MY DREAM HUSBAND

“Maeng....i Pasal duh zawng han sawi teh le..” kan KTP Leader in min tih chuan zak khur hlak hlak chung hian “ka hre chiah lo,M&B ami ang hi anih ka ring’ ka ti thei hram a, a nui suk ,`I sawi Mipa chu ka hre ve chiah lo nang in i neih ngei theih nan ka duhsak che” tiin min thlah a,Tleirawl zakzum tak,mahni duhzawng pawh sawi chhuak ngamlo khawp a Confi lo ka ni a,KTP Fellowship na ah min tih tlangnel tum in min ko chhuak meuh in min zawt a,Tlangnel phah sawt ai chuan kal loh phah nan ka la hmang zui zat bawk, Lehkhabu ka chhiar Nasa em em a,ka hmuh apiang ka chhiar ani ber,M&B ka duh ber a,mhse hmuh tur a tam lo,Cowboy te,Spy lam thleng in ka chhiar vek a,Lehkhazir erawh ka peih miahlo thung.Eng Lehkhabu pawh chhiar ila a tawp en hmasa lo in Muangchangin ka chhiar a,Sherlock Holmes ka chhiar lai phei chuan fing riau in ka inhre ve ziah bawk...hihi..

“Nui miah suh,vawiin ah ka Star deuh nen kan kan inhmu dawn a,ilo kal ve dawn ami?” tih pah hian ka darah a rawn beng a,Ni sa hliah zawngin ka hmaah a rawn din avangin ka hmu chiang theilo,a rawn kun hnai a,a nui sang a,a Biangsum a lang kalh a,a Khabe ruh kual nalh zet chu a phir thaih bawk a,` kal ve duh teuh lo mai a,min ngei palh ang” ka ti hlar a,a nui leh hawk hawk a, `nia,lo kal ve duh suh,i Mipa duhthusam kha lo Dream leh veng veng mai rawh” a ti leh a,Min va han hrechiang tak em,ka Best Friend ani a,Lehkhabu ka atchilh tih a hria a,min Present fo reng a,a Hmeltha a,a Lian over lo thung a,an Hausa thawkhat bawk a,kan College ah a lar viau,amah vang a min ngei tawk an awm laiin a mah vang a min be tha tu pawh an awm nawk tho bawk a,Mipa ka ngaihsak lemlo a,ka suangtuahna ah chuan Mipa,Palian tak,Pa tawk,Hausa bawk si,tawng mai mai lo,min Hmangaih em em tu tur ka la tawn ve ka ring tlat a,keimah a ka awm lai leh ka mut dawn thleng in Ka Mipa duhthusam hian min chenchilh a,ka ngaihtuahna a chhuahsan ngailo tluk ani,Zorema pawh hian a hrechiang em em a,engtik ah emaw chuan ka la tawn ngei min beiseipui thu min hrilh thin a,kan sawi chhuah apiangin kan nui dun hawk hawk thin a,Zorema erawh hi chu ka Mipa duhzawng nen an Mizia a in let thawk ani ber,A lerh em em a, Ngaihzawng nghet nei rei lo in a thlak kual zut a,amah beisei tu apiang a ti beidawng ngailo,a tawng duh in a nui peih em em a,a chang chuan a nui peih lutuk hi ka thinrim fo thin a,an Hausa a,a hmeltha bawk tih mai loh hi chu ka Mipa duhzawng nen in anna pakhatmah an neilo.

Nitin a Bialnu thar nen an rawn kal dun ta thin a,ka rilru hian “engchen tak daih leh ang maw?” ka lo ti ru thin a,min ngaihsak nep ta deuh pawh chu Mithar a tawn apiang a tih thin dan anih avangin eng teh chiam ah ka ngailo,Keimah a awm a,hunawl ah tibuaitu neilo a Lehkhabu chhiar veng veng ka chak ber a ka duh zawk bawk,’ka lo thu ve dawn aw” rawn titu chu ka melh chho vat a,Mipa ka hmuh ngailoh,hmel tak run mai hi alo ni a,kan College hi a lian tham a,kei lah rualpawl lo chi ka ni bawk nen hriat loh ka ngah a,Hepa ka hrelo pawh hi thil mak ani miahlo,`aw...lo thu la..” ka ti a,min tibuai ni a ka ngaih avangin ka lawm teh chiam lo,a rawn thu ve a,mahse ka beisei loh zet hian a tawng zui miahlo,a Phone a phawrh a,ka melh ru zauh a,a Phone ka hmu chu ka mengphar awk a,mi Reithei zawng ani hauh lo ang..

