1986

1986 : Maengi ralte

Chapter- 1

Ka Hma a Nula cher lam,inthlahrung zet a ding chu ka melh zawk a, ka buai deuh avangin en rei na hun ka neilo,
“U Maeng, i Phone i chhang theilo a, Landline hi a chhia aniang, Boss in a be duh che a” a ti a,ka melh leh zawk a, Ka Pen hum lai ka dah a,a lamah ka kut ka phar chhuak a,
“khawi” amah pawh en chuanglo in ka kut lehlam a Calculator a ka thil chhut mek chu ka en san leh daih a,
“min rawn be rawh se a ti che a” hreptak hian aw...ka buai tehlul nen,Ka Kekawr ipte ka dap nghal a, mahse, ka Phone ka ak lo, ka Thil tih lai ka chawl a, ka ding chhuak a,oh...ka hrechhuak leh si...
“Khawngaih in Counter bulah khan ka Phone ka dah a min rawn lak lawk mai ta che” ka nuih sak a, a bu nghat a, Ka Room atang in a chhuak nghal a, kum 1 lai a rawn thawk ve tawh a, mahse, a mizia ala ngai reng mai, a ti dek reng a,engtik lai pawh hian tlanchhiat a inpeih at hian ka hre thin.

“aw....eng nge nita?, ka buai deuh a ka Phone ri ka lo hrelo a” ka ti a,
kum 4 ka thawk tawh a, kan Boss ber phei hi chu ka nel hle tawh a, ka thawh hlim hian ka mize tlang lutuk avang in min khak a, mahse, ka awm rei hnu ah erwh chuan ka mizia avangin min fak ta thung a, ka thawhna Construction hi an ta nimahse ka ngaihdan nilo leh a tha tur zawk anih chuan ka sawisel hreh hauh lo.Boss anih avang a tlawn huam lah ka tih zawng ani heklo, ka zah em em a, hlauh erawh ka hlau lo.
“i buai anih ka ring reng a, mahse, ka la tihbuai belh che angai tlat mai” a nui huk huk a, min tlawn tih ka hailo,Mihring hian Nuih dan hi chi hrang kan lo nghah khawp hian ka hria,
“aw...a pawilo, eng thil nge ni ta?” a pawi ka tihzia chu pui tak ani, ka hna khwih lai pawh hi vawiiin hian ka zo hman dawn em ka hre silo,Thil hmanhmawhthlak nilo hram tehse,
“Ka Thianpa,Dintluanga kha ila hria em?, Hotel neitupa kha?” a nui leh kur kur a,keipawh ka nui ve hak tho,
“aw..hria e....chuan ..?”
A thiante hi ka thawh tirh khan an hming ka hre hlawm lo a, Dintluanga ngei pawh hi ka hmuh vawikhatna ah khan a hming ka hrelo,Kan Manager te sawi ka hriat dan in Hotel lar leh lian zet an nei a,Mahse ka tan tangkaina a neih loh avangin ka ngaihven zui lemlo ,Boss thiante lo kal apiang lo hmelhriat ve tur in engmah ka ni hek lo, a rawn kal nawn leh in Documents pawimawh a rawn dah a,a dahna ber, kan Manager a chhuah lai in Boss alo kal a , ka pek khan a dahtu hming ka hriat loh avangin Hotel neitupa tiin ka sawi a, tun thleng hian Boss hian min chhaih nan a hman phah ta reng a, mahse Kan Manager kha Hrisel loh na avang in a bang a, ka beisei phak hauh loh in Manager atan min dah a,a hma a hriat tul lemlo te pawh kha hriat ngei tum in ka hmanhlel leh zawk ani ta ber.
“ka Bungrua tur a rawn hawn a, kei lah hi ka la buai a, ilo han lam mai dawn em ni?” a rawn ti leh dut dut a, ngam ngat ila chuan ka hman loh zia thu ka hrilh nghek ang, mahse, ka ngam miau lo,
“ok...khawiah nge ka lam dawn?, In ah nge Hotel ah?” Phur hmel tak a “Yes “ mailoh chu tih theih ka neilo,
“Hotel ah ka dah ati a, a Number ka rawn thawn ang che, nangmah kher kal la ka tih chhan pawh a pawimawh em a, midang ka ringngam chiah lo a” a rawn ti leh talh a,a chhuanlam ani tih ka hailo, nidangah pawh min tirh a duh chuan a sawi fo thin dan ani a,a Number min rawn thawn chu ka en a,ka thil chhut laklawh lai ka tihfel hma loh chuan kal ka tum lo,a dang erawh chu ka let leh hun ah ka tih zawm leh mai ang, duh leh Traffic Jam ah ka tang ka ti mai ang chu.


Darkar khat a liam leh meuh chuan an Hotel kawt ah ka ding vang tawh, a Number min pek ah chuan ka call a mahse a tlang theilo, Busy...Busy..ninawm hlawm lutuk..ka hmanhmawh tehlul nen.
Ka Phone a rawn ri a, ka en thuai a, min rawn Call Back alo ni a, tu nge ka nih a hre dawn lo tih ka chiang,
“Hello..” ka ti a,
“Maengi mi?” a rawn ti thawr, ka Number pawh chu ka Boss khan alo pe anih hmel,
“aw....ni e, Boss in min rawn tir a..” ka ti leh a,
“um...ka hria, rawn lut chho rawh, ka Room ah ka nghak che” a ti hmuk a, a Off zui nghal daih, a va han Polite lo angreng tak,Office pangngai tak a neih tho ka ring a, a Room chu a Office a sawina pawh ani thei tho bawk, Kan Office a alo kal apiang in Khual tha ang maiin kan lo cheibawl ziah a, a Room awmna te engtin nge hria se min tih teh lul ni??
Guard chu ka Pan a,
“Kapu, Thil ka lo zawt lawk che” nelawm thei ang ber in ka nui a,ani pawh chuan min rawn en a, a bu nghut a,
“engthil nge ni le?” a hmel leh a aw a inhmeh lo tiin ka lo ngaihtuah leh hmanhmawh a,
“Pu Dintluanga hmuh ka tum a, ka be zo chiah a, mahse, a Office awmna ka hre silo a..” ka ti a,a nui suk a,
“aw...lo nghak lawk la, hruaitu tur che kan ko ang, in in biak lai kha ka lo hria a” a ti a,kan inbiak lai lo hrelo se chuan a Phone hmasa dawn anih hmel,ka bu nghat a, a kalsawn a, reilote ah chuan Hotel a thawk tih hriat reng Uniform ha, Smart zet nen hian an rawn inzui a,
“Miss...lo kal la, min rawn zui rawh le” a rawn ti a, Lawm zet hian ka pan nghal a, Guard chu ka en a,lawmthusawi nan Nui chung in ka ban ka vai a,a rawn vai let ve bawk a.

An Hotel hi tlan pel in hmu fo mah ila a chhung ah erawh ka luh na hmasa ber ani a, Pui ka ti kher mai,Hall lian leh zau zet ah kan lut a, Counter ah chuan Hmeichhia leh Mipa, Smart zaih mai hi an lo awm a, an buai dun hmel tehlul nen nuisang in min lo en a,an hmel ah chuan hah leh ning hmel pakhatmah a lang lo,ka hawi kual a,Step nalh Fahran mai hi a chunglam ah chuan a kual chho ruih a, a sir ah chuan Lift a awm bawk a,min hruaitupa chu a ding a, a rawn hawi let a,
“Lift hian kan chho dawn em?” a nui seng a,ka bu nghat a, zep loh ah chuan ka duh hauh lo, mahse, midang tibuai a,Step a kal pui a,tih hah kher ka duh lo, a Room awmna pawh a Chung ber ani palh thei a ,kan lut a, a hmet mawlh mawlh a,Midang rawn luh belh an awmlo,Bang ngheng in ka ding a, ka kut khur dar dar mai chu min hruaitupa hmuh hlau zet hian ka Bag in ka hliah vat a, ka Mitthla ah Gurgaon a Ambience Mall a Vai Hmeichhe pakhat, a sari hmawr fual lai Step tawlh zur zur mai in a ei beh sak kha alo lang a, a mangang lutuk au tial ri ruai ruai mai kha ka la hre reng a, en zo ngam lo in ka Mit ka hup a, mahse, ka beng ah a au ri kha a cham a, khatiang khawp a nutling mangang rawl kha ka la hre ngailo a,ka rap takzet,khami hnu atang khan Escalator Step leh Lift hi ka ngaina ta lo a, hahthlak deuh mahse Step pangngai ka hmang ngei ngei thin.
“kan thleng e “ a tih ri ah chuan ka thaw huai mai, rang zet hian ka chhuak a,mahse kalna lam tur ka hriat loh avangin ka nghak leh rih a, min kal pel a, ngawireng hian a hnung ah ka zui a,kal pah in ka hawi kual a, he lai chu Mikhual awmna tur a duan anih hmel tawh loh,tumah ka hmu hek lo,Kawngkhar hnum hluau mai kan thlen chuan a ding a, Bell a hmet nghal bawk a,a reh vang vang a, a hnu rei vak lo ah chuan a rawn inhawng a,Dintluanga chu a rawn chhuak a,Percel lian lutuk lo hi a rawn keng tel bawk a,min hruaitu pa chu a tawlh sawn thuai a,kei erawh ka kal hnai thung,
“ilo thleng maw?, hei hi ania,a pawimawh ania” a ti sup a,
kan vawikhat inhmuhna ani hauh silo,Mahse a hmel ah chuan min hmu fo tih pakhatmah in a ti eih lo, HUH... Enge ni vak?, hriat viau tlak ni hek lo i le, ka ban a, ka tum loh zet hian Room chhung chu ka melh a, Hmeichhe Pakhat hi Kamiz chauh ha in alo thu a, a Mal var haih chu a lang vek ani mai, a Kamiz hak lai lah a ta anilo tih a chiang reng, a ha tawk lo lulai em mai,He Room zet chu Office nilo in a Nawmchenna hmun zawk ani ngei ang, inthiamlo zet hian ka hawi sawn thuai a, a Percel min pek chu ka la a, a hmel en aiin a rit hrep lehnghal,Polite chhuah in ka nui sak a, Lawmthu ka hrilh a,
“ka kal lehnghal mai ang,ka hmanhmawh deuh a” ka ti a,a then sak a,
“ok...fimkhur viau ang che, a tlak palh chuan a pawi dawn ania” a ti leh hluk a, ka ngei ru kher mai, thil ken thlauh pawp pawp hmel ka pu reng zawk amawni??,mahse, engmah sawilo in ka bu nghat a, ka Inher a min hruaitu pa pawh ngaihven zui lo in ka Kal zui daih, Ka Boss anilo a ka Boss thianpa mai chauh ani a, ka zah viau na tur ka hre lemlo, Ka Boss thil tur lah ka kawl tawh bawk a, hlauhna chhan tur ka neilo hul hual.

CHAPTER 2

Boss te In ah ka kal kual nghal a,Nidang ang chu nise Office atang in midang ka tir mai tur ani a, mahse, Vawiin zet chu a fimkhur em mai a, Midang kal tir ngamna chi ani lullo, a Kut a ka pek rual a a lawm zia ka hmuh chuan a chhung a awm ka hriat chak na a zual sauh bawk,
“Kal lehnghal i tum ami?, Thil ei ve nghal zawk rawh, I buai viau phei chuan Lunch i ei leh Dawn lo tih ka hria ania” a khi vur vur a,min hrechiang thawkhat bawk e,
“aih, ka kal leh zawk ang, Office ah min nghak an awm a,Nimin lam a rawn kal te kha..” ka ti a, an lo kal hmasak khan a awm lai ani a,amah nen an indawr phawt a, a hnu ah ka Biak zui tur in ka hnenah a rawn tir leh chauh zawk a,
“aw...an lo nghak ta sa sa che a,an lo nghak leh deuh dawn che nimai a..” a ti bul bul a, Ka Lu ka thing a, a Nupui rawn lan ve hma ngei a ka kalsan loh chuan ka tang zo dawn lo tih ka hre kar bawk,
“aaa,an zahawm em mai, ka kal zawk ang..ka kal “ tih leh ka Helmet khum ka rual a, ani pawn min chelh zui lo.

Office ka thlen veleh atangin Inleng min lo nghak tu ka be nghal a, ka biak lai erawh chuan ka hna khawih lai ka khawih rih lo, mi tupawh nise, Hausa, Rethei, kan Office a Tanpuina dil tur a lo kal te chen hian min mamawhna an sawi lai in ka hna ah buai eng ang mah ila ka chawl a, an mahni en a an thusawi te ngaihthlaksak hi ka chin dan than ani a, kei ngei pawh hi, tu Mihring pawh nise, ka thusawi lai ngaipawimawh miah lo a thil dang min tih san hi ka ngaihdan ani hek lo, an kal hnu ah erawh buai tak ka ni, Ka Office chhung a ka Thiannu a rawn pen luh chuan ka hawi chhuak vat a, Ka Hna ka zo fel ve chiah bawk,eng chen a rei nge ka thut ka hrelo,
“i van buai hmel ve..” a ti a, thu tur a ka tih pawh nghak lo in a thu a, ka zi mar ar ar a,
“sawi suh, Buai tih hian a sawi fiah zo lo, Vawiin chu Pakua vel nih ka chak ania” ka Chair nghen chhan chu hahdam tum hian ka ngheng a, ka zawh hman loh ka hlauh avangin ka lo tang na deuh ani ang, ka Taksa a kham thum mai,
“a lang reng alawm, i Naute ho sawn chawhnu pum pui i Room ah i thu tih min lo hrilh a” a ti a, a Phone a en ran a,
Ka Sana ka en nghal thuai a, LALPA leh..Dar 1 atang khan tho chhuak miah lo in ka lo la thu char char anih hi..tunah Office Ban hun a ni tawh, a pel mah mah tawh zawk, Dar ruk a hnai thuak mai,Boss sawi ang chiah in Lunch pawh ka ei leh ta lo.. Tunah chuan Eng thil pawh ei ila ka Pum a nuam lo leh dawn tih pawh tuma hrilh ngai lo in ka hre sa kar mai.

In ka thlen in Ka Nau alo la haw lo a, chau teh mah ila eirawng ka bawl a, Ka Lu na deuh luk chu hai der hram hram ka tum a, Ka Tarmit Power hi ka mil leh tawh lo zawk ani ngei ang, aaa,ka sual ve hrim hrim,hna ka thawk anih loh chuan Tarmit ka Bun tha peih lo miau a, Ka In check-up hnu hnun ber pawh khan Doctor khan min zilh hlak anih kha.
Aizawl khua kan ni lo a, Kan unau in In kan luah a, Harsatna tam tak hi Paltlang ve in ka in hria a, ka tuar chhel hle bawk, Kan Unau a kan awm hran tirh chuan chaw nghei lek lek a kan awm tum a tam ngiang mai, ka Nu leh Pa erawh upa lam anni tawh a, tihbuai ka tum lo, Ka Zirlai chawlhsan in hna ka thawk a, kum 2 chhung khan zan tin Darkar 2 aia tam ka mu lo tluk ani, Ka hlawh a tlem a, ka Naute School kalna leh In luahman ka thawh chhuah angai a, ei leh in tur ngaihtuah tel ala ngai cheu bawk,Mipa ngaihsak na hun ka nei ngailo,incheina hun ka neilo a, hun pawh nei tehreng ila incheina tur thawmhnaw ka neilo hrim hrim zawk,tunah erawh Pathian khawngaihna a zarah Hna tha tak ka nei a, midang tan eng nilo mahse kan chhungkaw tan chuan a hlu takzet a, Ka Nuleh Pa leh ka Chhungte hi keimah ah an inghat nasa tih ka hailo a, Ka theih phawt chuan an Mamawh an sawi hi tih sak ka tum ngei ngei thin.

Ka Naupan lai erawh midang anglo tak in hriat reng chak ka nei tlam hle,Ka Luhlul luat avang a Kapa kut ka tuar fo thin te leh Kapa Ngaihzawng neih avang a kan chhungkaw nun buai ruk na te khan Namen lo in Kapa huatna min siam sak a, Ka than len pui a, Mahse, Kanu, Pathian tih em em mai, kan tan a Banglo a min tawngtai saktu hian ka Rilru chhungril natna te hi a hmuh hmaih lo a, Dam diai in Kapa ngaidam turin min ti thin a, mahse, Ngaihdam ka tum ngailo, tun ah erawh kei pawh nula tak tak niin Pasal neih hun ka ni tawh a,Kapa ka huatna te khan engtik laiin nge ka thinlung an chhuahsan ka hrelo,tunah chuan Ka Hmangaihna chauh lo chu Kapa lakah engmah rilru dang ka pu ta lo.Mahse, hei erawh chiang tak in ka hria, Mipa, Nupui neilai hi ka ngaizawng ngai lo ang,ka hriat loh a ka lo kawp palh anih pawh in ka hriat rual rual in ka kalsan ngei ang tih ka chiang.


“i thil chhuan kha..” ka phu zawk a, Ka Nau lah chuan mak ti hmel zet hian min lo en a, Gas ka Off vat a, ka chaw chhum a ut chiang khawp e,eng vang a thil kal tawh mai mai ngaihtuah chiam nge maw ka nih teivet ni??!!
Zanah Ka Nau hla zir turin a chhuak a,keima Mimal hna tlem thawh tur ka nei a, Ka Lu na deuh bur mahse ka tih ngei angai, Ka Mut meuh chuan Ka Lu chauh na lo in Ka Mit pawh a thip hlur tawh.

“hi....”
keimah ka nilo emaw tiin Hnung lam ka en let vat a, Mahse tu mah ka hnung ah an awm lo,min rawn ko tu lam chu ka en leh a, Dintluanga hmel tak run mai chu ka hmuh rual in ngeina ka thinlung ah a rawn lang nghal zat bawk,
“oh ...i tha em?” sawi tur dang hre hek lo i..a ner nawk a, Mawl min tih hmel lutuk chu ka beng sawk chak,
“aw...tha lawm, khwnge i kal dawn a?” a ti hmuk a, hetiang tak a nelawm loh hi ani tih ka lo hre miah lo, Boss thiante ho fel ka tih thu ka sawi tum in Ka U in “ In chenchilh tam hian an mizia tak a hriat chauh thin a, a chang chang a inhmuh ngawt te chuan tumah an sual nang” a ti anih kha,a sawi dik dawn in ka hria, keini in fel ti mah ila In ah chuan mi tihmawh tak pawh alo ni maithei.
“mi hmuh lawk tur ka nei a, Nang zawk?” ka ti let ve a, a landanah chuan mi nghah nei a ang,Cotton Jeans Dum a ha a, a Mal sei zet chu a phuar deuh tang bawk a, a T-Shirt Var thianghlim zet chuan a ti lang Fresh hle bawk,
“mi ka nghak lawk a” ka rindan chiah,
“aw...nih tak chu, anih leh phawt aw” Polite chhuah in ka Ban ka vai zauh a, ka kal san a, Ka Hnung a za mar mar mai.Building chhung ka luh rual chuan Dintluanga Hotel a ka kal tum a a Room a ka Hmeichhe hmuh kha ka va hmu a, oh...he nu hi anih chiah hi alo nghah chu..a Bialnu emaw a Nupui Hual pawh ani mahna, Nupui ala neilo tih ka hria, ...kei hi eng vang a Dintluanga ringawt ngaihtuah nge maw ka nih hrep ni??,ka lo ngaihtuah ve ngawt hi hria se chuan a duh lo hle ang.

Office ka let leh in Ka beisei hauh loh in Boss alo la awm ve mial a, mak tih loh chi pwh anilo, alo kal ve anih pawh in a rei ber ah Darkar 2 bak a awm ngai lo tluk ani, mahse, vawiin chu ka chhuah dwn khan alo thleng tawh a, tunah Chawhnu lam ani tawh a, alo la thu char char chu mak ve tak ani.
“i ti fel thei em?” a Tarmit nawr chho zoh pah hian a ti a,a Mood a fuh vak lo anih hmel,
“aw...a fel mai tur chuan ka Beisei, ee, Hotel Neitupa te kha an lo kal ve a” ka ti a,a rawn hawi chhuak vut a,
“Betty nen an ni em?” a aw a hlauhna lang tel chu ka hriat hmaih hauh lo,
“ka va hre mailo em, amah zawk kha chu Pawnah alo awm a, ih...a Bialnu ani em ka hrelo, Hmeichhe pakhat chu ka hmu a, ka va biak tur kha alo be ve tho a, mahse, ka thlen veleh a kal leh mai avangin engvanga hmu nge anih ka hre lo” ka ti ta duah a, Hnung lam a ngheng ur ur a, a Mit meng lian leh zahawm tak mai chuan min en a,
“um... Betty nih dawn chu, kan Thil buaipui laiah hian Dealership lak tum in a buai ve viau tho a, Ka ti dawn tih a hre reng a, mahse, a ti lui ve ta talh anih dawn chu” a ti hluk a,tunah chuan engvanga rilru hah nge anih ka hre ta in ka hria.
“anih chu mawle, mahse ka Biak kha chuan kan chan min beiseipui thu min hrilh a,ka lo lawm viau asin” ka ti leh mai a, a ngawi vung vung a,a sam a tuai zauh a,
“kan chang ta anih leh a tha,mahse, engmah Dintluang’an a zawh che pawn sawi suh” a ti leh a, ka bu nghat a,ka sawi dawn lo tih anih pawn a hrechiang hle ang,
“eee...mahse, engtin nge a Hmeichhe kalpui tih i hriat a?” mak tih hmel deuh hian min en a,
“ih...er...Hmanni a Hotel ka va kal khan a Room ah ka hmu a” ka ti bah nawk mai,
“ha....nidawn tak , a leng ziah alawm, hepa Hmeichhe duhzawng hi ka hrethiam nek lo e” a ti nung nung a, sawi tur hrelo in ka nui ringawt thung.


Ka Room ah ka kalsan a, Nitin mai hian vawiin chu ka buai dan a zia deuh mahna tiin ka ngaihtuah a, mahse, awmzia a awm lo, a ngai reng zawk, ka tan chuan Engpawl Lungawilo in emaw Strike leh Total Bandh an hauihawt hi ka chawlh neihna anih avangin ka lawm thei phian a, chawlh ka duh vang a ka Damloh der angaih tum a awm zeuh zeuh bawk,mahse Kum 4 chhung hian Damloh Der chhuanlam chuan vawi 2 chauh ka la chawl a, chumi tum pawh in Boss inka na tak tak emaw ti a min ngaihtuah em avangin rilru nuam tak in ka awm thei chuanglo.
Tawngri ka hriat avangin Room kawngkhar lam ka melh thuai a,ka khar loh avangin Dintluanga leh a Bialnu, Betty rawn inzui lut lai ka va hmu thei a, engtak lo ti dawn nimaw?, Dintluanga hi ka hmu zen zen lo a, kum Khatah vawikhat ka hmuh loh tum pawh a awm ta ve ang, Aizawl ah leh Australia ah a awm kawp tiin Boss khan a sawi a, chuvang te pawh ani ang, Betty hi ka lo la hriat loh...Boss in min ko ri ka hre zui zat bawk,Hnathawh buai lai a min ko sek hi ka ning ru thin takzet,mahse, ka sawisel ngam chuanglo.
Inlengte thutna tur a Sofa kan dah ah chuan Thatchhe zet hian Dintluanga chu alo thu a, amah si chet in Betty a thu bawk a, a awmdan ah chuan “ ka ta bik liau liau “ a ti niawm tak ani.a Mitmeng ling hlar mai chuan min melh a, min en chik dan em em chu ngeiawm lamah a kal lek lek mai,
“Sir, eng nge nita?” Boss ka en ngar a,Dintluanga mitmeng thim raih mai, hriatthiam harzet a min enna avang chuan mak deuh in ka zam ru riau bawk,
“thu la, Din-a hi chu i hria a, heihi Betty nih hi..”a ti a, Betty lam a hawi a,
“chuan, heihi ka engkim a ka engkim, Maengi, ka Manager anih hi, in la inkawmngeih vat in ka ring” a ti deuh duah a, kei erawh in ka ring miah lo,a then sak a, a Ha var rual that mai chu a nalh kher bawk,
“ka hmu che chu ka lawm, mahse...hmuh tawhna che ka nei em?” na zet hian min melh a, min haw hmel a pu lo a, a Melh a na ve hrim hrim zawk pawh animahna,
“aw..keipawh ka lawm,vawiin khan Bank ah kan inhmu in ka hria...” hrechhuak tih hriat zet a a nui hak ri ah chuan min ngaisang lo tih a lang a,nia, vawiin ka va biak kha Hnamdang ani a, Ka English Accent hi a nalh tawk lo a,a kalsawn pah khan ka tawng a hre hman ani ngei ang,chu chu min lo nuih zat pawh ani ang, ka thle bak a, min ngaipawimawh lo hmel lutuk chu ka ngaipawimawh biklo tih hriat tir ka tum ani ber,Dintluanga erawh chuan engmah a sawi ve lo,ka va melh zawk a, uluk deuh hian a Phone alo bih daih a, kan tawng hreawm in a awmlo hrim hrim.


Lunch ei tur a lo kal anni tih Boss in a sawi a, Kan Office Bul lawk a Restaurant thar chu ahma a anlo ei fo tawhna, helam a rawn insawn an nih avangin an rawn umzui niawm tak ani,an duhzawng an sawi chu Order tir turin Peon awmna lam ka pansan ta zawk a, Boss leh Betty in be mawlh mawlh chu hriatthiam har ka ti, an lo kal hma lawk khan Sumdawnna thar din tur a an tum a in an avangin Boss khan a ngei hlumlo chauh ani si a, tunah lah in pawh ber niawm tak in an nui dun leh bawrh bawrh a, Mi hausa te nun hi ka hrethiam thei ngai in ka ringlo,kei chu ka duh loh zawng duh lo tawp mai, engmah zep lo a ti lang tlang mai thin ka ni a, ka huat zawng lah ka thup thiam heklo, mahse, anni chu keimah letling chiah, Personal leh Business hi an dah hrang hmak nge an rilru lo tawp in an nui ho a,an inpawh der tih ka hrethiam lo a, ka Hrethiam ngaiin ka ring heklo.

                                                                                                                           

“1986” – 3

“Naktuk hi Kan Naute B’Day kha ani tawh ania, ilo theihnghilh hlau ange” tiin Kan pi,Boss Nupui in min rawn bia a, ka ner nawk ringawt, engtin nge ka hriat loh tehlul ang?, Karkhat dawn kan inbuatsaih tawh miau a, a Kum 1 na tur ani a, Upat lama innei anni bawk nen, an neih in a tlin bawk a, a hautak rem rem khawp mai,
“ha...teuhlo mai, Cake kha kan duhdan Pic Sample ka pek kha an ti bo niawm tak ani, min rawn call a kal ka lo tum mek a” ka ti a,
“ehe...an va ho ve, ka duhdan kha ila hrethei ang maw?” thinur hmel teuh hian a ti a,
“um,hria e, Laptop ah ka dah alawm,ka Print out ang a ka va dah leh mai ang” ka ti a, lawm hmel zet hian a nui ta hak hak a,thil engkim an duh uluk si, an mahni in engmah an buaipui thei silo, Office hna atam a, a chang hi chuan tlin lo dawn in ka inhre fo mai,mahse, an hna thawk tur a an pawisa a chhawr ka ni a, an hnen a tang a hlawh ka lak chhung chuan phunnawi thei ka nilo.
An hnen a ka thawh hmasak ber kum a Christmas Party ah midang an Nawi hlawm avangin Eirawngbawl ka kut ah a tla a, mahse, ka beisei hauh loh in Kan Boss te Family Member lo kal ho khan tui an tih thu an sawi nasa a, ka hah em vang a min fak der mai annih ka rin laiin alo ni hauh lo, a Hnu lawkah an In lamah Family Dinner Party anneih dawn in ei siamsak turin min rawn ngen a, ka va siam sak a, a hnu ah pawh hlawh nei a Siamna tur ka hmu ta zauh zauh a, mahse, ka hna tibuai khawp a chhuah erawh ka ngam ngailo, Boss te chhungkua erawh chuan chawei khawm an tih apiang in ka Dam chuan min besei ta ziah a, engkim mamawh zawng zawng min pe vek a, a hnianghnar a, ren ngailo in engkim a siam theih a, kei lah in nuam ka tih zawng ber alo ni bawk nen,kan lawm vel vek ani ber,kei in nuam ka ti a,anni an lawm thung a,ka beisei phak hauh lo in a eitu ten tui an tih thu an sawi ka hre zing ve phian bawk.

“Lalnghak, engtin nge khatiang thil pawimawh....” Lalnghaka Office chhung a lo thu ka hmuh rual chuan ka tawp chawt ringawt, engvang a He Mihring hi tun lai chu hmu fuh reng nge maw ka nih hrep ni???
“min hau suh, tunlai chu Boruak dang in min ti buai tih i hriat kha” min tlawn zet hian a nui sawng a,Dik tak chuan ka Thinrim lo hrim hrim zawk, Ka Thianpa leh ka Ngainat em em anih avangin thinrim der khum ka tum mai zawk,Mahse, Tlangnel leh Hahdam tak a a Office chhung a lo thu ka hmuh rual in ka Phurna zawng zawng a thlawk bo nghal vek,
“thu la, nge i din reng kher?, ka aw mi ti nuam lo ania” a ti leh a, Dintluanga erawh chuan engmah a sawi ve lo,
“inleng i nei tih ka hrelo a ,Pawilo, hei hi ania,Naktuk zing ah ka rawn lak hman chuan ka duhtawk mai” tih pah in Cake Design ka na Paper chu ka Pe a, kal leh mai tum in ka inher nghal a,
“i thinrim tak tak ami?” mangan hmel zet hian a rawn ti a ,heilet lo in ka Nui a,muangchang in ka inher a, Dintluanga erawh melh loh hram ka tum a,Kan Boss Best Friend nimahse min biak hmasak loh chuan Biak na dan tur ka hrelo,
“Thinrim lo e, Kalna tur ka nei nual a, mahse, Next a awm leh chuan a pawi viau ang” ka then sak a,
“Ka kal “ tih leh kal ka rual nghal a, ani pawn min chelh ta lo.

Pawn ka thlen veleh ka insehruh teuh tih ka hre chauh,engvang a khapa huhang, Uap na na zet khan mi tizam ngawt nge anih reng reng ni??,vawikhatmah hetiang hian ka la awm ngai miah lo,a Hma pawh in ka hmu zauh zauh a, hetiang hian ka lakah engmah Effect a nei ngai silo,Hotel a ka va hmuh ni atang khan ka hmuh leh apiang hian keimah ah engemaw diklo, nuam lo tih rukna hian min tham er er zel a, thil mak tak ani,a Khawsak dan ngeng lutuk hi ka mil hlawllo zawk pawh ani maithei bawk.

Zingah Cake lam tur in midang ka tir a, In ah ka dah tir nghal a, Kei erawh Zing kar tangin Bazar ah Pi Ber nen kan inzui kawi a, Lei tur a tam si, Eisiam tur a duh hnem si,
“i chau em?” an In kan thlen veleh Boss in alo ti a, a nui vur vur bawk a, kei aiin Kum 5 vel chauh in a Upa a,a chang chuan Naupangchhia tak a chet chang pawh ala nei fo,
“chau lo e, a lum deuh tih loh chu...” ka nuih let a,
“i siam loh ei kan tum ta silo hi i hah phah ta anih hi,mahse,vawiin chu Puitur che an tam ang, Catering ka sawi ri dek dek a kan nu lah a vin hlur mai si” a ti leh zuah zuah a, a Tlangval lai a Pa kan tih theih nen tunah chuan an nu thu in thil a ti ve ta reng mai, Hmeichhia hi zawng ngam tak tak kan har ani ang,Ka Ngaihtuahna vang in ka then sak bawk.

A sawi lawk ang ngeiin min puitu tur an awm nual mai, tlem chuan ka awlsam phah ve deuh, mahse, siam tak erawh keiman ka siam vek thung,Engkim kan peih fel meuh chuan chau zet hian ka thu hnawk a, Nuam ka tih zawng ber hna nimahse vawiiin chu nuam ka ti lutuk lo, ka Taksa ah nuam lo leh min tham rut u chhungril lamah a awm a, eng nge anih phei zawng ka hrelo.
Eisiamna lamah ka awm chawt avangin tu nge lo kal a kal lo pawh ka hrelo, bakah Milian ho zing a khawsak hi ngaiah ka la nei thei lo a, an dip ana ka ti thin a, chumai bakah min mamawh lo ngawih ngawih tut e bul a awm hi nuam ka ti ngailo,Polite tak in min be mahse an rilru chhung thleng lo a min biak thin vang ani ang ka tlangnel tak tak thei lo.
“Maeng...vawiin a kan ei tur kha i siam anni tak tak em?” ka hnung lam atangin Hmeichhe aw hian a rawn ti a, ka hawi let vat a,Betty Nui var var nen chuan kan inmelh ta siah mai,
“oh....aw...nih ve kha...tha lo lutuk anih loh hram ka beisei ania” ka hamhaih ve det,Betty alo kal anih phawt chuan Dintluanga paw halo kal ngei ang.Hreptak hian...duh leh lo kal se eng nge ka lo buai ve vak??!!
“aih....a tha lutuk zawk,i Boss in alo chhuang em em che pawh tunah chuan a chhan ka hre ta a lawm” a Mitmu lian kel kawl chuan min en a, a hmetha tak maiah chuan Make-up hmang nasa lo deuh se chuan alang nalh lehzual ngei ang.
“um..ka lawm e ka timai ang aw” ka ti let a,Ngaihtuah nei niawm tak hian min en ran a,
“ih....engtik emaw ah min siam sak ve thei angem?” a ti halh a, chu zawng ka beisei loh ber ani,Ka Lu ka thing a,
“ha....a lawmawm e, mahse, Midangte siam sak tur khawp chuan ka thiam tawk lo em mai,Mizo in kan duhzawng bak engmah hnamdang duh chi ka siam thiam lo” ka ti ta duah a, Dawt ni hek lo le,
“vawiin a kan ei ang kha anih chuan ka duhtawk mai,i Boss ka lo be mai ang” a nui sak a,ka chhan let hma in amah bawk chuan,
“ka kal phawt ang aw,ka beisei tak tak dawn che nia” a inher a ka chhanna pawh nghak lo in a kalsawn a, Zei zet a amal sei thlarh mai a a pensawn lai chu ka thlir a, Dintluanga nen chuan an in Match takzet ang tih ka chiang.


“u Maeng,Khanu kha Boss thianpa, Kha Palian deuh nen a Office lo kal kha tiraw?”Kan thawhpuinu chuan min rawn din hnaih pah in a ti sar sar a,
“um...nih kha, analh chiang e” ka ti halh a, nia...khatiang khawp a Pian nalh leh Hmeltha, Hausa bawk si kha tu Hmeichhia in nge awt lo ang,chutah Dintluanga Nupui ala ni mai dawn zui bawk a...Huihaam..Engvanga Dintluanga pawh chu ngaihtuah thleng hman ziah nge maw ka nih tehhrep ni..


A tukah Hna ka thawh mawlh mawlh laiin Boss alo lut hlawl a, a Hmel hlim sarh ah chuan eng thil tak hria nimaw??, Pawilo, a rawn tum lut bur thin ai chuan hmuh a nuam zawk reng reng e,
“Nimin zet chu i che tha hle mai, mahse, Hna bansan in Nangmah in Sumdawnna dang i din mai ka hlau ta rum rum mai” a ti a, a nui vur vur bawk a,
“heh....a va lawmawm thin, mahse, engkim awmsa a eitur siam mai te chu tupawn an ti thei vek alawm, an tum lo mai zawk a” ka ti let ve a, a ruk tak chuan ka hlim veng veng tho. Tunge Fakna lawm lo mihring awm ang le??
“nia..mahse, thiam bik an awm alawm,eee.Betty khan a beisei deuh che in ka hria” a ti zui a,
Chunu zet chu a....alo ti tak tak anih hmel ta,
“akhai...hman ka in ti lo, bakah ka chak zawng anilo” ka ti a, a nui huk a,min hrechiang tu ani a, ka Rilru zawng zawng ka sawi tih a hrethiam miau alawm.
“um...i duh loh chuan ka tilui dawn lo che” a ti a, a tho a,
“Ka Hna khawih lai hi ka zo ang a Bank ah ka kal leh ang chu ka lo ti a” zawt pah ti tih in ka hrilh a,a rawn hawi vut a,
“nidawn tak, a tha ang, Betty vir sek hi niawm tak ani” tunah chuan Betty eilo hmel zet in a ner nung a, a hma lawk kha chuan engmah Huatna a tilang silo, Hetiang nun tak hi ani kei chuan ka neih ve loh.Ka Bu nghat a,
“lo vir sek rawh se, kei pawh ka vir ve sek mai ang chu” ka nui a, za lo zet hian a nui ve ta mai bawk a.

“Miss...He thil hi a khirh hrep dawn ania, i theih chuan an Company lam hi be leh la” Bank Manager chuan min lo ti a,ka hrethiam deuh ruak, mahse, ka hawi bo lui a
“mahse, Sir, kan hmu mai dawn ni khan i sawi a..” ka nui a,a bu nghut a,
“kei pawn chu chu ka ngaihdan ania, mahse, tunah chuan midang tih tum an rawn lang ve ta tlat a” a ti a, sawi chhuak tur anilo tih ka hria, min duhsak avang a sawi ani tih pawh ka hrethiam,
“maw??, ka lo hre miah lo a, tu te nge a?, Mimal nge Company zawk le?” ka ti duah a,a nui suk a,
“i zawt hnem lutuk, tak tak in R.T Construction an nia, a Fanu khan a rawn buaipui a” a ti a, Betty te hi an nei hle tih ka hria, mahse, RT Construction hi an ta ani tih ka lo la hre miah lo.
“anih chu mawle, mahse, ka beidawng dawn lo,ka dil tawh laklawh” ka ti a, a bu nghut nghut a, a tih tur a awm anih chuan min puih ngei ngei tur thu min hrilh a,ka ringhlel hauh lo.

Boss hnenah Betty chungchang ka hrilh a, a hriat tawh sa nimahse tha tak in a ngaithla ve mai,
“ka ring che alawm, mahse, i thei ta lo anih pawh in ka thinrim lo ang, keipawn theihtawp ka chhuah ang a, kan 2 a kan tan dun phawt chuan kan thei ngei ngei ang” a ti anih kha,
Min ring tawk thin tih ka hria a, mahe,Heti tak hian min ring tih ka lo hre ngailo, lawm viau tur ka ni em tih erawh ka chiang chuang lo,khawi hmunah pawh Hna thawk ila min rin na a nasat poh leh Mawhphurhna a sang ting mai si ani.

Lalnghaka’n min rawn call a,
“yes...” Hello pawh ka ti buai lo, kan inbiak dan fo anih avangin ani pawn mak a ti dawn lo tih ka chiang,
“Zan in kha aw..” a rawn ti zangkhai vah a,kei erawh bo tak ka ni..
“engthil....??” ka sawi zwh hma in thinrim zet a a nguk hruih ri chuan min ti tawp a,
“Hna ringawt lo hi ngaihtuah ve teh, B’day Party ah min kalpui rawh ka tih vek kha” a rawn ti chiam, a au ring lutuk chu ngaithla duh lo in ka Phone ka dah hla a, ka melh nghek ringawt,min sawm lai khan ka lo aw ve ngawt a, a hun tur kha ka lo hre leh pek tawh lo,
“ok...ok....ka fiam che anih kha,mahse....” ka tihlai mek in ,
“mahse a awmlo,Dar 8 ah ka rawn lam ang che, a chiang em?” a ti tawk a, a dah hmak, ka nuih a ti za kher bawk.

Dar 8 rik hma in a rawn thleng a, kei erawh thawmhnaw hak mai tur ka hriat loh avangin ka lo la awm mai mai thung,
“ka rindan chiah, kal loh i tum chu ani lo ang tiraw?” a ti a, a hlauthawng hmel chuan ka nuih a ti za a, an Bakery lian leh Lar tak hi a kut ah awm in Enkawl vek mahse Mi Hausa Fapa Mal, Duat No em em ani tih hi alang chhuak leh thin,
“kal dawn e, mahse, i Sas tih el nan a min hman i tum hi chu i hlawhtlin ka ring chiah lo” ka ti nang nang a, ka rilru diktak ani chiah bawk,
“aih, chutiang sawi teuh angailo, a Thik zia che i hre vek alawm le,in ha fel vat teh” a ti hlur thung.


Ka Rin aiin mi an tam vak lo, a kal te pawh an fel fai the thaw hle bawk a, amah nen tho hian kan kal dun zauh zauh tawh a, mahse, kan thian tha tak tak te anni tlangpui a, tun tum erawh a Bialnu Cousin B’day ani a, a Bialnu nen Problem annei a, a Bialnu rilru en nan min hman a tum aniber, Nula, chutah pawh Naupang tawh lo tak lehnghal tan chuan Infiamna ho tak ani. Lalnghaka lah chuan min ngaihsak in min be deuh reng a, Ka bul a thu Hmeichhe Smart zet nen chuan kan titi a, a fel in kawm a nuam phian lehnghal,

“Boss....I Thiannu hi min hmelhriattir phal chuan...?” kan hnung lam atang a Mipa aw thawp sat in a tih ri ka hriat chuan nui chung hian ka inher nghal a, mahse....Tunge anih ka hmuh erawh chuan ka nui theilo satliah pawh anilo,ka thluak a chawl vek ani ber.

Chapter 4

Stephen.......
Kum tam tak liam tawh mahse keimah a a nghawng erawh ala ngai reng,mahse, ka phut dawrh na tur thil dang ala thleng ta fo,
“keima rawn hruai zawk ania” ka kawngah min rawn kuah a, a Taksa lian leh nghet charh mai ngheng tur in min pawt hnai salh bawk a,min rawn kuah tu chu en tum in ka melh chho nghal a,Nilo.....anithei lullo, Dintluanga hmel chu Light Dim ruih hnuaiah chuan alang dam thlup a, amah ah chuan vawikhatmah ka la hmuh ngailoh ka hmu tel bawk, Hmeichhia ang in min en a, min duat hmel hliah hliah bawk.Mahse engthil nge a tih tehlul ni ??, khawiah nge Lalnghaka kha alo kal hman?, ka bulah khan a awm reng emaw ka ti a, a kalsawn lai reng reng ka hrelo,
“oh....Dintluang, i dam maw?” Stephen-a Mit de sawr sawr chu ka melh ngam lo, ka zawi huai a, Dintluanga taksa nghet charh mai chu ka ngeng lo theilo,
“um..dam alawm, nang zawk?” a aw a dam thlap a ,mahse, a hlauhawm ru tlat bawk,
“ok..lawmawm,kan inhmuh lohna a rei ta aniang, i lang Upa ve tan ania,Nupui lam sawi rik a awm in ka hria” a ti leh a, a mizia, thawveng halh hi ani lawmni ka lo duh thin kha, a la danglam lo, a Hmeltha tak pawh a la ngai a, tlem in a lang upa hret tih mai chauh ani,kum 10 dawn kha khwiah nge a bik bo ka hrelo, tunah hetah, ka rin loh na ber ah ka hmu leh ta anih hi, min thawng lutuk chu tawng nachang ka hrelo,
“nia tiraw, hei, i hmuh ang hian a hla tawh lo chu ani phawt mai a” min kuah nghet salh a, Stephen-a mit ko san awk chuan a beisei loh chhanna a hmu tih ka hria,
“Wow...Ropui lutuk, chuan, Maengi hi ka hriat sa nimahse tunah chuan i Nupui hual anih ang in min han hmelhriattir ve hrim hrim la,a landan ah hian Nupui hual tih kha a dik ka ring ngawt a” a ti leh a, a Khabe Phir thaih mai chu alang sar hle bawk, tuman hmelchhia an tih ka ringlo, a chhungril nun hmu lo tan phei chuan Nui chung a min melh ran tawh chuan tu Hmeichhia mah in ,”NO” tiin an chhan ka ring lo,
“ha....i tih tlat chuan le, hei hi Ka Nupui la nimai tur, Maengi ani, chuan, Wifey...hei hi ka Naupan lai atanga ka Hmelhriat tawh,Stephen-a anih hi, a hma in in lo inhre tawh tih ka lo hre lo erawh amak khawp mai” a rum nghat a, min Koh dan avang chuan kei erawh ka khur ru dar dar mai, Betty –in a hriat vaih chuan ka Thi thei hial ang.
A kut rawn phar chhuah chu Haider sak ka duh a, mahse, thil mawi ber ani silo, Phur lo zet hian ka Kut ka pe a, ani erawh chuan nghet zet hian a rawn hum a, ka Mit ah min en a, tun tum erawh chu hawisawn lo in kei pawn ka melh kar a,Dintluanga’n a Ban sei thlurh leh nghet charh a min kuahna chuan ka hlauhna kha min lak kian sak tlat ani,
“ka hmu che chu ka lawm hle mai, ila danglam hauh lo,mahse, thil tam tak erawh theihnghilh mai a tha zawk fo ania” a nui sang a, a mitmeng ah erawh a nuih a za hauh lo tih ka hria,mahse, hei erawh a hre tello, a hma ang a tihnat awlsam ka ni tawh lo.
Ka kut ka pawt let nghal a, sawi mai tur pawh ka hre lo,Dintluanga min ngaihdan tur chu a chhe ngawt ang le, a tawng danah khan Sulhnu bawlhhlawh tak kalsan ka ang tlat ani.


“i zia awm em?” a ti sup a, kan Pahnih in Balcony ah kan thu dun a, kan ep a khawpui pe tuar mai chu a thlir vang vang a, ka bu nghat ringawt,
“Stephen-a kha engtin nge i hriat a?” a ti leh nghut a, ka melh zawk a, mahse, a hmelah engmah ka hre theilo, kan hmalam chu ka thlir ve a,
“ih....Ka hmel hriat hlui ani deuh tawp mai” ka ti nawi nak mai,a nui huk a,
“ok...sawi kher angailo, kan Naupan deuh lai atangin ka hria alawm, kan In Bulah an rawn awm ve a, mahse, kei ai chuan a Nau deuh a” a ti a, amah ang lo tak in a tawng a dam a, a nelawm hle bawk,
“nia...mahse, i lo lang thut a, ka beisei lawk loh nimahse ka lawm tak tak ania” ka ti a, ka sawi zawi em a a hriat phak leh phak loh ka hrelo,a ngawi vung vung bawk si nen a hrelo pawh animahna,
“ka lo lang thut hleinem, in lo thlen lai pawn ka awm tawh zawk” a rawn ti leh thut lawi a, mak ti zet hian ka en vat a, ani erawh Light pe tuar ah chuan thil hlu tak hmu niawm hian a melh vang vang a,
“oh....anih chu..ka lo hmulo che” ka ti ta ngawt a, ka nawi riau ringawt hi engemaw a awmzia ni??
Sawi leh mai tur hrelo hian kan ngawi dun ta vang vang a, eng vang a lo kal ve nge anih ka hrelo a, ka zawt ngam hek lo,kei aiin a upatna a tam ka ringlo,mahse a thil tih kha a pawi thei, Betty hnen ah midang lo hrilh tu an awm chuan ka tum loh tawp in buaina ah ka awk palh thei,
“ih...min chhan vang khan ka lawm lutuk a,mahse.....Betty hnen ah tu emaw in an lo sawi chuan...” ka aw ka thian leh rih a,
“lo ngaihtuah duh suh, Betty te chuan min hrechiang alawm, bakah nangpawh a hre tho che a, pawi a ti lo ang” a ti deuh duah a, ka thaw deuh huai mai,
“ole..ka lawm tak tak” ka ti nawn leh a,
“Stephen-a i hmuh rual a i chi ai zia kha tu pawn lo hmu ve se la ka tih ang chiah khan an ti ve ngei ang” a ti hmuk a, LALPA leh...dawt a sawi hauh lo ang, ka Lungphu pawh kha a chawl in ka hre hial anih kha..
“um.....” sawi zawm tur hrelo in ka chawl a,
ka hrawk ro ta halh chuan ka awm a ti nuam lo zual a, He pa kher lo hian min lo hmu zawk se ka ti,kan Boss thian tha ber ani a, ani hian tunah chuan ka Nunhlui te hriat chhuah a duh anih chuan a thei dawn chiang sa,ni lullo e, hrelo lul rawh se,kei vang mai mai a buai nawn a duh lo ang tih ka chiang, Stephen-a pawh khan engmah a sawi zui loh ka beisei takzet bawk,a Thianpa tan a thawk ka ni a, Puih ka ngaihna lai a hmu a min pui mai zawk anih kha,Boss hnen ah engmah a sawi loh ka la beisei ru cheu bawk.khawiah tehhrep nge Lalnghaka pawh hi a awm ni?

“Hetah in lo awm daih animaw?” Lalnghaka rawn tawng lawng lawng chuan ka rilru kal ding lai a rawn ti tawp a, ka tho nghal hluai bawk,
“khawiah nge i kal daih a?” amah vang a chhuak ka ni a, a lo kalbo daih chuan min ti lawm lemlo,Stephen-a kha lo lang lo se chuan ka bulah awm lo mahse pawi tihna ka neilo,
“oh...ih..Bawihi ka kal chhuah pui zuai a,i thinrim lo tiraw?” hlauthawng hmel deuh hian a ti a,
“Thinrim lemlo, ka lawm vak lo tih mai ani, tunah haw ka duh a,i la awm duh chuan Taxi ka ko thei a” ka ti hmak a,Hmeichhia, mahni in enkawl thei tak ka ni thin a, tunah pawh ka induhtawkna arawn let a, ka pangngai leh tan der tawh,
“mahse, Maeng, Bawihi nen...” a sawi zawh hma in ka lo pawt chat a,
“ok..a pawilo, Taxi kan ko ang, ngaihtuah ka ngai hleinem” ka ti a, Lungawilo ang a lan ka duh tawh lo, thil ho te ah pawh a phili chung zel si a,
“keipawh ka haw dawn alawm, ka Drop mai ang che” Dintluanga rawn ding chhuak chu ka melh a, ka duh lo tih khum nghek ka chak takzet,
“ehe...Boss, anih chuan i kutah ka dah mai dawn ania” lawm zet hian a la ti zui lehnghal a, He Mihring hi khawiahmah ka chhuah pui leh tawh in ka ring lo,
“a ngailo, i tan a kual mai mai alawm” ka la ti talh a, keimah vang in a buai tam tawh mah mah ani,
“kual nang, kal ila...” hnial zui leh na hun a awm lo, a kal zui daih miau a.

A Car ka lo hmuh thin kha nilo in a dang alo keng a, ngawirengin kan chuang dun a, han sawi mai tur ka hre hlawllo,
“Bawihi hi ka Cousin ania, chuan , Zan in a kan Party na kha kanu te Inpui ani bawk a” min bia pawh a anglo, Hmalam a en ngur a, a Motor khalh lai bak ngaihtuah hmel a pu lo, a Kut zungtang sei thlurh mai chuan Steering wheel chu hnehsawh zet hian a thunun a, ka hawi sawn leh vat a, a Thusawi chuan min thawng deuh nangin mak erawh ka ti lutuk lo, hei vang hi ani ang Lalnghaka nen an inkawm ngeih phian ni,
“oh...anih chu ,ka lo hrelo a, ilo kal ve chhan awm ka lo ngaihtuah mek a” ka ti a, ka thil sawi tullo lutuk chu ka sawi zo vek tawh si,ka Lei ka veng hman lo thin hi ka haw takzet,ka lo ngaihtuah tih sawi lan a intih mualpho kher a tul loh tehlul nen,
“khawi vengah nge in awm kha?” a rawn ti leh thut a, ni dawn tak, kan awmna veng hre tur a ka ngai ngawt pawh hi ka mawl vang bawk,Lalnghaka bulah khan ka zah a hlauh vangin a sawi lang duh lo tih te chu hrethiam rual ka ni tawh asin le....ka hrilh a, a bu nghut ringawt, Office ah in hmu zeuh zeuh mah ila a tan chuan a thianpa hnathawk pakhat ve mai ka ni a, min ngaihven na chhan tur a nei lo.kan In thlen hma in ka chhuk a, ani pawn kan awmna lai tak min zawt zui chuang lo,ka chhuk fel tih in a kal leh nghal ani mai.

Ka Muhil theilo, ka let tawn sek a, ka tho leh ta nge nge, Ka Note bu ka la chhuak a, ka keu zel a, Thlalak pakhat a rawn lang a, nia....a hmeltha lutuk chu haider theih ani lo,kum 10 dawn amah vang hian ka na tawh a ka la nat belh zel dawn pawh animahna , ka beisei miah loh a Party na a rawn lan ve thut khan ka theihnghilh tawh emaw ka tih kha ka lo theihnghilh miah lo tih ka hre chhuak a, a duh phawt chuan min la tih nat belh leh thei ang tih ka chiang,Khumah ka lawn leh a, a Thlalak chu ka pawm bet a, vawi eng zat nge paih ka tum tawh pawh ka hre seng lo,na tak a min siam a min kalsan tu nimahse ka nun atang a paih bo vek ka phal lo a, kan hlim dun dan zawng zawng te kha Nimin ang maiin ka hriat reng na ah ala thar reng a, min kalsan zan pawh engmah ka theihnghilh lo, a natzia pawh a ngai ang ang in ka la Feel thei hial bawk,a mah theihnghilh tum in nasa tak in ka bei a, mahse, ka bei nasa tawk lo tih hrechiangtu chu keimah tho. Ka Thinlung a a hmun ruak hi midangin an luah ka remti theilo a, keimah a a sulhnu te hi midang sulhnu in a hliah ka phal hek lo,ka Thinlung chhungril berah ka chelh bet tlat a, Nitin hre chhuak lo mah ila ka nun ah thil danglam a lo thlen apiang in ka hre chhuak ngei ngei thung a, Mipa dang ka ngaihven lo a, ngaihven tur a hun neilo tawp in ka hun neih zawng zawng hnathawhnan ka hmang a, tunah erawh alo lang leh ta si anih hi..

