh pek miahlo,ka chhuah dawnah ka zawng buai leh hle awm si” a ti leh a, ka ding  a,

“Ka kal phawt mai ang, Lawmthusawina chu naktuk zingah kan nei zawm dawnnia” ka ti a, a ngaihna hrelo hmel deuh hian a hmel a buai deuh nak a, mahse, a nui ta tho.

Nidang aiin ka haw har a, In ka thlen chuan Rosy pawh alo tho hman tawh, Mahse, Room ah a awm a, inbual  tum in Bath Robe nen chauh alo awm a, min hmuh veleh min rawn pan vat a,a rawn dingdihlip a, ka biangah a rawn fawp zauh a,

“Ilo haw tlai deuh a, biak che ka lo tum mek a” a ti a,

“Putea te In ah ka kal kual a, Dorothy kha a nuam vak silo a, ka ngaihtuah deuh a” ka ti a, thildang erawh ka swi tel lo,

“Tunah eng nge a an a?” a ti a,a that thu ka hrilh a,

“Inbual nghal i duh em?, inbual ila” a ti a, a thiltum ka hailo, mahse, Phurna pakhatmah ka neilo,kan Inneih hnu ah hetiang hian ka la awm ngailo,

“Duh tho mai, mahse, Ka nu biak hmasak lawk ka ngai, lo inbual mai la..” ka ti a, a tum deuh hmak a, min chhanglo in Bathroom a pan a, ka en zui vang vang a, engvangin nge Dawt ka hrilh ngawt ka hre biklo,alo chhuah leh lai a ka lo la awm anih chuan a thinrim dawn tih ka hria a, Inhnuai lam ka pan thla ta vat a,Dinning Room ka pan a, thil ei chakna pawh ka nei chuanglo, Ka nu leh ka Nauten thil an ei mek ka rin vang a lut ka ni mahzawk,ka rin ang ngeiin an pathum in an lo thu thap a,

“I va lo haw har  ve tuk in chu” ka nu in min lo ti thuai a, ka ei ve nghal dawn leh dawn loh kan nula in min lo zawt nghal a,ka lu ka thing mai, Zinglam hi chu kan eirual vak ngailo, Ka nu leh Ka Farnu ten an ei rual deuh ziah a, Rosy-i nen kan ei veleh mai thin, Tlailam erawh chu kan eirual vek thung,

“Nia, ka hmanhmawh lo a, Putea te In ah ka kal kual nghal a, mahse, Dorothy pawh alo tha viau e” ka tih zawm a, a bu nghat a,a thil ei lai a eizawm leh a,

“Mam, Vawiin kha i rawn kal thei dawn em?” Ka chhang chiah Amy  chuan a ti a, ka chhanna nghak in min en ran bwk,

“Ka tum alawm, mahse, ka tlai leh maithei ania aw” ka ti a, ka lo hre leh tawh pek lo, ama pual in Show a nei dawn a,  Kum hmasa lam a a neih tum pawh khan a hlawhtling viau tawh a, a mamawh tur a sawi te ka tihsak vek a, a hun  erawh ka lo hai leh hman  der,

“Tlai loh tum hram la,a ninawm e mai” a ti hlak a,

“Ka lo tum ang, Rosy hman hun apawimawh bawk a..” ka ti a, Tunlai chu an buai viau tlat ani,

“Ninawm..” a ti hlak a, mahse, sawizawm lo in a ngawi leh daih lawi a, keimah nge Rosy-i zawk ninawm a tih ka hrelo,hnuailam a bih ran a, a thil ei lai a ei hmawk hmawk a, zep rual loh in ka Farnu hian thinrimna a nei tih ka hria, a Naupanlai atang tawh in lungawilohna a nei anih chuan sawi chhuak lo in thil a ei nghek nghek thin miau alawm.

“Bawihi...hrethiam thin la, an hna lam an buai alawm” Ka nu in a ti dam thlap ri ka hriat rual in Rosy-i chungah lawm lohna a nei tih ka hrethiam nghal deuh mai , engvanga lawmlo nge anih ka hrelo,

“A pawilo,ka sawilo ah ngai rawh “ati hmak a, a hma a Lettuce awm chu a ban a, Alu nen a roll nawk nawk a, a ka a leng lo tur khawp a tam a hnawh lut a, a awmdanah a thawpik tih ka hailo, a chhan ka hriat siloh avangin chet mai na chang hrelo in ka melh reng ringawt, ahma in Rosy-i nen an inmil loh ka hre silo,

“Mama, han inbual la, i hman hunah Room ah lo kal ang che,ka be duh che ania” a ti a, ka thutna chair ka nawr tawlh a, ka tho a, ka nu hian khunkhan tak in min titi pui a duh anih chuan thil ho tak ani dawn lo.

Rosy- i alo inbual zo tawh a, inbual turin ka luhsan a, Nimin mai kha chuan engmah diklo a awm silo, mahse, tunah chuan Amy awm danah khan thil diklo lianpui a awm niin alang tlat, chumai nilo in ka nu in min be duh tak tak bawk, Rosy-i bulah chhuanlam atan ka sawi mai kha ani reng si a, thilmak tak ani.

Kan Nupa in Dinning Hall kan luh chuan an lo chhuak vek tawh, eitur min rawn chhawp sak zung zung a, ka nu te leh ka Farnu te tumah an rawn dik dak lo,Rosy- in en ngawirengin kan ei dun mawlh mawlh a, chawei lai a tawng chiam hi kan chindan anilo ve hrim hrim bawk,kan eikham veleh Rosy-i inchungah insiam turin a chho a, kei erawh pawn ah ka chhuak a, kan te ber Seni leh kan Ui an lo awmdun a, a tihfo dan in alo be mawlh mawlh a, mi tan chuan nula ani tawh,mahse, ka mit ah chuan Naute ala ni reng, a hrisel lo a, chumai bakah ka lakah a pangchang em em bawk,

“Mama, ka thianten an ui kha an hralh phal a, ka la mai dawn aw” a ti a, min rawn en a, tunah pawh pahnih lai anei a, engatan nge maw tih em em ni??

“I ngah tawh viau alawm, eng ui nge ni reng reng ?” ka ti a,

“Cocker spaniel ania, a No te mawle, a tha lutuk, nimin khan ka en a...kan lo la ang ka ti asin” a ti a, a nur deuh nang a, Ka pa boral hma pawn ka hnenah thil a duh a sawi fo a, tihsak loh ka nei ngailo, ka pa Boral hnu ah phei chuan an rilru nat ka hlauh luat avangin an duh an sawi hlek chu min dil hma in ka tihsak ngei ngei thin a, vanneihthlak tak in Ka Farnu te hi Duatsual theihloh khawp a fel anni ve tlat bawk.

“I lei fel tawh ani ber chu a...chhunah i va la dawn nia, mahse, i ui mawl zet pahnih kha i control loh chuan an seh hlum mai ang” ka ti a, ka nui a, ka chhaih nasa thin a, a Ui te sawisel phei chu haw tak ani,

“A pawilo, an mawl hleinem, an awm ho thei vek ang, ee...aman chu maw singhnih sang nga “ a ti leh a, ka rinai tak in a to lo, tun a kan neihsa pahnih hi chu a Note kan lak pawh khan pakhat sing 4 in kan lei , sing hnih sang nga chu to ka ti hran lo, ka bu nghat a,

“I Ac ah ka rawn transfer dawn nia” ka ti a, hlim zet hian a khek raih mai.

In chhungah ka luhsan a, ka Nute Room ka pan a, kawngkhar tlem a in kau deuh in alo awm a, ka lut tlang mai tur chu tawng thawm avang in ka ding leh rih a,

“Chutiang in sawi suh, i U hnenah ka sawi hmasa ang, engmah pawh i hriat chian loh kha..” ka nu tawngri ani, ka chungchang ani an sawi,

“Mahse, Nu...vawikhatna pawh a ni tawh lo a...” Amy aw in a ti a, mahse, ka nu chuan a khap leh ta tho, ka rilru a buai map mai, keimah ka inngaihtuah a,engmah tihsual ka neih ka hrelo, Miss Freckel-i vang ani thei angem?, nilo, ani kha chu tukin atang chauh in biak tak tak in kan in bia..

Ka tawlh hla a, thawm a reh vang vang hnu ah kawngkhar ka nem hawng a,ka nu a rawn hawi vat a, khumah a vang zawngin Amy alo mu bawk,

“Bawihi, i Room ah kal rawh, i u ka be lawk duh a”a ti a, Amy chu a rawn thu chhuak a, min melh zawk a, mahse, tihsual nei niawm tak hian a mengkhup lap a, a hawisawn lehnghal daih bawk,

“Nu...awmve se a pawi hleinem, chhungkua kan nia lawm” ka ti hmuk a, mahse, ka nu mit mengah chuan awm ve chi anilo, kan Naupanlai atang tawh in hetiang a ka nu mit a awm chuan a hranpa in hrilh  kan ngailo, thil diklo a awm tih kan hrethiam vek.

Amy chhuah veleh ka nu in kawngkhar chhunglamah a kalh nghal a, a awmdan chuan ka rilru a ti nuamlo, kan chhungkua hi kan inkawmngeih a, chutih rualin mimal zalenna kan ngaipawimawh em em bawk,kan tan a tha tur a min zilh anih loh chuan kan awmdan a tha lo hle anih loh chuan min sawisel ngailo,Khumah a thu a, kei erawh Sofa ah ka thu thung,

“I nupui sawisel hi ka duhlo takzet, ka mo anih rual in ka fanu ani bawk a, mahse, kan chhungkaw chanchin midang hnen a sawi a chin hi a sim angai ang” ka nu chuan a ti dam thlap mai, mahse, ka thil awih loh ber ani tlat,

Rosy-i hian midang chanchin a sawi ka hre ngai manglo, a thiante chanchin pawh a chhe zawngin a sawi ngailo tluk ani,anihna nen pawh a inhmeh heklo, mahse, a nu in Pa tello in a enkawl a, engemaw chang chuan a rilru put hmang a buaithlak tum a awm zauh thung,

“Nu....ava mak awm ve “ ka ti a, ka nuih a za ru bawk,mahse, ka nu hmelah nuihzatna alang hauh lo,

“Mak lo e, Amy Model zing a pakhat khan alo hrilh a, kan chhungkua chauh a kan hriat tur niawm tak lehnghal,khanu U leh Rosy- i  an inkawmngeih hle tih pawh i hria ang” a ti leh a, ka ngaihtuah vang vang a, chutiang tur ka ngaihtuah chhuak zo lo,

“Eng chungchang nge ni reng reng a?” ka ti a,

“I  pu ro chungchang  buaina kha mawle, kan chhungkua lo chuan tuman an hrelo,khatiang thil a mualpho kha kan thil duh loh ber ani, i ni ten an hriat chuan an lawm lo hle ang” ati leh a,Ka pu hi Aizawl mai nilo Mizo zingah chuan hre lo an vang a, a Boral pawn kan hnenah a boral a,mahse, a ro chungchangah buaina kan nei ta tlat, tuma hriat loh in kan chhungkua kan buai ru a, inchhungah kan sawi anih pawn kan Driver te awm laiin kan sawi ngailo.Chhungkaw naran mai chu ni ila a pawilo, tuman an sawi peih lo ang, mahse, keini ang chhungkaw tan chuan mualphona lianpui ani tlat.

“Rosy- i sawi kher ani lo maithei a, Amy pawn a hresual thei a” ka ti leh talh a, a hnar a tum dat a,

“Ka hrelo ,mahse, midang rin tur ka hrelo, Nimin ah midang awm lai lehnghal in tlangnel tak in a zawt a, Amy lung a awilo anih kha..” a ti a, ka vawt vek thei, ka nu sawi ang chiah in Ka ni in a hria anih chuan a pawi hle ang.

Chapter – 4

Room ah ka chho a, Rosy chhuak tur nen kan intawk a,

“La kal lo lawk teh, inbe lawk ang” ka ti nghut a, ka nupui ani a, ka ring chhe ngawt phallo, Ka nu min hrilh nilo phei se chuan ka thinrim zawk hial ang,

“Maw?, a tlai tawh asin..” a ti a, mahse, a rawn let leh ta tho,

“Nikhat lek tlai chu a pawi viau chuang hleinem, a hrim hrim ah nidangah pawh i tlai fo a” ka ti leh hmuk a, ka tawngdan ah diklo a awm tih a hrethiam ani ngei ang, min hnial tawh lo in Khum ah a thu a,

“Awle, engthil nge a?” a ti a, a dan pangngai in a langtha takzet, Make-up a hman thiam dan hi ngaihtuah tham tak ani,Freckel-i kha chu ka hmuh apiangin Make-up tello in ka hmu ziah thung, Hreptak hian...tunah Freckel-i hriat chhuah hun pawh ani nek lo.

“Kan chhungkaw chungchang a kan thuruk te midang in an lo hria niawm tak ani a, i sawi chhuah ka ringlo, chutiang khawp a sawitur hre chianglo a sawi rual i ni heklo,mahse, nimin ah Amy Model hman tur zing a pakhat khan midang awm lai lehnghal in Amy a zawt a, a zak a, a lungawilo bawk a” ka ti a,

“Chu chu ka sawi chhuah ah min puh tihna mi?” a ti hmak a, a lawm chiahlo tih alang reng mai,

“Ka puh hran lo che,mahse, a zawt tu nu kha i thiannu nau ani a, engvangin nge Amy chuan a rin loh ngawt ang che?,mahse, kei chuan ka ringhlel lo che, ka nupui i ni a, ka nu in min hrilh avangin i tih anih leh nih loh hriat chian hi ka mawhphurhna ani,i lo sawilo anih chuan a lawmawm animai” ka ti leh a, a thinrim hmel tum bar mai chu ka en a, ka dem hran lo, thuruk sawi chhuak a inpuh hi thil nuam ani lo ang, ani ang mahni induhtawk ve tak tan phei chuan a na lehzual ang.

“Ka thiannu nau in a sawi avangin Amy chuan min ringhlel tur ani kher hleinem, a hrim hrim ah chutiang khawp a class hniam ah min ngai lo se ka duh” a ti leh hmak a,a tawngdan kher chuan min khei zak mai, mahse, in hauh hi ka thil peih loh ber ani miau a, ka chhang ta lo, ka pan hnai a, a samah ka fawp zauh a,

“I tih anih loh ber chuan thinrimna tur a awmlo, kan buaina hi a pawimawh zia i hria a, chuvang tak in Amy pawh alawmlo animai, ka lo hrilhfiah ang..chuan, chawhnu lam kha Amy Show ah khan kan kal thei ang chu ka lo ti a..” ka ti a, a ngawi deuh ran a, a in ngaihtuah anih hmel,

“Ka hrelo, ka kal loh pawn i kal thei alawm” ati hmak a, a bag a la a, ka chhan na pawh nghak lo in a chhuak zui ta daih a, kan inneih hnu ah inhauh pangngai tak in vawikhatmah kan la inhau lo, kan inhnial ve zauh tum erawh a awm, chutiang hunah pawh chuan lungawilo in kan inchhuahsan ngailo.

Hnathawh pawh alang meuh lo, Dawrah ka kal ve ngei a, mahse, engmah ka thawk chuanglo, khawi atangin nge a hriat ang tih ngawt ka rilru ah a awm a, Ka ni in a hriat palh chuan engkim a buai lehzual sawt ang, Ka pu thilneih engmah kan it lo, mahse, Ka ni in enkawl pawh a enkawl lo a, Ka nu bulah lo an awm duh lo, Fanu aiin Mo enkawl a thlang zawk a, chutichung chuan kan hnen a a awm lai in a Boral hma lawk in Ka pu ro chungchang ah diklo tak in thil an lo tikual a, ka Pa Boral tawh mahse  ka nu  ngaihdan a pel ve ta tlat a, a theih ang ang in a beilet a, diktak chuan ka Pu Boral hnu ah kan chhungkua kan keh chhe der, mahse, tuman min hriatpui lo, a ruk thei ang ber in Ukil te nen kalpui ani a, kan ukil hman te hnen atang chuan a chhuak dawnlo tih ka chiang, ka Naute pawn an sawi hauh lo ang.

Ka Phone ri in ka ngaihtuahna atangin min ti harh zawk a,Rosy alo ni a, Sana ka en a, Darkhat a ri tep tawh, Amy show kha dar 3 atangin tan tur ani a, a beisei dan chuan dar 6 hma in tawp hman tur ani a, chumi zawh ah sawmbik leh Model ho nen Dinner ei nghal tur a tih ani bawk,

“Hello...”ka ti a,

“Hna thil ah zin chhuah ngei ngei ka ngai a,tunah ka hre chiah bawk si a, Amy Show pawh ka tel hman dawn lo,min lo phatsak mai la” a rawn ti nghal mawlh mawlh a,

“A va mak awm teh mthut ve, naktuk ah kal la animai alaw”ka ti leh a, a thaw ri huai chu ka hre thei a,

“Ka theilo alawm, kei aia thu zawk te nen a kal tur kan ni miau a,ka thinrim vang anilo tak tak ania” a rawn ti leh a,

“Um, atha alawm, ka rawn lam ang che, keipawh engmah ka la insiam chuanglo” ka ti a,

“Um, nia, kal hma in kan inhmuh loh chuan chi nang, kan awm rei dawn si” a rawn ti leh a, Driver kan nei a, a kaltur pawh ka thlah zeuh zeuh chauh, mahse, a chang chuan ka lam tum a awm tho bawk,

“Ka rawn chhuak nghal animai, min lo nghak la” ka ti a, ka dah a, tun a tak a zin a ngai ta thut chu ka hrethiam lo.mahse, an hna chungchang ah engmah sawi ka tum lo.

An Office ka thlen in min lo nghak ran tawh a, a rawn thu lut nghal a,

“Amy chu a lungawilo sa bawk nen nuamlo ka ti hle mai” a ti leh a, ka nui lui a,

“A thinrim rei ngai hleinem, a reh leh vat mai ang, keiman ka lo bia ang” ka ti a, a bu nghat nghat a, a rilru a nuamlo tak tak anih hmel,

“Khawiah nge in zin dawn reng reng?” ka ti leh a, ahma khan zawhna chang ka lo hrelo,

“Kolasib ah mawle, eee, Rinfela pawh ka bia a,a In a riak turin min rawn ti a, mahse, midang nen kan ni nuaih dawn sia, tul ka ti lo a, Hotel kan be fel sa vek tho a” ati leh a,

“I tlawh tal ang chu, engtik thleng nge in awm dawn a?” ka ti a,

“Ka la hre mailo, Zan 2 chu kan riak ngei dawn tih ka hria, adang chu a tlachawp animai” ati leh a, kan inneih hnu ah hna vangin a zin zeuh zeuh a, keipawh ka zin tum a awm tho, ni 3 lek pawh rei kan ti viau zel,

“A va rei dawn ve, mahse, hna a pawimawh alawm, a chang hi chuan bang mai la ka ti”ka ti leh a, min rawn en a, ka mal chungah a kut a rawn dah a,

“Ka hrelo, i duh dan anih chuan ban pawh ka la bang mai ang chu”ati leh sap a,

“Dar engzatah nge in chhuah ang?” ka ti a,

“Ka insiam peih hun hun animai, kan Dept changtu Minister te nen kan ni dawn a, keini office lam kha kan motor ah kan kal anga, naktuk zing dar7 atangin ramhnuai ah mi huan tlawh turin kan chhuak  dawn a, chuvang ania vawiin ah kal angaih..” ati leh a, an Office ah amah aia  dinhmun  sang zawk 2 an la awm a, an kal ve dawn lo tih a sawi bawk a,  a chang chuan a hah  thin em a ka khawngaih thin,Bansan pawh nise sum ah buaina kan nei lo ang, mahse, kan inneih hma atangin a thawk a, bansan tir ngawt ka duh lo, kan inzui hnu ah a hna hi a hmu a, a lawm em em zia pawh ka la hrereng a, bansan tur a nawrluih pawh ka hreh phah hial bawk.

“Awle, lo kal ve mai ka duh rum rum mai” ka ti a, a nui hak hak a, ka duat zia a hria, keimah ang bawk in min hrechiang ve tawk tawh a, ka inhriatchian aia nasa in min hria niin ka hre fo bawk.

In kan thlen chuan kan nula te chauh an lo awm a, Amy thiltihna a kal turin an lo chhuak vek tawh a, kil khatah hian Uite beng sei zet mai hi alo bawk khar a, bauh na chang pawh hrelo in min en ker a, a lawmawm reuh phian bawk,

“Hei tu ui nge?” Rosy chuan kan nula a zawt a,

“U Seni uite thar anih kha..” ati mai a,

“Awi aw, a awmsa pawh hne nak laiin..” a ti hlak a, min rawn melh zawk a, a hmelah chuan a ngaihdan anilo tih alang chiang hle bawk,ka thle buk a,

“Awmtir mai mai teh, i enkawl tur pawh ani hleinem” ka ti a, Room lam pan in ka nawr chho a.

A thawmhnaw ho a ken tur khum ah a dah chhuak a, inbual turin a lut a, Bag ah ka remfel sak a, Sana ka en zauh a, dar 3 hma chuan ka thleng hman dawn tho bawk a, ka hmanhmawh hran lo, Driver pawh an in lamah a thawmhnaw la turin a kal a, alo la thleng lo hrim hrim bawk a,ka zawh veleh ka thawmhnaw hak tur ka en nghal a, hak ber tur hrelo in ka hawngkual dan dan a,

“Ka ngai dawn che e” ka kawngah Rosy-in a rawn kuah a, a taksa vawt thlar in ka taksa a rawn nek  chuan thawmhnaw a inbel mumal lo tih ka hrethei mai bawk,ka hawilet a, ka pawmkang nawlh a, Khumah ka nghat a,a nui hak hak a, a nui ri hian ka chhungril a thleng fo,a Towel ka phihthlaksak a, ka rin ang chiah in a hnuaiah engmah a inbel lo,kawr ha lo in ka awmsa hrim hrim a, Boxer chauh ka ha a,a  samah ka tham a, ka kuai dak a, a hmui sexy zet ah chuan ka zuk fawp a, zei lutuk hian min rawn chhanglet nghal zat bawk,ka kut lehlam in a hnute ka khal a, ani erawhchuan a tihfo dan in min kuah bet  chial a, ka kut a tawlhthla zel a,  mal ka nem kau a, a point ah ka kut ka nghat a, a hnawng chap mai, kan inmamawhna hi mak tak ani, ahma in engmah tum lawk a awm ngailo, ka mamawh a,anipawn min mamawh bawk,a hnute bial karh mai chu ka hmuam sak a,  a kap karah ka tla zep a, a mal ria thlarh chuan ka kawngah a  rawn kherh  nghal chial bawk,ka hmui ka phawi a, ka tawlh thla a, a mal karah ka hmai ka phum a, a rum hawk bawk,ka samah a rawn tham a, nuam tihna avangin a ngik faih faih a, insum a tum hranlo, hetianga nuam ti tak a a awm thin na hian min ti phur em em ziah bawk,

“Maski...” a ti tham tiak a, a mamawh ka hria, ka hawi chhuak a, chakna avangin a sen tan mai, a duhawm takzet, a ka tawlh chho a, a kawng tlem in ka chawikang a, ka mipatna inpeih mah mah tawh in a taksa ka zawm takah chuan na zet hian ka hnung a rawn tham a, mit a chhing a, a hmui a pet fan fan bawk, a lang it awm lehzual, ka chetzui takah chuan nuam ti zet hian a thaw zui hlap hlap a, a hmui kau tiar ah chuan ka fawp leh a min rawn fawp let ngawng ngawng bawk....Nupa kan ni miau a, engmah thianglo a awm lo..

Chauh  hmel deuh hian ka chungah a bawk zawi thlar a, a sam ah ka chul hauh hauh bawk, ka phone ri ah Amy ka hrechhuak zawk a, kei hi ka tlai leh anih vaih chuan ka chaklo hle ang, Rosy-i a let thla tap  a, ka Phone ka zawng a, Sofa ah ka lo dah daih chu niin, ka tho a, ka taksa engmah khuhtu awm lo chu ka zahpui hranlo, midang nilo in Ka Nupui nen kan awmdun a, engmah zahtur a awmlo, midang pawh awm ta tehreng se ka pian hi kei ngei pawn a nalh tawk tih ka hria a, ka zak vak kher lo maithei bawk.

Ka rin ang chiah in Amy alo ni a, ka la nghal a,

“Aw...Amy..” ka ti a,

“I lo thleng tep em?” a rawn ti nghal a,

“Ka lo thleng tep, Motor a tam lutuk a, ka tlan sawt lo “ka ti a, ka la chhuak lo tih a hriat chuan a lawm dawn lo nasa tih ka hria,

“Ok...a pawilo,ilo kal hrim hrim chuan a tha animai” a ti leh a, ka naute tan chuan Nuta ka ni a, Pa ka ni bawk, ka tello chuan an thlamuang theilo tih pawh ka hria,Rosy chuan a thawmhnaw a ha sat sat a, hmanhmawh zet in ka in tleuh zuai a,sana ka en a, Dar 2 a pel tawh, ka kal chhung nen Motor alo tam viau tak tak chuan tan hma in ka thleng hman lo chiang viau ang.

“Kan kal hma in i kal dawn ami?” Rosy-i tawngri ah chuan ka hawilet a, a inpeih at in a thu a, ka Kawr hak ka kekawr kawngah ka bilh lut a, nidang ah chuan min tihpui ziah, mahse, tunah chuan a thu ngar a, a hma lawk khan Hmangaihna kan chendun tih awih harsa khawp in a hmel a tak ngal bawk,

“Driver alo la thlenglo ami?,call la, kan chhuak rual thei ang chu” ka ti a, Jacket ka ha leh a, ka inpeih chu animai,

“A pawilo, kal rawh, Amy a pawimawh alawm” a ti hmak a,hetiang hian a hma in a awm ngai silo, zing atang khan kan In ah hian thlarau sual alo lut emaw  tih turin tumah hian ngai kan awh hlawmlo,

“Pawimawh tih ah chuan in pawimawh ve ve, in pawimawh dan a in anglo thung, Call la, kan chhuak rual thei ang ka tih chu” ka ti leh a,mahse, a che sawn eih lo,

“Call angailo,alo thleng tep ang” ati leh nghat a, ka hnial buai peih ta lo,

“Chhuk ila..” a bag ka khaisak a, a thu ngar a, hmanhmawh lo hmel fe hian a tho a, thin nawk nawk ka chak kher mai,hetiang rilru ka la pu ngailo,a khawsak dan vel chu ka hua ti ila a dik ber ang.

Vanneihthlak zet in Driver alo thu vang tawh, ka bag ken min rawn laksak vat a, pawnah kan inzui chhuak a,

“Kal hmasa ru,tlai lutuk pawh a tha chuang hleinem”ka ti a,a nui sak a, a hma a lungawilo hmel kha a bo leh daih tawh,

“Um, Amy hnenah chuan min lo phatsak dawn nia”a ti a, a rawn dingdihlip a,ka biangah a rawn fawp zauh a, kan tih than dan anih avangin kan awmpuite tan pawh thilmak ani lo.

Tan hma in ka thleng hman ta hram, Amy chu nghah nei niawm tak hian kawngka bulah alo ding a,min hmuh veleh min rawn pan a,

“Khawnge u Rosy-i ?” a ti a,

“Hna thil ah zin chhuah thut an ngai a, tun lawk khan an chhuak a, Kolasib ah,i hrethiam aniang chu” ka ti a, ka nuih a,a hnar a tum dat a,

“A pawilo, lo kal lo se ka duh zawk “ a ti nghat a, Amy hi keimah ang chiah a luhlul leh rilru lian ani a, Seni erawh a rilru a nem em em a, thil ho te ah a mittui a tla mai thin a, ka lakah phei chuan a pangchang a, nula ve uaih tawh si hi a tap hreh chuang lo..

