BLUE- BOOK 3

Chapter- 16- 20

Chapter- 16

Kan dinna bula lungremah ka thu thlaa,a rawn thu ve a.Ka hmelah min thawng tih a lang em ka hre lo,Maria-in hmu lo se ka duh avangin thim lam ka hawi a.Ka mit ka chhing vang vang bawk.

‘I tha em?” min ngaihtuah hmel zetin a rawn ti a.Ka bu nghut,ka hawi leta,harsa ti lutukin ka then lui thei hram bawk.

‘I hmel a dik lo…Kan haw mai dawn mi?” a ti leh a.

‘Aih,ngai lo..Lut ang’ ka ti sup.

Ka tho a,a tho ve vat.Inchhungah kan inzui luta,Music dam raih mai a lo ri riai riaia,light dul zetin a eng hnim ruai bawk.Ka hawikuala,Stage a Tluangpuii ding ka han hmu a.A bula ding a Bandmate nen an inbiaa,a nui var var bawk.Ka mit ka lasawn thei lo.Eng rilru nge ka put erawh ka hre lo.Min bum tih amah ngeiin timna nei miah lova min hrilh lai khan mak tihna avangin ka thaw hleithei lo a,mahse tunah chuan ‘Mak’ tih hian a sawifiah zo lo.Mi danglam chu a lo ni takmeuh mai e.

‘Hey,ka zawng che u a’ ka hma a rawn din pahin Amal-in a rawn ti a.A nui var var bawk.

‘Pawnah kan chhuak lawka,in lo thlenna a rei tawh em?” ka chhan hmain Maria-i zawkin a lo ti vat.

‘Rei vak nang,pawnah ka hmu lo reng reng che u.Hawh u,lam ang u’ phur zetin a ti leh a.Zu a in ngai lo tih ka hria.Maria-i erawh chu ka hre lo thung.

‘Va lam ru..’ ka ti sup.Engtihmah ka chak lo,ka chawmawlh ti ila a dik ber ang.

‘Naaa,I tel loh chuan a dik nang..E,u Ruata khan a zawng che a’ Amal-in a ti leh a.

‘Khawnge i hmuh a?” tih pahin ka hawikuala.

‘Saw lamah sawn an awm’ tih pahin a kawk zauh.A kawhna lam ka hawipheia,Light eng dul bawk nen ka hmu mai lo.

‘Kal ang u’ phur zetin a ti leh a.Maria-in min rawn en a,a thilsawi kha a dik emaw dik lo emaw tihsual a nei lo.A hriat ang a sawi mai zawk tih ka hria.Chu vang takin a hlimna tihchhiatsak ngawt tul ka ti lo.Kal tumin ka pen tan chiah tihin Stage lamah thawm a rawn awma.Ka hawi chho vut.

Jonathan-a thianpa,Party Host tura an tih kha a lo ding vang.‘Tunah chuan lamtur ka ko chhuak dawna,tu man hnial theih loh kan ti ang’ zangkhai zetin a ti nghal zat zat.Hot leh boruak siamthiam zet a ni a.A awm tawh naah hi chuan a leng halh zel.

‘Mo leh mo neitu  lo chhuak se,chuan Sangkima leh Maria-i…’ kut an beng dar dar.Maria-in min rawn en a,a nui  var var mai.Ka then ve suk nangin ka nuih a za hauh lo.Midang pahnih a ko chhuak leha,Nidang ang bawkin boruak a siam thiam lehpek.Mahse, phurna ka nei eih lo thung.

Maria-in a kut a rawn dahchhuaka,ka vuana.Lam tualah ka kai luta,kutbeng thawm a ring zual sauh.In hmatawnin kan dinga,a kawngah ka kuaha,ka pawt hnai nghal salh.Min hnial loin min rawn ngheng nghal chiala.Ka dar lehlamah a kut a rawn daha,lehlamah a hmai a rawn phum titih.

Music lam rem leh dam raih a rawn ri a, lam hi ka ngaina lem lo,Zanin lek phei chu phurna eih a awm lo..Mahse,pawi erawh ka ti lo.A landanah chuan helaia awm zawng zawng hian Maria-i hi ka bialnu angin an ngai vek dawn tih ka hai lo,mahse enge pawi ang? Nunah hian midang kan care avangin pawitur kan ngaihtuaha,Mahse engmah hi a lo pawi lo.Mahni chauh inngaihtuahna khawvel a ni a.A nem apiang natna khawvel a ni bawk.

Music tawp rualin kut an beng dar dara,kalsawn loin ka kun hniama.Maria-i bekah ka fawp zauh,tu nge min en ka Care lo..Ni lo,engkim mai hi amah tihnatna tura ka tih ala nita cheu.Hreptak hian.

‘Maria…’ hmeichhe awin a rawn ti a.Aw lo chhuahna lam ka en vut.Hmeichhe pakhat a lo ding a,a nui var var bawk.

‘Hey…I lo haw tih ka hre lo reng reng, I dam em?” naupangchhia zetin Maria-in a ti nghal chul mai.

‘Um,dam alawm..Inneihna kha ka rawn tel hman lo va,mahse zanin chu Amal-in min phutna lutuk..Chuan,Min hmelhriattir dawn em?” min rawn melh zauh pahin a ti leha.

‘Dawn chiang,mahse nghal awih loh kan ti ang’ Maria-in hlim zetin a ti let ve nghala.Ka rin ang ngeiin a bialpaah min ngai nghal pang tih ka hre thei.

‘Nghal lo ang.Bakah nghal pawh ni ila engmah anih ka ring lo,a chiangin ka hria’ a nui leh hak hak.Min rawn en a,ka then suk.

‘Hei hi Sangkima ania,tu nge anih sawi angai loin ka hria.Chuan, ka Cousin Mary anih hi..’ min rawn en pahin a ti a.Min chibai tuma a kut rawn pharchhuah chu ka vuan ve vat.Maria-i nen an in ang lem lo.A hmai a hlai deuha, a khabe a dawh deuh bawk.Hmeltha vut tihtur a ni lo.

‘I tha maw?” pangngai thei ang berin ka ti nghut.

‘Um,tha lawm..’ a nui leh var var.Inti tatu zetin ka banah Maria-in a kuah ve thung.Nichin lawka ka khawsak dan avang khan a ngampa ta hle tih ka hai lo,mahse pawi ka ti lo.Hmeichhe pangngai leh zahpuiawm lo tak a ni a.Ka bialnu anih a pawina a awm lo.

‘Saw lamah sawn midang an awm asin…’ Phur zetin Maria-i hnenah a ti leh a.

‘Maw? Va kal ve ila..I peih em?” min rawn en a.

‘Lo kal lo ila pawi i ti angem?” ka ti sup.Midang bula awm chakna ka nei hlawl lo.

‘Ah,pawi ti lo..I nuam lo leh deuh ami?” min ngaihtuah hmel fein a ti a.

‘Aih, ka tha..Phone hman lawk ka ngaia’ ka tita ngawt.

‘Ok…Ka va kal lawk ang,ka rei lo ang’ a ti a.Ka ban a vawnna a thlaha.

‘Kei pawh ka rei lo ang’ ka ti ve sup.

An kal veleh pawn lam ka pan ve thung.Keimaha awm ka mamawh lutuk tlat.Pawnah awm an lo awm nuala.Mahse, tumah min ngaihven awm an awm lo.Ka Motor dahna ka pana,ka Phone ka phawrhchhuaka.Amal-i msg ka thawn tur ka type nghal mawlh mawlh.An rualin Maria-i lo haw mai tehse.Ka awm reng chuan ka a thei mai dawnin ka hre tlat.

‘Ka rin aiin i lo haw hma’ ka uin min hmuh veleh a lo ti a.

‘Nia,haw hma mai mai.Khawnge ka nu?” ka ti a.Ka thu thla nghal hnawk.

‘A mu tawh…I rui law? ’ a rawn thu thla ve a.

‘Aih,ka in lo…’

‘Tak tak?” chik zetin min en a.Zu ka in tih an hria,mahse thinrima min hauh ka la hre lo.

‘Tak tak,ka nu awm laia in ka duh lo..’

‘Fel lutuk..’ min rawn bana,ka thle sawn zauh.

‘Ka piai khat tawh che lawm..’

‘U..Kum engzat nge ka nih i hria em?”

‘Hria,mahse eng ang pawn upa la i kum aiin ka kum atam zel tho’ a nui hak hak.Ka then ve suk. 

‘Enteh…’ a ti leh a,min rawn thun hnaih sauh bawk.

‘Eng maw ka en ang?”

‘I ninawm,ka sawi dawn alawm le’ a ti nghauh.

Kei aiin kum 3in a upa zawka.Pasal a neih hma avangin a fapa erawh a lian uaih tawh thung.Ka nu a chhuna,nu lian tak ni lo mah se a te chhe lo.A hmeltha a,a nui peih em em bawk.A pasal boral hnuah tihtakzeta rawn ngaizawng an awm thina,mahse eng huah mah angai lo.Pasal neih leh lam hrim hrim angaihven eih lo bawk. Ka u zawk a ni nangin U angin min en mah zawk niin ka hre thin.Ka lakah a pangchang em em bawk.

‘Sawi la…’ ka ti sup.Hnunglam ka nghenga,Tv ka en vung vung bawk.

‘I rilru chu ka hre lo a,eng lo..Hmanniah ka nu nen kan sawi duna’ a ti a.A ngawi leh rih.Engmah sawi loin Tv lam ka en reng thung.

‘Nupui neih hi i hmanhmawh lo a ti a’ a ti leha.Unau inpawh tak kan ni a,mahse tiang lam hi chu fiamthua kan sawi bak kan la sawi dun ngai lo.

‘Neihtur awm hek lo’ ka ti satliah.A rum nghat.

‘Ti kual mai mai lo hian thutak ve deuh la,I naupang tawh lo ania’

‘Ka hria alawm.Mahse, hetianga awm hi nuam ka la ti rih’ ka ti leh sup.Thla tam pawh a liam hma khan ka chhungte hnenah Tluangpuii neih ka duh tih sawi ka lo tum tawh.Mahse, tunah chuan neih chu sawi loh ka hmelma lian ber a ni tawh zawk.

‘Nuam kan tih zawng apiang kan ti ngawt thei hleinem.Ka nu a upa tan tawha,Ka pa a awm tawh lo bawka,Chhungkaw din lam i ngaihtuah a hun ania’ thutak zawkin a ti leh a.

‘Nupui nei lo a ka awm hi tha i ti zawk turah ka lo ngaia’ ka ti hmuk.

‘Mahni hmasialna atang chuan tuna i awmdan hi kan nufa tan chuan a tha zawk.Mahse,ngaihtuah la ka duh chu Mipa emaw Hmeichhia pawh hi eng anga fel leh hlawhtling pawh ni ila Pathianin Kawppui nei turin min siama.Mahni chuan kan fel zo lo fova,kan mawi zo lo bawka’ a ti leh duah.

‘Eizawn naah i hlawhtling tawh a,abak hmasawn zel tur hian nangmah mai ai chuan hmeichhe fel tak,I phena nawr kaltu tur che i mamawh’ a ti leh a.A sawi dik mahna le..Mahse, tunah chuan Hmeichhia hi a huatin ka hua,ka hne ngawih ngawih bawk.

‘Anih chuan lo zawng la…’ a rilru tihhnual nana ka rilru diktak hrilh kher tul ka ti lo.

‘Tak tak maw?” phur zetin a ti hliai.

‘Um..I hmuh veleh min hrilh dawn nia’ ka nui lui suk.

‘Um…Anih chuan ka hre maithei a ni’ ngaihtuah muk hmel fein a ti leha.Min en ran bawk.

‘Eh,ava rang leh si ve’

‘Vawiin khan ka hmu alawm…’

‘Tu?” ka ti satliah.

‘Amal-i thiannu kha,I bulah pawh a awm reng kha..’

‘Tu ber kha?” ka ti leh a.Maria-i a sawina a ni tih ka hria.

‘Doctor kha…Niminah kan awm ho a,kan awm ho rei lo nangin a mizia ka hmuh chin kha ka duhzawng tak..’ a ti leh a.

‘Ok..Anih chuan lo belhchian atan a that chu’ ka ti leha.A ner nak.

‘I va han la thutak lo tak’ lungawi vak lo niawm takin a ti hlak.Sawi miah lo mah ila ka thutak lo tih hretur khawpin ka mizia a hre chiang.

‘Ka la thutak nghal ngawt thei nang,bakah amah pawn min lo ngei viau maithei asin’

‘Naaa,ka ring lo.A duh ang che tih ka chiang lutuk’ a nui a.Nichina a lawm lohna kha chu a theihnghilh fel leh der tawh tih ka hria.

‘Anih chuan unaunu i nei vat turah ngai ang’ ka nui a.Mahse, a nui ve hauh lo.

‘Ngatinge i then a?” a aw a zawi hle bawk.

‘Tu maw?” thut mar pahin ka ti a.

‘Tluangpuii kha mawle’ min deng dawt.Ka then lo va,amah zawkin min kalsana,chu pawh zahna tamtak nen..Ka ngaihtuah zawng pawn ka na ngut ngut thei.Engvanga na nge ka nih erawh ka hre lo,ka zah vang nge ni anga,ka induhtawkna a tihchhiat vek vang ka hre lo.Hriat pawh ka duh lo.

‘Ka lo kal changa ka hmuh bak ka hmu ngai lo nangin ka ngaina tho,ka nu phei chuan in ingaizawng tih a hriat khan a lo lawm tawpa’ a ti leh a.Ka chhang lo.

Kei chauh pawh ni lo,Ka nu leh ka Farnu,ka thiantha ber Ruata thlengin a mize lem khan min lo bum thlu fai vek chu ania.Hmeichhe ropui tak zawng a ni e.Ni lo,Hmeichhia anga piang,Mipa nih tum lawi si,Mahni nihna hai a ni zawk.

Ka ngaihtuaha,Eng emaw vanga Mipa aw nem tlat leh Hmeichhe aw thum tlat te,Mipa nisi pian nu tlat leh Hmeichhia, mipa pian ang maia pa tak an awm tih ka hria,ka hmu fo bawk.Vawi tamtak inhnialna a chhuak tawh.’Engvangin nge Pathian hian hetiang hian a siam? Chi kal dik lo a ni a,an awmdan kan sawisel hi an tan chuan a fair lo.Hrethiama khawngaihtur zawk kan ni’ tiin inhnialna a chhuak fo.Mahse Pathian hian hman atanga tun thlengin Mipa leh Hmeichhia chauh ala siama.Duhthlanna thiang tak hmang thei turin rilru fim min pe bawka.A bak hi  chu chhungkaw inenkawlna a pawimawh lutuk,ka Nutei hi Strict tak ni lo se chuan Jonathan-a hian Mipa ni loin Hmeichhia nih a tum ngei ang.A aw a nem a,kan naupan lai atangin mipa naupang Toys aiin Hmeichhe naupang lawmzawng,Barbie a duh zawk.Mahse,vawiinah chuan anihna tak pawmtir a ni a,Mipa niin nupui pawh a nei ta chu ania.Mahse,Tluangpuii erawh chutiang a ni lo..

Ka pa khan vawi tamtak a sawi thin.’Eng mi pawh nise hmuhsit ngawt tur anni ngai lo,Mihring annihnaah zah an phu.A siamtu Pathian a zahawm lutuk’ a ti thin.Nghet takin ka vawng renga,ka nunah hian mi han hmuhsit em em ka neih ka la hre ngai lo.Mahse, tunah hian ka nuna a vawikhat nan Tluangpuii hi ka huaa, ka hmusit bawk.Ka nunah hian a tha zawng leh a chhe zawngin hmasaber nihna a nei mawlh mawlh mai chu anih hi a..

‘Mam’ ka darah a rawn khawia.Ka en vat,ka ngaihtuahnaah ka lo cheng veng veng chu niin..

‘Um..’ ka ti hmuk.

‘Tluangpuii ka sawi kha i duh lo tihna mi?” a ti leh a.Ka ner nawk.

‘A ho lutuk…’ ka ti nghut bawk.

‘I hmelah khan a ho lo anih ka ring’ min chhaih tih ka hria.Mahse, ka nuih a za hleithei lo.

‘Kan sawi ta sa sa.Ka nu hian hmeichhe khawsak sang leh inla engemaw zet i neih a hlau thina,Tluangpuii kha chu chutiang mi a ni dawn lo tih ka chianga.Mahse, nang lah hian i lo then fel leh hman daiha’ a nui leh hak hak.

‘Ka mu dawn…’ ka tho nghal hluai.

‘Ka fiamthu anih kha,thinrim lo teh’ a ti hlak.

‘Thinrimna tur a awm pawh ka hre lo,mut ka duh vangin ka lo haw hmaa,min be reng zawk anih kha’ ka ti a.A ner leh nak.

‘A tha alawm.Eeee,Naktuk kha ka nuin Tlai lamah ai chuan dar 10 velah chhuak ila a ti a’ a ti leh a.

‘Ngatinge? Chawhma lam chu ka Nutei pawn a beisei che u ka ring a”

‘Pu Chhuma a thi tep a,ka pa thianpa kha i hria em?”

‘Um,hria..Enge na a?”

‘A Cancer alawm,ka pa nen an inkawm ve thin avang khan ka nuin a ngaipawimawh a’ a ti leh a.Chhang loin ka bu nghut ringawt.

Muhil thei loin ka let tawn sek,ka bengah Maria-i thilsawi kha a ri nawn tlut tluta,hriat loh der ka tum pawn a theih loh.Ramdinsanga tan tiang khawpin a thawka,angaizawng dawn hauh si lo.A tan a that zia a sawi ngeia,mahse kan inzui chhung reilote a ka tihsak tamzia kha a haider anih loh chuan atam lutuk,ka tihsak zat kha a tihsak ve angem?Nge a lo ti hnem lutuk zawk ang?Vawi tamtak Aruata pawh khan a sawia,Tluangpuii hian a ngaizawng ve lo a ti anih kha.Nia,A ngaizawng lo tawp ang.Mipa aiin hmeichhia a duh zawk miaua.

Mahse…Mah se a awm tlat.Kan awmdan zawng zawng ka ngaihtuah let pawh hian Lesbian ni thei turin ka ring phal lo.Sex hmanpui ka tum ngai hauh lo nangin kei ang bawkin insum harsa a ti ve thin kha ania,Lesbian ni se Mipa lakah engmah a feel tha thei kher lo ang.Mahse, ka laka a awmdan kha chu lemchan a ni thei lo.Mahse, engvang mahin Maria-i khan dawt a sawi ngawt dawn lo.

Ka tho leh ta nge nge.Ka zu dahna ka hawnga,Vodka bottle ka lachhuaka,ka hawnga,ka in nghal pawp. Ka nu lo kal laia zu nam chunga hmachhawn ka duh loh avangin a lo kal hnuah ka la in miah lo,vawiin ang hunah pawh ka in hek lo,mahse tunah chuan ka mamawh tlat.