“LALPA a tawk tawh lo emni?, i lakah thil ka tisual ngei a,mahse, he Mihring hmanga min hremna hi a tawk tawh lo em ni?” ka Mittui a rawn luang a, dan tumna ka neilo, he thu hian vawi engzat nge PATHIAN hi ka chhuah chhal tawh pawh ka hre seng heklo.


Ka Phone riin min tiharh a, ka Pick hma in a tawp a, Ka lo tap muhil ani ngei ang, ka landanah hian Nula tih har leh vawt raih ni thin mah ila ka chhungril hi Hmeichhia ve tho ka nih ang ngei hian a no ve thin a, tawrh zawh loh khawp a natna ka neih pawh in Hmeichhe dang ang tho in a nat zia ka Mittui in ka lantir ve lo theilo.,ka Phone ka en a, min lo Call tu kha Lalnghaka alo ni a, Nizan vang khan ka be chak lo a, Call back tumna pawh ka neilo.


Office ka thlen veleh thil fello awm min lo hrilh nghal a, ka Mood fuh lo sa nen ka thin a rim hlur ringawt,
“Nimin khan ka be fel vek a, Nangpawh ka hrilh che a,engtin nge Midang ilo pek theih?” ka hma a ding kan Staff zing a pakhat chu ka melh a,min en let ngamlo,
“ka tih palh ani” a ti zawi raih a, min melh zawk a, min en rei ngamlo in Hnuai lam a bih lehnghal a,
“ok...a tha,i tihpalh vang khan kan Construction hian khatiang zat a tam kan paih ral mai mai theilo, Kal la, i pek kha an Office ah va kal in nangman i va ching fel dawn nia, a chiang em?” ka ti hmak a, kan Boss thinrim nasat dan tur ka ngaihtuah a, ka kawchhung a dik lo nghulh thei hial bawk,
“ole...mahse, U Maeng, kei mah mai chuan ka huphurh em mai” a ti leh tuak a, ka thin in a tuar tawh lo,
“aih, kal rawh, i buaina siam hi midang puihna tello a i siam ani,chuvangin nangman chingfel rawh” ka ti hrawk a, Insum duh mah ila ka insum hman tawh lo, a thil tih pawi zia hi amah hian a man pha lo zawk hial ang.

Boss rawn thlen lai in ka lo awm lo a, min rawn call a a rawn au a ni hrim mai,
“khawiah nge i awm?, i naute thil tih sual hi i hria em?” a rawn ti a, ka hria tih leh chingfel tur a Bank a ka kal thu ka hrilh bawk a, a tisual tu hnenah khan amah a chingfel turin hrilh mah ila a thei dawn chuanglo tih ka hriat avangin Bank lamah keimah ka kal ta zawk a, kan ching fel vat anih loh chuan kan Boss hian a nungchungin min ei duh mai ang.Hreptaka...he Stephen-a hian engmah thil tha min thlen hlawllo..amah ka hmuh leh veleh engkim a buai ta nuaih anih hi.

Nileng deuh thaw in Bank lamah ka awm a, rin aiin a khirh hrep lehnghal, ka chau hluah hluah a, ka thinrim hlur bawk, Dar 4 rik hma hret in kan ti fel thei a, Office ka pan hma in Boss hnenah kan chingfel tawh tih ka hrilh a, a lawm bawk aniang, a rawn nui huk huk mai,Office ka thlen veleh ka Room ah hahdam thei ang ber in ka thu a, Zing lamah ka thawm ana deuh bawk nen tumah min be ngam an awm lo.

Ka Room kawngkhar kik thawm ka hriat rual in ka thu tha a, Betty hmel tum hmak mai nen kan inhmchhawn ta ran mai,a hmeltha takah chuan eng nge a ngaihtuah engmah ka hre theilo a, a hlim lemlo tih erawh a lang sar hle thung,
“oh..nang i ni maw, lo thu rawh” ka ti sawk sawk a,ka Hma a Chair ah chuan a thu nghal a, ka hmuh apiang a ka rilru a lo awm thin, Mak-up hmang tlem se a nalh zawk ang tih bawk chuan ka rilru a rawn luah leh nghal a,
“ka lo kal lawk, Mimal thil ah biak che ka duh a, I number ka dil thei tho nang in nangmah ngei rawn biak che ka duh a” a ti hmak a, a aw a ring lo a mahse ngaihthlak a nuam chiah lo, a chang fak mai,
“anih chu, a pawimawh hmel sia, min lo call mai lo nia aw” ka ti ve a,
“Thingpui nge i duh Coffee “ ka tih zawm leh a, a lu a thing a,
“Nizanah Party na ah Din-a nen in kal dun tih ka lo hria a” a thusawi chuan min deng dawt mai, kan kal dun der silo, ka nui lui sak a,
“i hre sual anih chu, kan kal dun lo, kei chu midang kalpui ka nei” ka ti thuai a,a Mitmeng ling hlar mai chuan min en a, ka ip chawih thei hial,
“Pha duh suh, midang zingah a Nupui Hual ang in a sawi che tih pawh ka hria” a ti chang leh fak mai.

LALPA..... eng buaina ah nge ka in barh luh tak ?!!!!

Chapter 5

“oh....ni e, ka tih palh ani, mahse, nizan khan chhan ka ngai a, chumi atan a sawi mai zawk ania” ka ti a,
ka aw khur erawh ka thup hleitheilo, nizan khan Dintluanga khan a chinfel tur thu min hrilh si a, Mimal a inbeih pui atan chuan Betty te ang Hmeichhia, Hausa leh Changkang bawk, Nalh leh fing em em bawk si hi ka thlan loh ber tur ani ngei ang.
“Ka hria, Mahse, khatiang a a tih pawh khan lo dang tur i ni asin,Nangmah vang a kan inkar midang in mawilo tak a an sawi hi ka duh lo” a ti leh kher a, min khei ve ta zak mai, mahse, Thinrim ngam tur ka nilo tih ka hria,a sawi ang ngeiin keimah vang ani tlat,
“a pawi ka ti tak tak,mahse, Dintluanga khan i thinrim lo ang a ti si a” ka ti leh a, a Hmeltha tak mai chu a dur khap a,
“oh...Dintluanga maw?, in lo innel hman hle animaw?” min ti el tih hriat zet hian a nui ri hak bawk a,
“a hming a ka sawi mai loh chuan sawi dan tur ka hriat loh vang ania,innel vang anilo, khawngaih in Thinrim suh, nuam ka tilo tak tak” hetiang tehhrep a min ngainep em em tu bula han tlawm chu ka chhungril a na vawng vawng bawk,a tho phat a,
“ni e, ka Thinrim vak lo, engkim Din-a nen kan sawi dun vek tawh, mahse, thleng nawn lo se ka ti a, chumai bakah Hmeichhe dang lakah hlauhthawnna ka nei lem lo, Midang ten min han hrilh tak sap sap ah chuan rawn biak che tha ka tih vang a rawn kal ka nia,midang in an zawh palh che in a a der mai anih thu lo sawi la , tuman an sawi zui lo ang, ka kal leh mai ang” a ti a, chhan pawh ka chhan let hma in a inher a,a chhuak zui ta daih a, kei erawh chet mai nachang hrelo in ka ding khawng reng ringawt.Hetiang tak a in ngaihnep na hi ka vawikhat tawnna ani hial ang, kan Retheih lai ber pawh khan hetiang a min hmusit tu hi ka tawng lo.

Mu chung in ka in ngaihtuah kual a, Dintluanga biak mai ka duh a, mahse, entian nge ka sawi tan dan tur ber pawh ka hrethiam chuang lo,Stephen-a hian Buaina min va han thlen tam si em...ka nun atangin a kalbo thut a, kum engngemaw zat hnu ah alo lang leh thut a, ka Buaina tur bawk a rawn thlen lehnghal a, ka Thinlung min tih kehsawm sak vek hnu ah pawh ka Taksa thleng hian sah sawm vek a Paih darh a la tum fo emaw tih mai tur ani.,Betty khan thil dang a thleng leh anih chuan min That duh hial maithei bawk, Nilo...ngawi reng thei ka nilo, Dintluanga ka biak ngei ngei angai,
“ka be lawk duh che a” tiin ka va text a,a reh vang vang, min reply dawn lo ani ang, ka number kha a delete tawh pawh ani thei,Call tum in a Number ka zawng leh a, ka Beisei loh deuh hian Msg a rawn thleng a, Ka hawng thuai a, Dintluanga ngei alo ni a,
“Yeap...Mahse, i theih chuan lo Call la” a rawn ti let a, min reply loh khan ka lunghnur a, min reply takah chuan lawm viau awm tak, ka lawm chuanglo mai nilo in ka Hlauh vang in ka khur dar dar zawk,


“Hello “ a aw pa leh Ril ruih chuan a rawn ti sup a,
“a tlai tawh tih ka hre tho a, mahse, biak ngei che ka duh sia” ka ti a,
“ok...a pawi lo, sawi la” a rawn ti tha ve leh mai bawk a,
“Party na a min chhan vang khan Betty nen Buaina innei em tih ka hre duh a..” inthlahrung dek hian ka zawt a,
“aih, lo ngaihtuah suh ka tih kha “ a rawn ti liam puat a, sawi leh mai tur ka haih chham,
“mahse, vawiin khan Office ah min hmu turin Betty alo kal a..” a thaw hawk ri ah chuan ka sawi sual ani ang tih ka ring nghal bawk,
“maw???!!!” a thinrim insum ri ka hriat hmaih lo,
“oh....a ngai leh lo e..Buaina in neih loh chuan a tha alawm, ka lawm lutuk, Mangtha phawt le” ka ti sawk sawk a, min chhan let hma in ka Off a, ka lo va zawt kher kher chuan Buaina dang min thlen leh dawn ani phawt mai le.

Office ah pawh ka Hna in ka rilru a luah hleitheilo, eng tiang tak in nge Betty a rawn thinrim leh dawn tih ringawt in ka rilru a luah a, ka hlauthawng lam ai chuan an 2 inkar ah buaina ka thlen ni a ka hriat na chuan nuam tak in min awm tir theilo, Betty khan Confi tak in ka tihbuai phak anni lo tih a sawi ngei a, mahse, Nizan a Dintluanga hnen a Betty lo kal thu ka sawi khan a Lawm lo em em leh lawi si a, an Inkar ah thil fello a awm sa zawk pawh animaithei.
“Ma-eng...” ka Phu dawrh a, ka hawi chhuak thuai a,Boss in Kawngka Biang ngheng a uluk tak a min lo en chu ka hmu nghal a,
“aw...eng nge ni ta?” ka tho nghal a,
“tho duh suh, Helamah hian ka’n thu ang, i ngaihtuah muk hmel hle mai” a ti a, min en vung vung bawk a,
“nia, ilo kal lai ka lo hrelo reng reng “ ka ti a,
“Coffe nge Thildang i duh zawk ang?” ka tih zawm a, Coffe Machine awmna lam ka pan a,
“Lemon Tea aw, chuan, i Buaina kha ka hria in ka hria” a ti a, a In tur keng a ka let leh pah chuan,
“nia, mahse, nimin khan a fel thei ta hlauh a..” ka ti a, ka Pe nghal a,A Mit a ti zim a,
“chutiang ka sawi lo, ka rawn thlen hlim khan vawi 3 lai ka ko che a, a tawp ber chiah i hria a, khatiang khan Hna vang in i awm ngailo tih ka hria lawm” a sawi awmzia ka hriatthiam rual chuan nuam lo tihna in min fan nghal a, za lo zet hian ka nui lui sak a,
“nia, tunlai chu ka Mimal thil ah buaina ka tawk alawm le” ka ti a,a bu nghut a,
“nia, i mimal chungchang zawt tur che ka nilo tih ka hria, mahse, Betty-in i chungchang a rawn sawi dan ah ka lawm vak lo” a ti hmuk a, ten hmel zet hian a ner a, ka rin phak bak thil ani ta,
“maw....??!!, alo Call che maw??” ka hmel a Manganna lang chhuak tur chu ka duh lo takzet,
“um...Nizan khan a rawn call a, Din-a nen eng Drama emaw in chang a ti a, chubakah Mi Hausa te nel dan tawk hrilh tur che in min rawn ti kher bawk a, ka lawm lo deuh bawk nen, in buaina kha engmah ka hrelo na chungin ka thinrim in ka lo hrawk deuh a..” a ti ta duah a,tawng pawh ka tawng theilo,
“eng chungchang nge ni reng reng a?” a tih zawm leh a, ka kut khur dar dar chu ka mal chungah ka dah thla a, nghet zet in ka hmu a,
“ih...Nizan Hmasa khan Lalnghaka nen Party na ah kan kal a, ka hmelhriat hlui ka hmu thut a, Lalnghaka a awm silo a, Dintluanga khan min rawn chhan a “ ka ti bah nak mai,
“um...mahse, chuvang ngawt a Betty lo lungawilo chu ka va hrethiam chiah lo em” a ti leh a, zep duh mah ila tih ngaihna a awm ta lo,
“englo...ih...a Nupui Hual ang in min sawi a, mahse...mahse, Betty bulah chuan aman a sawi fel mai ang tih min hrilh a, kei pawn nuam ka ti lo a” ka thaw hap a, nia..nuam ka ti lo takzet,
“oh...anih chu mawle, Betty-i te ang tan chuan a Mipa duhlai lo chuhpui chu a na anih chu, a zia a chhuak hial alawm” a ti duh ta lek a,ho a tih hmel em em lehnghal, keiin ka lo manganpui tehreng nen,
“nia...nimin khan Office ah min rawn hmu a, a lawmlo tih min rawn hrilh bawk a” ka ti leh a, Hna chungchang ah chuan inbia in in hau fo thin mah ila ka Mimal buaina sawipui chu nuam ka ti hauh lo,ka ti dak mai.
“a va han nasa tak e aw, London emaw a ti leh pek anih chu...theihnghilh rawh, Din-a alo leng dawn a ka lo hrilh ang, a Bialnu a veng tha lo anih chuan a pawi dawn em mai” a ti hluk a,
“ngailo, engmah sawi tawh lo zawk ang, mi tupawn min zawt se, Dawt anih thu ka lo hrilh zel mai ang” rang zet hian ka ti a, min en run run a,
“i chiang chiah maw?, nang aiin an 2 hian ka hre chiang ania” a ti hluk a, sawi leh tur hrelo in ka ngawi ta zawk a.

Ka Beisei ruk ang ngeiin engmah buaina ka tawk ta lo, tunah chuan thla a vei leh hial tawh a, Dintluanga emaw Betty pawh tu mah mah ka hmu ngailo ve ve, Nitin hna ah ka buai em em a,Dintluanga nen a kan chungchang pawh tuman kan sawi chhuah tak loh avangin ka hre reng ta lo,kan beisei lawk miah lo in Betty nen hna chungchang kan inchuh ah khan engmah a buaipui lo ani ang, chak tak in hma ka la thei a, tunah chuan Company lam in min rawn tlawh tum in an in buatsaih mek a, kan Sumdawnna kal pui dan engkim an rawn zir chiang ang a, an duh zawng kan nih chuan min thlang in kan tifel tawh mai dawn a, engvang a Betty hian buaipui ta lo nge anih ka hre zuilo.


“i dam maw?” rawn ti tu lam chu ka hawi a, ka Beisei loh zet in Dintluanga alo ni a, mahse, a hma ang kha chuan ka ngei ta lo,
“aw...dam alawm, i va vang ve” ka ti let ve a,
“nia, ka zin char char a, nimin ah ka lo let leh chauh a, Puia te an tha maw?” a ti leh a, ka Dress vang chuan nuam ka ti lo leh hnuhnawh a,
“aw..tha e, he Gym ah hian i kal ve tih ka lo hre miah lo a.” Ka ti a, thla 2 lai ka kal tawh a, ka hmu ngai miah lo,kan Timing a in ang lo animai,
“nia..kal ngailo, BHHO ah ka kal thin a, mahse, he lam hi Instructor an nei tha riau a ka rawn insawn anih hi” a ti a,
“aw...anih chu mawle, kei chu ka haw a hun ti tih tawh a, ka kal phawt ang aw” ka ti a, Ka Dress , Nike Capris Tight zet leh ka Jacket hak chuan ka taksa a phuar a, ka lang tam mah mah in ka hria,mahse...nidangah pawh ka ha fo a, hetiang rilru ka pu ngailo.
“ok...Kan Timing a in ang dawn tlat, kan inhmu leh dawnnia” a ti sup a, a Mit lian leh dum kel kawl chuan ka mal a melh zauh a, ka Mal a khur nghal tith ringawt bawk, hahthlak hian aaa..


Ka haw veleh ka Inbual a, ka Nau erawh Committee a neih avang in ka haw hma in alo kal chhuak tawh a, Ka khum ka pan nghal a, ka Work out kha ka bei nasa deuh a mut hah chawlh ka chak ber, ka mu zal a, COC ka khel a, ka War mumal theih loh avang in min lo Kick leh hman tep tawh lo niin..kan clan ah hi chuan ka tangkai lo fal nalh, mahse kan Clan Leader hian min Duat ve riau a, min la paih chhuak em lo,kan War dawn chiah tih in Call ka dawng...a va han tullo uluk ve...Number ka hriat loh anih avangin ka Dismiss hmak, kan War zawh hunah ka Call Back mai ang chu...
Ka hman veleh ka Call Back nghal a, a ring char char a, ka dah dawn chiah tih in a rawn la ta hram a,
“Hello...Ma-eng..” Ka Phone ka thlauh lo chauh,
“tunge i nih ?” ka ti hmak thung, ka thinlung chhung tui zawih zawih chu ka aw chang fak chuan a hliah hneh kher bawk,
“keimah...Stephen-a “ a aw a la ngai reng, insawi miah lo mahse ka hai hauh lo, Tunge anih ka zawt lui mai zawk,
“oh...tu Stephen-a nge aw??” ka ti lui leh ngat a, a rum hak mai,
“keimah, Stephen-a, Rinsanga kha..” a rawn ti halh a, nia...ka hria, mi zawng zawng in ‘Stephen’ tiin ko mahse kei chuan midangte Koh dan a ko duh lo in ‘ Rinsang’ tiin ka ko kher thin a, a tir chuan a duh lo, mahse, ‘ka tan i Special em a, koh na bik che neih ka duh alawm’ ka tih hnu ah khan a pawm ta anih kha..

Chapter 6

“Rinsang-a maw???...oh..ka hre leh si che, eng nge ni ta?” ka ti leh a,
ka rilru chhungril chuan na tak a hau tur leh lo vin chiam bawk turin min tur a, tawngkam mawilo tak a min biak chhan zawt turin min tur tlut tlut bawk a, Mahse, ka Rilru fim zawk erawh chuan Dam raih a be turin min thunun thung a, chu kawng zawk chu ka thlang a, Dam raih leh chang fak si in ka bia a, vawi tam tak he thu hi ka hre tawh, a hun alo thlen hian zawm a har thin , Mi tumah hian min ngaipawimawh lo tu bula awm nuam kan tilo, engatan mah min ngaih loh na tluk a na a awm lo,
“aw, i dam em?, hman zan khan inpa kha a inla hlauhawm lutuk a.” A nui hak a, ka hriat thin dan kha ala ni anih chuan a nuih a za tak tak hauh lo tih a nuih danah ka hria,
“dam alawm, nia...a in la hlauhawm pawh anilo, a hlauhawm ve hrim hrim a” ka nui lui hak a, mahse, ka thil sawi pawi zia ka hre chhuak nghal a, Betty in a lo hre leh anih chuan a min zilh ringawt tawh lo ang tih ka chiang,
“Dintluanga kha ka hria alawm, mahse, in 2 kher chu ka lo ring chhin ngailo” a ti halh a, kei erawh chuan nuam ka ti veng veng thung,
“nia, khawvel hi a zim khawp, tak tak in mut ka lo tum tawh a, min rawn biak chhan i sawi zawh chuan..?” ka ti salh a, a thaw ham ham ri ka hre zui zat bawk, a ngaihdan nilo thil a awm chuan in Control tum in hetiang hian a awm thin tih pawh ka la theihnghilh chuang lo cheu..
“vawikhat tal Chance min pe leh thei angem?” ka thlawk chhuak lo chauh,
“ah...ni lullo e..Mangtha phawt” ka dah hmak...


Ka khur hlawk hlawk min hmu tur a ka bulah tumah an awm lo hlauh erawh ka vannei takzet, engtin nge khatiang kha ala rawn sawi ngam zawk ni??!!
High School kan kal dun a, a tir ah chuan thian ang in bul kan tan phawt a, Ka Mizia, Frank leh Harhvang tak, Nuih duh bawk si khan a Hip ani chek ang, School ah kan inkawm chat a, High School kan chhuahsan hnu ah pawh kan la inkawm zel a, a Bialnu te ka hriatpui thin a, a ruk a ka thik chang lah a tam ,mahse, kan dinhmun a inthlau em em a, Anni kha Khawsa sang leh Changkang tak anni a, kei erawh School kal tur a Thingtlang atang a Aizawl a awm ve mai ka ni thung,Mak tak in kan Induh tawn ta viau, khawiah pawh kal ila kan theih phawt chuan kan inzui a, a tan anih chuan engmah ui ka nei ngailo, ani pawh ka mamawh anih chuan a tlan chhe ngai lo,
Kha Zan Rapthlak tak thlen hma kha chuan....Ni e, Ka Thinghlimna ka hlan a, ka inchhir eih lo, ka hlim a, a tan anih miau avangin min dil na kha tih beidawn ka duh lo ve tawp, Hmeichhe lungmawl leh Hmangaihna a bual at ka ni tlat, mahse....a tuk ah erawh engmah sawilo in a Zirna zawm turin Bangalore a pan ta daih a, Phone ka tum a Switch Off a inti zel bawk si, ka Mangan na kha rapthlak tak ani, min kalsan tih ka hrelo a, tawh sual a tawk anih ka rin avang a mangang ka ni zawk, mahse, ani erawh kha chuan khatiang a min kalsan kha a tum dan alo ni reng si..ka ngaihtuah zawng ringawt pawn ka taksa a khur a, ka Thinlung chhungril ber thleng in a vit sawm nawn leh ani ber, a Thianpa hnen a tangin a chanchin ka hria a, kan in zui a, ka in zui nasat tehlul nen khatiang khan thil tum alo nei ru tih ka hre lo,Hmeichhe dang nen min kawp tih phei chu ka hre lo leh zual, khang zawng zawng aia pawi ta ber erawh Ka rai ta tlat kha...a Thianpa hnen atang bawk in a Number ka nei a, Ka Zuk Call a min lo chhan dan kha a Rapthlak lutuk,
“Rinsang...i awmdan hian min ti hrilhhai asin” ka ti a, a nui hak,
“i mawl em mai, ka duh lo che, min rawn ti buai lo teh” a ti anih kha,
“min duh lo a min kalsan tih hi ka hria a, mahse, pawm har ka ti, engpawh nise min duh lo tu hi um zui che ka tum lo, mahse, tunah chuan biak che ka ngai, Ka Rai a..” ka Mittui sur nasat zia kha....
“ka duh lo, ti tla rawh” Phone a thi nghal hmak, vawi tam Biak ka tum a mahse ka hlawhchham zel thung,Mangang in a thianpa ka Pan a, ka nat tawh na zawng zawng belh chhah tur in he thu hi min lo hrilh anih kha...
“Pawi ka ti khawp mai, Dik tak chuan kan thian ho khan nangmah ah khan kan inchawi a, Stephen-a khan a Mutpui theih leh theih loh ah che.. pawi ka tih thu hrilh mai loh che chu sawi tur ka nei lo,Hmeichhe dang a kawp reng a, tunah pawh In an inluah tawm a,Maeng, Nau hi pai suh, ka theihna a piangah ka pui ang che” a lo ti anih kha....


Mu leh mal ka nei lo,Ka nung ve tawp, mahse, ka vanduai nge Vannei pawh ka hrelo, Naute kha ka chhiat ta a, a hun lai khan pawi ka tih leh tih loh pawh ka hrethiam lo...Tunah rawn let leh a la tum ngam anih chu !!!!, Mihring alo ni reng reng lo, Ramhuai dik tak.


“ilo kal dawn lo emaw ka lo ti hman a “ Gym ka luh veleh Nui chung hian Dintluanga’n min lo bia a, Nileng in Stephen-a vang in tih nat nawn leh in ka awm a, Gym pawh ka kal lo tep reng ani,
“kan buai deuh alawm mawle, i va hma ve” ka ti ve a, a then sak a,
“he lai hian min hip thar ta riau anih ka ring” a ti sup a, ka Nui a, ka hawi kual a,
“a tu ber hi nge niang aw???, mahse, Miss B erawh ka hlau deuh” ka nui hak a, ani pawh a nui ve suk tho, a hma ang khan ka zah in ka hlau ta lo,mahse, amah ka hmuh apiang a keimah a Danglam awm thin erawh ala ngai reng, Ka kalsan a, Keimah in Workout ka duh ber thin a, Midang hmelhriat neih hi ka tum lem lo, thla 2 ka kal ve tawh chung in tumah han kawm pawh ka nei chuang lo, Polite chhuah in kan inbe ziah hlawm a, mahse, tumah thian han tih tur khawp a kawm ka nei lo.


Hah hnep in ka tlan a, Ka Mitthla a Stephen-a hmel rawn lang chuan min ti buai, mahse, ka duh leh Hmangaih vang nilo in Ka Huatna Nasa Lutuk vang ani ta zawk, Hmeichhe Hmangaihna hi Huatna a a in leh vaih chuan kan Hmangaih na ai khan kan huatna a nasa zawk tlat ani. Ka duh tawh miah lo ka tih chuan ka sawi sual ang, mahse, Let leh tumna ka nei lo,Na Taka min kalsan duh tu hian Chance neih leh a Phu lo,Khang ka Mittui zawng zawng pawh kha tunah chuan ka ui ta.
“i tlan muan deuh loh chuan Treadmill kha a chhe mai ang aw” Dintluanga ka Hma a a rawn din takah chuan thaw hlawp hlawp hian ka ding ta hram a,ka lo in ngaihtuah nasa mah mah ani ngei ang,
“ha....i duh tawk der elaw?” ka ti a, Ka thlan in min bual huh ti tih a, ka Kawr hak pawh ka Taksa ah a bet thlar mai,
“um...Duhtawk ani mai, in veng lamah ka kal dawn a ka rual a i haw duh chuan..?” a Mit meng thim raih leh Sexy zet chuan min en a,a thawmhnaw hak engkim chuan a Pian nalh zia a tilang chiang leh zual a,
“a van rem tak ve, mahse, Scooty ka keng a..” ka ti a, a bu nghut a,
“ok....pawilo, nih phawt” a inher a, ka chhan let hma in a kalsawn zui ta daih a, a Hung lam chu ka thlir a, a Dar pharh hlai hlap leh a kawng fek rat chu a inhmeh tak zet, a nalh lo tih rual anilo,a Mal sei zet a a pen pawk pawk chu ka thlir a, a nalh ani, hetiang Pian hi Mizo Mipa hian an neih ka lo ring ngailo a, mahse, tunah chuan Hnamdang chauh hi Pian nalh an lo nilo tih He Mihring ah hian ka hmu chiang ta khawp e.


Stephen-a ngaihtuah loh hram hram ka tum a, mahse, ka mut erawh a chhuak lo, Phuba lak ka chak miah lo a, mahse, a Bula hun hman leh pawh ka chak chuang lo, a Kalbo thut khan ka neih zawng zawng a kalpui niin ka hria a, a hnu ah Na tawpkhawk in min sawisa zui leh a, engmah ka la theihnghilh thei lo, mahse, ka chhungril khawi maw lai ah hian amah paih chhuah phal lo a dawm bet tlat tu erawh a awm tho, Ka Phone ah Msg Tone a ri a, ka en chuan ka beisei loh deuh in Dintluanga ani tlat...
“Naktuk ah hun i neih chuan Biak che ka duh a?” a mak hle mai, tun ni 2 chhung hian kan inbe tam mah mah ani, Stephen-a bul a a tak ani tih ka sawi leh vang kha ani thei mai angem???
“ka van chiang lo..Office ah lo kal mai la?” ka ti let a,a reh vang vang a, Mawl min ti leh hle tawh ani mahna...
“Ok.. ka lo kal ang” a rawn ti a, ka Reply ta lo...
Min biak duhna chhan tur awm ka hre hauh lo..Pawilo, tunah lo ngaihtuah chiam angailo, a hun ah ka hre mai ang, tunah chuan Mut ka mamawh ber..


Ka Office kawngkhar ri pawp ah chuan Rang zet hian ka hawi chhuak a, Betty Thinrim lutuk, Hmel dur khap nen kan inhmachhawn ta ran mai,
“lo leng rawh...” ka ti hman chiah, Dawhkan a Ka Tui dah chuan min rawn theh a, a chet dan chuan min thawng lutuk a ka Hmai atang a tui far thla in ka kawr a tih huh pawh ka ngaihven thei lo.
“tu nge ni a i inhriat?” a ti tuar a ,ka la chesawn chuang lo,a rawn kal hnai a, ka bul a rawn thlen hma in ka mit ka chhing ta ringawt,

Mahse, engmah a thleng ta tlat lo, Kut tha chak zet hian min rawn kuah bet a, Hamhaih lutuk in ka hawi chhuak a,Dintluanga Hmel,Thinrimna avang Dur khup chu ka en a,

“Thu phawt la” a aw dam leh ril ruih ah chuan a In Control nasat zia ka hriat hmaih hauh lo...

Chapter- 7

Kawngka lam ah chuan thawm a awm a, ka hawi phei a, Kan thawhpui te 2 an lo dak a,an hmelah chuan hlauhna a lang bawk a, keipawh eng ka nih bik ka ring chiah lo,
“aih...a thu lo ang, chuan, Din..Hmeichhe Nasa lutuk enkawl dan ka thiam ka tih kha” Betty nui ri chu ka rap lutuk,
“Khawngaihin Kawngkhar kha min lo khar sak teh u, Buaina tlem kan nei lawk a, In Pi hi chu ngaihtuah suh u, a Bulah ka awm” Dintluanga chuan ka thawhpuite 2 hnenah chuan a ti hmuk a, anni erawh chuan keimah min rawn en a, ka bu ringawt, ka tawng chhuak theilo, an khar a, mahse, an kalsawn hlat ka ring chuanglo,
“Betty....i thil tih hi i chiang em?” a pan hnai a,
“aw...ngatinge ka chungah i thinrim a, kei nilo in amah zawk kha hau la..” min rawn kawk a, a Hmeltha tak pawh a phelh ve phang mai,
“min lo hrethiam ula, in 2 buaina ah min telh suh u, khawngaihin min kalsan rawh u,keimah a awm ka duh” ka rin ai in ka tawng a pangngai zawk,
“nilo, nangma bul tan anih hi..” Betty chuan a ti tuar a, min rawn pan tur chu Dintluanga chuan a dawm bet a,
“Duhtawk rawh, i duh chuan keimah min hau rawh, Maengi nilo in..” a aw a ring lo ,mahse, hlauhawm tak ani.
“nilo, Warning pawh ka pe, mahse, alo hnaih lui zel che hi ka ngaidam theilo” a tal laih laih a, Mahse Dintluanga chuan a vuan bet hneh ngang mai, chet na chang hrelo in ka melh reng ringawt, ka chawmawlh vek, a tal laih laih chu Dintluanga chuan a thing deuh nawk a, a nem sawn a,
“Warning ilo pea maw??, tunah chuan ka hrechiang tawh, Maengi hi kalsan ang che, i hnaih leh vaih chuan keimah min beih tel zel angai ang, Kawngkhar awmna i hria, chuan, i nihna leh Midang Office a Buaina siam kha a inhmeh lo ania” a Ban a phar a,Kawngkhar lam a kawk va bawk.
“mahse...Din....” a tah aw ta tiau mai chu ka lo khawngaih zawk, Ka awmve tih pawh an hrelo nimai in ka hria,
“aih...a tawk, kal tawh rawh, khawngaihin” a ti dam thlap thung.

Ka Chair bulah a rawn thu hniam a, Ka kut a rawn vuan a,
“i tha tawh em?” a ti sup a, min duatna ri chuan ka tah a ti chhuak hluah hluah,
“aw...min ngaihtuah suh, Betty kha...” ka hmui ah a kut a rawn dah a,
“shh...kal rawh se, a bul a ka sawi kha ka ti mai mai hleinem” a ti leh sup a, kei erawh ka mengphar dawrh thung,
“Nilo...chutiang anilo, engkim hi keimah vang ani tih ka hria, va um zui la, a thinrimna kha va tih reh sak zawk rawh” ka ti sep a, tun lai ka hun tawn tehhrep hian min ti chau takzet.
A tho vut a,
“a tawk, thil i ei tawh em?” a ti ta daih a, a Mood in thlak rang lutuk chuan awm dan min ti buai hial thei,
“aih...ee...nizan khan min biak i duh in ka hria” ka ti ve ta zawk a,a bu nghut a,
“i Boss hnenah hruai chhuah phalna che ka la tawh, Lunch ei pah in kan sawi dawnnia” a ti hmuk a, a Hmelpa leh Fai sar mai chuan min hip chiang khawp,
“ah...tih tur ka la ngah asin, he tah ei mai ila...aaa, chupawh ka duh chuanglo, Ka thawhpuiten min sawi sep sep tur ka duh lo” ka ti halh a, a nui suk a,
“Midang ah buai duh suh, ka ril a tam a, ka rual in i kal ngei ngei dawn tih ka hre bawk ania” a ti leh a,Ka Dawhkan Sir a ka Bag dah chu ala nawlh a, a chhuak zui nghal daih bawk, a awm dan mak lutuk leh chimawm ta riau chuan ka nuih a ti za a, a hma lawk a kan buaina pawh kha thleng lo ang hmak in a awm thei tlat ani.
Ka Room bul chiah a thu Mapuii hnenah thil ei tur in ka chhuak lawk dawn tih ka hrilh a,a Hmel a zawhna lang chhuak chung hian min en a, mahse, hrilh tumna ka neilo, Boss lo kal hunah ka hrilh anga a tawk mai, ka thawhpuite bulah chuan insawi fiah turin ka inpeih rih lo ani mah zawk.Mak an tih em em turin Dintluanga ber kher in min chhan a, ka la chhuah pui dawn zui bawk nen, an duh duh lo sawi phawt teh se. Kei ngei pawn thil thlen dan hi hun thawl a ngaihtuah ka mamawh ve tho a, engkim a thleng thut thut niber in hria.


“khawiah nge kan kal dawn?” mak ti zet hian ka en a, Office bul velah kan ei mai tur ah ka lo ngai a, mahse, Motor ah min lo nghak a, Ka Bag a ken miau avangin ka lut lo ngawt thei silo,nuam zawng ka tilo, Ka thawhpuite ho in min thlir zui ngei dawn tih ka chiang,
“kan thlen hunah i hre mai ang” a ti hmuk a, a hma lawk a Mipa Nelawm leh kawm nuam tak ,Midang laka min chhan tu kha chu a ang leh tawh lo,
“mahse...ka rei lutuk chuan.....” Nelawm loh zet a min rawn melh takah chuan sawi zawm ngam lo in ka ngawi ta hmak a, eng Buaina ah hian nge ka in tah luh pawh ka hre thiam tawh lo, Midang inkar ka ti chhia a, Ka Nunhlui phum bo ka duh em em khan min rawn hnaih chilh in Ka Nun ah a vawi 2 nan Stephen-a a rawn lang leh ta bawk.
“kan thleng e” a tih ri ah chuan ka Phu deuh zawk a, Ka haw chhuah chuan An Hotel kawt ah kana wm tih ka hria, mahse, engmah ka zawt ngam tawh lo,ngawireng in ka chhuk a, Ka Bag erawh aman a keng zel a, a tha lem lo bawk nen ka zak veng veng mai,
“lut ila....” a then sak a, a Ha var rual that leh a Biang sum khuar kalh chu a lang chiang in a inhmeh takzet,thuawih deuh a zui mai bak tihtur dang a awm lo, a Hnung ah ka kal a, mahse, a ding a, min lo nghak a, ka inrin hma in ka Kut a rawn vuan a, a rawn kun hniam a,
“min rinchhan la nuam i ti zawk ang” a ti sup a, a hawisawn lehnghal a, a sawi dik zia erawh ka hre nghal pang, Hotel a thawk Pakhat chuan Phawk zet hian min lo melh a, mahse, a in Control leh thuai a,ka incheina Simple leh Man to lemlo tak chuan mak a tih tir ani mahna, thil dang pawh ala awm, Nidanga hmeichhia a hruai thin te ang lo tak in ka Hmeltha lo a, ka pian a nalh lo bawk ngei ang, kei ang hmeichhia a vawikhat hruai luhna ani zawk hial maithei bawk.


Lift ah min hruai dawn emaw ka tih laiin Step lamah min kai zel a, Step atang a Pa Upa lam leh Hmeichhe hmeltha zet rawn chhuk chuan min hmuh veleh an ding a, an nui hmel a ral riai riai bawk,
“ee,Mama, rawn biak che ka lo tum a, mahse, ilo awm silo a haw ka lo tum chiah asin” a ti a, Dintluanga nen an in ang hle, min rawn en a,a thle bak a, a zaidam hmel kher bawk,
“aw...tunah chuan ka hman rih lo e, Nakin ah In Dawrah ka lo kal mai dawn ami?” a ti let a,
“pawi chuang lo” a nui a, min rawn en a, a nui seng a,
“Pa...helai lo deuh ah hian Ding ila,Introduction lam kan Beisei dawn mi niang?” a nui hak hak a, a nui ri ah mi tih el na lam a lang lo, a Kalpui pa chu a bu nghut a, kei erawh chuan Dintluanga’n ka kut a vawn chu phelh tum in ka ti che a, mahse, a hma ai a nghet in a rawn hmer a, Tal a sawt lo tih ka hria.

“Nghal viau thin lo teh “ a ti hluk a, mahse, A thinrim hmel loh..
“sawi vat la, chuti lo chu Midang te hian an en thup che ania” a Pa chuan nui vur vur chung hian a rawn ti let ve a, ka Biang sat hut hut danah chuan ka Hmai a sen leh vek dawn tih tuma hrilh ngai lo in ka hrethei.
“ok...Maengi anih hi...chuan,Maeng, heihi, Kapa leh Kan Upa ber, Julie anih hi...” min rawn en a, Ka kut a vawnna a thlah a, Mimawl nileng tan lo chuan Chibai tur a min duh na chu haider theih anilo,ka kut ka phar chhuak a, Apa in min lo vuan vat bawk.

A Room kan thlen meuh chuan hah vang in ka thaw hle hle mai,
“ding reng lo khan thu la, in tur ka rawn lak ang che,Lift i ngaina lo tih i Boss sawi ka hria a, i hah phah ta deuh nih kha ” tih leh kalsawn a rual a, Fridge lian vaklo chu a hawng a,
“Enge i in duh?, Beer nge Juice?” a ti a,
“Tui ka duh tawk mai” ka ti let a , ani erawh chuan a in turin Beer a Phawrh chhuak a, ka ep ah a rawn thu a, a Room chu ka Beisei Phak bak ani, Khum Lianpui,Satin Puan Gray colour a khuh dulh hi a laiah chuan a in hung a, In chung atang in Light Nalh zet hi lian vak lo in a rawn bawr taih a, Bang an thuahna pawh nalh tak ani, Glass Dawhkan nalh leh fel at mai hi Hnangtah Chair leh a sei in a hual a, Cushion Dup tih hriat ngawih ngawih a inphah vek a, chhuatah pawh Carpet Hmul chi a inphah vek bawk.

Door Bell ri ah chuan a tho leh vut a, a va hawng a, mi 1 hian eitur a rawn nawr lut a, mahse, a chhuak lehnghal a, kan 2 in kan awm leh ta ran mai,
“i duhzawng ka hre lo a, mahse Puia khan Chakai leh Kaikuang i duh lutuk a ti a, ka lo siam tir a” min melh run a, ka chil ka lem khawlh ringawt, a sawi zawng pawn ka ril a tam nghal rawih rawih thei,
“aw..a dik alawm, mahse, kan awmdan hi a mak ka ti deuh “ ka rilru a awm ka thup thei lo,
“mak ami?, tak tak in engmah chhan a awm lo, hmuh che ka duh a, chu zawng chu” a ti sup a, makti lutuk hian ka lo melh thung,
“ei phawt ang, ka ril a tam takzet” a ti leh daih a, sawi zawm duh mah ila a Mood a thlak leh daih tawh.

Ngawireng in kan ei dun a, an siam tui lutuk a, ka zak buai peih ta lo law law, ei hnem tak ka ni..
“a tui hle mai, ka lawm e aw” ka ti a, a nui huk a,
“i siam kha tui ka ti zawk” a ti a, chhan mai ngaihna hrelo in ka melh a,
“Puia te Naute Birth Day ami kha...” a ti sup a, kei erawh chuan thildang hriat chhuah phah nan ka hmang ve thung,Betty khan ka ei siam min faksak chiam anih kha..

“Betty nen hian Buaina in nei sa em?” tim dai hian ka zawt a,
Hahdam hmel zet hian hnung lam a ngheng a, chung lam a melh vung vung bwk,
“nei sa lo..engatinge?” a ti sup a, a mut a chhuah hmel hle bawk,
“oh....anih chu, keimah vang a inbuai ta hluai mai hi hrehawm ka ti takzet a, mahse, i awmdanah hian i runluih a ang ka lo ti a” ka ti sep a, min rawn en a, a Mit meng thuk ril ruih mai chu ka en let ngam lo,
“Runluih maw??, ni lah lo e, Robot ka nilo a, Mipa ka nia, Duhzawng ka nei thiang alawm” a ti hmuk a, a thaw zui ham ham bawk,
“anih chuan i Duhzawng chu ka nih hmel si loh a...ka buaina avang khan min khawngaih tih ka hria a, mahse, hetiang a thui kal angai lo...” a tho thut chuan min tawp tir chawt bawk, a rawn kal kual a, ka bulah a rawn thu thla a, a rim pa zet chuan ka hnar a ver nghal zak bawk,Eng Purfume nge anih erawh ka hrelo..
“min en rawh..” a ti hluk a, kei erawh chuan hmalam ka en ngar thung,min rawn kuai her a,
“ka mit ah en rawh, ka thusawi lai a thildang an lo ngaihtuah hi ka duh lo ania” a ti leh hmuk a, ka rilru in ‘ keipawh’ ka ti thung,
“ka Hmuh tirh atang che khan ka ngaina lem lo che, mahse, tun hnai atang hian a chhan ka hriat si loh in nangmah ah hian min hip tlat tu a awm, ka thinlung in ti tur a min hrilh apiang ka zawm mai thin..a tha lo anih erawh chuan ka bansan leh mai thin bawk a,nangmah a min hip bet tlat tu hi hriat ka duh a ka tum mek ani” a rawn kun hniam a, chet sawn nachang ka hre leh tawh lo, a Hmui hnuailam chhah tap mai leh fawh nawm hmel zet chuan ka chal a rawn tawk a, a kut chuan Ka hmui a rawn tuai a,
“He Hmui nalh leh Sexy lutuk vang pawh hi ani thei bawk a” a nui hak a, a nui ri Sexy lutuk chuan min ti khur lo chauh.
“min thlah teh..” tawlhsawn tum in ka che a, rang zet hian min rawn kuah bet a,ka inrin hma in a Taksa lian leh khauh tung mai chu ka ngheng a,
“nilo e, ti hian awm rawh, Kapa leh Ka u i hmu tawh a,an sawisel dawn lo che tih ka hria, mahse, Ka Nu leh ka Nau erawh an danglam ania,” a lungphu ri dat dat chuan a chhan ka hriat siloh hian nuam min tih tir veng veng tlat,
“ka thei ve lo, tunge ka nih ka hria alawm” ka aw a zawi lutuk a a ri chang chang,
“keipawn ka hre tan tawh che alawm,ka la hriat belh zel bawk anga” a ti leh sup a,
“aih..kan in mil lo,kei chu i Thianpa hnathawk pakhat mai ka ni tih i hre tel ani lawmni?” ka mangang tan,
“hria e, mi Frank leh tumruh lutuk i ni tih pawh ka hre tel...chhuanlam a tling lo” min nawr sawn a, Ruak huai in ka inhre ve ringawt bawk,
“engmah ka ngaihtuah thei rih lo, kal ka duh tawh zawk..” ka ti bah nak mai..


“ok...ka thlah ang che, mahse, min hnial zawng in engmah ti hauh suh” a ti a, min vau a ang ber.

Chapter- 8

Office ah min dah a, ani erawh rawn lut ve tawh lo in a kal nghal a, ka thawhpuite chuan ka sawi anih loh chuan engmah min zawt ngam dawn lo tih ka hria, mahse, engtin maw tal ka insawi fiah a ngai maithei....Hna ka thawk hleithei der lo, a hmui lum ham ham in ka chal a tawhna lai chu ka khawih a, ka chal ah nilo ka Hmui ah zawk min fawp ta se engtin nge ka awm ang tih ka ngaihtuah a, a hmui in min tawh lai khan ka sawi thiam chiah loh nawmna in min tuam chiai chiai tlat ani.


Gym erawh ka kal ta lo, ka Boruak tawn te khan min ti chau nghulh a, mut hahdam ka chak ber, Ka Nau a Room ah a awm a, kei erawh Tv hmaah ka thu a, ka en duh zawng a awm lemloh avangin ka hmet kual vel mai mai a, Tv enna hun ka nei mumal ngailo a, ka lawm teh chiam lo bawk nen, han en mai tur ka van riau thin,Kawngkhar kik ri a awm takah chuan hawng turin ka kal a, kan unau a kan awm emaw keimah chauh ka nih pawh in chhunglamah kan kalh deuh reng thin a,
“Lo lut rawh “ tih pah in ka nem hawng a, mahse, Pawn a lo ding ka hmuh erawh chuan khar leh mai ka duh zawk,
“oh...eng nge i duh?” ka aw a nem fahran lo, a then sak a,
“ka lo lut thei angem?” a ti a, a hmeltha takah chuan ruih nei a ang khawp leh nghal, tih theih dang a awm lo, Phallo kual vel ila ka inti mualpho mai mai ve thei tlat, ka tawlh sawn a, a rawn lut a, tlang nel zet hian thu tur a ka tih hma in a thu a, kan inchhung chu a melh kual a, Dik taka sawi chuan Pangngai tak a hmachhawn harsa ka la ti cheu mai,amah hlat thei ang ber in ka thu a, sawi mai tur ka hre lo,
“Nangmah in ami i khawsak a?” a ti a,i hriat tur a awmlo tih khum ka chak zek zek ,mahse a finthlak loh tih ka hria,
“aih, ka nau nen, Room ah a awm a” ka ti tha ve mai,
“Dintluanga alo kal dawn em?” a ti a, amit a ti zim a,
“ilo hriat tur a awm lo e,eng nge i duh?” ka ti hmak thung, a nui hak a,
“inleng i lawm dan a nalh lo hle mai” a ti a, ka thinrim na in min tur et et bawk,
“ka nuam vak lo mut ka lo tum tawh a, bakah sawm loh a mi in a len ngawt hi a mawlthlak” ka ti sak a, a hmelah chuan Nuam lo ti hmel a rawn lang a,mahse, khawngaihna pawh ka nei chuanglo,
“min lo va han haw em em bawk ve mawle” a ti halh a, a sawi ngam ka lo ti zawk,
“chutiang sawi ka peih lo, engtik nge Nupui i neih dawn tak?” ka nui a, heti zawng hian ti ila na a ti zawk ang,
“ka nei dawn hleinem.” Phawk deuh hian min melh a,
“e, ka zawt mai mai che, Kan Inneihna te chu i rawn tel ve ang chu” ka ti a, Za lo zet hian a then a, a lawm lemlo anih hmel,
“nia...mahse,...aaaa, a ngai leh lo.” A ti buh nuaih a, kan ngawi dun ta reng a, engtin nge hmanah khan amah ka hmuh apiang khan ka lo phur em em theih zawk ni??,tunah erawh chuan Na tak in min kalsan tih bak engmah ka ngaihtuah thei lo. Engtin nge kan In awmna a rawn zawn hmuh theih zawk ni?, kan inkawp lai a kan thian kawm te kha tumah kawm ka nei tawh silo.,Haw tur a a din meuh chuan ka thaw huai ani ber, chelh emaw tumna ka neilo a, thlah tur a chhuah lah ka tum hek lo.

“enga tinge Gym ilo kal loh?” Phone ka pick veleh a ti nghal tawng,
“ahh....ka chau deuh a..” ka ti ringawt,
“tunah enge i an?” a rawn ti leh a, min Care ta riau chu nuam ka ti ru khanglang lehnghal a,
“ka tha, ee...Stepehen-a alo kal a, chuan ...chuan..” ka sawi mai thei lo, a thaw hawk ri ka hre zui zat bawk,
“chuan.....” a ti hmuk a,
“Kan Innei thuai dawn tih ka lo hrilh a...” ka ti bah nak mai,a reh deuh vang vang a, ka lungphu ri dawt dawt bak hriat ka neilo..
“ok..... a pawilo..” a ti hluk a,
“Ka Inbual lawk dawn” a ti leh a, kan dah hnu chuan chunglam en in ka Mu meng kar a, inkawp tak tak kan ang hle in ka hria a, Nula, Kum 30 tling mai tur ,Mipa hma a ka zam viau mai hi thil mak tak ani, ka nih dan lo tawp in a bulah lah hian ka nawi nak zel bawk nen,hahthlak tak ani.

Office ka thlen hnu lawk ah Boss a rawn thleng ve a, Kan Sumdawnna thar tur chungchang kan sawi dun a, kan peih fel ti tih tawh bawk a nuam a tih hmel in a khi deuh vur vur reng ani ber,
“Nimin ah Betty alo kal ami?” min en lo in a Hma a File ka dah chu a keu nuap nuap a,
“aw...a awm dan hi ka hrethiam lo” ka ti sap a, min rawn en a,
“Dintluanga hi a atchilh tawp alawm, Dina pawh hian Duh lo tawp chu anilo, Neih mai pawh a hnial lo in ka lo hmu hial zawk a, Bakah Annu te ve ve hi an inkawmngeih a,Din-a bulah Australia lamah pawh khan a zuk awm ve reng alawm, mahse, Midang hi chuan an hriat ka ring lem lo,a lo haw a, tihian Nula fel deuh ani leh mai a” eilo hmel fe hian a ner a, eng vang a Betty hi ei lo em em nge anih ka hre lo.
“anih chu....” ka ti ringawt, sawi nuam ka ti lo, mahse, Boss erawh in ala duhtawk lo,
“Nimin ah Tap pur in min rawn Call a, i lakah a lungawilo tih a rawn sawi leh a, mahse,’ ka hnathawk nimahse a mimal nun ka Control theilo’ tiin ka lo chhang a” a ti leh a, ka hlauh ang chiah,
“nia,nimin khan alo kal a, Dintluanga pawh alo kal tho a ,mahse, Dintluanga khan a haw tir a” ka ti a, thil thlen dan vel ka hrilh a, mahse, Din-a te Hotel-a kan kal thu erawh engmah ka hrilh tel lo.
“a duh khawp mai Betty-i hi chuan...mahse, Dina hian Hmangaih a nei a, mahse, a Boral tawh a, khata tang khan tumah hi ala thutak ta lo niin ka hria” a ti a, pkhawk zet hian ka melh a, chutiang lam reng reng ka lo la hre ngailo, hriat belh ka chak a, mahse, ka zawt ngam lo.
“oh...a lo nimaw?, ka van khawngaih “ ka ti thei tawk, ka khawngaih tak tak..
“nia, khawngaihthlak tak ani, chumai bakah Naute a thihpui bawk a “ ka khur lo chauh, ka Din hmun nen in ang lo mahse ka khawngaih takzet,anni phei chu in hmangaih tak a Naute Beisei dun mek anni awm si a.
“eee...nimin khan chhuahpui a duh che a, engthil nge?” a ti leh daih a,
“Betty chungchang vel ah mawle, mahse a fel tawh e,Nula senior pui nih hnu ah Buai loh na tur ah ka buai ta chiam anih hi” ka ti a, Boruak tih zangkhai tum in ka nui sang bawk a. A bu nghut nghut a,
“in tih fel theih chuan a tha, Pasal te hi ngaihtuah tak teh, Hmeichhia hi chu Pasal tello chuan in zahawm lo ania” a ti ve a, tawngka a chhang lo in ka nui ringawt thung.

Nileng in Hna ah Ka buai a, Din-a emaw, Stephen-a pawh ngaihtuah zuina hun ka neilo, mahse, ka lawm zawk, tullo ngaihtuah chiam thin hi sawtna awm hek lo le,In ka thlen veleh ka inthlak sawk sawk a, Gym kal tur in ka chhuak a, mahse, ka sawi thiam chiah si loh hian ka zam a, Dintluanga hmuh ka hreh em em bawk, Ka Thlen in a then an lo haw dawn chiah a, kan Timing ah hian kan tam vak lo a, Hmeichhia phei chu 2 chauh kan ni a, Mipa erawh an awm ve nual thung,
“ngatinge nimin ilo kal loh ? ” Insructor in nui chung in min lo bia a, ka Regular em avang in Nikhat lek ka kal loh pawh in a chhan min lo zawt chul thin a,
“ka buai deuh alawm le,i tha em?” ka ti let ve a,a bu nghauh nghauh a,
Ka kalsan a, Dintluanga hmel erawh ka hmu miah lo, hmuh ka hreh em avang in a lo awm lo pawh lawm viau awm tak ,mahse, a awm tak si loh ah chuan ruak huai in ka hre leh lawi a.