“Mate...thil hriatsual i nei ania...mahse, tunah chuan theinghilh rawh,i thiltih tur chauh ngaihven la..” ka ti a, a then sak a,

“Nia, kei pawh ka duh ber,mahse, ka Model pakhat alo la thlenglo...ka be tlang thei silo..” a thaw hap a,

“Ekhai...tunah tan a hun tep tawh si a, khawi veng nge?” ka ti a, ka kut a rawn vuan a,an veng a sawi a, engkim buatsaih lawk vek tawh ani a, pakhat kal loh pawh thil pawi tak ani tih ka hriatpui ve thiam tlat,

“Dar 1 khan alo chhuak tawh a, ahna atangin a rawn chhuak hma theilo a, mahse, dar 2 hma a alo thlen chuan a tawk reng a, tunah alo la thleng silo...oh...saw, alo kal leh si..” Phur lutuk hian a tih zawm zat a, ka kut a vawn a thlah a, ka hnug lam a pan nghal a, ka hawilet a,

Hmeichhe pakhat hi sam leng dar dar in a rawn tlan hlawk hlawk a, ka hriathnu a ang, ka en nawn leh a, LALPA....Miss Freckel-i lek, Amy chuan a hai chiang ve awm hle mai ka ti rilru a, chu Model lak tlak loh zet pawh chu ka haw hlur bawk.

Ka inher a, inchhunglam ka pan san a, Miss Freckel-i kha inhmuh tir kher ka duhlo,engvangin nge hetah alo kal ve ka hre heklo, Amy chuan a duh leh lo nghak mai tehse,ka Nute bulah ka thu ve nghal a, mahse, Seni ka hmulo,

“Khawnge Seni?” ka ti a,

“Model ho bulah a awm ve anih kha, Amy khan awm ve turin a ti a” ati mai a, Rosy hna thil a zin chhuah a ngaih thut thu ka hrilh a, a hmelah a ngaihtuahna engmah a hriat theih loh,

“An buai hle anih dawn chu “tih zawng a sawi,

An tan zui tak ah chuan ka chhang  ta lo, hunserh hmang turin Ka nu in kan Pastor alo sawm a, Ka nu te ang Pathian tih em em chuan an sawm tello theilo,ka rilru ah engmah a lut lo vel vek, Amy Design hrang hrang an rawn pho chhuak zel a, ka thlir liam vel mai mai, Music ri ring lutuk chuan ka lu a ti hai bur a, ka rilru kil khatah Freckel-i kha a awm a, mahse, ka hmu zuilo, Model a chhawr hnem phian, an thawmhnaw rawn hak chhuah reng reng chu tu pawn rawn ha se an mawipui viau, Mizo Nula te hi an lo nalh tawh takzet, mahse,hnamdang Model te nen chuan tehkhin chi pawh an la ni lo, Pian nalh em em an awm laiin, cher ve satliah, Model emaw inti ta tlat pawh an kat ve nuk tho mai, Ramdang leh hnamdang Model te hi chuan an taksa nalh tawhsa tih nalh belh nan Fitness an ngaipawimawh em em a, engkim an taksa tan a tha lo tur an control vek bawk, Mizo te hi chuan awm mai mai a nalh kan tum deuh niin ka hre fo,ka mimal ngaihdan mai chauh phei chu ani a,thawkrim tak tak pawh an awm ngei ang,chuvangin  ka sawi chhuak ngai lemlo.

Reilote chawlh a awm zuai a, ka tho a, Pawn ah ka chhuak a,Back Stage lam a kal ka chak thut, hall hnunglam luhna ka pan a,Security in min lo ti ding a, insawifiah vel ka peih loh avangin let leh ka tum a, mahse, Zomuani rawn chhuak tur in mi rawn hmu  a, ani hi Amy thawhpui ani a, Designer tho ani a, mahse, Amy ang em chuan a lar lo thung,

“Hey....lo luh tir rawh” a rawn ti nghal a, inthiamlo hmel deuh hian Security chuan min en a, mahse, biak pawh ka tum lemlo, a hna a thawk ve animai,ka lut a,an lo zi nuai nuai mai, thawktu an awm nual a, Model ho pawh tumah thawmhnaw ha lo an awmlo hlauh,Amy-in min rawn hmuh veleh min rawn pan a, a hmel eng sar maiah chuan a duhdan in thil a kal tih ka hmu thei a, a Model nghah pawh alo thleng tih sawi ngailo in ka hre mai bawk,

“In vaiin lo hawi ru, Hei hi ka u ania, Kan unau zing a upa ber leh kan Mipa neihchhun, chuan ka pa ani tel bawk” a nui hak hak a, min rawn en thap a, kut an beng dar dar bawk,

“Mahse, vanduaithlak tak in a Single lo hlauh” Zomuani zawk in a rawn ti a, an nui leh dar dar mai, min rawn chibai nak nak a, an mahni an insawi hlawm a, mahse, tumah hriat ka neilo, pakhat erawh ka hre sa a,Rosy thiannu, Sawmsangi Nau ani a, a hming erawh ka hre tawh lo thung,min rawn chibai a,

“I dam maw?, u Rosy-i alo kal ve em?” a ti nghal zat a, a nalh phian, mahse, a u ang bawk in ka ngainat zawng ani lo nghal pang, Sawmsangi pawh hian min nel mah mah niin ka hre fo, midang chanchin sawi a peih em em bawk,he nu ngei hian Amy pawh kha alo zawt ang tih ka ring nghal thlap bawk,

“Dam alawm ,hna thil ah tun lawk khan zin chhuah a ngai thut a” ka ti a, min be zuilo se ka ti takzet,

“Aw, anih chu, lo kal ve se ka tih nen” a ti leh a, ka bu nghut a,

“Nia mawle,mahse, ka awm tho alawm ,engkim kha a fuh vel vel, ka nau hi in lo pui zel dawnnia” ka ti a, a nui sang hlawm mai, chhuah leh mai ka tum a, thawktu nih ve loh chuan lo awm ve reng na chi ah ka ngai lem lo,

“Mam, i kal hma in pakhat ila hmulo,hmelhriat leh lawk rawh” Amy chuan a rawn ti leh a, min kai a, Room dang te fel renrawn ah min hruai lut a, Seni leh Mipa pakhat hian Chair a Hmeichhe thu chu a sam an lo khawisak mek a, min din hliah avangin a hmel ka hmu theilo a, Darthlalang lianpui a a hmel lo lang tur chu Mipa zawk chuan a din hliah chiah bawk,

“Mate, in zo dawn tawh em?” Seni a rawn hawi chhuak vat a, min hmuh veleh min rawn pan a ,min rawn kuah a,Mipa zawk pawh chu a rawn hawi a, tu nge anih ka hrelo thelh, Make-up Artist turu zet mai, mahse, Pa ti a han sawi tur ni silo, Tuai ni bawk silo Johnny-a alo ni a, a ding sawn a,

“Hello, i dam em?” a ti deuh hlai a, ka bu nghat a,min rawn chibai a,

“Mam, hei hi ania ka tih, Zomuanpuii, tun tum kan Show a ka Gown duh ber min haksak tur chu...” a hming ka hriat rual in hriat chhuah ka nei a, mahse, anih ka ringlo, a rawn inher a, Miss Freckel-i nen kan in melh ta ran mai, a hmelthat zia chu ka sawi thiam lo zawk, mahse, a hmai a Freckel te kha a make-up chhah lutuk chuan a khuh bo zo vek a, duhthlang dawn ila chuan Gym a ka hmuh thin dang ang a make-up tello, a hmai a thuangvuak lang ngei khan hmuh ka duh zawk ang..

“Nangmaw?” ka ti hmuk a, Amy leh Johny chu an in melh a, ka mit ka la sawn lo reng reng, a rawn ding chhuak a, a dar ruak kang mai chu alang vek a, a hnute lian leh kawh lah mai chu haider theih anilo, a dul a thep zaih a,a kawrfual hak hmalam cut dan chuan amal var leh sei nalh thlarh mai chu a khuh bo zo hek lo..

“Aw,, keimah ....” a biangsum langkalh in a nui a, a kut faisar mai chu a awm ah a dah kawkalh bawk...ka mitvai anih ringin ka mit ka chhing a, mahse, ka men rual in ka hma ah pawisawilo tih hriat ngawih ngawih a ding chungin a mit lian leh zahawm zet chuan min melh kal mai..

Chapter – 5

“In lo inhre sa alaw?” Seni tawngri ah chuan ka harh deuh zawk in ka hria, ka nui lui suk a,

“Hria han tih lem ah Gym kan kal ho a, bakah Dorothy thiannu alawm” ka ti hmuk a, ka hawisawn nghal a,

“Nia, dik chiah, Dorothy thiannu....in lo inhre sa hlauh chu a tih zia em mai” Phur zet hian Amy pawh chuan a rawn ti ve leh a, ka melh leh zawk a, mahse, min en lo in hnuailam a en a, a kawr nghawng zau lam hret chu pawh chip tum niawm tak in a vuan bawk,

“Ka lo va chhuak ange, Ka nu khan ka kalna tur a hrelo a, tha deuh in aw” ka ti a, a rawn hawi chhuak a, a nui sak a, ka nun ah a vawikhat nan ka hmeichhe duhzawng leh min hip ngawih ngawih tu ka hmu ta, mahse, a va hun tawh silo em, Nupui nei ka ni tawh a,Hmeichhe dang ngaihtuah ngam tur ka ni lo.

Ka thutna a ka thut fel hnu lawk ah a hnuhnung ber a an tih leh tur an tan nghal a, ka lungphu rang zaih zaih mai chu a chhan ka hrelo, Model dang an rawn chhuak zel a, ka thlir liam vel mai mai, mahse, ka hawisawn duhlo, Miss Freckel-i rawn chhuah hun ka nghak a, egtin chiah nge Ramp ah a  chet vel ka en chak tlat,midang an rawn chhuak zel, alo kal dawn ta lo emaw ka ti hial,mahse, a rawn chhuak ta, a mal nalh zet chu a pen zawngin a lang thei a, a awmdan engkim mai chu ka rin phak bak ani vek, a zei lutuk mah mah, a hmel tak ran ah chuan nui hmel tlem a lang a,kei hi ka diklo,a taksa midang hmuh tur a a pholang chu ka lo thinrim ru teuh mai, hrep tak hian a....ka engmah a ni lo a, a engmah ka ni heklo,hetiang rilru tawp lutuk hi engvangin nge ka put??, ka hmuh tirh phat atangin ka hmeichhe duh chi anilo khan ka hria a, mahse, tunah chuan ka duhzawng ani a, ka in control hle loh chuan ka umzui hreh dawn hauh lo tih ka inhre chhuak leh tlat lawi si...

“A nalh hle mai a, a hmel a tha tel lehnghal a..” ka bul a thu ka Cousin chuan a rawn ti a,

“Tu ber kha maw?” ka ti let nghut ringawt, Miss Freckel-i anih ka ring sa thlap,

“Muanpuii kha....ilo la hre ngai pek na nge?” mak tih hmel deuh hian min zawt a, Tlangval fel zawk zawk anilo a, an harsa lo bawk nen Nula nalh leh hmeltha hi chu a hmaih lo tluk ani,

“Hria e, mahse, a nalh i ti chiam a...” ngaihnep hmel deuh hian ka ti a,

“A nalh teh alawm le...i Nupui i duh lutuk na lamah hmeichhe nalh pawh i hre thei tawhlo anih kha...” a nui zui huk huk a, nih pawh ani mahna, mahse, hmeichhe nalh dang ka hmu theilo anih pawh in Miss Freckel-i nalhna kha chu ka hmuh hmaih hauh lo.

“Ha...i ho em mai” ka ti hluk a, a  nui vur vur a,

“A number pawh ka nei thlap alawm, Dinner Party na ah ka Date dawn bawk a, Amy phalna ka la thlap tawh” a rawn ti leh su su a, ka nui lui hram ani ber,

Dinner Party ho lam angreng tak emaw kan neih dawn ka tih laiin a ho lam lemlo, Ka nu awm duhna chi anih loh avangin kan Driver in a va Drop a, chaw kan ei hma in Rosy-i ka Call a, an la thlen loh thu leh an thlen har tawh loh tur a rawn sawi a, an thlen veleh min be turin ka ti bawk, Dinning Hall ah ka lut leh a, Amos-a leh Miss Freckel-i lo thu dun chuan ka mit ala zak mai, mahse, thinrim a lo insehruh ve ngawt turin dik na ka nei hauh lo,

“He lamah” Amos-a chuan min rawn vai zauh a, a hmel a intithei hmel chu ka hnek chak kher bawk, mahse, ka pan phei a, Freckel-i sir a thutna awl chu ka pan a,

“I haw ta daih emaw ka ti a” tlangnel tak in Freckel-in min lo ti nghal a,

“Haw lo e, Phone ka hmang lawk a..i che tha hle mai” ka ti  let ve a, rilru tenawm tel hauh lo in min kawm a tum tih ka hria, kei mah zawk ka tenawm tlat hi hahthlak tak ani..

“Ka lawm e, In nu ka hmu ve miah lo a” min thlek ha a,  a make up chhah lutuk kha alo ti fai vek tawh bawk,

“A zin a...kan nu i hmu tawh reng reng ami?” ka ti let leh a, a nui a,

“Hmu dawn lawmni....a chhelo e” a tlang reuh lutuk hi ka lawm thin,

“Kei chuan Rosy-i aia nalh tih ka nei ve tlat” Amos-a chuan kan ngaihsaklo ati deuh anih hmel, a hmel a dik lo,Model dang leh Amy mi sawmte ho chu an awm nual a, a tam zawk chuan Beer an lek far mai,

“Amos-a hi hlau rawh, na deuh in a kalsan mai ang che” ka kun hniam a, a dar ka hmui in a tawk pha thelh bawk, a thu khawng deuh lah a, ka awmdan chuan a ti hamhaih anih hmel,

“Teuhlo...amah zawk kha...a Nupui in in thu dun tih a hriat vaih chuan....” sawi zawm duh lo in a chek tlak tlak mai...

“Ha....chutiang khawp a rilru zim ani lo aw...”ka ti hluk a, Freckel-i nui hak hak ri ah chuan Rosy-i ka hre chhuak vang vang mai..

Eitur an rawn chhawp tak ah chuan ngawirengin kan ei ta hlawm a, tumah rui chhia, buaipui ngai an awmlo, kan eizawh veleh Party an tan leh nghal chu animai,Boruak a hot ta viau...Amos-a leh Freckel-i pawh ka hmu zui lo, Nula leh tlangval an ni a, an tan thianglo awm ve heklo le...Rosy-in an thleng tawh tih min rawn hrilh a, kan inbiak zawh veleh ka naute ka zawng nghal a, haw mai ka duh a, ka rual in an haw dawn em ka hrelo..

Amy ka hmuh veleh haw ka duh tih ka hrilh a, ani pawn alo duh tho bawk, Zomuani hnenah engkim a chah fel a, Seni nen kan 3 in haw turin kan chhuak a, Motor bul kan thlen chuan Freckel-i alo ding a, phone ah tu emaw a be mawlh mawlh bawk,

“Muanpui...i la haw dawn lo mi?” Seni chuan a ti vat a, a phone biak lai a ti tawp a, a rawn hawi a,

“Haw dwn e, mahse, Ka Scooty ka hmu zo lo a...” a aw a manganna ri chu ka hriat hmaih lo,

“Maw...??” kan unau in ka ti rual thap mai,a sawi nawn leh a, Amos-a khan Drop alo tum a, mahse, Scooty a ken thu in alo chhang a, a zuk chhuk chuan a Scooty a hmu zo ta lo anih hmel, a sawi tawp lamah chuan a men tiau mai...

“Lungngai suh, ka zuk en ang, Mate...Motor ah ,min lo nghak ula...” Amy chahbi ka pe a, Freckel-i banah ka kai a, a te hran lo, mahse, ka tan chuan a lian chuanglo ,min zui dat dat a, Two Wheeler ho dahna lam ah kan phei leh a,

“He laiah hian maw i dah?” ka ti a,  bu nghat a,a ruak hiau mai, an dahna lai hi chhunah chuan Parking Fee khawn ho an awm thin a, mahse, zan lamah chuan an awm ngailo, tih mai dan tur ka hrelo,

“Ok...kan rual in haw la, chuan,FIR kan submit nghal dawnnia...” ka ti a, a thu thla hnak a, ka khawngaih reuh kher mai,

“A van pawi tak e aw,ka lock vek si a..” a ti lawi riai a, 

“Ka hrethiam che,mahse, tunah chuan tih theih kan nei hrih lo...In ah kan Drop ang che” ka ti a, ka kut ka pe a, hreh hmel deuh hian a rawn vuan a,ka pawt tho a, a ke a chhep sual a, min rawn nek deuh rawk a, ka kuah a, rei vaklo chu chet mai na chang kan hrelo ve ve, Motor rawn tlan thawm ah kan inthen  phawk a, Light eng chuan chiang tak in a hmai a chhun a, a sen tan mai..

“Ka tihpalh lutuk,ka ke ka rap lek a...”a ti sep a, kei pawn nuam ka ti chiah lo,

“A ho em mai, Amos-a pawh a awm hnaih loh hi” ka ti a, ka nui lui hak bawk, a hmui a ti pawrh tarh a,

“Ngeiawm em mai..” a ti hlak ringawt, Ka Motor dahna lamah kan inzui chho leh a,

Amy leh Seni’n tihhlim an tum a, mahse, ngai a awh lo tih a awm danah alang reng mai,a nui ve hak hak tho nangin a hlim nui ani hauh lo,reilote chauh la hre mah ila  mak tak in a nuih dan ah a rilru ka lo hre hreng thei tlat,an In kawt ah ka ding a, a chhuk a, an in Step a a pen thla hnak hnak mai chu a lan theih chhung ka thlir a, ka rilru chanve a kalpui niber in ka hria.

“Mam, a lainatawm reuh e tiraw” Amy chuan a ti sep a, kan unau in Living Room ah kan thu thap a, Ka nu a awm bawk,

“Nia, ala naupan hmel bawk sia, a chhungten an hau nasa viau in ka ring” ka ti a, ka ngaihtuah lo ka tih chuan dawt ka sawi chiang hle ang,

“I hre sa sia, chhungte a neilo tih i hre na nge?” ka thu ngil deuh awt mai, ka Control thuai a, vanneihthlak tak in tuman min en lo hlauh,

“Hre sa tih lem ah Gym ah kan kal dun a, kan inbe vak ngailo, tun hnai ti ila vawiin ani mah zawk atang khan kan in nel ta viau a, Dorothy thiannu alo ni bawk nen”ka ti a, an In ka kal thu erawh ka sawi tel chuanglo,

“A lainatawm reuh lutuk, ala naupan nen khan a chhel tawp a, tumah chenpui aneilo, tun tum hi keiman Model atan ka hman hmasak ber nimahse midang chuan an hmang fo mai, Private company ah hna a thawk a, a hah lutuk,ka hnen a a rawn kal hmasak ber atangin ka ngaina nghal tawp, Dorothy thiannu alo ni bawk nen, mahse, Dorothy thiannu anih vangin min nel huam chuang miahlo, amah ruaitu tur ka nih angin min zahder em em tawp, vawikhat chu Zomuani’n a chhungte chanchin a zawt a, engmah a sawilo, a nui a, lehlam a hai daih,chuan, a mittui a tla bawk a,mahse Dorothy hnen atangin amah chauh in a khawsa tih ka hre leh ta tho a....” adang pawh ala sawi zawm zel, mahse, engmah ka hre tawh lo, ka kawchhung a fan rawih rawih a, a bulah awm theih ka chak hluah hluah..

Ka mu meng kar a, nidangah Rosy-i a zin chuan muhil theilo in ka let ka let thin a, tunah pawh ka muhil theilo,mahse, Rosy-i vang ani silo, ka rilru a nuam lo a, ka nupui nilo ka ngaihtuah avang in ka indem bawk, mahse, ka mit ka chhin apiangin a hmeltha leh pawisawilo lutuk kha alo lang zui nghal zat thin a, atan chuan Scooty leitur a thawh hah angaih nasat tur zia ka ngaituah a, ka ngaihtuahpui thiamlo zawk,tunah a bo leh ta mai si a, rilru hah avangin a tap anga, a muhil theilo ang, mahse, tumah a bulah an awm dawn silo...Nilo, Mipa thian pawh a nei ang chu, chu nen chuan zan hun pawh an hmang dun anga,chupa bulah chuan tah te pawh a tap hial maithei asin...

Zing lamah ka lo chhing sek aniang, ka harh hlawl a, sana ka en vat a, Light pawh ka lo Off lo, ka thawh hun pangngai alo ni a, ka mu deuh vang vang a,mahse, Freckel-i alo kal tak mial in tiin ka tho a, ka insiam sawk sawk a, alo kal lo anih pawh in a In ah ka kal thei tho alawm..

Ka thlen veleh ka zawng kual nghal a, mahse, a awmlo, midang in min lo be mahse ka rilru ah engmah a lut lo,phurna ka nei heklo, reife ka awm hnu ah pawh alo la lang lo ta fo,haw turin ka insiam a,

“I va haw hma dawn ve..” Min rawn be tu lam ka hawi a, Sawmsangi alo ni a, alo kal lai ka hre miah lo,

“Nia, tihtur ka nei alawm le, engtik in nge ilo kal a?” ka ti a, a kal ve zeuh zeuh a, mahse, thla khatah vawikhat chauh te anih avangin engmah sawtna a neih ka ring lo..

“Ka lo thlenna ala reilo..” ati tha ve mai ,ka kalsan a, engvangin nge hetiang hmeichhe nasa lutuk hi Rosy-in a kawm ngeih tlat ka hrethiam bik lo.

Freckel-i in lam ka pan nghal a, ka rilru ah thildang  engmah alang lo, hetiang em em a hmeichhe buaipui hi ka la nei ngai heklo,an In thlen hma deuh in Motor ka dah a, ka call hmasa bawk silo a kal tawp ka hreh leh a, mahse, ka Call hmasa anih  chuan min lo welcome vak ka ring lawi silo,pawilo, kal tawp mai ang ka ti a, ka chhuk a, an In neitupa ka hmu ang tih ka hlau viau bawk, thil hi a kal fuh loh chuan Nula mahni a awm lehnghal ka hmu leh dawn tih a hriat chuan kan nupa karah buaina a thleng palh thei tlat.

Vanneihthlak tak in ka hmu ta lo hlauh, Freckel-i kawngkhar ka kik a, a reh vang vang, ka nghak  deuh reng a, ka kik nawn leh a, rei vaklo a pen thawm ka hria a, ka tawlh hnung a, Kawngkhar a rawn hawng a, min hmu thut chu thlahrang a hmu emaw tih tur khawp in a mengphawk hra mai, mahse, a in Control thuai a, a nui ta zawk a,

“I va hma ve, eng nge ni ta?” a ti dam thlap mai, a mit a bui deuh lak a, a mu tam lo anih hmel, a sam uk kharh mai chu a hnawk deuh niaih a, Lukham ah darh siau sela analh viau ang tih ka lo ngaihtuah leh hmanhmawh bawk,Heptak hian a.....engvangin nge a bulah hian ka Normal theih miah loh ka hrelo..Kekawr thlawl hnekhnawk a ha a, kawrlum sin te te a phiar,lian hluai mai  a ha bawk, a kawr tlang in a kekawr kawng a si pha chiahlo a, a chet zawngin a vun no nalh lutuk chu a lang leh zauh thin bawk..

“Ka lo lut phawt ang..” ka ti a, a nui hawk a,

“Aw ,lo lut rawh, ka chhaw hu mai “ a ti leh niah niah a, ka luh nan a tawlhsawn a, ka luh  fel veleh kawngka a khar nghal a, Thutthleng sei ah ka thu a, min ep zawngin a rawn thu ve nghal bawk,

“ I lo kal si lo a, i lo tah kerh kerh tak in ka ti a..” ka nui hawk mai, a hmui a ti sawi zauh a,

“Tap nang, tah khan ka hmuh phah dawn silo a...nimin ka chau deuh a, chuvang mawle” a ti a, a kut tin a sik niap niap a, nuam lo ti hmel a pu bawk,

“Ka thianpa ka bia a, an lo ngaihven mai ang, lungngailo phawt rawh..” ka ti leh hmuk a,

“Ka lawm tak tak, mahse, tihbuai loh che ka duh tehlul nen, tih ngaihna dang a awm silo..” a ti chuai raih a, a rilru ka hrethiam.

 Nupui nei tawh ka ni a, min hnaih a duhlo tih ka hailo, mahse, keimah zawk hian ka hlat theilo chu ani ber,Rosy-i nen kan inkawp khan keimah ah a hran in phurna min siam hauh lo, kum khat kan in zui hnu ah khan Hmeichhe dang angin min duh huam huam lo a, min hnial fo bawk, khavang khan ka thutak ve tan ta chauh a, ka duh tih ka pha lo, mahse, ka Hmangaih em ka hrelo, Hmangaihna awmzia ka hre lo pawh ani ang, mahse, kawng engkimah ka nupui anih angin ka Care a, ka tihsak theih zawng zawng ka tihsak a, ani pawn min tihlawm a tum bawk,ani aia Nupui tha hi an awm anih pawh in an tam lo ang, heihi Freckel-i ka tawn hma ka rilru ani...mahse....tunah chuan ka chiang ta lo...he hmeichhe tlawm leh nungchang zawi raih mai, hmai thuangvuak ngah deuh hian ka rilru zawng zawng min thlaksak ani ber, min thlak danglam tur hian rei alo ngai tawp lo e..

“I la thutak lutuk anih kha, Dorothy thiannu i nia, Amy nen pawh in inkawm tho bawk a, U ang in min en thei alawm...” ka ti a, a biangsum khuar kalh khawp in a nui a,

“Thingpui i in duh em?” a ti a, a thu ngil auh mai, min hlau emaw tih mai tur hian a awm aniber,

“Aih, ka lawm, Thingpui ka in vak lo a,mahse, tui chu ka in duh tho mai..” ka ti a, a tho nghal that a,

Fridge Hlui tawh lam chu a pan a, tui ala chhuak a, No nen min rawn pe a, a ke zungtang fai sar mai chuan ka mit ala a, a ke tin ah engmah a hnawih lo a, chutiang bawk in a kut tin ah pawh engmah a hnawih chuanglo, Make-up a ngaina lo tih a hriat a, mahse, make-up tello pawn a duhawmna a bo tlat lo,a ngo hluak lo a, a vun a nung sar thung..Rosy nen ka khaikhin ru zauh a, thlang dawn ta ila thlan tur zawk ka hre hauh lo..

“Mahni a khawsak hi a hrehawm em?” ka ti leh thut a, a rawn hawi phawk hra mai,

“Hrehawm lo..” tiin min chhang ta tho, a kut tin a seh nauh nauh a,

“Ka kal phawt ang, min mamawhna i nei anih chuan min lo be dawnnia..” ka ti a, ka tho a, a ding ve nghal a,

“Tehreng mai, min buaipui na ah ka lawm lutuk ania” a ti a, Step thleng min rawn thlah a, In neitupa alo chhuak lo hlauh bawk.

A chhan hriat siloh in ka hlim ru veng veng mai,  min be tur a ka tih khan “Aw “ tiin min chhang mahse min biak a tum loh zia a lang reng, min biak tum ni se ka number ala ngei ang.Hmeichhe fing leh inveng thei tak anih ka ring thei mai bawk.

