SURROGATE

SURROGATE : Maengi ralte

Chapter- 1

Ka mutna Room dawt chiah, ka nu leh pa Room atang a thawm rawn chhuak chuan hlauh na namen lo min siam sak a, ka beng ka hup a, he thawm hi ka hriat vawikhat na a ni hauh lo, mahse, ka hriat ngun na hian chhe te mah in ka hlauhna a ti nep chuang lo a, ka hriat a piang in a ngai te bawk in ka kawchhung a fan a, hlauh lutuk avang in beng hup in ka khum leh bang inkar ah, Light pawh On ngam lo in ka thu khur hlawk hlawk thin a, tunah pawh chutiang chiah chu ka nih dan ani leh ta,’LALPA, engtik ah nge he hlauh na hi a reh ang?Ka nu leh pa inhau buai thawm hian engtik nge tawp hun a neih ang?’ tiin ka phak tawk in Pathian ka au ve ziah thin a, keima thil tihsual vang anih ka ring thin a, chutiang chiah chuan vawiin khan School ah ka bul a thu kha ka hau anih kha, chuvang in ka nu leh pa pawh an inhauh Pathian in a phal anih ka ring nghet tlat bawk, Naupang kum 9 mi ngaihtuah ah chuan thil awm lo leh dik lo ani hauh lo.

Rei ngial chet pawh che ngam lo a ka thut hnu ah thawm a reh ta hram, ka beng ka hup na lamah ka tang deuh ani ang ka kut a kham thum bawk, muangchang in ka tho tham tham a, ka ke a mu nasa lutuk a ka kalsawn mai thei lo,ka nghak leh rih a, nilo, ka kekawr a hnawng chuap a., chhuat ah tui a tling pam bawk, hlauh lutuk vang a ka zun cheh thin pawh hi ka tan thil thar ani chuang lo,mahse, ka ti fai vat anih loh chuan vuak ka tawk leh ngei dawn tih ka chiang.

Ka thiam tawk in ka ti fai a, ka thawmhnaw pawh bal bawm ah ka khung ngam lo, ka Room dinglam sir a Bathroom lian vak lo awm chu ka pan a, thawm dim thei ang ber in ka ti fai a,ka su fai zo dawn lo tih ka hai bik lo a,mahse, ti hi chuan ka inbual pah in ka ti huh tel tiin ka nu emaw kan awmpui nula bul ah pawh ka pha thei tawh ngei ang,chuti anih loh chuan Ka nu vuak ka tuar leh ngei dawn si a, a vuak lah a na thei bawk nen, Ka pa vang a a rilru hah na keimah ah a tilang ni in ka hre ve ziah bawk.

Ka mu leh ta than a, an thawm ber a reh tak ah chuan khati khawp khan hlau mah ila ka vei zui ta vak lo, a chhan chu nidang ah pawh an in hau nasa thin a, Ka pa Office bang alo haw har in an inhau nasa zual thin a, Ka pa alo haw hma emaw rui lo a alo haw anih chuan an inhau vak lo, Ka pa zu in hi ka nu hian sawisel fo mahse amah ka nu pawh hian a in ve tho tih ka hre ru kar bawk.

“Chaw kha ei vat rawh, i tlai leh ang, nangmah vang in in zirtirtu te bul ah ka zak hnem tawh ania” Ka nu in a ti hmak a, ka phu deuh zawk bawk, a sawi dik lo hran lo, Tv en chung a Chaw ei ka ching em em a, ka rilru kawm vak vak ka ching zui bawk a, Ka pa Office kal hma in Driver in min thlah hman angai thin a, ka che muang bawk nen, ka inpeih hman thin lo.

School kal tur a ka chhuah hma in ka pa nen kan inhmu hman lo, alo la tho chhuak lo hrim hrim, chu pawh thilmak ala ni ta chuang lo,School ka thlen veleh ka thiannu, Rinzuali nen kan inhmu a, kan chhungkaw buaina pawh ka theihnghilh zui chu a ni leh mai,Kum 9 chauh ka ni a, October ah kum 10 ka tling dawn a, ka tan engmah han vei ren run tur a awm lo.

Ka nu leh kan Driver in min rawn hruai leh mai thin a, a chang chuan kan Driver chauh alo kal tum a awm a, kan nula in min rawn hruai chang a awm bawk, Thian kawm a len chhuah phalsak ka ni lo hrim hrim ti ila ka sawi sual lo ang, kan chhungte, ka nu lam te erawh kan pawh in kan tlawh ngun, ka pa chhungte erawh ka hre lo hrim hrim, chhungte a neilo ah ka ngai mai bawk,tuman min rawn tlawh ngai tlat lo a, keini pawn ka pa chhungte lam tumah kan tlawh ngai hek lo a, Inchhung ah Puitling pahnih in an sawi ngai lo hrim hrim bawk.

In ka thlen veleh Homework zawng zawng ka ti zo vek phawt a, chumi hnu ah Tv emaw Computer ani leh mai, mahse, a chang chuan ka pa lehkhabu dahna ah ka lut thin a, SuddenMuanga bu inrem tlar thap chu ka thulh chilh chawt thin, Ka nu thawm ka hriat rual in rang tak in ka bi ru anih loh chuan a pen thawm a reh rual in a hmuh loh in ka Room ka pan ru zal zal thin a, ka awmdan hi naupang dang te awmdan tho anih ka ring a, ka vui lo a, nuam lo tih na chang ka hre hek lo.

Engemaw thawm in ka muhil min ti harh a, ka Tv en ka lo muthilh san a, ka hawi kual a, kan nula, U Feli leh a thiannu,Ruati tawng ri ka hria a, Kitchen lam atang a lo chhuak anih hmel, ka haw lai khan ka nu a awm lo a, kan Driver in min Drop mai kha ani a, a kal lehnghal daih a, UFeli nen chiah kan awm a, min lo be chul a, eitur min pe a, ka ei zawh veleh Homework ka ti leh a, ka zawh hnu ah Tv ka en a, Ruati lo kal lai pawh ka hre lo,kan awmpui ka ti ngawt nang in kan hnen ah ka hriattheih tirh atang in a awm a, ka nu chhungte lam animaithei, ka nu in a duat em em bawk a, ka pa pawn fa ang in a en in ka hre thin,mahse, unau dang ka nei lo a, ka thik ngai miah lo.

Tui in tum in ka tho a, Kitchen ka lut tep tawh tih ah chuan an thusawi avangin lut lo in ka ding chat a, mi tawng lo ngaihthlak ruk mawi loh zia ka nu sawi ka hrechhuak uar uar nang in ka pen lui thei tlat lo.


“Nizan ah an inhau leh a, awi, ka hne tawh,hawsan ngawt dawn ila ka khawngaih ve tho sia” U Feli aw in a ti a,ka dem miah lo, a ning ngawt ang, mahse, kei ai chuan a ziawm, ala hlau lo tal a ka ti rilru a,

“An nu Hmasa nen khan an la inhmu thin ami?” ka hrethiam chiah lo, ka pa te an sawi leh lo zawk animaithei,ka pa in Nupui hmasa a nei tih tuman an sawi ka hre ngai tlat lo.

Luh tum in ka pen leh chiah a,mahse, ka ding leh nghal,”hmu thin e, chutak chu alawm buaina, ka u hian a hre leh zel a,a buaithlak, engtik ah emaw chuan a nupui hlui hnen ah a let leh ka ring ru tlat asin, Seni hi ala khawngaihthlak ngawt ang” ati leh a, ka lungphu a rang nghal dawt dawt a, hlauhna nge ka hre lo, ka awmdan a dik lo, ka khur ni in ka hria,zawite in ka pen sawn a, ka room ka pan a, khumah a vang zawng in ka mu zangthal a, inchunglam ka melh a, engmah ka hmu chuang lo,ngatinge ka pa in nupui hmasa a neih kher?, chupawh nise tunah chuan ka nu nen an innei tawh a, ngatinge a nupui hmasa a hmuh leh kher?,zawhna hlir, engmah ka hrethiam tak tak chuang lo.

Tlai thim hnu fe ah chaw ei tur in min rawn kai tho a, ka muthilh lai pawh ka lo hre lo, ka hriat erawh chu ka tap reng reng lo ti ila tah na chhan tur ka hre lo ani zawk.Mak tak in ka pa alo haw tawh a, a rui lo in ka lo hre ve ringawt bawk,kan tih fo dan in ngawi reng in kan ei a, mahse, chhun lam a ka thu hriat khan min la ti buai a, engtham mah ka ei lo.

Thla khat zen zawn hlauthawng leh ti dek ka nun ka hman hnu in ka beisei loh dan in thil a kal pawh animahna, engmah ka nu leh pa ah thil tha lo thleng a awm ta hauh lo,mak tak in hauh pawh an inhau ngai ta lo, an hlim viau emaw inchhung Boruak danglam ta viau pawh a awm chuang lo,keipawh ka thlamuang leh ta viau, Ka pa alo haw har ngai mang lo a, Office Ban rual in alo haw nghal thin anih ka ring a, Ka nu emaw Ufeli pawh in ka pa Nupui hmasa chungchang an sawi chhuak chuang lo,ka hresual anih ka ring ta rum rum.

Ka kum phu lo in ka fing a, ka Nu leh pa chhun tur ka nei tha bawk a, ka rualpui dang zing ah pawh ka lian fal nalh a, ka Hmeltha an tih thu ka hre fo bawk,min fak ri a hriat apiang in ka nu hian Nui chungin ‘ duh aiin a fing mah mah tih loh ah hi chuan ka fanu hi ka chhuang ania’ a ti fo thin a, mak ka lo ti thin a, Fa fing deuh neih te chu lawm hle tur ah ka lo beisei ve ringawt.

‘ Nu, khawnge Apa?” chawei laiin a lo la thleng tlat lo, ka aw a thian kharh a,kei lah in ka melh kar bawk.

‘A lo thleng tep ang, i chaw kha ei vat vat rawh” bak deuh hlak hian a ti a, a thinrim a ang viau,ka rilru alo nuam lo leh ringawt tawh.

Room ah keimah in Games ka khel a, Ka pa lo haw thawm ka hriat rual in ka off sawk sawk a, zan in chu a hma ang bawk khan ka hriatthiam si loh hlauh na in min man tlat a, hetiang a ka awm tawh chuan an inhau ngei ngei in ka hre ve tlat bawk,ka room pawn ah thawm dim thei ang ber in ka chhuak a,zan dang ang a hlim tak a lo lawm ka ngam tlat lo,Inhnuai lam ka bih dek dek a, Ka pa rawn pai lut ka hmuh rual in ka ip chawih a, ka room ah rang lutuk in ka tawlh lut leh nghal a, Khum kilah ka thu tawm zui nghal hmak bawk.

An rawn inzui chho thawm ka ngaithla kar a, an tawng ri engmah ka hre hauh lo thung, an inhau dawn lo pawh animahna, inhau lo hlauh se ka ti kher mai,a reh zui ta vang vang, Bana Sana in tar chu ka en a, Dar 10 alo pel va tawh, Office ah thil tih tur pawimawh a nei ang a, a lo tlai palh ani ngei ang, Kanu pawh khan a hresa ani ang, chuti ni lo se tunah chuan an inhau leh nasa tawh in ka ring.

Ka muhil lai engthawm emaw in min tiharh a, ka thu chhuak vat a, tap ri niin ka hria, khum atangin ka chhuk sawk sawk a,ke lawng in ka kal a, room kawngkhar ka hawng dek dek a, ka nu te Room lam ka en a, tumah ka hmu lo, mahse, tap ri erawh ala awm tho,ka pa a damlo ani mai angem?, ka hlauhna a reh duak a,Ka nu te Room ka pan phei a, kawngkhar inkhar phui lo chu nem hawn leh Ka nu koh ka rual a,mahse, ka thil hmuh avangin ka ding chawt mai.

Bag ah ka pa in a thawmhnaw a khung khawm mawlh mawlh a, Ka nu erawh Bang ngheng in a thusawp nuaih a, ring lo te in a insut faih faih bawk, an awmdan chu ka hrethiam chiah lo a, ka nu hmaiah engmah na tur awm a awm si lo, mahse, a tap a, ka pa lah in a ngaihven miah lo,ka lut pawh an pahnih in min ngaihsak chuang lo.
“Pa, khawnge i kal dawn?” zin tur a ang em a, ka sawi tur hriat hmasak ber ka sawi lo thei lo, min rawn melh zawk a,
“Bawihi, ka zin lawk dawn” ati nghut a, a thiltih lai a tihzawm leh daih bawk.
“Mahse, tun ah a tlai tawh si..” ka sawi zawh hma in ka nu a rawn tah rin tak avangin ka tawp leh rih a,
“I Room ah kal rawh” ka pa hian hetiang a thupe aw tak a min biak chuan hnial a chi loh tih ka hria, engmah sawi ngam tawh lo in ka tawlh chhuak a, eng ang buaina nge ka hrethiam lo takzet,an inhau si lo, mahse, thil dik lo a awm tih an awmdanah alang vek bawk si.

Mu lo in ka thu a, thil lo thleng tur ka nghak ani ber, eng nge ka nghah reng reng ka hre hauh lo thung,ka room kawngkhar a rawn inhawng a, Ka pa a rawn lut a, Bag a ak puar luah bawk,Khum ah a rawn thu ve a, a Bag chhuat ah a nghat a,ka kut a rawn la a, a hum vang vang a,a chawikang a, a fawp leh a, hetiang hian a awm ngai si lo,mi a ang maiin a che vel ka en mawl tawp,
“Bawihte, ka fanu i ni a, ka hmangaih che, naupang fel tak i ni tih ka hria,ka awm lo anih pawh in lo tap lo la, min mamawh hun apiangah min lo call ang a, i bul ah ka lo kal zel ang, mahse, tunah chuan ka kalsan rih che angai a..”a aw a khur a, min pawm bet a, ka sam karah a hmai a rawn dah a,

“Ngatinge i kal angaih? Khawiah nge i kal dawn?” alo lang hmasa apiang ka sawi mai,

“ I nu nen hian kan inhau thin a, hrehawm i ti tih ka hria, chuvangin ka tihsual te siamtha turin ka kal dawn a,i nu hi tha tak in lo enkawl ang che” ati leh a, ka hrethiam ta tlat,Ni lo, an inthen dawn, a theih loh, an inhau thin anih pawh in inthen kher angai miah lo ang,ka nu pawh a fel mai ang.

“In inthen dawn tih na ani em?” ngam leh ngam lo in ka zawt a, min pawm nghet sauh a,

“Aw, Bawihte, i puitlin hun ah engkim i hrethiam mai ang, tunah chuan feltak in awm la, i nu in engpawh sawise ti thinrim belh lo la, mamawh i neih chuan min lo be zel ang che” a ti leh a, ka inrin hma in ka mittui a rawn tla a,

“Engmah ka mamawh lo ang, Pa,nangmah alawm ka mamawh, ngatinge in inthenkher ang?” ka tap zui nghal hlap hlap bawk, dim te in ka hnungah a chul hauh hauh a, engmah a sawi lo.

“Ka kal ang aw,min koh apiangin i bul ah ka awm reng ang ka tih kha”reife ka tah hnu ah ati leh a, min nemsawn a,mahse, a mal ah ka vuan bet tlat, kal tir ka phal lo,miin pa neilo ti a min sawi tur ka ngaingam lo, chubakah inthen ka phal lo,

“Pa, kal lo ang, ka fel tawh ang, engmah pawh ka ngen tawh ngai lo ang” ka insut leh a, mahse, min nemsawn a,

“I fel alawm Fanu tha ber i ni tih ka hria alawm” ati leh sup a, a bag a la a, a mal ka chelhna ka kut a rawn phelh a,

“A nih leh ka fel a, a nu nen pawh in inhau ngai tawh si lo, ngatinge kal kher a ngaih a?” khumah ka thingthi a,ka melh kar bawk,ka mittui rawn hnam chu ka kut hnunglam in ka hru a,

“Engkim i hriatthiam hun ah kan la sawi dun dawn nia” ati a, a inher a, kawngkhar a pan a,

“Aaih, a nu pawh a tap a, keipawh min ngai miah lo,i nupui hmasa in a ko che ani ang, a pawilo, nakinah pawh engmah sawi ka duh lo ang, kal daih rawh, misual i nih kha, ka pa pawh i ni lo ang tih ka hria alawm” ka hlauh na a reh vek a, thinrimna in ka rilru a luah khat a, ka sa chhuak vek ani ber.

Kha zawhna kha chhan ani ta lo, kum tamtak a liam leh hnu pawh hian chhan na ka hmu ta chuang lo a, ka hmu ngai bawk hek lo ang, a chhan chu maw, vawiin Feb.9.2010 hian min kalsan hnu a a chanchin ka hriat leh hmasak ber chu a thih thu ani tlat alawm le, kal tum na ka nei lo hrim hrim, ka pa ni se a fanu hi min ngaihtuah tur ani a, a ni kha chuan ka Room leh kan In a chhuahsan hnu khan kan nufa in thi tur in min kalsan a, Dam chakna reng reng neilo khawp in ka nu a khawsa a, ni e, an pahnih in nu leh pa nih an tlin lo ve ve, chuti ni lo se kei hi Ka putea te nupa tih duhdahna hnuai ah ka seilian lo tawp ang.

A hma kha chuan Nu thihsan ,Pa kalsan ka ni thin a, Ka pitei an hla hmanthiam ber ani a, ka beng ah hian ka thih hma chuan a reh in ka ring tawh lo,tunah phei chuan an hla thar a neih belh leh ta, Nu Thihsan mai nilo in Pa thihsan ka ni leh ta, ka tan chuan engmah hi a danglam chuang lo a, ka taksa ah hian hliam hnuhma engmah a awm lo, mahse, ka rilru chhungril a hliam ser hi chu ka dam chhung atan ani tawh ang.

‘Malsawmzual, i thil ken kha fimkhur ta che” a sawi zawh rual in ka ke bul chhuat ah a tla keh nghal chhuai a,te tuar ri in a zui nghal zat bawk,

“Pite, ka tihpalh, Mama hian min rawn su a..” sawi zo lo in an fapa kum 6 mi lek, ka sir a ding chu ka kawk a, hei pawh hi Nuapang sual tak tho, anu leh pa in min hmuhsit em vang hi ani mahna, ani pawh hian a thiamtawp in min ti duhdah ka ti lo thei lo, ngeiawm zet hian a ner nang a,

“Ka kalna tur ah ilo awm anih kha,Nu, keimah ka ni lo” a ti zat zat a,nidangah thil ka tih chhiat loh pawh in min hau nasa thin ania, tun tum phei chu a pot lei thar ber kher ka ti keh a, ka hmabak a ko lo hle ang.

“I sual dan em em hi, nang, nu leh pa neilo kan khawngaih che a, hei leh chen kan enkawl che a, pawisa kan phut let lo, mahse, tha tak a inchhung chet te chu ti tur in ka phut che,i putea lo haw rawh se, i chaklo ang” ati hlawih hlawih mai, ka rinlawk sa, ka Pa thih thu a chham tel lo hlauh thung.

Mahse, chawmhlawm ka ni in ka inhre bik lo, ka nu boral hnu ah kan In kha an hralh hmak a,kha pawisa kha chengkhat pawh ka hmu lo,kan Motor pawh ka putea bawk in a kawl a, ka nu boral hlim kha chuan kan khawsak ala nuam a, min enkawltu nih kha a chuh in an inchuh lo chauh a, kei, Naupang rilru ah kha chuan min duat ber tu leh min be sawm peih tu ber ka Pitei te bul a awm hi ka thlang ta kha ania, mahse...mahse...kum khat pawh nghah angai lo, kum chanve hma in ka thlan sual zia ka hrechiang hman vek,an mize inthup zawng zawng leh an rilru chhungril tenawm zia pawh engkim ka hre chiang takzet,ka nu leh ka putea hi unau,thisen hmunkhat a hrin an nih ka ring lo hial tawh zawk.

Chapter – 2

Chawei laiin ka putea a rawn haw a, a mitmeng ah zu a ri tih ka hria a, huphurh tak ka ni,an bul a awm tur a min hruai atang khan kum riat a liam tawh a, kei pawh College ka kal tan ve tawh,tih duhdahna tinreng tuar chung in hun ka neih apiang in ka zir tang tang a, a thiam pawl ka lo ni hlauh a, ka hnufual lutuk lo hlauh zel a, ka Putea Fanu upa ber nen kan College kal na a in ang a, mahse, Unau ang pawn min en lo a, vawikhatmah kan kal rual ngai hek lo,ka dem hauh lo, thawmhnaw tha hak tur ka nei ngai lo a, incheina engmah ka nei hek lo, ka pi leh pu la dam ta se ka ziawm maithei, ka nu unau dangte pan dawn mah ila a ngam in ka ngam lo hrim hrim, bakah tun a min enkawl dan bak hian min enkawl ka beisei chuang lo.

“Malsawmzual, i awmdan hian min ti va ti zak ve, ka In hi chhuahsan nghal rawh” ka chawei thleng a rawn chawi sawn a, Pot kha ka thlauh keh ngei a, mahse, In atang a in hnawhchhuah nan chuan a ho ka ti,

“Pute, Khawiah nge ka kal ang?” ngam leh ngam lo in ka ti a, en pawh ka en ngam lo, ka sam tawn ah a rawn phih sawk a, ka ding nghal zawk bawk, a tham ngheh lutuk avangin ka lu lei a na ngut ngut bawk.

“I kalna tur ka ngaihtuah lo, I nu leh pa in an duh loh hi ka enkawl lian che a, ei tur ka pe che a, lehkha ka zirtir che a, hetiang hian maw min rulh let a” ati leh tuar a, Pot keh mai mai chu engvang a haw em em nge anih ka hre lo.

“Pot keh kha pawi ka ti , ka theih veleh atha ber ka lei leh ngei ngei ang” zawite in ngam leh ngam lo in ka ti sep a, a rum huk mai,

“Fiamthu i thawh elaw? Nang K.S mai mai hi ka hmu peih lo che, i nu khan zahna tamtak min thlen a, a fanu i ni bawk a, ilo chhun khawp e, thlawk bo rawh, engmah keng chhuak suh” ati leh a, ti dek in ka melh a, a sawi awmzia ka hre lo takzet, kum 18 a ni tawh chung hian mipa tumah ka la ngaizawng chhin lo a, min duhtu lah ka hre hek lo.

“Ka hrethiam lo...” ka ti leh hman chiah chu Pitei a rawn te ve ta thung, a Fa te 3 chu Room a kal tur in a ti a, nidang a min hau ang ngawt anilo bawk nen a fa te pawn an hnial ngam lo,an chawei lai an thawhsan a, an kut an sil a, reilote ah an Room lamah an lut zui nghal diak bawk.

“Tha te in i awm emaw ka ti a, ilo hetih vang anih hi thian pawh i neih theih loh, i nu ang chiah khan mi pasal ila chhuhsak ve ang a, an la kalsan ve ang che” a thusawi zawng zawng chuan ka kawchhung a fan a, thumal tin chuan min deng sawk sawk in ka hre hial bawk, Mi pasal maw alo kawp a, thil kal tawh ka mitthla ah an lo lang nghal zut zut bawk.

Min nem nawk nawk a, pawn ah min nam chhuak a,a thusawi khan min thawng lutuk a, min hnawtchhuak lo tur a ngen na chang pawh ka hre lo,mahse, hei erawh chiang tak in ka hria,
“Kan chhungte min rawn ti suh ang che, kei emaw, i pu te, i nu unau te hi i tan kan thi tawh a, kan chhungkua ami ini tawh lo, midang lo thlen hma in chhuak fel rawh, kei chuan khawngaihna tlem ka la lan tir a, anni ho chuan an khawngaih ve dawn lo che, i nunna in a tuar hlauh ang”

Engvangin nge khawvel ah hian ka pian ve?, Mi pasal chhuhsaktu pum chhung ah kher engvang in nge ka lo awm?An nawmchenna avangin tunah hian kei mah chiah in Khawvel hrehawm tuar tur in min kalsan leh lawi a,engvangin nge Ka pa pawh khan ka nu in a hmangaihna leh mualpho na zawng zawng nen a tawrh na kha a tawrh chhuahpui mai loh?

“ Hey, i kalna en ta che” Mipa aw teng zet in min tih rual in ka phu zawk a, ka hawi chhuak nghal a, LALPA leh...Kawgpui lai tak ah ka lo ding chu ni in, min su hlum lo a vannei tak ka ni,

“Ka tihpalh..” zawi te in ka ti sep a, hmahmawh zet in kawngsir ka pan a, ala phu zui nuah nuah ri ka hre pha hram bawk.

Kal mai na tur ka hre miah lo, engtia awm tur nge pawh ka hre chuang lo, dam pawh ni ila hlawkna eng nge awm?, a tul na lah a awm hek lo,Motor tlan zut zut chu ka thlir a, an sut tur in ka va inbarh lut mai ang, ka khup a khur a, ka pen hleithei lo,beidawng lutuk in ka thu thla hnawk a, bang kil thim, eng in a chhun phak chiah loh lai ani a, tu pawn min rawn hmu se Hmeichhe awmtha duh lo, inzuar ah min ngai ang, nidang ang nise ka hlau hle bawk ang, mahse, tunah chuan engmah ka hlau lo a, pawisak ka nei hek lo.

Rinzuali te ka pan mai dawn em ni ang?, ani lo thian ti a han chhal tur lam ka nei lo, hmelhriat satliah chu an awm nual, mahse, anni chu ngaihtuah ngam ani lo,Rinzuali pawh pan ta ngawt ila min lo hnawt chhuak maithei asin...mahse, kal na tur dang a awm lo, helai ah hian ka riak dawn anih loh chuan ka kal vat angai, ka thawmhnaw hak lai, T-shirt leh kekawr lianpui nen chiah ka ni a, a tlai deuh hun ah phei chuan misual in min rawn hmu maithei..ka ngaihtuah ngam lo zawk,ka theihtawk a chak in ka kal a, khawlai a reh tan tawh a, mahse, tuman mak ti a min en an awm lo hlauh,kal vel an la awm nak nak vang animaithei, hrilh lawk thei ila chuan a tha ngawt ang, mahse, tunlai khawvel, mi zawng zawng deuthaw in Mobile Phone an neih tawh na ah hian kei hian Mobile Phone chu sawi loh thil hlu dang pawh engmah kawl ka nei lo,Ka nu in a boral hma lawk a min pek ka Rangkachak thi lah kha ka inbual hlan in a bo a,Ka inbual lai in mi lo kal an awm leh awm loh ka zawt a, ka inbual lai a In a awm ve ka pitei te nufa in thla khat chuang min be lo anih kha, sawi en ah ka en ta lo.

Door Bell ri a reh rual in ka lungphu ri ring lutuk chu ka awm ka dawm leh rih a, an ui a bauh nghal that that bawk, nidang ang chu nise an ui bauh rual in ka lut leh daih tawh awm si a, zan in chu a danglam a, hlauhna in min tum tlat bawk.

“Awi, Thiannu, a va mak teh hlawl ve, lo lut rawh” Rinzuali’n kawngka a rawn hawng hlauh.

“Nia, ka lo kal lawk, ih, kan inbe lawk thei angem?” inthlahrung deuh in ka ti a, a nu ho a khawsa an ni a, mahse, a nu hi Officer ani a, an harsa lem lo.

“Um, lutuk, lo lut la, ngatinge i din reng a??” a ti leh bawrh bawrh a, Inchhung ah midang an awm chuan sawina hun a awm lo ang tih ka chiang.

‘Lo chhuak la, pawn ah ..Midang an awm chuan buaithlak” ka nui lui a, a meng buai deuh nak a,mahse, a lu a bu ta nghat tho,Inchhung lam a hawi a,a u hnen ah Dawr a kal lawk dawn tih hrilh in a au nghal lar lar bawk.

An kawt a lungrem chung ah kan thu dun a, Thingung tawite ding in min hliah deuh avangin In chhung atang chuan hmuh mai theih kan ni lo ang,

“Sawi la, i Putea ten an hau leh tawh che mi?” ati sap a, a rilru a nawm loh hmel hle bawk,ka retheih zia min hriatpuitu awm chhun ani a, ka rilru natna ka hrilh ngam chhun ani bawk, vengkhat kan ni thin a, mahse, Putea te bul a ka insawn tak hnu khan venghran kan ni ta a, chuti chung chuan kan inkawm kan thulh chuang lo a, Hmundangah College kal thei ani reng chung in min ngaihtuah vangin Aizawl ah a kal ve leh a, ka tan a hlut zia hi eng ang a nasa pawn sawi ila in ka sawifiah zo lo ang.

“Um, ih...mahse, tun tum chu a danglam..min ..” ka ngawi leh rih a, ka kut a rawn vuan a,

“Kut an thlak che ami?” thinrim sehchilh deuh hian a ti hmak bawk.ka lu ka thing a, min khawngaihtu bul ka thlen tak ah chuan ka mittui a rawn hnam a, tah hawk hawk ka chak em em bawk, mahse, ka tap ta em lo, lehlam ka hawi a, ka mittui dan tun tum in ka khap sak sak bawk.

“Mawh..” ngaihtha lo fahran hian a ti leh a,

“Aih, chu aia tha lo zawk, min vua se, min hau se a ziawm, mahse, chutiang ani lo, min hnawt chhuak a..” a tawp lam chu a ri chang chang ani ber.

“Eng a?” a hriat loh vang a min zawt nawn ani lo tih ka hria, sawi nawn pawh ka tum hek lo.

“Ok, a pawi lo, kan In ah i awm thei animai lawm, ka nu lo haw veleh kan hrilh dawn nia, lut ang” zangkhai vah hian a ti a, phawk lutuk in ka en a,ka lu ka thing a,

“Hrilh angai lo, Zan in ka riak ang a, a dang chu kan ngaituah chawp thei alawm”ka ti a, mahse, a lu a thing mai,

“Buai suh, ka nu hian a ngaihven reng che a, ilo awm ve hi pawi a tih ka ring lo, engvang a hau che nge tih lam a pawimawh lo,lut phawt ang” a ti leh zung zung a,a tho a, min kai tho nghal bawk, thil engkim hi a thleng thut a, a tawp leh thut a, ka awmdan hi a mak ka ti em em ani mai.

Rinzuali nu lo haw veleh engkim Rinzuali’n alo hrilh a, a U a awm lo thung, a u pawh hi Rinzuali ang tho a fel leh ngainatawm ani a, a nau nen kan inkawm nasat avangin nau ang maiin min en a, keipawn nuta tak tak ang in ka en niin ka hre bawk.

“Lungngai suh, i nu nen khan thian tha tak nilo mah ila ka fa nu thian tha ber i ni a, ilo awm ve hi ka tan buaina a tling lo, mahse, i Putea te ka biak erawh a tul ang,chu pawh chu lo ngaihtuah duh suh, ka ti fel mai ang, han mu rawh u” dam thlap in a ti a, ka nu ka ngai vawng vawng mai,a Boral dawn khan nu tha lo ber ani in ka hria a, Zu a in nasa a, min ngaihtuah ngai lo niin ka hre bawk a, mahse, a ruih loh lai chuan ka tan a theihna zawng zawng a pe thung,Zu khan a taksa nasa tak in a ei chhia a, in lo thei lo khawp in a taksa khan a mamawh a, a Boral dawn pawh khan ngaihdam min dil tawk tawk anih kha...Ka pa erawh ngaihtuah loh ka duh zawk, ka haw ngawih ngawih ti ila a dik ber ang.vawin ah a thi a, ka tan chuan ka Room leh kan In a chhuahsan rual khan a thi fel daih tawh zawk.

Thla khat zet ka awm ta,kar khat lai Class ka kal lo a, Rinzuali hnen atangin ka Putea Fanu, Amy khawsak dan engkim ka hre leh a, Hmeichhe pakhat, ka hriat ngai ani lo,a Sex tape a lo lar viau mai a, kan in ang viau bawk anih hmel, chu nu chu keimah ang in a sawi a, a hma a tu hriat hlawh lem lo kha min hmu chak an kat nuk niawm tak ani, ka insehruh a, ka rilru pawh hian nat ngaihna a hre tawh lo zawk, Rinzuali nu beng a thleng thuai a, mahse, min ringhlel anih pawh in a ti lang eih lo, ka lak a a awmdan engmah a thlak chuang lo.
Rinzuali nu phal lo chung in Hnathawh tur ka zwng lui a, Pvt Company pakhat ah hna ka hmu ve hlauh bawk, hna sang tak erawh ani lo a ruk in In luah tur ka zawng bawk a,ka luah ngam tawk tur Aizawl tlak lam veng ah man tlawm te in ka hmu hlauh bawk, mahse, College pangngai ah ka kal zawm thei tawh dawn lo tih erawh ka hria,a pawi lo, khatiang tehhrep a ka hmingchhiat na hmun leh tu te pawn min kawh rawn na hmun ah khan let leh chak na ka nei lo e. ka theih veleh IGNOU ah ka inziak lut mai ang, chu aia tihdan tha a awm tawh lo,Rinzuali te chhungkua ka chung ah tha em em mahse ka tan chuan chhungkua tak tak anni lo tlat a, an that na um in ka damchhung hun ka hmang thei dawn hek lo, ka tan chuan mah ni a inhai kuak a, ka dam khawchhuah na tur a beih hi tihtur tha ber ani mai.

Ka inluah a ka riah luh hmasak ber zanah Rinzuali’n min riahpui a, Rinzuali te hnen atangin In chhung bungrua ka mamawh zualpui, ei siamna tur hmanrua, bungrua leh Gas ,an khum hlui leh an thutthleng hlui pahnih min pe tel bawk a, ka hawikual a, engkim mai chu ka mumang ah pawh ka hmuh phak ngai loh khawp in a chhia, ka nu leh pa nen a kan khawsak lai khan kan harsa lo mai pawh ni lo ka duh ka sawi chu ka nei vek thin a, Putea te bul ah khan tih duhdahna tinreng tuar mah ila a hranpa tak in kan rethei lemlo bawk a, ei leh in, Bungrua engkim kha a rualpawl tawk ani vek, tun a ka ngaihtuah thiam dan ber chuan Ka nu te damlai a kan inthlang a Khawchhak lam mi, inhlawh a lo awm te in kha a ang ber in ka hria,mahse, eng nge pawi??, tu thuhnuaiah mah ka awm tawh lo a, tumah ka hlauh angai tawh hek lo.

“Malsawmzuali maw i nih kha?” a tarmit nawr chhoh zauh pah in min rawn en a, a hma a Computer lam chu min melh san leh nghal daih bawk, Nula nge anih a Pasal nei lai ka hrethiam lo, a upat hmel vak loh a, mahse, kum 30 bawr vel ani ngei ang.

“Aw, ni e” ka ti a, ka kut ka suih a, athlan dap dap mai,

“Nidangah chuan engpawh ka zawt che anih chuan Miss tih i telh tawh dawn nia, kei lo midang kan Family member dang te pawh Hmeichhia chu’ Miss’ ,Mipa ho chu ‘Sir’ “ a nui sak bawk, a hmelthat mai bakah a nalh em em bawk.

“Yes, Miss..ka lo hrereng dawn nia” ka ti leh a, a bu nghat a, a bul a bang, Glass chu a nem tawlh a,pawn lam a mi tu emaw a ko a,Mipa, keimah aia upa hret tur hi rang zet in a rawn lut zui nghal zat bawk.

“Hminga, hei hi kan Sales Dept a lam mi tur ani a, Malsawmzuali, engtin nge an koh ka hre chiah lo,a tihtur lo hrilh ta che aw” ati a, thil dang a hrilh tel teuh bawk, a room ka luh tn tirh atangin thu tur in min ti hauh lo erawh mak ka ti rilru ve ringawt bawk.

Kan awmna Room sir lam a Step lian lutuk lo chu min pan pui a, a hnungah ka zui dat dat bawk,

“Mal-i an ti thin che em?” min rawn en a,ka bu nghat bawk,a hmel inthlak zawk chu ka hmu hman hram, hlauh na in ka khat nghal a, ka kawchhung a let but mai,ka nihna nilo pui kha an lo hre ve ani mai angem??, mahse, a nui leh ta zawk a,

“Mizo hmeichhe hming ah chuan nalh ka tih pawl tak ani, Hminga ka nia, i senior tur ka ni bawk a, mahse, Sir tih ka duh lo ania” a hnar a ti arh a, a nui zui hak bawk, ka vawikhat hmuh na tur ah ka ngainat tur Mipa ani in ka hre ve tlat bawk.

“Awle,ka lo hrereng ang” nui chung in ka ti ve a, helai hmun ah hian engtin nge awlsam tak in hna ka hmuh mai hi mak ka la ti tawp thei lo,Qualification ah khan B.com tih ani a, B.com chu ka zir ngei a, mahse, ka la zo lo, kan interview khan ka mamawh em avang in ka dil a, B.com ka la zo lo tih pawh ka hrilh nghal bawk, hrilh lo mah ila ka Bio-data engkim ka submit avangin hai tur a awm chuang lo.

Showroom kan thleng chawpchilh nghal a, ka tih tur leh tih loh tur engkim min hrilh nghal zung zung a, a hna a thiam awm hle mai ka ti rilru a, nakin ah chuan amah ang hian ka la thiam ve maithei asin, beiseina mai zawng nimahse ka tan chuan ka hna thawh tan ni hmasa ber ani a, engkim in ka lung a ti awi vel vek mai.

“En teh u, Hminga rual a lo kal kha alawm mithar chu, engtin nge an lak theih ka hrethiam lo reng reng” Hmeichhe aw hian a ti a, Toilet leh Rest Room inkawp ah chuan pen lut ngam lo in ka ding leh rih a, keimah min sawi tih ka hriat avangin nuam ka ti lo.

“Amah kha lawm Sex tape nei an tih kha,awi, Boss te Family hian an hrelo nge an hre lo der le?” ka kut ka hum ruh a, he hmun hi ka tan pawh alo him chuang lo anih hi a, kal sawm tum in ka inher a,

“Amah hi ani lo an ti in ka hria, aaa, engpawh ni se, engtik ah nge Sir Nathan-a hi alo haw ang le?, ka va han duh tak em..” an nui hak hak bawk..

Chapter – 3

Tu nge Nathan chu?, hmuh chak na pawh ka nei lo,ka Interview tum khan Mipa pakhat chiah a awm a, khapa kha chu ka mit atang chuan han duh em em tur mipa ni in ka hre lo,a tawngdan kha tlem in a Hmeichhia deuh lehnghal a, mahse, ka hre lo le, duhzawng hi a in ang lo thei em mai,ka lo buaipui viau na tur a awm lo, tunah chuan keimah leh keimah in chhanhim tur in ka bei mek ani a, min ban mai loh nan rim tak a ka thawh angai bawk a, eng ang pawn Sex tape kha chu sawi nasa mahse ka nih loh tlat avangin ka tan hlauh tur a awm lo,nilo, kha thil hlau khan ani lawmni College pawh ka kal zawm ngam loh, ka kal zawm thei lo chu ani tehmeuh mai,mahse, a chhan dik tak chu keimah hian ka hre chiang a,ka nih na lo pui a puh chhiat ka ni kha ka tuar zo lo a, tawn tlang tur in chakna ka neilo tih ka hai hek lo.

“Mal-i, khawi veng ah nge in awm?” Hminga lam ka en a, Helmet a khum mawlh mawlh bawk,kan awm na veng ka hrilh a,

“Kan haw rual thei anih chu, in veng lam atangin alawm ka kal thin” ati leh a, ka lu ka thing a, tumah hnaih chak na ka nei lo.

“Aih, angai lo, kal kawi na tur ka nei a,ka lawm e” ka ti a, kal kawi na tur ka nei hauh lo, Mipa ka hriat chian loh nen a in hnaih tak a awm ka duh lo a, bakah keimah chauh a ka ni hmasa ber hi hmanral ka duh a, muangchangin ka kal ang a, reitak ka kal chuang dawn lo a,duh leh ni tla tur, eng dul ruih mai hi ka thlir pah mai mai ang a, thlamuan na hun ka neih hmasak ber hi ka chen ang chu.

Rinzuali nu in Thla hnih ka inluah man min pek sak a, duh lo teh mah ila duhthlan tur dang ka nei lo a, hlawh ka lak hma a ka hman tur min pe bawk a, chu pawh ka hnial ngam chuang lo, ka tan chuan Rinzuali te chhungkua hi ka chhungte an ni a, Pathian zar ah ka dam ang a, rul let thei dinhmun ah ka ding anih phawt chuan ka chung a an that na te hi rul zo lo mah ila ka pek theih zawng zawng, ka nunna thleng pawn an tan chuan ka hlan phal ang tih ka chiang,Chhungkua hi eng nge anih chiah?, ka thisen zawmpui te ngei in min duh lo a, mahse, ka thisen zawmpui ni hauh lo ten ka nih na zawng zawng, ka fel loh na leh retheih na zawng zawng nen min pawm leh lawi bawk a,Tui aiin thisen a chak zawk an ti thin a, tunah rih chuan THISEN AIIN TUI a chak zawk tih hi ka hriat dan ani rih tlat thung.

In ka thlen in khua a thim lek lek tawh a, hmanhmawh na chhan tur ka nei chuang lo,muangchang in chaw ka chhum a, chaw ei chak na pawh ka nei lo, engkim mai hi mumang ang ruai niin ka hria, ka thawmhnaw pakhat pawh keng lo a chhuak ka ni a, Rinzuali thawmhnaw hak ka tum ngial a, kan inlen hleih deuh a, hak ngaihna a awm thlawt si lo,ka beisei phak loh in Rinzuali nu in Bazar tur in min ti a, Rinzuali nen kan kal a, ka lei ngam ngai reng reng loh tur kha ‘hei pawh, hei pawh’ a ti a, kan haw meuh kha chuan kan pahnih in bawr tak in ka thawmhnaw leh pheikhawk tur kan khai haw ta lawih anih kha,tah na tur ka hmu hnem thin a, mahse, tah hi chak loh na ni a ka hriat tlat avangin ka tap ngai ta meuh lo,lawmthu sawi chiam chi ka ni lo a, ka awmdan ah ka lawm tih an hre tho niin ka hria,an in ka chuahsan khan an Phone hlui pakhat min kawl tir a, mi tan chuan tha tak ani lo tawp ang, mahse, ka tan chuan a tha lutuk mah mah thung.

“Thiannu, eng nge i hnathawhna chu a an dawn?” a rawn ti a, a aw hriat ngawt pawh ka hahdam pui huai huai mai.

“A nuam dawn khawp e, awm ve la a nuam leh zual ang” nui chung in ka ti a, a thaw hak mai,

‘Awm ve thei ila ka ti ngawt mai,mahse, lungngai suh, tunah chuan i pual in hna i nei tawh a, tumah i hlauh angai tawh lo bawk a, a tha tawh hrim hrim alawm” a rawn ti leh a, a sawi dik chiah, hei aia tha a awm chuang lo,engtik lai pawh a hauh hlau reng reng a nun hman te, min lawm lo tih hriat ngawih ngawih a min melh na mitmeng te kha ka tan chuan mumang anni tawh alawm.

“Um, i theih veleh lo riak leh la” ka ti a, lo riah ngei a tum thu a sawi leh siam siam a, Nu te lam, ngo vang mai, hmeltha leh cute zet mai ani a, kei ang lo tak in Mipa, nghet tak a kawp a nei a,engtik ah emaw chuan an la inneih ka ring ve tawp bawk.

Kar hnih ka thawk ve ta, vawikhatmah ka tlai ngai lo a, ka theih tawp ka chhuah a, Hminga’n nasa tak in min pui bawk a,tunah chuan tlem in ka thlamuang ve ta deuh,mahse, Hmeichhe dang te mit a min hmuhsit na lang reng mai hi engtik ah nge a reh ang ka ti thin, Hmuhsitna hi tuar tam pawh hian ngai ah kan lo nei bik chuang reng reng lo a lo ni.

“Tu nge i nih?” ka hma a Palian lutuk lo, ruih nei tih hriat zet a meng phut mai chu ka en a,

“Ka pu, tu nge ka nih i tan a pawimawh em ni?” dam thlap in ka ti a, ka theihtawp in nui hmel put luih ka tum hram hram bawk,darkar chanve aia tam min chhaih kual tawh a, kan thil zawrh lei duh mang si lo in zawh na chi hrang hrang min zawt kual a, a khawsak dan a ngeiawm em em bawk,mahse, Customer a ni a, a rui emaw, a tui lo emaw, a hausak hmel leh retheih hmel lam ka en lo, ka tan chuan customer ani tawp mai.

“Customer te han biak vel dan i thiam lo hle mai, in Boss han ko teh,a awm lai ngeiin Complaint ka siam duh” a ti leh chhar chhar a,

“Ka pu, min ngaidam rawh, mahse, helai ah hian kan bungrua te lei tur a lo kal i ni a, tu nge ka nih hre tur ni lo in, mahse, lungawi loh na atan i hmang dawn anih chuan ka hrilh ang che, Malsawmzuali ka ni e” ka ti hmak a, ka peih tawh lo, nitin a kan thawhpuite lak atang a hmuhsit na ka dawn pawh ka chauhpui tawh lai hian ani zu rui lehzel in min hmuhsit hi ka thin in a tuar tawh lo.

“Ko mai teh, sawi teuh angai lo,mi hnuai a thawk hi in ngeng larh zel mai” ati leh a,ka insum nasa lutuk a ka thaw a chham dawn in ka hria.

“Pate, i lo kal ani maw?” kan hnung lam a Mipa aw,ngaihnobei fahran lo in a rawn tih takah chuan a hawisawn a, ka hnunglam a en nghal vut bawk,thawveng tur ka ni em ka hre lo,’Pate’ tiin a ko a, kan Boss te family ami anih loh hram ka beisei.

Muangchang in ka inher a,ka la hmuh ngai loh Mipa nen kan inhmachhawn ta ran mai,Kekawr uk, tlem a Tight lam tep a ha a, Sweater dum,a nghawng kual tawp a ha bawk,a kekawr ip te a zen a, a ding khawng luh mai,Mizo hmeichhia ah chuan a vantlang chunglam hret in ka lian a,chuti chung pawn chho zawng a ka en ala ngai cheu bawk..

“Oh, koh buai ngai lo a ilo kal chu a tha,hei, i Staff thar hi a ngeng ngalh mai a,awmdan ka lo hrilh a, ko tur che in ka lo tir mek a” ati zung zung mai,hlauhna in min man nghal a, ka tihsual ni lo mahse ka hlau tho, he hna hi chuti mai a chan thei ka la ni lo, ka tan bul tan na hmasa ber ani a,awlsam te a tawp san ka phal lo.

“Um, ka hmu che u alawm, ka Office ah min lo va nghak la,kan nula hi kan be lawk ang” ati leh a, tu ber nge anih ka la hre chuang lo,kan Boss te Family chanchin engmah hriat ka nei lo a, Canteen a hmeichhe dang in an sawi tam ber chu Sir Nathan-a chanchin ani a, an Fapa nge anih a an makpa pawh ka hre chuang lo.

“Tu maw i nih kha?” a tawngkam a dam thlup a, mahse, a nelawm chaung hauh lo,a mah a lian bawk nen, min dip deuh run in ka hre bawk.

“Malsawmzuali” ka ti tawi tak mai,ka kut ka suihfel than bawk, ka ke a kham thar ta riau pawh thilmak tak ani,ka kalsawn ngawt ngam hek lo.

“Um, khawi ah nge Hminga?’ ati leh a,ka hawi kual a, Hminga kan lam pan a hmahmawh fe a a rawn kal chu ka va hmu a,ka en na lam a en ve a, a thle buk a, eng emaw sawi in a phun hluk bawk.

“Sir, i dam em?, i lo haw tih ka lo hre miah lo a” hah hmel deuh a thaw hlawp hlawp chung hian a rawn ti a,Paliana chu ka en a, a then suk mai, ka hmuh tirh atang khan nelawmna a nei lo ka lo ti nghal ngawt a, mahse, mihring ve tho ani a, alo nui ve thei anih hi ka ti rilru a, ka ngaihtuahna vangin ka nui sak bawk.

“Mal-i..” min rawn nghawk a, Lalpa leh..ka lo in ngaihtuah nasa deuh a min biakna ka hre lo ani phawt ang.

Angaihna hre lo zet hian ka en a, Paliana lam ah a lu a thle zauh a,

“Hei hi kan General Manager, Sir Nathan-a anih hi, i vawikhat hmuh na anih ka ring, chibai la”

Ka lungphu a rang nghal dawt dawt mai, tim dai hian ka kut ka phar chhuak a,a kutzungtang sei thlurh chuan nghet zet hian a rawn vuan a, a thlah leh ngal mai bawk,a hma ang bawk in a kekawr ipte a zen leh nghal daih bawk,ka awmdan engkim ka ngaituah let zung zung a, pawi ka ti vawng vawng mai,ka chhaw hmel dawn hian ka hre lutuk, la inhmu ngai reng reng lo te hi chu kan vawikhat inhmuhna hi a pawimawh em em tih ka hre kar bawk a, kan nungchang tur anlo ngaihruat nghal zung zung thin a, chutiang chiah in keipawh ka bang bik lo.

“Engtia rei nge i thawh tawh?” nelawmna tel hauh lo hian min ti leh a,

“Thla khat ala tling lo deuh hret”Hminga zawk in alo ti leh a,

“Hminga, amah zawk hi ania ka biak” ngeiawm zet hian a nui zui suk bawk.

“Thlakhat ka la thawk tling lo hret...chuan..ih..” buh zet hian ka ti a,eng nge sawi zawm ka tum pawh ka hre chuang lo.

“A that chu, nidangah ka bia che anih chuan tha tak in min chhang tawh dawn nia,Hminga,ka office ah lo kal ve lawk ta che,Coffee rawn lak tir nghal la” a inher a, a bawp sei zet chuan a pen zui nghal pawk pawk bawk.

Nileng in ka awm a nuam thei lo, kan inchhan vel lai khan kan thawhpui hmeichhe dang te khan min en hrek hrek tih ka hmu ru kar a, engtik ah tak min la tawngkhum leh ang maw ka ti a,chutiang bawk in kan Boss hnen atangin Ban ka nih thu ka dawn mai inring ran in ka awm bawk a, hrehawm ka ti nileng zak ani ber.

Nidang ang in Hminga lah in hawpui ah min sawm ta hauh lo, ka awmdan confi lo leh buh nuaih vang khan Sir Nathan-a hnen atangin hauh a tuar animaithei, hnathawhna ah chuan kan chung a mi ten kan tihsual an tuar zel thin tlat a, Hminga pawh a fel lo anih chuan a chung chiah ami in a tuar leh mai ang,ka khawngaih ru kher bawk.

Gate ka chhuahsan tur chu Car ka la hmuh ngai loh, nalh fahran hian min rawn tlan pel a, kan Boss te Motor ani ngei ang, Gate pawn ah ka chhuak a, Bus stand pan in muangchang in ka kal a, Nidang ang chu nise kan veng lam pan turin ka kal anga, ke in ka kal anih loh chuan Taxi in ka kal ang,kan veng lamah Bus a service lo tlat a, In awm mumal loh na kawng thui fe a awm bawk a, zu in leh Drug ti ho an thu khawm nasa thin a, ke a kal hi chu ka zawngchhang ta vak lo.

Vawiin hi ka nu thihcham ani a, thlan tlawh tur in kal ka duh a, Zan ka mut that loh avangin zing ah thawh ka hai a, zing kal ka tum tehlul nen, tihngaihna dang a awmlo, tunah kal mai ka ngai,Hna ka thawh ve tak hnu hian ka tlawh ngai ta mang lo a,tihfai pawh a hun hle tawh in ka ring.

“Khawi lam ah nge i haw dawn?” ka bul lawk atang min rawn tih chuan ka ding chat a, ka hawi let a,Sir Nathan-a nen kan in en siah bawk.

“Ramhlun ah” a aia thui a chhan na tur ka hre hlawl lo.

“Chulam ah chuan ka kal dawn a, lo kal ve nghal la” ati leh a, Office chhung a a mize tak ngul kha chu a ang tawh chiah lo, nelawm tak phei chu ani chuang lo,ka hnial ang nge hnial lo ang tih ka ngaihtuah zawk a, ka chhak a kan thawhpuite pahnih, Rosangi leh Chhani lo kal chu ka mitsir in ka hmu a, ka thluak a vir zawk mai, tu motor nge anih an hria, chhan pawh chhang buai lo in a hnunglam kawngkhar ka pawt hawng a, ka lut zui nghal hmak bawk.

Engmah kan sawi zui leh ta chuang lo,pa tawng duh tak chu ani lo chiang ang, kei aiin a upa fe in ka ring a, mahse, kum zat awm tur ka hrethiam chiah lo,mihausa leh nihna sang tak chelh te hi chu an uap a na a, an lang zahawm bawk a, anihna ai hian an lang upa zawk in ka hre ve tlat bawk,an hnuaiah hnathawk annei a, chungte chuan zah tak a kan en vang pawh ani mahna le.

“Khalai ah khan ka lo chhuk ang” ka chhuk na tur thlen hma hret in ka ti a, thuife chu step ka zawh thlak ala ngai dawn tho mai,Rosangi leh Chhani khan engtin tak min sawi zui ang maw ka ti rilru nauh nauh bawk.

“In in awmna ala hla em?” ka chhuk tur chu min rawn zawt leh a,

“Aih, hla lo e, ka lawm lutuk e” tih pah in ka chhuk sawk sawk a, ka khar fel chu an tlan zui ani leh nghal der,Hmeichhe zak lo tak chu ka ni nghal hawt e, vawikhat chiah a Motor ah chuang tur in min sawm a, awlsam tak in ka lut mai bawk, a pawi lo, kan Office a Hmeichhe dang tuman min ngai pawimawh lo a, tumah ka ngaih pawimawh na tur a awm bik lo e, an duh duh in min sawi ang hmiang, ka theihtawp ka chhuah chung pawn min hmuhsit a bang chuang hleinem.

Ka rin ang chiah in thlan a lo hnawk niaih mai,hnahthel ro a tla nuaih a, a hming ziah na Thing kawngkalh tereuh te pawh awn fe in a lo ding hram hram bawk, Zu in na hnu leh Syringe hman hnu a lo awm nual bawk a, ka ti fai sawk sawk a, ka nu ka ngaihna avang a ka mittui rawn hnai chu duh lo in ka khap sak sak a, chak tak a awm tur ka nih lai a tah fo mai hi ka duh lo takzet, ka tah chiam avangin ka nu alo let leh dawn tih na ani hek lo,mi chhungkua te ang chu ni ila Lungphun a hun daih tawh bawk, mahse,amah Hmangaihtu tumah an awm lo a, a neih chhun kei lah engmah ti thei in ka la awm si lo.

Thla thum zet ka thawk ve ta reng,Office a zu rui chung a min rawn tibuai sek tu kha kan Boss te Family member a lo ni a, a Pa te unau zing a naupang ber, mahse, an lawm fahran lo ani maithei, chuti ni lo se chuan ka che buai ang tiin Hminga’n min hrilh a, Hminga hnen ah an Chung te leh thian te lo kal an awm chuan min hrilh hre tur in a lo hrilh bawk.

Sir Nathan-a ka hmu ngai meuh lo, a Office ah a hun tam zawk a hmang a, a buai hmel em em ti ila a dik ber ang,a khat tawk in Hmeichhe pakhat alo kal thin a, Lunch an ei dun fo bawk, a Motor ka chuan ve ngawt vang khan ka thawhpui hmeichhe ho in min haw zual sauh a, an tawngkam dawn sawn nuam lo fe fe ka dawng teuh bawk, mahse, Thian pakhat ka chhar ta hlauh thung,Sangpuii..ani hi chuan midang in min tawngkhum fo lai pawh khan min tawngkhum ve lem lo, mahse, ka lam ah atang ngai chuang lo, min ti lutuk niin a hre ta ani ang, min be zauh zauh a, kan veng bul chiah ah an lo awm bawk nen kan inkawm thei ta phian, Rinzuali ang em chuan pawh lo mah ila ka ngaina viau tawh, ka hriat loh tam tak min hrilh a, puih ka ngaih in min pui fo bawk.

“Mal-i Sir Nathan-a Room ah an mamawh che” Hminga’n a rawn ti a, phawk fe hian ka melh a, engthil ah tak ni ang maw, kahming in Complaint alo lut leh em ni ang?, ka lungphu a rang nghal zaih zaih mai.

“Sir, Min ko em ni?” ti dek in kawngka bul ah ka ding a, Hmeichhe nalh leh Hmeltha fahran kha alo awm ve bawk a, Sangpuii hnen atang a ka hriat dan in a Nupui ani a, kum 3 zet an innei tawh a, Fa an nei thei lo ni in a sawi bawk.

“Um,lo lut rawh, thu la” a ti thawp sut a, a mit lian leh zahawm zet chuan min melh run bawk, an mahni ep zawng a Chair inhung ah chuan ka thu a, mawng a hawlh ang mai hian ka thu ngil at bawk.

“Hei hi ka nupui, Mamuani anih hi,a ni hi chuan a hria che a” a ti leh sup a,ka bu nghat ringawt, han sawi ve em em tur pawh ka la hre chuang lo, min hmelhriat tir kher na chhan lah ka hre hek lo.

“Thil sawipui duh che kan nei a, ka sawi zar zar ang a,i chhan na hi tun ah ni lo,naktuk ah pawh min hrilh la a pawi lo” ati leh a, ka la hrethiam chuang lo, ka bu leh ringawt, ka mawl hmel ngawt in ka ring.

“I lo hre tawh maithei,ka nupui nen hian Fa kan nei thei lo a, mahse, Fa kan duh a, kan mamawh bawk, chutiang bawk in i hna hi i mamawh a, i thawh loh chuan i tan buaina tham a tling ve bawk, chuvangin kan in mamawh tawn na hi inhmang tangkai ta zawk ila, i hna ah i kaisang ang a, engtik ah mah Ban i ni lo bawk ang, mahse, chumi tur chuan kan Fa tur min paisak angai thung ang..” ka hresual emaw tiin phawk zet hian ka melh a, a fiamthu anih ring in ka nui deuh bawk a, mahse, a hmel ah eng fiamthu mah alang lo,an nupa chuan chiang zet in min melh a,ka nui tawp riai riai bawk.

“Sir, min hrethiam rawh u,tunah ka chhang nghal ang che, ka thei lo” ka ti nghal tawl bawk, a nui hawk a, a chair nghenchhan a ngheng ur ur a,

“Ka sawi dan teh tawp kha dawnsawn a nuam lo ani maithei, ka sawi awlsam mah mah maithei bawk, lo in ngaituah rawh ka tih kha, tun a min chhan na kha chu min chhang lo ang ah ka ngai ang” a ti leh nghut a.

“Ni lo, in ngaihtuah nan hun ka mamawh lo,ka duh lo ani tawp mai”ka ti leh a, ka tho zui nghal bawk, kawngkhar lam ka pan a, a hawn na ka vuan a, ka herh hawng tur chiah chu a rawn tawng leh chuan min ti ding chawt mai...

“Ok, chuti anih chuan a tha e, naktuk atangin i hna i lo kal angai tawh lo ang,tun thla hi thla tir ni tlemte chiah kan la hmang a, chupawh chu hlawh i nei lo ang,i inluah na te kha ka thiante an ni a, kha pawh kha i chhuahsan a tul ang”

Muangchang in ka inher a, a hmel pa leh chang zet chu ka en a, a nupui erawh nuam ti lo hmel fahran in a phone a bih ngar bawk, Ramhuai alo ni, he pa hi mihring alo ni reng reng lo.

“Min blackmail tih na ani em?” ka tawng ring lo,tawng ring pawh tum ila ka thei lo ang tih ka hria,

“I duh duh in i ngaithei,ka duh phawt chuan engkim ka ti thei tih i hria alawm” ati leh a, ngeiawmzet hian a hmui a petsawi zauh bawk.

“Aih, i thei lo..” mumal lo zet hian ka ban ka vai a..

“Ok, Mal-i ka thei tih i hria alawm, mahse, i rilru i thlak anih phawt chuan ka sawi zawng zawng kha chu ka sut leh vek ang” ati leh hluk bawk.

Chapter – 4

Ka mu meng kar mai, ka leh kual na lamah ka taksa a kham thum tawh bawk, ka thu chhuak leh ta nge nge,engvang in nge kei kher?, midang tamtak pawh an awm laiin engvang in nge kei kher min thlan? Ka nun hi engvang a tluang thei ngai reng reng lo nge anih bik?,ka nu in Mi pasal a chhuhsak avang a hremna hi kei hian ka tuar zel zawk tih na ami?,Nula, kum 20 pawh la tling lo ka ni a, engtin nge mi fa ka paisak ngawt theih bik ang?, vawikhat pawh mipa nen kan la mu dun lo a, ngaihzawng pakhat pawh ka la nei hek lo,zahawmna nei reng reng lo ah min ngaih vang a min zuam zawk ani tih a lang reng bawk.

Khua a var tep tawh in ka ring hial, Rinzuali hrilh tur ani em ka hre lo,Sangpuii phei chu hrilh en ah ka en lo hrim hrim,ka inchhung zim te chu ka en kual a, engmah thil hlu a awm lo, hlawh ka lak ve te kha ka mamawh lei nan ka hmang zel a, a hma ai chuan ka in luah pawh a phuisui ta zawk,hna ka chan anih chuan ka hmabak chu a nuam fahran lo hle ang,dawr nghah tur ka zawn chuan ka hmu maithei, mahse, ka In luah man pawh a daih mumal dawn si lo,mi in ah lang a ka kal anih pawh in hlawh a tam dawn lo, midang hnen a inthlahrung dek a khawsak leh kha thih hreh in ka hreh bawk si,ngaihtuah tur ka hre lo a, beidawng tih hian ka awmdan hi a sawifiah zo hlawl lo.

Khawvar hnu ah Khum ah ka lawn leh a, ka muthilh lai ka hre lo, ka Phone ri in min ti harh a, peih lo fe hian ka ban a, Rinzuali alo ni a,”um, thian nu..” buh zet hian ka ti a,

“Kawngka lo hawng teh, pawn ah ka awm” engmah ka la hrilh lo tih ka ngaihtuah a, alo kal anih rau rau chuan hrilh ila a ziawm zawk ang, ka tan a tha ber tur a ngaihtuah thin a, tih dan a hre em em ang.

A rawn inzep lut nawk nawk a, thli a thaw vuk vuk bawk, ruah a sur leh dawn animaithei,ka nun leh khaw awmdan nuam lo churh mai chu a inhmeh lutuk mah mah.

“I va mu rei ve, hna i kal bawk si lo” min ngaihtuah hmel fe hian min en a, ka nui lui a,

“Ka tha, chawlh ka la alawm,nge i rawn tih dawn a?” ka ti a, hriatthiam har zet hian min en a,

“Ka lo leng, ngatinge a?” ati a, min melh ran a, kei lah nidang ang lo tak in kawngka ngheng in ka ding a, ka inkuangkuah fel than bawk,inthup tum teh mah ila ka thei meuh lo.

“Aih, engmah, lo call che ka lo tum a, hre lawk niawm tak in i rawn kal leh bawk sia, mak ka ti a” ka ti leh a, a thut na lo lam zawk thutthleng ka pan a, zawi zet in ka thu thla hnawk bawk.

“I awmdan a dik lo, i dam lo ni in ka hria” a ti leh a, nia, ka damlo, ka rilru a damlo

“Ka a mai dawn in ka hria,engtin nge ka awm dawn ka hre lo” ka sawi ta nge nge.

“Maw??, i hna ah an ban che ami?” a tho a, ka bul ah a rawn thu phei a,a ring sual lem lo e, thildang at phah hial na tur a pawimawh ka nun ah awm hek lo le.

“Min ban law law se a tha zawk ang..” ka ti leh a, han sawi chhuah mai ka harsat tlat, mihring ve tho ka ni a, mi min hmuhsit na hi ka thian tha ber bul ah pawh ni se sawi chhuah mai ka harsat ve tho bawk.

“Sawi chiang teh, ka awm i ti nuam lo ania” ati leh halh a, ka hmai ka hup a, tah chakna ka nei miah lo erawh mak ka ti,

“Kan Boss hi i hre ngai em ka hre lo, Sir Nathan-a kha,ka hnathawhna ah chuan kan Boss ani a, an chhungkaw chanchin dang ka hre tam lo,an nupa in kum 3 an innei tawh a, chuan, fa an nei thei lo..” ka chawl leh rih a,Rinzuali hmel ah chuan ka sawi engmah a man lo tih alang reng bawk, a then sak a,

“Um, sawi zel la, ka la man phak lo, Nathan chu ka hria ti ila ralkhat hriat,ka Cousin nen an inzui ve zuai a,hman ah..” a nui var var a,

“Ih, nimin ah a Office ah min ko a, englo..ih...” ka riat nawi ral ani ber, ka kut a rawn vuan a, a meng buai nak mai...

“Chuan..” ati sep a.

“A nupui a awm ve bawk a, englo, an fa tur paisak tur in min ti a..” ka kut a vawn na a thlah a, a kut a beng thak bawk,a la nui sang zui..

“Wow, a va phurawm ve..” kei emaw a ka in ti a, Rinzuali pawh hi alo a ve deuh zawk emawni ka ti rum rum..

“Eng tin nge i chhan?, i Yes nghal em?” a mitmeng nung sar mai chuan min ti hrilh hai letling..

“Ngatinge Yes ka tih ang?, No ka ti.. mahse, min vau ta tlat a, ka hna ah min ban ang, chuan, ka inluahna te hi a hmelhriat te an nia,min hnawhchhuah tir a tum bawk “ ka thaw hawk a, tlem chuan ka thawl ta deuh.

“Ka hre lo, engtin nge i ngaih ka hre lo a, mahse, kei chu ni ila i dinhmun atang chuan ‘aw’ ti la a tha in ka ring, bakah i duh phawt chuan i nawmsak lawih na tur i phut thei tih i hre lo ami?” ati leh hliai a,

“Ni lo, eng ang a dinhmun hniam ah pawh ding mah ila hetiang zawng kher a inhmuhsitna hi chu tuar har ka ti, bakah, Nula ka la ni a, engtin nge ka Thianghlimna ka hloh ngawt theih ang?, Pasal te pawh ka la nei ve maithei asin,engtin nge ka insawifel tak ang” ka tawng hnem lutuk a ka thaw a chham dawn in ka hria.

“Thiannu, eng ngatinge thil hi i hriatthiam loh viau mai le, a pawi lo, Virgin chu a hlu tih keipawn ka hria, mahse, Nau neih dan pangngai a nei lo in i duh phawt chuan i zai chhuah tir thei reng, ka thurawn i pawm duh dawn em ka hre lo, mahse, kei chuan ‘aw’ tiin chhang la ka duh” a ti leh a, ka kut a rawn vuan a,.

Ka thian nu hi ka hrechiang a, ka tan a tha lo tur engmah a sawi dawn lo a, a ngaihtuah dawn bawk lo tih ka hria, keipawh hian ka la urhsun lutuk te pawh ani ang, Deal kan siam thei anih chuan ka nu thlan pawh ka siam thei ang a, mangang lutuk a ka khawsak angai lo ang, chuan, ka Putea te lak ah pawh ka hawisang thei deuh ang chu,eng nge ka chak ber thin kha..engatan mah a min ngai lo tu te hi ka mamawh bik lo a, an tel lo in ka khawsa thei a, an mamawh ngawih ngawih nih ka duh ani lawm ni?, Rinzuali hian a sawi dik, bakah Nathan-a hi ka hneh ngai dawn chuang lo tih ka hria.

“Um, sawila, ka lo ngaithla phawt ang, chuan ka pawm leh pawm loh chu i sawi dan a zir animai” ka ti ta nge nge.

Darkar khat chuang kan sawi dun hnu ah kan sawi fel thei ta hram,keimah a Nathan-a hmachhawn lo in kan pahnih a hmachhawn dun kan tum fel ta bawk a,ka bul ah ka mamawh phawt chuan inpeih at in Rinzuali alo awm ve ang, ka thlamuanpui hle ang tih ka hre bawk a, mahse,hei hi kan thuruk ani ang, kan damchhung in khawi ah mah kan sawi chhuak lo ang.

Khur dar dar chung in Sir Nathan-a Phone pick hun ka nghak a,loudspeaker ah ka dah a, Rinzuali nen phone ring ral ral chu kan ngai thla dun a, dik tak chuan phur na pakhatmah ka nei lo,retheih lutuk na hian tih duh loh tur tamtak pawh ti lo thei lo in min nawrlui a lo nih hi.

“Hello..” a aw pa zet ka hriat rual in ka khur nasa zual sauh mai.

“Sir, keimah Mal-i..” ka ti sep a, engvang a han zam em em thin nge ka nih ka hre hrep lo e.

“Yeap, ka lo beisei reng che,Khawiah nge kan inbiak ang?” a confi leh lutuk chu ka ngei kher bawk,Rinzuali lah chuan min lo signal sek bawk.ka aw ka thian leh rih a,

“Office a sawi kha chu ka duh tawh chiah lo,Dar hnih ah Coco ah kan inhmuh theih chuan..?” ka ti leh a, diktak chuan ka Boss ani lo, tunah chuan Sumdawnna a ka thawhpui ang in ka ngaih a tul ang.

“Ok,a tha alawm” a ti leh nghut a,thil dang a sawi leh hma in ka off nghal vat bawk.

“Awi, a hrehawm e, ka lo phur lutuk hi,nang lah i thinrim si, kan sawi kha hrereng rawh, i mamawh ber chu nangmah hmusit tu te lak a Phuba lak anih kha, Khapa hausak na kha tlem i lak sak dawn animai, lugngai suh, a tha vek ang” a ti leh siam siam a, a rilru tur ka hria,keima tan a ti tih ka hre bawk.

Dar hnih rik hma in Coco kan thleng a, mahse, kei ni aiin a lo la thleng hma tho mai,kan lut min hmuh veleh min lo au a, nimin ang bawk in a Nupui a tel bawk a, kei pawh tun ah chuan ka mal ta lo, ka bul ah Rinzuali a awm a, ka hluah na chhan tur ka hre tawh bik lo.

“Nangmah in ka lo beisei che a” a ti hluk a, a kut zungtang in a No tlang a chul kual zai zai bawk, a Nupui erawh chuan nui chung in min en a, engmah a sawi ve lo,

“Ka thian nu, Rinzuali anih hi, ani hi chu awm lo ang ah ngai rawh” ka ti ve a, mahni inringtawk awm fahran in ka nui lui sang bawk.

“Ok, kha lam chu kei ni lo nangma buaina alawm, ei tur hi eng nge in duh ang?” a ti leh a, Rinzuali hnen ah Menu ka pe a, kei chuan thil changkang leh tui pawh ka hre teh vak lo, ani hian a hre em em a, a chah ang ang ka duh vek.

“Le, han sawila...” hnung lam a ngheng a, a Nupui mal chung ah a kut sei thlurh chu a nghat bawk.

“Deal kan siam a tha ang, nula ka la ni a, hetiang a hmingchhiat na,mi fa pai hlawh sak hi engtin nge ka tawrh dawn ka hre phak lo a, chuan, ka hna atang in ka bang ang, ka rai chhung zawng chu hmun dang ah ka awm ang, awmpui min pe la, kan thawhpuite dang zawng zawng hi chuan company atang in ka zir zawm na tur min pe tiin hria se ka duh,chuan, a pawimawh ber, ka hlawh tur chu ka inenkawlna tur, ka eizawnna tur in pawisa min pe ang, anih loh chuan in Dawr ah hian share ka neih ve a tul ang” engtin nge mahni inringtawk awm tak a ka sawi zawh theih ka hre bik lo, dik tak chuan a chanve ka sawi thlen khan ka hlauh na a reh a, ka thil tum ah ka chiang em em tawh zawk ani ber.

“Ok, i sawi zawng zawng kha i lo ziak chhuak vek ang a,ka ukil nen kan sawi ho leh dawn nia, chuan, thil pakhat ka ngen ang che, i hlawh tur atan khan kan dawr a share neih ve ai chuan Pawisa i mamawh zat min hrilh zawk rawh, i theih chuan ka lawm khawp ang” a ti a,

“Lawk, ka la sawi zo lo, Nau neih dan pangngai a nei lo in zai chhuah ani tur ani” ka ti leh a, a mit ah tak ka en a, dik tak chuan ka chhungril ah ka khur a, ka sawi hmasak zawk atang khan ka lak atangin mit ala la sawn eih lo, a ngaihtuah engmah ka hre thei hek lo,a mit ah en ngam lo in a awm zawn ka en ngar ngar a, tun ah erawh chuan a mit meng, mi melh na zet ah tak ka en a, tlawm ka tum bik lo.

“Chu pawh chu i duh dan dan le,tha tak a i pai puitling a, i nei thei anih chuan a lawmawm, i neih dan lam kha chu engmah ka care lo, ani em Hon..” a nupui lam a hawi ta hram, tawngkam ni lo in min melh zam a tum zawk ni in ka hria, a hawisawn tak ah chuan ka thaw huai bawk.

“Mal-i, ngaih loh lam ah min ngaihsak lo la,i lak ah kan chet dan a mawilo ani tih pawh ka hria, mahse, nang ang a rin tlak, i din na a ding tlat hmeichhia hi kan la hmu ngai lo a, min hrethiam dawn nia” nimin leh vawiin atan a Nupui tawng ri ka hriat hmasak na ber ani a, a tawngkam a fel a, a dam thlap bawk.

“Um, ka hrethiam alawm, kei in sum ka mamawh a, nang ni in fa in mamawh a, sumdawn na kawng khat ah kan thawk ho ni maiin ka ngai e” nimin a a pasal in min tih dan tehnek rulh let nan ka ti let salh chak a, ka insum hman lo.

“Nang ang bawk in keini pawh hian mualpho kan hlau ve a,tuman midang in kan fa tur min paisak tih an hriat kan duh hek lo,i sawi ang chiah khan Sumdawnna ani a, nang in i nunna thap in game i khel a, keini in kan fa nun na leh kan pawisa dahkham in kan khel bawk,kan in hrethiam tawn zel ang chu” Nathan-a bawk in a ti leh a, muangchang in ka en a, a mit a ti zim sun a, misual rapthlak lutuk, pawisak nei lo hmel bawk ani ka hmuh leh tak ni..

An motor tlan liam hnu ah ka insehruh nasat zia ka hrechhuak chauh, ruah lah chu sur tum tih hriat zet in thli a thaw vuk vuk a, khawpui a ri dur dur bawk,Rinzuali riak tur in ka sawm a, mahse, zan in chu tihtur a neih thu in min hnial a, tun ang hun hi keimah a awm hran ka hreh ber hun ani a, ka naupan lai atangin khawpui ri dur dur te, tek tla te hi hlauh namen lo in ka hlau a, thli tleh lah chu sawi ngaihna awm lo khawp in ka hlau bawk.

Chahbi ka zawng a, ka hmu zo lo, ka Bag chhung a awm zawng zawng ka bun chhuak vek a, a awm chuang lo, ruah a tla tan tawh a, khua a thim ti tih der bawk,nidang ang ni se khawthim ala hun hauh lo,ka Phone ka phawrh a, sana ka en a, dar 5 pawh ala ri lo, Nathan-a te nen kan inbiak hun chhung kha ka rin aiin a rei a, kan inbiak zawh ah thil kan ei leh a, ka hnial hle nang in min thlah lui ta tho,Rinzuali nen kan awmna a in an loh avangin a ni erawh Taxi in a kal thung,kan In kan thlen thleng in kan tawng meuh lo, ka chanchin min zawt ang tih ka hlau a, chhungte sawi tur nei lo ka ni tih te leh ka nu leh pa an thi tawha, ka nu in mi Nupui a lan tih phei chu engtik ah mah sawi chhuah ka duh ngai lo,mahse, an lo hre lawk vek zawk maithei.

In chung ah ka chho leh a, ruah a sur tlawrh tlawrh bawk nen, ka huh hman tho, kawngka kik tum in ka pan nghal a, mahse, a in kalh thap mai,Nupa rek an ni a, hna an thawk ve ve bawk a, an lo la haw lo ani ngei ang,ka tlan thla leh a, Tala ka khawn thlak mai angai ang,Lung ka zawng a, ka hmu mai lo, ruah sur nasat avangin hmundangah ka zawng thei si lo,vanneihthlak zet in Brick bung ka hmu fuh ta hlauh, ka theih tawp in ka chhu a,a tla thei lo zui, ka khawng nawn leh a, a tla thei chuang lo, ka kut lehlam in ka vuan a,ka chhu leh a, ka kut zungpui ka chhu tel a ka te thawt bawk, ka kapkar ah ka zep a, kawngkhar lam pawh ka en thei lo,ruah sur thawm nen, ka tala chhut ri leh ka te ri pawh tuman an hriat ka ring lo.

Reife ka thut hnu ah ka tho a, kawngkhar lam ka pan a, tala ka zuk vuan leh a, a lo inhawng hlauh, vanneithlak tak ani,chhu nawn leh tur pawn tha ka neih ka ring lo e,In chhung ka luh veleh light On na ka dap nghal a, thli tleh thawm leh kawlphe zuai zuai nen, ka retheih na a belhchhah ngawih ngawih in ka hre hial mai, ka thawmhnaw ka hlip a, ka sam ka hru hul a, ka kut zungpui lah chuan min tur ve at at bawk, ka chet a ti khawr lo thei lo.

Ka mu ta than, ka ril pawh a tam lo,ka nun kal dan hi uluk tak a ngaihtuah ka duh a, mahse, ka thei lo, nun hi mi te tan chuan a nuam mahna,ka tan chuan hremhmun nen a danglamna a awm hlawl lo, ka naupan lai a nun nuam tak kha chu mumang ah bak ka mang pha tawh lo, ka nu leh ka pa kha an inhau thin ngei mai,mahse, ka tan nu leh pa an ni a,an ni bulah kha chuan tumah ka ngai lo a, engmah ka hlau ngai hek lo,ka pa a kal bo a, ka hnen a awmreng a tiam a, ka mamawh chuan min kalsan loh a tiam bawk, mahse kan in a chhuahsan rual khan ka tan chuan pa anih na a bo tawh,ka nu khan a rilru nat avang in nasa tak in zu in mahse ka tan chuan Nu ani tho.

Ka putea te bul a ka awmlai khan kum khat hmalam kha chuan chaw pawh ka ei puar thin,mahse, engtik lai atang khan nge chaw ka ei puar ngamloh pawh ka hre tawh lo, engthil nge ka tihsual bik?,Ka nu in Hmeichhe dang Pasal a chhuhsak a, kha Hmeoichhia a tih nat avang khan kei hian tun ah pawh ka la tuar anih si chuan kei chuan tu rilru mah tih nat ka duh ngai lo ang, mahse....Ka putea te chhungkua erawh hi chu ka ngaidam ngai in ka ring lo,chhiahhlawh ai pawh a hniam zawk ang in min en a,min ankhumna tawngkam zawng zawng kha ngaihtuah let pawh ka duh hek lo, mahse, ka dam chhung in ka theihnghilh ngai in ka ring lo thung.

Kawngka kik thawm niawm tak ka hriat rual in ka thu chhuak a,ka mittui avang a ka mit hnawng chap chu ka kut in ka hru a, a rik leh hun ka nghak a, mahse,a reh leh vang vang mai,ka hriatsual anih ring in mut leh mai tum in ka insiamrem a,ka mu hman tep tih in a rawn ri leh lawi a, kik pawh kik lo in a chum in a rawn chum ni ber in ka hria, tun ang hun ah tu nge ni ang?, In leng ka nei ngai lo tluk ani a, hlauh na in min man vat a, inchung te an awm tawh em ka hre si lo, hawng lo ngawt dawn ila thil pawimawh alo ni palh thei bawk si,

“Mal-i...i awm tih ka hria, lo hawng teh” Mipa aw hian a rawn ti a, mak tak in Sir Nathan-a aw a ang viau bawk,nilo,engvanginnge alo kal ngawt ang?, ka chhuk sawk sawk a, ka hming a min ko anih chuan ka hmelhriat tu emaw ber ani tih na ani mai, he lai ah hian thla thum lai awm tawh mah ila hmelhriat ka la nei tam lo,min ko nalh anih chuan ka hriat chian sa ani ngei ang, ka hlauh na a bo nghal duak bawk.

Kawngka zim te in ka hawng a,Veranda Light ka On avangin tu nge anih ka hmuh rual in ka hre nghal ngei ang,ka inrin hma in a rawn nem hawng pawp a, tu nge anih ka hriat meuh chuan alo lut fel der tawh, ka inher vat a, Nathan-a nen kan inhmachhawn leh ta ran mai,athawmhnaw hak a huh vek bawk,

“Eng...eng nge ilo tih dawn?” ka ti buh nuaih mai,a then suk a, a kekawr ip te a zen a, ka In chahbi a rawn khai chhuak a,

“Hei hi...i lut thei dawn si lo a..” a then suk a, a hmelpa zet chu nidang ang lo tak in alang dam thluam bawk,

“Oh, i Motor ah animaw ka thlauh,a va zia lo..” ka ti lawi rat mai, keimah vang in huh vek in kan in pan in Step ah alo chhuk thla chu ani sia,

“I chhuat ka tih huh vek vang hian min hau dawn em?” a then suk a, ka en vat a, a thawmhnaw atangin tui a far a, asawi ang chiah in chhuat ah a tling lang mai,vawilehkhat ah kawl a phe zawk a, Current a thim nghal hmak bawk,chumirual deuhthaw chuan tek ring lutuk in a tla zui nghal thuai bawk,ka inring hman lo, ka rak thawt bawk.

Kut tha chak zet hian min rawn pawtnawk a,a thawmhnaw hak huh hnuang mai si chet in min kuah bet zui nghal hmak bawk...

Chapter – 5

“Che suh, engtinmah i awm lo ang” zawi te,fiah zet si hian a ti sup a. Diktak chuan tek tla ka hlauh na ai in a lungphu dat dat chuan minti hlau zawk, chetsawn pawh tum ila ka thei lo hrim hrim.

Eng chen nge che lo a kan awm ka hre lo, Light a rawn en rual in ka harh chhuak zawk a, ka inlahrang nghal thuai bawk, min dan a tum bik lo,a hmel pawh ka en ngam lo, Mipa taksa ka sik vawikhatna a ni a, sawifiah thiam si loh hian min tham a, amah anih vang hrim hrim nge Mipa leh Hmeichhe taksa a intawh vang ka hre lo,chiang tak a ka hriat chu khatiang khan ka la awm ngai lo a,a taksa khauh tung mai ngheng a ka awm khan min ti chiai a, sawifiah thiam si loh in ka thlamuang ru veng veng lawi bawk.

“Pawi ka ti, ih, dik tak chuan tek tla vak vak te hi ka ngaina lo a” lai zet in ka nui a,

“Ka hria,a pawi lo,anih chuan, ka kal leh mai ang” tih pah in kawngkhar lam a pan a,kal lo tur han ngen ngawt thu a awm lo a, chumai bakah ka mipa ngainat loh leh ka Boss hlui ani lehnghal, mahse,kawngkhar a thlen hma in a ding chut a, a rawn hawi let leh a,

“I tha tak tak em?, nangmah in i awm thei dawn em?”

“Aw, thei ang, chuan, ka lawm e aw.keimah vang in i huh ta vek sia” ka ti a, a then suk a,

“Pawilo ka tih kha,lawk, ka lo kal chhan pakhat ka theihnghilh..naktuk ah ka ukil hmu ila a that ka ring a, kan deal kha ama hriatpuina a tihfel ni se, eng nge i ngaihdan?” a thilsawi ai chuan a kawrlum hak huh thlur mai chuan ka rilru a la mah zawk,

“Um, a tha ngawt ang, ka lo ngaihtuah thleng lo a,ih...i kawr kha phelh la, i inhru hul duh em?” ka ti ta nge nge,mi ang a khawsa nuam chu ni ila Machine ah ka suk sak ang a, ka spin sak leh mai ang, mahse, mi ang ka ni lo a, ka tan chuan Washing Machine te chu van a rah ang mai ani miau si a.

A thle buk a,a hmel ah nuihza hmel a lang bawk a,

“Ka lawm e, mahse, helai hnai ho hian Nula,tleirawl chhe lo zet,mah ni a awm lehnghal hi ka pawngsual emaw an ti hlauh ang” a nui zui hawk bawk, chhan let mai dan tur ka hre lo, ka nui ve ta ngawt.

“Anih chuan Motor thleng nihliap nen ka lo thlah ang che” ka ti leh a,

“Hnial che ka duh hle mai, mahse min thlah theih chuan a lawmawm, ka huh sa vek tho nang in,han huh nawn leh ka chak lo” a ti duah bawk.

Nihliap ka la a, pawn a a chhuak chu ka zui a,Step ah kan chho dun a, Pakhat chiah anih avangin a hran a kal theih ani si lo, ka Dar a a kuahna chu haider hram hram ka tum a, keimah a danglam na lo awm ve hman ziah hi thilmak tak ani,hetiang hian Mipa leh Hmeichhia hi an insik hian an awm thin reng anih chuan thil hlimawm dangdai tak chu ani ve maithei,Motor ah a lut a, a rawn hawi let a,

“Kal tawh rawh, kha..i huh deuh lehnghal a, i hritlang hlauh ang” a ti a, engvang a fel ta riau nge maw anih hrep ni?, tihmawh leh sual hmel tak khan awm se ka ti mah zawk, hetiang reng chuan kei ang, midang a innghahna mamawh em em hian ngainat dan dik lo a ka ngainat te pawh ka hlau hlel lo e.

Engmah sawi lo in Step ah ka chhuk thla leh a, ruah a sur tam lutuk tawh lo a, mahse, do chi ala ni chuang lo,In chung te lo haw leh haw loh ka en leh a, an lo la haw lo cheu,Inpawh em em lo mahila an awm ve khan nuam ka ti a, ka thlamuan phah thin a, an awm lo tih ka hriat rual in ka rilru a nuamlo nghal ringawt bawk, ka hlau em phei chu ka hre hauh lo.

Eirawng pawh ka bawl ta lo, khumah ka lawn lehnghal a, Nathan-a min kuah na kha ka ngaihtuah a, ka biang a sa nghal hat hat bawk, tehngawt chuan...engtin nge ka tenawm viau theih ni?, kei hian reilote chuah ka la hria a, min hnem nan a min kuah mai ani bawk a, chung zawng zawng aia pawimawh chu an tan hna tenawm tak ka thawhsak dawn a, midang fa pai a inhlawh hi hna tenawm ani ka ti lo, mahse, sumdawnna kawngkhat ang mai a a ngai kha tenawm ka ti zawk, ka hriat reng tur chu mi hausa ho hian engmah tih hreh an nei lo a, an tan hmeichhia te hi toys chi khat kan ni bawk a, Nupui an nei emaw neilo emaw an tan Hmeichhe dang va mutpui hi Uire ani lo.

Thla 3 lai ka awm bo na ani ta, ka kal dawn khan zir zawm tur in min tir tiin kan sawi a, chutiang chiah chuan ka In neitu te bul ah pawh ka sawi a, Nathan-a hnen atangin kum khat ka in luahman tur ka dawng a, ka haw a ka awm leh nghal theih nan In luah man ka pe lawk vek bawk.Darthlalang hma a ka Taksa ruak vek, engmah khuh tu awm lo, lo lang chu ka en a, ka dul a la puar chiah lo,tlem chuan ka tai a puar tan tawh a, min chik tak tan chuan nau ka pai tih a hriat theih mai in ka ring, mahse, ka thamwhnaw hak a zir in chupawh ani chauh ang.vanneihthlak tak in kan try hmasak ber ah ka pai thei nghal a, engmah hrisel loh na ka nei lo a, rai huat engmah ka nei hek lo,awmpui pakhat min pe a,awmpui ti ila Home Nurse ani mahzawk,Mizo dang tumah an awm ve lo ka ti ngam lo, mahse, ka hmu ngai lo, ka lengchhuak ngai meuhlo a, ka chhuak ve anih pawh in Mizo ka hmu ngai lo,ka Nuapan lai a School tha tak a kal ka la chhawr ta zel, English ah harsatna ka nei lo a, Hindi erawh ka ti thei sawih sawih chauh.

Vawiin hian Nathan-a te Nupa an lo chhuk dawn a,kan inbe hnem a, ka that leh that loh an hre duh reng a, ahma ang ngawt kha chuan min en ta lo, an tan chuan an fa paisaktu ka ni a, ka tan erawh ka hlawh hmuh na tur in ka nun ka thap thung, Nilo, Inhlawh na ani chiah em?, a lan dan ah chuan ani maithei, mahse, ka thisen ring in,ka pum chhung ah ka pai a,ka thawk rual in a thaw ve a, tunah thla hnih chauh la nimahse, keima fa ang maiin ka hlimpui a, a pian rual a min laksak tur pawh ka ngaingam lo tan der tawh, ka dul ka chul a,nakinah chuan kafa ngei ka la pai ve maithei, Mipa, ka Hmangaih tak tur ka la tawng ve ang a, Nathan-a ang chiah a nupui duat thei nise ka ti takzet bawk.Oh..Nathan tehhrep pawh chu a...

Ka thawmhnaw ka ha a,naktuk hian kum 19 ka tling tawh dawn a,ka naupanlai kha chuan ka nu leh ka pa khan ka B’day hian kan Class ah Sweet min sem tir thin a, ka pa awm tawh loh hnu ah pawh ka nu khan min tih tir tho,ka nu awm tawh loh hnu ah kha chuan ka piancham lo thleng hi ka tan tah ni ani tawh zawk thin a,Ka nu nen a kan hun hman tawh te ngaihtuah nan hun ka hmang zawk thin.

ka Putea te bul a ka awm hnu a ka B’day a lo thlen hmasak ber tum khan Sweet sem tur ka dil a, nui chung leh hmusit zet a min en chung in ‘ i fee kan pek ah hian lawm rawh, fahrah in Piancham in nei lo’ min ti anih kha...ka ngaihtuahna tih bo tum in ka mit ka chhing leh rih a, ka insehruh a, ‘a rei tawh lo ang, nghak fan fan rawh, i tan hun tha, i chhan let hun a thleng tep ania’ tiin keimah leh keimah ka infuih a,he thu hian vawi engzat nge ka inhnem tawh pawh ka hre lo, mahse, he Naute, ka pum chhung a thanglian mek hian ka nun kawng min la hruai sak ang, ka tan chuan inhlawhna satliah ni lo in ka Fa hmasa ber, ka nun kawng hruaitu ani ang tih ka chiang.

Ka Phone ri avangin ka suangtuahna tha lo tak atangin khawvel ah ka let leh a, ka bul a Phone awm chu ka ban a, Nathan-a alo ni a,thil mak ani lo, ka chetsual palh an hlau a, a khat tawk in an nu nen hian min rawn call reng a, ka tha em tih an hre duh ni in ka hria,ka rai rual in Mamuani a rai ve a, ka neih rual in a nei ang a, kei erawh ka zalen nghal ang.

“Hello..” ka aw tehhrep chu a..ka Mood vang kha ani ngei ang, a lawi rat mai.

“I tha em?” Nathan-a aw hian a rawn ti dam thlup a, ka lu ka bu a, a hmu thei lo tih ka ngaihtuah rual in ka nui sak bawk.

“Aw, ka tha e, eng nge ni ta?” ka ti a, tlem in ka aw pawh a zia ta deuh.

“Ok, nangmah ah danglam a awm in ka hria,chuvang in ka zawt mai mai che,Naktuk kha eng nge kan rawn ken ang che?” ati leh a,chhan mai dan tur ka hre lo, fanu en in min en niin ka hre thin, a chang chuan Nupui en in min en se ka duh ni ber in ka hria,atthlak hian a...

“Engmah a ngai lo e, Airport ah ka lo hmuak dawn che u em?” ka ti a, a thaw deuh hawk ka hriat rual in mak tak in ka awmdan a dik leh pek tawh lo.

“Aih, a ngai lo ang,i Ac ah pawisa ka rawn transfer a, Msg i dawng em?” ati leh a.ka hre hauh lo, ka inbual zawh veleh ka in ngaihtuah kual vel nasa lutuk a, min rawn call hma khan ka Phone ka khawih lo hrim hrim.

“Aih, ka hre miah lo, ngatinge i rawn transfer a?” ka ti let a, a nui hak a,

“I pum chhung ami zawk khan ei tur a mamawh ka ring a, bakah Mamuani hian thawmhnaw i lei duh a ring bawk a” a hui hawk bawk, a sawi dik, ka dul puar lian zel tur ah hian ka thawmhnaw neih chhun tlem te hi engmah ka ha thei dawn lo tih ka hria, mahse, nau pai tu aiin pai lo tu te Nupa hian kei aiin ka mamawh tur an hre zawk zel mai hi thil nuam tak zawng anilo.

“Oh, ka lo ngaihtuah miah lo,ih..ka mamawh leina hi ka hlawh tur ah cut ani dawn em?” a rum hawk ri ka hre zui nghal zat bawk.

