22/AUGUST- BOOK- 2

CHAPTER-11-19

Chapter-11

Remfela mak ti hmel chu ka hmu phe deuh ruai,ka lu a hai bawk nen ka awmdan a dik lo,ka luak a chhuak hlui a,khawsik tham ang maiin ka chhungril atangin vawtin min thama,ka khur titih bawk.

‘I thlah dawn nge ka thlah tir dawn che?” a ti leh hmuk,a then suk bawk.Mahse nuihzat vanga nui erawh a ni lo tih a hmel nelawm lo lutukah chuan a chiang reng.

‘Tu nge i nih a?” ka rilrua lo lang hmasaber ka sawi chhuak nghal pawp.A hmel tak ngul maiah chuan thinrimna niawm tak a lang zawk.Mahse, a rei lo.

‘Eng nge a?” Savio-an ka bula rawn din pahin a rawn ti a.Min ena,Ramsey-a a en leha,tuman kan chhang lo.

‘Ka kal phawt mai ang’Remfela’n a ti a.Kan boruak tang leh hahthlak lutuk chuan a ti zam nge pawh ka hre lo,hlauh hmel fein Ramsey-a a en leh zawka,min rawn en leha.Ka ban ka vai ringawt.

‘Mama..Kan kal dawn asin’ Savio-an Ramsey hnenah a ti a.A chhan hmain ka darah a rawn kuaha,ka ngheng nghal titih.

‘Ka lo drop ang…’ a ti vawt ruih.

‘Maw? Aw..mahse,amah hian a duh leh duh loh animai’ a ti leh a,min rawn en a.Zawhna min zawt tih a hmelah ka hrethei.

‘Kal ang,vawt ka ti lutuk..Ruah a sur dawn aniang’ ka ti buh nuaih.A then saka,Ramsey lam bawk a en leh a.

‘Keiman ka thlah mai ang’

‘Keiman ka tih kha’a aw khauh fur chuan min ti thinrim ta phat.Savio min kuahna ka thingthlaa,ka pan hnaia,ka kal bu deuh lak lak bawk.Mahse, ka in hnem ang huin ka chatthla mai tlat lo hi thilmak tak a ni.Ramsey hmaah tak ka dinga, kan insanhleih deuh bawk nen a mitah tak en turin ka dak chho ha mai.A inpetruh funa,pawisak a neih tlem hmel takzet.Mahse, hei hi chu a bialnu bulah lantir rawh se.

‘Tu nge i nih?” ka sawi zawh rualin Savio tlak karh ri ka hre nghal zat.Pawi a ti hmel viau bawk.Nia,pawi a ti ang,a hlau em mai.

‘Haw la a thain ka hria’ ka zawhna a haider hmiah thung.

‘I thu lo,ka duh leh ka haw anga,ka duh leh ka haw lo ang,ka thu thu’ ngeiawm zetin ka nui lui hak bawk.A hmui a tisawi zauha,ka tawngdan ngeiawm zet khan a engahmah a khawih lo tih a chiang reng bawk.Chu chuan min ti thinrim zual sauh thung.

‘Anih chuan i thuin kan kal mai dawn mi? I pain haw hma tur chein a duh a’ a ti leh nghut.

‘Ka haw ang,mahse i rual ni loin midang nen..Chuan,tu nge i nih ka hre lo a,ka nunah lo inrawlh tum suh.A chiang em?” ka ti leh salh.Ka sawi pahin ka kutzungtangin a awmah ka nawr sak sak bawk.

‘Duhtawk rawh..I kalthui lutuk ange’ a ti sup.Ka banrekah a rawn vuan,nghet lutukin a hmer zui nghal zat bawk.

‘Min thlah rawh,zaktheilo lutuk mai..Savio..’ ka hawi leta,tumah an lo awm tawh lo..Khawiah nge a kal hman?

‘A kal tawh,keini pawh kan kal a hun viau’ a ti leh nghut.

‘Min thlah rawh’ ka ti leh that.

‘Tehreng mai,I kal duh loh tlat phei chuan pawm luh che nuam ka ti khawp ang’ a then leh suk..A hmelah chuan a ti duh tak tak mai ang tih a lang reng,kan dine outna hmun hi Khawpui pawn a ni a,mi veivak an tam lo.Mahse, a khat tawkin Motor tlan a awm renga,chung ho tana hmuhnawm siam ka duh loh chuan ka kal mai angai.

‘Lut rawh..’ kawngkhar lamah a thle buk.Luh mai loh chu tihtur a awm chuang lo.

Ka thutna hnunglam ka nghenga,ka mit ka chhing nghal hmiah bawk.Tawng chakna ka nei eih lo.Ka luak a chhuaka,ka lu a hai bawk nen muthilh vang vang ka chak ber.Zu ka in tantirh atangin engtiklai mahin rui chunga phul hlut chi ka ni ngai lo hi ka vannei,ka ruih nasat leh ka cool ting mai zel.Mahse, ka thin a ram viau zela,han sualpui mai tur ka hmu thei viau lawi.Savio hian min chhan leh min puih a fawmkem nasa a.Ka ruih tawh chuan min veng deuh tawp a ni ber.

‘Khawnge i phone?” reife kan ngawih hnuah a tichhuak sup.Ka hre lo der hmiah thung.Ka awm ngaiin ka awm lui tlat bawk.

Motor a din takah chuan muthilh der reng theih pawh a nita lo.Ka mengchhuaka,kan awmna lai hriat tumin ka en a,kan Inbulah kan lo awm reng tawh.

‘Min thlah avangin ka lawm e’ ka ti nghat,Kawngkhar hawn tumin ka bana,mahse a tawng riah ka kut ka la let leha,muangchangin ka en ta zawk.

‘Eng maw i sawi?” ka ti hlak.

‘Haw suh,inruk mai a tha’ a hma pawh khan a sawi tawh.Ka hriat loh vanga zawt nawn ka ni hek lo.

‘I bungrua ka ni lo’ ka aw a chang fak mai.

‘Anih chuan tiang chung khan i pa i hmachhawn dawn tihna mi?”a ti sup.Ka chhan dan vanga thinrim hmel a lang lo.Tlaia thil thleng ka mitthlaah a lo lang nghal zat.

‘Ka rui emaw rui lo emaw ka pa tan chuan misual ka ni tho.Eng ang pawn hmachhawn ila buaina a awm lo’ ka tita duah.

‘Enge thleng?’ a ti leh daih.

‘Engmah…”

‘I sawi dawn lo tih ka hria,mahse I awmdanah khan thil thleng a awm tih ka hria’

‘I fing viau anih chuan chhui chhuak mai rawh..’

‘Nia,ka chhui chhuak tawh in ka hria’

‘A va lawmawm ve’ tielna ka awah a lang chiang ngang mai bawk.

‘Rui lo hian engkim hi hmachhawn la chuan a lawmawm lehzual ang’ a ti leh sup.

‘Ka hrilh tawh che kha,midang dinhmun hi sawi mai a awlsama,mahni tawn anih loh vangin..Chuvangin ka awmdan sawisel suh’ ka ti hmak.A then suk a,a hmelpa leh thutak ngul maiah chuan enge a ngaihtuah ang ka hrethiam lo.

‘I sawi dik,mahse,I awmthat nasat leh  nuhrawn tan hian a manganthlak tih hi chu ka tawn ni lo mahse ka hmuh dan a ni zawk’ a ti leh sup.A sawi dik mahna..Mahse, ka nu chunga a thil tih rapthlak lutuk ka hriat ruk pai chung hi chuan that a harsa lutuk,amah ka hmuh rualin min vit ngut ngut a,Ka pa bulah sawi dawn ila fiahna ka neih te a beitham miau a,engmah ka sawichhuak thei hek lo..

Mangtha le..’ ka ngaihtuahna tilang lo turin ka ti hmak.Kawngkhar hawn ka tuma,mahse ka  hawng thei der lo.

‘I hawng thei na nge?” a ti nghut,a awah nuihzatna niawm tak a hriattheih bawk.Ka chhungrila thinrim nain min rawn hnawh up up a,mahse ani bulah hian ka thinrimna tilangin nuihza siamna nih ka tum bau lo.

‘I locked miaua,hawng thei nang..Enteh,I hmuh ang hian fanu awmtha duh lo satliah mai ka ni a,neih engmah ka nei lo bawka.Min tihbuai hi duhtawk tawh teh.Keimah chauh pawh hian buaina ka ngah tawk lutuk..’ ka ti dam thlap.Ka chau takzet,muhil ila harhchhuak tawh lo ila ka duh ngawih ngawih,Mahse ka thih ruala hlima lam nghal tur an awm tih ka hriat tlat avangin chunglamin ka nunna a tihtawp hmaa keima thu a lo tihtawp tumna ka nei lo.

‘Ka duhtawk dawn lo tih i hriat kha,sawi duh lo mai rawh’ nghet churhin a ti hmuk.

‘Engvangin? I  bialnu nen khan min nuihsawh turin maw? Ni lo,ka chanchin aia nuihzat tur thildang a tam ang’ ka insum hman lo.Anchhe lawh niawm takin a phun hluka,mahse enge a sawi ka hre thei lo.

‘Maw?” min rawn hnaih nghal ruak bawk.Kawngkhar ka ngheng rawk thung.

‘Sawifiah angai dawn tihna mi?” ka ti hmak.Ka rui a reh vek tawhin ka hria.Mahse, ka lu hai leh ka luakchhuak nghulh chuan a la reh lo tih a tichiang thung.

‘Aw,Agnes-i nen kan tawp tawh tih ka hrilh che kha.Engvangin nge ani kha i sawi leh a?”

‘Oh..A va ropui ve.Nizan khan dar 11 velah i roomah a awma, i phone a lo pick bawka..I tenawm,i hria em?i tenawm”

‘Tenawm” a ti nawn ve sup .

‘Ni chiah e.I tenawm ka ti anih chu.Mahse, a ni leh lo.Ka lo fing lo ve em zawka,I awmdan han danglam vel kha ka lo awih hman peka..’ ka nui chhuak hak mai.

‘Ka sawifiah thei..’

‘Aih,dawt sawi i inhmeh lo.Sawi duh suh.Savio hian a ngaisang chea,I chanchin chhuang deuha a sawi leh hunah ka nuih tiza tur engmah siam belh suh’ ka awah hmuhsitna ri a hriat tel theih.Ka inrin hmain ka biang tawn tawnah a rawn dawma,a rawn kun hniama nghal zat.Thlek sawn ka tuma,mahse min vuan nghet lutuk..

‘I ngaithla ang.Dawt a ni hek lo.Nizanah Hotelah kan awm ho ngei,mahse i rin ang kha ni loin Akima leh Saii bakah kan Driver a awm ve bawk .Phone pick chungchang erawh ka hre hauh lo mai.I rawn call ngei em tih hre turin engmah a awm hek lo’ a tita duah.

‘Sawifiah suh..Ka tan a pawimawh lo,ka engmah i ni lo ka tihna nih chu’ ngaipawimawh lo hmel zetin ka ti leh a,a kut laksawn sak ka tuma,mahse min rawn nek bet titih.

‘Ngaithla rawh.Hmeichhe awm tha duh lo leh Drug addict ni a mi sawi luai luai nena inzawmna neih hi ka duh lova,ka chak miah lo..Mahse…’ sawi zo loin a chalin ka chal a rawn ti si a.A rum hawk bawk.A awmdan chuan min ti hamhaih lutuka,sawi mai tur hre loin ka awm ngaiin ka awm mawl tawp.

‘I awih emaw awih lo emaw ka duh che,engtiklai atangin nge ka hre lo’ a ti leh hrawih.Sawi harsa a tih zia haider theih a ni lo.A awmdan chuan min fana,ka tiril a khur dar dar mai.

‘Min duh suh…’ ka chhungril  tui zawih zawih mahse ka tawngchhuak erawh a chang fal thung.

‘Chu aia duh ka nei lo hial ang,mahse ka kalsan thei lo che’ a ti leh sup.

‘Mahse,Agnes-i neia.I tana tha …’ ka sawi zawh hmain a hmui chhap deuh leh hnawng chapin ka hmui a rawn si a.Ka khawng nghal lah mai.

Min thlah hnuah pawh chet mai nachang hre loin ka awm ngaiin ka awm mawl tawp.Eng hi nge rin ber tur ka hrethiam hlawl lo.Ka ngaihtuahna a mang ti dawn ila a ni chiah lo.Ka mawl huih a ni ber.Kan dinna lai a thim deuh nangin nichin khan  mi lo kal an awm anih chuan min hmu ngei ang,mahse pawi ka ti chuang der lo.

‘Lut tawh la,kei pawh ka lo kal ang’ a ti sup.Ka biangah a kut zungpuiin a tuai hauh hauh bawk.Ka thutna lam kawngkhar a hawnga,ka chalah a fawp leh zauh bawk.Ka awmdan a dik hlawl lo.

Gate  bulah Pa Rina te haw tur nen kan intawk chiah.A tlai viau tawh emaw ka tih laiin a lo la tlai lo tawp a ni  ngei ang.Anni pawh an haw dawn chauh tlat.

‘Mambawih,I lo awm lo daih a…’ min hmuh veleh a ti nghal lung lung.A rui leh tawh tih ka hria,kei nge in hnem ang amah ka hre lo.Mahse kei chu ka thil tawn te khan min ti harh zo vek tawh.

‘Nia,in haw dawn tawh ami?” ka ti a.

‘Aw..Haw mai ang,kan puar khawp mai..Eh,Ramsey,helamah daih ka hmuh che a’ Ramsey en pahin a tih zawm zat.A hnunga a nupui rawn chhuak ve mek pawhin Ramsey-a a hmuh veleh ka hmuh fo thin tlawn hmel a pu nghal zat bawk.

‘Nia..Hei,Zorini hi ka rawn thlaha..I dam maw?” a ti nghut.Tu bulah mah hian a tawngkam hi a nem ngai lo anih ka ring ta rum rum.Pa Rina a bu nghauha,eng eng emaw an sawi leh nuala,a nupui nen an inbe leh bawk.An inbiak danah an inhre tha thawkhat tih a chiang.Ka pa leh Ka nuhrawn erawh an awm ve reng nangin melh pawh ka melh eih lo.

‘Ramsey,I lo lut dawn na nge?” ka nuhrawnin a ti a.Ka insangmar talh talh mai.

‘Lut lo mai ang.Eee,Nu hming,naktukah Zorini ka hruaichhuak  thei angem?” ka en vat.A thle buk ringawt.Enge tih a tum ka hrethiam bau lo.

‘Enge in tih dawn a?’ zangkhai vahin a ti a.Ka ner nak ringawt.Nu tha ber ang hrimin a khawsa leh ta vel chu ania.

‘Ka thianpa nupui neihna lamah ania’ a ti leh a.Tu a thian nge nupui nei dawn ka hre map lo.Diktak chuan tunge a kawm thin ka hre lo ve hranpa hrim hrim.

‘Eee,kal rawh u,kal rawh u..Tiang lam hi a lawm lo leh lutuka hruai harh tak teh’ a ti leh zung zung.Hei erawh a sawi dik thlap.Kan chhungte chhiat thatah ka kal ngai mang lo.Ka mizia leh landanin a zir miau loh avangin tumah hnaih chakna ka nei lo.Bakah min hruai an tum ngai bik lo ve bawk.

Ka mu meng kar mai.Ramsey kal veleh Inah ka lut nghala,midangin min biak hmain room lam ka pan nghal daih bawk.Ka luakchhuak lutuk luak thei bawk si lo vangin reife Bathroomah ka tawma,a tawp a tawpah ka luak thei hram.Ka thawl hawk bawk. Muthilh vang vang tumin khumah ka lawna,mahse ka muhil thei miah lo.Ka phone ka lakanga,ka mut atangin darkar khat a liam tawh.Whatsapp msg ka en a.Nichin pawh khan ka chhiar tawh.

‘Ka kalsan dawn lo che.Engpawh tawk la min rinchhan la ka duh ber’ a sei duah lo.Tawngkam thluaithlum chiam a awm hek lo.Mahse,a chiang lutuk,amah nen a inhmeh ngawih ngawih bawk.

Ring tur ka ni em ka hrethiam lo.Agnes-i nen an tawp takzet anih chuan engvangin nge an zin ho leh ang? Kha lehchen a lo kawp tawh kalsanin keimah zawk min thlang takzet angem? Mahse,Savio vang nitur chuan a awmdan hi a lutuk mah mah in ka hre lawi si.Thil ngaihtuah chhuah ka nei.Ka tho nghal zat bawk.Ka thawmhnaw dahna ka hawnga,ka enkual dan dana,Inneihnaa hak tur chi thawmhnaw pakhatmah ka nei lo.Inkhawm thin tal ni ila chuan a zia,ka inkhawm ngai der bawk si lo..

‘Naktuk kha i ti tak tak em?” tih ka thawn ta ngawt.A tlai tawha,a zin a lo haw chiah bawk nen a men ka ring tawh lo.Mahse, rang zetin a rawn reply nghal zat.Ka open vat.

‘Aw.Dar khatah ania..Ngatinge?’

Engmah incheina thawmhnaw ka nei lo tih ka tum zeta,mahse ka thulh leh ta zawk.

‘Ka zawt mai mai che’ ka tita zawk.

‘Ok..Gudnite’

Ka rin aiin a reply rang thin.Mangtha let ve ka duh,mahse atthlak zetin ka hreh tlat pek.Ka thawh meuh chuan Ka pa leh Thanga dawrah an lo kal hman tawh.A chang chuan ka nuhrawn nen zingah an kal tum a awma,a tam zawkah chuan pakhat zawk zawk an kal hman tlangpui.

‘Thingpui i duh em?”Lun’in min lo ti vat.Ka lu ka thing ringawt.Ka rilruah vawiin lama kan kalna tur bak a awm meuh lo.Hmeichhe thian ka kawm mang lova,ka naupan lai atanga kawm ve thin,kan inbul lawka awm Mimi tih loh chu thian han tihtur Hmeichhia bik ka nei eih lo.Ani lah Phai lamah a awm a,ka khawsak dan a hoh tak viau hnuah phei kha chuan kan inkawm meuh lo zawk.Mahse awm se chuan min pui hreh hauh lo ang tih ka chiang.

Savio ka call ta nge nge.Ani leh ni lo ang takin rang fahranin a pick ve teh tlat bawk.

‘Kia?” Hello pawh ti loin a rawn ti a.Ka rilruah nizan lam a lang zawk.

‘Nizan khan khawnge i kal daiha?ka zawng che a’ ka ti hlak.

‘Ka awmreng kha.Mama khan Drop che a tum tho sia,ka kalsan che.Thil dik lo a awm em?” a rawn ti duah.

‘Aih,awm nang..Ka hmu ta si lo che kha mak ka ti mawle’ ka ti tha ve mai.

‘Ha..I nawi em anih kha..’

‘Hmm,I awm vanga nawi alawm ka nih’ ka ti hlak.

‘Uh,nizan kha chuan min mamawh vak lo.Remfela I mamawh zawk mahin ka hria’ ngeiawm zetin a nui kar kar mai.

‘I ninawm aw..Min thlah talh a tum lai kha I hmuh reng chuan min rawn chhan ta che’ ka thinrim tha leh tlat.

‘Hmm,ka chhan che ngai loin chhantu tur che a lo kal dawn tih ka hria lawm’ ka thinrimna ngaipawimawh lo zetin a ti sam et.

‘I over anih mai chu a’

‘Over nang,bakah Remfela khan kei aiin Mama kha a ngaipawimawh dawn tih ka chianga.Mama staff anih kha…’ a ti leh a, ka thaw hak mai.Khavang chiah khan anih kha hlau hmel a put ni.

‘Anih chu a…’ ka ti nghat ringawt.

‘Um..Ni e,Nge min lo call a?” a tih zawm zat.

‘Ih…Eng lo,vawiinah Ramsey khan inneihnaah min hruai a tum a” thil hlauhawm sawi ang maiin a tawp lam a zawi lutuk.

‘Eng maw i tih? I tawng ka hre tha thei lo’ a rawn ti a.Ka ner nak mai.Ka sawi ngai ka sawi nawn leha,a thawk hak ri ka hrethei.

‘Showroom a Sales Manager pakhatin nupui a nei dawna,tah chuan nih chu..’ a ti a.A hmaa a awki zangkhai zet kha a awm lo.

‘Anih chuan ka kal angem?”

‘Naaa,I thu thu niang chu’ a nui a.

‘Um..Mahse, thawmhnaw hak tur engmah ka lo nei lo a’

‘Ka ring a ni.Anih chuan min ngaihtuahpui rawh tih i tum ami?”

‘Aw..’

‘Keiin ka hriat ve chu Agnes-i a ni maia,mahse tunah hi chuan ani kher chu kan be thei lo tawp ang..I hrethiam em?” a nui leh hak hak mai.

‘Um,hrethiam maithei..Anih chuan khawiah nge kan lei ang?An inneih inkhawm kha dar 1ah ania’ ka ti leh a.

‘Hahdam phawt mai teh,ka nu ka lo zawt ang’

‘Ka lawm e aw’

‘I chhe lutuk’

‘Ka lawm tak tak alawm mawle’ ka ti hlar mai.

‘Ka hria..Mahse, kei chuan ka thianpain Hmeichhe thawmhnaw leitur a ngaihtuah ve ta hi nuam ka ti ania’

‘Hmela..’ a nui hawk hawk mai,keipawh ka nui chhuak ve hak tho bawk.

Khumah ka thu ren rawn,nizan khan Ramsey khan Remfela hnenah a bialnu ka ni tih a sawi a,ka rui nangin ka hresual lo tih ka chiang.Mahse,engvangin nge a staff bulah tiang khan a sawi? Savio vang ni tur chuan a theih loh.Min duh tak tak tihna a ni mai em? Ka lu ka thing nak ringawt.

Nu Hmingi nen inbe miah loin chaw kan ei duna,ka pa a awm lo bawka ka laka thatchhuah der a peih lo tih ka hria.Biak tumna ka nei bik hek lo.Nimin atang khan thil tamtak ka man thiama,ka thle mai mai lo tih a hrethiam tawh ngei ang.Chuvang takin a hma anga min tihkawi kha a tum tawh lo ang tih ka chiang.Mahse, min thehchhuah a tumna erawh a bansan dawn miah lo,atan chuan ka hnawk lutuk tlat.Ramsey sawi kha a dik ngei bawk ang.He inah hian fel taka ka awm anih chuan ani tan hian hling ka ni dawn.Ka nun a hoh zawh poh leh atan a nuam ting mai bawk tih ka hrethiam tan ta ek ek bawk.Mahse, that hi a harsa em a ni.

Savio-an a u hnen atangin thawmhnaw leina tur a lo zawt a,kan inzui kual ta zak zak.Eng nge tunlai a hmeichhe incheina In leh Out pawh ka hre lo.Hahthlak tak a ni ringawt.Mizo zinga Designer lo pung ta thut te pawh ka hre chawpchilh a ni ber.Darkar hnih zenzawn kan inzuai kual hnuah Dawr nghaktu te puihnain kan lei fel thei ta hram.Ka cher lem lo.Thau tak tihtur ka ni chuang hek lo.Mizo hmeichhiaah ka pian mil an tam tih hriat takin kan kalna apiangah khan ka hak mai theih tur chi chu a awm deuh zel.

‘I inpeih tawh em?” Phone ka pick veleh a rawn ti sup.

‘Aw,peih a nimai..’ ka ti a.Vawi engzat nge ka make-up ka tihthat hman ka hreseng lo zawk.

‘Ok…Ka lo thleng tep’ a ti leh sup.

Ka hmaa darthlalang,taksa pum lan theihnaah chuan ka in en a.Ka mitmeng,ka nu mitmeng ang maia lian kelkawl hi ka hmel ti thatu tiin min hrilh thina,nih pawh a nimahna le..Ka kawr hakin ka taksa a phuar deuh tanga,ka hnute a lang lian zualin ka hre bawk.Ka puan ka ena,a tlang a sawi.Ngil taka bih tumin ka bei nasa tawh,a dik thei hlawl lo.Tiang hian ka inchei ngai lo lutuka,ka awm dan a ni deuh huin ka hre bawk.

‘Awiii,I va inhmeh ve..Tiang khan inchei ziah tawh rawh’ Luni’n min hmuh veleh a lo ti chiam.Ka then nak ringawt.

‘Tianga inchei ziah na hun a awm lo alawm’ ka nui a.Ka beisei aiin Pheikhawk sang nen ka chet a khawr lem lo hlauh bawk.

‘Sunday te pawh..Aaaa,I nalh tawp..’ a ti leh hliaia,a mizia ka hriaa.A rilru a awm ang ang sawi phawng phawng chi a ni a,nalh min tih tak tak loh chuan a sawi lo ang tih ka hria,tlem chuan min ti confi ta deuh.

Motor horn ri thatah ka hriaa,lo luh a tum lo anih ringin ka chhuak nghal vat.Motor nghengin a lo ding a.Kekawr thui nalh zet leh Kamiz var a ha zuih.Necktie sin lam lek lek a awrh bawk.A kamiz hakin a taksa a phuar deuh tanga,a pian nalh zet a tilangsar lehzual sauh bawk.A kamiz var thianghlim lutuk vang nge tlemin a lang hang deuh thung.A nalh tihmai loh chu sawifiah dan a vang lutuk.A lam pana ka kal phei chu vawikhat min hmuhna niawm takin min en vung vung bawk.Ka zam tih piahlam a ni ringawt.Ka kut a thlan nghal dap dap bawk.

‘Enge ka an?” a bula din pahin ka ti sap.Zahzelah engemaw tal ka sawi ngei ngei angai.Anih loh chuan ka zam lutuk.

‘Sawi loh ka duh zawk..’ a then suk bawk.Kawngkhar min hawnsaka,ka awmdan ka tehkhin thiam dan ber chu Hollywood Movie engemaw ber a tel ve nimaiin ka inhria.

A rawn thu lut ve a,amah nena inhmeh lutuk Perfume rim pa zetin ka hnar a verh nghal zar bawk. A bana Gold Colour sana a bun a thlek zauh.Min rawn en a.

‘Ka hmuh tum tak ka hmu..’ a ti sup.A sawi awmzia ka hre lo.

‘Eng maw?”

‘Ka hmuh tum leh ni tura ka duh che aia tha zawkin ka hmu che’ a ti leh a,ka biang a sat nghal hat hat dana a sen nasa hle ang tih ka ringthiam nghal vek..

‘Ka lawm e’ ka ti sepa.Pawnlam ka hawi nghal daih bawk.

‘Chuan…’ ka en leh vat.

‘Ka fawp chak hle bawk che’

‘Oh…’ ka ti halh ringawt.Engtin nge tiang chuan a bulah hun ka hman theih ang? Ka zam em em lutuk..Hahthlak hian a..

Inneihna hmun tur kan thlen chuan an mi an lo tam viau tawh.Biakinah kawtah Ramsey hmelhriatte an lo awma,inchhung lama lut turin min lo tinghal sawk sawk bawk.Inneih inkhawm chhung zawng ka tang tluanchhuak ta parh.Nula tak tak ka nih hnua ka nuna mi pangngai anga hun ka hman hmasak ber na a ni a,mumang ang ruai nimaiin ka hria.

Inkhawm mai bakah a lawmna leh ruai theh vel pawh Biakin velah an tihvek dawn avangin hmundanga kal angai lo a,a zia phian mai.Ramsey hnuaia thawk rei tawh tak mai leh a rinrawl zinga mi a lo ni a.Ramsey naute an thahnem viau.Remfela ka hmu a,mahse min hmu awmin a awm lo.Min hmu lo tak tak pawh a nimahna le..

‘Toiletah ka zuk kal lawk ang’ ka ti a.Min rawn en vut.

‘Kal ila..’

‘Aih,lo awm rawh.Keimahin ka kal thei alawm’ ka ti sap.Kan thlen tirh atang khan min ngaihsak tha takzet.

‘Ok..A tha lawm’ a ti tha ve mai bawk.

Biakin hnuaiah ka chhuk thlaa,awm an lo awm nual..Hmeichhe thenkhat lo inchei tha mawlh mawlh tawk an awm laiin dingkhawm satliah niawm tak an awm bawk.Ka kalpel a,a ruak a awm leh awm loh ka en phei dan dana,a piah ber dawt a lo ruaka,ka lut nghal zat.

Ka chhuah leh chuan hmeichhe pahnih min hnungchhawn zawnga ding bak an lo awm tawh lo.Hall lamah an lutkhawm ta diak anih hmel viau.Muangchangin ka kal pheia,mahse an thilsawi ka hriat takah chuan ka ding ta chawt.

‘Sir Ramsey bialnu te chu Agnes-i alawm,an ni rei tawh lutuk’ sam kir buk deuh laih zawk chuan a lo ti mek.

‘Nia,mahse nizanah Remfela bulah a bialnu tiin tuna a lo kalpui kha a sawi alawm..Mahse khanu kha ka hrechiang lutuk.Kan veng ami ania,Drug Addict ania,chu bakah Call girl a ni bawka’ ka chil ka lem dawna,ka lem hleithei lo..Ka chanchin an sawi dan hi ka hre fova,ka ngaipawimawh ngai lo..Mahse, tun tum chu keimah mai niloin Ramsey tan a pawi thei ta tlat..

Thawm nei lo thei ang berin ka tawlh leta,ka chanchin in tihre zeta sawitu kha a hmel ka hmu chiang thei lo.Kan vengmi Ramsey hnuaia thawk lah ka hre hek lo.

‘Chutiang anih chuan engtin nge Agnes-i aiin Sir Ramsey hian a duh zawk anga? Ka awih lo..’ pakhat zawkin a ti leh a.An tawng ka hre phak vek.Ka mit ka chhing ta ngawt.

‘A zei aniang..Tiang ho hi chuan hnuailam an ui lo thina,bakah han hruaichhuah atan chuan a chhe lo bawk nen Sir Ramsey tan pawh..’ a sawi lak lawh laiin a tawp daih,enge thleng en tumin ka dak dek dek a,ka phu zawk.Ramsey a lo ding run tawha,a hmel a nelawm lo takzet bawk.

Chapter- 12

Ka chhuak ang nge chhuak lo ang ka ngaihtuaha,ka hrethiam lo.Eng chen nge an thusawi kha a rawn hriat hman ka hre hek lo.Thil tha lo zawk a thlen hlauhnain ka khat thut.Ka pen chhuak nghal zat bawk.

‘Min rawn zawng ami?” an boruak hre lo niawm takin ka ti zangkhai vah bawk.Min rawn en a,a nui suk bawk.Hmeichhe pahnih hlau hmel zeta lo dingte chu ka ena,ka nui lui leh sak bawk.

‘Kal ila…’ tih pahin a banah ka vuana,engmah sawi loin a bu nghut ringawt.

‘I tha em?” kal pahin a ti sup.

‘Um,lutuk..Ngatinge?”