Rosy-i pawh alo haw leh tawh a, a zin lai khan kan inbe awl lo a, mahse, keimah ah danglam a awm tlat avangin a hma ang khan ka ngai ta hauh lo, a muhil hmel chu ka thlir a, ka inthiamlo takzet, ka taksa uire lo mahse, ka rilru a uire a, ka Nupui ka phatsan niin ka inhre tlat bawk, zingtin Gym ah ka kal a, Freckel-i nen kan inhmu ziah bawk, ka biak hmasak loh pawh in min be hmasa fo a, thian tak tak ang in min ngai a, U angin min en bawk niin ka hria,alak a ka rilru putdan ka thlak danglam theilo erawh a ruk in ka inhrem ani ber, amah in a Workout theilo fo a, tihpui angaih chang a awm thin a, ka tihpui tum a awm a, Traineer ten an tihpui tum a awm bawk, a Scooty bo erawh kan la hmu ta lo fo, ka khawngaih thin a, aneih hlu ber pawh alo ni thei, ka tan chuan Scooty pakhat leina te chu karkhat a ka pawisa hman aiin a tlem zawk a, Mihring nun hi a fair lo ka ti thin, inchhungah nidang anglo tak in Amy leh Rosy-i an inkhak ta fo bawk, lehlamah ka Nupui a ni a, lehlamah ka Farnu ani bawk, tan bik ka nei thianglo a, ngawih mai ka thlang zawk.

“I chhuak dawn lo ami?” Rosy chuan min kuah pah in a rawn ti a,khua a vawt tan tawh ,mut ka chak bawk, Nimin khan Freckel-i khan vawiin ah Gym a kal dawn lo tih a sawi bawk nen ka phur fahran lo hrim hrim,

“Kal lo mai teh ang, ka chau tlat..” ka ti a, a che sat sat a,ka chungah a rawn lawn a, chiang zet hian min en a,

“Ka thil hriat hi a dik em?” a ti sap a, ka lungphu a rang nghal dawt dawt mai,

“Eng chu maw?” ka ti a, a sam hnawk deuh chu ka khawihsak a, Freckel-i sam anglo tak in a dum a,

“Gym ah kawm ngeih deuh mai i nei a, chuan , in kal rual a, in haw rual ziah bawk a” ati nghat a, a thinrim hmel loh a, mahse, a mitmeng ling hlar mai ah chuan a lungawilo tih ka hria,

“Ha...an sawi uar deuh anilo maw?, Sawmsangi hrilh che anih ka ring “ ka ti a, a khabe ah ka piai zauh a,

“Sawi uar lo, Sawmsangi lo pawn min hrilh, a hmeltha lo a, mahse, a nalh viau a, a ngainatawm em em bawk an la ti lehzel a..” a ti leh a,

“An sawi dik anih chu, mahse, ka thian nilo in Dorothy thiannu ania, chuan, Amy khan Model ah a hmang bawk a,a Scooty a tih bo avangin ka rual in a haw thin a, kal erawh kan kal rual lo..” ka tita nge nge..a tum hmak a,

“Mahse, Nupui nei lai i ni tih a hriat chuan kawm loh mai tur che alawm” a ti leh talh a,ka  sa deuh phat mai, mahse ka in Control vat a,Freckel- i tan zawng a ka tawng anih chuan a pawi thu thei tih ka hria,

“Ok...min kawm hran lo, ka rual in a haw mai zawk alawm, i duh lo anih chuan ka rual in a haw tawh lo ang” ka ti hmuk a, a hmui a pet nauh nauh a,

“Ka hlauthawng  alawm, tu hmeichhia mah in an hnar thei dawn silo che a..” a ti leh hap a, ka kuah a, a chalah ka fawp zauh a,

“Chutiang ngaihtuah suh, Nupui nei tawh ka ni a, ka Nupui i nih chhung chuan tumah ka mamawh lo “ ka ti a, a nui hak a,

“Ka hmangaih che “ a ti sep a, ka darah a lu  a nghat a, ka rilru erawh hmundangah daih a awm thung.

Nilengin kan Dawr thar tur lam ah ka buai a, kan sumdawnna neihsa ang nilo in  Delhi ka awmlaia ka thianpa nen sumdawnna thar kan tan a,Kan neih sa ah pawh kan buai tawk tawh viau laiin neih belh leh pawi tihna ka nei hran lo,thla thar ah hawn hma kan duh avangin kan thawk nasa a, amah lo kal lo in a Manager a rawn tir a, kan naute hnathawk an awm teuh bawk.Thim dawnah In ah ka let leh ta chauh,Rosy-i alo la haw lo a, hnathawk tur a ka chhuah hnu ah kan inbe leh ta miahlo,

“Nu khawnge Rosy-i?”  ka ti nghal a,

“Alo la haw lo, i hre zawk ang chu ka tia” a ti mai a, nuam ka ti chiah lo,

Room ah ka chho a, ka call a,

“Hello...” a rawn ti a, mahse amah nilo in Mipa aw in min rawn chhang a,

“Tunge i nih?” ka ti bul hmak thung,

“Keimah...Rinfela mawle..” a nui ta hawk hawk a,

“Khawnge Rosy-i?” ka ti a,

“Ka bulah hian , ka Call tlang thei thlawt lo che, ka lo chho a, In in ah lo kal ka tum a, mahse, Ka Motor a chainglo pek  a, In nu hi ka be thei ta hlauh a, kan lo kal mek..” a rawn ti lawng lawng a,

“Ok...ka haw chiah a, ka buai deuh a..lo kal ru..” ka ti a, ka Off a, Inbual turin ka lut a, ka mitthla ah Freckel-i alo lang a, vawiin ah nileng in a buai ve anga, zingah pawh min hmu biklo a, min ngaihtuah ve tho in ka ring bawk,mahse, kan rilru erawh a in ang hauh lo ang, Rosy-i tawng danah khan mi dangin ka hnung lamah min sawi sep sep tih ka hria, ama tan pawh a tha dawnlo, ka hlatsan anih loh chuan thil tha lo zawk a thlen mai ka hlau bawk.

Rinfela’n chaw a ei nghal a, a dan pangngai in a tawng deuh reng a, a bulah hi chuan kan nui reng ani ber, ka nui hawk hawk khat viau, mahse, a bulah hi chuan ka nui ve hawk hawk thin a, kan chhungkua ah tu pawn kan ngaina vek mai.

Khumah Mu chungin Phone ah Games ka khel a, Rosy-i erawh a in ti fai a, a rawn chhuak a, a ri rak rak reng a, ka ngaihven lem lo,Khumah a rawn lawn a, min rawn kuah a,

“Zing a ka thil sawi kha ka tih palh aw” a ti a,

“Eng ber kha?” ka ti a, a hnar a tum dat a,

“I thian thar chungchang kha...” a ti a, ka beng a verh ta,

“Thuphachawi a ngailo, theinghilh zawk rawh,ka rual in a haw tawh lo ang ka tih kha..” ka ti nghut a,

“Um.,,chuvang pawh anilo, vawiin ah Amos-a nen ka hmu a, Amos-a Bialnu ani tih ngatinge  min hrilh loh  a...” a ti leh sep a, mahse, ka nghing lawih in ka hre thung...

Chapter- 6

Ka chungril na ngut ngut chu engvang nge ka hrelo, Freckel-i leh Amos-a inkawp vang a lo na ngawt tur ka ni lo tih hrechiang ber tu  ka ni tho,

“Chanmari a Super Market thar ah khan an lo kal dun a, a hma in a photo chauh ka hmu a, mahse, ka hmuh khan ani tih ka hrethei mai” a ti leh a, ka hrawk ro hulh chu tihreh tum in ka aw ka thian a,

“Anih chu mawle, an in zui ve deuh in ka hria a, chiang tak in an inkawp tih phei chu ka lo la hrelo” ka ti thei hram,

“An inhmeh khawp mai” ati leh a, za lo zet in ka nui thei hram, Amos-a nen an inzui anih ngat chuan him tak in a chhuak tawp lo ang.

A tuk zingah ka Gym ka thlen chuan Freckel-i pawh alo awm vang tawh, min hmuh veleh a ban a rawn vai zauh a, a kawr hak chu a khel ah a suih bawk a,a sam a chhip ah a tawnkhawm a, a then a tla a, a thlan in a ti bet thlar hlawm bawk, a nalh zia a in hrelo anih chuan amah leh amah a in en ngailo ani tal ang.Ka nuih let hram, ka thin a rim ru et et a, ngaihsak loh hram hram ka duh bawk,

“I haw dawn tawh em?” Abs ka khawih  laiin ka Lu  bulah a rawn thu a, ka melh chho a, a hah vang in a biang a tai hlar mai,

“Aih, ka la haw hman lo ‘ tih chauh in ka chhang, a ner sak a,

“Pawilo, ka lo nghak mai ang che, ke a ka kal ai chuan ka thleng hma tho ang” a ti leh a,

“Min nghak duh suh, ka haw tlang dawn lo” ka ti nghut a, ka thil tih lai ka tih zawm lehnghal a,

“Naa...van pawi...mahse, pawilo” a ti a, a tho a, a kalsawn thawm chu en zui lo mah ila ka hre kar tho.

A haw hnu ah rei ka awm peih chuanglo, mahse, Sawmsangi a awm ve avangin a sawi tur a awm ka tum chuanglo, ka thinrimna tihreh vek tum in ka bei a, ka thlan a far zawih zawih bawk, Freckel-i khan amah vangin ka thinrim tih a hre hauh lo ang, ani ang Hmeichhe thianghlim lutuk khan engtin nge a hriat tehlul ang???

Darkar khat aia tam fe hun ka hmang a, nidangah  chuan Darkar khat aia rei ka awm ngailo, Motor ka thlen hma in Dorothy-in min rawn call a,

“Mam...ilo pengkawi hman lawk angem?” a rawn ti lar lar a, tunah chuan a damtha tawh a, kei pawh an In ah ka kal khat ta deuh,ka hna ah ka buai em em a, len kualna hun ka nei ngang lo,

“UM, eng nge nita?” ka ti a,

“Biak duhna che ka nei, mahse, lo peng kawi teh, ila hawlo tih ka hria ania” a rawn ti a,Problem ka nei anih loh chuan  tuktin ka kal thin tih ka chhungte leh thiante hi chuan an hre vek a, thilmak anilo,

“Ok..ka lo kal ang..” ka ti a, lawmzet in a khek raih a,eng vang a hlim viau nge anih ka hriat chak phah hial mai.

Putea te In lam pan in ka tlan a, Ka Mitthla ah Freckel-i bawk alang a, Amos-a nen eng chen chiah nge an thlen tawh ang?, Amos-a te ang Nula lak a tla tlum em em reng chuan kawng chanve lek kal a tawpsan a duh dawn hauh silo..Nilo, hetiang ngaihtuah tur ka ni miah lo...ka nupui hi hetiang hian awm ve se ka ngaidam in ka ringlo, chuvangin kei pawn hetiang zawng a Hmeichhe dang lak a rilru diklo put hi ka ching tur anilo.

Inchhung ka luh rual in Dorothy in min lo be vat a, Midang an awm lo nge a reh thiap bawk,

“I van lo thleng hma...” a ti a, a chawhmeh chan lai a chan mawlh mawlh bawk,Putea te hian awmpui an nei ngailo, engkim Pitei leh a Fa ten an ti vek mai, hmeichhe rual an ni a, buaina an neilo, an harsa hran lo a, hausa tak a sawi tur anni heklo.

“Khawnge midang ?” ka ti a, an la thawh loh thu a sawi a,

“Enge min hmuh duh chhan a?” ka ti leh a, a nui var var a,

“In huanah ka pass min lawmsak la...” ka nui hawk mai, a sawi ho ka ti lutuk, a duh chuan phone ah pawh khan a sawi thei reng,

“Engtik ah maw?” ka nuihzatna ka tilang lo,

“Tun kar Friday ah kan kal anga, kan riak anga, Saturay ah kan lo haw anga,a tha em?” a ti a, ka duat zia a inhria, ka farnu tak te nen ka en hranna a tlem viau .

“TU te nen nge in kal ang?” ka ti a,

“Ka thiante ka hruai ang chu ka ti a, an kal chak lutuk a, eitur vel chu kan mamawh tur keimahni in kan keng anga” a ti leh a, ka ngaihtuah a,Miss Freckel-i a kal ve ngei ang tih ka chiang, mahse, ka zawt ta em lo,

“OK...mahse i Nu te sawipui hmasak a tha ang, huan enkawltu te awm mahse riak chhuak tur in nia, i ngaihtuahawm thei a..” ka ti a, a hnar a ti arh a, a nui a,

“Mahse, kan ngaihtuahawm loh ang...ka ti tak tak...Amos-a leh a thianpa an kal ve dawn alawm” a ti a, Amos-a nu te leh ka nu te hi Cousin an ni a, kan chhungte zing ah chuan ka kawmngeih deuh ber ani bawk, a rilru a chhe hranlo,mahse, a puitling lo viau thung.

“Ni dawn tak, Mipa in hruai ang tih te chu lo ngaihtuah tur ania” ka chhaih a, mahse, ka rilru ah erawh Amos-a leh Freckel-i khawsak dan tur bak alang lo..

“Naa.....Amos-a te chu a ho e...” a ti hlak a, hlim se ka duh, min dil rual khan ka phal nghal tih ani pawn a hria,

“E...Amos-a leh i thiannu kha an in zui  ve ani lawmni?” ngaihsam hmel deuh hian ka zawt a, a thle bak a,

“Ka hrelo, Muanpuii hian a duh ve em ka chianglo, Amos-a te chuan a atchilh ani ber alawm” a ti a, a hnar a tum dat a,

“Amos-an atchilh loh a nei emawni le a?”  ka ti leh hluk a,

“Nei ve bawk e, mahse, Muanpuii a buaipui dan hi chu a over alawm, hetiang in tumah ala buaipui pawh ka hrelo e a” a ti leh zel a, zawt tawh lo zawk ila a fuh ang, ka thinrimna tur ka hre tam ting animai..

“Ok...engpawh nise I pa ka lo bia ang, rem a tih chuan in kal thei alawm” ka ti a, lawm zet hian min rawn kuah a, ka chhungril a thinrimna hi hmu se chuan min kuah ngam kher lo ang.

In ka thlen in Rosy-i alo tho ve tawh mial a, thil mak a thleng emaw tih mai tur ani,

“I va tho hma ve, i nuam mang na nge?” ka ti a, ka thawmhnaw ka phelh a, chhuatah ka kalsan a,

“Nuam e, i kal khan ka harh a, ka mu peih tawh lo a..” ati a, Inbual turin ka luhsan a, Shower hnuaiah ka ding a, Amos-a leh Freckel-i awmdun tur ringawt ka ngaihtuah a, a taksa nalh lutuk kha ka ta ani thei dawnlo tih ka hria, mahse, tuma ta ni turin ka phal chuang hauh lo, engvangin nge Nupui ka neih hma in ka lo hriat loh?, Nupui ka neih atangin Kum khat aia tam ala liam silo, Dorothy-i nen an inkawmna a rei tawh a, ka lo hmuh kan mai mai thin zawk pawh animahna, ka ngaihtuahna tehhrep avang in ka ner nawk mai, Mipa, Nupui nei chunga Hmeichhe dang kawp chingte ka hmuhsit ruk thin zia ka ngaituah a, tunah kei pawh ka danglamna a awm ta lo, ka taksa uire lo mahse, ka Rilru a uire tho.

Ka inbual zawh chuan Rosy-i alo awm tawh lo, ka thawmhnaw ho suk tur ah alo dah vek a, ka hak tur khumah alo dah  chhuak bawk, ka inthiamlo ve det, hetiang khawp a nupui fel ka nei chung a ka rilru a uire tlat hi nuam ka ti biklo,mahse, Freckel-i nui hmel ka hmuh rual in ka intih paukhauhna zawg zawng te vawmbo ang duak anni leh zel tho.

Inhnuaiah ka chhuk thla a, Living Room atanga Hmeichhe awki sang lutuk ri ka hriat chuan ka pen thla pawk pawk a, Amy leh Rosy-i an intibuai leh anih ka ring nghal ringawt, ka lut nghal a, mahse, Amy nilo Seni zawk, Ka hriattheih chinah hetiang khawp a thinrim in ka la hmu ngailo, a nem em em a, kei leh Amy hi chuan Buaina engpawh hmachhawn kan inhuam mai zel a, Seni erawh hi chu tumah a tihbuai ka hre ngailo.

“I ngaitheilo anih chuan chhuak mai rawh..” Seni chuan a ti leh that a, a mittui a tlak awlsam thin tehlul nen tunah chuan a thinrim lutuk avangin a tap theilo zawk niber in ka hria,

“Mate...eng nge ni ta?” ka ti a, Ka nu a rawn lut ve chiah bawk,

“Oh..Mam..” a mittui a tla a, a hma khan a tap lo, min hmuh veleh a tah a chhuak ani ngei ang, kan Naute ani a, kan unau ah a naupang fal bawk nen ka lak ah phei chuan pangchang tak ani..A sir ah Rosy-i a ding bawk,

“Ui kan nghah thu ka sawi ringawt a, mahse, a ngaisual deuh aniang..” Rosy-i chuan a ti sep a, mahse, ka hrechiang, chutiang thusawi mai mai in Seni hi hetiang khawp in a thin ur dawn lo, a ui te ho sawisel sak a haw ngei a, mahse, hetiang khawp in a khawsa ngailo,

“Dawt...chutiang in i ti ringawt lo..” Amy zawk a rawn te chhuak ta thung..

“Amy....i Room ah kal rawh, Nu...nangpawh Matei kha Room ah hruai rawh..” Rosy-i ka kai a, Room ah ka chhoh pui a, Room kan thlen veleh a tap ve ta thung,

“Ngatinge tunlai hi an vaiin min huat em em a..?” Sofa ah ka malchungah a thu a, ka darah a hmai a phum kak bawk, a samah ka chul sak a,

“An haw reng reng lo che, in inbat fuhlo laklawh mai mai anih kha...ka zuk bia ang..” ka ti a, a rawn hawi chhuak a, a mittui vangin a mit a hnawng chap mai,

“In dang mai ang...” ka awihlo zawk, Fapa mal leh Ro changtu, engkim a ka nu leh ka farnu te in nghahna ka ni a, engtin nge ka Nau nen an in hauh vang ngawt a indan a sawi ngam ka hrelo,

“A tawk, khatiang kha ka hriat nawn loh ka beisei ania” ka ti a, ka malchung atangin ka nemsawn a, ka tho nghal daih bawk, ka chhuak tur ka kawngah a rawn kuah a,

“Sorry....ka rilru tak tak pawh anilo ania, inhauh hi hrehawm ka ti em a ka sawi palh anih kha...”a ti a, a tah aw tiau bawk, min kuahna ka phelhsak a,

“Ka hrethiam che, mahse, khatiang mai mai ah indan sawi leh tawh suh..” ka ti hmuk a, min chhan leh hma in ka chhuahsan a,Seni Room ka pan a, ka rin ang chiah in Amy alo awm tel ve a, ka lut chu melh pawh min melh duh lo, Seni erawh  khumah alo mu a, ka lut thawm a hriat veleh bang lam hawiin a inlet nghal daih bawk,Khumah ka thu ve nghal a, a darah ka vuan a,

“Thil awmzia sawi rawh le...” ka theihtawp a zaidam in ka ti a, mahse, a mut dan ngaiin a mu ngar thung,ka lawn ve a, a hawina lamah ka mu a, Ka nu leh Amy an ngawireng thung,

“Kal bo rawh..” a ti hlar a, a tap leh tih a awmdanah ka hria, ka kuah a, a tal laih laih na in a tal reilo, chhuak deuh hian a tap ta zawk a, Amy lo insut ri ah alo tah pui tih ka hria,

“Engatinge hetiang misual deuh hi i neih kher?” a ti a, a tahna avangin a aw a khur dar dar bawk,

“I sawifiah loh chuan engmah ka hrethiam lo alawm, tap lo in sawi la...aw..” ka ti a, a rawn hawi chhuak a,

“Ka Ui te a sawisel ziah a, tunah lo pawh a sawisel ziah a, hmanni ah pawh ka thiante awm laiin fiamthu thawh nan min hmang a, a fa te annia, Pasal neilo in a enkawl ang te min ti a, ka nui mai mai a, tuk in ah khan Sofa ah Maddy alo mu a, chhuk tir mai lo in a nemthla a, Maddy te chu ala te a, a mah in lawn pawh a lawn theilo a, a tla chawrh a, a tap a....” ka nuih a za  a, ka thinrim bawk, a Ui te hi an te vak vak chuan an tap tiin a sawi mai thin reng a,

“Chuan...tha deuh in dahthla mai ta che ka ti a, an tam lutuk a, kan In a rimchhia,nangpawh  ui rim hlir i nam a ti leh kher a...” a ti leh a, ka rindan vel chiah, Seni ti thinrim tur chuan tawngkam na deuh tak kan hman a ngai tih ka hria,

“Ook....a diklo anih chu, mahse, tunah chuan amah pawn nuamlo ati a, ngaidam tawh la...” tlawn pah deuh in ka ti a, a tahna vang a mit sen ram in min en a,

“Aih, ka ngaidam ngun tawh, kan Family thil tihkhawmna ah pawh Ka nu Fiamthu thawhnan a hmang a, Nuthlawi te a ti vel a, tunah chuan ka ti let ve zel tawh ang..” a ti leh hlak a, a ti duh tak tak dawn tih ka hrechiang ngang mai,

“Awle ,mahse, Ka Nupui ani a, i zah ve pawh angai alawm, i lungawilo anih chuan  tha deuh in in sawi dun thei bawk a..” ka ti leh a, Ka Farnu te bulah ka Nupui sawichhiat ka duh lo a, ka nupui bulah ka Farnu te dik lohna sawi ka duh hek lo.

“Ka hrelo, ka lo ngaihtuah ang..mahse, engtinpawh min ti leh anih chuan a pawi viau ang,ani Officer ve ngawt hi ka ngaisang lo, a thawhchhuah kan mamawh lo bawk a” a ti hlak hlak a, a sawi dik, kan inneih tirh atangin a hlawh vawikhatmah inchhungah ala pe lut lo, inchhungthil tul ni a a hriat erawh a ma pawisa in a lei fo a, Pathian zarah a hlawh kan mamawh hran lo a, amah alo in ngaihtuah theih chuan ka duhtawk viau.

Kan chungkaw boruak uap churh mai in min ti thawpik a, kan inneih tirh atangin ka chhungte tuman an ngeih lo hranlo, an inkawmngeih viau ,mahse, tun hnai ah neuh neuh a awm ta fo mai a, Amy nen chauh an buai lai kha chuan a ziawm, tunah phei chuan Seni pawh a lamah a tang ta lo, Ka nu erawh in Ka Farnu te hnenah ngawih zir turin a ti fo a, inhauh buai em chu an la nei leh ta lo,a hma angin kan chhungkaw boruak a nuam lo a, In a awm chakna ka nei lo.

Monday a Gym ka kal bak ka kal leh ta lo, kan chhungkaw boruak vel avangin Freckel-i pawh ka theihnghilh a, mahse, Thursday zing a Gym ka thlen chuan ka thinrimna tur ka hmu nghal phat mai, Amos-a leh Freckel-i lo nui dawn bawk bawk ka hmuh chuan engtik ah mah he nu hi ka theihnghilh ngai dawnlo tih ka hrechiang ta, ka hmuh apiangin ka awmdan pangngai in ka awmtheilo a, tunah pawh thinrimna sawithiam theih siloh in min hnawh up up mai,

“Hey...Maski...” Amos-a ka hnek chak zia chu,mahse, ka pan hnai ta tho, Freckel-i pawn nui var var chungin min lo en a, mahse, ka melh duh lo lui ngat thung,

“I lo kal ve amaw?” ka ti sup a, a nui a,

“Thenkhat te hian fit lo min ti a,kal loh ngam pawh ani nang..” Freckel-i lo nui hak hak ri chuan min ti thinur zual sauh bawk,

“Ha...anih ka ring, a then an fit viau si chuan...” na zet in Freckel-i ka melh a, mahse, a hma angin a nui ta hauh lo, ka mit ka siai zauh a,

“Nia...mahse, min kaihthawh ziah a ngai dawn thung a..” Amos-a bawk in a ti leh a,

“A tha, keipawh kan nu in min kaitho ziah alawm, tak tak in naktuk atangin Rosy-i pawh alo kal ve ang” ka ti leh a, engvanga tih nat chak riau nge ka nih ka hrelo, ka Nupui nen kan kal dun avanga na tur a ka beisei ngawt chuan ka nuih a ti za letling bawk.

“Wow..Couple in kan in el dawn anih hmel hle mai..” ati leh ham ham a, ka nuih  lui suk a, Freckel-i ka en a,

“Dik chiah, mahse, tun thla chhung a i weight Cut zat tur i cut theih loh chuan i kal chhan hi ka Date a ngai ang” ka nui a, Amos-a pawh a nui tho, mahse, Freckel-i erawh a nui lo.Ka kalsawn tur chu Amos-an min rawn ko leh a,

“Lawk...Muanpuii Scooty kha news a awm em?” a ti leh rih a,ka lu ka thing a,

“Awm rihlo, tunlai chu ka buai deuh a, i theih chuan ilo buaipui mai dawn mi niang?” ka ti a, alak ah inthiarfihlim ka duh ber.

“Ok...pawi miahlo..ka lo ngaihven dawnnia..” a ti tha ve mai bawk a, Dorothy khan a sawi dik hmel viau, a atchilh satliah mai pawh nilo in a fin chilh tel bawk anih hmel e.

An haw dawn thlengin vawikhatmah kan inbe ta lo, mahse, ka ngaihven lo thei chuanglo, ka melh leh zauh thin a, ka awmve tih pawh hrelo ang maia Freckel-i nui hmel chuan min ti thinrim hluah hluah, va kal hnaih a, va thin nawk nawk ka chak takzet bawk.

“Amos-a pawh alo kal ve a..” Rosy hnen ah ka ti nghut a, min rawn en vat a,

“Chu nu chuan a control nghal animaw?,Sawmsangi a kal ve bawk sia, Amos-a chu a ti ho angreng” a ti a, a thiannu hi a tan viau ziah, Amos-a nen an inkawp ve tawh a, mahse, rei an inzui lo, alo nat viau ka ring chiah lo bawk.

“A ho em mai, an inthenna a rei tawh a” ka ti liam puat, a ner nang a,

“Chutiang ngawt anilo, kan duhtak te hi kan  theihnghilh ngawt lo” a ti leh hmak a, a awmdan chuan min ti buai letling, engvangin nge alo thinrim ve ngawt ni??

“Huh...a ho em mai, midang nun alawm” ka ti a,mi nun a lo inrawlh hi kan ti ngailo a, a chang chuan han sawi ve mah ila an mahni bul a sawisel kan ching ngailo,chutiang bawk in tuman min sawisel ka duhlo bur.

“Ka thiannu ani miau a..” a ti leh hram, Ka Pitei thusawi ka hrechhuak vang vang mai,

“Mama, choak chuan eng ang pawn rawng var inhnawih mahse a chhungril choak anitho..” tiin kan inneih dawn khan min hrilh a, Rosy te chhungkua hi thlahtu atanga Hausa sa an ni lo a, a Pa hi Contractor ani a, chuta tang a lian ta chu an ni a,fel em em mahse  a  Chapo chang a nei fo,ka naupanlai atangin retheih awmzia engmah ka hrelo, mahse, Ka nu min zirtirna erawh ka hrereng a, tumah hmusit tak in ka tawngkhum ngailo..Ka nupui nimahse kan chhungkaw zia ang a pu pha lo fo..

