FOLIE

FOLIE : Maengi ralte

Chapter- 1

Ka Nuhrawn leh Kapa Thianpa,Muansanga rawn inzui lut chu ka melh zawk a,min rawn pan a..

“ Chibai rawh...i Pasal tur anih hi....” Kanu hrawn meng ling vek chu ka melh a, ka en rei ngamlo, ka Hma a Palianpui ding chu ka melh zak zak a, chibai pawh tum buai lo in hnuai lam ka bih lehnghal a...

“ Zualbawih...ka tawng i hrelo ami ?” a zaidam ta lutuk chu ka mengphawk vak a, mahse, ka la che chuanglo..

“ A pawilo, Nu Sang, a zak aniang, in chibai kher angai hleinem...” ka melh chho leh zauh a, mahse, Ka Phone bawk ka bih san leh a..

“ Ala naupang lutuk a, Kan Duatsual deuh bawk nen hian a harsa ve thin a...i enkawl thei meuh ang maw?,mahse, a Mizia engkim i hre sa a, keini lah heti hi ka ni tawh sia, kan tlachhe nasa mai si nen, ani ilo nei duh hlauh chu Apa nen hian kan lawm teh ania...” ka luak a chhuak zawk, ka thu hmu miah lo in Ka Pasal tur an lo thlang ve ringawt a, Mipa ka ngaina lo, Pasal neih lah ka duh heklo.

Kanu ka hre hmanlo, kapi leh pu bulah ka seilian a, Kapa erawh sumdawng anih avangin a zinkual reng thin a, In ah a awmkhat hle...alo haw in ka mamawh miah loh hlir a rawn hawn teuh thin a, melh pawh ka melh peih ngailo, kapa ni mahse ka ngaina lo, ka ngainat theih miah loh Hmeichhia a rawn hruai haw a, tun thlengin ka la ngaina ta chuanglo, min hau ngailo a, min ngaihven lo tawp ti ila a fuh ber, ka awm awm in ka awm a, Kapi leh Pu bak engmah neih ka nei lo, Sum te chu kan ngah ang, mahse, ka ngaihven lo,ka duh apiang ka nei thin a, ka duhtawk mai. Ka zirna senso tur min pe a, ka hmingin Bank Ac ka nei a, a khat tawkin Pawisa an dah mai a, tunge dah tu tih ka ngaihven lo, mahse, hun engemaw chen atang khan Pawisa a rawn lut khat ta viau, sawi chhuah erawh ka tumlo, ka nei lo anih pawh in ka ngawi mai, College ka kal dawn pawh in Ke in ka thleng thak mai a, pawi tih na ka neilo.


Kapi in kum 12 ka nih laiin natlawkna awm hauh lo in min Boralsan thut a, ka tuar nat dan chu rapthlak tak ani, mahse, kapu ala awm tal a tlem chuan a ziawm deuh, mahse, a hnu kum khat pawh tlinglo ah Kapu, Damdawi eisual vangin a thi leh thut erawh ka tuar chhuak zolo teuh kher mai..Kapa erawh a ngawi ngur ringawt, ka tuar nat dan engmah a ngaihven lo,Hmeichhe harhvang tak kha Hmeichhe tihmawh leh luhlul lutuk ah ka inlet ta daih bawk, Kanu hrawn erawh chu a tap nasa viau, Kapi leh pu khan Mo ah an pawm miah lo a, Kapi leh Pu Boral hnu ah chauh Man pawh a nei chauh tih ka hria, a tuar na dawn lo tih pawh kei aia hrechiang an awm lo ang, a tap uar viau pawh kha Vantlang hmuh ah mawina a zawng ve ah ka ngaihsak mai.

B.com ka zo chiah a, engmah zirzawm chak leh tih tum ka nei hranlo, tuman engmah ti turin min nawr heklo, ka awm vel mai mai rih ani ber, Kapa tihlawm tumin ka Nuhrawn a buai a, tihlawm pawh a tilawm viau, fa erawh an nei miahlo, chaw kan ei rual ngailo tluk ani, an Nupa erawh chuan an ei rual ziah thung, mahse, Ka exam zawh ni takah Kapa a Accident ta hlauh, min ngaihsak ngai miahlo tu nimahse kapa ani miau a, ka hlauthawng lo theilo, a mal veilam ruh a sawp a, tan loh chuan tihngaihna a awm miau loh avangin an tan a, tunah chuan Wheel chair ah a thu ta, Pa harhvang leh inzo tak ani bawk nen khawngaih ruk chang kan nghah mai, kan sumdawnna pawh Ka nuhrawn kutah a awm ta vek a, kei erawh chuan ngaihven tur leh inrawlh tur a min ti tu an awmlo bawk a tel ve tumna ka neilo.


“ Pasal ka nei dawn lo..” ka ti hmak a, ka tho zui nghal a, ka Room pan in Step ah ka chho nghal daih bawk, an duh duh in min lo ngai mai tehse, pawi ka ti hrep lo e.

Khapa hrep kha ka hria, Kapa nen Sumdawnna kawngah an inkawm a, mahse, kapa ai chuan a Sumdawnna a lian fe zawk, Kapa nen an inkawmngeih viau a, kan In ah pawh alo kal fo, mahse, vawikhatmah ka la be chhin lo, ani pawn min be ngailo, ka awmve tih pawh hria ang in a awm ngailo zawk, ka Mipa duhzawng anilo vel vek, a nui ngailo a, a hmel tak ngul mai kha ka ngaina hlawllo, Kapa nen inkawm mahse Kapa ang in ala Upa heklo, nilo....kei ai chuan Upa tak ani, kum 10 emaw a aia tam pawh ani hial ang..Bungrua ka nilo a, hralh kual theih ka nilo, Mipa ka ngaina lo a,Ngaihzawng ang tur a kawp ka la nei heklo.. Thian erawh kawm bik 2 ka nei..chu erawh mipa ve ve anni thung.

“Zuali...khawiah nge i kal dawn?” inhnuaiah insiam peih vek in ka chhuk a, khua a thim tan tawh bawk, vawikhatmah ka kalna tur min zawt ngailo tu in min han zawh takah chuan lawm lam alanglo, rapthlak lamah a kal mah mah zawk.

“ Ka leng dawn..” ka ti hmak a, Fridge atangin tui Bottle ka phawrh a,

“ Munasanga kha i nei ngei dawn ania, Ipa in a tifel vek tawh..” ati leh hlak a, huh....

“ A that chu, in duh leh nangmahni in in nei dawnnia..” ka ti leh hmak a, min chhan leh hma in ka chhuak zui daih bawk.

Kalna tur ka nei miahlo, Ka thiante ka Call a, Sangpuia chauh in min rawn chhang a,

“ Hey...eng nge a?” a rawn ti lar lar a,

“ Ruatfela hi ka Call tlang theilo, khawiah emaw lenkual ka mamawh, lo chhuak teh u..” ka ti ringawt, a hrethiam ang..ka rilru pik chang in ka tibuai fo a, an 2 tan thil thar anilo.

Ka awmna min rawn zawt a, ahnu rei vaklo ah Ruatfela te Car in an rawn thleng ve mai bawk a, ka chhungte an ni ber e, High School kan kal ho a, khata tang khan kan inthlah ta lo, thian dang kan kawm miahlo tluk ani, College pawh hmun khatah kan kal chhuak leh vek a, Hmeichhe en in min en lo ve ve, kut min thlak tawk tawk tum pawh a awm fo, an Bialnu te ka hriatpui vek bawk a, an Bialnu te pawn thik en ah min en lo.

“ Khawiah nge kan kal ang ?” a hnungah keimah in ka thu a, an 2 inkarah ka zuk dak a,

“ Ka hre biklo, Zan in chu haw pawh ka peih lo..hetia len kual mai mai hi ka duh ber ..” ka ngui hle bawk,

“ Um ...atha.. i haw peih loh chuan kan In ah kan riak khawm mai ang..” Sangpuia chuan a ti awlsam et,

“ Kalna tur chu....” Ruatfela ka en a, ani hian khawimaw lai hmun biru leh nuam si a hrethei riau,

A ngawi deuh vang vang a, thil hrechhuak thut niawm tak hian a kut a hmet ri khauh a,

“ Ka hria, Aizawl hi kan thlir mai mai dawnnia... Falkland ah kal ang...” a ti a, Car a Start a, a herh kual pawp a, keini pawn hnialna kan nei lo, ring lutuk in Linkin Park ho zai a Play a...inthurual zet hian kan sakpui nghal a....ka Rilru buai nuaih nuaih pawh a thlawkbo lehnghal ani mai.Hemi te 2 bulah hian rilru ngui lutuk leh thawpik in ka awm rei thei ngailo.

Khawpui pe tuar mai chu kan thlir a, an ni 2 erawh chuan engtik laiin nge an lak pawh ka hriat loh Beer an lo nei a, Motor ngheng in an thu a, an in mawlh mawlh bawk, thli thaw chuan ka sam a chhem leng dawr dawr a, ning zet hian hnung lamah ka Romol in ka tawn khawm a,

“Zual....in ve chhin la...chuan, i rilru hahna pawn min share a hun viau ang..” Sangpuia chuan a rawn ti a, ka Darah min rawn kuah a, vawikhatmah zu emaw Beer pawh ka la in chhinlo, helam kawngah hian ka fihlim hlauh,

“ In peihlo, ka buaina ah min pui dawn lo em mai...” ka ti ve mai,

“ In ve chhin hrim hrim rawh, i rui lo ang..tlem in a ti ziawm ang che..” nawr tak te in min nawr a, hetiang in min la nawrlui ngailo..Ka ban a, keimah ah pawisak lohna alo lut a, ka in ve ta pawp mai, a tui lemlo, ka pum a sa thla hat hat a, ka ner nawk nawk bawk..ka pe let thuai a,Ruatfela lah chuan kut alo beng bawk..

Kan 3 in Motor nghengin Phul chungah kan thu tlar a, alaiah ka thu a, ka tawng hun an nghak tih ka hria, sawi tan dan tur ka hrelo, an 2 hi chuan kan chhugkaw awmdan engkim an hria, Ka nuhrawn ka mil loh zia leh Kapa min ngaihsak loh zia pawh an hre vek bawk.

“ Pasal min neih tir an tum a.” Ka sawi zawh rual in za lutuk in nui dun hawk bawk, kei erawh ka thin a rim hlur thung...nuihna chhan tur ka hre miah lo.

“ A tha...nui rawh u...ka haw dawn..” ka tho tur min Rawn chelh bet a,

“ Sorry....a awmlo lutuk a, chuvang alawm..nangmah kan nuih lo che..” Ruatfela nuihza lutuk insum chu a aw a khur dar dar mai.

“ Nia...chupawh kapa Thianpa lehnghal...” ka ti leh hmak a.

“ Maw..??!!!” an ti rual dun thawt a, mak an ti ve tho tih a lang reng,

“ Pasang zet, amah chauh a awm kha...a Dawr pawh Zarkawtah leh Khatla ah...aaaa....hmun dangah pawh a awm teuh...tunah an Car zawrh ho Showroom tur pawh an sa zo tep a...” ka ban ka vai kual a....Thinrimna in ka khat vek..

“ Ka hria...Sum chauh duh an tih kha tiraw?, Nupui pawh a ngaihsak lo a, mahse, Hmeichhia in an zar buai reng bawk a...ka Putea te in piah lawkah khan a In a awm alawm...” Ruatfela aw ah chuan mak tihna alang chiang hle bawk..

“ Ka nei duhlo...amah kha ka ngaina lo,a nui ngai miahlo, chuan, Pasal neih ka duh lo hrim hrim bawk..” ka ti leh a...Manganna avangin ka thaw a chham lo chauh,

“ Lungngai suh, ipa bulah sawila, ngaihsak lo che mahsela a Fanu i nia, i Duhlo chung a tir lui lo ang che...” Sangpuia chuan beidawn hmel zet hian a ti halh a, tun tum chu an ni 2 pawn tih ngaihna min hriatpui lo tih ka hria..

“ Chutiang chu nise ka ti...mahse, Kapa zawk in min neihtir a tum ati a, ka nuhrawn sawi ania,Kapa ka la be miahlo...” ka ti leh sep a, sawi leh tur hrelo hian kan thu ngawi ta thap a, an 2 in ka kut an chelh a, min thlamuan an duh zia ka hailo.

Ka Phone ri ah ka phu deuh zawk a, engchen nge Ngawirenga kan thut ka hrelo, ka Bag ka hai a, ka Phone ka en a, Number ringawt,

“ Hello...” ka ti sap a...

“ Khawiah nge i awm ?” Mipa aw thum deuh hian a rawn ti thawp sat a,

“ Ka duh duh na ah...” ka Off nghal, Kha mi tenawm Muansanga kha ani tih ka vawikhat biakna ah ka hrethei nghal, min be ngailo mahse, a tawngri ka hre fo tawh tlat ani.

“ Tu nge ?” an 2 in min zawt rual thawt, ka nui lui sak a..

“ Amah....” ka ti hmak ringawt,

Ruatfela te In ah riak turin kan kal ta zawk a, vawitamtak ka riak bo tawh, min zawng ngailo Zan in pawh hian min zawng dawnlo tih ka hria..Motor atangin ka chhuk a, In lam ka pan tur chu tu emaw hian min rawn man bet a, ka rak thawt bawk...Rang fahran hian Ka Thiante 2 in min rawn pan a, min manbet tu ka hmu erawh chuan thinrimna avangin ka khur nghal hlawk hlawk mai..

“ Thiante u...Muansanga ka nia..Zorini hi ka Nupui tur ani bawk a, alo hrilh tawh che u ka ring..” zak lo hi ka ti ngawih ngawih.

Rapthlak ti zet hian ka melh reng ringawt, a Nupui tur ka ni hlawllo, tuman ‘ Zorin’ tiin min ko ngai heklo, chu chuan kan inpawh loh zia a tilang chiang hle bawk, ka Thiante pahnih lah chu chet mai dan tur an hrelo ani ang, an ding zum dun reng ringawt, nep zel zul lutuk,

“ Min thlah rawh..” ka ti that a, ka kut a hmerna chu phelh tum in ka kut lehlam in a kut ka vuan a, mahse, min hmer nghet sauh thung,

“ I thiante hi Mangtha rawh le, i Pa a mangang viau ania..” ka awih lo lutuk, a chhuanlam siam fuh loh zia a hre lo a ang khawp mai..

“ Aih...Ka pa in min ngaihven ngai miahlo, tun ah min ngaihven na chhan tur a awmlo..” a kut chu phelh sak tum in ka vuan leh a,

Ka Thiante lam a en a, a nui suk a, a nuih avang chuan a nelawm phah chuang hauhlo, alang hlauhawm zual zawk mah in ka lo hre thung,

“ Ka hruai haw mai ang, thlah angailo ang, Zan dangah in la riakkhawm leh dawnnia...” a bu nghut a, min kai ta dawr dawr a, duh lo eng ang mah ila kan inlen hleih lutuk a tih ngaihna a awmlo, Ruatfela leh Sangpuia lah chuan ka neilo ang hmak...An ngawi dun reng ringawt, an hlau pawh animahna, diktak chuan kei pawn a khawsak dan chu ka hlau ru ve tho mai.

A Car lian zet ah chuan min nawr lut nawk nawk a, a rawn nem khar a, hawn tum in ka bei ve thung, mahse ,ka beidawng thak, a rawn thu lut ve a, huatna a khat hian ka melh a, melh hlum theih nise chuan ka melh hlum hial ta ve ang,

“ Tunthleng thleng a len chu Hmeichhe awmdan tur anilo in i hre ve lo maw?” ati hmuk a, Motor a Start nghal a, chhan pawh ka chhang buai peih lo, ka chhan tam poh leh ka huatna a zual ting animai.

Pawnlam ka thlir a, engmah ka hmu lem hleilo a, Ka bul a thu ka huatna chuan ka mit a ti del vek ani ber, hetiang tehhrep a nun hmang tur hian engvangin nge ka lo pian reng reng ni?, Ka nu ka hre lo a, Ka pa lah in min ngaihsak heklo, ka pian rual khan lo thi law law ila tun a ka nun ai hi chuan a thlanawm zawk daih ang.

“ Luhlul chhuah suh, Tleirawl huaibak lutuk enkawl hi ka peih lo ania..” a rawn ti leh a, tlem in a aw a dam ta deuh,

“ Tu nge min enkawl turin ti che?, kei chuan ka duhlo, i bul a khawsak ai chuan Sakei puk a awm ka thlang zawk..” amah pawh ka la en chuanglo.

“ I pa vang ani tih hre phawt la...Nupui mamawh viau ah min ngai miah suh,ka zahna min thlen fo tu tur Hmeichhe naupang phei hi chu mamawh lo tak ka ni..” a ti leh duah a,

Min hmusit ani...engvangin nge Ka pa vang anih ngawt ang??, ka Future ngaihtuah ngai miahlo tu ani a, ka dam leh dam loh pawh ngaihtuah ngailo khan engvangin nge he pa hnenah hian min kaltir a tum?, a sumdawnna tlu chhe mek tungding turin he pa hi a mamawh tih ka hai lo, chuvangin min hralh a tum mek reng ani.

“ Ka pa vang anih chuan kei in ka hnial e, chuan, Hmeichhe naupang ka nilo, Mipa ka hmuh tawh ah chuan nang aia huat ka la neilo..” na zet hian ka melh a, a nui suk duh lek.

“ Min hua tih chu i sawi ngailo in i mit ah khan a lang reng, mahse, nang a huat mai mai ka ngaipawimawh hranlo..min huat poh leh nuam ka ti animai” ati hulh a...ka melh leh zawk a, a mit ah chuan tih el na a lang chiang hle bawk.

“ Ramhuai pa...Mihirng nilo in Ramhuai i nih kha...” ka aw a khur dar dar mai..

“ Oh..chu aia hming tenawm dang ala awm em?” ati a, a nui huk bawk, chhang buai lo in Pawnlam ka hawi leh ta zawk a, ka thinrim in nuam a ti hmel zawk tak tak tlat a, ngawih mai a fin thlak zawk.

Kan In kawt ah a ding a, ngawirengin ka chhuk tur chu min en a, muangchangin ka hawng a, ka haw chak hlawllo, Bungrua ang maia min hralh tumtu te hnen a let leh chu thih tluk in ka hreh, In lam ka pan phei chhat chhat a, phurna zawng zawng ten min thlawhbosan vek nimaiin ka hria, Sa talh tur hlauthawng zek zek ka inchan a, a vawikhatnan ka tah a chhuak ve ta hial, ka nun ah lawmna tur hmu lo thin mahila ka vui ngailo, mahse, tun ah chuan Pathian lakah ka vui ru ve ta.

“ In be leh lawk ang..” Inchhung ka luh hma in min rawn man bet leh a, ka chhan hma in Motor lamah min hnuk let leh a, hnial pawh ka tum buai peih lo,ka nun in awmzia a neilo vel vek.Min nawr lut leh a, Motor a Start leh a, mak tihna hun pawh ka nei hmanlo, chak zet hian a dawk chhuak zawk a, ka melh reng ringawt, a awmdan inthlak thut thut te hian ka huatna a ti zual ting mai chu ani sia..

“ Khawiah nge kan kal dawn?” ka ti thei hram, a khalh chak lutuk chu ka hlau ru takzet, tlan muang tur a ngen erawh ka tum chuang lo.

“ Ka In ah, i riak mai dawnnia, i Pa chu ka Phone mai ang...” a ti sup a, engvangin nge a In ah ka riah ngawt ang?, kan In aia a nawmna tur ka hre chuang reng reng lo.

“ Ka riak duh lo...” awmze neilo zet hian ka ban ka vai kual a, min rawn melh zawk a..

“ Inhnial ka peih lo ania..” a ti hluk a, kei pawn ka peih bik hauh hleinem..ka thu ngawi ta hle hle a, a In awmna ka hrelo, a awmna veng erawh ka hria, engvangin nge a mah chauh in a khawsak ka hre lo a, ka ngaihven hek lo,ka Pasal ani thut tur pawh hi ka la awih theilo a, ka pawm hek lo.

Gate lianpui hma ah kan ding ta hram, a chahbi a phawi a, a hmet zauh a, amah in a rawn inhawng tual tual a, kan tlanlut a, engemaw a hmet zauh a, a in khar leh mai bawk a, Kawtzawl zau leh fai zet ah chuan a Motor a ti ding a, kan hmaah chuan a In chu a ding luah bawk, a nalh takzet, Mipa khawsakna hmun anih vang nge Light in a en phak chin ah Pangpar engmah hmun tur a awmlo, Plant erawh tamtak a awm teuh, fel tak in a in tlar thut a, a Compound chhung zau dan tur pawh a thim bawk nen ka ngaihtuah thiamlo, mahse, mahni a khawsak nan chuan a lian mah mah in ka lo hre ve ngawt bawk.

“ Lo kal la..” a awmna lam Kawngkhar a hawng nghal a, kei erawh chet ka la tum chuanglo..

“ Ti hian sawi ila, chuan ,kan sawi zawh ah haw lehnghal ka duh” ka ti hmak a, min rawn en run a..ka en rei ngamlo..

“ I haw duh lo tih ka hria, tunah hian thildang engmah sawi pui che ka tum hranlo, i haw hreh em a, hetah riak turin ka hruai mai zawk che..” a chhuk nghal a, zui mai loh chu tih tur dang a awmlo.Pawn khawthim a mahni chauh a awm lah ka thil chak loh ber ani bawk.

In lam pan a kal chu ka um zui dat dat a, Veranda lian leh zau zet ah chuan inleng an kawm thin ani ngei ang, Thutthleng a awm kual pap a, Darthlalang a siam Dawhkan lian vaklo ah chuan Pangpar nalh zet a inkhawi bawk a, chu chauh chu Pangpar ka hmu,kawngkhar lian leh hnum hlurh mai chu a nem hawng a, Ui lian zet hi a rawn dawk chhuak zawk bawk, ka rak thawt a, hlauhna avangin ka khur nghal ti tih bawk, Ui ka ngainat loh dan chu sawifiah harsa khawp ani.

“ Tom....Stop..” a ti thawt a, Ui pawh chu a ding chut bawk, ang hlui chung hian min en kuau a, a thaw huam huam bawk, ka chesawn ngam eih lo.

“ Lo kal rawh, engtin mah a ti dawn lo che..” a ti sup a, ka la che chuanglo, ka kal duhlo anilo, ka ke a khawng vek.

Min rawn kai a, in chung panna tur Step lian leh nalh zet ah chuan min kai chho a, ka hnung a za vek thei, a rawn tlan thut anga min rawn zuan mai ang tih hlauhna in ka khat vek. Ka zui zel a, Room pakhat ah min hruai lut a, Light a on nghal bawk a,Khum lian leh nalh zet chuan ka mit ala hmasa ber,

“ Thu rawh...” a ti sup a, tim deuh dai hian ka bul hnai berah chuan ka thu a, min ep zawng tak in a thu bawk, a T- shirt hak chung a kawrlum Phiar Hmaphel a hak chu a hlip a, Khumah a thehphei nghal daih bawk, a mitmeng lian leh melh na zet chuan min melh run a,

“ Ka pa hnenah ka nei duhlo che tih khawngaihin hrilh rawh..nang chuan min hrethiam ang, nangpawn min duh lo a, kei pawn ka duhlo che “ zawi te in ka ti a, ka hriattheih chinah midang hnenah khawngaih ka dil hmasak ber anih hial ka ring..

“ A mak mange, chu bawk chu maw....kan inneih angai, sawi zui tawh lo teh..” a ti hmuk a,

“ I pa hian harsatna lian lutuk tunah hian a hmachhawn mek a, chuan, i himna turin ka bulah i khawsak rih angai bawk...Nupa tih khan Nupui tak tak ani lo, ka bulah i cheng ang, ka Sumdawnna kaihhnawih Party leh Thiante bulah ka Nupui ang in min zui thin ang, abak chu engmah ka mamawh lo,Hmeichhe naupang mutpui tur ka mamawh lo ania..” a ti dam ta thlup a, ka melh reng ringawt..

“ Eng maw??!!” mak ka tih zia ka thup theilo,a then suk a, a ha var rual that chu a lang a, a mit ah erawh nuihzatna alang lo.

“ I pa nen inremsiamna kan nei a, nang erawh hmanraw pakhat mai i ni “ a ti leh a, a thaw hawk a, min khawngaih hmel alang zawk a, mahse, a bo lehnghal vat bawk,

“ Bungrua ka ang mang e...mahse, Ka pa hian min ngaihven ngai lo, tunah engvangin nge ka himna a ngaihtuah tak?, tu lakah nge chhan ka mamawh a? “ ka tho phat a,

“ Chu erawh i hriat a tul miah lo, tha tak in awm la i him ang, I pa ani a, engvangin nge a ngaihven loh ang che?” a ti chang rut mai, kei erawh awm hle hle theilo in ka che sek a, Ka pa in min ngaihtuah tih ka vawikhat hriatna ani hial ang..

“ I pa ka biak angai, tah hian riak rawh, Pawngsual tur khawp che in Hmeichhia ka mamawh lo ania..” a ti hmuk a, a tho nghal a, a chhuak tur chu ka en mawl tawp, hnial emaw thil dang han zawh belh na chang pawh ka hrelo.

Ka mu meng kar mai, ka naupan lai ka ngaihtuah a, tuman ka nu chanchin an sawi ngailo,ka nu chhungte lam tumah min ngaihven an awm heklo, Kapi leh pu anni mai a, Ka ni in pasal a neih lai ka mang hriat rei ruai a, a Pasal hna avangin an sawn kual sek a, kan inhmu tam lo, ngainat erawh ka ngaina thung. Fa Mipa pakhat chauh an nei ve tho a, kan inhmu khat bawk nen ani erawh ka ngaina vak lo, ngatinge tuman ka nu chanchin an sawi ngailoh chhan ka hrelo, Ka pi hnenah vawikhat chu ka zawt ve ngei a, mahse, mumal in min chhanglo anih kha..ka zawt nawn ta lo, Nu mamawh lo khawp in min enkawl hneh tlat atin ni, tunah erawh Nu ka mamawh in ka hre ve ta, ka Nuhrawn lah ka ngaina hauh silo, min hnaih a tum lo a, keipawn hnaih ka tum biklo,tunah hian Nu nei ta ila tun a Pasal min neih luihtir an tum hi a thleng kher lo maithei, a thleng tho anih pawh in Ka pa a hnial ngam maithei bawk, Ka nuhrawn hi chuan ka awm loh a duhber anih avangin ka awm loh chuan a lawm hle ang, a lam hial maithei bawk.

Ka harh leh chuan khua alo eng uar tawh, ka zi mar ar ar a,mahse, ka awmna hmun ka hmuh chian erawh chuan rang zet hian ka inperh tho a, Room chhung nalh leh nalh loh lam engmah ka ngaihtuah tawh lo, he In ah hian tui tak in ka muhil tlat ani. Khawi ah nge Muansanga a awm ka hrelo, koh dan tur ka hre heklo, nizan lam a min rawn biakna kha ka en let a, Save ila a tha in ka ring a, ka save a, duhlo mah ila ka nei ngei ngei dawn tih ka hria a, beih let a sawt dawn lo tih pawh ka hria.

Inhnuai ah tim deuh dai hian ka chhuk thla a, thawm engmah awmlo in a reh thuap ringawt, a Inchhung nalh ka tih zia chu pui tak ani, kan harsa hauh lo, kan in pawh a zahpuiawm lo, mahse, Muansanga In lakah chuan nep tak ani, tehkhin chi pawh ani hrep lo e.Vawksa kan rim ka hriat takah chuan ka riltam zia ka hre chhuak chauh, Nizan khan engmah ka ei lo a, Beer tlem ka in tih loh kha chu engmah ka eilo, ka hnar ka len a, rim rawn chhuahna lam ka pan a, Glass fai zet hian Dinning hall leh Kitchen chu a then hrang a, Curtain chhah zet hi pawh phelh mai theih turin a awm a, fel fai leh nalh thlap hian an tawn bawk a,ka pan zel a, Hmeichhe upa lam tawh hian zai rat rat chung hian Purunsen a lo chan mawlh mawlh a, min hmu hauh lo.

Ka aw ka thian kharh a, a rawn hawi phawk hra mai, a la phu nasa em em zui bawk, min hmuh veleh a nui hawk hawk a, a sam chu hnung lamah a tawn fel thlap bawk,

“ I mu tui em ?” pangngai tak hian min bia a, ka riak tih a hria ani phawt ang, mak ti hmel a pu lo, he Ramhuaipa hian hmeichhia a hruai lut reng ang tih a chiang, mak a ti loh pawh ka dem hran lo,

“ Aw...chuan khawiah nge a kal ?” a hming a sawi ka hreh em em tlat ani, a nui leh sak a,

“ Lo thu la, in In lamah a kal anih kha..a rawn let tep ang, i ril a tam tawh em ?” a ti sawt sawt a, a bul a Stool sang zet awm chu ka pan a, ka thu fel ta than a, lei pawh ka rap pha lo,

“ Ih...diktak chuan ka ril a tam khawp mai, engtin nge ka koh ang che ?” in mawl biak hi nuam ka tilo, kan In ah chuan tupawh rawn awmse ka aia upa chu ka u tiin min koh tir vek thin a, an awm chhung kha chuan kan chhungte anni zel mai.

“Pi Biak min ti la, Muansanga pawn min ti tho a, a Naupan lai atangin ka enkawl tawh alawm, a Nu a boral hnu pawh in ka awmpui ta zel a...” a ti leh siam siam a,

“ Oh...a Nu a thi tih pawh ka lo hrelo..” ka ti sep a, ka khup leh lam ka tawm chho a, ka khup chungah ka khabe ka nghat a,

“ Kum 20 anih laiin a Boral alawm, Pasal ka nei tawh a, mahse, he In hi kalsan harsa ka ti, Ka Fate pawh an puitling tan tawh, Muansanga zarah tunah chuan an zirna pawh an zo lek lek tawh..” a ti leh duah a, Muansanga a ngaihsan zia chu a aw ah pawh alang chhuak thei hial, ka hmuh dan aiin alo tha zawk pawh ani mahna..

“ I riak nghal thin em ni ?” ka ti leh a,

“ Riak lo e, Pasal nei lai nih chuan a theih loh..Zingah ka lo kal a, Zanah emaw tlaiah emaw ka haw leh mai thin a, In tifaitu tur hi lang in nitin alo kal a, Tom-a trainer hi Saturday apiangin alo kal bawk a..amah chauh in a khawsa a, mahse, tun ah i rawn awm ve dawn ta bawk a, nuam pawh a ti sawt in ka ring.” A ti leh siam siam a, a tawng duh hle a, a ngainatawm hle in ka hre bawk..

“ Ka chanchin ka hriat loh a an sawi lai man ai chuan eitur lam ka mamawh in ka hria “ ka phu zawk a, kan hawi rual dun thawt mai, Kawngka biang ngheng in hahdam hmel zet hian a ding a, a hmel a nelawm hle bawk,

“ Ilo haw lai pawh ka hriat si loh le...nia...ka siam zo tawh alawm, Bawihi pawh a ril a tam ngawt ang “ a ti sawt sawt a, Nu fa ang mai anni..Pi Biaki eitur dah chhuah chu puih tum in Stool atangin ka chhuk a, mahse, ka chhuk fel chiah tih in Ui lian lutuk rawn tlan lut chu ka hmu a, a Bauh chiam chiam bawk, Rang lutuk in Stool ah ka lawn lehnghal a, thu lo in ka ding a, chet pawh ka chesawn ngamlo.

Muansanga nuihza insum hmel chu ben pawp ka chak lutuk, min rawn pan a, Pi Biaki erwh chuan Tom-a alo a hau ve thung, Dinning Table lian pui bulah chuan a bawk ta hle hle a, mahse, ka chhuk ngam chuanglo,

“ Ka lo pawm thla ang che..” a ban a rawn phar a, a mit ah chuan nuihzatna alang a, chu chuan a tilang naupang sawt bawk.

“ Aih...Ui kha pawnah kal phawt rawh se...” ka aw ala khur zui, a then suk a... min rawn ban a,

“ A ti na dawn lo che, tumah a ti na ngailo “ a ti sup a, ka inrin hma in ka chawn ah a rawn vuan a, min pwm thut a, tlak hlau zet in a nghawngah ka kuah ta nge nge.Ruatfela leh Sangpuia tih loh ah chuan mipa ka hnaih hmasak ber ani hial ang. Ui lah chuan min en doh doh ringawt.

Dinning Chair ah min nghat a, keimah ah danglam a awm tih ka hria, mahse, eng nge anih ka hrelo thung. Eitur a rawn chhawp a, tihpui ka tum zui ta lo, engkim mai chu a tui vel vek, tun hnaiah ka ei hnem ber tum ani hial ang.

“ Ka haw duh a..” tim deuh dai hian ka zawt a,

“ Ka thlah hman lo tlat che, Driver alo thleng tep, lo nghak rawh..” min en lo in a malchung a Laptop awm chu a en daih bawk,

“ Ka mamawh lemlo e, keimah in ka haw thei reng..” kal ka rual a, Gate sir a Mihring kalna lian vaklo chu ka hawng a, ka chhuak a, ka rin ang chiah in min zui lo a, kal lo tur pawn min ko eih lo.

Kan Compound ka luh rual in Ka nuhrawn nau rawn chhuak nen kan intawk a, tun hnai hi a rawn lang tam hle tih ka hria, mahse, ngaimawh thamah ka ruat lo, a u awmna ania, lo kal pawh alo kal ve bawk ang chu.. ka tih ngailoh tak in Ka pa te Room lam ka pan a, Muansanga khan Ka pa in min ngaihtuah thin tih a sawi avang in tlem in ka rilru a ti danglam lo theilo, kum hei leh chen min ngaihsak lo mahse ka pa ani miau a, a tha zawngtlem ka hria anih pawh in ka rilru a danglam tlat ani, mahse, ka luh hma in tawngri ka hriat takah chuan ka ding dat a, hetiang a mi tawng ngaihthlak ruk hi a mawilo tih ka hria, mahse, ka chungchang an sawi tlat avangin ka ngaithla lo theilo.


“ Han ngaihtuah tha leh chhin teh, i Fanu neih chhun ani a, tunah Pasal nei dawn pawh ni se kan ro thil engpawh hi a hmingin a awm tur ani.” Ka Nuhrawn tawngri ani, ka awih lo hial zawk, ka thaw dep dep mai..

“ A tullo, Mipa fel leh hausa tak bulah ka kal tir tawh dawn a, ani chu ngaihtuah angailo, engkim ka hming leh i hming in awm rawh se..” Ka thidang lo chauh..Ka pa in min ngaihtuah thin a ti maw ??!!!

Chapter – 3

Dimte in ka kal sawn a, Room ah ka tlang chho nghal a, a rosum engmah ka it lo, ka it hlawllo, ka thawk anga ka ke in ka la ding ve ngei ngei ang, Thinrimna in min tuam hlup hlup a, Ka Nuhrawn zawk pawn ka hming a dah a duh laiin min hringtu ka pa ngei in ka hming a dah a ui anih chu !!!

Ka lo muhil leh ani ngei ang, ka Room kawngka inkhar ri ah ka harh zawk a, ka inlet thuai a, mahse, tumah ka hmu lo, tuemaw chu a chhuak ani ngei ang, ka Room ah hian midang an lo lut khat hle a, tunah ka muthilh lai lehnghal in tunge lo lut ta ang ?, Khum bul a Tui ka dah chu ka ban a, ka in pawp pawp a, inphihfai turin ka tho nghal a, Room atanga ka chhuak tur leh kan Nula pakhat rawn lut tur chu kan insu thelh a, he nu hi ka ngaina lo, kapi leh pu awm loh hnu a ka nuhrawn in an chhungte a rawn hruai haw ani a, kan nula lo awmsa nen an inmil lo, a in ti lal ve khanglang bawk nen, kan nula ka ngainat tak zawk kha a chhuah phah hmak a, mahse, ka chungah erawh a sual ngamlo.

“ Ka rawn ko dawn che..” a nui a,

“ Eng nge a ?” nelawm vak lo hian ka ti hmak a,

“ U muansanga alo kal a, chuan, Inneih vel kha sawifel angai an ti a..” ka ner nawk a, duh lo mah ila ka nei dawn khawp, ka thi anih ngawt loh chuan ka nei ngei dawn tih ka chiang.

“ Ka lo kal ang” ka ti sep a, Ramhuaipa zet chu a....Nupui tak tak atan min nei dawn pawh ni hleilo, ka rin aiin a phi buai peih daih mai.

Common Room ah ka pa nen an lo inbia a, ka chhuk thawm hria in an rawn hawi dun a, Ka pa ka huatna nasa lutuk chu thup harsa ka ti hial mai, Muansanga erawh chu a hmel ah engmah a lang lo, a lawm nge lawmlo tih pawh engmah a hriat theih loh, nidang ang bawk in a nelawm hlawllo.An piah ah tim dai hian ka thu a, ka bet lo,

“ Zualbawih, a hun tur tihfel kan mamawh a, inbuatsaihna hun pawh i mamawh dawn a..” Ka pa ka melh zawk a, ka chhang peih lo,

“ Nia, i remchan hun apiang ka pawm vek, Zan in ah Palai te lo kal dawn tho mahse tunah hian lo sawi fel lawk a tha..” Muansanga hmel ruh zet chu ka melh leh zawk a, hriatthiam har zet hian min lo en run a, ka hawi sawn leh vat a,

“ Ka duhdan min zawt dawn anih chuan Pasal neih ka duh lo, chuti anih loh chuan engmah min zawt suh u..Mihring nilo in Bungrua ka ni a, ka duhdan sawi tur in dikna ka nei hleinem..” ka tho hmak a, Pawnlam ka pan nghal daih bawk.

Muansanga haw thlengin ka lut leh miah lo, kan thenawm dawr te ah ka thu ta reng a, nidangah ka mamawh ka lei anih loh chuan ka lut ngailo a, mak min tih hmel kher bawk,

“ Pasal i nei dawn tih thawm kha ka lo hria a..?” Dawr neitu Nu upa lam tawh chuan nui chungin min zawt a, “ aih “ tih vak ka chak kher mai,

“ He...nia...maithei..” ka ti ringawt,

“ Pasal neih hi atha ber, Nula senior nih hi thil tha ani lemlo,i pasal tur an tih lah kha a Hausa nasa mai si a..” a nui hak hak a, ka rin aiin mi hian an lo hre hma daih zawk, thian ka kawm tlem a, kan vengah pawh hian thian han tih tur em em ka nei lo, hmelhriat erawh ka nei lo tihna anilo. Mahse, Pasal ka nei dawn tih keipawn nimin ah ka hre chauh a, tunah hetah pawh alo hre leh tawh a, Palai lo kal hmasak an sawi lah kha ka awmloh zan alo ni bawk nen, kan Nula anih loh chuan ka nuhawn in a hrilh ani ngei ang, anni chu he lai dawrah hian an leng lut reng reng tlat.

Muansanga Car tlan chhuah veleh ka haw ve nghal a, ka hmu peih hlawllo, khatiang ,mihring vawt lutuk nen khan khawsak dun ka peih lo, hremhmun ani ringawt ang, mahse, kan In ah hian nuam ka ti chuanglo, hnawk min ti ngawih ngawih tih hre reng chung hian nuam tak in engtin nge ka khawsak ang ??, Ka pi ka ngai vawng vawng, la dam se chuan hetiang hian ka nun ka hmang hauh lo ang.

“ A hmalam kha tha kan ti a, Thla thar tir ah nimaise kan ti anih kha..” Ka pa in chawei mawlh mawlh chungin ati a, tumah hrilh bik pawh a nei chuanglo,

“ A tha mai alawm, engpawh nise Zualbawih... inbuatsaih tan kan mamawh ang, i duhzawng anih phawt chuan thawmhnaw emaw chhawm luh tur pawh kha a man ah buai suh, la pawp pawp rawh..” Phur surh hian ka Nuhrawn chuan a ti zat zat a, ka chawei tui loh sa nen ka chawei a tawp hmak mai,

“ Engmah ka mamawh lo, Muansanga kha lo hrilh rawh u, ka nei dawn lo.” Ka thleng sir ah ka fian ka dah thla pawp a , ka nawrsawn nghal a,

“ Thu rawh..” ka pa tawng vin ka hriat hmasak ber ani ngei ang, min ngaihven lo a, hauh pawh min hau ngailo.

“ A mak vak vak em mai..” Ka nuhrawn in min rawn chhan ve ta tlat..

“ Thu rawh, i Pa ka nih hi..i nei dawn ka tih chuan i nei dawn animai..min hnial lo la a tha ang “ a meng rum ul bawk,

“ Ka pa i nih chuan bungrua ang in i Fanu hi min hralh thei lo ang..” ka inrin hma in ka mittui a rawn tla a, ka hru vat a,

“ Ka hralh lo che, i tan a tha tur ka ngaihtuah mai zawk, Muansanga te ang in a nei duh che hi lawm hle rawh..” a ti leh ta erh a, Thinrimna nen ka melh let ve ran a, ka hawisawn duh biklo, kan Nula a tho that a, kan Driver a tho nghal daih bawk..

“ A tawk , chhungkaw thil midang awm laiin sawi tur anilo.. Zualbawihi tan pawh a harsa ang tih hria la, hauh vak angailo, nakin ah a tan a tha tih ala hre mai dawn a, tunah lo hauh chiam angai hleinem...” Ka pa hnenah a ti a, engvanga min chhan ta thut nge anih ka hrelo, ka ngaipawimawh chuanglo, ka pa ka huatna bak engmah ka ngaihtuah thei tlat lo.

“ I puar tawh chuan kal la...” min rawn en a, ka pa erawh a ngawi ngur thung.

Muansanga ka call a, ka nun ah a vawikhat nan ka rui hle bawk, a la chhang lawk theilo zui lehnghal a, ka ti nawn leh a, Ruatfela leh Sangpuia erawh chuan Games an khel a, anni pawh an rui viau tho mai, Zu ka in duh tih ka hrilh rual in makti lutuk in an mengphawk dun vak a, mahse, min hnial lo in Sangpuia chuan a dahthat min pe a, kan 3 in kan in a, ka in ngai silo, hnar hup chungin ka in lui a, ka uak nasa viau bawk, ngaihtuah nei miah lo a muthilh ka chak ber, mahse, chutiang ani ta hauh lo, ka harh tawlh tawlh a, mahni inkhawngaihna in ka khat a, Muansanga leh ka pa ka huatna a zual sauh bawk.

“ Hello...” a rawn ti sup a, a hah hmel phian zui,

“ Misualpa....ka hua che...” ka ti that a, a dang sawi tur ka hrelo,

“ Ka buai ania...eng nge ?” ati thawp sut a,

“ Ka hua che....engvangin nge min neih i duh a??” sawi zawm theilo in ka tap zui ta zawk a, mahni inkhawngaihna, Hmangaihtu neilo leh mal ngawih ngawih a ka inhriatna chuan min tuam vel vek,

“ Khawiah nge i awm ?” a rawn ti leh a, a mangan hmel ta riau,

“ Ka duh duh na ah...” ka riat nawk nawk a, ka phone ka dahthla a, khumah tap chungin ka mu a, Sangpuia leh Ruatfela lah chuan an Games khelh lai ngawt an ngaihtuah a, min ngaihven lo, rui lo se chuan min rawn ngaihven ngei ang..

Ka awmna che deuh chu ka mang hriat ruai a, mahse, ka meng chuanglo, Khumah awm lo in tu emaw in min pawm niin ka hria, mahse, ka ngaihven peih chuanglo, ka luak a chhuak ut ut a, muthilh leh ka chak ber.

Peih lo zet hian ka meng a, Room chhung eng deuh ruai ah chuan engmah ka hmu chiang theilo,ka lu ana a, zu rim ka nam hum hum bawk, ka tho taih taih a,Nilo...Muansanga In ah bawk ani ka awm leh tawh, ka mu tha leh a, ka in ngaihtuah a, ka va call hnu khan ka tap muhil ta ani ngei ang, min rawn hruai tih ani thei em??!!, engvangin nge ka va Call talh aw ??, ani ka va hauh chiam khan engmah awmzia a awm silo, mawl ka in ti hluah hluah.Kawngka ri rak ah chuan ka mu leh nghal a,ka mit ka chhing leh a, ka hmu hreh lutuk hi ka khur hial in ka hria, Khum a hniam sat a, Khum bul a Site Table ah chuan dimte hian thil a dah thawm ka hre leh a, ka chalah a rawn khawih a, a kut a la sawn leh a, a tho a, Room chhung a a vei vel thawm chu ka ngaithla kar a,awmdan mai tur ka hrelo. A rawn thu leh a, ka rin loh deuh hian ka Chalah a hmui lum thar thar in a rawn dek a,

“ Naupang khawingaihthlak...” a ti sup a, ka awm dan ka sawi thiam lo, Mipa fawh ka dawn hmasak ber anih vang ani ngei ang.

Room a chhuahsan thawm chu ka ngaithla kar a, rei vaklo hnu ah ka tho a, Khum sir ah chuan Tray ah Bowl lian vaklo hi a lo dah a, ka en a, Soup tui hmel zet ka hmuh rual in ka riltam zia ka hre chhuak a, Ka Nuhrawn leh ka Best tur nen kan Bazar a, engkim an duh an lei pawp pawp a, min rawn mahse ka chhang miaulo a an beidawng ve deuh aniang, an duhzawng an lei ta zawk a, Kan Inneih kawr tur pawh an pahnih in an thlang a, min hak tir lai pawh in ngawirengin ka ha mai ,engmah ka sawi lo,ka Best tur khan mak ati anih pawh in engmah a ti lang lo, a hma khan ka duh vang a Pasal nei tur ka nilo tih ka hrilh thawi a, mi fel tak ani a, min zawt zui lo,ka thian atan kan veng a ka kawm ve zauh zauh thin kan inbul mai ami ka Nuhrawn in a be fel vek a, a thlang thiam viau mai, ani lo han thian chi tumah kawm ka neilo, kan Naupan lai atang a ka kawm ve tho ani a, mahse, ka lengchhuak ngailo a, ani lah hmundangah School a kal daih bawk nen kan inkawm zuilo, kan inhmuh chang erawh chuan in be lo in kan inkal pel ngailo, mamawh zual kan lei zawh hnu ah kalna tur a neih avangin min pen san a, Ka nuhrawn lah Dawr lamah kal leh a duh a, kan thil lei ho Driver kan dah haw tir a, kei erawh chu Rualfela te in ah ka kal ta daih a, abak zawng chu a fuhlo vel vek ta ani ber.

A tlai tawh a, khua a thim hial tawh bawk, Ka Phone ka en a, ka beisei loh zet in ka pa min rawn Call na a awm nual, a bungraw hralh tur hi ka tlanbo a hlau animahna,

“ I tho thei maw ?” min rawn ti thut ah chuan ka hawi chhuak thuai a, Muansanga rawn lut chu ka melh zawk a, ka en rei ngam lo,

“ Ka tibuai hle mai che, ka haw tawh mai ang..” ka tho a, ka Bag ka la nghal a,

“ Ka thlah ang che, Hmanhmawh angailo,Soup kha i in em?” a ti a, a meng dur deuh khup a, mahse, a reh leh thuai a,

“ Um..ka lawm e..thlah ka ngailo, Taxi a tam alawm..” luhlul chhuah in ka ti talh a,a then suk a,

“ I pa ka be tawh, hmanhmawh suh ka tih kha..chaw i ei phawt dawn nia..” a ti hmuk a, a kekawr ipte zen in a ding mar ut a, kan inlen hleih bawk nen ka melh chho ha a,

“ Aih...haw ka duh, ka rimchhe bawk si a...” ka ner nang a,

“ Hmeichhe Zu in hi ka ngaina lo ania, ka Nupui i nih hunah phei chuan ka phal hauh lo ang..”a ti nghut a, ‘Nupui’ tih tawngkam chuan min deng dawt a, a hnai tawh takzet, kar khat pawh ani tawh lo ni 3 chauh in a dang tawh.

“ Mahse, kei chuan ka in ang, Nupui tak ka ni dawn lo i tih kha..” ka ti salh a, tihnat ka chak riau chu ka hrethiam lo..

“ Ka Nupui tak tak inih a zu i in dawn lo anih chuan Nupui tak a siam che ka hreh chuang hleinem..” a nui hmel sexy lutuk chuan ka khup a ti zawi vek,

“ Chutiang in ka sawilo...” ka ti hmak a, a then suk a,

“ Chaw ei phawt nge i duh Inbual hmasak ?” a ti leh a, ka lu ka thing a, ka inbual ngawt theilo, Thawmhnaw ka keng hleinem..

“ Ka inbual ngawt thei lo tih i hria alawm..” ngei zet hian ka melh a,

“ He in ah hian nangmah chauh Hmeichhia an kal lo tih hria la...” ngeiawm zet hian a kiai suk a, ka lo ngei em em thung, Nula a kawp ten tun tih te zawng ka hre ve kar tho.

“ Ka hria, mahse, chung ho thawmhnaw chu ka hak duh ka ringlo..” ka ti nghat a, Kan in upat hleih tehlul nen hian min chhaih thinrim atum niin alang tlat zel,

“ Ka kawr atam mai.. Nupui ten Pasal thawmhnaw hak te chu thilawm lo ani hleinem..” a then suk a, a thle buk a...ka banrek ah a rawn vuan a, Room pawnah min kai chhuak a, Inhnuaiah chhuk lo in a sir lam ah min kai phei a, Room kawngka awm ho chu kan kal pel zel a, a tawp berah Kawngkhar hnum hlurh mai chu a nem hawng a, min kaih ang ang in ka zui ve tawp ringawt,Room chhung kan lut chiah erawh chu ka thaw hawk ringawt, a pui mah mah ....ka thaw a chham lo chauh,

“ Sawlam ah sawn Bath Room a awm a, a chhungah khan Towel leh Bath Robe vel chu a awm vek ang,hmanhmawh lo in inbual rawh...” a ti a, ka chhan let hma in Khum a pan a, Kal pah in Tv a on a, Inbual tur a luh mai loh chu tih tur dang a awm lo.

Ka inhlip sawk sawk a, Bath Tub lianpui ah chuan ka lut a, tuilum in ka inchiah vang vang a, awm reng theih nise ka ti takzet..mahse, awmreng chi ani silo, ka intleuh fai a, ka lu ka su a, engkim Inbualna a kan mamawh chi chu a kim vek ani ber,Ka thawmhnaw haklai ka ha leh hreh tawh a, thlan rim leh zu rim a nam huam tlat ani, Bath Robe ka ha a, Room kawngka ka hawng dek dek a, Hmuhnawm tih hmel zet hian Tv alo en a, ka thawm pawh a hrelo ani ngei ang..

“ I thawmhnaw chu ka lo ha hawh mai ang “ tim deuh dai hian ka ti a, min rawn en a, a zi mar ur ur a,

“ I duh duh ha rawh “ tih pah in a Thawmhnaw dahna lam a kawk a, a tho chuanglo.Ka hawn hmasak ber ah chuan kekawr hlir a tlar khat vek, ka khar leh a, a bul chiah ka nemtawlh leh a,Kamiz hlir in a khat vek..ka khar lehnghal a, Kawngkhar dang awm chu ka hawng leh a,ka duh ka hmu ta, T-shirt nghawng nei ho a inkhai dul a, a chungah chuan adang ho a inthlep thut bawk, a Grey colour chu ka pawt chhuak aka rin ang chiah in T-shirt pangngai alo ni a,kekawr bul ni a ka rin ka pawtchhuak bawk a, ka ringsual lo, Bath Room ah ka lut leh a, Bath Robe ka phelh a, ka inthawlh nghal a,a T-shirt a lian lutuk a ka mal te a thleng thla a, thawl tak ka ni, Kekawrbul pawh ha lo mah ila buaina tur a awmlo, mahse, ka ha ta tho..T-Shirt ka pawt tawm chho a, ka khel bul ah atlang ka suihbawk a, tlem chuan a ziawm ta deuh.

“Ka inpeih e, chaw ei lo in min thlah hman chuan haw mai ka duh zawk a..” ka ti a, ka thawmhnaw hak chu a thlek vung vung a, a khi ta suk a,

“ I lang chhe hran lo e...” a ti hluk a, lawm tur nge lawm loh tur pawh ka hre chuanglo, a rawn tho a,

“ Kei chu ka ril a tam, ka chawei min lo nghak mai aniang chu, i ei duh loh chuan..” ngeiawm zet hian a ner leh suk a,

“ Nia...a pawilo...” ka sawi zawh rual in ka pum a rawn ri ruk ruk a, ka dawm vat a, mahse, a lo hre hman tho..

“ Chuan....i ei dawn nge dawn lo...?’ a hmel a nuihza hmel lang chu ka hmuh hmaih bik lo, ka lu ka thing a,

“ Ka....ka hrelo...” ka ti bah nawk mai, Hepa hi ka huat lutuk vang anih ka ring, a bulah hian ka nervous nge pawh ka hrelo, ka tawng sual fo lehnghal.

A inher vut a, engmah sawi leh tawh lo in Room a chhuahsan ani nghal deuh mai, ka zui ve ta nge nge, a Slipper ka bun sak lah chu a lian lutuk a, ka kal zawng in a ri thlup thlup bawk,Inhnuaiah ka zui thla dat dat a, min nghah pawh a tum chuanglo, Dinning Room awmna lam ka hre tawh tho a, Pi Biaki alo awm loh hram ka beisei, hetiang a Muansanga thawmhnaw ha chung a min hmuh ka duh lo.


Ka Beisei ruk ang chiah in tumah an lo awm lo,Chair lo awm hnai berah chuan ka thu a, chet mai dan tur ka hrelo, aman eitur a rawn chhawp lai chu ka lo thlir ringawt, ka tho leh phat a,

“ Thu rawh..ka rawn laksak ang che..” a ti nghut a, hnial pawh ni ila a sawt chuanglo tih ka hria, ka thu leh ta zawk a, a chevel zei thlurh mai chu ka en reng ringawt, engtin nge heti khawp a Hausa hian ama eitur a insiam peih zawk ni ???, kei pawn ka eitur chu sawiloh ka thawmhnaw takngial pawh ka su ngai manglo, hmundangah chaw kan ei tum chuan a mawiah ka pui ve hram thin chauh zawk.

“ Ka pa hian a Ro hi ka chan a hlau tih i hria em ?” ka Plate nawrsawn pah in ka ti a, min rawn en zawk a, a thil ei a ei zawm lehnghal a,

“ Hria e..” a ti sup a,

“ Chuti anih chuan engtin nge min ngaihtuah tih i sawi theih a ?” mak ka tih zia ka aw ah a lang chhuak hial bawk,

“ A ro i chan a hlauh avang khan a Ngaihsak lo che tihna ani chuang hleinem..” a ti leh puat a, a va mak awm teh nuaih ve..min ngaihtuah anih chuan engkim ka tan a dah ang chu..

“ Ka mamawh hranlo, ka mamawh tur chu ka thawk chhuak ve mai ang, bakah kan Inneihna vel a fel veleh hna ka zawng nghal ang..” ka ti nghat a, ka tum dan chiah pawh ani reng a

“ Ka Nupui in hna a thawh ka remti hauh lo...tum buai lo ang che..” a aw a chang tha beng bawng hle bawk.