‘Engmah..Kei chu haw ka duh’

‘Nah,kan la awm dawn maw ka tia?”

‘I duh chuan awm thei e’

‘Mahse,I duh loh chuan ka duh bik chuang loa’

‘Ok..Anih chuan kal ang’ a ti hmuk.

Motor kan thlen veleh a coat phelha,a hnung seatah a theh lut nghal daih bawk.A kamiz ban a thlep chhinga,a necktie a pawt thawl nghal bawk.

‘Thil dik lo a awm em?” kan tlanchhuah hnuah ka tita nge nge.Ka chungchang an sawi vang khan a thinrim nge ka nihna a hriatsa an sawi thar leh avangin min zahpui ka hre lo.

‘Aih..Awm lo..’ a ti nghut.

‘Khawnge kan kal dawn?” kan tlanna lam kan inkawng a ni lo.

‘Kan Inah…’

‘Aih..ka duh lo’ rang lutukin ka ti nghal zat.

‘Ngatinge?” a ti sup. Ka ena,a motor khalh lai chauh ngaihtuah niawm takin hmalam a en ngur mai.

‘I chhungte…Ih,ka kal chak lo’ ka ti bah nak mai.

‘I vawikhat kalna a ni chuang lova..’

‘Mahse,a hma te chuan Savio nen ania.Tunah i ruala ka kal chuan…Aih,ka duh lo’ ka ban ka pharchhuak hliaia,beidawng zetin ka dahthla leh hnak ringawt.

‘Tunah ka rualin i kal anga,a tha em?” a ti leh nghut.Hnial awmzia a awm dawn chuang lo tih hriain ka thu ngawi ta hle hle.

An Colony pumpuiah min hre lo an awm lo,vawitamtak Saviote inah ka kala,ka riak bawka.An cousin tupawh ka kawm thei vek.Ka chanchin an hriat dan a mawi lem lo nangin min be chhe ngai hlawm lo.Mahse, tunah inchei pangngai taka Ramsey ruala ka kal anih chuan engtin nge an ngaih ang ka hre lo.Savio nu phei chuan Savio tana ka that tawk loh avanga insiamtha turin min duh hial ania..Huizz..Ka hreh hluah hluah.

Gate a lo inhawng saa,kan tlan luh takah chuan ka tang zual sauh.Chhuk mai loin ka hawi kuala,pawnah tumah an lo awm lo..’Chhuk ila’ tih pahin ka kut a rawn vuana,ka phu zawk mai.

‘Enteh..Tu emawin min lo hmu ta se’ ka ti chhuak halh mai.

‘Hmu ve bawk ang chu.An hmuh che avangin i damlo dawn chuang lo bawka’ a nui hawk.Mahse, a nuiriah tielna lam engmah a lang lo.

‘Apa..’ kan luh veleh Hani ‘n a lo ti chal mai.Thutthleng atangin a zuangthla tharha,a rawn pana.Mahse, a hnunga ka lo ding min hmuh takah chuan zak niawm takin a tawi leh hrat.Slipper bun loin mawza nen chauh a awma,Pyjama senno tial leh Kawrlum phiar zangkhai hmel tak a sen lar hlar a ha a.A sam tawn loin a thlah vek bawk.A hmeltha takzet.Mahse, a hmelah hian Ramsey te lam tumah chhun a nei lo.A nu hmelthat dan tur ka lo ngaihtuah leh  hmanhmawh bawk. Ka hawi kuala,hmeichhe pakhat Hani bula lo thu bak tumah dang ka hmu lo.

‘Come..Enge i lo tih a?” pan hnaih pahin Ramsey-an a ti a.A hmel a dam thlupa,a duatzia tur a hmel leh a awmdan atangin a hriattheih vek.

A rawn kal hnai leh hrat,a Pa nghawngah a kuaha.A pawm kang nawlh,a samah a fawp zauh a.Hmuhnawm ti em emin ka lo en thung.A pa dar kar atangin min rawn en kara,hmeichhe naupang fing lutuk a ni tih a hmain ka hre tawh.Vawi tamtak Savio titi tui ber siamsaktu a ni tawh miau a.

‘Buati,khawnge midang?” hmeichhe lo thu hnenah a ti leh a.

‘Seniorte Inah Pi a kala,Pu a chhuak..’ a ti a.A rawn tho chhuaka.A tawng danah Mizorama piang a ni lo tih a rinhriattheih mai bawk.

‘Um..Bawihte,u Buati bulah lo awm leh lawk la’tihpahin a dahthlaa.Min rawn en a.

‘Lo kal la,ka inthlak lawk ang’ a ti nghut.

‘Tah hian ka lo awm ang…Ok..’ a mitmeng tur zet ka hmuh takah chuan ka tih zawm zat.Inhnial a duh lo tih a lang reng bawk.

Living Room sir a Corridor niawm tak awmah ka zui phei dat dat,lang thei lo chinah Inhnuai panna step a lo awm reng chu niin..A chhukthlaa,engmah sawi loin ka zui thla ve dat dat bawk.Step tawpah Corridor lian vak lo a lo awm leha,kal pahin ka hawi kuala,Corridor bangah frame nalh zet zet mumal takin a intar khat vek.Room kawngkhar pakhat kan kalpelh hnuah a ding ta chut.

Kawngkhar a hawnga,ka tim leh deuh titih.‘Lo kal la…’ a ti sup.A lut zui nghal chu a ni der.

Muangchangin ka pen lut ve a,Room zau hek hawk chhunga ka din rualin Khum lian tha zet,lo inkhulh dulhin ka mit a la hmasa ber.Ka kal pheia,Khum piaha Hnangtah chair lian leh nalh zeta awm  chu ka pan ding nalh.Ka thu thla nghala,mahse ka tang nasa lutuk.Hahdam turin keimah leh keimah ka inhrilh ru mawlh mawlha,awmzia a awm lem lo.

‘I pheikhawk kha phelh la..’ min rawn en pahin a ti leh sup.

‘Aih,ngai lo..’ka chhang rang lutuk.A dar a tisang uka,a then suk bawk.

‘Ka ei dawn hleinem che..’a mitmeng thim raih maiah chuan min chhaih tih ka hmuthiam vek.Ka then ve sak ringawt.

‘Min thlah vat zawk la..’ ka tita zawk.

‘I pa hnenah khan zanah chauh kan haw ang ka ti a’ ka en vat.Mahse,min en loin a kamiz kilhna a phelh mawlh mawlh thung.

‘Ka pa maw?”

‘Aw,ka kal hmain Bank ka kal zuai,ka hmu a’ a ti awlsam leh mai.Ka thaw hak ringawt.

‘Enge kan tih anga?”

‘I duh duh…’ a kamiz a phelha.Rang lutukin ka hawisawn vat.

‘Duh ka neih pawh ka hre lo.Mahse,kan haw ta tho sia,in a haw tlang mai ka duh a’ ka ti sap.Ka bang hrui ka sik nauh nauh bawk.

‘Keiman tihtur ka hria alawm..’

‘Eng?”

‘Nakinah i hre mai ang’ a ti duh lek.Min hnungchhawn zawngin a dinga,kamiz ha loin kekawr chauh a haa,a dar pharh hlai hlap leh a kawng fek rat chu hmuhnawm tih loh rual a ni lo.Mizo mipa zingah palian leh pian nalh tak tak an tam tawh.Mahse,tumah hi nalh tih leh hmuhnawm thlirin ka lo la thlir ngai lova,Ramsey ang em a hnaihchilh pawh hi ka la nei ngai lo.A kekawr phelh tumin a kawnghren a vuana,hnuai lam ka en vat.A bulah ruakin ka mu tawha,a taksa lum ham ham nghengin ka riak zankhua tawh bawk.Mahse,tiang hian ka hmuchiang lo thung.

Ka phone ka phawrhchhuak ta ngawt,khawih ber tur hre loin ka keu kual sek ringawt.Ka rilruah Savio a lo lang thut,Inah a awm em ka hre lo.Ka be dawn uka,ka rilru ka thlak leh ta zawk.Ka bia anih chuan ka awmna min zawt ngei anga, dawtsawi ngawt mah ila Inah a lo awm si chuan Ramsey nen kan chhuah hunah min hmu palh thut thei tlat.

Kawngkhar kik thawmah ka hawi chhuak vat,ka bul lawkah Ramsey a lo ding reng tawh bawk,a lo kal hnaih lai ka hre eih lo zui.A thle buka,Kawngkhar lam a pan ta zawk.Kawngkhar a hawnga.

‘U Mama,Hani hi a tlua,a ha a tauh a”nichina hmeichhia kha a ni tih a tawng thlukah ka hrethei mai.

‘Maw? Khawimaw ka lo en’ a ti hmuk. Ka dingchhuak nghal vat.

A rawn kai luta,an nulain a rawn zui lut bawk,a tap tihhriat takin a mit a hnawng deuh chapa,a cute ngang mai bawk.A malchungah a thuttira,uluk fein a en saka,tih ve tur hre loin ka lo hawi mawl vel mai mai.

‘Khawi lai nge na ber?” duatna aw a hriat tel theih.

‘Hei hi…’ tih pahin a ha hmai a khawiha.Dimtein a sawi saka.

‘A nghing lo hlauh anih hi,engtin nge a tluk theih a?” an nula hnenah a ti a.

‘Ui nen an inchhaiha,a nek tlu a…’ nidawn tak.Ka kal apiangin ui lian zet,uluk taka enkawl ka hmu deuh ziah.Ui ka ngainat loh vei nen a zaidam bawka ka hlau lem lo.

‘Ui nen an infiam hian en fimkhur deuh teh u.A lian bawk si nen…Api a lo haw tawh em?”A fanu en pahin a tih zawm zat.Hani’n a lu a bu vei nghat,a pa khabeah a khawih pah bawk.Ramsey hmel damthlap leh landan danglam vek chu ka en vang vang.Hetiang ang hian a fanu bulah bak a lang ngai pawn ka hre lo.

Inchung lamah kan inzui chhoa,Hani a pawma,a hnungah an nula nen kan kala.Ramsey nu ka hmu hreh hluah hluah.Engtin nge min lo dawnsawn ang ka hrethiam lo.Mahse chiang taka ka hriat chu lawm takin min dawngsawng dawn lo a ni tawp mai.Nidangah min be chhe ngai lo mahse tunah chuan a fapa bialnu ka ni tih a la hre thuai ang..Bialnu..Ni e, bialnu..

‘I va lo haw leh hma si ve’ Ramsey hnenah a lo ti nghal a.Min rawn en zawk,a nui sak bawk.Mak takin ka hahdam deuh huai.

‘Nia,kal chhuah leh ngai a awma..Bawihte,I Api bulah lo awm rawh aw’ tih pahin a nu bul lam a pan pheia,a Piin a pawm veleha,a lian tawha,pawm em em ngai tur a ni tawh lo.Mahse an neihchhun a ni a,kehthei dawmin an dawm niberin ka hria.

‘Nu..Zorini..I hria tiraw?” min rawn en a.

‘Um,hria e..” a ti awlsam mai.Min rawn en leha,a nui leh var var bawk.

‘Aw..Anih kan kal aw..Zorini thlah hmasak angai a’ a ti leh a.A tawngduh lo viau nangin nufa inpawh tak anni tih hai rual a awm lo.

Gate kan chhuahsan chiah tihin ka thaw hawk mai.Ka lo insehruh nasat zia ka hrechhuak chiah bawk.Nidangah pawh ka kal fova,tiang em em khan ka zam ngai lo.Jail tang niberin ka inhria.Ka mit ka chhinga,hahdam thei ang berin nghenchhan ka ngheng ar ar bawk.Vawiin chu thil a thleng chak lutuk,engkim mai kha mumang ang ruai a ni tawp mai.Mahse,ka nunna a vawikhat nan mi pangngai niin ka inhre ve ta hial mai.

Motor ding datah ka mengchhuaka,ka hawikuala.Kan inlam kan la pan ta chuang lo cheu.Ramsey ka en a,chhuk tumin kawngkhar a lo hawng mek.

‘Khawnge i kal dawn?” ka ti sap.

‘Thil ka lei lawk dawn,Mamawh i nei em?” a ti awlsam mai.Kan dinna kawngchhak lam a kawk zauh bawk.

‘Aih,engmah angai lo’

Minute 10 hnu velah a lo rawn leta,Paper bagin eng eng emaw a rawn pawm tun bawk.Seat hnunglam a hawnga,a dah luta.Eng chu a lei ni maw? A nu khan engmah a chah ka hre miah lo.

‘Khawnge kan kal dawn?” a rawn thut luh veleh ka ti sap.

‘Inah…’

‘Eng a? kan kalsan chauh kha’ ka ti ha mai.

‘Keima Inah,Kan chhungkaw in ni loin’ a then suk.A sawi awmzia ka hriat takah chuan ka bu ngauh ringawt.Ka pa hnenah zana haw a dil anih chuan Ka pa tan pawh min hauh ngawt na tur a awm lo mahna le.Anih ngawt loh chuan ka awm mai mai pawh hi thiltisual sa ang reng ka ni miau a.

‘Enge kan tih dawn?” reife kan ngawih hnuah ka ti leh ta nge nge.

‘Chaw kan ei anga,a tul leh thildang pawh’ min rawn en tih ka hria,mahse pawnlam ka thlir lui tlat.

‘Inneihnaah khan kan ei thei reng sia’ ka ti leh a.

‘Um,nia..Mahse, ka duh lo’ a ti nghut.

‘Ngati nge?” ka ti satliah.

‘I bulah awm ka duh,Kan pahnih chauhin ’ a ti thawp sut..Chhan mai dan tur hre loin ka ngawi zawk.Kan thlen hma chu tumah mah kan tawng ta lo.

‘Inthlak la’ kan thlen hnuah a ti nghut.

‘Ngai lo,nakinah inthlak leh tho angai dawna’

‘Uh,a va fair lo ve..Keiman eitur ka siam vek angai dawn a ni maw?” a nui hawk bawk.Ka nui ve hak tho bawk.

Chutiang lam pawh a ni lo.Ka pheikhawk hi ka phelh anga,ka siampui thei vek ang che,mahse keimaha ka siam chuan i ei duh lo ang’ ka tita duah.A nui leh suk.

‘Ok,a tha vek..Ka siam anga,min pui ang..A tha em?”

‘Ka pawm zawng tak’ ka then leh sak bawk.

Kal kawngah khan eitur siam awlsam chi a lo lei nual a.Chaw ka chhuma,anin chawhmeh lam a siam thung.A sawi ang tak takin puan nena chet ka ning ta thuai,ka inthlak ta nge nge.Kan eifel meuh chuan khua a thim chiang tawh viau.Thleng seng min pui veka,sil erawh keiman ka sil thung.

‘I la zo lo mi?” ka hnung lam atangin ka kawngah a rawn kuaha,ka nghawngah a hmui lum thar tharin a rawn nawr nghal dun dun bawk.Ka mur ar ar a,ka thawk a sak nghal talh talh mai.Mahse,a hriat ka duh lo tawp.Min khawih hleka ka danglam nghal ziah hi mipa tianga ka awmpui ngai loh vang a ni ngei ang.

‘Zo…zo chiah,ngatinge?” ka ti bah nak mai.Ka bengkawm a fawp leh a,a thaw lum ham ham chuan engmawti takin min fan raih raih bawk.

‘Ka ngai che’ a ti sup..

‘I over em mai’ ka ti sap ringawt.Zawitein a nui hawk..Ka awmdan a dik lo nasa zual sauh,ka khup a sai dar dar a,ka ngheng titih bawk.

‘Over..Naupangchhia reuh lutuk..’ a ti leh sup.

‘Ramsey…’

‘Um..Sawi la’

‘Ih…Nakinah hrehawm i la tih ka ring a,kan tawp mai zawk a that ka ringa’ zawi sepin ka ti chhuak halh mai.

‘Tawp tih tawngkam hi ka hua…’ a ti nghut.

‘Ka tihchhan chu..Ih,eng lo..Nichin khan an sawi kha i hria tih ka hria,khatiang kha ka chungchang mi zawng zawng sawi dan a ni a,I la zak fo dawna…’ ka chil ka lem leh rih.

‘Chuan…’ a ti sup a..Ka bengkawm a fawp leh zauha,ka darah a hmai a phum nghal vang vang bawk.

‘I nihna nen a inmil lo a,I zahna ka thlen fo dawn che..Nuam ka ti thei lo.Insiamtha eng ang pawh ni ila miin ka nunhlui an hrereng tawh dawna’

‘Min en teh’ a ti nghut,ka che chuang lo.Ka kawng a kuahna a phelha,a kalsawn dawn emaw ka ti hman.Mahse, amah en thei turin min kuai her ta zawk.

‘Ka duh chu ka duh animai,keimah ka chiang.Tu pawn an sawi anih chuan ka an neia,an thu animai,mahse ka hriat laia an sawi anih chuan a sawitu tan a pawi viau zel ang’  a thutak lutuk mah mah.A ti ngei ngei dawn bawk tih a chiang vek.Mahse,khang a staff te kha engtin nge niang? Ka chanchin an sawi avang ngawtin a ban anih chuan a dik lo hulhual,a fair lo lutuk bawk ang.

‘Enteh…I staffte chungah khan engmah ti lo la ka duh,an sawi tur a tam zual mai mai.I hmingchhe lutuk ang’

‘Anih chuan ka dawh mai mai dawn tihna mi?”

‘A vawikhatna chauh ala ni a..Bakah an sawi kha dawt pawh a ni lova’

‘Shh..I rui thin pawh a ni thei,mahse,Sex vangin nang hian min zui lo..A sawitu che ai khan i thianghlim zawk’ ka insum hman lo..Ka mittui a rawn tlaa,ka biangah a luangthlaa,ka insut hraih bawk.

Ka biang tawn tawnah a rawn vuana,amah en thei turin min kuai dak nghal zat.A rawn kun hniama,a tihtum hriain ka mit ka chhing nghal chial..Dimtein ka biangah a rawn fawpa,a kut zungpuiin a tuai hauh hauh bawk.

‘Eng ang pawn lo khawsa mah la keiman ka ngaipawimawh lo anih chuan tu sawi mah ngaipawimawh suh,ka nu leh pa hnenah ka nei dawn che tih ka sawi tawh.Min hnial lo..’

‘Mahse…’ka hmuiah a kut zungtangin a rawn khawiha,a thle buk bawk.

A rawn kun hniama,a hmui chhah tapin ka hmui a rawn si a,zei lutukin a nawr kau nghal zat bawk.A kawngah ka kuah ta nge nge.Mipa ka fawh hmasak ber leh awmchhun a la ni a,ka zei loh dan tur ka ngaihtuah ngam lo.Chhan let phut in ngenngawl zetin ka hmui hnuai lam a rawn pet a,ka chhang let ve nghal zat.A rum hawka,min pawm kang nghal nawlh..Tlak hlauin a nghawngah ka kuah nghal chial bawk.

Thutthlengah min nghat,min rawn delh bet titih,min rawn fawp zui lehnghal zat bawk.Ka awmdan a chiang lo ruai a,engmah pawi tihna ka nei lo.Ni lo,ka ngaihtuahna a fim lo a ni zawk mah.Ka kawr hak a rawn zena,ka kawrhnuai chhanah ka hnute a rawn khawiha,ka mar deuh awk bawk.Ka  hmaiah a rawn khawih a,amah en thei turin min kuai dak leha,a mit thim raih maiah chuan a duh a lang vek.Ka kawrhnuai a nawr chhoa,a kut lawngin ka hnute a khawiha,ka tum loh lutukin ka rum nghal hak mai..

‘Tawp turin min duh em?” a ti sup.

‘Aw…Aih,ka hre lo…’ ka ti bah nawk nawk mai.

A rawn kuna,ka chalah a rawn fawp vang vang.A kut a lachhuaka,inthunun a tum a ang viau bawk.

‘Ka ta i ni tih theihnghilh suh ang che’ a ti supa,min rawn fawp zui lehnghal vang vang bawk.

In kan thlenin dar 8 a ri tawh,inkhawm zan a ni lo bawka Ka pa leh Nu hmingi an lo awm ve ve a.Keimah chauha haw loin Ramsey nen kan ni bawka,an hmel hmuh a nuam viau.Ka inthlak chhungin Living roomah ka pa nen an lo titi tui duna,Sumdawnna lam an lo sawi tui viau hman.Eng angin nge ka pain a hmuh ka hre lova,mahse hetiang mi ka bialpa a nita mai hi awih har a tih viau ka ring  ve ngawt.

‘Hello’ ka thil tih lai chawl chuang loin ka ti zangkhai vah.

‘I insiam zo tawh em?” Mimi awin a rawn ti lang lang.

‘Awm,ka hman tep..I hman tawh mi?” ka ti a.Ka bagah ka thil ken tur ka khung pah mawlh mawlh bawk.

‘Peih animai..Ka sawi tum zawk chu Zami a lo kal ve leh dawn thut sia,Scooty ka keng ve mai ang’

‘Ok.A pawi miah lo.Kan inzui mai dawn nia’

‘Um..Bye phawt aw’

‘Bye’ ka ti sap.

Khumah phone ka theh thlaa,ka kawr ken tur duh loin ka thawmhnaw dahna lam ka pan leh a,ka T-shirt dahna atangin a dang ka lachhuaka,ka hmanhmawh bawk nen a dang a rawn tla tel teuh,Ka phun hlak ringawt.Ka char khawm nawk nawka,ka hnawh chho a,ka lak kim loh ka zuk chhar leh dawna,Ramsey T-shirt ka hmuh takah chuan ka thu sawp thla hnak..

Kan inzui atangin thla hnih a tling ve der tawh,a sawi ang tak tak khan a nu leh pain min pawm thlap.Ka chanchin mawi lo tak tak an hre lo emaw tihmai turin min hmuh apiangin tha takin min be thei ziah.Anihna takah chuan Savio aia min hrechiang an la awm ta chuang lo fova,ani hian a sawi duh anih phawt chuan an sawi ang hi ka ni lo tawp tih an hre ngei ang.Ramsey nen kan inzui tih a hriat atangin ka hriatthiam chiah si lohin kan inhlat tial tial ni berin ka hria.

Nun pangngai neih tumin ka bei nasa a,thinrimna ka neih te pawh zu nena hman ai chuan ka tuar tlang pawp zela,ka tuar thei viau zel.Tunah phei chuan Mimi a lo haw tawha,kan inkawm tam leh ta viau,Savio a awm lo bawk nen kan thian dang ho phei chu ka hmu ngai mang lo.Nu Hmingi’n hnawk min lo tihzia ka hrechiang tial tiala,ka awm that duh loh lai pawh khan pawi ti em em anga lang si khan ka chanchin sawi nuam a lo tih zia ka hre tam tial tial bawk.Savio nen hna kan dil tur kan pamtul ta thak,engmah tih em em nei loin nitin inah ka awm a,Luni ka pui a,tihtur a awm loh chuan ka pute ka tlawh loh leh lehkhabu ka chhiar mai zel.

‘U Zorin…’ Kawngkhar rawn hawn pahin Lun’in a rawn ti a.Ka tho nghal vat.Ka thawmhnaw bawmah Ramsey kawr leh kawr dang ka ken ka hnawh lut nawk nawk bawk.

‘Eng nge? Mimi a lo kal tawh mi?”

‘Ka hre lo,Inchungah ka awm daih alawm..Enteh hei hi Pot hnuaiah ka hmu a’ tih pahin Polythene dum a rawn khai chhuaka.

‘Eng nge a?” ka ti awlsam mai.

‘Ka hre lo.A chhungah hian lehkha pawimawh niawm tak a awm a’ tih pahin min rawn pe a.Ka  laa,a suihna ka pawt phelha,a chhunga thil awm ka lachhuaka,uluk fein a intuam thlap.A tuamna ka phelha,engthil nge ni a tiang taka uluk a an tuam ni a?uluk hle siin Pot hnuaiah an dah leh lawia..

A chhunga awm ka hmuh takah chuan ka thaw hawk mai..Ka pa Cheque leh Dawr hminga Ac an siam cheque bu a lo ni a,ka keu a.In sign sa a awm nual bawk.

‘Eng nge a?” Luni’n a rawn ti a.Ka phu zawk.

‘Enteh,hei hi ka pa thilpawimawh anih hi..’

‘Anih chuan ngatinge Pot hnuaiah a awm le?” angaihna hre lo hmel fein a ti nang nang mai.

‘Ka hre bik lo..Engtik nge inchungah i kal tawp ber?”

‘Zingah ka kala,pangpartui ka pe alawm.Nidangah chuan Piin a pe ziaha’ ka harh zawk.

‘Anih chu..Ka hmanhmawh lutuk,ka pa nakinah ka pe mai ang.Chuan maw engmah lo sawi suh aw’

‘Um..’ a ti a,a bu nghauh bawk.

Luni chhuah veleh Ramsey ka call nghal zat.Zingah a kal dawnah min lo biaa,abak kan la inbe leh ta lo.A buai thina,msg type neuh neuh a peih loh mai bakah hun a nei lo.A hman veleh min lo call mai zel zawk.A pick lo..A buai anih ringin ka call nawn duh ta bik lo..

Hmanhmawh fein stepah ka tlanthlaa,Mimi ten min lo nghak reng tawh.Mimi te Dil sah naah kan kal dawna,zingah atam zawk an kal tawh a.Zingkarah Mimi’n tih ngei ngei ngai aneih avangin kan kal ve hman ta lo.A hmun kan thlen thlengin Ramsey-an min lo la call back ta lo cheu.

‘En lawk teh’ tih pahin ka hmai bulah a phone a rawn keng hnaia..

‘Eng nge?”

‘En la…’ a ti nghat,ka zuk en a.Ka lum nghal pup thei hial..Hei vang chiah hian anih hi min lo call back loh..Ka call kha a hre lo ni loin a pick duh lo anih ka ring ta zawk..Hrep taka..

Chapter- 13

Zingah khan thla thara reality show pakhat an sponsor turah meeting an nei dawn tih a sawi ngeia,mahse chu pawh dar 1ah daih..Agnes-i post hun ka en a,tun lawka mi a ni a,anih chuan Meeting chu Agnes-i nen zawk an nei tihna a ni ngei ang.Engmah tih dun tur an neih ka hre lo..

‘He nu hi a x kha tiraw?” Mimi’n a ti a.Ka bu ringawt.Phone ka pe let nghal bawk

‘Vawiinah an chhuak ho alawm.An la inhmu zauh zauha’ ngaipawimawh lo hmel zetin ka ti a,ka aw khur tur ka dang thei hram bawk.

‘Um,anih chu.Nang berin pawi i tih loh te chuan a tha lawm’ a nui var var.

‘Nia,hna lamah hian a hma khan thil an lo ti ho nasa a.An la tihho zel ngai a awm tlat a’ ka ti leh a.A bu nghat.

‘Lo kal ru,a man theih tan ania’ Mimi nau mipain a rawn ti a.

‘Kal ang…’ tih pahin Mimi a tho nghal that.

‘Um..Ka lo kal ang,mi kan call lawk ang’ ka ti a,ka nui lui var var bawk.

Ka ngaihtuahna tihfim tumin ka mit ka chhinga, duhthawh zetin boruak ka hip lut vang vang bawk.Cheque chungchang hrilh ka duha,engtin nge ka tih ang tih zawh ka duh bawk.Mahse Meeting pawimawh em em a lo nei a..Ka thaw hak mai..Ka thinrim nge ka rilru a na zawk pawh ka hre nek lo e.Ka mitthlaah Savio a lo langa,ka ngai vawng vawng.Ka phone ka phawrha,ka call ta nge nge.

‘Hello..’ a aw ka hriat rualin ka then sak mai.

‘Engtikah nge i lo haw dawn?”

‘Nakumah’

‘Eh..I va a wm rei dawn ve,enge i tih ber a?” ka ti a.

‘Awm mai mai,duh leh ruih,duh leh Party’ a nui hak hak mai.Savio ka hriat thin ngei kha a la ni reng.

‘I va han khawsa tak,I chhungte i ngai lo mi?”

‘Mipa ka nih hi,lunglen ka hre mai mai lo’

‘Anih hle chu a,sas i nei chiang mai nang hi”

‘A pawi ami? Nangpawn i nei alawm’

‘Eng maw?’

‘Ka uang anih kha,tak takin nge min lo call a?”

‘Thil pawimawh a awm a’ ka ti sap.

‘Um,I thianpa hi thilpawimawh a awm chuan i la hria tihna ania,a lawmawm e’ a ti hmak.Kan inhlat lehnghal duin ka hre lehnghal zat.

‘Engtiklaiin nge ka theihnghilh reng reng che a?” ka ti hmak.

‘Mama nen in inzui atangin..Tak takin fiamthu nih kha..Mama i lo hrilh hlek ange,a sual si’ a nui leh hawk hawk.

‘Thutak teh,hman deuha ka pa Cheque bo kha i la hria em?” ka ti sap.

‘Yeap,engkim i chungchang ka hriat sa theihnghilh ka la nei lo’

‘Kha kha tukinah ka hmu asin’ a thaw hak mai.

‘Khawiah? A va mak ve’

‘Nia,Pot hnuaiah Lun’in a hmu a,mak ka ti lutuk.Mahse, engtin nge ka pa ka pek ang ka hrethiam lo a’ ka ti leh sap.Thlifim a thaw heuh heuh a,Dil lam ka thlira,sangha manin an te teng tung bawk.

‘Pe suh..’

‘Ngatinge?”

‘Nangmah bawk a ringhlel ang che’

‘Um,Luni pawn pe se keima dahah angai tho ang’ beidawng zetin ka ti halh.

‘I pa khan a ngaihven zui reng reng em?” a ti leh a.

‘Ka hre chiang lo,mahse bankah hmelhriat a nei tha tawka,hmantheih loh turin a tih vek ka ring’

‘Um,nia adik reng.Mahse, a la tu hriattumin Bank lam nen an lo tangrual reng thei ania’ a rawn ti leh a.

‘Ka hre tawh bik lo’ ka ti a,ka thaw hak bawk.

‘Khawnge tunah i awm?”

‘Mimi te huanah,Dil sah naah ka kal.Ngatinge?”

‘I lo haw veleh min hrilh ang che’

‘Ngati? Enge khata tang khan i tih anga?

‘Aizawlah ka awm.Niminah ka lo haw’ lawm zetin ka nui chhuak hak mai.

‘Dah main a tur ka hre lova,ka keng ta ngawta’ ka ti leh a.

‘Um,a pawi miah lo.A awm leh awm loh a dahtu khan a check ngei anga, Luni pawh a zawt maitheia,a pe che tih a sawi chuan i room a check mai dawn asin’ a rawn ti leh duah.Ka ngaihdan chiah a ni ve tho,Tlaiah a awm leh awm loh a en maitheia,Luni kha engmah sawi lo turin ka ti nangin a dawp a dawp chuan tleirawl a tih takah a inpuang palh thei reng.