High School ka kal atangin Mizoram ka chhuahsan a, ka haw zeuh zeuh chauh, Ka pa Boral hnu ah ka kut ah engkim a awm tak avangin Mizoram ah ka haw a, ka zirlai ka zo fel chiah bawk,Mizoram ka awm tirh chuan ka awmthiam chiahlo, Boring ka ti em em thin a, mahse, thian ka neih belh a, Delhi ka awm lai a ka thiante an rawn haw khawm ta bawk nen, Nuam ka ti ta viau, Nilengin hna ka thawk a, zan lam erawh Party animai..Hmeichhia in min duh thei viau erawh mak ka ti, ka Hmeltha hauh lo a, mahse, ka lian a, ka Pian a nalh bawk, duhtawk a sum hman tur ka nei bawk nen ka nun ah buaina a awmlo, Hmeichhia tumah ka kawp rei ngailo a, ka thlak zung zung a, mahse, Rosy nen hian Birth Day party ah kan intawng a, khata tang khan hmeichhe dang ka kawp leh ta lo..

Nilengin hna ah ka buai a, thil hahthlak nilo mahse Dawr tlawh lo in ka awm ngailo, kan hnathawk tu te nen inpawh na tha siam ka duh a, Boss ang a min en lo in thian ang in min en se ka duhzawk,a tha leh tha lo pawh sawi ngam mai tur in ka duh a, kan hnen ah an awm rei tawh, a then te chu  ka pa damlai ami te anni a, ka tih dikloh a awm anih chuan min hrilh fak fak ngam tawh, kan tang tlang vek a, an hah zia ka hria a, an hlawh pawh ka pe hnem viau, tunlai ah hnathawktu tha hmuh a har zia ka hria a,  ka tan a rinawm tak a awm tir tur khawp a nuamsa a siam ka duh a, ka tum ber ani bawk.An thawh hahna kan hmuh kan hian an lungawilo fo thin a, kan tan a rinawm harsa an tih pah thei bawk.

Zanah ka chhuak lo, Nupui ka neih hnu ah tul bik thil anih loh chuan ka chhuak ngai mang lo,Dorothy-in min rawn bia a, ka lo hre leh tawh peklo, Putea nen kan inbe leh bawk a, Friday tlai a chhuah an tum anih hmel, Amos-a leh Freckel-i bawk ka rilru ah an lang lehnghal a, an bulah khan Rosy-i Gym kal ve tur thu ka sawi a, mahse, amah ber engmah ka hrilh lo,min hnial erawh ka ring lo..

“Naktuk zing chu ilo ka ve ang chu..” ka ti a, Laptop ah Movie a en a, a rawn hawi a,

“Khawiah maw?” ati a, Laptop bawk a melh leh a,

“Gym ah mawle, Amos-an min cho riau a, i kal ve angai..” ka ti sup a, a mengphawk deuh hra a,

“Na..a vawt tawhsia, ka van peih lo...mhse..ka kal ang..” ati a, chona hi a ngaipawimawh thin tih ka hria, chuvang tak in Amos-an min cho thu sawilang pawh ka ni reng a,

“Ok...chuti anih chuan mut tam i mamawh ania..” ka ti leh a, a nui hak a, a nui ri chuan Freckel-i min hriatchhuahtir leh ta nge nge..a hma kha chuan a Freckel-i nui ri ah amah ka hrechhuak zawk kha ania..

Mut pah in Phone ah Game ka khel a, ka hunawl ah chuan ka tih dan fo ani hrim hrim bawk a,Whatsapp  msg a rawn thleng a, ka en thuai a, Amos-a alo ni a, ka Open a, Zing ah Gym a inhmu turin min rawn hrilh nawn a, a phur kher mai ka ti rilru a, a Dp chuan ka mit ala a, ka view a, ka view kher chuan lawmna min siam lo chiang kher bawk..

Freckel-i nen  an photo a hmang a, huat tur awmlo mahse Dp ah a hmang anih chuan Freckel-i pawn a duh ve tho tihna animai..

Chapter – 7

Ka rilru put dan hi siam that theih nise ka ti takzet, hetiang a awm tur ka ni lo hul hual, Ka ti lang lo a, tuman an hriat ka ring heklo, mahse, keimah ah inthiamlohna lianpui a awm miau avangin ka nun a ti hrehawm a, min ti hrehawm tu hian engmah a hriat miau loh avangin ka tuar tlawk tlawk ani ber zawk, ka rilru chhungril a nuam lo tihna awm hi tuma min siamsak anilo, keima insiam chawp liau liau ani tih ka hai heklo.

Zingah Rosy ka kaitho a, a peihlo viau a, mahse, min hnial lo, kan chhuah pawn ala ham bai bai mai,Gym kan thlen in Amos-a Car alo awm vang tawh a, Freckel-i a sawm kual ziah thin anih hmel a, an 2 in an awm ngei ka ring bawk,

“Hey…Rosy..” kan hnung lam atangin Hmeichhe aw hian a rawn ti a, ka hawilet a, ka rin ang chiah in Sawmsangi alo ni a, ka hmu peih lo teh nang in ka tilanglo,

“I lo kal ve dawn amaw?” a ti leh chul a, ka nghak a, min rawn nuih a,ka nuih let ve hram, Sawmsangi leh Rosy-i inkawp an tum anih chuan a fuh vak lo tawp ang, Rosy-i sawi hmang khan Amos-a ala duh hmel tlat a, tunah Muanpuii nen an inzui mek si a, Sawmsangi mizia ka hrechiang viau, a hma khan a regular ngailo,tun hnai erawh a regular mah mah tawh..

“Lut ila…”ka ti nghut a, an pahnih in min rawn zui a, an la tawng dun mawlh mawlh tho, engtin nge mize in ang lo lutuk hi an inkawmngeih tlat ka la hrethiam theilo, Sawmsangi mize pawlawh tak leh Rosy-i mize tak ran mai hi an inmillo tih piahlam ani, mahse, an inkawmngeih tlat tho.

Inchhung kan luh rual in ka hawikual nghal a, ka mizawnte ka hmu nghal vat bawk, nidang ang bawk in Amos-a leh Freckel-i an lo awm dun a, an awmdanah midang mamawh hmel an pu lo, Dressing Room ah ka bag ka dah a, ka tui Bottle leh Rosy Bottle ka keng chhuak a, ka chhuah leh lai chuan Instructor in Rosy-i alo be mek a, ka nupui ani tih a hria pawh animahna.

“Maski…khawnge In nu ?” Amos-a min kohna ri hria in ka hawi phei nghal a, chhuat ah Bang ngheng in Freckel-i a thu sawp niai a, Amos-a erawh a bul ah a ding thung,Rosy awmna lam ah ka lu ka bu nghut a, a melh nghal thuai a, a nui vur vur bawk,

“A tha…Bei nasa rawh u..keini chu tunah pawh kan hah leh tawh viau ania..” a nui huk huk a, a hlimzia chu a hmelah a lang chhuak a, a thup theilo niber in ka hria.

“Ok…a tha..lo bei zel ru…kan in bet na kha theinghilh lo la…” ka then sawk a, Freckel-i erawh ka melh duh lo ngar ngar thung.ka rilru diklo ka control angai a, anih loh tal pawn thian ang in ka en a ngai ang, thian ang a en chu a tha ngawt zawk ang chu…thian te chu eng ang pawn thinrim mah ila thian kan la ni reng a, thildang a awm erawh chuan thian kan ni leh thei tawh ngailo ang.A lak a ka rilru put dan tenawm lutuk hi a hria anih ngat chuan min tlansan vang vang duh hial ang.

Ka rin ai tak in Rosy-i pawn nuam a ti ta phian, ka tanpui zel a, a hran in Traineer in a buaipui lo, keiman engkim ka tihpui thei vek bawk, mahse, Sawmsangi lo awm tel ve zel chu ka lawm vaklo, tih lan erawh ka tumlo, mipa rilru te lutuk nih ka duh lo bur, ka tan harsatna a thlen loh phawt chuan biak that loh kher a tulna ka hre heklo.

Kan haw hma in Amos-a te an haw a, Rosy nen an infiam a, Muanpuii nen pawh tha tak in an in chibai mai, diklo ziah chu keimah chauh hi…In kan thlen veleh ka inbual a, Inbual dun a duh tih ka hria, mahse, a Mood ah ka awm hlawllo, kan Inneih tirh atangin kan mu dun anih pawt chuan Sex hman loh kan nei khat viau, mahse tun hnai ah erawh kan hmang mumal lo, hna ah ka buai a, thildang in ka rilru a tibuai bawk, a hma ang khan phurna ka nei heklo.

“Tunlai hi I danglam riau ania..” ka rin ang ngeiin min zawt ta chat reng a,

“Engti zawngin maw?” ka thawmhnaw ka ha mawlh mawlh a,

“Ka hre chiahlo, nangmah ah hian diklo a awm in ka hria..” a ti leh a, a thawmhnaw hak tur a en kual dan dan a,

“Hna ah ka buai vang aniang..” ka ti leh a, a rawn hawi a,

“Ni maithei…Hmeichhe dang vang anih loh chuan ka duhtawk mai..” a nui sak a, a mitmengah erawh nuihzatna a langlo,ka inthiamlohna bawk in min fan raih raih mai.

“Ni lo turah ngai la..” ka ti hmuk a, ka nui pah hawk bawk..a ner nak a,

“A lo ni palh hlauh anih chuan eng nge ka tih ang I hria alawm” a ti a, nia…ka hrechiang, chuvang tak in ani Freckel-i pawh ka hlatsan reng ni….Aman engatan mah min ngailo mahse, ka thiamlohna hmu silo in Freckel- i zawk a mawhpuh vek dawn tih ka hrechiang em ani.

Dawr kal tur a ka chhuah hma in Dorothy in min rawn bia, kal hma an duh leh si tih a rawn sawi a,huan enkawltu biaksak turin min rawn ngen a, an thian ho a kal tur anni a, Freckel - i leh  Amos-a bakah an thian mipa dang leh hmeichhe 1 an la tel bawk, ngaihtuah loh ka duhzawk, engtin pawh lo khawsa se ka buaina tur ani tlatlo,

Amy in  thil min sawipui duh anei tih min hrilh avangin a Room ah ka zui lut a, Rosy mengphawk hra chu ka hmuh hmaih hauh lo, Seni nen phei chuan an la inbe leh lo hrim hrim, Rosy-i pawn biak a tumlo a, Seni pawn a tum chuanglo, tlai chaw hi kan eirual ziah thin a, mahse, an in tihbuai hnu ah Sen-in kan rual in a ei ta lo..In khatah cheng mah ila kan inhmu zeuh zeuh ani ber.Ka nu erawh engmah thleng lo ang maiin a awm pangngaiin a awm a, Rosy-i a biak dan pawh a danglam chuanglo,

“Muanpuii chungchang ania..” a ti a, teh daih a,

“Tu Muanpuii?” ka ti let ve thung, a sawifiah leh rih a, ka hrechiang em em ani tih hria se chuan min haw khawp ang, Rosy nen inmil lo eng ang mahse Hmeichhe dang ka kawp anih chuan ka lam an tang dawnlo tih ka hming ka hriatchian tluk in ka hrechiang.

“Um..ka hria e, eng lam nge a?” ka ti leh a, Tanpui  turin min ngen anih chuan a hlawhchham chiang kher ang,

“Scooty kha a bo hlen ta hmak sia, ka hna a thawh lai alo ni bawk nen ka Present leh mai dawn mawni ka ti a..” a ti a, ka rinloh lam daih ,

“Ouch…I va ngaina awm ve,chutiang a pek ngawt a duh dawn ami?” ka ti a,

“Duh dawn lo lutuk, a chapo tawk ve alawm, Dorothy sawi hmangin chhungte tel lo in a inhai kaw chawp takmeuh a, a puitling a, a induhtawk em em bawk, Modelling hi luhchilh tak tak dawn se chuan a hlawhchham ka ringlo, mahse, a duh tlat lo, Company ah a thawk a, mahse an hlawh a tam silo…a mamawh ngawih ngawih loh chuan tuman an sawm kal zo lo “ a ti a, engvangin nge kalsan ka tum apiangin a chanchin hriat nuamlo zet hi ka hriatnawn ziah ka hrelo, mahse, tunah chuan Amos-a a awm tawh a, ka lo tel ve ngailo in a buaipui thei vek,huh….ka buaipui viau na pawh a awm chuang lo.

“Chuan engtin nge I tih ang?” ka ti hmuk a, ngaihven lo anga lan ka tum hram hram bawk,

“Lucky ticket ang in kan kal tir mai dawn mawni ka ti a…chu tak chu nia ka zawh duh che” a ti a, min en ran mai,

“Ka hrethiam biklo, Mahse, I ngaihtuahna chu a tha khawp ang chu..” ka ti a, a bu nghat a, a Scooty duh min en tir a, Freckel-i ta ang kha chu a chhuak tawh lo a, tun a min entir chu a thar ani a, a chak hmel reuh phian bawk.

“A tha khawp ang…I tih dawn hunah min hrilh leh la, buaipui turin Dawr atangin midang ka lo tir dawnnia” ka ti a, a bu nghat nghat a, ka nau mah nise ka chhuang thin, engtiklai mah in a chapo ngailo a, thian kawm duh bik a nei heklo, tu te pawh a kawm thei vek a, kan awmpui nula te pawn an ngaina vek, a rilru lian leh luhlul hi a pianpui nimahse Hmeichhia anih ang in a chhungril a no ve em em tho bawk.

Dawr kal tur a ka chhuah pah in Rosy ka thlah kual nghal a, kan Driver pakhat zawk a dam loh avangin kan buai phah ve deuh a, ka kal pah in thlah kual a remchang tho a, pawi ka ti hranlo, Ka pa damlai atang tawh in Driver te hian min awmchilh ngailo, Zing ah dar 9 ah an lo thleng a, tlaiah chuan dar 5 ah an haw leh ziah bawk, kan chhungkua in tihtur tul bik kan nei a kan hruai duh anih chuan hlawh extra in kan pe thin bawk a, Driver annih angin inchhung thil engmah kan khawih tir ngailo,inchhungthil khawihtur awmpui dang kan nei tho a, puih kan ngai anih erawh chuan sawi ngailo in min pui mai bawk.

Lunch ka ei laiin Rosy-in min rawn bia a, mak ka ti viau, nitin lunch ka ei leh ei loh min rawn zawt ziah a, mahse, Call lo in Msg in ani ziah thung,

“Hello..” ka ti a, ka thil ei lai ka ei pah mawlh mawlh bawk,

“I buai em?” a rawn ti hmasa  te te a, thil min dil dawn tih ka hrethiam nghal vek bawk,

“Buailo e, thil ka ei mek a, eng nge I duh a?” ka nui hawk a, ani pawh a rawn nui ar ar bawk,

“Rinfela leh Sawmsangi khan weekend huanah hman an rawt tlat a” a rawn ti a, ka thil ei lai ka phuh chhuak lo chuah,

“Rinfela ala awm ami?” ka ti a, ka duh aiin ka vin lek lek bawk,

“Um…min tur nasa lutuk a,bakah keipawn ka chak ve deuh tho a…” a ti leh a, ka thil ei lai ka chawl a, tunah kan kal theilo, Dorothy te an kal a, keini kal kal ve leh ngawt theilo,

“Maski..” ka chhan let mai loh vang in a rawn ti leh a,

“Aw..ka hria alawm, mahse, tun weekend chu kan kal theih ka ringlo, tunah Dorothy te thian ho an riak lut a, naktukah an haw dawn chauh a” ka ti a, a thaw hak mai,

“Kan kal ve a pawina a awm chuang ami?, In pawh pakhat chauh a awm lo a, kan zuk kal ve pawn buaina a awm hleinem” a ti leh a,

“An thian ho a kal annia, kan zuk fin ve chuan an duh lo tawp ang” ka ti leh hmuk a,

“A  tha anih chu”a ti hmak a, a phone a off zui nghal daih bawk, ka ngaihtuah a, a sawi dik tho, In 2 lai riah theihna tur a awm a, Mutna tur a awm sa vek bawk, In pakhat  zawkah Room 4 a awm a, pakhat zawkah 2 a awm thung a,  a engzawk zawk ah pawh kan awmthei a, intibuai kher lo in hun kan hmang thei tho bawk.Tun hnai ka rilru put hmang dikloh luat avangin Rosy ka ti beidawng ta zeuh zeuh a, thil diklo awm ni a a hriatna  siam tha turin tun aia hun tha a awm chuang lo.

“Kan kal dawnnia, mahse, tlai lutuk lo ila..” Phone a pick veleh ka ti sup a,

“Kan kal theilo itih kha, Sawmsangi pawh ka hrilh vek tawh” a ti hmak a,

“Ka lo be mai dawnnia…Rinfela pawh ka lo call ang” ka ti leh a,

“Angailo…” ati leh hmak a, ka thinrim ve lek lek mai, mahse, Nupa nun ah chuan tlawm zawk a tan angaih chang a awm fo a, a mizia han inthlak leh inchhung a ka Farnu te nen an inkhak reng mai te hi keiman ka ngaihsak tawk loh vang niin ka hria a, ka dawh angai tih ka hre bawk,

“Ok…I kal duh loh chuan kan kal lo mai dawnnia, Huan enkawltu te ka be vek tawh a, mahse, kan thulh leh tih ka hrilh mai ang..” ka ti dam thlap mai,

“Ka kal duhlo ka tih loh kha..atheihloh I ti anih kha..” a rawn ti leh talh, a mize kawi a chhuak leh dawn tih ka hria,

“Kal I duh nge duh lo?” ka tum aiin ka tawngkam a bul mah mah,

“Duh…mahse…” ka phone ka melh nghek ringawt,

“Mahse, tello khan duhtawk ang, ka haw hman tawh a, ka rawn lamkual ang che” ka ti a, min chhan let hma in ka Off nghal daih bawk.

Ka haw nghal a, an Office ah ka lamkual nghal bawk a,engvakmah ken tur ka hrelo, kan kal apiangin kan kentur Rosy-in a ngaihtuah mai thin a, kan thlen hnu ah Huan enkawltu te Nupa bulah kan dah a, kan duhdan engkim kan hrilh a, an nin an lo siam mai thin a, engmah buaina a awmlo.

Rinfela leh Sawmsangi an rawn kal dun a, kan In ah Rinfela Motor kan dah a, Ka Jeep in kan kal ta zawk a, ka zin chhuak dawn anih chuan Car ka keng ngailo, Khawkar kawng chhe lutuk ah Car a tlan ka phallo, Jeep hi zin veivahna atan ka lei ani a, mahse, a chang chuan Aizawl ah pawh ka khalh chhuak zeuh zeuh,A hnungah Rosy leh Sawmsangi an thu dun a, an tawng dun siam siam a, ka melh ru leh zauh thin a, Rosy hmel a Make-up chhah zet  bet chu ka hmu tui lo, engvangin nge a hmeltha tawhsa reng ah Make-up a hnawih  vak thin ka hrethiam pha heklo,Freckel-i Hmaiah khan Make-up hmuh tur a awmlo tluk ani a, a hmui fawh nawm hmel zet erawh tlem chu a hnawih ve thin in ka hre thung, a Hmai a thuangvuak awm khan ka hmuh hmasak ber chuan a ti lang nalh lo ka ti a, mahse, tunah chuan a hmelthatna belh chhah tu niin ka hre leh tawh thung.

“Mala…” ka phu deuh zawk a, ka lo in ngaihtuah nasa lutuk a min ko ri pawh ka lo hre leh pek lo,ka melh phei zawk a, tur deuh hian min lo melh khui a, Glass atangin Rosy te ka melh leh a, anni pawn mi a ang maiin min melh reng bawk,

“Sawila…” ka ti mawl tawp, eng nge a sawi ka hre tlat lo,

“Ka sawi peih twhlo, eng nge I ngaihtuah em em ni?” a ti hlur thung…

Za lo zet in ka nui lui a, a thinrim rei dawn lo tih ka hrechiang,

“Sawi mai mai teh” ka ti leh a,

“Tunge huanah chuan awm a?” a ti hmuk a,

“Dorothy, Putea Fanu te thian ho an awm ang, thian ho tih lemah Amos-a pawh..” ka ti a,

“Wow…kan putar-a chu….a Model Chhass kha a hruai em?” a ti nghal a, a aw ah a phur zia haider theih anilo, Amos-a leh kei hi kan pian kum a in ang a, mahse, thla in ka upa zawk thung,

“Hruai awm teh e, Dorothy Best alawm…” Rosy-i chuan a rawn ti hmak a, ka rin aiin midang chanchin hi a buaipui leh tlat thin,

“Sawmi ,I Na deuh zawk em?” Sawmsangi a fiam zui a, kan nui ho leh rih a,a pha nasa viau a, mahse, a tawngdanah a lak nat hmel viau tho, keipawh ni ila ka na tho ang, a hma a ka duhloh emaw kan kalsan tawh pawh ni se midang nen an hlim dun tih han hmuh hi chuan kan Hmangaih vang lam nilo in kan induhtawkna a ti chhia a, chu chuan na min siam thin, Mihring kan ni miau alawm le.

Gate a alo inkhar a, kan Motor thawm hria in huan enkawltu a rawn tlan vat a, min rawn hawn sak a, huan luhna atangin Pool leh IN awmna hi la pan chhoh deuh ngai ani a, Thing lian pui pui a ding khup a, Thlasik ani tawh bawk nen a vawt vur mai.Pool sir a Motor dahna ah chuan Amos-a Motor alo awm vang a, mahse, tumah pawn ah ka hmulo thung, khua a thim lek lek tawh a, an awm peih lo pawh ani mahna.

Huan enkawltupa hnen ah kan thil ei tur ken ka pe a, siam dan tur ka hrilh nghal a, Dorothy ten khawi in zawk nge an hman ka zawt a, kan kal dawn tih an hriat hma khan a lian zawk ah an lo awm a, mahse, kan kal dawn tih an hriat takah khan a te zawk ah an lo insawn phei niawm tak ani,ka khawngaih reuh kher bawk, a te zawk ah pawh engkim a awm vek a, ei siamna tur a awm a, Fridge, Tv a awm vek bawk,a te deuh tih mai chauh ani..

“Ka rin aiin inlo thleng hma..” Kan hnung lam atangin Dorothy aw in a rawn ti a, ka hawi phei thuai a, min rawn pan mek a, kan kal avangin a lawmlo anih pawh in a hmelah engmah a lang lo,

“Nia, chawi in ei tawh em?” ka ti a, a lu a thing a, Rosy leh Sawmsangi nen an inbe luam  bawk a, kan awmna tur zawk an pan a,

“A tha, eitur kan rawn keng teuh a, kan ei rual dawn nia..” ka ti a, a lu a thing leh mai,

“Muanpuii nen ei kan siam vek tawh a, bakah mut kan chak a, chuan ,nakin deuh ah thla eng hnuaiah hian Meichhem kan duh a..” kan piah lam a thing an chheh vum chu a kawk a, a hma khan ka hmu lo,

“Um,a tha alawm, kan ti buai lo ang che u” ka ti nghut a, a then sak a, mahse, hlim vang a nui erawh anilo, a thinrim anih pawh in thilmak anilo, engtiklai mah in Dorothy in Rosy-i a mil ngailo.

Kan awmna tur lam ka pansan a, Rosy- i leh Sawmsangi chauh an lo awm a, Rinfela awm na ka hrelo, ka zawt chuanglo, kan kal apiangin he in ah zawk hian kan awm thin a,Room Pawh angai kan hmang ziah bawk, kan Room awmna lam ka pan a, phurna pakhatmah ka neilo, Khumah ka let tawp a , inchunglam ka melh vang vang a, Rosy-i nen weekend hmang turin huan ah kan kal dawn tih ka nu ka hrilh khan ka nu hmelah khan sawilo mahse a ngaihdan anilo tih ka hmu thei a, engtiklai mah in Rosy-i khawsak dan a sawisel ngailo a, mahse, tun hnaiah erawh mitmei kawi ka hmu ta fo mai,ka rilru a nuam theilo a, Ka Nupui ka ngaihtuah avanga ka nu tih thinrim nuam ka ti heklo, Rosy-i hian a hma atang tawh in kan Nupa chauh a khawsak emaw midang dip daltu tello a hun hman nuam a tih thu a sawi fo a, kan thiante nen thil kan tihkhawm leh Party na ah reng reng rui khawp in In lo mahse a in hnem viau ziah bawk.kei pawn ka in thin tho a, ka sawisel hran lo, mahse kan inkawp lai khan a in thin tih ka hrelo a, tunah chuan in satliah pawh nilo in a in thei mah mah tawh zawk.

“Ngatinge I mut reng a?” Rinfela a rawn mu ve a, kan thian dun hian kan in pawh em em a, a tan kan Room a rawn luh ngam loh na tur a awm lo,

“Tunlai chu ka chau ani e” ka ti a, a nui huk huk a,

“Nang hi ilo nu hah ani ang ka ti,  in nu hi alo puar reng ange” a ti a, ka ngaihtuahna a vir zawk mai, chutiang ka lo ngaihtuah ngai miahlo, alo rai reng pawh animaithei asin..

“Ka hrelo..ka lo ngaihven miah lo” ka ti a, ka thu chhuak hlawl a, mahse, engtin nge rai se ka hriat loh theih ngawt ang??

Chaw ei an peih meuh chuan ka in hnem tawh viau mai, pawnlam ka thlir a,Pool sir ah mei an chhem a,Dorothy te ho an thu thap a,Mipa pakhat, Amos-a thianpa ni ngei tur chuan Guitar a perh a,an zai lawng lawng a, an nui leh ham ham thin bawk.

“Zan in chu va tel ve ila a nawm ka ring riau mai” Rinfela chuan a ti sup a,

“Kei pawh ka ti…ei zawh ah va fin ve ang u” Sawmsangi chuan phur zet hian a ti nghal a,

“A tul ber lo em mai, kan tello in nuam an ti zawk ang” ka ti hmuk a, mahse, Rinfela chuan tel a tum tih a sawi leh nghal zat tho, kan eikham veleh a chhuak zui nghal a, Tukverh atangin ka thlir a, an nui ham ham chu Rinfela thlen phei rual in an ngawi dial a, a thu ve a, eng nge an sawi tak ka hre theilo, reilote ah an nui leh thei ta mai, Hnangtah chair lianpui ah Freckel-I a thu tawm kak a, Uggs Boot a bun a, a sam uk kharh mai chu mei eng in a chhun zawng chuan a tle sar bawk,a nui leh hak hak thin a, a bulah Amos-a a thu a, an awmdan engkim chuan min ti thinur hlur ringawt,

“Mut nan ala hma sia, va tel ve ila..” ka hnung lam atangin ka kawngah a rawn kuah a, a thil in rim chuan ka hnar a verh zak mai,

“Dorothy hnen ah khan kan ti buai lo ang tih ka lo hrilh a, kan vat el ve chuan a lawm lo ang” ka ti nghut a, a hnar a tum dat a,

“Kan tibuai dawn hleinem, kan va thu ve ringawt dawn alawm” ati leh talh a, ka hawi let a, a darah ka vuan a,

“Tleirawl rual an ni a, kan telve chuan nuam an tilo ang, bakah Sawmsangi leh Amos-a tan pawh a nuamlo thei ania” ka ti a, hrethiam se ka duh takzet,

“Mam….” Dorothy aw in a rawn tih ri ah chuan kawngkhar lam ka hawi thuai a,

“Lo kal ve ula,a nuam reuh lutuk..” a rui emaw tiin ka melh a, mahse, rui hmel a pu lo,

“Aw, kan lo kal ang” Phur zet hian Rosy-i zawk in min chhan khalh a, Dorothy let leh nghal chu a zui chhuak a, Sawmsangi Room atang a rawn chhuak chiah pawn a zui ve nghal zat bawk.Hahthlak hian a…

Chhuak mai lo in ka tawi khawmuang a, ka awm ve duhlo anilo, Freckel-I leh Amos-a awmdan engkim chuan min ti thinrim a, thinrim tur ka nilo tih ka inhriatna avangin ka tawt up up bawk,Sofa ah ka thu a, Tv ka en a, eng nge ka en pawh ka hre chuanglo, Fridge atagin Beer ka la chhuak a, ka in pah a, Zu pangngai hi ka in ve zeuh zeuh a, ka in tam lo, mahse, Beer erawh tui ang in ka in ani deuh ber, In ah pawh kawl loh lai kan nei lo.