Chapter – 4

Ka melh vak ringawt, Ka pa nen hian engthil nge an tum ka hre silo,

“ Nupui tak ka ni dawn chuanglo a, mamawh te pawh ka nei ve dawn a, i pawisa tih hek lah ka duh heklo..” ka ti nghat a, ka hmui ka ru fai a,

“ I tum chhin dawn nia...” a ti duh lek, a chair hnung a ngheng a, a zi mar ur ur a,

“ Ka Drop ang che...” a ti leh daih a, kan thil sawi khan amah ah engmah danglamna a thlen hmel lo khawp mai.

In kan thlen hma in vawikhatmah kan inbe zui ta lo, Ka pa nen an titi leh a, Ka nuhrawn lah a lo tha leh huam bawk, min thawn bo a chak zia em em chu rapthlak tak ani, a hlimna a thup zo hlawllo ani ngei ang.Room ah ka chhoh san a, kan chhuah lai a ka thawmhnaw hak ka ha tawh lo tih ka nuhrawn awmdan atang chuan a hrethiam vek tih alang, Khumah kan tal dun ah angai te pawh ani mahna...a ngaihtuahna pawh thil tenawm bak in a luah lo ang, Ka Pasal neih dawn ruaiah a tha ta huam mai hi lawmna tur anilo tih ka hai biklo.

Ruatfela ka Call a, a mut ka la ringlo, Games a khelh laklawh phei chuan biak a har theih zia ka hria, a Chhass nen pawh an in hauh buai phah fo tlat ani,

“ Hello....” ka rin aiin a la rang,

“ Vawiin khan ka va rui awm em em ve...” ka ti ringawt, sawi tan dan tur ka hrelo,

“ Rui ang chu, Lion-a kha i hau vel a, i la chatthla zui a....” a rawn nui kar kar a, Muansanga an hmuh hmasak ber khan an nel lo nghal ringawt a, a hmel a rum in a lian bawk si,’ Lion-a’ tiin an koh phah ta zawk a..

“Min rawn hruai tih pawh ka hrelo a...tunah ka harh chiah...” dawt ka sawi a,

“ Huizzz.....i turu lutuk, engtin nge i awmna a hriat chat theih thin le kan lo ti a...a rawn kal a, a thinrim hmel lutuk a, chuan....a pawm chhuak che a... i la luak khum zui bawk a....” a nui leh huk huk a, ka awih theilo....engmah a sawi silo...

“ Ka awih miah lo...Hmelchhepa, min tihder tum suh aw...” ka aw a khur titih ringawt...

“ Ha....i duh leh Sangpuia zawt la....i luak ngei alawm...a Kamiz var ah ngei lehnghal...” a nui uar sauh a, ka Off ta ringawt, ka zah lutuk avangin ka hmai a sa hut hut mai..

Engvangin nge ka lo va biak hram ni ???, ka biak khan engmah ka hlawk phah na tur a awm pawh ni silo...ka mawl ka in ti ngawih ngawih ani ber...tah vak mai ka duh rum rum mai, engmah a sawi bawk silo...kei pawh khan rimchhia ka inti ania, ka luak khum anih phei chuan ......ka ngaihtuah ngam lo zawk...

Ka va text ta nge nge....engmah a sawi loh khan nuam ka tih phah tlat lo, Ngaihdam ka dil angai in ka hria..

“ Vawiin ah ka luak khum che tih ka lo hre lo..” tih ringawt ka thawn a, mahse, a reh vang vang, Reply tlak ah min ngailo ani mahna...a muhil tawh zawk pawh ani thei tho bawk,

Nghet lo zet in ka muhil a, ka Phone nghawr dat ah chuan ka meng leh nghal a, ka ban a, Msg alo awm a, ka Open vat a,

“ A pawilo..mahse, thleng nawn tawh suh se..” tih zawng....tlem chuan ka thawveng ta deuh...a hranpa a ngaihdam dil chiam a ngailo ringawt pawh ka lawm hluah hluah zawk.

Ka ni te an lo thleng tawh a, kan chhungte ka hriat vak lemloh pawh an lo kal nual mai, Fanu mal ka ni a, ka Pasal nei tur pawh an phur viau hlawm, ka Pasal tur lah mi pangngai chunglam alo ni bawk nen, a chhungril tak hriat loh chuan lawm viau pawh a awm tho mai,

“ Zualbawih....Naktuk chu Ka nu kha awm ve se a lawm dawn em mai ti raw?” Ka ni in a ti sep a, ka kut a chul hauh hauh a, ka Mittui rawn tla tur chu a hmuh hlau in ka khap sak sak a,

“ Nia....Ka pu pawh...” ka ti ve a, ka nui lui sak a, Biak in ah pawh Ka pa in min hruai luh theih dawn loh avangin Ka ni Pasal in min hruai lut turin an ti a, engkim mai hi a tak tak a ang mah mah in ka hria,Pasal ka nei dawn lo, reilote kan In ka chhuahsan mai dawn chauh zawk..Nupa ang in kan awm dawn lo a, midang hmuh ah chauh Nupa kan ni dawn tih ka hriatna chuan tlem chuan min hnem deuh, a bul a khawsak ka hreh em em zia chu mak tak ani, kan In a awm ka chak chuang der bawk silo, Engthil lakah nge Ka pa hian min thuhruk a tum tehreng ni ???

Ka Best tur Rempuii a rawn luh takah chuan Ka ni a inthiarfihlim ta thuai a, Ka thawmhnaw ken tur ho chu Khumah ka theh thla phung a, khung fel turin phurna ka neih thlawt loh avangin ka ti sawt lo takzet, min rawn khungpui sawk sawk a,

“ I vannei ka ti takzet che, In pa tur hi ka Duh thei ani aw...” a nui hak hak a, ‘nei daih rawh’ tih ka chak zek zek,mahse, ka ti ta em lo..

“ Ka vanneihna pawh ka hrelo...a nelawm loh si..” ka ti hlak a, khumah a thu a,a bawp a khawkherh a,

“ Min hrilh i duh em ?” engkim a hrethiam vek tih a hmelah a lang a,

Ka rilru a buai takzet, ka kut tin ka seh a, ka hrilh ang nge hrilh lo ang ka hrethiam lo, kan inkawm ngeih em em pawh anilo a, kan Naupan lai a kan inkawm bak chu tun hi hnai tak a kan inkawm leh chu animai si a, Hmeichhia hi kan tawng duh khawp a, engmah hi ka zep hleitheilo a, “ Sawi miah suh..” tiin midang kan hrilh a, keini pawn ka zep theih loh kha midang zep beisei in kan hrilh a, anni khan an lo zep zo bik lo a, a tawp ah chuan hrelo pawh an lo awm tawh thin lo. Min en ran a, ka rin ngam mai a tha zawk in ka hria, ka thiante 2 lah hi mipa annih avangin thil tak tak ah chuan min hrethiam zo lo fo, Hmeichhe harsatna hi chu Mipa tan a ho thin a, mahse, Hmeichhe tan chuan buaipui tham fe ani tlat zel atin ni..

“ Muansanga hi ka duh miah lo, kan inkawp hmasa lo hrim hrim, Arrange ania, Ka pa he ti hi ani tawh a, ka nu lah Nuhrawn ani bawk, ka hnial theilo a, phurna ka nei miah lo...” ka ti sap a, a chek tlak tlak a, min khawngaih hmel deuh hian min en a,

 A van pawi e aw...mahse, kei chuan i thuawihna avang hian Hmangaih i hlawh ka ring asin...” a ti a, ka hnial nasat zia a hrelo tih alang..

“ Mipa....chu pawh ka pa thianpa, ka ngainat miah loh, kei aia upa lutuk bawk han neih ngawt mai chu mak ka ti em ani...” ka ti leh halh a,

“ A dik alawm, mahse, hmanni a kan Office a an sawi dan chuan Muansanga hian a duh hle che niawm in an sawi a, in 2 inkai lai photo kha ka hmu bawk a,a en dan ah che kha chuan ti der a ang miah lo..” a ti halh a, mak ti zet hian ka mengphawk vak a,

“ Eng Photo maw ?” vawikhatmah kan la chhuak dun miah lo,

“ A la reiloh hmel, Muansanga Car bulah ania, ka lo ngaihdan chuan hetiang khawp a Tlangval hausa hian duhna tlem te tal anei che anih loh chuan engvang mah in a neih che ka ringlo..” a ti leh siam siam a, ka rilru a ruak vek...engmah ka ngaihtuah lo..

Ka mu meng kar ah, min riah pui tur a ka sawm ang in Rempuii pawh a rawn riak a, mahse, a muhil tawh thung, ka thawmhnaw pawh kan khungfel thawkhat tawh, Muansanga ka ngaihtuah a, Rempuii sawi ang kha ni hlauh se tih na ka nei thut a , mipa tumah Ngaihzawng tur ang in ka la kawp ngailo a, Nula ve uaih tawh si hian ka awm mawl tawp a, min beisei tu ka hmulo ani biklo, mahse, Mipa ka duhzawng ka la hmulo ani ang, tumah han biak that ka nei hran lo. Muansanga hi chu a hma atangin an sawi ka hre fo, a hausa a, amah a lo chhe fahran lo nen a luck em em tih ka hria, Kan In ah ngei pawh vawi tam alo kal a, hmeichhe ngai vawikhat chiah a rawn hruai nawn, chu nu lah chu Mizo Zaithiam kan neih that ber pawl leh a zaithiam aia a hmelthat leh mihlun chhungkaw zing a mi anih na larpui ani mahzawk...an lo kal dun tum khan kha nu khan zak miah lo in a si deuh chial reng anih tak kha..an rawn kal nawn leh tum pawn chuti tho..Tuna Muansanga Nupui nei tur hi engtin nge a ngaih ang ?? , engkim hre sa vek ani anga pawi a ti lo pawh ani zawk maithei asin.


Kan inneih ni zet zawng engkim mai chu mumang ang ruai ani mai, Muansanga kut seithlurh in ka kut a chelh lai chu ka melh reng a, Zungbun min bun tir a, ka bun tir ve lai pawh in a hmel ka en lo, kan thu chham zawng zawng pawh kha ka chham liam ve vel mai mai bawk,Thlalak lai in a rawn kun hnai a,

“ Nui la...vawiin hian Mo nalh ber ka hmu ania...” a rawn ti sup a, ka en thuai a, mahse, hmalam a lo en leh daih tawh.

Chau zet hian Khumah a vang zawngin ka mu a, ka thawmhnaw pawh engmah ka la phelh lo,

“ I va chau awm ve..” Khumah a rawn let ve nghal a,min si lo in a zangthal zawngin a mu a,Rempuii a awm ve vang ani tih ka hailo, Rempui’n engkim a hria tih hria se chuan a ti der buai lo ang,

“ Chau...ka nuihna lamah ka biang a kham vek..” ka ti sap a, a nui huk a, a rawn inbengkang a, min chhuk en run a,

“ Nuih tak tak mai tur che alawm...” a ti sup a, Ka sam kilh na hnawk nuaih mai chu phelh tum in ka pawt a, a rawn ban a, ka chetsawn hma in a rawn pawt phawi a, ka Sam karah a kut a rawn rawlh a, ka mur ar ar mai, Mipa ka hnaih ngailoh vang ani ngei ang.

“ Hey....lo in duat rih teh suh u...” Rempuii nui hak hak ah chuan a kut a la sawn vut a, kei pawh ka tho nghal a, nuam ka ti lo ru veng veng mai,

“ Thil nghah hi niawm deuh ania..” Rempuii a fiam a, kei erawh nidang anglo tak in ka zak ve ringawt..

“ I kawr kha phelh ila, ka lo pui ang che..” Rempuii chuan min rawn en a, ka bu nghat a, a hnung zipper sei zet chu ka pawtphelh thei tlat lo..

“ Inhnuai lamah ka lo zuk chhuk ang “ a inher vut a, a kekawr ipte a zen a, a kal chhuak chu ka en a, Diktak chuan a nalh zia ka hai biklo. A Suit hak inhmeh zia haider talh tur chuan mitdel kan nih a ngai ngei ang,

“ A duh che in ka hre tak tak..” Rempuii tawng ri ah chuan ka ngaihtuahna atangin ka harh zawk a, Lemchan a thiam em a a awm lo chuanglo tih ka ngaihtuah a, ka kawr min phelh pui a, chhuatah chuan ka thawmhnaw dahna ho chu an let rum bawk,

“Ka va han dahfel peih lo tak...” nur nang hian ka en a,

“ Lungngai suh, Bang kil lamah hian kan nawr phei anga, naktukah kan tifel dawnnia, ka lo kal ang...tunah chuan inbual la, i mu hahdam daih dawnnia,mahse.. In pa hian a muthilh tir phal kher che in ka ringlo..” min chhaih tih ka hria, ka biang a sa hat hat tho mai.Ka duh vang a nei ka nilo tih hre mahse Muansanga sawi kha engmah ka hrilh lo, Nupa ang in kan khawsa zui dawn lo tih pawh ka hrilh tello anih kha..

Rempuii haw tur chu Muansanga Best Hriatpuia’n a lo nghak a, a thlah kual nghal dawn a, Gate thleng kan thlah a, zui haw ve mai ka duh ut ut mai..In ah tumah midang an awm tawhlo a, a reh ruih a, mahse, Kawtzawl erawh a hnawk nuaih mai, Inchhungah ka luhsan a, mak tih deuh ka nei, Muansanga nu a Boral tawh tih ka hria a, mahse, a Nu chhungte tlem an lo kal a, chupawh nuam ti tak hmelpu ai chuan nuam ti lo leh ti hmel ka hmu tam zawk, Pi leh pu a nei tawh lo tih ahma in Ka Pa in a sawi a, chuvangin an inpawh lo pawh ani zawk maithei,Apa chhungte an sawi rik phei chu ka hrelo hrim hrim.Sawn alo ni reng zawk pawh animaithei.

“ I bungrua an dahna Room kha hmang mai rawh..Room dang ka hmang ang..” ka hnung lam atangin a rawn ti a, ka inher thuai a, Rempuii te awmlaia a hmel dam thlup kha a lo bo leh daih tawh, nelawm loh zet hian a meng dur khup a, engthil nge a huatpawh ka hre nek lo.

“ Ka lawm e, i Room ka luahlan dawn che animaw?, hun remchangah ka insawn chhuak leh mai ang..” Inchung panna Step ka zawh chho a,

“ Vawiin khan i Thiante 2 khan an tahpui che in ka hria..” a aw ah chuan hmuhsitna a ri tel a, ka ding chat a, ka hawi let a.

“ Tahpui hran lo, mahse, min huphurhpui tih erawh kan sawi tel hram ange “ ka ti hlak a,

“ He in ah hian hrehawm turin ilo lut dawn lo a, engvangin nge ilo huphurh a?, engmaw an hriat hrep a..?” a ti khur khur a, za lo zet hian ka nui lui sak a,

“ He Jail changkang ah hian kan awmdun reng thei tak tak dawn em an hrelo a,bakah Nula lawm em em leh Tlangval luck lutuk bulah hian Rilru na a ka tah an hlau bawk a..” ka sawi zawh meuh chuan ka bul a rawn thleng tawh, a kut a humruh nasa hle bawk,

“ Jail....sawi nawn leh teh...” ka tawlh hnung hrat a, a thinrim chhan ka hre lo, zu rim a nam bawk,

“ Inneih zan ah inhauh ka peih lo..i tan engmah nilo mahse ka tan chuan Pasal neih zan ani tho..Mangtha le..” ka inher a, ka pen leh chiah chu ka kawngah a rawn man a, min pawt dawrh a, Step anih avangin ka tla thla a, amah ka ngheng rawk rawk bawk,

“ Ramhuaipa tiin min ko mahla mihring tho ka ni a, Ka tan pawh ka Nupui neih zan ve tho ani, Room hran ah kan mu hauh lo ang..” min pu nawlh a, Step ah min kal chhoh pui a, a hnungah ka chum a, a samah ka kut lehlam in ka kek bawk a, engatan mah a ngai lo, a kal ngaiin a kal hmiah hmiah, a pen pawh a bahlah phah eih lo. Room kawngkhar a Dar in a nek hawng a, Khum ah min thehthla a, ka thawh leh hma in min rawn delh bet a, ka sual let a, ka theih na lai lai ah ka chum a, ka ham bawk a, min ti let ve lo in a inveng ringawt thung,

“ A tawk “ a ti sup a, ka lu chung lamah ka ban 2 a nembet a, a mal sei leh khauh tung chuan min khan bet tlat bawk, ka che zui theilo,

“ Thlawkbo rawh...ka hua che...” ka au ani hrim mai, a then suk a,

“ Ni lo e..ka duh ka hmuh hma chuan ka kalsawn dawn teuh lo..” a rawn kun a, ka thle sawn ringawt, ka taksa dang a chesawn thei silo, Dim leh dam thlap hian ka ir ah a rawn fawp a, ka tum loh dan a chet na chuan min ti buai ve thung, a hmui a lum ham ham a, a rawn hawi chhuak a, en duh lo in ka mit ka chhing a, ka Biangah dimte in a rawn fawp leh a, ka awmdan a dik tlat lo..Ka kut a chelhna a thlahdul a, ka chung atangin a chhuk a, mahse, a chungah min pawt kai ve thung, a kut lehlam in ka tukhum ah a vuan a, lehlam in ka kawngah a kuah bet tlat thung, mak deuh in ka Hmui ah Fawp se ka lo ti ru hluah hlauh ...Rapthlak hian a...

A taksa lian zet leh phiar fat maiah chuan min kuah bet a, min kuai kun a, ka Hmui a rawn si a, a hmui chhah tap leh fawh nawm hmel zet kha....Dimte in a rawn fawp a, ka hmui ka chip tlat thung, mahse, a beidwng duh lo, a hnuai lam a rawn pet a, ka thaw hawk a, chumi rual chuan a lei in zei lutuk in a rawn nawr leh a, ka insum hman lo, ka fawp let ve ta nawk nawk a, ka Mipa fawh hmasak ber ani a, engtin nge mi hi an in kiss pawh ka la hrelo..min lehthal a, ani pawh keimah ang tho in a danglam ve tih a awmdanah a hriat theih a, ka kawr a rawn zen a, a kut zungtang sei thlurh in ka hnute rawn tawh rual chuan ka harh kawk mai,

“ Atawk...” ka aw hrep chu a... a rum nghut a,

“ Mawh...kalsawn teh..” ka thle tawn sek a, In Control tum niawm tak hian ka awm ah a hmai a phum vang vang a, a thaw ham ham mai,

A tho thut a, Khum atangin a chhuk nghal a, min hnungchhawn nghal avangin a hmel ka hmu theilo,

“ Sorry...ka thil in hi ka inhnem deuh ani..Mangtha le..” a chhuak a, Room kawngkhar chu dimte hian a rawn nem khar a, kei erawh chet na chang hrelo in ka mut ngaiin ka mu ngawi kar thung.,ka va han chesual teuh tehlul em...ka zahna tur engmah ka ti hman lo hlauh..Sex lo hmang tehreng pawh ni ila Nupui ka ni ngai dawn miah lo, ani pawh Pasal ani dawn chuanglo, Nawmchenna satliah mai ka ni ang a, ka Rilru a nat phah hial thei bawk.

Ka chau ngang aniang, ka rin aiin ka mutui phian bawk, ka Phone riin min ti harh a, meng manglo hian Lukham bul a ka dah chu ka ban a,
“Hello...” ka ti a, ka la meng chuanglo,

“ Zualbawih...i tho tawh em?” Ka ni alo ni a, tun ang hun ah engvang a min rawn call nge anih ka hrelo, Ka sana ka en a, Dar 8 alo kawk va tawh, a hma tawh hauh lo,

“ Tho chiah lo deuh...eng nge ni ta ?” ka ti a, a vawt ka tih avangin Blanket in ka intuam hlan a,

“ In pa ka rawn be dawn a, min chhang lo a, inla tho lo anih ka ring reng a, englo ania, I pa hi nizan atang khan a chiang vaklo a,Casualty ah kan kalpui a, rawn hrilh che kan tum lah in a phal lo bur a...” ka lungphu rang dawt dawt chuan haw em em mahila ka pa ka hmangaih tih a tilang chiang em em thung...ka thu chhuak nghal a...

“ Tunah ka lo kal ang, khawiah nge in awm ?” ka ti a, ka aw a khur dar dar mai,

“ Greenwood ah kan awm mek a, vanneihthlak deuh in Cabin kan nei thei hlauh bawk a...” a rawn ti a, sawi awlsam a tum hle nangin a tha tawklo tih ka thinlung hian a hrethei tlat ani..Ka ni Pasal nau hi Doctor thiam leh lar tak ani a, Greenwood ah pawh hian Part time in a thawk tel a, Cabin chan loh ka hlau hran lo,

“ Ka lo kal ang... Muansanga kan kaitho lawk ang..” ka Phone ka dah a, tih leh mai tur hre lo hian ka thu ngawi leh ren rawn phawt a, mahse, a hmasa berah Muansanga ka hmuh angai, khawi Room ah nge a awm ka hre lo, a la tho lo nge pawh ka hre hek lo,Room ka chhuahsan a, Kawngka intlar phei thap chu ka en a, ahma a ka awmna Room kha a kil ber ah a awm tih ka hria a, ka pan phei a, Dimte in kawngka hawnna Handle chu ka herh a, Curtain chhah zet chu a inzar phui avangin a thim deuh khup a, ka pan phei a, khumah chuan Muansanga chu bawkkhup zawng in a lo mu a, a mutui hmel lutuk chu ka kaitho hreh takzet, mahse, ka kaihthawh ngei angai, a darah na vak lo in ka sawi a, a che eih lo,ka sawi nawn leh a, ala che chuanglo, Bbeidawng deuh hian ka kut ka lasawn a, ka kalsawn tur chu ka kut a rawn man a, min pawt deuh nawk a, ka inring hman lo, ka zuk bawh a,a nui huk a...

“ Engnge a ?” that chhe aw zet hian a ti a, ka tal chhuak a, khum tlangah ka thu a, min rawn man leh tum hmel pawh a pu chuang lo,

“ Ka pa a tha lo an ti a, kal ka duh a...” ka ti a, a rawn inbeng kang a,

“ Nizanah Nu sangi’n min rawn hrilh a, kal angai ka tilo anih kha...” a ti nghut a, thinrimna leh mak tihna nen ka melh reng ringawt.

Chapter- 5

Ka thu khawng reng, a mit a tizim a,

“ Tunah kal i duh ami ?” a ti leh sup a, ka lu ka thing a,

“ Keimah in ka kal mai ang , mu rawh..” ka tho a,

“ Min lo nghak rawh..” a rawn ti leh a, a ka hawi let a, a blanket sin chu a thleh hlim a, Boxer nen chauh a awm a, a pian nalh zia chu mak tak ani, Lian satliah ve ngawt amaw ka lo ti thin a, mahse, ani hauh lo...

“ Nizanah pawh i kal duh lo a tunah kal angailo..” ka ti nghat a,

“ Bawihi....inhnial lo teh ang, engmah hi chhan neilo in ka ti lo ania..” a ti hmuk a, min koh dan vang chuan sawi leh mai tur ka hrelo, ka bu ta nghat zawk a.

Motor Seat ah ka thu tlum kak a, nidang a ka tih fo dan in ka ke ka hlang a, ka khawkherh than a, pawnlam ka thlir vauh vauh a, mumal tak in thil ka ngaihtuah theilo, Pasal neih te pawh hi Hmeichhia ka nih ang in vawitam tak ka lo suangtuah ve tawh tho a, Mipa, Palian leh Hmeltha, min duat em em tu neih kha ka chak ber ani thin a, mahse, tunah chuan engkim a letling ta thawk, min duat chu sawi loh Inremsiamna ang lek in Nupa kan ni a, Inneih tuk ah pawh keimah ah danglamna engmah a thlen lo a, Ka pa Hospital ah an la admit zui bawk a...

Greenwood kan thlen in Ka ni Fapa Henry-a chhuak tur nen kan intawk a, min hmuh veleh Motor ah lut lo in min rawn pan leh a,

“ Room number kha i hria tiraw ?” ka awmna lamah a rawn dak a, ka chhukna turin kawngkhar a rawn hawng a,

“ Aw...tunah eng nge a an ?” ka ti a, a nui sak a,

“ A tha...a harh e...Doctor khan awm rih se a duh vang ania..” a ti a, Muansanga chu ka hnungah a rawn ding a,

“ Kan han chho ang...Nizan kha chuan ka rawn kal ta lo mai anih kha...i hrethiam ang chu..” a nui hak a, Henry-a pawh a nui var var bawk, engmah thleng lo mahse zah avangin ka hmai a sa hat hat tho mai.

Ka rin aiin ka hmu tha lo, an lo kam kang a, Oxygen an lo hip tir a, chauh hmel zet hian kan lut chu min lo en a,Ka Nuhrawn leh Ka ni an lo awm bawk a, Ka ni bulah ka thu a, sawi mai tur ka hre tlat lo..ka haw em em a, mahse, Ka pa ani a, ka Hmangaihna a bo chuanglo.

“ In mu thei em ?” Muansanga chuan zawh bik pawh neilo in a ti a, ka ni in a chhang thuai a, a bu nghut nghut a,

“ Athat hlauh chu, Bawihi hi a chau deuh a...kei lah thawh ka lo hai a...” ngeiawm zet hian a then suk a, min rawn melh a, ngei zet hian ka lo melh let ve nghek thung,

“ A pawilo, hei a ziawm tawh alawm “ ka Nuhrawn chuan a rawn ti a, Ka pa chu ka en a, tunah a ziawm anih chuan a hma in engtin tak lo awm ang maw ??, a Boral ve leh anih chuan ka mal hle ang, Ka ni in min ngaihtuah mahse chhungkaw hran kan ni tawh a, a zawng zawng in min buaipui thei tawh lo,Sum leh Ro min pe dawn lo mahse a lo dam ve tek tek chuan Ka pa anih ang in tlem in thlamuan na ka nei a, engpawh nise kan In ah engmah chan nei tawh lo turin min pet chhuak a, Muansanga nen kan innneih hun alo tawp ta anih chuan keimah in ka inhai kuak angai ang, chumi hun a thlen hma in hna ka thawh ngei ngei angai tih ka hria.

Kan haw veleh Inleng in min lo nghak a, Pi Biaki leh Nula dang 3 laiin in leh vel an lo thian a, Mipa an awm nual bawk, a hnathawk ho annih ka ring ve ringawt, Pi Biaki’n kan haw min hmuh veleh a thiltih lai kalsan in min lo chiau au a, Nu ber chan a chang tawp aniber, Muansanga pawn pawi ti hmel a pu lo,Nu en in a en ve hrim hrim niin ka hre zawk, Rempuii alo thleng a, ka Bungrua kan remfel a, Muansanga thawmhnaw dahna bul ah ka thawmhnaw dahna tur an lo siam belh vek a, nizan khan ka lo enchiang lo a, ka hmu miah lo,Sum a awm hi chuan engkim hi a fel vek mai anih hi maw...

“ Haw suh, chawei la...” Inbual tum in ka mamawh ka lakhawm a, thlasik a intan tawh a, mahse, ka chet na lamah ka thlan nasa lutuk a ka ban chuap mai,

“ Nia...In pa pawh khan a sawi a...Hriatpuia nen kan haw rual thei dawn tho a pawi ka ti lemlo..” a sam huh chu a chhem ro pah a, mak tak maiin ka harsatna te ka hrilh hnu khan ka ngaina a, ka pawh ta riau bawk,

“ A that hlauh chu..kan inbual ange, tihtur dang a awm pawh ka ringlo, i duh duh kha lo ti mai rawh..” ka ti a,

“ Um...lawk...In pa hi ka ringhlel tlat..in Inneihna hi Arrange pawh nise a en dan che hi duhna a tel..” a ti a, ka nui hak a, lemchan a thiam zia ala hrelo ani ngei ang.

Inbual turin ka luhsan a,engvangin nge Muansanga hian min duh a a hriat tlat ni ??, tunah pawh ka la Virgin reng tih hria se chuan a thidang hial maithei ani. Ka Inbual zawh veleh Muansanga ka zawng nghal a,Damdawiin lam atangin chanchin thar a awm leh awm loh ka hre duh a, ka hnenah engmah an rawn sawi lo a, Ka Nuhrawn pawh in Nizan lamah pawh kei min hrilh lo in Muansanga zawk a hrilh a, tunah pawh alo hrilh leh mial maithei ..

Inhnuaiah ka chhuk a, midang bulah a awm anih ka ring a, hna ah tul awm mahse kal chhuah a tum lo tih a sawi a, inleng a kawm anih ka ring a, Inhnuai lamah pawh alo ruak huai tawh a, Pi Biaki ka pan a,

“ Khawnge a awm le?” mawlthlak zet in a hming a sawi hi ka hreh leh tlat thin, mahse, a nuih danah ka sawi tum a hrethiam tih a lang a, ka thaw huai mai,

“ Inchungah a rawn chhoh kha, Room ah a rawn kal emaw ka ti a..” a ti ve mai a, kan intawk hman lo ani ngei ang, Room lam ka pan chho leh a, ka awmna Room ah kha chuan alo kal lo chiang, a riahna Room lam ka pan a, kawngkhar tlem a inhawng deuh chu ka nem zau a, ka lut a, tumah an awm lo, ka let leh a, Room dang hawn kual duk duk nuam ka ti si lo, han koh ngawt ka hreh khanglang bawk si,

“ Min zawng em?” ka hnung lam atangin a rawn ti a, ka inher thuai a, Library Kawngkhar ngheng in a ding a,

“ Um....Ka pa chanchin an rawn hrilh leh tawh che em ka ti a...” ka ti a...a nui suk a, a lu a thing a,

“ Hrilh lo..a tha zel aniang..” a sawi awlsam em em mai chu ka haw hluah hluah,

“ A that chu, ka va kal lawk dawn mawni ka ti a ?” rawn pah deuh hian ka ti a,

“ Kan kal dawnnia, mahse, Naktuk lamah nise, tunah chuan a thak ka ring ..” a ti leh mai,

“ Naktuk ah pawh ka kal ang, mahse, tunah kal ka duh..ka reilo ang..” ka inher hmak a, a thaw hawk ri chu ka hriat hmaih lo, Ka Pa nen an inkawm nasat tehlul nen ka rin aiin a ngai ho tlat, ka beisei ang ani lo tawp bwk.

“ Amak thin buan buan em mai, kan kal ang, kan kal ang..” ka kawngah a rawn kuah a, a awmdan teh thut chuan min ti phu nasa lutuk a, a lo kal phei lai pawh ka hrelo, tal chhuah ka tum a, mahse, ka Bengah a rawn fawp a,

“ Midang an awm hnai ania...awm hle hle rawh..” Warning tih hriat zet hian a ti sup a, che sawn zui lo in ka dingkhawng at ringawt,

“ Chupawh nise, min thlah rawh..” zawite hian ka ti hlak a,

“Hey....Muansang...” Hmeichhe aw nalh zet in a tih rual chuan aw rawn chhuahna lam Step chu kan hawi rual thawt a, tunge anih ka hmuh rual in nuam lo tihna in ka khat vek ani ber,kha Zaithiam Hmeltha zet kha.... Simple leh hmuh hahdam tak in a inchei a, a nalh takzet bawk,

“Ehe...i va lo lang har ve..” Muansanga chuan a ti hluai a, alamah min pawt hnai salh bawk,

“ Nimin ah ka lo thleng hman ta lo a, pawi ka ti lutuk, Vawiin lam erawh lo kal loh ka thei hlawllo ..” a ti bawrh bawrh a, a hmeltha tak ah chuan nui hmel lang mahse a mit meng lian kel kawl erawh chu a vawt raih thung,

“ I chan ropui khawp mai, ok...hei hi, ka Nupui, Zorinzuali ania, i hmuh tawh ka ring, chuan, Bawihi , ani hi chu sawi ngailo in i hriat ka ring...” a nui suk a, nia,ka hrechiang, tunge hrelo awm ang ???

“ Um ka hria e, kan In ah pawh in lo kal dun tawh kha..” ka sawi zawh rual in ka kawng a a kuahna chu a ti nghet salh a , a lawm vak lo ani ngei ang..

“ Chuan...Bawihi ka ti ve mai dawn che mi?, mahse, kha chu a Special hmel bawk si..” a nui hmel chuan ngainatawmna pakhatmah a neilo..

“ Nia..ka koh dan bik...Zualbawih tiin i ko thei ang chu..” a rawn kun a, ka Nghawngah a rawn nul thuak a, ka mur ar ar mai, ka kawng a kuahna avang pawn ka buai tawk viau tawh a, engvang in nge kan inhmangaih em em anga lan a duh kher ni ???

“ Kan chhuak dawn chiah a, lo awm la, kan rawn haw har lo ang..” Muansanga chuan a ti leh a, min rawn en a,

“ kal ila, eee...Rempuii kha va hrilh leh lawk la...” a ti sup a, min duat hmel lutuk chu ka tah a chhuak zawk.

Ka kalsan a, Kan Room ah ka lut a, nur nang hian kawngka bulah Rempuii alo ding a, kan 3 a inbia kha min lo thlir reng anih hmel,

“ Sawnu saw Te-i ani tiraw ?” ngei hmel zet hian a ti hmak a, a ner nang a,

“ Nih saw...kan chhuak lawk dawn a, Ka pa va tlawh kan tum a, ilo kal ve duh em?” ka ti a, a thle bak a,

“ Kal ve duh tho mai, in awm loh laia lo awm chu nuam dawn lo em mai..” a ti a, Muansanga te lam a la en ran tho,

“ Inleng ho an haw zo deuh vek tawh,mahse, lo kal ve rawh, hey...khatin en reng suh, mak an ti ang..” ka nui lui hak a,

“Ho em mai, enteh, Muansanga nen hian an inkawp thin tih i hria em?” keimah min rawn en ve ta hram,

“ Hre ve bawk e...a ho em mai,lo kal rawh,kal ang..” ka sam ka tuamna Towel ka la thla a, khuih pawh khuih lo in ka thlah mawl tawp a, ka sam bu chhah lutuk hi nin chang ka ngah takzet.

Hriatpuia lo thlen hma in kan chhuak a, kan chhuah dawn in Pi Biaki hnenah tih tur eng eng emaw a hrilh a, Rempuii nen Motor ah kan nghak a, Pi Biaki hmel dur deuh khap chu a chhan ka hrelo, a vir buai deuh a a lawm lo te pawh ani mahna,Te-i pawh kan rual in a chhuak ve nghal a,Taxi in alo kal a ti a, hnial vak ngaiha a awm lo, Motor a hawn veleh a hnung ah ka lut vat a, tur zet hian Muansanga chuan min rawn en a,

“ Te-i, a hma ah khan thu la, in inhmukhat si, bakah a hnungah hian duhdah deuh in thut ka duh..” pawisawilo hmel zet hian ka nuilui a,Rempuii hmel a zawhna lo lang chu ka haider hmak thung, Te-i pawh ka chetdan vang chuan a hamhaih ve deuh ani ngei ang, a hmel a buai ve nak a, mahse, a buai reilo,a Front seat ah chuan a thu lut a,

“ Pawi i tilo chiah maw ? “ anui hak hak a,

“ Pawi tilo lutuk, Bakah Nimin lam a kan Thlalak ho Rempuii hi en tir ka duh a..” dawt ka sawi a, Muansanga erawh chuan engmah a sawi lo..

Rempuii nen kan ti ti a, Te-i chuan kan titi a rawn zawm ve zeuh zeuh bawk a,

“ Hmanni chu Beach ah khan ka va kal leh a, a lunglenthlak tawp..” a kut chu tihpalh niawm tak hian Muansanga mal chungah a dah a, ka hmulo der thei lo,mahse,pawi tihna pawh ka nei chuanglo, kha leh chen an lo inzui ve a, a ta anih zia a tilang ah ka ngai mai,

“ Ka kal loh chin pawh ka hre ta lo..” a ti hmuk a,

“ Khatiang thil hrep kha thleng lo se chuan....oh..” sawisual inti hmel fe hian a rawn hawi let a, mahse, ka lo nuih var var thung,

“ Sawi bawrh bawrh rawh u, a ho lutuk, hun kal tawh ah ka buai hleinem..” zangkhai vah hian ka ti a,

“ Ka tihpalh lutuk, nia, thil kan lo tidun hnem em a, sawi leh mai a awl ani “ ati a, nuam tilo hmel fe hian a nur nang a, mahse,a mit meng lian kel kawl ah chuan sawi nuam a ti tih alang reng thung, mifig tak ani a ,a Bialpa hlui nen a an chanchin lehnghal chu a sawi sual hauh in ka ringlo, chupawh a Bialpa hlui nupui bulah lehnghal...

Chanmari ah min chhuk san a, ka pa tlawh ve a duh thu leh a hman si loh avang a pawi a tih thu a sawi luam bawk,Damdawiin kan thlen thlengin Muansanga chu a ngawi ngur a, vawikhatmah a tawnglo, ka ngaipawimawh lo, an nunhlui a chhuikir ani ang, a tah te pawh a chhuak hial maithei,a duh leh min be lo tawp mahse pawi tihna ka neilo.Ka nuhrawn in min lo be thuai thuai a, Ka pa erawh alo muhil a, Oxygen an la hip tir reng a, zinglam nen a danglamna engmah ka hre lo.

“ Nurse kan la mai dawn em ni ?” Muansanga rawn tawng ah chuan ka phu zawk a, In kan thlen in Hriatpuia’n min lo nghak tawh a, Pi Biaki leh Driver an lo awm bawk a, chaw kan ei a, kan Boruak a pangngai vek, Pi Biaki leh Driver an haw rual a, Driver hian Motor pakhat a hawn mai thin alo ni a, thilmak anilo, Motor a ngah em mai,Khumah ka thu a, ka hma lam bang a Tv lianpui bet thlur mai chu hmu miah lo hian ka en a,Muansanga lo luh lai pawh ka hre lo.

“ Engmaw?” ka ti a, Khumah a rawn thu mu a,a ban a kham a, a slipper pawh a phelh chuang lo,

“Nurse kan la mai dawn em ni ka ti a..” a ti nawn leh a,

“ Ka hrelo, ka rilru a buai vek..” dik tak in ka chhang mai,

“ Um...Nu Sangi hi a buai ve si a, Nurse lak mai a tha ang, naktukah ka lo zawn tir ang “ a zi mar ur ur a,

“ Ka lawm e aw, ka pa i ngaihtuah vangin,a der mai mahnise Makpa tihtur engkim i tih angai sia..” ka lawm tak tak bawk,

A rawn tho a,

“ Lawmthusawina’n min kuah dawn mi niang?” phawk zet hian ka en a, a nui hmel ka hmuh rual in min chhaih ani tih ka hria, ka thawveng hawk bawk.

A ding chhuak nghal a, min mangtha a, kei pawn tha tak in ka Mangtha ve mai bawk a, Dimte in Kawngkhar a rawn nem khar a, Nupa nilo in Hmelhriat loh khawsa dun kan ni miau a..Ka muhil mai theilo, ka let tawn sek a, Ka pa ka ngaihtuah vang pawh ani chuanglo,Ka pi ka rilru ah alo lang a, Lungphuchawl in a thi a, natlawk engmah a awmlo, ka School kal laiin min rawn lam a, Ka pi a boral tih zawng kan Driver khan a sawi a, ka rilru a mang vek a, ka awih heklo,mahse, In kan thlen in engkim a chiang, tah pawh tap theilo in ka a ruai a, ka la Naupang a tah vak vak ka zak bawk , Ka pu erawh kha chu a Damdawi alo ei tam lutuk vangin a boral a, ani pawh mak ka ti tho mai, a damdawi eitur zat kha a hrechiang em em a, engvangin nge tam lutuk khami ni khan a ei ngawt na chhan ka la ngaihtuah chhuak zo lo, keimah min ngaihtuah vang khan a dam a tul tih a sawi fo thin a, mahse, ani pawh a kal ta tho..

Beidawng zet hian ka thu chhuak leh rih a, ka ril a tam in ka hria, Room a Fridge ka hawng a, engmah a awmlo a, a ruak vek, Naktuk lamah ka lei anga ka dah khah angai, Zanlai a riltam hi ka nei ta fo mai, Inhnuai lamah ei tur a awm ka ring a, Room kawngkhar dimte in ka hawng a, Muansanga tih harh ka hlau a, thawm nei manglo in ka kal a, mahse, tawng ri ring vaklo ka hriat rual in ka ding chat a, Tawngri lo chhuahna lam chu ka ngaithla a, Library atangin a ni tih ka hria, Phone a hmang pawh ani maithei, ka pen leh a, mahse...ka tawp leh chawt, Hmeichhe tawngri ka hre tel tlat, ka duh loh ber dan in ka thinlungin ti turin min tur a, inhnuai lam pan lo in Library ka pan ta nge nge..

Kawngka zimte inhawng atang chuan chhunglam tlem a lang a, Muansanga chu kawngkhar hnungchhawn zawngin a ding a, a hma chiah Chair a thu chu a a hmai a din hliah a, tunge anih ka hrelo,

“ Naktuk ah Nurse ka la ang tih ka hrilh a...” Muansanga chuan a ti sup a,

“ A tul alawm, ka enkawl peih lo tih i hriat kha...” Muansanga mal ah a kut nalh zet chu a vak kual a, a mah hnaih turin a pawt hnai salh a,a hmel ka hmu ta,a hmai leh Muansanga kap chu a in si deuhthaw a, eng nge an tih dawn hrilh ka ngailo, ka luak a chhuak ut ut...

Hmeichhe dang emaw ka tih kha Hmeichhe dang nilo in ka Nuhrawn ngei ani e !!!

Chapter – 6

Ka pen sawn them them a, Room a ka let leh a,riltam lam alang tawh lo, mak tihna, hlauhna, ten na....a inpawlh vek, thawklehkhatah lirnghing emaw Thlipui in min nuai thut se la, tun a ka awmdan ai hian ka thlabar chuang kher in ka ringlo, ka mitthla ah ka pa hmel alo lang a, a thianpa, a rin em em bulah min kal tir a, mahse, ti hian a hnung lamah nuam chen in an lo bum thin ani sia maw....!!!!, ka Mittui a rawn baw zawih a, Ka pa tan mittui ka sen vawikhatna a ni hial ang, Ka nuhrawn hi a nalh em em a, Ka pa aiin a naupang hle bawk, mahse, Muansanga nen a inkawp tur chuan Muansanga ai chuan a upa leh zawk thung, Ka pa theih loh hnu ah Sumdawnna thil ah an chhuak dun ngun hle a, Ka pa pawn ngaihtha tak in a kal tir mai, hna an thawk emaw kan tih lai khan nuam an lo chendun thin anih lek chu...hur herh lutuk mai, Nula thalai tam tak a duh chuan a tan an in phal a, amah aia upa, a Thianpa Nupui lehnghal engtin nge a uire ngam zawk ??!!

Ka muhil miah lo, khawvar rual in ka tho a, ka inbual a, tuilum a ka inchiah vang vang hnu chuan ka lu na bur pawh a ziawm ta, an riak dun em ka hrelo, ka ngaihven heklo, Ka pa hmuh ka duh a chu zawng chu animai, Inhnuaiah ka chhuk thla a, Muansanga ka hmulo, ala hma deuh bawk a, Pi Biaki pawh alo la kal lo ani ngei ang, Tom-a chuan vir vut vut hian ka chevel chu min zui a, ka la nel chuang miah lo a, mahse, a hma ang khan ka hlau over ta lo,min tih nat a tum lo tih ka hrethiam ve tawh tlat. Pawnah ka chhuak a, Motor an awm kim vek, a la chhuak lo tih ka hria, Gate hawnna Remote ka kawl lo a, In ah ka let leh a, a sir a mihring kalna te reuhte awm kha a in kalh a, chahbi ka lak angai,chahbi khaina ah khan a awm tur ani, engber nge ka hriat loh avangin ka hum chhuak teuh a, ka ti chhin zel a, 5 lai ka tih chhin hnu ah ka ti dik ta hram, ka let leh a, adang ho zawng ka dah a, Gate pawn atangin ka kalh leh a, ka hawilet a, ka hma a In lian leh Nalh zet ,ding luah mai chu ka tan chuan Jail ani..Ruatfela leh Sangpuia khan an sawi dik chiah, Jail changkang ah ka tang anih hi...

Taxi ka chang a, ala hma deuh bawk nen ka hmu mai lo, ke in ka kal a, ka hmuh hun hun ah ka phar mai ang ka ti rilru a, thui pawh ka kal hma in ka hmu ta thuai a, Greenwood Hospital ah ka hmang duh tih ka hrilh a, ka Driver duhzawng tak ani, min biak a tum lemlo, min tih tlangnel tum a min biak sek hian ka ning thin miau a.

Room pawnah ka ding ren rawn a, Ka nuhrawn hmuh ka chak lo takzet, in Control theilo in ka hau hrep mai ang tih ka hlau ru a, ka ten em em bawk tlat ani, din reng theih ni heklo,ka lut a, ka rin ang chiah in ka ni chauh alo awm, alo muthlu bar bar a, a chau deuh ani ang, ka lut thawm pawn a ti harh zo lo, Khumah ka thu a, Ka pa hmel chu ka en a, khawngaihna in ka khat vek, a Nupui in a bum tih hi engtikah nge a hriat ang?, chumai nilo in a Fanu tan mitha ah ngaiin Ramhuaipa hnenah min kal tir bawk, rilru na in a thi thei hial ang, a chalsam tla kawlh tan mek chu ka chul a, min ngaihsak loh vangin ka vui ru thin a, tlem tal in min ngaihven ve se ka ti fo thin, mahse, kei pawh engtik lai mah in Fanu fel leh tha ka ni ngai biklo, ka be ngai manglo a, pawisa hman tur ka neih chuan ka duhtawk fo a, nuam tak a ka khawsak na tur khan hna a thawk nasa a, ka hma ka sial em a Pa tha nilo mahse min Ngaihven dan kawng ka hrethiam lo lui mai niin ka hria.

Ka ni a rawn harh a, min hmu thut chu a phu nasa viau bawk,

“ I va hma em em ve, khawnge in pa ?” ati nghal a, “ in pa “ ka thinglung a ngawr dawt a, a der mahnise ka Pasal ani tawh miau si..

“ Keimah in...ka riak thei reng a ,min lo ko mai lo a..” ka ti a, Ka ni te haw tur kan chelh khawtlai zo vek dawn tlat, an pa phei chu Nimin lamah loh theih loh in a hna lamah a let leh tawh tih ka hria a, ka inthlahrung ru viau bawk,

“ A ho em mai, ka riak thei alawm, ka awmrei hman dawn silo a, ka awmchhung chuan ka riak mai ang, bakah, Sangi leh Muansanga khan Nurse lak an tum in ka hria,an ngaihtuah fel mai ang..” ka luak a chhuak hlui mai, tah hawk mai ka chak ber, Ka pa in kan In a a rawn hruai haw tirh atangin tuman “ Nu” turin min ti lo, chuvangin Ka ni pawn “ i Nu “ tiin a sawi lo, ka ko tam lo a, ka ko ve anih pawn loh theihloh thil ani tlangpui, “ Nu sang “ ka ti mai zel a, ka thinlung hi chuan ka nuhrawn tiin a pawm thlap thung.

“ A tha alawm, mahse, kei pawh ka awm thei reng a, i haw hunah chuan ka riak lut mai ang..” ka ti a, ka tum tak tak bawk,

“Akhai...i Pasal a zahawm lutuk ang, Nurse an ruai dawn alawm..ngaihtuah suh..” a ti a, Thingpui kan in dun a, a ti ti siam siam a,

“ Sangi nen kan riak dun dawn emaw ka ti a, Mama lo kal tum pawh ka hnar a, mahse, Dar 10 vel ah khan an rawn Phone a, Hna ah buaina an nei ati a, bungraw phurtu ho ah atiin ka hria, a kal ta nih kha...” rapthlak tihna leh mak tihna in ka khat tha leh aniber.Reilote chhung pawh an insum theilo chu ani phawt ang a...tenawm lutuk..

Ka Phone a ri a,ka en a, Mmuansanga alo ni a, ka reject hmak, ka be chak hlawllo, mahse, a rawn tinawn leh a, ka reject leh ....

“ Ngatinge a?, chhang ta che..” Ka ni chu ka hnungah alo ding reng chu niin...Toilet ah a la awm emaw ka ti a, alo chhuah lai ka hrelo,Muansanga ani tih a rawn hmu hman anih hmel..

“ Ka Phone hi a chiang lo a, nakinah ka Call back mai ang..” ka ti ta ngawt a, a bu nghat a, ka thusawi a ring hmiah tih ka hria, ka ni ani miau alawm le.

Message ka thawn a, Damdawiin ah ka awm nileng dawn tih leh Zanah pawh ka riah nghal tur thu ka thawn a, a hmu ngei tih ka hria, mahse, min Reply lo..pawi ka ti chuanglo, saw Jail zau ah sawn let chakna ka neilo a, Muansanga lek phei chu ka hmu chaklo lehzual.

Ka pa a rawn harh a, Doctor in a rawn tlawh bawk a, a tha hret hret tih min hrilh a, ka lawm ve viau, Ka ni haw turin ka tur lui a,a haw hnu ah ka pa nen erawh kan inbe tam chuanglo, a muhil deuh chawrh chawrh a, awmpui a hahthlak loh, Tlaiah ka nuhrawn alo kal a, a hnu lawkah Muansanga a rawn thleng ve leh bawk a, tenna in ka khat tlat, an lo kal rual ang tih ka chiang, mi mitmei an veng a an lo lut rual lo mai zawk ani ngei ang, Uire lo ang hmak in Ka pa ala rawn ngaihsak hiam hiam mai,

“ Nurse kha kan be fel a, In pa nen hian kan sawi dun a, a rawn thlen tep ka ring “ a ti a, ka chhang lo hrim hrim,

“ Nurse a awm tawh dawn tho a, riahpui angai lo ang, kan haw rual dawn nia..” Muansanga chuan ka bul a rawn thut pah in a ti a, ka tho that a, a sik takngial pawh ka duh lo,

“ Awm rawhse, mahse, kei pawh ka riak ang, Ruatfela alo thleng tep a, ka thawmhnaw thlakna tur a rawn keng dawn a, kei chu ka theih chen chen hetah ka riak ang..” Ka nuhrawn makti ang phuau chu ka mit sir in ka hmu a, ka kalsawn hlan in Ka pa tihnatna chance a nei dawn lo tihna animai.

“ Mahse....i Pasal pawh i rawn lo a...” a rawn ti lawi rut a, ka nui lui sak a,

“ Kan 3 chuan thil thlen dan kan hria alawm , engmah zep angailo, Nupa tak kan ni lo a, inzahder viau angai hran hleinem..” ka ti dam thlap mai, thinrim a ang chiam chi ka ni lo hi ka vannei ka ti ru fo.

Muansanga hmel duh khup chu ka en ngam lo, mahse, hlau anga lan erawh ka tum lo,

“ Ani lwmni ?” ka huaisenna zawng zawng sawmkhawm in a mit ah tak ka en a, min thah duh mai hmel a pu in ka hria, Kawngka kik thawm ah chuan kan Boruak tang at pawh a zia ta deuh,Ruatfela leh Sangpuia an lo lut a,ka thawmhnaw tam vak lo an rawn keng bawk a, chhunah Pi Biaki ka phone a, ka haw hman loh vangin ka thiante 2 in ka thawmhnaw an lak tur thu leh Room ah luhtir turin ka hrilh a, min hnial lo in a lo ‘ aw ‘ ve mai bawk.

A hnu rei vaklo ah kan Nurse chhawr tur alo thleng a , an 2 in engmah an sawi hma in ka duhdan ka hrilh zar zar a, min hua emaw min tihnat duh hial pawh ni se pawi ka tilo, ka pa lak ah anni pawn khawngaihna a der bak an lantir chuang hleinem..

“ Lo kal ru...thil ei ang u..ka riltam rapthlak..” ka thiante 2 inthlahrung zet a thu chu ka en a, kal chhuahna remchang an neih tak ah chuan phur fe hian an tho a,Nurse hnenah ka let har lo ang tih ka hrilh a, Muansanga pawh min hawsan mai turin ka hrilh bawk, mahse, Nupui tha ber ang maiin thupha ka chawi luam bawk, pawi a tih loh thu in tha tak in min chhang ve mai bawk a.

“ Ngatinge Lion-a kha..?” Car a kan thut luh veleh Sangpuia chuan a ti nghal a,

“ Ngatinge ?” ka zawt let a,

“ Ka hre chiah lo, a en dan ah che khan lawm vak lo a ang,a lian si,min khawih nek ang tih ka hlau ania, ti thinrim thin lo teh, a nuam miah lo..” ka nui hak hak a,

“ Hlau suh, mipa chak lohna lai ka hre tawh alawm “ ka nui hawk hawk a,

“ I zak lo reuh mange, a zei dawn tih ka hre mai..” min chhaih let a, kan nui a, engmah ka la hre lo tih an hre der silo.

Darkar chanve hnu ah ka let leh a, an 2 ka hmuh peih loh avangin ka khawmuang lui a, Nurse a awm tho bawk nen ka ngaihtuah lutuk lo bawk, ka beisei ang chiah in Muansanga Car alo awm tawh lo.

Ni 3 lai ka haw ta lo, Ka pa nen kan in be ta fo, min ngaihzia ka hriat chian phah a, a tir lam kha chuan kei aiin Nurse a ko ngun zawk a, tunah chuan min ko deuh reng a, nuam ka ti em em a, chauh pawh ka hre manglo hial mai,Muansanga alo kal nawn leh miah lo, Nu Sangi erawh nitin alo kal a, nun lem lutuk a nun hi hrehawm a tilo zawk ka ti ru fo mai,

“ Va haw rawh, Zan in tal va hahchawl ang che..” ka pa in ati tlat a, ka hnial nasa viau a, mahse, ka pa ni miau a, ka hnial hneh leh ta lo,Phur lo fe hian ka thawmhnaw ka khung khawmna Bag lian vak lo chu ka ak a, Nurse hnenah kalsan lo turin ka chah ngun hle bawk,thil thleng a awm anih chuan eng hun pawh nise min Call turin ka ti bawk.

Taxi in ka haw a, Gate ka luh hma in ka thlir vang vang a,ka phur hlawllo, engtik ah tak ka In ang in la ngai ve ang maw??, Motor a awm kim lo a, Muansanga Car a awm a, mahse, Jeep a awmlo thung a, In ah chhunah a awm ka ringlo, Jeep in khawi hmun ah emaw a kal ani ngei ang,

“ I lo haw tur i sawi lo a, Muansanga lungleng lah a zin daih mai si “ ka phu zawk a, ka hria emaw ati ani ngei ang, ka thawveng hawk thung,

“ Lo haw ka tum lo a, mahse, Ka pa in Muansanga a hlau deuh a..” ka nui a, a nui ve var var mai,

“ Eitur i duh em?, Damdawiin ah zawng thil ei tui a har em mai “ a ti leh siam siam a, ka duh lo tih ka hrilh a, Inbual a mut hahdam ka mamawh takzet, In ka thlen takah chuan ka chauh zia ka hre chhuak dawn chauh a ang,

“ Bawihi...” Step a ka kal chho tawh chu min rawn ko leh a, ka hawi let a,

“ Um...” ka ti a, a kut a nuai nauh nauh a, midang awm leh awm loh a en kual zak zak bawk,


“ Muansanga leh Te-i kha an zindun a, hna thil ania, ka ngaihdan ani vak lo a, ka khak a, mahse, Muansanga khan i hrethiam ang ati a...a nui liam mai mai “ ka nghing ve lawih tho mai,ka rilru nat vang erawh anilo, hetiang em em hian a hur herh tih ka hrelo a, hmeichhia a mamawh dan em em chu rapthlak ka ti bawk.

