MINE - 12

 Chapter - 12

"Nangmahin maw ilo kal ang?" Ka nuin min rawn ti lang lang a. 

"Um, Remsanga tukinah zin angai thut a. Groupah ka lo dah kha" ka ti let ve a. Mascara bur ka hawng a. Ka mithmulah ka hnawih zui nghala. Ka mithmul hi a sei a, a er sa bawka. Kan tleirawl lai atangin ka thiante hoin an awt thei ngang mai. Mahse,mi thinchhe chhinchhiahna an tih hi a dik zia tilangtu a ni. Fiamthuin ka Putea ten "a mithmul atang hian en ta che u. A kawlh leh thinchhe lutuk hi mak ti suh u,alang sa reng ania"min ti thina. Haw viah mah ila a dik tih keimah ngei pawhin ka pawm ru thlap tho.

"A va pawi tak. I pu-in a hmuh chak tehreng nen. Engpawhnise, nangmah tal ilo kal chuan a tha nimai" a rawn ti leh bawrh bawrha.

"A lo haw hunah a hranin kan kal leh mai dawn nia a tia" ka ti leh a. Ka pum no nghulh vangin ka ni deuh hlui a, nimin leh vawiin chu khawsik ser serin ka awm tlata. Damdawi ei hi ka taima lo em maia. Ei loh theih hram hi chuan ka ei lo thin a, tun tum pawh mutpui tawp tham a ni lem lo bawka,ka la ei ta lo. Mahse, tukin erawh zing ka thawh tirh atangin ka pum a no zuala. Thawh hlimah pawh Bathroom lamah ka inkhung rei phah viaua. Remsanga a awm lo hlauh zawk ka vannei letling.Awmse chuan damdawiin kal a rawt ngei ang tih ka chiang. 

Vawiin hi ka pu,ka nu pa piancham vawi 80 na a ni a. A fate hoin pui tham deuh taka lawmsak an tuma. A tute ho pawh kan phur nak nak viau bawka. Mahse,ka nuam lo ta viau hian ka phurna a ti reh deuh rawih thei. Pum ulcer nasa thin ka ni a. Kum khat vel zet erawh ka zia chho ta a. Pum Damdawi ka ei thin pawh ka thlaha. Mahse, vawiin chu pum Damdawi mai ni lo, nachhawkna lam pawh ka ei ngei ngei angai. Inhmuhkhawm tawh chuan nui vak vak mai chi kan ni lehnghal a, nuam lo bura lo awm bik kha a hit vak dawn lo tlat.

"I va da bil bel ve" chik zeta min en chungin Duatpui-in min ti a. 

"Awihawm loh e a" ka ti liam puat.

"Ania lawm. I hmel a dang tawpa.I nuam lo mi?" a ti leh a.

"Nuam lo ti ila ka pum tha lo a chhuak anih pek hi" ka ti awlsam leh mai.

"Eh, a reh tawh viau maw ka tia..Pum ulcer neih hi chu va han hneawm ve tak" a ti leh bawrh bawrha. Chhang loin ka bu liam satliah ringawt. Diktak chuan ka Damdawi ei khan min chhawk hleithei tlat lo a.Office ka thlen hnuah pawh ka khua a sik ru ser ser a, ka luak achhuak em em bawka. Chuvangin tawng chiam ka peih meuh lo.

"Nang hi.... I rai lo maw?" a ti leh thut, ka thil ziah laklawh lai ka tawp nghak hmak.

"I test em?" Rawn kun hnai chungin a ti leha. 

"Aih, period hi awl tum ka nei thina. Test tumna pawh ka nei lem hleinem" ka ti nghauh. Thlatin hunbi hi ka tleirawl lai atangin neih loh zauh zauh ka chinga. Thla khat han awl te ka nei thina. Kan inneih hnuah pawh Vawikhat chu ka awl a, beisei nei ru ranin ka intest a,Mahse ka rai lo. Tun tum pawh ka pum lam problem bakah ka awl leh dawn nimaiah ka lo ngai hmak.

"Test ang" 

"I va han phurthak tak" ka ti hlak ringawt.Mahse,rai tih tawngkam vangin ka lungphu a rang zaih zaiha. Ka hlauthawng nge pawh ka hre lo. Ka awl satliah a ni leh anga,ka rai lo ang tih ka hlau zawk nge pawh ka hre chuang lo.