“Mal-i, ka buai lawk” chhan pawh ka chhan let hma in a Offzui nghal daih bawk, beidawng zet in ka Phone ka melh a, ka thilsawi kha sawi awm anih leh nih loh ka hre hauh lo.

Mu chung in Lehkhabu ka chhiar a, Ni sa hmuh tur a awm meuh lo,chhum a zing chuk reng a, Fur hi zo tawh se ka takzet, ruah sur reng leh khaw hnawm chuap reng mai hi hrehawm tak ani,Nathan-a te nupa pawh an lo thlawk thei ngut dawn em tih pawh a hriat loh..Ravinder Singh lehkhabu Tell me a Story ka chhiar a, ka Mood a inthlak sek mai,a chang in ka nui a, a chang in ka thinrim a, hetiang em em a min hruai kual nasa lehkhabu hi ka chhiar pawh ka la hre lo.

Ka inkhuh tha sauh sauh a, tuman min biak ka ring lo bawk a, ka Phone ka Switch Off a, mahse, mutchhuak in min zem chiai chiai a,ka muthilh lai pawh ka hre lo, Chawei tur in min rawn kai tho a, khua alo thim vek tawh, ka Room kawngka inhawng ah chuan Living Room Light a rawn eng lut raih a, thim chhia ani lo.

“Miss, Light hi ka On dawn em?” Nurse, Tamil hmeichhia. Hmeltha lemlo tak mai ani a, mahse. A fel in a rintllak a, mi zah der a thiam takzet bawk.

“Aw, a pawi miah lo, aaa, keimah in ka lo ti ang” ka ti leh rih a, ka tho a, khum atang a ka chhuk tur chu min puih tum in a rawn kal hnai a,mahse, ka kut in a ngai lo tih nan ka signal a, min dimdawi leh lutuk a damlo te pawh ka ang dawn dawn in ka hria.

Dinning Room ah kan inzui chhuak a, he Flat hi Nathan-a te Nupa ta ani a, a Farnu te leh midang in an hriatpui em ka hre lo, In lian tak ani lo, Dinning Room leh Kitchen Inkar ah Darthlalang lian vak lo a awm a, Chaw ei dawn ah Curtain an pawt phui mai thin a, ei lem loh chuan a tawnkhawm leh mai thin a,Dinning Room pawh a lian lem lo, Dinning Room dawt chiah ah Living Room zau vak lo a awm a, a zau lemlo nang in ka mamawh tur engkim a awm thung,a sir ah Room Pahnih a awm a, Pakhat hi Nathan-a te Nupa Room ani a, mahse, keimah ka awm thung, an lo kal lai chuan Nurse hi lang in alo kal mai a, Nurse Room ah zawk an Nupa in an riak mai zel, ka hnial ve bawk a, mahse, awmzia a awm lem lo.Nathan-a te haw hnu ah a rawn riak lut leh mai zel bawk a, Hnamdang hi sual viau tur ah ka lo ngai ngawt thin a, he Hmeichhia ah hian an sual vek lem lo tih ka hriat phah ve tlat, a ni aiin ka naupang zawk a, mahse, a hna anih ang ngeiin min zah der thiam a, engmah tih fel loh a kallsan hni hne a nei ngai hek lo.

“Naktuk ah ka riah chhuah angai dawn a, i damdawi ei tur engmah i theihnghilh loh ka beisei ania” chaw ei mawlh mawlh pah in a ti a, ka bu nghat ringawt, damdawi ei theihnghilh ka chin avangin min sawisel zauh zauh atin ni..he hmeichhia hi Tamil lam chhuak ani a, Nathan-a thian pakhat in a kawh hmuh ani a, a fel phian bawk, a hlawh a tlem hauh in ka ring lo bawk.

“Mahse, riak chhuak kher lo in Living Room ah pawh i mu thei a, anih loh pawn ka bulah pawh” ka ti a,a nui mai,

“Aih, kal chhuah ka duh a, ka dil alawm, Bakah Sir Nathan-a chiah ani dawn a, buaina vak a awm dawn lo” ka phu zawk a, ka chawei ka hak thelh bawk, ka khuh kharh kharh a, min rawn en a,

“I tha em?” min ngaihtuah hmel deuh hian a ti a,

“Um, ka tha..Mahse, Mamuani pawh alo kal dawn a ti sia” ka zawt let a,

“A dam vak lo a, a thulh leh alawm, ih,kei chu pawi ka ti lo, ka ngaina lo” ati leh a,

“Tu chu maw?” ka ti let leh he haw bawk. Mamuani te chu nu tha leh ngainatawm tak ani in ka lo hria a,chutiang a a sawi chu mak ka ti deuh.

“Ma’am mawle, dik tak chuan ka ngaina lo,Sorry, ka sawi loh tur ka sawi in ka hria” ati leh a, nuam lo tih hmel deuh in a chaw a thai kual sek bawk,ka nui lui sak a,

“A ho lutuk, ngainat zawng a in ang hleinem” ka ti a, za vak lo hian a then ve sak bawk, amah chhawrtu han sawisel chu nuam a ti leh lo niin ka hre ve ringawt bawk.

Ka muhil thei lawk lo, eng tin nge amah nen chiah a kan awm theih ang?, ka rilru put hmang hi ka sawithiam chiah lo, diktak chuan Mipa ang in ka en tih ka hria, a hma kha chuan ka Boss ani a, a hnu ah Sumdawn na a ka sumdawnpui niin ka hre leh a, mahse, vawitam kan inbia a, min ngaihsak na te hian chu aia thuk zawk ah chuan min hruai mek tih ka hria, engtin nge he thil hi ka tihreh ang ka hre lo,Ka putea tawngkam ngei kha ka hrechhuak nawn fo thin a, kha khan min ti chak a, engtikah mah Mi Pasal ka kawp thei in ka ring lo,”I nu ang khan mi Pasal i la chhuh sak ve ang” min ti anih kha, an thusawi te thlen dik nan kei hi ka inphal ngai lo ang.

Door Bell rik rual in Sana ka en thuai a, an lo thlen a hun der tawh alo ni a, vanneihthlak deuh in kan awmna lamah chuan khua a eng at a, Mizoram lam ah eng nge a an ka hre lo a, han call lah thih hreh in ka hreh bawk, engvang a alo kal tur han huphurh ta viau nge ka nih lah ka hre hek lo,Mamuani tal lo kal ve se chu ka awm a nuam deuh tur,Ka Birth Day ani a, tu hnen atang mah in Wish ka dawng lo, ka beisei hek lo, Rinzuali hnen atang a ka dawng lo erawh mak ka ti deuh, kum tin min wish a theihnghilh ngai si lo.

Ka sam ka tawn kang lah a, kawr thawl lam ka ha a, Kekawr pawh a thawl lam ka ha bawk,Fur lai mah nise a vawt lem lo a, inthuam lum angai hran lo, vawiin phei chu khua a that ni tak a ni zui bawk nen,Living Room ka pan a, Nathan-a leh Aksha rawn inzui lut chu ka hmu a, LALPA, a va han tha tehlul em..ka ngaihtuahna ti lang lo turin ka insum hram hram bawk,

“In tluang em?” zangkhai thei ang ber in ka ti a, min rawn en a,a bu nghut a,

“Kan tluang e, vanneihthlak deuh in khua tha bawk a” a ti a, a Bag chu Room ah a dah lut a,a chau hle in ka ring, Flight mai bakah helai hmun rawn thleng turin Motor in Darkar 3 vel lai a tlan leh angai a, a chau ve khawp ang.

“Sir, ka kal nghal mai dawn asin” Aksha in a ti a, Room atang in a rawn chhuak leh a,

“Ok, nia, ka tum aiin ka tlai ta deuh a,Pawnah khan Motor in a nghak che ania, chuan, ka mamawh chuan ka lo call ang che, chuti anih loh chuan Friday ah ilo let dawn nia” ati zui duah bawk, ka hrethiam chiah lo, kan Pahnih chiah in kan awm dawn tih na aningei ang.

Min mangtha a, kawgkhar thleng ka thlah a, ka let leh chuan Sofa ah thatchhe zet in alo thu thluang duai a, a ep zawng in ka thu a, uluk zet hian min en a,

“Khawnge U mamuani?”ka ti a,

“A dam vak lo a, alo kal ta lo mai...eee, Happy Birth Day “ ati a, ka mengphawk hra mai, ka beisei loh zia chu hria se min wish hauh lo ang..

“Oh..ka lawm e aw,i hriat ka lo ring lo” ka mittui a rawn hnai a, ka inrin hma in ka biang ah a rawn luang thla a, lungawilo zet hian ka hru tawk bawk, engvang tehlul in nge midang bul ah ka tah ang ni??

A tho vut a, ka bulah a rawn thu a,

“Ka hrethiam che,i Birth Day Present tur ka rawn kensak che a”ati leh cheu,maktak ani, Rinzuali lo chu tumah ka piancham han hre tur an awm lo..oh..atthlak hian, an Hnen a hna ka thawh dawn khan engkim ka Bio- data ka submit a, tah khan a awm tak ang chu..

“Lo lut la, a tap hi thlem dan ka thiam lo ania” Kawngka lam a en a,phawk zet hian ka hawi phei ve nghal a, ka beisei loh lutuk hmel ka hmuh rual in lawm avangin ka au chhuak that bawk..

RINZUALI...ka pan rawk rawk mai..

Chapter- 6

Ka kuah bet a, ka lo ngaihzia ka hre chhuak thar leh ni ber in ka hria, ka mittui a rawn tla leh a, tun tum chu lawm vang in ani ta thung,reife engmah sawi thei lo in kan ngawi dun vang vang a, a ni pawh a tap ve tho ni in ka hria,Nathan-a a awm ve tih ka hre chhuak zawk a, ka mittui ka hru hul te te a, ka kuahna ka phelh a, ka hawi let a,

“Nathan...ka lawm e aw” ka aw a lawi rat bawk,Helai hmun ka awm tirh khan ka u a, mahse, a hming pangngai a ko mai tur in min ti a, ka u ngai ta lo,a nui suk a, kan awmdan vel chu hmuhnawm thlir tak hian min thlir in ka hria,

“I thil min tihsak te ngaihtuah chuan engmah a ni hleinem” a ti sup a,a vawikhat nan Inhlawh ni lo in a fa pai zawk ila ka ti ta tlat, zahthlak hian, ka ngaihtuahna avangin ka hmai a sa nghal hat hat bawk.

A phone a rik tak ah chuan a tho vut a,Rinzuali nen kan in en a, engmah sawi lo in kan innuih leh rih a,mahse, Nathan-a tawng ri chuan ka beng a verh lo thei lo,

“Hey...i tha em?” a tawng dam thlup ah chuan Duatna chiang tak in a lang bawk, a rawn hawi let leh rih a,

“Chaw kan ei tawh tho bawk a, ka mutsan mai ang che u,mangtha u” a ti a, a ban a vai zauh a, kan chhan let hma in Room lam a pan a, a lut a, a khar zui nghal bawk, an nu nen an inbia tih sawi kher lo mahse rinhlelh rual ani lo, Dam tha lo in a zin san a, a ngaihtuah pawh ani mahna, bak hrim hrim ah an induh tawn tih an awmdan engkimah a lang a, Fa pawh nei lo mahse an inthen phah hauh lo ang.

Rinzuali inbual Tv en chungin ka lo nghak a, Nathan-a chung ah hian lawmthu sawi ngaihna ka hre lo,ka beisei phak lo hulhual a, eng Gift mah ka beisei lo a, hetiang thilpek mak lutuk phei hi chu ka beisei pha lo.

“Hey...i muhil ngawt ania” ka biangah kut vawt thlar in a rawn khawih rual in ka harh a,ka chau deuh nghulh bak ah zan dang aiin ka mengrei fe tawh a, ka muthilh lai pawh ka lo hre lo, ham bai bai chungin ka tho a, Light ka Off a, Room ah kan inzui lut a, ka awmdan engkim mai hi mumang ani ang tih ka hlau hluah hluah bawk,ka nu awm loh hnu ah lawm vang a ka tah leh hmasak ber ani ngei ang, hna ka neih khan ka lawm tehmeuh mai, mahse, ka tap hauh lo.

“Engtin nge ilo kal ve ngawt theih?, ka la awih lo rum rum mai” kuah pah in ka ti a,min rawn kuah ve a,

“Thlarau emaw min ti hlek ang e, ka duh lo ania” a nui hak hak a, a bul a awm hi a hahdamthlak thin, ka thuruk vawngtu ani a, ani lo hi he khawvel ah hian neih engmah ka nei lo.

“Eee, Ka nu in Tungrung a siamsak che a, ka rawn keng a, mahse, Nau pai lai hian uih ei a tha lo an ti bawk si,ka nu in a ngaihtuah lutuk che a, i theih chuan lo call ve thin la” a ti leh a, ka ngaihtuah a, ka kal bo hnu ah vawikhatmah ka la call hauh lo tih ka ngaihtuah chhuak a, min lo ngaihtuah em em a, ka duhzawng te pawh ala hrereng bawk, ka zak ru veng veng mai.

“Um, ka lo call tawh ang, mahse, tunah chuan Nau a la te alawm, ka ei thei lutuk ang” ka ti a, ka ngaihtuah zawng pawn ka chil a put lo chauh bawk.

“Enteh, Nathan-a hian a ngaihtuah lutuk che hi mak ka ti” ati leh halh a, ka nui sak thung, min ngaihtuah ang chu, an fa hmasa ber leh neih chhun pawh ala nimaithei, ka pai miau alawm le.

“Min ngaihtuah ve bawk ang chu, an fa tur ka pai hi mawle, chuan, engtin nge ilo kal ve ngawt lai hi ka man lo” ka ti leh a, a ngawi deuh vang vang a,min chhang dawn lo emaw ka tih hnu ah min chhang ta chauh,

“kar hmasa kha min lo Call a, i Birth Day hmanpui tur che in an kal tur thu leh ka kal ve thei em tih min rawn zawt a, ka nu ka sawipui phawt ang ka ti a, chuan, ka nu hnen ah Ticket ka dawng tih leh ka kalna senso pawh min tumsak dawn thu ka hrilh a, ka nu chu i hriat kha, Nathan-a hnen ah a va zawt fiah vek phawt a, chumi hnu ah ka kal thei tih min hrilh a,chu zawng chu..” ati a,kei erawh in mak tih ka nei, ka Birth day min hmanpui tur a lo kal an tum a tih lai tak kha ka hrethiam lo.

“Mahse, ngatinge ka Birth Day hmanpui tur ang in a insawi kher a?,hna pawimawh ah alo kal ani reng sia” ka ti a, bakah kan pahnih chiah a awm tur a ka lo in ngai kha mawl ka in ti hliah hliah bawk,a ni ang Mipa, fing leh tawrhhlelh awm zet hian ka rilru inthlak sek hi alo hria ani mai angem?, ka ngaina tih te hi a hriat vaih chuan aw...

“Chutiang engmah ka hre lo,an sawi dan mai anih chu ka sawi, an sawi dan engpawh ni se pawi ka ti lo, i bul a reilote rawn awm pawh hi ka lawm tawk viau asin”a ti awlsam leh mai, a sawi dik reng bawk, engpawh sawise kan inhmu thei hi a lawmawm,ka haw leh hma chuan kan inhmuh ka lo beisei eih lo anih kha.

“Nia,U Mamuani awm ve phei se chuan a ziawm ngawt ang, kan pahnih a kan awm chuan midang kan mamawh dawn si lo, nuam lo atih ka hlau a” ka ti a, ka ham bai bai bawk.

“Lo kal a tum lo hrim hrim a, ee, enteh, Zu a in thin asin” min rawn en a, mak ti zet hian ka mengphawk a, ka mutchhuak a bo nghal duak bawk,a hmel ah khan zu in thin hmel a lang hauh lo,Zu hi ka hua a, ka Nu min laksak tu ani a, fahrah a min siamtu ani bawk,Mipa zu in hi ka haw lo ani lo, Hmeichhe zu in hi mak ka ti a, an in thei lo ka ti hek lo, In tur a siam ani a, in rawhse, mahse, Chhia leh tha hriatna min pe a, mi pangngai tak ,ngahtuahna fim hmang tan Zu hi in tur ni in ka hre lo tlat thung.

“Amak hle mai ,Nathan-a khan alo kal ve dawn ati a,aaa, ka hre lo, ka mut a chhuak” ka ti a, lehlam hawi zawng in ka inlet a, ka mut a chhuak hauh lo, a thusawi in Ka nu min hriat chhuah tir leh miau avangin ti ti zawm chakna ka neilo ani mah zawk.

Zing ka thawh in Rinzuali alo tho tawh a,ka nau pai atang hian mut ka duh em em a, zingkar ka nei meuh lo,ka inlet thak a, Sana ka en a, Dar 11 alo kawk va tawh, muthilh leh nan chuan a tlai mah mah tawh,peih lo fe in ka tho chhuak a, Nizan khan ka ngaihtuahna ka kawm kual nasa lutuk a, ka muhil mumal lo,khawvar dawn hnaih ah ka muhil ta chauh anih kha..

“I tho thei maw?, rawn kaih thawh che ka lo tum mek a” Nui chungin alo ti a, Nathan-a ka hmu lo, Kitchen lamah erawh Aksha-i zai ri rat rat thawm ka hria a, Nathan-a khan lo kal angai lo ang kha ati sia, engvang a ko leh nge maw anih le!

“Ka mutui tawp, ilo kal vang aniang, khawnge Nathan-a?” ka ti a,Room lam ah a lu a bu zauh a,

“A la tho lo anih ka ring, ka thawh hnu ah ka la hmu lo” a ti awlsam mai,Kitchen ka pan a, Aksha-in ka thawm a hriat rual in a rawn hawi a, a nui var var bawk.

“GoodMorning, i mu tha em?” a lo ti sawk sawk a,Bawnghnute min rawn pe a, Cake a rawn dah leh bawk, Stool sang zet awm ah chuan ka lawn a, ka khup ka ti tung a, ka khabe ka nghat a, engmah ei chakna ka nei miah lo.

“Mu tha lutuk, chawlh i la emaw ka ti a” ka ti a, a chevel ka thlir pah a,engkim hi a hnehsawh ni mai in ka hria.

“Nia, mahse, Sir Nathan khan min rawn Call a, nagmah nen Hospital kal angai ang a ti leh a” a ti awlsam leh mai, engmah min hrilh si lo, bakah ka In check –up hun ani bawk si lo.

“Ka hria alawm,mahse ka lo kal lai ani a, i tha em tih ka hre duh” a rawn tawng thut chuan min ti phu nasa lutuk a, ka tla thelh bawk,alo kal thawm reng reng ka hre lo,Pyjama grey Colour a ha a, Slipper dum a bun a, T-Shrit dum thawl lam tep a ha bawk,a sam a thur deuh bawk a, mahse, a lang pa hliah hliah tho, Hreptak hian...engvang hrep hian nge hetiang ka ngaihtuah teivet ka hrethiam lo.

“Good Morning, i lo tho tawh animaw?” engmah ka ngaihtuahna lang lo thei ang ber in ka ti a, Fridge atangin tui a la chhuak a, a in nghal a,min rawn en a,

“Um, mu tha e,nang zawk?” awlsam deuh hian a ti liam puat a, mu tha lo pawh ti ila pawi a tih hmel vak chuang loh kher bawk.

Ka mu tha tih ka hrilh a, Aksha-i Coffee pek chu ala a, a kal chhuak leh mai dawn emaw ka ti a, mahse, ka thut na sir a Chair awm ah chuan a rawn thu ve a, Khawiah nge maw Rinzuali pawh kha a kal hman tehreng ni?

“Dar engzat ah nge Hospital lam kan pan ang?” Bawnghnute dawt hlak pah in ka ti a,

“Dar 1 atan Doctor ka be lawk a” min en chuanglo hian a ti hmuk a, tukin chu a Mood a fuh vak lo anih hmel e.

“Chuti anih chuan kal hma in ka Inbual lawk hman dawn anih chu,ee, u Mamuani eng nge a an?” ka ti leh a, a Hmalam ah thil hmuhnawm a awm ta emaw tih tur hian a melh ngai a melh ngur a, biak a chakawm fahran loh hle bawk.

“A tha ang, chutiang a nuamlo lutuk ani lo “ min chhang tawh dawn lo emaw ka tih hnu ah a ti sup a, sawi leh mai tur ka hre lo, nizan kha chuan kan in pawh a, a thil min tihsak avang pawh khan ka lawm anih kha, tun a a awmdan chu Nizan nen kha chuan Lei leh Van ang hlauh in a danglam chiang leh lawi.

Rinzuali a rawn lut ve ta hlauh,a tawng bawrh bawrh a, kan Boruak uap churh leh nuamlo zet pawh a bo chawpchilh der bawk,Boruak nuam lo ka ti ngawt a, keimah chiah pawh ka lo ni maithei,Nathan-a Mood Off hi keimah vang ah ka ngai anih chuan ka in ngai ropui deuh ani ngei ang. Nathan-a nen an inbia a,a chang chuan ka bul ah pawh tawng duh ve tum a nei, mahse, an chhawr,an hlawhfa ka nih vang hi a ni ang, ka pawh tak tak thei miah lo, kan innel viau a ka hriat hnu ah pawh reilote ah biak huphurhawm khawp in min hmachhawn leh a, ka in kar ah bang sang pui sut tlang theih loh a awm niin ka hria,a awm lo hran lo, Pu leh kid ang kan ni a,inpawh viau tur kan ni chiah lo reng ani,kei kum 19 ka tling ve chiah a, a ni erawh kum 30 lai ani tawh thung a, ka tan chuan Patling tak ani tawh tlat a, ka kawm rual lah a ni hek lo,ka rualpui ang maiin a hming in ka ko a, hei hian kei ang ngaihtuah tam lo ve tak hi min ti ngampa mai mai nimahna.

“Mal....”Rinzuali’n ka Lu ah a rawn khawih rual in ka phu zawk bawk, a va hahthlak em,ka naupan lai atang in in ngaihtuah vak vak ka ching a, keima khawvel siam chawp ah chen veng veng lah hi tun thleng in ka sim thei hek lo,nui chung in ka hawi chhuak a, mak tih hmel deuh hian min en a, Nathan-a lam ka hawi leh a, min lo melh ngur bawk, ngaihtuahna awm ka hrethiam lo, chhaw min ti pawh ani maithei.

“Sorry, ka lo in ngaihtuah a...” Stool atang in chhuk ka tum a, lei ka rah thlen hma in a hnuai a thing kal phei ka rap tur chu ka rap pial a, ka inring hman lo,bawk thlawp in ka ta thla thlawrh a, ka dul ka sawh chawrh bawk,ka khawi lai ber nge na ka hre lo, ka na tih zawng ka hria,ka mit a vai rum rum a, tap dawn pawh ni ila ka tap thei lo hrim hrim.

“Mal-i,Babe... i harh em?” Nathan-a rawn kun hnai nghal rawk rawk chu ka hmu phe ruai a,Rinzuali te teng tung ri pawh hla tak a mi ang mai in ka hre viai viai bawk,ka thidang dawn niin ka hria, thei leh thei lo in ka hawi chhuak a,Nathan-an min pawm kan pawh ka hria,tawng ka tum a, mahse, ka thei ngang lo.

“I harh tawh maw?” Rinzuali a rawn lang a, ka tho tur min rawn pui a,min kam kang a, ka hawikual a,midang tumah an awm lo,Damdawiin ah ka awm tih hai rual ani lo,hlauhthawnna in min bual a, ka sa nghal pup pup bawk.

“Naute....” mangang tih piah lam ka ni, ka chhiat anih teh chuan Nathan-a chet dan tur chu ngaihtuah ngam ani lo.

“A tha vek e,engmah thil pawi a thleng lo hlauh,a ni pawh a haw deuh chiah anih kha” ati a, a nui var var mai, kei pawh ka thawl nghal hawk bawk.

“Ka van lawm em, ka chhiat palh anih chuan ka chan tur a rapthlak dawn em mai” zawi sep in ka ti a, ka kut a rawn vuan a,

“Lungngai suh,i tha vek alawm, lawk aw, i harh veleh hrilh nghal turin min ti a, kan be lawk ang” a ti a, a Phone a phawrh a, ka mit ka chhing a, an inbe thawm ka ngaithla a,eng ngatinge an inpawh em em lai hian kei nen a kan inpawh ve tak tak theih miah loh?, Retheihna hi ka hua a, chu ai chuan fahrah a min siamtu ka nu leh pa ka haw zawk, ka nu ka huat dan a ziawm,ka pa phei ‘Pa’ ti a koh tlak ani lo.

A rawn thu leh a, eitur ka duh leh duh loh min zawt a, ka lu ka thing mai,engmah ei chakna ka nei lo,Rinzuali thawmhnaw hak ah chuan rei tak ka thidang lem lo tih ka hria, ka tlak hma a a hak tho kha ala ha tlat,rei vak lo hnu ah Doctor alo lut a, ka hmuh hnu ani a, ni lo,ka hmuh hnu satliah pawh ni lo in Naupai tur a min puitu leh min enkawl zuitu Doctor ani a, pa upa lam leh nelawm em em mai ani bawk.

“Ka tha lo viau em?” ka ti a, a nui vur vur a, a lu a thing a,

“Aih, i tha vek e, engmah hlauh tur a awm lo” a ti a, ka thawveng huai mai.

“Mahse, Zan in chu riak ula,naktuk ah Nathan-a ka lo bia ang a, chuan, i awmdan tur kan sawi thei ang,Aksha-i awm se a tha ang,chuan indim rawh, i tlu leh anih chuan Nangmah mai ni lo Naute tan chance a chhe hle ang” a ti leh a, min duhsak nge Nathan-a tan a buai tih ka hre lo, he pa hlir hi Nathan-a te nupa in an pan thin ani a, Fa an neh theih dan tur pawh ama remruatna vek ani tih ka hre bawk.

Thim hma in Aksha-i leh Nathan-a an lo thleng a, chaw ei tur min rawn ken a, Nathan-a te kal hnu ah ka ei ang ka ti a, mahse, a remti lo bur, a awm laiin ka ei ta nge nge, Damlo na tak ang mai a an vai a min en hi hrehawm ka ti, ka fimkhur loh vang liau liau in engkim ka ti chhe vek lo chauh bawk si.

“Miss, Sir Nathan-a hmel kha hmu ve la ka ti lutuk a” an haw hnu ah Aksha-in a ti a, a nui hak hak bawk,hrethiam lo fe hian ka melh a.

“Eng maw?” ka ti a, Tu in tur min rawn pek pah in ka khum ah a rawn thu a,

“I tluk hnu khan mawle, khatiang em em a thlaphang hmel kha ka la hmu ngai lo,mak ka ti zawk, Motor ah pawh khan a pawm bet tlat che a, a ko sek bawk che a, a Nupui emaw ati che in ka hria” a sawi tawp lam a zuih ral lo chauh bawk.

“Ha..nang ni la i buai lo thei nang, an Fa tur ka pai a, chumai bakah pawisa tamtak seng in engkim an kalpui tawh a, he Naute hi a thi leh si anih chuan engtin nge niang?” ka ti a, ka rilru a lo lang hmasa ka sawi ani ber, ka tluk tirh khan ‘Mal-i,Babe’ tiin min ko tih ka hria,ka hresual pawh ani maithei.

“Ka hre lo le, chuvang chu ni se ka ti, ih...thil ka zawt thei che angem?” ati leh a, min en lo in hnuai lam a bih a,engtak ni ang maw?

“Um, sawi la..” ka ti a, ka mutchhuak in min zem chai chiai bawk.

“Ma’am khan min rawn bia a, nang leh Sir Nathan te en zui reng tur in min ti a, engvang nge ka hre lo a, mak ka ti a, mahse, a chhan ka zawt ngam lo hrim hrim, chuan, zing a i Accident hnu khan Ma’am sawi kha a awmzia ka hre tan in ka hria a..” a sawi zawh hma in ka ban ka vai a,

“Engmaw i hriat?, awmzia ka hre lo, i sawi kha engmah ka man lo” ka ti leh a, ka man lo miah lo, ka hre lo der animah zawk, ka rilru dik lo thin hi Mamuani chuan a hria tihna ani mai angem?.

“I accident khan a buai vek ka tih chu, a awmdanah khan an fa tur paisak vang a buai ni in a lang lo, ka hriat hma che in an ni hi chu ka hre tawh,hetiang in a awm ka hre ngai lo, a Nupui nen ngei pawh he Hospital ah hian ka hmu tawh a, a en dan ang che khan a en lo,he naute hi in pahnih a in fa ani em tih ka hre chak a...” a sen awp awp mai,min ringhlel lo in Nathan zawk a ringhlel anih hmel,kei erawh mak ka tih luat avangin ka ang pham ringawt.

“Sorry, ka sawi loh tur ka sawi tih ka hria,min ngaidam rawh, khawngaihin Sir hnenah engmah hrilh suh aw”Mangang tih hriat zet hian a ti a, ka hrilh hauh lo ang, chutiang sawipui tur khawp in ka nel hek lo,mahse, a ngaihdan hi hria se chuan a lungawi hauh lo ang, kei ang mi hnuaihnung nen a fa nei tur a min ngai hi a tan chuan hmuhsitna lianpui ani hial ang chu.

“Engmah ka hrilh lo ang, mahse, sawi nawn tawh miah suh, a hriat palh chuan kan pahnih in min that mai ang, kan buai lohna tur ah kan lo buai palh hlauh ang” dam thlap in ka ti a, a bu nghat a, a hmel hlim ta deuh sawt chu ka hmuh hmaih lo,ka thinrim viau tur ah a ngai ani mahna.

Damdawiin ah ni 2 ka awm a, ni 3 ni ah min haw tir a, Damdawiin ka awm chhungin Rinzuali leh Aksha-i ten min awmpui reng a, mut tam ka mamawh avangin kei lah ka muhil deuh reng bawk,Nathan-a erawh alo kal ve lo thung, lo kal lo mahse pawi ka ti lem lo, ka pasal niawm fahran a a khawsa vel khan kei tleirawl ngaihtuah tam lo ve tak hi min ti buai tih ka hai lo.

“Vawiin chu Rinzuali Bazar a duh a, i kal ve thei awm bawk si lo a” min en lo in Nathan-an a ti sup a, ka haw leh atangin ni thum a liam tawh, Aksha-i thusawi kha hriat chhuah loh tum thin mah ila ka thei meuh lo, ka ngaihbel nge ka hre lo, Nathan hian Damdawiin ka chhuahsan hnu ah min be meuh lo in ka hria a, mahse, ka dik loh vang in ka ngaihbel mai mai pawh ani mahna le.

Karkhat chiah awm tum a lo kal an ni a, mahse, ka chetsual vel vangin an awmdan tur an ti danglam a, Naktuk ah Rinzuali a haw ang a, Nathan erawh karkhat vel la awm a tum thung, mahse, keimah vang ni lo in a hna vang ani zawk.

“Kalpui thei ila ka ti,buaipui ka ngai ta hle bawk si,a hrehawm ka ti “ ka ti a, en tur ber hre lo in Tv ka hmet kual sek a, Rinzuali erawh a inbual a, Aksha-i lah an chhungte dam lohna avangin nikhat chawlh ala bawk si,tu emaw tal awm ve se ka ti ru takzet.

“A ho em mai,kan awmlai ani hlauh hi a ziawm zawk” ati leh hluk a, a mize inthlak zung zung hi ka hrethiam thei ngai lo ang, a pawi tawp lo, thla 9 a ral meuh chuan ka tan chuan mihrang hlak ani leh mai dawn alawm,lo nel viau vak a ngai lo tawp,keimah a danglam awm hi chu reilote ah a reh leh mai ang tih ka chiang.

Rinzuali insiam lai khum atangin ka thlir a,a haw leh tur ka huphurh zia ka sawithiam lo, ui beh tlat theih ani si lo,”ka sawi i hria em?” Mascara inhnawih mawlh mawlh chungin a ti a, rawn hawi let lo in Darthlalang atang in min rawn en a, a sawi engmah ka hre lo, hahthlak hian...engtik ah tak ka khawvel a chen veng veng ka ching hi la reh ang maw??

“Aih, ka en tui lutuk che a” nuih tlawn deuh ti tih hian ka ti a, a hnar a tum dat a, a rawn hawi let a,

“I Khawvel siam chawp a chen kha duhtawk teh,ka ning em mai,ka sawi nawn leh ang,ka Cousin te bulah ka riak nghal dawn a, naktuk a rawn let leh ngai lo in ,ka lo let leh chuan a buaithlak mai mai a, Naktuk ah Nathan-a hian meeting a nei dawn a, min thlah hman dawn si lo a, Airport thleng tur lah in darkar fe tlan a ngai bawk si” ati a, ka ngui nghal rawih mai, a Bazar zawh ah alo haw leh mai ang chu ka lo ti asin le, ka thlah thei dawn pawh ani lo a, lo hnial buai a sawt hauh lo tih lah kei aia chiang an awm hek lo.

Kan awmna lai ah hian Mizo ka hmu ngai miah lo,ka la hmu fuh lo pawh animaithei,Kan awmna atang a darkar 3 vel bawr kal Mumbai ah chuan an awm teuh ang tih ka hria,ka awmdan ah hian tumah thian nei thei ka ni lo,Mizoram zim te ah hian tu emaw in ka chanchin a hria anih chuan tu emaw ber in a hre leh ang, zah vang in ka hawi ngam lo palh thei, chu ai chuan thian neih loh mai a tha,Rinzuali ang an nih loh chuan tumah kawm ngeih loh a pawi lo,Sangpuii khan a khat tawk in min rawn be thin a, Rinzuali tih loh ah chuan ka kawm ve ber ani a,ka thuruk erawh engmah ka hrilh lo.

“Naaa, lo let leh la ka ti asin le,mahse, ka hnial ngam lo che,eee, engtin nge i sawi ang?,helai ah i awm reng sia” ka ti a, a thaw hak a, “ ka ngaihtuah fel vek tawh, lungngai suh” a ti leh mai.

Mittui tla chung a thlahliam ka duh loh teh nang in ka insum thei ngang lo, mal ngawih ngawih in ka inhre thar leh a, Nathan-a nen chauh a awm lah thih hreh in ka hreh bawk.

“Ka chau deuh e, ka mu dawn ania” ka ti a, Sofa ah a thu a, Laptop a malchungah a dah a, hna a thawk pah mawlh mawlh bawk,min en mang lo in a bu nghut a, a awmdanah biak buai a duh lo anih hmel,diktak chuan biak chakna ka nei bik lo.

Ka thuchhuak hlawl, thlan in min bual huh vek bawk, Room lah chu ka hlauh tizual turin ala thim thap zui,ka mu rei hle ani ang, khua a thim vek tawh tlat,ka mumang kha...Room kawngkhar a rawn inhawng rawk a, Mipa ruangam a rawn langzui nghal zat bawk,Light a On nghal a, Nathan-a ....a ni lo tumah awm nghal lo chuan...Khumah a rawn thu a,

“Engthil nge?” min rawn ban a, ka tawlhhnung dawrh thung, ka Mumang chhe zet ah khan amah ngei hian min thah tum in min um tlat alawm.

“Engthil hrep nge?” a phun zui hluk bawk,min rawn hnaih leh a, ka inrin hma in amah si chet in min pawt a,min kuah bet nghal bawk,a vawihnih nan a lungphu ri dat dat ka hre leh ta...

Chapter – 7

Tal chhuah tum in ka nem a, mahse, hre lo ang hmak in a awm ngaiin a awm a, min kuah nghet salh bawk,ka tal leh a, a rum nghut a,

“Awm mai mai teh, i dam tha lo tih i hriat kha” a ti sup a, ka sam a thawk khum a, a lum ham ham bawk.

“Min kuah beh tlat hian ka dam phah dawn tih na ani hleinem” ka rin aiin ka tawng pangngai.

“Luhlul reuh lutuk”ati hluk a, min kuahna a thlah a, a tawlhsawn a,keilah Bangkil lam ah rang fahran in ka tawlh phei nghal bawk, mahse, eng thil nge ni leh ta??

Khumah a rawn lawn a, ka inrin hma bawk in min rawn man leh a, min nem mu a, min kuah nghet leh nghal hmak bawk.

“Nathan...” ka ti that bawk, a mal sei thlurh in min rawn khan a,

“Shh, muhil tawh rawh, a tlai tawh ania” a ti leh a, ka thin a rim ve phat thung, eng mi ah nge maw min ngaih tehreng ni??

“Tho phawt teh, ka mumang vangin i mutui lai ka ti harh che anih chuan pawi ka ti, mahse, hetiang a min tih theihna i neilo a, i nupui ka ni hek lo” sawi leh mai tur ka hre lo, a taksa lum na in min rawn ur ham ham chuan min ti buai ru takzet zawk.

“Ka hria..” mutchhuak hmel zet hian a ti leh sup a,

“I hriat chuan tho reng ta che, Pawngsual case in ka man tir mai ang che..” a lo nuih avangin ka sawi tur pawh ka sawi zo thei lo, ka thinrim tehlul nen, eng nge lo nuih tur a hmuh ka hre lo..

“Eng nge nuih tur awm?” a lam hawi zawngin thei leh thei lo in ka in let a, a lo insiam rem ve zel bawk,

“Nangmah tereuh hi, i ngawih duh miah loh chuan ka pawngsual tak tak ang che,chuvangin mu tha mai mai teh” a ti leh a, a nuih a la zat hmel hle bawk, tih leh mai dan tur ka hrelo ,che miah lo in ka mu a, tihdan tur ka ngaihtuah a, ka tlawh pawp mai dawn nge ni ang?, ka hlau em ka hre lo, mahse, sawithiam chiah loh ka taksa awmdan chuan min ti hlau ni ber in ka hria.

Ka tal thut a,a awm ah ka nem pawp bawk, a rum deuh hawk a, a lo inthlahdul hman ani ngei ang, min kuahna a thlah a, ka let swn nghal daih bawk, mahse, ka awm hrang rei lo, min rawn hnaih chilh leh nghal a, ka banah a rawn hmer a,alamah min pawt hnai rawk a, ka tawng tur chu a hmui lum ham ham chuan kahmui a rawn bawhthuah nghal chat bawk, zeizet hian a lei a rawn hawl lut a, chet dan tur ka hre lo, ka a huih mai, a vawikhat nan mipa ka kiss ve ta...chu pawh mi pasal pawmlai, LALPA...”I NU ANG CHIAH KHAN MI PASAL ILA CHHUHSAK VE ANG”

“LALPA, engthil nge ka tih a?” Ka mittui luang chu a kutzungpui in a rawn tuai a, kei erawh ka tah a chhuak zual sauh thung..

Ka nu khan Mi pasal a chhuhsak ngei alawm, mahse,kapa kha a hmangaih a,a in Control theihna zawng zawng hloh vek in a hmangaih a, ka khawngaih lutuk, Ka pa khan mualpho pui si in a tawp a thlenpui zo leh si lo,Mi pasal a chhuhsak kha ka tan thar ta tihna lam ani lo, a dinhmun ah ka din ve tak avangin ka hriatthiampui tihna ani zawk.mahse, kei hian engtikahmah Nathan –a hi ka nun atangin ka pet chhuak ngai tawh dawn lo tih ka hria, ka tan hian Mipa awmchhun ani reng tawh ang , hei erawh ka hria, ka duhna avang hian tu Hmeichhia mah ka ti na ngai lo ang,an hriat loh lai pawh nise Mipa, Nupui nei lai reng reng a ruk pawh in ka kawp lo ang tih ka chiang.

“Min khawih tawh suh,khawngaih in..” ka khabe ah a rawn dawm a, Pawnlam eng chuan a hmel chang zet chu fiah lo ruai hian a chhun a,

“Sorry....ka in Control theih loh vang in...” na tuar niawm tak hian a ti hrawk a.

“I kut la sawn rawh” ka huaisenna zawng zawng sawmkhawm in ka ti a.

“Mal....min ring rawh..” ati leh tuak a, eng nge ka rin tur pawh chu ka hre si lo..

“I kut...” ka ti leh a.

“Plss......” a mak ka tih avangin ka hamhaih vel vek.He mihring hian ka khawngaihna min dil anih chu mawle.

“Khawngaih takin min kalsan rawh..” ka ti leh a, mahni chauh a awm a, tah ka chak ber.

“Rei lo te chiah ka awm ang” a ti leh a, mahse, a kut a la sawn ta tho,mu lo in lukham ngheng in a thu a,chhang lo in bang ngheng in ka thu ngawi ngar thung.

“Ka duh che tih i hria, zep tum a ka buai zia erawh i hre lo,ka tan chuan Naupang i ni a, nau ang a en tur che ka ni bawk, chumai bakah kan fa tur i pai mek bawk a,mahse....engtik lai in nge thildang ang a ka en tak che ka hre lo..” a thaw hawk a, a thusawi mal tin chuan min ti na vel vek, engvangin nge min duh ngawt?, Naupang leh a hnuai a thawk ka nih ang chiah hian min en mai se ka lawm zawk, ka chhungril a ka duh ngawih ngawih na hi chu ka up bo hlen thei lo anih pawh ka ti lang ngai lo ang.

“Chutiang engmah sawi ka duh lo..kal tawh rawh, chuan ,khawngaih in I Nupui tel lo chuan helai hmun ah hian min rawn hmu tawh lo la ka duh” ka ti leh a, kum 19 chauh ka ni a, ka thil tawn tamtak hian ka nihna bak in min siam puitling a, ka rualpui tam zawk ten engmah ngaihtuah lo a khawvel an chen lai in kei chuan ka nun nan ka bei takmeuh a, thil tam tak ka tawng a, ka nun khawchhuah nan ka fight takmeuh bawk.

“Mal-i,....” a sawi zawm leh tur ka ngaithla ngam lo, min duh thu ani emaw thildang pawh ni se, ka rilru a buai a, ka nun mal leh khawhar tak ah hian min duhtu mipa ka tawn hmasak ber, ka kiss hmasak ber, min kuah tu hmasa ber ani a, thildang engmah ka duh tih ka hriatbelh nan tih leh ka mamawh tawh lo,ka naupan lai atangin ka hria, ka duh tawh chu ka duh bur thin a, bansan mai ka tum ngai lo, mahse ani hi chu duh thiang a ni lo, duh mai pawh anilo, ngainat pawh a thiang lo.

“Engmah sawi belh lo ang,kal tawh rawh” ka ti leh hmak a,hna chungchang ni se chuan hetiang a tawng ngam tur ka ni lo tih ka hria.

“Awle, ka kal ang,mahse, hei chiah, Mamuani hi then tumna ka nei lo, then tum ni ila chuan nang ka duh tih ka hriat hma khan ka then tawh ang,hei chiah hi hrereng la ka duh, Mamuani hi duh tak a ka neih ani a, ka nupui ani bawk,Mipa ka ni a, min then anih loh chuan Nupui thlak tumna ka nei lo,kan nupa hian nupa tak ni tawh lo mah ila dan in min phuar ang in ka nupui ani a, a pasal ka ni bawk, ka tihpalh ani, vawikhatmah khatiang kha a thleng leh tawh ngai lo ang” Khum atangin a chhuk a, muangchangin Room a chhuahsan a, dimte in kawngkhar a rawn nem khar a, kei erawh ka let tawp thung, he khawvel zau pui ah hian engvangin nge ka duh zawng hi ka neih theih loh leh ka neih phak loh annih zel kher??

Ka tap muhil ani ber, ka harh meuh chuan khua alo eng uar tawh, Fur pawh a tawp a hnai tawh a, Favang hun nuam tak kan thleng tep tawh bawk, ka nun ah hian he Favang hian hun tha rawn her chhuahpui se ka ti takzet, ka tho chhuak lawk peih lo, Aksha-i a lo let tawh ka ring a, mahse, Nathan-a a chhuah leh chhuah loh ka hre lo a, hmuh ka chak hlawl lo.Ka Phone nghawr dar dar in ka ngaihtuahna a la peng a, ka en a, Rinzuali a lo ni a, an kal a hun tawh ani ngei ang..

“Hello..” ka aw ah ka hlim lo tih a hriat ka duh lo.

“Thiannu, kan kal tawh dawn a, awi, ka ngai tawp che” a rawn ti a, ka Mittui rawn luang chu hruk pawh ka hru buai peih lo, ka ngai tih hian a sawifiah zo lo, ka mamawh a, Nathan-a vang a ka mangan ngawih ngawih lai phei hi chuan a bul a awm ka chak takzet.

“Awle, tluang deuh in kal ru, in thlen veleh min lo hrilh la, In ni lo in Lengpui a in tum veleh aw” ka ti a,a rawn nui hak hak a, min hrilh ang tih a tiam nghal zat bawk.

Dar 1 rik dawn ah ka tho chhuak ta chauh, ka mit bui lak tih reh tum in ka bei a, mahse, ka hlawhchham thak thung.ka beisei ang ngeiin Aksha-i a lo let tawh a, Nathan-a erawh ka hmu lo,

“Ka rawn en hman tep che a, i nuam lo anih ka ring a” nui var var chung in a lo ti nghal sawt sawt a, ka nuih let a, ani hi ka thian neih chhun chu a ni leh mai dawn a, a pawi lo, thian tamtak ka mamawh hleinem.

“Ka mu tha vak lo a, mahse, ka tha..ka ril a tam tawp” pangngai thei ang ber in ka ti a, ka mit bui lak hi a hmu anih pawh in a tilang eih lo.

“Nia, Sir Nathan-a khan i mu tha lo a ti a,lunch ah eng nge i ei ang?” ati a, ka duh zawng ka hrilh a,ka insum zo thlawt lo, Nathan-a chungchang chawei laiin ka zawt leh ta nge nge.

“Nathan-a chu a ei ve dawn lo mi?” pangngai thei ang ber in ka zawt a, ka thil ei lai ka ei pah mawlh mawlh bawk.

“A kal daih tawh alawm” ka lungphu a rang nghal zaih zaih mai.

“Um, anih chu, ka tho tlai lutuk a ka a deuh huih mai” ka ti leh a, a nui hak hak a,

“A ngaihtuah khawp mai che, i nau neih hun hma chuan lo kal an tum tawh lo a ti a, kalsan miah lo tur che in min ti a, awi, vawi sawm vel a sawi in ka hria” ati leh a, a nui nasa zual sauh bawk.

“Nia, lo kal fo angai chuang lo a, bakah hna ah an buai ve si” ka aw khur tehhrep chu a, ka kut ka humruh a, ka thil ei chakna a bo nghal vek bawk,a thusawi ah a ding nghet ang tih ka hria, Mipa ah pawh Mipa ber ani tlat a,engmah a tih loh tur a sawi lo ang, min hmu leh anih pawh in a Fa paisak tu ka nihna ang bak a en ka hlawh tawh lo ang, ni e, chu chu ani lawmni ka duh ber kha...ka duh ang in a thleng dawn a, mahse, ka va hlim phah si lo em!!

Nitin ka nun dan angai ani mai, zingtin ka theih tawk in ka taksa ka sawizawi a, a sawi ang ngeiin vawikhatmah Nathan-an min rawn be ta lo, Mamuani erawh chuan a khat tawk in min rawn be thin a, ka that leh that loh min rawn zawt a, mamawh ka nei em tih min zawt tel ziah bawk,nu tha tak ani a, Nupui tha tak anih nfei ka ring bawk, Hmangaih a phu hle ang tih ka chiang,ka dul a puar lian zel a, ka hunawl ah Lehkhabu ka chhiar a, Laptop pakhat min dahsak ah ka rilru a awm te ka ziak thin bawk a, ni ka hmang liam ve mai zel,Fur a liam a, Favang a her chhuak a, a liam leh a, Thlasik a in tan zui ta bawk,mahse, ka tan chuan eng hun mah a danglam lo, ka naupai a lian tawlh tawlh a, ka Hmangaih tawlh tawlh bawk, ka pum chhung ah a awm a, ka lungphu a phut rual in ani pawh a phu ve a, ka thisen a ka hrin ni lo mahse ka tan chuan fa ani tho tho.

January thla kan chuangkai a, ka nau neih hun tur ni tlem te chiah in a dang tawh,Nathan-a te nupa lo thlen na pawh kar hnih a liam tawh, a mawi ah min be ve chauh thin niber in ka hria, Mamuani erawh chuan min duat em em a, min enzui reng ani ber, Nathan-a a erawh chuan a tul tawp ah lo chuan min be ngai lo,a Nupui a duat zia ka mit ngeiin ka hmu a, Nupa tak nilo a insawi kha ka awih lo hulhual,min duh tih a sawi phei kha chu ka hriat sual anih ka ring tawh zawk,a mit ah min duhna emaw min duatna pakhat te pawh hmuh tur a awm lo.

Breakfast kan ei mek a,nidang ang lo tak in ka pum a na riai riai bawk, Mamuani a tawng siam siam a, a khat tawk in Nathan-an a chhang let zauh zauh bawk, engmah ka sawi ve lo, ka pum a rawn na leh a, a hma ai chuan a nat dan a nasa ta zawk,

“Mal-i, engmah i ei dawn na nge?” Nathan-a tawng ri ah ka phu zawk a, ka spoon ka thlauh bawl bawk,

“Ka ril a tam lo...ih...ka pum hi a nuam chiah lo a..” ka thlan fim a rawn bawl tawk tawk a, ka neih ala hun reng reng lo, Doctor in nei tur a min tih hun aiin ala hma zawk,

“Maw?” an nupa in an ti rual thawt a, Aksha-i a rawn kal hnai nghal vat bawk,a rawn na leh a, a hma aiin a la na zual zawk cheu,

“Motor la chhuak turin hrilh rawh, ka rawn pawm ang,Aksha, kan thil mamawh tur lo lakhawm rawh” Nathan-a tawng ri ah chuan manganna alang chhuak chiang hle bawk.

Dimte in min pawm kang a, ka rai puar luah a ,ka rih awm tehreng nen, rit ti awm pawn a awm lo, duh lo thei ka ni lo, ka tlak loh na tur in a nghawng ah ka kuah ta zawk ,Damdawiin kan thlen in min pawm chhuak leh a, duh lo mah ila tih ngaihna a awm lo,ka mamawh tur te engkim ka khungkhawm lawk vek a, Aksha-in a rawn keng a, kan inremsiamna ah kha neih pangngai a nei lo a zai chhuah tur a tih a ni a, Kan Doctor pangngai in min lo buaipui sawk sawk a,kal pah in Nathan-a khan a call vek tawh a, min en zung zung a, a hmel lan dan ah ka tha lemlo anih hmel,

“Nathan, tunah kan zai nghal angai,a hmanhmawhthlak” Nathan-a rum hawk ri ka hriat rual in hlauhna avangin ka thlan a bawl tawk tawk mai, ka Pasal ni se, ka inghahna nise,a kut vuan in kan fa tur hi nei ta zawk ila...Nilo, chutiang ngaihtuah ngam tur ka ni lo.

Engkim a thleng thut a, tunah chuan a tawp ta vek mai,Naute tap ri ka hriat rual in ka mittui a rawn tla a, ka lawm na nge ka rilru natna ka hre lo, Naute tha tak in ka nei a, ka duh ang ngeiin keimah in eizawnna bul ka tan thei tawh ang, mahse, ka pum chhung a thla kua ka lo pai tawh, ka Nunna ring a nung ve erawh chu ama nunna nei hrang in ka hnen atangin lak bo ani tawh thung ang, a hmel hmuh ka duh lo, ka lak bo tir phal lo ang tih ka chiang, ka phal loh vangin an la bo dawn lo tih pawh ka hai hek lo.

“Mate, ka lawm e aw” ka chalah a rawn fawp a, ka mit meng lo in ka mut chhuak in min zem tlat mahse tu ge anih chiang tak in ka hria, tawng miah lo mahse a hmui lum ham ham in min tawhna kha ka la theihnghilh hauh lo.

Peih lo zet in ka meng chhuak ta hram, ka ke lam mu churh churh kha a reh tawh ngei ka beisei bawk, che thei si lo, kawng chin chunglam harh vek si kha a hrehawm dan ka sawi thiam lo,

“I harh tawh maw?” Aksha-i a lo lang a, a nui sang bawk,

“Ka ril a tam hle mai..” ka ti a, a tam satliah lo, bawng pum khat pawh ka ei zo thei hial in ka ring,

“Ka lo la ang...” a kalsawn a,a chevel chu ka thlir a, Room ka en kual leh a, Naute kha...engmah Naute sulhnu hmuh tur a awm lo,

“Aksha...khawnge Naute kha..?” an la bo tawh tiin min chhang lo hram teh..

“An haw tawh, Miss, lungngai suh, i duh chen chen In ah khan i cheng thei a, keipawh i bul ah min mamawh chhung chu ka awm ang” tah loh hram ka duh takzet.

“Aizawl ah an kal tawh tihna mi?” ka ti chhuak thei hram..

“Aih, kal lo, I Doctor khan a ma pual in Hospital dang a nei a, tah zawk chuan NAUTE chu a awm mek a,anni pawh Hospital an chhuahsan hnu ah thlakhat vel tal an awm ka ring,mahse, Mumbai ah zawk an awm ang” a ti leh a, lehlam ka hawi a, ka duhthusam thin leh Nau ka pai hlawh chu ka A/C ah a lut vek tawh ngei ang,chuan,ka hausa tawh, keima ke in ka ding thei tawh, mahse, engmah ka neih loh lai ai khan ka chhungril hi a rethei zawk...

Engkim ka theihnghilh ang, nun thar in bul ka tan ang a, min tiduhdah tu, mihring ang pawh a min en lo tu te kha ka chhanglet thei tawh ang chu.

Chapter – 8

“Mal,ka lo thleng har em?” ka Office kawngkhar ah a rawn dak a, a rawn pen lut zui nghal zat bawk, ka lo nuih var var thung, ani hi chu a lo thlen hun tur a sawi ah a lo thleng ngai lo ve hrim hrim a, thinrim nan pawh ka hmang buai peih tawh lo.

“Ka hria che alawm, lungngai suh” ka nuih a,a nui ve hak hak bawk, Rinzuali Pasal neih hnu ah khan Sangpuii hi ka thlah ta mang lo, Rinzuali nen kan pathum in kan inkawm a, mahse, Rinzuali Pasal neih hnu ah erawh chuan duh mah ila inkawm tak tak alo harsa tawh a, Pasal la nei lo ve ve kan inkawm a, ka ngaina takzet, Rinzuali dinhmun luah zo lo mahse ka tan chuan thian tha a tling tho mai.

“Kal ila, i hman tawh chuan, Pawnah Eric-a ten min nghak a, chuan, Atea pawh a awm a..” ngeiawm zet in a mit a siai zauh bawk,

Eric-a nen hian an inzui na a rei tawh a, nakin ah chuan Rinzuali ang bawk in min la kalsan ve ngei ang, Atea erawh Eric-a Cousin a ni a, ka mize luhlul leh pawisak nei lo lutuk hi a hmu lo aningei ang, thla thum chhung chu min duh tih a ti lang tawh, ka mitmei engmah a hmu lo chung pawn a la beidawng chuang miah lo,tlang tak in Mipa ka mamawh lo a, Pasal neih ka tum rih lo tih ka hrilh a, mahse, Thian nih pawh a duh tho tlat, Mipa ka hriat ah chuan a luhlul ber dawt anih ka ring hial.Luhlul ber erawh chu....Ni lo e, engtikah mah ka hriatreng na ah hian a lo let leh ka duh tawh lo,Duhlo mahila ka chungril a hmun a luah hi vawikhatmah a la ruak eih lo tih erawh ka hrechiang ngang mai.

“A lo kal ve dawn tih i sawi si lo a” ka ti leh hlak a, a nui mai,

“Ka sawi chuan i kal duh dawn si lo a, bakah eng nge Atea hi a that loh na?, Single ai chuan tu emaw nen a hun hman hi a hlimawm asin” a ti leh zat zat a, ka ner ru nawk thung, tu te pawh hian tu emaw nen a hun hman chu kan duh vek alawm,mahse, tu emaw atan hian duh bik kan nei vek ani zawk.

“Ok. Kal phawt ang, i sawi leh vak dawn” ka Bag ka khai a, kan Picnic na tur hmun thlen nan darkar chanve vel hun kan hman ka ring a, ka phur hran lo a, ka chak lo em em chuang lo bawk a, mahse, nikhat tal hna lam ngaihtuah miah lo a hun thawl hman ve ka chak a, chuvang a kal ka nimah zawk.

A hmun kan thlen meuh chuan ka rin aiin kan tam ta phian, Sangpuii Nau te bakah an thiante an lo awm nial bawk a, a then tui an cheng a, a then an zai vak vak a, lam lawp lawp tawk an awm bawk. Nitin hna ka thawk a, vanneihthlak tak in midang chhawr thei khawp in ka hlawhtling ve tawh a, mahse, engkim ka kut ah ka dah a, ka en fel vek loh chuan ka rilru a nuam ngai lo,ka Putea nen kan inhmuh hmasak ber tum khan ka natna zawng zawng kha a rawn let leh ni in ka hria a, ngaihdam duh mah ila ka thei ngai dawn lo tih ka hria,tun hma ang a hawi chapo larh erawh ani ta lo.

“Mal-i, i cheng ve dawn lo mi?” Atea alo ni a, a sam a huh pial than a, a lang naupang hle bawk.ka lu ka thing a, an chevel pawn lam atang a en ka duhtawk rih mai,

“Aih, ka duh lo, tui ka ngai na lo” min rawn koh nawn leh takah chuan ka ti a,a ner deuh nawk a, a awih hmel chiah lo, min ti lui lo in amah a rawn chhuak a, a taksa khuhtu awm lo leh fit zaih chu nalh lo tih chi ani lo, mahse,kei erawh chuan midang hriatchhuah phah nan ka hmang ta hlauh, Nathan-a kha...Ruak in awm ve ta se...ka lu ka thing nawk nawk a, ka ngaihtuahna tihbo tum in ka mit ka chhing vang vang bawk.

“I tha em?” a rawn thu a, a sam huh chu a tuai puat bawk,

“Tha e, nisa hi ka rui tep in ka hria” ka ti ta ngawt, chhuanlam atan chuan a chhe lem lo, Ni sat dan a turu em kher bawk a.

“I mu duh em?” min ngaihtuah hmel fe hian a ti a,


“Aih, ti hian a zia leh mai ang” ka ti a, ngaihtha hmel vak lo hian min en a,

“Ei tur i duh em?” a ti leh a, ka duh chiang ang, zing atangin engmah ka ei lo.ka bu nghat a, a tho a, a kalsawn chu ka en a, engvangin nge kei hi min duh tlat ka hrethiam thei lo,rei vak lo ah a lo let leh a,ei tur a rawn keng nual a, min pe a, ngeireng in ka ban a, inbe lem lo in kan ei dun hgal mawlh mawlh bawk,ka ril alo tam ngang aniang, ka ei zo thuai a, ka zi mar ar ar a, tui a chen ve ka chak thar ta riau bawk,mahse...ka dul a inzaina ser hi midang hmuhtir ka duh lo,engkim kal liam hnu ah pawh he Ser hian thil tamtak min hriat chhuah tir zel a, ka chhungril a ser pawh hian min ti na tawk tawh a, he ser nen phei hi chuan hahthlak tak ani.

Ka inring hman lo, tui ah ka pil bawrh a, mangang lutuk in inhai chhuah ka tum a, tu emaw in min rawn man bet a, tui pawn lamah ka lu a awm ta hram, ka thaw a chham hman thelh bawk, thinrim lutuk in ka hawi kual a, mahse, midang lo nui tlawrh tlawrh ka hmuh rual in thinrimna chi ani lo tih ka hrethiam a, Atea hmel chimawm zet chu ka en a, a beng a pawt a, thuphachawi niawm tak hian a nui var var bawk.

Nuam ka ti ta phian, reife ka awm a, midang an in rawt phur a, Volley ball kan beng a, kei leh Atea bakah Midang an hming ka hriat loh tleirawl ho nen kan tang a, Sangpuii leh Erica te ho an tang bawk a, rin ai tak in tan a na a, tui chhung anih avangin duh ang ang a chet vel a harsa a, mahse, a ti nuam tu ani lawi bawk,kanunbul tan tha a, keimah chiah a ka ke ka pen nawn leh hnu ah hlimna tak tak nen a ka nuih leh hmasak ber ani hial ang, Sumdawnna ah chuan eng ang pawn nui mah ila a der ani thin a,tunah erawh hlim tak tak in ka hlim a, a vawikhatnan Naute leh a Pa pawh ka theihnghilh ve ta hial mai.

“Eng nge a an vawiin chu?” Sangpuii a rawn thu ve a,

Ni a tla lek lek tawh a, Boruak pawh lum tawh lo in a dai raih bawk, Mipa ho in eirawng an bawl mek a, zu lah chu duhthusam ani mai, Sangpuii te chhungkua hi an awhawm phian, an inkawmngeih em em a, an chhungkua in Zu pawh an in ho mai zel bawk,Sangpuii tak hi chuan a in anih pawh a in tam lutuk lo ang, Beer erawh duh tak ani,an harsa lo a, Hausa uchuak a sawi tur an ni chuang lo,vawiin hi a pa piancham ani a, ti hian zalen tak in an lawmsak a, Sangpuii leh Erica lah an inzui rei tawh a,han induat deuh mahse mak ti hmel tuman an pu lo, a nau mipa pawn a bialnu a hruai tho a, inpawh tak in an inbe vek, engtikah nge kei hian chhungkua ti a sawi tur ka neih leh ang ka hre lo,Ka nu leh pa vang khan Pasal neih hi ka hlau a, khatiang a inthen leh mai mai tur a chhungkaw din kha ka duh ve hauh lo.

“A nuam ka ti, min sawm ve duh a, ka lawm tak tak”ka ti a, ral lehlam ram, ni tla tur in a chhun eng deuh ruai chu ka thlir vang vang bawk.

“Nitin hna ringawt i buaipui a, chhuah thawven i mamawh alawm,i hlawhtlin na hi chen ve ta che” a ti leh halh a, nui chung in ka en a, uluk zet hian min lo kiau bawk, ka hawisawn leh thuai a,

“Ni e, Pathian zarah ka hlawhtling chu ani ta mai, mi te ang ni pha lo mahse ka tan chuan a tawk reng, mahse, heng hlawhtlinna hi chhungkua min lawmpuitu tel lo chuan engtihna mah alo ni lo, in cchhungkua hi in awhawm ka ti” ka ti chhuak ta thlawt.

“I van ti lawmawm, i sawi dik ngawt ang, nangmah chiah i ni a, i khua a har thin ka ring alawm, Atea hi mi tha tak ani a, a inghahna tlak bawk,ka nawr lui lo che a, mahse, a nghak rei tawh che ka ti” za vak lo hian a nui hak bawk.Nathan-a hnaui ah khan kan thawk dun thin a, mahse, anni kha chuan hna an mamawh em em vang ni lo in an mahni hman ral turin an thawk a, kei kha chuan ka nunna atan kha hna kha ka mamawh thung, ka kalbo hnu lawk khan a bang ta thuai a, an mahni chhungkaw ta, Restaurant a enkawl ta zawk a, min rawn be fo a, ka haw hnu ah pawh Rinzuali nen ka inhmelhriattir a, kan inkawm zui ta zel a, Nathan-a te chanchin engmah sawi chhuah ani ngai ta lo.

“Ka hria alawm, ka phu lo tih pawh ka hria,mahse,Mipa lam hi ka la ngaihtuah thei lo, duhthlang thei ni ila chuan ani aia thlan tur ka hre lo ang tih ka hria alawm” ka ti a, dik tak chuan thildang sawi ka duh zawk,Mipa nen a awmdun tur a ka in ngaihtuah apiang hian ka mitthla ah Nathan-a alo nghal zat thin a, kum 5 aia tam a liam tawh hnu ah hian engvang a la in phuarbehtir nge ka nih ka hre lo,vawikhat chiah in kiss khan engthil ropui mah a hring si lo, ka lo duh em em mai hi ka a ani zawk in ka ring rum rum tawh.

“Mal...” thil min zawh tur nei niawm tak hian a ti leh a,

“um..”

“Thil ka zawt duh che a..” ,mahni in ringtawk lo hmel fe hian a ti leh a, ka rinlawk sa ani a, hetiang hian a vawikhat awmna ani hek lo.

“Vawiin khan ka lo hmu a, i dul ah khan ser ka hmu a, engtik lai in nge kha ser kha i neih a?” ka lungphu a rang nghalzaih zaih mai.

“Ka naupan laiin zaipui ka tawk alawm” awlsam zet in ka ti a, a rintheih nan ka rilru in ka tawngtai ru mawlh mawlh bawk.

“Um, anih chu mawle, ava ser rei ve” ati ve mai bawk a,chawei tur a min rawn koh takah chuan sawi zuina hun kan nei ta lo hlauh bawk,bakah Sangpuii hi thil chik tak anilo hrim hrim bawk.

Zanah kan haw ta chauh, In ah tumah min nghak tu an awm chuanglo a, ka tan hmanhmawh na tur a awm lo ve hrim hrim, Ka inluah ka sawn tawh a, Dawr a tan a ka hman bul chiah ah Building lian vak lo ka luah a, ka tan chuan tawk tak ani, hman ang kha ni tawh lo in inchhung a awm tur engkim a awm vek tawh bawk.

“Mangtha u” tih pah in ka ban ka vai lauh lauh a, tihtur ka neih thu sawi lo ila chuan Atea lo len kawi a tum a, mahse, zan in chu tumah ka kawm chak lo,keimah a awm a, hahdam tak a mut veng veng ka chak ber,Awmpui ka nei lo a, keimah chauh a khawsa ka ni a, ka chetna hnu a felfai a, awmpui ka mamawh lo ve hrim hrim,kum naupang te in pangngai tak in ka khawsa a, tu te emaw chuan ka hausak dan hi an ti ti tui ber ani ngei ang, ka pawisa lo, an duh duh sawi rawhse, hetiang a nun pangngai hmang tur hian ka bei nasa a, ka tuar hnem tawk bawk,midang thusawi ah ka buai eih lo.

Muthilh mai ka inbeisei tehlul nen ka muhil thei der lo, ka thu chhuak ta nge nge,lukham bul a ka phone ka dah ka la a, vawikhatmah ka tih ngai reng reng loh in Instagram ah ka lut a, a vawikhatnan Nathan-a hming ka chhu a, a in load chhung ringawt pawn ka kut a thlan dap dap mai,Nathan tih bak in a in dah dan ka hre lo, a rawn lang that a, ka enthla dan dan a, ka hmu ta..

Ka lungphu a thlawk chhuak dawn niber in ka hria, Mipa naupang duhawm lutuk nen an lakdun na a tam ber a, Caption ka en zel bawk,Mamuani ka hmu tel hauh lo,an pafa thlalak deuh hlir a awm a, ka en thla zel a,ka hmuh peih loh tur thil ka hmu ta chiah, Hmeichhe hmeltha zet nen an lak dun na, Naute a tel bawk, chhungkua an ang kher lehnghal,Naute hming kha pakhatah khan a dah tlat in ka hria a, ka let leh a,alo dah ngei..MOSES MALSAWMKIMA...

Ka let tawp aniber, ka hmuh meuh chuan alo lian ta,a Pa a ngai viau ani ngei ang, a nu lan na engmah ka hmu lo erawh mak ka ti, an inthen ka ring si lo, a lo Boralsan zawk tihna ani angem?, zawhna hlir,min chhansak tu tur ber lah ka be ngam teuh si lo,Nau ka neih zawh hnu khan ka Ac ah pawisa a lut ngei em tih ka check a, ka pawisa tur a dah tih ka hriat hnuah ka sim ka thlak hmak a, Aizawl ah ka haw a, Rinzuali leh a nu zarah ka pawisa neih sa bak loan ka lakbelh a, ka eizawnna tur kawng ka thlan ah ka kal zui ta a, nasa tak in hna ka thawk a, hlawhtlinna ka chan meuh chuan kum a vei dawrh mai.

Chianglo nuaih in ka muhil a,ka mumangah pawh Moses tho ka hmu leh a,engmah a mumal lo thung, ka harh veleh Walk turin kainsiam sawk sawk a, mu tha lo mah ila chawlh ka duh lo, muangchang in ka tlan a, ka beng ah music ring vak lo a ri riai riai bawk,ka let leh chuan ni a chhuak ut tawh a, midang tlan ve nen kan in pel nak nak a, tlan thang deuh phei chu hming in hre lo mah ila kan innel viau hlawm.

“U mal, inleng i nei a” ka dawhkan a Landline ka lak rual in kan nau pakhat in a rawn ti a, lo luh tir tur in ka ti nghal a,Coffee rawn keng tur in ka ti nghal bawk.

Pa upa lam tawh, chal kawlh tal mai hi alo ni a, vawikhatmah ka la hmu ngai lo, thutna ka kawhhmuh a, ka pa rual zet te nen sumdawnna kawng a inkawm a ngaih tum a awm fo a, ka kum naupan vangin min zuam fo thin a, mahse, ka mizia anhriatchian hnu ah min zuam nawn ngai meuh lo.

“Engthil nge i duh le?” nelawm takin ka ti a, ka landan min ti upa thei turin ka incheina ka duh uluk em em bawk, vanneihthlak tak in ka te lemlo hian min ti lang upa ve bawk.

“Malsawmzuali i ni em?” muang churh hian a ti a, a zawhna a mak teh daih em a, ka mengphar deuh awk bawk, ka bu ta tho.

“Mamuani Pa ka nia, ila hria em?, Nathan-a nupui hlui kha” ka lungphu a thlawk chhuak dawn in ka hria.

“Aw. Aih. . ka hria in ka ring..’ ka ti bakh nawk nawk mai,Nupui hlui tih lai tak khan min nghawng zawk mah, a then loh tur thu chiang takin a sawi si..

“i hria tih ka hria alawm,chuan, thildang pawh ka hriaa, mahse,khalam chu ka lo kal chhan ani lo” ati leh boh a, kawngka lam ka en a, midang an lo kal ka hlau zek zek bawk.

“Anih chuan engthil nge ilo kal chhan le?, Mamuani chu a dam tha em?” ka ti leh a,Pangngai tak a awm tum in ka in hmuruh nasa hle bawk.

“A tha lem lo, chutak chu ka lo kal chhan ania, kan In ah lo kalla, i rawn hmu thei angem ka ti a” inthlahrung hmel deuh hian a ti leh a,engmah hi a awmzia ka hre hrep lo e,kum kalta chhung khan keimah bak tumah ka ngaihtuah ngai lo a, Nathan-a ka hmuh fuh tum erawh chuan ka tihtur pawh ti zo thei lo leh chaw pawh ei thei lo in ka tap ziah thung anih kha...Mamuani lam ka lo ngaihven ngai lo..

“Ka va hrethiam lo,an inthen tihna mi?” ka ti leh a, inzawh nuam tak a ni hauh lo,a bu nghut a,

“A rei tawh lawm, kum 2 lai ani tawh” a ti leh charh a, fa an duh a, sum tamtak seng in an fa pai tur in min chhawr a, tunah engvangin nge an inthen leh lawi si??

“Um, anih chu mawle, azia lo hle mai” a dang sawi tur ka hre lo.

Darkar khat aliam leh meuh chuan Mamuani Room ah ka awm der tawh, a cher in a dawldang hle a, Hmeichhe hmeltha leh Nalh tak ani thin tih hre mah ila tunah chuan khang a nalhna zawng zawng te kha a bo vek tawh,khum lu ngheng in Lunkham in an lo kam kang a, min hmuh veleh thei leh theilo in min lo nuih lui hram hram bawk.

“I dam em?” a lo ti thuai a, Khum bul a thu turin min lo hui a, khum bul a Plastic chair awm ah chuan ka thu a, ka beisei loh lutuk dan a ka hmuh vang nge sawi mai tur ka hre lo.

“Dam alawm, nang lah chu hei ilo damlo reng a..”pangngai thei ang ber in ka ti a, mak ka tihna zawng zawng te tihlan loh hram hram ka duh takzet,

“Nia, ka damlo reng mai anih hi, Moses-a i hmu tawh em?” ati leh a, ka rin aiin a tawng erawh ala pangngai.ka lu ka thing a, a hming pawh nizan ah ka hre chauh a, a photo pawh nizanah ka hmu chauh bawk,

“A lo kal dawn asin, hmeltha i ti ngawt ang” a ti leh a, ka khup a sai dar dar a, ka kut a thlan nghal dap dap bawk.

“I fapa kha mi i sawi..?” ka aw khur tehhrep chu a...a then sak a,

“Um, kan fa pa kha, i fapa pawh ani tho alawm..” a ti leh a, ka tim ur ur mai..

“Kan inthen tih hi a hma in i hria em?” a mah bawk in a ti leh a, ka lu ka thingleh ringawt.

“Nia, i hrelo ang, i ngaihven lo niin ka hria, mahse,ani kha chuan vawitam i dawr bulah khan i tha em trih hre turin alo kal thin asin” a ti leh a, sawizawm mailo in a ngawi leh vang vang bawk.kei erawh sawi ve tur hre lo in ka ngawi tawp, a sawi leh tur ka nghak ani ber.

“Nathan-a nen kan inthen chhan hi nangmah i ni lo ania, mahse, ka hua che, a chhanchu maw ka Pasal hmangaihna min laksak a,...” ka tim sawk mai, ka hresual anih ka ring a, ngam leh ngam lo hian ka en a,mahse, a mit a lo chhing daih thung.

“Ni lo, i hresual aniang, chutiang engmah kan inkarah a awm lo..” mangang zet hian ka ti a, a rawn meng a, ka beisei loh zet hian a nui var var bawk.

“Ni e, nang chuan i hre lo, keimah leh amah khan kan hria alawm, nang te chu tleirawl rilru thianghlim, harsatna pawn a ngam loh khawp a huaisen i ni a, ka ring tawk che, mahse, Nathan-a khan ka en angin a en lo che, ka hriattirh chuan na ka ti a, mahse, tunah chuan kahrethiam tawh...lawk, Moses-a tawng ri ka hre tlat, kan sawi zawm leh mai dawn nia, hun i nei ang tiraw?” ati sawk sawk a, chhan pawh ka chhan let hma in Room kawngkhar a rawn inhawng pawp a, Mipa naupang, Sam kir chiat mai hi a rawn tlan lut a,mahse, a hriat ngai loh min hmuh rual in a ding vei chat bawk.

“Mum...ka lo kal a” lai zet hian a ti zawi raih bawk, a awmdan engkim mai chuan ka mittui a ko chhuak lo thei lo...

“Moses...i nu a muhil ang ka tih kha...” Mipa ruangam a rawn lang a, kum 5 zet liam hnu ah, a vawikhatnan Nathan-a nen kaninhmachhawn leh ta,min beisei lo tawp tih a hmelah a lang reng bawk...

“Mal-i...”
“Nathan...” kan tawng rual thawih a, mahse tawng leh hmasak zawk nih hlau awm fahran in kan ngawi dun leh lawi a....engmah sawi lo in kan in melh dun ran bawk, a hma ang khan naupang ka ni tawh lo a, huaisen tak in a mit ah ka en a, hawisawn hmasa zawk nih ka tum lo..

Chapter – 9

Kan Pahnih bak midang an awm ve tih reng reng ka hre lo, Mamuani khuh kharh ri ah ka harh zawk a, Nathan-a pawh a mengphar ve awk bawk,

“Nathan...Mal-i hi i la hria em?” zawi te hian a rawn ti a, mahse, Nathan-a erawh a ngawi ngur thung, Mamuani nui ri hak hak ka hriat rual in ka vawt nghal raih raih mai,engtin nge a nuih theih ka hre hauh lo.

“I ziawm deuh em?” min en lo in Mamuani lam a hawi a, min biak tumna a nei lo tih a awm danah chiang tak in a lang bawk, za lo zet in ka nui a, ka nuih chhan ka hre hauh thung lo.

“Pa, Khumah hian ka lawn thei angem?” Naupang sam kir chiat in a tih ri ka hriat rual in ka inher a, ngengawl zet hian a pa a melh kiau bawk, ka rilru no rawn chhuak leh tur duh lo in ka hawisawn leh rih a,

“Yeap...Mummy khan lawn a phal em han zawt la...” ka tawlh hnung a, an 3 a an khawsa zia chu rei ka en ngam ka ring lo, ka thik hauh lo, hmuhnawm ka ti em em zawk, mahse, ka pum chhung ah ka nunna ring in thla 9 a lo awm tawh a, ka fa nilo mahse ka fa ang a ka ngaihna ka thai bo tawh emaw ka tih kha a lo let leh tlat atin ni..

Room ka chhuahsan lai pawh tuman an hre lo, inhnuai lam ka pan thla dawr dawr a, mahse, kawngkhar ka chhuahsan hma in Mamuani pa in min lo hmu hman a, min rawn ko a.

“I kal tawh dawn ami?” a rawn ti a, ka nui lui hram, ka bu nghat a,

“Hna ah let leh ka ngai a, hun ka neih veleh ka rawn tlawh leh dawnnia” ka ti a, min chhan leh hma in hmanhmawh lutuk in ka chhuak nghal rawk rawk bawk, Motor ka keng si lo,Mamuani Pa rual a kal kha ka ni a, Taxi ka lak mai a ngai ang, ka hawi kual a, ka theihtawk in Boruak ka hip lut pah bawk, thawchham in ka thi lo chauh in ka hre hial bawk.

“Mal-i..” ka phu nasa lutuk a, ka zuang deuh zawk ani ber, nui ri hak ka hre zui zat bawk.

“I dam em?” a dang sawi tur hlawl ka hre lo, a kekawr ipte a zen a, uluk zet hian min melh ngur bawk, ka zam ani tih a hriat loh hram ka beisei takzet.

“Helai ah hian hmuh che ka lo inbeisei ngai hauh lo” ka zawhna chhang lo in a ti hmuk a,

“Oh, i beisei lohna hmun ah ka awm thei lo tihna ani em?” a khawsak dan mi tham lo lutuk chuan min ti lungawi lo ve ta tlat, a then suk a,

“Chu chu ka sawi tum ani lo, mahse, ka hmuh nawn loh che ka beisei ania” a ti leh hmuk a, ngei tak ka ni,ka kal nawn leh ngei dawn tih ka hrechiang nghal bawk.

“Ka duh duh na hmun a kal thei tur in zalenna ka nei alawm” dam thlap in ka ti a, he ka mizia, thinrim pawh a awki sang chuang hauh lo hi engtik lai atang a ka neih tan nge ka hre bik lo, pianpui mizia kan tih fo bak pawh mize dang hi kan hun tawn a zirin kan lo neih belh thei tih pawh ka hrechiang viau bawk.

“Moses-a hian a hmuh che ka duh lo a, tin, Mamuani pawh i lo ngaihtuah a tul in ka ringlo bawk a” vau na a ri tel tih ka hai bik lo.

“Moses-a chu tu nge?, ka tan a pawimawh na ka hre miah lo, Mamuani erawh aman min hmuh duh chhung chuan ka hmu ang,anih leh phawt” tih pah in Taxi lo tlan mek phar ka rual a, a din fel veleh ka lut zui nghal daih bawk, a duh duh in ngai rawhse, Moses-a chuan min hmu fo mahse tu nge ka nih a hre ngai dawn chuang lo a, chumai bakah ka chhungril ah ka fa ti mah ila pawnlang ah chuan ka Fa ani lo a, ka tan mipa naupang satliah mai ani tih ka lan tir zel bawk ang.

Dawr ka thlen veleh hahdam deuh ka beisei anih chuan ka tisual hle ang, Ka Office, Room zau lo te a lo thu ka hmuh rual in ka thaw hawk mai,Ka nu te unau zing a upa ber Nupui, ka nu Boral hnu a min ngaihven ngai lo tu,a fa te pawh kawm min phalsak ngai lo tu ngei kha,”Thil ropui tak hi ngaihtuah duh suh, i nu leh pa pawn an duh lo che a, Fahrah i ni a, i ni reng bawk ang” min ti tu ngei kha.

Min hmuh rual in a nui sawng a, a mizia ala ngai reng tih a awm danah a lang reng bawk.

“Mampui, ka lo nghak ngar ngar che a” ka luak dawn in ka hria, chhang lo in ka Bag ka dah fel hmasa a, engtin nge Ka nu min koh dan in min koh ngam ka hre lo.

“Eng nge i duh a?” bak deuh hlak in ka ti a, nelawm lo lutuk a lo dawnsawn ka tum bik pawh ani lo.

‘Eng duh lo e, he lai lawkah hian ka kal a, helai a tu te awm reng a rawn tlawh loh chu ka ti mawle, i bo vang vang a i pu nen kan zawn nasat tehlul che nen, hetiang khawp a hlawhtlinna i nei thei hi kan lo chhuang che a, mahse, nanglah min rawn tlawh reng reng tum lo in i reh vang vang mai a” Dawhkan hnuaiah ka kut ka hmuruh ngat ngat mai, min zawng reng reng lo tih ka hrechiang, chutiang bawk in helai hnaiah engmah tihtur a nei lo,min rawn hmuh a duh vang in chhuanlam a siam mai tih pawh ka hrechiang tho.

“Ka buai thin a,bakah chhungte han tlawh kual tur pawh ka neih ka lo hre lo a” ka insum hman lo,mahse, a la nui ta sawng tho, a mizia ve reng, a aia nei zawk te a biak dan ani ziah, Ka nu le Pa inneih lai khan kan In ah alo kal ngun thin a, a chhan chu kan khawsak a nuam tlat a,a duh duh a rawn la aniber, a Pasal lah SDO nimahse ka Pa hnuai ami ala ni ta zel bawk.

“I a mai mai lutuk, khatiang an sawi ngai lo, i Pitei dawt sawi nasat lutuk vangin ngaihven tlak ah pawh kan lo ruat lo hial che a,diktak chuan tunah engkim kan hre leh lawi si a, hetiang i lo nih tak vang a rawn pan ta ruak ruak che ka ang khawp in ka ring, mahse, eng ang pawn ngai la kan nau i ni a, chubak engmah beisei ka nei lo tak tak ania” zet zawt a ka ti rilru a, hei vang hi ani ang, tumah a fa te laktlak an awm loh, Bial ah Kohhran hmeichhe hruaitu ani kumhlun ani mai, Kristian chhungkua a buaipui em em a, mahni chhungkua pawh chingfel thei lo in mi chhungkua a vei khanglang a, a hnunglamah mi in an nuih tet tet tih lah a hre der lo.

“Thingpui in la.” Thildang sawi ka duh zawk, kal thuai se ka duh bawk,a awmrei leh a insawifiahna ka ngaithla rei ting animai, eng ang pawn insawi fiah nasa se ka tan chuan a ngaireng, Sakei chu sakei, choak pawh a hmul rawng atan a var vek vuah mahse a chhungril ah Choak tho.

“Aw, in tawh e,i naute hi an fel khawp, i Pi ka ni tih ka sawi rual in an phe sang sang mai..” leh ta nghal chuan a...Nathan-a ringawt pawh ka chauhpui lai a he Ramhuai Pitar hi engvang a vawiin kher a lo kal nge maw anih hrep ni??

“Ka buai deuh dawn a, ti khan lo thu mai rawh “ ka ti leh a, kal mai tum ang in a awm tlat si lo,

“Ka kal zawk ang, hmu lo che a kalsan che ka hreh avangin ka lo la nghak mai mai che,engtik nge chaw i rawn ei ang?” chhuak tur a tih mai ka duh et et, mahse, tul ka ti lo.

“Hun ka neih hunah le” ka ti leh a, tumah biak pawhna tur ka nei lo hrim hrim, ka tan chuan chhungte an awm lo a, ka neih chhun chu keimah hi ka ni mai,mahni a awm lah engmah nuam lo tihna ka nei tawh hek lo.

“Kan chhungkaw Group ah khan ka rawn add tir ang che,kei hian engmah ka thiam ve mang si lo, i Unaute ho in an thiam a,i number pawh i naute ka lo dil tawh a” ka nui ringawt, a duhna ah chuan zah reng reng a hre lo, an duh phawt chuan min rawn add ang hmiang,khawvel dan leh ka thisen ah chuan chhungkua kan la ni alawm le.

Kan dawr a chhuahsan fel meuh chuan thawpikna lak sak ang hawk ka ni in ka hria, Nathan-a vangin buai chiai em em in ka haw a, Dawr ah mahni a awm ka duh lai in kha Pitar sual kha a lo awm leh bawk si, Sana ka en a, Dawr khar nan darkar khat vel zet a la awm,mahse Haw ila a that zawk ka ring, vawiin hian engmah ka thawk hlek lo ang,kan Pawisa enfel tur vel chuan lo la nghak mai tehse.

Ka haw dawn tih ka hrilh a, kan dawr bungrua, a lei tu te kan deliver sak thin a, Motor erawh Pakhat chauh ka nei a, keima mimal Car erawh khalh sak turin Driver ka mamawh tawh lo, ka zir lai khan vanneihthlak tak in rei tak zir ka ngai lo hlauh, kan Driver hi Thingtlang lam mi, fel zet mai ani a,a rintlak takzet bawk.

“Mal-i, ka haw hma thei angem ka ti a?” ti deuh hian a ti a, kei aiin a upa zawk a, a rawn thawh hlim khan min “Pi” a mahse, ka hming a min ko turin ka ti a,

“Engti zia nge?,chhungkaw lam buaina in nei zawk ami?” ka ti a,

“Aw, sawi nuam ani lo a, ka nu kan khua atangin an rawn phur thla a,an rawn thleng tep tawh a, aaa, an thleng tawh zawk maithei” a thaw deuh hap a,

“Phone chhin la, an lo thlen loh pawn i haw hma chu a tha a,a damlo anih ka ring ringawt a” ka ti leh a.

“Aw,nikhaw hre lo in a tlu an rawn ti a, a la harh lo a, Damdawiin lam a tlang nghal mai tur in ka ti a,englo ania, nizan khan ka Phone a chhia a, lei leh mai na tur a awm lo a...”a aw ah a inthlahrung ngawih ngawih tih ka hria a, ka khawngaih lo thei lo,Phone pawh ka neih loh lai khan Rinzuali nu in an phone hlui min pe a, ka tan a hlutzia ka la theihnghilh thei lo.

Ka phone ka phawrh chhuak a,

“An number i sawi mai thei em?” ka ti a, a bu nghat a,a nau alo kal thu leh a nau number a sawi nghal a, ka Call nghal a, an pick hma in ka pe a, a hmel a lawm na lang chhuak kha vawiin hian a aia hmuhnawm tih ka neih chu Moses a hmel chiah kha ani ngei ang.

“An lo thleng fel deuh chiah anih chu,Damdawiin ah an lut tawh a, an en vel mek a” phone min pek let pah in a ti a,ani chuan Nu a la nei a, kal nghal a duh tih pawh a hmelah a lang reng bawk,ka rilru ka thlak thut a, Chahbi ka pe a,

“Kal ang le, i nu chu kan va hmu ang chu” a awih lo hmel chu nui chungin ka en a,

“I ti tak tak maw?, ka va lawm em ve aw” a ti a, chahbi ka pek chu a la a, Motor a pan a, Dawr bungraw Phurhna Motor hi amah ka kawl tir thin a, mahse, tun tum chu ka Car chahbi zawk ka pe a, kan let leh ang a, Motor ka lak tir leh mai ang chu.

“Keipawh ka lo kal ve dawn alawm” ka ti a, Motor ah ka thu lut ve a, a nui leh a, kei hian tumah chhungte ka nei lo a, midang buaipui tur pawh ka nei hek lo,a nu buaipui a ngai a, Buaipui tur pawn sum a nei tamtawk hauh lo ang tih ka chiang, ka tihsak theih a awm phawt chuan engkim tihsak ka huam tih ka thinlung hian a pawm thlap bawk.

Damdawi in kan thlen hma chuan kan tawng leh ta lo, kan ngaihtuah erawh chhim leh hmar ang hlauh anih ka ring thung, Nathan-a leh Moses-a ka mitthla ah an lo lang a, a sam kir chiat mai kha a bu laih a, a nem hmel em em bawk, a nu khumah thei leh thei lo in a lawn a, hlim tak in a Nu kuah in a mu ani kha, engtik ah nge a sam kha ka chul theih ang?, engmah pawh a thleng lo chungin Nathan-a lah khan min vau nghal ringawt bawk si.

“Kan thleng e” a tih ri ah ka harh deuh zawk a,ka ngaihtuahna ka lo kawm nasa lutuk a, kan thlen chin pawh ka lo hre lo.

Casualty kan pan a, Pawnah kan Driver Rinkima nau Mipa alo awm a,en reng reng pawn unau an ni tih hai rual an awm lo, in ang tak anni,kan pan a, ani erawh chuan Phone ah tu emaw a be mawlh mawlh a, min hmu ve lo, a darah Rinkim-an a va khawih a, a rawn hawi a, a hmelah thlamuang huai hmel a lang a, a Thingtlang pa ve rep rawp hle bawk, a hmelah Nisa tuar thang tih a lang a, an khawsak a nuam zawk zawk lo tih a lang thei mai bawk, kei, retheihna nasa lutuk in a nghaisak tawh tan chuan ka dinhmun ang a ding te hi kalsan theih a ni lo.

Inchhung ah lut ve lo in Pawn a thutna awm ah ka lo nghak a, tih ber tur pawh ka hre ve lo, rei vak lo hnu ah Rinkima a rawn chhuak leh a, ka ding vat a, ka pan hnai a,

“Eng nge chanchin?” ka ti thuai a, a lu a thing a,

“A tha lem lo anih hmel, ka hrethiam chiah lo, Damdawi lei a ngai a” a ti a, a kut ah Lehkhathem a keng tih ka hmu chiah bawk,ka pawhthlak sak a,

“Lo awm rawh, ka zuk lei ang” tih leh kal ka rual a, chhunah ei tur kan tumsak vek chung pawn ani hi chuan Tiffin a keng tang tang a, thla tawp ah a ei man hi a hlawh ah kan belh tel sak thin a, Pa inren leh tumruh tak ani a, tunah hian Damdawi leina tur pawisa tih tham a ah ka ring hauh lo.

Damdawiin ka chhuahsan meuh chuan khua a thim chiang tawh viau, Rinkima erawh chuan kalsan lo in Damdawiin ah a awm duh a, Motor pawh a remchan hunah la mai turin ka ti a, tlan kual na tur pawh an nei maithei a, an mamawh ngeiin ka ring.

Nathan-a te nen kan inhmuh atangin kar a liam leh tawh, Mamuani pawh ka tlawh leh ta lo, kal chakna ka nei rih lo, mahse, buaithlak ta ber chu Moses-a hmel duhawm em em khan ka mumang thleng in min tibuai ta hi tawrh har tak ani, hmuh leh ka chak em em a, hmuh leh dan tur mai ka hre si lo.Ka Phone nghawr dar dar chu ka en a, Rinzuali alo ni a, kan inbe khat hle mai ka ti rilru a,

“Hey, thiannu” Hello pawh ka ti lo,

“Min la hria em?” ngeiawm zet hian a rawn ti a, ka be khat tih ka hria, ka biak khat chuan a tawng ngeiawm thei em em bawk.

“Hre tawh miah lo, tu nge i nih le?” nui chung in ka ti leh a, a nui ve hak bawk,

“Min hre lo ang, chuan, ka thil sawi tur pawh hi i hre duh lo ang tiraw?” a ti leh a,engthil tak chu ni maw?

“Eng maw? Tlaiah ka lo tlawh ang che ka lo ti a” ka tum tak tak bawk.

“Hah, ka awih lo lutuk, mahse, ilo kal dawn tho chuan ilo kal hunah ka hrilh mai ang che,kan pa awm bawk si lo a,chawei turin ka lo ring ang che “ a ti leh a, a thutak ta riau bawk.

“Okhey, ka lo kal ang, eng nge ka lo ken ang che?” ka ti a, a sawi tur ka hre sa tho nangin zawh vel hi nuam ka ti thin, ka rin ang chiah in Chicken Momo bawk..

Nilengin hna ah ka buai a, kan hnathawk pakhat a damlo a, pakhat lah engmah sawi lo in a lo kal lo bawk, Rinkima lah a nu buaipui angaih avangin chawlh a la a, a chawlh chhung atan Drivr dang min rawn zawnsak a, amah letling chiang, thusawi engmah a hre thei lo a, adik lo ah a deliver thul, thut awl mai mai na hun ka nei hlawllo.

Rinzuali te In kal hma in ka thawmhnaw ka thlak a, khua a lum a, kawr banbul, thawl hek hawk ka ha a, kekawr erawh ka taksa phuar tang ka ha bawk, Slipper ka bun a, ka sam ka bawk mawl tawp bawk,hetiang a hahdam tak a khawsak hi nuam ka ti thin, Dawr ah hi chuan ka lan upat theihnan ka incheina ka thlang uluk em em thin bawk.kal pah in Momo ka lei teuh a, Rinzuali te an Indang tawh a, engtik hunah pawh thleng ila inthlahrunna tur a awm lo.

