STOP-22

Chapter- 22

‘Maw?”

‘A thi tawh, a tawp tawh’ ka pawt hnaia,ka kuah bet tlat bawk.

Pawi ka tihna leh tih lohna a inchen rengin ka hria, mahse, Ruby erawh chuan a tuarna tih piahlam a ni thung, an khaw lamah phum an duh avangin kan zui chho ve a, Anggu-an min zui bawk, engkim mai mumang ang ruai niin ka hre bawk.

‘Mama,engtik nge in lo haw leh ang?” ka u in min rawn call teh tlat,khami ni bak kha kan la inbe leh miah lo.

‘Ka la hre mai lo, ngatinge?” zawi supin ka ti a, kan thlanglama thlan vung thar ber,an bawr deuh laih lai chu ka melh vung vung bawk.

‘Ngati lo e,in kal ve tih ka pa hian a sawia, chanchin ka hre duh mawle’

‘Um,anih chu,kei hi chu ka awmrei thei lo vang, mahse, Ruby chu a duh duh chen awm mai se ka ti a’

‘A that chu, nia, a tuar thiam lo khawp in ka ring,engpawh nise chanchin min rawn hrilh leh dawn nia’ a rawn ti leha.

Thlan hungna lamah ka kal ve a,Anggu-a erawh a haw tawh thung, an chhungkhat chauh emaw kal tur ka tih laiin kal an thathnem tak viauah chuan ka bula mi ka zawt ta nge nge,YMA in an kut ken zel a lo ni a,khawpui lamah chuan mi kan buai tawh chhuanlama hmangin thlan laih pawh veng tam zawk chuan hlawhfa in an thawk tawha, a awm lohna ka hre lem lo,kei ngei pawh hman lo ber te zinga mi ka ni ve tho.Mahse, Thingtlang mi te hi nitin eichawp zawng, thawh loh chuan nghei lek lek zawk te anni a, an fakawm tih loh rual a ni lo,an nunah hian tlawmngaihna hian awmzia a lo la nei thui hle tih te ka ngaihtuah phah ve ta hial.

Thlan siamna atana tul zawng zawng ka tum sak veka, min hnial teh nangin Ruby vang tal pawn tih ngei ka duh tlat,ka kal ve ngawt tak nangin engmah ka ti ve lem lo,tih ve ka tum viau pawn min awl an tum ruh lutuk a, tih ve ngaihna a awm lo.

Kan haw veleh ka inbuala, thlasik lai a ni a, tui lamah an harsat ka rin laiin an lo harsa lem lo,‘Engtik nge chhuk i tum ang?”Ruby pa in min hmuh veleh a ti a.

‘Ka hre mai lo nangin naktuk lam hian ka chawhnu chhuah mai dawn mawni ka ti a?”

‘A tha khawp ang chu, theih se chuan Mambawhi hi cham rih se ka duh mange’ a tim deuh niin ka hria.Pa nun tluang leh inthlahrun ti na tak mai a ni a, mahse, an phu loh leh phak loh angin min en lem lo.

‘A thu thu nimai, a peih chen chen awmse,a lo haw duh hunah ka rawn lam leh mai ang’ ka ti a, ka chhungril erawh chuan a tel lo a awm ka huphurh tih ka hria.

‘A that nasat chu, hmanni in lo kal lah kha in awmrei thei ta mang si lo va, kan ngai ve deuh anih hi maw’ a ti leh charh charha.

Ka dem hran lo,an fanu neihchhun ni lo mahse an innghahna a ni thina,helamah awm tam lo mahse a hma kha chuan pasal nei a ni lova, an ta a la ni a, tunah chuan pasal nei anih tawh avangin a duh duh hunah a haw thei tawh lova,engkawngahmah an beisei ngam tawh lo maithei,hun remchang an hmuh laia chelh an tum hi ka dem lo.

Tlai lamah Ruby a lo haw ta chauh, Ruati nu leh pa in an ngai em ema,an fanu nen tet lai atanga lo inzui an ni bawka, an fanu hmu ah an inngai pawh a ni mahna le,haw dan tur chungchang vel ka sawipui leha, min hnial hran lo,zan lam erawh kan kal ta lo.

‘Awm rei lutuk kha ka pa ngaihdan a ni angem?’ a ti sepa, ka darah a lu a nghata, ka kut a hmet niap niap bawk.

