ANNEM - 32( LAST CHAPTER)

Chapter- 32 (Last Chapter)

Ka tukhum dawm chungin harsa tizetin ka hawichhuaka..Ka hnungah ka nu leh Malsawma an lo ding reng tawh. Ka inthing harh a, mahse ka lu ka tihchet zawngin ka tukhum ana hik chhawk chhawk a, ka hnungzangah a zawhthlaa, ana thla nghal vek.

Bawkvak titihin ka vak pheia, Bang nghengin ka thu a; ka bul lawka mi pathum ding te hmel ka en kuala. An hmel landan a in ang lo veka.Ka nu hmelah chuan pawisak nei miah lo hmel alanga.Zari pawh chuti bawk.Malsawma erawh nidang ang bawkin a hmel alang pangngai thlap.Mahse, a mit erawh a zim san mai.

‘Nu….Ti nge?” ka tichhuak thei hram.Ka tukhum ka khawih leha, a vawt deuh thlara.Ka kut ka en nghala,thisen a lo kai luai.Rapthlak ti lutukin ka en a.Muangchangin ka nu ka en leh.

‘I hre lo maw? I nu ngei phatsantu hian kut i tuar chhan min zawt amaw?” a tawngkam chhuak kha lutuk chu ka bengah Bomb puak ang maiin a ring.

‘Engmah Sangkima’n a ti lo’ ka sawi zawh rualin na zetin ka nakah a rawn chhir ngal pawp.Sir zawngin ka let nghal hlawl , ka thaw hleithei lo. Ka nak na lutuk chu mu mar ngam loin ka mal tawmin ka mu a. Ka ngaihtuahna a tawi tup vek bawk.Mahse, hetianga awm thei ka ni lo.Ka tlanchhiat emaw min puitu tur ka au a nih loh chuan hetah hian ka tawp dawn.

Thei leh thei loin ka thuchhuaka, ka bawkvak leha…’Min pui ru…’ ka sawi zo hman tawk tihin ka nakah bawk tuemawin a rawn chhir leh pawp. Che zui tur ka awm tawh lo…Mit vai chum chumin ka mu a..Sangkima ka ngaihtuah a, ka thi thei lo.Ka tel loin a awm thei lovang.Mahse, enge ka tih ang?

Ka samah na zetin an rawn thama,ka dak awrh..Hnai zetah ka nu nen kan in en a, a mitmeng a ruai mai chu ka nu a ni tawh lo.A kawchhungah ramhuai a lut tawh a, phuba lak chaknain a tuihala,chu zawk chuan a hriatna zawng zawng a thunun vek tawh tih ka hai lo.

‘Mihur nu, ahmaa ka lo that nghal lo che pawizia hi tunah ka hre chauh.Min han dodal khanglanga, mahni u thattu mutpui chaka za hi ka ngaidam ang che maw? a teuh lo lutuk.Tihian kan enkawl dam leh che anga, mipa mutpui i chak bawka, chumi tur chuan i damchhung hun i hmang tawh ang. Nuam iti khawp ang’ a ti fiah kak.

‘Nu i nei lo tih hre rawh’ a ti leh a. A thinrim tawpkhawka a awm thin dan ngai ang chiahin a awmdan leh tawngkam a damthlap. Sangkima’n ‘nu i nei lo’ tih asawi lai ka bengah chiang takin a rawn ri a. Ni e, nu ka lo nei reng reng lo a lo ni.Ka sam a thamna thlah pahin na zetin a phih sawk.

‘Tikhan awm sela…Thingpui in ang u.Zari a lo thleng chauha,hah pawh a hah ang’ Malsawma’n dam thluamin a ti a. Rapthlak ti lutukin ka melh tawk tawka.Mahse, ka ban rek ka nuin a rawn rap a, a pheikhawk hnuaia a rawn rawt kual leh tak avangin ka techhuak nghal thawt mai.