“ Asawi dik anih chu,ka ngaipawimawh hran lo..” a rilru tihnawm nan ka nui lui sak a, hahdam huai hmel a pu bawk,

Ka inbual nghal a, Muansanga chungchang ngaihtuah loh hram hram ka duh a, ka buaina chiah ka ngaihven a tha, Pawisa ka mamawh thuai dawn a, hna ka neih a tul takzet,Ka pa lah beisei ngam anilo a, ka hmingin engmah dah a tum lo tih ka hre ru kar bawk, mahse, huat phah nan erawh ka hmang ta lo, a ngaihdan ah chuan ka nawmsakna tur Pasal hausa tak min hmuhsak tawh a, thildang ka mamawh lo a, kan thlir dan a in ang lo mai zawk tih ka hrethiam tawh, mahse, a mi rin em em hian a bum tih a hrelo erawh a pawi vawng vawng ani tawp mai.

Khumah ka let tawp a, ka mut chhuak in min zem chiai chai a, ka mumangah Ka pi leh Pu ka la hmu zui a, ka harh leh chuan Room alo thim khup a, thawm engmah awm lo in a reh vawng vawng mai,Khum bul a Switch awm chu ka ban a, ka On nghal a, ka Phone ka en nghal a, zan dar 8 lai alo ni tawh, ka mu nasa awm hle mai ka ti a, Pi Biaki haw tur pawn min rawn kaitho miah lo, inhnuaiah chhuk in ka en fel angai a,chaw pawh ka ei angai bawk, engkim siamsa in Pi biaki khan a kalsan dawn tih ka hria a, chawei ka hmanhmawh hran lo.

Peih lo zet hian ka tho a, a vawt vur mai, ka mut dawn khan AC ka on lo a, ka mut chhuak lutuk khan engmah ka ngaihtuah theilo, Inhnuai ka thlen thlak dawn ah thawm ka hria a, chupawh hmeichhe nui ri ala ni zui, he In hi a hrang zawk nge mawni ???!!

Ka dinna bul a Pangpar khawina chu ka la a, thawm rawn chhuahna lam chu ka pan a, ri lo turin dimte in ka pen bawk a, mahse, ka thil hmuh chuan min ti ding chawt mai,Stool sang ah khan Te-i a thu a, a kapkarah Muansanga a ding a, a kawngah Te-i mal ria thlarh chuan a kherh bet chial bawk, ka ni nghulh a, thinrimna leh huatna inpawlh in ka kawngchhung a tawt up up mai, ka inher a, mahse, ka induhtawkna zawk in tawn tlang turin min ti ve ta thung, tunah ka hmachhawn anih chuan ka hneh ang, hun lo kal zel tur ah pawh awlam tak in a khawsa vel ka thlir liam thei ngei ang.

Ka aw ka thian kharh a, an rawn hawi rual thawt bawk, mahse, an inthlah chuanglo.

“ In lo haw leh tih ka lo hre lo a “ awlsam zet hian ka ti a, ka aw a pangngai thlap mai,

“ I lo haw tur pawh ka lo hre bik chuang hleinem...” a ti nghut a, a kawng kherhbet tu chu a phelh a, kal lo ila chuan helai hmunah hian Hmangaihna an lo chen dun ngei ang,

“Ka ril a tam deuh a, thil ei lawk ka tum a “ Fridge ka hawng a, eitur awm chu ka en a, ka ei duhzawng a awm lemlo, ka chaw chakna a bo vek hrim hrim, Dinning Table lai tak a Balhla leh Apple awm chu pakhat ve ve ka la, anni 2 lah chuan engmah sawilo in ka chevel chu min thlir a, kei lah in sawi belh tur ka hre bau lo.

“ Chaw ei la...” a ti leh nghut a,

“ Aih...hei hi ka duhtawk mai, ka tibuai che u in ka hria...” ka nui hak a, Te-i erawh a ngawi kar mai..nuam a ti lo ani ve mahna..

Room kawngka ka kalh a, khumah thu chungin ka thil ken ka ei a, Muansanga tan chuan hmeichhe 1 an tawk zo lo ang tih te chu lo hriat ve awm tak, Te-i pawh khan kan Nupa hi a der mai tih a hria tih alang reng,kan Inneih tuk khan Muansanga khan a tak ang in hmuh tir a tum hle a, mahse, tunah chuan a hnar zo leh ta lo ani chek ang, hmeichhe pangngai tak ani a, a tilang lo mai zawk anih ka ring , Te-i alo kawp leh hi thlimak ah ka ngailo, an inthlah lo hrim hrim zawk pawh anithei, Ka pa Sumdawnna tlu chhe tan mek hi neihsak tumin thiam tak in Ka pa a vehthlem anih hmel ta, mahse, Ka Nuhrawn alo kawp kher kha zawng ka la ngaidam theilo, Te-i nen an awmdun ka hmuh aiin a let tamtak in min thawng zawk,engpawhnise a tha vek mai. Nun te chu a hmang thiam tan ania, kei pawh hna ka thawk anga , ka hmalam hun atan ka inbuatsaih ve ang chu.

Ka harh leh chuan khua a lo eng tawh a, tho mai peih lo in ka mu meng kar a, Nizan thil thleng kha ka mumang anih leh nih loh ka ngaihtuah a, khum bulah chuan ka Balhla eina leh Apple eina a awm a, chu chuan ka mumang anilo tih a tilang a, ka phone ka en thuai a, tuman min rawn phone lo, ka pa pawh a ziawm ani ngei ang,Nurse ka va zawt ta zawk a, ka beisei ang ngeiin engmah thil tha lo a thleng lo a, a mu tha hle tih a sawi chuan min ti lawm takzet, hetiang zel a hma a sawn chuan a chhuak thei thuai ang.

Ka inphih fai a, ka pum ri rawk rawk chuan ka riltam zia min ti hrechhuak a, Nimin khan nilengin chaw ka ei miah lo, Kichen ka pan ding nghal a, Pi Biaki leh Hmeichhe pakhat hian eitur an lo siam mawlh mawlh a, min hmuh veleh min lo be sawt sawt a,

“ Ei tur ka rawn chhawp nghal dawn em ?” Hmeichhe pakhat zawk chuan a ti a, kan inrual vel hmel viau, ka bu nghat a, tunah chuan bawng pumkhat pawh ka ei zo thei hial in ka ring,ei tur a rawn chhawp teuh a, a rawn dah kim veleh ka ei nghal a, ka ei hnem lutuk mak an ti anih pawh in egmah an sawilo,

“ Morning...” Muansanga aw hian a rawn ti a, a rawn thu ve nghal a, a inbual zawhna ala reilo ani ngei ang, mahse, mi zing a han in Morning vel chu a fuh lo ka lo ti a, kan Mu dun lo tih a lang chiang riau,

“ Ka lo ei ve nghal ang...” a ti zui a, an rawn chhawp sak zung zung a, a hmel ka en lo hrim hrim,

“ Damdawiin ah i kal dawn em?” thil ei pah in a ti a, midang hmuh ah Nupa kan ni a, a der ani tih tihlan kher tul ka ti hran lo,

“ Vawiin chu tih tur ka nei a, kal lo mai ang, i kal dawn mi ?” pangngai tak in ka zawt a, a bu nghut a,

“ I pa a biaktlak tawh tho a, Sumdawnna lam sawipui tur ka nei a...” a ti nghut a, ka bu liam ve ringawt,Ka pa in inrawlhna nei turin min duh lo bawk a, ka buaina tur ani in ka hrelo, a hriselna chungchang ah erawh chuan inrawlh ngei ngaiin ka hre thung,

“ A tha alawm, ka kal hman dawn silo a,nang tal i kal chuan a tha, ka thawhsan dawn che ania “ ka ti a, a bu ve mai bawk a, midang tan chuan kan inpawh lemlo tih alang hauh lo.

Ka insiam mawlh mawlh a, ka hna dil ah interview tur ka nih avangin pangngai tak leh zahawm tak a ka lan theihna tur thawmhnaw ka thlang a, min hnawl ta anih leh hna dang ka zwng leh mai ang,

“ Khawiah maw i kal dawn ?” Room ah a rawn lut a,

“ Ka mimal thil ania..” ka ti nghat a, a ner nawk a, Sofa ah thatchhe hmel deuh hian a thu a, a bawp sei zet chu a thluang duai bawk,

“ Ka hriat a that ka ring..” a ti leh hmuk a, ka thin a rim ta phat mai,

“ Ni lah lo e, lo buai suh, mahse, thil Pakhat, In chhungah hian i Hmeichhe khawi ho i hruai luh fo chuan i mualpho vat mai ang..” ka nui lui sak a,

“ I lo buaina tur a awm lo e..Robot ka nilo a, Tisa chakna te pawh ka nei ve bawk alawm..” a mit thim raih mai chu ka en ngam lo,

“ A dik..mahse, i hmuh apiang i mutpui anih chuan Natna tha lo i kai thuai ang..” ka ti leh nghat a,

A rawn tho a, min rawn pan a, a hmel a thinrimna lang chhuak avang chuan ka ip chawih bawk,

“ Sawi nawn leh teh, nang te hi thil zirtir i ngai in ka hria, tu nge ka nih i hriat hunah chuan i lei tereuhte kha i veng thei tawh ang chu..” a ti bung vut a, ka khawng vek ani ber.

Chapter – 7

Ka tawlh hrat a,

“ Min khawih hlek suh” ka ti chhuak that bawk, mahse, ka tlai hret, min rawn man a, alamah min phih dawrh a, ka te leh thawt a, min pu nawlh a, Khumah min thehthla a, min rawn delh beh hma in a awm lohna lamah ka let phei a, mahse, khum ka chhuksan hma in ka kawngah a rawn man a, hneh zet in min phih let dawrh a, Ramsa kawlh chiah chiah hi ani ringawt, ka theihtawp in ka sual let a, a sam chhip buk deuh ah chuan ka man fuh a, nghet zet in ka tham a, a rum hawk ringawt,

“ I duh duh i sawi anga , keiin ka lo ngaithla ang maw?” a ti leh hluk a, chhang lo in a samah ka kek ngat ngat ringawt,

Ka ban chu hneh zet hian a rawn man a, ka hnunglamah a herh a, a na lutuk...ka rak thawt a, ka Mittui a rawn tla a,

“ Ramhuaitenawmpa....kalsawn nghal rawh...” a ban puam ah ka seh a, a rum nghut a, ka kut a vawnna a thlah a, mahse, a kalsawn chuanglo, a mal sei leh khauh tung chuan ka mal pahnih a kherh bet tlat a, ka chesawn thei der lo,

“ Min seh amaw ?, i lawmman tur ka hria, Hmeichhe naupang enkawl ka thiamlo ka tih kha, thil pakhat chiah ka hria...” a kut zungtang sei thlurh mai chuan Dimna tel map lo hian ka Hnute a rawn tham a, ka rak tuar ringawt,kan inlenhleih si, ka chungah a bawk run a, a hmel ah chuan lainatna leh khawngaihna pakhatmah alang eih lo, a kut lehlam in ka kekawr kawng phelh a tum a, ka theihtawp in ka tal a, a duh ang ngawt chuan min khawih thei biklo, a phih leh sawk a, ka kekawr kawng kilhna a per nawlh a, chumi rual deuhthaw chuan a rawn zen nghal a, thinrimna leh hlauhna avangin ka khur hlawk hlawk a, engmah ka ti thei bawk silo beidawng chu ka mittui a rawn hnam tiam tiam a, ka zawi vek bawk,

“ Min pawngsual ang maw ?, hei bak hi tihdan dang i hre lo ami? “ ka ti tham tiak a, ka aw a khur dar dar bawk,

A chetdan a thlak thut a, ka Panty chhung a rwn zen luhna kut chu muangchang leh Dam raih hian a ti che a, ka thaw hawk a, ka awmdan danglam tan chu ka hai bik lo,awmzenei zet hian a ti che a, khawih tur lai a hre hle bawk, ka mit ka chhing a, ka hua tih ka hria, ka ten bawk, mahse, ka taksa a nawmna rawn thawk mek chu ka haider thei hlawllo,

Room kawngka an rawn kik ri ah chuan a thiltih lai a chawl dat a, kei pawh ka harh kawk bawk, a inthlahdul lai chu remchangah hmangin ka tal chhuak a, min man beh emaw min dan luih pawh a tum bik chuanglo,

“ Lo lut rawh..” ka thawmhnaw chuar lai chu ka chul mam a, ka Kut in ka sam ka khuih malwh mawlh bawk, Hmeichhia ka la hmuh ngai loh pakhat hi a rawn dak a,

“ Pu kha inleng a nei a...” Muansanga, khum a duhdah zet a mu chu a melh zawk a,

“ Ka lo kal ang...” a ti nghut a, a tho zui nghal a, min melh lo in kawngka lam a pan a, kha hmeichhia khan sawi nuam a ti viau in ka ring, kan tan a tangkai lo sawi peih em em hnam kan ni miau a,Nupa tak kan nilo tih sawi mahse kha Hmeichhia kha chuan a ring lo hulhual ang, kan awmdanah khan kan thil lo tih tur a rin lawk vek theih tlat ani.

Ka thawmhnaw hak lah chu kan inchai na lamah khan a chuar vel vek, Sana ka en a, ka tlai tep tawh, ka inthlak leh sawk sawk a, ka Bag ka la a, diktak chuan ka taksa a nawmna nasa lutuk avang khan ka la mumal lo,Muansanga rawn chho tur nen Step ah kan intawk a,

“ Rama ka hrilh tawh kha , a thlah ang che..duh leh in nghah tir mai la..” ka hnial dawn zet a, Common Room a Muansanga inlengpa lo thu chuan min rawn thlir dauh dauh tih ka hria, ka bu ta nghat zawk a.

Rama’n Motor tihfai pah in min lo nghak a, min hruai lo se ka duhtakzet, ka tihtur midang hriattir ka duh lo a, Ruatfela Patea te Hotel ah thawh tumin Interview ka nei dawn a, mahse, ka thawk thei anih tak tak chuan an la hre thuai dawn tho,

“ I lengkual duh em ?” Rama hnenah ka ti a, Ka Tablet ah ka interview nan a tangkai tur ka en pah mawlh mawlh a,

“ Maw ?” a ti deuh hu a, ka zawhna a hrelo nilo in mak a tih vangin min zawt nawn mai tih ka hria,

“ Ka rei dawn a, I Pu khan min nghak turin a ti tho che sia, i duh leh lengkual daih la, Dar 2 hma in ilo let leh chuan a tawk reng “ ka nui a, kan inrual vel loh pawn kei aiin a naupanna a tam lo ang.

“ Oh...chuti anih chuan a lawmawm hlauh, kalna tur ka nei a, Tlaiah kal ka dil ang che ka lo ti rilru a...” lawm hmel deuh hian a nui var var mai, kan lawm tawn ve ve anih hmel zawk mah.

Ruatfela patea te chuan min hre lem lo a, a hma khan kan kal zeuh zeuh a, mahse, Customer tamtak an nei reng a, tuman min lo hriat ka ring lo,Ruatfela khan a Patea min biaksak a tum a, mahse, ka hnial a, ka theihna ngei a hnathawh tur ka hmuh chuan ka inchhuang zawk ang tih ka chiang.Midang hna dil ve tur dang te nen kan thu ho tham a, ka nun ah vawikhatnan Interview ka hmachhawn dawn ani a, zam tak ka ni, ka Naupanlai khan School kalna tur ah Interview neih ka mamawh ngailo, ka Pa Thain hnaitak te School ah Higher thleng ka kal chhuak vek a,Test engmah ka hmachhawn lo,ka hming an rawn lam veleh ka ding vat a, ka khup a sai dar dar mai, Room chhungah chuan mi 3 an lo thu a, Mipa 2 leh hmeichhe 1 anni a, a lai a thu chu a hmel ka en ringawt pawn ka huphurh sa tawp aniber,Zawhna chi hrang hrang min zawt a, a laia thu chu a awphawi a nalh in a changkang tih a hriat takzet, a hma in hetiang lam hna ka thawk tawh em tih te min zawt a, ka la thawh ngailoh thu in tha tak in ka chhang mai,Muansanga nen kan inneih khan Chanchinbu khawi maw lai lai ah emaw khan kan lang nual a, mahse, tuman min hre hmel an pu lo, Sumdawng lian tak tho anni a, an ngaihven vak in ka ring lo bawk.

Dar 2 rik hma hret in Rama a rawn thleng a, ka interview ka zo deuh chiah bawk,ka tling anih chuan ni hnih hnu ah result min rawn hrilh leh tur thu in min thlah a,Call ka dawng lo anih erawh chuan ka tlinglo tihna ani tih min hrilh bawk, ka chhan dan ah sawisel tur hrelo mah ila Experience ka la neih loh miau avang khan ka confi thei lo.

Damdawiin ah Ka pa tlawh turin ka kal a, ka beisei loh zet in Muansanga Car ka hmu a, ka nuhrawn a awm ngei ka ring bawk, a kal dawn tih kha min hrilh ngei a, mahse, chawhma lamah a kal daih tawh ka lo ring a, kan thleng tawh a, let leh ngawt awmzia a awm der silo, phur lo fe hian ka chho a, Rama erawh chu Motor a lo awm a thlang a, ka tilui lo, a tan ka pa han hmuh ve ngawt a tulna a awm heklo.

Room kawngka ka hawn rual in an rawn hawi rual thap a, ka rin ang chiah in an lo awm ve ve. Mahse, Ka pa pawh alo muhil lo a, Paper hi khumah alo in chhawp hnawk ram bawk a, hna chungchang an sawi ani ngei ang.

“ I lo kal dawn lo alo ti a.” Min hmuh a alawm hmel chuan ka chhungril a fan a, ka sawifiah thiam lo,

“ Nia...ka zo hma leh sia, i tha em ?” Ka pa chiah ngaihven niawm tak hian Ka pa chauh ka en a, khumah ka thu ve a,

“ Ka tha lutuk, tunkar bak ka awm ka ringlo..” ka nuih sak a,

“ Hna chungchang ami?, ka lo kal lawk a, ka kalsan leh mai ang che aw,zanah ka rawn riak ang..” ka tho nghal a, mi tenawm 2 chu an la tawng lo reng reng,

“ Rawn riah angailo, ka tha ka tih kha..i Pasal a thinrim chuan a pawi ang “ nui chungin Muansanga lam a hawi a, ka rilru a na zawk a, ka awm loh in a lawm zawk han tih piap mai ka chak takzet.

“ Ka lo va hawng ang aw, in la sawi laklawh hmel sia..” Ka pa rilru tihnatsak ka duh lo, ka duh loh chung a min kal tir nimahse a beisei ang ngeiin Nupa hlim tak ang in min hmu se ka duh tlat, a bu nghut a,

“ Ka reilo ang..” a ti tha ve mai,.

In ka thlen veleh tihtur dang awm heklo Pi biaki bulah ka tawlh leh ta mai mai,nu tha tak anih zia ka hrechiang tawlh tawlh bawk,

“ Muansanga hi mi tha tak ani a, Nupui tha lo aneih ka hlauh em em laiin nang a nei che hi ka lawmzia i hrethiam lo zawk ang..” chawhmeh khawih mawlh mawlh pah in a ti a, ka nuih a za ru zawk,

“ Ka fello e, ih..diktak chuan ka eitur takngial pawh ka siamthiam lo..” ka ti sep a, a nui hawk hawk a,

“ A ho em mai, chutiang ti tu tur te chu midang an tam alawm..bakah Nula pakhat hi lang lo in a rawn awm lut tawh dawn a, a hma kha chuan amah chauh ania a harsa lo a, mahse, a zin fo si a, nangmah mai a kalsan che a duh lo a, thla thar atangin a rawn insawn lut ang a ti a...awiha...la hrilh suh a ti che a sin le..” sawi sual inti fe hian a chal a ti chuar tap ,ka nui hawk hawk mai,

“ Pawiti suh, ka hria tih ka sawi miah lo ang..” a nui ve ta hawk hawk a,

“ Te-i hi a neih ka hlauh zia chu a...tunhma atangin alo kal reng a, tawngkam mei nei deuh hian min khak ang fek fek a...ka ngaina lo reng reng “ a ti leh barh barh a,

“ Muansanga hi ngatinge a Nu unau te bulah a khawak mai loh a ?” a hming in ka sawi ve ta hram,Tei chungchang ka hriat chak loh avangin thildang ka sawi ani mah zawk,

“ I lo la hrelo ani maw?, a Nu kha a Nu tak nilo in Adopt alawm, mahse, Nausen anih laiin a Nu khan a la a,a tir chuan buaina an tawk lo, a rei zel a, a Nu unaute lam atangin ngaitheilo tu an awm ta thuai a,mahse, a Nu khan a hmeithaipui rap mai, Officer a ni a, a fapa tan hian a inkhawl nasa em em a, a boral hma khan a ro chungchang ah an inti buai hrep bawk a, an inpawh lo reng reng..” a vawikhatnan ka khawngaih ve ta hial mai. Kei ai pawn a dinhmun alo la chhe zawk, kei chu pi leh pu leh Pa ka nei a, ani chu tumah a neilo ,a neihchhun a Nu pawh Thihna in a laksak daih ani sia, a tuar a va chhel tehlul em...Kum 20 mi lek kha Ro chungchang avangin huat rawn a hlawh ngei bawk ang tih a chiang.kan inneihni pawh khan a nu chungte kha an ti dak reng a, thil mak alo ni lo, tunah a hausa turu ta bawk si nen...an inchhir ve vawng vawng ang chu.

“ Ka lo la hre miah lo...a va khawngaihthlak reuh e...” ka ti halh a,

“ A va mak em aw , i bulah hian ka duh aia Tam ka tawng zel mai, ka sawi zawng zawng kha thuruk ni zel mai teh se aw..” mangan hmel deuh hian a ti a, ka hrethiam, mi thuruk lo sawi chhuah hi thil nuam ani hauh lo ang.

Tom-a bauh that that ah chuan alo haw tih hrilh ka ngailo, Kawngka bulah ka ding a, Tom-a lah alo vir ve chung bawk.

“ Min lo nghak ami ?” midang hmuh loh turin ngeiawm zet hian a nui suk a, ka lu ka thing a,

“ Ka be duh che ania...” engmah sawilo in ka zui chho a, ka Room ah zawk a lut a, khumah a Bag a thehthla a,

“ Enge a ?” ka ti a, Sofa ah duh dah deuh in ka thu a, Apple ka ei pah bawk a,

“ I pa Dawr pakhat zawk saw ka lei sak dawn a, vawiin khan kan sawi fel a, Nu Sangi tan chuan enkawl a hahthlak deuh hlek a, chubakah in sumdawnna hi a tla chhe mek a, i pa hming in ala awm zel ang a, mahse, neitu nihna erawh keiman ka nei tawh thung ang a, naktuk ah lehkha ziah leh hming Sign chu kan ti fel ang, Court ah i pa a kal theilo a, ka Ukil in naktuk ah a va tifel mai ang..” ka hriatsual ni se ka ti, ka rin lawk sa nimahse a tak a han hriat takah chuan ka inbuatsaih lawk ang aiin min thawng na zawk, engtikah nge a Dawr pakhat zawk pawh alak sak ang ka hre silo,a sumdawnna ah inrawlh lo mahila ka pa ta anih miau avagin ka ta ang a ngaihna ka lo nei ve thin a, na ka ti lo theilo,

“ A tha alawm.” Ka ti sap a, ka Apple thial lai chu harsa ti zet hian ka lem a, Khum mawng a thutna awm ah chuan a thu a, min rawn en a,

“ Enkawltu hran dah pawh ka tum chuanglo, tun a awm sa saw ka duhtawk mai, kalphung thalo lai tlem ka siamtha anga a tawk mai ..” a ti leh a, a kamiz hak chu a ban kilh na a phelh a,

“ Ka pa in a phal chuan sawi ve tur ka nei hran lo, engtiklai mah in ka ta ani ngailo a, a tih dan apiang tha ka ti mai..” ka ti leh a, sawi awlsam ka tum hle a, mahse, ka chhungril erawh damlo mai tur ang hian a awm tlat a,

“ Nia...ti ringawt saw chuan a tla chhe lutuk anga, tundin leh a buaithlak ang, chuan...i peih chuan i enkawl ang chu ka ti a..” ka phu zawk a, mak tihna nen ka melh ran mai,

“ Aih...engmah hetiang ka thiam lo, bakah ka duh lo hrim hrim..” ka pha nghal zawt zawt ani ber, a then suk a,

“ I peih chuan ka ti mai ania, In a awm reng hi i nin tak in ka tia, mahse, a pawilo, In ah pawh tihtur a tam alawm..” a ti leh a,kan rilru in mil lo lutuk hi tahpui vak ka duh rumrum, In ah ka awm dawn hauh lo, vawiin khan ka tling lo anih pawh in hnadang ka zawng tho dawn, ka la hmu em em ang,

Ka pa damdawiin atangin a chhuak a, In ah Muansanga nen kan va dah a, mahse, Muansanga’n Nurse chhawr zui zel a duh a, Ka pa in hnial mahse a ti lui ta tho, a Dawmdawiin Bill zawng zawng alo ti fel vek a, chutiang khawp a tlachhia la nilo mah ila kan Damdawiin bill pek sak kan nih na chuan min ti na tawk tho mai,ka rilru chhungril hi alo chapo em ani.

Ka Phone nghawr dar dar avang chuan ka Pot chawi lai ka dahthla a, Number ka hriat loh atangin alo ni a,

“ Hello....” Thlasik nisa chuan min em a, a nuam kher bawk,

“ Miss.Zorinzuali i ni em aw ?” Hmeichhe aw hian a rawn ti a, ka nih thu ka hrilh a,

“ Hotel Renza atangin ania, i hna dil ah khan i tling a, Naktuk Dar 10 hma in rawn in report turin ka rawn hriattir che..” au vak ka chak kher mai, ka tlin ka rin loh tehlul nen..

Engtin nge ka thup theih ang aw tiin ka ngaihtuah vang vang a, hna ka thawk anih chuan hriatloh theih ani dawn lo, nitin timing neiin ka duty anga, ka chhuah ziah angai dawn a, thup eng ang mah ila a hre dawn tho, min hnial kher lo maithei bawk,

“ I va hlim ve...” ka chawei lai theihnghilh thak in ka rilru ka lo kawm a...

“ Oh...nia, thil engemaw mai mai ka ngaihtuah a...” ka Plate ka nawrsawn a, ka helhhawlh lutuk avangin chaw pawh ka ei tha theilo,

“ Khawiah nge i chhuah dawn ?” a ti leh a,

“ Tihtur ka nei a, Nileng pawh animaithei, Driver ka mamawh lo ania, min Drop se a tawk mai..” ka ti zui zat a, a Bowl a nawrsawn a, hriatthiam har zet hian min en run a,

“ I tih tur sawi la...’ a ti leh hmuk a,

Karhnih aia tam kan chengdun tawh a, dik tak chuan in khat a han khawsak takah chuan kan inhmu tam a, a hma a ka ngei ang khan ka ngei ta lo, mahse, a hmeichhe kawp te avang in ka ten a, a nun chhungril a bawlhhlawh ka ti em em bawk, a chhe hran lo a, a lian a, a pian nalh leh fit zaih te, a hmel tha fahran lo, pa zet si te, a la hausa zui bawk, tu hmeichhia mah in an hnar theiin ka ringlo..kei erawh ka insawi tello, min beisei nawn lo a, min khawih heklo, kan in mamawh lo tawn ve ve niin ka hria.Nilo, min khawih ni khan kan nula kha lo lang lo se chuan ka hnial thei kher lo maithei, damchhung a ka in ten tawhna tur engmah ka tilo hlauh kha kan nula hnen ah khan lawmthu sawi hial tur ka ni,amah zawk hian min ngaihven zuilo a,ka tello pawn a tleina tawk hmeichhia a hmu in a nei tih ka hria, ka Nuhrawn leh Te-i tih loh pawh a mutpui duh an intlar put ang, ani lah in a hnar dawn der silo. Ka ngaihtuahna avangin ka ner nak a,

“ Ka sawi thei rih lo a, nakin ah ka hrilh thei ang che..” ka Chair ka nawrsawn a, ka insiam vat loh chuan ka tlai ngei ang.

“ Hmanni khan kan kalna i Pu in a zawt che em?” Rama hnenah ka ti a, a bu nghat a,

“ Mahse, ka sawi lo, sawi i duh lo hmel em a” a ti a, ka nuih var var mai,

“ I hre dik, sawi ka duhlo hulhual, a tul hunah ka la hrilh mai ang..” ka ti a, a hnar a tum dat a,

“ Ka hrethiam alawm, mahse, reitak ka zep thei angem ka hrelo, min zawt leh anih chuan ka sawi angai ang, ka hna ka chan ngawt thei silo a...” a ti hap a, a sawi dik, ka Driver nilo in Muansanga Driver ani tlat.

“ Lungngai suh, ka theih veleh ka hrilh mai ang..” ka ti a, a bu nghat a, engtikah nge ka hrilh ang ka hre lo.

Ka in Report a,interview ni a ka hmuh Hmeichhia khan ka tihtur min kawhhmuh nghal a, Experience nei silo a ka tling mak a tih zia a sawi zauh bawk, an Chief Manager Office bul chiah ah ka Room tur a awm a, Chhawng thumna daih anih avangin ka lawm hle bawk, Inleng tamzawk ka hmachhawn angai dawn lo tihna animai.

“ I tlin na chhan an sawi i hria em ?” min hruaitu nu chuan a ti a,ka lu ka thing a,

“ Ka hna hi ka bansan angai a, hmanni a Interview ah khan ka thu ve a,min la hria em ka hrelo, chuan, i English kha ka duhzawng tak a lo ni nghal ringawt,Experience i neilo pawi ka lo tih zia chu a, mahse, kan Boss khan i hawiher engkim Confi lutuk kha a lawm ta tlat a...kei pawh ka ngaihdan chiah, ka hna hi harsa lo mahse fimkhur angai lutuk a.” a ti siam siam a,

“ I bansan chhan ka zawt thei che angem?” ka ti a, a nui leh var var a,

“ Thla thar hian Pasal ka nei dawn a, Kan pa tur hian thawh zawm a rem ti lo a...” a nui leh hak hak a, a hlim hmel kher bawk, ka lo awt ru hmanhmawh a, Muansanga hian min duat tak in hna thawk lo turin min ti se ka hnial kher bik lo ang... nilo, enge maw ka ngaihtuah tak hrep ni !!???

In ka thlen chuan Muansanga alo haw tawh mial a, engvang a haw hma viau nge maw anih le ??, Nidangah chuan Dar 6 hma in alo haw ngai silo, inchhung ka luh rual in a lo haw hma chhan ka hmu nghal a, Te-i tlangnel tak a alo thu ka hmuh rual in ka sa zak mai, mahse, ka in Control thuai a,

“ I lo leng ani maw ?” ka ti satliah a, a Dress ah Workout tur a ang hle bawk,

“ Leng chiah lo, Muansanga nen Kan inkhel dawn a, kan thiante 2 in min cho alawm mawle..” a nui a, a thutna sir a Racquet bawm chu ka hmu nghal a, a hma khan ka hmu lo,

“ A tha alawm, ka’n inthlak lawk..” Inchung lam ka pansan a, Muansanga rawn chhuk tur nen kan intawk a, ani pawh Sport Dress tho,ala inhmeh em em zui,

“ Ka va inkhel lawk ang, ka rei maithei, chaw min lo eisan rawh” a ti nghut a, ka bu zauh a, ka chhang hran lo, a tlai satliah pawh nilo in alo haw ka ring lo zawk.

Chapter – 8

Keimah in chaw ka ei a, Naktuk atang chuan kan nula a rawn insawn lut tawh anga keimah chauh in ka awm tawh lo ang, a duh leh riak chhuak pawh nise pawi tihna ka neilo, Dar 8 ah pawh ala rawn haw ta lo fo, ngaihthatlohna erawh ka nei hranlo,Badminton chauh lo pawh thildang a khel tel ang tih ka chiang,

“ Hmeli....” Phone ka lak rual in a rawn ti a, a tawng ri ah a rui anih hmel, a bul hnaiah Sangzuala a awm tih ka chiang,

“ Eng nge ?” ka ti let ve a,

“ Pawnah kan awm, rawn thlawk chhuak rawh..” a nui zui kar kar a, hmeichhe tawng ri a tel nawk bawk,

“ Lo lut zawk ula, keimah in ka awm..” ka ti a, Kawngka ka hawng a, Gate bula Sangpuia te Car lo ding chu ka va hmu a,

“ Aih...Lion-a alo haw thut chuan a buaithlak, lo kal mai teh, kal puina tur che kan nei” a rawn ti leh a,

“ Um....dah rawh, ka lo kal ang..” ka Off a, Motor bul ka thlen chuan an Chhass te ve ve nen an lo thu thap a, Hmeichhe 2 erawh rui hmel an pu lo,

“ Eng nge a ?” lut lo in ka dak a,

“ I mak hle mai, ka Birth Day i theihnghilh thei amaw?” Sangpuia lungawilo awki chu ka hriat hmaih lo, ka ngaihtuah a, dik chiah, engtin nge ka theihnghilh theih le??, kan inhriat hnu ah ka theihnghilh hmasak ber ani chiang,

“ Oh...Sorry....” a biang tawn tawn ah ka va chelh a, a chalah ka fawp a, kan tihdan fo ani a, thilmak ah a bialnu pawn a ngailo, alo nui hak hak ringawt,

“ Sorry sawi khan ka ngaidam ngawt dawn lo che, lo kal rawh, Party ang..” a biang ka vawnna chu a rawn nem sawn a,

“ Aaaa....Muansanga a awm lo,ka chhuak ngawt theilo “ ka ti a, In ah lo kal turin sawm ila an rui deuh bawk nen Muansanga alo haw thut chuan a sa hle ang tih ka chiang,

“ A tawk anih chu, Bawiha...kal ang “ a ti hmak a, ka nuih a ti za takzet,

“ Lawk...Muansanga kan Call lawk ang,min lo nghak ula..” ka ti a, nui deuh suk a, a ti tau tih a hrechhuak leh a, a tum tha leh a, ka nui hawk hawk mai, ka kalsawn a, Muansanga ka Call a, a pick thei tlat lo, ka ti nawn leh a,

“ Zualbawih...keimah Te-i zawk, a inbual lawk a..” ka nghing deuh lawih a, mahse, ka in control leh thuai a, Aizawl ah hian keipawh ka inkhel ve fo, Indoor hrang hrang ka kal ve a, Free tak a inbual na hmun khawp a Indoor changtlung a la awm lo tih ka chiang,

“ Oh...a pawilo, Ka Thiante nen kan chhuak lawk dawn a, ka lo hrilh dawn a, min lo hrilhsak mai aw..” ka ti a, Nupui tak nilo mah ila ka induhtawkna a chhia a, hnawl leh duh loh, kalsan, hetiang tur chuan a der pawh nise min neih buai loh mai tur ania..

“ Ok...ka lo hrilh ang..” a ti a, chhang tawh lo in ka dah a, Thlasik lai nimahse ka thaw a sa phat mai,

“ Ka va inthlak lawk ang, ka Dress hi a fuh vak lo “ ka ti a, In ah ka let leh a, ka inthlak sawk sawk a, Uggs Boot ka bun a, Kawrlum Phiar fual ka ha a, lukhum phiar ka khum bawk a, a zia ta deuh, ka hmelhriat leh thian hnai te vek anni a, inchei viau a ngai hran lo.

Beer min pe a, ka thinlung tawt up up chuan in turin pawi tih lohna min pe a, ka in pawp a, Beer pangngai anilo tlat, Engngemaw mix an nei,ka ner nang a,

“ Hey....Zu in ka duh tawh lo ania, ahma pawn ka buai em kha..tunah ka rui leh anih chuan min that mai ang..” mangnag zet hian ka ti a, an 2 in an nui vak vak a,

“ Pawlh sak suh ka tih che kha..” Ruatfela Bialnu, nu te lam, hmeltha zet mai chuan a ti hlak a,

“ A ho lutuk, Lion-a te chu tihlawm dan i hriat kha...” ka khek that a,

Aizawl khawpui light pe tuar chu ka thlir a, a mawi ani, van lamah Arsi a pe un bawk a, Boruak a nuam takzet, ka lu a hai a, ka thiante 2 erawh an Bianu te nen an buai viau, ngaihsak pawh ka ngaihsak peih lo, Ka phone riin ka rilru ka lo kawm veng veng lai chu min ti harh deuh zawk, ka en thuai a, Muansanga alo ni a, Sana ka en vat a, Dar 11 alo pel va tawh, ka rinloh deuh in In ah a haw ani ngei ang.

“Hello..”ka ti a, ka aw ah ka rui tih a hriat ka duh lemlo,ka inhnem viau, ka mitthla ah Ka nuhrawn leh Muansanga an lang a, Te-i nen an lo inkuah lai kha alo lang sek bawk, theihnghilh tum in ka in zel a, ka in tam ta mah mah tih ka hria, ka theihnghilh phah der si lo,

“ A va tlai tawh ve...” a rawn ti a, a aw ah lungawilo pawh a ang lemlo,

“ Nia..ka lo haw tep” ka ti a, ka luak a rawn chhuak a, a rawn tawng leh hma in ka phone ka off sawk sawk a, Ka luak hman teuh kher bawk.

Ka thiante lam ka va hawi chuan min rawn pan mek a, haw a hun tawh tih an hria ani chek ang, an Chhass te ve ve hi an kawp rei tawh a, an chhungte pawn an ngaihtuah vak in ka ringlo,

“ Haw ka duh tawh ania..” ka au a,

“ Um...nia..haw ang, i kal thei em ?” Ruatfela nui kar kar chu ngei zet hian ka melh a,

“ Ka hrelo, ka luak a chhuak hle, Lion-a nen kan in bauh hle ang..” ka tawng a sehchilh nak mai...

“ Ka chhan ngam dawn hlek lo che, pawilo, i in control mai dawnnia..” a rui ala reh biklo aniang, a tawng a sehchilh ve nak mai.

Ka thiante Motor light eng hla tial tial chu ka thlir a, Gate ngheng in ka ding a, Ka ding tawk tawk aniber, inthin harh ka tum poh leh ka rui nimaiin ka hria, ka thut lai khan ka ruih em em pawh ka hre silo,

“ I rawn lut dawn nge ka kalhkhum dawn che ?” Ka bul mai atangin Muansanga aw hian a rawn ti thut a, ka inher a,

“ I duh duh...” ka lei ka veng hman lo,

“ Rawn lut rawh..” min rawn pawt a, ka petek nawk a, ka tlu sawp nak mai, min kaihthawh a tum hauh lo,

Gate a kalh a, min en lo in min kalpel a,

“ Min lo kaitho thei angem?” ka ti a, tur zet hian min rawn en a, Light engah chuan a hmel chang zet chu a lang hlauhawm lehzual,

“ Hmeichhe rui, chupawh mahni insaseng theilo khawp buaipui tur ka niin ka hrelo...” a ti nghut a, a inher a, In lam a pan chu ka thlir a, koh zui pawh ka tum chuanglo, min hmuhsit belhna tur a nep tak a khawsak hi ka tawp a tul takzet, Ka pa Damdawiin Bill a pe a, Nurse rawihna a pe vek bawk, khavang khan min hmusit ta hle a, chumai duhtawk lo in Ka pa Nupui duh lai a tawmpui cheu bawk.

Vawt tih lutuk avang in ka harh a, ka tlukna hmun ah khan ka lo muhil zui lek chu niin, ka sir ah min ngheng in Tom –a alo mu ve bawk a, ka taksa chu vawt tih na avangin a khawng vek lo chauh, ka thu chhuak a, Tom-a pawh a rawn inlet ve a, ka rui pawn ka hre tawh lo, mahse, ka rit bur a, ka lu ana a, ka tui a hal huam huam bawk.

“ Tom...inchhungah luh tum chhin ila... i pu hian kawngka a kalh em tih te pawh kan en ang chu..” ka ti sap a, hrethiam ve niawm tak hian ka kut a rawn liak a, ka tho a,ka pai dat dat mai, ka ruih ala reh tawp lo, sana ka en a, khawvar nan hun tam a awm tawhlo, Hna kal ka ngai bawk, ka beisei loh zet in Kawngka a lo kalh lo mial a, Dimte in ka hawng a, ka pheikhawk ka khai a, phelh lo mah ila Carpet chhah leh Dup zet ah chuan thawm a awm dawn lo tih ka hria, Room ah ka lut a,Fridge atangin tui ka phawrh a, ka in pawp pawp a, tlem in ka zia ta deuh, mahse, reilote ka muthilh angai, chuti anih loh chuan hnathawk tur ka awm dawn lo, ka phone ah Alarm ka set a, Khumah mu lo in Sofa ah ka let tawp a, ka muhil zui chu ani leh mai.

Ka Alarm set in min ti harh a, peih lo zet in ka thuchhuak hram,ka rui tawh lo,ka lu na a la ziawm chuang miah lo, Damdawi ka ei angai , ka hawi chhuak chiah chu Muansanga lo thu ka hmu thut a, ka phu nasa kher bawk,Khum mawng a thutna awm ah chuan inkuangkuah fel at hian a thu a, a hmel tak ngul maiah chuan a ngaihtuah engmah ka hre theilo,


“ Nizan khan khawnge i kal ?’ a aw chu Boruak a hruihrual vai rik hi ka tehkhin ber, a ringlo, hlauhawm tak ani, mahse, hlau ang in ka lang duh lo a,

“ Ka thiante nen kan chhuak ..” ka ti hmak a, ka tho zui nghal a, Bath Room ka pan a, Darthlalang kawngkhar awm chu ka nemtawlh a, Nachhawkna leh Damdawi mamawh tlanglawn deuh alo awm nual a, pakhat ka phawrh a, ka ei a, reilote ah ka ziawm em ang chu,

“ Khatiang khan ka hmuh tawp na che ni rawh se..” ka chhuah leh veleh a lo ti leh a, thu tawh lo in kekawr ipte zen chung hian a lo ding khawng luh a, melh pawh melh lo in ka kawrlum hak lai ka phelh a,

“ Ka sawi i hria em ?” a ti leh tuar a, ka phu zawk bawk,

“ Ka beng a ngawng lo, mahse, i thusawi mai mai vang a ka ruih loh na tur ka hre hran lo..” ka kawrlum suk tur bawmah ka thehlut a, a awm lai ngaipawimawh duh lo in ka Pyjama lum hak ka phelh leh a, Hmeichhia ka nih na ang hian min en ve se ka duh ru tlat...

“ I pasal ka ni a, i ngaihpawimawh a tha ang..” a ti leh hluk a, a hma ang erawh chuan a vin ta lo, ka T-Shirt hak ka phelh leh a, Kekawte leh Bra nen chauh ka ding a , min en reng tih ka hria, pawi tihna ka nei miah lo,

“ I hmuh ang hian ka inbual dawn a, Ka pasal i nih thu kha chu midang awm laiin i sawi dawnnia, i nupui ka nilo a, ka Pasal i ni hek lo, i hmeichhe kawp te zingah ka hming alan ka duh lo, ka rui i hmuh duh loh chuan kan inthen thei reng, ka inpeih at ania..” Khum bul a Robe inkhai chu ka pawtthla a, ka ha a, engmah sawilo in Bath Room ah ka luh san a, Kawgkhar ngheng in ka ding a, ka thaw hle hle mai, vawikhatmah midang hma ah ka taksa ka la tilang ngailo, engvangin nge Mitenawmpa bulah khan tihlan ka chak chhan ka hrelo..rapthlak hian...a thleng tur a thleng zo vek tawh..

Tuilum ah ka inchiah vang vang a, muthilh leh ka chak kher mai, zu in mi leh ngawlvei ah min ngai hial ang chu, engvangin nge a hmeichhe kawp vang mai mai in ka thinrim le ??!!, duh leh kawp se thlir mai mai tur ka ni asin, Ka nuhrawn kher nilo se ka ngawi thei mai in ka ring, ka pa ka ngaihtuah apiangin ka na vawng vawng thin a, tunah chuan a nupui nen Hmangaihna chen dun tur pawn a harsa tawh em em dawn a, a nupui lah la naupang leh inchei parh reng mai ani si a, Mipa a mamawh a, a mamawh na lah chu a thianpa in alo phuhru hmiah hmiah mai si a, Rapthlak ti zet hian ka hui pap a, engtikah tak hrechhuak ang maw ???

Breakfast alo ei mek a, eitur min rawn chhawp chu ngawi rengin ka ei a, min be lo a, keipawn ka be biklo, ka eizawh hma in a ei zo a, a tho a, hna kal turin a inpeih vek tawh tih a dress ah alang reng a, Nitin zing dar 9 ah in a chhuahsan a, tlaiah dar 6 ah alo let leh thin tih pawh ka hre vek tawh, thil pawimawh bik ah chuan a hun bi a thlak fo, Pi biaki min hrilh dan in thlatin vawi 2 aia tam a zin ziah a, Hna ah a tlai ngai lo, zanah erawh inkhel turin a kal a, Zingkarah Gym ah a kal ngei ngei bawk . ka hnathawk tur kal hma in a chhuak ziah anga, kei aiin a haw tlai ziah bawk ang, ka hnathawh pawh a hre kher lo ang, hria pawh nise tunah chuan pawi tihna ka nei chuanglo.

Ni 3 lai ka thawk ve ta, mahse, ka Boss ka la hmu lo a, tunge anih ka la hrechuang miahlo, ka thawh ngailoh anih avangin ka che buai ve phat thin a, mahse, midangte puihna a zarah mualpho erawh ka mualpho em lo,

“ Ka Lehkha tur alo thleng em?” Muansanga tiat lawih hian min lo melh chhuk run a, ka hmuh hnu ani tih ka hria, ka hmuhna ka ngaihtuah a, aw...Interview na ah khan a laiah a thut tak kha...Hotel ah hian Share a nei ve ani ngei ang,

Ka ding chhuak vat a,

“ I hming min hrilh la, kan en nghal ange “ in ti polite zet in ka chhang a, ka nui lui sang bawk,

“ Oh...ka hming ilo hre nange ?” a ner nawk a, a kamiz hak chuan a pian nalh zet chu a khuh bo zo lo,

“ Zual....hei hi i Boss Sir Mapuia ani hi...” thla nei ila thawlh bo vang vang ka chak kher mai, Palian zet hnenah chuan ka Senior chuan thupha a chawi mawlh mawlh bawk, a then suk a, min rawn en a,

“ A pawilo, ka hmuh hnu i ang hle mai..” a ti leh a, a ha var rual that lang in a nui suk a, Muansanga anga nelawm lo anih loh hram ka beisei,

Nilengin ka awm a nuam theilo, a hmuh hnu ka an vang nilo, mahni Boss pawh ka hrelo ngawt mai kha nuam ka ti hlawllo,mawl ka inti hliah hliah, Dar 5 ah haw turin ka chhuahsan a, ka hriltlang dawn anih hmel, ka hrawk a thip hlur mai,

“ Khawi lamah nge i haw dawn ?” Motor atanga min rawn ko tu chu hmuh chian tumin ka va thlek a,ka beisei loh lutuk in kan Boss lek alo ni a, ka kalna tur lam ka hrilh ve mai bawk a,

“ Lo kal rawh, keipawh khulamah ka kal dawn alawm..” a ti a, hnial ka tum laiin kawngkhar a rawn nem hawng a, luh mai loh chu tih tur dang a awmlo, midang in min thlir thap lehnghal, a rukin ka zungbun ka phelh a, ka la bun leh lo, hna kal tur a ka chhuah veleh ka hlip daih thin a, In a ka let leh hnu ah ka bun chuah zel a, Pasal nei lai ka ni tih tuman an hrelo, Ka Pasal lar mahse kei ka lar lo a, midang te ka kawm lo a, ka thutna lah a hranpa daih a awm anih avangin tuman Muansanga Nupui ka ni tih an hrelo,

“ Khawilai ah nge i chhuk ang ?” a ti a, a nui var var mai, a hmel a nelawm loh aiin a tawng ri dam thlap chu a nelawm hmel phian thung,

“ Saw lai kawi ah sawn aw..” kan hma kawi lo awm chu ka kawk a, a chhan chu kan In bulah min drop ka duh lo a, chumai bakah tunge ka nih min hriat ka duhlo takzet. Ka sawina laiah a ding a, min mangtha a, a kal leh mai silo a, ka dinna bul inhnuai chhukna step chu ka zawhthla ta ngawt a, a Motor thawm reh hnu ah muangchang in ka let leh a, a awm tawh lo tih ka hriat hnu ah ka chhuak ta chauh, In lam ka pan ding nghal a, vanneihthlak tak in Muansanga alo la hawlo hlauh, hre mahse pawi ka ti lo a, mahse, hre rih lo se ka duh tho bawk.

Kan Nula a rawn insawn lut ta bawk a, tlem chuan a khawharthlak nep ta, a tawng duh em em a, mak tak in min ngaina em em bawk, U angin min en ve hmak mai,

“ I hmeltha e...Nun hi a fair lo ka ti...” Tv kan en dun laiin a ti thut a, Chair ah puan nen ka inbat hnawk nuaih a, Muansanga alo la haw lo a, khua a thim tan der bawk,

“ Tehngawt a...ka hmeltha reng reng lo...i tha daih zawk “ ka ti a, hmeltha min ti tu ka hriat chhun ani hial ang,

“ Pasal hausa tawk i nei a, ala duh em em zui che a, i hmeltha a, i nalh bawk si, ila fel tel cheu bawk...aaa, a fair thlawt lo...” a ti leh a, ka nui lo theilo, za zet hian ka nui hawk hawk mai,ka phone a rawn ri a, Muansanga alo ni a,

“ Zan in chu ka lo haw thei kher lo ang, Hna ah buaina lian tham zet mai kan nei a, chumai bakah Meeting turin dar 7 ah kal ka ngai bawk, chaw lo ei mai rawh, min lo nghak duh suh...” a rawn ti a, a bulah midang an awm tih ka hria, chuti ni lo se chuan engmah a sawi duah dawn lo,

“ Awle, ava hahthlak duh awm ve” ka ti ve ngial a, kan nula in min en kar si a, duh duh sawi ngawt chi anilo,

“ Hahthlak tho mai, ka lo haw theih dawn loh chuan ka rawn hrilh leh ang che..” a ti sup a, min la duat hmel em em zui,

“ Awle “ ka ti sep a, ka dah a, inpawh lo em em mah ila tlai lam hi chu chaw kan ei rual ziah a, nilengin eng nge ka tih a eng nge thleng hriat tumin min zawt ngailo hlauh hi ka vanneihna ani. Min ngaihven lo a, ka awm ang ang in min en tawp a, chuti nilo se chuan nitin ka chhuak tih a hre tawh ngei ang.ka rin lawk ang ngeiin alo haw ta lo ngei a, min rawn call lo in Msg in min rawn hrilh a, chhan pawh ka chhanglo, ka muhil tawh ah ngaise a tha animai.


“ Zuali...hei hi Room 22 na ah va dah lawk ta che, ka Thianpa ta tur ania, Nizan ah ka pek theinghilh daih mai..” Kan Boss in a rawn ti a, Envelope sei et mai hi ani a, ka la a, a Room sawi kha kan awmna Floor ani tih ka hria, ka pan phei zel a, a kil ber a kawngkhar ah chuan 22 a intar vang a, ka kik dat dat a, a reh thap mai, ka kik nawn leh a... a rawn inhawng a, mahse, ka tumloh lutuk ka hmuh takah chuan ka thil ken ka thlauh tawp mai, Muansanga nen kan inhmachhawn ta ran mai,Kekawr chauh a ha a, ke lawngin a awm bawk, a hmel a danglam zawk a,mahse, a in Control lehnghal thei tlat, mak ti hmel a lang lo, a tawlhsawn a, Khum chu chiang tak in alang thei a, Hmeichhe pakhat hi thawmhnaw ha mumal lo in a mu a, a mal alang vek bawk,

A rawn inlet thak a, a hma ai khan ka phu nasa zawk, Ka nuhrawn hmel pawr phang mai chu chiang zet hian ka lam hawiin a rawn lang at mai, a muthilh avangin ani erawh chuan min hmu lo hlauh.

Chapter – 9

Ka tawlhhnung hrat a, min dan pawn a tum chuanglo, min en ngur ringawt,ka hnathawhna a hriat chhuah vang nilo in Ka nuhrawn nen an riak dun ka mit ngei a ka hmuhna chuan min thawng zawk,

“ I rin ang anilo ania...” ka tawlh let chu min en run a, ka ding chat a, ka mit ngeiin ka hmu a, ala pha ngam cheu anih chu mawle,

“ Aih...sawifiah duh suh, eng ang pawn sawi la ka mit a dello a ka inringtawk..” ka ti a, ka aw a khur nasa kher bawk,

Ka inher a, kal nghal mai ka tum chu ka hnungah ding an lo awm a, ka su chawrh a, ka thal tawp bawk, a rawn kun a, midang nilo in ka Boss Mapuia alo ni a,min kaitho turin a kut a rawn phar a, ka vuan a, min pawt tho a,

“ Ka tihpalh ani, ka hmanhmawh deuh a..” ka ti thei hram, ka kalsawn leh tur chu a tawng chuan min ti ding leh chawt a,

“In pa hnenah hian hetah i thawk tih ka hrilh a, a awih lo tlat a...” a ti a, ka inher leh thuai a, Muansanga hmel tak ngul leh dur khup mai nen kan inhmachhawn siah mai, Kawngkhar a pawt khar tawh a, a chhungah tunge awm engmah a lang thei tawh lo,

“ Nia...i sawi dik e...” a aw ah chuan thinrim insum ani tih a hriat theih a, Kan Boss nen hian an lo inhria anih lek chu..Rapthlak hian a...

“ Ha.....hneh tu ka ni anih chu, chuvangin zan in ah Dinner i chawi ang..” a dar ah a va beng a, Muansanga erawh a ding khawng luh ringawt,ka ngaihtuahna a chawmawlh vek, ka hnathawhna a hriat chhuah vang in pawi ka ti a, chu aimah chuan ka nuhrawn khum a thawmhnaw ha mumal manglo a a mu khan ka rilru a luah hneh zawk.

“ Tehreng mai, mahse, vawiin atang a a ban nghal angai erawh pawi ka ti, midang i zawn hmuh leh hma chuan ka hnathawk tu emaw ber ka rawn dah dawnnia..” a aw ah chuan chapona alang tel thei a, nia...tuman an hneh a duh ngai lo ang tih ka hria,

“ Aih...ka bang dawn reng reng lo, hna ka thawh leh thawh loh chu ka thu ani..” ka ti hmak a, Muansanga ka en ngar bawk, mahse, a nui ta suk a,

“ Bawihi...ni lah lo e...a ruk a ilo thawk mai hi pawi ka ti viau, ka thianpa hnen ah alo ni lehzel a, lo insiam rawh, kan haw nghal ang..” a tawng tir lam kha chu a nem viau ,a tawp lam erawh min bia nilo in thu min pe ani tawh zawk,

Hnial tumin ka ang leh ziau a, Mahse,a hmel dur khup ah chuan chhan zui loh a finthlak zawk tih ka hria, Midangte tan ennawm ka siam tam mai mai thei bawk, ka inher nghat a, engpawh thleng turin ka inpeih thlap mai,Ka bag ka la a , kan inhnial lai khan kan Boss khan nuamti hmel tak in kan Nupa khan min thlir tih ka hria, Thian ni mahse sumdawnna ah chuan hmelma an ni ang tih ka chiang bawk.