Ka haw tur erawh Buaina ka tawk ta tlat, Ka Scooty a awm tlat lo, chahbi phawi lo in ka kalsan leh ani ngei ang, mahse tun tum chu ka vanneihna in a daih seng lo, a Scooty chawp in a awm lo ta tlat, Ka Phone ka phawrh a,Ka u Number ka zawng a, Mahse, tu emaw hian ka Phone min rawn pawhthlak sak a, ka rak thawt bawk,
“shh...amak vak vak em mai” Dintluanga aw ka hriat rual in ka thlamuang nghal huai huai,
“oh..nangmah maw?, ka van lawm, ka Scooty...” ka sawi zawh hma in ka Kut a rawn vuan a,
“Kal ang le..” a ti sup a,ka phone min pe nghal bawk a,
“mahse, ka sawi chu.. ka scooty ka hmu zo lo” ka sawi ngaipawimawh lo zet hian min kai a, ka zui ve lo theilo.
“Lut rawh” a Motor Kawngkhar a hawng a, a chet dan teh thut chuan min ti hamhaih a, hnial na chang pawh ka hre lo,ka lut a, a rawn nem khar a, a kal kual a, ani pawh a rawn thu lut ve nghal a,
“i chahbi i kal san, chuan, Ka Driver ka dah tir tawh, i Fimkhur lo em mai” a ti hmuk a, ka thaw huai huai mai,
“ilo kal hlauh chu ka van lawm e aw, ka haihawt lutuk hi hrehawm tak ani” ka ti sap a,

“engmah ila eilo em?” a ti leh thut a, a tlan chhuak zui der bawk,
“ei lo, ka haw ah ka ei ang chu” ka ti tha ve mai,
“i haw dawnlo, hruaina tur che ka nei” a aw khauh fur ah chuan thu min pe ani ringawt,
“chutiang ringawt, Inbual ka duh alawm mawle” ka ti that a, min rawn melh zawk a,
“Ka hria, Hotel ah kan kal ang a i inbual mai ang chu” a ti awlsam et, Beidawng zet hian ka melh a, ani erawh chuan Hmalam a en ngur thung,
“i awmdan hi a naupan chhiat thlak em mai,kal na tur i nei anih chuan a hma pawn min hrilh lawk mai la...” ka ti leh talh a, Mahni thu thu a lo awm thang tih takah min han Control kual vel hi ka thin in a tuar lo tan der,
“min hnial fo lo teh, Hmeichhia, Hnial hrat deuh hi ka lawm lo ania” a ti hluk a,a ding zui dawt a, ka lo inring lo nen ka in tauh lo chauh bawk,
“chhuk rawh” a ti sup a, a ni pawh a chhuk nghal a, thut luih reng ka duh hial mai,thu min han pe kual vel hi ka ngaithei thak lo.mahse,thuawih tak a chhuk mai loh chu tih theih ka nei chuang lo..


“ lo inbual rawh, hetah hian i mamawh a awm kim ang” tih pah in Bag min pe a, a Room chhung ah ka awm leh ran tawh,Hnial in awmzia a neilo tih ka hria, Bath Room ka pan a, Bath Room chhung pawn mak min tih tir leh tho mai, kei ang Thingtlang Nula mai tan chuan engkim mai hi mak tih loh rual anilo,Ka Inbual sawk sawk a,a Bag min pek chu ka hai a, Under Wear leh Bath Robe alo awm a, ka ha sawk sawk a, mak deuh in ka ha tawk chiah bawk, Bath Robe in ka intuam a, Darthlalang lian pui chu ka nawr tawlh a, a chhung ah chuan Towel var hi fel tak a thlep in a lo awm thap a, Pakhat ka la chhuak a, ka Lu ka tuam a, Kelawng in ka chhuak a, ani erawh, Dressing Table bulah min hnungchhawn zawng in a ding a, a Carpet a dup bawk nen, ka thawm a hre lo ani ngei ang.
“ih...enteh,khawiah nge kan kal dawn ka hre lo a,, ka thawmhnaw a awm bawk silo” ka ti a, a rawn hawi phei a, ani erawh Kamiz Var thianghlim zet a ha a, Kekawr Dum, ama ta tur hliah hliah a thui a ha zuih bawk a, a Mit thim raih chuan min en a, ka khur chhe lo chauh zui, atthlak zet hian ka Bath Robe suihna ka vuan a, a Mit a ti zim san a,
“ka rawn pawh phelh mai i hlau deuh em ni?” a ti hluk a, a hmel thutak run maiah chuan engmah ka hre thiam lo.
“ahh...chutiang pawh ani chiah lo..” ka ti bah nak, ke lawng in ka awm bawk nen ka landan nalh loh tur zia ka ngaihtuah ngam lo..a rawn kal phei a, ka tawlhsawn hrat thung, Khum lam a pan a,
“he tah hian i thawmhnaw tur a awm, puih i ngaih chuan ka pui hreh lo che ania” ka hawi phei vat a, Khum ah chuan Bag dang alo la awm cheu, a hma khan ka lo hmu miah lo,Ka pan hnai a,
“aih...puih ka ngailo ang ka ring,ilo va chhuah lawk theih chuan...?” ka en ha a, a nui suk a,
“ok...ka lo let har dawn lo ania, hmanhmawh deuh la i theih chuan, kan tlai hlauh ang” a ti a, ka chhan let hma in a Inher a, a kalsawn zui ta a, Room kawngkhar ka kalh leh te te a, Bag a thawmhnaw awm chu ka la chhuak a, ka thaw hawk ringawt, Pencil skirt Dum leh,Lace Crop top var thianghlim zet mai hi alo ni a, hetiang thawmhnaw hi ka hak ka lo ring chhin ngailo, Office kal nan chuan Jeans leh Cotton Jeans ka ha mai thin a, Pawnfen lam hi ka inbel ngailo,muangchang hman ka nilo, ka Bath Robe ka phelh sawk sawk a, Pawnfen ka inthawlh nghal a, Kawr ka ha nghal bawk a, Pawnfen ka duh aiin a Tight hret tih loh ah chuan ka ha tawk vek, engtin nge ka hak tawk a hriat zawk ni, Underwear zawng zawng nen engmah a lei sual lo.Ka sam erawh tih ngaihna ka hriat loh avangin ka Zial tawm tawp a, Make-up uar lo tak nimah ila hman tur awm se chu ka hnial hauh lo ang,Kawngkhar a rawn tih rik takah chuan ka va hawn sak a, a rawn lut a, Bawm dang a la rawn keng lut fo..

Min thlek vung vung a, a lungawi tawk ani ang, engmah a sawi lo,
“kha kha eng nge la ni?” a Box ken chu ka kawk a,
“Pheikhawk, Ke lawng a kal i tum em lo ang chu..” a then sak a, ka zam kual vel lutuk in pheikhawk ka bun lo tih pawh ka lo hre leh tawh pek lo,ka la a, a dum tho, Sang lutuk lo, bun nawm hmel zet hi alo ni a, ka bun a, ka thawl hret nangin bun hrehawm khawp anilo,
“ok....tikhan i inpeih em?, i thawmhnaw ah khan sawisel lai i nei em?” a ti nghut a,
“aih...mahse, Make – up a awm lo a,chuan kan kal na tur lam chu?,hetiang a engkim i leisa inbel ngawt hi nuam ka tilo hluah hluah ania” ka nervous zia lang lo thei ang ber in ka awm a,

“Ka Cousin Nupui neitur a awm a, Zan in hian Kan Cousin ho leh Kan thiante nen Party Aizawl Club ah kan nei dawn a, tah chuan ka Nupui hual i nih ang in i kal ve ang,chuan, Make-up i mamawh lo, ti khan kei chuan i nalh ka ti ” ...ka hresual anih beisei in ka melh a, mahse, a hmelah sawi sual emaw fiamthu thawh hmel pawh engmah a lang lo.

‘1986’ – 9

“nilo....ka kal thei lo ..” mangang lutuk hian ka ban ka phar kual a, ka dah thla leh a, a Kekawr ip te a zen a, muk zet hian min en a,a Hmel pa leh thutak run mai ah chuan a ngaihtuah engmah ka hre theilo, a chang in a nelawm em em a, a chang erawh chuan min tih nat duh ang maiin a awm bawk,
“i kal angai, ka pui tawh che a, min puih ve a hun “ a ti sup a, chu ti zawng kher chuan sawi tur ka neilo.
“ok...ka kal ang, mahse, kan in tal awk nghet tial tial ang tih ka hlau mai zawk” ka ti ve ta nge nge a, a then suk a,
“tal awk ah ngailo la, thil tak tak ah ngaila i hahdam mai ang” a Biang sum lang kalh khawp in a nui suk a, a nui hmel hian min ti danglam ziah lehnghal a..


A tlan chhuah hnu lawk ah chuan ka Pum a rawn ri raih raih a, a hriat hlau zet hian ka dawm a, mahse, a lo hre hman tho..
“Hotel ah khan i ei nghal thei tho a..mahse,pawilo ti mai ang,i riltam viau loh chuan... Party na ah kan ei leh angai dawn tho sia..” a ti sup a. Inthiamlo te pawh a ang ve.
“tam viau lo e..” ka ti sep a, Tukverh lam ka hawi a, tun hnai a ka chung a thil thleng zawng zawng hi hahdam tak a Rilru fim a ngaihtuah ka mamawh takzet.

Kan thlen chuan an lo awm nual tawh a, tu te mai pawh chuan Dintluanga chu an hre vek anih hmel,
“Hey....Bawiha...i va tlai ve..” Hmeichhe pakhat, Sam dum hlap mai hian a rawn ti a, Ka kut ah a rawn chelh a,
“nia mawle, khawnge midang ho hi ?” a ti zui ve zat a,
“an awm kha...chuan..i thiannu hi...?” a Mit hmul sei sel sawl leh a Mitmeng lian kel kawl tak mai chu a inhmeh hle bawk,
“Ma-engi ania,thildang chu ka sawi hrih lo ang,...chuan, hei hi ka Cousin Zopari anih hi...” a ti sup a, a kut rawn phar chhuah chu ka vuan a,
“ka hmu che chu ka lawm hle mai, kan Family zingah i rawn tel duh vang pawn ka lawm ania aw” tih el na tel hauh lo hian min nuih sang a, a Farnu te 2 ka hmu ta a, an hmeltha in an fel dun hmel takzet,
“keipawh le, in chhungkua Prog a ka tel thei hi nuam ka ti dawn khawp mai” ka ti let ve a, Dintluanga’n ka kawng ah a rawn kuah chu haider tum mah ila ka thei hauh lo ang tih ka chiang, kan kalsan a, mahse, min kuahna erawh ala thlah chuang lo,
Mi dang dang min hmelhriat kual tir nual a, tu mah ka hre zui lo, a tangkai na ka hre hek lo, zan in hian kan kal dun animai a, kan haw veleh mihrang niin kan kawng ve ve kan zawh leh mai dawn a, lo hmelhriat chiam tul ka ti hek lo.
“ilo kal ve ngam a..?” ka hnung lam atang a hmeichhe aw ka hriat rual chuan ka Hmalam Darthlalang ah chuan Betty a rawn lang zui ve nghal a, hawilet chuang lo hian ka Sam ka tawn lai ka tawn mawlh mawlh a,
“kal a min hmu chu anih hi.” Ka ti ve hmak, a duh duh a min tawngkhum hi tawrh mai mai ka tum tawh miah lo,

“i nih na hi i hre lo ve ngawt mai” a ti leh salh a, Ka sir ah a rawn ding a, Lipstick a phawrh chhuak a, a in hnawih tha mawlh mawlh bawk a,
“hria e...nang alawm hrelo zawk” ka ti leh a, keima nihna dik tak, Nula, ngeng leh thu duh tak ka nileh tawh,
“engmaw i sawi?” a ti that a,ka inher hmak a,
“i nihna i hrelo zawk ka ti mai ania” ngeiawm zet hian ka nui hak a, ka kal sawn nghal daih bawk, a duh duh in ngai mai teh se.


Dintluanga ka zawng ru a, ka hmu mailo, tu te mai pawh chu an tawng bawrh bawrh a, a then lo in kiss ngawng ngawng tawk an awm bawk a, Zu lah chu Duhthusam in a tam Ani ber, chi hrang hrang a tam in kei phei chuan ka vawikhat hmuhna chauh te ani hlawm.
“zawn i nei em?” Mipa, min rawn be tu chu ka en a, ala Naupan hmel hle a,mahse, a chhe hran lo,
“nei lo e, ka lo hawi kual satliah mai mai” ka ti ve mai a,
“ka lo thu ve thei ang tiraw?” nelawm deuh hian a nui a, ka bu nghat a, Chair a pawt chhuak a, Ka bulah a rawn thu ve nghal a,
“eng tin nge ka koh dawn che?” a ti leh a,
“Ma-engi....i duh leh min u la” ka nui a, a nui ve mai bawk a,
“aih, Nula leh Tlangval in u te chu ka duh lo “ a ti nghat a, a awmdan naupangchhia lutuk chu ka lawm phian,
“ahh...nang chu Mama ka ti mai ang che” ka ti let ve a, a bu nghat a,
“pawi miah lo” a ti ve mai bawk a, a tawng duh phian a, eng eng emaw a sawi a, kan nui dun leh rih thin a, ka rin aiin nuam ka ti ta phian mai, Dintluanga erawh khawiah nge a awm ka la hre ta chuang lo, zawn pawh ka tum buai peih ta lo, haw a duh hunah alo kal mai ang. Ka Phone a rawn ri a, Ka Nau alo ni a, ka kalna tur ka hrilh lo tih ka hre chhuak chiah, ka thiante in ah ka kal lawk tih ka hrilh a, ka haw har loh tur thu ka hrilh tel bawk a, min ngaihtuah dawn lo tih ka hria, ngaihtuah ngai in ka awm ngai tlat lo.

Dar 11 a pel tawh, haw ka duh tawh takzet ta, Dintluanga ka hmu lo cheu, ka Call dawn thut thut a, mahse, Msg ka thawn ta zawk a,a hnu rei vak lo ah chuan a rawn lang zui ve mai bawk a,
“Sorry....kan buai lawk alawm le” a rawn thu thla ve nghal a, ka Thutpui pa chu nelawm vak loh hian a melh a,
“tu nge ilo kawm a?” a ti sup a, Ka Kut a rawn hum a,
“Mama anih hi...” ka nui hak a, ka thutpuipa chuan nuam ti vak lo hmel hian min en tawn zak zak a,
“kal pui i nei tih ka lo hrelo a.’ A ti bah nak mai,
“ha...a ho lutuk, lo thut dun a lo titi kha a nuam alawm” a rilru tih nawmnan ka nuih sang a,Dintluanga ka en leh a,
“i hman chuan kan haw thei tawh ngem?” A bu nghut a,
“i duh phawt chuan le...” a in nual ani ngei ang,
“Mangtha phawt aw, kan la inhmu leh dawnnia” ka thutpui pa chu ka en a, ani pawn min Mangtha ve mai bawk a,ka din chhuah rual in Dintluanga chuan ka kawngah a rawn kuah a,a rawn kun hniam a, a hmui lum ham ham chuan ka nghawng a tawk fuh a, ka mur uai mai,
“khatiang khan Mipa dang melh tawh suh” a ti sup a, a ding mar lehnghal a, a awm dan vel ah chuan Pasal thikthu chhe lutuk a ang ber,


Car chhung lum nuam tak ah chuan Hahdam zet hian ka thu a, tunah chuan engmah tih der angai leh tawh lo..
“min drop la, i kal leh thei tho a” amah pawh en lo chuan ka ti a, a thaw hawk a,
“Hotel ah i thawmhnaw lak kual nge i duh In a kal nghal?” a ti daih thung,
“ka hrelo, a tlai tawh sia, mahse, hetiang chuan ka haw ngawt theilo engmah hi ka ta ani silo” ka ti nghat a,
“nei rawh, i ta tur a ka lei ania, i ta anih kha, Lawmthu sawina ah ngai mai la” a ti sup a, In chhungah khan a rui viau emaw ka tia tunah chuan rui hmel pawh a pu leh tawh lo.
“Engpawh nise ka thawmhnaw la phawt ang, chuan min thlah zawk mai rawh, Ka Nau in hetiang a ka haw ngawt chuan mak a ti lutuk ang” ka ti a, engmah sawi tawh lo in a tlan chhuak a, sawi leh mai tur ka hriat loh avang in pawn lam ka hawi a, Boruak vawt chuan ka hmai a rawn chhem a ka harh sawng sawng mai. Khung fel sa in ka dah a, keimah lut ve tawh lo in aman a han la a, Kan In lam pan a kan tlan lai in hriatchhuah ka nei a,
“Betty kha i hmu em?” ka melh zawk a,
“hmu e..ngatinge?” a ti hmuk a, eng lai khan nge a Mood lo fuh loh leh ka hre lo,
“ngatimah,ka sawi mai mai” ka ti ringawt a,a ngawi run chu ka melh zawk a,
“a duh zia che ka hmuh hian ka khawngaih phak nilo mahse ka khawngaih tho,ka inthiam lo ngawih ngawih ania” ka ti a, Motor a din tak dawtah chuan Phawk deuh hian ka en a,
“engthil nge?” ka sawi zawh hma in min rawn pawt dawrh a, ka Inring hman lo chuan ka bawh rawk a, min kuai dak a, ka Hmui chu a hmui lum ham ham chuan a rawn khar ta hmak a, ka hamhaih lutuk in chet nachang ka hrelo,zei leh dam tak in a raw nawr kau a, ka tal phat mai, mahse, min vawnna erawh a nghet ting animai, a thaw ham ham mai.

“hetiang hian ti lo teh...” ka ti thei tawk...Light a On loh avang in a hmel ka hmu fiah theilo a, a rawn kun leh a,
“Zan in khan ka In Control nasa lutuk..Mipa Mit ah hian engmah i hmuthiam na nge?” a aw a tham tuak a, a sexy zual sauh bawk, ka Khur ta dar dar mai,
“nilo....engmah hmuh ka duh lo...tun ah kan lemchan hi tawp ila ka duh ber “ ka duh chiah em tih pawh ka hre bik lo.
“he thil hi Lemchan anilo..kan tawp bawk hek lo ang” a ti leh hrawk a, a Inlak hran takah chuan ka ruak nghal huai mai..
“aih..Naupang kan ni tawh lo v eve, i hriat ang in kan in millo takzet bawk, Zan in bak hi chu khawngaihin hetiang zawng hian inkawm tawh lo ang,mi tupawn min zawt anih chuan a der anih zia ka sawi ang a i tan buai zui angai lo ang” ka ti ta duah a,
“a bul i tan tawh a, a tawp i thleng tur ani, a lem ila ti fo dawn anih chuan Zan in hian haw lo in a takah ka chan tir mai ang” a aw hlauhawm lutuk chuan min ti khur lo chauh.
“khawngaihin In ah min dah phawt rawh..” ka induhtawkna pawn ka aw khur chu a hliah zo lo.


Ka chhuk fel hman chiah ani ber, a dawk chhuak zawk a, a Liam tur chu ka thlir a, eng vang a han thinrim chiam nge maw anih hrep ni???,Ka Nau in min lo la nghak a,
“i Scooty an rawn dah tawh bawk si, i thawmhnaw lah chu a” a ti hlar a,
“Scooty kha a chianglo alawm, ka rawn dahtir anih kha, tum loh deuh in Office a kan thawhpuinu te In ah kan kal a, Sangmami thawmhnaw ka rawn ha ngawt anih hi..” a vwikhatnan ka Nau hnenah mipa vang in dawt ka sawi ta.

Ni 3 lai a liam tawh, vawikhatmah Dintluanga’n min rawn be lo,Office ah lo kal ngailo a, Gym ah alo kal chuang hek lo, a chhan ka hriat si loh in ka khua a har vawng vawng bawk, Nileng in hna ah ka buai avangin ngaihtuahna hun ka nei thin lo a, Zanah erawh ka Mut veleh ngaihtuah tum lo mah ila a Hmelpa hrak mai kha ka mitthla ah alo lang ngei ngei a, a Hmui Sexy zet in ngen ngawl tak a min fawh na kha ka ngaihtuah lo theilo.

Office ban hma in ka chhuak a, Ka thil chah a lo thlen avang in Blue Dart ah ka kal a, a bul lawk a ka thiannu te dawrah ka lut kual a, Thil khai bawr taih chung hian Hmeichhe Pakhat nen kan intawk a,
“ Maeng.... i ni em?” hrechiang leh lo niawm tak hian a hmel a buai nak a, Dintluanga U Julie kha...A nalh ngai reng in ala nalh a, ka hmuh hmasak ang bawk khan a hmeltha tak mai chu Make-up a tel mang lo.
“aw...ni e...Julie kha i ni tiraw?” ka ti let a,
“ni chiang, i dam em?” a ti chul a, a thil ken ho chu a man chhut tir turin Counter a pan a, ka zui phei a, ka thiannu in min hmuh veleh a lo ri chul bawk a,
“Julie...in inhria elaw?” a ti he haw a, min rawn en a, Julie a en leh a,
“hre dawn lawmni...Ka Nau anih hun chuan ka sawisa nasa ngawt ang,i thiannu alo ni lehnghal a” Midang an awm leh awm loh a enkual a...a mitmeng nung sar ah chuan fiamthu a ni tih alang a, ka nui hawk hawk a,
“tak tak in hria animai...” ka ti ve mai a..Ka Mamawh ka lakhawm a, Ka thiannu leh Julie tawng bawrh bawrh chu ka ngaithla a, an inkawm nel hle ani ngei ang.


Zanah keimah in ‘ If i stay’ tih ka en a, Ka beisei loh zet in a hmuhnawm phian lehnghal a, a Tleirawl lawm chi deuh ni in ka hria a, en pawh ka lo tum loh kha ania, mahse, a hmuhnawm takzet,Thi silo, Thlarau chhuak bawk si a awm kha a manganthlak dawn hian ka hre lutuk a ,ka tahpui lo theilo.Ka Phone a rawn ri a, Ka en chuan ka beisei loh lutuk in Dintluanga alo ni a,ka chhang dawn lo zet a, mahse, ka theilo...
“Hello...” ka ti sep a,
“lo chhuak rawh..” a tawp nghal hmak..

Step tawi te awm chu ka zawh chho a, peng bulah chuan Motor ngheng hian alo ding a, SweatPant a ha a, Kawrlum phiar a ha bawk a,Thla eng chuan a chhun a, a va han tha chiang tehlul em, va pan a ka kuah mai loh nan ka insum a,mahse amah zawk in min rawn pan a,
“engthil nge ni ta?” ka ti a, ngawireng in a rawn pen pawk pawk a, ka bula rawn thlen veleh engmah sawilo in ka kut a rawn vuan a, Min kai a, a Motor hnung lam kawngkhar chu a hawng a, min nawr lut a a rawn thu lut ve nghal bawk a.
“Buaina i nei ami?” a alam ka hawi a, min chhang lo in a lamah min pawt hnai rawk a, nghet zet hian min kuah a...
“aw...dik lo a awm...Ka Hmu chak lutuk che “ a ti hrawk a, sawi harsa a tih hmel takzet bawk.

Chapter- 10

Tal chhuah na chang pawh ka hrelo, ka Nghawngah a hmui a rawn a nghat a, a thaw ham ham bawk,
“ni engzat nge min biak loh?” a ti tham tuak a,
“ka hrelo...nang pawn min be bik chuang lo a” ka ti ve ringawt, a thaw hawk a,
“Luhlul reuh lutuk mai” a ti hluk a,
“awmsawn teh ,mi in min hmu ang” tal chhuah tum a ka che chu min kuah nghet sauh a,
“mi hmuh i hlau anih chuan Min nei mai la, tumah i hlau lo ang” a Fiamthu tih hre mah ila zah vang in ka hmai a sa hat hat thei tho..Min kuahna a thlah a, Seat hnungah a Lu a nghat a,
“Ka Zin alawm,vawiin ah ka lo haw a, mahse, ka kalna hre tur pawn min rawn be miah lo a..” a ti leh sup a,
“min biak loh chuan sawi tur ka hrelo alawm, Bakah kan inhmuh hnuhnun ber khan i Lungawi lo in ka hria a..” ka ti a,Min rawn en a,
“ka Lungawilo anih chuan min Tih Lungawi tum la...Nupui Caring lo deuh ka duh lo ania..” a then suk a, sawi leh mai tur hrelo in ka nui ta ringawt.

Kan awmdan teh tawp avangin Nuam ka ti lo, Midang in min rawn hmuh ka hlau tak tak bawk,
“eng nge ilo kal chhan reng reng a?” min rawn en a,
“Nangmah..” a ti hmuk a, min chhan dan tehtawp thin hian ka Awm a ti nuam chiah lo.
“i ho em mai, In Ngaizawng tak tak pawh kan ni silo...” ka sawi zo hman lo,
“a tak ani lo tih sawi ziah lo teh, Motor chhungah hian a tak anih zia ka hmuh tir mai ang che.” Chimawm zet hian a nui a, kei erawh hlau lutuk hian ka tawlh phei nghal a, a nui ta huk a,
“Nula Senior, Hlauh nei lo deuh emaw ka kawp ka tia, mahse, min hlau anih hmel..” a nui leh a, ka awm dan Naupangchhia lutuk chu ka haw hluah hluah bawk.
“engpawh nise Kal phawt rawh, a tlai tawh em mai” ka ti a, Kawngkhar hawnna ka vuan a, Ka hawn hma in min rawn man leh a, Min hnuk deuh dawrh a, tum loh deuh in a Taksa lian pui ah chuan ka bet leh ta ran mai, a Lungphu ri dat dat chuan engemaw ka hriat thiam siloh in min fan raih raih bawk.
“Ala reilo tih ka hria, mahse, Min hip ka tih kha...chuvangin min hnial tum lo in kan Inkawp hi a tak ani tih pawm ang che” Ka samah a fawp zauh a,min thlah a, aman Kawngkhar Hawnna a rawn vuan a, Ka chhuah na turin a hawng a, Stephen-a nen khan kan in zui lai khan min Duat hle khan ka hre thin a, mahse, Hun reilo chhung lek pawh hian Dintluanga Caring zia ka hai der theilo.

Darkar chanve hnu vel ah min rawn Call leh a,
“ i thleng tawh mi?” ka ti a, Ka Mut a chhuak hle bawk,
“um...thleng chiah, ka hrilh theihnghilh che a, Naktuk zanah kan In ah chaw ei i ngai a” a rawn ti a, ka Mut chhuak a thlawk bo nghal vek, ka thu chhuak a,
“eng vang in maw?, aaaa..ka thei lo ang” ka ti bah nawk nawk mai,
“i hreh dawn tih ka hria alawm, mahse, nangmah in i ni dawn lo, keipawh ka awm dawn a..” a ti leh sup a,
“Mahse....Khawngaihin kal loh ka duh...” ka Mangan zia pawh ka thup theilo,
“min ring ve phawt la....” a ti zawi sup a, Nuam a ti chiah bik lo a ang khawp mai,
“ i Nu leh i Nau Hmachhawn tur chuan ka chak tawk lo alawm...” ka hreh chhan ber ka sawi ta nge nge ,
“um...ka hria e, mahse, keimah ah inghat ve phawt la um..” thu min pe lo a, min ngen a ang mah zawk, amah nen a inhmeh hlawllo.


Lu na bur in ka tho a, Zan ka mut that loh vang in ka rit bur a, ka Mit a kham urh bawk, Dintluanga hi kum 4 kal ta a ka hmuh hmasak ber khan hetiang hian ka buaipui dawn tih hria ila ka hna hi ka thawk tawh hauh lo ang, Biak ve phak chi ah pawh ruat lo in Kan Office a alo kal pawh khan ka lo melh liam mai mai thin a, ani lah in min be hek lo, mahse Manager ka nih tak hnu ah erawh Biak ka ngai ta fo a, mahse, chupawh Office chhung ah chauh,an Hotel avang in an lar a, APa lah Mizo zingah Hrelo kan awm lo ang tih hial tur ani bawk, ka ngaihtuah zawng ringawt pawn ka khur a, ka hnaih hauh lo tur mihring ka hnaih a, Ka tawp san vat loh phei chuan ka la Buai phah hle ang, a Mizia a nelawm loh in hriatthiam a harsa a, a Bialnu alo chan tawh vang pawh kha ani maithei, mahse, engmah zep tit tet a neilo erawh ka Mipa duh zawng anih na lai ani thung, kei ang lo tak in Hna a thawh kher angailo a, a thawh loh pawn an nei tawk a, a duh zawng apiang a neihna a dal hek lo, kei ve erawh ka thawk lo anih chuan thla reilo te bak eitur pawh ka neilo ang.


Fapa mal ani a, an Dawr leh Hotel hi sawi ngailo in ama ta tur ani chiang nghal ngei ang, a Farnu te chuan pasal an la nei mai dawn a, Julie phei kha chuan a nei tawh zawk maithei, kha Party na ah khan Lalnghaka kha lo zui kher lo ila hetiang buaina ah hian ka in tal awk lo tur ania,Stephen-a lah ka hmu hek lo anga, chhan ngai in ka awm lo ang,mahse, tunah inchhir a sawt tawh silo, engchen nge infiamna Hmanrua ah min hman dawn ka hre heklo, Stephen-a lo kha ka nun ah Mipa vawikhatmah ka la la lut leh lo ,mahse, Dintluanga erawh hi chu a bul tanna pawh Dawt ani a, a tawp na tur pawh ka ngaihtuah chhin ngam lo, Stephen-a ang tho khan min kalsan leh anga ,kei in Rilru ka lo pek hman si chuan ka At phah tawh ngei ang.Rilru pe tur ka nilo a Infiamna hmanrua mai ka ni tih ka hre reng tur ani, Betty lak a tal chhuahna tangkai ah min hmang pawh anithei a, Ka Hip ni a a hriat thu a sawi pawh kha lawm na tur nilo in min tal awk lehzualna mai ah ka ngai tur ani..Nula tamtak, an anpui ,nalh leh Hmeltha, Fing bawk, a duh duh a thlan theih laia kei Nula mawl satliah, a Thianpa hnathawk lai mai hian ka hip na tur a awm lo hulhual, tu nge ka nih ka hriat angai a, ka kalsan vat angai bawk,mahse, ka thei angem???, amah ka hmuh apiang in keimah ah danglam a awm ziah a, min tawk emaw a hmui in min si zeuh anih pawh in ka buai chhe zel tho si a, hei erawh ka haider theilo, kei pawh hi min hip takzet.


“Good Morning..” Office ka thlen veleh Kan thawhpuinu in min lo bia a, ka chhang let ve thuai a, Ka Room ah ka luhsan a, Damdawi ka ei a, Hna thawh tur a tam loh ni ani maithei, Boss a zin a, kei lah in kan hmachhawp ka ti fel zo thawkhat bawk ,
“hey....” Sangmami rawn lut hlawl chu tho chhuak chuanglo in ka en a,
“lo kal rawh, i va reh em em “ ka ti a, Coffee Machine a pan a, a duh zawng ala a, Ka Hma ah chuan Tlangnel tak hian a rawn thu a, Ka thiannu ber ani a, Kan Boss awm lai pawh in alo kal fo a, Kan Boss nen pawh an inhre tha hle bawk,
“nia...ka rwn tlawh kawi zuai che, bakah Hriat chian duh ka nei a..” min melh ran a,
“eng chu..?” ka Lu na tluk tluk vang chuan ka Mit ka chhing a,
“i nuam vak na nge?” min ngaihtuah hmel deuh hian a rawn tho uaih a,
“aaaa.....ka Lu na bawk hi mawle...” a thu leh a,
“i sual alawm, Tarmit hmang tha duh silo, in check-up leh reng reng teh...eee.. nizanah ka Nau in a sawi a, Mipa thar an awm a ti a...” a meng kal ralh a,
“eng mipa maw??” ka ti thei hram, khawi atang in nge an lo hriat leh hman ni???
“Ka Nau chuan mi sawi a hriat ve tho ania, bakah a hmu dun che u aniang” a ti a, a chiang chiah lo anih hmel,
“ha...Hna chungchangah lo tumah ka chhuah pui lo,tupawh awm ni se la chuan nang lo tunge ka hrilh ang? “ tlawn lungawi tum in ka nuih var var a, a tum hmak a,
“anih chu a, a hma pawn engmah min hrilh loh kha....oh...Sorry...Sawi chhuah i duh ka ring lo...” a inthiamlo hmel chu ka khawngaih zawk,
“a ho lutuk, tunah phei chuan Aizawlah a awm alawm, Hman zanah pawh alo kal a, mahse, ka hrilh ta lo che anih kha..” ka thaw huai a.

“maw??, Zawnga chu alo kal ngam amaw?” thinrim insum teuh hian a ti hlak a, ka nat zia a hria, min natpui ve tih pawh ka hailo..
“mahse, tunah chuan a awmna chin ka hrelo, ka hmu ngai tawh lo..” ka ti leh a , hahdam huai hmel hi a pu a,
“alo kal leh anih chuan min rawn call ang che, ka rawn thehchhuak ang” a ti leh hlar a, ka nuih za lutuk ka insum theilo, ka nui hawk a,
“i hneh awm lo..” za lo deuh hian a nui ve ta nge nge a. Dintluanga chanchin sawi zawm ngailo a ka awm avangin ka thawveng huai zawk, engtia han hrilh tur nge ka hrethiam tlat lo ani.

Lunch hun hma hret in Dintluanga a rawn thleng a, a nalh leh zuih tho mai, Pepe Jeans Pawl a ha a, T-shirt var a ha a, Jacket Dum chhing lam deuh a ha bawk a, a inhmeh vel vek,
“i ei tawh em?” thu lo in a Kekawr ipte zen tut in Tukverh bulah a ding a, ka lu ka thing ringawt, Dawhkan a File leh Paper awm ho chu tul miah lo mahse ka rem tha mawlh mawlh a,
“kan chhuak lawk dawn mi niang..?” ka en lo thei ta lo,
“aih, tun lai chu ka chhuak ngun lutuk a, nuam ka ti chiah lo..bakah ilo kal ziah hi ka duh lo ania” ka huaisenna zawng zawng sawm khawm in ka melh kal a,a then suk a,
“ Midang ngaihdan bawk...huh...a ninawm em mai..,anih chuan eitur chah la...” a ti a, a rawn kal phei a, Ka Hma ah tak a rawn thu a, Dawhkan a ka Phone awm chu ala a,
“hei hi eng Company nge?” a ti a, a let kual a, a Cover ka hman avangin a lang theilo a,
“Panasonic...Eluga Mark “ ka ti tha ve mai,a dah thla a, a Phone ka hmu tawh a, Apple iphone 6S a hmang tih ka hria,
“ei tur chu chah lo mai rawh..ka kal leh zawk si ang, tlaiah ka rawn lam ang che” a tho hluai chu ka en a,
“i ti tak taka mi?” ka ti a,
“aw...ti tak tak, Inchei chiam a ngai hran lo, ti khan kal tawp rawh, Kanu Hmachhawn tur chuan engmah tha tawk a awm theilo..” a nui hak a,
“mahse, hlau suh,a ei lo ang che” a ti zui zat bawk, a sawi vang ringawt in ka hlauhna a reh phah eih lo..


Ka awm a nuam hlei theilo, ka thu hle hle thei hek lo, Office ah min rawn lam ka duh loh avang in Ban hma hret in ka chhuah san a, Office thlang Dawrah ka lo nghak a, amah alo kal dawn emaw ka tih laiin a Driver a rawn tir a, ka hlauhthawn zia hre reng chung a amah alo kal lo chu ka ngei hluah hluah bawk,inbe lem lo in kan chuang dun a, tun thleng pawn an In awmna ka la hrelo,an veng erawh ka hria,
“U din-a khan Hotel ah alo nghak che a.” A ti a, ka ‘aw’ liam ringawt, a buai ve deuh animahna,Hotel kawt atangin a Driver in a Call a, a hnu rei vak lo ah a rawn lang zui mai bawk a, a Hnungah a rawn thu lut ve nghal a,
“Sorry...ka buai leh deuh a “ a ti nghut a, ka chhang buai peih lo.


“kan thleng ania” a ti leh nghut a, ka in ngaihtuah nasa lutuk a, kan thleng tawh tih pawh ka lo hrelo, an veng lam hi ka kal tam loh lam anih avangin ka Bel lo a, In lian leh Nalh zet kawt ah kan ding a, Mahse, a Hma lam zawng chu Dawr atan an hmang vek, a sir lamah chuan Gate a awm a, Kan tlan lut a, a kawi leh hret a, Kawt zawl ve angreng deuh alo awm a, Car 2 alo awm sa bawk a,kan din takah chuan ka hlauhthawnna bawk alo chhuak leh a, ka khur ta dar dar mai.
Dintluanga chuan min rawn en,
“tunah chuan tumah an awm rih lo, Nakin deuh ah an lo haw chauh ang, Lut ila” a ti sup a, hnial pawh ka hnial buai peih lo,tumah an awm rih lo tih ka hriat na chuan min thlamuan chuang hek lo.

Chapter- 11

Ka zui lut a, Hmeichhe pakhat hian min lo chhawn thuai a, a landan ah an chhungkaw zing a mi anih hmel loh.
“Room ah chho ila..” a ti sup a, hnial buai lo in a tih ang ang in ka zui ve ringawt, thil tha lo thleng tur a ngaihna chuan ka kawchhung ah min man tlat a, an In chhung ka luh rual khan ka rilru ah Jail changkang tih chiah ka ngaihtuah.

Step tawp ah chuan Inleng kawmna tur tho alo la awm a, a Sir lmah chuan Room Kawngkhar hi a awm a, Ka hawi thla a, Inhnuai lam a Common Room chiang tak in a lang thei a,
“He lamah aw” a tih na lam chu ka en a, Chahbi a phawrh a, Room han kalh deuh thlap lai tak chu ka ngaitheih loh zawng tak ani bawk, Mi Room a han luh ngawt mai chu ka tim deuh a, Mahse, He lai a a Nu te lo haw lo hmachhawn pawh ka chak chuang miah lo, Nuam tilo zet hian ka Pen lut a, Hotel a a ma Room nen khan Danglamna a tam lo,a changkang hle tih zawng animai,Mipa Room tih takah Rawng eng lam aiin a Thim lam a uar zawk,
“thu la...” a ti hmuk a, a Jacket hak lai a phelh a, Khum ah a theh thla a,
“Nuam ka ti lo hle mai” sawi tur bik pawh hrelo hian ka ti nghat a, min rawn melh zawk a,
“i ril a tam tawh em?” a ti leh daih,a thusawi inpersan thin lutuk hian tawng tur min ti haihchham fo lehnghal,
“aih....Room a awm daih hi nuam ka tilo” ka ti leh talh a,
“ngaipawimawh duh suh,kan tih dan than ania, Kan chhungkaw tan thil mak anilo” a ti a, kan chhungkua nen chuan engkim ah kan in millo vel vek, Ka Bulah a rawn thu a, a rim Pa zet chuan ka hnar a verh lehnghal zar bawk,
“Kan In Bul lawk hi Stephen-a te In kha ania” a ti sup a, Ka melh zawk a, Muk hmel tak a min lo en ka hmuh rual in ka hawisawn lehnghal a,
“Ka hria alawm” ka ti thei hram, dik tak chuan Ka Huphurh lutuk in ngiahtuah kual vel in Stephen-a lam reng reng ka lo ngaihven tawh lo,diktak chuan ka hre chhuak lo hrim hrim zawk,
“ i duh hle ani phawt ang” min zawt pawh ani chiah lo,
“sawi loh ka duh zawk “ ka ti hmak a, a Bu nghut a,
“ok...mahse, hetiang tak a nangmah ti danglam theitu Mipa hi ka Hnek chak khawp mai” a nui hawk a, a tho zui nghal daih bawk.

An Nula Niawm tak khan In hnuai lam a chhuk tur a a rawn koh takah chuan Ka Huphurh na avangin ka Khur chhia ani leh nghal deuh der,
“I bag kha dah daih la...” a ti sup a, Ka dah ve mai bawk a,a kal chhuak tur chu ka zui a, a ding leh thut a, Ka pen laklawh bawk nen ka va tauh dawt mai, a rawn inher a,
“Kanu in engpawh a zawt che anih chuan Dik tak in i chhang dawnnia,i hriat loh chu hrelo tawp rawh, a pawi lo ania” Ka Darah a vuan a,tawng lo in a Ka bu ringawt, a rawn kun hniam chu ka en a, a Hmui lum thar thar in Ka chal a rawn sik takah chuan ka Mit ka chhing a, tum loh deuh hian ka ngheng ta nge nge a,nghet zet hian ani pawn min rawn kuah a,
“i bulah ka awm tih hria la, chuan, i nihna Pangngai, Induhtawk tak kha Hmang tangkai ngei ngei ang che” a ti leh sup a, a Lungphu ri Dat dat chuan min thlamuan hial in ka hria.

Anu Mitmeng lian leh Ling hlar mai ka hmuh rual chuan engmah hi ka duh hun ah ka ti tawp ngawt dawn lo tih ka hrechiang khawp mai,Danglamna awm miah lo in A Fapa alo chhawn a,Ka awm ve tih hria ang in a awm chhin eih lo,Apa erawh ka hmu hauh lo, Julie pawh ka hmu chuang lo,
“ehe...Hei chu Ma-engi kha ani em?” kan hnung lam atang a Apa in a rawn tih ri ah chuan ka tho vat a, kan thutna bul Sofa chu a rawn pan a, a thu ve nghal a, muangchang hian ka thu thla a,
“aw..Pa, amah hi ania vawiin tlai a Kan chawei pui tur chu..” Dintluanga aw nghet charh chu ka ngaithla a,
“ka ring reng ani, i dam em?” Apa bawk chuan a ti leh a, Anu erawh chuan min ngaisang lo tih hriat ngawih ngawih hian min en reng thung,
“ka dam alawm, i dam zawk em?” ka ti let ve a, a bu nghut a, a nui vur vur bawk a, anui hmel chu Dintluanga nui hmel nen a in ang hle bawk,
“Mama... ngatinge min lo hawsan a?” Inchung Step atanga Hmeichhe rawn chhuk chu ka melh a, Julie nen an in ang takzet, Julie aimah in ala hmeltha zawk bawk,
“Driver ka rawn tirh kha..” a ti sup ringawt,
“thil ho mai mai vang a I Nau hawsan ngawt tur ani hleinem” Anu awki chang fak chuan ka kawngchhung a fan rawih rawih thei, chutah ‘Thil ho mai mai’ tiin ka chungchang a la sawi zui bawk, Apa in a mitmei a Anu a khap lai ka va hmu hman leh chiah bawk nen Nuam lo tih hian a sawi fiah zo lo.

“Nu...Ma-engi hi Zanah tihtur a nei a, chaw hi kan ei mai dawn mi?” Dintluanga chuan zawt pah ti tih hian a bia a, kei erawh chuan engmah ei chak ka neilo.
“tun ang hun a chawei te chu a...kan tihdan than zawm theilo te chu sawm loh mai tur che ania” a ti hlak a,a tho a, Room lam a pan nghal daih bawk,
“Pa...Kan ei hmasa mai ang, a Haw hma angai a” a tho a, Dinning Hall lam niawm tak a pan takah chuan keipawh ka tho a, ka zui ve ta ngawt a,Apa chuan Nui chung hian min en a,
“i ei teuh dawnnia, kan ei hun ala nilo deuh a, kan la tam lo tlang aniang” inthiam lo hmel deuh hian a ti a, ka nuih let sak a,
“ei loh mai tur hi ania keipawh hi..” ka ti ve a, mahse, Pawi atih loh thu a sawi tak ah chuan tlem chuan nuam lo ka tihna pawh a ziawm.Kan chawei tui leh tui loh pawh ka hrelo, Betty khan min hmusit hle khan ka hria a, Dintluanga Nu lakah chuan Nep tak ani ringawt.Ka haw tur pawh tuman min thlah lo,ka haw tih hre tur pawh in an lo chhuak lo hrim hri zawk.

“a hrehawm viau em?” a ti sup a
“aih..ka beisei sa alawm..kha aia tha ka beisei lo” ka ti sap a, Pawn lam ka hawi a, Kan tlan zawng a thli vawt var in min rawn chhem chu nuam ka ti a, Ka ngaihtuahna vai ruai mai pawh a chhem harh sawng sawng bawk,
“nia... i tuar a ngai ka tih kha...” a ti leh sup a, mahse, ka thin a ur ve ta phat mai,
“enge ka tawrh a ngaihna ?, kan 2 inkar hi hetiang a ti kual lo hian tawp maise a tha..” ka ti hlak , ka rilru tawt lutuk ka puak keh a niber,
“Kan tawp dawn lo, min hip ka tih kha ..” a tawngkam chuan min ti thinrim zual sauh bawk,
“ha...Betty lak a tal chhuah na hmanrua mai ka ni, ka Buiana den chhen in min hmang tangkai tih ka hre ve tho, i anpui leh zawlpui Hmeichhia kawp la, kei pawn ka kawng ka zawh ve ang “ ka ti ta duah a,
“Betty...Hreptak a....” a ti hmuk a, a tlan chak thut a, Hlau zet hian ka melh a, a Inseh ruh Nasa lutuk ah chuan a Thinrim vet ho tih ka hailo, Hlau lutuk hian ka thu tawm chaih a, ka tawng ngam tawh lo, ka Mit ka chhing ta ringawt..
“Din...Khawngaih in...” ka ti chhuak thei hram, a tawp a tawp ah chuan a tlan zawi ta deuh a, Ka meng a, kan awmna lai ka hrelo, a Ding zui nghal bawk a,
“Khawnge kana wm?” ngam leh mgam lo hian ka en a,
“Ka In ah...chhuk rawh” a ti hmuk a, He Mihring Bulah hian ka awm reng anih chuan Lungphuchawl in ka thi thei mai ang,Engvangin nge Fapa mal leh Tlangval nibawk hian ama Pual a In a neih ngawt ni???
“aih...In Ah ka haw duh tawh” chhuk duh lo in ka thu ngar a, Kan Inkar tih tawp ka duh takzet bawk,
“ok...i chhuk duh loh chuan ka rawn pawm chhuak mai ang che, ka chak zawng tak...” a chhuk nghal a, a sawi ang tak tak in a tih duh mai ka hlau leh si a, ka chhuk ta nge nge,Thir Gate hi a lo awm a, Thla eng ruaiah chuan chiang vak lo hian a hmun chu a lang ruai a,Kan hmalamah chuan In niawm tak hi a Ding thim mak bawk a,Dik tak chuan Thingtlang mi nimah ila ka khawsak tam loh avagnin Ramhnuai leh Hmun fal hi ka ngaina lo, Gate a hawng a, Motor ah a let leh a, a Start a, a rawn tlan lut a, Kei erawh Nuam ti chiah lo hian ka kal phei a, Horror Movie vel a In an Hman thin kha niawm tak ani ka ti rilru a,Motor atang in a rawn chhuk a, Min lo nghak niawm tak hian Motor ngheng in a Ding a,
“Light a awm lo ami?” ka aw khur ka thup theilo, a nui hak a,
“i hlau animaw?, lo kal la min kuah rawh, i hlau miah lo ang “ a nui leh hawk a, min rawn ban a, Ka kut ah nghet zet in a chelh a, In lam min panpui a,Light awmna lam min panpui hmasa dawn anih ka ring ve tawp,ka ring sual lem lo,a On nghal a, Kawtzawl Zau vaklo chu a en ta iar a, a thim lai khan ka hlau deuh kha ania, tunah zet chuan a nalh mai bakah a Romantic hliah hliah..
In chhung reh thap mai kan luh takah chuan ka hriat thiam chiah siloh Nuam tih lohna bawk in min rawn tham leh nghal a,
“hrilh duh che ka nei a, chuvangin hetah hian ka hruai che..” a thu hnawk a, a bulah min pawt thu ve nghal bawk a,
“hetah lo pawh kan sawi thei tho lo ami?, haw ka duh asin..” ka ti ve thung ,Hnung lam ngheng in Inchung lam a melh a,
“aih...hetah ka duh, i Nau chu ka be tawh, i haw dawn lo tih pawh ka hrilh tawh..” a ti leh hmuk a,
“engthil.....” ka sawi zawh hma in amah bawk chuan, “ Hna chungchang ka ti anih kha...” a ti leh a,
“mahse, tlai deuh ah pawh min thlah zawk rawh, hetiang hi thil dik anilo.” Ka ti leh talh a, min rawn en a,
“ok..i duh phawt chuan le..” a ti sup a, engthil nge min hrilh dawn ka hrelo, He lai hmun a min hruai na chhan lah ka hre heklo.

“Ka Tan a Hmeichhe awm chhun hi ka chan tawh a, Naute ka chan tel bawk, chumi hnu a Hmeichhia min hip tu ka hmuh leh hmasak ber chu Nangmah hi...a chhan pawh in Nui hmel leh In Mizia engkim hi a In ang em em tlat ani..” a aw chu hla tak atanga rawn ri chhuak nimai in ka hria.

Rapthlak ti lutuk hian ka en a, ani erawh chuan Hriatthiam har zet in min en let thung.

Chapter- 12

“Ka haw duh..” ka ti sap a, engchen nge ngawi reng a kan thut ka hre lo,a Bialnu a thi tawh tih ka hria a, Naute a chan tel tih pawh a Hma in ka hre tawh, Mahse, chu hmeichhia thlak nan a min hman a tum erawh ka duhlo hul hual, min duh anih chuan hmeichhe dang hlimthla vang anih ka duh lo, keimah ka nih ang in min duh tur ani.
“He In hi amah vang a Ka lei ani bawk a, Kanu in a mil miau loh avangin Hetah hian ka chenpui mai ang ka ti a..” a sawi zawm leh a,a Hmelpa Hrak mai ah chuan Na tuar hmel alo lang a, Ka Beng hup san ka chak hluah hluah,
“sawi tawh suh, hriat ka mamawh lo in Ka hria..” ka ti hlak a, ka ngaihtuahna a awm ka sawi chhuak pawp thin hian thil tha a thlen tum a awm fo a, Tunah pawh hian chutiang chu nileh se ka ti takzet.
“Thik duh suh, in in ang lo “ a ti leh lawi a,
“a tlai tawh, kal ka duh rih zawk” He In ah hian awm ka duh lo tih ka chak zek zek bawk, Ka beisei loh tak in a Tho a,
“ok..kal ila...” a ti hmuk a, Inhnial buai hrep ngailo a min kalpui mai avang in ka lawm ru veng veng bawk.


Ka Mu meng kar mai, Ngaihtuahna fim ka neih theih nan Ka mit ka chhing vang vang a, mahse, awmzia a awm lo, Dintluanga hmel hlir in min ti buai a, Mawl ka inti em em bawk,Beisei lo ni khan ka lo inhria a, mahse, a bul a awm a Min Duatna te kha ka lo thlahlel takzet tih ka hrechiang tawh hle bawk, Hmeichhe Dang hlimthla nih erawh ka lo inbeisei lo a, ka duh hek lo..engvang a min Buaipui nge tih ka ngaihtuah thin a, a chhanna chiang tak in min han Den takah chuan ka lawmlo satliah pawh anilo, ka tlawm vawng vawng, Mipa,min tina tu Runluih nan leh ka Thei ve tawk ani tih lantir na turin Ka Beipsei phak hauh loh Mipa ka Hmang a, ka Hmang kual mai mai emaw ka tih laiin ani zawk in kei aia Nasa mah in min lo hmang kual a, a Nun ah Hmeichhe Pakhat, a theihnghilh ngailoh tur nen In anna tlemte kan lo neih avang in Min zui kual a, Kei lah hian Ka Hip tak tak emaw ka lo inti hman hmawh bawk a, Hreptak hian a...


Nitin Dintluanga Call ka Dawng ziah a, Ka chhan aiin ka chhan loh tum a tam zawk, Zingtin min rawn Wish a, Zanah Min Mangtha na ka dawng ngei ngei bawk, kei erawh in chhan let tumna ka nei lo a, engkim tawp se ka duh takzet, tun a ka awmdan hi ‘Na ‘ ka tuar niin ka hria a, mahse, ka nat chhan ka hrelo a, Stephen-a nen a Kan Inthen tum a Ka nat dan nen a in ang heklo,
“eng chen nge min hel kual i tum?” Zangthal zawng in Ka Mu a, ka en chho ha a, Dintluanga Ding luah chu ka han hmu a,ka tho chuanglo,
“ka hel che pawh ka lo hre hleinem” Ka thil tih lai ka tihzawm leh a, Ka thlan in ka Taksa a bual nasa kher bawk,a che hrut a, ka Sir ah chuan a rawn mu thla ve nghal a, Rang lutuk hian thawh tum in ka che a, mahse ka tlai hman tho, Ka Banrek ah a rawn man a, Na zet in a hmer a,
“i chet luih chuan ana zual sawt in ka ring..” a ti hmuk a, Midang awm ve te tan hmuhnawm siam sak ka duh lo, Ka Mut ngaiin ka mu leh a,
“anih chuan min thlah la tiraw?” ka ti hlak a,ka beisei loh zet in min thlah ve mai bawk a,
“engvang in nge ka Call i chhan loh fo a?” a sawi zawi hle nang in engmah ka hriat hmaih lo,
“i Call chhang ziah tur a chhawr ka ni hleinem, nge ka lo ni zawk ami?” ngeiawm thei ang ber hian ka nui hak a,a rum hawk ah chuan a thinrim tih ka hrethei a,mahse, pawi ka tilo, engemaw zawng tal a tih nat ka chak miau a..
“ni hauh lo mai, mahse, i chhan erawh ka phut” a ti hmuk a, a tho a, a kalsawn thawm chu ka ngaithla a, ka khua a har nghal vawng vawng ringawt. Nilo..kal rawh se, Ka ta ni ngailo tur hi ka chelh bet anih chuan ka natna tur ka insiam nasa mai mai zawk ang. Stephen-a vang a ka na Pawh a reh thei anih chuan Dintluanga vang a Ka Natna hian Rei tak min ti hrehawm lo ang tih ka chiang.

