ANNEM - 19

Chapter- 19

‘Maw? a awm lo a?!” mak tih hmel lutukin a rawn ti vak.

‘Aw..Awm miah lo’ ka ti zuai leh raih.

‘I call em?” a rawn ti leh a, ka call thu leh a pick lo tih ka hrilha, a thaw ri deuh hawk ka hre zui zat.

‘Ok…Inchhungah khan lo awm la, lo hahdam rawh. Biak kan tum ve ang. Lo hlauthawng lo phawt la’ a rawn ti a, a awah chuan nichin lawka hlauthawng taka au kha a ni tih a lang leh tawh lo.

‘I kal hnuah misual lo kal ta se…’

‘Aih, chutiang a ni lovang. Lo hahdam rawh,biak kan tum ange’ min hnem tum takin a rawn ti leh vat.

Thu thei loin ka teikual sek, Bsa nena kan inbiakna ka ngaihtuah chhuak leh zawk. Tunah pawh mi kut tuar vangin a damlo meka, anih chuan Bsa a awm lo tih hriain a hmelma ten an rawn khawih animai thei. Rang lutukin Sangkima mutna roomah eng emaw tal hmuhchhuah tumin ka lut leha,mahse khum chu mutna hnu tih hriat taka a hnawk deuh tih mai loh chu engmah thil danglam a awm lo. A thawmhnaw dahna,zin bag lian vak lo lah a awm a. A charger pawh a awm bawk. Sihphir lamah a kal aniang ti dawn ila Scooty a awm lawi si. Bakah,engmah Sihphirah han tih ngawt tur a awm ka ring lo. Ka phone light ringin in vel ka en kuala,a sulhnu takngial pawh hmuhtur a awm lo. Chhun lamah kha chuan ka thinrim ngeia, ka induhtawkna a tihchhiat miau avangin.Mahse, tunah chuan khalam a lang tawh lo. A awmna ka hre duh a ni tawp mai. A bula mu mai lova Bsa awmna room lama ka mu kha ka inthiam lo ta vang vang. Eng ang pawhin thinrim ila a bulah mu ila chuan a awmna ka hre em em ang.

Thutkhawmna pindanah beidawng leh bet lo em emin ka thua, ka phone ka en sek bawk. Minute 10 aia tam aliam tawha, ka beisei angin Bsa’n a rawn ta mai lo. Nghak ngawt ngawt thei loin Sangkima ka call leh a, a pick chuang lo fo..Ka thawpik lutuka,Ka awm a nuam lo ngawih ngawih..Fim takin engmah ka ngaihtuah thei loa, ka ngaihtuah chhun chu thil tlemte chauh. Scooty a awm a, Bsa a Motorin a kalchhuak bawk anih si chuan engtinmah helai atang hian ani damtha lo lehnghal kha a kalsawn ngawt dawn lo tih ka chiang lutuk. Mahse, a awm miau si lo!!!

Ka Phone riah nasa mangkhengin ka phu nghek,rang lutukin ka en a,mahse Bsa ni loin Rasky lek..Ka thiannu mah nise ka thin a tirim teuh tho. ’ Enge?” ka ti hmak.Diktak chuan ka pick lo thelh zawk.

‘Khawnge i awm a? lo kal ka tuma,in lo inkalh vei thap sia’ ka mood nena inmil lo em emin a rawn ti lawng lawng.

‘Ka chhuak…Nakinah ka lo bia ang che aw, ka buai lawka’ ka ti nghal hmawk hmawk.

‘Aw..Aw..Rawn kan che ka tum nen asin le’ a ti nang nang.

‘Anih Bye phawt’ min rawn chhan let pawh nghak loin ka off nghal hmak. Thutthlengah thinrim zetin phone ka thehthlaa, awmze nei loin ka te nghal vak bawk. Ka mittui a rawn tlaa, thinrim zetin ka hru tawka, ka hmai ka hup zui nghal vang vang. Engvanga mittui tla nge ka nih ka inhre lova, hriat pawh ka duh nek lo. Tiang khawpa manganga min dah hi ka hua.

Ka Phone a rawn rik rualin rang lutukin ka la vat.’ Aw…’ ka tinghal vat.