“I lo kal ve dawn na nge?” Freckel-i aw ri ka hriat rual in ka thinrimna a hma aiin a nasa zawk,

“Tihbuai che u ka duh lemlo e” ka ti hmuk a, a nur nang a,

“Ilo kal ve loh khan min ti buai zawk alawm” a ti a, a nui sak a, a sam bu chhah zet chu a khawih zauh a,a sam a thlah lai vawi hnih chuah ka la hmu, ka rin ang chiah in a ti lang sexy lehzual,

“Alo nih chu,Amos-a khawnge?” ka ti a, a ner nak chu ka hmu hman tho,

“Sawmsangi nen khan an inbe lawk a” a ti sep a,

“Oh…a pawi I ti lo amaw?” ka ti leh kher a, a thle bak a,

“Ngatinge pawi ka tih ang?” a ti leh sap a, a hmui nalh zet chu a ti pawrh tarh a, ka seh sak chak kher bawk,

“Ka sawi tur a awmlo e” ka ti leh nghut a,

“Nia, a dik alawm, midang nun a lo inrawlh hi buaina mai “ ati leh a,a hawi kual a,

“Ilo tel ve duh loh  chuan I thu le,a nuam viau ania” a ti leh a, ka chhan let hma in a inher a, a Poncho bah chuan a intuam tha a, a mal sei nalh zet chu a kekawr hak in a phuar tang bawk.

Tumah an rawn let ta lawk lo, ka chhuak lo laklawh a, ka thil in in min hneh deuh bawk nen khum ka pan a, ka let tawp a , ka muhil ani nghal der.

Chiang zet  in ka harh hlawl a, ka mut rei leh rei loh pawh ka hrelo,Rosy  rawn mut lai pawh ka hre hek lo,khatiang khawp khan engtin nge ka ruih chhiat theih ka hrelo, Room chhung chu thla eng in a rawn chhun a, thim chhia anilo , Rosy hnar sak sak ri chu ka hre thei a,Ac a awm loh avangin a vawt var bawk,  min si lo in a mu a, ka tui hal lutuk avangin thawm dim zet in ka tho chhuak a, ka mut chhuahna zawng zawng a bo chiang kher bawk.

Room pawn ah ka chhuak a,Hall pawh tukverh atangin thla eng in a rawn chhun raih a, a lang nalh phian bawk, Fridge ka pan a, tui ka la chhuak a, ka in khawlh khawlh a, Parda ka keu a, Pawnlam chu Light pakhat chuah an On a,thla eng In a chhun ruih mai chu nalh ti zet in ka thlir a, mut leh ai chuan pawn khawvawt a tei vel ka duh rih zawk, thawm dim zet in Kawngkhar ka hawng a, Ka kawrlum Phiar hmaphel hak chuan ka intuam tha a, Thli  vawt var in min rawn chhem rual in ka hahdam sawng sawng mai,Pool lam ka pan a, thla eng in a chhun tle niar niar a, ka Camera ka keng lo ka inchhir kher mai, Van lam ka hawi chho a, Arsi an pe tuar a, an phe neuh neuh bawk..

Muangchangin ka tei kual a, tun ang a nun hahdam hi ka la nei ngailo, Ka nupui lak a rinawmlo ni a ka inhriat tlat avang  leh ka Farnu te nen an Boruak tha lo avangin ka thawpik a, tunah chuan khang buaina te khan min ti buailo, min kalsan vek niber in ka hria, In pakhat zawk ka thlir phei a, eng awmlo in a thim thiap a,tunah chuan Freckel-i pawh a muhil mek ang, vawikhat tal a muhil lai thlir ka chak takzet, Amos-a nen khum an intawm zawk maithei asin, ka ngaihtuah zawng pawn ka na vawng vawng mai.

In chhung a luh leh tumin ka inher a, mahse, ka mit sir in hmuh ka nei tlat, Pool thlang  a kawngtum tereuhte awm ah chuan Thutna tur a siam a awm a, tah chuan min hnungchhawn zawngin Hmeichhe pakhat a thu a, Hmeichhia ani tih ka hriat theihna pawh a sam a thlah vek a, van lam hawiin a thu a, a hmel ka hmu theilo, ka naupanlai atangin hlauh ka nei ngailo a, mahni chauh a awm nuam ka ti em em bawk, tun  ang hun ah tunge helaiah Hmeichhia lehnghal lo thu ngawt??, hlauh erawh ka hlau chuanglo.

Ka pan hnai a, ka thlen dawn tep ah ka pen thawm hria in a rawn hawi a, tudang nilo in Freckeli alo ni a, a tap ani tih hriat zet in a biangah mittui luanna hnu a tle sar bawk,a tho nghal phat a, kalsawn a tum a,mahse ani aiin ka che rang hret, ka man bet a, a tal laih a, mahse, ka kuah nghet sauh thung, ka awmdan a diklo tih hre mah ila ka insum zo lo.

“Min thlah rawh” a ti sep a, mahse, ka thlah chuanglo,a tal leh laih laih a, ka rin loh zet in chhuak zet in a tap zui ta hlawp hlawp a, a vawikhat nan hmeichhe tap in ka chhungril thleng in a fan raih raih mai.

Chapter – 8

Ka kuah bet a, tang zuilo in ka awmah a hmai a phum a, a tap khur dar dar mai,thutna tur a thing  siamah chuan ka thu a, ka malchungah ka thut tir a, inlakhran pawh tum chuanglo in a awm ngaiin a awm a, a rim tui leh thianghlim zet chuan ka hnar a verh a, a tah chhan hrelo mah ila thil dang ka hrechiang, Hmangaihna hi a awm thei ngai anih chuan he nu lak a ka rilru putdan hi Hmangaihna ani ngei ang.

Rei fe hnu ah inlak hran tumin a che a, kei pawn ka dang lo, mahse thu lo in a ding a, a awmdanah chuan kalsawn tum a ang viau bawk.

“ Ka tihpalh aw” a ti a, a aw a ringlo,

“Ho lutuk, mahse, ti ti dun i duh chuan..?” ka ti hman chauh a, min rawn en a,

“Duh lo, ka tih loh tawp tur ka ti tawh zawk, Mi pasal bul a tap ngawt tur ka ni lo..mahse, ka lawm tho ania” a ti nghat a,

“ I thian ka nia, Dorothy thiannu i ni bawk a, U ang in min en thei alawm” ka ti leh a, eng ang in nge min en se ka duh ka hrechiang, mahse, sawi chhuah a tulna a awm lo.

“Ka duhlo ve ve, Mangtha le” a ti a, biak leh hman loh in a kal zui nghal a, a rawn hawi let eih lo.

Room a ka let leh chuan Rosy-i alo la muhil tui viau, khumah ka inthawlh leh a, ka mut a chhuak lo, eng vangin nge Freckel-i kha a tah ngawt ka hrelo, mahse, keimah vang chu anilo chiang, Sawmsangi leh Amos-a khan eng tin chiah nge an tih ka hrelo, an pahnih in an kal bo ngei a, a rilru natna tur in an lo khawsa ani ngei ang..keimah vang a na nilo mahse ka khawngaihna a nep chuanglo, Nupui ka nei tawh a, ka beisei ngawt ngam lo a, ka tilang thei heklo,Rosy-i hian min then tawp anih loh chuan eng ang pawn Freckel-i  hmangaih mah ila nupui thlak tumna ka nei heklo, Mi tan ka phallo a,mahse, ka neih theih dawn loh miau avangin hlimse ka ti takzet.

Ka lo muhil leh a, ka harh leh chuan khua alo eng ut tawh,ka inlet a, Rosy alo tho tawh a,ka mit ka chhing leh vang vang a, Freckel-i hmuh ka chakna leh hrehna a inzat thuak mai,peihlo zet in ka tho a, khua a vawt vur mai, ka intifai a, Hall a ka chhuah phei chuan tumah an lo awm tawhlo, Pawnlam ka pan a, Dorothy leh Freckel-i an lo awm a, Thing tang ro an lo pukhawm dun anih hmel, an pawr dun phang mai,

“Good Morning..” Dorothy a rawn hawi a, ka nuih a, Freckel-i pawh muangchangin a rawn hawi a, a hmai sen awp awp ah chuan nizan vang khan a zak em em tih ka hrethei mai,ka khawngaih reuh zawk,

“Khawnge midang hi?” ka ti a,

“An vaiin khua ah an kal a, ih...Mam...Weekend hetah kan hmang law law thei angem?” tim deuh dai hian min en a, pawi ka tih na leh ka lawmna a inzat reng, Freckel-i bula awmna hun ka nei rei sauh tihna ani mai, mahse nizan ang kha chu a thlen nawn tir ka ring tawh lo,ka malchungah a thu a, ka awmngheng in a tap anih kha..

“A pawi hleinem, mahse, i pa te hrilh ava tha awm ve” ka ti leh nghut a, Freckel- i ramhnuai lam pan a a kal chu ka thlir vang vang a, a sam a tawn kang lah a, a kawngfek rat leh a mawngbawr lian lam chu a inhmeh takzet, a kekawr mawng a bal niau bawk,

“Chutak chu....min dilsak la..” a ti leh a, ka hnial hlau niawm tak in min en kiau bawk,ka bu leh ta nge nge, a nui var var a, hlim zet hian ramhnuai lam pan in a tlan a, an thingtang chhehkhawm bulah ka ding a, zan riah tum lo se thinglak khawm na chhan tur a awmlo, ka dilsak dawn tih a hrelawk vek tih ka chiang, keimah in ka nui a, ka Farnu te hian min zah em em a, mahse, tuman min hlau lo,an duh an sawi chu ka theih phawt chuan ka tihsak vek, Dorothy phei hi chu an unau ah pawh a ka duat bik a, amah pawn a inhria a, engkim ah min nawr lui fo.

An pahnih in an rawn let rual leh a, thingtang bawk an rawn pu leh a,an hah dun hmel phian bawk, Pool sir ah Freckel-i a thu a, tui a zen a, a hmai a ti huh a, zawite in Dorothy in a pan a, a nem thut a, Freckel-i a te tuar a, tuiah a tla pil nghal bawrh bawk, ka ding chhuak nghal zawk a, hlauhna avangin ka thin a phu nghal dawt dawt mai, mahse,Dorothy nui vak vak chuan tlem in min ti ziawm leh a, Freckel-i a rawn dak chhuak a, rum deuh in Dorothy a melh a, mahse,thinrim hmel erawh a pulo, ka kal phei a, Dorothy nui bu tlak tlak chu a inrin hma in ka pwm kang thut a, Pool ah ka thehlut a, tui a per chuai a, ring tawk in a khek vak bawk...

“Mam...” Titau aw hian a rawn ti tuar a, ka nuih ringawt,

Freckel-i lak a a thiltih phuba ka laksak animai, an pahnih in an rawn chhuak a, an thawmhnaw atangin tui a far tluah tluah mai, mahse ka beisei loh zet thil a thleng ta tlat, Freckel-i a inhlip sawk sawk a, a Jacket hak lai a phelh a, a hnuai a T-Shirt a hak pawh a phelh leh a, kawr bah nen ringawt a awm tau mai, a hnute lian kawh lah mai chuan ka mit a la takzet, mipa tupawn nalh an ti ang tih ka chiang, a kekawr erawh ka phelh lo, a pheikhawk  bun a tlawhphelh a, rang zet in tuiah a zung lut leh nghal a, Dorothy pawh chuti tho, Freckel-i tui hleuh thiam zia chu mak ka ti zawk, hmuhnawm tham tak ani,

“Ilo lut ve ngam dawn na nge?” Freckel-i chuan a rawn ti a, a lu chauh langin a awm a, a sam a pial vek a, a hmel engmah make-up tello, thuangvuak in a bawh thet thet chu hmuhnawm ka ti takzet,

“Ka peihlo, a vawt alawm” ka sawi zawh hma in Dorothy zawk in tui a rawn beng per chhuai a, ka tawlhsawn hman tawh silo, tihngaihna a awmlo, ka thawmhnaw hak a huh phung a, an pahnih in an nui vak vak bawk,

“I duh chuan ilo lut lo thei reng ania..” nui chungin a hleuh sawn a, Pool kil lam pan in a hleuh phei nghal a, an khawsak dan chuan min cho riau, ka kawrlum hak ka phelh sawk sawk a, ka kekawr hak ka phelh leh a, Boxer nen ka lut ve ta nge nge, a vawt tehchiam lo tlat bawk,

“In chaklo dun khawp ang” ka ti  sup a, nui ar ar chungin an pahnih in an hleuh sawn zel a, man tur zawk ka hrelo,ka hleuh kual a, ka hahdam sawng sawng mai,Rosy te an lo la let lo a, engtiturin nge an kal dawn ka hre heklo, Sunday an hman leh dawn si avangin Amos-a ten mamawh an lam dawn anih ka ring a, chu chu an zui pawh animahna, Sawmsangi awm danah khan Amos-a chhuhsak let a tum tih hairual a awm silo,chuvang chu ani ngei ang nizan khan Freckel-i a tah ni??.

“Ka ril a tam lutuk..” tih leh Dorothy chhuah a rual a, Freckel-i erawh Pool pawnlang, Naupang chenna tur a siam ah tui chim chin deuh ah a bawk phek thlar a, a muhil a ang mah zawk,Dorothy In chhungah a lut a, Freckel-i awmna lam pan in ka hleuh a,

“Hey....” a darah ka sawi a, a rawn meng a, min rawn en a,

“I muhil emaw ka tia, i tla hlum mai tur asin” ka ti leh a, a bulah ka thu thla ve nghal a, a inlet thak a, Ni sa in a hmai a chhun chu a kut in a inhliah nghal a,

“Muhil lo, mahse, hetia hahdam hi ka mamawh” a ti sep a, biak zui a huphurhawm phian bawk,

“Company ah i thawk sia, i chawl thei reng reng ami?” ka ti leh a,

“Ka thawk tawh lo..” a ti nghat a, a thu chhuak a, a tho zui daih bawk,ka zui ve nghal a,

“Maw?, a va pawi ve” ka ti ringawt, an ban nge a bang zawk ka hre silo, a thawmhnaw a char khawm a,

“Pawilo e, a chang chuan zalen te ka chak ve alawm” a ti leh mai, an awmna lam pan a kal chu ka thlir zui a, zui erawh ka zui ta lo,a awmdanah khan biak zui a duh lo tih a chiang reng.

Ka inbual a, reife hnu ah Rosy-i te an rawn let ta tawk bawk, a rawn nui lut var var a, ka biangah a rawn fawp zauh a,

“kan tum aiin kan rei a, Dorothy te Sunday an awm ve leh duh sia, kan bazar a” a ti nghal mawlh mawlh a,ka bu ringawt, Rinfela erawh rawn lut lo in pawnah midang nen an inbe lawng lawng a, he pa bulah hi chuan tumah kan mitak rei theilo, nel theih loh pawh a nei chuanglo,

“Eitur kha kan vaiin kan eirual thei ang, lo kal la..” a ti leh a, an lo siam tir diam tawh anih hmel, mahse, Veranda dawhkan a eitur an lo chhawp chhuah ka hmuh rual in hmundang ami an Order tih a chiang, engkim mai hi tun a thleng nilo in ruahman lawk nimai awm tak ani,kan huan hi Aizawl atangin a hla lo a, darkar chanve kal pawh anilo, mamawh kan nei anih chuan lam a harsa lo,

“Vawiin eng nge kan tih ang?” Amos-a chuan kan thil ei laiin a ti a, zawh bik nei pawh a anglo,

“Kei chu huan hi ka enkual chak a, chuan, Serthlum huan lam khu ka fang chak bawk” Rinfela chuan ati a, Serthlum huan lam a kal an peih chuan a chi phian ang, In kan sakna hi a lai vel ani a, Serthlum huan hi in sir veilam atangin kan kal thung,

“In peih phawt chuan a tha khawp ang..kan kal dawnnia” ka ti sup a,Freckel-i ngawi ran mai chu ka en a, a chaw ei lo in a thai a thai a, mahse thildang ngaihtuah nei hmel a pu thung.

Chawei khamah kan thu khawmuang leh a, rei vaklo hnu ah an rawn chhuak a, mahse, Amos-a a tel ve lo thung,

“Khawnge Amos-a ?” Freckel-i ka en a,

“A pum a nuam lo a, a kal peih lo a...” ati liam mai,ka rin ai hian a ngaihtuah lo thin,

“Kei pawh kan thil ei kha aniang, ka pum a na deuh tlat “Sawmsangi chuan a rawn ti ve bawk,

“A van zialo, kan kal leh lo mai dawn mi?” Rosy-in a ti a, mahse, Sawmsangi chuan a lu a thing a,

“Kal ru, reilote ka awm hahdam anga, ka rawn zui ang che u” a ti leh a, a pum a chul hauh hauh a, In chhunglam a pan leh a, pakhat  te mah in a thusawi ka awihlo, Amos-a a beisei vang bak ani hauh lo ang, kan chawei lai atang tawh khan Amos-a khan Freckel-i kha nidang ang in a ngaihven lo tih ka hai hauh lo.

Serthlum hmun kan thlen thlak chuan an rak teng tung mai, Serthlum hmin tuar mai chu a itawm reng bawk a, thla thar ah chuan hralh turin kan lawhtir thei tawh ngei ang,a kung a sang lutuk lo a, a kung ala naupang bawk, an ban phak a tha deuh lai apiang an lo zel a, Rosy pawn nuam a ti hmel viau mai,Darkar khat vel zet kan awmhnu ah kan ho chho leh ta dial a, hnathawk ngailo leh ramhnuai a thlan tla a engmah thawk ngailo an ni bawk a, an hah viau hlawm tho mai.

Amos-a leh Sawmsangi Pool ah an lo awmdun a, an khawsak dan chuan min tibuai angreng viau,Freckel-i ka en thuai a, mahse, ngaipawimawh hmel a pu lo, a awmdan ngai rengin a awm mai, he hmeichhe in Control thei lutuk hian a rilru a na anih pawh in a tilang in ka ringlo,

“A landanah in dam tha tawh tih a lang e” Rinfela chuan a ti lawng lawng a, midang ho an nui dar dar bawk, ngawireng a Freckel-i In lam pan a kal chu ka en a, Amos-a ka huatna a zual sauh bawk,

“Amos...thenkhat te kha an lungawilo niin ka hria” nui chungin ka ti nghut a, In lam pan a Freckel-i kal chu a en nghal thuai a, a rawn hleuh chhuak a, a thawmhnaw pawh ha chuanglo in a Boxer nen a um a,

“Sawmi, chan loh hi a na deuh thin ani tiraw??” Rinfela bawk in a ti leh a, an nui leh hak mai, Sawmsangi za lo zet in a nui a, Rinfela mi fiamdan hian thudik chanve hi a kengtel thin miau a, nuih liam pui a har chang a tam viau reng ani,

Lunch ei tur a kan inhmuhkhawm leh pawn Amos-a leh Freckel- i an lo la chhuak ta lo fo, ka zawt chiam hreh a,midang chanchin zawt satliah ka nilo tih an hriat ka hlau tel bawk, Amos-a hian engtin nge a tihnat theih ka hrelo, ka nei thei dawn lo chung pawh hian ka ti na phal hlawl silo,Rosy inbual zo hlim chu ka en a, Make-up tello pawn a hmelchhe lo mai nilo in alang tha mah zawk emaw tih tur ani, mahse, ahma angin min hip ta reng renglo.

“Khawnge Amos-a te Nupa hi?” Rinfela chuan nui vur vur chungin Dorothy a zawt a, Dorothy thiannu pakhat zawk chuan thil ei pah in a lo chhang a, a landanah Amos-a thianpa leh Dorothy thiannu chu an inkawp anih hmel viau bawk,

“Muanpuii kha a lu a hai deuh a”a ti a,

“Muanpuii lu a hai a, a lu hai vangin Amos-a pawh alo meng theilo tihna nimaw?” Rinfela bawk in a ti leh a, chhan let dan tur hrelo in a nui a,

“U Rinfel, engtik nge Nupui i neih dawn?” Dorothy in a ti let ve thung,

“Ka nei dawn lo aniang, tuman min duh lo a...’ a ti a,

“A nih leh kawppui nei chung a midang kawp hi enge i hmuh dan?” a ti leh kher a, ka thil ei lai ka hak lo chauh, ka Nau-i hi engthil nge a hriat tehhrep ni???

“I sawi awmzia ka man chiah lo” a thil ei lai a chawl a,

“Nupui leh Pasal nei chung a midang kawp ka tihna” a ti leh a,a nui sak a, mahse, a mit ah nuihzatna pakhatmah alang lo,

“Ka hrelo, ka la neilo a...ka neih hunah ka chhang ang che aw” a ti a, a nui huk huk a,

“Kei chu ka ngaihdan anilo bur, kan chhungkaw zingah hetiang hi lo awm ta se ka che na viau ang” a ti leh nghat a, nizan khan min lo hmu ani mai angem?, zawhna hlir in ka khat vek.

Tlai chaw kan ei dawn in Freckel-i leh Amos-a an rawn chhuak thei ta hram, mahse, vawikhatmah a tawnglo, Amos-a erawh a dan panngaiin a tawng mawlh mawlh a, amah ah engmah danglam a awm hran lo,Freckel-i lu hai a mutpui khan eng nge an tih ang?, engvangin nge ka lo ngaihtuah ve viau ziah,ka buaina tur anilo hulhual, Freckel-i ka humhim duh anih chuan ka awmdan ka thlak angai a,ka rilru ka thlak theilo anih pawh in ka Taksa tal ka control ang, a thiantha ber pawh nise Dorothy-i hian kan inkawp anga a hria anih chuan a ngaidam dawn lo tih a awmdanah a chiang reng.

Mei kan chhem a, kan vaiin kan thu a, kan zai bawk, Mipa ho zawngin Vodka kan in a, Sawmsangi leh Rosy-in Beer an in thung a, Dorothy te thian ho erawh chuan engmah an duh lo,

“Min hrethiam ru, ka mutsan mai ang che u “ Freckel-i chuan a ti sep a, a hmel a ngui em em a, thil lian tak vei nei a ang bawk,

“I nuam lo leh deuh mi?” Amos-a a tho ve nghal vut a,a lu a thing a,

“Nuam e, ka mut a chhuak mai mai mawle, lo kal duh suh” a ti a, a nuih var var bawk, a samah a fawh sak zauh a,

“Ok...Problem a awm chuan min rawn call ang che aw” a ti a, a bu nghauh a, a kalsawn zui ta a, en loh hram hram ka duh, kan hlim viau a, mahse, Rinfela ber a Mood a Off tlat a, kan nui viau thei meuh lo,

Ka  nu in min rawn call a, ka kalsawn a, kan awmna in lam ka pan a, hna chungchang a rawn sawi nual a, Ka pu Ro chungchang a kan buaina bawk kha Ka ni in khawi emaw atangin alo hria a, In ah Ka nu a kal chilh a, an inhau buai deuh tih a sawi bawk a, mak ka ti takzet, khawi atangin nge an hriat ka hre silo, kan chet lak tum dan tlangpui pawh a hria tih a sawi tel phei chuan mak ka ti leh zual.

Pawnah chhuak leh tawh lo in Balcony ah ka awm a, nizan ang bawk in thla a eng dul ruih a, vanah arsi an pe tuar bawk, Freckel-i te awmna in lam ka hawiphei a, ka rin loh zet in Freckel-i inhnunglam sir a athu chu ka zuk hmu a, a mut a chhuak a ti ngei kha ania, a awmdan a mak takzet, chhuk ve lo turin ka insum hram hram a, hahdam hmel deuh in Phul chungah a thu thluang diai a, Light dang an On loh avangin Thla engin a chhun chiang viau bawk.

Kan awmna In hnunglamah kawngkhar a awm a, pawn lam atang a hmuh theih kher loh in inkalpawhna tur kawng a awm leh a, ka chhuk thla ta nge nge, ka rilru hian ti lo turin min ti mahse ka taksa hian a zawm thin si lo,

“I mut a chhuak emaw ka ti a” a bul a thut ve pah in ka ti a, phwk hra in a rawn hawi a, mahse, keimah ka ni tih a hmuh takah chuan hahdam huai hmel a pu,

“A reh leh a..” a ti sep a, a nui hak bawk,

“I lu ala hai em?” ka ti leh a,

“Aih...mahse, ngatinge ilo kal a?” a ti leh sep a,

“Ka hmu chak che aniang” ka mit ka siai zauh a, ani erawh a mengphawk hra thung,

“Midang in min hmuh chuan a mawilo duh ngawt ang, mi pasal kawmngeih chu ho te ah kan mualpho awl si “hei pawn a ti veleh ta, nizan khan Dorothy in min hmu ani khawp ang,

“A ho em mai, i ngai thutak lutuk anih chu, Rosy chutiang mi anilo..” ka ti hmuk a, ka ngaihbel nge ka hrelo, thian ang nilo a min ngai natna nei in ka hre tlat bawk,

“I chiang chiah maw?” a ti leh fak a,

“Eng chu maw?” ka ti let ve thung,

“Innu in i thiante a thik lo ang tih kha mawle” a ti leh a,

“Chiang e, mahse, kawp nei ila chuan a ngawi hauh lo thung ang” ka ti leh mai a,a nui hak a,

“A tha alawm, nih leh i nupui hian midang kawp ta se engtin nge i awm ang?”  ati leh a, tum dang a kan inbiak dan nen a danglam takzet, hetiangin engmah min zawt ngailo,

“Ka hrelo ,ka la ngaihtuah ngailo..” ka ti sup a, ka sawi dik chiah bawk, Midang kawp tur in ka ngailo a, a kawp ka ringlo bur bawk,

“In inhmeh thlawt in nupa hi..” a ti leh daih a, van lam a hawi vang vang a,

“Anih leh Amos-a hian midang kawp ta se...??” ka ti leh a, ka hrechak riau,

“Ka lawmpui in ka ring..” a ti a, a inrintawk hmel hle bawk, ka en vat a, a hmel thutak ran mai chuan min ti hamhaih letling,

“I Fiamthu em?” ka ti hmuk a, a lu a thing a,

“Aih, ka nei ngai dawn lo a, ka lawmpui ang, hlimse ka duh alawm” a ti leh a, mak ka ti tawlh tawlh mai,

“Ka mutsan mai ang che, a tlai tawh em mai” a ti leh a, a tho a, mahse, rang lutukin ka pawt thu leh a, min rawn delh rawk rawk a, phul ah kan tlu dun a, ka kuah bet ran mai,

“Eng nge i tih a?” a ti that a, mahse, rang lutuk in a hmui ka hup sak a, hetiang ram reh ah chuan eng thawm pawh a ring hma lutuk,

Hamhaih zet a a hawi buai vel chu tha tak ani, ka insum hman lo, ka lehthal a, ka bawhbet a, rawn tawng leh a tum chu rang zet in a hmui ka khar sak hmak bawk,a hamhaih lutuk chu a mu khawng at mai,ka fawp lui leh a, min hnial lo a, min chhang chuanglo bawk,ka rin ang chiah in a hmui fawh a nuam takzet, a hmui hnuailam ka pet a, a che chuanglo, hetiang a kiss nuam ka tih tumah an la awmlo.

