JOSHUA(completed)

 JOSHUA :Maengi ralte

Scooty-in ramhnuai kawng reh raih mai-ah  ka tlan a,ka beng ah chuan ka hla ngaihthlak lai,Spice Girl ho hla,2 become 1  a ri riai riai a,tumah awm ve ta lo chu ring takin ka sakpui pah bawk.Kawng-ah chuan hnahthel a tla neih nuaih a,kawngsir tawn tawn-ah chuan Thing Lianpui pui a ding khup a,zan a lo ni kher bawk nen a hlauhawm lek lek. Thing awm tlemna lai,tlema thawveng deuh ka thlen chuan ka ding a,motor dang an lo tlan ka beisei lemlo nachungin kawngsir-ah scooty ka hunga. Thla eng chu thing lianpui pui kar atang chuan a rawn in kap lut sung a,thing tamna lai ka tlan lai khan ka hlau deuh lek lek nangin tunah chuan hlauh lam alang tawh lo. Khawpui chhung thawm bengchheng,zan reh pawh awm mumal lo  ai chuan nuam ka ti zawk daih a,duhthawh em em  hian Boruak ka hip lut kawk kawk a,rei tawk fang ka din hnu-ah ka tlan leh ta a,ka kalna hi ka vawikhat kalna a ni a,ka kalchhan ber hi engtik nge ka thlen dawn ka hre lo,ka kal hmaa kawng awmdan sawitu sawi hmangah kha chuan ka awm mekna atang hian a hlat ka ring tawh lova, tlan rei ka inring tawh lo.

Rei vaklo ka tlan leh hnu chuan ka hma lawk-ah eng ka hmu ta a,ka thaw huai mai,ka tlan leh deuh chuan tlemin kawng  alo chho deuh a,chho ka tlanchhuah hnuah  phei lehin Thir Gate hlui tawh lam hi ka thleng ta a.. Scooty a la thu reng chungin ka phone ka phawrh a,ka biak duh ka call nghala,mahse a ring tawp thak. Ka  tihnawn leh pawhin a la chhang thei chuang lo cheu. Beidawng tak hian ka thaw hak a,amah lah vawikhatmah ka la hmu si lo. Pi khan a Damlo ati bawk nen,ka thlen hma in alo thi hman zawk nge ni dawn????,ka ngaihtuahna duh loin ka lu ka thing nawk a,chutiang chu thleng lo  hram tehse...

Phone a pick-up theih tak si loah chuan Gate ka hawng a,ka tlanlut ve ta tawp. Bag khai chunga Veranda ka lawn kai chiah erawh chu ka beisei loh lutuk thil a thleng ta,in a sir lam atang chuan UI dum lian zet hi a rawn chhuk thut mai..Lalpa lehhhh....keini pawn ui vulh ve thin tho mah ila mi dang ui hi ka ngaina ngai lo.Che ngam tawh loin min rawn pan hnai lai chu ka en rana,ka  rilru in ka tawngtai nghal mial mial. Ka rilru chuan tlanchhiat ka duh,mahse ka ngam teuh  lo,nge ka  theilo zawk pawh ka hre teh nuai lo

A lo hnai zela, min seh nghal mai ka rin laiin ka ke bul ah chuan a ding chut a,a bawk ta daih a,ka thaw nghal huai.. En zak zak chunga Kawngka kik tuma ka ban chiah chu ring zet hian a Bauh ta nghek maia,ka phu nasa tih piahlam a ni,ngam leh ngamlo hian ka en a, a awm ngaiin alo awm reng tih ka hmuh chuan ka thaw leh huai a, min rawn bawh emaw seh tum hmel pawh a pu chuang lo. Che lo a ka nghah leh ren rawn hnuah pawh engtinmah mintih zawm takloh ah chuan ka kut la kang in kawngka chu ka ban leha,. ka kik rual chiah chuan a aia nasa zawk in a rawn bauh leh ta chiam maia,a bauh leh hlauin ka  inringlawk hle na chungin ka tawlhhnung dawrh a,ka ke chhepsual in ka thal ta thuai. Hlauhlawpa Thawh lehnghal ka tum chu Ui chuan min rawn bawh ve nghal a,ka Thi ngei dawn tih chiah ka rilru ah awm. Ka khur hlawk hlawka leichhuah hlui chunga a rawn kun hnai ka hmuh chuan ka maimitchhinga,ka thaw tha ngam tawh lo,ka kut ka hum ruh a,ka Lungphu in thum rawn tlut tlut chu ka bulah midang awm se an hre thei ngei ang.

"Tho rawh" mipa aw-in a tih ri ka hre thut a, ui ka hmuh tirh ai  khan ka phu nasa zawk mah awm e.

"Tah  khan muthilh nghal i tum tihna mi?"ka chet tak lohah chuan a rawn ti leh a, hreh taka ka mengchhuak chiahin Mipa pakhat rawn kun hniam mek ka hmuh takah chuan ka te tuar a,ka nemsawn nghal  sawk bawk. Ka chetdan maksak lutuk vang chu ngei ni? a phun hluk mai.

"Tu nge i nih?" Ka ti nghala, ka aw khur chu thup ka duh viau nangin ka thup zo lo. Light hliah zawnga a din avangin a hmel tak ka hmu thei lo.

"Tu nge  i nih zawk?" Chang angreng tak hian a ti a, a aw a pa viau nangin ngaihthlak a nuam fahran lo.

"He lai ram leh  In neitu hian a Fapa damlo hmu turin min kaltir a,tunge i nih? Huan enkawltu em ni?" en kal chungin ka ti a,min chhan hmain kan bul lawka ui bawk bulah chuan a thu thlaa, kut chuan ui lianpui chu a chul zui a,hlau zet in ka en thung.

 "Tu in maw tir che?" fan angreng tak hian a ti leh  a,ka thaw hak.

"Ka sawi tawh kha, khawngaihin Ui kha lo veng la,inchhungah hian ka lut duh a. Ka tihtur ka tih zawhah ka let leh thuai angai"ka tih chuan tlem in a thlesawn deuh a,” Ka nu in ilo kal tur thu min va hrilh si lo ve”a tih takah chuan "oh..nangmah hi a ni maw min lo tirhchhan?" ka ti nghal thuaia. Ka chet hlek apianga ui a lo hawi zel si avangin ka tlukna hmun leiah ka la thu ta reng.

"I sawi hmangah kha chuan ka nih ka ring. Mahse. He lai ram leh  In neitu fapa ni lo in,he ram leh in neitu hi ka nia. Joshua…,nang tu maw i nih?" Nelawm fahran lo hian a ti leh ta hmuk hmuk.

JOSHUA - 2

Ui a dawm bet tih ka hmuh rualin ka ding chhuaka,mahse ka ding fel chiah chu ka thu leh nghal hnawk. Ka  tluk naah khan ka insawhna chu niin,Ui ringawt ka rilru ah ka lo dah avangin na ka neih leh neih loh pawh ka lo ngaihtuah lem lo. Min kaihthawh tuma a kut rawn phar chhuah chu  ka hmu lo der tlat,keimahin thawh ka tum leh a,thawh chu ka tho thei mai nangin ka ke dinglam a na ngut nguta, rin ngam a ni dawn lo tih ka hre nghal mai.Ka darah a rawn vuana,amah hnaih rinchhan thei tur hian min kuah hnai nghala. A Taksa Lianpui chu ka ngheng lo thei ta lo,"min rinchhan hreh suh,i ding thei lo chu anih kha" a tih chuan ka hnial buai lo,lehlam chauh ring chungin ding thei tho mah ila amah rinchhana kal mai hi a awlsam.

Kawngka lam muangchangin min panpui a,ka bai auh auh mai. Light a on chuan kan awm mekna chu choka te fel ran mai hi a lo  ni a,Stool sang zet pakhat awmah chuan ka Bag ka nghat hnawk a,Thu rawh min tih pawh nghak lo in ka thu nghal hmiah.  Ani erawh chu Fridge ngheng in a ding thung a,engmah sawi lo hian chik zet in min melh run run maia. Nuam ka ti lo viau. Chumai bakah Ngawihreng hi ka thil nin zawng tak a lo ni bawk nen,tawng lova min en chhung hi rei la ni lo mah se ka ning hman tho tho.

"eng ti tur in maw ilo kal?" Tawng ka tum lai takin a ti a. A mize Cool lutuk hi  ka ngaina lo nghal tiin ka ngaihtuah zauh. "Pi-in i damloh vangin min rawn tir,mahse,a sawi  ang ni loin hei i dam that hmel......" ka tihlai mekin a ban a phar zauha,"a tawk,ka zawhna chiah che min chhang rawh. Hmeichhe tawng duh lutuk hi ka ngaina lo ania" ati hmuk. Mi a ka ni bik lo bawka min ngaihsan loh zia ka inhrechiang nghal veka,vawikhat inhmuhna chauhah pawh polite han chhuah tum miah lo anih naah hian a chapo hle in ka ring nghal hmiah. Ka tawng tum ang zuau pawh ka chip ta hmak.

Ka kein min tur leh at at chuan pawt kang-in ka mal lehlamah ka hlang kang a,a na reuh phian mai. Dim te hian ka zut a,ka ngam tawk in ka hmet leh a, a ruh lam khawihpawi loin a ulh mai chauh anih ka ring.

"A na viau em?"ka bul mai atangin a ti duta, alo kal hnaih lai ka hre miah lo. Tawng loin ka lu ka thing a,thawh chhuah mai ka  tum chu rang zet in min rawn nam thu leh chawt a,"khawnge i kal dawn?" a ti hu.

"ka haw ang chu" nelawm vak lo hian ka ti ve hmak.

"i theih loh hi  mawle,Ka nu kan Phone ange,zan in chu hetah i riak ang,naktuk zingah keiman ka hruai haw ang che,i Scooty chu midang la tur ka Phone mai ang"ati ta zung zunga,hnial tum mah ila a sawt loh hmel kher mai,a tawngchhuak reng reng chu a inring tawk tih ahriat hliah hliah a,namnul mai mai chi a ni lo  tih midang in min hrilh kha atakah kan tawng ve ta chu  ania. Vawikhat hmuhna lekah pawh an sawi uar lo tih ka chiang e.

"Chaw i ei tawh em?" a rawn ti leh thut a,ka la ei miah lo nangin " aw " tiin ka chhang ta tho,ka beisei loh lutuk dana thilthleng hian min ti lungawi lo ru takzet. Ani hi midang hnen atangin Mipa fel tak a ni lo  tih ka hre tawh tho a,mahse,hetiang khawp a,Mipa ka ngainat loh hi ka vawikhat hmuh na ah ka la tawng ngai lo.

Zinga ka harh chuan ka awmna  ka hre lo  teuh kher mai. Maimitchhing chungin  nizana thil thleng duhawmlo zet kha ka ngaihtuah let vang vang. Ka kal dawn khan ka huphurh ru em em a,ka la kal ngai lohna hmun,hmun fal tak leh chhun khaw en that lai pawh ni lo a kal kha ka hreh a,chumai bakah ka kalchhan tur ber kha eng ang mi nge anih ka hriat loh vang a ni pakhat...A taka ka hmuh takah  phei chuan ka beisei aiin a lo la nelawm loh zawk daih zui.

Thuchhuakin ka Puansin chhuata lo tla ka chhar a,ka ke ka en chu a lo vung nasa tawh viau, a na erawh a ziawm ta deuh.Nizan khan min tur ve reng avangin ka muhil thei mai lo a. Joshua tana ka damdawi kensak keimah zawkin ka ei a. Min chhawk hnuah ka muhil ta chauh. Thawm a awm leh awm loh ka ngaithla vang vanga, a reh thiap mai. Sitting room Sofa ah ka mu a,ani inchungah a Room ah a mu thung a,ka harh vang ve viau a,lo chhuk se chuan a thawm ka hriat ka ring. Engmah thawm awm lo ta chu ala tho lo a ni phawt ang.

Ka awmna atangin Inchhung  ka melh kual a,inchung panna step sitting room kil lamah chuan Teak a siam,hnum nalh thlarh hi a kal chho raih a,inchung pawh a sang tha in a thawveng halh mai. Inchung lai tak atang chuan Light bawr,simple nalh tak, lian vak lo hi a rawn uaithla a.Bang velah chuan thilziak nalh fe fe  3 a intar bawk. Step awmna bulah chuan an Chhungkaw thlalak niawm tak hi indawt fel tak in a inrem chho a,chhuat erawh a var hlang niin Leather sofa  uk hi a inhung kual pap a,ka mutna lamah erawh chuan hmanlai chhuak,sofa hlui tawh lam a awm thung. Ramhnuaia awm ni si,hetianga han khawsak chu ka beisei loh lam tak a ni..Mipa khawsak na tih takah engmah hmeichhe lawmzawng,Pangpar emaw,inchhung chei mawina dang hmuhtur a awm lo.Engkim mai chu mah nen a inrem velvek ka ti mai.

Kawngka inhawng ri khap ka hriat chuan choka lam ka hawi phei thuai a,ala tho lo emaw ka tih chu a rawn lang a,a inthuam danah exer a la anih ka ring. A Track Suit hak  a huh deuh a,amah pawh a hah hmel viau. Hriatthiam  har zet hian min rawn en a,"i tho tawh maw?" ka rin aia awki dam hian a rawn ti a a,chhan ka tum lai tak chuan a hnung ah Ui dum a rawn lang nghal a,Ka ke na theihnghilh in rang zet in ka thu tawm chho nawlh a,ka ke na zawk mah se ka ngaipawimah hman tawh lo. Ui chuan Joshua bul atangin min rawn en vung vung a,min rawn panhnaih  pawh a tum lo. 

“Ui pawh chu i va han hlau ve mawle,engtin a ti lo ang che,Seh dawn che se la chuan nizan a Gate a i rawn luh hlim khan a lo seh daih tawh ang che" a ti deuh duaha, a awki nizan lam ai chuan hriat anuam ta deuh chu anih hi maw..Pha kual vel lo hian "nia,diktak chuan mahni UI lo hi chu ngainat a har lutuk" ka ti ve maia,eng ang pawhin a uiin min seh a tum lovang ti mah se ka thlamuanphah lo.

A in chhuahsana  Motor a kawng reh raih mai kan zawh lai chuan ka thlamuang ve tan ta chauh,nizan khan a thim avangin kawng sir ram vel  ka hmu chianglo a,tunah chuan a hmun chu a lang chiang ta. Thing lianpui pui an ding ngaw khupa, a dai ruih mai. Boruak thianghlim chu dawng in ka dak chhuak a,nun hi a manhla a ni tawp mai. Ngawirenga Joshua Motor khalh chu ka melh ru zauh zauha,nizan kha chuan kekawr bul leh t-shirt nen ka hmu a,tunah erawh chuan kamiz leh kekawr thui nalh tak,a taksa nena inrem zaih a ha thung. A hmeltha chu ka ti hran lo. A mize danglam tak leh ngawi run reng te, a tawngkam mi khei zak te nen ka ngainatzawng lah a ni hek lo. Mahse midangte sawi dan,mipa ah pawh pa em em tih erawh chu  keipawn ka pha thei lo,ka pawm thlap.

In ah kal hmasa lo in Damdawiin ah kan kal  a,ka rin ang ngeiin ruh tliak a awm lo. Mahse ulh satliah loin ka lo rap pelh hlauh mai a lo ni a. Pawi ka ti ru vang vang. A chhan pawh a nat chu thuhran,ni reilo te hna chawlhsan pawh hi ka ui miau atin ni. Kan pi hi nu fel leh mi hrethiam thei tak a ni bawk a,hna atanga chawlh ngai pawh ni ila engmah harsatna ka tawk in ka ring lo. An siamrem hnuah a chet loh nan an cher khawng a,lungawilo zet hian ka en vang vang mai.

An in kan thlen in min kai lut a,tul ka tih loh nen an cher khawng vek si avang kal thei miau si lo.

Pi in a Fapa a hmu thut mai chu a lawm ngang aniang,a ri le lu a,ka ke an tuam khawng bur mai pawh chu  chu ahmu lo niin ka hria. Nia,a hlim viau pawh hi a awm ka ring. A fapa  hi ahnuaia ka thawh hnu hian tun hi helai a lo kal vawikhatna niin ka hria.

JOSHUA - 3

Nurse ka ni a,he  chhungkua ah hian pi enkawltu niturin ka lut a,thla 3 ka thawk ve tawh. Kan pi ber ho in kan awm a,An pa hian kum 5 kal ta khan lo Boralsan tawhin  Fa 2 an neia. Joshua hi a upa zawk niin a  nau zawk Emily hi chu Foreign ah lehkhazir in a awm a,a thlalak-ah bak ka la hmu lo. Thlalak atang ngawt pawn Hmeichhe hmeltha tak a ni  tih hairual a ni lo a,mak deuh in Joshua hi chu inchhungah a Thlalak tak ngial pawh hmuh tur a awm lo.An chhungkaw Sumdawnna zawng zawng hi kan pi hian a enkawl a,Joshua erawh hi chuan sumdawnn lam hi a tuipui lo niin an sawi thin a,amah in a in ah khan a awm deuh chawt a,a nu pawh hi a rawn tlawh ngai mang lo niawm tak a ni. A ruka ansawi dan chuan apa nen khan an in mil lo hle niin an sawi a,mahse,enge dik ber ka hre ve tak tak chuang lo. Ka hna tha tak in ka thawk a,ka duh ber chu ka theihtawp chhuah in an tan ka thawk a,ka thawh hlawh tha tak hi thla tin ni 5 hmain min pe chat chat se ka lawm a nimai. An inah hian Awmpui 1annei a,Driver 2 nen,nula lang a lo kal hi 2 an awm bawka,in a cheng tak chu kei nen 5 kan ni mai. An in a a awm nghal hi duh lo viau mah ila an hna ka thawk duh anih chuan angai miau mai si a,midang aiin hlawh min pe hnem thei zawk bi si nen ka hnar phal ta lo. keimaha inluah tho ka ni a, dintak chuan an In a ka awm nghal hian ei leh inah sum ka sen angai lova,ka hlawh ka save thei a,ka chhungte pawisa ka thawn tam thei zawk bawk. 

Ka room a ka awm hnuah Kawngka an rawn kik a,ka chhan hma in a inhawng nghal bawk. Seni anih ka ring a,ka ring sual lem lo,"oiha,Zo,nizanah abulah i riak sia anuam em?" ati nghal sar sar pek a,min zawhdan ki chu ka hrethiam reng nangin ka melh vak.”A ka riak reng reng lo,keite chu sitting room Sofa ah ka mu a,ani Inchungah,a Room-ah a mu daih alawm le" ka ti a. Nui chung hian ka khumah chuan a let kual vel a," Chu pawh nise ka awt tho tho che,a la rawn hruai haw lehzel bawk che ania. A Car a chuan kha  a nuam em?" ati leh a,engemaw a hriat ni? A star tih hre mah ila chuti tak a han buaipui tur niin ka hre lo ve..Mahse,tha tih zawng a in ang lo alawm tiin ka ngaihtuah a, kei ve hi chuan ka hun kaltawh, hriatreng tlak loh khawpa hun hrehawm avang khan mipa hi Ramsa ang bak in ka hmu tak tak tawh lo.Joshua pawh hi a "pa" ka ti hle a,mahse mipa dang ang bawk a mi tihnat ching a ni ve dawn tho tih ka chiang,Ka Pasal hlui ang em a Kutthlak ching anih loh erawh ka beisei.

Thla a vei hnu ah chuan ka ziawm ta viau mai,ngaiawh chiah chu la ni lo mah ila harsatna em em ka nei tawh lo. Ka chet hleihtheih loh chhung khan chawlh mai a that ringin pi hnenah ka sawia. “Chawlh kher angai hleinem,in a i awm ve hrim hrim pawh thla a muang alawm” a ti awlsam thena,chauh thut thut nei anih avangin ka awm hi a tul ve viau reng bawk. Mahse a fapa nen Boruak tha tak annei zui a ni ngei ang,a hma angin a a muhil thei lo pawh Buaipui angai lo a,a Sugar leh asthma pawh a ziawm chho viau mai. A  hmel a hlimin a nui deuh sang reng a ni ber. Nurse niin pi enkawl tura lut mah ni ila inchhung chet leh thildang pawh ka hman chuan ka tihpui vek thin a,ahma a an Nurse lo neih a fuh vak lo a ni ngei ang,Fak ka hlawh ve zek mai.

"Vawiin  chu Airport ah lo kal ve la ka duh a,Emily lo haw tur kha zuk hruai ila" tiin Pi in min bia a,ka bu nghat. A rukin lo peih  lo mah ila hnial tur ka ni lo a,ka tihtur a min hrilh chu Phur takin timai ila ka tan anuam zawk tih ka hre ve tlat. “Vawiin chu tlaiah Joshua pawn chaw a rawn eithei dawn anih hmel a, .ka hlim khawp mai. Kum engemaw chen hnu ah a ma IN ngei ah hian chaw a rawn ei leh dawn ania" ati hap a,amak ka ti kher mai. Ka thawh tirh atangin an chhungkaw chungchang, a bikin a fa te nena an inkar hi min la hrilh ngai lova, tuna a hlimna zep zo lova a sawi ta thut hi mak ka tih chhan pakhat a ni. Eng vang in nge chaw tak ngial pawh a ei ngai loh le? eng ang buaina tak tawk ang maw? A nu lah hi hmeichhe tha leh zaidam tawp khawk a ni a,hetia a fapain a  ti na tlat hi ka hrethiam phak lo a,ka buaina tur ni lo  mah se ka rilru ah a awm tlat a,mak ka ti tawlh tawlh mai.

Emily a hmeltha takzet mai. A nu ang chiah in a fel ka ring nghal ngawt bawk. Kan  inrual loh chuan kei aiin a naupang hret in ka ring a,ahmel nungsar mai leh a vun no tak te,a nuihzawnga a ha var rual that lang te chu a nalh thlawt,a nuih laia a mit hnuai tlem a chuar  chuan Joshua min ti hrechhuak zawk mai.Ka hmuh khan a Cool ruih reng a,mahse,vawikhat Ui hlau a ka awm lai khan a nui suk a,Emily ang chiah hian a mit hnuai tlem a chuar tlat a,kha kha ka la theihnghilh lo chu anih hi.

Pi in min Hmelhriat tir zawh chuan nel tak hian min be nghal thei mai a,keilah tawngduh ve tak chi  ka lo ni nen kan inkawm thei ta phian,"Mama i hmu tawh em?,keichu zan in ah Chaw ei tura alo kal chuan a rual in Farm ah riak turin ka chhuk ve ang, ka ngai tawh lutuk" ati siam siam a,a phur zia chu a hmelah a lang chhuak hial in ka hria. A u mizia Ngeiawm ka lo tih nen,a U a ni bawk a, alo ngai em em hi a mak lo. Mahse, ani khan Hmeichhe tawngthei a ngaithei lo tih a sawi a a,a nau hi hmeichhe tawng tlem a ni dawn hauh lo, midang ni loin a nau chu a dawhthei hle a ni  phawt ang.

Kan zanriah  ei boruak leh kan awmdan nuam ka ti lem lo.Emily a tawng char char a,a U cha vuan deuh reng bawk.Joshua pawh chuan nui chungin alo ngaithlaksaka,an Unau an inngaiin an Inhmangaih tih pawh alo thlir tu tan haitheih a ni lo.Pi pawh a hlim bawk aniang,a khi reng bawk.Chawei na vel ka tihfai pui laiin Emily a rawn dak a,"Zo,kha chu midang titur an awm kha,Insiam rawh,Mama in ah kan kal dawn" a rawn ti a,riak tur ang khan a insawi a, min riahtir ve zel a tum en lovang chu. Bakah,tihtur min hrilh apiang hnial loh duh fo thin mah ila tun tum chu ka kal chak lova.Ui vang ngawt pawh khan ka kal chak lo.”A chakaem viau nangin ka  lo kal lo mai ange,kan kal hlan in i NU engtin emaw a lo awm palh chuan a chi loh" tiin ka pha a,vawiin hi kan vawikhat inhmuhna chauh ala ni a,an hnathawk ve mai ka ni bawk nen,titi dun bawrh bawrh mah ila an eng nge ka nih ka inhriaa,nel chin tawk ka thiam a tul tih ka hai lo. 

"Zorin,insiam rawh,Ka nu pawh a lo kal ve dawn" Joshua-an a rawn ti dut a,kal ve tura min duh chhan ka hre thiam nghal. Ka thil hruk hul lai a dahna tura dah pahin Joshua ka en zauha," I Ui kha....”,ka sawi zawh hma in a lo nui ka hmuh chuan ka tawng tawp hmak a.

“Ti nge? aseh che em ni?" Tiin Emily zawk in min rawn zawt a,ka lu ka thing ringawt.

“ok.....a vawikhat hmuhnaah a seh lo che anih chuan Hunter chuan a tina dawn lo che,a ngaina che tihna zawk alawm. A landanah hlauhawm mah se hlau reng reng suh” a ti leh mawlh mawlh.