‘Mala,Store roomah hrui a awm.Phuar bet ang.Anih loh chuan tlanchhuah pawh a lo tum reu reu ang’ ka nuin a ti leh a. Malsawma che vut. Reiloteah hrui nen a rawn let leha. Tukverh barah ka kut pahnih an phuar kawpa, thutung titihin ka awma, ka ke an phuar kawp bawk.

Ka nakna vung vung leh ka tukhum na chuan min tur ut uta, mahse muthilh hlauin ka insehruh ngat ngat. Ka ban chunglamah an phuar beh avangin a kham em em bawk.Ka bag ka la ak renga, achhungah phone a awma. Mahse, lakchhuah ngaihna a awm lo. Ka kut an phuarna lah satha hrui sin chi,fei em em mai a ni a. A hrui asin bakah an tawn ngheh bawk si avangin an tawnna lai a mu chuah chuah tawh bawk.

Thil thlen dan ngaihtuahin ka inti harh lui hram hrama, Sangkima a lo kal mai ka beiseina nen ka intichak lui hram hram a ni ber. Atirah khan ka tukhumah min vaw lo se chuan ka beilet ang tih ka chiang.Pathum zawk ni mah se ka hneh lo anih pawhin awlsam tak chuan min phuarhlawm hauh lo tur ania.Mahse, hnunglam atanga vuak ka nih tlat avangin beilet thei dinhmunah ka ding lo.

‘Nu Mam, enkawl dam leh chu i tum tak tak em?” Zari’n a tih ri ka hriaa..An sir lawkah na tuarin thisen nen ka tlu renga. Engmah thleng lo ang hmiahin Thingpui an in miah miah thei!!

‘Ka hre lo..Mipa a mamawh bawka zantin mipa hrang hrang han mutpui se enge a an ka hre chak viau mai’ ka nu tawngri chuan ka taksa hliam aiin min chhun na zawk. Ka nu, min hringtu ngeiin engtin nge hetiang hi ka chungah a thlentir theih? Ka u thihnaah khan Sangkima’n mawh lo phur tehreng pawhnise a fanu hian ka hmangaih anih chuan min hrem se,aduh leh a hma ang khan min tuithlar mai se a tawk lo vem ni?

‘A tha viau mai.Mahse, Anuni hi mi pangngai chunglam a ni tih hrereng la ka duh. A dam anih chuan engtikah emaw ala bei let ang che. Tunah pawh phatsan che a pawitih loh zia i hmu a’ Malsawma’n a ti ve thung. Tenawm…

‘Anih chuan kan tum lawk ang khan Durtlang khamah kan paih mai dawn nia. A haw lam mi kut palh a tuar kan ti anga. A ruang an chhar anga, a tawk der’ ka nu bawkin hahdam hmel em emin a ti leh a.

‘Nia.A tha ang. Bakah u Sangkima pawh i biak zauh zauh atang khan a rilru a thlak tawh lutuka.Hetianga titurin a ring lovang che’ Zari tawng zat zat chu huatna leh rapthlak tihna nen ka ngaithlaa..Ka hmelma te hi mihrang lo ni zawk se ka dam tur.

‘Hun kan ngah vak lo ania. Damdawi kha siam la,kan chiu anga. Sangkima hnenah a phone sawn msgin chaw ei leh riah kan dil anga. Khua a thim veleh kan chhuahpui ang. Mi lo kal thut thei reng anni a. Chuvangin kan chinfel hma leh a tha animai’ ka nuin thupe aw takin a ti leh a. Min chiu hlum an tum tih ka hrethiam..

Ka bulah Zari Syringe nen a dinga, talchhuah ka tuma. Ka thei lo.Ka tal nasat leh ka kut an phuarna a nghet ting mai. Ka ka an hnawh tlat avangin ka au thei hek lo..Beidawng lutukin ka mittui a tla a..Ka thi dawn anih pawhin Sangkima hmuh ka duh.’LALPA, ka pasal lo kal tir rawh’ ka rilruin ka au a….Ka mittui a tla zung zung bawk.