Ngawirengin Mmotor ah kan chuang dun a, ka nuhrawn kha khawiah nge a awm tak ka hrelo, Room ah khan a kalsan anga, Nuamchen turin a let leh dawn pawh animahna,Zankhua in nuam an tawl a, an duhtawk tawh zawk maithei bawk.

In kan thlen veleh mak tih hmel zet hian kan nula 3 leh Pi Biaki chuan min lo en thap mai, a mak reng bawk a, tun ang hunah kan 2 in In ah kan awm ngailo,tumah be lo in Room ka pan ding nghal a, ka hnungah Muansanga chuan min zui zel tih ka hre bawk, Khumah ka bag ka thehthla a,inthen a duh anih pawh in lawm tak in ka pawm hmiah ang, ka inseh ruh a, a nun tenawm lutuk ka hmu tih a hrereng a, inthiamlohna nei miah lo ang mai a a khawsa kha ka ten hluah hluah,

“ Chuan...ka thiante bulah khan min ti mualpho a....” a ti dut a, a vei kual a, Sakei hlimtuar ka la hmu lo, mahse, a awmdan ah chuan a ang ka ti ber, ka inkuangkuah fel than a,

“ Hnathawh hi mualphothlak ah pawh ka ngai hran lo, i pawisa ka mamawh lo a keimah a in tun nun ka tum mai zawk “ ka ti a, ka ngaihdan diktak ani bawk,

“ Ka thianpa khan i thiam vang nilo in ka Nupui i nih vangin a hnuai a thawk turin a la che tih i hria em?” a ti leh hrawk a, chu kher chu ka hrelo,

“ Engpawh chu nise pawi ka tilo, hna ka duh a, min lak chhan lam ka ngaihtuah lo..” ka ti leh hmak a, min rawn pan a,

“ Sumdawnna kawng a ka elpui te anni tih i hria em?, nilo..i hrelo tawp ang, nangmah bak tumah i ngaihtuah ngai hleinem tiraw ?” hmusit zet hian min nuih a, ka sa zak mai,

“ I chetdan tenawm tak te hi ka hmu lo emaw tisuh, ka pa Damdawiin Bill i pek sak avang khan ka hlau ah che ngai miah suh..” ka melh ngar mai,

“ Enge sawi i tum tak ?” ka dar ah a rawn tham a, hnai zet ah min rawn en a,

“ Ka nuhrawn nen inkhawsak dan hi ka hriatloh i ring reng reng em?, mi tenawm i nih hi...i thianpa nupui pawh i tawmpui duh ania..” ka biang a thip zawk a, rang zet hian ka hup a, a na nghal vawng vawng bawk,

“ Ka hrethiam che, kan nihna diktak pholan anih hian ana thin asin, tun tum chu ka ngaidam ang che, mahse, min khawih leh anih chuan Police ka man tir ang che..” ka tawng a dam thlap mai, ani erawh milim ang mai hian a ding ngawi ngur ringawt,

A Phone ri ah chuan a chesawn ta chauh, a phone a phawrh a, a en vung vung a, a phun hluk bawk,

“ Kan sawi leh dawnnia, vawiin atan chuan a tawk “ a ti a, a chhuak tur chu ka thlir a, vuakthluk tawp ka chak ber,

Ka thamwhnaw ka thlak a, tunah chuan hna ka nei ta lo, min hmuh hnu ka an thu Mapuia khan a sawi a, a hmuh hnu ka an vang nilo in min hria tihna ani, Experience ka nei miah lo chung a ka tling kha mak ka ti a, a mak ta lo, a hnuaiah a elpui ber Nupui a thawk kha a tan chuan hnehna ropui tak ani ngei ang, pawi tawp lo...Hnehtheih loh leh hnar theih loh mihring ani hleinem, a inhriatchhuah a hun ve tawh,Ka pa ka biak angai tih ka hria, hrechhuak rih lo se ka duh ber, a taksa natna mai bakah a rilru ka tihnat belh anih chuan Pa neilo ka ni thuai ang.

Room tukverh atangin Muansanga tlan chhuak chu ka thlir a, a chhuah fel hnu ah Inhnuaiah ka chhuk a, Pi Biaki leh Nula kan hnen a rawn awm ber khan Lunch tur an buatsaih mek a, pawnlam ka pan a, Pi Biaki chuan hmanhmwh fe hian min rawn zui a,

“ Bawihi...khawiah nge i kal dawn ?” a rawn ti a, a hlauhthawn hmel hle bawk,

“ Pawnah hian ka thu mai mai ang chu ka ti a...” ka ti a, a thaw huai a.

“ Muansanga khan khawiah mah chhuah tir lo tur che in min ti a, a chhan ka zawt a, min vin hrep mai bawk a, khatiang khan min la be ngai miah lo a, awmdan tur pawh ka hrelo..” a thaw halh a, ka khawngaih reuh kher mai, mahse, kei chu thlakhat vel vel chiah kan la Innei a, ka hmaiah a beng tho alawm.

“ Oh...ka chhuak lo ang, kan in hnial deuh anih kha..” ka nui lui sak a, hetiang nun hi Film ah chuan hmu ila hmuhnawm ka ti maithei, ka chungah a thlen theih ka ringlo , nilo...a tak in a thlen ka ring ngailo zawk, suangtuahna vel a thleng mai mai tur niawm zawk tak ani.

A bu nghat a, ngaitha vak lo hian min en a, ka ngaipawimawh lemlo,mahse, ka kawchhung a thinrimna inlumlet tup tup chuan min ti chau nghulh a, chhuak turin chakna ka neilo, Pawn a Pangpar inhungtlar put zing a thutna inthen thei awm ah chuan ka thu a, ka hmalam ka en a, mahse eng nge awm hmu miahlo hian ka melh reng ringawt,Pawn ka chhuah a phallo vel anih chu, a tihsual hmu silo in ka tihsual a hmu lian a, eng nge ka tihsual ve?, Hna ka thawk a, zu ka in bawk, thinrim pawh ni se a dik tho, mahse, ka nuhrawn nen an awmdun lai ka hmu tih hrereng in a ngaipawimawh lo a, kut min la thlak zui bawk, Mapuia lak a a tlawmna chiah a hmu a, ka natna leh ka thinrimna engahmah a ngai leh hauh silo, misual leh rapthlak tak ani, heivang hi ani ngei ang a Nu chhungte pawn an mil theih loh..

Tihtur thlawt ka hrelo, kan In ah pawh khan hna ka thawk ngai chuanglo, mahse, ka duh duh na ah ka kal a, ka duh apiang ka ti mai a, hrehawm ka ti ngailo, tunah chuan chhuah a phallo a, engmah tihtur awm silo in he In lian em em ah hian ka awm a, a chhung a bungraw hlu leh man tam em em mai hian hlimna min thlen lo mai nilo in thinrimna min siam hnem zawk,ka thiante ko ila a tha in ka ring, ka chhual a phallo ringawt a, mindang lo len a phallo tih a sawi hleinem le,Ruatfela ka Call a a la pick thei thak lo zui, Sangpuia pawh chuti tho, Rempuii Call leh ka tum lai tak in Midang in min rawn call ta zawk a, Number chauh anih avangin tunge anih ka hrelo,

“ Hello...” phur fahran lo hian ka ti sep a, Khumah Blanket in ka inzial than a,

“ Keimah, Mapuia...” ka Boss hlui alo ni a, tunah chuan ka Boss ani tawh tlat lo,engkim hi a thleng chak lutuk mah mah ani,

“ Aw... eng nge i duh tak?” thiltih felloh ka nei em tih ka ngaihtuah kual zung zung a, ka neihawm ka hrelo,

“ In Gate bulah ka ding a, In pa ka be tlang thei tlat lo “ a rawn ti a, engtak lo tih tum ni maw?

“ A lo la haw lo a, i rawn lut dawn nge ?” ka ti leh a,

“ Aw...Dinner in chawi dawn kha ila hria em ?” a nui kur kur a, nidawn tak, chhunah khan Dinner rawn ei a tum tih a sawi tak alawm le,

Ka tho a, Inhnuai ah ka chhuk a, kan nula in Tv alo en a,Dar 6 a pel tawh, Muansanga lo la haw loh chhan ka hrelo, ka ngaihtuah heklo, Pawnah ka chhuak a, Gate bulah chuan Mapuia Motor alo awm a, ka va hawnsak a, min hmuh veleh a nui vur vur a, ka ngei hranlo, Muansanga hi duhtak a ka neih,ka pasal ni se chuan tuman an hneh ka phal ngai in ka ringlo, tunah chuan ka haw em em a, tupawn hneh in ti na se pawi tihna ka neilo,

“ A va lo haw har ve..” rawn chhuk pah in a ti a, ka chhanglo, a lo haw har chhan ka hre miau lo,In chhungah kan inzui lut a, pawn boruak vawt vin tuk mai chu hrehawm ka ti a, thlasik lai nimahse chhun atangin khua a dur a, chhum a tam a, a vawh dan a na niber in ka hria, in chhung erawh room zawng zawng Ac vek anih avangin khawilaimah hrehawm a awm lo,

“ Lo thu la..” Living Room ah kan inzui lut a, a thu a, a bawp a khawkherh a,

“ Ka lo kal khat hle mai, In inneihni lah kha ka rawn haw hman thlawt lo a...” in chhung a melh kual a, engchen nge an inkawm tawh ang tih ka lo ngaihtuah ve thung a,

“ Nia...a hma khan in inkawm tih ka hrelo reng reng, bakah, vawiin thil thleng kha pawi ka ti..” ka ti a, a nui suk a,

“ I thawk rei dawn lo tih ka hria alawm, i Pasal hian hna a thawh tir dawn lo che tih hre tur khawp in i Pasal hi ka hre rei tawk tawh a..” a nui huk huk a,

“ In a awm reng ka hne em ani, a thinrim ka rin vang in a ruk in ka thawk a...” ka nui a

“ Vawiin khan a khawih dawn che emaw ka ti a... a mizia ka hria a, mahse, a Nupui i ni a, engtinmah a ti dawn lo che tih ka hre kar bawk a..” a ti leh a,a hriatchian hmel kher mai,

“ Ha...a lawm vaklo chu anih kha....” Gate inhawng thawm in ka beng a verh zak mai,

“ A lo haw anih chu..” ka ti zui zat a, a bu nghut a, a ngaipawimawh hmel chiam lo khawp lehnghal,

Tom-a a tlan chhuak a, a Pu lo haw hi alo lawm chung thin a, rei vaklo ah an rawn inzui lut a, Mapui-a lo thu a hmuh chuan lawm hmel vak lo hian a then suk a,

“ Ilo Call lai khan ka buai deuh a...eng nge nita?” a rawn thu ve a,a Bag min pe a, Nupa tak ang mai in kan khawsak angai leh ta chu ania..

“ Vawiin khan Dinner i chawi ang ka tih kha..ka fiamthu hleinem..” a then sak a, Muansang bek pawng tawlh tawlh chu ka hmu a, a in control nasa tih ka hria,

“ Ha...a tha alawm, chuti anih chuan tunah i Hotel ah kan kal mai dawn mi?” a nui hawk a,

“ Ni lah lo e, In in ah ka ei khat tawh, engpawh ka ei thei vek “ a ti a, kal chhuah tum lo tih hriat zet hian a thu tha sauh sauh mai,

“ A tha alawm, mahse, kan nu hian Drinks lam hi a lawm lo khawp, i ti thei lo ang..” Ka kut a rawn hmer salh a, min ti el tih ka hria,ka kut laksawn ka chak zia chu pui tak ani,Ka nuhrawn a khawihna kut hi sik pawh ka duh lo,

“Haha...pawilo tawp, eee...khawnge Te-i tunlai a awm le?” a ti leh a, an inhrechiang ani ....an inhrechiang mah mah maithei..

“ A lo thleng tep ang, hna thil ah inbiak kan ngai a...” mak ti leh chuang tur ka awm tawhlo, ka nuhrawn nen an mudun tih ka hriatna khan min ti mawl vek tawh.

“ Wow...in lo la thawk dun animaw?, a tha khawp ang, ka hmu chak alawm..” a ti a, ka awmve tih an hrelo niber in ka hria,

“ Nia..kan khawih lai hi a laklawh a,mahse, kan zo tep..” a ti hmuk a, hna vang in an inpawh lo a, an pahnih in duhtawn vangin an thawk dun tih ka hria,huh...engvang pawn lo inzawm se ka buaina tur a nilo.

Muansanga sawi ang ngeiin Te-i pawh alo thleng thuai a, a nalh em em reng mai hi ka awt takzet, ka theihtawp a ka inchei pawh khan a a inchei em em lo pawh hi ka tluk zo lo chu ani ber e, a rawn nui sang a, Mapuia a hmuh rual in a khek that a, an innel hmel hle bawk, an ri hlut a, Muansanga inthlak turin Room ah a chho a, kei erawh ka thut ngaiin ka thu a, an titi chu zawm ve ngaihna ka hriat loh vangin ka Phone ka khal a,

“ Bawihi....lo chho lawk teh” Step tawp atangin Mmuansanga’n min rawn ko a,

Room ah Kawr a lo ha tha mek a, kan riak dunlo ringawt a, a Thawmhnaw leh thildang zawng zawng erawh ka awmna Room ah a awm vek thung,

“Eng nge ?” ka ti hmak a, midang awmloh lai chuan zia thup ngai heklo le,

“ Mapuia nen hian eng nge inzawmna inneih ?” ka nui hawk mai, ka thuhriat hi ka awih lo zawk,

“ Eng ang in nge min hmuh a?” ka thinrim zia ka thup hleitheilo,

“ Ka hmuhdan che u ka sawi a tulna ka hrelo, ka zawt che anih chu, Hlau rawh, a thangah i awk anih chuan i chhuak tawh dawn lo ania...” ten lutuk hian ka melh a, engtin nge ka chungchang a sawi ngam zawk ni ???!!!

“ Lo buai suh, i rilru ang a tenawm hi kan ni vek lo tih hria la...” ka chhuak tur chu min rawn man bet a, bangah min nawt bet nawk bawk,

“ Ka tenawmna hi i sawi fo mai a, i sawifiah a tul ang “ a aw zawi ruih mai chu hlauhawm tak ani,

“ I tenawmna hi a vaiin midang rual in ka la hmuhtir ang che, chuan, min thlah rawh, chawei hma a inbual leh ka peih lo ania...” min thlah rual in ka kawrlum in ka taksa a khawihna lai chu ka hru a, a rum hawk ringawt.

Kan chawei Boruak a hrehawm hran lo, Mapuia nen kan titi a, Ka rin aiin ka nel hma zawk, a hma kha chuan ka Boss anih avangin a tul lemlo ah chuan biak en ah ka en lo, mahse, tunah chuan Boss ani tawh lo a, Muansanga thianpa ang in ka kawm thei tawh a, engmah min daltu a awm lo, chawei kham veleh Muansanga leh Te-i hna chungchang ah Inbe turin Library an pan a, dik tak chuan hna bak thildang pawh an ti ngei ang tih ka chiang,

“ Te-i hi inpa nen an chanchin vel vang khan alo kal hreh ka lo ring ve ngawt a...” min melh kar a, engtia chhan tur nge ka hrelo,

“ Mahse, hunkal tawh hi chu kal mai se, Nupui atan a nei che a, a Tlangval lai nun hlimawm tak kalsan phah na hi chu a ti na dawn lo hrim hrim che..” min nuih var var a, a ngainatawm takzet, Muansanga nen inkawm mahse Sumdawnna ah chuan an in millo tih ka hria a, mahse, kei nen chuan inmil lohna tur engmah kan neilo,

“ Nia,tupawn hun kal tawh te chu kan nei vek alawm, ka ngaipawimawh hran lo..” ka ti a, ka ngaihdan diktak ani bawk, Muansanga hi ka Pasal ni mahse ka duh vang anilo a, chengdun mah ila engmah inzawmna kan nei heklo, chuti chung chuan a Bialnu hlui lam ka ngaihven hran lo, a lo kawp tawh pawh ka ngaihven chuanglo, Te-i erawh tun thlengin alo la lang zel a, tlem chuan nuam tih lohna ka nei, ka nuhrawn a kawp tih ka hriatna aia min deng na engmah a awm lo a, a awm leh pawh ka ring tawh lo, amah ka duhvang anilo, Ka pa rinna atih chhiat avang in ka thinrim a, ka haw bawk.

“ Nia...Nupa ni tur chuan kan paltlang hnem viau ania..” ka ti a, a Sumduh lutuk na avagin min neih hial pawi a ti lo a, Ka pa sumdawnna tla chhe mek neihsak a tum mai avangin a Tlangval lai nun pawh phuar in a awm tir thei, nakin lawkah chuan min la thehchhuak anga, Ka pa pawh engmah neilo in a awm ang, chumi hnu ah keipawh engmah neilo in ka vakvai tawh ngei ang, ka Nuhrawn pawh nupui ang in a nei dawn cuanglo tih ka hria,nawmchenna satliah animai.

“ Ka hmuh tirh che khan ka hmuhna che ka ngaihtuah a, ka ngaihtuah chhuak zo lo a, mahse, Group ah in nupa thlalak an rawn dah a, tah khan ka hre ta chauh che a, engvangin nge hna i rawn dil ka hrelo a, mahse, thawhtir che ka duh bur animai, i thiam leh thiamloh ka ngaihtuah lo, ka lak tum zawk kha ka thulh leh a, penal list ah ka dah a, nangmah zawk ka rawn bia che anih kha...” inthiamlo hmel deuh hian a ti a, nelawm zet hian a nui bawk, Muansanga nen an intiat loh pawh in a tet na a tam lo ang, a hmelphei chu a tha mah zawk, an in ang dawn emaw ka ti a, mahse, Mapuia hi chu a tawngduh in a nelawm a, a zia pawh a Cool lemlo,engtikah emaw chuan Ruatfela leh Sangpuia ang maiin ka la ngaina thei mai ang, Ruatfela...oh...nia, ka zawh ngei angai, hepa hi engtia an chhungte nge ka zawh angai,

“ In a awm hi a ninawm em ani, midang in ka bang thut hi an sawi zui loh ka beisei ngawt mai “ ka ti a, a nui suk a,

“ Sawi zui lo ang, tunge i nih an hria alawm..” mak ti zet hian ka melh a, a bu nghut a,

“ Kei aiin an hre hmasa zawk, mahse, tuman an tilang lo mai zawk..” ka ngaihtuah let a, a dik mahna, ka thawhpui, ka bul a awm hnai ber pawn kan chhungkaw chanchin leh kan awmna min zawt miah lo.

“ Ka kal teh ang, mahni insawm chawp in chaw ka rawn ei a, mahse, puar tho chuan a tha...” a nui huk huk a, a ding chhuak nghal a, In chunglam a thlir chho a,

“ Nghak duhsuh, an rei thin a, keipawh ka mutsan ang” ka ti a, a then sak a,

“Ka Nupui ni zawk la chu min nghak ngai lo ang, ka nghak thei che in ka ringlo zawk..” min fiam tih ka hria..

Ka mu meng reng a, Ka pa tlawh ka duh a, ka nuhrawn pawh engkim ka hria tih hrilh ka duh bawk, ka hria tih a hria anih chuan min en dan a dang ang, ka pa a tihnat ka phal ngai dawnlo, keiman ka chingfel mai ang, Ka kum la tam lo mahse Naupangchhia ka ni tawhlo, ka mamawh leh ka tan a hnawk chingfel thei turin ka upa tawk tawh, Te-i Motor thawm ka ngaithla kar a, eng nge an tih ka ngaihven lo ti mah ila diktak chuan ka rilru a nuam bik lo.

Pen thawm ka hria a, Room ah a rawn lut dawn anih ka ring a, kawngka lam hnungchhawn zawngin ka inlet a, ka Blanket in ka intuam a, ka hmai erawh ka khuh tel lo, tunah chuan inhnial leh ka peih tawh lo, mahni a awm a ka rilru kawm ka duh ber, chhun ah khan keimah in ka awm reng a, mahse, ka thluak a chawmawlh vek avangin engmah ka ngaihtuah theilo a, tunah chuan ka rilru buai lutuk pawh a ziawm tawh a inngaihtuah harh ka duh a, ka chet zui zel dan tur pawh fel tak a ruahmanna siam ka duh bawk.

Kawngkhar a rawn inhawng a, Room Light ka Off vek avangin Pawn lam eng chuan a rawn chhun a, ka mit ka chhingnghal vat bawk, Dimte in a rawn pen phei zel a, Khum a rawn che dat, a reh ta vang vang a, a rawn mu ve mai ang tih hlauhna in ka khat a, ka chet ngam loh avangin ka taksa a kham nghal der bawk,a tho ta hram, a chhuak thawm chu ka ngaithla a, ka thaw huai huai mai, min khawih ka duhlo a, mahse, a thiamna a hmang tangkai leh anih vaih chuan ka tang zo dawn lo tih ka hria, ka rilru hian ten in haw em em mahse ka Taksa hian ka duhdan lo zawng hlir in min awmtir tlat zel alawm le, chuvangin ka tan chuan hnaih loh tawp a him ber.


“ Vawiin chu Ka pa va hmuh ka duh a, ka kal dawn ania..” a thil ei lai a ei mawlh mawlh a,

“ Kei pawh ka kal duh alawm, Office kal hma in ka Drop ang che, Tlaiah ka rawn lam lehang che..” min chhang dawn lo emaw ka ti hman hial zawk, Nilengin min awmtir a tum tih alang reng bawk,

Kan rual in Pi Biaki leh Kan nula in Breakfast an ei thin a, Lunch pawh a rual in kan ei mai, ei tur a hran a ei hi ka pi khan a duh ngailo a,’ In khatah kan a wm anih chuan chhungkua kan ni’ ati fo a, kei pawn ka than hnan a, awmpui annih vang mai a a hran a thil ei tir ka duh lo, Muansanga pawn min sawisel lem lo,

“ Lam ka ngailo ang, duh leh Rama ka hruai anga, Bazar ka duh a, kan haw har lo ang..” Midang an awm ve avangin min hnial ka ringlo, a Plate ah fian a dah thla deuh bawl a, ka phu zawk bawk,

“ Kal rawh, mahse, Nidangah chuan mamawh i neih chuan kan 2 in kan kal dawn nia..” a tho nghal a, Pi Biaki chuan nuamlo tih hmel zet hian min rawn melh a, kan Nula erawh in a hrethiam lo anih hmel, a ei mawlh mawlh thung.

Ka pa in min hmuh veleh min lo be chung a, Pa tawng tam lo tak anih vei nen min ngai ngang ani ang,

“ In pa alo kal ve na nge?” a ti a, a mit ah ka en ngam lo, ka rilru natna leh ka mangan rukna hi a hriat ka duh lo,

“ Aw...a buai deuh a, Khawnge Nu Sangi hi ?” ka ti a,

“ Dawr lamah a kal anih kha, eee, Bawihi, I nu nilo mahse Nasa tak in a thawk ve tho a, engemaw neih ve hi a phu ka ti a, eng nge i ngaihdan ?” ka pa in chhungkaw thil a min rawn hmasak berna leh min sawipui hmasak ber tum ani a, mahse, a thil min sawipui tawh ah chuan min la thawng ber bawk,


“Ka hrelo ,i thu thu alawm..” ka hrawk ah min hnawh tlat,

“ Nia..nang chu Pasal tha tak i nei a, ka ngaihtuah lo che, Dawr Pakhat kha Muansanga hnenah ka hralh tawh a, Pakhat la awm hi Sangi hmingin ka dah ta mai, ka rawn che a, mahse, ka tifel tawh tho a, engmah hnialna i neih ka ringlo a, a tangkai zia i hre ve tho a..” a nui hmel chu tahkhum ka chak ber.

Chapter – 10

Ka melh ngai ka melh reng a, Ka pa tih lungngaih ka duh lo a, mahse, an thiltum hre vek si in engmah ka hrilh ngam silo erawh ka chhungril a na ut ut mai,

“ I lawm vak mang na nge ?” Ka pa tawngri ah chuan muangchang hian a lam ka hawi a, ka nui lui sak bawk,

“ Lawmlohna tur ka nei hleinem, i sawi ang khan kei chu Pasal ka nei tawh a, ngaihtuah ka ngailo, tha i tih dan apiang tha ka ti vek mai..” ka ti a, ka aw pawh a pangngai viau

“ Muansanga pawh ka rawn vek a, ani pawn tha ati a, ngaihtuah lo tur che in min ti a..” ka thinrimna ka thup hleitheilo, Ramhuaipa chuan a duh a hmu ta bawk a min thehchhuak har tawh lo tawp ang,

Ka pa nen engtin nge kan awm ang?, In tal hi chu ama tan a dah ka beisei ru a, chupawh midang alo pe anih chuan eng nge ka sawi ang?, Ka nu hrawn lah hian a duh duh in a ti kual vel chu ani ber si, Muansanga ala tel cheu bawk, hahthlak hian...

“ Engtikah nge kan inthen ang ?” a chawei lai a chawl a, min rawn en a, a mit ah ka la hmuh ngailoh engemaw alang zawk a, mahse, a bo leh thuai a,

“ Then che ka tum rih lo..” a ti a, a ei zawm lehnghal a, a mak awm hle mai, Ka pa dawr la awmchhun pawh neihsak leh a tum ani ngei ang,

“Ka pa hian Nu Sangi hming in Dawr pakhat a dah a, nangpawn i hriatpui tih ka hria a..” ka ti leh a, ka plate a ei tur ka melh ran a,

“ Chuan....?” a ti hmuk a,

“ A neih chhun hi laksak ila tum tihna anih ka ring a, engtin nge ka pa hi heti tak mai a i bum kual theih le ..?” ka mittui a far zauh a, a hmuh hman ka ringlo,

“ Ka bum kual hauh lo, thil hi anihna tak i hriat loh chuan sawi lo la atha ang “ a ti hmuk a, a chair a nawrsawn a, a tho zui nghal daih bawk,

Kan nula a awm lo a, midang an haw tawh bawk, tho ve mai lo in ka thu reng a, ka chaw ei chakna a bo vek bawk,Ka rilru ka kawm a, eng nge a tum tak ni ang ?, engmah ka ngaihtuah chhuak zo lo,ka pa chauh nilo in keipawh min bum tel a, ka duh miah loh dan in min phuar bawk,ka chhuah angai, Ka pa ka hrilh theilo anih pawh in eng nge maw tal ka tih angai.

Room ah ka chho a, Khumah ka lawn nghal a, Christmas a hnai tawh takzet, kum dangah pawh engtin ka hmang ngai chuanglo, mahse, thil thar neih talh ka duh ziah, Ka pa tan thil leisak ka duh bawk, ka Ac ka check ngailo a, Pawisa keima pual in neih ka nei hek lo,Pawisa hmuh nan hna ka thawk a, chupawh kar reilote hnu ah tih tawp ani leh tawh bawk si, Pasal ka neih hma khan ka Ac ah tlem a zawng a awm a, ka la chhuak vek tep a, mahse, mamawhna ka neih ka rin avangin ka la zo lo, naktuk ah va en ila, a awm zawng ka la chhuak ang a, Ka pa tan thil ka lei ang, vawikhatmah ka la leisak ngailo a, thiltha tak tihsak theilo mah ila eng ngemaw tal ka tihsak chuan a lawm ang tih ka chiang, a damlo ka awmpui atang khan kan inpawh em em a, min lo ngainat zia ka hre chhuak thar zel bawk.

Ka thawh hma in Muansanga alo chhuak leh hman tawh a, Gym ah ah kal tih hrilh hran ka ngailo, Pi Biaki lah a Pasal a dam that loh avangin alo kal thei dawn lo a, kan Nula a awm bawk silo,Nula 2 ni se dar 9 ah chauh an lo kal thin a, keimah in Eitur ka siam angai a, Chaw chhum ka tum a, ka hawng kual a, Fridge ah Artui a awm teuh a, Sa leh thlai siam tur a awm nual bawk,mahse, ka siam thiam chuanglo, Artui ka kang thei ang a, a bak engmah tih ngaihna ka hrelo, Hmeichhia ni ve si, engmah ka thiam lo ngawt mai hi a fuh lo, Nu chu nei ila hetiang ka ni kher lo tur, In ah khan min tihsak tur an awmreng a, tuman ti tur in min ti ngai bawk silo, ka tah a chhuak ringawt,Midang ti tur pawh lo nei ila lo thiam ve vek a tha ber, Fa ka la nei ve anih ngai chuan engkim thiam vek turin ka enkawl ngei ang, tunah pawh Pi Biaki alo kal veleh ka zir angai tih ka hria, chuti anih loh chuan ka Pa nen kan awm hunah chaw kan nghei reng mai ang.

Muansanga lo haw laiin Artui ka lo kang mek a, mak ti hmel deuh hian Kitchen ah a rawn dak a,

“ Tumah an lo la kal lo ami?” a rawn ti a, a tui Bottle Dawhkanah a dah a, ka melh zawk a,

“ Kal lo, Artui kan bak engmah tih thiam ka nei silo a, i ei ve mai dawn nge Pawnlamah i ei ang?” ka ti a, diktak chuan ka inthlahrung ve ta,

“ A pawi hran lo, ti duh suh, i tih lai kha a tawk mai, Pi Biaki awm tho mahse Cook hran kan mamawh hrim hrim, vawiin ah ka lo bia ang, tunah chuan Hmundang atangin Order pawh a ngailo, Ka inbual anga thildang ka rawn siam ang, lo thu mai mai rawh..” ati dam thluam a,

“Oh...enteh, Artui pawh hi a ut vek ania..” ka zuk khawih a, ka kut a sa zawk a, rang zet hian ka kut ka la let a,

“ Fimkhur la ...” ka bulah a rawn ding a, Ka kut kang lai chu na ka tih vang in a kang lai silo turin ka mal in ka banrek ah ka chep bet a, a rawn pawt chhuak a, Dimte hian a na lai a chhem hauh hauh a,a sen vek a, reilote ah a durh ang a a ser kuau bawk ang tih ka hria,

“ Tui ah chiah teh, Pawnah Aloevera a awm a, ka va la ang..” Tap bulah min nawr phei a, a herh haw nghal a, Pawn ah a chhuak a, rei vaklo ah a rawn let leh a,aloevera kuang a rawn keng a, a hmet keh a,

“ Khawi le, a hnai hi ka hnawih anga, a dai vek ang, a ser tur a veng bawk ang a..” a ti a,a rawn hnawih nghal a, engmah ka sawi ve lo ,a tih ang ang in ka awm a, a sawi ang ngeiin a dai nghal huai huai mai.

“ Lo thu la, a hnai kha a ro veleh a dang kha i hnawih leh dawnnia, ka han inbual ang, chuan, vawikhatmah eisiam lo tum tawh suh..i hria maw ?” a ti leh duah a, ka nui ringawt,a chetdan vel chuan min ti hamhaih a, han chhan let dan tur pawh ka hre lo.

Kan Nula pakhat zawk a rawn thleng a, ei siam ah kan hman ngailoh avangin engmah a siam thiam ka ringlo, athiam anih pawh in Muansanga duhzawng ani kher lo thei bawk,

“ Chaw i ei tawh em?” a rawn ti nghal a, Muansanga hnen ah hian ka awm hma atangin a thawk a, kei aiin a upa hmel mah zawk, Min ‘pi’ a mahse, ka duh loh avangin ka hming in min ko turin ka ti a, a hreh viau a, mahse, min hnial lemlo,

“ Eilo, eitur min siamthei angem?” ka ti a, ka zak ve reng.

“ Thei tehreng mai, Pi Biaki pawh ka pui fo a, ka ti thei vek ang..” a ti a,

“ Bawihi, keiman ka rawn siam ang, Easy deuh animai, hna ka tlai palh chuan Meeting ka nei dawn a..” Muansanga lo luh lai ka hrelo ,

“ Kei pawn ka siamthei alawm.” Kan Nula in alo ti thuai a, Muansanga chuan a en vung vung a, a bu ta nghut a,

“ Pawilo, lo siam la, hautak lo in aw...” a ti nawn leh a, min rawn en a,

“ Lo kal teh, i kut kha Damdawi ka lo hnawih ang..” a ti a, hnial lo in ka tho a, a sa hut hut kha awm tawh lo mahse, a la na tho mai,

Inchunglam a pan a, ka zui chho zel a, Room ah ka zui lut a, Drawer a hawng a, Damdawi bur te reuhte a phawrh a, min rawn pan leh a, a kut ah a hmetchhuak hmasa a, ka kut kanglai ah dimte in a rawn hnawih a, ka duh aiin kan indin hnaih mah mah, a rim fai leh pa zet chuan ka hnar a verh a, ka dingmar leh a rawn kun hniam chu kan inchen deuh reng, a din mar phei chuan a dar ka chen chang chang chauh a,

“A ziawm vat ang, ka sawi kha i hria tiraw?, Kitchen ah engmah lo ti ve tawh suh, i tih ngailo in ti tur an tam, vawiin ah Cook chu ka rawn hruai haw nghal ang, a hma a Ka nu damlai a kan chhawr thin kha tunah Aizawlah a awm leh tawh a, ala upa lemlo a,..” a ti leh duah a, ka bu nghat a,

“ A tha lawm, mahse, thiam ve ka duh a...an damloh leh an chawlh hun a inrual thup chuan a buaithlak em mai” ka ti a, a kalsawn a,Damdawi a dah a,

“ Thiam hrim hrim i duh chuan a zirna bu ka rawn lei ang che, a hranpa chuan a tul lo ka tih kha,Inhnuai khu a ruak tho a, kan awmtir mai dawnnia, kan 2 chiah in kan awm a, a khawharthlak alawm” a ti leh mai a, a chang chuan pa tha tak a ang ka ti fo thin,

“ Nia, Zo-i lo haw hun tur kan hre bawk silo, mahse, Inhnuai lam te chu Floor hran ani sia, a buaithlak angem?” ka ti a, chhungkaw thil kan sawi hmasak ber ani hial ang,

“ Chutak chu alawm ka tih, a Nupui leh Fanu an awm ve a, an vaiin an lo awm mai ang, inluahman a ngailo anga, eisiam leh thildang an ti kawp vek anga, hlawh a duh zat ka pe bawk anga..a tha em ?” min rawn en a, Nupui mawhphurhna tur a zawhna min pek vawikhatna anih avangin ka hamhaih tlat, ka bu ta ringawt,

“ Chhuk ang, ka tlai dawn..” Sana a bih vut a, a ban leh a Rolex sana Gold Colour lawk lenglawng chu a inhmeh vel vek, ka zui chhuak a, a hnungah ka kal thla a, a bawp sei zet chuan Step mal mal a rap lo in a pen kan thla nghauh nghauh a, diktak chuan a chhe mawlh lo.min han Hmangaih thut mai se...Nilo...engvangin nge hetiang ka ngaihtuah ngawt?!, ka hmelma lian ber anih hi ka theihnghilh tur ani miah lo.

Nilengin In ah ka awm vel ta mai mai, tih tur hlawl ka hrelo,Pawisa ka mamawh em em a, tihdan ka hre chuang silo, ngaihtuah chhuah thut ka nei a,Nizan lamah ka ngaihtuah lawk tawh tak e, ka insiam sawk sawk a,

“ Ka chhuak lawk dawn a, ka rei lo ang, Rama ka hruai ania aw..” Muansanga ka thawn a, min chhan ka beisei chuang lem hleilo a, mahse, a rawn reply ve tlat,

“ I kut kha...” tih zawng a rawn sawi, ka nui hak a, mak deuh in ka na min hriatpuina chuan min ti lawm tlat,

“ A ziawm tawh, ka rei lo ang “ tih ka thawn leh a, min chhang ta lo.

ATM ah ka kal a, ka Ac a pawisa awm ka check a, mak tiin ka mengphar nasa kher bawk, a tam lutuk,a diklo anih ringin ka ti tha leh a, a ngai bawk, ka Ac neihna hmun ah ka kal angai, Bank lam kan pan leh a, Khawi atang in nge pawisa a rawn luh tih ka en angai, hmelhriat ka nei tho bawk a, thil harsa anilo, Hmelhriat neih loh erawh chuan biak an harsa ve thin a, thil awlsam ani miah lo thung,

“ Ehe..lo leng rawh, i va lo kal khat ve “ min lo ti chul a, Ka pa vang a ka hmelhriat ani a, Pa tha leh kawm nuam tak ni bawk,

“ Nia, ka buai ve thin a, englo ania, ka Ac hi check ka duh a, mahse, Passbook ka kenglo a “ ka ti a, a nui vur vur a,

“ A pawilo , i Ac number min hrilh la...” a ti awlsam et, lawm zet hian ka hrilh a, a khawih nuap nuap a,

“ Engber nge i hriat duh?” a ti a, a tarmit chung atangin min melh a,

“ Balance kha chu ATM atangin ka check a,mahse, a chetvel dan kha ka hre duh a..” ka ti a, a en leh a,

“ Cash Deposite nilo in Cheque transfer leh Online Transfer ani vek a...” mak ti lutuk hian ka melh reng ringawt,

“ Khawi atangin nge?” ka ti thei hram,

“ Cheque hi chu vawikhat chauh ania...” a sawi engmah ka hre zuilo, Muansanga dawr Ac leh Muansanga Personal Ac atang vek a Transfer ani miau a, mak tih loh ngaihna a awmlo, ka number ka thlak avangin ka Ac a pawisa chevel engmah ka hre thei tawh silo,Muansanga Ac number hi chu mamawhna ka neih avangin ka hria a, Online a transfer thei tur a ka number nei awmchhun ani bawk.

“ Awle, ka lawm e, tlem ka la chhuak duh a..” ka ti a, ka mamawh zat ka sawi a, cheque ka ken loh avang in awlsam thei ang ber in min tihsak leh a, lawmthu ka hrilh a, mak tihna, awih loh na, ka rilru a buai vel vek..

“ Zual...” ka hming a min ko ri ka hriat veleh ka hawi phei thuai a, Mapuia lo nui var var chu ka hmu a,

“ Nang maw?, eng nge i tih dawn a ?” ka ti let ve a, Thlasik nisa in min rawn chhun a,inchhung atang a chhuak ka ni bawk nen ka mit a vai rum rum mai,

“ Ka lo nghak che...” a nui hawk a, keipawh ka nui ve mai bawk a,

“ Tak tak in Bank ah ka kal lawk, ka haw dawn chiah zawk, nang zawk enge i tih a?” a ti leh a,

“ Keipawh Bank ka kal lawk mai mai mawle, ka haw dawn chiah.. kan kal ang aw, i remchan hunah lo leng la..” tawngkam tha in ka ti a, a then suk a,

“ Tehreng, mahse, In pa ka hlau riau..” a mit a siai zauh a, ka nui hawk hawk bawk, a bula awm a hahdamthlak takzet,

Bazar pawh phurna ka neih loh avangin ka thulh leh a, ka Ac ah engvangin nge pawisa alo dah ka hriat hma chuan nuam ka ti thei dawn lo, ka lakchhuah zawng hi ka pasal neih hma a ka neihsa ani a, Muansanga lo dah chin engmah ka khawih tello.

Dar 5 rik hma hret in a rawn haw a, amah a rawn haw lo in Vai chhungkua a rawn hruai tel a, pa te lam, hmel fel rin ren, ngo veng mai ani a, a Nupui pawh chutiang hmel tho ,an Fanu kum 6 mi vel tur hi a wm bawk a,

“ Bawihi..hei hi Sanju-a aw, vawiin atangin an rawn awmlut nghal dawn a, Sanju..ka Nupui anih hi, Zualbawhi..” a nui suk a, mak ka ti ru fo, tu te pawh hi tha deuh hian a bia a, Pi Biaki ang tho in Sanju-a hi a en hrang lemlo anih hmel,ka chibai a, an Bungrua vel Rama leh kan Nula in an lakthlak pui a, Inhnuai ah an dahthla a,Kan In ah engkim an ei thei ang a, mahse, an duh zawk phawt chuan an mahni pawn an inbawlhrang thei ang tih a hrilh a, an Fanu School kalna pawh kum thar lamah chuan sawn a that tur thu a hrilh bawk a, a biak danah chhiahhlawh biak in a be hauh lo, a unau tu emaw lo haw alo lawm nen a danglamna tur awm in ka hrelo.


“Vawiin kha khawnge i kal a ?” a Pheikhawk a phelh a, kei erawh Sofa ah Blanket nen ka thu mu hlan a,

“ Bank ah...chuan, ka Ac ah ngatinge pawisa i dah a?” pangngai thei ang ber in ka zawt a, min rawn melh zawk a, a Pheikhawk a khai a, Pheikhawk bawm lian zet chu a nem hawg a, a dah lut a, min chhan a tumlo a ang mah zawk..

“ Ka biak che hi..” dam thlap in ka ti leh a,

“ I mamawh ka ring a, bakah Pasal in Nupui tan pawisa pek chu thil awm lo ani hleinem” a ti sup a. Min hnungchhawn zawng in a ding a, a Kawrlum Phiar hak a hlip a, a hnuai a a kamiz haklai a phelh lehnghal a, a dar a hlai hlap a, a kawng a feh leh tho bawk si a, a pian hi nalh lo tih a har thlawt, a thawmhnaw hak hi suk loh chuan a ha nawn ngailo tluk ani a, chhuatah a thehthla a, a rawn hawi thut a,ka lo en reng chu min rawn nuih suk a,

“ Ka hmuhnawm viau em ?” a mitmeng a nuihzatna awm ang chu kan Inneih tirh lam khan ka hmu fo,

“ Chutiang engmah ka ngaihtuah lo, pawisa min pek ka duh lo a, bakah i hnen atangin engmah dawn ka duh lo..” a nui hmel a tawp hmak a, ka tawng tam mah mah tih kei pawn ka hre bawk, mahse, ka sawi vek tawh, awmzia awm lo,

“ I duh leh duh loh ka ngaipawimawh lo, ka pe che a, chu zawng chu..” a ti hmuk a, kawr dang a ha mawlh mawlh a,

“ Min pe tawh suh, naktukah ka la chhuak vek anga, ka pe let ang che, nge ka nu hrawn ka pe zawk dawn ?” ka ti hmak a, a rawn hawi let a, a hmel dur khup mai chu hlau chung chung in ka melh let ve kar bawk,

“ I nu hrawn hian a mamawh bak aia tam anei, ngaihtuah duh suh..” a ti nghut a, ka thin a rim leh ta phat mai, ka pa sumdawnna a tla chhia a, chutih laiin an 2 in tiam rual hian a thatna lam aiin a chhiat zualna tur in an beihrawn a,

“ I mutpui apiang hian Pawisa i pe thin ang tih ka hria alawm, mahse, ka pa dam lai em hi chuan insum ve teh u....” ka sawi zawh hma in ka bul a rawn tleng hman tawh, a mitmeng chu a alh ani ber,

“ Sawi leh teh....” ka samah a tham a, min kuai dak a,

“ Thinrimna tur i neilo, in mu dun tih te chu ka hmu vek, mahse, ka pa damlai chuan insum rawh ka ti alawm..” ka sawi zawh hma ka hmui a rawn bawhthuah chat mai, na zet hian min rawn fawp a, ka thle sawn tur min dang a, ka sam ah a tham bet tlat bawk si, Blanket chungah a rawn thut avangin chet sawn ngaihna a awm heklo,

“ Min ti na ania...” a hmui a phawi veleh ka ti a, ka hmui a thip vang vang bawk, a rum nghut a, ka Blanket sin a rawn pawt hlim a, min rawn delh bet lehnghal a,

“ Na i hre lo nang hian...ka tenawm zia i sawi fo a, vawiin hian i hmu chiang dawn alawm, ka tenawm na leh Hmeichhia ka mamawhna pawh i hre thiam tawh ang...” hlauhna avangin ka khur ta dar dar mai, ka tawng hnem lutuk mah mah ani, tunah inchhir a sawt tawh silo.

Min pawt tho a, ka tal ve laih laih chu engahmah a ngai der lo, Khumah min nghat a, min delhbet zui bawk, a sawi ang chiah min dimna pakhatmah a neilo, ka ham a, ka chum a, a rem lai ah ka seh bawk, a thiltih engmah a thulh phah chuanglo, ka Kekawr a pawt thla tur chu ka mawng ka tih chet zel avangin a duh ang in a che thei bik lo, ka tal a, ka bawkkhup a, mahse, hneh zet hian min chawi a, zangthal zawngin min dah a, ka mal karah a rawn tla zep a, ka Pyjama hak a rawn phih leh a, ka panty chawp in a phihthla a, tawng miah lo in kan insual ani ber, min rawn nek hnai leh a, a mipatna khauh tung in min rawn nek takah chuan hlauhna in ka khat a, mak tak in ka chhung a lut turin duhna ka nei tho bawk,

“ I tlawm em ?” a aw a mumal biklo, tawngka a chhang lo in ka tal leh phat a, hneh zet hian min nem bet a, ka mal a rawn nawr kau belh leh salh a, Dimna tel miah lo a min rawn zawm takah chuan a rum hawk a, ka kut a chelhna a thlah a, Na ka tih lutuk avangin a kawr hnung ka tham bet a, ka khur bawk, che zui tawh lo in a chawl a, min rawn bawh a,

“ Sorry....” a ti tham tuak mai, engmah sawi lo in ka awmdan ngai in ka awm a, ka mittui luang ngiai ngiai chu a rawn fawp a, dimte in a che zui leh ta zawk a, a hma nen kha chuan lei leh van ang mai ani ta, a na la awm tho mahse, zei zet a a chet vel na chuan ka taksa ah nawmna a thlen a, Dimte in ka hmui a rawn nawr kau a, a che zel a, a tawp ah phei chuan nawmna avangin ka rum chhuak halh mai.

Che miah lo in kan mu dun a,a taksa lianpui, thlan hnawng dap chu ka ngheng a, Dimte in ka sam karah a kut a rawn rawlh a, a kut lehlam in ka Hnute hmur a hmet nauh nauh bawk a, ka chesawn ngam lo ani mah zawk, a hmel ka en ngam heklo,

“ Ka ti na che tih ka hria..” ka nghawng rawn thawkkhum a,

“ A pawilo...” nuam tilo tawp ka ni bik si lo a, chhan dan tur dang ka hrelo,

“ Nidangah chuan khatiang in ka ti tawh lo ang, chuan, engmah ka thiltum leh tih i hre lo a, i duh duh sawi ngawt tawh suh aw...” a ti dam tluam a, a thinrim lo anih hmel,

Muansanga Phone riin min kai harh a, ka lo muhil zui daih anih hmel, ka inlet a, ani pawh alo muhil tho,tim deuh hian a darah ka sawi a, a rawn meng a,

“ I phone..?” ka ti a, a hawi kual a, kan inchaina lamah chhuatah a thlauh alo ni a, a tho a, ava la a, a taksa ruak vek chu a zahpui lemlo anih hmel, ka in ten dawn tih ka hria tunah chuan ngaihtuah rih loh ka duh ber,

“ Hello...” a ti a, a ngawi vung vung a, min rawn en a,

“ Tunah maw ?” ati leh a, a aw a dik tlat lo,lehlam tawng a ngaithla a,

“ kan lo kal nghal ang..” a ti a, a dah a, min rawn pan a, ka khabe ah a rawn dawm a,

“ I pa a tha lo anih chu, tho la, kal nghal ang aw, mahse, i rilru ti hah lo la..” ka chalah a rawn fawp zauh a, kei erawh ka thu hriat avangin che mai theilo in ka thu khawng at thung.

Chapter-11

A kal sawn a, a thawmhnaw a ha pawh animahna, a rawn let leh lai pawn ka la chesawn chuanglo, Nimin lawk ah ka va hmu reng a, that lohna engmah a nei miah lo, tunah eng vangin nge a that loh thut ang ??!!!, ka dar ah a rawn vuan a, ka melh chho a, a lo in ha fel vek tawh,

“ Bawihi...va in tifai la, kan kal nghal angai ka tih kha...” ka tho phat a,Saruak ka ni tih pawh ka ngaihtuah hman tawh lo, hmanhmawh zet in Bath Room ah ka lut a, Shower in ka in tleuh zuai a, ka chhuah leh in ka thawmhnaw nen khumah min lo nghak a, ka ha lai min lo pui bawk,

“ Tunge lo bia che ?” ka ti a,

“ Nurse in mawle, hlau thawng suh, engmah thil tha lo a thleng lo ang..” a ti a, chhan pawh ka chhang lo, ka rilru a mang vek nimai in ka hria,Ka Bag Dahna atang in Bag ala chhuak a, Ka Phone a thun a,

“ Kal ang le, i ril a tam chuan sawtah eitur kan zawng mai dawnnia...” a ti a, kan thiltih sawi zuina hun kan nei lo hlauh, zah tet tet theih ani lo bawk nen, ka zui thla a, Sanju-a hnenah thil awmdan a hrilh a, kan haw lo maithei tih a sawi lai chuan hlauthawnna nen ka lo en thung.

Motor ah pawh kan tawng mang lo, ka mit ka chhing a, a nat thut chhan ka hrelo takzet, ka ngaihtuah chhuak zo hek lo, Ka pi kha a na thut a, a Boral nghal a, Ka pu pawh chutiang tho chu...Ka pa hi a kal ve leh mai lo ang tih tunge hria? , ka va thlen hma pawn a kal maithei asin...Ka kut ah Muansanga kut lum thur thur chuan a rawn chelh a, laksawn pawh ka tum chuanglo, Innghahna ka mamawh em em tlat ani.

Motor ding dawt ah chuan ka meng nghal a, Kan In ah kan kal dawn emaw ka ti a, mahse, Damdawiin ah zawk kan kal alo ni a, Zawhna nen Muansanga ka en a,a bu nghut a,

“ Min rawn Call khan Damdawiin an Panpui mek a, chuvang ania hetah kan kal ...” a ti sup a, ka chhuk a, keimah mai a Casualty chhung a luh ka ngam tlat lo, min rawn pan a, ka kut a rawn chelh leh a, amah si deuhthaw in ka kal a, ani pawn min ning hmel a ti lang bik lo,

Ka nu hrawn in min hmuh veleh tap deuh pur chungin min rawn pan a, Nurse lah hlauthawng hmel fe hian a lo thu bawk,

“ Khawnge an dah a ?” Muansanga chuan a ti a,

“Oxygen an pe mek a, a thaw a hah thut alawm mawle..” Ka nu hrawn in a ti a, Muansanga hmel chang zet ah chuan engmah a ngaihtuah a hriat theih loh..

Luh an phal loh avangin pawn ah kan thu a, Muansanga ‘n ka kut a chelh na vawikhatmah a thlah lo, Darkar tam fe kan thu tawh, mahse, tuman min rawn ko chuanglo,Ka ni in min rawn bia a, ka hlauthawn luat avangin ka tawng bah nak mai,

Nurse a rawn dak a, Ka pa hming a rawn sawi a, a chhungte kan awm leh awm loh a rawn au a, ka ding vat a, midang pawh an tho ve nghal a,

“ Lo lut ula...” Biak zui hman loh in a lut lehnghal a, nghet zet hian Muansanga kut ka hmer a, ka khup a sai dar dar bawk,

“ Eng nge chanchin le ?” Muansanga’n Doctor lo awm hnenah a ti a, Doctor la naupan ve hmel tak mai chuan a aw a thian kharh a,

“ A pawi ka ti khawp mai, kan chhan hman lo ani e, Damdawiin an rawn thlenpui lai khan a thaw a mumal tawh lo a, theihtawp kan chhuah ngei a, mahse, tih ngaihna a awm ta lo ani e..” a kalsawn a, Ka pa taksa atangin Oxygen an pekna an phawi a, a Khabe ah Bandage in an vet a, Ka Nu hrawn tap vak vak chu ka en a, tah ve na chang pawh ka hrelo.

Ka mumal lo nuaih aniber, In ah kan let leh lai pawn ka awm mawl ve tawp, engkim Muansanga kut ah a awm a, a buaipui vek a, ka innghahna ani chiang khawp, ka thiante an rawn kal a, Ruatfela leh Sangpuia ka hmuh veleh ka tah a chhuak ve ta chauh, Muansanga hnenah innghat em em mah ila ka chhungril hi a thlamuang zo lo, Ruatfela leh Sangpuia bulah chuan hlauhthawntur a awm lo, Muansanga leh Ka nu hrawn in eng nge an tum ka ngaihtuah tello theilo, Min then ka hlau hran lo, mahse, khawlaiah ka vak vai dawn ta ani tih ka ngaihtuah na ah a awm tel zel a, a bulah ka rilru zawng zawng in thlamuanna ka hmu zo lo.

Ka pa Boral atangin Ni 2 aliam tawh a,kan In lamah ka la awm ta reng, Muansanga erawh a haw phei a, zingah alo kal leh mai thin a, a hna pawh a thawk thei rih lo, Buaipui tur a tam a, Makpa awm chhun anih avangin engkim a buaipui angai bawk, midang kan chhungte pawh an awm bawk a, Ka Nu hrawn lah a tuar ber ang maiin ala khawsa ta zel, pawi a tih tak tak loh zia ka hriat kar avangin ka chhungril a khawih che pha lo, a Nuta te ho lah an rawn phusa peih em em bawk, han khak fawk na tur awm silo in an in ti lal em em a, ka mit a kham em em ringawt ,

“Vawiin chu i Pa thurochhiah vel kan en fel angai a, i awm ve duh ka ring a..” Muansanga khumah a rawn thu a, ka harh na a rei tawh,ka tho peih rih lo mai zawk,

“Duh hauh lo mai, engmah chan ka nei chuanglo tih ka hria a, ka tello in ti mai ru..” ka ti nghat a, a chhan ka hriat si loh in ka thin a ur hlur bawk,

“Ok...ka ti lui lo che, ka awm dawn tho alawm..” a ti sup a, a rawn kun a, a hmel pa hrak mai ah chuan a thil tum a lang vek, mahse, ka thle sawn ta zawk a, tunah rih chuan Nupa ang a awm ka thei tlat lo,

“Eng nge tihsual ka neih leh tak?” a ti nghut a, tun ni reilote chhung khan vawitam min Fawp hman tlat ani, mahse, tunah chuan Ka pa chungchang kan sawi chhuah vang pawh animahna han kuah emaw sik pawh ka duh lo bur,

“ Nei hran lo, mahse, tunah chuan ka hnaih duh rih lo che..” ka ti a, a thaw hawk mai,

“ Um...pawilo, mahse, vawiin chu rawn haw tawh la...” Pangngai tak in a ti leh a, chu erawh hnial ka tum hran lo, ka duh emaw duhlo emaw he In atang hian min hnawtchhuak nawn leh dawn tho, Muansanga bul a ka khawsak theih rih chuan a tha animai.

“ Ka lo haw ang “ ka ti hmak a, ka tho chhuak a, ka Room Ac a chhiat avangin Khum ka thawhsan rual in a vawt nghal var mai,Karleh mai Christmas ani tawh bawk nen, ka rilru a hlim lo satliah pawh ani lo, ka Chhungril a nguai a, thih ve mai duh na in min tur ut ut bawk.