Nitin ka Nun dan angaiin ka hmang a, Dintluanga ngaihtuah loh hram tum in Ka hna ka thawkrim takzet thin a, Office ka awm chhung chuan ngaihtuahna hun ka nei ngailo,ka kal chhuah apiang in hmuh ka hlau a, Gym ah pawh Ka Timing ka thlak a, ka hmu ngai ta lo.engkim kha a thleng thut a, a reh leh ta vek ani ber, thlamuang tak in ka nun ka hmang leh thei tawh ngei ang.
“Ma-eng, i va reh ve” Julie chu ka en a, a hmeltha tak chu ala ngai reng,a rawn thu ve nghal a,
“teh hlawl che chuan, i dam maw?” ka thil ei lai chawlhsan in ka bia a,
“dam alawm, Ka Thiannu tlawh ka tum a, ka hmu hlawl che sia ka rawn pan che” a nui var var a, a nelawm hle bawk,
“aw...anih chu..” sawi leh mai tur ka hrelo, vawi 2 chauh kan inhmu a, han kawm viau dan pawh ka hre hek lo,
“min hrethiam la, Mama nen hian in in hau deuh em?” inthlahrun hmel deuh hian min en a, ka beisei loh lutuk zawhna chuan ka thil ei ka hak phah thelh bawk,
“ah...kan 2 khan engmah inzawmna kan nei hleinem” a mit ah tak ka en a, a mit meng lian kel kawl chu a buai nak a, mak ti hmel a pu bawk,
“Sorry...khatiang zawt tur che ka nilo tih ka hria alawm,mahse, tunlai a khawsak dan vel ah hian diklo a awm emaw ka ti a...” a ti sap a, a inthiamlo hmel lutuk chu ka khawngaih zawk, ka nui sak a,
“tu emaw lak a inphen nan min hmang lawk anih kha, pawi ti mah ta che..” Nelawm tak hian ka nuihsang a, a then sak a, a thu hriat chuan a tibuai deuh tih a lang,
“oh...anih chu..” a ti sap a, nuam lo ti hmel deuh hian a che sek a,
“a ho lutuk, engahmah ngai suh,ee... In in ka lo kal khan ka hmu lo che a...?” zawt pah titih in thildang sawi ka duh tih ka lan tir a,
“i kal maw?, Pasal ka nei tawh alawm.i hria emaw ka tia” a mengphar awk a,
“hre nang, hmuh che ka lo inbeisei ve ngawt a” ka ti a, tunah chuan kan Inkawp kha a der tih a ring nghet thlap tawh ang, a Der nilo se chuan an chhungkaw chanchin tlem tal chu hre ngei tur ka ni tlat, mahse ka hriat loh zia a hre tawh alawm le.

Sarturday ah Kanu Te Inpui lamah ka phei a, Kanu te hi Aizawl mihlun anni a, Kapa erawh Thinglang lam mi ani thung, Kanu te hi Hausa lua lo mahse a unaute ah tumah Rethei lutuk Buaipui ngai an awm lo, , Kanu te Inpui ah hian an awmkhawm vek a, In hran vek nisi in In si deuhthaw in an awm a, keini hmun hran a awm chhun kan ni bawk nen kan Cousin ho zingah pawh Duat kan hlawh viau mai.Ka Cousin Nupui in min hmuh veleh sawi duh nei niawm tak hian min Signal a, ka u Nupui mah nise ka ngaina in Thian ang tak in ka kawm thei bawk,
“eng nge a?” Inchung zawl ah kan thu dun a, hnuai lam kawng a Motor tlan dul dul chu ka thlir a,
“Hman ni ah kan thianho chaw ei khawm na ah Dintluanga Chanchin an sawi a, Hmeichhe thar a kawp leh tawh tih vel...” ka thaw a chham dawn in ka hria,Dintluanga nen an inhria tih ka hre hek lo,
“ngatinge chu chu min hrilh a?, tunge Dintluanga chu?” a ngaihna hriat loh hmel deuh hian ka hawi bo lui a,
“a Hmeichhe Photo kha min en tir a, Dintluanga’n Instagram ah a Upload alawm...” a thaw halh a,
“i U phei chu engmah ka hrilh lo..” a tih zawm leh a,
“oh...engthil nge thleng a?, kei nen inzawmna kan nei ami?” a mitmeng fing lutuk chu ka melh let ngam lo,
“inzawmna neilo ula ka sawi in ka ring lo, Instagram ah chuan In 2 in ania, in lang Nalh takzet ,mahse, Hmuh nuam ka ti lo..” a ti nghat a, Ka rap lutuk Zodintluanga hrep chuan engthil nge a tih tehlul ni??!!!
“Nilo...min hai aniang..” ka sawi zawi lutuk chuan a dik zia ka nemnghet lek zawk tih ka hailo, mahse, Pangngai tak in ka sawi thei miau silo,
“Kan Thiannu Nau leh Dintluanga kha an inkawp hrep tawh a, mahse, a Boral ta sia, Khata tang khan a chanchin hi ka ngaihven ve lo theilo a, chubakah i tel ve na alo awm takah phei chuan ka ngaihven lehzual..” a ti charh a, sawi ve tur reng reng ka hrelo. Ka Kut a rawn vuan a,
“Khawngaihin thlah rawh, a lerh zia i hria a, chumai bakah a Bialnu Boral ta kha a duh lutuk, i nat phah mai mai ang” a ti leh sap a,
“Kan inkawp lo, tihsual palh a awm anih chu..” ka la ti fan, a hrim hrim in Ka u in hria pawh nise thil pawi anih na ka hrelo, Mawilo tak in ka khawsak pui hek lo.Hlauhna chhan tur ka neilo.

Ka Hmalam ram pharh duai chu ka thlir a, Zing Boruak thiang han dawn vang vang chu a nuam takzet, Motor tlak dal atan a Thir mum lianpui pui an kham chu ka Bawh a, Ni ala chhuak lo a, Boruak a dai ruih bawk, Ka thlan sa chu thliin min rawn chhem zawng in a dai sawng sawng a,Zing kar hma tak a vah chhuah hi ka chin than anih avangin nuam ka ti a, ka dam that loh tum pawh in ka thawh hun pangngai ah ka harh ngei ngei thin, Engvangin nge Dintluanga khan khatiang thil kha a tih kher?, a dah zan kha Gym a kan inhnial ni tak kha ani bawk,engmah ka hrethiam lo takzet. Ka Bulah rawn ding ve an awm tih ka hriat rual in ka hawi chhuak nghal a, mahse, mak tih luat avangin ka thlawk lo chauh thung,ngawirengin ka kalsawn a, ka tlan tan leh nghal a, ani pawh a rawn tlan ve a, Ka rual in a rawn tlan a, engmah a sawi lo a, kei pawn ka sawi lo.
“Min zui suh...” thui fe min zui hnu chuan ka ti ta nge nge a, Ka ding a, ani pawh a ding a, a hah hmel hrep lehnghal,
“Ma-eng, Thian ang tal pawn ka hnaih thei lo che ami?” Stephen-a hmel chu ka thlir a, that zawng a tha thlawt, mahse, a chhungril tenawm na a khat chu ka hmuh hmaih theilo,
“aih...theilo, min tibuai tawh suh..” ka inher hmak a, Ka tlan leh nghal a, mahse, ka sawi engahmah ngailo tih hriat lutuk hian ka hnungah chuan a rawn tlan ve leh nghal a, a peih chen chen tlan mai mai tehse.

Sangmami nen MC ah kan kal a, kan lei nual bawk a,a tawng bawrh bawrh reng mai chu ka ngaithla a, ani hi chu tawng duh tak ani ve reng reng a,Parking a kan chhuk tur chu Dintluanga leh Hmeichhe pakhat rawn inzui hi ka hmu ta thut a, han pen bo mai na tur a awm silo,ani pawh chuan min rawn hmu a, mahse, min melh zawk chauh, min hreawm in a awm lo, a ruk in ka na ringawt, Kal se ka ti a, mahse, a kal tak tak erawh hmuh nuam ka tilo chiang khawp,
“Dintluanga kha tiraw?” Sangmami chuan min rawn nghawk a, Dintluanga te pahnih chuan min kal pel chiah bawk, ka bu nghat a,
“a that hi chu a van tha chiang, mahse, kha nu kha a thar ber aniang tiraw?” a ti leh sar sar a, chhan pawh ka chhang buai peih lo.

Gym ka thlen veleh a ka hmuh erawh chuan haw leh mai min duh tir ut ut thung, Stephen-a leh Instructor lo inbe mek chu ka en a, rawn kal ve tum lo hram teh se ,ka Rilru in ka tawngtai a,mahse, ka dil dan erawh a diklo tih ka hai bik lo.Hei Zat Gym awm zingah hian engvang a helai ber kher rawn thlang nge maw anih hrep ni ?? ,mahse, kal ve a tumlo ani phawt ang, a hnu ah erawh chuan ka hmu ta lo. Ka thaw huai mai, haw em em mah ila kha chen ka lo natpui tawh leh min ti chhe vek tu anih miau a vangin Pangngai tak a hmachhawn harsa ka la ti ve tlat ani.

“min lo nghak teh “ Stephen-a bawk, a kal tawh emaw ka ti chu ka ti sual chhia va..Ka melh zawk a, Ngaipawimawh duh lo in ka kal tlang a, engvang mah in a thu a awm tur ka ni miah lo. Ka Ban ah a rawn Man a, min Phih let nawk a, kei erawh chutiang a a chet ka lo rin loh lutuk avangin Ka pai nawk mai, Ka tlu tur chu Midang in min rawn chelh a,
“Sorry....” tih pah in ka hawi chhuak nghal a, mahse, Stephen-a aia ka hnaih loh zawk tur Mipa bawk,Dintluanga Hmel dur khup mai chu ka en a, Pawn ka chhuah hlim khan ka hmu lo,a lo thleng chiah pawh ani zawk maithei,
“Lo ding lawk rawh..” a aw a ringlo ,mahse, a hlauhawm zia hai der theih anilo.Stephen-a chu a Pan phei a, Kei erawh chuan chet sawn Na chang hrelo in thil thleng tur chu ka nghak ringawt,


“Ka Nupui Hual hi lo hnaih tawh suh,tun chiah hi Ka kal tir ang che, a bul hnaiah i awm leh anih chuan a pawi ang” a ti hmuk a, Stephen-a erawh chuan a ngam loh a tawng ani ngei ang, a ding khup zul ringawt.

1986’ – 13

Min rawn pan phei leh nghal a, ka banrek ah a rawn hmer a, Hnial na chang pawh hrelo hian min kaih ang ang chuan ka zui dawt dawt a,a Piah lawkah chuan a Car alo awm a, a Driver chu Motor ngheng in alo Ding a, Kan awmdan chu Mak ati ani pawh in a hmelah engmah a ti lang lo.
“Scooty chahbi khawnge?” Dintluanga chuan a ti hmuk a, thuawih tak in ka pe ve mai bawk a,
A Driver hnen ah a Pe a, Kan In a dah tur leh Taxi a haw mai tur in a hrilh a, Taxi Fare tur a pe nghal bawk a, thil thleng kha a rang em a, Ka rilru a buai nuaih nuaih mai bawk nen engmah sawi ve tur hrelo in ka lo ding mawl mai mai ani ber,Ka Luhna turin Car Kawngkhar chu a rawn hawng a,
“Lut rawh..” a ti hmuk a, mahse, Ka in ngaihtuah harh thut a,
“aih, khawiah nge min hruai i tum?” ka ti hmak a, a rum nghut a,min rawn hnaih a, a rawn kun hniam thut a,
“min hnial ziah lo khan lut teh, chuti anih loh chuan Sawng ho hmuh lai sawn ka Kiss mai ang che..” a ti sup a, Ngeiawm zet hian a ner sawk bawk a, Ka hawi phei thuai a, Kan Gym kalpui te 2 in Min rawn thlir reng hi alo ni a, sawi nawn ngailo in Rang lutuk in ka lut a, Dintluanga Nui ri hawk ah chuan Ka awmdan a nuihzat tih ka hai lo.

Muangchang in a tlan a,Ka melh zauh a, ani erawh chuan a Motor khalh lai chauh ngaihtuah niawm tak hian Hmalam a en ngur a, Biak mai na tur ka hre bawk silo a, Pawn lam ka thlir ve ta zawk a, Kan Boruak tang lutuk chuan ka awm a ti nuam lo a ka hah hluah hluah bawk.A Hotel kawt a kan din takah chuan ka thaw huai mai,
“chhuk rawh” a ti hluk a, ka hnial chak zek zek, mahse, Hotel Security Guard in min rawn pan mek chu ka hmu a, Inhnial buaina hun anilo tih ka hria,Ka chhuk a, Ani pawh a rawn chhuk ve a,Midang in Motor chu an rawn dahsawn mai ang tih ka hria. Min rawn Kai leh a,chu pawh hnial thei ka ni chuanglo, a awmdan engkim chuan min ti hamhaih a, min thawng tel tho bawk. A Room kan thlen veleh chuan a thu hnawk a, kei erawh Inhnial inpeih at in ka ding khawng lah thung,

“min rawn chhan kha ka lawm, mahse, i Nupui hual ka nilo a, khatiang a Dawt kher hmang a min chhan nawn leh ka duh lo “ ka ti hmak a, ani erawh chuan Ngaipawimawh lo hmel zet hian a Phone a en a, a awmdan chuan ka Thin a ti rim zual sauh bawk,
“ok...a tha alawm, biakna chhan tur che ka neilo, thil thleng khan min thawng deuh mai ani...” Ka sawi zawh veleh Kawngka lam ka Pan nghal a, engvanga zui ngawt nge maw ka nih tehlul ni?, Naupang chhia tak a ka khawsa fo mai hi Siam that ka mamawh takzet. Kawngkhar Hawnna ka Vuan hman tep tih ah chuan min rawn vawn khalh a, amah pawh chu Kawngkhar ngheng in a Ding zui nghal a, Ka Kal lui dawn anih chuan amah chu ka chinfel hmasak ngei angai tih ka hai bik lo.

“Hahdam rawh...” a ti sup a, a tawng a dam hle bawk, Ka Lu ka thing a, Ka thlan vang in Ka Ban chuap mai bawk nen,
“i bulah hian tunge hahdam thei ang le..?” ka ti hlar a, a then suk a,
“a chang chuan i hahdam theih kha... thil theihnghilh zung zung chi ini lo tih ka hria alawm..” Thil kal tawh min hriat chhuah tir a tum tih ka hria, a tum ang ngeiin a hlawhtling chiang khawp e,

“Khawngaihin Kalsawn teh, min tibuai lo in ka awm awm in min awmtir rawh...” ka tah a chhuak ringawt, Hrep tak hian...
“oh....Keipawh hian awm tir mai mai thei che ila ka ti ve tho asin..” a ti sup a, sawi chhuah harsa a ti hmel kher bawk, Ka melh chho a,Kei aiin Sang miau hek le..
“i thei alawm...Ka....” ka sawi zawh hma in a Hmui lum ham ham chuan ka hmui a rawn bawhthuah ta chat a, Ka Hamhaih luatah hnial na chang pawh ka hrelo...Nilo..hria pawh ni ila ka Hnial kher in ka ring lo zawk,Zei leh ngenngawl lutuk hian a rawn nawr kau a, ka chhang lo theilo, Ka chhan let takah chuan a rum hawk a, ka ke a zawi vek, a Nghawngah ka kut ka suih a, a Taksa fit zaih mai chu ka ngheng ta nge nge a,..Min pawm kang nawlh a, mahse, a Hmui chuan min Kalsan lo tluk ani...
Sofa a min nghah takah chuan ka Harh chhuak zawk mai, min rawn Delh tur chu ka let sawn a, a Mit meng Sexy zetah chuan Tisa chakna chiang tak in a lang a, Thup a tum lem lo ani ngei ang, ka en rei ngamlo, Ka ding Phat a, min rawn Khawih leh tur chu ka tawlhsawn a,Pangngai tak a awm tur in ka Inkuangkuah fel at bawk,ka awmdan tehhrep vang khan min zuam sawt ang, ka inhau ru mawlh mawlh bawk a,

“Sorry...ka ti hlau che tiraw?” a ti sup a, ka chhang lo, diktak chuan min ti hlau lo a, keimah leh keimah ka inhlauhpui zawk,
“Kal ka duh....” ka ti hmak a, min rawn en a, a Mit ah chuan ka hriat thiam chiah siloh hi alang zawk a, a bo lehnghal mai avangin ka hmusual emaw ka ti hial zawk,
“ok...i kal dawnnia..mahse, i kal hma in Biak che ka duh,chuvangin ania hetah ka hruai che..” a aw ah chuan Dintluanga Pangngai kha ani leh tawh tih ka hria,
“sawi dun tur kan neih ka va hrelo ve..” ka ti hlak thung,
“Min Nei rawh..” a a ta anih ringin ka melh a, mahse, a hmel reng alang lo,a sawi sual tal ani ngei ang...

Ka Nui hawk ringawt, chhan let a tulna pawh ka hre nek lo e..a Hausak avang hian a duh duh ti thei ah a in ngai ani ngei ang.

“Ka Fiamthu lo ania, Min Nei rawh ka tih chu...” a ti nawn leh a, ka nuih a za ta lo..a amah Ep zawng a Chair awm ah chuan ka thu hnawk a,

“Inneihna hi Fiamthu emaw i ti em ni?” ka ti tawk a, a thaw hawk a, a Lu a thing a,
“ti lo...engkim hi Ngaihtuah fel vek in ka sawi thin, tunah min chhang nghal tur pawn ka tilo che, ilo ngaihtuah dawn nia..” a tho a,

“Ka Drop ang che..” a ti leh daih, engkim hi Mumang ang ruai niber in ka hre hial tawh, ka Mumang ni se Harh chhuak ila ka duh hluah hluah..Ka Hma a Mipa, Palian leh Hmelpa lutuk , kekawr Ipte zen chung a Ding luah chuan ka Mumang anilo tih a ti chiang em em lawi si..

Ni 3 lai aliam tawh, chhanna engmah ka la pe lo, anipawn min rawn be bik lo, Nilengin Office ah ka Buai a, Boss hrilh ka duh a, Mahse a Mimal thil deuh a ka hriat avangin ka sawi ngam silo.Sawi pawh ni tehreng ila engmah a ti dawn lo tih ka hrechiang bawk si, a chhan chu midangte nun a inrawlh hi an ti ngailo miau a,
“Ma-eng...ava mak veng veng thin ve” Ka Hma a Sangmami ding chu ka melh a, alo luh lai ka hrelo,

“oh,,,thu teh, ka buai lutuk a, ka buai zo chiah a, ka lo ngaihtuah muk lutuk” a awih ngei beisei in ka nuih sang a,
“ka thu dawn lo , kal ang ,kan tlai dawn” a ti leh a, a sawi awmzia ka hrelo,
“Khawi ah maw??” ka sawi zawh rual in ka inchhir nghal,a hmel a dur khap a,
“tun lai hi i chiang vaklo in ka hria...vawiin hi Kan Class re-union kha ania...” ka rin aiin a thinrim lo zawk,

“eee....Naktuk emaw ka tih vang alawm..ka theihnghilh lo..” inthiamlo zet hian Dawt ka sawi ta ngawt,
“um...a that chu..chuti chu kan kal nghal thei em?” a ti leh a, Ka tho nghal a, vawiin hi kan Re-union hun kha ani tih theihnghilh lo ang maiin ka Incheina pawh a zahpuiawm lemlo.

Zo Food kan thlen chuan an lo awm tawh a, kim erawh an kim lo, Kum tamtak inhmu tawhlo kan ni a, sawi tur a tam in kan ri chelchul a niber,a then in Pasal an nei a, Nupui nei tawh an awm bawk, Kawppui neilo chu 3 chauh kan awm,
“Sangmam.....Ma-engi nen hian Pasal nei teh u...kan Star rawn thin 2 hi in leng rei lutuk..” Rinzaua chu ka en a, High School kan kal lai chuan a sawi ang tak tak hian min duh thin a, min zui duk duk thin,
“min zawnpui teh u..ka Mangang ania..” ka nui hawk hawk a, Mahse, Asawm-i thu rawn sawi chuan ka nui lai a ti tawp chiang ngang mai,
“Zawnpui i ngaih loh kha...Ka Nau lah chuan Inpa kha a atchilh ania...” a mit a siai zauh a, Za lo zet hian ka Nui hak a,Stephen-a chungchang ani ngei ang, an sawi chhuak ang tih te chu rin thiam ve awm tak, amah a awm lo tih ka hriat chian avang chauh a vawiin pawh hi kal ka ni reng a, mahse, an vai hian kan inzui dan hretu te an ni a, sawi chhuak tawk an awm ngei dawn tih hi lo ring thiam tur ka ni asin le.

“Ninawm, thildang sawi ang u..” Sangmami chuan a ti lar lar a, min chhan avang in lawm tak ka ni,
“na...vawiin pawh hi Hotel lian tawkah Dinner min Treat ang chu ka lo ti a..” Asawm-i bawk, tunah chuan ka confi ta lo, Stephen-a nge Dintluanga zawk a sawi ka hre thiam tawh tlat lo,
“Ka rethei lutuk, chutiang nei ila mi hnuaiah ka thawk nang...” ka nui hak hak a,
“i Pawisa in min Treat rawh ka ti hleinem mawle, in ta tur tho ania, a changtupa khan alo free mai ang che chu ka ti...” ala duhtawk ta lo fo, ngei tak ka ni ringawt,

“Stephen....ekhai..ilo kal thei dawnlo an ti sia...” Malsawma au hluai ah chuan Hnung lam kan hawi rual thap a, Stephen-a rawn kal phei ka hmuh rual chuan ka thimrim ru teuh aniber, a awmlo an ti bawk si, mahse, hei tunah alo lang leh ta sia, haw ringawt dawn ila thil mawi ber ani silo.
A thut na tur an lak belh a, hmuh hreh na chhan tur neilo mah ila hmuh nuam ka ti lo, Hman zan khan Dintluanga kha a ngam lo lulai em a, khatiang khawp khan a tlawm a, min zah ngawih ngawih tur zawk anih laiin kei mah zawk in Hmuh nuam ka ti lo,Mipa ho an tawng zawm bawrh bawrh a, Sangmami nen erawh chuan kan Ka thui pin ang chiah in kan ngawi dun hmak thung.


“Kha Ramhuai khan Kan Boruak a rawn ti chhe vek” thinrim zet hian Sangmami chuan a ti hmarh hmarh a, Kei erawh ka ngawi reng,
“sawi ve tur i hre miah lo a mi a?, Ka ngei tehreng nen..’ Min rawn nghawk a,
“sawi teuh mah ila ka ngei zia ka sawi chhuak zo lo ang, sawi loh ka duh zawk..” ka ti hmak thung.

Kan In Step ah kan chhuk thla dun a, a tawng Barh barh chu ka ngaithla a, Keimah vang a Hua ani tih ka hria, Ka Thiantha ber ani a, ka dem lo, Ka Natzia kha ani aia hrechiangtu chu Keimah chauh ka ni mai,Kan Sitting Room a Ka Nau nen Tv en chung a lo thu ka hmuh rual chuan ka nghing lawih aniber, Sangmami awm lai ber kher ani bawk si...

“eee....Naktuk emaw ka tih vang alawm..ka theihnghilh lo..” inthiamlo zet hian Dawt ka sawi ta ngawt,
“um...a that chu..chuti chu kan kal nghal thei em?” a ti leh a, Ka tho nghal a, vawiin hi kan Re-union hun kha ani tih theihnghilh lo ang maiin ka Incheina pawh a zahpuiawm lemlo.

Zo Food kan thlen chuan an lo awm tawh a, kim erawh an kim lo, Kum tamtak inhmu tawhlo kan ni a, sawi tur a tam in kan ri chelchul a niber,a then in Pasal an nei a, Nupui nei tawh an awm bawk, Kawppui neilo chu 3 chauh kan awm,
“Sangmam.....Ma-engi nen hian Pasal nei teh u...kan Star rawn thin 2 hi in leng rei lutuk..” Rinzaua chu ka en a, High School kan kal lai chuan a sawi ang tak tak hian min duh thin a, min zui duk duk thin,
“min zawnpui teh u..ka Mangang ania..” ka nui hawk hawk a, Mahse, Asawm-i thu rawn sawi chuan ka nui lai a ti tawp chiang ngang mai,
“Zawnpui i ngaih loh kha...Ka Nau lah chuan Inpa kha a atchilh ania...” a mit a siai zauh a, Za lo zet hian ka Nui hak a,Stephen-a chungchang ani ngei ang, an sawi chhuak ang tih te chu rin thiam ve awm tak, amah a awm lo tih ka hriat chian avang chauh a vawiin pawh hi kal ka ni reng a, mahse, an vai hian kan inzui dan hretu te an ni a, sawi chhuak tawk an awm ngei dawn tih hi lo ring thiam tur ka ni asin le.

“Ninawm, thildang sawi ang u..” Sangmami chuan a ti lar lar a, min chhan avang in lawm tak ka ni,
“na...vawiin pawh hi Hotel lian tawkah Dinner min Treat ang chu ka lo ti a..” Asawm-i bawk, tunah chuan ka confi ta lo, Stephen-a nge Dintluanga zawk a sawi ka hre thiam tawh tlat lo,
“Ka rethei lutuk, chutiang nei ila mi hnuaiah ka thawk nang...” ka nui hak hak a,
“i Pawisa in min Treat rawh ka ti hleinem mawle, in ta tur tho ania, a changtupa khan alo free mai ang che chu ka ti...” ala duhtawk ta lo fo, ngei tak ka ni ringawt,

“Stephen....ekhai..ilo kal thei dawnlo an ti sia...” Malsawma au hluai ah chuan Hnung lam kan hawi rual thap a, Stephen-a rawn kal phei ka hmuh rual chuan ka thimrim ru teuh aniber, a awmlo an ti bawk si, mahse, hei tunah alo lang leh ta sia, haw ringawt dawn ila thil mawi ber ani silo.
A thut na tur an lak belh a, hmuh hreh na chhan tur neilo mah ila hmuh nuam ka ti lo, Hman zan khan Dintluanga kha a ngam lo lulai em a, khatiang khawp khan a tlawm a, min zah ngawih ngawih tur zawk anih laiin kei mah zawk in Hmuh nuam ka ti lo,Mipa ho an tawng zawm bawrh bawrh a, Sangmami nen erawh chuan kan Ka thui pin ang chiah in kan ngawi dun hmak thung.


“Kha Ramhuai khan Kan Boruak a rawn ti chhe vek” thinrim zet hian Sangmami chuan a ti hmarh hmarh a, Kei erawh ka ngawi reng,
“sawi ve tur i hre miah lo a mi a?, Ka ngei tehreng nen..’ Min rawn nghawk a,
“sawi teuh mah ila ka ngei zia ka sawi chhuak zo lo ang, sawi loh ka duh zawk..” ka ti hmak thung.

Kan In Step ah kan chhuk thla dun a, a tawng Barh barh chu ka ngaithla a, Keimah vang a Hua ani tih ka hria, Ka Thiantha ber ani a, ka dem lo, Ka Natzia kha ani aia hrechiangtu chu Keimah chauh ka ni mai,Kan Sitting Room a Ka Nau nen Tv en chung a lo thu ka hmuh rual chuan ka nghing lawih aniber, Sangmami awm lai ber kher ani bawk si...

Chapter- 14

“Ilo kal Ani maw?” zawh tul miah lo in a lang reng, mahse, ka Hamhaih em a, Kan In a lo kal tur in ka beisei lo, alo kal teuh ber ah pawh pawnah min Ko chhuak zawk a, amah a lian si, Kan Sitting Room a te sa bawk nen a ti lang chep zo vek mai,

“um..Ka thleng deuh chiah..” a ti ve mai, ani leh nilo ang tak in a Hmel a lang dam thlup mai,

Sangmami chu ka en a,
“Thiannu, Hei hi Dintluanga nih hi,Kan Boss thianpa ber ania, chuan Dintluang, Heihi, Ka Best Sangmami ania “ ka ti a, Sangmami chu ka en duhlo lui a, hnehtu inti lutuk a a Nui vel tur chu ka hmu peih lo, an In chibai, Kei erawh ka thawmhnaw thlak turin Room ah ka lut a, Khumah ka thu hnawk, Engvanga lo kal nge maw anih hrep ni???, a Zawhna kha chhanna a duh anih pawh in min rawn Call thei reng si, Kan Khawsak hniam tak te, kan inchhung buangrua changkang lem lo tak te nen hian min Hmuhsit zual Phah ngei ang tih ka chiang. An In mai pawh nilo in a Office chhung a thil awm ai pawh in kan neih zawng zawng hi a hlu lo zawk ngei ang, tawm reng theih nihek lo, ka chhuak a, a dan ngai te in Sangmami chuan alo nel leh hman tawh ani ang, alo ti ti siam siam a, a chang hi chuan a Mize tluang leh Nelawm tak hi ka awt ve hluah hluah thin.

Dar 10 rik hma hret in Sangmami a haw a, Dintluanga pawh haw ve se ka ti takzet, han sawi mai tur ka hre thin lo a, Ka Nau lah tawngduh tak anilo bawk nen nuam ka tilo,Mahse, Haw mai tum awm in a awm tlat lo, Ka Nau Mu tur a a kal takah phei chuan Kal lo tur a pawhbeh hial ka duh rum rum, mahse, thil tih chi ani silo,
“keipawh kan kal ang e,Min lo thlah la...” a nui suk a, a tho nghal a, Pawnah ka zui chhuak a,
“anih Mangtha le, ilo kal dawn tih lo hre lawk ila tha tur ania” ka ti sap a, a rawn hawi let a,
“hre lawk ta la ilo awm angem?” a ti hluk a, ahma lawk a nelawm tak kha ani leh tawh lo,
“aaa...ka hrelo ...awm ang chu ..” ka ti bah nak mai,
“lo kal rawh..”a Kutzungtang sei thlurh mai chuan ka Kut a rawn hum a, Step ah min Kai chho a, ngawireng in ka zui a, Ka Nau ngaihdan anilo hle in ka ring, mahse, ka zui lo anih chuan Kha hmun ah khan kan eng nge thleng leh dawn ka hre tlat lo,Step tawp ah chuan a Car alo awm a, kan haw lai khan a awm lo tih ka chiang,
Motor Hung Lam Kawngkhar a hawng a, min nawr lut a, amah pawh a rawn lut ve nghal a,
“ eng nge a?, Pawnah pawh khan kan sawi thei reng sia, “ ka ti a, a nui hawk ringawt,
“mi hmuh che i hlau leh maithei asin..” a chimawm lutuk chu chum pawp ka chak, mahse, ka ngam teuh silo,
“ka lo haw lai khan i Car hi a awm miah lo...” ka ti leh a,
“Helai kan thlen hnu ah a Ke a chiang lo a,a siam tir a, a rawn dah anih hi..Chahbi Spare ka ak alawm “ a ti tha ve mai, engtin nge a haw tih zawh ka tum thut a ka buaina tur anilo tih ka ngaihtuah a ka zawt leh ta lo..
“anih chuan enge i sawi tur chu..?” ka hmanhmawh ru takzet, a sawi ang tak khan mi hmuh ka hlau a, Ka Nau ka zah bawk,
“ka zawhna kha chhanna min la pe lo..” a ti hmuk a,
“oh...ka lo theihnghilh daih...” ka theihnghilh hauh lo...engtin nge ka theihnghilh tehlul ang???
“i thu lo in thil tih ka duh loh vang a zawt che ka nilo, ka duh chu ka ti tlang dawn tho, chuvangin Naktuk zanah In Khuaah Palai kaPa in a tir ang...” engkim mai Ruahman fel sa a sawi tih a inrin tawk danah alang reng bawk...
“nilo....a theih loh..ka nei duh reng reng lo che...” ka au ani ber,
“shh...Naupang i nih loh kha,,,Pasal i neih loh chuan Nakin lawkah tun a i zahawmna te kha chu a bo vek ang, tunah hun tha i neih lai hian min Nei mai la...Pasal sual tak ka ni lo ang..” ,a thusawi tin chuan min deng dawt dawt hi ani ber..

“aih..ka Duh lo, Pasal ka nei dawn anih chuan Ka Hmangaih leh Ka duhthlan Mipa ka nei ang..” chhuk tum in Car Kawngkhar hawnna ka dap a, mahse, a Locked miau avangin ka hawng thei silo...
“Hmangaih leh Duhthlan chu theihnghilh rawh, i tum ber chu Hausak leh Zahawm ani tih ka hria, Keiin chu chu ka pe ang che,,,nang in fapa min pe ang..” a Hmai ri pawp ah chuan Ka beng tih ka hria, ka insum hman lo,ka rilru bing mup mup mai chuan kut thlak lo tur pawn ngaihtuahna min put tir theilo, Tunah chuan a rilru tenawm lutuk chu chiang tak in alo lang ta... kei hian engmah in ka hip lo...Fapa a mamawh lek alo nih chu..a Fa hrin sak chak Hmeichhia an tlar tuar ang chu...

“Kut min thlak amaw?” a aw hlauhawm zia chu Hremhmun pawh ti tui vek thei khawp niber in ka hria... hlauhna avangin ka tawlh hnung dawrh a, mahse, min rawn hnaih chilh nghal ruak tho...
“eng vang in maw min ben?, ka thusawi dik lutuk vang khan maw?” a ti leh hrawk a.. ka tawngchhuak theilo, a rawn kun a, Ka khabe ah a chawi kang a, ka en lo thei ta lo, a Mit chu thinrimna avangin a thim vek ani ber,
“Stephen-a pawh i duh anih chuan ani ai in ka ti thlim zawk ang che...i duh duh i nei thei ang a, i chhungte i enkawl na tur pawh ka pe ang che...” a ti leh hmuk hmuk a,
“aih..,ka duh chuanglo, Stephen-a nen in Compare suh, engah mah i tluk lo...kan in hmuthiam lo laklawh mai zawk anih kha...chu pawh Zan in khan kan siam tha leh tawh, i puihna ka mamawh tawh lo...” ka tawng hnem lutuk chu mak ka ti zawk, Hepa nen tih takzet a kan inhriat hnu hian Dawt te hi ka va sawi awlsam ta em aw...
“oh...anih chu...a lungchhiatthlak hle mai, kei lah chuan ka duh tawh chu ka nei ngei ngei thin sia...” a ti hmuk a...
“nilo tun ah chuan i nei lo ang...” ka ti ve thung, Zalo zet hian a nui hawk a,
“kan hria ang chu...Kal tawh rawh, i Nau ngaihdan anilo hlauh ang” a ti dam thlup a, a Mood inthlak thut thut reng mai hi ka hrethiam hlawllo..


Ka Muhil miah lo a tih theih, Peih lo zet in ka tho chhuak a, Walk tur pawn Phurna ka neilo, Dintluanga tawngkam tinreng kha ka ngaihtuah let a, min hmusit ka ti lo theilo, tihluihna hman a tum a, chutah pawh kan Retheih na hmang kher in min nawr chep a, Ka chhungte ka enkawl theih tur thu te a sawi ngam ania, Mihring alo ni hrep lo e, engvang nge maw Mipa diktak, min Hmangaihtu tur hi ka tawn ve theih miah lo mai le ??, keimah hian ka zir hlawllo zawk nge mawni ??? ka Nun a Mipa lo lang te hi ka Phu loh em em anni a, chumi letling chiah chuan misual ber leh rilru tenawm lutuk annih ve ve avang hian min Nei tur chuan an tha tawk ka ti thei bik lo.,Nilengin ka Rilru a nuam theilo a, Ngaihtuah loh ka tum pawn ka thei lo, Bettyi’n a duh ngawih ngawih a, Fapa aduh anih chuan ani pawh nei mai se tha tur, an Khawsak Phung engkim a inmil a, khawiah mah a zahpui awm dawn der bawk silo, Betty-i a duh lo anih pawh in Nula dang Hmeltha leh Nalh ,an Khawsak Milpui tam tak, amah duh tu an awm ngei awm si a...Huiham....engmah ka hrethiam teh nuaih lo e.

Ka Phone ri in ka ngaihtuahna atangin min ti harh a, ka la thuai a, Sangmami alo ni a, ka rin aiin min rawn Call har zawk, diktak chuan ka be chak lo takzet,

“Hello....” ka be chaklo tih a hriat ka duh loh avangin Zangkhai thei ang ber in ka chhang a,
“awi...Thiannu....Nizan kha...” sawi zo duh lo in a nui leh rih a,
“eng nge?, sawi vat rawh, ka buai ania...” ka ti hlar thung,
“Inpa kha...a chhelo vel vek....” a Phur zia a thup theilo anih hmel, Kanpa anilo tih khum nghek ka chak zek zek,
“i sawi ho lutuk.. Hna chungchang ah alawm alo kal...” ka ti leh a,Dawt bawk...
“awi...i thiantha ber ka ni si amaw?” a ti nghek a, a awmdan tehhrep chuan min ti thinrim hlur tawh,
“i ni...mahse, tunah chuan ka buai....” ka ti hmak a,
“Ka nilo anih chu...Ka Thiantha ber hian a Pasal neih tur hi min hrilh tur ani lo ami?, engvangin nge inPa tur zawk hnen atangin ka hriat a ?” Ka Phone Hum lai ka thlauh lo hlauh,

“aih...nilo...chutiang engmah ...” ka sawi zo hmanlo a Phone a Off daih...Zodintluanga Hrep hian engthil nge a tih tehlul ni???

Office Ban veleh an Hotel ka Pan a, Ka Pan mailoh chuan a Phone a la duh miau lo, Hotel kawt ka thlen veleh ka Call leh a, a chhang chuang lo, hreh zet hian Security Guard chu ka pan a, ani pawn min hmuh veleh min rawn pan ve a, Ka kal ve ta zeuh zeuh a, ka kal apiangin Duty lo mahse min hria anih hmel khawp mai,
“Dintluanga ka hmu duh a....” ka ti hman tawk,
“ka hria alawm, ilo kal dawn tih min hrilh a, Room ah chho tlang turin a ti che a....” a ti zung zung a, min hria emaw ka ti ngawt a, min hai anih hmel leh zawk tlat,
“aih...min hai aniang, ka lo kal tur ka hrilh lawk lo a, ka Call a a chhang theilo a...” ka ti a..Hmeichhe dang hmutur an awm anih hmel e..oh...an tam ang chu...Mipa ah pawh Pa lutuk hian Hmeichhia a duh duh a tihtur hi a van dawnlo.. thildang ah pawh a insum reng Beisei chi anilo..

“Hai lo e..Pi Ma-engi i ni lawmni?” a ti leh lawi a..Ka ni ngei bawk si..Ka Hming ang chiah chuan Hmuh an tum in ka ring lo.. ka Bu nghat a,
“mahse....ok...alawmawm...” ka ti leh ta zawk a, Midang bulah insawifiah chiam a tul ber lo e.

Door Bell ka hmet a, a reh vang vang ringawt, Ka Hmet nawn leh tur chiah chu a rawn inhawng thut a, Dintluanga chuan Towel chauh veng hian a rawn hawng a, a sam hnawng chap chuan a inbual zo chiah tih a tilang a, a Pian pa zet chu ka en lo theilo, Sek tung silo in a inkhaithli zaih a, a Dar hlai hlap leh a kawng fek rat chu nalh lo tih chi anilo, a Towel hnuaiah chuan engmah a Inbel lo tih alanng reng bawk, Ka hawi sawn vat a...Reilo te chhung mah nise ka hmu kim hman vek a, Nuam ka tilo nge pawh ka hrelo ka Khup a sai dar dar mai.

“lo lut la...” a ti sup a, ani pawh a pangngai chiah lo anih hmel.. Ka luhna turin min kian a, Ka Kal pel a, Ding tak in Sofa chu ka Pan a, Khumah chuan a thawmhnaw hak tur Niawm tak Suit hi Fel thlap hian alo dah bawk a, a Kalna tur lam ka ngaihven a tul lo e, Ka kal chhan ka sawi anga ka kal leh mai dawn tho,

“Han sawi la....” a ti leh hmuk a, Min ep zawng in a rawn thu a, Thawmhnaw ala inbel chuang lo cheu, a Pian nalh lutuk chu a chhuang pawh animahna...

“engvangin nge Sangmami hnenah Kan Innei dawn tih ilo hrilh a...?” Ka melh ngar a, ani pawn ka mit ah tak a en ve tho, a Huhang Na lutuk avang chuan hawisawn ka duh a, mahse, tlawm zawk ka ni dawn si , hmundang ka melh duh bik lo...a then suk a...



“i thinrim hian nuam ka ti, Hmeichhia chu min duh tu aiin min duh vaklo tu kawp nuam ka ti zawk...Sangmami te chu i Best ania, mahse i hrilh dawn lo tih ka hria, ka lo hrilh anih kha...” a ti ta duah a...a khawsak dan pawisak neilo lutuk chuan Beih let chakna min siam sak a,a Huat in ka haw hluah hluah..

Chapter- 15

Ka thaw hawk a,
“a va ropui ve...tihluihna in min neih i tum tih pawh hrilh tel law law la...” ka ti hlak a, ngeiawm zet hian ka nui zui hak bawk,

“nia..ka la hrilh maithei, min vau a, nei tur che in min ngen tih zawng in...” a Mitmeng de sawr sawr ah chuan min chhaih thinrim a tum tih ka hria, Hrereng mah ila ka thinrim na ka Control thei hek lo,
“Nang Biak che hi a tulna ka hre lo tak tak ta , Mi sual lutuk ,Duhamna a khat Mihring ilo nih hrep hi..” Ka ti that a, ka tho a, Kawngkhar lam ka Pan a, a Nui ri chuan ka awmdan min hloh tir a, Tah vak ka chak zek zek bawk,

“Kal suh, i duhtawk in min hau Phawt la....i beidawn hma lutuk chuan nuam ka tih ka ringlo....” a thusawi avang chuan ka Ding dat a, muangchang in ka inher a,
“ka tlawm reng reng lo, mahse maw...i Hmeichhe Hmangaih khan engvang in nge a kalsan che ka hre tawh, i Rilru tenawm lutuk hi Pathian in a hmu a, i bul a chen a phal lo a a laksak che anih kha....”

ka sawi zawh meuh chuan ka Bul a rawn thleng hman der, na Lutuk in Ka Darah a tham a, min nem dawr dawr a, Kawngkhar in min lo Dan takah chuan min nawr bet a, a Kut Sei thlurh in Ka Nghawng a rawn vawn chuan Ka Rilru a fim tawh,Hlau lutuk hian ka melh chho a, mahse, min hmu awm pawn a awmlo,a Mit chu Ramsa kawlh mit ang mai hian a Sen vek ani ber,Bangah min rek kang a,
“ti suh....” ka tawng ri thei tawk tawk , a rawn rek na leh sauh a, Ka thaw thei lo, ka khawhmuh a fiah lo riai riai a...


Ka Meng siar siar a, Ka hmuh chhun chu inchung Var vek chu ani mai, Ka mit ka chhing leh rih a, Ka awmna ka ngaihtuah a, Nilo.....thil thlen dan ka hriat chhuah leh takah chuan Hlau lutuk hian ka Khur a,min that em lo ani ngei ang, Ka Thlan in min bual a, ngam leh ngam lo hian ka lu ka ti kang a, Dintluanga Room ah ka lo la awm a, A Khumah min lo muttir bawk a, ka hawikual a, tumah an awmlo, a reh thiap a,ka thu chhuak a, Ka nghawng Na Ut ut chu ka vuan a, Ka Cardigan pawh alo phelh thawl a, Ka Bag pawh Chair ah a awm tih ka va hmu a, Ka tho thuai a, Ka Pheikhawk ka Bun sawk sawk a, midang min ngaihven tur a dah ka ring lo, tunah pawh khan Ka Thi ah ngaiin min paih bo dan tur ngaihtuah in a chhuak pawh animaithei..ka Kalsan hma leh ka him hma animai..

Dimte in Kawngkhar ka hawng a, pawn lam chu ka va en a, ka rin ang chiah in tumah an awmlo hlauh, Ka Scraft ka Phawrh a, Ka Lu ka tuam a, Midang tumah an awm lo tih ka hre bawk a, Step awmna lam ka Pan a, Hotel ka luh lai khan Cardigan ka ha a, tunah chuan ka ha lo a, Scraft in ka Lu ka tuam bawk avangin tuman min hre lo ang, min hria pawh nise an ngaipawimawh kher lo ang , mahse, Buaina ka Nei, Parking atang in Ka Scooty Lak chhuah angai dawn a, Guard hnen ah ka hrilh angai ngei bawk ang.

Mahse ka Beisei loh deuh in Duty an lo inthlak tawh a, ka thaw huai mai, Ka pan phei a, min lo be vat a, Scooty Number ka hrilh a, midang a be mawlh mawlh a, a hnu rei vaklo ah chuan an rawn khalh chhuak ve mai bawk a, Lawmthu ka hrilh a, Mahse, Scooty khalh tur pawn ka in ring tawk lo, Hlauhna avangin Ka la Khur Dar dar a, Tluk palh ka hlau a, mahse, Kha Ramhuaipa lo let leh hma ngei khan ka Tlan bo a ngai miau a, Muang thei ka nilo..
Ka Nau a hna thil ah a zin chhuak bawk si, Sangmami Riak turin ka sawm mai ang tih ka ngaihtuah a,...a chi leh lo, engkim hriat a duh leh anga, a tawng leh reng bawk ang, tunah chuan Mahni a awm ka Mamawh ber, Ka Khumah ka Let tawp a, tunah chuan hlauhna avang leh Rilru nat avangin Ka Tap chhuak thei ta...Midang tumah an awmlo bawk a Ka Tap ri hlawp hlawp mai, Stephen-a nen a Kan Inthen khan Na Ka ti em em a, Mahse vawikhat te pawh ka tap chhuak lo, tunah eng vang a tap nge ka nih ka hrelo, Ka Hlauh luat vang ani ngei ang, Eng ti zawng mah in Dintluanga vang khan ka rilru a na Dawn lo.

Ka Beisei loh deuh in Ka lo muhil ve mial a, Ka Sana ka en dawn a, Ka bun hauh lo, nizan khan ka Bun leh Bun loh ka lo ngaihven miah lo a, Ka Phone ka Ban a, Ka Switch Off avangin ka On leh rih a, Ka On chiah chu Msg a rawn lut pawp pawp a, Ka Open chu Dintluanga min rawn biak tumna a tam lutuk ,Kanu te pawn min lo biak an tum a, Ka Nau pawn... Dintluanga hrep hian eng vang in nge min rawn biak a tum ngam tehlul ni ?!!, ka Thi lo tih a hriat avangin a Mangang ani ngei ang..Hreptak hian...

Kapa ka Call nghal a, a Mangang viau in ka ring,

“Pa...Nizanah Ka Mu hma lutuk a,min lo biak in tum ami?” ka ti a,
“aw...tum ang chu, kan Mangang hman thelh a, I thianpa lah kha a rawn mangang viau bawk a..” a ti a, hahdam huai ang mai hian a tawng a, mahse, tu ka thianpa nge a sawi ka hrethiam lo,

“tu ka thianpa maw?” ka ti a, Kapa te lo han Be pawp tur Thianpa ka neih ka hrelo..

“Dintluanga Mawle aw, Midang tunge ni ang?, Kha...Nizanah Palai kan Hmu thut mai a, Min hrilh lawk tur che ania..” Kapa chuan a tih zawm a,Nidawn tak, Nizan kha Palai an kal dawn a tih hun kha ania, a sawi ang ngeiin an kal ta anih chu ,Kapa hi Pa tawng tam lo tak anih tehlul nen Palai hmel han hmuh meuh chuan a lawm ve tak tak ani ang, Kan Unau hi kan awm thuau thuau a, Kawppui nei kan la awm bawk silo a, Pakhat tal in Palai hmel kan hmu chu a hlim pawh ani ang, chumai bakah Palai kal te khan Tunge anih an sawi ngei anga, alan dan ah chuan Makpa a tan a Duhthusam alo ni bawk nen, a hlim viau pawh ka demlo, Mahse, Nizan ah Hmeichhe dang vangin min That thelh tih hria se zawng a hlim hauh lo ang.

“oh...nia...” ka ti ringawt, a hlimna ka tihchhiat sak theilo, ka Duhlo tih hrilh nghal ka chak zek zek,
“engtin nge kan lo chhan ang?, Palai hmel kan hmu hlawl anih chuan in Inbe fel sa turah i Nu nen chuan kan ngai ngawt a, Anni lam lah hian a hun tur pawh hriat nghal an duh lehnghal a...” a ti a, a nui hak hak a,

“Ka hrelo...In tih dan dan animai...” ka tawng ri hlei theilo, Kapa hlimna tih chhiatsak ka hlau a, chutih rual chuan Kha Ramhuaipa kha Neih ka hlau takzet bawk, Ka Nei anih chuan Damchhung Hremhmun ka insiam ani ngawt dawn si..

                                    

“eng chhungkua nge maw annih reng reng le...? nizan ah khan a Phone tlang theilo che a, In ah khan alo kal a, a Kai tho theilo bawk che niawm tak ani, Palai te awmlai tak a lo nia, kan Inbia a, a aw atang ngawt chuan engmah ka hrethiam hlei lo a...” a ti leh charh charh a, a hmel pawh hmu la i hrethiam chuang lo ang tih ka chak a, Mahse, engkim hrilh a a Rilru tih nat sak a tulna a awm lo.
“Pa...an fel khawp mai, Mahse, Kan Khawsak a in anglo lutuk a, nakinah Nangmahni in Hrehawm inla tih phah ka hlau a, Neilo tur a min tih pawn ka hnial lo che ania..” Pehhel deuh hian ka sawi a, hrethiam se ka ti lutuk,

“Mai mai a, keini min nei dawn hleinem, a reng reng ah Aizawl ah daih in awm dawn a, keini helam ah kan awm a, i tan a Pasal tha tak anih chuan kan duhtawk reng..” a ti ta daih a, Ka thusawi avang khan nuam ati chiah lo hmel bawk,
“um...ka dah phawt ang, in duh duh in lo chhang mai teh u..” ka ti a, Ka Phone ka dahsawn a, engtia han awm tur nge ka hrethiam hlawllo..

Boss Ka Phone a, Ka Damthat loh thu hrilh in chawlh ka dil a, Min ngaihtuah hmel deuh hian ka na lai min rawn zawt thuai thuai a, han chawlh ngawt mai chu nuam ka ti chiah lo, Hospital a hruai ka ngaih leh ngaih loh min zawt a, ka ngaih loh thu ka hrilh a, hna ah hah em em thin mah ila Tanpui ka ngaih hun alo thlen hian Boss hian min ngaihtuah zia ka hre belh fo thin, mahse, vawiin zet chu eng tih mah chakna ka neilo, Mut veng veng a in ngaihtuah ka duh ber.

Engvang in nge Min neih talh a tum ka hrethiam theilo, Fapa aduh anih chuan Sawn thlak maise, Fapa hrin sak turin min Neih a tum a, mahse, a Hmeichhe Hmangaih chungchang ka sawi avangin Min Thah hial pawh a hrehlo ania, Khatiang chung khan Hmeichhe dang a ngaihtuah theilo tih hria se, Nupui neih tum buai lo ngam tur ania, a lo sual em ani.

Ka Phone Ri in min tiharh a, Ka lo muhil sek ani ngei ang, Peih lo zet hian ka Ban a, Meng chuanglo in ka chhang a,
“Hello....” ka ti a,
“Kawngka minlo hawn teh..”
Dintluanga aw ka hriat rual in ka Meng kawk a, engah sawi lo in ka Off nghal daih , Ka be duhlo tawp aniber tunah rih chuan.. a rawn Call leh a, ka chhang lo, Phone chu ka melh reng a, Kan In a alo kal ngam ringawt pawh mak ka ti lutuk, a tawp a ,a rawn Call nawn leh a, ka switch Off ta daih a, la ring zo lo niawm tak hian a Battery ka phawi lehnghal bawk a.

Kawngkhar kik ri ka hre zui nghal zat bawk, ka la che chuang lo, a rei tak hnu ah phei chuan a rawn chum ani ngei ang, a ri a ring sawt khawp mai, Ka Beng ka hup a, ka hawn loh chuan a Beidawng anga a kalsawn mai ka beisei a, ka Beisei ang ngeiin a hnu ah chuan eng thawm mah awm lo in a reh ta thiap a, Ka awmdan Naupangchhia lutuk chu ka ngaihtuah a, engkim sawifel pui tur ka nih laiin ka hmu duh tlat silo.