‘Aih, pawi ti lo ang, ka hrilh tawh lawm,mahse, indim deuh la ka duh,zan hnih ngawt i tlaivar zawn tawha’ka ti supa, ka kawngah a rawn kuaha, min rawn khan chial bawk.

‘Um,ka mut a chhuak khawp mai..’

‘Kei pawh..’

‘Eee, vawiin khan Ruati Cousin pakhatin a fak che a’ a ti leh halha.

‘Wow, a va lawmawm ve..’

‘Ka ti tak tak ania, fel an ti lutuk che’

‘Kei pawh ka lawm tak tak alawm,mahse, mi tamtak fakna dawn aiin i fakna dawn ka duh zawka, i hria lawm’ ka nui hawk bawk.

‘Kha chu sawi angai hleinem..’ a rawn tho kanga, min en thei turin a bawkkhup titih bawk.

‘Ka ngai ngawt ang che’ a ti sepa, a hmai a sen tan tan bawk,a hmai mam han mai chu ka khawiha, a hnarah ka tuaia,a vawt thlar mai,ka pawt hnaia, a tukhumah ka vuana, ka kuai kuna, a mit a chhing chial bawk.

A mitah ka fawp a, min rawn bawh titih,ka inrin hmain ka hmui a rawn si a,ka chungah ka pawt kai nawlha, a hmui nem leh fawh nuam zet mai chu ka nawr kaua, a ngik deuh faih bawk,duhthawh zetin ka fawpa, ani pawh a dang chuang lo,min rawn fawp let ve nawk nawk bawk.

‘Kan ti thei em?”ka aw a khur deuh dur dur bawk.Dik tak chuan amah ka khawih apianga chakna ka neih thin hi a la danglam thei ta lo fo.

‘Ka hre lo...mahse...’ a thaw halh mai..

‘Engmah a pawi lo ang,i lo haw veleh kan test anga..um..’ ka thlem titih..Engmah test na hun kan nei ta lo,Ruati thihna lamah kan buai zui angai ta miaua.

‘Aa... ka chiang lo alawm, animaitheia, a ni lo thei bawka’ a ti leh sapa,ka awmah a khabein a rawn nawra..

‘Naktukah ka haw hmain test la...’

‘Um, mahse, lo ni lo ta se’hlauthawng aw a hriat theih.

‘A nih loh chuan a la hun lo animai,tan kan lak angai tihna a ni maia’ ka nui a, a nui ve hak bawk.

‘A pawi lo ang..’ a tawng leh tur chu ka khar zui hmiah,a kekawr kawng ka pawt kaua,a mal lamah ka nawrthlak saka,ka kut lehlamin a hnute ka zen zui zat bawk..ka insiamrema, ka lehthala, a mal ka nawr kau leha, ka tla zep zui zat bawk,a kawrhak ka nem chhoa, a hnute rawn lang chu ka thlir deuh vang vanga, a nalh thlawt,a hmur a bial karha,chakna avangin a kawh ve lah bawk,muangchangin ka kun hniama, ka fawp ta nge nge, ka liak kual leha, nuam ti insum bawk si hian ka samah a tham ngat ngat thung, ka kut lehlamin a mal kar ka zena, ka duh ka khawih fuh takah phei chuan a thaw a chham dawn emaw tih mai turin a thaw ri hrawih bawk..a awmdan engkim mai chuan phurna min pea, ka insum hleithei tawh lo,mahse, ka tihlai ka tawp duh chuang lo...Ka darah a rawn thama..

‘Mal..tawp teh...’ teh seka..ka rum hawka, ka hawi chhuaka,a mit a chhing a, a hmui a pet fan mai..

‘Enge?”

‘Midangin an hria ang....’ a ri chang chang,ka hawi kuala, a sawi dik tih ka hria,kan awmna room leh room lehlam hi Plywood a in pingdang mai a ni a, room lehlamah midang mu an awm ve bawk nen a hlauthawnna kei pawn ka hrethiam..Nupa ni mah ila thil nuam a ni chuang lo tlat.

‘Anih chuan tawp mai ang’ ka ti supa, in control tumin ka mit ka chhinga, a awmah ka hmai ka phum vang vang bawk..Ka sam a rawn khawiha..