Ka harh lehin khua a lo eng uar tawh,ka lu a na ngang mai bawk.Tho mai loin ka mu deuh vang vanga,nizan thilthleng ka ngaihtuahnaah a rawn lang lehnghal zat.Ka mit ka chhinga,rui hnepa ka in chung pawh khan engmah ka theihnghilh thei lo tih ka hria.Min bum tih ka hriatna khan min tina tawk hle chungin anihna tak ka hriatna khan min la tina zawk cheu bawk.

Ka nu te kal hnuah Showroom lamah ka kal ta chauh.Thil fel lo leh engmah dik lo a awm lo chungin nitin vawi khat tal ka tlawh ziah.Kan hawn atangin ni tam la liam lo mah se Customer kan hmu tha nghal bawk nen an buai ve thei viau.Sammy-an an Staff thenkhat chhawr zui turin min ngena,ka hnial lo.Mahse, neitu hran ka nih angin kalphung engkim ka thlak veka.Staff awmsa annih avang ngawta inthlahdah ka remti hek lo.

Hotel ka pan laiin Ruata’n min rawn call a.Nizan khan ka hmu ta miah lo kha ania.Engtak rawn sawi ang maw?

‘Hello’ ka ti nghut.

‘Hmela,enge nizan kha a awmzia?” a rawn au titih.Ka then nawk thung.

‘Vak vak che hian a..Enge?” ka ti hluk.

‘Vak vak lo,khatiang khawpa thian inthawn nat kha a lawmawm lo aw’ a rawn ti leh chiam.

‘Eng ber kha maw?” a sawi tum ka haider lui tlat.

‘Eng ber a? Maria-i nen inlam dun mai pawh ni loin i khawsak zui dan kha mawle’ a rawn ti leh a.Ka then suk

‘Kha khan a thawng che maw?” ngaihsam hmel zetin ka ti liam puat.

‘Aw, thawng tak a ni’

‘Mipa ka nia’

‘Zosangkim,khatiang kha thil mai mai a ni lo tih ka hre ve bawk aw..Lel lul mai’ a rawn ti leh hlur mai.Engvanga lo thinrim chiam nge maw anih le a?

‘Ka in report thlap thlap dawn tihna mi?” ka ti nghut.

‘In report turin ka ti che mi? hriat ve ka phu ka ti mai zawk’ a la lungawi ta chuang lo.

‘Ok.Mahse, engmah hriattur a awm hran lo.Nizan khan a intan ve chiah’

‘A va tha ve’ tiel zetin a rawn ti leh a.

‘Khawnge i awm?”

‘Ka sawi peih lo’ hmeichhe titau a ang mah zawk.Tluangpuii a ngaina tih ka hria,mahse midang ka kawp avanga chuti chiama han thinrim erawh a ho lam hret.

‘Ha,hmeichhia ang mai..Lo leng la’

‘No…Ka sil lutuk,nula ka in Massage tir dawn’

‘Khawiah maw?”

‘Sawadee bak khawiah nge ni se i tih a?..Lo kal ve zawk teh,Micky hian eng eng emaw a nei nual ania’ a rawn ti leh a.Sawadee hi kan thian pakhat Micky ta a ni a,Venglai YMA hall bul ah a awma,ka Hotel nen a inhlat viau,thla hmasa lawka a hawn a ni a,a hawnna la rei loh ngaihtuahin kan kal ngun tawh viau thung.

‘I chhun ruih pek tihna mi?” ka nui hawk.

‘Teh nang,a neitupa hi a khirhkhan lutuk,rui chunga kal chuan min vawchhuak duh ang’ a nui hak hak.A thinrim tih a theihnghilh leh der tawh anih hmel.

‘Hotelah kal zuai ka ngaia,ka rawn tlang dawn nia’ ka ti ve ta zawk.Hna hmanhmawhthlak engmah ka nei lo a,ka rit luk tih ziawm nan pawh kal ila a tha zawk ang.

Reilote Hotela ka awm hnuah Venglai lam panin ka inkhalh chhuaka,Traffic jamin a tibuai lutuk lo bawka ka thleng thuai.Kan kal ngun avangin a Staff ten min hre tha viaua,an fel hrim hrim chu thuhran nise an Boss thiante kan ni bawk nen min lo lawm viau zel bawk.

‘Motor i keng tiraw?” kan haw dawnin Ruata’n a ti a.Ka bu nghut.

‘A that chu,ka khalh peih thlawt lo va,Taxi ka hmanga’ a ti a.Ka then suk.

‘Motor khalh peih lo khawpa chau chu i ni lo mawle’ Micky-an a ti a,ka nui chhuak nghal hawk.Ruata pawh a nui ve sun sun tho bawk.

‘Nizan khan i hmu em?” kan tlanchhuah hnuah a ti a.Ka melh zawk,min en loin a phone a en thung.

‘Eng maw ka hmuh ang?” ka ti sup.

‘Tluangpuii mawle’

‘Aih,hmu nang..Ti nge?”

‘I daw peih anih mai chu a’ a ti hluk.

‘Daw nang,a hrim hrimin hmu pawh ni ila enge ni chuang?’ ngaihsam hmel zetin ka ti leha.A thaw hak ri ka hre nghal zat.

‘Nang hi i lo sual tak tak anih dawn hi a’

‘Eng maw?” ka melh leh zawk.

‘I sual ka ti mawle…’

‘Ka sualna ka hre lo.A hrim hrimin i x te zawng zawng ngai pawimawh turin ka tih ngai loh che kha ‘ bung zetin ka ti hmuk.

‘A dik alawm.Mahse,ani hi chu a danglam deuh ka lo tia’

‘Danglam lo…’ ka aw chang zetah chuan sawizui ka duh lo tih a hre ngei ang.

‘Ok..A tha alawm’ ka chhang tawh lo.Ka Motor khalh lai chauh ngaihtuah niawm takin hmalam ka en a.Mahse, ka duh loh tawpin ka mitthlaah Tluangpuii a rawn langa,a sam tawi mat kha a inhmeh phian.Mahse Lesbian a ni..Steering ka hum nghek bawk.

‘Ka haw dawnin ka hmu a,amahin pawnah a lo thu a’ kan ngawih vang vang hnuah a ti hul hak.

‘Sawi tawh lo teh,sual deuh angin ka in ngai ve dawn tlat’ ka ti nghut.Ngeiawm zetin ka nui lui hawk bawk.

‘A lo tapa..Ka be dawna,mahse an Band zinga mi khan a rawn ko a’ a ti leh a.

‘A tah a chhuak anih chu’ ka ti liam puat.

‘Ho mai mai vanga tap tur chi niin ka hre lo.I Khawsak dan vanga tap kha anih ka ringa’ a ti leha.

‘Duhtawk teh,a duh leh tap se a duh loh leh tap lo se hnaih leh tumna ka nei lo’ ka ti sup.

‘Engvang nge min hrilh teh’

‘Engmah chhan a awm lo.Ka hne tawha,ka kalsan..Chu zawng chu’

‘Ok,nia..hmanniah tiang chiah chuan ani pawn a sawi alawm’ a ti leh a.Mak ti zetin ka en vut.

‘Engmaw a sawi?”

‘I duh tawh lo va,I ring tawk lo va.Enge harsatna a neih i hriatsak lo bawka.Mahse, engahmah i ngai zui lo tih min hrilh.Ka awihsak lo,I mizia a ni lo tih ka hrilh bawka.Mahse, nizana i khawsak dan khan engkim a tichiang ta vek.Nizana a tah chhan chu a tahchhuah vang a ni tehmeuh ang,achhan erawh i khawsak dan kha a ni ang’ min demna a awah a hriat tel theih..

‘A sawi avang chuan i thiantha ber hi min ring lova,ani kha i ring tihna ami?”chang zetin ka ti hluk.

‘Ka rinna tur che engmah i sawi loh chuan ani kha ka rin angai tih i hria’

‘Engmah sawi tur a awm lo.Bakah Hmeichhia ang maia thil kal tawh sawisek hi ka ning’ ka ti hmuk.

‘Sorry..ka sawi leh tawh ngai lo vang’ A lawm lo tih ka hre thei.Engkim hi hria se chuan alamah atang hlek lo ang,mahse sawi zui ka duh lo.Chu zawng chu..

Maria-i nen kan inzui ta viau.Min tiphur hlek lo chungin thlah tumna erawh ka nei lo.Ka hmelhriat zingah kan inkawp tih hre lo an awm leh tawh lo.Atthlak zeta Tluangpuii nen ka khaikhin chang erawh a tam lutuka ka hre seng lo.A chanchin engmah hriat zui ka duh lo va,hmuh chakna ka nei hek lo.Ka ten em em ti ila a dik ber.Mahse, ten em em chung hian ka chhungril hian a mamawh tih erawh ka haider nasat zawh poh leh a chiang ting mai thung.Vawi engzat nge amah vanga ka muhil lai ka harh ka hre seng hek lo.Hetiang em em a ka laka effect ala nei hi mi danglam chu a ni chiang e.

‘Anih aw…Zanah chuan i lo leng lo ang maw?” Maria-in min ti a.A hna kal ka lama,ka thlah nghala,Motor jam avangin kan thlen meuh chuan khua a thim tawh.

‘Aw,zanin chu tihtur pawimawh,Family lam thil a awm ka tih kha…Naktukah Lunch eiturin ka lo kal ang’ ka ti a.

‘Ok,a tha lawm..Anih chuan ka kal aw’

‘Uum…’

‘Fimkhur la,I thlen veleh lo sawi la aw’

‘Ok..’ ka nui suk bawk.Atthlak zetin Tluangpuii ka hrechhuak leh zawk pek.Ka ngaihtuahna duh loin ka lu ka thing nawk bawk.

Muangchangin In lam panin ka inkhalh hawa,ruah a rawn sura.Glass ka up vat.A sur hnem ta phian bawk.Kan in lam ka pan zela,Sana ka en a.Dar 7 a pel tawh.Hmundanga chaw ei tum ka ni a, Buati ka hrilh lawka,eng emaw vangin ka thulh leh thuta,engmah Buati ka hrilh leh ta lova,a haw tawh ngei ang.A pawi ka ti chuang lo.Eisiam thiam tak ka ni lo nangin ka eitur na na na chu a tul phawt chuan ka siam thei.In ka thlenin ruah sur a zia deuh tawh,mahse tlem erawh a ni lo.Gate hmaah tak ka dinga,keimahin Gate ka inhawn chawpa.Reilote mah nise ka huh hman fe tho.

Ka tlan luta,Motor atangin ka chhuaka,Gate khar tumin Gate lamah ka tlan let leha,ka khar tur chiah pawn lam atangin an rawn vuan  chat.Ka phu zawk thei hial bawk.

‘Tu nge…?” tih pahin a rawn vaunt ka en a,ka beisei loh lutukin Tluangpuii nen kan inhmachhawn ta ran mai..

A Jacket lukhum a khum a, mahse a huh zawr hneh viau tho.A hmai a dang lap bawk.

‘Eng nge i duh?” ka ti hmuk.

‘Eng….Eng..’ min rawn bawh a,a zawi nghal hnak bawk..

Chapter- 17

‘Tluangpui,I tha em?’ sawi pahin ka ti a.Mahse,engmah hre lo tih hriat zetin a zawi vek.

Ka pawmkang nawlh.Inchhungah ka pawm luta.Thutthlengah ka mut a,Gate khar turin ka tlan let leha.Ruah lah chu nasa thei ang berin a sur tlawrh tlawrh bawk.Ka khar sawk sawka,ka tlan let leh vat.Ka thawmhnaw a huh vek tawh.Thutthleng lam ka pana,ka dah dan ngai ngaiin a lo la awm.

Ka ngaihtuahnaa lo awm hmasaber ka ti nghal zat.Dimtein ka pawm kang leha,Room lamah ka pawmchho a,Khuma nghat loin Sofaah ka nghat,a thawmhnaw ka hlihsak nghal mawlh mawlh.Jacket hnuaiah T-shirt a lo ha tela,a Bra thlengin a huh tlang vek.A kekawr ipteah a Phone a lo aka.Ka phawrhchhuaka,ka hmet eng dawna,a eng thei lo.A huh vangin a chhia pawh a ni mahna.A kekawr ka phelhsak leha,a Panty pawh a lo huh tel vek.Panty nen lam ka phelhsak veka,Khumah ka pawmpheia,Puanin ka khuh nghal sawk sawk.Tisa chakna lam engmah a lang eih lo hrim hrim.Ka thawmhnaw ka hlip ve leh sawk sawka,Tluangpuii thawmhnaw huh nen Bathroomah ka daha,naktukah keiman ka su mai ang.Buati suk tura ka dah anih chuan ngaihdan mak zet a lo nei palh thei tlat.

Thawmhnaw hul ka hak hnuah Tluangpuii haktur ka thawmhnaw zinga te deuh ka zawng leha,atan chuan a lian lutuk vek.Mahse, engemaw tal a hak angai.Ka t-shirt zinga te deuh ber leh ka Boxer ka haktir a.Min hnialna emaw min tihlet tumna engmah awm loin Mithi ang maiin khawih ang angin a awm tawp.Nia,harh se chuan min sual let ngei ang.Mahse, tunah chuan engmah hre loin a mu zawi hnaka,a lainat awm reuh takzet.

A hnar bulah ka kut ka daha,a thaw sak sak.Tui taka muhil a ang zawk mah.Mahse, tiang ringawt chuan ka dah thei lo.Tuemaw tal ka biak angai.Ka rilruah Rinawma a lo lang zawka,ka phone ka ban nghal vat.

‘Aw..’ Hello pawh ti loin zangkhai zetin Rinawma’n a rawn ti a.

‘I buai em?”

‘Aih,Inah ka awm’

‘Ok,Inah lo kal teh’ ka ti leh nghut.

‘Enga?! Tunah maw?” maktih hmel zetin a ti hu.

‘Um,tunah..I lo thlen hunah ka koh chhan che i hre mai ang.I hmanrua i kawl chuan rawn keng bawk la ’ ka ti leh a.

‘Mahse…Ok,ka lo kal ang’ min hnial loin a ti leh ta zawk.

Khum bulah Chair ka pawt hnaia,Tluangpuii hmel ka en a,thisen nei lo niawm takin a hmai a dang lapa.Engvanga khatianga awm nge anih ang ka ngaihtuaha,engmah ka ngaihtuah chhuak lo.Thla khat aia tam ka hmu tawh lo va,kan inbe hek lo.Enge a tih thina,engtin nge a khawsak ka ngaihven lo hrim hrim.Ka theihnghilh ngai lo tihmai loh chu ngaihvenna ka nei lo.

Rinawma’n min rawn phone a, ka pick vat.

‘Gateah ka awm aw..’ a rawn ti a.

‘Lo nghak lawk,a rei lo vang’ ka ti a,Ka Phone ka off a.Inhnuai lamah ka chhuka,ruah a la sur bawrh bawrh,Nihliap ka laa,Gate lamah ka pheia.Rinawma Car a lo ding vang.Ka hawnsaka,a tlan luh fel veleh ka khar lehnghala.Ka Locked lehnghal thlap.Motor lam ka pana,nihliap kan inzawn pheia.Ani leh ni lo angin engmah min la zawt lo.

‘A va han sur taima si em’ veranda kan thlen veleh a ti a.A kawr ban tlema huh deuh a beng thak thak bawk.

‘Taima a zawngin maw?” ka ti sup.

‘Niang chu,dar 7 vel atangin ala bang hleinem.A taima ka ti mai’ a ti a.A nui huk huk.Ka then ve suk bawk.

‘Lut ila…’

‘Um..Intur ka mamawh ania’ min rawn kal pelh pahin a ti a.

‘Thingpui maw?”

‘Tun ang hunah thingpui ka in kurh kurh i hre ngai amawni le?” a ti bul hmuk.

‘Hre ngai chuang nang’ ka ti satliah.

‘Ruahsur hian ka lung a ti leng,chu vangin in tur ka mamawh ‘ a ti leh a.Ka nui chhuak hawk.Ruahsur loh pawn a in reng a,Doctor tha leh mi hriat hlawh tak a ni chung hian kan inhrechiang lutuka,min enkawl dawn se ka in ngaihtuah fe maithei.A thiam lo ka tih vang erawh a ni lo.Thiante hi rinngam an awl ber rualin kan inhriatchian avangin rinngam an harsa ve leh thei tlat tho.

‘Eng nge min rawn koh chhan?” amah bawkin a ti leh a.

‘Roomah chho ila..’ ka ti hmuk.Roomah kan inzui chho a.Room kawngkhar ka hawnga,Khum lamah ka bu nghut.A hawiphei vuta,Tluangpuii a hmuh rualin a hmel a danglam nghala.Min rawn en a, a hmelah zawhna a lang chiang ngang mai bawk.

‘Engmah ka hre bik lo.Ka hawin Gateah ka hmu,chu zawng chu’ ka ti sup.

‘Ok..Kan en ange’ a ti a.Khum lam a pan pheia,a hnungah ka zui phei ve a.A en kual nghal zung zung.

‘Engmah dik lo a awm lo,engemaw hlauh deuh tak a neih vang emaw a hah lutuk vang a ni thei.Ti hian hahdam deuhin mu se,naktuk zingah chuan a that leh mai ka ring’ min rawn en pahin a ti a.Ka thawveng nghal hawk.

‘A khua a sik em?”

‘Aw, tlem a awm.Mahse, hlauhthawn tham a ni lo.Ruah a do nasat vang anih ka ring.Lum tha se la,a zia mai ang’ a ti leh a.

‘Ok..A lawmawm’ ka ti sup.

Rinawma kal hnuah roomah ka chho leha,a mut dan ngaia mu tawh loin sir zawngin a lo mu tawha.Khumah dimtein ka thu thlaa,a hmeltha zet chu ka en a.Engmah mumal takin ka ngaihtuah thei lo.Enge a hlauh ang? Hlau pawh nise engvangin nge ka bulah kher a lo kal ang? Zawhna hlir.

Ka ngaihtuah naah Maria-i a rawn langa,ka thlen hunah hrilh turin min ti kha ania,ka be leh ta miah lo.Ka phone ka en a,msg a lo awm vang.Ka haw tawh tih hrilh pahin ka mangtha nghal daih bawk.Tluangpuii ka en a,ka ngaihtuahnaah Ambie-a a rawn lang veleh ta thung.Sana ka en a,dar 11 a ri tawh.A u a la haw loh avangin a mangang maithei.Tluangpuii phone lah a thi daih bawk si.Ka call ang nge call lo ang tih ka ngaihtuaha,ka call ta nge nge.

‘Hello..U Sangkim’ mutchhuah hmel fein a rawn ti a.

‘Ka tiharh che a ni maw?” ka ti sup.

‘Aih,a pawi lo.Ka u i be duh tihna mi?” a rawn ti leha,ka phone ka beng bul atangin ka la thlaa,ka melh nghek.

‘A zina,tlai lamah khan an chhuaka,signal a nei lo anih ka ring’ amah bawkin a rawn ti leh a.Tluangpuii ka en a,engmah ka hre thiam lo.A thawmhnaw hak lai zawng bak engmah bungrua a nei lo tih ka chiang.

‘Ok,a pawi lo..Ka lo try leh ang’ ka tita ngawt.