“Ma-eng....” ka zuang dawrh lo chauh, Kan Inchung nu aw ani ta tlat...Kan Misualpa zet chuan a han bum ani khawp ang, hawnsak mai loh chuan ka mualpho zau dawn lutuk, Dintluanga hian eng chhuanlam hmang in nge In neitunu a han Pun ka hre silo.

Ka Hawn veleh chuan In neitunu ka hmu nghal a, Dintluanga erawh chu a rwn lut tlang nghal a, a Hmel a pawr fap a, Nizan lam a Mu miah lo anih hmel khawp mai,
“i damlo tih ka lo hre lo a, hei i Thianpa hi alo kal hlauh a, ka hreve chauh a..” a ti nghal bawrh bawrh a,
“Damlo em em lo a, ka chau ve deuh mai mai mawle, lo lut la...” ka ti a, mahse, In ah Naute chauh a kalsan tih a sawi a, a chho leh ta zawk a, awm ve se ka ti ,Dintluanga nen chauh a awmdun chu a rap in ka rap hluah hluah tawh, Kawngkhar chu aman a rawn pawt khar a, a Kalh zui nghal hmak bawk, Thutthleng ah chuan a thu hnawk a, a chau hmel hluah hluah, engvang tak ni ang maw ?.

“eng nge i duh?” ka ti hmak a, ka inkuangkuah fel than a, thut pawh ka thu lo,
“eng ngatinge Nizanah ka Hriat loh in ilo tlan chhuah a..?” a aw ah chuan Na tuar ri a ri tel a,
“i hriat lai a kal ka tum khan Min Rek bet ta sia, ahnu kha chuan i hriat loh a kal kha a that zawk ka ring a....” ka ti hlak a, ka aw a chang fak mai,
“God....sawi tawh suh...” a ti tham tuak a, a Lu dawm chungin a kun a,
“tunah eng nge ilo kal chhan?” ka ti leh hrawk a, a sam a tuai puat a, a rawn hawi chhuak a,
“Ka Call tlang theilo che a, a tlang theih hnu ah pawh i chhang duh chuanglo a, Bakah ilo Nuamlo zui viau thei a....” a Ban a Phar hluai a, Beidawn hmel zet hian a dahthla leh hnawk a, a thaw huai a,

“oh...i hmuh ang hian ka Tha...ka Thih i beisei anih kha, mahse, ka thi ta lo hlauh, Kal tawh rawh..” ka sawi tawp lam chu ka au aniber, a rawn ding chhuak a, hlau lutuk hian ka Per sawn nawlh thung, min rawn man tum niawm tak hian a rawn phar chhuak a, mahse, a Kut a la let leh thuai a,

“Sorry....khatiang kha vawikhatmah a thleng nawn leh tawh ngailo ang...” a aw a zawi sup mai, a Khabe hmul chu a to siar siar a, amah pawh a chauh hmel in a lang ngui lup a, Hmuh nuam tak ani lemlo,Kei pawh inhmu thei ngat ila chuan engmah ka nih ka ring bik chuanglo,

“engpawh sawi rawh, engmah ka ngaipawimawh lo, chuan, hei hi ka hrilh ang che, Ka nei duh lo che..” ka aw a dam raih a, mahse, Nelawmna a tel lo,
“aih..min nei rawh, Nizan ang kha engmah a thleng lo ang ka tih chu...Ka Tiam che..” a aw a Manganna ri tel chuan Khawngaihna min siam sak a, mahse, hetiang ngaihtuah ka duh miah lo.,a chhungril tenawmzia ka hmuh vek tawh kha..

“Ka Nei dawn che anih chuan Inremsiamna angai ang..” Engvang a chutiang thu sawi ngawt nge ka nih pawh ka inhre bik lo..!!!

Chapter- 16

A Hmel ah chuan engemaw ka hriat thiam chiah loh hi alang zawk a, a Bul a Chair ah chuan a thu thla leh hnawk a, a Hnung ah chuan a Lu anghat a, chunglam a melh vang vang bawk a, a tawng tawh dawnlo emaw ka ti a, ka Thil sawi khan a thawng ve deuh pawh animahna...

“ok...i duhdan sawi phawt la...” a ti ta sup a, a Piah ah amah ep zawng in ka thu thla ve a, reilote ka In ngaihtuah zawk a, Eng Game nge ka khelh ka hre lo, Ka Thluak ah chuan Warning a awm a, mahse, ka ngaipawimawh duh lo lui a,

“A Hmasa ber ah chuan Kan Innei anih chuan Ka Hming in Ac i siam ang, Thla tin Ka Hman tur leh Ka chhungte ka enkawlna tur min pe ang, ka duh duh ka ti ang a, Ka tihtur min hrilh thei lo ang,i chhungte emaw Nangpawh in Ka thil tih tur min dal ka duh lo, Hmeichhe Pangngai ve tho ka ni a, awmdan tawk ka hria, chuan...Ka Hna ka thawh zui i remti tur ani bawk,.” Ka hriat sa sawi chhuak zar zar ka ang khawp in ka hria, Hmeichhe Inringtawk tak ka ang khawp lehnghal, a thle buk a,

“chu zawng chu ami?” a ti hmuk a, ho a ti hmel lutuk chu ka ngei kher bawk, ka thaw ham ham a,

“aih...a Pawimawh ber ka la sawilo, Nupa kan nih chuan Sex kan hman angai ang tih ka hria, khalam kha chu sawi zui angai lo maithei, mahse, ka duhlo chung min ti lui tur ani lo ang, chuan , Fapa i duh avangin Kan Fa hmasa ber Mipa anih chuan Kan inthen nghal bawk ang..i duh phawt chuan Hmeichhe dang i kawp thei ang, ka sawisel lo ang.” Hmeichhe Rapthlak tak ka ni ngawt e, mahse, Pawi ka ti ther te lo, khang Thu teh nuaih a Inphuar chung chuan Min nei duh hauh lo ang...Ka chhungril chu lawm avangin a nui var var aniber.

“A Then kha kan Siam rem hret thei angem?” a Mitmeng a Phurna lo lang avang chuan Ngai a rawn awh leh tawh tih ka hrethiam ,

“A Eng lai ber kha nge..?” Inringtawk hliah hliah hian ka ti hmak a,

“Kan Fa Hmasa ber Mipa ani emaw nilo emaw Inthen kha ka duh lo Bur, Nupui then leh tur in ka nei dawn lo...chuan, keiin Hmeichhe dang ka kawp thei anga, nang erawh chuan i kawp lo ang, a dang te kha chu a tha vek e..” a meng de sawr sawr ah chuan min cho tih ka hailo, a thusawi chuan engemaw ti zawng tak in min khawih a, mahse, tih lan ka duh hauh lo, Ka Lu ka thing a,

“aih...Damchhung a mi hlauhawm tak bul a chen a , In ven reng ngai tur kha ka duh lo...Mipa dang kawp leh kawp loh chungchang pawh ka thu ani, kan Inneih chhung chuan In chhungkaw Mualpho na tur engmah ka ti lo ang ” ka ti hlak a, a thaw hawk mai, a lawm vak lo ani ngei ang,

“Khatiang engmah a thleng nawn tawh lo ang, thil dang kha chu a tha ka tih kha..Inthen chungchang pawh kan sawi leh zawk dawnnia.” A ti hmuk a, ka Beisei loh zet in a Pawm ti tih der mai chuan min ti mangang ru ta mah mah mai, ka sawi zawng zawng kha Min hnial vek ang chu ka lo ti asin le..

“sawi zui angailo, ka duhdan i zawm theilo anih chuan Ka Nei dawn lo che...” Ka Inkuangkuah a, ka thu ngil at bawk, uluk zet hian min Melh vung vung a, Min la hmu ngailo tawp a ang ber,

“ok....Ka Pawm e...” a ti thawp sat mai, kei erawh ka ang phiau ringawt, a Pawm duh ka rin loh tehlul nen, Hreptak hian.., hriat chhuah ka la nei fo...

“eee... i Nu leh I Nau khan Min hmusit lo bawk se atha ang, Ka duh loh zawng ah chuan ka sual thiam ve viau ania...” ka nui lui hak a, eng ang pawn Sual se tu tan pawh Nu chu Nu anni ...

“kha chu Nangman tha i tih ang ang in i ti kual thei, In Inngeih lo anih pawh in engmah ka sawi lo ang..” Lehzel chuan....a Mawl ta thut ani ngei ang, Tualthah kha alo hlau ve ani phawt ang, Nizan a min Rekhlum thelh khan a Thluak a tibuai ani ngei ang.

Kan In a chhuahsan meuh chuan Inchhir lutuk vangin ka in haw hlur ringawt, eng Thil hlauhawm ah nge ka inbarh luh leh dawn tak ni??,Sex....Ka Ngaihtuah zawng ringawt pawn ka Luak a chhuak hlui thei..min Hip em em tih ka hailo, chuvangin Sex chungchang ah kha chuan Inremsiamna engmah neih pui ka duh lo.kan inremsiamna ka bawhchhia anih chuan min hmusit phah ngei dawn tlat,

“Ma-eng....Ka Lawmpui che...” Boss in Nui var var chung a min rawn pan chu Phurna Pakhatmah tel lo hian ka en a,
“Hetiang hun hi ala thleng dawn tih ka hria alawm, Dintluanga’n Office ah a rawn hmu fo che tih ka hriat hnu phei kha chuan Kan Nu hnenah Inneih Sawmna kan hmu harlo ang ka lo ti a..” Hrefuh inti hmel fahran hian a ti lung lung a, ka nuih a za lo, mahse, ka Nui lui sak a,

“Ha...Kei chu a rang mah mah ka ti..” ka ti a, a nui huk huk a,

“ka Thianpa hi ka hrechiang alawm , Rei a nghak dawn lo che tih pawh a Melh dan ah che hian ka hrethei mai..I Mimal thil anih avangin ka zawt lo mai mai che..” a ti leh zut zut a, Ka awih lo kher bawk, Dintluanga Mit atang te chuan Min Huatna chauh lo chu a lang ngai der silo.

“ Naa....i ti zahthlak...” ka ti hlak a, Nuam ka ti chiah lo, Office a Ka thawhpuite ho in an hre fur tawh bawk si.

“in hmel ah chuan Rampuii nen khan engmah In anna innei lo, Mahse, eng tin maw riau hian In an na In nei tlat a, I mizia ka hriat chian hnu khan Dina pawh hi ka hrilh nghe nghe a, Mahse, a nui mai, a Mah ang kha an awm tawh lo ati mai a, a dik tih ka hria, mahse, Tun tum alo haw hian a rawn Bel hnai ta riau che a, In In anna lai a man fuh ve ta ah ka ngai a...” a ti leh duah a,

Nuam ka ti lo takzet, englaimah in Hmeichhe dang hlimthla nih ka duh ngailo, Ka Naupan lai atangin Ngaihsak hlawh lo ni a ka inhriat avangin ka Rilru ana hma em em a, mahse, engpawh ti ila a ber nih duhna ka than len pui ta thung a, Tunah erawh chuan Upat lamah Pasal ka nei dawn ta ania, chu pawh min duhtu ni miah lo ,a Hmeichhe Hmangaih Hlimthla a min ngaitu ala ni zui. Ka tal awk laklawh tawh a, chhuah leh ngaihna a awm tawh silo.

Dintluanga nen Kan Inhmu ngun ta hle bawk, Sangmami lah a Phur em em bawk, A neitu tur zawk ang mai in a Phur sarh reng mai,

“Ka Hmu duh che...” Hmeichhe Pakhat hian a rawn ti tawng a, tu tak nimaw?
“engthil ah ?” min biak ang chiah a aw ki nelawm loh hian ka ti ve a,
“Ka U i nei dawn a chuvang pawh ani ang chu..” Dintluanga Nau alo ni a, kan vawikhat In biakna ani a, tunge anih ka hrelo,An In a ka kal tum pawh khan min be miau lo a, hriat ngawt na tur ka neilo.

“ Tlaiah PEMARIN ah lo kal rawh, ka lo nghak ang che...” a ti hmak a,

ka chhan let hma in a dah hmak, ka thin a rim et et mai, Kan Inneih hunah chuan hetiang hian min ti kual hauh lo ang, Min hmusit tih ka hailo ,mahse, a U Nupui ka ni dawn miau a, a duh duh a min tih kual a rem lo, Inremsiamna hmanga Innei nimah ila midang hriat ah chuan Nupa tak kan ni tlat, Ka Insehruh a, Ka hlauhna chhan tur ka hre miah lo.

Ka Thlen veleh chuan a Thut na lam ka Pan nghal a, mahse amah in ani tlat lo, Betty nen an lo thu dun a, tlem in ka tim ve deuh ...mahse, ka In Control thuai a, engmah sawilo hian an Pahnih chuan min en a, In melh ringawt hian thih theih se chuan ka Thi chiang viau ang, Pakhat chauh pawh ni se a nat dawn nen Huatna mit a Mi 2 in min han melh rawn chu Na tak ani.


Thutna awl chu ka pawt chhuak a, lawm tak a min lo Welcome turin ka Beisei lo hrim hrim,
“eng nge min hmuh duh chhan ?” ka ti mawl tawp, Betty phei chuan a mit ala la sawn eih lo,
“Ka U Neih i tum hi thulh rawh..” a ti zawi sap a, a chang fak thung,
“oh... i U nen alawm kan Inneih dawn, nang nilo in..” ka Kut Ka hmer kawp a, Hahdam hmel zet hian Hnung lam ka ngheng a, Ka aia Naupang hma ah zam ka tum miah lo, Ka Pasal tur Nau pawh nise ka hlau chuang lo,

“ka hria, i dinhmun nen a In mil in i hria em?” a ti leh fak a,

“chu pawh chu i U nen a kan buaina bawk, thil dang pawimawh a awm loh chuan ka kalsan ang che u..” Ka Ke bul a Ka Bag chu ka la a,
“ thu rawh, i kal ngawt theilo..” Betty zawk a rawn tawng ve ta thung, Ka Bag Hrui chu nghet zet hian ka hmer a,

“engvang a nei che nge anih pawh i hriat angai alawm..” Dintluanga Nau rawn tawng leh chuan min ti phu zawk a, kan thuruk engkim kha alo hre ve zawk ani mai angem?, hlauhthawnna avang a ka Thinphu dawt dawt chu an hre ve ang tih ka hlau takzet,

Ka Nui sang a,
“ka hria alawm ,Rampuii chungchang sawi in tum tih pawh ka hria, Rampuii kha Ka U thiannu ania..” ka then sak a, an Beisei loh lutuk chhanna an dawn takah chuan min melh reng ringawt, tawng pawh an tum lo, makti lutuk hian min en a, an che buai vel chuan hlimna min siam sak thung, a chang chang hi chuan Dawt sawi pawh angai thin a, tangkai hun pawh alo awm ngei e.

“Ka kal ang e, kan inhmu tih hi i U ka lo hrilh dawn nia..” ka ti hmak a, ka kalsan lai pawh chuan min melh reng ringawt, min dan tum hmel an pu tawh lo.

Boruak duhawm lo engmah ka tawng zui ta lo, kan Inneihna tur pawh Ni 2 chauh in a dang tawh, kan In ah awm lo in Ka U te in ah kan awm khawm a, an vai mai chuan an phur vek, an Makpa tur hian a lan dan maiah chuan min duh hmel in min ngaihsak a, Ka chhungte a tilawm thiam hle bawk. Hahthlak hian a...Kapa phei chuan a ti ti pui a, an Inkawm a, zawhna mawlmang tak tak a zawt fo bawk, a ruk in hrehawm ka lo ti thin a, mahse, Kapa ka zahpui lo, engmah hrelo in a Makpa tur hi a chhuang em em si a, a Hmusit ru lutuk tur ka ngaihtuah hian tlawm ka inti a, ka Na thin, a Nau nen kan Inhmu tih pawh ka hrilh ta lo, Kan Buai anih pawh in pawi a tilo tih a sawi vek tawh miau a, mahse, Khatiang mihring hrep nen a khawsak ho chu thil nuam ani hauh lo ang, ani aimah a sual tur A NUala awm cheu bawk.


“Honeymoon Hmanna tur hmun kha i duh thlang la...” a ti sup a,

Phurna Pakhatmah ka neilo, vawiin ah Kan Innei a, mi tamtak leh Pathian hma ah thu kan tiam a, hrehawm ka ti nileng thak, Ka duh dan ang ngeiin Party leh Inhmuhkhawmna engmah kan siam lo, tul ka tilo, nuam ka tih zawng ani heklo, a Nu leh A Nau Mit a min Hmuhsitna lang reng mai khan min ti chau a, mak ka tih em em awm chu khati khawp a min duhlo anih chuan a Fapa in min Neih a tum kha a dang tur ani a, mahse, a dang miau silo..

“tul ka ti lemlo e, Mi Innei anga engkim tih thlip thlep angai hleinem..” ka ti hmak a, Ka thawmhnaw hak lai ka phelh a,
“ok...i thu thu le...mahse, Zan in hian Hotel ah khan Riak zawk ila i duh lo ami?, nge ka In ah zawk ?” a ti dam thluam a,

“aih..ka duh lo ve ve, hei hi kan Room tur ania, Hetah hian ka zan Hmasa ber tur hi hman ka duh ..” ka aw khur dar dar erawh ka thup theilo, a nui hak a, a Kekawr Ipte a zen a, a Necktie erawh a awrh tawh lo a, Kamiz Var a hak chuan a phuar deuh tang bawk a,Ka Inher a, Bag atang in ka thawmhnaw ka Phawrh belh a, dahfel tum in Thawmhnaw dahna lam ka pan a, ka chau hluah hluah a, inbual fai a, Mut hahdam ka chak zek zek bawk, Vawiin khan mi an tam em em a, mi tamtak min hmelhriattir bawk, mahse, tumah han hriat zui ka neilo, khatiang lam in ka rilru a luah eih lo,

“vawiin khan i Nalh takzet..” Ka kawngah a rawn kuah a, Ka Dar ah a Khabe a rawn nghat bawk a, a rawn chet dan tehthut chuan min thawng deuh aniang, chet sawn nachang hrelo in ka ding khawng lah ringawt.

Chapter- 17

Ka Nghawng a rawn thawk khum a, a lum ham ham bawk,

“Inbual ila....Ka chau in ka hria, Nangpawh i chau dawn chiang..” a ti leh sup a, min Duat na aw chuan Ka Rilru a khawih lo theilo,

“um...mahse, a Rual a Inbual ka duh lo..” ka ti sap a, ka duhlo tak tak, a Nui hak a, a Nui ri ah pawh min tih el na engmah a lang lo, Ka Beng ah a Fawp zauh a, Min thlah a, kei erawh Ka Beng a fawh zauhna chuan min ti mur uai a, min thlah lo se chuan ka ngheng ngei ang,

“ok....Ka Nupui hi a zak zum mah mah dawn anih hi...” anui leh hawk a, kei erawh chuan ka Thil tih lai ka chhun zawm a, Ka Hmel a hmu theilo chu lawm tak ka ni.

“Ka Intleuh zuai ang, ka rei lo ang..” a ti a, ka Bu nghat ringawt,

Ka Bag chi hrang hrang let nuaih mai chu tih fel ka Huphurh a, Ka Underwear ho Dahna ber ka Hriat loh avangin Ka Hnung lam a Bag awm chu en tum in ka hawi let a, Dintluanga chu Min Hnungchhawn zawng in a Ding a, a Kamiz hak lai a Phelh tawh a, a Kekawr phelh tum in a che a, rang lutuk hian ka hawi let leh a, Dik tak chuan Nuam ka tilo , Stephen-a Bak kha Mipa tumah han Hnim hnaih leh ka neilo a, ani pawh kum 10 hmalam ami ani tawh, Hnai tak a Mipa thawmhnaw ha lo hmuh chu nuam ka ti lo,

“Dah mai mai teh, Naktuk ah Kan Nula te nen emaw in ti fel mai dawnnia, tunah chuan i mamawh chauh kha la chhuak rawh..” Ka Bul hnai mai atang a a rawn tih chuan ka Phu deuh zawk a, alo thlen phei lai ka hre miah lo,

“nia...mahse, Ka Mamawh ber hi ka Dahna ka hrelo a...” ka ti ve mai a,

“tunah chuan engmah i Mamawh in Ka hrelo, Mutna ah chuan Thawmhnaw ha duh suh, i Ha lo rang dawn em mai..” a ti deuh duah a, ka Hmai sa hat hat ah chuan a sen nasat tur zia hrilh ka ngailo, a nui hawk ,

“tak tak in Sangmami pawh a awm dawn tho a, khawih tawh suh..” a Kal sawn thawm chu ka ngaithla a,

Bath Room Kawngka a khar rual chuan ka Bag awmna lam ka Pan Nghal a, Ka Hawng kual zung zung a, a Hnuai lamah chuan Ka Dahna chu alo awm a, ka Hawng sawk sawk a, Bra leh Panty ka la chhuak a, a Sir lam a rawng Sen vat mai chuan ka Mit ala a, ka Phawrh chhuak a, ka Thing pharh nghal a, mahse, Rang lutuk hian ka Hnwh lut lehnghal a, Night Dress Sexy Over lutuk hi alo ni a, Ka Ta anilo tih ka hria, Ka lei hek lo, Sangmami lo dah ani phawt ang, He nu hi Hauh deuh angai. Kekawr Bul ka ha sawk sawk a, T- Shirt Lian Hnek hnawk ka ha leh a, Towel ka Phawrh bawk a, mahse, ka Slipper awmna ka hre ta lo fo..han hai kual leh vel tur chuan ka chau tawngkhawng tawh, a Pawilo, Dintluanga ta ka bun mai ang.


Kut vawt thlar in Ka Hmai a rawn sik rual chuan ka Phu zawk a, Ka lo Muhil hman ani ngei ang, Hnai zet ah hian Dintluanga chuan min lo en a,
Last edited by Maengi ralte on Tue Jul 26, 2016 8:14 pm, edited 1 time in total.
“I chau lutuk anih hi...Inbualna tur Ka dahsak tawh che, Tui lum ah khan In chiah la..Mahse, I Sam ti huh suh ..” a Inbual zawhna a rei tawh ani ngei ang, a Sam pawh a huh tawh lo, Nupui tak ang mai a thu min han pe kual vel chu a ruk tak in nuam ka ti veng veng bawk, mahse, tih lan erawh ka duh lo hulhual, Ka Thutna Bul a Towel ka dah chu lak ka tum a, mahse, alo awm lo, ka dahna ka hai zawk nge mawni??

“Lo kal rawh le..” a ti a, ka inrin hman hma in Min pawm kang thut a, a chet dan teh thut chuan min thawng lutuk a , hnial na chang pawh ka hrelo,tlak hlau zet hian a nghawng ah ka kuah a, a Rim fai leh Pa zet chuan ka Hnar a verh zar mai.

“Ka Towel kha....” ka ti leh rih a,

“angailo, Bath Room ah a dang atam mai...” a ti nghut a, Bath Room kawngkhar chu a Dar in a nek hawng a, Bath Room chhung nalh lutuk ka hmuh rual chuan ka thaw hawk mai,min nghat a,

“Mu thlu suh ang che..” ka hnar a rawn piai zauh a, a nui suk bawk, kei erawh chu Naupang thuawih deuh ang mai hian ka Ding ngawi ran thung, a chhuak tur chu ka thlir a, Ka Pasal tak nise, Min Hmangaih avang a Innei nibawk ila tih ka ngaihtuah a, Mahse, anilo...Hmeichhe dang Hmangaihtu, a Hmangaih hlimthla a min ngaitu mai zawk ani..

Ka Inhlip sawk sawk a, Darthlalang Lianpui bulah chuan Ruak in Ka ding a, chiang tak in Ka Taksa Pumpui hi ka en ngam ngailo, ka Nalh loh dan tur ka ngaihtuah a, ka en duh lo hrim hrim zawk, a Sir a Handle awm chu ka pawt a, a chhung ah chuan a sawi ang chiah In Towel rawng hran hran hi a lo inthlep thap a, a Kawngkhar lamah chuan Bath Robe hmeichhe hman chi a in khai bawk a, Towel Pakhat chu Ka La a, Bath Robe pawh ka khai chhuak a, a Thar ani ngei ang, a Fai sar bawk.Bath Tub Lianpui ah chuan ka Lut a, Tui rimtui chek leh lum pap mai ah chuan ka inchiah a, Hetiang khawp hian Min duat ania, a Hmeichhe Hmangaih kha engtin tak Duat ang maw???.

Tuilum chuan min ti harh sawng sawng mai, mahse, ka inchiah rei lutuk chuan Thawm a rawn neih leh ka hlau a, Ka chhuak a, Shower ah ka intleuh sawk sawk a, Bath Robe ka Ha a, mahse, Slipper ka Bun ta lo...Ka chhuak anga Dintluanga ka dil mai ang chu.Kawngkhar Dimte in ka hawng a, Light chu a lo Off then a, a eng dul ruih mai, Khum ah thu chung in Phone a khawih mawlh mawlh a, eng tak ti ang maw??, ka khuh kharh a, ka thawm hria in a rawn hawi vut a, a Phone a dah a,

“i va rang ve...” tho chhuak chuang lo hian min rawn en a,

“ih...Slipper ka dahna ka hrelo a, i ta ka hawh lawk thei angem?, Zan in chauh...” inthlahrung aw deuh hian ka ti a, a then suk a, a rawn tho a, min rawn pan a,

“Ka Hotel a i Inbual tum khan Ke lawng in i awm a, Carpet chungah khan i Ke tereuhte khan i ding a....” a nui huk a, chutiang pawh ka lo hre leh tawh lo,
“tunah pawh chutiang a hmuh leh che chu ka duh zawk” a tih zawm leh a, Min rawn pan a, ka hrawk a ro nghal halh mai, a Mit thim raih mai ah chuan Tisa chakna a lang chiang em ani,
“mahse, Khum ka ti bal in ka ring a...” engvang a han Nervous em em nge maw ka nih hrep ni ??

“tih dan ka hria alawm, Ka pawm kang mai ang che...” a ti sup a, a sawi ang tak chuan min rawn pawm a, atthlak zet hian Nuam ka ti ru viau bawk, Khumah min nghat a, ka thawmhnaw ka ken chu min laksak a,
“Thawmhnaw nen Mu suh ka tih kha...” tih pah in a hlawm tawp tawp a, Sofa lamah chuan a theh phei nghal a, tih ngaihna dang a awmlo, Underwear nen a ka mut mai angai ta. Ni e..zah tet tet hi awmzia a awm tam lo, Nakin lawkah engkim hi a la hmu vek dawn tho a, kei pawn ka Hnar theiin ka ring heklo.
“Inhnuaiah ka zuk chhuk leh lawk ang, lo mu la...” tih leh kal a rual nghal a, a chhuah fel veleh Rang zet hian Bath Robe ka phelh a, Blanket hnuaiah ka inthawlh nghal a, lo let rih lo se, Muthilh san ka duh takzet,.

A rawn Inthawlh ve a, a Taksa Lum ham ham chuan Min rawn ngheng a, a Bawp sei thlurh mai chuan min rawn khan nghal a, kei erawh ka Insangmar teuh ringawt,
“Light hi Ka Off dawn em?” a ti sup a,
“um...” tih bak in ka chhang lo, a Taksa Lum thar thar leh Ka taksa, Engmah Dang tu awm lo a kan in sik na chuan chhungril ah Danglamna min thlen nasa mah mah,
“Muhil ila pawi i ti em?” ka ti sap a , a Hnar a tum dut a,

“Um,Pawi ka tih ka ring, Mahse, i chau lutuk, Hun kan la nghah alawm , muhil la..” tih pah in a lam hawi turin min Kuai her nghal a, a Dar hlai hlap mai ah chuan Ka Lu a nghat a, min kuah bet chial bawk, a Lungphu ri dat dat chuan Ka Pasal nen hian Inzawmna tak nei ang maiin min hriat tir a, nuam tihna riau ka nei bawk.

a Inlet tur chu tu emaw in min kuah bet tih ka hria a, ka awmna ka hai thelh bawk, ka meng chhuak a, Dintluanga’n min lo la kuah a, a ni erawh chu ala muhil a, a thaw sak sak bawk, Dimte in a Ban ka Dahsawn sak a, ka inbengkang a, Uluk tak hian a Hmel chu ka thlir a, a Khabe Hmul chu a to siar siar a, a Hnar sang vah leh a Hmui hnuai lam chhah tap mai te, a chal arh phak leh a Mit hmul chhah zet a Kual raih te chu a Inhmeh hluah hluah a, hei hi zawng ka pha theilo, a tha takzet, Hmeltha tak a sawi tur anilo, mahse, a Pa hluah hluah, a Muthilh lai chuan Pa tihmawh tak kha nilo in Mipa Naupang a ang zawk mah.Ka Phone ka hmet eng a, khau a var tep tawh, zinglam Dar 3 ani der tawh, Muthilh leh tum in ka In siamrem a, a Dar ah ka Lu ka Nghat a, ani erawh a rum tuah tuah ringawt,a chau ngang ani ang, ka chevel pawn a ti harh zo lo.

A che dawt chuan min tiharh leh a, a Kut sei thlurh chu Ka Mal ah a rawn nghat a,
“Good Morning Honey...” a ti sup a, a Hmel Sexy lutuk chu ka en rei ngamlo,
“Morning...” ka ti let sap a, Inlakhran tum in ka che sat sat a, mahse, Rang zet hian a chungah min pawt kai a,
“i thophang hmel awmdan tur ka lo ngaihruat nen a in ang chiah.” A ti sup a, ka Tukhum ah a rawn chelh a, min pawt kun a, Dam zet a Min rawn fawh takah chuan ka tang leh nghal teuh mai, ka Hmui hnuailam a rawn Pet a,ka tum loh zet hian ka thaw hawk mai, min Lehthal a, min rawn delh bet a, a Hmui lum ham ham chuan Ka Nghawng a rawn Nawr kual a, a Kut chuan Ka Hnute a rawn Hup a, Dimlo zet hian Ka Bra a Lip chho pawk a, Ka Hnute Hup ka tum chu Rang zet hian ka Kut a rawn man bet a, a Kut lehlam in ka Ban Pahnih a hmer kawp a, Ka Lu chungah a nem bet nghal daih bawk, Hmuhnawm tih hmel zet hian Ka Hnute chu a thlir vang vang a, kei erawh Zahna leh Tisa chakna Inkawp avangin ka Mumal tawh lo, a rum hrawih a, a kun hniam a, Ka Hnute Hmur a Hmuam takah chuan ka tum loh tawp in ka rum hawk mai, a Nui hak a, a Lei in a hawl kual a, A Kut a vak thla zel a, Ka Mal ka chip tlat chu a Nem Kau a, a rawn tla zep nghal a, Ka Point a khawih thlen takah chuan awmngaihna ka hrelo, Ka er ngawng ngawng a, zak thei pawh ka ni tawh lo,

Ka Ban a chelh na a thlah a, a Mal khauh tung mai chuan ka Mal chu a rawn nawr kau belh leh a, ka Panty phelh tum in a rawn pawt a,

“Din....” ka aw a ri chang chang,

“um...ati sup a, ani pawh a Mumallo,

“Ka Virgin lo....” Ka Pasal tan ti a ka lo ngaihtuah thin kha Stephen-a hnenah ka Pe a, mahse, Stephen-a kha Ka Pasal turah ka ngai miau alawm,

“Kei pawh.....” ka chhan leh hma in a Hmui sexy zet chuan min rawn Fawp leh ta zawk a,

Ka Kawngah a rawn chawi kang a, a Mipatna Khauh leh ruh tung in Dimte a Min rawn zawm takah chuan Ka ang phiau a, che zui lo in a chal in Ka chal a rawn nawr a,
“min en rawh..” a ti tham tuak mai, a aw khur dur dur chu Tisa chakna avang ani tih ka hailo,a Mit thim raih mai chu ka en a, Muangchang a a chet takah chuan Nuam tihna avangin ka te that mai, a Kawngah ka kherh bet a, Thuk zawk a a rawn luh theihna turin ka lo pui bawk a..

Vawi engzat nge a tawp ka thlen pawh ka hrelo, chau zet hian a chungah ka Bawk thlar a, Ka Sam hnawk niah mai chu a rawn tham a, Ka Sam karah a Kut a rawn rawlh a,

“Ka Dimlo che em?” a ti dam thluam a, ka Lu ka thing a,

“a Hmasaber Nih ka duh kher lo, Mahse, a Hnuhnung ber nih erawh ka duh...” a ti leh a,ka che thut a, ka zak zo lo, a Hmui nalh zet ah chuan ka fawp ta vawng vawng a.

Chapter- 18

Ka Harh leh in alo awm tawh lo, Thawh mai ka tum a, Mahse, Ka Taksa engmah khuhtu awm lo avang chuan Rang lutuk hian ka Mu lehnghal a, Ka Thawmhnaw la tur chuan Ruak in ka thawh chhuah ngei ngei angai, khawiah nge a kal ka hre silo, Ka Inlet thak a, a Mutna lam ka hawi a, a Lukham Delhna chu a Khuar dak a, Dimte hian ka chul a, a Bulah khan Ka awmdan engmah ka Control thei lo tawp anih kha, a nuih a za ru hle ang, mahse, engmah siam that theih a awm tawh silo, He chhungkaw Mo hi ka ni ta ringawt mai chu ania, Ka mumang ah pawh ka la Mang chhin ngailo, Nizan khan min duat in min Dim takzet, Ka Vawikhatna ani hauhlo, mahse, ka tan chuan Khatiang tak a Inpawh a Sex hman kha ka vawikhat tawnna ani thung, Nupa ni chung chuan Inthiam lohna nei lo in Sex kan hmang a, Nula leh Tlangval nih lai kha chuan Mualpho hlauhna ,sual Anih na nen ...engmah kha a lo famkim lo, Sex hi Inpawhna tello chuan a hlutna tur ang tak in alo hlu miahlo tih ka hriat chhuah phah in ka hria.


Blanket in ka Intuam a, Ka thawmhnaw a vawm phei chu ka va la a, Rang lutuk in Bath Room ah ka tlan lut a,engtik hun ah pawh lo let thei reng ani tlat, Dik tak chuan Inhnuai lam a a chhungte keimah a lo zuk hmachhawn chu ka thil chak loh ber ani hial ang, Mahse, Pasal anihna ang in a tih tur ah pawh angai ve maithei, Ka Intleuh sawk sawk a, Ka Chhuah leh pawh in alo la awm chuanglo, Ka Slipper awmna ka zawng leh rih a, Ka Thawmhnaw dahna ho chu ka melh kual a, Ka Dah theihna turin Room chu alo ti danglam deuh a, Ka Phawrh chhuak a, ka khai fel nghal zel a,

“i harh na a rei tawh em?” ka hnung lam atang a aw rawn chhuak avang chuan ka thil tih lai ka chawl dat a, ka Inher a, Kekawr bul Dum leh T-shirt Hringduk hi a ha a, Sleeper a bun bawk a, hmuh a hahdam hle a, a chawn sei thlurh chu Hmul in a khuh dap bawk,

“Rei vak lo e “ ka ti mawl tawp, Nizan vel vang khan Zah avang in ka chhungril a khur aniber, ani erawh chu khatiang lam engmah ngaihtuah hmel a pu lo, Khum Mawng lam ah chuan a thu a, Ka lam a rawn hawi a,

“Sangmami khan min rawn Call a, alo thleng tep, alo thlen hunah khang ho kha chu ti mai rawh” a ti nghut a, engvang in nge keimah alo Call mailoh ni?

“a ngailo, tihtur a tam em mai, alo thlen hma in ka zo hman chuang lo ang..” ka ti tha ve mai, a Nui Suk a,

“Inhnuaiah chhuk i tum lo ami?, Room ah i awm reng chuan Mo Sual an ti ang che” a nui a, Min chhaih tih ka hria, ka then sak a,

“Dawn e, Mahse....keimah a chhuk ngawt te chu ka hreh ve a...” ka ti a, a tho a, min rawn pan a, Zahzel ah ka thil ken lai chu ka let kual sek a,

“I Pasal ka ni a, i duh phawt chuan min rinchhan thei alawm, mahse, i duh loh chuan ka tilui lo che ania..” Ka Khabe ah a rawn dawm a, a rawn kun hniam a, tih ngaihna hrelo zet hian ka Mit ka chhing ta ngawt a, a Hmui lum ham ham in ka Hmui a rawn sik rual chuan ka Danglam lehnghal ti tih der, a Kawngah ka kuah a, ani thung chuan ka Biang tawn tawn ah a vuan a, min Fawhna chu a dam in a duhthawh hle bawk, tlawm inti mah ila ka chhang lo thei thin lo, Sangmami rawn tawng lawng lawng ah chuan kan inthen phawk, a Hmai sen tal mai ah chuan a Pangngai biklo ani ngei ang,

“helamah inlo awm daih a, Room ah tawm reng lo ula...” a Nui hawk hawk a, a hnungah chuan Dintluanga Best Rindika a rawn lang ve nghal bawk a, ani pawh a nui sang tho, Sangmami chuan min melh tawn zak zak a, Ka en ringawt a, Dintluanga lah Kalsawn pah in a Phone a bih daih bawk si, Nuam a ti leh lo deuh ani mahna...

“Kan lo zuk chhuk ang, Hmanhmawh suh u, ee..Mate, Thingpui ila inlo tiraw?” Dintluanga chu ka en a, Min koh dan avang zawk chuan ka chhang maithei lo, ka chil ka lem khawlh a,

“Midang an buai viau loh chuan....ilo dah tir mai dawn ami?” ka ti thei hram ,engvang a han danglam viau ziah nge maw ka nih hrep ni ??
Last edited by Maengi ralte on Tue Jul 26, 2016 8:13 pm, edited 2 times in total.
“Ka lo dah tir ang, Sangmam...a hmeh tur enge i duh ?” a ti leh rih a, Rindika erawh chu a ngawi ngar a, ka va en a piang chuan min lo melh kur zel a, a awmdan avang chuan Nuam ka ti lemlo, an chhuah hnu ah Nula Pakhat in Thingpui leh Cake a rawn dah chho a, Sangmami nen Ka thawmhnaw kan dah fel a, Ka ril a tam takzet, Sana ka en a, Kan In ah chuan awm ila chaw kan ei tawh ngei ang, an chhungkaw khawsak dan engmah ka hriatpui lo a,ani lah in min hrilh hek lo, Tun thla chhung chawlh ka nei a, ni tam ani tawh lo, In ah hian tihtur neilo a awm ka peih in ka ringlo,

“Nizan lam te....” Sangmami nui hmel chu ngei zet hian ka en a,

“i sawi ho em mai a..” ka ti hlak a, min fiam tih hre mah ila ka thin a ti rim ru teuh bawk,

“a zei dawn tih ka hria alawm..” a nui har har a, Nur nang hian ka en a,

“Zei lutuk mah mah...i lawm em?” ka ti hmak a, min rawn kuah a,

“Nula Senior Pui hi i lai vel ania, ee...Nizan ah Stephen-a ‘n min lo Call a, a rawn Tap pur a...” Ka thil tih lai ka chawl dat mai,

“Khawngaihin chutiang lam engmah ka hre duh lo ania...” ka ti sap a, ka hre duhlo tak tak, Sofa chung a Ka Thawmhnaw thleh fel sa lak tum a Ka Inher chiah chuan Kawngka bul a ngawireng a Dintluanga lo ding chu ka hmu a, a Hmel tak ngul maiah chuan a ngaihtuahna engmah ka hre theilo, kan thusawi kha a hriat hman leh hman loh ka hre hek lo.

“ilo awm reng a..?” ka nui lui sak a, a bu nghut a,

“I Phone ah Ipa in a be tlang theilo che a, Khawiah nge i dah ?” a ti hmuk a, a Mood a fuh lo anih hmel e, Ka Ngaihtuah a, Khum ah ka Kalsan tih ka hria, a Battery pawh a Low ani maithei, Khum lam ka pan vat a ka Rin ang chiah in alo In Off a, Ka charger ka zawng leh rih a, a Battery a tha lo a, Phone thar Mamawh mah ila Kan Inneihna vel ah Pawisa ka Hmang nual bawk nen a Thar lei a Sum sen leh ai chuan tiin a hman theih tawk tawk chuan ka Lei ta lo a, mahse, a thi deuh sek hian min ti buai ngun ta..

“Kha...ka Phone hi Hmang la.” Ka lamah a rawn lek a,

“angailo, Ka charge anga ka be mai ang...” ka ti a, a Bu nghut a,

“ok...pawi hleinem..” a In her vut a, a chhuak zui ta daih a, ka vawm zui chawrh chak lutuk.

Chawei tur a Min rawn koh Meuh chuan a tam zawk chu kan zo tawh, Inhnuai lamah kan Inzui thla a, Dintluanga leh Rindika erawh chuan an lo Ei der tawh, Dintluanga Pa in min lo chhawn vat a, Anu erawh chuan min Hmulo der hmak thung,

“Lo thu ve nghal mai rawh u, In buai dun awm char char si “ a lo ti chul a, Dintluanga Ep chiah a thutna awl chu ka Pan a, Ka Bulah Sangmami a rawn thu bawk a, Awmpui engzat nge anneih pawh ka hrelo, Dintluanga leh Rindika erawh chu an tawng bawrh bawrh a, Ka chet buai ka hlau hle bawk, Kan khawsak dan in ang lo lutuk avanga ka hlauhthawnna chuan min ti khur ru dar dar thei hial mai,ngawireng in ka ei a, Ka Puar leh Puar loh pawh ka hrelo, Dintluanga Nau erawh ka hmu tel hauh lo.

Tlai Dar 3 vel thleng chu Buai tak kan ni ringawt, Thawmhnaw tih fel mai bakah an chhungte lo kal in min chibai duh tawk an awm ve reng bawk a, Tlai lam erawh chu Ka U te In ah chawei tur in min sawm a, Dintluanga zawk an rawn Call a, alo aw ve mai bawk a,Chau zet hian Room chhuatah ka Mu a, Sangmami leh Rindika an haw tawh a, Keini pawh kan kal a hun tep tawh a, mahse, Inbual ka la mamawh a, Dintluanga erawh chu Hna lamah Hmanhmawhthlak a awm avangin Rindika te haw hnu lawkah a chhuak a, alo haw har lo ang tih a sawi ve ngial bawk,Engthil nge a huat hriat si loh in a Hmel a dur Khup reng ringawt a, Min melh peih thlawt lo niber in ka hre hial tawh..Nizan kha chuan Atthlak zet in Kan Inmil mai ka lo beisei leh hmanhmawh asin le.

Ka Inbual a, Reife Tuilum ah ka inchiah a, min ti harh sawng sawng mai, Bath Robe nen ka teikual a, Room chhung chu ka thlir a, a Piah lam a tlem a Puk phei deuh a Dintluanga Thlalak chi hrang hrang intar thutna lam chu ka Pan a, a Naupan lai te, chi hrang hrang a tam lutuk, ka en kual zel a, a duhawm takzet, mahse, a Puitlin hnu erawh hmuh tur a tamlo, an unau thlalak te, an chhungkua te, atam mai..Ka Phone ri chuan Ka ngaihtuahna ala peng a, Ka pan phei thuai a, Dintluanga lo ni a,

“Hello...” ka ti zang vah mai, kei pawn mak ka ti zawk,

“i hman twh em?” a rawn ti dam thlup a,

“ka inbual zo chiah...ilo la haw dawn lo ami?” ka ti let a,

“Dawn rih lo, heta tang hian ka rawn kal tlang mai ang, Kapa Ka Phone tawh a, i hman veleh Driver tu emaw zawk khan an dah mai ang che...” a ti sup a,

“Dah ka ngai hleinem..Taxi a tam alawm..” Driver kan nei ngailo, Nuam ka ti lo..

“min hnial thin lo teh, ka ning ania..” a Phone a Off daih...Beidawng zet hian ka Phone ka melh vak ringawt, Inhauh chiam ka peih loh chuan ka zawm mai angai.

Ka Insiam sawk sawk a, ka Thawmhnaw ka phawrh chhuak a, Ka U te In a kal tur kan ni a, Inchei chiam ka tum lemlo, Inhnuai lam Pan tur a Room ka chhuahsan erawh chu ka Huphurh thar leh aniber, Dintluanga Pa Ka Hmu mailo, Inleng ho an lo awm tawh lo a, a reh ruai mai, Kitchen lam ka pan a, Nula Pakhat, An In a Min hruai Hmasak tum a Ka Hmuh kha alo awm a, Min hmuh veleh a ding vat bawk, amah aiin keiman Nuamlo ka ti zawk,

“Khawiah nge Midang hi?” ka ti a,

“Pi leh U Cindy chu Dawr lamah an kal a, Pu chauh a awm...” a ti a,

“e...Khawiah nge a awm le?” ka ti leh a, Room lamah a awm anih a rin thu a sawi leh mai a, mahse, an Room awmna Lai ber pawh ka hre lo,

“Ka chhuak duh a, Din-a khan Driver tu emaw ber in min thlah tur thu a sawi a, Khawiah nge Driver te an awm le?” ka ti leh rih a,

“U Cindy-i kha a lengkawi dawn a, tunah Pi alo haw duh tawh sia, Driver Pakhat kha chu a kal a, U Din-a Driver pawh U Dina Bulah a awm a, tumah an awmlo...” a ti a, Nuamlo tih hmel deuh hian a che sek bawk a,

“oh...a pawilo , Taxi in ka kal thei alawm, Kapa chu min lo hrilh sak mai la...” ka ti a, Kapa han tih chu nuam ka tilo, ka Lai hu mai..

Gate Bulah Taxi ka chang a, an la vang phian zui, Scooty ka la Mamawh vat dawn a, Ka Nau ka Hnutchhiah a,mahse, Hun engenawm chen chu ka kawl a ngai dawn anih hmel,

“Khawnge i kal dawn?” Ka Hma a Car rawn ding dawt chu ka en vat a, Nilo....Stephen-a....
Bung nghat in ka kalna tur ka sawi a, a nui sang a,
“Lo kal rawh, keipawh saw lamah chuan ka kal dawn a...” ka duh lo tawp, mahse, a Bul vel a mi lo awm ho chuan min rawn en a, a Hnung a Motor lah chuan Horn a rawn pe sek bawk nen, Ka lut ve ta nge nge a, Poilo, a Car a ka chuan avang ringawt in ka Uire tihna pawh ani hleinem.

Ka U te In kawt kan thlen in a Ding chat a, Kan Inkawp lai chhung zawng zawng khan Ka U te bulah hian ka awm thin a, atan Ka U te In awmna min zawh buai angailo, Lawmthu ka hrilh a, Car atanga ka chhuah rual chiah chuan Dintluanga te an rawn thleng ve chiah bawk, Min rawn en zawk a, Min hmu lo niawm tak hian Driver chu a bia a, an sawi erawh ka hre Phak lo, an hna lamah Buaina Lian zawk annei ani ngei ang, Zinglam ai pawh khan a Mood a fuh lo hmel zawk. Mahse, Ka U te In kan awmchhung chuan Buaina nei lo ang hmak ani, Ka chhungte nen an ti ti a, Nuam ti leh hlim hmel tak in a awm tluan zak, Kei erawh Ip zawk zawk na tur thil ka lo hmu thin a, Mahni In lam nimahse ka Hahdam tak tak theilo.

“tunge rawn thlah che kha..?” a Mit chu a alh ani ber,
Kan haw kawng tluan khan vawikhatmah min be lo, Driver in ngawireng in a Khalh mawp mawp a, Kan Boruak Nuamlo lutuk kha a hria anih pawh in engmah a tilang lo,
“Min thlah lo, Taxi ka chan laiin alo kal a, helamah a kal dawn tho sia...” Ka tawlh hnung hrat ringawt,

“Taxi.....Taxi in kal tur in ka ti che em?” a ti leh tuar a, engvanga han thinrim em em nge maw anih hrep ni ??

“tilo, mah....mahse,, Driver tumah an awm hleinem..” ka ti bah nak mai, Ka phone a rawn ri a, Sangmami alo ni a, Ka chhang tur chiah chu a rawn phih thla a, Kan Room Tukverh Pakhat Inhawng ah chuan a vawm chhuak nghal daih bawk.

Chapter- 19

“Ka Biak lai che In Phone khawih suh..” a ti hmuk a,

Kei erawh chu a chet dan chuan min thawng lutuk a, chet mai dan tur ka hrelo, a Kal sawn chu ka melh a,

“Kan chhungkaw Mualphona tur engmah ka duhlo, Eng ang pawn Stephen-a hi la Hmangaih pawh ni la Midang hmuh laiin a Bulah i awm tur anilo..min ti zak anih chuan i Nun a hrehawm hle ang..” chak zet hian a vei kual a, Muangchang in ka thu hniam a, Ka Mittui rawn tla chu thinrim zet hian ka hru tawk a, Engvang mah in Ka Tap ngawt tur anilo He Mihring Sual lutuk bulah lehnghal phei hi chuan Tap tur ka nilo leh zual.

“Ka Timualpho che ami?” ka aw a khur dar Dar mai, a vei kual chu a tawp chut a, min rawn en a,

“Mualpho lo, ka Warning che...mahse, I Bialpa hlui nen a In chanchin hriat sek hi ka kham hluah hluah...” a ti vin hlur a, Ka Melh reng ringawt,

“anih leh I Bialnu hlui chanchin hriat reng hi Nuam ka tih i ring em?” ka aw a zawi hle bawk, a Lu a thing nawk a,

“i tan hrehawm lo tih na chhan tur a awm hleinem, a ta tur zawng zawng kha ita ani ta vek zawk a, lawm tur i nia lawm..” Rapthlak ti lutuk hian ka Melh tlawk tlawk,

“anih tak chu, ka lo hre reng ang, mahse, engmah hi ka duhlo a, ka Mamawh chu ka thawk chhuak ve reng bawk a, chutiang zawng a ngai tur a min duh phawt chuan ka lawm khawp ang” ka tho chhuak a, Ka Dress ka thlak a, Biak zui chakna ka neilo hrim hrim, ani pawn min be chak lo ani ang, engmah a sawi ta lo.

Khumah ka Inthawlh ta Kak a, a duh leh rawn mu se, a duh loh leh mu lo se Pawi ka ti hrep lo e, Ka Harh leh chuan Khua alo eng tan tawh a, Nizan khan ka beisei loh deuh in ka Muttui ta phian a, Dintluanga awm dan pawh engmah hriat ka nei zuilo, Ka inlet a, Khumah a rawn Mu lo ani maithei, a Mutna lam ah engmah Hnuhma a awmlo, Ka thu chhuak thuai a, Sofa ah chuan Puan pawh Sin lo in alo mu a, Vawt tih hmel deuh hian a in kuah fel at a, a Mutui hmel phian bawk, ka tho a, Dimte In Blanket Dahna atangin a dang ka la chhuak a, tih harh hlau lutuk hian ka Sintir a, vanneihthlak zet in a harh lo hlauh, Pasal neih atanga zan 2 na ah kan Mu hrang nghal chu ani mai si a, Lawmna tur a va han vang em.

Inhnuai lamah ka chhuk thla a, Midang tumah an la tho lo anih loh chuan an chhuak tawh zawk pawh ani thei tho bawk, Nula Ka Hmuh ngailoh Pakhat hian min lo chhawn vat a, Thingpui ka duh leh duh loh min zawt thuai thuai bawk,

“Khawiah nge Midang hi le..?” a thu phungin ka zawt a,

“Pi Leh Pu chu Dawrah an kal tawh, U Cindy chu ala tho lo aniang..” a ti a, a tawng a awn lek lek bawk, Thingpui ka dawt hlak a, Kan In ka ngai vawng vawng mai,

“Eirawngbawl kha ka lo pui dawn che mi niang?” Inthlahrung deuh hian ka zawt a, Mi tamtak hi chuan Cook an nei hrang a, Khawih pawlh an duhlo tih ka hria a, a Lu a thing a,

“aih...Kapi ,Engmah i tih a ngailo, i duh sawi la, kan ti mai ang, chu chu a tawk reng alawm..” Mangan hmel deuh hian a ti a, Ka rindan chiah ka ti rilru a, Kan In ah awmpui kan nei ngailo a, Eirawngbawl phei chu Ka kutah a awm tawp a, Nuam ka tih zawng anih avangin hahthlak ka ti ngailo, Ka eisiam tui ti tak a an ei ka hmuh hian ka lawm tawk em em thin.