Joshua an Motor a khalh a,min thlah haw tuma a Motor kha  ni lo in Jeep,amah nena inhmeh zet hi a ni a,ahmaah an Unau in an thu duna,keini Pi nen ahnung ah kan thu ve bawk. Emily  a tawng barh barh renga,an nui dun leh hak hak thin a,Pi pawn an titi a zawm ve zauh zauh reng,kei erawh ka ngawi kar thung. Kawngpui atangin a in awmna  kawngah kan tlan lut a,kawngpawh a tha ta zawk. Ka kal hmasak kha full moon zawh hnu lawk a ni a,tun tum pawh thla en vanglai tak a ni lehzel. Pawn lam ka thlir vauh vauh a,Kan Khua ka ngai vawng vawng. Kan Unau a kan nuih ho dar dar lai te,ka Nau te ka chan avanga ka Nu awmngheng a ka tahlaite ka rilru ah alo thar a,kan inchhung ka mitthla ah fiah zetin a lang iar iar bawk. Tum loh deuh hian ka mittui arawn bo zawih a,midang hmuh hlau zet hian ka hru thuai a,Motor chhung light a off avang lrh  pawnlam ah ka lu ka dahchhuah avangin min hmuh ka ring lem lo. 

Inchungah chuan Room alo awm nual chu niin,ka kal hmasak khan ka chho lo hrim hrim a,inchung lam engtin nge a awm ka hre lo. 

A ma Room bul chiah ah chuan Emily leh A nu an mu anga,a karah Bathroom awmin  chumi piah chiah ah chuan kei ka mu thung ang. Inhnuaiah kan chhuk leh dial a,rei vaklo ah Pi-in muturin min kalsan a,an sawi ang tak takin Hunter pawh chuan engtinmah min ti lo. An unau in an titi  dun reng a,a awmna lam chanchin leh eng eng emaw an sawi a,an  tawng tam zawkah chuan English an hmang a,achangin Hindi,mizo tawng an hmang tam lo viau. An seilenna ka ngaihtuah hian Mizo tawng nal taka an hmang thei hi ka fak thlawt. An tet lai atangin Mizoramah an awm lo a,INDIA mai nilo in Foreign ah deuh hlir an awm a,chutiang nichunga tawng an bel viau hi an fakawm thlawt.

Ngawirengin kawngka ka pan a,ka chhuak chu min hmu pawn ka hrelo,ka awm leh awmloh an hre chang lo,sawi tur an ngah unau lutuk.

Kawtzawl chu light hian a chhun eng raiha,current awm lo pawh nise thla a eng a,a nuam zawk mahin ka ring. Light in a chhun loh lai tlem a thim deuh ah chuan Thutna tur,thinga siam hi a lo awm a,ka thu chiah chu Hunter an min lo zui tih ka hre chauh,ka bulah a rawn bawka, min en dauh dauh chu ngam leh ngam loin a lu ah ka chul a,ka kut a rawn liak a,ngaihthat hmel zet hian ka malchungah a lu a rawn nghat a. A hma ang em khan hlau tawh lo mah ila ka tang tung tho. 

Eng eng emaw ka ngaihtuah kual hnuah ka nunhlui ka ngaihtuah kai leh ta. Ka Pasal leh a Bialnu lo mudun ka va phawk tum kha...zak map lo in an 2 in min lo nuih a,min la khawih rawn zui anih kha....thil thleng kha nimin ang maiin ka rilru ah a rawn thar a,ka luak a chhuak nghal hlui thei.Ka mittui a rawn far takah chuan ka lu ka thing nawk a,theihnghilh ka duh em em mai.

Hunter-a ngur chhur chhur chuan minti phu a,ka hawikual nghal thuai,thim zingah che ka hmuh takah chuan ka en reng a,ache leh zauh ka hmuh rualin ka tho nghal a. En fiah tur nge inchhungah ka luhsan ang tih ka ngaihtuah laiin ka hmuh theih turin a rawn ding lang ta a. Tu nge anih ka hriat chuan ka thaw huai mai.

JOSHUA -4

“I va hlauh hmel ve?”a ti nghala. “Enfiah ka lo tum mek a” a zawhna chhang loin ka ti a. “I hlau lova,mahse keimah ka ni tih i hriat rualin i hahdam nghal huai chu anih kha tiraw” a ti ta chat. A sawi dik lutuk chu han hnial vak ngaihna hre loin ka ngawi ta reng. 

 “I la mu dawn lo mi?” a ti leh a. “Dawn e,luh ka lo tum meka” ka ti vat. He mihring hi ka hnathawhna te fapa anih mai bakah lo ni lo tehreng pawh nise ka mihring kawmngeih tur chi niin ka hre lo.

In lam pan tuma ka inherchiah chu "Engatinge Motor ah khan i tah a?,chuti fakaua ka In ilo kal hrehchhan hi ka hre duh ania" a tih takah chuan ka ding khawng lah. Ka mittui tla kha a thim em avang leh tuman min ngaihven chuanga ka hriat loh avangin min hmuh ka ring lo asin le..

“Tun lawkah pawh khan i tap tih ka hria a, Motor a i mittui tla ka hmuh khan i hna hrehawm i tih vang anih rinna ka nei a. Mahse tun lawka i awmdan ka hmuh leh takah chuan mimal buaina lian tak i nei niin ka hria. Ka buaina tur chu a ni lo nangin harsatna i neih chuan min hrilh hreh suh tih sawi ka tum mai ania" a tih zawm leh duaha. Ka hriattirh atangin tum khata thil ala sawi thui ber tum anih ka ring. 

“Engmah harsatna ka nei lo. Min hmusual aniang” amah pawh en loin ka ti ta ngawt. Ka hmaah tak,min hnaih lutuk mah mah hian a rawn dinga,ka tawlhsawn nghal hrat nangin ka banrek veilamah a rawn vuan ta chat.

“Hey.. ngati…” ka tih laiin min pawt hnai rawka,a taksa lianpuiah ka bet ta ran mai. Ka khabe rawn dawmin min kuaidaka,thleksawn ka tum chiah chu a hmui lum ham hamin min rawn fawp ta chat. Engkim mai a thleng rang lutuka,mak tihna hun pawh a awm hman lo.Duhthawh lutuk hian min rawn fawp zui a. A kut pakhat ka kawra a rawn zen luh rual chuan ka tal vaka,min thlah ve nghal thuai. Rang  lutuk hian ka inla hrang nghal a,ka thaw kawk kawk mai.

"ka tihpalh" ka tawng hmain  a rawn ti chhuaka. “Khatiang khan min ti tawh ngai suh” ka ti chang fak. “Ka tihpalh”a ti nawn leh supa,a tawng danah a mumal vak lo a ang khawp viau. Hawi let tawh lo hian "Mangtha le" ka ti hmaka,ka kalsawn ta nghala,min en zui em ka hre lo nangin ka hnung chu a za mar mar thei. 

Room ka thlen veleh Khumah ka let tawp,thil thleng kha ka ngaihtuah let nghala,ka pasal nen kan inthen hnu atang a Mipa hmui ka sik leh hmasak ber a ni. Thil thleng kha rang teh mah se min fawhna kha ka dang lova, ka fawp let ve lo tihmai chauh a ni. Ka in inten thut vangin ka hmui chu ka hru nawk nawka. Minute pawh tling mang lo lek min fawp hman mah se keimah ka indem a,khatianga a tih ngam tur kha ka lo awm reng em ni ang tih thlengin ka ngaihtiah hman vek. Mipa haw em em,ring thei lo tur ni a inngai si engtin nge maw ka infawhtir theih ni? Mipa ka hriatchian ngei ka pasal pawn min ti na a,ani ka hriatchian loh mipa phei kha chuan nawmchenna hmanru atan bak min ngai dawn lo tih a chiang reng. Hrep tak hian.. a nu hnuaia thawk,an hnen atanga hlawh la ka nih vang maia a duh duha min chinphar a tum anih chuan a tisual ve khawp ang.

A tuk a lo ni a,a hmel hmuh ka chak loh viau laiin ka hmuh takah chuan a hmelah danglamna engmah hmuh tur a awm lo.Nimin lam ang bawkin a nau titi a ngai thla leh dauh dauh tawh. Pawnah ka tei kuala. Brick in sang tak thleng a hung kual pup a,a chungah darthlalang keh niawm tak a inphun fur bawk nen luhruk a har hmel khawpin ka hria.  In ka thlir vang vanga, lian lutuk a sawitur ni lo  mah ae chhungkaw member tam vak lo tan  pawn nuam taka chen na tham chu a ni tho,a hlui ve deuh tawh a,bang veleh chuan Pangpar zam chi a zam khat luk a,a rawng hnawih pawh a khawk lai awmin a khawl lo lai pawh a da ve rap tawh.Ka Lehkhabu chhiar thin a,hmanlai sap ho in a tih nen khan a inan duh hmel viau,ka ngaihtuahna avang chuan ka nuisak mai. Ka kal hmasak khan enkualna hun ka nei lo a,tunah erawh chuan kan chhuah hma in duhtawk in ka en hman a,a awmna falin a in pawh hlui deuh tawh mah se ka duhthusam in a ni ber mai.

Haw kawng tluanin ka tawng ve mang lo. Min biakna ka chhan bak chu ka ngawi deuh reng. Thian te bulah ni lo pawh nise kei hmeichhe tawng duh tak ni thian tunah chuan  hian sawitur ka hre mang lo chu a ni  e.

"Vawiin tlaiah Joshua an chaw a rawn ei dawn ania aw" a tih chuan Pi lam chu ka melh vat a. Emily lo haw hnu ah zanriah chaw a lo ei tlai tin a,tun ataka thil thar ang maia a sawi hi tlemin mak ka ti deuh.Mahse pi hi  a zunthlum a san deuh chang hian a rilru pawh hi a tlem deuh ah ka ngai maia,a hlimna a ho ang bawk in a lungawi lohna pawh a ho tlat zel. Ka ngaihtuahna hria niawm tak hian,"vawiin  chu Hmeichhe thian a rawn nei dawn a,a Special viau a tih kha maw" tiin a nui hawk hawk a,ahlim tih hriat tak hian a hmel a eng sar mai. Ni e, hlim tur a ni.Mo neih a Tu te enkawl pawh a hun ve tawh.Joshua hi kum 33 lai a ni tawh tlat.

JOSHUA - 5

Gate an rawn luh phat atangin eng nge maw ka hriat ni? Ka lo hahdam loin  ka lo tang ru ve nghal teuh ringawt.Verandah ah thu in piin an lo thlen hun a lo nghaka. A damdawi ei hun leh thil eng emaw tul dang sawiin a bulah ka thu a. Emily a awm ve bawk. Ani nen hian kar 2 erh awrh chauh kan la inhrawn nangin ka ngaina tawh hle a,ani pawn thian ang takin min en ve a. Hetianga min ruaitu te fanu han kawmngeih em em mai hi a hmain ka lo beisei phak lo. Hnathawk tu te tan nelawm em em mah se  keini leh an chhungkaw inkar thil an dah hrang thiam em em maia, mak taka min han kawmngeih tlat hi a awihawm loh rum rum zawk. Kal chhuah-na tur awmse kan chhuak dun a,Scooty khalh  zir a duh avangin zing ah hma tak tak ah tho in ka zirpui thin bawk nen kan inpawh takzet mai.

Joshua an Car kawngkhar a hawnsak atang a hmeichhe rawn chhuak chu a hmelthat zia ka sawi thiam lo zawk!!!,Emily leh Pi erawh an beisei loh lutuk hmu tih hriat tak hian an thaw dun hawk mai a,mak ka ti ru ngang mai.,a rawn kal tur an phur zia ngaihtuah chuan tun a an hmel landan hi  awihawm loh khawp in a danglam a,Emily phei chu thlahrang hmu ang mai hian a mengphawk hra bawk.

"inlo thleng thei maw?" ka lo ti a,ka biak mai loh chuan midang chuan tawng an tum tlat si lo.

“Nu,Rosy hi ila hriat ka ring a,nangpawh Mate...?" Joshua-an a ti a. A aw ah chuan thil duhawmlo thleng mai thei thup tum a ang kher bawk. Pi chu harhchhuak thut niawm tak hian a inthing nawk a,Emily chuan a ruk hian ka kut a rawn vuan a,a hmer nghet hle bawk. "oh...hria e,Rosy...lo kal rawh,i dam tha em?" ati ta zung zung a. Chu nu chu mawi zet hian a nui a,"aw,dam e,indam zawk em?,Emy...nang i tha maw?" ati zang vah. Emily-in min hmer nghet salh chungin "aw dam e" a ti tawi taka,ani pawh a awmdan a mak tho. Joshua chu ka lam a rawn hawi a,"heihi Zorin-i ania,ka nu enkawltu  Nurse anih hi. ZOrin,heihi Rosy anih hi" a tih chuan ka bu nghat a,Polite chhuah in ka nuih sang a,mahse ka chhungril erawh chu an awmdan mak tihna hlirin a khat thung.

Mi pangngai chunglam hlir anni bawk a,darkar chanve aliam leh chuan kan boruak tang lutuk pawh a ziawm ta,midang rualin chaw ka ei hmasa a,an bula ei tumna ka nei lo. Inchhung enkawl tu te ang tho in keipawh hnathawk zinga mi ka ni a. Kan danglamna ka hre lo,an hnena thawk a hlawh la vek kan ni a,intih engemaw viau tul pawh ka ti lo. Chaw ks lo ei hmasak avangin  Emily erawh a lawm chiahlo a,pi leh Joshua erawh in engmah an sawi lo.

Pi ten chaw an eifel hnu lawkah Ka pi (ka nu u nupui) in min rawn phone a,ka pu a chauh thut vangin Aizawl hospital ah an lut a,an zam deuh in minlo phone a lo ni. titi tui lai va pawh ka hreh viau nangin a tul miau si.An bul ka va din  chuan minlo en thap a,"Pi,ka pu a chau thut a, Aizawl Hospital ah an lut a,ka va kal thei angem?an zam deuh a" ka ti nghala. Diktak chuan ka piin a rawn sawi dan leh a awki atang khan keipawh ka zam ve tho. Ka nu unuau neihchhun niin Nu leh pa tello in an seilian a, an inhmangaih em em a,keini pawn kan ngaina em em bawk.

"Ehe,ava zia lo ve,va kal ve thuai rawh. Tu emaw ber kha Driver te kha zuk koh tir la aw" atih laiin Joshua chu a rawn ding vut a,"kalchhuah lawk ka lo ngaia,ka va thlah law law ang che” a tih chuan  ka en ha mai. Rang farhan hian “ a remchang viau nangin kan chin tur a hriat si loh a,Scooty in ka kal mai ang,zan reia lo haw angaih pawn a awlsam zawk dawn a” ka ti ve nghala. “Ka zuk insiam ange” an tawng leh hmain ka ti  leha,min chhan na pawh nghak loin ka Room pan in ka tlan thla nghal hlawk hlawk. Avawt deuh vur avangin boot lum ka bun a,kawrlum chungah jacket  ka hak belh leh a,hmanhmawh taka ka chhuak tur chuan ka Room kawngka bula lo ding ngawireng Joshua ka su thawi thuak mai.

“Awi,min ti phu alawm” ka ti nghal halh.

"ka hruai ang che" thildang sawi lo hian a lo ti nghala. “Ngai lo ka tih kha,ka lawm lutuk” ka ti nghal thuai. “Ka hruai ang che” ka sawi hre lo ang mai hian a ti leh a. A awmdanah chuan hnial a sawt hmel vak loh.

“Inleng i nei a” ka ti ta ngawt. A awmdan ka hre thiam lo viau. “Ka thlah nghal ang. A thuhrimin min hnial fo lo teh,hmeichhe tawng duh leh hnial hrat lutuk ka ngaina lo ka tih kha,chuan min ngaina lo tih ka hria,chuvangin keimah chauhin kalpui che ka tum lo. Emy a kal ve ang. Damdawiinah ka dah che u anga, chumi hnuah ka kalna turah ka kal ang. A tha em?" a ti leh nghut nghut.

Emily nen Seat hnungah kan thu tlum duna, ka pu hi kal tha lo anih avangin hetianga chauh vak chang leh a dam zo lo mai ang tih that that chang hi kan nei zeuh zeuh tawha. Ka nu phone tur leh tur loh-ah ka rilru a insual a,han hrilh ila a chiai leh nasa dawn bawk si,lo Boral ta thut se a damlai a hmuh hman loh ka hlau bawk. Ka rilru a insual buai viau. Nidang ang lo tak in Emily pawh a ngawi  ve kara,kan vawiin boruak chu beisei ang a ni lo kher mai,zing lama kan hlim nen, zan anih meuh chuan Buaina hlir a ni ta.

Damdawiin kan thlen chuan rinai tak in alo ziawm a,ka hmelhriat Nurse alo duty hlauh bawk a. A sawi lawk ang ngeiin damdawiinah min dah hnuah Rosy nen an kal leh nghala. Ka piin min hmu chu kei tehlul hi min thlamuanpui ve zia alang a,ka khawngaih reuh kher mai.

"Min hawsan mai dawn mi?,zanin chu Damdawiin ah hian ka riak ve mai dawn mawni ka tia?" Reife kan awm hnuah dil pah hian ka ti a,"Um,riahpui la a pawi miah lo. Zanin chu ka nu bulah ka lo riak anga, thil tha lo engmah a thleng lo ang' Emily zawk chuan alo ti vat. 

Motor thleng ka thlah a,ka let leh hnu lawkah ka pu pawh Room ah min sawn sak a,Muthilhna in an Jection a,vanneihthlak takin pahnih riah min phalsak hlauh bawk.

Dar 1 velah an muhil ta a,kei erawh kan thian ho Group ah ka nawi zawrh zawrh thung.Thianho han in fiam vel hi nuam ka tiin ka buaina te min theihnghilh tir thin. 

Toilet atanga ka let leh chuan ka rin loh tak hian Joshua msg a lo awm a. "in mu thei em?" a rawn ti a lo ni a. Reply tumin ka type nghal zet nangin ka Delete leh daih..engemaw ka phur viau ni...A hnu rei vak  lo ah msg a rawn thawn leh a. "rawn chhuak teh" a rawn ti teh ngawt.,engemaw a sawi le?,a thawnsual a ni ngei ang..."Aw,mu thei e.. i msg pakhat zawk hi i  thawnsual em ni?"  tiin msg ka reply a.

"Aih,pawnah ka awm,lo chhuak vat rawh,a vawt ania" a rawnti leh a,ka mengphar awk mai.  Ka pi te tihharh hlau in thawm Dim deuh hian ka chhuak ta tham tham a,Pawn ka thlen chuan ka hawikual a,a Car ka hmu ta hauh si lo, Let leh mai tuma ka pen chiah tu emaw hian  min rawn pawt sawk a,Zan reh tawh ah lehnghal ka phu nasa ngang mai....Min rawn pawt tu ka en thuai a,Joshua a lo ni a, ani leh ni lo ang takin nelawm tak hian a nui a. Kei erawh ka nuih a za ve miah lo..

Ka ban a vawnna phelhsak tum chungin “I motor ka hmu mai lova, eng thil nge ni ta? Pi a tha lo em ni?” 

Min chhang loin min kaia, ka zui ve mai bawk. Damdawiin thlang deuhah motor alo dah a,a hnung kawngkhar hawngin a kutin lut turin min duh tih a ti lang zauh. Ka lut ve maia,ani pawh a rawn thu lut ve nghal bawk. A chet dan  ka hrethiam lo viau. Pi awmdan dik lo ni se hetiang hian a chet ka ring lo. Motor kan thlen hmain min hrilh anga,motora kan luh felah kan chhuak nghal mai turah ka ngai.

" engthil nge....?" ka sawizawh hma in a rawn tawlh hnai thuta,ka Biang tawn tawn ah rawn dawmin ka inrin hma in min rawn fawp ta thut mai. Mak tih luat vangin ka awmdan ngaiin ka awm ringawt. Thlang lam atanga motor lo tlanchho thawm ka hriat rualin ka hawisawn vat a, mahse amah lam hawiin min pawt her leh nghal zat. A chal in ka chal a rawn nawr a,a thaw deuh huaia. 

"Fawh che ka chak lutuk hi ka insum thei tawh lo,nang hian ka mumang thlengin min tibuai a,mut pawh ka mu hil tha thei lo" zawi fiah tak hian a ti a,ka thaw halh. A thilsawi kha awih tur nge awih loh tur ka hre thiam lo.

JOSHUA - 6

Eng chen nge inkuah reng chunga kan thut ka hre lo..muhil harh zawk ang mai hian ka harh zawk a,ka inla hrang nghal thuai." An muthilh laia lo chhuak ka nia, engmah ka kalna ka hrilh bawk si lo. An lo hlauthawng palh ang. Ka va lut ange" ka ti a.

Min rawn kuah leh a tum chu ka nemsawn a,”enge ni leh ta?" ati sup. “Ka lut dawn ka tih kha” ka ti deuh hmaka. “I kal hmain min kuan leh phawt la” a tih chuan ka thaw ru ham. 

“Tun lawka ka awmdan vanga min ngaihdan ah sawi tur engmah ka nei lo.. Ka hnial loh che avangin ka dik lo tih pawh hria. Chuan,a thleng tawh lo ang" ka ti hmak a,chhungrilah thinrimna ka nei a, amah nge keimah leh keimah vanga thinrim ka nih zawk pawh ka hre lo. Ka thin a rim et et a ni ber. 

Motor kawngkhar  hawn tuma ka dap rawk rawk laiin min rawn pawt let nawk a,"enge ka ngaihdan che chu ni a?keipawn ka rilru ka siamfel hma hian i duh duh hi min ngaihtuah tir thin lo teh Mona..." a ti leh nghut.."enge?, Mona chu enge?" ka ti hlar mai. A ngawi vung vunga,,min chhang tawh dawn lo emaw ka tih hnu chuan a che hrut a,Kawngkhar nem hawngin "chhuak rawh,zingah ka rawn lam ang che" ati ta daih. Chhan tum in ka ang zuau a,min lo lam suh pawh ti ila s tum tawh chuan a tum tlang dawn tih ka chian em avangin  eng ang pawn hnial ila awmzia a nei leh dawn chuanglo tih ka hriaa,engmah ka sawi leh peih ta lo. Motor atangin ngawirengin ka chhuka, ani pawh lehlam kawngkhar hawngin a rawn chhuk ve nghala. Na deuh mai hian Motor kawngkhar ka nem khar pawpa. Ring vak lo a a nui ri chu zan reh thuap ah chuan ka hrechiang ngang tho mai.

Vanneihthlak angreng tak in tumah anlo la harh lo hlauh. Chunglam enin ka thu a, thil thleng kha ka ngaihtuah let lo thei lo. Ka Pasal hlui vang khan mipa hi ka haw hle thin a ni si. Joshua-an min fawh khan a ruk takin nuam tihna ka nei tih ka inhre kar. Inngaizawng kan ni lo tih hrereng chunga min fawhna ka dawh ngawt mai kha ka inhrethiam lehpek tawh lo. Min fawh a chaka, mumang thlenga ka tibuai vek anga a sawi kha min duh tih a lantir na a ni angem tiin ka ngaihtuah a. Inngaizawng tura inbem dan tur a ni pawhin ka hre lo. Mahse,inbem dan tur bik engmah dan a awm chuang lo tiin ka ngaihtuah tel tho bawk si.Hmeichhe tawngduh leh thutak pai lo ve tak thin kha Joshua bulah chuan sawi tur hre miah lo ka ni leh tlat zel te hi ka hre thiam teh nuai lo. Tleirawl pawh ni lo,nupa nun thlenga lo dai vek tawh si hi engvang in nge  tleirawl ngaihzawng nei tantir ang maia ka buai chiam ni?ka inthing nawk a,inngaihtuah kual chiam chiam lova reilote tal muthilh ka tum ve ta zawk.

Zing hma takah ka pu Fapa Muantea a lo kala, ka pu pawh a tho harh angreng bawk. Joshua khan min rawn lam tum angin insawi mah se nghak duh lo in Muantea ka in thlah tir ta zawk a. Nizan khan hnial a sawt lo tiin ngaihtuah mah ila tunah hi chuan a lo kal tak tak ka ring  lo a ni mah zawka. Lo nghah ve ngawt a a lo kal leh si loh chuan ka zak dawn lutuk tih ka hre ve kar.

Ka rin ang ngeiin In ka thleng chuan Joshua Car  kawtah alo la ding a,ka lo nghak lo ka lawmzia chu pui tak a ni.Muantea a tlan let leh nghal a. Hmanhmawh vak lo hian Gate ka lut a,Veranda ka thlengphei tep tih chuan Joshua leh Rosy rawn inkai chhuak nen kan in tawk ta chat. Ka hriatthiam chiah si loh hian chhungrilah eng emaw danglam zawk a awm a.Zing kar a la ni a,hetah Rosy a awm anih chuan thil pawimawh tak a awm anih ka ring.Ka ngaihtuahna leh chhungrila dik chiah lo awm thup chungin “In chhuak dawn mi?" ka ti nghala. “Aw, ilo va haw hma ve,hei Rosy hi ka thlah anga,kei chu In ah ka haw nghal ang" ati duaha. Ka rin aiin chhanna ka hmu tha. Rosy erawh chuan nuisang hian min en bak chu tawng tum awmin a awm lo. A hmelah nuisang angin lang mah se a mit-ah erawh a nuih a za hauhlo tih alang reng. An  inkai chu en loh hram tum in ka kalpel ta zawk.

