EVERGLOW BOOK 2 (Chapter 16-27)

Chapter- 16

Ka hresual emaw ka ti a, mahse, a hmel pa leh tak runah chuan engmah fiamthu na lam a lang eih lo.

“Ka hresual em?” ka ti chhuak thei hram.

“Aih,maithei..keipawn ka sawi kha ka chiang bik lo..” a nui zui suk bawk..Ka thaw hak a, reilote chhung chu ka hamhaih avangin ka khawng lah a, mahse, reilo te tak tak..Ka che thut a, a hmui chhah tap mai chu ka fawp ta nge nge.Engvanga fawp nge ka nih lam ka ngaihtuah lo,bumna a ni em ka hre hek lo.Mahse, ka duh chu ka chiang.Amah hi ka duh.

A hamhaih ve nge ka hre lo, reilote chu engtinmah a awm lo, min chhang hek lo..Mahse, ka inlahrang tur chiah chu ka tukhum samah a rawn thama, min rawn fawp let ve leh lawi, zei zet hian a lei a rawn ti che kuala, ka kawngah a ban lehlamin a kuah a, a bawp sei thlurh chuan min khan bet tlat bawk.Duhthawh zet hian min rawn fawp leh a, min dim lo lam lek lek zawk,mahse, pawi ka ti hauh lo.A inlakhran meuh chuan hah zet hian kan thaw dun hlawp hlawp mai..A awmah ka hmai ka phum a, a lungphu ri dat dat chuan min fana, engemaw ti tak hian nun a famkim ngawih ngawihin ka hre tlat bawk.

“Min en teh..” thuawih zet hian ka hawi chhuak ve mai bawk.

“Nimin khan Moses-a kha ka hnek chak zia i hre kher lo ang..Min chhaih kual tawh lo la a tha ang” a ti a, tehdaih chuan..

“Engtinmah ka chhaih miah lo che,hna kan lo en dun ringawt anih kha..” ka sawi zawh hmain a rawn kun hniam lehnghala, ka hmui a rawn khar zui nghal hmak bawk,mahse, kei hi hetianga awm tur ka ni lo..Rang zet hian ka inlahrang vat a, min rawn fawh leh a tum chu ka hawisan lui a, lungawilo zet hian a rum hawk bawk.

“Duhtawk ang, i lu kha..” ka kawr a rawn zen tur chu ka dang a, a mit a thim raih mai.

“A na lo...tak tak..”a kut a pawt dawka, ka kawr hak,T-shirt chhing lam deuh chu a rawn zen chho nghal a, ka bra a nawr tawm chho nghal tawk bawk..A kut zungtang sei thlurh leh lum ham ham chuan a rawn hum a,ka danglam nghal tih ka hria, ani pawn a hai hauh lo ang,ka hnute hmur a khawiha, a kutzungtangin a chep hrual a, ka tum loh tawpin ka rum chhuak nghal hawk bawk...Hetiang chuan ka tawp thei dawn hauh lo.In control ka ngai, min duh a min hmangaih a, min nei ngei dawn pawh nise hetiang chu a tha miah lo.Kan tih tawh kha atawk reng.

“Ngatinge?” tham tuak hian a ti a, a hmel phiar fat maiah chuan enge a duh ka hmu chiang mah mah.

“A tul lo..khawngaihin..”

“Um, i tih chuan le..” a then suk a, ka tukkhumah a rawn vuan leh a, a darah ka lu ka nghata, min tihluih tumna a nei miah lo.Ka kut a rawn vuan a, a pawt hniama, enge tih a tum ka hriat hman hmain a kap zawnah ka kut a daha,a mipatna ka sik takah chuan ka thaw halh mai,ka thinrim miah lo,ka khawngaih zawk, tiang khawp hian a inpeih a, mahse, ka duh loh miau avangin min nawr lui eih lo..

“Ka lawm e aw” zawitein ka ti sep a.A nui nghawr dat mai.

“Nia, lawmthusawi chu i ba e..a harsat zia i hrethiam lo zawk ang” zawi sup hian a ti a, ka ring thlap.

“Eitur ka va siam lawk ang, chuan,Moses-a hnenah ka kal dawn lo tih pawh ka hrilh angai ang” ka ti a, min kuahna ka phelhsak a.

“Keiman ka lo hrilh mai ang, bakah i kal a ring lo ang.Eitur chu siam lo mai rawh, Inah kan ei mai dawn nia” a tho tur ka pui vata, a ner nawk danah nat zawng a la na tih ka hre mai.Khum tlangah a thu a, a mutna hnawk deuh chu ka pawt mara, Khum ah ka awm ve tawh lo.

“In inah ka lo kal dawn hleinem..”ka en a.

“Oh, i kal dawn khawp..Driver ka ko a,a lo thleng tep ang” a ti a, engtiklaiin nge a lo koh ka hre lo.”I muthilh lai khan ka call tawh” ka rilru hria niawm tak hian a rawn ti leh a.

“Mama hi lo haw phawt se ka ti a..” a hmel danglam zawk chu ka hmu hman a, ka rilru a nuamlo lehnghal vek.

“I call mai dawnnia.,Bakah a lo haw ka ring chiah lo” min en loin a hawisawn daih bawk.

“A awm lo tih ka hrilh miah si lo che a, engemaw hriat i nei zawk em?”

“A awm lo tih i sawi angai nang, khatiang khawpa kan thawm a nat hnuah khan a lo tho miah lo anih chuan a awm lo tihna nimai,tak takin nizan khan ka hmu lawm..” ka thaw hak mai,ni lo hram tehse.

“Khawiah?” ka ti tawi tak.

“Zuala te inah mawle, ngatinge? A kalna a hrilh che a ti sia” ka ang pham mai, thil thlen dan hi ka duhdan a ni hlawl lo,Zorina kutthlak tu hi Mama a nih teh chuan ka nau pawh nise ka ngaidam thei kher lo ang, kut thawh hi ka lawm zawng a ni lo a, tawngkam a sawifel theih chhung chu sawifel mai a tha zawk,bakah in ring leh inring ah chuan Mama hian a hneh dawn lo tih ka chiang, a hnung lam atang bei tur khawp chuan ka nau hi a hniam lo a, a dawihzep lo ang.

“Oh..nia, hrilh e..i kal ve tih ka lo hre lo a..” ka ti nawi nak mai.

“Ka kalna tur min zawt miau lo a, biak pawh min be lo a,Moses-a nen...” a hmuiah ka kut ka dah a,midang a thik hian nuam ka ti tih ka hai lo, mahse Moses-a kher chu ni lo e.

“Khatiang zawngin Moses-a sawi tawh suh, i tan ani aia thian tha an awm lo ania” ka kut a rawn vuana, a fawp zauh bawk.

“Ok,ka sawi tawh lo ang, mahse,ka thik tih i hria a,a lehpek ka duh lo ania” a la ti ta fo.Ka nui ta ngawt, ka thikthu a chhe ve hle emaw ka lo ti a, kei ai pawn a thikthu a la chhe zawk fe mai.

“Noel-i nen hian engchen nge min kawp ang?” ka insum hman lo.

“Kawp...oh..ni lul lo e, ani nen chuan Sumdawnna lamah chauh kan inzawm.Thil thenkhat hi then hran mai rem lo a awm tlata,Kawp tih kha chu a tel lo”

“Ka duh lo ti ta ila...?”

“I duh loh chuan tihluih che ka duh lo ang ka ring, mahse, vawilehkhatah a tawp thut thei lo tih i hriat erawh angai ang”

“Nia, ka sawi lo ah ngai la” ka ti nghata, ka tum loh tawpin ka awah titau aw a lang tel bawk.A nui suk a, ka kalsawn tur chu ka kawngah a rawn kuah leh a, ka hnute inkarah a hmai a rawn phum a.

“A chang hi chuan tianga hmuh che hi ka chak thin, ti tau la, thlem che ila..chu chu tunah ka hmu a, ka lo beisei aia nasa zawkin a la hmuhnawm bawka”  a sam ka khawih a, engmah sawi ve tur ka hre lo.Kan inhriat atang khan kum pawh a la tling lo, mahse, kan inzawmna hi a mak a, a danglam a, tumah hetianga inzawmna mak nei hi an awm ve ka ring lo,thawnthuah te chuan a lo awm mahna le.

Driver lo thlen veleh a In a kal turin kan chhuak zui a, ka thawmhnaw dang engmah ka keng lem lo, inthlak loin ka hak lai ka ha a, Slipper ka bun a, Sling bag ka ak tawp bawk.A Driverin a kuah thla a,Stepah khan Nutei nen kan intawk a, mak ti hmel a pu nangin engmah min zawt lo.Engmah min zawt lo kha keiin mak ka ti let mah zawk.

In kan thlen chuan ka la hmuh ngai loh hmeichhe pakhat hi a lo awm a, a naupan hmel vak tawh loh,Apron a ha a, a kut bal deuh liam nen chuan a nula awmpui a ni ang tih ka rin hriat thei mai.Noel-i ka rilruah a lo lang zawka, ka bulah khan a enkawl tur thu kha a sawia, a sawi ang kha a ni lo tih Zorina khan min hrilh mahse ka rilru a nuam chiah chuang lo.Engemaw thil lo thleng thut tur awm ang mai hian ka tang ru teuh a, keimah leh keimah ka in hau ru thul.Awmzia erawh a awm tam lo ngang mai.

“Zoi,eitur min lo siam la, midang an lo kal em?” a ti a,min rawn en a.”Chho ila..” a ti a, Zoi a tih chu ka melh zawka, nuam ka ti chiah lo,ka vawikhat hmuhna ania,chumai bakah Roomah kan chho dun dawn bawk nen nuam ka ti lo.Awmpui satliah emaw Cook pawh nise mihring vek anni miau a.

Ka darah a rawn vuana, kal mai loh chu tihtur a awm lo,stepah kan chho duna, ka darah a kuah a,min rinchhan deuh hian a kal bawk.Ka vawikhat kalna a ni lo bawka, ka mikhual lutuk lo thung,a room pawh a lo sawn hman anih loh chuan ka hre sa a, hre satliah pawh ni loin a khum tawmin zanhnih ngawt ka riak ve zawk.A darin a nek hawnga, engmah danglam a awm lo.

“Inbual ka duh..”khuma thut thlak pahin a ti a.

“I pem kha inbualpui chi a nih ka va ring lo” ka ti ve thung.

“Keimahin ka inbual ang ka tih awm ka lo hre miah lo..” ka en vata, a mit a siai zauh bawk.Ka biang sa hat hatah chuan inhmu thei ila chuan ka biang a sen nasa hle ang tih ka hria.

“Thil ei phawt la..”

“Um,nangpawn i ei ang chu..mahse, intihfai hmasak ka duh” a ti a, Khum tlangah a thu a,a kawr a phelh tur chu puih tur nge puih loh tur tih ka ngaihtuaha,a then leh nawk ka hmuh rualin ka ban vata, a kap karah ka dinga,a lu atanga a pawt chhuak tur chu ka chelh bet a, a na lai Philipa khan a tuam vek a, a bel chhah deuh bawk nen a harsa viau mai.

“Bathroom a darthlalang chhungah khan Bakcheh a awm ang, chep tet mai teh”  hul huk hian a ti hluk a. Rang zet hian Bathroom ka pana, a bath room hi Toilet nen a inkawp tho nangin a hranin Toilet hian kawngkhar a nei leh a, a fai in a thianghlim sar mai.Ka pawt hawnga, a sawi ang ngeiin Bakcheh pathum lai a lo awma, a lian ber ka la chhuaka,ka let leh vata, ka kalsan dan ngai in a lo la thu a, engmah a lo tihzawm loh danah a na tih a hriattheih a, Philipa koh leh ngei ngei angai ang.

A nghawng hnung lamah ka chep a,nizan khan phelhsak nachang ka lo hre miah lo pek a, thisen a lo kai nual mai,ka hamhaih buai vel khan a kawr pawh ka thlaksak lo.Bakah kan thawmhnaw a ha tawk dawn lo hrim hrim.

“Philipa lo kal se a tha lo maw? A nih loh pawn Damdawiinah kal ila a tha ang” ka thil tih lai tih zawm pahin ka ti a.

“Philipa a lo kal ang,bakah a na vak lo ka tih kha..” teh talh zel a.

“A that chu, ngatinge Damdawiin kal pawh chu i hreh viau mai le?” ka ti hlaka, a nui hak thung,mahse nuihzat vanga nui a ang lem lo.

“Syringe ka hlau ti ta ila?” ka nui ve ta thung.

“Hlauh zawng a in ang lo ania aw” amah bawkin a ti leh a, ka nui nasa zual sauh thung, a inhmeh hlawl lo.”Ka hria alawm, mahse., i inhmeh lo em mai” ka nui leh a...Ka kawngah a rawn kuaha, a mah hnaih zetin min pawta, ka kawr hak a pan bawk nen engmah a inbel si lo,a taksa lumna chuan min rawn ur a, ka chhungril a fan raih raih mai.

“Inneih vat kan ngai dawn ania” a aw a dik lo..

“Chutiang ngawta awlsam a ni lo tih  i hria lawm”

“Aih, hre miah lo, nupui ka neih  khan nei tur a thutlukna siam turin kum 3 lai ka mamawh a, mahse, tunah chuan thla tlemte bak ka mamawh miah lo, ka rilru ka siam fel vek tawh,bakah engmah tih i phal tawh bawk si lo..” a thaw lum ham ham chuan min fan nawn leh rawih rawih a,a bula ka awma ka danglam ang hian Hriata bulah khan ka danglam ngai miah lo.Mipa, kan hmuh zawnga kan danglamna thlen thei leh min khawih apianga insumna min hlohtir vek thei hi chu Lehkhabu emaw mumang lamah lo chuan an awm ka lo ring ngai lo, mahse, a lo awm tlat lawi chu nih hi!!

“Ka tan pasal neih harsat tur zia hi i ngaihtuah ngai em?”

“Aih..” teh tawp a.

“Ka nau te hi an mahni a in enkawl thei an la ni lo,Nautei a la zir zo lo a, Mama lah tunah hna a thawk veleh tan chauh bawk,keimah ber ka awm lo anih si chuan tuman an enkawl dawn lo a, Mama ka enkawl vanga ka pawisa ba pawh ka la rul zo lo a..aaa..ka tan chuan pasal neih hi thil theih loh tluk vel a ni” beidawng zet hian ka thaw hak bawk.

“Min en teh..” a ti a, ka melh chhuk a, a mit thim raihah chuan engmah a tihtum leh sawi tur awm ka hrethiam bau lo.Mahse, thuawih zetin ka en ve ngar tho.

“Min ring em?” chhan mai dan tur ka hre lo.

“Min ring la ka duh,i ngaihtuahna kha a awm lo ka ti lo a,ngaihtuah suh ka ti lo, mahse, keimah min ring la..engkim ka tihsak ang che ka ti lo,ka theih ang zawng zawng ka pe ang che..”a ti leh a ,rin ka duh zia hi a hrethiam lo zawk ang.Mahse, a mize thlak danglam thut thut te avang ngawt pawh hian min duh tih pawh hi ka ringngam tak tak dawn em pawh ka la hre chiang ngam lo a, tunah nei ta ngawt ila enge thleng ang? Ka lu ka thing ta ngawt.

“Ka lo ngaihtuah ang..mahse,ih...i mize thlak danglam thut thin te avang hian ka ringngam lo che a, chuan,a chang chuan min duh a, min mamawh angin i awma, a changin min hre lo ang hmakin i awm leh thin bawk si, tunah pawh hian kan awmdan hian engchen nge a daih ang ka ngaihtuah ngam lo zawk” ka ti ta nge nge.Ka sawi chhuah takah chuan ka thawl hawk mai.

“I sawi dik ang, nangmah vang hian ka inthlak danglam dawrh chu ka ti hauh lo,mahse, ka Mood dik lo thut leh danglam hi chu nangmah vang a ni tho” a ti nghut a, za lo zet hian a nui lui hak bawk.

“Keimah vang maw?” ka awih loh zia ka awah a lang thei.

“Um, ka ta chauh ni la ka duh laiin midang nen ka hmu dun che u a, min ngaipawimawh lo tih i ti lang fo bawk,kha khan ka induhtawkna a ti che pha tlat a”

“Chapo lutuk mai..” ka ti hlak a, ka chhungrilah erawh a hlim veng veng thung.Keimah vanga inthlakdanglam Mipa, chutah pawh ka mumangah pawh ka lo la hmuh phak loh ZORINA  a la ni zui.

“Aaahh, chapo chu kei ni loin nangmah zawk” na vak lo hian a samah ka tham a,ka kuna,a samah ka fawp zui vang vang bawk.Nula naupang ka ni tawh lo, pasal nei rual zet ka ni tawha,a hun lutuk mah mah tawh zawk, Mipa huatna nen hun ka hman laiin Zorina ka tawnga, kan inzawm atangin ka nun hi hlimna vekin ka hmang bik lo, mahse, ka hlimna tawn tawh te apiang kha ka nunna ka hun tawn nuam ber a ni vek lawi si.Tunah pawh a bulah ka awma, a Inah ka kal bawk.Hmeichhe tih tur ni lo a ka lo hriat thin kha ka ti ta vek.Ka nun hi a inthlak hlawk ka ti lo, a chanve erawh he pa ka Hmangaih na hian a thlak danglam ngei e.Ka duh ngawt lo, ka Hmangaih..haider talh tur ka ni lo.A hriat erawh ka duh ngai lo ang.

“Inbual la..” ka ti a, ka kawng a kuahna ka phelhsaka.

“Um, mahse, puih ka ngai dawn tak tak ania” a ti a, ka hnial lo,ka bu nghauh ringawt.Bath Roomah ka zui lut a, a lu ka suk pui a, a pem lai ti huh lo thei ang ber turin a hnai deuh lai chu ka hruksak ringawt.

“A dang kha chu i ti thei ang tiraw?” ka ti a, a Boxer phelh tumin a kekawr kawng a vuana, ka hawi sawn daih bawk.

“Um, i awm ve loh a tha zawk ang, thil thleng tur i hria lawm” hul huk hian a ti a, ka bu leh nghat a, hawi let loin ka chhuak zui nghal mai bawk.Ruaka a awm lai kha ka hmuh vawikhatna tur ni lo mahse nuam ka ti lo.Ngaiah ka nei thei der lo.

Nilengin ka awm a, haw tlaiah Moses-a leh Phlipa bawk an lo kal leh a,an lo thlen laiin khuman kan lo mu dun a, Zorina a muhil a, keiin Tv ka en thung,kan awmdan min hmuh vanga mak an ti anih pawhin an hmelah engmah an ti lang lo, Philip-an  a en leh a, thil tha lo zawk a lo awm leh palh hlauin ka lo thaw dep dep thung.Vanneihthlak takin engmah thil tha lo a awm lo hlauh.

Zanah ka hawsan ta chauh,Moses-a leh Philipa pawn chaw an ei ve nghala, a dam tha lo hle chungin hna lam an sawi ho leh ta tho.Moses-a te rualin ka haw a, In ka thlen chuan Mama a lo haw tawh, a hmelah engmah a lang lo a, Joe-a a lo awm tel ve bawka, an pahnihin tui zetin Futsal chungchang an lo sawi dun a,ka thawm an hriat rualin an rawn hawi dun vat  bawk.

“Ka rawn call tep che a, enge a an a?” a aw a zangkhai vaha, nidang nen danglamna a awm lo.A hmel chik takin ka en a,dik lo engmah ka hmu chung lo.

Ka pan phei a, an thut lohna lamah ka thu thla hnak a, nizan ka mu tha lo a, vawiin lamah lah muthilh ka tum pawn ka thei lo a, engmah hahthak ka ti lo chungin ka chau tlat.

“A tha...Zuala pa zawk pawh chu enge a an a?”

“A tha animai, mahse, a daih rei tawh lo ang, hun i neih leh kan ve la” a ti awlsam leh mai,ka lo ringhlel a, ka hah thlawn mai mai anih hmel e.

“Nia, naktukah animai, ka mut a chhuak lutuk, Joe,ka mu mai dawn” ka ham zui bai bai bawk.

“Mu tak teh, i hmelah pawh chau hmel a lang ania” nui hau chung hian a ti a,ani hi chu inleng angah pawh ka ngai tawh lo.

Zorina accident atangin karkhat a liam leh tawha, amah pawh hna a rawn kal tan leh tawh, kan buai viau a, zin ngai ah erawh Moses-a a kal a, mak takin Zorina Accident kha tuman an hre lo nge an sawi miah lo, Hlui pawn min zawt lo a, Zomuani pawn min zawt chuang lo.

“Hello...” ka table a Landline awm lak kan pahin ka ti a, ka laptop lam ka melh ran bawk.

“Nanun..”Hmeichhe aw hian a rawn ti a, ka hriat ngai a ni lo.

“Aw, khawi atangin nge aw?”

“Zorina nu ka nia,Officeah ka lo kal mek a, biak che ka duh a” ka khawng deuh lah mai, enge min hmuh a duhna tur ka rin hriat thei mai bawk,kar liamta chhung khan nitin hna ka banah Zorina ka tlawh ziaha, Noel-i emaw Zoi ka atang pawn an hre ngei ang tih ka chiang.

“Eng thil nge ni ta?” ka ti ta tho.

“Ka lo thleng phawt ang,nih phawt” a off zui nghal hmak bawk.a fapa ang mai.

Reivak loah a lo thleng a, Zorina emaw Moses-a tal pawh awm se a zia tur.

“Mama room lamah hian nimai tehse, Hlui coffee min lo lak la” ka hmu tawha, ka hmuh thin ang bawk khan a nalh leh thlarh ,Puan a bih leh thlap bawk, Zomuani khan a sawi thina, a zin chhuak dawn anih loh chuan chhuah naah kekawr ha lo in Puan a bih ziah a ti reng a.A puan bih te lah hi a simple em em ziah bawk.

“Thu la..” Zorina chair a thut pahin a ti a.Amah ep zawnga chair awmah chuan ka thu a, ka tang ru teuh mai.

“Hna lam inbuai em?” a ti a,hna lam vanga lo kal anih ka ring hauh lo.

“Pangngai animai..”

“Mama hi a lo kal em?” a ti leh a, a mit lian meng lian leh zahawm zet chuan min melh reng bawk nen, ka tiril a khur dar dar mai.

“Aw, kal e” a aia seia chhan ka duh viau nangin sawi zawm tur ka hre lo.

“Ka sawi tum i lo hresa maithei,ka fa te mimal nunah hian ka inrawlh ngai miah lo,tunah pawh inrawlh ka tum chuang lo,ka sawi tum ber zawk chu i Nu leh ka pasal an inkawp hi i hriat ka ring a, i lo hre lo anih chuan tunah ka hrilh che a,Mama hriat hmain i nu lo bia la ka lawm khawp ang”

“Maw?!” a hma khan Moses-an min hrilh tawh, mahse, keima buaina nen ka lo hre leh tawh lo zawk.

“I hriat chian loh vanga min zawt nawn nge i nih a i ka hre ve mak i tih vang zawk?” a aw a dam hle nangin a hlauhawm dan a nep lo.Zah vang hian thih theih se ka thi chiang khawp ang.

“Ka...ka hre miah lo...ih..”sawi mai tur pawh ka hre lo..

“I lo hre lo anih chuan tunah ka hrilh ta che a, keima lam ai chuan kan chhungkaw tibuaitu hmeichhia hi i nu anih tlat avangin ka fapa hian a hria anih chuan a nei lo ang che..”

Chapter- 17

Sawi ve tur engmah ka hre lo, kan cheng ho lo ti in thiamthu sawi pawh tum ila Ka nu a nihna a bo chuang hek lo.Amah pawh en ngam lo in Dawhkana thilawm zawk ka melh a,hrehawm tih chang tam tak ka nei tawh thin a, a hrehawm ber tiin sawi bik tur ka hre hauh lo, khang ka hrehawm tih tawh te ai khan tuna ka hun tawn mek hrehawm dan hi a nep chuang hauh lo.

Hlui Coffee kengin a rawn lut a, a chhuak leh tur chu zui ve mai ka chak zek zek.”I dik lo a, i thiam loh ka ti hauh lo ania, he thil kher hi chu ka fa te hian an hriat ka duh miah lo,chuvangin Mama pawn ka rawn hmu che tih a hriat ka duh lo ania,i buai thui lutuk loh nan i nu lo bia la a that ka rin vang mai zawk a hrilh che ka nia” amah bawkin a ti leh a, a lo thlen tirh atang khan vawikhatmah thinrim aw rawl leh vin deuh hlek pawn engmah a la sawi lo, hahdam hmel takin a thu a, Sumdawnna lam thil a indawr ang maia awlsamin a sawi mai bawk.

“Ka lo be dawn nia..” ka hrawkah engemawin a rawn hnawha, ka khuh khauh mai.

“In khawsa ho lo a, i tan biak mai a harsa maithei, mahse, Mama bawk hi ngaihtuah la, ani nen in inkar boruak a dik loh phah ai chuan be mai la a tha zawk ngei ang” a ti leh a, ka rin ai in kan chhungkaw chanchin a hre hnem anih hmel,chumai bakah Zorina nen kan inkawp dan pawh a hai miah lo tih a tawng danah a hriat theih vek bawk.

“Nanun,i tha em?” min ep zawnga Chair awm, min rawn dawrtu te thutna ah chuan Hlui a rawn thu a.

“Um,tha e..ngatinge?”

“I dang vek a,enge a rawn sawia?” a ti leh a,helai ka thawh ve hnuah Nitin kan inhmu a, thian em chu ka la ti ngam lo, mahse, nitin kan inhmuh miau avangin ka ngaina ve tial tial tih erawh ka hria,thil zawng zawng ka hrilh hauh lo nangin Zorina nen kan inkar pawh a hre tho.

“Thil tih tur min rawn pe anih kha..hna lamah hian ka buai bawk nen ka tihsak thei angem tih ka lo ngaihtuah a” ka ti a, thudik ni chiah lo mahse dawt muhlum erawh a ni lo, Ka nu be turin min ti miau a.

“Awi, i buai nen..bakah mak tih deuh ka lo nei a..”

“Eng? “ a lo hre ru emaw tiin ka lungphu a rang nghal dawt dawt bawk.

“I lo awm hma khan u Rinkimi kha tih tur an hrilh vak ngai pawh ka hre si lo a, i lo awm hnu hian an vai mai hian an lo kal seka..” ka thaw huai mai.

“An hmalak a zau ta deuh aniang chu..Rinkimi kha ka awt ngawt mai,hna a thiam an ti em em bawk si” ka ti a, ka awm tirh khan chawlh a lo la a, a lo let leh hnuah khan CAKEWALKERS lama Main Officeah an dah phei a,nel pawh ka nel hman ve ta lem lo.

“Nia, hna chu thiam tak a ni..mahse, nangpawh i thiam em hi..chuvang lawm hna an rawn sawi belh reng ni” a nui kar kara, min fak na a ni tih hre mah ila ka lawm tawk a tling tho.Tumah fak lawm lo awm hek lo le.

Haw tura ka insiam laiin Zorina a lo thlenga,Bank lam dawr turin a chhuak tih ka hria.

“I hman tawh mi?” a rawn ti a, ka bu ringawt.Hlui min rawn melh zak zak chu ka hre lo der tlat bawk.Helai hmun hi Office a ni a, han induat viauna hmun tur a ni hek lo.

“Min lo nghak lawk” tih pahin a Office a pan a, rei vak loah a lo chhuak leh mai.

“Enge dik lo awm?” ka kut rawn vawn pahin a ti a, ka melh zawka, min en lo in hmalam a en a, a kutzungtang sei thlurh chuan hneh sawh zet hian a Motor steering a control a.

“Engmah chutiang a awm lo”

“Tak tak?” ka kut a vawnna a thlah a.

“Um, tak tak,ka lu a nuam chiah lo a,chu zawng chu nimai”

“Damdawi i ei em?’

“La ei lo, In ka thlen hunah ka ei mai ang”

“Aaah, zanin chu hruaina tur che ka nei asin” a ti a.

“Khawiah?” ka ti ringawt, ka lu a na miah lo,chhuanlamah ka hmang mai zawk.

“Kan inpuiah,ka pa te inah mawle, ka hmelhriat tir ang che ka lo ti a..” ka lungphu a rang nghal dawt dawt mai.Thih hrehin ka hreh.

“A van pawi, ka nuam meuh si lo a, hun dangah ti zawk ila a pawi em?” tim deuh dai hian ka ti a.

“Aih, pawi lo.I nawm loh chuan a tul miah lo,mahse, ka pi a phun dawn anih hi” zawi te hian a nui hawk bawk.

“Maw?” ka ti vat a, Pi a nei tih pawh ka hre lo.

“Ka pi mawle, ka kal ang tih ka tiam a, hmuh ve che a duh bawka, ka tiam tawh tih hlawhchham hi ka pi huat zawng ber ania” a ti leh a.Nuam lo ka ti ru nghal vang vang mai, mahse,ka kal thei lo.Anu kha ka hmu ngam lo ang.

“Oh..engtin nge niang?”

“A pawi lo, ka pi te chuan min hau fo alawm, ngaipawimawh suh,atan chuan ka tha ber reng tho a” a ti awlsam leh mai.Api kher chu kei pawn ka hmu chak ve ta tho, Pi a la nei tih tuman an sawi ngai lo a, hna lamah lah a pi engmah sawilan a ni ngai bawk lo.Anu leh pa leh a nau nen mai a khawsa emaw ka lo ti ve ngar ngar.

“Mahse, keimah vangin hauh i tuar dawna,nangma Inah zawk ka hmu thei angem?”

“Keima Inah kher maw? Ngatinge?” min rawn melh zawka, ka lo ip chawih mai.

“Ka hre lo, I in chu ka kal ngun a, nuam ka ti alawm, I pa te In chu ka hreh ve deuh,ahma khan ka record a chhe ve em a” ka ti ta ngawt, mahse, chhuanlam tha tak a ni tho mai.

“Ka hrethiam e, mahse, thil pakhat, ka pa emaw ka chhungte dang hi i pasal tur anni lo a, i pasal tur chu keimah..Mahse, chuvang chuan ka chhungte ngainep rawh ka tihna a ni lo ania” nghet churh hian a ti a, a sawi dik.

“Pasal...a la hma deuh lo maw?” kan boruak inthlak deuh thut tih zangkhai tumin ka ti sapa, ka nui lui hak bawk.

“Hma pawh ka ti lo, ka nghak rei tawh viauin ka hre zawk,I nau chu i be ta em?” a ti leh a, a hma khan Mama be turin min ti a, kan unau boruak a pangngai leh hle tawh nangin Pasal nei turin ka la inpeih hlawl lo a, sawi pawh ka la sawi chhin ta lo.

“Aih..”

“Ngati?” a ti hmuk a, nidang ang bawkin a mood a thlak leh vek tawh.

“Ka hre lo..englo, ih..thil engemaw min dal tu hi a awm tlata, chutiang chuan i awm ve lo ami?”

