30(LALTHANPUII) completed

 October 18, 2017

30(LALTHANPUII)

Maengi ralte

Chapter - 1

Lungawilo zet hian ka Hma a Laptop ka en a, Nidangah ka chungchang an sawi hi ka ngaipawimawh ngai vak lo a, mi troll vel nuam an ti anih hi ka ti mai thina, mahse hei zet hi chu a em em tawh tlat...An duh duh min kawp kual tir a, an sawi te hi ka hriat ngai pawh anni hrep hlawm lo, Comment na ka en kual leh chuan a pangngai hlawm viau..mahse,hmeichhe pakhat Comment na chuan min khei deuh zak mai..’ he pa hi tunge a?,in ti lar lutuk,a ninawm” ti in a Comment a , a Profile check tumin ka lut nghal a, Lalthanpuii Ralte a in ti a, a thlalak ka en kual chuan a tam zawk ah chu a awm chin chunglam hlir a alanga, a Sam a dum hlap a, make-up a a lawm vak lo anih ka ring,a hmel a fiah tha in a lang natural thei viau,a naupan vak tawh lo hmel a,a Biangsum a khuar kalh chu a chhuang viau a ni phawt ang,a thlalakah chuan a Biangsum khuar kalh a lang tel deuh vek mai...A Phurawm dawn riauin ka hria a, Friend Request ka thawn nghal a, a Online reng a, mahse a Confirm duh thak lo.

“U....ka thiannu khan chaw a rawn ei dawn a,vawiin tlaiah..a pawi em?” tiin ka nau in min rawn phone a, tu a Thian tak ni leh ang maw???....’Pawi hleinem,ka lo haw tlai dawn a,in 2 in lo ei mai ru” tiin ka chhang a, Nu leh Pa tel lo in ka enkawl seilian a,ka theihtawk a tha in ka enkawl a,ka duat bawk..Ani pawn min zah in a tan chuan Nu leh Pa ka ni takmeuh a,tul tawp ah lo chuan ka hau ngai hek lo, mahse...tun hnaiah a Bialpa nen an inthen avangin Namen lo in a na a, Depression a nei zuia, Psychiatrist pan tur a ka nawr fe hnuah a kal duh ve ta hrama, kalpui ka tum erawh chuan amah a kal a duh zawk miau a,ka hnial buai ta lo,a hlimna anih phawt chuan a duh duh ti se pawi ka ti lo.

Kan In ka thlen in Kawtah Eon Pawl tak zet hi a lo awm a,Garage ah ka Car ka dah fela, Bag khai a ka chhuak chiah chu Kawngka rawn inhawng a,Ka Nau leh hmeichhe pakhat an rawn inzuia, a hnung a Hmeichhe rawn kal chu a hmel ka hmu  chiang thei lo, a Sam dum hlap leh ngil sang chu a Dar chen ah a tan rual hmak tih ka hmu theia,a sam atangin hriatchhuah ka nei tlat. An rawn phei paha a hawi kual chuan a hmel ka hmu ta a....Kha nu kha a lo ni teh tlat...a Biang vei lam chu a nuih zawngin a khuar kalh a, a Ha var nalh zet a lang bawk a..A taka han hmuh takah chuan a hmelthat zia a chiang lehzuala, Mahse...a Thau lek lek..

"I lo thleng tawh law? I motor thawm ka hre lo reng reng, U...heihi ka thiannu Thanpuii chu nih hi..” a rawn ti nghal bawrh bawrh a, a hming pawh a dik ka lo ti ru thung a.A Mitmeng lian kel kawl chuan min rawn en a, Light engah chuan a Sam Dum hlap mai chu a lang tle siau a,a Kekawr hak Dum,tlem a thawl lam leh a kawr nghawng zau lam hret te chu a inhmeh vel vek, a kut a rawn phar chhuak a, a nui sak a, “I awmloh laiin chaw te ka lo ei ve ngawt a, ka hmu che chu ka lawm hle mai” a rawn ti a,a aw pawh a nalh ka lo ti leh hmanhmawh a,amah nena inhmeh lo tak a kut zungtang sei sal leh fai sar mai chu ka vuan a,nghet zet hian ka hmer a,ka thlah leh vat a, “A pawi lo...i haw tawh dawn mi?” ka ti ve nghala, a bu nghat a,be zui tawh lo in Inchhung ah ka luhsan a, ka chibai lai khan engtin emaw tak ka awm a, khatiang khan ka la awm ngai pawn ka hre lo.

“U...kha nu kha ka Thiannu tih em em tur pawh a la ni chiah lo a..mahse, ka ngaina lutuk” tih pah in ka Nau ka Khumah a let kual vel a, ka thil tih lai ka tawp chawta...’ka Thian kha iti sia “ ka ti deuh hmuka, ka duh aiin ka aw pawh a chang hret...`nia.....ih...ka Doctor anih kha...kum tamtak hre tawh ang mai niin ka inhria asin..a hmeltha a,a rilru pawh atha..” a tih zawm leh a...a Doctor maw lo ni??....`um....anih chu mawle...a fel chuan a tha alawm” alangah chuan ka ti liam mai. "Chuan maw....tunge ka nih a hre lo a,i Nau ka ni tih a hre lo ka tihna anih chu” a ti leh a,ka chhang lo...Aizawla piang leh seilian anih chuan ka hmel hre lo mah se ka eizawnna avang leh ka lerh avanga troll nasat lutuk ka nihnaah ka hming tal chu a hriat ka ring. 

Kum 12 mi lek ka nih laiin ka Nu leh Pa in Accident ah a rual in min boralsan a, Ka Nau nen chauh min kalsan kha ka tuar thiam thei lo, ka na a,awmdan tur ka hre lo, kan chhungkaw sumdawnna ka pa in a enkawl zozai te,kan thilsiam chhuah lar tan mek te kha ka kut a awm tur chuan ka la tlin lo a, ka thei hek lo...mahse ka Pa Manager, Pa fel leh rintlak, Riltu tluang bawk si khan engkim a enkawl chho a, Ka pi leh Pu in min rawn awmpui bawk a, Kum khat chhung kha chuan rilru mumal ka nei lo,ka zirna ah ka hnufual nasa a, nimahsela Ka pi Tawngtaina chhan in a awm a, ka a ta lo hlauh..Ka Nau in keimahah rinna a nghat a,a engkim ka ni tawp mai. MBA Ka zawh veleh kan Sumdawnna zawng zawng ka kutah awm in ka enkawl zui ta a, Kan Manager erawh chu ama eizawnna tur engkim bul tansak in tunah chuan kan chunga a thatna te zozai kha Pathian in a chhanglet a,an eizawnnaah an tluang a,an tluan zel pawh ka beiseipui a,ka duhsak takmeuh..Chhungkua kan ni zawm zel a, a Fate ang maiin min ngai a,keini unau tan pawh Nu leh Pa nih a tling takzet...Ka pa te Unau hi mipa 2 chauh anni a, a nau hian a tawngkam chauh in min hmangaih a,A Nupui a ngam loh vang ah ka puh ber..Kum 3 liam ta a ka pi leh pu an dam lai kha chuan kan inpawh ve deuh thina,tunah chuan mihrang ang hlauh kan ni..Ka Nu erawh kha chu Famal a ni a,a nu leh pa an Boral hma avangin a ni in a enkawl a,kan inpawh lem lo.

“u....” ka Nau in min rawn kuah pah a atih chuan ka ngaihtuahna atangin ka harh zawk a, ‘um..” ka ka tih chuan min thlek ha a,` enge i ngaihtuah a?,i awmdan amak vek alawm “ a ti a,min en kal bawk,a zat vang niloin ka nui a, ` engmah ngaihtuah lo e, i Pasal neih hunah engtin nge ka awm ang tih lam daih ania” a khabe tuai sak zauh pah in ka ti a,a nui ar ar a, ` Pasal ka neih hma in Nupui tha tawk i nei phawt ang chu..nupui i neih chuan min ngai teuh lo” a ti zat zat a,` min zawnpui la...” ka tih laia a lo nuih chuan ka sawi zo lo,a hmui a tipawrh a, ` zawnpui i ngai lo em mai..nang a ia luck an awm lo ang aw..i Bialnu thar miin an sawi nasa thei em mai...” a ti leh a, a sawi dik...tunge annih pawh ka hriat loh hi ka bialnu thar an lo ni leh mai thina, Diktak chuan Kawp nghet ka nei lo va,mahse Hmeichhe tel lo in ka awm tihna ani chuang lo..Tlangval hausa tiin min sawi thin a, chupawh a dik..ka hausa a,ka Hmeltha vul chuk hek lo. Mahse,ka Sang a,ka Pian  a nalh tih ka hriaa,Chhuan pawh ka chhuang viau..Ka Eizawnna ah Boss ka nih vang erawh chuan ka kum dik tak aiin ka lang upa a,Pawi erawh ka ti lo..Ka sumdawnnaah hian a tha zawk anih phawt chuan engmah tih hreh ka nei lo a,Mi ten elpui atan a duhawm lo tiin min sawi thin a,heipawh a dik..ka duh tawh phawt chu neih tum in ka bei thin a, ka nei ngei ngei bawk.

Nileng in ka hna ah ka buai a, ka haw veleh Betsy nen chaw ei chungin kan Titi a, Kalsan mai lo in Common Room ah thil chi hrang hrang kan sawi kual dun leh a, ka hnathawh na lam a ka chau pawh a bulah hi chuan a reh huai huai thin a,kan unau chauh mah ni ila midang kan mamawh lem lo. Kan awmpuite erawh hi chuan min nel hlawm lo a,Betsy erawh chu thian ang maiin an kawm bawrh bawrh thei thung.

Ka Phone ri ral ral chu ka en a,ka ner sak mai..a zaithiam ai mah a a hmelthat avang a lar zawk,reitak ka lo kawp ve tawh thin, Kimkim-i a lo ni a,kan inthen hnu ah pawh kan inkawm zui zel a,ka duh phawt chuan engtik hunah pawh ka riahpui thei bawk a,min runluih nan midang han kawp ve thin mah se a lo let leh ngei ngei a ni mai..a sawi dan tak in min Hmangaih pawh a ni mahna...Mahse enge Hmangaihna hi ni ber ang, sum leh Tisa in it tawnna bak nula leh tlangval karah a awm tak takin ka hre lo. 

“Hello..” ka tih chuan a rawn nui ar ar a,

“hey...i va Cool ve a,Naktuk zan kha i theihnghilh ange aw?” a rawn ti talh talh a,diktak chuan ka theihnghilh chiang khawp, rawn sawi leh lo se chuan ka hrechhuak kher lo ang..“um...theihnghilh nang....chicks an tam dawn phawt te chuan....” a langah erawh chuan tha takin ka ti a,a rawn te deuh that thung.,chhaih thinrimdan ka hria a,tih lungawi leh dan pawh ka thiam tho..

30 “ – 2

Mu chungin Game ka khel a,ka khelh laklawh laiin thil hriatchhuah ka nei thut... Lalthanpuii khan ka friend Request thawn kha a Accept em tih ka check nghal a, a lo Accept tawh ngei, ka tih ngai loh dan in ka kut in min hruai leh tawh,ka va inbox ve thawr, ` thanks’ tih ringawt ka thawn a, rang fe hian ` wc ‘ a rawn ti let a,ka tui tan tlat...` I Dam maw?’ ka ti let ve nghal a, mahse a reh ta hmak...ka nghah deuh vang vang hnuah pawh  Online reng siin min reply ta miah lo...eng hmeichhia nge maw anih teh hrep ni..??

Enge keipawh hian ka beisei ka inhre bik chiah lo, mipa kawp lai pawh a nei ngei maithei..mi pangngai chunglam anih hmel a,hna tha tak neiin a hmelthat bakah a Duhawm thlawt leh nghal a, a Single lo ang. Single lo engang pawh nise a pawi ka ti lo...ka bei chin reng reng dawn a ni tawp mai, amah anga min hip tu hi hmeichhe ka la tawng ngai lo. Cher lam aiin thau lam mah a ni a,a te chhe lo viau. Thau lam ni mah se  thau lutuk leh mawi lo khawp a ni lo va,a vun no leh thianghlim sar nen phei kha chuan thau a inhmeh hliah hliah.

Kimkim-i te In ka luh rual chuan Music ring zet ka hre nghal a,an tam phian lehnghal, min hmuh veleh min rawn pan a, a rawn nui phei var var bawk. Diktak chuan a hmel hi chu a tha chiang alawm..mahse ka Hmangaih thei lo ani phawt ang. Min duh em em chungin sex hmanpui atan bak ka duh lo. Chutihrualin, unau inhmangaihna bak Hmangaihna dang hi ka hrethiam lo tak tak zawk pawh a ni thei tho.

“khawnge i chhungte?” ka ti nghala, No min rawn pek  ka la a, ka thawk khat pawp a, ka Pum a sa thla ham ham bawk. Nui chungin ka banah a rawn kuah a, min nek palh talh talh . 

“An zin vek ka tih kha..ngatinge tunlai hi ka thil sawi i hriat theih miah loh a?” tih pah in min rawn melh chho ha a,a Hmui sen hlar mai chu Fawh cho zet hian a tipoh lah bawk a

“oh....sorry...ka ngaihtuah nasa deuh che a, ka sawi awmzia chu maw nangmah chauh tihna nih chu..i chhungte tel lo in..” ka ti thuaia, ka nui lui a, a Hmui sen hlar chu nalh teh mahse min hip lo...kha nu hmui, lipstick vanga sen ni lo, no nalh tak si khan min hip zawk fe. 

Midang lo thleng te ngaihven tur in min kalsan a, kei lah ka thawveng huai bawk, mi zing ah a ta ang mai a min cheibawl vel hi ka hne ru thin a, mahse ka tilang ngai lem lo..

“Hey...Man....Zonunsiama kha i ni tak tak em?” ka Dar rawn khawih pah a min titu chu en tum in ka inher a, Kei ai chuan a tawi zawk a,a Sam a buk hle bawk..tunge anih ka la hre mai theilo zui a,ka mit ka khap zawk a,` um...ka ni e...mahse,minlo hrethiam teh,ka hre mai lo tlat che” inthlahrung ru chung hian ka ti let a,a ner nunga a,keipawn ka hre lo chu nuam ka ti lo, ani lem in ka Hming pum in min ko thei si..

“e...nidawn tak, kan inhmuh lohna a rei tawh alawm..School kan kal ho thin kha...” ati a,ka la hre chuang lo,

“Chuti maw?....khawi School ah nge?” ka la ti ta fo..

“Delhi Public School ah khan..Basketball ah kan Captain i nih thin kha..chuan,keini chu Hostel ah kan awm a,nang chu In atangin i rawn kal thin kha...” a tih leh meuh chuan a chiang ta...

“Ekhaiii,....Rishi....i ni tiraw?....ava mak ve...!!!” ka ti ta hluai  maia,Mizo Pahnih chauh Basketball Team ah kan awm thin miau atin ni. Mahse, ka hai erawh nuam ka ti lo ve det..Rishi tih pawh hi ka Phuah sak a ni nghe nghe a,a hming tak erawh Lalrinawma niin Mama tiin an ko thung a,kei erawh chuan Rishi ka ti hlen ta..

“keipawh ka hai thelh tho che alawm,Mizorama ka rawn haw hian tum khat chu ka Nau in a Mipa duhzawng min hrilh a, tu dang nilo in nangmah ilo ni peka, in sumdawnna lam a tluang em?” a ti leh zung zung, ka bu nghut a, anni pawh khawsa nuam tak anni thin a, a hawi her ah an la pangngai anih ka ring mai, tunah chuan Doctor a lo ni tawh a, kan inbiak pawh tawh ngai loh avangin ka lo hre lo mai mai zawk a lo ni.

“Nupui lam te hi?” a tih chuan ka nuia," ka duhzawng ka la hmu lo nge min duhtu ka hmu lo pawh ka hre bik lo” ka ti a,a nui huk huka,  "ka va awih lo e aw...i lar tih ka hria ania.Kimkim-i hi permanent address atana i hman a ni tih ka hria alawm” zawi deuh zawk hian a ti a..mi zawng zawng hian Kimkim-i hi ka Bialnu a la ni reng emaw an ti miaua, a awm ve tho. 

“nang zawk ?” pha buai duh loin ka ti a, `Ka rawn hruai alawm...lo kal rawh,ka hmuh tir ang che,mahse...in lak zei vel kha tum lo " Phur surh leh nui hawk hawk  hian a ti a, a,a kalna lam ah ka zui phei nghala. Choka luhna tur bul thutthlengah chuan Hmeichhe pakhat hi min hnungchhawn zawng in a thu a, Tlangnel zet hian Rishi a thu ve nghal a. 

“Jes....ka thianpa Zonunsiama hi han chibai teh..” a ti a, hmeichhhia nui chung a a rawn hawi let chiah chu ka rin loh lutukin kha nu Lalthanpuii kha a lo ni reng...Ani pawn min hmu chu a nui tawp nghal chawt a, a awmdanah chuan min beisei bik lo a ni tih a chiang reng. 

“Ehe...nang maw?” ka ti deuh hmuk a,ka ngaihtuahna tilang lo turin ka in control a ka aw ri pawh a chang hle bawk.Rishi-a chu phawk fe hian a rawn hawi a,min melh tawn seka, a hlauthawng a ang zawk mah.Mahse engatanmah min ngai lo tu Hmeichhia a ni tih hria se chuan lawm in a lam hial maithei..A  kut rawn phar chhuah chu ka haider a. 

“in lo inhre sa elaw?” Rishi-an a ti leh a. 

“aw.....ka Thiannu U alawm’ a ti a, a Hmeltha kher mai tih ka lo ngaihtuah leh hman daih thung. Min rawn en chuan ka bu ringawta,Rishi hahdam nghal huai hmel chu ka khawngaih zawk,` Thinnu tih kha a dik chiah lo deuh...ka Nau Betsy Doctor ania” ka ti ve nghala,mahse engvangin nge Rishi khan `Thanpui’ ti lo in `Jes’ a tih daih chhan ka hre lo..

Eng eng emaw kan sawi nual hnuah ka kalsan ta a,hriatthiam chiah si loh hian a mitmeng chuan min fan tlat a, Rishi an inti ta tu taka a kuah vel kha hmuh nuam ka ti lo niin ka hre bawk. 

Ka meng chhuak a,mahse ka lu na ngut ngut vangin ka maimitchhing leh nghal a, Nizan khan ka in viau anih tih ka hria....kha Hmeichhia vang vek kha a ni...ka inlet thawk a,ka Phone ka zawng a,Ka hmuh veleh ka en nghal a,Missed Call a lo awm teuh a, hna atang leh Betsy min rawn call na a ni hlawm. Hmeichhe kut nel thap in min rawn kuah chuan ka inthlahdul nghal a, ka chungah a rawn bawk a, Kimkimi hmel pawr phang chu ka hmu a," LALPA leh....ka rui mah mah a ni" ka to rilru a,nizanah enge thleng ka hriaa, tunah chuan tih nawn leh chakna ka nei lo,a taksa no nalh tak pawh chuan min ti danglam eih lo.Ka nam sawn a , a rum tiah tiah a, a beisei ka hria. Ngaipawimawh duh lo in ka thawhsan zui daih. 

Kan In ah haw lo in kan Farm House ah ka riahpui a, kan thiltih dun kha nuam over ti a sawi tur a ni lo a, a hrehawm chuang hek lo. A zei em em a, nidang ang chu la ni se nuam ka maithei,mahse tunah chuan Thanpuii zawk ka Mitthla zel avangin nuam ka ti tak tak tawh lo..Shower hnuaiah ka ding a, Bath Room chhung Darthlalang awm ah chuan ka taksa ruak vek, khuhtu awmlo chu ka thlir vang vang a, Kha nu `Thanpuii’ nge "Jes" kha..Hming 2 nei mah se mipakhat a ni a,ka Thian hlui Kawp lai mek a ni bawk...Ka tih tur ka hria...ka theihnghilh angai,ani aia hmeichhe hmeltha leh fel, min duh ngawih ngawihtu an tam em mai. Tu nge anih pawh ka hriat chian loh vanga buai hi ka tih dan a ni lo,Zonunsiama, ban phak china awm chu duh apiang nei ve thin, engkim hmuh theih china a tha ber zel nei thin hian, Doctor Thau satliah lakah ka nihna hi ka hloh tur a ni lo.

Kimkim-i inpeih veleh kan haw nghal a, Kal pah in Hotel ah chaw kan ei a,Office ah tlang nghal ka tum tih Betsy ka hrilh a, ka tihfo dan anih avangin min ngaihtuah lem lo.Ka riah bo san fo a, kan awmpuite leh Driver te an fel a, ka ngaihtuah vak lo.Kimkim-i zi mar ar ar chu ka en zawk a, “ I chhungte an awm der si lo a, tunge in In ah khan riak dawn a?” ka ti deuh nghuta, a thaw deuh ham ham a, “Nizan khan Ka Cousin a tel ve alawm..a Bialnu a riahpui bawk a,nuam an ti khawp ang” a ti liam puat a, hmeichhe ngaihsam ve tak chu a ni, “i Romeo chu a lawm lo khawp ang...nizan a kan thiltih phei kha chu hria se min that duh ang a” ka tih leh chuan a nui hak a, “aman a tan hmasa anih kha...a ho lutuk, nang hi chuan min Nei dawn lo tih ka chiang a, chuvangin zan khat lek pawh ka thlahlel che a lawm” a ti leh mai a, Hmeichhe mak tak chu a ni. Ka nei dawn lo tih a hriat chuan min Mutpui duh lo tur zawk a ni a sin le..Kei kher ka ni hi a tawng vannei pawh a ni mahna, engmah ka sawi ngai loh avangin tuman nula ho leh Sex hman hreh lo a ni tih an hre lo, kohhran leh khawtlangah pawh a active viau a,a inthlahrung lem lo a ni ngei ang, kei erawh hi chuan ka hna bak engmah ka ngaihven lo a,a chang chuan Sunday hi ka haw lek lek zawk. Mahse Betsy-in Biak in a Pawisa thawh tur a sawi hi chu a sawi zat apiang ka hnial ngai lo,ka ngaihtuah peih lo a,ani tal in a peih chuan a tha animai. Kei chuan chhun lama ka hna thawh a, zan ah Party na tur a awm a kal leh zin kual hi nuam ka ti ber.

Nileng in hna ah ka buai zuia,Factory lamah Complaint chhete a awm a, chinfel mai ka tum laiin rin aiin a khirh ta riau a,ka buai phah ta hrep zawk. In ka thlen a kan Gate chhung a Car pawl lo ding ka hmuh rual chuan ka mood a danglam nghala..He nu hi lo kal tawh lo turin ka hrilh angai, ka hnaih a awm tur in ka duh miah lo. Mahse, a chhan pawh awm lo va lo kal tawh suh tih ngawt chu harsa ka ti maithei.

Garage ah Motor ka dahfel a, Betsy Car a awm lo tih ka hmu a, Thanpuii car a awm thung si avangin Betsy nen an chhuak dun annih ka ring leh a. Heng thil hrang hrang hi Inchhung ka luh hma in ka ngaihtuah kim vek hman a ni ber.

Inchhung ka luh veleh kan Nula pakhat,kum 5 lai kan hnen a awm tawh chuan min lo chhawn vat a,

“U Betsy khan a Call tlang thei lo che a, a thiannu nen khan kalna tur an nei a,kan rei lo ang ati” a lo ti sawk sawk a, ka bu nghut a,ka Room lam ka pansan ta a,an lo awmlo chu ka lawm nge lawm lo pawh ka hre chuang lo.Betsy ka Call a, a la Pick thei miah lo zui.Ka thawmhnaw ka thlak a, zan hmasa vang khan ka la dik thei lo, vawiin ah nilengin ka buai leh bawk nen. Ka Room chhungah Hahdam tak in Tv ka en a, ka taksa awmdanah hian chawlh hahdam ka mamawh niin ka hria. Ka nuam lo deuh bur tihreh nan Damdawi ka ei a. Tv ka en leh a, ka ngaihtuahna ka kawm paha,khawvelah hian engmah it leh duh ka neih pawh ka hre lo.Nu leh Pa erawh neih ka la chak a, ka Nu leh Pa kha la dam se tuna ka mizia leh hlawhtllinna hi ka nei kher angem tih ka ngaihtuah zela. Ka pa damlai pawhin kan Sumdawnna hi a hlawhlting sa a,mahse ka enkawl ve theih hnu hian nasa tak in a thang a,ka hlawhtlinna ka ti ve thei tlat.

Room kawngka a rawn inhawng rawp a,Bethsy a lo ni a, kan inchhungah hian kik lo a ka Room lut ngam tur chu Bethsy bak an awm lo, a mit bui lak chu ka hmu nghala,atap  a ang viau.

“Ka Call tlang thei lo che a, Thanpuii nen kan chhuak lawk a,chaw i ei tawh em?”a ti zung zung a,inthup tum mah se a awmdan danglam chu ka hre tho..ka tho nghala. 