Inchhung a lo reh thiap a,pi te nen thil pawimawh an sawi emaw ka tih laiin tumah hmuh tur pawh an lo awm lawi lo. Ka ngaihtuah naah thil lang a awm nghal a. Nizan khan Damdawiin atanga a haw hnuah khan an riak dun anih ka ring. Ten deuh mai hian ka ner sawk ringawt.

Thawm dim takin ka Room ka pan a,ka pheikhawk ka tlawh thla tawp a,khumah ka inthawlh nghal hmak. Keimah leh keimah ka inngei lutuka,invuak sawk sawk mai ka duh. Vawi 2 lai min fawp tawha,min duh ve deuh anih te ka lo ring vel ania. Infawh vang mai in engemaw danglam a awm emaw ka lo ti kha mawl ka inti lutuk. Mipa te  chu an in ang vek ti ziah ka ni ve asin le. Joshua leh nghal phei chu duh duh thlang thei ang chi kha a ni ve a, eng vangin nge kei an chhungkaw Nurse ve mai,hmeltha bawk si lo, engmah chhuan tur nei lo leh Pasal then tawh lehnghal hi min duh anga..”Mawli,ti nge i mawl em em mai le” ka ti inti sap. Ka mittui lo hnam ve ngawt chu thinrim tak hian ka hru tawk mai. Ka thiannu pawn hmanah min hrilh tawh,mi hausa ho hi chuan an hnuaia thawk te hi nawmchenna atan an hmang fo atih kha..chutiang atan chuan minti alo nih ngei dawn kha..

Tunah chuqn Emily achhuk leh tawh a,kan inzui nasa bawka ka  ngai ve viau mai,a awm chuan Inchhungah tei kual nasa a,a ri chel chul thin bawk.Tunah chuan inchhung a reh leh thiap tawh.Joshua erawh chu alo lang zauh zauh a,Emily khan an boruak a siamtha a ni ngei ang. A nu a rawn tlawh ngun ve tlat. A lo kal apiangin ka hel tang tang zela,hmuh loh hram ka tum thin bawk. Mahse inthiarfihlim hman lo a ka lo awm erawh chuan pangngai thei ang berin ka bia a,angainat loh zawng a sawi ang ngeiin ka tawng char char thin a.A hmel a min ning  hmel a lan chang phei chuan nuam ka tih phah sauh thin. Achang chang in Rosy a rawn hruai thin a,ka hmu hne thlawt chungin ka lo hne ve ngawt chhan tur awm hek lo le, ka tilang ngai lo.

"i va nawmloh hmel ve?" tiin Pi ka bia a. Min en zawk hnuah a maimitchhinga,”nia,tukin chu ka nuam chiah lo deuh.ka fanu a awm bawk si lova,ka harsatna hi tumah hrilh tur ka nei bawk si lo,kan chhungte tumah ka ringngam tak tak hek lo" ka rin loh deuh mai hian ati charh charh a,ka ngawi kar mai. Engvanga a chhungte a rinngam loh thu leh harsatna a neih lam daih sawi nge anih ka hre lova, han sawipui vak tur pawh ka hre lo. An hnuaia thawk mai ka ni a,an chhungkaw chungchang phei chu sawi ve tur ka nei lo tih ka hria.

"Emy khan angaina em em che a,keipawn ka ngaina che a, diktak chuan kan chhungte tak tak aiin  ka ring tawh zawk che. Ka endan che hi anihna takah chuan fanu  ang mai a ni tawhin ka hria,nangpawn min Pi lo in 'nu' tiin min ko tawh zawk la,inchhung inrelbawlna engkim hi min enkawlsak zawk tawh la ka duh" ati leh dap dapa. Mak ti em em hian ka en a,"mahse...." ka ti chiah chu ka  kut arawn vuan a,"min hnial suh,Joshua leh Emily chauh hi in nghahna ka nei a,mahse tuna ka buaina hi chu Joshua vang a ni  a,Emy pawn tih ngaihna a hre bik lo. Min kalsan lo a ka bula awm reng turin ka duh che" ati leh a,a sawi ang hian awm ila eng nnge thleng tur ka hre lova,a pawi dawn nge dawn lo pawh ka hre chuang lo. Taksa leh rilru a hah vangin a duh duh a sawi nimaiin ka ngai. Mahse,engthil pawi nge Joshua hian a lo tih ni??,a nu hian a hmangaih tehlul nen chuti taka a nu manganna tur engtin nge a siamsak theih ni?

"Khawi atangin emaw kan chhungkaw chungchang hi i lo hre tawh maitheia. Chiang takin tunah ka hrilh ang che. Joshua hi kum 25 a pelh hnu lawk ah Hmeichhe pakhat vangin a buai a,aduh em em a ni ber. Kan fate ngaihzawng chungchangah lo inrawlh buai ve kan tum ngai lo. An tana tha ber tur kan duh avangin zilh fo mah ila an ngaihzawng tur lo thlansak tih lam kha chu kan ti ngai lo. Mahse kha hmeichhia ber kher kha chu a pa khan a duh ta tlat lo. Joshua lah hi mi luhlul lutuk a ni a,an pafa hi an in ang chiah chiah. Tu zawk mah-in an rilru thlak an tum lo ve ve si a. Joshua hian min chhuahsan in tun a a in khu a leia,a awm ta a,sumdawn na lamah chuan kum naupang te mah ni se apa aiin a thiam zawk. A pa nen an intih thiamloh takah khan kan chhungkua atangin ainla hrang hmak a,ama pualin engtin tin emaw sumdawnna a din chho ve a,a Sumdawnna hi Mizoram nilo in phai lam leh rampawn thleng anih avangin kei chuan ka hrethiam ve chiah lo. Kan puihna min dil duh miah lo in tihian amah a inenkawl chho ve a, a hmeichhe duhtak chu neih ngei tumin a bei a,mahse,a sumdawnna vel a buaipui laiin chu nu chuan Mipa dang a neih san leh ta si a,chuta tang chuan a mizia hi a thlak ta vek a. A hma mipa ngainatawm tak thin kha mipa tawhkhirh ber ah achhuak ta nih hi" ati ta mial mial. A tawng hnem bawka hah hmel zet hian a thaw hap a.Tui ka pe thuai a. Joshua an sumdawnna a tuipui loh thu leh an chanchin eng eng emaw lo hre ve tawh mah ila tuna pi sawi kha thudik a nih ka ring. 

"A pa a  Boral khan alo kal zawk a,ahnu ah chuan kum khat ah vawikhat te min rawn tlawh a,Emy hian a ngaih em avangin keimahni zawk hi kan zu kal thin a,mahse,ahma ang kha chuan kan inpawh ta lo" ati leh a,a ngawi ta vang vang. Reife hnuah “tunah chuan hei alo kal fo a,bakah hmeichhe tha tak a tawng bawk niin ka hria.. min hre thiam la,i buaina tak ka man lo deuh a, Joshua nen in inkar a tha hle niin ka hre bawk si”  ka ti  a,athaw leh deuh huai a,"nia,engkim hi a tha leh mai ang tiin kan ngaihtuah a,mahse,a hma a kan in chhuahsan a Hmeichhia abuaipui kha tuna mi Rosy tho hi a ni tlat atin ni" a ti ta a. . Mak ka tihzia thup hman loin” a nimaw?" ka ti nghal hluai...min rawn en a,"ni e,a pasal chhuahsanjn Mama hi a rawn beisei leh a. Mi sawi dan phei chuan pasal a neih lai pawh khan Mama nen hian an inkawp ru reng te antia..Rosy hi kan duh loh chhan chu hmeichhe tha a ni tlat lo. kan in a a rawn hruai zan atang khan hlim luih hi harsa kan ti em a ni" ati leh charh a,an Boruak dang ta vek kha hei vang hi alo ni ngei anih hi..

Ka hnung lamah thawm a awm rualin kan hawi rual thawt a. Joshua, hmel dur khup a lo ding ka hmuh chuan ka tirilah ka khur nghal titih tingawt. Ngawih reng dik a ka hriat bawk si loh avangin “i dinna a rei tawh em?" ka ti ta ngawt min en loin a nu a en a. 

"Ka nu ,eng chungchang nge Zorini ilo hrilh a?" A ti bung vut mai.

JOSHUA - 7

"Thu dik mawle.." a fapa en chungin piin a ti a. “Ka nu chhungkaw thil sawina hun leh hmun athliarhrang thiam lo rual i ni tawh lo ania” a ti hmuk. Rang takin ka dingchhuaka. "ka lo va chhuak ange" ka ti thuai. Kawngka bulah chhuahna tur dal taka a din avangin ,"ka lo chhuak lawk dawn mi niang?" Ka ti a. A tawlhsawn ve mai bawk. Piin min rinngam mah se  Joshua tan chuan a nu enkawltu  Nurse mai ka la ni reng a,chhungkaw thil sawi lo tura a nu a khakna pawh kha a demawm lem lo.

Seni bulah nileng in hna ka thawk ve a,ka rilru tawt lutuk tih thawl nan chhuat ks nawt nghek mai. Joshua leh pi Room atanga an lo chhuak lai ka la hmulo a,pi thil min lo hrilh avang khan an  Nufa in an in hauh phah ngei ka ring. A nu in min rinngam zia a hriat avang khan  kei min haw zual sauh bawk ang.

Tlai ah Motor pakhat hi Gate ah a lo tlan luta,tudang nilo in Rosy a lo ni a,nidangah hi chuan Joshua rual in a lo kal zel a,tun tum chauh hi a ma Motor in a lo la kala. Motor a khalh thin tih ka hriatna hmasa ber a ni bawk. Zei thlarh hian a rawn kal pheia. Verandah ah Rama leh Seni nen kan lo thu a,thil enge maw mai mai kan lo sawi a,Rosy kan hmuh takah chuan kan ngawi nghal thap.

"Zorin, Joshua hi.. “a tih lai mekina nui ,"hey....ka awm e,ka lo nghak che a" kawngka atanga rawn chhuah pah hian Joshua-an a rawn ti a. “Oh, koh tir che ka lo tum chiaha” ti a nui ar ar chungin Rosy-in a pan nghala. Inchhunga an inzui lut nghal chu ka en ringawt. Ka tawt deuh up up a, ka lo thik ve ngawt nge pawh ka inhre lo ve. 

Tlaiah chaw an ei nghal a,kan ei rual vek bawk si nen ka  puar leh puar loh pawh ka hre lo. Ka hmuh dun apiang hian ka chhungrilah che a awm ve ziaha, a hmeichhe duh ber,pasal a nei chung pawha a thlah phal loh leh a mualphopui tih ka hre tawha. Min lemkual vel mai maia, nawmchen nan min hman a tum tih ka ngaihtuah a, ka na a, ka tlawmngai bawk..

“Zorin, i nuam lo em ni? Thil i va ei mumal lo ve” pi in min rawn tih chuan ka chaw ka en vat a,ka lo thai kual vel mai mai chu niin.

“Nuam e, nichin lawk ah Momo ka ei a,ka ril a tam vak lo a.. Ka thawhsan mai dawn che u" tih leh thawh ka rual a,Joshua  ka melh zawk a,Hriatthiam har zet hian minlo en reng tih ka hmuh rualin ka hawisawn thuai mai. Midang tifel tur an awm tho bawk a,Room lam ka pan nghal a,an bula ka awmreng chuan huatna leh thinrimna inkawp vangin ka inthup theih loh ka hlau a ni ber. 

Che lova ka mut vang vang laiin Number ka hriat ngailoh atangin Call ka dawng a,phur lo fe hian ka pick-up a, thawm awm loin a reh vang vang. Dah ka tum lai takin "Zo-i keimah ka nia,Patea"'a rawn tih chuan ka Off nghal hmak,engmah sawidun tur kan nei lo. A nun atangin min thehchhuak a,ka hmuh lai ngeiin hmeichhe dang a mutpui a,vawitam kut min thlak a,nau ka pai tih hre reng chungin ka pum ah pet in min sawisa a,ka Naute pawh ka chan anih kha..Tunah nun bul tan thain ka hlim ve tan chauh a,ka hlimna hi ani vanga tihchhiat ka phal lo bur. Thi dawn pawh nise biak nachhan tur ka nei lo. Ka Thinlung atangin ka paihchhuak hneh lutuk tawh.. ani chang lo mipa hrim hrim hi mi tenawm vek anni. 

Ka rilru in ka nunhlui ka chhui kira,ka naute kha piang ta se chuan tunah kum 2 a ni ve  tawh anga,min tihlim ngawtin ka ring..Thil chi hrang hrang ngaihtuahin achang leh ka mittui a tlaa,achang leh ka nui bawk. Zan rei thleng pawha ka mut a chhuah ngang loh avangin ka tho a. Shawl lian taka ka intuam hlan hnuah dimte hian ka chhuak ta tham tham. Gate sir a Pangpar bul ah chuan dingin ka ep a,Light pe uar mai chu ka thlir a,thli rawn thaw in min rawn chhem heuh heuh a,ka dam sawng sawng mai.

Tu emaw hian kawngah min rawn kuah thuta, ka phu nasa ngang mai,amah si chet hian min kuah bet a,a Perfume rim atangin tu nge anih ka hai lo. Min kuahna atanga talhran tumin ka ka tal laih a,min kuah nghet sauh chungin "Tal lo teh,min hel char char a,ka ngai che alawm"ati sup a,engahmah ngai loin talchhuah tumin ka la tal laih laih tho. Ani hian a duh hun hunah min kuah ngawt thei lo. 

Min thlah rualin amah en thei turin ks inher nghala. "Mipa mamawh em em leh mi hur ka ni lo ania, i duh hun apiang a i khawih tur ka ni lo" ka ti nghal fak mai. A hmaiah tak Light chuan a chhun a,ka tawngkam vangin a inseh ruh talh talh tih ka hmu kar.

Muang fan ruih hian "Mihur i mi ka ti che em ni?" ati a,a khawsak dan kha ka ngaihdan a ni thak lo. 

“Min khawih ngawt tawh lo la ka lawm ngawt ang. Chuan, mi  hausa ho hian in hnuaia thawk te,in hlawh pek te hi nawmchennan in hmang thin tih ka hria a,mahse,kei chu khatiang a tihchi ka ni ve lo tih i hre dawn nia. In hnuaia thawk mai mah ni ila zahawmna ka nei ve ania” ka ti leh sak sak.  

Kalsan mai ka tun chu min pawt let nawk a,ngeht lutuk hian min kuaha. Min kuah bet hneh bawka a taksa lumna ka hre thei. 

"I thilsawi kha i ngaihdan diktak nge Thikna zawk?" a ti nghuta, ka tawngkam avang khan a thinrim viau emaw ka ti a,a aw-ah nuih zatna alang tlat,a awmdan chuan minti hrilh hai letlinga, min kuah ang angin  ka ding ve zum zat a,kan insanhleih em avangin a Lungphu nghawr dat dat ka hre tawk vel viau. 

Inngaihtuah harh thutin ka tal phata, min thlah nghal thuai. 

“I awmdan hi a mawi lo hle ania. Rosy chuan hria se a lawm lo khawp ang” ka ti a,ani kha sawi ka tum lawk pawh a ni lo,ka in control hman thlawt lo a ni zawk ang chu.  “Hria se eng nge pawi ang? “ a ti duh lek.

“I bialnu ania, hmeichhe dang i beisei tih a hriat chuan a pawi ka ring” ka ti lehzel. Ka tawng danah chuan ka ten hle tih a lang chiang viau.

“Ka bialnu maw? “Ngaih hoh hmel tak hian a ti leh mai.

“I bialnu a ni emaw ni lo emaw ka ngaipawimawh lo. I hriat tura ka duh chu keihi infiamna hmanrua ka ni lo” ka ti leh sak sak 

“Naktuk-ah ka thawmhnaw la turin ka inah ka kal dawna,min kalpui dawn nia. Ka nu pawh ka hrilh tawh” a tih leh chuan ka kal tan tawh ka ding chata. “Ka kal ve eng nge a tulna?” Ka ti nghat. "Hetah hian ka rawn cheng ve tawh dawna, ka thawmhnaw siamgfel ngai tamtak a awm avangin puitu ka mamawh. Chuan, ka nu mi rin ber i nih angin nangman min pui ang” inringtawk tak hian a ti a. Mimal thil ni loin hna chungchang a ni tih ka hai lo. “ a that chu” ka ti ban chat. Diktak chuan keihi hetah ka awmrei thei dawn lo tawp tiin ka in ngaihtuah nghal hmiah.

“Mangtha le” a ti leh a. Min en loin hmalam a thlir vung vung a,a palianin a pian a dik thlup a. A pa tel lehzel bawk nen , chhia tih talh har tak a ni.

A tuk tlai  lamah a Thawmhnaw la turin kan kal ta a,diktak chuan nuam ka ti lo viau. A thawmhnaw siamfel ngai pawh nise Rosy hruai mai awm ania. Anih loh pawhin aman timai se tha tur. Mi hausa ho hi an lo buaipuiawm takzet chu anih hi a.

"in ah eirawngbawl i peih ang tiraw?" a rawn ti thut a,ka bu liam mai a,mahse,engvangin nge eitur siam angaih kher tih ka ngaihtuah chhuak nghal a.

“tu ei tur in nge ka siam dawn?" ka ti nghala,hnehsawh zet hian Motor Steering a thununa,a  In lam panna kawnga a pen fel hnuah min rawn melh zawk a,"kan ei tur" ati hmuk. A mood inthlah in a nelawm leh tawh miah tih ka hre thiam nghal vek nangin ka ngawi mai thei chuang lo.

“I  thawmhnaw kan siamfel  ringawt dawn iti sia" ka ti leh hram a,a thaw deuh huaia,"Siamfel tur a tam ania “ ati leh mai a,a awmdan chuan min ti hlauthawng deuh thuta, ka insehruh ngar ngar a ni ta ber awm e.

In kan thlen veleh ei rawng bawl tura min tih avangin ei siam tumin chokaah ka lut nghal. Fridge ka hawn chuan bawngsa leh thlai a lo awm nual,Artui leh Bawnghnute a dah teuh bawk a,nizanah a riak silo a,engtik laiin nge alo dah hman zawk ni?

Siam dan pawh zawt lem loin ka ka duh dan dan in ka siam aa,a ei duh loh leh a ei lo mai ang chu....

Kawl a phe zuai zuai a,tek a tla zui leh a. A Light athim nghal hmak. Thli a thaw vuk vuk a, reiloteah  ruah tam em em a rawn sur zui nghal bawk. Tek tla  leh thli tleh hi ka thil hlauh tawpkhawk a ni a,tunah phei chuan current awm lo nen, mahni chauha awm ni bawk si.. Ka thu tawm chaih mai. Vawi lehkhatah a rawn  eng leh zuai a,ring mangkhengin tek a tla zuia, in a nghawr dawt thei hial. Ring tak takin tek a tla zui a,ka te nghek mai.

Current a rawn en hnu lawka Joshua a rawn lang a. Ka lo thu tawm reng chu minmin rawn pan a,min kaihthawh chuan khur zawih zawih chungin ka dingchhuaka, ka dingchhuak fel awrh tihin kawl a phe leh zawka, a thím lehnghal mup. Joshua ka pawm chawt, ani pawn nghet tak hian min kuah ve a..”hlau suh,i bulah ka awm ania" a ti dam thlup.

JOSHUA - 8

Sitting Room ah min kai phei a, thim vek mah se a in a ni bawka, a kal thei vek. Sofa ah min thutpuiin amah si chet in min pawm bet a. Thli a tleh hum hum a,ruah lah chu a sur satliah pawh a ni tawh lo,abuak hian a baw tlawrh tlawrh mai. Hetiang  chuan kan let leh tawh hauh lo ang,Motor a chuan nana ka hun duh loh ber a ni a. Joshua nen chauh pawh ni ila heta riah mai ka duh zawk.

Rei zet a sur hnu in a ziawm ta hram a.Current a awm leh ta bawka, ka hlauh lutuk pawh a zia ta. Ka Phone phawrh chhuakin Sana ka en a. Dar 9 alo pel daih tawh..ka tawlhsawn tur chiah chu min kuahna a ban chu a rawn tla zawi hnak a,alo muhil daih chu niin. Tawlhsawn deuhin tui taka a muhil hmel ka thlir ta vang vang.A sam dum hlap, to bit tak tlema thur deuh te,a mithmul buk leh kual raih bakah hnar sang vah te zawng zawng nen chuan a inremfuh tih loh rual a ni lo.Naupang ang mai hian a thaw sak sak a,athlamuanhmel hle em em bawk. Ka  pum a rik tak raih raih ah chuan Chaw kan la eilo tih ka hrechhuak leh ta chauh..ani pawh hi a ril a tam ve tawh viau in ka ring. 

Dimte hian a darah ka sawi a,a rawn meng nghala,"i muttui viau nangin chaw kan la ei si lo a,ka riltam a,nangpawh i riltam tho ka ring deuh a" ka ti nghal a, min en dan avang chuan ka sawi tawp lam  ka riat nawi titiha. Ka lai khanglang a ni ber ang chu. A  mit ti zim sun  in min melh a,thatchhiat hmel zet hian a thu awn duai bawk ."um,a tam chu anih hi" nui chungin ati sup a,ka khur ru dar dar chu a hriat hlau in ka tho ta thuai. Khati tak maia hlauhlawpa ka awm kha ka zak leh hnuhnawha. Mahse mihring hian hlauh zawng kan nei veka, kan hlauh zawng te hi duh duha thlak danglam theih a ni ngawt lo. Chumai bakah kan hlauh ve loh vanga min dang thil hlauh sawi nepsak ngawt chi lah a ni hek lo. Ani kher ka thil hlauh em em laka min thlamuan tu a ni erawh hrehawm ka ti ru vang vang. Mahse,min kuah a min thlamuan lai ang khan ka la thlamuang ngai lo hial in ka hria.

Choka ah ka pheisan nghal a,chawhmeh vel pawh alo dai vek tawh. Ka chhuang nghala, chokaa  a rawn luh ve pahin parda hlim in pawn lam a thlir a,"hetiang chuan kan let leh thei hauh lo ang,. A tlai tawh bawk nen, ka hrilh angai dawn anih hi" ati a,min bia nilo in amah leh amah a inbia nimaiin ka hria.A Phone phawrh in a nu a Call zui nghal a,a mize pangngai bawk in ka duh dan min zawt leh eih lo..an inbe mawlh mawlh a,Zing a haw mai turin a rawn ti niin ka hria.

"A be duh che" tih pah hian Phone  min rawn pe a. Phone ka beng bula dahin hello..." ka ti ve nghal zat,"Zorin,a hrehawm lo ang tiraw?,Mama kha tawhkhirh viau thin mah se a chhungril chu a tha ania" a rawn ti dam diai,a hriat phak hlau zet hian Joshua ka melh vat a,Pawnlam alo thlir leh daih tawh.

Ngawi rengin kan ei dun mawlh mawlh a,ka thilsiam pawh tha lo lutuk a ni lo  aniang,a ei ve nual mai. Kei phei chuan ei hnem tak ka ni.Kan eikham hnuah ka tifai leh vek a,ani erawh chu pawn ah chhuak in thil chhia a awm leh awm loh a en kual a. Atthlak zetin Nupa ni ta mai ila tiin ka lo ngaihtuah leh hmanhmawh a. Pasal neih hi ka sim viau khan ka hre sia engtin nge hetiang ka rilru ah alo lan leh theih zawk ni..

A thawmhnaw vel tihfel ngai ala awm em tih ka zawh chuan a ngaih loh thu a sawia. “khawiah nge ka mut ang?" tim angreng tak hian ka ti a. Ka inthlahrung viau nangin mut hahdam ka chaka, ka riahna tur min la hrilh tlat si lo.

"inchung Room ah khan i duhna ber ah khan han mu mai rawh,puan vel chu Wardrobe ah khan a awm ang" ati awlsam mai. “Aw le, mangtha le" tih pah in ka chhoh san ta a. Emily te nen kan riah tuma ka Room ngaiah  ka lut a,Room awm zingah chuan a te ber nangin ka inhmeh tawk viau a,bakah adang chu Joshua Room nen a in hnaih mah mah.

Tui taka ka Muhil khawpui ri dur durin min ti harh hlawl. Ruah a lo sur leh tawh chu niin. rang lutuk in ka thu chhuak a,ruah chuan khum sir a tukverh a rawn theh thawt thawt a,thli a tleh ham ham bawk. Zan tir ang em kha chuan thli tleh nasa lo mah se ka thau ah a man a..Ka hlau satliah lo,ka kawchhung a fan vek a ni ber..mu ngam loin khumah ka thu a, ka beng ka hup tlat bawk. Joshua room-ah ka kal mai dawn nge a reh hun ka nghak dawn pawh ka hre thiam lo, Room kawngkhar inhawng thawm ka hriat rualin ka hawichhuqka,Joshua a rawn lut a. Ka riah than lohna hmun anih avangin Light off lo in ka muhil a,bakah ka tih ngailoh ang tak in Room kawngkhar ka kalh lo bawk. Khumah a rawn  thu ve nghala," i hlauh ka ring reng a ni. A reh leh tep ang” ati nghal mawlh mawlh.A kutah la vuana, ani pawn nghet zet takin min pawm bet a,tunah chuan ka thlamuang leh thei ta deuh. Rei lo teah a tho chhuaka, min kaitho ve nghal a. Khum atanga chhukin ngawirengin a room lamah min hruaia. Hnial hauh loin ka zui ve zel bawk.