“Ka awm lo anih ka ring, ka ngaihtuah miah lo bawk” a ti leh hluk a.Engpawh sawi ila a mood a off leh tlat tawha, tih thinrim belh lo tur chuan ngawi mai zawk ila a fuh ber ang.Ka thutna hnunglam ka nghenga, pawn lam ka thlir ta daih, Motor tawt lutuk avangin kan tlan sawt lo ngang mai bawk.

“Sorry...ka nawr nasa lutuk che in ka hria” ka kut a rawn vuana, ka kut zungtang karah a kut a rawn rawlh a.Ka thle baka,a hmel pa leh hriam hraih maiah chuan engmah a ngaihtuahna awm ka hre thiam lo.Thil mak a ni hek lo, mipa luhlul ve tak leh induhtawk tak mai a ni a, a hmelah engmah a lan tir lo hi a mak lo,amah ang hi Mipa tamtak nih dan phung ve reng a ni zawk.

“A pawi lo, keipawh ka dik lo maithei asin” ka nui lui sak bawk.

“He Traffic jam nasa lutuk hi i vanneih pui leh ta tlat” ka hmui a rawn tuai zauha, ka thaw hak mai,a sawi tum ka hai hauh lo,tlan thei loin Motor dang tam tak nen in line lo ila chuan thleng tura ka duh miah loh mahse ka dan hleihtheih lawi si loh a thleng dawn tih ka hria.

Inah lo chho ve loin a tlan let lehnghala, Mama a lo haw tawh mial,tunlai chu kei aiin a tlai deuh ziah.Faifuk rat rat pahin salad tur a lo chan mek a, ka thawm hriain a rawn hawi chhuak vat bawk.

“I khumah  khan i percel tur ka dah ania” a rawn ti a, eng percel tak ni ang maw? Online a thil chah hi nuam ka ti viau a, ka chah leh mai thin bawk, mahse, Pawisa ren ka ngaih em avangin Bazarna chi Apps ka neih zawng zawng ka uninstalled ta vek a, chuvang takin eng percel nge lo thleng tur ka hrethiam lo.

“Chaw i chhum tawh mi?” ka ti a, Dinning tableah ka bag ka daha, Fridge ka pan a.

“Chhum tawh,hei hi ka zawh chuan kan ei thei nimai,eee...Joe-a khan hmuh che a rawn tum seka, call i pick thei lo a ti bawk tak asin” a ti leh a, engtak ni leh ang maw?

Mama nen kan intihbuai zan atang khan kar khat lo liam a la kal lo ,mahse, a tira a thinrim tehreng nen khan engmah a ti lang zui leh miah lo,Zorina lo kal pawh tha takin a lo be leh thei tawh lawi.A tir kha chuan a that duh mai dawn emaw ka ti hmana, kei lah min be tha duh hauh lo bawk kha ania, tunah chuan engmah thleng lo ang maiin a khawsa leh tawh.

Khuma Percel phek thlir thler lo awm chuan ka mit a la chat ,ka pan hnaia, a kawmah ka address chiang takin a inziak a, ka hming pawh hmingpum thlapin a inziak bawk.Ka la kanga, a rit nalh mai,ka thinga, engmah ri a awm lo, khuma thu chungin a charna ka pawt thla a, a chhungah a lo intuam leh a, an uluk em em lutuk chuan min ti hlau lek lek mai.

A chhung zawk tuamna ka phelh leh a, ka pawt tet a, Paper inthlep hi a lo awma, ka pawt pharh a,enge anih ka hmuh takah chuan ka thaw hak mai, kan ram,Mama damloh laia ka hralh ngei kha ka hmingin a lo let leh ta tlat,ka mit ka nuai a, engmah a dang lam lo.Tu tih nge ni ang? Zorina..a ni thei lo, ani chuan a hre miah lo zawk ang.Mama khan loan lak nan min dil kha ania, ka hralh tawh miau avangin ka bei a dawng hman a, tunah lem ka kutah a lo let leh ta lawi.

“Engthil nge a?” Room a rawn luh pahin a rawn ti a, ka thlep leh a, thuhruk ka tum zeta, tul ka ti leh lo.Tunah chuan a puitling ve tawha, thil engkim hi hre ve se a tha zawk ang.

“En la..” tih pahin a lamah ka lek hnaia, a rawn la a. A pharha,a hmel a danglam nghal titih.

“Hei hi Ka pa khan keima hminga thlak tur ati emaw ka ti a?” lawm vak lo ri ka hre thei.A boral hnu khan Mama hmingin kan thlak vek.

“Nia, eng lo..I damloh lai khan i hriat lohin Ka ni te hnenah ka hralh tawha, mahse, tunah keima hmingin a lo let leh a, loan lak nan min dil pawh khan sawi mai dan tur ka hre lo anih kha..” a lu a thing nawk mai.

“Ka ni chu zawh angai anih chu..” tih leh Phone phawrh a ruala, dan ka tum zet nangin ka dang duh ta lo.Hrechiang law law ila a tha zawk.

“Living room tang lo va be teh, ka inthlak lawk dawn” ka ti a, a chhuak ve mai.Ka thawmhnaw ka hlip a, vawiin khan ruah a tla nangin khawlum a daih phah miah lo, kan Officeah AC a chhia a,thlan vangin ka ban deuh chuap a,Chawei hmain intleuh ka mamawh tlat.

Ka inbual zawhin Kitchen ka pan nghala, Mama chawei lo siam mek ka tihpui a, engmah a sawi lo chuan ka awm a ti nuam lo leh deuh titih,” engtin nge a tih a?” ka ti ta nge nge.

“I hralh hnu lawk khan mi pakhatin hnenah an hralh tih a sawia” thut pahin a ti a, a thlenga eitur awm a chawk kuala.

“Tu nge ni ang le? A hming a sawi em?”

“Aw, mahse, thingtlang lam mi a ti a..” ta deuh deuh chuan a.

“Ka lehkha dawn kha chhui zui angai dawn anih hmel, mahse, lehkha ber kha Court atang vek a ni bawk si..tu nge niang le?” ka ti a, angaihna ka hre lo, Ram ka hralh tih kha kei leh ka ni te bakin an hre kher lo ang.Ka nutei hi thil hriat tum hrim hrima buai a ni a ,a lo hre mai thei bawk.

“Ka hrethiam tawh bik lo e a, a leitu zawk chu zawng chhuak phawt ila a hriat mai ang..eng lo..Ka nu animai angem?”  ka thil ei ka hak a,ka khuh zui bawrh bawrh mai.

“Ngatinge a?” tui min rawn pek pahin a ti a, ka hnungah a chum dat dat bawk.

“Engmah...i sawi thut a..” ka khuh leh rih..A thutna ah a thu leh a.

“Thil ka hriat ve loh a awm em?” a ti leh khauh a, hrilh tur nge hrilh loh tur ka hrethiam hlawl lo.Hrilh ila engtin nge a tih chuan ang? Ka hrilh loh hian enge hlawkna a neih chuang?

“Mawh?” amah bawkin a ti leh a, a thil ei lai chawl meuhin min melh ran bawk.

“Ih..engtin nge ka sawi ang ka hre lo alawm,dik tak chuan kan nu a ni ngeia, mahse, ngatinge kan nunah hian Buaina chiah min thlen ka hrethiam lo” ka khuh leh khauh a.Tui ka bana, ka in leh rih, Mama hmel buai deuh nakah chuan ka sawi a man miah lo anih hmel.

“Thil kal tawh chu a kal tawh a, i huatna kha i paih loh chuan i hrehawm mai mai ang” a ti ta nge nge, a sawi dik,ani leh Nautei hi chuan ka nu hi kei ang em chuan an haw ve lo.

“Nia, kal tawh chu kal tawh ania lawm,mahse, tunah hian eng nge a tih i hria em?”ka ti leh a,sawi chhuah mai dan tur ka hre lo.

“Hre nang, chaw a ei ve mek te pawh a nimaithei a” a nui a, ka nuih a za ve der lo.

“Vawiin khan Zorina nu a lo kal a, min rawn hmu turin..eng lo, ih..Zorina Pa leh Ka nu an lo inkawp niawm tak ania,chu chu Zorina hriat hmain chingfel turin min duh a” a hmel a awih lohna leh mak tihna lang kawp chu ka en a, mak zetin a nui chhuak hak bawk.

“Enge nuih tur awm a?” ka ti hmaka, a nui tawp riai riai chu ka en a.

“Engmah, a awihawm loh em alawm..”

“Keipawh hian awih loh ka duh lutuk, mahse, khatiang hmeichhia, mahni Fa nu te bialpa pawh lo chetsualpui duh khawp kha chuan engpawh a ti thei ang..” ka tho a, ka tum aia nain ka chair ka nawr sawn pawp bawk.

“Maw? Sawi nawn leh lawk teh” nuihzatna lam engmah a lang ta lo.

“Kha thil vang khan asin ka nu hi nangni aia ka huat bik a ka ngaihdam theih loh..Hriata nen khan..khumah ..” a rawn tho a, min rawn kuaha,kei aiin a lian zawk fe a, a cher deuh tih lohah chuan Zorina a chen lohna a tam vak lo.

“A tawk e. Sawi tlak pawh a ni lo..” ka mittui a rawn tla a, ka nau te hnenah he thil hi ka la sawi chhuak ngai lo, sawi chhuah pawh ka duh ngai lo.Mahse, tunah chuan ka sawi ta,anih tur a ni zo vek tawh.Ka mittui a rawn tla a, ka nu vang in ka tap nge keimahni ka inkhawngaih zawk vang ka hre thiam lo.Mi unau te pawh hi an inpawh em em ang tih ka hria, mahse, kan unau kan inpawh ang hi chuan an inpawh ve ka ring lo,unau chauha awm kan ni a, chutah pawh harsatna kan paltlang nasa a, tuarchhel kan mamawh ngawih ngawih avang hian intichak tawn turin kan infuih a, hei hian kan inpawhna hi a ti nghet zual em em bawk.

“Zorina hian min neih a duh a, mahse nang leh Nautei kalsan hi ka thei lo..Engtin nge ka tel lo in in awm ang? “ tah aw deuh hian ka ti a, ka insut zui hraih bawk.

Min kuahna a thlah a,a thutna ngaiah a thu leh a,min rawn en a.

“I tel lo a awm hi ka lo la ngaihtuah ngai miah lo, hman zan a u Zorina’n min rawn hmuh pawh khan i thu thu a ni tih bak ka sawi ta lo” a ti a, phawk hra hian ka en a, engtik laiin nge Zorina nen an inhmuh ka hre lo.

“In inhmuh lai pawh ka lo hre lo,engmah i sawi lo a, a sawi bawk si lo a” ka ti a, ka kut sil turin tap ka pan a.

“Insawifel sa vek anih ka ringa, ka sawi ta lo mai anih kha, mahse, thil pakhat ka lo ngaihtuah a, a duh tak tak chein ka hria” a ti leh a, Midang hnen atangin hria ila chu zahna tur a awm kher lo ang, mahse, mahni nau te ka ngei atanga hriat chu tlem chuan a dan a dang deuh.

“Ka hrethiam lo, nei dawn pawh ni ila ka nu bawk chu..” ka ti leh sep a,min chhan tuma a ang ziau tawh chu Joe-a lo lut a hmuh rualin a tawp leh ta daih.

“In ei tawh maw?” kan boruak man lo zet hian a rawn ti nghal a, ka bu ringawt, kan thil eina ka sengfel nghal a, ka sil zawh leh hnuah Living roomah ka va zawm ve ta chauh.Mama leng turin a chhuaka, Joe-a erawh a la awm thung.

“Vawiin kha ngatinge Phone i pick theih miah loh a?” a ti a.

“Ka lo silent alawm, tunah sawi mai la..”

“Aaah, a ho leh tawh e,Zomuani nen kan inhmu a, Lunch ei turin lo kal ve rawh tih che kan tum a” a ti a, ka haw hma atangin min hmuh tumin a lo kal tih Mama khan a sawia, chutiang mai mai a ho anih ka ring tlat lo.

“Ho thei, mahse, Mama khan tlaiah pawh min hmu turin i lo kal tih a sawi sia, a pawimawh mawni ka ti?” ka ti leh a, a ner saka.

“Pawimawh nang,thil dang daih zawh che ka tum vang mawle,Zorina a lo kal dawn em?” a ti leh a.

“Ka hre lo”

“Zana lo kal a, lo len tih vel hi chu a peih chiah lo in ka hria” a ti ve mai,a sawi dik ang, a lo kal tam lem lo.

Reife Joe-a a lo leng a, a haw veleh mu turin khum ka pana, ka phone ka en a, miss call a lo awm dal mai, ka en a, Zorina lo call na a awm,number hriat loh ti a ka save hnen atang bawk khan vawi khat a awm tel bawk.

Zorina ka call back nghala, a lo thinrim leh tung tawh zawk maithei ani..Mahse, a pick miah lo,ka tinawn leh dawn chiaha, amah zawkin a rawn call a, ka nui sak mai.

“Hello..” phur fe hian ka ti a.

“Nanun,Zoa hi a buai lawka, nakinah lo ka lo call tir mai dawn che mi?” Hmeichhe aw hian a rawn ti a, tu nge anih ka hria..Noel-i..

“Ok..nia, miss call ka hmuh vang ania” tul lo zet hian ka ti a, engvangin nge Noel-i anih vanga ka nawi nak kher zel ni?!

Ka mu meng kar mai, Mama a lo haw tawh a, Sana ka en a, dar 12 a ri tep tawh, tun thlengin Zorina lo call hun ka nghaka, a lo la call ta lo cheu.Ka chhungrilah hlauhthawnna a lo lang a, Noel-i nen an riak dun mai angem?Good night msg ka thawn ta ngawt, mahse, a rawn reply chuang lo.

Ka beisei loh deuhin ka mu tha ta phian, ka alarm ri bawkin min ti harha, ka phone ka en vata, nizan khan min reply loh vanga thuphachawina ka beisei a ni zawk mah.Ka beisei ang ngeiin Zorina msg a lo awm vang mai.

“Zingah Inah lo kal la, thil pawimawh a awm” tih zawng..Ka ner nak mai, engmah tih dik loh a nei hauh lo,a call ka pick lo a, ani pawn min reply lo a, min lo call bik lo animai, hna lamah chauh Noel-i nen an inzawm a ti a, nizan pawh kha hna lam anih ka rin mai angai ang.

Joe-a ka call a, a Scooty hman ka dil a,a lo phal ve mai bawk.Hna tlang nghal angaih palh takin tih thuah ka insiam lawk deuh a.Chubakah  Taxi a ka kal chuan ka rei lutuk palh thei,  tihtur tul viau a lo awm anih pawhin Scooty hi chu Zorina Driver ka dah tir thei tho bawk.

Gate a lo la inkalha, Gate pawnah Scooty ka daha, Mihring luhna tur a sira awmah chuan ka lut a, he lai hi chu zing karah Zoi emaw Driver zawkin a hawng thin tih ka hria.Tumah an la tho lo niawm takin a reh deuh raih bawk.Veranda ah ka chho a,ka kal hma over pawh a ni lo a, an la reh thiap mai chu mak ka ti deuh,Door Bell ka hmet a,rei vak lo chu a reh thiap tho, ka hmet nawn leh tur chiah chu Kawngkhar kalhna ri rak ka hria a,ka tawlh hnung a,thawh an hai a ni ngei ang.

A rawn inhawnga, ka tum loh lutukin Noel-i nen kan inhmachhawn ta ran mai..Mu tho hlim tih hriat zet hian a sam a hnawk niaih bawk.

Chapter- 18

Tawng mai nachang hre loin ka en reng ringawt, hei hi chu ka lo ngaihtuah lawk tawh tho nangin a tak a ka hmuh erawh ka ring eih lo.

“Lo lut la...Zorina i be duh mi?”  ati a, a nui deuh sang bawk, chhan ka tum zeta, ka bu ta nghauh ringawt,ka tawng chhuah theih pawh ka ring lo zawk.

A tawlhsawna, ka luhna turin min kiana,zahna nge natna zawk ka hre lo, min fan rawih rawih bawk,muangchangin ka pen lut a, Curtain engmah an la hlim lo a, Light an On bawk si lo nen a lang thim deuh khap bawk.Kar kalta te kha chuan ka ta emaw tiin zalen tak khan ka tei vel kha ania, ahmun engmah a la danglam lo, mahse, tunah chuan neitu lo zawk ngawih ngawih a inhriatna in min luh ngut ngut a, tlawm ka inti hluah hluah bawk.

“Thawh kan hai deuh alawm mawle, ka han ko ang, lo thu la...” a ti leh a, min hnaih ber a Chair awmah chuan  ka thu thla a, ka bet hlawl lo.Stepa a kal chho chu ka en a, Mutna a hak chi kekawr bul tawite a ha a,a kamiz hak chuan a kekawrbul hak a khuh pil tep bawk, a len danah a ta a ni hauh lo ang tih a chiang reng bawk.Ka thaw hawk mai, darkar 24 pawh a liam hma hian enge thleng leh ta hi? Zorina hi engtin nge ka rin theih ang? Hetiang hi a nih ziah vangin ka ring thei lo chu anih hi.Sumdawnna ngawtah inzawm se engvangin nge a bulah a riah kher ang? Ka mutpui duh lo vang maiin a mamawh pe tu tur a lo zawng leh tihna a ni ngei ang..Ka luak a chhuak nghal hlui mai.

Noel-i chauh a lo chhuk leh a, a thawmhnaw hak a rawn thlak ta bawk, ka thut dan ngaiin bet lo zetin ka lo la thu a, ka kut ka bag hnuaiah ka dah a, nghet zetin ka hum kawp tlat bawk.

“A lo chhuk tep,lo nghak rawh, Coffee lo in ang aw” a ti leh siam siama, Curtain ho a pawt hlim zung zunga,engtinmah ka chhang let lo.A chevel chu ka en ngawt ngawt ringawt.

“I va hma ve” Zorina aw hian a rawn ti thut a, rang zet hian step lam ka hawi chho a, Kekawrbul dum, a khup kuh lo deuh leh T-shirt var a ha a, Slipper dum a bun bawk, a chawn sei thlur chu hmulin a khuh dap a,ka chil ka lem khawlh ringawt,dik tak chuan engtia lo hmachhawn tur nge ka hre miah lo.Ka kal tur hre lawk vek siin kal hma min ti leh lawia, an duhtawka khawsa dun turin zankhua kha a tawk zo lo emawni?

“Zingkarah tih a ni sia, kal tlai ka hlau a..” ka beisei aiin ka aw a pangngai.Noel-i kitchen lam atangin a rawn daka,Coffee a duh leh duh loh a rawn zawt a,ka insehruh fan fan thung.

“Engmaw ka tih?” ka thutna ep zawnga Chair awmah chuan a rawn thu ve a, a bawp sei zet a khawkherh nghal bawk.

“I msg ah khan hna pawimawh a awm thu leh zingah heta kal tura min tihna ka hmu a” ka ti leh a, thinrim lutuka ka au vak loh nan ka theihtawp ka chhuah takmeuh.

“Maw? Chutiang ka tih ka va hre lo ve..”

“I msg ka chhiar sual a ni maithei..”a awki ang chiaha ngeiawmin ka ti ve hmaka, ka insum hman lo, mahse, ngaipawimawh lo hmel zet hian a then suk duh chauh.

“Ka ring chiah lo,tak takin Moses-a pawh a lo thleng tep ang” a ti leh lawi,hna chu a lo awm ngei anih hmel ta, msg erawh ama min rawn thawn ni lo in nizan khan Noel-i zawk a rawn thawn tir a ni ngei ang.Atthlak zetin ka mittui a hnai kuar bawk, ka khap sak sak a, engvangmahin ka tap ngawt tur a ni miah lo.

“Keima lo thawn che nih kha, a buai vangin ka rawn thawn sak a” Noel-in Coffee rawn chawi luh pahin a rawn ti a.Ka bu nghat nangin ka awih chuang lo, khatiang tlai tawhah khan a la buai anih chuan buaina pakhat bak eng buaina mah a ni hauh lo ang.

Side tableah a hung a, in chakna ka nei miah lo, Moses-a lo thleng vat vat se ka ti takzet,a awm chuan ka mal lo deuh ang, chubakah hetianga thil lo inthlak leh thut vanga ka mangan zia pawh hi ka hrilh thei mahna le.

Vanneihthlak lutukin Moses-a a lo thleng ta hlauh, ka thaw huai mai,nidang ang bawkin vei nei lo niawm tak hian a rawn lut a, a rawn tawng nghal lawng lawng bawk.Ka bul hnai bera Sofaah a rawn thu ve a,Coffee a duh ve thu a sawi nghal zat bawk.

“I riak ve mai lo a..” Zorina’n Moses-a en pahin a ti a, a thle buk bawk.

“Nia, ka inchhir tep, zing hma tawka lo chhuah leh tho angaia, mahse, a pawi lo..Nanun,i thlenna rei tawh em?” min rawn en a, ka lu ka thing ringawt,ka hmelah dik lo awm angin ka lo awm nge ka hre lo, min melh deuh vang vang bawk.

“Ka rilru ka thlak leh a, Nanuni hi kal ve se a thain ka hria” Zorina bawkin a ti leh sup a, engmah ka la hrethiam chuang lo.

“Nia, pawi miah lo, Office lamah te chuan Ruata a lo awm mai ang chu..Bakah ni hnih chauh ania” a ti leh a, khawiah nge kal tur ka hre eih lo.Nizan chuan Moses-a pawh hi a awm ve anih hmel ta riau mai.

“Bairabiah..zan hnih kan riak ang” a,Bairabi hi kan bungraw pawimawh leh khawl zawng zawng awmna a ni tih ka hria.

“Engtikah nge chhuah tur?” ka ti leh a.

“Chawhnu lamah kan chhuak mai ang chu, Mos..In enkawltu kha bia la..Pathum kan ni dawn tih pawh hrilh nghal la” a ti leh a.Tun ang boruakah hian zin chhuah ka chak hlawl lo.

Zoi bawr fein a rawn haw a, a bazar anih hmel,ka kal khan in kha chhunglamah an la kalh bawk sia, mak ka ti deuh, Zorina Ofiiceah kan lut khawm ta dial,hna lam an sawi zui ta char char a, ken ngai tur an la khawma, mi biak kual tur apiang Zorina zawkin a be zel a, File chi hrang hrang kan keu a, Document pawimawh fe fe kan ken tur ka dahkhawm nual tawh bawk.

“Mamawia chu ka lo be lawk dawn em?”  Noel-in a rawn ti a, engmah sawi ve loin a lo thu ve char char a, mak takin Moses-a nen vawikhatmah an la in be eih lo.

“Lo bia la a tha khawp ang,naktuk zingah emaw hmuh ka tum dawn a,a number kha min lo thawn leh mai teh,ka nei tawh lo. Chuan Driver kha a lo let tawh chuan inthlah tir mai rawh” en mang lo hian Zorin-an a ti liam puat,Noel-i hmel a na tuar hmel lo lang zawk chu ka hmu hman tho,mahse, a in control leh vata,nui chung hian min rawn en a,” Nia, ka lo inthlah tir mai ang, in buai bawk si” a ti a, a aw a dam thlap a, engmah hian a ti danglam ve thei lo emaw tih mai tur hian a awm thei hi ka it thlawt.

“Nan, i duh chuan nang pawh kal la, i insiam lawk theih chuan a tha ang” min rawn en a, a hmelpa zetah chuan hriatthiam chiah si loh thil a lang zawka, min duatna nimaiin ka hria.Mahse, a rei lo.

“Um, Scooty ka lo keng tho a, Office lamah ka va tlang zawk anga, kan thil ken tur thenkhat kha ka va la kual dawn mawni ka lo ti a”ka ti tha ve mai,kan thil ken tur thenkhat te Office lamah a la awm hlawma, Moses-an Laptop nen hna a thawk char char a, Zorina lah in phone a hmang reng bawk nen keimah lo kal tur an awm dawn lo tih ka hria.

“A tha tho mai,dar 3 velah muangchangin kan chhuak dawn nia”a ti leh a, ka chhan hmain a phone a rawn ri leh a,.A ning ve deuh ngang a ni ang a ner nawk bawk.

Officeah Hlui leh Ruata an lo awma, Ruata hi site a awm thin a ni a, a hriselna lam a pan deuh vangin helamah a rawn thu ve ta rih a, pa lian lem lo, che fel thlap  mai a ni a, hna lamah chuan a ngaihtuahwm hauh lo ang.Ka thil lak tur ho ka la khawm sawk sawka,Hlui’n min pui bawk a, kan kalna tur leh kan awm hun chhung tur ka hrilh pah mawlh mawlh bawk.

Tlai dar 4 velah kan chhuak ta chauh, an pahnihin min rawn lam kuala,khua a dur deuh khup a, thli a thaw deuh vur vur bawk nen ka awm a nuam lo,thli hi ka hlau hran lo a, mahse, ruahsur nasa leh tek tla te hi ka thil hlauh ber an ni leh lawi.

Seat hnungah ka thu tawm chaiha, Driver hruai lo in Moses-an a khalh a, an pahnihin hna lam bawk an sawi dun a, ka hre chiang lo nangin kan hna kal tlang na tur ram ah buaina a awm a nih hmel a, buaina satliah ni loin a serious hmel viau bawk.

“Kei chu ni ila ka ti tau nasa hle ang...Nanun, nang eng nge i ngaihdan?” a rawn ti a, Pawnlam ka lo hawi daih avangin engmah an sawi lai ka lo hre mumal miah lo.

“Maw?” ka ti ha mai.

“Zinga ka rawn hmuh kha mawle..Noel-i khan mikhual ang maiin a treat che a..” a nui hak hak bawk...A sawi dik chiah ka ti rilru a, zingah khan ka na a, ka zak bawk, mahse, hna lamah khan kan buai ta lutuk a engmah mumal takin ka ngaihtuah thei ta lo mai zawk kha ania.

“Mikhual chu ka nia lawm” ka nui lui hak bawk.

“Moses.Duhtawk teh..Nanuni i hrechiang lo ania,,bakah nizan khan engvangin nge a riah pawh i hria lawm” Zorina’n a ti hluk a, hahthlak hian..Ani pawh hian min hrechiang bik lo,kei phei chuan amah hi ka hrechiang lo lehzual.

“Ok, ka duhtawk e,mahse,kei ni ila chuan eng eng emaw chu i nghei chiang khawp ang” a ti leh a, ka thaw halh mai.Moses-a hian kan inzawmna hmasa kha engmah a hriat hmaih hauh lo tih ka chiang lehzual.

“Khawngaihin..” zawi sup hian Zorina’n a ti leh a, nawr luih chi a nih loh zia a lang chiang viau.

“Tehreng mai, Nanun,Bualpuiah chaw kan ei mai dawn mi?” a tih zawm zat.A titi kal lai a thlak hlawk nangin danglamna engmah a lang eih lo.

“In tih na apiang kha animai,khawiah nge kan riah dawn?”

“Ekhai, kan lo la hrilh miah lo tak che, Kolasibah In kan luah alawm,hna kan thawh chhung a kan awmna tur,in enkawltu kan daha, kan thlen chuan mut tawp animai” a ti leh puat a, pawisa a awm phawt hi chuan engkim hi a awlsam vel vek chu anih hi maw.

Bualpuiah chaw kan ei thla a, kan  tlan leh chauh tihin ruah a tla a, tam erawh a ni lo.Mutchhuakin min zem chiai chiai a, Coldplay ho hla a play bawk nen, ka muthilh lai pawh ka hre lo.Motor ding dawtah ka harh ta chauh,In lian vak lo,gate chhe te awm ve hmaah kan lo ding fel der tawh.Ruah pawh a sur tawh lo.

“Kan thleng e, i mutui maw?” Moses-a zawkin min rawn ti leh a.

“Um, ka mu nasa khawp mai, kawng a tawi phah vek mai” ka ti ve a, kan chhuka, ka bag ka ak a, kan awmrei dawn lo bawka, thawmhnaw inthlakna tur pahnih khat bak ka keng lo, Underwear erawh pathum lai ka keng thung, ka period a hun hnai tawha, thut thei anih avangin in rin lawk loh ka duh lo.

In enkawltu an rawih chuan kan thlen a lo nghaka, kan han inchibai leh rih a, kum 50 ver bawl anih ka ring, ka hawi kuala, a felfai thlap mai,an inluah piah lawka khawsa an lo ni a, An zin chang a buaipui an ngai tih loh chu hna a nei lem lo.

“Ka chhuak lawk dawn nia,in pahnih in in lo awm mai dawn mi?” Moses-an rawn luh pahin a rawn ti a, phone a hman vangin kan luh rual khan a lut ve lo.

“Khawiah?”rang fe hian ka ti a.

“A tih dan pangngai anih kha,kal rawh,i riah dawn chuan lo sawi hma tawh la” Zorina’n a ti hmuk a.Moses-a lah chuan Zorina aw a lawm lo ri chu ngaipawimawh lo fe hian a nui a.

“Tehreng mai, kha chu tihpalh ka tih kha..Nanun, kan kal hnuhnun ber khan ka riah chhuah tur sawi loin ka chhuaka, zankhuain Kawngkhar kalh loin a mu a, a hlau anih ka ring” a nui hawk hawk mai, an thiandun hi an inpawh takzet,Moses-a a tawng duh em em a, Zorina erawh a tawng duh hran lo a, a nui khat viau lawi, chuti chung chuan Moses-a hian a chhaih kuala, a fiam a, Zorina Mood fuh vak lo pawh hi engahmah a ngai lem lo.

In enkawltu a haw tawha, kei pawh ka mutna tur roomah ka kal tawh,Mama ka call a, a pick lo, call nawn tawh loin msg in kan thlen thu ka hrilh ta zawk.Sana ka en a, dar 11 a lo hnai thuak tawh, kal kawngah khan ka muthilh vang a ni ngei ang, ka mut a chhuak der lo.

Kawl a rawn phe zawka,khawpui a ri nghal dur dur bawk, hlau zet hian ka mu tawm chawih a, ka inlukhup tlat bawk,ruah tam zet hian a rawn zui nghal a, a ri nghal buan buan mai,an in luah hi Assam type a ni a, ceiling a awm vek tho nangin ruah sur thawm chu na tak a ni tho.Zorina inbual laiin ka mutsan ta kha ania, Room kawngkhar kalh ka tum zeta, palh thleng thei anih avangin ka kalh leh ta lo zawk.

Khum a  che data, Dunlop a hniam deuh sat bawk, ruah sur thawm avangin room kawngkhar in hawng ri engmah ka hre si lo,ka inkhuhna ka hai hawng a,tu nge anih ka hmu thei lo, Current a lo thim daih bawk nen a thim uluk lutuk.

“Shh..keimah..” Zorina aw hian a rawn ti sup a, ka inthlah dul nghal a, ka puan sin a rawn pawt kau a,min rawn kuah a, amah si chetin min pawt bet zui nghal bawk,tukin zing kha ka ngaihtuah chhuaka, Moses-a hnenah khan Noel-i riah chhan a hria tih a sawi anih kha..Ka tang nghal teuh mai.