‘Zawhna i nei teuh ang tiraw? Aaaah..Tawng tum suh, tun bak kan titi leh tawh ngai dawn si lova. I thih hmain hriat chu i phu ve alawm.. A khaikhawmna ka sawi hmasa ang. Kei chu nang anga tenawm ka ni ve lo. Chhungkua ka ngaipawimawh ber. Fanu leh farnu nihna aia mipa i mamawhna a san avangin keimah hi u Mama leh i nu tan ka ding asin.Tea hi ka duh reng reng lo. Min rawn ngaihzawn khan a tulna vanga ngaizawng ve mai ka ni. A tul tawh loh veleh ka thena. Mahse, nang khan Sangkima i neih leh tak si avangin ka lo luh leh angaih phaha..Nang ai ngawt chuan u Mama kha ka lo hmangaih zawk tih ka inhriaa..Ka inchhuang asin,nang chuan chhungkaw hlutna pawh i hrethiam si lo. I thih atanga reiloteah ka then anga. Ka hmangaih tak tak ka nei tawh ang..Adik tiraw?” Malsawma a en a, ka en ve vat.

‘Adik alawm..Sorry…A fair lo viau maia.Mahse, nangin min duh ta miau si lo a. Zari nen hian kan inkawp taa..Ani hi chuan i u tana ka beihna kha rinawm takin min thlawp tluan ta zak a.Anyway..hmeichhe fel tak erawh ini’ a nui a…A tir phat atang khan thu rapthlak leh thil rapthlak tak tak hlir a thlenga, min thawng leh chuang tur awmin ka ring lo.Mahse, tuna an sawi khan a let tamtakin min thawng nawn leh ta tho.

‘Tal duh miah suh. Hahdam takin i kal dawn nia.Chuan,u Mama leh A pa Puia kha min lo biak dawn nia’ Zarin ka bana rawn vawn pahin a ti leh nghat. Au chhuak thei bawk si loin ka en a, ka tal vel tur Malsawma’n hneh zetin min vuan bet bawk. Beidawng tawpkhawkin ka mit ka chhinga. Chiang takin Sangkima ka hmu a, a mal malin ka mitthlaah ka chhungte an rawn lang zut zut. Ka bengah ‘Mama…Cookies ka duh asin’ Naunaua’n a tihri a rawn ri a. Ka hmu leh tawh ngai dawn lova, ka hrin ni lo ka fapa ang maia ka ngainat khan engtikahmah ka Cookies siam a ei leh tawh ngai dawn lo..

‘Thlah rawh..Tunah’ mipa aw fiak thak ka hriat rualin ka mengchhuak vat. Ka la hmuh ngai loh mipa-in Pistolin Malsawma a lo tin reng tawh.

‘Tunah…Nang nu khan i thil ken paih rawh’ a ti leh thawt. Zari hmai dang lawp lawp chu ka en a, Malsawma ka en leha, min thlah ruai ruai mai.

‘Mate…’ Sangkima aw ka hre leha, a rawn dawk phei zawka. Malsawma bek a ri chawka, a pai nghal dawrh bawk.

‘Thianpa,I nupui zawk kha..Hei hi chu ka lo chingfel ang’ Pisto kengtu bawkin a ti leh a. Sangkima’n min rawn en a, a rawn thu hniam nghal rawk rawk mai.Ka biang tawn tawnah a rawn dawma, ka hmui an tuamna a phelha, ka thawchhuak nghal hawk.

‘I tha em? Ka lo thleng ania..Hlau miah suh’ a ti mawlh mawlh. Min kuaha, ka kut an phuarna tuemawin a rawn phelha, a mu vek hmana,ana em pawh ka hre tawh lo.

Sangkima’n min kuaha, min khawih chet zawngin ka then nghal chak chak mai.