Khumah min muttira. Ani pawh a rawn mu ve nghal bawk. Light a off a, thlasik lai ni lo mah se ruah a sur nasat em avangin  boruak a vawt vur mai. Blanket hnuaiah chuan min rawn kuah,a awm ah ka lu ka nghat a,a taksa lumna in min ur ham ham thei. Ka hnungah duat takin min chul hauh hauh thung.

“A ziaawm leh mai ang,Muhil la,ka lo veng ang che" a ti sup a,ka chhip samah a fawpa, ka mur er er maiin ka hria. A  In hi ramhnuai a awm anih mai bakah a fal a,tlang pawng lian vak lo a awm a ni lehzel. In dang awm ve lo ta chu a bingin Thli leh Ruah chu a dawng niber in ka hria,Tukverh ruahin a rawn theh thawt thawt a,hla deuh fe a Khawpui a ri a hriattheih a,Thli tleh erawh a ziawm tan tawh.

Ka meng siar siar a,ka awmna ka hai  teuh kher mai. Mahse ka rilru a fim leh thuai. Joshua-an  minlo la kuah a,a mal sei thlurhin min kherh bet chial bawk.Khua a eng deuh  tawh a,Tukverh puanzar chhah zet chu hlim ila chuan a eng uar in ka ring. Ka mut ngaia ka mut vang vang hnuah tih harh hlau zet hian ka che a,a ban chu ka dahsawn a,a mal ka dahsawn leh tur chu rum nghut chung hian a rawn che dut a,"khawnge i kal dawn?,ala hma ania" ti chungin min rawn kuah leh a, zah avangin ka hmai a sa nghal hut hut thei.Ka zak hmel hmu lo tura a maimitchhing chu ka lawm kher bawk. Eng vang a hepa buaipui ngai hian awm ziah nge maw ka nih tehhrep ni? Buaipui ka nih vek hnuah pawi lah chu ka ti chauh zel lehnghala. A ho ngawt mai. 

Ka tho leh tur a lamah  min pawt hnai nghala. Ka chalah a rawn fawp vang vang,”min kuah rawh " ati leh sup a,ka kuah mai loh avangin ka ban lain a kawngah min kuah tira. Ka khabe ah a rawn chul kual a,dimte hian min kuai dak leh in a Hmui chuan ka hmui a rawn bawhthuah a,ka rilru in vawi 3 na ka lo ti hmanhmawh bawk.

Zei taka min fawhna chuan rang lutukin danglamna min siamsak nghala. Ka inchhir leh dawn tih hre mah ila ka insum thei tlat lo. Duhthawh lutukin ka chhang let ve ta hmiah. 

💜💙💛💚

Hmanhmawh takin kan che a,ka kawr hak a phelh hnu a inlakhran rualin ka ngaihtuahna afim ta deuh. Ka tawlhsawn tur min rawn kuah lehnghal zata. Ani pawn thawmhnaw engmah a inbel tawh lo. Ka pasal sual takin ka chunga a lo tihtawh hre chhuakin hlauhna hian min fana..

“Joshua....kan ti theilo" ka ti nghal hap. Ka thlan fim a rawn awm a,hlauhna min min tuam hlup hlup a ni ber. Ka khabeah dawmin min kuai daka. Ka mit ah chiang tak in min rawn en a,ka rilru hrethiam se ka duh takzet. Diktak chuan ka tha a zawia, ka taksaa nawmna min thlen mek leh la hlauhna inkawp hian min ti chau a ni ber.

Dim leh dam takin min fawpa,zei taka a chet zui lehna chuan ka hlauhna min tihreh sak tial tiala, a tawpah phei chuan amah Joshua bak engdangmah ka ngaihtuah thei tawh lo. 

A taksa thlan dap chungah chuan ka bawk a,ahmel ka en ngamlo...thil thleng kha duh lo thei leh dang thei ka ni a, mahse ka thlen tir vek tawh avangin inchhir ka tum lo. Ka tihsual man hremna tawrhtur pawh ka tuar mai aniang chu..

Ka sam karah a kut rawn rawlhin ka lu a hmeta.. “ka ti na che em?" aw dam tak hian a ti a. A aw ah chuan tih el na leh hmuhsitns lam engmah a awm lo,min duat hluah hluah hi a ang zawk. Diktak chuan pasal ka neih chhung khan khatiang tak khan ka Pasal hlui lakah nawmna ka hmu ngailo..achhan pawh ama nawmna tur chauh a ngaihtuah thin tlat atin ni..Joshua erawh kha chuan min ngaichanga, min nghak zel bawk anih kha..

“Mona, ka ti na che em?” min duat ngawih ngawih aw hian a ti leh a. "aih” ka ti sep, ka aw a ri chang chang chauh. Ka  mittui tla tur dan kir tumin ka khap sak sak a,hriat nuam tak hian a nui a. 

"Min en teh, kei ve thung hi chuan na ka tuar anih hmel khawp mai,ka taksa hi a pilh phung in ka hria...." a ti dam thlup. 

JOSHUA - 9

Ka hmai a sa hut hut mai,ka lo ham pilh a ni ngei ang...a nui leh a,"i zak alaw?i va han ho e aw" ati leh sup a,amah en thei turin min pawt chho a,a mit ah en ngam lo in a hmui ah ka en a.Mahse min kuai dak ta tho. a hmel alang dam thlup a,a sam  a thur deuh a,Lukham var zet leh  a sam dum hlarh nen chuan eng tin emaw tak an  in hmeh takzet,En rei ngam loin ka hawi sawna. “Min en la” a tih leh takah chuan thuawih takin ka en ve mai bawk. 

“i rilru tur ka hria alawm" ka tih laia alo nuih avangin sawizawm lo in ka ngawi ta daih. “engtin nge ka rilru tur hi ilo ngaihtuah hman ziah a?,min ngaisual thei bawk sia" ati zuia.. nia...engamah hma hian arilru tur hi ka lo sawisak ziah bawk atin ni. 

Inbual tura Bath Room a pan dawn chuan a taksa engmah khuhtu awm lo chu a zahpui lem lo a ni ngei ang, towel takngial pawhin inkhuh a tum  chuang tlat lo.A hnung lam atang pawn a pian a nalh takzet,a vawt ka tih deuh avangin Blanket ah chuan ka inzial kak a,thawh mai pawh ka la tum lo. A inbual zawh hnuah ka inbual ve chauh ang. 

A phone rawn ri chu lak sak tum in peih lo zet hian ka ban a,X ti ringawt in a save a,ka pick-up sak lo mai dawn mawni ka tih laiin a tawpa, ka dahthla chiah tihin a rawn ri leh a. Pawimawh a awm anih ringin ka pick-up ta thuai. 

“Josh...pawn ah ka awm ania" hmeichhe aw in a rawn ti chiah chu ka  phone ken ka thlauh lo chauh.Ka off nghal hmak. Rwng taka thoin ka  thawmhnaw ka inbel thuai thuai a,Room a ka sulhnu awm thei tur chu ka zawng kual a,engmah a awm lo tih ka chian hnuah dimte hian ka chhuak ta tham tham. 

Ka room hman mek khumah ka thu leh vang vang a,Rosy pawnah a awm meka, keimah mai chuan ka hmachhawn ngam dawn em ni? ama thu chuan a lo kal lo tawp ang tih ka hria. Joshua an a ko a ni ngei ang tia ka ngaihtuah rualin ka tawt nghal up up a,thil thleng lah kha a  thleng zo vek tawh si..Darkar pawh a liam hmain ka inchhir em em hman chu ania.. Ka nep em em rah ka tuara, ka chawh a ni tawp mai. Inngaizawng an chesual pawh a dik loh laia ka ngaihzawng pawh ni lo ka chetsualpui hi ka hmuhsitawm thlawt. Ka nep zia hi ka lo inhre ngai lova, kei aiin Joshua hian min lo hrechianga, chuvang takin min zuam a lo ni ngei ang. 

Kawngka ka hawn veleh a rawn lut thuai a,nidang ang bawkin a nalh thlarh mai,kei lah kawrlum phiar lianpui leh Pyjama nen ka lo awm a. Duhthlan tur ni ta ila en ringawt pawhin thlan chi hi ka ni mawlh lo. 

A mitmeng fing zetin min en ram rama,  midang tumah an awm ve lo bawka, min biak that viau emaw min nuih vel pawh tul a ti lo anih hmel.

"khawiah nge a awm a?" ati chang fak a,"a inbual a,lo luhtir tur che in min ti a" ka ti mar at. Ka dawtsawi chu a pawm ngei beisei in ka en ve ran a,a ngawih deuh vang vang hnuah a nui ta sak.

"ok...chuti chu Room ah ka lo han nghak ange' ati zang vah. Ka chhan hma in a kal nghal chu a ni der, polite chhuah in "Thingpui  i duh angem" ka ti leh hrama a,"oh...atha khawp ang,a vawt bawk sia,Room ah lo dah chho mai la" tih pah chuan Step ah chuan a pen chho nghal a,ka in her nghat ringawt. Choka-ah ka lut a,ka in humruh nasa hle tih ka hre chhuak chauh..Joshua kha engmah ka hrilh hauh lo nangin alo insawi fel ang tih ka chiang.

Coffee nen Room ka pan a,Kawngkhar  a in hawngsa avangin kik lem lo hian ka lut ve mai a,mahse,ka thil hmuh avang-in ka ding chawt a,min hmu ve lo  bawk a,dimte in ka let leh a,kawngka bulah chuan thawk ka la vang vang. 

Ka din ren rawn hnuah Kawngkhar ka kik a,Joshua’an  "'lo lut rawh" a rawn tih chuan a aw chu a mumal lo...Thil thleng tur ka hriat avangin ka na vawng vawng mai. Thingpui ka chawina tray ngawirengin ka hung a,an 2 chuan Khum piah a Sofa lian pui ah chuan anlo thu dun a,melh loh hram hram ka duh, ka hmel a ka rilru nat zia langchhuak an hmuh ka duh lo. 

Ka chhuak leh tur chu  "Darkar chanve hnu ah kan kal dawn nia,In ah chaw kan ei zawk mai a tha ang,hna hmanhmawh ka nei leh thut a" a rawn ti a,hawi let chuanglo chuan ka bu nghat a,ka chhuak zui ta nal nal.

Room a ka bag dah ka la nghala, inhnuai lam ka phiahfai hnuah pawnah ka chhuaka. Hunter-a in ah kalin ka kai chhuak a,nizan lam ruahsur nasa avang khan a mangang ve in ka ring a,mahse a In a lian a,anuam bawk a,a him hle in ka ring. Min ngai hmel zet hian min rawn bawh a,a lei achhuah hlui bawk a,atir a ka hlauh tehreng nen tunah chuan hlauhna pakhatmah ka nei tawh lo.

Hunter a tlan kual vel en chungin ka nu ka phone a. Nu tawngduh tih takah a rawn ri nghal chul mai,eng eng emaw a sawi teuh hnuah tlema a aw ti zawiin “Patea hian min rawn be reng a,a rawn tibuai che em?" a rawn ti a. Ka thaw hak. 

"Hman zanah min rawn biak a tum a,mahse ka be duh lo. Chu bak chu min la rawn be leh lo" ka ti hmak a,a thaw huai ri  ka hre thei. Ka  chhungte hian ka hrehawm tuar zawng zawng kha an hrechiang em a,ka let leh an hlau  tih ka hria,let leh chu khawilamah...kan inthen atangin kum 2 aliam tawh a,ka puitlin tawh bakah ka  duhzawng pawh ka hrechiang tawh mah mah. 

Rosy-in Motor a rawn keng lo anih hmel,Taxi a rawn hmang anih ka ring. Zing kar hma lutuka lo kal ngai khawp thil chu a pawimawh khawp ang. Nia,a pawimawh tih ka hmuh chian khawp kha le..

Kawngkhar  ri rak ah chuan ka hawi phei thuai a,Joshua’n Bag lian lutuk lo pahnih a rawn khai chhuak a,a hnung ah Rosy’n sam thur chap hian a rawn zui bawk a,eng thil nge an tih tuman min hrilh lo mah se ka hrechiang ve tawk in ka hria."kan kal dawn mi?,i bag khawnge i dah?" Joshua’n min rawn ti a,"inchhungah, ka’n la lawk ang" tih pah chuan rang zet in inchhung ah ka lut a,Hunter-a chuan min rawn um zui bawk.

Motor seat hnungah Hunter-a nen kan thu duna,ka hawi chhuah apiang in Joshua chuan darthlalang atanga min lo en zel avangin ka hawi sawn rang thei viau. 

Keimah leh keimah ka in haw hluah hluah mai,eng vang a Sex hmanpui kher nge ka nih?hun kan hmandun hnu lawk ah Rosy alo lang a,darkar tam a ral hma in duat takin alo Kiss lai ka hmu leh a,a hmangaih tak bulah a awm a,min ngaihtuah hmel a pu hek lo. Pi hnen atangin nimin lawkah Rosy a duh zia ka hre veka, ka khawsak danah khan  amah dem tur ka ni lo,keiman ka hnar miau lo a,ani tan insum buai angai hleinem. Khatiang ah chuan mipa tu pawh an insum buai duh nang. Keimah leh keimah hi hmusitawmah ka insiama ka hmelma hi tudang ni loin keimah tho hi ka ni.

Pi in minlo hmuh veleh min lo lawm chul mak. Rosy erawh chu alawm lemlo  a ni ngei ang,a be mang lo. Thil thleng kha han hre ngat se zawng keipawh hi min be miah lo ang le.

Joshua hmelah chuan min ngaihsak deuhna emaw thil danglam engmah a awm lova,min ngaihven deuh tura ka lo phut ve ngawt pawh hi mawl ka inti lehnghal zat..Nilengin a chhuak bo a,zanah alo haw hma in ka mu a,hmuh ka chak lo a,a hnaih ah pawh kal loh hram ka duh.

Muthilh thuai tum in ka mu kha ania,a teuh lo mai. Ka inlet tawn seka, ka mit lah a kham em em bawk. Ka taksa kham thum avangin ka tho ta ngawt. 

Muhil thei hek lo le, ka Phone ah Game ka khel a,ka rin aiin ka tui ta phian. Reife ka khelh hnuah ka duhtawka. Phone ka dahthlak rual chiahin ka phone a ri ve chiah. Min rawn call tu lah chu Joshua a la ni zui....Pi a tha lo thut anih ringin rang taka pick-up nghal ka tuma, mahse ka pick-up dawn chiah tihin ks inngaihtuah harh leh hman. Pi vang nise chuan Seni’n min rawn kaitho ngei ngei dawn. 

Anih chuan he mihring hian sual rawng bawl pui turin min beisei tihna anih chu.. Hrep tak hian a,a teuh tawh lo mai. 

La loin ka ring tawp tir a, a rawn ti nawn leh nghal a, ka la duh chuang lo,a duh leh Rosy bulah kal mai rawh se.. mai maia.. A rawn call leh hmain ka switch off ta daih. 

Ka Room kawngkhar rawn ri dat avangin  ka thu chhuak nghal hlawl a,tim deuh tak hian "tu nge?" ka ti a,Joshua anih chu ka ring chiah lo. Inchhung ami zawng zawng hriat tura inti mualpho tur khawp in a mawl tlat lo…

A reh deuh vang vang hnuah a rawn kik leh a,

"lo hawng rawh" Joshua aw ngei hian a rawn ti a..

JOSHUA - 10

Hre tak chungin ka va hawnga, ka hawn thuai loh chuan a bengchheng hreh dawn lo tih ka hria. Ka hawn rualin a rawn nem pawp a, rawn lutin  kalh leh nghal hmak. Ngawi rengin a che vel ka en reng ringawt.

“eng vangin nge ka phone call i chhan duh loh?" Zawi hniam set sawt hian a ti a,achiang kek kawk viau,"ka chhang duh lo che. Hna thil anih chuan thupha ka chawi e" ka ti let ve hmiah.Ka Room a lian lutuk lo bawk nen ani lah a lian in a sang a, a vei kual sek bawk nen room alang chep zo vek in ka hria. Inkuangkuah thana dingin ka en kar mai. “eng thil nge nita?" ka ti leh hmak a,a vei kual sek  chu ding chutin min rawn en a,thaw huai chungin,"ka ngai che" a ti ta dauh. Min chhan dan chu ka rin loh lutuk avangin tawng mai tur ka haih chham a,min rawn pan hnai thutin min rawn kuah bet nghal rawk. Kuah let ka chak na nei mah ila ka che lo. ka nghawng a thawk khum a,a rim fai leh pa zet ka hip vang vang a,keipawn diktak chuan ka ngai a,ka thlahlel alawm,mahse,enge sawi tur ka neih?,a tan ka hlu tawk lo tih ka hriaa. Ka hmu bawk. Kan pahnih a thil tih dun kha thilsual ni mah se ka ngaihlu a, ani chuan darkar pawh a liam hmain a hmeichhe hmangaih a fawp leh thei mai anih kha..Eng nge ka nih ka hriat nawn fo a tul, nawmchenna a tan mai chuan ka in phal dawn lo.

"min thlah teh" ka ti hmak a,insi renga awm kan ni bawka a taksa insangmar talh talh ka hre thei a,mahse min thlah chuang lo. 

“Min ngai ve miah na nge?” aw dam thlup hian ati leh ta tho. A aw ah lah chuan hrehawm tuar mek a ang tlat zui. A awm dan hian min hip tih ka inhria,ka chak lohna lai a khawih che tih pawh ka hai lo. Mahse,vawiin a ka thil hmuh kha. Chuan,ka nep zia kei aiin Joshua hian a hre chiang zawk tia ka ngaihtuah kha ka ngaihtuah nawn leh a. Ka insehruh nghal phat.

“Hmeichhia i mamawh anih  chuan Rosy ko la,kei te chu i tan nawmchenna satliah mai ka nia, hmangaihna tel lo nawmchenna mai mai ai chuan i duhtak kha ko la” ka ti hmak hmak. Hnathawktu leh a ruaitu mah ni ila kan inkara thil thleng tawh avangin hlauh lohna chin ka nei ve tlat tawh. 

“min thlah teh" a awma nam chunga ka tih leh chuan min thlah ve mai bawk. Kalsawnin khum bula chair ah chuan a va  thu ta daih. Ka dinna ngaiah ka ding rana, Joshua bawpkhawkhera thu ka melh reng. 

“anih leh Rosy chu i thik tihna mi?" Min en lo hian a ti a,  hmel landan atangin a rilru ah eng nge awm ang ka hre thei lo..

"Thik hauh lo” ka tih chuan ka duh aiin Ka chhang rang mah maha,ani lah chu a nui suk bawk.

“Ka sawi nawn leh ang, ka thik lo. Chuan nizan  kha chu thil thleng palh anih kha, i thiam loh bik pawh a ni chuang lo.khatiang engmah a thleng tawh lo ang. Thil thleng vang khan min ngainep ang tih ka hria. Mipa mamawh em em ang pawn min ngai ang. Mahse ka mamawh em em tihna…"ka tih lai meka tho chhuaka hmel rum tak chunga min rawn pan avangin ka thusawi lai  ka sawi zawm lo. Ka tawlhhnung hrat a, diktak chuan a  hmel rum lutuk chu ka hlau a ni ber..

Bang ngheng in min nawr bet a,ka inrin hma in dimlo baksak hian min rawn fawp ta bawrh bawrh mai. Ka theih ang angin ka thle sawna,ka nama,ka ham thul,engtin pawh ti ila engahmah angai lo. ka hmui thip zawk chuan a seh tih ka hre nghala. “ min thlah rawh,min ti na ania" thle sawn tawk tawk chungin ka ti a, achal in ka chal a rawn nawr a,"ka thinrim na tur in awm tawh suh ang che,chuan i duh ang ngeiin ka hnaih leh tawh lo ang che" ati hrawk a,min thlah thut a,a chhuak ta nal nal. 

Ka dinna hmunah ka thu sawp hnawk a,ka hmui ka khawih chuan a thip zak mai. A tha e, kan inkarah thil thleng awm mah se inzawmna tak tak kan nei chuang lova, tisa in it tawnna satliah vang mai maia thilsual tih dun khan eng thil tha mah min thlen dawn lo. Min hlatsan anga, keipawn min hnaih tawh lo se ka duh ber..

Chhin khat te mah ka chhing ta lo..Joshua hi ka duh tih ka hre chiang viau, duhna tel lo se thil thleng kha a thleng dawn lo tih ka chiang ve tawk bawk. Mahse keiman ka duhna vanga ka thlen tir phal kha ani lam atan chuan mipa anih angin awlsam takin a kal tlangpuia, abak induhna tih vel a awm ve lo. 

Ka Pasal kha kan inneih hma leh inneih hnuah pawh ka hmangaih niin ka lo hre thin a,mahse,khatiang khawpa rilru natna leh taksa natna ka tawrh hnu kha chuan ka thinlung ah hian athi chiang em em tawp mai a ni. Ka khawvelah hian piang ve lo leh awm ve lo ang mai a ni tawh.Kan inthen hnu-ag nun Pangngai neih tumin ka theihna zawng zawng in ka bei a,hna thawk leh thei khawp in ka nun a chak chho leh a,vawikhatmah kan inneih lai leh amah han ngaih zeuh pawh ka nei ngai lo. Mipa a huatin ka huaa, sakhawlh chi khat nimaiin ka hre thin. 

Joshua ka hmuh  hnu-ah chauh hian mipa hlutna ka hre thar leh a. Ka hriat atangin hun tam la liam lo mah se a hma aia nasa zawk in mipa hlutna ka hre ta. Vawikhatmah ka la tawn ngailoh nawmna min pe a,min Duat bawk. Mahse,min duat hun chhung erawh a reilo lulai em a ni. A Hmeichhe hmangaih a hmuh loh kar hlek-ah min mamawh a,keilah ka lo inpe fel der a,Mipa ka huat lutukna reh tawh mah se mipa te hi an in ang veka, hmel hran leh pianphung hran nei angin lang mah se mize inang an nei vek. Hmeichhia in kan zir miau chuan Sex hmanpui mai te chu an thei vek alo nih hi..

A tuk atang chuan Joshua nen chuan kan inbe ngai ta lo,atul tawpkhawk ah chauh kan inbia a,a tu ve ve pawn kan in hel tang tang nimaiin ka hria. Mahse,kei ang em chuan hrehawm a ti pawhin ka hre lo. A achhan pawh a khat tawk in Rosy lo lang reng a,rei tak tak a Room ah an inkhung dun a,an thil tih tur ka lo ngaihtuah hian ka tawt up up thin a,ani tan chuan kei chu zan khat nawmna petu mai ka ni tih chu a ti lang chiang zel chu ania. Rosy lo kal apiang in Pi erawh a hlimlo zual sauh thin thung a,a fapa chan leh a hlauh luat-ah  a ngawi mai mai niin ka lo hre ve a,a sumdawnna pawh chak lo chung chung in a la kalpui ve zel a,mahse,amah kal kher ngai lo in Manager fel leh rintlak tak,kum 10 zet alo chhawr tawh a awm a,a kutah engkim a dah a,kar khatah vawi khat chauh a kal tlangpui thin.Kan 2 a kan awm apiang hian sawi duh nei,sawi hreh si  niawm tak hian a awm thin a,a buaina eng nge anih han zawt dawt turin ka ngam teuh si lo. Emily a ngai thin ngawt in ka ring.

Vawiin hian Joshua a sumdawnna thila Meeting nei turin Delhi a pan a,ka thawl huai,in khatah kan cheng a,min be ngai lo a,min biak chhun-ah pawh a mamawh sawi leh tihtur min hrilh a ni zel. Rilru na tur ka ni lo  tih hre mahila ka na ru vawng vawng thin tho. Engmahmah min ngai lo tih atilang thiam em em a,  hnawksak ka nih ka inhre chiang leh zual thin. Langsar taka Rosy nen an induat vel hmuh ringawt pawh hi ka kham tawk viau mai.

Ka pheikhawk lam turin MC-ah ka kala, parking lam pana stepa ka chhuk lai mekin "Zorin,ka be lawk duh che" tiin ka hnung lam atang hian min rawn bia a. Ka hawi let chuan Rosy leh hmeichhe pakhat hi anlo ding dun ran mai. 

"aw,enge nita?" ka ti let ve nghal a,ka awki awihawm loh khawpin a zang vah mai.  Ani pawh a nui  sawng a,a mitmengah erawh chuan a nuih a za lo tih alang reng thung,abul chiah dawr ah chuan a lut a,ka zui lut ve a,tlang nel zet hian a thu a,a thiannu erawh chu a lo lut ve lo. Kan 2 chauh in kan awm a,nuam ka ti vak lo. 