“Ei lo...ila ei loh ka ring a, ka lo nghak che a,khawiah maw in kal?” ka ti a,za lo zet hian a then sak a. 

“ih....englo...U...min hau lo la,Ma-hlima ka hmu a...” a ti chu a tawp lama riat nawi kual zuia,kei erawh ka sa nghal phat mai. Mahse Bethsy chungah ni loin Thanpuii chungah zawk ka thinrim..Kha mihring vanga a nat zia a hriat pui ngei anga,a Doctor ani tlat, mahse eng vangin nge a han hmuh pui leh kher kher ni? 

‘ok....hau dawn lo,puitling i ni tawh alawm,i peih chuan ei nghal ila,ka ril a tam asin” theih tawp a zaidam hian ka ti a, min chhang nai loin min rawn kuah a,

"Thanpuii pawn chaw a ei ve nghal dawn a..” a tih chuan ka thaw hawk ringawt...ka hau phal lo a, mahse a Doctor tehhrep vang hian kan la in hau fo maithei a ni. Ka Hmeichhe ngainat loh ber mai a ni miau si a. 

Chaw kan ei chhung in ka tawng lo reng reng ,vawikhatmah Thanpuii zawk pawh ka be lo hrim hrim,ka melh miah lo a ni mah zawk,Bethsy nen an tawng dun siam siam a, a tawngduh ve phian a,a kut zungtang ngo leh fai sar mai erawh chu ka melh lo thei lo, a sei sal a,a mah a lang thau deuh nen a inhmeh lo lek lek zawk.Dawhkan ka thawhsan a, Chair ka nawr rik deuh pawp ah chuan min rawn melh dun hra a, an Phu dun nasa hmel kher bawk. 

“Thanpui, ka be lawk duh che ania,i ei zawh hunah Inchungah ka lo nghak ang che” ka ti hmuk a, a ang phiau lehnghal a, ka biak duh thu a hriat vanga angaihna hre lo lutuk hawi buai hmel chu hmuhnawm tak a ni..

“U....eng thil nge?” Bethsy in rang zet a a rawn tih chuan ka nui lui a. 

“Keima Mimal thil ah mawle, a Thianpa hi ka thian hlui ania” ka ti hmuk a, min chhan let leh hma in ding zet in Dinning Room ka chhuahsan ta daih, eng vang a hmanhmawh viau nge ka nih pawh ka hre chuang der lo.

Inchung Balcony ah kan ding dun a, kan ral lehlam chu hmuh nei niawm tak hian a melh ngar a, a kawr hak hring duk chuan a ti lang ngo in a thar sar a,a Sam erawh chu a tawn kang vah thung a,

“enge i sawi duh?” a ti a, a rawn hawi chuang lo. 

“Engvang in nge Bethsy hi kha mi ang lo pa hmu tur a i hruai?” ka ti tlang pawh, ka aw ring lo mah se a fiah kek kawk hle thung,a rawn inher a, a mit lian kel kawl chuan min en a. 

“A tul avangin ....chuan ka hna chungchang anih chuan sawi dun tur kan nei lo,ka kal ange” ati hmak a, kal tumin a inhera, mahse a kal tur chu rang zet hian a banah ka man a,ka pawt let dawrh a,a inring lo lutuk leh ka chet dan tehthut chuan a thawng a ni ngei ang,min rawn bawh rawk a, nghet zet hian a banah ka hmer a, ka kut lehlam in a kawngah ka kuah a,ka kuah takah chuan ka hmuh dan ang a Thau kha a lo ni tlat lo..

A mitah tak ka en a, “Thanpuii nge `Jes’ zawk i nih ka pawisa lo, `Thanpuii’ hi a fel a,`Jes’ zawk hi a tenawm pawh a ni thei, engpawh i nun nise pawi ka ti lo...mahse Ka Nau hi ka tan chuan a pawimawh, a Doctor i ni a, i lakah Beiseina sang tak ka nei bawk, vawiin tlaiah khan a tap tih ka hrethei a, nang hian a tahna tur in engmah i ti tur a ni lo...hre reng tawh ang che” awki hriat nuam lo takin ka ti hmuk hmuka,ka aw ki nelawm lo leh ka thilsaw vangin a hamhaih a ni chek ang, tal chhuah nachang hre lo in ka kuah ang ang in a ding khawng lah ringawt . 

“30 ‘ – 3

Nu te chhia a ni lo va,mahse ka tan chuan a lian hran lo, a sam rim tui zet chu ka hre theia, ka rilru ah eng awm ka hre lo,ka kun hniam thuta,tum lawkna pawh awm loin a nghawr sang vah,var haih maiah chuan ka fawpa,a vawt deuh thlar mai. Harhchhuak thut ang mai hian a tal thut a, min nam sawn sawk a, kuah lui loin ka thlaha, khawih leh hlau niawm tak hian ka piahah a ding a, min en lo in hnuai lam a bih ngar a, keipawn ka chetdan kha a mawi lo tih ka hria a, nuam ka ti chiah bik lo…

“ka kal ange, Bethsy chu nangman lo hrilh mai la, ka enkawl zawm thei tawh lo ang” a tih chuan a aw a zawi viau nangin ka hre chiang em em tho. Ka melh vaka, 

“Eng vang in maw?, tun a ka chet dan vang khan maw?” ka ti a, a rawn hawi chhuak chu amah diktak a ni leh tawh. A Biang a sen tan a, a mit meng lian kel kawl ah chuan a in ringtawk leh hle tawh tih a lang a, tawng loin a nui haka, ....a nui ri hian a nui ka hriat hmasak ber atang khan min fana, tunah pawh chhunglam min fan leh raih raih tho mai. 

“Ni lo e...i bulah kan awm anih chuan khang te kha chu a thleng tur alawm..mahse, hre rawh, kei chu hmeichhe dang ang ka ni ve lo, i duh duh i tihpui chak a zui huam huam tu che ka ni ve lo ania” ati ta sak sak mai, a aw ah chuan min ten em em tih ka hria. 

“Chuti maw? A va ropui ve...i nghawng a ka fawh kual lai khan i sawisel si lo a..” ka ti hmuk a, a then sak a. 

“Mihring ve tho ka ni a, midang i Hipna Nasa deuh kha keimahah pawh tlem te a thawk ve a ni mahna...” a ti leh hmak a, a hawi sang vah bawk. 

“Min hriatchian hmel hle mai...” ka ti leh hluk ringawt,hmaichhana min tham lo lutuk tu ka tawn vawikhatna a ni a,ka buai ve det..A thle zauha, 

“Hrechiang vak lo che...mahse Virgin Killer i ni tih te chu kei lo Hmeichhia tawh phawt chuan an hria ang chu..” a ti leh sak sak. A sawi zo chu a inher hmak a, ka chhan leh hma in a kal ta daih a, hawi pawh a rawn hawilet lo...

A hnu rei vak lo ah Car tlan chhuak thawm ka hria a, kei erawh Balcony ah ngaihtuah mumal pawh nei lo in ka la awm a, Betsy kha a enkawl duh tawh lo tak tak anih chuan ka hrilh ngei angai ang, pawi tawp lo...ani aia tha an tam lutuk..

“U....i bulah zan in chu ka lo riak aw..” titu Betsy hmel chu ka en a, dik lo a awm tlat...kan Naupan deuh lai chuan ka bulah mut a ngen fo thin a, kan han Puitlin tak hnu hi chuan a sawi ri ngai ta lo..

Ka remti tih a hriat veleh khumah a lawn nghal a, kei erawh chuan Chelsea leh Arsenal inkhel ka en a, ka tang lutuk ka in sehruh teuh reng mai... ka en zawh meuh chuan Betsy pawh a hnar sak sak tawha,Light ka Off a, ka tih ngailoh dan in ka Thawmhnaw hak lai nen ka mu a, Muthilh mai ka tum laiin kha nu Lalthanpuii bawk khan ka ngaihtuahna a rawn luah leh tawh, a tawng danah khan ka chanchin mawi lo lai apiang a hria anih hmela, min hre lo emaw ka lo ti a, min lo hre khawp anih kha..mahse, Virgin killer ka nikher lo..hmeichhia Tu mah ka tilui ngai lo,ka tilui lo mai pawh a ni lo,an mahiin min pan zawk thin. 

Zing ka harh chuan Betsy a lo la mu a, tih harh hlau takin ka insiam a, a duh chen chen mu se pawi ka ti lo..Breakfast ka ei sawk sawk a, Factory lamah buaina kan neih leh avangin Hmanhmawh in ka kal chhuak a, kan Nula te hnenah ka kalna tur ka hrilh a, ka tan chuan Sumdawnna hi a pawimawh a, engvang a buaina nei fo nge kan nih hi ka chhui chian vat angai..Darkar tam fe ka enkual hnu ah ka hre thei ta a, nidang ang lo tak in ka Mood a fuh lo bawk nen Factory a mi ho pawn min melh hrek hrek ngam tawk a ni ber.

Haw tur a ka Car ka pan laiin ka Phone a ri a, ka en chuan number ka hriat ngai a ni lo. 

“Hello....” ka tih chuan chhangtu awm loin a reh deuh renga, ...ka ti nawn leh a,

“Hello..Thanpuii ka nia. Kan inbiak angai, hun i neih chuan?” a rawn tih chuan ka Phone chu ringhlel deuh hian ka lasawn a, ka melh deuh vang vang hnuah ka beng bulah ka keng hnai leha, 

“Engthil ah?” ka tih chuan ka aw a chang tha beng bawng hle bawk,a thaw hak ri ka hre thei a,

“Betsy chungchang ania,khawiah nge ka hmuh theih ang che?” a rawn ti leh a,a inrin tawk hmel hle bawk. Inhmuhna hmun tur ka hrilh a, Darkar chenve hnuah min rawn hmu dawn tih a sawi avangin keipawn haw tlang lo in kan inhmuhna tur lam ka pan ta zawk a, khawlum uap churh leh nileng a ka buaina chuan min ti chau a,Betsy chungchang a inbe tur kan nihna chuan ka rilru a ti nuam chiah lo bawk.

Ka Kamiz hak ban ka thlep chhing a, ka Jacket pawh ka thutna ah ka bang bawk,zing a ka chhuah lai khan ruah sur mai tur anga a lan avangin Jacket ka ha chhuak a,mahse a lum leh ta mah mah a, Office chhung ah kha chuan AC anih avangin a hrehawm loh a, mahse Factory lam kha chu a lum lam hret a ni..Thanpuii a lo la thlen loh avangin cold drinks ka chah a, an rawn dah hnuah muangchangin ka in a..Ka thutna bul chair a rawn khawih chet chuan a lo kal tih ka hre chauh, Cotton kekawr dum, chhing deuh hlek a ha a, chapal simple tak nen,Lace Var,thui mawl tawp,a Mawng chhinglah khuh tawk vel chiah a ha a,a lang thinghlim leh sar tawh.Sana Silver Colour a bun a,Gold sinte hian Zungbun a awrh a, a sam erawh chu Hnung lamah a tawn tawm a,a then a tla bawk a, hmuh a hahdam ngang maia, a thut fel hma in a pawnlam landan engkim ka hmu kim leh hman vek..Polite chhuah in intur a duh ve leh ve loh ka zawt a.a lu a thing a,` tui vawt ka duh tawk mai” a ti a,a then sak a,a Biangsum a khuar kalh bawk.

“Sawi la, ka hmanhmawh deuh a” ka ti nghal a,diktak chuan ka la nghak rei miah lo a,mahse ka nghak rei ang in hria se ka duh a ka tilang lui a ni zawk. 

"Nghah ka ngaia, a zia lo khawp mai. Ka Taxi rawn kalna a muang deuh a pawi ka ti,nia...kan sawi ang e. Engmah zep neih ka tum lo a, ka sawi tum chu Betsy hi a rai ania” a ti tlang nghal pawpa,a thusawi chuan min thawng bawk aniang, Phu nasa zawka, Thanpuii ka melh kawk a, ani pawn a mit a la sawn bik lo. 

‘Pawi ka ti...aman a hrilh ngam ngang si lo che a,a Doctor ka nih ang in ka hrilh che angai a,i thinrim viau ang tih ka ring.....” a tih lai mekin ka ban ka vai a,a ngawi ve mai. Ka Sam ka tuai puat a, sawi mai tur ka hre lo..

“Ok,kan Unau a kan sawi dun tur niin ka hria..min hrilh a ka lawm e,ka hmanhmawh deuh sia, ka kalsan mai ang che,pawi i tih loh chuan...?” tih pahin ka tho nghal a, min chhan hun pawh nghak loin ka Jacket ka pawt thla a,ka chhuah pah in Counter ah ka bill ka dah a,min kir hma in ka chhuak zui nghala, ka kawchhung tawt up up chuan min hnawh nasa lutuk a,in ngaihtuah ka mamawh takzet..Motor dahna ka pan a,ka thleng tep tawh tihin,` i kal chak em mai..ka hah ania” ka hnung lam atang a Thanpuii aw in a rawn tih takah chuan ka ding chawt a,min zui zel tih ka hre lo reng reng. Ka hawi let chuan Kawngsira tlakdal an dah chu nghengin hah hmel zet hian a lo thaw hlap hlap a,a hmeltha tak chu a tai hlar bawk.

Ka inher a,engmah sawilo in ka kalsan leh ta zawk a, ka hnungah chuan a rawn tlan ri dat dat a,min hmu thei lo tih ka hria a,ka nui ta nge nge. 

Ka Car nghengin ka lo nghak a, a rawn thlen chuan a thawk danah a hah tih a lang a,a awmbawr chu a thawk zawngin a insep kang dat dat bawk a,ka hawisawn thuai a,he nu ka hmuh a piang a ka in control thei lo ziah hi mak tak a ni. 

“Han sawila.....” nem lo angreng takin ka ti deuh tawpa. Motor a rawn ngheng ve a. 

“I kal chak hle mai.....” a ti a,a thaw hak bawk a,ka tum loh zet in ka nuia. Ani erawh a nui ve lo. 

“Bethsy khan a hlau hle che anih ka ring a, nimin khan Mahlima kan han hmu a,kan hmu tih i hriat kha..Mahlima pawh khan a lo hlau tho mai che a,diktak chuan....Ma- hlima kha ka Ni fapa ania..” atih takah chuan ka melh zawk a,ka hawisawn leh nghal a,hei vang chiah hi anih hi Bethsy nen pawh an lo inkawm ngeih em em a, a enkawl lai anihna baka a lo buaipui ni. 

“Eng nge thildang?” ka ti hmuk a,

“Inneih pawh an duh a,Mahse an inthen vanga Bethsy rilru na kha i natpui ve nasa si a,Ma-hlima khan a hlau tawh che a,Bethsy lah in a hlauh vang che in a tap a tap  bawk a” a ti leh a. 

“Motor ah lut rawh,Car i keng lo anilawmni?,kalpah in sawi teh ang” tih leh Kawngkhar hawn a luh ka rual a,a Phun hlak ri chu ka hrethei a,ka nui leha, min ti phur a ni he nu hian...

“Sawizawm la....” ka ti leh ringawt a, pawn lam a thlir vang vang a, ka bula awm a duh vak lo a ang a. "Sawi vak tur pawh a awm tawh lo, i pawm theih chuan a tha a...Bethsy chungah i lawm lo viau ang tih erawh ka hlau a” a ti ve mai a, Bethsy ngaihtuah vang ni lo a Ma-hlima a cousin anih vang zawk a kan chhungkua a rawn inrawlh atum anih chuan ka duh lo hle ang.

“Chu lam chu lo buai suh,ka buaina midangin an lo sawi ve hi ka ngaithei lo ania” ka ti hluk a..

“Misual tak i ni” a ti ve hmiah. 

“Engmaw i sawia?” ka ti let hrawk thung , a ngawi ta hmak a,engmah a sawi ta lo,an in awmna ka zawt a chu erawh tha tak in min chhang hlauh. 

An in thleng ka thlah a,a chhuk fel tihin na zet in a rawn khar bur a eng nge maw a hriat reuh ni...Motorin a pawi a sawi pawh a ni der si lo. 

Ka nau neihchhun leh he khawvela ka chhungkaw neihchhun a ni a, a tul tawp ah lo chuan ka hau ngai lo. Ka theihtawp in ka duata, ka ti na phal ngai hek lo. Mahse engvangin nge a harsatna min hrilh ngam loh erawh ka hre thiam lo. Kei hi ka sual viau tak tak zawk nge ni?..Mahlima pawn min hlau a,aaaaa....tupawh hian min ngaina lo niin ka hre ta ber. 

“Mate....inbiak kan ngai...” Kan ui...Max-a nen anlo inchhaih laiin ka ti a, a rawn hawi phawk hra a,min hlau ani tih ka hmu thiam a,ka khawngaih zawk...In a ka hnathawhna room ka pana chu tim takin min rawn zui a. Leather Sofa lian zet ah chuan ka bag ka thehthla a. Ti dek hian Almirah ngheng in a ding a,hetiang khawp a ka nau in min hlau hmel hi ka la hmu ngai lo..

“I rai a...” ka ti hmuk a, min chhang lo. Zaidam deuh pawn zawk sawi ka duh a mah se tawngkam no lo chi tihtakah zaidam taka tawng hi ka thei lo fo..

“I hmangaih tih ka hria,ka dodal dawn lo che..mahse,ka ngaihtuah che a,ka tel lo in i awm hrang thei tak tak angem?” ka tih zawm leh a,a che hrat a..

“U....min ngaidam rawh,i zahna tur ka tih avangin pawi ka ti..” tah aw tiau hian a ti a..Ka pan hnai chu min en ngam lo. Ka kuah a, 

“Engthil pawh ti la ka neihchhun i ni a,ka hau phal lo che. Mahse hetiang thil lian lutuk nangman min hrilh lo a,midangin min hrilh kha ka zak mai zawk..Mahlima pawh hrilh rawh,min hlau suh se,i hlimna a thlen dawn phawt chuan ka hlauhawm loh,mahse a tihnat leh che erawh chuan a nun a nuam ngai lo ang tih i hrilh tel dawnnia. Chu chu a huam anih chuan in innei thei reng” ka ti a, a lu ah ka chul a,a ni erawh a tap khur dar dar thung.

Bethsy pasal neihna tur ah kan buai a,engkim a tha ber vek a duh a,Bazar turin a thiannu nen Delhi-ah kal min dil a,a thian hluite hmuh a duh bawk a,ka kal tir mai. Kimkim-i a tangkai viau a,a rawn riak lut lo chauh a ni ber. Ka mitmei hmu se chuan haw tawh loh pawh pawi a ti hauh lo ang tih ka hria. Thanpuii ka hmu zauh zauh a, mahse Rishi nen an ni zel thina,biak pawh ka be ngai meuh lo. Kimkim-i a awm chawta,tupawn kan inkawp leh tawh ah an ngai a,pawi ka tih loh tum a ni hial ang.Rishi awmdan erawh mak ka ti viau maia, kan in ah pawh hmeichhe dang a rawn hruai fo tlat atin ni.

Bethsy te Inneih nan kar khat a la awm tih ah keimahni lam in kan Farm House ah Party kan siam a,Ka thiante leh Ka thawhpui thenkhat ka sawm ve a,a bak chu Bethsy thiante leh Mahlima thiante vek anni mai in ka hria. Ka hriat loh an tam zawka,Delhi kan awm laia kan thiante,hnamdang 10 lai an lo thleng tawh bawk a,Hotel a awm aiin kan In a awm an duh zawk avangin kan bulah an khawsa a,Room ruak kan neih nual avangin pawi ka ti lo.Ka Patean min rawn Call a,tawng ka hriat theih loh avangin Pawnah ka chhuak a,Pawn lamah pawh an lo awm nual tho a,kan inbiak zawhah pawh lut leh mai lo in ka hawi khawthawng a, Pool lamah ka chhuk thla a,thing hnuaiah chuan a kawp te te in an lo awm leh tho. Thla eng ruai chuan Dil chu a chhun tle niar niar a,a mawi phian mai. Ka zirlai ka zir zawh a kan sumdawnna zawng zawng ka enkawl ve hnu lawkah khan kan Farm House hi ka chei tha a,Pool hi ka siam belh bawk a,diktak chuan Bethsy tan a ka siam a ni a. London atang a Hotel Management a zir zo a rawn haw khan a Birth Day present atan ka pe a,keichuan ka ta bik turin Lengpui Road ah huan zau tak leh In lian vak lo ka lei belh leh a.Kawngpui atangin a peng a,hlat erawh a hla lo,ka riak zauh zauh a,mahse keimah chuan ka riak ngai lo. 

Pool sir a chawlh buk lian vak lo awm chu ka pan a, ka thlen chuan Hmeichhe pakhat ,Van lam hawia lo thu ngawi reng hi a lo awm a,min hnungchhawn avangin tunge anih ka hre lo. Ka khuh lui a, a rawn hawi thuai a, ka rin loh takin Thanpuii a lo ni a,be lem lo in ka thu ve a,ka Phone phawrhin khawih tur bik pawh hre lo in ka khal kual a. 

“Khawnge Kimkim-i?” a rawn ti deuh thut a. 

“Ka hre nang,ka veng hleinem” ka ti let hmuk thung,a nui zui hak a.

“in in hmeh khawp mai..” a ti leh a,a awmdan chu nidang a ang lo riau tih ka hria...Zu kha duhtawk a in tur ka chhawp a,a lo in ve pawh ani mahna..

“Ka lawm e,nangni pawh in inhmeh khawp mai” ka ti let ve a,ka phone ka dah a,ka va en chuan hmuhnawm tih hmel zet hian Pool lam chu a lo thlir leh veng veng tawh.

“Mipa te hian in Hmangaih tak te hi in Bum ngai lo tiraw?”zawi angreng tak hian a ti a. Mak tiin ka mengphar deuh awk a. Mahse, “ka hre nang,i hna ania,kei aiin i hria ang chu..” tha takin ka ti a, a thaw deuh halha. 

“Nia...a dik alawm. Mahse,ka hrelo..aaaa...ka hrelo takzet..” a ti leh niah niah a,Thla Eng ah chuan a lang duhawm kher bawk. 

“khawiah nge Rishi hi a awm a?” a awmdan nngaipawimawh lo hmelzet hian ka ti ta daiha,a ngawi ngar a,min chhang dawn lo emaw ka ti hman a. 

“Khitah khan a awm ang,zan in chu a hran ve ve in kan lo kal a” a ti sap a,a aw ah chuan rilru na lutuk puak keh tur a ang hle bawk.

"Ok....ka lo han chho ange” tih leh thawh ka rual a,a la che eih chuang lo,ka kalsan lai chuan ka rilru chhungril erawh chuan kalsan lo a la thu rih turin min tur a,mahse mi ten min rawn hmuse thil mawi lo tak a ri leh mai dawn si. He nu nen kan inhmuh apiang deuthaw hian inhnial thin mah ila ka haw tak tak lo tih ka hre tawh tlat a,ka Nula kawp zing a a hming lang ve tur ka duh miah lo bawk. 

Inchung roomah motor chahbi ka dah avangin ka tlang chho nghala, ,Room kawngkhar hawn mai ka tum chu lo inkalh a,ka nem deuh pawn a inhawng chuang lo. Tu emaw ber chuan a ti bawlhhlawh a ang khawp mai,ka then nawk a,rei vak lo nghak leh turin ka chhuk leh ta zawk a,ka Thawhpui te nen kan thu ho a,kan titi lai chuan Thanpuii rawn lut ka va hmu a,ka hawikual nghal vat a,Rishi chiah ka thiante zingah ka hmu lo. Pawnah khan a awm lo tih ka chiang bawk...Room ami kha ani thei angem tih ka ngaihtuah chhuak nghal zawk a. Room ami kha tu nge anih han en ka ngai,Thanpuii han hmuh hma in ka hmuh hmasak ngei angai..

Step ah hmanhmawh zet in ka tlan chho a,Room kawngka lo inhawng leh Kawngka Bul a Thanpuii lo ding chu ka hmu nghal a,a dang var pap bawk. 

A thil hmuh chu ka hmu ve nghala,Khumah chuan Rishi leh Hmeichhe pakhat hi an lo mu dun chu niin,an rui dun viau tih alang reng. 

“Ka rawn zawng che a..” tih pah in Thanpuii hnung lam atangin a kawngah ka kuah nghal a,zawi nan hian min rawn ngheng a,a hmel khawngaihthlak lutukah chuan chhan angai ngawih ngawih tih ka hmu a, ka bialnu anga lantir mai loh chu tihdan a awm lo. 

30’ – 4

Ka kuah nghet zual sauh a, ani lah chuan min rawn ring tawp a ni ber tawh. 

“Bawiha.....engthil nge i tih kha?” Rishi-an a rawn ti tuar chu a tih ka rin lawk anih vangin ka danglam eih lo, Thanpuii erawh chu a phu nasa kher thung.Thanpuii Dar ah ka khabe ka nghat a,

“I hmuh reng hi mawle, Thanpuii hi ka rawn zawng a,hei ka rawn hmu a,ka kuah mek anih hi...” a thinrim pawisa lo takin ka tia,a rawn tho tuih tuiha, Boxer nen chauh a rawn phei a. 