“Nang hi..Malsawmzual..” ka hawi let a, Traffic jam nasa lutuk ah chet pawh che eih lo in ka ding thup ani ber,ka Motor si tep in Bike a rawn ding a, chuta tang chuan Mipa pakhat hian min lo en a, tlem in a nui deuh bawk, tu nge anih ngaihtuah nan hun rei ka mamawh lo,Hminga...hna ka thawh hmasak ber na hmun a ka tan a mi tha em em kha..

“Hey, Lalhming...” a nui var var mai,

“Ka number ngai ka la hmang, min lo biak hun ka lo nghak ang” Two Wheeler ho an tlan tan leh tak avangin a rawn ti a, ka bu nghat a, ka be ngei ang, eng nge a tih tak te pawh ka zawt ang chu.

Rinzuali te In thlen nan hun ka hmang rei kher bawk, nidang ah chuan rei ka tlan lem lo, kawnglai tak ah In su buai an lo awm vang a tlan theih loh khawp a inhnawh kan lo ni a, ka hmanhmawh lem lo bawk a pawi ka ti lo,nidang ang chu nise ka thinrim hle ang.

Min hmuh veleh a lo rak chul a, ka hmukhat bawk nen a dul pawh a puar lian sawt hle bawk,a dul lian zel vang hian hmuh ka hreh a, kal pawh ka kal loh phah reng bawk,ka rai lai kha ka hrechhuak lo thei tlat lo.

“Enteh, hmanni ah Nathan-a a lo kal a, i chanchin min rawn zawt a” ka thil ei lai ka hak titih, eng vangin nge he mihring hian min umzui ni a ka hriat tlat ka hre lo.

“Eng ti kawng in?” ka ti a, ngaipawimawh lo hmel fe hian ka ei zawm leh a, a tui leh tui loh pawh ka hre lo.

“Mamuani nen an nthen chhan i hria em?” a ti leh daih a, ka lu ka thing a,Mamuani ka va hmu tih hrilh ka tum rih lo, a sawi tur a sawi zzawh hunah a tul tak leh ka la hrilh ang chu.

“Mamuani zawk in a chhuahsan a, an inthen hlim khan min raw call a, biak che a duh a, mahse, i number ka pe lo, hmanni khan min rawn zawt leh a, ka lo pe a, in inhmu em ka hre lo, englo, Nathan-a khan a lo duh ru viau che anih ka la ring ta fan asin” a ti leh a, ka nui mai, thil kal tawh sawi tul ka ti lo.

“A ho em mai, ka va hmu alawm, a Pa Dawrah alo kal a, a damlo nasa a, ngaihtuah a ngai khawp ang, chuan Moses-a ka hmu bawk a” ngaipawimawh lo hmel fe hian ka ti liam leh puat a, phawk hra hian min en a,

“Maw?!, a hmeltha tiraw?” he nu hi a, alo hmu tawh reng tih ka hre nghal bawk, ka lungawi vak lo

“I hmu tawh tih i sawi si lo a” ka ti hlak a, ka aw ah ka lungawi lem lo tih a lang chiang viau bawk, a bulah hi chuan mize dam raih in ka awm thei thin lo.

“Aaaa, hmu tih lemah ka hmu khat e” a ti leh a, thupha chawi hmel deuh dai in min en a,

“Tak tak in a kum khatna an lawm khan min rawn sawm a, ka kal a chuan, a kum dang leh ah pawh ka kal leh a, englo ania, i rilru a nat ka hlau a, chuvangin ka hrilh lo che, ih...eglo, mak deuh in in in ang ka ti “ a ti bah nawk mai..

“Anih tak chu, ka hrethiam che, min hrilh lo kha a pawi lo, mahse, kan in ang lo, in anna chhan tur lah kan nei hek lo” ka ti leh hlak a, ka thisen ani lo a, min an ngawt na tur awm hek lo.

“Ka pi Sawmi hmanni ah Dawr ah alo kal a” thildang sawi ka duh vangin ka ti a, a ner nang nang a, a ei lo tih ka hria, min tih dan zawng zawng engkim min hriatpui tluk ani a, a ngaithei lo tih ka hria,

“Lo thehchhuak ta che,ka ngei lutuk..” thui fe a sawi zawm a, ka beisei ang chiah in Nathan-a te lam chu a theihnghilh zui ani leh mai.

Rinzuali te in ka chhuahsan a, tlan tlang mai ka tum zet a, mahse, ka awmna ep a Aizawl khawpui pe ut mai chuan min kal tir theilo, Motor ka hung tha a, ka chhuak a, tlaiah khan a lum viau a, mahse, tunah chuan Boruak pawh a zia leh ta viau,thli a thaw heuh heuh a, ka sam chhawl leng a chhem chu ka beng ah ka zep a, Motor ka ngheng a, ka hmalam ka thlir a, tu nge ka ngaih ka hrelo, mahse, ka lung a leng tih ka hria.

Ka Motor dahna bul ah Motor dang a rawn ding ve a, ka thin a rim lek lek mai, keimah chiah a hun hman nuam ka la tih tehlul nen,ka hawilet chuanglo, tu a bik mah ani lo a, zan lam a Aizawl khawpui nalh em em hi a thlir ve duh animahna.

“He lai ah hian ka hmuh che ka beisei hauh lo” ka thlawk chhuak lo chauh, kei pawn helai ah berkher hmuh ka beisei bik lo.

Muangchangin ka inher a, Nathan-a, Motor ngheng a ding chu ka en a, Jogger Pant a ha a, Puma running shoe a bun bawk, Jacket dum,a taksa phuar deuh tang a ha a, a kum leh a incheina a inhmeh chiah lo,mahse, a inhmeh em em tho.

“Keipawn ka beisei hauh lo che” ka ti hmak a, Motor kawngkhar hawnna ka vuan a,kalsan vang vang ka duh ber, a hma zawng khan kan inhmu ngai si lo, engvangin nge tunah lem kan inhmuh sek ni??

“Khawi hmunah mah nang hian min beisei ngai hleinem,chuan, Moses-a khan hmuh leh che a duh a..” awih lo lutuk in ka en a,ka thaw a chham lo chuah bawk,

“Maw?!”

“Tak tak in Mamuani zawk in a hmu duh che a, I tan Moses-a engmah ani lo i tih vang khan a hming ka sawi tel mai ania” a nui hawk bawk, ka va han haw ber mai em..

“Ok,Mamuani chu ka lo bia ang” ka ti leh hmak a, rei tak a bulah awm ka duh lo,kawngkhar ka hawng a, a rawn nem khar leh nghal hmak bawk, min rawn hnaih lai reng reng ka hre lo.

Chapter – 10
Phawk zet in ka en a,Thla mang lam anih tawh avangin a hmel ka hmu chiang thei lo,

“Eng nge maw i tih le?” ka ti that bawk.

“Ka sawi zawh hma a kal i tum ngawt zel hi a fuh lo, i puitling tawh pawh animaithei, mahse, hetiang hi ka duh dan anilo tih i hre dawn nia” a ti duah a, zak lo ka ti ngawih ngawih.

“I thuhnuai a awm ka ni lo ania” tih leh Motor hawn leh ka rual a, a hma aia na zawk in a rawn nem khar leh sawk a, a chetdan mak lutuk chuan min ti hamhaih vel vek.

“Ka thuhnuai ah i awm ka tih lai ka hre miah lo,ka sawi tur ngaithla la ka duh mai zawk” Motor kawngkhar hawnna a din hliah nghal hmak bawk.

“Mamuani nen hian kan inthen ngei a, engvang a inthen nge kan nih lam ilo buai angai lo thung ang, Moses-a hian nu a mamawh a, engmah la hrethiam rual ni lo mahse kan inthen tih a hriat kan duh lo, a damlohna vang in kan awmhrang tih kan hrilh mai, mahse, Mamuani hian i hming a sawi reng a, a natna in a hneh tawh avangin a duhthusam hnuhnung hi tih beidawn ka duh lo bur, engvang a hmu duh em em che nge anih ka hre hek lo, a chhan hriat ai chuan a hlimna siamsak ka duh zawk,i kal duh lo anih pawh in ka hruai lui dawn tho che, chuvangin tih luihna tel lo in kal mai la a tha, nitin ka phut lo che, i theih chang in ka ti mai zawk” a sawi hnem em a a hah ngang aniang, a sawi zo chu a thaw ve hawk mai.

“Ka kal thei tawh em?” chhan na mai tur ka hre lo a, kal phawt ila in ngaihtuah fim ka duh rih bawk.

“Malsawmzual, khawngaih in min nawr lui suh” a tawlhsawn ta tho.

In ka thlen veleh ka thawmhnaw pawh thlak lo in Khumah ka let tawp a, Light pawh ka On buai peih lo, ka thuak a buai nuaih nuaih in ka hria,hmuh tawh miah loh ka duh ber a, mahse, Mamuani ka hmuh fo angai anih chuan Nathan-a pawh ka hmu fo dawn tihna anih hmel,kal lo mah ila min ti lui ngei ngei dawn tih ka hria, engmah tih hreh a nei lo tih kei aia hrechiang an awm lo hial ang, Moses-a hi ka chhul hawh in ka pai sak tih pawh ala sawi chhuak duh hial mai ang.

Ka tho leh ta nge nge,Bath Room ah ka lut a, Shower hnuaiah ka thu sawp a, Shower atang a tui rawn phuh chuan min phuh huh a, kalsawn lo in ka in phuh tir zel a, ka thawmhnaw a huh a, ka theihtawp a ring in ka au a, Bath room chhung a khawk ram ram bawk, ka tan hian nun hi a awlsam ve ngai lo hi amak ka ti, ka au nghek nghek na lah in engmah a siamtha lo tih ka hai hek lo, a siamtha lo mai pawh ni lo in mi a ang mai ah min chhuah tih pawh ka hria,midang puihn ka mamawh in ka hre ta zawk, ka tap lo a, tap tur in tahna chhan tur lah ka hre hek lo,Atea...ni e.,Atea nen kan inkawp thei alawm, ka chhanna nghak in kum chanve dawn min nghak tawh alawm.

Atea nen kan inzui tih a hriat veleh Sangpuii phur namen lo in a phur a, kei ai pawn a lawm zawk in ka hre hial, Dawr ah a rawn leng a, a ti ti siam siam a, hnathawk pah in ka ngaithla a, ka zawm ve zauh zauh bawk.

“Enteh, Sir Nathan-a ka hmu a, an nu nen khan an inthen asin,ila hria em?,an mahni ila hria tiraw?” ati a, engtin nge ka theihnghilh ang? An mahni vangin dinhmun pangngai ka ding a, lawmthu hrilh tur ka nih laiin an mahni vang bawk in ka buai ru em em bawk anih hi.

“Hre dawn lawmni?,ngatinge an inthen a?” ngaipawimawh lo hmel fe hian ka ti liam puat a, a hnar a tum dat a,

“Ka hre lo, Sir Nathan-a khan Hmeichhe dang a kawp an ti a, an fa pawh hi chu nu nen a an fa chu an ti asin, mahse, mi sawi mai mai ania, ka awih chiah lo” ka pencil ken lai ka thlauh a, rang fe in ka chhar leh a,

“A nih chu mawle, chutiang ani lo tur ah ngai ang” ka nui lui sak a,

“I tha em?, i dang vek ania” a ti hluai a, nia, ka dang ang, a hmeichhe kawp chu ka ni lo a, mahse, a fa erawh ka pai sak alawm, a fa pai tur a an chhawr ka ni tih hre na se chuan heti hian ka bulah a thu lo ang tih ka hrechiang in ka hria.

“Tha e, tunlai chu kan indaih loh vang hian ka hah deuh a, chuvang aniang” ka ti ta ngawt, dawt vek ka sawi bik lo, kan indaih lo tak tak tlat.

“Hnathawk tur lak belh la, indaih loh viau ai chuan a ziawm ang, bakah i che ve vak zel a, a tul ber lo em mai” ati leh a, a ngaihdan ah chuan ani mahna, Loan ka rul mek a, ka rul zo tep tawh chungin ka inthlahdah ngawt thiang lo a, ka theih tawp ka chhuah a tul takzet a, hei aia hlawk zawk a ka sumdawnna kalpui tur hian a beih tak tak in ka beih angai bawk,ani te chu a thawk emaw thawk lo emaw buaina a awm lo.kan dinhmun in ang lo lutuk hi a chang chuan ka thinrim ru teuh zel bawk.

“Atea lo call lawk teh, alo thleng dawn tawh em ka hre duh ania” ka thil chhut lai ka tih san leh a, a lo thlen hma a ka tih zawh vat angai, vawiin hian Mamuani tlawh tur a kal ka tum a, Nathan-a alo awm ven thawn thu ah Atea hruai tel ka duh a, engvang a mipa dang nen min hmu tur a duh em em nge ka nih ka hre lo, a nat ka beisei anih phei chuan ka a ani hial ang,Sangpuii leh Atea inbe thawm ka ngaithla pah a, an inhriatna a rei tawh bawk a, an inpawh tha hle tih an tawng danah hai tur a awm lo.

“A lo tleng tep anih chu,Enge in tih dawn a?” dil chhut zet hian min en a, ani leh ni lo ang in a thu tak viau bawk.

“Damlo tlawh tur kan nei a, mahni ngawt a kal aiah ka ti mawle” ka ti a, a ner sak a,

“Keipawh ka awm tho a, Atea kher” min fiam tih ka hria, ka nui hak hak a, ani pawh a nui ve tho bawk.

“Tak tak in Mamuani kan tlawh dawn a,i lo kal ve duh chuan a pawi miah lo” ka ti a, phawk zet in min en a,

“Tu Mamuani maw?” a ti a,

“Nathan-a nupui chu mawle, Kan inchhung hnai tih i hre lo tak ang” Dawtsawi hi a chang chuan a tul thin a, thil nuam erawh a ni hauh lo, a ang pham mai, a wm lo lemlo , keipawn kan inchhung hnai tih tunah ka hre ve chiah miau a, ka nuih a za a, mahse, ka nui hauh lo,mahni inchhan nan a dawtsawi hi Dawt pawilo nimai tehse.

“I sawi ngai si lo,ih, chhungte i nei miah lo emaw ka ti a...naaah, ani leh si ang, hna i rawn thawh hlim pawh khan mak kan ti reng ani, i Qualified lo tih an sawi nasat kha mawle” hrechhuak tha inti hmel fe hian a ti leh zat zat lawi a, ka nui hawk hawk a, ka nuih chhan a hre lo lutuk chu ka tah a ti chhuak in ka hre mah zawk.

“Um, ilo kal ve dawn nge dawn lo?” ka Laptop ka khup a, Atea lo thlen rual a kal nghal ka duh a, tlaiah chawei na tur ka neih avangin ka awmrei hman dawn lo tlat.

“Kal ang,kan ve pawh a tha lawm,Atea pawh chu a va rei” a tih zawm leh nghal a,a sawi zo hman awrh tih ah Atea a rawn lut a, a rawn nui lut var var bawk.

“Ka hming a ri in ka hria, tu emaw zawk hian min rel ami?” a rawn ti lut a, a chhe mawlh lo, kei hi hmeichhe vannei tak pawh ka la ni mahna.

“Kan kal nghal mai dawn mi?,Sangpuii a lo kal ve dawn bawk a” ka ti a, a bu nghat a, Tlaiah tih tur ka nei tih ka hrilh lawk tawh a, Sana a en zauh a,

“Kal ang u, kan tlai lutuk ang,Traffic ah buaina kan tawk leh dawn chiang ania” a ti a, a sawi dik zia chu tlan pangngai a tlan a Darkar chanve pawh ngai lo kha darkar khat aia tam Mamuani te in thlen nan hun kan hmang ral der,Mamuani te kawt a Nathan-a Car lo ding ka hmuh rual in ka zam chhe nghal chu ani deuh ber, mahse, ka zam ani tih hi ka hriattir ngai lo ang, kha Naupang samkir kha....lo awm se ka tihna leh awm lo se ka tihna a inzat reng.

Door bell ka hmet a, kawngka an rawn hawn nghak in kan ding thap a, rei vak lo ah a rawn inhawng a, Mamuani Pa alo ni a, min hmuh rual in a nui vur vur bawk,

“Lo lut ru” tih pah in kan luh nan kawngka a hawng zau a, kan inzui lut a, Common room ah chuan Mipa Naupang sam kir chiat mai hian hmuhnawm tih hmel zet in Tv ah Oggy alo en mek a, a bulah Nu upa lam tawh hi ngaihtuah muk hmel fe in a thu bawk, Mamuani Nu ani tih ka kal hmasak khan ka hria a, a fanu natna vangin a rilru a hah viau ani phawt ang, ka kal hmasak ai khan a lang upa zawk in ka hria.

Kan thawm hria in a rawn hawi chhuak a, muhil harh zawk hi a ang ber , Mipa naupang te pawh a rawn hawi ve a, mahse, Tv lam bawk a en lehnghal a, ka lungphu a inthumrawn tlut tlut nimai in ka hria, a hmelthat zia ka sawi thiam lo,a sam kir chiat mai, nem hmel zet lawi si,buk laih mai bawk hi engtik ah nge ka chulsak ang le???

“In lo leng ani maw?, lo thu ru” tih pah in Mamuani Nu a rawn tho a, ka bul hnai a thutna awm ah chuan ka thu vat a, min rawn en a,ka en na lam a en ve a,

“Mamuani fapa anih hi, Moses –a” zawh ngai lo in min hrilh tih ka hria, ka en nasa mah mah ani mahna.

“A hmeltha hle mai” ka ti hap a,

“Hmanni ilo kal khan i hmu tawh in ka hria,ee, Room ah han chho zawk ula, vawiin chu a harh tha khawp asin” Apa zawk in a ti leh a,

“Nia, amah a harh tho chuan han chho ila” Sangpuii zawk in min chhan khalh a, a tan chuan Nathan-a te nupa hmuhna hun animai a, a phur phian ang chu.

In chung pan na step lam pan in ka kal a, Mipa Naupang te chu a rawn tho phat a, min rawn nek a, Step ah chuan ke lawng in a tlan chho a, a ke tereuhte,No zet chu hmuhnawm ti zet hian ka thlir a, a tlan zawng in a sam a phe hlap hlap bawk,

“Hey, eng thil dik lo nge awm?” min rawn nghawk zauh pah in Sangpuii’n a ti a, ka phu deuh zawk bawk.

“Aih,engmah Mipa naupang te kha ka lo hmu lo a, ka phu alawm le” nui chungin ka ti a, min en lo in Step ah a chho mek a, ka hmel a dawtsawi tih a lan chian dawn nen min en lo hlauh chu lawm tak ka ni.

Mamuani Nu in hma a hruai a, a hnungah kan zui chho a, nu tawng duh tak anilo phawt ang, kan luh tirh a min biak bak engmah a la sawi leh lo reng reng,mahse, tu nu nge an fanu te thichhawng a an leh reng lai a hlim viau thei awm ang?,sawi tur avang duh ngawt in ka ring.

Room ah a lut tlang nghal a, kawngkhar a in hawng sa hrim hrim bawk, Moses-a te chu a nu khumah a Nu si chet in a lo thu kak a, a hmel pawisawi lo zet chuan kan lut chu min lo melh en kiau bawk,Nathan-a erawh kan thawm hria in a rawn hawi chhuak vat a,Tukverh bulah Dawhkan lian vak lo chungah hian Laptop ah hna a lo thawk mawlh mawlh a,keimah chiah in ka kal lo chu mak a ti anih pawh in engmah a ti lang lo, a mithmul a ti sang awk a, a hmui a petsawi zauh bawk, Hreptak hian...vawikhat kiss kha thil tam tak hriat chhuah nan chuan a lo tawk em em anih hi a..

“Ekhai....Mal..awi, Sangpuii pawh” hlim zet hian ati hliai a, Naupangchhe lawm tak in a lawm in ka hria,

“Ka lo kal hma thei lo a, kan buai a zia deuh tawh a, ka lo kal ngun thei tawh in ka ring, eng nge i an a?” zangkhai tak in ka ti a, ka mitsir in Nathan-a chevel chu ka hmu thei a, mahse,ka en duh lo.

“Hey..Dude, nang maw?” LALPA,Nathan-a leh Atea hi lo inhre sa lo lul rawh se, ka chhe vek animai.

“Um, ka nih hi, i dam em?” thla nei ila khawi lai hmun hla lutuk ah emaw thlawh bo ka chak ber,

“Ate...kan inhmu khat hle mai a”Mamuani’n a lo ti ve bawk.Eng ngatinge an inhresa tih a hma in ka lo hriat chian loh?, eng ngatinge mi hi an lo inhriat kual vel vek mai le aw?,keimah leh keimah ka inhua a, ka fimkhur theih tehreng nen engtin nge ka hriat loh theih?, ka thin a rim ru teuh ringawt, awmzia a awm der si lo.

“He lam ah in awmphei tih ka lo hre miah lo a,Bawhi hian kalpui ah min rawn sawm a, kan inhmu ngun deuh tawh in ka ring, tunlai chu Driver rinawm tak ka ni rih a..” a nui hawk hawk a, za lo zet hian ka then sak a, ka biang a sa hat hat bawk,ka ngaihtuah thiam dan ber chuan Korean ho Movie kan ang ber in ka hria, la in hre ngai miah lo emaw ka tih kha an lo inhre kual vel thim them mai si.

Sofa ah ka thu a, Mamuani nu a chhuak tawh a, Sangpuii erawh tukverh ngheng in a ding a, ka bulah Atea a rawn thu ve a, Nathan-a erawh a thut ngai in a thu a, ka en ngam lo hrim hrim, engvang a en ngam lo nge ka nih ka hre lo, a chungah thil diklo ka ti pawh ani si lo, a va hahthlak em..

“In lo inhre sa tih pawh ka hre lo a” ka ti chhuak ta nge nge, Moses-a tereuh chuan a Nu Phone ni ngei tur a khal a, thawm nei maih lo in a Nu bulah a mu kak bawk.

“Nia, kan inhmu khat em ani,engtin chiah nge in rawn inzui luh dan hi sawi angai” Mamuani nui hmel chu ka en a, ka tah a chhuak rum rum mai,Hmanni khan Nathan-an min duh tih a sawi a, vawiin ah an hriat sa Mipa ka hruai lut a, engtin nge a ngaih ang ka hre thiam lo, a landan mai ah chuan a hlim hmel hle in ka lo hre ve ngawt thung,Mamuani Pa a rawn dak a,

“In lo kal lai mah ni se kalna tur kan nei a, kan nu nen kan chhuah rual angai sia, kan kalsan lawk mai ang che u, mamawh inneih chuan Inhnuai ah kan nula a awm khu aw” a rawn ti a,

“Pa, hei hi ila hria em?” tih pah in Atea a kawk a, Mamuani pa chuan a en a, a hre mai lo anih hmel,achal a ti chuar tap a,

“Hre mai pek lo..” inthiam lo hmel deuh hian a ti a,

“Nathan-a Cousin kha” a hma pawh khan ka mangang tawh ania, tunah phei chuan mangang pawh ka ni tawh lo, thih ka chak in ka hre tawh hial zawk, Eric-a Cousin ani a, engtin nge Nathan-a Cousin alo la nih tel theih cheu ni!!

“Min hre tawh lo mahla a awm ania,kan in Cousin dan a hla deuh alawm, bakah ka lo kal khat em bawk a” tih pah in a tho a, a va chibai a, Mamuani Pa hmel awmdanah chuan a la hre fuh chuanglo tih a lang reng bawk,eng ang pawn an in chhun dan hla mahse an lo inchhung hnai hrim hrim pawh hi thil pawi ber ani tawp mai.

“Engtin maw Mal-i te nen in lo kal rual?” a Pa chhuah veleh a ti leh nghal a,

Sangpuii phur zawng tak ani ta tlat, sawi mai mai tehse, dawt pawh ani hleinem ka ti rilru a,

“Mal, Moses-a hi khawngaih in Inhnuai ah ka nu te Room ah i zuk mut lawk peih em?” ka ngaihtuahna ka lo kawm tui lutuk a ka hming a min ko ri ka hriat rual in ka harh deuh zawk nimaiin ka hria, hahthlak hian a...engtik ah nge he suangtuahna atthlak atang hian ka harh chhuah dawn tehlul ni??

“Maw..?,keimah maw?” ka mawl hmel ngawt in ka ring, beisei nei zet in Nathan –a lam ka hawi a, ‘a ngailo,keiman ka zuk mut ang ‘ atih ka beisei a, mahse, khum lam ah a lu a thle buk duh chauh, ka tho tham tham a, ka phurna leh huphurh na a in zat reng, a nu ngheng in a muhil bam a, phone kha a khal reng emaw ka ti a, a muthilh lai reng reng ka lo hmu lo.

“I nu te Room ka hre si lo a” tul lo zet in ka pha nawi leh rih a, a nui mai.

“Kan nula a awm ang, i zawt mai dawn nia”a ti awlsam leh mai, a vawikhatnan ka ngei ti ila a dik ang.
Dimte in ka pawmkang a, a tal deuh nang in a tal rei lo, ka lungphu ran zia chu rapthlak tak ani, ka pum chhung a ka pai ngei hi a vawikhatnan ka khawih ve ta, mumang a ang rum rum in ka hre hial mai,atthlak zet in ka mittui a rawn hnam sawk bawk,inhnuai pan turin Step ah ka chhuk pui a, a rimtui chek a, a sam pawh ka rin ang chiah in a nem thap mai, ka nghawng ah a kuah chial a, vawikhat pawh ka beisei phak loh thil a lo thlen vang animahna ka a deuh ruai in ka hre hial bawk.

“Helamah hian..”ka hnung lam atang in zawi sup in Nathan-a aw in a rawn ti a, Choka lam atangin an nula niawm tak a rawn dak a, mahse, Nathan-a chuan a kut in a vai zauh a, a kalsawn let leh nghal daih bawk,thawm a nei bawk si lo a min rawn zui tih ka hre hauh lo,ka hawi let a, a kalna lam ah ka zui a, Common Room sir a Corridor tawite awm chu a zawh phei a, ka zui zel a, a ni nen a awm chu tunah chuan ka thil duh loh ber ani ngei ang.

Room kawngkhar a hawng a, ka zui lut a, Khum zau fahran hi a lo awm a, “tah hian mut la..” tih pah in Blanket awm chu asir ah a dahsawn a, tih harh hlau zet in ka nghat a,banglam hawiin a in let nghal tap bawk, Nu leh Pa tan chuan fa te aia hmuhnawm hi khawvel ah a awm ka ring ta lo tawp.

Nathan-an Puan a sin tir a, kal chhuah tum in ka inher a, mahse, ka ban rek ah kut lum thar thar in a rawn man bet chat a, ka ding chawt bawk.ka hawi let a, a rawn tho a, kan tet loh tehlul nen a ni lakah chuan ka lian hran lo, ka melh chho ha a, ka kut a vawnna pawh thin thlak na chang ka hre lo.

“Inbiak kan ngai” a ti sup a, ka ngaihtuahna a vir zawk a, ka ban rek a vawnna phelh tum in ka kut lehlam in a kut ah ka va vuan a, mahse, hneh zet in a rawn hmer bet tel a, a mah si chet in min pawm bet zui nghal hmiah bawk.

“Nathan...” mangang zet hian ka ti a, Moses-a a harh ka hlauh avangin ka tawng ring ngam lo,a rum deuh hawk a,

“Eng Game mah ka lakah khel suh, tih nat che ka duh lo ania” harsa tih hmel zet hian a ti hrawk a, a sawi tum ka hai lo.

“Chutiang engmah ka ti lo, min thlah rawh” ka tal a, mahse, awmzia a awm tam lo.

“Atea hi ka Cousin anih hi, i kawp tur chi mipa a nilo” a ti leh a, ka darah a khabe a rawn nghat a, ka awmdan ka sawi thiam lo.mahse, hetiang a awm tur ka ni lo tih ka chiang, ka tal leh laih a,ka rin loh deuh in min thlah a, ka hrilhhai letling lawi a..

“I lo sawi tur a awm lo in ka hria, i buaina tur anilo” ka ti hmak a, ka inher a, kawngkhar ka pan a, mahse, ka chhhuak leh hman ta chuang lo, ka kawngah a rawn man a, min pawt let deuh nawk a, ka inring hman lo, ring vak lo in ka au that bawk, Khum lam ka en thuai a, mahse, vanneihthlak deuh in Moses-a a harh lo hlauh..

Ka hawilet leh chu Bangah min nawr bet a, ka inrin hma in a rawn kun hniam a, ka hmui ah a rawn fawp a, a dim in a dam hle bawk, ka mengkar a, chhan let na chang ka hre lo a, inlakhran na chang ka hre chuang lo bawk,ka ding zawi tawp, ka tha a khur dar dar lehnghal..

A rawn hawi chhuak a, ka chal ah a chal in a rawn nawr a,

“Ti khan i zawhna ka chhang che em?” a ti sup a,mak tak in a aw a khur ve dur dur bawk.

Chapter- 11

Chhan mai na chang ka hre lo, a rawn kun hniam leh a, ka mit ka chhing ta ngawt, mahse, ka rin ang leh beisei ang in engmah a thleng ta hauh lo, min thlah a, a kalsawn a, a nui hak bawk, muangchang in ka meng a, Room a chhuahsan tur chu ka va hmu a, zahna, pawi tihna...a inkawp vel vek...

Ka mit ka chhing leh a, thawk ka la vak bawk, ka hmu leh ngam in ka ring lo, ka chaklohna lai chiang tak a min man chhuak kha ka zak satliah lo, tlawm ka in ti a, ka tawngkam in hnial eng ang mah ila a tan chuan engmah a ni tawh lo ang,a khawih hlek pawh dang thei lo khawp a nep ka ni tih a hmu chiang lutuk mah mah...Room ah chho tawh lo a Dawr lam ah let leh mai ka duh rum rum,ka let leh ngawt thei lo tih lah kei aia hrechiang an awm si lo,a pawi lo, ka rin loh dan in a awm a, ka nervous luat vang ah ka ngaihtir mai ang chu,Tlanchhe reng reng in ka nun ka hmang rei tawh, tlanchhiat na tur a awm lo,thil thleng tur hmachhawn mai hi a tha zawk ta ve ang.

“I mut fel thei maw?” Mamuani’n a lo ti vat a, ka bu nghat a, Ka thutna ah Sangpuii a lo thu tawh a, Nathan-a erawh Khumah a thu mu thung, en loh hram hram ka duh a, mahse, min en reng tih ka hriatna chuan nuam tak in min awmtir thei meuh lo,ka tang ru teuh mai.

“Bawihi, kan kal mai dawn mi niang?, i chawei na tur kha i tlai chuan a tha lo ang” Atea’n a lo ti ve leh a, lawm tak ka ni, min chhanchhuak tih a hre dawn der si lo.

“Nia, kan kal mai a tha ang, kal hma in hna ah let leh ka la ngai bawk nen” Mamuani ka en a, Nathan-a erawh en loh ka la tum ngar ngar thung,a nur deuh nang a,pawi a tih hmel viau bawk.

“Um, mahse, ilo kal leh vat ka beisei ania, i thei angem?” ati leh a, Naupangchhe ngen tak in a ngen niber in ka hria, ka bu nghat a,

“Ka lo kal leh em em ang” ka ti a, ka Bag ka la a, Midang kal leh thuai tur a a tih thawm pawh chu ka ngaithla kar tho.

“Ate, Mal-i hi duat ang che, chuti lo chu..” nui chungin a kut a hmuh tir a, Atea nui hawk hawk chu ka en a, ka hmai a sa hat hat bawk.

“Tehreng mai, ka puitling tawh alawm” a ti tha ve mai bawk.

“Kan la hria ang chu” Nathan-a rawn tawng ve a, loh theih loh in ka en a ngai, a nui a, mahse, a mit ah chuan a nuih a za lo a ang mah zawk,Atea hi tu nge anih kei aiin a lo hrechiang fe pawh animaithei bawk,chu chu min hriat tir a tum anih pawh in ka mamawh hauh lo.

“Ngatinge i hre sa reng tih min hrilh miah loh a?” ka ti hlak a, Sangpuii kan Drop a, Dawr lam pan in kan tlan a,amah en duh lo in pawn lam ka en a, ka en duh lo nge ka ngaihtuahna a hriat ka hlau zawk pawh ka hre lo.

“Min zawt lo alawm, kan thlen khan eng nge kan tih dawn ka la hrechhuak zo chuang lo a,thil thleng tur kha ka nghak ta zawk anih kha” a ti a,ka kut a rawn vuan a,ka hawi let a,

“A pawi lo, tlem in min barakhaih mai zawk ,thilpawi a nilo” ka ti a, a hmel a thuphachawi hmel lo lang chuan keimah min inthiamloh tir tlat atin ni.

“Nathan-a nu Pa leh ka Pa pa hi unau an nia lawm,mahse...” sawi zawm lo in a ngawi leh rih a, ka lungphu a rang zaih zaih mai, an sawi ang em a inhlat zawng an ni lo.

“Thil pakhat, Nathan-a te Family nen hian kan inpawh lem lo a, aa, kan inpawh thin a kan inpawh ta lo ti ila a dik ang”a kut laksawn a tum chu ka chelh sak a,

“Min hrilh duh suh, chutiang lam ka tan hriat a tulna a awm hleinem,kei chuan nangmah ka hria che a ka duhtawk reng ania” ka ti sap a, a nui var var a,

“Keipawh nangmah hriat che hi ka duhtawk, a chhan chu maw nang lo tumah duh ka nei lo,i chhungte hriat ka mamawh hun a la thleng anih pawh in nangma remtihna in ani tho ang” a ti a, chhungte ka nei lo tih a hria,hmalam a en a, engvangin nge Nathan-a ai in hepa hi ka lo tawn hmasak loh ka ti ru vawng vawng mai.

“Eee, engtin nge in inhriat zawk a?” kan ngawih deuh reng hnu ah a rawn ti leh thut a, ka chil ka lem khawlh mai.

“A thui lutuk,Mamuani zawk hi ka thian leh ka U ani kawp a, abak chu sawi chiam dan pawh ka hre lo” ka ti sep a, sawi dan tur dang hre thlawt hek lo i..

“Um a duat hmel khawp mai che, chuan, Nathan-a khan ka duh aiin a en rei mah mah zel che” a nui hak a, a mal ah ka chum a, a nui zui hawk hawk bawk.

“Ka fiamthu miah lo ania, ka tello chuan Mamuani hmu tur a kal ka remti lo ania” a nui ta hauh lo.

“Hey, i va la serious ve, i ho em mai” ka ti a, ka nui lui sang bawk, min rawn en zawk a.

“Mipa ka ni a, ka Mipatpui rilru chu ka hre chiang asin,a vaiin hre lo mah ila a tlangpui chu ka hria,Nathan-a ngat phei chu ka hrechiang lehzual,ka duh lo ka tih chuan tilui lo la” ati hmuk a, ka hriat thin Atea kha chu ani ta lo,nawrluih theih miah loh Mipa, Nathan-a chauh in a neih emaw ka tih thin kha ani pawh hian a lo nei ve reng anih hi, Nia, thilmak ani lo,Thisen hmunkhat ah dal tak in an la inzawm a, Dal eng ang mahse Thisen chu Thisen ani reng ang.

“Ka lo hre reng dawn nia” ka ti sep a, a sawidik maithei, keimah a kal ngawt ai chuan Atea nen kan kal chuan ka him zawk ang chu.

Mamuani ka tlawh atang in ni 3 a liam leh tawh, hna ah ka buai nileng zak zak thin a, midang ngaihtuahna hun ka nei meuh lo, Atea pawh ka ngaihtuah hman vak lo,mahse, a lungawilo lem lo, ka buaizia a hria a, a chang chuan min rawn pui zawk thin a, mipa tha tak ani ka ti lo thei lo,Hnathawk tur pakhat ka lak belh a, engkim hrilh ngai ala nih avangin ka la awl thei chuang lo, kan dawr bungrua rawn thleng en fel leh a chhuak enfel pawh ni hnih lai ka khawih tawh lo.

Ka hma a Laptop chu hmu miah lo hian ka melh reng a,hnathawh Mood ah ka awm hlawllo, engmah pawh ka ngaihtuah chuang lo,ka ruak vek niber in ka hria,ka chair hnunglam nghenchhan ka ngheng a, ka mit ka chhing a, muthilh vang vang ka chak ber,Nathan-a emaw Atea pawh, tunah rih chuan tumah hmuh ka chak lo ve ve.Moses...ani erawh chu ka hmu chak in ka ring, a sam kir chiat, nem thep kha...a Pa ang maiin a mitmeng a lian a, a melh a na em em bawk,a puitlin hun chuan Nula ala chhaih buai hnem ve fe maithei ,ka nui sak a, ka ngaihtuah zawng ringawt pawn ka hlimpui a, a thanglian lai hmuh ve ka chak a, a Nu a Boral anih pawh in a Pa in Nupui dang a nei leh ang, chu hmeichhia chuan a enkawl dawn tihna ani a, keimah ni ta zawk ila....hahthlak hian a...

Ka Phone ri in ka ngaihtuahna a la peng a, ka ban a, Atea a lo ni a,zing ah min rawn wish bak kha kan la in be miah lo,

“Hello..” ka ti a,

“Bawihi, ka zin a ngai dawn thut a, Serchhip ah ka thianpa a Boral a” a rawn ti a, a hmanhmawh hmel hle bawk.

“Ehe, a va zia lo ve, ka hriat zawng mi a ni em?” ka ti a, a thaw hawk ri ka hrethei a,

“Aih, hre lo ang, Nagpur ah kan pahnih in Room kan intawm thin a,Serchhip ah a awm na a rei tawh a” a ti leh mawlh mawlh a, lo zawh chiam na chi anilo tih ka hria,

“Ok, engtik ah nge in chhuah ang?” ka ti leh a,

“Kan insiam mek a, kan chhuak tep animai, ka buai deuh a, ka rawn be leh lawk hman lo che nihpawn min ngaihtuah suh” a rawn ti leh zung zung a, a hmanhmawh tih a tawng danah hai rual a awm lo.

“Um,in thlen hunah min lo hrilh dawn nia, ee, nangmah in a mi i kal dawn?” ka ti leh a,

“Aih, kan kal nual dawn a, mahse, ka Motor ka keng ang, ka rual in an kal hlawm dawn a” a ti a.

“Ok, fimkhur ang che, Bye Phawt” ka off a,eng na nge tih pawh ka zawt miah lo tih ka ngaihtuah a, a pawilo e, a lo haw hunah pawh ti ti dun na hun kan la ngah dawn alawm,ka zawt mai ang.

Memo chi hrang hrang awm nuaih mai mai chu ka lakang a, mahse, ka remfel hma in ka Phone bawk in min ti buai leh a, amah bawk ani ngei ang, thil sawi hmaih anei anih ka ring maha, nui chungin ka en a,mahse, ani hauh lo, Number lawng ringawt,

“Hello...” zangkhai vah in ka ti a,

“Mal-i, Mamuani te In ah lo kal nghal rawh” Nathan-a aw hian a rawn ti a, ka phudeuh zawk bawk, engtin nge ka number a neih ka hre lo, chu aia pawimawh zawk chu engvang a min rawn ko nge anih ka hre lo.

“Eng maw?” a sawi ka hriat loh vang a zawt ka ni lo.

“Lo kal rawh, tunah” a Off nghal hmak bawk, ka lungphu a rang nghal zaih zaih a, a tha lo thut tih na ani mai angem?, ka kal a tang khan ni 3 a liam leh tawh a, ka be ngai bawk si lo.

Ka Bag ka la a, engmah dah fel lo in Room ka chhuahsan a, ka hlauthawng ti ila a dik ang, engvang a hlau nge ka nih erawh ka hre der lo, lo Boral palh pawh ni se ka tan buaina tur a awm miah si lo.

“Khawiah nge i kal dawn?” ka Coat ka ha pah mawlh mawlh a,ka kut lehlam in ka Bag ka khai bawk.

“Thil hmanhmawh thlak a awm thut, ka lo let leh lo anih chuan Chahbi lo hawm mai rawh” ka ti a, a chang chuan a haw fo reng a, ka dawr neih tan tirh atang a ka chhawr ani a, kei aiin a upa zawk a, Nula phanchang tak ani tawh bawk nen, a rintlak a, a kut ah chuan engkim ngaihtha tak in ka kalsan mai zel.

“Awle, ngaihtuah suh, mahse, Room saw lock la” a ti leh a, a sawi dik, Memo pakhat pawh a bo palh anih chuan ka pawisa ka hloh dawn tih na animai, ka let leh a, ka lock fel a, engmah sawi leh tawh lo in ka chhuak a, ka mitthla ah Mamuani bak engmah a awm lo.

Vanneihthlak tak in Traffic ah buaina ka tawk lo hlauh, ka thlen in ka sana ka en a, Darkar chanve tling lo hret ka tlan a, ka Bag pawh keng lo in ka Phone ka hum kawp a, Nathan-a Car pawh ka hmu a, midang Motor a awm bawk, a hma aiin ka hlauhthawnna a nasa zawk.

Door Bell ka hmet a, tuman an rawn hawng lo, ka nghak a,an rawn hawng mai si lo, ka nem a, a inhawng mai bawk a, ka nem zau a, tumah ka hmu lo,inchung panna step ka pan a, tawng thawm pawh a awm lo, a reh thiap mai, min rawn call khan a hlauthawng hle khan ka hria a, mahse, engmah thil tha lo thleng awm a awm si lo,thawm rawn chhuahna lam ka pan a, Hmeichhe pakhat hian Moses-a a rawn pawm a,an Nula kha ani tih ka hre mai bawk,

“Khawiah nge an awm vek a, Door Bell ka hmet a, min rawn hawn si lo a, ka lo lut tlang ta mai” inthiam vak lo in ka ti a, Moses-a te lah chuan mitkhap mang lo in min melh kiau bawk.

“Damdawiin ah an kalpui deuh chiah a, u Nathan-a khan Moses-a lo awmpuitur in ilo kal ang a ti a” hreptak hian a...engvangin nge chutiang a a lo sawi ngawt ni?

“Oh, anih chu, ka lotlai hret ani maw?” ka ti sep a,

“Aunty, Mummy kha a damlo a, Apa in Damdawiin ah a hruai a” ka en vat a, a pawmtu nu Dar ah a lu a nghat a, a duhawm tih bak in ka sawifiah thiam lo.

“Um, ka hria e, Apa khan a ngaihtuah che a, kawm tur che in ka lo kal a” ka ti a, min la ring ngam chiah lo niawm tak hian min melh a, a kut zungtang tereuhte chu a hmuam tet bawk.

“Bawihte, Aunty bulah hian lo awm la, hna kan thawk lawk ang aw” ati a, ka pan hnai a, thuawih deuh hian min rawn ban ve mai bawk,a vawihnih nan ka pawm leh ta, ka nghawng ah a kuah chial a, ka chhungril ah ‘ ka fapa’ tih chiah a ri tlut tlut bawk.

Ka Phone ri in min ti harh a, Moses-a ka mutpui na lamah ka lo muhil ve daih chu niin, ka tho mai dawn a, ka ban delh in a mu a, ka kut lehlam nghet zet in a vuan bawk.

“Phone i va pick thei lo ve, i buai ami?” Atea’n a rawn ti nghal a, ka harhvang tehlul nen,

“Sorry, ka lo mutthlu pek a, in thleng tawh mi?” ka ti a,

“Um, thleng anitawh mai” ati tha ve mai bawk.

“A that hlauh chu” ka ti a, mahse, engtiang a hla nge anih ka hre lo hrim hrim, kan dawr a thawk pakhat kha Serchhip khua chu a awm ngei a, mahse, a hlat zawng ka lo zawt ngai lo, a hla vak lo tawp ang, Zingah an lo chhuak a ,Dar 11 vel ah hna a rawn zawm hman thin tlat a.

“Eee, kan Family Group ah khan ka hmu a, Mamuani a tha vak lo an rawn ti a” a rawn ti leh a, ka hria a, amah hrilh lo in ka kal tih hria se engtin nge min tih ang ka hre lo.Nathan-a vang hian Dawt hi ka va han sawi ngun tawh tak em...Mipa tha tak zawng anilo phawt ang, dawt sawi phah nan a hman hial tur chu..

“Um, anih chu mawle, ka lo va kal ve dawn mi niang?” ka ti a,a ngawi deuh vang vang a,

“Kal rawh, ka awm lo a,mahse, tunah chuan helam in ka rilru a luah rih zawk, Eric-a sawm la” a rawn ti leh a,

“Um, ka lo sawm dawn nia, Sangpuii zawk pawh a awm tho ang” ka ti ve a, min chhang bul deuh hmak a, a Off zui daih bawk, engtin nge hetiang hian a awm tlat zel ka hrethiam lo,a sawi ang tak khan Nathan-a nen an in hre chiang mah mah ani mai angem?, Cousin hla tawh tak annih mai bakah an pahnih hian thildang ah inmil loh na an nei zawk a ang lek lek mai.

Moses-an ka kut a vawnna dimte in ka phelh sak a, hetiang a in hnaih lutuk a khawsak hi nakin ah keima tan ala hrehawm dawn tih ka hai lo, a sam kir chiat mai chu ka chulsak a,a mithmul a kual ve raih a, a hnar tereuhte pawh a pa hnar ang maiin a sang ve vah bawk, Mizo hnar ah chuan a nalh pawl ani ngei ang,a sam lah a dum hlap bawk.Sangpuii ka biak angai, Atea lo haw hunah inhauh buai ka duh lo anih chuan kal ve tur a ka sawm ngei ngei angai.

“Thiannu” Hello pawh a ti khawmawi lo,

“Khawiah nge i awm?” ka ti a,

“Dawr ah, eng nge ni ta?” a rawn ti a, engtiklai pawh hian a hlim sarh reng mai, Rinzuali lah Mood Off pawh nei manglo khawp a mihlim thei ani a, kei ka nuih khat nen, ka thian tha ber ber te an ni thei tho bawk si, thilmak tak ani.

“Mamuani a tha vak lo a, Damdawiinah an kalpui ani awm e, ka kal mek a, an In lamah hian ilo phei ve dawn mi?, Moses-a kha amah chiah in an kalsan aniang” ka ti a, tukverh bul ah ka ding a, Khum a Moses-a mu chu ka thlir a, ka en ning thei in ka ring lo.

“Maw?, aw, ka lo kal nghal ang, ka u a awm ve tho a” a rawn ti nghal thuai a, a lo thleng har lo tawp ang, an dawr atang chuan a hla lo em mai.

Kalsawn tawh lo in ka ngaihtuahna ka kawm a, Nathan-a hian Farnu a neih ka hria, Unau Mipa a neih erawh ka hre miah lo,an hnen a ka thawh chhung kha a rei lo a, an chhungkaw chanchin hriat viau na hun a awm hek lo,tun ang hunah hi chuan Moses-a awmpui tur hian a ni te ho an awm tur ah ka ngai a, tumah an awm silo, ka lainat zual sauh bawk,mahse lo dem viau ngawt a fuh kher lo ang, Damdawiin lamah an lo buai viau pawh a ni thei tho.

Nathan-a hian min la rawn be hauh lo, an la buai hle zawk ani mai angem?, min rawn call na number kha ka en let a, ka call ang nge call lo ang tih ka ngaihtuah a, bia ila a that ka ring zawk, ka dial a,a ring ral ral a, ka thaw tha ngam lo.

“Hello..” thawp sut hian a rawn ti a, a hmel hmu phak lo a ka awm ngawt pawh ka lawm tawk viau, a aw ka hriat ngawt pawn ka zam deuh titih a, hetiang tur ka ni lo tih ka hai hek lo,ka awmdan hi Thawnthu ziak tu in a changtupa mizia, mi hip na ngah uchuak lutuk in a changtunu a ti buai vel kha ka ang ber in ka ring,khang te lah chu duhthusam ziah chhuah mai ani a,thil tak tak ani si lo..

“Eng nge tunah a an ?” ka ti a, thildang sawi tur awm hek lo, a thaw deuh hawk ri ka hria a,

“Oxygen an pe mek a, a ziawm deuh hret e, khawiah nge Moses-a?” a ti a,

“A muhil a,ngaihtuah suh, a fel lutuk” ka ti let ve a, a ngawi deuh vang vang vang a,

“Ka ngaihtuah hleinem,i bulah a awm alawm” zawi fiah zet hian a rawn ti leh a, ka mur ar ar mai, engtin nge hetiang a sawi theih ka hre lo.

“In lo haw hun tur ka hre si lo a, chaw ka lo pe ang a, In in lamah ka lo va dah mai dawn mi niang?” ka ti leh a,

“I tih dan dan le, kei chuan a nu bulah awm se ka duh ber” a ti leh hrawk a,

“Ka hrethiam che lawm,mahse, tunah chuan a Nu hmuh tir a that ka ring lo,chaw a ei zawh veleh ka lo va dah mai ang, Sangpuii lo thleng phawt se, keimah chuan in In ka hre si lo” ka ti leh a,

“Moses-a hian Nu pakhat chiah a neilo tih i hria tiraw?” ka lungphu ran zia chu!!, a thlawk chhuak dawn emaw ka ti hial..

“Lawk, ka dah dawn ania, a tal a, a harh dawn in ka hria” ka ti a, chhuanlam ka siam mai loh chuan ka mualpho mai ang.min chhan na pawh nghak lo in ka Off zui daih bawk.

Sangpuii lo thlen laiin chaw ka lo pe mek a, an Nula sawi dan in Mamuani u te Nupa an lo kal a, a nu kha a Bp sang a zual bawk a, Mamuani chu Nathan-a te lam in an buaipui a, Mamuani nu erawh chu Mamuani pa leh a U te Nupa in an buaipui a, Mamuani te Unau zing a Naupang ber erawh a zirna vang in Bangalore lamah a awm a,an exam lai anih avangin a lo haw mai thei bawk si lo, Mamuani hi kei aiin kum 4 vel in a upa a, an unau zing a Naupang Ber Mipa hi a piang tlai a, piang tawh lo tur a an rin piang leh ani a, an duat viau ni in a sawi bawk.

Sangpuii leh Moses-a nen an In lam a Moses-a dah turin ka Car ah kan chuang a, Sangpuii mal chungah a thu kak a, ka Phone ah Games a khel a, Naupang tawng duh leh harh tak ani hauh lo, a ngawichawi a, a kum phu lo in a fing tih reilote ka awmpui chhung khan ka hre hman vek bawk.

“An awmdan hi ka hrethiam miah lo,engtin nge inthen tawh si hetiang em em a ala buaipui mai le?” ati a, zawhna awm tak ani,Moses-a vang ani tih min hrilh lo se chuan keipawh ka in ngaihtuah fe ang.

“A sawi dan chuan Moses-a vang in Inthen ang in an awm thei lo a ti a” ka ti a,

“Tu bulah maw a sawi?, nangmah maw?” mak tih hmel deuh hian a ti a, min rawn en ha bawk, ka en duhlo lui a, ka Motor khalh lai chuah ngaihtuah niawm tak in ka awm tlat bawk.

“Ni chiah lo, midang bul ah a sawi lai ka hria” ka ti a, engvang a han sawi kher nge maw ka nih hrep le?

“Um, ani ve thei tho,an inhmeh tehreng nen, an han inthen ngawt mai hi thil mak tak ani” a ti leh a,

“Nathan-a hi ka hrechiang hlawllo, eng chhungkua nge an nih pawh ka hre lo” ka ti liam puat a, kal na tur a kawh lam ah ka peng a, In awmna kan tlan pel a, Tlang sang vak lo pan in kan tlan chho zel a, Mimal ram ani tih hriat zet in Gate a lo awm a, a inhawng huau thung, ka tlan lut zel a, Sangpuii’n an chhungkaw chanchin a hriat dan tlangpui a sawi chu rilru pe lo zet in ka ngaithla a, ka tlan zel a, hmun zawl deuh ah kan chhuak a, Gate dang a lo awm leh a, a In khar a, ui lian zet hi a bawk vung bawk.

“Yes, Kan in kan thleng e” Moses-a te chuan a ti hliai a, ka nuih a ti za reuh kher bawk.

“Hetiang hmun ah daih an lo awm ani maw?” ka ti sap a. Moses-a chhuk tum chu a tal a.

“Chhuk tir phawt teh, ee, nangpawh chhuk la,Gate saw hawn angai tho., ui hi ka ngaina lo teh ania” ka ti a, an pahnih in an chhuk a, UI lian zet chu a rum chhur chhur a.Kan hma a In dinf luah mai chu a rawn inhawng a, Nu lian vak lo hi a rawn chhuak a, Moses-a a hmuh rual in a rawn te chul bawk, Gate a rawn hawng a, ui pawh chu a kalsawn tir bawk, ka tlan lut a,an in vel nawmzia sawifah tur chuan an hmuh ve phawt angai ang.
“MALSAWMZUAL, he lai ah hian kan va besei lo che em!!, Moses-a nen ngat phei chuan” chang fel fawl a min tih ri ka hriat rual in ka inher vat a, Nathan-a hnuai a ka hna ka zawm ni hmasa ber a ka hmuh tawh hmeichhia nen khan kan in hmachhawn ta ran mai...

Chapter – 12

Reilo te chhung chu tumah kan tawng lo, a reh thap mai,

“Ehe, Miss,i dam em?” min lawm lohna tawngkam chang fak mai haider in ka ti a,a ner nawk mai.

“ka tha,mahse, tunah chuan ka hre lo..” a ti nghat a,a va han ngeiawm tak, engvang a min haw viau nge anih ka hre lo, an hnen a ka thawh lai khan mize tha lo tak ka neih ka hre lo a, an tan zahna tur ka siamsak heklo, an hnuai a thawk thin kha ka dinhmun a lo kang ta dawrh si a, chu chuan a ti lawm lo animahna, tuman kan hnuai a mi te hi an dinhmun a lo that hian kan lawmpui tak tak ngai lo tih ka hai bik lo.

“Aunty...lo kal rawh” ka kut ah Moses-an min rawn chelh a, in lam pan in min pawt kal a, ka hawilet leh a, Miss Colleen-i lah chuan mit khap eih lo in min lo la en a, a unaupa ang bawk in a mit a lian a, a melh a na tawk hle bawk.

“Mal, kal zawk ang” In chhung kan luh hma in Sangpuii’n a rawn ti a,ka ding chawt a, a sawi dik, he In ah hian engvang in nge ka awm ngawt ang?, Moses-a dah tur chauh in ka kal a, eng nge an hriat pawh ka hre lo, lawm ka hlawh lo nghal der tih hai rual ani lo.

“La kal mai lo ang,lo lut rih ru” Kawngka bul atangin Nu upa lam tawh hian a rawn ti a, Nathan-a nu a ni tih hai theih ani lo, Nathan-a nen chuan in ang a sawi tur anni lo, mahse, a Farnu nen in ang tak anni, Nathan-a hi chuan a Pa a chhun zawk ani ngei ang.


Sangpuii ka en a, chhan mai dan tur ka hre lo,”Nu, Mama khan Damdawiin kal turin a tih che kha” a rawn ti leh a,ka thaw deuh huai mai,

“Oh, nidawn tak, kan kal angai tak e, a pawilo, nidangah lo kal leh ula” a ti a, nu tha tak ani ngei ang, a fa te 2 ka hria a, an nel awm loh dan em em ah hian a Nu lamah an kal lo tih a chiang reng mai.

“Um, Moses, kan kal phawt angai a, nakinah kan inhmu leh dawn nia a” ka ti a, min melh kiau a, a lungawi vak lo ni ve awm tak hian a nur deuh nang bawk.

“Thiannu, kal ang” ka ti a, Moses-an ka kut a chelhna ka phelhsak a, a Ni in a rawn kai a, Inchhunglam a pan pui nghal daih bawk,an Inchhung ah luh an phal lo anih chuan keipawh ka lut chak bik reng reng lo, a tulna vang chuah a kal mai ka ni ve tho.

“Ngatinge Miss khan khatiang khan a biak che a?” mak tih hmel deuh in kan tlan chhuah veleh min zawt a, ka lu ka thing mai, kei pawn a chhan ka hre tlat lo.

“A huat hmel em em bawk si che a,mak ka ti, an bul a i thawh lai khan engmah tih dik loh i neih pawh ka hre si lo..aa, an pawi i sawi aniang” awlsam zet hian a ti leh a,chhan en ah pawh ka en lo.An tan thilpawi ka tih ka hre lo a, a u te fa tur ka paisak zawk a, thil ropui tak ka ti ah kei chuan ka ngai hmiah,thil ropui lemlo ah an lo ngai anih chuan kei chuan ka hre tawh lo, bakah an nupa leh Rinzuali bak chuan kha thil kha an hre lo a, a hretu te hian khawiahmah kan sawi chhuah ka ring hek lo.

Damdawiin lam kan pan nghal a, kal tul ka ti hauh lo a, mahse, Sangpuii’n a tul a ti miau a, kal mai loh chu tih tur a awmlo, a pawi hran lo, keimah a kal tur ka ni lo, chubakah a dinhmun chiang tak hriat pawh ka duh tho bawk,Nathan-a erawh ka hmu chak hauh lo, a thilsawi khan ka rilru a tibuai tih ka tih lan palh ka hlau a, a bulah mualpho nawn leh ka duh hek lo.

ICU bul ah an lo thu deuh thap a, tu te nge an chhungte ber ka hre lo,Nathan-a ka hmu mai bawk si lo, ka hawi kual a, a piah lam sir ah chuan Nathan-a leh Hmeichhe pakhat ding dun ka va hmu a, ka beisei loh zet in an nui dun hawk hawk bawk, engtin nge hetiang a a nupui a awm laiin a nuih mai mai theih ka hre hauh lo,tenawm hian...zep rual loh in a Hmeichhe dinpui lah tu nge anih ka hriat hma hauh in ka thik em em bawk tih ka hria,zahthlak hian a...

Thutna awl awm ah kan thu dun a,Sangpuii hmelhriat Nurse a lo duty hlauh a, chanchin a zawt a, a zia awm deuh tawh thu leh a tuk lamah chuan a harh mai a rin thu a sawi mawlh mawlh a, ka lo thawveng huai mai,Nathan-a te lam en loh hram hram ka tum a, ka ti hleithei lo, a awm ve tih hre lo ang hmak a khawsak ka duh a, mahse, ka hlawhchham ti tih, ka en ru leh zauh thin a, Railling bawh in an ding dun a, an in si deuh chial bawk...

“Kan kal dawn mi niang?” rei vak lo kan thut ngawi reng hnu ah ka ti a, Nathan-a Farnu, lei hriam zet leh tawng mei nei zet kha hmuh nawn leh ka chak miah lo.

“Nia, ka ril a tam rap mai” zawi te in a ti a, a nui var var bawk.

Mamuani te In ah khan Taxi in a rawn kal a, an in a Drop tum in kan tlan mek a, a tawng bawrh bawrh a, Eric-a nen an chungchang a sawi a, Atea ka hrechhuak a, engtin nge ka theihnghilh hmak theih zawk le??

“Nathan..Oh, Sir Nathan-a chhung te lam ka hmuh pawh ka hre lo e a” ka ti bah nak mai, Mamuani pa rilru hah hmel tak a vei sek kha ka hmu a, min be lem lo bawk a, ka be ta lo kha ania,

“Naaah, a Nau a awm reng kha,an Nupa in” a ti a,a Nau chu ka hre ve lo zawk anih hmel ta..

“Ka hre ve lo anih dawn chu, Miss Colleen bak kha ka hre lo hrim hrim zawk a” ka ti a,a thle bak a,

“An te ber mawle, nau hmeichha pahnih a nei alawm, Pasal a nei tawh a, Miss Colleen-i pawh khan a nei a, mahse, Fa an neih hma in a let leh a” a ti a,a mak hauh lo, a mize ngeiawm em em vang ngawt pawh khan tu in ah mah a lawi theih ka ring lo ve tawp.

“Anih chu mawle, Vawiin a mi kha a nu ani ngei ang” zawt lem lo in ka ti leh a, Miss Colleen-i khan ‘nu’ ati a, Nathan-a nu pawh ani ve ang chu.

“Nih kha, Apa lamah Sir Nathan-a leh Miss Colleen-i hi an kal tam zawk, Esther-i hi chu a mizia a dang lutuk, hmanah khan Staff zawng zawng leh an Family ho kan Picnic a, an mizia a hriat theih nghal ruak mai” a ti leh barh barh a, Rinzuali ka ngai vawng vawng mai, thil tam tak zawh tur ka nei a, Sangpuii hi ka thian tha em em ni ve tho mahse Rinzuali nen chuan tehkhin chi pawh an ni lo.

In ka thlen veleh eitur ka siam sawk sawk a, vawiin ah engmah mumal in ka la ei miah lo, ka buai ta nuaih khan thil ei lam reng reng min ngaihtuah tir lo a, Atea ka ngaihtuah chhuak a, call ila a that ka ring, kan inbiak khan lungawi vak lo in a off a, a chhan hre lo mah ila ka biak loh ngawt chuan a dik dawn lo.

“Hello...” zuai deuh ruih hian a rawn ti a, a chau hmel hle bawk.

“In thlen na a rei tawh em?” ka ti a, ka Soup in tur ka chawk dai pah a,

“Rei tawh, ka rawn biak che khan kan thleng tep ka tih kha, Mamuani chu i va tlawh em?” a rawn ti a, thinrim awm pawn a lang leh tawh lo.

“Um, Sangpuii nen kan va kal a, ICU ah a awm a, a la harh lo a, kan hawsan a, hei, ka thleng deuh chiah “ ka ti a, a ngawi deuh vang vang a, a tawng ka hre thei lo emaw ka ti hman a.

“A that hlauh chu, kan lut leh tawh dawn a,anih phawt” ati a, chhan pawh ka chhan leh hma in a off zui daih bawk, vawiin chu eng nge maw a hriat ni?, kan inbiak tawp lamah hian dik lo awm in ka hre tlat zel.

Ka thil ei na ka seng fel a, mut nan a la hma bak ah ka mut a chhuak lo hrim hrim, Nathan-a bawk ka mitthla ah a lo lang a, kha Hmeichhia, nalh leh hmeltha zet khan a kut zungtang sei sel sawl khan a banah a chelh a, inpawh hmel tak in an nui dun anih kha,ka mit ka chhing a, ka ngaihtuahna atangin he mihring hi ka dah bo angai ka ti a, ka thei mai chuang der si lo,engtin nge hetiang a ka awm tlat ka hre bik lo, khang kum chhung zawng khan theihnghilh lo mah ila hetiang em em hian keimah ah effect a la nei ang tih ka lo ring ngai lo,Mi pasal ani a, ka nu ang bawk in Mi Nupui ka ti na thei lo, tunah chuan a zalen tawh pawh ani ang, mahse, ka tan chuan Mi pasal a la ni tho, Mamuani pasal anih chhung leh Mamuani dam chhung chuan kei chuan Nupa ah ka ngai tur ani,midang in inthen ti mahse kei chuan hetiang zawng in an lak ah rilru ka pu tur ani lo.

Door Bell ri ah ka phu zawk a, ka thu mar nghal zawt bawk, ka lo chhingsek hman ani ngei ang, sana ka en a, dar 11 a lo kawk va tawh, ka thil ei zawh khan dar kua pawh a la ri lo a, ka ngaihtuahna kawm mai mai in ka lo muthlu zui ta ani tih a chiang reng.

Kawngkhar lam ka pan a, ka ham bai bai bawk, ka mut a chhuak lo emaw ka ti a, ka phili lutuk kha ka han hahdam khan ka taksa a lo chau ngang aniang, ka muthlu zui mai tlat,ka hawn rual in Mipa Ruangam lian zet a rawn lang nghal a, tu nge anih ka hria, ka melh chho ha a, thil dik lo a awm tih na ani mai angem?

“Oh, nang maw?” mahni inringtawk lo fe hian ka ti sap a, a bu nghut a,

“Ka nih hi, ka lo lut thei em?” pangngai tak in a ti a, a chauh hmel hle bawk,ni lo a chau hauh lo ang, kha hmeichhia nen khan an nui dun a,a nupui a damlo tih pawh a hre lo zawk hial anih kha.

“Ka lo lut thei em?, ka ke a kham tawh viau ania” ati leh a, hreptak hian...engvang in nge hetiang a mawl hmel tak a ka awm teivet ni??

“Oh, lo lut rawh, ka hmu thut che a, ka hamhaih deuh a” ka ti a, ka tawlhsaw ngha bawk a,ka thilsawi kha ka sawi zo vek tawh, ka hamhaih tih sawilan kher a tul loh tehlul nen hian a..

“A dik ang, hamhaih mai pawh ni lo in Ramhuai emaw thlahrang hmu i ang zawk” min kalpel a, a nui hawk bawk.

Kawngkhar ka khar a, ka zui lut a, tlang nel zet hian Sofa ah a thu thla hnawk a, a hawi kual a,

“A chhiat lem loh hi..” a ti sup a, a sawi tum tak hre lo mah ila ka huat tawk a tling tho mai.

“Ka tan chuan a tha lutuk mah mah zawk” ka ti nghat a, amah ep zawng in ka thu ve nghal a, hahdam hmel zet in a thu awn a, a mit a chhing daih bawk,

“Eng ti tur in nge i lo kal a?” ngawihreng ka thei lo, boruak uap zet hi a ti uap zual in ka hria.

“Hetah hian nangmah chiah in i cheng a, nangmah hmu tur che in ka lo kal, nge, Atea ka rawn hmu dawn zawk?” a rawn thu mar a,melh ringawt hian thih theih se chuan ka melh hlum nghal duh hial ang.

“Hetah hian i sawi ang in keimah chiah in ka awm,Atea nen kan khawsa dun lo hlauh” ka ner nawk a, a ni ang a lepchiah ka ni hauh lo.

“Ka hria, ka Cousin lak tlak loh zet hian a enkawl tha tawk che in ka ring e, a thiam zawng alawm” a nui leh a, hmuhsitna a lang chiang hle bawk.

“Midang chungchang khatiang in sawi suh” ka ti hlak thung, han sawi zui viau tur pawn kei aiin Atea hi a hrechiang zawk a, ka hriat duh loh ka hriat belh ka hlau ani ber.

“Ok, ka sawi lo ang, kalsan rawh ka tih che kha i ngaipawimawh lemlo tih pawh ka hria” ati leh nghut a,

“Ngaipawimawh nang, ka engmah i ni hleinem, ka chungchang a lo inrawlh tur i ni lo tih nang khan i hrechiang bawk a” ka ti leh a, eng vang a inhnial nghal ngawt nge maw kan nih le??

“Chuti chu tu nge ka nih i hriat that leh angai dawn tih na anih chu, ka phur zawng tak alawm” chimawm zet hian min melh a, ka ip chawih mai.

“Duhtawk mai teh a, eng nge min hmuh i duh na chhan?” ka ti a, thildang sawi a hun in ka hria, a sawi ang ngeiin keimah ah tu nge anih ka hre chiang miau alawm.

“Um, nia, Mamuani hian engvang a lam reng che nge anih ka hre hauh lo,a tawngvai a, kei emaw a chhungte ni lo in nang leh Moses-a bak tumah a ko hauh lo,i theih chuan rawn awmpui tam deuh la ka ti a, ka ngen che ani lo ania, Order ani zawk mah” a hnunglam a ngheng leh chawrh a, a thusawi tir lam ah khan ka lo nem leh nghal titih a, mahse, ‘order’ anihna lai tak khan min ti lungawi leh ta tlat lo.

“A mak hle mai, mahse, min ngen tur i nih laiin engvang a Order han ti talh nge i nih ka hre lo”ka lungawi loh na hi pai mai harsa ka ti fo thin a, tunah pawh sawi loh ai chuan zawh tlang mai ka duh zawk.

“A ho em mai, ngenna ang ah ngai mai rawh” inchunglam melh in awlsam zet in a ti sup a, ka va han vawm pawp chak ber.

“Nia, min ngen ah ka lo ngai ang, chuan, kal tawh rawh, a tlai tawh” ka tho a, kawngkhar ka pan a, tun ang hun thleng a inleng ka nei anih chuan ka thenawm ten min sawi nasa leh dawn em mai, an tan chuan ka chanchin tluk a sawi nuam a awm lo tih ka hrechiang.

“Tiang hian Atea i ti ve ngai em?, i awmdan a mawi fahran lo hle mai” tho chuang lo in a ti leh nghut a, Atea hrep pawh chu a, ka lo theihnghilh leh hman thelh,muangchang in a rawn tho chhuak a, kawngkhar ka hawng a, a chhuah nan ka tawlh kiang a,

“Chau viau lo ila chuan ka awm mai mai lo tawp ang, ka lo kal leh hunah khatiang a mal nalh thlerh thlawrh kha ka hmuh leh chuan ka tihna anih chu..”

“Chhuak rawh” kawngka ka kawk a, ngeiawm zet in a nui ri hawk a, a kal chhuak zui a, kawngkhar ka khar bur a, a duh duh in he mihring hian min ti zak mai dawn anih hi a.
Inleng ka nei zen zen lo a, lo leng tur ber Atea lah a awm si lo a, Kamiz lianpui ka ha a, a hnuai ah kekawrbul tawi zet ka ha bawk a, ka kamiz hak nen a tlang a inrual deuh thaw a, a lo kal khan ka hamhaih bawk nen, inkhuna chang ka lo hre lo a, ka dik bik lo,inleng te lo dawnsawn nan a mawi lo em bawk ani.

Ka beisei aiin ka mu tha, ka mut dawn ah Atea ka mangtha a, Moses-a ka mitthla a hmu reng chung in ka muhil aniber,’Aunty’ min ti anih kha, ‘Nu’ kha zawk kha ka chan tur ni se ka a thei hial ang, a mitmeng pawisawi lo zet a min melh kiau mai pawh kha ka tuar zo lo thelh chu ani e.

Ka alarm ri in min ti harh a, dar 5 a ri tih ka hria, ka tho a, ka intifai sawk sawk a, Damdawiin lampan in ka kal a tul,Walk pah in ka kal mai ang, ka tum lawk dan ani tho bawk a, reitak ka kal chuang lo ang, Nathan-a lo awm lo hram se ka ti kher bawk,Colleen- i pawh lo awm lo se ka ti tho, ka phone ka en a, Atea hnen atang in eng msg mah ka la dawng ta chuang lo, mahse, ka thinrim lo, Motor a khalh char char a, an thlen hnu ah pawh hahdam hman lo in an tlaivar leh ang a, min biakna hun a nei lo tawp ang.

Muangchang in ka tlan zel a, ka beng ah ka zai ngaihthlak a ri riai riai bawk, hetia tlan pah ah zai nghaihthlak hi nuam ka ti thin a, ka playlist erawh kum 3 chhung chu a ngai hlir ani tawp mai.ka hun tawn hian hla thar min la pe lo zawk pawh animahna..Damdawiin ka thlen chuan ka thlan a tla fe tawh,ka sam ka chhip ah ka bawk khawm a,ka kawr hak pawh thlan vangin a hnawng deuh chuap bawk.

ICU lam ka pan a,Atea ka rilru ah a lo lang zawk a, a tel lo in Mamuani hmu ngai lo turin min ti a, nimin khan a thu ka hmuh hma in ka kal a, kal tur a min tih khan ka thleng daih tawh tih hria se engtin nge min tih ang ka hre lo, tunah pawh engmah hrilh lo in ka kal leh a, a hriat chhuah chuan a pawi viau maithei, a Mood a tha lo hmel em em bawk si, a pawilo, midang, keimah min thlahlel em em tu an awm tih hrereng chung in engtin nge ka ngaihpawimawh sen ang?, Nathan-a nen an inmil loh vang mai mai lehnghal,mi pahnih hi rem tak a inkawp tur chuan in ngaihpawimawh tawn a tul tih ka hria a, mahse,engkim ah a thurawn lak a, a phalna a thil tih zel erawh a tul in ka hre lo.

“Nang maw?’ ka hawilet vat a, LALPA leh!!!, awm lo se ka tih ngawih ngawih Colleen-i nen kan in en ran mai.

“Aw, ka walk pah in ka lo kal kual lawk a, nizan lam chanchin thar a awm em?” min lawm loh na ka haider lui a, kei aiin upa zawk mahse a thuhnuai a awm ka ni tawh lo a, hlauh na tur ka nei lo,diktak chuan ka runluih chak sauh zawk.

“Stable..” ngeiawm zet hian a ti hlak a,

An hnen a ka thawh lai khan ka hre tawh, an naupan lai atangin Mizoram ah awm lo in hmundangah an awm char char thin a, an unau a an awmkhawm phei chuan Mizotawng, Hindi, Engish an pawlh vek thin a,mizotawng an thiam lo ni lo in an thiam dan a nalh lo em em bawk,tawngdang nal tak a a hman theih ang tho in Mizotawng pawh an hmang thei tho, keini ang in an thiam dan a nalh lo mai zawk, ka ngaihsan phah hluah lo a, ka ngainep chuang hek lo, an seilenna vang in hetiang hian an khawsa tih lah ka hai hek lo,midang in an unau hi in tih eng nge maw tum tlat ang a an ngai hi chu kei chuan ka pawm lem lo thung.

“Anih chu mawle, nangmah chauh ami riak a?” ka ti leh a, min lawm loh na mitmeng pawh ka hmu lo ani lo, ka haider zawk.

“Aih” tih bak in min chhang lo,a awmdan ah a aia thui a min chhan ka beisei lo hrim hrim,engvang a min haw em em nge ni ang ka hrethiam thak lo.

“Pawnlamah ka zuk chhuak harh lawk” min bia pawh ni lo in a ti a, ka chhan na pawh nghak lo in a kal zui nghal a, an hnen a ka thawh tan ni a ka hmuh kha chuan ,Hmeichhe zahawm leh nalh, inchei fel thlarh kha ani a, tunah pawh a la nalh reng, a hmel pawh a tha, mahse, a mah ah danglam a awm tawh, a nelawm lo em em a, a vawt raih ani ber, Vur tlang a siam nimai awm tak ani,ka hmuh tirh khan kum 30 vel anih ka ring a,alo ni lo, Nathan-a zawk kha kum 30 ani a, Colleen-i hi chu khatih lai khan 27 emaw 28 anih ka ring,tunah phei chuan a lang upa lehzual tawh, Nathan-a u nizawk awm tak ani.

Darkar chanve vel ka thu tawh a, Nathan-a reng reng ka la hmu chuang lo, a chhung ah a thut theih loh tih ka hria a, mahse, Damlo na zual ICU a an dah te chu an chhungte awmna tur in Room Pakhat zau zet mai a awm a, tah chuan an awmkhawm mai thin tih ka hria a, tah pawh chuan a awm ve animaithei, ICU bul ah ka thu a, han chhoh ve tul ka ti lemlo, ka kal tih an hriat kher pawh ka duh chuang lo.

Sana ka en a, ka haw a hun thawkhat viau,inhnuai lam ka pan thla a, muangchang in ka kal a, Moses-a ka mitthla ah a lang a, a tho tawh angem?, a nu hian a kalsan dawn tih a hria angem?

“Aw,, fimkhur ta che” phawk zet in ka hma a ka sut pa chu ka en a, mi a ang mai a in ngaihtuah ngut ngut ka ching hi sim a va han hun tak.

“Ka tihpalh lutuk..” inthiam lo zet hian ka ti a,a nui a, Pa upa lam tawh ani a, a hmel a nelawm viau bawk.

“Mal-i, i lo kal animaw?” Chu pa hnung atang chuan Nathan-a a rawn pen chhuak a, nizan ah a mu miah lo tih a hmel ah a lang reng bawk.

“Aw, ka lo kal lawk, chhun lam ah ka hman loh tak in ka ti a” ka ti tha ve mai bawk.

“Eeee, Mal-i, lo ding leh lawk,hei hi chibai la..” tih pah in ka sut chawrh pa kha a en a, engthil chu nimaw?!

“Maw ?” Mamuani chhungte lam an ni tihna zawk nge ka hre thiam lo e a.

Ka kut ka pe a, chupa pawh chuan a ngaihna hre vak lo hmel hian min chibai ve mai bawk .

“Atea Pa, Ka nu Unaupa nibawk anih hi, engtik ah emaw chuan Atea’n a la hmelhriattir tho dawn nang che in” a then suk a, kei erawh mawl hmel zet in ka hawi a, ka landan nalh loh tur zia ka ngaihtuah nghal bawk.

Chapter – 13

Ka sam ka tuai a, ka thlan vang in a hnawng deuh chuap bawk si, vawikhat inhmuhna ah hian kan nih dan tur hi kan inrinsak tlangpui thin tih ka hai bawk si lo.

“Eheu, a va ropui dawn ve” nui vur vur chung hian a ti hluai lehnghal a,ka nui ve ringawt,sawi tur hlawl ka hre lo.

“Kan Family ah kan lo lawm a che ka ti zawk mai ang” a ti leh a, a nui leh huah huah a, Atea nen chuan lei leh van hi an ni ringawt, Mahse, a Pa ani tih ka hriat tak vang nge mawni an hmui leh hnar vel a in ang viau in ka hre leh hnuhnawh a,

“Ka hmu che chu ka lawm hle mai,ka kalsan phawt ang che u” ka ti a, tha tak leh Puitling tak a han biak pawh ka duh tehlul nen sawi tur ka hre lo.

Inchunglam pan in an chho a, kei ka chhuk thung, ka hnungzang a za mar mar mai,ka zam thlawt, tu emaw ber tal chu ka hmuh rin nachang hre awm tak ka nih vei nen, Chhungkhat an ni tih lah ka hre lo ani si lo,thil tha zawk ka hriat chhuah hi chuan a lo tlai zo vek tawh ziah lehnghal a.

Ka inbual fai sawk sawk a, Hna thlen vat ka ngai dawn a, ka In atangin a hla lemlo nang in ka hmnhmawh loh chuan ka tihtur pending ho kha vawiin ah ka thawk zo hman kher lo ang, In lamah ka buai deuh tum chuan ka hawn mai thin a, mahse, nizan kha chuan In lam a hawn lam reng reng a lang lo, aaa, ka thei lo ti ila a dik zawk, Office atangin Hmanhmawh pheleng a chhuak ka ni a,hna lam reng reng in ka rilru a luah zui lo zawk anih kha,vawiin ah ngei zawh hman ka duhna pawh Mamuani awm dan chiang lo thut thut ah min rawn koh leh inring ran in ka awm angai tlat.

“Hello..” ka thil ei lai ka chawl a,

“Engthu nge ka hriat hi?” Atea, a rawn au ani ber.

“Engmaw?, ka va hrethiam lo..” ka ti hman tawk..

“Zingah Ka pa nen in in hmu ani lawmni?, keimah ngeiin ka chhungte ka hmuh tur hun che i nghak thei hlawl na nge?” ka hrethiam nghal kuar mai, a Pa in a lo han hrilh tih a chiang,a thinrim na chhan ber tur chu a thu hmu hauh lo a Mamuani tlawh tur a ka kal vang anih rual in Nathan-a vang ani tih ka hrethiam nghal vek bawk.

“Sorry, chutiang zawng in ngai lo la, ka walk a, ka peng kawi mai mai a, ka tum loh deuh in ka hmu thut a” ka ti a, inhauh buai ka chak lo takzet, bakah kan buaina hi buaina tling ah kei chuan ka ngai chiah lo, an ni Pahnih inmil loh vang a kei in ka lo tuar chiam na tur ka hrethiam hauh lo bawk.

“Engmaw?, kei ni ila engtin nge i tih ang?, chupawh Nathan-a ka duh lo tih ka hrilh vek tawh chung che in maw?” a off zui nghal daih bawk, ka phone ka melh nghek ringawt.

Mipa thinrim hi engtia thlem tur nge ka hre lo a, ka thiam zawng ani hek lo.Bakah eng nge ka dik lohna em em?, natna chungchang ah ka kal a, Nathan-a hmu tur a kal ka ni hek lo,kan inhriat tirh khan Mipa duhthusam emaw ka lo ti hman a,mahse, a lo ni bik hauh lo,Nathan-a ang bawk in Mipa tihmawh leh induhtawk zet ve tho, Mipa zawng zawng mizia a ni zawk pawh animahna.

Dawr ka thlen veleh engmah thil dang khawih lo in Cash Memo leh bungraw rawn thleng ho Invoice awm zawng zawng ka ti fel nghal char char a, a lo tam hman deuh bawk nen ka ti fuh hleithei lo.ka thin a rim deuh hlur bawk,

“Ka lo lut tlang ania” Eric-a ka hmuh rual in ka thaw deuh huai mai, tunah chuan eng inleng mah ka duh rih lo, mahse, tihlan a tul kher lo, a lo kal chhan awm ka ngaihtuah a, thildang vak a awm lo, Atea lungawilohna a rawn thlen dawn ani mahna.

“Lo lut tlang pawp tur i nia lawm” ka nui a, ka hma chiah a, Chair ah chuan a thu a, a dan pangngai in a nui deuh sang bawk.

“I buai hmel bawk sia, ka rawn tlawh zuai che” ati leh a, ka Laptop ka nawrsawn a, buai mah ila ka kawm tho che angai alawm ka ti rilru a,

“A ho lutuk, ka zo tep tawh hrim hrim a’ tih pah in Sana ka en a, thil ei hun a pel fe tawh, ka hna ngawt ka ngaihtuah avangin ka riltam leh tam loh pawh ka lo ngaihtuah leh pek tawh lo,ka tihdan fo anih avangin thilmak ani chuang lo.

“A tha nih chu, Sangpuii’n i dawr bul a mi te thilsiam thiam zia a sawi sek a..” a phone en chung in a ti a, a sawi dik, Restaurant thar a awm a, an thilsiam a tui bakah an mahni biak an nuam takzet, ka bu nghauh a,

“A sawi dik, ngatinge i lo hruai loh a?,ee, eitur ka’n chah ang, eng nge i duh ang?” ka ti a, a duh a sawi a,Ka Phone a, eitur kan duh ka chah a,Eric-a hi chu Atea nen kan nih hma fe in Sangpuii vang in ka hre tawh a, Polite tak a inkawm kher kan mamawh tawh lo.

“Engtik nge In pa te an lo haw dawn?” pangngai tak in a ti leh a, a thutna hnung lam a ngheng dar dar bawk,tawngsual ka hlau, Atea kha a lungawilo tih hrereng chung in ka call leh ta hauh lo a, a rawn tir em pawh ka hre si lo.

“Ka lo zawt miah lo, a buai angreng a, inbiakna hun kan nei vak lo a,” ka ti a, a then sak a, a awih hmel fahran lo viau lehnghal..

“Vawiin ah anih loh chuan naktukah a ti a, a reng reng ah in inhau ami a?” ati ta nge nge,ka lu ka thing a,

“Aih, hau nang, ngatinge?” hre lo der chung in ka zawt let a, kan buaina ho te ah a thianpa hi a lo va tibuai anih chuan Mipa ah ka ngai zui hauh lo ang.

“Eng ni lo e,zingah khan min rawn bia a, a Mood a tha lo lutuk a” a ti awlsam leh mai,ani mahna, Mipa chuan a buaina ah a tul tawpkhawk ah lo chuan a thiante a pun tur ah kei chuan ka ngai lo,mahni harsatna pawh chingfel thei lo chu Mipa tak tak ni lo in Mipa tisa ang pu, Hmeichhe rilru nei ah ka ngai ru tlat.

“Um, a zin chau aniang, Motor a khalh nasa bawk nen, nizan ah an tlaivar leh bawk si” ka ti a, a ner sak a,

“Nia, a ni thei khawp ang, eee, Mamuani i va tlawh em?” ati leh a,

“Nimin khan Sangpuii nen kan va kal a, zingah Walk pah in ka kal bawk a, mahse, a la pangngai reng mai an lo ti a, amah kan hmu thei chuang lo bawk nen” ka ti a,dawtsawi kher a tul ka ti lo, thil dik lo ti lah ka ni hek lo.

“Ka la kal miah lo, Tlai ah haw pah in kal ve tur ani,Nathan-a a awm ve em?” a ti a

“Awm e, mahse, biak pawh ka be lem lo, in lo inhre kual ang them a, ka hrethiam hlawm lo che u” ka ti a, ka hrethiam lo tak tak..

“Nia, Atea nu te lam hi kan chhung te zawk ania, mahse, chhungkaw thil tih khawm hian kan inhmu leh nawlh thin a, ka’n naupan deuh lai atangin kan inhria tihna anih chu ,chuan kan in hre tha zui ta zel anih hi” a ti awlsam leh mai.

“Um, anih chu mawle,zingah khan Atea Pa nen kan inhmu a, kan inchibai ngial a” ka nui a, a mengphar deuh awk a, mak a ti tih a lang reng bawk.

“Ekhai, i va han che rang ve mawle” a nui leh a, min melh reng bawk, Atea chuan engmah a hrilh lo tih a chiang in ka hria, hrilh se chuan mak ti hmel a pu hauh lo ang.

“Chulam pawh ani lo, ka haw dawn in Nathan-a nen an lo kal dun ve chiah a, Nathan-a Polite a chhuak aniang, min in chibai tir a, ka zah zia chu a” ka ti a, ka ngaihtuah let pawh hian ka la zak.

“Keipawh ni ila ka ti ve tho ang, mahse, Nathan-a nen hian in inpawh hmel riau a hriatna ka nei,a mak hle mai” min en lo in a phone a en a, lawm tak ka ni,min en se chuan ka hmel ah pawh ka ngaihtuahna a chhiar thei hial ang chu,

“Hre tha fahran nang, Sangpuii’n a hrilh lo che ami?, an hnen ah ka thawk thin alawm” ka ti a, awih hram teh ka rilru in ka ti mawlh mawlh bawk.

“Um, nia, a sawi tak, mahse, tun thleng pawh hian Sangpuii chuan Sir Nathan tiin a la sawi a, i thawk reilo zawk in ka hre bawk sia, a hming pangngai in i sawi mai bawk sia, mak ka ti mawle” a ti leh a, a sawi dik...

“Naah, a ho em mai, an hnuaiah ka thawh tawh loh ber chuan Sir tih kher angai pawh ka ti lo e a” ka ti a, ngaihtuah chhuak tha ka in ti hliah hliah..

“Hah, ani tho mai, eitur pawh chu a...” ati a, an siam chawp thin avangin nghah rei a ngai thin a, mahse nghah man a awm thin,a tui em em zel tlat.

Hna lam a sawi mawlh mawlh a, a khat tawk in ka zawm ve a, Sangpuii hian he mihring a tawng hi a vanneih zia a hria angem tih ka ngaihtuah mai mai a, a hre lo anih chuan a a let der ani hial ang, mahse, kei hian dem ngawt tur ka ni miah lo,Hmeichhia hi kan nihdan tlangpui ah chuan kan tan a tha kan hre lo deuh zel mai, kan duhzawng ah kan nghet tlat a, kan duh zawng te avang a kan tah leh na lah a tam,Ka nu pawh khan ka Pa aia Mipa tha a phu ang,hmuh pawh a hmu ang, a hunlai in Nula hmeltha a sawi a ni tlat, mahse, Ka pa, Mi Pasal lehnghal a duh tlat a, an hlimna lah khan kum 10 pawh a daih si lo, a inchhir meuh kha chuan a tlai em em tawh a, siamthat leh ngaihna awm lo khawp in a tlai a, a tawp ah phei chuan a thih phah ta hial anih kha..

Ei tur an rawn dah a, ka ril a lo tam ngang aniang, tui ti zet in ka ei nghal a, ka ei zo rang kher bawk,

“A tui hle tak mai, engtik ah emaw rawn ei leh chi anih hi,nang phei chu nikhat tawp engmah ei lo ang mai alawm i nih le” min fiam pah in a ti a, a sawi dik chiang ang, ka riltam dan kha mak tak ani..

Eric-a ka thlah fel meuh chuan a tlai dawrh tawh, In leng ka mamawh loh lai a lo kal ani bawk nen, a haw tak ah chuan ka thaw huai mai, ka hna ka thawh zawm lehnghal a, ka thawh zawh meuh chuan khua a tlai lam ruih a, Dawr khar a hun titih tawh bawk,Damdawiin lam ka kal ta miah lo a, tuman chanchin min rawn hrilh hek lo,Tuman ka ti ngawt na a Nathan-a lo chu tumah ka number nei an awm lo tawp ang,engmah min rawn hrilh loh chuan a pangngai anih ka ring a,Atea hnen atangin Call emaw Msg pawh engmah ka dawng hek lo.Ka rilru a nuam chiah lo, biak ka duh a, mahse, a thinrim avang khan biak dan tur ka bo tlat lawi.

Mamuani Damdawiin atang in a chhuak a, a tha lem lo, in lamah in enkawl tur a an chhuah tir ani mah zawk, Atea a lo haw tawh bawk a, ka rin aiin a awm rei ta zek, a lungawilo hle emaw ka tih kha ni 1 hnu ah tha tak in min rawn call a, tawngsual ka hlau a, Nathan-a chungchang emaw Mamuani pawh engmah kan sawi lang lo,a rawn haw zan in a rawn kal nghal a, a zin na lamah mut a hmu tha lo tih a lang reng mai,mak tak in engmah inhauhna tur awm in a khawsa zui lo, ka lo kal ve ngawt vang khan nasa tak in kan inhau ang chu ka lo ti a, mahse, engmah a thleng ta lo,nghet zet in min kuah a,

“Chan che ka duh lo, ka ta i nih dawn loh chuan tu ta mah i ni hauh lo ang” ati anih kha...

Rinzuali te in lam ka pan mek a, Ka putea te nupa in dawr ah min rawn kal chilh avangin ka tum aiin ka chhuak tlai ta hret bawk, an In ka chhuahsan hnu ah ka hmuh leh hmasak ber na ani a,an lang tar dun viau kha mak ka ti angreng, kum 5 chu a ni zan tawh a, kum 6 a tling lek lek zawk,Rinzuali hnen atang a ka hriat dan in an fa te an fel lo a, ka rualpui, College khat a ka kalpui thin kha pasal a nei a, a pasal neih a fuh vak lo anih hmel, a kir leh a, Fa a nei tih pawh hre lo lek in a tal ho viau ati bawk a, an milai lah kha a duh duh phurh chhuah theih niin a sawi bawk, kei chuan ka khawngaih hauh lo, an chanchin ka hriat khan chunglam kut an chung ah a thleng ni in ka ngai ve hmak mai.

“I dam em?” Putea inthlahrung hmel ka hmuh hmaih hauh lo, mahse, khawngaihna chhe te mah ka nei lo.

“Dam, eng nge in duh?” Customer pangngai hmuh bak in ka hmu lo..

“I nau in thla thar hian Pasal a nei dawn a, Family group ah khan i lo hmuh ka ring” a ti leh a, Pitei hmel ah erawh ka lak a thilsual ti a, pawiti hmel a pu eih lo,ka rap zawk.

“Tu ka nau maw?” ka ti hlak a, Unau ka nei lo tih zawm ka chak et et bawk, ka ti ta em lo..

“Kan Fanu naupang zawk kha” a ti leh a, nuam lo tih hmel zet in a che sek bawk.

“Anih chu, chu chu ka tan eng nge a pawimawhna?” ka ti leh a, ka tawngkam erawh a nem hle thung, min mamawhna tih beidawn ai chuan ka hma a mamawh nei a an lo kal hi Phuba lakna ani daih tawh zawk.

“Aaaa, chutiang a tawng tur a ni lo, mamawh a ngah a, amah lah in a hmu hreh bawk che nen, kan rawn leng anih hi..” Pitei zawk in a lo ti khalh a, a inthlahrung reng reng lo.

“Inneih senso tur nge a ma mamawh leina tur zawk?” ka ti leh a, Thingpui emaw Coffee pawh an phu ka ti lo a, sawi pawh ka sawi peih lo.

“I theih chuan i duh zawk zawk i pe thei reng a, tun hi chhungkaw tanrual hun ania lawm” zah na tlak chham vang hian thih theih se chuan ani aia thi hmasa tur ka hre lo..mangang em em a ka ngen lai khan tun ang hian chhungkaw hlutna lo hmu chiang hman se chuan hetiang hian kan awm lo tur.

“Adik alawm, mahse, chutiang chu ka theih ka ring lo, bul ka tan na a la rei lo a, engmah pawh ka la inkhawl mumal lo” ka nui lui a, an fate zing ah kha chuan an milai khan engtin min ti lo awmchhun ani a, mahse, ka lam a tang chuang lo, ka tan hnawksak in a awm lo a, a unau dangte ang in tawngkam hriat nuam lo ka lak ah a hmang ngai lo,an Fa te thil pek ka pe dawn anih rau rau chuan ani lo kha chu pek tur ka hre lo.