‘Anun, pawi ka ti lutuk. Ka call a pick mai lo va,an chhungkaw ho ka call kual veka. Ka hriat danin chhungkaw thilah Problem an nei anih hmela. Amah hi ka la be thei bik lo a,mahse a nau nen kan inbiaa’ a rawn ti dam thlap.

‘Anih chuan a haw tihna maw?” ka ti halh.

‘Ka ring..Ka lo kal ang,lo hlauthawng suh. Tlemin kan la laklawh deuha,mahse ka rei lo vang’ a rawn ti leh mawlh mawlh. Tlem chuan ka thawveng ta deuh.Mahse, ka la hre thiam lo,ka awmreng laiin a kal a,min hrilh tur a ni a.Ka harh hunah a awm loh ringawt chuan ka mangang dawn tih a hre chiang lutuk tlat. Hreptak hian a..Hmundangah daih awm ila chuan min hrilh lo thei,mahse ka awm reng lai lehnghalin engtin nge engmah a sawi lo theih?

‘Anun…’ Bsa rawn tawngri chuan ka ngaihtuahna vak kual vel atangin min tiharh zawk.

‘Aw..Lo kal angai lo,amah a awm loh chuan ka haw mai ang’ ka awah engmah lang lo turin ka in control nasa viau. Ka sawi zawh rualin a thaw deuh huai ri ka hre thei.

‘Biak lo tum leh chhin la,keipawn ka lo try leh anga’ a rawn ti a.

‘Angai lo..in lamah a awm tih hriat tho chuan ngaihtuahawm a ni lo ang. Ala tlai chuang lova, ka inkhalh haw mai ang’ ka ti hul hak.

‘Um,nia..I thu thu le,mahse a lo call back hun che nghak thei la ka ti’ inthlahrung aw deuh hian a rawn ti a. Ka ner deuh nak thung.

‘Nia, biak ka lo tum leh hrim hrim anga..’ pangngai takin ka ti a, ani nen buaina nei kan ni lova, Sangkima laka ka lawm lohna  ani hnena tihlan tul ka ti lo.

In ka thlen veleh ka inthlak sawk sawka, ka mu nghal than. Bsa hnenah ka kal dawn khan chahbi ka dahna msgin ka hrilha, Sangkima a let leh anih pawhin lo hrilh mai turin ka ti bawk. Ka awmreng laia kalchhuak a ni a, eng anga pawimawh pawh nise engmah a sawi lo thei khan min run lutuk tlat.Ngaihven zui tumna ka nei lo hrim hrim.

 Muhil thei loin ka let kual seka,ka awmdan chawmawlh lutuk vangin ka hah hluah hluah. Ka taksaah na nei miah si loin ka awm a nuam lo tuna, ka mutdan apiang ka ninga, ka delhna lam a kham nghal zung zung bawk si. Ka ni deuh up up renga, keimah leh keimah hi ka tawt vel vek nimaiin ka hria. Ka awmdan hi Sangkima vanga ka thinrimna nen inzawmna a nei lo tih ka chiang bal ;amah vanga ka manganna kha thinrimnaah a inthlaka,rilru chhe deuh deuh ka pu kha ania.Mahse,in ka thlen hnuah ka taksa awmdan a mak lutuka,Sangkima lamin ka rilru a luah hleithei tawh lo zawk.‘ Muthilh theih loh hi chuan thawmhnaw engmah inbel lo ila kan muhil thei mai zel’ Lawmi’n a tih ka hrechhuaka, ka tho a. Ka inhlip nghal sawk sawka.Panty nen chauh ka mu a, mak takin reivakloah mutchhuakin min rawn zema, ka muhil zui ta daih.

Ka inlet dawna, ka hnunglam atangin min kuahtu an awm tih ka hriat rualin ka harhchiang nghal kawka, ka khawng nghal lah mai. Mahse, ka hamhaih chhung a rei lo; Rang lutukin ka tawlhsawn nghal dawrha, bang kil lamah ka letphei nghala, mahse hneh zetin ka kawngah a rawn mana,min pawt let lehnghal dawrh. Ka te chhuak nghal thata,  talchhuah tumin ka chuma, ka theih ang angin ka tlawh bawk.

