STOP-18

Chapter- 18

A lo awm dawn tih hre lawk ila chuan ka kal hauh lo ang, nakin chu ka sawithei lo,mahse tunah hi chuan ka u nen a inhmachhawn ka duh lo bur,amah aia Ruby lam ka tan zawk vang khan kan inzawmna a chhu chat hmiah tawha, mahse ka pa nen an inzawmna lam erawh a chat ve lo tih ka hria, a sawi vang ngawt khan kei pawn ka u a ni ta lo ka ti chuang lo,mahse,a duhdan dana kalpui erawh ka tum lo bur.

‘Chhuk ang le’ ka ti supa, alam ka hawia, a hmai dang deuh lapah chuan ka ngaihtuah na leh a ngaihtuahna a in hlat lo tawp ang tih ka hrethei mai.

‘Engmah a thleng lo ang tiraw?” zawi sep hian a ti chhuak ta chiah reng bawk.

‘Aih, engmah a thleng lo ang, a lo thleng palh ta anih pawhin tumah en loin keimah chiah min en la,engmah a thleng lo tiin i ngaihtuah thei mai ang’ka ti leh supa, a kut zungtang sei sel sawl chu ka hum sak vang vang bawk.

Kawngkhar ka hawnga, Naupang,kan kal avanga phur taka min lo dawngsawng tu te chu ka enkuala,fahrah enkawlna hmuna awm anni tih pawh hriat loh khawpin an taksa a mam kanga, an vun a nung in an sam pawh thur bim bem an awm lo.Kan enkawl te annih vanga fak mai ka nih loh zia pawh ka hrechiang.

A hnung seata bag ka khaichhuaka, naupang lian tawh deuh pakhat chuan rang fe hian ken min rawn dil nghal var,ka pe ve mai bawk.

‘Pa..in Room tur khawi nge ni ang?” hmai thal deuh hain min en bawk.An vai hian nu leh pa hre lo annih avangin ‘Pa’ tiin min ko maia, Anggu-a pawh hian a tlawh ve zauh zauh avangin an hre bel hle tawha, ani erawh chu ‘Pate’tiin an ko thung.

‘Ka hre lo le,i duhna berah dah mai la’ ka ti a,ka kal hian hman deuh bik ka nei nangin mikhual dang in an hmang em ka hre lo, a bu nghata, in lam panin a tlana,midang pahnihin an um zui ve nghal zat, a dang te erawh chuan Ruby an bawr laih laih thung.

‘Lut ila...’ Ruby hnenah ka ti a, a bu ringawt, a hmelah engmah a lang lo nangin kan kal dawna a hlim leh phur hmel kha engmah a awm tawh lo.

In lam ka pana, ka pa a rawn chhuak ve chiah,thinrim hmel emaw lawm hmel pawh engmah a pu chuang lo,min en mawl tawp.Ka pan hnai a, ka hnungah Ruby a rawn kal ve bawk,naupang in zawhna zawtin an be renga, atan ka pa biak kher a tul hmel ta lo.Mahse, mak takin Zingah ka pa zawkin a be hmasa tlat,amah vanga buai kan nih laiin kei min be hauh lo mahse a mo zawk a be tho.A lo inthlak danglam ta te pawh a ni mahna le.

‘Enge i an a?’ stepa chhoh pahin ka ti a.

‘Ka tha,in tluang maw?’ dam dupin a ti tha ve mai.

‘Aw, tluang e, khawnge midang?” ka ti a.

‘An awm,Ruby,ka thil chah che kha i rawn keng em?’Ruby lam a hawia.Enge an lo inchah ka hre lo,engmah Ruby’in min hrilh lo miaua.

‘Aw, keng e..Bagah ka daha’

‘Nakinah a nimai,naupang ho kha inchhungah Aunty in eitur a siam vek tawh ania, kal ula,va ei rawh u’ a ti leh a.Tumah hrilh nawn ngai loin an vaiin inchhung lamah an tlan lut nghal diak.