“Nia, ka hrethiam alawm, bakah i lak ah that kan chhuah lo em mai a, hetiang a lo kal tur pawh kan ni lo a, mahse, thil hriatsual palh vang ani a..” ka ngaithla peih lo, khatiang thil pawi lutuk hriatsual anih hma pawh khan nitin thih chak reng reng in min siam thin anih kha,Beiseina tlem te ka la neih ve tek tek khan min chelh hlauh lo se chuan vawiin hian thlan ah ka ruhro te an awm tawh zawk ang.

“Hun kal tawh hi sawi chhuah fo ka duh lo ania” ka ti fak a, ka in control thei lo teuh hle bawk, tul ka tih hunah chuan ka hun kal tawh te kha ka la sawi chhuak em em ang, mahse, an vai a an inhmuh chhuah rawk na turin ka sawi ang.

“Aw, nia, ka inthlahrun vang anih kha, engtin nge i nau chu ka tih ang?, ka lo kal tir dawn em ni?” a ti leh a, Ka Putea hnuai lam en a thu kun lup mai chu tlem in ka khawngaih ve deuh in ka hria..

“Lo kal rawh se, mahse, min hrilh lawk se la, ka kal chhuak dawn a, in duh chuan in la awm thei ania” ka ti a, ka ding a, ka Bag ka la a,an rawn ding chhuak ve nghal a, mi pangngai rilru tlem chu an lo la pu ve anih hmel, lawm loh anni tih an hriatna hmun ah an lo kal a, an kal chhan ber in kalsan ka tum anih chuan an tan la awm reng kha thil mawi ni hek lo le.

Rinzuali te In ka thleng tep tih ah ka Phone a rawn ri a, ka en a, ka rin loh deuh in Nathan-a a lo ni a, Damdawiin a ka hmuh bak kha ka la hmu leh lo, Mamuani tlawh tur a ka kal pawn ka hmu ngai lo, thawven hawk awm tak, ka hmuh loh chuan kim lo in ka in hre ziah zawk.

“Hello..” ka ti zang vah mai, ka tawng ri zang vah mai hi ka Mood nen a inhmeh lo hial zawk,

“Khawnge i awm?” teh tawp a, a Ui khawi ka ni emawni?

“Motor ka khalh mek” min biak na ang vel a bul in ka ti let hmak a,

“Inhmu lawk ang” a va han mak bawk ve ka ti rilru a,

“Ka hman rih lo tlat mai, a pawimawh viau chuan ti hian sawi mai ta che” ka ti leh a, a ngawi deuh vang vang a..

“Mal-i, hmuh che ka ngai, zanah ka lo kal ang” a va han luhlul tak,chuti tak a pawimawh chu engthil nge ni ang?

“Ka haw dawn lo a,ti hian sawi mai la” ka ti leh talh, a thaw hawk ri ka hre zui zat bawk..

“Malsawmzual, min ti lui suh, khawiah nge i awm?” a thinrim tih a aw chang zet ah a hriat theih a,mahse, ka hlau lem lo, min khawih phak ah a awm miau lo.

“Sorry, ka tlan lawklawh lutuk, anih phawt” ka Off zui nghal daih, ka hmingpum a min ko a, a duh duh na hmun a min awm tir tur leh a duhzawng a piang ti tur in ka engmah ani nek lo e,a duh leh a thinrim viau chuan midang lakah lo inhrithla mai mai tehse.

Rinzuali nau neih a hnai tawh a, Naute thawmhnaw vel kan ti fel a, a hmel hlim sarh mai chu ka en thin a, ka chhungril a ka lawmpuina leh na ka tihna a inzat reng.kan inrual reng a, mahse, ani chuan Fa a nei tawh mai dawn ani a, kei ve chu chhungkaw din a hlauh in ka hlau a, ka nu leh pa ang mai khan inthen leh ka hlau a, chhungkaw hlim lo din ka hlau bawk.

“Thiannu, Moses-a chungchang hi khawiah mah i sawi chhuak lo tiraw?” ka ti a, mak tih hmel zet hian min en a, a thil ken lai a dah a,

“Sawi miah lo, i sawi a ka hre leh chiah ti ila ka sawi uar maithei” a ti a, ka ringhlel lo..

“Um ka ring che lawm” ka ti halh a,Miss Colleen-i vang a ka hlauh na kha a la reh fel meuh lo, min lawm loh dan em em ah khan thil dang awm thei in ka hre lo.

“Eee, Nathan-a hi a Nu fa bik ani tih i hria em?” ka phu deuh zawk mai, ka hre miah lo..ka lu ka thin a,

“A naute Pahnih hi chu tun a a Pasal nen a an fa saw ania, chuan, Nathan-a pa nen hian an innei lo an ti a, bakah Nathan-a pawh hian a pahrawn hi a Pa ah a pawm hmak a,mak tak in an in ang em em bawk” a ti leh a, ka la hmu hauh lo,Miss Colleen-i nen an mizia ah chuan thisen hran an nih ka ring hauh lo kha ania..dik tak chuan tunah pawh ka la ring chiah chuang lo.

“Amak hle mai” ka ti ringawt, a dang sawi tur ka hre lo,

“Um, mahse, sawi kher suh aw, an hriat chuan a sawitu chungah a Pa hi a lawmlo hle an ti thin a,eee, Mamuani kha In ah an hawpui tiraw?” a ti leh a,

“Um, an beidawn vang ni in ka hria, mahse, tha chhuak leh thut tur a beiseina ka nei reng mai, Moses-a hian a Nu hi a mamawh em em bawk si” ka ti a, ka mitthla ah Moses-a a lo lang a, a Nu ngheng a a thu kak mai kha ka ngaihtuah a, nu tel lo a nun hman rapthlak zia a hriat ve hun tur ka ngaihtuah pawn ka khur lo chauh ani ber,mahse, ani chuan Pa leh pi leh pu Hmangaihtu a la nei tal alawm le.

Dar 9 rik dawn ah In ka thleng a, kawngkhar ka hawng a, ka lut a, khar leh mai ka tum chu pheikhawk hian a rawn dal a, hamhaih lutuk a ka ding chu Pheikhawk bun tu hmel ka hmuh rual in ka hahdam nghal huai mai..

“Nathan...” ka ti sep a, a rawn hawn zau belh a, a rawn lut a, min kal pel a, engmah a sawi lo, ka hmuh khan ka hahdam huai kha ania, mahse, hahdam ngawt na chi a nih hmel lem loh..

Tukverh bul ah a ding a, pawnlam a thlir vung vung bawk, tim deuh dai hian ka thu a, inthlak tur Room a luh pawh ka tum rih lo,a khawsak dan a mak em a kalsawn ka hreh tlat,

“Hmuh che ka duh ka tia nilawmni?” zawi sup in a ti a, a rawn inher a, Tukverh a ngheng a, a kekawr ipte a zen tut bawk, a lian bawk nen, a lang hlauhawm ti ila ka sawifiah ber ang.

“Hei min hmu a, sawi la...” ka ti a, ka awm a nuam lo tih a hriat ka duh lo.

“Buaina kan nei ania, i hriat loh pawn ka chingfel thei, mahse, hria la a tha”ati leh hmuk a, engthil nge ka hriat ve ngai chu ni ta ang??

“Eng nge ka hriat a tul na?”

“Ka Farnu Colleen-i hian Moses-a hi tu fa nge tih a hria,heivang tak hian ania Atea kawp suh ka tih che” ka lungphu a rang nghal dawt dawt mai.

Chapter – 14

Ka awm ah ka kut ka dah a, ka hlauthawng tih ka hmelah pawh a lan chhuah ngei ka ring bawk, mahse, engvangin nge Atea nen kan inkawp theih loh phah ang?, an Cousin pawh nise eng nge pawi?,ka dinhmun in a zir loh vang in pawisa ka mamawh a, tih loh theih loh thil in min nawr zawk tih ka hrilh ang, engkim a tha leh mai ang.

“Engtin nge a hriat?” ka aw a ri chang chang ani ber, ka khuh kharh a,

“Chulam a pawimawh lo, ka thu hian awm tum la a tha zawk in ka ring” a ti leh hmuk a,

“Chutiang ngawt ka thei bik lo,aaa, ka hre lo,engpawh nise Moses-a hian hre lo se a tha ber ang” ka bia pawh ani chiah lo, ka sawi chhuak ve hrim hrim ani mah zawk,a bu nghut a,

“Mamuani hian vawitam hrilh che a tum tawh a, nanglah chuan Atea..hreptak hian...nangmah a lo kal lo in i rawn hruai tel a” thinrim insum tih hriat zet hian a ti a, engvangin nge Atea hi a huat em em ka hre thiam thei lo.

“Engatinge Atea hi i huat tlat le?” ka melh ran a, min rawn en a, ka hawisawn duh bik der lo,ka chhungril erawh a khur tih ka hai lo.

“Kei lo pawn ani pawh khan min hua alawm,then ang che” a rawn kal phei a,ka hma zawn a Sofa ah a thu hnawk a, a lu a dawm vang vang bawk.

“Nathan....i eng nge ka nih?” kan buaina chu Moses-a ani a, engvangin nge a thu hnuai a awm ang mai a min tih kual vel a tum hi ka hrethiam lo a, ka ngaihdan a pel takzet bawk.

“Chulam a pawimawh lo, Moses-a hringtu i ni a, Atea hi Moses-a Patea ani bawk a, Thisen ah i fa nilo mahse ka Nau in ka fa min hrinsaktu a neih hi ka remti in i ring em?” ka melh reng ringawt, ka hresual emaw ka ti hial, hetiang em em hian min lo hmusit tih ka hre lo.

“Chhuak rawh” ka aw a ring lo,min rawn en a,

“Engmaw?” ati hmuk a, ngaipawimawh lo tih hriat fe hian a thut ngaiin a thu a,

“Nathan, chhuak rawh, i kal duhlo anih chuan midang ka ko ang” tu nge koh tur ka hre der lo.

“Oh, ko la..” a mit a chhing zui nghal hmak bawk, ka haw lutuk tih bak engmah ka hre lo, ka tho a, ka pan hnai a, a bul ah ka ding a, ka thawm a hria anih pawh in a angaipawimawh lo ani ngei ang, a che eih lo.

“I kal dawn nge dawn lo?” a rawn meng chhuak a,

“Dawn lo, ka chau a, helaiah hian ka hahdam thei in ka ring” ta deuh deuh chuan, a hriatna a hloh ani zawk hial in ka ring ta.

Ka Phone ka phawrh a, Atea call ka tum a, lo kal se, Moses-a chungchang pawh hre law law se a tha, Nathan-a pawh a thehchhuak mai ang chu..nilo, an in len hleih viau lo nang in chuti mai chuan a thehchhuak thei dawn lo tih kei aia hrechiang an awm leh lawi si lo.

“Ti zawk hian..” amah ka bawh rawk rawk mai, a rawn chet chhuah lai ka hre hauh lo,min kuah bet a, ka hamhaih lutuk a, chet mai nachang ka hre lo.

“Engthil nge ?” tal chhuah tum in ka che phat bawk, a samah ka kek a, ngaipawimawh lo zet hian a in dang a, min tih let tum hmel a pu lo, a nuih a zat hmel mah mah zawk,

“Atawk e, kawlh reuh lutuk mai” a ti hluk a, mahse, ka la duhtawk lo nasa, a awmah ka nem a, ka kut lehlam in a sam a tham leh tum in ka ban leh a, a rum nghut a, ka kut a rawn man bet a, hneh zet in ka hnung lamah a pahnih in a la kual a, a hmer kawp tlat bawk,ngawiregin tal chhuah tum in ka la bei fan, mahse, ka tal nasat poh leh a mah ka hnaih ting animai.

“Malsawmzual, a tawk ka ti anilawmni?” zawi sup in a ti a, diktak chuan ka chau titih der bawk, a lungphu dat dat chuan min tibuai tih ka hai hek lo.

“Chhuak rawh “ adang engmah sawi mai tur ka hre tlat lo.

“Atea i then dawn tih min tiam phawt angai” a hma aiin ka thinrim zawk.

“Lo buai suh, nangmah chiah in ngaihtuah rawh” ka ti that bawk.

“Atea hi Colleen-i tan chuan Cousin nilo in reitak alo kawp tawh mipa, a Pasal nen pawh an inthen phahna ani a, i kalsan dawn nge dawn lo?” ka ngheng leh rawk mai,Moses-a chungchang Colleen-in a hria tih ka hriat khan ka mangang ania, tun ami phei chuan a den in min deng dawt ni in ka hre ber.

“Maw?!” ka nui hak bawk, ka awih lo ve tawp, eng ang pawn a Cousin hi hua se hetiang a tawng tur ani lo hulhual.

“Ka sawi i hrelo nge i awih loh vang in min zawt zawk?” chang zet hian a ti leh hluk a,

“Min thlah phawt mai teh” ka zawi vek, min thlah vat anih loh chuan ka tha neih zawng zawng hi a bo vek ang, amah ka rinchhan a ngai ngei bawk ang.

Min thlah a, min thlah rual in rang zet in ka tho nghal a, ka pai deuh nawk bawk, min rawn chelh thuai a,mahse, ka thingthla a, ka thutna ngai ka pan a, ka ke a khur nasa tih piahlam ani,
“Mal, i tha em?” inchunglam ka melh a,ka rilru buai nuaih nuaih tih fim tum in thawk ka la vang vang bawk,Nathan-a hian eng rilru nge ka lak ah a put ka hria,a fa hrinsaktu hmeichhia ka ni, abak engmah a awm lo, Atea leh Colleen-i lo inkawp thin thu kha ka tan chuan thil thar ani a, mak ka ti tih piahlam ani bawk,mahse, ka tan a pawina ka hre lo, nilo, pawi tak ani, tu in nge mi fa pai hlawhsaktu hmeichhia chu pawm thei ang?, aman min pawm ringawt mahse a chhungte...chutah a chhungte lah tu dangmah ni lo in Nathan-a leh Colleen te....ngaihtuah rih loh ka duh zawk.

“Ka tha alawm, I nau leh Atea lo inkawp thin kha ka tan chuan thil thar leh mak ani tih ka pha lo,mahse, tu pawh hian nunhlui kan nei vek a, ka buai phah hran lo e, Moses-a chungchang kha chu Colleen-in Atea a hrilh hma in keiman ka hrilh mai ang, inthehphahna tur khawp a lian tham ani lo, a lo ni ta anih pawh in nangman bansan tur a min tih vang ni lo in Atea leh keiman thutawp kan siam ang, a chiang em?”

A mit ah tak ka en a, tunah tak chuan hlauhna pakhatmah ka neilo, ka nun ah hian thil mak leh thelng thei pawh ni lo a kan ngaih hi a thleng ngun lutuk a, khang zawng zawng kha ka lo tuar chhuak tawh a, hlauhna te hian min ti hlau zo tawh lo hial in ka hria,engmah ka hlau lo ka tihna erawh ani hauh lo.

“Adik, tupawn nunhlui kan nei, mahse,an ni erawh nunhlui ni hek lo le” ati leh hmuk a, ka mit ka chhing a, Atea hmel ka mitthla ah alo lang a, heivang hi ani ngei ang Nathan-a hmuh a phal loh chhan kha.

“Chutiang engmah ka hrelo, ka hriat chu Atea hi ka Bialpa ani tih zawng animai” mahni inringtawk thei ang ber in ka ti a,ka confi loh zia hriattir kher tul ka ti lo,ka hriattir lo chung pawh hian min lo nuihzat ru em em lo ang tih pawh ka hre hleinem.

“Ok, ka ring ang che, mahse engpawh tawk la i lamah ka tang ania, Moses-a nu i ni miau a..” ka kut ka humruh a, Moses-a Nu maw ka lo nih?!!

“Ka hlau hleinem, nang emaw, Colleen pawh” ka nui lui hak a, a tho a,a ner nawk erawh ka hmu hman hram tho.

Kawngkhar lam a pan a, zui pawh zuilo in ka thlir ringawt, haw vat vat se ka ti ber, Kawngkhar kalhna a hawng a, hawilet hauh lo in a chhuak a,dimte in a rawn nem khar leh a, thawl hawk tur ka ni,mahse, ka thawl hawk lo satliah mai pawh ni lo in ka ipik zual sauh zawk.
Hetiang Mipa induhtawk lutuk leh sual em em mai, ama tan a tha tur anih chuan tupawh hmang tangkai thin kher hiengvangin nge kei hian ka lo tawn fuh ka hrethiam lo,vanduaina hian ngam bik a nei ani zawk ang, ka bul tan na fuh lo mahse tunah chuan tumah awt lo in ka awm tawh a, mahse, mahse, ..buaina bawk.

Khawvar dawn ah ka rilru ka siamfel thei ta hram, Atea ka then angai tih ka chiang em em tawp animai,Nathan-a lakah buaina dang ka tawk in ka ring lo, mahse, Colleen-i chet zui dan tur nghak a rilru nuam lo reng reng a hun hman ai chuan a mipa duh em em lo zui ai in kalsan hmak a fuh ang tih ka chiang,nilo, min la kawp zui,ka luaka chhuak thei hial mai,Colleen-i mitmeng vawt raih mai leh nelawmna tel hauh lo a min melhna kha ka ngaihtuah ngawt pawn ka tiril a fan a, ka khur chhe lo chauh ani ber.

Dawr ka thlen veleh bungraw thleng thar ho list min lo pe nghal a, ka office ah ka luhpui a, tunah chuan hnathawh lam ka ngaihtuah thei lo, Mamuani hmuh ka duh a, zingah khan Apa in min rawn bia a, a harh tha a,min hmu duh tih a rawn sawi anih kha, Atea emaw Nathan-a pawh ka hlau lo, min hmu duh anih chuan ka hmu mai ang.

“I chhuak leh nghal dawn mi?” Room kawngkhar ah a rawn dak a, ani hi a awm phawt chuan Dawr hi nghaihven chiam loh pawh a pawi lo, Rinkima a lo haw leh tawh a, Bungraw deliver ah pawh buaina kan tawk ta lo.

“Aw, kal leh nghal ka ngai a, ka lo let tawh kher lo maithei a, min mamawh chuan min lo call mai la” ka ti a, a bu nghat nghat a, min be kher lo pawn ama thu a a tih theih tamtak a awm a, a thu neihna chin chu kei aiin a hrechiang zawk.

“Um, vawiin kha i theihnghilh ka hlau a” ka en a, eng nge theihnghilh tur awm pawh ka hre lo.

“Eng ber kha?” ka ti a, vawiin ah tihtur hmachhawp ka neih ka hre si lo.

“Aaaa, eng nilo e,Dinner kha..” oh...ka va han laktlak loh tak, ka dawr din champha ani a, ka din tan atang khan a cham a lo thlen apiangin kan vaiin khawilai ah emaw chaw kan ei thin a, achangin Restaurant lar deuh ah kan kal a, a chang chuan ka In luah ah chaw kan ei tum a awm bawk,engtin nge ka theihnghilh theih zawk ni?

“Ekhai, engtin nge ka theihnghilh theih le?, khawi hmun nge i hauh lawk a?” ahma in min zawt tawh a, an duhna hmun lo thlang mai tur in ka ti anih kha, engmah ka hrereng thei lo hi thilmak ani,hetiang ka ni ngai si lo.

“Red Pepper,dar 8 ah ka lo ti mai asin” ati leh a, ka bu nghat a, ka la kal hauh lo, a nuam phian ang, Instagram ah an customer te photo an upload ka hmu fo a, a nawm hmel viau in ka hria.

“A tha lutuk, dawr ah kal tawh lo in ka rawn pan ding mai dawn nia” ka ti a, nui var var a, a ruk tak chuan phurna pakhatmah ka nei lo,tunah chuan Mamuani hmuh aia tul ka tan chuan a awm lo.

Darkar khat a liam leh meuh chuan Mamuani Room ah ka awm der tawh, Moses-a min si chet in a thu a, a sam kir chiat mai chu a chet zawng in a phe lauh lauh a, a inhmeh vel vek,ka beisei aiin Mamuani ka hmu tha a, alandan mai ah chuan a tha chhuak leh dawn a ang.

“Nu, Bawihtea hi inhnuaiah lo zuk hruai thla la” a ti sep a,Moses-a ka enthuai a, nur nang hian a nu a en a, ka luh veleh au chul chungin min lo lawm a, maktak in min ngaina tawh anih hmel, kan awmdun chhung kha a rei loh tehlul nen.

“Mummy, hetah ka awm duh zawk” min rawn ngheng hnai leh a,

“Ni lo e, Aunty nen puitling chauh hriat tur kan sawi dawn a, ilo let leh vat dawn nia’thlem pah in ati a, a khuh zui nghal bawrh bawrh bawk, ka tho a, ka pan hnai nghal a, tih mai dan tur ka hre chuang der lo,a nu in a buaipui a,khum sir ah tih ve tur hrelo in ngawirengin ka lo mi a din ve ringawt.

Kut tereuhte in ka kut a rawn vuan a, ka en vat a, Moses-a...a ngaihna hriat loh hmel lutuk a a nu melh ran chungin nghet zet in ka kut a rawn chelh alo ni a,a nu leh a pi chu ngun deuh hian a en kiau a, tap tur a ang reuh kher bawk, ka insum zo lo,ka thuhniam a,

“Inhnuaiah zuk infiam ang aw” min rawn en a, a thle bak a, a nu a en leh a,a nur vei nang bawk, min rawn en leh a,a bu ta nghat, a awmdan ah a Nu ngaihtuahna vangin a hlau ve niin a lang, ka khawngaih kher bawk, kei pawh khan hetiang chiah hian ka nu thi tur kha ka thlir liam a, mahse,ani ai hi chuan ka lian tawh a, engkim ka hrethiam vek tawh bawk.

Inhnuai ah ka chhuk pui a, kan chhuahsan lai pawh an hriat ka ring lo, a khuh nasat bakah amah kha thawchhuak theilo ang hian a awm in ka hria,engvangin nge in ah Nurse an neih loh tih ka ngaihtuah a, an mahni hi an harsa hauh lo tih alang reng a, chumai bakah Nathan-a pawn a nupui hlui anih angin Nurse pek chu a mawhphurhna ah ka la ngai tho, inthen tawh mahse Moses-a vangin Nupa ang in an la awm tho a,enkawlna tha thei ang ber dawng turin a phu ka ti tlat bawk.

“Aunty, Mummy kha a thi dawn aniang tiraw?” ka malchung ah a thu kak a, a thusawi awmzia pawh a hre meuh in ka ring lo.

“Aih, thi dawn nang, i nu te chu a chak alawm, a dam leh em em ang” ka ti a, ka kut a khawih niap niap a,

“Ani in a thi vat dawn ati a” ka nghing deuh lawih mai, Nathan-an farnu pahnih a nei a, mahse,hetiang thu rapthlak naupang hnen a hrilh duh tur khawp a sual chu Colleen-i zawk ani tih a chiang.

“A fiam mai mai che anih chu,a Pa i zawt em?” ka ti leh a, a che sat sat a, ka lam hawizawng in a thutdan a thlak a, ka Jacket kilh na a khawih a,

“Aw, mahse, Papa chuan hmun nuam deuh ang ala kal vat ang a ti “ ati awlsam leh mai, a ziawm ta deuh,

“Um, a sawi dik anih chu, mahse, chutah chuan kan vaiin kan la kal vek dawn a, i nu a kal hmasa ang a, min lo nghak dawn alawm” ka ti a, a nui var var a,

“Yes, a nuam ngawt ang, tah chuan Apa leh sawta Api pawh kha an awm ve ang tiraw?, chuan, nangpawh i lo kal ve ang a” ati leh a, ka mittui rawn hnam chu a hmuh hlau in ka hawisawn a,a rilru ti mangang zual turin ka lo tap ngawt thei lo.

“Nia, kan vaiin kan awm vek dawn alawm, tu nge midang awm ve ang?, i duh han sawi la..” ka aw ah ka hnuk a ulh tih alang a, hrethiam rual ala ni lo hlauh erawh ka vannei.

A tawng zui siam siam a,mahse, ka aw liam vel mai mai,a nu in a kalsan hunah amah in nun hi ala fight ve dawn chu ania,Apa in Nupui anei leh dawn khawp tih lah ka hming ka hriatchian tluk zet in ka hrechiang in ka hria,mahni chauh a nunhmang tur chi mipa ni hek lo le.

Tueawm in ka darah min rawn khawih a, ka harh zawk mai, ka hawi chhuak nghal a, Mamuani nu in nui var var chungin min lo en a, ka zak veng veng mai, mi in a len a han mutthluk ngawt mai chu a finthlak loh takzet, tihngaihna awm chuang hek lo le, nizan ah ka muhil lo tluk ani a, ka thut hahdam deuh khan ka mutchhuak a lo kal nghal mai nitur ani,Moses-a lah ka pawm tawh hek lo,Tv hmuhnawm tih hmel deuh in a thlir dauh dauh mai,a thawhsawn lai reng reng ka hre lo.

“Ekhai, a van zia lo, eng nge a an?” inthlahrung zet in ka ti a,

“A tha leh tawh e,engemaw chang hian ti khan a awm leh thut thin a, i Phone rik vang ania ka kaihthawh che, chuti nilo se chuan mu reng la tha tur, i chau hmel em mai” ani leh ni lo ang in a ti duah a, mahse, ka zahna a nep phah chuang lo.

Ka Phone ka en nghal a, Rinzuali a lo ni a, engtak nimaw?, ka call back nghal a, mahse, a pick lo, a tihdan ve reng anih avangin thilmak ani lo,min rawn call a ka pick loh chuan ka call back in a pick mai ngai bik lo.

“Thingpui in ta che aw” Mamuani nu bawk in a ti leh a, Thingpui a sawi rual in ka riltam zia ka hrechhuak raih raih mai, Zing atangin engmah mumal in ka la ei lo,Sana ka en a, dar 2 a lo hnai kuar tawh, ka muhil sek emaw ka ti a, ka lo muhil rei hman viau mai.

“Pawi miah lo,Mamuani chu a muhil ami?” ka ti a, a lu a thing a,

“Aih, a harh e, Nathan-a khan a rawn bia a, han chho la, Room ah ka rawn dahtir ang” a ti leh a, hnial buai lo in ka tho a. ,Mamuani Room ka pan a,Nathan-a hrep chu, ka hmuh angai ang, Colleen-i lakah Moses-a veng turin ka hrilh ngei angai ang, a duh duh a sawikhum chuan a rilru a hruai diklo vek ang tih ka hlau a, hlau reng reng in a nun a hmang palh thei bawk.

Ka lut min hmuh veleh a lo nuih a,Room ka chhuahsan lai kha chuan a dam zawh ka ring lo kha ania, tunah chuan an in ka thlen tirh ang mai khan a hmel a lo pangngai leh vek tawh,khum bul a chair ka pan a, kan titi dawn anih chuan a bul hnaiah thu ila a that ka ring, ring tak a kan tawng te hi lawmthu lo sawi tur kan ni tih te ka ngaihtuah phah rum rum mai, han dam that loh chuan aw pawh a lo chau tel ve zel bawk si.

“Khumah hian lo thu la..” Chair ah ka thu fel hman vek tawh a, ka lu ka thing a,

“Ni lo e, ti hian a tha zawk ang, muthilh mai ka ching a, inhnuaiah pawh ka lo muhil a” ka ti a, a then leh sak a, mahse, a mit meng ah a nuihzat loh zia chiang tak in alang thung.

“Um, a pawi lo,Nizanah Nathan-a a lo kal em?” tehdaih a, chhan mai dan tur ka hre lo, mahse, ka bu ta tho, dawt hrilh kher a tulna ka hre hran lo, ani hi chuan a hma pawh khan tlang tak in Nathan-an min duh tih a sawi tawh.

“Ka lawm e” za lo zet in ka nui lui a,

“Engvang chuan maw?” bo ru zet in ka ti a,

“Engkim hrilh tur in ka ringngam dawn che em tih ka lo ngaihtuah a, nizan ah Nathan-a a lo kal tih ka hria a,mahse ka rilru tih nawmnan i duh phawt chuan dawt i sawi thei a, mahse, diktak in min chhang a, chuvangin ka lawm alawm” ati leh sep a,ka nui leh ringawt, Nathan-a vang in vawitam a rilru a lo na tawh maithei, chutah a pasal hmeichhe duh zawng ka ni tih a la sawi tel cheu zui bawk anih kha, kei ni ila ka pasal min ruksak ang hial ah ka ngai ngei awm si a,

“Moses-a chungchang kha i lo hre tawh ang tiraw?, chuan, Colleen-i leh Atea pawh?” a khuh kharh a, ka tho nghal thuai a, mahse, a kut cher thiak chuan min vai a,a khuh zui ta lo hlauh, a Nu a lo lut a, thingpui leh eitur dang a rawn keng a, a chhuak leh nghal a, hunthawl kan mamawh tih a hria ani ngei ang.

“Ei phawt ila..” ka ti a, engmah mumal in a ei tawh lo a, Drip a ring deuh chawt tawh a, a khat tawk in Oxygen an pe bawk a,damdawiin atang khan a that vang nilo in In lamah enkawl mai tur in an beidawn chhuahtir ani reng a,hmasawn viau tur a beisei chi ani lo.

Thingpui tlem ka in tir a, a duh lo zui nghal mai bawk a,

“Colleen-i leh a nau hi Nathan-a nen nuhmun pahrang an ni a, mahse, ka pa hi a fel em mai a, tu vakmah tan hriat tur a awm lemlo, kan chen ho hnu khan an unau ah colleen-i mize hran zia ka man ta chauh, Nathan-a pawh hi a nelawm hauh lo a, a duhzawng engmah a beidawnsan ngai heklo, hetiangah chuan Colleen-i nen an in ang, an naupang ber hi chu tupawimah sawi lo,nun nem em em mai ani thung a, Nathan-a hi a rilru a tha a, mahse,Colleen-i erawh chu a rilru a chhe ngang mai,hetiang khawp a midang itsik hi ka hre ngai lo” a chawl a,

“Nakinah pawh min hrilh thei reng ania” ka ti a, mahse, a nui mai..

“Aih, hun ka ngah tawh lo tih ka hria, engkim hrilh che ka tum kher lo a, i hriat atan ka duh erawh ka hrilh ang che,Atea hi kalsan rawh, chuan, Colleen-i lak atangin i him animai” a ti veleh ta,hahthlak hian,ka thle bak a,

“Ka tum mek,nizan ah Nathan-an min hrilh tawh a, mahse, min hrilh vang pawh ni lo Moses-a vang zawk in ka kalsan a tul in ka hria” ka ti a,a mitmeng fim kar mai in min melh a, a nat tehlul nen a mitmeng a fiah in a fim lutuk a, thilmak tak ani.

“A chhan lam ka ngaihtuah lo, kalsan la ka duh ber, Moses-a hi ka kalsan dawn a, Nu tello in a seilian dawn tih pawh ka hria, theih se chuan a puitlin thleng a hnenah awm ka duh a, ka thei si lo...” a zuih ral ani ber, a kut ah ka chelhsak a, a tap khur zui dar dar bawk, ka hmui ka pet a, tahpui ngawt thei ka ni lo tih ka hria, mahse, ka khawngaih luat vangin ka mittui erawh ka dang zo lo.

Reitawk fang a tah hnu ah tlem in a khur pawh a zia ta deuh, tap lo tur in tih ka tum lo, keipawh ni ila ka fapa ka ngaihtuahna avang leh thih ka hlauh vang in hetiang aia nasa hian ka awm ang tih ka chiang.’a zialo hle mai” a ti sep a, ka aw ka thian a,

“Pawi ti suh,mahse,tah hi i ngeih dawn hauh lo ania” ka ti a,a mit a chhing vang vang a,

“Engvangin nge fa kan neih theih loh i hria em?” a rawn ti leh thut a, a muhil emaw ka lo ti zawk,

“Aih”

“Kan Inneih hnu lawk ah ka chhul hi Cancer maithei dinhmun a ka din avangin min paihsak alawm, mahse, kan sawi hauh lo, chupawh chuan chhan a nei” eng tak chu ni leh ang maw?, ka duh aiin an chhungkaw chanchin ka hre hnem ta,

“An thilneih tamzawk hi Nathan-a hming a awm ani a, mahse, a then hi chu Ka pa hming leh ka nu hming ani thung, hausak te hi vanduaina ani asin, Nathan-an engkim a neih hlau em em tu Colleen-i tan chuan Moses-a hi ka hrin ni lo in mi chhul hawh in kan nei tih a hriat khan lawm avangin a tap hial in ka ring” ati a, a thawh halh a, tawng ve ka tum chu min khap a,
“Fapa neih kan mamawh zia kha Nathan-a pawh hian a hai bik lo, Colleen-i leh Atea chungchang hi Nathan-an a hrechhuak hmasa ber a, chutah pawh chuan Nau alo pai hman tho,mualpho zau lutuk an hlauhna avangin pasal an neih luihtir a,aaa, an mualpho hman viau tho, a pasal khan a fa ang in a pawm hmak thei kha a vannei, mahse, a pai puitling ta lo hlauh,khami hnu atang phei kha chuan tihtakzet in Nathan-a hi a haw zui ta a,kan chhungkua kan in hau ta fo bawk, Ka pa, pa tha em em thin kha Nathan-a lamah a tang ta mang lo bawk,mahse, ilo lang a, i sum mamawh zia engkim kan hre chhuak a, engkim a kal tluang ta vek, ka hlim asin, mahse, i hming lam chung a Hmangaihna min chenpui hnu khan ka hlimna te a tawp a, ka tan chuan hmelma i ni” hnuailam ka bih a, ka zak em em tlat, ka nu ang chiah in mi rilru ka ti na a, mahse, thilpawi lutuk thlen tir lo chuan ka inhre ve thung.

“Mahse, i thiamloh anilo, Nathan-a thiam loh pawh ani lo, a chhan chu maw nang hi tuman an haw thei lo ang che, i ngainatawm a, i mize tha em em, midang tihnat hlau si hi ka hmuh hmaih thei lo,Nathan-a kha i hnar ngei ang tih pawh ka chiang, ka tan i ti tih pawh ka hria” a thaw deuh hawk a,

“Chawl rih mai rawh, a ngai tawh lo,i chau lutuk ang” ka ti a, ka ngaihtuah tak tak,a mit a chhing leh vang vang a, reivak lo hnu ah a muhil zui ta mai reng a, a tawng hnem em mai a, chau pawh nise a awm,tawng tur pawh khan beihchiam a ngai tlat si alawm le.

Dar 8 rik hma hret in kan chaw ei na hmun tur ka thleng a, reilote In ah ka chawl khawmuang a,Mamuani te In ah khan ka awm nileng ta thak, Mamuani muthilh hnu ah Moses-a bulah ka awm a, a tawng siam siam a, ka lo en leh reng thin, a hmelthat zia leh a khawsak dan engkim ka en ning thei lo.

“Mal...enteh, saw lai a thu sawn a en duh lutuk che a” ka beng bulah a rawn ti a, Mamuani leh Moses-a ngawt ka lo ngaihtuah na lamah tu nge awm ve pawh ka lo hre lo, a hawina lam ka va en ve a, Nathan-a nen kan in en ta ran mai,a bul ah Damdawiin a ka hmuh Hmeichhia kha a awm ve bawk.

“Tu nge a?” zawi te in a rawn ti leh a,ka phu deuh zawk a, ka hawisawn nghal vat bawk, engtin nge Mamuani damloh laiin helai hmun ah hmeichhe dang hruai a a kal theih zawk?,a nupui ni tawh lo mahse a damlo a, langsar tak a hmeichhe dang hruai ngam tur ani lo.

Kan chawei ka puar leh puar loh ka hre lo, Nathan-a awm ve tih ka hriatna chuan nuam tak in min awmtir thei lo,ka thin a rim teuh ringawt,ngam ila chuan va hauh hrep ka duh hial bawk, kangam der si lo, chutiang a va ti ngawt turin a eng mah ka ni hek lo.

“Mal-i..” ka Spoon ka dahthla a, muangchangin ka hawi chho a, a aw ah tu nge anih ka hria,

“Nangmaw?” ka nui lui a, a hma in ka hmu tawh tih a hria,ngeiawm zet hian a then suk a, Jacket, a taksa rem zaih.chhing lam hret a ha a, a hnuaiah T-shirt dum a ha a, Cotton paw tak zet a ha zuih bawk,a nalh thlawt,hreptak hian a..

“I thiannu mi?” kha hmeichhia kha, Nathan-a banah a rawn dawm a, inti ta tu zet in a din hnaih nghal bawk,

“Um, Mal-i anih hi, chuan hei hi Asangi” ka en a, ka nuih lui sak bawk, min melh ran mai, a hmelah nui hmel a lang a, mahse, engtikah mah ka ngaina ngai dawn lo tih ka hre nghal mai, a chhan erawh ka hre lo.

Chapter- 15

An kal chhuak tur chu ka en a, zak miah lo in a banah a la vuan ta zel, vawm zui chawrh ka duh a, mahse, ka ti ta em lo,bakah Mamuani tan nge ka thinrim a ka tan zawk tih ka hre hek lo, ka thik pawh ani mahna le.

“Ekhai, tu nge a?” kan dawr a rawn thawk thar ber, Hlui chuan a rawn ti chhuak a,ka hawi kual a, an vai chuan an hmelah zawhna a awm vek, tu nge anih an hre duh tih alang reng bawk, Soup tlem ka lem a, ka aw ka thian te te a, engvang a zam em em nge ka nih ka hre lo.

“Nathan-a anih kha..” an Dawr hming ka sawi a, an hnenah ka thawk tawh tih ka sawi tel zauh bawk, a dang erawh an hriat atan a tul lo bawk a sawi tul ka ti lo.

“Khanu kha a Bialnu ani ang tiraw?, a van vannei dawn tak” ka nui hak a, hlim vang a nui ka nilo tih erawh ka chiang, ka chhungril a thinrimna inhnawh up up chuan min ti chau hluah hluah zawk.

“Ani ang, a banah inti neitu zet in a kuah tlat kha..” Rinkima’n a lo ti ve a, engtinmah ka chhang lo,an ngaihdan an sawi zui a, thil ei pah in ka ngaithla liam ta vel mai mai.

In ka thlen in dar sawm a hnai thuak tawh, Restaurant kan chhuahsan veleh tihtur bik pawh hre lo in ka inkhalh chhuak a, kan vaiin 6 kan ni a,Rinkim’an a thlah kual hlawm a, ka Mood a inthlak tih an hriat ka duh lemlo, nitin rim tak in an thawk a, darkar reilote nuam ti tak a hun thawl an neih mek hi tihchhiatsak ka duh hek lo,ka tihdan pangngai in Falkland ka pan leh ta nge nge, Aizawl khawpui pe tuar mai lam ka thlir vang vang a, helai hmun ah hi chuan nun hi a hahdam thin.

“I lengrei hle mai” ka phu zawk a, ka zuang deuh dawrh bawk, Step sir, Light in a chhun phak loh chin atangin a rawn pen chhuak a, ka beisei lo takzet, kha hmeichhe nalh zet, Asangi nen khan hun an hmang dun mek ang chu ka lo ti asin le..

“Min ti phu alawm mawle” ka ti hlak a, a nui ri ka hre zui zat bawk,

“Sazu dan chep ang mai, i thlawk dawn emaw ka ti a” min fiam tih ka hria, mahse, tunah chuan infiamna mood ah ka awm hauh lo.

“Eng nge ni leh ta?” nin hmel zet in ka ti leh a,kawngkhar hawng duh lo in amah ka en a,kawngka ka hawng anih chuan a lo lut ngei dawn a, tul lo tawp ah ka thinrimna ka tilang ang tih ka hlau ani ber.

“Lut phawt ila..” ka rindan chiah, mahse, ka inkuangkuah a, Kawngkhar ka ngheng zui zat bawk.

“Ti hian sawi rawh, inchhung ah kher angai lo..” ka awmdan a naupangchhia tih ka hai lo,chubakah mi hmuh ah pawn a mipa nen a indinchilh reng hi thilmawi a nilo tih ka hai hek lo.

“Ok, a tha alawm, ti hian ka tihtur engmah in min dal chuang hleinem” min rawn pan hnai nghal a, a hmui nalh zet chu a petsawi zauh bawk, a chetdan ka duhzawng anilo tawp, thu mai sawi tum a ang ta tlat lo,a mit lian leh mi melhna zet chuan min en run a, ka lungphu a rang nghal zaih zaih mai, Mipa lak a enperience ka neih loh lutukna hian keimah ah diklo asiam hma in ka hre hial zawk.

“Nathan...” min rawn hnaih chilh nghal a, ka mit ka chhing ta ngawt,mahse, ka rin ang in engmah a thleng ta lo,muangchangin ka meng a, ka sir ah a kekawr ipte zen in a ding khawng luh ringawt, a hmelah nuihzatna alang chhuak chiang hle bawk,hreptak hian...keimah leh keimah ka inti mualpho leh ta ngawt e.

“Helai a inbiak mai chu i duh ka ring ta lo” zawi sup hian a ti a, ka inher a, engmah sawilo in ka Bag ka zen a, chahbi ka la chhuak a, Kawngkhar ka hawng sawk sawk a,Inchhungah lut vat ila a finthlak zawk ang..

Min rawn zui lut a, tlangnel zet in a thu nghal a, min rawn en a, a sawi ang chiah in Sazu danchep nen kan danglam lo reng reng,ka landan pawh a tha fahran lo ang tih ka chiang, a pawi tawp lo, He mihring mit hmuh ah hian nalh leh felfai tak a lan kher a tulna ka hre hauh lo.

“I thu dawn nge i Dress i thlak dawn?” in neitu zawk ang hrim hian min ti a, a nui suk bawk.

“Reitak len na hun ani tawhlo tih i hria ang chu, bakah lawm i hlawh hauh lo tih i hriatna hmun ah lehnghal..” ngeiawm zet hian ka ti fak a, amah ep zawng a thuthleng awm ah chuan ka thu ta nge nge, a haw veleh ka Sofa hun dan hi thlak kual angai ang,chuti anih loh chuan a lo kal apiangin in hmatawn a thut ziah a ngai a,a la ngai zel palh thei.

“I lungawi meuh na nge?” a mitmeng chimawm zet chu ka hai bik lo,

“Engvang chuan?’ ka ti nghat a, ka Phone ka phawrh a, ka en nghal a..

“A lo be lo ang che, dar 11 hma chuan..”

“Tu in maw?”

“I beisei khan, alo be lo ang che ka tih chu awih mai rawh” ati leh nghut a, a aw chang leh bung ta sawt ah chuan tu chanchin nge a sawi haider theih ani lo.

“I lo buai na tur a awm lo”ka ti hlak a,

“Atea vang in i thinrim lo tih ka chiang, keimah vang ani tih ka hria alawm” a sawi dik leh ta, kha nu tehhrep kha ka hua, ka kek bawrh bawrh chak,Mamuani tan anilo tih ka chiang tawh.

“I in ngaisang deuh ani lo maw?” ka ti leh a, mak tak in ka nui thei tlat bawk, a thaw deuh hawk a,

“Ngaisang hran lo, mahse, i lungawilo kha hmuh i nuam reuh lutuk a” takzet hian...engvang a min chhaihkual sek nge anih hrep ni??!!

A rawn tho a, thawh thut a, Room a inkalh khum daih mai ka chak zek zek mai, a tih chi der si loh,ka bul ah a rawn thu a, tawlhsawn lo turin ka inhum ruh a, amah ka sik apiang a keimah a danglam ziah hi ka tihreh angai chiang khawp,chumi tur chuan ka hmachhawn hmasak phawt angai..

“Asangi kha i thik tih ka hria alawm” a sawi zawh rual deuhthaw in min pawt nawk a, ka lo inring si lo, ka ngheng hnai rawk mai, min kuah bet nghal a, ka Darah a hmui lum thar thar chu a rawn ti si a, ka khawng ani ber.

“Nathan...” adang sawitur ka hrelo ,hre mah ila ka sawi thei chuanglo ang, zei zet hian ka beng ah a rawn fawp a,

“Shh, tihian awm ang, reilote...” mak tak in a aw ah ngenna a ri tel bawk.

A Phone nghawr dar dar ah chuan min thlah ta hram,ka tawlhsawn nghal a,

“Hello..” a tho a, tukverh lam a pan a,kei erawh ngaiawh tum in a ruk in ka lo insehruh teuh thung,kei ang ni lo in ani ve thung chu engmah danglamna nei hmel a pu lo.

“Ok, kan lo kal nghal” a Phone a kekawr ipte ah a thun a,a rawn hawi a,

“Kal ang...” a hmel ah engmah a ngaihtuahna ka hre theilo, chiang tak in a Mood a inthlak tih ka hrethiam thung.

“Khawiha..?” ka Bag a rawn la a,Kawngkhar a pan a, ka kal ve na tur chi leh hetiang khawp a hmanhmawh a a chet phah na tur chu pakhat chiah ka hria, Mamuani....

A bawp sei zet a a pen pawk pawk chu ka um a, ka in piah lang lo chin ah a Car alo dah chu niin, a hawng a, ka Bag a thehlut a, ka thutna tur lam a rawn hawng leh a, zawhna zawh hun anilo tih a hmel tak run maiah chuan mi a ber tan pawh hai theih ani lo.Chak zet in a tlan a, Motor hi ka khalh ve chin ah chuan midang khalh a chak lutuk a tlan hi ka hlau a, ka thaw a chham dawn in ka hre thin,ka mit ka chhing ta ngawt,

“Hlau suh” ka kut a rawn vuan a, ka la meng chuang lo.

“Mamuani a zual a ” ati leh sup a, ka kut a vawnna a thlah a, ngam leh ngam lo in ka meng a, a kut zungtang sei thlurh mai in hneh zet a Steering a Control chu ka en a, kei aiin thih a hlau zawk ngei ang,tunah lek phei chuan Moses-a tan a dam a tul em em si a.

“Nakinah kan sawi thei alawm...” hnem ka duh a, mahse, ka ngam lo,bakah kei lo hnemtu tur anei a, Mamuani Boral hma pawn an lengchhuak dun ngam anih chuan reilote ah Moses-a nu thar ani thuai ang.

Kan thleng tlai hret anih hmel, Kawngkhar a hawng a,hmanhmawh zet in a chhuk a, ka awm ve tih a hre lo niber in ka hria, vui na chi ani heklo, ka zui lut a, mi an lo awm laih laih a, Mamuani Nu tap ri ka hre nghal zat bawk, ava mak em!, vawiin khan kan inkawm a, nileng in a bulah hun ka hmang a, min hrilh tur pawh ala sawi zo si lo, tihtur ber ka hrelo, a ruang han hmuh a, a Thi ngei tih han hmuh ka ngam in ka ring lo, midang che suau suau karah tihber tur hrelo in ka ding zum reng a, inchunglam atang a tap ri rawn chhuak chuan ka kawchhung a fan a, tunah chuan Moses-an nu a nei ta lo,kei pawn ka thian ka chan a, ka unaunu ka chan bawk niin ka hria a,Ka Nu unau fa te aiin ani hi ka pawh zawk a, chhungkua nitur hian Thisen kher alo ngailo tih ka hrechiang em em bawk.

“Mal-i, lo chho la...” ka inher a, engtik laiin nge ka bulah alo thut ka hre lo,ka lu ka thing a, ka mittui ka dan hram hram kha a hmel ka hmuh rual in dan rual loh in a buak in a baw dawn tih ka chiang em em tlat.

“Moses-an a mamawh che a...” ati leh a, a mit sen ramah chuan mittui a seng ve ngei ang tih a rin theih bawk, ni e, a tap ang chu, a Nupui ni tawhlo mahse kha chen kha a nupui alo ni tawh a, an inthen hnu ah pawh an fapa vangin inthen ang a awmlo in vawitam an inhmu a, a damlo pawh a buaipui nasa em em bawk.

“Khawiah nge a awm a?” ka ti sep a.

“Anu bulah,ala hrethiam chiah lo a..” ati leh a,ka Bag hnuai a ka kut ka suih tlat chu a rawn zen a, a kut lum thur thur chuan a rawn vuan a, a mit ah chuan ngenna a lang chiang em em bawk.

Engkim mai mumang ang mai ani, harh thut a tha leh mai tur in ka duh em em a, mahse, a thleng si lo,Nathan-a nu lo thlen hma zawng ka bulah Moses-a a awm a, mahse, a Pi alo thlen hnu ah chuan Pi bulah a awm ta chawt, Rinzuali nau neih hun a hnai tawh a, a lo kal theilo, Sangpuii leh Eric-a an lo theng rual a,an chhung te an lo thleng khawm zel a,ruang kil ve na chi niin ka hre lo a, kan kal sawn a,tlaivar turin ka inring lawk silo, zan a rei tial tial a, a vawt tial tial bawk, Motor ka ken loh avangin ka haw ngawt thei heklo,maktak in Atea leh Colleen-i hmel reng reng ka hmu lo, ka Phone ka phawrh a, Whatssapp ah midang dang msg a awm laiin Atea erawh a reh hmak, Nathan-a khan min lo biak a rin loh thu kha a sawi a, thil thleng a awm anih hmel, pakhatmah in rinna ka nei tawh hek lo.

“Bawihi, kan haw rual dawn nia” ka bulah a rawn thu a, Mamuani kan vui atangin ni 3 aliam tawh, nitin ka kal ziah a, maktak in Mamuani nu lah in a fanu ang maiin min en bawk, kan la inhriat reiloh tehlul nen mak tak ani, keipawn ka chhungte ah ka ngai ve hmak bawk.

“Motor ka keng a, bakah Dawr ah kal kual ka duh a” ka ti a, a nur deuh nung a, Mamuani thih zan khan khawvar dawn ah Colleen-i nen an lo kal rual a, then ka tum lai nimahse hmuh nuam tak zawng anni lo,ka induhtawkna a ti chhia a, ka rilru erawh a hran in a na hauh lo, ka bulah Nathan-a a awm tam a, ka thlamuanpui tih lah ka hai hek lo,atthlak ka tih rual in nuam ka ti bawk,Moses-a lah in min bawh reng bawk nen,Mamuani ngaihtuah na hun pawh ka la nei lo, In ka thlen in ka chau a, ka muhil nghal ani ziah bawk a..

“Mal-i,Mama nen hian in va bazar lawk dawn mi?” Mamuani nu in a rawn ti a, chawei lo in min haw tir a tum lo tawp tih alang reng bawk.

“Haw ka lo tum asin” ka ti a, a lusunna in a ti tar bawih in ka hria, a fanu neihchhun ani a, na ati lo thei lo..

“Engatimaw?, chaw i ei ang chu ka ti asin” beidawn hmel deuh hian a ti a, nuam ka ti lo, min thlahlel der em em tu leh phut let nei hauh lo a min ngaina tu hi tihnat ka duh lo.

“Aw, a pawilo, mahse, Dawr tlawh kual zawk ka duh a..” ka ti a, Mamuani nau rawn kal phei mek chu ka en a, ala naupang a, a lian a, hmeichhe thenkhat chuan hmeltha an tih ka ring.

“Nia, in tlawh kual ang a, mahse, rawn let leh ang che, vawiin tlai chu in vaiin chawei lo in tumah haw ka remti lo ania” ati leh a, Atea leh Eric-a an awm ve a, ka thlen tirh atangin Nathan-a erawh ka la hmu lo.

“Kan Pathum in kal ila, Erica chu Sangpuii alo thleng tep a, a kal duh lo ang” ati a, Sangpuii pawh nitin a lo kal ziah a, Mamuani nen khan inthian tha tak ni lo mahse a tihtur ah angai ani ngei ang.

Dawrah kan kal kual a, ka rin ang chiah in engmah ngaihtuah angai lemlo, ka tihfel tur erawh a tam leh viau ang tih ka chiang, tunah chuan mut hahdam ka chak a, hna lam in ka rilru a luah lo hrim hrim,chawhmeh kan lei a, In kan thlen leh in Nathan-a car a lo awm vang tawh.

Phur rilru zet in In chhung ka lut a, mahse, Nathan-a bul a lo thu ka hmuh rual in ka hlimna a ral riai riai thung, kha nu kha, Asangi...nidang ang bawk in a nalh leh pek, Khawhar in a kal pawh a ang chiah lo.ka hmu lo der ta ngawt, choka ka pan a, ka hnung ah Atea leh Mamuani nau in bag nen min zui a, Atea ka la then hman lo ka lawm tum ani ngei ang, Nathan-a ti na tur a ka in ngai erawh ka mawl ani zawk ang.

Chawei hun hma chuan choka ka chhuahsan leh ta lo, Sangpuii a rawn thleng a, Eric-a nen kan pali in eirawng kan bawl a, Atea erawh ka tan chuan thian mai bak ani lo tih ka chiang ta takzet.

“Mal-i, lo ding lawk” ka hawilet a, Motor ka thleng tep bawk,Mamuani Nu alo ni a, ka kut ah Envelope a rawn dah a,

“Eng thil nge?” ka ti a, za lo tih hriat zet hian a nui lui sak a,

“Mambawihi lehkha anih kha..i kal hnu khan a sawi a,keiin ka lo ziak a..”ka mittui a hnam sawk thei, min hrilh talh a lo tum ani tih ka ngaihtuah zawng pawn ka pum a no nghulh mai.

“Ka lawm e aw, ka kal phawt ang, naktuk chu ka lo lang hman lo maithei ania” ka ti a, a bu nghat a,

“Um, mahse, i theih ang a hma in lo kal tum ang che aw” ati a, ka kal ngei ang, ka chhungte ah ka pawm a, keimah ang chiah in anni pawn fanu leh farnu ah min pawm tih ka hre bawk.

Ka inbual a, ka sam ka chhem ro leh a, Mamuani nu envelope min pek kha chhiarchak em em chungin in ka chhiar hreh a, ka khawih leh ta rih lo,Door Bell a ri ral ral a, sana ka en a, dar 8 a pel hret, Atea kha chuan tihtur a nei tih a sawi a, tu nge tun ang hunah ni ta ang?

Kawngkhar ka hawng a, ka beisei loh zet in Nathan-a..kha hmeichhia nen khan chaw an ei ve nghal a, Mamuani nu in engmah a sawilo, mahse, Sangpuii zawk in a sawi, Mamuani Doctor ani a, mahse, Nathan-a nen an inkawp thung,amak teh nuaih mang tak e, ka nun hi ka hrethiam lo, Vai serial film emaw Korean Serial film lam lam te pawh kan ang zo ta in ka hria,an lo inkungkaih kual nuaih ringawt mai.

“Eng nge?” ka hawng zau duh lo,a thaw deuh hawk a,

“Ka lo lut thei em?” ka lu ka thing a,

“Mut ka lo tum tawh a, a pawimawh viau chuan min rawn call mai la” kawngkhar pawh khar lehnghal ka tum chu a ke in a rawn dang a, hneh zet in a rawn pawt hawng a, a lo lut fel chu ani der.

“Nathan..” a rawn hawi let a,

“Inhnial ka peih lo ania,khar teh” ati hmuk a, thuawih tak a khar mai loh chu tih theih ka nei leh ta lo, ka khar a,

“Asangi khawnge?” ka insum hman lo, sawi tumsa pawh ka ni lo,

“Ka hre lo, ka veng hleinem” hnunglam a ngheng a,

“I veng ka ti lo, bakah tunah lo len nan chuan a tlai tawh a” ka ti leh a.

“A tlai leh tlai loh ka ngaihtuah lo, engvangin nge Atea i la then loh cheu a?” a rawn thu mar a, min melh run bawk,

“Ka thu thu” ka ti hmak thung, a ta niawm hrim a min tihkual a tum hi ka duh lo.

“Oh, ka lo hre miah lo a,i thu thu a awm i tum zel dawn anih chuan ka tihtawp angai anih chu” a rawn tho a, ka tawlhhnung hrat thung, min rawn pan zel a, ka tawlh zel bawk,bang in min lo dan takah chuan tawlh lehna tur a awm lo, ka ding khawng lah ringawt,min rawn hnaih chilh nghal ruak bawk.

“Min khawih hlek suh” ka ti that a,ngeiawm zet in a nui suk a, ka sawi hrelo ang hmak in ka kawngah a rawn kuah a, amah si chet in min pawt bet zui nghal hmak bawk, mahse, tun tum chu ka che buai tlat lo, a awmah ka nem a, a rawn kun hniam nghal a, ka thlesawn a, hmeichhe dang a kiss zo chiah a, hul pawh a hul hma in kei min kiss leh a tum ania!!, rapthlak lutuk..

Ka theihtawp in ka tang a, a samah ka tham fuh a, mahse, a ngaipawimawh chuang lo, ngawirengin kan inchai a,a hma ang bawk in min ti let ve lo in a indang a, ka thinrim che vel chu eng hu ah a ngai lo.

“Mal-i, ka ta i nih hi hre reng ang che” ka kut a man bet a, min pawmkang lawp a, ka te tuar bawk, Room kawngkhar a dar in a nek hawng a,khumah min nghat a, min rawn delh bet zui nghal hmak bawk,hneh zet in ka kawr hak a rawn pawt kau a, ka tlawh a, mahse,a rit lutuk a ka che hleithei lo..

“Ramhuaipa, tho rawh..” ka aw khur tehhrep chu a..

“Ramhuai maw...ok, a tha alawm, ka ta i ni tih i hriat nan chuan engpawh ka ti thei” ka hnute a rawn tawk fuh a, a meng thim khap bawk, mak tak in ka mur ar ar bawk..

“Khawngaih in..” ka tawng ring thei lo...a rawn hawi chhuak a, ka hnute atangin a kut a la sawn chuang lo..

“Engmah tih theih loh ka neilo tih i hria tiraw?” ka chhang thei lo, a kut chevel chuan min ti zawi a, rei ka tang hauh lo ang tih ka chiang..

“Mal-i, lo hawng teh..” Atea aw ka hriat rual in ka khawng nghal lah mai, Nathan-a pawh chuti tho, LALPA leh!!. Engthil nge ka tih tak?

“Chhang suh” ani pawh a mumal bik lo..

Door Bell a rawn ri leh a, ka hawng vat lo anih chuan thenawmte lakah ka mualpho hle ang tih ka hria,Nathan-a ka nem a, a tho ve mai bawk, ka kawr ka ha tha a, min lo pui bawk, ka ke a khur dar dar bawk nen, ka kal theih pawh ka ring lo...

“Engtin nge ka tih ang?” mangang zet in ka en a, a bu nghut a,

“ I tihtur i hria alawm” ati nghut a,engmah ka tihtur ka hre lo, Nathan-a nen min hmu dun tur ka duh lo tih chiah ka hria..

“Engmah ka hre lo, a hmuh che ka duh lo” ka khabe ah a rawn dawm a,

“Tu ta nge i nih i hria alawm, min ring tawp rawh” ka chalah a rawn fawp zauh a, Room kawngkhar a hawng a, tihtur ka hre lo,eng nge lo thleng dawn ka ngaihtuah ngam lo..

Kawngkhar hawng ri ka ngaithla kar a,rei vak lo ah ri bur in a zui nghal zat mai...ka khur nasa zual sauh bawk.

Chapter – 16

Ka tho nghal a, Room kawngkhar ka hawng a, ka thil va hmuh chuan min ti khur nasa zual sauh bawk, Atea kawr awm ah Nathan-an a lo tham a, bang ah a nawr bet a, hnek tum in a tin uaih bawk,

“Nathan...” ka ti that a, an rawn hawi rual thawt a, a kut a dahthla ruai ruai bawk.

Atea a vawnna a thlah a, min rawn pan a, tu zawk in nge kut thlak ka hre si lo,a rawn kal hnai a, ka darah a rawn dawm a,

“Lo va lut leh rawh, ka thehchhuak mai ang” ati nghut a, mahse, ka lu ka thing ringawt, engvangin nge a thehchhuah ngawt ang?

“MALSAWMZUAL, ka rin i lo ang lo hle mai, he mihring lak ah hian ilo in control zo lo chu ania” ka kut ka humruh a, sawi ve tur ka hrelo, bakah Nathan-a inher leh nghal chuan engmah sawi ve na hun min pe lo..

“Bawiha, tu nge i biak hi hrechiang la atha ang” ati leh hmuk a,

“I nupui khan engvangin nge a then che?, Hmeichhia i duh luat vang ani tih ka hai hleinem,tunah pawh Mal-i nen khum in lo intawm leh hman ania, khawiah nge Asangi pawh kha i dah...?” a sawi zawh hma in a thal nghal tawp bawk..ka te thawt a, ka inring hman lo, Insual thawm hian min ti buai thin, ka nu leh pa kha nasa tak in an inhau thin a,inhau thawm ka hriat chuan tun thlengin ka hlauhna leh thawpikna kha a la bo thei lo.


“I tawng hma in tu nge i Biak hre rawh ka tih che kha..” a thinrim zia hai der theih ani lo, a kun leh a, Atea thawh tum mek chu a kawr awm ah a tham a,ka thaw a chham titih a, ka lungphu a rang dawt dawt a,an pahnih in ka hmu phe ruai bawk,

“Nathan...ti tawh suh..” a rawn hawi chu ka hmu phe ruai a, a thlah nghal a, min rawn pan a, min rawn kuah a, tha ka nei lo, ka lungphu ri dawt dawt kha a zawi tial tial a, chumi rual chuan keipawh ka ral riai riai bawk.

Ka phu zawk zawk a, ka mumang nge ka hre lo, Ka Putea te Nupa in min lo um a, ka tlan chak thei si lo, ka mangang tih piahlam ani ber, ka tal nghek a, ka harh hlawl, ka thuchhuak nghal zat bawk,ka thlan in min bual huh zuih mai, khua a var tawh tih Room chhung a ni a rawn luh at danah chuan a hriat theih mai a, ka Room ah, ka khumah ka lo mu a, zawimuang in ka mu thla leh a,mahse, tu kut emaw ka delh rual in ka rak thawt a, ka zuangtho nghal bawk,ngam leh ngam lo hian ka en a, tu nge anih ka hmuh rual in ka thaw nghal huai huai mai,Nathan-a...ka mutna lam hawi zawng in a saisir in a mu a, Naupangchhia ang maiin a thaw sak sak mai...

Nizan khan engthil nge thleng kha??, ka mit ka chhing a, thil thlen dan ka ngaihtuah a, Atea kha engtin nge a kal tak ka hre lo, Nathan-an min rawn kuah kha ka hria a,a dang engmah ka hre tawh lo, zankhua in kan riak dun tih a lang reng bawk, engtin nge Atea kha a tih ang ka ngaihtuah thiam lo, min sawi zui dan tur phei chu ngaihtuah loh law law ka duh zawk,tunah chuan ka duh emaw duh lo emaw Nathan-a rin chhan lo chuan ka awm thei rih hauh lo ang.

Amah si lo in ka mu leh a, alam hawiin ka mu a, a sam chhip lam, tlem a buk deuh te, a hnar lian lam lek lek,mahse, sang vah mai te, a mithmul chhah leh dum hlap te nen, a hmeltha tih hluah tur zawng anilo, mahse, a chhe mawlh lo, tuman chhia an tih ka ring lo,hahdam hmel tak in a muhil a, tihmawh leh luhlul hmel engmah a awm lo.

Ka Phone a nghawr dar dar a, rang zet in ka la a, Sangpuii alo ni a, ka rin aiin min rawn be har zawk, nizan lamah min biak a lo tum tawh zawk maithei,Nathan-a tih harh hlau zet in ka tho tham tham a, Room ka chhuahsan a, choka ka pan sawk sawk a, a rawn sawi tur ka hre si lo a, Nathan-a hriat ve tul lo tawp tur lam anih ka ring nghal ringawt bawk.

“Hello” ka ti a,

“Hey, engthil nge thleng a?” a au ring lutuk a, ka Phone ka dah hla a, ka melh vak ringawt, ka rin lawk nimahse hetiang vak a a rawn au ka beisei lo.

“Eng maw??” ka ti leh a,

“Atea nen in tawp alaw?” ati leh a , a hma ai chuan a au ring ta lo.

“Um...engtin nge i hriat a?” za lo zet in ka nui a,a thaw ham ham ri ka hre thei a, engtak rawn sawi ang maw?.

“Eric-an min rawn hrilh a, mak ati lutuk a, ka awih lo a, mahse, tun lawk khan Atea’n a lo sawi ve leh a, eng nge thleng a?” ati leh zung zung a,nia, amak duh khawp ang, Nimin pawh khan kan awm ho reng a, kan awmdanah inhau leh inthen tum kan ang bawk si lo,mahse, ka thawveng huai tho mai, Nathan-a nen min hmu dun tih engmah a sawi lo tih a chiang, chuti ni lo se Sangpuii hian a chhan min zawt hauh lo ang.

“Engmah a thleng hran lo, kan tawp ani tawp mai” ka ti leh a, inthenna thu engmah kan la sawi lo, mahse, Nizan thil thlen hnu kha chuan kan inzui nawn leh tawh hauh lo ang tih ka chiang.

“Nahh,a theih loh, nakinah Dawrah ka lo kal ang” ati leh a, Sana ka en vat a, Lalpa, dar 11 a lo pel tawh,

“Vawiin chu tihtur ka nei a, ka chhuak daih alawm, ka hman chuan ka rawn tlawh kual zawk ang che” Dawt ka sawi ta ngawt, a hma ang bawk in Nathan-a ka hnaih rual rual in dawtsawi ka tan leh dawn ta anih hmel.

“Um, a pawilo, i hman chuan min lo tlawh ngei ngei aw”

Ka kawngah ban tha chak zet in min rawn kuah a ka dar ah a lu a rawn nghat zui nghal bawk,ka ding khawng lah mai, engtia lo dawnsawn tur nge ka hre lo,

“I ziawm tawh em?” thatchhe aw zet hian a ti sup a, ka bu nghat a, a kut dahsawn sak tum in ka vuan a, mahse, a man bet a, ka ngheng ta nge nge,

“Thingpui i in duh em?” ka ti a, kalsawn tir dan ka ngaihtuah a.

“Um, duh maithei, mahse, tunah chuan hetia awm hi ka duh rih zawk” zawi te in a nui hak a, ka nui ve ringawt, keipawn amah rinchhan a thlamuang tak a nun hman tluk a duh ka nei lo.

Thil hriatchhuah ka nei, Dawr ka kal dawn lo tih engmah ka la hrilh lo,ka hrilh vat loh chuan min ngaihtuah vangin min rawn be leh mai dawn tih ka hre sa a,Nathan-a pawh hi a kal dawn bik lo nge ka hre lo,ka kut a vawnna ka tal pit a,

“Hna i kal dawn lo mi?” ka ti a, a kut ka phelh sak a,a kalsawn a, kei erawh ka hawilet lawk ngam lo.

“Ka hre lo, khawi lai ah emaw hmun nuam deuh ah kal i duh em?” Fridge a hawng a, tui a la chhuak a, ‘duh lutuk’ ti a chhan ka chak zek zek, mahse, ka chhang ta em lo.

“Duh lemlo, ka hman lo ang” ka ti a, min rawn en a, a nui suk a,

“Dawr ah kal i tum lo tih sawi kha ka lo hria a..” ngeiawm zet hian a hmui a ti sawi zauh bawk.

Chhang lo in Thingpui ka chhuang a, ka chevel min en reng tih ka hriat na chuan min ti khawr zo vek bawk,

“Nizan khan Khawngkhar i va hawn rual a ri dawt kha eng nge a?” ka rilru ah a lan rual in ka ti a,a mit a tizim a, Dinning Chair ah a thu a, a kut zungtang sei thlurh chuan Dawkan tlang a kik karh karh a,

“Ka Biang hi a na khawp mai..” a kut lehlam in a dawm a, a sawi ka hrethiam mai lo,ka hriatthiam tak ah chuan ka hmui ka hup ringawt.

“Tunah ala na em?” ngaihtuah vut ang a lan ka duh lo.

“Rawn khawih la..” a hmel landan ah chuan min chhiah tih ka hria, ka inkuangkuah a,

“Aih, a nat tawh loh chuan a tha,mahse, ngatinge a hnek ngawt che a?” ka ti leh rih a, a then leh suk a,

“Ka hre lo, ka ta hi a ta emaw alo ti aniang” ka biang a sa nghal hat hat mai..

“A pawi ka ti, mahse, a lo kal dawn tih ka hre lo a...” a nui hmel ka hmuh rual in ka sawi zawh hma in ka tawp leh rih a,

“A pawilo, engtikah emaw chuan anihna ala hre chhuak dawn tho, tikhan a tha animai” ati leh nghut a, a ta ka ni chiah em ka hre lo.

“Mahse, kan inkawp thei lo tih hrechiangtu te chu kan pahnih in alawm” engvang in nge ka sawi ngawt ka hre lo.

“Engvangin?” a ti nghut a, min rawn en a, chhang lo in Thingpui ka siam san a, diktak chuan chhan mai dan tur ka hrelo ani zawk mah.

Thingpui a dawt zauh a, min rawn en leh a, a hma lawk a a Mood kha chu a bo leh hmak tawh tih alang reng bawk,ka ip deuh chawih a,ka tleirawl chhuah hlim atang a tunthleng a Mipa ka duh awmchhun hi ka hnar zel thei dawn em ka hre lo.

“Colleen-i nen hian unau diktak kan ni lo tih i hria em?” hreh zet in ka en a, mahse min en lo in a hmalam a en ngur thung.

“Um,Mamuani khan min hrilh a...” nuam ti lo zet in ka ti a,

“I duh emaw duhlo emaw kan inkawp angai...” ati leh nghut a, a duh duh hi a sawi mai niber in ka hria.

“Moses-a hi Mamuani hrin ani lo tih ka pa in a hriat rual rual in kan inkar a tawp nghal ang,chumi hma chuan ka tihtur ka ti zo vek ang, Atea emaw Colleen-i pawh tumah ka kawng dal turin ka duh lo,Ka nu pawh” ati leh nghut a, min bia ni lo in midang daih bia niin alang.

“Chutiang ka thei ngawt lo, Asangi pawh a awm a” min rawn en a.

“Asang’in Moses-a a pai hleinem, luhlul viau lo mai teh” ati hluk a, engmah a thil tum ka hrethiam si lo,bakah kei kher hi engvangin nge min thlan ziah ka hrethiam lo.

“Ka lo ngaihtuah tha leh dawn nia” ka ti a, ka no thlengsilna ah ka dah a, a rawn tho a,a no thlengsilna ah a rawn dah ve a,ka tawlhsawn hrat nangin ka tlai hman tho,ka ban ah a rawn hmer a,

“Asangi leh nang chu ka tan chuan a hran hlak,Asangi chu mi zawng zawng hriat ah ka bialnu ani a, nang chu ka ta,chuan Moses-a hringtu i ni bawk” hlutna nei miah lo mihring hi an awm ngai anih chuan kei hi ka ni ngei ang.Midang te chung a nunrawng em em leh khawngaihna pianpui lo Mipa an awm anih ngai chuan Nathan-a hi ani ngei bawk ang.

“Insiam rawh” ati leh hmuk a, Living Room a pan a, tih mai tur hre lo in ka ding khawng reng thung, engtin nge hetiang mipa hi ka duh tlat theih ka hrethiam lo,thil ho te a sawi pawn ka lawmna tawk a lo tling ziah a, mahse, a tan chuan infiamna hmanrua mai ka ni tih a sawi hreh hauh si lo.

“Khawiah kal turin?” hahdam hmel zet a a thu chu ka en chhuk ran a.

“Nizan i awmdan kha a diklo, in check-up i ngai, ka thianpa ka be vek tawh” hei hi ka nun tur chu anih hi,Ka Putea te lak a phuba lak ka duh luat ah sum duhna avangin ka a a, an thuhnuaiah ka in tulut a, kum 5 zet ka pual a ka khawsak hran hnu ah hian ka nihna ngai, an duh duh a tih turin ka let leh ta chu ania,eng ber nge ka hlauh a?,an thu thu in ka awm lawi si..hei erawh ka hre chiang, amah ka duhna pawh hian min ti a mek chu anih hi.

Mamuani boral atang in thla a liam leh der tawh, ka theih ang a tam in Mamuani nu leh pa ka tlawh thin a, an fanu ang chiah in min lo lawm em em ziah bawk, Moses-a hmuh ka inbeisei thin a,mahse, ka hmu ngai hauh lo,a zawt chawt ngam si lo,Nathan-a hnen atang chuan buaina ka tawk rih lo, ka ngen ang in inremsiamna kan nei dun leh kha ania, eng chen tak daih ang maw??

“Mamuani Boral atangin thla hnih tal a liam hma chuan kan in hmu tur anilo,Moses-a chungah engthil tha lo mah a thleng tur ani heklo,thla hnih hnu ah erawh chuan a tul ang in inkawp ang in kan awm thei ang,Colleen-i emaw Atea pawh nise an sawichhuak hmasa anih loh chuan Moses-a chungchang sawi chhuak lo turin kan intiam angai ang,mahse, engkim a ruahman na a kal tluang anih chuan kan inkawp na kan ti tawp ang”

“Mal-i, i va ngaihtuah muk awm veng veng ve” ka bulah a rawn thu a, mahni chauh a rilru kawm veng veng ka chin hi ka la sim fel thei lo.

“Hna lam mawle, eee,Moses-a hi alo kal ngai em?” tun hi sawi chhuahna hun ni in ka hria.

“Ngai lem lo,Api bulah a awm a, bakah a Nu a awm tawh lo a, lo kal tir an ui deuh aniang” ati a, a insut hraih a, tap mai tur hmel a pu bawk.

“Ka tihpalh lutuk, i rilru tih thar nan a sawi ka ni lo ania” ka ti a, inthiamlo zet in ka en a, a mit a nuai zauh a,a khuh kharh a,

“Apawilo,mahse, ka hmuh che hian ka lung a leng zual thin a,Bawihtea pawh hi ka ngai thin a, mahse, hruai tur a ka va kal apiang in ka hlawhchham haw ziah thin a, ka beidawng tawh, tunah chuan Nathan-a tan pawh min ngaituah a tul tawh lo a, Mambawihi a awm tawh lo bawk nen,bakah a hma pawh khan Bawiha vang in inthen lo ang in an awm hram hram kha ani ber a...” a zui ralh titih,a kut ka vawnsak a,

“Ka hria alawm, mahse, tunah chuan a chawl tawh a, hahdam tak in awm tum hram hram rawh” ka ti a, mahse, kan duhtak leh hmangaihten min kalsan hian Natna awm tawh lohna hmun ah an chawl tih hre mahila kan ngaih hi a reh ngawt thei lo tih ka hre ve tlat, ka nu, nu nih tlin lo em em mai pawh kha tun thlengin ka la ngai thin a, ka bulah awm se tih chang ka la ngah lutuk.

“Um, Mambawihi leh Nathan-a kha Hmeichhia vang a inthen anni a” ka tek sawk mai, ka bulah khan Nathan-an min duh tih a sawi a, mahse, kan inhmu ngai tawh lo a, kan inbe zui hek lo,keimah vang a inthen anni hauh lo ang, min lo duh thin anih pawh in tunah chuan min duh hmel a pu tawh lo, sumdawnna atana bungraw tangkai pakhat ang bak in min en heklo.

“Tak tak maw?” ka ti thei hram,ka chil ka lem khawlh a,

“Ni e, hei tun thleng in an inkawp zui ta anih hi,mahse, sawisel ka tum lo, ka fanu kha ti na em em mahse, a damloh lai khan khang natna te kha chu a rawn thawidam vek ani ber a, ka ngaidam hmiah animai” ati leh a, hei vang hi anih hi a Fanu kha a lo fel em em, Nu tha lutuk thisen a piang ani miau alawm le.

Tu nge Nathan-a kawp thin zawh leh hran ka ngai lo, keimah vang a inthen tur a ka lo ring ru ringawt pawh kha ka zak zawk, hetiang em em a tenawm hian engtin nge a chet theih ka ngaihtuah thiam lo zawk, Atea khan alo sawi dik zawk ani mai angem?,Hmeichhe tel lo in a awm theilo tak tak ani mai angem?,nge Asangi vang hian nunphung dik a zawh theilo zawk?,zawhna hlir in ka khat vek.

Dawr ah ka let leh a inkhar hma hret in Rinzuali pasal in min rawn call a, Rinzuali’n nau a vei tih min rawn hrilh a, hmanhmawh in Damdawiin ka pan nghal a, ka phur rual in ka lo zam ve em em tawp animai, min hmuh veleh thei leh thei lo in min lo nuih hram a, a changin a bungbu a, a changin a thu a, thil kal tawh ka hriatchhuah leh na chuan min awmtir thei hlawllo,a thiannu ka ni a, awmpui tur ka ni tih pawh ka hria, mahse, ka thei hlawl lo,Moses-a ka neih lai kha a thar ang bawk in ka hriatrengna ah alo let leh a, ka luak a chhuak hlui mai.

“Ekhai, nang hi..” min be tu lam ka hawi vat a, Hminga alo ni a, kan inhmu zeuh zeuh a,Nupui a nei tawh a, an nu pawh a fel viau in ka hria.

“Nangpawh chu..in nei leh tawh dawn mi?” ka fiam a,a nui vur vur a,

“Dawn nang,ka thianpa nau in Naute a nei dawn a, ka lo kal ve lawk” ati a, a rawn thu ve a,

“Nang zawk?” ati a,a Phone a phawrh a, a khawih pah mawlh mawlh bawk,ka kal chhan ka hrilh a, a dan pangngai in a tawng mawlh mawlh a, kuhva inzawm zat in a ei bawk a, a kuhva duhzia lah ka tan thil thar ni hek lo.

Zinglamah a nei ta hram,Rinzuali nu in min rawn ko a, a hlim sarh mai, keipawh ka hlim tho,mahse, ka nunhlui in min vaw let a, ka chau hluah hluah thung,Naute ka hmuh rual in ka kawchhung a fan nghal rawih rawih mai,a hmel zur tiau leh chhing chial mai chu ka en a, Moses-a kha hetiang hian a pian hlim ah a awm ve angem?a tap leh that that thin a, chupawh chu ka tan chuan nat thar lehna ani zel mai.

Chau zet in In ka thleng a, inbual pawh inbual lo in khum ka pan nghal a, ka thawmhnaw hak lai nen ka let tawp a, ka mittui a rawn luang nghal zung zung bawk, engvangin nge ka tah ka hre lo,mahse, tah ka chak tih zawng ka hria.

Door Bell ri ah ka harh a, ka lo tap muhil ani ngei ang, Light ka On bawk si lo nen a thim thiap mai, nizan khan ka mu miah lo a, ka taksa mai nilo in ka rilru lam thlengin a nghawng a, ka tap leh bawksi nen ka chau ngang ani ang.Peih lo zet in ka tho chhuak a, Light ka on te te a, a rawn ri nawn leh a, tu nge maw ni hrep ni?,lungawi vak lo in ka phun hlak a,reilote chhung te chu lo nghak ve mai se.

Atea ka hmuh rual in ka phu deuh zawk mai, kan In a Nathan-a nen an intihbuai zan atang khan vawikhatmah ka la hmu leh lo,min rawn biak a tum fo a, mahse, ka pick ngailo,a msg engmah ka reply ngai hek lo.Engvang a min rawn biak tum fo nge anih ka hre hek lo..

“Ka lo lut thei em?” a nui var var a, mahse, a hmel a dik tlat lo, zu in char char hmel a pu a, a thau nilo in a puam a ang mah zawk.

“Oh, lo lut la..” ka tawlhsawn nghal a,a rawn lut a, a perfume rim bak engmah ka hre lo,zu rim pawh a nam lem lo.

Ka zui lut a, sawi mai tur ka hre lo,engvang a lo kal nge anih ka hre heklo,

“Thu la..” ka ti a, a tim ve deuh in ka hria,

“I dam reng reng em?” ati leh a, a thut lohna lam ah ka thu a,ka bu nghat a..

“Nang zawk?” ka ti a, a bu ve mai bawk a..

“Ka lo kal chhan zawk tak chu ngaihdam dil tur che in ania” ka mengphar deuh awk mai, engvang a ngaihdam min dil tum nge anih ka hre lo.

“Eng vang chuan maw?” ka ti a.

“Hmanzan khan a che mawi lo tih ka hria a, mahse, ahunlai kha chuan na ka ti em a..” a ngawi dat a, sawitur hre lo in ka ngawi ngar thung.

“Mahse, Nathan-a khan Colleen-i nen kan inkawp leh emaw atih vangin min tihel nan tikhan a che tih ka hre leh sia”

Ka zak nge ka rilru ana zawk ka hre lo, engtin nge chutiang chuan Nathan-an alo sawi theih ni??,He mihring hi eng kawng ah mah ka thurualpui hauh lo ang.

Chapter – 17

Sawi mai tur hrelo in ka ngawi ren rawn a, amah bawk a rawn tawng leh a,

“Ka rawn chet dan kha a mawi lo tih ka hria, mahse, na ka ti ka tih kha..” ati leh a,

“Hun kal tawh anih kha, sawi tawh lo ang, thian kan nih chuan a tawk mai” ka ti a, Thian ang bak in amah hi ka lo en ngai reng reng lo tih ka hrechiang tawh a, kan inthen hnu khan engmah na tihna ka nei lo a, inthen kha pawi tihna ka nei hek lo.

“Um, diktak chuan Colleen-i nen kan inkawp thin ngei a..” a chawl dat a, ka hriat tawh hnu anih vang ani ang, keimah ah engmah danglam a awm lo.

“Chuan..’ ka ti a,

“Unau kan ni a, mahse, chuti ngawt a awlsam chuan inthen theih anilo,kan pahnih in a diklo tih ka hre ve ve a, kan kal thui tawh em a, let leh ngaihna a awm tawhlo,Nathan-a hian hrechhuak lo phei se chuan tun thlengin kan la awmdun ang” ati leh a, rapthlak ti zet hian ka en a, Nathan-an hre chhuak lo se chuan tenawm tak a khawsak dun zel an tum tihna anih ber chu, mahse, eng nge tenawm ka tih ngawt?, tupawh an inhmangaih thei vek a, thisen zawm annih avangin an inhmangaihna kawng a bumboh mai zawk.

“Min hrilh duhsuh, chutiang engmah ka hriat a tul hleinem” ka ti nghat a, za vak lo hian a nui a,

“Nia, mahse, Nathan-a ang bawk in rilru diklo ka lakah i put ka hlau ber” ati leh a,

“Aaaahh, chutiang lam engmah ka ngaihtuah lo, ka lo buai ve na tur a awm hleinem” ka ti a, a thaw deuh huai a,

“Um, mahse, thil pakhat, Khawngaihin Nathan-a hi hnaih suh, natna bak engmah i hlawhchhuak dawn lo ania” ati leh a, min ngaihtuah tak tak te pawh a ang, kan lo induh tawn ngai reng reng lo a, kan lo inhmang tangkai tawn mai mai tih kan hrechhuak ve ve niber in ka hria.

A haw veleh khum ka pan lehnghal a, ka nunram a chau hluah hluah,Rinzuali fa neih lawmpuitur ka nih laiin ka lawmpui hleithei bawk si lo, midang te hi an natna chu kan tuarpui thei mai, mahse, an lawmna lawmpui erawh thil harsa tawpkhawk anih zia ka hrechiang ta hle bawk.

“Min va rawn tlawh duhlo ve” ka darah khawih pah in hmeichhe aw hian a rawn ti a, ka hawilet a, ka tumloh zet in ka Pitei nen kan inmelh ta ran mai, he mihring ka hmuh hian ka huatna te thunun harsa ka ti talh zel.

“Nia, ka buai thei lutuk a” ka hawilet a, ka thil lei tur ka ensan leh a.

“I putea a damtha lo a..” ka thil khawih lai ka chawl dat a,

“Ava zialo ve” ka ti tawi tak ringawt.

“Nia, nimin khan Biopsy te kan ti a, a result vawiin tlai hian kan entir leh dawn a”atih zawm leh a,an chanchin ka ngaihven ngailo a, chhungkaw group ah pawh ka awm ve ngei a, mahse, an inbiakna te engmah enlo in ka clear pawp zel a, an thusawi engmah ka hre ngailo.

“Anih chu mawle” ka ti leh ringawt,Rinzuali hnen atang a ka hriat dan in an che buai ve deuh ati a, Ka Putea lah a lo eiru nasa deuh ani ang, tunah an suspend mek tih a sawi bawk a,an chanchin engmah hian ka rilru chhungril a khawih che zo lo ani ber, an hmel ka hmuh rual a ka hriatchhuah thin zawk chu an hnen a ka awm lai a tih duhdahna ka tawrh zawng zawng te chiah kha animai,zanlaiah riltam luat avangin ka muhil lai ka hawrh hlawl hlawl thin a, a ruk in thil eitur ka zawng a, mahse, hriatchhuah ka nih vaih chuan nasa lutuk a an khum ka hlawh leh ziah thin, ka riltam luat avangin min ankhumna tur pawh tuar huam in ka eiruk mai angai fo anih kha.

Ka mit ka chhing vang vang a,theihnghilh theih ka duh rual in ka ui bawk, khangte khan chakna min pe tlat si a,

“I theih hunah lo la leng la,chaw te pawh rawn ei rawh”ati leh a, ka bu nghat a, kal thuai thuai se ka ti zawk, an fanu pasal neih na tur ah khan thil ka pe nual a, mahse, an inneihni kha Mamuani nat zual lai anih avangin ka kal ta lo.

“Ka lo tum dawn nia” ka ti a, a kalsawn chu ka thlir a, ala ngaireng, Nu chapo leh induhtawk larh mai, tu te pawh hnuaichhiah em em thin leh a biakthat duhzawng ah chuan zah nei map lo a tlawn huam thin hmeichhia kha,chuti nilose min be ngam tur anilo,ka chung a an khawsak dan zozai te kha a hre tawh lo anih chuan thilmak ani ngei ang.

Ka thil lei ho ka dahkhawm a, thlakhatah vawikhat emaw vawihnih hi inchhung mamawh lei tur in ka kal thin a, Ka nu ang chiah in engmah a tlachawp a lei ka duh ngailo, ka theih phawt chuan inchhung khur mamawh zawng zawng deuhthaw ka inchhawp lawk vek thin,he dawrah hian ka mamawh a kim a, hmundang a kal kual chiam ngai lo in ka lei kim thei deuh vek a, tlawm zawng a tlawm lutuk lo, biak an nuam a, Sumdawng anni tih an hrechiang a, a leina tur ah ka buai lem lo bawk nen hmundang ka pan ngai lo.

“Mali...i ni em?” Asangi rawn lut tur nen kan intawk a, ka inkhai bawr luk bawk nen,nuam ka ti chiah lo.

“Um, ni e, nang Asangi tiraw?” ka nui a, ka kut pahnih in ka thil lei ka khai a,

“Aw, i va lei nasa ve” a ti leh a, midang lo lut tur kian in ka tawlhsawn a, chhan ka tum lai tak in Nathan-a a rawn thleng ve chiah a, ka ang ziau tawh chu ka chip leh rih a, ka sawi tur a bo duak mai.

“I tha maw?” a tihdan pangngai in damthlup, nelawm miah si lo in min bia a, hmelhriat satliah ang in min bia tih ka hria, na ka lo ti leh hmanhmawh bawk, hreptak hian a...

“Um,tha lawm,nangni zawk?” amah chuah zawt lo in ka ti a,a bu nghut a,

“Ka kalsan ang che u, in lei teuh dawnnia” ka nuih lui sak a, engahmah min ngailo tu ngaih pawimawh vak a tulna ka hre nek lo e.

“Ok, eee, lo ding leh lawk” Asangi zawk in a rawn ti leh a.ka hawilet a,

“Naktuk zan ah kan In ah ka Birth Day party ka buatsaih dawn a, ilo kal thei ang tiraw?” ati a, ka mengphar deuh awk a, mahse, ka in control leh thuai a.
“Min sawm a ka lawm rual in ka lo kal theih ka van ring lo” ka ti a, a nur deuh nang a,

“Atea pawh ka sawm tho alawm, kan tam lo ang, lo kal ngei ngei la”ati leh a, kan inkawmngeih viau pawh ani silo, hnial mai dan tur pawh ka hre lo,ka bu ta nghat, ka thil khai rit nen, Nathan-a mitmeng chimawm zet in min melh reng bawk nen, inbiak rei ka peih lo.

In ka thlen veleh ka thu hnawk a, engvangin nge Nathan-a khan min lo chhan mai loh?, ka kal chak lo ang tih te chu hriat ve awm tak ania,Asangi hi kum engzat nge anih ang ka hre lo, kei ai chuan a upa tih ka chiang, ka ngainat zawng ani heklo, Atea ka biak angai, ka phone ka zawng a, ka hmu zo lo zui, ka haihawt lutuk hian buaina min thlen hnem tawh takzet, ka thil lei zawng zawng ka phawrh vek a, a awm chuanglo, Motor ah ka dah anih ringin Motor chahbi ka la a, Motor dahna ka thlen hma in Nathan-a Car a rawn thleng ve chiah a, ka bulah a rawn ding a,a Glass a down a,

‘Mal-i, hei hi dawrah khan i theihnghilh a” ka phone a rawn lek chhuak a,ka thaw huai mai, a va hahthlak em..lawm zet in ka va ban a, rawn chhuk tum hmel a pu lo,a thut ngaiin a thu ngur a,ka In a chhuahsan hnu khan vawiin hi ka hmuh leh hmasak ber ani a, kan inbe ngai lo a, ka awm ve tih a theihnghih pawh ani mahna.

“Ka lawm e, ka lo zawng mek a” pangngai tak in ka ti a, a bu nghut a, a tlanchhuak lehnghal chu anider, ka bul a awm a hlauh hmel khawp mai,min en danah khan thil tenawm tak hmu te pawh a ang mah zawk.

Mu chungin ka Phone ka khawih a, Instagram lam ka en kual a, Nathan-a bawk ka stalk leh ta nge nge, thil thar vak engmah a awmlo, Asangi nen an Photo thar pakhat a awm belh a, adang chu Moses-a vek..

Ka alarm ri in min tiharh a, ka walk thatchhe deuh a, ka thau belh viau lo chungin ka inzo lo a, peih vak lo chung pawn ka kal luih hram a ngai,ka tho a, ka inphihfai sawk sawk a, ka sam bu chhah zet chu chunglamah ka zial tawm tawp a,khua a vawh deuh vur avangin Jacket ka ha a, lukhum ka khum bawk a,muangchangin ka kal a, reivaklo hnu ah ka tlan a, khaw awmdan a hnim deuh ruih a, ruah erawh a tla lo,ka tlan zel a, ka bengah ka zai ngaithlak a ri riai riai bawk.

Ka sir ah midang rawn tlan ve an awm tih ka hria,mahse, tunge anih ka ngaipawimawh hran lo,min tlanpel se ka tih avangin ka tlanmuang a, a tlan muang ve zel, ka en ta nge nge,ka beisei loh zet in Nathan-a ,ka hawi let lehnghal a..

“I walk khat hle mai” a tawngri ka hrethei reng, ka zai ngaihthlak a tawp a, mahse ka earphone vuah avangin ka hretheilo ah ngai se ka duh a,hreawm in ka awm lo.

“Ka tlan ri pawh i hrethei anih chuan ka tawng ri hre tur i ni tih ka hria lawm” a la nui zui, ka tlan muang a, ka kal ani mah zawk, ka earphone ka la thla a

“Engmaw i sawi?” a tlanmuang ve nghal a,a rawn hawi a,hmalam a en lehnghal a

“Zanin kha i lo kal ang chu maw?” ati leh daih lawi a, ka lo hre leh tawh pek lo.

“Ka hrelo” ka ti a, ka hrelo tak tak..

“Atea i rawn kalpui thei ang chu,mahse, Colleen-i nen a buai hi thil nuam ani dawnlo ania” ati nghut a, a farnu chungchang mawilo tak a sawi a hreh hauh lo.

“Um,mahse, ka lo kal vangin buaina ka tawk dawn tihna ani hleinem” ka ti let a, ka inringtawk lutuk a mak ka inti zawk.

“Nia, a tha lawm,bakah Sangpuii leh Eric-a pawh an awm dawn a” ati tha ve mai bawk a,tlem in ka hlim ta deuh,anni an awm ve chuan ka mal lo deuh ang chu,a sawi ang chiah khan Atea nen kal mahila Colleen-i lak a inven reng angai dawn a, nuam ka ti tak tak lo ang, Sangpuii alo kal ve chuan a zia awm ang chu..

“Athat hlauh chu” ka ti nghat a,engmah sawilo in ka tlan zui leh nghal a, min rawn zui leh zui loh ka ngaihtuah hauh lo.

Ka inbual nghal a, Party tih vel hi ka kal ngai lo a, eng ang thawmhnaw nge hak tur pawh ka hre heklo,Sangpuii ka call angai, inbual zawh veleh ka call nghal a, a bulah chuan engmah hrelo leh mawlmawng tak ka nih ka tilang hreh lo.

“Hello...” mutchhuak aw zet hian a rawn ti a, engtin nge maw a mut rei em em theih zawk ni?

“Ila tho na nge?”

“Min rawn kaitho,eng nge?” ati hlak a,ka nui sak thung.

“Ih,englo ania, zanin ah Asangi Party siam kha i kal dawn em?”