"A phurawm alawm. Hrim hrimah nangmah pawn hetianga awm chuan test nachang hriat ve awm ania" a ti leh hlak hlaka. 

"Hmm,ka sawi chu. A hma pawn ka awla, ka test a ka rai lo a. Test nghal chung chung tumna pawh ka nei lo e a" ka ti ve nghauh. A chal a tichuar a,a hmel nur nang maiah chuan ka thusawi chuan a rilru a hneh lem lo tih ka hmuthiam mai.

"Pasal nei inih hi... I nulat lai anga awl satliah angah ngai mah che" a ti chhuak nghal hmak.

"Aaa, ninawm... Ka rai leh lo palh ang"

"I awmdan en chuan I rai ang. Bakah,rai loh pawhin a pawi em ni? Ngaimawh nimaia" 

"I chhe zet zawt e a" ka ti hmak ringawt. 

"Tha minti anih mai chu" 

A nui zui pawt pawt a, ngei zetin ka melh ve thung. Mahse, haw veleh test ka duh a,Damdawi ei leh mai ka tum pawh ei loh ka duh leh ta zawk. 

Office ban hun hmain ka pu tein lam panin ka chhuaka, ka thlenin chhungte ho an lo awm nual tawha. Kan inhmuhkhawm changa kan tih ziah danin kum inrual tlang deuh ho a hran hranin an lo thu bial leh tal tal tawha. Thupui fun zeta politics lam sawi an awma, a then pangpar leh thlai chanchin sawite, thenkhat lusun inhnem tawnte, thenkhat lo nui vak vak pawl an awm leh bawka. Hei tak hi ka nu te Chhungkaw inhmuhkhawm nuam ka tihchhan a ni ziah.

Ka kum rualpui ho thutna lam ka pan nghala,an vaiin min lo be chula. Nidang ang bawkin a thenin min lo fiam a,a thenin ka landan an lo sawi ve thung. Ka thu ve nghala, ka thut atanga rei loteah kan tihfo thin angin kan cousin ho zinga nuihzatthlak em em, Rinkimi titi kotlangah kan dak zui leh ta thap.

"En teh u, Lalpuii saw Mipa a rawn hruai ania" a titi laklawh pawh buai phah map loin a tihzawm zat. Inthurual ang maiin a hawina lam kan hawi rual nghal thap a. Mahse,a hnunga lo kal ve ka hmuh rualin ka nui hmel a tawp nghal riai riai thung.

"Ehe!! Lan, sawpa saw Ruattluanga ni em?" ka bul chiaha thu kan cousin ho zinga ka kawmngeih ber, Apui-in a rawn ti a. 

"Niin ka hria.." ka ti ringawt. Kan inzui lai kha kum 1 vel zet chu a ni ve hmana. Apuii nen hian an innel ve hman deuha. Midang hi chuan an hria anih pawhin an hre chiang viau lo maithei.

"Lalpuii bialpa a ni em mawni le? Ani hi Mipa hrang hrang hi a hruaia. Nihpui rei ngai bawk si lo" a ti leh sap a. Lalpuii te an rawn thleng ve chawpchilh nghal bawk nen chhan letna hun a awm ta lo a. Chhang dawn pawh ni ila sawi tur ka hre chuang hlei lo va.

Kan thutnaa thutna awlah an rawn thu ve a. Kan titi kal lai angai bawkin an chhunzawm lehnghala. Lalpui-in a kalpui pa hming a sawia, thenkhatin an han fiam nak nak nangin nuam lo tihna tur erawh chu a ni lo. Rei pawh thu loin an kal sawn leh a. Kei nen pawh a hranpa taka han inbiak a,hmelhriat hlui anga inbiak deuh hluai pawh a awm lo. Kan inhre ngai lo en vel mai mai.

Chau angreng fein ka haw a. In ka thlenin Nutei'n Tv amahin a lo en a. Midang erawh an room lamah an awm anih ka ring. Room hi an khawvel theuh a ni bera,chhungkuaa han titi ho mam mam pawh hi an nei ve ngai lo tluk a ni a. Ka awmtirh khan mak ka ti viaua,Mahse tunah chuan keipawn ngaiah ka nei tawha. Roomah ka tawm nasa ve viau tawh.

"A nuam bawk em?" Nutei'n a lo ti a.