Ka en tlawk tlawk,kei ang bawkin a nau pawh a bum tihna a ni ngei ang? Engzata tam nge he nu hian dawt sawiin mi a bum kual tawh ang? Mihrang chu min lo bum pawh nise a nau chu a bum tur a ni lo asin.Mahse,a zin angin a nau chuan a hre tlat lawi si.Ka hmai ka tuai pawk,ka hmuh loh pawn buaina min thlen a bang lo,tunah ka hmu ta chenga,buaina bawk.

Puansin tur ka lachhuaka,Sofaah ka mu ta zawk.Ka beisei loh zetin ka luin lukham a sik rualin ka muhil nghal hmak.Mangang au thawm niawm takin min tiharha,ka thuchhuak nghal a.Tluangpuii lam ka en vat.Mu tawh loin a lo thu a,hlauh nei niawm takin a hawi kuala,a meng a vek bawk.Ka pan phei vat.

‘I tha em?” ka ti sup.Min rawn en a,a hmel phelh phang maiah chuan hlauhna bak engmah a lang lo.

‘I tha em?” ka ti nawn leh a.

‘Aw…Aih,tha lo aniang’ a ti bah nak.A aw a lawi rat bawk.

‘Engmah hlauhtur a awm lo,mu leh rawh’ tih pahin ka thu thlaa,muttir leh tumin ka nema,mahse a tang tlat.Ka kutah a rawn vuana,min en kiau bawk.

‘I lo mu ve thei angem?”

‘Maw?” ka ti sup.

‘Ka hlau,ka muhil thei lo’ a ti leh a.A tah aw tiau bawk.Ka mitthlaah kan inchhuahsan hnuhnun ber tum a lo langa,kha tih lai kha chuan pawisak nei lo leh hlauh nei map loin min hmachhawn kha ania,tunah chuan hmeichhe naupang hlauhlawp a ang ber.

‘Khawngaihin…’ a ti leh a.Ka intih pa na leh ka huatna zawng zawng a bo nghal duak.

‘Ok..Ka lo mu ang’ ka tita nge nge.

Ka lawna,min rawn kuaha,ka awmah a hmai a phum nghal kak bawk.Anihna ka hriat leh tuna awmdan hi a persan let tawp.Lemchan thiam el tiang pawh nise tiang hi lemchan a ni thei lo..A che sat sata,ka kawngah a malin a rawn kherh a,nghet zetin min kuah bawk.

‘Muhil rawh,engmah hlauhtur a awm lo’ ka ti leh a.

‘Ka muthilh laiin min kalsan lo ang tih min tiam la’ a ti sep.Hei pawh amak leh ta tho!!

‘Ka kalsan lo vang che’ ka ti sup.Ka awmah a hmai rawn phum leha,a che ta lo.Reivakloah a muhil tih hriat takin a thaw ta sak sak.

Ka muhil thei lo,ka mut a chhuak chhin eih lo zawk.Ka nun tihchhiat tuma a beih avang khan phuba lak chaknain ka khat kha ania,mahse ka hmuh leh meuh chuan engmah ka ti lo.Phuba lak chu khawi lamah,a awm danah khan puih angai ngawih ngawih zawk.A hmela hlauhna lang kha a der a ni lo,mahse khatiang khawpa a hlauh kha tu nge ni ang? Ramdinsanga ka ngaihtuaha,ani chu a ni thei lo.Ramdinsanga tan theihthawp chhuahin a thawka,hlauhna chhan tur a awm lo.

Ka Phone nghawr dar darah ka harha,ka tho mai dawna,mahse ka hnung lam atangin ka kawngah tu emawin min lo kuaha,ka mal karah a mal pakhat a rawn zep bawk.Ka mumang emaw ka ti dawna,mahse nizana thilthleng ka hre chhuak nghal zawk.Tho loin ka mut ngaiin ka mu a,Tluangpui’n ka hnung a rawn thawkkhum zawnga lum hiam mai chuan min fan raih raih bawk.

Reife hnuah dimtein a ban ka dahsawn saka,tihharh hlau lutukin ka tho ta tham tham.A che sat sata,a harh dawn emaw ka ti hman,mahse harh loin a inlet tapa,min hnungchhawn zawngin a mu a,a che zui lo.

Inhnuaiah ka chhuk thlaa,ka rin ang ngeiin Buati a lo thleng tawh.Pawn lam ka en a,khua a la veng chuang lo,ruah erawh a sur tawh lo thung.

‘I kal nghal dawn nge eitur ka siam dawn?” min hmuh veleh a lo ti a.

‘Vawiin chu ka chhuak lo ang’ ka ti nghut.Kawngkhar atangin kawt zawl lam ka thlir vung vung.Nizan ruah sur leh thli thaw vangin hnahthel an tla nuaiha,Motor chungah a then an bet bawk.

‘I nuam lo mi?” Buati’n min tih thawmah ka hawi leta.

‘Nuam e.Ka tha.I duh chuan chawl la,ka lo inngaihtuah mai ang’ ka ti leh sup.Inah Tluangpuii a awm ve tih a hriat ka duh lo bur.

‘Chawlh angai chuang hleinem’ a ti a,a thiltih lai a tihzawm mawlh mawlh.

‘Inah keimahin hna ka thawk dawna,chuvang zawk ania.I lo kal hmain ka rawn hrilh ang che ka tia,ka lo theihnghilh a’ ka ti leh a.

‘Anih chuan chawhnu lamah tihtur ka nei thoa.A tha phian ang’ phur hmel fein a ti a.Ka then suk.

‘Engmah siam duh suh,ka lo insiam mai ang’

‘Um..Ka ti zo law law anga,ka kal dawn nia,thingpui ka lo siam ang che’ a ti leh a.Hnial ka tum zeta,mahse ka but a nghut. Nizan khan engmah ka ei ta lo kha ania,ka riltam em ka hre lo nangin ka pum a ruak lutuk.Engemaw tal ka ei loh chuan ka pum chhe lutuk hian buaina min thlen leh ngei ngei dawn tih ka chiang.

Buati kal hnuah Lalnuna ka calla,ka tlawh dawn lo tih ka hrilha,pawimawh a awm chuan min call mai turin ka ti a.Julie ka call a,ka hrilh nghal bawk.Nitin ka kal thina,hna pending awm ka ngaithei hek lo.Mi thenkhat anga mahni eizawnna hlamchhiaha nawmchen ka ti nghai hek lo.Sammyte tlakchhiatna chhan pawh kha an eizawn naah an mahni kal mumal loin an Staffte kutah thil an dah hnem lutuka,fel em em mah se a neitu ang tak tak rilru an pu thei lo.Khatiang thil kha ka chungah thlentir ka tum lo bur,kha leh chen ka thawhrimna zawng zawng kha athlawna kal raltir ka tum hek lo.

Inchungah ka chho a,dimtein kawngkhar ka hawnga,a lo la muhil bam.Tiang em em a mut mamawh chu engtak ti thin ang maw? Zankhuain hna a thawk ti dawn ila kan ramah hian tlaivar thaka thawhtur hna a awm lo,a lo awm anih pawhin chhiar tham lek a ni ang.A inzuar ti dawn ila Mipa aiin hmeichhia a duh zawk lawi.Ka lu ka thing nawk,tunah chuan hriatchhuah loh ka duh zawk.

Bathrooma kan thawmhnaw ka dah ka lachhuaka,inhnuai lam Bathroomah ka pawm luta.Machineah ka thuna,ka nuaitir nghal vek..A nuai chhungin eitur siam tumin kitchenah ka luta.A harh hunah amah tichak thei eng emaw a mamawh ang.Fridge ka hawnga,Arsa ka lachhuaka,sin te tein ka chana,ka chhuan er hnuah buh tlem ka telh bawk.A hmin dawnah Purun hnah leh Tomato ka thlak leh a.A rimin ka ril a ti tam rawih rawih thei.Phaia keimah chauha ka khawsak lai khan ka siam thina,min tichak in ka hre tlat bawk.

Insuk zar tumin ka lachhuaka.A panty leh Bra ka en a,ka nuichhuak hawk.Ka laka a tihte kha chu engpawh nise tunah ka nuna la thleng ngai lo,hmeichhe Bra leh Panty ka su leh ta chu ania..Ka nui leh hawk..

‘Zar duh suh..’ ka hnung lam atangin a rawn ti a.Ka Inher vut.Bathroom kawngka bulah Tluangpuii a lo ding reng tawh.A hmai dang lap kha a awm tawh lo,ka hmuh hnuhnun ber ai khan a sam a sei leh deuh tawha,a mutna lamah a delh pawr deuha,mahse a inhmeh mah zawk.Chau hmel a pu tawh lo..

‘I tho thei maw?” ka ti sup.

‘Um..Kha kha zar duh suh’ tih pahin ka ke bula Balbawm a kawk zauh.

‘A ho lutuk…’ tih pahin ka lakang nghal vut.

‘Aih,ka lo ti ang’ min rawn pawhthlaksak a tum a.Ka ngaihtuahna ka thlak ta zawk.Engmah sawi loin ka pe a,ka bialnu emaw a bialpa pawh ka ni lo va.Atan a nuam lo pawh a ni ang.Bakah ka suk sak tawha,abak chu ti ve mai zawk tak tehse.

‘I zar zawhah thil i ei dawn nia’ ka ti hmuk.Min chhan hmain ka kalsan nghal daih bawk.

Kitchena a rawn luh laiin thil ka lo ei mawlh mawlh tawh,ka hawichhuaka,ka melh zawk.

‘Thu rawh’ ka ti leh sup.Nizan khan ka lo khawngaih pawh a ni thei,mahse tunah chuan a harh tha tawha,ka khawngaih a tul lo tawp tih ka chiang.

Min ep zawnga Chair awm a pawtchhuaka, a thu thlaa.Ngaihven lo niawm takin ka thil ei lai ka ei zawm lehnghal mawlh mawlh.Ka mitsirin a thei ei ka en a,mak ka ti lo thei lo.Ni tamtak chawei tawh lo ang chiahin a hma a awm apiang a ei liam duak duak a ni ber.

Ka en reng tih hria niawm takin a rawn hawichhuaka,inthiam lo niawm takin a hmai a sen tawn tawn bawk.

‘I siam tui hle mai’ a ti nghal sap.

‘A lawmawm,ei leh rawh’ bung zetin ka ti leh nghut.

‘Aih,ka ei leh chuan ka pum a keh mai ang’ a nui sak.A nui hmel a la ngai reng tih ka lo ngaihtuah leh hman pek.Hahthlak hian a.

A tho a,a thil eina a seng a.Ka thochhuak ve nghal bawk.Kan thil eina a tifai a,ka khap duh lo.Ka khawngaih tih a hriat ka duh hek lo.Nakina min nuihsawh zui lehna tur engmah ka duh lo bur.Nizan kha chuan a harh chiang lo a.Engmah a hriat loh ka beisei ve ngawt.

‘Ka tibuai hle mai che’ a ti sap.Ka melh zawka,bet lo zetin Sofaah a thu a,a hmelah nuam lo tihna a lang chiang viau.Mahse, lemchan bawk bak a ni lo ang tih ka chiang.

‘I rin aiin ka fel tihna anih hmel’ ka ti hmuk.Ka tawng riah hmuhsitna alang chiang ngang mai bawk.

‘Aih,chutiang lam ka sawi tum a ni lo..Eng lo,ih..’ ka ban ka vai zauh.

‘Sawi duh suh,min ngaihdan ka hre hnem tawk tawh ania’ ka ti leh hluk.

‘Um,nia..Anih chuan kal mai ka duha,pawi ka tih rualin ka lawm takzet’ a ti leh sap.

‘A tha lawm’ ka ti sup ringawt.A tho a,inchung lam panna Step a pana,Ka Boxer a hak chu a khup a thleng trep a,a kawr hak lah a lian lu hrat bawk.A chawn lang chin ka en a,a var satliah lo.A no nalh lutuk a ni tawp mai,nizan khan engkim ka hmu vek.A hnute nalh zia lah kha sawi ngaihna a awm lo.Mahse,nizan kha chuan tuna ka ngaihtuah ang hi pakhatmah ka ngaihtuah lo hrim hrim.

‘Tu nge i hlauh?” ka ti leh sup.A rawn hawi vat.

‘Eng maw?” a ti sap.A hriat loh tak tak vanga min zawt a ang lo.

‘Tu lakah mah ven i ngai lo tih i sawi tho nangin,nizan khan hlauh nei i ang” ka ti leh hmuk.

‘Aih,hlau lo..’

‘Ok..Ka hre sual anih chu..’

‘Nia,engtin nge hetah ka lo awm ngawt pawh ka hre lo,kan thianhoin kan chhuaka..’

‘Sawi duh suh,hriat ka chak lem lo ania’

‘Sorry’ a ti sap.

‘Engmah i tisual lo,bakah dawt nge thutak tih pawh hriat loh ngaihthlak hi ka ning,chuan i nau lehzel dawt hrilh suh’ ka ti leh duah.Mak tih hmel zetin a mengphar deuh ak mai.

‘Ni lo…’

‘Sawi duh suh,thurawn satliah anih kha’ ka ti leh nghut.Min chhan tum niawm takin a ang ziaua,mahse a chip leh hmak.A bu ta nghat.A inhera,Stepah a pen chho a,ka ngaihtuahna a vir zawk.

‘I thawmhnaw hak lai kha Dust-binah i paih dawn nia’ ka ti chhuak hmuk.Ka tawng thawm hriaiin ading chat,muangchangin a rawn hawileta,a mimtmeng lian leh nalh zetah chuan ka hriatthiam si loh thil engemaw alang zawk.Mahse, a bo leh vat.Na tuar a ang phian bawk.Teuh lo,engmah hian a tina thei hlek lo vang.

‘Ka hre thiam che,mahse..Eng natna tha lo mah ka vei lo’ a sawi zawh rualin a hmui a pet fan bawk.Ka ti mah mah em tih ka ngaihtuaha,mahse ka laka a thiltih ngaihtuah chuan engtham mah a ni lo.

‘Natna enge i neih ka ngaihven lo,I thawmhnaw hak hnu kha ka duh lo mai zawk’ ka ti leh hluk.A bu nghat.

‘Ka hria alawm’

‘Eng maw i hriat?”

‘Min ten tih mawle..Englai pawhin..’ insum hman lo niawm takin a insut hraih.A hawilet nghal vat bawk.’Lemchanna’ tih ka rilruah a lo lang nghal zat.

‘Ka laka i thiltih zawng zawng ka hriat hma kha chuan ten nang..Atthlak zetin ka lo duh hman che mawle’ ka sawi zawh rualin ka nui nghal hawk bawk,mahse eng vanga nui nge ka nih ka hre lo.

‘Min duh anih chuan min hre chiang tur i ni asin’ ka beisei loh lutuk a sawi takah chuan ka nuihzatna a bo nghal hmak.Ruata thilsawi ka bengah a rawn  ri nawn nghal zat bawk.

‘I sawi dik,ka duhna che avanga ka mit a lo del kha ka thiam loh tih ka pawm thlap..’ ka ngaihtuahna nen inpersan zetin ka ti hmuk.

‘Ni lo,kei chuan na i tihte,buaina i neih chang te khan,sawi lo mah la ka hre thei thin asin,mahse nang chuan ka chhungril hriat tumin min zir ngai lo’ a ti leh duah.Ka beisei loh lam bawk.Mahse, a sawi dik tih ka hai lo.Kan inkawp chhung khan ka Mood awmdan a hre chiang em em a,hnaah Problem ka neih changte leh ka damthat loh deuh pawn min hmu miah lo mah se, Phone a kan inbiak in ka awah enge danglam a hre thei ziah anih kha.

‘Ka pawm e.Mahse, I chanchin tenawm zet ka lo hre chiang lo hi vannei ka inti’ ka ti leh hmuk.A ner sawk thung.

‘Nia,ka tenawm..Enge i hriat belh chu ka hre lo nangin Lesbian ka ni tih an hrilh tawh che ka ring a’ muang fan raihin a ti leh a.Ka tek sawk.Mi hnen atanga hriat khan min thawng na lutuk,mahse ama hnen atanga hriat hian min la thawng na zawk cheu!!

‘Ka tenawm asin,nakinah phei chuan hei aia nasa zawk i la hre leh ang.Mahse, chumi i hriat hunah chuan i hmuh phakah ka awm tawh lo vang.I bialnu hlui ka lo nih avangin i zak leh tawh ngai lo bawk ang’ a ti dam thlap.A sawi dan chuan ka hriatthiam si lohin min fan raih raih.A aw a dam thlapa,thinrimna engmah a lang hek lo.

‘Chu hun chu a lo thlen thuai ka beisei takzet’ ngeiawm zetin ka ti leh sup.Ka then lui suk bawk.

‘I nghak rei tawh lo vang,chuan ka lawmpui che.I nunah hmeichhe tha leh Smart,I milpui i tawn avangin.I hlim ngei ka beisei pui che,Chuan,nizan vang khan ka lawm takzet bawk ania’ thutak zetin a ti leh a.A sawi zawh rualin a nui var var.A hmelah hmuhsitna emaw vertherna engmah hmuhtur a awm lo.

‘Ka lawm e…’ ka ti sup.Engvanga lawmthu hrilh ngawt nge ka nih ka inhre lo,mahse tihnat chakna ka neih kha a bo rih tlat.

A rawn chhuk lehin ka thutna ngaiah ka lo la thu a,nizana a thawmhnaw hak a ha a.Ka thawmhnaw a hak,paih tura ka tih kha a zakzeh bawk.

‘Zan a ni lo chungin Mangtha le,kan inhmu leh tawh dawn si lo va’ a nui leh sak.Ka bu nghut ringawt,sawitur hlawl ka hre lo.Tun lawka thil thleng kha ‘Lemchan’ tiin ka inhrilh nawna,mahse ka chhungril hian a tak niin a hre lawi si..Engmah ka hre thiam lo.

‘Sangkim’ ka darah min rawn khawiha,ka phu zawk.Ka hawichhuaka,ka dawhkan bulah Ruata a lo ding reng tawh.

‘I lo kal alaw?” ka ti sup.

‘Anih hi,I va han ngaihtuah muk em em ve’ a ti a.Mak tih hmel zetin min en reng bawk.

‘Nia,hna mawle.Thu la’ pangngai thei ang berin ka ti sup.A kalsawna,Ka hmaa Chairah a thu thla hnawk.Vei lianpui nei a ang viau bawk.

‘Ice tea i duh em? ”

‘Aih,min zawt dawn anih rau rau chuan Zu ka duh’

‘Akhai,chhun a zu in te chu a’ ka ti hluk.

‘Ka mamawh miau alawm le’ a ti hluk.

‘Enge buaina awma?”

‘Dingpuii a rai’

‘Enga?” ka ti nghek.

‘A rai…Mahse, keimah ka ni lo’ ka tum loh lutukin ka nuichhuak hawk.

‘Enge nuihzatthlak awm a?” a ti hlur mai.

‘Sorry….A awm ang lo lutuk a’ ka ti sup.Dingpuii laka a luanliam zia ka hria.A ke a fawp lo chauh a ni ber.

‘Nia,a awm lo’ a ti leh chiam.

‘Ka hrethiam che,intur i duh chuan en la…A awm nual ang’ ka tita zawk.Rui chhum hmawk se a tha ber ang.