Pawn ah ka chhuak a, An Compound vel chu ka thlir kual a, Inhnuai chhukna Step chu ka hmu a, a hma khan ka hmu miah lo, Midang an luah tir leh luah tir loh ka hre lo, mahse, Muangchangin ka chhuk ta tho, Veranda awm zui mai chu ka zawh phei zel a, tumah ka hmulo, a reh thap a, Kawngkhar lian leh Hnum hluau mai hi inhawng sa deuh hian alo awm a, Ka pan hnai a, Ka kik a, mahse, chhanna a awmlo, ka Kik nawn leh a, ka nghak deuh vang vang a, Tuman min rawn chhan tak loh ah chuan ka Pawt hawng zau a, Ka Bih hmasa a, Uluk tak a chei Inchhung Nalh zet chuan min Barakhaih hial zawk, Mahse, Chhungkua a chenna nilo in Party na hmun a ang mah zawk,Ka Lut a, ka hawi kual vel a, a fel fai thlap a, Chair leh Dawhkan nen ,Engkim mai chu a inhmeh vel vek, Mi Hausa ho Party na hmun pawh animahna...tumah hrilh lo a Lut ka nih avangin awmrei na chi anilo tih ka hria, ka kalna tur hmun pawh alo nilo palh thei, Ka chhuak leh vat a, Pangpar ho chu ka khawih dan dan a, an Par hun lai ni hlawmlo mahse, an mahni hrim hrim chu hmuh an hahdam takzet, Phone chu nei ila Thla ka la anga, Sangmami ka thawn ang tih ka chiang, Pangpar a ngaina tih ka hre miau a, Mahse. Ka Phone a Vawm chhuak daih si a, Khawi laiah nge a tlak ang ka hrelo, ka zawng ngamlo ani zawk mah, hmu pawh ni ila a that ka beisei lo hrim hrim bawk.
Room ah ka chho tlang a, engmah tih tur awm bawk silo hi ka peih dawn lo tih ka hria, Dintluanga ka hrilh ang a, Hna zawm nghal mai ka duh zawk, alo tho tawh a, a Puan sin lai pawh thleh fel sa in Khumah alo dah a, Midang tupawh lo kal thut se kan Mu hrang tih an hriat ka ring lo,Tv ka On a, En mai tur ka hre lo, Ka Hmet kual sek ringawt,

“Good Morning...” a rawn ti thut a, a Inbual zo chiah ani ngei ang, Kekawrbul a ha a, kawr ha lo in Towel a Keng a, ka hawisawn leh vat a, Nuam ka ti lo,

“Morning...” ka ti let a, a vei kual thawm chu ka ngaithla kar bawk,

“ vawiin lam te enge ilo tih ang?” a ti leh a, Nizan a thinrim em em si kha tunah Pangngai tak in min be leh lawi a, a awmdan hi engmah ka hrethiam lo,

“ka hrelo,..ih..ka lo ngaihtuah a, In ah hian engmah tihtur a awm bawk silo a, Hna hi Ka zawm leh Mai zawk dawn mawni ka lo ti a...?” Zawt pah ti tih hian ka sawi a,

“i thu thu....khalam kha chu Nangmah duh dan animai..” ka Beisei loh zet chhanna ka dawn takah chuan ka thaw huai mai,Sana ka en thuai a,

“chuti chu chaw ka ei anga, hmanhmawh lutuk lo in ka Insiam thei ang..” ka tho nghal a, In ah midang nen a In Pawh lo em em a awm ai chuan Inneih zawh chauh pawh nise chhuah bo vang vang ka duh zawk,

“Iin chhungkaw khawak dan tlangpui hi ka hre duh a..” ka ti leh rih a, Ka Bo vel lutuk hi a hahthlak em mai, Min rawn en a, a Hmelah chuan eng nge a ngaihtuah engmah a hriat theih loh..

“eng ber.?” A ti sup a, a hawi let lehnghal a, a Thawmhnaw Bawm lianpui mai chu a pawt hawng a, Kamiz intlar dul mai chu a keu kual dan dan a,

“awmdan ka thiam lo, a vaiin animai...” Beidawng deuh hian ka thaw hap a, sawi tan mai dan tur ka hre hlawllo,

“Kanu leh Kapa hi Zingah Dar 6 velah Dawr Hawng turin an Pahnih in an kal ang, Tlai ah chuan Dar5 atanga 7 Inkarah an lo haw tlangpui,Chaw ei turin an rawn haw ngai vaklo, Hotel ah an rawn ei anih loh chuan In atangin an Pe a, Kapa Hi Diabetes a neih avangin Dawr Nazawng thilsiam an ei ngailo, Cindy erawh hi chu a duh hun hun ah a kal thung, nitin a kal lemlo, Chuan , Kei hi chu zingkar ah chuan Pawimawh bik a awm anih loh chuan Ka kal ngailo, In ah Breakfast ka ei a, Lunch erawh chu Hotel ah ka ei tam zawk, Ka ei ziah chuanglo, Tlai lam hi chu ka duh hunah ka haw a, Zanriah hi chu a rual in Dar 9 bawr vel ah kan ei thin...chu zawng chu...” a sawi chhung zawng khan a thil tih lai a chawl lo reng reng,

“anih chuan tunah khan i kal nghal dawn tihna mi?” a Necktie suih mawlh mawlh chu ka en a,

“aw...Meeting kan nei dawn a, Breakfast pawh ka ei lo ang, ...e..chuan thil pawimawh Pakhat..Kan Chhungkua hian Mimal zalenna kan dah lian a, Tumah hi kan insawisel lemlo ania, Nangpawn chu chu i hriat a tha ang..” a ti leh a, mak ka ti em em tih sawi lan ka chak zek zek, an Room theuh hi an Khawvel ni ber in ka hria.

A Kal chhuak tur chu ka thlir a, Ka Pasal chu ani ve ngei bawk si, a lang nalh zuih mai, kan Inpawh lo em em mai bawk si chuan ka tah a ti chhuak a, Ka lo suangtuah thin Nupa zawng kan ni ngai dawn lo tih ka hria,Ka Rai hma Pohl eh ka kalsan hma ting animai, Mahse, chutiang tur pawn Kan Inneih atanga zan 2 na ah kan mu hrang der bawk si. Inhnuai ah ka chhuk leh a, Engemaw tal ka ei angai, Kan In lamah kha chuan Zing Dar 9 vel ah chaw kan ei mai thin a, Breakfast tih vel kan nei hranglo, mahse, Pasal ka nei anih chuan an khawsak dan ka zawm a tul tih ka hria, Harsa dawn mahse ka insiamrem ngei angai,

“Kapi, Breakfast ah enge i duh ang?” Nula Ka Hmuh ngun ber khan min lo chhawn a, an hming ka la hr eta lo cheu, hahthlak hian...

“engpawh a pawilo vek...” ka ti a, han thlan tur chuang ka hre tlat lo,

“lo nghak la, Ka rawn pe ang che...” a ti leh zung zung a, Dinning Table nalh leh Lian zet chu ka kil a, alaiah chuan Thei chi hrang hrang hi Hnangtah Basket ah hian fel thlap in an rem a, ka hawikual a, an Choka Bungrua ringawt pawh chu keini ang tan chuan hriat loh tur a tam ngiang mai, thawm ka hriat rual in ka hawi let a, Cindy alo ni a, Kan Inneih ni bak kha ka la hmu leh lo, Biak mai dan tur ka hrelo, mahse, a U zawk ka ni a, Keimah zawk tal in mil ka tum angai, a tum hmak a, Biak a chakawm lemloh khawp lehnghal,

“Morning....” ka nui lui sak a, Ka Piah lamah chuan a thu ve nghal a, Apple chu a ban nghal bawk a,

“Morning...khawnge Mama?” a ti zui zat bawk,

“an Meeting dawn a, a kal tawh...” ka ti tha ve mai bawk a, a hnar a tum dat a, Apple chu a ei pah a, Julie aimah in a Hmeltha zawk ,an Hmai Shape ah pawh Dintluanga nen an in ang zawk bawk,

“um...atha lawm, ahma a Kan Boruak vel avang khan Ngaihdam ka dil e...” a ti leh hlak a, mak ti ru zet hian ka en a, engvanga Ngaihdam min han Dil ta nge anih ka hrelo, min Hmusit tih lah ka hai hek lo.

“a ho lutuk, ka theihnghilh vek tawh alawm..” ka ti a, ka thiehnghilh hauh lo, mahse, Midang in inrem an duh phawt chuan inrem a tha ber, In khat ah kan cheng ho tawh dawn bawk nen, Inhuatna thinlung pai reng chu thil nuam ani hauh lo ang.. a Bu nghat a,

“mahse, Mama neih chhan che kha ka la sawi miah lo...” Ka Eitur min rawn pek takah chuan a ngawi leh rih a,

“sawi kher angai hleinem, Nupa kan nih chuan kan Induhtawn vang animai dawn lawmni?” ka nui lui hak a,

“i sawi dik...mahse, Rampuii kan duh loh zia pawh ilo hriat ka ring, Kanu nen i chungchangah an Inhnial a, Mama khan Rampuii kan duh loh chhan ang chiah khan Kan chhungkaw Milpui nilo ngei neih a tum thu a hrilh a, Kanu lak a Phuba lakna i nih ber chu...” ngeiawm Lutuk hian a nui hak a, ka Thil ei lai ka Phuh lo chauh...Dintluanga khan Midang te an sawisel lemlo tih min hrilh zo chiah kha ania..mahse,a Nupui tur chungchangah chuan an lo in sawisel ngei tih a chiang e.

Chapter- 20

“oh...ava zia lo ve...chutiang in an lo inhau tih pawh ka lo hre hleinem..” Pangngai thei ang ber hian ka chhang a, Ka thil ei lai ka ei zawm mawlh mawlh bawk, a Hnar a tum leh Dat a,

“Hau chiang, Kanu ten an duh loh ang bawk kha a Nei duh leh Tlat pek che a, han Ngaihtuah mai pawh hian In Inmil lo ve em bawk ani..” a ti zui leh a, a sual vang hrim hrim nge keimah mimal min huat vang pawh ka hre hrep lo.

“a pawi hle mai, Phuba Lakna ka ni emaw, Nilo emaw, Nupui a Min neih chhan chu Kan induhtawn vang ani tih ka chiang...” Ka Plate ka Nawr sawn a,

“vawiin a tang in Hna ka zawm leh tawh dawn a, Ka Kalsan Phawt ang che..” Ka Nuih leh sak a, Huatna a khat a Min melh na chu Ngaipawimawh duh lo in ka Kal san ta zawk a. Room ka thlen meuh chuan Ka Insehruh Nasat zia ka hre chauh, Khumah ka Thu hnawk a, Rampuii tan bawk maw min lo neih...Rampuii Vang hlir in maw thil hi a tih ??!!!, Hlutna reng reng neilo ah min siam ta anih ber hi a...heng vang te hi ani ang, Kan Inneih atanga reilote ah Dawr an hawng lehnghal a, tumah he Inchhungah hian min lawm tu pawh an awm in ka hre lo.

Taxi In Office ka pan a, Office ka thlen chuan Min lo beisei chiah lo aniang, min lo en deuh thap a, mahse, min hmuh avang a Lungawilo hmel an pu lo, Ka Room ka Pan a, Ka Luh veleh ka thu hnawk a, Ka Thinlung Na Lutuk So Bulh Bulh chu Control tum in ka Mit ka chhing a, engvanga Na Nge Ka Nih??, Min Hmangaih turin ka Beisei lo, ka Beisei ngai bawk lo ang, mahse, Midang Hlimthla mai pawh nilo,A Hmeichhe Hmangaih tan a Phuba Lakna bawk ka lo la ni zel hian min ti na...ka Induhtawkna a ti chhe hneh lutuk hi Na Ka ti ber.Hna Mumal In engmah ka thawk lo, Thawhpuite nen kan ti ti a, Dintluanga’n min thawh zawm tir a Phal Mak an tih thu an sawi deuh reng bawk.Boss erawh chu Kan Inneih tuk ah Hnathil avangin Shimla ah a kal tih ka hria a, tun ah chuan ka Hmuh chak loh pawl ani miau a, a awmlo chu lawm tak ka ni.

Ban veleh kan In ah ka kal kawi a, tumah an lo awmlo, Ka Nau alo la hawlo ani ngei ang, Kanu leh Kapa Ka U te In lamah an awm bawk si, chutah chuan Ka Nau pawh a awm ve zawk animaithei. Ka Chahbi kawl in ka hawng a, engkim mai chu a ngai ang in ala awm vek , ni e...a awm ang chu...rei ka la kalsan hleinem, Mahse, ka Tan chuan Reitak ang tho ani, Ka Room ah ka Lut a, Ka Bungrua Tam zawk ka Ken avangin a ruak huai a, engkim mai chu a chul thup niber in ka hria, Thingpui ka chhuang a, Hmanhmawh lo in ka In a, haw hma chiam tulna ka hrelo, Dintluanga Hmuh ka chak hlawllo, tunah rih chuan ka huatna bak engmah ka ngaihtuah theilo, Ka Sana ka bih a, a tlai tawh, Khua a thim tan der tawh, Ka Nau lo la haw loh danah Ka U te In lamah a awm tih ka chiang, Phone ka neih loh miau avangin tuman Ka awmna zawt turin min rawn be theilo a, Ramhuaipa pawn ka kalna hre duh mahse a hre theilo tihna animai, ngah nge a Paih tehreng ni..

Taxi Bawk in ka haw a , Ka thlen veleh Lut mai lo inGate Pawn lam atangin ka thlir vang vang a, Kan In chu ani ve ta mai sia, Mahse, Ka Thinlung hian a pawm hlawllo, Motor chu a Dahna ah chuan a awm kim thap tawh a, an haw vek tawh ani ngei ang, Nuam ka ti chiah lo, Ka Luh hreh dan chu Hremhmun Pawh lut dawn ila hei aiin ka hreh dan a nep chuang in ka ringlo hial.Common Room ah chuan Dintluanga Pa in Tv alo en a, Ka thawm a hriat veleh a rawn hawi chhuak a,

“ilo haw thei maw?, i chau em?” a lo ti thuai a, He Inchhung ah hian ani hi ka Nngainat chhun ani mai,

“chau lo e, in haw na a rei tawh em?” ka ti ve a,

“rei ve tawh, zan in chu I Nu te Ho in tihtur an nei a, haw hma angai a..” a ti leh mai a,

“anih chu...Ka han Inthlak fel ange” ka ti a, Room lam ka Pan lai chuan Cindy chu chhuak tur tih hriat tak a Inchei hian a Room atangin a rawn chhuak ve chiah a, Ka nuih lui sak a, ani erawh a tum hmak thung.

“i haw tlai dawn anih chuan min hrilh tawh la a tha ang “ Room chhung ka pen luh rual rual in Dintluanga chuan min lo ti a, Thatchhe zet hian Sofa ah a thu a, Tv lam a melh ngur bawk a, Ka Melh zawk a,

“Phone i Paih daih sia, Naktuk ah a thar ka lei anga chumi hunah chuan aw..” ka ti hmak thung,

“ i Phone tur Khatah khan ka Dah..” a ti leh hluk a, a rawn tho a, Fridge lam a Pan a, Beer a Phawrh chhuak a, ka hawi kual a, Khum Bul Side Table ah chuan Box hi alo awm a, Ka chhungril ah chuan che zawk hi a awm a, Mahse, a Infiamna Hmanrua ka ni a, Min leisak te chu a tihtur alawm, lo lawm chiam na tur a awmlo e..Ka Pan phei a Ka la kang a, a rit nalh mai,

“ Hawng la....” Khum ah chuan a rawn lawn a, Dimte hian a tuamna chu ka Phelh a, a chhung a awm ka hmuh rual chuan ka thaw hawk mai, a To mah mah ani... a Bawm ka hawng a, Apple Iphone 6s lo awmchu ka khawih a Dimte hian ka La chhuak a,

“a to mah mah anih hi...ka rul thei lawk awm silo che a...” Khum a a Kut Lukham a a Mu chu ka en a, a Nur Nung a,

“Min rul rawh ka tih che ka hre miah lo...” Thatchhe zet hian min chhang a,

“mahse, hetiang thil man to hi ka La ringawt thei lo alawm..” ka la ti talh, a rawn tho a, Ka Ken lai chu min rawn laksak a,

“i la ringawt thei lo anih chuan ka Paih chhuak leh zawk dawn ami?” a Mit meng a Nuihzatna awm chu ka hmuh hmaih lo, Ka Lu ka thing nawk nawk a,

“aih...paih lo ang, hetiang thil manto lutuk hi ka Hman tur ah pawh ka lo ngai lo a, bakah Hman pawh ka hmang thiam lo ang...” ka ti leh niah niah a, Ka Kut ah a rawn man a, Min pawt thu a,

“Kan Inneih hnu a Ka Thil pek hmasa ber hi a tha tawk lo maithei, i duhzawng thlan tir tur che ka nih laiin Keima duhzawng ka lei a, Mahse, I Phone ka Paih sak che avang a thupha chawina leh Ka Thil pek Hmasa ber che hi Pawm hram rawh...” Ka Kut ah a rawn hmehbel a, a Hmel pa zet chu ka en a, Fimthu hmel a langlo, a awmdan engkim mai hi a thlak thut thut a, engtik ah mah a Mize diktak hi ka hrethiam in ka ringlo,

“Ka Pawm e, chuan...i Thupha chawina ah ngaidam i ni bawk..” Ka Nui a, a Rum nghut a,

“Lawmthu sawina dang hi ka Phut ve thei em?” a Mit meng Chimawm zet chu ka en a,

“Sawila.....” engvanga lawm hma ta em em nge maw ka nih le??

A Hmui a khawih zauh a,
“Hetah hian....” a then suk a, kei erawh zam tak ka ni leh tawh. Ka Thawhsan ta zawk a,

“Ka thawmhnaw kan thlak phawt ang, Vawiin Meeting in tluang em?” ka ti ta daih a, a Mu thla leh a,

“a tha animai, Mahse, Thla thar ah Ka Zin angai dawn a, Puia Kha Ka hrilh a, Nangpawh ka Hruai dawn che ka ti a...” a ti duah a, Ka en thuai a, ani erawh chuan Tv lam alo melh leh daih tawh,

“Khawiah maw?” ka ti a, min en chuanglo,

“Australia ah...I kal duh ka ring ve ngawt a...” a ti leh a, min rawn en a,

“Tak tak in Buaipui tur a tam dawn lutuk a, Bali lam te ni zawk se enge i ngaihdan ?” a tih zawm leh a, chhan mai dan tur ka hrelo, Kan hna avang in Gurgaon leh Bangalore ah ka kal ve tawh a, hmundang ah ka la kal lo..

“Bali....” ka ti nawn ve ringawt, ka Hamhaih kual vel vek,

“um..i duh loh chuan kan thlak leh thei tho a...” a ti leh a, Ka thle bak a, Duh a Duh lo tur in Khawi hmun mah thlan tur ka hrethiam lo hrim hrim zawk,

“Ka hrelo, nakin ah Sawi tha leh zawk ila...Bakah Chawlh sek hi nuam ka tilo...” ka ti leh a, a rawn tho a,

“ Chawlh sek nuam i ti dawnlo anih chuan i Hna I chawlhsan ala ngai thuai dawn ania “ a ti hmuk a, a Kekawr Bul hak chuan a chawn a tilang sei zual a, Ipte a zen a, a hmel a ngaihtuahna hriat theih hauh loh hian min thlek vung vung bawk,

“aih...ka bang dawnlo, Kan inneih hma khan hei chu kan sawifel vek tawh kha...” ka ti a,

“Inneih hma chu Inneih hma ania, i duhzawng pawh i sawi ang chu, Inneih hnu ah erawh Pasal te thu in i awm tur alawm, Naupangchhia pawh i ni tawh hleinem..” a ti leh nghut a.

“Nilo, Ka duhlo, Thutiam chu Thutiam ani tur ani..” ka ti ve thung, a Bu nghut a,

“i duh phawt chuan min han nek lui chhin la...” min chona chu a aw ah leh a hmel ah a lang a, engvangin nge Kha Phone vang mai mai khan Mi tha ber ah ka lo ngaih leh hman hrep ni ??,
“Phuba lakna atan min nei tih ka hria, chuvang ringawt pawh chuan ka duhzawng tih hi ka Phu hluah hluah..” ka ti that a, ka Insum hman lo, a Mit a ti zim sun a, a ding khawng luh bawk,

“Phuba maw?...Ok a tha alawm, engvangin nge Phuba lakna i nih ang?” a aw a ringlo, mahse, a hlauhawm na a nep chuanglo, ka ti thinrim leh ta ngei e,

“Rampuii tan mawle...engkim hi a tan i tihsak tih ka hria lawm..” ka tah rawn chhuak ringawt chuan min ti thinrim zual sauh bawk,

“khati khan a chungchang sawi suh...” a ti tuar a, ka Phu nasa kher bawk,
An Nula, Feli’n Chawei tur a min rawn koh takah chuan engmah ka sawi zawm ta lo.Chawei lai in Apa nen Sumdawnna chungchang an sawi dun a, Anu leh Cindy erawh an awmlo thung, an Pafa chuan an Inpawh lohna ka hre hran lo, mahse, Pafa in bia nilo in Sumdawnpui te nen a Inbia an ang ka ti zawk.

“Office ah ka awm lawk dawn ania, Hna tlem khawih tur ka nei a, i duh leh lo mu mai rawh” a ti sup a, Kan Room Piah a Room dang awm chu a pan a, In ah Office a neitel tih pawh ka lo hre lo,Ka Bu nghat a, tunah chuan Inbual a, Mut Hahdam ka duh zawk, Chhun lam a ka thil tawn zo zai te avang khan ka chau hluah hluah. Ka Inbual sawk sawk a, Ka Mu nghal thuai a, Ka Phone thar chu ka melh a, a hma a ka lawmna te kha an thlawk bo leh zo tawh, Sal ka ang ber in ka hria, a duh leh min hau hrep a, a duh leh Thil manto tak min lei a, a awmzia ka hrelo, Kan In Lam ka ngai takzet, Kanu leh Pa lah chu kan Inneihni bak an lo la kal lo a, Nuam an tih ka rin loh avangin leng tur pawn ka sawm lo.

Dintluanga rawn Mut lai pawh ka hrelo, Ka Harh leh chuan Khua alo eng ut tawh a, a mutna lam ka hawi thuai a, mahse a awmlo, a rawn mu ve lo pawh animahna..Zan ah thil thleng awmse chuan ka hre ngei ang. Nilo. Engmah a thleng lo ang, Rampuii Hming kan sawi rik ringawt pawh khan a tina thar leh zawk hial ta ve ang.

Tunah chuan Thla khat dawn kan Innei ve tawh, Zin chungchang engmah a sawi ri leh ta lo, ahna lamah a buai animahna, Lo haw loh zeuh zeuh a nei a, Kan Inneih zan bak vawikhatmah Sex lam hawi in ka awm dun leh ta lo, In ah a riah chuan Kan Mudun ngei a, Mahse, min tawk eih lo, Insik hlau niawm tak in Inhlat tak in kan Mu a, Midang Hmuh ah Nupa kan ni a, chubak engmah a awmlo.Inchhungah erawh chuan kapa tih loh chuan a tulna avang chauh in min bia niin ka hre fo, Kanu leh Cindy pawh in engmah an tilang lo, min hua emaw min lawmlo tih pawh an tilang nawn tawh lo, Kan awm vel mai mai aniber,Ka Hna kal dawn in Taxi in ka kal mai thin a, a hria tih ka hria, mahse, vawikhatmah Min thlah tum ang in a awm ngailo,keipawn Ka Beisei lo Law law bawk.

“Zan In chu tih tur ka nei a, Ka Lo haw dawn lo ania...” Insiam mawlh mawlh pah hian a ti sup a, mak ka ti zawk, alo haw dawn loh tur thu min hrilh lawk ngailo,zanah Msg in emaw a rawn sawi chauh thin a, Ka Bu nghat a,

“i duh leh in In lamah va riak phei la..” a ti leh a, mak ka la ti tulh tulh,

“a pawilo ang maw?” lawm ru zet hian ka ti a, min rawn melh zawk a,
“Pawilo, Kanu te ka lo hrilh ang “ a ti awlsam leh mai ,eng vang a lo haw lo fo nge anih zawh ka duh em em a mahse, ka zawt ngam ngang lo.

Ka Phone ri ral ral chu ka en a, Ka Cousin Nupui alo ni a, kan Inbiak khat tehlul nen engthil tak nimw??
‘ngatinge ilo kal ve loh a ?” ka chhan veleh a rawn ti a, ka bo map mai,

“khawi ah maw?” ka nui a,

“In Hotel ah mawle, Inpa In Dinner min treat a, hmuh che ka tum nen...” a thil sawi in min thawn zia hre miah lo hian a ti a,

“um...ka hre reng reng hleinem...tu te nen nge in nih a?” mak ti lutuk hian ka zawt let a,

“e....nidawn tak, vawiin hi Rampuii Birth Day ania, awi...chuvang aniang i tel loh...Inpa hian a Boral hnu pawn Rampuii u te nen hian chawei pui ah min sawm ziah alawm” a rawn ti leh Nuam lo a tih hmel ta hle bawk, kei erawh ka Pum a no hlui a, ka luak a chhuak takzet bawk.

Chapter- 21

Ka Uak tur chu ka Insum hram hram a, Ka Rilru a nat te, ka hlauhthawn te hian ka Luak a chhuak ut ut thin a, tunah pawh chutiang chiah chuan ka awm leh tawh tih ka hria,
“ tak tak in ka hria alawm, Rampuii unaute khan ka telve chuan nuam an tih ka ringlo a, ka rawn kal lo anih kha “ ka ti thei hram ka thusawi a awih leh awih loh ka hrelo.

Tenawm lutuk, kei hi ka awmdan a diklo, Ka thik ani ...Nilo...ka thik anih chuan Zodintluanga hi ka duh tihna ani dawn , ka duh theilo tawp ang, alo haw dawn loh khan Hmeichhe dang vang emaw hna vang emaw anih ka ring a, Mahse, Rampuii vang bawk anih ka ringlo, Hmeichhe dang chu ani ve tehmeuh mai, mahse, Betty nen chuan keimah min effect dan a in anglo.

A tuk tlaiah Haw Ka tum lai tak in Office ah a rawn lang hlawl a, Ka Room Pawn lam a tawngthawm ka hriat rual in ka insangmar nghal teuh bawk, Kawngka Kik leh luh a rawn rual nghal ti tih a, Nimin lam a a thawmhnaw hak kha alo thlak tawh a, Jacket chhing lam leh Fit Zaih mai a ha a, a Hnuaiah T- Shirt Var a ha a, Jeans Pawl tak nen, a lang lian zual in a Inhmeh vel vek, mahse, amah ka hmuh rual in ka Rilru Natna bawk alo chhuak a, ka tilang thei lo tih ka inhriat na chuan min ti na zual in ka hre hial mai.

“i Phone i chhang theilo a, i haw hman tawh em?” a ti a, Thu lo in Tukverh lam a pan a, Pawn lam a thlir vung vung bawk,

“Ka Phone ri ka lo hre miah lo, aw..haw ka tum mek a.” Engmah thlenglo ang mai a ka tawng pangngai thei chu lawm avangin ka thaw huai mai,

“athat chu, helamah ka rawn kal remchang tho sia, ka rawn sawm kual che..” a ti liam leh Puat a, kei erawh ka lo na leh hmanhmawh bawk, keimah min lam tur in alo kal ka beisei lo, mahse, a tawngkam ngei hriat chuan min ti na in min deng dawt dawt aniber.

Driver nen emaw an lo kal ka ti a, mahse, amah in alo ni a,
“i thawmhnaw la kual leh lawk ila...” min en chuanglo hian a ti nghut a, Kan In lam a pan tho avangin chhan pawh ka chhang buai peih lo,ka thawmhnaw ka Bag ah ka khung a, Zakhat chauh ka riah avangin engteh vak ka keng lo,

“Nizanah Rampuii U te Dinner i neih pui tih ka lo hria a...” ka Insum zo thlawt lo,min rawn melh zawk a, Hmalam a en leh daih, a Motor khalh lai chauh ngaihtuah niawm tak hian a ngawi ngur bawk, min chhan miau loh avangin sawi zawm leh mai tur ka hrelo, ka ngawi ta hle hle zawk a, Haw tawh lo a, Kan In ah zawk awm hlen ka chak zek zek, Hetiang teh hrep a Pasal neih hi engmah a nawmna ka hrelo, Mi Hausa leh Mi zah kai tak chhungkaw Mo pawh ni ila chhungril lam ah Kimlo a awm tlat avangin a Hlutna ka hrelo, Ka Pasal nen hian Inmil tal ila chuan a chhungte vang mai mai hi chuan hrehawm ka tih ka ringlo.

In kan thlen veleh Kapa Bawk in min lo bia a, Kanu erawh chuan min en a, a duhtawk der, Nu tawng duh tak anilo hrim hrim in ka hria, Cindy erawh ka hmu lo thung, In khatah cheng mah ila Zan lam chawei hun ah bak chuan inhmukhawm khat tak kan ni. Room ah a tlang chho nghal daih bawk, Ka zui chho ve a, Kan 2 chauh a hun hman ka chaklo takzet, Kan haw kawng ringawt pawh rei ka ti em em tawh, a Jacket chu Khumah a thehthla a, a Pheikhawk pawh a phelh a,a kalsan tawp bawk, Bath Room lam a pan a, alo chhuah leh hma in ka inthlak sawk sawk a, a hmuh lai a Ruak a awm hi ngaiah ka la nei hlei theilo, chaw ei nan ala hma si, tih tur dang awm heklo, Ka Phone ah Games ka khel a, a rawn chhuak a, a Thawmhnaw a Phelh a, melh lo hram hram turin ka inveng a,mahse, Ka Games khelh laiin ka rilru a luah hlawllo.

“i lungawilo anih chuan sawi la...” a rawn ti thut a, Ka thut lohna lam Sofa ah chuan a thu a, thatchhe zet hian a Bawp a thluang duai bawk,

“eng chungchang ah?” ka ti let a,

“ Dinner chungchang kha mawle...” a ti leh sup a, Min en reng tih ka hriat na chuan min ti mur ar ar mai, ka lai hu bawk,
“ah...lungawilo nang, ngatinge ka lungawiloh ang ?” awlsam zet hian ka sawi a, nui chung hian ka la en zui bawk a,

“i lungawiloh lemloh chuan a tha anih chu..” a ti hmuk a, a Phone a rik takah chuan kei pawn ka chhang zui ta lo, a tho a, Tukverh a nawr tawlh a, Pawn lam a Balcony awm ah chuan a chhuak a, a Khar leh loh avangin an tawng ka hre pha a, mahse,tunge a biak ka hrelo,

“ok...tunah ka lo kal ang..” a ti a, lehlam tawng a ngaithla vang vang a,

“NewLife ah zawk aw, Ka thianpa ka lo Call ang, an lo buaipui ang che u...” a dah a, an chhungte Damlo an awm anih ka lo ring ve ringawt,

“Ka Kal chhuah lawk angai a, chaw min lo ei san rawh, ka lo haw kher lo thei bawk” a Thawmhnaw Bawm a hawng rawk rawk a, a Inthlak nghal a, chuti tak a Pawimawh chu hriat ve ka duh,

“um..Kan chhungte Damlo an awm ami?, nge Hotel Staff zawk?” Inthlahrung deuh hian ka zawt a,

“aih...anni lo ve ve, ka thiante..” a aw ah chuan zawh zui chi anilo tih ka hria, Napang thuawih deuh ang mai hian ka ngawi ta hle hle zawk a, zawt lui ila chuan ka chhaih thinrim zawk in ka ring.

Ka Mu meng kar mai, khati khawp a hmanhmawh a a chhuah na chhan kha ka hriat a tul takzet,Chawei na ah tuman a kalna min zawh loh danah a chhuah dawn in a kalna tur a hrilh anih ka ring ve tawp. Kan Khua ah haw ka duh a, kan Boruak i pik lutuk hi tlansan ila ka ziawm in ka ring bawk, Naktukah Dintluanga ka hrilh mai ang, rem a tih lohna tur ka hre hran lo, In ah kan awmdun reng chung pawn Nupa ang in kan khawsa chuang lo a, ka awm loh chuan ani pawh a thawveng hawk zawk maithei asin. Ka Muthilh lai ka hrelo, Kut lum thar thar in ka Biang a rawn sik chu ka mang hriat deuh ruai a, mahse, ka chal a rawn fawh takah chuan harh chiang tak ka ni tawh, ka meng ngamlo, tawng miah lo mahse Dintluanga ani tih ka hria.

“ka ti harh che a mi ?” a ti sup a, Peih lo hmel deuh hian ka meng a,

“pawilo... ilo haw dawn lo emaw ka ti a..” ka ti niah niah a, a rawn inthawlh a, Thlasik a intan tawh a, Ka Mut dawn khan AC ka On lo a, a vawt var mai, a lam Hawi turin min rawn kuai her a, a Darah Ka Lu ka nghat a, Ka Insangmar ru teuh bawk,

“ka rin aiin a tha a, Muhil leh rawh” a ti sup a, Min rawn Kuah a, a Taksa lumna chuan min rawn ur ham ham bawk, Reiloteah a Muhil zui nghal ani ngei ang, a thaw sak sak a, kei pawn Muthilh ka tum ve ta zawk a.

“Good Morning...” ka harh veleh a Kiu a Inbegkang chung a min lo thlir vang vang chu ka hmu a, Engchen nge min lo en tawh ka hrelo,

“Morning....” thawh tum in ka tawlhsawn a, Mahse, Rang Lutuk hian min rawn Man bet a,

“ala Hma Lutuk..Engmah tihtur a awm chuanglo” Ka Sam Kar ah a kutzungtang a rawn rawlh a, a Khabe Hmul to siar siar chu ka en a, a Mutna lamah a Sam dum hlap mai chu a hnawk deuh bawk a, a Sexy ngawih ngawih,

“Ka Mu peih tawh hleinem...” ka ti talh a, a nui suk a,

“hetiang a kan awm loh na rei tawh zia hi ilo ngaihtuah ngai em?’ a ti sup a, ka samah a tham a, min kuai dak a, a Hmui chhah tap mai chuan ka Ir ah a rawn fawp a, ka thaw a chham dawn in ka hria, Ka awmdan Danglam tan chu ka hailo, mahse, hriattir ka tumlo,

“aih...hetiang in awm lo ang, Kan Inti na tawn mai mai...” ka ti leh halh a, a thaw hawk a,

“Thla khat aia tam ka In Control tawh, chu aia hremna dang a awm lo...” a Hmui a la sawn a, a tawlh hniam a, Ka Inrin hma in Ka Hnute chu ka kawr chhan ah a fawp a, ka thaw hawk mai,

“ka tawp dawn em?” a rawn hawi chho a,
ka chhang theilo, ka Mamawhna nasa lutuk chuan Ka Rilru Natna te pawh min theihnghilh tir vek rih tlat, Ka Kawr a hlim chho a, Mutna ah Bra ka ha ngai manglo, ka Hnute Khuhtu awmlo a rawn Fawh leh takah chuan ka er ngawng ngawg mai, a Sam ah ka tham a, a kut lehlam chu a tawlh thla a, Ka Panty chhung ah a rawn zen lut a, rang zet hian a Kut ka man sak a, Mahse, Dimte hian ka kut a dahsawn a, a tih ngai a tihzawm leh nghal a, awm ngaihna ka hrelo,

“Min khawih ve rawh....” a ti tham tuak a, a Mitmeng Tisa Chakna a khat chu ka en a, a Sexy tih mai bak sawi fiah dan ka hrelo, mahse, amah zawk a tawlh hniam a, Ka Mal karah a Hmai a rawn Phum a, nawmna nasa lutuk in min tuam takah chuan ka thaw a chham lo chauh...

A Boxer Phelh tur chu ka Lo pui a, Hmanhmawh lutuk hian ka pawt nawk nawk a, a nui hawk a, min rawn delh leh chuan a Mipatna chuan min rawn nek run mai, a chungah min pawt kai a, Hnuai lam atangin ka Hnute bawk a rawn Fawp leh a, ka tawlh hniam a, ka Insiam rem a, a Mipatna in hnuailam atanga min rawn zawm takah chuan ka te chhuak that mai, ani pawh a rum hawk tho...a Duhthawh dan em em chu kum tamtak sex hmang tawh lo ang mai ani...keipawh ka bang bik lo..


A awm thlan dap mai ah chuan ka lu ka nghat a, Dimte hian ka Sam a chul hauh hauh bawk, a Hnute hmur tereuhte chu ka Khal niap niap a,

“khatia i kut tereuhte kha a vah kual reng chuan kum tin Naute kan nei mai ang..” a nui nghawr dat a,
“Naute..” ka ti nawn ve sap a, Ka Kut chevel a tawp hmak bawk, Ka Nihna bawk min hriatchhuah tir tlat ani, Fapa Hring tur...Phuba lakna atan a Nupui a min nei anihna te...engkim ka hrechhuak a, Ka Inrin hma in ka Mittui a rawn baw zawih mai, Ka Hru vat a, mahse, alo hre hman tho...

“ Shh.....ngatinge i tah a..?” min pawt chho a, min lehthal nghal bawk a, a rawn inbeng kang a, hnai te ah min rawn en a,
“i tah chhan ka hre duh..” a ti nawn leh a, min Duatna chuan ka tah a ti chhuak zual sauh zawk,

“Ngatinge min Neih?” ka tah aw kher chu ka ngei ru takzet,
Ka Chal ah a Chal in a rawn nawr a,

“ ka Duh che avangin...Min Hip ka tih kha...” a ti sup a, ka Nemsawn a, Ka Sir ah chuan ka lam hawi zawng in a Mu a,

“anilo....Rampuii vang in min Nei, chuan....I NU lakah Phuba lak i Duh vang in min Nei, chupawh Rampuii vang bawk..engatinge Hmeichhe dang vang nilo in Keimah Ka nih vang Tal in min neih mai loh...?” ka inlet a, Ka sawi tawp lam phei chu a ri chang chang, ka rin ang chiah in a che eih lo...chhan na ka dawng hek lo...Ka Mittui rawn luang zawih zawih chu ka hria a, ka Hru Buai peih lo...

A tho thawm chu ka ngaithla a, a hma lawk a duhthawh tak a Hmangaihna min chenpuitu kha chu Midang ani ang..Dintluanga haw ngawt thei ka nilo, Kei pawn ka hnar miau lo....

“ i Nuam meuh Na nge?” Kanu chuan min be Hmasa teh mial, ka Lu ka thing a, a zawhna chu zawhna awm tak pawh ani, ka tah nasat avangin ka Mit a sen ram a, a Bui lak bawk,


“ka hritlang Satliah mai mai...ngatinge i la kal loh a?” ka ti a, Sana ka en a, Dar 9 a ri tep tawh,

“Vawiin chu ka hmanhmawh lo, Ipa a kal tawh a...” a ti leh a, a awmdan chuan min Barakhaih lutuk, Kan Nula in Eitur min rawn chhawp sak chu ka ei nghal a, Dintluanga erawh chu ka thawh hma in engmah sawilo in a kal chhuak daih tawh..

“Taxi in kal tawh suh, Driver an awm reng a mi in min sawi sep sep ania.” A ti leh a, ka en vat a, thinur hmel a pu lo a, a Fapa ang maiin a hmelah engmah a lang chhuak mai mai lo..

“ka tibuai mai mai ka lo ti a, Taxi a tam tho a...” ka ti a,
“Motor a awm reng a, min hnial lo la...” a ti leh a, ka chhang zui ngam ta lo, a hma zawng khan a tulna avangin min Be hram thin a, tunah Pangngai tak a min han bia chuan min ti lawm nge min ti hlau pawh ka hre lo.

Kanu Nen a Kan Inbiakna tawite avang khan Nileng in ka hlim veng veng, Dintluanga erawh kha chu ngaihtuah zui loh ka duh a, ka duh ang ngeiin ka ngaihtuah zui lo..ka zawhna kha min chhanglo a,min chhan loh khan a dikzia ka hriat phah zawk.

“Hei hi eng thil nge?” Kan Room ka lut chiah in ka thil tawn chu ka hrethiam lo, Nimin ah tihian min lo chhawn tawh bawk, a thil ken chu ka en a, Damdawi ani tih ka hria,

“engthil nge a?” ka Pan hnai a, chak zet hian min rawn pan bawk a, a thil ken chu ka Hmai bulah a rawn lek a, LALPA....
I – PILL...Ka rap zawk,ka dah anilo tih ka chiang....

“ka ta anilo...” ka ti tham tiak ringawt....a ner nawk a, min rawn beng dawn emaw tih tur khawp hian a hmel a dur khup bawk,

“He Room ah hian Kan Pahnih chauh in kan cheng, ka dah anilo phawt...Nanglo tunge ni ang? “ a sawi pawh anilo, a Au ani mah zawk...

‘ 1986 ‘ – 22

“Ka ta anilo.....” ka ti leh a, a rawn kal hnai a, ka Darah Na zet hian a rawn tham a, min thing pah nawk bawk,

“ min bum ila tum amaw?” a aw a ring ta lo, mahse, hlauhawm tak ani,

“aih.ka dah anilo tak tak.....” ngam leh ngam lo hian ka melh chho a, a Hmel dur khup chu To haw tur a ang ka ti,

“Fa neih vat a Min then kha i tum emaw ka ti asin...” a aw ah chuan Hmuhsitna a lang chiang hle bawk, ,min thlah a, Ka Pai nawk mai,

“mahse....” ka sawi zawh hma in a Ban vaiin min ti tawp a,

“engmah sawi suh, tunah chuan ka Hmu peih lo che, Ka In ah ka awm rih ang, min rawn biak pawh tum duh suh, i awm duh dan dan in ilo awm mai dawn nia..” a ti a, Khum a a Phone dah chu a La a , a kal chhuah thlengin chetsawn na chang ka hrelo.

Karkhat lai alo haw ta lo, a lo haw lo ti ila ka awm laiin alo haw lo ani zawk, Ka chhuah hnu ah chuan alo kal tih ka hria, Room ah a sulhnu engemaw tal a hnutchhiah ka hmu thin a, Ka Mu theilo a, Chaw ka ei tha thei heklo,

“ Ma-eng, i buai em?” Julie-i’n min rawn Call a, Ka buai loh thu ka hrilh a, Kan Inneih hnu lawk ah a Pasal Pa Damlohna avangin an zin bo vang vang a, ka hmu ngai lo,

“kan lo haw a, chuan, ilo leng hman em?, ka chhuak thei bawk silo” a rawn ti leh a, Min hmuh duh chhan tur awm ang ka hrethiam mai, Dintluanga nen kan Boruak alo hre tawh ani ngei ang, Chhungkua ah chuan tuman engmah an sawi lo,

“vawiin chu ka buai deuh a, Tlai lamah Haw pah in ka rawn tlawh mai dawn che mi niang?” ka ti a,


“ok...a pawi miah lo, Biak duh na che ka nei a, lo len pawh ka duh a, mahse, ka chhuak thei silo a..” Cindy nen hi chuan an hrang hlak, a Mizia a tha in tu pawi mah a sawilo.

An In ka thlen chuan min lo lawm chul a, Anpa alo awm bawk a, an Khawsak a nuam tawk tih a chiang reng bawk,

“i ril a tam em?” a ti sawk sawk a, ka Lu ka thing a,

“Ipa chu a tha tawh em?” ka ti ve a, An pa zawk in a that tawh thu in min lo chhang thuai a,

“lo kal rawh, Biak duh lawkna che ka nei ka tih kha...” a Pasal lam a hawi a, an pa chu tawng miah lo hian a rawn der niin ka hria, an Nupa in Pawh hmel lutuk chu ka lo awt hman hmawh bawk,

An Room ah kan Inzui chho a, Uluk Deuh hian a Kalh kher bawk, a chet dan chuan ka awm a ti nuamlo,

“thil sawi lak lawh lai hian Naupang an rawn tlan lut sek thin a, a sawi tui hman loh..’ a nui var var chuan Dintluanga Nui hmel min ti hre chhuak vawng vawng mai,

“eng thil nge ni le?” ka ti a, a Kut a kuangkuah a, a thu fel at mai,

“Mama nen in Boruak a tha lo em?” a hrelo der zawk nge mawni???

Ka Lu ka thing leh a,

“Tun ah a In lamah a khawsa tih ka lo hria a, Bakah , i ngaihdam hram hram angai dawn ania..” engmah a sawi awmzia ka hre hlawllo,

“i sawi awmzia ka hrelo....engmah a ti sual hleinem..” ka ti a, Ka Kut a rawn vuan a,

“Nupa nih hian 2 kan ni tur ani a, mahse, ani hi chuan Rampuii kha a la hre reng a, i tan Natna a siam fo ang che tih pawh ka ring, tunah hian Rampuii Boral cham a thleng dawn hnai a, a Boral hnu kha chuan a Cham a thlen dawn apiang hian engmah thawk lo in a In ah a inkhung tawp thin a, mahse, Nupui a nei tawh a, hetiang hi a tih ka lo ring tawh lo....” sawi zo lo in a tawp ta daih a, Kei erawh ka kawchhung ana vek, Min vit ngut ngut niin ka hre ber,Ka tihsual vang nilo in Rampuii a sun vang zawk in a awmhrang alo nih tak chu...chuvang ani ngei ang, tuman Inchhungah a awmbo chhan min zawt lo, mak ka lo ti ru a, alo mak reng reng lo.

“a Pawilo, ka hrethiam alawm, min hrilh avangin ka lawm e aw...” ka ti thei hram, Tap dawn pawh ni ila ka tah theih ka ring lo.


Muangchang in Ke in In lam ka Pan a, chhungkaw mak tak anni, mahse, Julie –i khan ka rilru natnan a sawilo tih ka hria, a Nau tan Ngaihdam min dil anih ber kha,

“i haw dawn ami?” min rawn be tu lam chu ka hawi a, Stephen-a.....

“aw “ ka ti ringawt, ka ding chuang lo,

“lo chuang la, keipawh ka haw dawn a...” a nui sang a,
A Hmelthat dan ala ngai reng, a landan ah chuan Rilru tenawm hmel a lang lo, ka Thiantha ber ani thin a, mahse, tunah chuan ka Hmelma ani leh tawh thung, Mipa leh Hmeichhia hi Best Friend kan ni thei a, a hnu ah Thian that na atangin Hmangaihna ah pawh kan lut thei, mahse, lo Inthen leh si ila Best Friend kan ni leh thei tawh ngailo.

“a ngailo, ka lawm e...” ka ti a, chak deuh hian ka kal pel a, mahse, Min rawn um pha leh thuai dawn tih ka hai lo,

“lo kal mai teh...” ka rin dan chiah, Min dang zawng tak in Kawngsir ah chuan a rawn ding bawk a, Kan Chhak lam Dawr atanga Nui ri ka hriat chu ka hriat hnu a an em avangin ka han hawi chho a, Betty ka han hmu a, ka hawisawn leh tur chuan Hmuh dang ka la nei ta fo...Betty Hnung ah chuan Thil khai bawr teuh hian Dintluanga ka han hmu tel a, ani pawh hlim hmel tak in a Nui ve tho...Rang Lutuk hian Stephen-a Motor chhung ah chuan ka Lut rawk rawk a, Min hmuh ka hlau ani ber, engvanga Hlau nge ka nih erawh ka hrelo.

“In Pa a tha em?” ngawihreng chu nuam tilo niawm tak hian min bia a,

“um...” tih bak in ka chhang lo, a tha lutuk mah mah zawk anih kha...

“Ma-eng....” a ti leh ringawt a,

“um....enge?” tawng ka chaklo, amah pawh ka huat sa tehreng nen...

“ ka Thil tih tawh kha engmah siam that theih anilo tih ka hria, ngaihdam dil che pawh ni ila min ngaidam duh in ka ring lo...mahse, ka Inchhir zia hi hriattir che ka duh, i thian nih leh pawh ka duh a...” a sawi lak lawh lai chuan ka va melh kawk a, ani erawh chuan Hmalam a en a,

“ engmah sawi tawh suh, hun kal tawh anih kha...ka ngaihdam leh ngaihdam loh che a pawimawh lo, Bakah Thian ah ka duh lo che...” ka sawi tawp lam chu Naupan chhiatthlak ka ti leh hnuhnawh a, mahse, ka sawi zo vek tawh, min rawn melh zawk a,

“ Kan School a ilo kal tirh khan Thian ah min duhloh thu i sawi kha...” thil hlui bawk a rawn sawi leh a, ka tumloh deuh in ka nui chhuak hawk bawk,khang hun lai kha a va rei ta em...

“tunah pawh ka duh lo che...” ka ti leh a, a nui var var ka hmuh rual chuan keimah ah hian ngaihdamna a rawn piang a, Huatna hian min ti chau mai mai tih ka ngaihtuah bawk a, Dintluanga nen kan Iinneih hnu ah Phei hi chuan Stephen-a hi ka lo Hmangaih reng em tih ka inzawt ru fo thin tlat ani...tunah a chhan na ka hmu tawh, ka lo Hmangaih miah lo, ka duh ringawt.Dintluanga nen Thla khat lek kan Inneih hnu hian Stephen-a Natna min pek aia tam min pe tawh,tu nge ka duh a Ka Hmangaih chu ka chiang tawh.Hmangaih lo Ni ila engvang mah in Hetiang tak a Hmuhsit leh Natna hi ka tuar peih lo ang tih ka chiang, tunah chuan Beiseina in ka nghak a, Min la Duh ve mial tak in tih avangin ka Induhtawkna te ka dah bo hmak thei tlat ani.

“ In Pa nen in Boruak a tha lo tih pawh ka lo hria ania...” Phawk zet hian ka en a,

“ engmah Buaina kan neilo...” ka aw a Khur ti tih ringawt,

“ i Best ka nih thin kha, khatiang kha ni thei tawh lo mah ila engpawh i harsatna min hrilh leh tur in min ring ngam hram rawh, Motor ah i rawn luh chhan kha kei pawn ka hmu ve tho, Rampuii tih loh ah chuan Betty hi a kawp ngun ber ania...”ati leh a,

“chutiang engmah sawi suh, tu pawn hun Kal tawh kan nei vek..” ka ti hmak a, a rum hak a,

“ka hria e...Rampuii kha hun kal tawh ani tih ka hria, Mahse, Betty hi chu Hun kal tawh leh tun ah pawh ala ni zel...” a ti leh talh a, ka hriat leh ka hmuh ve reng nimahse midang in chiang tak a min han hrilh chuan na tak ani,

“ Ka Pasal nen a kan Inkar sawi tur in Dikna i neilo, khawngaihin ding teh, ka lo chhuk ang” ka ti leh a,

“Sorry....ka sawi loh tur ka lo sawi palh ani, i duh loh phawt chuan engmah ka sawi leh tawh lo ang...” a ti a, kei pawn chutiang teh fawk a han khak chu nuam ka ti bik lo.

Ka Hma lam a Tv chu hmu miah lo hian ka melh reng a, Rampuii thih cham a hnaih tawh avangin maw alo haw loh?, Damdawi vang khan emaw ka ti a, mahse, chhuanlam tur alo zawng mai mai, a khawsak dan engkim hian min ti na em em tawp animai, mahse, Rampuii vang anih chuan ngatinge Betty a kalpui si??!!, engmah ka hrethiam lo..ka ngaihtuah nasat poh leh ka lu a na ting animai.

Ka Muhil lo tluk ani, a tuk zingah Hma takah ka tho a, zan mut that loh a insawizawi hi thil tha anilo tih hre mah ila kal chhuah ka duh, ka thawmhnaw dahna atangin ka Walk na thawmhnaw ka la chhuak a, ka ha a, Pasal nei tawh ka nih avangin Gym ka kal zawm lo, Dintluanga erawh chu a kal fo, kal tur a min sawm loh avang leh a sawi lan ngai loh avangin kal en ah ka en lo. Tumah an lo la tho lo a , Pawn ah ka chhuak a, Zing Boruak vawt var maiin ka Hmai a rawn chhem chuan min ti harh sawng sawng a, Pasal ka neih hnu ah ka Walk leh hmasak ber tur ani bawk a, Nuam ka ti in Ka Rilru Hahna pawh a ziawm ka beisei phah rum rum, Gate pawn ka chhuah chuan Midang kal ve pawh an lo awm nual a, Muangchang in Ka Kal Phawt a, Ka Taksa a lum tan veleh ka tlan a, Ka Natna zawng zawng te theihnghilh tur in ka Tlan a, Ka Thlan in min bual huh vek thleng in....

“i tlan chak lutuk, min lo nghak rawh...” Ka Bul a rawn thleng nghal ti tih a, Stephen-a hah hmel zet a thaw hlawp hlawp chu ka en a, amak ani...amah ka hmuh a keimah a danglam thin kha a awm ta hauh lo...

“min rawn um la....” ka tlan zui leh nghal a, Kan chanchin lo hre tawh tu in min hmu se chuan engmah hrechiang silo in sawi tur an ngah hle ang tih ka chiang..

MC bul ah Sumo chhuak tur ho an lo intlar put a, a then in Thingpui an in a,
“lo kal rawh...In ve ang “ min kai dawr dawr a, Thutna awl ah kan thu dun a, nuam ka ti chiah lo, Hmelhriat hmuh palh ka hlau bawk...


Kan In zawh veleh kan tlan let leh a, ahma ang em khan ka la pawh lo, mahse, keimah a min dai dangtu kha engmah a awm ta lo, ani aia Hmangaih ka neih tak vang pawh animahna..Motor Dahna ah chuan Dintluanga Car alo awm a, ka kal dawn khan a awmlo tih ka hre chiang, Main Road ah hlir kan Kal si a, mahse, min tlan pelh lai ka hmu hauh lo..In chhungah chuan Feli chauh alo la awm a, Thingpui ka duh leh duh loh min lo zawt thuai thuai a, Ka duh rih lo tih ka hrilh a, Dintluanga lo haw lai a hriat leh hriat loh ka zawt thelh a, mahse, Mualpho thlak ka tih avangin ka zawt ta lo.

Room ah ka chho a, mahse, tumah an lo awm chuanglo, a Car ka hmu ngei bawk si a, Bath Room lam ka pan a, ka ngaithla a,mahse, a reh thiap tho..

“Morning Walk te pawh a lo nuam dawn anih kha mawle...” Ka Hnung lam atang a rawn tawng ri ka hriart rual in ka vir zawk a,
Reebok Jumper Dum leh Jogger Pants Pawl a ha a,Reebok Running Shoe a bun bawk a, a Kekawr Ipte a zen a, a hmel tak ngul ah chuan engmah a ngaihtuah na alang lo.