“Dawn ang, ka la hre lo,chuan..?” ka sawi leh tur a nghak a, a mutui lai kaihthawh hi chuan biak a nuam fahran lo ziah,ka ngaipawimawh lem hlei lo a.

“Kei pawh min sawm a, kal ve ka duh a, mahse, hetiang ah hian ka kal ngailo a,eng thawhnaw nge hak tur ka hrelo” tlem in ka zam ve deuh,zawite in a nui hak a,min hmusit vang a nui anilo tih erawh ka hria.

“Lungngai lo phawt teh,chhunah Dawrah lo kal la,tunah chuan ka muhil leh lawk dawn” chhan pawh ka chhan hma in a Off zui hmak bawk,beidawng zet hian ka phone ka melh vak ringawt.

Hna in ka rilru a luah hlawllo, engmah hmanhmawh thlak a wm lo bawk a ka dah a, lunch ei hun hma in Sangpuii te dawr ka pan ta nge nge,min lo hmuh veleh a lo nui var var a, zing a tho phang zet a min betu kha chu a ang ta lo.

Ka hak tur chi min hrilh a, ka neihsa te an tha lo nilo in lei ka duh a, kan Bazar dun leh a, keimah hrim hrim hi incheina uar vak chi ka ni lo hrim hrim a, Make-up pawh ka hmang mang lo, hman loh aia hmang ang chauh ka ni mah zawk,ka nuih a za letling, mi Birth Day party a kal tur mai mai in thawmhnaw thar ka lei phah ta chu ania.

Atea ka Call ngai lo in amah zawk in min rawn be ta hlauh,tunah chuan thian mai kan ni leh tawh a, in ngaizawng ang a kan awm lai ai khan a let in kan inpawh zawk in ka hre bawk, nizan a a lo kal khan a lo kal tirh khan lawm lo viau mahila a haw dawn kha chuan hlim tak in kan inthlah thei ta kha ania,Party na ah ka kal dawn leh dawn loh min rawn zawt a, a rual a ka kal theih dawn chuan ka kal tur thu in ka chhang ve mai bawk.

“Yeap, ka rawn lam ang che, i rual chuan khawiah pawh ka kal thei vek alawm” nui chungin a rawn ti a, a hma ang bawk khan ka thian leh ka innghahna mipa rintlak ani leh thuai ka ring a, ka beisei bawk.

Dar 7 ah ka insiam peih vek tawh, Motor Horn ri ka hria a, Curtain ka pawt kau a, Atea Motor ka hmuh rual in ka Bag ka la a, kawngkhar ka kalh a, a Motor ka thlen thlak hma hret in a rawn chhuak mek chu ka zuk hmu a, ka In hi a hnuai ber chhiar tel in chhawng thumna ah a ni a,Step ah chhuk thlak a ngai a, a Floor zawng zawng hi 6 ani a, a vaiin chhungkaw pangngai in an luah vek a, floor tin hi Pahnih theuh a luah theih in an siam vek bawk,mahse, in bangdan ni lo in a laiah Corridor a kal tlang a, thenawm neilo nen kan danglamna a awm meuh lo.

“Ekhai, ka hai dawn che lawm” Motor nghengin a nui var var mai, ka nui a,a sawi diklo hauh lo ang tih ka chiang, hetiang hian ka vawikhat incheina ani a, kei lo ang tak in Make-up ka hmang uar deuh bawk.

“Khawnge Colleen-i?” kan tlanchhuah hnu ah ka ti a,pawnlam ka hawi a,kan tlanpelh lam chu ka thlir a, thli in min rawn chhem a,ka harh sawng sawng mai,min chhang lo in a ngawi vang vang a, ngaihtha vak lo in ka en a,

“Ka hre lo” ati a,a awmdan mak ka ti deuh,zawh zui chi ah ka ngai lo..

“Mal-i..”

“Um”ka ti a, min en chuanglo in hmalam a en a,a motor khalh lai chauh ngaihtuah a angmah zawk.

“Colleen-i nen kan chanchin i hria tih ka hria,mahse,engmah a awm tawhlo”mak ti deuh hian ka en a, Nathan-a kha chuan an la inkawp reng ati si a,ani hian nge dawtsawi a Nathan-a zawk ka hre tawh lo.

“Aih, min hrilh duhsuh,engmah ka hriat a tul hleinem” ka ti sap a,

“Um,ka hrilh che kha, i rilru a min ngaihdan diklo tur ka duhlo” ati leh a, a kut ah ka va vuan a, engvang a va vuan ngawt nge ka nih ka hrelo, ka hriat zawk chu thian kan nih ang in ka ring tih hriattir ka duh mai zawk.

Asangi te in kan thlen hma chuan kan tawng leh ta lo,eng ang tak in nge an inhmangaihna vangin an lo tuar dun tawh ang ka ngaihtuah pui thiam lo zawk, egvangin nge Nathan-a pawn an inkawp a huat tlat, mi te pawh first cousin innei ta nawlh nawlh pawh an awm a, athat lohna ka hre lo, Atea leh Colleen-i pawh unau ni mahse inhnaih tak anni hek lo,atir kha chuan thil diklo tak niin ka hria a, min thawng em em bawk anih kha, mahse, tunah chuan tan lam neilo in ka thlir a, an induhtawnna ah khan diklo ka hmu ta hauh lo.

“Lut ila..” ati a, ka zam tha leh a, ka ni deuh nghulh mai, Nathan-a leh Asangi hmuh dun reng nuam ka ti angem ka hre lo.

An compound ah ngawt pawh an khawsa thei tawk tih alang reng mai, Nathan-a nen a inkawp awm tak pawh anni,a chanchin hriat ka neilo, Hmeichhe lam Doctor tha tak ani a, Nathan-a bialnu ani bawk,abak engmah hriat ka nei lo.

“In lo kal maw?” kawngkhar bulah min lo lawm a, a inchei nalh lehpek,a hmelthat mai bakah a hna vang nge ka hrelo, a lang zahawm khap zel.

“Nia,kan tlai em lo ang chu maw?” nel tak in Ate’an ati a, a lu a thing mat mat a,

“Tlai lo e,lo lut ru,in duh dan dan khan lo awm ru” ati a,kan kalsan a,an lo awm nual tawh, a then an lo lam a, Music tang zet a ri dup dup bawk, pawnlam atang khan engthawm mah ka hre si lo,inchhung ah lah an thawm a na hrep bawk si.

Thutna awl ah kan thu a, tumah ka hriatsa an awm lo,Sangpuii leh Eric-a ka hmu bawk si lo,Asangi hi amah a khawsa ni lo in nu leh pa nen a awm annih hmel si a, hetiang a fa te awmtir engtin nge an phal zawk tih ka ngaihtuah a,Atea ka zawt ta nge nge,

“A nu leh pa an zau lutuk,kan Party zauh zauh a,an awm ngai lo,an zin kual deuh reng a, baakah awm pawh nise pawi an ti lo” ati a, mak ka ti lehzual,tu te mai pawn No an dawmfar a, a then in Beer an keng bawk.

“Ilo kal ve a..” ka ep zawng tak in Colleen-i a rawn thu a, ka khawng nghal at mai.

“Kan lo kal anih hi” Atea zawk in ati a,mahse, Atea nilo in keimah zawk min melh a, a mitmeng lian leh vap ham mai chuan khap mang lo in min melh a, ka kawchhung a fan rawih rawih mai.

“I dam em?” ka zahtheihlohna zawng zawng sawmkhawm in zangkhai thei ang ber in ka ti a,ka rin aiin ka tawng pawh a pangngai phian bawk.

“Dam e,biak lawk che ka duh a” ati leh a, ka inring hman lo, Atea kutah ka vuan a, ka hlau tih ka thup hleithei lo.

“Ti hian inbia ula” Atea zawk in a lo ti leh a, ka kut a rawn hum a,ka hlau tih a hria pawh animahna.

“Plss...Ate, nang ka be lo che” ngeiawm zet in a nui hak a,ka lak atangin a mit a la la sawn lo reng reng.

“Ka hria,mahse, Mal-i hi a dam tha lo a, tah hian inbe rawh u” ati hmak a, a nelawm ta hauh lo.

“Eheu,ok..a tha lawm” a tho a,min en lo in Atea a en a,

“Nangmah zawk kha ka be duh che a” ati leh a, a khawsak dan engkim chuan min fan tlat a, ka hlau tih piahlam ani ber, hlauh hi ka nei lo emaw ka lo ti hial thin a, mahse, he nu zet hi chu ka hlau tih ka hrechiang ta.

A inher a, inchung panna step lam a pan a, a lian a, a nalh bawk,Atea’n min rawn en a,

“Ka’n be lawk ang,Eric-a te an lo thleng tep ang, ka rei lo ang” ati a,ka bu nghat ringawt, inzo zet in Colleen-i chhohna Step lam pan in a kal nghal a, engvangin nge an inthen ka hre lo, tunah chuan Nathan-a aiin Atea ka ring zawk,la inkawp nise khatiang khan Colleen-i a khawsa lo ang tih ka ring ve tawp.

Atea a rawn let leh ta mai silo, Sangpuii te an lo thleng thei bawk si lo,lo kal se chuan ka hmuh loh ka ring si lo,tumah hriat ka neilo a, Nathan-a emaw Asangi pawh ka hmu lo,min ngaihven an awm heklo,kawngkhar pakhat awm chu ka pan a, khawilam kalna nge ka hre lo,ka nem hawng a, Balcony lian vak lo hi alo awm a, lawm ru zet in ka chhuak a, inchhung boruak kha nuam ka ti ve lo,hetiang hi kei chuan nuam ka tih zawng anilo a, ka kal nawn leh ka ring lo,ka Phone a nghawr dar dar a, ka en thuai a, Sangpuii alo ni a, lawm zet in ka pick a...

“Hey, in lo thleng har lutuk” ka ti nghal tawng bawk.

“Sorry, thiannu, kan lo kal lo,kal kan tum vek a, mahse, Eric-a hian buaina a nei thut a” ka phurna zawng zawng a ral nghal riai riai mai..

“Aw,anih chu,engtin nge niang?” ka ti zuai raih mai,Atea rual a kal ka ni a, keimah a haw ngawt thei ka ni silo.

“Atea a awm lo mi?” a rawn ti leh a, Colleen-i bulah a awm tih sawi kher ka duhlo.

“Awm e, in lo kal ve khan a nuam dawn a chuvang mawle, anih phawt aw” min chhan leh hma in ka off nghal daih bawk.

Railling bawh in ka ding a, ka hmalam a light phe neuh neuh chu ka en a, Falkland atang a alandan ang em chuan lang nalh lo mahse a nalh viau tho mai.

“Hetah animaw ilo awm?” Nathan-a aw ka hriat rual in ka inher nghal a, ka ding khawng lah bawk.

Chapter – 18

“Um...” ka ti sap a, a kekawr ipte a zen a, muangchangin a rawn kal hnai a,

“Khawnge Atea?” bung zet in a ti leh hluk a, ka inher a, Railling ka bawh leh a, min hnaih lutuk lo in a ding thung.

“Colleen-i nen an inbe lawk a..” ka ti a, dawtsawi kual a tulna ka hre lemlo.

“Khawiah?” a thinrim hmel hle bawk.

“Ka hre lo, a hrim hrim ah inhmu pawh nise thilpawi anih na ka hre miah lo” ka en ta nge nge, Thinrim tih hriat ngawih ngawih hian min melh run a, ka ip ru deuh chawih bawk.

“I lo buaina tur a awm hauh lo, ngawi hmak ang che” min beng dawn emaw ka ti hman hial,mahse, ka la duhtawk mai tlat lo, mi an inhmangaih hi sual anihna ka hre lo,chumai pawh ni lo in a landan ah Atea leh Colleen-i kha inkawp an ang tawh lo.

“Ka hria, mahse, nang leh Asangi hi inthen turin tu emaw in nawr ta tlat che u sela i lawm angem?” ka ti leh a,a rum hawk ringawt..

“Malsawmzual,i nihna hre rawh,Colleen-i leh Atea hi Cousin an ni a, hetiang hi a remlo” a aw hlauhawm zia chu pui tak ani..

“Ka nihna ka hriat vang takin ka hrilh che,tak tak in hlauthawng suh, i ngaih ang kha engmah a thleng dawn lo, an inkawp tawh lo” ka ti leh hmak a, a thu thu a khawvel herkual a tum hi ka kham tawh.

“Ekhai, i lo huaisen ta hle mai,lo inrawlh suh,ka sawi nawn tawh lo ang” a inher vut a,inchhung lam a pan a, na zet in a rawn nem khar pawp bawk, tu emaw tal chuan a nihna kan hriattir angai, engkim a thu thu a awm tir a tum zel a, an chhungkua ani emaw hna ah pawh nise tumah hnial kalh tu anei lo thang lutuk a hlauh tur a hrelo ni in alang tlat,mi dang te na tak a atawngkhum thin ang em pawn kei chuan ka la chhang lo,thudik tlemte ka hrilh mai chauh a, kha pawh na atih chuan anihna tak ka hrilh ngam hun chuan min that duh hial ta ve ang.

Keimah in ka awm deuh reng a, inchhunglam thawm ka ngaithla a,Atea lo kal hun ka nghal aniber, a vawt ta deuh bawk nen inchhunglam ka pan ta nge nge,a kil deuh a thutna awl lam ka pan a,Atea emaw Colleen-i pawh ka hmu lo, Asangi leh Nathan-a pawh ka hmu chuanglo, tuman min ngaihven lem lo bawk a, duh leh Phone ka khal tawh mai ang chu.

“I lo ning hman em?” reivaklo ka thut hnu ah ka bula rawn thut pah in Ate’an a rawn ti a,a nui var var bawk.

“Aih, ninglo e, mahse, haw mai ka duh tho asin” ka ti a, a hmel phelh deuh phang ah chuan thil diklo a awm anih ka ring ve ngawt bawk.

“Um, haw ila, pawi ka tih loh zawng tak..” ka beisei loh zet in a ti ve mai bawk.

Kal tum in ka tho a, ani pawh a tho nghal bawk,

“In kal dawn ami?” Atea bul a ding pa chuan a rawn ti a,ahma pawh khan ka hmu tawh, tunge anih ka hre ngai lem lo a, ka ngaihven lo..

“Um, kan kalmai ang” ati tha ve mai a,mahse, chupa chuan ala rawn din hnaih ta fo,

“La kal lo ang, ala hma alawm, bakah i Thiannu kha min hmelhriattir la..” a tawng danah a rui tih a lang,Ka nu leh ka pa avang khan zu hi ka haw hluah hluah.

“Bawiha, kal kan lo tum tawh a” ati bung nghat mai, a hre ngai biklo ani ngei ang.

“I va serious ve a, hmelhriat chauh alawm ka dil che” a nui vur vur zui bawk.

“A hmelhriat duhzawng i ni lo ang, bakah midang hmelhriat tir tur a ka rawn hruai ani lo,tu nge anih ka hriat loh leh lek phei chu ...”a chiang kek kawk viau.

Ka rak thawt ringawt, Atea tlu sawp hnawk chu kai thawh tum in ka thingthi nghal rawk rawk a, nidang ang lo tak in hlauhna ka nei lo,tlem in min thawng ve mai chauh,mahse,ka tihtur Colleen-i zawk in min rawn tihkhalh hman ta tho, a lo kal hnaih lai ka hre miah lo,

“Mawl-i, i thil tih hi i hria em?” a ti tuar a, na zet in min melh khai bawk,engmah ka tih ka hre si lo.
“Kalsawn rawh” Nathan-a tawng ri ka hriat rual in ka tawlhsawn a, a hnektu pa Nathan-a hneh zet a a man bet chu ka en a, midang an lo kal hnai nghal tuau tuau bawk,Atea chuan Colleen-i vawnna a nemsawn a, a rawn tho chhuak a, min rawn ban a, ka lo vuan vat bawk.

“I na em?” a hnekna lai ka chulsak a,

“Aih, lo ding lawk” tih leh a hnektu pa lam pan a rual leh a, mahse, midang in an lo man bet leh ta tho.

“He pa hi tu rawn hruai nge?” Asangi chuan thinrim zet hian a ti a, a kawk va bawk, tuman ka hruai an ti lo,

“Colleen,hruai chhuak rawh, i rual a lo kal anih kha” Atea chuan ring lenglawng hian a ti a, mak ti zet hian Colleen-i lam ka en a,keimah vang a buai an ni emaw ka lo hman a, Colleen-i leh Atea buaina zawk anih hmel ta.

“Ih, aw...mahse..” ani leh ni lo ang tak in a tawng bah ve nawk nawk mai..

“Mal-i,kal ang” ka kut ah a rawn vuan a,midang in engmah an sawi ve hma in min kai chhuak nghal dawr dawr bawk.

“A la na em?” in kan thlen veleh ka ti a, Fridge atangin vur ka la chhuak a,puan pan deuh in ka tuam a, a hmai deh nan ka pe a,a lu a thing a..

“Na lo e, mahse, vur a deh hrim hrim hi chu a tha ang” ati a, a hnekna laiah a nem bet vang vang bawk,

“Khatiang kha ka beisei lawk lo nasa lutuk a” ka ti leh a,

“Keipawh, tak tak in Party hi chuan eng emaw buaina hi chu a thleng duh khawp, keimah bik ah chuan ka vawikhatna ani thung a” ati a, a nui a,engtin nge maw a nuih reng theih zawk ni?

“A zialo em mai,englo, keimah vang emaw ka tia, mahse, ani leh lo in ka hre leh a, Colleen-i bialpa ami?” ka ti a, a mengphar deuh awk a,

“Ka hre lo, an lo kal dun tih zawng ka hria” ati awlsam mai,Colleen-i chungchang zawh zuina chi ah ka ngai lem lo.

“Nathan-a hian a duh che in ka hria” tih ngaihna hrelo zet in ka nui ringawt,hmanah chuan min lo duh tawh thin ngei a, mahse, tunah chuan ani tawh lo.

“Ka ti tak tak, mahse, fimkhur turin ka duh che,i tan tawh chuan i tal chhuak zo dawn lo ania” ati leh a,

“Thurawn nge Order?” fiamthu a lak sak tum in nui chungin ka en a,a nui tho nangin nuihzat vang a nui ani lo tih erawh alang.

“Ani ve ve,Colleen-i nen kan inkawp tih a hriat hma chuan ka Cousin anih mai bakah ka thiantha ber ani thin a,mahse, tunah chuan hmelma ang in min en a, keipawn chutiang chiah chuan..mahse, kan riru chhungril hi kan chhungkaw zingah kan tilang lemlo ” ati leh a,Hmeichhia hian khawvel hi kan va han ti buai hneh tak em, thiantha kan ti then phawk thei a, chhungkua kan ti darh vek thei bawk, chutih rual in hmeichhe tha leh fing chuan mi a inzawmkhawm tir thei leh lawi a, kan huat zawng a hoh ang bawk in kan lawmna a ho in a te tham em em bawk si, kan Hahthlak in hriatthiam kan har alo ni e.

“Apawi ka tihpui che, i kawng zawh a bumboh em mai” ka ti a, ka khawngaih tak tak bawk.

“Mi zawng zwng hian kan zawh tawk theuh harsatna kan phur alawm,engtik ah emaw chuan midang ka duhtak leh nun bul ka tan pui tur ka la hmu ang tih ka hria alawm” ati leh a,a sawi dik reng mai, kei ngei pawh hian tawrh zawh loh hial tur khawp a tam ka lo tuar tawh a, mahse, ka la dam tlat, harsarna te hi hel tum lo in hmachhawn ila hneh tum zawk ila nun chu a pangngai in alo kal mai a, hlim rengpawh tum ila a theih loh a, lungngaih reng pawh tum ila a theih chuang hek lo.

“Thil ka zawt thei che angem?” a rawn ti leh thut a, ka bu nghat a, engtak min zawt ang maw?

“Nu leh pa i nei lo nge an thihsan tawh che?” he thil hi vawitam zawhna ka dawng tawh,in ang vek in ka chhang ziah bawk.

“Pa ka nei lo, Ka nu erawh a boral tawh thung a” ka ti a, a thu ngil a,

“Pawi ka tihpui che,nangmah chiah in i khawsa a, kum naupang te in i in enkawl zo em em lawi a, vawitam ka zawt ang che ka ti thin a,mahse, tunah chuan Nu leh pa i mamawh tawh hleinem” ati leh a,ka Nu ka mamawh zia a hrethiam lo tih ka hria, nu leh pa kar a hlim tak a seilian tan chuan fahrah nun hi ka hriatthiampui min ti thin mahse dawt mai ani,midang te dinhmun hrethiam tur chuan an dinhmunah kan ding ve phawt angai.

“Ka kal phawt ang, a tlai mai dawn” tih leh din a rual a, In kan thlen khan dar 10 a pel tawh a,kan thu rei ve leh tawh viau mai.

Kawngkhar thleng ka thlah a, ahma khan hetiang mizia anei tih hi engtin nge ka lo hmuhhmaih theih ka hre lo.Engvangin nge Colleen-i nen harsatna an zawh dun hrep tawh hnu ah an tawp leh si?,ka ngaihtuahna kawm chungin ka mu meng kar a, ka nu ka mit thla ah alo lang a, ani pawh ka pa khan mualpho na kawng tinreng a zawhpui a, mahse, a tawp thlen hma in a kalsan leh lawi a, Colleen-i pawh an tawp chhan hrelo mah ila a landanah ala duh hmel nasa bawk si nen,ka khawngaih ta hial mai.

Nitin dawrah ka kal a, a hma ang bawk in Atea a rawn lang tam leh tawh, kan inkawp leh ang in an ngai anih pawn pawi tihna ka nei lemlo, thudik kan hre ve ve a,midang hriatpuina kan mamawh lem lo.Nathan-a ka hmu leh ta lo,min rawn be lo a, ka be ngai biklo,inbiak mamawhna kan nei lo ti ila a dik zawk,vawiin hi Mamuani boral cham thla 3 na chiah ani a,tlai lam ah chawei turin min rawn sawm a, Atea nen kal kan tum a, keima thu in Atea ka sawm tel animah zawk, Mamuani nau a zirna zawm turin a chhuk leh tawh a,an nupa leh an nula nen chauh an awm a, an khua a har thin ka rin avang in a khat tawk in ka tlawh ziah bawk.

Dar 4 rik hma hret in Atea nen dawr kan chhuahsan a, kal pah in Mamuani nu eitur ka lei sak a, Apa hi pa tawngduh leh kawmnuam tak mai ani a, anu hi chu a tawngduh lutuk lo, mahse,ka len chuan kan titi hlut thin tho.

Nathan-a car lo ding vang ka hmuh rual in ka tim deuh sawk mai, diktak chuan ka hmu chak miah lo, a lo awm ka ringlo hrim hrim bawk,Moses-a a rawn hruai anih chuan a lawmawm viau thung ang.

“Nathan-a pawh a awm anih hmel hi a” ati a, a aw ah a phur lemlo anih hmel.Ka bu nghat ringawt, Door Bell ka hmet a, kawngkhar a rawn inhawng rawk a, Moses-a a rawn lang a, a nu thih hnu ah ka hmuh leh hmasak ber na ani a,a cher deuh in ka hre bawk,a hmelthat na leh a duhawmna erawh a bo chuang lo.

“Ehe, hei chu Moses-a animaw?” ka ti a, a nui ver ver a, a sam kir buk laih kha a chhip ah an tawn tawmsak a, mipa nilo in hmeichhe naupang a ang zawk mah..

“Aw, Aunty,min la hria em?” ati reuh a, zah hmel deuh in a kut a hmuam a, pawm nawk nawk ka chak kher bawk.Api a rawn lang a, a pi kut ah a dawm nghal thuai a, ati deuh dek bawk.

“Hria e, i dam em?” ka ti a, Inchhungah kan inzui lut a, ka thil khai lai Mamuani nu ka pe a,

“Eng nge ni i rawn ken?” kal pah in a ti a, a puan ah Moses-an a dawm tang bawk.Nathan-a ka hmuh mai ka rin nen ka hmu hauh lo.

Reivak lo kan thut hnu ah Inchung lam atangin Nathan-a leh Mamuani pa an rawn chhuk thla dun a, thil tha lo thleng ang maiin an hmel a dur dun khap bawk,min en lo in Mamuani nu a en a,

“Ka kal rih phawt ang, Moses-a chu zan in riak se, naktuk ah ka rawn lam ang” ati nghut a, Mamuani nu erawh a ngawi ngar thung,thil diklo a awm tih a chiang,Moses-a chungchang anih ngei ka ring bawk.

Moses-a Tv en lai chu a pan a, a bulah a thu hniam a,a kut tereuhte a vawnsak a,

“Bawiha, zan ah Api leh Apu bulah i riak ang a, naktukah ka lo hruai ang che” damthlup in a ti a,

“Anih leh nang ilo kal leh dawn em?” a Pa a en ran a, ka mit ka la sawn thei lo.

“Aw,zanah thil pawimawh tihtur ka nei a, ka rawn bia ang che”ati a, a biang ah a piai zauh a,

“Anih leh naktukah chuan ilo kal tak tak ang tiraw?’ ati leh a, a hmeltha takah chuan hlauthawng hmel a lang bawk,ava mak em!, kum 4 vel chuah ala ni a, engtin nge an enkawl ka hrelo,Naupang dang anglo tak in a a fing em em a, thil thui tak ngaihtuah ang maiin a chal a ti chuar nang bawk.

“Um, ka lo kal ang” a ti a, a tho a, a chalah a fawp zauh a,ka lo thaw tha ngam lo,a kal chhuak tur chu ka thlir reng a, vawikhatmah min melh eih lo,kei leh Atea kan awm ve tih hria ang pawn a awm eih lo.

A kal tak hnu ah chuan kan tawng zawm leh a,Mamuani pa in be hlut a, Atea nen an titi a, Patling ani a, a rilru ah thildang a vei anih pawn a tilang hauh lo ang tih ka hria, Hna chungchang an sawi dun a, kei erawh choka ah Mamuani nu ka pui a, a Mood a tha vaklo ani ang, a tawng meuh lo.

“Mal-i nen kan lo tihzawm ang,insuk vel lo han enfel ta che” ti in an nula a tir a, eirawngbawl hi ka thiam lem lo a, mahse, ka putea te bulah khan ka thiam emaw thiam lo emaw engkim ka tih vek angai thin a, a hnu ah keimah in ka awm leh a, eisiam kher hi chu nuam ka ti zui ta viau, Ka pitei min hrem thin na leh tihduhdahna ah chuan ka lawmna awm chhun ani hial ang.

“Nathan-a khan a nu remtilo chung Moses-a a rawn dah a” kan ngawih deuh reng hnu ah a rawn ti chhuak a,

“Kan tupa ani ve tho a,hetiang em em mai a lo kal an ui hi ka hrethiam chiah lo,Zan in riahpui ka dil a, chupawh an remti lo a, mahse, Nathan-a khan a riah tir ta hram a, a tello in ka awm theilo tih vel mai mai, keini pawn kan ngai ve tho a, reitak awmpui kan tum pawh ani lo a” ati leh hlak hlak a, hei ngei hi anih hi an Mood lo ti diklo tu chu.

“Anih chu mawle, mahse, Zanin tal a riah chuan a tha alawm,ih..Nathan-a be turin min duh em?” engvang a sawi ngawt nge ka nih ka hrelo,Mamuani nu aiin Nathan-a chungah thu ka nei zawk ang hrim in ka tawng a, hrehtak hian a...

“Ka hre lo, amah hi chu a ziawm, anu leh a Farnu zawk saw an hahthlak,Colleen-i hi chu Mambawihi khan a ti thei lo a, kei pawn ka ngaithei bau lo” ati leh hlak a,kan in ang ka ti rilru a, Atea chungchangah kha chuan ka lainat titih a,mahse, amah hrim hrim hi ka ngainat zawng ani hauh lo.

“An ngaihtuah lutuk ani ang” ka ti leh a,a thil ken lai a dah a,

“Mahse, keipawh a pi ka ni ve tho a, ka ti na dawn tihna ani hleinem” ati hmak a, a dik viau, mahse, Colleen-i chuan hetiang zawngin a en hauh lo ang.

Chaw kan ei kham hnu ah Moses-a ka bulah a thu kak a, ka phone a khawih a, inti fing zet in min hrilhfiah a, ka en ning theilo,Atea lam a hawi a,

“Uncle,ila haw dawn lo mi?”ati a, makti deuh hian ka en a.

“Ka haw tawh mai dawn mi?,Moses-a hian min ning aniang” a nui a,

“Aih, Aunty te chu hetah a riak ve dawn alawm,tiraw?” min rawn en a, a mitmeng lian kel kawl, fiah zet chuan a pa a ang tih piahlam ani,ka nui a,

“Riak dawn lo e, tihtur ka nei a,Api bulah nuam deuh in i mu dawn lawm” ka ti a, ka malchungah a rawn bawk a,

‘Nangpawh Apa ang in i buai ve thin ami?” ati leh reuh a, Apa ka huatna a zual sauh bawk, a buai chhuanlam ah hmangin a Fapa ngaihsak lek lo in a bialnu bulah a khawsa kual vel ani khawp ang.

“Achang chuan Puitling te hi kan buai thin a” ka ti a, a sam tawn phelh then niaih chu ka chul mam sak a,

“Nia, Apa pawn chuti chuan a ti a, Apu pawn,chuan ,Ani pawn” ati leh a ham zui bai bai bawk..

“Kan haw phawt ang a, nangmah hmu turin ka lo kal leh vat dawnnia” ka ti a,a lu a thing a,a sam nem leh kir chhap mai chu a phe ve lauh lauh bawk.

Atea nen kan haw tur chu Motor thleng min thlah a,a ban a vai lauh lauh chu a lan theih chhung ka thlir a, ka mittui a rawn baw zawih a, Atea hmuh hlau zet in ka hru a, pawnlam ka hawi avangin a hmuh loh hram ka beisei,

“I ngaina hle ani maw?” ka kut a rawn vuan a,

“Anih hi,ka duh aiin ka ngaina” ka ti a, za lo zet in ka nui a..

“Amah te reuh pawh khan a ngaina che alawm,in thudun phei kha chu Nufa in ang khawp mai” ati leh a,ka kut a vawnna a la sawn a, ka Bag hnuaiah ka thukru vat a, nghet zet in ka suih a,

“I ti mak lutuk,mahse, mak ka ti, Moses-a hi Mamuani te In lam a kal an khap tlat a,an tupa ve tho ani a, an ngaih ve tehreng nen” ka ti a.

A tlak karh a,”Thilmak ani hleinem,Colleen-i leh a Nu te chuan an mahni lam bak tumah an ngaihtuah ngai hleinem” ati hmuk a, ka awih chiah lo, Colleen-i chu ani maitei e,Anu kha chu chutiang a rilru kawi pu tur chi ani lo.

In kan thlen hma chuan kan tawng leh ta lo,ka rilru ka kawm a, Nathan-a hmuh tul ka tihna in min tur ut ut ani ber, Engvangin nge Moses-a hi a Pi hnenah kal an phalloh ka zawh angai,a Fapa ani a, a Nu ten phal lo mahse a kal tir tur ah ka ngai...Ka insehruh teuh mai, ka be ngei ang,Moses-a tan pawh a chang a boruak dang dawn hi a tul a, a mamawh bawk,kei pawh Fahrah ka ni a, tuman min enkawl peih lo,mahse, Moses-a erawh chu amah enkawl an inchuh ani ber.

Reilote Atea a rawn leng a, a haw veleh Khum ka pan nghal a, Nathan-a be turin ka insehruh a,ka sawi ve tur a awm lo tiin min chhan ngei ka ring a, mahse,Mamuani nu vang tal pawh khan ka biak angai,ka call ta nge nge,a Pick hma in dah leh mai ka duh a, mahse, ka Off hma in a pick hman ta tho,

“Hello..” a aw nelawm lo zet ka hriat rual in ka sawi tur ka sawi hreh leh a, ka inchhir nghal bawk.

“Kan inbe lawk thei angem?” pangngai thei ang ber in ka ti a.

“Um,hei kan inbe mek alawm” ati nghut a,a va han ngeiawm thei ber tak,mahse,ka sawi tawh ta sa sa, tawp leh mai ka tum lo.

“Nia, mahse, Moses-a chungchangah ania..”ka ti hman chauh a,a rawn tawng chuan min sawi zawh tir hman lo.

“Ok,ka lo kal mek, ka lo thleng tep,ka lo thlen hunah kan sawi dawnnia” a Off nghal a,hreptak hian...thinrim zet in ka Phone ka melh vak ringawt, awmzia erawh a awm der lo.

Sana ka en a, ala tlai hran lo, alo thlen hma in ka sawi tur ka ngaihtuah lawk a, engtin pawh min chhang se thinrim lo turin ka rilru ka siamfel angai, a mize ngeiawm tak ang bawk a ngeiawm a ti let lo turin ka insehruh a, alo thlen hma hauh in ka lo tang lutuk a, ka thu hleithei lo.

Kawngkhar ka hawnsak rual in a Perfume rim in ka hnar a verh nghal zar bawk, he Perfume rim hi khawi hmunah pawh hria ila Nathan-a ka hrechhuak ngei ngei bawk,Tlai a a thawmhnaw hak kha ha tawh lo in Pyjama a ha a, T-shirt dum a ha a, Slipper dum a bun bawk.

Thu tur a ka tih hma in a thu a, ka zam ani tih tihlan ka duh hauh lo,

“Khawnge?” nelawm lo zet hian a ti a,a sawi awmzia ka hre lo.

“Tu maw?” ka ti let ha a,a nui suk a,

“Ka Unaupa duhtak kha mawle,oh,nidawn tak, ka lo kal dawn tih a hre tawp nang” ati duah a, chhang let lo turin ka insum hram hram ani ber, a chhungte chanchin sawi nan pawh hian tawngkam a duhtui lo viau zel mai a, mak tak ani.

“Thingpui i duh em?” ka ti a,a bu nghut a,

“Apawi lo khawp ang, Moses-a pian hma a i Thingpui lum ka in kha a tuizia ka la hrereng ania” ati leh kher a,nidang a kan inhmuh ai in ngeiawm zual tak ani,Engmah sawi lo in choka ka pan a, a nui ri hawk ka hre hman tho.

Thingpui nen ka let leh chuan Tukverh bulah dingin tu emaw alo be mek a, a tawng zawi sup chuan tu nge a biak awm ka rin hriat thei mai.,Ka thawm hria in a rawn hawi let a, a Phone a kekawr ipte ah a thun nghal daih bawk.

“Le...han sawi la” ati a, ka thingpui tlem ka dawt a,a tui leh tui loh pawh ka hre lo,ka sawi loh tur thil ah ka inbarh lut niin ka hre leh pek tawh.

“Moses-a hi Mamuani te In lamah kal in phal vak lo niin ka lo hria a” ka ti a, ka chil ka lem khawlh a, engmah sawi lo in min en run ringawt,

“Api leh Pu anni ve tho a, lu an sun a, an Tupa hi an ngai ve ngawih ngawih a, Kar tawp ah tal Mamuani te IN lamah riah tir thei la atha ka lo ti a” ka ti leh a, .

“Ka Pi hlui in sawi turin a ti che tih ka hria alawm” ati a, ka ngei tawk a tling,Mamuani nu kha a lungawi hauh lo a, mahse, hetiang sawi turin min ngen hauh lo,ka sawi tih hria se engtin nge angaih dawn pawh ka hre lo.

“Aih, a ti lo,engmah a sawi lo, ka en khan ka hre mai” ka ti let hmak a.

“A tha anih chu,tihkhan i sawi tur i sawi zo em?” ati a, hnunglam a ngheng a, hriathiam har zet in min en a.

“Sawi zo a, mahse, min chhang hleinem” ka ti a,

“Ka sawi tur ka sawi phawt ang, chumi hnuah ka chhang ang che” ati leh nghut a,

“Eng nge sawitur i neih a?” ka ti a,a thu mar a,

“Pawimawh awm lo in ka rawn hmuh che ring suh,lo ngaithla rawh, Pakhatna,Atea hi then turin ka ti tawh dawn lo che, mahse, kan Pahnih in kan inkawp tan tawh ang,Pahnihna, Moses-a chungchang ah buaina ka tawk maithei, kan inneih a tul thut maithei bawk..” ka melh reng ringawt, Bungrua emaw min ti emawni le?

Chapter – 19

“I sawi zo tawh em?” dam thlap in ka ti a,a thle buk a,

“Aw,hnialna i nei em?” ati tha ve mai bawk,hnialna ka neilo anih chuan mihring ka ni nang mawle ka ti rilru a.

“Avai khan ka hnial che” ka ti a, ka tho zui nghal a,ngaipawimawh lo hmel fe hian min melh a,

“i tum chhin dawn mi niang?” ati duh lek.

“Ka tum chhin dawnlo,achhan chu i duh ang khan engmah ka thlentir dawn hauh lo,ahma khan kan losawi dun tawh ngei a, mahse, min mamawh na ka hmulo,chubakah i duh chuan Asangi i nei thei reng a, kei nen a inzawmna lem lo siam hi tul ka ti lo” ka ti leh a.

“Adik maithei, mahse, Asangi nilo in nangmah alawm Moses-a pai”ka tim sawk mai, Moses-a a hmang tangkai zel anih chuan reitak ka hnial zo dawn hauh lo tih ka hria, ani pawh hian chiang tak in a hre bawk.

“Aih, he thil hi Moses-a nen inzawmna a nei hauh lo,Asangi nei la,ani nen Fa in nei leh anih chuan engkim a kal tluang ang tih ka chiang, Moses-a vang anilo, nangmah leh Colleen-i chungchang zawk anih hi,bakah..” ka chawl leh rih a,ka sawi a hresual emaw ti niawm tak hian min melh ngur ringawt thung.

“Asangi hi i thik chu ani lo maw?” ka nui hawk ringawt, ka nuih chhan ka hrelo, a sawi dik lutuk vangin ka hnial theilo zawk pawh anihmahna.

“Theihnghilh rawh” ka ti hmak a, a hmui a pet sawi zauh a,

“Ok, i thik lo anih chuan buaina a awmlo,kan inrem em?” ati leh a,chhan ngaihna pawh ka hrelo,a duh ang ang in engkim hi a kal thang lutuk a, theihtawp in hnial tum mah ila a theih loh chu ani ber, a chak lo zawk ka la ni ta ngar ngar erawh ka lungawi hauh lo.

“Lawk, Atea hi thlah ang che” a ti leh hmuk a, ka melh reng ringawt.

“Ka thu thu,nang nen kan thawh dun dawn avang a ka thlah na tur ka hre lo,Bakah,kan mimal nun insawisak lo ang” ka ti a, Tukverh lam ka pan a, Thli a rawn thaw lut a, ruah sur tur ang maiin a thawm ana phian bawk.

“Um, ka pawm e,mahse, hei erawh ka sawi tel leh ang,ka Bialnu i ni dawn a,ka ta i ni tih ka tilang fo anih pawh in mak ti suh ang che” ka thiltih lai ka chawl dat a, mahse, hnial a sawt lo tih ka hria, hnial mah ila a duh chu a ti tlang leh dawn tho a,tha kan tih ang ang a nun hman hi a tawk viau.

In a chhuahsan meuh chuan ka thu hnawk mai, ka chau vel vek,Nathan-a hi chu buaina hlawm niin ka hre ber tawh, Moses-a hmang in min kar a, min tilui tih hre mahila ka hnial thei chuang silo,nun hi a hahthlak mang tak e, kan ta tur nilo tih hre reng mah ila kan piantirh atang a mi ang a min siamtu, ‘Beiseina’ hian beisei lo theilo in min um tir zel a,mi vannei te tan chuan Beiseina hian kawng tamtak ah hlawhtinna in a zui ngei ang, keini ang,Fahrah, lu nghahna hmun pawh neilo tan chuan Beiseina hi beidawnna mai ani leh ziah tho.

Bungraw lo thleng thar ah fello a awm avangin min rawn ko a, inhnuaiah kan bungraw Stock na hmun ah chhuk tum in ka tho a,mahse,Nathan-a rawn lut mek chu ka Room kawngka inhawng atangin ka va hmu a, ka hmuh rual in ka thu leh rih a, eng tak rawn tih tum ang maw?,a hawi kual a, kan Nula pakhat in a lo be thuai a, ka kun a, ka hmu lo der ta ngawt,eng infiamna nge a rawn khelh tan hi ka hrethiam miah lo.

“U mal, inleng i nei a” a rawn dak a, a hnungah Nathan-a a rawn ding lawr nghal zuah bawk,hreptak hian..chimawm zet in a a la nui zui bawk.

“Oh, nang maw?, lo lut rawh” pangngai thei ang ber in ka ti a, kan nula chuan min rawn en a, a hmel hlim sarh ah chuan ahma a kan chawei na a a hmuh tawh kha ala hria tih ka hre thei a, ka nuih sak a, Nathan-an a rawn kal pel a, lai zet in a inher a, a chhuak a, a rawn hawi let leh zauh a, a hmui phun in eng emaw a sawi a, a awmdan chuan ka nuih a ti za a, kei ang bawk in Nathan-a huhang in a tibuai ve tih hai rual ani lo,ka dem hauh lo, chhelo miau hek le.

“Thu la..” ka ti a, ka ep chiah a Chair ah chuan a thu a, uluk zet hian ka Office tereuhte chu a melh kual a, ka lo zam em em ringawt,ka tan pawh a tawk tehlul nen, a rawn thu ve chuan a tilang te ta sawt in ka hria,a Perfume rim pa zet chu a nam ram ram bawk.

“A nawm reuh hi..” ati sup a, a lang nalh takzet, Louis Philippe Kamiz Var,a Pawl tak a Spot zeuh zeuh a ha a, Kekawr, Cotton Navy blue a ha a, a inbilh lut thlap bawk.a Pheikhawk lam erawh ka en lo, Rolex sana, Gold Colour a bun a, a kut zungtang ah Inneih Zungbun a awm bawk, he thil hi chu Mamuani nen an inneih lai atang khan a bun tawh a, ka hmuh apiangin a bun ngei ngei bawk.

“Nia, ka tan chuan a tawk reng” ka ti a, buai awm tak in Dawhkan a Lehkha awm ho ka remtha a, en loh hram hram ka tum lui tlat bawk.

“Umal, Coffee nge thildang zawk ka rawn lak ang?” kan nula bawk kha a rawn dak leh a, Nathan-a a melh zak zak bawk.

“Aih, engmah keichuan ka in lo mai ang Godown ah kal ka lo tum mek a, mahse,Nathan...eng nge i duh ang?” ka zam zia thup chungin a mit lian leh melh na zet ah chuan ka en a,ka kut a thlan dap dap mai.

“Um, eng pawh a pawilo..” ati sup a, kan nula a kal chhuak a, keipawh ka ding ve nghal a,

“Godown ah kal ka lo tum mek tak tak a, pawi i tih loh chuan...?” za hauh lo in ka nuih lui a,

“Ka lo kal ve dawn mi niang?” ka vawm pawp chak lutuk,inpawh leh reitak inkawm tawh ang maia a khawsa vel chuan min ti thinrim teuh bawk.

“Aih, a ngailo,eng emaw enfel lawk angai a, pawimawh a awm loh chuan i duh leh i kal leh thei a, ilo la thu thei bawk a, ka rei deuh ...” a ban a lek kang zauh a,

“Ka lo nghak ang che, i Office hi ka lo thlir kual ang” engkim hi a plan lawk angin a thleng emaw tih tur hian a dik thlup zel a, keilah ka sawitur ka theihnghilh ti tih bawk.

“Mahse....” ka ti hman chauh a, a rawn tho a,

“Apawilo,zuk kal rawh, ka lo nghal ang che, bakah Lunch kha chu kan In ah kan ei dawn kha...” a mit a siai zauh a, hnial ka tum chu Rinkima inthlahrung deuh a lo ding ka hmuh rualin ka tawp chawt a, hei vang lek hi anih hi alo sawi?,Lunch ei dun kan tum ka hre lo a, An In ah kal tur a min sawm lai ka hre hek lo.

“I hman tawh em?” ti deuh tak hian a rawn ti a, ka bu nghat a,thinrimna hun ni heklo le,nui chungin ka en a,

“Lo thu lawk la, ka rei lo ang” ka ti ta nge nge, a hmel a hnehtu inti hmel lo lang chu ben sawk ka chak ber, ka beng dawn lo lutuk tih ka hriatna chuan a hma ai pawn min ti thinrim zawk in ka la hre cheu..

Inhnuai ka thlen thlak hnu ah ka insehruh nasat zia ka hre chuah, ka nuih derna lamah ka biang a kham thum bawk,hahthlak lutuk,hetiang a rawn khawsak a tum anih chuan ka buai phah hrep dawn a ang, engmah pawisak a nei der si lo.

Bungraw lo thleng thar zawng zawng an dahna lamah List nen ka phei a, ka en mil zel a, nidangah chuan Rinkima leh kan nula Senior in an enfel mai thin a, mahse, tun ni 2 kalta khan kan Senior hi a damthalo a, a chawl a, Nizan lam a bungraw lo thleng hi Rinkima leh kan nau pakhat in an en pui a, Rinkima zawk in kimlo leh diklo a awmlo tih a confirm vek a, mahse, zingah a kim ta tlat lo,tumah rinhlelh ka nei lo a, hei leh chen Dawr ka neih ve hnu hian tumah ka chhawrte ah rukruk ching an la awm ngai tlat lo,tun tum pawh hi tihsual palh liau liau ah ka ngai a, a fel mai ka ring bawk.

Ka beisei ang in a fel thei ta lawk lo,ka ennawn leh vek pawn kimlo a awm tlat,Rinkima lah hauh hlau in ka sir ah a ding zum zai bawk, a thiamloh ani lo a, hauh ka tum hauh lo,muk zet in list nen ka enmil leh a,

“Mal-i, i Phone i kalsan a” ka phu zawk a, ka inher nghal thuai bawk, Nathan-a chuan ka Phone keng chungin min rawn pan a,ka ban thuai a, ka lo ngaihtuah muk deuh a lo kal an awm tih pawh ka lo hre lo.

“Ka lawm e..” tih leh lak ka rual a,

“An be duh che a, ka lo Pick sak che a” ati a, Phone a kawk zauh a, ka va han mawl tak, lo ngaihtuah thiam ve awm tak, chuti nilose helai ah engmah tihtur a nei lo,ka kenglo anih pawn ka let leh dawn tho a ,min rawn pek kher a tullo..

“Hello..” ka ti a, ka kalsawn pui nghal a,

“Enteh, I number ka zawng nasa lutuk a, i Dawr bungrua niawm tak hi hei an rawn zuar a, mak ka ti deuh a” hmeichhe pakhat hian a rawn ti a, a aw ah tu nge anih ka hre mai lo, ani lah chuan min hriat hmel viau lawi a.

“Oh, animaw?,khawilai ah nge an lo zawrh le?” ka ti nghal a, ka thil buaipui nen a inkaihhnawih hmel avangin ka beng a verh zak mai.

“Aw,min hre na nge?,I pi Sangi ka nia” ka rum hak mai,ka tumreng pawh ani biklo.

“Eee, anih chu, ka lo kal dawn nia” min chhan leh hma in ka Off nghal hmak bawk.

“Rinkim, kal chhuah kan ngai,a hmanhmawhthlak ania” tih leh Kawngkhar pan ka rual a, tu nge lo va zuar tu ka hriat ngei ngei angai, chumai bakah vawiin hian tumah kan naute kan senior tih loh chawl an awm lo a, Dawr leh Godown lah engmah kawngkhar chhia a awm heklo.

“Ka lo kalpui zawk ang che,Rinkim, lo awm rawh” Nathan-a tawngri ka hriat chuan ka pen lai min ti ding dat mai, hei chu a tel ve na tur anilo, alo inrawlh ka duh heklo.

“A tul lo ang, kan tifel thei ang, i duh leh min lo kalsan mai dawnnia, nidangah ka lo kal zawk mai ang” ngeiawm zet in ka nui a,ani pawn a duh duh a sawi a, tunah chuan ka duh duh ka sawina hun a ni rih tlat.

“Ni lo e, hei hi ka mawhphurhna alawm, i tel ve na apiang chu ka telna tur ani tih i hriat kha” inmelh hian thih theihse a awm hmunah a Thi nghal ngei ang.

Darkar chanve a ral leh meuh chuan Pi Sangi te In kan thleng der tawh,Nathan-a Motor khalh thiam zia ka hrechiang hman viau, mahni inringtawk tih hriat zet in a kut zungtang sei thlurh in a Steering hnehsawh zet a a Control chu hmuhnawm ka ti a, ka lo en veng veng zel,ka en tih a hria anih pawn a tilang hauh lo,a Motor khalh lai chauh ngaihven tih hriat zet in hmalam a en ngur a,a bulah ka thu tih pawh hre hmel a pu lo,Ransa nen kan danglamna a tam lo khawp in ka hria.

“Khawilamah nge?” Pengthuam kan thlen takah chuan a ti hmuk a, min rawn en a, ka lo en reng bawk si nen kan mit a intawng a, rang zet in ka hawisawn nghal thuai bawk.

“Helamah hian..” kawngchho lam zawk ka kawk a, ka Nu damlai khan vawitam ka kal a, a Boral hnu erawh chuan Chawei khwm na a kan kal tum in ka kal a, mahse, khami ni khan Fahrah ka nih avang a hmuhsitna ka dawng ta thung, ka kal leh tawh ngailo ang tiin ka rilru ka siam hial anih kha, mahse, hei,tunah ka kal leh dawn ta, kum a vei tam tawh, mahse, min tawngkhum dan kha nimin ang maiin ka hriatrengna ah chiang em em in alo lang leh a, ka mit ka chhing ta ngawt.

“Diklo a awm em?” min ngaihtuah hmel zet hian a ti sup a, ka lu ka thing ringawt,

“Tap tur i ang em a,le, sawlai a Pitar lo dinna saw ami kan kalna tur?” ka mengchhuak nghal a, Pi Sangi lo ding ul ka hmuh rualin ka bu nghat a,

“I hriatchian hmel hle mai, tu nge anih?” nelawm lo zet in a ti leh a, ka lu ka thing mai,

“Hmelhriat satliah “ tih zawng in ka chhang, ka tan chuan chu aia sang nihna nei heklo le.

Motor atanga ka chhuk chu min rawn pan a, a nui hmel te chuan ka luak a ti chhuak hluah hluah mai,mahse, tha tak a biak bak tih theih ka neilo,

“An kal tawh, in lo thleng tlai hret a” ati nghal a,

‘Ehe, a va pawive,chuti anih chuan an kalna lam i hria em?” ka ti a, a lu a thing a,

“Hrelo,mahse, an hmel langchiang turin an thla ka la a, mahse, a phe ta deuh,Phone hi ka hmang thiam meuh lo” ati leh a,kum 60 a hnaih thuak tawh a, inchei peih tak anihna hian a lang tar lutuk tur a ti ziawm viau.

“A tihzia nasat chu, ka lo en thei angem?” Nathan-a chuan a rawn ti a,

“Thei e,lo lut phaw ru, kal leh nghal intum ngawt ami?” ati a, Nathan-a ka en a,

“Kal leh nghal mai ang chu” ati boh a,

“Lu lut phawt ru” tih leh inchhunglam pan a rual a.zui mai loh chu tih theih a awmlo.

Inchhung an lo chei danglam vek tawh,an lo sak belh a,ka hriat thin lai ai chuan a lian fe tawh,Ka Pu a pension tawh leh Pension loh ka hre lo,Thutthleng ah alo thu a, Phone alo khawih mual mual a, kan thawm hria in alo hawi chhuak a, alo tar ta hle mai ka ti rilru a, ka Pu, ka Nu Pa nen in ang tak anni tawh,

“Hei, i Tunu alo thleng ania” ka inring hman lo, Nathan-a kutah ka vuan a, nghet zet in a lo hum vat bawk.

“Mambawih, min va tlawh lo theive le” a rawn tho tuih tuih a,ka nu unaupa nimahse ka manganlai zawng zawng khan ka lamah a tang ngam lo,a Tunu ka ni chungin a Nupui hlauh luatah min tan ngailo anih kha, chuti nilo se hetiang a vakvai mai mai lo hian min enkawl ang chu.

A kut rawn phar chhuah chu tim dai hian ka vuan a, rang zet in ka la let lehnghal zat bawk,ka chung a a nupui khawsak dan kha alo hrelo tak tak anih pawh in Putea ten min hnawhchhuah khan an hnen a awm tur in min la ngei ang,mahs, chutiang engmah a thleng lo anih kha..

“Hei hi tu nge ni?”ati a, Nathan-a a en a,sawi mai dan tur ka hre lo,Ka bialpa ani lo a, ka thian ani heklo,ka thawhpui pawh ani chuang lo,ka dinkhawchhuah theih nan an fa ka paisak thu lah ka hrih dawn der si lo.

“A pasal tur ka ni e” Nathan-an a tih rual in phawk lutuk in ka en nghal vat a, a hmel tak ngul maiah chuan fiamthu hmel engmah alang hauh lo zui,hei chu a ti mah mah ta...Moses-a tan a lemchang mai kan ni a, helai hmunah hian hetiang a tawng a tul hauh lo.

Chapter – 20

Ka tawng tum ang zuau chu ka kut ah a rawn chelh a, a mitmeng a Warning awm chu ka hmuh hmaih hauh lo,mahse, engvangin nge a tih kher?,khatiang kha Fiamthu na chi anilo takzet.

“Ekhai, ka lo chibai ang che” tih pah in a rawn pan hnai leh a, Engtin nge ka insawifiah tak ang?

Kan kal chhan lam pawh an hre ta meuh lo,ka ngaihdan anilo,ka tang lak lawh tawh a, engmah sawi leh tur a awm silo.

“Kan kal mai dawn mi?” ka ti a,Hmeichhe pakhat hian Thingpui a rawn chawi lut chiah bawk,ka riltam zia ka ngaihtuah chhuak a, mahse, he In ah hian engmah ei chakna ka nei hauh lo thung.

“Aw, Thingpui in phawt ru,chuan, i bungrua niawm tak chu ka lo leisak a, helamah hian ka dah a’ tih pah in Tukverh lam a kawk a,a duhna ah hi chuan risk a la huai thei khawp,a pawisa chan huam in a lo lei chu ania,hahthlak hian a...

“Ka lo en ang” tih pah in ka tho a,Tukverh lam ka pan a,Tukverh sir ah alo dahkhawm a, ka thutchilh a, kan bungrua chu anih hmel viau,a zuartu hmel ka hmuh hmasak a tul,ka tho a,

“A rawn zuartu chu ka lo en dawn mi?” ka ti a, a Phone a rawn lek kang a, ka ban vat a, Nathan-a lam ka panpui a, a bulah ka thu a, a rawn thlek ve vut bawk,tu nge anih ka hria,kan Dawr a thawk thin ani a, a thawh chhung khan fak em em na tur ka hre lo a, sawiselna tur pawh ka hre chuang lo,hetiang thil ti duh tur ah ka ngai lo,chhungkaw harsatna chhuanlam a bang ta kha ani a, a sawi dan kha chuan an khaw lam a awm tum ang in a insawi nghe nghe bawk.

“I hria em?” ati sup a, ka bu nghat a,

“Kal phawt ang,Dawr kan thlen phawt angai ang” ka ti a,

“ I hria em ni?” Pi Sangi’n a lo ti ve a, ka bu nghat ringawt,

“Kei hi mi hre thei deuh mai ka nia, kha pa kha I dawr ka lo kal tum khan Dawr ah khan ka hmu in ka hria a, a sam kir buk zet ah khan hriat a awlsam a” a nui a, a hmela thil tha ti inti lutuk hmel chu ka en a,lawmthu hrilh ka duh,mahse, ka tawng thei lo..

“I zarah a hmu let leh dawn anih hi, a lawmawm” Nathan-a zawk in a ti nghut a,a chungah ka lawm ber tum ani hial ang.

“A ho em mai,man tir ila a tha ang,i Nuta te lo haw se,an ti fel mai ang” ka luak a ti chhuak zawk,ka bag ka hai a, mahse, ka zawn ber ka Purse ka hmu hauh lo,

“Ka Purse ka keng lo aniang, i Pawisa ka lo hmang dawn mi?” ka ti a,a thle buk a,

“Tehreng, ka ta chu i ta ani tho alawm” a nui suk zui,chhan let na hmun anilo bawk nen,ka tang ru teuh ringawt.

“Engzat nge ni ang?” Pi Sangi hnenah a ti a,

“Angailo,Mambawihi ka indan ve na animai” ka melh reng ringawt,Fahrah,engmah neilo, Suangtuahna tak ngial pawh neih a phalsak ngailoh kha Sang chuan fe man in min Indan thei lo ang,beisei let a nei dawn, chu erawh pek ani hauh lo ang.

“Ni lo e, la rawh, engmah a amamawh hleinem” ati leh a, tihluih har hmel zet hian a nui suk bawk,hnial chi anilo tih a hria pawh ani mahna,a duhna ah chuan nu rilru chak lutuk ani tlat,a zat a sawi a, ka lo rindan vel,a ruk a hralh annih miau avangin to erawh a to lutuk lo,aman pangngai chanve pawh a tling lo.

“Kan kal mai ang, Kan In lamah kal kan lo tum a” Nathan-a bawk in a ti leh a,vawiin zet chu a rual in ka chhuak lo ang tih ka hlau ta viau.

“Eeee, animaw?,mahse,nangni hi..Pasal hual te inti mai mai a,khawilamah nge Palai in tirh a,i Putea hnenah em ni?”ka thu khawng lah mai,ka kut arawn hum a,

“Aih, tir lo e,Chhungte a nei tih ka hrelo a, hei, tunah ka hre ta chiah...a tul chuan kan rawn tir mai ang chu” Ka pu hmel a na tuar hmel chu ka hmuh hmaih hauh lo,Nathan-a sawi dan teh lawng kha pai a har deuh ani ngei ang.

“Akhai a..chutiang zawng a lak tur anilo, kan chhungkaw chungchang te chu i hre vek tawh ang chu,chhungte neilo em zawng anilo” kal vat vat ka duh,engtik ni ah emaw chuan min tih ang khan ka la chhang let ve ang ka lo ti thin a, a hun alo thlen meuh chuan a harsa talh mai, ka ti na duhlo ni lo in tunah tak hi chuan ka natna chiah kha ka hmu let rih a, an mahni tih let tur pawn chakna ka la nei rih lo.

“Kan kal phawt ang, chuan, i lo leisak vang pawn ka lawm lutuk ania” ka ti a, keimah chauh a awm ka mamawh rih ber in ka hre bawk.

Nathan-an ka bungrua ho chu keng a, a tam lemlo,la Pack vek anih avangin Mipa tan chuan put nawlh a awlsam zawk hrim hrim bawk,kawngkhar thleng Pi Sangi’n min thlah a, ka Pu erawh ngaihtuah muk hmel zet in a thut na ngaiah a thu ngur ringawt.

Ngawirengin kan tlan mawp mawp a, ka Mood hrethiam in min biak a tum biklo ani ngei ang,ka mitthla ah ka nu alo lang a, a damlai te, a thih hnu a ka hun tawn te a mal mal in alo lang leh a, a vai chuan ani lo, mahse, ka nu Boral hnu khan engmah nuam tihna hun ka nei lo zawk anih kha...ka mit ka chhing a, tunah chuan tap thei ka nilo,duh leh In ah keimah a ka awm hunah ka tap vak mai ang chu,min tih duhdah rawn lai khan tap turin mittui ka nei ngai lo a, tunah chuan tap turin Mittui te pawh ka lo nei ta aniang,ka hun kal tawh te khan ka mittui a ti hnai reng mai.

“I tha em?” Motor a ti ding a,hreh zet in ka meng a, muthilh mai ka duh asin le..

“Aw ka tha, mahse, khawnge kan awm a?” ka hawi kual a, ka hriat ngailoh hmunah kan awm tlat,kan chhuah rual khan Motor ah ka lut mawl tawp a, Dawrah min hruai mai ang chu ka lo ti a, mahse, kan awmna hmun hi ka hriat ngai ani tlat lo.

“Hmun fal i mamawh ka ring a,helai hmun hi mahni chuah a awm ka duh chang a ka kalna hmun anih hi..” ati sup a, Steering a bawh a.

“Um,ka lawm e” ka ti sep a, hmalam ka en a, reilote helai hmunah hian awm ila ka tan chuan a tha ber ang, tun a ka Mood ang ah hi chuan tumah ka hmu peih rih lo a, thil pawi tak ka thlen tir palh thei bawk.

“I duh phawt chuan au vak vak la, i duh leh tap la,awm lo angah min ngai dawn nia” ati leh sup a,

Motor kawngkhar ka hawng a, ka chhuak a, ka piah lam zawl phei duai, Phul in a khuh dap maiah chuan ka kal zel a,a chanve vel ka thleng a ka hawilet a, Nathan-an uluk zet a min en chu ka va hmu a, a Motor dahna chin ah kawng a tawp tawp a, kan kalna hmun hi khawilai nge anih ka la hrechhuak zo chuang reng reng lo,ka kal zel a, zawl chin ka pel a, tlem a mual pawng deuh ah ka lawn a, thlanglam thui tak a lang a, a hmawr ah ka ding a, a hnuaiah lung chhawrdawh zau vak lo a awm leh bawk.Tla palh ila chuan dam a chhuah leh a in beiseiawm loh.

Thli in ka sam a chhem leng dar dar a, Van lam ka hawi a, ka Na lutuk,ka rilru in ka nu ka au a, ka ko mawlh mawlh a, ka au chhuak ta hial,ka theihtawp a ringin ka au a, a rei hnu ah phei chuan mumal nei miah lo in ka au a,ka Mittui a rawn luang a, ka nu ka ko a, min awmpui tur leh ka mamawh zia ka hrilh a, Ka pa in min chhuahsan hnu a a vawikhatnan ka Pa pawh ka au tel ta hial..Ni e, ka au ang chu, engvangin nge min kalsan?,Fa nei tlak lo chuan fa neih loh mai tur,an tello a ka hrehawm tawrh leh ka paltlang zozai te kha a tam lutuk,tunah nun Pangngai in ka nung dawn chauh a, Phuba lak duhna leh la thei silo ka nih na bawk in min hnawh leh a...ka na lutuk...

Ka chauh hnep thlengin ka au a, ka aw pawh a lawi zo vek tawh,ka thu thla hnawk a, ka hmalam thui tak lang ruak mai chu ka thlir a, Phuba lak na hian eng nge ka nun ah thil tha a thlen ang?, engmah a thlen lo ang, hei hi mihring nun ah chuan a thleng thin lo em ni?,mitan engmah tih let sak theih kan neih loh chuan hnawksak mai kan ni thin a,eng nge maw kan pek let theih chuan kan tih apiang pawm ani thin reng alawm,mahse, ngaidam mai tur hian ka va inpeih lo em..

“I thawl hawk em?” a rawn thu ve a,a awm ve tih reng reng ka lo hre leh tawh lo.

“Um, ka zia viau e...” ka ti sep a, Ni tla tur sen phut chuan kan awmna a rawn chhun a, nalh tak ani..

“Keipawh helai hmunah hian ka kal fo thin a, i duh phawt chuan i hmang ve thei ania” a nui hawk a, ka en a, a Sam chhip buk deuh chu thli in a chhem thur ve deuh a, ka thut dan angin a thu sawp ve a,amah ang lo tak in a hmel a dam thluam bawk.

“Ka lawm e, mahse hmang ve duh pawh ni ila kal kawng ka hrelo alawm” ka ti a, mak tak in kan Boruak a zangkhai em em bawk.

“Ok, kan haw pah in i enthei alawm” ati leh mai,

“Um, kan haw tawh dawn mi niang?,Dawr khar pawh a hun tawh “ ka ti a, lawmthu hrilh mawlh mawlh tur ka ni,ka au vak vak na khan ka chhungril tawt lutuk a ti thawl hawk a, ka natna te kha a bo duak in ka hre bawk,mahse, an mahni hmu phawt ila engtin nge ka awm ka hre thei ang chu.

Kan tlan pah in pawn lam ka thlir vauh vauh a, kawngpui kan pawh hma chuan kan kalna lai ka hre chuang lo,Kawngpui kan pawh takah chuan Zuangtui lamah kan kal tih ka hre thiam a, kha hmun kha a penna lai kha huan kawng satliah ang mai ani a, tuman an va tlawhpawh lo anih pawh in a mak hran lo.

“Khawnge kan kal dawn?” phawk fe hian ka en a, an IN peng ah a tlan chho a,Dawr ah kan kal dawn emaw ka ti a.

“Kan In ah...”

“Nilo, Dawrah kal ka ngai..” mangang zet in ka ti a,Dawr ah ka let leh lo anih pawh in buaina a awmlo,mahse,Nathan-a te In ah kal ka duhlo bur.

“Motor ah i phone i kalsan a,Dawr lam chu ka be tawh, i Phalna tello a i Phone ka khawih vangin ngaihdam ka dil e” Nathan-a ngai kha ani leh der tawh.
An In kawngah kan tlan chho zel a,diktak chuan an khawsak dan hi ka lo mitthla thin nen khan a inmil em em a,midang te chimbuai loh leh hmun reh raih mai hi ka seilenpui a, tun thlengin hetiang hmun hian min hip takzet,mahse, Colleen-i emaw Nathan-a chhungte tumah hmuh ka chaklo,Moses-a tih chauh lo chu..

Motor thawm hria in Ui a rawn tlanchhuak a, ka ip chawih mai, Ui hi ka ngaina lo anilo,mahse, an Ui lian leh lutuk hi ka ngaina lo,a hnung a lo kal erawh ka en lo theilo,Moses-a leh Api an rawn chhuak a, hlim zet in Moses-a a rawn tlan thla a, A pa a rawn ko chul bawk.

“Min ring rawh, engpawh sawi ila i bulah ka awm,min hnial tum suh ang che” ati sup a, vauna a lang chiang hle bawk.

Hnialna hun awm hauh lo in a chhuk zui nghal a, Moses-a a pawm kang nawlh a, an Pafa inlawm vel chu ka thlir a, nidang leh hmundang chu ni se hmuhnawm ka ti ngei ang, mahse, tunah chuan hmuhnawm ka ti lo, Khua a thim chhulh tawh a, an chhungkua an awmkim ngei ang,engti turin nge min hruai ka hre lo a,tumah ka hmu peih lo ani tawp mai.

“Ilo chhuk dawn na nge?” Nathan-a nu a rawn dak a, a lo kal lai pawh ka hmu,mahse, ka phu zawk tho mai.

“Aw,dawn e” chhuk mai loh chu tihtur dang a awmlo, hreh zet in ka chhuk a, Nathan-a leh Moses-a ui chhaih chu ka en a,

“Eee, Ui i hlau ami?,hlau suh, tumah a ti na ngailo ania” ati leh thuai a,ka hlau ngei a, mahse, tunah chuan Ui aia hlauh ka ngah,tunah an In a min hruai hun anilo tih hre tur ani asin..

“Mal-i kha i ni tiraw?” uluk deuh in min en a, ka bu nghat a, a Fa te ang maiin a mit a lian a, a melh a na viau tho mai, mahse, a mitmeng ah a Fa te ang lo tak in midang vau zam tumna a awmlo.

“Lo kal rawh, Mama hian a lo hruai dawn che tih min hrilh alawm” ati leh a, ka chil ka lem khawlh mai..

Nathan-an min rawn pan leh a,a thle buk a,

“Lut ila,Nu,midang an awm em?” ati zui nghal a, Moses-a erawh in min hmu khat deuh bawk nen min melh zauh zauh a, a duhtawk mai,a Pa hma ah a tlan a,.

“Aw, awm e, mi Pawimawh ilo hruai dawn iti a,kan hmu chak alawm” ati a, a nui hak hak a,engthil nge tih a tum ka hre lo.

An lo thu thap mai, kan lut chu ngawirengin min lo en a, an hmelah mak ti hmel alang a, chumai bakah midang lo la kal tur beisei niawm tak in ka hnunglam an thlek ha bawk.

“Pa, hei hi Mal-i anih hi,Mal-i hei hi ka Pa” apa lam ah a thle buk a, a Fa anilo tih hre hmasa lo ila chuan Pafa tak tak anni lo tih pawh sawise ka awih hauh lo ang.

“Um, ka hmu e,kan lo nghakhlel viau che ania” a fapa ang maia aw nelawm lo hian a ti nghut a, min lawm nge lawmlo pawh ka hre thiam lo.

“Midang hi chu i hria in ka hria,Nu,Room ah kan chho lawk dawn ania,Chaw ei dawnah kan lo chhuk ang” ati leh a.Ka kutah a rawn vuan a,

“Chho ila” ati sup a,lawm rilru zet in ka zui chho a, Colleen-i nen inpawh lo em em a inmelh reng kha nuam ka ti lo, chumai bakah min be hauh lo lehnghal.

Step ah kan inzui chho a, a kal zel a,Room kawngkhar pathum vel kan kal pel a, a kil ber a Kawngkhar chu a hawng a, a chhan ka hre lo, ka lut hreh ti ila a dik ang, Mamuani kha he Room ah hian a awm thin ngei ang.

“Thu la..” ati nghut a, a Phone khumah a theh thla a,Bath Room lam a pan a,tim dai in ka thu a, ka hawi kual a, a zau hem hawm hle mai,engkim mai a inrem fel thlap a,Mamuani nen an inthenna a rei tawh bawk a, Hmeichhe hnuhma pakhatmah a awm lo,mak tak in Moses-a sulhnu pawh a awm chuanglo,amah a Room hran nei tur chuan ala naupang mah mah bawk si,a Pi te Room ah a awm ani mahna.

Ka Phone a ri a, ka Bag ah ka dah avang in ka hai kual leh rih a, Dawr lam atangin anih ka ring a, mahse, ani lo,Atea zawk..Room pawn ah ka chhuak a, Tukverh lianpui lam ka pan a, vanneihthlak zet in Balcony a awm hlauh, ka hawng sawk sawk a, Nathan-a hriat lai a Atea ber kher biak ka duh hauh lo.

“Hello..” ka hawi kual leh rih a, thil ti ru ang mai in ka ti dek mai.

“Khawnge i awm?,Tlaiah Dawrah ka lo kal a i awm si lo,Phone i Pick thei lo bawk” a rawn ti nghal a,

“Ih, englo ania, tihtur pawimawh ka nei alawm mawle,eng nge ni ta?” ka ti a, a thaw deuh hawk ri ka hre thei a,

“Eng nge kan tih dawn a???, Rinzuali te In ah kal kan tum kha..” a sawi a ka hre chhuak chiah, engtin nge ka tih tak ang?

“Naaa...Ate, min ngaidam mai teh,zan in chu chhungkaw thil ah tihtur ka nei tlat a, nilengin ka buai tawh a,naktuk zan ah nimai se” thupha chawi aw in ka ti a,a ngawi deuh vang vang a,a thinrim anih loh chuan naktuk zanah tihtur a nei ani ngei ang.

“Mal-i...i thian ka ni lo ami?” teh daih a..

“Um, ni e, ka in nghahna i ni bawk alawm” ka ti tak tak, tunlai chu amah ah ka inghat nasa takzet.

“Alawmawm anih chu, mahse, thudik pawh min hrilh theih si loh chuan thian hlutna hi eng nge ni ang?” a rawn ti leh duah a, ka harh chhuak zawk mai, Colleen-in helai ah ka awm tih a hrilh ngei ang chu,min haw em em tu leh Atea tih nat tum a um ngar ngar tu ani miau a.

“Um, mahse, engtin nge ka sawi ang?” ka ti bah nawk nawk mai.

“Apawilo, engtinmah sawi angailo, mahse, kha hmunah khan i him dawn lo, Nathan-a lakah fimkhur la, Colleen-i pawh hlau ang che,an vai khan hmanrua ah an duh che” ati leh a, a thutak zia a aw ah a hriat theih hial bawk.

“Ole, ka fimkhur ang,ka haw veleh ka lo bia ang che” ka ti a, ka Off a, Railling bawh in ka ding a, khawpui chhung light eng tuar mai chu ka thlir thla dauh dauh a, a lang thui viau mai,an In hi tlang chhip deuh a awm ani bawk a, zanlam a hram chi rannung an hram ri chiah chiah a, a khawharthlak letling zawk.

Room a let leh tumin ka inher a, ka pen zui nghal a, mahse, tu emaw ka su chawrh a, ka te thawt bawk,ka melh chho a,Nathan-a hmel thim mak mai chu ka en a, Light hliah zawng a a din avangin ka hmu chiang thei lo.

“Min ti phu alawm mawle” ka ti sep a, a nui hawk a,

“Tu nge?” khauh fur hian a ti a.

“Tu maw?” mawl hmel zet in ka ti let a, ka tawlh hnung nghal bawk.

“Ka zawh na chiah, tu nge i biak?” Ka Phone a rawn phih thla a, ka lo inring hman si lo,chhuhsak tum in ka va ban a, a per sawn zauh a, ka ke ka chhep sual a, ka bu dawrh a, ka tlu tur chu min rawn man a, hneh zet in alamah min pawt bet zui nghal zat bawk.

“Fimkhur ta che..” ka beng bul ah a ti sup a, a thaw lum ham ham pawh ka hrethei hial bawk.

Chet sawn mai nachang ka hrelo,dimte in ka sam a hui kiang a, ka darah a hmui lum thar thar a rawn ti si a, ka mur ar ar a, ka ke a zawi huai mai,

“Atea hi thlah rawh ka tih kha” ka ding khawng nghal lah mai,atthlak zet in a huhang ah ka lo buai leh hman titih a, mahse, a thusawi chuan ka nihna min hriat tir leh a, hetiang a awlsam tak a tlu ngawt tur ka ni lo,ka tawlhsawn a, min thlah ve mai bawk.

“Ka thu thu” ka ti hmak bawk.

“Um, i sawi ngun ta bawk a, i thu ni tehse, tu nge na dawn kan la hria ang chu” ka Phone ka kutah a rawn hmeh bel a, inchhunglam pan in a kal zui daih bawk,induhtawk leh lutuk mai, vawiin khan min hnem a, midang te chungah that a chhuah ve thin emaw ka lo ti hman asin le, Hmeichhe rilru hi zawng a nem em mai a, kan chungah sual thin mahse thil ho te min tihsak pawn kan lawmna tawk alo tling hman ziah mai bawk nen..

Room ah ka let leh ta tho, tu emaw nen an lo inbia a, Laptop a mal chungah a dah a, hna chungchang ah an inbia niin ka hria, engmah sawi lo in ka thu a, bang a Tv lian zet lam chu ka thlir a, eng nge lang pawh ka hre chuang lo, ka melh satliah ve tawp.Darkar khat aia tam mah inbe miah lo in kan thu a, Phone a hmang char char thung,midang dang a be kual a, a buai viau chu ka lawm zawk,sawi duntur kan nei chuanglo a,hetia midang a bia hi a hahdamthlak zawk,Chawei tur in Hmeichhe pakhat in min rawn ko a, ka zam thar leh, a Phone a Off a, a kekawr ipte ah a thun a,min rawn en a,

“Chhuk ila..” ati a, Nathana ngai bawk,ka inhauh pui kha ani leh tawh lo,a Mood inthlak zung zung hi eng nge a awmzia ka man hlawllo.

“Ih, Inchhungkua in chaw in ei ho vek thin em?” zawhna awm ani em ka hre lo, mahse, min kam tlat a, ka lei ka veng zo lo.

“Aw, zanlam hi chu kan ei ho vek” ati a, ka tho a, ka kut ka humruh a, engvang a Colleen-i hi hlau nge ka nih ka hria, Moses-a chungchang a sawi chhuah ka hlau a, mi ten mi fa paisak a in la lian ka ni tih an hriat ka hlau bawk.

“I bag kha chu dah la” ka Bag ka keng tel chu en run pah in a ti a, niawmtak e, chawei lai a Bag nen a inkuah hnawk deuh tup kha thilmawi pawh ani lo,ka dah leh a, ka Phone erawh nghet zet in ka hum a.
“I tha em?” ka darah a rawn vuan a, a rawn kun hniam a, min ngaihtuah hmel deuh in min en bawk.
“Aw, ka tha “ ka tha lo tih hrilh nghek ka chak.

“Min ring rawh ka tih kha, engpawh sawi ila keima tan chauh nilo i tan pawh ani ang” min thlah a, Room kawngkhar a hawng a, ka chhuak chu min rawn zui a.

Dinning Table hnuam hlurh mai kil in an pathum in an lo thu a,Moses-a erawh a awmlo, a muhil tawh anih ka ring, chawei tur a min rawn ko tu erawh kha chu Dinning Table piah ah koh mai inring niawm tak in a ding a,hmeichhe dang pakhat a awm tel bawk.

“I ril a tam tawh em?” Nathan-a nu in alo ti a, Nathan-an ka thutna tur Chair a pawh chhuah ah chuan ka thu a, ka bul chiah ah a rawn thu ve bawk,Colleen-i erawh chuan min en lo hrim hrim,a chawei lai chauh a ngaihtuah ni mai in ka hria,min ngaipawh lo em em lutuk chuan min ti thinrim lo, ka tah a ti chhuak zawk.
“Tam lo e” ka ti a, Thleng min rawn chhawp sak a, engkim hmeichhe pahnih khan min rawn tihsak vek ani mai,ka rin loh zet in ka ei tam ta phian,ka ril a lo tam ngang aniang, chhunah khan engmah ka ei mumal ta lo kha ania, chhunlam a thil thleng ka ngaihtuah rual in ka chawei ka khuh kharh a, ka chawei ka hak titih bawk..

“Tui in la” tui min rawn pe a, ka hnungah na vak lo in a chum a, a chul zui hauh hauh bawk.

“Ka tihpalh lutuk,min hrethiam teh u..” ka chair ka nawrsawn a, Nathan-a a rawn tho chhuak ve nghal bawk.

“Pa, in vaiin eng ngemaw hrilh duh che u ka nei a, Living Room ah ka’n lo awm ang” a ti a, a Pa mak ti hmel chu ka hmu zawk a, mahse, a bo lehnghal thuai a, a bu ta nghut,A fapa ai mah in ala nelawm lo zawk, mahse, a rilru tal a tha ang chu..

Ka bulah min si chet in a thu a, hnunglamah a ban a dah a, eng nge tih a tum ka hrelo, mahse, ka Pu ang bawk khan kan inhual tih hrilh a tum anih ka ring a, atan chuan a pawimawh maithei, ka tan a pawimawhna chu Colleen-i tan a u nupui hual ka nih dawn avangin min ti mualpho zawngin a che lo ang,Atea nen kan inkawp lo tih a hriat hun phei chuan engkim a kal tluang vek ang,mahse, Nathan- a tan min neih kher a tulna ka hre lo,a duh phawt chuan an chhungkaw ro hi a hming a awm a tam zawk a, a nei thei reng.

An rawn thu phei a, Colleen-i Room lam pan a Step a chhoh a tum chu a ko a,
“Nang pawh Colleen,awm ve rawh” thupe aw zet hian a ti a, Colleen-i mit meng ling hlar mai chu ka en tha ngam lo.

“Pa, Nupui ka nei leh dawn,chuan, ka nupui tur chu Mal-i hi ani ang” amak teh tawp mang e, ka khur zui dar dar bawk.

“Um, hnialna ka neilo..mahse, Atea nen an inkawp emaw ka lo ti asin” muang ban churh hian a ti a, a ngaihdan anilo anih pawh in a tilang hauh lo.

“Thian anni zawk,bakah,thil dang ala awm,Colleen-i hi chuan a hria, Moses-a chungchang ah dawt ka hrilh che u avangin pawi ka ti ,Moses-a hi Mamuani fa nilo in Mal-i fa zawk hi ani e” phawk lutuk in ka en a, mahse, min en lo in Apa lam a melh ngur thung.

Ka chhul ah ka paisak ngei a,mahse, ka fa ani tihna ani chuang lo.

A pa hmel rum ul mai chu ka en ngam lo, a nu erawh na tuar tih hriat zet hian a dang bai mai, Colleen-i pawn a beisei lawk biklo tih a hmelah a lang tho bawk.Khuavang kal lai ang maiin tumah tawng lo in kan thu thap a,Bomb puak tur in mung a ang ka ti ber.

“Han sawi nawn leh teh” a pa aw hlauhawm zia chu, ka ip chawih a, Nathan-a chuan ka hlauh zia hria niawm tak in ka kut a rawn hum a.

“Ka pa, na i ti ang tih ka hria, mahse, Mamuani tan khan fa neih a pawimawh a..” sawi zo lo in a ngawi leh rih a.

“Khawngaih in Mal-i min lo va hawsan mai ta che” ka phu dawrh a, a hmel a min hmuhsitna lang chhuak chu ka hmu chiang hle bawk.

“Aw,min ngaidam rawh u” ka ti hman tawk a, min rawn tawng khalh leh a,

“Kal phawt rawh” a vin ta thak mai..

“Ka pa, ka rual a lo kal ani a, ka rual in a chhuak ang” a rawn ding ve nghal a, nghet zet in ka ban rek ah a hmer a,tihtur ber hre lo in ka ding zum zat mai, vawiin hi ka tan chuan ka nu thihni nen khan ni chhe ber ani ngei ang.

“Zothanzual, i pa ka nih hi..min hnial suh” a rawn ding chhuak ve nghal a.

“Ka hria, Ka pa, mahse, puitling ka ni tawh,khawngaihin ka thu in min awm tir tawh rawh” hlauhna pakhatmah a neilo chu mak ka lo ti zawk.

“I thu a i awm dawn anih chuan tunah kal rawh, lo let leh tawh suh” ani theilo, keimah vangin engvangin nge chhungkua an inthen darh ang?

Chapter- 21

Nathan-an ka kut a chelhna phelhsak tum in ka vuan a, mahse, a hmer nghet sauh thung.

“Thlah ka ngai lo e,keimah vanga in chhungkua in buai ka duh lo” ka ti sep a,hei aia inrintawkna nasa hi neih belh ka va han duh tak em.

“Ka pa, ka sawi nawn leh ang, Nupui ka nei dawn,i duh loh chuan ka chhuak em em ang” min kai a,a Nu tap hmel chu ka en tha ngam lo,

“Mama,kal suh,angailo”Colleen-i zawk a rawn tawng ta thung,Nathan-a kal tan tawh chu a ding leh dat a,a hawi let a,

“Ni lo e, ka kal angai,ka Pa in ka Nupui tur hi a pawm hunah chauh ka lo let leh ang” a ti ngei bawk ang,a aw ah zamna pakhatmah hriat tur a awmlo.

Pawnah min kai chhuak a, Motor kawngkhar min hawnsak a, engmah sawi tur ka hrelo, a tih ang ang in ka awm a, motor ah ka lut a, ka biangah a rawn dawm a,

“Lo thu lawk rawh,ka lo let leh ang” a kal zui lehnghal a, In lam a pan a, rei vaklo hnu ah a rawn chhuak leh a, Moses-a a rawn pawm tel ta thung, ka Bag a rawn khai tel bawk, a hnung ah a Nu leh Colleen-in an rawn umzui a, Apa erawh a lo kal hauh lo,Anu tap hmel chu ka en ngam lo,vanneihthlak tak in Moses-a a harh lo hlauh,ka malchungah a rawn dah dawn emaw ka ti a, mahse, Motor seat hnunglam a hawng a, dimte in a mut a,a rawn kal kual a, a rawn thu lut a, a hawi let eih lo.

“Mama, hetiang chuan ti suh,kal lui suh” a tap tiau mai.

“Nu, nilo e,ka awmna tur i hriat kha” zawi sup in a ti a, keimah vang a buaina thleng hian min ti chiai lutuk a, awmdan ka thiamlo,ka hawi a vel mai mai aniber.

“Khawiah nge i kal tak ang?” tim deuh dai hian ka ti a, a rum deuh hawk mai,

“Ka In ah mawle” mak ti zet hian ka en a, In a nei hrang tih ka hre hauh lo.

“Maw?!” mak ka tihna ka thup theilo.

“Thleng phawt ila ka hrilh ang che” a ti leh sup a,zawh luih en ah ka en lo,ka mit ka chhing a, hahdam tak a thut theih ka chak a, mahse ka beidawng der,vawiin ni hian thil mak pui pui a thleng nasa lutuk a, amal te te a uluk tak a ngaihtuah ka duh a, In ka thlen hunah ka ngaihtuah thei ang chu.

“Kan thleng e” ati sup a, ka hawikual a,Ka In piahlawk ah kan awm mek tih ka hrethei a.

“Kal leh law law la,In kan thleng tep tho alawm”

“Ni lo e, i In ka sawi hleinem, Ka In alawm kan thlen zawk”min ti a zo dawn in ka hria, beidawng zet in ka nui ta ringawt, a nui ve suk a,a kekawr ipte a zen a,chahbi bawr a rawn phawrh chhuak a,

“Kha le,Moses-a ka rawn pawm chho ang, helai hi ania, Chhawng hnihna ah khan ka hming a lo in tar mai ang” tih pah in kan dinna bul a Building hring lian zet chu a kawk a, engtin nge he lai ah a awm theih?,engtik atang khan nge insi tep a kan lo inthenawm ka hre lo.

Step ah ka chho a, ka hnungah min rawn zui bawk,ka chau hluah hluah, khum ah let thlawp ka chak ber awm e,

“Khalai kha..”Kawgkhar intlat phei put zing a a pathumna chu a kawk a, a sawi ang ngeiin a hming a intar kalh bawk,ka rilru in ka chhiar a, a hming nalh ka tihzia kha...Nathan Zothanzuala...

Zau tak anilo,mahse, ka In luah nen a intiat thuak ang, an mahni In nen a khaikhin khan a zau lo mai zawk,Room kawngkhar a dar in a nek hawng a, puih ngaihna ka hre lo, ka teikual a, Kitchen zau vaklo leh Dinning room inzawm in a awm a, eirawngbawlna hmanrua a awm kim vek,Tui khawihna felfai leh zau lutuk lo a awm bawk,Living Room pakhat a awm leh a, Room kawngkhar pahnih a awm a, Bed Room lam em chu ka en ngam lo,Hnangtah chair lianpui ah chuan ka thu thla hnwk a, hnunglam ka ngheng a, inchunglam thlir in ka rilru buai nuaih nuaih mai tihfim tum in ka bei a, ka theilo...

“In tur i duh ve em?’ ka phu zawk a, alo chhuah lai ka hre miah lo,ka thu mar nghal a,a thawmhnaw hak ngai ha tawh lo in kekawrbul dum a ha a, a chawnsei thlurh mai chu hmul in a khuh dap bawk..Beer Bottle a keng a,min pek ve tum in ka lamah a rawn lek kang bawk..

“Aih, ka lawm e..” ka ti sep a, mahse, ka ngaihtuahna ah thildang alo lut a, In ve ila a that ka ring, vawikhatmah zu lam reng reng ka ti ngailo vawitam kan thian ho thiltih na ah pawh Zu ani lo tiin Beer hi min pek an tum fo,mahse, ka tan chua zu nen a danglamna a awm loh avangin ka In ngai lo.

“Ka lo duh leh si ang,hawngaih in” a nui suk a, min rawn pe a,a hawnna tur min pe tel nghal bawk.ka hawng rak rak a, ka in mai dawn a, ka tim leh a, Kanu ka mitthla ah a lo lang a, a rilru natna chhwk turin Zu a tlan a,a tawpah chuan vakvai turin min kalsan ta anih kha,ka mit ka chhing a, ka lem pawp a, ka ka chhung a hiar a, ka hrawk a Sa deuh bawk...

“I rui lo ang,mahse, tlem chuan a i chau lutuk tur kha a chhawk ang che” ati sup a,

“Engvangin nge khatiang thil kha i tih?” ka en a,hmuhnawm tih hmel zet hian a Beer Bottle ken chu a en vung vung a.

“Moses-a hi engtikah emaw chuan anihna hi kan thup theihloh hun ala awm ang, mi chhul hawh in kan paitir ngei a, mahse, thil hi a hun hma a an hriat emaw a hrilhtu hrilh dan azirin ana thin a” a ti sup a,a sawidik, Moses-a chauh hi mi chhul hawh a piang ani lo,mahse, tu emaw,amah tihnat tum tu in thudik chanve hmang in lo hrilh ta se a dawngsawng thiam lo maithei...

“Um,a dik aalwm,mahse,Ipa kha khatiang a ti tur i nilo asin” ka ti leh a, a lu a thing a,

“Ka hria, mahse, ka tih angai, engtik ni ah emaw chuan hei aia nasa hian ka la che ang”ati leh a,ka hrethiam theilo,heileh chen a pa in a enkawl tawh a, a fa nilo fa ah a pawm a, engtin nge hetiang a atih let theih zawk?

“Kan kal thui mah mah in ka hria” ka ti leh a,min rawn en a.

“Engtizawngin ?” a hmel tak ngul mai chu ka en a,

“Avai khan...”

“Avai khan engmah lemchanna a awmlo, kan innei ang” ka melh reng ringawt.

“Nathan...” mawl hmel zet hian ka nui a,a then ve suk bawk..

“Aw, Mal-i,min nei ang,a chiang em?” ka thaw a tawp dawn in ka hria.

Ka tho a, ka Bag ka la a, hetiang mai mai a tihkual tur ka nilo, eng nge a tum ka hrelo, Moses-a hian ka chhul ah ka pai tih ala hre dawn tho tho,Colleen-i chuan engpawh sawi rawhse, Moses-a tan chuan ka hmachhawn ngam zan, mahse, chuvang mai mai in Nathan-a hian a nu a kalsan thei lo,engpawh Colleen-i chuan sawi ang hmiang,ka nihna ani a, zah tur a awmlo.

“Ni lo e, haw leh rawh, Moses-a chhuanlam tawh suh, Asangi nei la, ipa pawn a pawmthlap ang”

A rawn ding chhuak ve nghal a,min rawn pan a, ka tawlh hrat thung, ka inher a, hmanhmawh zet in kawngkhar ka pan a, mahse, min thlen khalh hman tho, kawngkhar nghengin a ding zui nghal hmak bawk.

“Egmah hi tum neilo in ka ti lo,ka ngaihtuah lawk vek” khauh zet hian a ti bung hmuk a, beidawng lutuk hian ka thaw huai ringawt, he Mihring lakah kher hian eng vang a lo inbarh lut nge maw ka nih le??

“Khawngaihin min kal tir mai teh, eng thawh dunna mah ka duhlo, Nupui i nei leh duh anih chuan Hmeichhe dang, kei aia tha zawk i hmu teuh ang chu,mahse kei chuan ka duhlo,Nun hi nuam tak a hman ve ka duh tawh” a in kuangkuah a,na zet in min melh a,

“Chuti anih chuan kei hian infiamnan ka hmang ah che ilo ngai animaw?” a ti hmuk a, ka bu nghat ringawt, Infiamna leh bungrua satliah ang maiin min tihkual a tum miau alawm.

“Hm, atha, eng ang pawn ngaila ka tum thlak nan chuan a lian hran lo” ati leh a,a va han beidawnthlak tak.

Nathan-a In ka chhuahsan a, ka in ka pan a, min rawn umzui lo tih hrereng mah ila chak thei ag ber in ka kal a, a rei hnu ah ka tlan ta hial, inhlat tak anilo bawk a, ka thleng har lo,Dawr ah khan Ka Car ka kalsan a,an lo lock em ang chu,Nathan-a in awmna lo lamah ka inpiah ah tho ka Dawr a awm a,engkim a fel ang,va entur pawn tha ka nei tawhlo, nikhat lek ah hian Lungphuchawl a thihna tham ka tawng nual a, mut thlawp a, tu nge ka nih ngaihtuah ka duh ber..

Ka thawmhnaw hak lai nen Khumah ka lawn a, inthlak pawh ka peih lo,Ka nu leh Pa atangin ka ngaihtuah a, keihi ka pian chhan pawh a diklo, mi Nupa ti then in ka Nu in tenawm tak in min pai a, Hmangaihna chu ani tehmeuh ang, mahse, tupawn Hmangaihna an ti dawn lo, Ka pa in min kalsan a, ka Nu lah in keimah vang a dam tum hauh lo in a rilru natna Zu ah a tlak a, a kal tawh,tuma duh loh in ka seilian a, Nathan-a nen kan han intawng leh a,ka mittui a rawn luang a, engvagin nge ka nun hi hlim tak a ka hman ve theih loh?,Ka nu tihsual rah hian min va han nghawng thui tehlul em..Mamuani...ka ngaihtuah chhuah rual in a Nu lehkha min pek kha...