Ka rin ang ngeiin a chatthla chiang viau,ka dem hran lo,Hmeichhia vanga na thei lo ni a inngai hi ka naa,ka luhlulna hian mualpho lo turin min chelh hram hram a ni zawk.

Haw ka tum laiin Pu Dama’n min rawn Calla,tunhnaiah kan inbe khat angreng.Ka nuna Tluangpuii a tel ve tak loh hnu hian kan inringtawn tha leh ti ila a dik mah zawk ang.

‘Hello…’ ka ti sup.

‘Hmana ka hrilh che kha a dik anih hmel hle mai’ a rawn ti a.A sawi tum ka man lo.

‘Eng thil berah khan nge?” ka ti liam puat.

‘Tun kartir khan he lamah hian Hmeichhe nalh zet a rawn che tlaa’

‘Chuan..?” ka ti leh sup.A sawi tum ka la man chuang lo.

‘Kan kawng chu a dal hauh lo nangin kan Partner lianber hi a rawn bel ve a’ a ti leh charh.

‘Kan chan tihna a ni em?”

‘Aih,chan lo.Mahse, a rei deuh chuan kan chan maithei’

‘Ok..Tu nge anih a?” ka ti hluk.

‘Tu nge anih i rin?” a ti leh a.Thil sawikual chiam a chin ngai loh nen tun tum chu amah a ang lo tlat.

‘Rindan ka nei lo…’ ka ti mawl tawp.

‘Um..Nia,rindan neih a harsa…A nalha,a thluak a tha bawka.Kan Partner lianber hian Hmeichhe hmeltha a hnar thei lo tih i hriat kha ’ a ti leh dap dap.A sawi dik,mahse a sawi kual vel dan ka ning lek leka,Ruata lam ka hawia,mumal nei lo zetin a mu thal der.

‘Nakinah ka lo bia ang che, ka haw dawn meka’ ka ti ta nge nge.

‘Ngai chuang lo..Amah chu i hre duh em?”

‘Duh chuang lo,min tihchhiat rih loh chuan…’

‘Hria la a that ka ring,kan dang lo anih chuan min tichhe thuai thei dawn bawka..A hming kha enge kha aw? Eee,ka hre leh si..ZOTLUANGPUII  an ti tak.’ Tluangpui’ tiin an ko a’ ka pai deuh nawk thei..

Chapter- 18

‘Tu maw?” ka tum aiin ka au ring lam hret.Mahse, min thawng lutuk.Ka in controlna ka hloh titih tho….

‘Tluangpuii.I Accountant thin kha,hmeichhe tha a ni lo.A hlauhawm takzet’ duhthawh zetin a rawn ti leh a.

‘Ka hria…Enge tih a tum ber?” ka ti leh hmuk.

‘A landanah chuan kan Business ang hi a tan ve anih hmela’

‘Um..Kan in el dawn tihna anih chu’

‘Nia,Hmeichhia mah nise elpui atan chuan ka duh lem lo viau ania,Hmeichhe ho hian eng hmanrua mah an hmang hreh der si lo va’ a rawn ti leh a.A sawi dik,kei min beih nan pawh khan Mipa duh hauh lo tu khan min mamawh der thei tlat.Ka chunga a tih ang chiah kha a ti ve leh anih vaih chuan kan chan a chau hle ang.

‘He lamah ka lo ngaihven ang,kha lam chu i kutah awm se’ ka ti leh nghut.

‘Tehreng mai,ka ti mek alawm’

‘Eng maw i tih?”

‘Ka chhuitir mek.Ama mimal nge a phenah midang an awm zawk ka hre thei thuai ang’ a rawn ti leh a.

‘A tha alawm,ama mimal anih ka ring lo’

‘Keipawh ka rindan chiah,CHOP tan anih ka ring ngawt bawka’ a rawn ti leh a.Ramdinsanga ka ngaihtuaha,CHOP nen inzawmna neiin lang mah se an inzawm pumhlum hauh lo tih ka hre ru kur.Pu Dama hian a hria em ka hre lo,mahse hrilh ka tum chuang lo.

Ka thu thla chawrh,ka ngaihtuahna tihfim tumin ka mit ka chhinga,tiang em em a ka nun chawkbuaitu hi ka la hre ngai lo.Ramdinsanga tan anih leh nih loh lam ka ngaihven lo,tu tan pawh thawk se keimah min bei a ni a,a chhan lam a pawimawh lo.Ka thaw hawk,a hmeltha leh pawisawi lo zet ka mitthlaah a lo langa,ka kut ka humruh tlat.Ka tihtur ka hria,ka laka a tihzat chiah kha ka ti let ve ang.

Ri dawt thawmah ka hawichhuak vut,Ruata mutna lam ka hawi pheia,chhuatah a lo tla chu niin.Ka tho vat,ka bag ka aka.Ruata ka kuah tho a.A rum tuah tuaha,awmze nei hlei loin zawi zetin a ban a phar kual du du bawk.

An ina dah chi niin ka hre lo,Inah ka phur haw ta zawk.Inah ka kuah luta, Buati mak ti zeta hawi phawk hra chu ka nuih lui suk.Ka thianpa a ni a, Inah a lo kal fo.Mahse, tianga rui hi chuan a la hmu ngai lo.Inchunga kuah chho loin inhnuai room awlah ka muttira,a rit bawk nen ka thaw a sa phat phat thei.

‘Engtia tih chi nge?” a ti a.

‘Engtia tih chi mah.Muhil vang vang se a tawk mai’ ka ti liam puat.

‘A inhmeh lo hle mai’ a ti leh halh.Ka chhang lo,Room lam ka pana,Sofaah ka bag ka thehthlaa,khum lam ka pana,a vang zawngin ka let thla tawp.Inchung lam ka en a,ka tihtur engkim fiah lutukin a rawn lang zut zut.

Ka sumdawn danah mi sawi ka kaia,ka hausak dan lah tawngthei nazawngin an duh duhin an sawi bawk.Mahse, tun thleng hian thilsual lian tham engmah ka la khawih lo,thil zawng zawngah erawh diktakin ka ti vek bik lo.Mahse, ka theih chin chinah erawh dan ka zawm thung.Tunah chuan ka inhumhimna turin engmah tih hreh ka nei tawh lo.Min sawi ta sa sa,an sawi ang chiahin ti mah ila engmah pawitur ka hre nek lo ve.

Tluangpuii chungchang ka hriattheih ang ang hriat tumin ka buai ta char char.Rocky leh Aruata an tangkai lehpek.Tunah Aizawlah a awm meka,mahse a hun tam zawk chu zinkual nan a hmanga,tu mah kawp bik a nei lo.A phenah tu nge awm tih an la hre thei lo thung.

‘Hello..’ ka ti sup.

‘Tunah hian a thiannu nen Restaurant pakhatah an awm meka.Midang an tel ve nangin i hmuh duh tho ka ringa’ Aruata’n a rawn ti a.Tu nge a sawi, zawh kher ngai loin ka hria.

‘Ook,Hmu duh chiang,an awmna Address min rawn thawn la’ ka ti sup.Hmuh tumin karkhat aia tam ka veh tawha,ka hun neih hmasakber hi bawhpelh ka tum lo bur.

‘Um,ka rawn thawn ang che.Thil  dangah min mamawh angem? Vawiin atan bik” a rawn ti leh a.

‘Aih,ka ring lo..’

‘Um, athat chu…Family thilah tihtur ka nei ve khanglang a lawm mawle’ a ti nang nang.Rualpawl lo leh mahni a awm melh melh nuamti zawk a ni a.A tawng danah Family thil pawh nise a phur lem lo tih a lang thei reng.

A thil min rawn thawn ka en a,ka awmna atangin minute 10 kal vel a ni a.A lo la chhuah bo hman loh ka beisei ve ngawt.Motor ai chuan Bikein ka thleng rang zawk dawn tih ka hria.Ruah a sur hmel loh bawka Bike a kal pawh a pawi lo.

Ka beisei ang ngeiin ka thlenin an lo la awma,min hnungchhawn zawngin hmeichhe pakhat nen an thu duna.Thil eitur an nghak anih hmel viau.An thutna bul chiaha Table ruak ka pan pheia,hmu lo niawm takin an mahni hnungchhawn zawngin ka thu thlaa.Ka bag ka daha,eitur ziahna Menu min pek ka keu nghal zat.Ka hmelma ang ni loin hmeichhia angin ka en dawn tih ka inhrilh nawn leha,hetiang lam hi ka ti ngai hauh lo nangin ka phur viau thung.Ani pawn min ngaizawng der thei anih chuan kei pawn ka thei chiang bal.

‘Zo-a’ ka then suk.Amah chauhin hetiang hian min ko thin.Ka hawichhuaka,ka thutna bulah a lo ding reng tawh.Hmu thut niawm takin ka mengphar awk bawk.

‘Ehe!! I dam maw?” zangkhai thei ang berin ka ti sup.A bu nghat.

‘Nang zawk?” a ti dam thlap.A incheina zawng zawng nen awihawm loh khawpin a lang nalh.

‘Dam alawm,tunlai enge i tih a?” ka ti leh a.

‘Engvak mah ka ti lo.In hna lam in tluang zel maw?” a ti leh a.

‘Tluang animai’ ka then suk.

‘Kan chhuak tawh dawna,anih phawt’ a ti leh sap.

‘Ok…Eeee,I number ngai i la hmang em?” a hmel a danglam zawk,mahse a reh lehnghal vat.

‘Aih,hmang  lo’

‘Min pe phal em?” ka ti leh a.

‘Aw,I mamawh chuan?” a ti tha ve mai.

‘Mamawh tehreng mai,mamawh loh hi i har’ ka mit ka siai zauh.

‘Lutuk a…’ a ti hlak.Mahse, thinrim hmel a pu lo.

‘Ka number i la neih chuan tah khan min lo hrilh mai la’ ka ti leh a.A bu nghat.A lo la delete em lo tih a chiang.Engvanga la delete lo nge anih erawh ka hre lo.Hriat a tulna a awm hek lo.Diktak chuan a number a thlak tih ka hre daih tawha,a number pawh ka nei fel dim diam tawh zawk.

‘Tluangpui,kal ila…’ a thutpuinu khan a rawn ti a.

‘Aw,ka lo kal…’ min rawn en a,a nui sak.

‘Anih phawt le’ a ti leh a.Chhang loin ka kut ka vai zauh thung.

An chhuah hnu feah ka chhuak ve ta chauh,Nikhatna atan chuan a chhe lem lo.Tlan pahin ka ngaihtuah leta,ka thensuk.Khatianga a bula va inlana,lem kual vel kha a finthlak loh angin lang mah se ka ti duh tlat.

’Tluangpuii Lesbian titu an awm hi mak ka ti,ka thiantha ber a ni a.Engtiklai mahin Hmeichhia a kawp ngai lo’ Zartei’n a ti anih kha.Mahse engmah thildang erawh ka zawtchhuak zo lo.Thiantha nih a tlin zia leh Tluangpuii tana a rinawm zia kha mak tak a ni ringawt.Hmeichhe danglam tak thianah a nei bawka,ani pawh kha Hmeichhe danglam a ni ve niberin ka hria.Hmeichhe mizia ni a ka lo hriat thin,thuruk an mahni pawn an vawn theih loh midang vawntir an tum tlat thin ang kha anni ve miah lo niin ka hre bawk.

Tihpalh thilthu niawm takin kan inhmu ta zauh zauh,mahse engmah tihpalh thil a ni lo.Engkim ka duh angin a thleng chat chat ti ila a dik ber.Kan inhmuh chang apiangin huatna tel miah lo niawm takin ka be satliah ngei ngei.A number ka dil kha zanah min rawn pe a,mahse ka be ngai miah lo thung.Vawilehkhata ka beih nghek chuan a lo in veng ngei ngei dawn.Mize pakhat ni loin mizawng zawng hian mize pahnih kan nei vek.Chhung lama kan rilru puthmang leh pawn lama kan lanchhuah dan pawh a dang hlak.Mahse, Tluangpuii hi chuan Mizia Pahnih ni loin hriatsen loh a nei niin ka hre thung.A chang leh a vawt raiha,Pawisak a nei lo.A changin naupangchhia ang maiin a phur theia,a chang leh tihnat awl em em a ni leh lawi bawk.A dem awm miah loh,a nun dan en hi chuan ze hran hran neih a mamawh tlat.A mize pumpui sawifiahna tha ber chu ‘A fing’ ….

‘Nizanah Amal-i te inah i kal lo tiraw?” Maria-in min ti a.

‘Um,kal leh lo…’ ka ti sup.Ka thil tihlai ka en ngur bawk.

‘Anih chuan engmah min hrilh leh si lo a’ titau aw niawm tak a hriattheih.

‘Sorry..Ruata nen kan chhuaka,kan haw khan a tlai tawh lutuka’ ka ti leh a.Pawi tihna tak tak erawh ka nei hauh lo.Tlai atangin Amal-i te ina kal loin Tluangpuii te Band ho thiltihnaah kal ka tum lawk daih tawh.

‘Um..Mahse,nidangah chuan tlai mah se min hrilh tawh tho la’ a ti leh nghat.Muangchangin ka hawichhuaka,a mitah tak ka en a.Min en ve ngar bawk.

‘Ka lo tum ang ‘ ka ti hmuk.

‘Ok..i thinrim lo tiraw?”

‘Ah,engvangin maw?” ngaihsam hmel zetin ka ti leh a.Ka hmaa Laptop lam ka en lehnghal mai.

‘Thupek i ngaina si lo a’

‘A dik,mahse thu min pe hleinem’ ka ti leh nghut.

‘Um..Nia,ka bialpa bulah ka duhdan ka hrilha,a dik lo hleinem.I kalna tur a i sawiah kal lo a,hmun dangah ka hmuh che chuan ka ringhlel ang che,chu chu ka duh loh vang ania’ a ti leh a.Chhang loin ka bu nghut.Kan inzui atangin thla thum a tling dawn tawha,ka phur viau lo nangin ka bialnu anih miau avangin ka Care thawkhat.Hmeichhe fel leh lu zo tak,chhungkaw pangngai tak atanga seilian a ni bawka,a zahpuiawm lo.Sex ka la hmanpui lo nangin ka duh chuan a harsa dawn lo tih ka hria.Mahse, ka tum lo.Ka fel ta sawt tihna ni loin ka tum lo ve tawp.

Darkar chanve a liam leh chuan Sihphir lam panin ka tlan leh hman tawh.Neihbawi Tlangah ka hmun ngaihpawimawh em em pakhat a awma.Zingah min rawn calla,engemaw buaina an nei tih min rawn hrilha.Kal ngei ngei ka duh.Thla khatah vawikhat tal ka tlawh ziah hrim hrim bawk.

Ka thlen veleh min lo lawm vat,Mipa hlang vek anni a.A thawktu pahnih bak chu ruihhlo ngai hlir anni bawk.He hmunah hian Ruata’n vawikhat min hruaia.Ka kal hmasak ber atangin ka chhungrilah kal nawn duhna a in tuh nghet nghal hmak.Addict Centre thenkhat ang  lo takin an awmna hmun hi engmah hungna a awm lo.That tum tak tak tan lo chuan luh zanah la la a chhuah lehnghal theih.Kut inthlak emaw hna inthawh luihtir lam an ti ngai lo.Ka inkhawm ngai meuh lo va,Pathian ka ring lo ni loin Kohhranah ka active lo.Mak takin helai hmuna ka kal hian Pathian ka hnaih tlatin ka hre thin thung.

Tlangchhip lamah,hmun zawl nuam leh boruak thiang nuam em em hmuna awm a ni a.Khawvel in a hmuh danah misual rual dahkhawmna hmun nimahse sualna hian hmun a chang lo niin ka hre ve tlat thin thung.Camp fee emaw an awm chhungin engmah pawisa an chawi ngai lo va.Tlanchhuak an awm erawhin an um zui ngai lo.An dintirh atanga tun thlengin chaw an la nghei em bik lo.An Camp Director hian hlawh pawh nei loin a enkawla,nupui nei loin hun pum helai hmun tan hian a pe hlawm tawp.An Centre hi Mizorama Addict centre lar pawl a ni hek lo.Mahse, ka tan chuan he hmun aia lar leh ngaihsak tlak hmun hi a awm lo ve thung.Kan thianhoin kan theih ang angin kan tanpuia,ka mimalin ka tihsak theih ang ang ka tihsak bawk.An mamawh a phuhruk zo hauh lo chungin an lawm thiam em em thina,an lawm hmel hian keimahah lawmna a thlen veng veng zel thung.

Camp Director nen an harsatna kan sawi duna,darkar khat vel lai kan titi duna,lu a hai viau mai,ka chinfel mai theih loh thil a ni a.Sum lam nise chuan ka pui thei,mahse sum lam thil a ni si lo.

Pawn lama hmeichhe aw ka hriat rualin ka hawi nghal vut,ka beisei loh lutuk ka hmuh takah chuan ka thaw nghal hawk bawk.Kekawr,a khup hnuai hret a fual a haa,lukhum parh a khuma,Converse a bun bawk.Chem a keng a,bag a ak lo thung.Kan inzui lai khan vawihnih ka hruaia,kan inthen hnuah a lo la kal zawm ta zel nge vawiin chauh a lo kal ka hre lo.

‘A lo kal thin elaw?” ka ti nghut.

‘Kal thin ti ila a lo kal zauh zauh.A fel khawp mai,kan tangkaipui ania’ chhuang taka sawi a ni tih a hriattheih.

‘Anih chu mawle’ ka ti sup ringawt.A danglam leh ta tih ka lo ngaihtuah daih thung.

‘Biakin hnung lamah khan thlai huan kan siama,Behlawi vel zamna tur mau an phun a’ a ti leh a.Ka chhang lo,ka bu liam satliah ringawt.

Kan awmna in lam an rawn pana,a kalpui nen an titi mawlh mawlh.A rawn hawia,min rawn hmu ve chiah.A ding deuh dat bawk.Kei ang bawk khan min hmuh thut vangin a hamhaih ve a ni ngei ang.

‘I va chau awm ve’ Camp directorin a ti a.A insiamrem vat,min en loin ka bula thu a en a,a nui var var.Lum a tih vang ni ngei turin a biang a tai hlar bawk.

‘Chau nang,engmah ka ti ve lo.An hnathawk ka lo thlir a’ a nui leh a.

‘Ni a saa,a hahthlak khawp ang.Thu hahdam la,thingpui kan laktir ange’ tih pahin a tho a.’In leh ang aw’ min rawn en pahin a ti leh a.Ka bu leh ringawt.A chhuak zui nghal chu animai.

Ka thutna lo lamah a thu thla hnaka,a lukhum a la thlaa,a inzap nghal lauh lauh bawk.Ka mit ka lasawn hleithei lo.

‘I lo kal dawn tih ka lo hre lo va’ a ti nghauh.

‘Kei pawh ‘ ka ti bung vut.Amah ka lem derna boruak a bo nghal duak bawk.

‘I kal satliah mai mai nge?” amah bawkin a ti leh a.

‘Ni chiah lo,thil sawi lawktur kan nei a.Enge i tih zawk?” ka pangngai leh ta deuh.