“Ngatinge i lo kal a?” ka mut dan ngaiin ka mu a, a taksa lumna chuan min ur pha titih bawk.

“Ka ngai che..” ka bengah a rawn fawp thawi thuak a, ka darah a hmui lum ham ham chuan a rawn fawp a, ka khawng nghal lah mai.

“Nizanah Noel-i i bulah a riaka”

“Aih, ka Inah, mahse, ka bulah ni lo”

“Ngatinge a riah kher? Chuan i phone a lo pick bawka” ka lungawi lo tih ka awah a hriat theih.

“Maw?” mak tih hmel zet hian a ti hmuk a.A lam hawi turin min kuai her a, ka inlet ve mai bawk,min pawt hnai leh a,a awmah ka hmai ka phuma, a lungphu ri dat dat ka ngaithla leh ta.

“Nizan khan i lo caall na ka hmuh vangin ka lo call back a,Noel-in min lo chhang a, i buai a ti a, ka nghak reng che a, mahse,engmah i rawn sawi lo a..Zingah lah khan i kawr a lo ha a...” ka aw a zuih ral vek, ka rilru a na thar leh vawng vawng a, a hun laiah khan ka let leh a ni ber.

“Chutiang engmah ka hre miah lo,ka ti tak tak..Ka phone kha Roomah ka kalsan a, hna lamah chuan kan buai ngei, Moses-a a lo kal a, Pi Zuali a lo kal bawk,Noel-i kha chu pawimawh a awm vanga ko kan ni thung.Mahse, ka phone a lo pick chu ka hre miah lo..ka ti tak tak” a awah ngenna ka hre thei.

“Dik tak chuan i nupui hlui a ni a, a la duh em em che tih ka hria, hmeichhia chuan kan hmeichhiatpuite rilru kan hrethei bik a,chutih laiin i inah ariak ve a, ih..ka thik ve ang tih i ngaihtuah ngai lo ami?” ka insum hman lo.Nia, ka thik em em tlat.

“Sorry, zingah khan i thinrim tih engmah i tilang lo a, Moses-an a sawi hnu khan ka ngaihtuah ta chauha, keimah lamah hian engmah a awm lo lutuk a thik ngaiah pawh ka lo dah lo..mahse, ka tihpalh aw..Tih nat che ka duh ngai lo ang tih i hria lawm” thu tak lutuk hian a ti hrawka, ka sam karah a kut a rawn rawlh a,a kut lehlamin ka mal a rawn chawi kanga,a mipatna khauh tung mai ka sik rualin tawp a hun tih ka ngaihtuah chhuak nghal zawk bawk.

“Ngatinge a riah kher? Zingah lah khan i roomah a rawn kal a, a rawn kai tho che a” ka ti leh nghat a, ka la lungawi thei lo.

“Ka lo la hrilh lo tak che, Noel-i u mipa hi zu ngawlvei ania, nizan khan a nu leh pa an awm bawk si lo nen a haw ngam tawh lo a, Moses-a pawh khan a hria alawm”

“Hmun dangah pawh a riak thei lo ami?” ka ti leh talh.

“Oh, Mate, zan dar 12 dawn thleng ka inah hna kan thawka, engtin nge Hotel emaw a chhungte Inah riak tura ka tih theih ang? I duhdan anih ka ring lo..” ka samah a rawn fawpa.A sawi dik chiah, awm ve pawh ni ila ka remti hauh lo ang tih ka chiang.

“Min tiam rawh, i mutpui tawh lo ang tih tal, chuti lo chu rin che harsa ka ti” ka ti leh a, ruah sur bur bur thawm kha a reh tawh a, mut ti nuam tawk lek hian a sur ri chiar chiar a, current a awm leh tawh bawka, room light ka on lo nangin pawn lam eng chuan room chhung thim lutuk tur chu a ti ziawm a, eng tak erawh a ni lo.

“LALPA!! Chutiang vel leka nepah chuan maw min lo ngaiha?” a ti chhuak hrawih mai.

“Aih, ka ngainep che a ni lo, hmeichhe nalh tak a ni a,  chumai ni loin i nupui hlui a la ni tel cheu bawk..i tan engmah harsa a awm lo a,i tan engmah a ni lo ti mah la in awmdun fo chuan a thleng palh thei a...” ka hmuiah a kut a rawn daha.

“Nangmah vanga ka in control hram hram lai hian hmeichhe dang mutpui turah min lo ngai a? ka awih thei lo zawk” za miah lo hian a nui lui hawk bawk.A thinrim a ang viau bawk.

“Mipa i ni miau a”

“Nia, Mipa..tunah pawh hian Mipa ka nih avangin ka in control nasat zia i hre lo zawk ang” a ti leh hmuka,ka ringhlel hauh lo.

“I roomah i kal dawn lo mi?” ka ti leh sep a.

“Dawn lo, mahse, hlau suh,engmah a thleng lo ang,thil pakhat..Min neih vat angai thung ania, engchen nge ka in control theih dawn ka hre miah lo”a nui a.Ka nui ve ringawt.

“Moses-a..”ka rilruah a rawn lang thut.

“A lo haw lo ang” a ti awlsam mai, a riahna tur zawh ka tum zeta ka thulh leh.

Reife chu engmah kan sawi ta lo,mutchhuak bawkin min rawn zem leh a, a darah ka lu ka nghata, a thawk danah a muhil niin ka hria,kaihthawh ka tum zet a Moses-a a lo haw dawn chuang lo a  ka kai tho duh ta lo,a kawngah ka kuaha, a rawn inlet thuk a, min rawn kuah leh a, a rum zui tuah tuah nangin a harh chuang lo.

“Good Morning” ka chala rawn fawh zauh pahin a ti sup a, a inbengkang a, uluk zet hian min en vung vung bawk.Room chhung chu ni in a rawn chhun at tawh bawk.

“Morning, i va tho hma ve..” ka ti a, thawh ka tum chu min rawn nem mu leh a, a rawn kun hniama,a hmui chhah tap mai chuan ka hmui a rawn si a, a hnawng deuh chap bawk.Ka mit ka chhinga, a nghawngah ka kuaha, min pawm tho nawlh a,Mahse, a hmui a phawi eih lo.Khumah a thu a, a malchungah ka thu ve thung, a kawngah ka kherh bet chial bawk.

“I power chak zia hi i hria em?” a inlak hran veleh a ti sup a, ka biang tawn tawnah a dawma, ka chalah a chalin a rawn nawr bawk.

“Aih, ngatinge?”

“Nizan zankhua khan hmeichhe bulah ka mu a,chu pawh nangmah lehnghal,engmah ka ti lo,zing ka harh veleh khan min lo kuah chiala,i hmel kha reife ka thlir asin..Hmeichhe danglam lutuk,induhtawk si.Chapo si,mahse, ka hmangaih che in ka hria ka tih kha..” min kuai daka, ka chhan hmain min rawn fawp leh nghal vang vang a, hlimna sawifiah thiam si loh hian min fan a, ka mumang a ni ang tih ka hlau hluah hluah.

Nihnih chhung chu buai tak kan ni ringawt, chhunah Bairabi lamah kan chhuk a, thim hnuah Kolasibah kan let leh chauh zel a, chaw erawh Hotelah kan ei mai thung,eirawng han bawl pawh ka duh viau nangin kan tei kual nasa lutuk a ka peih hlawl lo.Nilengin site lamah kan chhuaka, Revenue Dept lam nen ram kan teh tha leh a,a ram neitupa lah hmuh tum pawn hmuh turin a awm duh der lo,Revenue detp a an boss erawh Mamawia an tih kha a ni a, Noel-i cousin pasal ani a,engkimah min lo buaipui vek thung, kan kalna lamah pawh a nau te tir mai loin a rawn kal ve a, kan awlsam phah takzet.

“U, Zuala pa a chatthla tep a, ka kal tlang nghal ania” Office a ka awm laiin Mama’n a rawn ti a, kan zin kan haw atangin ni thum lai a liam leh tawh, Zorina nen kan boruak erawh sawifiah thiam loh khawpin a tha zui ta tlat bawk.

“Ehe, a va zia lo ve, kan ban veleh ka rawn kal ve dawn nia” ka ti a, Zorina rawn lut mek chu ka mitsirin ka va hmu a, ka en vat a, ka nuih sak bawk.

“Chanchin ka lo hrilh leh ang che,anih phawt” a off a, Hlui a dam loh avangin a lo kal lo a, Ruata leh Moses-a an haw deuh chiah thung, ka hna khawih lai a laklawh lutuk vangin ka la kal ve lo mai zawk.

“I la hman lo mi?” tih pahin a rawn kal hnaia, ka bulah thu loin Moses-a chairah zawk a thu a.Min drop deuh ziah avangin tun ang huna a lo kal hi thilmak a ni lem lo.

“Zo tep, i hmanhmawh ami?” ka til tih lai ka tihzawm leh a.

“Aih, thil ka sawi pui duh zawk che”

“Eng lam nge?” ka en chuang lo.Pen ka la kanga, ka thil ziah tawhsa hnuaiah ka ziah belh leh a.

“I nu chungchang mawle” ka khawng nghal lah mai, ka pen ka thlauh tap bawk.

“Maw?” ka ti chhuak thei hram.

“I nu leh ka pa chungchang mawle..” a ti leh sup a, min melh run bawk.

Chapter- 19

“Eng ber?” ka aw a lawi vek, a hria ang tih chu a hma pawn khan ka ngaihtuah  tawh,Noel-i khan Zorina tana pawimawh chu a hre ve vek zel a ti tawha, kha vang tak khan a hrilh daih tawh ang tih ka ringa, engmah a sawi tak loah khan ka lo ngaihtuah zawm leh ta miah lo zawk,a nu lah in min rawn be pawp leh tawh rih bawk si lo.

“I thil tih lai kha dah fel phawt la, Inah kan sawi dawn nia” a tho a, a vei kual a, Office a zau hran lo bawk nen ka thaw a ti ipik zo vek.

Zo phawt turin min ti tho mahse a  laklawh chung chungin ka save a, nidang ang chu nise ‘ka zo phawt ang’ ka ti ngei ang, Mahse tunah chuan chutiang moodah ka awm hlawl lo,a In a kal pawh ka chak chuang lo, engtizawngin nge a sawi dawn ka hre lo na chungin a tha zawng erawh a nih ka ring lo ve tawp.

“I in ah nge kan kal dawn kan Inah?”reife ngawirenga kan tlan hnuah ka ti ta nge nge.

“In in kawngah chuan kan tlan lo phawt chu ania” ring vak lo hian a nui hak bawk.A nuih danah khan ngaih that lohna tur lam engmah a lang lem lo.

Ka tlanna lam ka lo ngaihtuah miah lo tak tak, inbe miah lo in kan chuang dun mawp mawpa,hmalam ka en reng chungin kan kalna lam ka lo ngaihtuah chuang miah lo thung.A in kan thleng chu a ni chawpchilh mai.

Zoi kan thawm hriain a rawn chhuak vata, ka kal ngun ta deuh bawka min nel viau tawh, kei pawn ka ngaina ve tho bawk,engmah zep nei lem lo,tlang tak leh a duh loh zawng pawh ti lang mai thin a ni a, a naupang chhe zawk zawk tawh lo bawk nen kan titi a rual phiana, Zorina dam loh lai khan kan inkawm tam a, Zorina awmpui mai ni loin ama ta ang takin engkim a en ve nimaiin ka hre thin.

“I dam maw?” min lo ti thuaia, ka that thu leh a that leh that loh ka zawt let ve a.

“Ka pa a lo kal em?” Zoi hnenah Zorina’n a ti a, a lu a thing mai,ka lo thaw  ve huai thung, tunah hi chuan ka hmuh chak loh ber a ni chiang.Amah mai pawh ni lo ka nu pawh ka hmu chak hauh lo.

“Chho ila..” min rawn en a, nidangah pawh a roomah ka kal fo, midang han zah em em tur an awm ve lo bawka,thil zahthlak em emah pawh ka lo ngai tawh lo,a tir lam kha chuan Mizo nunphung pangngai a pel ka tih ruk thin avangin ka kal hreh thin kha ania, mahse, amah ber kha a dam lo miau si a, kal loh theih loh a ni tlat a, tunah chuan ka kal zing ta malh malh bawka, nuam loh tihna lam a lang tawh ngai lo zawk,mahse,Vawiin kher chu ka tim ru dai mai.

“Enge?” min rawn hnaih a, ka kal mai lo chu a lungni vak lo niawm tak hian a meng dur deuh khap a, mahse, rei a ni lo.

“Aw, ka lo kal..Zoi..Dar 8 velah kan ei ang aw” a tih zawm zat, chawei tura min tih ka hre lo,mahse, min haw tir dawn miah lo tih a lang reng thung,Stepa a kal chho chu ka zui a,ka hmabak a thil thleng tur ka huphurh lutuka ka tang tung a, ka ti dek bawk.

“Ka’n intleuh lawk ang,i intifai ve duh em?” Khumah a bag thlehthlak pahin a ti a.

“Aih, duh lo,chu ai chuan kan sawi tur zawk kha...” min rawn en zawka, a T-shirt phelh tumin a pawt tawm chho a, ka hawi sawn daih.

“Theihnghilh rih rawh, min rawn zawm ve zawk la...” a nui hawk bawk.

“Aih, ka thei lo tih i hriat kha..” ka ti sapa,a ner nawka,kei aiin a hrechiang zawk tlat.

Sofaah ka thu tawm chaiha, Mama hnenah Zorina Inah chaw ka ei dawn tih msg in ka hrilh a, ka engtihmah a tui hlawl lo,Tv ka On a, entur ber hre lo in ka hmet kual sek ringawt, ka mitthlaah ka nu a lo langa, engvanga Thi mai lo nge tih bawk ka rilruah zawhna a rawn lut leh a, hetiang ngaihtuah tur ka ni miah lo tih hre mah ila hrehawmna min thlen zawng zawng te avang hian a la dam ve reng hi hnawk ka ti lo thei si lo.

Bathroom kawngkhar a ri raka, thawmhnaw  a inbel mumal leh pek dawn lo tih ka hriatsa avangin ka en duh lo,hmuhnawm tih hmel fe hian Tv lam ka en lui ngar ngar mai,mahse, ka thutna a hniam sat a, min si chetin a rawn thu a,ka en ta nge nge, ka rin ang chiahin Boxer bak engmah a inbel lo.Amah si chetin min pawt bet a, ka nghawngah a hmui in a rawn nawra,a inbual zo chiah bawka, a taksa a dai raih a, ka hahdam nghal sawng sawng bawk.

“Engtikah nge min hrilh i tum?” zawi sup hian a ti a, ka bengah na vak lo hian a seh zauh bawk.

“Eng chu maw?” ka ti sepa, danglam loh tum teh mahila ka thei hlawl lo.

“Avaiin, ka nu in Office a a rawn hmuh  che leh ka pa leh i nu inzawmna te kha..” a ti leh a,ka thu mar deuh zawt thung, a lo hre vek tawh anih hmel, a insiam tha a, thutthleng ban a nghenga, amah ka ngheng ve thung.Ka kawngah a ban dinglamin a kuaha, a kut lehlamin ka sam ka bengah a rawn zep tha a..

“Engtin nge i hriat?” ka hrawkah min hnawh tu a awm tlat.

“Hei hi lawm a changa ka thin tirim tu, a changa ka nuihpui thin na che, zawhna hi chhanna ni loin zawhna bawkin i chhang let thin a” ring vak lo hian a nui leh hawka, ka chhip samah a rawn fawp zui vang vang bawk.

“Aaaa, chutiang lam pawh a ni chiah lo..ih,englo ania..i hria tih ka hre lo alawm” ka ti bah nak mai.

“Ok, tunah chuan ka hria tih i hre ta a,i hriat zawng zawng kha han sawi leh la, ka hre kim vek animai..um..”

“Eng vakmah hriat ka nei lo,i nu in min rawn hmuh hma khan Moses-an min hrilh tawha, chuan, i nu khan Officeah khan chingfel tur a min hrilh turin a lo kal veleh a, mahse, engtia han chinfel tur nge ka hre lo a.. i hria lawm,ka nu te nen kan khawsa ho lo a, chumai bakah...ka..ka ...”

“Shhh....i sawi tum ka hria alawm..a tawk e..sawi zawm angai lo, adang chu ka hria,nang aia chiang mah zawkin..” ka darah a hmai a rawn phuma, a thaw lum ham ham bawk.

Tap mai lo turin ka hmui ka pet a, engvanga tah chak nge ka nih ka hre der lo thung, a chhuak ve tawp animai..Reife chu engmah kan sawi lo..A kutzungtang sei thlurh chuan ka kut a rawn hum a, ka kut a te bawk nen a hum bo titih.

“Haw tawh lo mai la...”

“Chuan, kan inru ang maw?” ka nui hak bawk.

“Nimai ang chu, Dan hian inneih rei leh rei loh a hril lo, bakah Dan khatna a innei tur pawn kan tlin chuang loh kha” a ti leh a, a sawi dik thlap, tunah engmah sual lam ti tawh lo mahila kan tih tawh miau avangin chunglam mit hmuhah chuan thil dik lo ti kan ni reng tawh tho.

“Ni lo,Inneih lam sawi chi pawh kan nih loh hi..I pa leh Ka nu te pawh ngaihtuah kan ngai a..”

“Chuvang takin ania Inruk mai ka duh” a ti leh a, amah ang lo takin harsatna su tlang peih lo a ang ve tlat.

“Chutiang sawi miah suh, i inhmeh lo ania..engtin nge kan chinfel ang tih a pawimawh zawk daih”

“Engmah chinfel tur a awm lo..Engmah inzawmna an nei lo”

“Maw?” rang zet hian ka ti a.

“An pahnih hian ka pi leh ka pu hminga din TZ foundation tan an thawk dun a, chuvang maia hetianga sawi zawm hlawh hi an ni zawk, ka nu pawh ka hrilhfiah tawh” a ti leh a, mak ka ti lo thei lo, ka nu,mahni fa te pawh ngaihsak lo khan midang tanpuitur in ke a pen ang maw? Ka awih thei lo zawk.

“I chiang em?”

“Ka chiang in ka hria, bakah engmah hi ka hrechiang anih loh chuan rinthu ka sawi ve ngai lo” a ti leh hmuk a,ka ringhlel lo.

“Mak ka la ti tho, i nu khan khatiang khan ama zahawmna pel thakin min rawn hmu a, bakah in hriat a duh miah lo a..” ka ti leh a.

“Um, i sawi dik, ka nu hian khatiang a ti tura nawr kaltu a nei tha tawk ah ngai rawh..mahse, tunah chuan engkim a tha vek.Chumai bakah a hriat hma khan ka hre vek tawh.Officeah a rawn kal tih min hrilh miah lo kha chu ka lawm vak lo..”

“Sawi lo turin min duh a, bakah i thinrim tur ka hlau ve tho alawm..” a sawi zawh hmain ka lo tih khalh a.

“A lo dik anih pawhin i lakah engvangin nge ka thinrim ang? Nangmah i ni hleinem,mahse, i nu chungah chuan ka che na hle thung ang” khauh zet hian a ti hmuk a.Ka ringhlel eih lo.Anu tan chuan thih pawh a huam ang chu.Kei ve chuan ka haw hlum lo chauh thung.Kan va han in ang lo tak.

“Ka thawl hawk asin” ka ngheng ar ar mai.Thil rih deuh phur a kal lui tawk tawk ni a ka inhriat laiin  vawilehkhatah a zang ta thut miau alawm le.

“Ngatinge?” ka kawr a rawn pawt kaua, a rawn zen lut a, ka ip chawih thung.

“Tlaiah khan i mood a dik loh hmel bawk sia,zep loah chuan ka hlau deuh che a..”a rum hawk mai.

“Min hlau amaw?” a ti hmuk a, ka nui hak thung.

“Um, i thinrim i hlauhawm zia hi i hre pha lo zawk ang, i lian si..Office a te bawk nen khan i vei kual vel a..min ti mangang tak tak..” ka ti leh a..

“Midang lakah ka thinrim anih chuan a tawp thlen ka duh ngei ngei,mahse, nang chu i danglam..vawi engzat nge i lakah ka thinrim a kalsan che ka tum i hre thiam lo zawk ang” ka kawr hnuai karah a rawn zet lut a, a kut lum ham hamin ka hnute a rawn khawih takah chuan ka eu awrh a, ka mur nghal ar ar bawk.

“Aih, hre lo..hre miah lo...lawk..tawp teh..’ ka ti bah nawk nawk a, a kut zungtanga ka hnute hmur a chep hrual chuan mumal in min awm tir thei lo..Ka thawk a sak tawlh tawlh bawk.

A kut che a tawp chut a, mahse, rei lo te chauh, a tih zawm lehnghal mai, ka rum hak a, ka ngheng leh salh a, ka chhungrilah engmah pawi tih lohna a lo lut a, ka rilru lehlam erawh chuan tawp turin zawi tein min hrilh thung.Ka chhungrila thil tha leh tha lo lam insual mahse ka taksa erawh chuan a tha lo lam a zawm zel a, ka in control hleithei tawh lo zawk.Ka dak a, a darah ka lu ka nghata, a kut che kual vel chu tihtawp tumna pawh ka nei tawh lo.

Ka kekawr kawngah a rawn zen a, ka kekawr kawng a ka kawr ka bilh luh a pawtchhuaka, a kut a zen lut nghala, ka point a kut lum ham hamin a khawih takah chuan ka eu leh nghal awrh mai..

“Ka tawp dawn em?” zawi sup hian ka beng bulah a ti a, a aw a mumal bik lo, a mipatna khauh leh ruh  tulh mai chuan min si run bawk a, chu chuan a inpeih zia a ti lang vek bawk.

“Tawp la...aih, ka hre lo..tawp lo mai rawh...” ka ti bah nawk nawk mai.

“I duhthlanna ka ngaipawimawh ber,ka tan harsa mahse i duh loh chuan ka ti lui dawn lo che” a aw a nghet churh rualin a sexy takzet.

A kut ka laksawn saka, ka pawt chhuak a, ka tho tur chu min dan pawh tum lo in a awm ngaiin a awm a, Room kawngkhar ka pan a, ka kalh hmak,ka let leh a, a mit thim deuh khap chu ka en a, min tilui hauh lo ang tih keipawn ka hria, a hma pawn harsa ti chungin a in control tawh,’Tawp rawh, ti miah suh’ zawite hian chhungril atangin a rawn ti leh a, mahse, ka hre lo lui ta zawk.Muangchangin ka kekawr ka phelh a, ka kawr ka phelh leh bawk,engmah a sawi hauh lo nangin a meng phar deuh awk chu ka hmuh hmaih hauh lo thung.

A thut ngaiin a la thu a, ka lawn leh a, a mal chungah ka thu a, ka mal pahnihin a kawngah ka kherh nghal a, a rum hawk mai.Ka chetdan hi a dik lo hulhual tih ka hria, mahse, tih ka duh tlat,abak engmah hriat ka duh rih lo bur.A nghawngah ka kuah a, ka awmah a hmai a rawn phum a, ka bra a rawn phelh a, ka dar atangin awlsam te in a tuai liam a, a thehsawn zui nghal daih bawk,a mipatna khauh tung chuan ka panty chhanah a rawn si a, ka thaw tha thei lo..Ka kawngah a rawn dawma, ka hnute a hmuam zui nghal chat bawk,a ka chhung lum ham hamin ka hnute hmur a suasam zui takah phei chuan ka te chhuak that mai.Muangchangin ka mawng ka ti che a, ka sam kilh behna a phelh a, ka tukhhum samah a rawn tham zui a,a thaw hawk hawk bawk.

“I chiang chiah em Mate..?” a aw a khur ve dur dur mai.

“Um, tun aia chian tum ka nei lo..”

Engmah kan sawi ta lo, ka Panty a rawn pawt kau a, a chungah ka thu tih pawh hriat loh khawpa awlsam hian a tho kang a, a kut zungtang sei thlurh chuan ka panty a pawh kau pahin a rawn zen lut a, engmah sawi lo in a chhip samah ka tham ngat ngat thung,a kut lehlamin ka mawngah a rawn nem kang deuh a, min pawt hniam zui leh nghal a..A mipatna rawn luh ve nghal rualin ka te chhuak ta nge nge..

Min lehthal a, ka panty a pawt sawka, lace mai a ni bawka, a thler thla nghal kawk mai,hmanhmawh zet hian a Boxer a pawt phelh nawk nawka,min rawn delh leh a, vawi engzat nge nawmna nasa lutuk khan min fan pawh ka hre tawh lo, a hnuhnung apiang kha a nuam zual sauh zel nimaiin ka hre hial..Thlan avangin kan hnawng dun chuap a,ka awmah a hmai a phuma, a hah ve ngang aniang a thaw ve hawk hawk bawk.

“Tho la, inbual ka mamawh ania” ka ti sep a, chhungrila nuam lo tihna rawn thawk tan chu duh lo in ka mit ka chhing vang vang bawk.Engmah hetiang lam ngaihtuah ka duh rih lo.Thleng se ka duh a, a thleng vek tawh.

“Um, keipawh ka mamawh leh chiang, i chau em?” a ti sup a, a sam thlan hnawng deuh chap karah chuan ka kut ka rawlh a.

“Tlemin...”

“Engmah i ti ve si lo a, nang tereuh hian ka energy i la zo vek in ka hria..” a nui hak a, ka hmai a sa hat hat thung.

“I sual e a..” ka ti hlak a, ka hnute Inkarah a fawp zauha, a rawn hawi chhuak a,a mit meng de sawr sawrah chuan min duatna ka hmu chiang lam mah a ni e.

“Ka sual maw? Ka fel tawh viau maw ka tia?” a nui suk a, chhan mai dan tur hre lo in ka nui ve ta ngawt.

“Tho ang,Zoi a lo chho tep ang..” kan chawei tur ka hrechhuak zawk.

“La tho ve suh” hriatthiam har zet hian min en a.

“Ngati? Intihfai ka duh a, bakah ti hian min hmu se i ti mi?” ka ti hlak a, a hmui a pet zauh a.

“Duh hauh lo mai, i taksa hrim hrim hi keimah lo midangin an hmuh ka duh lo, an hmuh hun tur chu kan naute neih hunah nimai’ a inbengkanga,ka chhang tur ang ziau tawh chu a hmuiin a rawn khar zui hmak bawk.

In ka thlen meuh chuan Mama a lo mu hman tawh, Zorina lo chho ve loin a let lehnghala, Mama hian kan awmdan kha a vai chuan a hmu hauh lo nangin kan khawsak dun dan tlem a a hmu tawha, bakah Zorina hian Mama kal tlang lo hian an in ka kal dawn emaw tihtur kan neih pawhin engmah a ti mai mai ngai lo a, min neih a duh thu pawh Mama Direct in a lo hrilh tawh bawk a, a thinrimna kha a la reh hmak lo anih pawhin a tilang ngai tawh hauh lo thung.

“Enge i kan kha?” Kitchen luh pahin ka ti a, a rim na lutuk chuan ka hnar a verh a, ka luak teuh kher bawk.

“Fish Curry ka siam a, ngatinge i duh viau emaw ka tia?” mak ti hmel deuh hian min rawn en a.A sawi dik,ka duh takzet, Mama siam ngat phei hi chu Hotel changkang ve tak tak a ka ei te pawh hian a tluk ka la hre meuh lo.Mahse, tukin kher chu ka pum a luh tlat.

“Ka chawei mumal lo hi niang, tun hnai chu ka pum a ni nghulh zel mai” ka ti a, tui in tumin Fridge ka pan a.

“Damdawi ei la..” a ti awlsam mai, karkhat vel chu hna lamah buai tak takin kan buai a, a chang leh zing kar atangin ka tana, nilenga thil ei mumal miah loh ka nei zauh zauh bawk,Zorina leh Moses-a lah Delhi lamah an kal a, kei leh Ruata deuh chiah kan nih avangin buai tak ka ni ringawt.Kan hna hi kum 5 chhung atan a ni a, chumi hnu lamah chuan ngaihtuah that leh tur a ni a, tunah hian kum 1 na a zo chiaha, hnathawhna report pek mai bakah kan la tihtur plan vel siamin an kal a, keini lah hnathawk lak thar leh a awmsa ho Training pek, nitin a rualin an lo kal thei si lo,a bul atang bawkin angai hlir kan sawi nitin mai.

“Nakinah ka ei ang, bakah, in entir pawh ka duh” tui ka in a,min hnawh deuh awl awl rualin ka luak a rawn chhuak zual sauh bawk.

“Thil pakhat,i rai mial em?” ka tui in ka hak a, ka phuh chhuak thawt bawk,ka lo ngaihtuah ngai miah lo, Sex kan hman atang khan thla khat a tling tawh, ka la Period lo a, a  hun insawn satliah emaw ka lo ti a,ka ngaihtuaha, engmah min tham tu pawh a awm lo.

“Aih, ka hre lo...” chance a awm lo tih ka tum zeta, ka thulh leh, ka nau hnenah dawt ka sawi avang hian engmah kha a dik ta tihna a ni dawn chuang lo a, ka nau ka bum rualin keimah leh keimah ka inbum lek a ni zawk ang, chumai bakah kan unau chauh kan nih avang hian kan inpawh na hi a thuk em em a, Nutei nen an chungchang mai piah lamah hetiang thu pawimawh pawh ka hmaichhan min zawt mai tur khawpin ka nau nen hian kan inpawh tawk bawk.

“Chu pawh chu test la,aaa..ka sawi tur a ni chiah em ka hre lo..” ka en a, tlem chuan ka zam ve.

“Eng ber chu maw i sawi loh tur?”

“U Zorina hi engtikah nge neih i tum?” hnuai lam a bih daih, ka thaw hak thung.

“Ka hre lo,ngatinge?”

“Keimahni vang hian i lo nei lo mai ang tih ka hlau a, tunah chuan hna ka nei a, kan inenkawlna tur chu ka thawk chhuak ve tawh a, Nautei pawh a zo mai dawn a,nangmah hi in ngaihtuah ve la ka duh,ih..i lo rai hlauh chuan engmah chhuanlam awmloin i nei thei dawna”a tawp lam chu a riat nawi titih, ka melh reng mai, ka nau hian hnawk min ti viau nge Zorina hi a tan hle tih pawh ka hrethiam nek lo e.Mahse, a sawi dik thlap lawi.Ka rai anih ngawt loh chuan tun hnaiah chuan ka nei mai hauh lo tawp ang.Ka nau te hi an fel lo ni loin Nautei a la zir zo si lo a,bakah kan ba neuh neuh rulh zawh loh nen chuan ka kalsan ngam lo ang,mahse..ka rai anih teh chuan...ka Nutei leh ka Ni te an va tawrh hlelhawm dawn si em.