‘Mahse...ih..ka duh alawm’ a ti bah nak mai..Ka hawichhuak leh a, ka inbengkanga, a mit meng da va deuh leh a biang sen tan maiah chuan ka mamawh ang chiahin min mamawh tih a lang theia, haider chi a ni lo...

‘Tho rawh le’ ka ti supa, ka tho a, ka pawt tho zui ve nghal bawk,a ngaihna hre lo hmel zet hian min en a,Khum atangin ka chhuka, ruak vekin awm mah ila ka zak lem lo,ka hawi leta, a hnute a hupa, a mal a chip tlat bawk..Lukham ka la thlaa, khum bula puan lum,zangkhai angreng tak in bang chu ka pawt thlaa, chhuatah ka phaha, lukham ka la thla leha, engmah sawi loin ka chevel min en ringawt.

‘Le...’ ka ti supa,.

‘Engtin?” ka a emaw ti niawm takin min melh ran bawk.

‘Helamah hian...’ ka puan phah lamah ka thle zauh bawk,a nui ri hak mai..Ring tak erawh a ni lo..Ka pawt thoa,kan Blanket sin lai ka la thlaa, Light ka off zui nghal hmak.

Blanket in ka khuha, ka mu thla ve nghala,a ngai te bawkin ka chungah ka pawt kai zui nghal zat bawk,ka chungah a rawn thua, a mal pahnihin min kar cheha, a mawng lian leh poh lah mai chuan ka mipatna a rawn thuta,ka awmah a rawn nema,a mawng a ti che a...ka inpeih lehnghal der,a kawngah ka vuan a,a rawn kuna, min rawn fawpa,a duh phawt chuan min tih lawm dan a thiam lam mah a ni e...Ka insum zo lo,ka tho a, a kawngah ka kuaha, ka leh thala,lukham a delh thlak rual deuhthawin a chhungah dimna tel miah loin ka lut zui nghal zat bawk,a rum hak mai..A bak chu engmah kan ngaihtuah tawh lo, intihlawm tumin kan pahnihin kan che ve vea, mahse, thawm dim a ngai lem hret..

‘Ka tel lo a i awm chhung zawnga i hriat reng tur hmangaihna chenpui che ka duh’ a chalah ka chalin ka zuk nawra..a hmui a pet fan fan thung, min chhang miah lo mahse a awmdanah chuan  a theihnghilh dawn lo tih ka chiang lutuk mah mah zawk.Chutiang bawkin keipawh..

Ruby ka hawsan atangin karkhat a ni tawh,nilengin hnaah ka buai zuia,mahse, hunawl ka neih apiangin ka call ziah thung,tiang em em hian ka lo mamawh tih ka lo hre ngai hek lo.

‘Mal...whatsapp en teh’ Ruby-in min rawn calla, ka chhan let hmain a off leh daih bawk, ka phone ka ena, Ruby msg a lo awm kalh, ka hawnga, photo a lo ni a..enge anih ka hre lo dawn zeta, a dang a lo thleng leha, ka hmu thiam ta chiah,lawm vangin ka au chhuak thelh bawk.

‘A ni tak tak em?” a pick rualin ka ti nghal tawng..

‘A landanah kha chuan a ni a ang” a nui a..

‘Ka lawm e aw, mahse, naktukah ka rawn hruai dawn che’

‘Aih, angai lo...Fridayah ka lo haw ang, ka nu te ka lo tiam vek tawha’

‘A tul miah lo, hriatchian vat ka duh lawm’ ka chhungrila engemaw awm chuan ka lungphu a ti rang dawt dawt bawk.Mahse, hruai ka tum erawh a hnial tlat.Tihluih awmzia a awm dawn chuang lo tih ka hriat avangin ka tlawm leh ta nge nge.He nu zet hi chuan ka nih loh dan hian min kai kual nasa teh e..

‘Vawiinah i u a lo kala’ ka pain chaw kan ei laiin a ti a.

‘Um..enge a rawn tih a?” ka ti liam puat, diktak chuan tunlai a lo kal ngun leh tawha, thil mak a ni lo.

‘I thil tur a rawn kenga, in roomah ka dah tir kha’a ti awlsam leh mai,ka hawi chhuaka.