Ramsey hrilh hman ila chuan Savio ka hrilh kherin ka ring lo.Engpawhnise Savio Aizawlah a awm leh tawha,engpawh tawk ila tihdan tur a hre leh mai ang.Thil pakhat erawh ka chiang,ka rilru pawh hah mahse zu nena hmachhawn ka tum tawh lo bur.

Mimi in min rawn ko a,phur lo zetin ka nui lui thei hram,zingah ka phur tehreng nen tunah chuan engtihmah ka chak lo.Mahse, keima mimal harsatna neih avanga midang bula tum bur erawh ka tih ngai a ni lo thung.Dilah ka lut thla ve a,Sangha lianpui pui an perh sup sup han hmuh chuan a hlimawm dawn riauin ka hr eta zawk.Ni e.Min bum em pawh ka hre lova,sawifiahna min pek hmaa lo thinrim ngawt ai chuan min lo biak hunah ka la zawtfiah mai ang chu.Assam type in lian pangngai tak thlam atan an neia,Bathroom pakhat chauh a awm avangin Mimi nen midang inbual hmain inbual fel kan duh ve ve.

‘I phone a ri renga,ka lo pick aw’ Bathroom atanga ka chhuah veleh Mimi-in a lo ti a.

‘Tu nge a?” ka ti liam puat,ka sam ka hru pah mawlh mawlh bawk.

‘Pakhat zawk chu Ramsey ania,pakhat zawk chu Nu Hmingi’ ka en vat.

‘Enge an sawia?”

‘I haw dawn tawh em tih min rawn zawt ve ve’ a then sak.

‘Kan riak dawn ka ti tepa,mahse Ramsey kha a lo kal ve mai ka hlau leh a’ amah bawkin a ti leha,a nui kar kar mai.

‘I nghal bawk sia’ ka ti hlak,ka nui ve sak.Mahse ka nuih a za hlawl lo.Ka call let ang nge call let lo ang tih ka ngaihtuaha,Savio ka call ta zawk.Kan haw dawn chiah tih ka hrilha,In ka thlen hmain ka thil ken min kawlsak tura pek ka duh tih ka hrilh bawk.

Kan inlam pan hmasa loin Savio min lo nghahna hmun lam ka pan ta zawk.Mimi hnenah kal kawi lawkna tur ka nei tih zawng ka hrilh.Kan inkawm hle chungin thil zawng zawng hrilh tur chuan Savio ka thlang zawk cheu.A sawichhuak ang tih lam erawh a ni lo.

‘Min lo nghak rei em?” Scooty atanga chhuk pahin ka ti a.A lu a thing a,a thensak bawk.Thla khat vel erh awrh chauh ka hmu loa,a lang cher deuhin ka hria.

‘I lang tha hle a ni’ thutak zetin a ti a.

‘I chhe lutuk a,a hrim hrimin i lo haw tur sawi lawk ta che’ka ti ve thung.

‘A chang zeuh zeuh chauha min be peihtu bulah ka haw tur sawi a tulna a awm lo em maia,khawi thil chu’ atih zawm zat.

Scooty seat hnuai ka hawnga,ka lachhuaka,ka pe a.A lek kual vat vat mai.

‘Mama i hrilh em?”

‘Eng?”

‘Hemi chungchang hi..’ a lek kang zauh.

‘Aih..Nangman i hriaa,a tawk mai alawm’

‘Um..Nia,naktuk tlaiah chaw lo ei la..’ a ti leh a.

‘Lo ei zawk la..Eee,sangha hi i duh ve em? Pali lai ania’ Sangha a ngainat zia ka hria.

‘I phal chuan duh chiang bal’ a nui var var mai.Ka phawrhchhuaka,kan dinna bul dawrah a dahna tur Polythene a lei chawp leh rih.

‘Kal tawh rawh,Sangha rim i nam nasa si’ a nui a.Ka lei ka chhuah khum zauh ringawt.

‘Naktuk tlai chu aw..’ thutak zetin a ti leh a.

‘Ka lo ngaihtuah ang…Diktak chuan…’ ka ngawi leh daih.

‘Enge buaina awm?’ ka hmelah ka ngaihtuahna ka tilang lo emaw ka tih laiin engemaw dik lo a awm a ni tih ani hi chuan ka hmelah a man vek tho.

‘Engmah…Ka kal’ tih pahin ka tlanchhuak nghal zawk bawk.

In ka thlenin Luni leh Thanga chauh an lo awm.

‘Khawnge Midang?” Luni hnenah ka ti a.

‘Dam lo an tlawha,an kal deuh chiah’ a ti awlsam mai.

‘Vawiin a i thil chhar kha tu emaw talin an zawt che em?”Thanga kalsawn veleh ka ti a.

‘Aih,ila pe lo mi?” a ti ha.

‘Pe nang,tunah ka lo haw chauh hi..Tu pawn zawt che sela engmah i hre lo ti tlat ang che,anih loh chuan nangmah i tal awk mai ang’ ka ti leh sapa,ka thutak bawk nen hlau hmel zetin a bu nghat mai.Diktak chuan dawt a ni hauh lo,ka nuhrawn huaisar lutuk hian engmah tih hreh a nei lo tih ka chianga,a himna anih dawn phawt chuan tumah a puh hreh dawn miah lo.

Ka thil hawn Luni tihfel turin ka kalsan tawp.Ka room lam ka pan chhoa,ka inbual tawh tho nangin ka insil leh thuak thuaka,ka thawmhnaw ka thlaka.Ka chau ve deuh aniang mutchhuakin min zem a,ka mit a thip thum bawk.

Ka phone nghawr dar darin min tiharha,ka inbengkang vat.Puan pawh si loin ka lo muhil daih pek,ka phone ka bana.Min rawn call tu ka en a,Ramsey..

‘Hello’ ka ti sap.

‘Khawnge i awm?”

‘Ka mu ‘

‘Khawiah?” ka thin a khei zak mai.

‘Khawiah vak nge mu se min tih a?” ka ti hmak.

‘Ka sawi awmzia chu i thlen leh thlen loh engmah i sawi lova’ a ti hmuk.

‘Ka thleng tawh.Inah ka mu’

‘Um..’

‘Enge min lo call? Pawimawh a awm em?”

‘Call tur che hian a chhan a awm kher angai tih ka lo hre hleinem’ a ti sup.Agnes-i thil post ka mitthlaah a lo lang nghal zat.

‘In meeting enge a an a?’ pangngai thei ang berin ka ti a.

‘A tha..Dik lo a awm em?” a ti sup.

‘Eng?”

‘Ka hre lo,mahse engemaw dik lo awmin ka hria’

‘Aih…Eee,in meetingah khan Agnes-i a tel ve tih ka hre lo a’ awlsam taka sawi ka tum viau nangin ka hlawhchham titih.

‘Agnes…Tel ve lo.Ngatinge?”

‘Ngati lo e…Ka mut a chhuak lutuka’ ka ti leh daih.

‘Aih,sawifiah rawh’

‘Sorry..ka mut a chhuak lutuk a’

‘Ok,Good Night’ ka chhan let pawh nghak loin a off nghal hmiah.Hrep tak hian a..Ka be chak bik hrep lo ve.

Ka tho a, Light ka off a.Ka mu lehnghal than,mahse ka mutchhuahna a bo vek tawh.Ka awmdan kha a puitling zia lo viau pawh a ni mahna,mahse enge ka tih chuan ang?

Ka harh leh meuh chuan dar 7 a lo pel va tawh.Ka zi mar ar ara,tho mai loin ka phone ka en te te.Ramsey msg a lo awm vang,ka Open a..Ka thuchhuak nghal zat.Agnes-I post kha a screen shot a,a rawn thawn a..’Hei hi i thinrim chhan anih chuan ka sawifiah thei,hun i neih veleh’ tih a rawn thawn tel bawk..Ka ner nak..Reply pawh ka reply ta lo.

Ka inphihfai hnuah inhnuai lamah ka chhukthla ta chauh.Ka pa a lo la awm a,nu Hmingi ka hmu lo thung.Thla hnih lai mi pangngai nun ka zawh takah chuan Ka pa nen kan inpawhna tlemin hma a sawn hret,min be hluah lo mahse a hma anga min hmuh veleh thinrim nghal zel kha chu a awm ta lo.

‘Sangha kha i pu te pe ve la’ Thingpui ka inlaiin a rawn ti a.Luni hnenah thingpui siamsak turin a ti nghala,Dawhkan kilin a rawn thu ve bawk.Nimin chungchang kha sawipui hun a ni em tih ka ngaihtuaha,ka hrethiam lo.

‘Um,mahse lo lam mai sela’ ka ti ta zawk.A bu nghat.

‘Vawiin chu i nuin tihtur a neia,Dawr lamah min rawn awmpui ve dawn mi niang?” ka en vat.Ka thingpui in ka hak thelh bawk.

‘Keimah hi maw i tih?” midang an awm lo tih hrereng mah ila ka zawt lo thei lo.Engtiklaimahin dawr lam nen min sawizawm ngai lo.Ka naute hi chu an lo haw chuan  an awm chawt thung.

‘Aw,midang tumah an awm hleinem’ a nui sun sun bawk.

‘Enge nu Hmingi’n a tih dawn a?” ka ti leha,a hma chuan ‘Ka nu’ tiin ka ko ve mai kha ania,hun a kalzela,ka ko khat tial tiala,tunah phei chuan ‘Nu Hmingi’ ti lo chuan ka sawi ngai ta lo.Kutthlak ka tuar bawk anih kha.

‘Kohhran hmeichhiain tihtur an nei a.A hrim hrimin nakinah chuan peih loh hun te pawh kan la nei anga,I naute lah an zirlai a la laklawha,I zir ve hi a tha reng reng’ a ti leh duah.

‘Min ringngam dawn ami?” ka insum hman lo.A chal chuar tap chuan ka thusawi khan a ti lawm lem lo tih ka hrethiam vek.

‘Ka fanu i ni a, rinngam che hi ka duh hle ania’ a ti hmuk.Sawi ve tur hre loin ka bu nghat ringawt.

‘Pa..’ kalsawn tuma a tho uaih tawh ka ti leh sap.Dawhkan tlang vuanin a dinga,min rawn en a.

‘Angai leh lo..’ ka ti ta zawk.

Ka pa nen dawr kal turin kan chhuak ruala,chaw kan ei laiin Nu hming mizaah danglam a awm leh awm loh ka melh ru deuh renga,mahse engmah nidang nen danglamna a awm pawn ka hre lo.Cheque kha adahna atangin kan lasawn tih a la hre lo pawh a nimaithei.Mak takin Dawr lama ka kal ve tur pawh phur sarhin min thlah liam bawk.

Kum 3 vel zet zawt kan dawrah ka kal tawh lo.Dawr kan thlenin Thanga bakah hnathawk mipa pathum lai an lo awm a.Ka hriat ngaipawh an ni hlawm lo.Ka pa rualin ka kal ve bawk nen mak tih hmel fein min melh zak zak hlawm mai.Thanga Bank kal turin a chhuaka,chawhnu lamah Ka pa a chhuak ve thung.Pawisa lam engmah min khawih tir lova,khawih tumna ka nei hek lo.Mahse, ka hriat theih apiang hriat ka duha,mi thil leitur lo lut an awm apiangin ka tho ve vat zela,thil dahna hriattumin ka en kual nasa viau bawk.

Savio-an min rawn call ka hmuh rualin an In a chawei tura min sawm ka hrechhuak ta chauh.

‘Hello’

‘Khawnge i awm?”a rawn ti a.Ka awmna ka hrilh rualin awih lo niawm takin a chek tlak mai.

‘Anih chuan chaw chu i lo ei hman dawn em?”

‘Sorry,ka theihnghilh chiang lutuk.Ka pa a chhuaka,a lo haw veleh ka lo hrilh anga’ ka ti a.

‘Um..I lo kal chuan Surprise na tur che ka nei ania’ a nui a.

‘Eng?’ phur zetin ka ti hliai mai.’Ka sawi ten Surprise a ni si nang,I lo kal ngei angai tihna nih chu’ a tita tlat.Eng thil nge surprise min pek na tur awm ka ngaihtuah vang vang pawn rinchhin tur eih ka hre lo.

Dar li rik hma hretin ka pa a lo leta,Savio te ina chawei tura kal a rem leh rem loh ka zawta,a hriatthan a ni bawka. Ka rinlawk ang ngeiin min hnial lo. Scooty keng tura min tih erawh ka hnial thung.Dawr khar hmain  Thanga’n min thlah a.Ka pa phalna thlapa kal ka ni a,haw lam a hmanhmawhthlak loh tih ka hria.

Savio nuin min hmuh veleh min lo be nghal sawt sawt,Savio ka hmu lo thung.

‘Khawnge a awm a?” ka ti a.

‘Thil tih lawk tur a nei atia,bakah a u khan Cake a lo Order saka..Chung te chu a lam nghal anga’ a ti siam siam.Cake maw? Ngatinge cake a order sak a? Ni lo…Calendar ka thlek vat.Engtin nge ka theihnghilh theih zawk? Kan inkhawm hnuah vawikhatmah a Birthday ka theihnghilh sak ngai si lo. Chhuah leh dawnin a tlai tawh.Bakah enge leisak tur pawh ka hrethiam chuang lo.

‘I lo thleng tawh law?” rawn luh pahin a rawn ti a,a hnungah hmeichhe pakhat,te fel ren rawn leh Hmeltha zetin a rawn zui bawk.

‘Um..Awi,Sorry lutuk..I birthday ka theihnghilh chiang lutuk’ thupha chawi aw daiin ka ti nghal mawlh mawlh.

‘A ho lutuk,chuvang alawm chawei turin ka sawm luih talh che.Eee,hei ka thiannu Am-i anih hi..Chuan, hei hi ka kid rinawm tak Zorinzuali ania,kei chuan a hmingpum kherin ka ko thina,mahse midang chuan ‘Zorin’ an ti thina..’ a nui hawk hawk.Mak ti lutukin ka mengphar awk mai.

Nimin khan Bialnu a neih leh neih loh ka zawta,a uang mai mai emaw ka tih laiin a lo uang hauh lo.Ngaihzawng bulfuk nei loin a awm rei tawh,kawp ngheh nei si loin a kawp kual zuta,ka hau nasa thina,mahse tuna mi hi chu mumal takin min hmelhriattir a,a serious hle tihna a nimai.Chibai tumin ka kut ka pharchhuak vat,a rawn phar vea,a kut ka vawn saka,a hmelthat mai bakah a vun a nung sara,hmuh a nuam takzet.Hei ngei hi anih hi min Surprise a lo tumna tur chu.

Kei leh Ami chauh kan ni dawn emaw ka tih laiin an cousin dang ho an rawn lut ta phak phak,ka beisei ang a ni lo tawp.Hetah ka kal anih chuan Ramsey ka hmuh ka ring saa,mahse Savio te inah erawh a ni lo.An vaiin Ramsey nen kan inkawp tih an hre vek tawh,ka tan an tha em em vek.Chutih rualin tunah kher hi chuan ka hmu chak rih lo..Agnes-I chungchang a sawifiahna neih lah ka ngaithla duh tak tak em ka hre hek lo.

‘I u Mama hi a lo haw tawh em?” Savio nuin a cousin hmeichhe pakhat hnenah a ti a.Ka beng a verh zak mai.

‘Ka hre lo’ tih pahin Curtain a keu a..

‘Eeee,a alo haw chiah leh si’ a ti leha,ka insangmar nghal teuh ringawt.Zinga a msg kha ka reply ta miah lo.Ani lahin min rawn call ta bik lo.Hun ka pek hun a nghak tak tak pawh a nimahna le.

‘Lo phei nghal se la,in ril a tam tawh ang’ Savio nu bawkin a ti leh a,Savio Cousin a tho nghal zat.A ko dawn tih ka hria..Ka hrawk a ro halh mai.

‘Mama a lo thleng a,Cake kan cut thei ‘ rawn luh pahin a rawn ti lang lang,ngaipawimawh lo anga lan hram hram ka duha,mahse ka ti hleithei lo..A rawn lut tih ka en lo chung pawn ka hrethei vek.

‘Min lo nghak suh ka tih kha’ ka hnung mai atangin a rawn ti sup.Savio a bia a ni tih Savio an ka hnunglam a en danah ka hrethei.

‘I tlai lo..Barbara-i riltam a rak mai mai anih kha’ nui chungin a ti a.Min rawn en a,a hmelah mak tihna a lang zawk.Nia,a mak ang.Tuman an bialpa te hetiangin an ti lo tawp ang.

Muangchangin ka hawi leta,ka hnungah kekawr ipte zen chungin a lo ding run.Mahse, a dressah Hna atanga lo haw a ang lo.T-shirt chungah Jacket  lukhum nei a haa,Jogger pant a ha bawk.

‘I lo thleng thei maw?” pangngai thei ang berin ka ti a.Harsa ti ru zetin ka nui lui sak bawk.

‘Um,I thlenna a rei tawh em?” a titha ve mai bawk.Ka thutna bulah a rawn thu thla ve a,ka insangmar nghal teuh mai.

‘Rei vak lo…’ ka ti sap.

‘Ka msg i reply lo a’ ka melh zawk.Savio lam ka hawi leh vata,mahse midang nen an titi tui lutuk.

‘Ka buai lutuka,ka pa bulah Dawrah ka kal ve a’ ka then leh sak.

‘Ka hria lawm’ a mihmul a tisang zauh bawk.

‘I hria maw?” ka ti halh,a bu nghut ringawt.

Savio  Birthday cake zai an rawt tak avangin inbiak falna hun a awm ta lo hlauh.Chaw kan eikham thlengin midang nen inhnaih tak vekin kan awm a,Am-i lah a tlangnel lo bawk nen ka bulah a awm tama,Ramsey nen inbiak falna hun a awm lo.Mahse,a lam ka hawi apiangin a mitthim khapin min lo en run zela,ka awm a ti nuam lo.

‘Mam,Zorini hi ka be lawk duha..’ngei lutukin ka melh nghek,min la en duh der lo zui.Min biak duh avanga dil kher a tul lo lutuk ringawt.

‘Ok,bia la…’ Ramsey-an a ti nghut.

‘A falin ania ka tih..’ a va han ngeiawm tak.

‘Um..Mahse, rei lo ula.Kal a hun tep a’ a ti leh sup.A sawi awmzia hre loin ka melh vat.Engmah sawi loin a hmui a tisawi zauh ringawt.

Room lamah kan inzui chho a,a tawng pah mawlh mawlh bawk.Ka aw liam vel mai mai thung.

‘’Engtin nge i tih dawn tak?” Room kan thlen veleh a ti nghal zat,Khumah a letthla a,avang zawngin a mu nghal zat bawk.

‘Eng? Cheque kha maw?”

‘Aw..’

‘Ka hrilh mai dawn mawni ka ti,ka lak a ni lo a..Bakah tunah phei chuan a hre tawh lo emaw tihmai tur ania’ ka ti sap.Dressing table a Perfume bur awm ka khal nauh nauh ringawt.

‘A tha maithei,anih chuan i hawn mai dawn mi niang?” a ti leh a,a rawn tho a.

‘Lo kawl phawt rawh,ka hrilh nghal dawn anih si loh chuan a buaithlak’

‘Um..Nia,bakah ka awmreng dawn tho a’

‘I kal tawh dawn lo mi?”

‘Kal dawn nang,engmah tihtur a awm hleinem’ a nui hak.

‘Chhuk ila..’

‘Um..’ a rawn kal pheia.Mahse, a ding leh chut.

‘Am-i kha enge ang i tih?”

‘Ka ngaihdan i hre duh tak tak em?” ka inti mitaka,ka chhaih chak tlat.

‘Hre duh,I hmuhdan diktak’ ka rin ang ngeiin hlauthawng hmel ka hmu thei.

‘Ka hmuhdan diktak chu maw..I tan a tha lutuk mah mah’ ka nui chhuak hak hak mai.

‘Nghal reuh lutuk..’ min rawn bana,min kuah bet titih bawk.Vawi tamtak ka rilru hah vanga awmngaihna ka hriat loh lai khan thian nihna vangin min kuah tawha,tunah pawh hian chutiang tho chu a ni tih ka hria.Mahse,Mipa leh hmeichhe inzawmna,sex lam hawi ang kha a awm ngai lo.

‘Ka lawmpui che’ nui chungin ka ti leh a.

‘Ka hria alawm,ka tan chuan best i ni a,I lak atanga ka dawn thin hi tuman min pe thei dawn lo tih erawh ka chiang..’ amah ang lo takin a thutak hle bawk.

Min kuahna a phelha,tunah chuan ka thiantha ber leh ka unaupa,ka chan ta emaw ka tih kha ka nei let leh ta tih ka chiang.Kal tumin ka inher a,mahse Kawngka bula lo ding ka hmuh takah chuan ka phu deuh zawka,a hmel tur zet chuan kan inkuah kha a rawn hmu hman a ni tih ka hrethiam nghal vek bawk.

Chapter- 14

‘Kan lo chhuk dawn chiaha’ Savio-an a ti a.A awah nuam ti chiah lo a ang viau,Ka dem lem lo.Ramsey hmel nelawm lo lutuk chu tutan mah hahdam taka awmna chi a ni lo.

‘Ka hmu…’a ti vawt ruih mai.Ka lo ip deuh chawih bawk.

‘Chhuk ila..’ Savio-an min rawn en pahin a ti a.Ka bu nghat ringawt,Ramsey a kal pela,muangchangin kawngkhar lam ka pana,engmah tih dik loh ka nei hauh lo nangin nuam ka ti lo.Ka tang ru teuh bawk. Ka chhuahna turin a tawlhsawn hrut,ka kalpela.Min en zui reng tih ka hriat vang nge ka hre lo,ka hnungzang a hit mam mam in ka hria.

‘I haw mai dawn mi?” Savio nuin min hmuh veleh a lo ti a.

‘Aw,ka kal mai ang..Ka puar lutuk’ ka ti a,ka then sak bawk.

‘I lo leng leh vat dawn nia’ a ti leh a,ka bu nghat.Engtik laimahin min be chhe ngai lo.Savio nen kan inkawp emaw a tihlai pawh khan min be chhe tak tak ngai  lo.Mahse a ruk khan min lo huphurh viau sia,Ramsey nen kan inzui hnu khan a zia a danglam deuh ang chu ka tia.Engmah danglam a awm chuang lo.

‘Kal ila’ Ramsey-an a ti hmuk.

Motor lam a pan dawn emaw ka tih laiin an In lam a pan ta daih.

‘Kan kal nghal dawn lo mi?” ka ti sap.

‘Aih…’ a ti tawi tuk.Biak zui a chakawm lo ngawih ngawih.A inhera,a kal zui chu a nileh mai.Tih theih dang a awm lo.Beidawng tihngaihna hre lo zetin ka zui ta dat dat.

Kawngkhar a hawnga,ka zui luta,thawm awm loin a reh thiap.Savio te in lamah khan a nu leh pa emaw Hani pawh an lo kal leh kal loh ka ngaihtuah leta,ka hmuh awm ka hre lo.Kawngkhar a khar leh thawmah ka hawi let vat.Chhung lamah a kalh nghala,a rawn hawi leta,kal sawn loin kawngkhar a nghenga,a kekawr ipte zen tut chungin a ding khawng luh bawk.

‘Khawnge midang?” ka ti sap.

‘An awm lo’

‘Savio te inah khan ka hmu bawk si lova’ ka ti leh a.Ka zam rukna thup tumin ka dinna hnaih ber thutthlengah ka thu ta zawk.

‘An zin..’ ati leh nghut,a rawn kal pheia,ka ep zawnga thutthleng awmah a rawn thu ve a.Ka melh zawk.

‘Min thlah dawn chuan kal mai ka duh a’ ngawihreng nuam ti lo zetin ka ti leh nghauh.

‘A hmuhnawm khawp mai’ hrethiam loin Ka melh vat.

‘Nichin kha ania ka tih…’

‘Eng..?” a sawi awmzia ka hre lo a ni lo.Ka rin ang ngeiin Savio nen kan inkuah kha ngaihdan maksak lutuk a nei tih ka hrethiam mai.

‘I rin ang kha a ni lo’ ka ti hmak.

‘Nia,dik chiah.Keipawh chutiang chiah chu’ za lo zetin a then suk.

‘Eng kawngah maw?”

‘Nimina Agnes-i post kha mawle’ a mit a tizim sun bawk.Ka ngaihtuahna hriattum niawm takin ka mitah tak a en bawk.Ka chhungrii Agnes-I thikna vanga sosang lutuk a hmuh hlauin ka hawisawn ta vat.

‘Ka ngaipawimawh lo..’

‘Thikna a ni em?” a nui suk..

‘Ahh,thik maw? Keiman maw?” uar fahranin ka ti nghek.

‘Aw,nangmah khan.A chhanchu nimin zingah tha takin kan inbiaa,zanah erawh i mood a off em em thunga,ka tihsual ka ngaihtuaha,engmah tihsual ka nei lo..’a tita duah.A sawi dik lutuk chuan min tihlawm a hnekin min ti thinrim ru teuh thung.

‘Ka thik lem lo,mahse I bialnu hlui,mi zawng zawngin an hriat khan langsar takin in pahnih lunch ei dun lai a post a,ka bialpa ni bawk si kha ka zak mai ania..Anihna takah chuan ka chapona a khawih che ’ ka sawi zawh rualin ka thaw hak.

‘Chu zawng chu maw?”

‘Aw..A bak enge awm ang?’

‘Nia…A awm lo ang’a ti leh lawi.

‘Kal ka duh’ tih pahin ka tho nghal that.Tianga min chhaih kual reng chuan ka thik tih ka tihlan hun a awm ngei ngei dawn,Ka kalsan hma poh leh a tha a nimai.

‘Thu rawh…’ a aw a ring lo.Mahse, ngenna ni loin thupek a ni tih erawh a chiang viau.

‘I staff ka ni lo ania’

‘Ka staff i ni ka tih ka va hre lo ve’ a ti leh sup.Thatchhe zetin a thu awn duai bawk.

‘Anih chuan thu min pe tawh suh’ ka ti leh hmak.

‘Anih chuan khawngaihin thu rawh’ ngeiawm lutukin a nui hawk bawk.

‘A tlai tawh lutuk a,kal mai ka duh zawk’

‘Inbiak kan ngai,thu rawh’ a ti leh hmuk.Hnial chiam awmzia a awm lo ziah tih ka hria,ka thu leh ta nge nge.Mahse, ka bet lo ngang mai thung.

‘Nimin khan Meeting kan nei a,kan meeting na hmun tur ka thlenin Agnes-i te an lo awma,anihna takah chuan engtik laiin nge thla an lo lak hman ka hre lo hrim hrim’ a tita duah.Awih tur ka ni em ka hre lo.Mahse, kan inzui hnuah vawikhatmah dawt min hrilh ka la hre lo.

‘Sawifiah duh suh..Engtin pawn awm la pawi ka ti lo’ ngaipawimawh lo niawm takin ka thle bak bawk.

‘Ahh,keiin pawi ka ti..Bakah kei chuan Agnes-i ka kuah ve hauh lo.Chuan ka bialnu leh midang awmdun lai hmuh phei chu nuam ka ti lo,entirnan nichin lawka thil thleng ang phei kha chu hmuhnawm ka ti lo lehzual’ a nui hawk,mahse a mitmeng thim raih maiah chuan a nuih a za miah lo tih a lang reng thung.

‘Anih chuan kan tawp mai angai anih chu.Ih..Savio nen kher hi chuan inkuah hi nuam ka ti miaua ’ ka nui lui sak bawk.

‘Tawp tum chhin la’ a ti vawt ruih.

‘Ka tum leh tum loh niloin Savio nen kan inzawmna i hriaa,mahse i hmuh peih loh tlat te chuan…’ ka ti leh nghat.

‘Um,ka hmu peih lo.In inzawmna chu engpawh nise ka hmu duh lo’’

‘Anih chuan tihngaihna a awm lo anih chu.Bakah in unau inkarah buaina thlen ka duh lo ania’ ngeiawm thei ang berin ka ti leh hlak.

‘Anih chuan i kalsan angai anih chu’

‘Teuh lo..’ ka tho nghal phata,Kawngkhar lam ka pan nghal zat bawk.Mahse, ka tlai ta tho,Kawngkhar ka thlen hmain ka kawngah a rawn mana,min pawt let dawrh bawk.Ka rak that mai.

‘Min thlah rawh..’ ka ti tuar bawk.

‘Shh..Bengchheng chiam chiam suh,midang hoin Hmangaihna kan chen emaw an ti mai ang’ ten lutukin ka ner nawk ringawt.Mahse, a sawi dik tih ka hai lo.Kan inhau tih midangin an hriat ka duh bau lo.

‘Min thlah teh’ ka ti leh hmak.

‘Savio khan enge i pek a sawi lo a,mahse thil hlu lutuk  i lo pe anih ka ring’ ka thaw hak mai.Min kuahna phelh sak tumin a kut ka vuana,mahse ka kut a rawn man bet leh hmiah.

‘Ka ta hi miin min tawmpui ka duh miah lo..’ ka kut a vawn loh lam zawk a phe zawk.A hmai a ri nghal thuai bawk.Ka beng na bawk aniang ka kut thla a lang thei titih,ka kut a thip zawk bawk.A rum hawk mai.

‘Kut min thlak a maw?” a ti sup.Kei erawh hlauhna avangin ka khur titih,mahse anih tur a ni zo vek tawh.

‘Ka..ka…’ ka tawngchhuak hleithei lo.Ka banrek a hmerna a na zual sauh.Hmeh tliah a tum niberin ka hria.

‘I thil tih man i hmuh angai tih i hria ang chu’ a ti hmuk.Harsa zetin ka chil ka lem thei hram.

‘A na ania’ ka tichhuak sap bawk.

‘Na i hre  ve thei tih ka hre hleinem’ ngeiawm lutukin a nui hawk.A thlah chuang lo..

‘Ka….’ Ka sawi zawh hmain a che thuta,enge a tih pawh ka hriat hmain min pawm kang lawp a,a darah min pu titih..Tlak hlau lutukin a Jacketah ka pawt a,rihna ka nei lo emaw tih mai turin min kalpui zui zat bawk.

Stepah min chhuk puia,a room kan pan tih ka hria,tal thlak tumin ka che leh phat,mahse ka malah a vuana,talchhuah ngaihna a awm lo.A darin room kawngkhar a nek hawng a,Roomah min luhpuia,khumah dimna tel map loin min thehthla hnawk bawk.

Rang lutukin khum sir lamah ka let pheia,mahse ka chhuk hmain min rawn man hman ta tho.Min pawt let nawka,hneh zetin ka darah a rawn nem bet zui hmiah.Ka theih ang angin tlawh ka tuma,mahse chu pawh awlsam zetin a mal in a rawn khan bet leh ta hmiah.A kut lehlamin ka kut pahnih ka luchung lamah a nem beta,a Jacket a phelha,a thehsawn nghal daih bawk.Ni lo..A thiltih tum hi ka tihtir thei lul lo ang.