Ka tho sawk sawk a, ka thawmhnaw dahna ka hawng a,ka chhiar ngam loh avang khan ka hnawhlut tawp a,ka lo theihnghilh zui leh bawk nen, tun thlengin ka la chhiar lo,ka hai rawk rawk a, ka hmu hauh lo,ka thawmhnaw thleh ho ka la chhuak a, a mal mal a ka thin vek hnu ah pawh ala awm ta chuanglo,a mak vel vek mai,ka dah ngei tih ka chiang, ka In ah hian midang an lo kal zen zen lo,a lo kal chhun chu Atea animai,Sangpuii lah a lo kal khat bawk,Mamuani Boral hnu ah phei chuan alo la kal mumal lo zawk hial ang.Tu tan mah thil hlu ani lo,ruk ngawt thu a awm si lo,ka tibo anih teh chuan eng thil nge inthup a, eng nge a ziah ka hrechhuak ngai dawn lo tihna animai.

Beidawng in khumah bawk ka let leh a, vawiin a Nathan-a chet dan kha,chhungkaw gr ah ka lut a, ka rin ang chiah in an lo khel mek,hahthlak hian, tunah chuan an vaiin an nau leh an u, an tunu, an hmangaih em em ka ni leh tawh miau a, vawikhatmah chhungkaw gr a an thil sawi hi ka chhiar ngailo, ka chhiar vawikhatna ani a, nidangah chuan ka clear pawp thin a, engmah ka hre chaklo.

Ka pu kha chuan a sawi hauh lo ang,mahse, Pi Sangi kha chuan rei a chip lo ang, hre hmasa leh hre tha inti fahran in engkim a sawi leh ngei ang, lo sawi mai mai tehse,Nathan-a hi neih ka tum ther te lo.

Doorbell ri ah ka harh a, Ni in tukverh a rawn chhun a, Room chhung a eng at bawk,ka beisei hauh loh in ka lo mutui phian ani ngei ang,ka thawmhnaw hak ngai ngai nen ka lo la mu a, ka mit ka nuai chawt chawt a, tun ang hunah tu tak ni ang maw?,Nathan-a nilo hram rawhse.

Kawngkhar ka hawng a, ka beisei loh lutuk ka hmuh takah chuan ka thawh hawk mai,Ka pu leh ka Putea an lo ni a, ka beisei lo,Beisei lo tih hian a sawifiah zo lo zawk ang.

“Kan lo lut thei em?” Putea chuan ati a,lut tur a sawm zawk tur ka ni a, inthiam chiah lo in ka tawlh sawn a, min rawn kal pel a, Bang ngheng in ka ding khawng lah mai,Kawngkhar ka khar a, eng nge rawn tih an tum ka rin hriat thei mai bawk.

“Eng nge ni ta?” an mahni ep lamah ka thu a,kan vaiin chhungkua nilo in Sumdawngna lam a inbe tur kan ang mah zawk.

“Aaa, engmah ni lo e, nangman min rawn tlawh i tum silo a, kan lo kal ta mai” Putea zawk in a ti a, a sawi dik, ka tlawh hauh lo, an In ka chhuahsan hnu ah let leh tumna ka nei lo.

“Nia, ka buai ve em a” tha tak in ka ti a,an awih leh awih loh ka hre lo.

“Nimin a i thianpa thusawi kha na ka ti khawp mai a” Ka pu in a ti ta nge nge, na a ti ang chu..

“Eng ber kha?” ka hrelo der a..

“Chhungte i nei tih a hrelo lai kha, hei,kan la thi em lo a,kan awm ve diah diah a” ati leh boh a, ka la ngawireng..

“Kan theihtawp in kan enkawl che a, mahse, i lawmlo pawh ani thei, eng ngemaw hriatsual palh vangin kan hnen atangin ka chhuahtir che a, kha kha chu ka diklo..” ka kut ka humruh ngawt ngawt ringawt, chaw pawh puar khawp ka ei ngam loh lai khan an theihtawp in enkawl min ti anih chu a...

Door bell ri bawk,ka thinrim puak keh tur tihrehna a rawn awm hlauh erawh lawm tak ka ni,kaawngkhar ka hawn rual a ka hmuh chuan min la ti lawm lehzual.

“Good Morning..” a then suk a, ka inring hman lo, a kut ah ka vuan a,

“I lo kal hlauh chu kan van lawm,ih, inleng ka nei a” ka ti sep a, tun ah ngei hian ka tihtur chiang tak in ka hria Nathan-a hi ka nei ngei ang.

“Tu te nge a?” ati sup a. A,ah ang lo tak in a hamhaih ve hmel tlat bawk.Kawngka hi living Room atangin a hmuh theih loh avangin inchhunglam ami pawn tu nge lo kal an hre lo ang tih ka hria.

“Ih, nimin a kan kalna te kha...” ka ti leh sap a, nghet zet in ka kut a rawn hum a,

“Ok,ka hrethiam e” eng nge a hriathiam tur ka hre lo,nimin khan kan chhungkaw nih dan tur a hria pawh animahna.

Kan inzui lut chu phawk fe hian min lo en dun a, ala hma em a, lenna hun ala nilo an ti pawh animahna,an duh duh in ngai mai tehse..

“Lo thu la,thingpui kan chhuang lawk ang” ka ti a, Choka lam ka pansan a, ka siam zawh hma chuan phei leh ka tum lo,a duh duh sawi turin zalenna ka pe animah zawk.

Nathan-an a inhmelhriattir thaw ka ngaithla kar a, engmah rinhlelh tur a awmlo, a bu ang thlap ani mai,Putea pawn tu nge anih a hrilh ve bawk a,mahse, a thusawi tawp lam chuan min khei zak mai,

                

“Anu boral hnu ah kan enkawl a, ka enkawl seilen ka ti ngam ve” ka luak a ti chhuak zawk,mahse, min enkawl seilian chu ani ve tho mai, an chaw ka ei a, school ka kal bawk...mahse, kan In hralh na sum kha an mahni hian an ei zo vek tih ka hria,ka phalna la miah lo in an hralh hmak anih kha.

Thingpui nen ka let leh a,mak tak in an inkawmngeih nghal nge mawni an ti ti mawlh mawlh mai,Nathan-a hi tawng duh ani ngailo hrim hrim.

“Mambawih, hei Nathan-a hian Palai rawn tirh a duh a, khawi ah nge a rawn tirh ang tih ah kan lo buai a” Putea’n a ti a, Nathan-a ka melh zauh a,

“A hmanhmawhthlak loh kan ti emaw ka tia” ka nui a, a nui ve suk a.

“Um, nia, i thu thu le” ati tha ve mai bawk.

An duh ang leh an rawn khawsak tumna chu Nathan-a lo kal tak avangin a tlawlh ta vek anih hmel,kan ti ti ho ta vel mai mai a,an haw tur chu kawngka thleng kan thlah a, a neitu ni awm tak in tha tak in Nathan-a pawn a thlah a, kan tlawh thuai ang tih ala sawi cheu bawk.

Min rawn zui leh a,ka thu hnawk mai,min melh run a, a hmelah eng nge a ngaihtuah ka hre lo,kan chhungkaw awmdan a ngaihtuah vel mek pawh ani mahna.

“Eng nge ilo tih dawn?” a lo kal chhan ka la zawt miah lo.

“Moses-a ka nu in a lo la a,ka kal tir ta mai,ka nu nizanah a tap tlaivar zak ani awm e” ati nghut a, a aw ah na tuar ri a ri tel bawk.

“Oh, avan zia lo,anih leh Moses-a a mu tha thei em?” ka ti a,a bu nghut a.

“Um, kan haw tirh atang khan a harh lo hrim hrim” ati a,

“A lawmawm,kei chu i Nu bulah awmse tha ka ti zawk” ka ti sep a, Colleen-i tello in ka rilru in ka zui hram bawk.

“Tlaiah chawei na tur kan nei ania” ati leh thut a, phawk hra in ka en a,

“Khawiah?”

“Ka pi te In ah...” teh tawp zel a,

“Min hrilh hmasa thei lo em ni?,ka kal chak lo a,bakah kal ka duh lo...” a ban a vai zauh a..

“Ka hria, chuvang tak in i remtihna lak ka tum lo” ati boh a.

“Nathan,kan inkawp tak tak dawn nge lem kan chang?” min rawn en a,a ha var rual that lang in a nu a..

“I ngaihdan dan in i ngai thei ang” ati duh lek.

“Infiamna hmanrua nih ka duhlo ania, bakah kan innei dawn anih chuan inneih na tak tak kei chuan ka duh” ka huaisenna zawng zawng sawmkhawm in ka ti a,a then suk a.

“Kan in ang anih chu, vawi 3 nupui neih ka duh lemlo e” ati a, a aw ah nuihzatna a lang tel bawk, a sawi awmzia ka hre lo,nuih ve tur ka hre lo.

“Ka kal phawt ang, tlaiah ka lo lam ang che,eee, i chhungte chanchin hi min hrilh chian a tha in ka hria” ka tho uaih tawh ka thu leh a,

“Chhungte ka nei lo”

“Ok, sorry, mahse, chhungkua hi kan duh a kan tihtawp a, kan duh a kan zawm theih anilo ania” a tho a kawngkhar lam a pan a,thawh tuman pawh ka nei tawh lo,ani ang mipa, Chhungkaw ngai pawimawh lo ber tu hian katiang thu kha min hrilh ngam tur ani lo.

Thlakhat zet kan inzui ta,Dawrah a lo kal fo a, zanah a lo leng zauh zauh bawk, a changin Atea nen an lo len rual tum a awm a, tha tak in an inkawm mai a, a hma ang bawk in inhuatna nei hmel an pu lo, an chhungril inpawh loh zia ka hriat chian a vangin an lo len rual tum chuan tang tung in hun ka hmang tluan parh zel thung.

“Min rawn tlawh teh” Rinzuali’n min rawn bia a,ka tlawh khat angreng, hna ah ka buai em em a,len na hun ka nei meuh lo.

“Ka duh lutuk,mahse, ka buai em a” ka ti a, Memo ho ka remfel mawlh mawlh a.

“Tunlai chanchin hian ka awm ati nuamlo ania” ati leh a, ka nui sak mai, a sawi tum ka hria, khawi atangin emaw Nathan-a nen kan inkawp tih a hria tih ka hre mai.

“Lungngai suh,ka lo len hunah ka hrilhfiah vek ang che” ka ti a,

“Um, i theih veleh min lo tlawh ang che,ka beisei lawksa, ka beisei ngamloh a thleng miau a” a nui hak hak a,engvangin nge alo beisei tlat le?,Moses-a ka pai lai khan Nathan-an min duh niin a hria tih a sawi daih tawh.

Kan inkawp hnu ah ka beisei ang in dodalna ka tawk ta meuh lo, Colleen-i emaw Apa lak atang pawn thil tha lo ka hmuh ka rin nen ka hmu ta hauh lo,ka awmthiam lo mah zawk,mahse, min pawm nge pawm lo ka la hre thei lo a,Nathan-a lah a In ah a khawsa tlat bawk,kan chhungkaw chungchang min zawt leh ta lo,Putea a Cancer a zual a, tlawh ka duh a, mahse, ka la puitlin ta lo fo. Asangi ka hmu leh zauh thin a, tha tak in min be ziah,mak ka ti ru deuh,Nathan-a erawh ka hrilh ngai lo,Mamuani nu nen kan inhmuh erawh chuan nuam ka ti lo,

“Mami tan khan ka thikpui hauh lo che,Moses-a tan chuan nag aia nu tha tur an awm lo” tiin ka kut vuanin a sawi thei tlat,a thinlung tak in min lawmpui thei tlat kha mak ka ti,kan inkawp dan a lem em em tih a hre hauh lo tih ka hriatin ka khawngaih hial mai.

“I hman tawh em?” rawn luh pah in Sangpui’n a rawn ti a,min bazar pui turin ka sawm a, kan inhmu khat bawk nen ka ngai ve hrim hrim bawk.

“Hman animai, lo thu lawk, Coffee kha lo inthlit rawh” ka ti a,ka inremfel sawk sawk a, Thlasik a intan tawh a, khua hi rin loh kar in a thim leh thut thin a ,kal tlai lutuk chi pawh ani lo.

“Nathan-a a tha em?” ati leh a, Coffee no a keng a,

“Um, tha e” ka ti a,a nui hawk hawk a,

“Amak em mai, kan duh rawn luai luai thin kha tunah chuan i ta ani ta mai sia” ati leh a, ka nui ve ringawt, ka ta ani lo tih ka chiang,a chang chuan min ngaina tak tak niin ka hre fo,mahse, vawikhatmah min khawih a tum eih lo thung.

“Kal ang le” ka ti a, ka Bag ka khai a.

‘Taxi ka rawn la a, min drop angai ang aw” ati leh a,chhan en ah pawh ka en lo,Bazarpui ah kan kal a, ka mamawh ho ka lei zung zung a, sana ka en a, hun ala awm tho, MC ah thawmhnaw en ka duh a, Sangpuii pawn a lo duh ve tho bawk,bakah MC ah Car ka dah hrim hrim bawk.

“Saw saw Asangi tiraw?” kan ep chiah dawr lam a kawk zauh a,ka en ve nghal a, Asangi rawn chhuak mek chu ka va hmu a, mahse, a hnung atang a Nathan-a lo chhuak ve ka hmuh rual in ka ni nghal nghulh mai, ka na nghal vawng vawng bawk.

Ka hawilet vat a, min hmuh ka ring lo,

“Ka pi, kha kha a nah lutuk, i inhmeh ngawt ang” Dawr nghaktu in min rawn biak chuan ka harh deuh zawk a.

“Um, atha ang, lo pack la” ka ti a, ka card ka phawrh a, mahse, Pin number pawh ka hrechhuak zo lo thelh bawk,

“Thiannu, ngatinge Asangi nen khan an inzui a?” ka sam ka tuai a,

“Ka hre bik nang, keipawh nangmah nen kan kal dun a, ka hrilh chuang bik hleinem” ka nui lui a, Car dahna kan pan a,hmuh leh hlau in ka hawi kual a, mahse, ka hmu ta lo hlauh.

“Chutiang ani lo em mai, anni te chu..”

“Khawngaih in..” ka sawi zawh tir thei lo,ka na alawm, a sawi ngailo pawn ka na, na tur ka ni lo tih inhriat rukna hian min ti na belh bawk.

“Mal-i,i bazar ami?” Car chahbi kawngkhar a ka rawlh luh tawh chu ka chawl a, tu nge min be tu ka hria,muangchangin ka hawilet a.

Asangi nen kan inhmachawn ta ran mai,a bag a khai a, a bulah an thil lei niawm tak khaiin Nathan-a a ding bawk,en loh ka duh,mahse, ka induhtawkna a rawn lang ta tlat.

“Um, kan bazar lawk a, nangni zawk?” Nathan-a mit ah tak ka en a,hlauhna ka nei lo anilo,ka hlauh khan awmzia a neilo tih ka hria a, ka natna hi midang tan thil lawmawm ani tih ka hriat avangin tih lan ka tumlo mai zawk.

“Aw, zan a mi tu lei pah in kan kal kual lawk a” ati leh a, nia, kei hi mimawl ka ni, Zan in hi Nathan-a nu piancham ani a, an In ah chawei tur a kal tur kan ni.

“Um,anih chu mawle,kal kan lo tum chiah a, anih phawt u” dak vah in ka hawilet a,hei aia nat leh chuan ngaihna ka hre lo.

Chapter – 22

Thui fe chu ngawirengin kan tlan mawp mawp a, ka thil tawn khan ka Mood a thlak tih a hria ani ngei ang, Sangpuii pawh a thu ngawi kar mai,Zanah Nathan-a khan A nu Piancham lawmna ah chawei turin min sawm a, hnial a hnek in phur fahran in kawr te ka lei tak deuh deuh a, mawl hi ka va han in ti tak em!,kei ang bawk in Asangi pawh kha sawm ani a, ani erawh chuan Anu duhzawng engkim a hriatsak a, an bazar dun bawk,kan inkawp tan tirh khan Atea nen tawp turin min ti a, a thu nilo mahse Atea nen kan inhlat tial tial a,tunah phei chuan Nathan-a nen kan inkawp tih an hre fur tawh zawk,Asangi chungchang ka zawh khan ‘ka lo buaipui mai ang’ tiin min chhang a, kan tawp tawh ati reng reng lo.

“Mal...zanah eng nge tih tur in neih a?” hmalam ka en ngar a, chhan loh ngawt chi ni heklo, za lo zet in ka nui a

“Nathan-a Nu Birth Day ania” ka ti tawi tak mai.

“Asangi nen khan ngatinge an kal dun kher ka hrethiam lo reng reng, in inhau ami?” ati leh a,ka thian ani a, min zawt tur pawh ani,mahse, a timing lo ve chiang.

“Hau lo e, an kal dun dawn tih min hrilh alawm” dawt ka sawi a,

“Nah,ka awih lo em mai,i hresa anih chuan ngatinge an thil tih i zawh si a?” ka ngei rum rum mai.

“Nia, Asangi khan ka hria tih a hre lo a,ka zawt mai mai anih kha, a ho em mai, Eric-a pawn a thiante a chhuahpui tum a awm ang chu” za lo zet in ka nui leh a.

“Um, awm ang,mahse, thian satliah nilo...” ka ngaithla peih tawh ngang lo.

“Aninawm,thildang sawi ang, nang ang in kan thikthu a chhe lo alawm” a rilru tihnatsak hlau deuh in ka ti a,vanneihthlak zet in a ngawi zui ve mai bawk.

Sangpuii ka Drop a, Dawr ah ka kal kawi leh zuai a, ka thil tawn khan min ti nguai a, In a mut hahdam ka duh avangin ka hawsan leh a, pawimawh a awm chuan min call thei reng bawk.Ka In kawt ka thlen rual a ka hmuh chuan min ti sa leh phat mai,mahse, in control tur ka ni,ka thinrim anih pawh in keimah leh keimah ka in Control theih loh vang animai,kan inkawp danah min duh na avang a inkawp kan ni hek lo,kan bultan dan pawh vau na leh tihluihna nen anih kha.

“I rawn haw tlang pawh ka lo ring lo a, Dawr ah rawn kal ka tum a” Step ah min zui chho a.

“Nia, ka Inbual hmasa ang chu ka tia, bakah i Nu present tur pawh ka la ngaihtuah fel lo a, kal hma deuh ka duh a” ka ti a, pangngai thei ang ber in ka bia a,ka chhungril a na awm tihlan loh ka duh a, ka tilang lo thei viau bawk.

“Um, nia, kan kal hma deuh angai a” Chahbi ka la chhuak a, Kawgkhar ka hawng nghal a.

“Kal rual kher a ngai hleinem”ka ti nghat a, ka thil lei ho Choka lamah ka khai lut a, Dinning Table chungah ka dah a.

“Ngai e,tun hun tluk a kan kal rual a tul hun a awm lo hial ang” ati hmuk a, ka hnung maiah a ding bawk,Fridge atangin Tui ka phawrh a,min enzui reng tih ka hriatna chuan nuam tak in min awm tir thei lo.

“Atea kha Colleen-i khan a sawm ve tho a, kan lo kal rual ang chu kan lo ti a” ka ti leh a.

“A tul lo” ka kawngah a rawn kuah zui a, amah si chet in min pawt bet nghal a, ka hamhaih a, chet sawn mai nachang pawh ka hre lo.

“Vawiin vang khan thupha ka chawi e” ka Darah a khabe a rawn nghat a, ka mur ar ar mai.

“Eng ber chu?” ka hre lo der a, min kuahna phelhsak tumin a kut ka vuan a, ka kut lehlam in tui Bottle ka keng thung.

“Asangi nen kan chhuak dun tih ka hrilh loh vang che khan” ati sup a, ka mit ka chhing a,hei hian min ti nem tur ani lo.

“A ho em mai,min thlah phawt teh, inbual ka duh ania” ka ti leh a, ka aw a khur lo hlauh.

“Kei in ho ka ti lo alawm” ati leh sup a, engvang a min care ta viau chu nimaw?

“Hah, tu nge i nih ka hria che alawm” ka nui lui hak a,

“Chuti chu ngaihdam ka ni tihna ani em?” a nui nghawr dat a,ka nui ve leh ringawt,

“Engmah i tisual lo a,bakah kan mimal nun lam insawisel sak lo ang ka tih kha” ka ti leh a, min thlah a, mahse, a kal sawn chuang lo tih Fridge kawngkhar tle hluau ah chuan ka hmu thei a, ka kal sawn a,Living Room lam ka pan a,min rawn zui leh a.

“Khawngaihin kal rawh, ka Inbual duh” ka kut ka suih a, ka ding fel at bawk.

“Inbual la..i inbualna ka dal ami?” a nui suk a, Sofa ah a thu a.

“Ka Inbual dawn miau chuan engmah tih tur hetah i neilo”ka ti leh hmak a,a hmel ngeng ngulh mai chu ka en a,a then suk a.

“Kei pawh Inbual ka mamwh in ka hria” min rawn en thut a, a hmel pa leh Sexy lutuk chu en ngam lo in ka hawisawn a,a nui hawk bawk.

“Khawngaihthlak reuh lutuk,Inbual rawh” a tho a, Kawngkhar lam a pan a,ka thlir reng ringawt,a ding chut a, a rawn hawi let a,

“Dar 7 ah,lo inpeih ang che” a inher leh a, a kal zui nghal daih bawk,kan kal dun lo ang tih ka sawi kha engahmah a ngai lo tih alang reng mai,mahse, Atea pawh ka la hrilh lo hrim hrim,kal a tum tih nizan a kan inbiak khan a sawi a, chuzawng chu animai.

Muangchangin ka inbual a, tunah Dar 5 chauh ala ni a, Anu present chungchang kha chu chhuanlam mai ani a, ka lei fel vek tawh,ka inbual zawh veleh ka sam ka ti ro leh a, tawn lo in ka thlah tawp mai ang chu,ka thawmhnaw hak tur ka inbel leh a, ka insiam zawh meuh chuan dar 7 a hnai kuar tawh, in nghah tir ka duh lemlo,Apa nen a inhmachhawn ka chak lo,buaina min thlen hauh lo mahse hmaichhan a inhmuh leh chakna ka neilo,Anu erawh nu tha tak niin ka hria a, ka hmuh hreh dan a zia deuh thung.

“Hello..” Nathan-a’n min rawn call a,

“Lo chhuk la,i inpeih tawh em?” a rawn ti a, Darthlalang hma ah ka ding a, ka thawmhnaw hak a nalh viau lam ai chuan ka inringtawk a, nuam ka ti viau mai.

“Aw inpeih tawh e, ka lo kal ang” ka Phone ka off a, ka make-up a tha em tih ka en leh thuak thuak a, ka hmang vak ngailo,ka ngaina vak lo a,mahse, zan in chu tlem chuan nidang aiin ka uar hret,Asangi Birth Day lawmzan kha ka ngaihtuah let a, khatiang kha a thlen tawh loh ka beisei takzet.

Motor nghengin a lo ding a, a Phone a khawih pah bawk, ka kal thawm a hriat rual in a rawn hawi a, a Phone ak zui daih bawk,min en deuh vung vung a, nuam ka ti chiah lo, min sawisel dawn emaw ka ti hman a, mahse, engmah sawi lo in a nui ta suk,ka thaw huai mai,a Hmeichhe kawp chu zahawm tak in lang thin se a duh pawh animahna,Asangi reng a lang nalh thei zaih zaih em mai,Mamuani pawh a dang chuang lo.

“Asangi kha alo kal ve dawn ti raw?” amah en lo in ka ti a,

“Kal ang” min chhang tawi tek tawk viau ,zawh nawn leh pawh huphurhawm tak ani.

“Kan inkawp dan hi a nihna tak a hria em?” ka ti leh ta tho,a hnar a ti ri dat a.

“Eng ber hi?” ati tha ve mai bawk.

“Kan inkawp tak tak lo a,eng emaw tum i neih vang tih hi mawle” ka ti leh a,an In peng kan thleng a, an in lam pan in kan tlan chho tan mek bawk,

“Chutiang in kan inkawp tih i sawi a ka hre chiah” ka en vat a, ani pawn min rawn en zawk a, a hawi sawn leh nghal vut thung.

“Nathan,ka uang lo ania” thinrim deuh hian ka ti hlak a.

“Um, keipawh ka uang lo,ka Hmeichhe kawp tur hi ka duhthlanna ani thin a, tun thleng pawn ka duh loh zawng chu eng emaw vangin ka la kawp lo” sawi mai tur ka hre lo.

“Hrereng ang che” ati leh a, ka hmui ka pet nauh nauh ringawt, hriatreng loh pawh tum ila ka hrereng ang tih ka chiang, achhan chu Sumdawnna vang ni lo in a duh zawng ka nih vang a min kawp ang in a insawi miau alawm le..Lawmna hi a va han ho thin tehlul em,mahse, ka chhungril lawmna hi chu ka tan ani a, ani tan hriat a tulna a awm lo.

“Chutiang zawng in atir ah kan tan loh kha..” alang chuan ka ti ta tho.

An In thlen hma in zawl chhete a awm a, kawngsir ah motor a ti ding a, a rawn hawi let a, mak ti zet in ka lo en ve bawk,a rawn kun hnai a,ka biang tawn tawn ah a rawn vuan a, a hmelpa leh tak ngul mai chu ka en a,Light a Off avangin ka hmu chiang thei lo thung,ka chal ah a chal in a rawn ti si a,

“Ka hmuh hmasak ber che khan ka duh tawh che,mahse,a remlo, tunah chuan engmah min daltu a awm tawhlo,ka duh chu ka nei thin tih i hriat kha” Dimte in ka chal ah a rawn fawp a, ka mit ka chhing ta ngawt,a hmui lum ham ham leh chhah tap mai in ka hmui a rawn sik rual in ka mur nghal ar ar mai,hetiang hian kan in kiss hmasak ber khan ka awm tawh,kum 5 lai a liam hnu pawh hian kha hmui lum leh sexy zet in zei lutuk a min fawhna kha ka ngaihtuah zawng pawn ka la danglam thei hial,tunah chuan Suangtuahna mai nilo in a tak in ka hmui a si a, ngen ngawl leh dam raih si in min fawp a, engvangin nge ka chhan loh tehlul ang?,Min Hmangaih lo mahse min Duh alawm..a tawk reng.

Motor Horn ri ah kan inthen phawk mai,Nathan-a erawh a phun hluk thung,mahse, min rawn hnaih lehnghal tho,kan thlanglam atangin Motor Light a rawn eng pup pup a, tu emaw ber an lo kal ve tih a chiang,alamah min pawt hnai leh a, tang tur pawn tha ka neilo,ka zawi vel vek,

“Theinghilh ngai suh aw, ka hrilh ngun tawh che,ka ta i ni ka tih kha” ka hmui ah a kutzungpuiin a rawn tuai a,ka thaw hak ringawt.

Motor a rawn ding ve a,Mipa ka hriat ngai loh hi a rawn dak a,

“Hey, Mam, in va ding lai ve” a rawn ti a,

“Nia, Phone ka hmang lawk,kal ru, ka rawn zui ang che u” Pangngai tak in a ti a, a pangngai leh der tawh animaithei, kei ve chu ka la mumal lo.

“Kal ang ,hlau suh, tupawn engpawh sawi se ka sawi anih loh chuan ring suh” a ti leh a,ka bu nghat ringawt.

Gate alo in hawng sa a, Veranda ah an lo thu thap mai,khua a vawt tan tawh a, vawt lutuk erawh ala nilo,kum dang ang chu nise kawrlum nen lum tak a inthuam a hun tawh a, mahse, tun kum chu a vawt mang tlat lo.

Moses-an a Pa a hmuh rual in a te chul a,an inhmu ngun nge ngun lo ka hrelo,ka zawt ngai lo, a Nu in a enkawl a, a tlawh ve turah ka ngai a, mahse,ama in ah ala khawsa zel thung,

“Tumah mi hrang an awm dawn lo, kan Cousin ho leh thian hnai zual tlem anni mai,Asangi nen kan inzui lai hria te vek anni a, an tawngkam a na anih pawn tuar ang che” ati leh nghut a, tunah chuan Order ani ta thung,kan inzui lai ati a, an inthen lai pawh ka hre lem hleilo a.

Motor atangin ka chhuk a, zahzelah Ka kawr ka pawt mar a, Moses-a leh a pa in lawm vel chu ka en a,”Kal ila..” in lam ah a thle buk a,ngawirengin Veranda lam pan in an hnungah ka zui phei ve a, a sawi ang chiah in lo thu ho chu ka hriatsa an tam lo nangin ka hriatsa an awm tho,Colleen-i leh Atea,Nathan-a nu animai,Motor atang a Nathan-a rawn be tu kha a tel bawk.Nathan-a Pa erawh a awm lo thung.

“Mam, introduction lam te..” a hma a ka hmuh tawh pa khan a lo ti zauh a,Atea bulah ka thu a,Beer an lek far bawk, kei leh Nathan-a nu chauh in kan in lo,Nathan-a Nu hnenah ka thil ken sak ka pe a, a lawm thiam viau mai,an duh ang leh duh chi leina tur khawp a sum ka nei lo pawi ka tih tum ani ang.

“Mal-i anih hi,Mal-i, hei hi ka Nu te unau zing a Naupang ber Fapa Zothana anih hi...” ati a, midang pawh a sawi diat diat a, mahse, ka theihnghilh zui lehnghal vek,an vai khan an hming ah Zo a tel vek a, nalh ka lo ti ru hlawm, a Common lo em em hlawm bawk.

“Kan Family lianpui ah hian kan lo lawm a che” nui chungin min rawn Chibai a, Asangi hmeltha tak mai chu ka en a, a nui sang mai,engtin nge maw a theih zawk ni?,Zawite te in Colleen-i nen an inbia a, an nui dun leh hak hak thin bawk.mahse, mak tak in kan thlen atangin min la be miah lo.

“Mate, Room ah chho ila...” ka bulah a rawn ding a, nuam ka ti chiahlo,he IN atang ngei hian min neih a duh tlat avangin a chhuak a, ka thla ala muang thei lo.

“Mahse....” ka kut ah a rawn chelh a, thawh mai loh chu tihtur dang a awmlo,

“Moses, Room ah kan kal dawn ania..” Tv hma chhuatah Cushion chhah zet zet chungah a mu a,a rawn hawi let a,

“Ka kal ve thei angem?” a mitmeng lian kel kawl chuan aPa en lo in keimah min en a,ka nuih var var mai,a sam kir chiat leh a hmai bial lam lek lek te,a hnar tereuhte, zum vat mai,a Pa hmui ang mai a hnuailam chhah deuh,sen hlar te...ka en ning thei lo.

“Yeap,kal dawn e..Come on..tho la..” phur ze hian a rawn zuang tho a,ke lawngin a la awm zui.

“Aaaa, mahse, Papa,ka en lai hi ka en zawm thei angem?” Tv a kawk leh rih a, Nathan-a lam ka en a, a bu nghut a,

“Room ah Tv a awm tih i theihnghilh ami?” Remote a dah thla a, a rawn kal phei a, a Pa kut a rawn chelh a,

“Nu, kan reilo ang, thil en tir lawk tur ka nei a..” Anu rawn lut mek chu a lo hrilh a, a bu nghat a,

“Aw, i Pa a lo thleng tep ania” a hmel a hlauthawng hmel lo lang chu ka hmuh hmaih lo.

“A lo haw dawnlo i ti amaw ka tia?” a aw a chang lutuk a, ka lo ip chawih thung, Midang zawng kha pawnlamah an la thu hlauh zawk a, Nu te biak dan tur ni in ka hre lo.

“Mama, hetiang hian awm suh.”

“Nu, a lo haw hma in kan kal ang, mahse, Room ah Mal-i hi hruai ka duh a” min rawn kai a,Moses-a Step a ding al chuan Tv lam mawlh ala en a.

“Khawngaih in,kal rih lo ang,awm ve rih rawh...” a ban a vai zauh a,

“Ka lo ngaihtuah tha leh dawn nia” ati nghut a, min rawn en a,

“Kal ang, Moses,tlan rawh,ka man dawn che ania” ati zui nghal a, Moses-a tereuh chu te chul chungin Step ah a tlan chho a, a sam a phe dar dar bawk,kei leh a nu min biak lai khan nelawmna a awmlo, Moses-a a biak thung kha chuan a dam leh thluam thung.

Room ah a vawihnih nan ka lut leh ta, a hma ang bawk khan a fel thlap a, a kal ngai lo pawh animahna,mahse, a fai tha hle thung, Moses-an Tv on turin a Pa a ngen nghal a, Tv lan chian na tur Sofa ah a thu nghal kak bawk.

Tv a on sak a,kei erawh tih tur ber hre lo in Moses-a bulah ka thu a,

“Aunty, enteh,ti khian an awm a,ngatinge an In khi a that lehnghal le?” ka en ve reng nangin ka lo ngaihtuah lemlo nen eng nge lang pawh ka lo hre lo,ka um e vel ta mai mai, ka chhanna pawh a ngaihven leh chuang lo.

“Hei hi pek che ka duh a” ka bulah Nathan-a a rawn thu ve a, Bawm tereuhte,kil li nei ani a,tim deuh hian ka la a, eng nge anih ang ka hrethiam lo.

“Engthil nge?” ka en a, a then suk a,

“Hawng la..” ati sup a, a sir a hmeh hawnna chu ka hmet a, a ri khep a, a inhawng nghal a, mahse, a chhung a awm ka hmuh rual in ka thaw hawk mai.

“I la hre reng alaw?” mak tih na leh lawmna inpawlh in ka ti a, ka aw a lawi rat mai.

“Ka hre reng nilo in ka theihnghilh ngai lo zawk..”

Moses-a ka pai sak lai khan an Nupa in min rawn tlawh a, kan pathum in kan Bazar a, Mamuani khan thawmhnaw min leisak pah in tlereuh min leisak nual a, ka lawm em em rual in Glass chhung a Bracelet,Gold a siam ,Design nalh zet a inphiar khan ka mit ala ngawih ngawih thung, Nathan-a leh Mamuani ten an Nupa thil tur an buaipui lai in ka va kal hnai a, ka va en chiang a, a hnaiah phei chuan ala nalh lehzual,a man zat intar ka en a, ka thaw hawk mai,ka kalsawn nghal nal nal bawk, tun hnu, Dinhmun pangngai a ka din ve tak hnu hian khatiang chiah kha lei tumin ka zawng thin a, mahse, ka hmu lo,siamtir mai ka duh rum rum a, mahse, khatiang ang khan an chher chhuah ka ring lawi si lo,Tlereuh dawr a ka kal chuan ka hre chhuak ziah bawk.

“Ka la thei lo ang..” ka ti leh a

“I lak duh loh chuan ka paih mai dawn mi niang?” a nui leh suk a, ka khabe ah a rawn dawm a,

“Moses-a a awm hi...” a kut ka lak sawn sak a,

“I va han ho tak..” a ti sup a, ka en leh thin,ka mittui a hnai kuar mai,

“Tak tak in kan Bazar ni khan i en reng a, i duh tih tih ka hria alawm,khami ni khan ka leisak tawh che..” mak ti lutuk in ka melh reng ringawt.

“Nathan...” ka ti ringawt, engmah sawi tur ka hre lo.

A rawn la chhuak a, min bun tir a, ka mittui a rawn hnam a, a hmuh hlau in ka khap hul sawk sawk mai,a chang hi chuan amah rinchhan a ka hrehawmna zawng zawng hi nghah ka chak thin,mahse, a chang chuan amah bawk hian min ti hrehawm thin a,Sumdawnna kawng a a bungraw pakhat niin ka inhre thin,mahse, hetiang thil man to pawh ka tan a lo lei leh lawi si,min duh tih hi ka ring ve tak tak tawh,keima hriatna mai nilo in midang Mamuani leh Rinzuali pawn min hrilh tawh a,tun a a thil pek min pek hi infiamna hmanrua a ka tan avang a min pek tur chuan aman a tam ka ti lutuk.

“Ka lawm e aw..” ka hmui a rawn tawk a,

“I natna ka siam ngai lo ang che,min fiah la...” zawi fiah zet hian ati sup a, Moses-a chu awmlo se ka kuah ngei ang tih ka chiang.

Ka rilru a nem ani mahna, a pawilo,ka nu boral hnu ah khan Rinzuali te hnen atangin thilpek tamtak ka dawng a, Hmangaihna ka dawng bawk,mahse, vawiin a Nathan-a thil min pek hi a man tam vang a hlu ani ngawt lo, ka duh tih a hriat avang in min lo leisak a, kum 6 tling thelh min lo kawlsak tawh bawk, ka tan chuan a hlu a, Mipa in min duhna nen a thil min pek hmasak ber ani a, chumai piah lamah Nathan-a hnen atang ngeiin ala nizui..

Kawngkhar an rawn kik a, ka thut dan ka siamtha vat a, ka banrek a Gold Chain awm chu ka khawih a, ka mumang mai ani ang tih ka hlau takzet,mumang mai anih dawn ai chuan he room ah hian harhchhuak tawh lo in muhil hlen dawn mah ila pawi ka ti hauh lo ang.

“Lo lut rawh” Nathan-an a ti a, ka hnunglamah a ban a rawn dah a, ka kawngah a rawn kuah a,ka en thuai a, mahse engmah hrelo niawm tak in kawngkhar lam a en daih thung,kei erawh ka tang teuh mai,engtik ah tak hetiang a awm hi ngaiah nei ang i maw??

“Nat...ka van be duh che” Asangi a rawn dak a, a koh dan tehhrep lah chu,pawnlang ta riau in ka inhria a, ka hlimna a chuai nghal rawih rawih mai, hetah a awm ve tih reng ka lo hre tawh lo.

“Um, lo lut la...” ati nghut a, mahse a nui a,a lo lut chuang lo,

“Hna lam ania, i theih chuan midang hriat loh a sawi ka duh a” ati leh a,a mit meng lian leh vap ham mai chu a meng tal tap bawk,

“Ok, ka lo kal ang” ati a, a ban a la chhuak a, min rawn en a,

“Ka va kal lawk ang, ka reilo ang ” ati a, ka bu nghat ringawt, ka bengah Asangi tawng ri a cham a, tlangnel tak a a rawn kohna khan an pahnih a inzawmna thuk zia a tilang chiang em em tlat.

Ka rin aiin a rei ta, ngawirengin Moses-a Tv en ka en pui a,ka ril a tam tawh a, ka pum a ri raih raih mai,Moses-an min rawn nek a, ka en chu a lo muthlu a, a kut ah Remote a keng bawk,a Remote ken ka laksak a, ka tan chuan he hun hi a hlu,ka pawm a, ka malchungah ka dah a, a thaw sak sak mai.

“Mate...” ka chalah hmui lum thar thar in a rawn sik rual in ka harh a, ka awmna ka hrelo thelh bawk,Nathan-a nui hmel ka hmuh rual in Room ah ka awm tih ka hre chhuak a, Moses-a ka hrechhuak a, mahse, ka malchungah a awm tawh lo,

“Inhnuaiah ka dah tawh,a muhil nghet thei lutuk” ati a,a rawn thu thla a,

“Um, ka lo muhil a...” sawi tur hre lo zet in ka ti a, a nui leh suk a,

“A pawilo,kan kal mai dawn mi?” ati a, chaw pawh kan la ei si lo.

Inhnuaiah kan inzui thla a, midang lo awm laih laih chuan min hmuh rual in an ngawi nghal thap mai,

“In haw ta emaw ka tia?” Atea’n a lo ti thuai a,

“Haw dawn chiah zawk” nelawm lo zet hian a ti hmuk a,midang pawh a hma ang bawk khan an tawng leh mar mar tawh.

Pawnah kan chhuak a, Motor kan thlen hma hret in Car Pakhat a rawn tlan lut ve chiah bawk,kan piah lam a Motor dahna awl ah chuan a ding a, kawngkhar a rawn hawng a,

“Mama...”Nathan-a Pa aw ka hriat rual in ka khur chhe lo chauh,muangchangin Nathan-a a hawilet a, ka banrek ah a rawn chelh nghal chat bawk,amah hnaih turin min pawt a,

“He nu bawk chu...” keimah min ti tih ka hria, tlawm thlak teh mahse engtin ka ti ngamlo,Fahrah nun hi i tem ve phawt anih loh chuan Hmeichhe dawihzep leh duh thlang theilo ah mih puh hauh suh,Fahrah hian inkiltawihna,mi zing ah pawh mal riau leh mi dang tluk lo ngawih ngawih a inhriatna kan nei a,han kawhlhrawng viau thin mahila Nu leh Pa kar a seilian te nen tehkhin chi kan ni lul lo.

“Ka pa, hming a nei a, Mal-i ani tih ka sawi tawh kha” nelawmna tel hauh lo in a ti let a,ka lo ip chawih mai,mahse, a Fapa en lo in keimah min en run a,Nathan-a tawng pawh hre awm in a awm lo.

Chapter -23

“Mal-i maw i nih kha?,enteh, Ka Fapa neih chhun hi i neih phak ah ngai suh,mi dang chhungkaw tihbuai hi a tha ngailo,lo inthiarfihlim ang che” Nathan-a ka ngheng deuh rawk a, ka tlawm tih ka hria, hetiang khawp a inhmuhsitna hi chu midang hnen a mi nise ka tuar thei ang, mahse, tu dang mah nilo in Nathan-a pa hnen atangin ani ka dawn zawk?,na mahse ka na lo tih ka tihlan a tul bawk.

“Ka pa, khatiang khan tawngkhum suh,ka Nupui tur ani ka tih kha” khuk chem chem a ral daih theih ka duh hial mai.

“He nu hi i kawp chhung chuan lo kal leh tawh suh” a inher a, In lam a panin a kal nghal daih bawk..

“Kal ang” min kai a,ka luhna tur in Kawngkhar a hawng a,ngam leh ngam lo in In lam ka en a, Moses-a tereuh kha a harh hunah a Pa alo awm leh tawh si lo anga, angai ve thin angem?,kei ai chuan ala vannei ta tho,Pi leh Pu,Hmangaih a atchilh em em tu a nei a,a Pa awmlo mahse atan chuan hrehawm a awm in ka ring lo,engkim mai keimah nen ka khaikhin lo thei lo,ka din hmun ang ah khan a din ka remti hek lo.

A in kawt ah Car a ti ding a,vawt ka tih vang nilo in ka khur deuh bawk,Moses-a ka ngaihtuah a,

“Moses-a kha a harh hunah a zawng che angem?” ka ti a,a lu a thing a,

“Ka hre lo,mahse, ka bulah a mu ngai hleinem” ati a,sawi leh mai tur ka hre lo.

“Chhuk ila..” a ti zawi sup a, Ka In lam ka hawi a, a hnai tawh tho nang in reilote a bul a hun hman leh ka la duh a,mahse,Chaw pawh ka la ei lo a, ka ril a tam tawh.

Step ah kan chho dun a, ka pum a ri leh raih raih a, a hriat hlau zet in ka en a, mahse, a hre lo anih hmel,a kekawr ipte a zen a, chahbi a phawrh chhuak a, a hawng mai dawn emaw ka ti a, mahse,a chain a phelh a, pakhat a la chhuak a,

“Hei hi kawl rawh,i duh hun hun ah i lut thei ang” ka kut ah a rawn hmehbel a, hnialna hun pawh min pe lo, zan in chu engkim a thleng chak vut vut lutuk a, inrin na hun pawh a awm lo,hnial lo in ka hum rauh rauh a, a Bungraw pakhat mai chu ka ni ta lo e.

“Ka thawmhnaw kan thlak lawk ang”tih pah in Room lam a pan nghal a, kei erawh thu lo in ka tei kual a, choka lam ka pan ta nge nge, Fridge ka hawng a, ka beisei ngam chiah lo chung in Eitur siam mai theih chi a lo dah nual mai, mahse, ka thu chuan ka siam ngawt ngam lo,ka khar leh a, Nathan-a a rawn lut ve chiah a,min rawn en a..

“Ka ril a tam ta viau, nang?” Fridge a rawn pan ve a,ka zep buai peih lo,ka bu nghat mai.

A hawng a, Sausage leh Soup Powder a la chhuak a,min rawn en a, a thil ken a rawn lek kang va bawk,

“Hetiang hi a awlsam a, ka ei mai zel a, a pawi i ti em?” ka lu ka thing a, kei pawn ka ei nasa ve tho a,mahse, a theih chuan thlai hnah ka ei tel thin bawk.

“Pawilo nasa, ka ei ziah kei pawh, mahni a awm chuan a awlsam apiang animai” ka ti a, a nui vur vur a,Plastic Container pakhat a rawn la chhuak leh a,

“Nimin ah ka nu alo kal a, Bawngsa Roast a rawn dah a, ka duh tih a hria a, ti hian ei dawn ah ka ti lum mai a,a awlsam khawp” ati leh a, Antam awmse,hmin vak lo in kang bawk ila,ka ngaihtuah zawng ringawt pawn ka chil a put lo chauh.

“Ka lo siam dawn mi niang?” ka ti a, a thle buk a,

“Aih, keiman ka’n ti ang, Chaw lo chhum la..”ati a, hlimna leh phurna,ka sawi thiam si loh in min fan a,nuam ka ti veng veng mai.

Soup a siam a, Sausange a kang leh a, Bawngsa kan a hnu ah a ti lum leh bawk, kan ei meuh chuan Dar 10 a ri thuak tawh, kei pawn Sausage leh Soup ka siam fo,mahse, hetiang in ka siam ka eitui ngai lo,ka Thleng ka nawrsawn a,

“I van siam tui ve, ka ei hnem lutuk” ka ti a, a nui suk a,

“Ka Parawl hi mawle, ka eitur pawh ka siam thiam loh chuan ka Parawl thei nang” a ti a, ka ngaihtuah a, a sawi dik in ka ring, engchen nge amah in a awm tawh ka hre lo,mahse, a In ka hmuh hian a awmrei thawkhat tawh ang tih ka ring,a changtlung em em tlat.

Thleng ka seng min pui leh a, ka sil nghal vek bawk,a lo hru hul zel a, Nupa ni ila hetiang hian kan nung thei angem tih ka ngaihtuah a,hetiang hian awm in hlim dun dawn ila chuan a aia thlan tur chuang Khawvelah hian ka hre lo.

“Ka kal mai dawn mawni?,a tlai chak em mai” ka ti a, amah ep zawng in ka thu a, Tv lam a en a.

“Thu mai mai teh” ati duh lek,

“Hei ka thut hi..” ka ti a, min rawn en a, a nui suk ringawt.

“Eng chen nge tah hian i awm tawh?” ka ti leh a, ka ke ka hlang a.

“Kum 2 vel anih ka ring,regular tak in ka awm lemlo” ati sup a.

“Um, a van rei tawh ve” ka ti a, a hmui a ti sawi zauh a.

“Ka zawn hmuh tak hnu che khan ka rawn insawn lut..”ati leh nghut a..

“Maw??!!!” ka awih thei lo.

“I rawn haw hnu khan ka zawng che a, mahse i bo hmiah,ka hmuh hmasak ber che chuan zing walk na ah ania, ka hmusual che emaw ka ti a” ati leh a,sawi ve tur ka hre lo.

“Ka zui che a, helai hi min hruai thleng, i In luah hlui ah khan ka lo kal ngun khawp mai, mahse,an hre bik si lo a,zawn hmuh i har khawp mai” ati leh a,mak ka ti tawlh tawlh mai.

“Mamuani kha...” sawi zawm tur ka hre lo, a lo hre ru vek ani ngei ang..

“Um, a hria, min chhuahsan chhan erawh nangmah vang ani lo” ati leh nghut a.Asangi nen an inkawp vang a kalsan ani tih ka hria.

“Ka inthiam thei lo,Mamuani kha ka ti na niin ka hria..” ka sawi chhuah rual in ka thawl hawk mai.

“Engvang in?” min melh run a..

“Ih, englo..i awmdan kha a hria a,englo,min duh thin tih min hrilh a, na a ti dawn em mai,Moses-a ka lo paisak kher bawk che u sia” ka ti ta nge nge,a mit a ti zim a,

“Nia, a hria, hriat tir kha ka duh hauh lo,mahse, kha chu i thiam loh ani lo” ni tehreng mai, ka thiamloh ani a, a bulpui ber erawh Nathan-a thiam loh ani zawk, Nupui nei reng chung a Hmeichhe dang lo duh kha thil tih loh tawp tur ni ringawt.

“In duhna hi thil dik lo ani lo,mahse, Mamuani chungchang kha chu sawi tawh loh ka duh zawk” ati nghut a, kei pawn sawi chhuah ka duh rih lo.

“I nu leh Pa in an boralsan che in kum engzat nge i nih?” keima mimal chanchin min zawh hmasak ber ani hial ang.

“I hre sa vek emaw ka ti a?” ka ti let ha thung,

“A then then chiah ka hria”ati a, Moses-a ka pai sak dawn a kan inbiak tum khan ka chanchin engkim hre vek ang in a insawi tlat.

“Pa ka neilo,Nu erawh ka nei, kum 10 vel ka nih laiin a boral” ka ti a, ka nu hmel ka mitthla ah a lo lang a, ka mittui a hnai kuar mai.

“Pa i nei lo maw?” ati hu a,Naupangchhia zet in min en a,

“Kan In,kei leh ka nu,min kalsan atang khan Pa ka nei leh tawh lo” ka thaw a sak talh mai.

“Oh,Sorry..” ati sup a,a tho a, min rawn pan a,ka thutna ah a rawn thu ve a

‘Pa i neih loh vang hian tumah i tluk lo tihna anilo ania, tunah phei chuan han in enteh, i dinhmun awt ngawih ngawih mi tamtak an awm ang tih ka chiang” ati leh a, ka kut a rawn khawih a, a kutzugtang sei tlurh mai chuan a hum a, ka kut a te bawk nen a hum bo hneh kher bawk.

“Um,khatiang pa neih ai chuan Pa neilo a ka selian hi ka lawmzawk” ka ti leh a,ka thinrimna a rawn tho thar leh a,ka Nu a kalsan vang a kehchhe vek kha,Ka nu a kehchhiat hma khan Hmeichhe pakhat a ti na a, a kir leh khan Ngaihdam ani lo tih ka hre bawk.

“Kan in ang anih chu..” ka en vat a, ka kut a vawnna a thlah a,a kun a, a hmai a hup zui vang vang bawk.

“Maw?” ka ti leh a, ka mawl hmel thin ngawt in ka ring.

“Ka pa tak tak hi Pa thalo leh zahawmlo tak ani a,ka tan chuan tun a ka pa hi pa tak tak ani zawk” ati leh a,

“Nang chuan Pa tha tak i nei alawm, i Fapa pawh a tupa ang chiah in a enkawl a,ih, i pa anilo tih hre sa lo ila chuan i pa tak tak emaw ka ti ang,in in ang lutuk asin” ava mak em!, thil diktak pawh sawi mahila tunah chuan midang,keimah ang bawk a Pa chung a lungawilo hnem nan ka sawi ani zawk.

“Adik alawm, Min enkawlna ah sawisel tur ka hre lo,mahse,Sumdawnna leh ro chungchang a kan buai hma khan ania ka tih” a tawp lamah chuan thinrimna ri a ri tel thung,Min rawn en a,

“Zan in chu haw suh” ati hmuk a, ka nui hawk thung, ka nuih chhan ka hre lo.

“Ka thei nang, Mipa In ah engtin nge ka riah ngawt theih ang?” ka ti a,min melh run a,

“I theih loh chuan keimah ka lo riak mai ang, i bul a mut a, hahdam tak a titi ka duh”ati leh a, eng in nge a rilru ti hah ka hre lo,kei chauh hi rilru hah leh buai emaw ka lo inti thin a, ka lo ni hauh lo.

“Aih,chu pawh chu a theih chuang loh,min thlah tawh zawk la..” ka ti a,min chhang lo in a rawn tawlh hnai a,ka khabe ah a rawn dawm a, ka en lo thei lo,a rawn kun hniam a, a tihtur ka hria,ka mit ka chhing ta ngawt.

A hmui lum ham ham in ka hmui a rawn si a, a lei in zei lutuk in a rawn nawr kau zui nghal bawk, reilote chu ka chhang let lo,Mipa dang tumah ka la kiss lo a, amah chiah hi,ka chhang let ve ta nge nge, zei lo min tih ka hlauhna te kha chu an thlawk bo vek tawh.

Ka chhan let rual in alamah min pawt hnai a,a rum hawk bawk, ka kawr a rawn zen a, ka mumal lo, hnial ka duh a, mahse, ka thei lo, ka taksa a nawmna awm chuan min ti a huih ani ber.Ka hnute a rawn khawih a,ka zang huih a, ka ngheng ta nge nge, a hmui a la sawn a, a thaw ham ham mai,a kut erawh a chawl hauh lo.

“Nathan...tawp ang” ka tawng ri chu kei pawn ka ring zo lo aniber, a ri chang chang,ka samah a fawp zauh a,

“Um, min ti a zo vek tawh” min kuah a, ka hnute a khawihna a la sawn a, ka khur dar dar mai,kei pawh min ti a ve tho,min tilui vaih se chuan ka tang zo kher lo ang.

“Min thlah tawh la..” a kawr tlang a Reebok logo awm chu ka khawih a.ka sam karah a kut a rawlh a.

“Riak mai la, engmah ka ti lo ang..” ring vak lo in a nui a..min chhaih tih ka hria.

“Aih, ka ring lo che,tun lawk a i chet dan ka en khan...” ka nui ve a,

“Vawi engzat nge i taksa mam han mai ngaihtuah chung a ka muthilh i hre thiam lo zawk ang,min nghah rei tir lo ang che,chutilo chu a hun hma in ka che mai ang” min kuai dak a, chhan tum a ka ang ziau tawh chu a hmui in a rawn khar zui leh hmak bawk.

Ka mu meng kar mai, Nathan-a ka ngaihtuah a, ka ngai vawng vawng, In thleng min thlah a, mut hnu ah kan inbe leh a, tunah chuan a muhil tawh ngei ang, kei erawh ka muhil thei lo,ka let ka let a, Mamuani la dam se zawh tur ka ngah lutuk, a lehkhathawn lah kha ka hmu zo ta hauh si lo.

Ka Phone ri in min ti harh a, khawvar dawn lamah khan ka muhil ta chauh kha ania, ka ban a, meng mang lo in ka pick a,

“Hello..”

“Mambawih, i Pitei ka nia,hei i Putea a tha lo a, Damdawiin kan pan mek a” ka meng nghal kawk mai,ka haw em em chung in Thi tur em chuan ka la ngaihtuah ngai lo.

“Khawi damdawiin ah nge?” ka ti a,min rawn hrilh leh a,

“Ka lo kal dawn nia” ka ti a, ka Off a, kan chhungkaw Group ah hian awm mah ila ka chhiar ngai lo,Nathan-a nen kan chungchang an hriat hlim khan an sawi zui na ka chhiar a, abak ka chhiar zui leh chuang lo,tumah ka la tlawh leh ta lo fo,Dawr atang a ka bungrua an ruk chhuah pawh kha Nathan’an a chingfel vek a, ngaidam mai ila ti a ka ngen avangin kan ngaidam zui ta kha ani a,Ka nu unaute pawh min hmu tur in an lo kal leh ta hek lo,Nathan-a pa in Mo ah min pawm miau loh avangin Palai lam engmah kan sawi zui ta lo bawk.

Nathan-a ka call a, keimah a kal ka hreh hluah hluah,kan chhungkaw chanchin a hre viau emaw ka tih kha a lo hre mumal lo,ka putea ten min hnawt chhuak tih erawh Rinzuali hnen atangin a lo hre tawh a, ka chhungte dang ka pawh duh loh chhan erawh min zawt lo a, a hria anih pawn hre awm in a awm ngai lo.

“Hello...”hah hmel zet hian a rawn ti a,Sana ka en a,Gym ah a awm anih loh chuan a tlan mek ang.

“I laklawh em?” ka ti a,

“Aih, i tan chuan laklawh a awm nang..” ka nui a,Nizan atang khan kan inpawh takzet tih ka hria, thilmak tak ani, kan chanchin tlem te chauh kan inhrilh chung pawn kan inpawh em em tlat ani.

“Damdawiin kal ka ngai a, ka Putea kha a tha vaklo an ti a”

“Ekhai, a va pawi ve,ka lo kal ang, In ka thleng tep a..” arawn ti a, ka thawl huai mai, keimah a kal ai chuan kal loh ka duh zawk, diktak chuan ka ngaihtuah lo ngawt thei lo a, ka chung a an khawsak dan avang khan an lak ah Ka la lungawi lo a, ngaihtuah ang a lan ka duh lo,ka tlawm niin ka hre tlat,ngaihdam mai ka duh a,mahse, chuti ngawt a awlsam ani si lo.

Nathan-a lo thlen hma in ka inphihfai sawk sawk a,Ka in bul ah ka lo nghak a, rei vak lo ah a rawn thleng a, a hmahmawh bawk ani ang, a Walk na dress pawh a thlak lo,

“I khalh mai dawn mi niang?” tih pah in chahbi ka pe a, ala ve mai bawk.
Ka tawng chak lo,ani pawn min be lo,eng ang tak a na nge anih ka hrethiam lo a, mahse, hei hi ka hria,Thihna in min den nat zia hi,an In a awm phal lo in min hnawt chhuak mahse Nathan-a sawi ang chiah khan ka duh emaw duh lo emaw ka Putea a ni a, ka chhungkua ami ani tho tho.

Casualty kan pan a, an lo awm laih laih a, ka Cousin te ho pawh an lo awm thap bawk, Oxygen an lo pe mek a,a harh lo hrim hrim anih hmel, ka en rei thei lo,ka hmuh tawp ber atang khan thla khat aia tam ala liam lo tawp ang, mahse, chhe hman tak ani.

“Mambawih,hei hi tu nge?” Pawnah kan thu a, tumah inchhung ah awm ve an phal lo.

“Nathan-a anih hi,hei hi ka Putea nupui ania” tih pah in ka en a, ka awmdan hrethiam niawm tak in nelawm tak in a en a,a chibai a, ka Putea natna chungchang a zawt zui bawk,Ka Cousin te nen kan ti ti a, mahse, kan inpawh hauh lo,ka chung a an khawsak dan kha tuman an la theihnghilh lo tih ka chiang, tunah chuan anni aiin sang lua lo mah ila ka mamawh tawh lo tih an hria,duh mahse an khawih phak ka ni tawh lo.

Ka putea a tha chak lo viau, an dahluh atangin kar a liam tawh, Oxygen nen an tan kawp loh chuan tih vak ngaihna a awm lo,ka tlawh fo a, achangin keimah in ka kal a, achangin Nathan-a nen kan kal bawk,Sangpuii leh Erica an lo kal ve bawk a, Atea erawh a nau awmpuiin Delhi ah a awm a, kan inbe zauh zauh a, Nathan-a ah ka innghah tak vang ani ngei ang, ka ngai em em lo.

Rinzuali te In ka pan mek a, Kan chhungkaw awmdan engkim hre tu ani a, tunlai kan Boruak hian min ti hah a, intih thawven nan len kual ka mamawh in ka hria,Nathan-a lah vawiin ah an Hna lamah zankhat lek riak tur in Guwahati a pan bawk nen, ka ngai a, ka mal em em in ka inhre bawk.

“I va lo kal khat ve” Rinzuali Pasal in min lo bia a, Pasal tha tak ani,Rinzuali hi engkimah a pui a, an inkawp lai atang tawh a ka hriatsa, kan College kalpui ani a, kan innel a, mitmei ven ngai ani lo.

“Ka buai ani e,lo kal ngun theihna turin in hnaih deuh ila tha tur” ka ti a, a nui hawk hawk a,

“Room ah an awm kha,naute a zung a, a thlak aniang” ati a, Room lam ka pan a, Diaper a lo thlak mek a, hmuhnawm ti ru zet hian ka en a, min melh zawk a, a tih ngai a tihzawm leh a, ka tlawh khat avangin a thinrim tih ka hria.

“Moses-a i neih tak hnu leh Apa nen tih takzet a in inzui hnu hian min la hre ve reng a ka lawm e aw” ati nghat a, huat en ah ka en lo,ka nui a,tur deuh hian min rawn en a.

“Nuihzatthlak ka sawi hleinem” ati leh a, ka nuih a za tulh tulh,ka lak a ti tau ngam tur khawp in keimah ah chanvo anei tihna ani a, ka lawm zawk.

“Ka ngaih tehreng che nen,min va ngai lo ve” ka ti a, tum hmak in Naute a pawm a,ka kut ah a rawn dah a,

“Min ngai lo,mahse, Moses-a i hnaih thei ta hi ka lawmpui che” a nui ta nge nge.

“Ka la hnaih chuang hleinem,mahse, Nathan erawh ka bulah a awm” ka nui a,a khek raih a, a hmelah min lawmpui tih a lang a, a ti der lo ang tih ka chiang,min rawn kuah a,

“A duh che ka tih kha,a nuam awm” a nui hawk hawk mai

Rinzuali te IN ah chaw ka ei nghal a,chhungkaw neih nawm zia ka ngaihtuah chhuah phah leh a, Ka Putea lo dam lo nen,ka duh aiin ka kal ngun a, kan inhnaih em em bawk nen,ka nu ka ngai zual takzet,Nathan-a tal awmse tha tur,Rinzuali hnenah Nathan-a Pa in min pawm lem lo tih ka hrilh a,Nathan-an an In a chhuahsan tih erawh ka hrilh lo.

In ka thlen hnu lawkah Nathan-a nen kan inbia a, kan inbiak zawh hnu ah ka intleuh zuai a, mut mai tum a khum ka pan lai in Door Bell a rawn ri a, Atea a awm lo a, Nathan-a a awm lo bawk,inleng dang ka nei ngai mang lo,nei ngai lo tawp erawh ka ni lo.

“Tu nge aw?” kawngkhar hawn pah in ka ti a, mahse, Kawngkhar bul a lo ding ka hmuh rual in ka ding khawng nghal lah mai,ka khur zui nghal dar dar bawk,

“Ka lo lut thei angem?” Nathan-a pa aw nelawm lo zet in a tih rual chuan a hma aia nasa in ka khur zui leh a, Bang ka ngheng rawk mai.

Chapter- 24

“Aih,aw, lo kal rawh..” ka ti bah nawk nawk mai.

Min rawn kalpel a, ka khur nasa lutuk tih reh tum in ka inhumruh a, hetiang hian awm tur ka nilo,engmah tihsual ka nei lo a, hlauhna chhan tur ka nei lo.

Kawngkhar ka khar a, a hnungah ka zui phei a,thu tur in ka ti a, Nathan-a ang bawk in a lian a, a la thau tel zui bawk nen ka Living Room a ti tawt zo vek in ka hre hial,ka thawk a sak talh bawk nen,amah ep zawng deuh in ka thu a,Nathan-a nen a inhmachhawn fo ka duh loh avangin ka thutthleng hun dan ka sawn a, mahse, a rem teuh lo lutuk a, a ngai ang in ka hung tha leh ta nge nge,chubakah tunah chuan inhmachhawn pawn kan thu ngai lo, a lo kal chuan a bulah ka thu ziah tawh miau a.

“Mama nen in inhnaih hle mai” ati nghut a, ka ngawi ran ringawt, chhan tur chi ani nge nilo pawh ka hrethiam lo.

“Eng nge i duh?” pangngai tak in ka ti a, ka aw ah zamna engmah a lang chhuak lo hlauh.

“Ka duh tur chi engmah i kawl hran lo,nangmah biak che ka duh a ka lo kal” ati leh hmuk a,a sawi dik, an Living Room a thil awm zawng zawng kha ka In a ka neih zawng zawng nen a hlut lam a inzat hial ang chu.

“Thingpui i in duh em? “ka ti leh a, a thle buk a

“Duh lo mai,ka lawm,ka sawi tur ka sawi zawr zawr anga, ilo ngaithla dawn nia” ati leh hmuk a, Pa hmeltha lutuk a sawi tur anilo,mahse, a zahawm a, nek luih mai mai chi ani lo tih a chiang em em bawk,an khawsak phung engkim mai Nathan-a nen Danglamna a awm lo tluk ani,Pa fa tak ni si lo hetiang em em a in ang hi thil mak ani ngei ang, He Khawvel mihring zawng zawng, Unau pawh In ang kan awmlohna khawvel ah hian Pafa tak ni si lo, thisen inzawm bawk lo lehnghal heti em em a inchhun fuh hi thil awihawm loh ber ani zawk hial ang.

“Nathan-a hi ka fa tak ani lo tih i hriat ka ring, mahse, ka Fanu te aiin ka hmangaih zawk,ka fapa neih chhun leh ka inghahna ani a, a naupan lai atangin ka enkawl a, Ka Hmangaih ang bawk in min Hmangaih a, ka thu a hnial ngai lo,nang i lo lan hma kha chuan,mahse, kan nunah i lo lang a, Mamuani tan fa i paisak kha ka hre lo emaw i ti a nge, ka hre vek, a bul atang a a tawp thleng in ka hria,pawi ka ti lo ni lo in pawi ka ti theilo zawk, ka Fapa hian ka thu in Mamuani a nei a, fa an neih theih loh kha hrehawm ka ti ve tho, neih theih dan kawng a dap pawh kha ka tan lo sawisel tur a awm lo,mahse, hei erawh hre rawh, Fa pai tur a rawih i ni a, i fa paisakna Pa nei tur ni lo in..” ka thut ngaiin ka thu a, ka hriatsa deuh vek anih avangin mak ti awm in ka awm duh lo, Mamuani erawh ama duh vang reng a nei alo ni lo tih a sawi a,chumai bakah a tir atang in kan thil tih a lo hre vek bawk,tlem chuan ka zam deuh.

“Chu chu ka tan eng nge a pawimawhna?” min zahpah hauh lo in a duh duh a sawi a, ka pa rual zet nimahse ka zah vak na tur ka hre bik lo,ka tawng pawh a nem fahran lo.

“Mamuani a then dawn khan ka thu bawk in a then a,mahse, Asangi a neih duh vang ani a, Mamuani khan min ti thinrim fo a, kal mai se pawi ka ti hauh lo,kan chhuahtir ni lo in a thu in a kal a, kan dang lo mai zawk” ati leh nghut a, ka chhungril a nghing lo thei lo,engvangin nge Asangi neih a tum si chuan tunah kei min kawp si?

“Mahse, tunah hian Asangi nilo in keimah ania min neih a tum” ka ti nghat a, a nui huk huk a, min ti hamhaih letling, nuihna tur engmah ka hmu si lo.

“A sawi danah chuan ania lawm,Mipa te hi ring lutuk suh,i hmeltha a,i la naupang a, tin Nathan-a hi i lo duh ve hrim hrim bawk nen Nathan-a Game ah i lut mai ani zawk,i harh chhuah vat loh chuan i la na lutuk palh ang” ati a, a la nui reng tho mai.

“Oh, anih chu, mahse, hei chu kan pahnih inkar ania, midang kan mamawh lo” ka ti hmak a, chiang zet hian min melh a, kei pawn ka mit ka la sawn duh bik lo.

“In pahnih inkar ah i lo ngai anih chuan i tang tan der tawh anih chu,hei hi lo en la ka sawi tum i man mai ang” Envelope phek hlai zet mai hi a rawn phawrh a,ka ban duh hauh lo,kan inkar a Dawhkan lian lo te awm ah chuan a thehthla a,

“Engpawh sawi la, engpawh hmu mah ila Nathan-a sawifiahna ka hriat hma chuan ka ring lo che, i sawi thlawn mai ani zawk, kal tawh rawh, khawngaih in..” He In atang a haw tur a ka nawrluih hmasak ber chu Nathan-a ani a, a pahnihna erawh Nathan-a pa a ni ta thung.

“Kal dawn tehreng mai,ka thusawi hi a fiahna nei lo in engmah ka ti mai mai ngailo,i duh phawt chuan i Call thei ania,tu nge a bulah awm i hriat duh chuan..” ala ti ta fo,eng tin chiah nge min tih a tum ber ka hre thiam lo.

“A kal chhan ka hria, tu nge a bulah awm ka ngaihtuah lo, tupawh kalpui se hna vang ani tih ka hria” ka ti leh a, inringtawk em em in chhang mahila ka hriatchian loh zia erawh keiman ka hre chiang, tu nge a bulah awm ka hrelo,hna vang tih min hrilh kha ka ring mai a, amah a kal tur ah ka ngai ve tawp bawk, tumah a kalpui tur a sawi tlat lo.

Ka mu meng kar mai, Nathan-a call ka tum ut ut a, mahse, ka hriat duh loh hriat ka hlau a, ka call ngam ngang lo,ka muhil thei chuang si lo,a hma khan kan inbia a,Party na ah a kal dawn tih a sawi a, a haw hunah min lo call kha a tum ani a, Sana ka en a, dar 11 a ri tep tawh, ka ngai vawng vawng, ka chan phal lo,mahse, Nathan-a pa sawi ang chiah khan thleng ta se ka na mai pawh nilo in ka kehchhe vek ang.

Envelope kha, ka thu chhuak a, Living Room ah khan ka kalsan tawp, chhiar chakna ka nei lo,bakah thil tha tak a awm ka ring lemlo,mahse, ka chhiar a tul,Nathan-a pa dahna ngaiah khan a la awm ngat a, khum lam ka pan pui leh a,ka la chhuak a,Paper hi fel thlap in a inthlep a, Ram leina lehkha leh LSC a lo ni a,ka enthla zel a, ka lungphu a rang nghal dawt dawt mai.

Ka Putea emaw Pitei pawh ka biak angai, Pitei call nan a tlai tawh, Damdawiin ah a riak lo anih pawn biak na hun ani tawh chuang lo,Putea lah beisei tur a awm si lo,tun a ka biak tur ber chu Nathan-a animai.

Ka Phone ka ban a, ka biak loh chuan ka muhil dawn miah lo tih ka hrechiang lutuk,a la haw lo anih pawn ka call chhan a pawimawh tih ka hrilh mai ang,

“Hello..” Hmeichhe aw hian a rawn ti a, chhang mai lo in ka phone ka en leh rih a, ka call sual ta emaw ka ti rum rum ,mahse, Nathan-a number ngei ani bawk si.

“Nathan-a biak ka duh a..” ka kut ka humruh ngawt ngawt mai,a reh deuh vang vang a,

“Mal-i, keimah, Asangi,lawk aw, Bath Room ah a lut lawk a..” thawm engmah a awmlo, Party na ah an la awm anih chuan thawm a awm tur ani, mahse, a reh raih a,Music ri leh midang thawm hriattur a awm lo,an haw tawh anih chuan engvangin nge min lo call si loh?,an Pahnih in an kal dun dawn tih a sawi lo,kal dun pawh nise hna vang anithei,hna vang anih chuan engvangin nge tun ang zan reiah a bulah a awm,reilote chhung in ka ngaihtuah na ah a lo lut hman vek..

“Nat...” hreptak hian...mahse, ka ti tlang tawh ,ka biak angai.

“Mal,ka lo hrilh ang”Asangi bawk in a rawn ti leh a, ka tlawm vawng vawng mai,rei pawh kan la inkawp hma leh ka rinna zawng zawng amah a ka nghah hnu hian eng chhanna nge min pek hi??

Ka nu leh Pa nen a kan chen na thin kan In an hralhna lehkha kha ani a,Putea te khan tu hnenah nge an hralh ka hre lo,

“Ka farnu inhmun leh In dinglai hi Nathan Zothanzuala hnen ah ka hralh a,ka hralhna man chanve hi ka dawng nghal a, a dang zawng erawh ka tu nu Malsawmzuali Ac ah kan dah a,kum 30 a tlin hunah a khawih che thei ang” tih hi a inziak a, ka Putea hming leh a signature a awm a, lehlam sir ah Nathan-a hming leh Signature a awm bawk, Hriatpuitu te hming pahnih a inziak tel a, tu te nge annih ka hre lo,an hralh ni leh thla chiang tak in a inziak kalh bawk.

A leini hi ziak a a lan dan chuan Nathan-a te nupa tan Moses-a ka paisak hnu lawk a thleng ani a,Nathan-a hian a hre lo tak tak nge a hrelo der?, Ka Putea nen an inhmuh khan inhre ngai awm in an awm eih lo,keimah zawk in ka hmelhriattir chawp anih kha,mahse, engtin nge an inleisak theih si?, ka hriat dan chuan ka nu Boral hnu lawk khan an hralh daih tawh, an hralhna sum kha chengkhat pawh ka dawng hek lo,he zawhna hi min chhang thei tur chu Nathan-a leh Putea an nimai,Pitei pawn a hriatpui mahna..

Khawvar tan ek ek ah ka muhil ta chauh, thil kal tawh ngaihtuah in ka let ka let a, Nathan-a lah in min rawn call let ta miah lo,mawl ka inti a, chawh ka in ti bawk, Nathan-a pa khan a sawi dik zawk ang,a thangkamah ka awk,kan In an hralh na sum pawh kha a chanve ka ta tur ang in an ziak a, ka khawih theih hun pawh kum 30 ka tlin hunah chiah,ka ac kha Nathan-a te bul a ka thawh hnu a kan hawn ani a,engkim a hria,Moses-a vang a ka pawisa hmuh pawh kha ka Ac ah vek a rawn dah thin anih kha,engvangin nge min neih a duh tak thut ang?,engmah chhan dang a awmlo.

Ka Ac a pawisa awm kha amah bawk in neih let leh a duh animai, duham lutuk,min neih kha a lo duh huam huam reng ang chu,hei zat sum a nei chung hian khatiang tlem te pawh kha a lo it anih chu,min neih a duh ta chuk chuk leh ka lam atang ta thut kha kei hian mak tihna chang ka hre lo mai zawk alo ni ngei ang, a thusawi apiang a lem in ka lem duak duak mai bawk nen,ka hriat loh lai in ka hnunglamah engtin tak min nuihsawh ang maw?,mahse, Buaina dang ka la nei,ka Ac ah engsum mah dahsa a awm lo, a awmzat zawng zawng ka hria,Fixed in engmah dah a awm lo.Ka Ac ah dah ni se ka hria ang.

Ka harh rual in ka ngaihtuahna pawh angai bawk, engmah thil dang in ka rilru a luah thei lo,Sana ka en a, Chhun lai ani tep tawh.Ka Phone ka en vat a, Missed Call a lo awm nual mai, ka hawng a, Nathan-an vawi 5 lai a lo call a, Dawr atang a min rawn call na a awm bawk.

Dawr ka call back nghal a, thil pawimawh a awm anih loh chuan min call ngai lo,nimin ah khar hma in ka chhuak a, Chahbi pawh kan Senior in a kawl a, ka tello pawn an hawng fo,min call kher ngai lo.

“Min rawn call ami?” an Pick veleh ka ti a, mut nilen ka duh hial ka ring.

“Aw, Bungrua a lo theng a, ka lo enfel hlawm a, chuan, Bill pek ngai pakhat a awm a,cheque hi Sign sa pakhat a awm a, ka lo hmang mai dawn em ni?” a rawn ti a, Cheque hi Sign sa in pakhat tal ka dah thin a, ka zin dawn lemloh chuan keimah vek in ka pe chhuak bawk a, mahse, vawiin chu ka peih ngang lo.

“Lo pe mai ta che...” a pek tur zat ka zawt a, a rawn sawi a, ka mimal Ac leh Sumdawnna Ac hi a hran ani a, Loan ka lak avangin Cc Ac ani a, Online in ka chek vek thei a, engmah sum lut leh chhuak hriat loh tur a awm lo.

“Vawiin chu ka nuam meuh lo, ka lo kal lo maithei aw” ka ti a,

“Awle, a va zia lo ve, rawn kal angai angem?” a rawn ti a,

“Aih, ngai lo e, ka nuam lo satliah mai mai, ka thawh peih hunah Damdawiin lam ah kal ka ngai bawk nen,vawiin chu i kutah awm mai tehse “ ka ti a, ka Off a, ka mit ka chhing vang vang a, ka muthilh theih ka ring tawh lo,ka lu a na bur a, Nathan-a a lo thleng tawh em ka hre lo,Zan khat chiah riak tur ani a, nimin kha chuan lo let lehnghal mai se ka ti a, tunah chuan hmuh ka chakna leh ka hmuh duh lohna a inchen hial ang.

Darkhat rik dawnah ka tho chhuak ta hram,ka inbual a, tuilum ah ka inchiah a, ka harh deuh huai in ka hria, chhum a zing deuh chuk a, khua a vawt vur mai,Damdawiin kal tum in ka insiam a,Sweatshirt ka ha a, Pyjama tlem a tight lam tep ka ha leh a, Uggs ka bun a, Pitei biak ka duh,niminah ka tlawh lo a, chanchin danglam awm se chuan min rawn biak ka ring a,engmah an rawn sawi loh danah thil danglam thleng a awmlo tihna ah ka ngai mai.

Dawr ka tlawh hmasa zuai a, an lo buai vak lo,Bungraw list min pe a, ka en thuak thuak a, rei awm lo in ka kalsan leh a,Motor dahna tur a buaithlak thin avangin Rinkima ka in thlah tir a, Driver Pahnih kan neih tawh avangin a chang chuan Rinkima hi ka mimal thil ah pawh ka chhawr zauh zauh.

ICU ka pan ding nghal a, Pawnah an lo thu deuh thap a Pitei unau te an lo awm ve bawk,Ka Cousin te erawh ka hmu lo,In lamah an chawl hahdam ani mahna,vanneihthlak tak in a fa te hi awmtha duhlo viau thin mahse a Pa damlo erawh an ngaihsak tha hle thung.

“Nimin i lo kal si lo a..” Pitein a lo ti a,

“Nia, ka buai leh deuh a, eng nge chanchin thar a awm em? “ka ti a, a lu a thing a,

“Awm lem lo,a ngai reng kan ti nang in kei chuan a hniam hret hret ni in ka hria” a ti a, a sawi dik ang, kei pawh hian chutiang chiah chu ka hmuh dan a ni ve tho.

“Pite, thil zawh che ka duh a..” kan pahnih chauh a kan awm hnu ah ka ti sep a, Damlo dang awmpuitu te awmve mahse kan hmelhriat te an ni lem lo a, pawi ka ti lo.

“Eng chungchang maw?” a ti hu a, Putea damlohna hian min phuarkhawm a, engtiklai in nge ka rilru ka pek leh tak ka hre lo, tunah chuan ka huatna te kha la bo vek lo mahse ka huatna leh ka chhungte an nih na hi a inzat reng tawh,ahma kha chuan chhungte ah ka ngai lo hulhual tlat.

“Englo ania, Ka nu nen a Kan IN kha tu hnenah nge Putea hian a hralh i hriatpui em?” ka ti a, a mengphawk deuh hra mai,min chhang lawk lo in hmalam a en deuh vung vung a,

“Ka hriatpui lo tawp mai..” ka beisei ang chiah chhanna ka hmu.

“Anih chu mawle, lei let leh ka duh deuh a” ka ti a, leilet leh ka duh ngei, mahse, a awmna hmun kha a laili a, a hmun a tha bawk nen leilet zawh ka inring lo,Nathan-an a lei tih ka hriat hnu ah erawh nasa tak in kha In neih let ka duh na kha a zual ta zawk.

“Mambawih, ka hre lo tak tak,I putea hian a hralh ngei mai,mahse, tu hnenah nge ka hre lo tak tak,ih e...hrehawm ka ti thin,tunah hian ka hlim em min han zawt teh..” ka kut a rawn vuan a, a awmdan chuan min ti mangang lek lek mai.

“Eng maw?, eng nge ka zawh ang che?” mawl hmel deuh hian ka ti a,

“Helai hi sawina hmun ani lo tih ka hria, mahse, ka sawi chhuahna hun remchang niin ka hre thung ,i lak a ka khawsak dan avanga hremna ka tawh hi a nasa asin..hrehawm ti a, ka harhchhuah meuh chuan a tlai zo tawh anih hi..” ati a, sawi chhuah harsa a ti tih a awmdanah alang vek bawk.

“Theihnghilh rawh, Chhungkua kan nih hi..” ka ti sep a,Ka ngaidam che ti tur khawp chuan ka la huaisen tawk lo, midang ngaidam tur hian huaisen a lo va han ngai em!!, Ni e, chhungkua kan ni,Thisen hi Tui aiin a chak zawk,Tui a chak zawk ti thin mah ila Thisen a chak zawk kei chuan ka la ti fan,khatiang khawp khan min ti duhdah a, chaw kaw puar ka ei ngam ngai lo a, tawngkam chhe tinreng in min ankhum a, min hnawt chhuak hial mahse ka chhungte anni tho,kum 5 aia rei mah kalsan in anni nen kan inzawmna chhu chat mah ila Natna hmangin min ko khawm a,eng ang a nasa pawn lo haw tawh mah ila ka nu nau,a thisen zawmpui,ka Putea ala ni reng,a nupui pawh ka Pitei ani a, ka Putea zar ah ka chhungte ani tho bawk.

Huatna ka pai lai ai khan tunah hian ka hahdam zawk fe tih kei pawn ka hria,vawilehkhatah ka hrehawmna te kha a reh dawn lo,ka la hrechhuak fo ang,mahse, hun kal tawh ani a, khatiang khawp a hrehawmna kha tawng lo ila kum naupang te in tun a ka dinhmun hi ka thleng lo ang,ka thawhrimna rah ni lo mahse, ka nunna ka thap thung.

Thim dawnah ka haw ta chauh,Pitei chhungte lo kal haw leh tur rual in ka haw ve nghal a,riak ve turin min duh viau a, mahse, ka hnial thung,Nathan-a a lo haw ka ring a, sawifelpui tur ka nei tlat, Pitei bulah erawh chuan ka nuam meuh lo tih ka hrilh a,min tilui ngam lo.

“Khawiah nge i Phone i dah?” Ka Phone ka melh vak ringawt, ka bul a thu chuan Nathan-a rawn au ri chu a hriat leh hriat loh ka melh ru a, hreawm in a awm lo,a hma a thu nen an ti ti a, ka thaw huai mai, ka Phone ka dah hnai leh a,

“I lo thleng tawh mi?” dam thlap in ka ti a.

“I in kawtah darkar hnih ka awm tawh, khawiah nge i awm?” a hma ai chuan a zia ta deuh.

“Ka lo haw mek.” Ka Off zui nghal daih.

Ka In bulah min drop a,Nathan-a awm leh awm loh ka melh a, ka hmu lo,In lam pan in Step ah ka chho a,ka awmna Floor thlen hma Step tlem a thim deuh lai ka thlen chuan tu emaw in min rawn pawt nawk a, ka au deuh that bawk, mahse, tu nge anih ka hmuh rual in ka thaw nghal huai mai,Nathan-a hmel thim deuh chu ka en chho a,

“Min ti phu alawm mawle” ka ti hlak a, ka kut a vawnna ka thingthla a,In lam ka pan chho lehnghal a, ngawi ngul in min rawn zui chho a,min lo nghah vang a lungawilo ani tih ka hria,mahse, ka ngaipawimawh lo,ani aiin ka thinrim rih zawk.

Kawngkhar ka hawng a, min rawn zui lut a,

“Engvangin nge i pick loh?” zawhna ngai bawk,chhang lo in Room ah ka luhsan a, Lukham sir a Envelope ka dah ka la a, ka let leh tur chu ka kawngah a rawn kuah a, ka ding khawng nghal lah mai,

“Min va ngai lo ve..” ka bengah a rawn fawp a,ka ngai alawm, ka ngaih lutuk vang a thinrim leh na ka ni zawk.

“Thil zawh duh che ka nei..” ka ti hmak a, ka chhungril a amah ka duhna in min fan raih raih chu ka aw chhuak chang fak chuan a luahlan ta zawk.

“Engthil?” min kuahna a thlah a,Khumah a thu thla a, a vang zawng in a Mu a, a khabe hmul a ziat lo tih hriat set in a awm siar siar a, chau hmel a lang bawk.

“Hei hi..” Lehkha ka phawrh chhuah chu ka lek kang a,a rawn in bengkang a,

“Engthil maw?” ati sup a, a rawn la a,a mu leh a, a en thuak a, a mutna sir ah a thehthla a,a hmai a hup zui vang vang bawk.

“Chuan..?” reife a ngawih hnu ah a rawn ti sup a,

“I sawifiah na ka nghak mek..” ka ti nghat thung,a rawn tho a,ka inrin hma in min rawn pawt a, ka thu thla a ,ka nek nghal rawk rawk bawk,a nui hawk a, min kuah bet nghal a, ka tawngtum chu ka hmuiah a kut a rawn dah a,

“Shh...”ati sup a, a kut a laksawn rual in a hmui lum ham ham in a rawn bawh thuah nghal chat bawk,inlak hran tum in ka tal a, ka thinrim na nen hetiang a awm hi a inmil thak lo,

“Min thlah teh..” ka ti hman tawk a, min rawn fawp lehnghal a,rei ka tang zo hauh lo ang, ka ngai em em ve tho tlat,mahse,ka zawhna chhan anilo,chumai bakah Asangi kha...keimah a nawmna awm leh danglamna thleng mek a bo nghal hmak,

“Nathan...” a hmui ah ka seh a, a rum hrawk mai..a chungah min pawt kai a, ka tal laih laih nang in awmzia a awm tam lo.

“Nasa reuh lutuk mai,min ti na alawm..” ati hluk a, a mitmeng a Tisa chakna lang chu ka en ngam lo,a thup eih bawk si lo.

“Asangi nen in kal dun dawn tih ka hre lo..” a khawng nghal luh chu ka hriat hmaih hauh lo,min kuahna a thlah dul nghal a.

“Sumdawnna lam ani alawm” ka rin ang chiah,ka tho nghal a, min man leh a tum bik hauh lo.

“Ka ring e, zan dar 12 rik dawn ah i Room ah a awm ve anih chuan thil dang pawh in inpe ang chu..” ka nui hawk a, mahse, ka tum loh zet in ka mittui a hnam sawk thung,ka ngaihtuah zawng pawn ka luak a chhuak hlui mai.

“Mal-i, i duh duh sawi thin lo teh” a rawn tho chhuak a,Living Room ka pansan a, min zui leh zui loh ka ngaihtuah lo..

“Sawifiah rawh, avaiin ..” ka thutna ep ah a rawn thu a.,Sofa hnunglam a ngheng a,

“Eng ber kha?” ati sup a, ka thinrim zual sauh thung,a awmdanah ka thinrim ngaipawimawh hmel alang tlat lo.

“A vaiin, Asangi te, Lehkha ka pek che pawh kha..”

“Asangi awm ve tih i hriat dan ka hre lo, Sumdawnna lam ah ka kal a, ani erawh an hna lam ah ani thung,nizanah Hotel ah awm lo in ka In ah ka awm a, a thiannu nen an rawn riak ve,chuan Lekha kha chu i hmuh ang in ka Ram leina anih kha..” ka melh ngawt ngawt ringawt.

“Chuan In khatah in riak dun a, a thiannu muthilh hnu ah i Room a rawn tawmpui che a..”rilru na beidawng lutuk hian ka bai ka vai kual a,muangchang in ka la thla leh a,

“I duh duh in ngai mai teh,min rin loh chuan awmzia awm hek lo” ati hmuk a, a thinrim ve ta anih hmel, ka lo beisei dan chuan kha aia sawifiahna tha kha ka hmuh ka ring a, mahse, a teuh lo lutuk.

“Nia, sawifiah duh suh,chuan,I ram leina hmun leh In awm kha ka ta anih kha, Ka nu nen kan chen na In ani a, i lei tih a hma pawn i sawi hauh lo,min duh vang a min neih tum emaw i nih ka ti a, a lo ni lo,ka ten che, chhuak rawh..” Mittui nen ka en a, a hmel tak ngul mai chu a buai ve nak mai.

“Mate...engmaw i sawi?” tham tuak hian a ti a,

“Khatiang khan min ko suh, Putea hnen atangin i lei a,engtin nge i hmuh khan i hriat loh der theih?,lemchan thiam i nih kha...” sawi leh mai tur ka hre lo, ka mittui ka hru tawk a, muangchang a a ding chhuak chu ka en a.

“I sawi dik, min ring duh suh,ka bum che, i rin ang chiah kha ka tum dan ani e” Kawngkhar lam a pan chu ka thlir a, hei aia nat belh dan hi ka hre tawh lo.

Chapter – 25

Nathan-a nen kan inhmuh atangin ni a liam a, kar a liam ta hial, theinghilh tum in nasa tak in ka bei a, ka beidawng ani ber, kan hun hman dun te kha ka hriatrengna atang a thai bo ka duh em em rual in ka ui a, reilote mahnise khatiang a hlimna kha ka tawn leh ka ring tawh lo,min rawn be ngai lo a, a chanchin engmah hriat ka nei hek lo,a chahbi min pek kha ka la kawl reng a, pek let a tha in ka hria,ka hun tam zawk Damdawiin ah ka hmang ral a, Putea lah nitin a hniam zel a, nitin khawvar kan hmuh in’ vawiin chu kan inthlah tawh ang a’ kan ti thin a, mahse, a kal ta mai bik lo,a Nupui fanau ten mamawh em em mahse kei chuan kal se ka ti tawh zawk.

Nathan-a In bulah ka ding a, ka kal ang nge kal lo ang tih ka ngaihtuah a,thli a thaw vuk vuk a, December thla chawhnu lam ani tawh a, tu te pawn hunpui lam an thlir a, mihring veivak an tam em em tawh bawk.

Muangchangin Step ah ka chho a, ka nih nih ka ni mai ang chu, a chahbi ka kawl hi pek let ngei ngei angai, ka thawn mai ang ka ti a, mahse, ka hlau ah angaih ka duh lo a, keimah ngei kal a pek ka duh a,ka natna pawh ngaihtuah miah lo a min hmangtangkai ngar ngar tu ani tih hi ka chhungril hian a pawm thei lo a,beiseina chhete ka la neih hian min chelh ding ani ber.Hmeichhe Hmangaihna zet hi chu,tu nge hrethiam thei ang?

Door Bell ka hmet a, mahse, a reh thiap, a awm tih ka hria, Pawn ah a Car ka hmu tlat,ka hmet nawn leh tur chu a ri rak a,a rawn inhawng a,ka In a chhuahsan hnu a a vawikhatnan kan inhmachhawn leh ta,T- Shirt dum a ha a, Kekawr bul a ha bawk, khua a vawh tehreng nen a inthuam ho ka ti rilru a,a sam a thur deuh bawk.

“Eng nge i duh?” lut tur in min sawm hauh lo, hahthlak hian,engvangin nge min sawm ngawt ang?

“Eng ni lo e, hei hi rawn pek let che ka tum a” tih pah in chahbi ka pe a, mahse, a nui suk duh chauh,

“Ka mamawh lo, nei rawh” nelawm lo lutuk hian a ti nghut a,chhan tum a ka ang ziau tawh chu Nathan-a hnung lam a tang a tawng ri avang in ka chip leh nghal hmak bawk.

“Nat..tu nge a?” Heichhe aw hian mutchhuah hmel zet in a rawn ti a,tu nge anih ka hai lo,ni e, an mu ang chu, vawiin ang khaw duai leh vawt vur ah te hi chuan mut a nuam khawp ang chu,oh..thildang pawh mawle..ka chil ka lem khawlh mai..

“Rawn en la...” a tawlhsawn a, Asangi a rawn lang zui nghal zat bawk, Nathan-a Kamiz tih hriat ngawih ngawih hi a ha a, a mal te thleng a khuh a, ani pawh a sam a hnawk niah mai,ka pum a let but a, Uak lo turin ka insum hman hram ani ber.

“Ehe, nang maw?” mak tih hmel vak loh hian a ti a, a hmelthat dan ala ngai reng,

“Um, i dam maw?” ka ti a, ka aw khur tehhrep pawh hi a..

“Dam alawm” Nathan-a a ngheng ar ar a, min zahpah eih lo tih a awmdanah a lang reng, ka dem hauh lo, ka mawl em mai a, ka nihna hre lo in ka lo khawsa rei lutuk a zah tlak ka ni lo tih ka hria.

“Ka ti buai che u a ang, mahse, hei hi lo dah ka tum a” Chabi ka lek kang leh a,

A hnar a tum dat a, a rawn ban a,uluk deuh hian a en a,

“Hei zawng hi mi?” a nui a, mahse, a mitmeng vawt raih ah chuan nidang a ka hmuh ngai loh min huatna ka hmu tel ta thung.

“Aw, ni e,anih u..” ka in her a, ka pen tan tawh chu Nathan-a rawn tawng ah ka ding leh a, ka hawi let a,

“Min rawn pek let angai hleinem,ka mamawh lo ka tih kha, Tala ka thlak tawh ,kha chahbi i kawl leh kawl loh ah khan ka buai lo ” ka nun ah hian zahna leh Na te ka lo tuar tawh thin, mahse, tun a ka tawrh mek ang hi chu vawikhatmah ka la tuar lo, zahna, beidawnna,thih mai duh na...a inkawp vek ani ber.

“Engpawh chu nise i mamwh emaw mamawh lo emaw ka ta ani lo a, pek let che ka duh mai ania” mak lutuk in ka nui sak bawk.