‘Eng thil maw?’ ka thil ei lai ka chawla.

‘Ka hre lo, Envelope ania, ka hawng lo’ a ti leh mai..

‘Ok,anih chu..Makima a lo kal ve em?” ka tum aiin a hming ka sawi pangngai thei, diktak chuan Ruby a lo khawih tih ka hriat atang khan chhungkua anga ka enna kha a awm tawh lo, ka en leh theih ka ring hek lo.

‘Kal lo,a zin atih kha mawle’ka rilru hre lo tih hriat zet hian a ti tha leh mai,Nia..a tan chuan a fanu pasal, a makpa a ni a, eng ang pawn khawsa se ka u in a neih chhung chu a huat tak tak ka ring hek lo.

‘Anih chu..ee, Fridayah Ruby a lo haw dawna’ ka ti leha.

‘I han hruai dawn nge?” a plate a nawr sawna.

‘Ka la hre mai lo,Ruati u te naktuk hian an chho dawna, an rualin a lo haw theih chuan hruai lo ang’

‘Um, in tih dan dan le..’a ti leh a, a tho zui nghal bawk.

Room ka thlen chuan Khum sir Cabinet chunga Envelope lo awm chuan ka mit a la nghal chat, ka pan hnaia,ka la kanga, hawng lo in ka lek kual a, a puar deuh hleka, mahse, puar tak a ni lo.A chunglam ka pawtthlera,ka pawt kaua, a chhungah lehkha niawm tak a lo awm,ka phawrh chhuaka,enge anih ka hmuh rualin ka thaw hawk mai..Maldives kalna tur Flight ticket pahnih leh lehkha dang pakhat a lo ni a, lehkha dang zawk ka pawt pharha, Hotel hming leh Room number bakah Hotel Contact number a lo awma, Visa chungchang tawite a ziak tel bawk..

‘Hello...’ rei pawh a ring hman lo tihin ka u in a rawn ti nghala, ka call hun a lo chang pawh a ni mahna.

‘I thil dah hi ka hmu a’ ka ti hmuk ringawt.

‘Oh..kha kha maw,nia...eng lo ania, i Birth day pualin surprise che ka duha’

‘Ouch,anih chu..hei hi enge a awmzia?”

‘Eng chu maw? I hmuh ang kha a nimaia’

‘Nia, ka hmuh ang hi a ni mai tih ka hria, mahse, Ruati thih vanga Present nge?” ka aw a chang lam hret,a thaw halh ri ka hre zui zat bawk.

‘Chutiang anih engtin nge i rin a?” mak tih hmel zet hian a rawn ti a, a awah lawmlohna ri a hriat theih bawk.

‘Rin loh a harsa zawk,kei chauh ni loin Ruby pawn ka rilru ang chiah hi a pu ang’

‘Ni lo, chutiang a ni lo,Boruak siam that ka tum mai zawk..’

‘Wow, a tha lawm...mahse, a hun lo tih i ngaihtuah em?” ka ti leh hluk.

‘Ngaihtuah miah lo,Honeymoon pawh in hmang lo a, chumai bakah Ruby bik phei chuan boruak duhawm lo tak tak a tawng nasa a, khatiang zawnga khan kan inkar siamthat nan ka lo ti a’ a rawn ti leh duah..Nih pawh a ni mahna, mahse, ka ring miah lo..

‘Nidang ang chu nise lawm takin a pawm ang, mahse, Ruati chungchangah khan min ringhlel em em a, nangpawh tiamin,tunah a boral chauha, hei hi i rawn ti a...’

‘Mahse, engmah ka ti hleinem,kan boruak tha lo lutuk kha siamthat ka tum mai zawk alawm’ a rawn ti leh a, a ti tak tak a ang viau lawi.

‘I tum dan ka zah sak che, mahse, naktukah ka rawn thawn let dawn nia...i ti duh talh anih pawhin nidangah ni zawk mai rawh se’

‘Mahse, Mama..engkim ka ti fel vek tawha, engtin nge i cancel ngawt theih ang?” thinrim insum a ang ta.

‘Nia, pawi ka ti..mahse, tul miah loah kan inbah hnawk ka duh lo’

‘Engemaw thil tha tihsak che ka tum mai zawk asin, Ka pa pawh ka sawipui veka, tha a ti a’a rawn ti leh talh.

