BLACK HORSE

BLACK HORSE

BLACK HORSE - 1

Kawngkhar inhawng sa chu ka en a, ka nui sak ringawt.Ka pasal hian In lamah Office a nei tho a,vawitam ka lut tawh,In a a awm chuan a hun tam zawk hetah hian a hmang ti ila ka sawi sual kher lo ang,keipawn hun ka hmang hnem ve viau tho bawk.Engdang vangmah ni lo in ka Pasal duhtak in a hun tam zawk a hmanna hmun anih avangin keipawh ka lut reng reng a,hna a thawh laiin pui thei lo mahila Lehkhabu dahna chhuar lian zet a Lehkhabu chi hrang hrang inrem tlar tuar mai zing a mi Ka duh duh chu ka lo chhiar zawk thin a.A chang chuan ka muthilh zui tak hial tum a awm bawk.

Ka nem hawng a, mahse, a ruak hiau,Hetah hian a awm tih ka hrechiang a, Toiletah a kal lawk animaithei..

“Ka sawi nawn tawh lo ang,tunah khan that rawh” tawngri lo chhuahna lam hawiin ka inher nghal zawk bawk.

Tukverh nawrtawlh theih a siam chu a inhawng vek a, min hnungchhawn zawngin Balconyah chuan Mipa sang leh pian nalh zet a ding a, a kekawr ipte a zen tut a,a kut lehlamin a beng bulah Phone a keng a, tawnglo in a ngaithla vung vung bawk.Tu nge anih hre turin a hmel hmuh ka mamawh lo,Ka pasal,Kum hnih lai ka chenpui tawh Simon Malsawmzuala ani tih ka hai lo.Mahse...tu nge that tura a tih kha??!!!

“Aih, eng chhuanlam mah ka duh lo,that rawh”Zawi fiah zet hian a ti leh hmuk a, ka hriat hmasak zawk khan ka hresual emaw ka ti a, a sawi nawn leh takah chuan ka hresual lo tawp tih a chiang.A Phone a la sawn a, a kekawr ipte ah a thun zui daih bawk.

Tu chungchang nge an sawi tak ang? Ka pasal hi ka hrechiang, Mipa luhlul leh tihmawh em em nimahse midang thah duhna khawp thinlung sual a pu lo tih ka hria.A tawngtam lo a, a thinchhe bawk, a tawng chhuah chhun pawh a nem hran hauh lo,Hetiang mizia neitu pawh  nise midang that tur khawpin a rilru a chhia tihna ani chuang lo.

Dawhkan lian zet awm chu ka ban a,ka tum loh lutukin Paper Clip dahna bawm Plastic a siam awm chu ka ti tla palh a, chhuat phah Tile chang zetah chuan a tla ri bawl a,a chhin a lo nghet lo ani ngei ang, a baw chhuak vek bawk,Simon-a ka en vat a, thawm hriaiin a rawn inher nghal vut bawk.A hmelpa leh chang zetah chuan nidang a ka la hmuh ngai loh thinrimna niawm tak ka hmu thei bawk.Chhar tumin ka thu hniam nghal a, a thusawi ka hria tih a hriat ka duh lo bur,ka awmdanah khan a tawng ngaihthlak tum ka ang tlat.A hna chungchang engmah ka sawi ve a duh lo tih lah ka hriatsa a ni bawk.Ka pasal anih hmain kum khat aia tam hret  ka hre tawh bawk a, ka hrechiang ve thawkhat chuan ka hria.

“Hon...eng nge i tih tlak a?” ka bul mai atangin a rawn ti a, ka thil tih tlak lah chu a baw nuaih bawk nen ka chhar khawm leh rih a.

“Paper clip hi,i chhin nghet lo lutuk a” pangngai tak hian ka ti a, a rawn thu hniam ve nghal a, min rawn chhar pui a.

“Um,anih hi..i lo luh lai pawh ka hre hleinem” bung deuh hian a ti nghut a,ka nui lui sak thung.

“Rawn barakhaih che ka tum a,thawm dim tawkin ka rawn pan che a, ka vai fuh palh leh si anih hi” ka rilru a lo lang hmasa ber ka sawi ta zawk, ka beisei aiin ka sawi mar tha phian bawk.

“Ha....Naupangchhia thei lutuk,Pasal nei i nih tawh hi aw” a nui huk a.Min fiam dan fo a ni a, huatah ka la lem lo.

“A ho e,Pasal nei tawh pawh hian a chang chuan uang deuh hlek a khawsak te kan chak ve animai a” ka dingchhuak zui nghal a, ani pawh a rawn ding mar ve a.Kan inlenhleih bawk nen ka melh chho ha mai.Mahse, nidang ka ang thei lo.A thusawi khan min kam tlat a,ka hriatthiam chiah si loh hlauhna hian min tuam tlat a ni ber.

“Um,a dik reng,he nui hmel hi..ka ta chauh ani a,a ni reng bawk ang..” ka khabe ah a rawn dawm a,rawn kun hniamin a hmui chhah lam lek lek fawh nuam zet chuan ka hmui a rawn bawhthuah nghal chat bawk,a kut lehlamin ka kawngah a kuah a, kei pawn a nghawngah ka kuah let ve a, ka dingdihlip ak ak bawk.

Ka inlahrang ta nge nge, vawitamtak he roomah hian Hmangaihna kan lo chen dun tawh a, Cough ah mai ni lo in a chang chuan chhuatah pawh...tun tumah hi chuan kalna tur kan nei a, chutiang a thlen loh nan ka inven rih angai..

‘I hman chuan kal ka duh tawh a “ a kawrkilh ka khawih pah a, ka samah a rawn fawp leh zauh a,a rum hak bawk.

“Hman e,mahse...thildang ka duh in ka hria...” ka mawngtamah a tham a, eng nge a duh sawi ngai lo in ka hria..mahse, tunah chuan kan kalna turah kan tlai ka hlau rih zawk.

“Aih, hei chu hundang ala tam, mahse, vawiin chiah hi Sangpuii tan Pasal neihni a nimaithei..a neih nawn ka ring lo ve ngawt a,khawiahmah tlai i phal ngai loh kha...” nui chungin a kut ka laksawn sak a, lungawi vak lo hian a phun hluk a, eng nge a sawi ka hre lo.

“Nang tereuh hi...i duh duh hian min hnuk kual lo teh...” ka nui hak hak ringawt.Tukverh inhawng lam chu ka pan a, ka khar fel a..diktak chuan keipawn a duh kha ka duh ve tho,kum hnih zet kan innei tawh chung hian ka la hne thei lo..Nupa nun hi Sex vang hian a hlawhtling thei a, a hlawhtling lo thei bawk ngei ang..mahse, Nupa nih nan Sex a pawimawh ber ka ti chuang hauh lo.

Inneihna hmun kan thlen chuan mi an lo tam tawh viau, Motor dahna tur kan zawng kual leh rih a, Ka naupanlai atanga ka thian a ni a,School khatah kan kal dun bawk.Kan eizawnna kawng kan thlan erawh a hrang hlak.College lian leh lar ve thawkhat takah ka thawk a.Ani erawh chu Doctor ani thung.Kan vanneih vang nge ka hre lo.Sawkar lamin min la nghet ve ve tawh bawk.Kan inneihin ka best ah ka hmang a, ani pawh hian hian min hman ve a tum nasa ngiang mai.Mahse, Simon-a Nu damlohna avangin ka pha ta zawk.Lungawi vak lo mahse Damlohna thil ani miau a, tihngaihna dang a awm lo.

“Hey...ka beisei aiin in rawn hma..” Sangpuii u Mipa in a lo ti thuai a.An unau hi Mipa pahnih leh hmeichhia pakhat anni a, an vaiin an puitling em em vek.Ka nuta te 3 nen an inkawm vek bawk.Kan In a inhnaih bawk a kan inpawh viau mai.

“Nia, In lamah rawn kal kual hmasak kan tum zet a, kan thulh leh ta mai” ka ti let ve thuai a,Simon -a nu Damlohna avangin kan hnenah a rawn awm rih a..Ka duh ang pawn Sangpuii ka buaipui hman meuh lo,kan hnenah reilote chhung atan a rawn khawsa ve a ni a,Ka pasal nu mahnise ka ngaina a a lungawilohna engmah siamsak ka duh lo.

“Angai hleinem,Biakin lam pawh a awl rei chuan a zahthlak mai mai..sawlam saw kan family thutna tur a tih deuh ania” tih pahin a kawk a..Simon-a ngawi deuh ngul chu ka en a,ka thil hriat thawi bawk kha ka rilruah a rawn lang lehnghal zat a...engthil nge tih ka zawh a tha in ka hre ta zawk.

Inneih inkhawm zawh veleh thlalakna hun an hmang leh a, kan thian hlui kan kim viau mai,ka beisei loh zetin Zasangi pawh a lo kal ve bawk, ani hi Sap pasalah neiin Londonah an khawsa a,fa an la nei lo thung.A then chu pasal fanau nei tawh te anni a, a then Kawppui ngaihtuah reng reng lo an awm bawk.Kan han inhmuhkhawm takah chuan kan ri le lu mai,Eizawnna a hrang a, mahni hmazawnah theuh kan buai a, inhmuhkhawm tak tak hun a awmthei tawh lo..

“Mate...sawlamah sawn ka va phei ve lawk ang” ka beng bulah zawi sup hian a rawn ti a. A thlekna lam ka en a, ka nu leh ka pa ka va hmu a.Biakinah khan ka hmu a,Inkhawm ban hnuah erawh kan thian ho kan han inhmukhawm leh rih a, ka lo ngaihsak leh tawh lo.

“Um, keipawh ka lo kal ang” ka ti a. Min chhang tawh lo in a pan phei zui chu a ni der.

“Hmingthan,inpa hi chu a va han nelawm loh tak..” ka bul hnai ber a ding Ruatdika chuan a ti boh a,a nui tho nangin a ti tak tak tih a hmelah a lang tho.

“Naaa..nel i tum lo anih ka ring zawk” nui chungin ka ti let ve a, a then Leh sak a..

“Maithei...a lian bawk si,min chum thal tawp mai ang tih ka hlau ani ber..” an vaiin an nui zui nghal hawk hawk bawk.

 Ka nui ve ringawt, a awmna lam ka va hawi a, Ka nu nen an ding dun a, an piah deuhah ka pa a awm bawk,Hmeltha a sawi tur ani lo.Mahse, a lian a, a pian a nalh zuih mai,ngo lam ai chuan hang lam a hnaih mah mah zawk a, a mit meng a lian a, a mithmul a tam a, a sam dum chhah zet nen chuan a inhmeh vel vek.Mahse, Ruatdika sawi kha a dikna lai a awm, a nui hmel hmuh tur a tam vak lo,a nui ngai lo tihna erawh a ni lo,kan pahnih a kan awm emaw kan chhungte, thiante nen pawh..tawng tam berah tang ngai lo mahse a awm chuan nuam kan ti vek.Tupawn a bulah thil sawise a tuipui loh zawng ani emaw ni lo emaw tha takin a ngaithla zo vek zel a,kan In a kan awmpui te leh kan Driver te pawh nise an mil tawkin a kawm thei vek.

Kum hnih liamta lamah ka let leh ta nge nge,Kan thawhpuinu Pa Boral tumin kan intawng a, ka Bialpa,tihtakzet a ka kawp awmchhun nen kan inthen atangin kum a liam tawh a, Mipa ngaihsak miah lo a nun hmangin ka duh duh ka ti aniber,mahse, kan inhmuh hmasak ber ni atangin kan inhip tawn chat aniber.Khawi atangin emaw ka number a lo nei a, tlang takin min duh tih min hrilh tawp,Mipa rin leh harsa ka tih avangin ka lo hnar thung,mahse, a beidawng miah lo.Keilahin ka mipa duhzawng anih zia ka hre tam tial tial a, ka hnar tih hre lo ang hmiahin kan In ah a lo kal a, tlai tin kan college bulah min lo nghak ziah bawk,Scooty ka nei a, mahse, ka accident avangin ka khalh leh ngam ta rih lo a, a rual a haw mai a lo rem bawk nen ka haw ve ta ziah.ka u phei chuan ‘Tlangval hman’ tiin a koh fiam phah hial.Mahse, ka beisei angin vawikhatmah min duh tih a sawi leh ta miah lo,thian nge kan nih a inngaizawng pawh ka hrethiam lo hial zawk.Thla thum tal tap nitin min bia a, ka bulah a awm ani ber,keipawn tlai tin a rual a haw pawh ngaiah ka nei tan tawh.Amahah ka innghat fel vek ani ber, mahse, a reh thut a, karkhat aia tam ka hmu lo ringawt..ka mangang a, khawiah nge a awm ang?,Hmeichhe dang a tawng ani angem?, nge a damlo zawk???

Zawhna hlirin ka khat vek,be hmasa turin ka ngam bawk si lo..a thianpa, kan Inah pawh a rawn hruai ve zauh zauh thin ka zawt ta nge nge..ani lah chuan a damloh thu leh amah be mai tur a min duh zawk thu min lo hrilh fel et.

Ka call ta chuang lo,nihnihlai ka nghak leh a, ka insum zo ta ngang lo,ka call a, mahse, a pick lo...vawithum lai ka call a, a pick lo vek,a na viau anih ka ring ta zawk.An inah vawikhat ka hna banin min hruai tawh a, Aizawl chhuahlam vengah, Tlang chung lamah ani a, an thenawm hnaiah In pali vel a awm ve bawk a, a lan dan maiah pawh an vai chuan an khawsa thei thawkhat ang tih a chiang.

An gate bulah ka ding ren rawn a, a Motor dahna ah a Car a awm a, a chhuak lo tih a chiang, Oh...engtin nge a chhuah ang?, a damlo tih min hrilh kha mawle a..Door Bell ka hmet a, a reh thiap mai,tumah chenpui a nei lo a, lang a kal nula pakhat leh Cook a nei a, Driver pakhat lang a kal bawk a nei a..Anu leh a naute 3 erawh Shillongah an In ah an awm vek tih ahma in ka hre tawh bawk.

“Hmingthan...”ka hming a min ko ri ka hriat rualin ka ding chawt a, rang fe hian ka hawilet nghal vat bawk.Kekawrbul leh T-shirt dum ha in ka hnung maiah a lo ding a, a nui suk bawk,a chawn sei thlurh mai chu hmul in a khuh dap a,nidang aiin a lang sang lehzual bawk.

“Let leh ka lo tum chiah a..” mawl hmel zet hian ka ti a, ka nuih chhan hre miah loin ka nui ngawt bawk.

“Lo lut phawt la,bakah thlah tho i ngaih hmel ka tia” a nui leh suk a, ka hawi let vat a,ka Taxi hman kha min lo nghak turin ka ti ta si lo...mawl ka inti hnuhnawh a awmzia a awmtawh der lo.

“Um...mahse, ka beisei aiin ka hmu tha che” a mithmul a ti sang zauh a, a ngaihna hre lo hmel a pu bawk,mahse, a reh leh nghal mai thung.

“Lo lut phawt la...” ati leh sup a..Ka tawi khawtlai deuh nangin ka zui ta nge nge.

Engkim a kal tluang ta purh, a lo damlo hauh lo,a thianpa khan min lo bum mai mai a ni tih a hnuah ka hre chhuak chauh bawk, kan awmdanah kan Induhtawn ve ve niin a hria a, mahse, kan luhlul a kan induhtawk dun lutuk a engtikah mah kan sawi chhuah a rin loh avangin a ma thu in hma ala mai zawk tih a hnuah amah ngeiin a sawi leh ta tho.

Hei hi a ni ka nun a mi Pawimawh ber lo ni ta Simon-a nen a kan intawn dan chu....

Ka nu hnenah ka hrilh hmasa ber a, ka nu nimahse Fanu mal ka ni a, ka tan chuan thian ani tel bawk,ka thuruk midangin hreve se ka tih zawng zawng chu ka nu hi ka hrilh thin a, Sangpuii pawh ka best ani tehmeuh mai, mahse, ka nu aiin ka ring lo zawk,ka thuruk sawichhuakin emaw ka tan thilpawi a ti ang tih lam a ni lo, ka nu ai a ka tan a tha hretu an awmlo tih ka hriatchian avang zawkin ka nu hnenah ka natna te ka hlimna te ka hrilh hnem zawk.

“Mipa fel leh rintlak tak ani ngei ang, mahse, hei aia hriatchian lehzual hi chu la tum la a va tha em” ati a, a sawi dik..Pasal nei rual ka ni tawh a, chutiang chiah chu Simon-a pawh ani bawk,tleirawl ang a inkawp mai mai rual kan ni tawh tlat lo.

An chhungkaw chanchin leh a eizawnna lam hriatchian tumin ka zawt ta ngei,A pa a boral tawh a, a nu leh a naute Shillongah an awm thu min hrilh leh a,  Dawr lian tak tak pathum lai a nei a, a dawr lah Aizawl a inti changkang ho chuan an dawr ber ani bawk.Shillong a dawr hawng lo a Aizawl lam daih ah a hawn na chhan ka zawt a.

“Aizawlah hian thawmhnaw tha kan buaipui nasa ber alawm,thawmhnaw changkang tak inbel avanga changkang emaw inti lah an tam em em bawk,tu te pawh ni se tu nge annih lam ka en lo,ka dawr a ka thil zawrh an lei anih chuan  a tawk mai.Pawisa khawi a mi nge an neih  ka ngaihtuah lo e,chuan,Mizo ka ni a, ka ramah ngei hian inbenbel ka duh a, ka thihna hmun tur atan pawh he ram ngei hi ka thlang bawk ” nui chungin a ti a. A sawi dik thawkhat viau ang.

“Thiannu, Simon-a hi i la serious ta riau in ka hria” nui chungin Sangpuii’n min ti a, engmah mumalin ka la hrilh lo,ka nui ringawt.

“Tlem chuan...tak takin ka serious ve ta deuh chu anih hi maw” ka ti ve mai.

“A tha lawm pasal nei rual i ni ve tawh tho a, a fel ang, mahse...” sawi zo lo in a ngawi leh daih..

“Eng nge mahse chu?” hrethiam lo fe hian ka ti a, ka melh kar bawk,a hmui a seh nauh nauh a, a hmel buai deuh nak chu ka hmuh hmaih hauh lo bawk.

“Aaaa, eng lem mah, a ngai leh lo mai..” ati leh a, za vak lo hian a nui lui sak bawk,ka ngaih a tha lo sauh thung.

“Sawi mai mai teh,ka rilru i ti nuam lo ania” ka ti a, hmeichhe dang kawp a lo nei anih vaih chuan eng ang takin nge ka nat ang ka hrethiam lo a ka ngaihtuah peih hek lo.

“Englo...ih...a chanchin an sawi hi i hre ve ngai em?” ka lu ka thing ringawt, tunhma in ka hre ngai lo,Aizawlah hian mi hausa tak tak an tam tawh lutuk, mi hlun leh zaithiam emaw footballer emaw mibik tak annih loh chuan a mimal tak a hriat nalh an har tawh.

“Shillong lam chhuak anni tih chu ka sawi ngai lo in i hria anga, mahse, hetiang a an hausak thutna hi a la rei miah lo a....” awmze nei lo zet hian a ban a vai a...

“Chuan...?” ka tum loh lam a sawi takah chuan ka thaw huai mai.

“Eng emaw eizawnna dik lo hmang a hausa niin an sawi asin..”

“Eng thil dik lo nge i sawi tum chiah?”

“Chu tak chu ka hre mai bik lo, mahse...dik lo erawh a awm”

“A dik lo ber sawitur an hriat si loh chuan a buaithlak anih chu...” ka ti nghat a, a ner nak thung.

“Nia, ni tho...mahse...” a ti leh talh..

“A sawitu te chu ka hre hauh lo,mahse, An tluk loh vangah ka ngai,mi hi kan hnuaiah an kun than chuan kan dinhmun aia sang an rawn ni tur hi kan tuar thiam lo fo thin zawk alawm” ka ti awlsam et, ka ngaihdan diktak a ni chiah bawk.

“Awi, chutiang pawh a ni lo.Ka Cousin Rinsanga te nen khan College an kal ho thin a, Rinsanga te Inluah a tawm thin a,class kal chungin hna a thawk bawk an ti asin,tunah kum tam pawh a vei hma in a lian ta thut a,rimtak a thawk a hausa tur chuan a tlem berah  kum sawm atanga sawmhnih chu angai hrim hrim” duhthawh zet hian Boruak a hip kawk kawk bawk.

Eng in nge tibuai ka hre hauh lo,engvangin nge Simon-a hausakna pawh chuan a tihbuai chiam ka hrethiam pha hek lo.A thawkrim a, malsawmna dawngtlakin a thawkah kei chuan ka ngai nghet hmak.

“Anih leh tuemaw talin a thil dik lo tih chu an man chhuak tawh em?”

“Aih...aaaa, ka hre lo..” ati bah nak mai,ka nui sak thung..A hriat ka ring lo sa hrim hrim zawk.Tu emaw hlawtlinna hi a hunkal tawh lo hretu tan chuan kut thawh hauh si lo a na tak a insawisakna hmanrua ani tih ka hrethiam a.Rinsanga te tan pawh an Inluah tawm tu,harsa ve tak a College kal thin kha an chungah a awm ta daih si a, na an tih zia sawi kher lo mahse,nuam an ti lo a, a hma ang khan hmusit leh viau in a hun kal tawh te sawi sawi mahse tunah chuan an tluk ta miau si lo a a beidawnthlak ve em bawk atin ni.

“Okhey...thiannu, min ngaituah tih ka hria..mahse, kei chu Simon-a hi a hausakna lam ka en hauh lo,amah anih ang ang hian ka duh a,a sum tel lo pawh hian ka tan chuan Mipa awmchhun a ni tlat...”dam thlapin ka ti a,a bu tak nangin a rilru a nuam chuang lo tih a hmel buai nakah chuan a lang thei tho mai.

Kan inneihna pawh hun a kal leh tawh,vawikhatmah rinhlelhna ka nei lo a rinhlelh turin a awm ngai hek lo.Kan inneih tirh te kha chuan Sangpuii thilsawi kha ka hrechhuak fo mai, a sumdawnna lam engmah ka sawi ve a duh lo tih min hrilh tum phei chuan Sangpuii sawi kha a dik anih ka ring thelh bawk,mahse, sumdawnna hi ka kalna lam a ni lo , ka hnaah ka tui a, Nilengin buai takin Naupang zingah ka khawsa a,a sumdawnna lam engmah hriatpui ka nei lo pawh pawi ka ti ta hauh lo.

“Kan kal mai dawn mi?, thil pawimawh a awm thut a” ka bulah a rawn ding a, ka ngaihtuahna ka lo kawm tui lutuk a min rawn pan tih pawh ka lo hre lo..

Chapter- 2

Nuam tih luat vangin a rum hawk mai, a mit a chhing tlat bawk,a taksa a nawmna nasa lutuk thlen tu chu tu nge anih a hria, mahse, ani hi ni lo in a suangtuahna ami zawk hian nawmna tak tak a pe thei zawk tih a hriat tlat avangin a meng duh lo.

Chunglam atangin  hmeichhia zawkin a zuk zawm leh a, a mawng lian leh khal zet chu hneh sawh zet hian a ti che kual vel a..a rum chhuak lo chauh bawk,zei hi zawng a zei chiang khawp.A bialpa tih lawmna tur anih phawt chuan engmah tih hreh a nei hek lo..hah hmel zet hian  a khabe chu a bialpa awmah  a ti si a, sawi ngai lo in a mipa zawk chuan a chet ve hun a ni tih a hria...A thu chhuak a, Khum atangin a pawm thla a, bangah a nawr bet a...a hnute nalh zet chu mipa in chet a lak zawngin  a che ve zel a,a Bialpa nghawngah a uai ti tih a tumah an thawm hre tur an awm lo bawk a a nuam tuar te that that pawh chu a mipa zawk chuan a khap duh lem lo...Nia, nuam a ti ang.

Hmeichhia sex a hmanpui tawh reng reng chuan nuam an tih zia an hrilh vek.Oh...Pakhat chauh lo chuan...Kha hmeichhia kha chuan hrilhna hun a nei ta lo, hrilh theihna tur lahin Sex a hmanpui hek lo.

“Engtikah nge keimah ka nih ang hian nuam ti takin Hmangaihna min chenpui ang?” a Mipa  chungah a bawk a,a khabe ruh a chul kual zai zai bawk.

“Tunah kan zawh chiah kha..” a hnarah a piai sak a.A ner nak thung,a hrechiang alawm, hmeichhia, a bialpa nun zawng zawng  tih chhiatsak tu, hmalam pen tura  khalh kal tu nilawi si kha..Chu hmeichhia lah chu  thian mai pawh ni lo in a Cousin ani miau a.A bialpa hmeichhe duh em em anih mai piahlamah a Bialpa in a huat em avangin a Cousin anih theihnghilhin a haw ve em em bawk,Mahse, chuti chung pawh chuan a Bialpa hian a la duh a, a ngaihtuah reng tih hre mahse a hnar thei chuang lo.

“A pawi lo e.Engtik ni ah emaw chuan Hmingthani i ngaihtuahna hi thai bo in keimah chiah min ngaihtuah turin ka la siam dawn khawp che.” A ti leh hap a, a darah a hmuiin a nawr ne ne a, a taksa thlawp zaihin a mu a,a kawngah a  kuah bet chial bawk.

A bialpa hian a  tleirawl chhuah hlim atangin a thian Hmeichhia duh em em a nei a, mahse, he Hmeichhia hian a  haider nge a hre lo tak tak a hre lo,thian ang bakin a en tlat lo,Sangpuii nen an pathumin an inkawm a, inhnaih tak tak an nih avangin an inpawh em em bawk.Mipa vangin a rilru a na a, a kehchhe vek lai a hmu a, khatah khan ani pawh a rukin a lo  kehchhe ve vek tho.Min rawn pan anga tiin beiseina nen a thlir a,a pan ngei bawk, mahse, Mipa a rin tawh loh zia chiah a hnenah a sawi, Fiamthu titak in  nei turin a ti a, ‘Uang reng lo teh’ tih zawng a hlawh chu animai.

A beidawng chuang lo,Sangpuii kha chuan a rilru puthmang a hre mahna le, mahse, a hrilh duh tlat lo.A zirna a zawh hnuah pawh amah hnaih taka awm a duh vangin Aizawlah ngei a awm a,Foreign Company lian zet a a hna hmuh pawh a hnar fithla hmak thei..mahse....a tlai ta tho...a hmeichhe duh em em nunah SIMON-A hi a rawn lang a,ngawireng a a lo nghah tang tang, a nunna ni hial a a lo ngaih chu a laksak ta zawk.Amah ngeiin a taksa pawh a khawih anga a duh zawng zawng ka pe ang ti a a lo suangtuahna te kha a thlawkbo zo ta vek.Eng nge he Ramhuaipa lakah hian a hmuh a hre nek lo.A hausa hle nangin ani aiin a hausa zawk hauh lo ang tih hi a rindan a ni tlat,a demawm lem lo,a pu atanga an chhungkaw sumdawnna liansa a chhawm a, Mizo zingah rau rau chuan a Pu hming hre lo an vang hle bawk ang, chuti chung chuan ani aiin a thlang ta tho si hi a hrethiam lo a, laksak niin a inhre tlat bawk.

Vawiin khan Sangpuii te inneihna ah an inhmu leh ta ngei, a Pasal a hlauh thu pawh fiamthu in a hrilh ngei bawk,a hlau hauh lo a, a haw hluah hluah zawk,a Pasal Simon-a lah mipa nelawm lo leh tihmawh zet, eng nge a ngaihtuah pawh hriat theih loh khawp a in control thei,tu te pawh kawm thiam vek ani lawi si.Engvang a hetiang taka rawn hausa ta nge anih hriat tumin a chhui nasa tawh,a chanchin a hriat theih chin zawng zawng chu a hre vek tawh bawk.Engmah hausakna rochun tur a nei miah lo zui.A pu Sipai pension a ni a, Mizoramah haw tawh lo in Shillongah a inbengbel a, fa pakhat chiah an nei a, chu chu Simon-a pa hi ani a, vanduaithlak takin Simon-a pi leh pu Motor Accident ah an boral a, Simon-a te te ber a pian hnu lawkah nak lawkna em em awm lo in A pa a boral ve leh bawk.

Mizoramah lo haw mai tur a Simon-a nu an tih pawn a duh tlat lo,A pasal thihna hmun a ni a, chumai bakah a fa te hmakhua tur a ngaituah vang a ni tel bawk.Hna chhe te a thawk a harsa takin a fa te pali a enkawl a, Simon-a bik phei hi chu a zirna tur hi High School a zawh hnu atangin amah leh amah a intum vek niin a chanchin chhui tur a a tih hian a hrilh  bawk.MBA a zo a, tuman hetiang tak a a hausak na hi an hre lo,a sumdawnna a tan atanga kum nga pawh a liam hmain Mizoram sumdawng hlawhtling zingah a hming a lang der tawh.Thilmak inphum ru a awm ang tih hi mi zawng zawng rindan a ni a, mahse, tuman chu thilmak chu eng nge anih an hre chuang lo,ani ngei pawh hian a la chhui chhuak zo chuang lo a,a ni telin a thang zawt zawt a ni ber.

Sangpuii hnenah a sumdawnna chungchang a midang ngaihdan a hrilh a, Hmingthani a lo hrilh leh ngei tih pawh a hria, mahse, eng nge a hriat hrep ni...a ngaipawimawh chuang der lo.Vawitamtak thian ho thil tih khawm leh sumdawnna chungchang ah emaw Simon-a a  hmu fo, an inbe ziah a,a Nupui thiantha tak anih angin thian angin a en ve mai bawk.

“Ruat, i Phone a ri ka tih chu..” a hmai bul chetah a Phone a lek kan sak a, a rilruah thil hlui ngawt a awm avangin a bulah midang an awm ve tih pawh a hre leh tawh lo.Nitin,zantin,a ngaihpawimawh ber la ni ta fo chu HMINGTHANI tho hi a la ni ta cheu.

“Sorry...ka chau deuh aniang” tih leh  Phone ban a rual a,  rawn call tu a en a,Zodinga...a kalna a hrilh miah lo..

“Hello..”

“Khawnge i awm daih a?” rui tih hriat zet hian a rawn ti lawng lawng a, Party na ah a la awm ani tih hriat zet hian Music a ri ring zet a hriat theih bawk.

“Ka duh duh na ah..” a nui lui hawk bawk.

“Hmela...sawi vat teh, i Bialnu bulah i awm tih ka hria ania”

“I hriat chuan a tha lawm, engatan nge min tih a?” a ti leh a, tawngkam tha tak hian an inbe khat khawp.Sangpuii Patea fapa a ni a, an inkawm ngeih viau tho.

“Ka Motor a nung duh miah lo.Tun ang hunah mechanic koh tur an awm der bawk si lo, min rawn lam ka ngai..” hahthlak hian..Hmeichhia aiin Zu a buaipui mah zawk, chuti chung chuan nghet tak a kawp erawh a nei ve tlat tho.

“Bawiha, midang an awm tawh lo mi?” a awmdanah  inkhalh chhuah leh a chak lo,bakah Hmingthani a ngaihtuahna vang ngawt pawh khan a Mood a off leh vek tawh.

“Aih, awm nang..ni lo,awm teuh,mahse, tumah hi ka hmelhriat pawh an ni lo a..” buh zet hian a rawn ti leh a, a lu a tuai ringawt.

Darkar chanve a liam leh meuh chuan Party na hmun a thleng fel der tawh,a Motor chhia pawh ngaihven chuang lo in thawveng zetin a lo tawng lawng lawng a, a nun hi a awhawm letling zawk phian ang,engmah han vei run pawh hi a nei lo.

“Kal teh ang, a tlai tawh em mai, naktuk zingah zin ka ngai ania” a banah a chelh a,a thleng tih pawh a hre lo a ni ngei ang, phawk fahran hian  a thianpa lam chu a melh chho hu ringawt.

“Hey..i va rang ve..a la hma lutuk, in ve phawt rawh..” ta deuh deuh hian..Dar 12 a hnai thuak tawh.Engmah sawi lo in a pawt a, thuawih tak chuan a zui ve mai bawk,Zanin chu a bialnu pawh hmuh tur a awm lo.

“Khawnge Hriati?” an tlan chhuah hnuah a ti a, a thle buk a  chhan tum hmel pawh a pu lo.

“Khawnge Remruati?” a ruih hmel aia tawngkam pangngai hian a ti leh lawi, pawnlam a hawi daih bawk.

Remruati nen hian an inzuina a rei ve ta, Hmingthani pasal neih hnuah a kawp ta chauh, ani hi chuan a duh tih a ti lang fo a, a thinlung a Hmingthani  a beisei tlat avangin a haider a, mahse, a beisei ber beisei tur a awm tak lo ah chuan a nun khawhar hnawh khah nan a hmang ta zawk,a fel a,  tihlungawi tumin a bei nasa bawk a kawp hrehawm tak a ni hran lo,mahse, amahah chauh a rinawm bur tihna ani lo a, tlang takin Hmingthani a duh tih a hrilh bawk.A pawisa hauh lo,a lo hre sa vek tawh tih a sawi awlsam et.Vawi engemaw zat sex an hmang dun tawh a, Hmingthani tan a a nun a lo uluk thin kha Pasal a neih tak hnuah khan a bo ve nghal vek,Hmeichhia a kawp apiang Mutpui loh a nei lo,mahse, tu pawh Sex hmanpui se a suangtuahna a a mutpui chu tu dang ni lo in Hmingthani tho...

Hei hi LALRUATDIKA  ani a, Hmingthani tan chuan naupanlai thian leh unaupa ang maia a en ani bawk, mahse, a lakah he Mipa sual leh chapo tak hian engthil nge a tum a hre hauh si lo..a lak atangin Simon-a hian a ruksak niin a hria a, mahse, a nihna takah chuan a Hmeichhe hmangaih ni a a hriat HMINGTHANI  hi engtik lai mahin a ta ani ngai hauh lo zawk.

SIMON...HMINGTHANI.

“Engthil nge a?,ka nu a tha lo deuh ami?”

“Aih, chulam chu ni lo e,hna lam zawk mawle, nge keimah in ka kal mai dawn mi?” a nui suk nangin nidang a ka hmuh ngai loh deuh bawk a hmelah thinrimna inthup a lang leh zawk a, a rei lo teh nangin ka hmu hman tho mai.

“Ngai lo,ka lo kal ang, bakah In ah pawh ka nu chauh a awm tho a, haw hma a tha” ka ti a, ka thiante ho hnenah haw hmanhmawh ka ngai tih ka hrilh a, Sangpuii ber pawh ka hmu hman ta lo,an vaiin Simon-a nu kan bulah damlohna vangin a lo awm tih an hre vek a ngaihloh lamah an ngai lo.

In kan thlen veleh a thawmhnaw a thlak sawk sawk a rei vak lo Office ah a lut leh zuai a, biak pawh ka be mumal hman lo,Hna chungchang anih avangin lo zawh buai loh law law a finthlak tih ka hai hek lo.

“In va lo haw hma leh si ve” ka nu in a lo ti thuai a,a nui var var bawk.

A nui hmel leh Simon-a nui hi a in ang takzet, Simon-a nau te pahnih hi hmeichhia ve ve anni a, an te ber erawh mipa ani thung,a chhang chiah hi Doctor ani a, Shillong a Private Hospitalah a thawk ve mek a,  a chhang chiah hi chu Interior designer ani thung.An te ber hi chuan a la zir mek a, eng nge a tum chiah ka hre lo, a mizia engkim Simon-a letling thawk ani thung.A tawng duh em em a, a hmeltha bawk nen lerh leh harh vang tak mai, lu zo veh vawh ani a, Simon-a ang lo takin ngo lam a hnaih zawk bawk.Min tlawh turin an lo kal fo a, reitak erawh an awm ngai lo, an seilenna hmun anih loh vang ani ngei ang, nuam an ti lem lo.

“Nia, Simon-a kha hna thilah buaina a nei a..”ka ti a, engmah mumal in ka ei hman ta lo bawk nen ka pum a ruak a, a ri raih raih mai.

“A va pawi thin tak, i thiannu ber anih vei nen,Sangpuii chu ka lakah a lungawi lo ngei ang” ati hap a, Simon-a hi chuan a nu hi a chhun lo ni hian ka hre thin, ka nu hi chu a zaidam em em a, a thinrim vawikhatmah ka la hmu lo a, a fa te tawngkam vin a a biak pawh ka la hre hek lo.

“Aaaa, chutiangin a ngai teuh lo,a ngaihtuah zawk che a..nakinah chawei turin kan la sawm thei ang chu” ka ti a, a rilru tihnawm nan mai a sawi ka ni lo,sawm ngei ngei ka duh.

“Um, in tihtur pawh a ni alawm...kei pawh hi engtik nge maw ka haw dawn ni?” a ti leh a.

“Nu, helamah hian awm ve vek ula ka ti, kan pahnih chauhin kan awm a, In hi a lian si, a khawhar thlak em mai”

“Ni e, awm ve mai hi ka duh rum rum thin,mahse, a remchang lo alawm,bakah i Pu kan awmpui bawk si..”

Nidawn tak,ka nu lam atanga kan chhungte pakhat, Pa upa tawh tak an hnenah a cheng ve a, engtia kan chhung nge ka hre lo,ka nu chhungte tih zawng ka hria, Nupui a nei lo a, chhungte dang ka nu bak a neih ka hre hek lo.

Khawthim hnuah pawh a lo la haw ta lo,eng buaina tak ni ang maw?,hna a thawk rim em em a,hna chungchang hi ka hriat duh lo teh mahse a then chu ka hria loh theih loh thil a awm avangin min hrilh kher lo pawn ka hriat a awm ve tho bawk.

Ka nu chaw ka ei tir a, kei erawh chuan Simon-a ka la nghak thung,awmpui pakhat kan nei a, lang a kal pakhat kan nei tel bawk,Driver pakhat kan nei bawk a,mahse, vawiin tak hi chu chhungkaw thil avangin a haw a, riah min dil a,ka phal sak mai,a fel em em a,engkim tihtur kan sawi apiang Driver hna ni lo pawh lungawi takin a ti vek zel a, a thil min dil hi chu engmah ka hnial ngai lo, Simon-a pawn a duhsak thawkhat.

Kut vawt zetin ka biang a rawn si a, ka mengchhuak zawk mai..Rang zet hian ka hawi chhuak a, Simon-a a lo ni a, ka Tv en ka lo muthilh san pek..

“Sorry..ka duh aiin ka tlai a..’ a kalsawn a, a Jacket hak a phelh nghal mawlh mawlh bawk.A sam hnawng deuh chap chu ka en a,

“A va sur nasa awm ve”

“Nia, a tam phian mai” a ti awlsam mai..

‘I ti fel thei em?” ka zawt ta nge nge..a kawr a phelh a.Bath Room kawngkhar bul a Bal bawmah a vawm lut a.

“Fel chiah lo,lo ngaihtuah duh suh” ka rin dan chiah.

Chaw kan ei fel meuh chuan dar 10 a pel tawh, kan ei hma lo tlangpui nangin tun ang hunah hi chuan kan ei ngai meuh lo.Ka hmai ka phih a, mu tur a khum ka pan chuan a lo muhil hman daih tawh.Engthil nge maw a tih ang ni??,a landanah hi chuan a chau hmel takzet.

Muhil mai thei lo in ka mu meng kar mai,vawiin chu kan inhriat hnuah a vawikhatnan Simon-a hi a danglam niin ka hre ta tlat.Thil eng ngemaw vei lianpui a nei niin ka hria a, eng nge anih ang tih erawh ka hrethiam lo.Tu nge that tur a a tih kha ni ang?

“Tho tawh la...” ka beng bulah a rawn ti sup a, peih lo zetin ka meng a, khua a lo eng uar tawh..Kei hi thawh ka hai chiang khawp,ka nu awm lo se chuan a zia deuh,mahse, a awm lai a ni a, a tho tlai ngai bawk si lo.

“Ngatinge min khaihthawh vat loh?” tih leh rang zetin ka thuchhuak a,a ri chawrh mai..ka chal a na nghal vang vang bawk.

“Engthil?” bung zet hian a ti nghut a, a Khabe a tuai nghal hauh hauh bawk.

“Tihpalh,i kal dawnah min kaihthawh tur che lawm” ka chal ka tuai a,ka rinloh zetin a nui suk ringawt, a sam hnawng chapah chuan a inbual zo vek tawh tih a lang reng bawk.

“Engmah hmanhmawh na tur a awm hleinem,vawiin chu holliday anih hi..” Khum atanga ka chhuk tur chu ka kawngah a rawn vuan a, ka tang ve tak nangin hneh zetin alamah min pawt let a,a mal sei thlurh chuan min khan bet nghal hmak bawk.

“Ka nu a tho daih tawh ang,min thlah teh..”

“Nia, tho daih tawh, mahse, Zingah khan a chhuak tawh lawm” ati awlsam leh mai,Phawk zet hian ka en a,khawiah nge a kal ka hre lo.

“Khawiah nge a kal dawn?”

“A thianhlui tlawh tur a nei a, ka va thlah tawh,chaw a ei nghal dawn bawk a...” ka kawr a rawn zen zui nghal zat bawk.

“Um, mahse, tu a thian nge ni ang le??”

“I hre lo ang,a School kal pui thin ania” a nui a, a kutzungtang sei thlurh chuan dimtein ka hnute hmur a tuai a,ka mur nghal ar ar mai.

“Vawiin Sangpuii te In lamah kan phei dawn em?” amah bawkin a ti leh a,a thil tih lai a chawl chuang hauh lo bawk.

“Aaaa, ka hre lo..mut nilen ka chak zawk..” ka ham zui leh bai bai a, ka mut nasat tehreng nen mut ka la kham chuang hauh lo.

“Kan mu nileng mai dawn nia..” ati sup a, a che thut a, a tawlh hniam a, a lei lum ham ham chuan ka hnute hmur a rawn liak zui nghal zat bawk.Ka inring hman lo, ka rak that mai..

Kum hnih lai kan innei tawh ,Hmangaihna kan chen dun zat pawh ka hre tawh hek lo,mahse, engtik hun pawh nise ka phur a, nuam ka tih ber tum pawh sawi tur bik ka hre hek lo.Ka thawhpui te zing a pasal nei tawh ten an Pasal te nen Sex vang a an inhmuh fuh loh fo thu an sawi thin te hian mak ka lo ti zawk hial thin.

“Lawk,tawp lawk teh..” ka aw a lawi vek..a rawn hawi chhuak a, a mit thiam raihah chuan a duh chiang takin a lang thei bawk.

“Eng nge?” ati sup a, a thil tih lai a tih zawm lehnghal a, ka rum hak bawk,mahse, zawh ngei ka duh tlat.Amah ka rinhlelh theihna chi hrim hrim engmah ka duh lo.

“Nimin khan i tawng ka hre hman a...” a samah ka tham a, ka insum hman lo, ka er ngawng ngawng mai.

“Engber kha?” tham tuak hian a ti a, a kut zungtangin ka hnute hmur a chep hrual a, nghet zetin a samah ka tham thung..

“I thil tih lai kha chawl phawt la...”

“Oh...a ho em mai...” a nui hawk tho.

“That rawh i tih kha...ka hrethiam lo,chhungrilah hian nuam lo tihna ka nei tlat a..tawp rih teh” ka tih zawm leh a.

Muangchangin a rawn hawi chhuak a, a thil tih lai a tawp hmak bawk.

“Chutiang ka sawi ka va hre lo ve” a hma lawk a tisa chakna a khat mimeng kha chu hla tak ani tawh, ka hmusual emaw ka ti hial tawh zawk.Ka chung atangin a let thla a, a kut a lukham a chunglam a melh zui daih bawk.

“Aih, i sawi alawm, vawihnih lai ania..” alam hawiin ka mu a,min rawn en a.

“Aw, ka hria e, ka pu zawhte mawle, a damlo a, a khawngaih a mahse, a dam chhuak zo tawh dawn si lo a,a enkawltu Doctor khan tihhlum phalna min rawn dil anih kha..’ a nui suk a,ka sam hnawk deuh chu ka bengah min rawn zeh sak a, mahse, mak takin nidanga ka hriat ngailoh ang bawk in ka awm leh tlat, hlauhna nge ka sawithiam lo..ka chhungrilah min man a, a nui hmel khan min rap niin ka hre ber.

“Um, anih chu...” abak engmah sawitur ka hre hlawl lo.

“Zawhte vang mai mai chuan i rilru ti hah lo teh,a ho em mai, chu ai chuan Naute lam hi...” min rawn hnaih leh a, a hma lawk kha chuan chakna khan min tuam a, tunah chuan eng tih chakna mah ka nei lo.Hei pawh hi hetiang a ka awm vawikhatna bawk.

Chawhnu lamah Simon-a inkhel turin a chhuak a, a chhuah hnu lawkah ka nu a lo haw ve thung, a kalna chanchin a sawi siam siam a, a hmelah nuam a ti tih a lang thei reng bawk.

‘U Hmingthan, i Phone a ri char char a” kan nula a rawn dak a, ka kekawr ipte ka zen thuai a, ka ak lo..hahthlak hian..ak ila chuan a ri ka hria ang chu..

“Khawnge ka dah pawh ka va hre lo..” ka nui a, a nui ve tho bawk.

“In Roomah niin ka hria,Step ka nawh laiin ka hria a..” ati leh a,nidawn tak..Siomon-a chhuah hnuah Roomah ka la let leh miah lo..

Khumah ka lo kal san chu niin,ka haihawt em em mai hi engtia tih reh chi nge pawh ka hre lo,min rawn call tu en tumin ka hmet dawn chiah a a rawn ri lehnghal a, Simon-a...

“Yess..”

“I va buai awm ve..” chang zet hian a rawn ti hluk a.

“Aih, buai lo e,Roomah hian ka kalsan pek a,eng nge ni ta?”

“Khawnge ka nu?” a hma ai chuan a nem ta deuh.

“Inhnuaiah, i be duh mi?”

“Duh lo..Ka pu a tha lo thut an ti a, ka rawn haw mek,lo hrilh duh suh” bung vut hian a ti leh a,engmah a damloh thu ka hre lawk si lo..

“Ok,ka lo hrilh lo ang,mahse...” ka sawi tum ka sawi hmain a off zui daih.

Darkar chanve velah Simon-a a lo thleng a, a hmel rum ul ah chuan a thinrim tih ka hre nghal mai,engvangin nge a thinrim erawh ka hre lo.

“Nu, ka be duh che..” min en lo in ka nu hnenah a ti a, ka nu hmel danglam zawk chu ka hmu hman tho.Eng thil nge maw an hriat nu fa ni??

“Dawrah kan kal lawk ang” inthiarfihlim a hun tih ka hria. An pahnih hnih in min chhang lo ve ve.

A tul aia rei hret ka awm lui a, engmah lei tur ka hre lo.Vur sen tui zet in an siam thin a, ka ei kual ta vel mai mai.Ka let leh chuan Ka nu amah in Kitchenah a lo awm a, Simon-a ka hmu lo thung.

“Nu, khawnge Simon-a?”

“A inbual anih ka ring..” a aw ah engmah danglamna a awm lo.

“Ka han chho lawk ang” ka ti a, ka inher a,Step ka rap tur chiah chu Ka nu in min koh avangin ka ding leh dat a, ka hawi let a,kut suih at in a ding a, hetiang hian ka la hmu ngai lo.

“I pu kha...” a tih lai mekin Stepah thawm a rawn awm a, ka nu pawn min en lo in ka hnunglam a en bawk.

“Hon,naktukah ka nu nen Shillong kan pan ang,Flight ticket ka en zo chiah a” Simon-a zawkin a rawn ti a,ka bu nghat ringawt.

“A tha lawm, ka pu eng nge a an a?”

“A zia deuh an ti a,ngaihtuah suh” enghelh lo hmel zet hian a ti sup a,a rawn chhuk a, ka nu lam ka en leh a, an nufa hian ka hriat ve tur a duh loh an nei niin ka hria.Mahse, a nupui ka ni a, chhungkaw thil chu engvangin nge ka lakah a zep kher a tulna ka hrethiam lo.

‘Ngaihtuah suh’ tih tawngkam hi nimin leh vawiin hian a hmang tam ta mah mah bawk.

Chapter – 3

Chaw kan ei chhungin kan tawng mang lo,kan boruak ipik churh mai chuan ka awm a ti nuam lo a, mahse, engvang nge anih ka hre hauh bawk si lo.Ka nu leh Simon-a awmdanah chuan thinrim inthup,sawi chhuak si lo an ang ber,Simon-a hian ka nu hi a chhun lo emaw ka lo ti thin kha ania, tunah chuan ka nu nen an in an zia ka ngaihtuah leh ta thung.

“Min lo mut san mai rawh, naktukah kan kal dawn thut avangin tih tur ka ngah riau a” ati sup a, a Laptop a keng a, ka chalah a rawn fawp zauh a, a chhuak zui nghal daih bawk.

Ka Phone nghawr dar darah ka harh a,ka lak hma in a tawp leh lawi.Tu nge min rawn call tu ka en a, Ruatdika..tun ang hunah eng nge min biak duh chhan ni ang??

“Hello...” rei pawh a ring hmain a rawn ti nghal a, ka naupan lai atanga  ka kawm tawh a ni a, ani leh Sangpuii nen kan pathum hian kan inkawm nasa hle bawk, mahse, an khawsa thei a, College erawh hmun dangah a kal ta thung.Engtiklai pawn ka mamawh chuan min hnial ngai lo.Mahse, Mipa a ni a, ka thuruk zawng zawng te erawh ka hrilh lem lo.

“Eng nge ni ta?”

“Eng ni lo e.Naktukah Simon-a te zin an tum ami?” engtin nge a lo hriat hman ka hre hauh lo.

“Um, ngatinge?”

“I kal ve dawn nge dawn lo?” eng chu a hria ni maw? Nimin leh vawiin hian mi zawng zawng hi an danglam ta vek nimai hian ka hria.

“Dawn lo e,eng nge min zawh i tum ber a? a tlai tawh em hi..” ka ti hlak a,kan innel  bawka ka thinrim leh ka lungawilohna pawh ka ti lang hreh lem lo.

“Naktukah Sangpuii te chawei turin ka sawm a, in nupa in rawn sawm ve che u ka tum mawle” ati tha ve mai..

“Aaa, ka hre lo, naktukah ka lo be leh ang che..Mangtha phawt..”

Sana ka en a, dar 12 a pel tawh, mahse, Simon-a a lo la mu lo cheu,ka tho ta nge nge, a Office ah a awm ngei ang tih ka hria.Muangchangin a Office ka pan thla a,Living Room leh kitchen lam a thim vek tawh a, a office erawh chiang takin a eng kalh thung.

Room kawngkhar in kau sa deuh atang chuan eng a rawn chhuak raih a, Dawr hi lian tak tak pathum kan nei a, mahse, zan thleng a buaipui ngai engmah a awm ka ring si lo, a chang chuan a sumdawnpui te nen an inhmukhawm a, Phai lam atangin a zawmpui vai ho an lo kal tum a awm bawk.Ka lut tur chiah chu tawngthawm ka hriat avangin ka ding chat mai.

“Ok, i hrilh chuan a that chu..” a ti sup a, mi tawng ngaihthlak ruk hi a mawi lo tih ka hria,mahse, zanin chu eng nge ka hriat ka hre lo, ka ngaithla chak tlat.Ka pasal ani a, tlangnel tak a lut mai tur ka ni,mahse, hna chungchang anih chuan ka tlangnel thei hauh si lo.Engmah ka ngaihven ve a ngai lo tih min hrilh chamchi a, hei vang te pawh hi a ni mahna le.

“Ka theih anga rangin ka lo haw ang” ati leh a,a Mangtha thawm ka hre zui nghal a,a chhan ka sawithiam si loh  ka chhungrilah hlauhthawnna a rawn lut leh a,tu nge a zin tur a hrilh chu ni ta ang?,kei a nupui ngei pawh mumal in min hrilh si lo.

Ka lut ang nge lut lo ang tih ka ngaihtuah a, a be zo tawh tho a lut ila thil pawi anih ka ring ta lo,ka nem hawng a,ka thawm a hriat veleh rang zet hian a rawn hawi chhuak vut a,mut chhuak hmel pawh a pu lo,a Laptop bulah Beer can a awm a,zu hi regular chuan a in lo, mahse, Beer hi chu tuisik ang vel hian angai niberin ka hre thin thung.

“I la muhil lo mi?” a laptop khup pahin a ti sup a, a rawn tho chhuak zui bawk.