A Phone a khal a,kei in Lehkhabu ka chhiar thung a,mahse Nidang ang in rilru ka pe thei miahlo,ka Bula thu an awm vang ani phawt ang,a khuh kharh a,` hetia thut ngawi reng hi Boring i ti lo ami?” a rawn ti a,”ti hranlo,nuam ka ti zawk” ka ti let hmak a,a nui suk a,a nui chuan engemaw ti tak hian min fan raih raih bawk a,hetiang hian ka la awm ngai miahlo,` keipawh,mahni a awm hi nuam ka ti zawk,tu nge i hming?’ a ti leh tawng a,` Maengi...” ka ti let ve tawp bawk a,` um...kei chu Malsawma ka nia,inkawm thin ila a that ka ring” a ti leh sup a,min en lo in hmun dang a melh vang vang a,ka chhanna a nghak anih hmel khawp mai,` um....i duh te chuan,mahse Thianpa ka nei a.....” ka tih lai chuan a rawn hawi a,` ka hria lawm,Zorema kha nilawmni...kan veng ami ania,ka hria alawm” a rawn ti a,min chhang dang hneh lutuk chu ka nui ta ngawt a,ani pawh a nui leh suk a,a mak kher mai,a Nui suk thin chuan ka Mipa duhzawng kha min min hriatchhuah tir tlat ani.

Nidangah pawh ka tum loh deuh deuh na ah ka hmu ta fo mai,kan inhmufuh zawk nge mawni?...Nidangah lem khan ka hmuh pawh ka hre ngai silo,kan Inzui tak fo ah chuan a ruk in ka duh a,ka vei veng veng ani ber,amah ah chuan ka Mipa duhthusam zawng zawng kha a kim vek niber hian ka hria a,a Tawng tlem em em a,a nui mang ngailo a,a nuih ve pawn a khi suk chauh thin a,a Hmeltha over lo a,mahse,a Pian a Nalh in a Sang a,engpawh ha se a inhmeh vel vek animai,a CHanchin ka zawh hmasak ber chuan Zorema chu a nur nang a,muk zet hian a in ngaihtuah a,a ni lo ang tak in a rilru a buai ve a ang khawp lehnghal a,` sawi vat teh,in veng ami ania,i hre ngei ngei ang..” ka ti sek sek a,a Mitmeng buang thak mai chuan min rawn melh a,` um....hria e,Kan insawn phei hnu deuh lawk khan anni pawh an rawn awm lut ve a,kan In thlang a Building Hring,Lian deuh kha an In ania,Apa nen chauh an awm in ka hria,kan Inpawh vak lo a.” A tita duah a,kei erawh ka phur nghal sarh mai..

Vawikhatmah min duh thu ala sawilo a,mahse Nitin Kan inzui chawt thung a,Zorema min hrilh dan khan Aizawlah a awm ngailo a,Laklawh deuh in tunah kan College a rawn zawm a ti a,chuvang ani ngei ang,kei mi chut leh nalh em em bawk silo hi min kawp a duh tlat ni..midang kawm mai tur anei lo ani mahna,Zorema nen an inpawh vaklo pawh awm ka ti tho,an Veng hi mi hausa hlang deuhthaw anni a,tu mah hi an in ngaisang tawn lo a,an inkalpawh hek lo,Zorema te an insawn tirh khan ka kal nasa a,mahse tunah chuan pawimawh lo ah chuan ka kal ngai ta mang lo.

College Week kan neih meuh chuan lar vet vet tak ani,Zorema nen an in er viau dawn maw ka tih laiin an inkawm ngeih phian a,Zorema Bialnu kawp lai pawh hi nidang ai chuan a Serious ve ani ngei ang,Thla 3 lai an inkawp ve tawh a,Canteen ah thil kan ei ho fo thin a,mahse ka hmeichhe ngainat chi ani vaklo.` Zan in chu ka Thianpa B’day Party na ah hruai che ka tum a” thil ei pah chuan a ti a,a duhzawng peh hel miah lo a asawi thin chu ka lo ngaisang ve thung a,` naaaa....khawiah maw?,ka kal ngailo a,ka van peih lo” ka ti niah niah a,` ho lutuk,thian ho tak tak chauh kan ni dawn a,bakah i bulah ka awm dawn alawm” ati leh hmak a,hnial a sawt lo tih ka hria a,ka “aw “ leh ta nge nge...Hepa hi chu kan inhriat tirh atangin ka hnial theilo chu ani ber e..