‘Ka pa hian engkim a hre lo tih i hria lawm..engpawh nise Ruby ka lo be dawn nia’

‘Um,nia...ka unau neih chhun i ni a, a hmaa ka awmdan vanga i natna siamthat ka tum tih i hre tal dawn nia’ a ti leh a,chhang let tawh loin ka off ta zawk..

Chunglam melhin ka mut ngaiin ka mu a, ka mithlaah Ruati hmel dang bui mai bawk kha a lo lang leha, ka u ka ngaihtuaha, a thil tih hian awmzia a nei tur a ni..Ruati kha a khawih anih ka ring leh ta thung.Huat namen lohin a huaa, a hmain Ruby chung changah dawt a sawi chiang em em tawh, khavang pawh khan rin harsa ka ti lo thei tawh lo..Tunah Ruati a borala, a hmaa reh hmak kha a hlauh ber a awm tak loah chuan nuam ti takin a leng zui ta mai a ni angem?

Ka phone riin min tiharha, khua a lo eng tawh, nizan khan thawmhnaw pawh thlak lo in ka lo muhil tlang daih pek.Phone ka bana, Anggu-a a lo ni a.

‘Hello...’ mutchhuak aw zetin ka ti sup.

‘I la tho na nge?’

‘Tho lo,a la hma lawm’

‘Hma nang,niminah lo kal ka tuma, ka hman ta lo a, zanin Dinner party kha dar 7 tur anih kha’phur hmel zet hian a rawn ti a..Ka lo hre leh tawh lo.

‘Ok, Aarav-a te chu niminah i zuk lam ami?’ ka ti a, Aarav-a hi Dehradhun kan awm laia kan classmate a ni a, Nupui a nei tawha, fa an la nei lo thung,tunah Mizoramah an nupain an lo kala,chuvanga party nei tur kan ni reng bawk.

‘Aw lam e..Ben-a a lo kal ve bawka, an inkawm thei nghal khawp mai’ a rawn ti leh zat zata,Hindu kul muk em em mai chhungkua a seilian a ni a, mahse,maktakin kan tih ang a ti thei ve vek.

‘Um,a that chu..chhun lam hi ka buai hmel riaua,nakin deuhah Aarav-a chu ka lo call ang,anih phawt’ ka ti a, ka off a, ka mutna bulah ka phone ka dah a, ka mit ka chhing zui leh vang vang bawk..February thla a thleng lek lek tawha, khua lah a vawt zual tulh tulh bawk.

Dinning roomah ka pain amah in thil a lo ei a, ka lut thawm hriaiin a lo hawi vut bawk.Eitur ka duh nghal em tih Dino-in min lo zawt nghal vat bawk,ka duh tih ka hrilha ka thu ve nghala.

‘I u thil dah chu i hmu maw?” a thil ei lai a chawla, nizan khan enge anih a hriat loh thu kha a sawia, mahse ka u sawi hmang kha chuan ka pa a rawn hmasa anih kha..

‘Aw..hmu e’ ka ti sup ringawt.

‘Enge a an a?”

‘Flight ticket ania’ ka ti tha ve mai.

‘Aw, anih chu mawle, a sawi nauh nauh tak kha..i Birth day present ni pah fawmin in Honeymoon atan a ti a’

‘Nia, a sawia,mahse, Ruby hi lo haw phawt se’

‘Ngatinge? I hrilh nghal ang chu ka lo tia?” mak ti hmel a pu deuh bawk.

‘Aih, hrilh lo.Englo ania, a ruak lo maitheia’

‘Ehe...a va lawmawm dawn ve’ amah ang lo takin phur hmel zet hian a ti hluai mai.

‘Nia,mahse, engmah kan la confirm lo,lo haw phawt se’ ka ti leha, ka eitur Dino-in a rawn chhawp chu ka ei zui nghal mawlh mawlh bawk.

Nilengin hna lamah ka buai leha, Showroom mai bakah Servicing lam kan khawih tel tawh avangin Workshop lamah ka chhuk thlaa,ka awm nileng titih..In ka thlen chuan khua a thim tawh, ka pa hnenah ka kalna tur ka hrilh a,a bu liam mai.

