ANNIVERSARY

ANNIVERSARY By Maengi ralte

A la reilo viau maw ka tia,kum 4 na ani der tawh mawle" tih pah in min kuah a,ka en chho a,a hmeltha leh Pa tak mai ah chuan nui hmel a lang bawk a,
"nia,alo rei tawh eee,min ning tawh em?" ka ti a,
"aih,ka ning ngai dawnlo che,min kalsan pawh tum mahla ka zui zel tho ang che",
"Mahse,i chhungte hi..." ka sawi zawh hma in ka hmui a rawn hup a,
"chutiang engmah sawi lo ang,zan in hi chu hlim deuh in hman ka duh,Rilru tinuamlo tur engmah ka hre duhlo ania,um...atha em?",Ka Khumah kan mu dun a,kan nui dun a,thil ho tete sawiin kan inkawm a,a bulah hi chuan nuam ka ti a,min duat a,ka thlamuang bawk,ka phulo ngawih ngawih chung in vawikhatmah min hmuhsit emaw hrehawm ka tihna tur in a awm ka la hre miahlo.zinglam dar 2 velah min hawsan a,keimah chauh a,awm ka nih avangin Chance kan ngah mai,mahse min tilui ngailo a,hmalam hun ah kan 2 tan a tha tur vang zawkin kan insum hram hram thin a,Mipa ah pawh Pa ve tak lehnghal tan kha chuan alo harsa thin ngawt ang.
"ka haw lo mai dawn aw,ka riak ve mai ang" ati sup a,
"naaa,a chiloh em mai a,kal tawh zawk rawh,atlai toh ania"
"mahse,Duat,zan in chu ka ngai che eee,a over animai"
"haha,,i ti ve ziah,kal phawt tawh rawh,Naktukah kan inhmu dawnnia"
"um,mahse,Naktuk hi awm talo se,anih loh leh keimah hi awm talo ila?"
"Aih,chutiang sawi suh,kan inhmu leh ngei ngei ang,i tello in khawiah mah ka kal duh hleinem"
A ngawi vang vang a,min kuah leh a,ka hmai a chul kual dan dan a,
"Mate,avan harsa thin tak,mahse ka kal ang aw",dimte in min kuai dak a,a hmui lum ham ham chuan min rawn fawp ta a,nidang anglo zet in a duhthawh em em bawk,min thlah chu ka darah a lu a rawn nghat a,
"hei chauh hi ka sawi leh ang aw,engvang pawn ka lo kalsan che anih chuan tap lo la,min theihnghilh in hlim takin nung ang che aw"
"Zo,ngatinge tiang hi i sawi reng a,ka rilru i tinuamlo ania",anui hak a,
"ka Hmangaih em che a,i nat ka phallo a,chuvangin ka hrilh che nih kha"

Heng kan inbiakna zawng zawng hi kan Anniversary vawi 4 na zan ami ani a,voiin kan Anniversary vawi 7 na alo thleng hian ka rilru ah a thar lehzual a,ka la thlahlel a,atello a nun hman hi a rapthlak lutuk a,Khawvel hi Fairlo tih chang ka va ngah si em...

Kan inhmuh na hmasa ber kha..a Phone a tihbo ka lo chharsak atangin a intan a,a rawn phone a,a phone anih thu a rawn sawi a,ka awmna te ka hrilh hnu ah a rawn kal a,Hmeltha leh Pa ka tihzia kha aw,lawmthu sawinan pawisa min pek atum a,keilah in in ka la duhlo a,anin min pek atum bawk a,kan inhnial thinrim phah thelh a,atawp ah chuan Lunch min treat turin kan inrem thei ta hram...engkim kha a kal tluang chho purh mai,kan mizia a inmil em em a,mahse anni chu an Hausa a,kei erawh ka naute lehkhazir chawmnan thawhtur ka hriat apiang thawk ve mai,khawsak hniam ve tak ka ni thung,mahse ka phak ang tawk a min kawm thiam zia te kha,ka u ta hlui Phone chhe zet ka hmang a,zantin kan in text a,thil ho mai mai kan sawi a,kan tlaivarlo chauh zel lehnghal a,haha...ava han ngaihawm ta em...

Ka nau b'day ah thil a rawn ken sak a,kan in a vawikhat lo kalna ala nizui bawk,mi inhnuai tereuhte luah ve mai kan ni a,thutna mumal kan neilo a,kan bungraw neih ve chhun te kha kan in ate bawk nen insi thap in kan hung a,Mahse makti hmel leh hrehawm ti hmel a pu miahlo,a awmchhung zawng hrehawm ka ti tluan zak.