A thianpa te In ah emaw kan kal dawn ka tih laiin Falkland ah Heritage Lounge ah min hruai a,a thiante ho erawh chu ka hmuh ngai anni hlawmlo,Introduction kan nei liam liam a,midangte erawh chu an inhre pawh hlawm a,Delhi a awm laia a kawm thin te ho an lo ni a,an hmeltha hlawm in an Polite a an bula awm a hahdam phian bawk a.` Maeng ....ka In ve dawn ania.” Ka beng bulah a rawn ti sup a,phawk zet hian ka melh a,a In thin ka ring tho a,mahse min dil thlap chuan min ti lawm a,ka hlim veng veng,` um...mahse,tlem te aw..” ka ti a,a rawn kun leh a,a hmui lum thar thar chuan ka nghawng a tawk zauh bawk a,ka tek sawk niber in ka hria,a hriat hlau zet in ka hawisawn thuai a,ani erawh a nui hak thung.

Boruak ri nuai nuai ka nin avangin pawn lam ah ka chhuak a,Aizawl khawpui pe uar mai chu ka thlir a,Zanah chuan a nalh takzet,hei aia Khawpui nalh a awmlo ang tih hial a mawi ani,Ka kawngah ban tha chak zet in min rawn kuah chuan ka phu dawrh a,tal chhuah ka tum nghal a,mahse zawi sup a “ keimah...” a tih takah chuan ka inthlahdul thuai a,` min ti hlau alawm “ ka ti hlak a,zei zet hian ka nghawng ah a fawp zauh a,ka Darah a lu a rawn nghat a..`khatia tih kha ka chak lutuk,min hnial ka hlau bawk a,englo.... pawnah i awm daih a,ka Thiante ho in Khawnge an ti che ania” a ti leh sup a,a Tawng seh chilh deuh ah chuan a In nual a ang...` naaa....an bengchheng bawk sia,haw tawh mai ka duh a” ka ti sap a,min kuah nghet sauh a,`ok...kan haw dawn nia,mahse...thil pakhat chiah...ka duh che tih i hria tiraw?” a aw ngengawl lutuk chuan min ti khur lo chauh..` aih....i sawi ngai lo a,engvangin nge ka hriat ang?” ka ti let sap a, `Mipa ka nia lawm...sawi kher angailo,ka awmdanah i hrethei ang,khang thla 4 chhung khan engvangin nge ka zui kual reng ang che?...” a ti leh tuak a,ka ngawi vang vang a....keipawn ka duh lutuk che tih let nghal ka duh kher mai,` Mal-a....i rui anih kha aw...zingah chuan i zak viau mai ang” ka tita zawk a,a rum hraih a,min kuahna a thlah a,a lam hawi zwngin min kuai her a,ka Khabe ah a rawn dawm a,amah chu chiang tak in ka en ta nge nge a,a Thutak run a,Rui chhe hmel a lang lo..` ka ruih vang a sawi ka nilo,sawi ka tumna a rei tawh,mahse sawi ngailo a i hriat mai ka beisei a,i hre duhlo nge i hre thei silo a,tun hun hi ka chang alawm” a ti leh a,ti der hmel reng reng a langlo,ka chhang theilo....min khawihna chuan ka tha a tizawi vek a,ka aw pawh a chhuak theilo..a rawn kun hniam a,a Hmui nalh zet in min rawn hnaih zel ah chuan en ngamlo in ka mit ka chhing ta zawk a,Ka hmui a rawn sik tak ah chuan ka lo mangphan thin ang chiah ani...

Zorema hnenah phur zet in ka hrilh a,ani erawh amah ang lo tak in a hlimlo a,min lawmpui vangin min kuah chungin a nui hawk hawk ang chu ka lo ti a,ani ta hauhlo,hmalam a melh vang vang a,keilah in thaw dep dep in a tawng hun ka nghak a, a thaw hak a, `um....engtikah nge min hrilh ang ka lo ti thin a,min hrilh lo mahla i awmdanah ka hria alawm,a chanchin min zawh hmasak ber atang khan i Mipa duhthusam i tawng tih ka hria a,khatah khan ka lawmpui tawh che” a ti kual ta duah a,makti zet hian ka melh hau a, `maw???...i van sual tak,tunah min lawmpui tal teh,chuan ka lawm a kim deuh ang..” ka ti lui hram a,a rawn hawi a,chiang zet in min en a, ka kut a rawn vuan a, `ka lawmpui che,ka Naute..ka Thiantha ber i ni a,i hlimna hi ka hlimna ani zel ang..”.....tunah chuan a nui ta,Zorema kha ani leh tawh...