Chhunah ka haw a, Ka ni leh Midangte pawh an haw ve bawk a, In ka thlen veleh Pi Biaki leh kan nula dang ten min lo lawm laih laih a, min khawngaih tih ka hria, tunah chuan chhungte tih tur tumah ka nei ta lo, ka neihchhun chu anni ho chauh hi an ni tawh mai,Muansanga’n min then hunah phei chuan anni nen a kan inzawmna pawh a chat nghal ngei dawn tih ka hria,

“ A vawt bawk sia ,ka han mu chawl teh ang, Ka thiante an lo thlen hunah min lo kaitho mai aw..” Pi Biaki hnenah ka ti a, Rempuii lo kal a tum a, Mapuia chawei tur a lo kal a tum bawk,

Khumah ka thawmhnaw pawh phelh lo in ka lawn a, Ka pa Boral hlim leh tun thlengin ka tap mumal lo, mahse, tunah chuan mahni inkhawngaihna leh Ka pa ngaihna in min bual a, ka tap lo theilo, Ka inlukhup a, ka chuah hnep thleng ka tap a, ka mal zia ka ngaihtuah a, Ka pi leh Pu awmloh hnu ah khan mal ka in ti ngawih ngawih a, ka a lo chauh bawk, mahse, ka pa ala awm tal a, min ngaihtuah lo mahse ka Pa a ni tho a, diktak chuan min lo ngaihtuah em em zawk a, ka lo hrethiam lo tih tunah ka hre chhuak chauh a, heti mai hian a kal leh a, ka hrethiam theilo, ka neihchhun apiang laksak ka ni zel a, Ka nuhrawn leh Muansanga khawsak dan a hriat vangin a kal ta mai ani thei angem?, ka mittui ka hru hul a, ka ngaihtuahna tih fim ka tum a, tunah chuan tap a kun ngawt tur ka ni miah lo.

Ka pi kha Lungphuchawl in a Boral a, ka pu erawh a damdawi ei tam vang, Nilo....ahma pawn ka ngaihtuah tawh, ka pu kha a ma eitur zat aia tam eitur khawp in a mawl miah lo, Ka nu hrawn hian eng nge maw tak inrawlh na anei tur ani...ka thu chhuak a,thil awm lo lutuk ni mahse thleng theilo tawp ani hauh lo,Muansanga nen an intiam rual anih chuan a pawi hle ang, an chetdan tenawm tak ka ngaihtuah a, thil thleng thei ani tlat, Ka pa Boral hma ni in ka hmu a, ka pa khan engmah that lohna a nei miah lo,Ka pi ang bawk in Lungphuchawl bawk, inthlahchhawn thil ani thei tih ka hria, mahse, ka awih ta tlat lo, Doctor kha ka va hmuh angai, a Report pawh ka en ngei angai ang, a Fanu ka ni a,an lo phallo anih pawh in ka dil lui mai ang chu.

Mapuia leh Rempuii an lo thleng rual deuh thaw a, Mmuansanga erawh alo la thleng lo,lo thleng rih lo mahse pawi tih na ka neilo, Mapuia lo thlen lai in Rempuii nen kan lo titi a, a rawn lut a, a rawn nui lut Var var mai, he mihring hi a ngainatawm takzet, min rawn pan a, a rawn kun a, ka chalah a rawn fawp zauh a,

“ Ka tawrhpui che, mahse, thihna hi tu chungah pawh a thleng thei a, tuar thiam tum la, i Pasal a awm a, keini pawh kan awm, kan pui peih che a, i mangan apiangin min ko zel thei ania..” a ti a, ka hahdam sawng sawng mai, a bulah hian inthup angai lo a, ka nihna ang ang in ka lang thei tlat bawk.

Kan ti ti a,min dimdawi hle bawk, ka rilru tihnat hlau in an tawng fimkhur hle bawk,Muansanga lo haw lai chuan Mapuia fiamthu thawh ah kan lo nui bawk bawk a, a rawn lut a, a tum loh deuh a Mapuia leh Rempuii lo thu a hmuh chuan a then suk a,

“ In lo leng ani maw ?” a rawn ti a,ka bulah a rawn thu ve nghal a,

“ Chaw kan ei nghal ang chu kan lo ti a..tiraw Rempui?” a ti zui zat, ka nui ve tho mai,

“ A tha khawp ang chu, Bawihi, Sanju-a a awm tiraw?” min rawn en a, a lo luh hlim atangin mumal in min la en lo hrim hrim,

“ Aw , awm e, ka siam tir vek e, ee, Zoi alo haw bawk a “ ka ti a, ka Kut a rawn vuan a, laksawn ka chak zek zek mai, a chhan ka hrelo, a mah hnaih a thut pawh ka duh lo a, a taksa engmah sik hlek pawh ka duh lo, midang an awm a, ka la sawn ngawt thei silo,

“ A that chu..” a ti sup a, an Thurochhiah chungchang chuan ka rilru a kap ve tho mai, ka pa in engtin nge a tih kual ka hre duh takzet a, ka tan engmah a dahlo tih hre mah ila Nu Sangi eng chen nge a pek tih te, a pe vek reng em tih te pawh ka hre duh bawk, mahse, a sawi anih loh chuan zawh erawh ka tum chuanglo.

Kan chawei boruak pawh a ziawm viau, ka rin aiin ka ei tui a, chaw ka ei mumal lo bawk atin ni,

“ Lo leng leh vat ang che u..” an 2 in an haw tur an chhuak rual a, Tom-a nen Gate bulah kan ding a, Muansanga erawh chuan Gate pawn thleng a thlah a, Mapuia nen an inbia a, an sawi engmah ka hre thei lo.

“ Lut ila...a vawt hle mai a...” a ti zui a, Gate a khar a, ngawirengin In chhungah ka zui lut a, kan Nula leh Sanjua Nupui in kan thil eina an tifai a, Room ka pan san a, Muansanga pawn min rawn zui chho ve nghal a, Room ah a rawn luh loh nan ka tawngtai ru mawlh mawlh bawk, tunah chuan kan thil tih dun kha ngaihtuah loh ka duh ber a, ka nuhrawn pawh kei ang tho in a mutpui a, ka pa lakah tihsual neiin ka inhre tlat bawk, ka inten a, khatiang kha a thlen nawn leh ka duh lo, amah ka hnaih chuan ka insum theihna te an bo duak thin a, ka tum dan in ka awm thei silo, hnaih loh hi ka tan a him ber.

“ Ka mut a chhuak asin “ Room a a rawn lut ve ka duh lo tih sawilang silo in ka ti hmak a, ngaipawimawh lo deuh hian Sofa ah a thu hnawk a,

“ Keipawh ka mut a chhuak ve tho alawm “ a ti a, a mit a chhing nghal a,

“ Vawiin lam eng nge in thil tih chu ?” ka insum zo thlawt lo,

“ Engvak mah i tan a pawimawh a awm hran lo, I nu hrawn tan a dah deuh vek mai..” a ti a, ka hriat lawk sa nimahse min thawng lo theilo,

“ Ka rindan chiah anih chu, i tan engnge a dah ?” ka ti nghat a, ka insum hman lo,

“ Zorinzual.... i tawng hma in i sawi tur ngaihtuah hmasa thin teh ..” a ti thawt a, ka phu dawrh bawk,tuman ka hmingpum in min ko ngailo, Ka pa takngial pawh khan min ko ngailo,

“ Ka ngaihtuah lawk vek alawm, nang leh Nu Sangi khawsak dan vangin Ka pa kha a thi anih ka ring a, ka ring dik ngei bawk ang, in awmdan a hria tih alang reng..” ka ti leh a, ka thinrimna chuan ka aw a ti khur hlawk hlawk mai,

“ Eng ang in nge min hmuh?, Hmeichhe tel lo in ka awm thei lo tih sawi i tum zawk nge ?” a rawn ding a,a tawng ringlo, mahse, a hlauhawmna a bo chuang lo, min rawn pan a, engpawh thleng dawn se pawi tihna ka nei tawh biklo,

“ Aw ka sawi tum tak anih chu, ka ten che, Mihring hmuh in ka hmu hek lo che, Sum leh Sex bak engmah nang khan ngaituah i nei miah lo..” ka ti leh a, ka aw a ring bik lo,

“ Hmeichhia ka mamawh lo ka tilo, ka Nupui ni reng chung leh In khatah ka chendun pui chung che hian Midang ka mutpui i ring tak tak em ?” a aw chu na tuar aw a ang hrep lehnghal,

“ Ka ring mai anilo, ka hmu che, Te-i pawh Kitchen ah khan lo kal lo ila i mutpui ang, Ka Nu hrawn pawh Library ah i awmpui a, Hotel ah pawh......” ka chil ka lem khawlh a,

“ LALPA leh....i duh duh i sawi mai anih hi tiraw ?” a in Control nasat zia ka hai bik lo, mahse, ka la duhtawk lo cheu,

“ I nupui tih tur em ka ni lo, a hming mai ani, Sex kha chu a thleng ve palh anih kha, Mipa leh Hmeichhia kan ni a, thil thleng theilo anilo, mahse, hei hi hre rawh, vawikhat pawh min khawih leh i tum anih chuan Pawngsual Case in ka man tir ang che, i duh anih phawt chuan Midang an tam, i hmu lutuk mah mah tih pawh ka hria,ka sawi sel dawn lo che, i duh duh in awm la, kei pawh ka duh duh in ka awm ang, mahse, i pawisa ka Ac ami ho kha chu ka pekir leh lo ang che, kha chu i Nupui hming ka put avang a ka lawmman animai, i tan eng tham Mah ani lo,then che ka duh, awmna In tur ka neih rih loh avangin tunah ka chhuak ngawt thei lo, hetah ka cheng rih ang..” ka tawng hnem lutuk chu mak ka ti zawk, kei aiin kum ah pawh a upa zawk fe a, hetiang a chaltlai tak a be tur ka nilo tih ka hria, mahse, ka lawmlo a, ka rilru natna zawng zawng vawiin hian ka sawi chhuak ta vek a, ka thawl hawk bawk.

“I duhdan anih phawt chuan le...” a ti sup a, thinrim hmel a pu hran lo a, lawm hmel pawh ka hmu chuanglo, a Normal lutuk chuan min ti thinrim letling zawk, ka sawi hnem tehreng nen engmah kha a ngaipawimawh miah lo tih a lang reng mai.

Muansanga nen a kan nun chu hrehawm na atangin hrehawm lehzual ah kan inlet ani ta ngawt mai, alo haw lo ta fo bawk, mahse, sawisel ka tum lo, a duh dan dan in awm se a tha animai, Kan In ah ka kal a,an Nula chauh a awm a, tha tak in min lo bia a, Ka nu hrawn kid nimahse ka duh ka tih engmah min sawisel ngam lo, Ka pa te Room ah ka lut a, Khumah ka thu a, ka mitthla ah ka pa alo lang a,he Khumah hian a mu thin a, a ke lehlam chauh a hman theih avangin Tiang hawl ai chuan Wheelchair a hmang mai thin kha ania,ka mittui rawn tla tur chu duh lo in thildang ka ngaihtuah vat a, hriatchhuah thut ka nei, Ka pa khan Inchung Store Room ah kal lo turin min ti fo a, tihtur ka nei lemlo bawk a kal pawh ka tum buai ngailo , mahse,engvangin nge kal lo tur a min tih ziah kher?, ka kal ngai pawh ani der silo.

Ka pan chho a, tumah an kal ngai pawh ka hrelo, Mamawh kan nei anih pawh in Ka pa leh Driver an kal mai thin a, ka pa Driver hi Ka pian hma atangin ka pa in a chhawr tawh a,Ka pa hnen atangin Nupui pawh a nei a, ka pa nen unau ang maiin an khawsa a, ka ngaina viau a, Ka pa nen khan an inzui nasa a, Ka naupanlai a ka School kal pawh aman min hruai mai thin a,Ka pa boral hnu ah pawh ka nu hrawn in ala ban ta rih lo,a ban pawh ka ring lemlo,ka hawng mai dawn a Tala in alo in kalh a, Inhnuaiah ka chhuk leh a, Chahbi dahna ami chahbi ka hum chho teuh a, mahse, eng chahbi mah chuan a mil lo vel vek,ka pa te Room ah ka chhuk leh a, a thawmhnaw dahna ka hawng a, zawn tan mai dan tur ka hrelo, a Safe ah chuan chahbi alo in vuah a, ka hawng a, a chhung a hnawk kher bawk, ka hai kual a, chahbi lian leh hlui bel bul ka hmu a, anih hlauh tak in ti in ka keng chho a, ka herh chhin a, alo ni tak tak, engvangin nge a Safe ah a dah kher ka hrethiam lo.

Store Room anih avangin hnawk deuh nuaih tur ah ka ngai a, ani hauh lo, alo fel fai thlap mai, inleng kawmna Room niawm zawk tak ani, a zau lo hle a, Thutthleng sei hmanlai chhuak leh Hnangtah chair hlui tawh zet mai hi a awm a, a laiah Dawhkan te fel renrawn a awm bawk ,ka vawikhat luhna ani bawk nen mak ka ti takzet,ka hawi kual a, Bungraw dang engmah a awm lo, Ka pa kha a kal fo thin a, eng nge a han tih thin tak ang?!., ka hrethiam lo takzet, min hrilhfiah theitu tur amah ber a awm tawh silo,Pa Mmawia ka pan mai angai dawn anih hmel, ani pawh a lut fo thin a,an kal chhan a hre tur ani, engthil nge an pahnih hian an lo thup hriat ka mamawh takzet.

Room ka chhuasan tur chiah chuan Kawngka bul a Ka pa te nula lo ding reng chu ka hmu a,

“ Enge a?” ka tawngkam a nem vaklo, min enthla ang hrim a a khawsa vel chu ka ngaithei thak lo,

“ Thingpui i duh leh duh loh rawn zawh che ka tum a..” a nui hmel ah chuan Dawtsawi hmel ka hmu tel tlat,

“ Duh e, ka lo chhuk ang.” a inher a, engmah sawi tawh lo in a chhuk a, he nu pawh hian inrawlhna a nei ngei ngei ang,ka kal tirh in Thingpui ka duh leh duh loh min zawt daih tawh a, ka duhloh thu pawh ka hrilh fel vek tawh,ka kalh fel a, chahbi ka ak hmak bawk, Ka nu hrawn nen lo han luh an tum anih pawh in tala an chhut chhiat angai ngei ang.

Thingpui a siam a, Tv en pah in ka nghak a, ka thutna bul ah min rawn dahsak a, ka en vang vang a, ka in chak tlat lo, tur a telh leh telh loh pawh ka hre silo,No ka chawi a, pawnlamah ka chhuak a, Veranda ah ding chungin tlem ka dawt a, lem lo in ka hmuam a, a chhan chu ka mitsir in min enreng tih ka hmuthei tlat ani, a kalsawn ka hmu leh a, ka chhak chhuak a, no a la awm zawng pawh Pot chhungah ka leih lut vek a, ka thihna tur khawp a thil tha lo a telh kher lo ang, mahse, in loh ka thlang zawk.

In ka thlen veleh a ka thil hmuh erawh chuan min ti lawm lo ngang mai, Ka nu hrawn alo awm a, Muansanga nen an lo thu dun a, khunkhan zet hian an lo inbia a, min hmuh veleh min rawn nuih a, mahse, ka nuih let thei miah lo,

“ I lo chhuak daih a, ka Phone tlang thei bawk silo che a,ka lo nghak che a..” a ti a, min hmuh duh chhan awm ka ngaihtuah thiam miah lo,

“ In ah ka rawn kal zawk a,eng thil nge a ?” zak miah lo hian a kut zen thlarh mai chu Muansanga mal chungah ala dah zui, ka tek sawk mai,

“ I pa khan i tan Lehkha a ziak a, a tir khan ka lo hmu lawk lo a, a thawmhnaw bawmah khan alo dah a, eng nge anih pawh ka hre chuang lo, i hming a inziak a..” a ti leh zat zat a, Hmeichhe nasa lutuk, ka kek bawrh bawrh chak, Muansanga lah chuan a mal a kut a dah chu a haider lui nge a ngaipawimawh miah lo.

“ A nimaw? Khawimaw ka lo en ang ..” a bag atangin Envelope var hi a rawn phawrh a,ka la a,

“ Ka chau riau mai, ka luhsan dawn che u, chawei nghal la..” a mawiah ka ti hram, ka luh tirh atangin Muansanga ala tawnglo reng reng,

“ A ei dawn alawm, ka sawm vek tawh,In ah khawhar deuh a awm ai chuan ei ve se nuam a tih ka ring a,keini tan pawh a nuam zawk ang..” vuakthluk ka chak zia chu pui tak ani.

Khum ah ka thu a, Lehkha ka phawrh chhuak a, Ka pa kutziak hraw pui pui ka hmuh rual in ka rilru no a chhuak leh hman teuh kher mai,ka chhiar a, engmah thil danglam hmuh tur a awmlo, min Hmangaih thu leh ka hlim a beisei thu ani deuh ber, a lehkhathawn ka dawn hmasak ber anih avangin ka ngaihlu a, ka awm ah ka pawm bet a, ka mittui rawn tla pawh ka hru buai ta lo law law.

Ka mu deuh ren rawn a, mahse, chaw ei tur a min rawn koh takah chuan peih lo zet hian ka tho a, Muansanga leh ka nu hrawn han hmachhawn vel chakna ka nei miah lo,inhnuaiah ka chhuk thla a, Dinning Room ka pan a, mahse, tumah an lo awm lo, Zo-i rawn lut mek chu ka en a,

“ Khawnge an awm a?” ka ti a,

“ Library ah khan an awm a , ka han ko leh dawn mi?, ka rawn koh pah che khan ka ko tho a...” a ti a, ka lu ka thing a,

“ keimah kan han kal ang..” ka ti a, thawm nei manglo in Step ah ka chho a, Library kawngka inhawng sa ah chuan kik hmasa lo in ka bih a, ka nem kau belh bawk, Muansanga chu Chair ah a thu mar ut a, ka nu hrawn erawh chu Muansanga hmachhawn zawngin a thu bawk, kik tum in ka tawlh let leh a, mahse, Muansanga rawn tawng ri ah chuan ka kut ka la thla leh a, a sawi tak hriat chian tumin ka beng ka dawh hnai a,

“ Tihnat kher a tul ka ti lo..” keimah min sawina ani ngei ang, an awmdan tenawm lutuk hian min tina tawk tawh reng,

“ Nia, tihnat belh angailo, a neih engkim ka neihsak tawh a, i duh hun hun ah pet chhuak ve tawh mai rawh, ka buaina ani hleinem..” Ka nu hrawn tawng ri ka hriat rual in ka hmui ka hup vat bawk.

Chapter – 12

Muansanga chhan dan tur ka ngaithla ngam tawhlo ,ka hriat sa tho nimahse na ka ti zual dawn tih ka hria a, ka tawlhsawn ta zawk a, Inhnuai ka pan nghal a,Dinning Room ka luh hma in thawk ka la hmasa te te a, Zo-i hmuh lai a mangang hmel tih lan ka duh lo, Eitur alo chhawp chhuak vek tawh a, ka thu a, ka ei tur Plate ami chu ka en a, a tui hmel hlawm tehreng nen ei chakna pakhatmah ka nei miah lo,

“ Pu te chu alo kal dawn em?, ei tur hi a dai ang tih ka hlau a, khua a vawt si..” Zo-i min biakna chuan min ti phu deuh zawk a,

“ Kal ang, an laklawh deuh a...” ka sawi zawh hma in ka hnung lamah thawm a rawn awm a, ka ngawi ta daih, ka chawei lai chiah ngaihtuah niawm tak hian ka ei ta mial mial a, a tui leh tui loh ka hrelo, ka ei liam vel mai mai,

“ Ka thawhsan dawn che u, ka puar lutuk...” ka Chair ka nawrsawn a, Ka nu hrawn chuan nui chung hian min en a,

“ I ei tlem thin em mai, ei teuh ta che...” a mitmeng a min hmuhsitna lang chu ka hmuh hmaih lo, ka chhungril na lutuk chuan a tur hian min tur et et mai, rilru fimlo tak a tih let chiam ka hlauh avangin ka kalsawn ta zawk a, tunah chuan a chan chhe zawk ka ni a, ka rilru a a lan ang ang a chet ngawt a fuhlo tih ka hre kar bawk.

Zo-i nen Bazar turin kan chhuak a, ka nuhrawn in chaw a rawn ei zan atang phei kha chuan Muansanga nen kan inbe ta lo tawp a tih theih,Zo-i pawh in a hai hauhlo, Pi Biaki erawh chuan a hria anih pawh in a tilang lo,Muansanga pawn min be chuanglo a, kan inhmu peih lo tawn nimaiin ka hria,

“ I duh duh lei pawp pawp rawh, ka pe mai ang..” Zo-i hnenah ka ti a, an khuaah haw min dil a, Naktuk tuk leh Urlawk ni anih tawh avangin Vawiin ah ka bazarpui a, Khawilai pawh a tawt em em vek mai, mi thenkhat, nei em em tih hriat ngawih ngawih an awm laiin thenkhat te chu harsa chung chung a Bazar hram hram anni tih a hriat bawk, mihring nun inthlau lutuk hi Fair lo ka ti fo thin a, a nei ten neih belh an duh a, a rethei te erawh rualawhna chang hrelo an ni zel bawk, Nilo..an Retheih luat avangin engmah awh leh chuang tur an hrethiam lo ani zawk.

Thil ei turin kan chawl a, Zoi tawng siam siam chu ka ngaithla a, a haw daih chuan ka lung a leng hle ang tih ka ngaihtuah mai mai thung, Ruatfela leh Sangpuia an zirna chungchangah Delhi ah an chhuk rual a, Christmas pawh Aizawlah an rawn hman hmel si loh a , ka mal hle ang, Ka pa tal la awm se ka ti vawng vawng, kum dang ang in thil thar neih chakna ka neilo a, pakhatmah ka lei heklo.

“ Zuali... i ni em ?” Mapuia aw ri ka hriat veleh ka hawilet vat a, ka hnungah a lo ding reng chu niin...a bulah chuan hmeiche hmeltha tak a ding bawk, Mapuia leh Ruatfela te in kungkaihna hi ka zawt ang ka ti rilru thin a, ka theinghilh zel thung, zan in ah ka zawt ngei ngei ang,

“ Ehe...kan va inhmufuh thei ve..lo thu ve ru..” ka ti a, a nui suk a,

“ Kan chhuak dawn chiah zawk, hei hi ka nau anih hi,Rosy-i...” min hmelhriattir zui nghal a, unau niawm reng anni, a ngainatawm ka ti nghal ringawt, a u ang anih ka rin vang animahna..

“ Eee, zanah ka rawn bia ang che aw, thil pawimawh sawipui lawk tur che ka nei a..” ka ti a, a chhan chu Ka pa boral laia Doctor lo awm kha a thianpa ani tih ka hre tawh a, biak pwh dan min zawnpui turin ka duh a, tunah sawi nghal mai chi ani silo.

“ Ok...ka rawn be zawk ang che, anih phawt u..” an kal chhuak chu ka thlir a,

“ Khatiang a nui chung khan ngatinge Pu bulah hian i awm ngai miah loh a..?” Zo-i zawhna chuan ka nui tih min hriat chhuah tir a, ka ngaihtuah let a, a sawi dik khawp ang, Muansanga nen hi chuan kan nui dun khat mai pawh nilo in tun hnaiah phei chuan biak pawh kan inbe ngai mang lo zawk.

“Ha....ka awmdan a ngai reng alawm..” ka ti a, Frank tak in thil a sawi mai thin a, zep rin ren leh kawi amah ah hian a awm lemlo,

“Kei chu u Mapuia kha chhelo ka ti tawp mawle, mahse, hrilh miah suh..” a sen awp awp a, ka dem hranlo, a chhe lo ve pangngai em bawk ani.

“ Hrilh lo ang, e... i Nu tan kawr leisak leh ila, chuan, kan haw thei animai “ ka ti a, a hmel chu hlimna avangin a eng sarh mai, ka tan engmah ka duh hranlo, kan nula 3 te Bazarna tur an hlawh bakah ka pe vek a,an hlawh hi an Ac ah an dahsak mai thin a, an Ac ami khawihbuai ngailo in ka Pawisa ka pe a, an lawm hmel khan ka nun nguai lutuk a chawk harh ve a,an 3 a an bazarna zawng zawng belhkhawm pawh a tam hran lo,ka nun ah midang thilpek ka ching ngailo, tun ah erawh chuan Ka pa pek ka tum ber a awm tawhlo a, ka mamawh aia tam thawmhnaw ka nei a, midang mamawh ngawih ngawihte tan a tihsak ka duh zawk a, ka hlimpui bawk.

Room ah ka thawmhnaw vel ka tihfel laiin Muansanga a rawn lut hlawl a, Room ah a mamawh a lak dawn pawh in ka awm loh laiin a kal thin tih ka hria,

“ Naktukah Hna thil ah ka zin angai a..” Khum mawng a thutna awm ah a thu a, a Phone a khawih pah mawlh mawlh a,

“ Khawiah..?” ka ti hmak a,

“ Lunglei ah, mahse, Zankhat chauh ka riak ang, Dawr thar tur kha an sa zo thawkhat tawh a, chuan, a chhunglam chei dan vel ruahman tur khan Interior designer pakhat ka ruai dawn a, chu chu ka hruai ang..” a ti tha leh mai a, engvang a min hrilh ve nge anih ka hre lo,

“ A tha alawm, min hrilh kher angai chuang hleinem..” ka ti a,

“ Ka hria, eng nge maw palh lo tawk ta ila ka chin i hriat tha ka ti a, mahse, Christmas chu hetah ka rawn hmanpui hman che ka ring..” ati leh a, Urlawk ni ah alo haw dawn tihna ani mai a, mahse, kan hman dun leh dun loh a danglamna tur ka hre lemlo,

“ Um...atha, naktuk ah Zo-i a haw dawn a, chuan, kei pawh zankhat lek kan In lamah ka va riak ang chu ka lo ti a..” min rawn en a, hriatthiam har zet hian a hmel chu alang a, a insehruh teuh bawk,

“ A tul lo, ka lo haw hunah i duh leh i riak dawnnia..” ka thiltih tur min hnial leh ta,

“ Ah....min sawisel lo maiteh, ka duh duh a awm ka duh ber..” ka ti nghat a, ka thil tih lai ka tihzawm leh a,

“ Thildang engpawh ti rawh, mahse, ka tello a sawtah va riah ka remti lo...” nek luih a har zia a aw ah alang a, mahse, ka tum tho, engvangin nge a phalloh ngawt?, hriatchhuah thar ka neih a hlau ani ngei ang,

“Ni lo e, zankhat chauh alawm..”ka ti leh talh a, a rawn tho a, min rawn pan a,

“Min khawih suh..” a ban a rawn phar chhuah chu beidawng hmel deuh hian a dahthla ruai ruai a,

“ Ok..ka khawih lo ang che, mahse, ka sawi hi ngaipawimawh rawh, saw In ah sawn ka tello in kal suh, i tan a tha lo...” a inher a, a kekawr ipte zen chungin a kal chhuak a, a sawi awmzia hrelo mah ila thil tha lo ka tawh a duh bik lo anih hmel khawp mai.

Chaw kan eikham hnu ah Living Room ah Zo-i nen Tv kan en dun a, a tawng siam siam a, lo kal leh vat a tum thu a sawi a,ka ngaithla liam leh vel mai mai, engmah hi ka rilru ka pe meuh lo ani e, kan chawei chhung zawng khan Muansanga kha vawikhatmah a tawng lo a, melh pawh min melh lo,

“ Bawihi...i Phone...” inchung Step tawp ah a ding a,min koh dan hi thlak a tumlo anih hmel, ka Phone a rawn lek chhuak a,

“ Ka lo kal ...” Ka ti a, Mapuia ani ngei ang, Room ah ka theihnghilh tih pawh ka hre pek lo, a kut silo turin ka Phone ka la a, ka rin ang chiah in Mapuia alo ni a, Biak ka tum kha ka lo hre leh tawh lo a, mahse, amah zawk in min rawn biak a tum erawh a theihnghilh ve lo anih hmel,

“ Hello...” ka ti a, Step ah ka chhuk thla leh a, Midang hriat laia biak ka duh loh avangin Pawn lam ka pan a,

“ Min nghak ngai lo ang ka tih kha, keiman ka nghak hman lo bawk che a..” a nui huk huk a, kan In alo kal a a sawi kha ka hrechhuak a, ka nui ve tho mai,

“ Um...i sawi dik, tu emaw chu Hmeichhe vannei tak ala ni dawn anih hi..” ka fiam let a, ka nui hawk hawk bawk,

“ Ha...vannei tur hian duh bik ka nei ve tho..tak tak in eng chungchang ah nge min biak i duh a ?” a ti leh a,

“ Englo ania, Ka pa Boral lai a Doctor Duty kha i thian hnai tak niin ka hria a, biak ka mamawh a, min kalpui kher ka phut ngam lo a, mahse, min lo biak sak theih chuan...?” ka ti a, a hming ka hrilh nghal a,

“ E....amah kha maw lo Duty a?, biak sak thei lutuk, Naktuk ah Lunch neih pui turin ka lo sawm ang, tah chuan ilo kal ang..a tha em ?” ka rin aiin a awlsam takah chuan lawm zet hian ka khi var var mai,

“ Ok...tehreng mai, min treat dawn phawt te chuan...” ka nui a, mak tak in Hepa bulah hi chuan nuih der angai lo, ka thinlung zawng zawng in ka nui thei tlat zel.
Lut leh nghal lo in Pawnah ka ding vang vang a, chunglam ka thlir, Ka pa hmel ka mitthla ah alo lang a, a boral hma khan a bulah awm ila eng nge a sawi ang?, a Nupui khawsak dan tenawm tak a hriat chhuah tak avangin a na em em tih min hrilh in ka ring a, thildang engmah sawitur a nei lo ang, a sawi tur neih chu Lehkha ah khan a ziak zo vek tawh,Naktuk ah Doctor ka va hmu anga, a tul phawt chuan ka Nuhrawn pawh ka hmachhawn nghal ang.

Zingah Muansanga zin turin a chhuak a, a kal tur insiam thawm chu ka ngaihthla kar a, min tih harh hlau niawm tak in thawmnei mang lo in a a che a, ka che duh lo, Room kan nei hrang tih kan awmpuite hriat kan duh loh avangin Room kawngka kalh lo in ka mu mai thin a, a mamawh engkim ka awmna Room ah a awm vek bawk nen, a duh hun hun ah alo lut mai thin a, kan awmpuite pawn in kan inkar a tha lo tih hre mahse kan riak dun lo tih an hre lo.Khum a hniam salh a, a rawn thu tih ka hria, che lo in ka mu khawng at mai, ka Sam a rawn khawih a, Dimte in a rawn fawp a, au chhuak lo turin ka insum hram hram ani ber,

“ Ka kal dawn aw, tui deuh in lo muhil la...” engvangin nge hetiang a a chet kher thin le ??!!, amah ka huatna zawng zawng paih bo vek a min hruai tur a ngen mai ka duh phah hial tlat ani,mahse, ka ti ta em lo hlauh.

Ka lo muhil tha leh a, ka Phone riin min ti harh a, Mapuia alo ni a,

“ Aw...” Hello pawh ka ti buai peih lo,ka thian tha tak ang maiin ka nel em em a, ka rilru in ka pawh tlat bawk,

“ In pa ka be duh...” a rawn ti a,

“ A zin a, a kal tawh, eng thil nge a?” ka ti a,a thaw hawk a,

“ A pawilo, ka try leh mai ang,amah nen a sawi dun ngai thil ania..” a ti a, ka chhan leh hma in a dah daih bawk, Hreptak hian a....eng thil nge ani pawh hian a zep leh dawn tak ni??, ka ring dawn chauh a, Dawt min hrilh lo hram se ka duhtakzet.

Lunch ei tur a an Hotel ka thlen meuh chuan nui chungin min lo welcome leh tawh, Zinglamah khan a tho fuh vaklo ani ngei ang,

“ Lo kal rawh, David-a pawh alo thleng tep ang..” Hotel chungzawl a Dawhkan Pakhat kan kil dun a, Dawhkan dang a awmthluah bawk, Nihliap lian pui pui a inzar a, Boruak vawt lutuk a awm heklo, a nuam takzet,

“ Helai hi ka thawh ve lai khan a awm tih ka hre miah lo...” ka ti a, ka hawi kual a,

“ Thawk rei heklo che mawle, tak tak in Tunthla atang khan kan Open chauh, In pa Idea anih hi..” a nui vur vur a,

“ A nuam hle mai..” ka ti halh a,

“ Zingah khan ka rawn ti harh che em?, a hmanhmawhthlak lutuk a, chuvang mawle,mahse, ka be fel tawh e,Sumdawnna lam bawk ania..” a sawifiah a, a inthlahrun hmel hle bawk,

“ A ho lutuk, Sumdawnna lam hi chu ka tuipui lo, hetia thut der der hi ka tuipui ber..” ka nui a, a nui ve hawk hawk bawk, rei vak lo hnu ah David-a alo thleng a, Mapuia khan School an kal ho thin a ti a, a landan aiin a Upa tawh zawk anih hmel, a hmel ka en mai kha chuan Doctor zirzo hlim hlawt emaw ka ti tak tak.

“ David, hei hi Zualbawihi...Muansanga Nupui ka tih kha..” ka chibai a, Doctor niawm reng in a lang thar sar a, a hmel hmuh a nuam hle bawk,

“ Ka hria alawm,Inpa hi ka ral hriat a, amah hian min hrelo mai mai zawk,chuan, in inneih a i Best Rempuii kha ka nu lam atangin ka Cousin ania...” lehnghal chuan a....Rempuii ka rin loh vang nilo in tlem chuan ka thil tih tumah min ti tim deuh,

“ Eitur ka chah sa in ei duh ka ring ve ngawt a..?” Mapuia chuan a ti a, ka bu nghat a, tunah chuan eitur in ka rilru a luah eih lo,

“ Keipawh ka duh vek mai, chuan...min hmuh duh chhan ka la hre miah lo ania..” min en in a nui sak a, Biangsum ala nei zui, a tilang naupang zual in ka hre hial mai,

“Ka pa chungchang ania, khawngaih in engmah zep lo in min chhang thei ang tiraw?” ka ti a, a ngawi deuh vang vang a, a bu ta nghat a,

“ Ka lo va kalsawn ang, mi biak tur ka nei a..” Mapuia chu a tho nghal a, hre ve mahse pawi ka ti lo, mahse, Phone ah midang a be zui nghal daih a, a awm ve pawi ka ti lo tih hrilh ngaihna pawh a awmlo,

“ Ka tum ang chu, midang nilo in a fanu i ni alawm..” ati a,Mapuia kalsawn chu a en a, Doctor te hi an damlo te tan chuan thuruk bawm anni miau a, kan chhungte lemlo natdan lo zawh chiam hi a fuh lo a, min hrilh tha duh dawn lo tih ka hre ve kar bawk,mahse, tunah chuan a sawi ang chiah in a Fanu ka ni a, engmah zep tur a awm lo,

“ Ka pa kha an lo thlen pui lai khan nangman ilo dawngsawng tiraw ?” ka ti a,

“ Um...” ati tha ve mai bawk a,

“ Ka pi kha Lungphuchawl in hman deuh khan a Boral a, Ka pu erawh Damdawi a dose aia tam a ei vangin a boral bawk ,ka pa lah khatikhan Lungphuchawl bawk in a Boral a, an Boral lai hian In ah ka awm lo vek a, mahse, an Boral hma in ka hmu vek thung, Ka pi kha engmah Lunglam that lohna aneih ka hrelo, ka pa pawh chutiang bawk in...mahse, Lung tha lo chauh hi Lungphuchawl in an thi kher lo tih ka hre ve a,mahse Inthlahchhawn thil anih leh nih loh ka hre duh a...”ka ti a, ka sawi chhung khan uluk tak in a ngaithla kar a, a hmelah engmah ka chhiar thiam lo,

“ Lungtha lo tan chuan chance a awm tam animai a, mahse, inthlahchhawn thil ani hran lo, Heart attack ani a, alo thleng thut animai,mahse, i pa kha Medical Reports ah khan Heart attack tiin ka dah a, Natna dang a neih leh neih loh hre turin engmah kan check hma in a boral hman tlat ani,an rawn thlenpui lai khan a thaw a awm mumal tawh lo a, Oxygen ka pek tir a, vawikhat a rawn hip kawk a, a chatthla ani nghal mai...i zawhna ka chhang em?” a ti a,

Ka bu nghat a, a sawi dik ka ring, Muansanga an rawn biak chhung leh kan kal inkar kha rei anilo, Damdawiin kan thlen khan a mumal tawhlo a, Oxygen an lo pe nghal tih Nurse khan min hrilh tlat ani...oh...Nurse..nidawn tak...ani aia hretam tur tumah an awm lo.

“ Ka lawm e, tunah chuan ka duh ang chhanna la nilo mahse chhanna tha zawk beisei tur ka hrelo, mahse, ka mamawh leh dawn tho che a, chumi hunah chuan min pui thei ang tiraw?” ka ti a,

“ Tehreng mai, ti hian thian kan ni mai alawm..” anui var var mai..

Kan thil ei pawh a tui takzet, Mapuia’n min thlah tum mahse ka hnial a, David-a a hna ah a let leh tawh bawk,In ah let lo in ke in muangchangin ka kal a, hetiang a mahni chuah a han vah kual vel hi nuam tih chang ka nei a, mahse, Christmas a hnai takzet tawh bawk nen, kawng a tawt viau thung,kal pah in Ka pa tan a Nurse kan rawih kha biak ka tum a, a Busy rei hrep mai, ka tihnawn leh dawn laiin aman min rawn call a,

“ I buai em?” ka ti a, Ka pa Boral hnu atang khan ka hmu zui leh miah lo,

“ Buai lo e, eng nge nita?” a rawn ti a, a fel hle a, ka ngaina over lo a, ka haw chuanglo bawk,

“ Ka hmu duh che a, hun i neih chuan..?” ka ti leh a, a ngawi deuh vang vang a,

“ Vawiin chuan ka hman lo a, mahse, Naktukah Bazar pah in kan inhmu thei ang ka ring..” a ti a, ka hmuh duh chhan min zawt hauh lo,

“ Awle, i remchandan apiang kha animai...” ka ti a, min rawn biak leh tur thu min hrilh a, lawmthu ka hrilh luam bawk.

Ka Sana ka en a, Tlailam ani tan tawh a, Nisa rum rut pawh a awm tawh lo, Ke a kalna tur an siam ah chuan muangchangin ka kal zel a, a chhan ka hriat siloh in ka khua a har ngawih ngawih bawk, tlem a fal deuh lai ka thlen chuan ka ding a, ka hmalam ka thlir vang vang a, engkim mai in ka khua a ti har vek, vawiin ang reng reng in ka chhungte ka la ngai ngailo, min ngaihtuah in ka ring a, ka khawhar zia pawh min hriatpui ka ring bawk.

“ Zualbawih...” Ka hnung lam kawng atangin min rawn ko a, ka hawiphei thuai a, Hriatpuia alo ni a, ka hmu khat hle mai, ka dinna bulah a rawn kawi a, a Motor a ti ding a,

“ Tehhlawl che chuan...khawnge i kal a?” ka ti a,

“ Ka chhuak lawk a, In veng lamah ka kal dawn a, ka lo Drop nghal dawn che mi ?” a ti a, pawi ka ti hran lo,Motor ah ka lut a, min rawn thlek a,

“In Pa ngaiin ilo kur animaw?” a nui var var mai, a zin tih a hria ani phawt ang,

“ Teuh lo, a kal chauh alawm..” ka ti a,

“ Naktukah maw lo haw an tum ?” a sawi danah kalpui a nei tih pawh a hria ,

“ Um ,a tum dan chu ania..a kalpui khan tihtur dang a neih loh chuan..?” ka ti a,

“ Neilo ang, Bakah Te-i te chu In pa vang a kal ania, thildang aman tihtur a nei hleinem..” ka nghing lawih mai, Te-i a hruai tel tih ka hre reng reng lo, mahse, Hriatpuia bulah erawh ka hrelo tih sawi ka tumlo.

Kan In kawtah ka chhuk a, lenglut tur in ka sawm a, mahse, a hmanhmawh avangin min hnial thung, Tom-an min lo lawm leh chung mai,min rawn zuan a, a lian bawk nen ,ka nemsawn a, ka hnungah min rawn zui a, a hmul a tla nasa thin a, ka thawmhnaw ah a kai ziah nen a chang chuan min hnaih ka duhloh phah lek lek mai,Room ah ka tlang chho a, Zo-i a haw tawh a, midang ho an thawm ana silo, inchhung pawh a reh ruai mai,tihtur ka hriat loh avangin Movie en ka tum a, mahse, Laptop ah charge a awmlo, Muansanga ta hman hawh tumin a mutna Room ah ka lut a, ka hmu lo, Library ah a dah anih ringin ka let leh a,Dawhkanah chuan File pakhat alo awm a, mahse, ka ngaihven lemlo, ka thil mamawh pawh ka hmu chuanglo.

Ka kalchhuak tur chu File chuan min pawt ta tlat, en chakna in min tur et et mai, ka let leh ta nge nge a,mi thil lo khawih ruk hi ka chin dan anilo, mahse, he pa bula ka awm hnu hian ka ching ta riau,ka la kang a, a chhung a paper awm teuh chu ka phawrh a, Lunglei a an hna tur anih hmel, ka hrethiam lemlo, ka thun leh tur chu ka kut atangin a pit a, chhuatah a tla darh ta nuaih mai, hahthlak hian...a phek number a awm anih loh chuan ka che buai hle ang, ka thu hniam a, vanneihthlak tak in number a lo awm hlauh, ka chharkhawm a, ka dah thuah leh tur chu ka mit la deuh thil ka zu hmu ta tlat, ka la hrang leh a, ka hmusual anih ringin uluk zet in ka en nawn leh a,

Mak tihna avangin ka khawng vek lo chuah, Paper ah chuan Lunglei a Dawrthar awmna hmun Pass alo ni a, Ram neitu hming a chuang vang a, Muansanga hming nilo in ka hming a awm tlat,a hnuaiah Dawrthar neitu a in ziak tel bawk a,

OWNER : ZORINZUALI....

Chapter – 13

Ka awih theilo, engvangin nge ka hming in a dah ngawt?, ama hming pawn a dah thei reng a, vawikhat pawh min sawipui heklo, lawmna tur ka hrelo a, min rawn miahlo a ka hming a engkim alo ti ve ngawt mai chuan min tilawm lo takzet bawk, he pa hi ka kalsan hma leh ka nun a pangngaiin a kal hma ting animai,Ka Ac a pawisa awm sa kha ka intun nunna tur khawp chu a awm, In pawh ka luah thei ang, mahse....ka eitur takngial pawh ka siam theilo hi buaina ani , ka zir vat angai, Ka pa chungchang ka hre duh tak tak anih chuan he In hi ka kalsan angai.

Muansanga’n min la rawn be miah lo, an thlen tawh leh tawh loh pawh a rawn sawi heklo, biak ka tum bik lo, Te-i a hruai dawn tih ka bulah khan a sawi hauh lo, mahse, alo hruai leh tho, engtin nge maw a tenawm em em theih zawk ni?, Hmeichhe tello hian a khawsa thei hlawllo alo nih hi.Engmah pawh ti ta chuanglo in Muansanga Chair ah ka thu a, a lian bawk a, ka bawp ka khawkherh a,ka thu pil kak mai,ka nun inthlakthleng ta thut hi ka la hrethiam theilo, Pasal ka nei thut a, Pasal nei thei tur khawp in ka upa ve tawh a, mahse, ka duhthlanna ani miahlo, Ka pa a boral a, ka nu hrawn ka ngainat lohna belhchhah turin a nun chhungril ka hmuthiam ta bawk, tun kum khat pawh tlinglo ah hian ka nun hi a inlet thawk aniber, Hmelhriat leh thian thar ka chhar nual a,a hma a nula khawsa ho ve tak kha Mi nupui niin chhungpuinu ka ni ta thut bawk, Ruatfela ka ngaihtuah chhuak a, Biak ka ngai, Mapuia chanchin ka zawh angai.

“ Hmela...” Phone a pick rual in ka tinghal a,

“ Hmeli...min va ngailo ve..” a rawn ti let ve zat bawk, ka ngaihzia ka sawi thiam lo zawk, Nikum tun ang hunah te kha chuan kan 3 in Aizawl veng hrang hrang an chei kan en kual a,, Sangpuia te In ah kan riak zui bawk,

“ Ka ngai lutuk che u, lo haw teh u,kumthar tal lo hmang ru..” ka ti a, ka ngaihtuahna chuan ka mittui a ti hnai kuar mai,

“ Kan tum alawm, ka ngaihtuah tak tak che, Lion-a awm em?” a nui kar kar a,

“ A zin a, ka lo biak chhan che chu maw i Patea te Hotel a an Manager hi engtia in chhungte nge?” ka ti a, a thaw hak ri ka hrethei a,

“Ka patea nupui Nau anih kha, Hotel Manager nilo in Hotel ah khan 50% share a nei, a neitupa tho tihna anih chu..” a ti a, ka rindan sa ani hrim hrim,

“ Um..Muansanga nen hian an inkawm thin a, ka rin aiin ka nel ta zek a, nangmahni ang deuh chiah khan ka kawm thei a..” ka ti a,

“ Maw??!!!, a va mak tak..kan innel tho a, mahse, fel ka tilo,bakah ngatinge keimahni ang in i kawm a?, a tullo em mai..” a ti nghat a, a thik tih ka hria, School kan kal ho lai atang tawh in Hmeiche thian dang an kawm chuan ka thik thin a, an kawm loh phah ta thak a, tun thlengin kan 3 in kan inkawm ta zel zawk,

“ Naaa...in awmlo a, bakah Muansanga nen kan Inneihna hi a hlawhtling lo in ka hria, then mai ka duh...” ka ti a,

“ Aih..then lo ang, Khapa khan a duh che tih ka hria...” lehlawi si chuan... an huat lutuk vang in a hming pawh an phuah hial ania, tunah a tan leh tho si..

“ Chutiang anilo, in lo haw hunah engkim ka hrilh ang che u, in awmlo a, tunah tanpui ka ngai asin le..” tah loh hram tumin ka hmui ka pet fan fan mai,

“ Lungngai suh, kan lo haw har vaklo ang, Christmas kan lo hmang theidawn lo tih chu a chiang a, mahse, 27 vel ah tal lo haw kan tum alawm..” ati a, min hnem thiam dan tawk in min hnem ve tih ka hria,ka rilru a hah apiangin ka pan fo a, tawngkam a min hnem lo in an 2 in alaiah min thuttir a, ka kut vuan in an thu thin anih kha..kha khan nasa tak in ka lungngaihna lak ah min pui thin a, tawngkam a min hnem nen a danglamna a awmlo.

“ Nia...lo haw vat ru, chuti anih loh chuan Mapuia ka kawm ngeihsan che u animai..” ka fiam a, a tawp ah chuan kan nui ho leh nge nge thin a, tunah pawh engmah ala danglam chunglo.

Zan ah pawh Muansanga’a hnen atangin Call ka dawnglo a, Msg pawh ka dawng chuanglo, an tluang nihmiang ka ti mai, tluaglo se chuan midang hnen atang pawn ka hre tawh ngei ang, Naktuk ah Nurse nen kan inhmuh zawh ah Pa Mawia te In ah ka kal anga, ka pa in ka lakah eng nge a thup hriat chhuah ka tum ang, a vaiin ka hretheilo anih pawh in tlem tal ka hrethei ang chu.Ka beisei loh zet in ka muttui phian bawk.

“Muansanga khan I pa te thlan vel kha chei duhdan i nei em a ti a “ Pi Biaki ka en vat a,

“ Maw ?” a thusawi hriat loh vang a zawt nawn ka nilo, a sawi nawn leh a,

“ Vawiin ah ka kal ang ka lo ti a, tlaiah ka kal ang...” ka ti a, a bu nghat a,

“ A zin hma ni khan min hrilh a, ka lo theihnghilh daih a, duhdan bik i neih chuan he number hi bia la a ti a...” Lehkhathem hi a rawn phawrh a,a ngaihna hrelo zet hian ka en a,

“ Tu nge anih a ?” ka ti a,

“ A hna enkawltu pakhat ania, i chhungte thlan ho kha an chei dawn a...” ka hresual emaw ka ti hial,

“ Keipawn ka cheithei reng alawm, a ho em mai, midang tihbuai kher angailo..” ka ti a, lehkha ka hmetkhawr a, ka piah Dustbin ah ka vawm lut nghal daih bawk,

“ Awle, i thu thu animai, A nu thlan an cheisak thin a, mahse, amah hi chu thlan chei en tur pawn a kal ngai chuanglo..” ati leh zel a, a khawsak dan hi a chang chuan mak ka ti fo, a nu thlan ani a, tlawh reng tur anih vei nen kal pawh a kal ngai mang lo ania,

“ A nih chu mawle, chei ngai ka ti hran lo, mahse, vawiin ah ka tlawh ang ka tih kha..” ka ti leh a,

A kalsawn a,Nu tha tak nih zia ka hmu tam tawlh tlawh mai,Ka pa Nurse in min rawn biak hun ka nghak a, Rama leh Sanju-a Nupui in Pangpar an ti fai a, an cut a, a then a hunna an sawn kual a, Pangpar ka ngaina hranlo ,mahse, helai hmun a mi ho hi chu an nalh takzet.Muansanga hian Pangpar a ngainat ka ring hranlo, a Nu sulhnu vek ala ni ngei ang,a Nu Boralna rei tawh mahse Helai hmunah hian a Nu kha a cheng hman a, In erawh hi chu a siamtha tih ka hria, ka phone a rawn ri a,

“ Hello...” ka ti a, ka pa Nurse alo ni a, a number ka save sa nilo atang a min rawn biak avangin ka hai thelh bawk,

“ Vawiin kha ka hman thei dawn a, mahse, In in ah inbe zawk ila, a chhan chu in vengah khan ka Thiannu te naute en tur in ka lo kal dawn a...” a ti a, ka ngaihtuah a, kan In ah chuan ka duh chiah lo, mahse, mamawhtu zawk ka ni a, duhthlang thei ka nilo,

“ Ok...a tha ngawt ang, ilo thlen hunah min lo call leh la, chutilo chu kan Ui hi a buaithlak deuh thin a..” ka ti a, min rawn Call leh ang tih a sawi a, kal chhuah ka ngai ta lo,kan inbiak zawh ah Pa mawia te In ah chuan ka kal mai ang,tunthlengin Muansanga hnen atangin Call pawh ka la dawng chuanglo.

Muansanga thawmhnaw suktur bawm ami ka pawm chhuak a, Machine ah thun tumin ka check hmasa a, a kekawr ipte ah eng ngemaw ah a nei a, ka zen a, Lehkha them, a thil leina Bill vel niawm tak a awm a, Dawhkan ah ka dah a, lehlam ka zen leh a, Thir kual tereuhte ani maiin ka hria, ka la chhuak a, mahse, ka hmuh chian takah chuan ka melh reng mai,kan Inneih zungbun alo ni a, a zin hma zan kha chuan a bun ngei tih ka hria, engtik laiin nge a phelh ka hrelo,kan Inneih tirh lam khan ka phawi ru fo thin a, mahse, engtiklai atang khan nge ka hrelo, ka phawi ngai ta lo,ka kut ah a awm tih pawh ka lo hre tawh lo a, ngaiah ka neih lai ka hre heklo, ka kut ah ka dah a, ka en vang vang a, mak tak in Zungbun bun duh lo leh zahpui ang a ka ngaihna chuan min ti na vawng vawng mai,a Dressing Table aha lehkhathem ah ho chungah ka dah a, a thawmhnaw dang pawh ka check zui ta lo, Machine ah a hlawmin ka vawmlut tawp a,ka set fel a, Room tihfai tum in ka letsan leh ta zawk a, kan Inneih tan tirh atang khan a thawmhnaw hi keiman ka su vek thin a, awmpui nei mahila midang tih atan ka dah lemlo, a mutna Room pawh keiman ka tifai ziah bawk.Nupui tak nilo mahila ka tihtur ah ka ngai ve tlat, ka pi khan a damlaiin a sawi fo thin a, “ Awmpuite kut atangin i Pu hian eitur a dawn ka remti lo, kei aia ngaihsaktu an awm anih chuan a rilru a diklo thuai mai ang “ a ti fo thin a, a dik ka ring, mahni awmpuite ngaizawng ta mai mai, awmna nu te lan ta lawp lawp pawh sawitur tam tak ka hria.

Nurse in min rawn call a, ka va chhuak a, ka rin ang chiah in Tom-a’n alo bauh chiam pek a, hmelhriat loh a hmuh chuan a tihdan fo ani a, mi a seh ngai lo, mahse, amah a lian tham si a, Ui ngaina lo tan chuan hlau a tlanchhiat dawr dawr na tham ani ve hrim hrim,

“ Ka thiannu te ka rawn tlawh hmasa a” a ti nghal bawrh bawrh a,

“ Pawilo, i haw dawn ah keipawh ka chhuak ve nghal ang, kan thlah nghal mai dawn che lawm “ ka ti a, Muansanga’n Driver dang a hruai a,Rama erawh kan mamawh a ring ani mahna,

“ A remchang ngawt ang, khawnge u Muansanga ?” a ti leh a, Veranda ah kan thu dun a,

“ A zin lawk a, vawiin ah alo haw ang, inchhung a thut i duh zawk em?, a vawt deuh em a..” ka ti a, a lu a thing a,

“ Duh hran lo e, in Compound hi a nuam em a, heta thut hi pawilo, mahse, ka haw hma in a chhung ka enkual thei ang tiraw ?” a ti a, ka bu nghat a, Thingpui ka siam tir a, min rawn pe a, ka tawng hre phak an awm leh awm loh ka enkual a, tumah an awm lo,

“ Ka biak duhna zawk che chu, Ka pa chungchang ania, Ka pa Boral hma ni khan ka lo kal a, engmah insawiselna a nei lo a, mahse, khati khan a kal ta thut sia, mak ka ti deuh em a, min hrilh duh loh Natna ruk alo nei zawk emawni te ka ti rum rum a..” ka ti a, amah ringhlel ang zawng in ka tawng sual ka hlau hle,

“ Aih, engmah natna dang a neih ka hrelo, mahse....” sawi mai tur hrelo niawm tak hian a Bag hrui a sik niap niap a, zep a nei ani...

“Enge Mahse chu? “ ka ti leh a, nghakhlel lutuk ang a lan loh hram ka tum a,

“A chang hi chuan rilru hah hmel deuh hian a hui pap pap thin a, Pa mawia nen rei tak tak an titi dun thin a, an sawi ka hre ngai lo thung, Pi hi zanah a chhuak fo a, hna thil tul ah, mahse, lo haw loh pawh a nei, ka awmpui chhung kha thla 2 pawh a tling manglo a, mahse, lo haw loh tum a nei nual,chulam chu ka sawi tum pawh ani chiah lo a...” ati leh rih a,

“ Aih....sawirawh, ka nu tak anilo tih i hria alawm..” ka ti a, ka huat zia hre phei se chuan a sawi hreh hauh lo ang.