‘I tha vek ang.Khawi lai nge na? “a ti leh a. Ka chhang mai dawna, ka aw a richhuak zo lo.Ka tukkum lam harsa zetin ka khawih dawna, a rawn dawm vat. A kut a en lehnghal vuta, a rum nghal hawk mai.

‘Tenawmpa,hmeichhia kut i thlak amaw? Ka nupui anih hi” a aw a ring lo.Mahse, na tuar leh ngaihtuahna fim lo chung pawhin a awah khan thihna rim a nam tih ka hre thei tho.A chesawn tur a kawr tlangah ka man beta, min rawn en vat.

‘Bawihi..Kan lo thleng ania’ka nu aw dam thlap ka hriaa,a rawn thu hniam ve a..Min rawn kuah nghal bawk.Ka sam ka bengah a rawn zepa, a hmel zaidamnaa khat chu ka en a. ‘Nu..’ ka tichhuak sep.

‘Aw. …Bawihte, I nu ka ni e..Hlau miah suh,kan awm vek ania’ a ti dam leh thlap..Ka mit ka chhinga, ka damchhung chuan nu pakhat chauh ka nei reng tawh ang tih ka hria. Chu chu tudang mah ni loin Sangkima nu hi a ni bawk ang.

Sangkima’n dimtein min pawm kanga, kawngkhar lam min panpuia..’Kalpui suh,ka fanu anih kha.Ka duh duha ka tih athiang’ ka nu in a rawn ti chhuak thawt. Sangkima a ding chut. Harsa ti zetin ka hawichhuaka, kan piaha ding ka nu chu ka va en a. Anihna a hloh nasat zia ka va hmu thei.

‘Mama, hmanhmawhin Damdawiin kan kal angai’Sangkima nuin a ti vawt raih.

‘Nang kha, ka sawi  i hria em? I kalpui ngawt thei lo.Ka fanu anih kha.Ka duh leh ka hrem anga, ka thu thu’ a ti leh chiam. Sangkima insangmar nghal teuh chu ka hretheia.Mahse, a nuin a khap hmak.Sangkima nu a inhera.

‘I hresual anih ka ring. I fanu emaw itih hi ka fanu zawk a ni’ a aw dam thlap mai chu a fiah kek kawk lutuk.

‘Nang….’ Ka nuin a kawka.

‘Tu nu mah hian hetiang hian an fanu te an khawih na ngai lovang.Chuvangin nang chu a nu ini thei lovang.Chuan,ka fanu chunga i thiltih hi hremna pawh i hmu ngei bawk ang’  a ti leh a, mahse ka bengah erawh hla tak atanga ri ang mai a ni thung.

‘Sangkim…’ thei leh thei loin ka ti sap. Vawt ti lutukin ka khur nghal hlawk hlawk bawk.

Hriatzui ka nei ta meuh lo. Motorah kan chuanga, a khat tawkin Sangkima’m min ko tih k hre ruai ruai. Ka mut achhuak em em a, vawt ka tih dan lah chu pui tak a ni.

Ka harh lehin Damdawiinah ka lo awm tawha, ka lu an tuam bura, ka chet zawngin ka nak a na zawk zawk bawk.

‘I luah thi a tlinga, kan zaia. Pathian zarah kan hlawhtling lutuk..Chuan,I nak ruh pakhat a tliak bawka..Mahse, chu pawh ngaihtuahawm ini lo ania’ Bsa’n nui var var chungin a ti a. Ka chunga thilthleng min hriatchhuah tira, hlauh vangin ka khur zui nghal dar dar.Mahse, ka kut chelh rengtu chu a rawn tho a, khumah a sir zawngin a rawn mu a. Min kuaha, ka luah a fawpa, min hnem nan ka hnungah a chul zui hauh hauh bawk.

Dressing Table hmaah ka thu a, ka sam bul miat mai chu ka en a, ngaiah ka la nei thei mang lo.Damdawiinah khan ka lu an zai avangin ka sam zawng zawng an ziat veka..Tunah hian thla khat dawn a ni tawha,mahse ala thang sei lua lo tlat.