"Thil han pehhel vel hi ka thiam vak lo a, chuvangin tlang deuhin ka sawi ang. Ka sawi duh chu Joshua hi i ngaizawng tih ka hria ania. Hmeichhe tamtak star rawn anih avangin i lo ngaizawng hi awm lo pawh ka ti chuang lo va. Mahse, i nihna hria ang che aw" a ti ta sak sak. A awki vawt raih mah se a la nuisawng reng tho. Thil hriat nuam vak lo a sawi ka ring sa nangin a thil sawi hi ka beisei lo, mak ka ti lutuka, chhan mai dan tur pawh ka  hre lo.

"i zak lo reuh  hi ka ti lutuk che a,Joshua an min hrilh tirh phei kha chuan ka awih lo hial a,mahse,In a ka lo kal apiang hian ilo lungawilo ve ziah tih ka hmu thiam ve che a, Joshua-an i beisei tih a sawi pawh a dik tih ka hre thiam. Joshua ka sawipui leh hiala, mahse ani erawh chuan  ngaipawimawh lo tur che in min hrilh a. Ngaih pawimawh thamah a ruat lo che" ati leh dap dap. Tawng ngaihna hre loin ka melh reng. Ka awm mek dan hi atak nge film kan chang pawh ka hre thiam teh nuai lo. 

“ Duhsak deuhin ka hrilh ang che. I tana tha i hria anih chuan i hna hi bansan rawh,i hun kal tawh an  hre lo hlauh zawk a i vannei,chuti nilo se Pi THA-I hian a bulah a chen tir miahlo ang che" ati zui leh a,ka thinrim ve phat mai,ka Pasal neih fuh loh kha ka thiamloh a ni reng reng lo,ka dik loh vang a inthen kan ni hek lo.. a thuhrimin ka hun kal tawh vanga chenpui tlak loh leh hnathawk tlak lo ka nihna ka hre lo. 

"i sawi zo tawh em?" ka ti ve ta a. Ka tawng dam thlap chuan a barakhaih tih ka hria,mahse insiam rem leh thuaiin "aih,ka la sawi zo lo,ka tih mualpho tak tak che i duh loh chuan bang ang che" ati leh hlak a,ka hlauh rukna zawng zawng a bo ta. Hetiang hi ka ni fo thin, ka chak lohna hmanga nawr beh ka nih chiah hian ka chak thin. 

A mitah tak ka en a. "In e, Joshua nupui i ni lova, ka hnathawh hlawh min pe tura i tana thawk ka ni lo bawk. Chuvanin ka mimal thil lo sawi tur i neiin ka hre lo.  Ka ban leh ban loh chu ka thu thu,lo buai duh suh. Chuan, Joshua hi ka chhuhsak che i hlau anih kha,hlau suh,ka duhzawng a ni lo  hrim hrim..ka past life pawh sawi turin dikna i neilo,nangpawh nuthlawi ve tho i nih kha. Nang anga midang ngaihzawn vanga pasal then ka ni ve lo. theihse chuan ka Damchhung in ka nei ang chu. Vawikhatmah hetiang mai mai sawi tur hian min biak leh tum tawh ngai suh. Mi mawl ber pawn an tih duh loh tur i ti ania. I lo mawl viau zawk nge ni?” ka ti let ve ta hmiah hmiah. Ka nasa ka inti hle chungin min hmusit lutuk tawngkham thlawn kha bat ka tum lo. 

Chhuahsan tumin ka inher a,Kawngka bulah chuan ka rin loh lutuk hian Joshua alo ding reng,mahse ka ngaipawimawh lo,dak  vah hian ka kal pela. Ani pawh hi  ka zah viau chhan tur ka hre bik lo e.

Parking ka thlen in ka khur nasa tih ka hre chauh,Scooty khalh tur pawn ka fit lo hial in ka hria.Joshua kha alo haw tih ka hre hauh lo.Airport atangin Rosy hmu turin alo kal tlang a ni mahna. Kan luhna dawr kha amah Rosy dawr nge pawh ka hre nek lo ve. Kha Joshua, mipatenawm lutuk khan engkim Rosy alo hrilh vel amaw?,mipa hi an lo va han sual tak em...ka at man ka tel leh tan chu a ni ta ber awm e. Bang ila a tha tak ang. Mahse Rosy sawi vang ni loin, keima thu ngeiin ka bang ang chu.

Chaw ei laiin a lam hawi lo dan ka zawng ngar ngar. Pi nen thil eng eng emaw sawi dun chungin chaw an ei a.Kei erawh ka ngawi kar thung. Thawkleh khatah ka luak a rawn chhuak thuta. Ka puar thu sawiin rang takin ka tho a.Dinning room atangin ka chhuak thuai. 

Ka Room ka thlen veleh ka uak ta nghek nghek mai a,eng ber khan nge ka luak tichhuak pawh ka hre lo. Ka ni hlui a,ka uak nasa lutuka, ka chau titih der.  

Zawi takin khumah ka mu a,ka pum hi a chiang thlawt lo,naktuk ah Doctor pan ka ngai ka ti ru nauh nauh a,tunlai chu ka luak a chhuak hlui reng mai a,in enkawl ka mamawh niin ka hria. Ka  chawei tlem lutuk  leh mut that loh vang ah ka ngai a. Ka zia leh mai ang ka tih chhungin kar a tling hial tawha, in enkawl loh na chi a ni em em tawh lo.

Kawngkhar a  ri rak a,Seni anih ringin hawi pawh ka hawichhuak lo,a rawn pen phei zel a,khum ah a rawn thu a,zawi fiah tak hian"i dam lo em nu?" a rawn ti a,Seni ni lohn Joshua zawk a ni...

JOSHUA - 11

Let sawn pah hian “Ka tha,min khawih suh" ka ti hmak a,ahmel pawh ka en chuang lo. Rosy hnenah min sawi mualpho a,chuti chung chuan min la khawih ngam ania...mipa nep tak a ni. Ka dam tha lo anih pawhin ani min ngaihtuah ka ngai hauh lo mai.

"Ok, nia..i pasal kha neih reng theih i la duh tak alawm”  ati ve hmuk a,ka sa nghal phat nangin insawifiah tumna ka nei chuang lo. Ani bulah hian insawifiah ka ngaihna chhan tur awmin ka hre tawh tlat lo. Inswifiah ai chuan a rin ang ngei hi thil nihdan a ni tih hmuhtir mai ka duh zawk.

."A dik, vawiin khan i bialnu nena kan inbiakna i rawn hre hman tih ka hria. Ka sawi ang chiah khan ka duh vang a then ka nilo a,theih se chuan ka damchhungin ka nei ang" ka ti leh ta hmak. Ka sawi zawh rualin a thaw  hawk a,a ngawi ta vang vang ,keipawn engmah ka sawi zawm tawh lo. 

Reife hnu ah engmah sawi leh tawh chuang loin a chhuaka, hma pawn induhtawnna tel lo inzawmna siam mai kan ni a, chu lah a tawp leh thuai bawk. Engmah inzawmna awm tawh lo chunga inngaizawng ang maia inhau fo tur pawh kan ni hek lo. Mahse tunah chuan a tawp chiang takzet tawha, kan inhau nawn leh tawhin ka ring lova, a tul tawpah lo chuan kan inbiak leh pawh ka ring tawh hek lo. Ka thaw deuh huaia, ka mittui  rawn hnam ka hru a. Tap tur ka ni lo tiin keimah leh keimah ka infuih mial mial mai.Nupaa kar chauha thleng tur ka thlen tir vanga inchhir leh na ka ni a. Inngaihzawnna pangngai mai hi a tawp hun a thlen hian na thin ve bawk mah ila nat dan a zia awm thin. Tisa thila Pathian duhloh zawng tak kan lo tih hman thawt thawtna hian inthenna a lo thlenin natna paltlang har tak min siamsak thin a lo ni.Ka daipelh man ka tuara, Ka nun hman mekah hian tumah dem tur ka nei lo.Sual man chu keimah ngeiin ka pek angai tlat atin ni.

A tuk zingah ka hmelhriatsa  Doctor ka pan a. Ka inentirna result ka hre chiah erawh ka hit muo mai....Engtin nge a hma khan ngaihtuahna chang ka lo hriat loh zawk? Nurse ka la ni zui. A mawl pawh hi ka mawl zozai teh e!!!...Mahse Tun dinhmun ah hian Rai thei ka ni lo..ka paih mai dawn nge tiin ka ngaihtuah that thata. A tih pawh ka ngam anih chuan engah nge ka pai ngam loh tehlul ang? Ka  fa a ni a,tunah engmah la ni tham lo mah se  ka tan chuan Naute a ni tawh tho tho.,Joshua erawh hriattir tumna ka nei eih lo. Chhuanlam siamin ka  bang ang a, kan Khuaah ka haw vang vang mai dawn a ni. Ka nunah vawikhat hmingchhiatna ka tuar tawh a,ka paltlang thei. Tuna mi pawh hi ka tuar chhuak leh mai ang,a hma ka Naute ka chan tawh a,tunah chuan engvangmah in hloh leh ka tum tawh lo. 

Thla thar atangin  chhungkaw thil avangin ka thawk zawm thei dawn lo tih ka hrilh chuan Pi a lawm lo ngang mai. Min duhsak em em tu niin a hnuaia thawk ang pawn min en tawh lova. Min ngaipawimawhin min dah lal em em a. A fate tluk em chuan min dah chungnung lo maithei tih chauh a ni. Min ring em em bawk. Ka thawkzawm thei lo tur a ngaithiam lo pawh a awm ka ti,kei pawn nuam ka ti bik lo. Min ring em em tu tih beidawn hi thil nuam ni hek lo le. 

"Thla thar atangin i bang dawn tih ka nu hian min lo hrilh a" chaw ei laiin min en mang lo hian Joshua-an a ti a,"Nia,chhungkawm lamah buaina tlem ka nei a,a nuam ka tih tehlul nen pawi ka ti khawp mai" ka ti vei ngial. A ngei zawng takin a zawhna aia sei hret in ka chhang lui kher a ni ber.

"Anih tak chu, in Pa hlui kha i nei leh dawn niin ka lo hriaa?" a tih takah chuan ka thil lem a sak nghal talh maia. Rang takin tui ka ban nghal thuai. Ka inthup hle chungin a thilsawiin min khawih na tawh tih a hria aniang,a hmel ah chuan hlawhtling inti hmel hi ka hmu a,ka huatna a belhchhah nghal hmak. 

"Tunhma lam chanchin hi inzawh chiam tul ka lo ti ngai lem lo a.Pasal ilo nei tawh animaw?" Pi zawk-in a ti charah. Ni e, ka thawhhlim phat atang khan kan khaw hming,nu leh pa leh unau zat tih vel bak engmah min zawt lo va. Keipawn ka sawi hek lo. .Nuthlawi ka nihna ka zahpui vang ni loin min zawh loh chuan sawichhuah tumna ka nei lo a ni zawk. 

“Aw,nei tawh thin e,kan inthen atangin kum 2 tha lai chu a ni ve tawh" ka ti ban chat.

“Anih tak chu mawle. A hriat loh theih mang e.Aaa,hriat loh pawh a pawi hleinem tiraw. Hna nen a inkaihhnawih lo em mai.  Chu in pa hlui chu neih leh i tum tak tak em ni? Chuvang em ni ban i tum?” a ti leh he haw.  A nih loh thu ka sawi chuan a bu nghat nghata, engmah phei chu a sawi tawh lo. Tumah kan tawng zawm ta lo.Ban ka tum kha ka tisual viau in ka lo hria a,bang lo thei lo dinhmunah ka din vangin tisual ang pawhin ka inngaihtuah duh lo zawk a. Mahse Joshua khawsak dan atang hian ka rai emaw rai lo emaw ka bang tur hi  ka tisual dawn lo  tih ka chiang nghal vek.

Ka Pasal nen kan inthenna kha ka tiamloh ni hauh lo mah se  Hmeichhia hi chu  kan chan a chhe em a,kan inthen chhan chu engpawh nise Nuthlawi ka ni miau a,ka hlu lo ta viau alo nih ber hi !!!!!

Thla a thara, bang felin kan khuaah ka haw a. Ka harsatna ka nu hnenah engkim ka hrilh a,Ka buaina min hriatpui turin ka nu aia rin tumah ka nei chuang lo. Ani hi chuan ka tan a tha lo tur in engmah ati ngai dawn lo a,ka Mualpho naah pawh ani aia min hliah khuh thei tur chuang an  awm lo tih ka hria. Pasal nei lo a nau ka pai ngawt erawh chu midang ang bawk in ka chhungten an tuar thiam bik lo,min hau a min zilh a,an zak em em dawn tih ka hriat na chuan kei pawh minti na ve tho. Thiamthu sawi tur lah ka nei hek lo. Joshua vanga ka rilru natna nen zan ka mu tha thei lo a,chaw ka ei mumal lo bawk. Inngaizawng nghet emaw nghet lo emaw tal chu ni ila a zia tur. Hming nei lo inzawmna mai mai kha ani tan engmah a ni lo. Kei ve hi chuan atthlak takin ka Hmangaih hman em em si chu anih hi maw. 

Hun chelh din theih ni lo ta chu ka nau pai pawh thla 5 a ni ve ta reng. Ka nun dan  pawn ziaawmlam a pan ve tan tan. Ka  pasal nen kan inthen khan mi pangngai ni leh turin ka bei nasa hle khan ka hria a,mahse,Joshua theihnghilh tum a beih hi  ala hahthlak fe zawk a lo ni. Social media lam hrim hrim ka khawih peih lova. Active tak ni ngai lo mah se hmuh palh theihna tur apiang ka tlansan a ni ber. Zan tin amah ngaihtuah chungin ka muhil thin a ni ber. 

Ka nu  erawh chuan ngaihdan dang a nei ve thung. "theihnghilh tum duh reng reng suh,in hun hmandun hlu tak kha hriat reng tum la, a chhe zawng nilo in atha zawng in chhinchhiah ang che,i fa tan pa a ni  miau a, a ni in a pa a chhe zawnga a hre reng anih chuan i fa rilru a hruai dik lo mai ang" tiin min fuih ve tlat zel.nia..a dik alawm,theihnghilh tum in ka bei timah ila ka Thinlung chhung ril ah hian theihnghilh tak tak hi ka phal lo zawk a,ka hriatreng naah hian ka chelh tlat zawk.

Aizawl ah ka nau in College a kal a,an exam lai anih avangin awmpui turin ka chhuka.Joshua hnen a tanga ka chhuah hnu in Aizawlah hian ka vawikhat let lehna a ni a,in entira ka chhuah bak chu ka inkhung chawt a, hmelhriat hmuh ka hlau em em bawk. Pi in min ngaina a kin ring bawk nia ka hriat thin kha ka ban hniah vawikhatmah min rawn be zui lo.Emily tak ngial pawn min rawn be eih lo. An hna thawk tawh lo mah ila thian ang tala kan inzawm zui ka lo beisei ru a,a lo ni lo. Mi Hausa te nun chu heihi a ni reng a a ni. An tan kan tangkai chhung chu min duat a,mahse,an hnen atanga kan chhuah tawh chuan an tan hriat ngailoh kan ni leh mai thin.

Ka thiannu ka kawm ve ber Te-i chauh Aizawla ka awm thu ka hrilh a,min rawn tlawh zeuh zeuh. Min hre chiang bawka ka nun buai nuaih mai hi min zawt lo. Ka hrilh hun a nghak mai zawk.Naute pa hi ka chhungte leh keimah chauhin kan hria a,kan khaw lamah chuan pa  puh tur bik hre lo niin miin min sawi a,pawi ka ti miah lo. In ngaizawng pawh ni lo,vawikhat chetsuala rai mai ka ni a,Joshua puh emaw hrilh emaw ka tum ngai lo,a fa ani tih a hriat pawn kawngro a su tam dawn chuang lo. 

Te-in an dawra leng turin min sawm nasat em avangin peih lo takin ka chhuak a,ka dul puar ve lah tawh thup thei tur ber kawr ka ha a,dul lian chi kan ni lo nangin  englaimaha dul kiar ngai lo tihtakah a lang ve viau. Traffic Jam laiin kan dinna bul ven en in ka hawi kuala,ka lung a leng vang vang. Eng ber nge ka ngaih erawh ka hre lo..

Muangchangin Step ah ka chho chhat chhat a,Lift hi ka ngaina lo a,ka theih phawt chuan Step ah ka chho hram zel. An  Dawr ka lut tur ka hminga min ko ri ka hria a,ka hlauh ang ngei in ka hmelhriat ka hmu dawn khawp. Min ko tu en tura ka hawi let chu Joshua leh Rosy lo ding chu ka hmachhawn ta chat. Ka va han beisei lo tehlul em..

Rosy  kut sei thlarh mai chuan in ti ta tu zet hian Joshua ban a vuan rana,min rawn ko tu kha Rosy hi a lo ni.

"i va vang ve,i dam maw?" Zang vah hian rawn ti leh a. Kan inhmuh tawp bera kan inbiak dan ngaihtuah chuan tuna min rawn be hmasa ham ham hi a mak thlawt. Joshua’n ka dul a melh reng tih ka hriat rualin attthlak zet hian ka dul hliah tur in ka Bag ka keng hnai vat.

JOSHUA - 12

A riin "Ka tha lawm" ka ti a. Ka kut a thlan nghal dap dap mai. Dak deuh vah chungin Joshua ka en a,"pi a tha em?" ka ti leh zuia,ka biakna hre lo niawm tak hian min melh run run ringawt. Rosy zawk in phur fahran hian min rawn chhang leh a,"atha e" a lo ti a.Biak zui zel tum lo in ka in her a,min en reng vang aniang,ka hnung a hik cham cham mai.

Te-i dawr ah ka lut a,ka lo tang nasa lutuk aniang chu, ka chau hnawk thei. Min hmu a lawm em em kaiin kei ka inchhir em em thung. Mahse ka hmu ta kha a tha zawk maithei, tunah pawh thataka ka kalsan theih chuan nakinah ka la hmu leh anih pawn kha aia tha zawk in ka hmachhawn thei tawh mahna..

Zanah ka nau- in lehkha a zir a,kawngka rawn kik ri kauh kauh an awm chuan ngaihven loin ka awm ngaiin ka awm a.Ka nau in ava hawn sak tih ka hria.

Room ah rawn lutin inleng ka nei tih min rawn hrilh chuan mak ka ti viau. Tu nge anih ka va hmu chiah phei chu mak ka ti lehzual. Thla nei ila  chuan ka thlawk chhuak vang vang in ka ring.

Kan thutthleng hlui ve tawhtakah  Joshua a lo thu a..kal phei mai ka tum chu ka ding leh chawt. Ka thawmhnaw hak in ka dul a ti lang lian zuala,rai puar ka nih zia thup ngaihna a awm lo. Mahse, tlanchhiatna chhan tur ka hre nei lo tiin ka tumdan thlakin ka thu ve ta zawk.

"Tehhlawl che chuan,i dam maw?" zangkhai thei angber hian ka ti a,thil dang engmah en lo hian ka Dul a melh leh reng. Tha tak hian "kan dam e" a ti ve mai tho. Ka  nau angaihna hre lo hmel taka lo ding chu ka en a. "heihi ka nau anih hi, ani hi home nurse hna ka thawhna ami kan pu Joshua anih hi " ka tih zawm a,ka nau  a mengphawk hra nangin ka signal thuai avangin a  insiam rem vat.Nui  chung hian a va chibai a,Joshua pawn lo chibai ve bawk mah se ka lak atangin a mit ala sawn miah lo.

Ka nau in lehkha zir turin min kalsan a,kan 2 chauh a kan thut takah chuan sawi tur ka hre leh ta lo,ani lah angawi run mai bawk si.Ngawih reng ning ta thutin "Rosy nen khan in innei ta mi?" ka ti ta phawng. Nui suk chungin,"la neilo deuh" ati mai a,asawi danah chuan a hla tawh lo hle tih a hriat .

"Anih chuan a hlat hmel vak tawh lo in ka hria. Emily lo haw leh tawh em?" ka ti zui leha.A lu thingin ,uluk zet hian min en a,"khawiah nge inpa chu?" a rawn ti thut. Ngaihtuah chiang mang hlei lo hian "pasal ka neilo" ka ti peka, ka sawi zawh rualin ka chhanna atthlak zia ka hre chiah. Mahse dawt pawh lo hrilh tehreng ila a tangkaina a awm chuang lo. Nui leh sul chungin "min va chhang rang ve" a ti nghut a,ka nui ve ta ngawt.

Rei lutuk awm lo in a haw a,ka thaw huai mai,tang teuh a thut chu hahthlak tak a ni. Engtin nge kan In a hriat ka zawt chak viau nangin a tul ka ti lo,alo ngaihven ve anga ka hriat ringawt pawn ka lawm leh tlat tawh.Buaithlak hian....Eng titura lo kal nge maw anih reng reng ni??

Ka rin aiin ka muttui a,ka phone nghawr dar darin min tihharh chuan harh chiang manglo in ka pick-up a. Min rawn call tu  aw ka hriat erawh chuan ka meng chiang kawk a,"i muhil tawh mi?" a rawn ti dam dup a,"enge i duh?" ka ti tawk thung. Reilote a ngawia, aw ki hlauhawm angreng tak hian "Fa ka nei tep tawh tih ka hrechhuak ve chauh a,ka hlim lutuk hi ka muhil thei lo chu anih hi" a rawn ti leh a,ka thu hlawl mai. ka phone ka off nghal hmak bawk. Ka rai tih a hmuh khan kan chetsual hun a ngaihtuah anga, a fa ni turah angai tih ka hrethiam maia. Ni lo,Rosy pawh a lo rai maitheia,min rawn tih el khum pawh a ni  zawk maithei.Mahse engvangin nge Rosy rai chu min rawn hrilh duh kher ang? Tihel khum ngai khawpin a engmah ka ni lo. 

A tuk ah keimahin inah ka awm a, Joshua ka lo ngaihtuah leh ngut ngut thin.Kawngka rawn ki ri ah chuan ka ngaihtuahna atangin ka harh zawk a,ka va hawnsak chuan ka beisei loh ka hmu nghala, kan inhmuh tirh lai ang mai kha a ni  leh ta,minti phu leh ta zawk zawk chu anih hi.

"Ka lo lut thei angem?” a tih chuan engmah  sawi lo hian ka tawlh sawna. Inchhunga luh pahin “ khawnge i nau?" ati zuia.Kawngkhar bula dingin “a Exam" ka ti nghat. Min rawn en in a nui suk a,"lo thu la,ka seh dawn hleinem che” a ti a. Inneitu zawk ang mai a ni. 

Amah ep zawngin  ka thu a, ka thu fel chiah tihin a rawn insawna, ka tho tur min bawt thu nghal hmak. "engtik ah nge min hrilh i tum?" ati dam thlup. A zawhna haiderin “engthil maw?" ka ti  hlak a. Ka rin loh tak hian ka Dul-ah a kut a rawn nghat a,"he thil hi" ati sup mai.A kut rang zet hian ka paih thla a,chang fakin "engmah hrilh tur che ka nei lo" ka ti hmak a,ka tho zui nghal bawk. A hmaah tak dingin rum thei ang ber hian ka melh a,"chhuak rawh" ka ti ram hmak. Tawng ring lo mah ila a hria ang tih ka chiang. 

A rawn ding chhuak ve chiah chu ka tawlhhnunga, mahse Dawhkan a lo awm avangin tawlh zel theih a ni lo. Ka hmaah tak kun deuh lup hian a dinga,"Mona,min ngaidam thei lo anih pawn khawngaihin min haw lo hram rawh" ka rin loh lutuk hian a ti a. Aw aw ah chuan na tak tuar ang mai a ni. Inkuangkuah tlat chungin "engmah huatna che ka nei lo,ngaihdam i ngaihna pawh  ka hre lo" ka ti leh hmak a,min rawn ban thuta, min kuah bet zui hmiah. Ka tal laih laih nangin awmzia a nei lo..,"Ka ngai tawh lutuk che. Chuan engtin nge i awm ka hre tawh,i hrehawm tuar tawh  ka ti nep thei tawh lo  tih pawh ka hria,mahse,khawngaih takin min nei rawh. Ka rul let ang che "ngengnawl tak hian a ti a,ka tal laih laih lai ka tawp nghal hmak.Sawi chhuah harsa atih hmel em em mai.

“I fa a ni lo, ka pasal fa anih hi " ka ti leh hrawk a,min kuahna a phelhin min namsawn deuh a,chiang deuh hian min en a,"Mona,khawngaih takin dawt min hrilh suh" ati hniam sat.,"khati khan min ko suh" ka ti let that a,"thu phawt ang,hetiang chuan inbiak a nuam lo" tih pah in min kai a,ka zui ve mai bawk.

A bulah min pawt thu a,tawlhsawn ka tum ang tih hlau niawm tak hian ka kut nghet takin a hum bawk.

"Nimin khan i dawr luhna kha ka en zui che a, i awm loh hnuah ka va luta, i thiannu lah khan alo sawi tha duh phian a.Naute pa chanchin ka zawh khan a hriat loh thu a sawi a,mahse,i pasal fa a ni lo tih a sawi thung a,abak engmah zawh belh ka duh lo. Tul pawh ka ti lo. Naute pa tunge anih keimah hian ka hrechiang a,i awmna ka zawt a,abak zawng chu nizana i hmuh ang kha animai" ati duaha. Sawi  ve mai tur ka hre lo..