‘Ka kal mai mai,hunawl han hnawhkhah nan a nuam em a’ a ti leh a.A nui leh sak.Za lo zetin ka then ve suk ringawt.Sawi leh maitur hre loin kan ngawi dun ta reng,ka sawifiah thiam si lohin kan boruak a rit tlat bawk.

Thingpui an rawn daha,kan pahnih kan nih tak loh hnuah erawh a tawng siam siama,a titi danah a kal ngun thawkhata,thil tamzawk a hriatpui tih a chiang reng.

‘Sangkim,I rualin Tluangpuii hi haw mai se a tha tak ang.Tiraw?”  Tluangpuii a en a.

‘Aih,ngai lo.Min lo hruaitur ka chah tawh lawm’ rang zetin a ti vat.

‘Lo kal angai lo tih hrilh leh mai rawh,ka haw dawn tho’ ka ti nghut.Min rawn melh zawka,min hnial tum niawm takin a ang ziaua,mahse a chip leh hmak.A bu ta nghat zawk.

‘Maria-i a tha em?” reife kan tlan hnuah a ti chhuak sap.Ka melh zawka,pawn lam a lo hawi daih thung.A sam chhawlleng thliin a chhem leng dar dar bawk.

‘Um,tha..’ ka ti sup.

‘Engtikah nge in inneih dawn?” a ti leh sap.

‘Neih ka tum hleinem’ ka ti nghut.

‘Maw?” a awah mak tihna alang thei.

‘Neih ka tum rih lo’ ka ti leh sup.

‘Um..Mahse, nupui neih i hun tawh ka ti’ a ti leh a.Ka melh leh zawka,min lo en reng chu niin,rang zetin a hawisawn nghal vat.

‘Nangin engtikah nge neih i tum?”

‘Ka nei tep tawh’

‘Mipa nge Hmeichhia?” ka insum hman lo,Zartei khan Lesbian a ni lo tih sawi eng ang mah se ka theihnghilh thei chuang lo.

‘Tu zawk nge i rin?”

‘Ka nei dawn lo che anih rau rau chuan Hmeichhia nei rawh’ ka ti leh hmuk.

‘Ngati maw?’

‘Mipa dang in an neih che ka phal lo pawh a ni mahna’ ka ti leh nghut.

‘Uang peih bawk sia’ a ti hlak.

‘Uang nang,khati khawpa min tina chung khan hei ka um duan duan che anih hi’ ka ti leh sup.

‘Lawm hle tur ka nih chu a,nang meuhin min han umzui ania’ a ti salh.A awah tih elna alang chiang ngang mai bawk.

‘I lawm chuang si lo a’ a tih elna ka haider hmiah.

‘Um,lawm lem lo.I hriat kha,mipa ni loin Hmeichhia ka duh zawka’ a ti leh hmak.

‘Ngatinge i nih lohna anga lan i tum tlat le?” ka ti hul huk.

‘Enge i sawi awmzia?”

‘Lesbian anga lan talh i tum hi mawle’ ka ti leh nghut.A thaw hak ri ka hrethei.

‘I ngaihdan dan le,nang aiin ka inhrechiang alawm..Chuan,I bialnu hian min lawm vak lo tih ka hria ania.Chu vangin min hnaih i tum hi bansan rawh’ a ti leha,a aw a vawt raih.

‘Min vau tihna mi?”

‘Ah,vau nang…Mipa duh miah si lo hi mi inngaizawng kara tlazep anga lan ka duh lo bur’ a ti leh hmak.Engvanga Lesbian nih duh em em nge maw anih hrep ni? Ka hriat loh hlau niawm takin a sawi nawn sek zui lehnghal.Hrep tak hian a..

‘Saw laiah sawn ka lo chhuk ang’ an veng kan thlen hmain a ti a.Mak ti zetin ka en vat.

‘Hetah hian maw?”

‘Aw…Kal kawina tur ka neia’

Hnial loin a chhuk duhna lai a sawiah ka drop a.A chhuk fel chiah tihin chak zetin ka tlanchhuak zui nghal daih bawk.A duh duh chu timai mai tehse.

Lalnuna nen thil kan sawi dun mawlh mawlh laiin Pu Dama’n min rawn calla.Lalnuna a kalsawna,a chhuah hnuah ka Phone ka pick ta chauh.

‘Aw…’  Hello pawh ti loin ka ti sup.

‘Ka hre chiang tawh e’ a rawn ti mawl tawp.

‘Eng kha?” ka ti ve thung.

‘Ama puala ti anih ka ring lo ka tih kha,a lo ni lo tak tak.Mahse, CHOP tan pawh a ni chuang lo,Ramdinsanga mimal tan a ni a.He pa hian min umzui ngat ngat mai chu anih hi’ a rawn ti leh duah.Ka lo hriat lawksa anih avangin min thawng lem lo.Ni thum kalta khan engkim felfai thlapin Aruata hnen atangin ka dawng tawh.

‘Min umzui zel rawhse,kan inbei dawn tihna ania,a phur awm ngawt ang’ ka ti hmuk.

‘Takzet…’

‘Um,hetiang taka in um chu a hlimawm alawm’ ka ti leh sup.

‘Um,nang berin i tih te chuan.Mahse, thil pakhat,he Hmeichhia hi i bialnu hlui anih avangin ka dim dawn hlek lo ania.A sulhnu chhui hleihtheih lohin a chul mam zel bawk si’ a rawn ti leha.A ti duh tak tak ang tih ka chiang.

‘Ka hrethiam che,mahse ka kutah dah rawh.Ba rulhtur a nei’

‘Ka ring ngam dawn che em?”

‘I rin a that zawk ka ring’ ka ti leh hmuk.

Rocky-an min rawn biaa,dawrah ka awm leh awm loh min rawn zawta,ka awm thu ka hrilha,kan dawr thlang lawkah mi an hmu a lo ni a.Leng turin ka sawma,ka beisei vak lo nangin a ‘aw ‘ ve mai bawk.

‘A va tui reuh ve’ tih pahin a plate a nawrsawna.

‘A zia reuh lutuk,Pulau an siam thiam phian bawka.College kal lai a ngaihawm rum rum mai’ ka nui a.A nui ve hak hak.College kal lai eng eng emaw kan sawia,kan nui kan nui a,a hlimawm phian.

A kaltur pawnah ka thlaha,Bikeah a lawna,a tlan mai dawn emaw ka tih laiin a helmet a phelh leh rih.

‘Sawi tul a ni em ka hre lo nangin thil hrilh che ka duh’ thutak zetin a ti a.

‘Sawi tul lo anih chuan sawi lo mai la’ ka then suk.A then ve nak bawk.

‘Tunlai hian chhaklam atanga Gold tawlhruk a awm tih report kan dawnga’

‘Chuan…’ ka lo ti hmanhmawh,fimkhur zetin a hawikual te te.

‘Hmeichhe pakhat rinhlelh a ni a’ a ti leh a.Ka rilruah Tluangpuii a lo lang nghal zawk.Mahse,ani kha chuan kei ang bawkin Sumdawnna dang,Ramdinsanga tan a bei anih kha.

‘Ka tan a pawimawh em?” ka ti nghut.

‘Pawimawh chiah lo maitheia pawimawh thei bawk,Tluangpuii a ni tlat peka’ a sawi zawi hle nangin ka bengah chuan a ri ring ngang mai thung.

‘A va mak awm ve’ pangngai thei ang berin ka ti chhuak sup.

‘Nia,amak khawp mai..Mahse, mak tih dang ka nei tlat.Heng zawng zawng phenah hian awm an awma,chu chuan Tluangpuii hi a duh lo chung a nawr kal niin a lang,ka chhui nasa tawh viaua,ka la hmu lo nangin ka hmuh ka ring..’ a ti leh duah.Hmanah Aruata’n min hrilh tawh,mahse amah Tluangpuii ngeiin Aruata bum kual nan khatiang zawng khan an lantir tih a sawi vek.Engmah a ni lo,mahse engtin nge Rocky lehzel a bum kual theih ni?!!

‘Bansan daih rawh,a hahthlak mai mai’ ka nuia,ka ngaihtuahna tilang lo turin ka fimkhur viau bawk.

‘Adik alawm,mahse he hmeichhia hi hriatchian ka duh ta tlat tawh.Kan rindan lo ang tak hian a khawngaihthlak viau thei tlat’ a ti leh a.

‘I thinrim ka hlauh avangin engmah ka hrilh ta lo che a,hman deuh khan min rawn hmu a.A chanchin engpawh hria ila nangmah hrilh lo tur chein min rawn ngena,a tap bawka…In inthen tawh tho nangin a Hmangaih hle che niin ka hmu,mahse tunah chuan a tawp vek tawha,ka sawi mai mai anih chu’ a ti leh a.Chhang loin ka bu satliah ringawt.Min hmangaih hauh lo ang,ani khan Hmangaihna awmzia engmah a hre lo ang tih ka chiang lutuk tlat.

‘I lo kal dawn tawh em?” Phone ka pick veleh Maria-in a rawn ti a.

‘Um,kal tep.I hman tawh mi?”

‘Aw,ka hman tawh.Hmanhmawh duh suh,Amal-i pawh ala hman lo’ a rawn ti leh lang lang.

‘Ok,ka rei lo vang’

Ka phone khumah ka thehthlaa,ka Paper chap hnawk nuaih ka lakanga,ka thil zawn lai ka zawn chhunzawm leh nghal mawlh mawlh.Vawiin hi Maria-i Cousin,Mary Birthday a ni a.An cousin ho leh thiantha zualin picnic paha lawm an tuma.Ka hnial dawn uka,mahse engmah hna hmanhmawhthlak ka nei lova,min sawm uluk bawk nen,ka hlau hauh lo nangin  Maria-i tih thinrim emaw a lungawilohna thlen tura chhuanlam siam ai chuan kal mai a tha zawk.

Maria-i ka lam a,Amal-i kan lam leh a.Kan thlenin an lo awm nual tawh.Maria-i Cousin te ka hre nual tawha,mahse ka la hriat loh leh ka vawikhat hmuhna an awm nawk tho.Chhungkaw hung leh lian zet anni bawka,ka inthiam lo lem lo.

Eng eng emaw infiamna an ti a,ka beisei aiin nuam ka tita phian.Darkar khat vel zet Poola ka awm hnuah ka chhuaka,pawna thut mutnaah ka mu a,ka mit ka chhing vang vang bawk.

‘I cheng peih tawh lo mi?” ka thutna a chet dat rualin Maria-i awin a rawn ti a.Ka mengchhuak vat.

‘Um,nang pawh ngatinge ilo chhuaha?” ka ti sup.A rawn mu ve a,a mal var leh mum malh zetin min rawn khan titih.

‘I chhuak daih sia,I ril a tam em?” a ti leh a.Ka dulah a kut a rawn daha,zei zetin a rin kual zai zai bawk.

‘Aih,tam lo…Ka mut a chhuak’ ka nui a.

‘Muhil daih la,ka va cheng ve leh lawk ang’ a ti a.A thuchhuak zui zat,ka tho ve a.

‘Ka lo han inbual ang’

‘Ok..Roomah khan a mut theih ka ring’ a ti leh a.Kan picnicna hmun hi man neia hawhtura siam ni loin Mary te chhungkaw ta a ni a.An chhungkaw ho bakin an hmang ngai lo.Swimming Pool pawh lian tak a ni lem lo.

In ka pana,Inhnuai lam Bathroomah awm an lo awma.Inchung zawk ka pan chho a,a lo reh thap.In pangngai anga chei a ni a,Room pahnih a awma,Bathroom pakhat an intawm thung.Room chhung atanga kal theih ve vein an siama.Inkawm khawmna hmun,zimte a awm tel bawk.

Roomah ka luta, khum lian vak lo a lo awm.Chhuatah ka  bag ka dah a.Towel ka kenga,inbual vat ka duh.Ka lu a na deuh bawk nen haw mai ka duh rum rum bawk.Bathroom kawngkhar ka nem hawnga,mahse ka ding leh chawt.A rawn hawi ve vat bawk.A lo kal ve tih reng reng ka hre lo.

‘Nang maw?” ka ti sup.

‘Nang…..’ a ti ve sap.

Panty nen chauh a dinga, a sam a huh pial than mai.Hrechhuak thut niawm takin a hnute a hup vat.Mahse, a hnute hmur bial karh leh a hnute kawh lah ka hmu hman vek tho.

‘Chhuak rawh…’ a aw a khur titih.A sawi hre lo ang hmakin kawngkhar ka khara,ka kalh nghal hmak.

‘Enge tih i tum a?” a ti leh that.

‘Shh…Au vak suh,miin an hriat chuan kei ni loin nangmah zawk ania an dem dawn’ ka ti sup.A ner nawk..Bang nghengin a ding zum zat mai.

‘Khawngaihin chhuak rawh’ a ti leh a.In control a tum hle nangin a aw a khur tih ka hre tho.

‘Aih….’

‘Enge i hriat a?”

‘Engmah…’

‘Pawnah khuan i bialnu a awm a…’ a ti leh a.

‘Ka hria…’ ka ti sup.

‘Anih chuan chhuak rawh,I hmuh angin ka inbuala..Chuan,nang ang bawkin ka bialnu a awm ve tho bawka’ a ti leh salh.Engvangin nge Lesbian anga nun a tum tlat hi ka hre thiam lo.

‘Takzet..A phurawm hle mai’ ka ti nghut.Ka pan hnai nghal zat ,ka pan hnaih rualin a tawlhhnung ve thung.Mahse,tlanchhiatna turin Bathroom a zim lutuk tlat.

‘Ding rawh’ a ti leh that.Ka nui suk ringawt,ka hnaih leh sauh.Room lehlam atanga rawn luhna kawngkhar a  melh zauh,a tum ka hria.Ka che rang hret bawk,Kawngkhar ka thlen khalha.Ka ngheng nghal hmak.Chhuat nal  bawk nen a tawlh deuh zawka,min rawn nek rawka,a kawngah ka kuaha.Min si chetin ka pawt bet nghal hmak.

‘Ni lo….’ Ka awmah a rawn nem nghek.A chak zia chu puitak a ni ringawt.Mahse kan inlenhleih lutuk,eng ang pawn tang se min hneh ngaihna a awm lo.

Ka pawmkang nawlha,Bangah ka nawr bet nghal hmiah.Tap ka bana,ka on a.Shower ka on lehnghal zat.Ka samah a rawn thama,a la tham nghet phian zui bawk.

‘Min thlah rawh,hetiang i ti thei lo’ a aw a khur dar dar..A sawi hre lo ang hmakin a kut ka laksawn saka,chunglamah ka nawr tawm chho a,min rawn tlawha,a mal ka nawr bet leh hmiah.Ka kun hniama,a hnute hmur bial nalh zet ka en a,ka hmuam nghal chat.A rum haka,a mar nghal awk bawk.

‘Ni lo…’ a ti tham leh tiak,mahse ka thiltih ka chawlhsan chuang lo,chakna avangin ka lum pup pupa,engmah ka ngaihtuah thei lo.Hetiang khawpa phurna hi ka nunah ka la tawng ngai lo.Ka kut lehlamin a kut ka nembeta,lehlamin a Panty zen ka tuma,a mawng a ti che kual zel,mahse ka beidawng duh lo..Reife hnuah ka pawt kau thei ta hram,dim zeta a point ka khawihsak takah chuan a che a tawp hmak..Min rawn  ngheng titih,a inthlahdul tih ka hrethiam nghal vat.

A kut ka vawn behna ka lasawna,a ban a dah zawi thla hnak thung.Ka kut ka lachhuaka,a hnute kawh lah ka hup leha,a hmur ka chep hrual nghal zat.A khabeah ka dawma,min en thei turin ka kuai daka,mahse a mit a chhing tlat thung.Ka kut lehlamin a Panty ka zen leha,min hnial lo,muangchangin ka ti chea,a rum haka,min rawn kuaha,ka hnung a tham nghal nghek bawk.Kan inzui chhung khan tiang khawpa inhnaih hian kan la awm ngai lo.

‘Min en rawh…’ ka ti sup.Muangchangin a rawn mengchhuaka,a mitmeng lian nalh zetah chuan chakna niawm tak alanga,a meng phi deuh riai bawk.Ka kut ka ti che leha,a hmui a peta,ka kut a rawn vuan vat.

‘Tawp tawh rawh..’ a ti leh sap.

‘Min la duh em? Tlem talin’

‘Maw?” mak tihna a hmelah a lang thei.

‘Rocky hnenah i chanchin engmah sawi lo turin i ngen tih ka hria,engvang nge?” ka ti leh a.A mit a khap sak sak.

‘Keimah vanga na i tawrh ka duh lo’ min chhang dawn lo emaw ka tih hnuah a ti sap.

‘Min tih nat theih i lo inring amaw?” ka nui hawk bawk.

‘Aih,ka tihnat phak i ni lo..Mahse, keimah leh keimah ka inti naa’ a mittui a rawn tla a,a insut nghal hraih bawk.Rocky thilsawi ka bengah a rawn ri nawn nghal zat.’ A hmangaih che niin ka hmu’ a ti anih kha.

‘I na a maw?” ka ti sup.

‘Aw..I hmu thei lo tihna mi?” a tah aw tiau mai.

‘Ni lo,chutiang engmah hmuhtur a awm lo’

‘Min hre chiang ngai lo ka tih kha’ a ti leh sep..Ni e, kei hian ka hrechiang ngai lo.

‘Ka bulah awm la,ka hriatchian theih nan che’

‘A theih tawh loh tih i hria alawm’a ti leh a,a aw a zawi hle bawk.

‘Theih,ka bulah i awm dawn phawt chuan a hmaa mi kha chu ka theihnghilh vek ang’ ka ti leh sup.Engvanga sawi nge ka nih ka inhre lehpek tawh lo.Infiamna atan ka sawi mai mai nge ka chhungrila amah ka mamawhna zawkin min sawitir ka hre lo.

‘Maria-i….’

‘Ka kalsan thei…’

‘Mahse, kei hi Les….’

A sawi zawh hmain a hmui ka kharsak hmak.Vawiin atang hian tu pawhin Lesbian anih thu min hrilh leh mah se ka awih leh tawh ngai dawn lo tih ka hming ka hriatchian tluk zetin ka hre chiang tawh.Chu aia ka hriatchian zawk pakhat ala awm cheu bawk….

Chapter- 19

Ka hawichhuaka,a hmui ka kut zungpuiin ka tuaia,hamhaih ni awm takin a ding zum zat thung.

‘Min en teh’ ka ti sup.Min rawn en a,mahse hmun dang a melh lehnghal vat.

‘Vawikhat mah Lesbian angin insawi tawh suh ang che’ ka ti sup.

‘Mahse…’

‘Shh….’ Ka ti leh sup.A tawng hmain a hmui ka kharsak leh hmak,eng vangin nge Lesbian anga lan a tum ka hre lo,hriat pawh ka duh hek lo.A ni lo tih ka chianga,ka duh tawk.A hmui hnuai lam ka liak kuala,a chik deuh that.Mahse min chhang let chuang loin a din ngaiin a ding mawl tawp thung.

A sam a bengah ka zehsaka,a hmai sen tan chu ka en a.A duhawm hluah hluah,min en let ve ngam lo niawm takin ka awm zawn a en ngar thung.Ka kutzungpuiin a hmui ka tuai leha,a thaw nghal hak.