“ Ka hria alawm, i pa te awmpui nula khan a sawi a, chubakah i chanchin tha zawng an sawi ngai manglo” a ti a, ka rinlawk anih avangin mak ka ti hranlo,

“ A ho lutuk, chuan, Ka pa Boral hma a nat buai lai khan i awm em?” ka ti leh a, a ngawi deuh vang vang a, a hmelah chuan ka sawi ang nge sawilo ang ti a ang ber,

“ Zep loh ah chuan a hma zan khan Pi nen an inhau hrep a, Pu pawh a tawng na khawp mai,kan awm leh awmloh pawh an pawisa vaklo, mahse, nuamlo ka tih avangin dawr kal turin ka chhuahsan a,ka let leh chuan Pi alo awmlo a, Pu leh in nula chauh an awm a, a damdawi ka pe a, a Bp leh Sugar ka check bawk a, zingah pawh harsatna a nei lo, engkim a tha vek tih ka chiang, Pi pawh kha zingah alo haw leh mai a, a hma zan a inhau an ang miahlo, pangngai tak in an inbe leh mai,mak ka ti lutuk a, Pi khan nidang aiin a duat zawk mah in ka hria, chhunah khan lehkha a ziak reng a, Pa mawia pawh a awm a, engmah diklohna a neilo, tlai chawei hma in tlu thut a, tikhan a awmzui animai..” a sawi tawp lam chu a ri chang chang ani ber,

A kut ah ka va vuan a, a enkawl lai a thi ani a, a tan pawh a hrehawm hle ang tih ka hria,

“ I thiamloh ani hleinem, i theihtawp i chhuah alawm, i chungah pawh ka lawm tak tak, mahse, thil pakhat, Pa mawia haw leh I pi lo haw inkarah a bulah i awm char char em?” ka ti a, a lu a thing a,

“ Aih, awmlo, nidangah pawh ka awmpui reng lemlo, khami ni khan chawei hma in kan In ah ka kal a, chuan ka let leh chuan Pi nen Room ah an awm a, chawei kan tum laiin Pi kha a rawn te ta vak a...ka va tlan luh lai chuan Pu kha chunglam melh in alo tlu a, a mit a khap lo hrim hrim, a khawng ti tih bawk, tih harh tum in ka bei a, chuan, Motor ah kan 3 in kan zawn lut a, thenawm tlangval kan ko a, Motor min rawn khalh sak a, abak chu i hmuh ang kha animai..” a ti leh a, dawt a sawi ka ringlo, thil tamtak inthup a awm tlat, Lungphuchawl ani lo chiang ani.


“ Ka lawm lutuk aw, ka ring che, ka hmu che tih hi khawngaihin zep la ka duh ania aw,midang lakah ka tilo, ka Nuhrawn lakah ania ka tih..” ka ti a, a bu nghat a, thil hriatchhuah nei niawm tak hian a nui sak a,

“ Ka hrilh ring suh, a hmel verther lutuk kha ka ngaina lo, bakah , ka chhuah dawn zan khan tuemaw phone a a be lai ka hria a, thil engkim a tifel vek tawh a,a chan tur a duh tih a sawi a, chuan,a rilru a hahdam tawh tih a sawi bawk a..” a ti leh a, chu ngei chu ani ka hriat duh chu...

“ I chiang em?, chutiang chu a sawi ngei amaw?” ka ti a,

“ Um, chuan i hriat duh loh tur thil dang pakhat ala awm a...” a la ti ta cheu,

“ Sawila....” ka lungphu rang nghal dawt dawt chu ka hrethei a,

“ I pa Boral zan khan U Muansanga nen an lo inkuah ka hmu a...an inkuah ringawt...thildang a awmlo ,mahse, mak ka ti a, hrilh tur che anih leh nih loh ka hrelo, i pasal a diklo ka ti chuanglo ania..” hlauthawng hmel a pu a, ka khawngaih reuh kher mai, keipawh hetiang hian a hma khan ka awm thin a, thildiklo ani tih hrereng mah ila Ka pa ka khawngaih avangin ka sawi chhuak theilo a,midang in an hriatchhuah pawh ka hlau tel bawk a, thil diklo ti tu ni silo in hretu nih ngawt pawh kha ka hlau anih kha,

“ Ka hrethiam e, an inkawnngeih hle a, alo hnem ve pawh ani maithei asin..” a rilru tihnawm nan a kut ka vawn chu ka hmer salh a, amah hlawh pe tu te an ni a, an chanchin sawi a nawm loh dan tur ka hriathiam pui takzet.

“ Awi ka tlai tawh rap, ka nu hnenah ka reilo ang ka ti a “ a Sana a en a,

“Um, i duh duh lo enkual la, ka han insiam ang, kan chhuak rual dawnnia..” ka ti a, ka thawhsan a,

Ka insiam sawk sawk a, ka thawmhnaw suk pawh ka la chhuak hman lo, zanah ka ti mai ang chu, Pa Mawia ka hrilh lawk lemlo a, In ah a awm turah ka ngai ve tawp, a awmlo anih pawh in ka nghak mai ang chu.Rama ka ko a, Pi Biaki hnenah Muansanga alo thlen chuan thil pawimawh ah ka chhuak tih min lo hrilhsak turin ka ti a, ka buai tehnuaih lutuk a, naktuk hi Christmas ani tih pawh ka hre meuh lo.

An in thleng kan thlah a, lenglut tur a min sawnna erawh ka hnial a, Pa Mawia te In kan pan ding nghal a, ka beisei lutuk lo nangin Kawt zawl alo phiatfai ka hmuh chuan ka thaw huai mai, Motor thawm hria in a rawn hawi phei a, min hmuh takah chuan lawm hmel fe hian a nui a,an In hi ka kal zeuh zeuh a, Assam type ni in an sakna hmun hi ka pa leisak ani a, a sakna tur pawh a tum sak vek bawk,a chhuat lei ringin an sa a, a lian lutuk lo nangin a hmun in a zir bawk a, ka rilru ah a Home ngawih ngawih ka ti fo thin a,Motor atangin ka chhuk a, Thir Gate tereuhte awm chu min rawn hawn sak a, Gate pawnah Rama erawh in min lo nghah a duhzawk avagin ka tilui lo.

Inchhungah kan inzui lut a,a Nupui in min lo hmuh veleh min lo lawm chul bawk,

“ Ka rin aiin ilo lang har a..” ka thut fel veleh min lo ti nghal a,

“ Nia, ka buai ve deuh alawm le, thlanah pawh ka la kal hman lo..” ka ti a, a bu nghauh a,

“ Ni e, i buai ve ngawt ang, mahse, Thlan te chu zingah khan ka zuk tlawh a, an lo chei fel diam tawh a, nangman i chei emaw ka ti mai asin..” mak ti hmel deuh hian a ti hu a,

“ Nilo, Nu Sangi anih dawn chu...engmah min hrilh lem hleilo a..” ka ti a, Muansanga kha chuan Pi Biaki hnenah ka duhdan zawt turin a ti chauh si a, Muansanga nau te chei ani thei tlat lo, a pawilo, tupawn lo chei se a tha vek,

“ Chutiang tihna chang a hriat chuan a tha animai alawm..” a ti boh a, sawi leh mai tur ka hrelo,Nilo, sawi hmasak ber tur ka hrelo ani mah zawk.

“ I pa khan i tan lehkha a dah a...” a ti a,

“ Ka hmu e...” ka lo ti ve thuai bawk, a tho uaih tawh chu a thu leh a,

“ Engmaw i hmuh a ?!!” mak ti hmel lutuk hian min en a, ka sawi sual ta emaw ka ti rum rum ..

“ Ka pa lehkha ka hmu ka tia lawm, Nu sangi’n min pe a..” ka ti a, a rum nghut a,

“ Ni lo e, i pa ziah chu keiman ka kawl...eng lehkha pawh pe che se la i Pa ziah anilo tih ka sawi ngam sak..” a ti hlur mai, mak ti lutuk hian ka melh let ve ta thung,a tho leh a, Room ah a lut a, Envelope eng dal, lian zet mai hi a rawn keng chhuak a,a puar hle bawk, a chhungah awm a tam hmel hle mai ka lo ti rilru a, min rawn pe a, a rit nawlh mai, ka hawng nghal dawn nge dawn lo ka hrelo,

“ In ah i hawng dawnnia,i hmelah khan zawhna tamtak a awm tih ka hmu thei a, i zawhna chhanna zawng zawng i hmu ang, hemi atan hian i pa kha reitak alo inbuatsaih tawh a, i Nu chanchin te, a boral hma thleng a i pa rilru puthmang te a awm vek ang, i hriathiam loh ala awm cheu anih chuan min rawn zawt dawnnia, Sangi hian hriat ka neih ringin min veh reng a, keipawh ka inveng fimkhur viau ania..” a ti leh charh charh a,thuruk ber chu eng nge ni ta ang?, Ka pa Boral dan hre duh in ka buai a, Ka rilru ah Ka pi leh pu pawh thihdan pangngai annih rin lohna a rawn piang leh a, tunah ka nu chanchin ka hrethei dawn ta bawk anih chu..

Lawmthu ka hrilh a, hriatthiam loh ka neih chuan kal leh thuai turin min ti nghal bawk a, Ka pa a awm tawh lo a, Ka ni te hmundangah an awm bawk si nen, ka tan chuan Pa Mawia lo hi Pa dang an awmlo.

Tlai ni tla tur chuan mawi zet hian a ka Room an rawn chhun a, Tukverh sang pui mai chu ka nawrtawlh a, Balcony ah ka chhuak a,Tukverh biang ngheng in ka thu sawp a,Ka khup ah ka khabe ka nghat a, Ka pa lehkhathawn awmna bawm chu ka hma chhuatah ka dah a, hawn ka chakna leh ka huphurhna a inzat reng.

Ka hawng ta nge nge, ka bun chhuak a, Thlalak tam fe hi a rwn tla chhuak a, ka chharkhawm a, a mal te te in ka en a,a hlui hlawm hle bawk, Ka pa leh Hmeichhe pakhat, keimah chiah ani maiin ka hria, an 2 Photo hlir alo ni a, kan danglamna chu an kan sam tihdan chiah nimaiin ka hria,Hmun hran hran a an lak dun ani a, a hnunglam ka en a, Kum 1990- 1991 kum a an lak te a lo ni hlawm a, zep rual loh in ka nu ani tih ka hria,a hmeltha takzet,a vaiin Envelope chhungah ka khung leh a, Paper inthlep fel than mai chu ka la leh a, ka pharh a, ka pa kutziak phawkphawhraw zet chu ka hmu leh ta, a hma khan ka hmu tawh a, Nu Sangi min pek nen khan a danglamna ka hre hran lo.

Room kawngkhar inhawng ri ka hriat rual in ka thlep leh sawk sawk a, envelope chhungah ka khung a, ka thut bet ta than a, tu nge lo lut tih pawh en ka tum hran lo, Muansanga alo thleng ani ngei ang, ka thut dan ngaiin ka thu leh a, ka mit ka chhing vang vang bawk a, thlifim in ka sam a rawn chhem leng a, a vawt var mai,

“ Bawihi...” ka bul mai atangin a rawn ti a, a Perfume rim in ka hnar a verh nghal a, hai rual loh in Muansanga ani tih ka hria,

“ I lo thleng ani maw?” ka hawi chho a, a rawn thu ve a, ka thil thut beh avangin ka kalsawn ngawt ngamlo, ka hmuhtir thei rih tlat lo,

“ Um...” a ti sup a, a rawn kun hnai a, ka inrin hma in amah ngheng deuhthaw in min pawt bet a,

“ Eng nge i tih a?” ka ti sep a, ka Mood leh au vak a inrem thlawt lo,min rawn kuah a, a darah ka lu ka nghat a, Tlai ni tla tur sen phut lam chu a thlir a,

“ Ti hian reilote chu thu lawk ang hmiang...” a ti sup a.

Pawitihna ka nei lo, ka tan a tha lo a, mi tenawm tak ani tih hre mah ila ka Pasal ala ni rih a, zep rual loh in ka duh tan tawh tih ka hre bawk.

Chapter – 14

Ni tla tur liam ruai ruai mai chu ka thlir a, min hmangaih lo in min duh lo mahse min bum lo se chuan ka lawm ani mai tur, innghahna tur ka mamawh em em a, a bulah hian thlamuang tak a nun hman ka chak bawk. A chang chuan min duh ve tlat a hriatna ka nei fo thin a, mahse, a hnu lawkah hmeichhe dang a kawp lai ka hmu leh nghal zat thin a, min duh ve ni a ka hriatna te an bo lehnghal mai thin,

“Lut ila...a vawt tan riau..” a ti sup a, ka harh deuh zawk mai, ka muhil miah silo, ka rilru hah leh thawpik lutuk kha reilote chhung khan a bo tlat,

“ Um...nia, bakah i la inbual miah lo ania..” ka ti a, sawi tur dang ka hrelo, kal hmasa se ka duh bawk,

“ Nia, inbual i duh ve em?” a nui a, ka nui ve tho mai, ka ngaihtuahna avangin ka biang a sa hat hat bawk,

“ Aih, duhlo...kal rawh, ka lo lut ang..” ka ti a, a tho a, a hmel ah hah hmel a lang a, a zin na ah a inmet fai lo ani ngei ang, khabe hmul a awm bawk a, ka khawih chak thut a, mahse, thil tullo ani tih ka hria, a kalsawn a, Inchhung a lut lai chu ka en a, a Jacket a phelh a, thildang ka hmuh zui duh loh avangin ka hawisawn thuai a, Bath Room a luh veleh ka tho a, ka thil thuhruk ka la chhuak a, ka thawmhnaw bawm ah ka hnawh lut a, ka thawmhnaw bawm a khawih ngailo tih ka hria.

Khum bul chhuatah chuan a Bag a dah a, lo khawihsak tur anih leh nih loh ka ngaituah a, a thawmhnaw suktur a awm leh awm loh en te pawh angai maithei, mahse, ka khawih hreh tlat, Tv ka on a, Khumah ka lawn a, a tlangpuiin zan dar 8 hma in chaw kan ei meuh lo,tunah dar 6 chauh ala ni a, ka muhil thei anih phei chuan a tha hlei hlei animai, en tur zawng in ka hmetkual dan dan a, ka en duh ka hmuh takah chuan khum sirah Remote ka dah a, ka naupanlai atangin hmuhnawm ka ti a, tun thlengin ka la hlimpui zel, Christmas hma in vawikhat tal en ngei ngei ka duh ziah, tunkum chu ka buai em a ka lo mangnghilh mai zawk,

“ A va nuihzatthlak awm ve...” Khumah a rawn lawn ve a, alo chhuah lai ka hre miahlo, He movie ka en hi chuan ka rilru zawng zawng in ka en ziah, Kevin-an misual 2 a sawisa kual vel hi ka hlimpui takzet thin,

“ Nia...a hmuhnawm em alawm, i en ve ngai em?” ka zawhna chu ka ngaihtuah a, ka nuih a za thut a, engvangin nge a en tehlul ang?

“ Home alone....en ve thin e...mahse, Puitling 2 khi an nep lutuk a...” Towel chuah aveng a, thawmhnaw dang a inbel miahlo, a sam a hnawng chap a, a lang sexy takzet,

“ Dik chiah...thawmhnaw ha hmasa rawh, i hritlang ang..” ka ti a, Tv lamah ka rilru pek hram hram ka tum a, mahse, ka ti hleithei meuh lo,

“ Ha dawn e, min lo laksak teh, ka chau ania...” a kut a lukham a, Ac ka On avangin a vawt hranlo, ka tho a, a thawmhnaw bawm atangin Pyjama leh Kawrlum Phiar, Zangkhai deuh hlek ka lakchhuah sak a, a mutna bulah ka dah thla a,

“ Kha....ih...ngatinge Zungbun i bun loh?” ka insum hman lo, a rawn hawi chho a, a ka hmuh theih turin a kut zungtang a rawn ti lang a, a bun reng, alo let leh khan a Room a ka dah kha a rawn la hman ani ngei ang,

“ I hmu em?, kan Inneih hnu ah ka la phawi miah lo...” a rawn tho a, a thawmhnaw ka dah chhuah chu a ha nghal a,mahse, ka hmu tlat ani, ka inher a, a Room ah ka phei a, a Dressing Table hma ah ka dah dan ngaiin alo la awm a, ka la a, Room ah ka let leh a, a ngaihna hriatloh hmel deuh hian min lo en a, a hmuh theih turin ka keng a,

“ Anih chuan hei hi eng nge?” ka ti a, engvangin nge ka thinrim leh tak ka hrelo,

“ Oh...kha kha maw, Ka nu ta anih kha, ka siamthat tir a, ka kekawr ipte ah ka ak a, ka lo theihnghilh daih anih kha..” a sam hnawng chap mai chu a tuai puat a,

“ Oh...” ka ti ringawt,

“ Ka nu khan ka nupui neih hunah kha zungbun kha pe turin min ti a, mahse, i kutzungtang a te a, i bun thei lo a, kan Inneih dawn khan a hran ka siamtir ta ngawt a, mahse, a design zawng zawng a in ang vek, ka dahtha ta reng a, hmanni ah ka dahna bawm ka ti tla a, Khum hnuaiah a lir lut a, ka chharna lamah ka ti khem deuh alawm le...” a ti a, a thiltih ka bulah a sawifiah vawikhatna ani hial ang,ka pe a, a thusawi ringhlel ngawt turin diklohna engmah a neilo, a sawi ang chiah in a Zungbun bun lai a phelh ka hre miah lo,a hrim hrim in lo phelh pawh nise enge ka thinrim kher?, Nupa tak kan ni hauh silo..mahse, kei anglo tak in a phelh ngai pawh ka hrelo, tunah pawh a bun reng tlat atin ni.

“ Lo mu leh la...” a ti a, ka lu ka thing a,

“ Ih....min lenchhuahpui zawk la...” ka huaisenna zawng zawng ka sawmkhawm a, ngaihtuahna thar ka nei a, tunah chuan amah ka huatna zawng zawng dahtha in ka Pasal anihna chiah ngaihtuah ka duh ber, Christmas naktuk mai ani tawh a, Ka chhungte tihtur tumah ka neilo,Ka ni awmbawk mahse Aizawlah an awm silo, ka neihchhun chu amah chauh hi, chupawh dan ang maiin, Nilo...kan inzawm tawh, ka theihnghilh ngawt theilo, ka chungah engpawh ti se ngaihdam ka tumlo, duh leh a thiltih zawng zawng te tha tak in ka zawt zawk mai ang.

“ I duh phawt chuan le...I pa te In ah chuan i kal duhlo ang tih ka chiang...” a then suk a,

“ Chulam engmah ka hre duhlo, Christmas ani a, tumah huat ka duhlo, kan 2 a kan inremlohna pawh hi Christmas a zawh hunah kan tan leh zawk dawnnia, tunah chuan ka Pasal i nihna chiah ngaituah ka duh ber..” ka ti ta duah a, min rawn pan a,

“ Ok...a tha ngawt ang, khawiah nge kan kal ang ?” a ti a, a chau hmel kha a bo leh vek tawh,

“ Khawpui chhung fangkual ila, a nalh hlawm ngawt in ka ring, Nikum kha chuan Rautfela leh Sangpuia an awm a, kan kal kual teuh a...” Phur zet hian ka ban ka vai kual a, a nui hawk hawk a,

“ Naupangchhia reuh lutuk mai, Nuapangte ka nei tih ka lo theihnghilh hman tep alawm le...” a ti a, nidang ang chu nise ka hnial leh ngei ang, mahse, huat loh ka duh rih, kan Boruak muanawm tak ti chhetu nih ka duhlo, a bul a ka sawi ang ngei khan ka tihtur te kha chu Nakinah ka la ti mai ang, diktak chuan a bulah hian Christmas chhung bak awm ka tum tawh tlatlo, ka awm chhung erawh chuan Muansanga hnen a tangin Duatna ka theih anga tam dawn ka duh ber.

Darkar khat aliam leh meuh chuan Midangte ang bawk in Khawpui chhung an chei na hmun ah Ke in kan kal kual a,an chei lai a zau lemlo nangin nalh ve tak ani, Intihsiakna anih tawh avangin khawiveng pawn an theihtawp an chhuah a, chutichung pawn rei tak en tur a awm lemlo, Motor lam pan in kan kal a, ka kut ah a kai a, a palian in a nalh zuih bawk nen Hmeichhe ho in an enduh zia ka hailo,Mizo zingah hian Palian leh Hmel pawh zahpuiawm lo tak tak an tam tawh, Muansanga hi a hmeltha tih vut tur anilo, mahse, khawi hmunah pawh kal se midang zingah pawh langsar lurh chi ani thung, khawi hmunah pawh a zahpuiawm lo ti ila a dik ber ang,

“ Lawk....enteh, saw laia Momo an zawrh saw ei ang...” ka ti a, ka kai let leh a, a phun deuh hluk ri chu ka hriat hmaih lo, mahse, min rawn zui ve mai bawk a, ka duh zat min lo zawt a, ka sawi a, min Pack sak turin ka ngen a, Muansanga chuan ka hnung a ding chungin ka chevel min thlir reng thung, a ei ve duh ka ring lo,

“ Hey....Zomuansang...” Hmeichhe aw tliang nalh zet in a tih ri ah chuan ka inher vat a,Hmingpum tehlawng a a rawn kohna chuan an innel hle ang tih a rin hriat thei mai a, Leather Jacket dum, chhingtei tawi, a pian nalh zet rem zaih in a ha a, Jeans Kekawr Pawl tak zet a ha bawk a, a Boot khup thleng dawn nen, a nalh tih mai loh chu sawi fiah vak a har,khawimaw lai Party na a kal tur a ang khawp in ka hria,reilote chhungin a incheina ka hmu kim hman vek,

“ Hey...i tha em ?” Muansanga chuan a ti let ve a, ka kut a chelhna laksawn ka tum a, mahse, a rawn hmer nghet salh thung,

“ Um , ka tha..” a ti a, Muansanga’n min rawn en a,

“ Hei ka Nupui, Zualbawihi..chuan Bawihi...Carolyn-i anih hi...Te-i Cousin...” a ti a, chu nu chuan thip fe hian min melh a, a hmel ah erawh nui hmel a lang a, chibai tumin ka kut ka phar chhuak a, a kut nalh zet chuan min rawn vuan a, min thlah leh nghal thuai a,

“In inneih hlim khan Photo ka lo hmu nual a, mahse, atakah i tha lehzual daih mai” ati a, ka ngaina ngai dawn lo tih ka lo ngaihtuah daih thung, mahse, ka nui lui sak a, ka thil lei chu Muansang’an a khai a,

“ Ka lawm e “ ka ti sep a, kalsawn san vat ka chak takzet, tunah rih chuan thinrimna leh rilru natna tur ka mamawh lo bur animai,

“ Kan kal ang aw, kan la inhmu leh thuai ang chu, mahse, Fimkhur rawh, In pa hi a turu ania..” a rawn ti leh talh a, chhanglo in ka nuih ringawt thung, eng ang pawn sawi mahse tunah chuan hlimna ka duh ber, a rei dawnlo tih ka hriat avangin tuman ka hun neih tlemte hi min tihchhiatsak ka duhlo .


Car Seat ah ka thu tlum kak a, Momo ka ei pah bawk a, ring vaklo in Michael Buble Christmas hla sak kan ngaithla a, Boruak vawt leh muanawm raih mai chu a tinuam zual sawt in ka hre bawk,

“Min pek ve i tum na nge?” ka en thuai a, min en lo in hmalam a en a,

“ I ei duh tih ka hrelo alawm...” ka thu tha a, Momo dahna Polythene ka lek kang a,

“ Ka Nupui tereuhte hian engmah eilo in ka chhuahpui tih a hrelo ani ngei ang...” ngeiawm zet hian a hnar a ti ri a,

“ I duh chuan ei ve maila, khatia min chhaih vel lo khan...” alamah ka lek hnai a,

“ Min barh mai teh, Motor khalh laiin engtin nge ka ei theih ang ?” a ti leh hluk a, a aw ah nuihzatna alang a, hreh deuh hian ka la chhuak a, a hmai bulah ka keng a,

“ Kha...” ka ti hlak a, ala rawn hawi chuanglo,

“ Zan ani bawk sia, ka hawisawn thei miahlo, lo dah hnai rawh..” ala ti ta fo, ngei zet hian ka melh a, a hmui bulah ka va keng hnai a, a rawn kun zauh a, a ei a, a hmui in ka kut a si thawi thuak a, rang zet in ka la let a, hlim ka duh tih ka hria, mahse, engvangin nge a chang hian ka nervous em em ziah ka hrelo takzet.

“ Haw tawh ila...hmun dang kalna tur i la hre zawk nge?” ati a, pawnlam ka thlir a, ka kut vawt var mai chu tihlum tum in ka Jacket ip te ka zen than bawk,

“ Aih, hre tawhlo, bakah i chau ang, i rawn thlenna ala rei silo...haw ang..” ka ti a, ka sawi rual in ka ham zui bai bai mai.

In kan thlen chuan Sanju-an min lo nghak a, a Nupui te an mu thla tawh ani ngei ang,

“ Ehe...min lo nghak ami?, zuk chhhuk daih rawh “ ka ti a, Meichhemna thuk lian vaklo chu ka pan nghal a, Meiling a vam sen huam mai, ka kut ka hem nghal a,

“ Chaw in la ei silo a....” a ti a, ka hawi let a,

“ A pawilo, ka lo ti mai ang...” ka ti a, Muansanga chuan min rawn en a,

“ Angailo, min lo nghak tawh tho a, tunah ei ila..a chhuk mai dawn alawm..” alo ti a, ka kut ka tihnat hnu khan choka ah engmah ka tih a phallo bur, kan awmpuite pawh in an hlauh vang ani ngei ang, thil ho te pawh tih tum ila an phallo a, min hnar fithla thak thak zel a,ka duh apiang min tihsak tawp ani ber.

Momo ka lo ei vang kha ni ngei ang, engmah ka ei mumal lo,Muansanga ka thawhsan a, Meilum bul bawk ka pan leh a, chhuatah Cushion ka la thla a, Meilum hnai lutuk lo ah ka mu a, mutchhuak in min zem chiai chiai mai,Muansanga ka hnaih mah mah tih ka hria, ka hmelma ani tih ka theinghilh thianglo, Nilo...tunah chuan ka Pasal ani, ka Hmelma anih na ka dahbo rih angai, hlimna reilote tal ka chen thei anih pawh in a pawilo, kan lenchhuahna boruak kha duhthusam thlap nilo mahse sawisel tur ka hrelo, Pasal in a tihtur diktak tiin min Care a, a hma pawh khan min Care hi alo duh niawm tak in min duatna atilang nasa a, kan inkar boruak chhe tak hi sawichhuak tu nih kan duhlo ve ve tih ka hria.

“ Mate....” ka darah min rawn sawi a, chianglo zet hian Muansanga rawn kun chu ka hmu a, ka mit ka chhing leh nghal a,

“ Hetah chuan nilo e....Room ah zawk aw...” ati leh sup a, ka mut a chhuak lutuk,ka meng peih lo,min pwmkan lai pawh ka hria, ka tang buai peih lo, a nghawngah ka kuah a, zo zet hian step ah min chhoh pui a, Khumah min nghat a, ka harh tho, mahse, muthilh leh nghal ka duh avangin ka che zui peih lo,a tho leh tur chu a kutah ka chelh a,

“Khawnge i kal dawn ?” ka zahtheihlohna zawng zawng ka sawmkhawm a, hun reilote ani tawh a, ka kalsan hma chuan zantin a bulah ka riak duh ..a tenawmna leh ka chung a a thiltih te avangin ngaidam theilo mah ila tunah chuan engmah a pawilo, ka Duh tih ka hria a, ka kalsan hun atan engkim hi a tha zawng a hriat reng turin thleng se ka duh ber,

“ Llight ka Off lawk ang...” ka samah a rawn fawp a, a kut ka thlah a, ka meng chuanglo,a hmel ka hmu ngam rih tlat lo,Khumah a rawn lawn a, Blanket min sin tir a, min silo in a mu a, eng nge a ngaihtuah ka hrelo, Hmeichhia a mamawh tih ka hria, mahse, kei hi chu a it zawng ka ni hlawllo anih ka ring ber, kan chengdun reng chung hian Hmeichhia ang a min en chang hi a tlem em ani, min melh danah hian Tom-a aia Ka chungnunna ka hre lo ani ber, alamah ka tawlh hnai a, a darah ka lu ka nghat a, a awm ah ka kut ka dah a, a lungphu dat dat ka hrethei a, hetiang hian awm kumkhua thei ila ka ti takzet,

“ Muhil leh rawh...” a ti sup a, min kuah let ve pawh a tum chuanglo, keipawn hei aia thui kal ka tum biklo.

Ka harh leh chuan a sir zawngin ka lo mu tawh a, ka hnute hnuaiah min kuah chungin a mu a, a thawk danah a la muttui hle anih hmel, tih harh ka hlauh avangin ka che ngamlo, Khua a la varlo a,ka ngaihtuahna ka kawm a, ka rilru natna rawn thawk tur chu dahbo tumin thildang ka ngaihtuah lui a,mahse, ka theilo achha chu ani e, engvangin nge Mipa ang mai a min en tlat?, ka hmeltha lo ani maithei, ka Pian pawh a nalh lemlo tih ka hria, mahse, Mipa ang maia en tur khawp in ka nalh lo em em in ka hrelo, kei aia Nalh lo zawk ka nu hrawn pawh a mutpui theih laiin kei ve chu khawih pawh min khawih miahlo, tunah a muthilh lai anih avangin min kuah a, a harh veleh a letsawn leh mai ang,Mipa ka mutpui hmasak ber ani a, Mipat hmeichhiat kawng a tawnhriat ka neih apiang a mah nen ani bawk, ka tan chuan ani aia hlu an awm tawh dawnlo, ka kalsan hun ah pawh ka hre reng tawh dawn a, eng ang a Mipa tha pawh tawng leh mahila keimah a a sulhnu te hian amah min hriatchhuahtir zel tawh ang.

“ I va harh hma ve...” Ka phu deuh zawk a, ka Mittui ka hrukna lamah ka ti harh ani ngei ang, mahse, ka chhanglo.

Ka rin ang chiah in a ban a lasawn a, a inlet nghal a, a taksa lum ka sik tak loh ah chuan ka ruak huai in ka hre hial, ka inlet ve a, va hnaih hmasak ka tum biklo, Lukham bul a a Phone dah ala a, Dar zat a en a, a dahthla lehnghal a, a rawn inlet a, Room Light kan Off vek a, mahse, kan Room piah lam hla deuh hlek a Street Light eng chuan a rawn chhun a, a thim mup tur a ti ziawm,a rawn hawi a,

“ Christmas chibai aw...” a ti sup a, amal khauh tung chuan min rawn khan a,min rawn kuah a, a lamah min hnuk hnai a,

“ Nangpawh le..” ka ti a, a Dar hlai hlap mai ah chuan ka Lu ka nghat a,

“ Ka awmdan a tha tawklo tih ka hria, mahse, min ringla ka duh em em thung, engmah hi chhan neilo in ka tilo ka tih kha...” a ti leh a, a Kut seithlurh mai chuan ka kawr chhung a rawn zen a, ka hnute a rawn khawih takah chuan ka rum hak mai, Dimte in ka hnute hmur a khawih a, ka danglam tan tih ka hai miahlo, mahse, pawi ka ti chuanglo,tunah tak hi chuan Rai ka duh hlur zawk,

“ Te-i kha i zinna ah i hruai tih ka hrelo a...” ka ti a, ka aw a khur dar dar mai,

“ Um...ka kalpui tur min zawt lo alawm..” ati a, a kut chevel a tawp chuanglo, ka mal lehlam a chawikang a, a Kawngah ka kherh bet nghal a,

“ Nia...mahse, ngatinge i hruai kher a?” ka ti leh talh a, tunah chuan ka rilru a no em em nimaiin ka hria,

“ Wow...thikna ri ka hretel in ka hria...” a nui huk a,

“ Aih...thiklo, kan Nupa hian Hmangaihna tih lam a tello tih ka hria a.. pawi ka tilo, mahse, i mualpho ka hlau a...” ka thik takzet tih ka sawi ngam lo,

“ Chutiang vang anilo, Te-i nen hian hna kan thawk dun tih i hria emaw ka tia, Interior Designer ka thawhpui hi Te-i ani tih i hrelo tak tak em?” a kut a la chhuak a, ka khabe ah a rawn dawm a, a mah en thei turin min kuai dak a,

“ Aih...hrelo, chutiang thiamna a nei tih pawh ka hre miahlo, ka hriat zawng chu i Bialnu ani tih zawng animai..” ka ti a

“ Bialnu hlui zawk mawle, ka zep hranlo, mahse, hei tal hi hre hram teh, i Pasal ka nih hnu hian Hmeichhe dang ka mutpui lo takzet ka tih kha...” a aw nghet charh ah chuan dawt a sawi lo hmel viau, mahse, ka mit ngeiin ka hmuh te kha dawt anni silo,

“ Naahh...a ho em mai, theihnghilh ang...” sawi zui ka duhlo tak tak, ni reilote chhungtal chu khatiang zawng zawng kha theihnghilh ka duh ber.

“ Dik chiah...ka ril a tam a...” a ti leh daih a,

“ Eitur ka va en ang...” thawh tum a ka che chu min man bet lehnghal a,

“ Chaw ka duhlo..thildang...” min lehthal thawk a, min rawn delh a, ka inrin hma in a hmui lum ham ham chuan ka hmui a rawn si a, zei zet hian a lei a rawn rawlh lut nghal a....reilote chet mai nachang hrelo in ka hamhaih a, mahse, a reilo tak tak, ka thiam tawk in ka chhang let ve ta zawk a, ka chhan let takah chuan a thaw hawk a,a kut lehlam in ka kawr haklai a rawn pawt hlim a, ka pui vat bawk, a kawr a phelh a, chhuatah ka kawr nen a thehthla zui nghal daih,

“ Folie.....hetiang hian awmreng ka duh ania...” ati tham tuak a, min rawn fawp leh a, a kut erawh a chawl lo,Folie awmzia ka hrelo, tunah engmah zawhna hun anilo,a kut in a khawihna lai apiang chu a hmui in a chhui zui nghal zel bawk, nawmna nasa lutuk a avangin ka er ngawng ngawng a, a hnungzang ruak kang mai chu ka tham tawn tawn bawk.

Ka kekawr kawng suihna a pawt phelh a, ka Panty nen hnehsawh zet hian a pawtthla a, a paihsawn nghal daih bawk, min rawn sik leh chuan ani pawn engmah a inbel tawhlo tih ka hre chauh, ka nghawng ah a rawn fawp a, a kut in ka dul nem ah a tham a, a tawlhthla zel a, ka Mal karah a hmai a phum takah chuan ka insum hmanlo,ka rak chhuak that mai, a chhip sam tlem a buk deuh bikah chuan ka tham a,a rawn hawi chhuak a,

“ Ka tawp dawn em ?” a aw a khur ve dur dur tho mai, ka chil ka lem khawlh a,

“ Aw...aih...ka hre biklo..”ka ti bah nak mai, a nui hak a, a rawn tawlhchho a, amah en thei turin min pawt her a,

“ Engmah zak suh, i Pasal ka nih hi..min khawih ve rawh...” a ti tham tuak a, ka kut a la a, a mipatna khauh tung mai min khawih tir takah chuan mak tihna, hlauhna, engkim keimah ah a rawn lang zut zut mai..A rum hawk a, a chungah min pawtkai a, ka kawngah a rawn vuan a, min nem hniam a, kan inzawm takah chuan a rum hawk a, ka thiam tawk in ka che a, a rum hawk hawk thung......

Vawi engzat nge a tawp min thlenpui pawh ka hrelo....a duhtawk thei dawnlo emaw ka ti hial , mahse, keipawn duhtawk chin ka nei chuanglo...a chungah ka bawk thlar a, thlasik lai mahnise thlan in min bual a, ka sam karah a kut a rawlh lut a, a lungphu ri dat dat chu ka ngaithla a, hetiang khawp hian Nupa nun hman hi alo nuam thei tih ka hrelo, mahse, Nupa inkar ah lo chuan sual ani a, hlimna min thlen chuangin ka ring hauhlo bawk.Ka Pasal hi ka duh vang a ka neih nilo mahse Virgin ngei a ka neih ani a, ama tan engkim ka hlan a, ka lakah engtikah mah Mipa dang nen sex kan hman hlauhthawnna a neih ka ring ngailo ve tawp, kei in hetiang a ka ngai anih chuan Hmangaihna vanga innei a, an Pasalte tan a invawngthianghlim hmeichhia te hlim na nasat tur zia ka ngaihtuah a, ka awt lehzual.

“ Inbual ang...” ka ti a, ka tho a, mahse, min rawn man bet leh a...

“ Mu mai mai teh...avawt ania..” a ti hluk a, mahse, ka let thla a, min manbeh leh hma in ka chhuk a, chhuat a ka thawmhnaw tla nuaih mai chu ka chhar a, Bath Room ah ka lusan ta zawk a, a nui ri hawk hawk kha ka beng ah a cham reng bawk, hlimna ani...min hmuhsitna leh tih el na lam ani lo tih ka chiang ve tlat.

Ka hmangaih ani em??!!!...ni lo, ni lullo mai...Mipa dang tumah ka la kawp ngailoh avang leh ka duhna vang ringawt hian ka hmangaih hauh lo ang,Hmangaihna chu a hrang daih tih ka thiante sawi ka hre tlat, Tuilum ah ka inchiah a, ka mit ka chhing a,

“ Lo hawng teh...” kawngka bul atangin Muansanga a rawn au a, ka chhuak a, Shower in ka intleuh sawk sawk a, Bath Tub a tui pawh ka paih hman lo, Bath Robe ka ha a, Bathroom kawngkhar ka hawn rual in a rawn inzep lut ve nghal a, thawmhnaw pakhatmah alo la inbel chuanglo, zak hmel pawh a pu chuanglo,

“ Le...inbual ang...” min pawmkang a, ka Bathrobe hak lai nen Bath tub chhungah min dah a, ka te thawt thung, a rawn lut zui ve nghal a, a la nui hawk hawk bawk, eng ang mihring nge maw kan nih dun pawh ka hrelo, Chriatmas ni tak, zinglam dar 4 ah lehnghal kan inbual a, chupawh inbual satliah ani dawn lo tawp tih alang reng bawk..

“ Zomuansang....i mak em mai..” ka ti that a, a hming pawh hian ka ko ngailo tluk ani a, ka ko anih pawh in a khat hle ang, tuntum erawh chu a hmingpum in ka ko lawng mai, a rum nghut a, ka bathrobe hak suihna a rawn pawt phelh a, hneh zet hian min hlih sak a, chhuatah a vawm thla thlawrh a,ka kawngah a rawn man bet lehnghal a, amah ngheng turin min pawt hnai a.......

Ka hlim lohna tur thil te ka la dahbo ta zel, kan muhil leh a, Pasal ka neih hnu a Christmas ka hman hmasak ber ani a, ka hun hmandan te kha mihring lam atang chuan aia tha a awmthei in ka ringlo, Muansanga peih lo chung inkhawm turin ka hruai lui a, a insiam tur ka pui a, a hmel pa leh muk run thin kha tunah chuan a awm lo, kei aia upa zawk ni mahse tunah chuan ka Naupanna ka hre rih lo..ka kum rualpui ang maiin ka ngaithei tlat.

Inkhawm ban hnu ah a Nu thlan ah kan kal leh a, a nu thlanlung a hming inziak chu a chul dun dun a, a hmelah khawhar na chiang tak in alang a, a nu tak nilo mahse a sen lai atanga chawilian tu anih avangin a Hmangaih tih ka hailo..a hringtu ngei pawh khan lo enkawl se hei aia mipa hlawhtlingah a chhuah ka ring chuanglo,Ka pa thlan kan tlawh leh bawk, Nu sangi leh a Kid te ho in an lo chei nasa viau, a tihtur ati ah ka ngai mai,tah ka duhlo a, vanneihthlak tak in ka mittui a hul hlauh bawk,Kan In lamah kan phei tlang nghal a,Ka pa Boral hnu lawk atang in ka tlawh ta miahlo a, Min hmuh veleh Nu Sangi alo nui sang mai, ka rilru a na zawk a, mahse, theihnghilh ka duh zawk...

Inchungah ka Room ah ka chho a, Muansanga leh Nu Sangi sumdawnna lam chanchin an sawi dun a, thil kal tawh hriat chhuah loh hram tum in ka bei nasa viau, a rei dawnlo...ka hlimni hi a tawp vat dawn, chuvangin khatiang kha chu tunah ngaihtuah loh ka mamawh ber, Store Room ah ka lut a, engkim a lo darh neih nuaih mai, rapthlak ti zet hian ka melh a, tu emaw chuan zawn a nei tih alang reng bawk.

Inhnuaiah ka chhuk leh a, Sitting Room alo ruak hiau mai, Choka lamah erawh an Nula thawm a ri rak rak a, an awmna zawh ka tum zet a ka thulh leh a, Ka pa te Room ka pan a, an awm dun ngam in ka ring chiahlo,ka rin ang ngeiin a ruak, ka chhuak leh a, Pawn lam atangin Muansanga leh Ka nuhrawn an rawn inzui lut a, Muansanga hmel tak leh ta ngul mai chu ka melh zak zak a,

“ Kan haw tawh dawn mi?” ka ti a, a bu nghut a, ka dinna bul Sofa hnung a a Jacket awm chu a rawn la a,

“ Naktuk kha ruaitheh ka peih mang silo a, chaw eikhawm ang u aw...bak hrim hrim ah Ka makpa hian min ngaina ta lo riau, kan inhmukhat deuh aniang...” Nu Sangi nui har har chu rapthlak ti lutuk hian ka melh reng ringawt.

Chapter – 15

“Bawihi tih dan dan animai..” Muansanga chuan a ti hluk a,
A kal zui nghal daih bawk, ka zui chhuak a, ka Nuhrawn pawh a rawn chhuak ve a, mahse, Muansanga erawh chuan melh pawh a melh eih lo.In kan thlen thlengin vawikhatmah kan inbe lo, a hmel tak ngul mai ah chuan nelawmna pakhatmah hmuhtur a awmlo, min biak miau loh avangin ka be hmasa duh biklo a, a hma a kan boruak nuam tak kha chu mumang ang maiin a thamral leh vek tawh.

In kan thlen chuan Car 3 lai alo ding thap a, pakhat chu Mapuia ta ani tih ka hria, a dang erawh tu ta nge ka hrelo thung,Tom-a min rawn zuan tur chu ka lo inveng a, mahse, Bauh tuar tuar chungin min um a, ka chhaih ah a ngai leh tawh,ka hma a Brick awm chu hmulo in ka inchhuih a, ka tlan laklawh bawk nen ka khup sawh dawt khawp in ka tlu a, Tom-a lah chuan hrethiam heklo, min rawn bawh zui a, Muansanga’n a rawn nemsawn a, a rawn thu thla ve nghal a, Tom-a a en a, ani lah thil tisual ani tih pawh hrelo in ang hlui in a ding a, a thaw huam huam bawk.Muansanga a hau thawt a, a beng bawk a, a bawk ta zul zul, min rawn en a, thawh mai ka tum a, ka khup a thip zawk a, ka thu leh a,

“ Tho suh..” min rawn vuan a, min pawm kan a tum in ka hria,

“ Ngailo, pawm ka duhlo, tu nge lo leng pawh kan hriat loh hi ...” ka ti hlak a, a nui suk a, min rawn kai tho a, ka kekawr khup a pawp a, thi a rawn chhuak bawk, tam erawh anilo.,Kan inzui lut a, ka kal bai saih saih chu ka kiu ah a chelh a,Living Room ah Mapui-a leh Nizan a kan hmuh hmeichhia, Carolyn-i kha an lo thu dun a, an mahni ep zawng takin Hriatpuia leh Hmeichhe dang ka la hmuh ngailoh hi an thu thung a, kan thawm hria in an rawn hawi thap mai,

“ Ehe...ngatinge ?” Mapuia rawn ding chhuak nghal chu ke en a, ka nuih var var mai,

“ Engmah anilo, ka rawn tlu pek alawm le...ka han inthlak lawk ang...” ka ti a, inchunglam pan tum in ka inher a, Muansanga pawh in min la chelh reng bawk,

“ Ka kal thei ang, ana em em hran lo..a thip ve deuh mai alawm..” min vawnna ka phelhsak a, a mit a ti zim a,

“ Keipawh ka inthlak lawk duh...kal la...” Ka kawngah a rawn vuan a, midangte an lo nuih tak ah chuan hnial zui lo in ka chho ta zawk a, Nupa tak kan nih lohna tunah chuan engmah a awm lo.

Ka kekawr ka hlip tur min pui a, chhuatah ka tlawh hlawm thla tawp a, ka khup ka en nghal a, a tawn tawn in a thi v eve a, mahse, a veilam a thi nasa a, a pilh nasa zawk bawk, a thip mai pawh a nilo, a sa ham ham mai,

“ Tuam chi ani bawk silo a, ti khan lo thu rawh...damdawi kan la ang..” atho vut a, Damdawi awmna lam a pan a, a rawn let leh vat a, Bandage leh Betadine bur nen a rawn let leh a, ka ngaihtuah zawng ringawt pawn a thip zual in ka hre hial mai,a bun chhuak a, Bandage a chiah a, ka khup pilh lai ah a rawn dah a, a chhem zui hauh huah bawk, ka rin aiin a thip lo hlauh...Kekawr tlawn hak ngaihna a awm rih silo a, kekawr bul ka hak angai a, khawvawt nen a inmil lo takzet, mahse, naktuk lamah chuan a thip a ziawm anga ka ha leh thei mai ang..

“ I thiante khu an lo leng dawn tih ka hre miahlo..” ka ti a, a kawr a hlip mawlh mawlh a,

“ Sawta kan awm lai khan min rawn bia a, keimah vang lam nilo in nangmah zawk an rawn kal chhan che, Mapuia phei khu chuan kei min kal chhan lo tih ka chiang..” min en chuanglo in a ti duah a,

“ Um...Ka pa ka chan vangin ka khawhar an hlau ani ang..” ka ti a,

“ Nimahna...ka chhuk dawn ania...” a ti a, chhan pawh ka chhan hma in a chhuak zui nghal daih bawk, eng nge maw a hriat leh tak hrep ni??, Nawmchenna mai ka ni tih hai rual a awm lo e...

In hnuai ka thlen thlak leh chuan Te-i alo awm tel tawh a, ka rilru a hnim deuh rawih mai, mahse, tihlan erawh ka tum chuanglo,Kekawrbul ka ha a, ka khup a khuh bawk silo, midang bul a han awmpui ah chuan nuam ka ti chiah lo,Mapuia bulah ka thu a, an ti ti nak nak a, ka hriat ve loh lam an School hlui chanchin ani a, ka thu ngawi kar mai, an inkawmna alo rei tawh hlawm viau anih hmel,Rempuii leng tur a ka lo sawm lo ka inchhir vang vang mai,

“ Bawihi....Chaw ei nghal vek se a tha ang a...” Muansanga min rawn ko ri ah chuan ka harh deuh zawk a, ka ngaihtuahna ka lo kawm tui lutuk mah mah anih hmel,

“ Um...a tha ngawt ang, tunah ala hma tho a...Kan ko ang, bakah siam tur vel kan enfel ang..” an bul a awm ngailo a kalsawnna tur ka neih tak avangin ka lawm ru veng veng mai,

“ Angailo, ka ko mai ang..” a rawn tho ve nghal a,

“ Tho duh suh, Naute lak chhoh ka duh bawk hrim hrim a...” ka ti a, Inhnuai panna Step ka pan nghal a, Floor hran ni mahse Living Room kli lam atangin Step in a chhuk thlak theih tho a, min hnial lo in a thu leh mai bawk, ka chhuk thla a, min hmuh veleh min lo be sawk sawk a,

“Mamawh a awm em ?, chaw siam turin ala hma deuh si a...” alo ti nghal bawrh bawrh a,Mizotawng a thiam viau a, mahse, a sawi dik chiah lo thin,

“ Nia...mahse, kan inlengte khian chaw an ei vek dawn a, kan chet hma deuh loh chuan...” ka ti a, an Fa Naupangte chuan min rawn hnaih hrat hrat a, Naupang ka ngainalo a, mahse, he naute hi chuan min ngaina tlat thung,

“ E....anih chuan siam vat angai ang...an 5 khan ami an ei ang ?” ati leh a,ka bu nghat a, Kitchen lam engmah ka hriatpui loh avangin eng nge siamtur awm pawh ka hrelo,Pawisa a pe tawp a, engkim Bazar pawh Sanju-a hian a ti vek zel a, kei chuan eitawp bak engmah ka thiamlo.

In ah kan inzui chho a, Naute ka hruai chho bawk a, Kitchen lam ka pan a, Fridge lianpui awm chu ka hawng a, Simtur chu a tam ngang mai, ka khar leh a,

“ Arsa leh Vawksa a awm teuh a, thildang kan tih belh duh angem ?” Sanju-a ka zawt ve ngial a, a nui var var a,

Muansanga a rawn lut ve a, Sanju-a nen an inbe mawlh mawlh a, kei erawh chuan Naute ngawt ka ngaihven thung,Naute ka ti ngawt a School a kal ve tan tawh a, a lawmawm tawk vel viau,

“ Kan rawn tibuai ta viau che u a ang e...tih vak angailo, Kumdang ami ang kha a tawk reng ...” Te-i rawn lut ve chu ka melh zawk a, ka na vawng vawng bawk, ka awm ve hma a engkim ama thu a alo dah thin na min hriat thar tih leh na chuan min tina a, ka tlawm vawng vawng bawk, kum dang ah pawh tun ang hunah chuan an ei ziah ani tih sawi kher lo mahse a tawng danah a hriat theih vek mai,Nu ber chan changin engkim alo ti kual vel thin tih lah haider theih ani heklo..ka tho that a, Nilam-i ka kai a,

“ Lo kal rawh le...Pawnah kan infiam dawnnia..” ka ti a, an 3 in min en thap tih ka hria, ka en a, ka nui lui sang bawk, hlimna ka duh avangin Nizan lam ah pawh engmah pawisak neilo in ka che tawh a, ka palzam theih apiang ka palzam a, thil kal tawh te ka dahbo bawk, mahse, tunah chuan palzam ngaihna awm lo thil in min deng leh ta miau a, tlanchhiatsan mai loh chuan Natna ani zel si a, an awmlohna hmun apiang hi ka tan a him animai.

Pangpar dahna Sir a thutna awm ah ka thu a, Nilam-i erawh chu a tlankual chang chang mai, Tom-a nen an inchhaih a, a hmeltha reuh si ,a sam a tawn kawh leuh a, a duhawm takzet, Thli a thaw lo a, Boruak a dai ruih a, Ni a tla dwn hnai tawh bawk,Ka pa lehkhathawn kha engmah ka la chhiar hman ta lo a, Muansanga awm ve lai chuan ka khawih thei dawn silo, zin tum hmel a pu tawh rih silo, mahni in ka mu dawn em ka hre heklo, ka bul ah a rawn mu anih chuan ka hnar thei leh dawn lo tih ka hrechiang hle bawk..

“I khawhar hmel hi ka tia..” Mapuia a rawn thu ve nghal a, engtin nge maw a hlim reng theih ni??

“Nia...tlem in...in lo leng a infel hlawm khawp mai...” ka ti a, a nui hak a,

“ Kan fel ka ti keipawh, mahse, in neitunu ber Pawnah i thu ta daih sia...” a ti a,

“ Oh.....” ka thaw hawk ringawt, a sawi dik chiah, engvangin nge pawnah ka awm kher???

“ Tak tak in ka fiam che anih kha, In pa a awm tho alawm..diktak chuan Te-i khawsa vel hi hmuhnawm i tih ka ring bik chiah lo a...” min khawngaih hmel deuh hian a ti a, min en run bawk,

“ Um...i sawi dik alawm..an lo inkawp nasa tawh thin tih hriat ve reng chuan nuam ka ti lo..mahse, tih ngaihna a awm chuang silo, kan pa nen hna an thawk dun miau a, lo kal lo turin ka ti ngawt thei silo a...” ka ti sep a, Ka kut a rawn vuan a,

“ I rilru tur ka hrethiam alawm, mahse, lungngai miah suh, Muansanga hi Naupanlai atanga ka thianpa ani a, tunah Sumdawnna kawngah in el viau thin mahila ka thian anihna ala bo chuanglo, ka hrechiang ve thawkhat a, Nupui ah a nei tawh che a, Nupui a nei tur khawp che hian a Hmangaih tawk ang che tih ka ring tlat bawk...Te-i hi chu hetiang mizia a neih avang hian Muansanga pawh khan a thlah niin ka hria, Carolyn-i pawh hi hetiang tho hi anih avangin ka thlah ta reng a....” a ti ta duah a,Carolyn- i hi a Bialnu hlui alo ni reng anih chu a!!!., mak tehnuaih em mai...

“ Oh....a hmeltha ka lo ti lutuk asin...” ka ti hap a, ka ti tak tak bawk,

“ Um...a dik,a tha thlawt, mahse, Nupui atan chuan a harsa, a mizia hian kan chhungkua a phuarkhawm in ka ringlo, Fapa mal ka ni bawk si nen..Muansanga nen in lo intawng hmasa hi a pawi ka ti...” a nui hawk hawk a, a fiamthu tih hre mah ila ka hmai a sa hat hat tho mai,

“ Bawihi....i Phone...” Veranda atangin Muansanga a rawn au a, ka kut a vawnna a thlah vat bawk, thilsual tilo mah ila nuam ka ti miahlo bawk, ka tho vat a, a hmel rum ul mai chu ka en ngamlo,a huat ka hrelo a, mahse, min That duh hial hmel a pu tlat ani.

Ka lak rual in a inher vut a, Inchhung lam a pan leh nghal daih bawk, Ka en a, Sangpuia alo ni a, hlim zet hian ka khek raih mai,

“ Kan tello pawn i va hlim si ve a...” a rawn ti nghal tawng, ka nui hak hak a,

“ Aih....min lo biak hun ka nghak alawm, in mu nileng hial in ka ring a, ka ti harh ngam lo che u a..” an mut theih dun zia ka hre kar,

“ Phakar suh... ni 27 ah kan lo haw dawn....” a rawn tih zawm a, lawm avangin ka nui hawk hawk mai, lo haw tak tehse, an tello chuan ka mal em mai, Mapuia hi ngaina em em tawh mah ila ka thian nilo in Muansanga thianpa ani miau a, Ruatfela leh Sangpuia angem chuan ka la hnaih theilo, Rempuii lah Kohhran Prog vel ah a buai em em si a,

“ Ka lo hmuak ang che u....thil min lo hawn ngei ngei bawk ula...” ka ti leh a,

“ Lion-a khan Phone alo pick a, Phone ah ringawt pawh ka thlawk lo chauh...” anui a,

“ Tikhan ko ziah suh...” ka ti hlar thung,reife kan inbia a, kan inbiak zawh hnu pawn ka la nui sang mai,

Mapuia bulah ka thu leh a, Sanju-a nupui in Nilam-i a rawn ngaihven bawk a, ani pawh kan bul maiah a awm bawk a,

“ Lut tawh ang u....a vawt dawn em mai..” ka ti a, a bu nghauh a, a tho zui nghal a, Nilam-i erawh ala lut duhlo thung, kan luhsan a, an vaiin No an lo dawn far mai, ka ner nawk a, vawi 2 ka in ve tawh, nuam tihna ka nei miahlo, chumai bakah Muansanga pawn a in ve tlat, hmeichhe zu in duhlo em em ang khan a insawi a, Te-i pawh in a in ve tho si a,

“ Rawn in lak ve mai rawh u..” Te-i bawk, Mikhual zawk ka ang thin mang e ka ti rilru a, Muansanga ber in pawi ti hmel a lantir silo,ka nui hak a, ka lu ka thing a,

“ Ka duh lo mai teh ang, In tlak ka nilo, ka tlaw lutuk..” ka ti a, an nui ham ham mai,ka Phone ah Games ka khel a, tumah ka be lo, a chhan chu tuman min be lo a, ka awmve tih hrelo ang maiin ka hriat ve loh hlir an sawi a, lo sawi ve tur reng reng ka hrelo,Muansanga bulah Te-i a thu a, tih palh niawm tak in a ngheng leh ar ar thin a, ka mitmei a veng eih lo, Mapuia leh Carolyn-i lah inhnaih fe in an thu bawk a, Hriatpuia leh a bula mi lah chuti bawk, a pair te te in an inhnial a, tihian kum dang ah pawh anlo ti fo tawh ang tih a chiang, ngawirengin ka tho a, tuman ka kal chhuak pawh min ngaihven chuanglo, Inchung Step ka pan a, Room ah Tv en mai mai zawk ila a nuam in ka ring, min mamawh lo ngawih ngawihtu te bula awm ai chuan mahni a awm atha daih zawk.