“Muhil e, ka harh leh a, i lo la mu si lo a,ka rawn en che a” ka ti tha ve mai, tu nge a lo biak kha ka hre lo a zawh erawh ka tum chuang lo.Ka pasal nimahse tu pawh a biak apiang lo hriat ve zel tum kha thil atthlak a ni tih ka hre ve tlat.

“Ka zo chiah e, chho ila..” chhang lo in ka inher a, min rawn zui a,kawngka bul a Switch a hmeh rualin a thim nghal thiap mai..Ka kawngah a rawn kuah a,Stepah kan chho dun a,engmah kan sawi lo ve ve.

“In lo let har angem?” ka ti sep a,a darah ka lu ka nghat a.A lungphu chuan ka kut a nghawr dat dat in ka hre hial bawk.

“Ka hre lo le,a awmdan a zir aniang chu” ati sup a, a mut a chhuah hmel leh ta viau lawi.

“Lo kal ve thei ila tha tur ania”

“Um..mahse, ka nu nen kan kal chuan a tawk rih mai,ka nu dah pah a ni bawk a” ati leh charh a, ka ngawi ta hle hle,ka kal ve duh lo te chu ka kal malek anga nimai.

Kan inneih tirh atangin tih takzetin kan inhauh ka la hre miah lo,inhnial satliah hi chu kan nei zauh zauh,mahse kan inhnial anih pawhin kan thinrim rei ngai lo,tun tum erawh hi chu ka chhungrilah lungawilohna in ka khat ti ila a dik ber ang.

“I muhil em?” ati leh sup a,ka muhilah ngai se ka duh avangin ka che lo a, ka chhang hek lo.Min rawn kuah a, ka samah a fawp zauh a, ani pawh a che zui ta bik lo.

Engtin nge Ruatdika khan a zin dawn tih a rawn hriat daih theih ni?,keipawh khan kan chawei hma khan ka hre ve chauh ania, a chhuak leh bawk si lo,ka thianpa ani a, ka thian anih ang ngei hian Simon-a nen pawh a inpawh tha hle tho, a chang chuan ka tel lo pawn an inhmu fo,mahse, a tihtur engkim hre tur khawp chuan Simon-a nen hian an inkawm ngeih hauh lo tih ka chiang,kan inhriat tirh atang a tun thleng hian Simon-a thian tak tak chu pakhat chiah ka hria.A sumdawnna lam a a thian te hi chu ka hre deuh vek a.Nel pawh ka nel viau vek,thian a ngaina lo a, amah chauh in rei tak tak Office ah a inkhung thin a,a chang chuan Aizawla a dawr ni lo hi hmun dangah ka hriatpui si loh sumdawnna a nei ni hian ka hre thin,kan inneih hma khan Sangpuii khan min hrilh thawi zauh tawh a, mahse, eng nge dik lo ber chu a hre lo a, keipawn ka hre hek lo.

Dim zet a chevel thawmah ka harh a, khua a lo eng tawh,ka inlet a, ka rin ang ngeiin Simon-a a lo tho leh daih tawh, ka thawh khalh ngai mang lo chu a ni e.

“Khawnge i kal dawn?” ka puansin theh hlim pahin ka ti a, min rawn en zawk a.

“Vawiin kan chhuah hmain tih fel tur ka nei a, Emily a lo kal dawn a” ati a,ka mitthla ah Emily a lo lang a, Simon-a Dawr thar ber a Sales manager ani a,nula nalh leh inkhaithli tharh mai,lu zo veh vawh leh hna thiam zet ani bawk.

“Um..” ka ti ringawt,Hmeichhe dang kawp tur hian ka ring chhin ngai lo.

A rawn kal hnai a khumah a rawn thu a, min en ngur bawk.

“Sorry aw..” a ti sup a, a ngaihna hre lo zet in ka en ha thung.

“Engvang chuan?”

“Nimin khan chhungkaw thil a inrawlh lo tur a ti che ka ang em a, mahse, chutiang lam a ni lo ania, ka nupui i ni a, ka chhungkaw neihchhun ah hian nang hi ka tan chuan i hlu ber tih i hriat kha..” min rawn ban thut a, amah si chetin min pawt bet a,a awmdan tehthut chuan min ti hamhaih letling a, engtia han chhan let tur nge pawh ka hre lo.

“Engemaw tal sawi la” ati leh sup a, a Perfume rim pa zet,amah nen a inhmeh ka tih em em thin chuan ka hnar a rawn verh a, he Perfume hi chu amah ka hrittirh atangin ka hriatchhuah kumkhua na tur a ni tih ka hre daih tawh.

“Ka ngai ngawt ang che” a dang sawi tur ka hre lo, kan inneih kum hnih chhung hian vawi engemaw zat min zin san tawh,thil thar a ni lo, mahse, a zin apiangin ka muhil tha thei lo thin a, a lo haw hun ka nghakhlel em em ziah bawk.

“Kei pawh,lo haw leh vat ka tum dawn alawm” min kuai dak a, a hmelah chuan a thiltum ka hria, ka mit ka chhing a, a hmui lum ham ham chuan ka hmui a rawn si a, ka chhang mai lo, ngen ngawl zet hian ka hmui hnuailam a rawn pet a, ka chhang ta nge nge,a rum hawk mai,min nem mu a, rei tak in kiss tawh lo ang mai hian a duhthawh em em bawk.

“Nizan khan i muhil daih a..” ati sup a, chhang lo in a hnute hmur tereuhte chu ka hmet niap niap a,diktak chuan ka muhil hauh si lo.

“I zin dawn sia, muthilh vat kha a tha lawm” a nui nghawr dat mai.

“Ka zin dawn vang takin alawm i muhil daih kha pawi ka tih,mahse, tunah kan ti ta tho a, a tha vek e,zin chhung a daih ang chu..”a nui leh hawk a, min chhaih dan fo a ni a, a zin dawn apiang hian hetiang fiamthu hi chu ka hre ngei ngei.

“Um,Shillong lam Nula khawhar deuh pawh an lo awm maithei a..” ka kut a man bet a,

“I kut tereuhte hi a vah kual reng chuan a bul atangin kan tan that leh angai ang”ati sup a, ka kut a man beh chu hnuailamah a nawr thla a, a mipatna rawn tho leh tan mek chungah chuan a nghat a, ka nui tawp chat mai.

Vanneihthlak nge vanduaithlak zawk pawh ka hre lo, kan tan leh hmain kawngkhar an rawn kik ta hlauh.

“Tho duh suh, Emily a lo thleng tawh anih ka ring ‘tih pahin a tho a, a taksa ruak vek chu a zahpui lo tih hriat zet hian a tho a,nia, a zahpui lo ang, a nupui ka ni miau a, chumai bakah a pian a la nalh em em zui bawk.

Khum sir a a Robe awm chu a ha a, kawngkhar lam a pan a, a chevel chu hmuhnawm ti zetin ka lo thlir vang vang thung, ka Hmangaih hluah hluah, mahse, fa kan la nei lo hi a chang chuan hrehawm ka ti thin,kan in entir ngun tawh a, kan tha ve ve bawk si.

“U Simon,an hmu duh che a” kan nula in a tih ri ka hrethei a, a ring dik khawp e ka lo ti rilru a.

“Ok, min lo nghak rawh se, ka rei lo ang” a khar zui lehnghal.

“I inbual phawt dawn lo mi?” kan chet dunna avang khan inbual loh ngawt chi niin ka hre lo.

“Um, ka intleuh zuai ang, tho la..”a mit de sawr sawr chu ka en a, ka tho hman thelh,mahse, ka thulh leh ta zawk, amah hmu duhin an nghak mek a, kan inbual dun anih chuan thil thleng tur ka hria,amah in inbual se a tha zawk.

“Aih, inbual la, ka la mu lawk dawn..” ka inkhuh a, a nui hawk hawk ri chuan ka chhungril a fan raih raih mai.

A inbual zawh veleh thawmhnaw ka dah chhuahsak chu a ha sawk sawk a, Khum ka lo ti fel chu ka samah a rawn fawp zauh a, engmah sawi lo in a chhuak zui nghal a, ka thil tih lai ka chawl a, Banga kan inneih thlalak intar chu ka en vang vang a,Nupa kan ni a, chu pawh kum hnih lai,mahse, kan pahnih hian vawikhatmah kan inhmangaih tih kan la sawi lo ve ve.Ka hmangaih tih hi hrilh kher ngai pawn ka hre lo, ka awmdanah a lang chiang tawk em em a, inhmangaih lo ila Nupa ah pawh kan insiam lo ang tih hi ka ngaihdan a ni a, Simon-a pawh hian vawikhatmah min la hrilh lo mahse min ‘Hmangaih’  tih hi ka ringhlel ngai lo.

Ka inbual a, Inhnuai ka thlen thlak chuan ka nu leh kan nula Kitchen lamah an lo inbe lawng lawng tawh,Simon-a te unau hi an tho tlai ngai lo reng reng, ka nu hian an naupan lai atangin a ti thang hle anih ka ring nghet thlap,a naute ho pawh an lo zin tum pawn an mu rei ngai lo, ka thawh khalh hman hlawm lo.In chhung a awm mai mai pawh nise thawmhnaw ho lam lutuk an inbel ngai hek lo.Puitling vek tawh anni chung hian ka nu in tih tur a hrilh hi an hnial awm pawh ka la hre hek lo, kan in chenchilh loh vangin ka hre tam lo zawk hial maithei.Hmeithai fa anni tih hi eng kawngah mah a lang ngai lo,an rilru a zau em em a, midang chanchin chhe zawng an sawi pawh ka hre ngai lo.

“Nu, i insiam tawh mi?” ka ti a, an pahnihin bai siam dan an lo inhrilh a,ka lut thawm pawh an hre lo.

“Aw, siam tawh e,enteh, ka lo let leh tawh rih dawn si lo a, i bai duh deuh kha siam dan ka lo hrilh a” a nui a,a Mo ang hian min en lo, a fanu te zinga pakhat angin min en zawk.

“Engang pawn zir mahila i siam a tluk thei ngai dawn lo alawm,kal ve thei ila ka ti em mai..”ka ti halh a, kan nulain Thingpui min rawn pe thuai a, thingpui hi ka ngaina lem lo, mahse, Zingah hi chuan ka in ve ziah thung.

“Nia, lo kal ve la ka tih nen, mahse, kum tawp lamah Mama nen in lo kal thei ang chu, tunah chuan chawlh i nei si lo a” ati ve a,ka duh chuan ka chawl thei tehmeuh mai, ka chawlh pawh ka la hmang zo lo.mahse,Simon-a berin kal ve turin min ti tlat si lo.

“Um,nang pawh i theih veleh lo chho leh la” ka ti a, ka pu chanchin ka zawt a, a zia deuh tih a sawi a, ka rinai takin a sawi awlsam lawi.

Emily leh Simon-a an rawn inzui chhuak a, Emily chuan Note bu leh Laptop  a keng a, a kal chhungin tihtur an inhrilh a ni ngei ang, min rawn hmu a, a nui var var mai, atthlak zetin Simon-a nen an inhmeh ka ti tlat pek,ka lu ka thing nawk a, ngaihtuah loh  tur ngaihtuah hi at na chi khat a ni ngei ang.

“I dam maw?” min rawn pan a,Pasal a ngaihsak miah lo tih an sawi ka hre tawh,mak ka lo ti ve ngawt.

“Um ka tha lawm, nang zawk le?”

“Ka tha e,ka kal mai ang, ka Boss hian hna min pe teuh a” a nui har har a, Simon-a lo nui ve suk chu ka en a, min rawn en ve chiah bawk.

“Emy, i kal dawn mi?” ka beisei loh lutukin ka nu zawkin a rawn ti ta tlat.Phawk zet hian ka en a.

“Um kal mai ang,tluang deuhin kal ru” ati a, a nui leh var var bawk.Makti lutuk hian Simon-a ka en a, ka nu ka en leh a, an pahnihin min en lo in Emily an en ve ve.Ka nu khan ‘Emily’ pawh ti lo in ‘Emy’ tiin a ko a, an inhre tha hle tihna a ni.

“Ni lo, chawei nghal rawh ka tih kha, i  duh zawng pawh kan siam vek tawh” ati leh a, sawi ve tur reng reng ka hre lo.

“Aaaaa, engmah ka chhungte ka hrilh si lo a” ati leh niah niah a,

“Kan be mai dawn lawm,kan inhmu khat a bakah ka lo kal hmasak tum pawn Mama hnenah lo hruai tur in ka ti che a, i lo kal lo a..” ka tawlh let hrat a, ka awm ve tih an hre lo niberin ka hria.

“Nia, ei rawh,i chhungte i hlau tak tak lo tih ka hria lawm” Simon-a aw a nuihzatna ri chu ka hriat hmaih lo.

“Ok,chutia Boss te berin eitur a min tih chuan ka ei mai ang chu,mahse ka nu i be thei” Simon-a a en a, a Boss anih angin a en hauh lo.

Kan chawei chhungin ka nu nen an inkawm a, kei erawh ngawi rengin ka ei mial mial,ka lo hriat dan kha chuan a hnuaia thawk satliah emaw ka lo ti a, tunah chuan an tawng danah a hma fe atangin an lo inhre tha em em tawh tih ka hre thei a, engvangin nge Simon-a hian min hrilh miah loh ka hre lo.Ka nu nen an inkawm danah pawh reitak lo inhre tawh tih alang reng mai.

“Min thlah duh lo mai rawh” ati a, a bag ah a thawmhnaw tam vak lo a khung a, Shillongah pawh a thawmhnaw a awm sa vek a, ken teuh a mamawh lo hrim hrim.

“Nia, eee,Emily kha engtik atangin nge i hriat?”

“A rei tawh mai”

“Anih tak chu..” ka ti nghat a, ka Dressing table Drawer chu ka nem khar a, ka tum aiin ka nem na mah mah,a ri  pawp bawk.

“Eng nge min zawh chhan?”

“Eng lem mah, ka nu pawn a hria  a, in family nen in inpawh em em tih ka lo hre lo a, tlemin ka hawi buai deuh a” ka tho a, Ka thawmhnaw dahna lam ka pan a, diktak chuan Airport thleng ka thlah ang chu ka ti a,mahse, thlah a duh loh chuan ka thlah lo ang, Exam a hnai tawh a, naupang in min mamawh nasat zual lai tak ani hrim hrim.

“Sorry,Shillongah kan inthenawm thin a”

“Sawi kher angai lo ania” ka ti leh nghat a, Ka thawmhnaw hak tur ka la chhuak a,

“Hon....min en teh..” ka hnung mai atangin a rawn ti a,ka hawi let chuang lo.

“Min en teh..” ka darah a rawn vuan a, a lam hawiin min kuai her a..

“Ka tihpalh ka tih kha,kan naupanlai atangin ka hre tawh a, kan inkawm nasa viau bawk a, ka hna min enkawlpui tur hian ka sawm leh a...”

“Insiam rawh, engmah tih dik loh i nei hleinem” kalsawn ka tum a, mahse, ka kawngah a rawn kuah a,amah si chetin min pawt bet zui nghal hmak bawk.

“Kan inhre sa tih ka lo hrilh lo che hi ka ti dik lo,bakah i lungawi lo tih hre chung chuan nuam takin ka kal thei lo ang” ka darah a khabe a rawn nghat a...

“Ka thinrim lo, min thawng deuh mai zawk” ka ti nghat a,dik tak chuan ka thinrim tawh lo, hetianga ngaihdam min dil tum hi a awm thin, ka thinrim rei ngai lo.

“Anih chuan min en la..” ka inher a..ka khabeah a rawn dawm a, a mitah ka en ran mai.

“Ka Nupui i ni a, ka neih zawng zawng hi i ta ani bawk a, i tello chuan nun hi hman pawh ka tum ngai tawh lo,mahse, ka tum loh tawpin ka ti thinrim che a,min ngaihdam dawn nia..um..” a kawngah ka kuah ta nge nge...keipawn lungawi lo chunga thlah ka duh lo, kan inhmu leh dawn em pawh kan hre lo a, thinrim chunga inthlah ka duh lo.

Simon-a te kal atangin ni hnih a liam tawh, hun a neih veleh min rawn be ziah a, ka pu erawh a ziawm thei meuh lo anih hmel, nidanga a zin aiin ka ngai zual zawk, kan boruak neuh neuh vang kha a ni mahna le.

“Hmingthan, i phone a rik char char kha mawle” kan thawhpui pa rawn tawng ri ah chuan ka harh zawk a, hmu miah lo in ka hma lam ka lo en veng veng.

Rang zet hian ka ban a,Ruatdika a lo ni a, nimin khan Sangpuii te chaweiah a sawm a, min sawm tel ve a, mahse, Sangpuii nu a that loh deuh thut avangin a thulh leh rum rum kha ania,engthilah nge min biak a duh ka hre lo.

“Um..” hello pawh ka ti lo..

“Khawnge  i awm?”

“Tun ang hunah chuan khawnge ka awm thin i hria lawm mawle” ka nui a, a nui ve huk huk tho.

“Ok.ngeiawm lutuk, Zaninah Dinner kha Bon Appetite lamah kan ti ta mai, tlemin huang ka zauh ta deuh a, Zasangi te nupa ka sawm tel a”a rawn ti a.Ka ner nak mai,ka chak hran lo, mahse, a hmun tur a rawn sawi kha Dawr thar ani a, a nawm zia an sawi ka hre ngun ta riau a, kal ve mah ila pawi ka ti leh lo.

“Ka lo tum dawn nia dar engzatah nge?”

“Dar 8,lam i ngai dawn em? Dawn chuan kan rawn lam kual ang che”

“Aih, Driver kan nei lawm..ka lo kal ang”

“A that chu..tlai lo la..” a nui kur kur a, thil kan tih khawm dawn apiang hian amah zawk hi a tlai ziah a, ka hau nasa thin.

Simon-a nen kan la inbe miah lo, vawiin chu an buai deuh a rin thu kha zing lamah min rawn hrilh a, an buai ta deuh a ni ngei ang ,Ka kalna tur Msg in ka hrilh a..’Bon Appetite’ ka thlen hnuah pawh min la rawn reply chuang lo.

Rin aiin nuam ka ti ta phian, thian ho a thil tih khawm hi chu a nuam ve hranpa hrim hrim.Thil chi hrang hrang kan sawi a, a chang leh kan inhnial bawk.

“Hming, Emily chu a chhuk ve ta mi?” ka thil ei lai ka chawl a, ka hak thelh bawk.

“Eng maw?”

“Nizan khan kan inhmu a, vawiin hian Shillongah a kal ve dawn a ti a.” ka chhungril a deng dawt mai..Simon-an engmah min hrilh hauh lo.

“Um, kal ve ta e,Emily hi chu family friend a ni sa hrim hrim a..” ka nui lui sak bawk, hre lo nih ka duh lo, chumai bakah ka chhungril hian a kal ve ang tih min hrilh tlat bawk.Kan chhungkaw chungchang midangin an lo sawi ve ka duh lo.Ka thiante pawh nise ka duh chuang lo.

“Ka hria lawm,bakah Simon-a ex a ni tih pawh i hre tel  ang chu tiraw?”

Zawi deuh hlekin Hriati’n Ruatdika a khak ri chu ka hre nangin ka ngaipawimawh lo, a thil sawi khan ka tan chuan buaina a thlen tawk em em..Ka lo hlauh ruk, eng nge anih ka hriat si loh kha he thil hi a ni ngei ang...

Chapter- 4

“Hre dawn lawmni?” ka nui lui sak a, ngaipawimawh lo hmel fe hian ka thil ei lai ka ei zawm lehnghal a, mahse, ka lem thei lo lam chu a ni.

“Ok, i lo hriat chuan a that hlauh chu, i hre si lo anga i la nat phah ka hlau mawle” a ti leh a, ka en a, ka ner khum zauh bawk.

“Ka lawm e, min lo ngaihtuah vang leh ka thian i nih anga i tihtur i lo tih avangin..” ka ti halh a, za lo zet hian a nui ve a, tih luihna a nui a ang takzet bawk.

Dar 9 leh tlemah In kan thleng a, mak takin Simon-a hnen atangin engmah call emaw Msg pawh ka la dawng ta chuang lo, ka pu a zual anih chuan min rawn hrilh ka ring a, mahse, tuman chutiang lam sawi tur pawn min rawn call lo a, bakah Emily kha a kal ve tih reng reng ka hre lo, eng hna nge an neih ka hre lo hrim hrim,Simon-a sumdawnna hi Mizoram chhungah vek a ni a, Shillongah hna chungchang buaipui tur a neih ka hre lo.

“Hello..’ Hmeichhia hian a rawn ti a, ka la sawn a, na zetin ka Phone ka melh nghek ringawt.

“Simon-a ka lo be thei angem? A Nupui ka nia..”  ka ti a, tu nge lo pick tu kha ka hre tlat lo.

“Ok, lo nghak lawk,kan pe lawk ang” a rawn ti leh a, Emily pawh a ni lo a, a farnu te pawh an ni chuang lo.

“Ka pi, an meeting mek a, nakin deuhah lo ti leh mai ta che” a rawn ti leh a, ka ang pham mai, tun ang hunah hian eng meeting nge awm ang?,Ka pu a damlo a, ani meeting na ah a awm thung a...

“Ole, i lo hrilh mai dawn nia..oh,tu nge ka biak le aw?” ka ti leh rih a,

“Hotel a thawk ka nia,a Phone hi a batery a low avangin kan charge sak a..”

“Um, min hrethiam dawn nia, engpawh nise ka lawm lutuk” ka ti a,lo hrilh min tiam a, ka dah veleh ka thaw nghal hawk thei hial mai, mahse, ka thawveng chuang miah lo.Hotelah meeting..a Phone a charge tir bawk a...a Phone lo pick tu lah mizo tho,engmah ka hrethiam hlawl lo e.

Dar 12 pelh thak thleng ka nghak a, mahse, min rawn be ta chuang lo.Hetiang hian vawikhatmah a la awm ngai lo,chuan, Emily lah a bialnu hlui a lo ni a, Ruatdika khan engtin nge a hriat ka hre lo,mahse, chu lam a pawimawh lo, amah ngei khan a sawi a, a hnathawh pui turin a sawm in a sawm a, chumai bakah min hrilh miah lo in tunah pawh Shillongah a chhuk ve leh a...ka mut a chhuak lo, ka mu meng kar a, ka mit pawh ka chhing buai peih ta lo law law.

Khawvar dawn lamah ka muhil ve ta hram,kan Room kawngka kik thawmah ka harh a, thawh phan pawh awm lo in ka harh chiang kawk mai, mahse, ka mit a thip a, ka lu a na ngut ngut thung.

“Eng nge ni ta?” kan nula lo ding ran chu ka en a.

“I thianpa a lo kal a, eng nge maw biak duhna che a nei a..” tu ka thian nge tun ang hunah lo kal ang ka hrethiam lo.Zinglam dar 7 chauh lehnghal.

“Tu ka thian nge?”

“U Ruatdika..” ka meng phawk vak ringawt,a ni leh ni lo ang takin zing dar 7 ah a tho tawh ania, chuti tak a pawimawh chu eng nge anih ang?

Living Roomah a lo thu a, ka thawm a hriat veleh min lo nuih var var bawk.

“Eng tizia nge?, i damlo nge i tho a zawk?”

“A ni lo ve ve.”

“Chuti anih chuan engthil nge?”

“Rawn thu phawt teh,a reng rengah i hna i kal dawn lo mi? I va mu rei ve” In neitu zawk niawm takin ati leh a.

“Dawn e, ve lutuk che hian, i thawh hma ve tum anih kha a”

“Ha..tak takin ka lo kal kual mai mai, chubakah Sangpuii khan a hrilh che em ka hre lo a..” a mah ep zawngin ka thu a.

“Eng maw min hrilh ang?”

“Aaaa, a hrilh loh che leh a pawi lo animai,Thingpui pawh min pe dawn na nge?” min en lo in phone a en a.

“I lo la in na nge?” ka ti a,a lu a thing mai.

Engmah thil pawimawh a awm lo, mahse zing karah lehnghal min rawn tlawh thut a, mak chu ka ti tho,kal pahin min rawn tlawh kawi tih sawi mahse ka awih chuang lo, ka hrechiang ve thawkhat, thudik nge dawt a sawi tih hre turin a mizia ka man tawk thawkhatin ka inhria.

College kal tura ka chhuah dawn lai takin ka Phone a rawn ri a, Simon-a..Ka titau rilru ringawt,nimin khan engmah a rawn sawi leh ta si lo.

“Hello..” ka ti sep a.

“Hon..Ka pu a chatthla chiah a..” ka ding khawng nghal lah mai..

“Ehe, a va pawi em aw...vawiinah vui tur ani em?”

“Um, ni ang,nimin khan chanchin ka rawn hrilh hman ngang lo che a” a thaw hawk ri ka hre thei..

“A pawi lo, chuan...” ka sawi zawh hmain min rawn tawng khalh leh a.

“Lo kal a ngai lo ania,anih tur ang a ni zo vek tawh a..” ka kut ka humruh ngat ngat mai.

“Ok, ka nu a tha em?” ka ti chhuak thei hram, chhungkaw zinga mi ka ni ve ngei a, mahse, chhungkaw zinga mi a boral pawh ka kal ve ngai an ti si lo.Kum hnih chhung khan lungawilohna tur ka hmu ngai lo tluk a ni a, mahse, tun ni hnih thum lek chhung hian ka lawmlohna tur hlir ka hmu ta thung.

“Um, a tha e,a tuar thiam khawp mai,anih ka dah phawt ang..lo in enkawl tha ang che..” ati leh nghut a,ka bu ringawt, min hmu thei lo tih ka ngaihtuah leh hnuhnawh a, mahse, ka chhan hmain a Off hman tawh.

Nilengin rilru mumal ka pu thei lo,eng nge dik lo hi ka hre lo, kan inneih hnu a Shillong a kan chhuk khan ka pu hi ka hmu a, Pa lian vak lo, sa nghet lam,mitmeng nelawm lo zet mai a ni a, a tawngkam chhuak pawh a bung tha viau,Simon-a te chhungkua khan an zah em em a, engkimah an rawn niberin ka hria, mahse, ka hmuh tirh a a nelawmloh ni a ka hriatna kha chu karkhat ka kawm tlin chuan a bo vek tawh,a tawngtam lo, mahse, fiamthu a duh viau thung.Simon-a nen rei tak tak Roomah an inkhung thin a, Simon-a nau te  chhuak reng rengin an lo haw a an lam hmasak ber chu ka Pu kha ani tlat bawk.

“Enteh, ka pu hi ka thiantha ber ania, ka thuruk zawng zawng deuhthaw a hria asin..” hei hi Simon-a chhang chiah Ruth-i min hrilh a ni a, ka pu bulah ka awm tam tual tual a, Ruth-i chang lo pawn an thuruk an kawl tir ang tih ka chiang.

“Mampui..” ka nu in a rawn ti vau vau a, ka tlawh khat zia ka ngaihtuah a, ka rilru a pik bawk nen va kal ila ka ziawm mahna.

“Aw, nu...eng nge ni ta?”

“I pu Boral pawh min rawn hrilh lo a,hna i kal nge kal lo?”

“Kal e, ka haw tep,ka rawn tlawh kawi ang che u”

“Ekhai,inleng te pawh in nei maithei sia, ngatinge hna te i kal reng reng a?” a aw ah mak a tih zia a lang thei.Nia, a mak alawm, chhungkua a kan chenpui ngei a Boral a, kal tur in min ti lo a, Simon-an min hrilh a an duhtawk mai.

“Aaa, Nu, tumah helamah hian Simon-a te hian chhungte tih tur an nei lo tih i hria lawm,lo leng tur an awm pawh ka ring lo” ka ti a, ka ngaihtuah let a, Simon-a chhungte tumah ka hre lo tak tak, thian chu a ngah mai, mahse, chhungte a nei lo anih ka ring.Kan inneih hnuah pawh tumah an chhungte kan tlawh ka hre lo, a thian tak tak pakhat a awm,anni chhungkua nen chuan kan inpawh thawkhat.

Hna ka ban veleh  Ka nu te in ka pan a, kan upa ber hian Nupui a nei tawh a,fa pakhat, hmeichhia an nei a, ka u chiah leh ka nau erawh an la tlangval thung.Chhungkaw inpawh leh inkawmngeih em em kan ni a, mahse, a chang chuan laizawn neih ve ka chak thin a, ka u in nupui a neih hnuah erawh chuan Laizawn ka mamawh ta lo,kan mo a fel em em a nau tak tak en in min en thlap mai.

“A ni...” tih pahin kan naute in min rawn pan a,A sam kir chiat chu a phe dar dar bawk.

“I lo kal tak rau rau ah chuan chawei ve nghal mai rawh, hei, chakai kan nei teuh ania” ka nu in a lo ti nghal sawk sawk a, Chakai ka duh zia ka nu hian a hre chiang khawp,Chakai sawi zawng ringawt pawn ka ril a tam nghal raih raih thei, zingah chaw ka ei mumal lo a, chhunah lah engmah ka ei hek lo.

“Um, ei nghal ang,ka ei chak tawp..” ka ti a, Naute ka pawm a, ka pa a lo la haw lo a, midang zawng an awm kim thung.

Tlansanga’n min rawn bia a, ka awmna min rawn zawt a, zan lamah lo len an duh a lo ni a, a awm tho mai, Simon-a thian tha ber a ni a, a pu tak tak ni lo mahse lo len chu an tih awm tak a nih na lai a awm.

In kan thlen hnu lawkah Tlansanga te an lo thleng a, ka beisei loh tawpin Sangpuii te nupa leh Ruatdika te an lo kal tel bawk,ka nu leh ka pa bakah ka nau mipa in min thlah a, ka khaw har ka hlauh tehlul nen kan ri ve ta laih laih mai.

“Engtik nge Simon-a chu a lo haw theih ang?” Tlansanga’n min zawt a.

“Ka hre mai lo le,karleh lam anih ka ring” ka ti a, ka hre tlat lo,Zinga min rawn biak bak kha kan la inbe leh lo.

“Lo haw hma thei deuh se ka ti.Kan inkhelh tur kha Saturday hi a ni tawh sia, a ni tiraw Ruatdik?” atih zawm leh a, an inhre pawh tlang vek tawh a, Badminton an khel ho fo bawk.

“Um, ni e mawle, mahse, Simon-a a awm loh chuan kan team kan kim dawn si lo a, tlemin a buaithlak ve deuh dawn anih chu..” ati a,Tournament an khelh tum a awm fo a,Tournament ni lem lo thian ho a in chawi a khelh tum an nei bawk a. Vawikhat chiah ka la en thung.

“Naktuk ah ka be chhin ang, vawiin a Emily ka biak kha chuan Fridayah kan lo haw ang kha a tia” ka thutna cushion ka hmer nghet salh mai.

“Um, Emy kha a kal ve tak e,an lo haw ka ring chutia Emy-in a tih chuan “ ati ve leh a, ka ka chhung a ro halh a, harsa ti zet hian ka chil ka lem thei hram.

“An lo haw leh a tha,kan kim dawn tihna animai” Ruatdika’n a ti thuai a.

Dar 11 velah an haw ta diak, kan In lian leh reh ruih maiah chuan kan nula leh kan Driver nen chauh kan awm leh ta ran mai, kan Nulain inchhung a kalh fel a, kan Driverin Gate a kalh thung,mu turin Room ka pan a, mahse ka mut a chhuak miah lo.Simon-a te an mut daih tawh ka ring a, engtin nge Shillong lamah khawhar in an kalpui dan ka hre lo a, engpawh chu nise dar 11 thleng thleng chuan tumah an len ka ring lo.Ka call ta nge nge.Reife a ring hnuah a la ta hram.

“Hello,Mate..” chauh hmel zet hian a rawn ti a, a muhil tawh ka kai tho a ang viau.

“I mu tawh mi?”

“Um, i la mu lo maw?”

“Mu dawn chiah, in leng kan nei ve neuh neuh a, an haw deuh chiah a..”

“Um, ka hria lawm, Tlansanga te khan len an tum tih min rawn hrilh a..” a hma ai chuan a aw pawh hriat a nuam ta deuh.

“Nia, an fel khawp mai, engtik nge i lo haw theih ang?”

“Fridayah ka lo haw ang”

“Ok, anih tak chu,mu leh tawh rawh, i chau lutuk ang..”ka ti sep a.

“Mangtha le..” ati sup a, ka mangtha hman awrh tih ah a dah zui nghal daih bawk.

Tlansanga thil sawi kha ka bengah a ri nawn sek mai, Emy-in kan lo haw ang a tih chuan an lo haw ang ati anih kha, chuti anih chuan kei ai hian Emily chuan Simon-a lakah thu a nei zawk tihna ani mai em? Vawikhat pawh ka la ngaihtuah ngai loh thil in min tibuai ta tlat,ka pasal, ka ta emaw ka tih hi hmeichhe dang nen kan lo intawm reng anih teh chuan ka kehchhe hneh dawn lutuk..

Class ka lak laiin Sangpui-in min rawn call a, naktuk hi Simon-a te lo haw hun a ni tawh a, engtia lo hmachhawn tur nge tih velah ka buai lutuk a, ka mu tha lo bawk nen ka mit hnuai a val kual raih mai,ni tlemte lekah hian ka nunah thilpui, chu pawh Thli chhia a lo thawk thut niin ka hre ber tawh.

“Hey...eng nge a?” ka ti nghal tawng.

“I buai em?”

“Buai tho e, class ah ka awm a, sawi la..”

“Lunch ei turin ka lo kal ang,ka hmu duh che a..” Ruatdika thilsawi kha ka hrechhuak zawk mai, engthil tak ni ang maw?

“Okhey, min treat dawn te chuan..” ka nui a, a nui ve tho bawk.

“Khawiah nge kan inhmuh ang?”

“Chopstick ah animai lawm, in College tang a hla chuang lo a” a rawn ti leh a, he Restaurant hi ka kal zauh zauh tawh a, an thilsiam a tui bakah staff te an polite em em bawk nen kal manhla tak a ni.

Dar 2 rik hma hretin a lo theng a, ke in kan thil ei na tur lam kan pan thla dun a, a tawng duh thin nen vawiin chu a thutak deuh ran hian ka hre mai, a pasal neih hnuah hna a la zawm leh ta lo, a nu a damlo  bawk nen a remchang phian zawk in ka lo hre ve ringawt bawk.

“Engthil nge chuti tak a pawimawh chu ni a?” kan thil eitur kan nghah chhungin ka ti a, a phone a bih leh rih a, a awmdan vel chuan ka awm a ti nuam miah lo.

“Awi, sawi dan tur pawh ka hre mai lo,englo ania, Simon- a hi...” a tawp leh rih a, thawk pawh thaw tha ngam mang lo in ka lo en thung.

“Hmanni ah msg ka dawng nawlh a, Simon-a hian a Pu kha a thah tir an ti asin,awi...ka hrethiam lo” nghet zetin ka bag hrui ka chelh a, ka khup a sai dar dar bawk.

“Khawi atangin maw i dawn?” ka aw a lawi rawt mai.

“A number chu hei hi nia,ka call nghal a, mahse, switch off a inti tlat a, bakah engtin nge chutiang thil Simon-an a tih tehlul ang..chuan Ruatdika kha ka hrilh a, ani pawh khan mak a ti lutuk a, bakah awih lo turin min ti a..” a  bul a tui inchhawp chu dangro hmel zet hian a in nghal khawlh khawlh mai.

“Simon-a hrilh ila a tha ang..bakah chutiang a inpuh hmingchhiat chu tupawn an tih tur ani lo hrim hrim” ka ti ro halh mai, mahse, Sangpuii te inneih ni a Simon-a tawng ka hriat kha ka bengah a lo ri nawn leh a, tu emaw chu that turin a ti ngei anih kha..Ni lo, ka lu ka thing nawk mai.

“Aih, hrilh lo ang, bakah min rawn thawn tu hi tunge anih pawh kan hre lo a, chu ai chuan ngawih mai a tha zawk, hrilh che pawh ka tum miah lo a, mahse, ....ka zep thei hlawl lo..Simon-a hi tu nge anih pawh kan hrechiang mang si lo..” ati leh duah a, mak ti zet hian ka melh reng thung.

“Thiannu, chutiang in engtin nge i sawi theih a?, ka pasal hi keiman ka hrechiang alawm,bakah midang tihnat duhna khawp a rilru sual a pu lo..”ka duh aiin ka tawng a chang hret.

“Sorry, ka hria lawm, tumah a that lo ang..aaaa, ka hrethiam bik lo, a chhan ka hre lo, ka ngaihtuah che a ni tawp mai” ati leh halh a, hetiang hian a awm ngai miah si lo,kan inneih hma kha chuan Simon-a sumdawnna chungchang kha a sawi ngei a, mahse, kan inkawp zui tak zelah kha chuan ka thiannu ber anih ang ngeiin a nel ta thuai a, kan inneih pawn best ah ka hmang bawk.Vawikhatmah engmah khatiang lam a sawi leh ngai ta lo.

Kan eitur chah a lo thlen takah chuan kan sawi zui ta lo, ka awih hauh lo nangin nuam ka ti chuang lo,mahni pu te ti hlum duh tur khawp a ni lo tih ka chiang ve tawk in ka hria, mahse,...mahse...tuemaw kha chu That turin a ti ngei lawi si,ka zawh khan Zawhte a ti a, mahse, ka awih miah lo.

“Ka sawi loh tawp tur ka sawi niin ka hria, mahse ka vei em a ni..” hrehawm tih hmel zet hian a ti a, ka nui lui sak thung.

“Chutiang in ngai reng reng suh, ka thiannu ber i ni a, kei emaw ka pasal chanchin tha lo i hria anih chuan min hrilh hi i tihtur a ni alawm, ka thinrim miah lo ania” ka ti a, a then ve tak nangin a rilru a nuam chuang miah lo tih ka hria.

Doctor a ni a, thil te tham ah a buai chung ngai hek lo, mahse, tun tum chu amah ang lo takin a phili a, a thil sawi lah kha a mak tehnuaih rualin a msg pawh ka hmu ve thlap a, engmah dik lo a awm miah si lo.A thiannu ka nih avangin nidang ang lo takin a lo phili ve anih pawn a mak lo,Simon-a lah hi tunlai chu a awmdan a mak em em bawk si.A hmain a sumdawnna chungchangah a lo ringhlel tawh a, hetiang boruak a awm leh takah phei chuan a lo phili chiam hi thil mak a ni hauh lo.

Ruatdika biak ka mamawh, hetiang lamah hi chuan a rintlak zawk ngei ang, Hmelhriat a ngah a, a duh phawt chuan kha number pawh kha a chhui chhuak thei ngei ang.

“Hriat, khawnge Ruatdika?” ka ti a, Hriati hi Ruatdika bialnu anih rualin ka Cousin a ni a, Ruatdika hnuaiah a thawk bawk.

“A awm, lo  nghak lawk..” ati a, a ri deuh rak rak a, Ruatdika a ko ri lang lang ka hre zui nghal zat bawk.

“Hello...” Ruatdika aw hian a rawn ti a..

“Ka hmu duh che,zanah i lo kal hman angem?” ka ti nghal tawng.

“A va hmanhmawhthlak awm rum rum thin, tihtur ka lo nei asin..” ati nuah nuah a, hetiang hian ka ti fo, kal duhna ka neih te hian ka va be thawr a, min hnial mahse ka ti lui ziah bawk.

“Hmanhmawhthlak, ka hmu duh che a ni tawp mai,i tihtur chu thulh mai teh..”

“Ok..nang berin min mamawh te chuan..mahse, in pa awm loh hlan a lo kal hi a pawi thei em?” a nui a..

“Hmela, chutiang sawi duah lo in lo kal mai mai teh,ka lo ring ang che” ka ti a, min rawn chhan leh hma in ka dah nghal daih bawk.

Eng nge ka zawh dawn pawh ka hre chuang lo, mahse, kha Msg kha ka entir ang, ka entir lo anih pawn ka hrilh tho ang, tih dan a hre tur a ni, he thil ah hi chuan ka nu pawh tihbuai ka duh lo, nidang ang chu nise Simon-a zawk in ka buaina hi a chingfel tur, mahse, tun tum chu amah ber hi ka buaina a ni ta tlat thung a, amah hrilh theih a ni hauh si lo..mahse...kei hi engthil nge ka tih tak? Ka Pasal ngei ringhlel in ka chhui ta tihna ania,ka thawh hawk mai..ngaihtuah zui ka duh lo, eng nge dik lo zawn chhuah ka tum mai zawk.

Ruatdika lo thlen veleh Simon-a Office ah ka luhpui a, kan nula a awm a, kan Driver erawh kan thenawm dawrah a leng thung.

“Le..han sawi la..” ati a, dawhkan chungah a thu a, kei erawh Simon-a chairah ka thu tlum kak thung.

“Vawiinah Sangpuii nen kan inhmu a..” sawi zo lo in ka chil ka lem khalh mai.

“Chuan..?”

“Englo,Msg a dawng a, Simon-a chungchang ania..nangpwn i hriat kha” sawi zawm leh mai dan tur ka hre lo..a kut zungtangin dawhkan tlang a tlir dar dar a, min rawn en a.Za vak lo in a nui hmasa te te a,a awmdan chuan ka awm a ti nuam miah lo.

“Thil han sawi tan dan tur ka hre miah lo,mahse, thil pakhat erawh i hriat tur a awm,  i lo hre tawh sa maithei bawk,I pu Boral ta hi Simon-a tan chuan a engmah a ni lo,a nu chhungte a ni hek lo..a sumdawnna bul tanna tur a sum pe tu mai a ni zawk..”

Ka taksa a vawt nghal raih raih mai.

Chapter- 5

Ka taksa vawt vek kha a rawn lum chhuak leh nghal riai riai ni ber hian ka hria,ka awmdan chiah ka sawithiam lo.A tu pawh chu lo nise mak ka tih zawk chu engmah min hrilh lo hi mak ka ti.

“Chuan..?” ka ti thei hram, min thawng lutuk tih a hriat loh hram ka beisei takzet, ka pasal chanchin leh thuruk hriat chhuah tumin buai mahila a chanchin engmah hre lo nih erawh ka duh bau lo.

“I lo hre sa ang tih chu ka ring tho, mahse, tunah hian kha msg ang kha chu engmah a thleng lo ang tih ka chiang, i pasal emaw kei pawh..mi fel tak kan lo ni lo anih pawhin min siam liantu ti na duh khawp a tenawm kan ni lo ve ve” nghet deuh charh hian a ti a, ka pawm thlap.

A pu tak tak a lo ni lo anih pawhin eng vang mahin a that lo tawp ang,thil theih loh bur a ni tawp mai.

“Um, nia, ka hria lawm,ka thian i ni a, ka lawm e aw” ka ti sep a, a nui a, a rawn kal hnai a, a rawn kun a ka inrin hmain ka chalah a rawn fawp a, mak tihna hun pawh ka neih hmain a kalsawn lehnghal daih bawk.

“Engthil nge maw i tih le?” ka ti hlak a, a rawn hawi let a, a nui a..

“Ka thian hi ka ngai tawh a, a pasal awm loh lai tal a ka tih loh te chuan..”

“Ha..khatiang kha chu pasal neih hma a tih chi anih kha, tunah chuan thil ho te hi mualpho na a tling zel tawh ania” nur nang hian ka ti a, ka thinrim em em lo nangin ka duh lo tih tihlan ka duh hrim hrim.

“Okhey, ka lo hrereng dawn nia, chuan,naktukah maw a lo haw dawn?”

“Um, dar 11 ah chuan a lo thlen hman ka ring,in inkhelh tur kha Saturday ti raw?”

“Aw, a lo haw hman dawn hlauh a a tihzia khawp mai” ati leh mai..thil eng emaw kan sawi leh teuh a, mahse, ka rilru ipik lutuk vangin engmah kan sawi kha mumal in ka hre zui lo,a haw veleh Roomah mu turin ka chho nghal a, ka Phone lo let bal chu ka ban a, Miss Called a lo awm nual, Simon-a min lo call na pali lai a awm a, Pakhat erawh a number ka hriat ngai loh a ni thung.

Simon-a ka call let nghal a, lo haw vat vat se la, ka buai rukna zawng zawng hi chinfel pui ka duh takzet,hetiang ringawt chuan ka tuar thei hauh lo ang.

“Hello..” zawi sup hian a rawn ti a.

“Ka Phone ka lo keng lo pek a, eng nge nita?”

“Ka nupui be tur hian a chhan awm kher angai tih ka lo hre hleinem” chang zet hian a ti hluk a, makti zet hian ka Phone ka melh vak ringawt..

“Sorry,i buai thei bawk sia thil pawimawh deuh a awm em ka tihna zawk a nih kha..” dam thlap hian ka ti let a,min chhang dawn ta lo emaw ka tih hnuah a rawn tawng leh ta hram.

“Nia, buai thei..nang pawh i buai alawm” ati leh hmuk a,vawi tam tak kan inneih hnuah a zin tawh, mahse, hetiang hian kan buai ngai si lo.

“Natuk chu Airport ah ka lo lam ang che,eee,chuan Emily a lo haw ve nghal dawn em?” ka insum hman lo.

“Lo haw ang, kan lo haw rual ang” engmah thil tha lo thleng miah lo ang chiah a awlsam hian a rawn ti liam puat.

“A that hlauh chu..Midang an tha em?” ka ti leh a,an that thu a sawi a, ka mit ka chhing a a tawng ka ngaithla a, a hmelpa leh nelawm loh tak thin kha ka mitthla ah a lo lang a, ka ngai tawh..Ni e, ka ngai tawh takzet.

Ka beisei loh zetin ka mutui ta phian, Simon-a te lo thlen hma in Airport ah kan Driver nen kan awm vang tawh,rinhlelhna nen en loh hram ka tum a ngai, tun hnaiah hetiang boruak tha lo pui pui hi lo thleng mahse ka pasal kha a la ni reng tho a, ka Hmangaih dan pawh a la ngai reng.Ka ring tur a ni tawp mai, ani ka rin loh chuan tumah hi rin tur chuang an awm lo ang, a pu chungchang min hrilh loh te kha chu ka zawt mai ang chu.

“In tluang em?” ka inhmuh veleh ka ti nghal thuai a, a hmel a ngai reng, chau hmel pawh a pu chuang lo, Emily lam ka hawi a, kekawr tight mar tang mai a ha a, Boot a bun a, Jacket chhing tei tawi a ha bawk..kei lah Kekawr thawl deuh hnek hnawk leh Top mawlmang tak ka ha a, Slipper ka bun bawk..ka sam lah ka chhipah ka zial tawm tawp bawk.

“Kan tluang e,in lo thu rei tawh em?” ati nghut a, ka lu ka thing mai ..kan thu rei thawkhat..

Emily a tawng siam siam a, Simon-an a chhang leh zauh thin a, kan Pahnihin a hnung Seatah kan chuang a, mak takin mal riauin ka inhria a, min mamawh lo ni a hriatna ka nei bawk.

“Hon..eng nge i ngaihtuah a?” Simon-a rawn tih ri ah chuan ka phu deh zawk a, ka thu mar a, min bia tih ka lo hre miah lo,kan tlan pelh lam zawk thlirin Motor turverh lam ka hawi vauh vauh bawk.

“Sorry..pawn lam ngawt ka lo en a,eng nge i sawi?” ka nui a.Min rawn en zawk a, hmalam a en leh mai.

“Tlaiah Tlansanga te khan chaw an lo ei dawn a, chuan,Emy pawh..” a tihtur duan fel sa min hrilh mai chauh tih a chiang,min rawn derna eih a awm lo.

“Ok, a tha lawm..chuti chu ka bazar chho lawk dawn mi?” pangngai takin ka ti a, ka chhungril na vawng vawng chu a chhan hre lo mah ila dik lo a awm tih min hrilh tu ah ka ngai hmak.

Kal kawng a chawhmeh an zawrh ho ka lei chho nual a, In ah hian ka hman phawt chuan keiman eirawng ka bawl thin a, Nula nei tho mahila eisiam hi nuam ka ti a, ka theih phawt chuan ka ti hram hram zel.Emily kan thlah kual hmasa a, Emily te in kawng pawh Emily sawi ngai lo in Simon-a zawkin kan Driver a hrilh a, a hrechiang tih a lang reng bawk.

“Inbual la..” in kan thlen veleh ka ti a, Chhuata a Bag dah chu ka pan a, a thawmhnaw ho ka la chhuak nghal mawlh mawlh bawk.

“Ka lo chhuah hmain ka inbual alawm,tunah chuan mut ka duh rih zawk..’ ati a, a kawr hak lai a phelh a, Boxer nen khumah a lawn nghal zat bawk.

“Thil i ei hmasa dawn lo mi?”

“Aih..nakinah ,tunah chuan chaw lo lam in ka ril a ti tam..” a nui hawk bawk..

“Muhil mai mai teh..” ka tum aia chang hretin ka ti hmak thung, ka ngai takzet, mahse tunah chuan engmah tih chakna ka nei miah lo.

Vanneihthlak takin min chhan let hmain ka Phone a ri ta hlauh,ka en thuai a, Ruatdika a lo ni a, rang fe hian ka pick nghal zat bawk.

“Hey...eng nge ni ta?” ka ti zang vah mai,engvangin nge Simon-a hian tu emaw Mipa thik se tih ka rilruah a awm tlat ka hrethiam lo,mahse, tih ngei ka duh.

“Simon-a te an lo thleng tawh em?”

“Um, thleng tawh e,ka lo bia ang che ka ti a, ka la hman lo a..Tlaiah chaw lo ei ula” keima thu in thu tlukna ka siam ve hmak mai,Simon-an min en reng tih lah ka hai hauh lo bawk,mahse, ngaipawimawh awm lo fahranin ka thil tih lai ka tih zawm lui tlat thung.

“Tak tak em?” a aw a phurna ri chu ka hriat hmaih lo..A phur chhan erawh ka hre hauh lo thung.

“Tak tak e, Sangpuii te pawh ka la hrilh lo a,bakah zanah lo kal in tum tho ka ring a...” ka ti leh a, ka ring hran hauh lo.

“Um, tum chiang e, chuvang ania ka rawn biak zawk che,mahse, chawei a sawm kal ka awlzia i hriat kha maw..” a nui hawk hawk mai.

“Ok, ka hriat chian loh che chuan tuman an hrechiang lo ang che” ka ti lui leh salh a, Simon-a tihnat ka duhna chuan a turin min tur a ni ber. Emily nen engtin nge an khawsak ka hre lo,mahse, vawiin a kan haw kawngah ringawt pawh khan kei aia a hnaih zawk zia a ti lang chiang em mai.

Ka biak zawh hnu fe ah Simon-a ka en ta chauh,a hmel tak ngul maiah chuan engmah a ngaihtuah ka hre thei lo, min en tawh lo in Banga Tv lam a en a, ngaituah muk tak nei a ang viau.

“Tu nge a?” nelawm vak lo hian a ti nghut a, a thawmhnaw suk tur ka ken chu Machine ah ka dah dawn mek bawk.

“Tu?” ka hre lo lui ve tlat.

“I biak kha, Tlansanga ten chaw an lo ei dawn a, midang ka mamawh belh vak lo ania..” a tawng dan kher kher chuan min khei zak mai.

“Ruatdika a nih kha, chuan Sangpuii pawh ka sawm ang chu ka lo tia,mahse, chutia i mamawh belh loh leh lo kal leh lo turin ka lo hrilh leh mai ang” ka ti nghauh a, ka thinrim lo hauh lo, mahse, ka thinrim hian ka ri phut ngai lem lo.

“I sawm fel vek tawh a, thulh leh kher a ngai lo,mahse, nidangah chuan min rawn hmasa tawh la..”

“Tehreng mai, vawiin a Tlansanga leh Emily chaw lo ei tur i sawi tawp avang khan ka sawi ve pawp anih kha...” min chhan hmain Bathroom ka pan a, Machineah a thawmhnaw ka vawm lut a, amah pawh vawm luh tel law law ka chak,karkhat chhung lek a danglam dawrh thei mihring hi ka hua nge ka hlau zawk ka hrethiam tawh bik lo.

“Vawiin tlai bik ania ka sawi, i thin tihrim ka tum lo ania” ka let leh veleh a lo ti a, chhang lo in ka bu ringawt.

“Sorry ka tih kha...i hrilh tawh a, lo kal rawh se, a pawi lo” ka hnung atangin a rawn ti leh a, a lo kal hnaih lai ka hre lo bawk nen ka phu ru deuh zawk bawk.