Nitin Class kal turin min rawn lam a,midang te pawn kan inkawp tih hrelo an awm tawh lo,nuam ka ti veng veng a,ka duhthusam thin ah khan tunah chuan a tak in ka cheng a,ka mit ah chuan ani aia Mipa tha an awmlo,Perfect hi an awm thei anih ngai chuan ani ngei hi ani ang.Zorema nen pawh kan inhmu khat ta tial tial a,a chang zeuh a kan In ah a rawn kal leh College a kan inhmu zeuh zeuh bak chu kan inhmu ngai ta lo,Ka Khawvelah chuan kei leh Mal-a chauh kan cheng a,ani aia buaipui engmah ka neilo,ka atchilh ani ber,Lehkhabu ka ngaina tih a hre tawh a min ngaihtuah sak fo a,min Hmangaih thu ala sawi miahlo nang in pawi ka tilo,a chhan chu M& B ah pawh khan an Inneih hma chuan mipa in a Hmangaih thu a sawi ngai tlat lo.

Tunah chuan kan vaiin College kan chhuahsan tawh a,Mal-a erawh chu zir zawm tawh lo in an Eizawnna an Dawr a enkawl zui a,ka Duhthusam chiah...Zorema erawh chu Chennai lamah thildang a zirzawm a,kei pawh Diet ah ka Training ve thung a,kan thiltih a in an tak loh avangin Mal-a nen pawh kan inhmu zing thei ta lo,a hman phawt chuan Tlaiah kan ban veleh min rawn lam thin a,zanah alo kal deuh reng bawk a,ka chhungte pawn an hre tha tawh in an innel em em a,kan Exam dawn hnaiah erawh chuan Lehkhazir tur a min duh avangin alo kal ngailo.Engemaw chang hian Zorema ngaihtuah chhuah chang ka nei a,kan naupan lai a mawlmang tak a kan inkawm thin te,Mipa ve si a nui peih lutuk ka hau thin te ka ngaihtuah a,Ngaih chang ka ngah thin,mahse Mal-a nen kan inkawp tak hnu khan kan inkawm ta lo tluk ani a,ani lah in Cindy a buaipui in a duh em em a,a Bialnu dangte nen chuan an in ang talo,an in then leh mai ka ring kha ania,tunah chuan kum 2 lai an ni ve der tawh.

Ka Phone nghawr dar dar chuan ka lehkhazir lai atangin ka rilru a la peng a,ka Cousin Thari alo ni a, `Hello...Thar...enge nit a?” zangkhai vah hian ka ti a,`oiha.....Maeng....amak lutuk,ih...ka Thiannu Apuii Khatla ami kha alo haw a,an In ah chaw kan eikhawm a,Mal-a alo kal ve a” a rawn ti a,ka nui sak a,Apuii te chu Mala nen Delhi an awm laiin an inkawm thin a,Thari vang nilo in a hma in Mal-an min hmelhriattir tawh a,ahnu ah Thari thiannu anitih ka hre leh chauh a, `um....Mal-a nen an inkawm ngeih over alawm” ka ti a,a thaw hak a, `mahse...aaaaa.....Naktukah ka lo leng ang” a rawn ti ta zawk a,engemaw hlek a Phili ruai chi ani ve a,rilru nawm loh nan a hman chi pawh anilo,a hnu lawkah Mal-an min rawn Call leh a,ka zawt tep a,mahse enthla ka ang dawn in ka hria a ka zawt ta lo, mak ka tih deuh chu a Cousin te in an chaw ei tur khan a in sawi a,Apuii te In ah zawk alo ni sia,Apuii min hmelhriattir khan a Cousin tih a sawi silo..

“Apuii khan a BIALPA tiin min hmelhriattir alawm,Mal-a khan min hria ang pawn a awm miahlo,vawi 2 lai kan inhmu tawh sia,min hrelo zawk animaithei..” a ti sap a,ka melh tlawk tlawk ringawt...` i ti tak tak em?” ka ti the ihram....`um....Dawtsawi hmel ka pu ami?,ka ti tak tak...in inthen awm ka hre bawk silo,amak ka ti tawp” a ti leh a,min khawngaih hmel zet in min en a,Ka lu ka thing a,za lo zet hian ka nui a,ka thaw huai a,Ka Phone ka phawrh a,Rang zet hian min rawn pawh thlak sak a,`enge tih i tum a?,tunah chuan engpawh zawt la a pha vek ang” a ti hmak a,rilru nat dan tur ka hrelo,ka na chiah pawn ka hrelo.engmah ala chiang chuanglo a,amah ngeiin a sawi hma chuan ka awih lo.