Chaw pawh mumal takin ka ei ta lo, ka luak a tichhuak hlui a,ka rilruah ka rai mai ang tih hlauhna nen ka awm a nuam thei hlawl lo, Testna tur ka kawl der si lo, kawl ila chuan ka test nghal thei mai ang, Office kal pahin lei ila Officeah ka test mai ang chu, ka lei ngam tak tak angem ka hre lo thung.Joe-a ka ngai vang vang mai, Zorina hian ka mamawh tam zawk chu min tihsak tehmeuh mai, mahse a bulah ka thlamuang em em chung hian Joe-a laka ka thlamuanna leh engkim ka sawi pawp pawp thin ang kha chu a ni miah lo thung.Joe-a bulah kha chuan engmah sawi hreh ka nei ngai lo tluk a ni a, tunah pawh hian awm se chuan ka tan a awlsam sawt ngei ang.

Kan  veng pelh hnua Damdawi dawr ka hmuh hmasak berah ka lei ta nge nge, tu nge ka nih an hre lo tih hrereng mahila ka zam rum rum tho,Office ka thlen veleh ka bag ka dah fel a, hna ka khawih tan hmain Toilet ka pan a, ka kut a khur ru dar dar mai.

Muangchangin ka mengchhuaka,LALPA...Line hnihin a sen kalh mai!! Ka thu thla hnawka, engtia han tihtur nge hre lo in ka bing deuh mup bawk,ka mit ka chhing leh a, Zorina hmel ka mitthlaah a lo langa, engtin nge a dawnsawn dawn ka hre lo,mahse, a thinrim ka ring lo ve tawp.

“I lo chhuak dawn tawh em?”Hlui aw hian a rawn ti a,

“Aw, ka lo chhuak” tih pahin ka ding vata, ka mit ka nuai nghal chat chat bawk.

“Sorry lutuk, ka ti hmanhmawh che em? Ka pum hi a dik hlawl lo a” inthiam lo hmel fe hian a lo ti thuaia, ka nui mai.Engmah ka ti miau lo a.

Nidang ang bawkin kan buai leh char char viau,Lunch ei hunah pawh File khawih zawh loh pahnih lai ka la nei ta cheu.Ruata erawh chhuah lawk angaih avangin Lunch ei pahin a kal chhuak mek thung.

“Hello..” ka dawhkana Landline pick pahin ka ti a,ka hna lam chauh ka en ran bawk.

“I phone khawnge i dah?” Zorina aw thawp sut ka hriat rualin ka rilruah thil dang a rawn lut nghal zat.

“Ka ak,ngatinge?”

“Ka lo call a,i pick si lo a..Whatsappah thil ka rawn thawn che kha lo en lawk la..”

‘Um,engthil?”

“En phawt rawh” a off zui nghal daih, a zin hnu hian chhunah chuan inbiakna hun kan nei meuh lo, mahse, Lunch ka ei leh ei loh min rawn zawt ziah thung.

Ka Phone ka ak emaw ka ti a, ka hmu lo,ka bag ka hai a, ka bagah ka lo dah daih chu niin,ka lo silent zui bawk,hriat ngaihna awm nghal lo chuan.A msg ka open a, enge anih ka hmuh takah chuan ka thaw hak mai,Sana a lo ni a..Nalh tak a ni ringawt.

“Ka hmu e” tih ringawt ka thawn let a,a read nghal a,a rawn reply mai dawn emaw ka ti laiin a rawn call leh ta zawk.

“I duh zawng a ni em?”

“Aih..angai lo..”

“Aw nge Aih?”

“Ka hre lo..”

“Aw tihna anih chu” a off leh nghal hmak,ka tum loh deuhin ka nui chhuak hak bawk.

“U Zorina mi a?” Hlui’n a rawn ti a, kan inkawp tih hre lo an awm tawh lo.

“Um...” ka ti ringawt,ka thil tih laklawh lai ka tih zawm lehnghal mai.

“Enteh, ka sawi tur chu a awm miah lo nangin in inhmeh e” a ti leh a, ka en zawka,uluk zeta min lo melh kar avangin ka hna lam bawk ka en lehnghal mai.

“I tilawmawm,mahse, nupa em pawh kan la ni lo ania” ka nui a, ka mitthlaah Noel-i a lo lang zawka, an pahnih tluka inhmeh kei chuan ka hre hauh lo thung.

“Naaa, nupa nih hma pawn a inhmeh theih tho lawm,ih..U Noel-i nen hian inhmeh ka ti thei tawpa, mahse, nangmah nen inhan inzui takah hian in lo la inhmeh zawk fe..oh..i lo kal lai ka hre miah lo a?” a tih zawm zat,ka hawi chhuak vata, Noel-i nen kan inmelh ta ran mai.Zorina In a ka hmuh bak kha chu tun hi ka hmuh lehna hmasa ber a ni a, Zorina nen mi hriata kan inzui tak hnu hian engtin nge a dawnsawn ka hre hek lo.

‘Aw, ka lo kal zuai,Zoa khan a rawn sawi lawk em?  a ti a,a rawn lut a, a lang cher ta deuh tih lohah chuan nidang ang bawkin a nalh zaiha a, a lang zahawm leh viau bawk.Kha leh chen kha a pasal a lo ni tawh tih ka hai lo, mahse, ‘Zoa’ tia inti ta tu taka a sawi apiang hian ka chhungrilah che a lo awm tlat thin.

“Aih, lo sawi lo..engthil nge ni ta?” Pangngai tak hian ka ti a, Sumdawnna lamah an la thawh dun ngai thil a awm miau avangin lo thinrim ngawt tur ka ni lo.

“Ka be lawk ang kha a ti sia, ka’n call ang, i thlen hunah min lo hrilh dawn nia a ti tho tak e” a  ti leh a,ka bu nghat ringawt.Han biak viau dan tur ka hre tlat lo.Ka hlau hauh lo nangin Hmeichhe nasa leh hlauhawm zet a ni tih ka hre tawh tlata, a landan dam leh mi pawisawi hlau hmel tak phena hian midang te tibuai tur a nawr kal tur chuan hnunglamah mi a pump thiam hle tih pawh ka hre tlat tawh.

Ka hma a Inleng te thutna chairah chuan a rawn thu a, a purfume rim na zet chuan ka hnar a rawn verh a, ka insum hman lo teuh ngang mai..

“Lo thu lawk..” ka sawi zo mumal hman lo, ka tho nghal a, Toilet lam ka pan rawk rawk mai.

Tui ka herh hawnga, insum angreng deuh hian ka uak a, ka mittui a tla phung mai.Ka awmdan kha a hrethiam anih teh chuan a tul hmain ka rai tih hi a thang thut ve thei tlat.Chu aia duh loh zawk ka nei miah lo.Zanah Zorina ka hrilh ngei ngei angai.

“I tha em?” ka let leh chu min lo ti vata, a mitmeng lian kel kawl chuan ka dul a melh a, engmah a la lang eih lo tih hre mahila ka ip chawih tho.

“Um, tha e..i be thei em?” ka ti a, ka chairah ka thu thla a, ka chau hluah hluah.

A biak thu leh a mamawh a sawia, ka khawih zawh chiah kha a lo ni a, ka thaw huai mai,ka la chhuak leh a, Pendriveah ka dahsak leh vek bawk.

‘Toiletah kan kal lawk ang,i zo tep tiraw?” a ti a, a tho a.

“Aw, minute 3 vel a la ngaia..ka zo animai” ka ti a, a hma khan intur a duh leh duh loh ka zawta, a duh lo,a kalsawn rualin ka thaw nghal huai mai.Mahse a perfume hrep chu Office chhungah a la cham nge ka hnarah a cham zawk pawh ka hre nek lo.Ka la hre vang vang tho.

Dar 6 pelh hnuah In ka thleng ta chauh, Mama leh Nutei an lo awm a, Nutei hi chu a lo kal ngun bawka, inleng ang pawn ka en tawh vak lo.Roomah ka lut tlang a, khumah ka let tawp mai, ka chau em em lutuk,ka luak a chhuak nileng deuhthaw a, chumai bakah ka chauh em em chhan hi uak tha ngam bawk si lo, hna lamah buai bawk ka nih vang kha anih ka ring.Ka mit ka chhinga, mutchhuakin min zem chiai chiai mai.

Ka Phone nghawr dar darin min ti harh a, ka mit ka nuai chat chata, ka kekawr ipte atangin ka la chhuaka, Zorina..Sana ka en nghal zauha, reilote ka lo chhing sek hman.

“Hello...”

“Khawiah nge i awm?”

“Inah lo khawiah nge ka awm ang?” ka ti hmaka, chhuna Noel-i lo kalin a ta niawm hrima a sawi kha ka thin a rim thar ta tlat.

“A tha nih chu, naktukah ka lo haw ang” a mood a fuh vak hmel bik loh.

“Anih chu..”

“Thil min hrilh tur i nei em?” a rawn ti leh a, ka thu chhuak a,ka hrilh ang nge hrilh lo ang tih ka ngaihtuah a.

“I lo haw hunah chuan news lian deuh chu ka neiin ka ring..” ka ti sep a.

“Ok..Nau i pai tih midang hnen atanga hriat hi ka lawm i ring em?” ka phu nasa lutuk a ka phone ka thlauh daih,keimah bak tunge hria?!!!

Chapter- 20

“Maw? Eng eng..” sawi pawh ka sawi zo hleithei lo.

“Ka fa i pai anih chuan kei hian hriat hmasak ber ka phu lo ami?” a aw a ring lo nangin a thinrim tih ka hai chuang lo.Ka dem lo,keiman ka hrilh hma in a hre miau a, a lo hrilhtu hian engtiangin nge a sawi ka hre hek lo.

‘Aaaa,chutiang lam a ni lo..tu nge hrilh che?”

“Min hrilh tu lam a pawimawh ami? LALPA!!..Anih chuan a ni a, min hrilh mai lo in tu nge sawi ilo ngaipawimawh amaw?” tun tum chu a rawn au nghek,ka beng bul atangin ka phone ka la sawna, ka melh vak ringawt, Mama hnenah pawh engmah ka la hrilh lo a, a ringhlel mai chauh kha a ni sia, kei pawn ka test a, Doctor hnenah pawh confirm turin ka la kal hek lo.

“Ka tihpalh, engmah ka la confirm loh vang ania” thupha chawi aw deuh dai hian ka ti a, ka dik lohna awm hauh lo mahse a lo hrilh tu lamin an hrilh thiam viau chuan a thinrim pawh dem theih a ni lo.

“A va tha ve, a tawk” a ti leh nghek a, a off zui nghal hmak bawk.

Ka let thla leh tawp,tu nge lo hrilh ang? Ka ipte ka dap vat a, a awm lo,rang lutukin ka tho lehnghal a,ka bag ka hai a, ka bun chhuak vek, a awm lo, khawiah nge ka test na kha ni ta ang? Office Toiletah khan ka check ngei a, mahse, ka ak chhuak chiang, ka bagah ka dah ang ka tih kha ka kekawr ipte ah ka thun a, Bag a dahna chance a awm mai loh avang khan ka ak ta reng,ka hna lam ka buai zui tak viau khan ka lo theihnghilh zui ta daih. Noel-i purfume rim vanga luak tura Toilet ka luh leh khan ka thlauh a ni mai angem? Ka luh hnuah tu nge lut leh hmasa ber? NOEL-I..

Ka phoneah Msg tone a ri a, rang fe hian ka la kanga, Zorina bawk, Photo a rawn thawn chu niin,ka open vata, ka meng kawk mai, ka ring sual lo tawp.Pregnancy test kit,ka hman ngei kha a ni chiang lutuk, line hnih  sen kalh lai kher a la bawk.

“Hei hian a ti chiang tawk” tih a rawn thawn leh a, reply nachang pawh hre lo in ka en reng ringawt.

Ka call ve ta thung, a pick duh der lo, a lo hria anih pawhin enge a thinrim viau ka hre lo, bakah vawiinah keipawn ka hre ve chauh a, hrilhna hun pawh a la awm lo zawka, Noel-i hmel ka mitthlaah a lo langa, Zorina nen kan inzui tirh atang khan hmeichhe fel leh ngainatawm tak ni khan ka hre thin a, tun tum zet chu ka haw hluah hluah.

“I inbual maw ka tia” Mama awin a rawn tih veleh ka phone a khup zawngin ka dahthla thak a, dik tak chuan ani leh Nautei hi ka chhungkaw neih chhun annih tlat avangin thuhruk kher angai miah lo.Mahse, hrilh turin ka confi rih hlawl lo.

“Inbual lo, ka chau lutuk a ka mu lawk mawle” ka ti a, a rawn kal hnai a,khumah thu lo in khum bula ka pa thlalak ka tarna frame zawk chu a la kanga.

‘Chaw kan ei thei ania, Nutei haw hma a duh dawna” a ti a, a thil ken a dahthla leh a, ka room chhung chu la hmu ngai lo niawm tak hian a en kual a.

“Lo ei mai ula, a pawi em?”

“Ngatinge?”

“Ka lo haw dawnah thil ka ei a, ka puar rih lutuk a, bakah Inbuala mut ka duh ber” ka ti a, ka awah ka rilru a nuam lo tih a hriat loh nan pangngai thei ang berin ka tawng lui hram hram bawk.

“Pawi lo,chuti chu kan lo ei mai ang” a ti a, a chhuak chu ka thlir a, ka awmdan zahthlak tak vang khan engtiang chiahin nge a tuar ang ka hrethiam pha lo, kan unau zahawmna humhim tu tur ber tunah ka rai a,ka rai kha duh angin insawi mahse mi min hmuhsitna tur ka ngaihtuah zawng ngawt pawn ka awm a nuam lo a, ka ni nghal nghulh thei,Ka pi emaw ka pu pawh ka hrilh hmasak phawt angai ang, an tar tawha, kan unau min hmangaih em em mahse Inchhungah ka patea te nupa a enkawltu an nih miau avangin ka Nutei min lawmlohna te an haider mai angai tawh.Dem theih anni hek lo.

Ka inbual zawh veleh ka sam ka su lo bawka khumah ka lawn lehnghal a, Zomuani biak ka duh, Joe-a awm bawk si lo hi tu emaw tal chu ka rinchhan an ngai,Zomuani hian Zorina nen kan inkawp tih a hriattirh khan thinrim in min rawn chhuah chhala, chu pawh a unaupa tan min duh lo ni lo in ka zep vang zawka lungawi lo a ni bawk.Nge, Zorina lo haw hunah law law Doctor ka pan zawk ang ka hre thiam lo,Naktukah mai a lo haw tawh dawna, a tir atangin engkim hre zawk se a tha mahna.

“I mu tawh em?” Phone a pick veleh ka ti nghal a.

“Aih, a la hma em hi” nui ar ar chung hian a rawn ti a.

“Naktukah inbuai angem?”

“Ka hre lo le, ngatinge?”

“Lunch ei dun ang ka lo ti dawna, i ngaihawm em a” ka ti a, a nui leh hak hak mai.

“Hman ka lo tum dawn nia,mahse, naktukah nilawmni Zorina a lo haw dawn?” a rawn ti a.

“Um,lo haw pawh nise lunch ei na a dal hleinem”

“Dik reng,khawiah nge kan ei ang?” a rawn ti leh a.

“A rem remah animai lawm,nge Moses-a dawr lamah zawk kan kal ang?” ka ti a.Moses-a hi vawiin khan a lo haw tawh thung.

“I tih na na animai” a ti awlsam ve mai.

Ka muhil thei hlawl lo, ka thlen hlim khan ka muhil mai sia, tunah lem muthilh ka tumna lamah ka mit a kham vek tawh zawk,sana ka en a, dar 11 a la ri lo deuh, Zorina lah engmah rawn sawi tawh loin a ngawi hmak a, zuk biak hmasak ka hreh ru tlat lawi bawk.Tihdik loh ka nei miah lo tih hre mahila biak ka chak miah lo.

Khawvar dawn hnaihah ka muhil ta chauh, chu pawh rei lo te,ka harh leh chuan dar 6 a la ri lo deuh, ka mu lui dawn zeta nizan ka leh kual sekna khan min ti na vel thum a, ka tho ta zawk, Nidang ang anih chuan ka pi leh ka pu an tho ve ve tawh ang, Ka pu phei chu Biakinah a kal tawh zawk ang, Ka pi leh an nula tu emaw zawk zawk an tho anga, ka nutei leh Ka patea bakah an fa te tumah an la tho lo ang.Tunah hmu ila a tha ber ang.

Kan in hi Building khat vek a ni a, kan awmna leh ka Pi te awmna hi Floor khat ni siin ka pi te in hi Step chhe te chhoh ngai a ni a, kan in nen a inkarah Gate lian vak lo a awm bawk,kan inhnaih hle chung hian ka kal khat angreng a, tul te anih loh chuan ka kal ngai mang lo, a khat tawkin ka pi a lo chhuk thin a, ka pu phei chu a lo kal ngai mang lo.

Kawngkhar an lo hawng tawha, ka rin dan ang ngeiin ka pi in thingpui in chungin Vanglaini a lo chhiar a,a kum a tam ve tawh tehlul nen hian Tarmit vuah lo in lehkha a la chhiar thei vek.Ka pu erawh chuan ka hriat theih tirh atangin Tarmit a vuah thung.

“Pi, nangmah chauh mi la tho a?” ka ti a, Dinning table kila thu a ni a, ka thu ve nghal a.

“I pu a chhuak tawh a, i va tho hma ve” tih pahin min rawn en a, a chanchinbu ken lai a dah thla a.

“Nia, tho hma mai mai,ti ila ka tho hma ziah lawm” ka nui a, uluk zet hian min en a, ka thuruk sawi tur hi ka hmelah a hriat mai ka hlau zek zek.

“Nia, nang hi chuan min chhun ber alawm,hna i kal dawn em?” a ti leh a, Kettle a bana, thingpui min thlitsak a tum tih ka hria,ka ban thuaia, keiman ka inthlit ta zawk.

“Kal ang,eng lo, Pi..” sawi lo in ka ngawi leh daih,han sawi tan mai dan tur ka hre lo.

“Tukin chu i pa ka ngai hle mai, a piancham a hnaih vang a ni tih hre tho mahila a bulah hian kal ve mai hi ka chak thin” a insut hraih a, ka mittui a rawn hnai kuar mai.

“Aaaa, chutiang sawi lo la, Ka pu nen in lo la dam ve tek tek hi kan unau tan hian ah hlu ania” ka ti a, min ngaihsak hluah lo mahse an ni pahnih hi awm lo ngat se chuan In atanga min thehchhuah dan hi an ngaihtuah nasa hle ang.

“Ka hria asin, hetiang tur anih rau rau chuan kan la that deuh lai te khan lo kal law law zawk se ka ti thin, Nautei a lo haw hnai em?” a ti leh daih a.

“Hnai rih lo ang, kum tawp lamah a lo haw anga, a pass chuan a zo chu animai” ka ti a, thingpui ka dawt hlak a, a tui leh tui loh pawh ka hre lo.

“Zo ve tawh sela, hna neiin amah in enkawl ve thei tawh se ka ti mang e, i tan phurrit lutuk pawh a zia anga, Ka men lai ngei hian Pasal tha tak nei la ka duh” a ti leh a, ‘Pasal’ tih ri chuan ka chhungril a deng deuh dawt bawk.

“Pi...” engmah sawi zawm thei loin ka ngawi leh rih,a mitmeng fim leh fing zet chuan min en a.

“Sawi ta che,  i lo kal tirh atang khan sawi duh i nei tih ka hria lawm” lainatna nen min en a. Ka hawi kual leh rih.

“Tumah an awm rih lo,i patea te nupa leh naupang ho chu dar 7 hnu lamah bak an tho lo ang tih i hria a,kan nula pakhat lah an khuaah a haw a, pakhat zawk lah a la hma deuh nangin Bazar lamah thil lei turin ka tir bawk si” a ti a.Ka hlauthawng tih a lo man thiam vek.Mahse, a mak lo, tar fing leh thil man thiam em em a ni tlat.

“Ih...ka..ka rai in ka hria..” a tawp lam chu a zuih ral vek..

“Eng a?” a awah mak tihna a lang miah lo,ka melh zawk a,ka thingpui no lam bawk ka en leh daih.

“Ka la confirm lo a,mahse, ka test naah chuan rai angin ka lang a” ka ti leh sep a.

“Tu fa nge? Amah kha mi?” a rawn kun hnai a.

“Tu?” ka ti leh rih, Zorina nen kan inzui hi a lo hre ve tih ka hre lo.

“Amah kha, kha..Zorina kha..i Nutei chaw tui ber alawm,nge midang an awm zawk?” zawi te bawk hian a ti leh sap a,tawngka a chhang loin ka bu nghat ringawt.

‘A that hlauh chu, Bawihte,Mipa tha tak ani ngei in ka ring asin, a pi te nen hian kan inhre ve a, thian tha tih tur zawng kan ni lo,mitha leh ziktluak tak mai anni a,i tisual in ka ring lo..” a ti ta duah, a hmel hlim deuh sawt chu mak ti zet hian ka en a, a tunu in sawn ka pai a, thinrim hle awm tak, ka dinhmun atang phei hi chuan sawn pai tur ka nih loh zia kei aiin a hrechiang fe zawk lehnghal.Mahse, a hmelah hlimna a lang tlat lawi!!

“Engtin nge ka tih ang ka hrethiam lo..” ka ti sep a,’Amah i hrilh tawh em?” a ti leh a.

“Aih, vawiinah a lo haw dawna tah chuan ka hrilh ang”

“A that chu,Pasal nei la ka lo ti ru thin a, tunah chuan i nei thei dawn ta ania, chu pawh mi mai mai ni lo mi chung lam hret a ni lehzel a, ka dam rei avanga ka lo lungawi lo thin hi tunah chuan ka dam rei a lo tul tih ka hrethiam ta” a ti leh a.A awmdan engkim mai chu ka rin loh lam vek.

“Min hau dawn lo mi?” ka ti ta thlawt.

“Aih, hau dawn lo, ka tu te zingah nang hi hauh ngai lo ber i ni,i sawn pai hi i tidik ka ti lo,mahse, i Nutei hmuhsitna che leh a tawngkamchhe lutuk a i chanchin a sawi ka hre tawh lo tur hi ka hlim a, chuvangin hauh che tul ka ti lo” a sawi dik, ka hmaichhanah chuan min hmuhsitna lam engmah a la chhakchhuak ngai lo, mahse, midang hnenah erawh a sawi chamchi a, min hrilh leh tum a tam ngiang reng bawk.

“Kan innei dawn tihna a ni lo a,bakah  tunah phei chuan ka rai ania..Nutei Min hmuhsit dan tur” sawi zawm loin ka hmui ka pet a,Zorina hian min neih kha a duh thin a, a rilru a thlak ta thut anih loh chuan min nei ngei in ka ring bawk.

“Hlau suh, a hriat hmain inneihna tifel ila atha animai” a ti leh a,ka lu ka thing ringawt.

“A neih loh che i hlau ami? I nutei hian a sawi reng mai a, nawmchenna a ti  che a, Boss te laka inzuar ang tlukin a sawi tum che lah a tam,i Patea hnenah zilh tur chein a ti chamchi bawk,chuvangin i nei tur a ni” nghet charh hian a ti hmak a, a rilru tak hre chiah lo mahila a duh dan zawn ka hai hauh lo thung.

“Hlau lem lo, a hma pawn Mama hnenah min neih a duh tih a lo sawi tawha, ka bulah pawh a sawi fo a...Mahse, Mama leh Nautei..” An nula a rawn lut ka hmuh rualin ka tawp ta daih,Ka pi pawn engmah a sawi zawm lo, an nula in thil a lei vel Dawnkana a rawn dah chu a en a, thil dang a sawi zawm daih bawk.

Phurna nei miah loin hna kal turin ka insiama, ka chhuah hmain Joe-a ka call leh rih,a pick lo thung, Sana ka en a, a pick lo pawh a awm ve tho mai, zing thawh hi a harsat em em tih ka hai tlat lo a, chumai bakah tunah phei chuan an Inah ni loin ama thu thu a awm theiin a awm zui bawka, a mu nasa hle ang tih ka chiang,msg erawh ka hnutchhiah ta tho.

Office ka thlen hnu lawkah Bill eng eng emaw ka buaipui lehnghal a, zan lam ka mu tha bawk si lo nen ka rit luk a, ka awm a nuam hlawl lo.Zorina lah dar engzatah nge a rawn thlen dawn ka hre hek lo, zingah khan msg in ka zawt ngei a, min reply lo,ka phone a rawn ri a, ka en vat a, Joe-a a lo ni a, ka then sak mai, ka Msg kha a hmuh rual rualin min lo call ang tih ka chiang.

“Hello..” pangngai tak hian ka ti a,

“I msg hi?!” ka rin dan chiah..

“Engmah min zawt suh, i hriat chuan min hrilh la, midang zawh kual ka duh lo ania” ka ti nghat a, Hmeichhe Doctor hmuh tur tu nge ni ang tih ka zuk zawt miau a,ka thawhpuite awm laia sawi lan kher ka duh lo.

“I ti tak tak em?”

“Yes, dawt ka hrilh ngai che mi?”

“Wow, a hria em?”

“Nope..”

“A va tha ve, chuti chu a pa ka lo ni ang” hlim zet hian a rawn ti hlawi,ka nui hak mai.

“I duh phawt chuan le, chuan, ka thil sawi kha..Details deuhin msg in min lo thawn la..”

“Hmeichia pawh ka ni lo a..I hre zawk ang chu” a rawn ti leh a, nia, hre tur chu ka ni, mahse, tumah han pan mai tur chi ka hre lo a, ka zawt ngam hek lo.Ka pi kha zawhna hun nei ila chuan ka zawt ngei ngei ang ka ti a, mahse, an nula a lo haw a, midang an lo thawh ve tak bawk avangin sawi zawmna hun a awm lo.

“I hria ka ti lo a, min lo ngaihven sak ka ti lawm..Tlaiah kal ka duh dawn ania”

“Um, i tih tlat chuan, ka thiannu ka’n bia ang, chuan ka lo hrilh leh ang che” a ti ta nge nge, Hmelhriat a ngah em em a, Doctor pawh hriat a ngah, nel taka biak theih pawh a nei zul.

Ka rin ang ngeiin darkar chanve hnuah a msg a lo thleng a, Hmeichhe lam Doctor tha zet mai hnenah min lo ziak fel vek tawh,a hmelhriat tha tak anih thu leh midang hriattir ka duh loh zia pawh a lo hrilh tawh tih a rawn sawi leh ta thlap,rintlak hi zawng a rintlak teh ngai e,Zomuani nen Lunch ei kan tum kha thulh leh mai a that ka ring ta zawk mah,tunah chuan Doctor hmu phawt ila engkim a chian hunah Zorina hnenah ka hrilh anga,chumi hnuah hrilh ila a tha zawkin ka hre leh hnuhnawh.Mahse, keiman ka va sawm zawk a ni sia cancel leh ka huphurh viau lawi.Vanneihthlak zetin call ka tum lai takin amah zawkin a rawn call ta hlauh,Sana ka en zauh a,Dar 12 pawh a la ri lo a, lunch lam ai chuan thil dang vang anih ka ring zawk,atlang puiin lunch hi dar 2 hmain kan ei ngai meuh lo tlat.

“Hello.”

“Thiannu, vawiin kha..” ka beisei loh deuhin Lunch lam zawk a rawn sawi ta tlat.

“Biak che ka lo tum mek a,englo ania, cancel leh ila a pawi angem?”

“Aih, pawi lo lutuk zawk, Cancel ang tih ka lo tum chiah a,hna lamah ni lo Family lamah zawk pawimawh a awm thut a” a rawn ti a,ka thaw hawk mai.

“Ok, that hlauh chu, kei hi tihtur ka nei pek a..Naktuk lamah timai ang aw” ka ti a.

“Nia, nitawh mai,Zorina a lo thleng tawh em?” a rawn ti leh a.”Aih,thleng lo..lawk,inleng ka nei a” kawngka a lo lut mek chu tu nge anih ka hre lo nangin chhuanlam atan ka hmang ve hmak, Zorina chanchin min zawt leh ang tih ka hlau miau a, off vat ka duh.

“Ok, bye phawt le..” a ti a,rang fe hian ka off a, lo lut thar pain kei ni loin Ruata a pan chu ka melh zauh a, Ruata hian kei aiin hriat angah zawk a,a pan chat pawh thil mak a ni lem lo.

Site lam mi a lo ni a, Training kan pek lai khan Damlohna vangin a lo kal ve lo a, vawiinah thil ken thlak tur lak pahin a lo kal a lo ni a, hnathawk an thahnem tham a,office hna lam Ruata nen kan thawk a, hnathawk te control leh plan siam te hi chu Zorina leh Moses-a hian an khawih vek, an mahni in an ti ni loin a hranin Siteah Manager 3 lai an nei a,report lo en hi an hna chu a ni a, chunglam te dawr hi an ti vek bawk,mahse, Moses-a ai hian Zorina hian a khawih hnem mah zawk a, a neitu nihna pawh hi a nei nasa zawk hle tih tunah chuan ka hre tawh.

Dar thumah Office ka chhuahsan a, Zorina hnen atangin call emaw msg pawh engmah ka dawng lo,atthlak zetin ka be hreh tlat bawk,ka msg a read vek a, a reply miah lo khan min ti thinrim ru deuh tlat bawk nen biak ka tum lo ve tawp,Hlui’n ka kalna tur min zawt a, haw hma ka ngaih thu leh hna lamah pawimawh a awm chuan min call mai turin ka ti bawk.

Joe-a Doctor min rawn hrilh kha a clinic awmna nen engkim a rawn sawi vek avangin ka pan ding nghal a, kan Office atangin Taxi ka la a,ke a kalna atan chuan a a hla ve deuh,hla tak erawh a ni lo,diktak chuan  ka chau deuh nghulh bawk nen ke a kal ka zuam chiah lo  hrim hrim zawk.

Ka thlen chuan a lo thu tawha, nghak tu pali vel an lo awm a, kei ang lo takin kalpui an pasal te niawm  tak an nei vek,thutna awlah ka thu ve a,ka hriatthiam chiah si loh hlauhna niawm tak hian ka chhungrilah min fan a, ka lungphu a rang dawt dawt bawk.

“Nanun-i i ni em?” hmeichhe pakhat hian a rawn ti a, ka phu zawk bawk.Rang fe hian min be tu ka en chho nghal a, ka hriat ngai a ni lo hlauh,ka thaw deuh huai bawk.

“Aw, ni e..Enge ni ta?”

“Eng ni lo e, i lo thlen hunah Doctor hian lut nghal turin a ti che a..”

“Oh..” ka ti ringawt.Joe-a chuan min lo sawi pawimawh hle a ni phawt ang.

“Tunah hian pakhat a lut mek a, a lo chhuah veleh i lut mai dawn nia..E, card lo fill up lawk ila” a ti leh a, ka tho a, ka hming leh veng vel mai bakah kum zat tih vel a ziak a,kan awmna Floor hi waiting room atan an hmang a, Doctor tak chu kan chung chiah floorah a thu thung,a building a lian lem lo a, a te fel at thung.Kawngpui hnai tak,mahse, thawm bengchhengin a tihbuai nasat miah loh a ni lawia, a remchang veng vawng khawp mai.