A tal laih a, min nem sawn tumin ka awm ah a rawn nem a, ka hmui ka phawi a, mahse, a bengah ka fawp leh ta tho, a thaw hawk mai, a taksa a danglam tih ka hailo, ka Mipatna rawn khawng tawlh tawlh chu ka hriat hmaih heklo,min nem leh a, mahse, a hma ai chuan a tang nep tawh,

“Kal sawn teh, hetiang a tihtur ka nilo ania...” a ti a, a aw a khur dar dar mai, ka thiltih lai ka chawlhsan chuanglo,

“Mawh...” a ti leh a, a kut dinglam in ka sam ah a rawn tham a, a tham na reuh phian mai,

“Hetiang a tihtur i nilo tih ka hria alawm, mahse, Ka duh che a, ka haider thei lo...” LALPA... ka sawi chhuak ta nge nge.. A nghawngah ka fawp a, a thaw hawk hawk mai,

“Min duh suh, Nupui nei lai nen a inkawp ka duh lo...” a tal leh laih a, ka thlah ta nge nge, tilui ila chuan min hnial in ka ringlo, mahse, ka ti lui phal lo,

“A nih chuan Nupui nei lo ta ila.....” engthil nge ka sawi pawh ka hrethiam tawh biklo,a mitmeng lian kel kawl in min en hian ka chhungril zawng zawng a hmu tlang vek in ka hre miau alawm le,

“Duh chuanglo, ka duhzawng mipa i nilo, mahse...” a tho thut a, Hmanhmawh zet in In lam a pan a, kawngkhar a khar nghal daih bawk.

Ka muhil lo tluk ani, Rosy rawn mut ve lai pawn ka mengkar a, mahse, inbiak ka peih loh avangin ka muhil ah ngaise ka duh a ka mit ka chhing a, min ti harh ta lo, khawvar dawn ah ka muhil ta hram,ka harh leh chuan Rosy alo tho daih tawh, tun tum kan riak chhuak chu min thawh khalh ve reng mai, ka inthlahdah em bawk ani e,Hall ah ka chhuak phei a, Rosy leh Rinfela Lu in si lek lek in Phone an lo bih dun a, tlem chuan mak ka ti deuh,an inkawmngeih hle a, mahse, Pasal neih tawh hnu ah chuan thiante pawh nise inhnaih lutuk a thut kha midang tan a mawi fahran lo maithei....Nilo...kei pawn nupui nei chungin midang ka hmangaih a, ka kiss a, ka duh tih ka hrilh hial anih kha...

“A va hmuhnawm awm ve “ ka ti a, an rawn hawi rual thawt a, an inthut hlat nghal bawk a, mak deuh in an an hmel ah thilsual ti hmel alang,an pha dai mai,

“Ilo tho tawh law?” tih leh Rosy rawn thawh a rual a, Fridge ka pan a, tui ka la chhuak a, Tukverh bul ah ka dinga, pawn lamah chuan Amos-a leh Freckel-i Pool Sir thut mutna a an mu ka va hmu a, a hran hran v eve in an mu a, mahse, Freckel-i lam hawiin Amos-a a saisir a, Freckel-i nui hak hak ri ka hrethei bawk.

Tlai deuh hlek ah chaw kan ei a, mahse, kan ei tan dawn chauh a, Rosy a tho phat mai, Room lam a pan a, ka zui thuai a, mahse, Bath Room ah zawk alo awm a, ka kik a, ka ko bawk, tui herh haw ri chuah ka hria, ka nghak deuh a, tui a herh tawp a, mahse, a uak pap pap ri ka hre ta thung, ka kik leh a, rei vaklo ah a rawn hawng a,

“I tha em?” ka ti a. Khum a pan a, a bawk a,

“Ka tha ang, ka luak a chhuak lutuk a...” a ti a, ka thu ve a, a samah ka chul a, a uak na chuan a ti chau anih hmel,a mu zawi hnak mai,

“Enteh...hei hi...” ka hma ah Pregnancy test kit a rawn ti lang a, vawitam tak a rai tawh beisei in kan test thin a, test kit hi chu ka hrechiang tawh viau mai,ka laksak vat a, Line 2 chu a sen kalh mai,

“Tak tak em?” ka ti tham tuak mai, kum khat chuang kan innei tawh a, fa kana wt em em bawk, fa kan neih loh vangin kei ngei pawn tlangval rilru ka la pu a, ka nupui lo hmeichhe dang ka ngaihtuah phah bawk, tunah chuan pa ka ni tawh dawn a,Freckel-i emaw hmeichhe dang tumah ka mamawh tawh lo,

“Mam..U Rosy chu a tha em?” Dorothy a rawn dak a,

“Um..tha, kan lo chhuak dawn..”ka ti a, a nui var var a, a let lehnghal mai bawk,Rosy rawn thawh tum chu ka pui a, Hall kan thlen chuan an lo hawi thap mai,

“A tha e, thil puitham deuh puan a ngai erawh pawi kan ti” ka ti a, Rosy in ka banah a rawn vuan a,

“Engthil nge Thiana..?” Rinfela chuan a ti a, min rawn pan a,

“Tak tak in Hlimna zawk ani e, tuna tang a thla kua a ral leh chuan Nu leh Pa kan ni tawh ang” ka ti a, an ri hak mai,

Freckel-i hmel ka en thuai a, a nui var var a, mahse, Amos-a kut a hmer bet tlat chu ka hmuh hmaih lo..

Chapter- 9

Kan haw ta rum rum a, In thlen veleh kan chhungte hrilh ka chak hluah hluah bawk,Dorothy te erawh muangchang in tlai lamah rawn haw an tum a, ka hnial hran lo, kal rual kan nilo a,haw rual kher pawh kan mamawh chuanglo.

In kan thlen chuan ka nu alo awm a, Amy leh Seni an inkhawm an lo la hawlo thung,min hmuh chuan mak ti deuh hian min en tawn sek hlawm a, Ka Pu Ro chungchang vang khan a rilru a buai anih ka ring a, mahse ,kan naute nei tur a hriat chuan a rilru hahna zawng zawng a bo vek ang tih ka chiang,

“In lo va haw laklawh ve, in damlo chu ani em lo maw?” a ti a,

“Dam e, kan tha “ ka ti a, Rosy hmel dang diau mai chu ka hmu tha thar sawt bawk, ka bulah chau hmel deuh in a thu a, Rinfela leh Sawmsangi an haw tawh thung a,

“Mahse, in lo haw lai em a, i Pu ro chungchang khan a ti buai deuh che mi?” a ti leh a,ka lu ka thing a,

“Aih..Nu...Rosy hi a rai a...” ka ti a, Doctor hnen kan la pan lo chungin a chiang thawkhat ah ka ngai,

“Engmaw?!!” Mak tihna leh lawmna  inpawlh hian a ti a,

“Zingah khan kan hre ve chauh a, chuvang ania kan lo haw hma..” ka ti leh a, a tho nghal hluai mai,tap tur a ang mah zawk,

“Ekhai....a va lawmawm em, i Naute lo haw vat se ka va ti ve, Bawihi, in dim nasa ang che” a ti leh zung zung a, engmah a tih ka phal dawnlo tih ka chiang.

Ka Naute lo haw veleh ka Nu in alo hrilh nghal a, kan inchhung Boruak ipik churh kha hlimna in a thlak thawk aniber, kan naute apian hma atangin kan chhungkaw boruak a thlak nghal vek a, alo pian hun ah phei chuan kan va la buaipui nasa dawn em.

Tunah chuan Rosy pawn a naupai hrehawm zual a paltlang ta , a kum a naupang tawhlo a, rai a haw em em bawk, mahse, eng ang pawn thinrim se ka nupui ani a, ka fa a pai mek bawk a, ka thinrim ve theilo,a duh a sawi apiang ka pe zel a,ka farnu te nen an inpawhna pawh a hma ang tho in a tha leh tawh a, a rai tih hria kan thiante min lawmpuilo an awm lo, hlimna hi kan ta ani takmeuh.

“Mam...Lucky Ticket kha buaipui ka duh tawh e, Muanpuii kha biak ka tum thin a, mahse, ka be tlang thei ngailo a, Dorothy lah in ka lo hrilh ang ati ringawt zel a” Amy in a ti a, Dawr ah a rawn kal a,

“Ka va hre biklo ve,a hrim hrim ah i ti har angreng em mai” ka ti a, pawnlam a thlir vang vang a,

“Nia., ka buai lutuk a ka lo theihnghilh a, amah biak pawh theih bawk siloh,a In luah ah ka va kal tawp mai dawn mawni?” a ti leh niah niah a,

“Dorothy zawt leh la, a In ah va kal pawh nimahla eng nge i tih chuang ang?, i thil tum alo hriat phah mai tur asin” ka ti leh a,

“Ni tho mai, Gym alo kal ngai tawhlo ami?” a ti leh a,

A lo kal ngai tawhlo nilo in keimah zawk ka insawn a, Weekend kan hman ho hnu ah khan Gym ah chuan kan inhmu ngei a, Amos-a tello in alo kal a, min be lo a, keipawn ka be lo bawk, karkhat tehmeuh kan kal dun a, vawikhatmah Amos-a alo tel ve lo, ngawirengin amah in a ti mial mial a, a tihdan pangngaiin dar 7ah a haw ngei ngei thin a,a chung a ka chet dan ah khan a lawmlo anih loh chuan min hlau ani tal ang,biak ka tum hran lo a, alak a ka rilru put a a danglam chuan loh avang leh ka nupui tan leh ka fa lo piang tur tan pa tha ber nih ka duh avangin ka Gym kalna ka sawn ta zawk a, ka tlanchhia ti ila a dik ber awm e,kha ta tang khan vawikhatmah ka hmu leh tawh ngailo, ngaituah loh ka tum a, Rosy-i naupai haw em em buaipui in ka buai bawk nen ka theihnghilh chu ka tilo, mahse, ka ngaituah tlem tial tial a, achang in ka hrechhuak tih mai loh chu ka ngaihtuah ngai ta lo.

“Ka hrelo reng reng, ka kalna ka sawn tawh alawm,Amos-a zawt la..” ka ti a, a nui var var a,

“Ni dawn tak, ka lo hrechhuak lo reng reng, nakinah ka be mai ang, ka kal leh mai dawn, Ka nu in thil min chah a..” a ti a,

“Kan haw rual dawn maw ka tia, eng nge a chah che?” ka ti a, Rosy bak tunhnaiah ngaihtuah ka nei lo, Ka nu te pawh ka be liam vel mai mai aniber, kan chhungkaw boruak a nawm viau avangin a hran a ngaihven a tulna pawh ka hre chuanglo.

“A tam mai, haw rual lo mai ang, Taxi ka lo la mai ang” a ti a, a kal chhuak chu ka thlir a, tun hnaiah Amy pawn inleng a nei a, reilote ah kan la kal tir angai ngei ang tih ka hria.

Freckel- i chanchin a rawn sawi chhuah leh takah chuan ngaihtuah loh pawh tum ila a harsa leh ta talh mai, ka duh tih ka hrilh tuk maiah khan ka Nupui rai avangin a hmuh lai ngeiin ka lawm hlumlo chuah anih kha, mi tenawm hmuh a ka lo hmuh thin te ang tho khan keipawh mi tenawm ka ni, a awmdan engkimah khan min duhlo tawp ani biklo tih ka ngaihtuah ngun poh leh ka hrechiang tulh tulh mai,Dawr khar hma in Dawr ka chhuahsan a, nidangah pawh ka tihdan fo ani tho bawk, Freckel-i in luah ah kal kual ka duh a, Amy pawh kal ka phal loh chhan kha ani reng bawk a.Muangchang in ka tlan a, Motor tawt lutuk ning zet in ka phun hluk a, dawr ka chhuahsan atangin darkar khat aliam tawh, tluang tak a kan tlan chuan kan dawr atang in kan In hi darkar chanve pawh kan kal ngailo,

“Mam...” min ko ri ka hriat rualin ka hawi chho vat a, Dorothy lo ding ka han hmu a, a rawn chhuk sawk sawk a, a rawn lut a,

“Awi, Taxi ka nghak a, Jam turu lutuk a, ka lo thinrim hlur tawh a” a ti nghal mawlh mawlh a,

“Nia, ka tlan rei ta khawp mai, khawnge i kal a?” ka ti a, a kalna a sawi a,

“U Rosy-i a tha em?” a ti leh a, an In ka kal khat a, ani pawh ka hmu ngai meuh lo a,

“Um, tha e, chaw a ei thei tawh a, a ziawm tawh lutuk, in dam zawk em?” ka ti a, a bu nghauh a,

“Amy khan a rawn bia che em?, I thiannu chanchin a hre duh a hre duh aniang” ka ti a,

“Tu??, Muanpuii bawk kha aniang a” a ti a,

“Um...ni e, a be tlang theilo aniang” ka ti leh a,

“Keipawn ka be tlang thei chuang hleinem” a ti awlsam et, ka melh zawk a,

“I thiannu ber ani sia, khawnge a kal bo san che” ka nui lui a, ka hriat chakna in min fan raih raih bawk,

“Nia...aaa....thil thleng a tam lutuk, engmah i hrelo ami?, in kal dun reng sia” a ti leh halh a, mak ka ti tawlh tawlh mai,..

“Engthil thleng mah ka hrelo, ka Gym kalna ka sawn alawm” ka ti ro hulh mai,

“E...chuvang anih dawn chu i hriatloh” a ti leh ringawt a, han zawh chiam ka hreh a, ka zawt chak zek zek thung,

“Chuti anih chuan Amos-a bia se a tha ang” ka ti leh a,

“Um, nia, be rawhse, mahse, kei aiin a hre thui chuanglo maithei” a ti leh nghat a, a sawi awmzia ka man lo tawlh tawlh mai, mahse, sawi zawm duhlo tih hriat deuh in thil dang a sawi ta daih a, keipawn ka zawt ta biklo.

An In thleng ka thlah a, reilote ka chawl zawk a, mahse, Rosy-i lamkual angaih avangin ka kalsan leh a,a rai hma kha chuan Driver in a thlah tam zawk a, tunah chuan keimah hlir in ka thlah a ka lam bawk, thil tha lo a thlen ka hlau a, min mamawhna tih beidawn  ka duh heklo.Dorothy-i ka thlah kual leh avangin Freckel-i In kal na hun pawh ka nei ta lo, a pawilo, naktuk zingah ka kal mai ang, bakah Dorothy sawi dan khan Aizawl ah a awmlo a ang ka ti a, ka lo zawt chianglo kha pawi ka ti bawk.

Zanah engvak tihtur ka neih loh avangin Room ah Games ka khel a, Rosy-i a inbual thung, kan Naute khum tur leh a mamawh tur engkim kan lei fel ani tawh a, thla 6 dang kan la nghak dawn tih hre mah ila kan phur a, engkim a tha ber kan duh bawk a,kan lei khawl hnem tawh a,kan inpeih ani thawthang mai.Rosy phone a ri a, ka ngaihsak lawk lo, mahse, a ri nawn leh a, khumah a kalsan a, ka pan hnai a,mahse a tawp leh hman, tunge anih en tumin ka la kang a,  ka hawng theilo, Finger Lock ani a, ka Finger print  pawh ka dah tel a, chumai bakah engemaw palh a awm thei tih thu ah a pian kum a dah tel bawk a, ka ti ve ve a, mahse ka hawng thei chuanglo, engvangin nge a thlak kher ka hrelo, a phone ka khawihsak ngailo a, Nupa nimahila a Phone check sak tih vel ka ngaihtuah ngailo hrim hrim.

Ka thil tih lai ka tihzawm leh a,a inbual zo a rawn chhuak a, a phone a ri tih leh ka pick lo tih ka hrilh a, nidang anglo tak in a hawi phawk hra mai,

“Tunge ni reng reng a?” a ti a,

“Ka hre miahlo, Msg pawh a awm in ka hria, ka Finger print kha i delete aniang, ka hawng theilo a..” ka ti a,

“Aw...ka paih daih alawm, In a kan len phei khan Kan naute khan a khawih a, ka thlak kual na lamah ka paih anih kha...lo dah leh la” a ti a, ka lu ka thing a,

“Ngailo, a ho em mai” ka ti nghut ringawt, Nupa nih avangin engkim kan intawm tur tihna ani chuanglo ,mimal zalenna a pawimawh ber fo.

“Sawmsangi anih hi...” a ti hliai a, ka chhang lo, tu pawh ni se ka hriat ve kher a tul chuang heklo.

“Enteh, Sawmsangi leh Amos-a hi an inzui ngawrh leh tawh tawp asin” a ti leh a, ka chhungril a nghawr dawt thei , Amos-a leh Sawmsangi an inzui anih chuan engtin nge Freckel-i a awm ang??

“Chutia law?, Dorothy thiannu nen khan an inzui emaw tia” ka ti a, a hming pawn ka sawi lo,

“Zui ve zuai e, mahse, a hmasa ber hi chu theihnghilh an har aniang” a ti leh a, ka pum a ni nghulh thei hial mai,

“A tha animai lawm..” ka ti hmuk a, min rawn en a,

“Thil diklo a awm em?” a ti a, ka lu ka thing a, ka Games khelh lai ka en lui tlat bawk,

“Chuti anih chuan ngatinge i thinrim si a?” a ti leh a, min rawn pan phei chu ka mitsir in ka hmu a, ka bulah a rawn thu a,

“Nah....ngatinge ka thinrim ang?” ka ti a, ka nui lui hawk bawk, Nia...ka thinrim satliah mai pawh a nilo, ka kawchhung a sahal huam huam ti ila a dik ber ang.

“Ka hrelo, i lungawilo niin ka hria, Office a min rawn lam lai atang tawh khan i hmel a diklo a”a ti leh a, min ngheng ar ar bawk, Nupa kan ni a, Mihring hma ah nilo Pathian hma ah thutiam in kan inzawm tawh a, kan diklohna te hi a chhan chiang tak  hrelo mah ila Nupa kan nih miau avangin Pathian in hriatna min pe niin ka hre fo thin.

“Ka nuam zan lo ani e..” ka ti ta ngawt, ka Games khelh lai ka dah a, ka darah a lu a rawn dah a, engvangin nge Freckel-i chanchin ka hriat leh thin ??, Nupui nei reng chung leh kan fa hmasa ber hmel hmuh kan tum mek lai hian hmeichhe dang vangin ka rilru alo la hah hi thil awmlo leh rapthlak tak ani,mahse, tunge kan hmalam hun hria??, mi te pawh hi keimah ang tho annih ka ring ta zawk hial mai.

Room kawngka kik ri ah chuan a thu tha a, a tho zui nghal nalh bawk, a pian a chhe lemlo a, nalh tak nilo mahse zahpuiawm lo pawl ani thin a, a rai a in zo bawk nen a lang em em lo bawk a, a taksa a tilang nalh zual mah in ka hria,

“Mam...ka van be leh lawk duh che” Amy a rawn lut a,

“Um..sawi la..” ka ti a, thatchhe zet in ka ke ka thluang a, ka chhungril ah hlimna pakhatmah a awmlo, engmah in min ti phur zo heklo,

“Englo, a mimal thil lutuk a, U Rosy...hmundangah kan inbe lawk mai ang aw, a pawi em?” Rosy-i hnenah a ti a, a nui a, pawi a tih loh thu a sawi a, mahse, a hma ang bawk in a hmelah hlauthawn ruk nei ang in ka hmu leh ta tlat, a hmel ah nuihmel lang mahse a chhungril ah a nuilo tih ka hre thei tlat thung,

Kan Room leh Mikhual Room inkar a Balcony zau tha zet ah kan chhuak dun a, Railling ngheng in ka ding a, ani erawh in a bawh ar ar thung,

“Engthil nge ni leh ta?” ka ti a, a aw a thian kharh a,

“Muanpuii chungchang kha ania, engmah i hrelo tak tak em?” a ti a, ka en thuai a, a sam thli in a chhem len dar dar chu a vuan a, hmalam a en a,

“Hrelo, ngatinge a?” ka ti leh nghut a,

“Muanpuii nen khan inhre ngailo ang in i tawng a, mahse, a ruk in in inkawp tih ka hria asin” ka ding khawng luh mai, ka thisen kal vel an chawl vek in ka hre bawk,

“Maw?!!” ka ti thawt a, a rawn hawi a, ka nau nilo in mihrang daih nen kan inbia niin ka hre mah zawk,

“Vawiin ah Amos-a nen kan inhmu alawm, Amos-a hnen atangin engkim ka hrevek, mahse, Amos-an midang bulah sawilo turin min ti bawk, ngatinge khatiang thil ilo tih a?” min melh kal mai, sawi mai tur ka haihchham tlat, ka sam ka tuai puat a, ka thaw hawk bawk,

“Eng nge ka tih a?” ka ti leh a,

“Nangmah vang a a tuar nasat zia i hria em?, Gym i sawn hnu khan Sawmsangi’n a workout lai tap zawih zawih in a hau a, chupawh nangmah nen in inkawp vang in, a kal ngam loh phah a, chumai pawh duhtawk lo in a In luah thlengin an umzui a, hun pawh pelo in an hnawt chhuak zui leh a...” a tah pui mai dawn in ka hria, ka khawhmuh a tawi vek, engtin nge chung zawng zawng chu ka lo hriat loh theih??,

“Kan inkawp reng reng lo,engtin nge chutiang i sawi theih zawk?” ka ti a, a darah ka vuan a,

“Weekend a huan a in kal ho tum khan i awmdanah i duh tih Amos-a khan a hria a, in in kiss lai pawh a hmu che u a, mahse, a sawi lo, a hnu daih ah Muanpuii  nen an sawi chhuah na Msg kha Sawmsangi khan a lo hmu a, U Rosy-i pawh hian a hre vek, mahse, engmah a hrilh lo che...a mizia ka hrechianglo chungin a duh hmasa dawn lo che tih ka hrechiang thung, a Bialpa hmasa ber leh a neih chhun khan sawn a thlak avangin a kalsan a, a sawnthlak na nu tih nat a duh lo, a tuar nasa a, a tuar chhuak tep tawh asin...” sawi zawm tir lo in ka kuah bet ta ngawt, sawi ve tur reng reng ka neilo, kei hian kha nula thianghlim lutuk kha ka ti chhe vek tih zawng ka hria,

“Sam-a hi Muanpuii te khua ami ania, Aizawl an rawn awm hma chuan tah chuan an awm thin a, a hrechiang, Muanpuii kha chhungleh khat pawh neilo ani asin...” a sawi apiang chuan ka kawchhung a nghawr dawt dawt a, a hmel ka mitthla ah a rawn lang a, keimah vang a hauh a tuar lai in engmah ti theilo in a tap a, keilah in engmah ka lo hre silo, hria pawh ni ila eng nge ka tih chuan ang?, Nupui nei lai ka ni a, chhan tur pawn dikna ka nei reng reng hleinem.

Sam-a hi Amy bialpa ani a, apa hi Officer ani a, hmun hran hran ah an awm kual nasa a, tunah erawh Aizawlah an awm nghet tawh thung,Amy nen inneih tumin Palai an rawn tir a, kan la in be fel chiah lo thung,mahse Freckel-i te nen khaw khatah an lo awm ho tawh   tih ka hrelo, chumai bakah Freckel-i chanchin kha ka hre mumal lo hrim hrim.

“Ka diklo tih ka pawm, mahse, hun kal tawh alawm, kal liam mai rawhse” ka ti a, a rum hak a, a tal chhuak phat a,

“Nupui i nei tawh a, hetiang a awm tur i nilo asin, amah khan nasa tak in kalsan che a tum tih pawh ka hria, tunah Sam-a nen hian kan inneih hnu ah hetiang hian Sam-a hi awmve se engtin nge i tih ang?, U Rosy-i chung ah engmah thil pawi i tilo hlauh a a lawmawm, mahse Hmeichhe pakhat nun i ti chhia erawh a pawi ka ti ngawih ngawih” a ti leh a, a sawi dik, Ka Naute hian min zah em em a, hetiang a min ti ngam tur anni lo, mahse, ka awmdan diklo te, ka rilru thianghlim lo te, engkim mai kha thup thlen theih anih loh zia tunah chuan alo lang ta chiah mai.Pathian thu ka ngaihsak ngailo, mahse, a awm ngei tih erawh ka hre nawn leh ta.

Room ah let lawk lo in ka ding reng a, kan ral lam a khawpui chhung light pe tuar mai chu ka thlir a, ka nun diklo lutuk kha a rawn lang uai uai a, keima duhna zawn chauh ka lo en avang a midang in an tuarna chuan min vaw let a, a na mah mah in ka hre hial bawk,Dorothy khan engkim a hrechiang, mahse, engmah a sawi duhlo kha mak ka ti a, a thiannu awmna pawh a hre ngei tur ani..

Room a ka let leh chuan Rosy alo muhil bam tawh, ka khawngaih a ka lainat rual in ka rilru ah Freckel-i bak a lang chuanglo, Rosy hi ka nupui ani, ka fa nu ala ni thuai dawn bawk, mahse, ka dam chhungin ka tan chuan Hmeichhe pakhat chiah an awm reng ang tih erawh ka chiang ta.Kha nu kha...LALMUANPUII ngei kha.

Munpuii vang a ka nun hrehawmna in min kian san theilo, duh lo mah ila hmel hlim leh tak ran mai, Thuangvuak in a bawh khan min kiansan theilo, ka muhil a, ka mumangah pawh  min umzui zel tho,

“Ngatinge Muanpuii chungchang kha i sawi  loh a?”  ka insum zo lo, Naute thawmhnaw tur a lei thar ho a dahfel mek a, a thil tih lai a chawl dat a,

“Enge ka sawi ang a?” a ti hmak a, min en chuanglo,

“Khatianga zak lutuk a insiam hma khan thudik min zawt theilo em ni?” ka thing nawk chak  lutuk,

“Eng nge ka zawh ang che?, Ka Pasal in Nula mawl ve satliah alo Kiss ngawt mai kha ka mualpho na ani miau alawm” a tawngdan chuan min khei zak mai,

“A mawl hran lo asin, mahse, a duh vang a Kiss ka nilo a, tihpalh thil a thleng mai ani” ka aw a ringlo,

“Oh...anih chu, ngatinge i neih law law mai loh?” a ti leh a, a thil ken ho khumah a vawm thla a,

“Nupui nei lai ka ni miau alawm, engvangin nge ka neih ang?” ka ti let ve thung,

“Nupui nei lai i nih chuan ngatinge hmeichhe dang i kiss si?” a sawi dik , thiamthu sawi tur ka neilo,

“Ka diklo tih ka pawm, mahse, Muanpuii thiam loh anilo” ka ti sup a,

“A hming pawh kha sawi tawh suh...” ka samah a rawn kek a, a rilru ana tih ka hria, ni e, kei hian thil tamtak ka tisual a, thiamthusawi tur ka neilo,ti let ve lo in ka thut ngaiin ka thu a, a lungawina anih phawt chuan a duhtawk in han che teh se.

Kan Nupa boruak a chhe ta viau, siamthat tum in nasa tak in ka bei a, tlawm lah ka tlawm nasa, ka nun ah hetiang khawp hian ka la tlawm ngailo, a ei duhzawng, a thil ngainat...engkim ka tihsak a, mahse, a lungawi zo chuanglo, ka dikloh hmasak anih miau avangin thinrim ngam tur ka ni heklo.

“Mama, Nimin khan Rosy leh Rinfela ka hmu a, an inkai ang rial a..” Ka nu in a ti a, veranda ah kan thu dun a, Seni leh a ui te ho an infiam bawk a,

“Alo chho ani maw?, ka lo hre hleinem” ka ti liam puat,

“Ka rin ai hian ka hmu dun ngun ta riau mai,an inkawm tih ka hria a, mahse, Midang hmuh ah thil mawilo tak ani ve thei ania” a ti leh a, ka chanchin a hrelo anih hmel,

“Ka lo hrilh dawn nia, mahse, kan inneih hma atanga inkawm tawh an nia, hriatthiam na chin ka nei alawm” ka ti a,

“I thu le, mahse, kei chuan thian mai an ang lo ka ti ve deuh mai mai mawle” a ti leh talh a, Ka nu thin hi chu aw...mahse ,tu nu pawh hian an fate sualna hmu lo in an mo te emaw midang fa te sualna an hmu hmasa fo alawm le.