“Angai lo, zanah lo kal se a tawk mai,ka lo hrilh leh ang..” ka ti nghat a, ka lungawi lohna inthuah tun chuan min ti chau vek in ka hrethei hial mai.

Ka darah a rawn vuan a, alam hawiin min kuai her a, ka khabeah a rawn dawm a,kan in en ta ran mai.

“Ka chau bawk nen ka tawngkam a lo mawi lo a tihpalh tak tak, thinrim tawh lo teh..reilote min mutpui zawk la..” ati sup a, ka chalah a chalin a rawn ti si a, mahse, ka la che chuang lo,nidang ang chu nise ka kuah let anga ihe lo in a thusawi ka pawm ngei ang.Mahse, tun tum chu a danglam tlat atin ni.

“Mawh, ka ngai che ania..’ ati leh sup a, tuntum chu thupek ni lo in ngenna aw a ni ta thung.

A muthilh veleh ka chhuksan a, tlaiah chawei tur kan neih avangin eirawngbawl keiman tih ka duh a, kan nula nen kan buai ta char char,Tlansanga a lo thleng hmasa ber a, Simon-a kaihthawh ka tum a, mahse, ngai a ti lo,”Mu rih rawhse, kan haw lehnghal dawn pawh a ni hleinem” ati awlsam mai.A hnu lawkah Sangpuii te leh Ruatdika te an lo thleng rual a, Ruatdika hmuh apianga tel ve ngei ngei Hriati a lo kal ve bawk,ka beisei sa a ni hrim hrim, an inzui nasa a, engtikah emaw chuan neih pawh an la inneih ngei ka beisei.Emily lo thlen chuan Simon-a pawh a rawn tho tawh a, Ka pu natdan chungchang vel leh tawrhpuina thu te an sawi a, kan ri mam mam mai.

“Hon...Kan ei mai dawn mi? Chawei kham lamah tih lawk tur ka nei a” ati a, “Um, ei ila, kan peih vek tawh lawm..” ka ti a, kan nula chawei siam ka pui a, Sangpuii’n min rawn tihpui a, vawiin tlai chu Sangpuii pangngai kha a ni leh tawh, a tawng siam siam a, Simon-a chungchang kan sawi dun kha chu hria ang pawn a awm leh tawh lo.Kan pahnihin sawi chhuak tu nih kan duh lo ve ve in ka hria.

Kan eikham hnu rei vak lo ah Sangpuii te an haw a, Ruatdika te pawh an kal zui chu a ni mai,Gate theng ka thlah a, Simona-a erawh chu inchhungah Emily leh Tlansanga te nen an awm a, la haw an tum ve lo anih hmel e.

“Thil sawi khawm lawk tur kan nei a, i duh leh min lo mutsan mai dawn nia, kan rei phian maithei “ ati a, hnial enah pawh ka en lo.An duh duh chu han ti vel mai mai tehse.

Roomah Tv ka en a,mahse, ka rilruah a lut miah lo,engthil nge an sawi ang ka hre lo,Ka pu kha an chhungkaw zing a mi a lo ni miah lo tih kha a tak tak anih leh nih loh zawh ka duh em em a, mahse tunah chuan a hun rih lo pawh animaithei.Emily nen chauh a inhmu chu nise ka thinrim ngei ang, mahse,Tlansanga a awm ve tho a, engmah ngaihthat lohna tur a awm in ka ring lo.

Motor tlan chhuak thawm ka hriat takah phei chuan ka thawl ta huai,ka lo insehruh teuh tih ka hrechhuak chiah bawk,Emily kha Taxi in a lo kal a, Tlansanga’n a thlah haw nghal mai ang chu.Tlansanga haw kawng a nih tho avangin harsa a awm lo.Mahse, Reife hnuah pawh Simon-a a lo la chho ta lo fo,a rawn haw chauh a chuti taka han buai nghal chu thil mak tak a ni, tuntum chu hna pawh ni raw sek sek mu turin ka tih ngei angai, anih loh chuan a buai chhung chu a Officeah ka awm ve mai ang.

A Office a la eng kalh mai, ka pan phei a, Kawngkhar a kharphui chiah lo bawk,mahse tawngthawm ka hre ta tlat,an haw daih tawh si a tu nge a biak ang?, Phone a ni zawk ang..Kik pawh kik lo in ka pawt hawng zau a, mahse, ka luh hmain Tlansanga tawng ri chuan min ti ding leh chawt mai,a kal daih tawh emaw ka ti a, tu nge Motor a tlanchhuak kha ni ang le??

“Hmingthani hian hre ve se a tha lo maw?” kawngka bulah ka ding a, mi tawng ngaihthlak hi a mawi hauh lo,mahse, tun tum chu ka hre duh tlat, ka hming an sawi ri bawk.

“Aih, kan buaina ah hian a tel ve ka duh ngai lo ang, eng buaina mah a tawh ve ka phal lo” Simon-a tawngri nghet charh mai chuan min ti khur titih.Eng buaina nge a lo neih ka va han hrethiam lo tak.

“Nakinah a la hriatchhuah tho ka hlauh vang mai ania, ka hrethiam che” Tlansanga’n a ti leh a.

“Ka hre lo, mahse, hei kum hnih kan innei tawh a, tun thleng in engmah a la hre chhuak lo chu ania”Simon-an a ti leh nghut a,Ka Pasal hi ka ringtawk thin, ka engkim a engkim a ni bawk.Mahse, a sawi hmangin kum hnih lai engmah ka hriat loh thil inthup a lo awm tawh a, chupawh thil te tham a ni miah lo tih a chiang.

“I pu khan thil hriat theih a hnutchhiah em?”

“Aih,engmah a hnutchhiah lo, bakah atan a hlauhawm ka tih hnu pawh khan thu a awih tlat lo a..” ka khup a sai nghal dar dar mai.Ka pu kha damlohna vanga thi emaw ka ti a a ni lo tawp ani ngei ang.

“Um, Emily hi kei chuan ka ring ngam lo ania..”

“Ring rawh, engkim hi chu a hre lo,mahse ka hrechiang a ti tur a ka tih apiang chu a ti vek ang..” a rintawk zia a aw ah pawh a lang thei..

“Ka hria e..Khumah eng nge a an ang aw..?” Tlansanga nui ri hak hak chuan ka nuih a ti za ve lo chiang ngang mai.Simon-a chhanna ka hre ngam lo,kalsawn ka tum zet a mahse ngaithla law law ila a tha zawk.

“Duhthusam...i duh phawt chuan ka hrilh thei ania..” ka luak chhuakin min hnawh nghal up up mai,Room lamah ka pai chho nawk nawk a, Toiletah ka tlang nghal a, ka luak chhuak lutuk chu ka insum zo lo...

Simon-a lo chho thawm ka hriat veleh ka mit ka chhing a, khum kil lehlamah ka mu tawm tak bawk,thawm dim zetin Bathroomah a lut a, a rawn chhuak leh a, khum bul a Lamp a off a, khumah a rawn lawn tih hriat zet hian a hniam sat bawk ,mahse, ka la che chuang lo.Min rawn hnaih a, ka kawngah a rawn kuah a, ka biangah a rawn fawp zauh bawk,min fawhna tuaifai  lo turin ka insum tang tang a ni ber.

Ka hnute a rawn khawih a, mahse, a che zui lo, rei vakloah a hnar zui mai bawk,a chau takzet anih hmel, nia, a chau ang, ka pu lah damlohna vanga thi a ni lo a, thuruk inthup a awm a, ka pu tana hlauhawm chu engthil nge?, keipawh min hnuk lut tel duh lo tih a sawi a engtiang taka hlauhawmah nge kei hi ka intah luh ka hrethiam lo,kum hnih tehmeuh ka hriatchhuah loh thuruk chu eng nge ni ang?? Zawhna hlirin ka khat vek.

Simon-a lo haw hnuah kar a liam leh tawh, engmah hriat belh ka nei lo a, dik lo tlat ni a ka hriat lah khan min kiansan thei hek lo,Simon-a awmdanah engmah danglamna hmuh tur pawh a awm zui leh tawh lo.Ahma ang bawk khan min duat a, min ngaihven em em bawk.Mahse, keimah zawk hi dik lo awm ni a ka hriat tlat tawh avangin kan nupa a kan awm pawn ka thla a muang thei lo.Ka tang teuh reng ani ber.Hmangaihna kan chen dun pawn nuam ti lo ka ni lo,mahse Emily nen an mu dun ni a ka hriatna chuan natna min siam sak ta ziah thung.

“Tunlai hi i damlo ni in ka hria..” Khumah rawn thut  ve pahin a ti a, ka chal a rawn dek a, min en run bawk.

“Aih, dam e..thil hriatthiam loh ka nei a..”

“Um, engthil nge ni ta?” ati nghut a, Lukham nghengin a thu mu zui zat bawk.

“Zawt che ila min chhang angem?”

“Tehreng mai..ka chhan theih chi anih phawt chuan..” ati awlsam mai, Tv lam a en a, en turin zawngin a hmet kual dun dun bawk.

“Ka pu chungchang kha,ka pu kha engtia kan chhung nge?”

“I hria emaw ka ti a..’ ngaipawimawh lo hmel fe hian a ti liam puat.A awmdan pawisak nei lo lutuk chuan in ti thinrim ta phat mai.

“Ka hria emaw ka ti a, ka lo hre lo alawm, ka pu kha kan chhungte a ni reng reng lo.I sumdawnna tur a tanpuitu che a ni tih ka hria alawm..” muangchangin min rawn en a, a mitmeng thim raih mai chuan min ti khur ru dar dar mai.

“TU nge chu chu hrilh che?”

“Min hrilh tu a pawimawh lo,mahse, i nupui ka nih angin thudik ka hriat hi a tul a ka chanvo a ni bawk.” Ka aw a chang fak mai,Hetianga nelawm lo leh tawngkam hriat nuam lo hian ka la be ngai lo.

“I chanvo maw?” ngeiawm zet hian a nui hawk a, a mutdan ngaiin a mu zui leh mai.Engmah ka zawt chhuak dawn chuang lo anih hmel e.

“Aw, ka chanvo, nge i nupui lem  ka ni zawk?”

“Nupui lem a awm ngai ami?” a ti duh lek..

“Ka ni ani ang, engmah ka hriat ve hi dik a awm miah lo,i chungchang ngei pawh hi dik a awm Lo,ka nu nen chiah in kal a, mahse, a hnuah Emily-in a rawn zawm leh che a.” ka aw a ring lo,mahse, ka thinrim chuan ti hian ka awm thin tih a hrechiang khawp ang.

“Dik lo a i lo ngai anih chuan i thu le..Emily lo kal chhan chu ka koh vang a ni a chupawh hna vangin mahse, i hriat tur chin chu ka hrilh che, ka hrilh loh che a awm anih chuan i hriat a tul lo animai..” a thusawi mal tin chuan a den in min deng dawt dawt a ni ber.

“I nu hi i nu tak nge a lem?”

“I sawi zo tawh em?” min rawn en a, min thah mai duh hmel a pu bawk,ka ip chawih thei hial mai.

“Thil pakhat ka hrilh ang che, i buai lohna turah lo buai suh..Min ti thinrim lo la a that ka ring”ati leh a, a tho a, a lukham a keng a, a chhuak zui chu a ni der, na zetin Room kawngkhar a rawn nam khar thuai bawk.

A vawikhatnan ka Pasal bulah ka mu ta lo,a zin lo anih chuan kan mu hrang ngai lo,kan inhnial thinrim anih pawn kan mu hrang ngai lo,chubakah eng khan nge khati tak a ti thinrim ka hre hek lo.Min hrilh ai chuan thinrim a min chhuahsan a thlang ta tlat pawh khan min thawng a min ti na bawk.

Kan nupa nun a inthlak danglam ta vek, midang hmuh danah chuan danglam vak a awm ka ring lem lo, mahse, kan inkar chu lei kak thuk tak, zawm ngaihna awm lo nen ka tehkhin ber, In ah a awm tlem em em a, zanah rei tak tak a office ah a awm a,ka bulah a mu ngai ta hek lo.Inchunglam hi kan Room leh mikhual Room anih avangin kan nula a lo chho ngai mang lo a, kan mu hrang tih pawh a hriat ka ring lo.

“Zanin chu Sangpuii nu kan va kan ve dawn mi?” chaw kan ei lai in ka ti a.

“Um, dar engzatah nge?”

“Ka hre lo , i lo haw hma theih chuan i lo haw hun hun kha a tha nimai a” ka ti a,a bu nghut a, a thil ei lai a ei zawm mawlh mawlh bawk.

“Meeting kan nei dawn a, ka buai deuh maithei, mahse lo haw hma ka lo tum ang..” a chair nawrsawn pahin a ti a,mak takin a lo haw hma ka ring miah lo.

Ka rin ang ngeiin dar 7 ah pawh a lo la haw ta lo fo,Meeting an nei dawn tih kha a sawi ngei a, a hun tur kha zawhna chang lah ka hre der lo,ka call ta nge nge,rei pawh a ring hmain a rawn pick ve mial.

“Hello..Mate..” zawi sup hian a rawn ti a..”Honey ‘ tih leh ‘Mate’ tih hi chu kan in kawp tantirh atang khan min kohna a ni ta reng, ka hmingin min ko ngai lo tluk a ni.

“I lo haw hma thei dawn ta em?”

“Sorry, kan meeting tur hi kan tan thei dawn chauh a, naktuk zanah kan kal mai dawn mi?” a rawn ti a, inthiam lo ve tak tak te pawh a ang viau.

“Apawi lo,naktuk zanah animai” ka ti a, kan Boruak tha lo hi midang hriatah tihlan kher ka duh lo a, diktak chuan kan inhau nawn leh pawh a ni lo a, kan inpawh lo tawp animah zawk.

“Ok...Chaw pawh min lo eisan mai dawn nia” a rawn ti leh a.

Hnathawh tur tlem ka hawn a, Roomah ka inchhawp hnawk ram mai.Ka thawk tui tan dawn chiah tihin ka Phone a rawn ri a, en mang lo hian ka pick a, ka beisei loh zetin Hriati a lo ni a.

‘Hello..”

“Sangpuii te In ah lo phei la..” zawi deuh hian a rawn ti a,a aw lah chu a ralkhel hmel phian bawk.

“Tunah maw? A zual ami?”

“Aw, a kal mai dawn mawni te an ti a..” a rawn ti leh a, Ka nu te hian an hre lo nge mawni engmah min rawn hrilh lo..

“Ok, ka lo phei nghal ang” ka ti a, ka paper chap hnawk nuaih chu ka remkhawm nawk nawk a, ka thawmhnaw haklai pawh thlak lo in ka chhuak zui chu a ni der.

Hotel lian leh changkang zet kawt a Simon-a car ka hmuh rualin na zetin ka brake a, a ri deuh tuar thei hial bawk, ka back leh a, Motorah tu nge awm ka hre lo,engthil nge hmuh ka tum chiah pawh ka hre chuang lo.

Ka beisei loh zet hian Car kawngkhar a rawn inhawng a, hmeichhe nalh fahran hi a rawn chhuak a, Driver thutna lam a inhawng leh a Simon-a a rawn lang ve nghal zat bawk.An pahnihin Hotel chhunglam an pan a, a hmeichhia zawk chuan a banah a kuah chial bawk..

Chhuah mai ka tum a, mahse, ka thulh leh,Simon-a ka call ta zawk,reife a ring hnuah a pick ta hram.

“Hello..” zawi deuh sup hian a rawn ti a.

“In meeting in zo tawh em?” ka chil ka lem khawlh mai.

“Aih,zo lo deuh.Eng nge ni ta?” ka chhungril na lutuk chu ka mit ka chhing a, ka kut ka humruh ngawt ngawt bawk.

Dawt min hrilh ngai a ka rin loh ka pasal hian chiang lutukin Dawt min hrilh a, ka rin em em lai khan vawi engzat nge Dawt in min lo tih lungawi ang le???

Chapter – 6

        

“Eng ni lo e, hei Sangpuii nu a tha vak lo an rawn ti a, ka kal mek a” ka ti a, ka hmui ka pet fan fan mai.

“Ok, ka hman veleh ka lo call ang che..” ati leh sup a,rang zet hian ka Off nghal hmak bawk,ka na lutuk, kha hmeichhia kha tu nge anih ka hre lo, ka hmuh awm pawh ka la hre hek lo.Mahse, khanu khan Tlangnel takin a banah a vuan a, an inhre tha hle ang tih a chiang.Emily lo pawh hi kawp tam tak a lo nei tihna a ni ngei ang.

Ka Phone nghawr dar dar chuan min ti harh zawk a, ka mutthlu hauh lo,mahse, engchen nge ka thut ka hre lo.Ka Phone ka pick hmain Simon-a car dahna lam ka va en a, a lo awm tawh hauh lo bawk.Engtiklai khan nge a lo tlansawn hman ka hre miah lo,a rawn hawi kual chiam anih loh chuan ka dinna lai a thim deuh avangin min hmu kher lo ang.

“Hello..”

“I lo kal ta mi?” Hriati a lo ni a.

“Um, lo kal mek, chanchin dang a awm leh mi?”

“Aih, awm lo e,mahse, hei a tha leh tawh a,lo kal kher pawh a ngai lo ang” leh lawi chuan a...

“Aaaa, ka lo chhuak tawh a, bakah in la awm tho chuan ka lo thleng law law mai ang” ka ti a,”Ok, mahse, keini hi Ruatdika a hmanhmawh a, haw kan lo tum mek asin” a rawn ti leh a..a zia deuh chuan mut pawh an lo duh maithei a, kal lo law law ila a fuh zawk ta ve ang,chumai bakah midang bula hun hman chakna ka nei lo.

“Ok, ka lo kal lo mai ang, mut pawh an duh ang, Sangpuii lo hrilh mai la aw” ka ti a,a lo hrilh ang tih a sawi a.Kal thlen chu a tha ngei mai, mahse, ka hun tawn teh nek hian min ti chau vel vek tlat.Ka Phone ka hmet eng leh a, kan In ka chhuahsan khan dar 8 a pel tawh a, tunah chuan Dar kua leh a chanve a hnai thuak tawh, Sangpuii te In leh kan In inkar hi tlan pangngai tak chuan darkar chanve tlan vel a ni sa hrim hrim a, engpawh nise helai hmunah hian ka thu rei thawkhat tihna ani phawt mai.Darkar khat lai hun ka hmang liam ta tlat.

Ngaihtuahna thar ka nei a, ka nu te In lamah riak mai ila a nuam phian ang, ka Nulat laia ka room kha tuman an hmang zui ta lo a, an dah ruak ringawt a, bakah Sangpuii te Inah ka kal tiin chhuanlam ka siam thei mai ang,ka nu ngaihdan anih vak loh pawn zankhat lek chu ka ti lui thei mai ang.

Sangpuii te In bulah ka ding det a, a reh thiap mai, an mu tawh a ni ngei ang, kan In lam ka pan leh a, dar 10 pawh a la ri lo a, tu emaw tal chu an la meng ngei ang.Ka beisei ang ngeiin Ka pa leh ka u an lo la meng a, phawk zet hian min lo en dun hau bawk.

“Eh...i va lo kal zan ve” ka pa in a lo ti thuai a,ka pa hi Dawt ka hrilh ka la hre lo ,mahse zanin chu a tulna in min nawr a,sawi loh theih a ni ta tlat lo.

“Sangpuii te Inah ka rawn kal a, Simon-a awm bawk si lo a,ka rawn riak ang chu ka ti” ka hrawkah hnawhtu a awm a, harsa ti zet hian ka chil ka lem thei hram bawk.

“Engtik khan maw?” makti hmel deuh hian ka u zawkin a rawn ti leh hu a.

“Tunah hian mawle, ngatinge?”

“Ngati lem mah, zantir lam khan reivaklo ka awm a, zanin chu a zia deuh bawk a ka tia ka hawsan a, bakah Sangpuii te pawh an haw In ka hria” atih zawm leh a...min man chiang lutuk chu ka khur titih a, nuam ka ti hlawl lo.Mhse,ka ti laklawh tawh.

“Nia, mahse, ka hman zan ani sia lawm” ka ti a, kan tawngthawm hriain ka nu a rawn tho leh a.

“I va lo kal zan ve,khawnge in pa?” a mit nuai nawk nawk chung hian a rawn ti ve a, a bul atang bawkin ka kalna ka sawi tha leh a, ka rin ang ngeiin riah ka tum ngawt mai chu a duh hmel vak lo.

“Ngahnge maw rawn riah i tum kher ni?,Pasal nei i ni tawh a mahni In lama riah ngawt zel hi a rem lo ania” ati dam thlap mai.Zahawm ka ti vawng vawng, kan naupan lai atangin ka nu pa te In lamah hian kan kal tam lo hle, kal chu kan kal thin a, kan cousin te ho nen pawh kan inpawh tha thawkhat.Mahse, ka nu hi a riah em ka hre ngai lo.Kan kal dawn anih pawhin ka pa hrilh lo a kan kal ngai pawh ka hre hek lo.

“Nu, zanin chauh alawm..” tlawn pah titih hian ka ti a, Fanu mal ka ni a, ka nu hian min duat tih ka hria, mahse, inchhung chet engkim hi ka thiam vek a, kan naupan lai atangin awmpui kan nei ngai lo.Ka nu in a ti vek a, keipawh zir rual ka nih atangin engkim min zirtir nghal vek a, ka unaupa te pawh hi an awm awl mai mai lo viau.

Ka room ka pan thei ta hram, engpawh chu nise zankhat na atan Simon-a tlansanin kan In ah ka riak ta chu ania, pasal nei rual ka nih tawh hnu khan engvangin nge mi hi an inthen thin tih hi ka ngaihtuah nasa thin a, induh takin nupa ah an insiam a, an lo thinrim anih pawhin chinfel mai awmtak ka ti fo thin a, mahse, tun hnai kan boruak atang hian engvangin nge Nupa hi an inthen thin chu hrethiam ve tan chuan kan inhria..mahse, damchhung a Simon-a tel lo a nun chu ngaihtuah pawh ka ngaihtuah ngam lo,ka then thei lo ang ka ti hauh lo.A bul atanga nun hi fight leh tur chuan ka tlin angem tih hian min ti buai zawk.

Ka Phone nghawr dar darin min ti harh a, ka lo muhil hman sek anih hmel.Ka en a,Simon-a.

“Hello..”

“Khawnge i awm?”

“Ka mu tawh” ka ti tawi tak mai.

“In ah i awm lo a, chuan i mu tawh lawi bawk a” ati nghut a,ka mitthlaah kha hmeichhia nen a an inzui lut kha a lo lang a, ka na nawn leh vawng vawng mai.

“Nia, ka nu te Inah ka riak nghal mai...zanin chauh aniang” ka ti leh a..a ngawi ta vang vang.A dah ta emaw ka ti hial.

“A that chu..mangtha le” zawi sup hian a rawn ti a..Mangtha pawh ka mangtha let ta lo.

Zingah erawh ka rinloh tawpin thil a thleng ta tlat, ka thawh hnu lawkah Simon-a a rawn thleng a, a hmelah engmah danglam a awm lo.Ka nu in a lo be nghal chul a,ka be chak lo ngang mai thung.

“Innu i rawn lam dawn ami?” kan monu in a ti a,”Um, bakah ka rawn tlawh khat deuh che u a,lo kal ka duh hrim hrim a” a ti tha ve mai,ka nu ka va en a, a mitmeng fing zetah chuan engmah a hai miah lo tih ka hmu thei a, nuam lo ka ti ru veng veng mai.

“Chawei ve nghal law law ula, Mampui, vawiin chawlh a ni tho a,Simon-a lah duh duh hunah i kal thei a” ati leh siam siam a, Simon-a ka en zawk a, chhan tum a ka ang ziau chu min rawn chhan khalh a.

“Nia, a pawi miah lo..ka hmanhmawh lo” ka beisei loh zet chhanna ka hmuh takah chuan ka ang pham mai.

“Mahse, ih..englo..” sawi tur ber pawh hre lo in ka ti nawk nawk a, an vaia nui hmel ka hmuh takah chuan ka ngawi ta hle hle.

In kan thlen veleh Room ka pan chho nghal a, ka chau hluah hluah, nizan khan ka mu tha tho bawk si a, thilmak tak a ni.Room kawngkhar ka pawt khar tur chu tuemaw hian a ke in a rawn dang a, ka hawilet a, Simon-a.Min zui tih ka hre miah lo.Handle ka thlah a, Toilet ka pan zui nghal a,roomah hian a riak ngai lo a eng nge rawn tih a tum ka hre lo.

Ka chhuah leh pawn a lo la awm ta cheu,a thu thuang duai a, hmuhnawm tih hmel zet hian Tv lam a en dauh dauh bawk.Mipa naupang a ang phian bawk.

“Nizanah khawnge i kal?”  ka chhuak tur min rawn biak takah chuan ka ding dat a, ka hawi let a, min en lo in Tv lam bawk a lo la en a.

“Sangpuii te Inah ka tih kha..”  a ner nawk ka hmuh rualin ka kal miah lo tih a hrechhuak a ni phawt ang.

“I kal lo, khawnge i kal?” min rawn en ta nge nge..

“I hmuh ang khan ka nu te Inah ka riak,tih dikloh ka nei em?”

“Aw, tha takin i sawi thei a, engmah sawi si lo a riah bo ngawt kha thil dik niin i hria em?”

“Oh..thil dik leh dik lo thiar hrang turin ka upa tawk tawh,engmah tih dik loh ka nei lo.Bakah ka chhungte In a kal turin dikna ka nei alawm..nge ka nei lo zawk?”

“I kal thei lo ka ti miah lo,mahse, tunlai i awmdan hi ka duh lo..”

“Ka awmdan angai reng emaw ka ti a..” ngeiawm zet hian ka nui lui hak bawk.

Muangchangin a rawn tho a, a hmelpa leh hlauhawm zet chuan nidang angin min hip miah lo,ka hlau zawkin ka hre tlat bawk.”Min nawrlui suh ka tih kha,chuti lo chu i ngaihpawimawh em em te chungah hian engpawh a thleng thei ania” a ha var rual that mai langin a then suk a, a nuih zat vanga nui a ni miah lo tih ka hai hauh lo.

“Chuti chu min vau tihna mi?’ hlau lo niawm tak hian ka dak vah a,a mitah tak ka en lui ngar bawk.

“I ngaihdan dan le..chuan, thil pakhat leh..i nunah hian Ruatdika hi tel tir suh, ka nupui hi mi dangin min tawm ve ka duh lo ania...” ka puak keh ta nge nge..

A samah tham ka tum a, mahse a thle sawn a, ka pet a, ka ham buan buan bawk.Min ti let ve lo in a indang ringawt, a rem lai laiah ka chum nghek nghek bawk,engtin nge amah zawkin midang a kawp tih ka mit ngeia ka hmuh lai hian keimah zawk hi dikloah min puh theih ka hre lo.Zahna pakhatmah a nei miah lo lehnghal..

“A tawk e..” khauh zet hian a ti nghut a, ka kut pahnih a rawn man kawp a, hneh zet hian a vuan bet a, min pu nghal nawlh bawk..Tal chhuah tumin ka theihtawpin ka in vai a, mahse, awmzia a awm lo.Khumah min thehthla a, rang lutuk hian khum sir lehlamah ka tawlh phei nghal a, mahse, ka tlai ta tho, ka kawngah a rawn man a, hneh zet hian min hnuk let a, min bawh bet zui nghal hmak bawk.

“Min thlah rawh mi tenawmpa..” ka aw a khur a, sawi pawh ka sawi tha thei lo.

“Ni lo e, tu ta nge i nih hi hriattir i ngai alawm” a mit thim ruihah chuan thil tha lo tak tih a tum tih hai rual a ni lo, ka tal leh phat a, mahse a mal sei leh khauh tung chuan ka ke a rawn kherh zet zui leh hmak mai..Chet ngaihna a awm tawh lo, ka kut pahnih lah ka lu chung lamah a nem bet chho tlat bawk.

“Ka hua che”

“Sawi kher angai hleinem,ka hrereng alawm” chang zet hian a ti hluk a, a sawi zawh rualin a lei lum thar thar chuan ka beng a rawn liak a...ka tim uai thei hial bawk.

“Min thlah rawh” harsa ti zet hian ka ti leh tawk a..mahse, ka sawi hrelo ang hmak hian a thiltihlai a chhunzawm zel thung. Ka nghawngah a rawn fawp a,tuntum chu nidang angin dimdawina a tel lo,min rawn fawh tum a a rawn kun hnai leh chu ka thle sawn a, a nui hawk duh lek,a nuiri lah chu a rapthlak lamah a kal tlat bawk.

Na zet hian ka hnute hmur a seh a, ka te thawt thei hial bawk, ka tal leh phat a, mahse, a hma aia na zawk hian ka malah a rawn tham a, ka zal ta raih raih mai. Ka kekawr hak a phih thla a, ka kawr hak a pawtthler a,  ramsa kawlh ka tehkhin ber, chet pawh che ngam lo in min khawih ang angin ka awm a, hetiang hian Hmangaihna min chenpui ang tih hi ka mumang lamah pawh ka la mang pha ngai lo.

A mipatna khauh leh ruh tungin dimna tel miah lo a min rawn zawm takah chuan ka mittui a rawn tla a, mahsee, ka tap ri ngam chuang lo,Hei hi anih na tak tak chu a lo ni ngei ang, kum hnih tehmeuh ka lo hriat loh, a chhungril a sakawlh inphumru chu hei hi a lo nih ngei dawn hi..

A duhtawk a ngah meuh chuan che tur ka awm tawh lo, min thawhsan a, Bathroomah a lut a, a rawn let leh pawn min kalsan dan ngai ngaiin ka lo la awm ta tho,min en miah lo in a thawmhnaw bawm a hawng a, a inha mawlh mawlh a, hna kal a tum tih a chiang,engmah thleng lo ang hmakin a awm thei tlat bawk.

“Khatiang a chet kha ka tumdan a ni bik lo ania, mahse, tikhan tu ta nge i nih i hriat ka ring..” Khum bulah a rawn ding hnai a, ka mit ka chhing ta ngawt.

A chhuak thawm chu ka ngaithla kar a, Room kawngkhar dimtein a rawn khar a,a pen thawm zawi ta tial tial chu ka ngaithla a, a reh zui ta hmak, engmah thawm a awm lo..Khawvel hi a tawp a engmah hian nunna leh hlutna an nei ta lo ni hian ka hria..mahse, kei hi ka la nung..ka mittui a rawn tla a,a vawikhatnan Simon-a ka neih avanga inchhirin ka tap chhuak ta nge nge..

Chawhma zawng ka mu ta,thil chi hrang hrang ka ngaihtuah a, engmah ngaihtuah chuah ka nei pawh a ni chuang si lo.Nizan khan Sangpuii te In ah khan ka kal miah lo tih kha engtin nge a hriat ka hre lo,Sangpuii a call ani maithei.Ka u sawi hmang khan dik lo a awm tlat,a zia deuh avangin len pawh a leng rei lo ati a, Hriati khan a tha lo a rawn ti ve thung..Dik lo a awm.eng nge dik lo chu ni ta ang? Engvangin nge Simon-a khan Ruatdika a huat thar tak thut ka hre hek lo.

Hriati ka call ta nge nge,Sangpuii nu lam chanchin zawh ka tum lo.Ruatdika ka biak tlang theih loh vang a call ka ni zawk.

“Hello...” zangkhai fe hian a rawn ti a.

“Ruatdika ka va be duh,a awm em?” ka ti a.

“Um, awm e, lo nghak lawk..” ati tha ve mai.A Phone a call lo a amah zawk ka call chu mak ti awm pawn a awm lo.

“Hello..” Ruatdika aw hian a rawn ti a.

“Hmuh che ka duh,i hman thei angem?”

“Dar engzatah nge?”

“I hman hun hun animai,chuan Regency Hotelah khan min kalpui bawk teh” ka ti a,

“A va mak teh nuaih thin,engpawhnise in Inah chuan ka lo kal lo ang, khawiah nge kan inhmuh ang?” a rawn ti leh a.

“In Dawrah i awm chuan ka lo kal ang.. “ka ti a, a awm thu min hrilh a, peih lo zetin ka tho a, ka chet zawngin ka taksa a na zawk zawk thei..Ka then chak chak mai..

An dawr ka thlen chuan an lo buai phian, ama Cabin lam ka pan ding a, ka rin ang ngeiin Hriati nen an lo awm a, engemaw an lo en dun a, an hlim hmel phian bawk.

“I va lo thleng rang ve,eng maw ka tihpui dawn che?” a lo ti nghal thuai a, Coffee emaw Thingpui pawh ka duh leh duh loh min zawt a ka lu ka thing mai, kan kalna turah kal vat ka ngai,chumai bakah Simon-a khan Ruatdika hmu lo turin min ti a, a chhan hre lo mahila thil tha lo zawk a thlen loh nan ka hmu tih a hriat kher ka duh lo.

“Motor i rawn keng em?”

“Aih, Taxi ka rawn hmang a, i Car in kan kal mai ang chu” ka ti a. Min hnial lo in a bu ve mai.

“Khawiah nge kan kal hmasak ber dawn?”

“Regency ah hmelhriat i nei em?”

“Ka nei tih i hria alawm,eng chungchang nge?” ati a, a nui var var bawk, Regency neitu te hi a Cousin te an ni a, an inpawh tha em em bawk.

“Englo, nizan ami CCTV record en duh ka nei a..” ka ti a, a chal a ti chuar a,”Chu kher chu a...an rem tih ka va ring lo..engpawh nise kan tum poh ang chu” ati a, a huphurh ve deuh anih hmel.Eng nge en ka duh min zawt ta lo hlauh erawh ka lo thawveng huai thung.

Ruatdika rinlawk ang ngeiin an lo remti tehchiam lo, mahse, a nawr lui a, kan mamawh zia te a hrilh a, a nawr a nawr takah chuan a remti ta hram.A Office ah min hruai a,kan en duh hun darzat min zawt a, ka hrilh ve mai,thildang tamtak ka mamwh lo, hmeichhia kha tu nge anih ka hre duh a, chuan Roomah engchen nge hun an hman ka hre duh bawk.

“I thil zawn ber ka hre hauh lo a, mahse, i hmuh tak avangin i hlim loh phah sawt tih chu ka hria e..” ka kut a rawn vuan a, a sawi dik..Kha hmeichhia nen khan darkar khat chuang tehmeuh Roomah an inkhung dun a, chumai bakah kha nu nen khan an kal fo tih min hrilh tlat bawk.Emily lo pawh hmeichhia a lo kawp tho anih hmel..

“Tu nge rawn thlah che kha?” Room ka luh ruala ka thil hmachhawn chuan min ti thinrim zual sauh a ni ber.

“Ruatdika...” ka ti nghat a, ngaipawimawh lo zet hian ka bag ka thehthla thak bawk.

“Hmu tawh suh ka ti che emaw ka tia..”

“Ka thian ania, engvangin nge ka hmuh loh ngawt ang..a ho em mai..”

“Chuti maw?,ho i ti tak tak em?” a aw hlauhawm zia chu ka chhungril a fan raih raih thei hial in ka hria.

“Aw, ka thiante chu ka hmu thei ang chu,nangpawn i hmu thei alawm”

“Midang chu  i hmu thei, mahse, Ruatdika chu ni lo in..Ka Office chhungah khan in kiss kha hmu lo ila chuan ani pawh i kawm thei reng tur ania” ka khawng nghal lah mai...ka chalah min fawp ngei..kha kha a sawi tihna ani ngei ang..

“Kiss...oh..kha chu thiantha in kiss satliah anih kha..chuan..” ka sawi zawh hmain a ri pawp a, Remotein bang a vawm tih chhuata Remote tla keh nuaihah chuan ka hrethiam nghal mai bawk.

“Zingah khan ka zirtir tha tawk lo che anih hmel, a lehpekah chuan nang ni lo in amah kha a ni tawh ang..” ati hmuk a, Room kawngkhar a hawng a, na lutuk hian a rawn nem khar thuai a, Banga kan thil tar pahnih an tla keh nghal chhuai bawk.

A hma a kan boruak tha lo te kha chu a tihchhinna lek a ni ringawt, tunah phei chuan kan inhau tih kan nula tan pawh haider sen a ni ta lo.Chaw kan ei pawn ngawirengin kan ei dun mial mial a, nidang anga inbiak lumlam engmah a awm ngai tawh lo.

Hna ban veleh Sangpuii te In ka pan a, a nu nizan lamah a chau leh deuh an ti a, Doctor te an beidawn tawn avangin In lamah an enkawl a, Sangpuii pawh pasal nei hlim chauh mahnise an mahni In lamah deuh hlir an la khawsa ta rih.

“Nizanah Ruatdika leh Hriati an lo  kal a” ati a, hman zan kha ka rilru ah a lo lang a.

“Um,an va fel thin,enteh, hman zan a hun tak ka hre tawh lo,karkalta chu a ni ngei, chumi zan chuan Hriati khan a zual a lo kal rawh min rawn ti a.Mahse, ka lo thlen chuan in lo reh thiap a, ka lo lut ta lo a” ka ti a, maktih hmel deuh hian a mengphawk a..

“Chutiang ka hre miah lo,zual tak tak hi chu nizan kha a ni deuh mai a, kan vannei mang e kan lo ti mek zawk a” ati a, mak ka ti ta riau, ka u khan a zia deuh a ti ngei a,anihna takah chuan Hriati te kha an kal bik lo a min rawn fiam animai angem? Mahse natna thil chu infiam pui chi a ni miah si lo.

“Hey..ka va hmu duh che ve.. “Ruatdika hnenah ka va ti a.

“Ka buai asin, eng nge a?” nidang ang lo takin a aw a dul raih mai.

“Thil zawh che ka duh,i va cool ve a” nui chungin ka ti a,mahse a nui ve hauh lo.

“Cool lo e, lo kal rawh, dawrah ka awm” a rawn ti ta nge nge.

An dawr hi an hawng rei thin a,ka thlenin khua a la thim lo deuh,an lo la buai mam mam viau mai,

“Eng chungchang nge ni leh ta? Inpa hian kan inhmuh hi a duh lo teh ania”  ati hmuk a, a mood a fuh lo tih a chiang, chumai bakah engtin nge kan inkawm a duh lo tih a lo hriat ka hre lo a, mak ti zet hian ka en ha mai.

“Engmaw i sawi?”

“I Pasal duhtak khan nangmah hmu tawh lo tur chein min ti a...mahse, ka thian i nia, engpawh nise eng chungchang nge?”

“Aaaaa, ka buai vek, chutiang engmah a ti lo ang..” ka la ti talh.

“A ti ngei tih min hriatpuitu ka ko dawn em?”

“Aih, i ho em mai, i ngai thutak lutuk anih kha..” ka ti leh a, za vak lo hian a nui a,a lawm lo em em tih a hmelah a lang reng.

“Engmaw i hriat duh?”

“Hmanzan  Hriati’n min rawn biak kha, Sangpuii nu a zual a rawn tih khan i kal ve em?” ka ti a, a meng buai deuh nak a mahse a reh leh mai.

“Kal e,a rawn biak lai che pawh ka hria,eng nge chu chu?”

“Eng lem mah..ka zawt mai mai che..ka kal phawt ang, ka tibuai che anih hmel em mai” ka ti a, nidang ang lo takin chelh pawh min chelh lo..

Simon-a a lo la haw lo, Chaw ka eisan a, engvangin nge an kal leh kal loh kha hriat ka duh tak kher ka hre lo,hria pawh ni ila eng nge ka hriatchhuah chuan ang ka hre hek lo.

Ka muhil lai ka Phone nghawr ri in min ti harh a, en mang lo hian ka pick a.

“Hming, Ruatdika a accident a..” Hriati’na rawn ti a, a tap zui titih bawk.ka thu chhuak nghal hlawl mai..Thawhphan pawh ka nei lo,harh chiang tak ka ni tawh.

Ka  thinphu a rang nghal dawt dawt a, hlauhna avangin ka khur titih bawk.Simon-a sawi kha a thleng dik ta tihna a ni ngei ang. Chapter- 7

Ka ngaihtuahna tihfim tumin reife che lo in ka thu vang vang a, hetianga ka chet buai vak hian thil tha a thlen dawn miah lo.Simon-a lo haw tawh leh tawh loh ka hre lo,ka tho chhuak a,Sana lah chuan zanlai a kawk vu tawh.

Dimtein Simon-a mutna room lam ka pan a, ke lawngin ka kal a, thawm pawh ka nei lo,tim dai hian kawngkhar herh hawnna ka vuan a, ka herh hman tep tihah chuan ka hnung lamah thawm a rawn awm a, ka thlah vat a ka inher nghal thuai bawk.

“Eng nge ni a?” Simon-a aw hian a rawn ti dam thluam a.

A sam a pawr deuh fap a, Pyjama tial a ha a, T-shirt hring duk,tlem a lian lam hret a ha bawk.A landanah chuan a mu tawh hnu a tho leh tih a chiang.

“Ih, englo ania, Ruatdika a accident an ti a..” sawi pawh ka sawi zawh hmain a ban vaiin min rawn ti tawp a.

“Maw?, engtikah maw?” ati nghut a, min rawn hnaih nghal ruak bawk.Engmah ti hmel a pu lo a, hre lo tak tak a ang bawk.

“Hriati’n tunah khan min rawn hrilh a..i lo hriat ve leh ve loh rawn zawh che ka tum a,chuan, kal nghal ka duh bawk a” ka ti leh duah a, a thle buk a.A hmel chang leh nelawm fahran lo chu Light hliah zawnga a awm avangin ka thilsawi engtin nge a dawnsawn ka hre thei lo.

“Ok, kan kal dawn nia, va inthlak la,midang ka lo be kual ang” pangngai tak hian a ti sup a, ka inher a room ka pan a, a khawih anih ka rin avanga ka hlauhna kha a kiang ta hawk.Ni e, a sual anih pawhin midang chu a ti na thei hauh lo ang.

Darkar chanve a liam leh meuh chuan Damdawiinah kan awm der tawh,kan tlan chhuahna kawngah khan Simon-a khan ama Car khalha Accident a ni tih a sawi a, ka bu ringawt, engmah ka sawi ve lo.Damdawiin kan thlen chuan a tlai tawh nen mi an lo awm teuh a, Simon-an chanchin a zawt nghal a, Sangpuii a rawn chhuak a, min lo thlen khalh a ni ngei ang,a Pasalin a rawn zui chhuak bawk a,ka pan thuai a,ani hi Doctor ani bawk a tlem chuan ka thlamuang ta deuh.

“Eng nge a an a?” ka bul a Sangpuii rawn thut veleh ka lo ti a,.

“A tha mai ang, tlemin a thawk dan a mumal lo deuh a, saw saw a ziawm veleh an zai mai ang” ati a.A sawi awlsam lutuk chu ka nui ringawt.

Simon-a leh Mipa pakhat hi an inbe mawlh mawlh a, ka en reng a, tu nge anih ka hre lo,lawmthu a hrilh thawm erawh ka hria, min rawn pan a, ka bula thutna awlah a rawn thu ve a, a hma a ka hriat thin Simon-a kha a ni leh ta a hriatna ka nei a, min Duat a min chelh reng thin tu zawk Simon-a kha ka hmu leh ta tlat.

“Hlauthawng suh, engtinmah a awm lo ang, a zia leh mai ang” ka kutah a rawn vuan a, rangfe hian ka kut laksawn tumin ka che nghal a, mahse, ka tlai hret, a rawn hum bet nghal hmak.

“Aw..engtin nge an tih a?”Sangpuii khan min hrilh tawh tho nangin ka zawt leh ta tho.

“Oxygen an pe mek a, a ziawm deuh hunah an zai nghal dawn a..” ati leh sup a,chhanna ngai tho. Engtin chiah nge a accident ka hre lo.Hriati lah zawh tur pawh a awm si lo.

“A na hle a ni maw?” beidawng fe hian ka ti halh a.

“Na ve deuh chu anih saw..mahse, Doctor ten an theihtwp an chhuah alawm,a tha leh vat ang “ati leh sup a, a nui suk bawk.

An chhungte an lo thlen belh leh nual a, zai theih anih veleh an zai nghal a, keini pawh kan haw ta lo law law,an zai zawh meuh chuan khua a eng tan tawh a, thutna mumal a awm si lo,ka mut a chhuak lo,mahse ka mit a thip a,a kham thum bawk.

“Engtin nge a Accident chiah  i hria em?” Sangpuii nen chauh kan awm veleh ka ti a, hmalam a thlir vang vang a.A hre bik lo anih ka lo ring nghal ringawt.

“Hriati sawi dan kha chuan Dawr atanga an haw hnuah Hriati pawh a thlah thlap a, chuan,zanah thil pawimawh tihtur a nei tih a sawi a, dar 11 vel khan Hriati chuan call a dawng a,Ruatdika accident thu an hrilh a,chubak chu engmah ka hre bik lo “ati a, a thaw halh bawk.Vei engemaw tak nei a ang viau.

“Amak teh thut e, a rui em?” ka ti leh a,kan dinna thlang Kawngpuiah chuan walk tur an awm tan zauh zauh tawh a.

“Ka hre lo le..englo..awi,sawi tur a ni em pawh ka hre lo” ati leh a.He Hospital hi Sangpuii thawhna a ni lo a, hmelhriat erawh a nei nual a,koh pawh an ko ngun ngiang mai.

“Sawi mai la, tihian ti thin lo teh” ka ti hlak a, ka hlauhthawnna bawk a lo thawk leh nghal zat bawk.

“Nizan khan Ruatdika chuan min rawn bia a, Simon-a nen an inhmu fuh lo anih ka ring” ati a, ka thawh hawk mai.

“Engtizawngin?”

“Ka hre bik nang, a sawi hleinem,tunhnai chu neuh neuh hi a tam ka ti, ka ning tlat” ati leh halh a, hei vang hi a ni ngei ang nimin khan Ruatdika kha a cool em em.Ka va hmu leh tih kha a hriat avangin Simon-a hian kut a thlak ani mai angem? Ka lu ka thing nawk mai..hetiang chu ngaihtuah pawh ka ngaihtuah duh lul lo e.

“Hon...kan kal mai dawn mi?” ka hnung lam atangin Simon-a aw hian a rawn ti a,ka insehruh nghal teuh mai.

“Nia, a pawi lo..”ka ti a, Sangpuii pasal nen an lo ni a, Coffee a ken chu ka kutah a rawn hmeh bel a.

“Keini pawh kan kal ang,vawiin hi ka zin tumni tak ani lehnghal a” nui chungin Sangpuii pasalin a ti a,an la inneih rei loh tehlul nen hian Damlohna vang hian an buai ngun lutuk a ka lainat ru zawk.

“Keipawh mawle, mahse, thulh mai angai dawn anih hi..” Simon-an a ti ve a..Zin a tum tih ka hre lo hrim hrim,Ni lo,engtiklai atang khan nge a tihtur engkim ka hriat reng reng ni? Hna anih phei chuan ka hre ngai miah lo zawk anih kha..

Motor ding datah ka harh a, ka lo muthlu hman pek,ka chauh vak pawh ka hriat loh nen.

“Kan thleng e..” Simon-an ati sup a, ka zi mar ar ar mai.Kan nula a lo tho tawh a, kan  pahnih a kan inzui lut chu phawk zet hian min lo en a, nizanah kan kal chhuah dawn khan kan hrilh ta miah lo bawk nen a demawm loh.Keilah hi nidangah zingkarah ka chhuak ngai miah lo tluk a lo ni bawk nen.

“Ehe..khawnge in kal a?” a lo ti chul bawk.Kan kalna ka hrilh a, mut rih ka duh tih ka hrilh nghal bawk,a bu nghat a, eitur ka duh leh duh loh min zawt a ka lu ka thing mai, Simon-a phei chu a chho tlang nghal daih tawh.Eitur lam reng rengin ka rilru a luah lo.

Ka rin ang chiahin Roomah Simon-a a awm lo,engvangin nge awm tura ka ngaih deuh tlat ka hre lo.Nizana kan chhuah dun avang mai khan kan boruak a tha leh tura ka beisei anih chuan ka mawl hle ang.Pasal anihna anga a tihtur ati mai zawk, chumai bakah a thiltih result en tura kal pawh a ni zawk maithei.

Ka thawmhnaw haklai ka hlip a, Bathrobe ka ha a,Shower nei zuai ila muhil vang vang ila a that ka ring, hna ka kal dawn lo tih erawh tuemaw ber msg in ka hrilh mai ang chu.Bathtub chu ka en vang vang a,Shower neih zuai ka tum zet kha ania, tuilumah ka inchiah ta zawk.Ka mit ka chhing a, ka taksa kham leh ni deuh thum pawh a zia deuh huai huai in ka hre bawk.

Zawitea tui rawn che ah chuan ka mengchhuak vat a, ka beisei loh lutukin Simon-a a lo ni a, thawmhnaw engmah a inbel lo.A pian nalh zet chu chiang takin a lang a, a zahpui hauh lo tih lah a chiang.Engmah ka sawi hmain a rawn lut zui ve nghal zat bawk.

“Eng...engthil nge i tih a?” ka ti bah nak mai.A nui suk a,min rawn hnaih a, min chhang lo in min pawt sawn a, amah ngheng turin min hnuk hnai zui salh bawk.

“Ka thil tih maw? Thil ho te,i bulah ka inbual duh mawle..”a ti sup a, hnial tuma ka ang zuau tawh chu ka hmuiah a kut zungtang a rawn dah a, ka beng a rawn fawp thawi thuak bawk.

Thuawih zetin ka thu ve ta hle hle,ka nghenga,a dar hlai hlapah chuan ka lu ka nghat a,a mal khauh tung chuan ka mal a rawn khan bet a, a kut erawh chuan ka dul nem leh ka hnute a chul kual zai zai thung.

“Hahdam rawh, engtinmah ka ti dawn hleinem che” ati leh sup a, ka beng a thawk khum a, a lum ham ham mai.

“Inbual zawh vat a muthilh ka duh “ ka mut a chhuak takzet, chumai bakah ka hetiang hian kan vawikhat awmna ni hauh lo mahse tuntum chu ka hahdam thei lo,Tumdangah kan inbual dun anih chuan thil thleng a awm ngei ngei bawk anih kha..Ka ngaihtuah zawng ringawt pawn ka tang lehnghal teuh mai.Hmangaihna min chenpui hnuhnung ber kha....ka rap lutuk..engtikah mah ka theihnghilh ka ring tawh lo.

“Okhey...keipawh chu chu ka duh ngei alawm..” ati leh sup a, Sahbawn phuan chuan ka taksa a rawn nuai kual leh a....ka mit ka chhing leh ta nge nge..

A thiltih lai dan tum a ka chet na hrelo ang hmakin a thil tih lai a tihzawm hmiah hmiah a, min pawm chhuak a, min tleuh fai a, ka Bathrobe hak tum a ka lak tawh chu min laksak a, Chhuatah a thehthla a,hnial pawh ka hnial peih tawh lo.Min khawih ang ang in ka awm ta zawk.Khumah min nghat a, a rawn lawn ve a, mut ve a tum tih hai rual a ni lo.Puan in min rawn khuh a,vawitamtak ka lo tih thin dan ang in a darah ka lu ka nghat a, a lungphu dat dat hrethei turin ka kut a awm zawnah ka nghat leh ta..Ni e,hei hi ka nun thin dan kha a ni a, nuam ka ti em em bawk.

Ruatdika a tha chak lo angreng viau mai.Ka tlawh ngun viau bawk, Simon-a pawn engmah a sawi sel lo.Ngaimawh awm pawn a awm leh tawh lo.Zantin ka bulah a mu ta ziah bawk.

“Vawiin min rawn tlawh dawn em?”a rawn ti a,karhnih zet a awm tawh.

“Ka lo tum chiah lo a, ngatinge?”

“Aaaah, eng ni lo e,vawiinah kan chhuak a, min rawn tlawh sual ka hlau a” a rawn ti leh a, an chhuah mai pawh a rin loh nen ka rin aiin an chhuak hma leh lawi.

“A va lawmawm ve, chuti chu In lamah ka rawn kal kual ang” ka ti a.Simon-a hna thilah a zin a, vawiin tlaiah lo haw tur anni a,Emily hruai lo in Tlansanga nen zawk an kal a,Tlansanga nen hian an dawr thar tur hi an ti dun dawn tih ka hria a.Chumi vel buaipui chuan an kal tih tun tum chu ka hre ve tlat bawk.