"I hriat tawh chuan a that chu. Mahse,min laksak tum lo la ka duh. A paa puh che tumna ka nei lova, tuman hriat pawh an hre lo vang” ka ti nghat nghat. Ka kut a vawn pawhdawh ka tum chuan a hum nghet sauh. 

Ngawi vung vung chung hian min en a,ka en ve kar bawk. Ka  hmuh loh kar in alo danglam hman in ka hria,a hmel pa tak leh chang zet kha a hma aiin alo chang leh zual tawh a,a khabe ruh kual lian lam leh ,a hnar sang vah te nen chuan a lang hriam ta deuh nangin a inhmeh leh zual zawk  niin ka hria.

"Ni lo ve, min neih angai. A pa min pum tum lo mah la ka ni tho. Chuan ka fa neih tur thu hi zep ka tum lo. Mi zawng zawngin hre zawk rawhse” nghet churh han a ti a. Ka  thinrim nghal phat,"i fa a ni lo,ka fa chauh anih hi" ka ti let hlar a,sawi tur haihchham hmel zet hian a hmui a pet sawi zauh. 

Ka kut a vawnna thlahin a ding chhuaka. "Buaina siam lo teh. Anih loh chuan ka fa anih tlat avangin thuneihna ka nei dawn tho a. Naupang inchuh ngai ni turin kan fa hi siam lo teh ang” a tih takah chuan a aw a chang tha viau,,ka rindan tawk vel chiah..Min hmangaih vang ni lo in naute vang chauh a inneih na sawi a ni.  Ani hi chuan Rosy bak a hmangaih lo.

"chhuak rawh" ka ti ram hmak. "Ka duh hunah ka chhuak ang. Chuan hetiang zawng hian min nawr lui lo la ka duh khawp mai,ka duh chu ka nei ziah thin tih i hriat ka ringa. I na lutuk palh ange" ati hmuk a,ka chhang tawh lo.kawngkhar panin ka hawng nghal a,"chhuak rawh" ka ti nghat. Ka aw erawh a la  ring chuang lo. 

"lo in ngaihtuah rawh,ka lo kal leh ang,i duh emaw duhlo emaw ka duh phawt chuan ka nei ang che,nang anih loh pawn Naute hi ka laksak tho ang che. I duhthlanna anih chu" a tih leh hnuah a kal ta hram.,

JOSHUA - 13

Ka nau lo haw thleng in rilru mumal ka la pu thei lo. Joshua nen kan inbiakna kha rilh mai ka duh rual in engamah hma a lo buai chuk ka hlau bawk si,zanah a lo lan leh mai hlau takin ka awma, a lo lang ta lo hlauh. Te-i ka hau chak a,mahse,hau ngawt thei ka ni lo,tunge Naute pa ka hrilh miau lo a,Joshua lahin zawhna a zawt thiam dawn lutuk tih ka hai hek lo. 

"lo insiam rawh" tiin Joshua-an msg min rawn rawn thawn a,khawiah nge min hruai a tum ka hrelo a,kal ka tum hek lo. Ka Reply loh vang ni ngei turin a rawn Call a,ka pick-up chuang lo. Vawi thum lai a rawn call nawn hnuah ka pick-up ta hram. eng ang pawn chhang duh lo mah ila a duh chu a ti dawn tho a,alo kal leh dawn tho tho. Ka bihruksak kumkhua thei dawn hek lo,"enge?" ka ti ram hmak.,"lo insiam rawh” a rawn ti ve tawp. a,"khawiah mah ka kal peih lo" ka ti let ve hmak a," i kal dawn. Lo insiam rawh. Ka rawn thleng tep” a rawn ti leh hmiah. Ka  chhan hma in a dah nghal hmak..hrep tak hian....

A lo thlen lai pawn ka lo la insiam chuang miah lo. min en vang vang hnuah a  thaw huai a,"i la ngai reng chu anih hi.. luhlul leh lutuk. Mahse,a pawilo,tikhan kal mai rawh" ati ta then. Ka beisei loh dan a ni ta. 

“khawiahmah ka kaldawn lo ka tih kha" ka ti let a,kan boruak tang et awt tak a ni,"i kal dawn khawp,i rit vaklo tih ka la hria alawm, motor thleng ka pawm phei mai ang che" ati leh mai. A ti duh tak tak dawn tih lah ka chiang si,beidawng zet hian ka en a,"khawiah nge kan kal dawn a?" ka ti ve ta halh. "kan In ah,ka nu in a hmu duh che a,chuan..." a sawi zawh hma in ka lu ka lo thing ringawt,ka hmu ngam teuh lo lutuk,ani pawn min hmu duh dawn lo chiang sa,"ka thei lo" ka ti nghal a.

"hlau suh,engkim ka hrilh vek tawha, a hmu chak lutuk che" a tih chuan a aw a dam thlap a,inpawh tak ni ila,ka hlauhthawn na min hnem turin ka duh hluah hluah ,tunah erawh chuan chutiang thil thleng thei a ni lo. 

In kan thlen dawn hnaih chuan ka pum a ni nghulh a,ka zak ru a,ka awm a nuam thei hek lo,Joshua chu ka en a,a hmelah engmah lang lo hian kawng lam a en run mai.

"Seni ala awm em?" Tiin tim angreng tak hian ka zawt a,,"Awm e, midang ah buai lo teh,i hah thlawn mai mai ania" ati zui a,engmah sawi tawh lo hian ka thu ngawi ta hle hle.

Verandah ah  Pi chu alo thu vang a,a bulah chuan ka beisei loh lutukin Emily alo awm bawk a,ka lungphu a ri dut dut a ni ber. Gate an kan tlan lut a,kan din fel hma in Emily chu a rawn tlan thla a,a hmelah chuan thinrim hmel engmah a lang lo. A  u nen kan chanchin ala hrelo a ni  phawt ang tiin ka ngaihtuaha. Pi ka va en chuan ani pawh lungawi lo hmel  a pu  chuang lo.  Joshua fa ka pai tih a hre tawh chungin engtin nge a thinrim loh theih ni?

Emily’n ka thutna lam kawngkhar a rawn pawt hawng rawk rawk a,"awiii...ka hmu tawh ngai dawn lo che maw ka lo tia,a va han nuam tak" tiin a te chul a,Joshua’n Motor  a rawn kal kual a,ka chhuak chiah chu ka kawngah a rawn kuah a,tunah tak chuan pawi ka ti lo.An nurse chhawr thin ve mai khan an fapa fa ka pai miaua, an milpui hmeichhe changkang tak an tam laia kei kher chu pi a lawm dawn lo.  

"Emy...amak chung chung thin,a chau chung chung ka rawn hruai lui ania" a ti hluk a,a Kut sei thlurh chuan min hmet nghet salh. Ka kawnga la kuah reng chungin veranda lamah min phei puia, kal pahin Pangpar uluk tak a enkawl ho lo parvul chuk chu ka hmu a. Ka awm laia nen tlem chuan an pangpar dahna vel a lo danglam tawh. 

Verandah a Chair lianpui pui inhungah chuan kan thu a,Joshua hmun danga thu lo in ka thutna Chair banah a thu a,Ka kut a vuan reng. Kan inhmuh ni atang khan karkhat pawh ala liam hman lo. Mahse engkim a thleng vut vut a ni ber. 

"i tha em?" piin min ti a. Ka bu nghat . A hmel ka en tha ngam lo. “nang i tha em?" ka let ve a. "Tha e.. Ka tupa lo piang tur hian min ti dam nghal niin ka hria” a ti a. Ka hmai a sa ham ham mai., A rawn sawi chhuah danah chuan a pawm tih alang a,min hau anga ,min tim hrep ka lo rin laia ka rin loh dana thil thleng vangin ka  thaw huai mai..

“Nu,Mipa a ni kher lo maithei asin,kei chu Hmeichhia ka duh" Emily chuan nui chung hian a rawn ti a,Joshua pawh za zet hian a nui a,keipawh ka nui tho..

"Emy,eitur vel kha va enpui lawk teh" tiin pi  a kalsawn tir a,Inchhung a luh fel hnuah 

"Palai hi naktukah kan tir mai dawn emni?" a rawn ti thut mai. Hamhaih tak hian pi ka en a, Joshua’n ka kut a rawn hmer na zauh a,ka melh chho thuai.

"ih...ka hre lo,engmah ka hrethiam lo" ka ti bah nawk nawk.

"Kan chenho lai atang tawhin ka Fanu ang maiin ka lo en tawh che a,tunah ka Tupa tur i pai leh ta bawk a,keichuan inneih fel vat tha ka ti.Nghah leh vel tul ka ti lo" a ti leh duah. 

“Ka nu ngaihdan hi tha ka ti. Nau neih hnu a inneih ai chuan tuna inneih hi ka duh bawka. Naute hi nu leh pa karah a seilian ngei tur a ni " Joshua’n ka tawng hmain a rawn ti ve a. Ka thaw halh. Atir phat atangin min duh ngai lova, tunah pawh Naute vang chauh a la ni ta zel.,

“I ngaihdan te sawi la, i chhungte pawh biak ka duh dawn ania” piin a ti leh charh charha.

"Inneih kher hi tul pawh ka ti chiah lo, ka sawi hreh viau nangin nu leh pa kara naupang seilen tir hi tha ber mah se nu leh pa inngeih lo kara seilen chu a tha chuang lo” ka ti ta tlat. 

“ in inngeih lo ang tih engmah a sawi lawk theih hleinem” a lo ti thuai. 

“Thintlang mi ka ni a, nuthlawi ka ni bawk. In chhungkaw milpui lo lutuk min mo tur hi a fuh ka ring lo “ka ti leh hapa."Zorin,ka hrechiang che in ka hria,i nuthlawi na lah ka hmusit hek lo che. I  neih kha i tifuh lo tih pawh ka hre tawh. Chhungkaw khawsak inmil lo tih lamah kha chuan engmah buaina kan neilo,Mama pawn neih che a duh em em a. In pahnih inkara thil thleng zawng zawng hre lo mah ila naute vang tal pawn Nangpawn remti hram rawh” a ti leh a,a aw ah chuan ati mai mai lo tih ka hrethei. Diktak chuan ka  duh dan a mawiah min zawt ve mai zawk niin ka hria,duh lo mah ila palai an  tir dawn tho a,ka chhungte pawn an lo remti ngei dawn tih ka hria. Ka pa hian Nupa kar lo a fa an seilian dawn anih chuan thihna vang a ni tur a ni  tiin kan unau min zilh thin a,kei erawh chu ka buaina ah khan lawm lo hle mah se tihdan dang a awm miau lo a,a ngawi mai mai tih ka hria a,hetiang a Palai nen an han dawr anih chuan min kal tir ngei dawn tih  ka hria.

Thildang kan sawi hmain Emily a rawn chhuak a,  rawn tawng bawrh bawrh a,kan boruak muk zet pawh a pangngai leh ta deuh.

Ka ngaihtuahna a buai ru em em mai. Min hmangaih miahlo tu nena dam chhung han hman dun chu ka hreh a,Rosy nen pasal intawm neih ka duh lo bawk.

Joshua an "inchhung ah lut ila,thil ka entir ang che" a ti a."nu,thil entir tur ka nei a,chawei hma chu room lamah awm hahdam rih se ka duh a”  tih pah chuan anu chu a en a. Eng nge maw a hriat ni? A nu hmuhah min hmangaih tak anga lan a tum kher hi tul lo ka ti thlawt. Hnial ka tum lai takin, .."Awiii. I duat bawk sia,ka thiannu ve tho ania,ka kawm ve chak reng ania. Mahse han chho phawt teh u" Emily chuan titau der chung hian a ti a. Ka melh ram rama, ani lah nghal zet hian a nui thaw. 

In chungah kan inzui chho a. A vawikhat nan a Room ah ka lut ve ta.

 "i mu duh em?" A tia. Ka kut a vawnna thing thlain ka en chho a. “ Duh lo. Enteh,midang an awm tawh loh hi,min duat der tawh suh" ka ti nghat a,a thaw hawk.

"tider ka lo ang a ni maw ?,ka theihtawp ka chhuah ve emaw ka tia" ati hmuk a,Mau hmanga siam Chair nalh tak awmah  chuan ka thu a,min ep chiah hian a rawn thu ve bawk.

“Hahdam tak khan awm teh. Ka nu hian a pawm che ka tih kha” a ti zui leh a.  uluk “khawiah nge i kal dawn?" a thochhuak en reng chungin ka ti nghat,"i nau ka va hruai tir ange,i duh leh lo muhil la" ati awlsam then.

Ka tho ve thut a,ka khaw hmuh a fiah lo nghal a,a thim deuh mup mai. Ka tlu tur Joshua an min rawn man hman tih ka hre ruai ruai a,a bak engmah ka hre ta lo..

Ka men veleh inchung light in a chhun en,var sur chu ka en a,ka awmna ka hre mai lo. Ka kut ka tikang tur chu  kut dang hian alo chelh a. Kut neitu ka en chuan Joshua a lo ki a, khum bawh in alo muhil a.min lo veng ni ngei tur a ni.

A  kut dahsawn ka tum chu rang zet hian a rawn thu mar a,"i lo harh tawh maw?,na i nei em?" ati nghal sawk sawk. A hmela hahdam huai hmel kha rei lo mah se ka hmu hman thi.

" ka tha in ka hria,ka lu a hai mai anih ka ring" ka ti ve a,"thil i ei duh angem?,ka zuk la ang aw" ati leh thuai thuai. Diktak chuan a phi deuh chung chuan minti buai,amah nen a in hmeh lo bawk.

Ka  lu a la hai deuh avangin ka mu tha leha, ani pawh khumah a rawn thu kai ve a. 

“Ti nge i phili vaka? i in hmeh lo ania" ka ti nghat.  “Ka phili em ni?” Thaw deuh huai hian a ti a. “Um,naute a tha lo emaw tihmai tur ania” ka tih chuan “Tha e, hlauthawng suh. Doctor a lo kal alawm” a ti leh sawk sawk.

In hnuai lama a chhuk hmain ka  nau pawh hetah a riah thu leh a mu tawh tih a sawi a.Intih pachan ka tum viau nangin ka zawi a, ka lu hai a reh mai thei bawk si lo nen khum thawhsan ka zuam ngang lo. Joshua room a han awm ngawt pawh hi dik ka lo ti va, mahse tunah zan dar 11 a ri tawha, ka nau lah hetah a riak ve tho bawk si nen haw luih talh ngaihna pawh a awm lo. 

Lukham bula a phone chu a rawn ri a,ka la dawn em tih ka ngaihtuah laiin a tawp a,rawn call tu ka en chuan x tih bawk,Rosy tih ka hria. ....Tun ang huna Joshua phone ka lo pick-up chuan mak a ti dawn tih hriaiin ka pick-up chak zek zek. 

"hello..." ka ti nem hlai."Emy, khawnge i u?" a rawn ti talh talh a," Zorini zawk. Joshua hi inhnuaiah a chhuk lawka" ka ti lui salha,a thaw halh  ka hrethei a. 

“Nang maw? tun ang hunah engtin nge a phone i lo kawl a?" a rawn ti leh a,a aw pawh a nem ta lo.

“A roomah ka awm meka, ka riak dawn anih loh chuan tunah a room a awmna chhan tur dang a awm em ni?” ka ti lehzel. 

“Mawli,eng thil nge i tih?,Joshua kha i bum  tihna mi?" a rawn ti tuar mai. ,"engmah bumna ka hmang lo,ka pasal la nimai tur bulah ka awm hi ka diklohna pawh ka hrelo" ka ti hmak a,a rawn tawng leh hma in ka dah ta daih. Thaw halh chungin phona ka thehthlaa, mut that ka tum chuan Joshua an min lo en reng tih ka hmu chiah,a hmelah chuan nichin lawk a min duat tu hmel kha a awm tawh lo..

"tunge i biak kha?" a tih chuan a aw a chiang in a chang fak mai. . 

JOSHUA - 14

"Rosy nia” ka ti nghauh. A phone tawn lak pahin "thil pawimawh a awm anih ka ring,i lo chhang duh kher anih kha" ati leh hmuk a,ka te chem chem mai."ka haw duh a, ka nau ka phone anga, khawngaihin min thlah thei angem?" ka ti ta nghauh. Min rawn en a." A tlai tawh, i  dawn lo,thil i ei duh zawk em?" ati leh daih a,"duh lo. ,haw ka duh" ka ti leh talh a. "i haw dawn ka tih kha,a chiang em?" ati leh hmuk a,"lo muhil rawh,kei chu Sofa ah ka mu mai ang" ati leh a,ka chhang buai peih tawh lo,hnial vel turin thahrui pawh ka ngah tawk lo.

Ka harh leh chuan zinglam dar 5 alo ri der tawh a,ka inbengkang a, Sofa a Joshua lo la muhil ka hmuh chuan ka en vang vang. A mizia hi ka hrethiam hlawl lo,achang in min duh ve deuh niin ka hria a,a chang lah in hriat ngailoh ang maiin min en leh thung a,mihring ka hriatthiam theih thlawt loh hi pasalah ka nei dawn anih hmel ta sia,engtin tak nun hmang leh ang i maw???,ka pasal hmasa anga kut min thlak ve em loh chuan a tawk nimai tehse. 

Tukthuan pawh kan ei nghal a,zingkarah piin kan khaw lamah Palai tur a lo tir chhuak daih tawh bawk.Joshua hmelah lungawi lohna emaw thil danglam a awm lo. midang bulah chuan min care peih viau. A tak a ni lo tih ka hriat avangin eng ang pawn min duat se ka lawm phah lo.

Pi in kan khuaah haw leh a phal tawh lo,ka intihsual palh a hlau ngawih ngawih maia, a ninawm lek lek zawk. Ka nau inluah ah pawh ka let leh ta lo. Ka thawmhnaw an va la a,kan inru chu a ni ta der. Mahse room kan intawm lo. An  hnuaia ka thawh laia ka Room ah nilo in,Inchung ah Joshua Room bul chiah ah ka awm a.  Zantin tha takin min mangtha a,thil dang engmah a beisei ngai lo. Ka luhai thut bak kha chu harsatna ka nei zui rih lo. 

Kan inneih hun tur an sawifel vek a,An In a awm ve ngawt hi ka paten mualphothlak ti mah se Joshua nu an hnial hneh lo a,tunah phei chuan kan inneih nan karkhat chauh angai tawh. Diktak chuan Joshua hnen atangin engmah ka beisei lo,nupa anga awm pawh ka duh chuanglo,ka fa enkawl ka duh ber,amah ka duhna tihlan loh tumin ka bei a,ka hlawhtling niin ka hria a,ka tuar theih thlawt loh thil erawh chu  a khat tawk a Rosy lo lang reng mai hi a ni. 

"ka be lawk duh che a" Joshua,ka Room ah dan pangngai a min mangtha tur a alo luh veleh ka lo ti a. um,sawila'.. a ti ta ve mai. A Mood lah chu a that hmel khawp bawk. Chair ah thuin ,a bawp sei zet a thluang a,min en lo hian a Phone a en a.

Ka hrawk ka thian kharha.” Ngaih loh lamah ngai lo la.. Rosy hi lo kal lo turin i hrilh thei angem?,kan inneihna hi a tak ni lo mah se midang hmuh ah hian a mawi lo ve palh thei a. I bialnu a ni tih an hre vek bawk si" ka ti sap a,ka huphurh aiin ka sawi chhuak tha.

“Ngati maw? a hma pawn alo kal fo a,lo kal pawh ni se a pawi hleinem. . Kan innei dawn tih miin an hre vek tawha. A peih phawt chuan lo kal ang hmiang” a ti ta lek. Ka beisei lawk danin min chhang tho mah se  ka thaw hawk tho,"aw le,ka tihpalh a ni" ka ti thei hram. Ka aw khur a hriat  loh hram ka beisei..,"chu zawng chu em ni?" ati leh a,"aw,ee...Ka kawr tur kha alo thleng a, chuan.." a ding chhuak hluai chuan min sawi zawh tir thei lo.,,"athat chu,Emy nen in endun tho a, aniin a tha tur a hria ang” a ti leh mai. Zanin hian ka thilsawi engmah hi a ngai pawimawh lo tih ka hria.. Ni reilote ah ka pasal a ni dawn chu ania.. inneihna hlimawm tak chu a ni dawn lo chiang khawp e.

Inneih ni a ka hak tur atan ka dul puar luah khuh turin Emy-in  a thiannu Designer hnenah a Order a.Tei ka best dawna,ani kawr tur pawh a duhdan zawtin a order nghala.  Pheikhawr tur erawh chu keiman ka thlang a,Inneih dawna bazar engmah kan nei lo. Inneihna ropui tak tur ni loin awlsam thei ang bera buatsaih tur a ni bawk. Joshua te lamin tih chiam duh mah se heitak hi chu ka hnial ve tlat.

Joshua-an ka kut zungtang Size a lain zungbun a Duhdan in a order a. Ka  luhlul ka chhuah avangin nasa takin min neih tumin a bei a,engkim afel meuh chuan a lemchan chu thup zolo in alo lang nimaiah ka ngai a,engkim anih tur ang a ni tawh a,sawisel erawh ka tum lo. An  mahni hretu ten Rosy nen an inkawp nasat zia leh an induh zia an hrevek a,midangten min sawi dan tur ka hriat lawk avangin chhuah pawh ka chak lo va. Ka chhuak peih lo Pi leh Emy lawm ah atla a,nileng leng in kan inkawm khawm mai zel.

An in a ka awm hnuah nitin deuhthaw Joshua a chhuak thina, alo haw veleh midang bulah ka lo awm lai anih chuan ka that leh that loh min zawt thin a,midang an awm lem loh chuan min kal pel mai zela. Pawi ka ti bik lo.

"ka lo thu ve aw" tih ri ka hriat chuan ka en chho vat a,ka beisei loh lutuk a Rosy ka hmu chu ka hamhaih lek lek.

"i tha maw?" Min en chungin a ti leh a, bu nghat chungin "nang zawk?" ka ti ve a. A that thu a sawi laiin Tei’n  "Toilet ah ka kal lawk dawn aw" tih leh thawh a rual a,va han timing lo tak. Keimah chauha lo thutpui ka chak loh tehlul nen.. 

Tei kal hnuah a eitur a chah fela, tlak karh chung hian min en a, "i dinhmun ka hriatthiampui che ania,chuvangin i chungah sual ka tum lo,a tir khan ka thinrim ve phat a,mahse,Josh khan i rai vang tih min hrilh a,chupawh vawi khat chauh vangin.." meng kal rawlh chung hian a ti a. A hun neih a bawhpelh hauh lo. Ka tan tlawmthlak teh mah se Joshua an a zir em a,hetiang khawp hian min hmusit ngam a ni mai.

“I vanneih deuhna chu maw lei leh Joshua hi innei chi kan ni lo a,Pitar-i sawn min duh lo ve tlat. Mahse, pasal kan intawm dawn angah ngai mai rawh,nangin a hmingin pasal ah i nei ang a keiin a takin ka nei thung ang a" a ti leh ham ham. Min deuhsawh a tum luatah a mawng a hlim tih a hre lo a ni chek ang.  

“Ka hriatthiam loh ka zawt ang che. Engatinge hetiang thil hi ka bulah i sawi thin? Mi pasal tawm tu nih chu zahthlak i ti lo em ni? “ ka ti ta hmiah. A mitmeng danglam zawk mah se ala nui sawng tho.

“I nihna i hriat loh hlauh vang mawle. Duhsakna anih kha, kan pahnih inkar chauh ania, ngai haw mah ta che” a ti leh zat zat. 

“Ka ring lo che. Diktak chuan ka  bulah a awm tam hma pawhin i hlauthawnga,ka pasal a nih phei chuan a hnaih dawn lo che tih i hriat vang anih kha” ka ti leh sak sak. 

“I va khawngaihthlak tak, i sawi lai reng pawh kha tu nge a hmangaih chu i hai loh kha, ani hi ti lakah mah ka chan lovang. Pasal ka nei chung pawha min nghak tlat tu anih hi” ala ti ngam nia mawle. Hmu pheih tawh thlawt loin ka tho a. 

“Anih phawt le. Kan inneih niah chuan i lo kal ngei dawn nia” ka ti salh. Duh leh Tei chu msg in pawnah ka nghak tih ka hrilh mai ang. He ramhuai nu bulah hian ka awm reng chuan ka luak mai ang. Diktak chuan huai tak in tawngkhum mah ila ka sawi kha keipawn ka awih lo. Ka pasal hmasa khan ka hmuh laiin a bialnu a mutpui a,Joshua nen phei chuan hmangaihna vang nilo a innei tur kan ni a,inneih hma atangin tawmpui ka ni dawn tih ka hai lo.

Kan inneih ni a lo thlenga. Engkim ruahman lawk angin tluang takin a kal a. Ka hlim leh hlim loh pawh ka hre lo.