Kan Exam zawh Niin min rawn lam a,Thari thil sawi vang khan nge mawni a Danglam tlat hian ka hria a,ka ngaihbel mai mai pawh animahna,An Dawrah min kal pui a,ka kal zeuh zeuh bawk a ka zak lutuk vak tawh lo,` i va ngawichawi ve a..’ min ngaihtuah hmel deuh hian a rawn ti a,` aih...ka tha,sawi tur a vang em alawm” ka ti let a,Eitur a chah a, ` hman zan khan i Cousin te In ah chaw ei i tum a maw ka tia “ ka ti sap a,a rawn hawi zawk a, `um....ei e,ngatinge?” a ti let hu a,ka lu ka thing a,chiang lutuk a Dawt min hrilh chuan min ti na vawng vawng, Apuii kha a Cousin anilo tih ka hrechiang tawh tlat ani,` dik lo a awm ami?” a rawn ti leh a,ka tan a Mipa Perfect awmchhun ka lo tih ve thin khan Dawt min hrilh miau a engmah dik a awmlo, ` aih....awmlo e,mahse,engatinge Dawt min hrilh kher a?” ka insum hman tawh lo....` enga???, khawi laiah khan nge Dawt ka hrilh che a?” a ti hluk a,`Apuii kha i Cousin ani hleinem,tha tak in min hrilh mai thei lo ami?” ka ti ta thlawt a,a thaw hak a,` zanah kan sawi dawn nia,tunah chuan midang an awm ve hi...ei phawt ang” min thlem pah titih hian a rawn ti a,keipawn ka chhang zui tawhlo,midangte hmuh a intih mualpho kher tul ka ti biklo.

Zanah a rawn leng a,ka rilru na avangin tlaiah chaw pawh ka ei mumal lo,kan inzui tirh atangin vawikhatmah Dawt ka la hrilh ngailo a,tunah Dawt chiang lutuk min han hrilh khan ka rinna a ti chhe vek ani ber,Apuii nen min kawp ni a ka hriatna hian min tina,min kawp nilo se Dawt min hrilh kher a ngai miahlo ang,ka Chhungte men lai in engmah thlenglo thei ang ber in kan insum ve ve a,ani phei chuan a veilo tak tak pawh ani maithei,kan 2 chauh a kan han awm takah chuan sawi tur reng reng ka hrelo,a rawn insawn phei a,ka kut a rawn vuan a,mahse ka danglam eihlo,ka Kawchhung a natna awm chuan min Control ani ber, ` i thinrim tih ka hria alawm,a awm lutuk,Dawt hrilh tur che ka nilo,mahse Apuii kha Apa ten Pasal neihtir an tum a,Bialpa a nei silo a min pui rawh a rawn ti a,chuvang ania,a pawi ka ti khawp mai,engmah ka hrilh lo che kha ka thiam loh ani” a ti sup a,Dik tak chuan ka nem leh der tawh zawk,mahse ka tilang duhlo a,ka Kut ka lasawn a,` diktak chuan ka lungawilo alawm...hei chen kan inzui ve tawh a Dawt min hrilh kher khan minti na em ani,enge thup kher a tulna?” ka ti hmak a,ka sawi mar tha phian..` ka sawi kha...Pasal neih ala ngaihtuah lo a,Apa te khan an nawr deuh ani awm e” a ti leh a,inthlahrung tak tak a ang khawp mai..ka ngawi ngar a,Ka kut a rawn vuan leh a, ` mawh...min ngaidam rawh,engpawh sawi rawh,i lungawina tur anih phawt chuan ka ti mai ang” a ti leh a,ka khawngaih ve ta...ka Mipa duh em em in chuti tak a ngaihdam min dil chu a ruk in nuam ka ti veng veng a,min Hmangaih tih sawi phei se chuan nuam ka ti leh zual tur...` a tha lawm...tun tum chu ka Ngaidam ang che,mahse..nidangah khatiang a awm leh chuan.....”...` engmah a awm tawhlo ang,mahse min vau suh aw,vau hi ka lawm lo ania” a ti sup a,a rawn kun hniam thut a,min rawn Fawp ta vawng vawng a.