Chapter- 23

A thusawi awm zia ka hre mai lo, che sawn tawh lo in a ding ngur ringawt,

“nia...ka chhuak khat bawk a a nuam khawp mai..” ka ti a,

“eng nge i lo tih dawn?” ka tih zawm leh a,

“wow...kan In ah ngei hian ka tih tur min zawt amaw?, ka lo haw....” a ti nghek a, a thinrim chiam chuan awmdan tur min ti hrelo,

“Sorry....Rampuii thihcham ah chuan In ah awm lo in Nangma In ah i awm thin tih ka lo hria a, chuvang ania...” ka ti a, Ka Jumper ka Phelh a, Inbual vat ka chak tawh takzet, a rawn kal phei a, Sofa ah a thu a,

“tu nge chu thu chu hrilh che?” a ti hmuk a,

“Julie-i’n min hrilh a,engmah ka lo hriat ve loh vangin a pawi ka ti khawp mai, Mahse, i rilru thar leh hun lai hian engmah Buaina ka thlen loh che ka beisei ania..” ka ti hmak a, ka ti tak tak bawk.Kapi leh Pu ka sun tawh a, Lusun Natzia ka hria,

“min thlen loh ka Beisei a, mahse, Stephen-a nen kher a In Walk fo dawn anih chuan Buaina chu min thlen ka ring..” a ti leh hmuk a, min lo hmu anih ngei dawn hi a..

“ a Pawi na pawh ka lo hre hran hleinem,a hma khan kan sawi lawk vek kha,Nangpawn i duh duh i ti thei a, Kei pawh ka duh duh a awm Phalna min pek kha...” ka ti nghat a, Ngawipawimawh lo lui chung in Ka thawmhnaw hak lai ka Phelh a, Ka chevel chu min thlir reng tih ka hriat avang in nuam erawh ka ti lo.

“ani maw? Chutiang in ka lo ti anih pawh in Mipa Dang kawp tur chuan ka Phalna i lak ka ring lo...” a ti leh kher a, a tawngkam chuan min khei zak mai, vawi 2 chauh ka hmu a, ani chuan a In ah a chenpui hial ang tih tur in vantlang hmuh ah an Inzui Nasa a, chutah Rampuii thlarau vang ringawt pawh hian ka Nat belh Nasa tawh lutuk, chuti chung chuan thil tisual ah min la Puh ngam ania. Hreptak a...Mithianghlim Niawm ang zia zang a ka awmdan a sawisel chuan ka Lungawilohna zawng zawng ka lo up kha a puak keh ta aniber.

“tu maw Midang kawp ?” ka kawr ka phelh tawh, Bra nen chauh ka awm tih ka hria, ka ngaipawimawh zo tawh lo,

“i kawp ka ti lo, Mipa dang ilo Hmangaih thin nen a In awmdun han hmuh kha chuan mualphothlak ka lo ti a...” ngeiawm lutuk hian a nui huk a,

“oh...anih chu mawle...Fa Neih vat ai chuan ti hian I hausakna hi ka chen anga , Nangpawn mi zawng zawng hmuh ah i Bialnu hlui i kawp leh tawh tih i tilang a, i Nupui Hual langsar tak in Nupui nei chungin i sun bawk a...i Hausakna zar han zo ve rih pawh hi ka Phu ve riau” ka thaw ham ham mai,
Ka Kekawr ka hlip leh a, Ngaipawimawhlo zet hian ka awmna hmunah ka Kalsan tawp bawk, Bath Room chhungah erawh chuan ka thu hnawk thung...ka Mittui a tla eih lo, mihring hi Beidawn luat ah hian tah na chang pawh kan lo hrelo thei dawn khawp mai.

Muangchangin ka Inbual a, Ka zawi lutuk, thla khat ai tam ka insawizawi tawhlo a, chumai bakah Dintluanga tawngkam zawng zawng khan min ti chau hluah hluah, a tul aia rei Bath Room ah ka tawm a, ka hmu peih lo a, Thla khat erh awrh kan innei tawh a, mahse, kan In milloh dan en hi chuan Kum 100 vel Innei tawh ang kan ni in ka hria,tha tak a Kan inkawm emaw, kan awmdun hun hi thla khat chhung khan a vaipawn Nikhat daih pawh anilo.

Room ah tumah an lo awm tawhlo, a In ah a Hmei Pakhat zawk bulah a kal leh tawh pawh animahna...Huatna in ka khat a, Tihnat let chakna leh Phuba lak duhna, Thinrimna bak engmah ka Rilru ah a awmlo, engtin nge ka tih nat ang tih erawh ka hre chuang hauh lo.

Breakfast ei turin Inhnuai ah ka chhuk a, mahse, Dintluanga leh Cindy thil lo ei mawlh mawlh ka hmuh rual in ka tim leh deuh a, Let leh mai ka duh rum rum,mahse, engvangmah in tlanchhiat na chhan tur ka neilo tih ka ngaihtuah a, Pawisa lo hmel zet hian Dinning Table chu ka Kil ve nghal a, Ka Ei duhzawng an hre tawh a, min zawt buailo in min rawn pe a, Dintluanga leh Cindy tawng mawlh mawlh chu ka melh eih lo, mahse, an thilsawi erawh hriat tum in ka beng ka chhi kar a, Betty chungchang an sawi niin ka hria, Ka ei sawk sawk a, an ei zawh hma in ka ei zo thuai a, Be miah lo in ka tho a, Room ah ka let leh a, Office kal turin ala Hma tih ka hria, mahse, Ka Insiam ta tho, Office thlen hma in Ka U te In ah pawh ka leng kawi mai ang chu.

In hnuai ah ka chhuk a, Dintluanga Rawn chho tur nen Step ah kan intawk a,

“min lo nghak rawh, keipawh ka kal nghal dawn..” a ti hmuk a,

“ angai lo e, Kalpui tur ka nei a, Ka lawm e aw..” Ngeiawm thei ang ber in ka Nui hak a,
Min chhan leh hma in ka kalpel a, Step piah ah chuan Feli alo awm a, a hmelah chuan kan Inbiak dan a hria tih ka hria, hei pawh hi ka ring eih lo, He Inchhungah hian Kapa Bak tumah ka ring lo, Feli pawh hi an hnenah a awmna a rei tawh a, Api leh Cindy Uite ani tih ka hai lo, Kan Room a Indanna Damdawi dah tu pawh kha amah hi ani tih ka chiang, ani lo in Kan Room a ti fai ngailo,kan Room midang in min khawihpui hi ka duhlo hle a, mahse, Dintluanga’n engmah ka tih a phal miau loh avangin kan chhuah hnu ah alo tifai thin a, Kan Nula dangte Kan Room ah an lut ngailo tih ka hre chiang bawk.

Taxi ka hmuh hmasak ber ka Phar a, Office ka pan nghal a, Ka thlen chuan Peon chauh alo la awm, ka kal hma bawk ani ang, phawk zet hian min lo en a,

“Good Morning... i va hma em em ve” a ti a, a nui hau bawk a,

“Morning...ka hma mai mai mawle...” ka ti a,
Ka Room ah ka luhsan a, Coffee Machine ka On nghal a, khawvawt tan tawh avangin Boruak a dang tawh a, Khawi lai mai pawh hawi ila Lung a leng vel vek, Tukverh Bulah ka ding a, Ral lehlam ram hring dup mai chu ka thlir a, Silchar Road kawi ngiai mai chu ka thlir a, a khat tawk in Motor an tlan leh zauh zauh bawk a, Kan Naupan lai hun ka ngaihtuah let a, ka Naupan lai hun ah khan Ngaih tur neilo niin ka inhre thin a, mahse, tun ah chuan Khang hun lai, engmah vei neilo, Rilru Kam tu awm bawk silo khan ka Lung a tileng a, Let leh theih ka chak vawng vawng, tunah chuan hawina lam apiangah Rilru Hahna tur ka hmu a, Eitur tui leh tha, ei sen loh nei mah ila ka ei thei chuanglo,Nun hian awmzia a nei in ka hre hlawllo.

Boss in Office a rawn tlawh teh mial a, a Hmelah chuan Vei lianpui nei a ang khawp leh nghal, ka lo be thuai a, Ka hma ah min ep zawng tak in a rawn thu a,

“ In pa khan min rawn bia a, Hnial ka duh a, mahse, I Pasal ani miau a, ka hnial thei ta silo a..” a ti nuah nuah a, a sawi awmzia ka hre reng reng lo,

“eng chung chang ah nge ?” mak ti zet hian ka melh a, mahse, kei aia Makti zawk hian min en let hu a,

“vawiin chauh ilo kal tawh dawn a rawn ti a, in Nupa in insawi dun tawh turah ka lo ngai a...” ka thaw theilo...

“ aw....nia....kan sawi dun a,mahse, a hun kan sawi lo a...” ka ti nawk nawk mai, engvanga la tan a, la thup mawi tum hram nge maw ka nih hrep ni??

“um....anih chu mawle, I Pasal hi zawng a duhloh ah chuan engtik laimah in ka Hnial in ka tilui thei ngai lo, tunah pawh ka La Mamawh zia che ka sawi pawn a theihloh a ti bur ringawt mai...” Beidawn hmel zet hian a ti hmuk a, han sawi belh ve tur ka hre hlawllo.

In chhungah engmah tih tur a awmlo a, Dawr enkawl pui tur in Kanu in min Duh lo tih ka chiang, Hotel enkawlpui tur pawn Dintluanga’n min duh dawn biklo tih ka hai heklo, engvanga sual em em nge anih ka hrethiam theilo, a pawi ka sawi ka hrelo a, a huat zawng engmah ka tih pawh ka hre chuanglo,Nilengin Ka Inchingfel a, mahse, Bang tur in ka Rilru ka siam chhin lo reng reng, Ka bia ang a, Ka aia thawk tur ka hmuh hunah ka chawlh mai tur thu pawh ka hrilh ang, a duh duh a min tihkual tur ka ni in ka hrelo.

Ka Call ta nge nge a,

“ ka rin aiin i rawn call har?” alak veleh a ti nghal a,

“ Biak che ka ngai,ilo haw dawn em ?” Nupa Inbia kan ang lo, Hmelhriat satliah nen a Polite tak a inbiak kan ang ber,

“ ka hria,mahse ka lo Haw dawnlo, ka lo haw hunah kan sawi dun dawnnia.” A dah hmak, ka haw lutuk, alo haw hun ka nghak anih chuan ka tlai ngei ang, tun ah sawi ka duh a, engkim a nih tur ang nise ka duh bawk, Tlaiah Office Ban veleh a In lam ka Pan a, Ka Nau ka hnutchhiah tak ka Scooty ka Hmang a, alo la hawlo anih pawn ka nghak mai ang, vawikhat chauh ka la kal a, chupawh zanah lehnghal,Bo ka hlau hle bawk, mahse, Midang zawt chawp in ka kal thei tho ang, a In bulah khan In dang a awm velo a, a Pen na tur ah erawh kha chuan a awm tih ka hria a, ka zawt mai ang.

                                                   

Harsa Lutuk lo in ka va Hmu ve mai bawk a, Gate chhungah a Car alo awm avangin a Haw tawh tih ka hria, Julie khan Hetiang hun ah chuan Hna a thawk mumal lo a, In ah a Inkhung deuh chawt thin a tih tak kha mawle, Gate Pawnah Scooty ka dah a, Tim dai hian ka Pen lut a, Che zeuh pawh ka hmulo, a reh thiap a, Khua thim deuh titih tawh avangin Sava thawm tak ngial pawh hriat tur a awmlo,Kawngka Ka Kik a, mahse, min chhang miah lo, Ka kik nawn leh a, Pen thawm ka hria a, ka tawlh hnung a, tun ang hun ah chuan min beisei hauh lo ang tih ka hria, a thinrim hmachhawn turin ka Inpeih thlap bawk.

Mahse, Kawngkhar rawn hawngtu ka hmuh rual chuan ka kal ta ka Inchhir zia sawi ngaihna ka hrelo, Kekawrbul, tawi lutuk leh T-Shirt lian pui, a ta anilo tih hriat ngawih ngawih ha tu, Betty nen kan Inhmachhawn ta ran mai, a sam lah chu Khum a tanga rawn tho chhuak chiah tih hriat em em in a Pawr Phung bawk, ani pawn min beisei lo ani tih a hmelah a lang reng mai, Ka Inthing harh vat a,

“ Kan pa Biak ka duh a...” ka aw Khur ka ngei zia chu a...za lo deuh hian a then sak a,

“a Inbual hman chiah a, lo nghak la...” a Neitu lo zawk in Ka Pasal ngei nghak tur a Min sawmna chuan Min ti na lo, min ti a vek zawk.

Ka Rilru Pakhat chuan kal nghal nal nal turin min tur a, mahse, Ka Induhtawkna erawh chuan nghak turin min hrilh ve thung, Betty chuan ka Luhna turin Kawng min kian a, mahse, luh ka tum lo,

“ka nghak lo mai ang, zanah emaw ka rawn Phone mai dawnnia..” ka nui lui sang a, ka awmdan chuan ani hmeichhe Nasa ve tak pawh a ti hrilhhai tih ka hria,ka Thinrimna ti lang vaih ila chuan min sual let ang, mahse, Dam raih leh Confi tak a ka chetna chuan a tibuai tih ka hailo.

Ka Scooty dahna ka thlen chuan ka Khurh nasat zia ka hre chhuak chauh, Pangngai tak a awm tum in ka thaw vak a, ka Mit ka chhing vang vang bawk, tunah chuan engmah ngaihtuah ka duhlo bur.In ah Him tak in thleng phawt ila a hnu ah Duh leh ka ngaihtuah tha leh anga, ka Tap thei anih leh ka Tap bawk ang chu.

Ka Mu meng kar a, chawei lai khan Kanu khan Tu neih vat a chak thu a sawi zauh a, kan Riak dun lo tih a hre reng si a, ngei tak ka ni, Kapa erawh a nawmsam chiah loh avangin a Mu thuai a, Room lam ka pan tur chu Kanu in min ko a, Cindy erawh a Room lam a pan tawh,

“eng nge nita?” ka ti a, Bet vaklo hian ka thu a,

“Tu neih kan chak tehlul nen ilo Inveng thin tih Mama khan min hrilh a, ka lawmlo khawp mai..” a ti a, ka chhungril tawt lutuk chu ka sahal in ka hre hial,

“aih...kha thil kha ka Hmang miah lo...ka...” ka sawi zo hmanlo,

“zep duhsuh, mahse, Mama’n a sawi hnu khan ka ngaihtuah a, Nang hi Ka Pawm hauh lo che a, ka Fapa hian ka thu nilo in a nei che a, ilo indang kha pawi ka ti ta lo,bak hrim hrim ah kan Tupa hring tur hi chuan Kan Milpui ngei ka duh...” a thusawi zawng zawng chu ka awih theilo, Rapthlak ti lutuk hian ka melh a, hetiang hi nun ah hian a thlen theih ka lo ring lo, Lehkhabu ka ngaina a, ka chhiar Nasa thin a, chhiartu ten chhiar nuam an tih theihnan Nasa tak in an Phuah kual thin a, mahse, a tak ah a thleng ngailo, tun a min tawngkhum dan zawng zawng te kha Lehkhabu a an tih tur ani, a tak a thleng nilo in...

“ Kanu....ka Indang lo, Min pawmlo tih ka hria, mahse, in Fapa ber in min nei tawh, min pawmlo mah la i Mo ka ni tawh tho a, min pawm mai thei zawk lo ami?” ka va han tlawm vawng vawng thin em...Hausakna leh Retheihna te hi duhthlan theih nise tuman Retheihna kan thlang ngai lo ang, Hetiang em em a Nu Nasa hi ka hre ngai lo.

“ nilo e, Ka Fapa hian Dinhmun In ang lo lutuk inneih hah thlak na a man chho zel a, tunah pawh nang nilo in Betty-i alawm a chenpui, ka hrelo in i ring reng reng ami?” a hma a a sawi zawng zawng te kha chu nep tak ani...

“min then anih loh chuan ka then dawnlo, a duh duh chenpui rawhse, He Inchhung mo nitur hian ka lo lut a, rei pawh anih hma in Hmeichhe dang a kawp leh anih chuan i lakah thinrimna neiin a ti zak zawk che anilo maw?, Fapa te hetiang annih chuan Nu leh Pa lo tumah an Mualpho ngai hleinem.” Engvang a na tak a tawngkhum nge ka nih ka inhre tawh biklo.

“i han tawng dan chu a mawilo hle mai, Pasal Nu te khatiang khan i tawng khum amaw?, hei vang hi alawm mi hnuaihnung te nen chen ho ka duh loh “ a ti leh a, a tawng ringlo, mahse, a Fapa ang chiah in a Mit chu thinrimna avangin a thim khap mai. Mahse, Ngawipawimawh duh lo in Room lam ka Pansan ve ta hmak a, a Fapa nen a Kan Indonna ringawt pawh ka hah pui tawh, ani lehzel nen a Buai ka peih rih lo.

Muthilh te chu khawilam ah ani ringawt, Dintluanga pawh ka be ta chuanglo, mahse, Ka Hna atangin ka Bang dawn miahlo tih erawh ka hre chiang ta khawp mai, Boss hnen ah Msg in Ka Ban rih loh tur thu ka thawn a, lawm tak in a rawn reply a, Dintluanga erawh sawipui miah lo turin ka ngen leh hram ,Mak a ti anih pawh in engmah a ti lang lo.

Zingah Ka Walk leh a, Stephen-a erawh ka hmu ta lo, hmuh rih loh ka duh zawk hrim hrim bawk, mahse ka Beisei loh lutuk in In ka thlen Hnu lawkah Dintluanga a rawn haw leh ta tlat,Room ah Ka Thawmhnaw hak tur ka thlan lai in a rawn lut a,

“ min be duh khan ka hria a...” a ti hmuk a, a Mood a fuh vaklo ani ang, a hmel hmuh a nuam chiah lo,

“aih..be duh leh lo” ka ti a, Nimin khan Be tur in ka Kal a, a Hmei in min lo dawngsawng tih Sawi lan kher erawh tul ka ti lo.

“ok...a tha anih chu, Puia kha Ka hrilh a, Hna i thawk zui tawh dawn lo tih kha..Nimin ah Thla a thar chiah bawk a, ani pawh khan rem a ti a...” a ti leh hmuk hmuk a, Ka thil tih lai ka chawl a, alam hawi in ka Inher a,

“ anih chu..mahse, Ka Bang dawn lo tih ka lo hrilh ve thung a” ka ti hmak a,

“oh...Luhlul viau lo teh, Inhnial hi ka ning ania..” a ti hlur mai, Ka sa zak bawk,

“ min hnial i ning anih chuan ka duh dan in min awmtir mai ta reng che..” ka ti a, a vei kual vel chu a tawp a, min rawn pan a, Ka Darah a rawn Vuan a, a rawn kun a, hnai zet ah min en a,

“i duh dan in i awm ang a, Ka Fa nilo Ka fa ah pawm luih te a la ngai anga tiraw?” ka thu hriat hi ka awih theilo zawk,

Ka Inveng hman lo, a Samah ka kek a, mahse, ka chet dan tur alo hre lawk emaw tih tur hian a thle hman a, ka tham nghet hman lo, a Hmai ah Ham tum in ka ban leh a, a thle sawn a, Ka Kut Pahnih a rawn Hmer kawp a, Ka theih ang ang in ka tlawh a, ka Pet a, Bangah min Nawr bet a, Ka Kut erawh Chunglamah a nem bet chho a,ka theihtawp in tal chhuah ka tum a, awmzia a awmlo,Lungbang sut ang hlauh, Ka che thei silo Beidawng Lutuk chu Ka Mittui a rawn Hnam tiam tiam a, hetiang a nun hman ai chuan Thih ka duh zawk...

“ In then ang...” ka Tap lo theilo, ka sawi zawm thei heklo,

A Phun hluk a,a sawi erawh ka hrelo,....a Ban Lehlam in Ka Kawngah a rawn kuah a...

“ Min then i duh tak tak maw?” Na tuar a ang khawp mai, mahse, engmah a tan natna tur a awm lo, ka hriat sual ani ngei ang...

“aw....la reilo mahse Hetiang a nun hman ka peih tawh lo...” ka sawi zawh hma in Ka Mit ah a rawn fawp a,

“ Then thei che ila ka ti asin...” a ti sup a, engmah ka hrethiam lo...

Chapter- 24

Min then theih loh na chhan tur engmah ka hre hek lo..

“ Ka a Mai dawn in ka hria, Mihring ve tho ka ni a, Na te pawh ka tuar thei a, hrehawm te pawh ka ti ve thin a...” ka tah na avangin ka aw a lawi vek, Min thlah a, a kal sawn a, kei erawh Bang ngheng in ka la ding a, chesawn turin chakna ka nei lo,

“ Thla tlemte chauh kan la innei a, chutichung chuan min lo hne hman ania, In ah ka awm khat tehlul nen...” a ti hmuk a, Sofa ah Bawp khawkherh in a thu a, a hma lawk a amah a eng ngemaw danglam ka hmuh kha chu a bo leh tawh,

“ aw...i Hausakna hi engmah ka mamawh lo, Nangmah pawh ka chauhpui laiin I nu leh I nau nen...Nun ngaihna ka hrelo..” ka ti ta thlawt...

“ahhh....ni lo e, Sum tello chuan tumah an Inhmangaih tak tak thei ngailo..Kanu leh Cindy –i pawh i duh duh in i pal lui thei ka tih kha..mahse, Inthen kha chu sawi ri leh tawh suh..” thutawp sawi tih hriat zet hian a tho a,

“ aih...ka nei duh tawh lo che, anih loh tal chuan Nupa ang in awm tawh lo zawk ang...” ka ti ve thung..

“chuan...Stephen-a nen in duhtawk in in khawsa thei bawk ang a tiraw?” a ner nawk a, chhan let tum a ka ang ziau tawh chu ka chip leh hmak , ka Lu ka bu ta nghat zawk a,’ nilo ‘ pawh ti ila awmzia a awm dawn chuanglo.

“a va ropui ve...i duhdan chuan awm ta Poh che, mahse, then che tum na ka la nei chuang hauh lo...” a ti leh hluk a, a awmdan zawng zawng chu ngeina in ka khat vek tawh..

Kanu nen Kan Boruak a rit bawk, Dintluanga a rawn let leh tawh bawk si, ka thawpik lutuk hi awm ngaihna hlawl ka hre lo, mahse, Kan Mudun hauh lo thung, a Office ah a riak a, pawi tihna pawh ka nei tawh chuanglo,

“ Thiannu....vawiin chu in Office ah ka lo leng dawn ania..” Sangmami vei neilo em em a rawn tawng chu ka ngaithla a,
kan Nupa chungchang engmah ka hrilh ngailo, hria se chuan min khawngaih nasa leh hle ang, mahse, tih theih a nei chuang dawn der silo, Ka Mizia hrim hrim ah Ka Harsatna te midang hnen a va sawi chiam hi ka chin dan anilo, ka thiantha ber pawh ni se ka hrilh chiam chuanglo, midangtan Ninawm a chang thei a, Kan Vanduaina avangin an lo hlim ru hlauh thei bawk.

“um...lo kal ngei ngei la..kan Inhmu khat lutuk” ka ti let ve a,

Ka Pum ni deuh nghulh chu ka dawm vat a, Ni 2 kal ta vel atang khan ti hian ka awm leh zauh thin a, Ka Pum Ulcer vang ah ka Puh ngawt a, in entir hi ka thil hreh ber anih avangin Doctor ka pan lo, ka Mut a chhuak a, ka chau ru ngawih ngawih thin bawk a, a chang phei chuan ka Khawsik a awm tel zauh zauh bawk.

Muangchang in Ka Insiam a, engmah ka ei chak loh avangin Breakfast pawh ka ei ta lo, Ka Mut that loh vang a ka Mit hnuai a val kual raih chu ka khawih a, Ka cher tih pawh ka hailo, ka thawmhnaw ka thawl nual a, Sangmami alo kal chuan Bazarah hruai a, Thawmhnaw min lei puitur a sawm ka duh a, Kanu te Thil thawn tur lei ka ngai bawk..Ka Phone nghawr dar dar chu ka en a, Stephen-a alo ni a, Dintluanga nen kan Inhauh hnu hnung ber atang kha chuan Stephen-a kawm leh hi hrehna ka nei tawh lo, duh leh Mualpho in ti sela, anni pawn min ngaihven chuanglo a, ka Care viau a tulna ka hre biklo.

“ Hello....” ka aw ah ka Chau tih a hriat loh ka Beisei,

“ i kal dawn tawh em?” a rawn ti a, Taxi in ka kal thin tih a hria a, a rual in ka Kal ta zeuh zeuh, Kanu khan Taxi a kal tawh lo turin min ti a, a sawi hlim kha chuan Ka In thlah tir thin a, tunah chuan an Engmah Hman tawm ka duh tawh rih lo, an In a khawsak a, an Chaw ei sak hi ka duhtawk rih..

“ka Insiam mek a...i kal tawh dawn ami?” ka ti ve a ,

“um....i hman har dawn loh chuan ka lo nghak ang che, Bakah thil hrilh tur che ka nei a..” a rawn ti a, eng thil tak nimaw??

“ ka hman tep animai...min lo nghak la...” ka ti a, min nghah tur thu a sawi a, Ka Dah a, Ka Hmai ah Make-up na lo te in ka hmang a, Ka Ngaina lo ve hrim hrim a, Hman loh ngawt aiah tlem te ka hmang chauh thin, Ka tho chhuak a, Kawngka Biang ngheng a Dintluanga lo ding run chu ka hmu thut a, ka Phu zawk bawk,

“ i damlo ami?” a ti nghut a, Stephen-a nen kan Inbiakna kha a hriat leh hriat loh ka hrelo,

“Dam e...” ka ti liam puat a, Ka Bag ka la a,

“ mahse, Engmah i ei lo a, Nizanah Pawh Chaw i ei lo a...” engtin nge Ka chaw ei leh ei loh a lo hriat ni??, Zanah an thiante Birth Day Party ah an Unau in an kal daih kha ania, a rawn haw lai pawh ka hre hek lo,

“ka ei chaklo mai mai..” ka ti nghat a, Min be zui lo se ka ti takzet, Ka Pum nuamlo bawk in min rawn nawr a, a awm lai a Uak lo turin ka Insum tang tang bawk,

“ Tue maw chuan a enkawl tha lemlo che anih hmel khawp mai..” a ti leh nghut a, chhan en ah pawh ka en lo, Stephen-a chungchang a sawi tih ka hria, chhan let loh ka duh zawk, Dressing Table a Ka Phone chu ka la a, mahse, ka chhuak dawn anih chuan amah silo in kal ngaihna a awmlo,

“ka lo kal chhuak lawk dawn mi niang?” ka ti a, Nui sang chungin ka en a, ngawirengin a Tawlhsawn a, Ka Kalpel a, a Mitthim raih in min enzui reng tih ka hriatna erawh chuan ka hriatthiam chiah si loh in min fan raih raih bawk.

Pawnah Stephen-a Car alo awm ran tawh, Ka Lut nghal a, Ka thaw ham ham mai, a Vawt vur a, ka Mood leh Ka awmdan engkim min hriatthiampui niawm tak in Ni alang lo a, a, Ruah a tla sep sep bawk,

“ Hawi let nghal lo la, I Pasal In min thlir uluk khawp mai..” a nui hawk hawk a, mak ti deuh hian ka en ve thung, ka Kal chhuak tur min thlir tih ka hriat hmasak ber ani bawk,engtik lai mahin ka thil tih a ngaihven ngai tlat lo.

“thil i sawi tur kha...?” a tlan chhuah veleh ka zawt nghal a, a ngawi vang vang a, a Hmeltha tak chu a buai ta nak bawk,

“ Ka Bialnu a rai a...” a ti zawi sat a, ka meng phar awk thung, Bialnu a nei tih hre hek lo i....

“ wow...Ropui lutuk , engtik nge Inneih lam..?” ka lawmpui tak tak thei tlat, a Fa ka Pai lai ngei kha Duhlo in Ti tla turin min ti a, Kum 10 chuang zet ka natpui a, mahse, Thla reilote chhung hian ka ngaidam hmak a, huatna ka neilo, Hmeichhe dang in a Fa a pai pawh ka lawmpui tak tak thei ta...

“ka hrelo....ka hlauthawng a,ih....Nangmah kha ka ngaihtuah let lo theilo che a, tunah pawh hian Hrilh kher che hi Nunrawnthlak ka ti lutuk a...” a ti leh a, Hei tak hi alawm Dintluanga Ka duh zawk tih ka hriat chian na chu...Dintluanga hian engmah hlauh a neilo a, a Mawhphurhna hlen loh a nei ngailo, Mipa, Buaina Hmachhawn hleitheilo hi ka ngaisang lo a, chutiang Mipa chu Stephen-a hi ani chiah bawk..Buaina a neih chuan a Phili chiam thin a, Fapa Duat No lutuk anih vang pawh animahna...

“ kha chu hun kal tawh ania, sawi chhuak tawh lo ang ,tunah chuan thian kan nih lai ang chauh kha ngaihtuah tawh rawh” ka ti hmak a, ka duhdan chiah ani bawk,

“ nia...mahse, ka duh loh pawn ka hrechhuak lo theilo..” a ti leh talh a, nia, thilsual tih hi engmah a thlawn lo, duh mahse a theihnghilh ngawt dawn lo tih ka chiang,

“ ok...mahse, Bialnu i nei tih pawh ka lo hrelo..” Boruak dang siam tumin thildang ka sawi san a,

“um...hrelo ang, mahse, ani chuan Thik tak che ani” a ti a, a nui hawk hawk a, nuam ka ti lo, midang Inkar a tlak zeh hi ka thil duh loh ber ani.

“Hrilh fiah la....a awih theih loh chuan in kawm tawh lo ila atha ang” ka ti a,

“aih...nilo, a thilk leh lo che..” a nui a, keipawh ka nui lo theilo, kan inkarah hian Thian thatna bak engmah a awmlo ve ve tawh tih ka chiang,

“ Palai tirh nge tha ang ruk tawp ?” a ti leh a, ka hrethiam hauh lo, kei chu Pasal ka nei tawp a, engmah Rem tih na leh Induhtawnna tello lehnghal anih avangin Midang thurawn pe thei tur ka nilo.

“ hre bik lo, Sangmami kan zawt dawnnia “ ka nui a, anui ve hawk hawk mai.

Office thleng min thlah a, Mahse, Office ah pawh hna ka thawk mumal chuang lo, chhunah hian ka Mut a chhuak em em a, Zanah erawh ka muhil hlei thei silo, ka chau em em ani ber,

“ i dam tha lo ami?” Sangmami chu ka en a, Ka lo muhil leh hman tawh,

“aih....dam e, ilo thlenna a rei tawh em?” ka ti a, a kalsawn a, Coffee a in lak a, ka Hmaah a rawn thu a,

“ reilo...i hmel ka en khan ka rawn kal chhan sawi ka hreh nghal sawt mai..” a ti leh zat zat a,

“sawi mai teh, engthil nge i duh a?” ka ti a, ka zi mar ar ar bawk a,

“engtia sawi tan tur nge ka hrelo...Nizanah Kan Thawhpuite nen Chaw kan ei khawm a, englo....Betty a rai an ti a...mahse, Mate...ka hrechiang lo ania..” Mangang zet hian a kut a vai kual a,

“chu chu kei nen Inzawmna enge a neih a?” ka mangan zia tih lan loh hram tum in ka in veng a,

“ Dintluanga nen an cheng dun tih pawh an sawi a, cheng dun tih lem ah an riak dun thin a ti bawk a..” a ti leh a, Thlasik khawvawh lai nimahse ka thlan a sa phat phat mai,

“an ti mai mai anih chu...mi hian thil sawi an peih lutuk a, kan Innei ve chauh a engvangin nge a khawsak pui ngawt ang?” ka ti hmak a, a hmel a buai deuh nak a, a thu hriat chu a ringhlel leh pawh ani mahna...

“nia...chu chu alawm, mahse, hrechiang a in ti ngang mai...” a ti leh halh a, nia..a hrechiang ang, kei ngei pawn ka hre chiang alawm tih khum ka chak a,mahse, ka ti ta em lo..

“ enteh, Thiannu, min ngaihtuah avangin ka lawm lutuk, chuan maw, Stephen-a Bialnu pawh a rai asin..” ka ti a, a ner nang a, a thilsawi hmasak zawk kha a hre leh tawh lo ani ang, engmah hi a vei tak tak lo tih ka hria, a mizia hre tur in kan inkawm rei tawk tawh,

“in lo inkawm leh ta tak tak animaw?, mi mak tak ini, eng tin nge i ngaihdam theih zawk le?” makti zet hian a meng phar kual a, Kei tluk zet in Stephen-a kha a haw thin miau a, a huat chhan ber in ka kawm leh ta si a, mak tih loh ngaihna pawh a awmlo...

“um..Pasal ka nei tawh a, Kan Inbul lawk ah an awm bawk a, Inhuat reng kha a hahthlak mai mai alawm” ka ti awlsam et, a ner leh nak a, a la pawm chiah lo a ang khawp mai,

“nia, a tha alawm, i cher riau in ka hria “ a ti leh hliai a,

“e...tak a Min Bazarpui teh, ka Treat ang che, Thawmhnaw lei ka ngai..” ka ti a,a lo aw ve mai bawk a,

MC ah Kan kal a, ka thawmhnaw tur kan lei nual a, ka Hlawh zawng zawng keiman ka hmang a, Kan Inneih hma a kan sawi lawk tawh ang in Ka Hming in Ac kan hawng a, Dintluanga’n Pawisa a Dah lut tih ka hria, mahse, Passbook pawh ka kawl lo, ATM Card thlengin Kapa ka pe vek, ka chung ah a tha lo a, a Pawisa ka Pa ten an lo hmang a, nuamsa a an khawsa anih chuan ka hlawh ah ka ngai hmiah, mahse, Kapa chuan hria se a lawm hauh lo ang, dawn pawh a dawng duh lo ang tih ka hria.

Thil ei turin Restaurant kan pan a, mahse, an thilsiam rim rawn chhuak chuan ka Pum dik lo bawk a kai chhuak a,

“lo thu lawk teh, Toilet ah ka va kal ang..” tih leh thawh ka rual a, midang hmuh lai a Mawilo tak a Uak chiam ka duh lo,
Toilet ah ka Uak chiam a, ka chau hnawk thei, Doctor ka pan nge nge a ngai dawn anih hi...ka Khua a sik ur ur bawk, Ka Bag ka zen a, Damdawi engtik lai pawn ka Pai thin a, ka ei a, ahma ang anih chuan Reilote ah ka khawsik a ziawm leh mai ang.

“i tha tak tak maw?” Sangmami chuan min lo zawt vat a, ka bu nghat a,
“ ka Pum Ulcer hi tunlai chu a zual deuh a...Naktukah Doctor min hmuhpui la..” ka ti a, a Bu nghauh a, ka tluk lo takzet, ka mamawh phawt chuan min phatsan ngai miahlo, ti chung hian ka thuruk ka hrilh mumal miahlo te hi sual tak ka ni.

In ka thlen meuh chuan chau tak ka ni, ka beisei loh zet in Dintluanga Car alo awm vang tawh, zan ah a chhuak zawk dawn animahna, Room ah ka chho a, Dintluanga erawh a Office lamah a awm niang, Ka In thlak a, Kawrlum Phiar ka ha a, Pyjama nen, AC ka On nghal bawk a, reilote Muhil ila a that ka ring, Chawei nan a la hma tho alawm ka ti rilru a.

Ka Kawng Na Lutuk in min ti harh a, Ka thu chhuak mai dawn a, ka che hleitheilo, Ka letsawn lui a, Ka Mawng lam huh dup chu zun ka cheh emaw tiin ka zu dap a, mahse, Thisen.....thei leh theilo hian ka tho chhuak a, Bath Room ka Pan a, ka kal lui theilo ka Tai leh Kawng Na lutuk chuan a Tur hian min tur ut ut ani ber.
“ LALPA leh....engthil nge nita?” Dintluanga’n min rawn Pawm kan lai chu chiang lo zet hian ka hria, a bak chu a Thim mup a, engmah ka hre zui ta lo.

Chapter- 25

Ka Meng chhuak a, Ka Harh chiang lo,thawh nghal tum in ka che a, mahse, Tu emaw In min kuah bet a, Min kuah tu en tum in ka hawi phei a, Dintluanga alo ni a, Kan Room emaw ka tih kha Kan Room ani heklo,Damdawiin Khum tereuhte ah kan lo Mu dun reng anih hi a... Dintluanga Muhil hmel chu ka thlir a, a Pa ngawih ngawih, engvangin nge alo mut ve kher?, In ah pawh kan Mu dun ngai silo,

“Din....” a Kut dah sawn sak pah in ka Ko a,
Mahse, a che lo,Dimte in ka dah sawn sak a, Khum atangin ka chhuk a, a chau ngang ani ang a harh miahlo, Damdawiin Kawr ka ha a, Ka sam pawh fel tak in chunglamah min lo zial fel sak vek bawk, muangchangin Toilet ka Pan a, Ka Kawng Na Lutuk kha a awm tawh lo, Eng vang nge tih hrelo mah ila Ka Thi put kha ka hunbi Pangngai nen a danglam tih ka hria, Ka chhul lam fello anih mai hlauhna in ka khat thut a, Mahse, tunah chuan ngaihtuah loh rih ka duh zawk.

“ Mate....i awm em?” Kawngka bul mai atang chuan Dintluanga aw hian a rawn ti a, a hlauhthawn hmel phian bawk,

“aw.....ka awm..” ka ti a

Muangchang in ka chhuak a, Kawngka Bulah chuan Dintluanga chu alo la ding run a, min hmuh veleh min rawn Ban a,

“ Ngatinge min Kaih thawh mai loh?” a ti sup a, min kai a, Mahni a Kal theilo ang mai hian min chei bawl a, a awmdan vel chuan min ti buai a, engvang a min Care ta em em nge anih ka hre lo, Ka Thalo viau zawk nge ni ang???

Khum a Ka Lawn leh tur pawh min pui a, mahse, ani erawh Mu ve tawh lo in Khum bulah Chair a pawt hnai a,

“ i ziawm tawh em?” a ti sup a, min ngaihtuah hmel em em bawk, Toilet atanga ka chhuah hnu khan a Mit a la la sawn lo tluk ani,

“ ka ziawm anih ka ring, Engmah Na pawh ka nei tawhlo...mahse, ka chau..” ka ti a,

“ Room ka rawn luh lai khan i Dang vek hman a, Mahse, tunah chuan i hmel pawh a Pangngai leh tan tawh” a ti leh a, Ka Kut a rawn hum a, Room chu Ac anilo bawk nen a vawt vur mai.

“Engatinge tiang khan ka awm le..?” a hmelpa hrak mai chu ka en a, a Mit a chhing Sawk a,

“ Naute mawle...” a sawi zo lo..

“maw?!!!!, Ka Rai tih pawh ka hre silo..” Mak tih na leh Hlauhna nen ka thawk a sak zo vek,

Khumah a rawn thu kai a,

“ um...Thla ala tlinglo hret a, i Hunbi insawn vel ah i ngai anih ka ring, Doctor khan chutiang chuan a sawi a..” a ti leh sup a,

Ka Inlet a, Nau ka chhiat leh ta...Stephen-a Fa Pawh kha ka Pai puitling ta lo a, Tunah pawh Ka Pai puitling ta chuanglo, ka Kum a Naupang tawhlo a, vawi 2 ngawt ka chhiat hnu ah lehnghal hian Nau Pai leh Ka Inbeisei ngam tawh lo, Ka Mittui a rawn tla a, Ka Bek ah a Luang thla a, Dintluanga hriat ka duh loh vangin ka in sut eih lo, a che Dat a, Khum tereuhte ah chuan a rawn mu ve leh a, Min rawn Kuah a, Ka Beng ah a rawn Fawp a,

“ Mate...Lungngai mah ta che...i Dam anga Naute dang kan nei leh mai ang, tunah chuan Hahdam Phawt la..” a ti sup a, ka chhang lo, engmah Beiseina ka neilo tih hria se chuan ka chungah a Thinrim dawn tih ka hria, tunah pawh hian Nupui te Damlo Buaipui loh a hreh vang in a awmdan a thlak mai mai zawk ani ngei ang.

Ka Harh leh chuan Keimah chauh in ka lo mu tawh a, Ka thu chhuak a, Room chhung reh thap mai ah chuan Dintluanga a kal tawh ani tih min rin tir nghal a, ka Mu thla leh a, mi pawn Nau an chhiat fo a, Damdawiin ah an awm reng ngai pawn ka hrelo, Ngaihthat lohna ka Thinlungah a rawn Piang thut a, Nau chhiat Pangngai mai ka nilo zawk aniang...Hlauhna avangin ka thlan a sa Phat phat mai. Room Kawngkhar ri rak ah chuan Ka hawi phei thuai a, Julie leh Sangmami an rawn Inzui lut a, Ka Harh tawh tih min rawn hmuh chuan an nui dun sang a, an Inkhai bawr dun hle bawk,

“ i tha em?” Sangmami chuan a ti a, a thil ken vel a dah fel nghal mawlh mawlh bawk a,

“um...tha ,ka ziawm lutuk, in 2 in inlo kal rual ami a?” ka ti let a,

“kal rual nang, i Muthilh lai in eitur ka zuk en a, Julie nen hian kan rawn inhmu a” a ti leh a, Dintluanga’n alo va Call nge mawni???

“um... in buai awm tehreng nen, ilo kal duh kher a..?” Julie ka en a, a buai zia ka hriatpui..

“Buai lutuk lo, Nurse kan nei tawh a, a ziawm “ a ti a, a dan Pangngai in a Hmeltha tak ah chuan Nui hmel a lang reng bawk, Rei vak lo a awm a, Julie-i chhuah veleh Sangmami chuan min rawn thut hnaih a,

“Nizan a I Pasal awmdan ka Hmu chiah chu maw Betty Fa Paina kha anilo tih ka chiang tawp” a ti a, a la nui sang zui,

“ naa....engtin nge a awm a?” ka ti sep a. Ka hre chak a ka Huphurh bawk,

“a Phili Nasa lutuk, a Buai vek, a Nu pawh kha vawi 2 chu a vin hman in ka hria, Nanglah engmah i hre bawk silo” a ti siam siam a, Mak ka ti lutuk, Thi ila a lawm zawk ka lo ring hial asin le..

“a Nupui ka ni alawm, a Phili eih loh ten a tha nang” ka nui a,

“Dik chiah...mahse, i Rai tih pawh min hrilh lo a...” a lawm vaklo hmel chu ka en a,

“kei pawn ka Rai tih ka hrelo alawm..Ka hunbi ka zawh lo satliah mai mai ah ka ngai a...” ka ti hap a,

“ Pasal nei lai inia, i Hunbi a pel anih chuan In Test ve vat tur hi ania...” a ti nang nang a, a sawi dik tih ka hria, Mahse, Kan Mu dun tlem em em a, Hmangaihna kan chendun pawh sawi tham lek ani,ka rai ka ringlo ve tawp kha ka ti sual, mahse, Dintluanga Hmelah khan Min haw hmel a lang lo, min hnem zawk anih kha..

“ engtik ah nge ka chhuah theih ang le?, Nau chhiat vang a Min Admit kher hi mak ka tih zawng tak” ka ti leh a, min en lo in Hnuai lam a bih a, zep ruk nei a ang hle bawk,

“ Thisen i hloh hnem deuh ati anih kha...i tha leh mai ang..ee...I Nu te kha Din-a khan a hrilh a, mahse, lo chhuk lo tur in a ti a..” a ti leh a, Kanu in Min ngaihtuah hle ang tih ka hria, Kan Tan Banglo in a tawngtai thin a, a Beidawng ngailo.

“um...” ka ti sap a, lo han hrilh lo se ka duh zawk mah mah,

“ i U te ho chu Nizan khan an lo kal bawk a, i Nau in min rawn hruai a, mahse, Dina-a khan Riahpui che a tum tho a, tunah Cabin in chang leh nghal tho bawk nen, kan hawsan ta che nih kha..” a ti leh zat zat a, Dintluanga chuan Midang hriat lai a min ngaihven chu Fel ta riau ah a in ngai ani ngei ang..

Nilengin Sangmami ‘n min awmpui a, Ka chhungte ho an lo kal hlawm a, Pasal ka neih that zia an sawi sek chu ning ru tak ka ni, a that leh that loh hrechiangtu ber ka ni miau a,Dintluanga erawh chuan min rawn Call a, a khat tawk in Msg a rawn thawn bawk a,Meeting Pawimawh lutuk a nei dawn a, a Tuk a haw leh nghal tur annih avangin an Cancel theilo a, a landan mai chuan a lawm vaklo anih hmel, Ka chau satliah ringawt a, engmah Na dang ka neih ka hrelo. Hotel atangin Chaw an rawn dah a, mahse, ka ei theilo,chawei kham hnu lawkah Mut chhuak in min zem a, Sangmami nen chauh kan awm tawh avangin Muthilh san ka hreh bawk si,mahse, Ka Muthilh duh chuan Muhil turin min ti a, Dintluanga alo kal har ka ti a, engvang a hmu chak em em nge ka nih ka hrelo..ani pawh eng vang in nge min buaipui a min Duat chiam kher?, Ka Pasal ani a, Ka Duh bawk, min Duatna tlem te avang pawh in Ka nem lo theilo...

Ka Dar ah min Sawitu an awm a, Peih lo zet hian ka meng a, Dintluanga Hmel Tak ngul mai nen kan in en ta ran mai,

“I Damdawi Pakhat ei a hun a, i Muhil leh nghal dawnnia...” ati dam thluam a, chutiang a Dam lutuk a Min bia chu ka duh chiahlo,, Ka Luhlul ve na te an thlawk bo mai dawn tlat, Ka thu chhuak tur chu min rawn Pui vat a,

“ Ka tho thei alawm, min pui duh suh..” ka ti nghat a, a thaw hawk a, mahse, engmah a sawilo,

“Sangmami a haw tawh ami?” ka ti leh a, a bu nghut a, Sweat Shirt leh Pyjama a ha a, In atangin alo kal anih hmel,

“i ziawm em vawiin lam ?” a ti a, Ka Damdawi ei tur leh Tui min pe a, hnial buai lo in ka la a, ka ei ve mai bawk..

“ziawm lutuk, engmah Na ka neih pawh ka hrelo,Ngatinge In ah kan haw mai loh?” ka ti leh a, Min en lo in Hmundang a en a, a ngawi deuh run a, a rawn Inher thut a, min rawn kuah bet a, Ka chal ah a Hmui lum ham ham chuan a rawn fawp a, a awmdan danglam thut avang chuan chet sawn nachang pawh ka hrelo, min Kuai dak a.

“ i Dam tha var anih loh chuan Damdawiin hi kan tan a tha zawk alawm..” a ti sup a, min ngaihtuah tak tak a ang khawp lehnghal,
“mahse, Awmpui ka ngai thin a, midang ka ti buai a..” ka ti leh a, a then suk a,

“ Tibuai lo, Mahse, In ah i awm duh zawk anih chuan Kan chhungkaw Doctor a awm tho a, Nurse pawh kan la thei a...” a ti leh a, eng nge maw a hriat hrep ni???!!!

Ka Lu ka thing a, Min vawn na a thlah a,

“chutiang a ngailo tunah pawh hian awmpui ka mamawh lo...nangpawh In ah Haw rawh..” ka ti hmak a, ka Mu thla nghal a, a che miah lo, Ka inlet nghal daih bawk, Ka Puan sin a rawn siam tha a,

“ ti ti dun mai mai i duh em?” a ti leh sup a, kan Thusawi Inper san zia chu a...

“ eng nge kan sawi ang?, Betty hi ka lo Hmangaih lutuk a i ti dawn ami?” Ka chhungril na zawk chuan amah ka duh zia a nemnghet ani ber, a rum hrawih a, a che hrut a, a tho dawn emaw ka tih chu a rawn mu ve a, Ka tan pawh Khum hi a tawk reng a, a rawn mut ve phei chuan tawt tak ani, Min rawn Kuah bet a,

“ Ti dawn hauh lo....Nang leh Stephen-a chungchang zawk ania..” a ti dam thlup a, Thinrimna engmah a langlo,

“mahse, i sawi duh loh chuan ka zawt lui miah lo che a...” amah bawk chuan a ti leh a, Ka Beng a thawk khum a, a lum ham ham bawk, a lam hawi turin min rawn Pawt her a, Duhlo mah ila tan vak ngaihna a awmlo, ka tla ni mai dawn si, a Dar Hlai hlap mai ah chuan ka Lu a nghat a, min kuah leh nghal bawk a ,

“ eng nge ka sawi ang a?, a hma in kan Inkawp thin tih i hria a...tunah pawh...” ka Hmui a rawn hup a,

“Dawtsawi i thiam lo ania “ a ti sup a, a la nui hak zui...a awmdan engkim hi a mak vel vek, a hma ang in a Thinrim reng reng bawk silo..

“ Dawt ka sawi hleinem...” ka ti leh talh a,

“um...Dawt anilo, mahse, tunah In inkawp lo tih ka hria alawm” a ti leh sup a, a va mak awm em !!!

“ tu nge hrilh che?” ka ti ta nge nge...

“ i Hmeltha leh Fiah kak ah hian alang mawle...i Mit ka en hian Dikna ka hmu thin..” a ti leh a,

“ ngatinge Betty rai kha min hrilh loh a?, Then che ka Inpeih reng asin..” ka ti leh a, a ngawi ta vang vang a, a Lungphu ri dat dat bak engmah thildang ka ngaihtuah theilo.

“ Hrilh che a tulna a awm hleinem, hrilh che pawh ni ila Ka sawi fiah hma in i Rilru i siam fel leh vek tho ang” nia...tunah pawh ka Rilru ka siam fel vek tawh, min then duh lo mahse ka then ang, tunah ka damloh laia that a chhuah hi chu ka hrehawmna, Thla khat liamta ami zawng zawng rulh na tur kha animai..

“ Ka Muhil leh dawn ania...” ka ham bai bai a, dik tak chuan a Taksa lian leh fit Zaih mai ngheng a Muthilh hi ka thlahlel takzet a, ka Thlamuang bawk, Kei ai a Hmeichhe dang Hmangaihtu, a Hmeichhe Hmangaih hlimthla a min ngai tu leh midang lak ah Mualpho thlak tak a Sawn thlak tu nimahse ka Duh a, Ka Hmangaih bawk. Mahse, engtikah mah a hre ngailo ang.

Ni 3 lai Ka awm a, Dintluanga Nu takngial pawn min rawn tlawh ve, mahse, a hmelah a ngaihdan engmah a langlo, Thi mah ila hei pawh hian pawi a ti dawn lo tih ka hria,Dintluanga erawh Ka chhuah dawn ni ah a rawn kal lo a, Julie leh Sangmami’n min hruai chhuak a, engmah Na ka nei hran lo, Buaipui ngai ka ni lo a, Dintluanga lo lang lo pawh mak ka ti hran lo,

“ Khawnge kan kal dawn?” Mak ti zet hian ka en tawn sek a, Kan In lam ah Ni lo in kawng dang ah kan tlan a,

“ Mama khan a In ah zawk awmtir che a duh a, in Nupa in in Khawsa rih dawn aniang..” Julie hmel chu ka en a, a Mit a siai zauh a, ka Beng bulah a rawn kun a,

“ lungngai suh, Ka Nu nen in Boruak ka hria alawm, Dam that loh phei chuan i tan a hrehawm ang “ a ti sa sa a, mak ka ti, Nu Fa si, hetiang em em a In anglo hi ka hre ngailo a, an awm theih pawh ka ringlo.Mahse, Kha In kha Rampuii tan a a lei ani a, Rampuii ngaihtuah reng in ka awm dawn tih ka hria, ka chak mawlh lo.

Dar li rik hma hret in Dintluanga a rawn thleng a, eitur a rawn hawn a, tih lum a ei tawp animai, kei pawh Mu lo In Veranda ah Midang Bulah ka thu ve a, a Compound vel chu ka thlir a, enkawl uluk tak ani tih a hriat a, Boruak a thinghlim bawk nen, Nuam tak ani..

“ Naktuk ah AC an rawn Fit dawn a, Lang a rawn kal tur Nula ka be fel bawk a..” a Thawmhnaw Hak lai a hlip mawlh mawlh a,kei erawh Blanket in ka Intuam khawr hlan a, a che vel chu ka thlir dauh dauh bawk..

“ Din....” a rawn hawi a,

“um...eng nge?” a rawn haw hlim atang khan a mah ah Danglam a awm tih ka hria, eng nge anih hrelo mah ila Damdawiin ka awm lai a kan Boruak Ang kha anilo tih ka hre thei tlat ani..

“ Thil Dik lo keimah ah hian a awm em?, ka tha chiang tak tak em?” ka ti a, a Kawrlum ken lai chu Khum ah a rawn theh thla a,

“ ka hrelo, Fa kan nei thei tawh lo maithei, kei aiin Nangmah khan a chhan i hre chiang zawk bawk” a ti hmuk a, a thinrimna a lo thup ani mahna ,a Meng dur khup chu ka en a...ka hlau takzet bawk...

“ engmah ka hrelo...i sawi tum ka tihna ania..” ka ti bah nawk nawk mai..

“ nia...i Sualna hi i hmuh fiah hma chu Hma kan sawn dawn lo, Stephen-a Fa i tih tlak khan a pawi hran lo, Kan fa i chhiat leh chiah khan i chhul tan khan a pawi ta ani...i hrethiam tawh em?” a ti tuar a, ka thu hriat chuan min thawng lutuk, ka khawng vek...