Nidang ang bawkin a rawn haw veleh min rawn pan a,"i lo tha maw?' a rawn ti a, kan inneih hma lawk tak taka Rosy nen kan inbiakna avangin ka haw hlur a ni ber. Vanneihthlak takin inneih zanah pawh min beisei lova, khum khatah mu mah ila sik pawh kan insi lo. Min khawih tum vaih se chuan ka thinrim ka puakkeh nasa khawp ang. 

Vawiin phei chu ka inngaihtuah lungpuama, mahni inkhawngaihna avangin Room ah nasa tawk in ka tap a,ka rilru natna zawng zawng tahchhuah vek tum ang maiin ka tapa. Thawven pawh ka thawveng deuh hawk tak tak. Ka mit a bui lak nangin a hmu lo niin ka hria.

Inthazo tak hian inchung ah achho zui nghal a,Rei vaklo hnu ah a rawn chhuk thla leh a,ka bul chiah ah rawn thu ve in, "Nu,naktuk ka zin tur hi ka cancel mai dawn asin. Inneih hnu lawk atangin hna thil vangin inah ka awm hman lo tluk ania, ka hne ve deuh tlat” ka rin loh tak hian a ti a. 

“I thu thu alawm. Tih ngei ngei ngai anih pawhin Pa Zuala tir la, i kal loh vangin kan chhe vek dawn pawh a ni hleinem” piin  alo ti ve a,a malin ka mal a rawn sik chuan ka ke ka dahsawna,tihpalh niawm tak hian a rawn si leh  nghal zat.Tawlhsawn leh mah ila a rawn tawlh ve zel a,Emily nen an titi a khaihlak phah eih lo. 

“Ka lu a na deuh tlata, chawei hma reilo te  ka han mu lawk teh ang" tih pah in ka tho a,a rawn tho ve vut. “lo chho ve duh suh” ti mah ila a lo kal tho.”Zo, kaltir mai mai rawh, a inla caring vel anih kha” Emily-in a lo ti zat zat. muangchangin step ah ka chho a,ka hnungah min zui tih ka hriat avangin ka kal muang lui viau.

"Titi ka peih lo ania, ka mu dawn" ka ti nghat. 

“i mit a va bui ve,i tap tihna mi?” ti mah se Khumah ka inthawlh sana,lehlam ka hawisan hmak, ka chhang buai peih lo.

"I tah chhan sawi la? I pasal hlui i ngaih vang nge in inhau? Keichuan khawih pawn ka khawih ngai lo che a,ka lakah thinrim chhan tur i neih ka hre lo ania”a ti leh duah. 

JOSHUA - 15

A tawngdanin min khei zak mah se ka che duh chuang lo. 

"Ok, min chhang buai duh suh,ani kha i hmangaih tih ka hria alawm" ati leh hluk a,"chhuak rawh” ka ti chang fak. Ka nunhlui theihnghilh ka duh em em hi engvanga sawi lui talh nge maw anih chai ni? maimit chhing chungin a chhuak thawm ka ngaithlaa, thawm dim taka pen thawm leh kawngkhar dim taka hawng leh  inkhar leh thawm ka hriat chuan ka thaw hak. Ka mittui a rawn tla in ka tap khur ta dar dar. Vawiin chu mittui ka ngah ngang aniang e.

"i tap leh em ni?" ka hnung mai atang a a rawn tih chuan a la chhuak lo tih ka hre chauh,ka insut leh hraih a,khum ah chuan a rawn thu tih ka hria..

"min hrilh i duh em? Inpawh lo taka awi ai chuan kan fa lo piang tur vang tal pawh hian thian kan nih a tha in ka hria" ati leh a,a aw ah chuan min hmusit emaw min ti el na engmah alang lo. Ka tap tih a  hre ta sa sa, Lukhamah ka hmai ka phum sauh sauha,chhuak em emin ka tap leh ta zawk. Ani hmuh laia tah hi zahthlak leh tlawm thlak chu ka ti. Mahse a aw dam thlup khan min tahtir lo thei lo. 

Ka tah chhungin dawhthei takin min nghaka,ngawirengin a thu ngar ngar mai. ka insum theih tak deuh ah chuan zahna avangin ka hawi chhuak lawk ngam 

"Innei chauh mah ila inthen leh mai ka duh" ka ti sap. “eng vangin maw?" a tih chuan makti deuh a ang.

“Inneihna hlimawm a ni dawn chuang lo. I tan pawh atha zawk. Mahse ala rei lo em a" ka ti leh a. Amah en thei lo zawngin ka la mu lui tlat. A che data, hmu thei lo mah ila a thi tih ka hria. Room atangin a chhuak dawn emaw ka tih laiin ka rinloh deuh hian ma hawina lamah rawn kalin a mu ve nghala. A ban lehlam khumin chunglam a en a. 

"I rilruah eng nge awm ka hre lo va, keichuan neih che ka duh tih ka hrilh ni atang che khan then leh che tumna ka nei lo” a ti dam thlup. A inringtawk tih a hriat ngang mai. 

"Inthen ka duh hrim hrim vang a sawi ka ni lo ani. Diktak chuan kan inkar hi chu ka pawm thiam thei. Mahse Rosy in a duh hun hun a in pahnih chungchang sawia min uankhum reng hi ka hne”ka ti ta hlawl. 

A  rawn in let nghala,a hmelah mak tihna niawm tak alanga.,"engmaw?,khawiah nge Rosy nen in inhmuh thina?" ati hu mai. Hre lo tak tak te pawh a ang, 

"Kan inneih hma lawkin restaurant-ah kan inhmu a,intithei takin kan inneih pawn ahming mai anih tur thu a sawi a, ka hriatsa nimahse ka zak ve thei a. Khatiang sawi ngam tur khan i lakah a confi tawk tihna ania" ka ti ve ta zel. Kan sawi pawp law law bawka,sawi vek ka duh. Angaih ngaihin ngai mai rawh se.

“Engtin  nge chutiang a sawi theih a?" a ti hmuk.

“A confi tawk animai.Tei nen restaurant a kan chawlh laiin kan bulah a rawn thu a, tei kalsan veleh min en chungin intithei lutukin a sawi” ka ti hmak hmak. 

“Lawk,Tei nen maw innih? A sawi dan khan restaurant ah i pasal hlui nen a hmu dun che u a tia” mak ti leh angaihna hre lo aw hian a ti ta hu. 

“Min hmusual anih dawn chu. Ni lo, min lo hmu hrim hrim zawk ang. Ka pasal hlui hi kan inthen hnu ah vawi 2 chauh ka la hmu leh a,chu pawh tihpalh thilah ania, min biak atum a,ka kal san ve ve.Tunhnai thil pawh a ni hek lo, ka hmuh lohna chin ka hre tawh lo” ka ti ta duah. 

Thaw hawk chungin a  tawlh hnai a,ka Biangah a rawn chul ta dan dan. "Dawt min hrilh lo tiraw?" a ti sup a,a aw ah chuan min ringtawk lo tih a lang reng.

“Dawt ka sawi lo. Diktak chuan Rosy i hian a duh duh a sawi mai mai a ni. A thusawi apiang i pawm dawn tih a hria alawm” ka ti leh sap. 

“Ni lo,i pasal hlui kha  ila duh reng emaw ka tia" a ti hrawka,sawi harsa atih hmel kher bawk.

"Duh lo,a awm ve tih pawh ka ngaihtuah chhuak ngai mang lo zawk”tiin dik takin ka chhanga. Tun tum chu engmah han zep lam ka rilruah a lang lo. 

Engmah sawi lo in a rawn tawlh hnai a,ka chalah a rawn fawpa.."min duh tiraw?,tlem tal in..." a ti sup. Hei pawh hi dawta chhan kher tul ka ti lo. Nupaah kan insiam tawha, min then a tum loh thu chiang takin a sawi bawk nen. Rosy chu lo awm ve mai mai rawhse. Ka pasal hi min hmangaih turin ka theihtawp chhuah ka duh tlat. 

"Tlem  nilo in tam tak in,diktak chuan i Hausakna leh kan naute vang nilo in ka Hmangaih che" ka ti tlang ta pawp. Inringtawk taka sawi angin lang mah ila ka sawi zawi lutuka, keipawn  ka hre chang chang.Ani phei chuan a hre kher lo maithei.

Min kuai dak chungin "sawi leh rawh" ati hrawk a,a mitmeng a de sawr sawr bawk a. A hmel hlim lutuk chu hmuh hmaih theih a ni lo. 

"Ka hmangaih che.. Chuan " ka sawi zawh hma in min rawn fawp ta a,adim in a dam hle bawk.

"Nitin Rosy hnen atangin i Pasal hlui nen in chanchin ka hria a,ka theihtawk in ka enzui bawk che a,i Pasal hlui va chhui kher erawh chu ka induhtawkna hian a thei bik lo. Atir phat atangin i hmelah hian min mamawh leh duhna a lang ngai lo. ,mahse,min lo duh ve reng sia" hlim tih hriat tak hian a ti a. Ani hian min duh ve a, min hmangaih ve tho tih lam engmah a sawi lo.

Ka tho tur min pui thuai. Lukhama inkamkang deuhin ka thu mu a,

“min duhve kher ka phut miah lo che ania,nupa kan nih a ka fa tha tak a min enkawlsak chuan ka duhtawk lutuk.Diktak chuan chetsual palh vanga ka fa hi lo piang mai tur ania. I mawhphuruna i hlen a, keiin lo duh a lo hmangaih ve ngawt tur che ka ni lo alawm" ka ti ta hap. 

Tawng loin ka darah a hmai a rawn phuma, a awmdan chuan minti hamhaih lek lek. Hawichhuak chuang lo hian "chuti chu ka fa a ni ve dawn nange" a ti a. Ka chhan hmaa a rawn hawichhuah chuan a nui hmel ka hmu nghal a.

“Ka fa chauh lo,ka nupui pawh hi ka theihtawpa thaa enkawl che ka duha,ka tum bawk ania. Chuan Ka zin anih ngawt loh chuan i taksa si lo a mut ka tum tawh lo.. i ngawl ka vei aniang, i rim te hi ka ngai. I taksa si lo chuan ka muhil tha thei lo” a ti ta duah.  A thilsawi te hi a rilru tak tak a sawi niin ka hriaa,lawm pawh ka lawm. Min duh ve tho niin ka hre bawk. Mahse duhthusam erawh chu min hmangaih ve se tih ala ni fan.

"Min lo en reng rawh,i Pasal hi eng ang taka mi care  thei nge anih i hre mai ang" a ti zui bawk.

Hun a kala, a lo caring nameuh mai. Min duat na leh ngaihsakna ka dawng mawlh mawlh a ni ta ber. Zantin min kuah chungin a muhil a, ka dul puar luah avang a a duh ka tihsak thei lo erawh ka inthlahrung ve fo, min nawrlui ngai lo mah se a mamawhna ka hai chuang lo. Inneihna tak tak ni lo ang khan inneih hmain ngaihtuah mah ila chutiang a ni ta hek lo. Zep nei hauh lova engkim ka sawi zan atang khan kan nupa kar a danglam ta ka ti lo thei lo. 

Zanin chu a nu In ah nilo in ama In ah kan  riak thlaa.

Min chul hauh hauh chungin “ eng nge tunah hian ka ngaihtuah i hria em?” a ti a. Ka hriat loh thua ka chhan veleh “ kan naute ka ngei ber tum a ni” a ti ta peka. Ka nui hak mai.

"He Room a i lo riah hmasak zawk khan ka Duh che tih ka hrechiang daih tawh” a tih leh chuan"um...." ka ti ringawt. La titi dun duh viau mah ila ka meng hleithei thlawt lo. Min duhthu a sawi avanga hlim leh hahdam takin ka muhil a, ka rai len ve deuh hnu hian mut lamah harsatna ka nei zeuh zeuha. Zanin anga ka mut that hi a tam ta lo viau. 

Hun a kal zela, min duatna ka dawng chhunzawm zel bawk. Ka In check-up dawn apiangin min kalpui zat zat a.Zan ka muthilh theih loh changin min menpui thul. Thlalak nuamti tak mai a lo ni a. Ka awm mai mai lai hi te hi nalh tak takin thla min laksak fo bawk. Zantin ka Dul Naute in a rawn tlawh dat dat lai hlim takin a ngaithla thin a,a fa nei tur hlim lutuk hi a a phuang nimai hian ka hre thin. 

"Vawiin ah fel takin lo awm la,Anu Dul hi lo tlawh nasa lutuk lo la aw " tiin ka Pum chhung a naute chu abia a.Ka dulah a fawp vang vang. Vawiin hian Kolkata ah sumdawnna thil buaipui turin a kal dawn a,a awmlo tur ka huphurh em em mai. Ani lahin kei aiin a hreh ve bawk. A awmloh hlanin nau ka vei a hlau a,Emily  awm bawk si lo nen,kal lo turin ngen ila chuan a kal lo ang,chu erawh zawng tul ka ti lo. Ka Pasal hian ahna a thawk tur a ni tiin ngaihdan nghet tak ka nei a,ka duh apiang min pek avangin pangchan lutuk pawh ka hlau thin.

“I awmthei tak tak ang maw?" min ngaihtuah tih hriat taka  min en pah hian a ti a,"thei lutuk,min ngaihtuah miah suh,zan 2 chauh alawm i riah dawn" ka ti let ve a,min kuah a,"i tel lo chuan ka muhil leh thei dawn lo,hruai ve mai che ka duh a,mahse,a hun tawh silo" ati leh sup a,min ngaihtuah lutuk leh min ngai lutuk chuan  ka hnuk a ti ulha,ka Mittui  rawn hnam chu a hmuh hlau zet hian ka hru zauh mai. 

A thlen hnuah a khat tawkin min rawn be reng a. A tuk erawh nilengin a buai a,kan inbe lo. Zanah min rawn biak hun ka nghak tang tang a,a buai dawn tih a sawi lawk avangin ka call hmasa ngam si lo. Ka nghah chhungin ka  lo muhil a,ka harh leh chuan dar 12 alo pel tawh. Call leh Msg tak ngial pawh a lo awm lo,chutiang chen chen a buai ka rin tawh loh avangin ka  Call ta nge nge a,a la miah lo. A chau anga a muhil aniang tiin Toilet ka luh san a,ka chhuah leh chuan msg alo awm kalh. "lo call la" tih te mai hi a lo thawna. Mak ka ti viau. Ka callna ahmuh chuan a lo call mai tur a ni sia. 

Ka call nghala, phone lo pick-up tu erawh mipa ni loin hmeichhia a ni ta tlat...

“Zorin,keimah ka nia. Rosy.,ahmaa ka hrilh che kha ila hria em?i pasal hi ka ta..." a tih laiin ka off hmak a,ka ngaithla peih tawh lo. 

JOSHUA - 16

Amah kal tura insawi si kha engtin nge tunah Rosy a bulah a awm theih? Kei hi bumin ka awm anih chiah hi. 

Kawngkhar kik ri ah ka harha,zing lamah ka muhil ta hram kha ania. Lu rit burin ka  tho a,ka va hawn chuan Sen-i a lo ni a,Phone a keng va bawk."U Joshua an a be duh che,i phone ah a Call tlang thei lo che a" tih pahin min rawn pe a,Room ah a rawn lut zui ve nghal bawk. "Hello" ka tih veleh, i phone ah ka call tlang thei miah lo che,i tha em?"a rawn ti thuai. A awmdanah chuan a  hlauhthawn hmel hle bawk. "nizanah ka Charge lo a,a battery a low aniang" ka tih chuan a  thaw huai tih  ka hrethei a,ka thinrim et et mai. 

"i Phone chu charge la,nakinah kan thlawhchhuah hma in ka rawn bia ang che" ati leh  a,engmah sawi tawh lo in ka Offa. Sen-in Ka mutna chu alo thlep fel mawlh mawlh ka hmuh chuan nuam lo ka ti viau. A hma zawngin hnathak ho kan ni a,tunah Joshua Nupui ka nih tak avang hian min zah der a,nuam ka ti lo.

“Sen,lo ti suh,keiman ka timai dawn alawm" ka tih chuan min en lo hian a ti mawlh mawlh a,"ho lutuk,a harsa hleinem" ati mai a,Toilet ah ka luhsan ta zawk. 

Joshua lo thlen lai pawh ka hrelo,zan lam ah ka mut that loh em vangin ka nuamlo nghulh a,ka muzal mai mai ka lo muhil a,ka harh leh chuan chawhnu lam a lo ni tawh.

Room chhuatah Bag a let ram a,alo thlenna a rei tawh maithei.Inhnuai lam ka pan thlak lai chuan Joshua tawng ri ka hria a,ka hmuh chakna leh hmuh peih lohna a in zat reng,ni 2 lek mahnise ka ngai em em a,nizan khan Rosy nen an awmdun tih hre lo phei ila chuan ka pan ruak ruak duh hial ang. Library kawngka atang chuan a rawn dakin min rawn hmuh veleh a rawn chhuaka,"i mutui lutuk a ka kaitho duh lo che nih kha" a ti nghala. Kekawrbul leh T-shirt a hain alo inthlak fel vek tawh.  "ilo thlenna a rei tawh em?"tiin  ka zawt let ,"rei vaklo e,Lunch i bula ei tumin ka dawn hmanhamwh chiam alawm “la nui reng chungin a ti a."Chuti chu ka  riltam khawp mai,tunah ei ila?" ka tih chuan abu nghut.

Eitur an rawn chhawp lai in a Zinna chanchin a sawi mawlh mawlh a,ngawirengin ka ngaithla a,han zawh vak tur pawh ka hre lo. Ka hriat chhun chu Nizanah Rosy nen an riak dun tih chauh animai.

"min ngailo riau in ka hria" chik zet a min en pahin  ati nghut a,a aw ah chuan titau a anga. An khum chiam chiam ka chakna thunun hram hram chungin ka nui luia. “ngai e,Naute pawn a ngai tawh lutuk che" ka ti let a,mahse,a mit thim raih leh fing zet ah chuan ka thusawi in a rilru ahmin zanlo tih alang thei reng. "engmah harsatna i tawk lo tak tak  maw?,tukin khan ka mangang hman tep a" ati leh sup 

"Engmah hlauhthawn tur a awm lo” ka ti mar at. Rosy nen kan inbia tih sawi ka duh em em rualin phatna tur tha tak a neih ka rin avangin ka insum hram hrama. Engtikah emaw sawichhuah na hun ala awm ka ring. 

“Ka rawn call ngam lo che a. I buai tur thu kha i sawi sia” pehhel deuh tak hian ka ti a. “Um,nia.. Rinaiin kan buai rei a. Kan zawh veleh Party neih an rawt tlata. Pasal fel tih takah zu ka lo inkhat nasa mai si. Tlem te pawh ka zo lo lek lek a ni. Hotela ka let khan a tlai tawh bawk si nen ka lo call duh ta lo che a.Engpawhnise,lo mu la, min lo kuah teh.,Pasal te zin haw Welcome dan zirtir i ngai tlat" a ti zui duaha. A lo thlen hlim phat atanga a awmdan engkim mai hi tider a ang lo. Lemchan thiam pasal ka lo nei anih ber hi maw.. 

Khuma ka mut ve veleh min fawp nghal vang vanga, ka awm ngaiin ka awm lui tlat thung. “I va han sual tak e aw. Min chhang tha ve mai la, ka ngai ve em em che a. Mahse a zia tho tho. Naute hi a che nasa leh em?" ti chungin ka beng a fawpa. Ka bu nghat. “Thla 7 ah hian an nei ve thin tho sia,ka zin lai khan i neih ka hlau lutuk a,naktuk chu Durtlang ah han kala,Room han book  mai ka duh, i neilo anih pawn Room luahman chu i neih hma kan pe mai anga" ati leh a,ka nui hak, "ngai lo em mai a. midang mamawh ve an tam lutuk,bakah chutiang a nei mai turin ka awm pawh ka la hre lo.Bakah naktuk atang chuan thla 8 hmel a hmu tan dawn alawm,thla 7 ah chuan ka nei lo tawp ang" ka ti a,ka dul chul hauh hauh pahin ka samah a fawp a, reiloteah a muhil ta thuai. Kei erawh muhil thei loin ka meng kar maia. Rosy nen kan inbiakna bawk kha ka ngaihtuah leh ngut ngut mai. 

Nitin ka nun dan angai reng animai.Rai lai a hahdam lutuk hi thil tha ber anih loh avangin Zingah hma deuh in ka tho a,ka tlin tawk tawk exer ka laa. Joshua lah hian min ngaihtuah avangin kal ve a tum fo a,ka duh der lo thung. Pasal te tel lo a thil tih tum miahlo hi ka huat zawng tak a ni miau a.Pathian zarah ka hrisel tha a, ka inzo rih em em bawk. Ka neih dawn hnaiah chuan min kalpui mah se  pawi ka ti lo. 

Rama nen  Joshua te Office Building lianpui kawtah kan ding a,luh chhoh kher ka peih loh vangin ka Phone a,ala thei der lo.Nidangah chuan Doctor ka hmuh dawn apiangin aman In ah min rawn hruai thin a,mahse,Vawiin chu tihtur pawimawh a neih avangin Rama office thleng inthlah tir mai turin min rawn hrilh vanga a office a kal ka ni a. Phone la thei hek lo. Motor atangin ka chhuaka, a Office ka pen luh veleh chuan min lo ngaihsak thuai thuai hlawm. An fel in an Polite takzet,nidangah ka kal ve ngai lem lo. 

A Room luh dawnah chuan a Secretary pathau lam  a lo thu a,min hmuh veleh a rawn ding hluai a,"ilo kal animaw,lut tlang mai la.." minlo ti nghala. 

Kawngkhar  kik leh luh ka rual a,tumah an lo awm lo teh tlat,ka lut phei zel a,a Room a zauin ,adai ruih mai. Koh ka tum lai takin tawng ri ka hria a. Ka hriatna lam ka  hawiphei thuai. Balcony ah chuan Joshua leh hmeichhe pakhat hi min hnungchhawn zawngin anlo ding dun a,hmeichhia zawk chuan a kawngah a kuah a,Joshua erawh chu a kekawr ipte zenina ding khawng viau.

"mawh....Josh he nu hi engvangin nge i neih tak tak?,arai vang a ni tiraw?".. Rosy’n no zet hian a ti nghar nghar. Engtin nge a chhan dawn ka hria.

" U Zorin,i tha em?" Ka pai chhuak deuh titih chu a secretary in min lo ti thuai. "aw,ka tha e,ka rawn inchhuih chhuak alawm maw pek le..inleng a nei a,hetah hian ka lo nghak lawk mai ang" tih pah chuan Thutthleng lam chu ka pan a,ka kut khur dar dar a hmuh hlau in ka thukru a.

Oooo,ni tak. Ka lo theihnghilh a ni. Nichin khan athiannu alo kal tak alawm. Appointment pangngai anih loh vangin ka lo mang nghilh palh a ni" thuphachawi aw dai hian a ti thuai,"oh...pawi ti mahta che,tihian ka lo nghak lawk mai dawn lawm" ka ti a.,Rosy khan Appointment a siam dawn lo tih ka hria,akal ngun viau nasa mai dawn si. 

“intur i duh angem?" a rawn ti leh a,ka lu ka thing a,a inthiamlo hmel chu ka khawngaih zawk.

Rei vaklo ah chuan Kawngkhar rawn inhawngin Joshua leh Rosy chu an rawn inzui chhuak a,min hmu thut chu mak antih dun hmel ngang mai. Rosy a insiam rem thuai a,a hmelah chuan hnehtu inti zet hian a khi sawng a,"ka call i chhang theilo a,kalo nghak mai che" din chhuah pah hian  ka ti a,a Kekawr ipte atangin a phone a phawrha,"oh...anih hi,ka buai deuh a ni,kal ila"ati zui a,a buai dan kha chu ngaihtuah ka duh rih lo. Rosy lam en in a buk khum nghut a,"kan kal ange,kan tlai chuan kan Doctor a lo sa leh viau dawn a" ati zuia. “Um,kal ru. vawin atan chuan a tawk alawm" tichungin a  nui zui awr awr a,a Secretary chuan nuamlo tih hmel zet hian min melh kual hrek hrek tih ka hmu ru kar mai. 

"i va ngawi thei vang vang ve a"a tih ri-ah chuan ka harh deuh zawk a,Car tukverh lam chu ka hawi a,ka ngaihtuahna ka lo kawm veng veng chu niin. “Zai ngai lo hram ila ka ti” ka ti ta rinawt. Diktak chuan ka rilru ni miah lo ka sawi chhuak daih. 

“um...angai em lo turah ngai ila” a ti ths ve maia, ka tawngzawm leh tawh chuang lo.

"Rosy hi Office ah khan alo kal fo chuan i mualpho tam mai mai lo maw?,hmun dangah inhmu ula. Vawiin pawh khan kei ka lo kal bawk si nen, i secretary kha a mangang anih kha",Mu tur a a thawmhnaw a phelh laiin ka ti a, ka insum zo tawh lo. 

A thil tihlai chawlin a rawn hawi phei a. Rang takin Bang a TV bet thlur chu enge lang tih pawh hre chuang lo hian ka melh thuai. "Office a i rawn hmuh vang khan i puhchhe ngawt thei lo ang" ati fan ruih. ka ngei lutuk tih hian a sawi fiah zo lo.