‘A dik miah lo’ a ti chhuak nghal sap bawk.

‘Engmaw dik lo?”

‘A vai hian,tiang hi thleng tur a ni lo’ a ti leh sep.

‘Avai hian a dik vek zawk’ ka ti sup.A khabeah ka vuana,min en thei turin ka kuai daka,a mithmul er nalh zet leh a mitmeng lian kel kawl chu a inhmeh takzet. Tap a melh zauha,ka bana.Ka Off a,Shower erawh ka Off chuang lo.Pawn lam atangin kan tawng an hre thei em ka hre tlat lo.

‘Min tihchhiat tumin i beia,chuvangin keipawn ka rin thinna che ka hloh ve tawh tho.Mahse, tunah bul tan that ka duh,ka duh satliah lo.Ka duh takzet.Thil kal tawh kha chu thleng lo angah ngai ve ve ang.Engvanga ti nge i nih ka zawt ngai lo vang che,chutiang bawkin nangpawn i theihnghilh ve ang.Tunah chuan a thar hlakin…’ ka tita duah.Min chhang loin a mit a khap sak saka,a hmui hnuailam a pet fan bawk.

‘Ka theih ka ring lo,nang pawn i theihnghilh thei chuang lo vang.Thil thleng kha ho mai mai a ni si lo’ reife angawih hnuah a tichhuak sap.A sawi dik tih ka hria,mahse tunah chuan engmah ngaihtuah ka duh rih lo.Ka hriatchhun chu amah nen inkawpa,bul tan that ka duh.A hma ang khan engkim ka pek theih zawng zawng pek ka duh.

‘I thei,Ramdinsanga tan i thawk hnem tawk tawh’ ka insum hman lo.

‘Aih,chutiang lam a ni lo…..Ba ka nei’ a ti halh.

‘Keiman ka rul ang’ A hmel a buai deuh nak a,sawi duh nei sawi ngam si lo a ang viau bawk.A ban a rawn pharchhuak a,ka samah tim daiin a rawn khawiha,a nui sak bawk.A va han hmeltha ber tak.

‘Chhuak phawt rawh’ a ti leh sap.Hnial ka tum zeta,mahse a hmel thutak zet ka hmuh takah chuan ka bu ta nghut.Kan pahnih chauhin helaiah hian kan kal lo va,midang rawn kal thut thei reng anni bawk.

Ka kun hniama,a mit a chhing ve thung.Dimtein ka fawp leh vang vang,ka nghawngah a rawn kuaha,a hnute khal talhin ka awm a rawn si a,ka mipatna a tho lehnghal tawlh tawlh.A kawngah ka ban lehlamin ka kuaha,ka pawt hnai leh salh,mahse a thle sawna,inlakhran tumin a che zawm nghal zat bawk.Ka rum nghal nghut.

‘Ka kal dawn’ ka ti sup.

‘Anih chuan min thlah la…’

‘Ka duh i hria em?” ka ti leh sup.

‘Aih…Kal phawt rawh’

‘Nang mah….’

‘Kal rawh’ a ti leh a.Ka thlah ta nge nge.Ka kalsawn hmain a samah ka fawp leh zauh bawk.

‘Zo…’ a ti sap.Ka inher lehnghal vut.

‘Sawi la….’

‘Hun ka mamawh’

‘Eng turin?”

‘Ka mumang ang ruaiin ka hriaa,inngaihtuah ka duh.Vawiin atan chuan inhre lo angin awm zui phawt ang.A tha em?” a ti leh a.Beidawn hmel fein a thaw leh halh.

‘A tha alawm,mahse ka nghak rei thei lo ania’

‘Vawiin chauh…’

‘I tiam em?”

‘Engmah ka tiam ngai lo ka tih kha,I theihnghilh tawh tihna mi?” a ti leh sap.Nichin lawka tap kha ala ni reng,mahse a chhungril luhlulna pawh ala ngai reng tho bawk.

‘Ka ngaihtuaha,a dik loin ka hria’ a ti tha leh a.Ka thle buk.

‘Eng ber nge dik lo? Kan sawi fel vek tawh kha”

‘Tu mah tihnat ka duh lo,ih…Ka sawi awmzia chu,Eng lo…Maria-i tan a fair lo lutuk a,mahse kawp nih ka duh lo’ a ti bah nak mai.A sawi tum ka hrethiam,Maria-i nen kan inzui tih a hriaa,ka then chuan fair lo a ti a,Ka then lo anih chuan kawp a ni dawna,chu chu a duh si lo.

‘Ngaihtuah suh,ka lo chingfel thei’

‘Mahse…’ a ti leh a. A hmeltha zetah hlauhthawnna niawm tak a lang thei bawk.

 ‘Zanah ka lo kal ang.A tha em?’ ka ti leh sup.A thle bak,min hnial dawn emaw ka ti hman,mahse a bu ta nghat,a ha var rual nalh zet langin a then leh sak bawk.

Inhnuai lam Bathroom hman tumin ka chhuk thla leha,a lo ruak tawh.Mi 20 vel kan ni a, kan vaiin Bathroom kan mamawh  vek dawn,chuvangin muangchan lutuk chi a ni lo tih ka hria.Ka mitthlaah Tluangpuii tap hmel a rawn langa,min fan lehnghal raih raih thei,ahma khan min ngaizawng der turin min lo bum tih sawi mah se min duh hman tih ka chiang tawh.Chutiang ni lo se tunah khatiang kha a thleng lo vang.

‘Ka zawng che a’ Maria-in rawn thutthlak ve pahin a rawn ti a.

‘Ngatinge?” ka ti satliah.

‘Agnes-i kha i hmu em?” a ti a.Ka bu nghut,Agnes-i hi Mary nau a ni a,hmeltha leh harh vang zet niin Maria-i cousin teah chuan ka nel ber bawk.An chhungkaw zinga tam zawk hian kohhran avangin mizo hming lo an nei hlawm.

‘Um,hmu..Ti nge?”

‘A bialpa a rawn hruaia’ a ti leh a.

‘ A tha lawm’ ka ti awlsam leh mai.

‘Tha nang,Hmeichhia tho alawm.Diktak chuan Mary Mood a ti Off vek bawka’ a ti leh a.Ka ngaihtuahnaah Tluangpuii a lo lang zawk.

‘A va zia lo ve’ ka ti leh nghut.

‘Nia,a bialpa oh ni lo,Bialpe ti zawk ang.Hmana ka hrilh tawh che kha,Amal-i u nupui neih zana zai tura an sawm zinga mi kha’ a ti leh a.Ka tum loh lutukin ka nui chhuak hawk.

‘Ngatinge?” a ti hmak.

‘Sorry..Thildang ka lo ngaihtuaha’ ka ti sup.Ka mitthlaah Tluangpuii a lo langa,khawiah mah hian Lesbian a ni lo nasa lutuk tlat.

‘Mary nen hian School an kal lai atangin an inkawma,thian inkawm satliah emaw kan ti veka,mahse an lo in ngaizawng renga…’ a ti leh a.

‘An inngaizawng tih engtin nge in hriat chhuaha?” ka ti sup.Ka hre chak tlat.

‘An ringhlela, ka Pate-an a dawpa’

‘A inpuang tihna mi?”

‘Teh nang,a pha nasa lutuk’

‘Anih chuan fiahna engmah a awm lo tihna nih chu’ ka then suk.Mak tih hmel zetin min rawn en a,ngaipawimawh lo hmel zetin ka dar ka ti sang uk ringawt.

Maria-i leh Amal-i ka drop hnuah In lam pan loin Tluangpuii te In lam ka pan nghal a,mahse a loin kalh bam.Agnes-i nen Scooty in an hawa,keini aiin an chhuak hmasa zawk kha ania.Kawngah kan tlan pel lo tih ka chiang viau bawk.

Ka Phone ka phawrha,call ka tum laiin midangin min rawn call ta zawk.

‘Hello’ zangkhai thei ang berin ka ti a..

I buai em?” Aruat-an a rawn ti let ve zat.

‘Aih,buai lo.Eng ni ta?”

‘Min rawn hmu teh,nge ka rawn hmu zawk dawn che?” a rawn ti a.A awah engmah dik lo awm angin a lang lo.

‘A hmanhmawhthlak em?”

‘Aw..’

‘Ok,ka rawn hmu ang che,khawiah nge niang?” ka ti a.A awmna a rawn sawia,tun ang zanah lehnghal min hmuh a duh anih chuan engemaw tak a thleng tih a chiang.

Ka tlan pahin Tluangpuii ka calla,a pick lo.Ka call nawn leha,a pick chuang lo.Zanah ka kal ang tih ka hrilh chian nen engemaw a hriat reuh ni?

A awmna tur a sawi ka thlen veleh Motor atangin ka chhuka,mahse ka hmu mai lo.Ka hawi kuala,ka hmu chuang lo.Ka kal sual lo tih ka chiang.Ka call a,a pick thei der lo zui.Motorah ka let leha,ka nghak deuh vang vanga,a lo kal chuang lo.Sana ka ena,ka thlen atangin darkar chanve a liam tawh.Msg tone a rawn ri a,ka en nghal vat.’Sorry lutuk.Ka lo kal leh ta lo mai,naktukah ni mai rawhse’ tih a rawn thawna,ka phun nghal hluk.Eng chu nge maw a hriat ni a?

Tluangpuii te in lama let leh ka tum zeta,ka thulh leh ta zawk.In lam ka pana,duh leh in atangin ka be tawh mai ang chu.

In ka thlen hnuah ka call leha,a tlang thei lo.Ka thin a rim ru teuh bawk.Ka Phone riin min tiharha,ka mengchhuaka.Khua a lo eng uar tawh.Min rawn call tu ka en a.Rocky..

‘Aw,thianpa…’ ka ti sup.

‘I tho tawh em?”

‘Tho lo chiah chiah’ ka nui a.

‘Eh,ka rawn tiharh che ni maw?”

‘A pawi lo,enge ni ta?”

‘Aruata a thi a,I la hre lo em?”

‘Tu maw thi?” ka ti tuar.

‘Aruata,aruang an chhar a’ ka thuchhuak nghal hlawl bawk.

‘Engtikah nge a?nizanah pawh kan inbe reng a’ ka ti leha.

‘Nichin lawk khan kan Dept groupah an rawn daha.Zingah, vai bawng chaw zawngin a hmu a’ a rawn ti leha.

‘Khawiah nge an chhar?” ka ti leh hrawih.

‘Ngaizelah..’a ti tawi tak.

‘A va mak dawn ve le’ ka ti leh sup.

‘Nia,mak khawp mai.I tan a tangkai tluk zetin keipawh hian ka tangkaipui ve tho a.Pawi tih piah lam a ni.Min rawn sawm la,an Inah kan va kal dawn mi?” a rawn ti leh a.

‘Aw,ka lo kal ang’

Ka phone khumah ka theh thlaa,chet mai nachang ka hre lo,nizana min rawn call khan thil hmanhmawhthlak a awm tih a sawi ngeia,mahse kan inhmuhna turah a lo awm lo.Ka call lah a pick lo a.Amah zawkin vawiina inhmu mai turin min msg min rawn thawn kha ania.Engmah ka hre thiam hlawl lo.

Rocky-an min lo nghak reng tawh,kal pahin a thil hriat ang ang a sawi mawlh mawlha,ka bu liam satliah a ni ber.An In lamah ruang an lo la phei tawha,a thihdan a danglam bawk nen mi an lo tam ngang mai bawk.Police an lo awm nual a,Rocky-a an hmuh veleh an rawn pan hnaia,kei erawh tihtur ber hre loin ka lo hawi mawl ve mai mai thung.

‘Rin aiin chai a hlawh dawn a ang’ zawi tein Rocky-an a ti a.

‘Ka ring,Mi pangngai chung lam ni miau hek le’ ka ti ve sup.

‘Chu tak chu,a hnathawh dan hi mi tamzawk chuan hre lo mah se kan Dept lam hi chuan kan hre hneh ngang maia.Mi thenkhat hre tawk an awm bawk ang.A hrim hrimin i hna khawih lai a la nei em?” a ti leh a.Tawngkaa chhang loin ka bu satliah ringawt.

 ‘Nizanah in inbia i ti em kha(h)?” a ti leh thut.

‘Um,bia..Inhmuh kan tuma,mahse kan inhmuhna tur ka thlenin a lo kal leh theih loh thu a rawn sawia’ 

‘Lawk,chu chu thil pangngai a ni em?” a ti leh a.Mi hnu chhui thang a ni a, engkim hi chhuitur ang zawngin a en vek thin tih ka hria.

‘Thil pangngai..Ka man chiah lo’ ka ti sup.Kan thutna bula YMA hruaitu niawm tak,rorel zat zat chu ka en vung vung bawk.

‘Nidangah tianga inhmuhtur,thulh leh thut ang chi hi a nei ngai em?’

‘Aih..’ ka ti nghut.Ka ngaihtuah na a vir deuh zawk bawk.Aruata nen kan inhriat hnuah vawikhatmah nizan ang hni hne khan a la awm ngai lo.

‘Amak hle mai’ a ti dap.

‘Nia,ka lo ngaihtuah miah lo va’

‘Thi pawimawh engemaw ken a nei em?”

‘Ka ring,min hmuh a duha.A hmanhmawh viau bawka,mahse ka va thlenin a lo awm lo va,naktukah inhmu mai ang a rawn ti leh a’ ka ti duah.

‘Call nge Msg in?”

‘Msg,ka call a.A pick lo’

‘Ok..Ka area a ni hauh lo nangin hei hi chu ka thianpa anga ka lo en ve anih avangin keimah ngeiin ka chhui sak theih nan ka bei ang’ a ti hmuk.

‘Puih i ngaih phawt chuan ka inhuam reng’

A chhungte tan chuan hmelhriat loh nen kan danglam kher lo maithei,a eizawnna lah vantlang hriatpui a ni hek lo.Amah nen kan inpawha,kan innel em em chungin a chhungte nen erawh kan inhmu ngai lo.A hna a hnehsawh em em a,a tihtur chin lah a hrechiang.Mi pawi a sawi ka ring lo,mahse a eizawnna avang hian hmelma erawh a insiam fe maithei tho.

Tihtheih vak a awm lo bawk nen kan haw ta zawk,Rocky-a kan Drop hnuah Inlam ka pan nghala,ka ngaihtuahna a buai vel vek.Nizan khan ka thiltur engemaw tak a keng animaithei,anih loh pawn a hmanhmawh viau chhan kha hria an awm anga,an that pawh a ni thei.Thil ngaihtuah chhuah ka nei thut.

‘Aw,sawi la..’ phone a pick veleh a rawn ti a.

‘Ruang chhartu khan engemaw aruangah hmuh a neih leh neih loh an sawi em?”

‘Ka hre miah lo,ngatinge?”

‘Ka sawi kha,min hmu duh a tih khan a hmanhmawh hmel mai bakah a pawimawh hmel bawka.Engemaw tal ka thiltur a lo keng maithei’

‘Um…Nia,a dik tho mai.Lawk,Office ka thlen veleh a ruang va en feltu ka lo bia ang.Ka rawn hrilh leh dawn che nia’ a rawn ti a.

‘Ok,ka lawm ngawt ang’ ka ti sup.

Tukverh bulah ka dinga,ka mitthlaah Aruata hmel a rawn langa,ka hmai ka tuai pawk.Keimah vanga thi anih chuan ka damchhungin ka inthiam thei tawh ngai dawn lo.Tluangpuii…A him lo ve thei tho,nizan khan ka kal dawn tih a hre lawk chungin ka be thei lo.Hlauthawnna avangin ka lungphu a rang nghal dawt dawt bawk.

Ka call nghala,a pick lo..Ka hlauthawng zual sauh,nimin thilthleng kha Ramdinsanga’n a lo hre hman a ni thei.Ka call nawn leh a,a pick ta hlauh.

‘Khawnge i awm?” Hello a rawn tih pawh ka nghak hman lo.

‘U Sangkim,keimah Ambie-a zawk.Ka u a inbuala’ Ambie-an a rawn ti a,ka thawveng nghal hawk.

‘Ok,a pawi lo..Nakinah ka lo call leh mai ang’ ka tita zawk.

Ka thu thla hnawk,engkim mai hi a thleng vut vuta,a chingchivet vel vek bawk nen enge ka tih hmasaktur ka hre thiam lo.

In atanga ka inkhalh chhuak deuh chiah tihin Tluangpuii’n min rawn calla,ka pick nghal vut.

‘Hello’ ka ti sup.

‘Min lo call a’

‘Aw,I tha em?”

‘Tha,ngatinge?” mak tihna niawm tak a hriat tel theih.

‘Ka bialnu thar hi a that leh that loh ka zawt thei na nge?” ka ti nghut.

‘Aaaahh…’ a ti nghal halh mai.

‘A ni lo mi?” ka ti leh a.

‘Nghal em maia’ a ti leh hlak,ka then suk thung.

‘Nizan kha…’

‘Ka phone ka theihnghilha,kan let leha.Ka lo call back ta lo che nih kha,a tlai tawh lutuka’ a rawn ti niah niah.

‘Ok,a pawi lo.Mahse, nidangah chuan eng ang pawn tlai se lo call back tawh la’

‘Ka lo tum ang..Eeee,eng lo..Aruata kha’ a tawp leh daih.

‘A thi tawh…’ ka ti hmuk.

‘Ka hria,whatsappah ka hmu a.Mak ka ti tawp’ a ti leh sap.

‘Nia,mak khawp mai’ ka ti nghut ringawt.

‘A vuinaah i kal dawn em?” a rawn ti leha.

‘Aih, zingah ka kal tawh.Lunch ei turin ka rawn kal ang’ka tihzawm zat.

‘Aih,vawiin chu ka hman dawn lo a’ rang zetin a rawn ti nghal vat.

‘Enge i tih dawn?”

‘Ka hna dilah interview ka nei dawna’

‘Khawiah?”

‘Nakinah ka hrilh ang che,ka dah phawt ang aw’

‘A tha alawm,mahse engmah zep loh hi zir ta la…’

‘Nang pawh…’ a rawn ti let ve sap.

‘Engmah ka zep lo…’

‘Kei pawh,tunah mi bak’ a nui hak.

‘Um..Fimkhur la’ ka ti leh a.

‘Ok…Motor pawn min su palh leh theia’a nuia.Mahse ka nuih a za miah lo.Hmana Motorin a sut kha tihpalh ni loin tihluih a ni tih a chiang tluk a ni a,mahse amah hian a su tu kha hum a tum tlat tih Rocky khan a sawi bawk anih kha.

Hotel ka thlen hnuah Rocky-an min rawn calla,ka rinlawk ang ngeiin engmah an hmu lo.

‘A bungrua hmuh theih ho chu kan kawla’ a sawi tawp lamah a ti a.

‘A bungrua,a phone vel tihna mi?”

‘Aw,a tarmit nen…’

‘Tarmit maw? ‘ ka tum aiin ka aw a ring lam mah.

‘Aw,ti nge?” ka awki sang deuh vang nge mak tih hmel zetin a rawn ti hu.