Ka thu leh rih a, ka khup a sai dar dar a, ka kut a thlan dap dap bawk,ka mitthlaah Ka nu a lo lang zawka,duh lo in ka mit ka chhing sawk mai, min mamawh lo a mipa dang pantu hmeichhia hi ka mamawh anih pawhin ka pan ngai lo ang.Hmeichhe pakhat a rawn chhuk a, Duty chuan ka lut nghal thei tih min rawn hrilh leh a, ka zam takzet, lut lo a haw leh mai ka duh rum rum.Mahse, tunah hian ka hrechiang vek anga Zorina pawh ka hmachhawn thei zawk ang.Ka insehruh a, tlanchhe tur ka ni lo tiin keimah leh keimah ka infuih a, dawih taka ka nun ka hman hian tu te emaw tan hlawhtlinna a ni thei a, ka thiltih engkimah tu te emaw min beihna vanga ka chawlhsan anih chuan an duhthusam ka tih hlawhtlin sak anga, kei erawh ka tho chhuak leh zo tawh ngai lo ang,ka tho leh anih pawn hlauhna nen ka nun ka hman angai fo tawh ang.

Kawngkhar ka kik a, hmeichhe aw puam lam lek lek hian lut turin min rawn ti a, thawk ka la leh rih,kei chang lo pawh hmeichhe naupai a en hnem lutuk tawh, ka case hi midang te aia a danglamna chu Pasal ka nei ve lo tih mai chauh, chu pawh kei chauh ni loin hmeichhe tamtak lo paltlang tawh a la ni cheu.

Kawngkhar ka nem hawnga, Hmeichhe samtawi,mitmeng lian kel kawl hian min lo en nghal vat bawk,a hmeltha ti a sawi tur ni lo mahse a zahawm a, a rintlak hmel hlein ka hre bawk.Kei ai chuan a upa ngei ang, mahse, a upatna a tam lua lo maithei,a lang naupang chi anih erawh chuan thuhran.

“Thu la,Nanuni maw?” a lo ti nghal a, ka mengphawk deuh vak nangin Joe-a khan ka Photo a lo send anih ka ring leh ta zawk.

“Um,hei hi ka in entirna card ania” tih pahin a dawhkanah ka dah a, ka thu zui nghal bawk.

A la kanga, a en deuh vang vang a, a hmelah engmah han hriattheih tur a awm lo.

“Joe-a khan a rawn ngaipawimawh che sia,min nghah rei ka duh lo tawp ania” a nui sak a.

“Ka lo thleng chauh alawm, ka lawm lutuk” ka ti a.

“I test tawh em?”

“Aw..”

“Tah chuan a chiang ang tiraw? ,mahse, test tha leh hrim hrim ang aw” a ti a, ka bu ringawt, ka test tha leh a, a chiang kek kawk ngang mai.Phat tur leh rinhlelh tur a awm eih lo.

“I Period tawp ber i hria em?”

“Um,hria e” ka ti a, ka hrilh a, Calendar a melh zauh a,”Thla khat leh nikhat vel chiah anih hi,Ultrasound a en hrim hrim ka duh a,ka ziak anga, i zuk tih tir zuai anga, i report ka lo en lehnghal ang” a ti a, a ziak mawlh mawlh a,Joe-an engtin chiah nge a lo sawi ka hre lo a, engmah min zawt miah lo chu ka lawm tawk viau.

“Tu emaw kalpui i nei em?” lehkha min pek pahin a ti leh a.

“Aih...”

Engemaw sawi tuma a ang zuau tawh chu kawngka kik ri avangin a tawp leh rih,lut turin a ti a, a chal chuar deuh tapah chuan a lawm vak lo a ang.

“Sorry, ka rawn tlai hret a, Rinky, i dam maw?” Zorina aw hian a rawn ti a, ka phu nasa lutuk,ka thlawk chhuak lo chauh a ni ber.

Muangchang hian ka hawi let a, a rawn kal hnai chu ngawirengin ka en ngawt ngawt ringawt,enge hetah lo tih ve a tum? Engtin nge ka awm tih a hriat? Zawhna hlirin ka khat vek. Ka thutna bula chair awmah chuan a rawn thu ve a,ka Doctor hmel danglam vekah chuan an inhre tha thawkhat tih a chiang reng bawk.

“Zorin, nang maw?,ka laklawh tih an hrilh lo che mi?” mak tih hmel fe hian a ti a, a nui deuh bawk.A hma kha chuan thinrim deuh kha a ang a,tunah chuan mak tihna leh hlimna inpawlh a ni tawh zawk.

“Hrilh e,mahse, Nanuni hi ka rawn kalpui a...” Doctor ang pham mai chu ka melh zawk a, Joe-a khan a pa a lo la hrilh lo phawt,bakah an inhre tha hle anih chuan Noel-i pawh a hria ang chu.

“Wow!!!,i thiannu a lo ni alaw?”

“Aaaahh,thiannu ni lo e, ka Nupui tur zawk” nghet churh hian a ti leh sup a.

Chapter- 21

“Ouch!!!” a nui hak nangin a hmela mak tihna lang chhuak kha ka hmu hman tho.

“A va hriat loh theih ngai ve” amah bawkin a ti leh a, min rawn en a, a hma ang bawk khan a hmelah engmah a ngaihtuah awm a hriat leh theih tawh loh,Hmeichhe satliah mai ni loin Doctor a ni miau a, a mak lo.Mahse, nichin kha chuan mak a tih zia a thup hman meuh lo ve tho tih ka hria.

“Engmah kan la tlangzarh lo a, a hre hmasa pawl chu i ni ta tho e,tu nge anih chu i lo hrechiang hman vek tawh ang tiraw?” a ti leh a.

“Um, hrechiang a ni tawh mai, engtik nge Inneih ni tur?” Zorina ka melh zawk a, hahdam hmel zet hian a chair hnunglam nghengin bawp khawkherh in a thu a, a hmelpa zet chu a lang dam thlup bawk.

“Chutak chu kan la tifel chiah lo,mahse, a fel thuai ang” awlsam fe hian a ti leh mai.Sawi ve mai tur hre loin ka thu ngawi kar thung.

‘Um, anih chu, engpawh nise Ultrasound tih tir ka lo tum mek a, in zuk ti lawk anga ka lo en lehnghal dawn nia” a ti a,ka lehkha ka keng a,ka tho tur chu tul lo zetin Zorina’n min rawn pui a, a chhan hriat si lohin ka tang tung a, ka thin a rim deuh hlur bawk nen a kut han thinthlak nawk ka chak zek zek, mahse, ka ti ta em lo hlauh.

“Engtikin nge i lo thlen a?” Ultrasound result nghaka kan thut laiin ka ti a, Doctor kan chhuahsan hnu khan mumal takin kan la inbe leh miah lo.

“Dar hnih vel khan” a ti hmuk a, a phone a en ngur bawk.Doctor bulah khan min duat hmel tehreng nen tunah chuan biak huphurhawm tak a ni ringawt.

Ka result an peih tih Counter atangin a rawn sawia, ka tho tur min thawh khalh a, a va la a, Pawisa a pe nghal vek bawk,a rawn let leh a,a hmelah chau hmel hmuh tur a awm a,a hma khan ka lo en uluk lem lo a, danglamna a neih pawh ka lo hmu lo mai mai zawk.

“Kal ila...” a ti sup a, ka ding a, ka chhuahna turin kawngka a nem hawng a, sik hlau zet hian hlat thei ang berin ka chhuak a,ka chetdan tul lo zet chu a hrethiam tih hriat zet hian a rum deuh hawk thung.

Doctor in ka result a en thuak thuaka,vanneihthlak takin engmah dik lohna ka nei lo,rilru hahdam taka awm tur leh taksa hriselna lam ngaipawimawh turin min chah ngun viau,Naupangchhia ka ni tawh lo a fimkhur ka ngai lehzual tih a sawi tel bawk.

“Hna i chawlh rih a tha ang” Motor a kan luh hnuah a ti nghut a, a tul na ka hre lo lutuk tih ngaihna hre si lo ka nui hak ringawt.

“Engvangin?” nuihza la insum deuh hian ka ti nghat a.

“In dim i mamawh a tih kha,i tel lo pawn hna a kal vek thei”hnial chi loh tawpa khauh hian a ti leh hluk a.

“Chawlh ka duh hleinem..”

“I duh leh duh loh ka zawt lo che, i chawl rih ang,bakah kan inneih hnuah phei chuan i thawk zawm dawn miah lo” a ti leh a, tlemin a aw a nem ta deuh.

“Inneih,engmah kan la sawi hleinem, Doctor kha i hriatsa a ni tih ka hria a, i mualpho loh nan i sawi mai tih pawh ka hria...” Motor a ti ding thut a, hmalamah ka bu dawrh bawk.

“Sorry...i tha em?” min rawn en a, a hmel thim deuh makah chuan hlauthawnna niawm tak a lang bawk.

“Aw,tha..mahse, ngatinge?” ka aw a khur deuh titih, ka nat leh nat loh lam ai chuan ka phu nasa lutuk khan min ti khur a ni mah zawk.

“Ui mawle” tih pahin Car kawngkhar a hawng a, a chhuk zui nghal zat, chhuk ve pawh tum loin ka lo en a,khua a la thim chiah lo nangin a hmuh chian theih vak tawh loh a, Motor head light in a chhun avangin a che vel erawh ka hmu thei vek thung.

“I hmu em?” ka lo ti vat a.

“Aih, ka su lo tihna nimai” tih pahin a rawn thu lut a,ka lo thaw ve huai ringawt.

“Zaninah Palai an lo kal dawna, in Inah nge an lo kal ang i Pu te Inah?”min rawn en a,kan dinna lai hi kan veng leh kan veng thenawmte nena kan inrinna lai a ni a, Motor lo kal an awm mai lo a, In a awm lo bawk.

“Ka..ka hre lo,i ti tak tak em?”

“Fiamthu na hun a ni lo tih i hria ang chu” a hmui a pet sawi zauh bawk.Ka thawk hak a, ka chil ka lem leh te te, tunah hian hnial tur ka ni lo tih kei aia hrechiang an awm lo,ka naute hi sawn nih tir ka duh hek lo, mahse,...keimah ah hian engemaw dik lo a awm tlat, amah hi ka ringngam tak tak em? Thil ho te teah a thinrim thin te hi In khatah kan chen dun chuan ka tuar chhuak zo lo mai angem? Noel-i nen sumdawnna thilah an thawh dun a la ngaih miau avangin ka hmuh fo angai dawn,chutih hunah chuan hlauthawng lo in ka Pasal anih angin ka ring zo angem? Zawhna hlir,mahse,Zorina hian min duh tih ka hrechiang tawh a, Naute vang a min nei tur a ni lo tih pawh ka hria, Naute ka pai hma pawn min neih a duh daih tawh zawka, tunah chuan Naute vang hian a tan chance a that phah ta sawt zawk tih mai chauh a ni, a hma kha chuan ka hnial thin miau a.

“Zanin chu a hma deuh em a..” ka ti sep a, Motor a start a,min rawn en zawk a,hmalam a en leh mai.

“Hma lo e, nizan khan ka Pa te ka be vek tawh a, tuman an hriat hmain neih che ka duh a, chu chu an remti thlap bawk” zawi sup hian a ti a, chhan mai ngaihna hre lo hian ka kut ka elh nauh nauh mai.Anu khan engtin nge a ngaih ang? Ka nu leh a pasal inzawmna kha a lo ringhlel tawha, a rin kha a dik lo tih Zorina’n hrilh leh tawh mahse lawm takin min pawm ka ring lo ve tawp.Thil pakhat ka rilruah a lo lut thut.

“Tu nge hrilh che?” hei hi ka zawh ngei ngei angai,Noel-i a ni tih ka chiang reng chungin dawt min hrilh leh hrilh loh ka hre duh tlat lawi.

“Tu bulah nge i sawi?” nelawm lo zet hian a ti hluk.

“Ka zawt hmasa che alawm le” a aw ki ang bawka nelawm lo in ka ti ve hmak.

‘Noel-i bulah khan i lo intithei kual vel a ni lawmni?” ka khawng nghal lah mai.Chu Ramhuai zet chu a.

“I ring em?”

“Noel-i hi ka nupui hlui a ni a, kan inneih chhung khan vawikhatmah dawt min hrilh ka hre ngai lo..”

“Aaah, a tha hle mai, ka nei dawn lo che”

“Maw?!”

“I beng a ngawng loh kha” amah en duh loin hmalam ka en lui tlat.

“A chhan i sawi angai ang chu”

“Noel-i nge kei i rin zawk?” ka thik zia leh ka huatzia tih lan loh tumin ka in control nasa viau, mahse, ka aw ki chang fak mai chuan a ti lang chiang ngang mai thung.

“Ani nen chuan compare pawh i in tum buai duh zawk e a” ka chhungril a na nghal vawng vawng mai.

“Ok,a tha.Mahse, thil pakhat ka hrilh ang che, a bulah khan ka rai tih sawiin ka intithei kual vel lo a, hrilh lah ka hrilh hek lo” ka lungawi lo satliah pawh a ni lo.Ka puakkeh dawn niin ka hre hial zawk.

“Amah in a lo hre ve tawp tihna maw? Huh..” ngeiawm zet hian a ti leh hluk a, sawifiah tuma ka ang zuau tawh ka chip leh hmak, enge sawifiah a tulna? Noel-i sawi a lo awih fel vek tawh anih si chuan ka sawifiah talh hian ka chil per a uihawm mai mai.

Kan kawtah a ding a,kawngkhar ka hawnga, ka chhuk tur chu ka ban rekah a rawn chelh leh thut a,ka hawi let a, pawnlam light eng chuan a hmai a rawn chhun a.

“Zanin chu a hma i tih chuan naktuk zan ni rawhse, engmah hi ka nghak khaw tlai tawh dawn lo ania” nghet churh hian a ti leh a, min hrilh nge thu min pe ka hre hrang nek lo e.

“Hnial thei che ka ni em?”

“Aih, bakah inhnial ka peih lo,ka chau lutuk mah mah” a ti leh a, ka kut a chelhna a thlah a,  ka inrin hmain ka biangah a rawn khawih a,a kut lum thur thur chuan min fan raih raih bawk.

“Thil pakhat hrereng la ka duh, Noel-i hi thik buai duh suh, ka nei dawn che tih ka sawi tawh chuan Naute vang a ni lo a, nangmah hi ka duh che tih i hre reng dawn nia” zawi fiah zet hian a ti sup a, mawl hmel zet hian ka bu nghauh ringawt.

Mama a lo haw tawha, ka rin loh deuhin ka pi leh ka pu an lo awm a, an lo kal chhan lam erawh rindan ka nei thiam nghal mai nangin eng rilru pu in nge an lo kal erawh ka hre lo.

“Ka rin aiin i lo haw har a” Ka pi in min lo ti vat a,hna lamah kan buai thu ka sawi liam puat, Mama engmah ka la hrilh lo a, ka pu erawh hi chu ka pi in a hrilh ka ring ve ngawt, Mama an lo hrilh tawh zawk maithei bawk.

“A pawi lo, I patea pawh a lo thleng chauha” a ti leh a, phawk deuh hra hian ka en a, engmah sawi loin a bu nghat ringawt.

“Inthlak fel phawt la,i inbual nghal dawn zawk em?” Mama zawkin a lo ti ve a.

“Aih, ka inthlak ringawt ang,ka rei lo ang” ka ti a, Room ka pan a, ka chau leh hluah hluah tawh,Zorinsanga khan min ti chau hluah hluah,Noel-i tan zawnga a tawngkam khan min ti na ngut ngut a, ka bengah a ri nawn tluk tluk bawk.Thik lo turin min ti eng ang mahse a thusawi a lo ring ngawt thei khan min ti na tawk viau.

Living room a ka let leh chuan Patea a lo awm ve tawh, rindan sa nei lo ila chuan hetia a ruala an lo lut hi thil mak leh rapthlak a ni hial zawk ang.Ka pi bula thutna awlah ka thu ve a,chaw an ei tawh leh tawh loh ka zawt a, a lu a thing mai.

“Mampui,i chanchin i pi in min hrilh a” hawi chhuak ngam loin ka kut tin ka kheuh a,hnuai lam ka en ran bawk.

“I lakah hian ka beisei sang em em a, engmah ka tihsak thei lo chung che hian ka tunu i ni hi ka chhuang thin che a,tun tum erawh han lawmna tur chi a ni ta hauh lo,mahse, chulam chu ka sawi tum a ni lo.Zorina pa khan min rawn bia a, zaninah lo len an duh a..” ka ip chawih a, ka chil ka lem khalh ringawt,Zorina hnenah khan a la hma ka ti a, mahse, engkim ka pu te bulah an lo va sawi vek tawh zawk.Ka pu te ka sawipui hmasa ang chu ka tih vang a pha ka ni pakhat a, mahse, an lo sawi vek tawh chuan engmah tih danglam theih a nih hmel loh.

“Engmah ka hrethiam rih lo..” Mama ka melh zawk a, min en lo in Tv lam a lo en daih.

“Hmeichhe lam kan ni a, tunah nau i keng tawh a, duhthlang thei kan ni lo,a rawn sawi dan kha chuan sawn man pe tur ni loin inneih lam law law sawi an duh a ti a,hetah ai chuan kan In lamah lo leng ta mai se ka lo ti a, han rawn hauh loh che chu ka duh lo a, i Patea ka rawn a, ani hi chuan i thu thu a ti a” a ti leh boh boh a,nia, duhthlang thei dinhmunah ka ding eih lo, kan In a ni emaw ni lo emaw ka tan chuan engmah danglam a awm lo.

“In tih dan dan animai” ka ti sep a, ka pa ka mitthlaah a lo lang a, la dam se engtin nge a tih ang? La dam se chuan hetiang dinhmunah hian ka ding kher lo ang,Zorina hnenah khan ka hmeichhiatna hralh turin ka kal hek lo ang.

“Nia, kan In lamah lo leng mai se, ka lo ngaihdan chuan zaninah an lo kal anih chuan a ni leh thla pawh lo ruat fel mai ila, midang innei tur ang kan ni ve dawn lo a” Patea zawkin a lo ti ve a.

“Midang innei tur nen danglamna an nei bik chuang pawn ka hre lo” Mama aw hian a ti a, a chang fak mai, ka melh vat a, min en loin Patea a melh ngar bawk.

“Aa,chuti zawngin ka sawi hleinem, Zorina te lam hian inneih vat an duh tih an rawn sawi vek tawha, palai lo kal nawn kher ngai loin engkim zanin hian inhawng takin lo sawifel pui mai ila ka tih na ania” tlawn titih hian a ti leh a, nui lui tih hriat zet hian a nui vur vur bawk.

Mama hian vawikhatmah Patea te nupa hi ka hriat laiin a chhe zawngin a la sawi ngai lo,mahse, min ngaihsak miah lohna te hi a lo theihnghilh bik reng reng lo tih erawh ka pawm ta thlap,keimah ber hian engmah ka sawi ngai loh avangin a lo ti lang ngam lo mai mai zawk a ni ngei ang.

Palai te haw hnuah ka Pu in Mama nen min rawn ko a, ka lo rin ang ngeiin ka pi khan ka pu leh Mama a lo hrilh vek tawha, min hau hauh lo turin a lo ti sa vek bawk,Common roomah an lo thu a, Nutei a lo awm ve bawk,nidang ang bawkin min lo lawm leh hliai mai.Kei erawh chuan nidang aiin a let tam takin ka haw ve thung.Inneih hun atan thla thar ni 21 an lo ruat fel a,ka thaw hak mai,min rawn a ngai lo tih sawi mah ila ka duh ai chuan a la hma ta fan.Pawisa khawl lawk ka nei mang lo a, kan ba ka la rul bawk nen inneih thuam ringawt pawh ka ngaihtuah ngam lo zawk.

“Engmah ngaihtuah hah duh suh, i duh duh i thlang pawp pawp dawn nia” Nutei nui hmel chu ben sawk ka chak,ka Pasal tur tunge anih a hriat rualin a nem nghal vek,mi hnenah ‘Boss te nawmchenna ‘ min tih loh leh a rinthu mai mai a lo sawi chamchi a, ka pi phei chuan Nutei chaw tui ber a ti hial kha ania,tunah chuan a danglam ta vek chu ania, hahthlak hlawm hian a.

“Nanun...lo ding lawk teh” mipa aw hian ka hnung lam atangin a rawn ti a, ka ding dat a,ka hawi let a, min ko tu ka hmuh takah chuan ka thaw hak mai.Ka hmuh chak loh ber a ni hial ta ve ang.

“Enge ni ta?” nelawm vak lo hian ka ti hmak a.

“Pasal i nei dawn tih ka lo hria a” a rawn kal hnaia,a hmel a la tha reng.

“Nia,i hre dik anih chu”

“Min sawm ve dawn em?” a nui a.

“Lo kal ngam tur ni a i inhriat a thu le” ka ti hmaka, ka nu nen an chesual lai ka hmuh tirh ang kha chuan ka na tawh lo, mahse, amah ka huatna erawh a la ngai reng.

“Ngam tur ka ni lo maithei, mahse, i nu in min sawm ve miau a...” ka kut ka hum ruh ngat ngat mai,ngeiawm zet hian a nui bawk.

“Mate,kal ila...” Zorina aw hian a rawn ti sup a,inti ta tu zet hian ka darah a rawn vuan zui nghal zat bawk.

“I lo kal ve dawn maw?” ka melh chho a, a khabe hmul kual raih chuan a hmai a ti lang tung deuh a, a bek sam kawng deuh leh a hnar ngul sang vah te nen chuan a lang tha takzet.

“Kal ve ang chu,  Zomuani pawh ka hrilh tawh kha..nang hi Nanuni bulah hmuh che ka duh tawh lo ka ti khan ka hria” nelawm lo zet hian a ti zui hmuk bawk.

“Oh, chutiang pawh ka lo hre tawh lo a...anih phawt u” a ti a, a kalsawn chu ka en a,ka nunah hian lo lang tawh ngai lo se ka duh hluah hluah.

Inneih inbuatsaihna a kal tluang thawkhat, mi hriat lem loha tih mai ka duh tehlul nen zorina te mi pangngai chunglam an ni miau a hria an tam lo thei lo, ka rai tawh tih an hre tel zel lo thei bawk si lo,Office erawh ka kal ta lo, kal luih ka tum hle nangin Zorina mai bakah Moses-a leh Zomuani nen lam an tang ho a, tihngaihna a awm lo.Han inneih dawn tak tak meuh chuan tihtur a pui a lo tam em em a, ka mal zia ka hrechhuak zing tial tial bawk.

“Vawiin kha i nu kan sawm ve ania” Ka pi in a ti sep a, phawk zet hian ka en a, tawngkam mawi vak lo ka chhak chhuak hman thelh.

“Lo kal lo se ka duh zawk tih i hria tiraw?” a rilru tihnat hlau in ka in control nasa viau.

‘Hre lo, hriat pawh ka duh lo,bakah i nu a ni a, ani lo Nu dang i nei lo,amah pawn lo kal duh siin a hreh ve em em ang tih hria la.That lo chhuah hram hram ang che, nu i ni ve mai dawna, nu dinhmun ropui zia pawh i hre thuai ang” a ti leh a,Nia, Nu dinhmun zawng a ropui, mahse, tu nu mah hian Ka nu angin an fanu te Bialpa an mutpui ve lo tawp ang.

Man hlanna hun kan hmang a, zawn ka nei a, hmuh erawh ka hmu lo.Zorina leh Moses-a an awm ve a, Zomuani erawh a mimal thil buaipui tur a nei a,a  lo la thleng lo thung.

“I tha em?” ka beng bulah zawi sup hian a rawn ti a, kan inneihna tur buaipui in kan inzui tam a,nitin hian min care zia ka hre chiang tawlh tawlh bawk.Mahse,Noel-i ka ngaihtuah chhuah apiang hian ka thik lo turin min ti mahse ka chhungril a na ziah thung.

“Tha tho,mahse, ka chau” dik takin ka chhang mai.

“Um,Room lamah kan kal mai dawn mi niang” a ti leh a,ka hawi kual a, a thenin chaw an ei tan tawh.

“Chi nang...oh...a lo kal tak tak” ka tawng tawp lam a zuih ral titih,ka en na lam a en ve vat a.

“Shhh,hahdam rawh, i bulah ka awm ania” hnunglam atangin ka kawngah a rawn kuah a.Ka ngheng ta nge nge, mahse, ka inthlahdul thei hlawl lo thung.

Ka en leh ta nge nge, ala ngai reng, a hmelthatna pawh a la chuai chuang lo, a lang zahawm em em a, ka pa nen an inneih lai ang mai khan a lan dan a dik leh thlap tawh bawk.Mahse, a chhungril lam erawh a tawp em em tih ka hai si lo.Ka pa hmel ka mitthlaah a lo lang a,ka mittui a rawn hnai nghal kuar a, tap ngawt tur ka ni lo tih ka hria a, ka insehruh fan fan bawk.

“Eng nge i an?” boruak ri hulh hulh ka nin avangin ka pi te room Balconyah ka ding a.Tu nge min be tu ka hria.

Muangchang hian ka hawi let a,kan inhmachhawn ta ran mai.

“Ngatinge i lo kal?” a dang sawi tur ka hre hlawl lo,ka kut ka humruh ngat ngat bawk.

“Ka fanu i nia lawm” thinrimna a hmelah hmuh tur a awm lo,a aw a dam thlap bawk.

“Ka ni lo..”

“Min haw em em mai hi ka hrethiam lo,i pa lakah chuan ka tisual ngei mai,mahse,ka tan chuan ka fanu,ka hrin hmasak ber i ni a...”

“Sawi tawh suh” ka ti tuar a, ka beng ka hup tlat bawk.

“Ngatinge?” tueawm hian min rawn pawt a, a awmah min pawm bet zui nghal hmiah bawk.A lo luh lai ka hre hauh lo.

“Zorin,ka fanu hi i kutah chuan a him ang tih ka hria ania” Ka nu aw bawk hian a la ti ta fo.

“Ni e, ka enkawl ang,ka tan chuan ani aia hlu a awm lo”

“Ka tan pawh mawle” a va han zak lo tehlul em,Zorina awmah ka hmai ka phum tlat a, a hmel ka hmu peih hlawl lo.

“Nia, an pawimawh ang, mahse, tu nge mahni Fanu bialpa te mutpui sak chunga ka fa te ka hmangaih tih thu sawi chu awih duh ang?” a aw a ring lo, a chiang kek kawk hle thung.

Chapter- 22

“Nang hi?” Ka nu aw a thinrimna leh mak tihna inpawlh chu ka hriat hmaih lo,mahse, ka awmdan ngai rengin ka awm lui tlat a, keiin harsa ka tih em em kha Zorina zawkin a sawi chhuah takah chuan engemaw tak in ka thawveng deuh huai in ka hre bawk.

“Khawngaihin kal tawh rawh, i fanu hi naktuk maiah ka nupui a ni tawh dawna, i ngaihtuah tak tak ngai lo bawka tunah pawh rawn ngaihtuah duh suh” a ti leh hmuk a, a aw dam hle mahse a hlauhawm ru tlat lawi.

Ka samah a rawn fawp vang vang a, a awmah ka hmai ka la phum lui tlat bawk, a kalsawn tawh leh tawh loh pawh ka hre lo, engmah thawm a awm tlat lo.

“A tha vek e, a kal tawh alawm” zawi sup hian a ti  a, ka la hawi chhuak ta chuang lo.

“Engtin nge i hriat? Ka hrilh tawh zawk che nge??” ka ti sep a, ka aw a ri chang chang.

“Ngaihtuah suh, engpawh mai hi kan ngaihven zawng anih chuan kan hrethei alawm”

“Um,nun hi a harsa em mai,midangin an hria angem?”

“Aih, an hre ngai lo ang,eng ang a na pawn nang emaw kei pawh hian tawng khum mah ila i nu a la ni reng a, ka tan pawh ka nupui nu a ni reng tawh dawn,a nunhlui kal tawh vanga kan nupa leh kan chhungkua kan mualpho hi ka duh ngai dawn lo” a ti leh a, a sawi dik thlap,ka sam karah a kut a rawn rawlh lut a, a kawngah ka kuah chial bawk.

“Ehe!!,hetah in lo awm daih alaw?” Zomuani aw hian a rawn ti a, rang zet hian ka hawi chhuak a, Zorina min kuahna ban dah thlak sak ka tum a, mahse, min kuah nghet sauh thung.

“Aw, i lo thlenna a rei tawh em?” ka ti a, Zorina ka melh chho a, a mit a siai zauh a, mahse, min thlah ta tho.Nupa kan ni mai dawna, ka rai lawk tawh tih hre mahse midang awm lai em a han inkuah chu nuam ka ti lo.

“Rei nang, ka lo thleng deuh chiah,ka hmu mai si lo che u a,Nautei’n roomah in awm anih a ring a” a ti leh a, Ka pi te khumah chuan duhdah zet hian a thu sawp thla hnak bawk.

“Nia, thil pawimawh kan lo sawi a” ka bul hnaia chairah chuan ka thu thla ve a, ka chair banah Zorina a rawn thu ve nghal a, ka thutna nghenchhanah a ban  a rawn dah zui zat bawk.

“Nia, ka rawn hmu alawm, a pawimawh hmel khawp kha” a nui a,za lo zet hian ka nui ve ringawt.

“Honeymoon kha engtin nge ni ta?” a ti leh a, Zorina ka en ringawt, Honeymoon kal lam kan sawi pawh ka lo hre lo.Bakah ka rai sa bawk nen Honey moon hman kher pawh tul ka ti lo.

“Kha chu nakin lamah le, Moses-a a lo thlen tawh chuan chaw ei ve tawh ila” Zorina’n a ti a, sawi zui a duh lo tih a awki ah a hriat theih vek bawk.

“Khawiah nge a kal leh a?”

“Thil pawimawhah a chhuak lawk a, Zomuani a lo la thleng lo tho bawk a” a ti tha ve mai.

Zorina Khum, kan nupa khum lo ni ta ah chuan a vang zawngin ka mu a, ka chau hluah hluah,mi an lo kal tam pawh ka beisei miah loh laiin an lo kal tha takzet,ka pheikhawk sang bun khan min ti chau a, mipui boruak ri hulh hulh khan ka lu a ti na ut ut bawk.Ka sana ka en a, dar 11 a ri tep tawh,Zorina chhung te an haw zo tawh a, Party lah hmun dangah daih a ni bawk nen engmah thawm awm tawh loin a reh thiap a, Inneih zan pawh a ang lo rum rum zawk.

“I muhil ngawt alaw?” Zorina aw hian a rawn ti a,a rawn mu ve tih hriat zet hian Mattress a hniam deuh salh a,ka hnung lam atangin ka kawngah a rawn kuah zui nghal zat bawk.