‘Mama, ka be lawk duh che ania’ min rawn en a.A sawi tur hre lo mahila rindan erawh ka nei,Ruby tawi deuh hrat chu ka mitmeiin kal turin ka ti a, ka tel lo a ka u hmachhawn a hreh zia ka hria, mahse, tunah chuan ka pa in min be duha, amah tel lo a ni tih a tawng danah a hriat theih bawka, lo awm ve reng chi a ni hek lo.Phur lo hmel zeta inchhung a pan hna hna chu lainatna nen ka thlir lo thei lo.

‘Ngaihtuah suh, engmah a thleng lo ang’ zawi deuh hlekin ka pain a ti leh hmuka, ka rilru tur a hrethiam tih a hria, ka bu ringawt.

Veranda sira Thutthleng sei lam a pana, ka zui ve a.Kan kal lama ka phurna kha a bo zo tawh,boruak ipik lutuk hi ka beisei lawk ni mahse tiang lutuk chu ka beisei pha hauh lo.Muangchangin a thu thla a, kei erawh  veranda hungna thinga siamah chuan ka thu ve thung.

‘I u a lo kal ve a, i hmelah khan engmah lang lo mahse in beisei lawk lem lo tih ka hai lo,tunah hian eng boruak tha lo mah a thlen ka duh lo a,thil kal tawh chu kal liam mai se,i u hi a na hle a, a natna hi kan tawmpui pha kher lo ang,i nupui thiam loh anih rualin a thiam loh a ni vek kher lo,a thiannu a ni a, a zep pui kha a tul pawh a ni ang, tin, i u pawh a thinrim na kha a dik ve reng,ka sawi tawh ang khan Puitling i ni tawha, ka thu pawh i awih ta lem lo,tunah pawh hian a hma anga ti rawh ti suh tih che ka tum ta lo,ka tum zawk chu insum la, boruak tha lo hi haider rih rawh’ a ti ta duah.

‘Pa..i rilru ka tihnat vangin pawi ka ti, i thu awih lo ni a min ngai erawh a dik lo’ a bak sawi tur ka hre lo.

‘Ni lo e, a tir khan ka na hle,mahse, ka ngaihtuaha, Control ka tum che u hi a lo tul ta lo tih ka hre tawh,ka kum a tam tawha, awm mai mai a hun tawh’ a ti leh boha, mahni inthiam lohna in min rawn fan rawih rawih thung.

‘Chutiang sawi lo la, i duh duh min tih tir turin dikna i nei reng a’

‘A tha,ka duh ber chu helaiah hian buaina thleng lo se tih zawng hi nimai,i u pawh ka hrilh tawh,thupek a ni lo a, a ngenin ka ngen che u’ a ti leh a, ka tim sawk mai.

‘Ka tiam e, engmah a thleng lo ang’

‘Lut tawh rawh, i ni ten an nghahhlelh che kha’ a ti leh hmuka,a ding chhuak a, ka ding ve vat bawk.

‘I lut ve dawn lo ami?” ka ti leh rih.

‘Dawn e,ka lo kal ang’ a ti awlsam mai.Nghah chi ni a ka hriat loh avangin ka luhsan ta zawk.Ka lut thawm hriain an lo hawi nghal thap a, an vaiin an hmelah hlim hmel a lang vek bawk.Ruby thutna lam ka pana, ka ni nen an thu duna,a thutna thutthleng banah ka thu ve a.A hmel tim deuh dai chu ka hmuh hmaih lo.Ka pa u te nupa an lo awm ve a,ka ni pasal leh ka pa thiantha ber Pa Dinga a awm bawk, an vaiin an titi a, room Heater an on avangin a lum nuam phian bawk.

Dinning hall lama ka u tawng ri lawng lawng ka hre theia, naupang an ri nak nak bawk.

‘Khawiah nge ka bag kha an dah?’ zawh bik pawh nei chuang loin ka ti a.

‘I room ngaiah khan ka dah tira..’ kan hnung lam atangin hmeichhe aw hian a rawn ti a,ka hawileta, Home enkawltu tura kan dah,nula senior leh rintlak zet Rinmawii a lo ni a, amah lo hi hmeichhe pakhat leh mipa pakhat an awm bawka,Driver pakhat a awm bawk.An vaiin an rintlaka, pawisa lam thlengin Rinmawii kutah hian ka daha,an pawisa hmanna zawng zawng hi en let theih turin tha takin a dah vek zela, engmah felhlel a awm ngai lo.A thawktu dangte Control pawh a kutah a awm vek bawk.