‘Min thlah rawh’ ka ti chhuak that.Eng ang pawn au ila a roomah daih kan awma,tuman an hre dawn lo.

Ka sawi hre lo ang hmakin a rawn kun hniama,ka tawng leh tur ang ziau tawh ka hmui  a rawn khar hmak.Dimna pakhatmah tel loin min fawp zui buan buan bawk.Ka theihtawpin ka tal leh laih,mahse awmzia pakhatmah a awm lo.Ka kawr pawhphelh tumin a pawt a,a thler nghal kawk.A chetdan hi mi pangngai khawsak dan tur a ni lo,a a vek tawh.Thawklehkhatah hlauhna in min rawn tuam a,che loin ka mut ngaiin ka mu ta hle hle.

Ka bra a nawr hlim chhoa,ka hnute a rawn huma,ka thaw chhuak zo dawn lo emaw ka ti hial,nuam ka ti lo a,ka hlauh vang a ni tih ka inhrilh mawlh mawlh.A tho kang deuha,ka awmdan hrethiamin a duhtawk dawn emaw ka ti hman.Mahse,a ka chhung lum hiamin ka hnute hmur a rawn hmuam takah chuan ka mu mar awk mai.A leiin zei zetin ka hnute hmur a liak kual a,ka inrin hmain ka thawchhuak hak mai.

A thiltihlai a tawpa,ka kut a vawnna a thlah bawk,a inbengkang zui nghal zat.Min kalsan dawn emaw ka ti hman,ka kut man bet tawh lo mahse kutthlak nawn leh ka tum lo.Tun lawkah khan pawisak nei miah lo a ni tih a lang tawha,a thinrim belhna tura atthlak lutuka khawsak ka tum lo.

Ka chung atangin a letthlaa,khum atangin a chhuk nghal bawk.Dressing Table bulah min hnungchhawn zawngin a dinga,a lu a dawm vung vung bawk.A awmdan tehthut chuan min ti hamhaih letling.

‘Tho rawh..’ rawn hawi let chuang loin a ti hmuk.A aw a zawi hle nangin ka hrechiang ngang mai bawk.

Ka tho tham tham,ka kawr thler huai mai ka pawtkhawma,mahse tiang chuan ka haw thei dawn miah lo.

‘Ka Jacket kha ha rawh,Savio ka lo call ang’ a ti leh sup.

‘Maw?’ ka aw a zawi lutuka,a hre phak em ka hre lo.

‘A thlah haw ang che’

‘Mahse,…’ ka ngawi leh daih.

‘A thleng nawn leh tawh ngai lo ang,ka tiam che’ a ti leh hmuk.A rawn hawi leta,a hmelpa leh chang zetah chuan engmah angaihtuahna awm ka hrethiam lo.

Khum atangin ka chhuka,a Jacket chhuata tla ka chhara,ha loin ka intuam nghal sawk sawk.Ka lam panin a rawn kal pheia,ka tawlhhnung nghal dawrh thung.

‘Ipteah khan ka phone a awma’ a ti hmuk.Ka ding khawng nghal lah,ka zen a.A lo awm ngei,ka lachhuaka,a kut rawn dawhah sik hlau zetin ka dah a,ka kut ka la let leh vat.Ka awmdan hrethiam tih hriat zetin a then nawk thung.

‘Jacket kha ha tha rawh.Inchungah ka lo han chho ang.Mahse, rei suh.Savio-an tiang khan a hmuh che i duh ka ring lo’

‘Savio…’ ka ti nawn ve sap.

‘Um,ka hma ka lo sial deuh tih ka pawm e’a ti leh sup.A awmdan ka hrethiam hlawl lo.Minute reilote liamtaah khan min sual lui titiha,a hmaia ka ben avangin khawhmu lo lekin a thinrim bawk anih kha.Mahse, tunah lem nichin lawka  chetdan kha engmah hre hmel a pu eih lo.

Engmah sawi loin ka inher ta zawk,amah chhoh tum nimahse kalsan ka duh.Kawngkhar lam ka pana,mahse kawngkhar ka hawn hmain ka rilruah thildang a lo lang zawk.Ka ding chat,ka hawi let a,Savio call tum niawm takin a phone a lo bih mek.

‘Ih…Kut ka thlak vang che khan pawi ka ti’ ka ti sap.Ka tawng thawm hriain a rawn hawichhuak vut bawk.

‘Maw?” a ti sup.

‘Nichina kut ka thlak che kha pawi ka ti’ ka ti nawn leh a.A thle buk.

‘A pawi lo..Ka thiam loh zawk anih kha,ka ta emaw ka lo ti che a’ a nui hawk mai.Mahse, a nuih danah tihelna lam a lang lo.

‘Eng lo..ih,Savio leh kei hi i…’ ka sawi zawh hmain a ban vaiin min rawn ti tawp ta zawk.Engvanga sawifiah tum leh lawi si nge ka nih ka hre lo..

‘Sawifiah duh suh..Ka hma ka sial ka tih kha’

‘Maw?” ka ti ha mai.

‘Ahh,ka hma ka siala..Chuvangin nang leh Savio inzawmna khan min tina mai ania.A thleng tawh lo ang’ a ti leh sup.Kan awmdan hi nichin lawka inhaubuai kha kan ang tawh der lo.

‘I na maw?”

‘Na…Aw,ka induhtawkna a tichhia anih ka ring..Mahse, engmah a thleng nawn lo ang ka tih kha.Tawp i duh khan ka hria,kan tawp..I zalen e’ a ban a phar hluaia,a dahthla leha,a kekawr ipte a zen ta daih.

‘Mahse,Savio nen chutiang engmah in…’

‘Sawifiah duh suh.Ka nau i thlang hi i tisual lo ang tih ka chiang,mahse a vawikhatnan ka nunah thil pakhat ka chan ve ta anih hi..’ a ti leh duah,na tih hmel zetin a then suk bawk.Na a ti..Ni e,na a ti chiang lutuk.Nichina a chetdan rapthlak zet pawh kha ka nawrluih nasat vang a ni tih ka pawm thlap.Agnes-i ka thik tluk zetin ani hian Savio a thik ve tih ka hrethiam ta tlat bawk.

‘Ramsey…’ ka ti sap.

‘Kal tawh rawh’

Ka lu ka thing nak.Ka rilru a lo lang hmasa ber ka zawm ta zawk.Ka pan pheia,mak tihhmel fein min en ngur ringawt.A hmaah tak ka dinga,ka hawichho a.Ka huaisenna zawng zawng sawmkhawmin a mitah tak ka en ran mai.Chan ka duh lo anih chuan ka tih ngei ngei angai.

‘I duh chuan i fiah thei…’ ka tichhuak sap mai. Mak tih hmel zetin a dar a ti sang uk ringawt.

‘Savio hnena ka pek zawng chu thian thatna leh ka rinna..’

‘Eng maw?” a ti leh sup.

Engmah sawi loin a Jacket ka intuamna ka lathlaa,chhuatah ka thlauh thla hnak.Ka kawr a pawh thler phelh tumin a tlang ka vuana,ka pawtchho a,a mit a tizim sun.A tir atang khan ka la hawisawn miah lo.Ka phelha,chhuatah bawk ka thlauhthla leh nghal zat.Bra nen ka dinga,a mitmeng thim raih maiah chuan engemaw ka hriatthiam loh a lang zawk,mahse a bo lehnghal vat thung.

‘Enge i tih?” a ti sup.

‘Min ringhlel tih ka hria,I fiah thei..’ ka cho tih ka hria,mahse tih ka duh tlat.

‘Ni lo…Engmah ti suh,anih loh chuan ka tawp dawn lo ania,I inchhir ang’ harsa tih hmel lutukin a tichhuak hrawih.

Ka pan hnai leh sauh.Tim daiin ka kut ka lekkanga,ka dingdihlip titih,a biang tawn tawnah ka vuana,tihngaihna hre lo hmel lutukin a ding khawng luh ringawt.’Tawp turin ka duh lo che’ ka ti sep,a rum hawk mai.

A rawn kun hniama,dimtein ka a hmui lum thar tharin ka hmui a rawn sia,a nawr kau nghal zat.A nghawngah ka kuaha,min pawm kang nghal nawlh.A kawng fek ratah ka kherh bet nghal chial bawk.Khumah min nghat,hmanhmawh lutukin a kawr a phelha,a kekawr phelh tur ka pui nghal vat.Awlsam zetin ka bra a rawn hmetphelha,ka kekawr kawng suihna pawhphelh tumin a pawt nawk nawk bawk.

Ka kawngah a rawn kuaha,min chawikang nawlh,min rawn delh beta,ka mal karah a rawn tla zep nghal zat.Ka hnute a awmin a rawn nek a,ka awmdan ka sawithiam lo..A tawlh hniama,ka hnute a rawn fawpa,a samah ka tham ve thung.A kut lehlamin ka mal karah a rawn zena,a khawih tum a khawih rualin a sam ka tham na zual sauh.Te chhuak lo turin ka hmui ka pet fan fan bawk.

A inbengkanga,ka biangah a rawn dawma,Light eng hliah zawnga awm anih avangin a hmel ka hmu chiang thei lo..

‘I chiang em? ‘ a ti sup..Zawitein ka chhungrilah awin ka thiltih lai atthlak zia min rawn hrilha,mahse a aia ring zawkin ka tidik tih min hrilh ve thung.

‘Aw…’ ka ti sep..A nghawngah ka kuaha,a tukkhum sap ka khawih nauh nauh bawk.

‘Tihluih che ka duh loh vangin ka insum nasa thin,hmeichhe dang ang i ni lo…I thianghlim lutuk’ ka awmah a hmai a rawn phum a..

‘Min tilui hleinem..Ka duh hre turin ka puitling tawk tawh alawm’ ka ti leh sap.

‘Um..Ka hria..Ka ta I ni tih hrereng rawh.Ka ta chauh’ a ti sup.Dimtein min rawn fawp leha,ka kawng zawnah a ban a rawn daha,tlemin min chawikang hreta,ka mal kar a zena,ka thaw nghal hak mai..Dimtein a mipatna ruh tungin min rawn zawma,a na zawk.A hnungah ka hmer ngheka,ka hmui ka pet tlat bawk.

‘Tih palh…’ a aw a khur dur dur bawk.Engmah ka sawi lo,zaizirin che zui turin ka tita zawk.He Ramsey hi ka duh satliah lo..Ka hmangaih a ni zawk.

A chungah ka bawk thlar mai,ka hnungah a chul hauh hauha,ka samah a fawp vang vang bawk.

‘Ramsey..’ ka ti sap.

‘Um..Sawi la’ thatchhiat hmel zetin a ti sup.

‘Kal a hun tawha’

‘Haw lo mai rawh’

‘Ka thei lo tih i  hria alawm’ ka ti sep.Kalsan tawh miah loh ka chak zia chu pui tak a ni ringawt.

‘Kan inru thei renga…’

‘Aih,ka pa tan zahna ka thlen thei lo alawm’ ka sawi zawh rualin a nui nghawr dat mai.

‘I va danglam ta ve’ a awah nuihzatna a hriat tel theih.

‘I sual em mai’ ka ti hlak ringawt.A nui leh hawk,min Hmangaih angem ka hre lo.Mahse, min duh tih erawh ka chiang.Pasal neih hmaa sex hman hi ka tihturah ka lo ngai ngai lo,mahse ka tita tlat.Nakinah chuan ka la inchhir mahna,mahse tunah chuan ka Hmangaih ber tana ti ka nih tlat avangin inchhir zawngin ngaihtuah ka duh lo bur.

In kan thlein dar 9 a hnai thuak tawh,Ramsey nen kan ni a,engtinmah min ti lem lo.Bakah pangngai taka ka nun atangin thla hnih lai a liam tawha,Ka pa pawn a fanu ka nih tlat avangin min ring leh tan der tawh zawk.Tu nu leh pa mahin an fate an haw hlen thei lo tih hi ka pawm ve tan mek bawk.

‘U Zorin,niminah Pi in i room a hai vaka’ Lun’in min hmuh veleh a ti nghal sa sa.Midang an awm em tih a enkual niawm takin a hawi kual vat vat bawk.

‘Enge a zawn a?” chair pawhchhuah pahin ka ti a.

‘Ka hre lo.Chuan maw inchung pangpar dahna lam pawh a hai vaka’a ti leh a,ka thensak mai.

‘I thil hmuh kha a zawng anih chu,a zawt che em?”

‘Aih,tihpui ka tum pawn a duh lo alawm..Enteh,ka hlau em mai’a ti leh a.A hmel tim dai maiah chuan hlau hmel a lang thei hial bawk.

‘Hlau suh,ka awm alawm..Engtinmah a ti lo ang che’ ka nuih var var bawk.A then sak nangin a nuih a za lo tih ka hai chuang lo.

‘Ih..Thil mak deuh chu maw..’ a hawi kual leha,engmah sawi loin a tawng hun ka nghak thung.

‘Nimin khan u Ramsey a lo kala,Pi nen rei deuh roomah an inbiaa’

‘Maw?” ka ti vak.Ka tum aiin ka aw a ring hret bawk.

‘Thingpui ka dah laiin an sawi ka hriaa,Pu Cheque dahthat chungchang an sawi asin’ a ti leh a…Mak ti lutukin ka melh reng ringawt.Engvangin nge Ramsey nen daih an lo sawi dun ang ka hrethiam hlawl lo.

Chapter- 15

‘I chiang em?” ka tichhuak thei hram.

‘Aw,mahse ka chhuak lehnghala..Ngatinge?” a ti ha.Engkim a hrethiam emaw ka lo ti hman ngawt pek.

‘Aih,engmah…’ ka ti sap.

‘Eee,niminah Pi in a thil pawimawh dahna a theihnghilh tih a sawia,Polythene a tuam a ti a.Mahse,engmah sawi suh i tih vang khan ka sawi lo a.Aaa,kha chu Pu thil pawimawh zawk tiraw?’ a ti leh a.Ka bu nghat.

‘Anih si chuan enge a zawn ang le? Amak e,tunlai chu Pu thilbo atang khan bo a awm leh tawh sia,min ringhlel angem le?” mangan hmel fein a ti leh a.Ka chil ka lem hmasa te te.

‘Ka hre lo le,ringhlel lo ang.A thil dahna a hriat loh vangin ami ka room a haia?” ka ti hlak.Nizan khan ka nunah a vawikhatna takmeuh thil ka tawnga,ka room awmdan lamin ka ngaihtuahna a luah eih lo.Nidangah chuan ka thil dahdan danglam hlek pawh ka hre thei deuh ziaha,chumai bakah a tul fe loah chuan midang an lut ve mang lo bawk.

‘Ka hre lo..Mahse, Pot hnuaia mi kha nita ang se khalaiah kher han dah chu a mak ka la ti’ a ti leh niah niah.Ka thle bak ringawt.

Room lamah ka kalsana,ka thawmhnaw dahna ka hawng nghala.Luni khan a sawi dik thlap.Engkim a remtha leh vek nangin ka kut hnu erawh a ni lo tih ka chiang.Mahse,a hmu lo tawp ang.Savio kutah a awm daih miaua.Thil hriatchuah ka nei.Ramsey an engvangin nge Nu Hmingi cheque chungchang a sawipui ang? Luni khan a thilchhar kha min pek hmain a en em ka hre lo.A suihna ka phelh khan a nghet lutuka,ka hawng lawk thei lo kha nia.Anih chuan a en hmasa lo tawp ang.

‘Hello..’ thawp sutin a rawn ti a,atthlak zetin ka awmdan a danglam nghal titih.Ka biang a sa nghal hat hat bawk.

‘I buai em?” sana en zauh pahin ka ti a.Nidang ang anih chuan Gym atangin a haw a hun tawh zawk.

‘Buai lo..I tha em?” a ti leh sup.

‘Aw,ngatinge?”

‘Nizan vang khan…’ ka biang a sa nghal hut hut thei.

‘Oh..’ ka ti sap ringawt..Ka hmel a hmu thei lo ka lawmzia chu pui tak a ni ringawt.A hunlai ai khan ka zak zawh mah tawh..Huizz..

‘Keichu ka muhil thei lo a’ a aw pa leh cool zet chuan min fan rawih rawih thei.Ka hmu ka pet nghek.

‘Ih…I la tho lo mi?” sawi tur ka haihchham vek.

‘Aih..Sawi la..’ a ti leh sup.

‘Vawiinah hun i nei angem?”  pangngai thei ang berin ka ti a.

‘Eng turin?’

‘Ih…eng lo,thil…’ ka sawi hmain a nui hawk ri ka hrethei.

‘Sawi duh suh,min ngai anih kha…’ ka hmui ka pet leh nghek ringawt.Chimawm lutuk,engtin nge ka hmuh ngam ang ni a?

‘Lunch ei dawnah ka free ang.Dawrah i kal leh dawn em?” amah bawkin a rawn ti leha.

‘Aih,kal dawn pawh ka hre lo..’

‘Ok,anih chuan Inah ka lo kal ang,enge ka lo ken ang che?” a ti leh sup..

‘Engmah angai lo..’

‘Takzet?”

‘Um.Ka ti tak tak’

‘Ok,ka’n inbual lawk ang’

‘Bye’

Khumah avang zawngin ka mu a,chunglam ka en vang vang.Ka mitthlaah nizana kan awmdan a lo lang nghal zat.Mi tumah hi an nunah telve tumna ka nei ngai lo,an bialpate nen sex an lo hmang anih pawhin an Hmangaihte lakah an inpeah ka ngai mai.Thil dik lo ni mahse ka dem lem lo.Mahse, hmeichhe tamtak,mipa tupawh mutpui thei,Ks ni chuang si lo ka hre teuh,chutiang chu ka ni ve hauh lo nangin mi min hmuh danah hmeichhe lepchiah lutuk ka ni ve tho.Mahse,engkimah a hmasaber zel chu Ramsey a ni thung.Miin engtin nge min sawi ka ngaipawimawh lo,aman a hriaa,ka duhtawk.Ka thil tih kha a dik lo ngei,mahse mak takin pawi tihna ka nei lawi si lo.Pawi tih a hnekin ka engkim ka pek avangin nuam ka ti ngawih ngawih zawk.Nie,nuam ka ti..Chhan dang engmah a awm Lo.Ka hmangaih miau a.

Luni nen in kan tifaia,a hnuah ka thawmhnaw ka remfel leh vek.Ka lehkhabu dahna ka tifel leha,thil hlui eng eng emaw ka dah that en pahin chhuatah ka thu sawp a.Album pahnih chhah el awl ka inchhawp hnai bawk.High school ka kal laiin hmeichhe dang ang bawkin Boy Band ka atchilh nasa thina,an thlalak chi hrang hrang ka collect hi a.Album pahnih ngawt ka siam thei hial.A lunglenthlak takzet.

Ka phone riin ka ngaihtuahna ala peng ta chauh.Khuma ka phone dah tho chuang loin ka bana,min rawn call tu ka en a,Mimi..

‘Aw,thiannu’  ka ti a.Ka darah phone nawr beta,ka thil dah hnawk lam bawk ka en leh nghala.

‘Inah i awm em?”

‘Awm e,I lo kal dawn mi?”

‘I awm chuan lo kal dawn,thil ka en tir ang che’ a ti leh a.

‘Eng thil maw?” ka ti liam puat.Make-up bak a nileh lo taw pang,ka ngaihtuahna vangin ka then sak mai.

‘Ka lo kal hunah i hre mai ang,tha deuh nimai’ a nui hak hak.

Ka thil chhawp hnawk ho ka dahfel zawh hmain a rawn lut ve nghala,Paper bag a khai bawk.

‘I va in remtha nasa ve..’ a ti satliah.

‘Nia,a hnawk lutuka,ka pending char chara,vawiinah ka ti peih ta hram anih hi..Enge min entir tur chu?” ka tih zawm zat.Ka lehkhabu ken lai dahthat tumin ka kalsawn dawna,min rawn laksak vat.He lehkhabu hi Mizo Novelist kan neih zinga ka ngaihsan em em leh a thuziak ka duh berte zinga mi Zirsangkima ziah, RAMADA tih a ni a,a release tirh phatah ka lei nghala,vawi engzat nge ka chhiarchhuah tawh ka hre seng lo.

‘Hei i nei reng alaw? I chhiar zo tawh em?”a ti chhuak hliai mai.

‘Ka sawichhuak vek thei zawk ang chu le,I chhiar duh mi?”

‘Lutuk,ka lei ve em em a,ka chhiar hmain ka dahna ka hrechhuak zo hlawl lo’ a ti leh mawlh mawlh.

‘Kawl rawh,mahse ka ngaihlu ania’ ka then sak.

‘Enge min entir tur chu?” tih pahin khumah ka thu a,ka bawp ka khawkherh nghal bawk.

‘Eee..Ni tak,he lehkhabu vang hian ka lo theihnghilh hman tep alawm le’a nui hak hak mai.A bag a lakanga,a keu a.Paper a rawn phawrhchhuak a.Ka en theih turin khumah a rawn dah nghal bawk.

Eng nge anih hriat tumin ka lakanga,hna dilna..Sawrkar hnuaiah ni loin Private Company lian zet,Mizorama kumin kum tira rawn inbun fel te anni a,mahse englam hawi nge an hnathawh ka lo ngaihven ngai lem lo.An office hi Aizawl chhim lam,Daifem deuh a awm a ni a,kan tlanpelh zauh zauh avanga hria ka ni zawk mah.

‘Enge i ngaihdan?’

‘I dil dawn mi?” hawichhuah pahin ka ti a.

‘Dil dawn mawni ka ti,I dil ve duh lo mi? engmah ti loa awm ai chuan a tha zawk daih dawna” a ti leh a,a sawi dik.

‘Anih chuan kan dil ve mai dawn mi niang?”

‘Um,naktuk last date ania.Kan hmu kher ang tihna ni lo mahse dil ve pawp ang.Hmuh loh pawn engmah kan chan chuang lo a,ngai kan awh nimai’ a ti leh duah.

‘Ka pa te ka lo sawipui ang.Mahse, a phal chu ka ring sa tho’ ka ti leh a.A bu nghat.Kan pahnih hnihin hnathawh ngei ngei ngai khawpa harsa kan ni lo ve ve.Mimi pa hi Doctor a ni a,an fanu neihchhun ve tho a ni a,an duat em em zia ka hria,kei ang bawkin engmah thawh nei lem loin a tei vel mai mai ve bawk.A nau mipa tih loh a u mipa pahnih ten hna an nei ve ve tawha,awm mai mai pawh nise buaina a nei lo.Ka pa hian min ngaihtuah lo viau thin mahse thla tin ka Acah ka hman tur tlem tal a dah ziaha,a hranpaa dil ngai a ni lo bawka tam lo mahse ka duhtawk viau zel.

‘U Zorin,U Ramsey a lo kala’ Luni’n kawngkhar a rawn dah pahin a rawn ti a.Sana ka en zauh.Dar 1 a lo pel va tawh.

‘Um,kan lo chhuk nghal ‘ka ti a.Mahse,atthlak zetin ka hmu hreh leh titih.

‘Chhuk ila’ Mimi hnenah ka ngaihtuahna tilang lo thei ang berin ka ti nghal zat.A rawn tho a,ani leh ni lo angin hmelah engemaw zep ruk nei a ang viau.

‘Enteh..Ramsey leh Agnes-i hi an inthen tak tak em?”Kawngkhar bul ka thleng tawh,ka  ding chat.Ka hawileta,nuam lo tih hmel zetin a che sek bawk.

‘Kan inzui atangin thla hnih lai a liam tawha,ngatinge min zawh a?”

‘Aih..Ka hre chuang lo’ a then sak.

‘Hmanni vang kha ni em?”

‘Aih..Aw..Ni tho..Ih,diktak chuan Saii nau hi khutah khan kan in hmelhriat a,Inkawmngeih deuh chu kan ni lo.Mahse Ramsey te chanchin vel hi sawi nuam a ti thei tawpa.Ramsey hian a then thei lo tih vel’ a tita duah.Ka mitthlaah Saii a lo langa,Agnes-i best a ni a,Naupang tein Magistrate a ni a.Agnes-i ang bawka lian lem lo tak,mahse langsar zet a ni a.Ka hmuh hmasak ber atangin ka ngaina thei dawn lo tih ka chiang nghal thlap bawk.

‘Ka hre lo le..Inhnuaiah amah a awm chu,zawt ila..’Ka nui lui sak.

‘I ti ho em maia,engtin nge ani kan zawh theih anga?”

‘Ka fiamthu nih kha..Saii nau sawi chu a dik nachen pawh a awm maithei a,mahse tunah chuan keimah nen kan inzuia,ka ngaipawimawh lo..’ mahse,anihna takah chuan  Agnes-i tel ve tawhna apiang over khawpin ka ngaipawimawh.Ka thiannu ber pawh nimahse hriattir ka duh lo mai zawk.

‘Nia,keipawh ka hmuh danah chuan Ramsey hian a duh hlawm tawp che.Mahse, ka thiannu i ni a,I hlimna hi engemaw mai mai vanga a chhiat ka duh lo alawm’ a ti leh halh.

‘Ka hria lawm..Ka lo na ta hlauh anih leh i bulah ka tap nghek mai ang chu’ ka nui leh a.A nui ve ta nge nge.

Phai atanga a lo haw hnuah kan inkawmngeih ta tak tak,Savio nen kan inpawhna nen erawh tehkhin chi a ni chuang lo.Mimi hi hmeichhia anih angin ka ngainnaa,Savio erawh amah anih vangin ka ngaina a ni tawp mai.Rin zawk tur thlang dawn ila thlan tur ka hre lo maithei thung.Mahse, an pahnih hnihin Ramsey nen kan chungchang ka share tam lo ve ve.Ka rin loh vang ni loin keimah a thil tam zawk pai nuam ti mi ka nih vang a ni ber.

Living roomah a lo thua,kan chhuk thawm hraiin a rawn hawichhuak vut.Ka melh zawka,rang lutukin ka hawisawn lehnghal vat.

‘I hmanhmawh em?” ka ti a.

‘Dar 3ah mi hmuh tur ka neia,chu bak chu hmanhmawhthlak a awm lo.Mimi,I tha maw?” zangkhai vuhin a tih zawm zat.

‘Aw,tha lawm..Ka kal mai aw’min rawn en a.

‘Ngati maw? Thil ei phawt ila’

‘Aih,Dawr kal pahin ka lo kal zuaia,ka nuin rei min ti tawh viau zawk ang’ a nui a.

‘Ei chhung a rei hleinem’ ka ti leh talh.Atthlak zetin Ramsey nen chauha awm ka huphurh ru tlat bawk.

‘Aih,nidangah animai.Chuan,thil kha theihnghilh suh aw’ a ti leh a.Ka bu nghauh,kawngkhar thleng ka thlaha,keimah leh keimah zam lo turin ka infuiha,naupangchhia lutuka chet ka mamawh loh zia ka inhrilh ru mawlh mawlh bawk.

‘Enge eitur ka siam ang?” ka ti a,a nui suk.

‘Engmah angai lo,ka lo keng alawm’

‘Maw?”

‘Ka lo keng,min chah lo mahla i duhzawng ka theihnghilh hleinem’a ti leh a,a then leh suk.

‘Ei ila,ka ril a tam lutuk’ zahzelah ka ti leh ta ngawt,ka riltam leh tam loh ka hre nek lo.

Kitchenah kan inzui luta,a eitur rawn ken ka hmuh takah chuan ka chil a put lo chauh ta thung,Luni nen kan chhawpchhuak a,Thingpui a lo lum sa vek tawh bawk.Inbe mang loin kan eidun ta mawlh mawlh.

‘U Zorin,I chhuak dawn em?” Luni’n a ti a.

‘Aih,ti nge?” ka plate ka nawrsawn pah bawk.

‘Anih chuan ka chhungte thil thawn tur Chanmariah ka va dah lawk thei angem? Kan khua amite an lo kala’ a ti a.Ka bu nghauh.Kan thil eina sengfel a tuma,mahse kalsan turin ka tita zawk.

‘Ka lo haw har lo ang’ lawm zetin a ti a.

‘Hmanhmawh suh,I chhuak khat em mai.Tlai lam chu eirawng ka lo bawl dawn nia’ ka sawi zawh raulin Ramsey nui hawk ri ka hre zui zat.Ka en vat,hahdam hmel zetin Chair hnung a ngheng a.A hmelpa zetah nuihzatna a lang chiang viau bawk.Ka eisiam thiam loh zia a hrechiang lutuk,mahse lo nuih kher angai lo..Ka theihtawpa rumin ka en a,ngaipawimawh lo zetin a dar a ti sang uk duh lek.Tihngaihna hre lo lutukin ka lei ka chhuah khum zauh ringawt.Nuihza insum tih hriat zetin a hmui a petsawi zauh thung.

Kan thil eina ka sengfela,ka sil nghal vek.Ramsey erawh Living room lamah a awm thung.Luni a awm ta bawk si lo nen ka tang ru leh teuh tawh mai.Apron ka hlipa,Living room ka pan pheia,min hnungchhawn zawngin Tukverh bulah a lo dinga,a kut lehlamin a kekawr ipte a zena,lehlamin phone a beng bulah a kenga,tuemaw a be mawlh mawlh bawk.Nidang ang bawkin a dress a inhmeh lehpek.Cotton jeans uk eng lam a haa,T-shirt chungah kawrlum phiar,hmaphel zangkhai hmel zet a dum a ha bawk.Loafers a buna,engtiklai pawn a nalh thlup zela,eng thawmhnaw pawh inbel se a inhmeh vel vek nimaiin ka hria.

Sofaah ka thu a,ka ke ka hlang at bawk.Tu nge a biak ka hre lo nangin a tawng danah a Staff te zinga pakhat anih ka ring ve ngawt.Kan inzui tirha ka chungchang sawitu Staff pahnih te kha ka ngenna vang nge ka hre lo.Hna tun thlengin an la thawk ta zela,loh theih loh na avangin vawi hnih ka kal ve tawha.Remfela ka hmu ve vea,mahse min hmu lo der tlat thung,biak luih talh ka tum bik hek lo.

A be zova,a rawn inhera,a then suk bawk.A rawn kal pheia,ka bulah a rawn thu thla ve nghal bawk.

‘I tha tak tak em?” a ti sup.

‘Aw, tha lutuk..Hani te engtik nge an lo haw ang?” ka ti a.

‘Naktukah…’ a ti tawi tuk.Ka sam chhawl leng ka bengah a rawn zepa,ka beng a tuai zauh bawk.Ka thaw hak mai,engvangin nge maw pangngai taka ka awm theih hlek loh ni?

‘Thil zawh duh che ka neia’ ka ti sap.

‘Um,sawi la…’

‘Ih..Eng lo…’ sawi tan mai dan tur hre loin ka chil ka lem leh te te.