“Engtinmah ka puh hleinem. Ka sawi chhan  zawk chu i mualpho ka hlau mai ania" ka ti let hmak.

Min  rawn pan phei chu ka mitsir in ka hmu a,ka hmaah tak rawn dingin "enge sawi i tum ber?,tlang deuh in sawi rawh,chhun atang khan i awmdan i thlak vek tih ka hai hleinem" a ti ta a, a aw lah chu hriat a nuam fahran lo. 

A mitah tak en chungin”sawitur dang ka nei lo,ahma daihin Rosy in min hrilh lawk tawh ka tih kha,eng ang pawn awmdun mah ula ka sawitur a awm lo. Engkim hre sa a nei che ka nia lawm”ka ti nghet charh.

“ eng thil nge a hrilh che?,a sawi ang ngei  chuan ka awm tih i Prove theih loh chuan tawng mai mai suh" a ti leh hmuk a,rum ul mah se ka hlau lo.

"Fiahna i duh maw? Ka sawi khawp ang. I zin lai khan i lo haw hma zanah i Room ah Rosy a riak ve tih ka hria,khata tang khan in induhtawnna hi fiah turin engmah ka mamawh lo" ka tih laia a  hrilh hai hmel lutuk chuan min ti buai letling a,a Ding khawng luh bawk.

JOSHUA - 17

"i duhduh sawi lo teh,Rosy-in a sawi avangin kan riak dun tih na a ni ngawt lo”  a ti hmuk a,”nia,a sawi zawng zawng hi awih dawn ila chuan ka buai ngawt ang,mahse,kha kher kha ka awih tlat. zanah khan dar 12 vel ah ka lo Call che a,i la theilo a,msg in call leh turin min rawn hrilh a,ka rawn call leh chuan nangmah nilo in Rosy-in min lo chhang a,zan dar 12 ah i phone pick-up tura a awm anih chuan i bulah a riak tihna a nimai,ka fing vak lo tih ka hria,mahse,hei em em hi chu ka hrethiam ve" ka ti ta nek. 

Ani leh ni lo ang takin a hmel chu a buai nak,Dawt sawi dan tur a dap pawh a ni ang. Ka nui lui hak a,"ok...sawifiah duh suh. Kan nupa angah hi chuan khatiang chang kha a awm ve ang tih ka hria ania” tih pah-in ka tho a,ka Dul vanga ka che zung zung thei lo hi ka thinrim thin.

Khum ka pan a,ka thlen hma-in ka hnung lam atangin ka Dul chungah min kuah a,ka hawi let duh lo.  rawn kun hniamin ka nghawng a thawk khum ham ham a,”Thinrim angin lang duh lo mah la i lungawi lo tih ka hria, ka insawifiah thei ang" ati nghala.

“insawifiah a ngai lo. Atir atangin i pha mar hle dawn tih ka hriat vanga sawichhual lo ka nia, a ho em mai. Ka mu dawn" ka ti hmak a,min kuahna  phelh ka tum a,ka phelh thei mai lo.

"ka insawifiah phal phawt la ka thlah ang che" ati ta tlat. Aw ka tih hma chuan min thlah dawn lo tih hriaiin " ni rawhse, mahse a tul kher lo ka tih kha" hreh tak hian ka ti a. 

Lukhama inkamkang titih hian ka mu a, ka bulah a mu ve bawk.

"khami zan khan ka rui viau ka tih kha. Party na ah khan ka hmu hlawl a,a hmain ka hmu lo hrim hrim.Sumdawnna thil  vang a kal niin a insawi a,Ka Partner pakhat kha ka Classmate thin ania. Rosy te nen pawh in hresa vek,ama In ah Party kha a siam a,Rosy pawh kha Kolkatta a kal tih alo hria a,alo sawm ve tho a,chuvang a inhmu mai chu kan ni. Ka ruih em vangin ka Thiante khan Hotel ah min dah tih chu ka hria a,ka room ka thlen veleh ka muhil nghal a, zing ah ka harh leh chauh. Min lo call miah loh vangin ka thinrim zawka. Mahse buaina i nei anih ring lehin hlauthawng takin ka rawn call che a, i phone i lo  off bawk si. Min lo call na leh eng msg mah ka hmu lo” a ti ta a, titak tak hmel a pu a, mahse chhuanlam anih rinna ka la nei cheu, office a ka hmuh leh dan zawng zawng nen khan a dik thei lo.

Ka ngawih tak rengah chuan min rawn en a. " i awih lo tih ka hria alawm,keipawh ni ila ka awih ka ring bik lo,i insawifiah nasat poh leh ka ringhlel ang che,mahse,khawngaihin min ring hram rawh,ka mutpui lo a,ka riahpui lo bawk,Ka Nupui i nih hnu ah hian vawikhatmah atan zuamawm in ka awm lo...Pathian pawn min hriatpui ang" ati leh a,a hmel landan zawng zawng nen ka khawngaih ta..harsa zet hian ka inlet a,a Darah ka lu ka nghat a.

“Rin che hi ka duh lutuk. Mahse vawiin ah Rosy’n i kawnga a kuah lai che ka hmu leh a. Ka tan a harsa ve asin" ka ti ta hlawl. Keini anga nupa maksak hi an awm ve pawhin ka ring lo. Induat em em thin, inngai bawk ni si, kan inkara midang tlazep tlat anga lang te, inpawh tak chang nei leh achanga inpawh miah si lo, ho te a inhaua ho te bawka lungawi leh mai thin kan ni a. Midang hi chu an an ni ve lovang. 

“Inthen chungchang ka sawi kha i lo ngaihtuah tawh em?” Tawlhsawn pah hian ka ti leh a.” Ngaihtuah nawn tur a awm em ni? Inthen ka duh dawn lo ka tih kha. Mahse i duh tlat chuan enge ka tih theih a?” a ti a.

“Achang chuan kan in kawmngeiha tak tak ka ring lova, nupa hlawhtling kan nih pawh ka ring lo thin. Mahse achang chuan chutiang a ni lo leh a. Eng nge ka duh ber ka chiang ngam lo" tiin dik tak in ka chhang a,engmah a sawi lo,kan ngawi dun ta vang vang.

Zing ah Walk turin ka chhuak a,ka chuahsan laiin a la muhil a. Zanah khan engmah inhauh zuina kan nei lo. Mahse kan mu tha lo ve ve. Tukdangah chuan ka  thawh rual hian a harh ve ziah thin a,tukin zing erawh chu a mut that loh vang a ni ngei ang,a harh miah lo.

Kan In piah lawk hi tlema fal deuh,In awm loh na hmun a  ni a, muangchangin ka kal phei a, hma deuh bawk nen Motor veivak pawh an tam lo.

Thlang lam Lung lian vak lo awmna ka thlenga, lawn harsa a ni lo bawka a chungah ka ding a,Ral lehlam hla deuh a Tlang in pharh zui mai ka thlir vang vang. Ka hnung lamah thawm ka hriat chuan Joshua an min rawn zui anih ring en ka tum a. Ka hawilet tur chiah ka hmui an rawn hup thut,thil rim na zet ka hre ngjala,engmah ka hre zui ta lo.

Ka mit ka khap sak sak a,ka lu ala hai chhu bawk nen,ka maimitchhing leh a,ka ka luak a chhuak nghulh avangin ka meng leh thuai.Thil thleng ka ngaihtuah chhuak nghala. Harsa tak hian ka tho a. Ka awmna ka en chuan room zim takah ka lo awm reng mai. 

Zing a ka hmui rawn hup tu kha tu nge ni ang?a hmel hmuh chu sawi loh ka hriat leh hmasak ber chu tun hi a nimai,eng thawm mah a awm loin a reh thiapa.  Ka awmna hmun lah chu Tukverh pakhatmah a awmlo , ventilation 1 sang deuh ah a awm a. Chu zawng chu a nimai. Ka mumang anih leh nih loh hriat tumin ka insik a, a ni hauh lo. 

,"tunge awm?" ka ti vak a,ka aw thangkhawk bak thawm dang awm loin ala reh thiap tho. Ventilation atanga eng lo lut bak eng dang a awm lo va. A landanah khua a la thim lo phawt chu ania. Mahse Helaiah hian eng chen nge ka awm tawh ka hre lova. Nikhat pumhlum ka mu bo thak pawh a ni thei. 

Darkar khat pawh exr laa chhuak ngai lo ka ni a, nidang aia rei ka chhuak tih a hriat in Joshua an min zawng tawh ngei ngei ang,ka Phone lah chu khawiah nge a awm pawh ka hre lo.

Darkar tam fe ka awm hnu pawn engthawm mah ala awm chuang lo.Room chhung pawh a thim ruai tawh a,pawnlamah pawh engthawm mah ka la hre chuang lo. Ka ril  a tam vawng vawng a,room chhung zim te ah ka kal kuala, achang leh ka thu a,ka chunga thil thleng mek avanga beidawnglo turin ka infuih a,mahse,awmzia awm tamlo khawp mai. 

Diktak chuan nuam deuh hlek pawn thut tum ila thutthleng a awm tlat lo va. Angaihna a awm lo. 

Tunah chuan Khua pawh a thim fel tawh a,chhuat vawt thlur mai bak chu engmah han hahdamna tur awm hek lo,inkuangkuah hlan chungin bang nghengin ka thu a. Beidawng zet hian "Joshua" tiin kan au chiam ringawt,ka aw thangkhawk ri bak engmah hriattur a awm lo.

Ka pum na -in min ti harh a.Joshua kuah tum in ka inlet a,mahse chhuat vawt takah ka lo la mu reng a lo ni.

Room chhung a lo eng leh tawh a. Ka pum a nat mai bakah niminah engmah ei lo ka ni a, ka tamchhawl titih tawh. Ka tui a hal huam huam bawk nen che tur pawh ka awm tawh lo.

Ka Pum a rawn na leh zual a,ka Tui hal lutuk hi ka riltamna ai chuan tawrh a har zawk. Harsa takin ka thuchhuaka,Ka pum ka dawm a,ka thlan fim a far zawih zawih mai. Reiloteah ka khaw hmuh a phe tana a,"ka thi dawn ngei e" tih chauh ka rilru ah a awm a,"Joshua,dam ka duh. Kan naute hi lo chhanhim rawh" ka ti sep sep a.

Kawngkhar ri bur bur thawm ka mang hriat ruai ruai a,a tak nge ka bengchhe ri zawk pawh engmah ka hre chiang thei lo.  Mipa au ri ka hriat chu Joshua aw niin ka hriaa, mahse ngaihtuahna fim hmang turin ka tlin lo. Ka mit sulh sulh a, engmah ka hre zui leh tawh lo. 

JOSHUA - 18

"Mona...harh teh.." ti a Joshua au ri chu hla tak ami nimai in ka hria,au vak duh mah ila ka thei lo. Ka Pum a na em em lutuk. Min chawikang niin ka hriaa, Joshua min ko ri niawm tak ka hre zel bawk. A tak leh ka mumang anih leh nih loh ngaihtuah turin ka thei lo,  ka thi mek anga ka thlarau a chhuak anga, engkim ka hriatpawlh vel pawh a ni mahna. 

Ka taksa na zawk zawk-ah ka harh leh a,a hnu chuan ka chawl riai riai a,ka taksa na pawh ka hre ta lo,ka mut a chhuak em em a,muthilh hlen tumin ka muhil ta..

“Mona,i harh tiraw" min titu Joshua ka en a.Ka chal ah a rawn fawp a,"Ka hmangaih che, ilo let leh vang pawh hian ka lawm e aw" a tih laiin ka biang ah a Mittui a rawn far a,ava mak in a va hlimawm em,he Joshua hian min hmangaih anih chu..Ka thi tawh emaw ka inti kha thi loin tunah ka harhchhuaka,Harh chhuah leh dan duhawm ber a ni hial ang.

"ka tui a hal" ka ti sap,rang tak hian a kalsawn a,tui a rawn la a,min intir hnuah a chhuak leh a,Ka nu leh Joshua nu in an rawn zui lut a,an hmel ah chuan lawmna hlir alang. Kha Room zim tak atang khan min lo hruai chhuak anih hi,mahse,khawiah nge Naute?,athi em ni?

"ka va lawm em,Pathian chu fak in awm rawh se. Khawvel a Fapa hmeltha ber i nei ania" Joshua nu chuan Mittui tla chung hian a rawn ti a.oh...Lalpa...ka Naute pawh min chhanhim sak anih chu..zawh tur tam tak nei mah ila ka mut a chhuak leh a,engmah sawi lo-in ka muhil leh ta zawk a,tawng teuh tur pawn chakna ka nei hlawl lo.

Thla a vei leh meuh chuan engkim a pangngai leh ta. Verandah ah  hahdam takin  ka thu a,ka bulah Emily kan Naute pawm chungin a thu ve bawk. Joshua hnaah kalin kan nun pawh a pangngai leh tawh.

Kha thil rapthlak thlen zingah khan ka zing chhuak kha ka let leh har avangin Joshua-an min lo Call a,ka Phone a in off a. min zawng tur a alo chhuah in ka dinna lungpui bula ka Phone lo keh darh nuaih a va hmu a.Police hnenah kal nghalin min rawn hmuh khan ni 3 lai ka lo awm hman tawh anih chu,ka inhriat dan chuan ni 2 niin ka hria a,mahse,ni 1 chu ka tibo hmak a lo ni. Min rawn hmuh khan ka duk vek a,tlem in rawn tlai se chuan kei leh kan Naute NATHAN VANLALCHHANHIMA hian khawvel kan chhuahsan ang. Tui tlakchham avangin ka damchhuah beiseina pawh a lo awm lova. Mahse Pathian hi a tha em a. Hun tha min pe leh a lo ni. Damdawiinah thla 1 dawn ka awm a,kan chhuah hnu ah pawh  Nurse in min vil zui reng a,khawiah mah Joshua-an keimahin ka kal a phal tawh ngai dawn lo tih ka hria. Tun thlengin tu thil tih nge an la hre thei lo erawh chu Joshua leh ka nu  rilru a dam thei lo. Thil thleng ka ngaihtuah let hian ka la hlau thina. Mangchhia vangin ka buai nasa em em bawk. Ka nuna thil thleng hi amak lutuka, thawnthu a thleng nimai zawk awm tak a ni. 

Joshua-an Min kuah a,Nathan-a pawh a khum ah tui tak-in a Muhil ve bawk,"khawiah mah nangmahni i kalchhuak tawn dawn lo"ka sama chul hauh hauh pahin a ti a,

“Um,ka kal tawh lovang” ka ti ve a. 

“ka mangan zia kha i hrethiam phak lo ang,i awmloh chhung khan ka muhil lo reng reng,Police ten Ramhnuai in fal deuh ah Hmeichhe pakhat au ri an hria tih min rawn hrilh khan i nih theih nan ka tawngtai a,kan rawn hmuh che khan engmah i hre tawh lo. Sawi fo pawh hi ka duh tawh lo” a ti leh a. A thinrim tha leh tih ka hria. 

“Tunwh chuan i bulah ka awm tawh alawm” ka ti sap,ka mangan zia ka ngaihtuah a,ka mittui a rawn tla a,a awm ah chuan ka mittui a far a,a huh hlap bawk mai.

Nghet zet in min kuah bet a,"Mona..Ka Hmangaih che"

Min rawn fawp ta vang vang.

"i kut tin hi tan a ngai chiang mai,hliam ka tuar leh nual tawh ania" nui huk chng hian a ti a, thawmhnaw engmah kan inbel lo,"A pilh leh tawh law” nui chungin ka ti a. “ka hnung hi a pilh phung in ka hria" tih pah chuan awmah a hmai a rawn phum a.

“Enteh,Rosy hi i theihnghilh thei tak tak ang maw?" ka ti sap. " I sawi a ka hrechhuak leh chiah" atih chuan ka  nui a,"em em a che,i over lutuk" ka ti let a,"ania lawm mawle,i bo khan a ma tih a maw ka tia,an In ah ka va zawng a,alo ni lo hlauh,lo nise chuan ka that khawp ang"a ti hmuk.  

“I  awmna In bulah khan sachang an lo kal remchang hlauh mai, i au ri an hria kha vanneihthlak tak a ni. A hnu-ah khalai ram neitu kha ka va zawt fiah vek a,engmah anlo hre miah lo. Kan hmuh lai che khan Kawgkhar kha pawn lamah khan Tala nilo in alo in Lock tawp a,a Neitu te chuan an kalsan dawn laiin an Kalh ngei tih an sawi a,mak anla ti emem zui bawk a" atih zawm leh a,mak ka ti keipawn..

Nathan-a tap ri ah chuan kan tho rual thawt a,ka tho tur min man bet a,"tho duh suh,keiman kan ti ange" a ti thuai,  thawh pah-in min fawp zauh a. Kekawr bul hmanhmawh taka ha sawk sawkin a fapa mutna lam a pana. Nathan-a abuaipui lai chu hmuhnawm ti zet hian ka thlir reng.

JOSHUA - 19

Ka Phone ka bana,Nathan-a lo tap ve sek in min tibuai bawk nen,"Hello.." ka tih chuan ka zaidam fahran lo,"eheu...kan va thinrim ve aw,min va ngai lo ve" a rawn ti a,ka la thinrim deuh tho.."enge?" ka ti leh hlar a,a nui ri ka hre thei a.

"i insiam zo tawh em?,ka lo haw dawn chiah a" a rawn ti a,"aih,engmah ka la insiam lo,enteh..Nathan-a hi a tap reng bawk si,ka insiam theilo...."ka tih laiin “ok..ok...inher lawk teh.." a rawn ti a, Kawngkhar lam ka va hawi chuan Nui chung hian alo ding a,ka titau sawk sawk kha min lo en reng chu niin,a hmelah chuan nuihza lutuk insum tih a hriat reng bawk. Buai nen ani lo nui chu thinrim tha lehin Phone Khumah ka vawmthla hmak. 

Nathan-a lah chu a pa ahmuh veleh hre ve niawm tak hian ala bang hmak zui.

Ka kawngah min rawn kuah a,keiin Nathan-a ka pawm bawk si min hmu tu tan a nuihzatthlak ngawt ang,"i thinrim lai khan i sexy tawp mawle"atih chuan chhan pawh ka chhang peih lo.

"Nathan-a hi ilo pawm lawk thei em?,kan insiam lawk ang" min kuaha atanga talchhuakin ka ti a,a ban ve mai bawk. 

BathRoom ah tlan lutin ka hmai ka phih sawk sawk a,Fa neih hi hlimawm mah se thil buaithlak a ni,midang kutah dah chang nei mah ila ka rilru a nuam thin lo. Nauawmtu tur nei reng mah ila atam zawkah keiman buaipui ka duh a. Inbual pawn thlamuang in ka inbual thei lo. vanneihthlak tak in nau tah belh a ni lo hlauh zawk a,mi te hian chhang zing deuh deuh in an nei mawlh mawlh a,an va han fel tak,kei ve hian 1 pawh ka chauh pui der chu a ni sia.

"inchei vak duh suh, chuan vawiin kha kal lo ila pawi iti em?" a rawn tih chuan ka Thawmhnaw ka keu kual lai ka tawp hmak a,"ka va hrethiam lo,ngatinge?" ka ti let ha,"ka peih lo lutuk a,dik tak chuan In ah kan chhungkua hian zuk kal mai mai ila ka chak zawk daih" ati leh a,Nathan-a  tih mut tum hian a awi durh durh a.

"atha ngawt ang,i buai thei sia,ka lo sawi ngam chiahlo a,mahse,Ka nu hruai ila,kan awm loh chuan a khua a har ang" ka ti a,a lu a thing thuai,"aih,a ngai lo,kan 3 in..Ka nu chu ka hrilh a,a kal peih lo a,mahse,zankhat chauh kal ru ati a" nui suk chungin a ti a. Nathan-a awm loh chuan inchhung a reh vek ati thin a,kei lah au kual chul chi ka lo ni bawk nen,ka che vel hi Joshua hian nui chung in min thlir tawp thin.

Eirawng ka bawl laiin Joshua leh Nathan-a an in awm a,,an kalna apiangah Hunter-an a a zui kual zel bawk.Kan kal reng theilo a,mahse,kartin Tifai tur kan tir ziah thin thung. Kan kal pah in eitur kan lei thla,kan ei khawp lek bak lei chi a ni lo. ,Tukverh atangin ka thlir a,an Pafa aia hmuhnawm engmah ka hre lo,an in ang em em zui bawk.

"Lo lut tawh ula,in hritlang ang" tiin ka va au a,an rawn lut tur chu Hunter-a chuan a rawn zui a,an rawn luh hnuah thli thaw in Joshua sam achhem thur deuh chu ka chul mam  sak a,"thli a thawt chuan lo lut vat ta che u,Naupang ang mai " ka ti hlak hlaka, “ nuam ka tih deuh i hria em?" ati a, ka lu ka thing a.

“ka hriat reng pawh hi ka tisual lui thin,min hau a min siam thatsak thin hi nuam ka ti “ ati a,a nui var var bawk. Ka kuai kun a,Nathan-a awm ve reng mah se ka  fawp ta tho.

Nathan-a mut hilh veleh min kuah a,kum tam tak mudun tawh lo ang mai hian a hmanhmawh a,keipawh ka bang bik lo,kum khat kan innei tep tawh a,chutichung chuan kan inhip tawnna hi ala ngai reng,min khawih hian ka danglam awlsam em em  a,tun ah pawh ala ni reng.

"Nathan-a hian Nau anei hma lutuk ang tih ka hlau" ka tih chuan a nui a,"pawi hleinem,kei chu fa ram deuh ka duh" ati ve thung a,a awmah ka khabe ka nghat a,a hmel pa tak mai chu ka thlir a,"Nu ini velo a i hrelo anih kha,Pakhat pawh hi a buaithlak lutuk"ka ti hlak. "ka hrethiam alawm,mahse,ka pui thei tho che a" ala ti talh a,"hmm...i pai ve chuang hleinem,pai lai a thil ei theih loh te hi a hrehawm lutuk ania aw" tih pahin ka let sawn a,min rawn man bet leh a,"nih leh ka pai ve thung mai dawn mi?" a tih chuan ka nuihza lutuk chu ka insum theilo...ani pawh chu a nui a,Nathan-a tih harh kan hlau si,kan nui ring ngam lo.

Verandah ah Ka nu leh Naute nen kan thut laiin Joshua Car Kawtah chak deuh in a rawn tlan lut a,hmanhmawh taka lo chhuak in,"an man tawh," a rawn ti  a,a sawi kan hre thiam vek. “Tu nge?" kan ti rual thawt mai. "Rosy alo ni tak tak" a tih chuan mak ka ti lutuk,min haw em em mah ae  khatiang kha ka chungah a tih duh ka ring lo.

“An Dawr ah khan Drugs chi khat an man teuh a,nizan khan Police in va lak an tum,alo tlan bo a,mahse,a Driver Vijay kha an man hman a,khapa an dawp nalam ah khan an hre chhuak anih chu..." a ti mawlh mawlha, a sawi tawp lam ka hre mumal tawh lo,amah chu ka en a,ala tawng mawlh mawlh a,athusawi erawh ka ngaithla lo..ka Mipa Hmangaih em em hmel chu ka thlir reng ringawt. 

"hrehawm i ti em?,Rosy kha ilo hmangaih tawh thin sia" mut naah ma  ti sap a,"Hrehawm ti tehreng e. A chhan chu ka nuna ani ka lo la lut hi pawi ka ti.. mahse hmangaih hleinem,tisa in it tawnna mai bak a awm lo,ka hmuh hnu che khan ka duh che tih ka hria a,mahse,thup ka tum a,diktak chuan kan hnuaia thawk ngaihzawn kha ka duh lo. Sex kan hman hmasak ber atang khan ka thlah thei dawn lo che tih ka hrechiang a,mahse,nanglah hian i duh duh min ngaihtuah tir ziah a,a hnu ah Pasal nei tawh nuthlawi i ni tih ka hre leh a,I Pasal i duh zia i sawi ngei ka hre bawk a,kalsan che ka tum a. Ka thei dawn ni pawhin ks inhre hman. Mahse Rai puar chung a ka hmuh leh che khan kan mutdun hun ka hrechianga,kal tir leh che ka tum tawh lo" ati ta duah..

"dik tak chuan maw kan in ngaizawng hran bawk silo a,nau ka pai kha a hrehawm em a ni" ka ti ve ta nge nge a..

Amah en turin min kuai dak a,"Kan inngaizawng lo emaw i ti mai mai anih kha, ka ngaizawng che alawm. Tawngkam thlum deuha chhai hmasak che kha ka thiam lo. Anihna takah chuan atir phat atang khan ka hmangaih che..i kiangah hian ka nun hi a famkim,chuan Fa tam tak min neih sak la,ka dam hun chhung chu hlim takin nun hmang dun ang” ati  leh a.  “Ka hmangaih che” ka ti ve bawk.

Ka awm chhung a rawn zen veleh a kut ka manbeh saka.

"Naute chu i pai ve dawn tak tak em ni?" Nui chungin ka ti a...za tak hian a nui  hawk hawk mai.

A tawp ta.