“Aih, mahse, ka chau”

“Ka ring, kei pawh ka chau ve tho mai”

“Party na lam tu nge host a?”

“Hlui te an awm a, ka cousin te an awm nual bawk a, ngaihtuah suh” mutchhuak aw zet hian a ti sup a,min rawn hnaih leh sauh bawk.

“A that chu, zep miah lohah chuan inleng te bula thut pawh kha ka tlin lo lek lek”ka ti leh sap a,amah si chetin min pawt hnai a, a taksa lumna chuan min ur pha hialin ka hria.

“Ka hria lawm, mahse, vawiin khan i lang hmeltha takzet”

“Vawiinah chauh maw?” ka nui a.

“Sual reuh lutuk,i tha zual ka tihna zawk” a rum deuh hawk bawk.

“Ka lu a na ngut ngut a,muthilh vang vang ka chak”

“Phillip-a khan pain clear ei tur a pe che maw ka tia?” ka dul a rawn khawih a, a chawl dat a, dim te hian ka tai lamah a tawlh thla a, a chul zui hauh hauh bawk.

“Pe tho, Rinky pawh khan min pe a, ka ei alawm”

“A tha, a chhawk vat ang che,anih chuan Inbual ila..”

“Ka tho peih tawh lo e”

“I thawh kher angai hleinem” a ti sup a, a kut a la sawna, a tho zui nghal a, enge a tih dawn pawh ka ngaihtuah hman hmain min pawt tho a,ka te that mai.

“Enge a?”

“I kawr ka hlip dawn mawle” awlsam zet hian a ti liam puat a, ka kawr hma kilhna a rawn khawiha,hnialna hun pawh ka neih hmain a kilhna chunglam a phelh zo titih.

“A tawk, keimahin ka lo ti ang..tak tak” a kut ka man behsaka, a nui hawk mai,a nui riah chuan tihelna lam engmah a lang lo,min fan raih raih bawk.

“Ok, lo phelh la, tui ka lo dah ang” a ti a, a kalsawn chu ka en a, kekawr bul a ha a, a chawn sei thlurh chu hmulin a khuh dap a, T-shirt hring duk a hak chuan a taksa a phuar deuh tanga, a pian nalh zet chu a ti lang chiang viau.

Bathtub lian tha zetah kan thu dun a,kan hmalama Darthlalang lian puiah chuan kan lang thei vek, amah ngheng in ka thu a, ka sam ka chhip lamah ka tawn tawm chho  vek a, a sawi ang tak takin engmah ka ti ve lo,  a tir kha chuan engkim a hmu vek tawh tih hre mah ila ka zam tha leh tho,tunah chuan tui lum pangngaiah kan inchiah dun a, ka taksa kham leh na thum kha a zia deuh hawkin ka hre bawk,ka hnute hmur a tuai hauh hauh a,a awmah ka ngheng a, a darah ka lu ka nghata, ka mit ka chhing ta nge nge.

“Ka nupui i ni tak tak tih hi rin harsa ka la ti tho mai,Naute kan nei mai dawn bawk si” zawi sup hian a ti a, ka bengah a rawn fawp a, a lei lum ham ham chuan a rawn si a, ka zawi nghal huai bawk.

“Ka ni leh lo mai dawn mi? Ouch...” a kut zungtang sei thlurin ka mal kar a rawn nuai takah chuan ka te that mai.

“Shh...engmah sawi suh..”

“Hetah chuan ni lo e..”

“Aih, ni chiang e..” a kut a ti che leh a, ka eu nghal awrh bawk,a kut lehlamin ka hnute hmur a chep hrual pah a, a kut lehlamin hnuailam a khawih thung, te chhuak lo turin ka hmui ka pet fan fan a, a mipatna in min rawn do a, a duh ka hai lo,a inpeih leh at tawh tih hai rual a ni hek lo.

Min nem tho a, ka kawngah a rawn vuan a, Bath tub tlangah min thut tir a, enge a tih dawn ka hriat hman hmain ka mal karah a hmai a rawn phum a, a tih tum chu engmah zawh ngai lo in ka hre nghal mai,a hmui chhah tap leh hnawng deuh chapin ka point a sik rualin a samah ka tham a, ka te chhuak ta nge nge.

Tui a paih ruak vek a, a thu hniam a, a chungah ka zuk thu thla a, kan taksa a inzawm takah chuan ka hmui ka pet a, ani erawh ka awmah a hmai a rawn phum a, a rum chhuak ve hawk tho bawk.

“Min en rawh..” sehchilh deuh hian a ti hrawk a, ka mengchhuak a, a hmai sen deuh tal mai chu ka zuk khawih a, ka Hmangaih hluah hluah, Hriata vang khan mipa hrim hrim hi ka hua a, ka nunah hian Mipa pahnih chauh ka la lut,ka hriatchian em em tak chu a hmasa ber nih aiin nun kawng tawp thleng zawhpuitura thlan nih theih tluk a hlu a lo awm lo, tunah chuan ka kut vuanin a ruala kala a nun tawmpui tur in NUPUI nihna ka nei tawh miau a.A bak engmah mamawh ka nei lo.

Zawi zetin khumah ka mu a,a darah ka lu ka nghat a, a lungphu ri dat dat ka hrethei a, hlimna sawifiah thiam loh khawpa nasa hian min zem a, hetiang hi chu mumang lamah pawh ka la mang chhin ngai lo.A hma pawh khan kan ti vek tawh,mahse, tunah chuan nupa kan ni tawh a, engmah rilru kam tu a awm hek lo, ahma kan tih khan nuam lo a ni lo, a nawmzia ha sawifiah thiam hek lo, mahse a hnu leh khan inchhirna bak engmah min pe lo.

“Le, muhil ang le, zingah i harh hma viau maithei ania” ka chalah a rawn fawp zauh bawk.

“Zorin...”

“Um..”

“Ka hmangaih che” ka ti chhuak hlawl mai.

“Aaah, ka hria lawm”

“Maw?”

“Ka hre sa alawm, mahse, i sawi avangin ka lawm e”

“Anih nang ve?”

“Kan mutdun vawihnih na ah khan ka hmangaih che tih ka hre daih tawh alawm”

“I sawi si lo a..”

“Mahni induhtawkna ka nei ve alawm..”

“I ngah mah mah zawk ka lo tia sin” zawi tein ka nui a, a nui nghawr ve dat bawk.

“Maithei, mahse, nang tereuh hian chu thil chu i thiat tan mek chu anih hi..” min Duatna a awah a lang chiang viau.

Thla thum lai kan innei ve ta,vawikhatmah ka rilru nawm lohna tur in a la awm lo,hna lamah a buai em em tih kei aia hrechiang an awm lo ang, a bulah ka thawk tawh a, a hnathawh dan leh tih thin zawng zawng pawh ka hre vek, chuti chung chung chuan min Duat em em a, a theih anga tam ka bulah hun a hmang hram hram zel bawk.A chhungte nen lah beisei phak bakin kan inkar a tha ta tlat,a nu ngei pawh ka lo huphurh ang kha a ni ta hauh lo.Mahse, min duat ber tu erawh chu a Pi a ni thung, In khatah kan khawsa ho lo a, tumah hrawn tur ka nei lo,Zoi bakah midang awmpui a lak belh leh a, lang kal nu upa lam ti ila kei aia upa hret tur, Pasal nei lai a la tel bawk a,a ma Mimal Driver erawh Inah a awm ve a, ani hi chu kan inneih hma a a chhawr tawh a ni a, an inchhawr fuh ngang aniang,mahni ta ang maiin Inah pawh a khawsa ve mai.

Kan inneih atanga kar khat liam hnuah kan chhungkaw lam leh an chhungkaw lam Picnic kan nei a, a tihchi phian,Ka pi leh ka Pu pawh an lo kal ve hial,Zorina pi te nen an lo inhre sa thin bawka, nuam an tih zia ka pi in a sawi bang thei lo.Mahse, mak takin Zorina unaupa leh a nupui hi ka nel thei rih lo,an bula ka awm apiangin ka tang teuh a, ka inthlah dul thei ngai miah lo bawk.

“Lo khawih ve tawh lo teh, nimin ang kha a thlen leh ka duh lo ania” ka thil ken lai min rawn laksak pahin Zoi’n a ti a, ka hnar ka tum dat mai,nimin lamah kawt zawla Pangpar leh Plant ho ka sik sawi a, an enkawl uluk hle nangin keima ta anni tawh a, ka duh dana dahsawn tumin ka buai a, Zorina lo haw lai takin Pot lian ka lo chawi pek a,ka bula Zoi lo awm a hau titih.

“Nimin nen a in ang hleinem,ka lo ti ang” tih pahin ka va ban leh a,mahse, rang zet hian min lak khalh leh tho.

“In ang lo mahse a buaithlak, a lo haw thut zel bawk si..” a nui zui kar kar mai,nimin kha chuan a thinrim ti tih a, tunah chuan chutiang lam a lang leh tawh lo.

“A ho em mai a,nih leh soup kha ka lo siam ang aw’ Tomato ka ban leh a, a rawn ban ve tho nangin ka lak khalh ve ta thung.

“Awi, i ninawm,u Zorina lah hi i thlak danglam vek bawk si”

“Ka van awih lo tak..” ka ti nghat a, Tomato chan tumin ka tho a, Chopping Board leh Chemte ka la a, ka thutna ngaiah bawk ka thu leh a.

“Awih rawh, tiang hian a danglam thei ang tih ka ngaihtuah phak lo zawk, u Noeli nen an inneih lai te chuan a..” sawi zawm loin a ngawi leh daih, ka melh zawka, nuam lo tih hmel zet hian a che sek bawk.

“Ih, an inhmeh ka ti” a rilru tihnawm nan ka nui lui hak hak bawk.

“Nia, an inhmeh alawm, mahse, nangmah nen in inhmeh ka ti zawk..” Hlui pawh khan a ti tawh, a lo ni tak tak mahna le.

“Engtik atangin nge an bulah hian i awm?’

“A rei tawh mai,an indan tirh khan ka awm ve nghal a,an inthen hnuah pawh ka awm zui ta zel anih hi” a ti leh a, ahma a a nuam lo tihna kha a bo leh tawh tih a tawng dan zangkhai vah chuan a ti lang.

“Midang hi an lo kal ve ngai em?” ka ti leh a,kan inneih hnuah hian vawi hnih khat bak an lo la kal lo ”Um,kal ve tho e,mahse, an lo kal tam lo khawp mai” a ti awlsam leh mai.Ka pasal te chhungkaw chungchang an awmpui hnena zawh hi ka tihtur a ni hauh lo tih ka hai lo,mahse, hriat duh tamtak ka nei miau a, ani aia hrechiang tur an awm hek lo.

“U mala nen hian phir ve si ah chuan an mizia a hrang hlak,an hmel chiah a in ang” a ti leh a, ka beng a verh zak mai, Noel-i leh a nupui an inkawmngei em em tih ka hre daih tawh a, chumai bakah Zorina nen kan video lo siam vel chungchang pawh kha engmah sawi a awm zui lo nangin amah hi anih ka ring ru ve deuh tawp bawk.Zorina nen midang hriat a kan inzui hnu khan kan inhmu leh zauh thin a, tha takin min be ziah tho nangin min ngaina lo niin ka hre ru tlat zel a, tun thlengin an bulah hian ka thla a muang thei lo zawm ta zel chu ania.

“Unau pawh a danglam theih alawm, mihran ve ve anni tlat a” ngaihsam hmel fe hian ka ti liam puat.

“Nia, a dik tho, mahse, u Zorina hi chu a pa nen an zia a in ang lutuk a, U malsawma ve thung hi chu a nu leh pa a chhun lo ve ve ka ti mai” a ti leh hmak a, a ei vak lo tih a lang chiang viau.

Muangchangin ka inbual a, tunah chuan ka nau pai pawh thla ruk hmel a hmu hnai tawh,Zorina hian ka dul ah kher fawh a ching a, na miah si lo hi keilah hian ka dula fawh hi ka haw tlat bawk, ka huat viau avang hian ani lah chuan tih luih nuam a ti ve sauh thung.

“Enteh, kawr hi enge ka hak ang?” ka thawmhnaw bawm lam ka hawia, a awm teuh nangin hak tur ber ka hre lo, engpawh ha ila ka nalh lo em em hian ka hre tlat zel a, ka confi thei lo.

“I duh duh kha nimai,ka intleuh ve zuai ang” awlsam zet hian a ti a, a thawmhnaw a phelh a, a phelhna hmunah a kalsan tawp,nur nang hian ka en a.

“I rei angem?” dar 4 ah Doctor kan hmu dawna, tlai ka duh lo.

“Rei lo ang,tak tak..” bath roomah a lut zui nghal chu a ni der, a thawmhnaw ka la kang a, bal bawmah ka vawm lut a, Thawmhnaw ngai hi suk loh chuan a ha nawn meuh lo, T-shirt leh jeans,Loafers angaina em em a,a bun tam ber a ni bawka, a pheikhawk bawmah a tlar dul pawh thil mak a ni lo.

“Ehe! i lo la insiam zo chuang na nge? I hmanhmawh maw ka tia?” a rawn chhuah veleh a rawn ti nghal a, hak tur ber hre lo in ka thawmhnaw ho ka lo la hai let kual vel mek a, ka thin a rim ru teuh bawk.

“Anih hi..” ka tum aia chang hian ka ti hmak bawk.A rawn kal hnaia, ka kawngah a rawn kuah a, Boxer chauh a ha a, chunglam a ruak vek, a kawng a fek rat a,a dar a pharh tha leh tho lawi a, a pian hi chu amah pawh hian a chhuang ve deuh hian ka hre thin.

“Engpawh ha mai la, nge i duh zawng a awm lo zawk?” tih pahin ka darah a khabe a in a rawn nawr a.

“Hei hi a tha angem?” kawrdum fual, hnute hnuaia intan chu ka kawk a.

“Tha e, mahse,thil dang daih ka lo ngaihtuah a..” zawi sup hian a ti a, a boxer rawn nawk tu chuan min rawn si a, ka rum hak mai.

“Tul lo em mai a, a hun lo..” min kuahna ka phelh saka, a nui hawk hawk mai,kan inneih hmain Sex kan hmang ngei,kha kha thil dik lo hul hual a ni a, inneih hna a rai lawk ka nih avang te hian min hne mai hlauhna ka nei fo bawk.Mahse, mak takin min hne lo mai pawh ni loin kan inhip tawnna hi a mak a, a la chak em em bawk.

“Tun atangin min hrem dan i thiam tan a, Naute kan neih dawn hnaih leh a hnu lamah phei chuan min hrem rei dawn khawp” a ti hluk a, a thawmhnaw hak tur ka lo dah chhuah sak chu a ha zui nghal mawlh mawlh bawk.

“E,Mate, naktuk kha ka zin angai dawna, Site lamah zankhat ka zuk riak lawk ang”  Dinner kan ei laiin a ti a, kan inneih hnu hian thla tin vawi hnih tal zin loh a la nei lo,langa a kal nen phei chuan vawi hnih mai pawh a ni lo zawk.

“Um, Moses-a a kal ve dawn em?” ka thil ei lai ka chawl a.

“Kal lo ang, ani chu thil dangah a buai a,bakah thla leh ah hi chuan zin loh ka duh a” a ti leh a.

“Ngatinge?”

“Naute hi thla sarihah pawh neih palh theih ania,chuvang takin zin ka duh dawn lo”

“Oh..” ka ti ringawt, Naute thil engkim kan lei fel tluk a ni tawha, Nautei leh Zomuani mai bakah Zorina nu hian Naute thil tur an atchilh a ni hawt mai.

Zorina zin tur a chhuah hnu lawkah kan In lama kal turin ka chhuak ve a, Zorina khan Driver pakhat chauh kawl kha kei ka awm ve tawh avangin tlem a ti a, pakhat a lak belh a, a zin loh lai anih chuan ka chhuah dawn in amah nen kan kal ngei ngei a, a zin lai anih erawh chuan Driver thar zawk hi ka chang chawt thung.

“Hello” Zomuani’n min rawn call a.

“I tha em?” nidang ang bawkin a aw a zangkhai hah mai.

“Aw, tha.khawnge i awm a?”

“Hnaah ka awm a,tlaiah chaw ka rawn ei dawn mawni ka lo ti a?” a rawn ti leh a.

“Um,a tha ngawt ang, Zorina a awm lo a,mahse, kan Inah ka kal lawk dawn a” ka ti a.

“A that chu..ka lo kal dawnah ka lo hrilh ang che” a rawn ti leh a.

“Ok, bye phawt”  ka nui var var mai, thiantha ni tur hian inhriat rei kher kan lo mamawh hauh lo tih amah ah hian a chiang viau.

Tlai lamah ka haw ta chauh,ka haw hmain chawei tur kan nei tih Zoi ka hrilh lawk tawh a, Ka pi a dam that loh avangin min ngai zual em em a, ka duh aia tlaiah ka haw phah ve hrim hrim bawk.In ka thlen hnu lawkah Zomuani te an lo thleng ve chawpchilh mai,Scooty in a lo kal dawn emaw ka ti a, mahse Car in a lo kal a,Car khalh tu zawk a lo la chhuah ve loh avangin  tu nge a rawn hruai ka hmu mai thei lo.

“Hey, Scooty i rawn keng dawn maw ka lo ti a” veranda atangin ka ti a.

“Aih, Driver ka rawn nei alawm” a nui a, Driver a tih awmzia ka hria, ka nui ve hak tho.

Car kawngkhar a rawn inhawnga, tu nge a rawn kalpui chu ka hmu ta chiah, ka thaw a chham lo chauh thung.

Hriata nen kan inmelh ta ran mai.

Chapter- 23

“Hei, ka Driver chu nih hi” Hriata lamah a thle zauh a, harsa ti lutuk hian ka nui lui thei hram.

“Um,lo lut ula..” ka beisei aiin ka aw a pangngai.

Inchhungah ka lut a, min rawn zui lut ve a, ka awmdan a mawi lem lo tih ka hai hauh lo, tunge anih pawh ka zawt lo a,aman min hrilh hun lah ka nghak khawmawi eih bawk lo.

“Engtikah nge in pa a lo haw dawn?” Zomuani bawkin a ti leh a.

“Naktuk lamah niang, a ni lo thut thei tho bawka” ka ti a, Hriata lam en loh hram hram ka tum ngar ngar bawk,amah ka la duh vang lam a ni lo,huatna zawkin min ti chau hluah hluah.

“Anih chu, engtik nge i neih hun tak kha?” a ti leh a, ka hrilh tha ve mai.

“Eee, ka la sawi miah lo a, ka Driver thar hi Hriata nia,chuan ,Hriat, hei hi ka thiannu leh ka u nupui ni kawp bawk,Nanuni anih hi..Inchibai ve reng reng ula..” nui har har chung hian a ti a, ka lo ip deuh chawih thung, khawvelah hian ka thil duh loh te thlang dawn ila chuan he pa sik miah loh hi a pakhatna a nih em loh pawn pahnihna a ni chiang ang.

“Ka hresa alawm” Hriata’n a ti a, phawk deuh hra hian ka melh a, a hmelah engmah a ti lang lem lo, min chibai tuma a rawn tho chu ka en reng ringawt,a rawn kal hnaia,a kut a rawn phar chhuaka, ka che mai lo..

“Nanun,ngatinge a?” mak tih hmel deuh hian Zomuani’n a rawn ti a, ka harh deuh zawk, rang fe hian ka kut ka phar chhuaka, a kut ka vuan zawka, ka thlah leh vat bawk.

“Eng ni lo e, i Driver hian min lo hresa a ti a, ka hre ve em tih ka lo ngaihtuah mawle” nui chung hian ka ti a,Hriata hmel danglam deuh zawk chu ka hmuh hmaih hauh lo.

“Maw? I lo hre sa reng alaw?” mak tih hmel deuh hian a ti a, Hriata a thlek ha bawk.

“Hre sa dawn lawmni? Zorina nupui anih hma pawn ka hre daih tawh lawm” a nui a.

“Chutak reng chu lawm ka zawh che le?”

“Ha,tak takin ka ralkhat hriat ve mai mai zawk, i lo lang upa ve ta deuh a,ka hre lo tep che” pangngai tak hian a ti ta zawk, mahse, dawtsawi heh ka lo ti ve thung,Kan inneih hma lawk pawn kan inhmu a, tunah lan upat sawtna hun a ni lo,engpawh nise Zomuani lakah chuan ka him ta phawt e.

Kan chawei boruak a hrehawm hran lo, Zomuani a ti ti siam siam renga, kei erawh ka tang ru teuh thung, Hmana ka hriat thin Hriata kha a lo danglam ta viau anih hmel, tawng duh leh nui duh tak kha a ni thin a, tunah chuan a mizia a thup nge ka hre lo, a tawng mang lo,mahse, Sihal hian a zia thupin a rawng thlak engang mahse a chhungril chu sihal a ni tho tho.

Ka mu meng kar mai, an haw veleh mu turin khum ka pan nghala,Zorina nen rei vak lo kan inbe leh bawk,Zomuani khan engmah a hre miah lo tih a chiang, kan lo inzui tawh thin tih hria se chuan a bialpa pawh nise kan inah a lo hruai hauh lo ang, Hriata thung kha chuan a hriat ka ring sa thlap, kan inneih khan a lo kal ve em ka hre lo, mahse, a duh anih phawt chuan tu nge ka Best chu hriat a harsa dawn lo,a hmeichhe duhzawng a lo ni ve reng anih pawhin Zomuani a ni tlata, ka tan chuan rin theih a ni miah lo,Zorina kha ka hrilh ang nge hrilh lo ang tih kan inbiak chhung khan ka ngaihtuah reng a, mahse, ka hrilh ta lo, hrilh ka duhna leh duh lohna a inchen reng lawi.

Ka Phone riin min ti harh a,ka lo muhil sek hman,meng mang lo hian lukham bula ka dah ka la a, tun ang hunah tu tak ni ang maw?

“Hello..”

“Nanun,i nu ka nia” ka harh deuh kawk mai, tun ang hunah ngatinge ka nu in min lo call ang? A awah khan keima nu ni loin Zorina nu aw zawk a ni tih pawh ka hria.

“Aw, nu..enge ni ta?”

“Mama te kha...” rang lutuk hian ka thuchhuak nghal a, ka chhungrilah hlauhna in min rawn man a, ka khur nghal dar dar bawk.

“Ngatinge? Engtin nge a awm a?” ka mangang tih ka thup hleithei lo.

“Aaaa, lo hlauthawng vak lo phawt la, i pa nen kan lo kal mek a” a ti leh a,.

“Chutiang ngawt ..?’ ka tum aiin ka au ring hret.

“Kan lo thleng animai e,kawngka lo hawng ula” a rawn ti leh a, ka tha a khur nasa lutuk.

Sana ka en a, dar 12 a lo la ri lo deuh, tun ang hunah an lo kal anih chuan thil tha lam a ni dawn lo tawp,ka phone ka en leh a,number ka hriat ngai loh atangin min rawn call na a lo awm nual, Moses-a min lo call na a lo awm bawka, ka harhvan tehlul nen engtin nge hei zat min lo call si a ka harh miah loh theih?!

Stepah ka chhuk thla a, ka nu te Motor light rawn eng pap pap chu ka va hmu nghal a, kan Driver tharin Gate a lo hawnsak mek bawk.Ka tha a khur nasa lutuk a, ka che hleithei lo.

“Awi, Bawihte..” ka nu in min hmuh veleh a rawn ti a, min rawn kuah nghal bawk,engmah thil awmzia ka hre lo,mahse, thil tha lam a ni dawn lo tih a chiang sa reng, Hmeichhe in control thei tak mai a ni a, hetiang khawpa a thlaphang anih chuan Zorina chungah thil tha lo lutuk a thleng a ni tih a chiang reng,ka mawl huih mai.

“Akhai, khatiang tur a ni lo,a thi em pawh a ni hleinem,Nanuni pawh i ti mangang alawm” Ka pa in dam thluam hian a ti a, chung te hlei hlei chuan minti mangang zual sauh zawk.

Ka bulah ka nu a thu a, ka kut a chelh tlat bawk, ka pa erawh min ep zawngin a thu thung, Zoi leh kan Driver Kitchen lamah Thingpui vel siamin an awm bawk.

“Dar 8 vel khan Mama Bairabi atangin Kolasibah a let a, Driver a nawmsam loh vangin amah in a kal a,enge thleng chiah chu keini pawn kan la hrethei mai lo a, Motor dangin an han hmu a, kawngah a lo mu an ti a,mi kut a tuar anih hmel..” ka khawng vek,sawi awlsam a tum hle nangin ani pawh a hlauthawng ve tho niin ka hre tlat.

“Tunah Kolasib Hospital atangin an rawn phur chho dawn mek a,ngaihtuah awm a ni lo, Mala leh Moses-a an kal thla tawh a, kawng lakah an intawk maiin ka ring” a ti leh a,sawi tur ka la hre ta chuang lo.

“A tha leh mai ang,an call che a, i la thei si lo a, chuvang ania kan lo kal” ka nu zawkin a ti a, a lo thlen hlim ai kha chuan a aw a pangngai ta deuh.

“A na viau em?’ ka tawngchhuah theih veleh ka ti sep a, ka aw a lawi rat mai.

“Na viau lo ang, thisen a hloh hnem deuh a thisen an pe mek an rawn ti a” Ka pa zawkin a ti leh a,ka bu ringawt.

“Mala te kha bia la, an lo inhmu reng tawh thei a” Ka pa in ka nu hnenah a ti a, ka hawi mawl vel mai mai,min rawn biak khan Bairabiah a la awm tih a sawia, amahin a kal tih a sawi lo,ka that leh that loh min rawn zawt a, naktukah lo haw a tum tih a sawi bawk a,ka rilruah Hriata te lam ngawt ka lo ngaihtuah avang khan ka be liam vel mai mai kha ania, tunah na tuarin a let reng chu a ni sia.

“An inhmu tawh anih chu,darkar chanve velah kan lo thleng ang a ti a..Zoi, gate ah sawn awm an awm ania” a tih zawm zat.

Mama leh Patea an rawn inzui lut a, Mama hmel ka hmuh rualin ka tah a chhuak ta tlat, mahse, tah ngawt ka duh lo, ka hmui ka pet fan fan mai, ka bulah a rawn thu a, ka kut a rawn vuan a,Patea leh Ka pa an inbia a, Moses-an Mama a lo va hrilh a lo ni a, an awmdan engkimah hian ngaihthat na tur a ni miah lo.

“I thawmhnaw han thlak ila, ka lo kalpui ang che” ka nuin a ti a, ka lu ka thing ringawt, mahni a awm ka duh rih tlat.

“Angai lo ang, ka han inthlak ang..mahse, enge ken tur tul ni ang? ‘ka nu ka en a.

“Ngaihtuah suh,Zoi nen kan lo ti vek mai ang.Han inthlak phawt rawh, bakah i rilru tihah miah suh aw” a ti leh a, ka bu leh nghat ringawt.

Khawvar dawn hnaihah an lo thleng ta chauh, Zomuani a lo thleng ve tawh bawka,ka bulah a thu a, min kalsan eih lo, ka pa leh Mama bakah Patea ten Damdawiin lam an lo dawr fel a,Phillipa thawhna hmun a ni bawka engmah harsa a awm lo.Hmanhmawh zetin an zai nghal rum rum a, mumal a hmuh na hun pawh a awm ta rih lo.

Darkar thum lai an zai hnuah an zo ta hram,ICU ah an dah zui nghal a,Thisen an pe zawm zat bawk.

“Nanun, lo lut la,midang kha chu lo lut rih lo mai teh u” Phillipa’n a rawn ti a.Ka zui lut a, an zai hlawhtling ti mahse ka zamna a la reh thei chuang lo.

Engmah hre lo tih hriat zet hian  mu a,a dang lap  bawk,a lu an tuam chhah luk a, Oxygen an hip tir a,khawl chi hrang hrang a taksa nen a inthlunzawm tuak bawk, eng khawl ber emaw atangin a tut zauh zauha,chu bak engmah thawm dang a awm lo.Khum bula chairah ka thu thla a, a puan sin in a khuh loh a kut ah ka zuk vuana, nunna nei lo niawm tak hian a vawt vek,nidang ang bawkin min rawn vuan let ve se ka ti ngawih ngawih,mahse, tunah chuan engmah hre lo in a mu a, engtikah nge a harhchhuah ang hriat a ni hek lo.

“Tikhan i duh duh chen i thu thei ania aw” zawi deuh hian Phillipa’n a rawn ti leh a.

“Ka lawm e,thil ka zawh thei che ngem?”

“Tehreng mai”

‘Engtikah nge a harh chhuah i beisei?”

“Ka va hrethiam mai lo em, mahse, vawiin chu anih ka beisei e” a ti a, min thlamuan tumin a nui var var bawk.

“Dik takin min chhang la ka lawm ngawt ang,a beiseiawm nge beisei awm lo?”

“Ka chiang lo, mahse, beiseina erawh ka nei”

“Engtiang takin nge a hliam nasat le?” ka ti leh talh,avaiin hriat vek ka duh, atir lam khan ka mumal lo lutuk a engmah pawh zawhna chang ka hre lo a, bakah tuman an sawi tha duh hlawm lo hrim hrim bawk.

“A luah khan an vua anih ka ring a, kha chu a nasa vak lo, a pumah an vit a, kha khan a thisen a hloh hnem tir deuha, a ke  pahnih hi a khup hnuai lam hi a ruh a khawih bawk a...” ka kut ka hum ruh a, ka hmui ka pet fan fan mai,tumah puitu a nei dawn si lo,amah chauh lehnghal in a ni a, ka khawngaih hluah hluah.

Khum che deuh datah ka harh a, ka thu mar nghal vat bawk,Zorina ka en nghal thuai a, chunglam melhin fiah zetin a lo meng a, ka hnuk a ulh titih.

“I harh tawh maw?” ka ti a, ka kun hniam a,min rawn melh zawka,a mit a chhing leh mai.Dimtein a luah ka chul a, a rawn meng leh a, a hmui a phun sepa, Oxygen an hip tir avangin enge a sawi ka hre thei lo,duty te koh tuma ka pen chiah chu Nurse a rawn lut ve chiah thung.

“Enteh, a harh tawh..”

“A va lawmawm,ka lo en ang, midang i duh chuan lo va hrilh la” a ti a, pawn lam ka pan a, nizan ti ila zinglama an zai zawha ka luh atang khan ka chhuak leh tawh miah lo a, tunge awm pawh ka hre tawh lo.

An lo thu deuh thap,lawm luat avangin ka haihchham a,sawi mai tur ka hre lo,min lo en nghal thap bawk.

“Nu, a harh tawh” Ka nu hlauthawng hmel chu ka en a, a hahdam nghal huai tih a hmelah a lang thei mai bawk.

“Aw, a va lawmawm em,lo luh an phal em?” a ti a, a rawn ding chhuak a.”Ka hre lo,Nurse a awma, khawiah nge Phillipa hi a awm ang?” ka ti a.