“Zawnga....ka Bialnu a ni tih i hria nilawmni?” a ti leh a,a Rui deuh bawk nen a sehchilh nuai mai, Thanpuii ka kuahna ka thlah a,Bang ngheng in ka Din tir te te a, min hnial loin ka awmtir ang angin a awm ve tawp. A Biang tawn tawn ah ka vuan a, a dang bei chu a lainatawm ngang mai. 

“Lo ding lawk la, engmah lo sawi sawi suh aw...a tha vek ang “ tih pah in a chal ah ka fawp zauh a,Rishi ding bu lawk lawk chu ka hmachhawn leha. 

“Engmaw i sawi kha?” ka ti ve nghala, aw a no fahran lo,

“Ka bialnu ka tih kha...i lo duh ve viau tih ka lo hre hleinem..” a ti tun tuna. 

“Keimah chauh in ka duh hleinem,amah pawn min duh...midangte kan chanchin an hriat tam kan duh loh vangin kan inthup mai zawk anih hi..” ka ti let ve hmiaha,a rum deuh hruiha, a rawn vai zui fua a,ka rinlawk anih avangin ka thle sawn a, a hmeichhe lo awmpui lah chu a rak ta chul, pai khut khut chungin min rawn en a, an chhia min lawh bawrh bawrh. 

“Rishi.....kut thlak kher che ka chak lo ania, nangpawn midang i kawp a, Thanpuii nen kan lo inkawp hi buaina tham a ni lo...” ka ti leh zel, tih thinrim belh ka chak a, ka ta ang maia Thanpuii han sawi chu nuam ka ti tel baw. Thinrim taka a ban a rawn vai leh chuan kei ka lo inringsa bawk nen a Khabe ah tak ka hnek ri chawrh a,a thal nghal thuai mai...a rum ngal ngal a, a Hmeichhe lo awmpui chu en pah in...

“Thiani, lo buaipui rawh,hetiang mihring hi ka ngaina lo ania...” ka ti hmuk a, a bu ringawt,ka hmel ah fiamthu ka sawi lo tih a hria a ni phawt ang..

Ka Car chahbi ka la nghal a,inhnuaiah Thanpuii ka kai thla in Music thawm ring lutuk chuan kan buai thawm kha a lo hliah a ni chek ang, tumah hreawm an awm lo..Pawnah ka kai chhuak zela, tupawn min hmuse pawitihna ka nei lo...Chiang tak in ka hria,He nu hi ka nei lo anih chuan midang chuan hlimna min pe thei ngai lo ang..Car Seat ah a thu tlum deuh kak a, hmalam a melh ngawt ngawt bawk. Kalna tur ber pawh hre chuang loin ka tlanchhuak pawp a, kan In ah chuan kalpui ka duh tih chauh ka hria. 

“Khawngaihin hla deuhah min hruai rawh “ a rawn ti sap a, a aw a zawi viau chungin ka hre thei tho, ka bu nghut a, kalpuina tur ka ngaihtuah chhuak nghal zawk bawk. 

In ah ka peng zuai a, Kalpah in Bethsy ka call a, Hunah ka riak dawn tih ka hrilh nghal a, engmah min zawt zui lem lo. Motor a ka let leh chuan Thanpuii a lo maimitchhing a, biak loh law law tha zawk a ka hriat avangin ka be buai lo, ka tlan muang fahran lo bawk nen huan luhna Gate ka thlen chuan zan dar 10 chauh a la ni a, keimah in ka inhawn chawp a, Thanpuii erawh chu a thut ngai rengin ala thu a,a chang chang a a rawn thaw leh hawk thin tih loh chu thawm a nei miah lo.

“Kan thleng e..” ka tih chuan muangchang hian a rawn meng a,a awmna hriat chian tum niawm takin a hawikuala. 

“khawiah nge kan awm?”a ti sep a,a hmeltha tak, dang lap mai chu duat tak a kuah ka chak ru ngang mai. 

Kan awmna ka hrilh chuan a insut deuh hraih a, “ka tibuai che a, pawi ka ti ...mahse....” a ti a a ngawi leh daih a. 

“A ho lutuk....chhuk ila, helai hi chu a reh raih a,i duh phawt chuan i tap vak vak thei reng ania” ka ti a, min rawn en chungin a khi sek a, Kawngkhar hawnna a dap zui rak rak a. 

In ka hawng a, enkawltu dah lo mah ila kar khatah vawi 1 tal tifai tur in mi ka tir thin bawka,a bal hman ngai lo...eitur erawh chu kan kal dawnah kan lei chawp thin a, engmah ka dahsa ngai lo thung,tunah pawh eitur lam chu engmah a awm lo..Muangchang in a rawn lut ve a. 

“Hetah hian kan riak thei angem?” hawi kual pah in a ti a, awlsam zet hian ka bu nghut a,Bed Room 3 a awm a, engmah buaina a awm lo..

“Titi dun i duh em?” ka ti leh a,a lu a thing a,”ka rilru a buai nuaih a,biak tlak ka ni lo ang, rem i tih chuan mut mai ka duh a, ka chhungte biak ka duh bawk a..” a ti niah niah a, ka hrethiam...Room ka kawh hmuh a, a lut lai chu ka thlir reng a, kawngkhar bulah a ding dat a,a rawn hawi let a...

“Ka lawm tak tak ania aw..min ngaihtuah suh,keimah pawn ka riak thei reng ania” a ti a ,a nui sak a, ka bu ringawta, rngmah ka sawi ve hma in a khar zui ta hmak. 

Let leh tum in ka kal lo bawka Tv ka on a, nidanga ka kal hi chuan tv en na hun ka nei ngai lo hrim hrim. Ka phone a rawn ri a, Kimkim-i a lo ni a,ani kha ka hmu zui ta lova. Party naah khan ama host ni awm fahran in a che a, ngaihsak ngai ka ti lo lutuk in ka lo theinghilh daih pek chu niin. 

“Khawiah nge i awm?” a rawn ti lang lang a,a rui tih ka hre thei. 

“Sorry....ka haw daih alawm,ka hmu mai si lo che a, hna thil ah pawimawh a awm a” ka ti liam puat a, Dawt han sawi ngawt mai chu nuam ka ti miah lo..a rum hraih a,

“Chuti maw? A va pawi ve....mahse tu in nge min hruai haw ang?” a rawn ti leh a,ka hne deuh thut. 

“Driver ka lo phone ang, Bethsy te nen in haw rual mai dawnnia” ka ti a, a rawn tawng leh hma in ka dah ta daih. 

Ka mu meng kar a, lehlam maiah Thanpuii a awm a, ka rilru pawh Thanpuii room ah a awm ve ni ber in ka hria.Naktukah chuan Rishi hmeichhe kawp nu khan midang hnenah a sawi ngei anga, kan lar leh hat dawn a ang khawp mai. Kimkim-i lakah Thanpuii hi ven a ngai hial maithei. Engmah pawisak a nei miah si lo..khatiang a kan awm tawh chuan engemaw chen chu inkawp anga kan lan der zui pawh a tul ang tih ka hria..Room kawngkhar kik thawm a rawn awm avangin ka thu chhuak vat a.Kawngka ka va hawn chuan pawr phang hian Thanpuii kawngka bulah a lo ding a,a mit bui lakah chuan a tap nasa hle tih a lang thei mai 

“Enge ni ta?” ka ti hmuk a, nem deuh a tawng ka tum pawh a ka hlawhchham fo mai hi ka hne ve thin. 

“Ka muhil thei lo a,inkawm mai mai ila....i peih chuan?” a ti sep a,a inthlahrun hmel kher lehnghal,ka bu nghut a. 

“lo lut la...” tih pah in ka inher a,khum lam ka pan leh a, a rawn lut a, Chair pakhat chauh awmah chuan a thu a, kei erawh khumah ka thu mu thung. A kut pahnih a nuai a nuai a,

“Mama nen hian Kan inkawpna a rei ve tawh a, mahse...kan inhau buai ngai lo, Hmanni deuh atang khan a zia a thlak a, kan In a  rawn len tum in a Phone a theihnghilh a, Hmeichhe pakhat in a rawn phone a, a hnu ah an innel hmel bawk sia,tu nge anih ka zawt a,a Cousin a ni tih a sawi a, a chhungte hriat loh ka nei tawh mang lo a,ka hriat loh chhun anih ka ring maia, mahse,a hnu ah In in ah a rawn hruai tih Bethsy in min hrilh leh a, ka ringhlel ve tan a. Mahse, ka zawt chuang lo. Bethsy nen Mahlima kan hmuh ni kha kan Anniversary a ni a, hna ah a buaithu a sawi avangin lawm vak lo mah ila ka sawi buai lo.Mahse, Mc ah ka u in a lo hmu a,kha nu nen bawk khan an lo ni a...Zanah erawh chuan a rawn kal a,ka lo zawt a, haw pah in a kalpui lawk tih a sawi leh maia. Keimah ngeiin ka hmuh hunah engkim ka titawp ang ka ti a, Zan in khan ka hmu a.....mahse ka hmuh dan kha erawh chu ka beisei dan a ni lo a....” a ti a, a tawp lam chu ka hre thei chang chang, a kut a hum ruhin hnuai lam a bih ngar mai. 

Khum atangin ka tho a, ka pan hnai a, a bulah ka thu thla a,”in tha leh mai ang, a rui anih kha...mahse kut ka thlak erawh kha chu min hrethiam aniang chu..” ka ti a,min rawn melh a,a mittui a bianga luang thla chu light engah chuan a tle deuh sara. 

“ka hre lo,ka ngaidam thei angem ka hre lo takzet...mahse a tel lo a nun ka lo la ngaihtuah ngai lo..” a ti leh tiau a. 

“Min kuah duh em?” ka ti sup a,a mittui luang ngiai ngiai chuan min fan a, keimah vang a tap ni lo mahse ka lo na ve deuh tlat pek. , Hetiang hian keimah vanga tap ni lo Hmeichhia hi ka buaipui ka lo ring ngai lo. Ka thawh pahin ka pawt tho ve nghal a, min rawn ngheng a,  Khum ka pan pui chu min hnial miah lo. Light ka Off hnuah a tap khur dar dar chu ka pawm bet a, ka awmah a Mittui a rawn far a,a Lum pap a, a tap zel a,ngawirengin a sam ah ka chul sak a, lo biak buai in awmzia a nei lo tih ka hria a,engmah ka sawi lo. 

A chauh hnep thleng in a tap a,a tap khur pawh a reh a,a che ta lo....a muhil zawm nghal a ang a...tih harh ka hlauh avangin keipawh ka che sawn tawh lo, ka kuah ang ang in a awm a,ka awm ah a lu a nghat a,a thaw ri sek sek chu ka ngaithla a, midangte tan a thawk a,an rilru natna te thawidamsak turin a bei thin a, mahse mihring ve tho anih avangin tunah chuan ani pawn hnemtu a mamawh ve tlat a ni.

A che sat sat thawmah chuan ka harh a, ka kuah bet leh a, a tal hrang chuang bik lo. Peih lo zet hian ka meng a,khua  a lo var tawh a, Room chhung pawh a eng hnim raih a,ka maimitchhing leha,Pawn lamah chuan ruah a sur tlawrh tlawrh a, bang a rawn theh thawt thawt bawk a,thlasik ni lo mah se ruah sur chuan a ti vawt deuh var mai...

“i muhil thei em?” meng chuang lo chuan ka ti a. 

“um...ka tha...a zia lo hle mai” tih pah in tal chhuah tum in a che leh a. 

“Mu mai mai teh, ruah a sur nasat em chu” ka ti leh a. 

“Um, nia..mahse hetiang a awm tur kan ni hleinem....ih...i bula mut hi ka tihna ania” ati leh a,Naupangchhia deuh a khawsak chang a nei hian minti phur thin. 

"Nizan khan Rishi bulah khan ka sawi mai mai hleinem..” ka ti leh a, chiang zet hian ka en a...

“Min chhan vang khan ka lawm lutuk,mahse kawp che tumna ka nei miah lo...” ati deuh nghat a, a thinrim leh tan tawh a nih hmel. 

“Keiin ka duh alawm...’ ka ti ve thung a, a tal leh chu ka thlah a,a kil lamah let pheiin a thuchhuak nghala. 

“Kimkim-i a zahawm khawp mai, nizan chungchang kha chu a hre ta anih leh ka hrilh fiah mai ang” ati leh halha.Tawng loin 

ka che thut a,a inrin hma in ka man a,ka bawh bet a,a tal laih a, min chum a,min seh a tum bawk a, min hlau hmel a pu aih lo,kan in len hleih lutuk chuan a tal vel chu awmzia a nei teh chiam lo, ka delh bet a,a thle tawn sek chu ka dawm bet a a hmui nalh zet,fawh chakwm lutuk ah chuan ka fawpa, ka lei in ka hawl kual a, ka rin loh taka min rawn chhan takah phei chuan phurna nasa lutuk in min fan a,rilru fim ka hmang thei tawh lo. A kawrhnuai nawr chhoin a hnute ka khawih zuia..Amah lam ngaichang tawh loin ka che zui buan buan a ni ber.A kekawr kawng ka khawih chiah chu ka kut a rawn mana, ka tilui mai dawna, a tal nghal phat.Tilui zel ila chuan rei min hnial ka ring lo. Mahse, Diktak chuan ka tilui phal ngang lo zawk. 

Ka letsawn vat a,ka tho nghal a,Hmeichhia ka pawngsual teuh kher mai ka ti rilru a. Khawiah nge keimah diktak kha a awm tak ni,he nu ka nun a a lo lan atang hian ka nih phung ka hloha, engmah a dik thei tawh lo. 

“Lo va chhuak rawh,kan haw dawnnia” ka ti nghut a,keimah ka inthiamloh na chuan min ti hrehawm a, ka duh tih ka hria a,mahse hetiang zawng a ti lui tur ka ni lo tih pawh ka hre tel tho. Mipa mawl lutuk leh ramsa ang maiin ka che a ni berin ka inhria. 

.Motor ah pawh kan inbe ta miah lo, nuam ka ti lo a,a rilru nat lai remchanga hmang ka ang tlat a,ani pawn min hnaih leh duh tawh kher lo ang. An In ah ka dah a, Motor atanga a chhuk chu a rawn hawi let eih lo..

In ka thlen veleh a ka thil hmachhawn erawh chuan khua ati var lo thlawt. Kimkim-i meng ling hlar mai ah chuan engkim a hre tawh tih min hrilh kher lo mah se hriaa,Bethsy hmelah erawh chuan engmah a lang lo.Kimkimi be lo in Room ah ka chhoh san a, ka inbual nghal a,ka rilruah hna thawh a lang lo. In hnuai a ka chhuk leh chuan Kimkim-i a lo la awm a. 

“I va hma ve..” ka ti ta hram a,ka be chak thlawt lo,”Nia....eng emaw hriat duh ka nei a” a ti hmak a, Bethsy leh kan Mikhual te ho erawh chu Dinning Room ah an awm a. 

“Thil ei ila, engmah ka la ei lo a,i ei tawh mi?...ei zawh ah kan sawi dawnnia..” ka ti leh a,a lu a thing a, “ka riltam lo,va ei rawh “ a ti leh hmak a, engvang a lo lungawi lo ve ngawt nge maw anih ni???

Dinning Room lam a ka nau te ka va zawm ve chuan an lo ri nak nak a,Bethsy hmelah pawh hriat a nei tih alang a,mahse lungawi lo hmel a pu ve lo. Ka ei zawh chuan ka hnathawhna roomah ka lut a,Kimkim-i'n min rawn zui bawk ..“thu la,chuti tak a pawimawh chu eng thil nge?” pangngai thei ang ber hian ka ti a,Cigarette ka phawrh a,ka tan nghala. Meizial hi ka zu tam lo hle a,mahse engemaw chang chuan ka zu ve zauh zauh,Dawhkan ngheng in ka ding a,ani erawh a thu a,a tum bar bawk. 

“Nizan khan i Nula kawp thar ber i lo puang vel animaw?” a ti fak a,ka nui a...a sawi dan chuan ka nuih a ti za a ni ber. 

“Puang tih lem ah mi 2 chauh anih kha ka hrilh...” ka ti let ve mai. 

“Kan inkawp chhung khan vawikhatmah i sawi ngai lo, anih chuan kha Doctor kha chu i puang vel a,mi hriat loh hlau in maw?” a ti leh a, a tawng dan kher chu ka ngei ta. 

“Ka thian i ni a,ka chungchangah lo buai lo zawk teh,midang hriatah ka sawi anih chuan chu hmeichhia chu ka duh satliah mai ni lo in ka Atchilh tih na a ni zawk” ka ti let ve hmuk a,a insut hraih a. 

“I Thianpa Bialnu a ni tih ka hria alawm...buaina an nei a,i pui mai mai tih pawh ka hria,khatia dawt sawi angai kher lo ania. Mahse...Zonunsiam, ilo danglam tawh takzet anih hi” a ti chu a nui tlat....

“Anih chu a...” ka ti let ve hmuk thung.Kan Lalthanpuii zet chu a che rang hle mai, ka Nula nih chu a lo hlau zek zek anih dawn hi...pawi tawp lo,a lo lan ve atangin engmah ka tluang thei lo a,tunah chuan kal bo tak tehse.

Hna ka kal ta lo law law a, mahse nilengin inah kan buai zui ta zawk. Kimkim-i thlah tur a ka tlan chhuak tur chiah chu kan Gate ah Thanpuii Car a rawn lut ve chiah thung a,min rawn melh zawk a, a hawisawn lehnghal a,keipawn ka en zui lo,a haw hma chuan let leh ka tum hek lo. Diktak chuan hmuh rih loh ka duh ber,min ngaipawimawh miah lo tu hmuh reng chuan ka induhtawkna a ti chhia a,Rishi a duh zia ka hria a,Rishi an ngaihdam a dil phawt chuan an inkawp leh mai ang tih pawh ka hai lo va. Chuvang takin ka nihna pela lo buaipui vel ka duh lo. 

30’ – 5

Ka beisei ang chiah in ka haw leh chuan a lo awm tawh lo, Bethsy te Inneih hma in ka hmu leh ta miah lo bawk. Kan 2 chanchin erawh hre tawk an lo awm leh ta tho a, lerh lar a lar laklawh ka ni bawk nen ka Nula kawp thar ber anga sawi tawk an lo awm pawh hi a mak lo va. Chutihrualin ka duh ai chuan ka common ta hret niin ka hria. Lalthanpuii phei chuan insawifiah a chak zek zek in ka ring. Biak tumna ka nei lova. Hmeichhe dang kawp tumna pawh ka nei chuang lo,ani lah in min rawn biak chu sawi loh ka hmuh tur pawn a awm ngai lo hrim hrim.Bethsy te Inneihni in ka hmu a,ka rin ang chiah in Rishi nen an rawn kal duna, kei pawh Kimkim-i nen kan kal a, Rishi nen erawh kan inbe chak ngang lo aniang,kan inhmu lo der ve ve.

Tunah chuan ruah sur bur bur hun aliam a, Favang boruak nuam tak a thleng leh der tawh.Bethsy ka ngaih zualpui pawh a reh tawh a, keimah chauh a zanriah ei te, Kan awmpuite nen chauh a khawsak pawh ngaiah ka nei leh hial tawh. Ka hna ah ka buai em em reng a,In a ka haw meuh chuan hahdam tak a mut veng veng ka duh ber thin a, Thanpuii leh Rishi an inkawp leh tih ka hriat atang phei kha chuan tlawm ka inti a, tunah chuan an 2 in min nuihsawh mek maithei tiin ka insehruh teuh thin. Party na tur min hrilh ka hmaih ngai lo a, Drinks lam ka bei nasa a, Thanpuii ka theihnghilh theih nan hmeichhe tam tak ka kawp kual a,mahse tumah sex ka hmanpui leh lo, ka thei hlawl lo a ni ber. Tumah hian minti phur zo lo a ni ber,Kimkim-i phei chu ka khawih loh chin pawh ka hre tawh lo.Hetiang khawp hian hmeichhe pakhat in min thlak danglam ka lo ring ngai lo,a hriat miah loh in min sawisa a, na min tawrh tir a,ka induhtawkna a ti chhe ta vek a ni ber. 

Thanpuii'n "Kan inhmu thei angem?” tih a rawn thawn hlawl. 

“Eng thilah nge?” tiin ka reply a. 

“Ka be duh che,a pawimawh a..” a rawn ti leh ringawt. Bethsy chungchang bawk anih ka rin avangin, “ok....naktuk zan dar 7 ah ka hman ang,kan in ah lo kal rawh” tih ka thawn let a. 

“Ok...ka lo kal ang” a rawn ti ve leh mai bawk. 

Bethsy in Buaina a neih ka hre lova,an hlim nupa hle nimaiin ka lo hria a, mahse min hrilh ngam loh thil a awm leh tihna a ni khawp ang. Office atangin dar 5 ah ka haw a, ka inbual zawh hnu thil ka ei hma in a rawn thleng a. Sana ka en chuan dar 7 a la ri lo hret a, hun a vawng dik khawp mai.Library ah kan inzui lut a, kan awmpui nula te 2 in an melh zak zak erawh chu ka hre lo der a, kan nula te hian Bethsy thiannu a ni tih an hria a, enge a lo kal chhan an hre chak tih ka hre thei mai.

“Thu la.....” ka ti hmuk a, tha tak a han biak vel pawh ka chak lem lo. In a tangin a rawn kal tih a thawmhnaw hak atangin a hriat theih maia. Pyjama tial leh Sweat shirt hring duk a ha a, a sam a lo sei hret tawh a,nidang ang bawk in make-up a hmang lo a,a lang thar sar mai. Bet lo hmel tak hian a thu a, nuam a ti lo hmel kher bawk. 

“Eng thil nge..?” ka ti leh hluk a, a ngawi deuh reng chuan ka rilru a ti nuam lo. 

“Ih.....eng lo ania, Min kawp kha hmanah khan i duh tih i sawi a...” a ti niah niah a, ka mengphar awk a, ani erawh chuan hnuai lam a melh daih avangin ka awmdan min hmu lo thung. 

“Chutiang ka sawi maw?...ka sawi kai va hre lo ve...ka rui anih ka ring..” ka ti duah a. 

A tho that a, “Nia, ....ka hresual aniang...tihtur ka nei tih ka hre chhuak leh sia, ka kal mai ang..” tih leh inher a kal a rual nghal a,ka vir zawk a, kawngka a thlen hma in ka thlen khalh a, kawngkhar ka ngheng nghal a. 

“Kal mai lo e,kan inbiak dawn kha....” ka ti leh hmuk a, min nek luih a chak lo ngang aniang, min rawn melh chho a, nidang ang lo tak in a mitmeng a dul raih a, chau hluah hluah hmel a pu bawk. 

“Sawi tur ka nei tawh lo alawm..” a ti tham tiak a, ka ti mah mah niin ka hre ve ta, ka pan hnai a, a kut ah ka chelh thut a, ka kai pheia, Sofa ah ka thutpui a, ka chet dan chu min dang lo va, min hnial a tum hek lo. Mahse min hlat turin a tawlh hla thung. 

“I buaina chu ka hriat phawt a tul anih hmel khawp mai,nang ang Nula chak lutuk pawh i tal buai ania...” ka ti sup a, a kut a nuai nauh nauh a. 

“Min kawp kha ila duh chuan inkawp ka duh a....” thildang sawi loin a ti sap a, min en ngam lo in hnuai lam a melh a, ka nui chhuak hawka, ka nuih chhan erawh ka hre miah lo. 

“Rishi nen buaina in nei leh tawh em ni?” ka tih chuan a lu a thing a,` anih chuan eng vangin nge min kawp i duh tak?” ka ti leh a, a rawn hawi chhuak a, a mit lian kelkawl chuan min melh a, 

“Mipa,ka rinchhan theih tur ka mamawh alawm..Rishi chung chang sawi ka duh lo..” a ti leh sep a.

“Ok...ka hrethiam e, ka Hausa a, i duh zawng zawng pawh ka pe thei ang che tih i hria..mahse nangpawn i mamawh zawng zawng i nei thei tho si a..Chuta karah ka lar dan i hriaa, chuvang takin miin ka nula kawp zing a mi tiin an sawi tur che kha i duh lo niin ka hre sia ” ka ti leh a, a then sak a,a mitmeng ah erawh chuan a nuih a za hlawl lo tih a lang. 

“Sum lam a ni lo,i hausak leh hausak loh ah engmah buaina ka nei lo bawka...Mahse ka hriat theih chinah chuan Mipa diktak chu nangmah chauh an awm tlat alawm” a ti leh a,a awmdan chuan minti bangbo ta riau. 