"Um, nuam a ni mai.Inhmuhkhawm hi chu a hlimawm ve a" 

"Awi aw,I nu te vengah Pangpar ka order taka. Rawn lam kual la tha tur. Ka lo sawi theihnghilh a ni" a ti leh a. Pangpar leh thlai bak buaipui tur a nei lem lo a. Pawisaah buaina a nei lo bawk nen, a atchilh hi a ni tawp. In bula pangpar lah an nalh ngiang mai reng bawk.

"Inah i dahtir tawh mi?" 

"Dah tir lo e. Naktukah ka dahtir mai dawn mawni.I nu ka be phawt anga" a ti leh a. Ka chhang dawn a,Mahse ka luak rawn chhuak thut avangin ka lu ka bu ta zawk.

Mittui tla phungin ka uaka, ka uak nasa deuh bawk nen ka chau deuh nghulh thei. Testna tur ka lachhuaka, ka awmdanah rai ka inring ve deuh tho nangin ka rai leh lo mai ang tih hlauhna nen hlauhthawnna vangin ka awm a nuam thei lo.

Thaw dep depin ka en a, line hnih sen kalh ka hmuh rualin ka thaw nghal hawk mai..Ka rai....Remsanga call nghal ka tum a,Mahse ka rilru ka thlak leha. Thlalak ka thawn ta zawk.

Ka rin ang ngeiin msg a seen zo deuh awrh tihin a rawn call nghal zat.

"Hello" 

"Tak tak a ni em?" a aw a lawi deuh ruta. Ani leh ni lo ang takin inringtawk lo aw a hriattheih bawk.

"Midang ta ka lo thawn che" 

"Sual suh...Engtikah nge i hriat?" a rawn ti leh a.

"Tunah...Ka test zo chiaha" ka ti sap.

"Nangmah i tha em? Na i nei lo tiraw?" a rawn ti leh a.

"Tha e..Luakchhuak hi nimai"

"Ok...Eng mah na i neih loh chuan a tha. Mahse,lo che miah suh ang che" thupe aw zetin a rawn ti leha.

"Ka chet loh chuan Bathroomah hian ka riak mai dawn mi?"  ka ti nghat. Ka sawi zawh rualin a thaw hawk ri ka hre zui nghal zat bawk.

"Nghal reuh lutuk" a ti hluk.

"Che Suh i ti nih kha..Tak takin eng mah na ka nei lo a. Luakchhuak hi nimai" 

"Chu pawhnise..Eng mah lo ti suh. Ka Nutei ka rawn call ang. Room kha lo chhuahsan lo tawp la a tawk mai" a rawn ti leh a. Hnial tumin ka ang ziaua,Mahse hnial awmzia a awm dawn chuang lo tih ka ngaihtuaha. Ka hnial buai peih leh ta lo law law.

"Hna chu inti fel thei dawn em?" ka ti ta zawk. Roomah ka lut a,khumah ka lawn nghal a.

"Naktukah ka lo haw dawn" 

"Maw? Kartawpah iti maw ka tia" mak ti zetin ka ti a.

"Hna aiin i pawimawh zawk" a ti tawi tuk.

"Aaa, naktukah Doctor hnenah ka kal anga. A hranpain buaipui ka ngai hleinem"  ka ti nghat. Harsatna dang vang ni lo, rai nih vang a buaipui ngai lutuk nih hi ka tum lo bur.

"Nangmahin Scooty i khalh anga..

Ngaihtuah lo mai teh" a ti hluk.

"A ho em mai. Midang min hruai turin iti mai dawn lawm. Hna tihfel hmasak kha a pawimawh zawk" ka ti leh a.

"I inenkawl thei lutuk tih ka hriaa.Mahse,tunah kha chuan mahni a thiltih tum kha bansan phawt rawh.Thupek anih chu aw" a ti dam leh thlupa. Mahse,a aw Adam vang ngawtin nawrluih chi a ni lo tih ka hre thiam ve tho.

"Ok..Ni rawhse..Mahse,Nutei chu la hrilh lo la. Doctor- in confirm phawt se"

"Ok.. I tihdan dan le" a ti dam leh thlup.

Ka harh rual rualin luakchhuak in minti buai nghala. Ka khawsik lah a reh hleithei bawk si lo. Hna pawh chawlh ka la ta ngawt. Nutei hnenah ka nawm vak loh thu leh hna ka chawl dawn tih ka hrilha, ka nawm loh chhan min zawt a. Ka pum a nuam lo tih chauh ka hrilh.