‘A tawk e’ Sangkima aw pa zetin a ti hmuk. Ka tawp nghal chawt mai. Min rawn pawt leha, a darah ka lu ka nghata, min kuah bet nghal hlu hlua,ka samah a hmai a rawn phum nghal a,a thaw lum ham ham chuan min faih raih raih mai. Mahse, thil thleng ka ngaihtuah chhuah rualin thinrimnain min rawn tuam nghal hlup. Hrep tak hian..

‘Nang..Nang, misual..Kalbo rawh’ ka sehchilh nawk nawk mai. Tawlhsawn ka tuma,mahse aban tha chak zetin min kuah bet tlat. Diktak chuan talchhuah ka tum tawk lo tih ka hai lo.

‘Sorry..Ka timangang che tih ka hria alawm’ a ti sup.

‘Min thlah rawh’ tih pahin ka tal leh phat.’ Oh..’ a tih sup ruala na tuar tih hriat taka a thaw hawk ri chuan min tawptir lehnghal chawt.

‘I tha em? Ana lai ka tifuh ami?” hlauthawng lutukin ka ti vat. Min chhang loin min kuahna a thlaha,zangthal zawngin a mu nghala,a che lo. Ka inbengkang nghala, light ka on lo nangin kan inpiaha high mast eng vangin thim chhia a ni lo.

‘I tha em?” ka ti leh a.

‘Aih…’ ka thaw nghal halh.

‘Ka tihpalh lutuk..Mahse, tinge ilo kal?”

Min chhang loin a rawn inleta, min rawn kuaha,ka hnute inkarah a hmai a rawn phum nghala, thawmhnaw ka ha lo tih ka ngaihtuahchhuak zawk.

‘A hma ang khan ka sawifiahna tur i ngaithla duh lo leh dawn em?” hul zetin a ti nghut. Ka thaw halh mai. Nia, sawifiah tur a neih chuan ka sawifiah tir tur a ni.Khatianga inchhir leh kha ka duh tawh lo.Mahse, a nupui hlui vanga min hnaih a ni a…

‘Sawifiah lo mai rawh’

‘Zo-i..Luhlul viau thin lo teh’ ka hnute inkar a hmui lum ham hamin a rawn sik rualin ka ip nghal chawiha,a hma ang bawkin nawmna mak dangdai lutuk chuan ka kap a fan thleng lehnghal vek.

‘Ka nau leh ka pain buaina an nei a..Ka nuin min rawn biaa, ka kal dawn khan i mutui lutuka,bakah lo let leh ka tum tho bawk. Chuan,ka Phone Motorah ka theihnghilha,ilo call lai ka hre lo bawka..’ a ti leh sup.

‘I zin angin an hriat kha’

‘Ahh…Bsa hian min lo puang viau anih hi a’ a ti hluk. Ka ngaihtuah leta, amah Sangkima min hrilh emaw ka tih kha Bsa zawkin min hrilh a ni tak.

‘A duh vanga sawi a ni lo ania’  Bsa thlavang hauh tumin ka ti vat.

‘Ka hria…A pawi lo,tunah chuan min ngaidam em tih ka hre duh’ a ti thawp sut. Chhang loin ka hmui ka pet nauh nauh,ka mangan zia ka ngaihtuah let a, ka thin ala rim.Mahse, a sawi ang tak tak khan ka damdawi ei ka ruih vangin ka mutui ang tih ka chiang.

‘Ka nghak che ania, thil nghah ka theih loh nen nang tereuh hi chu a’ a ti leh hluk.

‘Ka la thinrim alawm’ ka ti hlak.

‘Anih chuan Malsawma koh ilo tum hman tihna mi?” a sawi zawh rualin a tawlhsawn nghal daih.

‘Maithei…’ ka tilui chak tlat. Ani pawn a nupui hlui vang thoin alawm min hnaih le.

‘Takzet? ‘ a ti leh hmuk.

‘Aw…’

A rawn tawlhhnai thuta, ka inrin hmain ka hnute hmur a rawn hmuam nghal chat. Ka thaw nghal hawka,a samah ka tham nghal vak ringawt.

‘Ka ta annih hi..A vaiin, I chiang em?” a aw hlauhawm zia leh Sexy lawi si zia chu mak tak a ni. Ka chhan hun pawh nghak loin a lei lum ham hamin a liak kual a, a sam ka tham na zual sauh. Thawklehkhatah a tawp thuta, a rawn hawichhuaka,a inpetruh teuh.