Kan tha leh ta ngei e..mahse,a hma ang khan ka ring zo tawh tlat lo,ka duh em em a,ka Naupan lai atang a ka Duhthusam Mipa ka hmuh chhun ani a,a tello in ka awm theih ka ringlo a,rin ka duh a,engkim a hma ang khan awm tir ka duh bawk a,,mahse.....”mahse “ a awm tlat,enge anih erawh ka hrelo,Ka thian Pakhat in min fiam na ka la hre reng thin a, `Maeng.....i Mipa duhthusam kha chu mumang mai ani,keini pawn ka Dream ve thin tho a,mahse Mizo zingah khatiang an awm lo,i leng tar mai ang” min ti a,ka nui mai a,` ka la hmu em em ang” tiin ka chhang anih kha...ka hmu tar eng a,Mal-a ah hian ka duhthusam kha a kim vek tlat ani.

Kan In ka lut chiah chu Sitting Room a lo thu ka hmuh chuan ka insum hmanlo,ka khek that a,Zorema erawh chu a hma ang bawk khan a rawn tho a,nui hawk hawk chungin min rawn chibai a,a hma ai chuan tlem in alang upa ve ta,a Hmel erawh ala ngai reng,` engvangin nge ilo haw tur i sawi loh?,thil chah che ka tum asin” a mah si chet a thu chung in ka ti a, ` nanghian vawikhatmah min rawn be lo tih theihnghilh suh aw, chuvangin ka be peih biklo che anih kha” a ti let ve thung a,a Mit meng buang thak chuan min en ran a, ` engtik nge i chhuk leh dawn?, kum khat lai ilo haw lo ania,nuam iti ve chiang e” ka ti leh a,ka lo ngaihzia ka hrechhuak ani ber awm e, `min ngailo em mai a,ka chhuk leh vat ang, eee...Mal-a a dam maw?” a ti liam puat a,ka thutak ta deuh a,Mal-a lam reng reng ka lo hrechang tawh lo, `um tha e,Cindy te?” ka ti let ve a,a bu nghat nghat a,Kanu in Chaw ei nghal tur a a tih chuan a dan pangngai te in awlsam zet hian a ` aw ‘ leh mai reng a,a lang upa ta deuh tih mailoh ah chuan Zorema ngai reng kha ala ni e.Sawidun tur kan ngah lutuk,Eirawng ka bawl lai min tihpui a,tawng kan inchuh ani ber.

Zanah erawh chuan Cindy te In ah kal a duh a,Mal-a lo thlen hnu lawkah a haw ta a,Mal-a nen an inhmu thut chu an hamhaih ve ve niin ka hria,Mahse, Mal-a bulah chuan Zorema nen a kan Boruak zangkhai lutuk kha a bo hmiah thung,a thu tak thei bawk a,sawi tur vak a hrelo,mahse,hei ngei hi ka duh chhan kha ani alawm,Zorema ka hmu kha ka phur lutuk a,thawmhnaw pawh thlak lo in ka Bazar haw kha ka la awm ta reng a,ka Bag lah Common Room ah ka dah tawp bawk a,Mal-a haw hnu ah ka Room ka lut ve chauh a ,Khum a Parcel lian vaklo lo let ngat chuan ka mit ala vat a,ka hawng nghal sawk sawk a,....oi....LALPA....ka thil duh lutuk,CHETAN BHAGAT Lehkhabu thar,Half Girlfriend tih ngei kha alo ni....tu min pek nge???, Mal-a chu ani theilo,a bulah ka duh tih ka hrilh khan On9 in chah kan tum a,Stock a awm tawh lo anih kha....Zorema...

A Number ka neih ah ka Call nghal a,mahse Switch Off a inti zel a,a Number thar ka nei silo,A nau ka call a,A nau in Phone a pek veleh chuan ring zet hian...` Zor....ka lawm lutuk..Lehkhabu vang khan aw...chuan ka Hmangaih bawk che” ka ti a....ani erawh chu a thaw huai ringawt...` nia...kan Surprise ve hrim hrim che nih kha,kha Lehkhabu vang khan ka buai ania aw,aman min pek angai ang” a rawn ti a, `lutuk....ka pe ngei ngei ang che,mahse, i number ka nei tawh lo...ka neih ah khan a tlang theilo,minlo pe vat teh” ka ti let ve a, ` um...ka rawn thawn ang che,i Number ka la nei alawm” a rawn ti a.