‘Tarmit a vuah ngai reng reng lo’

‘Maw? Ngawi lawk,a vuah lai keipawh ka la hmu miah lo’ a rawn ti ve leh lawi.

‘Kha thil kha a mak tlat’ ka ti leh tawp.

‘A tangkai maithei,mahse hriat a harsa viau thei tho.Tarmit dawr ni lo,khawchhak lam ho zawrh a lei pawh a lo ni theia,Tarmit atanga chhui chu a fuh lo thei tho.An lusun zual han reh phawt se a chhungte hnenah a chhuah laiin a vuah em tih kan hre thei mai ang’ a rawn ti leh duah.A sawi dik vek.

Rocky nen kan inbe zo chiah tihin Pu Dama’n a rawn call ve leh chiah.

‘Hello..’ ka ti nghut.

‘I buai em?” a rawn ti te te.

‘Aih,buai lo.Enge nita?”

‘Aruata a thi tih ka lo hriaa’ a rawn ti dam thluam.

‘Nia…’ ka ti mawl tawp,khawi atangin nge a hriat ka zawtbuai peih lo law law.Ka mimal hna atana ka chhawr a ni tih a hria,mahse engtiang takin nge min thawhsak erawh a hre lo thung.

‘Rinhlelhtur chi a ni em?” a rawn ti leh a.

‘Ka hre lo…’

‘Um,a hna vang hian hmelma chu a neih ngei ka ring ngawta,zu a in ve em kha(h)?”

‘Aih,in lo…Ti ila ka hriat laiin a in lo’

‘Anih si chuan khatianga ruang chhar mai maitur chu a ni hauh lo mai’ min bia ni loin a rilru sawi a ang mah zawk.

‘Ka ngaihdan ve tho’ ka ti leh sup.

‘CHOP an inrawlh i ring em?” a ti leh a.

‘Ka ring chiah lo,anni nen buaina kan nei hleinem’ ka ti hmuk.Ka ngaihdan diktak a ni bawk,Kan buaina zawng zawng hi CHOP hming nimahse aphena awm diktak chu Ramdinsanga a ni zel zawk.

‘Ka sawi tum zawk chu Aruata hian CHOP tana hnawksak deuh hna a lo thawhsak emawni ka ti.Keini nen chuan chutiang khawpa lian engmah buaina kan nei lo..Kan lo nei reng zawk nge?’ a rawn ti duah.Ka tawngsual tih ka hrechhuak nghal vat.

‘Hman deuha Champhaia kan plan an tihchhiat bak kha chu engmah buaina kan nei lo’ ka ti sup.

‘Nia,tuna kan Nula rawn che leh ta pawh hi CHOP ni loin Ramdinsanga zawk a ni a’ a ti leh boh.

‘Um…’ ka ti leh sup.

Nakin lawkah Tluangpuii nen kan inzui leh tih a hre thuai dawn,enge a rawn sawi ang ka hre lo.Mahse, a lawm lo nasa hle dawn tih erawh ka chiang,khawih erawh a khawih ngamin ka ring lo thung.Fimkhur erawh ka fimkhur hle a tul tih ka chiang.

Tluangpuii nen kan chhuak duna,an inchhung mamawh eng eng emaw a leia,ka zui ve zel a.A thil lei ka khai khawm sak zel bawk.Kan inzui leh atangin kar a tling leh tawh.Mahse, tuman an la hre lo thung.Kan inzui leh hnuah tun hi kan inzui chhuah hmasak ber a ni bawka,zanah erawh an inah ka kal zauh zauh thung.Maria-i chungchang kan la sawi dun leh miah lo,min zawt lo va,ka sawi bik hek lo.Kan inzui leh hma khan then turin min duh tih a sawia,mahse Maria-i ka la sawipui hauh lo,ka then hek lo.Ka awmdan hi misual tak nen a danglam lo tih ka hre chungin ka inthup nan Maria-i hi ka mamawh tlat.

‘Hei hi enchhin lawk teh’ ka hmuh theih turin a phone a rawn lek hnaia.

‘Eng thil nge a?” tih pahin ka en a,min rawn ngheng titih.

‘He tiang In hi ka duh,ka ta niturin ka dream nasa thei tawp.Ka hausak hunah ka sa ang,a nalh asin’ a ti leha,aphur zia chu puitling ni loin naupang thilthar nei a ang mah zawk.a Phone a Farm house nalh zet lo lang chu ka en a,ka then suk.

‘Kan inneih hunah,Lungleia kan huanah kan sa dawn nia’ ka ti sup.

‘Kan inneih i ring tak tak em?” a thutak deuh thut bawk.

‘I ring lo tihna mi?” ka ti ve thung.

‘Ka hre lo le…’ a ti nghat.A then saka,mahse a mitmeng ngui deuh raih chuan a nuih a za lo tih a tilang chiang ngang mai thung.

‘Kan inngaizawng tih hi thup i duh em?” ka ti leh sup.Min rawn en vat.

‘Ngatinge?” a ti nghal sap bawk.

‘Thup ila a that ka ring’ ka ti leh nghut,a hmeltha zetah chuan engemaw a lang zawka,mahse a reh lehnghal vat.

‘A tha lawm..’ a ti sap.A ha var nalh zet langin a then leh sak bawk.

‘Midang ka kawp thei tihna a ni em?’ amah bawkin a ti leh a.Min deng deuh dawt.

‘Ka hre sual em?” ka ti nghut.

‘Aih,ka lo ngaihdan chuan inthup i duh rau rau chuan midang kawp ta ila..’ a ti leh a.A mitmeng lian nalh zetin ka mitah tak a en ran bawk.Ka tih mek thil ni mahse aniin a tih ve ka rem ti lo bur.

‘A theih loh….’ Ka ti hmuk.A ner nak.

‘Anih chuan ngatinge thup angaiha?” a ti sap.A thu mara,ka khawih hlau niawm takin min si loin a tawlhsawn nghal daih bawk.

‘Tu man an hriat rih loh hian i him zawk ang,thup hlen erawh ka tum lo’ ka ti leh nghut.

‘Tu lakah nge ven ka ngaiha?” hrethiam lo niawm takin a ti ha mai.

‘Ramdinsanga hian a lo khawih palh thei che a’

‘Aih,min khawih lo ang’ a ti dam thlap.

‘Ka ring lo,a mizia ka hria alawm’ ka ti leh nghut.Ngaipawimawh lo hmel zetin a thle bak.

‘Nang aiin ka hre chiang zawk ang.Min khawih lo ang ka tih chuan min khawih lo vang’ nghet charhin a ti leh a,a hmel tak ran maiah chuan mahni inrintawkna alang chiang em em bawk.

‘Anih chuan a hna i la thawk zel dawn em?”

‘Zawhna ka zawt thei che em?” a ti ve thung.

‘Ka zawhna i chhang lo va’

‘Ka zawt ve phawt ang che,Maria-i nen in inkar a tawp tawh tak tak em?” a aw a ring lo,mahse a chiang kek kawk ngang mai thung.

‘Tawp lo,mahse chu pawh nangmah chhan nan bawk.Khawih erawh ka khawih lo vang’ ka sawi zawh rualin a hnar a tum dat.

‘Anih chuan kei pawn Ramdinsanga hna ka la thawk ti ta ila…’

‘Bansan rawh’

‘Nang pawh bansan rawh’

‘Aih, i him nan a tul,Maria-i nen kan inkawp anga alan hi a pawimawh’

‘Zo,I fing tih ka hria,mahse min bum lo vang’ a ti leh fak.A thu ngil auh bawk.

‘Ka bum lo vang che,tum pawh ka tum buai lo.Mahse, I him nan a ni ka tih hi i pawm angai,rei erawh angai lo vang’ ka ti leh hmuk.

‘Misual tak angin ka inngai’ a ti leh a.A sawi tum ka man lo.

‘Enge sawi i tum?”

‘Mi in ngaizawng kara tlazep,mi tenawm deuh ang hian ka in hria’ a ti leh a.A hmui a pet fan bawk.

‘Chutiang engmah a awm lo.Ka sawi tum i man lo anih kha,Ramdinsanga hi i ring em em tih ka hria,mahse kei chuan ka ring lo.Ka neih hunah chauh che ka rilru a nuam ang.Min neih hma leh ka rilru a nuam hma a nimai ‘ ka ti leh duah.

‘Anih chuan Maria-i tan a na dawn asin’

‘Ngaihtuah suh ka tih kha, ka chingfel thei.Min ring tawp la a tawk mai’ ka ti leh sup,Min chhang loin hmalam a en a,enge a ngaihtuah ang ka hre thiam lo.Ka tawlh hnaia,a kut ka hmui bulah ka pawt kanga,ka fawp zui vang vang bawk.Phuba lak kha ka la duh reng em ka hre lo,min tihchhiat tuma ke a pen ang chiah khan ka ti let ve ang ka ti kha ania,mahse tunah chuan ka ta ni turin ka duha,chubak engmah a awm lo.Ka hawi chhuaka,a hmelah engmah a lang lo.A mitah tak ka en a.

‘Tu man an khawih che ka phal lo ang’ ka ti sup.

‘Ka hria alawm…Hlauthawng suh,ka theih tawpin ka fimkhur ang.Mahse Maria-i hi i then lo anih chuan inzui ka duh lo’

‘Ka then ang…’

‘Engtikah?”

‘Tunah…’ ka mitah tak a en vang vanga,a nui ta sak.

A kawngah ka kuaha,ka pawt hnai zual sauh.Min rawn nghenga, ka ngaihtuahna hriattum niawm takin min en a.Thilsual ti thei hmel a pu hlawl lo.Dimtein a khabeah ka vuana,ka kuai daka,a hmui kau deuh chu ka en a,zak deuh niawm takin a liak zauh..Ka kun hniama,ka fawp nghal chat.Ka nghawngah a kuaha,duhthawh zetin min rawn chhang let ve nghal zat bawk.

‘I buai em?” phone ka pick rualin Rocky-an a rawn ti a.

‘Aih,haw ka lo tum mek a’ ka ti satliah.

‘Aruata te Inah ka kal zo chiaha’ a rawn ti leha.Aruata boral atangin karhnih a liam tawha,engmah hmasawnna a la awm thei lo.

‘Thil tangkai tur a awm hmel em?” ka ti sup.Ka darah ka phone ka nawr beta.Ka bagah ka thil hawntur ka khung pah mawlh mawlh bawk.

‘Aih,awm chiah lo ti ila i sawi kha a dik lo deuh anih hmel’ a rawn ti leha,ka hrethiam lo.

‘A eng ber kha?” ka ti nghut.

‘Tarmit kha a lo vuah thina,khami zan pawh khan a vuaha,a nu sawi dan chuan Tarmit kha a ta ngei a ti a’ a rawn ti a.Mak ka ti lo thei lo.Kan inhmu ngun hle chungin vawikhat mah tarmit a vuah lai ka hmu lo.

‘Anih chu mawle,amak hle mai’ ka ti chhuak sup.

‘Nia,mahse kan hmuh laiin a vuah lo tihna nimai.Thil pangngai lo a ni hran lo’ a rawn ti leha.

‘A dik tho,naktukah inhmu ila..Hun i nei em?” ka ti leha.

‘Nei maithei,tunah hian ka hmana’ a nui hawk hawk.

‘Tihtur ka nei tut peka,naktukah chuan hman lo tum la.Inhmu ang’

‘Ok..Ok,kan inhmu dawn nia’

Ka Phone ka aka,ka sana ka en leh zauh.Maria-i min lo nghahna thleng turin Darkar chanve hun ka la nei.Vawiin hi a Birthday a ni a.Tun hnaiah kan inhmu meuh lo bawk nen tlaiah chhuahpui ka tuma.Tluangpuii nen kan inzui leh tih a la hre lo chungin nuam ka ti chiah lo,ka inthiam lo ve deuh pawh a nimahna.Tluangpuii hnenah khan ka then ang tih ka sawi ngeia,mahse ka la then ta chuang lo fo.Chhan dang engmah a awm lo,amah Tluangpuii hi a him nan chuan ka bialnu a ni tih an hriat loh a him ber.Ramdinsanga aiin Pu Dama lakah venhim ka tum nasa zawk fe tih ka inhre bawk.

Dar 10 velah In ka thleng ta chauh,ka inhlip sawk sawka.Inbual turin Bathroomah ka lut zui nghal zat.Showerin ka intleuh zuaia.Ka dai sawng sawng bawk.

Room a ka luh leh ka phone rik tawp a inrual titih,ka lu hru mawlh mawlh chungin ka pan pheia,ka la kanga.Min rawn call tu ka en a.Tluangpuii.Zinga ka biak bak ka be leh ta miah lo.

Ka call back nghala,a reject hmak.Ka call nawn leha,a reject leh hmak.Eng chu nge maw a hriat reuh ni? Phone khumah ka theh thla leha,mahse msg a rawn thleng tih hriat takin msg tone a ri a,ka lakang lehnghal vat.

Ka Open a,thlalak a lo ni a.Ka hmuh rualin ka thaw nghal hawk mai.Maria-i nen zanin a kan chhuahna a ni tih ka hria.Engtin nge a lo neih theih zawk ka hre lo.A rawn thawnberkher lah chu a….Msg a rawn thleng leha.Ka ner nawk….

‘Ka himna tur a ni tih hre mah ila a hmuhnawm vak loh hle a ni’ tih zawng..

Chapter- 20

Fiamthu angin sawi mah se a thinrim tih ka hai lo.Tu hrepin nge hetiang thlalak lo thawn ka hre lo.Bakah a landanah hian tu tan pawh ngaihdan siam awlsam lutuk a ni tlat.

Ka call leh nghala,a pick ka beisei lo.Mahse, a pick ta tlat.

‘Hello…’ zangkhai zetin a rawn ti a,ka phone ka lasawna,ka melh nghek ringawt.

‘Ka sawifiah thei…’

‘Aaaah,eng kha?” thinrim aw a awm chuang lo.

‘I Photo lo thawn kha,I ngaihdan ang kha a ni lo’ ka ti leh nghut.

‘Engmah ngaihdan ka nei hleinem,a hmuhnawm loh ka ti ringawt a’ a ti leh a.A nui hak bawk,ka then nawk thung.Engmah nuihzat tur a awm lo.

‘Anih chuan i thinrim lo tihna a ni em?” ka ti leh sup.

‘Rim nang,I sawi lawk vek kha.Ka him nan ani zawk hi mi hriatah i bialnu anih angaia.A dik em?” a rawn ti leh a.

‘Dik…’

‘Anih chuan hahdam la,ka himna tur anih phawt chuan engpawh ka pawm vek ania’ a rawn ti leha,a thinrim viau dawn emaw ka tih laia a ngaipawimawh lo leh lutuk chuan min ti hamhaih tlat,engmah thikthu nei lo niawm taka a tawng  vel lah chuan min ti thinrim teuh thung.

‘Kan chhuak dun ngeia,mahse i hmuh ang kha engmah a thleng lo’ ka ti leh hmuk.

‘A ho em mai,engpawh chu thleng se ka himna tur anih kha ka hrereng dawn a,pawi ka ti lo.Enteh,Thawnthu a ang ka ti’ a ti leh a.Mahse, tun tum chu a awah tih elna ni awm tak a lang ta thung.

‘Engmah a thleng lo,kan chhuakdun satliah mai zawk’

‘Anih chuan kha Photo kha an Edit aniang a’ ngeiawm fahranin a nui nghal hak bawk.Ka then leh nawk.Keima tihdik lohah ka tal awk dawn tih ka chiang,Zothani nen kan inkawp lai khan pawisak nei miah loin ka kawpsan fo va,mahse zankhat bak an daih ngai lo.Zothani khan a haw tak tak ngam ngai lo va,a thinrim a.A  titau fo chung khan thlem tum loin amaha a lungawi hun ka nghak mai zel zawka,mahse tunah chuan chutiang mai mai a ni dawn lo tawp tih a chiang ta kuar.

‘Ka dik lo tih ka hria’

‘Aw, I dik lo.Hmeichhia hi infiamna hmanrua kan ni lo ania’ a tichang ta fak.Tun lawka engmah ngai serious lo anga tawng kha chu a nita hauh lo.

‘Infiamna inni ka tih ka va hre lo’ ka ti hmuk.

‘Achang chuan sawi kher ngai lo a chetzia a langchhuak mai thin thil a awm ve.Engpawhnise Puitling kan ni ve ve tawha,kan inkawp leh tih pawh tuman an hre chuang lo va,tawp leh mai a harsa lo’ a rawn tita duah.

‘Min then leh i duh tihna a ni em?” ka ti hluk.

‘Duh nang,ka duh angin chet ka la ve tawh mai ang chu ka ti ’ a ti leh a.

‘A va hlimawm dawn ve’ ka ti nghut.

‘Nia,a hlimawm ngawt ang.I lo en dawn nia’ a rawn ti leh salh.

‘Min cho tihna a mi?” ka ti ve sup.

‘Aih,cho nang.A hrim hrimin engthilah nge ka cho che anga?’ a ti leh hmak.

‘Ka hre lo’

‘Anih chuan hahdam deuh khan lo awm teh,venhim ka ngai lo tih ka entir ang che.Ka himna tura i kawp reng kha a tul loh zia i hre mai ang’ a ti leh a.A aw dam thlap maiah chuan a inringtawk tih a chiang ngawih ngawih.

‘Enge tih i tum?”

‘A hlimawm viau ang’ awlsam zetin a ti leha,a nui leh hak bawk.

Muhil thei loin ka let tawn sek,Game ka khelh lahin ka khel tui thei lo,ka thi reng ringawt.Ka Phone ka dah ta nge nge.Tluangpuii nen kan inbiakna ka ngaihtuah leta,kan inkawp leh dawn khan Maria-i then turin a ngenin min ngen a,ka then lo anih chuan kan inzui a duh lo bawk a.Mahse, keimah zawkin ka chingfel ang ti siin Maria-i ka then chuang lo,Engmah tihsual a neih tlat si loh chuan then ngawt chhantur a vang lutuk tlat.Mahse, Tluangpuii ka kalsan thei chuang si lo.Maria-i hnenah chhan neiin ka kawp tih ka hrilh dawn nge ka hre lo.Ni lo,eng mah chhan a nei lo.Ka duha,ka mamawha,a thil tih tawh zawng zawng ka ngaidam thei vek zawk.Keihi keimah ka nita lo emaw ka ti rum rum mai.Hetiang em em a min chawkkual hneh hi eng hmeichhia nge maw anih hrep ni??!!!!

Ka nuin min rawn calla,peih lo zetin ka phone ka en a,nizan khan khawvar dawn lamah ka muhil ta chauh kha ania.Ka mit a kham deuh thum bawk.

‘Aw,Nu..’ ka ti sup.

‘I la tho na nge?” a rawn ti lang lang.

‘Um,tho lo..Enge?” ka ti leh a.

‘I hman chuan i lo haw phei lawk dawn mawni ka ti a’ a rawn ti a.Ka chhan hmain ka let thawk.

‘Ngatinge? Buaina i nei nge?” ka mit ka nuaia.

‘Nei animai ang chu,kan huan kha kan ri ten an duhna lai laiah an rawn teh ngawt maia,niminah ka zuk kala.Kan inhnial buai deuh alawm le’ a rawn ti a.