‘I ti lawmawm e,in lo tha maw?’ ka ti a.

‘Aw, tha e.In vaiin in lo kal hi a nuam em mai,chu pawh a rual vekin a ni bawk si.Mumang te pawh a ang rum rum zawk alawm’ nui chungin a ti a.

‘Nia, tunkum chu lo kal kan duh tlang aniang, Room lamah chuan kan chho lawk dawn mi?” Ruby ka en a.

‘Um,nia, pawi miah lo,ka pa thil tur ka ken pawh lak a ngaia’ a ti a,ka ding a, a rawn tho ve nghal a.

Room lam panin kan inzui chho a, helai hmuna he Home tur ka nu ten an sak tirh khan Building lianpui,chhawng awm lo in an sa a, a hnu deuhah khan kal changa riah mai te pawh duh tum a la awm takin tih thuah ka siamtha leha, a chungah Assam typein ka zawm leha,Bed room pali ah ka then hrang veka,bathroom erawh pakhat intawm turin ka siam thung, ka kal tum hian ka riak lem lo nangin hman bik erawh ka nei.

Room chhuatah ka bag an lo daha,kawngkhar a chhung lamah ka kalh nghal zat bawk, Ruby kalsawn tur chiah chu a kawngah hnunglam atangin ka kuah a, min si chetin ka pawt bet nghal hmak bawk,min rawn ngheng nghal ar ar mai.

‘A hrehawm lo ang tiraw?” a darah ka khabe ka nghata.

‘Teuh lo,hetiang bak chu kan Inah pawh ka nei ngai hleinem..aaa, hei ai pawn a tha lo zawk daih’ a ti sepa, ka sawi tum a man lo nge a hre lo der ka hre lo.

‘Room hi ka ti lo ania’ tih pahin room zau fahran lo chu ka melh kuala,khum lian vak lo pakhat leh plastic chair hlui tawh lam pakhat bak engmah a awm lo.

‘Aah, enge thildang hrehawm tur awm a?” a ti leh halh a.

‘Ka u a lo awm ve a, i hlimna kha a chhe vek ang tih ka hlau mawle’

‘Aih, tlem chuan ka hlauthawng deuha, mahse, ka bulah i awm alawm..a ni lo mi?’

‘Um, i sawi dik..engmahin a tihnat che ka phal tawh dawn lo tih i hria lawm’ ka ti supa, a bengah ka fawp zauh bawk.

Inhnuaia kan chhuk leh chuan ka u pawh a lo awm ve tawh, inleng kawmna leh miin an tlawh changa naupang zawng zawng nen an thutkhawm na turin he room hi kan buatsaiha,hmun nuam ti a sawi tur ni lo mahse a hrehawm hran lo.Hahdam tum hle mah ila ka thei lo,chhungrilah min kam tu a awm reng tho, ka u hmel leh cheziaah chuan engmah a lang hauh lo nangin kan awmve tih a hre lo a ang mah zawk, ka biakna pawh tha takin min chhang tih loh chu ama thu chuan vawikhatmah min be lo,naktuk lam kan ruaitheih dan tur vel sawi hoin kan titi a, an mahni hian vawk an vulha, chu chu talh mai turin kan rela,ar pawh an vulh nial bawka,sa lam chu ngaihtuah a ngai lem lo,chawhmeh dang Rinmawii’n a lo ngaihtuah fel vek tawh bawk. Midang min rawn hmanpui tur an awm dawn em ka hre lo,kei chuan midang tumah ka sawm lo,ka phur thut leh nakinah Anggu-a ka la call ang chu.

‘Kan mutsan mai dawn che u’ Ruby ham bai bai en chungin ka ti a.

‘Kei pawh mut mai ka duh,khua a vawt em mai’ ka pa u nupuiin a ti ve vat bawk.Room chhung a lum phiana, Tv naupangin an ena, puitling ho kan titi bawk nen kan ri ve nak nak mai, zan dangah chuan mut hunbi an nei veka, tunah chuan hunpui lai anih bakah mikhual kan awm nual bawk nen khauh takin an enkawl rih lo.