“Ok...ka pawm e...mahse kei chuan inkawp der ka peih lo,Nupui ka duh tawh a,Bethsy a awm tawh lo bawk nen ka khua a har a,kawm tur ka mamawh, chuan thildang pawh...” tlang takin ka ti a, ka nui deuh bawka. Mahse ani erawh a nui ve lo, min melh ran a,a rilru a buai hmel kher bawk. 

“Inneih maw? Mahse...Kimkim-i nen khan.....” a sawi laklawh laiin ka lo titawpa. 

“Tunah chuan Kimkim-i sawi rih lo ang,nangpawn Rishi sawi i duh bik loh kha..” ka ti a,a nui a,a biangsum a khuar kalh bawk a,a va han tha chiang tak..

“Inneih kher chu kan inti na tawn mai mai ang...” ati leh a,ka tho a. 

“Um...i thu thu le,mahse kei chuan Inneih ka duh...i lo ngaihtuah tha dawn nia..Buaina i nei a,keiin Nupui ka mamawh thung..” ka ti a,a bu nghat a,a tho a,min mangtha a a chhuak zui nghal nal nal. 

Ni 2 hnuah min rawn call a, ka duhdan a pawm tih min rawn hrilh a, ka Game khelh chu mawi ka ti vak lo...A  duh lo chung a buaina hmachhuan in ka Blackmail ni ber in ka hria. Mahse ka hmuh leh chiah khan ka duh zia ka hre chiang lehzual a, engkawng pawh nise neih ka tum a ni tawp mai. Ka duh ang chiah hian ani mai pawhin min la duh ve mial maithei tiin beiseina ka nei bawk. 

Zanah an In a leng turin min sawm a,a chhungte hmelhriat turin min duh a. A duh ang ngeiin ka kala, an in Kawtah Car ka dah a, inchhung ka lut tur erawh ka zam ve deuh det. Nula hi ka rim ngai mang tlat lo a, engtia han awm tur nge pawh ka hre chiah lo. An in a ka luh veleh chuan an chhungkua a Tv an en lai chu ka lamah an rawn hawi dial a, nuam lo ve tak a ni. 

“Lo thu la, Thingpui kan lo indawn chiah a, i duh ve nghal em?” a ti a, ka melh zawk a, a Inbualna a la rei lo aniang,a sam a la hnawng chap a,a Hmui nalh zet lah chu ka en lo thei lo. A hmui ka melh reng tih hria niawm takin a pet sawi zauh a,ala nui sak zui,enge maw a tum chiah ni ?

“Um....ka lo duh ve mai ang,ka lo thleng chiah nang in..” ka ti ve mai a, Choka lam a pan zui ta a.

“Zonunsiama maw i nih?....” Thanpuii Pa in min rawn tih chuan ka bu nghat a. 

“I Nu leh Pa te nen khan kan inkawm ve thin a, ka hria asin,i Pi leh Pu te pawh ka hre tho a, i pa i ang hle mai..” a rawn tih leh chuan ka nui a...Mizoram hi a lo zim anih maw le.. 

“A lo nih chu mawle, ka awm khat lutuk a, Ka pa thiante pawh tumah ka hre mumal lo..” ka ti ve a. 

“Nia...an Boral khan ila Naupang viau in ka hria,mahse tunah chuan tuma tluk rual loh in i lian a,nang zawng i Pa i chawimawi khawp mai..Mami thianpa i lo ni leh zel a, lung a leng rum rum mai..” a ti leh a,ka lo lawm ru veng veng thung.

Kan Thingpui inna No ruak chu Thanpuii bawk in a khawm leh a,an Monu ni ngei tur,Nulian lam,Hmelchhe lem lo tak a awm a,mahse Thanpuii che vel chu puih tum in a lang lo. 

“Zonun...Choka lamah inkawm ila,Ka pa bulah chuan thil hlui a hrilh reng mai ang che..” nui chung hian a ti a, Innel tak niawm a min ko chu ka lawm ru phian bawk. Mahse, tuman  Zonun minti ngai miah lo, Zo-a min tih loh vek pawn "Zonunsiam" tiin min ko vek a. Ani erawh chuan a sawi sual hret a ni.

Dinning Table hual tu Chair ka Pawt chhuak a,ani erawh chuan no a sil a,a Hru leh nghal a,a dah fel leh vek hnu ah a rawn thu ve ta chauh. Kan inhma tawn ta ran maia,midang awm lai ang ngawt kha chuan sawi tur a awm ta lo.

“Awmpui innei ngai lo em ni?” ka ti thut a,a Phone khawih lai dah pah in a rawn hawi a. 

“Nei ngai e,a haw lai ania...engatinge?” a ti let ha a. 

“Engmah ni lo e,nangman i ti vek a,chuvang mawle.” Ka ti a,a nui sak a. 

“nia...Midang min awmpuitu pawh awmse Nula ka nia,ka tih tur alawm..” ati leh mai a,mak ka ti reuh kher mai. Kimkim-i kha chuan a ti ngai miah lo tih ka hria a, ,Bethsy pawn a ti ngai lo..An tih ngai loh vangin mak ka ti chuang lo. Diktak chuan awmpui annei anih chuan an tih ve kher angaihna pawh ka hre lo ve hrim hrim zawk. 

“Kan Inneih hunah chuan awmpuite bula i chet kual vel ka duh dawn lo ania..” ka ti thuta, a meng de sar sar a. 

“Ka hre lo le...mahse tihtur awm reng a tih loh chu hmuh a hahthlak mai mai alawm” a ti leh mai a...Henu hi mi danglam tak a ni ngei ang, ka hmeichhe kawp thin te nen an in ang hlawl lo.An chhungkaw chanchin a sawi siam siam a, kei erawh chuan a then then chauh ka hria,a sawi pah a a hmel awmdan vel chu hmuhnawm ka ti a, thildang ka ngaihtuah thei tak tak lo.

Ka haw tur chu Motor bul thleng min thlah a,a chhungte pawn min mangtha liam liam bawk a, Current a awm loh avangin a thim mup a, thla a eng bawk si lo.Engmah sawi loin ka pawt thut a,min rawn nek deuh rawk rawk a,ka kuah a,a tang lo,a biang tawn tawn ah ka vuan a, a hmui ka tuai sak a. 

“Min hnial suh ...heihi chu ka tih fo angai dawn a, nangpawn i tih hmasak ka phut ania..” ka ti sup a,a che hrat a,ka Kawngah a rawn kuah a,a rawn dingdihlip a,a hmuiin ka hmui a rawn sik chuan ka insum thei tawh lo.Ka kuah bet a,a hmui nem thep mai chu ka fawp a, ani pawn min hnial hauh lo in min rawn fawp let a.....

A inla hrang hmasa a, “kal tawh rawh...Ka chhungte ngaihdan a ni lo ang..” a ti sep a, a hmel ka hmu thei lo a,mahse a tawng danah keimah ang bawk in a Pangngai bik tih ka hria. 

“Um....lut la...” ka ti sup a,a nui hak a...` min kuah bet reng chuan ka kal thei nang,min thlah angai alawm..” a ti leh sap a...

Ka muhil mai thei tlat lo, kan vawihnih in kiss na chauh nimahse Hmeichhe dang ka kawp leh sex ka hmanpuite nen a in ang lo tih ka hre thiam tawha. Kan inpawh a,kan Inhip tawnna nasa lutuk kha mak tak a ni.

“I muhil tawh em?” ka va ti ta ngawt. 

“Um....muhil chiah...” a rawn tih chuan ka nui a. 

“Inneih vat ka duh ania..” ka va ti leh ringawt. Smiley ringawt a thawn let a,a Mizia hi a lawmawm ngawih ngawih a,min ti phur takzet a ni ber. A Inti no lo a,mahse a nu zem bawksi, chutihlaiin ka thinrim min hmachhawn tawh a, a duhnaah chuan min hlau lo va, nawr luih a har zia ka hre tawh bawk. 

Hun a kal zela, tunah chuan thla khat lai kan inkawp ve ta reng, kan inzui tan danah kha  inremsiamna lam ang lek lek mah se a chang hi chuan min duh ve tak tak tan niin ka hre thin a,Rishi emaw Kimkim-i pawh tuman kan sawi ngai lo,chhunah Lunch ei turin ka va kal chilh thin a, a duhzawng hriat ka duh a, a ngainat loh zawng pawh hriat ka duh bawk,engtik lai pawn a lang thar sar reng a, mahse a hna chungchang erawh ka sawi ve a duh lo bur.

“Zo...i dam maw?, Bianu thar i neih hnu chuan biak i har kher mai...” kimkim-i rawn ti talh talh chu ka ngaithla a, he nu pawh hi a mak tho, a hma khan Thanpuii kha a thik em em a, mahse tunah thung chuan engahmah a ngai leh lawi si lo..

“Nia mawle...eng thil nge a?” ka ti let ve a. 

“Zan in chu Aizawl Club ah zaina hun ka nei dawn a, khawngaihin min rawn kal pui thei angem?” a rawn ti leh a, kan inkawp lai kha chuan ka hruai fo thin. 

“Wow.....min mamawh vang animaw min rawn biak, mahse, phalna lak hmasak  phawt angai ang” ka ti let chu a nui har har a,"Ok ...ok.....nangmah hmu chak deuh tu an awm vang ania ka rawn sawm che. I Boss chu lo dil la,min hrilh leh la” a rawn ti leh mai. 

Thanpuii ka Call a, a Pick up thei hlawl lo..A  hnaah a buai anih ring in ka call nawn duh ta lo va, Msg hnutchhiahin Kimkim-in min rawn call leh chuan ka theih tur thu ka lo hrilh a,a la lawm phian zui bawk.Thanpuii nen kan inkawp chinah hunawl ka neih phawt chuan a bulah ka awm thin a,Party tih vel ah ka kal ngai tawh lo, thla hial a vei takah chuan  kal leh pawh a chakawm ve tho mai. 

Aizawl a inti Class deuh ho chu an kim hial ang tihtur a ni. Party nuam tak a ni reng bawk a, Thanpui’in a ngainat loh em avangin amah awm lo mah se zu in lo in Beer chauh ka in a,amah kal ve lo mahse ka zah ru riau tawh. Kimkim-i nen kan thu dun a, ani erawh a kai leh tawh viaua,min rawn kuah pahin ka biangah a rawn fawp a. 

"Engthil nge i tih a..?” ka ti hlur a, a nui har har a. 

“A tawp nan anih kha....tunah chuan min mamawh tawh hleinem...” a ti a,min rawn nek talh talh a,ka tho hluai a

“A tlai tawh viau mai...kal teh ang,tihtur ka la nei ania” ka Sana bih zauh pahin ka ti a,a rawn tho a,a Pai deuh khat khat chu ka chelh a,ka kai chhuak a,Motor ah ka nawr lut a,ka be chak thlawt lo. 

An In ah ka Drop a, Motor atang a a chhuk veleh ka tlan let san nghal a,ka hnaih peih hlawl lo chu a ni e. 

In ka thlen veleh ka intifai a,ka mu nghal a,vawikhatmah Thanpuii pawn min rawn call lo chu ka thinrim a, mahse,ka phone ka en chuan a lo in Off daih niin..ka Off lai ka hre der lo zuia.Battery a Low anih ka rin laiin ka on chuan a lo low si lo. Msg a rawn lut nghal zawt zawt a, Thanpuii Msg chauh ka hawnga. 

Thlalak min lo thawn a lo ni a, chu pawh Kimkim-i nen kan in kiss lai niawm tak a ni a,a Phe deuh a, Zan in a ka bianga a rawn fawh ve ngawt lai ta ka an lak kha a ni tih ka hre nghala.

Thanpuii  Call nghal a, a Pick thei lo...ka Call nawn zel a,a la duh miah lo...

Vawi thum ka call hnuah, "Ka be peih lo che...” tih ringawt a rawn thawn leh a, ka call leh nghal a, vawikhat chauh a ring hman tihin a rejected hmak, ka tinawn leh chu a Switch Off ta daih...

30 ‘ – 6

Ka Muhil thei der ,ka let tawn sek maia, zu ka inpeih der bawk si lo. Mahse khawvar dawnah ka lo muhil ni ngei tur a ni, ka Phone nghawr dar dar in min ti harh a, ka ban vat a "Miss Psycho".. tih ka hmuh veleh ka harh chiang nghal kawk a, ka pick nghal vat. 

“Hello...” ka ti tham tuak a, engpawh sawise inthen a sawi tel loh phawt chuan a tawk a ni mai. 

“Nizan kha ka battery Low a...” a rawn ti a. “Ok, ...pawi lo, mahse thlalak chungchang kha.....” ka tih lai in a rawn pawt chat a. 

“A pawi lo....ka dawng nawlh a ka rawn forward mai mai che anih kha....mahse, mi in kan inkawp tih an hre sia,nidangah chuan fimkhur la...” tha takin a rawn ti a, "I thinrim lo maw?” ka ti bung vuta, keimah zawk ka thinrim tawh...A thik miah lo chuan min ti lungawi thlawt lo..

“Thildang sawi ang, Naktuk hi ka pa Birth Day ania, chhungkaw chaw ei khawm a awm dawn a, hun i nei thei angem ka rawn ti a..” a ti a, ka lungawi lo laklawh tlat tawh. 

“Ka hre lo...ka hrilh leh ang che, bakah in chhungkaw member pawh ka ni hleinem...” ka ti hmuk a, a reh deuh vang vang a

“Nia....i ni lo...pawi lo, i duh leh lo kal lo mai rawh..” a ti a, a dah zui nghal daih...Hrep tak a...Ka kal ma lek anga nimai lawm..

Ka Mood a Off nileng a ni ber, ka haw hnuah Gym Room ah ka lut thla a, chau hnep in ka insawizawi a, mahse ka Mood erawh a that phah chuang lo. Zinga min lo call bak kha Thanpuii hnen a tangin vawikhatmah call emaw Msg pawh ka dawng zui lo hrim hrim. Va biak ka duh ut ut a,mahse ka induhtawkna hian min tih tir thei lo.Hmeichhe dang kha zat in min zar huam huam a, tunah pawh ka duh phawt chuan an tam,mahse he Mihring tehhrep hi chuan engahmah min la ngai lo zawm zel anih ber hi..Pawi tawp lo, a theih chen chen ka thei...

Kar khat lai kan inbe tawh lo...Inthen a duh tak tak a ni phawt ang. Kan Sumdawnna thar tur buaipui turin zin ka ngai a, ka nun ruak lutuk erawh hna in ka hnawhkhat lui a, hna ka thawk nasa a, mahse in ka thlen a hun awl ka neih veleh Thanpuii bawk in ka rilru a luah leh tho thin. 

An In bulah Car ka dah a,ka dahna thinah midang Car a lo awm avangin a piah hretah ka dah a, Kawngka ka kik chuan an rawn hawng vata, Thanpuii nen kan inhmachhawn ta ran mai,a hmelah lah chuan min hmu thut chu a hamhaih anih hmel...

“Ka lo lut thei nge thei lo?” ka ti hluk a, a tawlh hrat a,

“Aw....aih..tehreng mai...” a ti bah nawk. Sitting Room  a ka pen luh rual a ka hmuh erawh chuan min Shock kher thung, Rishi-a tlangnel zet a a lo thu chu ka va hmu a, min tham lo ngawih ngawih hian min lo en a, ka kawchhung a so bulh bulh a ni ber. Tumah midang an awm lo zui. Pawn a Car pawh kha Rishi car anih ngei hmel. A Motor ka hriat thin lo pawh kha a dang an nei ang tih rinna chang ka hre lo erawh a ka in ti viau. 

“Eheu....ka tibuai che u em?’ ka ti zang vuha, thu turin  min ti lo nachungin ka thu lui tho. 

“Aih....tibuai lo e,kan lo sawi zo chiah a..” tiin Rishi zawk in min chhang a, a la nui sawng zui..

“A that hlauh chu...Midang tel ve na chi anih hmel loh em mai, i Pa ka be duh a,a awm em? " Thanpuii en chungin ka ti zui a. 

“An awm lo a...engthil nge?”  tiin Thanpuii zawk in min chhang ta hram e...Tumah an awm lo ngei em tih ka hriatchian duh vang maia zawt ka ni a, an awm lo vek tih ka hriatchian na chuan min ti lawm chuang miah lo bawk. 

“Ok....a pawi lo, Business lamah biak lawk duhna ka nei alawm le,,ka kal leh mai ang..” tih pahin ka tho nghal a, Kawngka lam ka pan a, ka rin ang chiah in min thlah turin min zui lo a, kal rih lo tur in min chelh na tawngkam ka dawng hek lo.tunah chuan a tawp ta... a tawp ta vek mai..

Hunpui a lo thleng a, Bethsy te Nupa in min rawn hmanpui a, kei erawh chu ka zin kual nasa bawka, ka hah em em a, ka Sumdawnna pawh a tlang nasa zual. Thanpuii emaw Rishi pawh an chanchin ka hre ngai lo a,ka ngaihven hek lo. Lalthanpuii vang khan ka nundan phung zawng zawng ka thlak a, hmeichhe Special ah ka ngai a,mahse he khawvel hmeichhia hi an lo in ang vek,an lak tlak hlawl lo,ka tan nawmchenna anni thin a, mahse kha nu kha chuan min hmang tangkai ve ta zawk a,a duh tak a rawn let leh takah chuan min kalsan tih min hrilh hma in ka kalsan ta zawk anih kha..Tlawm nawn leh tur chuan thil theih a ni tawh lo va. Tunah chuan amah ka tawn hmaa Zonunsiama ngai bawk kha ka ni leh tawh.

“Enge i ngaihtuah a...?” tih pahin ka chungah a rawn bawk aka hmeichhe kawp thar ber,Ate-i chu ka en a, Nizan khan Party na atang khan ka hruai haw a,mahse kan In ah let lo in ka huan ah ka tlangpui a, a hmeltha a,a zei in a changkang takzet bawk nen,Thanpuii tih loh ah chuan minti phur thei hmeichhia ka tawn lehna hmasa ber a ni. 

“I chhungte i kalna i hrilh em?” a zawhna chhang loin ka ti a. 

“Hrilh e....I bul anih phawt chuan ka nu in a phal tih i hriat kha...” a ti no nghar a, Nia...ka hria,dik tak chuan amah mai lo, a nu zawk pawh ka huphurh lo. 

A kut zen zaih mai chu a vak kual a, khawihtur lai a hre ngang mai, a hmelah chuan Tisa chakna a lang a,a sen deuh tan bawk nen a lang duhawm zuala,ka pawt chho dawrh a, a hmui sen hlar chu ka fawp a,ka leh thal a, a taksa nalh zet, ria zaih mai chu ka fawp kual dun dun a, ani pawh a thaw hawk hawk bawk. 

Ka Phone ri ah ka harh a, Mahlima a lo ni a. 

“U Zo....Bethsy hian nau a vei a, tunah Durtlang kan pan mek a..” a rawn tih chuan ka tho nghal a, ka mut dawn khan Ac ka on lo a, a vawt kher bawk. 

“Ok...ka lo kal ang,Cabin ka Book vek tawh kha i theihnghilh ange...” ka ti a, a hria tih a rawn sawi a. Kan inbiak zawh veleh ka insiam sawk sawk a, kan Nula te zing a Upa leh awmrei tawh ber  ka kaitho a,ka kalna tur ka hrilha, ka chhuah dawnin Sana ka melh zawka,zing lam dar 2 a kawk va tawh.

Nau neihna room Verandah ah Mahlima alo thu a, min hmuh veleh a rawn dinga. 

“Khawnge an awm?” ka ti nghala. 

"A chhungah ka nu nen an awm,Mipa luh ve an phal si lo a,tah hian ka lo nghaka, an reh vang vang maia" a ti a, a hmelah chuan hlauhthawnna a langa, a darah ka beng thak thaka, khawvar hnu thlengin sawitur vak hre lo in kan thu ngawi dun ta reng. 

“Mahlim....zai angai leh dawn si a...lo lut ula...” rawn titu aw chu ka hriat hnu a ni. Aw lo chhuahna lam ka hawia,thla tam liam hnuah ka hmu leh ta a, ka hmuh hnuhnun ber lai nen khan a lo danglam ta. 

“Tunah maw an zai dawn? ” Mahlima'n a ti hu a, Thanpuii a bu nghat a, min melh zawk a, engmah sawilo in a lut zui leh mai.A  awm ve tih Mahlima hian a sawi miah va, a lo awm ve tih ka hriat takah chuan pawi ka ti em ka hre chuang hek lo. 

An zai chhung zawngin rilru mumal ka pu thei lo. Ka tei kual sek a,Ate-in min rawn call a, ka awmna ka hrilh a, lo kal ve a tum chuan tul ka ti lem lo. Mahse alo kal tho ang tih ka hria. 

Mahlima Nu a rawn chhuak a,

“Mama....Zoa..tNaute kan nei ania, Mipa ania,a lian roh lutuk,Kg 4 lai asin..” hmel hlim sar hian a rawn ti a, ka thaw huai a, Mahlima erawh chu a mittui a tla hial in ka hria. Ka dem lem lo,keipawh ni ila ka danglam lo maithei. Ate-i rawn thlen hnu ah rei vak lo kan thu muang leh a,Bethsy erawh a la harh lo,Thanpuii ka hmu leh miah lo va,Mahlima rawn be tu kha ka hmusual emaw ka ti hial tawh.

Engmah ka la ei loh avangin Canteen kan pan a, an lo khat viau,mahse thutna awl kan 2 a kan thut theihna tur a awm a,eitur a chah a, kei erawh ka tlaivar deuhthaw avangin ka chau ve det..

“Coffee in tel la,i ziawm ka ring...” a ti a,ka hnial lem lo. Coffee leh ei tur dang a chah laia kan hnung lam a hmeichhe pakhat tawng ri chuan ka beng a verh zak mai. 

“Ka pi..khawngaihin Coffee min lo pe aw...” titu chu Thanpuii aw a ni.Ka hmu sual lo tih ka chiang nghala,Hawi let lo turin ka insum hram hram thung. A mut ka ring miah lo a, a chau ve khawp ang..

“Ei ila....chuan mut i mamawh anih kha...” Ate-i chuan a ti siam siam a, ka bu nghut a,an thilsiam ho a tui phian...Ka riltam vang pawh a ni mahna. Diktak chuan kan ei mek hi kan In chu nise ka ei kher lo ang.

Kan kal chhuah dawn chuan a awmna lam ka hawi ta nge nge. A ei tur inchhawp chu tui tih hmel zet hian a ei a, ka awm ve chuan a tibuai ve lo tih a lang renga,kei erawh awmze nei loin ka thinur ru teuh thung.

Bath tub chhungah hahdam takin ka inchiah vang vang a, mahse ka rilru erawh a hahdam miah lo. engvangin nge Thanpuii kha ka hmuh leh kher kher ni? . Theihnghilh tuma ka beih nasat tehlul nen, tunah chuan Ate-i ka nei a, a fel a,a hmeltha bawk a, kan duhzawng engkim a in ang bawk..Mahse, ka kim tlat si lo. 

Ka intleuhfai a,Room ah Ate-in min lo nghak a, tunah tak chuan a bula awm ka chak miah lo. Keimah a awm ka duh zawk a,mahse a rilru tihnatsak kher tul ka ti lo. 

“I lo mu ve dawn lo mi?” ka tih chuan a nui hak a,a rawn lawn a. 

“Ka thawmhnaw kha ha mai la, i kekawr nen kha chuan a nuam lo ang” ka ti leh chuan khum atangin a chhuk leh a,ka thawmhnaw dahna a hawng a, ka Room  ah a vawikhat luhna a ni lo va, ka thawmhnaw a hak vawikhatna a ni hek lo. Ka kawrlum phiar a khai chhuak a, a kekawr a hlip sat sat a, a kawr hak lai a hlip leh a,a pian nalh zet chu a chhuang tih ka hria,mahse ka danglam eih lo..A nu lian lo bawk a,a tan chuan ka kawrlum a lian hret,a mal chanve vel a khuh a, khumah a rawn lawn leh a,AC ka On avangin a vawt lem lo. A rawn inthawlh sat sat a, a mal nal han chuan min rawn khan chial a, Mipa ka ni a,a beisei ka hria,mahse tunah chuan chakna ka nei lo...Ka fawp zauh a. 

“Muhil ang aw...ka chau riau..” ka ti a,a rum hak a,a lungawi chiah lo a ni phawt ang.

Karkhat lai Bethsy Damdawiin ah a awm zui a, Buaipui ngai khawp a harsa anni lo tih ka hria a,mahse an Bill zawng zawng erawh ka pe lui vek thung. Nitin ka tlawh a, an naute erawh ka la pawmsak miah lo. Ka neihchhun a ni a,a hlim chuan ka hlim ve a, ka tan chuan a hlu takzet.

“U....Engatinge Thanpuii nen khan in inthen a?” kan 2 chauha kan awm laiin a ti a, vawikhatmah ka hmeichhe kawp chungchang min zawt ngai lo,a inrawlh lo hrim hrim thin zawk. 

“Ngatinge chungte min zawh a?” ka ti liam mai. 