Hawilet tawh lo in ka kal a, ka dak vah bawk, mahse, ka chhungril erawh a rum mai pawh a nilo,sawifiah ngaihna ka hre lo zawk,Nathan-a Pa min hrilh kha a lo thleng dik meuh chuan a sawi ai pawh khan ala na zawk cheu,i kehchhia ang min ti kha ania, Kehchhia aia na sawifiahna tur hi la awm se chuan chu thumal zawk chu ka hmang ngei ang.

Motor ka thlen hma in ka Phone a rawn ri a, ka en thuai a, Putea Fanu upa ber a lo ni a,

“Hello..” ka aw ah ka Mood tih lan loh hram ka duh, ka mit ka nuai zauh a,khua a thim hnai tawh a, nilengin ni a lang lo bawk nen hawi na lam apiang a ipik in ka hria.

“Lo let leh rawh,tunah..” a rawn tap titih a, zawh na zawh vak hun anih loh hmel.

“Aw, ka lo kal nghal..” Ka phone ka Off a,Motor ah ka lut rawk rawk a, ka thlen hma in Boral lo hram se ka duh a, ka rilru in ka tawngtai a, mahse, tawngtai pawh ka ni chiah lo, a mumal lo..

Hmahmawh lutuk in ka tlan a, mahse, mipui an tam a, Motor a tam bawk nen,duh ang in ka tlan thei lo,hei aia kawngpui zau zawk kan mamawh zia ka ngaihtuah a, mahse, Mizo kan ni tlat, eng ang a kawngpui lian leh zau pawh nei leh mahila kawngsir a Motor dah an tam ting animai.

Damdawiin thlen nan darkar 1 zet hun ka hmang ta, nidangah chuan Ka In atangin tlan pangngai tak a tlan in darkar chanve tling lo hret ka tlan thin a, hmanhmawh nen,Nathan-a nen a kan inbiakna te nen ka Mood a dik lo,ka thinrim teuh mai,Hreptak hian..kha mihring khan ka ngaihtuahna hmun luah ngawt pawh a phu lo e.

ICU ka pan chho a, an lo awm laih laih mai, Pitei inhru fap fap chu ka va hmu a, midang pawh an meng sen ram hlawm,

“Eng nge chanchin?” Ka nu te upa ber bulah ka thu a,

“A beiseiawm meuh lo anih ka ring,a mar an hmu lo a,a chang in an hmu a” beidawn hmel deuh hian a ti a, keipawh ka beidawng, mahse, ka tawngtaina erawh chhan ani ta tho, ka thlen hma in a kal lo tlat.

Chaw ei tur pawn ka let ta lo, rilru mumal lo leh thlaphang tak in kan nghak thap a, mahse, ka tan chuan alawmawm zawk, Nathan-a vang a ka tap tur kha thildang in min rawn den tak avangin ngaihtuahna hun ka neilo,keimah in awm ila chuan eng nge thleng ang ka hre lo.

Zinglam dar 3 ah a kal ta nge nge, tah dan tur ka hre lo,ka mittui a sur zung zung a, ka nu boral hlim kha angai ang bawk in ka feel leh a,a na ka ti tih bak sawi dan ka hre lo,Mihring nun ah hian Natna te a lo thleng thin, kan Hmangaih ten min bum in kan na a, kan kehchhe hial thin a, kan chhungte an boral in kan na bawk, a natdan erawh a in ang lo, chung natna te tawngka a kan sawifiah thiam loh sawifiahtu chu kan mittui hi....

“Mal-i,Nathan-a Nu a lo kal a..” Sangpuii’n a ti sep a,

Putea ruang lak theih tur in an buatsaih a, pawnah kan nghak a, Sangpuii leh Rinzuali an awm ve a,a tha lo tih hria a rawn kal an ni a, min hawsan ngam ta lo, ka thawpik dan ka sawifiah thiam si lo,Hmangaihna neilo mihring lo nizawk ila ka ti lutuk, mahse, ka Putea lakah erawh ka inchhir na tur ka ti ta lo, ka chhungte annihna ka chhu chat ngei,mahse, a pawi lutuk hma leh ka damchhung a kan inchhir na tur ka tih hma in Nathan-a vangin chhungkaw hlutna ka hmu let leh hman tlat, ka enkawl hman a, a bulah awm thei lo mahila a nupui fanau te bulah ka awm a, kei tehlul hi min thlamuanpui ve bawk.

“Maw?” mittui nen a kawhna lam ka en a, a rawn kalphei mek chu ka va hmu a, engvang a lo kal nge anih ka hre lo..

Min rawn pan a, Damlo dang a tlawh pah in a lo kal kual ani ngei ang,nilo,tun ang hun ah damlo tlawh in a lo kal lo tawp ang,mahse, a lo kal tlat,ka Putea a thi tih a hriat ka ring lemlo,thil thleng palh ani mahna,Sangpuii a tho a,Rinzuali erawh ka sir ah a ding thung.

“Lo thu rawh” Sangpui’in a ti a,a rawn thu a,a Hmeltha tak mai chu ka en a,Ka nu ni se tah khum ka chak lutuk,Ngilneihna a khat ani tih a hmelah a lang chiang em em tlat.

“A zialo hle mai, in chanchin ka lo hre har deuh a” ati a, ka bu nghat ringawt, amah bawk a tawng zawm leh a.

“Inchungah khian ka Nutei a awm a, ka riahpui a, Tlai a ka rawn kal khan ka hmu che a,in bul ami te hi ka zawt a, ka hre ve chauh alawm” ati leh a, mak ka ti reng ani, tun ang hunah lo kal ngaihna a awmlo, khua ala var hek lo.

“Nia, hei heti ni kan ni ta anih hi..” ka ti a, ka mit ka hru a, ka nu leh pa an awmloh hnu a ka chhungkaw neih chhun an ni a,Ka nu unau dangte kha chuan an bul a awm tur pawn min duh lo,Putea khan min duat lo in min tiduhdah thin mahse ka zirna tur min pe a, thawmhnaw pawh min pe a, khawlaiah min vahvaihtir lo,min hnawhchhuah chhan pawh kha a thil hriat in a zir loh vang ani zawk,ka ngaidam teh meuh mai,ka mittui a rawn tla leh a,Ngaihdamna aia hlu eng nge kan mihringpuite kan pek theih chuang ang?

Ka kut a rawn vuan a,
“Tap bawrh bawrh rawh, insum reng reng suh,i tan a natdan tur ka hria alawm” ati leh a, ka ngheng ta nge nge, ka samah a rawn chul a, a fapa lak a ka natna leh ka Putea ka sun avang a ka natna te avagin ka tap chhuak ta nge nge...

Motor khalh chi ka ni lo, Eric-a leh Atea an rawn lang ve hlawl bawk, Atea’n ka Car a khalh a,a bulah ka thu a, engtikah nge a lo haw ka hre lo,a lo haw hun a pawimawh lo,ka tan chuan tunah ka bulah a awm a, chu chu a tawk reng.

“Lut ila..” Rinzuali ka bulah a rawn ding a, ka hreh,he In atang a hnawhchhuah ka nih hnu a ka let leh hmasak ber dan hi a rapthlak lutuk,engatinge a hma khan ka lo va kal loh?,ka rilru a buai mum mum a ni ber,hei hi let leh dan tha lo ber ani chiang,ka siam tha thei tawh si lo,ahma khan ngaihdam min dil lo mahse ka ngaidam tih hrilh tho tur ka ni asin le.

Ni 3 chhung chu ka mumal meuh lo,Ka nu ka ngai em em a, ka In ah mamawh la a ka kal anih loh chan ka la haw lo,zan in hi YMA hun tawp zan ani a, haw tawh ka duh,ka sun zo tawh a, hahdam tak a mut ka duh bawk.

“Ka lo thlah ang che” Atea hnen ah ka ti a, Nitin a lo kal ziah a, Nathan-a lo kal ve lo mak an ti anih pawn ka chhungte tuman an sawi chhuak lo, Atea zawk an nel em em thung.

“Ngai lo, ka lo khalh ang, In in atangin Taxi ka la mai ang” ati a, nidang a a lo kal chuan Motor a rawn ken loh pawn Bike a rawn keng thin a, vawiin chu Taxi in a lo kal a, ka bu nghat a, a tih dan dan animai..

“Eee, i duh chuan Motor i hawn thei reng alawm” ka ti leh rih a, a nui huk a,

“Ngai lo mai, eng lo ania, Colleen-i nen chhuah kan tum a” ati a, a sawi danah an inkawp leh tawh tih hai rual a ni lo.

“Zanah nge tunah ?” mak ti deuh hian ka zawt a.

“Um, Tlaiah,a thiannu te In ah chaw kan ei dawn a..” min en lo in hmalam a en a,

“Ka lawmpui che..” ka ti sep a.

“Eng ber chu?” angaihna hriat loh hmel deuh hian a ti a.

“Colleen-i nen in inzui leh tak vang in mawle” ka ti a, a then sak a,

“Kan inzui lo,Thian tha tak kan ni zawk,ahma pawn ka farnu anih bakah kan inkawmngeih thin a,chuta tang a Hmangaihna lo piang ta zawk alawm” ati duah a, ka nui hak mai, Mipa mize tlang leh in nghahna tlak tak ani.

“Ding lawk teh, thil lei lawk ka ngai” St Mart lam ka kawk a, Motor dahna awl a awm hlauh bawk a, kan ding a,

“Keipawh ka lo chhuk ve law law teh ang, thil lei tur ka nei ve tho a” ati a, kan Pahnih in kan lut dun a, a neitu te Nupa hi an fel em em a,ka kal ngun ve avang hian min hre em em bawk,an Dawr a thawk te pawn min hria a, min lo be chul thin a, thil man erawh a tlawm hauh lo,leina lam ka buai em em lo bawk a ka pan ziah tho,hmundang ang lo tak in mamawh a awm kim a, kal kual teuh angai lo ngawt pawh hi pan chhan tlak ani hrim hrim.

Ka thil lei ho a khai a, chhuah tum in kawngkhar lam kan pan dun a, mahse, Nathan-a leh Asangi an rawn lut ve chiah thung,pen bo na tur a awm si lo,ka lungphu a rang nghal dawt dawt a, anni pawn min rawn hmu ve nghal a, chhuahna tur kawngka dang a awm der si lo.

“Ehe, nangni pahnih chu”Atea zawk in a ti a, a hnungah ka ding a,Nathan-a mit thim raih leh nelawm lo zet in min en run chu ka en let ngam lo,

“Nia, in haw tawh dawn mi?” Asang’in zangkhai vah in a ti a, nui sang hian min rawn en a, keipawh ka nui ve tho bawk.

“I lo haw tih ka lo hre hleinem” bung zet hian Atea hnenah a ti nghut a.

“Nia, lo haw, bakah tumah ka la tlawh hman lo,Mal-i te lam ah kan buai deuh a” ati a, midang an rawn lut a, a then an chhuak a, in din chilh reng na chi ani lemlo.

“Eee, nidawn tak, Mal-i a zia lo khawp mai, mahse, kan lo lang hman ngang lo,tunlai chu Inneihna lam buaipui angai a, a tepter bawk nen..” a thusawi chuan min deng sawk ani ber.

“Apawi lo, nia, inbuai viau ka ring” ka ti a, vawitamtak ka lo hlawhtlinpui tawh thin, ka thinrim lai pawh a dam thlap a ka tawng chhuah theihna bawk kha a lo lang a, ka biakna tawngkam pawh a dam thlap a, ka inringtawk hmel hle bawk.

“Kan kal dawn mi niang?” Atea kutah ka vuan a,ka nui lui sang bawk.

“Um,kal ang,lei teuh ru..” a nui hak hak a, ka kalpel a, min thlir zui em ka hre lo,mahse, ka hnung zang a mur ar ar thung.

“I tha em?” min rawn en a, ka thaw ham ham mai.

“Ka hre lo..” awmzei nei miah lo in ka nui zui hak bawk,ka that leh that loh ka hre lo tak tak.

“I landanah chuan i that hmel” ati leh a, a nimahna, chhungril tumah kan inhmuhsak thei lo hi thil lawmawm tak ani,pawnlamah chuan engpawn lang ila chhugril erawh a dang daih ani fo.

Atea haw hnu ah ka Inbual a, Putea te In ah khan kan awm luai luai a, uluk deuh a inbual na hun pawh a awm meuh lo thin a, reife tuilum ah ka inchiah a, ka harh sawng sawng mai,Nathan-a te kha...a thleng rang mah mah,kan inthen atangin thla em pawh ala liam lo a, ka bul a hun hman kha a lo ning ngawih ngawih tih a chiang,kan inthen a, Inneih an puitlin nghal der ania,tenawm lutuk, ka mit ka chhing vang vang a, engtin nge kan In kha ka lak let sak theih ang?, tunah chuan aman a let in a pung ang tih a chiang, ka Ac ah pawisa an dah maw?,khawi ah nge Pawisa chu?,ka Ac ah engmah chutiang a awm der lo,he zawhna chhang tur hian midang ka mamawh lo,Putea chiah,mahse ani pawh biak phak ah a awm tawh der si lo, Nathan-a hnen atang chuan engmah beisei tur ka nei lo tih a lang chiang.

Door Bell ri in min ti harh a,peih lo zet in ka mengchuak a,khua a eng uar tawh, Sana ka en a,LALPA leh,dar 10 a kawk va tawh,ka muthilh theih pawh ka ring lo kha ania, mahse, ka muhil tui ta phian,ka harh miah lo,a rawn ri nawn leh a, tu tak ni maw?

Kawngkhar ka hawng a, ka meng kawk mai, Moses-a ka hmuh rual in ka au that mai, Mamuani nu nen an la ni zui !!,ka hmu khat lutuk, ka hmuh leh pawh ka beisei hek lo,ka hlauh em em thin kha tuman an sawi chhuak ta si lo,Nula tha laiin mi fa paisak in ka inhlawh tih tuman an hriat ka duhlo,mak tak in Colleen-i pawn a sawi chhuak miah lo.

“Lo Lut ru..” phur lutuk in ka ti a,Putea Boral lai bawr khan Mamuani Nu leh pa an lo kal ve a, mumal tak a inbiakna hun a awm lo thung.

“A va nuam reuh ve..” a hawi kual a, Choka lam a va thlek leh a, Fa nu te in luah rawn fang ang mai in a tlangnel sarh mai, kei erawh thu lo in Moses-a lam ngawt ka lo en thung,

“Aunty, nangmah in ami i awm?’ a hawi kual a,

“Um...i lo awm ve duh em?” ka ti a, a lu a thing mat mat a, a sam a chhip ah an tawn khawm sak a,tlem in a thau deuh bawk.

“Ngatinge i Pi te bulah i awm ve mai loh a?” ati leh a, ka nui a, ka lainat,keimah ang bawk in Nu leh pa nei lo in a seilian ve tho a, atan chuan a Pi leh Pu hi a nu leh pa an ni tlat, Pa zawng a nei nameuh mai,mahse, Sum bak atchilh hek lo le.

“Ka pi a thi tawh alawm” ka ti a, hrethiam ve niawm tak in a bu leh nghat a,Tv a en duh leh duh loh ka zawt a,

“Aih, duhlo, Apa in mi in a kal in duh duh tih loh tur a ti a..” ka ner nawk mai.

Eng nge in lo tih dawn teh mial a?” Mamuani nu ka en a,

“I pu te In lam kha chu in awm luai luai lutuk a, vawiin hna i kal ka ring lo deuh a,i Pitei ka tlawh kual hmasa a, In ah i awm an rin thu an lo sawi a, ka lo leng phei ta mai ,Moses-a te lah hian lo kal a lo chak sakhai a..” a ti a, Moses-a sam a chul a, thuawih fahran hian a thu fel kak mai.

Saturday ani a, Dawr kal ka tum chiah lo, chawhnu lam ah Putea te In lam ah phei leh ka tum sa a, hnathawh in ka rilru a luah meuh lo.

“Nia, inleng an la awm reng a, Moses-a hi nizan a lo riak ami?” ka ti a,a bu nghat a,

“Tunkar chu a la riak ta reng anih hi, Apa in a rawn dah teh mial a” a ti a, thilmak tak ani.

“Anih chu mawle..” kan thusawi hriattum niawm tak in a ngaithla vei kar bawk.

“Nathan-a nen in lo tawp ta daih a,ka lo beisei san tehlul nen..” ati a, nuam ka ti lo, sawi chhuah loh ka duh a, mahse, a sawi chhuak dawn tho tih ka hre ru kar tho.

“Nia, aaa, inkawp chi kan ni lo aniang” za lo zet in ka nui a,

“A lo kal in ka lo zawt a, I pa lah chuan min hau a, an mimal nun ah lo inrawlh suh min ti hlur a” ati leh a, nu tawngtam lo chi anih tehlul nen a lo vei ve ngang mai tih a lang a, ka khawngaih,a beiseina a hlawhtling ta si lo.

Chawhma lam zawng an awm a, Moses-a chungchang hrilh tur nge hrilh loh tur ka ngaihtuah a, ka zep tlat hian ka bum niin ka inhria a, nuam ka ti thei lo,Mamuani kha na tak in ka lo hliam tawh a, mahse, min ngaidam a, a Nu lehzel tihnat hi ka thei angem?,A tupa ani a, a duh hunah pawh a awmpui thei lo a, mahse, Mamuani hrin ani lo tih a hriat chuan a na lutuk ang.

“Chaw i ei tawh em?” ati a, ka la ei hauh lo, an lo kal khan ka harh ve chiah,mahse, pawi ka ti lemlo,Thingpui kan in tho a, ka ril a tam hran lo,Asangi leh Nathan-a chungchang pawh zawh ka chak tho mai.

“Ei lo, min lo kai tho alawm” ka ti a, a nui hawk hawk a,

“I va han ho tak, chaw ei loh mai mai chin loh tur,kei ni hi kan kal mai dawn mawni?” ati a, Moses-a Phone khal chu a en a,

“Thil hrilh che ka duh a, mahse, sawi tan dan tur pawh ka hre lo..” ka en tha ngam lo.

“Engthil nge ?” ati a, Mamuani lehkha kha ka hmu zo tawh si lo, Anu ziahsak hi ani a, eng nge inziak a hrechiang hle thung ang..zawt tur in ka huaisen tawk lo,ngaipawimawh lo min tih ka hlauh vang ani bawk.

“Moses-a chungchang hi..” ka melh zauh a, mahse, a Games khelh lai ngawt a buaipui a, kan sawi hre awm pawn a awm lo, Naupang fing lutuk ani a, a chanchin kan sawi a hriat chuan midang bulah a sawi mai ka hlau a, a rilru hliam sak ka hlau bawk.

“Nakinah kan sawi dawn nia, i sawi tum ka hre sa maithei bawk, Mami lehkha ka ziahsak khan a tel hlawm a” ka meng phar deuh awk a, ka tibo tih ka sawi ngam si lo,engchen nge a lo hriat ang le?

“Engchen nge i hriat ka hre lo,mahse...aaa, ka hre lo” sawi ber tur ka hre lo..

“Surrogacy...chuan, Mami khan telve na a nei lo hrim hrim” ka lungphu ran zia chu...a thlawk chhuak lo chauh...

“Eng nge i sawi awmzia?” ka tawng ri chang chang..

“Mami kha a chi a nung lo alawm..” ka Phone ka thlauh tawp mai...

“Maw??” ka a huih mai..

“Fa nei thei tur chi ani lo, a chhul an paihsak vang ringawt ni lo in a chi a thi alawm” ati leh a, thilmak tak sawi ang pawn a awm lo,

“A tir te atangin ka hre lo,mahse, Mami khan min hrilh a, a Fanu ang chiah a lo en tur che in min chah lawm lawm a,min chah lo mahse kei chuan ka fanu ah ka ngai sa tawh che” ati leh a, ka kut ka humruh a, a tawng pawh hla tak ami ang maiin ka hre riai ruai chauh..

An haw hnu ah pawh ka kal chhuak ta chuang lo, ka thil hriat khan min shock lutuk, an fa ka pai sak emaw ka tih lai khan kei hi min lo hmangtangkai reng amaw?,Naupai tur a min buatsaih lai khan ka fit tawk em tih an en ngei mai a, ka la naupang a, engmah ka hrethiam hek lo,ka buaina zawng zawng hi Nathan-a vang a thleng vek ani a, min la ti na zui bawk, min tihnat man leh ka nun infiamna atan a hman man hi a pe tur ani.

Darkar chanve a liam leh meuh chuan Nathan-a kawngka bul ka thleng der tawh, engpawh thleng turin ka inpeih at bawk,ka Call a, a pick lo,pawnah a Car ka hmu a, in ah a awm tih ka hria, Door Bell ka hmet a, a reh vang vang mai, ka thin in a tuar tawh lo, ka chum leh a,ka chhir bawk, a thenawm ten mak min ti anih pawn ka pawisa tawh lo.

“Tu nge maw i nih hrep le?” thinrim zet a rawn hawn pah in a rawn ti a,Towel chauh a veng a, engmah dang a in bel lo...inbual tih hriat zet in a sam a hnawng chap bawk..a nalh zia chu puitak ani,ka chil ka lem khawlh ringawt.

“Eng nge i duh?” khawvawt lutuk nen a inrem zet in a ti vawt ruih a, min that duh hial niawm tak in min melh run bawk..

Ka kut a phe zawk a, a ri thuai a, a biang ah ka kut thla a lang kalh bawk.

Chapter – 26

“Engthil nge i tih a?” min rawn tham a,min phih nawk bawk, ka nek rawk a, ka thinrim in khua ka hmu tawh lo, a rem lai apiangah ka chum a, ka ham bawk,a lo in dang zel a, min tih let tum hmel a pu lo,ka duh ang a ka khawih thei lo mangang lutuk chu ka mittui a tla ta nge nge.

“Ka hua che, ka that dawn che..” a samah ka tham a, thinrim tih hriat zet hian a phun hluk bawk,

Ka chau lutuk, ka duh ang in ka khawih na thei si lo,min pawm kang nawlh a, thutthleng ah min nghat a, min rawn delh bet zui nghal zat bawk.

“Eng nge i hriat a?” beidawn hmel zet hian a ti tham tuak bawk..

“Ka hua che” ka ti nawn leh tuar a, a hmai a ham tum in ka ban leh a, mahse, a lo inring lawk sa ani ngei ang, a thle zauh a, ka ham fuh lo, ka kut a rawn man bet leh a, chunglamah a nawr chho a, kan inlen hleih bawk nen ka che thei lo chu ani der.

“Duhtawk teh, min hua tih te chu ka hre sa reng,hetiang lo hian awm rawh” ati leh tuar a, a thinrim ve ta anih hmel,Thinrim rawhse,a thinrim nasat zoh poh leh ka tan a awlsam animai.

“Engvangin in nge khawvelah ilo pian ve?,nang ang misual hi chu piang tlak inilo...” sawi zawm leh mai tur hre lo in ka ngawi leh rih a,a kut a lek kang uaih a, min beng dawn emaw ka ti a, mahse, ka lu bul thutthleng ban zawk a chum pawp a, a chum na bawk aniang, a nghawr dawt mai.

“I ka kha chip hmak ang che, tih nat che ka duhlo ania” na tuar ni awm tak hian a ti hrawk a,a awmdan inthlak thut chuan min ti buai a, ka thinrim khawhmu lo lek a ka chet na kha a bo a, ka rilru a fim tial tial bawk.

“Chutimaw?,tunah pawh hian kei chuan min that ah ka in ngai tawh zawk..” na zet in ka en a, min melh ve run bawk, a landanah chuan a thinrim a Conrol vel anih hmel,ka kut a vawn na a thlah a, ka khawih a ring tawh lo ani ang, a rin ang chiah in khawih nawn leh ka tum tawh lo,eng ang a nasa pawn sual in bei let mah ila awmzia a awmlo, rilru fim tak nen a hma chhawn a pawimawh zawk.

“Haw tawh rawh..” ka piah Sofa ah a thu a, kei erawh min nem mut dan ngai ngai in ka la mu a, chunglam ka en tlat bawk.

“Aih, ka duh ka hriat hma chuan ka kal dawn lo..” muangchang in ka thu chhuak a,ka inrintawkna, mize dam raih mai kha a lo let leh tawh.

“Luhlul viau lo teh, engmah sawi dun tur kan nei lo” ati leh nghut a.

“Nei tehreng mai,chuan, Moses-a hi tu fa nge?” ka aw a ringlo, mahse, a chiang kek kawk viau.

“I hria alawm” ati sup a,

“Aih, ka hre miah lo,tu fa nge?”

“Mal-i, hun kal tawh chu kal liam mai rawhse,kan tum dan leh duh dan ang vek in mihring te hi kan khawsa lo ania” ati leh a, ka hre lutuk, a sawi ngai lo in hei hi chu ka hre mah mah,mahse, ani chu a duh ang in a nung a, a tum pawh a thleng dik bik ziah bawk.

“Ni lo,a liam mai dawn lo, nang leh i chungten ka nun infiamna hmanrua atan a hmang a min tihchhiatsak na hi min rulh let angai, chuan ,Moses-a hi tu fa nge?” ka ti nawn leh a, a vawikhatnan a hmelah ka la hmuh ngailoh natna ka hmu a, mahse, a reilo lutuk,a reh leh nghal,ka hmusual emaw ka ti hial.

“I hria..” ati tawi tuk ringawt.

“Nia, ka hria, nang leh Mamuani te chi ka pai sak che u a Moses-a a lo piang,hei hi a hma a ka hriat dan, mahse, tuna ka hriat ve thung chu Mamuani kha fa nei thei tur chi ani lo, a chi a nung lo...” a tawp lam chu sawi pawh ni lo in ka au ani ber.

“Anih chuan eng nge i duh?” ka awih thei lo zawk,pawi ati ang a ngaihdam min dil ka lo beisei kha ania.

“Chuzawng chu maw i sawi theih?!”

“Eng dang nge sawi tur a min beisei?” Mihring a lo ni lo tih ka hre chiang lehzual.

“Ramhuaibawlhhlawhpa...” ka khur nasa lutuk a ka sawi zawm thei lo..

“I duh duh in min ko rawh,hei hi ka nihna anih hi,Pawisa i duh belh chuan sawi rawh” ka kut ka humruh a, melh hlum theih se ka ti rum rum,a theih der si loh,ka hma ah kawr pawh ha lo in a thu a, pawisak nei hmel a pu hek lo.

“Ka duh chu Kan In kha,abak chu engmah ka duhlo, ka ti mualpho dawn che” engtia tih mualpho tur nge ka hre chuang hauh lo.

“A theih loh”

“Oh, a tha anih chu..lo nghak rawh, eng nge ka tih theih ilo thlir dawn nia” ka tho a, ka khur tawh lo,

“Um,ka lo thlir ang che, mahse, hei hi hre rawh, ka mualpho rual in i mualpho ve zel ang, Moses-a pawh naupang dang ang anilo a, na tihna chang a hre ve ang,mahse, i duh duh ti tur in i zalen” a tho a, Kawngkhar lam a pan a,a hawng a,

“Chhuak rawh, ka hmuh nawn tawh loh che ka beisei”

“Keipawh, ka hmu leh che anih chuan Ngaihdam i dil lai zawk ka thlir ang che” ka ti ngei bawk ang, ka neih zawng zawng pawh sen ral ngai se he mihring hi ka khing let dawn.

In ka thlen veleh beidawng lutuk in ka thu hnawk mai,Moses-a hi ka fapa maw a lo nih?,Mamuani fa emaw ka tih lai pawh khan ka Hmangaih tawh reng, ka pum chhungah a thanglian a, mahse, mi fa paisak ah ka lo in ngai anih kha, Ka Fapa,ka mittui a rawn luang a, thinrim zet in ka hru tawk a, tah hian engmah thil tha min thlen dawn lo,Nathan-a te ang khawngaihna nei lo bei tur chuan nghet tak a ka din angai ani tawp mai.

“Min lo tlawh hman em?” Atea ka Call a, kei ai chuan thian tha a ngah zawk a, tihdan tur min ngaihtuah pui dan pawh a hria ang, Rinzuali engmah ka la hrilh ta lo,kei ai mah in a thinrim thawm a na zawk a, Nathan-a a lo va hau mai ang tih ka hlau bawk,Sangpuii pawh engmah ka hrilh chuang lo,ani phei chuan engmah a hre lo sa hrim hrim,Atea erawh engkim ka hrilh angai thung ang.

“Hman awm tak, thil ka ei mek a,nge nita?” a rawn ti zang vah mai.

“Lo thleng phawt rawh” ka ti a, ka sawi tan dan tur ka ngaihtuah kha ka rilru ah a lo lang a,.

“Dawrah nge In ah?” a rawn ti leh a,

“Dawrah tunah chuan ka la awm a, mahse, ilo kal hma in In ah ka haw hman ka ring, In ah animai” ka ti a, ka thil hrilh tur hi sawina tur hmun atan chuan ka IN bak hmun him ka hre lo.

Ka rin ang ngeiin a lo thlen chuan ka lo inbual fel hman vek tawh,eirawng ka lo bawl mek a,a rawn nui lut var var mai,a chang hi chuan Nathan-a nen an mizia a in ang thin a, mahse, Nathan-a ang a rilru sak leh mahni hmasial ani hauh lo thung.

“A va pawimawh awm ve” tih pah in Dinning Table a Tomato ka dah chu a la kang a, a vawr nalh nalh a,

“Nia, chawei ve nghal la..” ka ti a, a rawn kal hnai a, ka thilsiam a rawn en a,

“Pawi lo ngawt ang..ka ei ang” ati awlsam mai,a ei fo a, thilmak anilo, ka tan chuan thian mai ni lo in unaupa ani tawh mah zawk.

“Sawi la...” ati leh a,

“Sawitan dan tur ka hre lo,tihian awlsam deuh in nge ka hrilh ang che Living Room ah khunkhan zawk in tih te ka ngaihtuah a..” a lo nui hmel ka hmuh in ka tawp leh rih a, keimah a awm in in enkawl vek thei mah ila a chang hi chuan ka nawi leh riau thin.

“Sawi mai mai teh” nuihza insum tih hriat zet hian a ti leh a..

“Moses-a hi ka fa ania...” phawk zet in min rawn melh a, ka en ngam lo,tul lo zet in ka thil tih lai ka hung sawn a..

“Maw? Chutiang fiamthu mai mai ngaithla turin ka lo kal lo ania aw” ati leh a,ka uang ah angai tih a hmel eng sarah chuan a lang thei a,ka thutak tehlul nen..

“Aih, ka uang miah lo, keipawn nimin ah ka hre ve chiah a..” a nui hmel a reh a, thutak zet hian min en a..

“Chuan...?” mak ti hmel a pu lo chu mak ka ti zawk..

“Eng nge ka tih ang?,ka fa anih chuan ka bulah a awm tur ania” ka ban ka phar a, beidawng deuh in ka la thla leh a..

“Nia, chuti chu i fa ani lo animai” awlsam zet hian a ti leh a,ka thin a rim phat mai..

“Chutiang ngawt a awlsam chu nise ka ti,mahse, ani si lo anih hi..”

“Oh, Sorry,engtia tih nge i duh?” thutak zawk in a ti ta nge nge.

‘Adang pawh puan tur ka la nei” ka ti leh a, a thle bak a,

“Ka ngaithla e..”

“Moses-a hi Nathan-a leh Mamuani te tan ka chhuh hawh in ka paisak a, mahse, Mamuani kha fa nei thei chi a lo ni lo a, a chi a thi a,chuan, nimin khan kei chuan ka hre ve ta chiah a....” a zuih ral ani ber.

“Engtik ah nge min hrilh ang ka lo ti thin a, tunah chuan i sawi chhuak ta bawk a, i thawl hawk em?” a nui leh var var mai,LALPA , ani pawh hian a lo hrereng anih chu,khawi atangin nge a hriat lam ka ngaihtuah lo,engkim hre reng si in a ngawi thei ka ti a, chu chuan min thawng zawk.

“I lo hrereng a maw?” ka ti sep a, a bu nghat a, a bul ah a tomato ken a dah a, a ban a phar a,

“I duh phawt chuan min kuah thei ania..” ni e, kuah ka duh tih ka chiang, tu emaw tal in nghet takin min kuah se ka himna hmun anih phawt chuan tah pawh ka tap duh alawm.

Nghet zet in min pawm bet a, Nula leh Tlangval inhmangaihna lam a tel lo, min hnem nan ka hnungah a chul hauh hauh bawk.

“Tap rawh, i duh phawt chuan,i sawi chhuah hun ka nghak a,a ruk a i mangan thin tur zia pawh ka ngaihtuah thin, ka tluk lo che, i tuar tam lutuk..” ati leh a, ka tah a chhuak zual sauh bawk.

Ka duhtawk ka tah meuh chuan a kawrhma a huh dap mai,ka inlahrang a, ka zak leh hnuhnawh, engvang a tap nge ka nih ka hre lo, tah chhan tur ka ngah em em rual in a chhan ber sawi fak tur ka hre lawi si lo.

“Engtin nge i hriat?” ka mittui hruk leh zauh pah in ka ti a, Dinning chair ah ka thu a, min ep zawng in a rawn thu ve bawk.

“Keipawh in puan tur ka nei a...” a then sak a..

“Um,kei ang em a thuruk lian chu anih ka ring lo..” ka tah nuih a..

“Um, lian lo maithei, lian maithei bawk,englo ania, Mamuani lehkhathawn kha ka ruk sak che a..” inthiam lo hmel a pu a..kei erawh in mak ti deuh in ka en thung, ka thinrim vang erawh ani lo.

“Maw?!,ka ti bo ngei a, mahse, nang kher chu..!!!”

“Nia, kei kher in ka ru tlat alawm, chu pawh Colleen-i vang lehnghal...” thil tenawm tak sawi niawm tak hian a ner nawk bawk.

“Te,a mak ka ti em mai, engmah hi ka hrethiam lo, ka ring che a, nangmah ah ka innghat takmeuh ania,khawngaihin thil dik lo ti suh...” ka mangang zawk,ka rin na hi tihchhiat anih leh ka phal tawh lo.

“Mamuani nu in Lehkha a pe che tih kha Colleen-in a hria a, nang nen kan inpawh em em bawk nen,kan inzui that leh lai kha alo ni kher a, laksak tur a min ngenna kha ka hnial thei ta lo a,mahse, a kut erawh a thleng ta lo...” ati leh duah a, ka rilru a buai nuaih nuaih mai, tu hi nge ka rin dawn ni??!!

“In in ka lo kal tum khan i inbual hlan in ka la a, ka chhiar a, Colleen-i hnen a thlen tul ka ti ta lo,i nun hi ka en a, eng natna mah i tuar belh tul ka ti lo,Moses-a i paisak tih hi chu ka hriatna a rei tawh, min thawng bawk, mahse, i fa ani tih chu Mamuani Lehkha ka chhiar atang khan ka hre ve chiah tho, hriat tir che ka tum lo,na tawh lo la tih hi ka duh ber, mahse, kei aiin Nathan-a i ring a, i hlim bawk,khavang khan ka kalsan ta mai zawk che..” a kut ah ka va vuan a,eng ngatinge amah zawk hi ka lo hmangaih mai loh?,Hmangaihna hi kan duhthlan na anih rual in engvangin nge kan natna tur Mipa kan hmangaih tlat si??,hei hi nun ani a, kei a lo hriatthiam tur a Pathian min ruat sak ani lo tih erawh ka chiang ta takzet.

“Engtik ah nge Moses-a chungchang i hriat?” a inthiamlohna ka tihrehsak angai,engpawh lo ti se ka hlimna tur a duh tih ka hria.

“Serchhip a ka kal dawn khan Colleen-in min hrilh,ka hnek chak zia che chu a..” a then suk a, ka ngaihtuah let a, khami tum khan biak a har a, a miza a mak em em bawk anih kha, heivang lek hi a lo nih dawn chu,mahse ka dem lo, kei ni ila ka tuar thiam lo nasa ang.

“Sorry...” ka ti sep a,

“Chutiang sawi suh, kei zawk hian i dinhmun kha hrethiam ila, lo duat tur zawk che ka ni a..” a ti leh a,a chhungril thatna hi Nathan-an nei ve se hetiang a buaina hi ka tawk lo tur, mahse, Nathan-a ani miau a...

“Eng nge kan tih ang?,Moses-a hi ka laksak thei dawn em ka hre lo,chuan, min tih ang chiah a tih let ve ka duh bawk a..” ka ti a, a bu nghat a.

“Ka va hre mai lo ve, Dan lam zawk kan rawih a ngai ang, ka thianpa ukil tha zet a awm a, Nathan-a mil lo zet mai ani bawk a,ka lo bia ang..”ati a, ka beisei ang chiah in ani chuan tih tur a rawn hre leh mai bawk.

“Um, ka thinrim em em rual in tih tur ber ka hre chuang si lo a..” ka ti sep a, a nui hak a,

“Hmeichhia hi chu maw, in fing a, in fel em embawk,Mipa tluk loh tamtak in awm rual in Mizo zingah hi chuan ala ni lutuk lo, Hmeichhe fing fel kan tih te pawh hi an phenah Pasal tha tak an lo awm zel ania, chutiang chiah chuan eng ang pawn Nula fel, zahawm nimah ula,kum 40 in pelh meuh chuan nangmahni in in zahawm zo lo ania..” ati leh duah a, a sawi dik ngei ang,kan zahawm zo lo.

Atea nen a thianpa kan hmu ta ngei mai, a fel viau rual in ka ngainat zawng anilo ve ringawt thung, tih dan tur awmthei zawng zawng a sawi zar zar a, a sawi hnem lutuk a hriat pawh ka hre kim seng lo,Atean a hre tho turah ka ngai vek, an fa ka paisak ngei tih chu Poof na tur a awm mai dawn,Hospital lam ka zuk biak pawh angai ang,chuan thil pawimawh em em pakhat chu Moses-a hi ka fa ngei ani tih ka Proof na leh ka hriat puina leh phalna la lo a ka chi hmang an ni tih kha ka Proof na tur ngaihtuah angai bawk.

“Khalam kha chu lungngai suh, lehkhathawn kha kan hmang thei ang, chuan Mamuani nu pawh thu hretu ah a tang thei ang” Atea’n a lo ti thuai a,ka biak angai ang, hetiang thil ah a inhnamhnawih duh a ngem ka hre lo.

“Mal-i,hei hi hre rawh aw, i khin tur te hi Nathan-a te an ni a, i hneh ka beisei pui lo che, mahse, theihtawp erawh ka chhuah ang,chuan, eng ang pawn tih mualpho tum la nangmah pawh i him bik lo ang,chuan Moses-a pawh hi a len hun ah a Nu leh Pa huatna nen a thanglian dawn em ka hre lo,nangmahni vangin milar ani mai dawn si a,mahse, engpawh thleng se i lam ka tang zel ang” Atea khan a ti anih kha, Nathan-a leh kei kan mualpho tur pawi tihna ka nei lo,mahse, Moses-an min huatna nen a hun a hmang tur erawh ka ngaihtuah ngam lo zawk.

Kan duh lak khawm nan hun a duh rei ta, hunpui a lo thleng a, a liam leh a, tumah ka kawm lo, Eric-a leh Sangpuii lah inneih tum in Palai an kal a, ani nen lam an ruat fel tawh bawk,Sangpuii Best ah ka ding dawn a, Atea pawh Erica Best ah a tang dawn tho bawk,hunpui hun chhung in Putea te In lamah hun ka hmang a,Atea a lo kal zauh zauh bawk, Colleen-i chungchang a sawi anih loh chuan ka sawi chhuak ngai lo,Nathan-a leh Asangi lah an innei mai dawn emaw ka tih kha tuman an sawi thawm ka hre leh ta lo.

“Mal-i,eng nge maw i ngaihtuah le?” ka hmai bulah a kut a rawn hmet ri khauh a,ka la phu zawk zui,hahthlak hian aa..

“Ahhh,engmah,nge?” ka melh chho hau a,a rawn thu thla ve a, Sangpuii te in ah kan awm a, Inneih hma in an huanah party kan nei dawn a, kal turin Sangpuii a insiam mek a, Atea nen kan sawm a,Eric-a a lo la thleng lo thung.

“Chutiang ngawt ani lo,ka ko che a, i hre miah lo..” ati leh a,

“Ih, hman deuh khan Asangi te kha an innei dawn maw ka ti a?” ka ti chhuak phawng mai, ka sawi zo vek tawh si,a hmel a dur deuh khap a, mahse, ngai a awh leh thuai.

“Tu nge ti a?”

“Naah, St Mart kan kal tum khan Asangi khan Inneih na lam kan buaipui atih kha..:” ka ti leh a, a ngawi deuh vung vung a,

“Nidawn tak,anmahni Inneihna tur emaw ilo ti ami?” ati a,ka bu ringawt,

“Asangi NAU in Nupui a nei alawm” Asang’in nau a nei tih ka hre lo, an In ka kal ve tum lah khan tumah an chhungte ka hmu lo,a chanchin ka hre lo hrim hrim zawk.

“Ohh, anih chu mawle” ka ti sep a, ka thawl hawk zui,engvangin nge an ni Inneih leh inneih loh ah ka lo la buai fo mai le??,theihnghilh dum em em mahila ka thei ngawt si lo,vanneihthlak tak in ka hmu ngai lo hlauh zawk a, hmu ila chuan ka pangngai dawn lo,ka chhungril natna lah hi duh duh in a reh ngawt thei si lo,chhungril natna hian min ei chhe thei ber zawk cheu lehnghal.

“Ka hman e, kal ang u” Sangpui’n a rawn ti lawng lawng a,

“Eric-a a lo la thleng lo a.” Atea’n a chhang a,

“A lo kal dawn lo, kan pathum in nimai, midang lo hruai tur a nei a” ati leh mai, an inkawp rei tawh a, an in care huam lo,an innei tep tawh a, a hma atangin Nupa ang mai a inpawh in an awm tawh sa hrim hrim.

“Anih chuan kal ang u, kan tlai lutuk dawn,midang thlen khalh tur zawk kan muang ania” ati leh a, ka Bag ka la a, Thlasik nat vanglai ani bawk a, ka inthuam lum viau mai,mahse, chutichung pawn pawnlam chu vawt var var tak ala ni.

Kan thlen chuan Sangpuii Unau te ho an lo awm laih laih tawh,ka hriatsa an awm nual,Light a eng ut a, engkim an buatsaih fel vek bawk a, a nuam viau mai, Aizawl atangin a hla lo a, tlai deuh ah pawh haw ila rei tlan anilo.

“Mal-i, i va vang ve..” min ko thawm ka hriat rual in ka inher vat a, Colleen-i nen kan inhmachawn ta ran mai, a hmelah a rui tih alang a, rui chhia erawh anilo,Beer Bottle a keng ran bawk,a Nu piancham kan lawm zan bak kha ka hmu leh ta miah lo,zan in hian ka beisei miah lo bawk,Eric-a te nen an inhre tha hle a,mahse, a lo kal ve rinna chang ka hre lo hrim hrim.

“Aw, dam alawm,nang zawk?” dam thlap in ka ti a, nidang a ka hmuh apiang a ka chhungril khur thin kha a awm hauh lo bawk.

“Dam alawm, Moses-a i rawn tlawh ka lo ring a..” ngeiawm zet hian a hmui a tisawi a..

“Nia, hmuh a chakawm,midang an tha maw?” a sawitum ka haider lui a, Moses-a chungchangah min ringhlel tih ka hria, min ringhlel lo se Mamuan lehkhathawn kha la tur in Atea a tir lo ang.

“An that leh that loh chu an mahni i zawt thei reng ang chu” a thle bak a, a ban a phar zauh bawk.

A ban pharna lam ka en thuai a, ka pum a no nghal nghulh mai,Asangi leh Nathan-a inhnaih zet a an titi dun ka hmuh rual in nghet zet in ka kut ka hum a,midang mamawh hmel lo zet in an nui dun bawk.

“E, an lo kal ve animaw?,an dam tih a chiang mai e,ka zawh tak zawk che chu i Nu leh Pa ania” ka nui lui sang bawk,a tum ang in ka hmel ah na tuar hmel a lang lo ani ngei ang, a tum hmak a,

“An tha..” ati hmak bawk.ka nui lui leh sak a,

“Anih phawt, Atea kan zawng lawk ang” tihnat let ve chakna in ka khat, Atea hian eng rilru nge Colleen-i lakah a put ka hre chiang ngam tawh lo,mahse, Colleen-i hi chuan a la duh em em tih ka hria.

“Zakthei lo nu..” a te tuar a, ka hmai ah a thil ken laiin a rawn theh a, ka te ve thawt tho ,ka kawrah a luangthla a, Beer rim ka nam nghal vek bawk.

“Engthil nge i tih a?” Atea lo thlen lai ka hre lo,min rawn kuah a, a aw ah a thinur tih a lang chiang hle bawk,ngam leh ngam lo in ka hawikual a, midang lam lai leh kan bul a thu te pawh an lo hawi thap bawk.

“Ka duh duh ka ti, engvangin nge he Hmeichhia,zahna neilo, Mi fa pai tur a inhlawh mai mai hi i kawp theih zawk?” a sawi zawh rual in Atea ka ngheng rawk mai...

Chapter-27

“Colleen,duhtawk rawh..” Atea ‘n a ti sup a, ka hamhaih bawk nen sawi ve tur ka hre lo,

“Aih, ka duhtawk dawn lo..” ala ti cheu,engtin nge hetiang lutuk hian a sual theih ka hre phak lo,Atea min vawnna ka phelh a, ka pan hnai a,

“Midang tan hmuhnawm siam tum suh, tu nge mualpho dawn i hria” a bul a din pah in zawite in ka ti a,ka hlau miah lo tih ka chet dan ah a lang chiang, chu chuan a ti hamhaih tih ka hre bawk.

Ka inher a, ka kawr hmalam a huh a, ka sam tlem a hnawng tel bawk, in tihfai vat ka mamawh,mahse,ka hnung lam atangin min rawn nam a, ka khup sawh chawrh in ka thing thi thla hnawk mai.

“A na em?” Atea a rawn kun a, ka nat leh nat loh ka hre lo, chu aia pawimawh zawk chu ka rilru tihfim tum in ka bei a, hetiang em em a huat hlawh tur hian engmah ka ti lo tih ka hria.

“Na maithei..” Nathan-a aw thawp sut ka hriat rual in ka tim sawk mai,huatna, thinrimna..a inpawlh vek, amah vang a ka tuarna hi a tawk tawh lutuk..

Atea zawk ka ban a, en pawh ka en eih lo,min kai tho a, a hma pawh khan midang te tan hmuhnawm kan siam tawh sa a, tunah phei chuan an vai in min en thup mai, Colleen-i lam ka hawi a, a thinrim luat ah kei ang tho in a khur ve ani mahna,a mitmeng lian kel kawl,nidangah chuan ka hlauh thin ngei khan min en a, mahse, tun tum chu kei pawh ka hawisawn duh bik lo,’Tlawm’ hi a tha teh meuh mai, mahse, kan tlawmna hrethiam duh lo a min nawrluih chuan tih let a hun takzet,’Tlawm’ tih hi ‘Hlau’ nen a in ang lo,tupawh mai hi a kawtawp a dan chep kan nih tawh chuan tlanchhuahna tur kan zawng vek.

“Eng nge i duh chiah?” ka nui tlat, ni e, ka thinrim lutuk chuan ka nui thin, ka tawngkam a dam thlap bawk.

“Nang, mi hnuaihnung...” a sawi zawm thei lo, min kawk a,

“Kei mi hnuaihnung hi in chhungkua hian min lo mamawh palh hlauh a tiraw?,chuan, tun a i awmdan en kha chuan kei aiin i hnuaihnung zawk, vawk nen in danglamna ka hre miah lo..” a aia tawngkam ngeiawm pawh ka la hria, mahse, ka sawi zawm ta lo, tun a ka sawi chin pawh kha na tak ani tih ka hria.

“Zawngi...” ka nui leh hak mai..

“Nang kha in en la, Ransa nen in danglam lo, a chhan chu maw mawi leh mawi lo pawh zawng thei lo khawp in i che mawilo,in chhungkaw lian leh zahawm zet ti hmingtha tu i ni ta lo hlauh bawk, ka sawi kual chiam ngai lo in i U duhtak pawh a awm ve tak hi mawle” Nathan-a ka en a, a kekawr ipte zen in a ding khawng luh a, engmah tih tum hmel a pu lo,a hmel tak ngul maiah lah chuan engmah a lang hek lo,mahse, hei erawh ka hmuh hmaih thei lo,a nalh a, mi a hip takzet..hahthlak hian...

“Kan chhungkaw chungchang i sawi a ngai lo..” a ti leh that a,

“Aih, ngai e, a chhanchu maw in chhungkaw mo ka la ni thuai dawn a, kei chuan ka ti mualpho hauh lo ang..” Atea ka en chho ha a, ka hmelah tanpui ka ngai tih ka ti lang bawk.

“Kal ang le,a tawk viau mai..i intihfai vat angai ania” ka chalah a rawn fawp a,ani hi chuan ka mamawh na a hre thin,sawi lawk hauh lo pawn ka awmdanah a tih tur a hria..

Motor lampan in min kai a, ka chet dan kha a mawi bik chiah lo maithei, Atea a duh em em tih hrereng chungin ka nawrlui nasa deuh pawh ani ang,mahse, pawi ka ti lo, mihring ka ni ve a, duh duh a kaihkual tur niin ka inhre bik lo,ka tlawm tawk tawh.

“Awi, Mal....eng thil nge ni a?” thaw hlawp hlawp in Sangpuii a rawn tlan a, Motor ah ka thu fel kak thung.

“A ho lutuk, a rui anih kha, mahse, ka rimtui lo lutuk a, kan hawsan mai che u angai dawn..” ka ti a, lungawi lo tih hriat deuh hian a thle bak a,

“Amak ngawt mai,a pawi lo,kal phawt mai teh u..” ati leh hlak a, a rawn kun hnai a, Atea hriat phak loh tur hian “ Sir Nathan-a khan a that duh mai palh ang che” a nui hak bawk,ka nui tho nang in ka nuih a za lo, an nihna tak a tih chuan an la na ve bawk ang chu,bakah a Farnu duhtak khan a timualpho ve bawk em ani..

“Sorry aw...” ngawireng a thut nuam ka ti lo,kan tlanchhuah tirh atang khan a la tawng miah lo..

“Engvang in maw?” a ti sup a, a pangngai lo ni in ka hria,

“Colleen- i lak a ka lemchan kha...i tan a pawi ang tih ka hlau leh si a..” ka ti sep a, pawnlam kan en a, thli vawt zet chuan ka hmai a chhem a, ka harh sawng sawng mai.

“A pawi lo..” a tawi tek tawk viau, a pawi ang tih ka ring nghal mai bawk.

“Ka tihpalh tak tak,mahse, ka siamtha leh ang tih ka tiam che,khatiang khan engtin nge a khawsak theih ka hrethiam lo..” ka ti leh hap a,a ngawi deuh vang vang a min chhang dawn lo emaw ka ti hman zawk.

“Engmah siamthat tur a awm hleinem,bakah puih i ngai a ka pui che a a tawk alawm” ati leh a, tun tum chu a sei ta deuh.

“I la Hmangaih reng ti raw?” ka ti leh a,min chhang lo pawh nise ka dem hauh lo.

“Chutiang sawi lo ang, a ho em mai..” ati vut a, zawh zui en ah ka en ta lo.A la duh em em tih sawi teuh lo mahse ka hrethiam a, engvang in nge kei min tanpui tih erawh ka hrethiam lo thung.

“Nathan-a nen engvangin nge in inthen?” ka phu deuh zawk a,sawi tan dan tur ka hre lo.

“A tam mai,Moses-a vang kha ani bawk a..” ka ti sep a,

“Ka ring che,mahse, Nathan-a zawk kha ka ring ta lo...”ta deuh deuh chuan..

“Eng nge i sawi tum tak?” ka en a,uluk zet in hmalam a en thung.

“Zan in khan a chiang alawm, a kalsan chhan che hi hriat ka tum ang,kei ang bawk a inchhir in a hun a hman ka duh lo,haw em em thin mahila ka Unaupa ala ni tho “ ati leh nghut a,engmah hi ka hrethiam lo, kei chuan engmah chhan dang zawn leh tur chuang ka hre hauh lo,a hlawkna turin min hmang tangkai a, tunah chuan ka duh tawh bik lo a, kan tawp tawh ah ka ngai fel hmak bawk.

“Ka kalsan nghal mai ang che..” ka in bulah kan ding a,mak ti deuh hian ka en a, a lo leng lut tur ah ka ngai ve ngawt a.

“Ngatinge?”

“Zan in chu ka chau ve ani e, haw ila, muthilh vang vang ka duh” ati leh a, a kut ah ka va vuan a, Colleen-i vang ani tih ka hria..

“Ka lawm e aw, engkim vang in,ka bulah awm lo la chuan nun khawchhuah ngaihna ka hre lo ang” ka ti sep a, ka ti tak tak tih hria se ka duh,ka hnaih leh a, a biang tawn tawn ah ka vuan a, a chalah ka fawh sak zauh bawk.

“kal tawh rawh, chuti lo chu Riak turin min sawm angai ang” a nui hak hak bawk.

Ka thawmhnaw ka hlip a, chhuatah ka kalsan tawp bawk, Shower hnuaiah ka ding a, ka thil tawn kha ngaihtuah loh law law ka duh rih zawk.

Ka mu meng kar mai, naktuk tuk leh Inneih ni ani tawh a, zan in bak chu Sangpuii te In ah ka riah angai ang,Ka Phone ka la chhuak leh a, ka en kual mai mai a, angai te bawk in Nathan-a bawk ka stalk leh ta nge nge,mahse, thil thar a awmlo,Moses-a hmel cute lutuk chu ka en a, tul lo zet in ka mittui a hnai kuar bawk,’ka fapa’ ka phun sep a, nia, ka fapa, a hmeltha takzet, a hma ai khan a hmeltha zual in ka hre hial bawk,Mamuani Nu khan min hrilh lo se ka hre ngai dawn lo tihna chu ania, Nathan-a lek chuan min hrilh hauh lo ang,engvangin nge kei nen kher kan lo inhriat ka hrethiam lo,atthlak zet in ka lo la ring zui bawk.

Inneih a zawh meuh chuan che tur ka awm tawh lo tluk ani,ka nuih derna lamah ka biang a kham thum bawk, mahse, a Innei a te ber an hlim chuan a tha ah ka ngai tho, kei hi chuan engtik ah mah Pasal ka neih ka ring ta lo,Atea nen kan inzui chawt a, Party na atang khan amah ah ka sawi thiam si loh in Dik lo a awm in ka hre tlat a, eng nge anih ka hre si lo,min pawh ta lo riau in ka hria a, mahse, chutiang turin engmah danglam a awm lawi si lo, ka bulah a awm tam ngai in a awm tam reng a,ahma ang bawk in min Care em em tho bawk,mahse...dik lo erawh awm..

“Ka lo lut thei em?” ka hawi chhuak a, Dawr a ka Room lian lo te ah hna thawk in ka buai a,inleng ka mamawh loh lai tak..mahse, Nathan-a hmel ka hmuh rual in Moses-a ka rilru ah a lo lang a, a lo hruai ka ring hauh lo chungin a hnunglam ka thlek hram tho.

“Aw, lo kal rawh” zangkhai tak in ka ti a, helai hmun, midang nen zawng zawng in min hmuh theihna hmunah hian mawi lo tak a lo biak ka duh lemlo,a rawn lut a,a rawn lut ti ila Kawngkhar lian vak lo awm mahse ka khar ngai mang lo.

Kekawr,uk eng lam deuh a ha a, Over Coat dum a ha zuih bawk, nidang aiin a lang lian zual a, a khirh hmel bakah a hawiher ah chau hmel a hmuh theih,mahse,a nalh ngai reng in a nalh zuih a, a hma ang tho in a hip a la na tawk viau,a perfume rim pawh a la ngai,ka lu ka thing nawk mai, hetiang ngaihtuah tur ka ni lo tawp.

“Thu la..” ka hma a thut na awm ka kawk zauh a, a mit a ti zim a, mahse, engmah sawi lo in a rawn thu ve mai bawk, a mu tha lemlo anih loh chuan hna lamah a buai ani ngei ang, a mit hnuai a val kual raih mai..Thla khat chuang ka hmu tawh lo a, mahse, a landan erawh kum khat aia tam hmu tawh lo ang ka niin ka hre thung..

“Thingpui nge Coffee?” ka ti leh a, ka thiltih lai ka tihzawm mawlh mawlh tho.

“Coffee zawk le..” a ti sup a, kan nula pakhat ka ko a, a rawn dak vat a, kan duh ka lo hrilh nghal a, mahse,kei ni lo in Nathan-a zawk a melh a, ka nui sak mai, a demawm hauh lo,mitdel nih ngawt loh chuan en loh har tak ani..

“I buai awm hle mai” ati leh sup a,nia, ka buai, chuan a tul aiin ka buai lui bawk..

“Um, nia, buai ve tho mai, Hna ka chawl nasa deuh a, rin aiin khawih fel tur a lo tam a..” ka ti a,a lo luh tirh atangin ala hawisawn lo reng reng..

“Moses-a chanchin min zawt dawn na nge?” ka chhungril a fan rawih rawih mai.

“Ka ngaihven lemlo e” ka rin aiin ka sawi mar tha..

“Chuti maw?” za lo zet hian a nui hul hak bawk..

“Eng nge i duh?” ka en ta nge nge,a bawp sei zet khawkherh in a thu a, hahdam hmel zet in hnunglam a ngheng bawk,chiang zet in min en ngur bawk,ka ip ru chawih mai,mahse, ka chhungril zamna tihlan ka tum eih lo thung..

“In ah ka rawn kal ang..” eng chu a hria nimaw?

“Heta i lo kal chhan ania ka zawh che” ka ti leh nghat a, Computer lam ka en san leh a.

“Lo kal tur hian lo kal chhan sawi kher angai tih ka lo hre lo a,Dawr ani a, mamawh ka nei ani mai ang chu..” a sawi dik, Dawr ani a, tupawh lo kal se mamawh an nei tihna animai.

“Ok, adik alawm,mahse, helam ah hian mamawh i neih ka ring lo a..” ka ti let salh mai..

“Ilo danglam ta hle mai..” ati leh sup a, chhan let ka tum lai tak in kan nula in Coffee a rawn chawi lut a, a hnungah Atea a rawn lang zui nghal zat bawk, ka thaw huai mai, Nathan-a nen a Room khat a inkhung reng kha rei ka tuar theih ka ring lo hial zawk.

“Ehe, Nathan..i lo leng alaw” zangkhai tak in a rawn ti lut nghal a, a hmel ah chuan lawm hmel a lang bawk,engtak chu a hria nimaw?

“Um, anih hi,mahse, kal ka lo tum chiah a..” a tho a,

“I Coffee tur hi...” ka en a, kal se ka tih em em rual in kal lo se ka ti tho bawk, ka hmu khat a, ka chhungril hian a ngai a, a thlahlel em em bawk..a va hahthlak em,ti khawp a min ti na chung hian ka duhna hi ka thaireh ngawt thei si lo.

“Moses-a te School ah kal ka ngai a, ka lo theihnghilh tep, Atea a lo kal tho,lo in mai rawh se” a ti bung vut a, chhan pawh kan chhan let hma in kawngkhar a pel hman der.

“Eng nge a lo tih a?” Nathan-a thutna ah a thu a, chik zet in min en bawk.

“Ka hre lo, a lo kal a, rei pawh a la thu lo” ka ti a, awih vak lo tih hriat zet hian a ner sak bawk.

“Kei chu a chhan ka hria in ka ring..” phawk zet in ka en a,kan buaina kha engmah hmasawn na kan la nei lo a,thilthar a awm anih ka ring a.

“Nangmah...” ka nui tawi tak mai..

“Uang reng lo teh, eng nge kan thil tih tur ah khan hmasawnna kan neih le?” ka ti a, lehkha pawimawh lak khawm theih ang ang ka la khawm tawh a, Nau ka pai lai a ka Doctor lehkha ka zuk dil erawh min la pe lo, hetah tak hian beiseina ka nei chau viau mai,Nathan-a thianpa ani a, engkim hre sa vek ani a, min tanpui ka ring lem lo.

“Aih, diktak chuan...” a ngawi leh daih,ka melh ran a,eng thil nge a hriat ka hre lo, achang chuan ka lamah atang lo ni hian ka hre rum rum zel.

“Sawi zawm la..” ka ti nghat a, a hmui a pet a..

“Aih, sawi zawm tur a awmlo, kan sawi lai nen a inmil lo,,” ati leh daih lawi a,ka zawt lui peih lo, a sawi dawn chuang lo tih ka hria.

Atea haw veleh ka hna tihfel tur ka tih zawm leh a, mahse, ka ti hleithei lo, Thla khat lai Nathan-a ka hmu tawh lo a, mahse, ka hmuh leh meuh chuan ka normal thei leh der lo,tun thlengin Asangi nen an la inneih loh cheu chhan ka hre lo,a inzui zel turah ka ngai ve tawp,Moses-a erawh ka hmu chak takzet,biak ka chak a, kuah ka chak bawk.

Dawr khar hma in ka hawsan a, hnathawhna Mood ah ka awm hlawllo,chau zet in Sofa ah ka mu a, eng nge ka chauhpui ka hre lo,ka hmuh turah lo inlan tawh lo se ka ti takzet,Door bell ri ah ka harh a, ka lo muhil zui daih chu niin, ka thawmhnaw pawh ka thlak lo,Light ka on bawk si lo,a thim thap mai,Light ka On a, tu nge tunah lo kal tur ka hre lo,ka thiante tuman an lo kal tur min hrilh an awm lo.

Kawngkhar ka hawng a, Nathan-a lo ding ka hmuh rual in ka hamhaih ti tih, Dawrah a lo kal tawh a, engmah lo kal chhan a nei lo, In ah lehzel a lo kal ka lo beisei lo..nilo,a sawi sa zawk.

“Ka lo lut thei em?” ati hmuk a, chhan pawh chhang lo in pawh khar lehnghal ka tum a, mahse, a ke in a rawn dal hman tho, hneh zet in a rawn pawt hawng a, a rawn lui zui nghal zat bawk.

“Chhuak rawh..” ka sawi hreawm in a awm lo, Living Room lam a pan a,vawm zui na tur chu awmse ka vawm zui pawp ang,mahse, a awm der si lo,phur lo zet in kawngkhar ka khar a, muangchangin a thutna lam ka pan a.

“Eng nge i duh?” he zawhna hi vawi engzat nge ka zawh la ngai ang ka hre lo.

“Ka be duh che” ati nghut a, Tukverh bulah a ding a, chhun a ka hmuh a a thawmhnaw hak ngai bawk a la ha a,

“Sawi dun tur kan nei lo..”

“Naupangchhia deuh hian khawsa thin lo teh” ati leh nghut a, a rawn kal a, ka thutna lo zawk Sofa ah a thu a..

“Chutiang in ka awm lo, sawi dun tur kan nei lo ka ti mai zawk,bakah Moses-a chungchang kha chu Court ah kan sawi angai ang” ka ti leh hmak a,min rawn en a, a hmel pa leh rum ul mai chu a phiar talh talh bawk..

“Ka hria, ka thianpa Doctor kha ilo zuk bia tih pawh ka hria” ka rin dan chiah, a thianpa ,engkim a tihsualpui ani a, min pui hauh lo ang, at thlak zet in Hospital contact lo in amah zawk ka zuk be hmasa pek a, ka at man ka hmu leh dawn anih hmel..

“A tha anih chu..”beidawng thinrim zet hian ka ti nghat a..

“I thiltum hi ti tawp rawh,hetiang chuan tumah i ti na dawn lo, Moses-a chiah hi na tuar chungin a seilian ang..” ka en a, na tuar hmel niawm tak ka hmu zawk a, mahse, a bo lenghal..

“Hetiang hi ka ti ang tih ka ring bik lo, tu in nge hetiang ti tur hian min nawr?”
“Tu man kan nawr lo che,i duh sawi rawh, ka pek theih chuan ka pe ang che..” a ti leh ta,Pawisa a thil engkim chinfel a tum hi engtikah tak bansan ang maw?
“Engmah..”
“Anih chuan kha In pawh kha i duh lo ang tiraw?” a nui hawk mai..
“Kha chu i phal lo alawm”

“Min dil nawn leh la, eng nge a an ang?” ka rilru lehlam in dil turin min nawr a, lehlam thung chuan dil hauh lo tur in min hrilh thung..

“Ka ring lo che, i duh leh nei rawh..” ka sawi rual in ka ui vawng vawng, engtikahmah ka nei let leh tawh dawn lo tih ka hria..

“Tihmawh viau lo teh” a ti leh vut a, ka thin a rim phat mai,a mah chaih in ngaihtuah mihring anihna hi engtik ah nge a bansan ang ka hre lo,a thih thleng in a sim ka ring lo zawk.

“Kal tawh rawh..” ka ti nghat thung, kawngkhar lam ka pan a, a In a ka kal tum khan ani pawn min hnawtchhuak a, keipawn atih ang chiah khan ka ti thei ve tih ka chiang,ka ti ngei bawk ang..

Muangchangin a rawn ding chhuak a, Kawngkhar lam a rawn pan a,a chhuahna tur lam ka kawk va bawk,a chhuak mai dawn emaw ka ti a, mahse, a ding leh rih a, min rawn hnaih a, ka tawlh hnung rawk thung,

“Engmah hi chhan nei lo in ka ti lo...” ati hmuk a, chhan pawh ka chhan hma in pawnlam a pan a, na zet in a rawn nem khar bur bawk.

Chaw pawh ka ei ta lo, engmah ka ei chak lo,Nathan-a thusawi kha ka rilru ah a lo ri leh a, eng nge a chhan ni ang?, fa neih nan min hmang a, min duh ang in a awm der leh a..nilo,a der ni in ka hre lo, Mamuani ngei pawn a sawi kha,ka ring a, amah ah ka innghat a, mahse, min kalsan leh a, dawt tamtak in phumru ka hre leh a,eng nge chhan dang la awm ang?,chianglo nuaih in ka muhil a, ka nun hi a tluanglo lutuk ,mak ka ti zawk hial, engkim Rinzuali hrilh ka duh a, mahse,ka sawi chhuah in eng nge hlawkna ka hmuh chuang ang ka hre lo.

Ka harh in khua a eng uar tawh, Sana ka en a, dar 7 a kawk va tawh, ka tho vat a, zan ah engmah ka ei si lo, ka pum a ruak a, ka riltam vawng vawng bawk,chaw ka siam sawk sawk a, dawr ah ka kal tlai dawn tih ka hrilh lawk a, Rinzuali hmu vat ila ka hahdam huai ang, tunlai chu Atea hi ka hriatthiam si loh in min hlat tlat a, ka rilru zawng zawng ka phawrh ngam lo.

“Eheu!, mak teh hlawl ve” an in ka luh rual in a lo ti hluai a, Naute nen an lo inkuah hnawk leh viau tawh,

“Nia, ka rawn kal nal nal ,ka ngai che a..” a ner nak a,a awih hmel lemlo,

“Thingpui in la” ati a, ka lu ka thing a, Thingpui in tur a kal ka ni tlat lo, ka hawikual a, choka lamah thawm a awm a, midang tumah ka hmu lo.

“Khawnge in pa?”
“A kal tawh,vawiin chu a kal hma a” ati a,Naute tih mut tum in a awi darh darh bawk.

“Ih, thil hrilh che ka duh a” tim deuh hian ka ti a, mak tih hmel deuh in min en a,

“Sawi la,a pawimawh hmel mang e” a ti hap a,

“Um,enteh, Moses-a hi ka fa a lo ni reng a..” ka chil ka lem khawlh a, a nau awi lai a ding chawt bawk,

“Maw?!” ati a, a nuih a za hmel deuh bawk.

Ka sawi nawn leh a, choka lam ka melh zauh a, tuman ka tawng an hriat ka duh lo,a melh ve zauh a,

“Room ah kal ang” tih leh Room pan a rual a,Khum ah ka thu a, ani erawh thu lo in Naute a awi leh a,

“Sawi tan dan tur ka hrelo,Ih, Nathan-a hi ka duh niin ka hria, mahse, amah hian min lo hmang tangkai mai mai a,bakah Asangi hi a thlah miah lo, Mamuani nen an inthen chhan pawh kha he nu hi ania” ka ti duah a, a bu nghat a,

“Ahmangtangkai tho ang che tih chu ka ring, mahse, kei chuan a duh che in ka hre ve tlat, i sawi takah chuan kar hmasa khan a lo kal a,i chanchin min rawn zawt teuh a” mak ti deuh in ka en a,

“Engtik ah?” ka ti lawi rat mai,mak tih loh rual anilo.

“A la reilo, a lo kal a, i nu leh pa chanchin min zawt a, min zawt nual mai,a chhan ka zawt a, a nui ringawt a, Mal, hepa hian a duh che tih ka chiang,engvang a inthen nge innih ka hrethiam lo che u” beidawn hmel deuh hian a ti hap a.

“Ka sawi kha, Moses-a hi ka fa alawm” ka ti leh a, a rawn thu ve a,

“Chu chu thilpawi ani em ni?,in innei ang a, In nupa fa ani mai dawn lo mi?” ka lu ka thing a, ka rilru a buai nuaih nuaih mai,

“A tir khan min hrilh se a ziawm, mahse, tunah,kan pahnih a kan inkawp hnu ah ka ring ve tan chiah a,ka hre chhuak leh a,chuan maw Kan In kha a lei asin” ka ti leh a, ka kut a rawn vuan a,

“Ka hria alawm,mahse, kha chu tihpalh thil ani,in In tih a hre lawk lo” ka nui hak mai.

“Engtin nge i hriat?” ka ti a, kei ang bawk in a mize pakhat zawk khan a lo zem a tih a chiang, a thusawi apiang a lo awihsak vek tih a lang reng bawk.

“A sawi a, ka awih hmiah,thil ho mai mai sawi tur mipa ani lo” ati leh a, lawm vak lo hian ka en a,

“Tu lamah nge i tan?” ka ti hmak bawk, a nui sak a,

“I hria alawm, i hlimna ka duh tih pawh i hria, ka duh ber chu maw Ngaidam rawh” ati leh a, ka lu ka thing thung,engvangin nge ka ngaihdam ngawt ang?!

“Mal, in ti na tawn suh u, in induh ve ve a, Atea nang in i hmang tangkai a, anin Asangi,in tawpna chu tun ai hian a na dawn ania” ati leh talh ,chhan en ah pawh ka en lo.

Dawr lam pan in ka tlan a, engvangin nge Rinzuali kha alamah a tan tlat ka hrethiam lo,min duh anih chuan a tir atang khan thudik min hrilh maise kan buai lo tawp ang,ni e, kei chuan a duh, ka Hmangaih hial maithei,atthlak hian a...

Nilengin hna lam in ka rilru a luah lo,Room ah ka thu tlawk tlawk a, thil tamtak ka ngaihtuah a, engmah ka ngaihtuah chhuak chuang si lo,Putea tal kha la dam se chuan ka zawhna chhan na hi a nei ang, Nathan-a sawi ang chiah khan hetiang a kan intihbuai hian a tuartu chu keini Puitling te ni lo in Moses-a chauh ani ang.

Dawr khar hnu ah Pitei te In ah chawei turin ka kal leh a, min lo ngai der viau bawk,ka lung a chhe rum rum,In a ka let leh meuh chuan dar sawm a hnai thuak tawh, mahni chauh a khawhar a awm ka peih lo a, ngaihtuahna ka hmang vak vak a, ka chhaw hu in ka hre tawh, Atea lah ama hna lamah a buai a,ka mimal buaina a tihbuai leh vak nuam ka ti si lo,Mu chungin Laptop ah Moie thar LOGAN ka en a, ka rilru ka pe hlawl lo,ka phone riin ka rilru a la peng a,ka en a, Nathan-a!!!

“Hello..” pick loh ka tum zet a, Rinzuali thusawi kha ka ngaihtuah a, vawikhat tal tha tak a sawipui leh ka duh ta zawk,

“Kawngka lo hawng rawh..” a off zui hmak, tha tak a biak a har awm mang e..beidawng zet hian ka phone ka melh vak ringawt.

Kawngkhar ka hawn rual in a rawn inzep lut a,a rim a dik lo, nidang ang lo tak in zu rim a nam bawk,Zu a in ang tih ka ring a, mahse, ka hmuh lai chuan Beer bak a in ka la hre lo.

“Eng nge ni leh ta?” ka theih ang a pangngai in ka ti a,

“In leng te lawm nan chuan i tawngkam a chang mah mah lo maw?” a nui suk bawk, min fan raih raih mai,

“Asangi a tha em?” ka zawt lo thei lo,a bu nghut a.

“Ka beisei..” ati sup a,mak ti deuh hian ka en a.

“ Monday khan zir zawm turin a kal tawh” amah bawk in a ti leh nghut a,kei erawh ka na vawng vawng thung, Asangi awm loh veleh a nun ruak hnawhkhah nan min hman a tum tih ka hai lo.

“Anih chu, in innei mai dawn maw tia?” ka ti sep a, Sofa lo hnai ber ah ka thu thla a, ka ke a khur dar dar mai.

“Nupui pathum neih ka duh lo ka tih kha..” nia, a sawi tak kha mawle,mahse, Asangi a neih vangin nupui pathum a nei dawn tih na a ni hauh lo.

“In inhmeh tak tak...”ka ti leh sep a.

“Duhtawk teh, ani chanchin sawi tur a lo kal ka ni lo ania” ati leh hmuk a,sawi tur hre lo in ka ngawi ran mai.

“Enteh,chutiang sawi ka duh lo”

“Mali, min en rawh” a rawn kal hnaih lai ka hre lo,ka en chho a,a hmelpa leh tak ngul mai chu ka en a, ka hrechiang lutuk,he pa hi ka Hmangaih...

“Ka Hmangaih che..” phawk lutuk in ka en a,a fiamthu emaw ka ti a, mahse, hmelah engmah fiamthu hmel a lang lo, thutak zet in min en run bawk.

“I rui anih kha”a thle buk ringawt.

“Ka sawi hre lo khawp in ka rui chhe lo..’ati leh hmuk a.

“Nathan...” a dang sawi tur ka hre lo..

Ka thutna bulah a rawn ding a, a che vel ka en ringawt,muangchang in a rawn thingthi a,mak tih lutuk avangin ka thu khawng at mai..

“Engthil nge i tih?” ka aw a khur dar dar bawk..

Ka kut a rawn vuan a, a la kang a, a hmui lum ham ham chuan a rawn tawk a...

“Mal-i, ka Hmangaih che..”ka kut ka pawt dawk a, ka ding chhuak nghal bawk,mahse, ani erawh a thingthit ngaiin a thingthi a, a che eih lo..

“Eng infiamna nge ka chungah hman i tum leh tak?” ka ti hmak a,hun kal tawh ka rilru ah a lo lang zut zut a, min hman tangkai duh apiangin hetiang hian amah ka duhna hmangin min bei thin a, a tawp ah ka tlawm leh nge nge a, Natna tamtak nen min kalsan leh thin bawk a,khatiang kha tuar leh ka duh tawh lo, ka tuar chhuak zo tawh dawn lo tih ka hria..

“Engmah, keimah leh keimah ka inbum rei lutuk zawk..” harsa ti zet hian a ti hrawk a, ka en a, ka insum tang tang na a kehchhe leh ta nge nge,ka thu sawp thla a, a biang tawn tawn ah ka vuan a,a hmel a na tuar hmel lo lang chu hmuh hmaih theih ani lo..

“Eng nga tinge ti hian i awm?, ka ring thei lo che ka tih kha, ahma ang bawk khan na tuar in min kalsan leh ang tih ka hria alawm..” ka mittui a rawn tla a,Nathan-a ka haw lo, ka chhungril a nep ka intihna vang a tap ka ni zawk.

Ka kawngah a rawn kuah a, amah si chet in min pawm bet a, a lungphu dat dat ka hrethei hial bawk,a kut lehlam in ka khabe a rawn dawm kang a, a rawn kun hniam a, dimte in ka hmui a rawn si a, ala ngai reng, a lum ham ham a, a nghawngah ka kuah ta nge nge..

Min pawt tho a, min pawm kang nawlh a, tlak hlau zet in a nghawngah ka kuah a,Room kawngkhar a dar in a nek hawng a, eng nge lo thleng tur ka hre lo, mahse, engmah pawi tihna ka nei lo, lo thleng rawhse, Ka Hmangaih miau alawm..

Khumah min nghat a, min rawn delh bet zui nghal zat bawk,ka hmuiah a hmui lum ham ham in a rawn si leh a, mahse, a dam tawh lo, duhthawh lutuk in a rawn fawp a, a lei in a rawn nawr kau a, a kut in ka kawr a pawt kau a, ka hnute a rawn hum chat bawk, ka taksa a nawmna lo thleng mek ka hai lo,ka kawr a pawt hlim chho pawk a, ka hnute hmur a fawh rual in ka rum chhuak hawk mai..

A kawngah ka kherh bet a, mumal ka nei lo,ani pawh a mumal bik lo,ka mal a rawn nawr kau a, ka kekawr kawngah a rawn zen lut a, ka point a khawih thlen rual in ka rum leh hawk a, ka er nghal ngawng ngawng bawk,engtik lai in nge ka kawr a phelh ka hre lo,a taksa lian leh khauh tung in min rawn si a, ani pawh engmah a inbel tawh bik lo...a Boxer kawng ah ka pawt a, ka kut a rawn man a, ka chung atang a letthla zui nghal bawk.
“Mate,kan ti thei lo..”tham tuak in a ti a,a inla hrang nghal bawk,ka taksa khuh tu a awm tak loh ah chuan vawt nghal var bawk,zah lutuk avangin chet Pawh ka che ngam lo, Hmeichhia zawk in ka nawrlui anih kha, min la hnar zui..

“Nathan..” ka va ban leh a, a kawngah ka kuah a, mahse, dimte in ka ban a dahsawn a..

“Ti suh, unau kan nih hi..” ka khawng vek..

Chapter – 28

“Maw?!!” awih loh lutuk avangin ka nui hawk mai,engtin nge unau kan nih tehlul ang?,thil awihawm loh lutuk tih bak ka rilru ah a awm lo.

“Unau kan ni,kan pianna Pa a in ang..” ka lungphu a tawp emaw ka ti hial.

“Nathan...” ka ti chhuak thei hram.

A tho a, Khum atangin a chhuk a, a thawmhnaw a chhar khawm a, a chevel chu mawl hmel zet in ka en a, eng nge ka tih dawn ka hrethiam lo..hei vang hi alo ni maw Kan In kha a lo lei,ka ngaihtuahna a buai nauih nuaih a, ka hriatna a thlawk bo vek nimai in ka hre lawi bawk.

“Harhfim chuan he thil hi ka sawi thei dawn lo tih ka hria,engvangin nge ka kalsan che tih pawh i hrethiam tawh ang chu..”ka lu ka thing a, beidawnna nen ka en a, Thih ka chak ber.

Chhuat a ka thwmhnaw tla darh nuaih mai chu a rawn la a, min rawn hak tir a, ruak in ka awm tih pawh ka lo hre chang tawh lo..

“Mahse, eng nga tinge a hma in min hrilh loh?” a kut ah ka vuan bet a,

“Ka hre bik lo alawm,ka rinhlelh hnu ah pawh ka unau nu i nih loh hram na turin ka tawngtai hial asin,mahse, a ilo ni ta tho a..” harsa tih hmel zet hian a ti hrawk a, a awmah min pawm bet leh a,Nilo, he lungphu ri dat dat nen hian kan inzawm a, a tel lo chuan ka dam chhuak zo in ka ring tawh lo.

Ka nu vang a na em em hmeichhia kha Nathan-a nu a lo ni ta daih, thawnthu ah chuan hetiang hi a thleng thin mahna, mahse, mihring nun ah hian a theng thei tak tak turah ka lo dah ngai lo,engtin nge ka chungah ber kher a thlen ka hrethiam thei lo,tu tan mah awih sen pawh ani lo tawp ang.

“In ka lei khan keiman ka dawr lo a, i Putea a hnen atang khan Hminga’n a lei chhawng a, kei chuan ka duh chhan chu kha In ah khan ka Naupan lai hun ka hmang thin a,rei erawh anilo, kan hlim vanglai leh kei chiah ka nu leh Pa fa ka nih lai khan kan khawsa ho a, reilote ah ka pa khan Hmeichhe dang a rawn hruai haw a, tap chungin ka nu nen kan chhuahsan a, ka nu hnenah ka intiam a, kha In kha ka nei let leh ang tiin,ka nei let ta ngei...mahse, nang ka chan na tur ani ta hlauh” min nemsawn a, min sik hlau niawm tak in khum tlang ah a thu khawng ut bawk.

“Sawi tawh suh” ka beng ka hup ta ngawt, ngaithla zel turin huaisenna ka nei lo hrim hrim..

“Anih chuan Moses-a chungchang hi?” a ti leh sup a..

“Atawk, engmah sawi ka duh tawhlo,Moses-a maw?, nei rawh, ka duh lo” ka mittui a rawn tla a, a rum hawk bawk, min rawn ban a,

“In enkawl tha ang che, keini pahnih hian kan lo inhmangaihna ah hian engmah tih dik loh kan nei lo,min hringtu kan pa hi a nep em mai a,a thil tih sual rah kan tuar anih hi,mahse, ka tiam ang che, Nupui ka nei leh tawh lo ang, i unaupa ka nih dawn rau rau chuan i mamawh na apiang a awm thei tur in ka hun hman ka duh tawh zawk.” Ka chalah a rawn fawp a, a taksa in sang mar tawlh tawlh chu ka hriat hmaih hauh lo.

“Ka kalsan ang che,ka lo kal leh vat dawn nia”ka samah a rawn fawp a, nghet zet in min kuah vang vang bawk.

Room kawngkhar a inkhar ri khap a, khumah ka let tawp thung,ka mitthla ah ka pa a lo lang a, ka awmah min hnawh tlat, ka tap ri thei der lo, ka awm ka chum a, na ka ti lutuk,engvangin nge ka chungah hetiang a thlen bik?,Nathan-a sawi kha a dik chiah, kan pa thil tihsual rah kan tuar anih hi,Ka pian tirh atang a Mipa ka nun a ka pawm leh ka Hmangaih chhun chu ka unaupa a lo ni ta daih a,ani pawn min la hmangaih zui bawk,hetiang em em a vanduai tur hi chuan lo piang lo law law ila tha tur..

Engmah hre lo a Nathan-a ka runluih lai te, a In a ka va luhkhung lai te khan engtin nge a lo in control theih zawk?,a thiam dan leh theih dan dan in min hnar a tum a, keilah chuan ka chungah thil tha lo a ti ni a ka hriat tlat avangin a natna tur bak engmah ka ngaihtuah si lo.

Mu leh mal nei map lo in kar khat chuang ka khawsa tawh, Dawr ah ka kal ngai lo a, In ah ka inkhung chawt ani ber, Zu in a ruih chhum hmawk ka duh em em a, mahse, ka thei der lo,tum hnih chu ka in ve ngei mai, mahse, eng na mah a lo chhawk miah lo,a na zual ting mai.

“Mal-i,hawng teh, i awm tih ka hria ania” Mipa aw hian a rawn ti a,Atea aw niin ka hria, peih leh pei lo in ka meng a, ka tho peih chuang lo, a duh duh chen ding se la, a peih loh tawp ah a kal mai ang chu.

Ka Phone a rawn ri leh a, ka rin ang ngei in Atea, ka en reng a, Pick ka tum chuang lo,ka muhil ah angai ang a, a kal bo mai ang chu,Nathan-a nen kan chanchin a hria em ka hre lo, Nathan-a nen kan inhmuh atang khan kar khar a liam tawh a, hetia ngaituah nei lo a mut veng veng tluk a duh ka nei lo.

Kawngka a rawn chum leh a, tun tum phei chu a chhir in a chhir ani maithei ,a ri bur bur mai,thenawmte’n min complaint ka duh loh chuan ka hawn sak ngei angai,muangchang in ka tho a, ka lu a hai a, ka pai deuh nawk mai, chaw ka ei mumal lo a, ka mu tha bawk si lo, ka zawi ngawih ngawih,chhuat a ka thil dah hnawk nuaih mai chu ka pal phei nawk nawk a,eng nge anih ka ngaihtuah peih lo.

“Eng nge?”Kawngkhar ka hawng a, Atea hmel phelh phang mai chu ka en a,

“I tha em?” a rawn inzep lut a, ka landan tur ka hre lo, ka lang nalh lo hle ang tih ka hre chiang, bang ngheng in zawi zet in ka ding a, ke lawngin ka awm bawk a, ka sam lah mumal lo zet in ka zial a,a then an rawn tla thla a, Mihring hmel ka put pawh ka ring lo zawk.

“LALPA,eng tin nge i awm?” min rawn kuah a, nemsawn tur pawn tha ka nei lo,a darah ka khabe ka nghat a, min kuahna erawh kuah let ve lo in ka kut ka dah zawi thla tawp thung.

“I lo kal har hle mai..” ka ti sep a, ka ti tak tak, Nathan-a nen kan buai hnu khan a lo kal mai ka beisei a, mahse, a lo kal lo,min biak tum chuan min rawn call zauh zauh, ka buai thu ka hrilh ringawt zel a, eng ang tak a buai nge ka nih en tum in a lo kal ka lo beisei a, a lo kal ngai miah lo kha ka lo vui lek lek zawk.

“Nimin ah ka lo haw chiah a, chuan, engmah chanchin ka hre lo, Dawr ah ka lo kal a, tunkar i la kal miah lo an lo ti a, i damlo ami ka tih leh aih an ti bawk si” ati leh a,nia, ka taksa a dam,ka rilru zawk a damlo.

“Ka dam alawm” ka ti leh a, min kuahna a thlah a, min kai a, amah ngheng in ka kal tawk tawk ani ber,Sofa ah min thutpui a, inchhung a melh kual a, ka lo ip chawih mai,engkim mai a thal rem rum mai bawk nen, hmuhthlak a awm miah lo.

“Ngatinge ti hian i awm?”
“Enteh, engmah i la hre lo tak tak ami?” ka ti leh sep a, a lu a thing a,

“Nathan-a....” ka ngawi leh rih a, sawi tur ani em ka hre lo.

“Nathan-a bawk chu, engtin nge a lo tih leh tak che?” ati hmak a,za lo zet in ka nui a,

“Engmah a ti lo,amah kha maw ka Unaupa anih kha..” ka sawi zawh rual in a nui hawk bawk.

“Eng maw?” a mitmeng a nuih zatna lang chu ka en a, ka dem hauh lo.

“Ka Pa fa alo ni asin, ani pawn a hriatna ala rei lo..”a lo tawng tum chu ka khap a,

“Ka pa in fa hmasa a nei tih ka hre lo, mahse, Nupui hmasa a nei a, ka nu khan a lan tih chu ka hre ve,ka zak em em a, sawi pawh ka sawi chhuak ngai lo...chuan,khang hun kha a liam a, ka pa pawh a thi tawh a, ka nu pawh a thi tawh,ka nu thil tih avang khan kei hian ka tuar nasa a, hmuhsitna tinreng ka phur a, chuvang tak chuan Nathan-an min duh tih ka hriat hmasak ber pawh khan ka chhang let ngam lo, engmah chhan dang a awmlo, ka nu ang bawk a mi pasal neihsak kha ka hlauh ber ani tlat, mahse, Mamuani nen an inthen a, inthiam lohna nei hauh lo a ka duhna ka tihlan hnu ah hetiang thil hian min rawn deng leh a....” ka tawng hnem lutuk a, ka thaw a chham lo chauh, ka khuh kharh a, ka hnungah a rawn chul a,

“Tui ka rawn lak ang che” a tho a, choka lam a pan a, ka hrehawmna midang bul a sawi hi a tulna a awm lo maithei,a hma khan Atea pawh ka ring lo hman lek lek kha ania, mahse, tunah chuan ani aia rin tur dang ka neih ka hre tawh lo,Rinzuali bulah ka sawi chuan ngawi thei lo in a puak keh pui ang, Sangpuii lah hetiang hrilh tur chi ah ka ngai lo, ka nun chhung ril ber a harsatna te ka thlen theihna chu Atea chiah hi ani tawh thin a, tunthleng pawn ala ni ta fan anih hi.

Tui nen a rawn let leh a, ka kut ah a rawn hmehbel a, ka in khawlh khawlh mai,ka bulah a rawn thu leh a,

“Sawi tawh loh i duh chuan ka zawt lui lo che ania” zaidam tak in a ti a,ka ring thlap bawk,

“Eng nge ka tihtur ka hre lo a, engmah i hre lo tak tak ami?” ka ti leh a, a thle bak a.

“Hre lo tak tak,mahse, Colleen-i khan a u an manganpui tih a sawi a” ati leh a.
“Engtizawng in?” ka chhungril a fan lo thei lo,ka unaupa ang in ka enthei lo,engtikah nge ka u tiin ka pawm ang ka hre lo, ka pawm kher lo zawk maithei.

“Zu a in nasa ati a, bakah In ah haw lo in ama in ah a khawsa lui tlat bawk a,unau na na na chu ro chungchangah buai deuh mahse Colleen-i pawh a mangang viau tho mai” ati leh a.

“Ngatinge ro chungchang ah hian buaina an neih ka hrethiam lo, Fapa mal ani a, engkim a nei mai tur ani dawn lo ami?” ka ti sep a, ka hrethiam lo tak tak,kei hi nu leh pa karah seilian in Nuta nei ve ta ila engmah ka chan tur ah ka dah lo ang, beisei pawh ka beisei ka ringlo zawk.

“Nathan-a hi a Pa fa ani si lo alawm,hei vang tak hian buaina a awm lo thei lo” ati leh a, animahna..

“Chu pawh nise..” ka ti leh a,a hnar a tum dat a..

“Colleen-i hian a u hi a ngaisang a, a ring bawk, mahse, kan pahnih inkarah khan Nathan-a hi a lo inrawlh a, kan naute kha kan chan bawk a, khatak kha Colleen-i hian a ngaidam thei lo,an thilneih tam zawk hi Nathan-a pu khan Nathan-a hming in dah mahse Colleen-i hi engkim a tuina kalsan a chhungkaw sumdawnna a buai ani a, a chan ve tur awm in a hria ani maithei..”ati leh a, ka hrethiam chiah chuang lo..

“Kan naute kha mipa dang in fa ang in an pawm tih ka hriat khan keimah ah Nathan-a huatna hi a thanglian ve ta chiah, Colleen-i nen kan boruak vel avang khan ka pa in min thawn bo hmak bawk si,ka let leh chuan Pasal a lo nei tawh a, mahse,nau a chhiat a, a chhiat hnu lawk ah an inthen zui ta bawk, ka nun a ruak em em a, beidawnna nen ka hun ka hman laiin ka tawng ta chiah bawk che a” a nui sak a, thil kal tawh ngaihtuah tih hriat zet hian hmalam a en vang vang bawk, zawi zet in kan thutna Sofa ban nghengin ka mu a,kei chiah hi na tuar leh beidawng ka lo ni tawp lo.

“A na ngawt ang tiraw?,Moses-a lah hi ka fa ngei a lo ni a, mahse, tunah chuan ka fa ani tih pawh ka sawi chhuak ngam tawh dawn si lo” ka mittui a rawn tla a, ka bek ah a luang thla a, a vawt thla ngiai ngiai mai.
“Na tak ani,sawi mai hian a fiah zo miah lo” a hmai a hup vang vang bawk.

“Mahse, ngatinge Nathan-a hian fa neih kher a mamawh?”ka ti leh a,

“Ro chungchang bawk, Fapa a nei lo anih chuan a chanpual thenkhat kha a chan dawn a, Colleen-i khan a nei anih chuan a neih na chance a awm thung a,an chhungkua hi i rin ang anni lo ang, a tam lutuk” ati leh halh a, ni e, ka ring e, Mamuani sawi ang chiah khan hausak hi buaina tho a lo ni, Malsawmna a nih rual in inchuh tham ro neih chu buaina lianpui ani tho.

“Chaw ei la...” thildang sawi ka duh tawh, an chhungkaw buaina lam ka hriat tam poh leh amah ka ngaihtuahna ah a lang nasa ting mai,ka unau ang in ngaihtuah thei tal ila chuan a ziaawm mahna.

“Ka hman angem ka hre lo,eee,tihdan ka hria, ka tihtur ka va tifel ang a, ka rawn let leh ang, mahse, ka kal hma in eitur ka siamsak hmasa dawn che em? Chuan ka lo let leh hunah chawei turin chhuak zawk ila..” phur sarh hian a ti a, ka pawm zawng tak, hetiang a ka awm ngawt hian engmah tih theih ka nei lo,ka inti hrehawm thlawn mai mai zawk, nun bul tan that ka mamawh.