Ruatdika nu in min lo be chul a, kan naupan tet lai atanga min hria a ni bawk a,keipawn ka ngaina viau bawk.”Roomah an awm kha, han chho ve mai rawh” a lo ti thuai a,Room ka pan chho a,Hriati nen an lo awm a,Hriati nen an inkawp dan hi thuruk a ni tawh lo bawk a zah pawh hi a zak tawh lemlo niin ka hria.

“In pa a zin ami?” a lo ti a, ka bu nghat ringawt.

“Chuti chu i khua a va har dawn ve” nui chung hian a ti leh a, ka nui ve mai.Kan boruak hahthlak lutuk kha a kiang a, kan nupa kar lah sawisel tur em em a awm leh tawh bawk si lo nen diktak chuan ka khua a har chiang khawp e.

“Min thlah haw nghal mai teh a” Reife ka thut hnuah ka haw tur chu Hriat’in a ti a,ka bu ve mai.Hriati hi ka Cousin a ni a, kan inpawh em em rualin a chang chuan a mizia hi ka hrethiam chiahlo thin a,Ruatdika hi a duh tih kan tleirawl chhuah hlim atangin ka bulah a sawi thin a, Ruatdika lah Tlangval lerh ve tak anih avangin sawisak enah pawh ka en ngai lo.Mahse, tunah chuan mi zawng zawng hriatah an inkawp ani tawh ber a,Ruatdika lah in a care a,ani lah hian a atchilh hlum lo chauh bawk.

“Ruatdika Accident dawn zan khan In pa nen an inhmu a, mahse, Damdawiin kha in rawn kal rual leh lawi bawk sia, mak ka lo ti lutuk a” ati barh barh a, ka bu liam zet tawh nangin ka ngaihtuah let leh a, ka mengphawk ta hra mai.

“Engtin maw i tih?” ngaihven lutuk anga lan hlau tak si hian ka ti a.

“Ruatdika accident dawn zan khan Simon-a nen an inhmu a, engthilah nge chuan ka hre chuang lo a, mahse, nangmah nen khan Damdawiinah khan in lo kal dun leh sia mak ka lo ti tawp a” ati awlsam leh mai.

“Eeee, kha kha maw?,nia, Simon-a pawh khan a sawi tho a, mahse min rawn call kha chuan kan lo muhil hman tawh a” ka ti leh a,an inhmu tih Simon-an a sawi miah lo.Ruatdika pawn a sawi chuang lo a, a accident dan ka zawh lah khan a duh aiin a in tam tih zawng a sawi.Engpawh nise an lo inhmu anih pawn thil mak engmah a awm hleinem.

Dar 8 bawr velah Simon-a a lo thleng a,Driver a hruai bawk si lo,Tlansanga nen kal mahse amah zawkin Motor a khalh leh ngei dawn tih zawh kher ngai lo in ka chiang,Roomah ka zui chho a, a pheikhawk bal paw thur mai chu a thlawh thla tawp a, an kalna kawng a tha fahran lo tih a lang reng mai.

“Inbual la, chuan chaw kan ei dawn nia” ka ti a, min hnial lo in Bathroom a pan ve mai bawk,zan hnih chauh riak anni bawk a engmah thawmhnaw tih tham a keng lo.A phone a rawn ri a, pick tumin ka panhnai a,Emily a lo ni a, ka ner nawk mai..he nu hi engtikah mah ka mil tak tak pawn ka ring lo e.

“I phone hi ka lo pick dawn em?”

“Tu nge?”

“Emily..”

“Pick suh, nakinah ka be mai ang..” a ti hmuk...ka pick malek ang..

A inbual zawh hnu lawkah chaw kan ei a, ka ril a tam hlawl lo,tihtham ka ei hek lo.

“I nuam lo ami?” ati sup a, khumah thu mu chungin Tv a en a..

“Nuam e,ngatinge?” amah pawh en lo hian ka ti tha ve mai..

“Chaw kha i ei mumal lo lutuk a,bakah..ka kal dawn a dik kha ka lo haw hian a dik leh ta lo niin ka hria” ati leh nghut a, ka melh vat a, min lo en ve chiah bawk..

“Engmah dik lo a awm hran lo e...mahse, thil pakhat, Ruatdika accident dawn zan khan in inhmu ami?” ka ti ta nge nge.

“Um, hmu e,ngatinge?”

“Ngati lo e..ka zawt mai mai che..”

“A tha nih chu..ka mut a chhuak hle mai..” ati zui nghal zat bawk.

“Muhil daih rawh,i chau anih kha..” ka ti a, a Tv en lai a off a, a thawmhnaw hak lai pawh phelh lo in a bawk khup zui nghal daih bawk.

Hnathawh tur tlem ka hawn avangin mu mai lo in hna ka thawk leh rih a, ka thawh zawh meuh chuan dar 11 a pel va tawh,September kan chuangkai dawn tawh a, mahse ruah tui a tla tam a, khua a cheng deuh reng bawk nen a vawt ve deuh vur a,Light ka Off a khumah ka inthawlh a, Simon-a muhil hmel chu ka thlir a, sawiselna tur hlawl hi ka hre lo..ka tawn atang leh kan inneih hnu thleng khan nun hi perfect niin ka hre thin a, mahse tunah chuan engemaw hlekah ka hlauthawng a thil tha lo thleng tur ang maiin ka inring ta ran bawk...amah kha a la ni reng, mahse, a chang chuan mihring ni lo in Ramsa ang maiin a awm lawi bawk si...ka hrechiang emaw ka lo tih thin ka Pasal hi ka hrechiang hauh lo tih ka hre tawh a, a phal emaw phal lo emaw a sumdawnna chungchang hi chu hriat tumin ka bei ngei ngei ang..Ruatdika ka hmuh a phal lo a, a bulah pawh ka kal tha ngam hek lo...khawih mai pawi a ti lo tih a sawi phei kha chu tunthleng hian mak ka la ti cheu.Tunah lem chuan a ngai haw leh tawh miah lo niawm takin a awm leh lawi bawk si..

“Goodmorning..” ka harh veleh a lo ti a, a nui suk bawk...amah en lo zawngin ka in let thak a, khua a eng tawh nangin Curtain chhah zet kan zar chuan room a ti thim ruai thung.A rawn tawlh hnai a, ka hnute hnuaiah a rawn khawih a, amah si chetin min kuah bet bawk..

“Min va ngai lo ve..” zawi sup hian a ti a, a zin hma zan khan Hmangaihna min chenpui a, nizanah erawh engmah kan ti lo.

“Ngai e...” 

Ka kawr hak a rawn zen a, ka hnute a rawn tuai a, ka mur nghal ar ar mai, a mipatna ruh tung chuan min si run bawk.A duh ka hria, mahse, phurna ka nei miah lo thung.Dimtein a tuai a, a kutzungtang sei thlurh chuan a chep hrual a, phurna nei miah lo mahila nuam ka tihna erawh ka dang thei chuang lo.Ka bengah na lo te in a rawn seh a, a liak kual zui nghal zai zai bawk..ka tum loh tawpin ka thaw hawk bawk..

A lam hawiin min kuai her a, a thim deuh ruai nangin a hmel inpetruh teuh chu ka hmu thei tho,a mit a thim ruih a, a hmui chhap tap mai chu ka en a, a rawn kun hniam a, a hmui lum ham hamin ka hmui a rawn bawhthuah a, duhthawh zet hian a rawn pet a, ka chhang mai lo...Kha thil rapthlak zet kha...min sual ni a ka hriat tum kha ka mitthlaah a rawn lang lehnghal zut zut a..ka khawng nghal lah mai.

“Engthil nge ni leh ta?” tham tuak hian a ti a, ka awmdan danglam nghal chu a hriat hmaih hauh lo.

“Engmah...min hrethiam zawk mai teh” ka inlahrang a,a hmel thim mak maiah chuan thinrimna a lang chiang hle bawk.

“Atha lawm..” ati a, a inlet a, zangthal zawngin a mu a, chunglam a en nghal daih bawk.A chakna thunun tumin a buai vel pawh animahna le..

Ka thawh hnu feah a rawn tho chhuak a, biak a chakawm fahran lo,ka hnar ngawt kha tidik ka inti bik miah lo a, mahse, Pasal anih avang maiin ka duhlo chung min tihluih theih a ni lo.Min chhuah khalh a,khawiah nge a kal dawn pawh a sawi chuang lo,hna a kal nimaiah ka ngai ve tawp, College atangin ka chhuak hma a, inchhung mamawh lei ngai ka neih avangin Bazar lamah ka chhuk a..Tum loh tawpin kan monu nen kan inhmu hlawl bawk.

Kan In lamah kan monu ka va thlah kual hmasa a, rei pawh awm lo in ka hawsan leh mai,motor tawt lutuk chuan tlan a ti sawt hlawl lo,a tawn tawn in kan in line put a, tawite chu kan tawlh a, reitawk kan ding leh a, tiang ngawt chuan In ka thleng har khawp ang le.

Ka rin ang ngeiin In ka thlen meuh chuan khua a thim tawh a, Simon-a car bakah Car dang 2 an lo awm tel bawk, tuma hrilh ngai loin inleng kan nei tih a lang thei mai.Ka thil lei ho bawr zetin ka khai a,ka lut min hmuh rualin an lo nui dar dar chu an ngawi nghal thap mai.

“I awm loh laiin chawei turin kan lo kal ngawt asin..” Emily chuan a lo ti a, a harh chhuak hmasa ber anih hmel,a bula hmeichhe thu ka hmuh rualin ka thil ken ka thlauh thelh bawk,Kha hmeichhia kha...Hotel a Simon-a nen a kal dun kha..Engtin nge Inah hian a rawn hruai haw ngam ka hre eih lo.

“A pawi hleinem..in lo thlenna a rei tawh em?” ka ti ve a, kan nula in ka thil khai min rawn laksak thuai thuai a, Simon-a thu ngawi ngur chu melh loh hram hram ka tum a, an vaiin Beer Bottle an keng vek tih erawh chiang takin ka hmu.

“Aih, rei lo e..bakah In pa hian vawiin chu kan vaiin min treat vek a, inti lal zual ho in chaw rawn ei kan tum ta zel anih hi..” nui chungin Simon-a a en a, za vak lo hian ka then ve sak tho nangin ka duhdan tak chuan va keh nawk nawk ka chak zawk.

“Ka han inthlak lawk ange..’ tih pahin Room lam ka pan chho nghal a, ka hnungah kal thawm ka hria a, hawi let lo chung pawhin tu nge anih ka hria..

“Eng nge a?” ka ti hmak a, ka thawmhnaw hak lai ka phelh a, Balbawmah ka vawm lut zui nghal zat bawk.Dressing Table sirah a ding a, min en lo in ka make-up dah tlar thut chu a en daih bawk.

“Khawnge i kal?” ka beisei loh lutuk zawhna ka dawn takah chuan ka nui hawk mai.

“Khawnge ka kal ang?” ka ti let hmak.

“Ka zawt reng che a, min chhang ta che..” Dressing Table ah a Beer Bottle ken lai a nghat chawrh bawk,a la lungawi lo tluang zel anih hmel e.

“College ah bak khawiah nge kal se min tih?” ka ti leh hmak a, ka kekawrk hak lai ka hlip a, a dang ka ha leh tur chu min rawn din hnaih nghal ruak mai.

“Reilote ka thlah zalen che a, nuam i lo ti em em amaw?” a aw a ring hauh lo,mahse, hlauhawm tak a ni.

“I sawi awmzia ka hre lo,min thlah zalen leh len loh pawh ka hre hleinem” ngaipawimawh lo hmel fe hian ka ti leh mai.Na zet hian ka darah a rawn tham a,a kut lehlamin ka khabeah a rawn khawih a, amah en thei turin min kuai dak zui nghal bawk.

“Ka khawih chu i duh lo, mahse, kha Ramsa tenawm kha chuan a duh duh in a khawih thei che a..” a sehchilh rawp rawp mai..

“Simon, min ti na ania..” ka dar ruh a pelh dawn nimaiin ka hria..

“Nang hian na i hrethei meuh amaw?” hnai zetah a rawn kun a, ka dar a hmeh na lah a thlahdul chuang hek lo.

“I awmdan hi ka hrethiam lo,min thlah teh..” hlau lo niawm tak hian ka ti leh a, a mit sen rum leh a hmel dur khup chu ka hlau satliah pawh a ni lo, arap in min rap zawk.

“I la hre vat dawn alawm,chutih hunah chuan i hriatloh der angai tawh lo ang”  min thing nawk a, min thlah a, engmah sawi tawh lo in a chhuak zui nghal a, na zet hian a rawn nam khar pawp bawk.

Engmah ka hrethiam lo, tu nge sawi a tum lah ka hre hek lo,zinga ka hnar vang khan a la thinrim emaw ka ti a, mahse thildang daih a sawi bawk si,ka rilru a buai vel vek a ni ber,Roomah awm reng theih ni hek lo, phur lo fe hian ka chhuk thla veleh ta nge nge, an vaiin an lo ti ti lawng lawng a, kha hmeichhia leh Simon-a bawk an lo thu dun a, Emily thilsawi an lo nuihpui bawk bawk mai.

“Lo thu ve la..” a neitu zawk niawm hrim hian min lo ti a, mahse ka nui mai..

“In eitur vel ka lo enfel zawk ang, lo inkawm ru.” Ka ti a,Kitchen lam ka pansan ta zawk.

Ka beisei ai takin kan boruak a ziawm ta phian, Emily leh Tlansanga an tawng deuh reng a, an hmeichhe rawn hruai pakhat zawk chu Melody an ti a, Simon-a hnenah a thawk ve tho tih min hrilh bawk, kei erawh chuan thildang ka ngaihtuah thei lo,Hotelah khan darkar khat lai an inkhung dun a, kha bak khan ka rilru a luah thei lo.

Chapter- 8

“Bawihi, Mama hi ka be thei miah lo a,a awm em?” Ka nu in a rawn ti a, kan chawei kham hnu khan ka mutsan a, Tlansanga nen khan hna pawimawh khawih tur an la neih avangin a Office ah an la awm dun turah ka ngai mai.

“Awm e, lo nghak lawk aw..Tlansanga nen thil pawimawh an sawi dun lawk a” ka ti a, Room atangin a Officeah ka chhuk thla a, anni an lo chhuak chiah bawk.

“Ka nu in a be duh che a” ka ti a, Phone ka pe a, Tlansanga erawh chuan min mangtha a, a chhuak zui chu animai.

“Aw, Nu...Ka lo call ang che” ati a, a Off nghal a, min rawnpe let lehnghal mai.

Kawngkhar ka khar fel a, Room ka pansan leh dawn zet a, maktakin an thusawi hriatchakna in min tur leh ta tlat.Dimtein ka pen them them a, a Office kawngka bulah ka ding leh ta than..Mahse,engmah ka hrethei tlat lo..

“Eng nge khatah khan i tih a?” ka hnunglam atanga Simon-an a rawn tih chuan ka phu nasa lutuk a ka zuang deuh zawk thei.

“Aih...ih..englo..” sawi mai tur pawh ka hre lo..

“I damlo niin ka hria, tunlai i mizia hi a hniam em mai..” nelawmna tel miah lo hian a ti hmuk a, ka ding ngawi ngar thung.Ka damlo pawh chu a lo ni mahna,ka taksa dam mahse ka chhungril hi a dam lo.

“Ka nu chuan engnge a rawn sawi a?” ka ti ta zawk.A thle buk a,

“Ka pu thil vel tihfel ngai a awm a, naktukah emaw tukleh ah kal ka ngai ang” ati tha ve mai.A kekawr ipte a zen tut a, a hmel tak ngulah chuan min ngaihtuahna niawm tak a lang thei bawk.

“Anih tak chu..mu ila..” ka ti a, ka kalsawn a, muangchang hian min rawn zui a,kan nupa inkar hla ta du mai hi eng ngemaw a awmzia ni ta ber ang le? Vawiin tlai khan a thinrim em em a, tunah chuan thinrim hmel pawh a pu leh tawh lo.A mizia a inthla rang em em reng hi chu thil thar a ni lo.Mahse, tunhnai chu a lutuk mah mah.

Simona a zin a,a kal hma chuan engmah thil tha lo thleng a awm leh ta lo hlauh,kan inpawh chuang lo a, kan inhau lo ve tawp.Khum khatah kan mu ziah nangin kan insi ngai chuang lo.a hma pawh khan pa nelawm tak anih ngai loh sa tawk naklaiin tunah phei chuan nelawm tih hian a sawifiah zo lo.Kan nula lah a hau ngun ngiang mai.

“I phone..” ka bul chiaha thu kan thawhpuinu chuan a rawn ti a, ka phu deuh zawk mai.Simon-a ngawt ka lo ngaihtuah vang a ni pakhat..

Ka table a ka dah chu ka lakang a, ka rin loh deuhin Ruatdika,an in ka kal hnu khan ka la hmu leh ta lo a, kan inbe hek lo.Kan nupa kar Boruak vangin kan thian ho Groupah pawh ka lut ngai meuh lo.

“Hello...” phur lo zet hian ka ti a.

“Hey...i va ti mak ve..”Ruatdika lungawilo ri ka hre nghal zat.

“Eng chu maw?” engmah tih dik loh ka neih ka hre miah lo.

“Vawiin hi eng ni nge i hria em?” a rawn ti leh vak a,ka ngaihtuah a, eng ni nge...Tuesday a ni satliah ve mai.Chuan, Simon-a zin atangin ni hnihna ani bawk a,abak chu ka tan ni danglam bik a ni lo.

“Tuesday..” ka ti a..a thinrim thaw hawk ri ka hre zui nghal zat bawk.

“A tha anih chu...” a off zui nghal hmak..eng chu a hria nimaw? Ka boruak rit sa belhchhah nan min rawn bia niin ka hre ber.Ka hrechhuak zo lo anih pawhin min hrilh mai awm tak ania.Mipa ho tak hi chu a..

“Hmingthan,vawiin hi kan naute Birth Day ania,tlai lam chu chaw i rawn ei angai ania..” ka bula thu kan thawpuinu bawkin a rawn ti leh a, ka thle bak mai..Khawiah emaw chuan vak chhuak ila, midang nen Boruak dang tawng ila ka ipik chuk pawh hi a zia maithei..LALPA leh.. vawiin hi ni 22 ani a, engvangin nge Ruatdika kha a thinrim loh tehlul ang...

“Hmela...sawi ve mai ta che,Tlangval senior pui tawh tihtauh nan a nep em mai..” Phone a pick veleh ka ti nghal bawrh bawrh..

“Vawikhat i theihnghilh na ani hial em?” engmah thildang sawi lo in a rawn ti ve thung..Nih te pawh ani mahna, ka theih phawt chuan ka wish ziah thin a, kan naupan lai chuan kei leh Sangpuii te nen kan pathumin an In ah chaw kan ei thin a, ka piancham anih chuan kan In ah,Sangpuii piancham anih chuan Sangpuii te In ah...High School thleng khan kan kal ho zel a, mahse, Higher ah khan a ni a kal hrang a, Mipa leh Hmeichhia kan lo ni bawk nen kan inthlah ve tial tial a, kan piancham lo thleng pawh kan in wish a, kan duhtawk ta mai zel kha ania.Mahse, vawiin hi chuan chiang takin ka theihnghilh hmin hmak.Ka hriatchhuah theih nan min rawn call a,mahse, ka la hrechhuak zo chuang lo.

“Vawikhat na pawh lo ni se ka hriat leh tho hi..zan lam Prog eng nge?” ka tih zawm nghal a..

“Party...Party...kum 31 lawih ka ni tawh ania,lawm a phu ve chiang em mai..” nui huk huk chung hian a rawn ti a, ka nui ve hak hak  bawk.Kum 31 lai a lo ni ve ta reng,kei pawh kum 30 ka hnaih ve ta..mahse, rilru hi a la puitling thei si lo..Pasal nei in keimah ngeiin eizawnna nei hrang tawh mah ila ka lawm zawng a ho a, chutiang bawkin ka thinrimna a ho em em bawk.

“A va nuam dawn ve, mahse, Simon-a awm lo a.” ka ti a, Simon-a tel lo a kal pawi ka ti hauh lo.

“A va pawi ve,mahse,kan mamawh chuang hleinem,dar 8 ah aw..” a rawn ti leh a..

“Um ka lo hrilh leh ang che, mahse, kan thahnem dawn em?”

“Aih, thian tak tak te..i duhdan a ni thinin ka hria” a rawn ti leh a, ka nui hawk hawk mai..Tun hnaiah tih derna tel lo a ka nuihna hmasa ber a ni hial maithei.

A chang hi chuan Simon-a ai hian Ruatdika hian min hrechiang zawkin ka hre thin, ka duhzawng leh ka ngainat zawng a hre em em a, tunah ngei pawh midang tam tak nena awmkhawm luih luih ka ngainat loh zia a la hrereng tih min rawn hrilh leh ta ngei.A chang chuan min endan hi ka hrethiam lo thin a, mahse, ka tan chuan thian leh unaupa a ni a, abak a awm lo.

Simon-a khan a thlenin min rawn bia a, abak chu kan la inbe leh ta lo,a buai a rin thu leh a lo haw hun tur pawh a hriattheih rih loh thu kha a sawi sa hrim hrim bawk.

Ruatdika sawi ang ngeiin kan tam lem lo,ka Hotel ngainat zetah ani lehnghal a, Sangpuii a lo kal a, a pasal erawh a zin thung.Kan thian hnai tak tak vek kan ni a, kan hlim tlang dar dar viau mai.Engmah Present ka ken sak ta lo erawh nuam ka ti chiah lo.

“Hei hi In ve chhin teh..” tih pahin Beer bur niawm tak,Darthlalang a siam, tung it et, te fel thlap mai hi ka bulah a rawn dah a.Zu lam hrim hrim hi ka in ngai lo a ka ngaina hek lo.

“Ka duh lo mai teh ang” ka ti a, a bur a mawi reuh em avangin ka thlek vang vang thung.

“In mai mai teh, In pa pawh a awm lo a, bakah i rui teuh lo mai..” ati leh talh a, Hriati a rawn thu hnai ve a,ani pawn in mai turin min rawn ti veleh a, ka tang viau nangin Ruatdika’n a Birth day present atan a pawm thu a sawi tak hialah chuan ka ban ta nge nge.

A kha deuh fak a, a hiar deuh mem mem in ka hre bawk. Tui lo ti a sawitur a ni lo a, tui tih tur pawh niin ka hrechuang lo.Ka pum a sa thla ram ram a, a kalna chin hriat tak a ni.

“Eng nge a an?” nui chung hian Ruatdika’n a ti thuai a.Pek ka tum chu la duh lo in ka kutah bawk a hmehbel leh a..

“Ka hrethiam lo,tui pawh ka ti lo,tui lo pawh ka ti chuanglo” an nui dun hawk hawk mai.

“A tlem em mai, in zo rawh, engtinmah i awm lo ang..”

“Aih, ka duhtawk e..Pasal te awmloh laia lo ruih chiam chu chi nang..” ka fiam let ve a,mahse, tihtakzetin in zo turin min nawr lui dun ta ngat ngat..in zo vek pawh ni ila tam a ni lo hrim hrim.

Thil chi hrang hrang kan sawi a,hun kal tawh leh kan chetchhiatna te,ka hriat loh karin ka lo inzo ve ta mai,an sawi ang ngeiin ka ruih tak viau pawh ka hre chuang lo.Thil pakhat ka hria.Ka thawpikna kha a kiang hawk a,ka thawveng halh mai. Sangpuii a haw hmasa a, haw ve mai tum a ka awm laiin ka awmdan a dik lo..ka zawi a, chutih rualin lum ka ti a, ka taksa zang huih leh engemaw tih chakna in ka khat tlat.

“Haw ka duh..” Ruatdika hnenah ka ti a, min rawn thut hnaih a..

“Engmaw?” a rawn ti a, Music thawm bengchheng lutukah chuan engmah ka sawi a hre lo tawp ani ngei ang.

“Ka haw duh ..mahse, ka thil in kha niang, ka inkhalh haw theih pawh ka ring lo..” mangang ru zet hian ka ti a..

“Ok, lungngai suh, ka thlah mai ang che..”nui chung hian a ti a, a in nual khan ka hre sia, rui hmel pawh a pu chuang lo.

“Angailo ang, kan Driver ka ko mai ang..mahse, min lo dawm ding lawk teh...” keimah pawn ka ding chhuak zo in ka ring lo..ka khup a zawi vek..

Ka zakah a kut a rawn rawlh a, min pawt tho a, ka rin ang chiahin ka ding thei lo,amah ka ngheng a..ka kawngah a rawn kuah a, Hriati lo kal hnai ve nghal chu a lo bia a, ka thle lawk lawk mai..Engmah pawisak pawh ka nei lo a, nuam ka ti veng veng a ni tawp mai.

Peih lo zet hian ka meng siar siar a, mahse rang lutukin ka mit ka chhing lehnghal hmiah, ka lu a na lutuk, a puak keh mai dawnin ka hre bawk.Nizan thil thleng kha ka rilruah a lo langa, engmah ngaihtuah chhuah theih ka nei lo.Ruatdika khan Motorah min hruai lut tih ka hre rei ruai a, abak chu mumang nuam leh hlimawm tak a nimai..Khatiang taka mumang a taksa nawmna kha ka la tawng ngai lo.Engpawh nise Simon-an ka rui tih a hriat teh chuan ka chan a chau hle ang..pawi tawp lo,Ani pawh a duh duh a ti alawm, engvangin nge zankhat chauh, chupawh  ka thiantha ber piancham lawmna ah lehnghal ka lo ruih ve chu thil dik lo leh hremhmun kal phah hialna tur anihna ka hre lo e.

Ka Phone nghawr dar darah ka harh leh a, ka lo muhil leh hman ani ngei ang, mumang ang deuh ruai nimai hian ka hria,ka phone ka dap a, ka dap fu mai thei lo..Peih lo zet hian ka meng a, ka thuchhuak ta nge nge..

Engthil nge thleng hi??!! Kan roomah ka mu emaw ka ti a, a ni hauh lo..Room awmdanah chuan Hotel room tih a chiang viau..Ka phone a rawn ri leh a, khumah ka bag a awm, ka ban a,ka bun chhuak vek a, ka Phone a awm lo..a la ri reng lawi bawk si..khum sir ka zuk en a,chhuatah a lo tla bal mai..min rawn call tu pawh chiang takin ka hmuthei nghal...Simon-a..

“Hello...”

“Khawiah nge i awm tehhrep a?” a rawn au ani ber..Ka Phone ka la sawn a, ka melh vak ringawt, chuti fahran a thinrimna tur engemaw awm ni?

“Ka tho chiah..eng nge ni ta?” ka ti a,Khum atangin ka chhuk a, khum piah a Dawhkan lian vak lo chunga lehkha indelh bet chuan ka mit a la tlat. Ka pan hnai a..

“Tunah dar engzat nge i hria em?” a aw chu boruak a hrui hrual vai rik hi ka tehkhin ber.

“Oh..hre nang, enteh, nizan ka mu tha lo a...”

“I awmna sawi rawh,tunah” sawi pawh ka sawi zawh hmain a rawn ti leh tuar a,

“Ka lo haw mek..” min rawn chhan leh hmain ka off zui nghal hmak bawk.

Dawhkana lehkha awm chu ka lakang a, “i lukham hnuaiah i motor chahbi a awm a, i car chu pawnah a awm” tih zawng hi a lo inziak a...Engthil nge thleng ta ang? He Hotel hi khawi lai ami nge ni ang? Engvangin nge In ah ka riah loh?

Zawhna hlir...mahse, tumah ka zawhna chhangtu tur an awm lo, Ni lo. Mipakhat a awm..Ruatdika...

Ka call tlang thei der lo..Hriati ka call leh a, ani chu a tlang nghal mai..

“Hello..” zangkhai fe hian a rawn ti a..

“Hriat, khawnge Ruatdika?, a Phone ah ka be thei lo..” ka ti nghal tawng,a thaw deuh huai ri ka hre thei.

“A awm lo..a zin dawn tih nizanah pawh a sawi vek kha..” a rawn ti ta mai..huizz, a zin dawn tih a sawi lai ka hre miah lo.

“Ok, ka lo theihnghilh leh hman a...”beidawng zet hian ka ti sep a.A sawi lai ka hre lo hrim hrim.Engvang tehlulin nge zu kha ka in ve reng reng ni??

Lukham ka lasawn a, lehkha a inziak ang ngei khan chahbi a lo awm ngat mai, ka thawmhnaw engmah a inphelh lo a, mahse, engtin nge helai hmunah hian ka lo awm ngawt ka la hrethiam eih lo.Haw vat ka ngai, chuti anih loh chuan Simon-a khan min rawn that turin mi a rawn tir duh mai ang.

Sana ka en zauh a, tlailam dar 4 a kawk vung tawh, engtin nge chu chen chen harh miah lo a ka mut theih pawh ka hre lo,engkim chhanna neitu chu Ruatdika chiah..a lo haw vat loh pawn ka biak ngei ngei angai.

In ka thlen chuan ka besei loh lutukin Simon-a a lo awm,Veranda ah a lo thu a, ngaihtuah muk hmel zet hian a hma a pot awm tlar thut chu a melh vung vung a, ka Motor thawm pawh hreawm in a awm lo a, a lo hawi phah chuang hek lo.

“I lo va let hma leh si ve..” a bula thut pahin ka ti a, kan Driver Tlana a rawn chhuak ve chiah bawk.

“Tlana,i kal duh chuan tunah i kal thei ania” ka zawhna chhang lo in Tlana hnenah zawk a ti a, ka awm ve tih hreawm pawn a awm ala awm chuang lo.

“Ava lawmawm ve,chuti anih chuan ka insiam tawh tho a, ka kal nghal mai ang..naktuk anih loh chuan a tukleh ah zawk lo let ila a pawi angem?” ati leh a.

“Aih,pawi lo mai..hmanhmawh suh” ati leh nghut a, a tho a, min en lo in inchhung lam a pan zui daih bawk.

“I haw dawn mi?” Tlana hnenah ka ti a, a bu nghat a, a pa a lo damtha vak lo a, Aizawl lamah hruai thlak theih anih beiseiin haw a lo tum a, Motor pakhat Simon-an keng turin a lo ti bawk a.

“Tluang deuhin i kal dawn nia” ka ti a, Simon-a kha office ah nge roomah a awm ka hre lo,inchhung lah a reh thiap a, kan nula thawm pawh a awm lo.

Room ka pan chho a, ka rit luk lah chuan ziawm lam aiin zual lam a pan emawni tih tur hian ka pen zawng ringawt pawn ka lu a na thei hial mai.Inbual ila, Damdawi ei a mut nghal mai a chi zawk ang..Mahse, Simon-a hmelah khan thlipui thawk tur intham niawm tak kha a lang a,mut na hun ka nei angem ka hre lo.

Ka inbual sawk sawk a, ka lu na chuan duh ang pawn min chet hmanhmawhtir thei lo,ka inbual zawh a Room a ka let leh pawn Simon-a ka la hmu ta chuang lo,ka inthlak sawk sawk a, ka pum rawn ri raih raih ah chuan ka riltam zia ka hrechhuak chiah bawk.Inhnuai lamah eitur zuk zawn angai, tlai chawei a la hun der bawk si lo.

“Khawiah nge car chahbi?” Kitchen atang a ka chhuak leh a Office atanga a rawn chhuah a inrual deuh thaw..

“Chahbi dahna ah..” angaihna hrelo zet hian ka ti tha ve mai.Ka haw tirh atangin vawikhat min biakna a ni a, ka awm ve tih a hria tih a tihlanna hmasa ber a ni bawk.

“A spare zawk ania ka tih..” chang zet hian a ti leh hluk a..ka dahna ka hrilh ve mai,ka sawi zawh rualin a inher a Room lam a pan chho a, a bawp sei zet chuan inthazo zet hian step chu a mal mal ni lo in a kan chho pawk pawk bawk.

Reivaklo hnuah a rawn let leh a, kei erawh chu Sofa ah ka thu a, ka ke ka hlangkang at bawk,”khawnge midang hi?” ka ti leh a,min rawn melh zawk a.

“Ka haw tir ve ve..” ka ang pham mai..

“Ngatinge?”

“Nizan i riah bo chhan te, i awmdan zawng zawng avang ta khen zanin chuan he In ah hian tumah ka mamawh lo..i insawifiah angai nasa dawn a..” khauh zet hian a ti leh hmuk a..Ka chil ka lem khawlh mai..Sawifiah duh em em mahila engmah sawitur ka hre lo.

“Kan nula a awm si loh chuan eitur ka va siam ang..” ka ti ta zawk,ka rilru tihfim ka tum angai, chumai bakah ka hrechhuak thei lo anih pawhin Ruatdika tal ka biak angai..

“Thu rawh..eitur chuan min la nghak thei..i sawi tur kha ka nghak thei tawh lo thung..” a sehchilh rawp rawp mai..

Chesawn ngam tawh lo in ka thu leh ta zal zal, ka riltam na te kha chu khawiah nge an awm tak pawh ka hre lo, an thlawkbo hneh tawh lutuk.

“Engmah sawi tur ka nei lo alawm..” ngam leh ngam lo hian ka ti ta nge nge.

“Oh...i nei chiang khawp ang..zan hnih lek ka awm lo a, ka awmloh zan pawh chu i lo hmang tangkai a, i riak bo nghal a...sawitur i ngah ang..” ngeiawm lutuk hian a nui a, a ner zui nawk bawk.

“Ka thiante In ah ka riak ti ta ila...”

“Oh..i duh duh  i sawi thei..”min ten ngawih ngawih niawm tak hian a ti leh a..

“Engemaw i hriat le?” ka ti let ve ta thung,a nui hawk a..a khup chungah a kiu a nghat a,a hmai a hup leh vang vang bawk..Muangchang hian a rawn hawi chhuak a..

“Ka hriat zawng zawng avang pawh hian nang hi then tlak i ni, chumai pawh ni lo a aia nasa zawk i phu...” harsa tih hmel zet hian a ti hrawk a, ka meng phar awk thung.

“Eng nge i hriat ka hre lo, mahse, engmah thil pawi ka ti lo...chuan..”

“Ngawi hmak rawh,ka then dawn lo che a, ka that dawn hek lo che, mahse, ka natna chanve tal hi chu hremna i hmu ang...’ a ti tuar a , a rawn tho a, min rawn hnaih nghal ruak bawk..Tawlhsawn ka tum chu min rawn man bet a, ka khabe ah na zet hian a rawn hmet a..

“Ka tel lo chuan he In atang hian pawnah chhuah leh inbeisei tawh suh ang che, Thih i chak anga, i thi thei chuang lo ang...That tur che a min ngen thleng rawk a hrehawmin ka siam ang che...” ati leh a, a aw a ring ta lo..mahse, a hmel duh khup leh a aw zawi fiah tak, nelawm na tel reng reng lo te chuan mihring ni lo in Hremhmun atanga lo chhuak ‘Sakawlh’ a ti ang zawk.

Chapter- 9

Min thlah thut a, ka thutna ep chiahah chuan a thu leh a, eng nge a ngaihtuah ka hre lo,a thilsawi te khan min thawng lutuka chhan let nachang lah ka hre hek lo.Engmah kha a ti tak tak in ka ring lo,hna ka nei a, ka kal lo ngawt thiang lo.Chumai bakah ka zalenna rap bet a, In a min khung turin theihna anei hek lo..Ni lo e,ka pasal hi ka hrechiang emaw ka lo ti thin a, ka lo hrechiang reng reng lo, chumai bakah engpawh hi ‘ka ti ang’ ti a a sawi tawh anih chuan tih loh a neih ngai ka hre lo.

“Chaw ei ang..” bung zet hian a ti leh vut a, ka la che chuang lo.

“Ka sawi i hria em?” ati leh a, a ding chhuak a. Kitchen lam a pan a, a chevel chu ka en mawl tawp.Khatiang thil tawn hnu khan chawei thei turah min la ngai reng reng emawni??!!

Muangchang hian ka tho chhuak a, inchunglam ka pan ta zawk.

“Khawnge i kal dawn?”

“Ka mu dawn..”

“ka sawi kha i hria em?, chaw ei ang ka tih kha..”

“Nangmahin ei mai rawh, ka ril a tam lo..”

“Ok, a tha lawm..mahse, nakinah chuan i ei dawn hauh lo ania” a ti leh hmuk a,chhan pawh ka chhan hmain a lut leh nghal daih bawk.Ka ei tawp lo ang, chawei chakna ka nei lo takzet, ka ril a tam hle kha ania, tunah chuan chaw ka ngaihtuah zawng pawn ka luak lo chauh zawk.

Ruatdika biak tumin ka bei nasa tawh, a tlang thei miah lo.Simon-a khan a thinrim chhan ber sawi lo mahse nizan khan thil dik tawk lo thleng a awm tihna a ni,ka mit ka chhing vang vang a, mahse, engmah ka ngaihtuah chhuak zo chuang si lo,ka mumang nuam zet kha...kha thil kha..ka mumang a ni takmeuh em? Mumangah khatiang lutuka nuam kha a thleng thei dawn ami?

Ka inring hman lo, ka uak pawp mai..Mumang a ni tur a ni,Pasal nei lai ka ni a, thil tak tak a ni tur a ni lo,Mipa tel loa khawsa thei lo khawpa nun khawhar leh mahni in control thei lo ka ni hek lo..

Simon-a a rawn mu ta miah lo,ka bulah riak lo in Room hran a hmang leh ta tih hrilh hran ka ngai hek lo,eng mipa nge maw a lo nih chiah le?, huaisen taka tawnga hetianga min tih theihna hi a nei lo tih sawi tur pawn engthil nge ka tihsual ka hre miau si lo.Engmah ka ti lo ngei tih ka hriatchian hma chuan ka dik a, a thinrim chhan eng nge tih ka zawt thei si lo.

“Min rawn biak i va tum nasa ve,eng nge ni ta a?” Ruatdika’n a rawn ti a, nizan khan vawi engzat nge biak tum a ka beih ka hre seng lo zawk.

“Biak i va han har em em ve,khawnge i awm?” thinrim insum zet hian ka ti hrawk a, ka mitsirin Simon-a inchung step a a lo chhuk mek chu ka hmu a, mahse, ka ngaipawimawh duh chuang lo.

“Nimin khan hna thilah ka zin alawm, ka hrilh che kha” a rawn ti a, a mood a fuh hmel phian zui.

“Ka be duh che, Hotelah khan engtin nge ka awm daih theih..’ ka hnungah Simon-a a din avangin ka tawng ka ti zawi a.Hotelah ka awm tih a hriat ka duh lo.

“I hrelo amaw? Engmah i hre lo tih min hrilh tum miah suh..” a rawn ti a,nidang ang lo takin min duatna aw a hriat theih bawk.

“Aih, ka hre lo tak tak..engtikah nge i lo haw dawn?”

“Vawiin emaw naktuk aniang,kan inhmu dawn nia” a rawn ti a. Lo haw vat tehse, a hahthlak em mai.

Kan nula a lo la let si lo, eirawng ka bawl sawk sawk a, Simon-a erawh Kawtzawla thutna awmah a thu a, Chanchinbu a chhiar pah a, ka va en a, Ni chhuak in kan kawl zawl a pangpar leh Golden Oak kung lian ve tawh tak a rawn chhun en phut chu a nalh takzet, Golden Oak sira Thir a siam thutna awm a thu zawng zawng nen chuan hmuh a hahdam a, a nalh tih hian a sawifiah zo lo.Kum hnih lai ka lo neih tawh ka pasal hi diktak chuan nitin hian ka duhna a pung zel thin a, nimina thinrim leh tawngkam rapthlak tak a hman hnu thleng pawh khan ka Pasal anih angin huat tak takna thinlung ka la pu thei ta chuang lo cheu.

“Chaw kan ei dawn mi?” Inchhung a rawn lut thawm ka hriat veleh living Roomah ka phei vat a, ka tawng thawm hriain a ding chut a, min rawn en a.

“A hmanhmawhthlak hleihnem” ati nghut ringawt, Sana ka melh zawk a, Dar 9 a hnai tawh, tunah kan ei chuan nidang nen danglamna a awm lo,ka hna kal hi tlai ka duh ngai lo a, ka hriatchian ang chiahin Simon-a pawh hian hun vawndik ka duh zia a hai hek lo.

“A hun tawh alawm, bakah ka tlai ka hlau deuh a, Exam a hnai tawh sia..” ka ti leh a, nizan a hmel rapthlak lutuk kha chu a awm leh tawh lo,a nelawm lo satliah ringawt.

“Khawiah nge kal i tum?”

“Oh...College kal ka ngai tih i hria alawm..” ka ti let hmak a, a awmdan chuan min ti thinrim phat nangin nizana a thilsawi te kha a tih tak tak mai loh nan zaidam zawk a ka dawr hram hram angai tih ka hria.

“I kal dawn lo..” inchung panna Step a rap zui nghal a.

“Aih, ka kal dawn..” luhlul zetin ka ti ve hmak thung.

“Han tum chhin la..” kitchen lam ka pan tur chu a rawn ti leh a, ka ding dat nangin ka hawi let lo a, ka chhang hek lo.

Keimahin ka ei sawk sawk a, nizan khan engmah ka ei tak loh avang khan ka ril a lo tam viau,ka ei tha ta phian mai.

Ka insiam thuai thuai a, ka thawmhnaw tlar put chu ka en kual a, Cotton var, a nghawng zau lam hret ,lian hnek hnawk a thui ka khai chhuak a, kekawr dum tlem a min phuar deuh ka ha leh a, pheikhawk hi chu a sang ka bun ve pawn hniam tawp aia sang hret a ni tlangpui.Ka sam ka chhipah ka bawk khawm a, ka hmaiah make-up tlem ka tat zuai a, ka duh tawk der, engtiklaimahin make-up ka hmang tam ngai lo.

Ka Car chahbi kha nizanah min laksak tawh a, tunah a dahna va zawng kual leh tur chuan a tlai tawh lutuk,kan In atangin Taxi stand hnai ber pan tur pawn kal ve deuh hlek angai, ka phone ah ka Taxi hman than tak number save ka nei tih ka hrechhuak a, hmanhmawh zet hian ka call leh rih..

“Ka Motor a chhe pek a, College thlen vat ka ngai sia,ka va mamawh che ve” a pick veleh ka ti nghal mawlh mawlh a.

“Kan vengah ka awm lo a, mahse, ka rawn haw tep a, min lo nghah hman leh hman loh animai” nui huau huau chung hian a ti a, Sipai pension a ni a, a hnaah hian a chiang a, zu a in ngai ka hre lo a, a rinawm em em tih ka hre bawk.

“Ole, ka lo nghak ang che, mahse, i theih anga hmanhmawhin aw..” ka ti a, ka Paper ken tur ho ka hrechhuak a, nimin piah khan kan thiannu ta ka la chhawng a, nizan kan boruak tehrep khan min manghilh tir pek a, engmah pawh tifel chuang lo in ka ken angai.Ka bag ka hai rawk rawk a, Simon-a Officeah Printer a awm tho a, ka hmang thei mai ang..Taxi ka nghah chhungin ka zo hman mai ang..Mahse, ka tihtur ber Paper ho pawh chu ka hmu leh lawi lo.Nimin kha ka kal lo a, he Bag hi ka ak chhuak lo, Bag dang ka ah thin zawk ka va la chhuak leh a, ka rin ang ngeiin a lo awm ,ka thaw huai mai.Tibo vaih ila chuan a sa hle ang tih a chiang.

Hmanhmawh zet hian Simon-a Officeah ka tlanthla a, ka thil print tur ka  keng a, khawiah nge Simon-a a awm ka hre lo,Officeah a lo awm anih pawn a pawi lo.Kawngkhar ka nem hawng a, tumah an lo awm lo hlauh, Printer ka pan hnai nghal a, ka On chawp a, a sirah chuan file pakhat, chhah vak lo hi a lo awm ngat a, ka en chak tlat pek..Simon-a sawi ang chiah khan tunlai chu ka nun hi a hniam takzet, thil tihruk de de ka ching ta lutuk pawh hi Damlohna chi khat chu a ni chiang alawm, A sawi dik lo hauh lo.

Ka thil print tur Printerah ka dah a, ka duh zat ka set fel a, ka bula File en chakna chuan a tur hian min tur et et a, ka insum zo lo ,ka ban ta nge nge.

Ka keu a, ka beisei loh lutuk ka hmuh takah chuan ka mengphar awk mai.Ka pu Death Certificate leh ka pu ro chungchang ziahna a lo ni a, Ruatdika kha a lo daw miah lo.A ro sum zawng zawng changtu atan Simon-a hming a awm a, ka pu hming sign niawm tak a awm bawk.A ro changtu atan Simon-a a dah vanga mak ti ka ni hek lo.

“Ka boral anih chuan ka neih zawng zawng hi ka Tupa Simon Malsawmzuala tan ka dah vek a, ka damlai erawh chuan engmah a khawih che thei lo ang.Ka thihni atangin engkim, ka neih zawng zawng erawh chu a kutah a lut vek ang,Ka duhdan hi tuman an sawibuai thei lo ang.”

Hei vang chiah hian anih hi a lo thah, that kher lo pawn engkim hi a ta a ni vek tho lo emawni? Ka hrethiam lo.A sumdawnna zawng zawng hi a ta a lo ni ngai miah lo zawk a, ka pu ta nireng siin amah hian a lo enkawl a, ka pu thih hma chuan a ta a ni thei lo.Tunah chuan a thi tawh....Ka khur dar dar mai.

“Eng nge i tih?” ka phu nasa lutuk a ka zuang dawrh thei hial, thla chu nei ila ka thlawk hla hle in ka ring bawk.

“Min ti phu alawm mawle..” ka ti hlak a, Kawngkhar biang nghengin a ding a, a kekawr ipte a zen tut bawk.

“I thil ken kha eng nge?”

“Oh..” tih leh dah ka rual a, khung pawh ka khung fel lo.

“Mi dang thil lo khawih ngawt te hi i ching ta riau a, i mizia hi a danglam nasa ania.Rilru lam Doctor pan mai teh” a sawi zawng zawng chuan a den hian min deng dawt dawt mai.Sawilang chiah lo mahse “Rilru buai” ah min puh tih alang reng.

“Mi a ka ni lo..” a thil Ka lo khawih ngawt hi ka dik lo tih ka hria, mahse, ngeiawm leh hmusit lutuk a min tawngkhumna chuan min ti na a,ka dik loh na ka haider ve hmak bawk.

“I at si loh chuan hetiang hian awm lo la,ka hmuh dan che hi chuan i a let tawp chu anih hi” ati leh a, ka kut ka humruh a,min chhaih thinrim a tum niin ka hria, a tum anga chhan let ka duh hek lo.Ka thinrim khaw hmu lo in ka chhang let leh anih vaih chuan a duh ang ngeiin “Mental Hospital” ah min dah lut fel hmak mai ang.

“Ka pasal hian eng nge a tih thin tih entur hian dikna ka nei..ka lo en har mah mah zawk in ka hria” ka ti let salh a, Printer a tawp a.Ka thil print ho ka la chhuak a, ka Phone a rawn ri ve chiah bawk.

“In Gate bulah ka awm tawh e..” ka Taxi koh khan a rawn ti a, ni e, kal vat ila a tha.Helai hmunah hian inhnial ringawt turin hun ka nei lo.

“Ka lo kal e..” ka ti a, ka Off a, ka Paper ho ka keng a, mahse, kawngkharah ka chhuahna tur dal takin Simon-a a ding ta tlat.

“Kal sawn teh” ka ti hmak a.

“Khawnge kal i tum?” a ti ve thung.

“Ka hna ka kal dawn mawle”

“Nizan khan ka sawi chiang viau in ka hria,khawiahmah ka tel lo in i chhuak tawh dawn lo.In hi i chhuahsan dawn anih chuan ka rualin..” rapthlak ti zet hian ka en a..

“Oh.. chutiang chuan min ti lui thei hauh lo ang..”

“Ka thei tih i hria alawm..ka duh chu ka ti ziah thin tih pawh i hria alawm..” a nui a, mahse, nuihzat vang a nui a ni hauh lo tih a mitmeng dur khurpah chuan a lang chiang hle lawi.

“Midang chungah chuan i ti thei pawh a ni ang, mahse, kei chu midang ni lo in i nupui ka nih hi..kut min thlak hauh lo ang..” ka ti leh hmak a, kal tlang luih tumin ka pan hnai a.

“Hmingthan, min nawr lui suh, ka nupui i nih avang chauh a i chungah hian Accident a thihna thleng lo anih hi hria la, chu thil chu a thlen kher loh nan thuawih mai teh..” Ka khawng vek..ka melh reng ringawt, harsa ti zet hian ka chil ka lem a..

“Ruatdika chungah khan accident kha a thleng lui maw?” ka aw a zawi lutuk ,mahse, Simon-a pawn a hre thei tho anih hmel e.

“Yeap...khatiang ang deuh kha...mahse, a thi em hleinem tiraw?” a nui leh hawk a, a hmela nuam tihna lo lang chuan chet pawh min chet tir thei lo. Tualthah hmang dik tak a ni ringawt.

“Misual lutuk...engtin nge ka lo neih theih che?” ka aw a khur dar dar mai.Min chhan hmain ka Phone a rawn ri leh a, ka inrin hmain a rawn phihthla a,na zet hian bangah a vawm a, a ri pawp a, a keh them nen chuan chhuatah a tla darh nghal nuaih bawk.

“Nia, ka sual..ti khan ka sual zia chu i hrechiang anga,min nawrui tawh lo ang chu..i lu bur nalh zetah khan eng nge ka tih leh dawn ngaihtuah turin thluak i nei tih ka hria alawm.” Ati leh nghut a...Chet pawh ka che ngam tawh lo..Thil thleng hi ka mumang a ni lo tih ka hriatchian nan kei hi khawi atangin emaw ka tlak thlak angai hial ang..Anih loh vek pawn tui vawt lutukah ka inchiah harh angai ang.

A inher a, a chhuak chu ka en a, a pian nalh leh inkhaithli thlurh mai,a dar hlai hlap leh a kawng fek leh lawi si te,a bawp sei zet a a pen pawk pawk te chu nidangah kha chuan nalh ka ti thin anih kha..tunah chuan nalh leh nalh loh lam ka en lo..Ram Sakawr, piantha zet, uluk taka  mihringin an  enkawl..engmah hlauh nei si lo nen ka tehkhin ber.

Taxi kha....hmanhmawh zet hian ka paper ken lai nen ka tlanchhuak a, Kawngkharpui ka thleng chiah tih chuan Simon-a gate bula ding leh Taxi tlan let chiah chu ka va hmu a, a lo va hnar a ni ngei ang.Beidawng lutuk hian ka tawlh let a, hmanhmawh zet hian Room lam panin ka tlan chho a, hun thawl tak hnuaiah,keimah chiah a awm a,ka in ngaihtuah harh angai.

Roomah ka tlan lut a, kawngkhar ka kalh a, a lo luh ka ring lo, mahse, lo luh a tum palh anih pawhin ka hawn sak lo ang..Hmanhmawh zet hian Laptop ka on a, hei tal hi chu min laksak hmain ka duh tih nan ka hman angai, ka phone a vawm chhe tawh a, pawn ka chhuah a khap a,kan nula lah karkhat lai chawlh a lo pe hmiah mai bawk si.Kan Driver lah vawiinah a lo let dawn em pawh ka hre si lo.

Facebook hi ka lawm lem lo a, khawih pawh ka khawih vak ngai lo.Ahming chuan Ac ka nei ve a, chu deuh zawng chu a nimai, bakah mimal nun lutuk pholan nana hman chiam te hi ka tih zawng a ni lem lo.Kei ang chiah hian Sangpuii pawn a lawm lo a, Ruatdika erawh chuan a hmang ve zauh zauh thung.An dawr thil zawrh chhuah nan leh amah intih lar nan a hmang tiin ka fiam thin a, a nui mai mai zel.

“Ka be duh che, tlaiah Inah min lo tlawh rawh, a pawimawh” tih zawng hi Sangpuii ka thawn a, kan nupa kar buaina hi ka thlen dawn kher lo,mahse, Phone ka mamawh a, engemaw tal tih ka ngai bawk.Ka rin ang chiahin a Online lo a..Engtikah nge a hmuh ang ka hre lo.Messenger a hmang em lah ka hre hek lo.

“Rawn hawng teh..” Simon-a aw hian a rawn ti a, mahse, ka che duh lo..Ka thu khawng at mai..Na zet hian a rawn chum leh a, ka la hawng duh chuang lo.Ka laptop hi ka thuhruk angai,wi-fi ka hman theih chuan engemaw chen ah ka tan a awlsam zawk dawn a.Bakah Simon-a beih let nan ka mamawh bawk.Ka shut down a, ka thawmhnaw bawm ah ka nawr lut a..Keimah zawk pawh Bath Roomah ka lut zui hmak,a duh leh Kawngkhar ti chhe mai tehse.

