22/AUGUST ( Khuh hawnna)

Nu hrawn hrawn hi eng nge anih chiah sawifiah a harsa.An vaiin an sual lo,an fa hrin te ang chiahin min en mahse "eng emaw" a awm tlat hi a buaithlak.

In melh hian thi thei ila chuan ka thihna a rei tawh ta ve ang.Ka nu a uire avanga ka huatna aiin ka nuhrawn ka huatna a sang zawk.Keiin ka huatna aia let tam takin ani in min haw ve bawk.

"Chhuak tawh lo teh,Damdawi i mamawh leh nitin i ruihna tur ka lei anga,mipa i duh leh ka ko mai ang,call boy ka hria ania.Pawn lama i mualpho ai chuan inchhungah nuam tawl mai teh" a mitmeng  lian leh mi melhna zetah ka melh lui tlat.

"Ka hua che..." abak sawi tur ka hre lo.

"Ahhh,tiang khawp hian ka phal zau sak chea,min haw tur i ni lo ania" a aw a dam thlap.A thinrim apianga a tih thin dan angin a nui sang bawk.

RAMSEY

"Ruihhlo ngai leh mipa tamtak chin phar hnu nena inzawm ka duh hauh lo.Mahse,nang erawh i danglam.He pukah hian kan damchhung kan hmang dun mai aniang chu.."

"Anih chuan enge kan ei ang?"

"Min ring em?"

"Ka inrin aia nasain ka ring che"

"Kan naute piang tur nunna chhalin ka sawi ang,khawiahmah ka telloin i kal ka phal lo ang"

"Ka hmangaih che"

"Nang aia nasain.."
-------------------------------------------------------------------

"Lawk,Ramsey..Zorini ka nia" min rawn en a.

"Zorini...Min hrethiam la,ka hria che em?" a ti hmuk.

Ka dingkhawng lah mai,ka hriat thin Ramsey nen khan an hmel leh pianzia a inang chiaha,mahse  hei hi chu midang daih a ni lawi si.Hmel leh pianzia engkim a in ang si,mahse midang ve ve ni lawi si..Thil awmthei a ni dawn em ni???

Ziaktu: Maengi Ralte

Ni 14/2/2019 atangin keima mimal Group(Fbah) leh MERMENT Story Group(Fbah) chhiar tan theih a ni ang.
     
            💖💖💖💖💖💖