“Ka hre chak mai mai mawle, nimin khan in haw hnu lawk khan a lo kal ve a, a hmu che em tih ka zawt a, min chhang mumal lo a..” a ti leh siam siam a,

“A ho em mai,Ate-i hi enge i ngaihdan?” ka ti ta daih a,kan Unau a ka hmeichhe kawp chungchang kan sawi dunna hmasa ber ani hial ang,a thle zauh a. 

“Ka hre chiah lo,a fel ang ka ring” a ti a, a tawng danah a ngai na lo anih hmel khawp mai.Kimkim-i nen kan inkawp lai pawh khan a kawm ngeih ve mai a, mahse,Kimkimi chungchang engmah kan sawidun ngai lo.

“Neih mai ka duh a...” ka tih leh chuan a thaw haka, min en loin ka hnung lam a en a. 

“Awi.....lo kal rawh...i lo thlenna a rei tawh em?”a ti nghal zata, kan titi tui luatah mi lo lut thawm ka lo hre miah lo chu niin. Tu nge lo hut en tumin ka hawi let a,Thanpuii lo ding chu ka hmu nghal a,a hmelah chuan kan sawi engmah hreawm in a lang lo.

Ka piah chair ah chuan a thu a,a thawmhnaw hak a inhmeh ngang mai. 

“Ka lo thleng deuh chiah,Naute ka tih harh ka hlau a...awi, in titi tui sia...sawi zawm ru...” a ti hliai a, a lo danglam tawh takzet. A Sam dum hlap mai chu a nung sar a, a cher deuh tawhin a hmel a lang hriam deuh bawk. 

“Kan sawizo tawh ..” ka ti hmuk a,ka rilruah Rishi min tawngkhum dan kha a rawn lang a, ani pawn a la hria tih a hmelah a lang a,Bethsy chuan min melh tawn zak zak a. 

“Rishi a dam tha em?” sn tawng leh hmain ka ti hmuk a,min rawn melh zawk a,a hawisawn leh nghal a. 

“Ka hre miahlo,a dam ang ka ring.” a ti ve mai a, an lo inti tau leh tawh a ni maithei. Nui chungin ngaisanglo tak hian ka en a. 

“Inneih na ah min sawm ve ka phut ania..” ka ti leh a,a then sak a. 

“Kei pawh mawle...” a ti sap Bethsy chuan kan Boruak tang zet chu hrethiam zet hian a khuh kharh a. 

“Naktukah kan chhuak tawh maithei a,kan chhuah veleh Ka nu ten naute thar puala chawei khawm an rawt a,ka phur tawh tawp...” tiin thildang a rawn sawi a. 

“Mate...ka hman ka van ring lo ve. Mahse,a pawi lo. Kan In lamah pawh kan ti leh tho mai dawn nia, Factory lam leh Office ho chu a pian tuk khan zanriah ka leisak tawh a” ka ti a,a nui hak hak a

“I van fel…Mahse,i faten an la ngam dawn der si lo...” a ti a,a meng de sar a,ka nui ve a. Thanpuii pawh a nui ve var var tho.,A landan mai bakah amah pawh a danglam tawh a,mahse la danglam lo zawk chu keimah hi ka ni. A nui chuan ka thinlung chhung a la fan raih raih thei tlat. 

Ate-in a rawn call a, 

“Hello....Bawihi.” ka ti lui kher, Thanpuii nen kan inkawp lai khan a Call ka pick apiangin ka kohna a ni thin a,Ate-i hi chu ka ko ngai lo. Diktak chuan Thanpuii tih el nan ka ko mai zawk. 

Ka awmna min rawn zawt a, midang awmlaia biak ka duh loh avangin Cabin atangin ka chhuak a,Thanpuii hmel dang lap mai khan ka awm a ti nuam hlawl lo.

Zanah Ate-i te In ah ka kal a, mahse ka awmrei lo.

Mu chungin Tv ka en a,Ka Phone erawh ka charge avangin ka Off a, Ka mut dawnah ka On chauh ta chauh. Msg a rawn lut a,ka beisei loh lutuk in Thanpuii a la ni zui. 

“I nupui neih tur ka lawmpui che” tih te mai hi a ni a, ..Vawiin a Bethsy bulah neih ka duh ka tih kha a hre hman a nih hmel khawp mai.

Bethsy msg ka thaana, "Thanpuii kha Rishi nen khan an innei ta lo ami?” ka va ti tawng, a muthilh leh muthilh loh pawh ka hre lo. 

“I sawi awmzia ka hre lo e a. Rishi te chuan Nupui a nei daih tawh,I thianpa ania. A nei tih i hre lo mi? ” tiin a rawn reply a….Mak ka ti ngang mai. 

 30’ – 7

Eng thil nge maw thleng ta le? kum em pawh ala liam hman lo a, mahse he nu ka hriat atang hian engkim hi a thleng chak vel vek ni ber in ka hria. Rishi an Nupui a nei a,mahse Thanpuii a ni si lo. Betsy sawi ang khan ka thianpa a ni a, a chanchin hre tur ka ni. Mahse, kan inkar chhe tak vang leh thian nghet tihtur kan nih loh avangin ka ngaihven lo hmak theia, an chanchin engmah ka hre lo hi a mak lo.. 

“Lalthanpui,eng nge thleng hi min hrilh teh...i chungah enge thleng chiah?” tiin ka rilruin ka bia a, chhanna ka hmu  lo. Hetianga hmeichhia vei tlut tlut leh min to mangang zawnga Buaina te hi amah ka hmuh atang chauh in ka nun ah a intan a. Mahse a man buaina min siam sak lo, keimah leh keimah ka intibuai zawk tih ka hria. 

Bethsy te damdawiin atangin an lo chhuak a, a che thei tho nangin a nuin chet a phal lo a. Awmpui an nei tho bawk nen ngaihtuah an ngai lo tih ka hria. Mahlima a fel ta viau a,Anu leh Pa lah in Betsy an duat em em a, ka nu la dam se, Bethsy nau nei te kha han buaipui ve se ka ti ru em em a. Kei lah Mipaah pawh midangte chung a zahngaihna tlachham tak ka la ni zui bawk nen,Bethsy pawh ka duat hle in hre mah ila Mipa ka ni miau a,a Problem zawng zawng erawh min hrilh ngam tlat lo reng anih kha.

“U....vawiin tlai kha Naute pual in Chawei khawm kan ti ania aw, lo kal hman hram tum la...” Bethsy-in a rawn ti lar lar a, Hunawl insiam in ka kal ngei angai,a neihchhun ka ni a,ka tawiawm zel loh chuan mal alo intih lutuk palh ka hlau a, mahse....Thanpuii ka hmu leh ngei dawn tihna ania, chu erawh ka chak miah lo.

“Ok....ka lo tum ang,mahse ka tlai deuh maithei aw..” ka ti let ve a,hlim zet hian a khek raih a. 

“pawilo...ilo kal hrim hrim kha a tawk reng, eee....chuan , Ate-i pawh lo hruai la..” a ti leh a, mi rilru tluang tak a ni a, ka Nula kawp lai ngaithei lo nih a duh zui lo tihna ani ngei ang. 

“um...ka lo hrilh ang,a hman leh hman loh animai..” tiin ka chhang a, Phone ka dah hnuah chunglam ka melh vang vang a, ka phur hlawl lo. Ate-i ka Text a, ka rin ang chiah in a kal hman tur thu min hrilh chuan ka lam kual ang tih ka hrilh leha. Ka Leather Jacket leh Kamiz ka tuai thuak thuak a, ka necktie erawh ka phelh daih thung.Chair hnunga Over Coat ka ban ka hak thuah leh a,Naute ta tur thil lei kual ka la duh a, Ate-i va lam leh ka la ngai bawk nen, haw tawh lo va office atanga tlang mai ka duh. 

Nidang ang bawk in Ate-i a nalh leh viau mai, khawiah pawh a zahpuiawm ngai miah loh, Inchei a thiam a, a hun leh hmun a hre hle bawk.Bethsy te In kan thlen laiin an chhungte ho an lo thleng khawm tawh a,Rinloh lutuk in Ka Patea Car ka hmu nawlh bawk. Kei chuan ka sawm hauh lo, mahse Bethsy-in a sawm leh a ni phawt ang.Ate-i nen kan inzui lut chu min lo en deuh thap a, Bethsy-in lawm tak a min lo Welcome takah chuan an ri leh ta nak nak a, ka thil lei sak ka pe a, a lawmzia a hmelah a lang a, a nui var var reng mai. 

“Ate....Mama hi ka be lawk duh a, pawi i tih loh chuan...?” Ate-i a melh ran chungin a ti a. "Tehreng mai....” a ti a,a nui var var bawk. 

" A rei lo ang...” Bethsy-in ati leha, min rawn en a,` U...Kan Room ah chho lawk ila...” a ti zuia, muangchang in Step ah a chho a, a hnungah ka zui a, kaih ka tum erawh chuan a duh der lo.

“Engthil nge?” Ka ti a, khum ah a thu a, kei erawh Dressing Table nghengin ka ding thung. A tawng hmain min melh zak zak a. 

“Damdawiin ka awm lai khan  Patea a lo kal thin a, mahse i hriat a duh lo a, ih....Ka Nutei nen an inthen tawh a..chuan amah hi a hrawk a Cancer bawk a ” a ti sap a, ka ner nawk thung, min mamawh tihna a ni phawt ang...

“chuan,eng nge? ...” ka ti sup a,  "kan chungah a tha tawk lo tih ka hre ve tho a. Amah hi Sum lamah chuan ngaihtuah pawh a ngai lo,a la pension lo a, mahse amah chauh in a awm tawh a, Fa an nei bawk si lo,i bula insawn mai tur in ka lo hrilh a....” a ti niah niah a, ka rilru tawt up up chu Control tum in ka thaw hawk a. 

“A  theih loh...i hria alawm, kan mamawh ngai lo a, tunah pawh kan la mamawh chuang lo” ka ti hmuk, a kut tin a seh a, a rilru a buai tih ka hai lo 

“Nia....ani pawn a duh lo, i ngaina lo tih a hria alawm...mahse, U…chhungkua kan ni a....” a tih laklawh laiin ka ban ka vai a, “Ni lo.....Mate....chhungkua kan ni lo, ka Nu leh Pa an Boral hnu khan min ngaihven tur anni a mahse khawiah nge an awm?, Fa pawh annei lo a, chuti chungin min enkawl turin Ka pi Leh Pu chauh anih kha lo kal....a theih loh...chhungkua kan ni io...sawi leh tawh suh ang che..” ka ti hmuk hmuka, ka thinrim takzet tawh. 

“Ok....ka sawi tawh lo ang , mahse...U...vawikhat chauh lo ngaihtuah leh la,Nutei sual vangin min ngaihven thei lo pawh animaithei asin..tunah hian Patea hi bawihsawmtu nei lo in kan kalsan ngawt thei lo...” a ti leha, a kun a, a insut zuo hraih a, a tap tih ka hria.

“Ka lo ngaihtuah ang,amah enkawltur in Nurse ka ruai ang tih lo hrilh rawh” ka ti ve ta nge nge a, amah ka ngaihtuah vang ni lo in Bethsy tih beidawn ka duh loh vang zawk a ni 

Inhnuai a kan chhuk leh chuan Sitting Room kil khatah Bethsy pa leh Patea lo inkawm lai chu ka va hmu a, kan luh tirh khan ka hmu miah lo. Ka en vang vang chuan a cher hle a, a sam a tuak phauh phauh tih ka hmu a, Ka Pa ka hre chhuak vawng vawng mai.

Ate-i ka hmu mai lo va, choka lamah chuan hmeichhe ho nui ri ka hria a, a awm ve anih ka ring a, ka ngaihven hurh peih lem lo. amah a in enkawl thei tih ka hria. Mahlima a rawn thu ve a, kan titi luam a, tunah chuan a in ti patling ve takzet tawh.

“U Zo....Nupui nei ve tawh teh...Bethsy hian a ngaihtuah si che a, a rilru zawng zawng ka nei thei dawn lo...” tih pah in a nui sang a, ka nui ve a. 

“Nia mawle...kan la ngaihtuah ang chu..mahse Tlangval a nuam em a ni...” ka ti ve a, a thle zauha. 

“A dik chiah....mahse Pa nih a, kan Nupuite chung a kan mawhphurhna han hlen chhuah hian nun a kim asin, Sex chauh a lo ni lo, a hlimawm vel vek asin.” A ti leh a,a dik mahna..

Chaw kan ei laiin Thanpuii a lo thleng a, a tlai avangin thupha a rawn chawi chul bawk. A sam a tawn tawm vek a, Coat Grey Colour a ha a,a kekawr tlem a tight lam leh Kamiz var thianghlim tak a ha bawk. Nidang ang bawkin Make-up  a hmang anih pawn a tlem khawp ang. 

“Rawn ei ve nghal mai rawh, an ei nual tawh a...” Bethsy-in a ti thuai a. 

“A va inthlahrunawm ve...mahse pawi lo, puar loh ai chuan zak lo mai ang..” nui har har chungin a ti a, a nuih zawngin a biangsum a khuar kalh bawk. Ka awmve tih a hre lo a anga, ka awmna lam a rawn hawi miau loh avangin min hmu lo pawh a ni maithei.. Chaw ei tur a In lak ve nghal a, a Coat hak phelhin a kamiz hak chu a hnute lian kawh lah mai chuan a rawn nawr kau deuh a,a landan duhawm zia a inhre phak lo zawk ang. 

Pawna a chhuak ka hmuh veleh ka zui ve nghala, "I dam maw? " Tiin ka be ta nge nge...Ka tawng ri hraiin a rawn hawi let a, Motor kawngkhar a hawng tur chu a thulh leh a. 

“Dam alawm, nang zawk?” a ti dam thlap mai,a nui lo a, hlim lo hmel a pu chuang hek lo. 

Ka bu nghut a,`Haw hma i tum hle mai , i chhungte hi ka va hmulo ve,an lo kal ve na nge?” ka ti leh a,a lu a thing a,` um...kal lo” a ti tha ve mai. "Rishi nen in innei dawn emaw ka lo tia?” ka tih leh chuan a ner sawk chu ka hmu a, a mit meng lian kelkawl chuan min en a. 

“Ka nei dawn emaw i tih vang mai mai anih chu....” a ti deuh hmak a, sawi leh mai tur ka hre lo,a then leh saka. Engmah sawi tawh loin Car a hawnga,a lut zui ta daih a, a awmdanah chuan min la thamlo tluang zel tih ka hai lo..Motor a ti nunga, a tlan nghal mai dawn emaw ka tih laiin ka beisei loh tak hian Glass a Down a, a rawn dak a. 

“In Company thar atan a Advertisement kha a fuh khawp mai, Model in a zir bawk a, ka lawmpui che, saw...tunah pawh a rawn zawng che anih ka ring” tih pah in a thle zauh a, ka hawi let thuai a, Ate-i rawn chhuak mek chu ka va hmu a, ka hawi let leh nghal a, mahse Thanpuii erawh a tlan chhuak hman der tawh.

“Ka rawn zawng che a..” a rawn ti nghala,a hmel hi chu a tha chiang a ni, a sexy zui bawk.Mahse, ka hlimna zawng zawng neitu erawh a ni miah si lo. 

“Tu nge i biak kha?...Thanpuii an tih kha a ni tiraw?” a ti a,a rawn hmu hman anih hmel khawp mai. 

“Anih kha....Bethsy Doctor thin ania, kan han inbe lawk anih kha..” ka ti hmuk a, eng vang a Dawt sawi kher nge ka nih ka hre lo. Ka Bianu hlui te a hre deuh vek a, min zawt ngai lo a, Kimkim-i chauh a thik bawk. Thanpuii erawh hi chu kan inkawp rei lo bawk a hre lo a ni mahna. Min la  zawt ngai lo va, keipawn ka Bianu hlui dangte ang a sawi chhuah kher ka duh hek lo. Anihna takah chuan ka phal lo a ni zawk mah.

“Lut ila...haw nghal deuh mai ka duh,ka chau riau a..” ka ti leh sup a. Min rawn nek talh talh a, kan inkawp tih mi zawng zawngin an hria a, mizingah inti ta tu tak a min chei vel hi nuam a ti tih ka hre bawk.

Ate-i ka thlaha, ka awmdanah danglam a hmuh ka duh loh avangin danglamna awm miah lo in ka thlah a,ani pawn min ringhlel hmel a pu lo.

In ka thlen veleh hun rei tak ka tih tawh ngai loh Fb ah ka lut ve mial a. Thanpuii Wall ah ka lut a, a chungah enge thleng ka hre duh tlat. Fb velah a luangliam chiam ngai lo tih ka hre tho a, mahse engemaw tal a dah ve ka beisei a, ka rin ang chiah in a lo active lo hle a,a Propic ngai a la hmang ta renga, thil thar lam a awm loh danah a lut ngai mang lo a ni ngei ang. Group eng eng emaw min lo Add na alo awm tuar a, ka en kual hnuah Thanpuii-ah bawk ka lut leh a, thil eng emaw ka hmu ta.....tun lawk a a Update a la nizui...

“Aw, Lalpa....a tawk tawh lo em ni?” tih zawng a ni..Eng nge sawi a tum ka hre lo. An chhungkuain Buaina an nei zawk tihna nge ni?Engamah hmain ka buai lohna tur ah ka buai leh der tawh.

Bethsy ka Call leh ta nge nge a ,

“aw...U....” Hello pawh ti lo in a rawn ti a, Patea chungchang sawi tur emaw min ti maithei. 

“Mate...Thanpuii te chhungkua hian buaina an nei em?” ka ti deuh tawp. 

“Ka va hre lo ve....ngatinge?” a rawn ti let ha a, ka thaw huai mai. 

“Eng ni lo e...Vawiin khan a chhungte tumah ka hmu lo a, Apa kha biak ka duh a..” ka ti leh a, Dawt ka sawi leh ta ngawt. 

“Apa hi chu a dam tha lo an ti ngei a,aaaaa...ka hre lo, a na vak lo an ti bawk si” a ti leh maia. "Aw le,a pawi lo,ka rawn zawt mai mai che” ka tih chuan a nui hak a. 

“Amah zawt mai la..” a tih chuan min rawn fiam tih ka hria. 

“Min be duh teuh lo mai..” ka ti let ve a.

Tukverh ka hawngin Balcony ah ka chhuak a.Boruak thinghlim tak mai chu ka hip vang vang.Kan Compound zau tak maia Thingkung ding ho chu thli in a chhem ri seng seng a. Hun kal tawh ka ngaihtuah a, naupanlai atangin Retheihna awmzia ka hre ngai lova, ka awh zawng apiang ka nei thei thin. Mahse...Thanpuii ka hmuh hnu atang khan engkim a danglam ta vek. Ani hi duh em em mah ila ka nei thei lo a, ka nei thei lo satliah mai pawh ni loin ka induhtawkna a ti chhe vek bawk. ka Hausak na zawng zawng pawn hlimna min pe tluantling thei lo tih ka hriaa, amah ka nei thei lo tih ka hriatchian tawh avangin hmalam pan a hun ka ti a. Mahse, Ate-i laka rilru pek ka tum veleh a lo lang leh a, ka nun a tih buai zia a hre phak der si lo. 

Atei nen kan inbiak zuai hnuah mu chungin inkhel ka en a, phone-ah game ka khel pah bawka. Dik tak chuan Text Message emaw, Whatsapp pawh ka hmang mang lo.Phone kheuh neuh neuh turin hun ka nei lo va. Atei pawh hi ka call mai zel. Ka inkhelh zawhah Whatsappah Thanpuii Online leh Online loh ka check a, a lo Online bakah status a lo nei ve khiah bawk. 

“Status chu va sad ve..” ka va ti thawra, "nia..” tih ringawt in a rawn reply a. 

“Va mengrei ve...’ ka va ti leh ta nge nge..

“nia....” tih bawkin in a rawn reply leh ringawt. 

“I pa a dam tha lo tih ka lo hre lo a..” biak zui zelna tur zawngin ka va ti leh hram a, a reh ta hmak...a Online reng a,a reply lo ve hrim hrim a ni zawk. 

A rawn reply hun ka nghah reng laiin ka thil in a thawk a, mutchhuak in min zem chiai chiai a, ka muthilh lai ka hre lo,ka harh leh chuan Tv a lo la in On a, Inkhel erawh a lo zo daih tawh. Tu nge chak zawk pawh ka hre ta lo. Tv ka off hnuah room Light ka Off leh a, Mut pah in Ka Phone ka en a, Thanpuii Msg a lo awm khiau. 

“Khawngaihin min lo be tawh suh,i mi tih el na tel lo pawh hian ka na tawk em em asin” tih a lo inziak kalh mai. 

30” – 8

A Last Seen ka en vat a, a rei tawh...Tunah chuan be mah ila awmzia a awm tawh lo, a chhan zawt tur pawn a tlai vek tawh, ka tih el ka hre lova, engvanga hetiang zawnga ngai nge anih hriat ka duh tlat. Rishi chungchang ka sawi vang kha anih rinn ka nei thuta, Nupui dang a nei chu a lo na viau zawk nge ni? Amah ka lo duh ngawih ngawih laiin ka nei thei lo, ani-in Rishi a duh ngawih ngawih a, a nei thei bik chuang lo. Khawvel tak hi chu aw. Kan neih theih mai ai chuan kan neih theih hauh lo turah kan in ham buai em em vek zawk a, awlsam taka kan hmuh theih leh neih theih erawh kan ngaihlu leh miah si lo...

Ka Muhil ta mang lo, ka Mumang a buai deuh nuaia, Thanpuii bawk ka hmu zela,mahse a chiang lo vel vek. ..

Ka harh chuan khua a lo eng uar tawha, zanah ka mut that loh vangin ka mit a na urh bawk. Tho mai peih lo in ka mu deuh vang vang a. Thanpuii leh Patea ka ngaihtuah thlak chhen a ni ber. Ka Patea hmel ka mitthlaah chiang em em a lo lang a,nimin khan a chauh hmel ngawih ngawih nimaiin ka hria. Hman a ka hriat thin, Pa lian leh in Fit zaih thin kha, tunah chuan a natna in a hneh tawh mah mah a ni ang, a tar bawih tawh a, nuam lo tih hmel tak a min rawn melh leh zauh zauh thin khan ka rilru a ti nuam hlawl lo. Mahse, kan Naupanlai hun hrehawm lutukte kha theihnghilh tur chuan harsa ka la ti a, Delhi a kan In-ah khan kei leh kan Driver bakah Ka pa in Delhi a manager atana a dah, Bengali tlangval nen chauh kan cheng a, Ka Nu damlai kha chuan min awmpui reng thin. Cook kan nei a,a ni erawh a riak  ve ngai lo. Awmpui dang kan nei ngai lo va,mahse karkhatah insu tur leh Inchhung tifai turin Nu 1 a lo kal thin a, ka Thian, Mizo thenkhat, School ka kalpui thin te kha chu an chhungte nen hlim tak in an haw thin a, kei erawh kha chu Aizawla ka haw chang pawhin kan Driver, Sanjay-an Airport ah min lo lama, min thlah leh thin bawka, midang tumah min thlah tu leh ngaitu ka nei ngai lo.Kan Schoolah pawh mamawh kan nei anih chuan Ka pa hnuaia thawk kha a rawn thlawk thla a, a rawn tifel mai thin a, hmuh pawh ka hmu mumal ngai lo. Ka pi leh Pu-in min rawn tlawh duh thin mah se an hriselna a that tawk tawh loh avangin min tlawh thei lo a, Ka Damlo anih pawh in Doctor kan hriatsa-in min rawn enkawl mai thin a, Ka pa Manager kha a fel em a,kawng engkimah Pa chanchang in min enkawl a, ka vannei a ni zawk. Khang hun lai, ka chhungte ka mamawh ngawih ngawih lai te khan Ka Patea khan min ngaihsak turin vawikhat pawh a lo kal ngai lo va,Mal ngawih ngawih niin ka inhria a, Ka pi leh Pu-in nitin min rawn Phone thina, kha khan ka nun a chelh hram hram  a ni ber. Thian ka kawm ngai mang lo a, ka thin a chhiain mi tihmawh leh luhlul takah ka chhuah phah niin ka hre fo bawk. 

Ka Hlauthawn chang a awm lo thei lo va, ka nu leh Pa ka mamawh ngawih ngawih a, an awm tawh der si lo, an ai awhtu tur Patea khan a mawhphurhna ah min ngai miah lo kha mak ka la ti thin. Kan Mamawh laiin a awm ngai lova, tunah min mamawh mah se a thil lo tih tawh khan min pawh ngam tur in a siam bik lo a, keipawn ngaihsak har ka ti ngawih ngawih bawk.

“I la tho lo mi?” tiin Ate-in min rawn bia a...."Um,ka Lu a na deuh a, mahse,ka tho tep” ka tih chuan a thaw hak ka hre theia.