Rinfela lo kal thu a sawi ta miah lo, min hrilh tul atilo pawh animahna,kan boruak ala pangngai thei lo a, tlem chuan zia deuh mahse ngai kan la awh tak tak theilo,a tul tawp ah lo chuan min be ngai heklo,a tuk tlai ah ka nu Bazar kal in a hmuh thu a sawi leh a, mak ka ti ta viau, Office kal tur ka thlah a duh lo a, Driver in a thlah ziah a, keipawn ka tum buai peih ta lo, Rinfela zawk pawn alo chho tih engmah a sawilo a mak ka ti tho, a hma chuan min rawn bia a, chaw a rawn ei ziah bawk.

Muhil theilo in ka mu mengkar mai, mahse, Rosy-i tho tham tham chuan ka muhil ah a ngai anih ka ring a, ka che duh lo,Toilet ah a kal dawn emaw ka tih laiin thawm dim tak in room kawngkhar a hawng a, a chhuak thawm chu ka hria a, a awmdan mak ka ti viau.. ngaihthat lohna ka neilo,mahse, a rei ta mah mah, ka tho a, Room pawn lam ah ka chhuak a, Balcony ka en a, Balcony Kil lam, Mikhual Room hnaih ah a ding a, tuemaw a bia tih ka hrethei a, mahse, an sawi ka hrelo, chuti tak a pawimawh chu eng tak nimaw?,mi thusawi ngaihthlak ruk hi thil mawilo tawpkhawk leh ka tih ngailoh ani a, mahse, tun tum chu chhungril atangin min turtu a awm tlat, ka pan hnai ta nge nge, ri mang lo in ka kal a, ani pawn a hrelo, a hnug mai ah ka ding a,

“Engmah sawi tawh rih lo ang” a ti a, a lehlam thusawi a ngaithla leh tih hriat zet in a ngawi vang vang a,

“Pawi ti suh, engmah a hrelo ang, mahse, keini pawn hetiang hi chu ching zui lo ang” zawite in a ti a, a nui hak bawk, Muanpuii chungchang Sawmsangi nen an sawi nimaiah ka ngai a, engthil tha lo nge an lo tih leh tak ang?.

“Vawiin chhun kha a nuam khawp mai, mahse, tlem in ka hah deuh, kan naute hian a chhun khawp ang che..”

Ka nu khan a lo sawi dik ngei mai, engtin nge kei hian ka lo hriat loh theih zawk?, Sumdawnna atan chiah ka thluak hi ka hmang ni ber in ka hre hial mai, Nupuite’n mahni fa nilo an pai pawh hrelo khawp in ka mawl chhah alo nih hi le..

Mahse, he khawvel ah hian Nupui te Uire avang a lawm em em MIPA Keilo hi an awm ka ringlo.

Chapter – 10

Thawm dim thei ang ber in Room ka pan a, ka mu leh nghal a, a hnu rei vaklo ah ani pawh a rawn lut a,Khumah dimte in a rawn lawn a, ka harh leh harh loh min rawn en hmasa te te a, ka harh miah lo niin a hria ani chek ang, a mu leh ta than a, tlawh thlak chawrh ka chak a, amah ka duhna vang a na ka nilo, Mipa ka ni a, ka Nupui in ka zahawmna min tihchhiatsak na avangin nat erawh ka na a, ka zak bawk.

‘Insiam rawh, i duh duh la la, mahse, ilo kir tawh dawn lo ania” ka ti nghut a, phawk zet hian a rawn hawilet a,

“Engmaw?” a mengphawk hra mai,

“ Ka nupui i ni tawhlo ka tihna anih chu...I nu leh pa te in ah ka dah ang che” ka ti leh mai,

“ Eng fiamthu nge ni ngai a?” a nui a, mahse, ka hmel tak ul leh nui hauh si lo a hmuh rual in a nui hmel a ral riai riai a,

“Fiamthu ka thawh hauh lo, nangpawn i hrechiang, I pasal fa nilo i pai hi zahna chang hretur i ni asin” ka ti leh a, a phone ken lai a thlauh tawp mai,

“Maski....” a rawn tho a, min rawn pan a, kei erawh, ka din ngaiin ka ding a, ka kekawr ipte ka zen bawk, ka kut ka hmuruh nasat zia hmuhtir ka tumlo, amah ka huatna aiin keimah ka inhuatna a tam zawk, Muanpuii lak a rilru diklo ka put vang ngawt pawh khan mahni inthiamlohna in ka khat a, a fel ber ang maiin Sawmsangi lah in alo va hau a, a In luah ah pawh awm ngamlo in a chhuak a, Nupui nei chung a thil diklo ti ni a ka inhriat avanga ka chhungil buai zia te kha nimin ang maiin a thar leh uar uar a, a tir atangin engkim lo ngaihven ila chuan Muanpuii ana lo tur.

“Fiahna i neih loh chuan chutin min puh chhe thei lo ang” a ti leh a, a nihna tak alang chhuak ta chiah mai ka ti rilru a, hetiang a nun lem lutuk hi engtin nge ka lo haider theih ka hrelo, kei hi mipa laktlak loh tak ka lo ni ngei e,

“Fiahna ka mamawh hleinem, Nizan khan i tawng engkim ka hria asin, mahse, ka Nupui ilo ni tawh thin a, mualpho tawpkhawk a inchhuah kher tul ka tilo, chuvangin I nu leh pa bulah ka dah ang che, keiman ka sawi fel mai ang, i ngawi reng thei anih phei chuan i mualpho zau lo maithei asin” ka ti leh a, kha leh chen ka nupui alo ni tawh a, a mualpho rual in ka mualpho ve zel dawn tih ka hailo, engang pawn in sawifiah se ka ngaihdan ka sawhsawn thei heklo, a chhungte leh thiante hma ah thiam chan nan engpawh chhuan lam ah hmang se aw tihna  ka nei hek lo.Tunah chuan kal se ka duh ber...

“Nilo...Maski....ka sawifiah thei....” a ti hman chauh a, ka kut vaiin ka ti tawp a, hetiang em em a thil sual tih hnu pawh a inthlahrung reng renglo Hmeichhia hi kum 1 aia tam engtin nge ka chenpui a ka lo hriat loh theih ka hrelo, ka a let tawp anih ber hi a..

“Sawitur ka neilo, insawifiah i mamawh heklo, i duh phawt chuan Rinfela pawh i nei zui maithei alawm, insiam rawh, kal ang” ka ti leh nghut a, kal thuai se, he room a a sulhnu awm zawng zawng hi tihbo vek ka duh ber,amah ka ngaihna vang a na tur ni ila natna chhan tur ka neilo, ka hmeichhe hmangaih em em Maunpuii zawng tur in kal chhuah vat ka duh a, mahse Mipa ka ni a, BUM nih erawh na ka ti lo bik lo.

An In ah ka dah a, a Nu hnenah engkim ka hrilh lawk a, a NU Tap hmel kha hmuh nuam ka tilo, a fanu alo chhuan em em thin khan a pasal fa nilo a pai miau a, mi pangngai tan chuan zah a kimkit tlawk tlawk na tham ani reng ani, A pa erawh chuan patling tak in ngaihdam min dil a, ka remtih chuan a bungrua leh thawmhnaw lak min dil bawk, ka remti mah mah, a thil engmah ka mamawh lo a, hmuh nawn ka duh heklo.

In ah ka let leh a, Ka nu ka ko a, Room ah ka zui lut a, mak ti hmel deuh in min melh a, sawi tan dan tur ka haihchham ve tlat,

“Enghil nge?, khawnge Rosy?” a ti a ,

“Ka then tawh “ka ti mawltawp,

“Maw??!!” a ti that a,thil thlen dan tawi kim tak in ka hrilh a, ka sawizawh hma in a thu thla hnawk a, a hmel a rilru na lutuk lo lang chhuak chu ka hmuh hmaih lo, mahse, ka rin ang em em in a thawng hran lo,

“Ka rin lawk ani, engtik emaw ah chuan thil hi ala lang chhuak ang ka ti ru a, mahse, hetiang em em a tenawm hi chuan alan ka beisei lo” a ti hap a, ka thu ve a, Ka nu pawn alo hre ru reng tihna anih hmel ta viau mai,

“Nu...ani chu a kal tawh a, sawizui ngai ka tilo, a thiamthu sawinan eng chhuanlam pawh hmang se la a dik loh zia hrechiangtu chu amah tho anih dawn avangin kan hmuhsitna leh kan thiamthu sawina tello pawh hian ni tin a zahna tur tawk a hmu zel ang, chuvangin ngawihsan mai hi a tha ber” ka ti leh a, a bu nghat a,

“I putea te leh i Naute hian hre ve se a tha ang chu, keiman ka lo hrilh mai ang, a thawmhnaw erawh lak phalsak ila..” ati ve a

“Tehreng mai, ama thil engpawh a duh apiang la rawhse” ka ti hmuk a, alak kim loh a awm anih pawh in ka paih chhuak dawn tho tih erawh ka sawitel lo thung.

Engkim mai a thleng thut a, a tawp leh thut bawk, Rosy-i chhungten a thawmhnaw an rawn la a, an rawn kal dawn tih ka hriat rual in ka chhuak nghal nalh thung, a hmel hmuh chakna pakhatmah ka neilo, Freckel-i chung a ka rilru put dan avang a hrehawm ka tih lai khan hrehawm tihna nei maih lo in ani chuan Midang, chupawh ka thianpa nen lehnghal nuam tinreng tawl in an lo khawsa a, keiin ka hriat miau loh avangin mahni inthiamlo reng reng in hun ka hmang thung, Hmeichhe sual hi chu an awm tih ka hria, mahse, hetiang em em a tenawm hmeichhia hi an awm ka lo ring ngailo.

“Mam...lo leng la..” Dorothy in min rawn bia a,

Rosy nen  kan inthen atangin  thla a vei leh tawh, insawithiam a tum nasa a, kan chhungkaw chanchin pawh mawilo tak tak in a sawi chhuak nasa viau bawk, kan hmingthat tawhna ah khan hmingchhe lailet der in min kalsan Ka farnu te leh Ka nu ngei pawn hrehawm tih chang ann nei tih ka hai lo, mahse, engmah sawi ve ka phal loh avangin tuman thiamthu an sawi lo, a duhtawk in thiamchan tumin bei rawhse, mi dikte tan thiamthu sawi a vah kual angai lo, mi diklo te bawk hian ani an dik loh na thup tum a vahkual mamawh thin.

“Eng nge ka rawn tih ang?” ka fiam a, a nui hak hak a,

“I tan thu tha deuh ka hria ti ta ila..” a rawn ti let a, ka lungphu a rang nghal zaih zaih mai,Dorothy hnen atang in engdangmah beisei tur ka neilo,Freckel-i chungchang anih ngawt loh chuan...mahse, Dorothy hian a hriatpui ka ringngam chiah bawk silo..

“Ok...ka lo kal ang, mahse, ka hman har deuh ang aw, Dawr lehlam ah kal ka ngai a..” ka ti a, a pawi atih loh thu a sawi a, mahse, keimah zawk in ka nghak leh thei ta peklo, Darkar khat a liam lehmeuh chuan Putea te In ka thleng fel der tawh.

“I va lo kal leh hma si ve” phawk zet in min lo en a, ka nui a,

“Ka rin aiin ka tifel hma a, khawnge midang?” ka ti a, ka hawikual a,

“An lo la hawlo vek, thingpui i duh em?” a ti a, ka lu ka thing a, a sawi tur sawi vat vat se ka duhber,

“Eng nge i sawi tur chu?” ngaipawimawh lo hmel fe in ka ti liam puat a, min en ran ran a,

“I hre duh tak tak em?” ati leh rih a,

“Hre duh lo ila ka lo kal nang, sawi la...” ka ti leh a,

“Ih...Muanpuii chungchang ania..” a ti hmasa te te a, ka beng a verh zak mai, ka beisei sa nimahse han hriat tak tak chuan min thawng ka ti dawn nge ka awmdan a normal miah lo,

“Ngatinge ani chungchang  tehdaih chu?” ka ti sup a,

“Mam, phakual duh suh, i duh tih ka hria lawm, mahse, i play mai mai nge ka hrelo thung..” a ti leh a, a U ka ni a, ka bul ah ka hmeichhe duh leh duh loh sawi chu a tan thilnuam a nilo tih ka hriatpui bawk,

“Tunah khawnge a awm?” tih zawng ka zawt, abak engmah hriat duh ka neilo, midang hnen atang nilo in ama hnen atang ngeiin ka lak ah eng ang rilru nge alo put hriat ka duh,

“Chu erawh ka hrelo, i hnen atanga tlanbo kha a duh ber a, i Nupui rapthlak lutuk sawn na tak tak in a tawngkhum fo a, U Rinfela nen an inkawp pawh kha hrelo kan ni miah silo, a ruk in nangmah vang khan a tap nasa thin a, Amos-a a fel hlauh a, a hliahkhuh hnen em zawk a, chuti nilo se a mualpho in a ring” a ti leh siam siam a, mak ka ti , min lo ngaihtuah ve thin reng anih chu, mahse, a awmdanah khan min duh ni a han rinhlelh tur in a awm ngai eih lo anih kha, ka kiss tum khan tlem a min duh ve na a nei niin ka hre ta chauh zawk a,mahse, chupawh a reilo.

“Maw?,ahma in engmah min hrilh silo a” ka ti nghut a,

“Aman sawi a remti lo,tunah pawh hian ka hrih che tih a hriat chuan a lawmlo ngawt ang,i Nupui a kal tawh tho a, khawimaw laiah alo nghak reng che in ka ring a..” a ti a, a sawi tawp lam ah chuan tap tur ang hian a awm a, a insut hraih a,

“ Khawiah nge a awm?, i hriat loh chuan hre tur an awmlo..” a kut ah ka vuan a,

“Kar hmasa khan min rawn bia a, i chanchin min rawn zawt a, mahse, a awmna a sawi duhlo, in inthen chhan kha amah anih leh nih loh a hre duh bawk a, Rosy khan i hmuh theih ah a inlan chuan a pawitur thu alo sawi tawh bawk si a” a ti leh a,u pawh a u buai peih lo,ka nupui pawh khan ka rilru zawng alo hrechiang tho anih hmel e.

“A number chu min pe rawh” ka ti a, min pe a, ka call nghal a, mahse, a Switch off tlat.

 Hmuh ka mamawh, keimah vanga tap thin hmeichhia, ka nat a hlauh vang a min kalsan tu leh kei  pawn a nat ka hlauh avanga ka kalsan ngei kha ka tan alo tap anih chu, Dorothy in a chanchin a sawi zawm zel a, ka khawngaihna avangin ka taksa ana ve vek in ka hre hial bawk, a Naupan laiin a nu leh pa an boral a,api leh pu in an enkawl zui a, mahse, a lo tleirawl a, high School a kal laiin a pi leh pu a rual in an boral leh a a tan chuan vanpui a chim aniber , a pa nau, inpui nghaktu te nen an awmho ta zel a, chutah pawh vanduaina bawk, College kal ve tum in rim tak in hna a thawk a,mahse vanduaina in a umzui bik emaw tihtur in  a Patea nat lawk awm lo in a boral ve leh ta thung, a Nutein a ngeih ta lo, Mangang lutuk in Aizawlah mi In a awm turin alo chhuk ve tawp a, a awmna te an lo fel a, in luah tur an zawnsak a, lang in a kal a, kar khatah vawi 3 a kal a, IGNOU ah B.A a zawm a, a awmna pa in Company ah hna a hmuhsak ve leh ta zel a, ka hriat ve khan amah in kum 2 alo awm hrang tawh a, a chhel em em bawk a, amah inkhawngaih vang in a tap ngailo a ti hial, mahse mak deuh in keimah vang  in a tap fo a, ka hriat hma daih khan min lo hre tawh a, a Mipa kawp chhun in sawn a thlak hnu ah mipa a kawp leh miah lo a, mahse, Gym ah khan alo kal ve a, Dorothy hnen ah a mipa duhthusam a hmu tih alo hrilh a, ka Photo alo la a, Dorothy alo en tir a, ka Cousin ani tih alo hre daih tawh, ka biak mai mai pawh in alo lawm em em thin a, Dorothy hnen ah alo hrilh fo thin a, mahse, Nupui nei lai ka ni a, ka hnaih ah pawh a awm duh lemlo tih pawh a sawi tel tho.

“A duh phawt chuan Model ni in eizawnna atan a hmang thei a, Amy ka kawhhmuh hmasak ber atangin Amy pawh khan a duh nghal tawp animai” a ti leh a, kei in Pawisa hmansen loh ka nei a, ani tan chuan a eitur leh inluahman pawh kha hah tak a thawk in alo hlawhchhuak hram hram ani si a, ka khawngaihna ringawt pawh a tawk reng a, mahse, Ka Hmangaihna nen phei chuan ka min nghawng dan dang tak ani.

“Amos-a nen an inkawp emaw ka ti a..” ka ti leh nghut a,

“Aih, Amos-a khan a duh em em a, mahse, ani khan thian ang in a en thung  a,Amos-a pawh khan a hrethiam a, i lak ah inhumnan a hmang tih pawh a hria, mahse, a duh em a, a pawisa zo lo anih kha” a ti lehzel a, a mak leh ta, hmeichhe mak tak zawng ani chiang e.

“Engvangin nge inhumhim a mamawh a?” ka ti leh a, hriat ka duh, hlauhawm leh a tan a nuam lo khawp in ka nawrlui si lo,

“Amah leh amah kha a inring zo lo a, tihpalh thilthu ah in inhmu ta fo sia, i duh tih pawh a hai lo...keipawn i en dan atangin i duh tih ka hailo, khatiang khan i nupui ngei pawh i en ngai silo alawm” a ti leh zel mai, ka theihtawp a ka in control chung khan ka lo thup zo chuanglo tih a chiang reng mai.Nie,” Mipa hi Hmangaihna ah kan tlu lut anih chuan zah kan hre tawh ngailo” tih Rinfela ngei khan a sawi fo tak alawm, zah a hre lo a, a thianpa Nupui pawh a chetsualpui a, a mualpho ta hial anih kha..

Ka hmai ka hup vang vang a, a hmeltha tak mai kha ka mitthla ah alo lang a, a nuih zawng a biangsum khuar kek te, a hmui nalh leh fawh nuam zet te kha,ka ngaihtuah zawng ringawt pawn ka mipatna a tho tawlh tawlh thei hial mai,ka muhil thei ngang lo,Dorothy thusawi zawng zawng te kha amal te te in ka bengah a rawn ri nawn leh a, hrehawm tamtak tuar in a hun a hmang liam a, ka zawng hmu ngei ngei ang, ka bulah a awm anga,a duh leh mamawh zawng zawng pe theilo mah ila a hlimna tur siamsak erawh ka tum bur, a lo hrehawm tawhna zawng zawng a theihgnghilh theih nan ka pek theih zawng zawng ka pe bawk ang, mahse, ka pek ngai miah lo in ka thinlung leh Hmangaihna hi chu a hma khan aman min laksak daih tawh zawk.

Nitin ka zawng a, ka call ngei ngei bawk, mahse, a ngai bawk, khawiah mah ka hmu lo a, a thawm takngial pawh hriat tur a awm heklo,Amos-a hnen ah ka kal ta nge nge a,

“Hey....i dam em?” min hmu thut chu phur hmel fe hian a rawn ding chhuak nghal a, ka cousin ni mahse tul fe lo ah chuan  an In ah ka kal tam lemlo,

“Ka tha...nang ni zawk?” ka ti let ve a, a Nu in min rawn hmu a, min rawn be chul bawk,

“Maski...Innu kha engtik nge a neih dawn tak?, in inthen ta tak tak en mi?” a ti a, ka rin ang chiah, anni hi chuan kan inthen chhan tak an hre lo,a tawng duh em em a, a sawi loh tur a sawi fo bawk, hei vang tak hian ka ngaina lo a, ka tlawhpawh tlem phah a, mahse, Amos-a erawh hi chuan a Nu nilo a pa a chhun a a tul viau loh chuan mi dang chanchin a sawi ngai meuh lo.

“Ka nu, i sawi ho em mai, lo kal rawh, Room ah chho daih ang” Amos-a chuan alo ti thuai a, ka nuih lui a, ka bu nghut a, Amos-a kal chho chu ka zui a, A nu lak ah min chhan him avangin lawmthu sawi ka ba hial in ka hria.

“Thu la..” a ti a, ka thu a,a ni erawh Khum ah athu thung,

“Ilo kal chhan ka hria, engmah ka chhungte hi ka hrilh lo..” a ti a, Ball tereuhte a ken chu a hmet a hmet a,

“Nilo, chutiang ka lo kal chhan lo, thil diklo hi chu lan chhuah hun ala awm dawn alawm lo sawi angai lo e” ka ti a, nur nung chungin min en a,

“Anih chuan Muanpuii vang in ilo kal tiraw?” a ti leh a,

“Adik, amah kha ka lo kal chhan “ ka ti a, ka nui hawk bawk, mahse, engvang a nui nge ka nih ka inhre lo.

“In inthen hlim khan ilo kal ka lo ring asin, mahse, ka rin aiin i rawn lang har a..” a ti leh a, a thaw hawk a,

“Khawiah nge a awm?” ka ti a, thildang engmah hriat belh ka mamawh rih lo, ka hriat duh ber chu khawiah nge a awm tih zawng ani mai.

“Ka hrelo, Maski...ka hrelo tak tak” a ball ken chu khumah a theh phei a, a lu a dawm a, hnuailam a bih tlat bawk,

“Ka zawt lui dawn lo che, ka ring che lawm, mahse, hmuh ka duh a, min zawnpui thei angem?” ka ti ta thlawt, he nu hmu tur hian chapo ka mamawh in ka hre hlawl lo.

“Ka zawng nasa tawh, mahse, ka hmulo, khawiah mah a awmlo” a ti leh halh a, a awmdan chuan min ti beidawng ve lek lek mai,

“I hmelhriat te emaw a thiante pawh an vaiin an Address ka duh, min pe rawh” ka ti a, mak tih hmel zet hian min en a, a nui ta nge nge,

“A dik alawm, ilo bauipui takzet anih hi...kei in ka duhna ai chuan i duhna hi a tak a, belhchian a dawl zawk bawk, ka pui ang che, ka pui em em ang che, Muanpuii khan a atchilh che a, a tahpui nasa thin bawk che, inhmangaihtak te hian hlim in phu hliah hliah..” a ti ta duah a,

“Ka lawm e, nangmah ah ka inghat thui viau ang, kei aiin Muanpuii tan khan i tha zawk fe a, mahse, ka Hmangaih miau avangin midang tan ka phallo, alo bia che anih chuan khawngaihin min hrilh ngei ngei ang che” ka ti leh a.

 ka nun ah hian ka nu leh ka farnu te hi Hmeichhia ka hmangaih hmasak te anni a, mahse, Rosy –i alo lan  khan ka duhna kha Hmangaihna  emaw ka ti a, ka buaipui bawk,mahse...mahse...Kha nu, Hmai thuangvuak ngah zet leh Biangsum khuar kek mai kha....ka nun ah a hmasa ber atan a a rawn lan ni atang khan ka ta tur ania, ka la buaipui nasa dawn tih hrelo mah ila a hmasa ber ni atangin ka Workout lai min ti buai a, a rei zel a, ngawirengin min control a, tunah phei chuan hrui lo in min hling a, tal chat turin chakna pakhatmah ka nei tawh lo.

Zan tin amah zawngin ka chhuak a, mahse, beidawnna mai, hmuh tih ka neilo, Amy nen an thiante Fashion Show neihna apiangah kan kal dun zel a, Amy hian sawilo mahse ka zawng tih a hre ru tih a awmdanah ka hria a, Sam-a nen Inneih mai an tum laiin kei leh Rosy kan inthen ta bawk si nen Ka nu in a remti lo a, Kumthar lam an nghah a ngaih phah a, Sam-a alo kal fo a, keimah vang a an Inneih sawn tlai angaih avangin hmuh nuam ka ti lo ru ziah bawk.

“Enteh, Amy lo kal pui pa kha alawm Muanpuii nen a inkawp an tih chu, an Nupa pawh an inthen phah daih a..” ka hnung lam a hmeichhe pahnih inbe thawm chu ka ngaithla a, Muanpuii hming an lam rik chuan ka beng a verh zak bawk,kan inkar ah thingkung a ding a, a tawi laih bawk, chu chuan min hliah a, min hmu pha anih pawh in hnungchhawn zawng a ding ka nih avangin tunge ka nih an hrelo anih hmel,

“Ka ring miahlo, Muanpuii te chuan Amy Cousin Amos-a kha lawm a kawp” Pakhat chuan a ti ve thung a, Party Boruak ri luai luai ka nin avangin pawnah ka ding a, ka Cigarette zuk lai ka hip vang vang bawk,mahse ka hnung lam a hmeichhe pahnih inbe thawm chuan ka ngaihtuahna a la nghal zar tlat ani,

“Naa..a hriat loh, Mipa hian an duh thei lutuk, mahse tunah chuan khawngaihthlak tak ani, khapa khan a nei leh duh silo a, A nupui in a chhuahsan bawk sia...” a nui kar kar a, Rosy te chhuan lam siam a hria tih alang reng, a dawtsawi duhdan chu ka duhzawng anilo, Muanpuii tan a himlo thei bawk,

“A ho em mai, Nimin khan ka hmu a, kan inbia a, a hmelthat ngaiin ala tha reng asin..” a ti leh a, ka thluak a vir zawk ani ber.

Kan inkar dangtu thingkung chu ka kal hual a, an bulah a va ding a, an phu dun zawk niin ka hria, phawk fe in min en a,

“Ka lo be lawk che u, Muanpuii awmna min hrilh thei em?” ka ti a, ka chhuk en run bawk, ka landan a hlauhawm nge pawh ka hrelo, an hmel ah hlau hmel a lang a,

“Tunah chuan ka hrelo, In chung lamah anih ka ring” a hma atanga Muanpuii chanchin chhe zawng a sawi lo zawk kha ani tih a aw ah ka hrethei a,

“Party na ah hian a awm ve i tihna ani em?” ka ti leh a, ka aw ah ka phurna a lang chhuah loh nan ka insum a

“Aw, a hma khan ka hmu a, mahse, reilote chauh ,ka be lo..” ati leh a, chhan pawh chhang leh tawh lo in ka kalsan a, an duh duh sawi zawm se pawi ka tilo,ka hmuh duh ber leh ka zawn ber nen in hnaih te in kan awm dun a, chhuah ka tum lo bur.

“U...Muanpuii ka hmu a..” Amy in nen kan intawk a,

“Khawiah?” tih leh inchhunglam en ka rual a,

“A kal tawh, min hmuh veleh a kal nghal daih alawm” a ti a, ka hlauh leh dawn ni a ka inhriatna chuan hlauhna min siam sak tlat, ka nun ah hian hlauhna ka tawng ngailo tluk ani, mahse, tun tum chu ka hriat ngai hauh loh hlauhna in ka chhungril atangin min man bet tlat bawk.