‘Felfel-i kha ka lo la ang chu’a enkawltu nula pakhat zawkin Ruby hnenah a ti a, Felfel-i hi a nu Bru niin a pian veleh hetah a rawn dah a ni a,hetianga nausen buchip lutuk kan lak te hi an thahnem lo bawka, a awmchhun hi chu ka hrechiang ve tlat zel.Room atanga kan chhuk leh hnu khan Ruby bulah a tap chawta, a mal chungah a thu deuh reng a, a tawpah chuan an inpawm muhil ta nge nge.

‘Angai hleinem, kan lo riahpui mai ang chu ka ti a’ min rawn melh zawka.

‘Aih, angai lo..ka bulah a mu thang lutuka, zanah a tibuai ang che u’Rinmawii’n a rawn ti vat, ka lo thawveng nghal hawk thung.Hahthlak hian..Mahse, nizan lam boruak nuam tak avang kha a ni tih ka hre bawk.

‘Um, ka lo riah hunah ka bulah i riak dawn nia ka ti a, chuvang mawle’ a nui var var bawk.Kei angin thil tul lo a ngaihtuah ve hauh lo tih a hmel pawisawi lo zetah chuan a lang reng bawk.

Midang ho kan mangtha a, ka u lam ka melh zawka, mut kan tum tih hreawm pawn a awm lem lo,tihluih viau tul ka ti hek lo.’Room kan indaih leh daih loh ka zawt miah lo a, ka zuk zawt leh lawk ang’ room kan thlen hnuah Ruby-in a ti leh rih.Diktak chuan keipawn ka lo ngaihtuah miah lo.

‘An ngaihtuah mai ang chu, ka mut a chhuak ania’Khuma leh thlak pahin ka ti hmuka.

‘Lo muhil la,ka lo let leh nghal ang’

‘I awm loh chuan ka muhil thei nang’ ka inbengkanga.

‘Nghal lo mai teha’ a ner nak bawk.

‘Chutiang nghal tihna anih pawh ka hre lo, i kal dawn chuan kal la’ ka ti a, engmah sawi loin a lei min rawn chhuah khuma, ka tum loh tawpin ka nui chhuak hawk bawk.

Min rawn ena, a thle deuh baka,min rawn pan ta zawk, a sam kawi deuh chu a thlaha, a beng tawn tawnah a zepa, High-neck dum,thawl lam deuh a haa, a kawr nghawngin a khabe a khuh pha tep bawk,kekawr lum,thawl deuh hnak a hak chu a Uggs bunah chuan a tlang a bilh lut tat bawk,khawvawh vang nge ka hre lo, a hmui a sen zuala,a inchei hauh lo nangin a landan a duhawm takzet tho.

Khumah a rawn lawna, thingthiin min rawn thut titih,ka thu mar ve nghal zat bawk,a kawngah ka kuaha, ka nghawngah a kuah thung..a rawn kun hniama, a kut lehlamin ka sam a khawih dan dan bawk.

‘Kal vat zawk la...’

‘Um..’ a ti sepa, a kal chuang lo.

‘’I kal nghal loh chuan i kal dawn miah lo ania’ a mawngah ka thama..a thaw hak mai.

‘Ok, ka kal ang..chuan, lo muhil ang che’ ka samah a rawn thama,a rawn fawp vang vang bawk,a chetdan chuan ka chhungril a fan a, a awmdan engkim maiah hian engmah tihderna lam a lang lo,ka hmangaih em ka hre lo ang bawkin a ni pawn min hmangaih ka ring lo, mahse, zep rual lohin min duha, ka mamawh ang chiahin min mamawh bawk tih ka hria.

Ka tum loh tawpin a lo let leh hmain ka lo muhil hman,a rawn let lai ka hre lo hrim hrim zawk,ka harh leh chuan khua a lo eng ut tawh,ka darah a lu a rawn nghata, min kuah chial bawk.Che mai loin ka mu deuh vang vanga, Dimtein ka ban ka lek kanga, nizan khan sana pawh phelh loin ka muhil a, thil mak tak a ni, Sana bun chung hian ka muhil ngai lo tluk a ni a, thil ka ei lai pawn ka bun ngai meuh lo.Dar 7 a kawk va tawh,pawn lamah naupang an ri nak naka,khua a vawh tehlul nen an pawisa lem lo anih hmel.