‘Min ngaidam em? Anih loh chuan a buaithlak dawn ania’ ngenngawl lutukin a ti chhuak hrawih.

‘Ka hre lo..Ka mangan zia ka ngaihtuaha’

‘Tihpalh..Ka bula mu loin i mu sawna, ka thinrim ve bawka…’

‘Nang aiin ka thinrim zawk’

‘Maw? engvangin?” a ti deuh hu.

‘Tu hlimthla mah nih ka duh lo…’ ka sawi zawh rualin a thaw nghal hawk mai.

‘Khavang khan maw ilo thinrim?’ a ti hul huk.

‘Aw..Ka duh lo,keimah hi keimah nih ka duh’ zep kual peih loin ka ti hmak.

‘A reuh lutuk,tu hlimthla mah ini ngai lo vang,I hlimthlaah mi an awm zawk ang..’ ka biang a rawn tuaia.

‘Mahse, I sawi kha..keimahah i nupui i hmu’ ka ti hmak..

‘Um,ka hmu…Mahse, a hlimthla ini tihna a ni lo’ a ti leh nghut.

‘Anih si chuan tinge?”

‘I hre duh tak tak em?”

‘Aw..’

‘I pa kha ka nupui enkawltu Doctor a ni a..A fanu hi ka nupui thih hnua hahdam taka min muthilh tir thin theitu awmchhun a ni a’ min deng satliah lo..Ka thaw a chham lo chauh.

‘Ih…Ih…’ sawi mai tur ka hre lo. Min rawn kuaha, dimtein ka hnute a rawn tuaia..

‘Tu hlimthla mah ini ngai lo vang. I nihna ang ang hian ka duh che a, Damdawi chak tak ang maiin keimahah hian damna i thlen a,I hrethiam tiraw?” a awpa leh nghet churh maiah chuan thudik anih rin lohna tur thil pakhatmah a awm lo.

‘Sangkim…’ ka ti lawi rat ringawt. Sawi tur dang ka hre hlawl lo.

‘Min ringhlela,buaina tamtak min siamsak chung pawhin ka bansan thei lo che. I chhungrila min rinna hi ka en lui tlata,min tina ngai dawn lo tih pawh ka hriaa’ a ti leh sup.

‘Ka vit tawh che a’  ka ti sep.

‘Ka khawih hmasa che anih kha..Min lo nghak la,engkim hi a fiahna nen ka pe ang che. Mahse, mak tak taka khawsak chang ka nei fo vang,thinrim mai loin min zawt la,ka theih dan danin ka hrihfiah bawk ang che. Chuan,mipa tumah ka duh lo.I bulah an awm tur a ni lo; anih loh chuan….Min kuah teh,ka muhil  duh ania’ a ti zui leh daih. Engmah sawi loin ka insiamrema,ka hnute inkarah a hmai a rawn phum zui leh a, a kut zungtang sei thlurhin ka hnute hmur a rawn chephruala,ka mar deuh awk. A rawn hawi chhuaka, a mita chakna lang chu thup pawh a tum lo.

‘Kawr ha mai teh,anih loh chuan a harsa’ a ti chhuak hrawih.

‘A pawi lo…’ engmah pawisak ka nei lo tak tak miaua.

‘Maw?” inringtawk lo hmel zetin a ti hu.

‘Aw..A pawi lo,I ta nih ka duha’

‘I ni reng,duh lo mahla ini daih tawh’

‘Nang? Tu ta nge inih?”

Thil thlen zui dan erawh beiseina ka lo neih ve thin aia tha zawk fe ala ni ta. Ka zei lova, mipat hmeichhiatna kawngah engmah ka la dai hek lo.Mahse, min nghaka,min puia,engmah hmanhmawh takin a ti hek lo.

Kan inzawm ruala na ka tih vanga ka te that ri leh a rum hawk ri te, ka na a reh hnuah nawmna ka feel theihna turin dim leh dam takin chet alaa, amah chauh inngaihtuah loin ka tawp hun tur min nghak a, ka puakkeh mai dawn emaw ka tih thlengin min pui zela, ka zah avangin ka te chhuak ngam lo. Mahse, a tawp ka thlen meuh chuan ka zak hman tawh lo, a taksaah na a nei tih ka hre tawh hek lo, Kei ang bawkin a ni pawh..