‘Dik lo a awm em?” a ti nghut,a rawn thu ngila,ka biangah a kut lehlamin a rawn vuana,ka hmui sir a kutzungpuiin a rawn tuai a.

‘Aih, chutiang a ni lo.Hmana ka pa Cheque bo kha i la hria em?”ka ti sap.A mitah tak ka en ngar bawk.

‘Um…’ a ti sup.

‘Kha kha ka hmuchhuaka…’ a hmelah danglam a awm em tih ka ena,engmah danglam zeuh pawh a awm lo.

‘Chuan…?” a ti sup.

‘Nimin piah khan Luni’n inchung Pot hnuaiah a hmu a,tu dah nge ka hre lo a’ka ti leh a.

‘Pot hnuaiah..Ok..I pa i hrilh tawh em?” a ti leh nghut.

‘Aih,hrilh ka duha,mahse engtin nge a ngaih ang ka hre lo a…Nangmah lo hrilh che ka tuma,phone i pick lo a’ ka tum loh tawpin ka awah titau aw a hriattheih.

‘Engtikah nge min lo call a?” mak tih hmel deuhin a ti sup.

‘Mimi te Dila kal tura kan chhuah hma khan..Mahse,a pawi lo..Engmah i ti thei bik lo ang tih ka hria lawm’ ka ti nghat.

‘Um,tithei lo maithei..Mahse, I duh chuan ka ti thei reng’ a hmui a tisawi zauh bawk.

‘Ka hre lo le,bakah kan chhungkaw thil ania,I tel ve duh angem ka hre lo’

‘I duh phawt chuan tupawh ka hmachhawn thei..Anih leh enge buaina ber?” a ti leh hmuk.

‘Ih…Niminah ka awm loh laiin Nu Hming’n ka room a hai let chiam tih Luni’n a sawia..Chuan…’ ka chil ka lem leh rih..

‘Hetah ka kala,I nu hrawn nen roomah kan inbia tih a hrilh bawk che a tiraw?”ka ang pham mai.

‘Nangman i sawi thin kha,engmah hi pawnlam landan ang ngawt a ni lo tih kha..’ amah bawkin a ti leha,a rawn kun hniama,ka chalah a rawn fawp vang vang.

‘Ngatinge i hmuh a? eng sawi turin nge i biak angaiha?” reife kan ngawih hnuah ka tichhuak sap.

‘Cheque chungchang bawk kha..Abak engmah a awm lo’

‘I lo hria tihna a ni em?”

‘I hmu tih maw? Aih,hre lo..Mahse, a hma atang tawhin ani hian engemaw tak a ti ang tih ka hria alawm..Hahdam rawh,engmah i tana tha lo a ti zui lo ang.I duh phawt chuan i Pa pawh keiman ka lo bia ang’ a ti leh duah.

‘Aih,keiman ka be mai ang’

‘Ok..I tih dan dan le’ a ti leh a.Min pawt hnaia,a awmah ka hmai ka phum ta kak.Nu Hmingi nen enge an sawi tak engmah a sawi zui lo.Mahse, ka chhungrilah hian rinna mak tak,ka sawifiah thiam si loh a awm tlat a,ka thawveng hawk tho.

‘Mambawih,vawiinah dawr lamah i rawn kal ve leh dawn mi?” Ka pain min hmuh veleh a lo ti a.Tuktin a tih thin danin Vanglaini news paper, thingpui in pahin a lo chhiar mek tih ka hria.

‘Naa,Nu Hmingi a hman lo leh mi?’ thut ve pahin ka ti a.

‘Hman e, ani pawh awm mahse i lo kal ve ang chu ka ti mawle” a ti leh a.

‘In indaih lo viau loh chuan ka lo kal lo mai ang’ Ka hawikuala,Nu Hmingi ka hmu lo.

‘Indaih lo lam ai chuan i zir ve tha ka ti mawle,tihtur i nei ami?” a ti leha,min en loin Vanglaini a bih daih bawk.

‘Ih,hna ka dil ve dawn mawni ka lo tia,nizan khan hrilh che ka tuma,inleng kan nei ta sia’ ka ti a.A chanchinbu chhiar lai a dahthlaa,min rawn en a.A tarmit a nawrchho zauh bawk.

‘Eng maw i tih?”a awah mak tihna niawm tak a hriattheih.

Ka sawi ngai ka sawi nawn leha,Mimi nen dil ve kan tum thu leh an Company hming ka hrilh nghal bawk.A bu nghuta,ka rin lawk loh ang zawkin min hnial a tum emaw ka ti hman.

‘A tha lawm,dil la..Mahse, I tlin loh pawn hna i thawh kher angai lo a pawi ti suh,nakin atana inbuatsaih lawknaah i ngai mai dawnnia’ a ti dam thlup.Tawngka a chhang loin ka bu nghauh ringawt.

Luni’n thingpui min rawn pe a,in mai loin ka pa ka en leh a,a bek sam a tuak phauh phauh a,a hmai a zur ve tan ta bawk.Ka lo chik ngai lem lo a,tiang hian a lo lang upa ve tan tih ka lo hre lo mai zawk a lo ni.Keimah vangin rilru hahna a tuar nasaa,phurrit tak ka nih thin miau avangin a chauhpui viau thin in ka ring,Kohhran Upa a ni a,mahse ka awmdan avang khan Biakinah pawh a inthlahrung thin hial maithei..Ka rilru ka siamfel vek tawh.Engpawh thleng se khatiang nunah khan let leh ka tum tawh lo bur.Ka rilruah cheque chungchang a lo lang zawk,Ramsey hnenah khan ka bia ang tih ka sawi nangin tun hi sawi hun niin ka hre lo.

Dar 10 velah Mimi nen kan in phur chhuaka,kan submit fel meuh chuan chawhnu lam a ni der tawh.Mi pathum lak tur anih laiin diltu erawh 100 kan chuang daih thung.Engmah Ramsey ka hrilh ta lo.Ka tling ta hlauh anih leh ka la surprise zawk ang chu.

Haw tlang loin Jojo’s cafeah thil ei turin kan lut kawia,kan hnuai kawnga Motor tawlh dul dul ka thlir thla dauh dauh mai. ‘Kan thahnem zia kha,Sawrkar hna phei chu an dil nasa thei tawp..’ a nui hak hak.

‘Dik chiah..Tlin deuh nalh chu a har ve khawp ang’ ka ti satliah.Kawngkhar lam ka hawia,ka beisei loh lutuk ka hmuh takah chuan ka thaw hak mai..Rang lutukin ka hawisawn nghal vat bawk.Ka awmdan hrethiamin Mimi ka hawina lamah a hawi ve nghal zat,a thaw ve hak tho mai.

Muangchangin ka hawi leha,kan thutna lo lam zawk pana Agnes-i leh Ramsey inzui phei mek  chu ka melh ngawt ngawt ringawt.

Chapter- 16

Chhak lam Roomah an lut a,ka hmu thei ta lo.Engmah ka hrethiam lo,zingah reilote kan inbiaa,thilpawimawh bik engmah tihtur a neih a sawi lo.Thiante nena lunch ei ho hi sual a ni lo.Mahse,engvangin nge Agnes-i nen kher ei a tulna awm ang?Tun tum chu em em ka ti ve ta tlat.Ka chhungrilah ka na vawng vawnga,tlawm intihna leh bum ni a inhriatna avangin ka tah a chhuak ngawih ngawih bawk.

‘Ramsey tiraw?” rawn kun hnaih pahin a ti sa sa.Min zawh kher ngai loin a hrechiang lutuk,ka ngei lek lek.Mahse,ka bu ta tho.

‘An va rawn dah har tak,ka riltam tawh sin le.. ‘thildang a sawi leh hmain ka ti vat.

‘I tha meuh em?”

‘Tha e..Ngatinge?” min enreng tih hriain hnuailam a mi kal vel ka thlir lui ngar bawk.

‘Engvang nge ni ang a? an lo kal ve dawn tih hre lawk la chuan hetah kan kal miah lo ang’ a ti leh a.Ka en ta nge nge.

‘Ka hre lawk alawm,ka lo theihnghilh a..’ ka then lui thei hram.A ner nak mai.

‘I mak ve hi ka ti’ a ti chhuak nghat mai.

‘Ngatinge?” a lungawi lo tih ka hre vek.Mahse, enge ka tih chuan ang? Helaiah hian at ka so ngawt thei hleinem.

‘Ramsey nen in chungchang hi min hrilh mang lo a,ka vui miah lo.Mahse, I thian ka ni ve a..’ sawi zawm loin a ngawi leh daih bawk.

‘Sorry..Mahse, han sawi chiam tur a awm lo alawm,I hriat kha’ tlawn pahin ka nui lui leh sak.Min chhan tumin a ang ziaua,mahse kan eitur an rawn dah takah chuan engmah sawi loin a chip leh ta zawk.

Inbe loin kan thilei tur ve ve kan ei dun ta mial mial.He Café hi ka vawikhat kalna a ni lo a,a chhung awmdan engkim ka hrechiang vek.An awmn a room lam pawh kha Privacy tak a ni chuang lo tih ka hria.Mahse,an awmdun hrim hrim kha ka duh lo bur.Ka zawt ang nge zawt loin ka be rih lo tawp ang tih ka ngaituaha,ka hrethiam lo.Ka zawt anih pawhin chhuanlam tha tak a nei leh tho anga,awmzia a awm kher lo ang.Zawt si loin be lo ngawt ila a naupanchhiatthlak viau bawk ang.Mahse, ka ngaithei lo tih erawh tihlan ngei ngei ka duh.A tilui anih chuan a thu a ni tawh mai.

‘Lo va kal rawh,Bill ka lo pe ang’ thawh pahin ka ti a.

‘Ngai lo,ka lo pe zawk ang’

‘Ho lutuk,I Scooty zawk kan hman kha,ka treat ang che’ ka nui lui sak bawk.Min hnial leh hmain Counter lam ka pan ta zawk.

Counter kal turin an awmna room kalpelh angaia,an lo hawi lai anih chuan min hmu ngei ang.Mahse,pawi ka ti miah lo.Ka kal pheia,hawichho lo turin ka insum theih ram bawk.Kan thil eina bill ka dila,a chhut chhung ngawt pawh rei ka ti lutuk lam mah a ni e.

Ka pek zawh  veleh kal tumin ka inhera,mahse ka hnung lawkah Ramsey a lo ding reng tawh.Hmuh loh der ngaihna awm lo khawpin kan inhnaihchilh bawk.

‘I chhuak tih min hrilh lova’ a ti nghut.Ngeiawm lutuka chhan tumin ka ang hman ziau,mahse kan awmna hmun ka hriatchhuah rualin ka thulh leh nghal hmiah.Ka thle baka,ka nui ta sak zawk.

‘Nia..In lo awm ve reng a ni maw?” pangngai thei ang berin ka tita zawk.

‘Um,Lunch ei pahin mi hmuh lawk tur ka neia’ a titha ve mai.

‘Anih chu..Ka kal dawn,kan hmanhmawh deuha’

‘Tu nen nge in chhuaha?” a ti leh nghut.

‘Mimi nen…’ ka ti tawi tak.

‘Motor i keng nge Scooty?”  a ti leh sup.Engatan nge min zawh ka hre nek lo ve.

‘Mimi Scooty..Pawnah min nghaka,anih phawt’ ka nui lui leh sak bawk.

‘Ka thlah ang che’

‘Aih..I kalpui te thlah i ngai ang’ ka ti nghat.

Room chhaklam atanga Agnes-i rawn chhuak ka mitsirin ka hmu a,ka thle bak.

‘I kalpui a lo chhuak meka’ ka then lui leh sak.A hawi ve vuta,ka hawi phei ve leha,mahse ka rin loh lutukin Midang pali lai an lo chhuak tel ta tlat.Ramsey Best, Akima a tel ve zui bawk.

‘Ramsey,kan kal ania..Hey,Zorin,I tha maw?” Akima’n a rawn ti a,ka bu nghauha,harsa ti ru zetin ka nui lui thei hram bawk.An pahniha an lo kal hma khan Akimate ho hi an lo awm lawk a ni ngei ang.Anih loh chuan a hnuah an lo luh lai ka hmu miah lo.Agnes-i ka melh zawka,nidang ang bawkin a nalh leh thlarh,a langsar em em bawk.Min rawn en ve a,a ha var nalh zet langin a nui sak bawk.

‘Um,kan lo kal ang’ a ti nghut.A Lunch eipui zinga Pathau lam,tawi leh chhip kawlh tal mai chu  a rawn pheia,nelawm takin a nui sun sun bawk.

‘Ramsey..min hmelhriattir dawn em?” a rawn ti nghal a.

‘Zorini anih hi,chuan hei hi Pu Biaka ania’ a ti nghut.Min chibai turin a kut chum biang mai a rawn pharchhuaka,ka vuan vat.Tu nge anih ka hre lo nangin a hmel atangin pa kawm nuam tak anih ka ring nghal hmiah.

‘Pu Biak,kan lo va kal ang.Zorini thiannuin pawnah min nghaka’ a ti sup.

‘Awle,Zorin,inhmu leh vat ang aw’ a nui leh sun sun bawk.

‘I van rei em em,Agnes-i te kha ka hmu..” ka hnunga kal a hmuh rualin a tawp chawt.

‘Mimi,Zorini hi hruai lawkna tur ka neia,pawi i tih loh chuan?” a ti sup.Ka bula muk zeta a awm ang kha ni loin a lang dam thlap bawk.

‘Aw…aih..Ka .. pawi ti lo e ‘a ti bah nawk nawk mai.A awmdan ka hrethiam ru kar,nichin lawkah Agnes-i nen a hmu duna,tunah kei nen chhuah a duh tih a sawi leha,mak tih loh rual a ni lo.

‘Ok,Kal ila’ a ti sup.Mimi ka en a,ka then lui sak.

‘Ka lo bia ang che’

‘Um,ngei ngei aw’ a ti a,tun tum chu ka duh emaw duh lo emaw Ramsey chungchang ka sawipui ngei ngei a tul dawn tlat,ka sawifiah anih si loh chuan a lungawi dawn lo tawp tih ka chiang.

A motor dahn lamah ka zui phei dat dat.Sunflower dawr Oppositeah Motor a lo daha,helai atang hian Agnes-i Studio a hla hauh lo.Ngawirengin ka thu luta,kan tlanchhuah thlengin tumah mah kan tawng lo ve ve.

‘I ngaihdan ang kha a ni lo ania’ reife kan ngawih hnuah a tichhuak sup.

‘Eng maw?” ka ti nghata,pawnlam ka thlir daih bawk.

‘Min hmuh dun vangin i lawm lo tih ka hria’ a ti nghut.

‘Ah,teuh lo mai.I awmdan sawisel turin ka ta i ni hleinem’ ka awah tihelna a lang chiang viau,a thaw hawk ri ka hre thei.

‘I chiang chiah em?”

‘Aw..’

‘A that chu’ a ti hmuk.

Kan veng lam kawngah tlan loin kawnghnuai lama tlan tumin a in linea,ka hawi phawk hra mai.

‘Khawnge kal i tum a?”

‘Kan thlen hunah i hre mai ang’ awlsam zetin a ti liam puat.Ka thin a rim nghal phat mai.Ka lungawi loh zia a haider nge ni a min chhaih thinrim a chak ve hrim hrim pawh ka hre nek lo.Min chhaih thinrim a tum anih chuan a chak lo khawp ang.

‘Helamah kan in a awm lo ania,ka zuanthlak i duh loh chuan ding la,ka lo chhuk ang’ ka ti hmak.Min rawn melh zawka,mahse hmalam a en lehnghal vut.

‘Ka ei dawn hleinem che,Min hlau suh’ a nui hawk bawk.Ka beisei loh dan lutuka min chhan takah chuan na zetin ka melh nghek.

‘Kan kalna tur hre turin dikna ka nei’

‘Yeap,I tidik lutuk..Kan kalna hmun tur hi kan Dawrah,mi biak tur ka neia,min nghak mek’ a tita duah.Nidawn tak,helamah an Showroom a awm tak alawm mawle.

‘Enteh..Tunah chuan i office aia kal chak lohna hmun ka nei kher lo ang’ alangah erawh chuan ka ti chang fak mai.

‘Sawi kher lo mahla i moodah a chiang reng’            a ti duh lek.Ka melh zawka,a Motor khalh lai chauh ngaihtuah niawm takin hmalam a en ngur bawk.

‘Anih chuan min hruai lo mai ta che’ ka ti hlar mai.

‘Ni lo e,I hmuh chin chiah a ngaihdan i siam thin hi hremna ka pe dawn che’ a ti leh hmuk.

‘Enga?”

‘Khawngaihin…Inhnialna Moodah ka awm bik lo ania.Chuan,ka Staffte bulah ka mimal thil engmah tihlan ka duh lo bawk tih i hriat kha’ a ti hmuk.Thinrim tur zawk ka nih laia a Mood a lo off ve ngawt na tur ka hre nek lo e.Mahse, nawrluih erawh ka tum lo.Ka thu ngawi ta hle hle.

Parking a tlan lut loin kawtah kan chhuka,Driver pakhatin khalh sawn tumin a rawn pan vat,Staff 20 aia tam mah an awma,Hmeichhia leh Mipa an inzat titih,an vaiin an smart em em veka,an hna an hrechiang bawka tumah Polite lo an awm lo.Mi zawng zawng tihlawm hi a harsa hle chungin an Customer tam zawk hi chu lawm takin an siam tih a chiang.An Company thlunzawmte an fuh em em chu thuhran nise an mahni hian an zir ve thawkhat bawka,Motor Company dang,Mizorama lo lut ve,an elpui ten an phak lo nasa viau tih pawh ka hre ve kar bawk.

Kan lut min hmuh veleh a Senior Mangerin a rawn pan vat.’Offcieah ka lo thuttir maia’ Ramsey hnenah a ti a.Ramsey a bu nghut.Min rawn en a,ka then sak.Kum 40-45 inkar vel,pa lian lam a ni a,a rintlak bawk aniang Ramsey pawn a awm loh lai pawn a kutah engkim a dah ngam tih a sawi tawh.A Office lamah kan inzui pheia,kawngkhar a hawnga,min ena,zaizirin lut turin min ti zauh bawk.

‘Pawn lamah ka lo awm zawk mai ang…’ ka ti a.Ka hriat ve chi lem loh thil an sawi duh palh takin lo awm ve reng kha thil mawi tak niin ka hre lo.

‘Ok,I thu thu nimai,kan rei lo ang’ a ti sup.

‘Helamah hian thu ila..’ Ramsey kal veleh a ti a.Kan dinna piaha ama Office lam a kawk zauh.Ka bu nghauha,ka zui phei a.Thutna tur min kawhhmuha,ka thutna atangin Office chhunga an chevel a hmuh theih vek.Staff hmeichhe thenkhat ten min rawn en leh zauh zauh thin chu ka hmu ru kar bawk.

‘Thingpui nge Coffee i duh ang?” thu ve loin a ding a.

‘Angai lo,ka lawm..’ ka nui lui leh sak.

‘Lak mai a harsa lo ania..I duh’ a sawi laklawh laiin Staff zinga mipa pakhat a rawn dak a.Pawn lamah engemaw enfel ngai a awm tih a rawn sawi a.

‘Ka va en lawk ange,tikhan lo nghak mai rawh aw..’ nuam lo ti hmel a pu deuh bawk.

‘Um,kal ru.Ngaihtuah ka ngai lo ania’ ka ti a,a ruk tak chuan mahni a awm ka duh zawk daih.

A lo let leh ta mai lo,chak fe fe a a tei kual ka hmu theia,a buai thawkhat tih a chiang.Ramsey te lah an rei ta zek bawk.Staff ho chevel ka thlir dauh dauha,tumah awm mai mai an awm lo.Kan veng mi,helaia thawk kha tunge anih ka hre tawha,kei aia upa hret niin,kan vengah kum 5 vel an awm tawh tih Mimi’n min hrilha.Keiin tu nge anih ka hriatchian loh laiin ka chanchin erawh a bu a chhuah tham sawi tur a nei hialin ka ring thung.A hriat dan dik leh dik loh erawh thuhran daih.Hmeichhia anih angin midang chanchin sawi nuam a ti ve tih ka pawm mai.Ramsey nen berkher kan inzui bawk nen atan chuan ka chanchin han sawi vel a nuam viau mahna le.Apuia hnenah Remfela’n a lo sawi leh a,Staff dang zingah ka chanchin a sawi nasa viau anih hmel.Ka hriat laia sawi a ni lem lo bawka engtia han tih ka tum lem lo thung.Kan  inzui tirh lam ang em kha chuan ka chanchin an sawi zui ka ring tawh lova,mahse min hmuh dan erawh an thlak danglam kherin ka ring chuang lo.

‘Zorinzual..Hmeli’ rang zetin ka hawichhuaka,Savio a lo ding reng tawh.

‘Aaaa,enge hetah i tih a?” lawm zetin ka tho nghal that mai.

‘Ka lut kawi mai mai,khawnge Mama?” a ti leha.

‘Officeah..Inleng a neia..Ih,I haw hman tawh em?”

‘Hman e,ka lut kual mai mai lawm,nge?” zangkhai zetin a ti a.Dawhkana Paper delhna Darthlalang mum a laa,a vawr kang lauh lauh bawk.

‘Ramsey ka nghaka,mahse Inah hmanhmawh deuha haw ka ngaia,ka va tibuai hreh sia’ engvanga dawtsawi ngawt nge ka nih ka inhre lo.Mahse, duh pakhat ka nei.Ka haw duh.Chu zawng chu.

‘Anih chuan Mama msg la,kan kal thei nimai lawm’

‘Um..’ ka ti sap.Ka phone ka phawrha,ka en vang vang,mahse engmah sent loin ka out lehnghal daih,ka silent nghal bawk.

‘Kal ila…’ ka phone ka bagah ka thun nghal hmak.

‘I hrilh tawh mi?” a ti a.Ka bu nghat ringawt.

Kan tlanchhuah hnuah msg ka thawn ta chauh,a delivered veleh ka Switch off nghal daih bawk.Savio tawng mawlh mawlh ka ngaithlaa,mahse, ka rilruah Ramsey bak a awm chuang lo,Savio thilsawi pawh ka ’aw’’ liam vel mai mai a ni ber.

Ramsey sawi kha a dik tih ka hria,kei ngeipawh mi min hmuh dan leh chhunglam nun a hrang hlak,mahse vawiin khan Agnes-i nen ka hmuh dun rualin ka chhungrilah thikna leh na tihna bak engmah a awm lo.A hnuah khan midang an tel ve tih hmu leh mah ila ka mood a dik thei tawh chuang lo.A bialnu hlui,chu pawh lar laih khawpa a kawp  nen an inhmu hrim hrim kha ka duh lo a ni tawp mai.Ka thik lutuk tih hriattir a mahni intih nep kher erawh ka tum lo bur.

‘Zorin…’ ka hminga min ko ri ka hriat veleh ka en phei vat.

‘Enge?”

‘I chhuk dawn lo mi?” a sawi ka hriat veleh ka hawi kual vat.Kan inkawtah kan lo awm reng tawh.Hahthlak hian a..

‘Dawn e..I lo lut dawn em?” ka nui lui var var.

‘Dawn lo mai ang,Am-i lam ka ngai dawna’ a ti a,chik zetin min en reng bawk.

‘Ok,anih le..Ka lawm e aw’ ka ti a, ka nui lui leh sak,Kawngkhar ka hawnga.

‘Chhuk rih lo lawk teh’ ka chhuk hmain a ti leh rih.Ka hawi leta,a hmelah ngaihthat lohna niawm tak a lang thei bawk.

‘Kia?”

‘Enge dik lo awm?” a ti a.Ka thle bak.

‘Engmah..Ngatinge a?”

Min chhang loin a phone a rawn lekchhuaka.Ka hmuh theih turin a rawn tilanga,ka thaw hak mai.

‘Ka pick dawn nge dawn lo?”

‘Pick suh…’

‘Mama tih thinrim ka chak loh zia i hria ang chu tiraw?” a awah thinrimna a hriat tel theih.Diktak chuan nuam ka ti bik lo.A inhriat miah lohin buainaah ka hnuk lut miaua.

‘Pick suh,nakinah ka lo be mai ang..’

‘Ok..Enge buaina in neih chu ka hre lo,mahse tiang hi chuan ti tawh suh’ a ti leh hmak.A lungawi lo takzet tih ka hria.

‘Sorry…Ka ti nawn leh tawh lo ang,pawi ka ti lutuk’

‘I tan chuan engpawh ka ti thei tih i hriaa,mahse kan unau hian  hmelmaah min siam suh’ a ti leh a,tawngkaa chhang loin ka bu nghat ringawt.Ka chhuaka,ka chhuah fel veleh a tlanchhuak nghal a,a Motor lan theih chhung ka thlira,mahni inthiam lohnain ka khat vek.Engvangin nge Ramsey kha ka lo nghah hle hle mai loh ni? Awmzia a awm tawh der si lo.

Khumah a vang zawngin ka mu a,chunglamah enge awm tih hmu miah loin ka melh reng bawk.Savio laka ka inthiam lohna leh Ramsey vanga ka natna a inchen rengin ka hre bawk.Ka Phone ka On a.Msg a rawn lut pawp pawp mai.Ka en a,Ramsey vek.Engemaw tal ka tih angai.

‘Khawnge i awm hrep a?” a rawn ti nghek.Ka phone ka beng bul atangin ka lasawna,tihngaihna hre lo zetin ka melh vak bawk.Ka mit ka chhinga, thawk ka la vang vang.

‘Tunah chuan Inah.Ka pu a tha vak lo a,ka haw angaia’ dawt pakhat chhan nan dawt engzat nge ka sawi leh ngai ang ka hre lo.

‘Anih chu..Min hrilh thei renga,mahse Savio i lo ko a”  a aw hlauhawmzia chu pui tak a ni ringawt.Ka thluak a vir zawk.

‘I hna kha a pawimawh sia lawm’ ka ti sap.Ka ko loa,amah a lo kal ve hrim hrim sawi ka tum bau lo.A duh leh zawt ve tawh mai rawhse.

‘Ka hria,mahse nangpawh i pawimawh,I kal hmain min hril thei lo tihna mi?”

‘Savio a lo kal thei tho alawm’ ka ti lui leh salh,a thik lo ang tih ka hria,mahse a induhtawkna tal a khawih chhe mahna le.

‘Ka hna i lo ngaihtuah avangin ka lawm e aw..Ka lawm takzet’ a ti leh nghek.Ka chhan leh hmain a Off zui hmak bawk.

Ka phone nghawr dar darin min tiharha,peih lo zetin ka bana.Mimi…

‘Mim..’

‘I la tho lo mi?” a rawn ti lar lar.

‘Tho nang,ka harh chiah…’ ka ti a,ka mit ka chhing leha,ka lu ka dawm vang vang bawk.

‘I va zir rei awm ve..’ a rawn ti leh a.

‘Zir rei nang,nge min lo call?” ka ti a.

‘Scooty ka uin a keng dawna,I keng thei ngem?” a rawn ti a.

‘Thei ang,theih loh pawn Car a awm alawm’

‘Um..Tha lutuk..Engpawhnise tho phawt mai teh..’ a nui kar kar.

Phone ka dahthlaa.Ka tho mai chuang lo..Vawiin hi kan hna dilah Interview kan neih ni tur a ni a,zan lamah inbuatsaih tumin ka inkhung ve ngeia,mahse ka ti hleithei lo.Khawvar dawn lamah ka muhil thei ta chauh bawk.

Ka mitthlaah Ramsey a lo langa,kan inbiak loh atangin kar a liam tawh.An Office ka kal tlai atang khan kan la inbe nawn leh ta lo hrim hrim.Ka hmu ngai hek lo.Engber nge a huat ka hre lo a,mahse min be lo na na na chu biak tumna ka nei lo.Diktak chuan ka ngai tih ka hria,mahse ka induhtawkna hian be hmasa tu ni lo turin min awmtir thei zel thung.

Dar 9 pelh hretah kan inphur chhuaka,a hmun kan thlenin an lo awm nuai nuai tawh.A then muk taka lehkhabu bih vang vang tawk an awm laiin a then vei nei lem lo a nui dar dar pawl pawh an awm tho bawk.Kan zawh meuh chuan khua a thim chhalh tawh.Mimi ka thlah hmasaa,kan in ka thlenin inkhawm zan a ni bawk nen Luni leh Thanga chauh an lo awm.

‘Hello’ ka ti sap.

‘Khawnge i awm?” Savio-an a rawn ti lawng lawng.

‘Inah..Enge?”ka ti a.Ka lakah a lungawi lo ve ngei kha ania,mahse rei a nileh pek lo.

‘Apuia a accident ania’

‘Maw?” ka chawei lai thulh meuhin ka ti nghek.

‘A accident’ a rawn tin awn leh a.

‘Khawnge tunah a awm? ka lo kal nghal ang…a na viau em?” ka ti leh a.

‘Kan kal dawn nia,Min lo nghak rawh,ka rawn lam kual ang che’ a ti leh a.A awmna damdawiin hming a rawn sawi nghal bawk.

‘Aw,a tha ngawt ang.Chaw ka ei meka,ka lo insiam ang’ ka ti ve a.Mahse, chawei zawm leh lam a lang tawh lo.

Roomah ka tlanchho a,thlasik a intan tawh,vawt lutuk ni lo mahse kawrlum hak loh chi a ni lo.Ka inthlak sawk sawka,Jumper ka haa,Jeans kekawr ka haa,Boot ka bun bawk.Luni hnenah ka kalna tur ka hrilha,ka haw har ang tih leh Damdawiin a ka riah ka rin thu ka hrilh bawk.

Rei pawh ka nghah hmain Savio a lo thlenga,chanchin ka zawta,sawi tur mang a hre bik lo.Chhuantea’n a lo call a,Chhuantea pawh Remfela hrilhchawp a ni ve tho bawk.Damdawiin kan thlen chuan an lo awm laih laiha,Chhuantea a lo thleng tawha,a sawi danin  a mal ruh tliak bak chu  pilh nin nian bak hiam dang a nei lo hlauh.Ka thaw huai mai.

Sana ka en a,dar 10 a ri tawh,Wardah an indah fel tawha.Tihtheih dang em em a awm lo bawka haw mai ka duh tawh,mahse Savio emaw Chhuantea zawk pawh ka hmu mai lo.Khawiah chuan an awm ni maw?Pawnah ka chhuak thlaa,kawt velah an awm emaw tiin ka hawi kuala,ka hmu lo.Zan rei lam a ni tawha,Damdawiin pawh a reh tan tawh bawk.

‘Zorin…’ ka inher vat.Ka beisei loh lutukin ka hnungah Ramsey a lo ding reng tawh.Ka chil ka lem khalh mai.

‘I dam maw?”sawi tur dang ka hre lo.

‘Um,dam alawm..Enge hetah i tih a?” a ti leh sup.

‘Kan thianpa a Accident a,Nang zawk?”