‘Hey, Tlangval,lo mu la…’Sangkima’n ka bekah a rawn fawpa.Ka chhipah a fawp leh zauh bawk.Ngei zetin ka ner nak thung. Min chhaih fiam nan tak a hmanga,ka huat poh leh nuam a ti ting mai bawk.

Hlau hlawpin ka harha, ka thlanfimin min lo bual hnawng chuap bawk.’I tha em?” Sangkima’n min kuah pahin a ti dam thlup. Ka chhang lo,ka khap sak sak ringawt. A che hruta, khum bula Lamp awm a hmet enga..Min rawn kuah lehnghal hlu hlu. Ka thiltawn rapthlak lutuk kha mumangah ka la hmu fova, hlau em em in ka rakchhuah loh leh ka rum nasa thina..Sangkima tel lo phei chuan ka mu ngam lo.

‘A tha vek e…Engmah hlauhtur a awm lo’ a ti dam leh thlup.Ka hnungah a chul leh hauh hauh bawk.

‘Ka ngaihtuah zawng pawh hian ka la khur thin a’ ka ti sap.

‘Ngaihtuah loh hram hram tum la,chuan a tawp vek tawh tih pawh aw’

‘Awih harsa ka la ti ‘

‘Mate….’ A ti thawp sut.

‘A pawi lo.Zanin chu sawi ka duh a,ka inpeihin ka hria’ ka ti leh sap. Ka huntawn rapthlak lutuk kha tuman kan la sawichhuak leh lo.Thleng lo ang maiin an vaiin an awma, ka hlimna tur bak ngaihtuah an nei lo emaw tihmai tur a ni.

‘I chiang em?’ min ring zo lo niawm takin ati dam leh thlup.Ka kut karah a kutzungtang a rawn rawlha,a hum zui nghal vang vanga.

‘Um..Engtin nge ilo kal theih? Ih,ka awmnaah khan ka tihna’ ka ti halh.

‘I msg ka hmuh khan thil dik lo a awm tih ka hria,achhan chu ka chhuah khan inu ka hmu tlata, damlo hmel a pu lo.Bakah, tumah ka ring zo lova. I hriat loh lai khan ka thianpa CID lama nihna sangtak chelh nen kan buaipui char char. I nu khan tiang khawp khan a tih che erawh ka lo ring bik lova. Ka thiam loh tih ka hria.Achhan chu naute kan chan atang pawh khan fimkhur tur ka ni a’ a tita duah.

‘Naute maw?” angaihna hre loin ka ti hap.

‘Aw. Naute,kan fa kha..I nu tein i kalnaah khan engmah i ei lo tih i sawia.I haw hnuah erawh Zari nen thingpui in induna..Atir chuan Zari kha ka ringhlel bik lo.Mahse, ka nauten Zari leh Malsawma vawihnih an hmuh dun thu an rawn sawi atangin ka ringhlela…An chhui zelna atangin Zari mizia tamtak ka hre leh a.Nangmah aia sanga awm tum ngar ngar leha,I thilneih apiang laksak duh tlat che a lo ni a. I unaunu anih angin iring a,hrilhfiah che pawh ni ila i awih kher lovang. Chuvangin fimkhur taka ka ven che a tul tih ka hria.Mahse, ka tlai ta tho’ inthiamlohna ri a hriat tel theih.

‘I thiam loh a ni hleinem..’ ka ti sap.

‘I nu khan min rawn be thina, ngaihdam pawh min dil thlap. Inah i kal hmasakber khan him taka a rawn chhuahtir che bakah lawmthu thlengin min rawn hrilha, ka lo ring hman thelha. Mahse, I nu damlo tlawh tura i chhuah ni khan phone ka pick loh chhan chu thil liamtham lutuk ka buaipui vang ania.Phone ri ka hre lo hrim hrim,mahse ka sawi ang khan inu kha damtha takin ka hmu a..Ka nu ka biaa, kalpui inei lova, Driver pawh a let lehnghal tih ka hriaa..’ a ti leh duah.