Ka inthlak sawk sawk a,ka Lehkhabu ngawt in ka rilru a luah tlat,ka chhiar dawn a,mahse ka Mitthla ah Zorema alo lang a,Engvang a Ka hmangaih thu kha hrilh ngawt nge ka nih??. Mal-a pawh ka la hrilh miah silo..mahse,ka Best ania,ka Unaupa ani bawk a,ka hmangaih reng ang chu...Mal-an a rawn call leh tak ah chuan rei iak kan inbia a,ka chhiar ta lo law law a,Zorema number rawn thawn erawh chu Zingah ka hmu chauh thung.

Zorema awm chhung chu a rawn kal fo a,Cindy te In ah lenglo in alo kal thin erawh ka hrethiam chiah lo,Mal-a nen erawh chuan an inkawm ngeih ta vaklo ni tur ani,an inbe em em tlat lo,` Maeng....Mal-a hian Inneih a sawi taw hem?” tiin min zawt a,ka Khumah a vang zawng in a mu a,a Phone a khal pah mual mual a, ` aih...sawi lo...ngatinge ?” ka ti let ha a,` engmah nilo e...eizawnna a nei tho sia,engvang a la inneilo in nih tih ka lo ngaihtuah mai mai a” a ti leh mai a,ka ngaihtuah vang vang a adik hmel riau..mahse,keiin ka la zirzo ve hleinem..`ka zawh hunk an nghak alawm” ka tit a ngawt a,a nui hawk a, ` atha...mahse,keichu ni ila ka nghak peih miah lo ang” a la tit a fo a, ` chu chu lawm in in an lohna...ani te chu Ka Dream Husband kha ani miau a,ka nghah zawk angai anih pawn ka nghak mai ang” ...

Mahse.....engmah hi thup reng theih alo ni lo...Apuii a rai tih ka hriat meuh chuan ka kehchhe ta vek ani ber,Mal-a biak ka tum a,a Phone a in Off char char a,ka be tlang thei miahlo...tah pawh ka tap miahlo,ka insiam sawk sawk a,an Dawr ka pan a, mahse Dawrah pawh alo awm chuanglo,mumal ka neilo,ka A ruai aniber,tihtur ber hrelo in ka teikual vel a,Mc ah ka Thiante Dawrah kal turin ka lut chiah chu Mal-a leh Apuii nui hawk hawk chung a rawn inkai chhuak nen kan inhmachhawn ta siah mai,ka Ding chawt a,Mal-a pawh chu a hmel a buai ve nak mai...min rawn en a,ka Thinlung kehchhe lai a hmuh ka duh lo..ka Inher hmak a,ka hawisang vah a,ka luhsan ta zawk a,ka te chem chem a,ka Na vawng vawng bawk.

A tawp ta.....a tawp ta vek mai..ka Mipa Duhthusam chhun chu ka ta ani ta lo..an Inneih ni erawh chuan ka tap nileng zak...Zorema ka Call a engmah ka sawi theilo...ka tap nasa lutuk chu dawhthei tak in min ngaithla a,inbe lo in ka tap thawm a ngaithla ani ber, ` Zor...a tawp ta vek mai...engtin nge ka tih ang?” ka tawng theih veleh ka ti a, dam thlap hian...` i tuar chhuak thei ang,Maengi i ni alawm” a rawn ti a,tawngkam tam tak aiin nasa tak in min hnem zawk.

“ka lo haw dawn” tih a rawn thawn a,nia,..lo haw teh se,ani a awm chuan ka khawhar lutuk pawh a reh ngei ang,alo haw zan chuan ka Room ah rei tawk ka tah khum a,ani erawh chuan min hnem nan ka sam ah a chul hauh hauh a,chu zawng chu animai,tunah chuan ka ziawm ta viau e...Zorema pawh Aizawlah a awm hlen tawh dawn a,ka mamawh hun apiangah ka ko leh thei taw hang, ` maeng....awiha....ila ngai reng mai” min titu chu ka en a,Cindy ani....mahse...ani pawh chu a dul a puar ul...`oi...Cindy...i dam em?” a dul melh pah chuan ka ti zauh a,a bu nghat a,` ka tha e....Mal-a kha nupui a nei tih ka lo hria a,nangni engtik nge intih dawn?” a zawhna ka hrethiam lo,anipawh ZOrema bialnu ania,A rai tih min hrilh miah lo..` kanpa alo thleng tep ania,Zorema chungchang sawi miah suh aw..a thik ania” ati leh a,ka la bo tulh tulh...