Zing atangin Remsanga'n min rawn call a, darkar tin deuhthaw a rawn call a ni ringawt. Min ngaihtuah vang tih hre tho mah ila ka nuam lo bawk si nen ka thin a tirim hlur thei zawk.

Ka phone nghawr dar darah ka harh zawk. Khuma thu mu chungin tv ka en a,ka lo muhil daih chu niin..Remsanga bawk anih ringin phone ka bana, Duatpuii zawk.

"Eng nge?" Hello pawh ti loin ka ti a.

"Eng nge i an? "

"Ka tha..in buai em?" 

"Buai hi chu dan pangngai ania.. Ngaihtuah suh.Dam phawt la a tha" a rawn ti leh a.

"Nia, Mahse a inthlahrunawm ve det" 

"Ho e...Ka dah dawn. I pu Duhtakin min ko" thawveng zetin a rawn ti leh a. Ka nui ve hak hak mai.

Ka tho a. Balconyah ka chhuak pheia.Ni a lo tla dawn tawh a. October thla tantir chauh la ni mah se a thlasik khua ruih tawh a, lung a leng vawng vawng thei.

Ka ril a rawn tam raih raiha,zingah khan chaw ka ei mumal lo bawk a,chhunah lah eng mah ka ei leh bawk si lo nen, riltam pawh a awm viau. 

Inhnuai lam ka pan thlaa, step chanve vel ka kal hman tihin Remsanga a rawn lut ve chiah.

"E, Mama chu ilo va let leh hma si ve" mak tih hmel deuhin a ti a.

"Nia, lo let leh si" a ti awlsam mai. Min rawn en a, Nutei pawh a rawn hawi ve bawk.

"I nuam deuh tawh em?" A ti nghal var.

Ka zia deuh thu ka hrilha, Mahse Remsanga inchung lam a rawn pan takah chuan ka zui chho veleh ta zawk.

Room Kawngkhar a hawnga, a bag thutthlengah a thehthlaa. Eng mah sawi loin alamah min pawt hnaia. Min kuah bet zui nghal a. Ka chhip samah a rawn fawp zui nghal vang vang bawk. Eng mah sawi lo mah se a awmdan chuan min fana, a kawngah ka kuah ve a,a awmah ka hmai ka phum kak bawk.

"Inbual la" ka ti sap.

"Um... Inbual ang"

Min kuahna a thlah dula, Mahse ka biang tawn tawnah a rawn vuana. Amah en thei turin min kuaidaka. A hmelpa leh nelawm lo zet thin kha awm loin alang dam thlup a. Min duatna a mitah Chiang takin ka hmu thei bawk.

"Fa kan nei dawn" inringtawk lo hmel zetin a tichhuak sup.

"Eng mah fiahna pawh ala awm lo a.Bakah, vanduai chuan...." 

Ka sawi zawh hmain a hmui lum thar tharin ka hmui a rawn khar zui hmiah.

 Inbual tura a luh veleh inhnuaiah ka chhukthla ve nghala. Thingpui in loin juice ka in a. Chhang bawm ka hawnga, cake a lo awma. Ka hmuh rualin ka luak a tichhuak leh ta tlat pek.

Room chhung ka lut fel chiah tihin Remsanga phone a rawn ri ve chiaha. Ka pan pheia,ka lakanga. A rawn call tu hming ka en a, number ringawt.

"I phone hi ka lo pick dawn em?" Bathroom kawngka bul atangin ka au a. "Tu nge?" a rawn ti a. Number ringawt anih thu ka hrilha. "Pick lo mai rawh" a rawn ti leh a. Ka thle bak ringawt. Diktak chuan a phone hi a ri ngun lutuka,zanah chuan a phone pakhat zawk hi a off daih zel hrim hrim.

A phone charge sak leh tumin ka kal pheia,msg a rawn lut a. A lock nangin a hmuh theih tho.Mahse, ka kal lai ka ding chawta,phone ka melh reng ringawt.

"Lalnunpuii Banna thehluh kha pawmsak a ni e"

Keimah lo Lalnunpuii an awm anih pawhin engvangin nge kan Boss hnen atangin msg a dawn kher ang? Mahse,ka bang hleinem...

PS: Insawi tum ka hre vek..A chawlh rei rei nen a ziak tawia,a ngaihnawm lo si, spelling mistake atam si inti😆