“Ka awm,ka lo kal e” amah a rawn lang zui nghala, ka thlamuang nghal huai mai.

Karkhat lai ICU ah a awm hnuin Cabin lamah min sawn chhuak ve ta hram,ka beisei angin hma a sawn chak lo,a damdawiin awm zan atangin khan ka la hawsan leh ta miah lo a, midangin min chhawk an inhuam em em a, mahse, ka kalsan duh lo.Moses-a leh Zomuani an tangkai takzet,an Inpui lam atangin min rawn buaipui vek bawk.

“I chau tawh em?” a ti sup a,hnung lama lukham nghengin  Damdawiin khumah kan pahnihin kan thu dun a.

“Aih,mahse, dam tawh la ka ti”

“Nia, keipawh dam ka duh tawh” a nui a, ka nui ve hak tho, Dam leh dam loh chungchangah kan thu hmel lutuk chu kan nuih a za a ni ber.

“Ka nu khan zanin chu ka rawn chhawk ang che min ti a” ka ti leh sep a, a darah ka lu ka nghat a, a kutzungtang sei thlurhin ka kut a hum a, a hmer vang vang bawk.

“Um,zuk chawl hahdam la chu ka ti,mahse, ka ngai ngawt ang che” a tihfo thin danin ka samah a rawn fawp vang vang bawk.

“Keimah lam hi chu ngaihtuah ka ngai miah lo a, mahse, Naute zawk hi..bakah In kan awm loh san rei tawh lutuk a” ka ti a.

“Ka lu a an rawn vuak khan ka thi dawn anih hi ka ti hman tawha, nangmah ka ngaihtuah luat che avangin ka tawngtai ve hial asin” harsa tih hmel zet hian a ti sup a, ka chhungrila engemaw rawn awm chuan min fan rawih rawih a, ka khur zui nghal dar dar mai,a Accident zan khan a thi ang tih lam ka rilruah a awm eih lo, mahse, tunah chuan a lo thih teuh zia ka ngaihtuah chhuak thiam tawha, hlauhna in ka khat leh lawi.

“I thi ngawt thei lo tih i hre lo ami? Engtin nge awm se min tih a?”ka mittui a hnai kuar mai.

“Chutiang ngaihtuah suh, tunah chuan hei ka dam tan mek anih hi..A hma khan Nupui tha ber i ni tawh sa reng a, mahse, tunah phei hi chuan ka tan nang aia tha hi an awm leh tawh ngai lo ang tih ka chiang tawh asin” ka dulah a rawn chul a, ka mit ka chhing a, nun kawng hi ka lo zawh sual tawha, Pathian mithmuh ah thil tenawm tak tak ka lo ti tawh, mahse, chuti chung chung chuan a kutin min lo chelh tlat thin a,ka mangan lai in amah hnaih thei turin ka tan a lo inhawng reng zel zawk a lo ni.

Thla khat dawn Damdawiin kan awm hnuah kan chhuak ve ta nge nge, a ke a la hmang thei ta lo cheu.A rap tha ngam tlat lo,Ka beidawng ru hle nangin amah pawh a beidawng ve ang tih ka hlau a, engmah ka tih lan loh nan ka fimkhur viau bawk.

“Engtia rei nge wheel chair hi a hman la ngai ang?” Phillipa hnenah ka ti a.

“Ka chiang chiah lo nangin ka beisei dan chuan karhnih khat bak angai tawh lo ang”

“Ok, kan la rawn tibuai fo dawn che ania” ka ti a, a thle baka, a Damdawiin awm chhung khan kan tibuai nasa takzet,mahse, thil pakhat tha tak erawh a awm, Zorina chhungte nen kan inpawh phah ta tlat.Rilru hmunkhat puin kan enkawl vek a, kan tangrual a, kha khan inzawmna thuk tak min pe ka ti lo thei lo.

Ka nau neih hun a hnai tial tial a, ka hlauthawng ve tual tual thung,zep hauh loh ah chuan ka nu ka ngaihtuah ru ta zauh zauh bawk.Ka pi a tar tawha, Zorina nu nen inzawm tha hle mahila min hringtu ka nu ang em chuan ka la pawh lo.Ka nu hian min kalsan atangin kum liam fe tawh mahse a angchhung a ka himzia erawh ka la theihnghilh thei ta lo fo.Ka huat em em lai pawh khan hei hi chu ka theihnghilh chuang lo.

 Zorina a kal thei tawha,rin lutuk chi erawh a la ni lo, a kal chhuah dawn pawn tiang nen kal zel a la ngai,a lu na tih chang a nei ta tlat bawk, a lu a nat tawh chuan a thinchhe em em thin a,Phillipa kha ka zawt vek tawha, a lu an vuakna lam chuan  engmah effect tha lo a nei lo a ti a, mahse, a hma khan Lu na a nei ngai si lo a, tunah chuan a lu na a tih em em tum a tam ta viau,Moses-a a lo kal chamchi a,  Zorina a that chian hma, In lama a Officeah Ruata a rawn insawnthla a,an Office luah lai lamah Hlui leh Staff thar pahnih an awm thung.Zorina khawihtu te kha amah Zorina hian an hmel a hmu lo a, an hmai an tuam vek a, mi pahnih tih zawng bak sawi theih a nei tlat lo.Tun thlengin Police lamin an la bawhzui reng a,chanchin lawmawm lam erawh engmah kan la hre ta lo cheu, Zorina leh Moses-a hian a ruka sawi an nei thin a, ka hriat an duh lo ni a ka rin avangin hriat kher ka tum lem lo.

“Kha kha lo la lawk teh..” Nau neihna a ka mamawh tur ho ka pack fel laiin a rawn ti a.

“Khawi hi?” a tih ber ka hre lo.

“I bula File awm kha..Ka lu a na hle mai, ka mit a vai deuh tlat bawka” a tih zawm zat.A file rawn kawh chu ka laksak a, ka pe a, a chalah ka dek a, a lum hran lo.

“Phillipa ka lo bia anga tlaiah in check-up turin kal ang hmiang” zawi tein a lu ka hmeh kual sak a.Min rawn ngheng a.

“A pawi miah lo,ka lu hi a na zing tial tial in ka hria,bakah i Nau neih laiin keimah zawk bawk hi buaipui ka ngai  ang tih ka hlau ta riau ania” a ti a, ka lo ngaihtuah lawk daih tawh, ka sawi chhuak ngai lo mai zawk.

“Chutiang ngaihtuah suh, i tha chak lutuk alawm”a samah ka chul a,ka kut a rawn man a,a malchungah min pawt thu a, ka dul puar kawh luah bawk nen min lo hmu tu awm se  chuan kan nuihzatthlak ngawt ang.

“Min en teh..” ka khabeah a rawn dawma, ka chalah a chalin a rawn nawr zui zat bawk.

“Ka chungah engpawh lo thleng se keimah vangin i tap lo ang tih min tiam rawh” a aw a zawi a, a thawp sut bawk.

“Ngatinge chutiang i sawi a?”

“Ka hre bik lo,mahse, keimah vang a i tap anih chuan ka damchhungin ka in ngaidam thei tawh ngai lo ang” a ti leh hrawih a, ka Hmangaih hluah hluah.

“Ka tap lo ang tih ka tiam thei lo che, mahse, ka tan chuan ka pasal mai i ni lo a, ka engkim i ni zawk,,chuan..” ka sawi zawm leh hmain ka hmui  a hmuiin a rawn bawhthuah a, a rawn khar zui nghal hmiah bawk.

“Kan ti thei em?” a ti tham tuak,ka tukhum samah a rawn tham a,ka irah a rawn fawp zui nghal zat bawk.

“Aih, aw..thei lo..mahse, i duh chuan...?” ka ti bah nawk nawk mai.

“Duh thu ah chuan duh tehreng mai,mahse, a hun tawh lo in ka hria...” ka hnute a rawn khawiha,a Damloh atang khan vawikhatmah Sex kan la hmang leh lo, ka rai lian tawh a,insawiselna em em nei lo mah ila amah a dam lo zui leh bawk nen,hetia a zia tak hnu pawh hian Sex lamin kan rilru a la luah lo.

“Ka hre bik lo,tun thlaah nau ka nei tawh dawn a...” ka hnute a khawihna kut ka man beh saka, a rum hak mai..

“Kum 10 vel a ni tawh hialin ka hria,zantin i bulah ka mu a,a hun tawh loin ka hre bawk si,a harsat zia min hriatthiam pui pha lo ang...” a thaw deuh huai bawk.

“Sorry...”a nui nghawr dat mai, a awmah ka hmai ka phum a,a lungphu ri dat dat chu thlamuang zetin ka ngaithla a, nun hi a famkim ngawih ngawih.

“I thiam loh a ni hleinem,kan naute hian min hrem anih hi a..” ka dulah a rawn khawih leh a.

“Le, min thlah la, ka rit bawk si,i ke kha a na zual hlauh ang..Moses-an min chhaih nasa leh dawn em mai” ka ti a, za zet hian a nui a, kei pawh ka nui ve hak hak tho.

Phillipa ka bia a,Doctor tha deuh hlek min biak sak mai tur a hriat leh hriat loh ka zawt a, nghak turin min ti a,a hnu lawkah Medicine Doctor senior leh lar zet mai min lo biaksak thei tih a rawn sawi a, Hming ziak an lo tam a, a hun a tawt viau nangin kan hmu thei hram dawn tih a rawn sawia, ka thaw huai mai,lawmthu ka hrilh leh rih,thian nih a tlin takzet.Zorina ka hrilh ve nghal a,hna lamah a buai deuh bawk nen a bu liam ringawt,Lunch ei turin a rawn chhuak tih mai loh chu Officeah an tawm deuh char char.

“Ka lo kal ve dawn em?” a thawmhnaw a thlak mawlh mawlh chu en pahin ka ti a.A buai deuh vangin a chau nge a mood a fuh chiam lo.

“Aih, ngai lo ang..lo hahdam rawh”

“Ka hahdam sa reng alawm” nui chung hian ka ti a, a bu ringawt.

“Thil dik lo a awm em?”

“Aih” min chhang tawi tek tawk viau.

“Ok, a that chu..eee,Zomuani khan min lo call a..” ka ti a, Naktuk hi Zomuani nu leh Pa te Inneih kum 40 na a ni a, an lawm sak dawna, kal turin min rawn phut na viau mai.

“Enge a rawn sawi a?” a ti leh hmuk a,ka chhan hmain ka zi mar leh te te.

“Naktuk hi a nu leh pa inneih cham ania, kal turin min rawn vau a ni ber, mahse, kan theih ka rin loh thu ka lo sawi ve ngawt a” ka ti a, min rawn en a, a hmel hriatthiam har zet chu ka en ve kar bawk, hetiang hmel nelawm lo leh hriatthiam har lutuk hi kan inzawm tak tak hma khan a pu fo thin a, kan inzui tak hnu khan hetiang hian a awm leh ngai ta meuh lo, tun tumah hian eng thil dik lo emaw tak a awm ngei ang, engthil nge anih ka hre lo mai  pawh a.

“Ngatinge kan kal theih loh ang?” a mit a ti zim sun bawk.

“I buai a, bakah i damtha lo bawk,chuan kei pawh hetiang a puar kawh luah chunga mi zinga awm ka peih vak lo” ka ti a, a ner nawk thung.

“A dik ang, ka dam lo a, nang i rai puar kawh hle tak alawm” ka sawi ngai chiah a sawi nawn ve leh a,ngeiawm zet hian a nui hawk bawk.

“Thil dik lo enge awm a? kal i duh chuan kan kal thei alawm, Zomuani hnenah pawh... “ a ban a vai thuak a, ka sawi zo hman lo.

“Aahh,ka kal duh leh duh loh lam ai chuan i thian nu Bialpa ni mek hi i tana Mipa hmasaber kha a ni tih ka hriat loh i ring  tak tak em?” a aw a ring lo, mahse,a chiang kek kawk viau thung.

“Zorin...” engmah dang ka sawi thei lo.Ngaihtuah pawh ka lo ngaihtuah leh tawh lo zawk.

“Engtianga nasa in nge min Hmangaih ang tih hi ka ngaihtuah fo thin a, a hmasaber ka nih loh vang hian ka na hek lo,mahse,kha Mihring..natna tamtak thlentu che khan a lo hnaih leh che hi ka duh lo..” thinrim beidawng niawm tak hian a hmai a tuai pawk bawk.

“Chutiang a ni lo...min hnaih lo a, ka hnaih hek lo..engtin nge chuti zawngin i lo ngaihtuah theih zawk?”

“Ka ngaihtuah lo,kan Inah Zomuani chhuanlama hmanga a rawn hmu che kha ka duh lo mai zawk..” ka melh reng ringawt.

Chapter-24

Dressing table nghengin a ding a, a kut a kuangkuah thun bawk.

“Kha thil kha...eng lo,ka hrilh ang che ka tia, mahse, i accident velah khan ka buai lutuk a ka lo hre leh tawh lo a..”

“Nia, engtikah nge min hrilh ang ka ti thin a, vawiina Zomuani chungchang i sawi chhuah takah chuan ka sawi mai mai,theihnghilh rawh..” nelawmna nei miah lo hian a ti leh hluk a.

“Aih, i thinrimna engmah siam ka duh lo,zep tum hrim hrim ka ni lo a a, ka lo mangnghilh tak tak” ka ti leh a, a mitah tak ka en lui ngar bawk.

“Ka ringhlel lo che, min Hmangaih tih pawh ka hria, mahse, zep nei tlata ka hriat na che zawk hian min ti thinrim..” a aw a nem ta deuh.

Harsa ti deuh hian ka thutna atangin ka tho a,min puih tumin a rawn che vat bawk.Ka kutah a rawn vuan a, a chang hian ka nak lam hi a inkalh tlat thin a, ka thut rei phei chuan ka tho mai thei lo fo.

“Sorry..zep ka tum lo tak tak,mahse, i rilru ka lo ti nuam lo a pawi ka ti lutuk..” ka melh chho a, min rawn en chhuk run thung,a khabe hmul kual raih mai chu ka en a, buk deuh ni si loin a bek lam thlengin a zuah vek thin a, a ti lang pa zualin ka hre thin,amah a hang lem lo bawk nen a ti langsar takzet zawk.

Sir zawngin ka ngheng a, ka kawngah a rawn kuaha, ka dulah a kut a nghat bawk,a  rawn kun hniama, ka hnar kawnah a rawn fawp a,a perfume rim pa zet chuan ka hnar a verh a, he perfume rim hi amah nen a inhmeh hluah hluah,kan mutdun hmasak ber atang khan he Perfume rim ka hriat tawh hi chuan amah ka hrechhuak ta ziah kha ania.

“I thiam loh a ni hleinem,kei pawh ka dik bik lo ang, mahse, Nupa kan ni a, kan inkarah engmah thuruk a awm ka duh lo,chu zawk chu hre reng la ka duh ber..Chan che ka duh lo tih pawh hi hre tel bawk la..” zawi sup hian a ti a.

“Ka hria alawm, engmah thuruk ka nei lo a, ka nei ngai lo ang tih nangpawn hre ve bawk la aw” ka ti sep a..

“Um, ka hrereng dawn nia..tunah chuan ka kal phawt ang” a ti a, ka hnar kawnah bawk a rawn fawp leh a, ka ngheng ar ar mai.

Nau nei thei reng ka ni tawha, ka na tak sawi tur awm si lo hian ka chau a, ka ke a rawn vung ta bawk,Doctor khan naktuka Damdawiin lut turin min ti a, Nautei a lo haw tawh a, min awmpui a tum ruh viau,kan In lama riak turin tlaiah a lo phei dawn a, dik tak chuan ka nu ka ngai tih ka hria,ngai nih ka duh lo mai zawk.Ka lo hlauhthawn ang ni lo in Zorina pawh a in check-up na lamah engmah thil tha lo a lo awm lo hlauh,a lu nat chhan a lo hrilh dan chuan a mit vang a lo ti a, enkawl vat anih loh chuan a mit tan a pawi ve theih avangin treatment la nghal turin a lo ti a, Damdawi a lo pe nual.A lu an vuak avanga na kha anih hlau reng rengin a kal chhung khan rilru nuamin ka lo awm lo, mahse, a lo tha ta hlauh.

“Nautei chu va lam angai dawn em?” a lu hruk hul mawlh mawlh pahin a rawn ti a,khumah ka thu mu a,ka phoneah Games ka khel pah bawk.

“Aih, Mama khan a lo dah dawn niang”ka ti a,a thawmhnaw dahna lam a pan a.A damloh vang khan a taksa sawizawi lam a ngaihthah deuh a, tlemin a hma aiin a thau ta hret, thau chhia erawh a ni lem lo.

“Chawei nghal rawh se,hrilh la..”

“A tha viau ang, mahse, Zoi kha engmah ka hrilh lo a, a siam vek tawh ka ring” ka ti a, Sana ka en a, dar 4 a pel tawh,chaw hi kan ei hma vak ngai lo nangin dar liah hi chuan a siam tan tawh tlangpui.

“A ho em mai, a siam belh leh mai ang chu,eee.Moses-a te pawh lo kal an tum tak,Zoi chu hrilh law law mai teh” a ti a, a kawr hak tur zawngin a T-shirt inthlep thut chu a keu kual dun dun bawk.

‘Um,kei pawh ka zuk chhuk ang” ka ti a, a rawn inher vut a, a kawr hak tur a keng a.

“Engmah zuk ti miah suh ang che,ka duh ai hian i indim lo ania”

“Naa, engmah ka ti hleinem a, ka sawi ringawt zel alawm..” ka nui a,a nui ve hauh lo, uluk fe hian min thlek a, ka dul a en vung vung bawk.

“Mate...’ kawngkhar ka thleng hman tep tawh tihin a rawn ti leh a, ka ding data, ka hawi let a.

“Um..”

“Thil engemaw hrilh loh che ka nei a..” a rawn kal hnaia, a awmdan a thlak danglam thut chuan ka awm a ti nuam lo lehnghal ringawt.

“Engmaw? Sawi la..” ka ti a, Kawngkhar nghengin a rawn ding a, hriatthiam har deuh hian min en run bawk.

“I thinrim na tur sawi ka duh hauh lo ania..” a ti leh a, ka ner nak mai.

“Engpawh nise sawi phawt mai teh, min ti hlau alawm mawle” ka ti hlar thung,a nui suk a.Ka kut pahnih a rawn vuan a, a chawi kanga, a fawp zui vang vang bawk.

“Nimin khan i nu nen kan inhmu a...” ka khawng lah mai.

“Chuan..?” a sawi leh hmain ka lo ti hmanhmawh.

“I nau neihna ah kal ve a duh a, i remtih leh tih loh a hre duh a..”

“Aih..” ka lu ka thing a, ka kut a vawnna ka talpit nghal a, ka in kuangkuah zui nghal than bawk.

“Ok, i duh loh chuan tihuih che ka tum lo,mahse,i Nu a ni tlata, i hun pawimawh hmasaberah hian i Nu ngei in i kut chelh se ka duh a, ani chuan i na kha a tawmpui thei ang che ka lo ti a”

“Aih, adang sawi tur a la awm em?”ka aw a chang fak mai,chhungrila ka nu ka mamawhna vanga ka sahal mek chu ka aw ki  chhuak changfak chuan thup ka tum lui tlat.

“Um, ka hrethiam che, i duh loh zawng engmah ka ti lui ngai lo ang che” a ti sup a, a rawn kal hnaia, min rawn kuah a,ka chalah a rawn fawp zauh bawk.

Nautei leh Mama an lo thleng a, a hnu lawkah Moses-a leh an thianpa pakhat an lo thleng leh bawk,ka hmuh tawh hnu niin ka hria a ka hmuhna awm ka hre chhuak zo mai lo thung, Zorina thian te zinga pakhat a ni phawt anga, Damdawiinah pawh khan ka hmu a ni mahna le, Zorina nen an inchen thuak in ka ring, a hmeltha vut lo nangin a langsar thawkhat ang tih ka lo chiang ve tawp.

“Mate, hei hi kan Thianpa tho anih hi,College kan kal ho thin a,Jordan-a..” Zorina’n min hmelhriattir a, a nui suk a, min rawn chibai a, nghet zet hian ka kut a rawn hum a,a kut zungtanga inneih zungbun awm chu ka hmuh hmaih lo.

“Ka hmu che chu ka lawm hle mai” a ti sup a,

“Kei pawh le’ ka ti a.

“Abby lo kal ve se nuam a ti ngawt ang, Nanuni nen hian an mizia a in ang viau asin..an hmel a hrang hlak thung a” Moses-an a lo ti ve a.

“Nakinah chaw rawn ei ula a tha ngawt tak ang, mahse, kan chhangchhe deuh a,Nula kan neih loh lai tak a ni bawka” a ti tha ve mai.

“Nia, a chakawm, mahse, hei keini pawh kan nei hnai lutuk a, thildang  rilruah a leng meuh lo” ka ti a, a bu nghut ringawt, Zorina a nelawm lo ka tih tehlul nen Zorina ai pawn a la nelawm lo hmel mah zawk.

Nautei nen Roomah kan awm a, Mama erawh chawei hmain kal lawkna tur a neih thu sawiin a chhuak leh rih a,Zorina te pathum hna lam bawk buaipuiin a officeah an inkhung bo leh diak thung.Ka thil ken tur dahkhawm te a phawrh leh a, ken kim loh a awm takin tih thuah a check leh vek.A titi siam siam a, kan naute a ni bawka, ka tan hi chuan ani tluk an awm thei lo.

“I phone hi..” a rawn lek kang a, Sofaah thatchhe zetin ka thu a,ka ke vung bawk nen ka awm a nuam hlawl lo.

“Tu nge?”

“I nu...” a thle bak bawk, ka rilruah ka nu ni zawk se tih a rawn lut thut a, thinrim zet hian ka lu ka thing nawk bwk.

Min rawn pe a, naktuk Damdawiin kan luh dan tur vel a hre duh anih ka ring mai bawk.

“Aw, nu..”

“I tha em?” nidang ang bawkin a rawn ti a.

“Um tha e..enge ni ta?”

“Eng ni lo e, naktuk dar engzatah nge luh in tum?”

“Doctor kha chuan riak lut turin hmanhmawh loin lo kal ru min ti a..” ka ti a.

“A that chu, na deuh leh dik lo deuh i nei em?” a rawn ti leh a.Mala nupuiin fa a la nei lo a, kum 5 lai an innei tawh bawk.Kei hi a hmasaber tur ka nih vang nge ka hre lo, an helhhawlh viau vek mai.

“Nei lo, mahse, ka ke hi a vung nasa deuh a..”

“I vung kha ka ngaimawh tlat, i in entir em?”

“Aw, thla tir khan ka entir nghal a, mahse, hei hi chu Nau neih dawn a awm ve thei thil a ni a ti a, engmah ngaihthat lohna tur a awm lo anih ka ring”

“Aw, a that hlauh chu, naktuk zingah ka lo phei dawn nia” a ti a, kan in mangtha a,atthlak zetin kan inbiakna zawng zawng te kha keima nu zawk nen a kan inbiakna ni se ka ti vawng vawng,huatna bak engmah alakah rilru dang ka nei lo emaw ka lo ti a, mahse, a lo ni lo tawp.’Nu’ chu ‘Nu’ an lo ni tak meuh e, abak sawifiahna dang a awm lo.

“I nu hi chu a fel ve ngawt mai, mahse, enteh, Mala nupui hi ka nel miah lo nia” ka bula rawn thut pahin Nautei’n a ti a, kan mizia hi a in ang hle nangin kei aiin a huai zawk ka ti thin a, engmah hi han zep leh pehhel dek dek a nei ngai meuh lo.A duh loh zawngah chuan a ri pawp pawp mai thin a, Mama hian a khak phah fo a, a sim lem hlei lo a.

“Mai mai che hian a, Zorina hriatah te i sawi ange” ka ti a, mahse kei ngei pawh hian ka chhungrilin ka pawh tak tak bik der lo.

“Niminah Noel-i nen ka hmu a, min hmu renga, u Zorina damdawiin awm lai pawh khan kan inhmuh ngun nen min be duh thak lo,min hre lo angin a awm hmak mawle” a ti leh hlak a, ka nui ringawt.

“A ho em mai, nangpawn i be bik chuang lo a..” ka ti a, a ner deuh sak a, ngaihtuah muk tak nei niawm tak hian Tv lam a melh vang vang bawk.

“I hna dil chu engtin nge ni dawn?” ka ti leh a, min chhang lo in Tv lam bawk a la en ta cheu,a darah ka va khawiha, a phu zawk bawk.

“Enge a?” phawk fe hian min rawn en a.

“Ih..eng lo..aa, ka sawi lo mai ang” a ti bah deuh nak bawk.

“Eng chu maw?”

“Niminah ka nu nen kan inhmu a,chuan...” a ngawi leh daih.Engmah sawi tur hre lo in ka en reng ringawt,Zorina lah khan niminah a hmu tih a sawi tawh bawk.

“U Zorina kan hmu a, i nau neihnaah awm ve a dil a..” a tawp lam a zuih ral titih, Zorina khan Nautei a awm ve tih a sawi hauh lo.

“Engtin nge a tih a?”

“I thu thu a ti a, kan lo kal hma khan ka nu in min rawn bia a, inpa  khan i remti lo tih a lo hrilh a, mahse, awm ve a duh sia..” a thaw deuh hap a, min en loin Tv lam a en a, min en ngam lo hrim hrim tih ka hre kar bawk.Ka nu ka huatzia an hai lo,an lo inhmu ngawt pawh ka duh dawn lo tih ka nau te hian an hrechiang lutuk lam mah zawk.

“In awm alawm,bakah ka nu pawh a awm dawn a,Zomuani nen,midang ka mamawh belh hleinem” a rilru tihnatsak belh hlauin ka aw ka ti dam lui hram hram bawk.

“Nia, mahse, ka nu chu adang alawm, midang a ni lo”

“Ka hria e, mahse, ka tan chuan ka nu a thi tawh alawm” ka ti ta nge nge.

“Ngatinge i huat em em? I bialpa a chhuhsak vang che kha nge i kutah keimahni min enkawltura a kalsan vang che..?” min rawn en a, zam hmel a pu lo..Rapthlak ti zet hian ka en reng ringawt.

“Khatiang khan i u be lo la a thain ka va ring ve” Zorina aw hian a rawn ti a, a lo luh lai ka hre miah lo.

 A rawn kal hnaia, ka thutna thutthleng banah a rawn thu thla ve a,a hmelpa zetah chuan engmah a ngaihtuahawm a lang lo.

“I lo luh lai ka lo hre lo a..” ka ti sep a, Min en loin ka darah a rawn kuah a, Nautei lam a hawi daih bawk.

“Ka lo sawi ve in duh lo maithei a, mahse, nangmahni vanga i u tuarna hi hmuh nep tum lo ula a thain ka hria” khauh fur hian a ti leh sup a, thinrimna lam engmah a lang lo a, mahse, nek luih chi a ni lo tih a awah a lang chiang ngang mai thung.

“Ih, chutiang lam sawi ka tum miah lo,eng lo ania..ka nu khan awm ve a duh sia..” Zorina a melh zawka, hnuailam a en leh nghal daih bawk,Zorina hian kan inneih hnu khan nau tak tak anga enin a duat em em a, a exam zawh khan an zirpui Bangkok lam mi in zin turin a sawma, min rawn hrilh a, pawisa ka nei hauh lo tih a hre nangin kal a chak zia a rawn sawi a, Zorina’n a lo hre fuh a, a tukah engkim a tihfel sak nghal vek a, a zin chhunga a hman tur leh a lo let leh na tur zawng zawng nen a tihfel sak vek,a duat hluak lo nangin makpa anihna bak pawh a tihsak niin ka hria a, tlawm em em tur ka nih laiin ka hmangaihna a ti zual sauh zawk anih kha..

“I sawi tum ka hrethiam alawm,mahse i u hian a duh loh chuan tuman kan nawr lui lo ang” dam thlup hian a ti leh a, a vin hran lo nangin a hlauhawm dan a nep chuang lo.

“Um, ka lo hrereng dawn nia, U..min ngaidam rawh..” min rawn kuaha, a mit hnawng chapah chuan a tap thelh tih ka hria, kei pawh ka dang chuang lo.

Kan chawei boruak pawh a nuam zui ta viau, Nautei pawh engmah thleng lo ang maiin hlim takin a ti ti a,Moses-an a lo en leh vang vang hi ka hmu fuh thei riau bawk,engmah a hmain a awm ka hre lem lo nangin an lo inkawp ve anih pawhin pawi ka ti hauh lo ang,Moses-a aia mipa tha zawk hi zawng dawn ta ila an tam in ka ring lo.Jordan-a pawh ka nel ta thuai, mahse, nel tak tak tur chuan ka hmuh tam deuh angaih ka ring ve thung, a haw hnuah Zorina hnenah ka zawt ta nge nge.

“I mit a la deuh tihna mi?” khuma rawn lawn ve pahin a ti a, nui huk huk bawk.

“Naah, ka mitah hian midang an lang ngai lo hrim hrim zawk..” ka hnarah a rawn piaia, a nui hawk hawk bawk.

“Jordana hi chu kan college kal lai pawn hmeichhia hian an duh thei ania..mahse, a nupui a duh hleuh hleuh em mai” ati a, lukhamin a inkam kang a, ka darah a lu a rawn nghat zui zat bawk.

“Nang nge ani nasa zawk?” Apple ka hmawm pah a.

“Ka hre lo le, kan in ang maithei,mahse,an nupa nun hi a tluang vak bik lo a, bakah an dinhmun a inthlau deuh a,mahse, Abby hi a fel khawpa..” a ti awlsam leh mai,midang chanchin sawi hi a ching lo satliah pawh ni loin a sawi ngai mang lo zawk.

“A hmain ka la hmu si lo a, in inkawm danah khan in innel viau lawi sia,mak ka lo ti deuh mawle” ka ti a.

“Um, amah kha a dam lo deuh reng a, tunah khan a zia ta anih kha, bakah Moses-a nen kan inkawm ang em chuan kan inpawh lem lo,hnaah kan buai a, ani pawh Football club a nei a, Hotel nen...” a ti leh duah,ka hmu tawh ni a ka hria kha ka tisual lem lo,IG leh Fb lamah an nupa thlalak ka hmu fo tawh tak alawm le.

“Ka hre leh si e, an nupa photo ka hmu tawh tak alawm,eng thil nge a lo kal chhan ber a?” ka ti leh a.

“Kan hna lam tho hi Company tenau deuhin an khawih ve a, chu chu an khawih zawm thei dawn lo a, min rawn zawrh turin a lo ti a, tah chuan sum tlem invest ve a duh anih kha..” a ti a, kan inneih hnu hian hna lam kan sawi khat ta viau.

“Um,anih chu,ka duh ai hian i indim lo a..” ka ti a, a sam ka khawih saka.

“Indim lutuk,hna hi Moses-a chauhin a tih theih loh a tam zia i hriat kha..mahse, tunah chuan i pawimawh ber” a ti sup a, a tho kang deuh a, ka dulah a rawp fawp a, a samah ka tham ve thung, a nui zui hawk bawk.