‘Eng thil nge? Eee..Engtin nge Malsawma kha i manchhuah?” ka hrechhuak leh hnuhnawh.

‘A thui viau mai..I u leh Becky inkawp lai khan kan duh lo tih ka pawm.Mahse, kan sawi lem lo.Tea hian vawikhat chu a sawichhuaka.Becky khan i u leh Malsawma a lo hrilh ve ve. Chuan, Malsawma hian Becky kha a lo ngaizawng ve a, thiam takin keini min puh siin a hawlh thena..Becky hnenah khan i u himna turin nau paih turin a lo nawra. Becky khan min hlauh luatah engmah ngaihtuah chiang loin a lo ti tla ve ngawt bawk.Mahse, I u hnenah chuan keini tihtlaktir angin alang ta daiha. I u kha hal hlum a ni ngeia, chu pawh Malsawma leh bawk.Wiring an tihtir pa kha ka biaa.Kan vau nasat fe hnuah Malsawma’n a tihtir tih a sawia. I u kha insaseng thei lo khawpin a hrai rui miaua.A kanghlum ta a…Mahse, keini lam min puh leha.. Chuan,Becky thihnaah pawh khan amah Malsawma tho hian game a khela..A that leh ta hmak.Achhan chu Becky khan thil engkim a hrechhuaka, nangmah hrilh che a tum vangin a ni a.I u khan Bar kha siam ve a tum tih ka hriaa.Pawi ka ti hran lo.Sumdawnna chu ta bik a awm lo. Mahse, thiam takin Becky hnenah khan kan duh lo anga lang turin kan Staff zinga pakhat hnenah a lo sawitir thina.Chu pawh min hnaih taktu a ni nghe nghe.Becky khan i u tan a hlauthawnga, a naupai lai tihtlaksak hial duh khawpa tenawm angah min lo ngai bawk si nen.Mahse, a hnuah erawh a hrechhuak ta thoa.;a thih phah ta a’ a sawi zawh rualin a thaw hawk.Sawi ve tur reng reng ka hre lo thung.Malsawma khan Sangkima nen buaina an nei a ti ngeia.Achang chuan ka ringhlel thin a.Mahse, hetiang khawpa tenawm hi chu anih ka lo ring ngai miah lo thung.

‘Ih….’ Ka ti halh..

‘Sawi la…’ a ti ve sup.

‘Malsawma hian engvangin nge a huat che? Thil zawng zawng ka hriat takah hian keini nangmah lam ni loin in pahnih inkar niin ka hmu’ ka ti a. A thaw hawk..

‘Adik alawm..Chak lo zawk nih a thiam lova..Sumdawnna huangah emaw a mimal nunah pawh’ a ti vawt ruih.

‘I huan lei leh Pump chungchang hi tlem ka hriaa’

‘Um…Adik..Lei tuma a dawr lai ni loin kan dawr rual a,ka hnenah an hralha.Pump pawh hi amah hian a lo be ve thova. Mahse, ram neitu hian min hriatchian zawk avangin kei nena run a duha.Chu chu a la na lutuk tlat.Tin, ka pa hi Contractor hmasa a ni a.A pa pawh…Englaimahin ka pa hi a hnuaiah a awm ngai lo…Mipa chapo leh induhtawk tak anih avangin chak loh a thiam lova,chu chuan huatna a hring ta a’ a ti leh nghut.

‘Nang pawh hi thuduh tak niin ka hria che a’

‘Ka ni alawm.Mahse, sumdawnna mai ni lo,nunah hian tlakhniam chang leh tawn san lai a awm tih ka pawm.Chu chu ka pain kan naupanlai atanga min zirtir thin a ni a’ a ti dam leh thlup.