“Zorem....Cindy khan Pasal anei ami?” ka ti a,a bu ngauh a,”enge awmzia?,in inthen lai ka hre miahlo”...”Chennai ka awm dawn khan kan inthen alawm”..”engvang in?”....`midang ka nghak a...” ati leh mai a...huh...hepa hi a la lerh reng anih hi..` i Dream ami ang chu i hmu leh tawh em?” ati sup a.”aih...ka hmu lo...` min Nei mai rawh,i Mipa duhzawng nilo mah ila i hlimna tur chuan engpawh ka ti ang”...Zorema hmel chu ka en vat a...alo nui ka hmuh chuan ben tum in ka um a...
Hun a kal zel a,tunah chuan Mal-a vang a ka rilru na pawn ziawm lam a pan ta,ka theihnghilh erawh anilo,ka hre reng lo mai zawk,vawikhat chu insawifiah tum in min rawn Phone a,mahse tul ka tih loh avangin ka lo hnar a,ka tawngkam dam dap mai avang khan a hamhaih tih ka hria a,lo thinrim a tah khum hial turah min ngai pawh animahna,mahse, chutiang a ni hauh silo,nat zawng ka na alawm,mahse engvangin nge min duhlo a min kalsan tu bulah ka natzia ka puan chhuah kher ang???

Zorema nen kan inkawmngeih leh ta viau...a bulah hian ka hlim thin a,ka thinrim anih pawn min ti let lo in dawhthei tak in ka lungawi hun a nghak mai a,ka duhzawng engkim a hria a,ka ngainat zawng leh ka duh loh zawng nen...ka lungawilo min thlem dan a hre hneh hle bawk a,Mal-a kha chu chan ka hlauh luatah ka thiamna reng ah pawh ka sawisel ngam ngailo,Zorema nen hian ka lo Compare leh zauh thin a,Zorema hi ka thian ani a ka Ex nen a Compare chi ani lo tih ka hrechhuak a ka zak veng veng thin.

“Zorem.....vawiin ah tihtur ka nei a i hman tiraw?” ka va ti mawltawp....`aih...mithar ka tawng,haha...ka hmuh angai” a rawn ti zat zat a,a ruk in ka na tlat...` ole...pawilo mai” ka ti zuai raih a,Nilengin ka rilru a luah tlat...ka Thik chu ani silo...aaaa...ka Thik...ka Thianpa ah hian ka lo in nghat leh nasa hman tawh a,min kalsan ka hlau leh tlat tawh..Zanah a rawn lenglo a,a Bialnu thar te in ah a kal ani ngei ang...` i haw taw hem?” tiin ka va text a...min Reply miah lo...ka nghak vang vang a.ka Call ta nge nge...a Ring ral thak a,ka tinawn leh ngat a...reife hnu ah a rawn pick ta hram...` enge ?” arawn ti hlur a,a rui chiang...a rui ngai silo...` ila hawlo mi?,ka Msg i Reply lo a..” ka ti a,` min mamawh hleinem...nangte chuan Mipa Pa tawk,Tawng tlem deuh...aaaa...ka sawi peih lo...i duhzawng ka nilo” a rawn ti bah nuai a...ala Off hmak zui...

Ka Dream a awm thin Mipa chu anilo...nia...,mahse..a Bianu thar ka thik..thian tha vang a thik ka nilo..Dream chu Dream ani...a Hlawhtling anih chuan Dream ani ngai lo ang..
` min nei la....” ka ti tawng...a Thingpui in lai a la hak zui..ka Dream Huasband chu anilo chiang...` engmaw?...i mawl ami?” a ti tuar a,ka nui a,a No ken lai ka laksak a,a Malchungah ka thu a,` anih chuan Mi mawl hi Nupui ah i duh em?” ka ti leh a,a nghawngah ka kuah a,a hmel buai nuai mai chu ka en a...a rawn Nui chhuak hawk a...”i Dream thin Mipa...M& B ami kha ka anglo tih min hrilh kha..” ati a...

“Kha chu midangin nei mai rawh se...kei chuan khatiang mipa,Pa leh lutuk..ka tlawn Lungawi reng ngai tur neih ai chuan...Min Hmangaihtu Mipa..ka hriatchian leh min tina ve ngai lo tu hi ka thlang zawk che....”

“Mahse maw....tunah tak hian M&B ami kha kan ang tawp...kan Inneih dawn tep ah kan Inhmangaih tih kan hre chauh a” ati a..a nui var var bawk a....
“ka Hmangaih che...Nang hi alawm ka` DREAM HUSBAND’ chu lo ni...