Ka inbual zawh in ka phone ka ena,Miss call a lo awma, Ruby leh Anggu-a.Vawiin lam ka buai ta deuh nen Ruby ka call miah lo, zingkara ka wish bak ka be lo, Aarav-a pawh ka be chuang lo.

Ruby ka call back nghala, a pick lo, vawihnih ka call pawn a pick chuang lo,hlauhthawnna in min rawn fana,a nau ka call ta zawk,ani thung chuan rang fe hian a rawn picka,a u ka be duh tih ka hriha,mahse, a chhuah lawk thu leh phone a kalsan tih a rawn sawia ka thawveng huai mai.Msg in ka kalna tur ka hrilh ta zawk.

Party na tur ka thlen chuan an lo thleng kim deuh thap tawh, ka beisei loh zetin Remkimi a lo awm ve bawk,an lo titi mam mama,Aarav-a nupui neih hian Anggu-a nen kan kala, Remkimi nen kan inkawp lai kha a ni a,la inhmu lo mahse hriat chu an inhria.Zanin Dinner Party naa a lo kal ve hi a mak lem lo.

‘Remkimi hian engtin nge a hriat ka hre lo ania,min rawn calla,kal ve a duha, ka lo yes ta mai,i phone i pick thei mang si lo’midang hriat hlau fe hian ka beng bulah Anggu-an a rawn ti su su mai.

‘A pawi hleinem,lo kal ve rawhse, kan mipa rual em a, Aarav-a nupui tan pawh a nuam zawk ang’ka ti supa, a rilru tih nawm nan ka nui lui suk bawk.

‘Ok, chutia i tih te chuan le..’ a nui ve a,Beer can min rawn pe zui zat bawk.

Kan boruak a nuam ta viau,Remkimi nen kan inkawp lai hre mahse ka nupui a ni lo mak an ti anih pawhin an ti lang lo, ka rin ang ngeiin Aarav-a nupui nen pawh an inkawm thei nghal viau,a hmel a tha a, a class a, inchei a thiam bawka,khawiahmah a zahpuiawm lem loh bawk.Min beisei angin a awm hran lo a, thian kawmin min kawm ve mai.Bakah kei pawn a beisei theih ang tura khawsak ka tum hek lo.Aarav-an Ruby hmuh ve a chak zia erawh a sawi ngun viau thung.

Peih lo zetin ka mengchhuaka, ka lu na lutuk avangin ka chhing lehnghal vat bawk.Zu ka inkhat ta deuha, nizan khan ka in nual bawk nen ka zo lo anih hmel..Che loin ka mu leh vang vanga, damdawi ka ei vat loh chuan ka lu na a reh dawn lo tih ka hria.

Muangchangin ka tho chhuaka, ka phone ka bana,nizan khan Ruby ka be ta lo,ka msg kha a reply bawk si lo nen min ngai tawk lo tih ngaihtuahin  ka thinrim ru teuh anih kha..Msg a lo awm nual,ka beisei ber erawh ka hmu lo..Ka dah leha, Damdawi awmna lam ka pana, Pain clear ka la chhuaka, pahnih ka hmawm nghal thawt, Bathroom ka pana, tui lumah inchiah vang vang ila ka ziaawm ka beisei bawk.

Reife ka inchiah hnuah ka intleuha, ka lu na pawh a zia tan titih, ka phone de zauh zauh chuan ka mit a la nghal chat, ka la kanga, msg a lo awm,Ruby a lo ni a, ka opena..mahse, ka beisei loh zet ka zuk hmu ta thung..Remkimi nen kan thu duna photo a lo ni a, ka nuia, Remkimi ka en a, min en ve bawka, ka thuta chair a rawn bawh titih bawk...LALPA le(h)..he thil hi engtik laia an lak nge ka hre lo,kan vaia thla kan lak dawn lai kha chuan kan thu dun ngeia, abak kan thu dun hauh lo tih ka chiang...

Call ka tum laiin msg dang a rawn thleng leh nghal zat,rang lutukin ka open a.

‘Nizan khan Remkimi a lo kal ve dawn tih i sawi lo a..’ tih zawng...A tawi tek tawk viau, mahse a sawi tum erawh thui leh ril tak a ni thung, ka call nghala, a pick duh der lo,ka ti nawn leh a...a reject ta hmak...Hreptak hian..