‘Mi a a ni lova..I nu hnenah pawh khan thiam takin i u thihnaah khan mawh kan phur tih a hrilha, hneh takin a thluak a su vek.I u atchilhtu,I nu tan kha chuan a na em em tlat.Zari lahin Malsawma  khan nangmah a ngaihzawn che avangin ahmaa ngaizawng miah lo khan neih a tum ta tlata..Chumi tur chuan a thu thua awm a hnial hek lo’ a ti leh hmuk.

‘Tea hi…Engtin nge a awm?”

‘A thaw huai tawh ang.Ka thu anga kawp lui hram hram kha a ni a’ a tita daih.

‘Maw?” hrethiam lo lutukin ka ti halh.

‘Ih maw, Malsawma hian min tlankhalh emaw a tih laiin ka tlankhalh cha char thin.Zari pawh khan Tea hi a ngaizawng der emaw a ti a, Tea zawk hian a ngaizawng der.Kan duh kan hmuh awlsamna turin..Hetiang khawpa a lo inrawlh thui ve tih erawh ka hrechhuak har ka tih kha. Chuan,Ruatsaka kha i tana thawk ni loin ka tana thawk a ni.Nangmah vengtu erawh midang an awm’ a ti leh a.

‘Ruatsaka maw? anih chuan ka chhui tir thin che sia…’ ka ti vat.

‘Um,ka phal chin chiah a hrilh thin che. Bakah,ka hmangaih che tih a hriaa.Venhim che hi a hnaah angai hlawm tawp’ a ti leh nghut. Ka ngaihtuahna a vir zawk.

‘Tihchhiat tuma ka beih lai che khan ilo hria tihna ami?”

‘Aw ti ila i thin arim angem?” a nui a.

‘Aih,mahse min dang si lova’ mak ti lutukin ka ti hap.

‘Dang lo..Ka titawp nghal che anih chuan ka hnaih thei nang che’ a ti leh daih..

‘Mahse, ka hrethiam lo.Enteh…Ka nu hi ngaidam lo ila misual tak ka ni ang tiraw?” ka aw a ri chang chang.

‘Aih,mahse ngaidam la ka duh.Huat tlak pawh a ni si lova’ a ti dam thlup. Ni e, huat tlak pawh a ni lo.Khang zawng zawng thlen hnu khan mi a diktakah achhuaka, tunah chuan amaha khunghran ngai khawpin a thluak a buai tawh miau a.

‘I hliam tuar thin kha tinge?”

‘Ka insualna…’

‘Insual a?” ka nui nghal hak mai.

‘Aw…I pasal hian thil pakhat ka la zep..Ruatsaka te ho hi mahni tlat tlata tla ngawt anni lo..Private Detective 10 atanga 20 vel hi ka hnuaia awm anni. Achang chuan keipawh ka telve thin.Ka hna nuam tihber anih mai bakah Kimkimi vanga ka tawrhna tiziawm tur khan achanga insual buai pawh pawi ka ti lo fo.Mahse, I mitmeng fiah kak leh i taksa nel thep te..I rimtui lutuk te hian hahchawlhna min pe tih ka hriat hnuah chuan ka tinawn leh tawh ngai lo’ a ti leh duah. Ka inbengkanga, a mitah tak ka en a.

‘Engtikah nge ka hriatchian ang che?” ka tita thlawt.

‘Min hrechiang alawm.Ka nuna thuruk awm zawng zawng hretu chu nangmah chauh ini.Ka fapa chungchang leh ka hna nuam tih ber pawh tiamin..’

‘Bsa pawn a hria alawm..’

‘Ahh,ani chuan hriat a nei teuh chungin Detective chungchangte hi a hre ve lo’

‘Ok…Anih chuan engtik atangin nge min hmangaih?” ka ti leh sap.A khabe hmul to siar siar ka khawih pah dan dan bawk.

‘College week closing naah ka thianpa min sawmna angin ka kala,mipa ho zinga hmeichhe pakhat,sam tawn kawh lah chunga  khuang nena tlan lauh lauh ka hmuh atang khan anih ka ring’ a mitmeng de sawr sawr chu ang pham chungin ka en a.