Ka pum na lutuk vangin ka harh hlawl,nidangah pawh a na zauh zauh tawh tho nangin tun tum chu a nat dan a danglam tlat,Zorina ka sawi a, a harh mai lo, a rum deuh tuah tuah a, min rawn kuah thuk a, a muhil zui leh mai,ka sawi leh a,ka ko bawk.

“Ngatinge?” khum bula lamp a on nghal a,min rawn en a.

“Ka pum a na lutuk..’ ka sawi zawm thei lo, ka thlan fim in min bual a,ka hmui ka pet a, a kutah ka hmer ngat ngat bawk.

“Engtin nge ka tih ang?” a hmela manganna lang chhuak chu ka en a, vawikhatmah hetiang hian a la phili ngai lo.

“Nau ka veiin ka hria,ka nu phone teh...” ka tho tur min rawn pui a, khum atangin ka chhuk a, ka ding mar thei lo,min pawt kun tlat, khum tlang ka bawh leh rih..Ka khup a sai dar dar bawk.

Nautei a zuk ko a, a rawn tlan chho vat,min hmuh rualin nau ka vei a ni tih ani chuan a rawn man nghal mai.

“Thil ken tur ho hi ka lo la ang, lo hruai thla la, Driver leh Zoi ka lo zuk kaitho ang” a ti nghal sawk sawka, Zorina tihtur ber hre lo phibuai chu ka en a, ka thin a tih rim rualin ka nuih a za tel lawi bawk.

Damdawiin kan thlen rual deuhthaw in ka nu te an lo thleng ve nghal zat, ka thlamuang nghal huai mai, Zorina a phili lutuk a, Nautei lah ka ring zo leh tawh hek lo, ka nu  a lo thlen hnuah erawh ka zia hawk mai.

Khawvar hnaih lama kal chho kan ni a, ka nei mai dawn emaw ka tih laiin ka nei ta mai lo,nileng deuhthaw ka vei hnuah tlai lamah min zai mai angaih thu an sawi ta nge nge,ka huphurh rualin pawi ka ti tawh lo,zai turin min buatsaih a, a hma khan atuka lut mai tur kan nih avangin Zorina’n cabin a lo book vek tawh avangin Cabin kan nei sa a, Nau neihna room lamah kan awm daih laiin midang erawh kan cabin lamah an lo awm ve thung.

Naute tap ri ngak ngak ka hriat rualin ka mit ka chhing a, Pathian hnenah lawmthu ka sawi lo thei lo, a hma in vawi tamtak Zorina hian mipa nge anih hmeichhia hriat lawk a chak thu a sawi thin a, Mipa nise a duh em em bawk, keiin hmeichhia ka duh ve thung, mahse,vawiin a ka vei hnu khan eng mi pawh nise pawi tihna ka nei ta hauh lo, ka duh ber chu dam takin piang se tih hi a ni tawp tawh.

“Fapa i nei e...” Nurse in a ti a, a tap ri chuan ka chhungril a fan a, sawithiam si loh engemaw hian min tuam tlat bawk.

A rawn pawm hnaia,  a mit a chhing a, sam a nei ve hlap bawk..tu nge a chhun lam engmah ka hre lo,Hmangaihna nen ka en ngawih ngawih a ni ber.Cabinah min nawr phei a, Zorina ka zawnga, ka hmu mai lo,khumah min mut a, muthilh vang vang ka chak ber, mahse, Zorina ber ka hmu mai lo khan min ti hrilhhai tlat lawi.

“Nu..khawnge Zorina..?” ka ti ta nge nge.

“Doctor te nen khan an inbe lawka..” peih leh peih lo hian ka menga, Damdawi kha ka rui nge pawh ka hre lo, ka mut a chhuak ngawih ngawih.

“Naute a tha lo tihna a ni em?”

“Aih..tha vek e,thildangah zawk..” ka mit ka chhing leh a, enge an sawi lam chu nakinah ka la zawt ang chu, tunah chuan muthilh ka duh ber.

Karkhat na cham chiahah kan chhuak a, Naute hming atan Zorina piin ZOHLIMAWMA a phuah a, ka pawi ti lo,a kum a tam tawha, a tu chhuan neih hmasak ber a ni bawk nen a duh duh phuah se ka ti zawk.ka che thei vek tawh nangin indim erawh ka mamawh tih an sawi nasa,zan khatmah Zorina riah loh zan a awm lo,Nautei leh Zomuani an inriah chhawka, ka nu chhun lamah a rawn awm ve ziah thung.Naute a mu duh a, a tah belh lo phian bawk nen riah pui hahthlak kan ni lem lo hlauh bawk.Hnute tui ka nei miah lo erawh a buaithlak ve deuh thung.

“I muhil tawh mi?” khumah a rawn lawn ve a,kan khum bulah Naute khum kan daha,mahse, ka bulah Naute ka muttir thung,thla li tal a tlin hma chuan mut hran tir ka tum lo bur.

‘Muhil chiah lo..mahse,a chhuak..”

“Kei pawh..zanin chu tui deuhin mu ang aw” a ti sup a, min rawn kuaha.

“Nia, i chau thei ngawt ang..” ka ti leh rih.

“Aih, chau lo..mahse, tlem chuan mut ka mamawh in ka hria, Damdawiinah kha chuan ka muhil tho nangin ka mutui chiah lo..” a ti sup a.Ka hrethiam takzet,min ruahpuitu apiang khum awl awmah an mut angaia, Zorina zawk chhuatah a mu thin a, ka khawngaih thin.Tihngaihna a awm der si lo.

“Ka lawm e aw..” amah bawkin a ti leh a.

“Ngati maw?”

“Fapa min hrinsaka, chuan,ka nupui i ni bawk a..” ka samah a hmai a rawn phum vang vang bawk.

“Kei hi ka lawm zawk daih asin..Ka tan hian engkim i ni tak tak ania”

“I tan engkim ka ni a, nang chu ka khawvel a ni thung a, chuan,kan naute hi kan Pahnih khawvel thar a ni bawk”

“Ka hmangaih che..”

“Nang aia nasa in..”

Kan naute thla a tling ve ta,tlaiah Naute puala Dinner neih a rawta, eitur zawng zawng erawh siam tu tur midang a ko vek.Awmpui pahnih kan neih sa bakah lang kal kan nei a, Nau awmtu tur a la rawn lak belh ta cheu,ka sawisela, a nui mai mai.

“Hon...ka lu na hi nidang a ang tlat lo” a ti a, Kekawr dum,a pian nalh zet tilang tur niawm taka thui a ha a, a kamiz hak ban a thlep pah mawlh mawlh bawk.

“Damdawi i ei em?” ka ti a, Zohlima hnute tur ka siamsak pah a.

“Um, Officeah ka ei tawha,min chhawk pawn ka hre lo”

“I Doctor kha kan han hmu leh lawk mai dawn mi?” ka ti a.

“A pawi lo maithei” a ti sup a, sawi awlsam a tum viau nangin a hmelah na nei a ni tih a lang thei.

“Ka lo kal ve ang,kal hmain ka call lawk dawn nia,kan mamawh chuan be turin min tih kha”

“I theih chuan?” a nui a, kan nupa hian kan chhuak dun khat ta viau, Nau awmtu nei mah ila a la no lutuk a, midang kuta dah ka duh lo a keiman ka buaipui vek.Lian pawh nise an kutah ka dah angem ka la chiang chuang lo,ka fa a ni miau a.

“Ka nu a lo then hman chuan ka kal thei ang chu..” ka ti a.A thle buk a, Naute khuma awm chu a pan hnaia.

“Lo thleng hman turin ka’n call ang..” a ti a, min en lo in Naute lam a en run bawk.

Doctor kan be lawk vek tawh a, kan thlen chuan kan hmu thei nghal mai, test chi hrang hrang kan nei tha leh a, Tlai lamah chawei tur kan nei teuh bakah Naute kalsan kan ni a, ka hmanhmawh ru viau,Keimahin result entir turin ka lut leh a,test result a en vung vunga, ka duh aiin a en rei lam hret.

“A tha em?” ka ti ta nge nge, a pen in Dawhkana test result awm chu a chhu kauh kauha,muangchang hian min rawn en a, a tarmit a la thla leh rih.

“Tha lo, ti ila en that leh ka la duh ang,tunah hi chuan ka sawi chiang ngam chiah lo nangin a thluak lam effect niin ka hmu tlat..”

“A thluak maw? Enge a awmzia?”

“Aw, a thluak a hriatna lam control tu hi a fel lo,hei hi naktukah test leh ila kan ti chiang thei ang,tuna a landan ka hmuh chin hi a nih chuan kan tlai thelh maithei..”ka ka chhung a ro halh mai.

“Enge a awmzia? Lu na ringawt ania, kan rawn kal hmasak atang khan thla tam pawh a la vei si lo a..”

“Nia, a la rei lo khawp mai, a lo kal hmasak khan engmah dik lo ka hmu lo,ka hmuh hmaih ni loin dik lo a awm lo ka tihna nih chu..mahse, tuna a landanah hi chuan treatment a la vat anih loh chuan a taksa chanve hmawk hi a zeng vek thei..” ka melh reng ringawt...

ZORINSANGA  hi a zeng ang maw?!!!

Chapter- 25

“Khawngaihin en tha leh teh, chutiang a ni ngawt thei lo ang..” ka bag hnuaiah ka kut ka hum ruh tlat bawk.

“Naktuk lamah kan en tha leh dawn nia, test pawh hi a bul atangin kan ti leh bawk anga,tunah chuan Damdawi hi sang deuh hlek ka chawh ang che u,hei hi lo ei se,naktuk erawh thulh ka duh lo ania” nelawm tak hian a nui a, mahse, a nui hmel chu a lem vek ni hian ka hre tlat tawh.

Pawnah ka chhuaka, Zorina ka hmu mai lo, ka hawi kual a, Tukverh bulah a kekawr ipte zen in a lo ding a, hnuailam a lo thlir vung vung bawk,a ni thei hlawl lo, Doctor te pawn an tisual ve thei tho a, hetianga lo mangang tur ka ni lo..Keimah leh keimah ka inhau a, awmzia a awm chuang der lo.

“Kal ila...” a bulah ka va ding a, a rawn hawi vut a.

“Um, i lo chhuah lai pawh ka lo hre miah lo a,en lawk teh...” a ti a, a hawina ngai bawk a hawi leh a, ka kal hnaia, hnuai lam ka zuk bih ve a, Mipa naupang pakhat hi Hatkora tui niawm tak bottle kengin a lo ding a, a bal niau a, a cher hle bawk.Kawngkal te chu a lo zawrh thin a ang viau.

“Ngatinge?” ka ti sep a, In entir tur tam zawk kha test kan neih kual chhungin an lo zo duak tawha, tunah chuan pahnih khat bak an awm tawh lo.

“Lo thi ta thut ila tih ka ngaihtuah a, Bawihpuia hi ti khuan awm ve ta se..”

“Aaah, i ho em mai, haw tawh zawk teh ang, In lamah mikhual kan ngah si” ka ti a, a rawn hawia, a mitah engemaw a lang zawka, ka hrethiam chiah lo,bakah a rei lo lulai lutuk.

“Ni dawn tak, kal ila..” a ti tha ve mai.

A damdawi tur kan lei leh a, test naktuk lamah neih that leh angai tih ka hrilh a, min hnial lo in a ‘Aw’ ve mai bawk, seat hnunglam a ngheng a, a mit a chhing a, ka kut a hum tlat bawk.A awmdan inthlak danglam chuan min ti chau zual ngawih ngawih, zing karah kha chuan engmah insawiselna nei loin Office a kal a,a rawn haw hnuah a lu nat thu a sawia, tunah chuan chhungrilah dik lo awm niawm takin a mood a thlak hlawk tawh.

“Damdawi hi ei nghal mai la” ka ti a, a rawn menga, min rawn melh zawka,engmah sawi loin a kut a dawh ringawt.

Ka pe a, Driver in ngawirengin motor a khalh mawp mawp bawk, In kan thlen in khua a la thim chiah lo deuh a,chawei tur ho an lo thleng nual tawh tih hriat zetin kan compound chhungah Motor an lo tlar dal tawh bawk.

Ka nuin Zohlima a lo paw mu mek a,kan in entirna vel min lo zawt nghal vat bawk,”A tha, mahse, naktukah kan en tha leh ang an ti a...a lo sual em?” tih pahin Naute ka en a.

“Aih, a tha lutuk..han inthlak fel ula..” a ti a,Roomah kan inzui chho a, a thiante leh chhungte a hmuh tak vang nge ka hre lo,na nei hmel pawh a pu leh tawh lo..

Ka beisei loh tawpin ka pi leh ka pu an lo kal tel ve mial,an kum a tam tawh bakah len vah nuam ti lo chi an nih avangin ka beisei ngam lo hrim hrim,Zorina pi nen an inkawm a,Ka pu erawh Zorina pa leh Patea te nen an inkawm thung.Kan chawei chhung zawngin rilru nuam in ka awm thei lo,Zorina che vel ka enzui zel a, thawk lehkhatah tlu thut tur ang hian ka ngai a, hlauhna hian ka chhungril a man tlat ti ila a dik ber ang.Mahse, ka hlauhthawn angin engmah a thleng ta lo hlauh.

“Ka inbual zuai duh a, Mambawiha hi lo en lawk la..” ka ti a, ka fapa muhil chu ka en a,thla khat lek a la ni chungin a te chhe lo.Apa te lamah a kal anih chuan a te thei lo hrim hrim bawk.

“Aih...” min en loin a ti hluka, a ngaihna hre lo zet hian ka melh vak thung.

“Ngatinge? I nuam lo leh tawh mi?”

“Aih..” angai bawkin min chhang leh,min rawn en a.

“A tha, en suh..ka inbual lo tawp ang” ka ti hlaka,a rawn tho a, vawiin khaw lum uap churh leh kan boruak khan min ti chaua, ka thlan in min ti ban chuap bawk.

“Thinchhe lutuk..” ka kalsawn tur min rawn man beta,min pawm bet zui nghal hmak bawk.

“Min thlah teh,ka chau ania”

“I rualin ka inbual ve duh alawm” ka thusawi ngaipawimawh lo zet hian a ti a,ka tal laih a, mahse, a sawt lem hlei lo a.

“Zohlima a lo harh chuan a buaithlak alawm..”

‘Chhuanlamah i fapa hi hmang ziah suh aw..” a ti supa, ka hmaiah a kut zungtangin a rawn rin kual riak riak bawk.

“Chhuanlam...oh...i sawi mak ka ti”

“Anih chuan min hne tawh tihna ni mai em?” ka nghawngah a hmuiin a rawn nawr a.

“I sawi ho em mai a..”

“Anih chuan kan fapa hi a muhil a harh mai mai lo tih i hria a..enge harsatna dang la awm le?” a nui a..Ka nui ve ta nge nge.

Ka beisei loh tawpin ka mutui ta phian, ka harh leh chuan khua a lo eng ut tawha, ka inlet vata, an Pafa in an lo awm tawh lo,ka zi mar ar ar a,nimin lama thil thleng kha ka ngaihtuaha, vawiinah Doctor hmuh leh kan ngai tih ka ngaihtuaha, ka hnual leh nghal raih raih mai,vawiin test result azirin engkim a chiang ang kha a ti a, a tha lam ni hram se ka ti ngawih ngawih, a tel lo chuan engmah ka ni lo tih ka hrechiang lutuk.

“Morning...” step a ka chhuk min hmuh veleh zangkhai vuh hian a lo ti a, uluk zet hian ka en a, engmah danglam na nei hmel a pu lo,Kekawr bul a ha a, slipper a bun a, amah ang lo takin Jockey vest dum a ha a,Vest nen chauh hian Inah pawh a awm ngai mang lo,Roomah chuan thuhran nise. Zohlima a pawm bawk.

“Morning..in va tho hma ve..” a bulah ka thu thla ve a, Zohlima leng ve bat bat chu ka en a,lak sak pawh ka tum chuang lo.

“Moma hi a hnar ring em alawm tiraw Bawihpui?’ Zohlima hnenah a ti a, ani te lah chuan hrethiam ve niawm ta hian a ke leng a tawp ve hmak bawk.

“Sual em mai a,Thil i ei tawh em?”

“Aih, ka lo nghak che..”

‘Ehe..min kaitho bawk si lo a, i damdawi kha zinga eitur a awm sin..” ka ti hliai a.

“Zing ala ni tho alawm,mahse, ei vat ila..Doctor kan hmuh hmain test kha Trinity ah va la lawk vek ila te ka lo tia, tlaiah Meeting ka nei a” a ti leh duah.

“Mi an tam viau angem aw?” ka ti a, khawl an neih that avangin mi an tam thin miau a.

“Tam rawhse, kan test tur a in ang chuang hlawm lo a,a lo in ang anih pawhin kan tam belh dawn a nimai, bakah nizanah Phillipa khan a thian te a be vek a, kan kal hun hunah kan ti thei nghal ang” a ti awlsam leh mai,Nia, ka ringhlel hauh lo, Mizo zingah leh he kan Aizawl khawipuiah na na na hi chuan a tan thil harsa a awm lo tih ka hrechiang tawk tawh tlat.

“Eng meeting nge a? Chhuak lo deuh la ka duh nen “ ka ti tha leh a.

“Jordan-a rawn sawi pa khan a hna kha min leitir a tum ta tak taka,Meeting tenau deuh neih kan ngai a..”

“Ok, Eitur ka va en lawk ang..” ka ti a, ka thawhsan a, Zoi’n kan ei duh tur min lo zawt nghal a,thil danglam vak kan ei ngai lem lo,Thei lam kan ei nasa a, Zorina bik hi chuan thau belh a hlauh avangin a Diet lam  uluk thar a, Buh hi nikhatah vawikhat chauh a ei a,thildang Fats awm lo chi a ei uar deuh thung.

Dar 10 rik hmain kan chhuaka, Traffic jam hisap a kal chhuah loh chuan kan Khawpui tawt lutukah hian hunbi neih a harsa talh zel,Punctual lo ni hlawh pawh thil awl tak a nih phah ve thei tlat bawk.A sawi lawk ang ngeiin engkim kan thlen veleh kan ti thei nghal vek a, result nghah chhung pawh rei a ni hek lo.Naute ka ngaihtuah avangin ka nu kan ko phei leh a, Nau awmtu kutah ngawt kalsan chu thih hrehin ka hreh.

Zorina Doctor kha tlai lamah chuah Clinic ah a thu thin a, mahse, Greenwood lamah kan hmuh theih tur thu a sawi avangin kan pan phei lehnghal a,rei pawh nghah ngai loin kan hmu thei lehnghal mai.Hlauhthawnna vangin ka lungphu a dik leh thei tawh lo, a chhe zawng a thlen loh nan ka rilruin ka tawngtai a, Zorina erawh nimin lam ang lo takin engmah na nei hmel a pu lo a, danglamna nei awm pawn a awm hek lo.

“Kan pahnihin lut ila..’ ka kutah a rawn vuan a.Rang fe hian ka lu ka thing vat thung.

“Anih chuan keimahin ka va lut mai ang,lo thu la..” tih leh din a ruala, rang lutuk hian ka ding chhuak ve nghala, a test result ka ken chu pek ka tum lo,amah hian engmah hre lo se ka duh a, keiman a tul chu hre vek zawk ila ka duh.

“Ngai lo,keiman ka va hmu ang..’ka ti a, min rawn en a, a mit a ti zim deuh sun bawk.

“Thil tha lo thleng tur ang maiin i awm a..” zawi sup hian a ti a, a thle buk bawk.

“Engmah awm lo e..”

“Ok, anih chuan kan pahnihin kan lut ang chu..” a ti a, a sawi zo hman deuh chiah tihin lut turin min rawn ko ve chiah bawk.

Min hmuh rualin nelawm tak hian a lo nui leh a,mahse, a nui hmel chuan min thlamuan eih lo.Thu turin min ti a, a test result kan ken chu ka pe a, a phawrh a, uluk fe hian a thlir leh nghal a, ka hlauthawng lutuk tih hian a sawifiah zo lo,ka mal chunga ka kut ka suih kawp chu Zorina’n a rawn hum a, thlamuan tu tur zawk hi thlamuan ka ngai chu a ni ber.

“Result hi ka en nawn duh chhan chu nimin khan confirm nghal ngawt ka duh loh vang anih kha..” muang churh hian a ti a, dawhkanah a dah thla a,a sawi leh tur thaw dep depin ka nghak a, zawhna zawh tur pawh ka hre rih lo.

“Hlauhthawn tur thil a ni lo e, hei hi en la...” a la kang leh a, hmun khat lai chu pen hmawrin a rin kual a,min rawn en a, Zorina a en leh a.

“Hei hi bawk ti ila bawk ni si lo,Thisen zam tereuh te te awm khawm a ni a, nimin khan engmah function lo ang maiin a awm a, tunah chuan hei hi en la,bawk ni loin thil hlawmkhawm satliah a ni a, tai darh na tur anga zung kaih engmah a awm lo” ka thaw hawk a, ka chair hnung lam ka ngheng rawk bawk.Ka lo insehruh nasat zia ka hrechhuak ve chiah bawk.

“Chuti chu ka tha tihna a ni em?” Zorina zawkin a ti hmuk a.

“Aw, i thluak lam chu a tha chiang e, i mit erawh entir la ka duh hle mai, a hma pawh khan i mit lam kha anih ka ring tih ka sawi kha” a ti a, hahdam hmel zet hian a chair nghenchhan nghengin a thu awn duai bawk.

“Nia, kha lam kha chu kan check vek a, Damdawi min pe a,Tarmit bun tur em chuan min la ti lo..” awlsam zet hian a ti liam puat.

“Um,a tha anih chu, mahse, thil pakhat, lu na benvawn i chhar ve tih erawh ka sawi tel angai tlat mai,thil hlauhawm lutuk phei chu a ni lo a” a ti leh a.

“A serious viau em?” ka lo ti hmanhmawh.

“Serious lo ti ila a na a chhuah chuan na tak a ni ang,Khawvelah hian chutiang natna nei chu an tam lutuk,tih damna a awm chuang lo, a damdawi bik erawh a awm a, chu chu a nat apiangin i ei zel mai ang chu”a ti a,a sawi danah chuan tlem chuan ka hahdam leh ta deuh.A thluak lam mawlh kha ka buai phah a, tunah chuan Lu na benvawn a ni ta zawk hlauha,a tuartu tan chuan thil nuam ni chuang lo mahse ‘Zeng’ tih thlawt ai kha chuan a hahdam thlak zawk.

Damdawi min ziah that sak leh a, Zorina lu na kha Mizo in Lu na pui kan tih mai,Migraine a lo ni a, a na a chhuah chang chuan  a bulah midang awm loh a tha tih a sawia, Hriau tla ri takngial pawh Bomb puak ang maia ringin he natna tuartu hian a na a chhuah lai chuan a hre thin tiin a sawi bawk.Inah min thlah leh a, Lunch kan ei hnuah ka nu thlah pahin Meeting turin a chhuak leh a, Driver hruai tura ka tih erawh min hnial fithla thak.

Dar riatah pawh Zorina a lo la haw ta lo,a test result ah khan thil hlauhawm a ni lem lo tih hre mahila ka ngaihtuah lo thei chuang lo,a hma ang khan ka riru a hah lutuk ta lo mai chauh zawk, Naute a muhil a, a bula mu chungin Tv ka en a, ka Tv en lam in ka rilru a luah hlawl lo.Ka call ta nge nge, a ring ral thak, ka ti nawn leh dawn uk a, ka thulh leh ta zawk, hna lamah a buai a, a pick lo anih chuan a hman lo tihna animai.

Ka phone nghawr dar darin min ti harh a, Zing emaw ka ti thelh,ka phone ka ban vat a,Zorina a lo ni a, sana ka en hmasa leh rih a, Dar 11 a pel vah tawh.

“Hello..”

“I mu tawh mi?”

“Ka nghak che a, mahse, ka lo muhil a..i lo haw dawn tawh em?”

“Ka lo chhuak chiah e,Sorry aw..” a rawn ti a, engvanga thuphachawi nge anih ka hre lo.Oh,ka call a pick lo tak e.

“A pawi hleinem..fimkhur deuh khan lo inkhalh la” ka ti tha ve mai.

Kan nun a pangngai leh ta viau, Zohlima pawh thla thum lai a ni ve tawha, Zorina lu na pawh ka hlauh ang em chuan a chhuak zing ta lo,hna lamah hun a pe nasa em em a, a zin deuh reng bawk,mahse, thil pakhat duh miah loh leh ngaimawh ka nei ta tlat.Noel-i duh aiin ka hmu zing ta tlat.Kan inneih hma atangin Sumdawnna thilah an thawh dun angai tih a sawi tawha, ka hrethiam anih kha,kan inneih hnuah khan ka hmu ta meuh lo a, ka chhuah khat vang pawh a ni maithei bawk,mahse, tun karah ngawt pawh vawi li lai kan inah a lo kal tawh tlat.Sumdawnna chu engpawh nise Pasal hlui te in a kal fo mai hi nunphung pangngai pel thil a ni ka ti lo thei lo.

“Fimkhur ta che mawle” Zorina rawn vin deuh thawtah chuan ka phu zawka, ka thil ken lai ka thlauh chawrh bawk. Phawk zet hian ka en a, nin hmel zet hian a ner nawk bawk.Dinning tableah Soup dah ka tum a, ka lo in ngaihtuah muk lutuk a, ka tibua tih pawh ka hre lo, a rawn au thut khan min ti phu nasa lutuk a, ka thlauh daih bawk.

“Sorry...thildang daih ka lo ngaihtuah a..” ka ti a, hruk fai tumin Dawhkan hrukna ka ban a,mahse Zoi’n min rawn tih khalh hman.

“Vawiin kha dar engzatah nge in chhuah ang?” ka ti a, amah ep zawngin Dinning Table kilin ka thu thla ve nghal a.

“Dar 11 ah,chu pawh chu nizan khan ka hrilh tawh che a” a ti leh hluk a, tun hnai ti ila kar hnih vel kal ta atang khan thil ho te teah a mood a thlak thut thut a, a thinchhe zuala, a huat a ho em em bawk,enge ka tihsual pawh ka hriat si loh hian min khak fo bawk, zanah hna vangin tlai tak takah lo haw chang a nei ta zauh zauha, ka ringhlel hauh lo nangin ka awm erawh a ti nuam miah lo.

“Oh, ka lo hre leh tawh pek lo,vawiin Zohlima vaccine lak ni kha ania”ka ti a.

“Ka nu ka hrilh tawh,a kalpui ang che” a thil ei lai ei zawm mawlh mawlh pahin a ti a.

“Kalpui kher pawh ka ngai lo ang,a harsa lo a” ka ti a, Zoi Soup min rawn chhawp sak chu tlem ka hawp a.

“Anih chuan kal lo turin i hrilh mai dawn nia” a ti leh nghut a,chhan ka tum zeta, ka chip leh hmak, kan awmpuite awm laia inbat deuh anga lan pawh ka duh lo.Kan nupa kar chu kan nupa chauhin hria ila ka duh tawk mai.

Kan nau awm tu ka hruai tel a, ka nu pawh kal angai lo ang tih ka hrilh ta tho,Nu ka ni ve tawha, buaipui ngai nih ka duh lem lo,ka theih chin chinah chuan keimaha tih zel pawi ka ti hek lo.Ka kal duhna apianga min hruaitu tur Driver a awm reng bawka, engmah a harsa lo.

“Nichin khan ka vin che a, tihpalh aw” a kal turin min rawn kuah pahin a ti kha ania, ka ngaidam thlap,a hma pawh in min vin deuh chuan amah bawk in nuam a ti lo leh ngei ngei thin a, mipa chapo leh induhtawk tak a ni chung hian ka lakah chuan a nem a, keimah vanga a inthlak danglam zia pawh amah hrechiang tu ten an sawi fo bawk.

Vaccine kan lak zawh veleh Motor dahna lam kan pan a, kan Vaccine lakna hi MC ah a ni a, a hnuaiah Motor kan dah nghal bawka, a remchang viau.“Nanun,Lo ding lawk” hmeichhe aw hian a rawn ti a, min ko tu lam ka hawi vat a, ka tum loh tawpin  Ka nu nen kan inhmachhawn ta siah mai.

“Remi,Bawihpuia hi Motorah lo va hruai lut la, ka rei lo ang” kan nula hnenah ka ti a, Zohlima ka pawm chu ka pe a,ka nu in kei min en lo in Zohlima a en vang vang chu ka mitsirin ka hmu ru reng bawk.

“Enge i duh?” ka aw a nem lem lo.

“A hmeltha hle mai” a ti daih.Zohlima a sawina a ni tih a hria.

“Sawi tur i neih loh chuan biakna tur che ka nei lo ania” ka ti leh hmaka, ka la haw reng nangin ka nau neih hma atang khan ka ngaihtuahna a luah ngun ta viau a, ka ngai chu ka ti duh em lo mai zawk.

“Ka fanu i ni a, sawitur pawimawh tak chhuanlam tel kher lo pawn ka be thei lo ang che maw?”

“I fanu kha a thi tawh..” zawi sep hian ka ti hmak.

“Ni lo e, keimah ang bawk hian min ngai ve ang tih ka hria,Ka fa te zingah pawh min chhun ber leh min ngai bertu kha i ni tlat a” nelawm zet hian a nui sak bawk.Ka nu a ni na vang vangin a hmel hi chu a tha chiang thlawt e.Nidang ang bawkin a lang zahawm leh thlap bawk.

“Anih phawt le...” ka ti hmaka, kal tumin ka inher zui nghal bawk.

“La kal suh, a pawimawh ania” ka banah a rawn chelh a.Muangchang hian ka hawi let a.A mitah tak ka melh a.

“Min thlah rawh’ ka aw a chang fak mai.

“I pasal khawiah nge a awm?”Ka beisei loh lam daih..

“I lo hriat tur a awm lo..”

“Ni lo e, ka hriat tur a awm, zin chhuanlamah hmangin a kal chhuak tih ka hria ania” ka melh reng ringawt,ahma ang bawk khan ka Mipa hmangaih leh ka in nghahna hi min laksak leh a tum a ni mai angem?

“Kha mi tenawm nen a in khawsak ang khan lo khawsak pui i tum anih chuan pawi i ti hle ang” min chhan tuma a ang ziau tawh chu midang lo kal an awm avangin a ngawi leh rih,an kal liam a nghak tih ka hria.

“Ni lo e, ka tihsual siamthat tum khan ka bei zawk asin,chuan,hei hi hrilh che ka duh, engmah ka sawi i awih lo maithei,thil pakhat chauh erawh awih turin ka duh bawk che,I pasal hi khawiah mah a zin lo ania, Jordana Hotelah i duh phawt chuan amah hmu turin kan kal thei ang, chu pawh a nupui hlui nen room intawmin an awm lai hmuh kan duh chuan....”