Bath tub chhungah ka thu a, ka rilru buai nuaih nuaih tihfim ka tum a, a sawt lem lo..Tui ka dah lut ta zawk..Ka thawmhnaw hak lai pawh ka phelh lo..Tuiah hian inchiah hlum ta zawk ila ka tan a nuam zawk angem? Ni lo...hetianga min tih chhan ka hre lo a, ka thi anih chuan ka bei let thei dawn lo ,kha zan khan eng nge thleng tih te, chumai bakah tu nge Simon-a hi a lo nih chiah zawng chhuak tur chuan ka dam angai..Zankhat thil thuah ka nun a inlet thut a,ka pasal lah ka tan chuan mihrang hlak a ni ta bawk.He in ah hian mi tang ka ni a ,mahse, ka tan na In hi a lian tawk a, thil thleng hmachhawn ngam lo a ka nunna ka la anih chuan awmzia a awm lo.Ka insehruh a...ka dam tur a ni..Engvangin nge ka chungah hetiang a thlen ka zawn chhuah hma chuan ka thi tur a ni lo.

Nilengin ka awm ta vel mai mai, Simon-a pawh a chhuak chuang bik lo.Tlai lamah Emily a lo kal a, a rualin Hmeichhe pakhat a rawn kal tel bawk, min hmu thut chu makti deuh niawm tak hian a mit ko a san ak a, a hmeltha tak chu nidang ang bawkin hmuh a nuam hle bawk.

“Tun ang hunah te i awm mial a..” nui chung hian a rawn ti a,ka nui let ve tak nangin ka nuih a za hlawl lo.Engti turin nge an lo kal ka hre hek lo.

“Nia, vawiin chu ka kal ta lo mai, kan nula a awm lo bawk nen..”ka ti a.

“Aahh...Simon-a hian i hna i bansan tih min hrilh leh si..i bansan har zawk ka lo ti lutuk a” atih zawm leh a, Simon-a ka melh zawk a, min rawn en ve a, a hmelah engmah a lang chhuak chuang lo.

“Bansan chiah lo, ka la ngaihtuah mek..” ka ti a, a nui hmel tawp riai riai chu ka hmuh hmaih lo.Zawhna nei hmel taka Simon-a a en pawh chu ka hmuh hmaih chuang hek lo.Engvangin nge he Hmeichhia hian ka tihtur a lo hriat ve zel kher ang?

“Simon,i thil min chah kha chu hei ka thiannu hian a rawn keng a, chuan,khawi laiah nge dah tur?” ati a, ka kalsawn duh bik lo.Hna a ni emaw ni lo emaw ka hre ve duh tlat.

“Ka Officeah ka lo en dawn mi niang?” ati a, a tho a, an pahnihin Office lamah an zui lut a,ka melh reng ringawt.

Reife Officeah an pathumin an inkhung a, an haw meuh chuan khua a thim lek lek tawh, Gate thleng a va thlah a, eng nge a rawn kensak chu hriat chakna in min tur leh et et tawh.

“Ka be duh che ania..” Tv en a ka lo thu chu min rawn ti a, ka ep zawng chiahin a rawn thu a.

“Min bia la,khawiahmah ka kalsawn dawn hleinem..”

“Naktukah ka nu nau fanu a lo kal dawn a, hetah kan hnenah a cheng ve tawh ang,chuan, hna i nei tawh lo tih hre reng rawh,College a zo chiah a, a peih leh ka hnenah a thawk ve anga, a peih loh pawn sawi buai tur a awm lo.Kan nupa kar boruak dik lo hi tupawh hrilh i tum anih chuan i hrilh te apiang tan thil tha lo zawk a thleng zel ang”

“Chu hmeichhia chu ka enkawl dawn tihna nge In ah hian chanvo ka nei lemlo tih sawi i tum zawk?”

“I ngaihdan dan kha a dik ve ve” ati leh a,a kekawr ipte atangin envelope a rawn phawrh a, ka hma a dawhkan ah chuan a rawn theh thla a.

“En rawh..” ati hmuk bawk,muangchang hian ka ban a, engthil nge anih rin ngaihna ka hre lo.

Ka phawrh chhuak a, eng nge anih ka hriat takah chuan ka thaw hawk mai,ka banna lehkha.Ziah fel sa thlap leh ka hming sign hnan thlap bawk a lo ni a, hetiang ka ziah awm reng reng ka hre lo.

“Kha lehkha kha vawiinah, Emily rual a lo kal khan a submit tawh a, duh lo a bang i nih ang ngeiin sawrkar chuan lawm takin a pawm ang,bakah hna mamawh ve tak tak an tam, chung ho chu i kian ah ngai mai rawh” ati zui leh a,ka chhungril a thinrimna so bulh bulh chuan puakkeh turin a nawr hian min nawr a ni ber.

“I duh duh i sawi anih kha, ka bang miah lo ang..” beidawng thinrim lutuk hian ka ti a, ka melh lui ngar bawk.

“Ka duh duh ka sawi hauh lo, engkim hi chhan nei vekin ka ti thin tih nang aia hrechiang an awm lo ang” ati leh hmuk a, ka pumah luak tur ang mai hian min rawn hnawh a, ka insum nasa kher bawk.

“Hetianga min tih chhan hi ka hre duh, eng nge tih dik loh ka neih ka hre duh bawk” nghet charh hian ka ti a, ka inringtawk ta riau bawk.

“Kei ai hian i hrechiang zawk ang chu..” ten hmel zet hian a ti sup a, engmah ka hre hauh si lo.

“Ka hriat loh vangin ka zawt che,tu nge i nih pawh hi ka hre miah tawh lo.Kha Hotelah khan hmeichhe pakhat nen darkar khat chuang in tawm dun a, chuan, Emily hi i hmei a ni tih ka hai hek lo.Ka dik zawk a, i dik lo zawk..” ka thaw a chham lo chauh.

“I sawi zawng zawng chu fiahna ka hmu duh..” chang zet hian a ti leh hmuk a..Engmah fiahna ka nei lo,Hotelah khan an CCTV kha Ruatdika nen kan en sak a, mahse, kha thil kha sawi chhuak lo turin min intiam tir thlap avang chauhin ka en thei.Customer te zahawmna leh an dikna chanvo anih avangin Police thu lo chuan Record kha ka en thei lo..

“Fiahna maw?? Ka mit hi animai..”

“I mit chu ka mit anih ve si loh chuan a buaithlak anih chu...” a ner nawk a, min melh run bawk.

“TU nge i nih?” beidawng thinrim lutuk hian ka ti ta thlawt.Hetiang em em a sual leh ngeiawm hi a ni tih ka lo hre ngai miah lo kha ka dik lo zawk a ni hial ang.

“I pasal..thil ka hrilh ang che,ahhh...ka sawi ai chuan en la a chiang ang..” ati leh a, min bia ni lo in amah leh amah a inbia niin ka hre zawk.

A rawn tho ,min rawn pan hnai a,a hmel phiar fat mai chu ka melh ve ran bawk, eng nge tih a tum ka hrethiam eih lo bawk,a phone a phawrh a, ka hma a dawhkanah a rawn dah a.

“En rawh, engvangin nge i chungah rawng takin ka chet i hrethiam ang chu,chuan, zawhna min zawt tawh lo ang che..” khauh leh hriam hruih hian a ti a, ka chil ka lem khawlh mai..

Dawhkana a phone dah chu ka en a, ka awih thei lo zawk..kha Hotel khumah khan ka mu a, thawmhnaw ka inbel miah lo.Mipa kut niawm tak hi ka taksa ah a vak kual vel a.....ka mit ka hup ta ngawt...ka khur hlawk hlawk bawk..Ka hmelah lah khan nuam tihna a lang chiang em em bawk...

“I hmu em? Nang chuan min puh kual mai mai a,kei chuan ka puh lo che, ka hmu thung,Ka nupui i ni tawh lo a, mahse, ka then che tihna a ni lo.He In ah hian nitin hrehawm tuar reng rengin i nun i hmang tawh ang, i Hmangaih te, a mal malin an na tuar lai i lo thlir dawn nia..Eng ang mipa nge ka nih pawh i hriat belh zel ang..” ka beng bulah a rawn ti a...

Ka khur nasa lutuk a engmah tih na chang ka hre lo..

Chapter- 10

Chaw pawh ka ei leh ta  lo,ka mu meng kar a, pawnlama thli thaw vuk vuk leh kawlphe zawr zawr te,Tek tla ri thuai thuai te chuan hlauhna min siamsak zo lo,nidangah chuan hei aia hlauh hi ka nei ngai lo.Simon-a pawn chiang takin a hria a, min kuah bet tlat thin a, mahse, zanin hi chuan Room lam a rawn pan lo a, kei pawn tum dang angin hlauhna ka nei hek lo..Ka hlau ta lo a ni hauh lo a, a aia  rilru tibuaitu ka neih tlat avangin ka hlauh tur angin ka hlau ta lo mai zawk.

Kha zan khan engtin nge ka chungah khatiang thil kha a thlen ka ngaihtuah a, ka ngaihtuah nasat poh leh ka bo nasa ting mai.Ruatdika khan ka chungah eng nge a tih ang? Kha kut kha tu kut nge? Engmah hre lo pawh ni ila nuam ti hmel lutuk kha engtin nge ka put theih? Ka nun pumah hian Simon-a nen lo chuan tu mipa mah sex ka la hmanpui ngai lo a, ka bialpa hmasa nen khan reitak kan inzui ngei, mahse, ani nen pawh khan hetiang lam reng rengah sawi tur in ka awm lo.Simon-a nen pawh kan inneih hnuah chauh sex kan hmang a, mipa dang nena sex hman hi mumangah pawh ka lo la hmu chhin ngai lo.

Ka tho leh ta nge nge, Bathroom ka pan a, tun ang hun, Favang hnaih tawh hunah hian eng thli nge tleh a, hetiang em em a tam ruah a sur tak ka hrethiam lo, ka lungngaih na nasa lutuk hi min hriatpui ve anga, a hun lo ah nasa takin min tuarpuinan a rawn thawk zawk pawh a ni mahna..

Shower ka herh hawng a, a hnuaiah ka ding a, ka huh vek,ka thawmhnaw atangin tui a far tluah tluah a, pawi ka ti lo,he taksa bawlhhlawh lutuk hian mipa dang a inkhawihtir a,a tenawm tawh.Nimin kha chuan Simon-a kha ka hua a,ka dik lohna ka hriat loh avangin ka ti let ngam lo a,ka hriatchhuah veleh ka ti ang tiin ka insehruh a, mahse, engmah ka duh ang hriatchhuah tur a lo awm lo.Ka hriatchhuah tak zawng chu thil pawi tak leh hrehawm tihna avanga ka natna tur zawk,a rapthlak lutuk,Simon-a ka huatna ai chuan tenawm ka intihna leh dam tlak lo ni a ka inhmuhna hi a nasa tawh zawk.

Tah pawh ka tap thei lo.Tah chhan tur ka hre lo ti ila a dik zawk ang, ka thawpik hluah hluah a, siamthat theih tawh si loh kha zan kha ngaihtuah loh ka tum nasat poh leh ka hrechhuak tam ting mai.An thil min intir kha ka rui tih ka pha lo,min inluihtir ti dawn ila min manbetin min tulh lui hauh si lo.Ruatdika khan In ah min thlah tur in a insawi a, Motorah pawh min dahlut thlap, mahse, ka hriat leh hmasak ber chu kha Hotel kha a nimai bawk si...Ruatdika emaw Hriati pawh ka hmuh ngei ngei angai, mahse, engtin nge ka hmuh ang? In atang hian Simon-a thu lo chuan ka chhuak thei lo a, hna lah ka nei lo chu a nimai tawh bawk si..Mi tang ka ni.Tuma khung luih ni lo,ka tihsual rah seng vang liau liau a mitang ka ni ta..Tu nge he thil ah hian dem tur ka neih? Chhanna pakhat chiah a awm..tumah dem tur an awm lo. Keimah chiah..Simon-a awmdanah khan dik lo ka hmu anih chuan a hmain ka sawi thei a, ka pasal anih ang ngeiin ka lawmlohna te pawh a ruk a vawng lo in ka sawi tur zawk anih laiin ka rilruah ka khawl khawm a, min biak loh pawn be hmasa duh lo in ka ti tau kual a..ka hlawh chhuah ka hmuh meuh chuan inchhir a sawt tawh der si lo.

“Ka nupui i ni tawh lo, mahse ka then lo che,nitin hrehawm i tuar ang” ati anih kha..

Ka tlaivar ta thuak, a chang leh ka mu a, a chang leh ka tho a,a tawp a tawpah chuan awmngaihna thlawt hre lo in Tukverh ka hawng a, zantir lama ruahsur nasa em em si kha Thla a eng ut a, khua a vawt vur a, thli a thaw heuh heuh bawk. Balcony lian lo te, vawi tamtak Simon-a nen hun kan hman dun thinna a ni a, keimah chauhin chhuatah ka thu sawp a, Tukverh darthlalang vawt thlur mai chu ka ngheng a,ka hma lama khawpui pe tuar mai, de neuh neuh chu ka thlir ta zawk...

Motor horn ri ah ka harh a, ni a lo chhuak daih tawh, Balcony ah ka lo muhil zui ta daih anih hmel,ka mut a chhuak pawh a ka hriat loh kha ka lo chau ve deuh ani mahna.Peih lo fe hian ka zi mar ar ar a, Motor thawm kha kan Compound chhung niin ka hre leh lawi a, a chhan chu ka thutna lam hi In hnung lam a ni a, thenawmte awm lohna lam anih avangin tumah min hmu tur an awm lo, kan In thlang feah  vengdang nena kan in kalpawhna kawng a awm raih a, Motor tlan tawk awm reng mahse thawm a hriat phak loh thung.

Inhnuai lam panin ka chhuk thla chhat chhat a, thawm awm lo in a reh thap mai..Simon-a a chhuak tawh em ka hre lo a, Min kal chhuah tir a tum hauh lo anih chuan min veng turin Inah a awm angai ang chu.Kawngkhar a rawn inhawng a, kan Driver a rawn lut a, min hmuh veleh a rawn nui var var bawk.Ka thaw huai mai.Tunah chuan midang cheng ve an awm leh ta a, Simon-a tan pawh min khuahkhirh tlat a harsa talh ang.

“I lo thleng chiah ami?” ka ti a, a bu nghauh a, Apa rawn hruai thlak tum ni khan a insawi a, hmuh tel ve ka lo inbeisei deuh nangin tumah a rawn hruai lo.

“Ka pa a lo ziawm phian a, ka tum aiin ka lo haw hma leh thei a,bakah Pu khan min mamawh anih ka ring a..” ati a, a chawhmeh rawn hawn a niawm tak hi a khai a, chhan pawh ka chhan hmain Kitchen lam a panpui a,a hnungah muangchangin ka zui lut a,ka rilruah thildang daih a awm thung.

Kan nula awmna min zawt leh a, karthar lamah a lo haw dawn thuin ka chhang liam mai,a lo haw dawn tak tak em pawh ka hre lo,eirawng ka bawl a, tunah chuan Nupui ka ni ta bawk si lo a, ka nihna ber chu ‘Awmpui’ animai,abak sawimawina dang a awm lo.Midang tan chuan Nupui ka la ni ngei ang, mahse, Simon-a tan chuan ka ni tawh lo,chumai bakah Emily pawn a hre thuai ang, Kha hmeichhe hnenah kha chuan a hna mai bakah a mimal nun leh ka nun nen lam a share vek zel tlat alawm le.

Gate lamah Motor thawm bawk a rawn ri leh a, Tlana a chhuak vat a, tu nge lo kal hriat tum hian kitchen tukverh a Curtain chhah lam inzar chu ka pawt hlim a, Taxi a rawn tlan lut a, tun ang hunah tu nge lo kal ang ka hrethiam lo.Taxi leh lek phei chuan..

“Ka cousin a lo thleng anih hmel hle mai..” ka hnung lam atang hian Simon-a aw hian a ti hluk a, a lo luh lai ka hre bawk si lo, ka phu nasa kher bawk.Tunlai chu ka phu dawrh dawrh reng mai anih hi maw..

“Ka hriatsa a ni em?” pangngai takin ka ti let a, nizan thil thleng zawng zawng kha ka mumang a ni hauh lo tih a hmel nelawm lo leh a mit sen rumah chuan a lang chiang hle bawk.

“Ka Cousin te tu nge i hriat?” ati leh nghut a, ka ngaihtuah a, tlem chu ka hria, mahse, chung ho pawh chu Lunglei lamah an awm hlawm avangin ka hmu ngai meuh lo.Chhungkaw inpawh tak an ni lemlo bawk nen Aizawla awm te pawn min rawn tlawh ngai vak bawk si lo.Ka nu a lo kal changa an lo leng anih loh chuan ka hmu ngai lo.

“Ka hre nual alawm..” ka ti leh mai..Tomato ka la chhuak a, Salad siam tur dang nen ka tifai zui leh mai..

“Tuna mi hi chu i la hre lo ang, mi thar hlak ani e..” ka thil tih lai ka chawl dat a, chhan ka tum zet nangin ka chhang ta lo.

Simon-a chhuak thawm ka ngaithla kar a, en loh hram hram ka tum thung,Tlana rawn tawng lut lawng lawng thawm ka hre zui zat bawk, Simon-a nupui ni tawh lo mahila midang hmuh dan chuan nupa kan la ni reng a, a Cousin kan hnena awm turin a lo kal a, ka lo welcome miah lo anih chuan thil mawi lo tak a ni ang tih ka chiang, mahse, awm dan mai tur ka hre der lo thung.

“Awi, Mam...i tha em?” hmeichhe aw tham nalh zet hian a tih ri ka hria a, a aw chuan ka beng a verh zar mai.Khawiah emaw ka hre tawh a hriatna ka nei a, mahse, khawiah nge ka hre lo.

“Um, tha e..in tluang em?” Simon-an zangkhai vuh a a tih ri ka hre leh a, muangchangin ka ding chhuak ta nge nge.Ka Apron hak laiah ka kut ka hru hul a,kan nula, langa lo kal thin kha a lo kal ni a ni a, vawiin chu nidang aiin a lo kal tlai hret,karkhatah vawi nga a lo kal a, Sunday leh Saturday a chawl thin a, nimin kha chuan a nawmsam loh vangin a lo kal lo thung.

“Tluang e, enteh..hmana Delhi kan awmlai a i thil duh deuh kha ka lo..” min hmuh takah chuan a tawp chawt mai..a sam dum hlap,nung sar mai chu a dar chen lekin a tan rual hmak a, a chalsam a kilh bet a, T-shirt dum a ha a, kekawr tlawn, mar tangin a ha bawk..a lian lutuk lo a, mahse, a sawifiah dan awlsam berah chuan a ‘Hmeltha’ ti ila a kim ber ang.Ka la hmu ngai miah lo tih ka hre nghal bawk.

“Ka nupui, Hmingthani..i la hmu lo tiraw?” ka lamah a thle buk a, ka landan nalh loh tur zia ka lo ngaihtuah ve thung.

“Um ,la hmu lo..mahse, ka ni sawi aiin a hmeltha fe zawk anih hi..” a nui har har a, a mit lian kel kawl chuan min rawn en a, ka lai lek lek mai..

“I tilawmawm hle mai, nangpawh i hmeltha alawm..engtin nge ka koh ang che?” ka ti a, ka kut ka phar chhuah chu a rawn vuan a, a kut tin sei sel sawlah chuan Nail polish rawng lar fe a hnawih that bawk.

“Ha...Mama hian a la hrilh lo che mi?, Sawmtluangi ka nia, Delhi kan awmlai chuan mi in kan hming a inhnaih avang hian min fiam nasa thei lutuk” atih zawm leh siam siam a, keini aiin a nau daih zawk awmsia engtin nge Simon-a te nen Delhi ah an awm ho theih ka hrethiam lo.kei aiin Simon-a a upa zawk a, a nau lah chu kei ai pawn a naupang fe ang tih hai rual a ni lo.

“Um ,anih chu mawle..i chau awmsia, Room lamah indah fel i duh em?” ka ti a,

“Alawmawm ngawt ang, tlem chuan ka chau ve deuh..”ati awlsam leh mai..a chet zawng chuan a sam dum hlap mai chu a che siau siau bawk.

“Ruth-i room a awl a, a lo kal chang chauhin a hmang thin a, tah chuan i awm ve duh mai em? “ka ti a, Room dang awl awm nual mahse Ka nu room hman bikah chuan tumah kan dah ngai lo,amah awm lo mahse keini pawh kan lut mai mai ngai lo.Ruth-i te hi chu kumkhatah vawikhat te an lo kal chauh a,lo hmantir kha thilpawi niin ka hre lem lo.

“Inchung lamah khian kan room leh room awl dang pahnih a awm a, i duh chuan i awm thei a..”Simon-an a lo tih ve takah chuan ka mengphar vak ringawt,kan room lam hnaiah hian a farnu te pawh lo kal mahse a awm tir ngai lo.

“Aaaah, Ruht-i room chu inhnuaiah hian anih chuan ka lo hmang zawk ang, i hria em? Ka ke ruh avang hian Step kal ka harsat tih kha..” Simon-a hnenah a ti leh a,Simon-a lo bu nghut ka hmuh rualin an inpawh em em ang tih ka chhungril hian a lo hre ve tawp, mahse, engtin nge hetiang em em a a pawh leh kan hnenah meuh kan awmpui tur ni si hi tuman a hmain an sawi ngai miah loh? Ka nu leh Simon-a nau te pawn an sawi ngai miah si lo.

Tlana’n a thawmhnaw a khai luh sak a, ka va lut ve zawk nangin ka eitur siam lam ka ngaihven san leh ta zawk, kei hi ka dik miah lo..Simon-a sawi kha a dik anih ka ring ta rum rum, ka rilru lam a chiang lo a, thil engkim ka ringhlel zel mai niin ka hre tawh,Sawmtluangi leh Simona-a ah hian thildang awm niin ka hre leh tlat tawh.Ka vawikhat hmuhna mai chauh ani lehnghal a, hetiang lam engtin nge ka rilruah a lo luh ngawt theih ka hre hlawl lo.

Chawei hmain kan nula a lo thleng ta hlauh,ka thaw huai mai..”Vawiin chu chhuah lawk ka duh a, Tlana nen hian kan kal thei angem?” chawei laiin ka ti a, chhuah phal lo mahse midang awmlai chuan min hnial miah lo ang tih ka chiang ve tlat.

“Eng ti turin maw?” a thil ei lai ei zawm mawlh mawlh chungin a ti a.

“Phone lei ka duh a, ka phone kha siamtir ai chuan a thar lei mai athat ka ring a..” ka ti leh a, a vawm keh chhe hneh lutuk, siam pawh tum ila a thar man lawih kan seng tho tho ang.

“Ka rawn lei mai ang, eng ang nge i duh sawi la” ati leh a, kan nula in mak tih hmel deuh a min en tawn zak zak chu ka mitsirin ka hmu ru reng, mahse, ka pawisa duh lo.

“Aaa, keiman ka lei zawk mai ang, i buai thei si..hna ka bansan tak rau rauah chuan ka nu te in lamah lenkual zuai ka duh bawk a..” ka ti leh a, na zet hian a Fork a dah chawrh a, ka lo rinlawk loh dan ani bawk nen ka ip chawih mai..

“Engmah buaithlak a awm lo, ka lo lei mai ang..” ati leh nghut a, a chair a nawrsawn a, a tho zui nghal daih bawk..Nuam ti vak lo hian midang an in melh kual ralh ralh mai.Sawmtluangi a lo thleng chauh a, kan inhnial niawm tak a hre nghal mai bawk nen, thil nuam tak erawh a ni lo.Mahse, midang awm laia ka dil anih si loh chuan khawiahmah ka chhuah a phal dawn lo a, dil pawh ka dil ngam kher lo ang.

“Hon...i hman hunah lo kal lawk teh aw..” Living Room kawngkhar atangin a rawn ti a, ka ip leh chawih pek, hetiang hi min koh dan ziah nimahse tunah chuan lemchan na vangin min ko a ni tih ka hai lo..chutak chuan min ti zam ta tlat.

“Ka hman alawm, ka lo kal ang..” ka ti let a, kan nula a lo thleng tawh tho bawk a, inchhung chet leh chawei na tihfel tih vel hi chu tih ka tum lem lo.

“Sawmi, engmah tih angai lo ania aw..kalsan tawp ang che..” ka ti leh rih a..Engmah a tih ka ring chuang lo nangin a mawiah tal ka sawi a ni ber.

A Office ka pan zet a, a lo awm lo..Inchunglamah zawk anih hmel. Mahni pasal te bula kal tur ni si in ka khur lo chauh mai..Hahthlak hian a..A room lam ka pan a, mahse, a lo awm chuang lo..Kan Roomah a awm ani ngei ang,mihrang kan chenpui leh takah chuan Room dang hman a rem ta chiah lo bawk atin ni.

Ka rin ang chiahin ka Roomah a lo awm a, chhuah tum tih hriat zet hian khumah a thawmhnaw hak tur a lo dah a, engmah thawmhnaw inbel lo in amah a awm thung.Boxer a ha mawlh mawlh a, a hnunglam chauh ka hmu thei a, bakah kha leh chen ka pasal a lo ni tawh a, engmah ka la theihnghilh lo.

“Eng nge a?” ka ti a, ka chhungril a mahni inthiam lohna lo thawk leh chuan ka awm a ti nuam thei lo.Mahse, inthlahrung dek anga lan erawh ka tum bau lo.

“Min tih thinrim hi tum lo teh aw..” ati hmuk a, ka rinlawk anih avangin mak ka ti lem lo.Tawngkam tha taka thil min sawipui turin ka beisei hek lo.

“Tih thinrim che ka tum lo,Mahse, Phone ka mamawh..”

“I mamawh apiang nei thei tur ni in i in ngai em?” a rawn hawi let a, a mitmeng hlauhawm lutuk chu en loh hram tumin ka hawisawn a..ka hlau a ni tih hriattir kher ka duh lo.

“Chulam ka ngaihtuah lo,mahse, ka mamawh..” ka ti let hmak a, ka beisei ai daihin ka aw pawh a chhuak mar tha.

“Okhey...hetiang mihring hi alawm hmuh ka duh chu,tlawm dek,min tih let tum miah lo ai chuan mahni nihna pawh hre lo khawp a huaisar hi alawm ka hmachhawn duh..” tehduah chuan a....

“Chuti anih chuan ka lei thei anih chu..ka chhuak anga ka lei ang..” ka ti hmak a, ka inher a, kawngkhar lam ka pan a, mahse, min rawn thlen khalh hman tlat, a thlawk thei emawni ka ti rum rum tawh.

“Engmaw i sawi kha?” khauh zet hian a ti a, hetianga a tawng tawh chuan hlauhawma hnai tih hre tur khawpin amah ka hrechiang tawk tawh.

“Ka chhuak anga, ka lei ang..a chiang em?” a mitah tak ka en a,ka hlauhna te chu nakinah ka la ngaihtuah ang chu..tunah chuan khawilai kilah emaw hlauhna tih vel hi chu ka hnawh bo rih angai.

“I nghawng nalh zet kha ka thuaichhum chak zek zek tih hi hre teh...” Kawngkhar a ngheng a, a inkuangkuah zui nghal daih bawk.

“Ti ta che, hetiang renga dam ai chuan ka thlang zawk daih” a mithmul a ti sang awk a, ka beisei loh zet hian a nui chhuak hawk mai..A awmdan chuan min ti hamhaih lutuk a, sawi leh mai tur hre lo in ka ding ngawi ngar mai.

“Ni lo e, tueawm angin Midang thah hmang nih ka duh lo,ka duh loh zawnga awm te chu hrehawm takin ka siam a, an tuar theih loh tawpah an mahni an intihlum mai zel zawk...” a nui leh a, a hma khan ka hlau miah lo..Mahse, a nui ri chuan ka chhungrilah min man a, ka khup a khur ta dar dar mai.

Simon-a leh Sawmtluangi an chhuak a, chau inti hle si kha Simon-a dawr vel enkual ve a chak a, a kal chhuak ta tho,Tlana an hruai daih bawk.Chhuah tum buai lo law law ila a hahdam mai zawk ta ve ang.

“U Hmingthan, Pi in a be duh che a..” Pangpar vel ka lo khawih mawlh mawlh laiin Chhungi’n a rawn ti a, Landline kan kawl lo a, ka phone a chhe bawk nen tihngaihna a awm lo.

“Hello...” ka kut hnunglam in ka chala  thlan awm chu ka hru a..

“I Phoneah ka be thei lo che a, Mama ka bia a, i phone a lo chhe daih animaw?’ a rawn ti nghal mawlh mawlh a, a fapa in a vawm keh vek tih hria se engtin tak ngai ang maw?

“Nia, mahse, vawiinah Simon-an a rawn leiin ka ring” ka ti a,kan dam that leh that loh min rawn zawt leh hnuhnawh a.

“Um, kan tha e..nangni lam engtikah nge min rawn tlawh ang?” ka ti leh a.

‘Ruth-i hian lo kal chu a duh a, mahse, i pu boral ta thut bawk nen zin ka chak lem lo a.In dam that tho bawk chuan lo kal pawh ka tum hnai lo ‘ a rawn ti leh a.Ka pu chanchin a sawi chhuah takah chuan Simona bawk ka mitthlaah a lo lang a, ka pu kha a that tak tak angem?

“Bawihi..ka sawi i hre thei em?” ka nu in a rawn tih leh vau vau chuan nuam ti lo zet hian ka nui lui a.

“Aw, hrethei e..Pangpar ho ka sawisa kual a..’ a sawi ka hriat miau si loh avangin ka duh duh ka sawi ta zawk.

“Hna i kal lo ami ka tih chu mawle,ka sawi i hre miah lo anih kha..” ati leh a,lungawi lo aw ka hre tel bawk.

“Aw, ka bansan ta mai..ih..Nu, ka tisualin i hria em?” ka ti leh rih a.

“Engber chu?”

“Hna ka bansan ta ngawt hi..Simon-a nen kan duhthlanna nimahse ka ngaihtuah a...” sawi zawm loin ka ngawi leh rih a.

“In inneih hmain i lo thawk tawh a, mahse, kei chuan diktak chuan hna nei lo a Inah i awm kha tha ka ti zawk, Nupui chuan inchhung enkawl mai se tih hi ka duhdan ani reng reng a...i ngaihdan ka hre lo” ati a.

“Ka hre lo, mahse, Simon-a zawkin ban hi tha ati a” ka ti leh a..

“I remtih tho chuan tha ka ti zawk,Pathian zarah kan mamawh lo a, Mama i enkawl kha tha ka ti zawk” ati leh a,nufa anni a,an ngaihdan pawh a in ang chiah,hetiang tak tak hi ka ban chhan nise chuan a zia ang chu, mahse, tunah chuan hremna avangin hna ka nei ta lo...

“Nia, nitin ka chhuak thanga ka la awm thiam lo mai mai pawh aniang, engpawh nise tukin ah Sawmtluangi a lo thleng a...”

“Tu maw?”

Ka sawi nawn leh a,”ehe....engchen nge a awm dawn?” a aw danglam ta daih chu ka hriat hmaih lo.

“Hetah a awm ve rih dawn anih ka ring..”

“Ole, Mama ka lo bia ang, anih phawt le..” ati a, chhan pawh ka chhan hmain a dah daih bawk.

Dar nga velah an lo haw a, ka phone tur pawh a rawn hawn nghal thlap,roomah ka zui chho a, midang awmlai chuan nupa kan nih angai ve tlat.

“Room hran i hmang dawn em?”

“Aih,midang hriatah kan boruak tha lo hi tih lan kher ka duh lo..”

“A tha lawm..”

“Khumah i mu anga, kei chu Couch ah ...diktak chuan mut dun ka chak lem lo e..” ati leh a, chhan en ah pawh ka en lo.

Chawei kham hnuah khumah mu chungin Tv ka en a, Simon-a erawh chu Officeah a awm thung, Sawmtluangi a room lamah a kal nghal nalh bawk, an kalna chanchin ka zawt a, nuam a tih thu a sawi nangin a chauh vang animaithei., a mood a dik vak lo niin ka hre thung.

Vawiin khan Simon-a Officeah lehkhabu ka chhiar a, ka chhiar zo hman ta lo,ka keng chho ang ka ti zet a, ka theihnghilh leh daih,ka tho sawk sawk a, chhiar zawm ka duh tlat..Tlana a awm emaw ka tih kha a lo awm lo, Living room a lo ruak hiau mai..Kawngkhar ka va en a, chhunglamah a inkalh thlap, a lengchhuak lo tihna animai..Simon-a office ka pan leh a, kawngkhar ka kik tur chiah chu Hmeichhe aw ka hriat takah chuan ka ding dat mai..Tu nge ni ang? Sawmtluangi...ni dawn tak..Kik tumin ka kut ka lek kang leh hman chiah..

“Emily kha engvangin nge i bulah a awm?’ tah aw tiau hian a ti a, mak ti zet hian ka ang pham mai..Emily pawh a lo hre vek tihna anih chu..

“Hush..tawng ring lo teh, chuan, va mu tawh rawh..a tlai tawh ania..”

“Aih, i nupui hi chu ka thik lo..mahse, Emily kher hi chu ka ngaithei lo..in awmdun dan ka hmuh te kha avaiin ka la hre vek...” ati leh a...ka taksa a khawng nghal lah mai..ka insangmar nghal teuh bawk..

Chapter- 11

A nunah hian kei chiah hmeichhia ka awm lo ang tih ka hria, ka pasal anih hma khan keipawn ka nunah Mipa dang ka lo la lut ve tawh tho,mahse, tumah hi pasal ka neih hnuah ka la lut leh lo a, a hmasa ami nen khan inzawmna neih leh lah ka duh hek lo.Mahse, Simon-a hi chuan Emily pawh tun thlengin a bulah hnathawk hmingpu siin inzawmna a la neih pui a, tunah pawh Sawmtluangi kan hnenah cheng turin a hruai lut leh ta,a em em ka ti ve ta tlat.

“Theihnghilh hmak rawh, thil kal tawh hriatreng hi a tulna a awm lo ania” Simon-a aw hian a ti leh a, ka ngaithla zui peih tawh lo.Engpawh sawi rawh se, ka rilru hi ka tih khauh angai, nitin min tihnat a duh avangin engthil pawh a ti thei..mahse, ka bei let ang..Ka na anih pawhin a hmuh laiin na angin ka awm tur a ni lo.

Ka mut hnu fe ah a rawn lut a, ka muhilah ngai se ka duh avangin chet pawh ka che duh lo,thawm dim deuh hian a vei kual a, ka mutna bulah a tawp chat mai..Thawk pawh ka thaw tha ngam lo,a reh vang vang hnuah a kalsawn thawm ka hre ta hram..

Zan hmasa lam ka mut that loh luat vang kha ani ngei ang, ka mu tha ta phian, ka harh leh chuan khua a lo eng uar tawh, pawn lamah Sava thawm a ri nawk nawk a, muangchang hian ka inlet a, Simon-a mutna lam ka va hawi a, a lo awm tawh lo.Mutna hnu pawh engmah a awm lo..engtiklai mahin ka thawh khalh ngai mang lo ve hrim hrim.

Ka inphihfai a, Kitchen lam ka pan thla a, kan nula a lo thleng der tawh.Thingpui ka duh leh duh loh min lo zawt thuai a, ka lu ka thing mai.Pawnlam ka pan a, nimin a ka pangpar phun thar ho kha nizanah ruah a sur ta miah si lo a tui pek an ngai ngei ang.

“I va han tlan chak tak..” nui ri hian a zui nghal a, Gate lam ka hawi vat a, Simon-a a rawn tlan lut a,a hnungah Sawmtluangi a rawn tlan ve bawk.Kei nen a kan tih ngai miah loh thil an lo ti dun leh ta, an insawizawi ringawt ang nge thildang an va ti ang..?? Ka lu ka thing nawk mai,an duh duh lo ti ang hmiang..Ka ngaihpawimawh nasat poh leh ka na tam ting animai.

“Goodmorning..” ka bula rawn din pahin Simon-an a rawn ti sup a, nui chungin ka chhang let ve mai,Sawmtluangi ka en a, a hah bawk aniang,a biang a tai hlar mai..a kekawr hak a mar lu hrat, a hmeichhe nihna angai ngaiin a lang thei thaw thang..

“In va tho hma ve.. “ nui chung hian ka ti a, a thle bak a, a sam chhawl leng tla chu a hui kiang a..

“Mama nen chuan hei hi kan tih than dan ania, nuam ka ti thin..heta lo awm ka chak phah..” a nui var var bawk, tih than an ngah dun awm mange tih ka lo ngaihtuah daih.

Nizan kha chuan Emily vangin a mood kha a chhe hle a, tunah chuan a mood a fuh lutuk mah mah anih hmel, nizan khan Damdawi tha chi a lo ei te pawh ni hmiang, ka ngaihtuah zawng pawn ka luak a chhuak hlui mai.

Ka chhan let hmain vanneihthlak zetin ka phone a ri ta hlauh,ka en thuai a,Hriati a lo ni a, tun ang hunah engatan nge min rawn biak ang ka hrethiam lo.Ruatdika a lo let tawh em ka hre lo bawk.

“Hello..”

“Khawnge i awm?”

“Tun ang hunah khawnge ka awm ang? Inah animai lawm.” Ka ti a,a nui hak mai.

“Sangpuii nu a tha lo tih an rawn hrilh tawh che em?”

“Aih, engtikah nge?”

“Nizan atang khan a zual deuh a, a zia leh a, mahse zinglamah a zual leh a, i lo lang miah si lo a mak ka lo ti a, i theih chuan lo kal la..” a rawn ti a, a zual thu min rawn hrilh tum khan ka kal ngei a, mahse, thil thleng kha a mak ta nuaih anih kha..

“Ok, ka  lo kal nghal ang.. ‘ka ti a, Simon-an min melh reng tih ka hria.Mahse, tun tum chu min that nghal dawn pawh nise ka kal ang..Engmah in min dang hauh  lo ang.

“Tu nge a?” bung vut hian a rawn ti a.

“Hriati, Sangpuii nu nizan atangin a zual leh a, kal nghal ka duh..i lo kal ve dawn em?’ pawisak nei lo zet hian ka tih zawm nghal zat,a mit a tizim a, eng nge a ngaihtuah ang tih ka lo ngaihtuah ve thung.Min hnial a duh ang, mahse, natna thil a ni a, chumai bakah Sawmtluangi awm lai chuan min hnial hreh in ka ring bawk.

“Sangpuii pawn engmah a rawn sawi lo a..chuan,” ati hman chauh a, a phone a rawn ri ve ta thung..a kekawr ipte atangin a phawrh a.

“Hello..?’ ati a,a ngawi leh vung vung a, Sawmtluangi angaihna hrelo zet a ding chu ka nuih lui sak a,min thik lo ang khan a insawi a, engvangin nge thik pawh min thik reng ang? Ka ta a ni tlat lo..

“Nia, hei kan lo sawi mek a, kan lo kal nghal dawn nia..” ati leh a.a off zui a, a kekawr ipteah a thun leh mai.

“I u ania, ka intleuh zuai anga, kan kal nghal mai dawnnia, a chatthla chiah a rawn ti a..” ka tawlh hnung deuh dawrh a, nimin leh nizanah pawh an kiangah awm tur ka ni asin..ka thiannu tana mi pawimawh em em natna khuma mu a, mangang taka an awm laiin kei erawh ka mimal buaina ngawt in ka lo buai a, min rawn tlawh tura ka tih kha a lo lang ta miah lo pawh thil mak a ni lo.Keimah hi kal tur zawk ka nih vei nen..

“Um...Sangpuii biak kan tum lawk ang..” ka aw a lawi vek, kan naupan lai ka mitthlaah a lo lang, Sangpuii nu pangpar khawina kan tihkeh tum te, kan pahnih tana kawr in ang leh pheikhawk in ang chiah min leisak tum te kha,thisena inzawmna kan nei miah lo chungin ka ngaina a, ka chhungte tak tak angin ka lo en thin a, min thawng na kher mai..

“Ok..ngaihtuah hah lo la,ka inbual rei lo ang, bakah vawiinah an vui nghal dawn lo hlauh a..Hmanhmawh lutuk pawh angai lo..” ati leh a, ka mittui rawn hnai lutuk chu duh lo in ka khap lui sak sak a, Sangpuii nu tan anih rualin khatianga keimah min ngaihtuah na tawngkam khan ka chhungril a fan lo thei lo.

“Sawmi,nilengin kan awm ka ring a, kal duhna i neih chuan Tlana lo hruai mai ang che..’ ati leh sup a, a inher a, inchhung lam a pan zui nghal a, kei erawh chu Pangpar bula thutna awm lam chu ka pan ve thung.Sangpuii ka bia ang ka ti zet a, mahni inthiamlohna avangin ka be leh ngam ta ngang lo.

Insiam turin Room lam ka pan a, Simon-a a lo inbual zo ve chiah bawk,kawr ha lo in Boxer nen a lo awm a, ka lut thawm a hriat veleh min rawn en vut bawk.

“I be thei em?” ati sup a, ka lu ka thing mai.Ka thawmhnaw dahna lam ka pan a, ka thawmhnaw hak tur ka la chhuak a, ka chhungril ngui lutuk chuan min ti chau hluah hluah.

“Sorry...” ka hnung mai atang hian a rawn ti sup a, min rawn hnaih lai ka hre lo, engvangin nge ngaihdam min dil ngawt nachhan phei chu ka hre lo lehzual.

“Eng nge a?” hawi let chuang lo hian ka ti sep a.

“Nizan khan Sangpuii chuan min rawn bia a, mahse, Room ka rawn chhoh khan i lo muhil tawh a, zingah lah khan i mutui bawk nen ka kaitho duh ta lo che a..” ati ta duah..nizan khan reife ka mutna bulah a ding a, hei vang chiah hi a lo ni dawn anih hi..

“A pawi lo..” ka ti leh a, ka tum aiin ka aw a chang, bakah pawi a tih tak tak ka ring hran lo,min tih hrehawm tumin a buai a.Midang nen kan inzawmna pawh tihchah a la duh maithei,tun hi a bul tanna ah ka ngai mai ang chu.

“Min en teh..” a ti leh sup a, ka che chuang lo,ka darah a rawn vuan a, amah en turin min kuai her a,ka tang deuh nangin ka en ta tho.

“Kan buaina nen hian a inzawm lo,i awih em ka hre lo, mahse, pawi ka ti tak tak..i thiannu in a mamawh lai chein ka hrilh lo che a, ka dik lo tih ka pawm thlap..”  ka insum hman lo, ka mittui a rawn baw hawk a, ka tum loh tawpin ka insut ta hlawp hlawp,eng ber nge ka tahpui ka hre lo..

Min rawn kuah a, a awmah ka hmaiin ka nawr a, ka mittuiin a awm a ti huh hlap bawk, dimtein ka  hnungah a chul hauh hauh a, ka samah a fawp vang vang bawk, a awmdan engkim chuan ka tah a ti chhuak zual zel thung,hetiang hian ka thinrim te, rilru hahna ka neih chang apiangin min hnem nan leh a tihreh nan a hmang thin a, thla khat aia tam kan nupa karah khi a awm ta, tunhnai ngat phei chuan kan inzawmna zawng zawng a chhu chat fel hmak a, a nupui ka nih tawh loh thu leh min tih hrehawm a tum thu a sawi zui bawk a...Mahse, tunah chuan hmana ka hriat thin ka Pasal, Simon-a ngei kha a ni leh ta tlat..Tihderna tel lo in min duat a, min hnem bawk...

Engchen nge ka tah ka hre lo,ka Phone a rawn rik takah chuan min kuahna atangin ka inlahrang a, ani pawn min dang lo,min enzui reng tih erawh ka hria,Ka phone ka en a, Sangpuii a lo ni a.

“Hello..thiannu..”

“Kan chanchin i lo hria em?” dam thlap hian a rawn ti a, nuam lo ka tihna a belhchhah sauh, ka lan har vangin min khak in rawn thinrim se chuan ka ziawm zawk mah ang.

“Aw, lo kal kan tum mek a..” ka ti a.

“Rawn hmanhmawh duh suh,nizan khan ka rawn call dawn che a, a tlang thei lo a.Simon-a ka rawn hrilh a, i nuam vak lo tih a lo sawi a..vawiin pawh i nawm vak loh chuan lo kal duh suh,naktuk lamah erawh ka phut che a..” a rawn ti leh a, Simon-a lam ka hawi a, a ngaihna hriat loh hmel zet hian min lo en thung..Kal chhuah a phal loh avangin ka damlo niin a sawi mai zawk nge ni ang ka hun hmandan te avangin ka damlo tak tak niin a hre zawk ka hrethiam lo.

“Ka tha alawm, kan lo kal tep e” ka ti leh a,a aw dam thlap mai chuan a hna avang anih rualin amah a inbuatsaih lawk nasat tur zia min ngaihtuah tir a, ka nu hi boral ve ta se...ngaihtuah pawh ka ngaihtuah ngam lo e.

“Sangpuii ami?” zawi sup hian a rawn ti a, ka bu rigawt, kan boruak tang at thin kha a dam ta riau..he nun hahdam thlak tak hi kan nun diktak kha a nih thin vei nen,tunah chuan mumang ang maiin a liam tawh a, keimah hi ka tang ta teuh reng mai.

Sangpuii te In kan thlen chuan mi an lo awm nual nangin lumen tur anih vang nge ka hre lo a, an tam lutuk lo.Chhungkhat laina leh nu leh pa rual anni deuh mai.Sangpuii mit bui lak mai chu ka en a, a tap nasa thawkhat in ka ring.A nu leh pa angaihtuah avangin pasal pawh a nei lawk lo a, mahse, a nu khan a boral hma ngeia nei turin a tur a, a nawr nasat lutuk vangin a nei ta kha ania, tunah chuan a pa chauh a ni ta, mahse, Mizo pa ve ngeng ngawng tak mai a ni bawk a, ruang bulah pawh thu lo in midang zingah a thu a, an titi pawh pangngai takin a zawm ve thei mai..

“In lo phei dawn em?’ ka nu in ka bula thut pahin a rawn ti a.Simon-a kha Sangpuii pasal nen thil pawimawh an tih avangin an chhuak a,an kalna tur kha min hrilh tak nangin ka hre leh tawh lo.

“Nakin deuhah ka lo phei ang, Simon-a te an la buai em mai” ka ti a, min en vang vang a, ka hmelah ka rilru hahna ka tihlan loh hram ka beisei takzet.

“Simon-a te chu ka hmu alawm, lo va hruai phei rawh a ti a..” ati leh a, engemaw a hriata min care leh tak viau ni??

“Chuti anih chuan a tha nimai lawm,Sangpuii ka be lawk anga, kan kal dawn nia” ka ti a, ka thutna piah deuha Sangpuii thu chu ka va hrilh a, pawi a lo ti lem lo.

“Va phei rawh, bakah i nawm loh hmel em mai” ati ve mai,engmah na ka nei si lo,engtin nge ka nawm loh ngawt ang?

Kan naute in min lo hmuh veleh phur zet hian a au a, min rawn kuah a, ka kal khat bawk nen min lo ngai ve ngang mai.Haw tawh lo in hetah hian awm hlen mai ka chak zek zek, ka In ni a ka lo hriat thin kha ka tan chuan Jail lianpui a ni tawh zawk a, Simon-a nena nunhlui lo nei tawh nen kan cheng ho dawn ta bawk nen ka thawpik hluah hluah.Ka nu leh ka pain kan hna ka bansan chungchang min zawt a, ka sawi ngai miah lo in Simon-an ka bansan tih a lo hrilh vek tawh,Ka nu in pawi a ti a, ka pa erawh chu pawi ti awmin a awm lo.

“Min hel deuh char char maiin ka hria..” ka hnung lam atang hian mipa aw hian a rawn ti a, ka hawi let a, Ruatdika nen kan inmelh ta ran mai.Sangpuii nu kan vui liam atangin ni thum lai a liam leh tawh, nitin ka kal a, Simon-a pawn min dan a tum lo.A vuini  leh thlan siamni khan Simon-a pawh a awm nileng ve tho a, Ruatdika leh Hriati pawn an tihtur an hlen tha tho.

“Hel hran nang.” Ka ti a, diktak chuan ka hel ,Simon-a ka hlauh vang ni lo in Ruatdika hian ka chungah thil tha lo tiin ka hre tlat tawh a, hlauhna aiin thinrimna leh hmuh peih lohna hian min tibuai ta zawk.

“Ni thum zet chu ka awm lohna lamah hlir i awm in ka lo hre ve thung a..” ati leh a, ka sir a thutna awmah chuan a rawn thu ve a.

“I ngaihdan anih chu..” ka ti leh mai.

Simon-a nen an inhau leh miah lo a,ka chungah pawh thinrimna nei awmin a awm ta rih lo.Min ngaihven em em a,Sangpuii te inah kan kal emaw kan haw hnuah pawh inhauhna tur chi engmah kan sawi ngai lo.Vawiin pawh hian min thlah thlap a, ani erawh Dawr a tlawh loh rei deuh tawh avangin a kal thung.

“Nia, animaithei, chuan,Hna i bansan tih ka lo hria a” ati leh a

“Um, In lamah awm tam ka duh a..” ka ti tha ve mai.Kha zan kha engtin nge ka zawh tan ang tih ka ngaihtuah a, ka hriatsa aia min thawng tu hriat belh hlauhna in ka khat lawi bawk.

“In mamawh hran hleinem tiraw..bakah in pa hi i ven deuh loh chuan Emily hian a chhuhsak mai ang che,taktakin englo ania, hmanni khan min hmu duh hle khan ka hre sia, tunah lem min hel leh char char lawi a, mak ka lo ti deuh a,Hriati pawn a lo ti ve tho a” ati leh a,ka nui ringawt.Ka nuih erawh a za miah lo..

“Hmu duh a, tunah chuan ka hmuh duh chhan che kha ka hre tawh a, angai tawh lo..” ka ti a, ka hre miah lo..Ngaihtuahna thar ka neih tak vang ani zawk.

“Anih chu mawle, mahse, khami zana thil thleng kha engmah i hre lo tak tak ami?”ati leh a, ka beng a verh zak mai.

“Hre tawh e, engmah thleng a awm hleinem, Inah ka ruih vangin ka haw duh lo a, Hotelah khan ka riak animai a” ka nui lui hak bawk, a hmel buai nak mai chu ka en a, he mihring hian ka lakah thil tha lo tak a ti niin ka hre ta tlat bawk.

“Aaahh. I hrechhuak anih chuan a lawmawm, i rui lutuk khan i hriat pawh ka lo ring lo a..” za lo zet hian a nui a..

“Tlem chuan ka buai ta deuh,Simon-an a hre thawi a..’ ka ti leh a, a rukin a hmel inthlak danglam chu ka en ru kar a.

“Um, ava zia lo tak ve mawle,eee, taka Emily leh Simon-a kha vawiinah ka hmu tak asin” ati leh a.

“Um, hna a kal lo rei tawh a, tihtur an ngah khawp ang” ka ti tha ve mai.

“Nia,an ngah ang,Phunchawng huanah in kal ngai em?” ati leh a, ka lu ka thing mai, kan naupan laiin huan kan siam thin a, kan kal nasa thin.Ruatdika pawh hi a lo kal ve fo thin a,a hmun a rem bawk nen nileng lengin Dil lian vak lo awmah khan kan cheng thin anih kha.Mahse, tunah chuan ka ram ani tawh thung, ka pa in a ram neih ang ang te kan unau tan a dah vek a, Pasal nei tawh mahila hmeichhe awmchhun ka ni a, min pe tel ve tho.

“In pa khan Showroom sawn nan a hmang dawn an tih thawm ka lo hria a, a remchang ngawt ang chu” ati leh a, ka ang pham mai.Simon-a hian ka pa in ka ta turin a dah tih a hre miah lo ang, ka la hrilh hauh lo.

“Hmang dawn tih pawh ala awm chiah lo,hmanni khan kan sawi dun a, mahse, nakinah chuan hman pawh kan la hmang ang chu..bakah khawpui chhung lo hi chu a rem chiah lo a..” ka ti a,engmah ka hrelo tih sawi lan kher ka tum lo,bakah, Showroom atan chuan Bawngkawnah In lian leh remsa thlap,a hmanlai a awm reng a, Phunchawngah engvang mahin a sawn hauh lo ang..Dawr bungraw hrang hrang te stock na hmun tur atan hman a tum anih erawh chuan thuhran..

