IT'S OK..BABY

"Thla khi a mawi tiraw?' a hmel en pah in ka ti sep a,"um,mawi ka ti,mahse,Thla eng in i hmel chiang deuhin achhun kha nalh ka ti zawk fe" ati let ve thung a,24.Oct.1999 ah ka patea a thi thut a,kan tuar tlang kher bawk,Ka pi leh ka pu phei chu na tak anni,kei erawh chu kum 12 chauh ka la ni a,chutah pawh a mawl chi ka la ni zui,ruang kil nachang ka hre lo a,bakah an tap nasa lutuk kha ka thaw a lo hah ve a,awm ngaihna ka hre lo,Pawnah ka chhuak a,ka hawikual vel a,kan inkawt sir ah chuan ka thian tha ber,ka unaupa,ka engkim nibawk chu alo ding a,kei aiin kum 2 chauh in a upa a,lo lut turin a huaisen tawk lo tih ka hre ve tlat,ka pan phei a,ka kut alo vuan thuai a,"i va lo chhuak har ve,lo kal rawh,kan Inah lo riak rawh" tih pahin min kai a,ka zui ve mai bawk a,mahse,ka ding leh chat a,min rawn melh hau a,"A nu te kan hrilh miah lo ania" ka ti leh hnuhnawh a,"a pawi lo,A nu in a hrilh vek tawh Tlaiah khan,i Nu pawn a phal alawm" ati leh a,ka ringhlel lo,kan inkawmngeih zia hi kan chhungte ve ve pawn an hria a,min ngaihtuah lo.

Kan In chhak lawkah an awm a,a u Nupui in min lo be thuai a,Eitur Fridge a tangin a la chhuak a,a Room lam a pan chho nghal a,keipawn ngawirengin ka zui ve mai bawk a,Khumah bawk chungin a Khum bul chiah Tukverh ah kan dak a,Thla eng in kan Piah mual a chhun en ruih mai chu kan thlir dun a,"i patea chu i ngai em?,a duat ropui che sia" ati sap a,ka bu nghat a,tawng ka tum a ka aw a chhuak thei lo,ka Mittui a rawn luang ngiai ngiai a,a rawn hawi a,min rawn kuah a,kum 14 ah chuan a lian pawl tak ani a,kei erawh a te chi ka ni thung a,a awmah min pawm bet a,ka hnung a chul a,ka rilru nat emaw,ka thinrimte,tihngaihna ka hriat loh avanga ka awmdan ka hloh vek tum apiangin ti hian min kuah bet thin a,ka thlamuanpui a,a aia inhnemna atana tha hi ka hre reng reng lo.Mipat hmeichhiat emaw,thil tha lo lam reng reng kan ngaihtuah ngai lo,ka tan chuan ka u ani a,ka Hero ani bawk a,abak engmah a awm lo.

"Thil in Tiam ang" ati thut a,ka lo aw ve nghal thuai a,"Thla eng khi i hmu em?,nakinah kan upat hunah kan inkawm reng thei lo anih pawn i mangan leh Buaina i neih apiangin Maimitchhingla,Thla eng khi i Mitthla in hmuh tum la,chuan i bulah ka lo kal nghal zel ang' ati a,ka ngaihtuah a tha ka ti,"Awle,ka duh e,tu zawk zawk pawh kan hausak chuan in kalsan lo ang" tih pah in ka kut zungte ka ti pir a,a Kut zungtein a rawn bat a,keini pahnih tan chuan ziakin engmah dah angai lo,kan kut Zungte a inbah tawh chuan kan Thinlungah a chiang em em tlat a ni.

Mahse....tunah chuan kan lo upa ta,kei ngei pawh Pasal neih hun tak ka ni ve tawh a,ani pawh a hna Duh ber,a Naupanlai atanga nih achak ani tawh a,an Hausa sa ve reng a,Unau mipa 2 ah a Nau zawk a ni a,a duh engpawh a nei mai thin a,kei erawh chu khawsak vantlang niin Ka zirnaah Problem ka tawk nen,ka Duhthusam vak loh hna ka thawk ta thung a,ka chhungte bulah awm thei lo in keimahin In ka luah a,a Khat tawkin ka Chhungten min rawn tlawh fo bawk a,ka khawhar lem lo.

"I thianpa in Nupui a nei dawn an tih kha" ka nu in min rawn hrilh chuan ka nghing lawih thei,eng nge a chhan ka hre lo,a number ka Dial nghal a,a la miah lo,ka ti nawn leh a,a la thei lo,ka ti nawn tlut tlut a,ka beidawng duh miah lo,Darkar tin ka Call a,mahse,chhanna ka hmu lo,ka Mittui a rawn tla a,vawikhatmah hetiang khawpa beidawng hian min la siam ngai miah lo,ka tap muhil ta nge nge.

Zingah min rawn call a,ka la duh bik lo,a rawn ti leh a,ka silent ta hmak a,a beidawng lo,ka lungawi lo tih a hrechiang ani,Msg a rawn thawn ve leh thung a,"Sorry..." tih te hi...ka lungawi leh nghal tluk ani,mahse,ka titau laklawh tawh a lungawi mai mai ka tum lo.