“Aih, keimah in ka lo insiam mai ang, bakah inchhung pawh hi tihfel angai a..” ka ti a, a hawi kual a, a bu nghauh a,

“Nia, thlipui nuai hrep hnu a ang khawp mai” a nui hak hak a,a tho a, Kawngkhar lam a pan a,a rawn hawi let leh rih a,

“In hi ka tihfel pui hmasa dawn che mi niang?” ati leh a, ka lu ka thing a,chu em em zawng angai lo, ka tih hnawk ani a, he ta tang ngei hian bul ka tan ang.

“Ok, atha,anih chuan ka kal ang,mahse, thil ei ngei ngei ang che,tlem tal pawh, tamchhawl a thi mai tur i ang ania” ati leh a, a nui var var bawk.

Atea kal hnu ah eitur ka dap a, Fridge ah eitur tlem a awm a, ka ei zo nghal vek, ka ril lo tam zia ka hrechhuak chiah bawk,muangchangin In ka tifel leh a, ka inhnawk ka then fai ang chiah hian hmalam pan a kal turin ka kawng hnawk ka thenfai angai, Nathan-a nen kan nun kha chu a kal liam tawh,khawiah pawh hmu ila ka tan chuan unaupa ani a, chutiang chiah chuan en ka tum bawk tur ani.

Ka inbual a, Atea ka lo ring lo hman kha ka inthiam thei lo, keimah ang bawk in a Hmangaih tak nen buaina an nei a, rilru hahna tur a ngah em em tih lam ka lo ngaihtuah pui miah lo zawk

“Tunah chuan Mal-i pangngai kha ka hmu leh ta alawm” a rawn let leh veleh a ti a, amah si chet in min kuah vang vang bawk,mahse, Nulat tlangval lam erawh a kawk hauh lo,ani hi ka unau lo nizawk se chu lawm in ka zuang mai tur ka ti ru vawng vawng mai.

“Ka lawm e,karkhat zet mumal nei lo a ka inkhungbo hnu ah vawiin hian nangmah vang liau liau in nun leh chakna ka nei ,ka ti tak tak” ka ti a, a nui hak hak a, tu te pawn fakna ri kan lawm vek,kei ngei pawh ka ni tho, mahse, Atea hnen a ka sawi hi chu fakna mai ni lo in ka rilru diktak ka sawi ani zawk.

“Kal ang,kei pawh nangmah vang a nun leh chak a fight ve tho ka nih hi, vawiin atangin nunbul tan tha la, i hma ah engpawh thleng se pawmthiam i tum dawn nia” ati leh a,a sawi dik tih ka hria,ni e, keiman ka nun hi ka siamtha thei,tuman min siamthat sak dawn lo, eng ang a rei pawh thil thleng tur hi bihruksan tum thin mah ila thil theih loh hulhual ani a, kan hawi chhuah hun hun ah kan hmachhawn dawn tho tho bawk.

Kan kalna tur ka zawt a, a nui mai mai,ka zawt nawn peih ta lo,ka beisei loh zet in Zemabawk lamah min hruai zel a,Falkland ah min pen pui a, ka thaw hak mai,he lai hmun hi ka ngaina a kal pawh ka kal nasa thin,mahse, engtik lai tang khan nge ka tlawh tak loh ka hre lo,

“Tah khan ding lawk teh” ka ti a, Aizawl khawpui pe tuar mai lan chian na hmun ani a, Kawngsir ah Motor a dah a,Motor dang pawh an awm ve bawk,Motor atangin ka chhuak a, kan hma lam a light pe tuar mai chu ka thlir a, thli in ka sam a chhem leng dar dar bawk,ka bulah a rawn ding ve a,

“Helai hmun hi a nuam ngawt mai” ati satliah a, ka pawm thlap, he lai aia Aizawl khawpui lan nalhna hmun hi a awmlo, mahse,zan lamah chiah, chhun ah chuan hlauhawm tak tak a insak a ther fur a, mawina reng reng a neilo, fimkhur lo tak in hmunawl apiangah In kan sa a, kan himna tur anih leh nih loh pawh kan ngaihtuah tawh thin lo, sum kan nei a, kan awmna tur atan nilo,midang luah hawh turin hmun hlauhawm tak tak ah In lian leh rit pui pui kan sa a, a tawp ah khuarel chhiatna kan puh a, nunna kan chan leh a,engtikah tak harh chhuak ang i maw?

“Khawiah nge chaw kan ei dawn a?” ka ti a, helamah chawei na tur hmun a awm pawh ka hre si lo.

“I hre mai ang ka tih kha, hmunthar nuam zet a awm alawm” ati a, a ngaihtuah vang vang pawn ka hrechhuak zo lo, khawpui chhung a mi ho hi chu ka hre thum thung.

“Kal ila,kan chawei hun tur kha dar 8 ah ania ka hauh lawk” ati a, Motor lam ka pan a, helai hmun a Nathan-a nen kan inhmuh tum kha ka hrechhuak a, ka ngai vawng vawng mai.

Kan chaweina tur hmun kan thlen chuan ka thaw hawk mai, a Romantic tih piah lam ani,khawpui chhung a Restaurant dang te ang lo tak in Motor dahna tur a awm tha a, a kawtah Thingkung lian lo te te uluk tak a enkawl tih hriat zet hi a tlar thap bawk,a chhung kan lut a, pawnlam ai pawn min la hip zawk cheu, keimah chauh pawn ka kal fo dawn tih ka hre nghal mai bawk.

“Engtin nge helai hmun nuam lutuk hi i hmuh chhuah a?” nui chung in ka ti a, an thilsiam tui zia pawh sawi ngaihna ka hre lo,ka Plate ka nawrsawn a.

“A neitunu hi ka thiannu alawm,nuam i ti chu ka lawm ,bakah i ei tha khawp mai” min fiam tih ka hria,mahse, a sawi dik, ei hnem tak ka ni.

“keimah chiah pawn ka kal leh dawn tih ka hre nghal mai” ka ti a,

“Um, vawiin kha chuan Mihring ni lo in ramhuai i ang zawk alawm, i sam a pawr phung a, i var pup bawk si”a nui leh hak hak mai.

“Sawi tawh lo ang,khang te chu a liam vek mai ang” ka ti a, liam vek se ka ti hluah hluah, ka beisei bawk.

Tunah chuan ka nun pawh a ziawm ta viau, nitin hma ka sawn zel a, thil thleng kha ka theihnghilh ani lo, mahse, tuman an hre ve lo anih ka ring, sawi an awm lo, Nathan-a khan a lo kal thin ang ati ngei a, mahse, a lo la kal leh miah lo, ka lawm zawk, ka mamawh lo a, amah kha engtiklai mah in ka unau anih hma pawn ka mamwh lo tih inrin tir ka tum a, ka unau pa ani tih ka hriat tak avang in a hausakna engmah ka mamawh hek lo.

Party na ah khan chiang tak in Colleen-i khan ka nihna a sawi a, mi in min sawi zui dan erawh ka ngaipawimawh lo, ka hriat belh zel dan in kei chauh lo pawh hi Mizo zingah mi fa pai in an lo inhlawh ve tho tih ka hria a, kei phei chu duhthlang thei lo khawp a dinhmun chep a ka din vang ani pakhat bawk,ka phone a ri a, en lo in ka ban a, number ringawt.

“Hello..” ka thil en lai ka en pah reng tho.

“Mambawih, tlai ah chaw rawn ei ta che, I pu hian a ngai deuh che a..” Pi sangi a lo ni a, Putea natna avang khan ka chhungte ka pawh leh ta viau,mahse, Pi Sangi hi chu ka ngaina thei chuang lo.

“Ka hman ka van ring lo” ka ti a,mahse, nuam ka ti chiah lo.

“Lo kal hma vak angai hleinem,lo kal rawh, kan ngai che alawm”a rawn ti leh a, hnial leh ka tum zet a, nuam ka ti tawh lo.

“Aw, lo kal ka lo tum ang” ka ti ta nge nge,ka chhungte an ni tho a, tlawh chak lo in ngaina lo mah ila ka nu unau dam chhun ani tawh a, kal a tha zawk ang.

Tlai thim hma in ka thleng a, Pi Sangi leh ka pu an lo awm a,an fate an lo la haw lo thung,min lo lawm chul bawk,Ka pu bulah ka thu a, pa tawng duh tak ani lem lo nangin a ti ti ve tlat, hmelah phei chuan ka nu nen an in ang ber bawk.

“I nu kha ka ngai thin, ka duat em em bawk a, mahse, khatiang thil a tih takah khan ka hawisan ta deuh..” ati a, hrethiam chiah lo in ka en a.

“Engthil maw?” ka ti a,

“I pa a neih kha mawle, mahse, a rei hnu leh nang i lo pian hnu kha chuan ka ngaidam ni lo in ka farnu neihchhun ani bawk a, ka rawn tlawh pawh leh ta tho che u” ati leh a, thil hriat chhuah ka nei,Nathan-a chungchang a hre tur ani.

“Kan in kha lei let leh ka tum a, mahse, Putea ber a awm tawh lo a, tu hnenah nge a hralh ka hre lo a” ka ti a, vawitam tak ka kal a, Gate an siamtha tawh a, Gate pawn ah dingin ka thlir fo bawk.

“I pa fa hmasa khan a lei let leh an tih kha mawle,mahse, engmah ka hre ve chiah lo, i putea tih vel kha ania” ati hmuk a, lawm vak lo a ang,engvang a hralh kher nge annih ka hre lo.

“Anih chu mawle, lei let leh duh mah ila a khirh talh dawn anih chu” pangngai thei ang ber in ka ti leh a, a bu nghut a,

“Nia, hralh kher a tul lo ka tih pawn a hralh ta tho a, mahse, I putea sawi ka hriat dan khan i hmingin a man chanve kha an dah in ka va hre ve” min rawn en a,ani pawn a sawi veleh ta,mahse, tunah chuan kha pawisa chungchang kha ka ngaihdan a dang tawh,Nathan-a pawn a pa fanu ka nih na angin kha In man kha ka neih turin a dah ani tih ka hrethiam tawh, rilru tenawm pu ah ka lo ngai a, alo ni lo twp ang.

“Aaaa, chutiang engmah ka hre lo,bakah ka mamawh lo” ka ti hmak a, ka duh aiin ka aw a chang hret bawk.

Pi Sangi a rawn lut a, an fate an lo haw khawm ta bawk nen chaw kan ei a, engmah sawi na hun a awm leh ta lo, mahse, ka hriat duh chu ka hre ta tho, Nathan-a hi ka unaupa ngei tih a chiang tawh,amah pawh hmu ila a that ka ring, mahse, a In ah nge a awm a Nu te In ah ka hre si lo,Atea zawh ka ngai ang.

Ka haw pah in Nathan-a in bulah ka ding vang vang a,ka kal ang nge kal lo ang tih ka ngaihtuah a, kal a that ka ring, Step ah ka chho a,ka huphurh na leh ka hmuh chakna a inchen reng,a In ka thleng chho a, a lo in kalh thap mai.Hetah chuan a khawsa tawh lo ani ngei ang, mak ka ti lo, In lian leh nuam zet a nei a,chumai bakah kan In pawh a ta ani tawh a, a duh duh na ah a kal thei.

“I buai em?” Atea ka call a, a buai loh thu a rawn sawi a,

“Eng nge ni ta?” Music ri ruai ruai ka hre thei bawk.

“Khawnge i awm a?” ka ti leh rih a,

“Party, ka rawn sawm dawn che a, i Phone a in off tlat a” a tawng danah ruih nei a ang hle bawk.

“Naah, ka Kal peih teuh lo, englo ania,Nathan-a hi khawnge a awm le?,an In ah nge ama In ah?” ka ti leh a,

“Khawiah mah” hrethiam lo in ka phone ka melh vak ringawt,engvang a rui viau nge maw anih hrep ni??

“Eng nge i sawi awmzia?” ka ti leh tho.

“Ka sawi awmzia chu maw hetah a awm ve, chuan, a rui chhe hle bawk” a nui a, ka lungphu a rang nghal dawt dawt mai.

“Khawiah nge in awm na lai tak?” ka ti leh a,an awmna a rawn sawi a, ka thawmhnaw ka la thlak lo a, kal ve mai ka duh ,mahse sawm ve loh a kal ngawt chi ani silo.

“I lo kal ve dawn mi?” a rawn ti leh a,ka lu ka thing a, a hmu thei lo tih ka ngaihtuah leh a, ka nui leh rih a.

“Aih, kal dawn lo e,ka zawt mai mai che, anih phawt” ka Off a, engvang a rui chiam chiam nge maw anih le?,kei hmeichhia zawk pawn ka tuar thei anih chuan ani Mipa ah pawh luhlul leh ngeng lutuk khan tuar chhuak thei tur ani asin le.

Ka Phone a rawn ri a, Atea bak anih ka ring lo nui chungin ka la a, mahse ani lo,number ka la hriat loh ani tlat.

“Hello..” ka ti a,
“Mal-i, keimah Nathan-a nu” ka phu dawrh mai ,ka beisei lo tih piahlam ani, inbiakna chhan tur reng reng kan neih ka hre lo.

“Oh, aw, nang maw?, eng nge nita?” ka ti bah nawk mai.

“Eng ni lo e, naktuk ah Lunch ei dun i hman angem ka rawn ti a” dam thlap hian a rawn ti a, ahma pawh khan ka zah em em thin a, tunah phei chuan Ka nu in a chung a a thil tih avang khan ka zah lehzual a, hmuh ka hreh em em bawk.

“Aw, hman ka lo tum dawn nia” ka ti ta tho,thil thleng tur apiang hmachhawn ka duh tlat tawh, hreh em em mah ila hriattur awm apiang hriat duhna in ka khat rih zawk,kan inhmuhna hmun tur a rawn sawi a, hun ka pek theih avangin lawmthu min hrilh thlap bawk,Moses-a dam leh dam loh zawh ka duh a, mahse, ka ngam ta ngang lo.

Atuk chhun ah kan inhmuhna hmun turah a hun hma in ka thleng a, eng chungchang nge kan sawidawn hre lo mah ila thil lawmawm lam ani dawn lo ang tih ka ring thung,ka thlen hnu lawkah a rawn thleng ve a, nidang ang bawk in a nalh thlarh a, a zahawm em em bawk.

“I thlenna a rei tawh em?’ rawn thut ve pah in a ti a, ka lu ka thing a, tawng mai ka tum a, ka tawng ri hleithei lo, Ka nu vang bawk in ka zam tha leh a, a lo nat tawh na leh a Pasal chhuhsak anih lai tur te, In atang a hnawh chhuah anih lai a a bul a a Pasal nupui thar lo awm ve tur te nen, ka khur dar dar mai.
“I dam tha em?” ka awmdan hrethiam niawm tak hian a ti leh a.
“Aw, tha e,nangni zawk?” ka ti a, langsar tak in Moses-a chungchang ka zawt ngam lo, Colleen-i lah kan buai hnu khan hmun dangah a awm ta daih tih ka hre sa bawk.

“Kan tha e,Eitur lo chah la,englo ania, ka awmrei hman lo a ka sawi nghal mai ang aw” ati a,a ei duh zawng ka zawt a, ka ei ang ang a duh ve tih a sawi mai,ka nu let tamtak in a tha zawk si a, engtin nge a Pasal, ka pa ngei khan a kalsan phal zawk le?

“Moses-a chungchang hi engkim ka hria,i Fapa ani tih pawh, ka hriatna min zawt suh,a pawimawh lo,chuan,Mama nen in inkar pawh ka hria, nangmah vang a a chhiat nasat zia pawh..” tunah chuan nu zahawm satliah ani ta lo, a inringtawk tih a tawng danah a hriat theih bawk,nidang a ka la hmuh ngai hauh loh a hmelah ka hmu a, chu chu engdang anilo, Nathan-a ang chiah in a hlauhawm takzet.

“Ih, englo, ka thiamloh anih rual in amah pawh ani tho a,aaa, engtin nge ka sawi ang ka hre lo..” ka ti sep a, ka tawng ri chang chang ani ber.

“Tu nge i nih ka hria,i nu ka hria,i Pa pawh ka hria” ka tui in lai ka hak lo chauh.

“Min ngaidam rawh..” ka ti thei hram,a nui sak a, mahse, a mit ah a nuihzat lo zia alang chiang em em thung.

“Ngaihdam ngaiin engmah i tisual lo,ka duh ber chu Mama hi mi pangngaiah siam leh rawh” nghet charh in a ti a, kei erawh chuan mak ti lutuk in ka en thung, entin nge unau kan ni tih hrereng si in hetiang a sawi theih ka hre lo.

“Ka thei lo, a chhan chu i hria i tih kha..”

“Aih, ka hre miah lo, tu nge i nih ka hre ringawt,i hriat loh thil ala awm cheu ania” ati leh a,ka kut ka humruh a.
“Engmah hriat belh ka duh tawh in ka ring lo” ka ti sep a,ka in control hle chung pawn ka aw a khur dar dar mai.

“I duh emaw duh lo emaw i hriat angai, Nathan-a hi ka fapa ani a, i Pa fa erawh ani ve lo”mak ti lutuk in ka en a, thil theih loh hulhual ani...mawl hmel zet in ka nui hawk bawk.

“Maw?!”

“I pa nen kan inneih hma khan Nurse naupang te ka ni a, Nathan-a hi ka thawhna khua a lo zin tur accident avang a Boral te fa ka lak anih hi, mahse,he thu hi keimah chiah in ka hria, i sawi chhuak anih chuan ka Fapa ai hian ka nasa ang tih hre reng ang che...”

Chapter – 29

Ka che thei lo,ka melh ngawt ngawt a, hetiang hi thil thleng thei ah ka ngai lo.

“Ka hresual em?,tunlai chu thu thinthawng deuh ka hre tam lutuk a..” ka ti a, mahse, a hmelah a sawi mai mai lo tih a lang reng mai.

“Hre sual lo, he thil hi tuman an hriat ka duh lo,Mama chu i kut ah ka dah,nangman lo chingfel ang che” ngenna lam anilo, thupek ani zawk.

“Mahse, keiin engtin nge ka tih ang?” mangang zet hian ka ti a, Unau kan ni lo tih ka hriat khan thawveng hawk tur ka nih tehlul nen,ka thawveng chuang miah lo, min thawng lutuk a,lawm dan tur ka thiam lo ani mah zawk.

“Kha chu nangman i ngaihtuah ve ang chu,engpawh nise,ka Thisen a ka hrin anih leh nih loh ka ngaipawimawh lo, ka hriat zawng chu ka Fapa ani tih animai..” ati leh charh a, a tawngkam chhuak dam dap mahse a inringtawk tih a hriat a, nu zaidam leh nunnem tak emaw ka tih kha anih loh zia ka hmu chiang ngang mai.

“Aw,ih...mahse,..” a kut in ka tawng tum chu min rawn khap leh a,

“A thawng che tih ka hria, tunah mai chingfel rawh ka ti lo, in ngaihtuah fim la eng hun pawh nise ka fapa pangngai kha ka duh leh,i duh duh hmanrua hmang la pawi ka ti lo”ati leh a, ka bu ringawt, kan eitur a rawn thleng a, a tui leh tui loh pawh hre lo in ka ei liam vel mai mai.

In lam pan lo in Nathan-a min hruai tawh na Muthi lam ka pan a, a lo awm ka beisei lo,lo awm pawh nise anih nih kan ni mai ang chu ka ti rilru a,theihtawp a au vak vak na hmun tur ka mamawh, tun a ka buaina ah hi chuan Atea pawn min pui thei dawn der si lo,Rinzuali ka rilru ah a lo lang a, ani pawh a chi chuang lo,tun hi chu keima mimal a ka beih hun ani tawh, tuman min pui thei dawn lo,Nathan-a neih let leh ka duh anih chuan ka huaisenna zawng zawng nen kan Pa a in ang lo tih ka hrilh angai ang,na ati ngei ang, chutak chu paltlang tur in a bulah ka awm angai thung ang.

Tu nge a Pa a hre duh dawn ngei,engtin nge ka chhan ang ka hre lo.Anu lah khan unau kan ni lo tih bak sawi phal na min pe si lo,mahse, kei ai chuan a vannei zawk, a Pa tak tak in kei ang in a kalsan ve tlat lo.

Motor ka ti ding a, Phul rai dup mai chu ka pan hnai a, Ni a la sang deuh a, a eng nalh takzet,thli a thaw heuh heuh a, ka kal hmasak a ka thutna ngai bawk ka pan a, a hmawr ah ka ding a, thlang lam kham bung vut mai chu ka en thla a, thawm engmah awm lo in a reh vawng vawng mai,ka tawlh hnung leh a, ka ban ka phar a, ka theih tawp takmeuh in awmze nei miah lo in ka au vak bawk,mahse engmah ka nih phah lo,ka thawpik dan angai reng, ka au leh a, tumah he lai hmunah hian an lo kal ve dawn lo, Nathan-a khan ‘ka ta bik’ ati a, a kawng chul riap maiah khan tlawh pawh ngai loh hmun ani tih alang reng bawk,Nathan-a ngei pawn tunhnaiah chuan a tlawh ngai lo tih alang reng.

Ka thusawp a, van lam ka en a, chhum var thianghlim zet hi an leng delh delh a,Ka pa khan min thlir reng in ka hre ta tlat bawk.

“Pa, enteh,i Fanu hi min hmu tiraw?,ka lian tawh a, tunah chuan ka puitling tawh , Hmangaih pawh ka nei asin ,tu nge i hria em? I hria asin, i Fapa Nathan-a kha...chuan kan pahnih in fa pawh kan nei asin,i awmna atang khan min thlir tih ka hria,i thiltih sual avang a i Fa te pahnih nun chhe lai pawh hi i hmu tiraw?..”ka au ring tial tial a, ka chhuahchhal ani ber,a thiltihsual avang a ka nun hi chhia ani a, amah awm tawh lo mahse a thlarau tal ka hrilh angai, ka duhtawk ka sawi zawh meuh chuan ka thawveng hawk mai,ka sam thli in a chhem leng dawr dawr a,ka mittui erawh a hul hlauh thung.

“Haw tawh ila....” ka phu nasa lutuk,ka tla thla thelh bawk, muangchangin ka hawilet a, Nathan-a lo ding reng chu ka en a, engtiklai in nge a lo kal ka hre lo,ka thilsawi zawng zawng kha ahria em ka hre hek lo,a hmel tak leh rum ul maiah chuan engmah ka hre thei lo,a hria anih pawn a ti lang eih lo.

“I lo kal tih ka lo hre miah lo a..” ka ti a, ka dinna atang a chhuk pawh ka tum chuang lo.

“Nia, i hre lo..” a then suk a, ka In a chhuahsan hnu khan ka hmu leh ta lo,a hmel a pawr fap mai,a mitmeng lian leh thuk ruih kha ala ngai reng a, mahse, a hma aiin a nelawm lo zual ta, a inzuah buk chhur bawk, a hma pawh khan a nelawm lo sa tawh a, tunah phei chuan hlauhawm tak ani.

“I dam tha em?’ ka ti leh a, a thle buk a.

“Ka tha,min ngaihsak lo hle mai” ati leh a,chhan mai na tur ka hre lo,engtia ngaihsak tur in nge min beisei ka hre si lo.

“Sorry, lo kal chu ka duh reng a...” sawi zawm leh tur hre lo in ka ngawi leh a.

“I duh reng a, i lo kal chuang lo a” ati leh hmuk a, chhan ngaihna ka hre lo.

A kut a rawn phar a, va vawn mai ka tum a,ka tim leh a,

“Engmah ka ti dawn lo, ka vuan ringawt ang che” ati leh hmuk a, ka la che chuang lo.

“Ok, ka hrethiam che, i unaupa ka ni tih i hriat hnu ah chuan sik pawh min si duh lo tih ka hre mai “ ati leh a, a inher a,

“Nathan...chutiang ani lo” mangang zet hian ka ti a, engtin nge hetiang chuan min rin theih ang?,A nu khan a fapa pangngai pe let tur khan min ngen anih kha..

“Sawifiah angai lo,haw tawh ang” rawn hawi let chuang lo in a ti leh hluk a, hmanhmawh zet in ka awmna mualpawng deuh atang chuan ka chhuk thla a, mahse, phul a lo nal deuh bawk nen ka tla thla hnawk a, ka rak thawt bawk,thawh leh nghal mai ka tum a, ka thei der lo.

“A na em?” a rawn kun a, a lo thlen lai ka hre lo.

“Ka hre bik lo,ka ke a ulh in ka hria..” ka ke rek a na nghal ngut ngut bawk.

“Khawi lam nge?” ati leh a,a na lam ka kawk a, a kut zungtang lian leh seithlurh chuan a rawn tawk a, ka thaw tha thei lo.

“I rap lek anih ka ring, min kuah rawh” ati sup a, phawk deuh hian ka en a.

“I kut ka lo vuan mai ang, chuan Motor thleng chu ka kal thei mai ang’ mangang ru deuh hian ka ti a, inhnaih tak a kan awm chuan ka insum zo dawn lo tih ka hria, ka unaupa anilo tih kei in hre mah ila ani’n a la hre ve tlat si lo.Tu nge apa min zawt ngei dawn a, ka chhang thei dawn lo tih ka hria, chuvang tak in ka la hrilh ngam der bawk si lo.

Ka inrin hma in min pawm kang nawlh a, ka te leh that a, mahse, tlak hlau in a nghawngah ka kuah ta tho,zo zet hian min kalpui a, ka cher lem lo,thau tak erawh ka ni lo.Ka Motor hnungah a Motor a lo dah a, Mipa pakhat hi rang fe in a rawn chhuak a,a hma in ka hmuh ka la hre lo,lo in pawm tak ur mai chu ka zak deuh bawk.

“Zira, ka Motor kha rawn khalh haw rawh, kei chu hei hi ka rawn khalh angai” nelawmna tel map lo hian a ti ,ka Car ka kalh lo a, a pawt hawng a, a hma ah min nghat a,rawn lut mai lo in a Motor lam a pan leh rih a.

Ka hnial hle chung in Damdawiin ah min hruai ta tho, vanneihthlak zet in a ruh a lo khawih lo hlauh bawk, mahse, ka tih chet an hlauh avangin an cher khawng vek thung.

“Awmpui i nei em?” a ti sup a, ka lu ka thing a, tu nge awmpui se min tih reng reng??!!

“Nangmah chuan engmah i siam thei dawn miah lo..” ati leh nghut a.

“Min ngaihtuah suh, ka in enkawl thei alawm”ka ti a, a ner nawk ka hmu hman tho.

“Ka lo ngaihtuah ang” ati leh a, eng nge a ngaihtuah dawn ka hre hauh lo,Motor lam pan a min pawm leh a tum chu a hnial a, ka ruh a tliak em pawh ani lo a, mi in unau kan ni tih an hre bawk si lo, thil nuam a ni lo.

“Khawnge kan kal dawn?” ka In kawngah kan kal lo.

“Ka In ah.” Phawk deuh hian ka en a..

“Ka duh lo,ka in enkawl thei ka tih kha..”

“Min mamawh hun apiangah ka awm ang ka tih kha,ngawi mai mai teh” ati duh lek,hnial awmzia a awm dawn lo tih ka hria, ngawi reng in ka thu ta hle hle.

Motor a tih din meuh chuan sawi tur hre lo in ka ang pham mai,Kan In bulah kan ding a, a eng iar bawk,chet mai na chang hre lo in ka en reng ringawt, enkawl uluk tih hriat zet hian a eng iar a, tu emaw chu an khawsa tih hai rual ani lo,Nathan-a ka en a,

“Hetah hian i cheng ami?” ka aw a lawi rat mai.

“Cheng chiah lo,enkawltu ka dah,i ta tur tho ania, tunah hian awm mai la a tha in ka hria” ka lungphu a chawl a, ka thisen kal a tawp thup in ka hre bawk.

“Nathan...” ka ti ringawt,sawi zawm tur ber pawh ka hre lo.

“Um, i ta, i In anih hi, pek let che ka tum sa hrim hrim,lut ila,mahse, kei chu ka kal lehnghal ang” ati a, a awmzia ka hre miah lo.

Ka chhan hma in a chhuk a, ka thutna lam a rawn pan a, kawngkhar a rawn hawng a, ka kut a rawn vuan a, ka chhuk tur min puih a tum tih ka hria, kei hi ka dik lo, ani hi chuan a Farnu ah min pawm thlap ani ngei ang,rilru tluang tak pu in Ka In pawh hi min pek let leh a tum tih ka hai lo.

Hmeichhe pakhat, tlem a upa lam deuh hi a rawn chhuak thuai a, Pasal nei lai anih loh pawn nula senior tak ani ngei ang,Nathan-a ai pawn alang upa zawk,

“Nathan- eng ti zia nge?” a rawn ti chul a,an in hriat that hmel viau mai.

“A ke ati na a,hetah zan in chu a riak ang” ati hmuk a,

Ka nu Boral hnu ah a vawikhatnan kan In ngei ah ka let leh ta,ka mumang a ang ber,

“Mate, i Room ngai kha tlem in ka siam that tir a,i duh leh Room dang pawh i hmang thei a” ka hnungah a rawn ding a, Hmeichhia kha chu kan bulah a awm lo,kei erawh ka tawng chhuak thei lo, ka mittui a far zung zung a, ka hawi kual a, engkim mai ala ngai deuh vek a tih theih,tlem tlem chu a danglam ngei,mahse, a rawng te a step awmdan te ala ngai vek,he In ah hian ka tlan kual a,ka infiam a, nuam ti tak leh thlamuang tak in ka khawsa thin anih kha, a chang in ka nu leh ka pa in hau thin mahse hei aia hmun nuam ka hre ngai lo kha ania, tunah chuan Ka nu a awm tawh lo a, ka Pa lah a awm tawh hek lo.

“Ka Room ah chuan awm ka duh ang ka ring” ka ti chhuak sep a,ka inrin hma in awlsam zet in min pawm kang leh nawlh a, duh lo a tal na hun pawh a awm lo.A dar in kawngkhar a nek hawng a,ka tih danglam tir ti mahse avaiin ala ngai vek in ka hre thung, ka khum a lian tawh zawk a, chu zawng chu animai.

“Nathan...ka lawm e aw” khumah min nghat a, a nghawng a ka kuahna ka thlah duh lo,

“A ho lutuk,tunah chuan thlamuang deuh in awm rawh, i thil lo chan tawh zawng zawng kha i nei let leh vek ang” ati sup a, a nghawng a ka kuahna phelh tum in ka ban a rawn vuan a,

“Ka hmangaih che” ka inring hman lo,a khawng nghal luh bawk.

“Ka ti tak tak, Nathan, ka hmangaih che” ka ti leh a.

“Chutiang sawi angai lo,ka kal a hun in ka hria” tawng a harsa a ti tih ka hai lo,a aw a khur ve tlat bawk.

“Ka lo nghak ang che,i lo let leh hma chuan tah hian ka lo awm ang” ka ti leh talh a,ka kuahna ka thlah a,a ding mar a,

“Engmah hi a harsa zawng in tih tum lo hram rawh” a hma a danglam a ka hriat kha a reh leh vek tawh.

“Nathan, chutiang ani miah lo,thil hrilh tur che ka nei zawk a” ka ti leh a, a kekawr ipte a zen a

“Ka lo let tawh rih lo ang, engmah ti lo in lo awm ang che, i mamawh chu Zuali khu lo hrilh zel ang che,chuan, i Car hi ka hmang lawk dawn ,zingah Driver in a rawn dah mai ang” ati leh hmuk a, a inher a, a chhuak zui nghal nal nal bawk.

Engtia han awm tur nge ka hrelo, ka In neih let tum a ka buaipui em em,tihngaihna ka hriat si loh kha ka ta ani ta thut a, Nathan-a lah ka unaupa ani leh bawk si lo, mahse, ka Unaupa anilo tih a hriat rual in In hi min laksak leh mai angem tih te ka ngaihtuah a,ka hawikual a, khum sir a Barbie ka dah khawm thin na kha a awm tawh lo a, khum leh Naute lem dahna inkarah khan thu in ka nu leh pa inhau thawm kha ka ngaithla thin a, hlauh avangin zun ka cheh fo bawk anih kha, tunah ka let leh ta a, khatiang thawm pawh khan ka khua a ti har lek lek hial mai,tunah chuan khatiang thawm kha hriat leh pawh tum ila khawvel ah an awm tawh der si lo.

Chawei tur min rawn pe a, kal thei lo tawp ka ni der si lo a, nuam ka ti chiah lo,

“Enteh, Nathan-a kha dar engzat ah nge a lo let leh ang?” a chhuak leh tur chu ka bia a, a rawn hawi let a,

“Ka hre miah lo” a nui var var bawk,

“A riak ngai lo ami?” ka ti leh a, a hmel buai deuh nak chu ka en a, ka tawngsual ka hre lo, nge he In ah hian nula dang alo hruai thin ka hre lo.

“Riak ngai lo, he In a lei tirh atang khan enkawltur in kan Nupa in kan lut a, kan fate School kalna tur a tum vek a, eng nge a tih lam ka lo ngaihven ngai lo” ati leh a, ka mit ka chhing a, chuti anih chuan kum 5 aia tam an cheng tawh tihna anih chu,ka kal fo a, ka lut ngai lo, Gate a in kalh reng thin a, cheng an awm lo emaw ka lo ti ringawt zel.

“Oh, anih chu mawle, ka lo hre ve pek lo, engmah min hrilh silo a’ ka ti a, nuam ka ti lo.

“A pawi hleinem, mamawh i neih chuan min rawn ko zel mai rawh” ati leh a.

“Aw, anih chu , ka lawm e,ka kal thei vek a, mahse, che rih lo tur in min ti bawk sia,ka tibuai hle mai che” ka ti leh a, a lu a thing a,

“A ho lutuk, he In enkawl hi ka hna ani a,Nathan-an tu pawh lo hruai lut se tha tak a lo enkawl hi ka hna alawm” ati a, ka na deuh zawk mai,’tu pawh’ atih danah khan kei lo pawh hruai lut fo a ang tlat.

“Ka lawm tak tak, chuan, khawi lai ber ah hian nge in chen a?” ka ti leh a,ka Room awmna leh Ka pa te Room awmna hi a chhawng chung ani a,a hnuai chiah ah Living Room leh Kitchen a awm a, a hma chuan kan awmpuinu Room a awm bawk thin a,a hnuai ber kha chu bungraw dah nan kan hmang thin, Inkualtelem in nileng leng in ka tawm bo thin a,lian pangngai tak ani tho bawk, chhungkaw member tam vak lo tan chuan luah atan a tawk viau.

“A hnuai berah khuan kan awm,mahse, helai pawh hi nitin kan tifai ziah tho” ati leh a,Dawhkanah lehkhathem a dah a,

“Kha kha ka number ania, mamawh i neih chuan min lo be dawn nia,chaw kha muangchang in ei rawh, i ei zawh ah min rawn hrilh mai dawn nia ”ati leh a, ka bu nghat a,a chhuak chu ka en a,ka mumang anilo tih ka inhrilh nawn fo ala tul dawn anih hmel.

Dar 11 hma chuan a lo let ta lo,Zuali sawi dan khan lo let a tum tawh lo zawk tak tak anih mahna,ka Phone ri in min ti harh a, phur zet in ka en a, mahse, Atea zawk a lo ni a, ka down rawih mai,

“Hello..” ka phur loh zia tih lan hlau zet in ka ti a.

“Khawnge i awm daih a?,tlaiah ka lo kal a, i awm lo a, in ah i awm lo a, dawr ah i awm bawk si lo” a rawn ti lawng lawng a, tihtur kan nei em tih ka ngaihtuah a, ka theihnghilh leh palh chuan a tih chi dawn miah lo.

“Ih, ka buai deuh lutuk a..” ka ti bah nawk mai, chhuanlam dang ka hre lo.

“Khawnge i awm ka tih chu mawle?” a rawn ti leh a,Sana ka en zauh a,dar 12 a hnai thuak tawh.

“Ka In ah..”muang ban chat in ka ti a.

“I in kawt ah ka awm, hei lo hi In dang i lo nei anih ngawt loh chuan..” a thinrim anih hmel ta.

“Ate,engkim hrilh thei che ila ka ti ,ka thei rih si lo” ka ti leh a,a ngawi deuh vang vang a.

“I awmna chiah ka hre duh” a aw a chang ta viau.

“Ka Naupan lai a ka In ah ka awm...” ka tawng leh hma in a rawn pawt chat a,

“Ka lo kal dawn mi?” a rawn ti a, mahse, ka hnial a, tunah a tlai tawh lutuk.

“Angai lo e,mahse, Naktuk zingah min rawn hruai la” ka ti a, a ‘aw’ ve mai bawk.

“Eeee, eng nge min lo biak chhan?” ka ti leh rih a,

‘Engvakmah, i awm lo rei lutuk a ka rilru i ti nuam lo mai mai,chuan, Nathan-a kha i Car in Party na ah a lo kal leh bawk sia” a rawn ti leh a, ka ngaihtuah a,Nathan-a khan a kal dawn khan ka Car hman min dil tih ka hrechhuak leh hnuhnawh a,mahse, Party na ah a kal dawn tih a sawi lo.

“Nia, ka tlu sual palh a, na vak chu anilo, ka ke artui hi tlem a na a, Nathan-an min thlah a, a Car a keng si lo a, ka hman tir anih kha” ka ti a, awlsam tak a sawiliam theih ka duh viau.

“Um ,i nat vak loh chuan a ziawm chu,i Unaupa chuan a enkawl tha ang che tih ka ring alawm” ngeiawm zet hian a nui huk huk a,ka nui ve ringawt bawk.

Zingah Driver in ka Motor a rawn dah a, Nathan-a hnenah khan a lo let hma chu ka ghak ang ka ti ngei a, mahse, haw ka duh ta zawk, ka ngen ang in min hruai haw nghal a, helai hmun hi nuam ka tih tur ang in nuam ka ti lo, Nathan-a biak ka duh a,ka Unaupa tak anilo tih ka hrilh nghal angai takzet.

“Nathan-a khan khawiahmah kal lo tur khan a ti che sia” Zuali’n ka kal hma in a rawn ti a,Room atangin Step ah ka bai thla a, min rawn pui vat bawk.

“Nia, mahse, ka In lam ah ka haw angai,ka lo be mai ang” ka nuih lui var var mai.

“Awle, ka chungah a lungawiloh ka duh loh vang mai ania” ati leh a,a hna a tlin hmel vet vet khawp mai.

Nathan- a In kan tlan pelh laiin ka hawi let a, mahse, a Motor a awm lo,hetah a riak lo ani phawt ang,a pawilo, khawiah pawh riak se ka In a kal turin ka be thei tho a pawi ka ti lem lo.

Nilengin ka nghak a, mahse, min rawn be hauh lo, Atea thim hma hret in a rawn thleng a, keimah a khawsa ka nih avangin engkim ka tih vek angai tho, bakah na over ani lo a, chet loh phah nan a hman ka tum lem lo,an tuam khawng vek a, chet pui deuh pawn engmah a pawi ka ringlo ve hrim hrim bawk.

“Ekhai, a va nat hmel ber bur ve” nui chungin a rawn ti a, ka ke tuam khawng bur chu a en vang vang bawk,

“Na vak nang, an tuam khawng mai mai mawle, eitur min rawn ken em?” ka ti nghal a, Paper Bag hian thil a rawn khai a, eitur bak anih ka ring lo,a bu nghat a, Dawhkanah a thil ken a dah te te a.

“I u duhtak a awm si lo a, riltam in i thih mai ka hlau alawm” a ti a, phawk deuh hian ka en a,

“Engmaw i sawi?” ka ti a,ka thutna lo zawk ah a rawn thu a.

“Colleen-i khan eng nge maw chinfel tur a nei a, a zin ati a” ati sup a, Colleen-i hming a sawi hian a tim ru deuh in ka hre thin.

“Oh, anih chu mawle, ka unaupa ani ta thut bawk sia, a mizia a thlak ngawt thei bik lo ani ang” ka ti a, ka rilru diktak ani hrim hrim,kei pawn ka unaupa ani leh lo tih ka hriat hma pawh khan ka unau ang in ka enthei miah lo anih kha.

“Te, Colleen-i hi i hmangaih tih ka hria, engmah hlau suh, nei pawp rawh” ngawireng a thut ka ning a, ka rilru a lo lang hmasa ka sawi ani mah zawk,min rawn en a..

“Tehngawt che hian...” ati a, zak vak lo hian a nui a..

“Ka ti tak tak, kei pawh Nathan-a hi neih mai ka la duh tho asin” ka then sak bawk,ka a ta emaw ti niawm tak hian min en a,ka dem hauh lo, keimah zawk hi a dinhmun ah ding ila hetiang chiah hi ka ngaihtuah dan tur ani ngei ang.

“Ka hre lo,thinrim lo la, Colleen-i nen chuan kan inzui leh chu ani der tawh, kan tum nasat poh leh kan in ngai animai” inthiam chiah lo niawm tak hian a hmai a hup vang vang bawk.

“Ngatinge ka thinrim ang?,in pahnih hian in inhmangaih tih alang reng a, ka lawmpui zawk che” ka ti leh a, a rawn hawi a,

“Nia, tun tum chu tuman min dodal lo,Nathan-a pawh angawi tlat a,kei ang bawk in a Unaunu alo hmangaih vang che hian a hrethiam anih ka ring” ati a, a nui a.

Nathan-a ka hmuh lohna karkhat lai ani tawh, biak ka tum apiang in ka beidawng ziah bawk, ka call tlang thei lo fo a, a tlang chhunah pawh a pick ngai lo,missed call a hmuh chuan a lo call back ringin ka lo nghak thin a, mahse, a rawn call let hauh lo,eng nge dik lo ka hre lo, ka Hmangaih tih ka hrilh kha a hrethiam lo anih ka ring ta hial, ka dem lo ,engmah a hre miau lo.

“Mal-i..”ka hming a min ko ri ka hriat rual in ka hawilet a, Nathan-a Nu alo ni a, Nathan-a chungchang a kan inbiak bak kha ka hmu leh ta lo hrim hrim.

“Ehe, i dam maw?” ka ti a, thil a khai bawr taih bawk.

“Um, dam alawm,Eng nge chanchin ni ta?” a rawn thu ve a,

“Engmah ala awm lo, Nathan-a hi ka la hmu lo a,Moses-a a dam em?” ka ti leh a, a bu nghat a.

“Mamuani nu te In lamah a riak phei a,sawina hun ani em ka hre lo a, Moses-a hian a nu ini tih hi hrelo law law se ka duh a,khawngaih in..” eng vang in nge thuruk hi an ngah viau mai le?.mak ka tih zawng tak ani.

“Mahse, ka Fa ani tho a..” ka kut a rawn vuan a,

“Ka tan anilo, i tan pawh ani lo, Nathan-a tan zawk, a pa hi apa tak anilo tih i hriat kha” ati leh a, hei pawh thilmak bawk, hei leh chen a lo enkawl tawh a, chutiang lehzel hriat te chu a phu alawm ka ti rilru a, sawi erawh ka sawi chhuak lo.

“Ka lo hrereng ang” ka ti ta zawk,lawm hmel deuh hian a nui var var bawk.

Haw pah In Nathan-a In bul a Nathan-a Car ding ka hmu a, alo haw tawh ani ngei ang, Motor ka khalh theih loh avangin Rinkima ka inhruai tir mai thin a,ding turin ka ti a,ka ke tuamna an la phelh loh avangin kal ka la harsat viau mai.

“Ka lo kai chho dawn che mi?” ati a, ka lu ka thing mai,Motor hnung a tiang ka dah ka la chhuak a, keimah pawn ka kal thei tho in ka ring,muangchangin Step ah ka kal chho a,engkim hrilh vek ka duh.

Ka thlen chhoh meuh chuan ka hah hman viau mai,a kawngkhar bulah ka ding vang vang a,engtin nge ka sawi tan ang ka hre thiam lo,Door Bell ka hmet a, a reh vang vang mai, ka hmet nawn leh a, kik leh tum a ka tin chiah chu a ri rak a, Asangi nen kan inhmachhawn ta ran mai,engmah ka hrethiam lo, a zirlai zirzawm tur in a kal tih ka bulah khan a sawi ngei si, tunah hun rei pawh a liam hma in hetah bawk ka hmu leh a, ka hrethiam lo hulhual.

“Nang maw?” mak ka tih zia tih lan loh hram tum in ka ti a.

“Tu nge?” Nathan-a aw hian a rawn ti a, a rawn lang zui nghal zat bawk, kawr ha lo in Towel chauh ala veng zui bawk..

Chapter- 30

Ka chil ka lem khawlh mai, mahse, tun tum chu tlanchhiat leh ka tum tawh lo,engpawh lo ti se ka ngaipawimawh lo,tu nge a hmangaih ka hria,chumai bakah ka tihtur ka tih loh chuan nidangah hun ka nei tawh kher lo maithei.

“Ka lo lut thei em?” ka nui lui sak bawk.

“Enteh, kan i hmuh ang in i lo kal hun hi a timing lo a...” Asangi zawk in a rawn ti a, mahse, ka ti laklawh tawh, let leh mai ka tum hauh lo.

“Ok, lo lut rawh” Nathan-a zawk in a ti ta nge nge, a thinrim hmel lemlo a, min hmuh avangin a lawm hmel chuang miah lo bawk.

Ka bai lut saih saih a, nat zawng a na tawh lo, a tuamna phelh ala hun loh vang a tuam mai ka ni tawh mah zawk,chet vel a ti harsa a, ka ning tawh viau bawk.

“Lo thu rawh..” ati leh nghut a, Asangi lawm lo hmel chu ka haider tlat bawk.

“Biak che ka duh a, mahse, kan pahnih chauh a hriat tur ani thung a” Asangi lam ka en zauh a, ngeiawm tak tak in min tawngkhum fo bawk a, tuntum chu ka tawng ve hunah ka ngai hmiah mai.

“Um, chuti anih chuan Zanah ka lo kal mai dawn mi?” ati leh a,Sofa chung a a T-shirt awm chu a la a, a ha zui mawlh mawlh bawk.

“Aih, tunah hah deuh in ka lo kal a, let leh mai ka ui..” ngeiawm zet in ka nui lui hak bawk.

“Nat, ka kal mai ang, engthil nge sawi tur inneih ka hre lo..” atih lai in Nathan-a zawk in a lo pawt chat a,

“Ka rawn bia ang che” ati hmuk a, kawngkhar a pan a, Asangi tan chuan chhuah mai loh chu tih tur a awm lo.

A rawn let leh a, min ep zawng in a thu a, Cigarrete a tan zui nghal bawk, vawikhatmah a meizial zu lai ka la hmu lo,

“Chuan...?” a ti sup a, ka zam leh ti tih a, sawi tan mai dan tur ka hre lo.

“Biak i har hle mai” ka ti a, a ner nawk thung.

“Inbiak fo hi kan mamawh lo tlat a, nangpawn i hria alawm’ a sawi dik,a thlirna atang chuan hei aia ngaihdan tha a awm lo.

“Ani tho mai, mahse, ka mamawh che chuan i awm tur thu kha i sawi a, i awm leh si lo ava ang ve” ka ti leh a, min rawn en a, a hmelpa leh thutak run thin kha a buai ve deuh nak bawk,a ngaihdan ani lo pawh ani ang,ka chhaih kual a ang ve bawk atin ni..

“Eng nge tunah i lo kal chhan?” ning hmel deuh hian a ti leh sup a.

“Keini hi unau lo ni lo ta ila...chuan, tun lawk a ka thil hmuh kha ka hmu tho angem?”

“Eng maw?” mawl min tih hmel zet hian min en a,ka nui lui sak thung.

“Asangi kha hmundangah a zirzawm leh i ti in ka hria a,ka hmu thut kha mak ka ti deuh” ka ti leh a.

“Keipawn ka hriat dan ani ve tho, ilo kal hma lawk khan a lo lut, ka inbual a,min lo nghak anih kha..” a thil tih ka bulah a sawifiah khat nen tuntum chu a thiamthu a sawi ve ta tlat,ka lawmna tawk a lo tling leh tho mai.

“Um, englo ania, tak tak in Nathan,ih...”ka sawi chhuah dawn meuh chuan zam luat vangin ka dang a awk zo vek.

“I sawi tum tak sawi rawh, kalna tur ka nei ania” a nelawm lo lehzual.

“I nu a lo kal a, kan pahnih chungchang ah,i hriattur thil a sawi bawk a..” engmah sawi lo in ngawireng in min en ngur ringawt.

“Nangmah ngai kha a duh leh a, engtin nge i khawsak ka hre si lo..” a kut a rawn phar chhuak a.

“I sawi tum tak sawi rawh”

“I nu sawi dan chuan Unau tak kan ni lo ati” ka sawi ta nge nge, ka thawl hawk bawk,mahse, ngeiawm zet a a nui hawk ri ka hriat rual in ka lawmna a bo chu ani lehnghal der.

“Chu chu maw rawn sawi i tum?”

“Aw,a pawimawh alawm”

“Unau tak kan ni lo tih ka hre sa reng alawm,ka nu pawh hi a...”ka bing mum mum mai.

“Mahse, i hriat kha a dik lo aniang..” ka ti leh talh a,a nui leh hawk thung.

“Dik e, a dik vek,kal tawh rawh, ka chau ania” a ding a, Asangi a tih ang bawk khan Kawngkhar min hawnsak a, a hmelah chhuak turin min duh tih a lang.

Engtia tih leh tur nge ka hre tawh lo, a hresa reng anih chuan eng vangin nge min hlat tlat si?, zawhna hlir in kak hat tun animai,ka zawh tur ber lah in chhan na min pe duh hauh si lo.

Nathan-a nen kan inhmuh atangin ni 2 lai a liam leh tawh a, biak ka tum ta lo law law,min Hmangaih tih a sawi ngei mai,mahse, hetiang hi kan Hmangaih te chung a kan awmdan tur niin ka hre thei hauh lo,a hma ang bawk khan min Hmangtangkai ni a inhriatna ka nei thar leh ta tlat bawk,Atea lah Colleen-i nen nun bul an tan tha leh tawh a, a khat tawk a min rawn bia anih loh chuan a lo kal ngai meuh lo,ka Room tukverh ah ka dak vang vang a, Thlanglam kawng lang riak mai chu ka en a, Motor an tlan reng a, a hlat tham em avangin thawm engmah ka hre thei lo thung.

Ka naupan lai hun ka mitthla ah a lo lang iar iar a, engvangin nge Ka chhungte tuman min rawn tlawh ngai loh?,ka nu kha duh lo in haw hle mahse khatiang in tu nge an Fapa emaw unaupa thlauhthla ngawt ang?,mak tihna riau ka nei,ka naupanlai khan ka pa chhungte hrim hrim tumah ka hmuh awm ka hre miah lo,Pitei ka rilru ah a lo lang a, ka hmuh a tul,ani khan eng ngemaw tal hriat anei tur ani.

Darkar khat a liam leh meuh chuan Putea te in ka thleng der tawh, ka tlawh khat deuh bawk nen phawk fe in min lo en a,ka ke ka tuam tawh lo a, ka duh duh in Motor ka keng chhuak leh thei tawh a, midang tihbuai ngai lo a mahni a kal nalh mai hi ka duhdan ani bawk.

“Eheu!! teh hlawl a” alo ti thuai a,Eirawng a bawl tih hriat zet hian Dawhkan a chhawp hnawk ram bawk.

“Nia, ka lo kal zuai, khawnge midang? “ ka ti a,

“An Bazar a, an lo la haw lo anih hi..” ati a, a fa te chhuak an haw har thin thu a sawi zui bawrh bawrh bawk,an mahni mamawh lo leh tibuai lo a ka awm tak hnu hian kan in pawh ta zawk a, ka chung a a thil tih dik loh ai chuan a tih that te hriatsak ka tum atang khan kei chuan ka thinlung tak in ka pawm thlap tawh zawk.

“Pite, ka lo kal chhan tak zawk chu maw,Ka pa khan chhungte a nei reng em?” ka ti a, ka thawk a sak talh mai, mi hriat ah ka Pa ti a ka sawi loh chin pawh ka hre tawh lo.

“Nei ve bawk e a,ngatinge min zawh a?” ati a, a aw ah mak tihna ari tel bawk.

“Ka ngaihtuah let vang vang hian ka Pa chhungte ka hmuh ka hre miah lo a, mak ka ti em a,ka nu kha an lo duh lo anih pawn kei tal min hmu tur in an lo kal ka ring a,mahse, a hun lai kha ka la naupang lutuk a ngaihtuah ngaihna ka hre lo a” ka ti leh a.

“Nia, i hria alawm, I nu khan Mi pasal a chhuh sak ti mai ang, kha vang khan tumah an lo kal ngai lo,i Pa te chu an nei khawp mai,ka hre em em hauh lo a, nei tak anni” ati leh a, ka hria, mahse, Nathan-a pawh hian apa chhungte a hria em ka hre hauh lo.

“Amak ka ti em a, ka rawn zawt mai mai che,chuan, Nathan-a kha i hria tiraw?” ka ti leh a, a bu nghat a,

“Hria e,ngatinge?” ati a,a chawhmeh chan lai a chan pah mawlh mawlh bawk.

“Ka zawt mai mai che, a Nu leh Pa i hmu tawh em?” ka ti leh a, a lu a thing mai.

“Aih, hmu miah lo, i Bialpa ani tih ka hria a, chuzawng chu..” min fiam pah in a ti a, a nui var var bawk.

“A mak ka ti em mai, khawiah nge ka pa chhungte chu ka hmuh theih ang?” ka ti leh a, min rawn en a,

“Engatinge tun a tak a i zawn hmuh duh a?” mak a ti tih alang reng bawk.

“Aaaa,ka hmu duh mai mai,tunlai chu ka rilru a luah reng mai” ka ti leh a, a bu nghat a,an awmna lai min hrilh a, ka hre chiah lo nang in zawn hmuh an har ka ring lo.

Chawei nghal turin min sawm nasa viau,mahse, ka hnial ta tho,kal na lam tur hre lo in Motor ah ka thu vang vang a, kei ai chuan Nathan-an a hnaih zawk ka ring deuh a, mahse, min be ngai lo a, biak hmasak ka tum bau lo.Pitei sawina lam ka pan ta nge nge,min hre hauh lo ang tih ka chiang,ka nu leh pa inneih lai pawn min hmu tur in tumah an lo kal ngai lo a, ka piang ve tih an hre lo hial maithei.

Motor kal theihna tawp ah Motor ka dah a, Step ah ke in ka chhuk leh a, ka kal ngailohna lam tak ani bawk nen nuam ka ti fahran lo,ka ni khan an hming min hrilh a,Step tawp ah kawng pangngai alo awm leh a, khawilam atang a kal nge anih ka hre lo,Dawr lian ve pangngai tak a awm bawk,ka pan phei a,Dawr lo nghak tu Pitar sam tuak lek lek leh Nula pakhat hi an lo awm a, Pitar zawk ka pan a, a neitu zawk anih ka ring,ka mi zawn te hming ka sawi a, a hriat ngai leh ngai loh ka zawt bawk,a ngawi deuh vang vang a,

“Sawlai piah ah sawn kal phei la,kawi alo awm anga, chumi bul chiah ah chuan Building hring a lo awm ang,tah chuan zawt rawh,an hria ang” ati a, lawmthu ka hrilh a, ke a kal chhoh leh hrep angai dawn si,kawng hriat loh a leiah ka hah phah zek dawn anih hmel.

A sawi ang ngeiin Building hring lianpui mai alo awm a, mahse, a hlui tawh tih hriat zet in a chul rup mai,kawng lah chu an In ah chuan a tawp ringawt bawk,Gate tha vak tawh lo a awm a,Bangah hnah zam chi an zam khat luk bawk,tunhma chuan in lian leh pangngai tak ani ngei ang,mahse, tunah chuan a chul rup mai.

Gate ka hawng a, inchhunglam a naupang au ri nak nak a hriat theih a, chuti nilo phei se chuan mi an cheng tih rin a harsa ngawt ang,Kawngkhar kik ka tum lai in a rawn inhawng a, ka beisei loh lutuk in Hminga nen kan in hmachhawn ta ran mai.

“Nang maw?” kan tawng rual thawt, kan nui leh rih a, ka beisei loh tluk zet in min beisei bik lo tih a chiang.

“Eng nge ilo tih dawn a?’ ati leh a,hamhaih fe hian ka en a,an In anih hmel tlat,Kawngka a hawng zau a, Naupang ho in kawm khawmna tih hriat zet in a hnawk nuaih mai.

“In in ami a?” ka ti a, a bu nghat bawk,mahse, ka thaw huai,mihrang daih zawh ai chuan a nuam dawn hrim hrim,lut turin min sawm a, ka zui lut a, keimah aia upa hret tur hmeichhia hian Naupang infiam chu awm hle hle turin a ti that that a, thu an awih lem hlei lo a.

“Engmaw ilo tih dawn a?” ati leh a,ka hmeichhe hmuh kha a nupui alo ni a, min hmelhriattir a, a fel hmel viau mai,
“Mi ka rawn zawng a, helai velah hian an cheng thin aniang” ka ti a,
“TU te nge ni ang le?” ati a, ka ni hming min hrilh ka sawi rual a hmel danglam ta daih chu mak ti deuh hian ka en a,

“He mi in Neitu hi anih chu,ka Pu unaupa ania, mahse, a Boral tawh a” ati a, ka ang pham mai.

“Nang hi?,eng nge i sawi awmzia?”

“Eng nge mak vak a?,Ramhuai hmu te pawh i ang alawm mawle” a nui huk huk a,

“Aih, enteh, a fa te khawnge ka hmuh ang?” ka ti leh a, a lu a thing a,

“Fapa pakhat chiah anei a, chupawh a boral tawh,i hria em ka hre lo a, Nathan-a Pa kha ania,Nathan-a pa leh ka Pa hi Cousin an nia”ati leh mawlh mawlh a, ka en reng ringawt.

“A va mak teh nuaih ve, Korean film te pawh a ang e a” ka ti leh a, a then sak a,
“Nia, chuvang ania hetah hian kan chen, Nathan-a pa a rawn let leh khan tumah awmpuitu tur a nei lo a,helai ah hian kan cheng ho a,bakah Nathan-a nu hian Pasal dang a lo nei hman tawh hrim hrim a” ati leh, ka hrethiam tan, Ka Pa in kan in a chhuahsan lai khan Colleen-i pa nen hian an lo innei hman tawh anih hmel,chuti anih chuan Colleen-i hi kei aia Upa hmuh in ka hmu ngawt a, a Upa hauh lo ang, kan inrual loh pawn kei aia a upatna a tam lo ang.

“Nathan-a pa kha hetah hian maw a boral a?”ka ti a, mak tih hmel zet a min en ka hmuh rual in ka thusawi lai ka tawp chawt bawk.
“Nathan-a pa hi a pahrawn ani tih i hria animaw?” ati a, ka bu nghat ringawt, mak tih hmel deuh in min la en tho.
“Aw, hria e,midang pawn an hria ang chu,in inchhung tih ka lo hre reng reng” ka ti a, a thle bak a,
“Nia, i hre lo ang,hria an tam lo,Nathan-a pa tak kha ka Pu te duhloh dan zawng in a khawsa a, Nupui dang a nei leh a, In atangin Ka pu in a hnawtchhuak niawm tak ani,kan tlawhpawh ta lo hrim hrim a, bakah tun a Nathan-a pa hi a Pa tak thianpa ber ania,an Innei hi ka nu te ho chuan mak an ti viau niawm tak ani”keipawn mak ka ti, ka Pa thianpa anih chuan kei engtin nge a thiantha ber Nupui hlui a neih duh ka hrethiam lo.

“Um,anih chu mawle” ka ti sep a, a Nupui in Thngpui min rawn pek chu ka la a,rawn thu ve lo in a kalsawn lehnghal a.

“Eng vang a Kapu chu rawn zawng maw i nih a?” ati a, chhuanlam tur ka ngaihtuah a, ka chhang mai lo.
“Eng ni lo e, thil zawh duh ka nei a, chuvang mai mai mawle” ka ti a, a bu nghat a, min ringhlel lemlo anih hmel.
“Nikum hmasa khan a Boral tawh a, helai ah hian kan khawsa ho rei a, kei phei chuan ka Pu tak tak ang in ka ngai a, a Nupui phei chu ka hmu hman lo,bakah,Nathan-a hi a ro thil zawng zawng a pe a, he In pawh hi a pe tel vek,mahse, Nathan-a hian a Pa chen na hlui a lei a, helai hi chu ka kutah min pe tawh thung” ati leh a, a sawi danah a chhuang tih alang reng bawk.

“Ngatinge a lei leh kher a?Tun a a pa pawn Fapa a nei chuang si lo a”ka ti a, a Thingpui a dawt hlak a,
“Chu zawng ka hre lo, mahse, thil tamtak Nathan-a hian a nei a,a thawh chhuah belh bawk,Naupang hausa sa in a piang ani ber, mahse, eng nge a tum ka hrelo,bakah thil tam zawk hi chu sawi tul hauh lo a awm bawk a” ati a, ka bu nghat a, mahse, ka hrethiam chuang der lo, engmah zep tur lai ka hre lo hrim hrim zawk.

In ka thlen in dar 8 a hnai kuar tawh, thildang engmah ka hriat belh ta lo, chawei lo a haw lah an phal lo bur bawk,ka vawikhat kalna ah chaw ka ei a, mahse, pawi ka ti lo, Ka pa in leh Ka pu lo chen tawhna, min thlahtu te In ani miau a, ka mikhual in ka hre lo, Hminga erawh tu nge ka nih ka hrilh ta lo,keimah Mal-i, a hnuai a thawk thin,tleirawl rethei leh baihvai tak a kaihhruai thin kha..khatiang khan min hria se ka duh ber.

Sofa ah ka thu mu a, hmu miah lo in Tv ka melh reng bawk, Nathan-a hi Ka pa fa ani si lo,mahse, ngatinge Ka pu in engkim a pek si?,ka hrethiam miah lo,eng ngatinge ka zawhna zawng zawng chhan na nei tu te hi ka biak phak tawh loh a an awm vek ka hrethiam Hlawl lo.

Kawngkhar kik ri ah ka phu zawk a,ka thu mar nghal zawt bawk,Sana ka en thuai a, Dar sawm ala ri lo deuh,tu tak ni ang maw?Kawngkhar ka hawng a,mahse, ka hawng zau lo,Pawnlam en na ka dah ang Ka ti ziah a, ka theihgnghilh ziah bawk.

“Tu nge?” ka lu ka rawh chhuak a,Nathan-a Pa ka hmuh rual in ka ip chawih mai,nelawmna awm miah lo in a nui vur vur bawk.
“Ka lo lut ang chu” ati nghut a,hnial ka duh ,mahse, Hnialna tur ka hre lawi si lo, Nathan-a pa nimahse ka hmuh tirh atangin ka nel lo nghal a, bakah ka hlau tel bawk in ka hria.

Ka hawng ta tho, a rawn lut a, a rawn kal hmasak ang bawk khan uluk zet in a enkual a, thu tur in ka ti a, a lo kal hmasak a a thutna ah bawk a thu leh a,
“Eng nge ni ta?,a tlai tawh bawk sia” ka ti a,a thutna hnung lam a ngheng ur ur a,kei erawh ka thu mar at thung.

“Vawiin ah khawiah nge i kal ?” teh daih a,phawk deuh in ka en a,
“I lo ngaihven na tur ka hre miah lo” ka ti nghat a, a nui leh a, mahse, a mitmeng vawt lutuk ah chuan nuihzatna pakhat pawh alang eih lo,min melh run a, ka khur ru dar dar mai.
“Nathan-a nei lo tur a ka duh chhan tak che hi i la man lo anih ka ring,i hre tawh zawk em ka hre lo,eee, i hria ang, ka Nupui khan a rawn hmuh tak che kha..”ati leh duah a,ka khur nasa lutuk a,a hmuh hlau in Ka kut ka suih ta ngawt.

“Ka nei dawn tho, nang emaw tumah ka hlau lo” ka ti leh a,a thle buk a.
“I hlauh loh chuan i khur lo tawp ang, bakah i unaupa tak ani lo tih pawh ka hria alawm,i nei dawn lo, i Pa kha ka thianpa ani a, nang hi ka en zui reng che, i nu a thi a, kalna tur neilo a i awmlai pawh khan ka enzui tho che, mahse, thi la ka duh zawk miau a, ka ngaihven lo che, mahse, mak tak in hei i lo thanglian a, ka chhungkua i rawn tibuai ta chat a..” ati nghut nghut a, a tawp lam phei chu min hrilh pwh a ang tawh lo.

“Ka tibuai lo,engtinmah ka ti lo che u,Nathan-a nen kan inhmangaihna hi tuma thiamloh mah ani lo” ka ti nghat a, ka aw khur tehhrep lah chu a...
“A ropui e,i Bialpa hian ka neih zawng zawng chang tur ka fanu fa a that asin,a chang chuan Moses-a hi thah ve mai ka duh fo mai, mahse, chutiang a tih kher angailo, Nathan-a hian min ring tawk a, reilote ah ka thuhnuaiah ala kun thuai ang” ati leh a,ka khur leh hlawk hlawk a, rapthlak ka ti lutuk..

“Chutiang ti suh, Nathan-a hian Pa tak tak ang in a en che,Moses-a pawh khawih na suh,khawngaih in..” Moses-a thi tur ang a ka ngaihtuah ringawt pawn ka thi dang mai dawn in ka hre hial mai.

“Chung zawng zawng ka tih i duh loh chuan kalbo rawh, Asangi a neih hian engkim a kal tluang ang, nang ilo lan ve hian buaina mai i ni” a rawn tho a, min rawn pan hnai a, ka tho ve phat nang in ka che rang tawk lo, ka hrawk ah a rawn rek a, tal chhuah tum in ka theihtawp ka chhuah a, mahse, awmzia a awm lo,ka thaw a sak a, ka khawhmuh a phe vek bawk.

“Nathan...’ ka au chhuak thei si lo,kei hi ka thi ngawt thei miah lo..

Part-11

Ka thaw hleithei lo, ka mit a vai vek,ka thi ngei dawn tih bak engmah ka ngaihtuah lo,Nathan-a ka rilru ah a lo lang a, Moses-a pawh, mahse, chu pawh rei ka ngaihtuah theilo, ka ngaihtuahna a vai vek..

“Thlah rawh,Ka Pa....”tu emaw in a rawn ti a,

“Nathan..” ka tawng ri thei lo,min thlah thut a, chhuatah ka sawp thla hnawk bawk,tuemaw a rawn kun hnai a, ka meng lui tawk tawk a, ka thaw chhuak hleithei chuang si lo.

“Mate,i tha em?” Nathan-a tawngri chu hla tak ang maiin ka hre rei ruai ani ber.Min rawn pawm kang a, kuah let ka duh, mahse, ka zawi vek miau a, ka thei lo,ka hlauhthawnna te erawh Nathan-a ka hmuh rual khan a bo nghal vek thung,abak chu engmah ka hre ta lo,ka thaw chhuak hawk a, Nathan-a darah ka lu ka nghat a, ka ral ta riai riai,Nia, ka chawl hahdam ang chu, ka harhchhuah hunah tu nge ka bulah lo awm dawn ka hria alawm,chuvang tak in harhchhuak tur in ka chakna zawng zawng te sawmkhawm turin ka chawlh hahdam phawt angai.

Peih lo zet in ka meng a, Light dul ruih in a eng a,ka awmna ka hre lo,thawh kan ka tum a, tu emaw in min rawn nem mu leh a,a hmel ka hmu theilo, Light hliah zawng in a ding a, mahse, tunge anih hre turin a hmel hmuh kher ka mamawh chuang lo.

“Tui i in duh em?” a rawn thu nghal a,ka bu nghat a,a tho a, reivak lo ah tui nen a rawn let leh a, min kaitho a, ka thut mutna turin Lukham in min kam kang leh a, dik tak chuan engmah na ka nei miah lo.Ka kutah tui a rawn hmehbel a, min vawnna a thlah miah lo bawk.

Ka hawi kual a, ka Room ah ka awm tih ka hria, engchen nge ka mut ka hre lo,Nathan-a hmel insehruh teuh chu ka en a, eng nge a ngaihtuah ka hre thei lo.

“Ka mu rei em?” ka ti a, a lu a thing a,

“Rei lo e,mahse,khua a var tep in ka ring”a nui suk a, a ban a Gold Colour Sana awm chu a en zauh bawk.

“I tha chiang tawh em?” ati leh sup a, ka bu nghauh a,mahse, ka rilru ah Moses-a bak alang lo.

“Moses-a khawiah nge?” ka ti sep a, a hmel a danglam zawk a, hlauhthawnna in min rawn man a, ka khur zui titih bawk.

“A tha, ka Nu bulah a awm,tunah chuan engkim a tha vek alawm” ati a, tlem chuan ka thla a muang ta deuh.

“Engtin nge ilo kal theih zawk?,lo kal lo la chuan ka...ka...” ka sawi zawm thei lo,min rawn kuah a,a dar hlai hlap leh a taksa inphut zet ngheng in min kuah bet a, ka tum lawk hauh lo in ka tap zui hlawp hlawp bawk,nia, ka hlau alawm,lo kal lo se chuan tunah chuan Mithi ka ni tawh ngei ang.

“Shh...tap tawh lo la, engkim a tha vek ania,i bulah ka awm ang ka tih kha,mahse, ka tlai tep tih ka hria,a tha vek tawh e” ka hnungah a chul hauh hauh bawk.

“Ngatinge i Pa khan ti khan min tih a?,Moses-a pawh thah a duh ati bawk a,min Hmangaih i tih kha..” ka tahna avangin ka aw a lawi rat mai.
“A tum lawk alawm, mahse,khatiang a tih avang khan min Hmangaih lo chuang hleinem,Sum hi engkim tidanglam tu ani miau a..tunah chuan chawl hahdam leh rawh..” ati sup a,

“Aih, ka mu tam tawk tawh alawm,thil hrilh che ka duh”luhlul zet in ka ti a, a nui suk a.

“I thil min hrilh tur ngaithla turin kan damchhung hun kan nei alawm,tunah chuan Mu hahdam leh phawt rawh..” min thlem tih a tawg danah a lang a, min Duatna ri a tel bawk.

“Anih leh ka bulah riak rawh..” a taksa inphiar talh talh ka hre thei a, min hnial dawn emaw ka ti hman,

“Ok, ka riak ang,i harh leh hunah pawh i bulah ka awm ang,a tha em?” ka khabe ah a rawn dawm a, a rawn kun hniam a, a hmui lum thar thar in ka Hmui a rawn si a, ka zawi huai a, a nghawngah ka kuah a, ala ngai reng mai, kan infawh tawh thin ai khan a duhthawh zawk tih mai loh chu danglamna a awm lo.

Ka harh leh chuan khua a lo eng uar tawh, thawh mai ka tum a mahse, tu emaw in min kuah tih ka hria,thawm dim tak in ka inlet a, Nathan-a muhil hmel chu ka en a, ka Hmangaih hluah hluah,a hnar sang vah te,a hmui hnuailam chhah tap mai,fawh nuam zet te pawh, hahdam hmel tak in a mu a, a thaw sak sak bawk,a ban lehlam in min kuah a, lehlam a awm chungah a dah thung, ka insum zo lo,a sam ka khawih ta nge nge,engtiklai pawh a pa nelawm lo tak thin kha tunah chuan hahdam tak in a muhil a, alang naupang sawt a,Nelawm lo leh thuduh tak, tawngkam hriat nuam lo tak tak a min be thintu kha chu a bo hmak bawk.

“I va harh hma ve..” ka lam hawiin a rawn inlet thuk a, a nui suk bawk, amah hnaih turin min pawt hnai leh a, ka samah a rawn fawp zauh bawk.

“Nia, mahse, ka muhil tam tawh alawm” ka ti a, Khum bul a sana chuan kan mu rei tawk tih lantirna niawm tak in dar 11 a kawk va tawh.

“Engtik lai in nge ka pa fa i nilo tih i hriat?”a khabe ah ka chul a,a mit a chhing vang vang a, min chhang dawnlo emaw ka ti hman hial.
“Kum 15 ka nih in ka hre tawh,Ka pu khan a Boral hma in min hrilh vek a,mahse, ka pawm duhlo thung” mak ti zet hian ka en a, a rei tawh lutuk.

“Chuti anih chuan eng ngatinge unau kan nih vang in min kalsan?” ka ti leh a, a rum hawk a,
“Ka pa fa ka nilo tih ka pawm lo ka tih kha,tuman an hriat ka duh lo bawk,bakah tihfel tur ka nei a, kha thil avang khan ka duh chinfelna hun ka nei bawk a, i hriat chuan min kalsan duh dawn si lo a, harsa ti chung chung in kha thil chhuanlam khan ka hmu lo thei bawk che a”

“Min hmangtangkai leh i tihna ani em?” lungawi vak lo in ka ti hlak a,a nui suk thung.
“Ka nu leh Ka pa an inneih khan ka nu hian min chhawm lut a, mahse, ka pa hian a fa ka ni tih a pawm thlap, Ka pu chiah in a hriatpui, ka nu thawhna khua ah khan ka pa pawh a thawk ve a, ka nu in min lak khan ka pa nen an inzui daih tawh bawk a, ka nu khan min khawngaih avangin ka chhungte a zawng nasa a,mahse, tumah a hmu ta lo,an sawi dan chuan ka Nu leh pa tak tak kha Mizo an ni lo anih hmel a,ka nu te awmna ah khan engti tur a kal nge annih tuman an hre lo,hnuchham in a min dah mai an tum a, mahse, an thei lo, Ka pa nen khan intiam rual in an pahnih fa ang in Aizawl ah khan min hawn ta zawk,Ka pu erawh an hrilh ka tih kha..” ati leh a, ka khawngaih lo thei lo,a hriat tirh in engtin nge a rilru a awm ang ka hriatpui pha tlat.

“Min ngaidam rawh aw, ka nu khan Nasa tak in I nu rilru a hliam a,engtin nge ngaihdam ka dil ang pawh ka hre lo” a mit ah ka en ngam lo.

“Ni lo e, chutiang in ngai suh, Ka pa khan Fair tak in ka nu kha chhuak turin a ti a, mahse, ka nu kha a chhuak duh lo zawk, chuvang tak in i nu kha a rawn hruai lut ta a,i nu ka haw lo ka ti lo,mahse, ka Pa erawh ka hua...Ka pu khan a lungawiloh avangin a thlauhthla ta hmak a,engkim ka hming ani ta vek..Sumdawng hmasa ani a, Ro a ngah em em bawk,mahse, kha thil kha ka tan chuan vanduaina ani ta thung a” ati leh a, ka hrethiam miah lo,eng nge vanduaina anih na lai ka man lo.

“Eng nge i vanduaina?...” ka hmui ah a kut zungtang a rawn dah a,

“Ka Pahrawn hi ka pa Best friend ani tih i hria em?,Ka pa khan ka nu hi a duh vang reng a kalsan anih i ring tak tak em?,aih, ni lo e, thil inthup a awm, keipawn ka la hre fuh lo,ka pa in i nu a neih hnu ah khan tun a ka pa hian ka nu a rawn luhkhung a, chu pawh engvang nge i hria em?,Ka pa thiantha ber khan ka pu ro zawng zawng ka ta tih a hria,a fapa ka nih chuan a ta ani dawn tlat alawm” mak tih vangin ka ang pham mai,a nui hawk a..

“Sum hian engkim a ti thei chu ka ti lo,mahse, za ah sawmkua pakua chu a ti thei,mahse, sum vang chiah a ka nu nei tu khan min enkawl tak ngar ngar ah chuan a tum aiin min ngaina a,min Hmangaih ta hial bawk,mahse, Colleen-in nau a chhiat chiah khan engkim a nihna ngaiah a let leh ta zawk a, kei lah in i chhul hawh in Moses-a ka lo nei bawk” ati leh a,ka lo hah hluah hluah, heng thil te hi aniang Mamuani khan min lo hrilh a tum thin..

“Ka khawngaih che, keimah chiah emaw tuar ka lo inti asin..” ka ti hap a, za lo zet hian a then suk a, a zangthal a,a kut lehlam a kham a,chung lam a en vung vung bawk.

“Nia, ka tuar nasa ve thin,mahse, ka Nu hi i rin aiin a huai ang, ka pa hi a bei let ngam tlat,hei vang tak hian a kut ah Moses-a pawh ka dah ngam reng, ka nu hian a fa hrin te aiin min atchilh a, min hmangaih zawk tih pawh ka hria,tihnat pawh ka duh lo,Ka pa hian Asangi nei tur in min duh a, a chhan chu maw amah ang chiah a rilru tenawm leh verther ani tlat a,intiamrual in kei min hneh a beisei bawk a” ati leh a, a chungah ka lawn a, a awmah ka khabe ka nghat a, a thil paltlang te ka ngaihtuah pui a, ka khawngaih lo thei lo,mipa pawh nise mihring ve tho ani a, na pawh a tuar ve thei a, sawi chhuak thei bawk si lo in a pai teuh ang,a va hahthlak dawn em.

“Nakinah sawi i duh zawk em?” ka ti sep a,

“Ni lo e, i duh duh min zawt zawk rawh, tunah chuan engkim a fel vek tawh a, Ka pa lah in engmah ka chungah a ti thei hek lo,a fanu hian a thawh rimna hmu tur a a duh chuan ka thu a awih angai miau a”ati leh nghut a,a thinrim leh niawm tak hian a tawng a chang kher bawk.

“Anih leh ngatinge kei kher min thlan a?,i fa pai hlawh duh tur midang pawh an tam ang, chutah ka chhul chiah i hawh emaw ka tia, Moses-a hi ka fa ngei alo la ni zui bawk a” ka ti a,a nui hawk a..

‘Moses-a hi i fa emaw i ti tak tak em?” ati a, ka khawng lah mai,ka inbengkang a, a hmel a nuihzatna lang chu ka en a,

“Ka ti nilo in ka hria, Mamuani khan a sawi vek..”
“Sorry,i fa anilo, Mamuani fa pawh anilo, keimah leh midang chi zawk i pai..” ka nui ringawt,vawi engzat nge Moses-a chungchang hi ka hriat dawn ka hrethiam lo, ka hriatdan a danglam ziah hian min ti chau vek bawk.

“Aih, a hma pawh khan ka fa i tih kha, min hnial miah lo..” ka ti a,ka melh ngar bawk, ka khabe ah a rawn khawih a.

“Thil tamtak buaipui tur ka nei a, eng ang pawh khan ngai la ka sawi buai peih lo anih kha, bakah Moses-a ti na tur khawp khan i rilru a sual lo tih ka hria, mahse, i duh phawt chuan DNA kan test thei a..” ka hnial peih ta lo..

“Aaa, ka hrethiam tehnuaih lo,ka hriat zawng chu ka fapa animai,chuan, ka bulah a cheng thei tawh bawk ang a” ka ti a, a nui a,
“Um,a cheng ang,mahse, ka nu i hneh angai dawn,In ka lei dawn khan Hminga vek in a bauipui a, i In ani ve tih ka hrelo hrim hrim,bakah ka pa fanu ni tur khan ka beisei lo mai che pawh nilo in ka ring eih lo,i lo ni ta thut si khan min thawng lutuk,mahse, keimah ka inpawm ngam ta thung, ka nei duh che anih chuan kei hian Fapa tak ka ni lo tih ka hrilh che angai, mahse, ka nu a lo che hmasa ta tlat a,pawi ka ti hauh lo,mahse, ka nu khan ka hria tih a hre hauh lo,tun thleng pawn” a ti leh a,nia, A nu khan a hriat a duhlo tih a sawi kha.

“I pa hi chuan a hria asin” ka ti a,a mit a thim deuh khap a,

“Ka hrilh alawm,Nimin tlai khan ka pu In ah i kal tih ka hria a, Ka pa pawn a hria, engtin nge chet a lak dawn ka hriat duh avangin ka hrilh a,ka rin ang chiah in a rawn bei ta chat che a,tlai erawh ka tlai teuh viau,ka rin aiin a hmanhmawh a” a ti nghut a,
“Khatiang khawp a che tur chuan ka beisei lo, mahse, ka nel thei miah lo” ka ti a, ka sam karah a kut a rawn dah a,
“Engkim hi sum vang ani miau a, engtin nge ti se min tih?”

“Ka hre lo, mahse, engtinmah ti lo la ka duh tho bawk, i pa ani miau a, hei leh chen a enkawl tawh che a,entinmah a chet leh ka ring tawh lo” ka ti a, a rum nghut a,
“A che tawh lo ang, tunge anih a inhre tawh alawm,mahse, In saw chu nei rawhse,keini chu chenna tur dang kan nei” ati leh nghut a,phawk deuh in ka en a, a mit ko a ti sang awk a..
“I in ah khan chen ve i phal chuan..?” ka insum zo lo, tawngka a chhang lo in ka tho a, a hmui nalh leh sexy zet chu ka fawp ta zawk.

“Ka hmangaih che,mahse, a intan na ka hre lo” ka ti sep a,ka fawp nawn leh a,mahse, min kuai dak a,
“Nang aia nasa zawk in ka Hmangaih che,mahse,kei chuan a tan hun ka hria,keimah vangin i tap thin a, i tap leh tawh ngai lo ang, a chhan chu maw kan thih hunah pawh nang aia kal hmasak ka duh lo, keimah vang bawk in a tap leh ang tih ka hria...” a tawng zawm tur chu ka tawng tir thei lo.

Engkim a fel ta duak ti ila a dik ber ang, tunah chuan kan la innei em lo,mahse, engkim tihfel ani tawh a, Moses-a ka hmu fo a, Nathan-a lah ka bulah a hun tam zawk a hmang ani ber, Mamuani nu hnenah ka thil tawn te ka hrilh a, a thinlung tak a a fanu ang a min pawmtu nu tha tak ani miau a,lawmna mittui nen min lawmpui thei tlat.

Ka inluah ka chhuahsan tawh a, ka nu nen kan chen na In, ka naupan lai hun ka hman liamna hmunah ngei ka let leh tawh,ka nunhlui khan min kalsan fel hmak ka ti lo,mahse, kal liam se ka tih avangin ka ngaihtuah chhuah chang pawn tihtur dang ka zawng vat thin a,hmalam pan a kal tur hian hnunglam in min pawhbeh ka remti lo bur animai.
“Vawiin eng nge kan tih ang?” thil ka en fel lai in a rawn ti thut a, Dawrah a lo kal zing malh malh viau,kei lah ka lawm em em zel bawk.Kan hnathawk ho pawn an hre fur tawh a, an hming in a ko thei deuh vek tawh,khawi hmunah pawh kal dawn se min hruai talh a tum ziah erawh kan intih thinrim phah ngun viau.

“I hmuh ang hian ka buai mek a,ngatinge?”ka ti a, ka hnar a rawn piai a,
“Khawi lai emaw ah kan kal dawn mi niang?,Moses-a chu Ka nu in a lo awmpui thei lutuk ang” ati leh a, a awmdan danglam ta riau leh phur hmel chu mak ti deuh hian ka en a,

“Kalna tur ka hre hleinem,bakah,eng nge kan tih ang?” ka ti a, a nui suk a.

“Nilengin kan pahnih in tuma chimbuai loh in kan awm ang,chuan, i duh duh i sawi ang a,zanah mei kan chhem anga, kan riak bawk ang chu...i duh nge duh lo?” a hmui a pet sawi zauh bawk.

“Ka pawm e,mahse, kalna tur chu i ngaihtuah angai ang” ka ti a, Tukverh ngheng in a ding a,
“Tehreng mai,tunah chuan eitur lam in ka rilru a luah tawh ania” ati leh a,

“Um, eng ngemaw ei hmasa ila ” tih leh thawh ka rual a,a rawn kal hnai a,dwhkan bulah a rawn kun a,
“Chaw ka sawi lo ania..” zawi sup in a ti a
“Nathan...” ka ti that thung,engkim a hria,midang an awm hnai em tih ka en a,an awm hnai lo hlauh,ka thaw huai mai,kan pahnih a kan awm tum apiangin in Control harsa kan ti thin a, Inneih hma a tihsual ka duh lo tih ka hrilh a, tih luih erawh min tum hauh lo.Mipa ah pawh Pa ve tak tan hian a harsat dan tur ka hriatpuilo ani lo,mahse, reitak ka lo vawn that hi a hun hma a pek ka duh lo,min tilui se chuan kei hi ka tang zo dawn miah lo tih pawh ka hai hauh lo bawk.

Lengpui Road ah kan tlan zel a, Boruak a thiang vuk a, engkim mai a thar sur in ka hre bawk, kawngsir a thing leh hniam kan tlan pelh zut zut chu ka en a,

“Eng nge i ngaihtuah a?” ka mal chung ah a kut a rawn dah a, muangchangin ka en a.
“Kan thleng dawn tawh em?” a zawhna ka haider lui a,a bu nghat a,
“Thleng tep,thil tihsual ka nei leh tawh ami?” a nui a,ka lu ka thing a, tunah chuan ka tawng chak rih lo,a chhan ka hriat si loh in ka ngui a, ka chhungril ah thil tha lo thleng tur awm tlat a hriatna ka nei a, ka awm a nuam thei lo.

Kawng pangngai atangin kan peng a,Metal vek nimahse a khawk nasa a, kawng a mam fahran lo,Thing lianpui pui kawng lehlam lehlam ah an ding khup a, a dai ruih bawk.

“Hei hi khawilai hmun nge?”mak ti deuh hian ka en a,Ka pu hnen atangin Ro tamtak chhawm mahse thil zawng zawng nei tur ah ka ngai lem lo.
“Ka thianpa Joshua huan anih hi,mahse, an nu hian hralh a duh a, ka leisak dawn mawni ka ti mek” ati tha ve mai,tu nge Joshua ka hre lo hrim hrim, diktak chuan a thiante hre tur khawp in kan inzui tam lo hrim hrim.

Kawng chho deuh kan tlan leh a, Mualpawng lai tak ah hian Building lian vak lo alo ding a,bangah pangpar zamchi an zam khat vek,a hlui tawh tih a hriat a,mahse, min hip hluah hluah tih bak sawi fiah ngaihna ka hre lo,Gate hlui tawh lam a awm bawk a,Nathan-a a chhuk a, Gate a hawng a, a rawn let leh a, kei erawh chuan a hmun vel thlir nuam ka ti a, Boruak nuam leh thiang kak mai chuan min fan raih raih mai.

Kawtzawl zau vak lo ah kan tlan lut a, Motor a tih thih rual in ka chhuk a, kawtzawl a Phul awm dup mai chu enkawl loh tih hriat deuh hian a hnawk niaih bawk,Pot ah Pangpar a inhung teuh a, chupawh a then chu an ro rim rem bawk.

“Eng nge i hmuh dan le?” ka kawngah a rawn kuah a,a rawn kal hnaih lai ka hre lo.
“Lei a phal phawt chuan lei rawh..”ka ngheng ar ar bawk.
“Um, i duh zawng anih phawt chuan ka lei ang, an nu in a duh loh chuan ani pawn a duhlo animai” a nui huk huk a,chutiang tak a Nupui ngaipawimawh Mipa chu keipawn ka duh, Nathan-a hi a ni ve dawn tih ka hre bawk,Mamuani ah khan vawitamtak Nupui te care em em ani tih ka hmu tawh,Nupui pakhatna nih tluk a awm lo ang, mahse, kei chuan Nathan-a Nupui ka nihna tur anih phawt chuan pakhatna nih loh pawi ka ti lo.

Vanlam ka thlir vang vang a, Nathan-a Lungphu ri dat dat ka hre thei bawk,tunah chuan ka nun hi a famkim ve ta niin ka hria,Mamuani ka rilru ah a rawn lang leh a, engtin nge a ngaih ang ka hre lo,mahse, ka rilru in lawmthu ka hrilh a, ka Hmangaih tih ka hriat hma in ka Hmangaih hi ka neih theihnan Moses-a hmangin kei min hmangtangkai miau a,inthiamlohna nen ka nun ka hman ral loh nan min ngaidam tih min hrilh bawk,tuman ka Nu khan mi Pasal a chhuhsak avangin kei hian mi pasal ka chhuhsak an ti ngai lo ang, tu pasal mah ka neihsak lo,Ka nu ang a nun zahawm lo leh Fate pawh veng zo lo khawp a ka nun loh nan chunglam hian min lo chher hriam a, ka kawng zawh zawng zawng te kha tuman an thlang ngai lo ang, mahse, a tawp a ka hlawh chhuah chu Nathan Zothanzuala leh Moses Malsawmkima hi anni miau a, ka hun kal tawh te avang khan ka tap leh tawh ngai lo ang, kawng harsa leh thihna khawp hial a kawng bumboh ka zawh lai khan ka kawng tur a lo ruat fel vek a, ka ngaihsak loh lai leh amah ka dem lai pawh khan ka Pathian hian ka kawng chu a lo buatsaih fel vek a, ka natna kha min tuarpui a, ka bulah khan alo awm reng bawk.

Chhungkua hi thisen a kan inzawm vang ani tehmeuh mai, mahse, Thisen a zawm kher loh a kan chhungte an awm a, chu chu kan inhriatthiam tawn na vangin a awm thin, ka chhungte tih tur a thisen zawmpui kei hian tumah ka nei tawh lo, Ka nu chhungte chu an awm ngei,mahse, kei chu ka Pa thisen ami ka ni a, ka thisen zawmpui anni tawh lo, mahse, ka chhungte tak tak chu Moses-a leh a pa Nathan-a hi anni a, dan ang chuan Moses-a nu tak ni lo in Sorrogate Mom ka ni ngei ang, mahse, eng nge pawi?,Ka fapa ani a, Nathan-a nen kan thisen ngei a kan fa nei pawh ni ila ka tan chuan a hmasa ber chu Moses Malsawmkima hi ani reng tawh ang.

Chhungkua hi hrilhfiah chiam pawh tum ila kan hrilhfiah dan a in ang lo nuaih ang, a pawimawh ber chu i chhungkua chu tupawh nise i thisen zawm annih leh nih loh ai chuan Hmangaih la a tawk mai,kan Pathian hian tawp neilo a min hmangaih chhan chu a chhungte kan ni miau alawm.

“Mum,ngatinge he lai hi...”ka dul a zaina hnu ser riak chu a rawn chul a, Nathan-a nen kan inneih atangin thla a liam tawh,Moses-a pawh kan bulah khawsa chiah lo mahse a hun tamzawk a hmang thung,Aunty min ti thin kha ania, rei vaklo kan awm ho hnuah a nu ang in min ko thei ta mai.ka bual a, ka huh ka hlauh avangin ka kawr ka pawt hlim a,ka dul ser alang tih ka hre lo.

“i pian dawn in tah hian min zai a..” mak ti hmel deuh hian a rawn thlek a.
“Maw?,a na em?” ati leh a,ka lu ka thing a,
“Aih,na lo, na pawh nise i lo piang a na ka hre lo ang” a sam huh pial than chu ka khawih sak a,

“Anih leh nau ka neih hunah tah bawk hian an zai leh dawn em?” ati leh a, ka nui lo thei lo, a kum phu lo hian a fing mah mah thin.

“Ka hre lo le, zai maithei, zai lo maithei..”

“Aaaah,ana ang, Ni Colleen-in a sawi a, ka nau tur chu midang in min pe mai ang ati” ka vawt raih raih mai,engtin nge Naupang bulah tiang a sawi theih thin le??

Ka mu meng kar mai, Nathan-a Games khel chu ka en a, a mizia ngeng tak phenah hian Naupangchhia tak a awm ve tho tih pawh ka hre tawh, a tihsual apiangin a phun hluk thin a, ka en reng a,a rawn hawi a..

“Eng nge?”a thil ken lai a dah a,khum ah a rawn lawn a..

“Colleen-i hi ka duh lo,Moses-a hnenah a nau tur mi in an pe ang alo ti a,khatiang kha ka duhlo” ka ti hlak a, ka thinrimna hi a chungah ka tilang fo,amah vang anih leh nih loh ka ngaihtuah ngai lo,lungawi tak in a pawm mai..

“Oh, a fiam aniang chu a ho em mai...”min rawn kuah a, ka thinrim phat thung.
“I va ngai ho ve mawle, nakinah chuan thildang pawh ala hrilh mai ang” ka ti leh nghat a, a nui huk huk a,

“A hrilh hma in Nau nei se a tha ang,i pawm em?” ka nui a, diktak chuan Invenna ka hmag miah lo.

“Ka hre lo,aaa,ka rai thei lo aniang, a timing a dik vek tho si..” a rawn inlet a,

“Lungngai suh, pawisa a awm phawt chuan fa neih a har lo tih kan hriat dun ve ve kha,mahse, nang chu an zai nawn leh che ka phal tawh in ka ring lo..”ka dul a rawn khawih a.

“Engtin nge kan tih ang?”

“SURROGATE bawk mawle..” ka nui ta nge nge...engpawh ti dawn se ka hmangaih miau a, ka pawm vek ang tih ka hria, keimah ang bawk in ani pawn a ti ang, achhan chu ka Hmangaih na aia nasa in min Hmangaih miau alawm.