“Um, ka hresual animaithei..Showroom nilo in Service centre tur pawh ani zawk maithei..in pa te zawng a nei pep pep em mai” ati leh a, ka chhang lo.Ka pu ro thihsan te kha a ta ani tawh a, tunah phei chuan a duh duh ti thei turin tuman an dal thei tawh hauh lo ang.

Simon-an min rawn lam hman ka rin loh avangin Ruatdika ka inthlah tir ta zawk, Ruatdika hi a hma ang khan ka pawh ta miah lo, mahse, Simon-a nihna diktak ka hriatchhuah nan chuan Ruatdika hi ka kawm luih angai, ani hian engkim min hrilh thei anga, min zawn chhuahsak tura ka tih pawn a zawng thei ber bawk ang.

Sawmtluangi a lo awm a, Ruatdika pawh in ah a lo lut ve a, ka inhmelhriattir a, Thingpuite a in veleh rih bawk.A haw veleh Simon-a Officeah ka lut nghal a, ka hai kual theih ang ang ka haikual chung pawn ka duh ka hmu chuang lo.Ka pa ka call ta ngawt.

“Eng nge nita Mampui?” dam duam hian a rawn ti a.

“Pa, Phunchawnga ka ram tur min pek kha LSC engtik nge min pek ang?”

“Aw, kha te chu Simon-a kutah ka dah vek kha, a kawl ang..pek che tul a la ti lo anih loh chuan a theihnghilh aniang” a rawn ti awlsam mai.Ka kut ka humruh a, engvangin nge ka kutah min pe miah lo in ama tan lo hman a tum ngawt??,a la hre lo emaw ka ti a, a lo hre vek bawk.Ruatdika sawi kha a dik ngei ang..

“Aaaa, ka rawn zawt mai mai che mawle, ka lo zawt ang” pangngai thei ang ber hian ka ti a.

“Um, lo zawt la, bakah nimin khan a sawi zauh a, Workshop leh Showroom a inhnaih mah mah a, khulaiah khuan sawn ka duh maithei a tih kha” ati leh a,’aw’ tiin ka chhang tak nangin ka chhungril erawh chuan ‘ teuh lo’ a ti nghek thung.Ka hna, ka thu awm miah lo in tihluihna in min chawlhsan tir tawh a, ka hminga ka neih ve chhun liau liau hi chu min neih sak tawh hauh lo ang.

Dar 8 rik hma hretin a lo haw a, nidang ang lo takin zu a rawn in tih ka hre nghal mai bawk.Zu hi a in tam lo, in lo chu a ni lo a, mahse, in nasa a sawi tur a ni lo.Party leh an thian ho thil tih nikhua ah lo chuan a in zen zen lo.Beer erawh a in nasa, tui in ang vel hian a in nimaiin ka hre thin.Roomah ka zui chho a, Kawngkhar a nem hawng a, khumah a thawmhnaw hak lai nen a let thla a, rui chhia a ni lo.

“I thawmhnaw kha phelh hmasa la..” ka ti a, phelhsak ka tum lem lo.Tun hnaiah kan inhau lo pawh animaithei, mahse, chhungrilah hian kan in pawh chuang hauh lo.

“Tu nge vawiinah In ah thlah che?” a rawn tho a, min melh run bawk.

“Ruatdika..Sangpuii te Inah kan inhmu a..’ ka ti a,

“In inhmu a, chuan, keipawh min ko thei reng a, min ko lo in Ruatdika bawk i inthlah tir a..” min zawt lo in a hriatsa a sawi zawk nimaiin ka hria.

“Thil dik lo tih ka nei ami?” ka ti let ve thung.Ruatdika hi a mil miah lo tih ka hre ve tawh a, a hma kha chuan a haw ve hrim hrimah ka ngai a, tunah chuan haw satliah a ni lo tih ka hria.

“Aih, nei nang, mahse, i chungah zahngaihna ka lo lantir nasa leh mah mah tawh niin ka hria” a ti leh nghut a.

“Oh, i ngaihdan dan le..engpawh nise khawiah nge ka pa in ka ram LSC  a pek che i dah?” ka ti  nghat a.

“I ta maw? Ka lei tawh, ka hmingin a awm” rapthlak ti zet hian ka en a.

“TU nge leitir che? Ka ta ani a, ka thu lo chuan tuman an hralh thei lo..” ka duh aiin ka au ring hret.Min rawn en a, a ner nawk a.Thil tenawm hmu niawm tak hian min melh bawk.

“Keima thu in ka lei, i Ac i check dawn nia, i duh khawp loh leh ka pek belh ang che”

“Mihring i ni em?”

“Aih, ni nang..bakah, engatan mah i hmang dawn chuang lo a, keiin ka hmang tangkai duh tlat thung..” ati leh a, a kawr hak lai a phelh a,a awmna hmunah a kalsan tawp. Room a chhuahsan thleng pawn ka la che sawn ta chuang lo..

Sawmtluangi’n chawei tura min rawn koh pawn ka thutna ngaiah ka lo la thu ta tho,phur lo zet hian ka zui thla a,engmah ei chakna ka nei lo.

Mu chungin Tv ka en a, Simona-a hmanhmawh zetin a rawn lut a, ka Tv en lai hliah takin a rawn ding a, min melh run bawk.

“Ka Officeah tueawm a lut a, ka Computer a khawih a..” ati tuar a, ka phu zawk bawk.

“Engmah chutiang ka khawih lo?” ka ti a, ka khawih lo reng bawk.

“Nangin i khawih loh chuan tuemaw a lut tihna animai,Sawmtluangi a ni dawn lo a,khawih kher che ka duh lo ania” ati leh a, a aw a ring ta lo.

“Engmah ka khawih lo..CCTV en mai la..” ka ti leh a,a thle buk a..

“Vanduaithlak takin a in off hlauh mai..he Inah hian rukru kan kawl tih ka lo hre miah lo a..” min melh chhuk run mai..

“Rukru ka ni lo..”

“Kei lo chu duh duh a lut tlang thei pakhat chiah a awm, chu chu nangmah..Sawmtluangi chuan chahbi a nei ve hauh lo ang” a nui hawk a, nuihzat vanga nui a ni lo tih ka chiang nang mai.

“Mahse, engmah ka khawih si lo..” ka ti leh talh..A sawi dik chiah, amah leh keimah chiahin chahbi kan nei.

“I thil lak kha ka tan a pawimawh zia i hria em? Ka chhuhsak luih kher che ngai lo in min pe rawh” min rawn hnaih a, eng nge a tihbo ka hre lo hulhual...

“I computer khawih theih loh turin i dah a, engtin nge ka khawih ang? “ ka ti ve thung.

“Computerah chuan lak an tum ringawt a, ka lock miau avangin a la thei lo.Computer bulah khan pendrive ka dah a, kha zawk kha alawm ka zawh che” ka lut ngei,mahse chutiang engmah ka hmu lo..ka chil ka lem khawlh mai..

“Ka khawih lo..” ka sawi zo hman tawk..ka hrawkah a kut zungtang sei thlurh chuan a rawn rek a...a kut ka vuan a, phelhsak ka tum a, mahse, awmzia a awm lo..a hmer na tial tial a,ka thaw a chham a, a hmel ka hmu phe vek bawk.

Chapter- 12

Chiang lo ruai hian ka meng chhuak a, ka chil ka lem dawn a, ka ti hleithei lo,ka hrawkah hnawh tu awm ang mai hian a na tawlh tawlh a, ka ner sawk bawk.Ka mit ka chhing leh a, thil kal tawh ka ngaihtuah a, Simon-a khan min rek bet tlat anih kha..Ka thi lo tih a chiang,Thlarau ni ila chuan na ka hre lo ang, mahse,khawiah nge ka awm?

Ka mengchhuak leh a, inchung  ceilling,uluk taka mau hmanga siam ka hmuh takah chuan ka awmna ka hre nghal mai.Kan Farm House ah ka awm,kan Inneih hnu lawkah Simon-a hmelhriat pakhat ten an sumdawnna ah buaina an tawk a, helai hmun hi an ram a ni a, Simon-a hnenah leisak mai turin a ngen a, Simon-an mamawh lo a intih pawh khan a nawr in a nawr lui a, a theih veleh a lei chhawng leh ngei ngei ang tih intiam chungin Simon-a kha a ngen a, a leisak ta nge nge,tunah kum 2 a liam dawn tawh, an dingchhuak leh angem tih pawh hriat loh khawpin an bet tawh a, kan lei tirh chuan engmah kan khawih lo,mahse, lei let leh lam reng reng an ngaihtuah tak loh hnu khan Simon-an a chei tha a, In sak dan leh a chhung chei erawh hi chu keiman ka ti vek thung.Chhawng awm lo a sak a ni a, a chung a sang tha hle bawk,Room pawh pahnih chiah a awm a,in lian lah a ni hek lo.Kan nupa khan kan ngaina ta thuai a, a awmna hmun hi khawpui daifem ah a ni a,fal deuh raih mai, mahse, kawngpui atanga hla lo te ani lawi a, Aizawl khawpui nen a in ep tha angreng a, tlem chuan kan chung en deuh thung.Kan kal ngun ngiang mai bawk.

Ka inbengkang a, muangchang hian ka thu chhuak a, pawn lamah Sava chiar ri nawk nawk bak engmah thawm awm lo in a reh thap mai..Khua a eng vek a, tukverh Puanzar inzar chu tukverh atanga thli rawn lut chuan a chhem leng dar dar bawk.

Khum atangin ka chhuk a, helai hmunah hian Simon-an min dah nge amah a awm ve pawh ka hre lo a, engtik laiin nge kan kal pawh ka hre hek lo.Zinglam nge tlai lam pawh ka hre chuang lo cheu.Living Room zau lo te awm chu ka kal tlang a, Kitchen leh Dinning Room inkawp lam ka pan a, ka tui hal huam huam bak engmah ka rilruah a lang lo.

“I lo tho alaw?” Hmeichhe pakhat, la upa hmel vak lo hian min hmuh veleh a lo ti vat a, ka beisei loh lutuk ka hmuh thut vang nge ka tui hal huam huam pawh ka theihnghilh titih.

“Aw...er..eng lo, tui ka induh a..” Fridge lian vak lo awm chu ka pan hnai nghal a, tui Bottle ka hmuh hmasak ber ka phawrh a, in zawh nghal vek tumin ka lem nghal khawlh khawlh mai..

“I tha em?” ka in zawh veleh min lo ti lehnghal a. Tui khawihna a a thil sil lai mek pawh chu en lo in ka chevel chu hmuhnawm tih hmel zet hian min en kar bawk.

“Tha e,mahse, ka hre miah lo che..” ka nui lui sak a,mahse, a hmel buai nak mai chuan min ti hrilh hai.

“Sangtei ka nia, helaiah hian Boss in nangmah lo enkawl tur chein min ti a..” ati a, reilote ka in ngaihtuah a, engpawh hi thleng vel mai mai tehse.

“Um, anih chu,chuan tunah khawnge ka pasal?” ka ti a, Dinning chair ka pawt chhuak a.

“A ngaihtuah viau nang chein vawiin hian kal chhuah ngei ngei angai sia, a hma thei ang berin ka lo haw ang ati” ati leh a,engvangin nge In ah awm lo in helaiah hian kan awm ka hre lo.

“Anih chu mawle, mahse, ka tha lawm.Bakah nangpawh i awm a” ka nui lui leh sak a.

“Kan pahnih mai bakah Security pakhat a awm bawk a, Motor a khalh thei nghal bawk a, kan him viau chuan ka hria..” ati leh mai,eitur ka duh leh duh loh min zawt a, ka duh lo dawn zet a ka ei loh na chin a rei tawh a, ei a tha zawk in ka ring leh lawi a,” a lawmawm ngawt ang” ka ti ta zawk.

Eitur a rawn chhawp chhuak teuh a, eitur hmel ka hmuh takah chuan ka ril lo tam zia ka hrechhuak leh ta thung, ka ei nghal mawlh mawlh a, ka duh tawk ka ei meuh chuan ka hma a eitur inchhawp kha a tam vei nen a kam nghal duak mai.

“Ni hnih deuhthaw i mu ania, a awmlo miah lo..” ka ei hnem a ti ve ngang aniang, mahse, Ni hnih....a va mak awm ve, ka hriat dan chuan zankhat ka mu mai ani sia,Banga sana intar lam ka melh a, dar khat a pel tawh, chawhnu lam a lo ni ngei e.

“A va mak, ni khat chu ka mu bo thak animaw?” ka ti a, a bu nghat a.

“I taksa ah khan a lo thawk nasa hman em alawm..” angaihna hrelo zet hian ka en a,ani lah chuan ka thil eina a seng fel mawlh mawlh a, a thusawiin min thawn zia a hre miah lo tih a lang reng.

“Eng ber chu nge?” ka ti a, min chhan tuma a ang ziau tawh chu Motor thawm a hriat takah chuan a thulh leh a, Tukverh ah a va dak a, a rawn hawi let leh a,a nui sang mai.

“A lo haw e..i harh tha tawh a, i hmelah pawh engmah tha lo a awm tawh bawk si lo,nuam a ti viau ang..” engmah hi ka hrethiam nek lo e.

Reivak lo ah Simon-a a rawn lut a, Dinning Table kila ka lo thu a rawn hmu chu ani leh ni lo ang takin a hmelah lawmna niawm tak ka hmu thei,mahse, a rei lo lulai em a ka hmusual ah ka ngai leh hnuhnawh, chumai bakah min thah tum khan ka hrawkah min rek bet a, tunah engvangin ka dam nan a beih a ka dam avangin a lawm tehlul ang ni??

“Ehe, ka va beisei lo ve,i tha em?” a rawn ti hluai a, a hmel chang leh sual hmel tak, tunhnaia ka hmuh reng thin kha awm lo in ka hriat thin, ka Pasal Simon-a hmel diktak kha ka hmu bawk.

“Um, ngatinge hetah hian kan awm daih a?” ka rilrua awm hmasa ber ka zawt nghal a,a nui suk a..a nui hmelah pawh tihelna a awm lo.

“Kha chu nakinah le..Sangte, intur ka mamawh in ka hria, chuan ,Hon..roomah kal ang hmiang..” atih zawm zat, min va han duat leh lawi si ve..

Room lam panin ka zui a, khawiah nge Sawmtluangi a awm ang? In ah kan awm si lo a, kei ka awm lo mai ni lo in Simon-a pawh hetah a awm ve daih bawk si, kan hnenah cheng turin a lo kal a, mahse, hetah kan awmsan leh lawi a..

A thawmhnaw hak a phelh a, a thawmhnaw dahna atangin T-shirt leh kekawrbul a la chhuak a, puih na chang pawh hre lo in a chevel ka en reng mai..

“Ka hmuhnawm tih ka hria ania..” ka phu zawk a, awmze nei lo zet hian ka nui ringawt.

“Engmah hi ka hrethiam lo,ngatinge hetah kan awm daih? Chuan Sawmtluangi khawnge?”

“Tu nge Sawmtluangi,oh..ani kha maw? Ngaihtuah suh, a in enkawl thei alawm” min rawn en a,a mitmeng thim mak maiah chuan dawt a sawi leh sawi loh ka en ran a, engmah ka hmu thiam lo.

“Hetah kan awmsan daih sia, a va fair awm lo ve” Khumah ka thu a,ka sawithiam si loh hian ka chhungrilah ka chau leh tan ta riau mai.

“Ngaituah suh, keimah chiah hi min ngaihtuah la a tawk mai,kha i hmel a dik tlat lo..hahdam la..” ati leh daih..ka lu ka thing tak nangin ka chau hluah hluah tih ka hai lo.

Sangtei’n Simon-a eitur trayin a rawn dah lut a, a kal veleh chhunglam atangin kawngkhar a kalh a, khumah a rawn lawn ve a, min rawn kuah zui nghal zat bawk.Ka samah dimtein a rawn fawp a, a kut zungtang sei thlurh chuan ka kawr hak lai a rawn zen a, dimte hian ka hnute hmur a rawn khawih a, min tihnat hlau hliah hliah niawm tak hian min dim hle bawk.

“I eitur saw ei phawt la..” ka ti sep a, mak khawpin ka mutchhuakin min zem leh chiai chiai tawh.

“Nakinah le,tunah chuan ka nupui hi ka ngai rih zawk,nihnih zet chu min muthilh san tawh a...kuah ka duh a, thildang pawh..” tham tuak hian a ti a, a hmui lum thar thar chuan ka nghawngah a rawn nul kual zai zai bawk..

“Ka mut a chhuak eee, nakinah kan ti zawk thei angem? “ka ti niah niah a, diktak chuan min mamawh ang chiahin keipawn ka mamawh takzet, amah hnaih turin min pawt hnai leh sauh a, a mipatna ruh tung mai chuan ka mawng a rawn si run bawk.Ka kut a rawn la a, a pawt hniam a, a duhna takah a dah takah chuan a thaw hawk mai,keipawh ka bang chuang lo..Mahse.....ka mutchhuak lutuk chuan min ngaihtuah tir hleithei lo.

“Okhey,ka nghak leh mai ang chu,mahse, kum tamtak nitawh  maiin ka hria ania aw..’ ati leh sup a, a aw pawh a mumal lo, a che sawn a, a tho kang a,a rawn kun leh a, ka kawr a rawn hlim a, dimte hian a lei lum thar thar chuan ka hnute hmur a rawn liak kual leh a, na vak lo hian a seh zui leh bawk..ka rum hak a,a samah ka tham a,nuam ka tihna leh muthilh ka duhna a inzat vel chiah thung.

Ka harh leh chuan Room a lo thim thap a, ka kawngah Simon-an min kuah a, a thaw ri sak sak a, a thawk danah a muhil tih ka hria,min thah duh khawp khan a thinrim a, tunah hian engthil nge thleng leh ta? Engmah hi ka mumang a ni lo tih lah ka chiang, min reh hma khan khum sira ka tui chhawp kha ka in a, ka nghawngah a rawn reh bet tak tlat avang khan mumal pawn ka lem  hman lo..A hmelah khan Ramhuai hmel ka hmu thei hial a, tunah lem min duat a, min ngai ngawih ngawih a, min mamawh tih lah hai rual a ni lo a, zep lah a zep hek lo.

Tih harh hlau zet hian ka kawng a kuahna ka laksawn sak a, khum bula Switch ka ban a, ka on takah chuan a eng uar mai, Simon-a muhil hmel chu ka thlir a, a sam a hnawk deuh a, a hahdam hmel hle bawk, a khabe hmul a to siar siar a, a vun uk kharh leh a sam dum chhah zet te,a hnar, mizo hnar niawm lo taka sang vah mai leh a hmui chhah tap, a khabe phir thaih mai te, hmeltha tih tur zawng a ni lo, mahse, amah ah hian Mipa tih hi a awm kim chiang em em lawi si..

Khum atangin ka chhuk a, ka Phone ka hmu mai lo,ka zawng leh rih a, Ka lukham bulah a lo awm bal a, charge a mamawh ngang mai.Simon-a puan ka sin tir leh te te a, Living room lam ka pansan a, Sangtei leh Mipa pakhat hian Tv an lo en dun a, ka thawm an hriat veleh min rawn en rual thawih bawk.Mipa zawk chu a ding chhuak nghal hluai bawk,a lian a, a fit hmel hle bawk, tu nge anih zawh ngai lo in Security ni turah ka ngai nghal mai.

“Chaw pawh in ei ta si lo a, eitur in duh angem?” Sangtei’n a lo ti thuai a,”Aih, duh rih lo..Simon-a phei chu a la muhil a..” ka ti a, pawnlam Light in a chhun en iar mai chu ka thlir a, vah harh ka mamawh a, ka chak takzet bawk.

“Pawnlamah sawn phone hman pahin kan vak harh lawk ange” ka ti a, Mipa zawk chuan rang zet hian min rawn zui tumin a rawn che ve nghal a, mahse, ka kutin ka zap a.”Angai lo ang, ka ngaihtuah awm lo ang, ka kal hla dawn hleinem” ka ti a, a hmel buai deuh nak chu ka en a, ka nuih lui var var bawk.

“Mahse, ....englo..” ati nuah nuah a, “I rilru tihah suh, Simon-a harh hma in ka lo lut leh mai ang, ka rei lo ang” ka ti leh a, hreh hmel zet hian a thu leh ruai ruai a, Pawnlam ka pan a, kawngkhar ka hawn veleh thli fimin ka hmai a rawn chhem nghal a, ka harh sawng sawng mai.

Kawtzawl, Phul in a khuh dap maiah chuan ka tei kual a, zanlama hram chi rannung an hram chiah chiah a, kan ep lama Aizawl khawpui pe tuar mai chu ka thlir vang vang a, ka rilru erawh a ruak vek thung.

Ka mitthlaah Sangpuii a lo lang a, call ila a that ka ring, “Hello..” nidang ang bawkin a aw a dam thlap a, hriat a nuam hle bawk.

“I tha em?” ka ti a, a nui hak mai.

“Ka sawi tur zawk min sawi khalh ania, i tha zawk em?” a rawn ti leh a, ka nui ringawt.

“Tha e, mahse, Farm lamah kan awm daih a, lo len pawh ka duh vei nen...” ka tih laiin min rawn tawng khalh a.

“Angai lo,naktukah ka rawn tlawh zawk ang che ka lo ti a, i taksa ah engmah buaina a awm tawh lo maw?” a la rawn ti ta fo.Eng chu a hria nimaw? Simon-an min that thelh tih kha a lo hre ve zawk a ni mai angem?

“Engmah chutiang ka nei lo..enteh, ngatinge Damlo niawm takin min treat tlat a?” mak ka ti lo thei lo.

“Oh, i dam si lo alawm, mahse, lungngai suh, engkim Simon-an a chingfel vek tawh ania, naktuk ah kan sawi dun dawnnia..ka dah phawt ang, kan pa in min ko a..” nui chung hian a rawn ti leh a,ka mangtha a, mahse, ka rilruah a thusawi zawk kha a awm tlat.Eng nge Simon-an chinfel tur a neih? Amah zawkin min thah tumin min rek bet tlat anih kha.

Ka Phone a rawn nghawr dar dar a, Sangpuii bawk anih ringin nui chung hian ka en thuai a, mahse, ka beisei loh zetin ka nu zawk..”Aw, Nu... “Hello pawh ka ti lo.

“I va that hmel ve, eng nge i an?” a rawn ti vau vau a, hei pawh chu ka ti rilru a, eng nge maw an hriat hlawm hrep ni?

“Aw,ka tha lutuk, NU,mahse, ngatinge chu chu min zawh a?”

“Ehe, ka fanu hi a damlo a, keiin ka zawh loh chuan tunge zawt ang?” lungawi lo aw a tel.

“Aaah, chutiang zawngin ka sawi lo, ka damlo em em pawh ani hleinem,ka chau ringawt alawm..min ngaihtuah suh” ka ti a, a nui leh ta nge nge, thildang a sawi belh teuh a, in enkawl uluk turin min chah mawlh mawlh mai.Thil ka hrechhuak thut.”Ka pa ka lo be lawk ang” ka ti a,

“Lo nghak lawk rawh, Toiletah a lut a..” a ti a, a ri rak rak a, ka pa a ko lang lang thawm ka hre zui zat bawk.

“Aw, Mampui..i tha em?” reivak loah ka pa aw hian a rawn ti a, engtin nge ka sawi tan ang ka ngaihtuah leh rih.

“Ka tha.Pa, englo ania, ka ram min pek kha Simon-an...” ka  sawi zawh hmain amah zawkin min rawn ti tawp a.

“Aw, ka hria lawm, kha lai ramah khan In sak a duh a, chuvang anih kha a pek loh che, min hrilh tawh alawm” a rawn ti a, ka thaw hawk mai.Engtik laiin nge ka pa nen an lo sawi dun hman leh tak? A duh na ah chuan engkim hi a ti tlang zung zung mai si, Ka pa lah chuan a lo ring em em a ni tih lah a chiang reng mai,Hahthlak hian a..

“Um, ilo hriat chuan a tha alawm” ka ti chuai raih mai.

“I aw a va dul ve, i tha chiang tawh tak tak maw?” min ngaihtuah hmel fe hian a rawn ti leh a, ka tha tih ka hrilh a, thildang a sawi leh hmain ka mangtha ta zawk.

Ka naupan lai atangin hmeichhe naupang fing kir ker a sawi tur ka ni ngai lo, ka zirlai ka thiamthei a, midang te hi rilru chhe pu turin ka ring ngai hek lo.Tu pawh mai hi an sualna ka mit ngeiin ka hmu anih loh chuan midang sawi hi awih mai harsa ka ti thin a, tun thleng pawn hei hi ka nihdan a la ni reng, Simon-a hi mi tha lo a ni tih vawitam Ruatdika hnen atangin ka hre tawh a, mahse, ka mit ngeiin ka hmuh chin bak ka ring lo, Midang thah duhna khawp a rilru tenawm a put ka ring tak tak ngai hek lo.Mahse, kha zan kha..min thah tuma min khawih chiah khan amah ka rindan a chiang ta vek.Vawiin hian min duat na ka dawng a, ahma a ka hriat thin Simon-a kha a ni leh tawh,Mahse...mahse a awm tlat thung.

“I vawt vek tawh ania” min rawn kuah pahin a rawn ti a, puan in min tuam a, ka kawngah a rawn kuah a, ka darah a hmai a rawn phum nghal vang vang bawk.Amah ka lo ngaihtuah lai tak anih vang nge ka hre lo, ka insangmar nghal teuh mai.

“Thil ka zawt duh che”

“Sawi la...” a ti tha ve mai..

“Hmanzan khan ka hrawkah i rek a..kha kha ka mumang a ni lo tih ka hria..” ka hmuiah a kut a rawn dah a.

“Sawi suh,theihnghilh ka duh ania” na tuar niawm tak hian a ti hrawk a.

“I ril a tam em?” ati leh a, ka bu ringawt, engvangin nge sawi a duh loh? Min thah law law loh chhan te pawh hriat ka duh asin, mahse, ka zawt tawh lo ang,sawi a duh loh chuan ka sawi hauh lo ang. Keimahin ka zawng chhuak ve tawh mai ang chu.

Zan hlimawm leh nuam tak a ni zui ta ngei e, min mamawhna a nasat tluk zetin ka mamawhna pawh a nasa ve tho, duhtawk chin a nei thei dawn lo emaw tihtur khawpin a duhthawh a, vawi engzat nge nawmna nasa lutuk kha ka chungah a thlen pawh ka hre seng lo.Lukham in a in kamkang deuh a, A taksa ruak kung mai, engmah khuhtu awm lo chungah chuan ka mu ve thung a, ka malah a bawp sei thlurh chuan  min kherh bet a, a awmah ka hmai ka phum a, a lungphu ri dat dat leh a muhil thawri  bak engmah hriat ka duh lo.Thil hlui ka hriatchhuah dawn apiangin rang takin Simon-a ka en lui vat bawk a, naktuk chu naktukin hril mai rawh se, tunah chuan ka Pasal bulah hian hahdam takin ka nun hman ka duh a, zankhat chauh pawh hi a nimaithei.Kan nun inthlak thleng thut thut mai hian engmah min rin tir zo tawh lo a, tuna nuam ka tihna leh ka thlamuanna bak hi engmah hriat ka duh rih lo.

Zingah pawh ka thawh hmain a tho lo ve teh mial, tih harh hlau in dim tein ka tho them them a, mahse, khum ka chhuk san hmain ka kawngah a rawn man a, amah si chetin min pawt bet leh a, ka te that bawk.

“Min tlanbosan hi chu tum buai lo mai teh...” thatchhe zet hian a ti sup a, ka taksa ruak vek chu a kut lum thur thur chuan a rawn chul kual nghal dun dun bawk.

“Tlanbosan..hah..ka tho ringawt dawn zawk a..” ka ti hlak a, a nui nghawr dat mai.

“Hmanhmawh suh, vawiin chu reilote chauh ka chhuak ang, i bulah a theih anga tam awm ka duh tlat” ati leh a, ka bengah a rawn fawp a, ka hnute hmur a kut zungtangin a chep hrual pah bawk..Nuam ti zet hian ka ngheng ar ar mai..

“Simon...”

“Um..”

“Min hmangaih em?” sawi tum sa ka ni lo, a lo ri chhuak ve tawp ani ber.A kut che a tawp chut a, min chhanna tur ka hriat chakna leh huphurhna a inzat reng.

“Ka hmangaih che in i hria em?” a kut a che zui lehnghal a.

“Ka hre lo,a chang chuan min Hmangaih in ka hria a, a chang chuan ka hlau che a...” a tawp lam a zuih ral a ni ber.

“Min enteh..”alam hawiin min kuai her a, ka biangah a rawn dawm a.Amah en thei turin min kuai dak a, a hmelpa leh chang zet thin kha a dam thlap mai.

“Ka nupui ni lo la chuan vawiin hian i dam tawh lo ang, natna min siamsak kha nangmah Thah nan che hian a tawk lutuk..mahse, i na tuar hmel ka hmuh khan ka rilruah thildang a awm ta zawk, eng anga nasa pawn tihnat che tum ila keimah hi ka na ve zel a, i tello hian ka dam zo lo ang ka ti lo, mahse, mithi nen danglamna ka neih ka inring lo...chuvangin i tihsual te kha chu ka theihnghilh thei lo anih pawhin ngaihdam mai che hi ka duh ta zawk..” a hmui chhah tap mai chu ka hup sak ta ngawt, ka sawi zawm tir thei lo.Min hmangaih thu a sawi hauh lo,sawi pawh ngai ka ti hek lo..Ka tel lo in a nung thei lo tih ka hriat ringawt pawh kha ka tan chuan a tawk lutuk,a dang engmah hriat belh ka mamawh lo.

“Engmah ka ti sual lo asin ,mahse, fiahna ka nei si lo...” a darah ka lu ka nghat a,a thaw hawk mai.

“Sawi tawh lo ang, hriatchhuah leh hi ka duh tawh miah lo” ati sup a, ka chalah a rawn fawp vang vang mai.

“Thil pakhat min tiam thei angem?” ka ti leh a.

“Um..sawi chhin la..”

“Tualthah hmang i ni lo tih min hmuh tir rawh,ka chhungrila zawhna awm teuh hi chhanna ka duh..”

“Shh...ka ni ngai reng reng lo, min hria alawm, Midang thah duhna khawp rilru tha lo ka pu lo..mi fel ka ni lo,mahse, chutiang rilru ka pu lo tih i hriat kha..”

Kan nupa nun inthlakthleng thawk chuan min tihlim viau dawn emaw ka tih laiin ka hlim chuang hauh lo, keimah ah hian zawhna chhan theih loh, dik kim si lo,eng nge anih ka hriat chuan si loh a la awm tun nimai hian ka hria, Simon-a a chhuak a, Sangtei leh Security nen kan awm a, Sangtei tawng siam siam chu ka ngaithla reng tak nangin a sawi zo chiah a ka theihnghilh zui nghal animai.

Gate lamah Motor thawm a rawn ri a, ka dak chhuak vat a, Sangpuii car ka hmuh takah chuan phur zet hian ka tlan chhuak a, Security in a lo ti ding a, ka va hrilhfiah a.A tihtur diktak tiin a lo zawt kual vel anih hmel..

Sawi tur kan ngah dun ngang mai,Sangpuii pasal erawh chuan in hnung lama Dil ngawt chu a lo va buaipui pek a, ka dem hran lo.Sangha an awm nual a, hmuh mai theihin an hleuh kual del del bawk nen Mipa tan chuan a nuam khawp ang.

“Ruatdika te kha i lo hria em?” a ti hliai a,ka lu ka thing mai.

“An inthen asin..mak ka ti ngang mai” ati a, keipawn mak ka ti,an inkawp nasat zia lah kan hre vek a, inneih mai an duh tawh ka rin vei nen..

“A va mak em em,Hriati chuan a tuar viau lo maw?” ka ti a, a thle bak mai.

“Ka hre lo, a tuar maithei,a zin bo nghal daih a..Ruatdika chu ka hmu a, engmah chutianga tuar awm pawn a awm lo,eee. Simon-a Cousin kha tu nge khah?” atih zawm a, ka mit ka tizim a, tu nge sawi a tum ka hre lo.

“Tu a cousin ber?”

“In ina awm ve kha mawle,khanu nen khan an inzui ka hmu a” mak ti deuh hian ka ang pham mai.

“I hmu sual a ni lo maw? An in hriatna a la rei lo em mai a” ka ti a, a awih lo tih ka awah pawh a hriat theih.

“Naah, hmu sual nang, kan inbia alawm’ ati awlsam leh mai.Hriati thlak nan a lo hmang anih teh chuan aw? Simon-a nena nunhlui nei hmeichhia lehnghal kha..Ka chungah eng nge a tih hi ka la zawng chhuak ngei ang, engmah chu ka hre chiang hauh lo nangin Ruatdika hi mi tha a ni in ka hre tawh lo.

“Enteh, thildang daih ka zawt duh che a, ka natna hi eng nge ni reng reng a?” ka ti ta zawk, natna ka neih ka hre miah lo,mahse, nimin khan ka tha lo tih an sawi vek a.Eng natna nge ka neih chu Sangpuii aia hrechiang tur an awm lo.

“In pa i zawt lo ami a?” ati let ha mai.

“Aih..zawt lo..”

“Zanah khan Simon-an min rawn bia a, mahse, Simon-a khan a lo luak luih tir nasa che a, kha khan a chhan che kan ti thei ang” ka natna pawh sawi chuang lo in a ti leh a.Engmah ka la hrethiam chuang lo fo.

“I sawi awmzia ka man lo..”

“Test result atanga a landan chuan tur i ei..ni lo, i eiturah an pawlhsak che ti ila a dik zawk ang..”

Ka hresual emaw ka ti a, mahse, a hmel thutak zetah chuan ka hresual lo a, fiamthu pawh a thawh lo tih a lang chiang ngang mai..

Chapter- 13

“I sawi awmzia ka hre miah lo ania” mawl hmel zet hian ka ti a, ka kut a rawn vuan a..

“I pasal ka ti thinrim ang tih ka hlau khawp mai, engmah a hrilh loh che chuan hrilh che tul a ti lo maithei a,engpawh nise i tana tha lo tak tih tum hi nangmah hnaih takah an awm tih hria la, tu nge anih keipawn ka hre lo.Mahse, fimkhur em em ang che” thutak lutuk hian a ti leh dap dap a, sawi ve tur hre lo in ka ngawi kar mai.

Engtin nge ka ei turah tur a lo tel ngawt theih? Englai khan nge ei pawh ka lo ei hman ka hre hek lo,Simon-a awmdan inthlak thleng thut te..engkim mai hian chhan a nei a, ka chungah Simon-a a tha ta thut a, hei ngawt pawh hi lawm ai chuan ngaihthat lohna tham niin ka hre ta zawk.

“Thil pakhat min tih sak ta che” ka ti sep a, sawi duh nei niawm tak hian min en kar nangin a bu ta nghat.

“Ruatdika Birth day party zan khan thil thleng a awm a, englo ....” thil thlen dan ka hriat ang zawng zawng ka hrilh zui ta vek, a changin a hmel a maktihna lang chungin min en a, a chang leh hlauthawng niawm tak hian a chal a ti chuar tap bawk.

“Chu chu  i ngawi ral ringawt tihna mi?”  mak tih hmel zet hian a ti chhuak hap mai.

“Aih, ka theih ang ang chuan chhui zui ka la tum reng, bakah kha zanah khan ka chungah eng nge thleng ka hriatloh dang a la awm cheu,Simon-a hian hriat a nei bawk a, eng nge anih ka hre lo thung..” dawt ka sawi ta zawk, tu emaw in ka taksa a khawih kual chiam tih kha hrilh ka tum zet nangin tul ka ti leh ta lo.

“Thil mak tih deuh ka neih chu maw..Ruatdika hi nang chuan sual turah i ngai maithei a, mahse, i nat thut zan khan In ah ka rawn kal a, englo...” sawi hreh niawm tak hian a ngawi leh daih..

“Eng nge eng lo chu?” ka nghak thei lo..

“Simon-an Roomah a lo awmpui che a, i tha lo hle tih a lang reng chung khan Damdawiin kalpui che a duh tlat lo.Chuan, i ziawm deuh thleng khan ka awmpui zui ta che a, Simon-a kha tu emawin a lo bia a, a kal chhuak a..ka tum loh deuhin ka hre palh a..ih..’vanneihthlak nge vanduaithlak takin a la dam e’ tiin i chungchang a sawi lai ka hria asin..engatinge a nupui thi chhawnga awm kha a dam leh a, vanduaithlak tih kha a sawi tel kher ka hrethiam lo..” ka ang pham mai..min  en lo in hnuai lam a melh ran bawk.

“Ka chungchang ni lo in midang pawh a sawi tel thei tho asin..” kei pawn ka awih lo..a thle bak a..

“Ni se ka ti keipawh..mahse, a hnu ah pawh i la dam a tul zia a sawi leh tho alawm” ati leh sap a, a sawi zawi hle na chungin ka bengah chuan tek ri tluk a ring a ni tho mai.

“Anih chuan ka thih duh tu emaw min tihnat duhtu chu amah hi a ni tih na a ni mai em?”

“Ka hre bik lo..mahse, tumah hi ring lo maiteh, kan hriat thin Simon-a kha a ni miah lo tih ka chiang ania..” ati leh sap a, Sangtei kan lam pana rawn kal mek chu a melh zauh a, thil dang a sawi zawm zat bawk.

“Chaw chu kan ei lo mai ang,kan kal mai loh chuan ka nu leh pa pawh an zahawm” vei nei lo hmel zet hian a ti a. A awmdan han thlak danglam vel hi chu hman atangin a tan thil har a ni lo.

“Ei ve ula, bakah Simon-a pawh a lo haw tep ka ring a” ka ti ve a, a nui mai..

“Mo ka ni ve sia, keimah hi ka inbuaipui tawk lutuk a, a nuam lo,bakah engmah kan hrilh lawk si lo a, nakinah kan lo ei zawk ang” ati awlsam leh mai.

Gate pawn thleng ka thlah a, a pasal a awm ve bawk avangin engmah kan sawi zui ta lo,mahse, a hmelah chuan min ngaihtuah tih a lang reng, Roomah ka lut nghal a, tukverh bulah ka dinga, pawn lam ni tla turin a chhun en phut mai chu ka thlir a, a hahdam thlak ngawih ngawih, mahse, ka hahdam chuang miah lo,hahdam a hnekin ka chhungril a buai em em zawk.

Nula harhvang leh lu zo veh vawh, mahni in enkawl thei tak thin kha engvangin nge ni reilote chhung hian ka chauh tak em em? Keimah leh keimah pawh ka in enkawl zo ta lo chu ani ber a, ka pasal in awm tura min tih ang angin ka awm kual ringawt a, ka buaina ber pawh chingfel si lo in ka nun ka hmang a, hetiang hi ka nih dan a ni ngai lo.Tuemaw laka phuba lak hi ka duh kher lo, mahse, mi in min tihnat chuan pek let ve ngei ngei ka duh thin a, ngaidamna thinlung ka nei lo ni loin min tih ang zat chiah pek ve hi ka duh fo.Mahse...tunah chuan pasal hlau em em, mahni duh dan pawh a nung ngam lo ka lo ni ta daih. Buaina ka nei anih chuan chhuahna leh chinfelna ka zawng tur a ni dawn lawmni..ka insehruh a, keimah ngei kha ka nih leh theih nan chuan engmah dang ka mamawh lo,huaisenna leh ka nihdan thin pangngai, luhlul tak kha ni leh ila a tawk mai.

Simon-a khan min ngaidam tih nizan khan min hrilh a, kan taksa nawmna inpe tawnin nuam ti em emin ka awm anih kha, ka a zo tawh ani ngei ang, engvang pawhin ngaihdam min dilin thiamthu sawi pawh nise thah tuma min rektu ka pasal kha a ni tih ka hrereng tur ani,bum nuam, ngaihtuahna tawi zet nei nih hi ka tum tur a ni lo.Ngaihdam ngai mihring ka ni reng em? Eng nge ka tihsual chiah? Engvangin nge ka la dam chu vanduaithlak a tih? Heng zawhna zawng zawng chhanna neitu chu amah Simon-a chiah..mahse, chhanna min pe dawn lo,a duh duh a tihkual theih ka nih zia nizan khan ka lantir zo chiah a, chhanna ka duh anih chuan keiman ka zawng ang, mawl deuh leh lerh deuh angai anih pawhin ka ti zel mai ang.

“Eng nge i ngaihtuah veng veng a?” ka kawngah a rawn kuah a, amah ka lo ngaihtuah lai tak a lo ni bawk nen ka insangmar nghal teuh mai.

“Eng lem mah..engtikah nge kan In ah kan haw ang tih ka lo ngaihtuah a?” ka ngaihtuahna nena in mil lo khawp a pangngai hian ka ti a.Ka darah a khabe a rawn nghat a..ka beng a thawk khum a, a lum ham ham mai.

“I duh hun hunah..tunah chuan i ziawm leh tawh tih i hmelah pawh alang a..”ati sup a, ka nui ru sak mai.Helai hmun fianrial atang hi chuan ka tan chet a harsa dawn tlat.

“Chuti chu naktukah haw ila, helai ai chuan kan in ka ngai tawh zawk” pangchang aw zet hian ka ti a,ka bengah a rawn fawp zauh a.”Tehreng mai,i duh dan dan le..” zawi sup hian a ti a, ka kawng a kuahna atangin a kut lehlam a ti sang a, ka hnute ah a tawp chat mai..

“Inthlak phawt la..” hetiang thil hian ka in thunun tir tur a ni lo.

“Um,mahse, chumi hma chuan..englo fa neih lam te hi..” a nui hawk mai.Ka ip chawih thung..rai ka tum rih ta tlat lo.Ka rai thei lo zawk pawh ani maithei,Kum hnih a ni tawh chung hian rai tur ang pawn ka la awm eih lo.

“Ka rai thei lo aniang, i duh phawt chuan midang lakah i neih ka phal ania” zawite hian ka nui hak bawk.A rum hawk thung..

“I ti tak tak em?”

“Tak tak..nakinah i thil neih zo zai te hi tu nge nei ta ang?”

“Shh...kan pahnih ta ani vek mai dawn lawm..tak takin theihnghilh rawh, engtikah emaw chuan kan la nei mai ang” ati leh a, Ka hnute bawk a rawn khawih leh a, mahse, a kut ka man beh sak ta tlat.
“A hun rih lo ania, bakah tlemin ka chau deuh a...”

“Um,chuti anih chuan inbual mai ka ngai dawn anih chu..” a aw thawp sut chuan a sawi tum a ti chiang ngang mai..

Ka mu meng kar mai, Simon-a hnar ri sak sak chu ka ngaithla kar a,saisir zawngin ka mu a, ka kawngah a kuah thung..ka buaina hi chinfel ka duh , mahse, khawi atangin nge ka tan ang ka hre si lo,tuemaw tal chuan min pui se ka ti takzet, Ruatdika ka mithla ah a lo lang a, Simon-a ai pawn ka ring lo zawk,eng nge ka rin loh chhan erawh ka hre miah lo thung.

Zing karah In lam kan pan a, Sangtei a hnungah a thu a, Security in kan motor pakhat zawk a khalh thung,In kan thlen veleh Sawmtluangi hmuh mai ka inbeisei tehlul nen a reh thiap mai.

“Sawmtluangi a awm na nge?” Simon-a hnenah ka ti a, a thle buk ringawt.

“Ka hre miah lo.Awm tur chu ania” a ti awlsam mai.Tlana a lo chhuak thuai a, kan bungrua te a rawn la chhuak a,inchhung lamah a khai lut a, kan nula in min hmuh chuan lawm zet hian min rawn kuah chang chang mai.

Room ka luh veleh ka mitthla ah Simon-an min reh vak kha a lo lang nghal iar iar mai, ka khur nghal dar dar bawk.khatih lai khan Inah Sawmtluangi leh Tlana an awm ve ve a, tuemaw zawk zawk chuan thil thlen zui dan kha an hre tur ani ringawt.Sawmtluangi chu ka ring lo nghal pang.Tlana zawkin engemaw chen chu min hrilh thei ngei ang.

“Vawiin lam Tlana hi i hruai chhuak dawn em?” a insiam mawlh mawlh lai in ka ti a.

“Hruai ka lo tum deuh a, eng nge?” a kamiz a kekawr kawngah a bilh lut pah a.

“Eng ni lo e, rem  i tih chuan bazarah hruai ka duh a, mahse, naktuk lamah animai” ka ti a,amah ngaipawimawh niawm taka lan ka duh.

“Vawiin chu meeting ania, bakah khulai a kan insak dan tur vel kha enfel angai bawk a...i duh chuan Taxi pawh i hmang thei a..” ka mengphar awk mai,keimah in ka kal a remti tihna anih chu..

“Aih, chutianga hmanhmawhthlak engmah a awm lo..naktuk lamah animai” thuawih hmel fahran hian ka ti leh a.Min rawn en a, a mit a ti zim sun bawk.

“Ka nupui i ni a, i lakah ka lo che mawi lo tih ka pha lo.mahse, engkim kha theihnghilhin hmalam kan pan ang ka tih kha..engpawh ti la ka duh loh dan leh ka phal loh thil ti lui zel duh tur khawpin i mawl lo a, mahni in enkawl thei khawpin i fing tawk bawk..” a ti ta duah..Sawi ve mai tur hre lo in ka ngawi kar mai.

“Ka sawi awmzia i hria tiraw? Vawikhat chance inpek hian tih nawn leh kher a tul miah lo tih i hriat kha..” ati leh nghut a, a hmel dam thlup kha mipa induhtawk lutukah a in let fel leh hmak tawh.

“Ok, ka hria lawm,mahse, thil pakhat..” ka ngawi leh rih a,engmah sawi lo in sawi zawm turin min ti tih hriat nan a bu nghut ringawt.

“Thian chungchangah,Ruatdika hi ka kawm zui zel thei em?” a hmel danglam nghal zawk chu reilote chhung chauh nimahse ka hmuh hmaih hauh lo.A kekawr ipte a zen a, engmah sawi lo in reitawk min en vung vung bawk.

“I remtih loh chuan kawm zel ka...” a ban a rawn vai zauh a,ka ngawi ta daih.

“Remti tehreng mai,tu pawh kawm la i tihtur chin i hre tawh alawm,zirtirna i dawng tha tawk tawhah ka ngai e” a tawng dan kher chuan min khei zak nangin chhang lo in ka bu ta nghauh zawk.

Simon-a chhuah hnuah ka insiam ve nghal a, Bazar ka mamawh tak tak hauh lo,mahse, a phalna thlapa kal tur pawh ni ila thil dik lo engmah tih ka tum lo.Min rinhlelh theihna tur chi engmah tih ka tum rih lo.

“Hey...kan inhmu khat hle mai..” ka hmazawnah tak Ruatdika a rawn ding a, ka rilruin anchhia ka lawh hmahmawh.Vawiin hian ka hmuh duh loh ber te zinga mi a ni tlat.

“Nia tiraw..i tha maw?’ pangngai takin ka ti let ta tho.

“Tha e, mahse, thil thleng a awm ania..” a nui vur vur bawk,Hriati nen an inthen tih min hrilh a tum ani mahna.

“Ka hre thawi deuh ania..mahse, nang chu Tlangval luck tih takah a dang i hung niin ka lo hria a” ka mit ka siai lui zauh, a hmel buai deuh nak chu ka en ngar bawk.

“Sangpuii a lo che leh hman a ni maw?”  min bia pawh ni lo hian a ti hmuk a, a lawm lo hmel phian bawk.

“Ni nang, ka pasal Cousin ania, hre tur ka ni dawn lawmni?” ka nui leh a, za lo zet hian a then ve ta nge nge.

“Chutiang engmah a awm hran lo,bakah Hriati te chu i hriat kha..a lungawilo laklawh mai mai..” awlsam fe hian a ti leh a, a sawi dik tlat thung.Hriati zawk hian a then thei lo niin ka hre fo, diktak chuan Ruatdika hian hmeichhe dang a kawp pawh ka hre zauh zauh, Hriati hian a hre lo a ni lo,hriat a tum lo a, a hriat pawn a hre lo der a,a pawm ngam lo bawk niin ka hre thin.

“Ka kalsan phawt ang che, tihtur ka la ngah deuh a” ka ti a, Simon-an tuemaw ka awmdan enthla turin a ti maithei, chuvangin a rinhlelhna tur engmah siam ka tum lo bur.

“Ok..mahse, thil engemaw ah biak che ka duh ania”

“Um, min lo call mai dawn nia..” ka ti a, ka kal pel tur chu ka banrekah a rawn vuan a, thil tha lo in min si niawm fahran hian rang lutukin ka thingthla nghal nawk bawk.

“Sorry...lo call ai che chuan naktukah inhmu zawk ang..a pawimawh ania” zawi deuh hlek hian a ti a, chhan pawh ka chhan hmain a kal zui daih bawk.Diktak chuan he mihring hi ka ring miah lo.Simon-a awmdan dik lo ni a a hriat te hi min hrilh fo a, thian anih angin min hrilh nge Simon-a hi a haw ve hrim hrim tih ka rilruah a awm tlat tawh.Ka tana tha tur duh niin ka hrethei tawh lo.

Ka mamawh ka lei zawh veleh In lam ka pan lehnghal a, Sawmtluangi a lo la awm lo ta fo,engemaw a hriat hrep ni??

“Khawnge Sawmi hi?” kan nula hnenah ka ti a,maktih hmel deuh hian min en a, a mengphar vak bawk.

“U Simon-an a haw tir tawh..” mak ka ti ve ta thung.Zingah khan a awmna ka zawh khan ‘awmtur’ anih thu kha a sawi ngei si.

“Oh..ka lo hre miah lo,ka awmloh lai khan maw?” ka ti leh a.

“Um, Farm a i awm lai khan zanah an inhau vak a, chuan ,Zingah a chhuak nghal alawm” a ti awlsam leh mai..Hriatthiam loh thil bawk.

“Anih chu mawle, unau an ni bawk a, an inbat ve mai mai anih chu..” ka ti a,mahse, ka chhungrila mak ka tihna erawh ka thup hleithei lo.

Engmah thil danglam thleng a awm hran lo,Tlaiah Simon-a te an lo haw a, a hma a kan nupa nun pangngai ang tak tak khan kan awm leh ta thut a ni ber.

“Sawmtluangi hi a lo va haw har ve” ka zawt ta nge nge.

“Ngaihtuah suh, a inenkawl thei ka tih kha..” min en lo in a malchunga Macbook a dah lam a en daih.

“Ka hre tho a, mahse, kan haw hnuah a lo la haw si lo a” ka ti leh talh.

“A lo haw ve mai ang, diktak chuan ka khak deuh a, chuvangin a lungawilo a chhuak tau anih kha” a sawi ta nge nge.

“Khawiah nge a kal ang?”

“Chhungte dang pawh kan nei alawm, a lo haw ve leh mai ang” ati awlsam leh mai.Ka zawt lui ta lo.

Zingah Ruatdika’n min rawn call a, Simon-a awm hnaih leh hnaih loh ka en kual hmasa te te,”Hello..” ka phur loh zia ka tihlan loh nan ka insum nasa viau.

“Vawiin chu..?”

“In ah hian lo kal mai la..”

“Aih, chutianga tih chi a ni lo..”

“Engthil nge a?” min tihkual vel a tum niin ka hria.

“A pawimawh tawp animai..Dawrah lo kal ngei ngei ang che” ati leh a, ka hnial dawn zet a mahse, ka ‘aw’ ta zawk. Engkim ka hre duh anih chuan hmaih nei lo in ka hriat angai.A dik leh dik loh chu hunin a la hril mai ang.

Chawhnu lamah Ruatdika te Dawr ka thleng a, an lo buai viau nangin amah ber erawh a cabin lamah a lo awm daih thung,a cabin ka pan ding nghal a,ka kal fo avangin an dawra thawk rei tawh te hi chuan min hre bel viau..

“Thu la, intur i duh em?” ati a, ka lu ka thing mai,a hnen atang hian engmah  ka duh hauh lo.Ka in hnunhnun ber a thil thleng kha ka mitthla ah a lo lang zut zut bawk.

“Ka rei hman lo a, i sawi tur zawk kha..” ka ti a, min en deuh vung vung reng chuan ka awm a ti nuam chiah lo.