A che talh talha, a mit a nuai chat chat bawk, ka harh leh harh leh en tumin a rawn daka,ka lo en reng tih a hmuh rualin a nui saka, a ham zui leh bai bai bawk.Dimtein a hnar hmawr ka khawih saka, a vawt thlar mai.

‘Morning...i mu tha em?’ a ti niah niaha, ka awmah a hmai a rawn phum leh kak bawk.

‘Um,tha e..Nang zawk?” a sam karah ka kut zungtang ka rawlh luta.

‘Tha lutuk..nizan khan i lo muhil tak tak a’ zawi tein a nui a.

‘Muhil rawh i tih kha..’

‘Naah, thu i awih hmel tawp’

‘I thu ka awih loh ten tu thu nge ka awih chuan anga?” ka ti leh supa, a nghawng hnunglam ka chul dun dun bawk.

‘Tumah..Dar engzat nge?” a ti leh daih.

‘A la hma, muhil leh rawh’ ka ti a, Inah chuan dar 7ah a mu ngai tawh lo.

‘Nuapang ho chu an va tho hma awm ve,ee. I la riak bik miah lo tiraw?’ a rawn hawi chhuak leha,min rawn meh chho kar bawk.

‘Riak nang,ngatinge?”

‘Engni lo e,achang chuan ka mumang emaw ka ti thin a..’

‘Eng ber chu?”

‘A vai hian, ka pasal i ni thuta, kan inthen leh mai ka ring fo a,chubakah kan nupa kar a  tha lo thin, mahse ka pasal i la ni renga,chuan, tunah phei chuan min duata,min Duatna hi ka ring tak tak thei dawn em tih ka ngaihtuah thin a’a hmui a pet sawi zauha, ka awmah bawk a hmaiin a rawn nawr leha.

‘Min ring rawh ka tih kha..’

‘Ka ring che lawm,mahse...’ a ngawi leh daih..A tukhum samah na vakloin ka thama, min rawn en chho leh a,a mitmeng lian kel kawl chuan ka ngaihtuahna zawng zawng a hmu tlang vek nimaiin ka hria.

‘Min kalsan anih loh chuan ka then ngai lo ang che..Then leh mai mai tur chein Nupa nihna ka inphuartir lo...a chiang em?” ka ti supa.

‘Aw..anih leh..Hmeichhe dang emaw midang pawh?” a tawp lam a zuih ral titih.

‘Ni lo ve,nangmah chiah..’a rawn che thuta, ka inrin hmain a hmui vawtthler chuan ka hmui a rawn tawka,ka rum hawk mai.Ka chungah ka pawt kaia, min rawn thut titiha,a mawng er nalh zet chuan tum nei niawm takin ka mipatna a nawr kuala, ka thaw hawk bawk.

A mawngah ka thama, a kawngah ka ban lehlamin ka kuaha, ka lehthlal nghal thawk a, a nui hak mai,a kekawr hmanhmawh lutukin ka phelh saka, min lo pui ve vat bawk,hmanhmawh zetin ka boxer ka phelh leha,muangchang pawn ka che thei tawh lo, ka kawngah a mal in a rawn kherha, a rawn inpawt kang titih, a panty phelh loin ka pawt kaua,ka mipatna ka nawr lut nghal pawp bawk, a eu arha, a hmui a pet tlat bawk..a landan duhawm lutuk chuan min ti phur zual sauh, ka nawr leh salha, ka samah a rawn thama, a biang sen deuh tan leh a mit phe deuh te, a hmui nalh zet inkau deuh phat te nen chuan a hmuhnawm tih piahlam a ni tawp mai...

‘Mal...oh..’ka chet zawm leh takah chuan sawi zawm thei lo in a hmui a peta, a kawr ka nawr hlim chho a, a hnute lian kawh lah mai chu a lang phir nghal thaiha, ka chet zawngin a che ve zela,a hmur bial kalh mai chu a kawh ve lah bawk...

‘Mal....’ ka beng bul teah a rawn ti leha, ka chawl deta..

‘Um...’

‘Tawp teh..’

‘Maw?” ka chet zawm leha..mahse, a taksa a danglam tih ka hria..Engthil hrep nge ni??