“Ka lo kal dawn mi?, Damdawi i ei em?” a rawn ti leh thuaia, a mak teh chung thin...

“Lo kal a ngai lo...ka tho tep...dah phawt ang aw,hna lam atangin Call ka dawng a” ka ti a...engatinge dawt sawi ka chin tak viau tih ka ngaihtuah zauh. Ka dah hnuah Thanpuii ka ngaihtuah lehnghal zat peka, Atei nen an inang lo ngang mai. Thanpuii kha chu engkim ah ka va tih hmasak angai fo a, min rawn Call ngai lo tluk a ni a,a rawn Call anih chuan a pawimawh viau zel bawk, keiman ka Call anih loh chuan Nileng deuhthaw kan inbe lo mai thin a, Thinrim awmzia a awm lo tih ka hria a, ka thinrim peih lo law law thin. Atei erawh hi chu ka Call hman mang lo a, aman min rawn be hmasa deuh ziah a,kan In ah alo leng fo bawk a, chutiang bawk in Office ah pawh a lo kal fo, Thanpuii erawh kha chuan a hna chungchangah ka inrawlh a duh lo a, chutiang bawk in ka hna ah engmah a sawi ngai lo. Kan Inah phei chuan kan Inkawp tak tak hnuah khan a lo kal nawn miah lo.

Phur lo takin Hna kal turin ka chhuak a, Factory ka tlawh hmasak hnuah  Chawhnu lamah Office ka thleng chauh a, Ka Phone ri reng chu ka hne hluah hluah tawh. Ka Office-ah hahdam tak in ka thu a, mahse ka rilru erawh a chawl lo,ka maimitchhinga, ka Phone ri pawh ka ngaihsak peih lo. A rik reng vangin thinrim ru tak hian phone ka en a. Bethsy a lo ni a. 

“Hello...Mate...”ka mood fuh lo tak tilang loin ka ti a. 

“U....Patea a chau thut a,damdawiinah kan dahlut fel chiah a, ka rawn hrilh ve hrim hrim che aw..” a rawn ti a, a aw ah chuan a tap zo hlim hlawt a ang viau. 

“Engtin nge a awm a?” ka ti liam puat a. "Tunah chuan a Muhil a, eng eng emaw Test tur min hrilha, Result kan hmuh hunah a awmdan tur kan hre chiang thei ang chu..” a ti leh a, Bethsy-in a awmpui hman dawn si lo a, tu tak in awmpui ang maw??

Ka staff zinga ka rin ber hnenah Private a thawk tur Nurse zawng turin ka hrilh nghal a, Diktak chuan hlauhthawnna ka nei ve tho. Darkar khat hnuah a hmu thei ta hlauh mai. Office-ah min rawn hmu turin ka ti a, ka nghah chhung in kan sumdawnna thar a Pawisa che vel kan Accountant-in min rawn thawn ho ka check a, bul tan chauh pawh ni ila a chhe lem lo. Tlem chuan ka Mood pawh a zia ta deuh,Nurse tur a rawn thlen meuh chuan ka zia awm viau tawh.Ka Lu na erawh a la reh tak tak thei lo. Nula,la naupang tak a ni a,a hmel-ah misual tur niin ka hre lo,a Bio- Data ka check a, sawiselna tur vak a awm lo. Ka duh dan leh mamawh dan ka hrilh chuan fel tak in min chhang a,a hlawh tur pawh kan sawifel nghal a, mahse Test Result a chhuah hunah ka hrilh leh ang tiin ka thlah a, a kal chhuah veleh Office ka chhuahsan ve nghala. Inah ka haw tlanga, tunhnaiah ka inthlahdah deuh avangin ka fit lo a,Darkar 1 dawn ka insawizawi leh hnu chuan ka chau leh lu na bur pawh a reh ta deuh. 

Bethsy ka Call leh a,"A la muhil reng a, mahse ngaihtuahawm a ni tawhl lo..” a rawn ti a, tunge awmpui tih ka zawh erawh Network chhe lutuk avangin a hre thei tawh lo. Call nawn pawh ka tum chuang lo va, Hriat duh ka nei anih chuan keimah ngei kalin ka va enfiah mai ang chu. 

Khua ala vawt var var hle a,Sweat Shirt  chungah Jacket chhing deuh hlek ka hak hnan leh a, zan chhuah a peihawm loh takzet. Kan Nula hnenah ka kalna tur ka hrilh a, ka rei tur thu ka hrilh tel bawk a, kan hnena awm rei tawh a ni bawka, kan chhung zing ami ang tak takin kan en ve tan tawha, ani pawn engkim a ta ang maiin a en ve tho bawk.Kan awmloh pawn a rintlak em em a, Bethsy nen phei kha chuan inkawm ngeih tak anni a, kei erawh ka nelawm loh aniang, min nel lutuk lova, Hlauh erawh min hlau lo.

Ate-in min rawn Call leh a, ka kalna tur dik tak hrilh lo in tihtur pawimawh ka nei tih ka hrilh ringawt, a fel mah mah thin a, a hriat phawt chuan lo kal a tum leh ngei dawna,ka bula awm turin ka duh rih tlat lo. 

Motor veivak an tam vak tawh lo bawk a, Motor dahna tur pawh zawn buai vak a lo ngai lo. Damdawiinah ka lut chho a, Patea'n ka kal tih hrelo se ka duh avangin lo la harh lo se ka duh viau. Ka induhtawkna hian a mah ngaihsak anga min hmuh ka duh lo bur a ni mai.Kawngkhar atangin a awmna ka en hmasa a, he damdawiin hi chu Cancer nay na veite tan bik anih angin intlawh theih hun khauh taka kalpui a ni lo va, midang an lo la awm nak nak pawh a mak vak lo. A kil ber a Patea la muhil bam ka va hmu a, a cher bawk nen a lainatawm viau. Tumah awmpuitu awm ka hmu lo.

Khum bula thutna tur an dahah chuan ka tih harh palh hlau tak hian ka thu a, Drip an khai mek chu ka en a, awmzia hre tam lo mah ila kal muang ka ti ve viau ringawt. A inhuam reng chunga zanin atanga Nurse kha ka kal tir nghal lo erawh ka inchhir leh ta deuh. 

“Zonun....ilo kal animaw?” ka hnung lam atang a hmeichhe aw in min rawn tih chuan ka hawi chho vat a, ka beisei loh ber Thanpuii  Tui Bottle keng chung hian Hamhaih hmel zet hian alo ding a, kei pawh ka hamhaih ve tho, ani ber kher hi chu hmuh ka inring lo lutuk. 

“Aw, lo kal lawk.....Enge i rawn tih ve dawn?” ka ti hmuk a, khum sir a Bag awm a ban a, ka kaltirh atangin bag a awm tih ka hre miah lo. 

“Ka riahpui dawn a..” a tih chuan ka hmuh thut vanga ka buaina aiin ka buai lehzual ta. 

“Engmaw?, eng vangin?” ka ti nghala, Patea tih harh ka hlauh bakah khum dang nen inhnaih tak a awm kan nih avangin kan tawng an hriat ka duh lo va, ka tawng ring lo. 

“I la hre ve lo a ni maw? I Patea Nupui leh kan Monu hi unau anni alawm” a tih chiah chuan ka kut ka humruh a, a fiamthu anih ringin a hmel ka en a, mahse uang hmel reng lang a lang lo. 

“Anih chu mawle,ka lo la hre ve miah hleinem. Anih chuan i awm tho bawk a, ka kal leh mai ang” tih leh thawh ka rual a,engtinmah min chhang lo. Stepah hmanhmawh takin ka chhuk a, lo kal lo tawp ila tha tur tiin ka ngaihtuah a, a chhan sawi ber tur hre si loin ka thinrim teuh maia Vawiin chu engmah a kal fuh thlawt lo a ni ber e. .

“Zonun....kan inbiak angai ania..” a rawn tih chuan min zui zel tih ka hre ve chiah a, kan inhriat tirh lama thil thleng ka hre chhuak zawkzawk bawk. 

“Eng chung changah maw?” ka ti deuh hmuka. "A tam mai...” a ti ve tawp. Zanin chu ka hriatthin Thanpuii kha a ang lo em em a,a hmel induhtawk larh thin kha awm loin hmeichhe der dep leh tihnat awlsam tak ang maiin ka hmaah chuan a ding a. 

“Motor ah lut rawh...” ka ti ringawt. 

“Mahse " Tih pahin min rawn en a, ka hmel landan chuan a ti zam a ni ngei ang, tawng zawm lo in a ngawi leh ta daih a,Motor lama ka thlek leh zauh chuan thuawih tak hian a kal kual a,ka thu lut a, a rawn lut ve nghal a. 

“I Patea hi a tha lo takzet ania. Kan Monu atang daih a Inzawm nimah ila kan inpawh a,Ka pa khan i tan a nawm loh a rin avangin i bulah khan kan inpawh tih a sawi lo mai mai zawk anih kha. A Nupui a Uire takah khan a na em em a, kan inpawhna erawh in a chhiat phah lo. A ngai thin che u a,Bethsy nen chuan Pa fa tak in an awm tawh a, mahse nang erawh hi chu a pawh ngam ngang lo che a, i theih chuan a hun hnuhnung hi hlim tak in hmantir la.....” ati dam thlapa. 

“Chu zawng chu em ni?” ka tih chuan ka aw min a hriam hraih mai. 

“Aw....a dang eng nge ni ang?” a ti let a. 

“I sawi zawh chuan chhuk rawh, kan Chhungkua a inrawlh turin engmah i ni lo...” ka ti hmuka, ani erawh a thaw hak. 

“Oooo....ka hrethiam e,ka tihpalh a ni” ati sap a, kawngkhar hawnna a ban nghal a, eng nge ka hriat ka hre lo. A kut-ah ka va man chawt a, ka pawt hnai zui thuta, min rawn bawh deuh rawk mai. 

“Ngaithla teh. Ka ti el che ni a i hria kha a dik lo, ka nei thei lo che tih ka hria. Mahse i duh ber i neithei lo kha ka hmusit lo che. Duhtak neih theih loh hi a hrehawm zia ka hria asin” ka ti sup a,reilote che chang lo in a thu a, a Sam rimtui zet chuan ka hnar a rawn verh a. Harhchhuak thut niawm tak hian a tal nghal phat. 

“Min thlah teh,mi in min hmu ang, i tan chuan Ate-i chan hi a harsa dawn ania” a ti nghal a. 

“Ni e, harsa ka ti ngei ang. Mahse,a hma a ka chan tawh ngaihtuah chuan a awlsam zawk daih ang” ka ti leh hmiah, a tal leh phat chu chelh zui tawh lo in ka thlah a. 

“Mangtha le..” ati sap a, kawngkhar a hawng zui nghala. 

Kun deuh chunga damdawiin chhunga a lut chu a lan theih chhung ka thlir a, ka Thinlung zawng zawng a kalpui tel vek ni ber in ka hria.

In ka thlen in Dar 10 a la ri lo a, chaw ka ei nghala, ka ei tui lem lo. Engkim mai hian ka nun an ti nuam lo vel vek. Kan Nula te erawh chuan ka Mood fuh lo lutuk chu min melh hrek hrek ngam tawk nimai hian ka hria.

Room a ka awm hnuah aawm hle hle thei loin Laptop ka On a, Cancer chungchang ka enkual a, tunah hian Patea hi eng stage-ah nge a awm ka hre lo. A landanah kha chuan a chhe tawh hle a, damtha leh thei hmel a pu tawh lo. Thi mai tura ka ngaihtuah chuan ka awm a nuam lo viau. Thanpuii leh Bethsy sawi kha a dik tih ka hria,a hun hnuhnungah hian a hlimna tur ka tihsak a tul a, ka ngaihsak avanga a hlim dawn anih phawt chuan ka ngaihven mai tur pawh a ni. Mahse.....harsa ka ti lutuk, chutihlaiin ka chaklohna  lian ber, Thanpuii berkher in a awmpui a,ani in a sawi tawh chu tih loh harsa ka ti thin. A rilru a ngil em em a, Patea pawh mihrang ang in a en lo a, mualphothlak tak in an inzawmna ber a Nupui in Uire san mah se a thlahthlam chuang hek lo. Midangte tana nun hi nuam ati anih ber hi.

Patea Nupui a uire a tih khan diktak chuan ka engahmah a thawk lo, a duh duh in awmse pawi ka ti hek lo. Bethsy sawi ang chiah khan ka patea hian a Nupui vang khan min ngaihtuah ngam lo niin ka hre ve tho a. Mahse, Mipa a ni a, a Nupui vanga a chhungte min thlauhthla erawh a thiam bik chuang lo. 

“I muhil tawh em?” tiin Thanpuii msg ka va thaana. 

“Aih....hei a harh tawha, a zia viau e" a rawn ti let nghal zat. 

“Ok....i riahpui vangin ka lawm e aw” ka ti leh a, a reh ta vang vang,a tihfo danin, ama mimal thil ang zawnga biak thui a duh lo tih lan tir nan min reply peih leh tawh lo a ni ngei ang.

Hun a kal a, tunah chuan Patea pawh a tha leh deuh tawh a, In lamah a awm tawh bawk. Nurse pawn a awmchilh tawh a,awmchilh tura inbia kan ni bawka hlawh pawh a sang far far khawp mai. Kan Nula te zing a phanchang tawh lam,fel tak mai inchhung enkawl turin ka awmphei tir rih a, keichuan ka tlawh ngai chuang lo. Mahse, a chanchin erawh nitin Nurse hnenah ka zawt ziah thung. 

Ate-in a lo hre thawi a, a buaipui leh chung ka hlauh avangin tlawh turin ka duh lo tih ka hrilh nghal a, a lungawi lo viau chungin a tilui ngam lo 

“Vawiin ah Ate-i alo kal a, chuan U Thanpuii kha mei nei deuh takin a tawngkhum a..” tiin kan nula ka awm phei tir khan min hrilh a. A awm phei dawn khan Inchhungah thildanglam thleng a awm phawt chuan min hrilh nghal thin turin ka ti a,ka hrilh ang ngeiin kan nula chuan thil thleng min rawn hrilh a lo ni.

“Engtin nge a tawng a?” ka ti a. 

“Ka hre chiang chiah lo,Nangmah beisei tawh lo tur in a ti in ka hria...” a ti bah nak a,ka insehruh nghek. Thanpuii hi ka Bianu hlui a ni tih a hria a ni phawt ang.

Ate-i ka Call nghal a, engmah thil danglam thleng lo ang hmiah in min lo bia a. 

“Thil sawipui duh che ka nei ania, tunah Office ah lo kal rawh” pehhel loin ka ti nghal a, a tawng duah hmain ka off nghal hmak bawk. Thanpuii ka Call leh a, a pick up lo va,ka call nawn zel bawk. 

“Ka buai lawk a..” tih a rawn thawn a,ka call nawn ta lo. Minute tam a liam hmain a rawn call back a. 

“Enge nita?” a rawn ti a. “Vawiin ah thil duhawm vak lo a thleng tih ka lo hria a..” ka ti mawl tawp,a reh vang vang a. Tawng leh ka tum lai takin a rawn tawnga. 

“A ho lutuk,engmah a sawi sual hleinem. Ka tih loh tur ka lo tih palh vang anih kha...” a rawn tih chuan a aw a zawi viau. 

“Ni lo....keiman ngaihdam ka dil e,a thleng nawn tawh lo ang” ka ti nghuta, a ngawi leh vang vang a a dah emaw ka ti hman hial. 

“Ni e...tawk tawh rawhse, vawikhat mai chu ka ngaithiam a, mahse vawi engemaw zat in vau ang zawnga ngaihtheih tura intawng khum hi ka duh bik lo ania” a rawn ti a ,a awah chuan a lungawi lo ngawih ngawih tih a hriat theih bawk.

30” – 9

Ate-i rawn thlen chuan ka lo in Control leh thei deuh tawh a, a hmeltha tak phena a nun bawlhhlawh chu ka hmu thiam tawh a, Thanpuii anga a nihna zawng zawng lang lo in a that derna mai mai a ni tih chu ka tawh a, a nungchang ka ten hluah hluah zawk.

“Eng thil nge a? nang leh nang lo ang in i hmanhmawh hmel lutuk a...” ati a. "Thu phawt rawh...” ka ti hmuk a, ka be tui hlawl lo..

“I awmdan a mak e, minti hlauthawng ania” ati leh a, hlau hmel deuh hian min melh a. 

" Hlauh tur a awm lo. I awmdan a mak hmasa em a, chuvangin ka lawm lo. Engvangin nge Thanpuii kha min beisei tawh lo tura i lo tih ngawt a?” ka ti chu ka aw a chang beng bawng viaua,ka thilsawi a hriat takah chuan a meng bial kawk a, hnuai lam a melh ta daih. 

“A beisei che avang a i Patea chunga a tha der vel hi ka hne lutuk” a ti sap a, ka thaw hawk. 

“Chulamah chuan lo buai suh, a duh phawt chuan a enkawl in a buaipui thei, nang hian i tih loh tur i ti zawk..Kal lo turin ka ti che a nilawmni? engvangin nge ilo va kal a?” ka ti deuh khur khura,a rawn hawi chhuak a, a meng ling hlar mai. 

“I Patea ania lawm..ka buaipui chu ka dik lo tihna ami?” ati nghata, ka thinrim ala hmu ngai lo a, hetiang a tawngkam vin hian ka la be ngai hek lo. 

“Dik lo....dik lo hulhual, ti lo tura ka hrilh che hi chu tilui ngai tawh suh, a thuhrimin Thanpuii chungchang ah phei chuan engmah sawi tawh ngai suh ang che” ka ti leh hmuk a, a tho phat a. 

“Thanpuii i ngaihpawimawh zia hi ka hre lo der tang tang a, hrehawm ka ti ve tawh asin. Engatinge chuti taka i duh chuan i neih mai lo? ” a ti  ve ta hlar mai, a mittui a hru zauh a, mahse a muttui tla chu ka engahmah a thawk miah lo. 

“I sawi zawh tawh chuan chhuak rawh, kawngkhar awmna i hriat kha..” thildang sawi tawh loin ka ti a. Ka sawi zawi hle chungin  a fiah hle thung. 

“Mahse, Zo.....” ati leh a, chuti  maia kan inkar ka tihtawp a lo ring lo a ni chek ang. Ngawi rengin ka kal pel a, kawngkhar ka hawng a,hreh hmel lutuk hian a rawn kal phei a. Pawna kan Staff senior pakhat lo ding chuan phawk zet hian min rawn en a. Mahse ka hmel ah en rei chi ka ni lo tih a hria a ni phawt ang, a kalsawn ta nghal vat. Ate-in ka banah a rawn vuan a. 

“Min ngaidam rawh, ka tihpalh a ni..” tah aw hian a ti a, a mit a huh hlap a, a landan khawngaihthlak viau mah se khawngaihna pakhatmah ka nei lo. Ka lu ka thing a. 

“Khatiang i sawi hma khan khatianga tawng lo tur i ni tih ngaihtuah hmasak tur che asin, Dam tak in le” tha takin ka ti a, ka ban a vawnna ka phelh sak a, hawilet tawh lo in ka let san nghal hmiah. Tukverh bulah kawngkhar hnungchhawn in ka Ding nghal daih bawk. 

Thanpuii vang kher lo in kan inkar  tawp ta se ka lung a leng ve maithei. Nasa tak in min tilungawi ve thin tho a, ka bulah a tal tam em em bawk. Mahse Thanpuii vangin engpawh huamin kan inkar ka titawp miau a, lunglen emaw inchhirna pawh engmah ka neilo. Dik tak chuan ka thawveng huai zawk. Vawitam min rawn biak a tum a, awmze nei lo va beiseina siamsak ka duh loh avangin ka chhang ngai lo. Sawidun tur kan nei tawh lo a, ka lo la be tha anih chuan keimahah beisei a nei zui leh dawn tih ka hria a, biak loh law law tha ka ti zawk, hun la kal leh se kei aia tha Mipa ala tawng ngei anga. Hmangaih pawh a phu a, amah hmangaihtu tak ala tawn ngei ka ring ve tawp.Thanpuii vanga ka natna zawng zawng te kha Hmangaihna a ni angem tiin ka ngaihtuaha. ..Beiseina tawp thei loin ka beisei a, a chanchin ka ngaihven lo lui a ka hre lo thei maia, mahse ka hmuh leh meuh chuan ka lo la theihnghilh loh zia ka hrechiang a, Atei pawh neih mai ka duh hman kha a ni a, mahse tunah chuan Lalthanpuii vang bawk in kan tawp leh ta chu ania. Chutah ani lah in amah vanga ka thiltih engmah a hre der si lo. 

Rinai tak in Patea pawh a ziawm leh tawh a, Nurse erawh chu ka la chhawr chunzawm zel tho, Kan Nula awmpui tura ka tih pawh in hrehawm a ti lemlo bawk a, ala awm zui zel a, heng zawng zawng hi engvanga Patea tan a ti nge ka nih ka inhrethiam lo, ngaihven loh ka duh ber tiin inhrilh fo mah ila nitin a chanchin zawh erawh ka theihnghilh ngai lo. Aman Sum a nei lo a ni lo a, mahse Ka pa vang tal pawn ka tihtur niin ka hria a, chuvanga ti chu ka ni tiin ka inhrilh nawn do. Thisen zawm kan nih vang a Patea khawngaihna nei nih erawh ka la  duh lo lui tlat thung.

Ka Phone ri-in ka ngaihtuahna a la penga, Patea enkawltu Nurse a lo ni a. 

“Tlaiah ilo phei hman angem?, thil pawimawh a awm a” a rawn ti a,nidangah min la ko phei ngai lo bawk nen tlemin mak ka ti deuha, hlauthawn pawh ka hlauthawn ve deuh. 

“Ka lo tum ang, a tha lo leh deuh em ni?” ka ti thuai a. 

“I lo kal hunah i hre mai zawk dawnnia, Phone a thil sawi chu a buaithlak em mai” a rawn ti leh ta tlat. A awmdan tehhrep chuan minti thlamuang lo zuala, kan inbiak zawh tawh hnuah pawh engmah thildang ka rilruah a awm thei ta lo. Bethsy ka Phone a, a pick veleh, “Mate.... Patea chanchin i hre hnai em?” ka ti tawng a, a thaw hak a. 

“Aw...hei kan phei dawn mek a, ilo kal dawn em?” a rawn ti nghal mai. 

“Ka la buai deuh a, tlaiah ka lo kal dawn nia” kal hreh teh mah ila ka ti ta nge nge. 

Tlai lutuk pawh ka nghak thleng thei lo. , Dar 4 ah Office ka chhuahsan der tawh. Patea In ka pan ding nghal a, ka kal hma chhan min lo zawh leh ka pha kual tawh mai ang chu. Gate a lo in hawng sa a, Bethsy te motor alo awm tawha. Mahindra Jeep,a thar tih hriat tak a lo awm tel bawk. Hlauthawng hmel ka put loh nan ka in Control leh tete a, chhungrilah erawh chuan thil chhe ber thleng turin ka inbuatsaih lawk thlap a ni ber.

Door bell ka hmet dawn zet a, ka thulh leh a, Ka nem hawng riai riai a, tumah an lo awm lo. Choka panna Corridor ang deuh,thui lo te awm chu ka zawh phei a Choka lamah pawh tumah an awm chuang lo. Inchung lamah an awm vek anih ringin Step-ah chuan thawm dim deuh hian ka chho a, Patea Room Kawngkhar tlem a inhawngsa lam ka pan ding nghal a, ka kal hnaih zel pawhin thawm a awm chuang miah lo.

Thawm bengchheng siam hlau tal hian kawngkhar hawn zau belhin ka lut nghala. Mahse min lo lawm dan avang chuan hamhaih lutuk in ka ding ta reng zawk. 

Patea Hnangtah Chair lianpui-ah a lo thu a, a hmelah chuan damlo na tuar a pu lo tluk a ni. A cher deuh tih mai loh chu nidang ang tho nimaiin ka hmu a, a Malchungah chuan Cake lian vak lo, nalh tak hi a dah a,Bati te reuh te te an phun bawk. A Chair banah  Bethsy a thu a, Lehlamah Mahlima  Naute pawm chungin a thu bawk a, Midang lo awm ve te erawh chu Chair hnungah an ding hlawm a,ka beisei loh takin Thanpuii pawh a awm bawk. An vai mai chuan,

“Happy Birth Day To You” tih hla an sa a, awmdan tur ka hre lo a, chetmai nachang ka hre hek lo, Behtsy nui sangin  a rawn ding a,

“A u, .....Happy Birth day aw...keimahni tan i theihna zawng zawng i hlan a,vawiin hian Patea nen i Piancham lawmsak che kan duh vangin khatiang khan kan rawn bum che anih kha...” a ti a. Vawiin hi ka Birth day tih reng reng ka hre lo. Ni 30 a ni a, keipawh kum 30 ka tling ve chiah bawk.

“Ka lo theihnghilh daih anih hi a” ka ti sup ringawt. 