‘Ka kal lawk… I la haw dawn lo mi?” a ti leh nghut.Kan inbiak danah ngaihzawng hlui inbia ni loin hmelhriat hlui,polite chhuaha inbe hram hram kan ang mah zawk.

‘Mam…I haw dawn tawh mi?” Savio-an  a rawn ti a.Khawi atangin nge a lo lan ka hre lo.

‘Maithei..Nangni zawk?”

‘Ka riak dawna,I theih chuan Zorini hi i drop mai thei angem?” ngei lutukin ka melh vat,mahse min en duh der lo.

‘Lutuk…I inpeih sa mi?” min rawn en a.Hnial tumin ka ang ziaua,mahse hnial ngawt ila engtin ne ka haw chuan ang? Ka bu ta nge nge.

Motor thleng Savio-an min zui thlaa,ka ngei hluah hluah thung.

‘I thlen hunah lo sawi la aw..’ min rawn khawih zauh pahin a ti a,ka bu leh ringawt.A chetdan hi a fair thlawt lo.Ramsey nen kan boruak hre lo pawh a ni si lo.

Ngawirengin kan chuang duna,ka melh ru zauh,biak a huphurhawm ngawih ngawih.Kan damdawiin kalna hi khawpui pawn lama awm a ni bawk nen kan in thleng tuirin darker chanve aia tam mah tlan angai bawk.Nizan ka mut that loh vangin mutchhuakin min zem chiai chiaia,seat hnung ka nghenga,ka mit ka chhing ta nge nge.

Motor kawngkhar ri dawtah ka thu mar zawt,Ka hawi chhuaka,Ramsey-a ka thutna lam pana  a rawn kal kual chu ka en a,Kan awmna lah kan in bul ni loin a Farm houseah a ni bawk.Ka thutna lam kawngkhar a rawn hawnga,a rawn kun hniam nghal bawk.

‘Chhuk la…’ a ti sup.

‘Ka duh lo…’

‘Ok,ka pawm chhuah mai che angai anih chu’

‘Aih,I ti lo ang?,ka haw duh ania ‘ ka ti leh hmak.

‘Inbiak kan ngai…Khawngaihin…’a awah thinrimna emaw thupek pawh engmah a lang lo.Hnial chiam pawh ni ila helai ram reh lutukah hian zanah lehnghal tumah an lo kal dawn lo,haw pawh tum ila angaihna a awm chuang lo.Ka chhuk ta nge nge.

Inah kan inzui luta,ka awm a nuam hlawl lo..A ding chuta,min rawn en a.’Thu la..’ a ti sup.A thu thla nghal hnawk bawk.Tim daiin ka kal pheia,amah ep zawnga thutthleng awmah ka thu thlaa.Ka bet hlawl lo.Ka melh zawka,thatchhiat hmel zetin a thu thluang duaia,chunglam a thlir vung vung bawk.

‘Enteh,a tlai tawh sia…’ ka ti chhuak sap.Min rawn ena,kan mit a intawng siah.Rang zetin ka hawisawn vat bawk.

‘Agnes-i kha thla thara ka show Sponsor turah khan Co-Sponsor a ni a’ a ni chhuak sup.Ka man mai lo,mahse kan inhauh nachhan ber kha Agnes-i nen ka hmuh dun atangin a intan tih ka hrechhuak lehnghal zat.

‘A tha lawm’ ka ti ta nghauh.Mahse, a hma khan Agnes-in tel vena tur a nei lo tih a sawi vek tawh.Zawhfiah erawh ka tum bau lo.Bakah tunah sawifiah leh a tulna ka hre hek lo.

‘Taktak maw?” a ti supa,mak takin a awah nuihzatna niawm tak a hriattheih bawk.

‘Aw…Tha e,bakah ka lo buaina tur pawh a awm lo a’ ka ti leh hmak.

‘Min en la’

‘Eng nge?” a mitah tak ka en a,hriatthiam har zetin a meng zim sun bawk.

‘I thik em?” Ka ip chawih mai.

‘Aih….Mahse, ka induhtawkna a tichhia’

‘Chu zawng chu maw?”

‘A bak enge awm ang?” ka nui lui hak mai.

‘Nia..engmah a awm lo ang’ a mithmul a tisang zauh bawk.

‘I la Hmangaih reng em?” ka insum hman lo..

‘Hmangaih..Engtia chhang tur chein nge min duh ka hre lo ‘ a hmui a petsawi zauh bawk.

‘Dik takin min chhang la ka duh ka ring’

‘Ok..Anih chuan Hmangaih maithei ti ila’ a thle buk bawk.Kei erawh ka hrawk a ro nghal halh thung.

‘Nei mai ta che..Nge Hani nu i la theihnghilh thei lo zawk?” ka sawi zawh rualin ka bul a rawn thleng phei nghal rawk,ka ban rekah a rawn vuana,amah hnaih thei ang berin min hnuk hnai nghal dawrh bawk.

‘A na ania’ ka ti chhuak halh mai.Mahse, ka sawi hre lo niawm takin a hmer na zual sauh thung.

‘Hani chungchang tuman an sawi ka duh lo ania’ a ti hmuk,ka sa nghal phat mai.

‘Oh..Sorry,ka sawi ve thei emaw ka lo ti a..Bakah i chungchang sawi ve thei tur ka ni tawh lo tih ka lo theihnghilh a’ ngeiawm zetin ka nui lui hak,ka banrek a hmerna phelhsak tumin a kut ka vuana,mahse a hmer nghet leh salh.Na tih vangin ka then nak bawk.

‘Thildang chu sawi thei,mahse ka fanu chungchang ni loin’  a ti vawt leh ruih.

‘Thildang pawh sawi loh ka duh zawk,ka tan ni loin Agnes-i ta alawm i nih,min thlah rawh’ ka ti nghal that mai.

‘Keima chungchang i duh duh i sawi thei,mahse Hani leh a nu chungchang erawh tuma sawi ka duh lo’ a mit a chhing sawka,kei erawh ka na vawng vawng.Tiang khawp hian a la effect anih chuan engvangin nge a neih mai loh? Kei lahin ka neih zawng zawng ka pe vek bawk.

‘Phalna min pek avangin ka lawm,mahse sawi loh ka duh zawk ang.Chuan,min thlah rawh’ ka aw a dam thlap,mahse ka chhungril erawh a rum vawng vawng thung.

‘Ka thlah ruala kut min thlak dawn loh phawt chuan..Anih loh chuan kut min thlak kha nuam i ti lo viau tih ka hria ania’ a ti leh sup.

‘Min thlah rawh’ ka ti leh nghat.Mak takin min thlah ve mai bawk.Thutthleng hnung lam a ngheng a,chunglamah hmuhnawm a awm ta emaw tihmai turin a thlir chho vung vung bawk.

‘Haw ka duh..’ ka ti sap.Ka dingchhuak nghal a.Kawngkhar lam pan tumin ka pen zui zat bawk.

‘Sorry…’ ka ding leh chat.Muangchangin ka hawi leta,a thle buk mai.

‘Enge ?” ka ti halh ringawt.

‘I thinrim tih ka hria lawm..Khatianga tih che kha nuam ka ti bik lo a’ a then suk bawk.Mahse nuihzat vanga nui erawh a ni lo tih a hmelah a chiang reng..

‘A ho em mai,ka nihna min hrilhfiah a,a tha zawk’

‘Zorin..’

‘Kal ang’

‘Aih..’

‘Anih chuan i riak dawn tihna mi?”

‘I lungawi hma chuan ka kal dawn lo’ a ti leh nghut.Tihngaihna hre lo zetin ka ban ka phar hliaia,beidawng zetin ka dahthla leh hnak ringawt.A hmelpa leh ngeng zetah chuan a sawi ang ngeiin a ti dawn tih a chiang reng.

‘Ka lungawi lo hran hleinem,I fanu chungchang sawi lo turin min duha,ka sawi chhan chu..Ih..Ka huat vang ni loin Agnes-i aiin i hmangaih zawk em tih sawi ka tum vang ania..Aaa,pawi ka ti ‘ ka ti bah nawk nawk mai.

Engmah sawi loin a rawn tho a, ka lam panin a rawn kal pheia,ka din ngaiin ka ding mawl tawp ringawt.Ka bulah a rawn dinga,min enchhuk run bawk.

‘Hani nu emaw Agnes-i pawh nunhlui ve ve anni a,sawichhuah ka duh lo’ a ti leh sup.

‘Ka hrethiam alawm..Kan kal thei tawh em?”

Min chhang loin ka biang tawn tawnah a rawn vuana,amah en thei turin min kuai dak nghal zat bawk.

‘I thinrim hian nuam ka ti lo takzet,bakah Agnes-i nen hian hna vangin kan inhmuh fo a la ngai zel dawna,mahse, I thik emaw i thinrim pawh angai lo ania,ka duh i hria alawm’ a tita duah.

‘Ka thik lo.Ka induhtawkna a tichhia ka tih kha’ ka ti nghat.A thaw hawka,a kut a lasawna,a kekawr ipte a zen ta zawk.

‘Nia,I thik lo tih ka hria alawm,mahse thik la ka ti zawk’ mak ti zetin ka en vat.

‘Maw?” ka aw a zawi hle nangin a hrethei tho tih ka hria

‘I thik anih chuan min duh tihna aniang chu’ a thle buk.Ka thaw hak thung.Ka chhungrilah hian thik lutuk avangin ka alh hluah hluah tih a hre der si lo.

‘Ih…Aih..Ka hmu dun reng che u anih chuan ka hah dawn lutuka,thik awmzia a awm nang’

‘Kei chuan i bulah tumah mipa awm lo se ka duh ber,Savio pawh ’

‘Ramsey…’ ka ti sep ringawt.

‘Um..Ka thik thin,tupawh nise..Kei aia pawimawh nangmahah hian an awm ka duh lo bur’

‘Ih…ka..’ ka tawngchhuak hleithei lo..

‘Ka nupui inih hma chuan ka rilru a nuam thei lo ang’ a ti leh sup.

‘Ka pek theih zawng zawng ka pe che a,mahse min ringchuang lo tihna a ni em?”

‘Hmeichhe dang aiin i danglam ka tih kha,enge i duha i duh loh pawh ka hre thei thin lo’Engmah sawi loin ka pan hnai hrat,tim daiin a kawngah ka kuaha,a awmah ka hmai ka phum ta kak..A lungphu ri dat dat ka ngaithlaa,hlimna sawithiam loh khawpa nasain min fan rawih rawih bawk.

‘Karkhat chhung rei zia I hria em?’ ati sup.

‘Aih..’

‘Kum khat nimaiin ka hria,bakah min be miah lo bawka’ a ti leha,ka chhip samah a rawn fawp vang vang bawk.

‘Nangpawn min be hleinem…’

‘Luhlul reuh lutuk mai’ a ti sup.Min kuai daka,a rawn kun hniam zui zat,a tihtum ka hria.Mangchhia kha thawklehkhatah a bo ta duak nimaiin ka hria..

‘Ei ang,ka ril a tam lutuk’ Savio-an a ti a,Apuia tlawhin kan chhuak duna.Ramsey nen kan chungchang kha engmah min zawt lo.Kan inzui leh atangin kar a liam leh der tawh bawk.

‘Ka ril a tam lo…’ ka ti sap.Ka thil ei tur ka en a,eichakna pakhatmah ka nei lo.Nimin zing atangin khawsik angin ka awm deuh renga,ka pum lam chiang lo nen ka luak a chhuak hlui reng bawk.

‘I tha em?” a thil ei lai a chawl a.

‘Um,tha e..Ngatinge?” ka ti sap.

‘I dang lutuk..’

‘Nimin tang khan ka khua a sik deuh ser sera,chuvang niang’ ka titha ve mai.

A rawn kun hniama,kan thusawi hre phak an awm leh awm loh enin a hawi kual leh te te.A awmdan chuan ka nuih a ti za a,ka thensak mai.

‘Ih…ka lo ngaihtuaha,I rai em?” 

‘Teuh lo…’ ka chhang rang lutuk tlat.A ner nak mai,thil engemaw thup ka tumin zawhna rang lutukin ka chhang thin tih ani aia hrechiang an awm lo.

Bathroomah ka thu a,ka hmaa thil awm ka en reng ringawt.Engtin nge ngiahtuah nachang ka lo hriat miah loh zawk ni?

22/AUGUST – 17

Tim daiin ka ban de de a,ka lakanga.Line hnih a sen kalh mai.Lawm tur nge lungngaih tur ka hrethiam lo,ka a huih rih niin ka hre ber,invenna lam reng reng ngaihtuah nachang ka lo hre lo a,Ramsey lahin engmah a sawi bawk hek lo.Vawikhat chauh a ni a, ka vawikhatna a  ni bawk nen ka rai ang tih ngaihtuahnaah a lang pha hlawl lo..Naupangchhia ni tawh lo mah ila ka ngaihtuah phak lo ve hrim hrim zawk.Ramsey ka mitthlaah a lo langa,engtin nge a dawnsawn ang ka ngaihtuah thiam chuang lo.Hria se ka tihna leh hre lo se ka duhna a inzat reng.

Ka pa,kohhran upa leh khawtlanga pa zahkai em em mai hi vawi tamtak zahna ka lo thlen sak tawh thina,tunah nun pangngaia nun tumin hmalam ka pan ve tan chauha,mahse tun dinhmunah hi chuan zahna bak ka thlensak leh dawn chuang lo tih ka chiang.Nu Hmingi tan lah lawma lam bak tihtur a awm lo.

Ramsey ka call ta nge nge,ka hrilh loh avangin engmah a danglam dawn chuang tlat lo..

‘Hello..’ a ti sup.Chawhnu lam a ni tawha,a buai zual lai a ni angem ka hre lo.

‘Naktukah hun i nei angem?” ka ti sap.

‘I tan chuan nei reng..Tunah pawh..’ ngaihthlak nuam zetin a nui hak bawk.Atthlak lutuki ka mittui a hnai nghal kuar thung.Ka rai tih a hriat hunah tun ang hian min la be tha tho angem ka ngaituah ngam lo.Pangngai taka tawngchhuah tumin thawk ka la vang vang.

‘Tunah chuan ka pute inah ka kal a hun tawha,naktukah hun i neih chuan animai..’ ka ti a, ka aw ka thian khauh.Tlaiah ka puin Family chaweikhawm ka rawta,kal ngei ngei ka ngai.

‘Ok..I thu vek alawm,Zanah Akimate Inneihna tur velah ka buai hmel a,ka lo be hman lo maithei che nia..’ a ti tha ve mai.Thla tharah Akima’n nupui a nei dawna,Ramsey bestah a hmang dawn tih ka hre sa tawh.

‘Um,a pawi lo..Keini pawh kan haw hma vak lo ang.Ka’n insiam ange’ ka sawi zawh rualin luakchhuakin min rawn hnawh thuta,insum hman loin ka uak nghal pawp bawk.

‘Ngatinge? I tha em?” min ngaihtuah hmel lutukin a rawn ti vat.Ka chhan hmain ka pum a let leh buta,rang lutukin ka hmui ka hup nghal vat,uak leh hlauin ka insum nasa lutuka,ka mittui a tling pam mai.

‘Ka tha..Ka tha...’ ka thaw hak bawk.

‘I chiang em? Ka rilru a nuam lo’  a ti leh sup.

‘Aih,min ngaihtuah suh.Toiletah ka luta,Meizial rim a nam nasa lutuka,chuvang mawle ‘ ka riilrua lang hmasaber ka sawi nghal pawp.A thaw hawk ri ka hretheia,dawt ka sawi tih min hmu phak lo hlauh ka lawm ve thung.

‘OK,i chungchangah dik lo a awm chuan hriat hmasak ber ka duh thin tih i hriat kha aw’ a ti dam thlup.

‘Lutuk..ka dah phawt aw..’

‘Ok..’

Che mai loin ka thut ngaiin ka thu deuh vang vang,ka awmdan min zawh rual khan hrilh mai na chance a awm reng,mahse phone a sawi mai mai atan chuan a liantham lutuk..

Ka pu tein ka thlenin an lo awm deuh vek tawh.Nidang ang bawkin Pa Rina a lo tawng bual bual a,a then an titi a,a then Kitchen lamah an au lawng lawng bawk.Family thilthih naah hian ka kal ngai mang lo,ka naupan deuh lai leh ka tleirawl chhuah hlim kha chuan ka kal ve ngei thina,mahse hun a kal zela,ka nu chungchang ka hriatchhuah hnua nun phung pangngai ka hloh takah khan tuman min lawm lova,chhungkaw hung leh zahawm pangngai tak kha keimah vangin a hmingchhia niin an ngai miaua,chuvang takin chhungkaw thiltih engmah ka kal ve ngai ta lo.

‘Zorin,helamah hian lo thu la..’ Zodini,Pa Rina fanuin a rawn ti a.Ka pan phei ve nghal zat.

Zodini nen hian kan inruala,kan naupan lai atangin school hmun khatah kan kal chho zela,College pawh hmun khatah tho kan kal bawk.Mahse, a hranpa takin kan inkawmngeih em em chuang miah lo thung.Ka nun a chiri tak viau khan Pa Rina nupui lawmah a tlaa,a hma atanga min lo er zia ka hmu thiam ta chiah bawk.Ka nu ka chhuna,ka hmeltha tih an sawi fo,ka vanneia,ka vun a nalh tel lehzel,mahse ka nu ang bawkin nu lian ti a sawitur ka ni lo.In ti no lo ve tak mai ka ni a,Sport lamah ka hmingtha phian bawk.Zodini hi chu a liana,a hmeltha lem lo thung.A pian erawh a nalh viau,college kan laiin Lady a ni nghe nghe.Mahse, a rai ta hlauh.

College a ka awmdan niawm tak,dik famkim chiah si lo sawi nuam a ti a,Zodini a zawt thin anih ka ring ber, rel tih dawna rel ni si lo,min lainat niawm tak anga lang siin kan chhungte bulah a sawi kur nguai ziah.Ka nu uire chhuah chhuaha a chhuah hnuah pawh a a kawmngeih zui bertu chu Pa Rina nupui hi a ni lawi.Naupang mai ka ni bawka fel ka ti thei em em kha ania,mahse ka kum tam ang zelin a mizia ka hmuh dan a danglam tial tiala,Thil engemaw hriatchaknain a khat vek ti ila a dik ber.Kei ngei pawh a langah chuan min ti tha em em a,ngaihtuah chian lem loh phei chuan min hmangaih ber emaw tihmai awl tak a ni.Mahse, hnunglama ka chanchin sawi nuamti ber chu Pa Rina nupui leh Ka nuhrawn anni tlat thung.Ka pa leh Nu Hmingi inneih tirh phat atangin an inkawmngeih nghal chata,mahse an inrel tawn ve ve thung.

Vanneihthlak nge vanduaithlak taka Zodini College kan kal laia a rai takah kha chuan ka chanchin sawi a bansan ta hlauh,a sawn paina pa kha neih tlak ni se chuan a tawpsan chuang lo ang,mahse neih tlak loh khawpa tawng,nu leh pa thlenga zu nena inchiahpiah an lo ni kher kher a,a hmai uang lutuk a reh ta hlauh.Tunah phei chuan Ramsey nen kan inzui a,min tlawn hlum lo chauh a ni ber tawh.

Kan chawei boruak a nuam pangngai viau,mahse chhungrilah vei lianpui ka nei tlata,ka awm a nuam tak tak thei lo.Chaw lah tihtham ka ei hek lo.Midangin an hriatchhuah hma ngeia Ramsey ka biak ngei ngei angai.

‘U Zorin,i phone kha’ Luni’n a rawn ti a, ka phu zawk.Ka pain mak tih hmel zeta min en chu ka hmu ru kar bawk.

‘Luni,ka ei zawm tawh lo ang aw..Lo seng mai rawh’ tih pahin dawhkan ka thawhsan nghala.Ka pa hmelah khan Mak tih hmel viau mahse engmah min zawt lo hlauh.

‘Chaw kan lo ei a’ a pick veleh ka ti sap.Khumah a vang zawngin ka mu a,chunglam ka melh vang vang bawk.

‘Um,vawiin chu lunch dawnah ka free a,ka lo kal dawn nge chhuah i duh?”

‘Chhuak ila,i hman chuan ?”

‘Um,hman ka tih kha..Khawiah nge kal i duh?” a ti leh a.

‘Ka hre chuang nang,eeee...I inah kal ila’ ka ngaihtuah chhuak zawk.

‘Maw?” a ti deuh hu..

‘I hman loh chuan pawi chuang lo..Ka sawi mai mai nih kha..’ ka sawi zawh rualin a nui hak thawm ka hre nghal zat.

‘Enge nuih tur awm a?” ka ti leh hlar mai.A nui chhuak leh hawk..

‘Sorry..i ti leh tawh nia’ a nui leh a..A sawi awmzia ka hriat takah chuan ka then ve sak mai.Mahse, ka nui tih a hriat ka duh bau lo..

‘I ngeiawm em lawma,i hman loh chuan sawi mai la’

‘Ka hman lo pawh ka la ti lo hrim hrim a..Ok,tihian ti ang,i lo va kal anga..Chuan,dar 1velah ka lo kal ve anga.A tha em?” a rawn tita duah.

‘Um...Tha ang,eitur enge ka ken ang?”

‘Ka lo keng ang...Siamsa a awlsam zawk..Chabi kha i kawl tiraw?’ a ti leh sup.A hmain ka kawl turin pakhat min pe a,ka duh hun huna kal turin phalna min pe a ni ber.Nizan lama Akima Nupui tur te nen an inhmuh vel chungchang a sawi zawm nual bawk.

In ka thlein dar 11 a pel fel awrh chauh,darkhat hma chuan a lo kal lo tawp ang tih a chiang reng.Tukverh ka hawng enga,inchhung lamah kawngkhar ka kalh thung.Lo muhil palh pawh ni ila Tukverhah Bar rinawm tawk tak a awm veka,hlauhawm a awm lem lo.

Ka phone riin min tiharh zawk.Ka lo muhil daih tak tak chu niin.Muangchangin ka bana,Mimi..

‘Thiannu...’ ka ti sap.

‘Inah i awm em?” zangkhai zetin a rawn ti lang lang.Ramsey nen kan awm tih hria se chuan min ei lo leh nasa khawp ang le..A sawi chiah lo nangin Ramsey hi a ring lo tih ka hmuthiam vek tlat.

‘Zorin..I hrethei em?” a rawn ti leh lawng lawng.Ka ner nak mai.Dawhthei lo reuh lutuk..

‘Hria e..Inah ka awm lo..Nge nita?”

‘Naaah,vawiin hi kan interview result an tarchhuah hun kha ania,kan va en ve mai mai dawn mi ka ti’ a rawn ti leh a.Calendar ka en vat.

‘Naktuk zawk alawm...Bakah kal kher ngai loin an lak tur chu an call dawn kha’

‘Maw? Chutiang an sawi ka hre lo reng reng..Naaa,vawiin hi ni 14 maw ka ti ve char char sin le’ a ti leh bai bai..

‘I va han harh lo tak,vawiin hi ni 14 chu a nia,mahse kan interview result an tihchhuah hun tur kha ni 15 aw...’ ka nui a..A chek tlak tlak mai.

‘Ka va han hresual ber mai tak,anih..Khawnge i kal reng reng?” a rawn ti leh a.

‘Ka chhuak,lo len i tum chuan tlaiah ka awm ang’ ka kalna min zawh hlau zetin ka ti vat.

‘I chhuak tih te chu ka hria lawm le,i kalna nih chu ka zawh che..Hhm,i pehhel nasat danah i kalpui ka hre mai’ a ti leh a.

‘Tumah ka kalpui lo...I ninawm lutuk,tihsual lianpui nei ang maiin min treat vel lo teh’ ka ti hlar mai..A nui ta hak..

‘Sorry..Ka fiam che nih kha,tun lawk khan in pa te chu ka hmu reng alawm,i Sakei khawi hi e,khawiahmah hai theih ni nghal lo chuan’ a rawn ti leh duah..A va han sual thiam thei tak..

‘Tha i tih vang anih mai chu a..’ ka ti hlak thung.A nui leh hak haka,keipawh in ti mi tak rei thei loin ka nui ve leh ta nge nge.

Ka Off a,Thutthlengah ka dahthlaa,ka kalsawn dawn chiah tihin a ri lehnghal zar..Amah bawk anih ringin nui chungin ka en a,mahse Savio zawk..

‘Hello...’ ka ti sap.

‘Khawnge i awm?”

‘Ka chhuak,enge?”

‘Naa,van ho tak..Apuia te inah kal ang tih ka lo tum sin le’ pawi tih tak tak hmel fein a ti vang vang.

‘Naktukah kal zawk mai ang,min lo nghak rawh’ ka ti ve thung.

‘Naktukah Am-in tihtur pawimawh a neia,ka hman dawn lo a..Mahse, pawi lo,an chhuak tawh tho thoa,naktuk tukleh lamah pawh pawi hleinem’ a ti leh duah.

‘Um,nia hmanhmawhthlak loh,tha lam ania lawm..’ ka ti ve sap.

‘A dik ta em?” a rawn ti leha,a sawi awmzia ka man lo.

‘Eng?”

‘Eng lo,hmanni a ka zawh che kha’ ka la hrethiam chuang lo..

‘Pehhel lo khan sawi mai teh,engmah ka hrethiam lo aw’

‘Ngai leh lo mai’ a ti leh lawi,Hepa tak hi chu a..

Ramsey lo kal hmain inchhung tihfai theih ang ang ka tifai ta zawka,a bal em em lo bawka tihchiam angai lem lo.Pawn lamah ka chhuaka,Verandaah thut mut theihna chi thing thutthleng a awm a,hahdam zetin ka thu ta than.

Ka hmaiah kut lum thur thurin a rawn khawih rualin ka mengchhuak nghal vat.Hnai zetah Ramsey nen kan in en ta ran mai.A then suk bawk.A kalsawna,ka thuchhuak ve nghal zat.

‘I lo thlenna a rei tawh em?” ka ti sap.Ka zi mar ar ar bawk.

‘Rei lutuk,ka haw leh tep tawh’ a then leh suk..

‘Maw? Tinge min kaihthawh loh a?”

‘Ka ti mai mai anih kha,ka lo thleng chiah..Lut ila...’ a ti a, kawngkhar lamah a thle zauh bawk.

A thil khai ho Kitchen lam a panpuia,ka zui ve zel bawk.Engtin nge ka sawi ang ka hrethiam lo.Sawi loh mai ka duhna leh sawi ka duhna a inzat reng bawk.

‘Enge ni leh ta?” a ti sup.Rang lutukin ka en vat,hriatthiam har zetin min lo melh run tawh.

‘Engmah...Ka ril a tam ‘ ka rilru a lo lang hmasaber ka sawi ta ngawt.

‘Anih chuan ei ila...A ei theih nghal vek alawm’ a ti tha ve mai bawk.

Eitur a rawn ken ho a dahchhuak mawlh mawlh chu ka en a,tihpui tur ka ni tih ka hria,mahse phurna ka nei eih lo.Diktak chuan ei chakna ka nei miah lo zawk ti ila a dik ber ang.

‘Ei ang..Keipawh ka ril a tam lutuk’ tih pahin Chair a pawtchhuaka,a thu thlaa,a ei nghal mawlh mawlh bawk.

Ka plate ka en a, ka luak a chhuak nghal hlui.Ei chakna pakhatmah ka nei lo..

‘I duhzawng a ni na nge?” min rawn en pahin a ti sup.

‘Ni e..Ka ei dawn lawm’ ka nui lui sak bawk.

‘Nidangah i duh thin vangin nia ka lei’ a ti leh nghut.

‘Um,ka duh lutuk..’ ka ti leh a,ka melh zawka,min lo en reng chu niin..Rang zetin ka hawisawn lehnghal vat  mai.Ka en rei ngam lo,a mitmeng fiah zet khan ka ngaihtuahna chhungril ber thlengin a hmu tlang vek ang tih ka hlau a ni ber.

‘Sawi la....’ a ti leh sup.

‘Eng??”

‘I hre zawk ang chu,i awmdan tidanglam vek thil kha i sawi chhuah phawt loh chuan i dik thei dawn lo tih kei aiin i hrechiang alawm’ a ti leh a,a aw a dam thlup bawk.Ka hmelah ka ngaihtuahna tihlan loh ka tum vei nen,bum theih a ni ngang lo..

‘Ih...Eng lo...’ ka sawi hmain a phone a ri a,min rawn en a.Hmui phunin thupha a chawi zauh bawk.

A chair a nawr tawlha,a tho chhuak nghal zat..Tu nge rawn call ka hre lo,mahse ka hriat ve loh tur chi a nimahna le.

Living room lam a pana,a kal hnuah ei luih ngial ka tuma,Masala rim ka tilui thei ngang lo.A lo let leh hma ngeia tihfel hman tumin hmanhmawh zetin ka che ta sawk sawk zawk.

‘Pawi ka ti lutuk,ka kal angai’ ka hnunglam atangin ka kawngah a rawn kuaha,ka darah a hmai a rawn phum nghal zat bawk.

‘Ngatinge?” ka ti nghat.Ka thilsil lai ka tawp hmak bawk.

‘Hnaah loh theih loha ka let angai,midang kutah ka dah dawna,mahse keimah ngei angai’ a ti leh sup.

‘Mahse,nizan khan i free i ti sia’ ka tum loh tawpin ka awah titau aw a lang thei bawk.Ka kawng a kuahna a phelha,ka ban rekah a rawn vuana,amah en thei turin min kuai her nghal zat bawk.

‘Nizan mai pawh ni lo call ka dawn hma thleng khan ka free niin keipawn ka hria,mahse hnaah hian hriat lawk loh thil a awm thina..’a ti leh sup.A sawi dik tih ka hria.Mahse, hunthawl tak ka mamawh lai a ni a, ka thinrim teuh tho mai.

‘Ka hrethiam alawm...Kal rawh,ka tihfel zawhah keipawh ka kal dawn nia’ ka theihtawpa pangngaiin ka ti a.A thle buk..

‘Naktukah nilengin hun ka lo insiam ang,a tha em?” a ti leh nghut.

‘Aih,angai lo..Hna thulh khawpa ngaihzawng neih hi a tha lo ania’ ka nui lui hak bawk.A then ve suk..Ka khabeah a rawn dawma,amah en thei turin min kuai daka,a kutzungpuiin ka biang a tuai huah hauh bawk.

‘I thinrim tih ka hria alawm..Mahse, ka tan hna a pawimawh zia i hriat kha..Mahse, chutiang bawkin nangpawh i pawimawh lutuk..Chuvangin naktukah chuan nilengin i bulah ka awm ang..Ka ti tak tak’ a tita duah.