‘Mawh..tawp teh, tuemaw kawngkhar bulah a awm ania’ a aw a lawi rat mai, ka hawi chhuaka,kawngkhar kik ri ka hre zui zat bawk,Hrep tak hian..

‘Awm rawhse, a kal leh mai ang’ka kun hniama, a hnute hmur ka liak kual zui leh mai,tupawh lo awm rawhse, tunah tawp ngawt ka duh lo bur.Ni lo, ka thei lo a ni mah zawk.

‘Amak...ti tawh lo teh’ ka hmuam zui takah chuan a rawn er deuh zawka, a rum nghal hak bawk.

‘Aih...ka duh i hria lawm..’a beng ka hup sak nghal hmiah...min dan tuma a tal rualin ka nawr leh salha, a ang pham mai...rei ka daih ta bik lo,a tawp kan thleng ruala, a nuam tuar hmel leh te chhuak lo tura a hmui a pet tlat chu ka en ning thei lo.

Inhnuai kan chhuk thlak chuan an lo tho kim vek tawh,vawk talh turin an lo awm laih laih tawha, vawk han puah vel kan la ti thang lo tlang bawk nen khawchhunga a talh thang tak pakhat an lo be fel veka,Biakin lama ruaitheh turah Fatu atan an lo ruata, chuta tanga rawn kal peng rih lawk a ni a,a hmanhmawh ngang aniang, a lo vir vut vut tawh bawk.Anggu-a ka call a, phur zetin midang hruai a rem leh rem loh min rawn zawt nghal zat.

Ka u hmel ka hmu miah lo,nizan kan mut dawn thleng kha chuan a la awm ve renga, zingah a haw leh ta zawk nge ka hre lo,naupang ho in nuam an ti ber,an hlim hmel chu hmuhnuam ka ti a, an vaiin Ruby an ngaina em em vek,a kalna lamah an zui dal dal reng mai te chu hmuhnawm ka ti lo thei lo,a vawikhatnan fa neih lamin ka rilru a luah ve ta hial.

‘Khawnge ka u hi? A la tho lo mi?” ka pa bula thut thlak pahin ka ti a.

‘Nizanah a haw leh alawm’ a ti awlsam mai,mak ti deuh hian ka en a.

‘Maw? Kan mut dawn pawh khan a la awm sia,ngatinge? Thil pawimawh a awm leh si mi?”

‘Awm nang, riah a tum lo sa hrim hrim zawk, chawhnu lamah naupang nen an lo chho leh ang a tih kha’ a ti leh mai.

‘Aw, a nih chu..Anggu-a te pawh an lo kal dawna, engtik nge haw i tum ang?’

‘Naktuk lamah aniang chu,nangni?”

‘Tlaiah kan haw mai ang chu ka ti deuh..In lam kalsan rei lutuk a that ka ring lo deuha’

‘A that chu..’a ti leh mai,a hmaa a thinrimna kha a la theihnghilh hauh lo tih ka hria, mahse, engmah a ti lang lo.

‘Pa...New year hmain Ruby te khaw lamah kan kal lawk ang chu ka lo ti a, enge i ngaihdan?’ kalsawn tuma a tho chhuak tawh chu ka be leh rih,Ruby bulah engmah ka la sawi chiang chuang lo nangin sawi hun niin ka hria, bakah kal ka duh tak tak bawk.

‘In thu thu le’ a ti nghuta, a ngaihdan a nih leh nih loh pawh ka hrethiam chiah lo.Ahma atangin ka thiltih hi min hnial ngai mang lo a,tha ka tih angin ka nun ka hmang mai zel a, tunah pawh chutiang tho chu anih dan a la ni,mahse, kan boruak awmdan leh ka chunga engmah thu neih tum tawh lo anga a sawi na khan nuam takin min awm tir thei tlat lo.Kan kal hmain ka la be leh tho ang chu.