“Um,Sawmtluangi awmna i hria em?” ka beisei loh lutuk zawhna a ni ta tlat.

“Hah..teh daih chuan..ngatinge a?” min zawhna chhang lo in ka zawt let ve thung.

“Amah hi tu nge anih i hria em?”

“Ka hriat loh in mawle..”

“I hriat dan kha a dik lo ang tih ka hlau khawp mai..” thupui fun zet hian a ti leh a..Ka chhang lo, a sawi tur ka nghak ta zawk.

“I pu thi ta khan fapa pakhat a nei a, chu a fapa chuan fanu pakhat a nei ve thung..chu chu tudang mah ni lo in Sawmtluangi hi..” ka melh reng mai,reife hnuah ka nui chhuak ta hawk hawk thung.Ka a ta emaw ti niawm takin min melh kul bawk.

Chapter- 14

“Eng nge nuihzatthlak awm a?” lawm vak lo tih hriat zet hian a ti hmuk a, kei pawn eng nge ka nuih chhan ber ka hre lo.Simon-a chanchin a hre thei leh lutuk hian ka nuih a ti za niberin ka hria.

“Simon-a chanchin hi engtin nge i hriat theih em em zawk le?”nuihza insum tak hian ka ti a, a ang zuau a, a chip leh hmak.A sawi tum a thulh leh tih ka lo hrethei mai.

“Enteh, Sawmtluangi hi ka pasal tan a eng nge anih ka ngaipawimawh lo,hriat lo tum ve sek pawh ka peih chuang lo.Ka pu tunu kha a lo ni anih pawhin eng nge buaina?”

“oh,engmah ka sawi lo ah ngai rawh, i pasal hi tu nge anih i hriat hunah chuan a pawi tur ang ang a pawi zo vek tawh ang” a nihna diktak ka hmu ta ah ka ngai hmak.Simon-a a dik ka ti lo a, Ruatdika phei hi chu a dik lo lehzual maithei..Mahse....

“Tak takin, min hrilha ka lawm lutuk,tunah khawnge Sawmtluangi hi a awm?”

“Ka hre bik lo,nimin khan haw tur angin a insawi a” ati tha ve mai,Khawiah nge a haw dawn a eng nge atih dawn ka hre lo,haw na tur a nei reng em pawh ka hre hek lo.

“Um, engpawh nise puitling a ni tawh alawm,ka la mamawh nasa dawn che in ka hria, tunah chuan ka kal phawt ang”ka ti a, tawngka a min chhang lo in a bu nghauh ringawt.

Ka chhuak ta sa sa, kalna tur dang ka neihah kal law law ila a that ka ring, kha Hotel kha..Simon-an ka Car chahbi min la pek let loh avangin Taxi ka hman leh mai angai,Ka Ac ah pawisa a awm nual a, ka lungngai hran lo.Mahse, ren taka ka hman tho angai ang, hna ka nei tawh lo a, engtik hunah pawh kan inneihna hi tawp thut thei a ni reng bawk.

“Lo leng rawh, eng nge ka tih sak theih ang che?” khualchhawn chuan min lo ti vat a, a hmel a tha hran lo nangin a nelawm hle thung.

“Englo ania, thil kal daih tawh zawh duh che ka nei a..”

‘Han sawi la, ka tihsak theih che a awm chuan ka pui ang che” ati leh a,A hun kha ngaihtuah let chiam ka mamawh miah lo, Ruatdika Birth day zan tak a ni miau a,sawi tan mai dan tur ka hre lo, rei lo te ka inngaihtuah a, dawt deuh rohin bul tan mai ila a fuh zawk ang.

“CCTV record ka en thei angem?”

“Aih, ka pi..hei chu kan Boss i biak angai ang” ka rindan chiah..

“Ok..in Boss chu khawnge ka hmuh theih ang?”

“A office lamah a awm a, min lo nghak lawk” a ti a, Phone a la kang a, tuemaw a call nghal a, an Boss biak a tumah ka ngai mai.Lo din hnaih ve reng nuam ka tih loh avangin ka kalsawn a, Banga thil tar nalh zet zet chu ka enkual a, he Hotel hi ka la kal ngai miah lo.Kha zan lo kha chu..ka ngaihtuah let nasat poh leh ka bo nasa ting mai.

“Ka pi,reilote lo nghak lawk la..amah a lo kal dawn e” min rawn au a, ka hawi let thuai a, ka nuih lui sak bawk.Kawngkhar sira thutna awm lam chu ka pan a, maktakin he Hotel ka thlen hlim atang khan ka awm a nuam lo a, ka hlau ni chuan ka hre si lo.Hlau dawn pawh ni ila eng nge ka hlauh ang ka hrethiam lo.

“Nangmah hian ami min nghak le?” ka thutna ep chiahah chuan  Mipa pakhat a rawn thu a, ka phu nasa lutuk a ka thlawk chhuak lo chauh.Ruatdika nen danglamna an awm lo tluk a ni.

“Aw..keimah..englo..” ka tawng buh nuaih mai.A nui suk a, a nuih chiah chuan Ruatdika nen an in ang leh miah si lo.

“Min hmu i lawm lo nge ka rawn tawng thut khan a ti phu che?” a nui leh a, a ngainatawm hmel hle bawk.

“Aih, tuemaw ka hmelhriat nen in in ang lutuk a,ka lo kal chhan chu CCTV record en ka duh a, a theih leh theih loh tur phei chu ka hre lo a..”

“I mamawh dawn azir aniang chu..” dam thluam hian a ti a,

“Ka mamawh a ni deuh tawp mai, mahse, remti la chuan ka lawm ngawt ang..” ka ti leh halh a, min en vang vang a, a hmelah chuan ka ngaihtuahna hriat tumin min zir chiang a ang ber.

“Okhey.. min rawn zui la..” ati ta nge nge,ka thaw huai mai.Inchunglamah ka zui chho a, Simon-a ai chuan a hniam deuh in ka ring,Ruatdika nen enthuak chuan danglamna an nei lo, mahse, uluk taka en chuan an in ang leh lawi si lo.

Room lian vak loah hian ka zui lut a, Monitor pali lai a a lo awm a, hmuntin mai chu chiang tak hian a lang vel vek, ka en duh lai hun min zawt a, hneh sawh zet hian a hmetkual zung zung a, mahse, mak takin ka enduh lai ber kher chu engmah record a awm tlat lo,a tih nawn ngial pawn engmah a awm chuang lo.

“Amak hle mai, engkim record vek turah ka ngai a, dik lo a awm” min bia pawh ni lo hian ati sup a, ka beiseina neihchhun takmeuh a chhiat takah chuan ka thinrim ru teuh mai, tihngaihna a awm der si lo.

“Engtia tih chi nge ni ang?” a bulah ka ding ran mai, thutna tur awm miau hek lo.Min rawn en zawk a, Mouse a khawih leh a..

“Ka hre mai bik lo, engvangin nge i enduh lai tak kher hi a bo tlat ka hre lo a, i mamawhna min hrilh mai la...”

“Oh...ka mamawhna chu...eng lo ania” ka ban ka vai a, han sawi tan dan tur ka hre mai lo,Anihna tak ka sawi dawn anih chuan ka inti mualpho tluk a ni thei a, chumai bakah Ruatdika tan a buaithlak thei a, a lo hre palh thei bawk.Simon-a phei chu ka ngaihtuah duh lo law law.

“Ok...hmeichhe puitling leh Smart takin zah pawh dawn lo in min rawn pan a, a pawimawh thawkhat ang tih ka hria e, a chhan ka zawh che kha chu theihnghilh hmak rawh..” a nui var var mai.Mipa, vawikhat ka hmuhna a ka ngainat nghal awmchhun a ni ngei ang.

“Ka lawm e, han sawi mai dawn chuan a kual ve lutuk a, bakah midang hriat loh in kalpui ka duh bawk a..aaa, ka tibuai ta hle zawk che..ka kal ange” ka nui lui sak mai.Ka nuih erawh a za miah lo,zat a hnekin ka tah a chhuak hluah hluah zawk.

“Min mamawhna i neih phawt chuan?” a kekawr ipte a zen a, a Wallet a phawrh a, card min rawn pe a, ka lo ban ve mai.

“Ka lawm tak tak.ka kal ang..”ka nui lui leh a, ka inher a, kawngkhar ka thleng tep tihah min rawn ko ding leh a, ka hawi let leh a.

“Engtin nge ka koh dawn che?”a thle bak a, Ruatdika awmdan min ti hrechhuak vang vang mai.

“Hmingthani..”

“Ok, ka hriat theih zawng tak a ni ngei ang, ka hming chu card ah khan a awm kha..”a nui leh vur vur a, ka chhuak tur chu min rawn zui ve a,a nelawm takzet.

“Khawi lamah nge i kal dawn?” ati leh a, ka kalna tur lam ka hrilh a, Motor ka ken leh ken loh min zawt zui zat bawk.

“Keng lo e, Taxi in ka haw mai ang chu..”ka ti a,”Ka kalna tur lam tho anih chu,haw ka lo tum mek a..ka rual pawn i haw thei ania” hnial ka tum zet a mahse Taxi a haw tho angaih dawn avangin ka bu ta nge nge, vawikhat hmuhna mai chuah nimahse mi pangngai tak a ni a, thil tha lo ti duh turah ka ngai lo bawk.

Inbe mang lo in kan chuang dun mawp mawp a, a cardah a hming awmthu min hrilh a, mahse ka la en ta miah lo.In ka thlen hunah ka en mai ang chu..”Kha laiah khan ka lo chhuk ang..”kan in peng kan thlen chuan ka ti a, mahse, ding loin a tlan tlang chho ta zawk, makti deuh hian ka en a, min rawn en zawk a,” mak i va ti awm ve,min hau lo la, ka hria che lawm” ka ner nak mai,keiin ka hre miah si lo.

“ Min hria maw?” ka ti a, a bu nghauh mai.Kan Gate bulah a ding a,kan in pawh a hre tho.

“ Kan In pawh i lo hre leh zel a?” mawl hmel zet hian ka nui a,kan in piah a In lian zet awm chu a kawk zauh a,’ Saw saw kan In ania” ka au phiau mai,kan thenawmte nen hian kan in len pawh em em hran lo.Mahse, Inhnaih taka awm kan ni bawk a hriat chu ka hre ve vek hlawm,ani erawh hi chu ka hre ngai miah lo.

“ Pi zauvi hi i nu tihna mi?’ a thle bak a, ‘ ni e, mahse, ka awm tam lo a, chuvang aniang min hriat loh’ a ti tha ve mai.A fa te hmeichhe pahnih ka hria, Fapa a nei a, mahse, Canara Bankah Managerin a awm a, phai lamah chu pawh a thawh daih avangin a lo haw ngai lo tih zawng ka hria, an fapa chu a lo ni ngei dawn anih hi a..

‘Anih chu, helamah i awm tawh dawn tihna nge?’ ka ti leh a.

‘Aw, ka pa hi a tha ta lo deuh reng a, Hotel lam khan enkawltu a mamawh bawk a, ka enkawl mai angai ta nih hi’ ati leh a, a nu leh pa atangin misual a ni thei lo hrim hrim.

‘Engpawh nise ka kal phawt ang, min thlah a ka lawm reng reng e..’ka ti a, a then sak a,’ka kalna tur tho ka tih kha..diktak chuan  i hming ka hre lo ka tih kha chu ka ti tak tak ania, Simon-a a awm lai a ni em?’ ati a, a awm thu ka hrilh a.

‘Hun remchangah i lo la leng dawn nia’ ka ti a, a lo la len ngei tur thu a sawi tha ve mai bawk.

Inthlak mai lo in Khumah ka thawmhnaw hak lai nen ka mu a, ka chau hluah hluah,Sawmtluangi lah kapu tunu a lo ni reng a, chumai bakah Ruatdika’n ka chungah eng nge a tih hriat tuma ka beiseina neih chhun lah a chhia a ni thawhthang tawh bawk.Thil pakhat ka ngaihtuah chhuak a, ka nu bia ila Sawmtluangi chungchang kha chu ka hrechiang thei mai ang,Ruatdika sawi kha ka ringhlel hran lo,mahse, hriat fiah ngei ka duh.

“Nu, i tha em?’ phone a pick veleh a ti a, a that thu leh kan dam leh dam loh min rawn zawt chul bawk,kan that thu ka hrilh a, in awm ka nin leh nin loh te min rawn zawt luam bawk.

‘Thil zawh duh che ka nei a,Sawmtluangi hi engtia kan chhung nge anih ka hre duh a..’ ka nu thaw hak ri ka hrethei.A sawi hreh hle anih loh chuan angaihdan ni lo thil ka zawt tihna animai.

‘I pu khan Fapa a nei a, mahse, a fa tak ni lo in a lak ania, a fapa chuan Sawmtluangi hi a fa ania,chu zawng chu a nimai..’ka thaw huai mai.Kapu khan fa a neih an sawi ka hre ngai lo,neih chu a lo nei ngei a, mahse, a hrin ni lo in a lak a ni thung,engpawh nise a fa anihna a bo chuang lo a, Sawmtluangi pawh a tunu a nihna a bo chuang hek lo.

‘Hmingthan, i la awm em?” a rawn ti leh a, ka lo ngawi rei deuh a ni ngei ang.

‘Aw, awm e...lawk aw, nu, nakinah ka lo be leh ang che..min ko a’ ka ti ta ngawt,diktak chuan sawi zawm mai tur ka hriat loh vang animah zawk.

‘Awle, mahse, thil pakhat, Sawmtluangi kha ka ngaina lo ania, en ngun ang che’ khauh zet, mahse, dam thlap si hian a rawn ti leh a.’tehreng mai.Ka lo in veng tha dawn nia’ ka ti ve a, Phone khumah ka dahthla a, rilru siam ngaihna pawh hi ka hre lo.Nun hi a hahthlak em em a ni tawp mai.

Kut lum thur thur hian ka biangah a rawn khawih a, mumang ang ruai hian ka hria a, ka chalah a rawn fawp a, peih lo zet hian ka mengchhuak ta nge nge, Simon-a hmel dam thluam chuan hnai zetah min lo en a,ka harh tih a hriat takah chuan a nui suk bawk.

‘ I va chau awm ve,vawiin lam i kal chhuak animaw?’ a ti sup a, a rawn lawn ve a, ka thawmhnaw pawh thlak lo in ka lo muhil pek.

‘Chau viau lo e, i lo haw chiah mi?’ ka ti a, a bu nghut a, min rawn kuah a, a thil in rim chuan a hnar averh nghal zak mai.

‘Zu i in a..’ ka ti hlak a, ka zawt pawh a ni chiah lo.A then suk a..

‘Tlemte chiah..’ ka nui hak mai.

‘Tho ang, inthlak lo in ka lo muhil daih anih hi’ ka ti a, thawh tumin ka in bengkang a, mahse, ka kawngah a rawn man a, hneh zetin min rawn pawt a, ka ngheng rawk mai.

‘Naktuk chu khawiah emaw kan kal dawn mi?’

‘Aaaa, i hman lo ang,tihbuai che ka duh lo’ engemaw tih tur hmachhawp ka neih avangin a bulah hun hman loh dan ka zawng animah zawk.

‘A ho em mai,bakah hrilh duh che ka nei nual a..’ ati leh sup a, engtak min hrilh duh ni ang maw? Nidangah kha chuan a bula ka awm hian ka thlamuang a, nuam ka ti thin kha ania, tunah chuan ka thlamuang lo mai pawh ni lo in ka tang ru teuh reng mai zawk.

‘Khua var phawt se..tunah chuan Inbual ka duh a..’ ka kawng a kuahna ka phelh sak a, min thlah ve mai bawk.A  ban veilam khamin a mu a, chunglam a melh vung vung bawk.

Ka Inbual zawha Room ka luh leh chuan a lo awm tawh lo, a thawmhnaw hak lai Sofaah a lo kalsan tawp bawk, thil mak a ni lem lo, a tih fo dan a ni ve hrim hrim, Suk turah dah tumin ka la kang a, a ipte ka check hmasa a, a kekawr ipteah engemaw dap fuh ka nei a, ka zuk zen a, ka la chhuak a.Pendrive lian vak lo leh Chahbi pakhat a lo awm a, ka ngaihtuahna a vir zawk mai..Room pawnah ka chhuak a, dimtein ka kal them them a, Living Room eng iar chu ka zuk en a, Simon-a leh Tlana inbe mawlh mawlh ka zuk hmu a, rang zet hian ka let leh a, ka Laptop ka on a,a in start chhung ngawt pawh ka hmanhmawh lutuk vang nge rei ka ti takzet.

Room pawnah ka va chhuak leh a, an awmdan ngai tho in an lo la awm, rang zetin ka let leh vat a, Pendriveah eng nge awm ka hre lo,file awm ho zawng chu ka copy pawp pawp a, thut pawh ka thu tha thei lo.Simon-a a lo kal mai hlauin ka inring ran mai.Vanneihthlak zetin a zo ta hram. Min rinhlelh ka hlauh lutuk avangin engmah a ipte ami la chhuak ta lo in Balbawmah ka vawm lut ta zawk, ka lo phawrh sak anih chuan min ringhlel ngei ang tih ka chiang.

‘Pi Zauvi sawn fapa a nei tih chu ka hre tho a, mahse, ka la hmu lo a..’ ka thil ei lai ei mawlh mawlh chungin ka ti a.

‘Chuan..?’  ati nghut a,ngaipawimawh lo hmel zet hian a ei zawm leh mai.

‘Eng ni lo e, vawiinah ka hmu ve chiah a...a fel hmel khawpin ka hria..’ ka ti a, a thil ei lai a chawl a, min rawn en a..

‘Ruatdika nen an in ang tih sawi i tum em?’ ka thil ei lai ka hak thelh, ka khuh kharh a, ka tui inchhawp ka in leh rih a.Engtin nge ka rilru a hriat theih zawk ni??

‘A ni emaw ka ti hman a..’ ka khuh leh a, ka awm ka chum dat dat bawk.

‘An in ang khawp mai, an mizia erawh lei leh van..i hrethiam ang chu’ a ti leh sup a, a thil ei lai a eizawm leh a..Thinrim emaw lawm lo hmel pawh a pu chuang lo.Kan eikham hma chu engmah kan sawi zawm ta lo.

Mu chungin Games ka khel a, Simon-an Tv a en thung, a khat tawkin a phoneah Msg tone a ri leh zauh thin bawk.

‘I la mu dawn lo mi?’

‘Ka mut reng hi..’ en mang lo hian ka ti a, a nui huk mai.

‘I muhil dawn em ka tihna?’ ka chhan leh hmain a phone a ri ta hlauh.Ka games lam ngawt ka ngaihtuah avangin tu nge rawn bia pawh ka ngaihven lo.

‘Lawk, khawnge Emy chu a awm a?’ a awrawl ring ta thak chuan min ti phu zawk a, ka phone dah chuang lo in ka awm ngaiin ka awm a, mahse, ka rilruah ka games khelh lam a lang ta hauh lo.

‘Ok, tah khan lo awm rawh, ka lo kal ang’ bung vut hian a ti nghut a, a phone a off zui nghal bawk.

Khum atangin a chhuk a, ka Phone dahin ka en ta nge nge.

‘Engthil nge ni ta?” ka ti a, ka thu chhuak nghal bawk.

‘Emy-in buaina a nei a..i lo kal ve duh em?’

‘Aih, duh lo e..chuan...’ kawngkhar lam a pan der tawh.

Sorry, Hon..ka lo haw veleh ka hrilh fiah dawn che nia..’ chhan pawh ka chhan hmain a chhuak fel der.

Ka mu meng kar mai, Eng buaina nge a tawh ang ka hrethiam lo a, ngaihtuah ngaihna pawh ka hre hek lo.Tlansanga ka call dawn thut thut a, a lo hriat loh chuan mualpho thlak ka ti bawk si..Sana ka en a, Dar 12 a ri tep tawh, a kal chhuah atangin darkar khat aia tam a liam tawh a, engmah a la rawn sawi ta lo.

Ka rilruah Pendrive kha a lo lang a, ka tho a, Laptop ka on a, engtik hunah pawh lo haw thut thei anih avangin ka copy zawk kha en ila a that ka ring a, a lo lut thut anih pawhin ka close pawp anga, buaina a awm lo animai.

Ka hawn hmasak berah chuan engmah a awm lo,ti ila thil pawimawh a awm lo a ni mah zawk, Pahnih ka en hnu pawn engmah ka hriat duh ala awm ta chuang lo, eng nge ka hriat duh tak pawh ka hre chuang lo.Pakhat ka la awm ka hawng leh tur chiah chu ka phoneah Msg a lo lut tih hriat nan a rawn nghawr dat a, Simon-a anih ringin hmanhmawh fe hian ka hawng a, mahse, a lo ni lo.Number ka hriat ngai loh a ni a, a thil lo thawn pawh Video a ni bawk.

‘I nupui hian eng buaina nge a tawh chiah min hrilh thei em?’ Police uniform ha hian a ti a, tu nge a zawh ka hre lo, rei loteah a rawn lang a, ka beisei loh lutukin Simon-a ngei a la ni zui..’I nupui’ tiin a zawt a, Simon-a hmelah lah chuan pawiti hmel a awm miah lo lehnghal..mahse, tul lo zetin a tawp daih zui.Ka ti nawn sek mai..A chhanna tal hria ila chuan a ziawm.

Reivakloah a dang a lo thleng leh a, tun tum chu Video clip ni loin Photo pangngai a ni ta thung.Mahse, a hma ami ai khan min thawng zawk.

Simon-an Emily a pawm bet a, a samah a fawp bawk..

BLACK HORSE-15

Ka enreng ringawt,engtiang buaina nge a tawh ka hre hauh lo a,mahse,engvangin nge a fawh kher? Ka samah leh ka chalah a fawp fo thin a,ngaiah ka neih hial tawh zawk.Min fawhna hmui tho khan Emily a fawp veleh a,Special bik ni a ka lo inhriatna zawng zawng te kha thawklehkhatah an bo nghal duak mai.


Tlansanga ka call ta nge nge,rei pawh a ring hmain a pick nghal mai bawk.
"Hello...Hmingthan" a awah mut chhuak aw a awm lo.
" Emily hi a accident ami?"
"Aw,mahse tunah tak chuan a zia viau e,in pa i be duh ami?" a rawn ti a..Ka mit ka chhing vang vang mai.
"Be duh hran lo e,chanchin ka rawn zawt satliah mai mai che...in buai hmelsia nakinah ka rawn be leh zawk dawn che nia" dam thlapin ka ti a,mahse ka chhungril na vawng vawng chuan ka thawk a ti buai a,thawmchhamin ka thi mai dawnin ka hre hial mai.

Che lo in reife ka mu a,Simon-a ka neih hnua hlimna min thlensak zo zai te kha la hreseng tawh lo.Mahse chutiang bawkin a natna tun hnai thla hnih khat leka a min thlensak hi hriat pawh ka hre seng lo,nat tawh a awm thei lo a,ka tawn hnuhnung apiang hian ka natna ka lo khawl khawm sa kha a belhchhah zel a,tuar zawh loh khawpa tam hian min delh niin ka hre ber tawh.


Pendrive kha...ka muhil thei dawn chuang lo tih ka hriat avangin ka tho leh ta nge nge.Ka en hmabak  ka click a,ka beisei loh zetin video clip kha...rang lutukin ka close nghal a ka khur dar dar mai.Simon-an min entir khan ka en zo ngam lo a,rapthlak ka tih avangin ka khur chhe vek bawk anih kha...Tunah hian en zo vek ila a tha zawk ngei ang,Ruatdika kutah hian chiang takin a kut zungpui vei lamah kutchuk lian angreng tak a awm a,ka hai hauh lo ang.

Khur dar dar chungin ka ti nawn leh a,ka awmdan zahpuiawm lutuk chu ka en ta nge nge,uluk taka ka en pawn kutchuk awm ka hmu lo,a kut vei lam chu a ni ngei bawk si,a kut dinglamin camera a keng tih a awmdanah a hriat theih bawk.

Ka hmel mawlh mai chu en har ka ti,hmeichhe hur herh lutuk ang maiin nuam ti hmel fahranin ka awm kual a,kut lah chuan khawilai mai pawh a khawih kual vel vek emaw tihtur ani.Hmunkhat chauh loh chu....Simona tan chuan tuar a har thawkhat ang,min hmangaih leh hmangaih loh lam a ni lo,tu mipa pawn an nupui te an khawih lai hmuhnawm thlirin an thlir hauh lo ang.

Ka mu tawm chal mai.Ngaihtuahna mumal pu thei lo in thil chi hrang hrang ka ngaihtuah kual a,Simona rilru tur ka ngaihtuah sak a,a chang leh ka dik lohna awm si lo a hetiang ka tawk hi maktihna nen ka ngaihtuah bawk...Oh....Emily hrep pawh kha...Sawmtluangi pawh kan nunah a lo la tel ve zel dawn chu ani phawt anga.Tu nge midang kan buaina belhchhah leh tur tih ka ngaihtuah a,buaina mak tak tak lah hian min ngam ta em em mai bawk si.

Simona a lo haw ta lo,ka rinlawk sa tho anih avangin mak ka ti  hek lo,lawm lohna hranpa pawh ka nei chuang lo.Ka na lo ka tih chuan dawt ka sawi ang,mahse ka natna hian a huam chin tur bithliah siam lo mahse keimah ah hian tawk chin ka tih a pel ta ani zawk maithei,mihring nge ka nih a mithi pawh ka hre tawh lo.A duh leh lo haw se a duh loh leh lo haw lo maise atha animai.Engtin pawh awmse ka buaina a ni lo e.

Kan nula nen eirawng kan bawl laiin a rawn haw a,a hmel pawr fap leh a mit sen rumah chuan a muhil miah lo ang tih a hriat theih mai.

"Eitur i duh em?" Ka lungawilohna thup chungin ka ti a,a lu a thing ringawt.

"Mut ka mamawh in ka hria,min rawn zui lawk la"

Ka hnial hman thelh,mahse kan nupa buaina leh thildang hi chu kan nupa kar leh chhungkaw thil a ni a,kan nula leh kan Driverin an hriat ve kher a tul miah lo.

Roomah ka zui lut a,a thawmhnaw a phelh sawk sawk a,a awmna hmunah a kalsan tawp,Boxer nen chauh a awm a,engmah sawi lo in Bathroom pan a tum a,ka ngaihdan a ni ta tlat lo.

"Eng ngemaw min hrilh duh i nei em?" ka ti dam thlap mai.

"Nei lo,ngatinge?" thei ila chuan ka hlap thlu tawp ngei ang,ka thei lo lutuk tih ka hriatna chuan min ti thinrim hluah hluah mai.

"Ok,zui tur che a min tih vang mawle"

" I pasal ka lo haw a,ka chau em tih hre tur pawn min zui chu i tihtur a ni lo ami?" A kawng dawmin a ding a,min melh run bawk.

"Sorry...ni dawn tak,engpawh nise ka thil tih lai kha a laklawh lutuk a,lo inbual la..." min rawn pan avangin sawi zo lo in ka tawp leh rih.

"Chuan?" Vawt ruih hian a ti a,nelawmna tel miah lo hian min melh ngur bawk.

"Ka lo zuk chhuk ang chu ka ti"

"Nizanah ka muhil miah lo a,ka mood a tha lo a ka chau viau bawk,inhnialna lam kha chu dahtha rih la a va finthlak awm ve" nghet churh hian a ti a,ka thle bak ringawt.

Ka inher a,mahse ka pen hmain nghet zet hian ka darah a rawn tham a,ka te thawt mai.

"I awmdan hi ka duh hauh lo"a mit thim ta sauh chuan min ti khur leh titih a,mahse, hlau anga lan ka tum hauh lo

"Engtin nge ka awm a?" a thaw hawk a,a thinrimna control tum a ang viau.

"I hre zawk ang chu,eng kawngah mah min nawrluih a fuh lo tih i hriat tawh kha" a then zui suk bawk.

"Nia mawle,engmah ka la theihnghilh hleinem,inbual rawh" ka nui lui sanga,he nui hmel phena tumruhna ka neih hian vawi tamtak min chhan tawh a,ka hlawhtlinpui ziah bawk,tun tumah pawh hian indonna kan tan ta chu ania,damtak leh hlim sangin...a tawpna erawh a chhe hle ang,tu emaw zawk zawk kan thih angai anih pawhin kan thi mai ang chu.

Ka dar a hmerna kut ka laksawn sak a,ka awmdan dam thlap mai chuan a barakhaih anih ka ring,min hnial lo in min en reng ringawt,ka inher a kawngkhaw ka pan a,min dang ta lo.

Roomah ka let leh ta lo,Simona pawh a lo chhuk chuang bik lo.A mu anih ka ring a,chaw ka eisan daih bawk.

Ka pa in min rawn call a,ka tlawh khat zia ka hrechhuak vang vang mai.
"Mampui,tlaiah chaw in rawn ei hman angem?"a rawn ti a.
"Hman awm tak ania,eng chaweikhawm nge?"nui chung hian ka ti a.
"Ekhai,ka fanu hian a nu piancham pawh a hre ta lo ani maw?" a nui tho nangin a lawm vak lo tih ka hrethei a,diktak chuan keipawn nuam ka ti lo.Engtin nge ka theihnghilh theih zawk ni?

"Ka lo kal ang,mahse pa,Ka nu hnenah engmah sawi suh aw" tlawn pah deuh hian ka ti a,nui chungin a sawi lo ang tih min tiam ve mai bawk.

"Eee,Simon-a hi ka call a pick thei lo a,i lo hrilh mai dawn nia.A buai viau chuan kan ti lui hauh lo bawk a"a rawn ti leh a,ka ner nak mai.

"A hman ka ring chiah lo a,mahse ka lo hrilh dawn nia" ka ti a.Kan nupa kar buaina vanga ka chhungte rilru tih hahsak ka duh lo.

Ka thu deuh vang vang a,thil hrethiam rual ka nih ve hnu atangin a vawikhatnan ka nu piancham ka theihnghilh na a ni a,thil pawitak ni lo mahse keimah ah danglamna thlentu a ni lawi si.Emily vangin Simon-a chuan buaina a ngah tawk rih ngei ang tih a chiang a,a kal ka ring lem lo bawk.

Room lamah inbual turin ka chho a,Simon-a a lo tho ve chiah bawk.Be lem lo in ka thawmhnaw ka hlip a,engemaw tal ka nu tan kensak ka duh dawn chuan tlema ka chhuah hma deuh a ngai.

"Vawiin tlaiah ka pa ten chawei turin min rawn sawm a,ka nu birth day ania..i hman ka ring chiah lo nangin ka hrilh hrim hrim che"amah pawh en lem loin  ka ti a.

"Ka hman lo ang tih ka sawi ami?" bung deuh hian a ti hmuk thung.

"Sawi hran lo e.Emily...er..ka sawi tum tak chu i va tlawh leh duh ka ring a" ka underwear bawm ka pawt hawng a,ka en duh lo lui tlat bawk.

"Tlawh duh ngei ang,mahse ka hman lo tihna a ni chuang lo a" a hma ai chuan a aw a nem ta deuh.

"Ok,i hman leh a tha,ka inbual anga thil lei kual ka duh sia ka kal chhuak deuh mai ang...Chuan,ka car chahbi hi ka kawl leh thei tawh em?"

"I duh leh duh loh animai"

Kan inchhang tawk viau e.

"A theih chuan duh e,ka lawm zawk ngawt ang"nupa inbia ni lo in hmelhriat satliah,polite taka indawr kan ang berin ka hria.

"Ka key chain ah khan ka khai tel a,i la mai dawn nia" ati sup a,chhan pawh ka chhan let hmain a chhuak zui daih bawk.

A chahbi bawr dahna ka hria a,ka pan hnai nghal ruak mai.Ka hmuh veleh ka la nghal a,mahse,pakhat chauh.Pakhat zawk a la thukru ta talh,a pawi chuang lo.Chahbi pakhat bak ka mamawh hleinem.

Ka inbual zawh  veleh ka insiam leh sawk sawk a,Thlasik rim a nam tawh a,zan lamah chuan khua a vawh tan tawh viau,ka haw hma vak ka rin loh avangin kawrlum phiar ka ha a,jeans pawl tak zet ka ha leh a,Nike running shoe ka bun leh a.Ka sam erawh ka zial tawm tawp thung.

Inhnuai lamah Simon-a a awm emaw ka tih kha a lo awm lo.Kan nula in kawt zawl a thing hnah tla vel a lo phiatkhawm mek a,ka car lam ka pan a,Simon-a car erawh a awm lo a,Tlana pawh nichin kha chuan pawnah a awm renga,Simon-a rualin a chhuak a mi ngei ang.Ka car chhunga lut mai lo in ka thlek kual leh rih a,ka khalh chhuah lohna a rei tawh.Atthlak zetin ka mittui a hnai kuar mai.Khalh chhuak khat mahila nitin Tlan'an a start ziah avangin a ngaihtuahawm lem lo thung.Engvangin nge ka khalh chhuah ngai loh hriat a chak thin ngeiin ka ring bawk.Kei emaw Simon-a pawh a chhan zawt tur khawpin a mawl hek lo.

"U Simona kha a chhuak ania aw,a hmanhmawh lutuka i inbual bawk sia lo hrilh mai rawh min ti a" kan nula pakhat zawk chuan a lo ti nghal thuai a,a duh phawt chuan Bath Room kawngka bul atang pawn min hrilh thei renga,mahse kei ang bawkin min be chak lo ah ka ngai mai.

Tlaiah chaw ka ei loh tur thu ka hrilh a,ka kalna tur min zawt a,Simon-a kal ve dawn leh dawn loh min zawt bawk.

"A buai deuh a,mahse a lo kal tho maithei,lo siam kep tho la" ka ti a,a bu nghat mai.Kan mamawh lutuk lo nangin langa kal thin zawk pawh kha kan inah a rawn insawn lut a,Sangtei a awm ta bawk nen kan inchhung pawh a reh ta lem lo.


Pi Zauvi te in peng ka thlen chuan a fapa Car a rawn tlan lut ve dawn chiah a,kan in pel tur chu min rawn ko a,a horn a hmetri bawk.

"Hello...khawi lamah nge?" Ka hmuh hmasak tum ang bawk khan a hmel a nelawm leh pek viau.

"Ka nu te In lamah ka va kal ange,i haw tawh dawn mi?" ka ti let ve a.

"Um,vawiin chu ka haw hma"

"Ok,nih phawt..Kan inah pawh chuan lo la leng la,Simon-a pawh ka hrilh tawh kha" ka ti a.

"Tehreng mai,mahse chawei nghal ka duh ania"a mit a siai zauh a,a ha var rual zet chu a nuih zawngin a lang that bawk.

"Lutuk,i duh hun hunah le,anih phawt"

"Lawk" ka tlan tur chu a ban a rawn vai  leh rih a.

"CCTV kha...tlem a zawng chu ka pui thei maithei che,i hman hunah Hotelah lo kal la" ka lungphu a rang nghal zaih zaih mai.Tlem chuan beiseina mei a eng ve leh ta set set e.


MC ah ka car ka dah a,Pathian zarah kan harsa lem lo a,ka nu pawh hian han mamawh leh awh ngawih ngawih a neih ka ring lem
lo.Lei maitur hre lo in ka ding deuh vang vang a,ka hawi kual a..Phone dawr ka hmuh takah chuan ka lei tur ka hre ta mai.Ka u fapa nen Phone an intawm titih a,an sawp nasa deuh bawk nen a chang hian a thi leh thut thin a,ka u in a thar leisak a tum pawn a hnial tlat zel a,mahse Games khelh a ching laklawh a,a chang chuan hrehawm a ti mahna le.

Ka u ka call hmasa leh te te a,kan lei tum a lo in an palh chuan a ho der dawn tlat,vanneihthlak zetin thil dang zawk a lo leisak fel diam tawh.

Ka duhthusam leitur ka hmu ta hlauh.Pawisa senna mai mai tiin a sawisel leh ka hlau a,aman intarna lai ka pawhthlak tir daih bawk.

"U Hmingthan..." min ko ri ka hriat rualin la hawi let vat a,Dawr kawngkhara rawn lut mek ka hmuh rualin ka mengphar awk mai.A la nui var var zui.

"Ehe!!!,khawnge i awm daih a?" mak ka tihna thupin amah ka hmuh vanga phur hmel fahranin ka ti ta zawk.

"Nakinah ka hrilh ang che,Mama a awm em?"  a hmui nalh zet chu a pet sawi pah zauh bawk.

"Aw,awm e..ka chhuak dawn chiah a.Eeeee,ka nu birth day ania,chaw ka ei phei dawn a,lo kal ve la..." ka tih zawm zat a,ka pasal nau a ni a.Thildanga an inzawmna kha chu ka hria tih tihlan kher a tul lem lo.

"A chakawm viau,mahse tihtur ka nei a...Ka hmu che a ka lo lut mai mai,kal ila" ati a,nidang ang bawkin a kekawr a tight lu hrat a,a kawr a chhing leh bawk si.A mawng mum nalh zet chu show vel nuam a ti nimaiin ka hre tawh.


"Khawiah maw i awm? Ka ngaihtuah viau che ania" ka ti leh a,a thle bak ringawt.Ka zawh chhuah hmel lemloh khawp mai.

"Lo haw chu ka duh renga,mahse Mama kha a tawngkam a na em mai"

"Aaaa,kei ai daihin i hrechiang alawm.Ani pawn a ngaihtuah viau che ania" dawt ka sawi ta ngawt.Engemaw kawng talin amah hi ka hman tangkai theih ka ring tlat.

"Hmm,nia...min lo call tho a,kartharah ka lo haw maithei,mahse chumi hma chuan thil pawimawh tih lai ka nei a,ka zo fel phawt ang" ati ta nge nge,kan Ramhuaipa khan ka bulah chuan ngaipawimawh awm lo takin a awm a,a lo va call leh duk dul tho si.



Ka nu te in thlen nan hun ka hmang rei leh ta phian.Kawngsira motor dah a tam si,Kan kawngpui ve te lah a tet tawh vei nen Motor hi chhungkaw tin hian kan nei deuh vek mai hian ka hria.Ram a changkang zel anga in khatah pawh pakhat mai ni lo an neih belh zel ang,Kan kawng neih lah hi tihlen belh leh ngaihna awm lo khawpin a bul hnai velah in kan sa a,kum tlemte a vei leh chuan kan ropui lo khawp ang le.

Ka beisei loh lutukin ka nu te In kawtah Simon-a car a lo awm vang mai,a kal dawn tih pawh a lo sawi chuang hauh lo.Ka nu te lah chuan an makpa neih chhun anih angin an lo lawm leh ngei ang tih ka chiang.A chhungril hi han hmu vaih se chuan an va han haw dawn tak.

"Bawihte, tu nge lo kal hi?" Ka u nupuiin min hmuh veleh a lo ti nghal thuai a.Ka hawi kual a,an vaiin an thu thap mai,an hmel hlim sarh mai chu min hmuh vang a ni lo tih ka chiang.Kan naute in min rawn pan thuai a,a lian ve tawh a,min ngai viau mahse naute lutuk a chei bawl a duh tawh mang lo.

"Simon-a hian i nu tan eng nge a lo ken i hria em?" Ka pa nui hmel chu ka en a,ka lu ka thing mai.Simon-a lam ka hawi leh a,nidang ang lo takin a hmel a dam thlup bawk.

"Engthil nge i hre lo tak tak maw?"
"Hre nang,engmah a sawi si lo a" ka ti a,ka nu a rawn tho chhuak a.

" Ka entir ang che.." tih pahin kitchen lam a pan a,ka zui phei ve a,Dinning Table sir a percel lo inhung chuan ka mit a la chat mai.Mahse eng nge anih rin ngaihna ka hre chuang lo.

"Hei hi mawle" percel lam chu a kawk a,ka chil ka lem khawlh ringawt.

"Eng nge a?" tih pahin ka pan hnai a.A tuamna percel chu a hmain an lo phelh tawh anih hnel,awlsam te in a la sawn a.eng nge anih ka hmuh takah chuan ka ang pham mai.

Samsung Company kutchhuak,Washing machine changkang zet mai a ni a,ka nu nen vawikhat kan In lama hman tur kan en tumin kan hmu a.A awt tih a sawi hauh lo.Kan kal ni khan hei aia te hret hi ka thlang a,Simon-a a awm ve lo bawk a,engtin nge a lo ngaihtuah chhuah  pawh ka hre lo.

"Ehe!!!,hei chu kan dawr ami kha ani em?" thildang pawh sawi lo in ka ti hliai mai,a bu nghat a,ka hnung lamah thawm a rawn awm a,ka inher vat a.Simon-a kitchen leh living room inkar danna bang ngheng deuh hian a lo ding a,a hmelpa zetah chuan engmah ka hrethiam lo.

"Ni e,in dawr ami kha,hman deuha kan kal tum khan ka hmu a,ka awt lutuk a,kan hman lai a la tha tho bawk si nen ka sawi lem lo a,mahse hei vawiinah min rawn present ta mai sia..." a awah a lawmzia hai rual a ni lo.

Kan boruak hlimawm zet chu ka hlimpui hleithei lo.Envangin nge hetiang thil hi a tih ka la hrethiam lo deuh deuh mai.Ka unaupa te nen football chungchang an sawi ho a,an tan lam a in ang lo bawk nen an inhnial leh nak nal thin bawk.A rukin ka lo en leh veng veng thin.Min bum tumna bawk nge ni ang ka nu lakah duh a nei zawk? Engmah a hlawkna awm lo tur a ti duh ngai si lo.Engpawh nise ka chhungte hlimna a thlensak a,an tan makpa mai ni loin fapa tha tak anih zia a lantir a,an rinna a hlawh chhuak a,an ngaina zual sauh bawk ang.


Tlan'an ka car a khalh hawng a,Simona bulah ka chuang ta thung,sawi mai tur hre lo in ka ngawi kar mai.

"I nu ka present khan a ti lawm na che nge?"  a tawng chhuak hmasa ta nge nge.

"Engvang chuan maw?" ka ti let ha thung.

" Ka hre chiah lo,chhunglam hian i lawm vak lo tih min hrilh a" a aw ah nuihzatna ri a tel a,min chhaih tih ka hria.

"I ngaihdan mai mai anih chu,a lawmawm alawm" ka ti leh mai.Pawnlam ka thlir dauh dauh a,thli thaw chuan ka sam a chhem leng dar dar bawk.

"A duh tur awm ka hre lo a,mahse niminah Dawrah a lo kal a,a en deuh reng avang khan a duh anih ka ring a" a ti leh duah a.

"Um,a lawm em kha" ka ti leh ringawt.

"Zing atang khan i awmdan a dik lo,eng nge ni leh ta?" ka en zawk a,min en lo in hmalam a en ngur mai.

"Engmah chutiang a awm lo"
"Nizan khan Emily a accident a,hospitalah kan tlaivar a,chutah chuan tih dik loh ka nei em?"

"Aih,i thiannu ania,i hnathawhpui a ni bawk a,i tihtur alawm" dam thlap hian ka ti a,a thaw hawk bawk.

"Tlansanga i lo call tih pawh ka hria,rinaiin kan buai rei a,ka free deuh hnu kha chuan i muthilh tawh ka rin vangin ka lo call ta lo che nih kha.Zingah khan ka hrilh ang che ka tia,mahse i in la hrang leh ta tlat a" ka chhang lo,a duhtawkin insawifiah mahse Emily pasal ang maia a awm leh a sama a fawhna khan natna ka tawrh tur ang min tawrh fel tir vek tawh.

In kan thlen thlengin kan in be ta lo,ka inphih fai sawk sawk a ka mu zui nghal daih.

Ka phone nghawr ri ah la harh leh a,Room a lo thim thap tawh,ka phone ka dap a,tun ang hunah tu tak ni ang maw??

"Hello" meng mang lo hian ka ti a,number lawng tawp anih avangin tu nge anih ka hre lo.

"Hmingthan,Ruatdika ka nia " ka harh deuh kawk mai,pawimawh lo ah chuan tun ang hunah min lo call miah lo ang.

"Eng nge ni ta?"

"Hriati....Hriati.." sawi zawm lo in a ngawi leh rih a,hlauhthawnna vangin ka lungphu a rang nghal dawt dawt a,ka thu chhuak nghal bawk.

"Eng nge Hriati chu? Sawi vat la" ka au a ni ber.Simon-a a rawn che hrut a,light a eng ta uar bawk.

"A thi"

Ka khawng vek in la hria,engvangin nge a thih ngawt?!! Ka rilruah zawhna a lo lut zut zut mai.

"Fiamthu na hun a ni lo ania" ka aw a lawi vek,Ruatdika insut ri chuan dawt a nih loh zia a ti chiang ngang mai thung.

"Ka fiamthu lo,a in awkhlum an ti a,tunah an In ka pan dawn mek,nakinah ka lo be leh ang che" a rawn ti a,a off zui nghal hmak bawk.Ngaihtuahna mumal ka pu thei lo,Ruatdika nen an inthen khan a la na viau a,a Zin bo zui daih a,mahse nimin piah lawkah a lo haw a,Ruatdika nen pawn an inzui lenghal chat bawk a engmah mahni intihhlum duhna chhan tur a nei lo.

"Tu nge?" Simon-an min rawn kuah paha a rawn tih chuan ka harh zawk mai,ka mutthlu hauh lo thung.

"Ruatdika...Hriati a in awkhlum a rawn ti a" ka khur ta dar dar,nghet zetin min kuah a,a lungphu ri dar dat pawh ka hrethei hial bawk.

"Kan zawt chiang ang" ati sup a,mahse midang a call hmain an rawn call ta zawk.

" Sangpui,hei kan lo hre zo chiah e,lo kal kan tum dawn nia" ati nghut a,dawt a ni hauh lo.


Mumang ang deuh ruai hian ka awm a,kan insiam lai pawn Simon-an min tihpui vek,min thawng lutuk,damlohna vanga boral nise chuan ka zia deuh ang.Mahni intihl...in awkhlum... ka ring thei lo.Hmeichhe harhvang leh khawvel nuam ti em em mai kha a inti hlum ngawt lo tawp ang.Mahse midang te ti na tu ni a ka hriat ber Simona lah ka bulah a awm tlat lawi bawk si.

An In kan thlen phei chuan a lo la thla fel vek tawh a,ka nu te lam pawh an lo awm vek tawh bawk,engemaw fel lo awma an hriat avangin post mortem turin an lo kalpui tawh a,Sangpuii bulah ka va thu a,mak takin ka tah a chhuak miah lo,ka thinrim ru teuh ringawt zawk.

"Police ho chuan sawi an nei em?"Sangpuii hnenah ka ti a,a tahna vangin a mit a bui lak mai.

"Ka hre ve chiah lo,i nu sawn a hria in ka ring..mahse mak tih deuh ka nei asin..police lo thlen hma khan ka va en duh avangin ka lut lui a,a awmdan kha in awkhlum niin ka hre lo" zawite hian a ti sep a..

BLACK HORSE-16


Phawk zet hian ka melh a,a chhan zawh ka tum a,mahse min signal ka hmuh takah chuan ka chip leh hmak.Ka bulah Simon-a a rawn thu a,min signal chhan zawh kher ngai lo in ka hrethiam nghal mai bawk.

Khawvar hnu feah pawh an lo la let ta lo,ka nu mutthlu bar bar chu ka en reng a,a vahnu a ni a,a duat thin bawk nen a tuar viauin ka ring.Ka u kha post mortem naah a kal ve a,an chanchin zawt hrim hrim ila a that ka ring a,Simon-a kha Tlansanga nen an chhuak a,pawn lamah an a turah ka ngai mai bawk.

Mi engemaw zat an lo thu thup mai,ka beisei aiin an tam daih bawk.Mi tlemna lai ka pan a,ka hawi kual a Simon-a emaw Tlansanga pawh ka hmu chuang lo.Ka u ka call a,a pick lo,ka ti nawn leh ang nge tinawn lo ang tih ka ngaihtuah laiin a rawn call ta hlauh.

"Eng nge ni ta?" a rawn ti a.
"In lo haw thei dawn tawh em?"
"Kan lo chhuak dawn chiah e,kan hmelhriat Doctor a lo awm hlauh a tih kual chiam ngai lo in min lo tihsak thei hlauh a" a rawn ti a.Ka thaw hak mai.

"Anih tak chu,report ka hre chak deuh a" inthlahrung deuh takin ka ti a.

"Khalam kha chu nakinah le,engmah ka la hre bik lo" a rawn ti leh a,a chhan hriat ka duh,ka thawpik hluah hluah,Sangpuii khan in awkhlum ni a a hriat loh thu a sawi a,Doctor a ni a,vawitamtak mithi a hmu tawh a,an nih dan tur pawh a hrechiang ang.Inawkhlum ni lo a a hria anih chuan thil inthup a awm ngei ngei ang.

In an rawn thlen pui hnuah ka tap thei ta chauh,ka awrawl erawh ka chhuah eih lo thung,ka mittui a far zung zung a.A hmeltha tak thin kha ala tha reng a,a hmui sen siah thin pawh kha tlemin a dal ta deuh tih loh ah chuan danglamna a awm lo.

"Hriat,tho teh,eng ngemaw tal min hrilh angai alawm" ka rilruin ka bia a,chhanna a awm si lo.Ring taka tah chiam chiam ka chaka,mahse ka thei si lo.Ka chhungril ipik lutuk hi a puakkeh dawn ni berin ka hria.

Chawei tur leh inthlak turin kan haw a,vawikhatmah ka tawng lo.Simon-a pawn ka mood hrethiamin min be buai hauh lo bawk.

" I chaw kha ei teh" a tawng ri la hriat rualin ka phu zawk a ka fork ken lai ka thlauh daih bawk.

"Sorry...eng nge i ngaihtuah ka hria,mahse chaw i ei angai ania" ka thleng ka en a,ei lo in ka lo thai kual vel mai mai.Ka chawhmeh duh ber an lo siam a,mahse ei chakna pakhatmah ka nei lo.

"Hriati hi amah a inthat tak tak anih i ring em?"

"Shhh....nakinah,i chaw kha ei phawt la" dam thlap hian a ti a.

Ka chaw lam ka en ran a,ka tum loh tawpin ka mittui a rawn tla leh a,mittui hi chaklohna entirna ni a ka hriat avangin ka tap mai mai ngai lo.Mahse tunah hi chuan chaklohna lamah ka ngai lo..Hriati tana tap ka ni a,ka chhungril ipik lutuk ka puan chhuahna a ni bawk.

Ka kut hnunglamah ka hru tawk a,Simon-a thah anih ka ring lo na chungin a bulah tah kher ka duh lo.

"Ok,ei lo mai rawh,lo kal rawh le" a chair a nawrsawn a,ka kutah a rawn chelh zui nghal zat bawk.

Tho mai lo in ka thu leh renrawn a,mahse ka kut a hmer na a nat tak salh ah chuan min la nghak reng tih la ngaihtuah a,ka tho ta nge nge.

"Sangte,Bawnghnute kha ti lum la,khawizu tlem telin Roomah rawn dah ang che" ati leh sup a,a hma khan Pasal tha ber niin ka hre thin a,a hnuah erawh Ramhuai leh Ramsa kawlh niin ka hre leh a,tunah hi chuan ka pasal diktak angin min care a min duatna a ti lang nasa viau bawk.


Sofa ah ka thu tawm kak mai,Simon-a erawh inbual turin a lut a,ka melh ngai ka melh reng ringawt.Ka phone a rawn ri thut a,ka thu mar nghal zawt bawk.

"Hello"

"U Hmingthan,Sawmtluangi ka nia, Inah in awm em?"

Sawmtluangi aw zangkhai vahin a rawn ti a,ka thinlungah huatna a in tuh a,a tiak chauh emaw ka tih kha Hriati thihna ah hian he nu ngei hian mawhphur ni a ka hriat avangin ka huatna tiak tan chauh kha a puitling nghal titih der.

"Awm,eng nge ni ta?" Ka tum aiin ka aw a chang hret.

" Ka lo haw mek a,Mama a awm em?"
"A inbual.." sawi zawm tur ka hre lo.

"Khawngaihin ka lo haw tih min lo hrilh sak mai aw" a hma ai chuan a aw a zawi ta,a lo awm tirh atangin hetianga biak nuam lo hian ka la awm ngai lo a ka mood a hrethiam a ni ngei ang.

"Ka lo hrilh dawn nia" a hma aia aw nem zawkin ka ti a,a rawn tawng leh hmain ka off ta daih.

"Eng ngemaw tal ei teh" Simon-an a rawn ti leh a,a sam a hru hul mawlh mawlh a.Boxer chauh a ha bawk.