Ka mu meng kar mai,nupa inkar ni lo mahse in ngaizawng kan ni a, zep kher ngai tur a ni lo.Mahse,amak lutuk..Nupa kan nih loh vang takin awlsam taka sawichhuah a harsa em em niberin ka hria,Nupa kar chu nise lawm takin hriat veleh Pasal te hnenah sawi kan chak ngei ang,mahse nupa niloin inngaizawng mai kan la ni a,awlsam taka sawi mai harsa tak a ni.Huizzz,A thlenna hmun tura a thleng anih chuan lawmawm tak nisi leh a nih lohna turah chuan lawmawm lo tak nibawk chu hei ngei hi a lo nih hi a..

Ka phonein ka ngaihtuahna a la peng ta hram,ka bana,Savio a lo ni a,ka pick hmain Sana ka thlek zauh,dar 9 a ri tawh..Eng chu a hria ni maw?

‘Aw,,’ ka ti sap..

‘I mu tawh mi?”

‘Mu daih tawh,mahse hil tel loin’ ka nui a...A nui ve hak bawk.

‘Agnes-i chanchin kha i lo hria em?” a rawn ti leha.

‘Aih,eng chanchin?’ ka ti nghat.

‘Vawiin khan nikhawhre loin a tlu an ti a’

‘Engtin maw i tih?” ka tum aiin ka aw a ring hret.Ka thuchhuak nghal zat bawk.Hei vang hi a ni ngei ang Ramsey kha a let leh a ngaih?

‘Vawiin chhun khan a Studioah a tlu an ti a,a la harh lo tunah pawh..’ a ti leha,ka chil ka lem khalh mai.

‘A va pawi ve,engvang nge an sawi em?” ka theihtawpa pangngaiin ka tichhuak thei hram.

‘Ka hriat ruk dan mai mai chuan mutna damdawi a ei nasa an ti a..A zo lo anih ka ring’

‘A ni maw? Ngatinge chutiang a tih le?” ka ti leh sap,Ka rilruah Ramsey lam aiin engvanga ti nge anih ang tih bak a awm rih lo.Hmabak duhawm tak a neia,Designer lar leh Mizoram mai ni lo a hmingchher mek a ni a,chhungkaw zahawm tak a nei bawk.Nun beidawng khawpa a lo awm ve hi mak ka ti lo thei lo.Ka khawngaih titih ta tlat bawk.

‘A chhan ka hre lo nangin Saii sawi dan chuan Mama nen an inthen kha a la na viau anih hmel ‘

‘Oh...’ ka ti sap ringawt.

‘Nuam lo i lo ti leh ngawt ange,i thiam loh a ni lo aw...I hria em?” uar fein a rawn ti leh a.

‘Ka thiam loh niin ka hria..’ a rum nghat mai.

‘A va mak e,ka sawi zawh chiah kha mawle.I thiam  loh a ni lo..A chiang em?”

‘Um..’

Ka muhil thei lo..Ka let kual seka,ka taksa a kham thum bawk.Engvangin nge Ramsey kha a let thut angaih ka hre lo,Agnes-i vang ni tur chuan ka ring phal lo..Mahse,a ni thei tho bawk.Thik tur ka ni em ka hre lo,amah buaipui duh hrim hrim vang a kal nge anih anga thildang zawk?ngaihtuah loh ka tum pawn ka thei hlawl lo.Ka call ang nge call lo ang tih ka ngaihtuaha,ka call ta nge nge..Vawihnih lai ka calla,a pick lo ve ve.

Ka harh veleh ka phone ka bana,mahse ka beisei ang engmah a awm lo.Call emaw msg pawh engmah Ramsey hnen atangin ka dawng lo ve ve.

Chawei kham veleh ka pa leh nu HMINGI dawr kal turin an chhuaka,Luni thil tifel ka puia,a khat tawkin Ramsey an min rawn biak ringin ka phone ka check sek bawk.Mahse,dar 11 thleng pawn engmah a rawn sawi lo..

‘I phone hi a ri char char a’ Luni’n min rawn pek pahin a ti a.Rang zetin ka ban vat.Mahse, min lo call tu ka hmuh rualin ka zuai nghal raih mai.Ramsey ni loin number hlang tawp.

‘Hello...’ ka ti sap.

‘Miss Zorinzuali ni em aw?” Mipa awin a rawn ti a,ka mengphar ak mai.

‘Aw,ni e.Tu nge aw?” ka ti a,ka beisei loh lutukin kan hna dilah ka tling tih min hrilh tura min lo call a ni a,ni 3 chhunga zawm hman tura min beisei thu a rawn sawi nghal bawk.

Phone ka dah rualin hlim zetin ka auchhuak raih mai..Mahse, Mimi..a tlin ve loh chuan a nuam dawn miah lo,ka ngaihtuah mek laiin amah zawkin a rawn call ta zawk.

‘Enteh...An lo call ve che em?” a rawn ti mawl tawp.Kei ang thoin a zam ve tih ka hre mai..

‘Aw..Call..kan tling’ kan nui dun hawk hawk mai..Ramsey hrilh nghal tumin ka call dawn zeta,ka thulh leh ta zawk..Vawiin nilenga hun min pek tiamtu kha a reh hmaka,engdang vang mah a ni thei lo.Agnes-i nizanah a riahpuia,a chau bak va ni suh..Savio ka call ta zawk.Ka rin lawk ang ngeiin chhuah a rawn rawt nghal chung mai..Pawi ka ti lemlo,khawiah emaw tal chhuah thawven ka mamawh lutuk tlat.

Kan kalna tur kan thlen hnuah ka phone ka theinghilh tih ka hrechhuak chauh,mahse pawi lo..Ka pain min be duh anih chuan Luni’n a lo pick mai ang..

Savio a tawng mawlh mawlh,thil ngaihtuah chhuah thut ka nei..

‘Ami i chhuahpui dawn maw tia’ ka ti chhuak nghal zat..

‘Angai leh lo a...’a ti liam puat.Eng ang taka serious nge annih ve ang ka ngaihtuah naah a lo lut zawk bawk.

‘I duh viau em?”

‘Ka hre lo...’ kan inchhang tawk viau mai..Kan in ena,kan nui dun hawk bawk..

Kan eitur an rawn daha,a rim rawn nam chuan thawklehkhatah ka pum a ti let buta,rang lutukin Toilet lam ka pan nghal vat..Ka thlen rualin kawngkhar pawh kalh hman loin ka uak nghal pawp pawp bawk.

‘Ngatinge?” ka hnungah a rawn chum a...Chhang thei loin ka uak leh rih..

‘Nang hi.....A dik em? I rai tiraw?” a ti leh a..Mmuangchangin ka ena,ka mittui ka kut hnung lamin ka hru a,engmah sawi loin ka but a nghat...

‘A hria em?” a ti leha,ka lu ka thing nak ringawt.

"Hetiang a rai chungchuan hna pawh i thawk thei dawn mi? A ti leh a..Ka thle bak mai,ka lo ngaihtuah miah lo..Pawi lo,hunin a hril mai ang chu.

In a kan let leh meuh chuan khua a thim titih tawh.Chawhnu pumpui chu Savio bulah ka hmang tluan ta parh..Ramsey hnena hrilh k tum dan leh ka beisei loh zawk thil lo thleng ta te ka hrilha,nidang ang bawkin ngawirengin ka tawng a ngaithla leha,mahse min chhan let ka mamawh lo..Ka harsatna tuemaw tal ka share takah chuan ka thawl hawk tho.Mahse,Ramsey hnena engkim sawi vat turin min ti thung.

‘I lo lut dawn em?” ka ti a.

‘Aih,a tlai tawh em mai..’

‘Ok,,Anih chuan kal la,ka lo thlir ang che’

‘Lut zawk rawh...’ kan nui dun leh rih..Hepa nena kan inzawmna hi chu tuman an neih ve ka ring lo.

‘Khawnge i kal?” ka phu nasa lutuk..Aw lo chhuahna lam ka hawi vat.Ramsey, kan gate bul thim lai atanga a rawn penchhuak mek chu ka en a,nichin khan ka hmu miah lo.

‘Ka chhuak...’ ka ti nghat ringawt.

‘Ka hmu...Kan chhuak ang kha ka tisia’ a ti hmuk.Ka ner nak mai.

‘Nia,mahse Agnes-i i buaipui duh dawn sia,hun ka pe che..Bakah Savio a awm tho lawm’ ka nui lui hak bawk.

‘Savio...Savio...’ ti nawn sup..

‘Um,nia..I nau kha...’ ngeiawm zetin ka ti leh salh..Kan awmna hmun hi kut inthlak leh mawi lo taka chetna hmun a ni lo tih ka chiang.

‘Ka hria,mahse i bula awm tawh lo tura hrilh angai anih chu’ a ti nghut..

‘Tum chhin la..Anih phawt aw...’ ka ti leh nghat,Gate lam ka pana,mahse ka kalpel tur ka banrekah a rawn man ta chat.Min pawt let deuh nawk bawk.

‘Min thlah rawh...’

‘Teuh lo...’ min hnuk kal titih..Engmah a tih duh ka ring lo kha ania,ka ringsual chhia va..

‘Mam...ngatinge a?” Savio a rawn lang thut.A kal daih tawh sia,tunah hetah a ding leh lawi..

‘Haw rawh,i  tel ve na tur a awm lo..’ a ti hmuk..Ka lo pi chawih thung.

‘Haw dawn e,Zorini thil tur ka bagah a awma,chu chu ka rawn pe leh lawk mawle’ a ti ve leha,ka hriat thin Savio,a u hlau em em kha a nita der lo mai.

‘A that chu,nakinah i pe mai dawn nia’ a ti leh hmuk.Min pawt kal titih bawk.

‘Nia,mahse Mam..khatianga i pawh kal nawk nawka,i dim loh viau chuan naute i chan palh thei ania...’ ka khawng vek...

Khawvelah hian thil a hun hmaa thleng thin tamtak a awm,chung zinga pakhat chu tuna Savio tih mek pawh hi a ni chiang...

Chapter-18

‘Eng maw?” Ramsey-an a ti hmuk.Min en loin Savio a en run bawk.Sawi ve tur hlawl ka hre lo,engvangin nge khatiang thil kha a sawi tih bak ka ngaihtuah thei lo.A hun lo satliah lo mai pawh ni loin a hmun hlawl lo.

‘Savio…Khawngaihin…’ ka hrawk a ro lutuk,ka aw ka thian khauh bawk.

‘A ho lutuk,dawt pawh a ni hleinem,sawi la..Engmah hlauh tur a awm lo’ min rawn en pahin Savio-an a ti leha,engvanga hetianga khawsa nge anih ka hrethiam hlawl lo.Muangchangin Ramsey a rawn hawi leta,ka insehruha,ka ka chhung a ro nghal halh in ka hre bawk.

‘Savio,haw tawh rawh’ ka beisei loh lutukin Ramsey-an a ti hmuk.Mahse, ka lak atangin a mit a lasawn eih lo.

‘Nia,haw dawn..Inah kan inhmu dawn nia,Zorin..Hei aw’ tih pahin ka kutah a rawn hmehbela,a thil min rawn pek ka la mawl tawp.Ka thian nge aniha ka hmelma zawk pawh ka hre hrang nek lo e.

‘Kal ang le…’ Savio kal veleh Ramsey-an a ti nghut.Mahse,a hma anga min pawh luih tum hmel a pu tawh lo.

‘Aih…Ka..ka haw duh’ ka ti bah nawk mai.Ka hrawk ro lutuk tihreh nan ka chil ka lem a.Tunah chuan mahni a awm ka duh ber.Thil thleng hi chiang taka ka ngaihtuah phawt angai.

‘Ni lo,khatiang hnuah kha chuan ka kaltir dawn miah lo che tih i hria alawm’a ti leh sup.A sawi dik,min kaltir miah lo ang tih ka chiang.Savio ka huatna nge nasa anga Ramsey ka huatna zawk ka hrethiam lo.Ka best leh ka engkim nimahse engvangin nge khatiang thil lian tham lutuk a hun leh hmun pawh ngaihtuah miah loa a sawi ngawt ka hrethiam hlawl lo.A kawchhungah Ramhuai a lut zawk nge mawni?

‘Khawngaihin kal ang,helaiah hian midang titi siam tura awm i duh ka ring bik lo ania’ a ti leh sup.A awah min tihluih tumna lam engmah a lang lo.Hnial tumin ka ang hman ziau,mahse kal ila a that ka ring ta zawk.Engmah zep tur a awm tawh chuang lova,tunah sawifel law law ila a tha mahna.

Kan in piah deuhah Car a lo daha,kan haw lohna lam kawng anih avangin kan hmu lo mai zawk tih a chiang.Ka luhna turin kawngkhar min hawn saka,ka tawi deuh hrat nangin ka lut ta tho.A rawn thu lut vea,Motor a start zui zat.Khawiah nge kan kal dawn zawh ka tum uka mahse ka ngawi leh ta zawk,a duh duh na hmun pan se engmah a pawina a awm lo.

Kan tlanchhuah rualin ka mit ka chhing nghal hmiah.Ka ngaihtuahna buai nuai nuai tihfim tumin thawk ka la vang vang bawk.Savio ka mitthlaah a lo langa,engvangin nge ka sawi hun pawh nghak lo va a lo sawi ngawt ka la hrethiam chuang der lo.Nichin lawk kha chuan ka hriatthin Savio kha ni loin midang daih a ni tlat bawk.A rui miah lo tih lah ka chiang bawk si.A hma pawhin ka thuruk tamtak min vawnsan tawh thina,mahse vawikhat pawh hi a sawichhuah ka la hre lo.Zan inah erawh a sawichhuak ta tlat.Chu pawh nidang zawng zawng aia thuruk lian tham a la ni zui bawk.

Motor a din dawt rualin ka mengchhuak vat,Motor lightin a chhun en lam ka hawia,Motor light engin a en chin bak engmah hmuh theih lohin a thim vek.Ramsey lam ka hawi a,chhuk tum awm pawn a awm lo.Seat hnunglam nghengin a thu a,a kut zungtang sei thlurhin Steering wheel a vuan bawk.Ka awm a nuam lo,nichin kha chuan engkim anih nih nimai se ka ti kha ania,mahse ka awm a  nuam leh tawh lo,ka tang ru teuh bawk.

‘Engtikah nge i hriat?” reife kan ngawih hnuah a tichhuak sup.Ka phu deuh zawk bawk.

‘Eng lo…ih…Nimin’ ka sawi lak lawh laiin ka phone a ri a,ka bag ka zen vat.

Ka phone ka lachhuaka,Nu Hmingi a lo ni a,ka haw tlai dawn tih engmah ka sawi bawk si lo nen ka pain min ngaihtuah a ni ngei ang.Ni e,mi pangngai anga ka nun ka hman rualin ka Pa hmangaihna nitin a tharin ka dawng leh tan tawh miaua.

‘Hello..’ ka ti sap.

‘I lo haw dawn tawh em? ‘ zangkhai zetin a rawn ti lawng lawng,a tawng ring bawk nen Ramsey ka melh zawk,mahse min en loin hmalam a lo en a,a rawn tawng kha a hrethei em ka hre lo.

Nu Hmingi hian min haw ta lo a ni hauh lo.Diktak chuan engtiklaimahin ka pa hmuh turin min huatna a tilang ngai lo zawk. Ka awm that duh loh lai pawn ka awmna chin ngaihven zat zat tu chu amah hi a ni ziah.Mahse, pawnlam landan mai anih zia ka chiang lutuk.

‘Haw tep,ngatinge?” ka ti nghat.

‘Eng ni lo e,I rei dawn loh chuan chaweiah kan lo nghak dawn che nia’ a rawn ti tha ve mai.Tawng tumin ka ang leh hman ziau tihin ka beisei loh lutukin Ramsey-an ka phone min rawn laksak hmiah,phawk zetin ka en a,mahse engmah sawi lo turin ka hmuiah a kut zungtangin a rawn ti si leh hmak.Eng chu nge maw a hriat hrep ni a??

‘Hello…Keimah Ramsey ka nia,Aw..Nu hming,ka nuin chawei turin a  sawma’ mak ti zetin ka thaw hak ringawt.Nu Hmingi tawng ngaithlain a ngawi leh rih.

‘Ok..Nia,ka rawn hrilh ang che ka tih lai takin i lo call a..Aw,ka lo thlah dawn nia’ a ti leh a.A beng bul atangin phone a la sawna,a off nghala,min pe dawn emaw ka tih laiin a kekawr ipteah a thun ta daih.

A thilsawi kha Nu Hmingi ngaihdan tur ka hrethiam mai lo,mahse Ramsey kher kher hi chu ngam loh enin a en nge ka hre lo.Ramsey nen kan chungchangah Buaina min siamsak zawngin a awm ngai miah lo.Ka pain Ramsey eng ang a nasain nge a rin ka hre lo nangin mi Puitling tak hmuhin a hmu tih ka hre bawka.An Ina chawei tur ka nih chuan a sawisel kher lo maithei.

‘Sawi zawm la…’  a ti nghut.Ka thaw leh hak mai.Mak takin tawng tum awm pawn ka awm lo.

‘Savio aia hre hmasa tur ka nih ka lo ringa’ amah bawkin a ti leh nghut.A thinrim nge a ngaipawimawh lem lo tih ka hrethiam lo.Engtiklaimahin a aw a nem ngai tlat lo.

‘I ring dik anih chu..’ ka ti chhuak sap.Min enreng tih hriain luhlul hmel zetin hmalam ka en ding ngar bawk.

‘Anih chuan ka hre hmasa si lo va…’

‘Nia, I hre hmasa lo…’

‘Ka fa anih leh nih loh i ngaihtuah hmasa phawt tihna nge?”  ka nghing deuh lawih thei.Muangchangin ka en ta nge nge.Hriatthiam har zetin min lo en run a,a hmelpa leh ngeng zetah chuan enge a ngaihtuah ang ka hrethiam lo.

‘Ngaihtuah angaih leh ngaih loh chu i hria ang chu’ka aw a dam thlap bawk.A mithmul a tisang awka,a hmui a pet zauh bawk.

‘Hre tehreng mai,tu fa mah ni loin ka fa ngei a ni bawka,mahse ka hriat hmasak ber tur niawm tak kei aia hre hmasa an awm takah chuan a chhan tur ka lo ngaihtuah a’  a sawi zawh rualin a thle buk bawk.

‘Min dem tihna a ni em?” ka ti nghat.

‘Ahh,dem nang..Ka lo ngaihtuah zawk chu Savio khan ama faah pawm mai pawiti loin a ngen chiam che anih ka lo ringa…’ a nui zui hawk bawk.

‘Savio…’ ka ti nawn sap ringawt.Engtin nge khatiang ngaihdan tenawm leh rapthlak kha a nau ngei chungah a ngaihtuah theih ni ??? Rapthlak hian a…

‘Um..Savio..A duh zia che ka hre lo emaw ti miah suh’

‘Tenawm…’ ka tichhuak nghal that mai.Ka sawi zawh rualin min rawn hnaih nghal ruak bawk.Ka eu zawka,mahse han tawlh hlatsan na tur eih a awm lo.

‘A lo ti anih vaih chuan dam nuam a ti lo hle ang’ a aw a ring lo..Mahse, a hlauhawmna a nep chuang eih lo.

‘Ni lo…Engtin nge khatiang khan i ngaihtuah theih zawk?” ka ti chhuak tawk ringawt.Za miah lo tih hriat zetin a then suka,kei erawh hlauhna vangin ka tiril a khur a,ka ip chawih thung.

‘Ka ngaihtuah chhan maw? Ka bialnu a raia,mahse a hnen atanga hre loin a thianpa hnen atangin ka hria a,khatiang kha tu mipa pawn tawng se ka ngaihtuah ang vek hi an ngaihtuah ngei ang’ a tita duah.Ka thin a sa nghal zawk mai.Mahni thiam lohna hmu miah lo va midang dem ching hi ka haw lutuk ringawt.Tunah hian chutiang chuan Ramsey hi a awm ta chiah bawk.Mak takin ka hlauhna a bo nghal duak mai..

‘Nimin khan Agnes-i ni loin kei kha min ngaihtuah ni la chuan i hre hmasa tur ania,mahse kei aiin Agnes-i a pawimawh miaua…Ka sawi dik em?” ka ti chang fak mai.Hawisawn duh loin a mitah tak ka en ran bawk.

‘Agnes…Ni lo..I sawi tum ka man miah lo’ a ti sup..Kei erawh ka nui chhuak nghal hak mai.

‘Anih chuan ka hrilhfiah dawn che mi niang?’ ka ti nghat.

‘Nia,a that ka ring..’ a ti vawt ruih,ka tawng hun nghakin min melh run bawk.Ka hrawkah hnawhtu awm niawm takin ka hrawk a za tlat,ka aw ka thian hmasa te te.

‘Agnes-i a thi tep tih ka lo hriaa.Ih..Diktak chuan pawi ka ti..Kha lehchen i lo kawp tawh a ni a,tawp tawh mah ula khatiang hunah chuan a bula awm kha i tihtur pawh a ni ang,mahse khavang khan nang aiin Savio-an a hre hmasa ta anih kha’ ka sawi zawh rualin ka thaw hak bawk.

‘A bulah ka awm tih tu nge hrilh che?” ka beisei loh lutuk a sawi takah chuan ka en vat.Min en loin a thu mar a,hahdam hmel zetin a seat nghenchhan a ngheng zui  nghal bawk.A awmdanah chuan engmah danglam leh ngaipawimawh awm pawn a awm lo,chu chuan mak takin min ti hrilhhai letling zawk.

‘Ih…Min hrilh tu a pawimawh lo,I awm tih ka hria.Nimin khan chawhnu lam zawng ka bula awm i tiama,mahse hna pawimawh i nei leh thuta,ka awih ve maia.Mahse i kal hun leh Agnes-i nikhawhreloa a awm hun kha a in mil vel chiaha…’ ka ti leh duah.

‘Tu nge Detective tha tak nisi hlawh nei lo an tih thinte hi i hria em?”

‘Eng a?” a a ta emaw ka ti hial.Kan thilsawi lai nen inzawmna a nei hlawl lo.

‘Detective hlawh nei lo chu Hmeichhe zingah hian in tam mai…’

‘Eng….Engmah ka hrethiam lo..’ ka ti mawl tawp.

‘I hrethiam lo maw? Niminah hna pawimawh ka neih hun leh Agnes-i nikhaw hre loa a thluk hun a in ang tih i hriat rualin i ngaihtuah zawm chiama,I zeldin kuala,kei min zawt mai si loin niawm a i hriat kha i hmehbel kual ta vel a…A dik em?” a tita duah.Nia,amah ka zawt miah lo,a chhan chu ka zawt anih pawhin a pha maitheia,a pha lo a thudik min hrilh anih pawn ka na viau ang tih ka chiang..Chuvang takin engmah zawh loh mai ka thlang zawk.

‘Zawh che angai hleinem..’ ka ti nghat ringawt.

‘Nia,ngai lo..Mahse,min zawt ni la chuan nizan zankhuain Offcieah ka awm tih ka hrilh ang che,zingah ka haw chauha,ka lu a nat avangin chawhma zawng ka mu tih tal i hre tur ania’ a ti leh sup.Ka chil ka lem khalh ringawt.

‘Thu dik i sawi tih engtin nge ka hriat chuan anga?”

‘Uh…min en teh,ka mitah tak hian en la dawt ka sawi lo tih i hria ang chu’ a ti leh sup.A aw pa leh thawp sutah chuan mak takin thudik a sawi ang tih ka ring ve tawp.Mahse, chuti maia tlawm ka tum lo.

‘Theihnghilh ang..Tunah chuan i hre tawha,kan haw thei tawh em?” ka ti leh hmak.Ka chhungril nem tan mek hi a hriat ka duh hauh lo.

‘Thei lo…’ a ti nghut.

‘Anih chuan titla turin min duh tihna mi?” ka sawi zawh rualin min rawn hnaih nghal rawk.Min nek bet titih bawk.A lian bawk nen ka thaw a chham lo chauh bawk.

‘I ka tereuhte kha i chip thei em?” a ti chhuak hluk bawk.

‘Anih chuan enge kan haw theih loh chhan a?” ka ti ve thung. 

‘Engmah hi i vei tak tak lo em?”a ti leh nghut.A tawlh hla deuha,muk zetin min melh run bawk.

‘I sawi awmzia ka hre lo,ka duh zawng chu ka rai tih i hre tawha,kan sawi zo vek tawha,ka haw duh mai ania’ ka thle bak.

‘I rai avangin i thinrim tihna ni em?” a ti leh nghut.Chutiang lam ka lo ngaihtuah eih lo hrim hrim.

‘Thinrim tur ka ni em ni?” ka ti let hlak.

‘I zalenna a phuar dawn che vangin mawle..’

Ka rai tih a hriattirh atang khan lawmna lam engmah a lantir eih lo a,a lo duh lo viau tihna a nithei.Ka tawt up up a,engemaw kawng tala tih nat ka chak ber.

‘Lungngai suh,kei chauh ni loin nangpawh phuar i ni ve tho alawm.Kan tum loh tawpin min phuar ve ve dawn tihna nih chu’ ka tilui ta salh.Mahse,ka tihnat zawh ka ring nek lo.

‘Ka hnek chak zia che hi i hria em?”a ti sup.Ka thaw hak ringawt.

‘I duh duh i sawia,ka ngaithla anga maw? Teuh lo mai..Ka tana naute pawimawh zia hi i hre phak lo ang’ amah bawkin a ti leh sup.Sawi mai tur hre loin ka chil ka lem khalh ringawt.

Diktak chuan a fa nimahse a hmasaber a ni tawh lo va.Keiin ka ngaihpawimawh angin a ngai pawimawh dawn hauh lo tih ka chiang.Bakah atan chuan nu tel lo a fa enkawl hi thilthar a ni hek lo.A duh loh miau chuan fa engzat pawh neise Inneihna hmanga phuar beh theih a ni hlawl lo ang.

‘Anih chuan enge i tih ang? ‘ ka ti hlak.

‘Enge ti se min tih? Ka fa hi nu leh pa karah a seilian ang..A awmzia chu kan innei dawn tihna nih chu’ a hmelpa leh chang zet ka melh zawk,min lo enreng chu  niin rang zetin ka hawi let lehnghal vat bawk.

‘Hmangaihna tel loin naute vangin phuar kan ni anga’ ka aw a ring lo.Mahse, a rum hawk ri ka hriat rualin a hre thei tih ka hria.

‘Thildang engmah ka ngaihtuah lo,nu leh pa karah a seilian ang..Chu zawng chu ’

‘Hani aiin a dinhmun a tha deuh dawn tihna nih chu’ ka sawi zawh rualin ka banrekah na zetin a rawn hmera,min pawt hnai deuh dawrh bawk.Diktak chuan Hani chungchang sawi a huat zia ka hai lo..Mahse, atthlak zetin ka thik tlat.

‘I hre duh tak tak em?” a aw hlauhawm zia chu pui tak a ni ringawt.

‘Eng nge hriattur awm?” ka huaisenna zawng zawng sawmkhawm angai hialin ka hria.A chungchang sawi a duh lo tih hrereng chung siin ka sawi zo vek tawh.

‘Hani…Ka fa a ni lo…’ ka hresual emaw tiin ka en vat.Mahse, a hmel tak ngul maiah chuan dawt a sawi lo tih a chiang vek.Mak ti lutukin ka thaw ta hak..

‘Eng…Aih,ka hrethiam lo..’ ka ti bah nak mai.Min chhang dawn lo emaw tih turin a ngawi vung vunga,thil thui tak ngaihtuah a ang bawk.Ka ban a hmerna laksawn tumin ka vuana,mahse a hma aia na zawkin a hmer nghet leh salh..Ka then nak mai.

‘Min ti na ania’ ka ti lawi rat mai.Hmer tliah vek tum a ang ber in ka hria.

‘Hani hi ka thian pakhat fa a ni a…Mahse, tunah chuan ka fanu a ni tawh,tuman a chungchang an sawi ka duh lo bur’ a ti leh sup.Min hrilh pawh a ang lo.

‘Ramsey..Ka kut a na ania’

‘Sorry…’ a ti sup.A thlah ve mai bawk.A thlah veleh ka thutna nghenchhan ka nghenga, ka ban rek ka tuai nghal nauh nauh mai.

‘Engtia tih nge i duh?”’ a ti leh nghut.

‘Maw?”

‘Palai lo kal tir nge i duh inruk?” a sawitur engmah han thluaithlum awm thin lo hi ka hamhaih chang a tam ta viau bawk.

‘Ka hre lo..’ ka tita sap.Hre miau hek lo i le..

‘Ok,ka lo ngaihtuah ang..Naktukah kan inhmu dawn nia’ a ti leh sup.Order lam engmah a awah a lang lo.Chhang loin ka thu ngawi ngar ringawt.Duhthlan tur nei chuang pawn ka inhre lo,mahse min neih a duh chhan kha naute vang a ni a..A lawmawm nge lawmawm lo ka hre lo..Mahse, mahni a mualpho na tawn tlang ai chuan a zia tal ang chu.Anih loh chuan Nu Hmingi tan Vanram ka siamsak a ni ngawt ang.Chu aia duh loh ka nei lo hial ang.Atthlak zetin ka mittui a hnai nghal kuar mai.Mahni inkhawngaihna avangin ka chhungril a na vawng vawng bawk.

Kan tlanchhuah hnuah tumah mah tawng loin kan ngawi ngar mai.Ka rilru a fim hlawl lo,ka rai tih ka hriattirh atang khan engemaw hlauhthawnna,ka hriatthiam chiah si lohin min la fan ta reng.Ramsey-an engtiang chiahin nge a ngaih  ka la hrethiam chuang miah lo.Titla turin min tih kha ka hlau a,mahse a ti hauh lo,tih a hnekin a fa tih fahrah a duh loh avangin min neih a duh zawk.Mahse, a fa ka pai avanga lawmna emaw thinrimna pawh engmah a ti lang eih lo hrim hrim.A pawimawh tih bak engmah sawi miau hek lo le.Hani..Nia,tu fa nge nita ang? Mahni fa lo pui chu tu nge enkawl duh ang? Mahse amah ngeiin a fa a nih loh thu a sawi bawk si.Hmana Savio hnena Hani nu ka zawh tum khan a hriat loh thu a sawi tlat bawk anih kha…Huizzz,engthil hi nge a thup tlat ni???

‘Kan Inah haw tlang ka duh ania’ reife kan ngawih hnuah ka tichhuak sap.Pawn lam ka thlir a,thli thawin ka sam tawn kim loh a chhem leng dar dar bawk.

‘Kan Inah chaw kan ei ang ka tih kha…’

‘Khawngaihin…’

‘Thil ei i harsat em?”a ti nghut.

‘Aih…’ a nui hawk mai,ka chhang rang lulai bawk a tin ni.

‘I nawm loh chuan min rawn call la,nangmahin inkhalh chhuak suh’ thupe aw zetin a ti leh hmuk.Ka chhang lo..Ka khua a sik deuh ser ser renga,ka luak a chhuah ziah avangin ka thil ei a buai tih hrilh a,a bula pangchan ka chak tih hi sawi maia fiah chi pawh a ni lo.Mahse, ka hrethiam lo.Kan inhlat du a,nimin lawka min duatna kha chu la rei lo mahse mumang ang chauh nimaiin ka hria.