‘Sangkim….’ Ka ti hap mai.

‘Um…Khami ni khan ka hriattheih zawng zawng ka hre nghal vek. Ahming chu Zonunmawii a ni a, Anun tiin an ko thina. Mahse, kei chuan ka rilruin ‘Zoeyy’ tiin ka ngaihtuah thung.A inhmeh dawn miaua..Aizawl Chanmari vengah an chenga, apa Doctor lar tak a ni bawk.A unaute ang lo takin Aizawlah college a kala;Mipa ngaihven lem lo tak,Lesbian emaw tihmai tur a ni a. Mipa hoin ngaihzawn an tum pawha thian atana siam lui tlattu a ni tih te pawh.Kum 10 a liam meuh chuan ka bulah a mu a, ka hmangaih tan hun min zawt mek a….’ ka tah nuih hawk hawk mai. Hetiang khawpa mipa nun nghet leh rintlak hian min lo hmangaih em em a,ka tawrhna vanga ka hlawhchhuah hi a hlut zia ka hrethiam phak lo hial zawk maithei..

‘Ka hriat hma chein min lo hre daih tawh sia’ ka ti leh hap.

‘Hrechiang mai,Mahse hmelma kan nita kha chu beisei ang a ni lo deuh mai zawk’ a ti tha ve mai.Ka kut a laa,a fawp vang vang.

‘Thil pakhat leh chiah..Amber-i vanga min biak duh loh lai khan ka tih ngai loh tawp ka ti ve a..Ka nihna thupin Game ka khela…’

‘Zoeyy’

‘Zoeyy’

Kan tawng rual thawt…’I ni maw?” ka ti leh halh.

‘Yeap..Hnaih che ka duh a, ka nawr luih lutuk che chuan min huat ka hlau ka tih fo kha’ amah ang lo takin inring zo lo hmel a pu..

‘Rosangkim,ka hmangaih che’

Engmah sawi zawm thei loin ka zuk fawp nghal chawt.Dim leh dam takin min rawn fawp let ve nghal zat bawk.

A TAWP TA…

In beisei loh danin a tawp lehpek ngei ang. ‘Hlim lai rei deuh’ tih ngawt hi hlim lai hi ziah viau tur a tam duh lo khawp ania🤭Chumai bakah he Story bikah phei hi chuan an hlim leh lungngaih a inzat thuak bawka. Sei taka hlim tir kher ka tul ka ti chiah lo mai aw.Tin,Ka hmanhmawh vanga zo rum rum ka a ni lo ania aw..Hmeltha ho.’ I tawp hmanhmawh lutuk’ te inti leh ngawt ange😊Diktak chuan nizan khan khar ka tum zawka,mahse tlem kan kual tir leh hreta, a fiah zawk nan.Kual leh zel tur chuan a lutuk dawna,a tawp hun a thleng ve ta a ni e.

He STORY Hian zirtir a nei hran lova. A title hi ‘Nu’ tihna mai a ni a. Chuvangin Awihawm loh  khawpa nu  nasa chanchin kara inngaihzawnna lo lang ve,PHUAHCHAWP liau liau a ni..Zirtir neih tir talh induh chuan ‘ KAN HMELMA TE HI MIN HLAT TAKA AWM TE NI LOIN,KAN MI RIN EM EM TE AN LO NI CHAWK’ tih leh ‘NU LEH PA HIAN FA TE ZINGAH DUAT BIK LEH HMANGAIH BIK NEIH HI THIL AWM THEI LEH THA LO TAWPKHAWK A NI’ tih hi aw..Chuan, LO INVENG  ULA,I HMANGAITU ANGA LANG,NANGMAHNI TIHCHHIAT TUM AN AWM EM TIH NGAIHVEN RENG CHUNGIN, IN DAM NAN LO FIMKHUR ZEL ANG CHE U🖤💜💛💚💙