Khumah ka lawn a, Tv ka On nghal bawk, Nizan a ka khawsak dan avang khan inchhir loh hram ka tum a, engpawh thleng se ka pawm tur ani, ka hlut loh zia ka inhmu chiang lutuk kha ka na ani ber in ka hria, ngaihsakloh leh hnawl ni a inhre chung in ka seilian a, a tha ber nih tumin ka bei thin, mahse, tu lakah mah hian tha ber nih na ka hlawh chhuak ngailo, ka la beidawng tluang ta zel anih hi, Ka pa lehkhathawn kha chhiar ila a that ka ring, Muansanga lek a rawn chho in ka ringlo,ka tho leh a, kawngkhar ka kalh a, ka Envelope dah that ka la chhuak a, Khumah ka bun chhuak leh a,Thlalak ho erawh ka thun lehnghal a, lehkha inthlep chu ka en a,

“Ka Fanu....i tan a ka tangkai loh zia hi ka hailo asin, i Nu hi nangmah a hrin rual che a a boral avangin ka hua che a, nangmah vang a thi ah ka ngai lo theilo,ka huat em em rual che in ka Hmangaih bawk che a,i Nu nen danglamna reng reng in nei heklo, i nu mizia engkim i chhun fuh em em lehzel te khan min ti na a ka hmuh piang che in ka hriatchhuah thin avang in hmuh loh che ka duh mah zawk, chutih rual erawh chuan ka kalsan ngawt theilo che a, i Nu chhungte leh i pi leh pu te kha an in millo a, an in duhlo tawn em em mai bawk avangin tuman i Nu chanchin an sawi zui ngai ta lo, mak i ti thin tih ka hria, I nu kha Shillong a seilian ani a, ka lehkhazirlai a intawng kan ni bawk, Inneih an phallo chung kan chengdun a, mahse, i pian zanah a boral ta si a, nun hi awmzia neiin ka hrelo hial, Nangmah hruaiin Aizawl a kan In ka pan leh a, i nu kha duhlo mahse i pi leh pute kha chuan nang chu an hmangaih hlum lo chauh thung che, khangte kha ka thinrimna tizualtu anni, i nu dawn tur thil tha i laksak niin ka hre tlat bawk.

Ka Fanu i ni a, ka Hmangaih na che erawh a dang chuanglo, kan chhungkaw sumdawnna tihlen belh tum in ka thawk nasa a, a lian ta reng bawk a, Sangi hi i pi leh pu runluihna tur a ka hruai haw ani a, ka rawn hruai luh khan ila Naupang deuh a, eng mizia nge anih a a khawsak dan i hre kherlo ang, chhungkaw harsa ve tak anni a, a unaute chawmnan engpawh a thawk a, an inzuar phei zawng ka tilo, mahse, vengchhungah a hming amawi lemlo, khavang khan i pi leh pu khan an damchhungin Mo ah an pawm ngai ta lo a, an Boral hnu ah chiah Nupui nihna pawh a nei anih kha, fa neihpui ka duh loh avangin ka inzai tir vek a fa pawh kan nei ta lo reng a.


I pa Mawia hi Shillong ka awm lai atangin ka hre tawh a, chhungkaw harsa ve tak anni a, kan Motor pakhat ah Driver zuiin a awm ve thin a, khata tang khan ka thiantha ber leh ka thuruk vawngtu anita zel mai, kan sumdawnna a kal tluan vanglai tak in i pi kha a boral ta mai si a, mak ka ti a, ka nu ani bawk a, ka tuar viau, Sangi lah inzir mi tak alo ni bawk nen sumdawnna ka khawihtir ve a, a man chak in a rintlak ta thuai a, tunah chuan a rintlak lutuk mah mah ta in ka hria,I Pu a boral ve leh khan kan awmpui nula khan Sangi lakah mit khamna tur a hmu ta a, min hrilh nghe nghe, ka rilru in ka hre reng a, Nupa nihna nei a kan awm hnu lawk ah ka Motor Brake Fail vangin tihian ka awm veleh ta a, ...tunah chuan ka chiang asin, a khawih ve hma che in ka rin ngam hnenah ka dahbo che angai ta hial, i Pa nimah ila i pa ang in ka awm ngailo a, ka ngaihsak heklo che, mahse, ka Hmangaih che tih erawh ringhlel suh...

                                               

Muansanga hi Fahrah In atangin a Nu khan alak ani a, Muansanga Nu kha i nu nen a kan inkar engkim hretu ka thian tha ber ani bawk, Muansanga pawh hi ka thian nilo in ka Fa ang maiin ka en bawk, sumdawnna kawngah ka hruai nasa a, a Nu a boral hnu phei kha chuan min hnaih leh zual a, ani hnen tluk a i himna hmun tur hi ka hrelo, a tina ngai reng reng lo ang che, i ngaina lo em em tih hre chung a ka tir lui che kha ka hrehawm ka ti ve asin, i hriatloh lai hian ka mittui a tla ve fo mai, mahse, Sangi khan engmah pe lo che a ka kal tir tur kha a khawngaih ta che a, a rilru chhungril ka hmu chiang si a, i kal vat kha a tul ka ti em em a, ka tur nasa mah mah bawk che, ka harsatna engkim Muansanga ka hrilh a, ani khan min puih a inhuam em em bawk.

Zantin Sangi a chhuak bo a, Mipa kawp a nei tih ka hria, mahse, ka zawt lemlo, ngawireng a ka en theih phawt chuan ka nun a sei tih ka hria, mahse, kan inhau ta fo mai, ro chungchangah ani zel bawk, Muansanga hnenah Dawr pakhat ka hralh ka tih kha, i hmingin Muansanga khan a dah nghal a, Envelope chhung ah hian a neitu i nih lehkha pawh ka dahtel a, min leisakna pawh i Ac ah khan a dahtir vek bawk,ka duhdan ani a, engmah min hnialna a neilo,Ro dang erawh hi chu Muansanga kut ah ka dah a, engkim alo chingfel ngei ang tih ka chiang.

Bawihte....ka Hmangaih em em che a,Nizan mai khan Sangi nen kan inhau buai leh a, a tlanchhuak a, naktuk khawvar ka hmu in ka ring tawhlo,min bei nasa em em a, kan awmpui nula in eitur min pek ah hian tur a tel em tih ngaihtuah in ka hun ka hmang fo, fiahna engmah ka neih loh avangin ka ngawi ta zel, tunah chuan rei ka tang zo dawnlo... i hriatfiah duh zawng zawng ka sawi kim loh te i Pa mawia hnenah ilo zawt dawnnia, Muansanga leh I pa Mawia lo tumah lo ring suh. I pa hi ka nep em mai a, min ngaidam ang che aw.

He lehkha i chhiar hunah chuan i bulah ka awm tawh lo ang, van atangin I pi leh Pu leh I nu te nen kan lo thlir ang che...mahse, kan thlarau erawh i kiangah a awmreng tih hria la, nangmah chauh a heng hrehawmna zawng zawng hmachhawn tur a kan kalsan che avang hian min dem lul suh ang che,kan chanchin engkim hi i chhui chhuak vek thei anih phawt chuan hahdam tak in kan chawl thei ang,i thei ta lo anih pawh in ka dem dawn chuanglo che, kan Hmangaih che a...i bulah kan awm zel Ang....”

Ka tap chhuak hawk hawk mai,tihtur ka hrelo a, tih loh tur ka hre heklo... Ka pa hian min Hmangaih em em asin...ngatinge a damlai khan min hrilh mai loh?, kei pawh hi ka hma ka lo sial em ani...mahse, Ka pa...i ringsual asin...i Ro chungchang kha a fel tawh, Muansanga’n ka nu hrawn a pe vek tih i hria em?....Ka pum ka dawm a, ka khur hlawk hlawk mai...

Kawngkhar rawn kik thawm ah ka phu zawk a, engchen nge ka tah ka hrelo, ka inhru hul a, ka lehkha ken lai pawh Envelope chhungah ka khung leh bawk, Muansanga a rin zia ka hriat nawn leh na pawh khan min tina lutuk, a rin ang ani hlawl silo,a bum nasa lutuk, kei lah chuan reilote pawh hlimna chen duh in ka lo mutpui vel a, zahthlak tak in ka lo duh hman hial bawk.

“ Bawihi...” Muansanga aw in a rawn tih leh chuan ka luak a chhuak nghal hlui mai,Envelope ka thawmhnaw bawmah ka hnawhlut leh a, Kawngka hawnsak turin ka phei leh a, ka hmai ka phih hman der silo,

“ I muhil ami ?” a rawn lut a, ka bu nghat a,

“ Kan inphihfai lawk...” ka ti a, amah en lo turin kun chungin ka kal a,

“ Lo chhuk tawh la....Chawei a hun tawh a..” ati leh a,

“ Um...lo zuk chhuk rawh, ka inphihfai anga ka lo kal ang “ ka ti a, min chhan let hma in Bath room ah ka luhsan a, Darthlalang ah ka in en a, ka tahna avangin ka mit a bui lak a, engtinmah tunah chuan tih reh ngaihna a awm silo...mahse, Ka pa thilsawi hriatthiam loh ka nei, engvangin nge Muansanga khan ka pa dawr a leisak kha ka hming in a dah kher? Engkim min laksak vek tum in a buai hle zawk si a, a leina pawisa pawh ka pa hnenah nilo keimah Ac ah zawk a dahlut daih bawk..ka hrethiam tehnuaih lo e...mahse, ka pa khan a duhdan anih thu a ziah tel kha mawle,

Kitchen ka pan nghal a, ka thutna thin ah em chuan Te-i pawh a thu hreh ani ang, an lo dah awl a,an lo ei tan mawlh mawlh tawh zawk,

“ I nuam meuh na nge ? i khup zawk kha ana leh ami? ” Mapuia chuan alo ti thuai a, ka nui lui sak a,

“ Nuam e...a vawt lutuk a, ka lo muhil pek alawm le..inlo len lai lehnghal in a zialo tak tak...” ka ti a, ka Plate a eitur ka tem pah a,an vai chuan an pangngai chiahlo vek, mahse, tumah rui chhia an awmlo..

“ Pawiti suh, i awm hma pawn tihian kumtin Christmas tlaiah chaw kan eikhawm ziah alawm, tun a mi ho tho hi kan nia, i awm leh awm loh pawh kan hriat hlawm loh kha maw...” ka khuh kharh a, ka thil ei lai ka hak zui, hetiang em em hian a tawng huai ngam anih chuan a tawng ngamna tawk turin he In ah hian thu a nei tih na animai...haw tur ka nilo, tunah rih chuan keimah chiah hi ka indem thei...

“ Te....tawngkam hi i duhtui lo thin em mai..” Mapuia bawk in min rawn chhan leh ta khauh mai, Muansanga erawh in a thil ei lai a ei mawlh mawlh ringawt..

“ Sorry....i thil ei lai i hak phah bawk sia, ka lo tawng tlem tawh ang...” inthiamlo tak tak ni hauh silo hian a nui a,

“ Nia...mahse, engkim sawi mai hi a tha ber alawm, a hma khan Nupa tak tak in ni emaw ka lo ti hman a, Nizan khan in lo inkai nasa bawk sia, mahse, Zualbawihi tan pawh kan hre vek tih a hriat law law hian inthup buai ngailo in a duh dan dan in a awm theih phah anga a nuam zawk ang.....” Carolyn-in a rawn tih veleh takah chuan ka fian ken lai ka thlauh bawl mai..

Ka pa vangin ka Mittui pawh ala hul hman lo, mahse, tunah phei chuan zah avangin hawi ngaihna ka hrelo,ka awmhmunah hian Thih nghal law law ka duh ber zawk.

Chapter – 16

“Carolyn...” Muansanga chuan a ti hrawk a, a aw a ring hran lo, mahse, hlauhawm tak ani,

Ka chair hnung lamah ka nawr a, thawh tum in ka ding hman tawh, Muansanga chuan ka kut ah a rawn man a,

“ Thu rawh....khawi ah nge kal i tum?” a ti sup a, ka Mittui avangin ka khawhmuh a phe ruai mai,hnuailam ka bih a,

“A tawk ta viau alawm le tiraw Carolyn, mahse, hei hi inhriat ka duh, kan Inneihna hi a lem nge atak in lo sawi tur a awm lo,min hrechiangtu te inni,kei hian Nupui ka nei anih chuan ka Hmangaih tawk hle ang tih pawh hrechiang bertu tur te in ni a,in lo leng hi ka lawm hle a, mahse, Ka Nupui in lawm lo emaw in duh duh a in tawngkhum dawn anih chuan lo kal lo mah ula ka vui hauh lo,mahse, tun tum kha chu tihpalh ah ka ngai ang, thleng nawn tawh suh se...” Ka kut a chelhna a nghet sauh bawk,

“ Lo kal rawh le...nakinah i ei leh mai dawnnia...” a ti sup a, min kai tho a,ka kawngah a rawn kuah a,

“ Mahse, Nu Sangi khan.....” Te-i rawn tawng ri ah chuan a hawilet leh a,

“ A tawk tawh ka tih kha i hria tiraw?, lo ei zawm ru..” a ti leh nghut a, Tei leh Carolyn-i hmel chu maktihna avangin a buai vek, midangte erawh chuan an chawei lai an chawk kual sek thung,Mapuia a rawn hawi a,

“ Kan tihpalh hlawm in ka hria, ngaihdam dil mai hi a tha viau, kan inhnem deuh hlawm ani ang...han chho ru..kan lo ei teuh dawnnia...” a nui var var mai.

Ka khup a khur hlawk hlawk a, kal pawh ka kal tha theilo, Muansanga rinchhan in ka kal tawk tawk ani ber,Khumah ka lawn nghal a, Bangkil lam ka hawi zui daih bawk, a rawn lawn ve a, Puan min rawn sin tir a,a rawn kun hniam a,

“ Sorry....ka thiam loh vek ani...” a ti thawp sut a, mahse, chet pawh ka che eih lo, ka kehchhe vek tawh, zawmkhawm leh dan tur engmah a awm lo,zawmkhawm turin eng ang a nasa pawn bei mahila a khi leh ser a tel reng tawh ang.A kal chhuak thawm chu ka ngaithla kar a, kawngkhar dimte in a rawn nem khar a, a thim ta thiap mai,ka mittui a rawn tla a, tah rik ka duh loh avangin ka puan sin laiin ka ka ka hup a, tap ri mah ila an hre phak hauh lo ang, Mittui chhuaktur ka neih loh thlengin ka tap a, ka chau tawngkhawng lutuk a, ka muthilh lai pawh ka hrelo.

Ka harh leh chuan khua alo eng ut tawh a, thawh mai tumin ka che a, mahse, Muansanga ban tha chakzet in min kuah bet tih ka hmuh chuan ka inthlahdul lehnghal a, nizan ah alo mut lai pawh ka hrelo a, eng chen nge a thiante bulah a awm ka hre heklo, min chhan anih kha...a Nupui chu a Hmangaih vang a nei ang in a insawi bawk a...huh...a chhuk leh hnu khan min chhan nan a sawi mai mai tih a zuk sawi ngei ang, min nuihzui ngei bawk ang.Ka hma zawn bang a Sana in tar chu ka melh a, dar 10 a kawk va tawh, nidangah pawh kei chu ka tho hma ngailo a, mahse, Muansanga hi chu a mu rei ngai miah lo thung,Dawr engmah an hawng dawn lo a, a inthlahdah ve pawh ani mahna,

“ I va lum ve....i khua asik lo maw ?” ka chalah a rawn dek nghal a, a harh lai pawh ka hrelo,

“ Sik lo ang...ka hre lo...” ka ti leh hnuhnawh a, a thu chhuak vut a,

“ I khua asik anih hi...Damdawi ei la atha, i khup vang kha ani maithei “ a ti a, a tho a, Damdawi dahna lam a pan a, a sawi dik maithei, diktak chuan ka Khup ka sawhna kha a thip a ziawm tawh a, mahse, ka ti mar dawn a ka ti hleithei tlat lo..

Damdawi min pek chu ka la a, ka ei ve mai bawk, ka puansin a rawn hlim a, a vawt nghal var mai,Ka khup a en a,

“ A duk anih hi...i tauh na deuh anih ka ring, Casualty ah kal hrim hrim ila a tha ang” a ti a, min khuh leh a, a rawn mu ve leh nghal mai bawk, min rawn kuah a, a darah ka lu ka nghat a,

“ Chawlh hahdam vang vang i mamawh takzet, tun hnaiah hian rilru natna tur i tawng hnem lutuk a, i chau anih hi..” a ti leh a, ka sam a zut hauh hauh a, sawi ve tur hrelo in ka ngawi kar mai,

“ I thiante kha an haw har em?” ka ti a, ngawihreng nuam ka ti chiah lo...

“ Haw har lo...ka lo chhoh leh chuan ilo muhil tawh a, a pawi ka ti tak tak...” a ti leh sup a , a kutzungpui in ka hmui a rawn tuai a, amah en thei turin min kuai dak a, a hmeltak ngul thin kha alang dam thluam mai,hetiang hian awm thinlo se ka duh takzet, rilru nem leh no tak nen chuan ka hmachhawn tur ah hian ka hlawhtling dawn der silo.

“ A pawilo, ka zak em em a, mahse, a rilru tur ka ngaihtuahpui khan a ti diklo hranlo ka ti, a duh zia che lah ka hai silo...” ka ti sep a, ka hmui a rawn hup a,

“ Khati khan tawng suh, khatiang mize nei kha ani tih i hria alawm, nizan khan ka theihtawp in ka insum a, i tihlet ve hun ka nghak bawk, mahse, i tuar ringawt a, atawpah kha chuan ka insumzo ngang lo anih kha...kan thawh dunna pawh ka ti tawp tawh...”
a ti a, a rawn kun a, dimte hian a hmui lum ham ham mai chuan ka hmui a rawn bawhthuah a, ka mur ar ar mai, Nilo...hetiang hian ka awm tawh tur anilo...ka hawisawn thuai a, a rum hawk thung,Hepa hian min Hmangaih lo a, mahse, tlem tal chuan min mamawh ve tan a ang khawp mai,

“ Hetiang hian awm zui tawh lo ang, kan in ti na tawn tam mai mai alawm...” ka ti a, a rum hrawih a,

“ I pa kha ka thian nilo in ka Pa ang in ka en mah zawk, min ring em em a, mahse, min rinna ka ti hlawhtling zo lo erawh pawi ka ti, ka bulah hian i him a rin avangin a dah che a, i Nuhrawn lakah pawh venhim che a duh bawk,mahse, atthlak tak in a vengtu tur ber che hian ka veng zo lo che a, ka bulah pawh rilru natna tur i hmu tho,ka fello a, midangte nen a khawsak ho ka thiam heklo...” a ti leh ta duah a, a awmdan a dik tlat lo, hetiang chuan ka kalsan thei miah lo ang...

“ Sawi tawh lo ang, ka ril a tam ania ” ka ti halh a, thawh tum in ka tal a,

“ Um,keipawh ka ril a tam tho mai, vawiin chu kan hman bawk a eitur siam i zir dawn mi?” a meng de sar mai,a chang hi chuan Mipa duhawm ber ani chiang alawm.Ka khup ka tawm a, muangchangin ka timar leh a, tlem chuan a zia ta deuh, Darkar khat a ral leh meuh chuan Kitchen chhung chu bawlhhlawhbawm lianpui hi ani ringawt tawh, Soup leh Bawngsa Roast hi ka duhber anih avangin min siampui a, a hmasa ber ah aman a ti a, a tihdan entawn in ka ti ve zel a,cornflour a baw nuaih a, Purun kawr tamfe chhuatah a awm bawk,

“ Lo en la, tihian Bawngsa hi a ti kal zawng nei vek in i chan ang, chuti anih loh chuan ei a har bik,i chansawm hnu ah Vinegar ah i chiah leh ang a, i siam dawn ah i silfai leh vek ang..” a ti a, a sawi lai ang zel in a tipah mawlh mawlh bawk a,a kawrlum hak a hlip a, Jogger Pant dum leh T-shirt hring duk a ha a, Apron a ha ut bawk, ka nui ta hak mai, min rawn en a,

“ Eng nge?” a mithmul a ti sang zauh a,

“ I landan kha....” a hmai a tuai puat a,

“ Min nuih loh khan tha deuh in zir mai mai teh...” ati hluk a, mahse, a nui ve suk tho,

“ Ka thiam vek tawh alawm...” ka ti awlsam et,a bu nghut a,

“A tha, Soup siam la, keiin Bawngsa leh Thlai ho hi aw..tan ang le, i thiam tawh bawk a, engmah min zawt thei lo ang..” a ti a, ka aw ve mai, thiam tak nilo mah ila ka siam theih mai ka ring ve tlat.

Ka pum a ri rawk rawk tawh, Dinning Table ka kil a, eitur a rawn chhawp a, a eitur siam zawng zawng chu a tui hmel em em vek, Soup chiah ka siam a, mahse, ka thlan a sa ve phat tho mai,

“ Ei ang...ka pum a ruak vek tawh..” rawn thut pah in a ti a, Soup a ban nghal a, tlem a tem a, ka siam chhung khan ka tem eih lo, a hmel ah engmah a lang chhuak lo, eitur dang a ei zawm nghal a, min fak ve tal ka lo phut a,

“ A tha lo viau em?’ titau rilru deuh hian ka ti hmak a,

“ Thalo hran lo e, vawikhat siamna ah chuan a tha lutuk..” a ti liam puat, tlem ka suak chhuak a, ka tem ve a, Nilo...ka tho phut a, Tap bulah ka kun a, ka luak lo chauh, engtin nge a in theih zawk ni??,

“ Engtin nge i lem theih a !!?? “ mak ti lutuk hian ka hawi let a, a nui suk a,

“ I vawikhat siamna ani sia, i rilru a nat ka hlau a..” ati duh lek,Hreptak hian a....a tuiloh dan em em kha mak tak ani,Surf tui nen ka tehkhin ber,Dinning Table a la awm zawng chu ka la a, tui khawihna ah ka bun vek a, a bel a la awm lung pawh chu ka bun tel vek bawk...ka siamdan ah khan diklo a awm ka hre silo, min zirtir ang vek in ka siam ve ngei si a, mak tak ani,

“ I siam ngun ang a i thiam mai ang...” a ti leh a, pawisak neilo hmel deuh hian a ei zawm leh mai, a chhan sawi tur awm silo in ka thinrim ru teuh thung,mumal pawn engmah ka eilo.

Nileng in kan chhuak ta lo, In ah kan awm a, achangin Movie kan en a, a changin kan muhil bawk, inleng kan nei lo a, chhuah tumna pawh kan nei chuanglo,

“ Tho tawh teh...” ka beng bulah a rawn ti a, min rawn kuah zui bawk a,

“ Aih,engmah tihtur a awm chuanglo a, a vawt si,mut a nuam ber” ka ti a, min rawn pawt a, a mah en thei zawngin min kuai her a,a darah ka lu ka nghat a,a mal khauh tung chuan min kherh bet bawk,dimte in ka hnute a rawn hmet a, a kut ka nemsawn sak thuai a, mahse, a ngai ang chiah in a rawn ti leh tho, peih lo zet hian ka meng a, Parda a zar vek avangin a thim deuh khup a, mahse, a hmel a tisa chakna lang chu haider theih anilo, thup a tum hauh bawk silo,

“Ka muhil duh ania “ ka ti sep a, a rawn kun a, ka nghawngah a hmai a phum a,

“ I muhil rei tawh,tunah chuan thildang ka duh “ ati sup a ,ka nghawng a thawkkhum ham ham bawk,

“ Um.....ka hrelo..” awmzeneilo zet hian ka ti leh a, a kut zungtang sei thlurh in ka hnute hmur a rawn khawih takah chuan hnial theilo in ka thaw hawk mai, ka awmdan danglam tan chu a hai hauhlo, a hma aia uar zawk in a khawih leh a, ka kawr hak a hlim chho pawp a, a hmui lum ham ham in ka hnute hmur a sik rual in ka rum hak bawk, a samah ka tham a,ka chhungril chuan zawitein tawp turin min hrilh a, mahse lehlam in tizel turin min nawr thung, a tho kang a, a thawmhnaw haklai a hlip a , ka kawr min rawn phelhsak zui leh a, ka kekawr hak a phihthla tur chu ka pui a, a chetdan chu kum tamtak sex hmang tawh lo niawm tak hian a hmanhmawh a, a ri buan buan mai,ka panty a pawt kau a, a rawn zen a, ka point a khawih then takah chuan ka lo insiamrem ve zel a, a Boxer phelhsak tumin a kawngah ka vuan a, a mawng a ti kang a, ka pawtthla a, a mipatna ruh leh khawng zet chuan min rawn si nghal run bawk,ka mal karah a rawn inzep a,ka hnute ah a bur leh ta chat, engmah tihve nachang hrelo in ka er ngawng ngawng a, a samah ka tham a, ka kawngah a rawn chawikang a, chumirual deuhthaw in ka taksa chhungah a mipatna a rwn lut a, nawmna avangin ka khur dar dar thei hial, a chawl a, ka biang tawn tawn ah a rawn vuan a,

“ Folie....min ti a vek tawh..” a ti tham tuak a, ka chalah a rawn fawp a, a kawngah ka kherh bet chial a, ka nghak thei tawhlo, a thusawi awmzia hriat tumna pawh ka nei rihlo,ka hmui ah a hmui sexy zet chu a rawn nghat a, chumi rual chuan zei zet hian a che zui nghal a, ka thiam tawk in ka lo pui ve bawk,

“Min en rawh..” a biang tawn tawnah ka dawmbet ve ta thung, a hmel sexy lutuk chu ka en a, tu nge hmangaihna a chenpui hi hria se ka duhber..

A chungah min pawt kai a, hnuai lam atangin min rawn zawm leh a, a rawn thu a, ka hnute a rawn fawp leh a, a bak chu nawmna avangin kan pil dun ta vang vang, kan 2 bak khawvel ah midang an awmve tih ka hrelo..

“Nasa reuh lutuk...min ti pem thluah in ka hria..” ati a, a nui huk huk bawk, thwmhnaw engmah kan la inbel ta chuanglo, ruak in kan mu dun a, a sir zawngin ka mu a, min rawn kuah a, ka hnute hmur a kal nauh nauh bawk,

“I nep lutuk, Mipa i nih kha, engmah a na lo ang..” ka ti let hlak a, a nui a, ka beng ah a rawn fawp a,

“ Mipa pawh hian na kan hre ve thei tho alawm...Muhil lawk ang “ a tih zawm leh daih,

“ Aih, ka mut a chhuak tawhlo,i duh leh muhil rawh...eee...Folie kha engtihna nge?” ka ti a, vawihnih ngawt Hmangaihna kan chendun laiin a sawi tawh a, hriat ka duh,

“ French tawng anih kha...Madness tihna ania...” ka sam a fawp zauh a, ka inlet thak a,

“ Madness.....ka ti buai che mi,keimah vangin i a bawk silo, ka...” ka sawi zawm leh hma in min rawn fawp a,

“ Muhil ang..” a ti sup a, a mit a chhingzui nghal daih bawk,

A hnar sang vah mai leh a mithmul dum leh chhah zet, kual raih mai te,a hmui chhahlam lek lek,sexy lutuk mai te nen chuan tu nge chhia ti thei tehlul ang??, Nilo..kei hian hepa hi ka HMANGAIH ngawt theilo ang, hmangaihna pwh hi eng nge anih chiah?,ka duh tih ka hria, mahse, ka kalsan dawn tho a, ka duh lutuk hma in ka kalsan ngei ang,Naktukah Ruatfela leh Sangpuia an lo haw anga,engkim min buaipui thei vek ang, In luahtur pawh an tifel mai ang, Ni 30 ah Lungleiah Muansanga a kal leh dawn a, chumi lai chuan ka lo chhuahsan fel hman angai....Hepa nen hian thla 5 chauh kan la chengdun a, mahse, a tello hian ka nung thei angem ka chiang ta lo,kum kha lehchen kha a tello in ka lo khawsa tawh a, ka pasal ani ta thut a, ka ngaina lawk lo,Nupa nun kan hman hnu ah keimah ah danglamna a thlen ta tlat, ka ngai em em a,na tak tak in min ti thin mahse min Duatna a tihlan rual in ka huatna leh natna te a bo leh nghal vek thin,dimte in a hmui chu ka khawih sak a, a muhil hmel chu ka thlir ning theilo, ka hriatrengna ah tun a a hmel awmdan hi dahthat ka duh a,pawisawilo leh mi ti na ngailo a ang em em bawk,ka kalsan hun ah pawh tuna a hmel landan hi hmuhfo ka la duh ngei dawn tih ka hria.

Ka pa in fapa ang mai a a rin laiin a bum a, a nupui a tawmpui a, a uire sak bawk, zahthlak tak in keiin ka lo duh em em ta bawk a, ka pa khan Muansanga a ringsual tih a hrelo, kei erawh chuan engkim hre vek chungin ka hnar thei lo, Ka pa tan fanu tha tak ka ni ngai lo a, tunah pawh ka la ni thei lo zui ta zel, Ka pa hmelma ani tih hrereng chung in ka hnial theilo fo a, kan chhungkua min ti chhetu ani tih hrereng chungin ka hnar thei heklo, a bul hnai a ka awmreng chuan amah ti chhe tur leh ka pa phuba la tur hian ka ke ka pen thei ngai dawn lo, ka kalsan vat a tul takzet.

A tuk zingah chuan ka thawh khalh ve tehmial, ti harh duhlo in inhnuai ah ka chhuksan a, Pawnah Tom-a nen nilum aiin kan thu dun a, Thlasik pangpar par vul chuk mai chu ka thlir a, a nalh ani, kumkhua a ka ta nimai tur in ka duh a, Muansanga nen chhungkua din in Fa te nei ila, helai hmunah ngei hian kan fa te seilian lai thlir ka duh bawk, mahse.....duhthusam mai ani, ka ta ani ngailo a, engtikahmah ani ngai heklo ang.ka kalsan hunah chuan Muansanga hian hrehawm atih ka ringlo, Nupui then nih a lo zak anih chuan chu chauh chu buaina tur anei, min ngaih vang in a buai dawnlo, min thlaktu tur midang a lalut nghal hial ang, Te-i leh Carolyn-i lak a min chhan khan min Hmangaih vang a min nei angin a sawi ngei a, mahse, kha chu a mualpho loh nan a tih ngei a tul vang tih ka hria, Nupui a neih hnu ah pawh khawi hmunah pawh kal ila Hmeichhia, amah hnial lo tur ka hmu ngei ngei, nia, tu hmeichhia in nge hnar thei tehlul ang??, ka ngaituahna avang pawn ka na vawng vawng mai, a tello a ka khawsak hunah chuan amah ka hmuh na tur leh a chanchin ka hriatna tur zawng zawng ka tih chah vek angai ngei ang.


Room ah ka chho a, alo la tho lo fo,

“Tho tawh la, Airport ah kan kal a ngai ania..” a darah ka sawi a, a rum tuah tuah a, a inlet thuk ringawt, ka lawn a, ka sawi leh a, min rawn pawt thut a, ka let thla nawk a, min kuah bet a, a meng chuanglo,

“ Engnge Airport ah i tih dawn?” a ti a, ka sam karah a hmai a rawn phum a,

“ Ruatfela leh Sangpuia an lo haw dawn alawm, ka lo hmuak ang che u ka ti a..” a sam ka khawihsak a,

“Um...Driver pawh i neilo a...” a aw ah nuihzatna alang a, na vaklo in a samah ka tham sak a,

“Ka driver ah i tang mai ang chu...” ka ti a, a nui huk a,

“ Nang tereuh hi a...” a ti sup a,

“ Pawilo, i duh loh chuan midang ka zawng mai ang.” Thawh tum in ka kawng a kuahna ka phelhsak a, min pawt let leh a, a mit a thim khap mai,

“I ngam chuan le...Mipa dang i awmpui ka hmuh vaih chuan in 2 in in thi ang..” a nui suk a, a mit ah erawh nuihzatna pakhatmah alang eih lo.

“ Chuti anih chuan mipa dang ka zawn lohnan i thawh vat angai anih chu...” ka ti leh a, a rawn inbengkang a,

“Thawhma in thildang ka duh a....” a hmelrum ul kha a bo leh daih tawh, engtin nge a inthlak danglam zung zung theih pawh ka hre biklo.

“ Aih,a tlai tawh, kan kal vat loh chuan a tha lo...” ka thawhsan lui a, a nui hawk hawk a,a rawn tho ve mai bawk.

Pyjama dum ka ha a, Uggs ka bun a, Poncho grey colour ka bat bawk, Motor Seat ah ka ke ka hlang a, Muansanga pawh a inchei hran lo, a Jogger Pant leh Sweat Shirt hak chu a inhmeh takzet,a bek sam a kawng lek lek a, a chhip erawh a buk thung, a Zungbun bun a langsar viau,thi a ngaina lo a, a awrh ngai miah lo,Sana erawh engtiklai pawn a bun tih theih ani, a mut lai anih loh chuan a bun reng a, Sana a ngaina anih ka ring, Rolex kutchhuak 4 lai a nei a,a bun thlak fo bawk,

“ I thiante 2 chu lo haw lo mahse pawi ka tih loh nen..” a ti vut a, ka en thuai a, hmalam alo en ngur a,

“Ngati?, ka ngaihtawh tehreng nen..” ka ti ve thung,

“Chutak chu...an lo haw chuan i thiante ringawt i buaipui leh ang, mahse, Lungleiah khan hruai che ka tum a...”ka phu zawk mai,

“ Aih...” ka chhang rang lutuk chu min rawn en thuai a, mak ti hmel a pu bawk,

“ Ngatinge?, keimah a awm ka peih hleinem..” ati hluk a,ka lu ka thing a, sawi leh mai tur hrelo in ka nui ringawt,

“Te-i vang anih chuan a kan thawk dun tawh dawnlo ka tih kha...” a tih zawm leh a, Te-i lam ka rilru ah ka lo dah lo, ka hrechhuak lo hrim hrim zawk,

“Nilo, kal rawhse, ih...zin chhuah ka duhlo...ilo haw leh vat dawn tho alawm..” ka ti bah nak mai,a ner sawk a,

“Ok..min khawngaih lo hle mai..” a chang hi chuan a lawmawm thin,Zan 2 riak tur ani a, alo haw hma in kalsan ngei ngei ka ngai ani tawp mai, tunah pawh harsa ka ti lutuk mah mah tawh.

Airport kan thlen hnu Darkar chanve vel ah an rawn tum a, kan inhmu chu kan au chel chul mai,Muansanga an hmu thut erawh nuam an ti chiah lo,mahse, Muansang’an tha tak a a biak tak ah chuan anni pawh ngai an awh zui mai bawk a,

“Eng nge min lo hawn ?” Phur zet in ka ti a, a hnungah an 2 in an chuang a, ka hawi let a,

“Engmah, engmah min chah hleinem..” an nui dun tha mai, thinrim deuh hian ka hawilet a, hmalam ka en a,

Ka titau viau peih lo, engemaw tal min hawnsak tih ka chiang, kan titi bawrh bawrh a, Muansanga erawh a ngawi ngur ringawt, a hma a min tihzah man kha a hmu animai,a thiante nen khan min ngaihsak miah lo in an khawsa ve tho alawm,ka hriat loh hlir an sawi anih kha, tunah a nawm lohzia a hre mai ang.An in ah ve ve kan drop a, ka beisei loh deuh in Muansanga’n a tuk a chawei turin ala sawm zui bawk.

Zanah Muansanga an rawn ko a, hna lamah Buaina a awm niin an rawn sawi a,hmanhmawh tak in a insiam sawk sawk a, a insiam pah in a haw tlai chuan mutsan mai turin min ti bawk, an buaina chhan min hrilh lo a, zawh pawh ka tum bik heklo.

Ruatfela leh Sangpuia ka call a, mahse, an Bialnu te ve ve hruai a an lo kal mek thu an sawi a, an Bialnu te thik tur ka ni hauhlo, mahse, Muansanga awm loh lai a engkim hrilh ka duh tehlul nen, lo kal tel ve lo se ka duhmah zawk,sawisel ngam tur ka ni silo, hun remchang a awm em ang chu ka ti rilru ta ngawt,pawnah ka lo nghak a, van lam ka thlir a, a thiang kuk a, Arsi an pe tuar a, an phe neuh neuh bawk, ngaihbik pawh neilo in ka lung a leng vawng vawng mai, an Motor Horn an rawn hmet ri a, Gate ka hawnsak a, mahse, an 2 chauh in an lo kal, khawiah nge an Bialnu te an awm ni ??

“Hey...khawnge in Boss te ?” nui chungin ka ti a,

“Kan lo hruai leh lo, an hriat ve loh thil sawi tur i nei leh teuh awm sia kan ti a” min hrechiang lutuk hi a nuam thin takzet, sawitur ka nei ngah lutuk,avai phei chuan ka sawi seng dawnlo,

“Yes, diktak chuan sawitur ka ngah lutuk, lut ang u, a vawt si..” ka ti a, inchhungah kan inzui lut a, Meichhemna thuk ah meiling a vam sen huam a, a bul hnai a chair ah ka thu a,Midang tumah an awmlo a, sawi nghal bawrh bawrh pawh ni ila a pawi ka ringlo,mahse, an sawitur ngaihthlak hmasak ka duh a, an tawng dun barh barh a, tlem an rawn lem tawh tih an awmdanah ka hria a, mahse, rui hmel erawh an pu hran lo,

“Ka sawi chu i hria em chhuri ?” Ruatfela tawngri ah chuan ka phu ru zawk a, ka rilru ka lo kawm daih a, engmah ka hrelo, ka lu ka thing a, a tum deuh hmak a,

“Kkhatiang kha ilo la chingreng animaw?, i Pasal nei ve hi engmah danglamna i nei hlawllo..khawngeMuansanga ?” a ti leh duah a,hna thil pawimawh ah a chhuak tih ka hrilh a, an inmelh ralh a,thil zep nei an ang viau,

“Eng nge a ?” lungawi vaklo hian ka ti hlak a, an inmelh leh zawk a, sawitu zawk nih an duhlo anih hmel,

“Sawi vat ru...” ka ti leh a,

“Kan hmu alawm, Te-i nen an inphur a...mahse, tunah chuan a Nupui i ni tawh tho a..” Sangpuia chuan a ti buh deuh nuaih a, min thawng dawt tho mai,an thawk dun tawh lo tih a sawi miau a,

“A ho lutuk, hna an thawk dun alawm..” alang ah erawh chuan ka ti thei hram, ka hrawk ah hnawhtu awm ang mai hian ka chil lem a sak talh bawk,

“E...chuti anih chuan a tha animai,kan lo hlauthawng deuh a,an inkawp ve nasa sia “ ati leh halh a, ka nuih lui sang a, an rilru a nawmloh ka duh chiahlo, mahse, engthil nge thup ka tum chiah?, tunah pawh ka chhuahsan tur thu hrilh ka tum tho ani lawmni??

“Ih....inluahtur ka mamawh” ka ti a, phawk lutuk hian min rawn en dun a,an hmelah chuan mak tihna, nuihzatna alang pawlh nuaih mai,

“Engmaw?, han sawi leh lawk “ Sangpuia chuan a ti hu a, Ruatfela phei chuan min melh reng ringawt,

Ka pa chungchang engkim ka hrilh ta vek, Ka nuhrawn nen an chanchin erawh mumal in ka hrilh ta lo, ahma ang lo tak in a mualpho na tur sawi palh ka hlau ta viau bawk,ka sawi zawh hma chuan an tawnglo hrim hrim, ka sawi zawh hnu ah pawh ang phuau chungin min en dun reng ringawt,

“Min enreng lo khan in ngaihdan sawi ula, naktuk emaw a tukleh emaw ah chhuah ka ngai ania..” ka ti a, an in en a,

“Khawnge i kal ang?, a hrim hrim thu ah Police hnenah report mai la, anih loh pawn Private Detective ruai la..” Ruatfela chuan a rawn ti chhuak a, a ngaihdan chu thilawmlo pawh ani hranlo, mahse, Muansanga hian eng fiahna mah a pe dawnlo tih ka chiang, a ruk a keiman ka chhui mai hian ka chhui chhuak hma zawk ngei ang tih ka hre bawk,

“Aih, ka theilo, keiman ka tih angai, Muansanga hian kan inthen pawi ati dawnlo, Nula dang a lalut thuai ang, ani pawh hian min duh vang ani biklo a, ka pa a zah avang a min nei ve tho ania, zalen kan mamawh ve ve..” ka ti leh a, zalen tak a sawina tur ka neih tak ah chuan ka thaw huai mai,

“Nia...mahse, then duhlo ta che se la..” ati leh a, ka nui a,

“Min zawng hauh lo ang, a mualpho a hlauh vang chuan a mawiah inthen a duh kherlo ang, mahse, rei min zui buai dawnlo, lo ngaihtuah vat ru, hun kan nei tlem ania” ka ti a, a lu thaklo pui chu a hiat a,

“ Kan huanah cheng maila, a hla em em chuanglo a, chuta tang chuan inluahtur kan zawng mai dawn lawm, Muansanga chuan a hmu lawk che in ka ringlo,bakah in 2 a awm tho a, pakhatah khan Huan enkawltu te an awm reng a, i hlauh chuan ka rawn riahpui thei che a..” Sangpuia chuan a ti a, ngahdan tha tak ani, a tha ber hial zawk maithei.

“Ole, Ni 30 ah Lungleiah a kal dawn a, chumi hunah chuan ka chhuak ang” ka ti a,

“Mahse, eng nge i chhuanlam tur ni ang?, bakah In pa hi ka hmachhawn chaklo ania aw..” a ti leh rih a, ka ngawi deuh vang vang a, chhuanlam mai tur ka hrelo,


“Tihdan ka hria, zanin a Te-i nen an inphur chhuak kha chhuanlam mai rawh, i tuar peih tawhlo ti la...” a ti leh a, ka ngaihtuah a, atha maithei, chu ai chuan a kal dawn zanah inhauh buai na tur zawng ila a tha mah zawk in ka ring bawk,Nilo...chhuanlam ka mamawh reng renglo, ka nei peih tawhlo tih ka thawn anga a tawk der.

Chapter – 17

Ka rin lawk ang chiah in alo haw theih loh tur thu min rawn thawn a, engvangin nge kei hian ka lo rin em em ziah ni?, tunah chuan Te-i nen nuam an chen mek maithei,ka ngaihtuah zui duh lo ta law law, ka muhil thei der lo lehnghal, Zinglamah ka muhil ta chauh, ka harh leh chuan khua alo eng ut tawh a, Muansanga alo haw tawh leh haw loh en tumin ka in let thuai a, mahse, a mutna a ruak huai mai, a Lukham ka chul a, kan Inneih hnu ah kan mudun ngailo, tun hnai lawk atang khan kan riak hrang ta lo, rei la nilo mahse a tello a awm harsa ka ti a, a taksa lum ngheng a mut nuam ka ti bawk,ka zi mar ar ar a, Kan Nula te tumah lo kal tur an la awmlo a, Pi Biaki pawh kumthar hma chuan alo kal tawh rih dawn lo, Sanju-a te nupa in engkim min tihsak vek a, inchhung tihfai pawh a nupui in a ti mai, Muansanga nen chauh kan ni bawk a, tihfai tur em em a awm lo, kan thawmhnaw erawh keiman ka su vek thung.

Ka tho a,ka inphihfai a, ka thawmhnaw bawm ka hawng a, Ka thawmhnaw tlar dul mai chu ka en a, ka ken dan turah ka buai ta,kan Inneih khan ka keng lut nual a, kan inneih hnuah erawh ka lei belh mumal lo, Bungrua te phei chu ken chhuah ngaihna a awmlo hrim hrim, pawilo, a duh duh in lo ti ral mai rawhse, nakinah ka tihtur ka tih zawh vek hun ah a thar ka lei leh thei mai ang chu,tunah ka khung tan anih chuan min ringhlel ang, oh....min ringhlel se eng nge pawi?, engvangin nge a rilru tih hrehawm ka hlauh tak viau mai le???!!!, keimah vang a na tur a ka ngaihtuah ringawt pawh thil at thlak tak ani.

Keimah in Breakfast ka ei a, alo haw har ka ti viau a, mahse, biak erawh ka be chuanglo, thil thalo tak lo thleng tur ang a ngaihna ka nei a, a chhan hriat si loh in ka hlauthawng em em bawk,mumal in ka eilo, ka tho ta thuai a, len chhuah ka ngai, Pa Mawia te In ah kal ka duh a, ka chet lak dan tur engkim hrilh ka duh bawk,mahse, Muansanga lo haw hma in ka chhuak ngawt ngam lo,a hma ang kha ni se ka chhuah ngam dawn tehlul nen,tunah chuan hrehna riau ka nei tlat,ka Phone nghawr dar dar chuan ka ngaihtuahna a la peng a, ka la kang a, Mapuia alo ni a, hmanzan boruak tehhrep hnu ah khan kan la inbe leh miah lo,

“Hello...” zangkhai thei ang ber in ka ti a,

“Zualbawih...tunah khawiah nge i awm?” a rawn ti a, a aw a dik lo,

“In ah...eng nge nita?” ka ti let vat a, a thaw hawk a,

“Tupawn engpawh hrilh che se la, ka sawi anih loh chuan lo awih suh..” engmah a awmzia ka hre hlawllo,

“Naaa.....eng chungchang nge?” ka ti leh a, hlauhna aiin nuihzat lam ah a kal mah zawk,

“Phone a sawi vek sen pawh anilo,Nizan khan In pa te nen kan chhuak ho a,Buaina kan tawk ani ber, Te-i leh Muansanga an inhnial leh pek a, Te-i kha Bath Room ah a tawm tlat a, intihhlum alo tum a, hei tunah chuan kan buai zo tawh a, In pa pawh alo haw mek ang, Carolyn-i emaw midang tupawn an rawn bia che anih chuan min hrilh dawn nia,I Pasal thiam loh anilo ania..” arawn ti ta duah a, ka khawng vek, tawng tur pawn ka lei a che thei lo ani ber,

“ Ka sawi i hria tiraw?, midang in an rawn biak hma che in ka rawn hrilh lawk che..” a ti leh mawlh mawlh a, ka bul hnai a chair ah chuan ka thu thla hnawk a, Hna chungchang ah ka chhuak dawn ati a, Te-i nen an thawk dun tawh lo ati bawk a, engvangin nge Dawt hi min hrilh reng mai le aw ???

“Aw..ka hria e, Te-i chu a tha lo viau em?” ka ti thei hram, ka aw a zawi hle bawk,

“A ziawm tawh, ala harh lo a, ngaihtuah suh...nakinah ka lo be leh ang che” a ti a, ka chhan let hma in a dah ta daih a, thil engkim a thleng thut a, a tawp leh thut ni maiin ka hria,

Kei hi mi karah ka tlazep ani, midang rilru ka tina em em bawk, Ka pa a zah avangin Muansanga hian min neih a tul a, mahse, ka hmeichhiatpui ngei rilru ka tih kehsawm sak vek thung si, ka himna turin midang ka tihnat tel kher a tulna a awm miah lo,tunah chuan Muansanga kalsan turin chhuanlam engmah ka mamawh ta lo, Pakhatmah in Te-i huatna ka neilo a, Muansanga erawh chu Dawt min hrilh avangin ka haw thung, ka buaina chingfel turin Muansanga thlazar hnuaiah Ka pa in min dah a, keimah in ka fight tawh tur ani, tul lo ah Muansanga ka hnuk lut lui a, a mah hmangaih em em tu in a thih phah thelh bawk...

Rei vaklo hnu ah a rawn thleng zui ve mai bawk, a chauh hmel takzet, a mu miahlo tih alang reng bawk, engmah hrelo niawm tak in nui chungin ka lo chhawn a,

“In tifel thei em?” ka ti a, a thle buk a,

“Aih, fel chiahlo, chaw i ei tawh em?” a ti a, ka bu nghat a,

“Ei ve nghal la, Inbual hmasak i duh zawk em?” ka ti a, tun bak hi ka pasal anga en na hun ka nei in ka ring tawh lo,

“Aw, ka han intleuh zuai anga, ka mu phawt ang, ka ril a tam lo..” a ti a, nelawmna reng reng a neilo, ka lo ngaihsak deuh pawh chu hreawm in a awm chuanglo, a hma ang bawk khan Tom-a nen min en dan a in ang leh reng tawh,

“Um...i tih dan dan” ka ti a, Inchung panna Step a pan lai chuan ngaihtuah chhuah thut ka nei a,

“Eee...ka chhuak lawk dawn mawni ka ti a..?” rawn pah in ka ti a,

“Khawi ah ?” a aw ah chuan min biak a ning hmel takzet bawk,

“Kalna tur ka nei nual mai,hruai ka mamawh hran lo a, tihtur dang a awm leh awmloh ka hriat duh vang ania” nuam tilo deuh hian ka che sek a, a bu nghut a,

“I duh duh na ah kal rawh, nidangah pawh min zawt kher ngai hleinem “ ka chhan hma in a chho zui ta daih a,

Ka melh reng ringawt, engtin nge a sual em em theih reng mai le??, ka rilru a ka inthiamlohna zawng zawng pawh a awmdan tehhrep avang khan a bo leh ti tih tawh bawk,tih leh mai tur hrelo in ka ding ren rawn a, Te-i vang a a nunphung inthlak danglam chuan min tina vawng vawng mai, na ngawt tur ka nih loh zia ka ngaihtuah a, Reilote Nupa ang a kan khawsak avangin tihian ka na ania, Te-i phei chu a kehchhe vek ngei ang.Ka chhuahsan vat a tul takzet, mi pathum nun chhiat ai chuan pakhat chhia se a tha zawk, ka tuar thei em em ang tih ka chiang, ka Naupanlai atangin ka pi leh Pu leh ka ni bak in min ngaihsak lo a, khawi hmunah mah tuman min chhan ngei heklo, kha nun pawh kha Naupang ni chungin ka lo paltlang tawh a, tunah phei chuan Puitling ka ni tawh alawm, tunah chuan ka tihtur ka hrechiang ta, engkim kalsan in ka nun a bul atangin ka tan tha leh tur ani.Ka pa damlai in Fanu tha tak ni theilo mah ila tunah chuan a thil neih te laklet sak in Fanu tha ber nih ka tum tawh ang chu.

Room ah ka lut a, mahse, alo ruak hiau, BathRoom ah pawh tumah an awm chuanglo, ka hawikual a, ka kalsan dan ang chiah in engkim a awm, a lut lo hrim hrim zawk anih hmel,a Room lamah a awm ani ngei ang, ka chhuak leh a, a Room ka pan a, kawngka ka nem a, mahse, a in kalh ,ka kik dawn zuau a, ka thulh leh, tunah chuan mahni a awm a mamawh ani ngei ang, Room ah ka let leh a, ka insiam sawk sawk a, ka puakkeh dawn niin ka hre ber, keimah chauh in hmun fal leh reh raih ah awm ila duhtawk in au nghek nghek ila ka ziawm ber in ka ring.

Gate pawn ka chhuah veleh kal hmasak na tur ngaihtuah in ka ding vang vang a, Mapuia bia ila athat ka ring, ka kalbo hma ngeiin Te-i hmuh ka duh bawk, Mapuia tello chuan ka hmachhawn ngam in ka ringlo, hemi chungchang ah kher hi chuan ka thiante pahnih an laktlak dawn miahlo tih ka hre kar bawk,

“Mapui...vawiin i buai dawn em?” phone a pick veleh ka ti nghal a, a thaw ham ham ri ka hria a, a in ngaihtuah anih hmel,

“I tihtur a zir animai..” a rawnti dam thluam a,

“Tuunah khawiah nge i awm?, ka lo kal ang “ ka tih zawm zat bawk,

“Tunah chuan Hotel ah ka awm a, ka chhuak tep, mahse, ka lo nghak ang che..” ati a, lawmzet hian min nghak turin ka ti a, ka thlen har ka rin loh thu ka hrilh nghal bawk.Taxi lo kal hmasa ber ka phar a, ka kal duhna ka hrilh a, mahse, Aizawl ti nuamlo tu, Motor tawt lutuk avangin duh ang in kan tlan chak thei derlo ,ka thin a rim hlur ringawt.Reilote tlan a thleng maithei tur kha Darkar chanve zet Hotel thlen nan hun ka hmang a, Mapuia pawn min lo nghah ka ring tawhlo hial,Mahse, Hotel kawt a a Car ka hmuh takah chuan ka thaw huai mai, lut chho lo in Pawn atangin ka Call a, a la thei derlo, ka ti nawn leh a,

                                                  

“Hey....” ka hawilet a, ka hnung maiah a phone lek lang chungin alo ding vung a, anui vur vur bawk, a ngainatawm takzet,

“Motor a tam over a,chuvang lawm ka lo thlen tlai..” ka ti nghal bawrh bawrh a,

“Pawi ti suh, keipawh Motor ken ka peih lo a, Bike ka lak tir a, an lo la thlenglo...” a ti a, Bike a khalh thin tih ka lo hrelo reng reng,kan inhriatna ala rei em em lo a, an chhungkaw chanchin pawh ka hre chuanglo,

“Ih..Te-i va tlawh ka duh a, a rem chuan?” ka ti a, min en deuh vang vang a, a bu ta nghut a, a ngaihtuahna engmah a hmelah a lang lo,

“A tha lawm, mahse, a hmuh chak che ka ring chiahlo a..” a ti sup a, keipawn ka ring biklo,

“Ka sawi tur hi a pawimawh lutuk a, ka hmuh angai, engmah in min dal theilo ang..” ka ti leh a, ka ti tak tak bawk,

“Um ,kan kal dawnnia, a harh Tawh a, Muansanga alo thleng tawh em?” ati leh a, ka bu nghat a,

“An inhauh chhan ka hre lo a,mahse, an inkarah ka tlazep niin ka hria..” ka thaw halh a, Mapuia bulah hi chuan engmah ka zep hranlo,

“Chutiangin ngai suh, an mizia i hria alawm, Inpa tan pawh kalsan mai a harsa ve a, khaleh chen an lo inkawp tawh a,amah vangin a thi thelh bawk si, engpawh nise theihnghilh ang” a ti a, kan bulah chuan Bullet nalh zet mai hi a rawn ding a,

“Le, kal ang...” a ti a, a rawn khalhtupa chu a chhuk a, Mapuia a lawn a, a hnungah ka thu kai ve nghal a,

“Ka tlanmuang thiam vaklo ania, min hnaih deuh rawh..” a rawn ti a, ka che hrat a, mahse, ka si chuanglo, chhuahsan dawn mahila Mi Nupui ka la ni reng a, mipa dang si chial a Bike a lo chuan ka duh lemlo,Damdawiin lam kan pan a, a khalh thiam kher bawk, a palian a, a in rah khalh pha zung zung bawk a, rilru nuam deuh in ka chuang thei tlat,Damdawi in bul Parking ah Bike a dah a, a piah ah ka lo nghak a, diktak chuan ka zam takzet,

“Carolyn-i a awm angem?” ka ti leh rih a,

“Aih, a haw rih a,Te-i nu a awm, nizan khan kan mengtlang hlawm a, tunah chuan a harh tha vek tawh a, a nu chiah a awm ang “ a ti a, a bawp sei pui a a pen pawk pawk chu ka zui dat dat a, Carolyn-i a awmlo tih ka hriat na chuan tlem in min ti ziawm deuh, Cabin ah an lo awm a, an khawsa thei a, amah a lar bawk a, Cabin pawh an chang awlsam khawp ang le,Kawngka a kik a, Hmeichhe aw hian lut turin min rawn ti a, ka khur ru dar dar mai,Mapuia hnungah ka ding a, mahse din reng theih ni heklo,min hmuh rual chuan a mengphar awk a,

“Ka hmu duhlo che...” a ti that bawk, ka beisei sa ani bawk a, min thawng lutuk lo,

“Te-i, a pawimawh alawm, bakah a ngaihtuah che a..” Mapuia chuan min lo chhan thuai a,

“Tu nge i nih a?” Nu upa lam lo awm ve chuan min rawn ti a, a hmel ah chuan Te-i nu ani tih hai theih anilo, an in ang lutuk tlat,a tawngkam a no lo hle lehnghal,

“Muansanga Nupui, Zualbawihi anih hi...thu la, ding reng lo khan..” min hnem nan a nui suk a, a bulah ka thu ve a, Te-i nu min melh dan chuan ka awm a ti nuam hlawllo, min that chak hmel hliah hliah mai,

“Hetiang a ka awmlai min hmuh hi nuam i ti tih ka hria..” Te-i bawk chuan a ti leh a, min melh ran bawk, kei aiin a upa zawk a, mahse, a upatna a tamlo,

“Nilo, biak che ka duh a, ka inthiamloh vang a lo kal ka ni bawk a...” ka ti sep a, min melh ran ran mai,

“Nu Hmuak, chhuak thawveng ila, Zualbawihi hian Te-i hi biak duhna a nei a...” Mapuia chuan a ti dam thluam a,a hnial dawn emaw ka ti hman a, mahse, a tho a,

“Nia, atha khawp ang chu, mahse, ka ring ngam dawn em ni?” a ti leh talh a, za lo zet hian ka nui a, ka rilru hria se chuan ti hian min ti hauh lo ang mawle,

“Engmah a tilo ang, Te-i pawn sawi duh a nei in ka ring...” a ti leh a, ka hriat ve loh thil inthup dang ala awm anih hmel cheu mai.