"Ka ei chak lo,kan inbual ve lawk ang" ka tho a,ka thut rei vang nge ka hre lo,ka lu a hai a ka pai nawk bawk.

"Ehe!!" Simon-an a ti tuar a,ka kutah a rawn vuan a,nghet zet hian min pawm bet nghal hmak bawk.


"Hahdam teh,hetiang chuan engtin nge i unaunu tan i beih theih ang?" Ka samah a hmai a rawn phum a thil hriatchhuah ka nei..Ka tal phat mai.

"Khatiang khan min ti leh tawh suh" a mitah tak ka en a,ka inhmu thei lo,inhmu thei ila chuan ka awmdan a nalh fahran lo khawp ang.Ka khup sai dar dar chuan ka chauh zia min hriattir a,mahse ka ding khawng lui tlat.

"Eng maw?" A awah mak tihna a lang chiang viau.

"Ka samah min fawp tawh suh"

"Hon...engthil nge a?"

"Khati pawh khan min ko chuang suh,ka duh hauh lo" ka kut ka humruh a,thei ila chuan a ringah ka thuai ang,min thah tuma min rek bet ang chiah khan thawk theih loh hrehawm zia ka la hriattir ang.

"I chau anih kha,inbual la..reilote chawl hahdam la kan kal dawn nia"a thle buk a,min khawih emaw tumna nei hmel a pu ta lo.Thawveng hawk awm tak ka thawveng  chuang lo a,ka lawm phah chuang huah lo bawk.

Ka thawmhnaw ka hlip vek a,min enzui reng tih hre mahila pawi ka ti eih lo.Bath robe ka la a,Bathroomah ka luhsan a,kawngkhar ka kalh a,ka ngheng rawk mai.Ka lo insehruh nasat zia ka hrechhuak chiah bawk.

Tuilumah ka inchiah a,ka harh sawng sawng mai.Hriati hmel dang diau mai ka mitthla ah a lo lang a,ka mit ka chhinga,kan naupan lai hun te ka chhuikir a,naupang harhvang tak,a ha hmai bal seu maite....A vai maiin ka tahna thlen tu mai anni.Kan inpawh em em nachhan pakhat chu Ruatdika nen an inkawp vang hi a ni pakhat bawk.

Sawmtluangi khan a lo haw thu kha Simon-a hrilh turin min ti a,ka hrilh theihnghilh hmak thung,a hmu dawn tho a lo hrilh lawk pawh ngaiin la hre leh lem lo,Emily...Sawmtluangi.. ka hne hluah hluah.

Ka inbual zawh meuh chuan ka zia ta viau.Simon-a a lo insiam peih vek tawh.Bawnghnute chu ka en vang vang a,engmah ka ei si lo a in ngei ka ngai.

Ka thawmhnaw hak tur ka la chhuak a,veng dang a ni emaw khawi hmun pawh nise ka theih phawt chuan Puan ka bih ziah thin a,ka intih mizo viau lam ai chuan keiman nuam ka tih vang a ni zawk.

" Sawmtluangi a lo thleng a" a phone en chungin a ti sup a,a lo haw vanga lawm hmel emaw lawm lo hmel pawh a pu hran lo.

"Ka hria "

"A that chu,a tleirawl rilru hi a la paih hleithei lo a,en mai mai rawh.Chuti lo chu i thinrim na tur i hmu tam mai mai ang" a ti leh a,keimah vanga chhuak a ni der si lo.Hahthlak hian..

"Keimah nen kan inhau tih ka lo hre lo a" ka kawrh hak pahin ka ti a,ngeiawm zetin ka nui lui hak bawk.

"Ka thil sawi apiang i la kawi zel mai a" beidawn hmel zet hian a ti hluk a.

"Ngai kawi nang,i sawi dan a kawi zawk anih kha" ka ti leh hmak a,min chhang ta lo.

Ka insiam zawh hmain a chhuak ta daih bawk,Hriati thihna hi a thiam loh a ni ka ti hauh lo,mahse thil kal tawh tamtak min ngaihtuah tir a,ka lo tuar tang tang na te kha a vaiin a lo thar leh a,tih let chakna in ka khat vek a ni ber.


Inhnuai lamah ka chhuk thla a,living Roomah Sawmtluangi a lo thu a,inthlahrung hmel a pu hauh lo.Ka beisei lawk dan tho anih avangin mak ka ti chuang lo.

"U Hming,pawi ka ti lutuk...engmah ka lo hre lo a" min hmuh veleh a lo ti nghal a.

"Nia,pawi khawp mai,mahse Ruatdika i nei fel hmak thei tihna nimai lawm"

"Hon...kal teh ang" Simon-an ka banah a rawn chelh a,rang zetin ka thingthla a,Sawmtluangi ang phuau chunga thu chu ka melh leh kawk a,hawi let hauh lo in ka kal zui nal nal.

Hriati an vui liam atangin kar a liam tawh,nitin ka kal ziah a,diktak chuan In ah awm ka nin lutuk vangin chhuah na chance ah ka hmang a ni mah zawk.Engmah chanchin sawi a awm leh ta miah lo chuan min ti thinrim hlur bawk.Tih ngaihna vak ka hre lo hian min ti chau in ka hre bawk.

"Hi.." Zorina nen kan inhmachhawn chiah,ka buai ta nuaih khan a hotel a kal leh tura min tihna kha ka lo hre leh tawh miah lo.

"Ehe!!! I tha em?" Chhungrila phur na nei miah lo hian ka ti hliai a,nidanga ka hmuh ang tho in a nui var var mai.

"In chhiat tawh te ka lo hria a.." a thle bak a,a nui sang tho.

"Nia,engtin nge i lo hriat zawk a?"

"Hei,ka thianpa hian min hrilh a,Hriati te nen khan chennai lamah kan inkawm ve zauh zauh alawm"

"Aw,a lo nih chu..eng nge in tih a?" ka ti leh a.A bula mipa ding chu a kawk zauh a."ka kal kualpui zuai a,thla tharah nupui a nei dawn a" ati a min hmelhriat tir leh rih a.Doctor a ni a,Hriati postmortem zan khan a duty tih a sawi zauh chuan ka beng a verh zar mai.

"Aw,anih chu,ka kalsan ang che u,ka la kal kual dawn a" ka ti a,a bu zauh a.Ka kalsan a,a hmel ah ringawt hi chuan mak khawpin Ruatdika nen an in ang a,mahse an nui hmel te a mizia te hi chu lei leh van ang chiah.Simon-a pawh khan a sawi chiah bawk.

In ka thlen veleh ka inthlak sawk sawk a,libraryah thil en fel tur ka nei a,Simon-a a lo la haw har dawn tih ka hria,Sawmtluangi Showroom lamah a kal ve bawk a,a lo haw mai ka ring lo.Midang chimbuai lohin rei vak lo chu ka awm thei ang.


Chhunglamah ka kalh a,CCTV bawk ka bel leh ta chat,Simon-a pendrive bo ni khan tu nge In ah lo kal ka en duh tlat,ka ti let zawr zawr a.Ka duh lai tak ka hmuh fuh takah chuan ka thaw huai mai.Zing atangin ka en a,ka chhuah hnu leh la let leh hnu thlegin..Midang tumah lo kal an awm lo.Midang tumah rinhlelh tur an awm lo.Sawmtluangi chauh khami ni khan kan chhungkaw zinga mi Inah a awm a,chahbi a nei lo tih ka hria,mahse a lut tho tih erawh ka chiang tlat thung.Eng nge  rawn tih a tum chiah ni ang? Ka pu chungchangah buaina a nei nge ni anga a ro zawng zawng Simon-an a chan vanga lungawilo zawk anih ka hrethiam lo.Engpawhnise rei tak ka nghak lo tawp ang.

Sawmtluangi roomah ka lut ta nge nge,thil mawi lo tak a ni tih hre mahila ka tih ngei ngei angai.

Ka hawng kual dan dan a,engmah rinhlelh tur eih a awm lo.A thawmhnaw dahna ka hawng a ka keu kual dan dan a,a thawmhnaw thleh karah chuan thil hmuh ka nei,mahse ka lak chhuah hmain pawn lama Sawmtluangi tawng ri ka hre ta tlat,rang lutukin ka khar lehnghal a,ka chhuak min hmuh rualin min ring dik lo nghal dawn tih ka hai lo,keipawh ni ila kan roomah min hrilh lo a lo lut hmu ila ka ringhlel ngei ang.

Ka hawikual a,suktur dahkhawmna chuan ka mit a la ta chat.Ka chawi nawlh a,kawngkhar lam ka pana ka hawn hmain Sawmtluangi'n a rawn hawng hmasa ta zawk.

"Oh...hetah i lo awm amaw?"

"Um,i thawmhnaw suk tur ka la a" suk tur bawm ka melh zauh a,ka nui lui sak bawk.

"Aaa, lo ti suh,ka lo ti mai ang.." mak tih hmel zet hian a ti leh a,nuam ti lo hmel a pu ve tlat bawk.

"A ho em mai,ka ti thei alawm" ka ti a, min rawn chhuh a tuma mahse ka kut lehlamah in ka khai a.Ngaipawimawh lo fe in ka chhuahsan zui daih bawk.

Suk tak tak ka tum lo,Bathroom kan hman tlang lawn berah ka luhpui a,Washing machine lian tha hem hawmah chuan avaiin ka chhung lut vek.

Simon-a nen kan awmdanah engmah hmasawnna a awm lo,kan inhau ngai lo a,hmelhriat satliah biakin kan inbia niberin ka hria.A hna lamah a buai nileng zak zak a,a chang chuan zan tlai tawh takah a lo haw zauh zauh bawk.Emily chungchang vawikhatmah kan sawi leh ta lo.A tha zel em ka hre lo a,a kal fo tho ang tih ka rin avangin a hria ang tih ka hria.

"Vawiinah Sawmtluangi roomah i lut a" min zawt pawh ni lo in ka thil tih  a hre vek tih min hrilh a ang zawk mah.

"Chuan..." ka ti ringawt.

"Eng nge i zawn chu ka hre lo a,mahse i awmdan mawi loh zia chu i hriat ka ring" muangchangin ka hawi chhuak a,ka en ta nge nge.Min en ve lo in a phone a bih daih thung.

"He Inah hian camera hi a awm vek tih chu ka hria a,mahse mimal room lehzel ah chuan dah angai lem lo in ka hria"

"Ka in ania,ka thu thu"

"Keipawh ka pasal In ania ka duh duh na ah ka kal kual thei ve ang chu ka lo ti a"

Camera a awm vek tih hre mahila a phone nen a thlunzawm tih erawh ka hriat vawikhatna a ni a,Bed Roomah lehzel a dah tih ka hriat vawikhatna a ni bawk.

" I kal thei lo ka ti hleinem,a thawmhnaw bawm vel khawih kual kha thil tul tak a ni lo ka tihna nih chu" ati leh hmuk a,ka haw hluah hluah.

"Kan roomah hian khawi laiah nge i dah?"

"Ka dah lo hlauh" a nui suk a,ben chak em emin ka en ve thung.

"A that chu...Emily hi eng nge a an?"

"A tha tawh,karleh atang chuan hna pawh a lo zawm thei in ka ring"

"A va lawmawm ve" ka ner nak mai.

"I lawm hmel lem loh khawp mai" ati sup a,min en reng tih ka hriat avangin ka hmazawna Tv lam ka melh lui ngar mai.

"Lawm e,i tan a pawimawh alawm"

"Eng nge sawi i tum chiah?" Nelawm lo zet hian a ti ve thung.

"Ka sawi dik lo ami?" Ka ti ve thung.

"I sawi dik leh dik loh ai chuan i sawi tum ania ka zawh che"

"I hnathawhpui ania,i tan a pawimawh tih ka sawi alawm"

"Ka lo hriat dan chuan thildang a kawk zawkin ka lo hria a" ati leh talh.

"I ngaihdan mai mai anih chu,mahse a accident zana i nupui ti a an sawi khan i haw lem lo tih ka lo hmu a,tlem chuan ka confused ta deuh a" ka nui hak mai.

"I mizia hi a danglam ta hle mai" ka thusawi a haider hmak.

"Danglam na chhan te pawh a awm ang chu" ka ti ve thung,min chhang ta lo,a phone a dah a.Min hnungchhawn zui hmak bawk.

Muhil thei lo in ka mu meng kar mai.Ka rilru ah Zorina thusawi bawk kha a lo lang a,Hriati postmortem zan khan a thianpa kha a duty a ti a,hmuh dan ka zawn angai.

Simon-a a rawn inlet a,ka kawngah a rawn kuah a,ka tang teuh mai,nupa nun kan hman lohna pawh a rei tawh.Zantin kan mu dun a,a harh lai chuan min khawih tum hmel a pu ngai lo,mahse zanlai a ka harh hian min lo kuah ngei ngei thung.Diktak chuan haw em em mahila ka chhungrila ka Hmangaihna hi a reh ngawt thei lo a,amah si chung leh a lungphu ri ngaithla chunga muthilh hi nuam ka ti a ka num a famkim niin ka la hre zel tho mai.


Ka harh leh chuan a lo tho daih tawh,tho mai lo in ka mu deuh vang vanga,engtia hmalak tur nge ka ngaihtuah a,nitin engmah ti lo a ka thut mai mai chuan ka tlai vek ngei ang.Zorina Card min pek kha ka hrechhuak a,ka tho sawk sawk a,ka purse ah ka dah tih ka hria.Ka besei ang ngeiin a lo awm ngei bawk.

A la hma deuh nangin ka call ta tho,a la tho lo anih leh a pick lo mai ang chu.Ka beisei loh zetin a pick ta hlauh.

"Hello" zangkhai fe hian a rawn ti a,thophang aw a awm lo.

"Hmingthani ka nia,i mu ka rawn kai tho che em?" Inthlahrung fe hian ka ti a,a rawn nui hawk hawk mai.

"Tlangval fel tak ngang ka nia,ka nu ka bazar pui mek e."ka nui sak mai.Ka hriatna a la rei loh nen a der ni hauh lo in a bulah ka nui tam ta!!!

"A that hlauh chu,vawiin chu ka rawn hmu dawn che mawni ka ti a"

"Ok,tehreng mai..ka lo welcome tha viau ang che" a nui leh hawk hawk a.

"I ti lawmawm thin,ka lo kal dawnah ka lo call leh dawn che nia" ka ti a,ka off zui a.

Ka hawi chhuak chiah chu Simon-a kawngkhar bula lo ding ka hmu nghal chiah bawk,engchen nge kan inbiakna kha a hriat hman ang ka hre lo.Mahse hria pawh nise huat tur thil pawi ka sawi lo hrim hrim.

"Tu nge a?" Nelawm lo zet hian a ti hmuk a,lo luh tum lo niawm tak hian a dinna ngaiah a ding ngur bawk.

"Zorina mawle,Pi Zauvi fapa saw" ka ti tha ve mai.

"Um,in lo va innel hman ve"

"Nia,a fel khawp mai,Hriati postmortem ti tu kha min hmuhpui dawn a" ka ti leh a,kha Doctor lakah khan engemaw a thleng anih chuan phat rual lohin Simon-a hi pawikhawihtu a ni tihna animai.

"Eng nge hmuh i tum chiah?"
"Ka hre lo,thil fel lo zawn ka tum"
"Police te kutah dah mai la" a nui hmel chuan min khei zak mai.

"Kei aia mi hausa zawkin an control tlat chuan awmzia a awm lo"

"Ok,nia ..ka ring tawk che,kalpui i ngai em?" Thutak zet hian a ti leh a,ka lu la thing mai.


Simona chhuah hnuah ka chhuak a,Zorina te Hotel ka pan ding nghal nalh bawk.Pawn atangin ka call a,a rawn chhuak ve mai.

Intur ka duh leh duh loh min zawt leh a.Ka duh loh thu in ka chhang a,CCTV room lam bawk kan pan dun leh a,Simon-a awm leh awm loh min zawt leh bawk.An in nel hmel tho sia,mahse mak takin kan inhnaih tehreng nen a lo kal ngai chuang miah si lo.

"Hei hi...i hriat zawng a ni em?" Monitor a kawk a,ka phu zawk mai.

Sawmtluangi ngei a ni.

BLACK HORSE- 17

Ka chil ka lem khawlh ringawt,Sawmtluangi lo thlen khan he Hotel a ka chet buai hnu a ni tlat,mahse tuna a landan hi chuan ka chetchhiat hma khan he Hotelah hian a kal tlat thung.

"Ka hria alawm,mahse...." sawi zawm mai tur pawh ka hre lo.

"I mamawh hun i sawi hma zan khan ani hi kan mikhual a ni a,oh...i bulah sawi tur ka ni  em ka hre lo" a ti leh rih a.

"I remtih phawt chuan thildang pawh ka la zawt zel zawk ang che" ka ti a,a lu a thing nawk mai,min hnial dawn emaw ka ti hman.Mahse a dan pangngai bawkin a nui leh ta nge nge.

"Um,min zawt la,kha hmeichhia kha ka lo haw tirh khan In in Gate bulah ka hmu a,Simon-a nau anih thu kei pawh min hrilh a,mahse i thil en duh ka en nawn lehna ah khan ka hmu ta tlat a,mikhual ziah luhna ka en nghal a,tah chuan zan hnih a rial tih a lo in record a,i buaina ka hre lo chungin i hriat tha ka ti ta riau a" a ti ta duah,a sawi dik..Ka hre duh takzet.

"I ring dik,hriat hi ka mamawh alawm"

"Ok,kan inpuang ange,Hmeichhe mak tak i ni,i mit khan min control zawk pawh ani maithei,i duh zawng hrilh tur che hian la lo in ready leh thlap thin" vawikhatnan ka pasal neih hnuah mipa danga vanga ka zah leh hmasak ber tum a ni ngei ang.Ka biang a sa hat hat a,inhmu thei ngat ila ka sen nasa viauin ka ring.

"Fakna ah ka ngai e,mahse pasal nei lai bulah hi chuan tawng fimkhur angai ania" ka nui lui sak nangin ka ti tak tak,Simon-a nupui lakah lek phei hi chuan tawng fimkhur angai lehzual ngei ang.

"Okhey...nula tamtak zinga a thlan nalh bulah phei hi chuan..."a mit a siai a,a ha var nalh zet lang thatin a nui leh var var bawk.Ka nui va ta ngawt,kei pawh hian ka la hriat rei loh vei nen ka ngaina ta mah mah e.

"Sawmtluangi hi ka pasal farnu ania,mahse he Hotelah hian a lo thlen hun leh kan Inah awm tura a lo kal khan Shillong atangin a lo thleng chauh in ka hre lawi a,ka hresual palh thei bawk a" ka ti a,ka mitah tak a en a,ka hawisawn ta daih.

"A vaiin min hrilh duh em?"

"Ka hre lo...tu nge i nih ka hre chiang si lo a" a bu nghat a.

"Ok,ka hrethiam che.I thawl deuh huai anga,ka pui thei bawk ang che ka ti mawle"

"Engtikah emaw chuan ka la hrilh chein ka ring" ka ti leh a,mahni in enkawl thei ve tawk la nihna tihlan ka duh tehlul nen ka hlawhchham titih der.

"Min ring ngam turin ka ti dawn lo che,i sawi ang chiah khan tu nge i nih kei pawn ka la chiang bik lo a,kan dinhmun a in ang...engpawh nise Hriati kha i nau a ni tih ka lo hre miah lo a,ral ka duh khawp mai" a ti leh daih.

"Ka pu fa nu alawm,i kal duh hunah ka kalpui dawn che nia,an tawrhna hi a na em a" ka ti a,ka rilruah kha Doctor kha a lo lang a...Zorina hian min kalpui thei ngei ngei ang.

"Min la kalpui tak tak teh,kan inhriat dan a ler deuh tawh a,mahni va insawi chawp vel ka chak vak lo" ati tha ve mai.

"Thil pakhatah ka tibuai leh duh che" a bu nghat ringawt.

"I thianpa,hmanni a kan hmuh kha ka mamawh a"

"Ok,ka hrethiam e"
"I hrethiam lo zawk ang" ka ti ve nghat thung.

"Engtikah nge i hmuh duh ang?"
"A theih chuan vawiinah"
"Kan be lawk ang" ati a,a phone a phawrh a,a call zui nghal a,Room chhung ka en kual a,Monitor lian zetah chuan Hotel chhel vel leh inchhunga staff ho chevel chu a lang kim vel vek.


"Lunch ei turin a lo kal thei dawn hlauh e,i lo nghak mai dawn nge?" Min rawn zawt a,ngaihdan ka nei lo..Kalna tur ka nei chuang hauh lo.

"Kal chhuah na tur ka nei a,ka lo let leh mai ang" ka ti ta tho.

Ka kalna tur ber pawh hre chuang lo in ka inkhalh chhuak ve pawp,Sawmtluangi helaiah khan a awm lawk tih kha Simon-an a hria em ka hre lo.Ka rilru hi a buai em em hi a ni tawp mai.Simona hi nge dik lo a Ruatdika...Sawmtluangi pawh a lo tel ve leh ta zel,nun hi a hahthlak mang tak e.

Ka rilruah Sangpuii a lo lang zawk a,engmah hriat belh a nei ta lo nge engmah min rawn hrilh ta lo.Kam inbiak hnuhnun ber kha chuan a rai maithei tih a sawi a,Hriati lam reng reng a sawi lo.Oh!!! Kei hi tunthla ka hunbi ka pelh daih,naktukah thla a thar dawn a,engmah min tham tu pawh a la awm lo.Hlauhthawnna nge lawmna ka hre lo.Ka lungphu a rawn danglam titih der.

Dar hnih rik hma hretin Zorina te Hotel ka thleng a,ka rilruah Hriati lam a awm meuh lo.Ka bagah ka in test na tur ka ak a,ka rilru a luah tlat,ka buai chi ai  kual lutukin engmah ka lo ngaihtuah lo a.Ka hunbi ka zawh tawp ber na atanga chhiar pawn thla khat a chuang chu a ni tawh.

"I lo thleng maw?" Ka luh veleh Zorina'n min lo au a,an thutna lam ka pan phei a,a bulah a thianpa pawh a lo thu vang tawh.

"Min lo nghak rei em?" ka ti a

"Aih,ka thleng ve deuh chiah,Hmingthani maw i nih?" a thianpa zawk chuan min lo ti a,a ngo in a thianghlim sar a,Tarmit a vuah bawk a,anihna nen a inhmeh takzet.Kei aiin a upa anih pawn a upatna a tam lo ang.

"Aw,ni e..i hming pawh ka la hre lo ania" Zorina chair min pawh chhuah sakah chuan ka thu a.Ka ke bulah ka bag ka nghat zui nghal bawk.

"Muantea ka nia,engthil nge min treat dawn?" Zorina ang chiaha nelawm anih ka ring nghal tawp.

"Ka mamawhna che min chhan dan a zirin animai" ka fiam let ve a,hetiang mipa ngainatawm tak tak te hi an nupui te an la vannei dawn mang e.

"Han sawi la.." a ti awlsam leh mai.

"Hriati kha i lo hre ve em ka hre lo a,ka cousin ania,a boral zan khan Hospitalah i duty tih ka lo hria a" ka ti ta duah,a chal a ti chuar zauh a,

"Hria e,mahse ka hre tha over lo"

"Postmortem result kha..."

"Amak hle mai,he thil hi vawi engzat nge zawhna ka dawn ang aw?" a nui nangin a mak ati tih a hmelah a lang thei tho.

"Eh...midagin an zawt che maw?"
"Um,pahnihin min zawt a,nang nen pathum" ka thaw hak mai.

"Kan chhungkaw zinga mi vek anni ngei ang tiraw?"

"Ni chiah lo,pakhat chu a bialpa kha ania pakhat dang leh chu i pasal" nghet zet hian chair ban ka hmer a,Ruatdika chuan a lo zawt pawh anithei,thil mak a ni lo,mahse engvagin nge Simon-an a lo zawh ve kher???!!!

"Aaaahh,kan chhungkaw zinga mi te ve ve ang tho alawm,inthat tur chuan kan ring lo vek a,kan lo in hre pawh lo vek thung anih ka ring" harsa ti zet hian ka nui lui a mahse ka hrawkah hnawhtu a awm tlat bawk.

"Animaithei,mahse tlem chuan mak ka ti ve deuh,in vaiin midang hriat in duh lo vek a" ati leh a,a tarmit a nawr chho zauh a,min en reng avangin ka hmelah mak ka tihna tihlan ka hlau takzet.

"Ka kalsan lawk ang che u,eitur a rawn thleng tep ang" Zorina a tho nghal daih.Han hnialna hun pawh a awm lo.

"Diktak chuan kei pawn midang hriat ka duh bik lo a..Chuan thil min tihsak thei angem?"

"Eng?"

"Khawngaih takin Report dik tak ka hre duh,engmah dik lo a awm lo tih police te pawn an sawi a,mahse ka chhungril hian a pawm thei lo,Police te ka ring lo pawh a ni lo...puih ka ngai " ka thaw hawk mai..ka hahdam ta huai in ka hre tlat bawk.

"Puih theih che ka duh hle mai,mahse engmah tihsak theih che ka nei lo" a chair hnunglam a ngheng ar ar a.A mit a la sawn eih lo.

"Ka hrethiam e,ka dil lui lo ang che,mahse i rilru i thlak hun te ala awm chuan??" Ka ti leh hram,a rawn thu mar a.

"Doctor ka ni a,ka hna hi ka hrechianga nuam ka ti bawk,mahse chu chu ka hmuh hma che a ka ngaihdan anih chu" a then sak a,a sawi awmzia ka hre lo.

"Ka hrethiam alawm" ka ti ringawt.

"I hrethiam hauh lo zawk ang" a ti ve thung.Zorina a rawn let leh chiah a,kan eitur an rawn dah zui nghal bawk.

Kan eitur an rawn chhawp chhuah te kha a tui hmel vek,mahse engmah ei chakna ka nei lo.A mawiah ka ei lui hram hram aniber.

Counterah bill pek ka tum a,tihtak zetin Zorin'an min hnial a,pek luih ngaihna a awm lo.

Muangchangin inlam panin ka inkhalh haw a,ka beiseina neih ve chhun ang ang te an bo zo ta.Engatinge ka kawng hi a awlsam ve ngai miah loh? Sawmtluangi kha Hotelah nihnih chhung a awm ngei a,mahse ka chungah eng nge a tih engmah fiahna a awm chuang si lo.

In ka thlen veleh chuan ka beisei lawk loh tawpin Ka nu a lo thu ran mai..

"Ehe!!!,Nu..i lo kal dawn tih i sawi si lo a" amah ep zawngin ka thu a.

"Rawn thawn thut che u ka duh alawm,tak takin Emy accident te ka lo hria a,bakah ka thiannu kha a na viau an ti a,niminah ka tum chawp chuk chuk a" a ti a,amah ka hmuh vanga ka phurna kha za nise tunah chuan ka phurna hi sawmnga pawh a ni lo ang.Emy accident vangin a lo kal a,ka damloh lai khan a lo kal ve miah si lo.Thikna,mahni inkhawngaihna,mal riaua inhriatna...a in kawp vek.

"Anih tak chu mawle,midang i lo hruai ve lo ami?" Ka ti leh a,ka chhungril natna tihlan ka duh lo.

"An mahni buai buai in an buai vek a,eeee,Mama,Ruth-in Hmingthani thil tur a lo thawn a,ka bagah a awm" ati a,min en lo in ka hnunglam a en a,muangchangin ka hawi let a,Simon-a nen kan inmelh ta ran mai.


Pawnah a motor a awm loh avangin a lo la haw lo emaw ka ti a,tun ang hunah a awm ka ring lo hrim hrim,Ka nu lo kal tur hi a hre em em ang tih ka hria,mahse min hrilh tul a ti lo ani ngei ang.

"Ka lo la ang" a inher a,Ka nu Room hman thin  lam a pan a,a pian nalh leh inkhaithli thlurh mai te,a chawn sei zet,hmulin a khuh dap mai te chu a inhmeh vel vek,mahse tunah chuan min hip miah lo,mi ta ni in ka ngai tlat bawk.

Rei vakloah a lo let leh a,bawm lian vak lo hi a rawn keng a.Ka bula rawn thut pahin min rawn pe a,a rit nalh a eng nge anih ang ka hrethiam lo.

"Hawng la,ka en ve duh a" ati sup a,a hmel pa zet,ngainatawm miah si loh chu ka en a,ka pasal ni mahse ka va han hlat tak.

A tuamna ka phelh a,steel bawmah a lo la in pack leh chhawng a,ka hawng leh a,Sana,gold Colour.. nalh zet mai hi a lo ni a,ka beisei loh lutuk anih avangin ka ang pham mai.

"Eheu,a va nalh hmel ve a" Simon-an a ti hluai a,Shillong kan kal hnuhnun ber tum khan kan ti ti dun naah Sana chungchang kan sawi dun a,nalh ka ti a,mahse ka bun hian a thi tlat zel tih ka hrilh a,nalh ka tih zawng ka sawi bawk.Ka sawi nen khan a danglamna tur a van hmel phian.

Ka la chhuak a,zahawm,simple em em lawi bawk si..a nalh tih piah lam a ni tawp mai.

"Hei hi ala awm anih hi" Simon-a bawkin a ti leh a,Card a rawn phawrh a,ka hmuh turin a rawn ti lang a.

"Khawvela unaunu tha ber i ni a,ka u nupui i nih duh vang ngawt pawn ka lawm e..He sana hi i duhzawng i sawi nen khan a in an ka ring a ka lo lei ve tawp a,thla thara i birth day lo thleng tur atan present ah min lo pawmsak mai rawh aw..Mahse,lo bun hlum lo la" a tawpah nui lai lem a rawn ziak tel a,ka nui chhuak hak mai.

"Kha Sana ngawt kha a buaipui nasa khawp mai,a hrethiam mai ang a ti che a" ka nu in a lo ti a,nui chung hian ka en a,mahse ka chhungrilah ve thung chuan thil dang daih."nang ang lo takin Ruth-i chuan min ngaipawimawh alawm" han tih khum nghek ka chak tlat thung.Ka ngam lo mai pawh a.


"Nakinah ka bia ang.A nalh takzet" ka ti ta zawk.

"Nia,kei aiin a ngai zawk che aniang,i hman tawh tho a i zin thla daih dawn nia"Simon-an ati sup a,ka bu liam vel mai mai.

"Khawnge Sawmtluangi?" Ka hrechhuak thut,ka nu hian a mil miah lo niin ka hria.

"Shillong lamah Training turin a kal.Karleh lamah a lo haw ang" Simon-an a ti a,he inchhung ah hian eng nge maw thleng ta le??


Khawiahmah ka kal dawn hauh lo,eng nge ka zawn ber hi hre rih lo mahila ka zawn hmuh hma chuan khawiahmah kal ka tum lo.

"Ka han inthlak lawk ang" ka ti a,Room ka pan a,Simon-an min zui leh zui loh ka beng ka chhi kar a,thawm engmah a awm lo.Room ka thlen veleh chhunglamah ka kalh nghal hmak bawk.

Fimkhur zetin dressing table chungah ka dah a,ka thawmhnaw ka hlip a,vawiin khua a duai deuh bawk nen a lum uap tlat,Thlasik a ni tih pawh a hriat loh mah zawk.

Thil hriatchhuah ka nei,inbual tumin ka inhlip vek tawh,bath Robe ka ha tha leh a,ka bagah Velocit ka dah ka va la leh a,kan inneih tirh atangin naupai tur ang pawh hian ka la awm eih lo a,ka hriat theih chinah ka hunbi ka pelh pawh ka la hre ngai hek lo.Kan Doctor khan ka hunbi mumal zia leh engmah harsatna ka neih loh thu min hrilh ziah a.Mahse kum hnih a liam hnu pawh hian fa nei ang tur pawh hian ka la awm ta chuang lo fo.

Beisei nei lem lo hian ka test a,Toilet ka chhin a,a chungah ka dah a,nghah rei ngai lo mahse ka kalsan a,ka inbualsan daih..Beiseina ka nei lo ti ila a dik ang,ka hunbi ka zawh lo tih ka hriatchhuah khan ka danglam ngeia,mahse ka ngaihtuah chiang a,rai nia inrinhlelhna tur engmah ka taksa ah a awm miau si lo a,ka hunbi ka zawh lo satliahah ka ngai leh deuh mah mah zawk.

Ka lu ka tuam a,ka velocit dahna lam ka pan a,LALPA!!!!! line hnih a sen kalh mai...

Lak kan nachang pawh ka hre lo,phawk zet hian ka melh reng mai..

"Hon....i zo dawn tawh em?"

"Aw...aih...ka zo tep" ka ti bah nawk nawk mai.

Rang zet hian ka la a,ka Bathrobe ipte ah ka thun lut hmak,nakinah ka paih mai ang,hrilh tur nge hrilh loh tur pawh ka hre lo,atthlak zet hian ka mittui a rawn tla a,ka chau hluah hluah.

Room ka let leh chuan a lo awm leh tawh lawi lo.Ka thil ah ka phawrh sawk sawk a,paper in ka tuam a,Dust-binah  ka vawm lut daih,ka kal pahin ka khai chhuak anga,pawnah Dust-bin  lianah ka paih mai ang.

Ka nu a lo kal thut a,ka rai tih ka hrechhuak thut bawk.Kum hnih lai fa nei lo a awm kan ni a,lawm lutuk vanga tap tur ka nih laiin ka mittui tlak chhan kha lawm vang ani miah si lo,ka pasal ngei pawh hrilh ngam lo in ka awm leh bawk si...Lawmna tur ni a ka ngaih  kha lawmna tur a lo ni leh lo a..Engtin nge nun hi ka hman ang?? Tihtur hmachhawp ka nei ngah lutuk,rai chung chuan engtin nge ka tih theih ang??

Nihnih lai engmah ka sawi ta lo,Sangpuii hrilh tur nge hrilh loh tur ka ngaituah a,ka hrethiam chuang lo.Ka nu ka pan anih chuan engmah zep theih a ni dawn lo a,Simon-a nen kan nundan ka puang a ni lek dawn si..

"Mate..."

Ka phu nasa lutuk a ka spoon ken ka thlauh daih,ka ngaihtuahna ka lo kawm nasa mah mah anih hmel.

"Aw,eng nge?"

"Ka nu in a be mawlh mawlh che a,i nuam lo nge??" Mak tih hmel zet hian min en a,a mit ati zim a,Ka awmdan vangin a lawm vak lo anih hmel.

"Ka rilruah thildang daih a lo awm a,ka tihpalh lutuk" ka ti sep a,ka spoon thlauh ka chhar a,ka bowla soup awm chu eng nge anih pawh hre lo in ka hawp nghal a,mahse ka ka a thleng hman tawk,Ka insum hman lo teuh lutuk.Ka luak lo chauh.

"I tha em?" Simon-a a rawn tho uaih mai.

"Aw,ka tha...Soup hi ka insual deuh anih ka ring" ka ti ta ngawt,ka kawchhung a ti che a,luak chhuakin min nawr ut ut mai.

"Hmingthan,i awmdan hi...nang hi i rai em?"
"Aih..." ka chhang rang mah mah..

"I chiang em?" A la ti ta fo.A mitah pawh ka en ngam lo.Ka tihsual ni lo mahse an hriat ka duh lo.

"Chiang e,ka pum lam aniang" ka ti leh ta ngawt,Simon-a a tawng miah lo,min en ngur mai.

Simon-a a chhuak a,a hnuah ka nu a chhuak veleh bawk,tih mai tur hre lo in ka awm ren rawn a,Doctor va hmu ila ka nihna lam lam ka zawh angai.Simon-a nena kan pan thin Doctor erawh pan ka tum lo bur.

Sangpuii pawh ka sawm lo a,ka nu pawh ka sawm chuang lo.Keimahin ka kal a.Doctor ka thlak hmak bawk avangin Simona tan chuan eng nge ka tih hriat a har ang.

Engmah tihsual palh a awm lo,ka rai ngei e.Simon-a ka hrilh ngei ngei angai bawk ang.Ka pasal a ni a,a duh emaw a duh lo emaw a hriat a ngai.Engvangin nge duh lo tura ka ngaih tlat ni???

In ka thlen veleh a ka thil tawn erawh khua a var lo takzet,Simon-a nen kan inhmachhawn a,a kutah ka in entirna report a keng vang bawk.Kei pawn ka bagah ka dah tho bawk.

"Hei hi eng nge?"
"I en khan i hria ang chu"
"Sawi fiah mai la...Zingah kha chuan i rai lo tih i sawi a" nelawmna pakhatmah a awm lo.

"Diktak chuan engmah ka la confirm loh vangin ka sawi lo mai anih kha,tunah chuan a chiang tawh e"

"Ka lawmpui che"
"Engvangin maw? Ka fa bik pawh a ni lo a"

"Ni e,i fa bik..." min rawn hnaih a,ka tawlh hnung hrat mai,min rawn hnaih zel a,ka tawlh zel bawk..Mahse bangin min lo dan tak avangin tawlh lehna tur a awm lo.

"Enge tih i tum a?" Ka sawi zawh rualin ka hrawkah a rawn rek a,ka khawng vek.

"Ka lo that lo che kha ka inchhir takzet.Engvangin nge ka lo Hmangaih che ka hre hrep lo..mi tenawm" a tawng ring lo.A sehchilh rawp rawp mai.

" Ka thaw thei lo ania" min thlah thut a,ka thingthi thla hnawk a,ka khuh zui bawrh bawrh bawk.

"Fa neih hi i lo duh ngai lo tihna ami?" Ka tawng theih veleh ka ti chhuak ta thlawt.A lawm em em ring lo mahila hetiang ang khawpa thinrim na tur ka hre lo a,ka beisei hek lo.

"Duh e,duh lutuk...mahse kei hian fa ka nei thei lo tih i hria em?" Ka thisen kal a chawl vek...

BLACK HORSE -18

Ka tawng dawn a,a ri chhuak zo lo..Simon-a hmel rum ul chu ngam leh ngam lo hian ka en a,a mit thim khup chuan na zet hian min melh ngur bawk.

“Tu fa nge?”

“Dawt i sawi? ka tum loh tawpin ka au chhuak thawt a ni ber.

“Nang ang lo takin dawt ka sawi lo hlauh,mahse chhanna ka duh.I pum chhunga mi kha tu fa nge?” min rawn pan hnai a,hlauhna pawh ka nei lo.Ka chawmawlh vek.

“Inah ka haw duh” Ka nu bulah awm ka duh ber rih.A beisei loh lam ka sawi a ni ngei ang,a lu a thing nawk ringawt.

“Hei hi i In a nih hi” tlemin a thinrimna a control ta deuh tih a tawngdan atangin ka hrethei.Mahse a in Control avang hian a hlauhawm nep ta tihna a ni lo tih leh a hma ai khan a hlauhawm sawt tih pawh kei aia hrechiang an awm lo ang.

“Khawngaihin…” abak sawi mai tur ka hre lo.

“Ni lah lo e.Tu fa nge anih chhanna min pek theih hun hunah le” a ner nawk bawk.

“I fa lo tu fa nge pai se min tih?”

“Oh..kha video tawi te kha i la hre reng em?”min rawn hnaih leh thut a,ka darah na zet hian a rawn tham zui bawk.

“Hre lo,hriat pawh ka duh lo,mahse engvangin nge fa i nei thei lo tih tunah i sawi chauh?” ka chhungrila huaisen riau na rawn awm thut chuan min ti danglam ta tlat lawi.

Hei hi ka hrechiang,kha Hotelah khan eng ang pawn ka taksa kha chul kual vek mahse ka pum chhunga thanglian mek hi chu midang fa ni lo in Simon-a fa ngei hi a ni tih ka hming ka hriatchian tlukin ka chiang.

“Tu fa nge?” a ti leh sup a,ka thle bak mai.

“Nangmah…”min ben tum niawm takin a kut a lek uaih a,mahse engmah a ti ta lo hlauh.

“Mi a ka ni lo..mahse hetiang hi chuan min chhaih kual suh..Ka sual zia i hriat kha...chuan,thil pakhat..Hriati ang khan mahni intihhlum i ngai ve hlauh ang e” za lo zet hian a nui chhuak huk bawk.

Ka khawng vek niberin ka hria,mahse ka khawng li.Engmah ka sawi hek lo,ba zet hian a samah ka tham a,a lo inring lawk vak lo nge a ngaipawimawh lo ka hre lo,min ti let lo in a indang ringawt.

“Thi rawh,ka haw lutuk che..” ka aw a khur hlawk hlawk mai..Ngaipawimawh lo hmel zet hian a then suk duh chauh,A sam ka thamna pawh ka thlah duh nik chuang lo..

Ka kut a rawn vuan a,hneh zet hian a la sawn a,ka te tuar a,ka ban lehlam a rawn herh leh a,na ka tih avangin ka te chhuak thawt bawk.

“Kut min thlak tawh suh,Hriati ang kha nih i duh loh chuan…”

Engmah ka sawi thei lo..Ka che leh phat a,LALPA ….engthil nge ka tih tak?!

Simon-a hmaia ka chil kai luai chu ka en a,a hma khan ka hlauhna a bo vek a,tunah chuan muangchangin hlauhna a lo let leh a,vawt tih vang ni hauh lo in ka khur leh ta..

“Mama,eng...engthil nge?! “ ka hnung lam atanga Ka nu rawn tawng ri ka hriat rualin ka mit ka chhing ta ngawt..Engpawh tiin kut pawh lo thlak hial mahila a zia..Mahse tuna ka chet dan kher kha chu thil mawi lo leh dik lo tawp a ni chiang.Mahse,engmah tihtur ka hre miau lo anih kha..Hriati a that miau alawm.

“Hmingthan...i pasal hi chil i chhak amaw?” ka bul atangin a rawn ti tha thung. A awah chuan maktihna,thinrimna...a awm ve ve.Ka dem hauh lo.Tu nu mahin an fate chil an chhak khum an duh lo ang.

“Nu,khawngaihin...keima thiamloh zawk anih kha” Simon-a aw dam thlup in a rawn tih takah chuan muangchangin ka meng chhuak a,ngam leh ngam lo hian Ka nu ka en a,a hmeltha tak mai chu ka la hmuh ngai hauh lo hian a dur khap a,a mit lian kel kawl chuan min melh zam a tum emaw tih mai turin min melh ngar bawk.

“Mama sawi kha a dik em?” nghet charh hian a ti a,an va han inchhun fuh tak.Chhan mai ka tum a,ka hrawkah min hnawh a ka tawng chhuak zo lo..

“Nu...Nupa chuan buaina kan nei ve ang chu..lo inrawlh duh suh,a fel leh mai ang..”eng nge a hriat hrep ni?? Ka lam tang leh ta zawk niawm hrimin a tawng bawk.

“Ka hria,mahse…’a ti leh hman chauh a,Simon-a bawkin a lo khap leh..

“A tawk e,Ka nu nimahla kan nupa karah chuan midang an lo tel ve ka duh lo ania,chuan,khatiang kha engmah a thleng nawn lo ang tih ka tiam che” hnial chi hauh lo a khauh hian a ti hmuk a,vawitam ka nu a zah zia ka hmu tawh a,a thusawi a hnial pawh ka la hre ngai hek lo..Mahse,zanin hian a nihna dik tak a lang ta chiah,tumah,a Nu emaw,a Pu pawh kha a duhdan a a chetna an dal dawn anih chuan a kawng dal turin a phal hauh lo tih a chiang reng.

“Ka fapa i ni alawm,ka hrechiang che..engmah hi chhan nei lo in i ti lo ang” a rilru a na nge a lungawilo satliah ka hre thiam lo,hei pawh hi a fapa ang chiah tho a in control thei a ni tlat.

An nufa in an inzui chhuak a,kei erawh tih leh tur hre lo in ka thu reng ringawt,Tukverh lam ka hawia,hmu miah lo hian ka melh reng bawk.Simon-an fa a nei thei lo.Mahse tunah ka hre chiah,chupawh ka rai hnuah lehnghal.Mahse,ka awih miah lo.Vawitamtak Naute chungchang kan sawi dun tawh a,fa a awh zia ka hre bawk.Doctor lah kan pan nasa.Fa a nei thei lo tih a hriat chuan in entir kan mamawh miah lo.

Ka Phone a rawn ri thut a,ka phu nasa kher bawk.Ka en a,Zorina...Phurna pakhatmah ka nei lo.Mahse ka pick ta tho.

“Hello…”

“Khawnge i awm?” zangkhai zet hian a rawn ti a.Ka mood nen a inmil hlawl lo.

“Inah ka awm,eng nge nita?”

“A that hlauh chu,ka lo leng ang ka tia..In Gate bulah ka awm” ka mit ka chhinga,tunah kher hi chuan tumah ka hmu chak lo a,mahnia awm ka duh ber.

“Hmingthan…”

Lineah a la awm tih ka hre chiah,”um,ka lo kal ang” ka phur loh zia tihlan loh hram tumin ka inthup nasa viau bawk.

Muangchangin Inhnuaiah ka chhukthla a,Sangte’in amahin Tv a lo en a,Ka nu leh Simon-a ka hmu lo thung.

“Gateah kan inleng tur a awm a,va hawnsak lawk mai ta che” ka ti a,a tho a,Simon-a ka nu Room atangin a rawn chhuak ve chiah thung.

“Tu maw lo kal?” a hma a ka inhauhpui kha a ang leh ta lo.

“Zorina” ka ti tawi tak ringawt.

“Eheu!!!...midang leh bawk..’ a sawi awmzia ka hre lo,hriat pawh ka duh hek lo.

Zorina leh Sangtei an rawn inzui lut a,ka mitthla ah Ruatdika a lo lang a,ka thian nimahse Simon-a chungchang vel avang khan ka rinna ka hloh tawh a,chumai bakah Hriati thih na khan min ti thinrim bawk.Ka hmuh lohna chin pawh ka hre mai tawh lo.

“Ehe...Simon-a pawh a lo awm a,a va tihzia ve” nidang ang bawkin a nui leh var var mai.

“Nia,ka haw hma deuh a,i tha maw?” pangngai tak hian a ti let ve mai.

Bet lo zet hian ka thu a,Simon-a leh Zorina titi mawlh mawlh chu an sawi hre miah lo in ka ngaithla mawl tawp.Thian inkawmngeih ti a sawi tur ni lo mahse an inhre tha thawkhat tih a chiang mai bawk.

“Hotel lam hi i kutah a awm ta chawt ami?” Simon-an a ti a

“Um,ni tawh mai,ka pa hi a fit tawh lo a.Bakah mahni hna enkawl chu a nuam alawm” ati a.Simon-a hian kha video kha Zorina te Hotel a siam a ni tih a hria em ka hre lo.Hre lo hram tehse.Kei ai hian a duh chuan a chhui chhuak hmasa dawn zawk miau a.Mahse,a chhui chhuak anih hlauh pawn ka tan lawmna tur a ni leh hauh si lo ang.

“A dik reng,nakinah ka lo la kal ang.Mamawhna che ka nei ania” a ti leh nghut a,Zorina’n min rawn melh zawk a.Mahse,Simon-a lam bawk a en lehnghal

mai.

“Tehreng mai.Hmingthani hi la rawn hruai la a tha ang’ ka thaw huai mai..Ka la kal ngai miah lo niawm tak hian arin tir duh anih ka ring.

“A lo kal fo emaw ka ti a” ka va han thawveng rei lo tak.Khawi atangin nge ka kal tih a lo hriat leh tak ni??

“Ka nu in min rawn bia a,Ka pa a nuam vak loa,ka va kal lawk mai dawn mi?” ka ti chhuak ta nge nge,diktak chuan min lo call hauh lo.He in lian zet hi ahma chuan ka Inah ka ngai thin,mahse tunah chuan Jail lianpui a ni ngawt tawh.Tlanbosan vang vang ka chak ber.

“A hmanhmawhthlak loh chuan naktukah kal mai ang,a tlai tawh em mai”

“Ka va kal lawk zawk ang..Ka ngaihtuah deuh a” Zorina a awm ve a,min hnial talh ka ring lem lo.

“A tha lawm,ka lo kal ve ang” a aw chang zet chuan min ti thinur hluah hluah.

“Ka kal teh ang,Hotel lam chu min rawn tlawh thuai dawn nia”a thingpui no Centre Tableah a dah a,a tho zui nghal mai bawk.

Zorina chhuah hnuah Simon-a nu a Room atangin a rawn chhuak ve ta chauh.A hmelah chuan a hma a thil thleng kha engmah a theihnghilh lo tih a lang reng bawk.

“Nu,Hmingthani te Inah kan kal lawk dawn ania”Simon-an Jacket hak pahin a ti a,ka thut ngaiin ka thu a,ka rilru buai nuaih nuaih chu tihfim tumin ka bei a,mahse ka hlawhchham let der.

“Eng nge a?”

“A pa a nuam vak lo a,i lo kal ve duh em?” ta deuh deuh hian..A chang hian hlau lo angin lang thin mahse Mama’s boy diktak..

“Duh lo” a ti nghat a,melh pawh min melh eih lo.

“Kan kal dawn mi?” min rawn en a,engmah sawi lo in ka tho ve mai.

“Mama,Sawmtluangi a lo haw dawn ania” a ti leh a,Simon-a chhuak tur chu a ding chut a,a rawn hawi let a.

“A that chu,i ngaihtuahawm em?”

“I nu ka nih hi…”a nui lui hak a,a Fapa ang chiah.A nuihna phena a chhungril hlauhawmna hi engtin nge ka lo hmuh hmaih theih thin ni??Engkimah hian a telve vek ang tih te chu lo rin thiam daih tawh awm.Tunah na ka siamsak hnuah ka hmu ta chauh,engpawh nise ka tlai lem lo e.

Motorah ngawirengin kan chuang dun a,min be lo a,ka be bik hek lo.Ka nu msg ka thawn ve ngei a,mahse a hmu em ka hre lo.A rawn reply tlat lo.

“Zorina Hotelah i kal fo tih ka hria” kawng chanve vel lai kan tlan hnuah a rawn ti chhuak thut a,ka phu ru zawk bawk.

“I hriat chuan a tha anih chu”

“Zorina hi i naute pa kha a ni lo tih engtin nge ka hriat ang?” thil tenawm lutuk sawi a ang ber.

“A ni lo hlauh..”

“Huh..ava lawmawm ve”

Chhan enah pawh ka en lo.Ka Phone ka phawrh a khawih tur ber hre lo mahila ka en lui tlat thung.

“Ipa a dam lo hauh lo bawk a” ati leh nghut a.

“Nia..”

“Haw i duh chhuanlam a ni tih ka hre bawk”

“I hriat vek chuan min chelh lui lo khan min kal tir mai ta che”

“Ni lah lo e,ka nupui i nih hi a tul tlat” ka en a,a hmel rum ul chu min tawk zawnga lo tlan Car Light engah chuan ka hmu thei a,a insehruh nasa hle bawk.

“Eng nge i sawi awmzia?”

“Ka nupui i nih hian ka tan engkim a awlsam ka tihna anih chu” a ti leh a,ka melh reng ringawt.

“Engkim chu eng nge?” ka ti leh talh a..Kawngsirah Motor a ti ding a,Light a on nghal bawk.

Min rawn hnaih a,kawngkhar lam ka ngheng ve thung.

“Aizawl ka lo kal tirh khan engkim tum mumal tak neiin ka lo kal,chuan,nang hi ka tawng lehzel che a,ka tan chuan ka thiltum ti hlawhtling tu mai i ni,i smart a,i fel a,khawiahmah i zahpuiawm lo bawk.Chu aia pawimawh zawk chu nang hian ka mi duh te hnenah min hruai thleng thei..mahse,ka nupui i nih tak law lawah chuan awm mai mai ka tum lo.Pasal ka nihna ka ti hlawhtling.Sex phei chu nang anga min ti lungawi an awm lo” a thaw hawk a,a khabe ruh kual nalh zet chu a tuai zauh bawk.Sawi ve tur reng reng ka hre lo.

“Chuan..?” adang sawi tur ka hre lo.

“I hre duh chiah em?”

Tawngka a chhang lo in ka bu ringawt.Ka na thei tawh lo emaw ka lo ti a,ka na nawn leh ta..Eng ang pawn tihdam tum mahila Bum ka nihna hi ka damchhungin ka natpui tawh ang.

“Fa ka nei thei lo ni lo in Fa neih pui che ka tum lo  mai zawk.I rai hmasak zawk chuan i taksaah tur an hmuh tawh kha..”

Na hi a natzia sawifiahna tha ber chu “Natna” tho hi a lo ni...