Ka dinhmun zawng zawng a hre chiang a,mahse min kawm a thulh phah lo,Zan khat kan inbia kha,
"kan dawr bula mi khan minlo star asin"
"maw?,avan zaklo,i chhang em?"
"aih"
"atha,lo chhang hlek suh,i tan a tha deuh duhtu che ka hria ania,ka hrilh phawt che ang a,i duhlo anih leh chupa chu i chhang dawnnia"
"hmm,ahma in i sawi tawp silo"
"nia,voiin ah a sawi chauh alawm"...atuk sunday ah kan in ah lo kalpui a tiam a,inkhawm banah alo kal a,ka naute 2 exam chawlh kan khuaah an hawlai ani bawk ,ruah atla deuh a,chawhnu inkhawm banah a rawn kal a,Suit dum a ha a,khatiang khan ka vawikhat hmuhna,a rawn lut chu a hnung lam ka en a,a nui suk a,"zawn nei i va ang",minti lai letling,ka zawt zui ta lo anih kha,tukverh atangin kan kawmthlang kawngpui a mi kal vel kan thlir dun a,a tawng ve manglo,
"Maeng"
"um,enge?"
"ih,min en lawk teh"
"ka en che hi,enge?"
"ka duh che a," a sen tawn tawn bawk ....ka la nui vak vak zui ...
"Sorry,fiamthu ka sawilo asin,mahse pawilo,i rilru ka hria" a beidawng hmel kha...keipawh ka nui ta lo,
"mahse,Zo,ngatinge a?"
"ka hre biklo,ka duh che nimai,alo thleng ve tawp"
"mi in an nuih dawn che asin" ka hlim zia leh mak ka tih zia kha a inzat reng..
"chuti min chhang tihna mi?",
"ka hre biklo,mahse ka phulo che,thian ni zawk ang aw?"
"chutiang sawilo in aw nge aih ti la"
ka rilru buai zia kha,min en kar bawk,ka kut a rawn vuan a,min melh kar bawk a,
"aw,mahse,min hmusit lo la aw"
"promise,voikhatmah i rilru natna tur ka siam ngailo ang"

Ka buaina leh harsatna apiangah min pui a,ka mamawh naah a tlanchhe ngai lo,ka innghahna ani bawk,kan inkawp tih anu in a hriat vang a min rawn hauh ni kha,ani chu ka lam ah atang tlat a,mahse arilru hre silo in inthen ka rawt a,amangan zia te kha aw....Zo..ka lo sual ngawt mai tiraw..kawngka ka hawnsak duhloh che vang a Ruhsur bur bur hnuaiah kan verandah a ilo muthilh lai te kha....keipawn ka then theilo che,khami zan atang khan ka hmangaihzia che ka hrechhuak asin..."engatinge mihring hi dinhmun in anloh vang a kan buai le?" beidawng zet a i tih lai te kha nimin ang mai ani asin...

"Ka kalsan che anih chuan min theihnghilh rawh" iti tiraw?,ka chhanna che chu maw..AIH tih hi ani asin.Nangpawn i thei bik dawnlo tih ka hrechiang alawm.Kan chhungkua ah leh ka nunah buaina kan neih apiang khan i awm ngheng in ka tap thin kha ania,Duat takin min kuah a,min hnem thin anih kha..mahse tunah i awmtawh silo,
"Duat,nang aia kal hmasak ka duh zawk ania,kan lo upat hunah pawh a rualin thi ang aw,,i tello chuan ka damzo chuanglo ang" itih lai te kha...ngatinge min kalsan leh si???????

Eric'an i thi tih min rawn hrilh khan a fiamthu emaw ka ti a,mahse alo ni silo,i haw dawn khan "naktukah kan inhmu dawnnia" ka tih kha,"naktuk awmlo ta se" ti khan ngatinge min chhan?,i tawng diklo vangin i Accident alawm,"aw,kan inhmu dawnnia" ti khan min chhang mai ta che..Engatinge mite hian rui chung a Motor an khalh thin?,anmahni ai nagin i tuar a,i nunna an laksak che asin...

Keipawh khan ngatinge Riah min dil lai khan ka phal mailoh?,nidangah min dil ngai silo,lo hrethiam tur ka ni asin...hetiang hian i awmdawn tih hria ilang chuan kan in atang khan i kal chhuah ka phal ngailo ang,i tan anih phawt chuan i Nu emaw,ka chhungte pawh tumah ka hlau lo asin,Mahse ka tlai tiraw?...min dem suh ang che aw...

Kan in atang a i haw i accident anih kha,min lainat tu te emaw ka tih te khan i haw hun atlai vang khan min rel nasa asin,Nupa ang in an khawsa alawm tih ten min sawi asin,mahse maw,pawi ka ti miahlo,i tan hian mualpho hi anuam ka ti a,ka duhthusam phei chuan,an sawi ang ngei khan nupa ang in lo awm ila i fa tal lo pai ila kati asin...Mahse mi min rel na te keimah chauh a ka tuar hi Fair lo ka ti..awm la chuan "Duat,pawiti suh,an tluklo che a,ka Bialnu i ni miau alawm" iti leh ngei dawn sia.

Voiin hi kan Anniversary vawi 7 na ani a,naktuk hi i kal atangin kum 3 na ani chiah bawk..zan in ah kan in ah lo kal la,ka lungngai min rawn hnem ang che aw,chuan min dil angailo,i riak ngei ngei ang,ka kaltir phal lo che...chuan ka riah tir loh che vang khan i thinrim tawh lo ang tiraw?..

Mahse vawikhat leh chiah,"ka kalbo chuan tap suh" i tih kha chu ka theilo a,min ngaidam dawnnia aw."Happy Anniversary...Zo...."