“Khawilamah nge a kal?” ka ti a, ka vin lek lek mai, engmah sawilo in kawngpui panna step lam chu a kawk a, ka tlan thla a, mahse, tumah an awmlo, kal vel pawh awmlo in a reh vek,ka hawikual a, a awmlo, kawngpui ah ka ding a, ka hawikual a, a awmlo, khawpui a ri durdur a, vawilehkhatah ruah a rawn tla phuar phuar a, kawl a phe zawr zawr bawk, tun mai a kal anih chuan khawiahmah a kal dawnlo, min bihruksan ani chiang, ka zawng tih a hre ru zawk ani angem?,hria pawh nise engatinge a tlan chhiat?, ka Nupui nen kan inthen tawh tih pawh a hria a,ka duh zia pawh a hria,van lam ka hawi a, ruah sur pawh ka pawisa lo, ka hmaiah ruah in a rawn far a, ka pawisa lo, ka Jacket hak lai a huh tan a, ka pawisa chuanglo,

“LALMUANPUII.....khawnge i awm?” ka rilru in ka au a, mahse, chhanna awm silo chuan min ti beidawng a,ka au chhuah ka pawh hrelo in ka au ri ta nghek nghek a, a tawp ah phei chuan beidawnna avangin ka thingthi ta nge nge, engatinge min tlansan kher???!!!..

“Mam....kal ang” Amy in min rawn kuah a, hetiang khawp hian ka nep thei ngai ang tih ka lo inhrelo, ka nun ah a hmasa ber na atan hmangaih ka nei a, mahse, hlimna min va han thlen silo em...keimah vang in a tap thin anih chuan engatinge tunah min tlan chhiatsan si???!!!..

Chapter – 11

Aizawl ah chuan a awm ngei tih ka chiang tawh, mahse, engvangin nge min tlanbo san tih ka ngaihtuah a, ka hrethiam hlawllo, Dorothy leh Amos-a khan keimah vangin a tap thin an ti a, mahse, ngatinge tunah a tlanbo leh si?, min hau se la, a duh leh ka tih tah avangin kut pawh min thlak mai rawhse, hetiang a hmuh theih siloh hi ka tuar theilo..

Ka thiante ka be kual a, Party na tur awm apiangah ka kal ve zel a,mahse ka hmu chuanglo, Hmeichhia kawp duh ila chuan ka kawp sen loh ka hmu,ka nupui ka then na ala reilo tih hre mahse an awmdanah min beisei ani tih tilang ngam ka tawng nual, an duhna ah chuan zah an hre mawlh lo, mahse, tumah a der pawn ka kawp theilo, ka thinlung hian a duh ka hrechiang a, rilru natna leh inchhirleh na tur engmah insiam chawp ka tum tawh lo.

“Maski....ka Msg kha lo en teh..” Amos-an a rawn ti a, a off leh nghal daih bawk, engthil tak nimaw??

Ka hawng a, ka en a,ka rin loh deuh in Address alo ni a, ka hrethiam chiah lo,Amos-a ka call lehnghal a,

“Hey...ka hrethiam lo ania” ka ti hmuk a,

“Khatah khan Muanpuii a awm, amah in a khawsa nge khawsa lo a hrelo” a ti a, ka lungphu a rang dawt dawt mai,

“Ok...ka lawm lutuk,ka lo chhui zui dawnnia,engtin nge i hriat a?” ka ti leh rih a,a nui huk huk a,

“Kei te chuan Nula hmelhriat ka ngah alawm” a ti a, ka nui ve hawk ringawt, mahse, a sawi dik, a lerh a, a luck em em bawk, mahse, a duh em em loh lakah a tang ve ta tlat a, Sawmsangi lah a zak silo a, engtik emaw ah chuan an la innei ngei in ka ring.

“Engpawh nise ka lawm e” ka ti a, ka dah zui ta a, ka en nawn leh a, tunah kal nghal rum rum ka duh viau a, mahse, kal ringawt ila tunah chuan In ah a awm lo maithei, bakah midang nen pawh an khawsa ho maithei a, sawi tur avang  viau maithei asin..

A awmna veng pan in Zanah ka chhuak a, kan dawr a thawk pakhat chhun lamah ka va en fiah tir vek tawh a, amah in a khawsa a, an awmna lai pawh a tlabirh in mi tlawh pawh tam lohna lai ani a, ka lo hmu mai lo pawh kha thil mak ani hauh lo,Ka enfiahtir pa alo haw veleh kan kal dun leh a, zanah kal ka duh dawn avangin hriat chian hmasak vek ka duh a, engvanga buaipui nge ka nih ka sawi lo a, a hre chak anih pawh in min zawt ngam dawn lo tih ka hria,a In luah bulah ka Motor ka dah ngham loh avangin hla fe ah ka dah a, ke In ka pan phei a, Motor a lut thei vek a, mahse, Metal loh a nih avangin a bi boh a, kal a nuam fahran lo, khua a nuam lo a, a hnawng chuap bawk nen, muangchang in ka kal phei a, In a tlem ta pharh mai, Electric Ban lianpui pui a ding khup a, a bul hnaiah In dang a awm ve loh avangin a langsar angreng viau, Concrete building hlui leh chul rup mai ani a, a chung ber kawngpui an ah a neitu te an khawsa a ti a, a hnuai berah a khawsa  tih pawh a hre hre tel nghal vek bawk.

Thawm dim thei ang ber in ka chhuk thla a, mahse, alo inkalh thap mai, ka hawihai lek lek, Veranda light a On avangin inchung lam a mi ten min rawn hmuh mai ka hlau a, a kil thim lam ah ka ding a, ka rilru ah suangtuahna chhe zet alo lut a, eizawnna a nei tawh silo, amah leh amah alo in zuar kual ani mai angem?, ka mit ka chhing sawk mai, midang in a taksa an khawih tur ka ngaituah ringawt pawn thikna avangin ka puakkeh lo chauh.

Ka sana ka en a, Dar 11 a kawk va tawh, alo haw dawn lo anih ka ring rum rum tawh, ka ke a kham ut ut tawh bawk, eng vangin nge tun thleng thleng a alo la haw loh ka hrethiam theilo, ka ngaihtuahna chhe zet avangin ka ner sawk a, ngaihtuah loh duh mah ila ka ngaihtuah lo thei silo, ani hmeichhe derthawng lutuk khan eizawnna dang a hriat miau loh chuan a taksa a hralh anih pawh in thil mak ani dawn lo, kan khawtlang lah hian an dinhmun tak tak thlirpui silo in an chanchin mawilo ngawt kan sawi a, an tan nun tum a fight pawh a tawk lutuk, kan sawiselna nen phei chuan an phurrit lutuk a, an tho kang zo lo fo niin ka hre thin a, kei erawh ka vannei a, retheihna in min ti buai ngailo, Mahse, ka nu leh pa min zirtirna tha tak avangin midang te hmuhsit kan ching ngailo erawh kan vannei.

Step ah pen thawm a rawn ri a, a ding mar a, engtia lo hmachhawn tur nge ka hrethiam lo,a rawn hnai zel a, a rawn lang ta, mahse, min hmu hauh lo, a rui tih hriat zet hian a pai leh khat khat thin a, a thawmhnaw a bal liam bawk, a bag a hawng a, chahbi a zawng anih ka ring, rui viaulo se chuan min hmu ngei ang, a zawng hmu zolo ni ngei tur ani, a phun nang nang a, a awmdan engkim chuan min ti na hluah hluah, ka mal chungah bawh tir a, a mawng er nalh zet ah chuan ben sak ka chak zek zek bawk.ka pen chhuak ta nge nge,ka thawm hria in a rawn hawi vat a, a mengphar dawrh a, a bag a thlauh a, a chhung a thil awm an rawn tla chhuak ram bawk,

“I dam em?” ka pan hnai a, a ni erawh a tawlh hnung hrat thung,

“Maski....” a ti lawi rat ringawt,

“Um, ka ni e, nghah chhuah i har hle mai” ka ti sup a, a meng buai deuh nak a,

“Nilo..ka hre ngailo che, kal bo rawh” a ti leh lawi a, a ding bu lak lak a, a nui leh sak a,

“Eng mangchhia nge ni leh ta?, vawitam tak min ti buai tawh, kal bo teh” bang a ngheng a, Ka kun a, a bag thlauh ka chhar a, a chhunga thil awm ho pawh ka dah lut a, chahbi ka la a, kawngka ka hawng a, ani erawh chuan mak tih hmel deuh hian min en kal ringawt,

“Lut ang le..” ka ti a, mahse, a che sawn eih lo,

“Muanpuii...lut ang” a inrin hma in ka pawmkang nawlh a, min rawn kuah a, a tal eih lo..

In chhung ruak huai mai ah chuan ka pawm lut a, Room hran pawh engmah a awm chuanglo, a In a te hle bawk,Thutthleng pawh a awm lo, bang kil lamah chuan Dunlop hi chhuatah mut mai theih in a awm a, Blanket pawh thleh fel sa in a awm bawk,a thawmhnaw fai vak lo mahse hmundangah nghah na tur a awm loh avangin Khumah ka nghat a, ka dah ang ang in a awm a,a rui lutuk a chatthla emaw ka ti hial zawk, ka hriat thin Muanpuii kha chuan zu a in ngailo, mahse, tun a ka hmuh hi chu Muanpuii hmel ang tho ni mahse, midang daih niin ka hre ber,

Kawngka kharr turin ka kalsan leh a, ka kalh nghal bawk, a bulah ka thu thla leh a,a kekawr berh deuh nian chu phelhsak tum in a kawng kilh na ka khawih a, mahse, rang lutuk in ka kut a rawn man bet a,

“Nilo...kal bo rawh,tu nge i nih? Meng mang lo hian a rawn ti nawk nawk a,

Ngawirengin ka tih chhunzawm leh a, mahse, a theih ang ang in a indang a, a rui lu lai em a tih ngaihna a awmlo, a kawng kilh na ka phelh sak a, ka pawt leh tur chu chhuak zet hian a rawn tap a,ka thil tih lai ka tawp chawt mai,ka en thuai a, mahse, a meng chuanglo, a Mittui a luang ngiah ngiah a,

“Maski....maski...min chhan rawh” ka chhungril a nghawr a, a tap hmel chu ka en a, a tah chhan hrelo mah ila a ka hming a lam a, chhan turin min ngen bawk, ka na vawng vawng mai,ka mut thla ve a, ka chungah ka pawt lai a, a la insut hlawp hlawp tho,

“Mate....tap suh, i bulah ka awm, keimah ...Maski..tuman an ti na dawn reng reng lo che” a beng bulah ka ti a, a beng fai sar mai chu ka fawhsak a,a tap khur dar dar mai chu nghet zet in ka pawm bet a,ka Hmangaih hluah hluah, eng ang pawn a nun lo hmang mahse ka ngaihdam dawn tih ka inhre chiang em em bawk.

“Ka mumang ani tih ka hria alawm zing ah ka harh anga ilo awm leh dawn chuanglo...ngatinge ka bulah  i awm mai loh?” tah aw tiau hian a ti leh a, chu pawh ka natpui leh ta tho, min lo nghak thin a, a mumang thlengin ka tibuai a, ka kalsan leh thin niin a hria a, tunah pawh a mumang emaw ala ti ta fo anih hi...

“Muhil la, mahse, i thawmhnaw hi a bal a, hlip phawt ang, zingah i harh veleh i bulah ka awm ngei ngei ang” ka ti sup a, a insut hraih a,

“Min tiam la....” naupang chhia zet hian a ti leh sep a,

“Ka tiam che, naktuk zing ani emaw engtik hunah pawh nise min kal san anih loh chuan ka kalsan ngai lo ang che” a samah ka fawp zauh a,a thawmhnaw ka phelhsak a, chiang manglo hian min rawn ban a, keipawh ka inhlip a, Tisa chakna engmah a alang lo, ka Hmangaih a, ka ta ani tih zawng ka hria,

“Mumang nuam tak ani...Mangtha aw” a ti leh niah niah a, ka darah a lu a rawn nghat a, a Muhil hmel chu ka en a, khawvel ah hian hmuhnawm tam tak a awm, ram dang ah hmun mawi leh nuam tak tak ah pawh ka kal fo, mahse, tunah chuan ka tan a mawi ber kumkhua tur chu Muanpuii hmel hi ani tih ka hrechhuak tawh.

A che sat sat thawm in min ti harh a, mahse, ka meng duh lo, ka mut ngaiin ka mu a,ka harh tih hrelo se ka duh a, dimte in ka ban a dahsawn a, a inlahrang a, a reh leh vang vang a, ka hmai a sa hut hut in ka hria,hmui nem thep hian ka chal a rawn si a, a lasawn lehnghal a,ka darah a lu a rawn nghat leh a,min rawn kuah a ,a mal nal han chuan min rawn khan a, Pawnlam ah chan ruah a sur bur bur bawk,

“Ka hmangaih che” ka beng bulah zawi te in a ti sep a, a kut zungtang in ka Khabe ruh a chul kual zai zai a,a hawsak dan engkim chuan keimah ah thu a sawi a, ka nun ah Hmeichhia hian min la Control ngailo, Ka nu tih loh chuan thu min pe ngailo ,mahse,He nu hi chuan engthu pek mah min pek a mamawh lo, a awmdan engkim hian min control a, ka pek theih zawng zawng hi ka pe dawn tih ka chiang bawk.

“Muhil leh la... i chet reng chuan a hun hma in a pawi ang e” a kut ka man behsak a, a phu nasa kher bawk,

“Ilo harh reng ami?” tal chhuah a tum a, mahse, ka kuah nghet sauh thung,

“Sawi leh teh..” ka ti hmuk a,

“Engmaw?’ a ti a, ka Hnute hmur a hmet niap niap a,

“Ka muhil emaw i tih lai a i sawi kha...ka hre nawn leh duh alawm” ka ti a, ka meng chhuak a, a hmeltha tak chu a sen tawn tawn bawk,

“Aih...ka sawi mai mai..a ngai tawh lo” a ti bah nawk nawk mai,

“Pawilo, zingtin ka beng bulah i sawi ziah dawn tho alawm..” ka ti leh sup a, a sen nasa zual sauh bawk,

“Tho tawh ila...a tlai tawh e” a ti leh daih a, Sana ka en a, Dar 8 lo kawk va tawh, nizan khan Amy ka kalna tur ka hrilh a, ka haw loh pawn min zawng lo turin ka ti bawk a, ka Phone ka en a, Msg alo awm a, ka rin ang chiah in Amy alo ni a,

“I hmu ta em?” tih te mai hi alo ni a,ka reply a, ka haw rih dawn lo tih leh ka haw hunah Muanpuii ka hruai haw tel dawn tih ka hrilh nghal a, ka Nu hrilh turin ka ti bawk,keiman hrih ka duh a, mahse, Muanpuii a awm ve avangin nuam a tih loh ka hlau a, Amy-in lo hrilh se a tha zawk in ka ring bawk.

“Ala hma em mai, ruah a sur a, khawiah mah kan kal thei chuang lo” ka ti sup a

“Nia, a pawilo, engtin nge min rawn hmuh theih a?” a ti leh a, min en ngam lo in ka awm ah a hmai a phum kak bawk,

“A harsa takzet, mahse, ka tum em a, ka hmu  che” ka ti nghut a, a sam karah ka kut ka rawlh a, Nizan khan Zu a rui em bawk a ,a rimtui viau lo, mahse, pawi ka ti phal lo, kha leh chen amah ngaihtuah in hun ka hmang a, tunah chuan kuah beh reng ka duh ber,

“Ngatinge min zawn a?” a ti leh lawi a,

“Ka zawn loh che i ring ami?,Ka Hmangaih che tih i hria alawm” a ti sup a,

“Aih, hrelo, min duh ringawt anih kha..” a ti ve thung,

“Min en teh..” ka kuai dak a, min en lo thei ta lo, a mitmeng lian kel kawl chuan min en a, ka chhungril zawng zawg hi a hmu tlang vek niin ka hre hial mai,

“Nupui nei lai ka ni a, ka Nupui kal san in nang ka thlang theilo che, Pathian hma ah kan intiam tawh a, mahse, tunah chuan amah zawk adik loh avangin a kal tawh, ka thinlung a thu awm hi ka zep a tul tawh hek lo, ka Hmangaih che a, i tello chuan nun ruak mai ani a, i nun ah engpawh lo tawk la pawi ka tilo, kei chuan ka duh ber chu Lalmuanpuii ani  a, i nun leh chhungkua engmah ka ngaipawimawh lo, i nihna ang ang in ka duh che a, mahse ka bulah ilo kal anih chuan mi sawi na che i tuar a tul ang,nangmah in i tuar dawn lo tih erawh ka hrilh tel nghal ang che, i bulah ka dam chhung hun hman ka duh a, nang aia thih hmasak ka duh lo a, thih hnuhnun pawh ka duh chuanglo, i tel velohna khawvel hian ka tan nawmna engmah min thlen dawn lo, chutiang chiah chuan nang pawh i awm tih ka hria...kan In hmangaihna kawng hi kawng nuam anilo, mahse, kan nun zui dan tur  erawh kan kut ah a awm, min kalsan anih loh chuan kei chuan khawiah mah ka kalsan dawnlo che, keimah vang a ilo tahna zawng zawng kha Ka rul let theilo che anih pawn a chanve tal rulh che ka tum ang...”a rawn tho a, min rawn fawp hmasa a, a mittui avangin a mit a hnawng chap bawk.

Inbual turin min thawhsan a, ka ril a tam raih raih bawk, ka tho a, ka thawmhnaw ka ha a, a bulah hian in control ka ngai nasa mah mah thin,a hun hma in engmah tihpui ka tumlo bur, eng ang pawn mipa dang nen lo khawsa mahse kei chuan Inneih hma in mutpui ka tum lo.

“Chhuak ang, thil eitur ka duh” ka ti a, a Inbual zo hmel thar sar mai chuan ngaihtuahna diklo ah min hruai lut leh ti tih nghal der, a chawn nalh leh no zet chu a kekawr hak in a khuh pha lo a, T-shirt lian deuh a ha a,a nghawng  a zau tep a, mahse, ngaimawh tham em em ani silo,

“I kawr kha a nghawng a zau tep anih kha...” ka ti hmuk a, a sam la hnawng deuh chap chu a thlah tawp thung,

“Ka thlak leh mai dawn mi?” a ti a, a nui a,ka pan hnai a,a rim chuan ka hnar a verh a, tunah chuan Muanpuii rim pangngai ani leh tawh,a kawngah ka kuah a, kan inlen hleih deuh bawk nen a dingdihlip a, ka nghawng ah a kuah a,

“Thlak lo mai rawh, kan kal vat loh chuan a tha lo, ka ril a tam ka tih kha...” ka ti sup a, ka beng a khawih a,

“kal ila, keipawh ka ril a tam” a ti a, a hmui a ti poh tarh a, ka insum hman lo, ka fawp ta nge nge, mi chhanglet tha viau bawk, mahse, a zei lo takzet, chu chuan min ti phur sauh bawk, ka pawmkang nawlh a, ka kawngah a kherh bet a, Dunlop chung ah ka nghat a, ka bawhbet a, kan hmui a inchar emaw tih tur khawp in an infawp buan buan a, a kawr ka zen a, a hnute lian kawh lah mai chu a kawr hnuai chhanah ka tham a, min kherh bet nghet sauh bawk.

A kawr ka hlim chho pawp a, a Bra ka nawr chho a, a Hnute Hmur bial karh mai chu ka hmuh rual in ka thaw hawk mai,ka hmuam sak nghal a, a er ngawng ngawng ,ka samah a rawn tham a, ka kut lehlam in a kekawr kawng elastic ka pawt kau a, a Panty chhung ah zen luh ka tum a, mahse,ka kut a rawn man bet a, ka rum hawk a, ka hawi chhuak a, a hmel, Tisa chakna avang a sen tan mai chu a it awm hlawm tawp ani ringawt, a hmui a pet a,a nuam tuar hmel eng tin tak awm ang maw??

“Maski....kan ti theilo...”a aw a ri chang chang ani ber,

“Mate,a na lo ang...” ka thutiam ka sut ta ngawt, min hip hluah hluah ti ila ka sawi dik ber ang,

“Aih..ka Hmangaih che a, mahse, a hun hma chuan ka theilo...” a ti leh a,

“Ok....ka hrethiam e, mahse, vawiin ah min zui haw angai ania” ka ti a, a Hmute nalh zet chu ka khuh sak a, ka inlet a, ka chungah ka pawt kai a,

“Ih maw...ka kalbo hnu khan ei zawnna ka neilo a, Party na vel buaipuitu ka hmelhriat khan min sawm a, duh lo thei dinhmun ah ka ding lo ka thawk a, kalna tur kan neih apiangin i kal dawn leh dawn loh ka en hmasa ziah a, i kal dawn chuan ka kal ngailo, mahse, hmanzan khan list ah i awm lo a, Amy pawh a awmlo, in lo kal ta thut a, ka hmu ngam ngang lo che, min chhaih fiam mai mai niin ka hria che a, Sex vang in min umzui niin ka ngai bawk a, mahse, min lo hmangaih reng a, ka hre silo, a hnu khan Zu ka in phah ta a,mahse, ka intheilo,nizan pawh khan tlemte chuah ka in, zan tin ka mumangah min mutpui thin a, nizan pawh khan ka mumang emaw ka ti a,mahse, zingah ilo awm ta sia.....” a Mittui a tling pam mai,

“Hush....Mate, sawi tawh lo ang, eng ang pawn i nun lo hmang la ka pawi ti lo ka tih kha..” ka ti a,

“I tan chauh ka invawng thin a , ka nei theilo che anih pawn Pathian hma ah a ngaiin ka let leh mai ang, mahse, tunah chuan a thlawn lo tih ka hre tawh, ka neih theih turah  ka dah ngailo che, in awmpuite pawh tluk lo khawp a laktlak loh ka ni tih ka hria a...” a hmui ah ka kut zungtang ka dah a,ka phu lo ngawih ngawih tih a inhrelo hi alawm ka duh zual na...Hmeichhia, mahni that hre em em ai chuan nun tlawm leh tlang tak hi ka lo ngaina zawk tih ka hriat chhuah phah bawk.

“Kal tawh ang, ka ei zawh hma che in kan kal angai” ka nui hawk a, a ni pawh a nui ve a, a tho tur ka man bet leh a, a hmai, thuangvuak in a kah dum neuh neuh chu ka kut zungpuiin ka tuai sak a,

“I hming in ka ngaihtuah ngailo che ,ka hmuh  tirh che a ka ngaihtuahna hmasa ber chu i hmai a FRECKEL hi...khata tang khan ka tan chuan Miss FRECKEL i ni tawh a, tunah pawh ila ni reng” ka fawh sak a, a nui hak hak mai , he nui ri hi ka dam chhung in ka hre fo tawh dawn tih ka hria, amah vang a ka mut theih loh te, ka ngaihtuah avanga ka awmdan danglam te leh ka beidawnna te kha tunah chuan mumang ang mai anni ta...

“A mawilo e” a ti hlak a, mahse, a haw tak tak lo tih a hmelah chuan alang thung.

Tunah chuan Ka Nupui ani ta ti tawh mai ang, kan chanchin hi sawi reng dawn pawh ni ila ka ning ngai lo ang, mahse, kan nupa nun leh kan hun hman dan zawng zawng te hi kan Nupa chauh a kan hriat tur a vawn reng ka duh zawk a, Rosy nen kan inneih khan kan lar a, min lawmpuitu an tam bawk, Mahse, Freckel-i nen kan Inneihna erawh chutiang anilo, chhungte tih tur a neilo a, Ka Putea te In atangin alo lawi a, mi tam tak in kan inkawp ruk avanga Rosy nen inthen ni in min sawi a, mahse, pawi ka tilo, Freckel-i pawn a tuar thei viau,a bulah ka ding zel a, tuman an tihnat ka phal lo,Ka nu in a hmuh hmasak ber atangin a duhzawng tak alo ni lehzel a, kan chhungkaw boruak a thlak thawk ani ber, Lar na hi engmah alo nih loh zia ka hrechiang telh telh bawk.

“Maski...” Ka lu ah eng nge maw in a rawn fuh dawt a, ka hawi chhuak vat a, Freckel-i na tuar hmel chu ka hmu nghal a, ka Laptop ka dah sawn a, a Nau neih thla ani tawh a, a neih ni tur la nilo mahse a awm danah Nau vei a ang ka ti ve tawp ringawt,

“Ngatinge?” a kutah ka vuan a,

“Ka pum ana lutuk, ka nei dawn aniang, Ka nu ko vat teh” a aw a lawi vek, Room pawnah ka tlan chhuak a, In hnuai a Ka nu awm chu ka ko a, a rawn tlan chho nghal hlawk hlawk mai,

“Nu...ka nei dawn anih ka ring..” a thaw hlawp hlawp a, a hmui a pet fan fan bawk,

“Mama, Motor lo zuk la chhuak teh, hmanhmawh la, Seni kha lo chho bawk rawh se”a ti zung zung a, ka Phili lutuk a Motor chahbi ka dahna pawh ka hmu lawk lo lehnghal,

“Mam, hmanhmawh la...”Seni alo chhuk leh a, Bag ah mamawh tur Muanpuii siam sa vek chu a rawn khai a, ka nu leh Muanpuii an rawn inkuah thla bawk, hetiang hian ka la che buai ngailo.

Damdawiin kan thlen hnu ah pawh ka thu hle hle theilo, Mipa luh ve an phal silo, ka Kut nghet tak in a chelh a, na a tih avangin a thlan in a bual nasa hle bawk,hetiang tehhrep chuan Fa neih belh leh ka duh in ka ring tawh lo.

“Mama....lo kal rawh le, Fanu i nei ania” ka zang nghal hawk mai,

“Muanpuii a tha em?” thildang pawh sawilo in ka ti a, an nui tha hlawm chu ka en kual a, ka zak zo lo,

“Tha e, lo kal rawh” ka zui lut a,Khumah Muanpuiii alo mu a, a chau hmel hle bawk, min lo nuih lui hram hram a,

“I tha em?” a chalah ka fawp a, a nui lui leh a,

“Kan naute kha a muhil nghal aniang, en chhin teh” a ti leh sep a, ka nu in a rawn keu a, Naute hmeltha leh sam ngah deuh mai hi alo ni a, anu hmel a chhun hle bawk,

“I thinrim em?, min chhun chuan keimah ang chiah in a hmai kha Thuangvuak in a  kap ve ngei ang” a ti a, Cabin ah kan awm a, kan 2 chauh in kan awm a, ani pawh a che thei tan tawh a, Naktuk ah kan chhuah ka beisei bawk,

“Nangmah ah chuan i hmai Thangvuak kha ka duh ber” ka nui hawk a, rum deuh in min rawn melh a,

“Ka naupan lai chuan ka zahpui thin asin mahse, tunah chuan ka zahpui tawhlo ka neih theihna che hmanraw pawimawh ani miau a, Pathian hian engmah hi kan taksa ah chhan neilo in a dah silo,kei chu nangmah ah engmah duh bik  ka neilo, i lu atanga i ke hmawr thlengin ka duh vek, mahse, i fa te zawng zawng in Thuangvuak nei a than len hi a zahthlak lo tih an la hriat na tur atan Pa tha ber i nih zel ka duh a, chuan...Ka Hmangaih che..” a nui a...

“Miss Freckel, ka nun na ai pawh in ka hmangaih zawk che..” min chhan hma in ka fawp ta vawng vawng a.

Hlimna zawng zawng hi kan ta ani a, ala ni zel bawk ang, kan ngaihdan in an loh tum a awm pawh in ka thinrim laiin min hnial ngailo, ka Nau te leh ka Nu lakah hmuh hrehawm in a khawsa ngai hek lo,ka duat tih hre mahse Roon chhung ah lo chuan a pangchang ngailo,hetiang hmeichhe tha neitu mipa ka ni hi ka lawm a, Hmel leh khawsak sang ah ka buai nawn leh tawh ngailo, hmelthatna thuruk chu nun ah a inghat si a.