Ka mu meng kar mai,thil chi hrang hrang ka ngaihtuaha.Mahse,engmah fim takin ka ngaihtuah thei chuang miah lo.Ka nu ka ngai vawng vawng mai,la dam se chuan tunah hian engemaw tal chu ka hrilh thei maithei.Bakah ka tih tur leh tih loh tur pawh ani kha chuan a ngaihtuah fell eh thlap ang tih ka hria.Tunah chuan nupa kara lawmna nisi,nula tana zahthlak tawpkhawk leh manganna ni bawk si ka tuar meka,ka bulah tumah min puitu tur an awm si lo.Mimi tal hrilh ila chuan a zia mahna.Mahse, mak takin ka hrilh hreh ngawih ngawih thung.Ka rinngam awmchhun Savio lah mawl lutukin a khawsa bawk si.

Ka phone riin min tiharha,peih lo zetin ka mengchhuaka,mahse ka phone ka ban chuang lo.A tawp leh mai ringin ka mit ka chhing leh ta zawk .Nizan khan ka muhil ta miah lo,khawvar dawn lamah ka muhil ta tawk kha ania.Muthilh leh rih ka duh,anih loh chuan ka mut that loh vangin ka lu a na dawn tih ka chiang lutuk.Mahse, ka muhil leh dawn chauh tihin a rawn ri leh a,ka thin a rim teuh mai.

Ka phone ka bana,min rawn call tu ka en a.Mimi,zing kar karah eng chu a hria ni maw?

‘Hello…’ ka tum aiin ka aw chang lam hret.

‘Ka tiharh che law?” nuam lo tih hmel fein a rawn ti a,ka inthiam lo ru nghal zat.

‘Um,a pawi lo…Nge min lo call a?” ka ti a, ka aw a nem ta deuh.

‘Vawiinah hnaah khan kan va kal dawn mi ka lo tia’ nidawn tak..Nithum chhungin zawm hman turin min ti anih kha..Ka theihnghilh hmin hmak..

‘Nia…Mahse…’ sawi zawm loin ka ngawi leh daih.Ka raia,Ramsey khan a duhdan kha a kal tlangpui ngei dawn anih chuan ka thawh a phal kher lo maithei.

‘Mahse…Ngatinge? I hman lo mi?” ka rilru hre lo zetin a rawn ti leh lang lang.

‘Aih,aw..Nia,vawiin chu ka hman lo a,ka lo theihnghilha,ka pain thil tihtur min lo hrilh lawk vek a’ka tita duah,engvangin nge ka lakah a sual pawh ni si lo hi ka bum ziah ka hrethiam tawh bik lo.

‘Ok..Anih chuan naktuk animai lawm..Kan zawm hma leh a tha nimaia’ a rawn ti leh a.A sawi dik thlap.Mahse….

‘Enteh,min lo nghak duh suh.Vawiinah lo va kal la,ka hman tak thut leh chawhnu lamah ka lo kal dawn nia..A tha em?” ka tita zawk.

‘Um..Mahse, mahni a kal ka hreh deuh mawle’

‘Hreh suh,I lo va kal hmasak khan keima tan a nuam dawn asin’ ka nui lui hak..

‘Phakar leh ta..’ a thinrim lo tih a nuih hak hak danah ka hrethiam vek thung.

Inhnuaiah ka chhuk thlaa,Nu Hmingi leh Luni kitchen lamah an lo invin leh lawng lawng tawh,Ka pain amahin Tv roomah Chibai Mizoram a lo en thung.Ka ril a tam lutuk tlat,nizan khan an in kal ka duh tlat loh avangin Inah Ramsey-an min thlah ta kha ania.Mahse, Inah engmah ka ei ta chuang lo..Ka pum a ri raih raih mai.

Kitchenah ka luta,Luni’n min lo hmu nghal vat.A nui var var mai,Thingpui ka duh leh duh loh min zawt a,ka bu nghauh.Dawhkana Grape awmin ka mit a la chat,ka pan hnaia,ka hmawm nghal mawlh mawlh bawk.Thingpui a siam zawh veleh ka chawia,ka pa bul lam ka pan leh ta zawk.

‘Pa…’ thutthlak ve pahin ka ti a,a rawn hawi vat.A tarmit a nawr chho zauh bawk.

‘Enge a? sawi la…’ a nui sun sun bawk.

‘Hna kha…Ka tling a’ awlsam fein ka ti liam puat.

‘Eh…A va lawmawm si ve.Engtikah nge i hriat a?’ phur hmel zetin a ti a.

‘Niminah,nizan khan sawi ka tuma,zinga sawiah ka khek leh sia’ ka ti leh a.Thingpui ka in pah bawk.

‘A that nasat chu,Mama hi naktukah a lo haw dawna.A lo haw hunah law law lawm tur anih chu,Mimi a tling em?” a tih zawm leh duah.Ka bu nghat.Mahse, ka rilruah ka chhang chiah lo haw tur lam zawk a awm daih thung.A hmain a lo haw tur an sawi ka hre miah lo.

‘Ngatinge a lo haw dawn thut a?”

‘Thut hleinem,a hma daih atangin a sawi lawk alawm..Christmas chawlh pawh a hmang tlang law law thei ang chu’ a ti leh a.Ka bu nghauh ringawt.Ka haw hran lo a,mahse Tetea aiin ka pawh lo zawk.

Ka zawm hun tur leh kan Pay tur vel kan sawi dun leha,ka zawm hun tur kan sawi rualin ka rilruah thildang a rawn lut lehnghal zat.Engtin nge Ramsey-an a tih zel dawn ka hriat ngei ngei angai.

Chaw kan eikham hnu lawkah Ka pa leh Nu Hmingi dawr kal turin an chhuaka,zanah ka mu tha lo bawk nen Luni tihfel turin ka kalsan tawp.Ka phone charge lam ka pana,miss call a lo awm kalh.Min rawn call tu ka en a,Ramsey leh Savio..Ka thaw hak mai.

Khumah ka thu a,Savio ka call pah bawk.A pick dawn lo emaw ka tih hnuah a pick ta hram.

‘I lo call mi?” ka ti nghal tawng.

‘Um,call..’

‘Eng nge?”

‘I la thinrim tihna mi?”

‘Engvang chuan maw?’ ka ti hlak.

‘Nizan kha…Ih,diktak chuan khatianga sawi kha ka tum bik miah lo ania’ nuam lo a tih hmel tak tak viau.

‘I bei mak khawp mai..Mahse, a pawi lo’

‘Nia,ka hmuh dun thut takah che u khan engmah i sawi ngam ka ring lo ve ringawt a’ a ti leh a.

‘A pawi lo…’ ka ti tawi tak ringawt.

‘Pawi lo ti mahla a nuam lo ve lawm,boruak a tha zui thei em?” a rawn ti leh a.

‘Um,pangngai…’

‘I thinrim lo tak tak em?” a ti leh a.Nizan kha chuan ka thinrim mai pawh ni loin a a niberin ka hre zawk.Mahse,ani lakah hi chuan ka thinrim rei tak tak thei ngai lo,ani pawh a ni ve chiah bawk.

‘Nizan kha chuan i a maw ka ti mawle,mahse a pawi lo ka tih kha…’ ka nui hak bawk.

‘Ok,anih chuan thuphachawi nan Lunch ka chawi mai dawn mi niang?” zangkhai fein a rawn ti leh a.

‘Aih,ngai lo..Ramsey nen inhmuh kan lo tum a’

‘Ok…A that chu..Pawisa a hek lo tihna nimai’ a nui hawk hawka.Ka nui ve lo thei lo.

Mu loin thu chungin phone ka ena,thianho groupah Apuia Damdawiin awmlai thlalak nuihzatthlak fe fe an lo dah chu niin,ka nuihpui kar kar mai.Msg a rawn lut a,ka open vat.Ramsey a lo ni a,ka call back ta miah lo..’Dar 1ah Zama a lo kal ang,Farmah a hruai ang che..Riak turin lo in ready la…’ ka thaw hak mai.Engvangin nge ka riah kher ang?Kan inru dawn tihna a ni angem? Msg thawn let ka tum zeta,ka type vek tawh.Mahse, ka delete leh ta zawk.

Muthilh tum kha ka muhil ta miah lo.Ka teikual sek ringawt.Thla tam pawh a liam hma khan riahbo mai mai kha chu ka tan thil awlsam lutuk a ni thina,tunah chuan chhuanlam mai tur ka hre ta tlat lo.Kal dawnah chhuanlam tur ka ngaihtuah chhuak thei ta hram..

Dar khat rik hma hretin Zama a lo thlenga,ani hi Ramsey Driver a ni a,kan inhmu ngun bawka kan inhre tha tawh viau.Inah awm chilh loin zingah a kala,tlaiah a haw leh mai thina,Ramsey hi mahni a Motor khalh nuam ti chi a lo ni bawk nen a zin dawn te anih ngawt loh chuan a hunbi pangngai bak a pelh mang mangin ka ring lo.

Kan thlen veleh Zama a let lehnghala,tih mai tur hre loin ka thu deuh vang vang.Ka mut a rawn chhuaka,chhungril atangin vawt tihnain min rawn tham leh ta bawk.Ka khua a sik dawn tih ka hria..

Khum a che data,ka meng nghal zawk bawk.Thawh tumin ka che a, mahse ka thawh hmain tuemawin ka hnunglam atangin min rawn kuaha,amah si chetin min pawt hnaia,ka darah a hmai a rawn phum zui nghal zat bawk.A perfume rim pa zet leh amah nena inhmeh ngawih ngawihin ka hnar a verh nghal zar bawk..Hlauh angai lo,tu nge anih ka hria..

‘Ramsey….’

‘Muhil leh rawh,keipawh ka mut a chhuak…’ a ti sup.A che hruta,a ban ka kham theih turin a rawn daha,ka kawr hak a rawn zena,ka dulah a kut zungtang sei thlurhin a rawn khawih nghal zat bawk.

Thawh ka tum lui peih lo,ka mumang a lo ni anga ka harhchhuah mai ka hlau zek zek zawk..

Chapter- 19

Ka harh leh chuan keimah chauhin ka lo mu tawh.Ka mit ka chhing leh vang vanga,nichina ka bula Ramsey lo mu kha a tak nge ka mumang tih ka ngaihtuaha,mumang a ni hauh lo.Ka puansin ka hlima,zan a ni tawh tih room thim khap maiah chuan a hriat theiha,mahse Kawngkhar inhawng atanga en rawn lut vangin a thim dan a ziawm viau.

Muangchangin ka tho chhuaka,thawm ka ngaithla vang vang,engmah thawm ka hre lo.A reh thiap mai.Khawiah nge Ramsey kha a kal ang? Min hawsanin keimaha riak turin min kalsan a nih teh chuan aw..Ka lu ka thing nak mai…A haw lo tawp ang,amah ngeiin riak tura in ready turin min ti a,keimah mai chuan min kalsan lo ang.

Living room ka thlen rualin pawna Motor thawm ka hre nghal zat.Khawiah emaw kal tumin a chhuak dawn nge a lo let chiah zawk ang ka hrethiam lo.Kawngkhar lam ka pana,mahse ka thlen hmain a rawn inhawnga,thil khai bawr luk chungin Ramsey a rawn lut nghal bawk.A lo kal hmasak khan engmah eitur keng loin a lo kal a ni ngei ang.Mahse, zankhat chauh kan riak dawna,engmah lei chiam a tul lem lo.Bakah ka siam thiam lo thei lutuka,aman a siam ziah angaia,siamsa lei mai a awlsam zawk daih bawk.

‘I harh na a rei tawh em?”  rawn kal phei pahin a ti a.A hmelpa leh ngeng zet thin kha awm loin a lang dam thlup.Jacket hak nuam hmel zet a haa,a hnuaiah T-shirt a ha bawk.Jogger pant dum a haa,Nike Running shoe a bun bawk.A inhmeh lehpek.

‘Ka harh deuh chiah,I chhuak leh mi?” ka ti sap.

‘Um,thil eitur ka lei ka theihnghilha,ka va la leh lawk..I ril a tam tawh em?” zangkhai vuhin a ti leh a,ka bulah a rawn ding a.Chik zetin min en bawk.

‘Aih,tam vak lo..Ka lo siam dawn mi niang?” ka ti a.A thilkhai ka kawk zauh bawk. A then suk ringawt.A rawn kun hniama,a tihtur nghakin ka din ngaiin ka ding mawl tawp.A hmui lum thar tharin ka chhipsam a rawn fawpa,ka mit ka chhing nghal chial bawk.

‘Keiman ka siam mai ang,mahse puih ka ngai ang…A tha em?” a ti sup.

‘Um..Ka lo pui ang che’

‘Ok…Siam ila..Ka ril a tam lutuk ringawt..’

‘Anih chuan kal la…’ ka melh chho a,light eng hliah zawnga ding anih avangin a hmel ka hmuchiang thei lo.

‘Chaw tam te,chaw lo te pawh…’ ka hmai a sa nghal hat hat mai.

‘Naaa….’ Ka ti sap ringawt.

‘Ok…ka nghak ngat ngat mai ang chu..’a nui hawk hawk a,a nui riah ngeiawm lam engmah a lang lo.Min fan raih raih bawk.

Chawhmeh siam tur a rawn lei ho dawhkanah a phawrh chhuaka,ka pui ve bawK.Engtin nge tiang hian eirawngbawl a thiam zawk ka hrethiam lo.An chhungkaw dinhmunah chuan engmah a naupanlai atangin inchhung chet a khawih angai dawn lo tih a chiang.Kei pawh awmpui nena seilian ka ni a,ka thiam lo.Awmpui neih ka sawisel tihna erawh a ni miah lo thung.Chhungkua azir mai a ni zawk.Chuti nilose Ramsey hian eisiam a thiam miah lo ang.A tih ngai miah loa titu tur an nei vek.

‘Soup hi test la…’ tih pahin a rawn dah hnaia. A hmel en ringawt pawn a tui hmel ngawih ngawih.Ka bana,tlem ka inchhina,a tui over.Ka hawi chhuaka,a rawn thu ve chiah bawk.

‘Eng nge a an?” a plate a eitur insuah mawlh mawlh pahin a ti a.

‘Tui lo…’ ka chhaih chak tlat.

‘Maw? Engtin nge a awm a?” tih pahin a rawn bana.Ka nui ta hak..

‘A tui over animai..Enteh,engtin nge eisiam hi i thiam zawk a?’

‘College ka kal laiin keimahin ka awm thin alawm’ a ti tha ve mai.

‘Maw? Khawiah nge College i kal thin a?” ka ti leh a.Min rawn en a,a nui suk.

‘Ei phawt la,I hriat duh zawng zawng hriat nan zanin zankhua a aw mania..Anih loh pawn inneih hnu zawng zawng nen..’ a then leh suk bawk.Mahse, kei erawh Inneih tih tawngkam tawite khan ka mood a ti danglam vek thung.Ka bu nghauh a,engmah sawi tawh loin ka eitur lam ka en ta zawk.

‘Eng nge ni leh ta?” a tawng thawm ka hriat rualin ka hawichhuak lehnghal vat.A chair hnunglam a nghenga,chik zetin min en vung vung bawk.

‘Eng…Ngatinge?” a nui hmel ka hmuh takah chuan ka tita zawk.

‘I mood a danglam thuta,I chaw khan a tithinrim zawk che nge?” a hmelah nuihzatna a la lang tho.

‘Aih,ka ei thei angem tih ka ngaihtuaha…’ ka rilru a lo lang hmasa ber ka sawi ta ngawt.

‘Anih chuan thil ei lamah Problem i nei tihna ni em?” a ti leh sup.

‘Um..Mahse, a chang changing,a ni reng chuang lo a’

‘Ok..Ei chhin la…’ a ti leh sup.A awah min duatna ri niawm tak a lang tel thei bawk.

Ka chawei chhung zawng ka rilruah thildang a awm thei miah lo,ka thilei pawh a tui leh tui loh ngaihtuah loin ka ei liam vel mai mai a ni ber.Hna chungchang engmah ka la hrilh lo va,engtin nge inneih lam a kalpui dawn ka hre chuang lo bawk.Tunah rih hi chuan kan boruak duhthusam a ni ringawt.Mahse,hei hian engchen nge a daih ang ka hre lo..Nikhat chu sawi loh darkar pawh tling loah a mood a thlak danglam thut thut thina, rindan tur tawk ka hrethiam lo eih lo bawk.

‘Sil duh suh,ka lo ti ang’ ka hnunglam atangin a rawn ti a.

‘Ngai lo,ka tithei reng..’

‘I thei lo ka ti hleinem,ka lo ti ang ka ti mai alawm’a ti leh talh.Chhang loin tap ka bana,ka herh nghal zat.Mahse,enge nge thleng hi???

Ka tum loh lutukin tui a rawn phuh chhuak nghal hawk,ka te thawt bawk.

‘Ehe…Kalsawn rawh’ tih pahin min rawn pawta,min rawn din hliah nghal zat bawk.Mahse, ka kawr hma a huh vek hman tho.Tui phuhchhuak hawk hawk chu siamthat tumin a buaipui nghal a,a hnungah tih leh mai tur hre loin ka ding mawl tawp ringawt.

Reife a siam hnuah a siam thei ta hram.A huh vek bawk.A phuh nasa bawk nen Kitchen chhuat a huh nasa hman viau,ka theih ang angin ka hru hula,Ramsey-an min pui  ve leh bawk.Chhuat nawhna ka tifaia,ka bulah Ramsey a ding bawk.

‘Lo va intifai la’ amah en loin ka ti satliah.

‘Aih,ka lo nghak ang che’ a ti sup.Ka thil tihlai ka chawl dat mai.Inbual dun maw? Ka ngaihtuah zawng ringawt pawn ka awmdan a danglam titih ringawt.Hahthlak hian a..Zanin hian Living roomah a riak dawn hauh lo tih ka chiang lutuk bawk.

‘Ka zo e..’ tih pahin ka inhera,a rawn hawi vut.

Min rawn en a,ka hnute zawnah a mit a fu ta chat.Ni lo..Ka kawrlum chawei dawn khan ka hlipa,a hnuaiah T-shirt ka haa,ahnuaiah Bra bak engmah ka ha tawh lo.Tui in min phuh huh takah khan ka T-shirt hak a huh veka,ka taksaah a bet thlar mai,a pan bawk nen a lang tlang titih..Ka hmai a sa nghal hat hata,ka kut ka kuangkuah ta ngawt.A nui suk ka hmuh rualin ka thiltih atthlak zia ka hrechhuak lehnghal zat lawi.

‘Thil hi ka hrerei thei lutuk…’ a thle buka,a nui suk bawk.

‘Ka’n inthlak lawk ang…’ ka tita ngawt.

‘Um…Hritlang kai a hlauhawm..Kal ila…’

‘Aih,ih..Ka sawi awmzia chu tah hian lo awm la’ ka hrawk ro lutuk tih hnawn nan chil ka lem khalh bawk.A thle buka,a hmui a petsawi zauh bawk.Tihngaihna hre lo zetin ka ban ka phar hliaia,min en reng bawk nen beidawng zetin ka dahthla leh hnak bawk.

‘Ok..Kal la,mahse i rei lutuk chuan ka lo lut ang..Vawt ka ti ve tho a’ a ti leh sup.Ka ngaihtuahnaah thildang a lo lang zawk.

‘Anih chuan lo kal la..’ ka tita sap.Engthil nge ka tih ngaihtuah ka duh rih lo..

‘Maw?”

‘Lo kal la,kan inthlak rual thei reng alawm’ ka ti leh a,pawisak nei lo hmel zetin ka dak deuh vah bawk.Mahse, ka chhungril erawh zam vangin a khur lo chauh thung.

‘I chiang em?” a ti leh sup.Ani leh ni lo ang takin a awah mahni inrintawk lohna niawm tak a hriat tel theih bawk.

‘Enge chian loh tur awm ang? A vawt si,kal ang’

Roomah kan inzui luta,ka bag awmna lam ka pana,Ramsey erawh a thawmhnaw dahna lam a pan thung.Ka bag ka hawnga,thil ka hrechhuak ta chauh.Ka kal dawn khan thawmhnaw ken ka tuma,mahse zankhat chauh anih dawn chuan tiin ka dahchhuak leh ta zawk kha ania..

‘Inthlak la…’ ka bul mai atangin a rawn ti sup.Rang zetin ka bag ka zip vat bawk.

‘I inbual dawn chuan inbual hmasa la..’

‘Um,ka lo ngaihtuaha,thawmhnaw i keng em?” a ti leh sup.Tawngkaa chhang loin ka lu ka thing ringawt.Palh pawh awm thei anih laiin engvanga ka thawmhnaw kha pakhat tal pawh keng lo nge maw ka nih reng reng ni?

‘’Ok,a pawi hleinem.Ka kawr hak tur a tam alawm..’

‘Um..Anih mai loh chuan..” ka then nak ringawt.

Inbual tura a luh veleh ka thawmhnaw ka hlip sawk sawka,a thawmhnaw bawm atangin kawrlum phiar ka lachhhuaka,ka ha nghal thak,ka tan a lian lutuk lam hret,ka mal chanve a khuh phak titih,Pyjama ka lachhuak leh a,chu pawh ka tan a lian lutuk leh bawk.Mahse, pawi ka ti lo..Tih leh mai tur hre loin ka ding ren rawn.

Ka phone a rawn ri a, ka phu nghek bawk.Ka pan phei vat,min rawn call tu ka en a,Mimi..Pick loin Living room lamah ka keng pheia,vawiin lam a kalna min hrilh a tum ngei anga,Ramsey-a a lo chhuak thut anih chuan a hre thei vek ang.

‘Mim…’ ka ti sap.Tukverh bulah ka dinga, pawnlam ka thlir vang vang bawk.

‘Inah lo ka lo kala,I lo riakchhuak daih a’ a rawn ti lang lang.Ka mit ka chhing sawk ringawt.

Ka pa hnenah khan ka pu teinah ka riak dawn tih ka sawi kha ania,fiah turin a call kher ka ring lo.Mahse, Chichi-a hnenah ka kalna tur tak hrilh loin ka pain a call palh takin tihtur pawimawh ka pa hriat chi loh a awm tih ka hrilh anih kha..

‘Um,nia…Enge vawiin I kalna lam te?” thildang min zawh hlauin ka tita zawk.

‘Chu chu nia hrilh che ka tum,awi..A nuam dawn reuh lutuk,kan Roomah chuan kan pahnih bakah midang pahnih mipa ve ve an thu ve bawk dawn a..’ a awah a phur zia a hriattheih.

‘A that nasat chu,damchuan naktukah emaw lo kal ve ka tum ang..A harsat hmel em?”

‘Ka hre lo le,kan boss tur chu maw Hnamdang ania,thlahpawlh anih ka ring.A chhe lo nasa mangkheng animai’ a nui kar kar mai.

‘Anih chuan tan viau i ngai anih chu’ ka nui ve a.

‘Naah,in la Plural thei lutuk mai,I hmuh ve hunah chuan i Ramsey kha chu a tla hneh viau ang aw’ a nui leh a.Ka ner nak mai.

‘Anih chuan Ramsey dinhmun a derthawng tihna nih chiah chu’ ka nui hak hak..Mahse, ka hnung lam atangin Ramsey-an min rawn kuaha,ka beng a fawp thawi thuak bawk.Ka ip chawih mai.

‘Nia…Dik lutuk,tak takin hnamdang,Nupui nei lai pawh a nimaithei’

‘Mim,Nakinah kan inbe leh dawn mi?’ ka tita ngawt.Ramsey-an ka nghawng hnunglam a fawp kual dun dun a,awm pangngaiin ka awm thei hlawl lo.

‘Um…I buai hmel si,nih phawt…’ ka phone ka off a,ka insangmar teuh ringawt.

‘Engvangin maw ka dinhmun a derthawn a?” a ti nghal sup bawk.Ka mit ka chhinga, ka ngheng ta nge nge.Ka khup a zawi vek,ka ngheng anih loh chuan ka tluk ka hlau a ni mah bawk.

‘Thil hrilh tur che ka nei’ ka ti sap..Tunah ka sawi ngei ngei angai.

‘Um..Mahse,mu phawt ila..’

‘Khumah i riak ve dawn em?” engvanga zawhna atthlak lutuk hi zawt ziah nge ka nih ka hre bik lo.

‘I duh loh chuan?’ a ti leh sup.

‘Aih…Ka duh maithei..Ka hre lo le’ ka ti bah nak mai.

‘Ok,anih chuan mu ang le,I vawt vek tawh ania’ a ti  dam thlup.

Khumah ka inthlawh ta kak,a rawn mut ve hmain Light a off a,a rawn lawn ve a,puan a rawn pawt kaua.Min rawn kuaha,a darah ka lu ka nghat,a awmah ka hmai ka phum kak bawk.

‘Ramsey…’ ka ti sap.

‘Um..’

‘Eng lo ania…Ih..’ ka sawi mai hreh leh ta tlat.

‘I sawi hreh chuan sawi lo mai la…’

‘Engtikah nge ka in check-up ang?” ka tita zawk.

‘Naktukah kan kal ang chu ka lo tia,tlaiah..’ a ti sup.

‘Um…’ ka ti sep ringawt.

‘Chuan,Ka pa naktukah a lo haw anga,zanah ka sawipui anga..Palai lo kal maise tha iti em?”

‘Ka hre lo,engmah ka ngaihtuah thiam lo…’

‘Hahdam rawh,Palai an lo kal anga,kan innei dawn tho anih chuan i pa pawh a thinrim lutuk lo ang’ a ti leh sup.

‘Ka ngaihtuaha,invenna kha lo hmang ila chuan tiang hi a thleng dawn lo va..Ih,ka sawi tum chu naute vangin inneih nain a phuar che angai lo anga’ ka tawng tawp lam a zuih ral titih.

A che dat,ka inlahrang nghal vat bawk.A tho a,enge a tih dawn ka hre lo.A ri khap a,a eng ta iar.A rawn kal pheia,ka thuchhuak nghal vat bawk.Khumah a rawn thu a.Min en run bawk.

‘Min en teh’ a ti sup.Thuawih zetin ka en ve mai bawk.

‘Naute hi ka tana a pawimawh zia ka sawi tawh kha,mahse chu ai chuan nanghi i pawimawh zawk..’ a ti sup.

‘Mahse,ka sawi zawk chu…Ih..’ ka sawi zawh hmain ka biang tawn tawnah a rawn vuana.

‘Naute vanga phuar nih hi pawi ka ti lo,a chhan I hria em?’ a ti leh nghut.Ka lu ka thing nak ringawt.

‘A chhan chu maw,Naute hi a lo pian hma pawn ka fa anih avangin ka hmangaih tawh.Mahse, chu aia nasa chuan ka Hmangaih che’ sawichhuah harsa a tihzia a hmelpa zetah a lang chiang ngang mai.Kei erawh mak ti lutukin ka ang pham ringawt.

‘Ka…Ka hrethiam lo…’

‘Hriatthiam angai lo,ka hmangaih che..Chu zawng chu…’ tawng tumin ka ang leh ziau,mahse a hmui chhah tapin ka hmui a rawn khar ta hmak..Ka mit ka chhinga,ka biang a lum thla pap chuan ka mittui a tla tih min hriattir thei bawk.Mahse, tun tum erawh chu hlimna vang a nit a thung.Ni e.Min Hmangaih anih chu..

Hnunglam atangin min kuaha,a mal sei thlurhin min khan bet chial bawk.Hetiang ang hlimna ka nunah ka la tawng ngai pawn ka hre lo..Ka dul a rawn chul a.

‘Naute leh nang hi khawiahmah ka kalsan ngai lo ang che u..’ a ti leh sup..Ka chhang lo..A kut ka vuana,a kutzungtang karah ka kut ka rawlha,a hum nghal vang vang bawk.

‘Mahse…Naute hian ka tihduh min tih tir thei lo rei dawn lutuk hi ka lawm vak lo’ a nui nghawr dat..

Ka thawh ve meuh chuan chhuak turin a lo insiam peih vek tawh.Kawngka bulah kan ding duna,ka ngheng ar ar bawk.

‘Dar 3 velah Zama a lo kal anga,Inah inthlak phawt i duh chuan i kalpui anga,Doctor ka lo be fel sa anga,a tha em?” a ti a.

‘Um,tha e…Mahse, helai hi nuam ka ti..’

‘Anih chuan tah hian kan cheng reng zawk mai dawn mi niang?” ka hnarah a rawn tuaia..

‘Fapa mal i ni a,hetah ka awmpui daih che chuan mo sual deuh ka ni dawn asin’ ka nui hak hak mai.

A kal hnuah eitur ka insiam chawpa,mahse engmah tihtham ka ei lo.Nizan khan ka ei tha viaua,mahse tukin chu ka luak a chhuak leh ta tlat lawi.

Ka inbuala,ka inbual zawhin ka phone ka en a,Mimi min lo call na a lo awm kalh.Ka call back nghal zat.Nizan khan engmah ka hrilh ta miah lo.Huizzz..Ka beisei loh lutuk thil thleng khan min theihnghilh tir vek.

‘Min lo call a mi?”

‘Aw,vawiinah i lo kal ngei ngei angai ania’

‘Maw?” ka ti that mai.

‘Kan boss a zin dawna,naktukah..Midang hian kan zawm vek tawha,Aizawla awm i ni tho bawka,vawiinah ngei ngei i lo kal angai an ti a’ ka thaw hak mai.

‘Ka lo be leh ang che’ ka ti a,ka off nghal sawk sawk.Ramsey ka call nghala,a pick thei lo..Ka hrilh ngei ngei angai.Kal lo tura min duh chuan ka kal lo mai ang.Buaina a awm lo.Mahse, a pick thei lo.Ka call nawn leh a,a pick ta hram.Mahse, hmeichhe aw a nit lat.

‘Tu nge aw?” ka tum aiin ka au ring lam hret.

‘Agnes-i ka nia,Ramsey hi meeting a nei mek a’ka hrethiam lo..Meeting naah pawh awm se engvangin nge Agnes-in a phone a lo pick ngawt ang?

‘Ok,a pawi lo mai.Nakinah ka lo call leh mai dawn nia’ dam thlapin ka ti ta zawk.

‘Um,…A tha lawm,..Eeeee,Zorin,ka lawmpui che aw’

‘Maw?”

‘I rai tih ka lo hriaa…’ ka ip chawih mai..Engtin nge a ni hian a lo hriat theih? Savio…mahse a hrilh lo taw pang.

‘Ngaihtuah buai suh..Ramsey nen kan plan vek tih I hriat kha,mahse i beisei ang kha a thleng dawn lo ania’ a nui a.Ka mit ka chhing sawk ringawt.