‘Hmeichhe dang chu sex hmanpui tur leh reilote ka hahdam nana hmanrua atan ka kawp thin,mahse hahdam tuin nang hian sex min pek i mamawh lo. Sex tel lo pawhin i bulah chuan ka hahdam thei vek.Chuan,ita ka ni a,ka ta ini bawka’ ka beng bula a ti sup sup ri chuan min awi mu a, nupa nih hmaa sex hman tum ngai lo khan tun lawka ka inpekna kha pawitihna engmah ka nei tawh lo.Pawi ka tih loh avangin thil dik tihna a ni lo tih erawh ka chiang.

Ka harhin khua a lo eng tan tawha,min kuah chunga tui zeta Sangkima muhil hmel chu ka thlir a, ka zawhna chhanna leh engkim mai ka beisei loh dan vek anih zia ka ngaihtuaha, ka thlamuang ngawih ngawih. Kan awmdan erawh inngaihzawn dan tluangtlam leh nuam a ni lo.Mahse, hei aia tha leh tluangtlam zawk nise ka tichuang lo tih ka hria. Eng anga harsa pawh nise Sangkima anih chhung chuan ka tan a tawk reng. Nizana thilthleng kha tawng ve lo tu tan chuan hriatthiam theih a ni ngai lo vang. Ka thinrima,ka na bawka.Mahse, zankhat thilthu lekah ka lungawi leha, amahah ka rinna zawng zawng ka nghat ta vek bawka. Ka pheikhawk bun ve lo tu tan chuan tihlungawi awlsam leh chak lo ka ni ang. Mahse, anni tana harsa hi ka tan thil awlsam a ni ve thin tho tih ka chiang.

‘Min en reng vang aniang,ka hmai a za mer mer ania’ a rawn menga, ka lo inngaihtuah muk deuh bawk nen ka phu zawk ringawt.

‘Ka en lo che’ lai bawk siin naupangchhia zetin ka ti hlak. A nui suka, ka sam ka bengah a rawn zepa,ka bengkawm zei zetin a tuai nghal hauh hauh mai. Zan lama thil thleng ka ngaihtuaha,ka hmai a rawn sa nghal hat hat bawk.

‘Ka lawm e aw’ a ti sup. Angaihna hre loin ka en mawl tawp.

‘Khawvela thil hlu ber min pek avangin..’ amah zawkin a ti leh sup. Engmah sawi loin ka tawlh hnaia,a dar hlai hlap ka khama,ka hmai ka phum zui kak..Ka hnung ruak kang a chul dun duna,a lungphu ri dat datah chuan ka telve tih ka hriaa,ka famkim ngawih ngawiha.Ka nu tan fanu tha leh hlu ka ni ngai lova, duatna ka dawng tlem em em a, ka thatna aiin ka that lohna an hmu tam zawk thina.Mahse, chung zawng zawng letling thawk chu Sangkima hnen atangin ka dawng let ta vek. Ka thianghlimna ka hlan tawha, inchhir ka tum lo.

‘I tha tiraw?” ka ti sep.

‘Um,tha..Nang?’

‘Aw…Mahse,ih..Eng lo,invenna pawh kan hmang si lo a’ ngam leh ngam loin ka ti nawi nak.

‘A pawi lo..Engtikahmah ilakah hian invenna hman ka tum ngai lo vang..’ nghet zetin a ti sup.

‘Mahse, ka rai maitheia..’

‘A pawi hleinem…A pawi em ni?”

‘Ka hre lo..’

‘Kei chuan pawi ka ti ngai lovang.Ka veng him bawk ang che’a ti leh a. Ka chhang lo, ka kut a lakanga, a fawp vang vanga. Hnuai lamah a pawt hniam thlaa, a mipatna min khawihtira, A lo inpeih leh thlap tawh..Ka tim deuh chawiha, mahse ka hnute a rawn khawih leha, Kei pawh amah ang bawk ka ni ve leh ta chiah….Huizzz.