“Lo kal la, Cake hian a nghak rei tawh che ania” Patea'n aw tham chal hian a rawn ti a, a aw a zawi hle a,mahse ka hre chiang thung. Ka pan phei chhat chhata, Bati ka chhemhlum a, Mahlima Chemte min pek chuan ka zai a, lian vak lo lain Patea ka Barh a, a Mittui a tla zung zung a, kei pawh ka insum nasa viau. Cake ka laksawn sak a, Nurse-in a lo la thuai a, Patea chu ka kuah a, Bethsy leh Mahlima'n min rawn kuah ve a, Thanpuii chu ka en a, ka bu nghat a, ani pawh a lo tap ve tih a mit sen ram chuan a tilang a. 

“In vai khan lo kal ula, inkuah khawm ang u, chhungkua kan ni hi ”'n Patea  tah chhuak insum tih hriat tak hian a rawn ti a, an rawn kal hnai a, Thanpuii kut ka Humsak vat a, min rawn en a, a nui sak a, a va han hmeltha tak. Heng zawng zawng hi a mah vang a thleng a ni tih ka hai lo, tunah chuan` Tui aiin Thisen a tak zawk” tih hi ka hrethiam ve ta a, kha leh chen ka luhlulna avangin Patea nen kan in mi hrana, tunah chuan Natna leh Thanpuii hmangin Pathian in Chhungkua min pe in min zawm khawm leh ta.

"In hnuai lamah min kai thla la, i Present tur pawh ka la entir lo che a”  Patea'n a ti leh ta cheu, Pathian zarah engmah ka mamawh lo tih a hai lo a, mahse a lo lei tho si anih hmel ta. 

Ka kai thla a, Common Room ah a thu dawn emaw ka tih laiin Pawnlam a pan a, Veranda-ah a ding a. 

“Saw le, i Jeep tur anih saw...i duh chuan i lei thei tih ka hria.Mahse, i Naupan lai khan ka Jeep kha i awt thin a, I kum 4 tlin kan lawm tum khan Jeep lem ka leisak loh che avangin i nuar nasa a, ka la theihnghilh thei lo....Tunah chuan ka rilru a dam kim ta “ a ti a, kei erawh ka hawi phawk ngang mai. 

“Pate....Engmah angai lo a, hetiang ka beisei phak lo asin...” ka ti a, ka tah lohna chin pawh ka hriat tawh loh laiin ka mittui a hnai ve kuar mai. Motor ka Pan phei a, “ThAR “ tih inziak ngei mai chu ka chul dan dan a, a nalh a ni...Nichin khan ka ta tur a ni tih ka hre lo,mahse nalh ka ti anih kha...Tunah chuan ka ta tura ka Patea lo lei a ni tih ka hria a, khawvela Jeep awm zawng zawng zingahah a aia nalh leh hlu  awm chuang in min ka ring bik lo. 

Chaw kan ei a, kan Boruak nuam leh dam raih mai chu ka nunah ka tawn loh chin pawh ka hre tawh lo.Thanpuii'n kan Nula eirawngbawl a pui veka, a tihpui dawn tho tho tih ka hria a, lo dan vel ka tum buai peih lo. Kan bulah a awm ve manglo a, chawei kham lamah erawh chuan thleng sengfel lam chu a tihpui ta lo. 

“U....Thanpuii hi i thlah hman angem? haw hma kan ngai sia” Bethsy-in a ti a. 

“Hman e..” awlsam zet hian ka ti thuaia, Thanpuii'n min rawn melh zawk a,engmah phei chu a sawi lo.Bethsy te an haw hnu rei vak loah kan haw ve nghal a,thuife chu tu mah mah kan tawnglo.

Motor ka tihdin chuan phawk zet hian min rawn en a. "Engatinge i din a?,khawnge min hruai i tum?” kan hmalam kawng,Motor Head Light in a en chin bak thim mup mai en chungin a ti a, min rawn en leh a. Motor chhung light ka on a, “Ka Ru dawn che..” ka ti hmuk a, a thaw nghal halh. 

“Engmaw i sawi?” a ti ban chat, ka nui hawk hawk min hmuh takah chuan hahdam huai hmel a pu a. 

“Engkim vang khan ka lawm e aw” thutak lutukin ka ti a,a ngaihna hriat loh hmel zet hian a thle ha a. 

“Engvangin nge lawmthu min hrilh ngawt a?” a ti hmak a, hman a Thanpuii kha a ni leh ta thut. 

“Patea nen min inzawm tir leh a, chuan i hnaah i buai tih ka hria,mahse min enkawlsak bawk a” ka ti a, a nui sak a. 

“A ho em mai, ngatinge Ate-i ilo hruai ve loh a?” a ti ta daih. 

“kan tawp tawh alawm” tlang tak in ka ti a, a bu nghat a,”Anih chu mawle, a zia lo hle mai,keimah vang a ni em lo ang chu tiraw?,min vau tih ka sawi si a...” a ti niah niah a. 

“A chhan chu maw,ka Hmangaih lo a ni e. Hmeichhe Pakhat chauh ka hmangaih a, midang nena hun hman ka tum ta lo law law. Amah chauh chu neih ka tum mek” ka ti hmuk a, a hmelah chuan na tuar niawm tak hian a langa, mahse a reh leh thuai a, a nui ta sak. 

“Ka lawmpui che. Chuan,kal tawh ila..” zangkhai tak hian a ti zui zat. 

Chapter - 10

Steering wheel bawh chungin hmalam ding tak in ka en a. 

“Thanpui, Rishi lo kha i hmangaih leh theih i ring em?” ka ti deuh tawp. A rin loh lutuk ka zawt a ni ngei ang, a ang phiau a, a lu a thing zui nawk a,` Ani kha ka Hmangaih hleinem, ka duh mai zawk, mahse mi pawn an sawi thin kha, Hmangaih te hi kan nei thei kher lo an ti a, keipawh nei lo tur zingah ka tel ka ring tawh” a ti ta duah a. 

“Ni e....kan Hmangaihte kan neithei lo ve ve a, mahse kan inkawp lai khan nuam ka ti a, tunah hian kan tan leh thei mai angem?” ka ti ta nge nge. Ka Hmeichhe Hmangaih kha min zawt lo a, tunge anih ka hrilh bik lo. 

“A......ni lo e...kan inmil leh chuang lo ang, nangpawh Nupui neih i hun tawh a, khatiang mai mai a infiamna hun a awm tawh lo..Keipawh ka naupang tawh bik lo a, Pasal atana ka neih theih tur ka mamawh zawk. Eee, I hmangaih neih tumin i bei mek tak e" a ti nghal zung zunga. A tawng dan a inhmeh loh bakah a aw-ah chuan a inringtawk lo hmel kher bawk. 

“Midang sawi lo ang,nangman min nei mai rawh...Ka tan nangmah aia tha an awm thei lo” ka ti tlang ta pawp.A mitmeng lian kelkawl leh zahawm tak chuan min en a, ka zam ve lek lek. Ka rin loh takhian a nui sak a. 

“Hmangaih loh te bula chen chu hremhmun ang mai a ni dawn asin” a ti dam thlap. 

“Hmangaihna kha chu dahbo rih ang. Min neih chuan i tan Pasal tha ber ka ni ang, i rilru natna tur engmah ka ti lo ang”...ka ti leh ringawt, ka ti tak tak tih hria se ka duh em em bawk. 

A tawng hmain ka pawt thut a, min rawn ngheng a, ka kuah bet a, Light ka Off nghal zat. 

“Tihian reilote tal awm lawk ang,  ka ngai lutuk che” ka ti ta thlawt, khawi ah nge ka induhtawkna zawng zawng te kha an thlawh bo zawh ka hre bik lo,Ani pawh a tal bik lo va, a thaw sak sak chu ka ngaithla a, dimte in ka kuai dak a, chiang lo riai hian a hmel ka hmu a,a hmui nalh zet ka fawp a, min rawn fawp let ve nghala , kan inmamawh na sang lutuk chuan dim te in min chet tir thei lo ve ve. 

“A tawk....Puitling kan ni ve ve a, hetiang hian kan inchhirna tur ti lo ang” a ti tham tiak a, a aw khur dar dar chuan a Insum theihna a hloh ve tho tih min hriattir a, ka hmeichhe tawn tawh ten min hnial ngai lo mah se Thanpuii hnial nih erawh pawi ka ti lo.. A tawlhsawn tur ka kuah beta. 

“Min nei ang tih intiam phawt rawh’ ka ti sup a,a ngawi vang vang a, min rawn nek leh a. 

“Engtikah?” a ti sap a, ka kawngah a rawn kuah a. 

“Tunah....” ka tih chuan a nui hak a, keipawh ka nui tho...

“Uang leh ta...” a ti hmak a,

“Tak tak in, i inpeih hun hun animai, mahse reilo se aw.Palai rawn tirh ka hmanhmawh ania” ka ti leh a, a sam rimtui zet chu ka fawp a, min kuahna a thlah a, inla hrangin a zi mar ar ar a, min rawn en a. 

“Light On teh, i fiamthu em tih ka en duh che ania” a ti a,a aw ah chuan nuihza insum ri a tel a, ka On vata, alam ka hawi nghal bawka, a Mit ah ka en a, ani pawn min en kal bawk. 

“Reilote tal chu inzui ila a tha lo maw? Hetiang ngawt chu a tha ka van ti lo” a ti fan deuh raiha. 

“Om....i thu vek alawm, mahse ka nghak rei dawn lo ania..” tih pah in a Hnute kawh lah mai chu ka tawk zauh a, tur zet hian min en a, a meng ling hlar bawk a. Mahse,a nui ta hak. 

“I kut kha iv en uluk angai anih kha...” a ti zui a, za zet hian kan nui dun ta hawk hawk. 

Tunah chuan kar 2 lai kan inzui leh ta, a hnaah buai mah se ka tan hun a insiam hram hram a, a hma a kan inkawp lai ang tho khan min lo call hmasak erawh a la tam chuang lo. Lunch ka eipui a, a hna kal tur thlah ka duh thin avangin motor keng lo turin ka ti fo bawk a. Driver, kan hnena khawsa nei mah ila keimah ngeiin hruai ka duh avangin Driver ka tir ngai lo. Kan 2 in Patea kan thlawh fo a, a ngaihsakna hi a der a ni lo tih ka hria. Kan inzui leh atangin kar 2 chauh la nimahse ka ngaihven a, ka zui ngun miau avangin kan inkawp tih kan thiante chuan an hre leh sup tawh. 

“Bawihi....” ka ti hman chauh a,a te that...

“Ti khan min ko miah suh, i Nula kawp te i koh dan a koh ka duh miah lo ania” a ti hlak a, tumah ka ko ngai lova,amah chauh ka koh thin. Kan inkawp hmasak atang khan a Call ka pick-up  apianga ka koh dan a ni a,mahse amah ka tih el na lamah Ate-i kha vawikhat ka ko a, kha kha ala hrereng a ni ngei ang.

“Sorry.....nangmah chauh alawm ka koh thin” ka tih veleh, “aih...ka duh lo ka tih chuan ka duh lo a ni mai” a ti leh talh...

“Aw le.....Zan in kha theihnghilh suh aw” ka ti a, Ka Thianpa,ka Naupan laia ka kawm thin, Zohminga alo haw a,an In ah Kalpui ka tum a. 

“Um.....mahse rei lo ila..” a ti  ve mai. In ka chhuahsan dawn-in ka Call a, a Pick lo. An In ka Pan laiin ka Call leh a, a Pick chuanglo,a Inbual anih ka ring a,an In ka thlen chuan a Car a lo awm lova, a hnaah laklawh a awm a ni ngei ang.Inchhung ka luh veleh a nu in min lo chhawn a, ka rin ang chiah in hnaah Emergency a lo nei a, rei thu loin ka kal leh a, min hrilh hman lo khawp a pawimawh chu eng thil tak nimaw?,Zohminga te In ka awm chhungin min rawn biak ka beisei reng a, mahse min rawn be chuang lo,Zohminga lah chuan a hmuh chak thu a sawi sek bawk.

Mu chungin ka nghak a, dar 11 lai a ni tawha, ka ngaih a tha tawh lo. Ka hma a Tv chu eng nge lang mek ngaihtuah miah lo hian ka melh reng a,ka Phone a ngawr dar dar ah chuan rang tak hian ka la a, ka beisei ang ngeiin Thanpuii a lo ni a, a hma kha chuan ka hlauthawng a, tunah chuan ka thin a rim tawh...

“I va buai ve..” ka ti tawng a,a reh vang vang a, “Hello...” ka ti nawn leh a. 

“Inthen ang....” a rawn ti teh tawpa, insut hraih ri hian a zui zat bawk. 

“Eng maw i sawi a” ka ti tuar a, hetiang zawnga infiam hi ka duh miah lo..

“Inthen ang ka ti “ a rawn ti leh a, a awmdan chuan min ti hamhaih lutuk...

“Eng nge i hriat a? A theih loh...” ka ti leh ngheka. 

“Ate-i va hmu la, i hre thiam mai ang. Chuan maw, ka Mipa Hmangaih chu nangmah Zonunsiama kha i ni a..I bula awm hi duh mah ila Pathian hian a remti lo a ni ang.Mangtha aw” tah aw hian a rawn ti leh a, chhan pawh ka chhan hmain a phone a Off nghal a, thil thleng thut chuan min thawng ngang aniang, chet pawh che lo in ka phone ka melh renga, min Hmangaih reng anih chu…

 Ka Muhil ta miah lo, khawvar thlengin ka mu meng renga. Thanpuii bakin ka rilru a luah lo. zingtin ka Wish ziah thin a, Dar 6 ala ri lo hret tihah ka va Wish a, Darkar a liam leh hnuah pawh min rawn chhang lo. 

A thawh tawh ringin ka Call a, mahse a Pick-up lo hrim hrim, vawi 5 lai ka Call hnuah a Switch Off ta hmak a, nizana inthen a duh thu a sawi kha a ti mai mai lo tih a chiang lehzual ta. Ka ngaihtuah let hian min Hmangaih thu a rawn sawi tlang pawp danah khan keima lakah beisei a nei tawh lo va, a tawp nan a rawn inpuang niin ka hre ve ta tak tak. 

Vawitam biak tum in ka bei a, mahse ka hlawhchham zel. Hmeichhe luhlul tak a ni a, a tih tawh loh lamah chuan nek luih theih a ni tlat lo. Chuvang takin inthen a duh chhan tak ka hriat a tul. 

Ate-i te In ka luh rual rual in nidang ang bawkin lo lawm leh huam mai. 

“Eng nge Thanpuii hnen ah i lo sawi?” thildang sawi loin ka ti nghal thawra,ka tawndan vanga thinrim hmel a pu miah lo zui. 

“Engthil pawi mah ka sawi lo,thil awmzia ka hrilh ringawt anih kha..” a ti a."Eng thil awmzia nge i lo hrilh ka hre duh. Ka Hmangaih lo che tih i hria a, mahse engvangin nge Thanpuii i tihbuai zel?” ka ti leh hmuk a, thin deuh nawk nawk ka chak viau. 

“Ka rai.” a ti chiah chu ka lu ka thing nawk. Thil theih a ni lo, kan Mutdun apiangin Invenna hmang ziah turin ka ti a, keimah ngeiin ka pe ziah bawk. 

Ka pan hnai thut a,a ban tawn tawnah vuanin ka thing zui nawk a. "A theih loh" ka ti bung vuta, hmeichhe kutthlak hi ka thil ngaihnep ber pawl anih avangin ka thlah leh vat. 

“Min nei rawh ka ti hleinem che,Thanpuii bulah pawh khan ka rai thu ka sawi mai anih kha” a ti leh nghata, za miah lo hian ka nuia. Ani hian Thanpuii rilru a hrechiang lutuk tlat, a rai tih a hrilh phawt chuan min kalsan turin ti lo mah se min kalsan dawn tih a hrechiang vek. A beisei ang ngeiin Thanpuii lah-in a ti ta chiah reng bawk.

Engmah sawi tawh lo in ka chhuahsan a, Thanpuii thawhna damdawiin lam ka pan nghal a, tumah pawh zawt buai lo in a Room ka pan ding nghal tawp. A hun hman thin dan tlangpui ka hre vek a, tun ang hunah hian tumah a Room ah awm ve tur an awm dawn lo. Kawngka ka nem hawng rualin a rawn hawi chhuak a, ka rin ang chiah in a mah in a lo awm a, min beisei lem lo a ni ang, a meng phawk hra bawk. Thu tura min tih pawh nghak loin a mah ep zawng takin ka thu nghal a,ka chevel chu ngawirengin min lo en tlawk tlawk ringawt. 

“Engvangin nge ka Call i pick duh loh?” ka ti a, ka inkuangkuah a, a mit ah tak ka en a, min en let ngam lo niawm takin hnuai lam a melh vat. 

“Helaiah hian chutiang sawi chi a ni lo ania” a ti sap a."Ka hria, mahse call i pick up duh lo va, min hmuh duh loh miau bawk sir chuan he lai bak hmun a awm hleinem” ka ti let ve thung a, a thaw deuh halha. 

“Ate-i chu i va hmu ta em?” a ti zuai raih. Ka tho hluai a, a thutna lam ka pan a, a tho ve phat a, a tawlh hnung hrar bawk. Ka pan hnai leh chiah chu bang lamah a tawlh sawna, kalsawn zelna tur awm hek lo,  Beidawn hmel zet hian bang nghengin a ding zum ta reng. 

“Enge tih i tum a?” mangan hmel tak hian a ti a, a biang tawn tawnah dawmin ka kuai daka,mahse min en duh loin a maimitchhinga, a khur dar deuh dar dar ka hre thei bawk. 

“Min en teh?” ka ti hrawk a,a rawn meng a, a hmui a pet fan mai. 

“Hmun dangah kal zawk ila.....” a ti ta sep. A tawng zawi viau maj se kan inhnaih em a, ka hre thei tho. Kalsawn pahin a Bag ka la a, ani erawh chu hmun danga kal rawt siin a la ding khawng reng a, awmdan tur a hre leh chiah si lo a ang.,A banah chelhin ka kaichhuaka, ngawi rengin min zui ta dat dat. 

“I Motor chu nakinah ka Driver in va la mai rawh se” ka tih chuan min melh zawk a,a ang ziau a, mahse engmah sawi loin a ngawi leh ta daih a.

Ka tlan chhuah lai pawhin engmah a sawi ta chuang lo. Office kawt atangin Driver ka Phone a, a rawn chhuk veleh Chahbi ka pe a, Thanpuii Car la turin ka hrilh bakah kan Inah dah turin ka ti a, ka thil tihdan chu mak a ti deuh anih pawh in a hmelah engmah a ti lang lo.

Huan lam pan in Thanpuii ka tlanpui leha,ei tur lei in ka ding zawk tih loh chu chak pangngai takin ka tlana, kan tlan zawng a thli thaw chuan a sam dum hlap mai chu a chhem leng siau siau a, a nalh takzet. 

Kan thlen chuan ni a tla fel tawh “Kan thleng e, chhuk ila...” tih pah in ka va melh a, maimitchhing hian a lo thu a, maimitchhing satliah loin a muhil tih ka hre thei mai. A muhil hmel chu ka thlir vang vang a, Naupang ang mai hian a thaw sek sek a,a hahdam hmel em em bawk. 

A thutna lam kawngkhar hawnsak pahin “kan thleng ania” ka ti leh a,a rawn meng vata, kan awmna a hre lo tih hriat deuh hian a meng buai deuh nak a. 

“I huanah kan kal alaw?” a ti sep a, ka bu nghut a, ka tawlhsawn chuan hreh hmel tak hian a rawn chhuk a,Ka ei tur lei ka khai chhuak ve nghal bawk. 

“Ei tur hi siam ila, zan in chu hetah riak ang” ka tih chuan a meng phawk hra a, a awmdanah chuan mak tihna aiin min hlau a ang mah zawk. 

“Chutiang ka ti thei lo tih i hria alawm...” a ti thuaia, mahse ka ngaipawimawh duh lo. Ka eitur lei ho ka phawrh ho chu a rawn melh ran ran a, ka beisei loh zet hian a nui ta sak. 

“Eng nge i nuih a?” ka ti a. 

“Tlangval Hausain a ma eitur a siam lai hi hmuhnawm dawn riau in ka hria, mahse ka chhungte ka biak an ngai ang..” a ti a, ka bu nghut a, a duh duh chhuanlam siam se pawi ka ti lo. Ka bulah a awm dawn anih phawt chuan ka duhtawk. Phone hmang turin a kalsawn a, kei erawh chu ka inphelh thawl a. Tui ka chhuanga,thil dang tih leh tur ka hre tawh lo.

A rawn let leh pawhin tihtur ber hre loin ka lo la thu mai mai a, amah vekin eirawng a bawl a, a che vel chu mit la lo lek in ka lo en renga, ka pui veleh zauh thin bawka,. Tawng erawh kan tawng tam lo ngang mai.l

Game khel chungin ka thu mu a, Thanpuii erawh choka lamah a ri rak rak reng.

Kut vawt thlarin min rawn khawih chuan ka harh zawk a, Thanpuii ka hmuh veleh ka meng kawk a, ka lo muhil chu niin...Ka Kamiz a ha a, Towel a veng bawk,. A hnuaiah engmah a hak ka ring tawh lo. 

“Ka Inbual a, lum ka ti deuh a...thawmhnaw dang a awm mai si lo a, i thawmhnaw dahna a mi, ka hmuh chhun ka ha ta mai...” inthiamlo hmel zet hian a ti a,a thil tihah chuan pawi ka tih loh ber pawl a ni. 

“Pawi miah lo, a tlai tawh viau em?” ka ti sup a, a Phone a en zauh a, Dar zat a sawi a, ka tho a. 

“Keipawh ka inbual dawn...i duh leh Tv kha lo en ve la...En tur vak phei chu a awm lo vang” ka ti a, a Lu a thing a. 

“Mut tawh mai ka duh, nizan ka mu tha lo lutuk a. Mangtha aw” ati a, a kal zui nghal a, kei erawh chuan kawngkhar te ka en fel leh hnuah Inbual turin Room ka pan a, a lum bawk a, a nuam ngang mai.

Thanpuii ka mutna Room dawt chiahah a mu a, kan awmdanah chuan in ngaizawng inthen kan ni tih a lang lo reng reng, thian inkawm ngeih tak ang mai kan ni a, helei kan thlen atang khan vawikhatmah Atei chungchang emaw kan inthen chungchang pawh kan sawi leh lo reng reng.

Nizanah ka mu miah lo chungin ka muhil thei ta mai lo. He hmun a Thanpuii ka hruai hmasak zawk kha ka rilru ah a lo lang a,kum khat a tling tep tawh a, ka hruai chhan kha a rilru nat vang a ni a, tunah pawh ka hruai leh a, a rilru na tihdamsak ka duh vang a ni ta thung. Mahse ka bulah pawh awm loin Room hran ve veah kan awm a, ka sawi tum ber pawh sawina hun min pe chuang lo.

Kawl a phe zawr zawr a, hriat chhuah ka nei thut, Thanpuii hian thli leh Tek tla a hlau lutuk tlat. Ka tho nghala, a mutna Room ka pan pheia. Kawngka bulah dingin thawm a neih leh neih loh ka ngaithla a, tla reh thap mai. Thli a rawn thaw leh vuk vuk a, kawl a phe zawr a, Light a thim nghal hmak bawk.A hlau dawn tih ka hriatchian em avangin kawngka ka kik a, mahse a rawn hawng lo. Ka Phone ka ti eng a, Kawngkhar hawnna ka pawt nghal a, rin loh deuhin a inhawng ve mai bawk. Khum lam ka en chuan hlau tih hriat zet hian a beng hup in alo mu tawm chaiha, a lainatawm reuh ngang mai.

Ka mu ve nghal a, ka kuah veleh min rawn nek nghala. 

“Hlau reng reng suh, i bulah ka awm ania” ka ti a, ka lam a rawn hawi a, ka awm ah a hmai a phum kak a, a khur dar dar chuan a hlau der mai mai lo tih a tichiang vek.

“Muhil daih rawh,ka lo veng ang che” ka ti leh sup a, a khur dar dar pawh a ziawm tial tiala, a hnu rei vak lo ah chuan a muhil tih hriat tak hian a thaw ta sak sak. Ruah a rawn sur tlawrh tlawrh a, kan kal hmasak pawh khan ruah a sur a, tunah pawh a sur leh ta..

Ka harh chuan ka ban khamin a lo la muhil a, tih harh ka hlauh avangin ka mut ngaiin ka mu a, a hmeltha tak mai chu ka thlir a, ka duh ngawih ngawih a ni ber. Ate-i chu lo rai mah se ka neih kher angihna tur ka hre miah chuang lo,ka fa erawh chu ka ngaihtuah anga,enkawlna tur pawh ka pe vek mai ang. 

“I va harh hma ve...” tih pahin ka kawngah a kuaha, a la meng chuang lo. Khawdur khup chuan Room chhung pawh a la ti thim deuh khup a. 