‘Khawi lai ber nge?” ka ti nghut.Huan hi ka pa khan a nei thina,a boral hnuah ka nu thiante ta hmun hniha mi ka leisak leh bawka.Ka nu hi Mizo nu tak,kut awl ngaithei lo zet mai a ni a.Thei leh thlai kung engemaw zat a phun a.Hralh chhuah tur a awm tan mek bawk.

‘I pa huan kha mawle,kan tlawh khat deuha.Nimin piah khan i Ni in min rawn hrilha,niminah ka zuk kala.A sawi ang tak takin an lo ti a.An mahni an lo awma,hralh an lo tum a.An duh chen chen an lo teh maia’ a rawn ti leh duah.

‘Revenue Dept lam a hranin ka lo be dawn nia,a tul chuan ka lo haw anga’ ka ti sup.

‘An mahni lam hian hmelhriat tha an lo nei anih ka ring,lo haw la ka duh.I pa ro zinga mi ania,pen khat pawh ka tawlh dawn lo reng reng’ a ti leh hmawk hmawk.Tiang khawpa ka nu lungawiloh hi ka la hre ngai lo.

‘Ramchin engkim kha Pass felfai vek kan nei khan ka hriaa’ ka ti a.

‘Nei e,mahse anni pawn an nei alawm.Amak lutuk’ a rawn ti leh hlak hlak.

‘A tha alawm,ka lo phei ang’ ka tita nge nge.

‘Nangmahin lo kal suh,Driver rawn hruai ang che’ khauh zetin a ti leh a.Ka haw apiangin keimahin ka khalh mai zela,min hau ziaha.Ka sim chuang hlei lo va.

Tho mai loin ka mu vang vang,nizana thilthleng bawkin ka ngaihtuahna a rawn luah lehnghal zat.Ka Phone ka ban leha,Tluangpuii ka wisha.Ka rin ang ngeiin a hmu a,mahse a rawn reply lo.

Tlaiah Lunglei kal turin kan chhuaka,ka nuin vawi li lai min rawn hrilh nawn avangin tun tum chu Driver ka hruai ta nge nge.Ka kal dawnah Tluangpuii ka calla,mahse a pick leh ta chuang lo fo.Msgin Lungleiah ka kal dawn tih ka hrilha.A read lo..Lunglei kan thlen thlengin engmah a rawn sawi chuang lo.Call ka tum zeta,mahse ka thulh leh ta zawk.Ka kal dawn tih a hriaa,engmah a rawn sawi lo va,min ngaipawimawh tawk lo.Biak kher tul ka ti tawh lo,ka haw hunah ka hmuh phawt loh chuan Phone atangin engmah ka tifel thei dawn lo tih ka hria.A luhlul dan a satliah lo lutuk.

Revenue Dept Offcieah ka kala,kan buaina vel sawipui turin ka hmelhriat Officer Senior pakhat ka pan ding nghal chat.A mimal tak pawha eng eng emaw ka lo tihsak zauh zauh tawh a ni a,ka haw phei changin kan inkhel ho fo bawk.Engmah beisei let ka nei ngai lo chungin ka lakah a inhawng em em reng.Officer eiru lo leh Dik zet mai a ni a,hausak lah an hausa lua lo khawp.

‘Nangmah kher lo kal lo pawn Phoneah min rawn hrilh la,kan chingfel thei tur ania’ a ti nuah nuah.

‘Pass kan insiam hnan anih hmel a,chu chu buaina a ni mah zawk’ nui chungin ka ti a,a chek tluk.

‘Ava mak awm ve,chu zawng en chian ngai anih chu.Vawiin chu ka awl viau asin,a rei ka ring lo bwka,ka lo kal ve ang’ a tita hlauh.

Kan huan thenawma huan nei ve te fapa hi Revenue Depta Officer tuai thar hlim a lo ni a.A inlek viau dawna,mahse amah aia Senior zawk angam lo nasa ,chu mai bakah dik loh hi chuan huai a lo har viau zel.Engkim nei fel thlip thlep kan ni a.Anni lamin nei an lo intih ve thil erawh a dikhlel tih mi hriat an hlauh vang nge ka hre lo.An phawrh ta hauh lo bawk.

Huan atanga kan haw hnuah Tluangpuii’n min rawn call hlawl,ka pick lo dawn zeta,mahse naupanchhiatthlak ka ti leh lawi.

‘Khawiah nge i awm?” Phone ka pick rualin Pu Dama’n a rawn ti a.

‘Lungleiah ka awm,mahse Aizawl lama phei turin ka chhuak tep’ ka ti a.Ni hnih vel lek awm tum kha ni 4 lai ka awm ta.

‘Anih chu,thil awmdan a tha lo hle ania’ thutak zetin a rawn ti a.

‘Eng thil nge? Kan tluang viau emaw ka lo ti a’ ka ti sup.

‘Um,kan Nula hmeltha lo lan hma kha chuan kan tluang chu ania,mahse hei a lo langa.Kan buai leh zo vek chu anih hi’ a rawn ti a.Ka mitthlaah Tluangpuii a lo lang nghal zat.Ramdinsanga hna kha a thawk tawh dawn lo tih a sawia,mahse tunah a thawk leh lawi tihna nge ni?

‘Tunah a lo kal leh tihna nge a hmaa mi zawk?” ka ngaihtuahna tilang lo turin ka ti hmuk.

‘Nizanah a lo thleng tih kan naute hian an rawn sawia.Tukin kha Boom-a nen  inhmuh kan tum hun ania,a rawn thulh ta chiaha’ lungawi lo ni awm takin a ti ram hmak.

‘Boom-a chu ka lo bia ang.Hmanni a bungraw chungchang kha a nih ka ringa’ ka ti nghut.Kan Partner lianber a ni a,kei aiin a upa nangin kan inkawmngeih viau thung.Thiltam takah in anna kan nei bawk.Mahse, hmeichhia a lawm dan erawh kei aia let tam fe a ni thung.

‘Be mah la eng a ang pawn ka ring lo,he nu hian min ti thinrim tam ta viau mai’ a ti leh a.A awah thinrimna engmah lang lo mah se a thinrim leh thinrim loh hretur khawpin kan inhre chiang tawk viau tawh.

‘Engmah a ti pawi lo vang,ka lo bia ang’ ka ti leh hmuk.

Phone ka off a.Boom-a number ka en a,mahse ka call hmain ka rilru ka thlak leh ta thung.

‘Hello…’ Mutchhuah hmel fein Tluangpuii’n a rawn ti a.

‘Khawiah nge i awm?” ka ti sup.

‘I hre na nge?” min rawn zawt let ve thung.Nizanah kan inbiaa,tukina min rawn wish leha,mahse a zin dawn tih engmah a sawi lo.

‘Hria ila ka zawt dawn che mi? ” ka ti hmuk.

‘Sorry,Aruata awm tawh lo mah se Rocky i la neia,ka awmna chu i hre zel ang chu ka ti a’ a ti nghauh.A la nui hak zui bawk.Ka ner nawk thung.Hman zan atang khan kan inbiak reng rengin huat hleihtheih si loh,ngeiawm zet siin min chhang ta ziah.

‘Khawiah nge i awm?” ka ti nawn leh a.Min chhaih thinrim a tum ni a ka hriat avangin ka insum hram hram bawk.

‘Ka zin mek..’ a ti nghat.

‘Khawiah?”

‘Pu Dama khan a rawn hrilh che ka lo ringa,kan inhmu tak asin’ a rawn ti leh a.A aw a dam thlap bawk.

‘Enge ka sawi kha?’ ka insum hleithei lo.

‘Eng ber? Kan sawi dun hnem tawh e’

‘Ramdinsanga hna i khawih tawh lo ang kan ti emaw ka lo ti a’

‘Ka khawih hleinem,ka sawi tawh ka bawhchhe mai mai ngai lo ania,ka intiam ve ngai lo mai zawka’ a rawn ti leh a.

‘Anih chuan khatah khan eng nge i tih?”

‘Zo…Hahdam teh,ka mimal hian eng eng emaw tihtur ka nei ve a.Kan la inneih em lo hi’ a rawn ti leh hlak.

‘A tha alawm,thil zawng zawng min hrilhturin ka ti lo che.Mahse,I zin chhuak dawn anih chuan hriat ka duh ‘ ka ti hmuk.

‘Ok.Nidangah chuan ka sawi lawk tawh dawn nia.Min ngaihtuah suh,bakah thil pakhat.Misual ang maia min enthlak reng hi bansan teh,a ninawm ania’ a ti leh nghauh.

‘ Enthlak maw?” ka ti hluk.Kan inzui leh hnuah hian vawikhat pawh ka la enthla leh lo.Ramdinsanga chungchang erawh hriattumin ka bei ngei,Mahse amah ka chhui lo.

‘Ka kalna apianga min zui thintu hi ania ka tih.Ka hne thawkhat khawp mai,thlamuang pawn ka inbual thei lo’ a rawn ti leh hmak.

‘Lawk,chutiang an lo awm tihna maw?”

‘Hriat loh der a ngai lo,ka himna i ngaipawimawh tih ka hria,chuvangin Maria-i i kawp pawh sawisel lo ka ni a,lawm pawh ka lawm.Mahse,tiang hi ka ngainat zawng a ni lo’ a ti leh duah.Eng ang pawn sawifiah tum ila min ring dawn chuang lo tih ka hria.Ka hah thlawn mai mai ang tih ka chiang,mahse tu nge nita ang??Pu Dama ka rilruah a lo lang zawk.Ka lu ka thing nawk bawk.

‘I lo haw hunah kan inhmu dawn nia,kan sawi dun angai ang ka ring’ ka tita nghut.

‘Nia,ka la chiang lo nangin naktuk zing anih loh chuan tlaiah aniang’ a rawn ti leha.A aw a dam leh thlap tawh.

Boom-a ka calla,vawihnih a ring hman tihin a rawn picka,nidang ang bawka vei nei loin ‘Hello’ a rawn ti a.Ka then suk,nupui fanau neiin a fa upa zawk pawh kun 10 a tling tawh.Mahse, hmeichhe hmeltha a kalpel thei hlawl lo.A nupui pawh hian a hai lo,mahse a hre lo der zel ni maiin ka hria.Tluangpuii nen an inkawp tur angin ka ngaituaha,ka na zawk thei.Kei ang bawk khan hman tangkai a tum ve angem? Ka lu ka thing nawk.

‘I tha maw?” ka ngaihtuahna tilang lo thei ang berin ka ti zangkhai vuh.

‘Tha lawm,nang hi engtik nge lo chhoh i tum a?” a rawn ti leh lung lung.

‘Ka hre mai lo.Lo chhuk i tum rih lo zawk nge?” ka ti ve a.

‘Aih,tunah chuan tum rih lo.Mahse thla tharah chuan ka lo chhuk ang’ a rawn ti leh a.

‘Um,lo chhuk la.Inhmuh a khat alawm’

‘Nia,Party a chak awm.Eng nge min rawn call chhan?” a rawn ti leh a.

‘Hmanni a ka rawn sawi kha,Order tihbelh ka duh ka tih kha.Enge chanchin nita?”

‘Eee,kha kha maw.Ka lo ti ang’ awlsam zetin a rawn ti a.

‘Anih chuan kan mamawh zat ka rawn sawi kha naktukah rawn lak nghal an duh dawna” ka ti leh a.

‘Kan naute ka lo bia ang.Tukin pawh kha Pu Dama nen inhmuh tum kan nia,Family thilah buaina ka nei leh a.Naktukah chuan lak hman inring phawt rawh,Pu Dama pawh naktuk zingah lo kal mai se,i lo hrilh mai dawn mi?” a rawn ti leh zut zut.Engmah dik lo awmin a lang lo.Tul miah loah Pu Dama kha a phili ti dawn ila chutiang mi a ni der si lo.

‘Ka lo hrilh ang.Naktukah la turin kan nau ka rawntir ang’ ka ti leh a.

‘Um,ka rawn hrilh leh ang che’

‘Anih phawt…’

‘Lawk,Sangkim.Thil zawh lawk duh che ka nei’ ka dah hmain a rawn ti leh a.

‘Sawi la…’ ka ti nghut.

‘Champhaia i ram lei kha i hmang ta lo em?”

‘Hmang ta rih lo,ngatinge?” ka ti a.Ka ram lei dawn khan ama min khawhhmuh a ni a,mahse enge ka tih dawn erawh engmah ka hrilh lo thung.Sumdawnna pakhata ka Partner a ni ve maia.Tunah chuan Hotel ka nei tawha,Motor Company nen inremsiamin ka sumdawnna ka zauh belh leh bawka.Chuti chiamin ka mamawh nasa tawh lo,mamawh lo tawp erawh ka ni lo.Kei chauh ni loin ani pawn ka mamawh ang chiahin min mamawh  ve tho.Ka bul tanna tak tak anga ka ngaih anih avangin ngaih erawh ka ngai hlu viau thung.

‘Tunah hian min rawn dawr an awma.I ram bul chiahah khan thil liantham zet tih an tuma.Mahse, an mahni chuan an ti hleithei lo.Ka sawi awmzia chu helamah puitu an nei tha tawk lo’ a ti leh a.

‘Anih chuan lak i tum tihna mi? eng lam nge a hriat chi em?”

‘Hriat chi tho e.Mahse, nakinah ka hrilh ang che.Ka zawh duh zawk che chu ka lo enchiang anga,I ram bul chiah tho anih avangin keima hming tho siin i la duh angem?” a rawn ti leha.Ka rilruah hmana Ramdinsanga’n ka thil ruahman fel sa vek,Tluangpuii vanga last minute a min laksak kha a rawn lang zawk.Tun thlengin hma an la la lo tih ka hre bawk.

‘Enge anih hre phawt ila,ka hnial lo maithei’ ka ti sup.

‘Ok,anih phawt.Pu Dama chu aw,ka call lo mai ang.Zingah chuan lo kal tawp mai se’ a rawn ti leh mawlh mawlh.

Pu Dama ka call lehnghala,engmah dik lo a awm loh thu leh Family Problem an neih thu ka hrilha,Naktuk zinga inhmuh a duh tih ka hrilh nghal bawk.Min hnial loin a aw ve mai bawk.Mahse, Tluangpuii thilsawi ka bengah a rawn ri nawn zat.’Ka kalna apiangah min zuia,thlamuang pawn ka inbual thei lo’ a ti anih kha.Pu Dama hian engkim Tluangpuii chanchin a hre zel emaw tihtur khawpin a buaipuia,a tih a ni angem? Ni lo hram tehse.A khawih anih chuan enge ka tihdawn ka hre chiang lutuk tlat.

Ka Office kawngkhar kik thawmah ka hawichhuak vut,lut turin ka au nghal a.Kawngkhar a rawn inhawnga,ka beisei loh zetin Ruata a rawn dak hlawl mai.

‘Ehe!! I lo haw tih ka hre hleinem’ ka ti chhuak nghal hluai.

‘Niminah ka lo haw.I zin chu i tluang maw?” rawn luh pahin a rawn ti a.A zinna lamah a che na bawk aniang alang pawr fap mai.

‘Tluang e,niminah keipawh ka haw chiah lawm.I zuk chena hle a ni maw? I dum vek ania” ka ti a.Min chhang loin ka hmaa Chair awmah a rawn thu thla te te.

‘A nuam animai.Zanin chu?” a tihzawm zat.

‘Enge zanin?” ka ti hu thung.

‘Ekhai!!! Group i en na nge?”

‘En nang,engthil nge a?” tih pahin ka phone ka en a.Kan thianho groupah ka luta, engmah a awm lo.Nizana Rinawma leh Zomawia inchhan uanna bak engmah a awm lo.

‘Engmah a awm loh hi’ tih pahin ka en a.

‘Khawi Groupah nge i en a?” a ti ve thung.

‘Kan thianho bak eng group nge ni anga?”

‘Khatah ni lo,midang nena kan awmna group zawkah khan.Kan ri chiam ang chu ka lo ti asin’ a ti leh a.A sawina groupah ka luta,ka zu hmu nghal mai.Ka thennghal suk.

‘A nuam phian ang,mahse kan thianho bak hi chu ka peih tehchiam lo’ ka ti liam puat.

‘A ho em mai,thiante vek tho alawm kan nih.Kal ila,bakah nilengin hna i thawka,zan lama chhuah thawven te hi i chak ve lo mi?” a ti leh a.

‘Chak tehchiam nang,hnathawh te chu a nuam alawm’ ka mit ka siai zauh.

‘Tenawm lo mai teh a,kal ang.Nula chhe lo zet zet an tam leh dawn ania’ a nui hak hak.

‘Nang hi a..’ ka ti hluk.

‘Enge? Nang anga Doctor lungmawl satliah bum tur ka hmu ve hleinem’ a nui leh huk huk.

‘A lungmawl meuh emawni? Hma lam pan teh,tiang ringawt hi chuan i thi vat ang’ ka ti ve thung.Dingpuii rai hnuah khati khawp khan a che nawia,thla pawh a liam hmain vei lo ang hmakin a khawsa leha,mahse a lo vei zia chu zu a in nasat tak viauah hian a  lang leh ta tho.

‘Sangkim,kan va inhmu khat ve’ mipa awin a rawn ti a.Min rawn betu ka en vut.Ramdinsanga nen kan inhmachhawn ta siah.

‘Nia,hmu khat.I tha maw?” ka ti nghut.

‘Tha lawm,nichina mi kha min hmelhriattir ve dawn em?’ a ti leha,a nui vur vur bawk.

‘I duh phawt chuan..’ ngaihsam hmel zetin ka ti liam puat.

‘Um..Duh tehreng mai’ a ti leha,a nui vun vun bawk.

‘Anih phawt.Kan inhmu leh dawn nia’ amah bawkin a ti leha.Chhang loin ka ban ka vai zauh thung.

Ka rin aiin nuam ka tita phian,Puitling vek kal khawm kan ni bawka.Tu mah rui nawi lutuk an awm lo,music a ri bur bura,a then an lam nghawng nghawng laiin a then uluk em em a lo inkuah ngawih ngawih tawk an awm bawk.Ka hawi kuala,Maria-i ka hmu mai lo,nichin khan Phone  hmang lawktur khan a kalsawna,a lo la let ta lo.Sana ka ena,haw ka duh tawh.

Balcony lam ka pana,Tukverh nawrtawlh theiha siam a lo in hawng saa,Railling nghenga Maria-i ding ka va hmu theia,mahse amaha ding loin a bulah mipa pakhat a ding ve bawk.

Ka pen chhuaka,A mipa zawk hmel ka hmu chiang thei lo.Ka pen leh tur chiah chu a Mipa zawk a ding mara,ka ding leh rih.Ka hriatthiam chiah si loin engemaw dik lo awmin ka hre tlat bawk.

‘Lut ila,kan awmbo rei lutuk chuan in pain a lo zawng tawh ang che.A theihtawpin a veng ve bawk che sia’ Mipa zawkin a ti a.A awah nuihzatna  a lang chiang ngang mai bawk.Tu nge anih ka hria….

Ramdinsanga…Darkar tam pawh a liam hma khan ka inhmelhriattir chauha,mahse tuna an awm danah hi chuan reitak lo inhre tawh niawm tak anni thung!!