Ka nu a lo haw a, a lo haw hma zawng chu zantin Sangkima nen kan riakdun a, lo kal lo turin ka ti lova, ani pawn lo kal lo turah a inngai bik lo. Ka nu lo haw hnuah erawh lo kal zawm ngaihna a awm lo. Pawn lamah kan inhmu zeuh zeuha,abak chu chance a awm lo.

‘I inpeih anih phawt chuan ka hmachhawn thei reng ania.Mahse, I himna ka ngaipawimawh bera, I duh loh chuan ka tilui lovang’ a ti a,ka ngam ngang lo. Ka nu ka hrechiang lutuk tlat. Fiahna tha tawk tak pawh pe ila Sangkima angaihdan hi a thlak danglam mai mai chuang lovang tih pawh ka hre vek.

Khawvel a ralmuang lo tual tuala,March thla chanve kan thlen meuh chuan hmun tinah COVID-19 chungchang bak sawi hriattur a awm tawh lo. News channel lian zawng zawngin an buaipuia, China lam an fihlim titiha,mahse Europe lamah a che ve leh ta thunga. Italy phei chu an manganga, nitin an pul puk puk a ni ber. India ramah pawh a ni telin vei an pung zela, Mizo zingah Positive hmuhchhuah la ni lo mah se tumah kan thlamuang tawh lo. Puipunna lam chi an khap a, Programme liantham an cancel sup sup a, School an khar bawk. Keini pawh kan dawr nimin atangin kan khar a, Staff te pawh an khaw lamah an duh chuan haw turin ka ti a. Thla tluanin inhawng lo mah ila an hlawh erawh a full vekin ka pe thung.

‘Mala,ilo thleng dawn tawh em?” Ka nu phone hmang thawm Kitchen atangin ka hre theia. Vawiin hi ka Birthday a ni a, ka thiante bakah Mala’n chaw an rawn ei dawna. Ampuia leh a bialnu thar pawh an lo tel ve dawn bawk. Pawnlama eichhuahna tur in Hotel leh Restaurant inhawng la awm tho mah se tuman pawn lama ei kan chak loh avangin kan inah kan ei dawn ta zawk. Zing atangin ka thiante min wishna ka dawnga, ka cousin te pawh. Mahse, mi Pakhat ka nghaka, tun thlengin ala reh ta veng veng. Karkhat lai kan inhmu tawh lova. Mahse,tukin zingah min rawh wish ziaha, vawiin erawh zingkarah pawh min wish loin a reh hmak. Ka tana ni pawimawhah lehnghal a reh hmak hian ka mood ati fuh lo zo vek tawh; ka Birthday a hre lo ti dawn ila Bsa pawn min wisha,a hre tur a ni.

‘I van nawm loh hmel’ Lawmi’n midang hriat loh turin a rawn ti sa sa.

‘Nuam e, tinge?” ka ti vat.

‘Ka hre lo, I nui te hi a lem riaua..’ inti fing zetin a ti a. Ka then lui sak ringawt.

‘Ampuia bialnu nei hi ila na chu a ni lo maw?” a ti leh sar sar.

‘Teuh lo lutuk’ ka tum aia uar lam mahin ka ti nghal vak. A mengpawk nghek.

‘Chiam chiam che hiana’ a ti hlak.

‘Ania lawm le a. La na ila ka sawm nang mawle.I inla spy vel hi ka ning che’ ka ti leh hlak.Lei min chhuakhuma,ka tawngkam mawi chiah lo kha a engahmah a thawk lo.

Hunserh kan hmanga, chaw kan ei zui nghala, titi dang an han vawrh ngial thin nangin aleng meuh lo. Corona Virus chungchang bakah lutchhuak tihtawp a hun tawh zia te, Sawrkar duhkhawp lohna te leh in enkawlna tih vel bak a in rilru a luah tak tak lo.

Ka thiante an haw hnuah in ka tifel leh thuak thuaka,Malsawma erawh ala awm thung.Ka nu nen an titi a, Choka lamah ka awm thung. Dingi a lo let leh ta mai si lo va, engkim ka kutah a tla ta veka. Mahse, ka nu nen chauh kan ni a, kan khawsak a hautak loh bakah che hnawk chiam chi kan ni lova, ka nu lah a taima em em a, a awm loh alang deuh nangin kan buai dan a zia viau tho.