Dar 11 velah Anggu-a te an rawn thleng a, ka beisei loh zetin Dintluanga a rawn tel ve nawlh bawk,kan inhmuh lohna a rei ta deuha, a hranpa takin kan inbe lem lo bawka, a hmeichhe kawp an sawi pawh kha enge chanchin ni ta engmah ka hre zui lem lo, bakah a mimal nun hi midang hriatah a phawrh ngai lo em em a,mi nunah a buai hek lo.Chuvang takin min hrilh hmaa lo zawh ngawt ka tum lo, keipawh a mizia ang chiah hi ka zia anih avangin ka nuna midang lo inrawlh ve ka ngaithei bau lo.

Chawhnu lamah ka u te chhungkua an lo thleng ve a, Makima ka hmuh rualin ka tang ru nghal teuh mai, ka hua nge ka ten ka hrethiam chiah lo,amah vanga ka u natna zawng zawng mai bakah Ruby thlenga buaina a tawh tam zia leh kan chhungkua min tihbuai zia ka ngaihtuah zawng ngawt pawn ka insehruh titih tlat.Mahse, ka pa min ngen ang ngei khan engmah thil tha lo thlen tir ka tum lo.

‘Khawnge Ruby hi?”chaw kan eikham hnuah Anggu-an a rawn ti a.

Ka hawi kuala, ka hmu lo,nichin kha chuan naupang ho nen chaw an ei kha ania.

‘Ka hre miah lo, ngatinge?” ka ti a, ka kut ka silfai pah mawlh mawlh bawk.

‘Ngati lo e..Makima kha a rui deuh chhu a, ka ngaihtuah deuh mawle’ midang hriat hlau niawm tak hian a aw a zawi hle bawk.

‘Engmah chutiang lam a awm lo ang, bakah Makima chuan Ruby niloin Ruati alawm a kawp’ ka ti a, ka then lui suk bawk, mahse, ka chhungril erawh ka sawithiam si lohin min kam tlat lawi.

‘Ok,nia..chutiang chu ni lul tehse, i u emaw i pa pawh ka hmachhawn chak lo ve ve,ka hre sa vek ve tho sia’ a nui lui hak bawk.A demawm hran lo, ani aia ka u leh ka pa hrechiang tur hi an tam chuang lo tlat.

‘Pa...lo tlan rawh’ kan naupang enkawl zinga lian deuh tawh pakhatin thaw hlawp hlawp chungin a rawn ti a.A kawhna lamah ka tlan nghal vat bawk,ka thil va hmuh erawh ka beisei loh lam a ni ta thung.Ruby lo ding zum zat chu ka pana, Dintluanga’n Makima a lo kuah bet bawk.

‘Mate, i tha em?Dina,enge thil awmzia?” Ruby kuah pahin ka ti a,min kuah let ve loin a din ngaiin a dinga, a nghawng a dawm tlat bawk.

‘Ka hre chiah lo, mahse, Makima hian a inhnem hret anih ka ring’za lo zetin a then nawk bawk.

Ka u rawn tlan thleng ve chiah chu ka en a, ani pawh angaihna hre lo hmel a pu ve tho bawk.’Enge a?” zawh bik pawh nei chuang lo hian a rawn ti a.Ka lu ka thing a,Anggu-an Naupang ho a kal kianpui lai chu ka melh zawk bawk.Kan awmna lai hi building hnung lam,thing hmun deuh,hmun nuam lai leh biru angreng deuh lawi si a ni a,midang tan hmuh mai a harsa deuh.

‘Mami,Makima hi Motorah ka lo va hruai ang,min rawn zui la..’ Dintluanga’n a ti a.A zawhna lam a chhang chuang lo,a hre bik lo nge a hre lo der ka hre hek lo.

‘Mahse, enge thleng ka tih chu? ‘ min rawn en a.

‘Ka hre bik lo..kal phawt rawh’ ka tum aiin ka aw a chang hret, Ruby lah min nghengin a ding tawk tawk ringawt bawk.

‘Ka pasal kha i khawih em?” Dintluanga’n Makima duh lo chung a kalsawn pui hnuah ka u bawkin a ti leh a, a tawng dan chuan min khei zak mai.

‘Khawih lo hlauh’

‘A that chu,i kut hmawr pawn lo tawk suh’

‘A tul loh phawt chuan le..a tul anih erawh chuan ka hreh lo’ ka aw a ring lo, mahse, a beng a ngawng lova, hre phak turin a awmna a hnai tawk tih ka hre bawk.