“I hnar ring em alawm...” ka tih chuan a nui nghawr dat a. 

“i sual e a...” a ti sep .”Engtikah nge kan haw dawn?” a ti leh a, a mal nal han mai chuan min rawn khan a. 

“Kan haw tawh dawnlo...i tel lo a awm ka peih tawh lo...” ka ti sup a, a thaw haka. 

“Engatinge Nun hi a fair loh viau le? Ka Hmangaih che a, mahse i bulah ka awm thei si lo, nizana i bula ka riah vang ringawt pawh khan midang ta ru ah ka in ngai tlat a” hrehawm ti em em hian Z ti a, ka kuai dak a. 

“Ka Hmangaih leh Hmangaih loh che ka sawi dawn lo,mahse i awmlohna a awm hi ka peih thlawt lo, i tel lo chuan ka kim lo,min nei mai rawh” ka ti duah. 

"Atei kha....” a ti chiah chu sawi zawm tir lo in ka fawp ta zawk.A  rum hak a, min chhang mai lo, ka tilui zel a, ka bawh bet a, a hmui  in kau tial tialah ka lei ka nawr lut a, ka nghawngah a rawn kuah a, ka kawngah a kherh bet nghal a,duhthawh zet hian min rawn chhang let ve a, a kapkarah ka tla zep a,a Kamiz haklai  ka pawt tawm chho a, ani erawh chuan a rem lai laiah min tham a, a awmdanah, ani pawh keimah ang bawkin chakna in a fan ve tih ka hria. 

“Zo....kan ti thei lo ania..” a ti nawk nawk a, ka chhang lo,ka delh bet a, a Kamiz haklai ka phelh sak pawh chu min dang tak tak bik chuang lo.

Ka beisei lo em em chungin a hmasa ber ka ni....Lawmna leh hlimna nasa lutuk hian min rawn tuam hlup hlup a. Chet zui tum loin ka tho a, "Khawnge i kal dawn?” a ti sap. " Duhtawk ang'ka ti a. A khap sak saka.. "Aih,chunzawm rawh, ka Hmangaih che ka tih kha....” a ti ta tlat. 

“Khatiang titur ka ni lo asin tiraw, Midangin i fa a pai mek tih ka hre reng tho si, nang chu Mipa i ni a, ka thlem che niber in ka imhria..” a ti sep sepa,a sam dum hlap maiah ka chul a. 

“Lalthanpui, ka Hmangaih che tih i hre lo em ni?” ka ti chhuak hlawl. Ka Hmangaih tih ka sawi chu keimah leh keimah pawh mak ka inti zawk hial. Hmangaihna awmzia ka hre lo niin ka inhre thina, tunah chuan ka hre chiang ta mah mah.A  rawn hawi chhuak a, a tah nuih a, a hmeltha hi a ni tawp mai. 

“Min Hmangaih a maw?” awih lo niawm tak hian a ti a. 

“Aw.....Ka hmangaih che " ka ti nawn leha. 

“Mahse.....kan thei lo. Nang te chu Ate-i pasal tur i ni alawm...Naute vang tal pawn i neih angai...” a ti leh a, a insut zui a. 

“Ka nei dawn lo...nangmah lo tumah ka nei dawn reng reng lo” ka ti leh hrawk a, a tal phat a, a inla hrang nghal a, ka man hma in Khum atangin a chhuk a, Chhuat a ka Kamiz tla a chhara, a ha fel nghal than. 

“Haw tawh ang...” a ti chang fak mai, a awmdan inthlak thut chuan min ti hamhaih ve det. Ka chhan let hma in Toiletah a lut zui ta daih a, nichin lawk khan a engkim min hlan a, tunah chuan mihrang ang hmak kan ni leh tawh, a rawn chhuah tak mai siloh ah chuan peih lo zet in ka tho a, ka riahna Room ka pan a, ka intihfai thuak thuak hnuah ka Thawmhnaw hak ngai bawk ka ha leh a, Sitting Room ka thlen chuan inpeih at hian min lo nghak a, a mit bui lakah chuan ka kalsan hnu khan a tap leh tih ka hre thiam mai. 

Kan haw kawng tluanin a tawng miah lo. Kan thil tih kha a inchhir anih ka ringa. Nupa nih hmaa sex hman hi hrehna ka nei ngai lo va, ka hmanpui te kha ka ngaihnep phah chuang hek lo. Mahse,Thanpuii hi chuan pawi a ti tih ka hre thiama. Ka zah em em bawk. 

KIn ah ka hruai a, Room a ka chhoh zuai laiin a lo tlanchhuak fel hman der. Ka call nghal a, a pick up lo chiang viau bawk. 

“Thil thleng kha pawi ka ti, keimah vangin tumah tina suh,i fa i neih kha ka duh ber” tiin msg a rawn thawna....Ka thaw hawk mai. Zanah an In ah ka va kal a, a lo awm lo a, a kalna erawh ka zawt ngam lo.

Tunah chuan thla khat lai aliam leh tawha, Thanpuii erawh a chanchin hriat tur awm lo in a reh vang vang mai. A chhungte ka zawt hreh a,amah ka be thei hek lo. Ka Fa a pai miau avangin ka duh loh pawn Ate-i ka neih angai. Mipa ka ni a, ka fa ka ti fahrah ngawt thiang lo. 

“U...Inneihna vel kha buapui tan a ngai si,kan rawn riak mai dawn ami?” Patea in a kan awm laiin Betsy-in a ti a. 

“I tih dan dan animai" phurna pakhatmah nei lo hian ka ti a. 

“Thla khat chauh a awm tawh si, nangpawh hi phur tum teh..” a ti leh hlak a,ngaihtuahchhuah ka nei thut. Bethsy hian a hre tur a ni. 

“Khawiah nge Thanpuii hi a awm a?” ka ti thut a, a mitah tak ka en a, min melh zawk a, ka mitah en ngam lo in hmundang a melh a. 

“Ka hre lo....” a tih chuan dawt a sawi tih ka hria.Ka Nau hian Dawt a sawi anih loh chuan ka mitah tak tawng chungin min en thin. 

“I hria....Bethsy....” ka ti bung vut.A hming hian ka ko ngai mang lo. 

“U.......a awmna i hriat vangin engmah a fel phah dawn lo ania" mangang zet hian a ti a. 

“Ka hre duh...” tih bak ka sawi lo. 

“Shillong ah...” hreh hmel tak hian a ti ta nge nge. "Ka lawm e” tih pahin ka ding chhuak nghal a,a rawn tho ve phat a. 

“I zuk kal lo ang tih min tiam tal rawh, i mualpho zau lutuk ang” a ti a, a hlauthawng takzet tih ka hria,ka bu nghut a. 

“Kal dawn lo...a awmna hriat ka duhtawk alawm” ka ti a, hahdam huai niawm tak hian a thaw ham ham mai. 

Kan inneih ni tur khat chauh in min dang ta, tihfel tur kan ti fel tluk a ni tawh a, a in check up ka kalpui a beisei fo chungin ka Driver ka tir mai thin a, lemchanga Hmangaih viau ang a lan der kher ka peih lo. Zohminga nen kan inkawm tam a, ka hlim lo takzet tih a hriaa. Ka phur loh zia hre mah se engkim a buaipui vek a ni ber. 

Ka mut hnu in min rawn Call a.

“Hey....Bawiha... i mu tawh em?” a rawn ti lawng lawnga, a awah chuan a phur tih a thup hleithei lo a ang khawp mai, chuti taka hlimpui tur chu eng tak nimaw???

“Mu tawh e, min rawn tiharh anih hi” ka ti a, a nui hawk hawk a. 

“Tho rawh, ka lo kal, a pawimawh lutuk. Gate lo hawn tir rawh,Gate bulah ah ka awm” a rawn ti leh zung zung. 

Mood fuh lutuk hian a rawn lut a, Khumah a Pheikhawk pawh phelh lo in a rawn lawn a,a Phone a phawrh a. 

"Ka thil neih hi en rawh...a ropui asin..” ati a, a phone a rawn dah hnaia, ka en chiah chu ka meng kawk mai....

Ate-i leh Mipa pakhat ruak ngalngat a an mudun lai a lo ni a, makti lutuk hian Zohminga ka en a, intih theih hmel zet hian a nui sunga. 

“Engtik ami nge?” ka ti thei hram. 

“En la,a hnuaiah khan a record hun a lan kha...chuan i Free tawh...Naute Pa i ni lo..” a ti zang vuh. 

30” – LAST EPISODE

Ka nun ah hian engkim hi a thleng thut a, a tawp leh thut zel niberin ka hre tawh, tunah pawh Inneih inbuatsaihna zawng zawng pawh thulh niin a tawp leh ta vek a, engkim mai hi ka tan chuan a thar a ni leh ta. Ate-i erawh chuan Video kha en kher a mamawh lo, ka Fa a ni lo tih a lo hre sa reng a, min neih a duh em avangin min puhna tur a lo zawng mai zawk a lo ni a. Thawnthu te pawh a ang rum rum mai. 

A hmingchhia tih a hriat veleh khan ka sawi ngai lo in an mahni lam in an rawn thulh tawp a ni ber, ka hahdam hawk a, tunah chuan ka nunah hian Nuihna chhan tur ka nei leh ta. Khawvel in min hnungchhawn ni a ka hriat lai khan hlim taka nuih har ka ti a, tunah erawh engkim in min nuih tir thei leh ta. Ate-i khan ka Fa a pai tak tak ni a ka hriat lai khan Hmangaihlo mah ila tlanchhiatsan erawh ka tum lo. Ka thil tih sual man ka hmu a, a aia sual zawk ti a tlanbo emaw neih loh a fahrah siam kher tul ka ti hel lo. Ka Hmangaih ber Lalthanpuii kha nei duh zawk mah ila ka tan chuan ka fa tih fahrah kha a harsa ve tho. 

In lam ka pan mek a, Motor tawt lutuk avangin kan In thlen nan Darkar khat aia tam mah kawngah hian ka awm tawh. In thlen vat vat a, hahdam taka awm ka chak tawh.Hmeichhe nui ri ka hriat chuan ka beng a verh zak mai, ka hawi phei thuai a, ka zawn a Motor intlat ve atanga lo ri chhuak a ni a, mahse ka beisei ang erawh ka hmu lo. Beisei nei zet hian ka thlek nawn leh a, ka hnung a tangin Horn an rawn hmet ri tuar a, ka hawi chhung in ka hma a ding chu a lo tawlhsawn hman a lo ni a, ka tawlh ve thuai a, tlang lama ding ho an tawlh hma ve bawka ka hmu thei ta lo. Nui ri kha LALTHANPUII nui ri ngei a ni a..A lo haw a ni ngei ang.

“Mate...Thanpuii alo haw em ni? ” ka va ti tawng a. 

“Ka hre miah lo...ka ti tak tak ania” a rawn ti a, a hre lo tak tak a ang khawp mai. Amah be tur in a number ka neih lah kha a hmang tawh lo ani phawt ang, ka be tlang thei ngai lo. Kan chanchin kha a hre ngei ang in ka ringa, mahse engmah a rawn sawi lova, a hria anih chuan min rawn biak ka lo ring a, mahse min be chuang miah lo. 

Door Bell ka hmet a, Thanpuii'n a rawn hawnga,hmuh ka beisei lo ang bawkin ani pawn a beisei bik lo tih ka hria. Sawi mai tur hre lo hian a ang deuh phiau a, ka then suk a. 

“Ka lo lut thei em?” ka ti zuia. 

“Ooo, oo. ....Thei e...lo kal rawh”tih sawk sawk pahin a tawlhsawn nghal a, ka lut chu min rawn zui a, Apa in Inkhel a lo en a, midang erawh ka hmu lo. 

“Thu la....” a ti sap a, a sam  duhdah zet hian a phiar a, kekawr thawl hnek hnawk a ha a, T-shirt .tlem a nghawng zau deuh hlek a ha thung. A Hnute kawh lah mai chu a ti lang chiang zual a,ka hmu lo vang vang nangin a la pangngai reng in ka hria. Mahse a mu tha lo emaw a damlo pawh a ni maithei,a mit hnuai a val kual raih.

“I lo haw tih ka hria a...” ka tig chuan min melh zawk a, a nui ringawt. Apa in min rawn en a,

“Ee...nang i ni maw?, i va vang ve...kha in Inneih tur lah chu inthulh tih ka lo hria a..” a ti luam a, ka ner ru sawk...

“Nia...mahse, nupui ka nei har lo ang, neih fel law law a tha..” ka ti a, a nui huau huau a. 

“Ni e, hmeichhia te zawng an tam em mai” ati leh a, Thanpuii ka en a, mak tih hmel zet hian min lo melh kal maia, kan mit a intawng sak a, a hawisawn vat bawk. 

Ka haw hnu ah ka Call a, Apa awm laiin a number ka neih loh thu ka sawi a, min pe hreh lutuk tih a hmelah a lang a, tihngaihna awm hek lo le. Min pe ta nge nge. 

“Eng nge?” a rawn ti mawl tawp a,

“Naktuk zanah Palai an lo kal dawn” ka ti hmuk a, a thaw hawk ri ka hrethei a. 

“I a deuh chu a ni em lo maw?” a rawn ti a, ka nui a 

“Aih...a miah lo, ka tluakin ti tura min duhna ka zawm mai a ni,chuan min hnial tum chin la....Eng nge thleng i hre mai ang” ka ti leh a, a ngawi vang vang a. 

“I a anih kha...Ngaihzawng pawh ka nei maitheia, I hria em ni? ” a ti ta khauh. 

"I nei lo, Lalthanpui. Ka hre chiang che. Chutiang mai maia rilru thlak awlsama, move-on tur chi i ni lo" Inringtawk tak hian ka ti hmiah. A thaw deuh halh ka hre leha. 

"Zonunsiam.. I a anih kha" a rawn ti leh ringawt. 

“Nia,at te pawh ka a aniang. Mahse, ka neihna tur che anih dawn phawt chuan at deuh hi pawi ka ti lo e” ka ti leh a, a nui nghal haka.

“Chuti maw? Anih chuan a pawi lo, Mi a pawh nimah la ka Hmangaih tho che..Mahse Palai rawn tir ngawt suh, Inbe phawt ang” a ti ve ta nge nge. 

“Ni lo e, kan tihfel nghal loh chuan harsatna kan nei leh mai ang...” ka ti nghuta. 

“Chutiang a ni lo, naktukah lo leng la, anih loh pawn Lunch min treat la...” a rawn ti leh ta tlat. 

“Ok....i thu ber alawm Mate...” ka ti leh ta nge nge. A rilru a noin midang hre thiam thei tak ni mah se, a duh loh zawngah nawr luih theih a ni ngai lo. 

Tunah chuan ka Nupui a ni ta titawh mai ang. Inneihni a a hmelthat zia ka sawifiah thiam lo hial zawk. , Palai ka tirh hmain kan inhmu ta ngei a. 

“Zo....Pathian hmaah kan thil lo tih dun tawh kha a thleng vek a, midang in hre ve miah lo mah se keini leh kan Pathian hian kan hria a, Nupa nih hma a Sex hman hi a thil huat ber a ni. Vawikhat chauh pawh nise Biakin hawngin kan innei thei lo va, kan tilui thei lo ang. Thil sual hi engmah thup hlen theih a awm ngai lo. Chuvangin keini chuan ti lui lo ang, kan 2 a kan inhip tawnna chak zia kan hria a, kan Inneih na tur kan tihfel hma chuan kan 2 in Chance kan nei lo mai tur a ni. Tihsual nawn leh kher a ngai lo” a ti a, a sawi dik thlap. 

Ka fel lo em em a, kum khatah a tam ber ah vawi 10 pawh ka inkhawm ngai lo hial ang. Bible phei chu ka chhiar ngai lo tawp a tih theih, ka naupan laia ka chhiar kha animai awm e. Thanpuii  hmel dik leh tak ran mai chu ka en a, ka pan hnai a, dimtein ka fawp a, a aia thui kal ka duh lo a ka ngam tawh hek lo. A hma khan lo chetsualpui tawh mah ila amaha inchhirna leh Pathian thuawih anih na lo lang chuan engmah min tih luih tir ngam tlat tawh lo.

Kan Inneih atangin thla aliam leh tawha ,a harh hmain ka chhuahsan a, inhnuai roomah rei tawk fang ka insawizawi hnuin ka let leh a,  a lo tho tawh. Bathroom lamah tui herh ri ka hriat avangin a awm tih ka hria a, mahse, a rawn chhuak ta mai lo. Ka thawmhnaw hak lai ka hlip a, Boxer nen ka tei kual vel laiin Bath Room a rawn inhawng a, Pawr phang hian a rawn chhuak a. 

“I va nawm loh hmel ve...” tih pah in ka pan hnai a, min chhang lo in Khum a pan a, a lawn nghal a. 

“Ka khua a sik in ka hria..” a ti sap a, a lum ka tih tehreng nen Blanket in a intuam nghal a, a chal ka dek a, a lo lum a. 

“Anih hi... Damdawi rawh..” tih pah in Damdawi dahna lam ka pan a. 

“Ka ei tawh, inbual phawt teh...” a ti sap a, a maimitchhing nghal a, ka be buai duh tawh lem lo. Rilru nuam lo angreng tak hian Inbual turin ka luhsan a, ka chhuah leh chuan a lo muhil leh der tawh a, a damdawi ei a rui a ni mahna. Thil ei turin ka chhuk san a, ka chhoh leh pawn a lo la muhil a, thawm dim tak in Khumah ka inthawlh ve a, ka kuah a, a taksa lum deuh chuan min rawn ur a, a khawsik a la reh chiang lo a ni ngei ang, a chal ka fawp a, a rawn meng a. 

“I kal dawn lo ami?” a ti sep a. 

“Kal lo mai ang, i nuam lo em mai..” ka ti awlsam thena, a che sat sat a, min rawn kuah a. 

“Ka ziawm tawh lutuk, kal rawh ,Hna thulh phahna tur anih loh hi...”a ti a, min thlah chuanglo,ka kuai dak a,a nghawng ah ka fawpa. 

“Hna chu nidangah ka thawk thei a, bakah ka awmloh pawn midang in an enkawl thei vek alawm, ka tan chuan i pawimawh ber” ka ti a, a thaw sak sak a,

“Ka hria alawm, i sual viau lai pawh khan min hmangaih alawm, min hua emaw i ti mai mai anih kha...” a ti a, anui hak a. 

“Nia....mahse Jes tih a koh che hi ka duh lo ania..” ka ti hluk a, a hming pum hi Jessy Lalthanpuii a ni a. Mipa hming ang ka ti a, chumai bakah Rishi khan Jes a ti thina, khatianga koh kha ka duh lo bur.

“Thikthu chhe lutuk..” a ti hlak a,”insiam teh, kal rawh, a mawi lo ania..” a tih zawm a, kan awmpuite pawh hi a zah vek nimai hian ka hria, kan Driver tupawh tir dawn se nuam a ti lo fo bawk a, Kan Nula te thil ti puih a ching bawk a, ka duh lo hle tih a hriat hnu ah erawh a ti lui ta lo.

Kal tura min tih luih tlat vangin ka kalsan ta nge nge a,ka kal dawn in kan Nula te hnenah lo ngaihven turin ka hrilh a. Hnaah awm mah ila ka rilru erawh In ah a awm daih, ka bet hlawl lo bawk nen Lunch ei turin hma deuh hlein In lam ka pan a. 

Thanpuii  a lo la tho chhuak miah lo tih an lo sawia,Room a ka lu chuan  Room lamah bawk awmin a uak pap pap ri ka hre nghala. Khum ah ka thu a, a rawn chhuak in min hmu phut chu a phu zawk in ka hria, a kut chu hnung lamah a dah vat a, ka pan hnai a. 

“Khawi maw?, enge i ken?” ka ti a, min pe chuang lo, ka nawr bet a, ka chhuh sak tur chu a lo indang a. 

“Kha.....” tih pah in thil phek thler hi min pe a, ka laksak a, rai leh rai loh test na a lo ni a.

“Ehe…Pa ka ni dawn tih na mi?”ti chungin ka thil ken a line 2 sen kalh chu ka melh a, amah ka en leh a, a then sak a. 

“Anih hmel khawp mai....” a ti hul hak a, lawm lam aiin hlauthawng hmel a pu a, Ka bula thil dahna ah chuan ka dah a

“ka Hmangaih che Mate...” tih pahin ka kuaha. 

“Keipawh....mahse, ka luak a chhuak ut ut ania, i Perfume rim kha ka luak....” a ti hman tawk, sawi pawh a sawi zawh hma in Toilet ah a tlan lut leh a. 

Ka Fanu hmel chu ka thlir vang vanga, a nu ang chiahin a sam a dum hlap a,a tam reuh phian bawk a, ka hmangaih hluah hluah a ni ber. 

“Zo.... khawngaih in min lo kai tho lawk teh, Toilet ah kal ka duh ania” a tih riah chuan Thanpuii lam ka hawi vat a, a Sam bu chhah zet chu a Pawr phang a, Durtlang Hospital a Pi Puii in ti a hming an phuah,Building thar, Cabin ah kan awm a, Neih Pangngaia a neih theih loh avangin an zai a, a Nau vei lai khan na tih vangin vawikhatmah a rum eih lo, mahse, ka kut a hmer ngawt ngawt a, kalsawn a phal hek lo. Kha khan a nat tur zia sawi ngai lo in min hriat tir a, tuar chhawk theih nise ka ti takzet, a thlan a far zawih zawih a. Nurse ten Mipa awm ve reng an phal loh avangin pawn lamah midang bulah ka awm a. Rilru a hahchawl hleithei lo. Nau pai tawh miahlo se tih chiah ka rilru ah a awm a ni bera, khatiang lutuka a na tuar hmel hmuh kha ka duh tawh lo.

Ka Pawm kang a, a nui hak a,

“Mi in min hmu ang tih a hlauhawm e, inti No vel lutuk “ a ti hlak a, amah a insawisa a, ka nui ve a,

“Duh duh sawi rawhse, kei in Pawm che nuam ka ti alawm” ka ti a. 

“Chhuak rawh...” ati nghat a, a va han ho thin. 

“A ho thin em mai, ka lo nghak ang che..” ka ti a, a tum hmak a,

“Chhuak mai rawh, keimah in ka ti thei vek” a ti leh talh a, hahthlak hian a...

“Vawiin hi ni eng zat nge?” ka ti hluai a, Naute Diaper thlak mawlh mawlh pah hian min rawn en zawk a. 

“Ni 13 mawle, ngatinge?” a ti ha a,

“Engmah ni lo e, ka zawt mai mai che” ka ti ringawt, Naktuk hi Valentine’s day a ni a, mahse ani erawh chuan chutiang ngaihven hmel a pu lo. 

Kan Naute Muthilh hnuah Khumah kan mu dun a, Nau awmtu kan nei a, mahse Thanpuii hian Nau awmtu kuta dah a phal chuang lo. Amah vek in a ti a, a buai deuh phei chuan a vin hlar thin a, kei in ka chhaih deuh reng bawk. 

“Ka chau lutuk...” a ti sep a, Light ka Off a, Naute Khum erawh ka ti eng a, ka dar a khama. 

“Nangman engkim i ti vek a, ka tan pawh hun i nei lo...” ka ti sup a, Ka awm a chul riak riak a, ka danglam leh der tawh. 

“Kan nun ah hian 3 hian hmun a chang thuk asin, i Birth Day hi  ni 30 ania, kan inneih ni pawh ni 30 tho, kan Naute pian ni pawh August 3 a ni leh a...” a ti sep sep a, engmah hi ka lo chik ngai lem lo a, a sawi takah chuan a lo ni tak tak. A Hnute ka khawihs. 

“Muhil zawk ila....” ati niah niah a, ka chhang lo nangin muthilh tir ka tum rih lo, a mal ka chawi kan sak a, min rawn kherh chial a. 

“Ka la muhil duh lo....,thil dang ka duh rih,vawiin hi valentine’s day a ni tih te i hria em? ka tih chuan zawi te hian a nui a. 

“Hre lo, chutiang ngaihtuahna hun ka nei lo,ka tan chuan kan inneih atang khan eng ni pawh hi valentine’s day ani reng alawm” ati awlsam et. 

“Engtik ah nge min hne ang?” a ti zui leh sap a. 

"Kan Honeymoon zawhah aniang...” ka tih chuan ka chungah a rawn lawn a, a khabe ka awm ah a nghat a. 

“Honeymoon kan kal miah loh kha....” a ti a. 

"Nia, kal miah lo. Chuti anih chuan kan Honeymoon chu kan dam chhung animai ang chu. Taksa in it tawnna ringawt hi chuan tawp chin a nei a, mahse Hmangaihna nen anih chuan tawp chin a nei ve lo,chu chu nangmah ah hian a awm ve ve a, chuvangin ka hne ngai lo ang che" Ka ti a. Nui hak hak chungin ka khabeah a rawn fawpa. 

A tawp ta…