‘Mambawih, thingpui in leh ila,Malsawma hi a tuihal ang’ ka nuin min rawn au a. Amah hi thingpui hang duh tak a ni a,Malsawma chhuanlamah a hmang mai mai tih ka hai lo.

Thingpui ka lum zawhah ka chawpheia,’ Lo enzui zel teh,ka rin aiin a fing riau maai’ ka nuin a tih ka hre hmana. Tu chungchang nge an sawi ka hre lo. Ka thu ve a, ka nu Dawr thar tur chungchang vel an sawia. A lo haw veleh an khawih tan nghal a,mahse kan Boruakin a zir loh zui tak avangin zo teuh deuhin zawh hman si lohin ala awm ta rih.

‘Anun,ka zawt ang che ka tia. Tun thla tir lam khan kan nau pakhatin helai velah hian Sangkimaa hmu a..I lo hmu ve em?” Malsawma’n min ti thut. Ka thingpui in lai ka hak thelh. Mahse, ka in control lehnghal vat.

‘Hmu nang,tinge a?” ka ti liam puat.

‘Vawikhat mai a hmu bawk si lova, a hmuh hun lah zan rei hnuah vek a ni bawka’ a ti leh a. Ka lungphu rang leh ring lutuk chu an hriat ka hlau takzet. Chumai bakah ka nu mitmeng fing lutukin min enreng ka tih ka hriaa. Ka chetbuai a thiang lo bur.

‘Avan mak..Zanah berkher,zanah ni lo se chuan a lo kal tlang ve satliah pawh a ni anga’ ka ti leh a.

‘Nia,tlem chuan keipawh mak ka ti’ a ti hul hak.

‘Ani hian keini hi min beih te a lo tum lehreng ange. Pawisak nei reng reng lo chhungkua anni lehnghala’ ka nuin a ti hmak.

‘Min bei reng tawh alawm, engkimah min hmakhalh tumin a tlan zat zata’ Malsawma’n a ti fan leh ruih.

‘Dik reng mai. Mala,I kutah ka dah ania. Ka duh aiin thil hi kan ti chak lova. An duh duhin an la lengkual mai maia,ka ngaithei lo ania’ thupe aw zetin ka nuin a ti leh hmak. Malsawma engmah sawi loin a bu nghuta, mahse a mit meng buang thak leh fing lutuk chuan min kalsan eih lo.

Ka mu meng kara, ka nu leh Malsawma thilsawi khan ka ngaihtuahna a luah khat vek. Malsawma khan min ringhlel em ka hre lo. Mahse, ka fimkhur zual angai tih ka chiang. Sangkima biaka,fimkhur tura chah ka duha, a reh tlat si avangin ka thinrima,ka be duh rih lo.Ka Phoneah msg a rawn luta, phur zetin ka ban vat. Mahse, Malsawma..’ I nu khan ka kutah a dah ta sia,I lawm lo em?” tih zawng.

‘Lawm lo hran lo.Mahse, chhungkaw thila a teltir che kha ka duh chiah lo’ ka ti ve hmiah. Kan chhungkaw tana a tangkai zia leh min buaipui nasat zia ngaihtuah chuan ka tawngkam a mawi lo tih ka hai lo.Mahse, tihtheih dang ka nei miau lova.

‘Min la en hrang tih ka hriaa,mahse a pawi lo. I nu beiseina hi ka tithlawn dawn lo’ a rawn ti ve thung.

‘Kan indo dawn tihna a ni em?”

‘Aih, I remtihna zelin ka che ang.Chu zawng chu’

Ka reply tawh lo. Sangkima ka hriat hma daiha ka hriat tawh a ni a, a tihtawh lamah a kal nat zia ka hai lo. Mahse, kei erawh chuan khawi lamah nge ka tan dawn ka inhre chiang vek tawh.

Khum che datah ka harh zawka,ka thutchhuah hmain ka kawngah a rawn kuah..’ Happy Birthday,ka tlai lo chiah chiah tiraw?” Sangkima aw pa zetin ka beng bulah a rawn ti nghal sup. Ka bekah a hmui lum thar tharin a rawn fawp nghal vang vang.

Note- Ka inbeisei lo viau nangin ka lo lang leh hlauh mai.Chuan,a thei tan thahnemngai taka click phal a ni🤭