Ni 2 zet ka be lo a,ani erawh chuan Fb ah nen,min biak a tum nasa,call  ka la duh lo a,a Text engmah ka reply lo,"Mal-a a mangang ania" tiin ka nu in min rawn hrilh a,"ka tha a,ka be duh lo tih hrilh rawh" ka ti let ve thung a,Ka Bialpa,a lo leng a,kan titi mawlh mawlh a,Kawngkhar na zetin an rawn chum a, Thinrim a ka va hawng chu Mal-a thinrim lutuk nen kan inhmachhawn siah,a rawn lut tlang a,"engvangin nge min biak duh loh?",a ti tuar a,a meng rum ul bawk a,Ricky lah engmah hre hek lo,a rawn tlan phei a,"tu nge i nih?" a rawn ti ve thung a,"oh....mipa nen maw?,a tha alawm,mahse,lo inrawlh miah suh,tunah chuan amah chauh ka be duh" ati leh hmuk a,Ricky lah diau lo,a kal hnai a,"ka bialnu a ni a,sawi tur ka nei ve tlat" a la ti tak deuh deuh a,"ngawi ve ve ru,chuan Malsawmtluang,ka be peih lo che,haw rawh" ka ti hmak a,a hmel chu hlauhawm tak ani,a phiar tawlh tawlh a,"i ti tak tak maw?" ati leh a,a awah chuan a awih lo tih a lang a,"aw,ti tak tak,tunah chuan Naupang kan ni tawh lo a,nagpawh Nupui nei mai tur i ni a,kei pawh Pasal nei mai tur ka ni bawk,chuvangin kan inthian thatna kha chu theihnghilh ang,Naupanlai Thu mai anih kha" ka ti ta zawk a,ka aw a ring lo,mahse,min hrechiang em em tu,Mal-a tan chuan thutawp ka sawi tih hai theih ani lo,ka Naupanlai atangin ka thinrim chuan ka tawng damdap thin tih a hria alawm.

Kan inbe ngai ta miah lo,Aizawl ka haw chang pawn ka hel lui tang tang thin a,a Bialnu nen Motor a an inphur ka hmuh chang apiang hian ka na a,mahse,engvanga na nge ka nih ka hre lo,rei awm loin ka thawhna lamah ka let leh thuai thin a,Ricky pawn min ngaihven a,min Duat bawk,mahse,ka thinlunga hmun ruak hi Mal-a lo chuan an luah khat zo lo.Thla a en chang apiangin duh lo mah ila ka hrechhuak ngei ngei thin a.Fb ah te lutin a online em tih ka check ru a,a Bialnu nen an induatna ka hmuh apiangin ka tap muhil thin a,a Bialnu erawh ka haw thung,ka thiantha ber min chhuhsak alawm le.

"u...i thilziah vel hi U mal-an alo chhiar ve aniang,hmanni ah alo kal a,asawi a,a chhuang lutuk che" tiin kan inbiak laiin min hrilh a,midangin min fakna ka dawn zawng zawng te hi ka hlimpui thin a,mahse,Mal-a min fakna erawh chu ka bulah sawi lo mah se a hlu ka ti ngawih ngawih a,kan naupanlaiin Khumah muchungin Lehkhabu ka chhiarsak thin a,ka chhiar peih em avangin ani pawn Lehkhabu min present teuh a,ka hlim thin zia kha aw."Nupui a nei dawn inti sia' tiin ka haw tum in chawei laiin zawh bik pawh nei lo in ka sawi chhuak a,ka nau mipa chuan nui chung hian,"engemaw inhriat dun le??,u Mal-a pawn pasal i nei dawn tak tak em tih min zawt a" ati liam puat a,ka hrethiam teh nuaih lo,ka pi erawh chuan a hnu daihah a bulah a Tin ka tansak laiin,"Mal-a nen hian in inhau em ni?,engatinge alo kal ngai tak loh?" ati a,ka nui lui a,'hau nang,Bialnu a nei a,min kawm peih lo aniang" ka ti a,Pitar fing lutuk mai a ni si a,a mitah ka en ngam lo,Dawt ka hrilh tih a hre ngei ngei ang.

Ricky-an sawn a thlak a,ka rilru na lutuk ka puak darh a ni ber,ka mu thei lo a,chaw ka ei tha thei hek lo,nasa takin ngaihdam min dil a,mahse,let leh ka tum lo,kei ka kehchhe tawh a,midang rilru tihnat sak ve kher tul ka ti miah lo,pathum ai chuan pakhat nat hi a tha zawk.

Ka pi in min Boralsan a,kan tuar hle bawk a,kan duh ang pawn kan enkawl hman lo,Mal-a pawh a lo kal fo a,mahse,a Bialnu nen anni zel thung,biak enah kan in en lo ve ve.Mipa reng reng ka hua a,tumah ka ring zo lo.Nula awm pawn ka awm lo a,ka awm ve tawp a ni ber mai.

Nizan Thla eng khan kan Nunhlui tam tak min hriatchhuah tir a,ka hna atanga ka haw tlai avangin Thla a chhuak hman a,ka In luah stepah Theirawl rual an lo thu a,ka hmelhriat pakhat a tel ve a,"lo kal ve rawh,Thla eng kan lawm dawn asin" a lo ti a,nui chungin ka kalsan a,Mut tumin ka khumah ka lawn a,Tukverh atangin Thla eng a rawn lut a,ka Nunhlui tamtak min hriatchhuah tir a,Mal ka inti a,ka thiante ti a chhal a,biak tur tumah ka nei hek lo,Mal-a nen kan inkawm loh hnuah Ricky-a ala awm a,mahse,ani pawh tunah chuan a kal bo tawh..Fb ah ka lut a,Mal-a Status ka hmu a.

"Past is Past...But i Miss u...chuan i hre ngai dawn lo..luv u so much"

Ka tap muhil leh ta nge nge..Vawin ah nileng in ka Mood a fuh lo...mahse,In ka thlen a min lo nghak tu hi tunge????!!!!

MALSAWMTLUANGA...chuan...a bialnu nen an in then tawh,hman atangin pakhat chauh a HMANGAIH tih min hrilh bawk.....

Thil tam tak kan lo tisual dun tawh maithei,rilru nain kan insiam tawn ve ve bawk..mahse,tunah chuan ..IT'S OKAY..BABY...