‘ 1986’ – 26

Tawng ka tum a ,mahse, a ri chhuak theilo, ka Lu ka thing nawk nawk a,Ka Mittui a rawn hnam a, ani lah chuan Lainat na nei miahlo hian min en ngur bawk,

“min chhang buai duh suh, i awmdanah khan engkim a chiang vek..” a Kawrlum Khum a a vawm thlak chu a la a, Ngawirengin a kal chhuak a, Kawngkhar chu Na zet hian a rawn khar bur bawk.

Tun tum kher ah chuan ka tlawm chiang ta, Dintluanga sawi kha diklo Pakhat chuah a awm, Stephen-a fa kha ka ti tla reng reng lo, mahse, insawifiah mah ila awmzia a awm dawn chuanglo tih ka hria, sawifiah pawh tum ila ka thei lo hrim hrim, Mihring hi vanduai tur a piang kan lo awm ngei anih dawn hi...Ka Tap Muhil ani ber.

Ka Harh chuan Tukverh atang a Ni eng lo lut chuan min rawn chhun a, Ka Awmna ka Bo thelh bawk, Nizan lam thil thleng in ka rilru a rawn luah leh takah chuan Mangan na, Sawifiah theih siloh thawpikna...a tam lutuk..Dintluanga hi Mipa tha tak ani lo tih ka hria, mahse, Kei pawh ka tha chuanglo, kan In ang reng, Keiman engkim lo hrilh mai ila a den dan a danglam in ka ring, mahse, sawi chhuah na hun minpe ngailo a, chumai bakah Nau ka chhiat leh takah kha chuan kei pawh ka Beidawng ve tho a, ani phei chu Beidawng tur ani, Fa vang chauh in min nei a, chuta karah ka la hrin sak thei dawnlo anih hmel ta bawk si.

Tho chhuak Peih lo in Ka Mu meng kar a, Khawvawt vin tuk mai leh Ka Nun ipik churh chu a inhmeh vel vek,ka mu nileng mai ang, Dintluanga pawn min hmu chak bik in ka ring lo,duh leh ka mu peih ta lo anih chuan a Kal hunah ka tho chauh ang, Nizanah pawh ka Bulah a rawn riak leh chuanglo, He Khum hi Rampuii nen an lo mut tawhna anih lek phei chuan....ka ngaihtuah peih lo,Ka Hmulthi ding ur ur chuan ka ngaihtuah loh tur ka ngaihtuah tih min hriattir ani ber.

Kanu te ka Call a, min ngaihtuah hmel takzet, mahse, ka tha tawh a, ka chhuak tawh tih a hriat hnu ah erawh a thaw huai mai, Nu leh Pa tan chuan Fa te hi kan lo hlu em ani, abikin Nu te nen phei chuan kan Inzawmna hi a thuk a, Nu chuan eng ang pawn ti sual thin mah ila min ngaidam thin miau alawm.Dintluanga thawm engmah ka hriat tak loh ah chuan Zingah a chhuak anih ringin Ka tho chhuak tham tham a, Khum Lum han thawh san chiah chuan a vawt tha var var khawp lehnghal, Inhnuaiah ka chhuk a, vawiin hian AC an rawn fit dawn atih kha mawle, Nula pawh chu alo kal reng tawh zawk maithei..


Kitchen lam Ri rak rak ka hriat rual in ka Pan phei a, Hmeichhe pakhat hian Thil alo sil mawlh mawlh a, thawm nei vak lo a kal ka nih avangin ka awm tih pawh a hrelo, ka khuh kharh a, Phawk hra hian a rawn hawi a, kei aiin a Upa ang, Nula anih ka ring tawh chiah lo,

“ ilo tho tawh animaw?, i ril a tam em?” a ti zung zung a, a thil tih lai a dah a,

“ aih...ka ei chak lo, Mahse, egtin nge ka koh dawn che?” ka ti a..a nui var var a,
“ Sangi ka nia, i duh duh dan in min ko mai rawh” a ti a, ka bu nghat a,

“ka u ang che, kei aiin I Upat ka ring zawk ve tawp a, pawi i tih loh chuan ?” ka ti a, Chair ka pawt chhuak a, a chevel chu ka thlir a,

“ pawi ti nang, Din-a pawn Min U alawm,nia..min U ve mai rawh..” a ti leh mai a, mak ka ti hle bawk,

“ in lo inhre sa alaw?” mak ti deuh hian ka ti a, a Nui mai a,

“ Hre sa tehreng e, Ka Awmpui reng thin a, Mahse, Pi saw ka hne em a ka chhuak a, tunah ama Pual bik turin min rawn be leh a, ka Pui lo theilo, ka harsat na engkim a bulah ka thlen fo thin a, min tanpui nasa thin alawm...” a ti ta duah a, mak ka ti tho tho, Dintluanga Nu a Mil lo tih pawh tlang tak in a sawi mai a, ka ngainat zawng tak tur niin ka hria..

“aw...anih chu...chutiang a i hriat sa te chuan a tha lutuk alawm” ka ti halh a, a Thil sil lai a tih chhun zawm leh mawlh mawlh a,

“ nia....I Pasal tluk a Midangte hrethiam thei hi ka la hrelo, i Vannei ka ti lutuk..” rawn hawi let chuanglo hian a nui hak hak a, kei erawh chu a thusawi Ka awih loh lutuk avang in Ka ner nghek ringawt,

“um...nia...eee, Eirawngbawl ka chak em mai, keiman ka lo ti ang aw” ka ti a, Ka tho a, Fridge Lianpui lam chu ka Pan a, mahse, Nizanah Siamsa a rawn hawn a, Zingah a Bazar anih loh chuan engmah siam tur a awm dawnlo tih ka ngaihtuah a, ani lul kha chawhmeh leiin a Bazar dawn hauh lo,

“ ngailo...Ka Bawl vek tawh, engmah lo khawih suh se a ti ania..” a kut a hru mwlh mawlh a,

“aih...chutiang ka Peih lo...tih tur a awm loh chuan Ni a rei duh em mai “ ka ti leh talh a,

“mahse, keimah min hau dawn asin...” a ti leh a,

“ho lutuk, eee...khawi ami nge i siam a?” ka ti leh a,


“ka rawn kal pah in ka rawn lei nghal vek “ a ti leh mai, Nu chan a chang thiam dawn khawp in ka hria, a fel hmel hle bawk..

Pawn lamah chuan Motor thawm a rawn ri a, Hnathawk tur ho an rawn thleng ani ngei ang, tunah Dar 10 a ri chauh a, Dintluanga lo haw ala hun lo, Lunch In ah a rawn ei dawn anih pawn Dar 2 hma in alo thleng lo tawp ang.,

Kawngka lam ka Pan a, Ka Hnung ah Sangi’n min zui bawk a, Mahse, tu dang nilo in Dintluanga alo ni a, a rawn chhuak a, a hnung Lam kawngkhar a hawng leh a, Basket lian vaklo hi a rawn khai chhuak a, eng tak nimaw ka lo ti rilru a...A Rawn kal phei a, keini 2 lah chuan a thil ken ngawt kan lo en a, min en lo in Sangi a en a,

“ U Sang....Bawnghnute kha a Dai a awm em?” a ti a, Sangi’n a awm thu a sawi chuan La turin a tir nghal a, min rawn pan hnai a,

“ i khua a har ka ring a, Uite ka lo hawn che a...” tih leh Basket min pek a rual a, mak tihna leh Lawmna inpawlh in ka en a, mahse, a Hmel tak ngul ah chuan engmah ka hre thei chuanglo, Uite Beng sei zet, Khup lap mai hi alo dak ker a, a Hmeltha hle bawk,

“ awi....Ka lawm e aw...ka duh lutuk “ ka ti a, Veranda ah ka chhuah pui a, Basket atangin ka la chhuak a, a Lu a Pial thla than a, a hmul rawng, Gold Colour chu a fai tih hriat zet hian a tle siau bawk a, a nalh lutuk ...ka pawm a, a Rimtui chek mai,

“ i duh ka ring a, chuvang ania ka rawn lak ..” a ti leh a, Ka Bulah ding an awm tih pawh ka lo hre leh tawh lo...

“um...duh lutuk, ka lawm tak tak..” ka ti leh a, a nui suk a,

“i mit ah khan i lawm tih a hriat alawm..” a ti sup a, Nizan kha chuan min then mahse Pawi tihna ka neilo a, ani lah Min tih nat duh khawp in a Thinrim bawk, mahse, tunah lem Uite min rawn hawn leh lawi a...mi mak tak ani, Sangi Bawnghnute rawn lak chu ka liah tir a, a ril a tam aniang, reilote ah a liak fai nghal vek,

“Din...a vawt sia, Kawr lei sak ka duh e.” Tih pah in Din-a lam ka en a, Uluk zet a min lo en reng tih ka hmuh rual in ka Mit ka la sawn vat a,

“ Naktuk ah kan Bazar dawn nia, Vawiin chu Ka Thiante ho in Hetah chaw rawn ei an duh a, kan Hman ka ringlo..” a ti tha ve mai bawk a, Mahse, a thiante an lo kal dawn tih ka hriat rual in ka Rilru ah Betty lo lut nghal a, alo kal ve angem tih ah ringawt ka lo buai leh hman der tawh.

“ Hotel ah kan ei mai thei lo ami?,Usangi a haw na a tlai lutuk ang” ka ti a, Sangi erawh a Kalsawn tawh a, a rawn thu ve a,

“ i Dam chian hma chu hetah a awm rih ang, engmah lo khawih ve lo turin ka duh che a..” Uite chu min laksak a,

“ Uite hi a hming Phuah la...’ a ti leh daih a, Nupa tak tak, Inhmangaih leh Inpawh em em nimaiin ka lo inhre leh pek tawh,

“ Max ni ta se...” ka en a,

“ka hrelo, i duh duh animai, A Pa ania, a nalh khawp ang..” a ti sup a,

“ Ka kal leh nghal dawn..Ka thawmhnaw ka thlak lawk ang a “ a ti a, Uite chu min pe a, a Ding zui nghal a, Kei pawh ka ding ve a, Inchhungah ka zui lut a, Room lam a pan chu ka zui zel a,

Khumah Max-a Pawm chungin ka thu a, a che vel chu ka thlir a, a In hlip a, Wardrobe lam a pan a, a Kekawr a hlip a, a Dang ala chhuak a,

“ AC fit tur ho chu Dar engzatah nge an lo thlen ang?” ka ti a, a T-Shirt Hak lai a phelh mawlh mawlh a,

“ vawiin kha an hman leh dawn lo a, Zan in chauh chu lo tuar leh mai la..” a ti sup a,

“aih,,,,kei chu hrehawm ka ti hleinem, kan In ah pawh AC kan nei ngai chuanglo a,ih...tu te nge chaw lo ei dawn?” ka ti leh a..a rawn hawi a, a Leather Jacket Hak tur chu Ha lo in a keng a.

“ Puia te Nupa leh Rindika nimai, ee,Sangmami pawh ..” a ti a, Khum ah a rawn thu ve a,

“ Nizan Kha ka Thinrim em a ka tihpalh anih kha...mahse, Stephen-a Fai i lo paih tih kha nangman min hrilh ni la ka Thinrim kher lo ang, Stephen-a vang a i awmdan zawng zawng Sangmami hnen atangin ka hre tawh, i pai tlanglo kha ka Dem lo che..” a ti Sup a, Hnuai lam ka Bih ran a,

“ Ka Ti tla lo, tun ang bawk hian Ka Thi a Put ringawt a...” ka ti zawi sap a, a tho nghal a,

“ok...engawh nise sawi tawh lo ang..ka kal ania..” a rawn kun a, Ka Samah a rawn fawp zauh a, a kal chhuak tur chu ka thlir a, a awmdan inthlak thut thut thin hian min ti buai takzet, mak tak maiin Ngaihdam min la Dil zui bawk..

Lunch ei tur pawn alo haw ta lo, keimah in ka ei a, Sangi ei ve tur a ka tih pawn a duh tlat lo,

“ engmah eitur Siam tur a awm silo a, chaw ei tur kan nei bawk si...” Sangi hnenah ka ti a,

“ Chaw chhum animai, thildang chu Hotel atangin an rawn dah ang “ a ti awlsam et...a tha khawp tak ang chu...

Pawn lam Phul hring dap mai chu ka thlir a, alaiah Kal na turin Lung a inpah phei zai zai a, a Sir lehlam chu Phul a khat vek a, Lehlam erawh Motor Dahna ani thung, Pangpar a in tlar teuh bawk, Boruak a hahdam a, Motor thawm bengchheng engmah hriat tur a awm lo, Ka Mu chak thut a, Puan Ka la a, Phul ah chuan ka Phah a, Ni sa chuan ka Taksa a rawn chhun a , ka Mu a, Max-a lah chu thatchhe zet hian ka sir ah a let bal bawk a,

“ USang, lo mu ve rawh, anuam lutuk..” ka au a, a rawn dak a, a nui var var mai,a rawn phei a, Ka Puan phah loh chin Phul chungah chuan a rawn thu a,

“ ka en vang vang che hian Din-a hian engvanga duh che nge anih ka hre thei mai “ a ti a,

“ahh...engmah induh chhan sawi tur a awmlo e kan induh ve tawp” ka nui hak hak a,

“ i Nui hmel hian a hip ang, chuan, i Mize Frank tak pawh hi...Uite i pawm lai phei kha chuan awm lo ta ila chuan eng nge maw chu a ti ang “ a nui hawk hawk a, ka zah vangin ka hmai a sa hat hat thung,

“ i ho lutuk a...e...Rampuii kha i hre hman ang tiraw?” ka ti a, a bu nghat a,

“ ngatinge?” a ti a,

“ a Duh em em si a, han innei se an hlim dun dan tur ka lo ngaihtuah thin a..” ka ti a, ka ti tak tak bawk,

“ nia...Rampuii kha Kani Fanu alawm, a fel takzet, In anna tak innei a, chuvangin Din-a tan chuan hnar i har ang ka tih kha..” Ka beisei loh lutuk a Rampuii nen In Cousin an lo ni tih ka hriat rual chuan nuam lo tihna in min rawn fan a, chiang tak in ani pawh hian Rampuii vang a min nei ani tih a hria ani ngei ang.

“ han Innei hlauh se tha tur ania..” sawi tur dang ka hrelo,

“ pawi ti mah ta che, Rampuii aia tha leh Fel a neih phah hlauh che alawm, chawhma chauh ka la hmu dun che u a, vawiin a a en dan ang che khan vawikhatmah Rampuii kha a en ka hre miah lo, ka hmu dun fo a, mahse, Khatiang khan a en ngailo..” a ti leh a, engtin nge min en ka hrelo, mahse, nuam ka tih phah lo, Sangi lakah pawh Inthlahrunna tur tho alo nileh a, hahthlak hian a..


Max-a bauh ri in min ti harh a, Ka thu chhuak vat a, Dintluanga Car alo thleng chiah alo ni a, mahse, ka Mu tha leh a, Nisa a dai tan tawh a, Boruak erawh ala ziawm viau..

“ a va nawm hmel ve..” Sangmami rawn tawng ri ka hriat rual in ka Dak chhuak a, Dintluanga erawh chuan Motor ngheng meuh in min rawn thlir thung,

“ in lo haw rual alaw?, ava tih chi ve..lo thu ve rawh “ ka ti a, a rawn thu ve nghal a,Max-a lah chuan a bauh ve khar khar bawk, a rawn hawn tirh atang khan min Bauh eih lo a ,Sangmami erawh a bauh khar khar mai..

“ ehe...Cute lutuk...khawi ami nge?’ a ti chul a,

“ Kanpa min lei sak..” ka nui a,

“ Din...lo thu ve rih la..anuam lutuk..” ka tih zawm a, a Lu a thing a,

“ aih...Nangni pawh lo lut tawh zawk ula...i hritlang ang” ka nuih a za zawk, Nizan Boruak avangin Vawiin huphurh reng reng in ka awm a, mahse, ka beisei loh zet in Ni nuam tak ka hmang ta hlauh..

Inchhungah a lut a, Max-a ka pawm a, kan zui lut ve a, Sangmami chuan min rawn en a,

“ ka be duh che e..” a ti sep a, nidang anglo tak in a thutak ve phian bawk,

“ Room ah chho ila..” ka ti a,

“ in pa awmloh lai ka duh alawm..” a ti leh a, engthil tak nimaw??

“chuti anih chuan tah hian sawi la...alo chhuk hma in...” ka ti a, Room lam ah a awm tih ka hria..

“ Nimin ah min rawn hmu a, ih....Stephen-a Fa i chhiat vel kha ka lo hrilh a, chuan...awi, min haw suh, i tuar nat dan te pawh..” midang an awm ve em tih hriat tum hian a hawi kual leh rih a...

“ haw lo e, engtik ah emaw chuan ala hre dawn tho alawm...” ka ti a, a Kut ka vawn sak a, ka Thuruk sawi chhuak ni a a in ngaih avangin nuam lo a ti tih ka hria,

“ nia..ih...Diktak chuan Fa I neih leh a beiseiawm vak loh avang khan Damdawiin ah pawh khan ka hrilh tep hrim hrim a, mahse, Nimin khan engmah zep tul in ka hrelo a ka lo hrilh a..” a ti leh sep sep a, ka haw hran lo, mahse, engvangin nge Fa ka neih theih loh bik ngawt ang aw..

“ pawi ti suh..mahse, Fa te chu Pathian thu thu alawm..” ka ti leh a, ka beisei dan leh ka rin dan chiah pawh ani..

“ mahse maw....i Pasal in alo Hmangaih zia che ka hriat phah asin..” ka melh hrawk a, Min Hmangaih hauh lo tih khum ka chak lutuk...

“ naa...i ho em mai..” sawi tur dang hrelo in ka ti a,

“ ania lawm..Fa vangin ka neilo a ti che a..” ka thaw hleitheilo...Dawheh lutuk..Fa hring turin alawm min neih le...

Boss te leh Rindika te an rawn thleng rual deuhthaw a, Sangmami leh Rindika awmdan vel ah chuan Induhna nei an ang khawp lehnghal, ka zawt ngei ngei ang, ka Beisei aiin Boruak anuam a, Dintluanga lah chuan min kalsan lo tluk ani, min si in a thu a, ka che hlek a, min en zui zel bawk, eng thil nge maw a hriat hrep ni??!!

“ Ma-eng, Hna lam chu sawi ngam pawh ani ta lo e, In pa hian min thah mai duh in min melh ta mai thin a...” Boss nui kur kur chu ka en a, Za lo zet hian ka then sak a,

“ ka dam anga, ka la rawn kal leh ang chu...” ka ti let a,

“ Honey...kan sawi fel tawh kha...” Ka Kawngah a rawn kuah a, a Mitmeng thim raih ah chuan Warning min pe tih ka hria...min koh dan tehhrep pawh chu a..

“ ka thawhpui duh tawh lo che, kha..tunah pawh a ti tau nghal ania..” an nui dar dar a, kei pawh za lo zet in ka then ve a, min thawh tir tawh dawn lo tih ka hre chiang khawp..

An haw tur Kan thlah a, Rindika leh Sangmami an haw rual a, Boss te Nupa Rualin Sangi a haw ve nghal bawk a, a hma khan Riak turin a awm tawh a, mahse, In lam ah buaina an neih deuh avangin haw a ngai leh si a, Thlah ngailo in Boss te Nupa rual in a haw thei hlauh bawk a, Dintluanga lah in Driver a rawn hruai tel silo.

“ Max-a hi Ka Mutpui mai dawn asin..” Kawngka a kalh lai chu ka bia a, a rawn hawi a, a then suk a,

“ ngailo...i mutpui in khawiah nge ka mut ang?” a ti hluk a, a mit de sawr sawr ah chuan min chhiah anih ka ring a,

“ka hre nang, Nizanah pawh ka bulah i mu chuanglo a....:” Step ah ka chhoh san a, Light a Off a,min rawn zui chho a..

Chair ah Max-a ka dah a, Ka Boot bun ka tlawh phelh a, ka Kal sawn tur chu Ka hnung lam atangin min rawn kuah a,

“ nizan kha chuan Ka Thinrim ka tih kha..mahse, ka ngai che a, ka muhil thei lo..Mut hran ka duh tawh lo..” Ka beng bul ah a thaw lum ham ham mai..

Chapter- 27

Ka awm ngaiin ka awm a, chet sawn mai na chang ka hrelo,

“ Mu ang...a vawt..” a mah zawk in a ti leh sup a, min thlah a, Khum ah a lawn nghal a, kei erawh chu Max –a Puan ka sin tir leh rih a, Lukham In a In kam kang a, Ka che vel chu min rawn thlir a,

“ Din...” sawi zawm lo in ka ngawi leh rih a,

“um....eng nge?” a ti sup a,

“ hetah hian Rampuii nen khan In Mu dun hman em?” ka zawt lo theilo, Nuam ka ti lo ru em em tlat ani,

A Meng dur khap a, mahse, a reh leh nghal vat a,

“Aw tiin chhang ta che ila eng nge i tih ang?” a ti hluk a, Ka Kut ka suih a,

‘ ka hrelo, mahse, a Thlarau ka zah em em tih erawh ka sawi tel hram ang” ka ti sep a, Max-a bulah ka thu thla a, a Ban Delh in a Mu a , Min rawn melh reng tih ka hriat avangin Ka Kut Suih chauh ka melh ngar thung,

“ Kan Mu dun lo a, Kan chengdun hman lo bawk, He In hi a tan a ka lei nimahse Kan chengdun hman lo...” a ti hmuk a, kei erawh ka thawl hawk thung,

“ Ka Rilru Dik loh vang a zawt che ka nilo a...” ka tawnglai min rawn ti tawp a,

“ sawifiah chiam thin lo teh...lo Mu la, i Pheikhawk i phelh tawh si, i hritlang ang “ a Mutna bul chu a Beng thak thak a, engvang a Min Duat a min hrethiam ta riau nge anih ka hrethiam hlawllo.

Ka Mut veleh min rawn Kuah a, alam ah min hnuk hnai a,

“ i Rilru ka tihnat sak nasa che tih ka hria, engpawh min zawt la ka chhan theih phawt che chuan ka chhang vek ang che” a ti dam thluam a, a Dar ah ka Lu ka nghat a, a Rim fai leh Pa zet chuan ka hnar a verh zar bawk,

“ Betty fa Pai na hi i ni em?” ka ti sep a, a Nui nghawr dat mai,

“ Ka Nupui tereuh te avangin ka Thinrim a, Ka Nupui pawh Sex ka hmanpui loh laiin engtin nge Hmeichhia ka tan a engmah Nilo ka Mutpui ang?” a ti sup a, Mahse, thinrim na engmah a langlo,

“ Mahse, Ka Hna chungchang a Hetah ka lo kal pawn aman min lo chhawn a, In 2 chauh in in khawsa dun a..” ka ti leh a, ka sawi zawng pawn ka la na vawng vawng,

A rum hawk a, Nghet zet in min rawn kuah a,

“ Ni lul lo e, Engvangin nge ka chenpui ang?, i kal tih ka hrelo hrim hrim “ a ti hrawk a, mak a ti tak tak a ang hle bawk,

“ Hna bansan tur a min tih khan ka lo kal a,Biak che ka duh a, mahse, Betty in min lo chhang a, chuan, i T-shirt a ha bawk a, i inbual a, ka awmlo tih tum suh, i Car pawh a awm reng a...” Ka Mit tui hrep chuan min sawi zawh tir theilo,ka bek ah a luang thla a, a Dar a huh hlap mai,

“ Oh.....Honey...hrehawm i van ti dawn em “ a chungah min Pawt kai a, Min Duatna chuan ka tah a ti chhuak zual sauh bawk..

“ khati khan min Ko suh, i sual em alawm, ka zak lutuk a, nghak tur che in min ti a, mahse, ka kalsan ta zawk che u anih kha..” ka tahna avangin ka aw a lawi rat mai,

“ chu Ramhuainu zet chu...” a ti hluk a, Ka samah a rawn fawp a,

“ min sawi fiah tir la aw..” a ngengnawl lutuk chu ka awih lo zawk,

“ Khami ni khan In ah hian ka Kal reng reng lo, Betty hian min Hmangaih hauh lo, mahse, min duh tih erawh ka hria, Andy-a kha i hria tiraw?,Betty Fa paina chu amah kha, khami ni khan Ka Car a Hmang a, Kei erawh Nileng in Hotel ah ka Buai lutuk,Zan pawh Hotel ah ka riak nghal bawk a, Min biak duh avang in Zingah ka rawn haw a,mahse, ilo Thinrim a, min be duh lo tih min hrilh a...Khati chung pawh khan ka haw thei lo che...Kuah che a, Fawh che ka chak asin...” Na tak tuar ang mai hian a awm a,

“ mahse, Nghak tur che in min ti a, chuan, In Bazar dun pawh ka hmu che u a...” ka ti leh talh a,

“Min duh ka tih kha, ani nilo in Nangmah ka thlang ta si che a, a induhtawkna khan Dawt hmang pawh in tih nat che a duh tir alawm, kan Bazar dun lo, Ka Bul ah khan Andy-a pawh a awm alawm, Stephen-a Motor ah i lut lai ka rawn hmu che a, ka rawn chhuak a, mahse, in tlan liam ta daih a, i chanchin Mawilo khawi hmun atang pawn ka dawng reng a, Inthen i duh pawh khan Then theih che ka duh asin..mahse, Midang ta i nih ka phallo, Midang nen Hlim dun tur a ka ngaihtuah che pawh in ka a mai dawn in ka hria...” ka sawi zawh tir theilo, a Hmui chhah tap mai ah chuan ka Fawp ta zawk a, khang ka lo nat tawh na zawng zawng te kha tun a a Inpuanna avang khan ka Nngaidam a ka theihnghilh nghal tih na anilo, Mahse, Mipa zawng zawng a Luhlul ber hian a Rilru a awm te Harsa tak a a sawi chhuak anih chuan ring mai tur ka ni a, Ngaihdam a hre reng lo turin ka Hmangaihna hi a chak tawk ani tih ka chiang.


Dimte hian min rawn fawp let a, min lehthal nghal a,

“ Mate... engmah ti tawh suh, ala hma ania...” Ka damlohna avangin In Control a tum tih ka hria, Ka Nui a, a nghawng ah ka Kuah a,

“ aih...a Hma tawh lo...ka tha vek alawm, Min Hmangaih lo mahla Min duh tih ka hria...lawmman i Phu alawm..” a nui ve hawk tho..

“ anih chuan ka lawmman tur chu eng nge ni ta ang?” ka chal a rawn nawr a, Dimte hian a Tawnzau chhungah ka zen lut a, a Taksa lawng ka sik rual chuan a thaw hawk a, Ka Samah a rawn tham a, min Kuai dak a, min rawn fawp nghal bawk, a awmdanah chuan In Control Harsa a tih zia ka hriatpui a, min Dim lo lek lek tlat ani, chintawk awm theilo ang mai hian min Fawp a, a lei in Zei zet hian a rawn hawl a, ka Hnute a rawn Tham a, chu pawh a na tep bawk..ka kawr hak a hlim chho pawp a, Ka Kekawr a Phelh tur chu a Phelh mai thei lo,

“ hetiang Kekawr ha tawh suh..ka duh lo..” a aw a khur dur dur mai, kei erawh ka Nuih a za thung, a Rawn pawt kau leh chu ka Pui a, ka thlawhthla a, a Inhlip tur in min thawhsan rual chuan a vawt nghal var mai, ka Ban tawk tawk a, a Nui hak a, a Sexy mah mah ani,

“ engmah hi Mungchangin ka Ti theilo ania” a ti leh sup a, Ka Ngawngah a Hmui in a rawn nawr a, a Kut erawh Khawihna tur lai hre tak hian a vak kual a, nuam tihna avangin ka er ngawng ngawng a, a Hnungah ka tham a, Ka Mal a rawn nawr kau a, a rawn tla zep nghal bawk a..a kawngah ka kherh nghal chial a, a chawl leh rih a...

“ a hma lo tak tak maw?” a ti leh rih a, a Mit chu Tisa chakna avangin a thim raih bawk, Thup a tum eih lo...

“ aih hma lo....ka ti tak tak..mahse, Max-a saw ? ” rawn Lut vat se ka duh avangin a Kawng ah ka Kherh nghet sauh thung, a nui hawk a,


“ ahh.. uite alawm anih, mahse, min hrem rei lutuk, min ngen hma chuan engmah ka ti lo ang...” a then suk a, a va han sual thiam thin tak...

“ Din...Khawngaihin...” ka zak theilo,eng nge ka duh ka hrechiang lutuk mah mah, ani pawn a hria..

Dimte in a Mipatna chuan min rawn zawm a, Nawmna nasa lutuk avangin ka ang Phiau bawk, a chawl a...

“ a Na em..?” a aw a khur a, ka Lu ka thle sawn a, hrethiam zet hian a che zui ta zawk a, a che vel chu ka Pui a..kan Pahnih bak engmah hriat ka nei lo, hriat pawh ka duh heklo,

“ i chau em?” a ti sup a , ka Bu nghat a,

“ nang ?” ka ti let a, a then suk a,

“ chau chiang, Ka Nupui Damlo hi alo dam tha tawh lutuk a..” Ka Hnar a rawn piai a, zah avangin ka Hmai a sa hat hat mai..

“I sual em mai..” ka ti hlak a, a nui a,

“ I Pasal ka ni alawm zak duh suh..” a ti a, Ka Hnung a chul hauh hauh bawk,

“ Stephen-a nen a In Walk dun ka rawn hmuh che u khan Thah che ka chak asin aw..” a ti hluk a,

“ aaa...i sawi rapthlak em mai..” ka ti let ve thung,

“ aih ,Rapthlak lo, a aia Nasa daih pawh tih ka duh hial..engtik lai atang khan nge ka lo atchilh tak em em che ka hrelo “ a ti leh a...

“ ih maw.....” ka ham leh rih a,

“um...sawi la..i duh leh min hau la,i chung a ka sual vang in duh leh min ti na la...” ati dam thlup a,

“ pawi i tih loh chuan ka Mut a chhuak “ a tawp lam phei chu a zawi kher bawk..

“ um... Muhil la..Ka lo veng che..” a ti sup a,

“ Nangpawh Muhil la, Max-a pawh a Muhil tawh ang..” ka ti leh sep a, min rawn kuai dak a, min fawp zauh a..

“ Muhil rawh le, i tello a Nun hman ka duh ngai dawn lo ania..” a ti sup a, Hlimna a khat in ka Mit ka chhing a, He Misualpa hian min duh tak tak anih hi.. ,Min Hmangaih kher ka Phut lo e.


Ka Harh leh meuh chuan Khua alo eng uar tawh, Din-a erawh a tih dan ngailoh tak in min Kuah chungin alo la Muhil a, Nidang ah kan mut dun reng reng in ka thawh hma in a tho deuh ziah thin a, Dimte in ka Inbengkang a, a Hmel Pa zet chu ka thlir a,a Tha vel vek, a Hnar sang vah mai chuan Mizo a ti anglo a, a chal a arh Phak a, a Mithmul a chhah a, a Khabe Hmul to siar siar chuan a ti lang Sexy lehzual, amah ah hian Ka Dream thin Mipa kha a kim vek..Ka Duh a,ka Hmangaih bawk.

“ Ka Hmeltha tih ka hria ania..” a rawn ti thut a, ka Phu zawk a, tawlhsawn ka tum chu min rawn man bet a,

“ Hmeltha ka ti lo che..” ka ti hlak a, zo zet hian min chawi kang a,a chungah min nghat a...

“ ka mit ah en la, han sawi nawn leh teh..” a Hmel a thutak leh run tawh..

“ angai kher lo em mai..” ka tang laklawh...

“ i sawi loh chuan tha min ti tihna animai..” a va han nghal thin tak..

“ aw...tha ka ti che..i tha lawm, achang hian Ramhuai sual ang in khawsa thin mahla Tha ka ti che...” ka ti that a, ka ban rek ah a hmer a..

“ Ramhuai sual maw?, han sawi leh teh...Ramhuai sual awmdan ka entir ang che..” a nui a...

“ Din...min tin a ania...” Ka ban a hmer na chu Phelh ka tum a, a nui nasa zual sauh a...

“ Nula Senior ka hmuh tawh ah chuan nang aia Cute hi an awm theilo..min hip hluah hluah..” min rawn fawp a...

Tunah chuan Kum chanve aia tam kan Innei ta...vawikhatmah ka Natna tur in a awm leh ta lo, min ngaihven reng a, ka bulah hun a hmang tam em em a, Khawiah pawh Kal dawn se Hna thil anih loh chuan Min hruai ve zel thin a, Anu leh Cindy-i pawh in tih buai en ah min en ta lo, mahse, Rai tur ang pawn ka la awm lehlo, Hrehawm ka ti ru thin a, Fa a awt tih ka hria, tunah min Duh in min Duat em em mahse Fa a duh vang a min nei ani tih erawh ka theihnghih ngailo..

“ Vawiin kha i hman ang ti raw?” a insiam mawlh mawlh chu ka thlir a,

“ khawi ah..?” rawn hawi let chuanglo in a ti a,

“ Stephen-a te Inneih ni kha...i hman loh chuan keimah Pawn ka kal hreh lo ania..” ka ti a, min rawn en a, a Necktie chu a kawk a,hrethiam in ka Pan hnai thuai a, Ka Dingdihlip a, ka kawngah a rawn kuah a,

“ Damlai lu i sun ania...” a then suk a, na zet in a Necktie ka Pawh chip sak a...a lamah hnai leh zual in min Pawt bet a, a Mipatna chuan min rawn nek run bawk..

“ Min thah i tum ami?” a ti sup a, awmze nei zet in ka mawngah a rawn vuan a...ka pawh thawl sak leh a..

“ a hun lo, kal rawh..i tlai ang..” tal chhuah ka tum a, min hnuk hnai leh sauh a..

“ engtik ah nge hetiang a ka tawh apiang che a ka danglam thin hi a bo ang le..?” a ti sup a, Ka Dar ah a lu a rawn nghat a..

“ kei chuan Bo theilo se ka ti..min hne chuan hrehawm ka ti ang..” ka ti sep a,

“shh...ka hne ngai dawn lo che tih ka hria.” A ti leh sup a, min hne ngailo se ka ti takzet..mahse, Beiseina mai ani,hun a kal leh anga min la hne thuai ang..

Dar 12 rik hma in ka Insiam zo vek tawh, Dintluanga ka nghak a, engkim a hriat hnu pawh hian Stephen-a hi a la thik fo a, min chhaih fiam nan a hman erawh a thulh chuang der lo, Ka Nui sak a, Pasal tha ber ani ,Sangi sawi ang ngei khan ani aia Pasal tha leh Midangte ngaihtuah a hrethiam thei hi ka hre ta lo.


Inneih Inkhawm ah Kan Thianho kan Kim tha hle bawk, Ka rin ang ngeiin Sangmami pawh Rindika’n a rawn zui a, Inhmeh tak anni, kei ang in Hrehawm na in Bul a tan loh ka duhsak a, Rindika te Khawsak sang tak el pha lo mahse an harsa hran lo a, Buaina an neih ka ringlo..Tunah chuan eng ang Pawn a Chhungte hian min Duhlo mahse Ka Pasal ZODINTLUANGA hi ka kiang ah dingin min tanpui zel dawn tih ka hria a, hrehawm tih na ka nei tawh lo.

“ i Hmel a dik tlat lo...” a rawn ti sup a, Diktak chuan Nau ka chhiat hnu atang khan ka Tai bawr na leh Ka kawng kham hi a reh fel hleitheilo, Na tak erawh anilo, a nuam lo a, mutpui tawp khawp ni si lo in a Nuam lo ru veng veng fo thin a, vawiin phei chu a Na deuh tak tak ta...

“ Nia...Ka Tai a na a..” ka ti a, a Hmelah chuan min ngaihtuah hmel a rawn lang a, ka kawngah a rawn chelh a ,midang an awm ve thup avangin nuam ka ti chiah lo..

“ haw ila, Hospital lam nge i duh In ah zawk?” a ti leh a,
“angailo, ka tha mai ang, tunlai chu tihian ka awm leh thin...” a ngaihthat nan ka ti a, ka nui lui a..

New Life ah kan kal kual a, a Thianpa alo Duty hlauh bawk, ka Natdan ka hrilh a, a nur nang mai,

“ Nau i Pai em?” a ti a, ka lu ka thing vat a,

“ chuti anih chuan Thildang pawh ani thei, Hmeichhe lam hi chu in check-up zung zung tur,Naktukah ngei ngeiin test tur ka ziak anga test tir ang che u” a ti hmawk hmawk a,
“tunah kan tlai viau em?” Din-a chuan a ti a,

“ aih...Private ah chuan an la ti hman tho maithei, va kal teh u,hetah Khawl kan nei tlat lo..” a ti leh zung zung a.

Ka Kut a rawn vuan a,
‘ lungngai miah suh, engkim a tha vek ang..” a ti sup a, mahse, mahni Result nghak a thut ran mai chu nuam lo tak ani.. Ka Hming an rawn lam veleh a tho vat a, a Hnuhnung ber kan nih avangin a thawktu lo chu tumah an awm tawh lo,


“ Kapi, i chhul ah hian Bawk a awm a, Paih angai, Cancer erawh anilo, mahse, Paih vat loh chuan Cancer ah a chang mai ang..” a thusawi chuan a den in min deng dawt dawt ani ber..

‘ 1986’ – 28

Ka Mu meng kar a, Din-a erawh Min kuah in Tui zet in a Muhil a, engvangin nge Ka Hlim ve tak tak theih miah loh?, ka Naupan lai atangin Duat hlawh lo bik ni a ka inhriat avangin Mahni Insitna nen ka thang lian a, Ka Lehkhazirna ah Ka Duh ang pawh Zir zo lo in ka naute ka enkawl leh a, Ka Phutawk aia tha hna ka hmu ta hlauh a, Ka Hlim dawn chauh a Dintluanga nen Buaina kan nei leh a, Tunah Ka Pasal hnen atangin Duatna ka dawng ve tan chauh a, mahse, a Duh ber Fa ka neihsak dawn nge Dawn lo pawh ka hre ta silo, Zai Hmabak ka ni a, Keimah lam ka In en chuan Vanduai ka Inti a, Hlimna te hi ka ta Nilo tur a duan ani in ka hre bawk, Ka Mittui a rawn tla a, Mahni Inkhawngaihna avangin ka tap lo theilo.

Min Rawn Kuah nghet a, a Mal sei thlurh chuan min rawn khan a, tih harh ka hlauh avangin ka che ngam lo, vawiin khan Min hnem a, Lungngailo turin min ti a, mahse, ani pawh a hlim lo tih ka hai silo,Pangngai thei ang ber in min Bia a, engmah thleng lo ang maiin a awm a, Zai ka ngai tih Chawei laiin a sawi a, Kapa in a rang thei ang ber a Inzai a tha ati a, Kanu leh Cindy erawh chuan engmah an sawi lo,a hma ang khan engtin min ti zui lo mahse Ka chungchangah chuan sawi nawi lo in an ngawi tawp thin a, Dintluanga an hlauh vang pawh ani mahna.

“ I Muhil thei na nge?” Ka Hnute ah a Kut a rawn nghat a, Ka ngheng hnai a,

“ Muhil e.ka harh leh a..” ka ti a, Min ngaihtuah lutuk ka duh lo,

“ i rilru ti hah suh ka tih kha...engmah thil tha lo a thleng dawn lo...” a ti leh sup a, a Mut a la chhuah hmel hle bawk, Dimte in Ka Hnute a tuai a, mahse, Tisa chakna lam engmah a lang lo..

“ Min then daih la...” Na vak lo in Ka Hnute a tham a, a rum hrawih bawk, a Inlet a, Khum Bul a Lamp awm chu a On nghal a, a rawn mu tha leh a, a Lam hawi turin min rawn pawt a, a Hmelpa hrak mai ah chuan a ngaihtuah engmah ka hre thei lo..

“ Inthen hi i sawi leh thin a...eng hun pawh lo thleng se kalsan che ka tumlo, tun bak kha sawi leh tawh suh ang che aw...a chiang em?” Thupe aw zet hian a ti a, a then suk a, Ka khabe a rawn tuai a,

“ mahse... Ka khawngaih che alawm, Buaina ka thlen reng mai che a, tunah pawh Fa ka nei thei dawn em pawh ka hrelo a, Fa i duh a, Fapa i duh vangin min nei a...” a awmah ka hmai ka Phum a, nghet zet hian min pawm bet a, Ka Mittui in a awm a ti huh hlap bawk,

“ Ni e...a tir kha chuan Kanu tih hrehawm nan leh ka Rokhawmtu tur Fapa ka duh vangin ka nei che, mahse, engtik lai khan nge khang zawng zawng tello a Nangmah hi ka duh tan che ka hre tawhlo, Fapa chu ka la duh reng, mahse, Fapa tam tak ai chuan Nangmah hi ka duh zawk che, Fa neih loh vang mai mai in ka then ngai lo ang che..” Ka tah chhuak lo insum nasa lutuk kha Vawilehkhatah a rawn baw hawk ani ber, chhuak lutuk hian ka tap ta a, ani erawh chuan Duat tak in ka Hnungah a chul a, engmah a sawi lo, ka duhtawk a tap turin min ti ani mahna..

“ Tap rawh, a pawilo “ ati a...min Duatna chuan ka tah a ti chhuak tulh tulh ani ber..

Ka tah chhuak zualpui a reh hnu chuan ka tah na avang a Ka Taksa khur pawh a ziawm a, mahse, Min kuahna erawh ala thlah chuanglo, min Kuai dak a, Light eng dul ruai hnuaiah chuan a Hmelpa leh tihmawh zet chu a lang dam thluam a, Dimte In ka Mit ah a rawn fawp a,

“ i tah hian Ka Na ve vek zel ania..” a ti sup a, Ka awih theilo zawk, Ka hresual animahna..ka che eih lo,

“ Min Hmangaih kher ka Phut lo, Mahse, Kan Inneih tirh atang khan ka tan chuan Nupui tha ber i ni tih ka pawm tawh, Rampuii vang in Natna ka siam fo che a, Ka haw hluah hluah che a, I nui hmel hian amah kha min hriat chhuah tir a, mahse, amah nilo in nangmah zawk i ni tlat a, engvangin nge ka Hmangaih anpui Hmeichhia hi hlim tak a a Nuih a Rampuii kha a thih tir tiin ka inzawt nawn reng a, Nun hi a Fair lo ka ti a, mahse, i Bula ka awm khan In Control har ka ti a, min ngaihsak lo ni a ka hriat avangin ka hua che a...” sawi tawh lo se ka duh, keimah a Rampuii thikna hi ala reh bik si lo,

“ sawi tawh lo ang, kei pawn min Hmangaih turin ka Phut lo che, i tan Hmeichhe awmchhun chu Rampuii kha ani tih ka hriatpui che, ti hian Nupui nihna kei chuan ka nei tal a,i bulah ka awm thei bawk a, i Hausakna ka chen thei bawk, i sawi ang chiah khan Nun hi a fair lo alawm..” ka sawi zawng pawn ka na vawng vawng,min Duh tih ka hai lo,min Hmangaih lo tih pawh hi sawi kher lo mahse ka hre tho.

“ ah...chutizawng chu ka sawi tum dan anilo, Rampuii nen khan kan hlimdun thin a, kan In hau ngailo, ka sawi engpawh a zawm tawp thin a, mahse, Nang chuan min Sual let a, min ti na a, i duh loh zawngah chuan min hnial ngam bawk, he nun hi hahthlak thin mahse, Rampuii nen a kan hun hman dun ai khan ka thlang zawk,amah kha ka duh ta lo a, ka Hmangaih ta lo ani hek lo, ka Theihnghilh ka ring lo, mahse, ka hre reng ta lo..” a ti leh a...sawi ve tur ka hrelo...

Ka Ngawih tak rengah chuan ani pawn engmah a sawi ta lo , ka Rilru nawmna tur a sawi pawh nise ka hlimpui lo theilo, min ngaihsakna te nitin hmu mah ila a sawi ngei hriat chuan min den dan dang tak ani..

A tukah Test ka nei tha leh a, Zai theih turin ka Fit leh fit loh an check leh vek bawk, engmah that lohna dang ka neilo a, a tuk maiah Zai turin kan ti fel a, hlauhna avangin ka thlan bawrh bawrh mai, Syringe ka hlauh zia chu sawi ngaihna a awmlo zawk, Min zai dawn zanah Damdawiin ah kan riak lut a, riahpui ka ngai lo chungin Dintluanga erawh haw tur a nawr luih chi anilo, Kanu alo chhuk a, Ka U Nupui a awm bawk a, Sangmami nen, min Buaipui chung hlawm chuan min thlamuan chuang miah lo.

“ Din....lo harh chhuak ta lo thut ila engtin nge i awm ang?” a kawrkilh ka khawih sak nauh nauh a,...a Dar Hlai hlap ah chuan ka Lu ka nghat a, Damdawiin Khum ah tawt zet in kan Mu dun a, a rum hawk a...

“ chutiang sawi miah suh...” a ti hlur a...

“ aih...in Jection hi ka hlau asin...chuan maw...thil ka hrilh duh che a...” ka ti a..Thi dawn a Ka inhriat tlatna chuan ka Lungphu a ti rang zaih zaih bawk..

“ Jection te chu a na hleinem “ a ti a, za zet hian a nui a..

“ nui lo la, hlauh zawng a in ang lo alawm, ih maw...Ka Hmangaih che in ka hria...” harsa ti zet hian ka sawi a..

“ Maw..??!!” mak tihna leh lawmna Inpawlh chu ka hriat hmaih bik lo..

“ Ka Hmangaih che in ka hria..” ka ti leh a, a rawn in let a, a chep si, tlak ka hlau chuan a kawngah ka kuah bet a,

“ min Hmangaih na aia nasa in Ka Hmangaih che..” a thaw hawk mai...ka awih theilo zawk..

“ tak tak...??” ka tah nuih a...

“ kan va a dun em em...tul miah lo ah kan in ti na tawn vel mai mai “ a ti hluk a,

“ i sawi hun ka nghak alawm...” ka ti ve thung...Harhchhuak tawh lo tawp mah ila pawi ka ti lo.

“ nghal reuh lutuk mai, Mipa Thinlung hi Infiamnan Hmang tawh suh ang che..i hria em?” a nui hawk hawk chu hriat a nuam takzet, Inzai ka hlauhna zawng zawng pawh ka theihnghilh hial mai.

A tukah Zai tur a min nawr luh dawn chuan Ka Kut a chelh a, midang awmve pawh zah zo lo in Ka chal ah a rawn fawp a,
“ ka tan bei ang che, ka lo nghak ang che..” zawi te in a ti sup a.

Tunah chuan Kum 3 lai kan innei ta...Nau ka la pai ta lo fo...vawikhatmah Naute chungchang a sawi ri leh ta lo, Sangmami leh Rindika pawh Inneih an tum a, Betty pawn Pasal a nei a, Cindy pawh thla thar ah Nei turin an ti fel der tawh bawk,Stephen-a te Naute kan hmuh hmasak ber tum chuan Dintluanga ka khawngaih lo theilo, a awt ve ngawih ngawih tih ka hai silo.ka rilru tihnat a hlauh vangin a sawilo mai mai ani ngei ang,

“ Rindika te khan zan in chu Party an ti a...” a Games khelh lai a khel pah a,

“ i duh chuan kal la..kei chu ka chak zawng ani miah lo..” ka ti ve thung,

“ i kal loh chuan ka kal peih lo..het...a van ho ve..” a ti zui nghal nuah nuah a, a Games khelh laiah a chak lo tih ka hrethiam..

“ ha....ngahnge kei aia Games i ngaihtuah vei le” ka ti ve thung a, a rawn hawi a, nui suk a...Max-a Hmul ka Khuih mawlh mawlh a,

“ Din....Fa Adopt hi eng nge i ngaihdan?” ka ti leh a, a rawn hawi a, a meng dur khup a,

“ maw?” a ti hmuk a, a Headphone vuah lai a la thla a,
“ Naute adopt chungchang mawle, kan Fa ang chiah in kan Hmangaih thei em em ang” ka ti a, a rawn tho a...ka thutna Chair banah a rawn thu a...

“ Kan 2 a kan Fa anih loh chuan eng Naute mah ka duh lo...ngaihtuah tawh lo ang che aw” a ti dam thlap a, a sawi danah chuan sawi nawn leh chi anilo tih ka hria.

“ um..mahse, i hrehawm ti hmel hi hmuh nuam ka ti lo..” ka ti leh talh a...

“ aih...Hrehawm ka ti lo, Fa kan neih loh leh kan Honeymoon a rei dawn tihna animai..” a nui hak a...keipawh ka nui lo theilo, tun thleng hian kan 2 a kan inhip tawnna hi a la pangngai reng a, Hmangaihna kan chen dun pawh in kan Duhthawh in nuam kan ti a, a, kan la In hne eih lo.


Sangmami te Inneihna tur ah ka buaipui nasa a, mahse, Best a min hman a tum erawh ka hnial thung, Pasal neih hnu ah chuan thil tul tak niin ka hre lem lo, engkim ka buaipui a, After Party pawh Kan Hotel chung zawl ah, Party na atan a Siam ah kan Buatsaih sak dawn bawk a..

“ vawiin kha Sangmami aiin i hmeltha zawk daih mawle..” a ti a, ka nui a, a Nupui ka ni miau alawm le..

Kitchen lam atanga chawhmeh rim rawn chhuak chuan ka Luak a ti chhuak lutuk, Kan Room Toilet pawh pan hman tawh lo in Inhnuai a Toilet chu ka pan hlawk hlawk a, Dintluanga lah chuan Min ngaihven turin min zui nghal bawk, Toilet chhung ka thlen rual in ka Uak Nasa lutuk, ka chau vek thei..

“ ngatinge?, i Pum a na em?” ka chalah a rawn dawm a,

“ aih...Kitchen lam atanga rim rawn chhuak kha...” ka ngaihtuah zawng pawn ka luak leh dawn a...

“ lo kal rawh..” min pawm nawlh a, Motor ah min Pawm lut a,Kan Nula Feli chu Hlauthawng hmel zet hian a rawn tlan dawr dawr bawk.

Hospital kan thlen meuh chuan ka ziawm tawh, min pawm leh a tum a, ka duh tawh lo, ka chau nghulh tih loh chu engmah that lohna ka neilo..Min lo buaipui thuai a,Doctor hnenah Ka Awmdan a sawi zung zung a, Nurse a ko a, Room lam ah min hruai a .

“ kapi , i rai i ring em?” a ti a,

“ aih...kum 3 kan innei tawh, ka rai theilo aniang, kan In check-up nasa tawh lutuk..” Beidawng ru zet hian ka ti a, a nui sak a,

‘mahse, Test leh tho ang aw..” tih pah in Test na tur min pe a, Toilet awmna min kawhhmuh nghal bawk, ka beisei lo,keimah in ka In test ru ngun tawh a, tun hnaiah phei chuan ka test peih tawh lo zawk, mahse....amak lutuk....a landanah chuan Ka Rai tlat !!!!

“en ve teh...amak lutuk...ka rai ang in a lang a..” lawm lutuk vangin ka aw a khur vek .

A rawn la a, a en a,

“ alang ngei e...i Rai alawm..naktukah chiang zawk in Test i nei leh dawnnia aw...” a ti a..

“ khawngaihin Kanpa kha engmah hrilh suh aw..” a chhuak tur chu ka man bet leh rih a, a ngaihna hriat loh hmel zet hian a bu nghat a.

Room kawngka bulah chuan Dina chu Kekawr Ipte zen hian alo ding khawng luh a, ka chhuak min hmuh veleh min rawn pan thuai a,

“ i tha em?” a ti a,

“um...ka thil ei diklo a ti a..ka ziawm mai ang ati bawk a” ka ti leh a, a hmel a thawven na lo lang ka hmuh rual chuan a hlauthawng tih ti lang lo mahse ka hre thei a,

“ok...a lawmawm anih chu,” a ti leh a, Motor kan pan lai pawh in ka kut a chelh a thlah chuanglo.

In kan thlen veleh an vaiin chanchin min lo zawt thuai thuai a, kum 3 lai han chen ho takah chuan Kanu nen pawh Buaina kan nei zui ta lo,min ngaihven huam lo a, mahse, a hma ang khan min haw ta lo, Ka diklo satliah tih ka sawi leh mai a, an vai a han thawn thut ka chak em ani...

Din-a Room lam pan tum a Step a a chho tur chu ka ko leh rih a, a rawn hawi a,a rawn let leh a, Ka Bag atangin ka Test na ka Phawrh a...a lamah ka keng a...a rawn la thuai a, a en a, Phawk lutuk hian a rawn hawi lehnghal a,

“ tak taka mi?” a nui hawk hawk mai,

Kanu in a pawh thlaksak thuai a , Cindy-in a en ve vat bawk, hlim zet hian an khek raih a, Kapa a Pe...ani erawh chuan hrethiam chiahlo niawm tak hian a en vung vung a,

“aw.....Ka Rai...In vai a in awm lai a sawi atan ka khek a...Din, Sorry aw...”

Ka chhungte hmel a Hlimna leh lawmna lang tluk a hmuh nuam a awm chuang lo e.


“Vawiin hi eng ni nge” Min Kuah chungin a ti a...a Fapa Muhil chu Hmuhnawm tih hmel zet hian a thlir a..

“ Ni 19. 8. 2016...kan Naute hi thla khat ani chiah bawk..”

“ 1986 ANIH CHU TIRAW?" a ti a, min rawn en a....

A TAWP TA E