Min chhuahsan takah chuan a reh ta thiap mai, tumah kan tawng chaklo tih hriat zet hian kan ngawi dun ran mai, mahse, ngawireng thei ka ni ngawt lo,

“I rin ang khan ka rilru ah sual engmah a awm lo, vawiin hian ngaihdam dil che ka duh a, Muansanga nen ka tihbuai zia che u hi ka ngaihtuah a, thiamthusawi tur engmah ka neilo...” ka hrawk ah min hnawh a, hetiang em em a tlawm hi ka la nei ngailo, phawk zet hian min melh a, a tum loh lam ka sawi anih hmel,

“Tunah hian Muansanga ka chhuahsan dawn a, kan Inneihna hi Hmangaihna vang anilo a, ka tihtur ka zo tawh a, ka kalsan a hun tih ka hria, in induhtawn zia ka hai heklo, min ngaidam turin ka ngen dawnlo che, mahse, ka kalsan hun ah erawh atan Nupui tha ber niturin ka ngen duh che..” ka Mittui rawn tla tur chu duhlo in ka khap sak sak a,

“Mahse....ih, Muansanga khan a hrilh tawh vang che ani em ?” a ti bah nawk nawk mai, ka lu ka thing a,

“I damlo tih pawh min hrilh lo, Dan angin a Nupui ka la ni a, a mualpho na tur ka duhlo, tunah pawh Nupui nei chunga Nula kawp ang in alar maithei ,chutak chu ka duhlo, a nun ka tihchhiatsak tawh hi ka rul thei lo a, mahse, ka kalsan hian in pahnih tan thil tha ti ve ah ka in ngai thei chauh ang,ani chuan Ka pa a zah avangin min then dawnlo tih ka hria, keimah ka kal a tul animai...” ka ti leh a, tunah chuan na vawng vawng mah ila ka thawl huai lawi bawk.

“Ih, chutiang teh thut ka beisei lo, mahse, Muansanga chuan ka Rai tih a hrilh lo che ami?” ati leh a,vawi engzat nge hetiang thu thinthawng lutuk hi ka hriat la ngai ang le??!!!,

Ka lu ka thing a, ka nui bawk, ka nuih chhan erawh ka hrelo, ka mawl vek ti ila a dik in ka ring,

“Ka lawmpui che, i rilru lo ti hah reng reng suh, ka kalsan tawh mai ang che, hlim ula ka duh ber” ka tho a,

“Zual.....ka lawm e aw, min pek kir leh avangin...” a mit ah mittui a tling pam a, kei erawh tah chakna pakhatmah ka neilo, ka nung lo, mitthi nen ka danglamna a awmlo.

“Ka pekir lo che, i ta a nisa reng zawk alawm” ka nui lui leh sak a, kawngka ka hawnga, dimte in ka kharleh a, tunah chuan mihring ka ni ta lo e,Mapuia ka zawng a, Gate bulah Phone be chungin alo ding a, tunge a biak ka hrelo ,Te-i nu erawh ka hmulo thung, a bulah ka va ding a,

“Kal ila....” ka ti a, min rawn en vat a,

“I hman ami?” a phone a dahthla a,

“Um...mahse, i helmet..”ka ti leh rih a, a inher vut a, Room ah a let leh a,let leh chakna ka neilo,a rawn kir leh thuai a,kan kal tlanchhuah thlengin ka tawng leh ta lo hrim hrim, ka rilru buai nuaih nuaih chu tihfim tumin ka mit ka chhing vang vang a,

“Khawiah nge ka Drop ang che ?” Bike a ti ding a, ka hawikual a, kal na maitur ka hre miah lo, mahse, ka tibuai ringawt thei chuanglo,

“Khawiah nge i kal leh dawn zawk?” ka ti let a,

“Hotel ah ka let leh angai a, mahse, i duhna ah ka thlah thei tho che a..” ati leh a, ka lu ka thing a,

“Angailo, Hotel thleng chu ka kal ang a, abak chu Bazar lam ah kal ka ngai a” Dawt ka sawi ta ngawt, kan tlan leh a, Hotel kan thlen in lut turin min sawm a ,mahse, ka hnial a, MC lam ka pan san ta zawk a, min ngaihtuah hmel deuh a min en kha ka tuar thei thlawt lo,

“Ding leh phawt teh, ka hna chu nakinah animai, tunah chuan nangmah a awmtir chi i ni lo tawp” ka banah a rawn chelh thut a, ka chhan let hma in min kai let a, duhloh pawh ka sawi hmanlo,ka zui dat dat a, a Office ah kan chho a, ka kut a vawn erawh a thlah tawh thung,

“In tur i duh em?” a ti a, ka lu ka thing mai,

“Engthil in nge tibuai che ka hrelo, Te-i nen in chungchang zawh che ka tum heklo, mahse, tanpui theihna che ka nei anih chuan..?” a ti a,a Dawhkan lianpui nghengin a ding a, kei erawh hawi chhuak ngam lo in hnuai lam ka melh ran thung,

“Engmah diklo a awm hranlo, Te-i ka hmuh khan hrehawm ka ti em ani “ ka ti sep a, ka mittui a rawn hnai leh kuar mai, a changin mithi ang maiin awm thin mah ila mihring pangngai leh mi nung ka nihna alo lang leh thin,

“Sawi mai la...” ati leh sup a, min nawrlui chiah lo mahse sawi ila ka thawl hawk ka ring ve ta hial, Mapuia hi chuan min nuihsawh in ka ring hran lo,

“Muansanga hi then ka duh a, chuan ,Te-i nen an hlimna ka dal ni a ka hriatna hi a bo ang ka ring, ka nun pawh a zalen zawk ang..” ka ti a, ka hawichhuak a, a mit ah tak ka en a, a mit a ti zim a, ngaituah muk hmel deuh hian min en ve ngur bawk,

“I pasal thiamloh na lai ka hmu miahlo..” ati boh a, ka lu ka thing nawk a,

“Nilo, tumah an thiamlo lo, keimah hi ka diklo, Muansanga nen hian kan inkawp hmasalo, Ka pa vangin kan Innei tawp, Nupa der tih kha thil dik tak ani, mahse, atthlak zet in ka lo duh hman a....ka ta ni ngailo tur hi ka ta ni se ka lo ti a..” Ka mittui a rawn baw zawih mai, ka insum hman nganglo,a rawn kal phei chu ka hmu phe ruai a, ka bulah a rawn thu a, min rawn kuah a, ka hnial hauh lo, min hnemtu tur ka mamawh em em tlat ani,Rempuii tal awmse a ziawm tur,ka mittui a far zung zung a, engmah sawilo in ngawirengin min kuah a, ka hnungah a chul hauh hauh ringawt,mahse, thu tamtak sawi aiin a awmdan chuan min hnem zawk.

Ka duhtawk a ka tah zawh meuh chuan ka thawl hawk mai, ka inla hrang thuai a, ani pawn min kuah luih a tum chuanglo,

“A va zialo em..” ka ti a, ka nui lui hak bawk,

“A ho em mai, thian kan ni alawm, mahse, hriatsual i nei anih ka van ring em, ka thianpa hi ka hrechiang ka tih thin kha, a duh vang che nilo chuan a nei che in ka ringlo tak tak” a ti leh a, na zet hian ka melh a,

“Nilo e, inremsiamna kan nei alawm..mahse, tunah chuan kan kawng ve ve kan zawh angai tawh, Fa an nei thuai dawn a, ka hmu ngam in ka ringlo,bakah Nu leh pa karah Naupang hi seilian se ka duh ber “ ka ti leh a, ka tahna avangin ka aw a lawi vek,

“Maw?..Naute a?” a ti hu a, a hma khan a hria emaw ka ti a, ka nui sak a,

“Aw, Naute, a hmeltha ngawt ang.” Ka ti a, a tawng tum ang zuau chu ka tawng khalh leh a,

“Min thlah la, tunah chuan insiam ka mamawh ta ber mai” ka ti a,

“Thil diklo a awm, Naute chungchang kha...” ati leh a, ka thle bak a,

“Tunah hian ka mamawh che ania aw,min thlah ka ngai ania” ka ti leh a, a ban seipui chu a phar hluai a, tihngaihna hrelo in a dahthla leh a,

“Anih chu ,mahse, khawiah nge i chen ang?, in In lah kha i nuhrawn chiah a awm tawh sia “ a ti a, kan chhungkaw awmdan a hria tih ka hria,

“Ka ngaihtuah mai ang..:” ka kal tur chu min rawn man bet a,

“I kalna tur zawng zawng engkim min hrilh dawn lo anih chuan he Room hi kan chhuahsan lo ang “ tun tum chu ka thian Mapuia kha ani ta lo,beidawng zet in ka “aw” ta nge nge.


In ah min dah a, a let leh nghal a, Ruatfela leh Sangpuia ka Call a, ka awmna tur ah hruai ka ngai dawn tih ka hrilh a, ka call hun nghak turin ka ti bawk, Muansanga Car alo awmlo a, a chhuak leh tawh tih hrilh ka ngailo, Te-i nen duat tak in an Fa lo piang tur chanchin an sawi dun tawh ngei ang,tawk tawh rawhse, ka buaina chauh ka ngaihtuah tawh tur ani,Liam tur chu liam mawi rawhse, ka ta ni ngailo tur chelh beh tum a ka buaina hian engmah min thlen dawnlo.

Muansanga lo haw lai in ka lo inpeih fel at tawh, ka thawmhnaw tam zawk erawh chu nidangah ka la leh ang, ka theih ang ang in ka khung fel vek tawh bawk,Room ah rawn lut lo in a Room lam a pan a, min hmu peih lo ani mahna, a rei ta phian,a rawn luh vat loh chuan ka pan angai ang, a Room pan tum a ka tho chhuak chiah chu Room kawngka ah a rawn dak ve chiah a,fel at in ka ding a, ka kut ka hum ruh a, thinrim a chhuahsan ka duhlo,

“I ril a tam em?” a rawn ti a,

“Tam lo e, ka be duh che a, ka lo nghak che a” ka ti a,

“Khawiah nge kal leh i tum a?” ati a, nelawmna tel miahlo hian min en run bawk,

“Ka chhuak leh dawn a,mahse,Tunah chuan ka chhuak hlen tawh dawn a, i tan phur rit ka lo ni tawh thin a, i buaina tur tamtak ka siamsak bawk che, Ka pa i zah avangin i Duhtak pawh nei theilo in kei min neih angai a, ka Pa a dam tawh chuanglo a, heng thil hi chu tawp tawh rawhse, ka chungah i tha hle a, lawm pawh ka lawm,ka bungrua hi ka keng vek thei dawn silo a, a remchan veleh ka rawn la ang” ka kutzungtang a kan Inneih zungbun,Rangkachak kual awm chu ka phawi chhuak a, khum bul a Cabinet hniam te ah chuan ka dah a, ka sawi tirh atang khan ala chesawn leh lo reng reng, Khum a ka Bag awm chu ka la a, ka thwmhnaw dahna Bag lian lutuk lo leh Suitcase chu ka la leh bawk a,

“Ding rawh, i kal ringawt theilo...” a ti tuar a, ka phu zawk bawk, mahse, hmel pangngai thei ang ber in ka hawi let a,

“Thil tih dikloh dang ka nei em?” ka ti a, min rawn pan a,

“Ka then ve lo che...” min rawn ban a, ka tawlhsawn vat bawk,

“Keiin ka then che , eee...Ka pa thil neih te, kan chhungkaw chung a thil thleng diklo awm zawng zawng te kha chu ka rawn chhui chhuak vek ang, ilo in ring dawnnia..” ka inher leh hmak a, ka thil ken lai nen Room ka chhuahsan lai chuan milim ang maiin a ding khawng luh ringawt.

Gate pawn ah ka ding a, In lam ka en let ngam lo, tah ka duh heklo.

Chapter – 18

Naute tap ri ah ka harh a,ka thu chhuak nghal a, ka mutna bul chiah a Naute khum tereute awm chu ka pan nghal thuai bawk,a lo meng kiau a, a kut tereuhte, chum biang chu a ti che vat vat bawk a, ka pawm chhuak a, a hnungah na lo te in ka chul hauh hauh bawk,rei vaklo hnu ah chuan a muhil leh ta bem a, ka mut that tir leh a, ka thlir vang vang a, a hmelthat zia chu sawi ngaihna ka hrelo zawk, a sam dum hlap leh a mithmul kual ve raihte, engkim mai chuan a Pa min hriat chhuahtir lo theilo, mahse, tunah chuan Te-i leh a fanu nen khan hlim tak in an khawsa ang, min hrechhuak fo in ka ring heklo.

Muansanga ka chhuahsan atangin kum 2 a tling tep tawh, ka pa chungchang a hriat theih ang ang ka lakhawm a, Mapuia ka bulah a awm reng thin bawk, Ka nu hrawn khawsak dan engkim hriat tumin ka bei a, harsa tak ani,engkim hrechiang em em tu Muansanga nen kan inbeih tel ala ngai cheu bawk,pawita ber erawh chu kan inthen hnu ah ka ruak lo tih ka hre ta chauh a,ka tah nasatzia kha,pawi ka tihna leh ka lawmna a inzat reng mahse, Jayden-a lo pian veleh khan pawi ka tihna zawng zawng a bo nghal vek, a hma a ka awmna tur a kan tih ah khan ka awm ren rawn hman a, Mahse ,Mapuia puihna in In dang ka luah ta zawk a, ka thiante 2 in engkim min tihsak vek bawk,Rempuii ka bulah a theih anga tam a awm a, tuman Muansanga chanchin an sawi chhuak ngailo.

DoorBell ri ah ka harh zawk a, ka tho chhuak nghal a,ka lo muhil leh hman chu niin, Jayden-a khum ka en nghal a, alo la muhil tui phian, mut a duh takzet, ka kalsan a, kawngkhar lam ka pan a,ka hawng a, Rempuii alo ni a,

“Ehe...i va hma ve “ ka ti hluai a, a rawn lut a,

“Ka walk a, Jayden ka hmu chak lutuk a, ka lo kal kual lawk, ala mu ami?” a ti nghal a, room lam a pan a, ka ringhlel lo, ka neih hma atangin min buaipui tawh a, ka neih hnu ah pawh kei mah ang tho in a khawih tam viau,Naute enkawl ka zeilo em em a, Nu zilhna leh enkawlna dawnglo ka nih avangin hmeichhe thawh chi engmah thiam ka nei mumallo, min tihsak tu tur ka nei reng bawk nen, mhse, tunah chuan keimah in ka in enkawl na pawh kum a tling tawh a, ka eitur siam te pawh la tha tawklo mahse a ziawm ta viau, Nau awmtu ka neilo a, Ka Ac a Muansanga pawisa min dahsak kha a tam thawkhat viau a, mahse, engchen nge hna thawk theilo a ka la awm dawn ka hriatloh avangin ka hmang pawp pawp theilo, Ka pa chungchang ka hriat duhte hre turin ka buai a, keimah ka chet chhuah theih tak loh avangin midang ka ruai a, a hautak viau bawk.

Room atangin Rempuii a rawn chhuak a,Thingpui ka lo chhuang mek thung,

“Chaw ei ve nghal daih la..” ka ti a, a lu a thing a,

“Thingpui ka in anga ka duhtawk mai,Nizan chu Hriatpuia alo leng a” a ti a, sawizawm lo in a ngawi leh ta daih a,Hriatpuia nen an inkawp tih ka hriat tirh a mak ka tihzia kha...

“Zan dangah pawh alo leng fo a, thilmak ani hleinem..” ka ti a, ka nui a, ngaihtuah muk hmel deuh hian a melh ngai a melh vang vang a,

“Nia, mahse, Muansanga chungchang a sawi a...” lehlam ka hawi vat a, a chanchin hriat ka duh ngailo, ka ngaihven lo hrim hrim zawk,

“ Enteh, Nu Sangi hmuh ka duh a, tunlai a awm em?’ ka ti ta daih a, a bu nghat a,

“A awm in ka hria, Pasal angreng a neih kha i hria tiraw?” ati a, ka mengphar awk mai,

“Aih hrelo, chutiang a lo nei amaw?, Ka pa lung pawh kan la phun silo a” ka ti zuai raih mai, Muansanga leh Te-i an inzui leh takah chuan a beisei ngam ta lo ani ngei ang.

“Nia, an sawi a, ka lo hreve lo a, nimin khan ka hmu a,ala upa vaklo, nanglah Fanu neihchhun ve si tihian i awmta mai mai a” ati leh hap a, thingpui ka siam a, a hma ah ka dah a,

“Nia, mahse, ka hlim alawm, khawvel a Naute tha ber ka nei bawk a” ka nui a,

“Mapuia hi alo kal dawn em?, vawiin hi Jayden-a Damdawiin kal pui angaih ni kha ani sia ” ati leh a,

“ A lo kal ang, nizan khan min rawn bia a, min kalpui a hman anih ka ring, ka huphurh thin,Jection hian a khua a sik thin a” ka ti a,

“Thinrim suh, ka sawi leh lawk dawn, Muansanga chuan Te-i kha neih a tum ta aniang” ati leh a, ka nghing deuh lawih mai,

“An innei daih tawh emaw ka tia “ ka ti sep a, tun hi a chanchin ka sawi leh hmasak ber ani ngei ang,kan inthen hnu ah ka sawi ri leh ta ngailo,

“Neilo, Muansanga hi a khawngaihthlak viau mai, mahse, ka hrelo, Hriatpuia chuan a dem che a, engmah hriatchian tumlo a ti che a, Mapuia i neih duh vang a ti nek bawk a” ka beisei loh lam ani...

“Huh....a duh duh in lo ngai rawhse, ka pawiti lo,a thianpa a hrechianglo em mai,Mapuia nen kan inkawp loh zia hria se a nuih a za ang” ka ti a, min en ran a,

“Aih, kei ngei pawh hian Mapuia hian a duh che tih ka hria alawm, tu mipa mah in hetiang in an thiante Nupui hlui an buaipui ruai lo ang,hmeichhe dang a thlah vek bawk..” a ti nghat a, keipawn an sawi ngailo in ka hria, mahse, hetiang zawngin ka en ve thei tlat lo.

Rempuii haw hnu ah thil tamtak ka ngaihtuah a, a sawi kha a dik , mahse, Hriatpuia khan thil hriatchian tumlo min ti a, engmah Muansanga lakah hriat belh tur ka nei lo,kan inthen khan min koh let ka beisei ru em em a, kal lo tur pawn min ngen hial ka lo beise ru anih kha , mahse, a teuhlo, min dang eihlo, min rawn be heklo, kum khat tal tap amah vangin ka tap a, ka fa lo piang tur keimah in ka buaipui a, khatih lai chhung zawng khan Mapuia awmlo se ka tan dam ngaihna a awmlo, kan inthen tih ka Nuhrawn in a hriat khan min rawn be ve ngei a, In a haw turin pawnlang tak in min rawn sawm bawk, ka duhloh thu ka hrilh a,ka dul a len viau tawh hnu khan Muansanga nen tum loh deuh in ka inhmu a, mahse, min hmulo der zui ta hmak anih kha, mahse, tuman a fa neih thu an sawi miahlo, nilo..ka hriat laiin a chanchin an sawi ngailo ani zawk.

Mapuia lo thlen lai chuan kan lo inpeih thlap tawh, Jayden-a a pawm nghal a, a kuah hlu hlu mai, tu emaw hi chu ala vannei khawp in ka ring,

“Tlaiah ka thiante nen tihtur kan nei a, lo kal ve ula..” a ti a, min en lo in Naute a en a,

“Naaa....i nupui emaw min ti mai dawn asin” ka nui hak a,a nui ve a,

“Pawi ka tih loh zawng tak, tak tak in tu emaw hmelhraittir tur che ka nei a, tunah Motor ah min nghak a” ati a,

“Ehe....Jayden-a hian Nutei a nei dawn anih ka va ring em?, ani em?” ka ti a, a nui suk a,

“Keipawh ka ring deuh...” ati tha ve mai,Jayden-a a pawm chhuak a, ka Bag ka khai a, ka zui chhuak a, Motor ah chuan Hmeichhia ka hmuh tawh ah chuan a hmeltha ber ka ti theilo, a hmeltha pawl chu ani ngei ang, alo thu a, alo nui var var bawk,Mapuia nen chuan ka en tawn a, an inhmeh takzet,

“Asang....hei Jayden-a nu chu aw...a hran pawn sawi angai tawhlo ang, in nufa hming a hre ngun lutuk tawh” a nui huk huk a, a kut a rawn phar chhuak a, ka lo vuan vat bawk,

“Ekhai, ka rin aiin i bum thlu tha tlat, ka hmu che chu ka lawm e” ka ti a, ka nui a, Jayden-a min rawn pe a, ka pawm a, Seat hnung lam kawngkhar chu min hawnsak a, ka lut a,Mapuia pawn min kalsan leh dawn ta anih hi, mahse, ani pawh hi engtiklaimah in ka ta ani ngai hleinem, ka thian ani a, ka tan a hlutzia haider thei ka nilo,a bul a thu chu a kut a vawnsak zauh a, ka hawisawn a, a en dan zawng zawng ah pawh a duh zia haider theih anilo.

“Tihtur dang kan nei a, ka drop che u anga, ka lo lam leh mai dawn che u nia” Hospital kawt ah kan ding a, tlem in ka na zawk, ka thik vang anilo mihring nihphung ani, kan thian leh chhungte, kan ngainat te lakah chuan kan thikthu a chhe fo thin, mahse, ka ti lang lo.

“Angailo ang, kal kualna tur ka nei alawm” ka ti a, a zeilo chi ka ni bawk nen ka inpawm bawr lak mai,

“Min rawn hrilh ang che, in zawh hun ah..” a ti a, a bul a thu pawh chu alo nui ve sang tho,ka lu ka thing a,

“Ngailo tak tak, len na tur ka nei a, ka lengkual teuh dawn” ka nui lui sak a, khawiahmah kalna tur ka nei lo.

“I ti tak tak em?” a la ti ta fo, ka bu nghat a,

“Kal ru, in tlai ang “ka ti leh a, ngaihtha vak lo hmel hian min en a, an tlan liam thleng ka thlir zui a, tunah chuan ani pawh nupui neih a hun ve tawh takzet, keimah vang a inhambuai reng turin ka duh heklo,

“Kal ang le, I pu khan Nupui ala nei ve thuai dawn anih kha..” ka ti a, diktak chuan ka thian aimah in Nuta ang in ka en mah mah zawk.

A taksa tereuhte a hriau a damdawi an kap lut lai chu ka en ngamlo, lehlam ka hawi a, midang kalve tamtak te chu a then an Pasalten an kalpui a, mahni chauh a kal pawh an tam, tumah ka awt hranlo, an Jection na lai tih fuh hlau tak in ka pawm a, a tlei em em a, a tap ngailo tluk ani, eng ngemaw na anei anih erawh chuan a tlei lo ve deuh thin a, Taxi ka chang a,

“Rawn lut rawh” ka bul a Car rawn ding atang chuan a rawn ti a, ka hmelhriat ani emaw tiin ka zuk en a, Nilo....Muansanga...ka hawisawn lehnghal a,ka hnung lamah midang an awm emaw ka ti a,

“Zuali..” ring vaklo hian a rawn ti leh a, kawngkhar a rawn nem hawng a, a hnung a Motor chuan Horn a hmet ri tuar tuar bawk, luh mailoh chu tihngaihna a awmlo, Jayden-a ka pawm tha a, an chiuna lai ka khawih fuh palh hlauh,a te that a, ka thut fel veleh a tlan chhuak zui animai, nidang anglo tak in a bang duh der lo,ka thlem a, ka bia a, a bang duh chuanglo,Hnute hnek tir ka duh, mahse, thih hreh in ka hreh thung, Nupa kan lo ni tawh a, vawikhatmai nilo ka taksa pawh vawitamtak a hmu hman,mahse, tunah chuan ka hreh em em ani tawp mai, a tap uar zual sauh a,

“Bawihte...Tap tawh lo teh..” ka pawm bet a, a hnung ah ka chul sak a, a tap zawi tial tial a, a muhil ta ani ngei ang,

“Ngatinge khati khan a awm a?” a rawn ti sup a, ka melh zawk a, ani erawh chuan hmalam a melh run ringawt,

“Ka Jection tir a, ka khawih fuh palh a, chuvang aniang, a tap ngai manglo” ka ti duah a, a thensuk a,

“A hmeltha hle mai” a ti leh Boh a, kan inthen hnu ah ka hmu khat hle a, tunah chuan alo lang upa lehzual in ka hre ta, amah a mi hipna awm thin erawh ahma aiin a nasa zawk,a kut ka en kher a, ka beisei loh tak in kan inneih zungbun ngei kha alo la bun vang mai,engvangin nge ala bun kher?, tunah Nupui a nei leh dawn a, kan inthen hnu khan a phelh mai ka lo ring ve tawp asin le.

“In Naute a tha em?” ngawihreng nuam tilo tak in ka ti a, a thaw hawk mai,

“Um, tha ang ka ring” a ti ringawt, a hmu ngailo ani ngei ang,

“Rempuii khan in innei dawn hnai niawmin a sawi a, ka lawmpui lutuk che u ania” ka ti leh sap a, pawn lam a kan tlan pelh lam chu ka thlir a,

“A sawi dik anih chu” ati leh mai a, han sawi tur ka hre leh tawh lo,

“Kan In lam kawngah kan va kal lo ve” hlauthawng deuh hian ka en a,

“Kal nang, ka haw dawn a, i kalna lam tur i sawi silo a, ka In lamah ka kal mai” a ti duh lek,ala ngeiawm reng mai,

“Nilo, ding rawh, tah hian ka chhuk ang” ka ti hmak a, ka tawng hrelo niawm tak hian a khalh zel a, ka zuangthla ngawt ngam silo,a In kan thleng tep tawh lehnghal, engvangin nge a Motor ah ka chuan kher kher le aw??

Gate a hawng a, a tlan lut a, kawtah chuan Pi Biaki alo awm a,Zoi alo awm bawk, Zoi nen hi chuan kan inthen hlim pawh khan kan inbe zauh zauh a, ka chhuak tih a rawn haw hnu ah a hre chauh a, a rawn tap deuh par mai, mahse, kan inbiak fo chuan Muansanga chanchin ka hriat fo angai dawn si a, ka number ka thlak hnu khan ka be nawn leh ta lo.Ka chhuak hreh lutuk ringawt, ka thu lui deuh ran a,

“I chhuk dawn nge In nufa khan ka pawm chhuak dawn che u?” a mit a ti zim san a, ngei lutuk hian ka melh nghek ringawt, a nui huk a, a chhuk zui nghal a,

Ka chhuak min hmuh rual in te that chungin Zoi a rawn tlan phei nghal a, Pi Biaki pawh a au chul mai,

“Awi...khawimaw Bawihtea chu ka lo en “ min rawn din chilh a,

“A mawng ah an Jection a, khawih dim angai ania aw..” ka ti a, ka pe a, Pi Biaki pawh a rawn thleng chawpchilh ve nghal mai,

“Ekhai....a Pa a va ang tehlul em”
a ti hluai a, Muansanga erawh a dingkhawng luh ringawt, ka then sak a, Muansanga hian a Fapa ani tih a hria tih ka hailo, mahse, engtin nge midang hian an hriat vek ka hrelo.kan inthen khan ka la puar lo a, keipawn ka rai tih ka hre heklo,

In chhungah kan inzui lut a, engmah thil danglam ala awm vaklo, Bungrua pawh an la thlakdanglam lo, Bang a thil intar chuan ka mit ala chat mai, kan Inneih thlalak, Living Room bang a intar chu ka melh vang vang a, kan chen dun chhung khan kan tar ngai miahlo,a khawsak dan amak hle mai,

“Inchungah lo chho lawk teh, ka be duh che ania” a ti hmuk a, midangte lah chuan Naute ngawt an buaipui a, engmah hre awm pawn an awmlo, hreh zet hian ka zui chho a, diktak chuan ka pa Boralna leh a thilneih neih let tum a ka beihna ah hian Muansanga diklohna engmah ka la hmu chhuak zo lo, Ka nu hrawn leh Midang tih ani zel a, awhtir tum tlat mah ila a hming engmah a lang silo,ka beidawng ru lek lek tawh ani ber,Library ah a lut a, ka zui lut a, kawngka bulah ka ding khawng at mai, Drawer atangin Envelope eng a rawn phawrh chhuak a,

“Hei hi i chhuahdawn khan i theihnghilh a,i Pa kutziak leh thil pawimawh anih hmel khawp mai” a ti fan ruih a, ka lungphu a rang nghal dawt dawt mai, ka kengchhuak ngei khan ka hre si a, ka ban vat a,

“He thil hi ka theihnghilh miah lo, ka keng chhuak alawm ,khawiah nge i hmuh?” ka ti hmak a, ka aw khur dar dar chu ka ngei takzet bawk,

“I kenglo ka tih chu..” a ti hmuk a, ka inher a,

“Ka Fapa hi a chang chuan hmuh ve ka duh thin a” a aw ah chuan na tuar a ang hle bawk, ka hawilet leh a,

“Tu chanchin nge i sawi ka hrelo, mahse, Jayden-a hi chu keima fa liau liau ani, min ti buai suh ang che” ka ti dam thlap mai, thinrim a au vak vak chi ka lo ni lo hlauh hi tangkai hun a tam takzet,ka chhuak zui nghal hmak bawk, mahse, hneh zet hian ka banah a rawn hmer a,

“Ka fapa ani ve tho, eng ang pawn sawi la a Pa ka ni, Mapuia hi a pa nih tir tum eng ang mahla ka fapa ani” a aw a ringlo a chiang hle thung, tawngkam in ka chhanglet theilo,a biang a ri thuai a, ka kut thla alang kalh bawk.Engtin nge Mapuia chanchin khatiang a a sawi ngam zawk ni??

“Min thlah rawh, vawikhatmah min khawih leh tawh suh” ka ti a, ka kut a vawnna ka thing thla sawk a, inhnuai panna Step ka pan nghal a,thil tamtak tisual tu hian engtin nge sual zawk ah min ngaih tlat theih?, mihring mak leh rapthlak tak ani.Te-i nen fa an nei a, chuti chung chuan engmah ka sawi buailo,ka rai hnu ah pawh an hlimna tih chhiat ka hlauh vangin engmah ka hrihlo,mahse, thiamlo zawk ah min puh leh ta tho anih hi.

“Pi Biak, ka haw duh a, Jayden-a kha a khua asik ka hlau a, khawngaihin Driver awm an awm chuan min thlah thei angem?” ka ti a, a bu nghat a,

“Rama a awm kha, kan ko ang” tih leh thawh a rual nghal a, Zoi nen kan zui chhuak a, Rama’n min hmu thut chu a mengpawk hra mai,min hmuh khat bawk ani,

“Ilo kal alaw?” alo ti thuai a,

“Lo kal lawk, ka haw leh nghal dawn a, min thlah thei angem?” ka ti a, ka hnung lam a en a,ka hnungah Muansanga a ding tih keipawn ka hrethei,

“Aw, thei e...i hman chuan kal ila” a ti awlsam mai,kan tlan chhuah dawn chuan ka hawilet a, mahse, Muansanga lut tur chiah ka va hmu hman a, a dar hlaipui mai chu a tikum hlun a, a kun ngul bawk, ka khawngaih thut a, Nilo...ka khawngaihna a mamawh reng renglo.

Kan tlan mawp mawp a, ka hrechhuak thut, Rama hian kan In awmna lam a hria,ka en thuai a,ka malchungah Jayden-a lah chu a thu ngawi hmak a, a toys ka ken sak a khalh bawk a,

“Kan In awmna ka hrilh silo che a...” mak ti zet hian ka en a,a nui var var a,

“Hrilh ka ngai hleinem, ka hresa alawm” a ti awlsam leh mai,mak ka la ti zual sauh,

“Engtin nge i hriat a?” ka ti leh talh a,

“Kum khat zenzawn chu In inlan theihna ah thlatin vawi nga aia tlem lo ka lo kal ziah a, ka hre hneh khawp mai” a la mak ta deuh deuh,

“Ha...kan thenawmah Bialnu ilo nei reng animaw?” ka nui hak hak a, lo ngaihtuah chhuah tawh awm tak..

“Neilo e, i in bul chiah ah khan Tlangval pakhat in rawn luah thar an awm kha i hria em?” ala ti leh a, ka ngaihtuah vang vang a, thla thum vel kalta atang khan Tlangval pakhat, lian leh hmelpawh chhe lemlo tak a rawn insawn tih ka ngaihtuah chhuak a, kan inbul hnai tak ani bawk a, ka Inluah Gate bul maiah pawh zan ah leh engtik hunah pawh ka hmu ngun khwp mai,

“Um, hria e, i thianpa ami?” ka ti leh a, a bu nghat a,

“A ni mai ang chu..” a ti a, In kan thlen in lenglut turin ka sawm a, mahse, min hnial thung, a let leh nghal chu ka thlir a, inchhung kan luh hma in kan In neitu te Fanu tleirawl ek ek chuan min rawn ko a, ka Fapa hi a duh em em a, min pawmsak fo bawk,

“Khawnge in kal a?” a rawn ti a, kan kalna ka hrilh a, Naute min pawmsak nghal bawk a,Gate ka hawng a, min rawn zui lut a,

“Ilo haw hma deuh khan hmeichhe pakhat alo kal a, a rawn zawng che a” a ti a, Rempuii anih ka ring thut a, mahse, ani kha chuan ka chhuak dawn tih a hria,

“Tunge anih a sawi em?” ka ti a,

“Um, i Nu a inti a, ala upa vaklo, a hmeltha bawk, mahse, Nu i nei tih ka lo hrelo a” a nui ar ar a, Tleirawl mai ala ni a, sawi awm leh awmlo a ngaihtuah vaklo,a rilru a awm a sawi pawp pawp mai zel,

“He...ka Nu hrawn anih dawn chu, ka nu a boral tawh alawm, eng nge a duh a sawi em?” ka ti leh a,

“Aih, ka be tlang theilo a ti che a, a hmanhmawh hmel lutuk” a ti liam leh mai,ka rilru a buai map mai, min hmuh a duhna tur awm ka hrethiam tlat lo.

Zanah Muansanga hnen atangin Call ka dawn a, mahse, ka pick lo, biak duhna ka neilo, ka number a neihna ka hre heklo, Mapuia nen reife kan inbia a, ka Mut tawh hnu ah ngaithuah chhuah ka nei a, ka pa lehkha dahna ka lak kha ka en leh duh tlat, ka hming a dawr awm kha ala awm reng em tih te pawh en ka duh, a tir khan ka thinrim avangin en nachang ka hre silo,khumah ka bun chhuak a, thlalak ho zawng ka khung leh a, ka hming a dawr awmna lehkha a awm lo, a hma pawh khan ka hmu chuanglo a,ka pa lehkhathawn erawh angai in ala awm a,Muansanga ka biak angai,

“Khawiah nge Ka pa Dawr leina ka hming a i dah kha a awm?” ka ti nghal tawng, a rum hawk ri ka hriat hmaih lo,

“Ka kawl, ka mamawh a, ka hmanzawh ah ka pe ang che” a ti dam thluam mai,

“Ramhuaipa, tunah min rawn pe rawh” ka ti nghek, mahse, Phone a Off hmak thung.

Bum nawn leh ni a ka inhriatna te, rilru natna, tlawm intih na, ka kawchhung a let but but a, mumal ka neilo,ka muhil manglo,

“Zualbawih...pawnah ka awm” phone ka Pick veleh ka mi chhawrpa in a rawn ti a, ka tho nghal a, ka va hawnsak a, ruah a sur avangin a huh phung bawk, Towel ka pe a, Sana ka en zauh a, zinglam dar 3 a hnai kuar tawh,Thingpui ka siam sak a, a thawmhnaw a huh avangin vawt tiin a khur hlak hlak bawk,

“Engthil nge nita?” ka ti a, mak ka ti deuh hlek, ka chhawr hnu ah ka tan a tangkai eng vakmah min la hmuhsak tlat lo,hmanhmawh lo turin min ti ringawt zel a,a chhui chhuak tep tih a sawi awl lo bawk,

“Zan in hian chet kan lak ngei a tul alawm” a ti a, a mit a de ra mai,

“Ole, ka hrethiam e, han sawi la” ka ti a, mahse, Naute te ri ah ka tho a, Room lam ka pan a, ka let leh chuan a thut ngaiin alo thu a, thingpui alo in a, ka thingpui no ka la a, ka intur chiah chu tu emaw hian min rawn ben buak sak a, ka phu zawk a, ka te tuar bawk..ka mi chhawrpa chu a rawn ding chhuak nghal a, mahse, Mi pakhat lo awm ve chuan hneh zet hian a man bet a, chhuat ah a nawr bet a,

“He hmeichhia thah i tum avang hian ka man che, insawifiahna tur i nei anih chuan nakin lamah aw” a rawn hawi chhuak a, ka inbul a Tlangval lianpui, In rawn luah kha alo ni a,a Police Badge a lek chhuah va chu ka en a, mak tihna leh hlauhna avangin ka khawng vek.

“Sumdawng hlawhtling tak, Zomuansanga chuan a Nupui Nuhrawn,LALSANGZUALI lakah a Nupui ZORINZUALI thahsak a tum vangin FIR a thehlut a, chumai nilo in a Nupui pa leh,a Pi leh Pu thihna pawh thilfello awm ni a alan avangin enfiahsak turin Police hnenah FIR dang a thehlut bawk ”,

Ka chanchinbu ken lai chu ka thehthla tawp a, ka mit ka chhing a, ka chungah eng nge thleng ka la hrethiam lo a, ka rilru a buai vek bawk.

Chapter – 19

Rempuii ka phone a, a lo kal mek thu a sawi a, a hnu lawkah a lo thleng zui mai bawk,ka that leh that loh min zawt thuai thuai a, ka that thu ka hrilh chuan hahdam huai hmel a pu bawk, a hnu ah Ruatfela leh Sangpuia an lo thleng rual leh a, Mapuia alo thleng veleh bawk,an vai mai chuan thinrimna sawi chhuah theih siloh an pai vek nimai in ka hria,

“Engtin nge Muansanga khan FIR a thehluh daih theih a?, in lo la inbe pawp reng thin tihna mi?” Sangpuia chuan tur fe a min melh khui chung hian a rawn ti a, an lo thlen tirh atangin tumah an la tawng mumal lo,

“Aih, keipawh ka hrethiam biklo, diktak chuan Nu Sangi nen hian an tangdun ah ka lo ngai zawk a” ka ti niah niah a,Mapuia rawn nui huk chuan min ti phawk hra hlawm mai,

“Eng nge nuih tur awm a?” Sangpuia thinrim kal laklawh chu a ding thut a,

“Ahh...thinrim na chi pawh anilo, Zualbawihi ngaihdan mak lutuk kha ka nuih a za alawm, engtin nge chutiang in i Pasal i rin theih a?” a ti a a ner nawk bawk, ka lu ka thing a,

“A tam mai, a tam lutuk, sawifiahsen anilo” beidawng zet hian ka kut ka phar kual a,

“Thiannu, sawifiah duh suh, a ngailo “ Bawihtea Diaper thlaksak mawlh mawlh chung hian Rempuii chuan a rawn ti a, nia, sawifiah chiam a ngai hranlo, ka inti mualpho tam mai mai zawk ang.

“Nia, engkim a tha vek ang, tunah chuan Muansanga nen an inbei tawh dawn a, chuan, Ka thianpa hi ka hrechiang, hetiang ti tur hian fiahna a nei tha tawk ang, ka hriat tirh atangin engmah thil chianglo a sawi ve ngawt ngailo..” Mapuia bawk chuan a rawn ti leh a, hetiang khwp hian a thianpa hi a ring a, ani lah chuan a duh duh in a puh chhe fo zel ania.

Eirawng kan bawl a, an vaiin chaw an ei nghal a, keimah a min awmtir an tum tawh lo bur animai,Rempuii’n an In a awmrih turin min duh a, mahse, Ruatfela leh Sangpuia erawh chuan min awmpui an duh thung,Mapuia erawh a ngawi run a, engmah a sawi ve lo,ka ngaihtuah a, engtin nge kan thenawm tlangval kha Kan In ah alo luh ngawt theih?, Police ani tih lah ka hre hek lo, kawngkhar ka check uluk viau thin a, Nizan pawh khan ka check vek, lo luhna tur a awmlo, mahse, alo lut tlat, engtin nge ka mi rawih ngeiin min thah a tum kha ka hrethiam theilo, ka Nuhrawn nen an lo inhresa anih ka ring ta rum rum, Muansanga lah in keimah leh Ka chhungte avangin FIR a thehlut bawk, mahse, “ A nupui “ tiin min ziak a, kan inthen tih an hrelo anih ka ring, Aizawl hi a lian ve tawh a, Veng pakhat a sumdawng lian pakhat Nupui then mai mai chu mi zawng zawng in an hriat a rinawm loh,mahse...mahse ala awm ta cheu, engvangin nge ka tan a tih leh si??, a hma khan hetiang a ti dawn anih chuan min hrilh thei a, Nimin ah pawh kan inhmu bawk, engmah min hrilh silo, hrilh chu sawiloh kan inbe manglo zawk anih kha, tunah a hming a FIR a submit chuan a Nupui neih tur pawh a buai phah hle ang, a Nupui tiin min ziak kuau mai si,amah ka hmuh angai, zawh tur ka ngah takzet.Engmah ka hrethiam lo, ka buai nuaih nuaih ani ber.


Dar 11 vel ah Muansanga leh a thianpa an lo thleng a,Zoi a rawn hruai tel bawk, sawi mai tur ka hrelo, ka chhaw hu ti ila adik ber,

“Ka be duh che ania” a mize ngaite bawk in nelawmna pakhatmah a awmlo,a hawikual a, Room lam a pan a, ngawirengin ka zui ve ngawt bawk,

Khum bul a chair awm ah chuan a thu nghal a, Room chhung a melh kual dun dun a, ka lo ip ru chawih chawih thung, Jayden-a khum tereuhte ah chuan a mit a fu chat a, ka khum sir maiah ka dah a, a khum banah chuan Thingkunglem kan khengbet a, a mut pah a a en theih turin Arsi leh Thla lem thingzar tereuhte ah chuan kan tawn a, Ransa lem ka dah tel nual bawk.

“Engmah thil awmzia ka hrethiamlo ania..” ka sawi zawh hma in a ban vaiin min ti tawp a,

“I hriatthiam loh vangin alawm min kalsan” a ti nghut a, a hmel chu a thutak zual sauh bawk,

“Min hrilhfiah ka ngai alawm, engmah hi ka hrethiamlo takzet” ka ti leh talh a,

“Nizan khan an che dawn tih ka hria, chuvangin Police kha i in ah a tawm ru a, min lo zawt rih suh..” tawng tum a ka ang ziau chu min rawn khap hmuk a,

“I inbulah hian a rawn insawn a, chupawh a hna anih mai bakah ka Naupan lai atanga ka hmelhriat ani a, thian ti chuan ka sawi thei chiah lo, i dinhmun engkim ka hrilh vek, nangmah i inhriat ai hian ka hrechiang che a, engvangin nge ka hnen atang khan i kal chhuah kher??, i Pa laka ka inthiamlohna tizualtur in engvangin nge i thihna tur i pan talh?” a rawn tho thut a, ka tawlhsawn dawrh thung, mahse, min rawn mn bet hman ta tho, nghet zet in min kuah bet a, duhloh theih pawh anilo, ka Inluah a lianlo a, tawngkam a inhauh buaina chi pawh ani chuanglo.

“Heti hian awm suh” zawite in ka ti thei hram,

“Min tih mangan zia hi i hria em?, a hma khan ka hrilh lo che ami?, engmah hi chhan awmlo in ka ti lo ka tih mawlh mawlh kha, min ringlo in min chhuahsan a, i zalenna ka ngaihpawimawh avangin ka kal tir che a, mahse, i inveng zo dawnlo tih ka hriat avangin ka enthla zui zel tho che,Mapuia hi ka thianpa anih hi...i mamawh leh engkim chu a hnen atangin ka hre zel, Nilo...tunah engmah chutiang sawi hun anilo, Police Station ah kan kal angai, nangpawh ilo kal angai bawk, ka thianpa saw Advocate ani a, ka mimal thil ah chuan ani lo ka chhawr ngailo,nizan chungchang kha i sawi angai anga, i pa leh i pi leh pu chungchang pawh an zawt tel bawk ang che” a ti leh ta duah a, min kuahna a thlah a, a kalsawn a,

“Mahse, Jayden-a ka kalsan ngawt theilo” ka ti leh rih a, a rawn hawi a,

“Zoi ka rawn hruai alawm, Rama pawh alo thleng tep ang, kan chhuah hlan in i mamawh zualpui chu Zoi leh Rempuii’n an lo siam fel anga, hetah i haw tawh dawn lo” thu min pe ani ber,

“Aih, hetah ka awm dawn, khawiah mah ka kal dawn lo, i Nupui ka ni tawhlo” ka ti hmak a, a ner nawk a,

“Luhlul chhuah suh aw, ka nupui i nih tawh loh thu i sawi ka hre zing tawh, mahse, ka thenna thu che ka la sawi ve reng reng lo, a chiang em?, Buaina dang siam suh, Thildik tak hriat tumin min chhuahsan a, tunah thildik tak i hrethuai dawn a chuvangin buaina dang engmah siam suh ang che” a chhuak zui nghal daih bawk.

Insiam mai loh chu tih theih dang ka nei chuanglo, a sawi ang chiah khan ka duh ber chu ka pa chanvo diktak pek ani miau a, chumai bakah Ka chhungte thih dan a thil fello awm ni a ka hriat tlat thin pawh hriat chhuahna hun ka nei tel cheu dawn pawh animahna,Rempuii a rawn lut a, zawhna nei hmel deuh hian min en a,engmah min zawt chuanglo,

“Ka chhuah lawk angai sia, Jayden-a thawmhnaw leh mamawh tur hi min lo siam sak theih chuan ka lawm viau ang” ka ti a, ka sam ka tawn mawlh mawlh bawk,

“Um, Muansanga’n min hrilh lawk tawh alawm, alo thlen hma khan min rawn be tawh a, a In lamah khawsa rih ula a duh a, ka ngaihtuah a thil awmlo ani in ka hrelo, Nu sangi tan pawh nangmahni beih letna tur a neih kha a fuhlo hrim hrim” a ti dam diai a, kei aiin a upa chuang hauhlo, mahse, ani hi chuan Puitling tak in engkim a thlir thei tlat zel,

“Nia, a dik maithei..mahse, engmah hi rilru fim in ka la ngaihtuah thei chuang miahlo, ka la buai nuaih ringawt mai” ka ti leh sap a, ka hmel dang diau mai darthlalang a lo lang chu ka en vang vang a, minung pawh ka ang lo, mithi ang mai niin ka inhre hial zawk.

Police Station ah thil min zawt kual teuh a, ka hriat ang ang in ka chhang a, ka chhan theih loh thil alo awm palh anih a ka buai deuh dawn a ka lan chuan Muansangan min lo pui vat zel bawk,Nu Sangi an la man lo a, Ka mirawihpa kha Nu Sangi te hmelhriat hnai tak mai alo ni a, ka lo hrelo mai mai anih hmel, a hma daih in min lo That lo a vannei tak ka ni ringawt,

“A awmna awm in hre thei tawh em ?” Muansanga chuan nizan a ka thingpui intur min rawn ben buaksak tupa lam chu a en a, a lu a thing a,

“La hre rihlo, Nimin khan a Motor a kan thil vuah kha alo hmu nge mawni a awmna kan hloh ta daih a, amah mai chuan reitak chu a bikbo ka ring chiahlo,a Nutapa pawh kan lak tel ala ngai dawn in ka hria” a ti a, sawi ve tur reng reng ka hrelo.

“Awle, min mamawhna i neih phawt chuan ka inpeih thlap ania, kan kal phawt ang” a ti a, engvangin nge Advocate khan min zui ve zel ka hrelo, engmah a sawi ve pawh ani silo.

Muansanga’n motor a khalh a, an In lam kan pan dawn emaw ka tih laiin ka Pa te In lam a pan a, Gate kan tlanluh chuan ka rilru a hnim rawih thei hial mai, engkim mai chu a chul thup ti ila ka sawi dik ber awm e, engkawltu awmlo tih hriat zet hian kawt a Pangpar kan dah thin te kha an lo ro deuh vek a, a then phei chu an thi nual bawk, Pot a keh remrum a, kawtzawl ah Hnahthel leh Polythene chhia vel a let rum bawk, In lah a chul rup a, hawina lam apiang chuan rilru natna min siam aniber, Muansanga In ka chhuahsan hnu ah khan vawi 2 chu ka kal a, mahse, kum khat tal tap chu ka kal ta miahlo, min lawmlo tih ka hriatna leh ka Nunna atan a derthawng ani tih ka hriat miau avangin ka tlawh pawh ta lo law law zawk kha ani a, chumai bakah ka Rai a, ka rai lah ka haw em em bawk a, In ah ka tawmchawt a, ka neih hnu ah lah Mihring zeilo ber chi ka lo ni bawk nen, Jayden-a nen a lenchhuah te chu hnailo, a tul tawpkhawk ah lo chuan ka chhuak ngailo tawp animai.

Ka beisei loh tak in Pa Mawia Nupuiin min lo chhawn a, inchhung pawh thildanglam awmlo mahse alang chul rup tho mai,an enkawl ngai miahlo zawk emawni?

“I dam em Bawihi?” min rawn pan a, ka bu nghauh a, inchung chhohna Step, Teak thing a siam, hnum hlurh thin pawh kha a chul rup mai,tletna reng reng a neilo

“Ka tha e, i tha zawk maw?” ka ti a, Pa Mawia chu Inchung atangin a rawn chhuk mek bawk,

“In lo thleng tawh maw?” a rawn ti nghal a, kan kal dawn tih a lo hre lawk ani ngei ang.

“Muansang, i thil mamawh kha hetah chuan a awm hleklo mai, mahse, Store Room khi a let rem rum mai a, zawn a nei anih ka ring, Nizan khan min rawn Biak hnu ah kan thlengphei harlo,mahse a duh chin zawng chu ala kim vek hman anih hmel” a ti leh zung zung a, an vai hian an tangrual a, keiin engmah hrelo in tullo ah Muansanga hi ka lo ringhlel kual vel mai mai anih ber awm hi a..mahse, ka mit ngeiin ka hmu, Nu Sangi kha a kawp chiang alawm,Hotel ah pawh ka hmu a, a Library ah pawh ka hmu tho bawk.

“A pawilo, ka neih sa pawh hi a tawk viau tho, a tihchian nan ka mamawh mai zawk a, kan thubuai hi rei tak kan chai in ka ringlo” mahni inringtawk zet hian a ti boh a,

“Nia, engkim hi ilo tifel em a, buaina tur ka hmulo, amah ber hi Man thuai sela a fel duak mai ang” Advocate lo thu ngawireng chuan a rawn ti ve a, kan inhmuh tirh atang khan vawi 2 chiah ala tawng.Pa tawngtamlo tak ani ngei ang.

“Haw ka duh , Jayden-a ka ngaihtuah tawh lutuk” ka ti chhuak a, min rawn en a, a hmelah engmah a ngaihtuahna a hriat theih loh,

“Nia, kal ru, Bawihi, Muansanga bulah lo chuan i himlo ania aw, Sangi an man fel hma chuan i khawsak rih angai ania, In Nupa chungchang engmah sawi ka tum lo, mahse, ka sawi hi a dik ania” Pa Mawia chuan a ti a, a sawi dik mahna.Muansanga hnen a ka awm chhung khan min ti na zawngin a khawsa ngai tlat lo.

Muansanga In kan thlen chuan Zoi leh Jayden-a an lo in awi lauh lauh tawh, a lo tap a, ala tap uar em em zui bawk, inchhung pawh lut lo in ka laksak a, a hnute chak ani tih ka hria,Pangpar bul a thutna awm ah chuan ka thutpui a, Muansanga leh a thianpa erawh inchhung lam an pan nghal daih bawk, zah tur a awmlo, a riltam tawh tih hriat zet hian hnute a hne dawk dawk a, a tap pawh a bang nghal hmak bawk.

“A tlei tehlul nen a mut a chhuak anih ka ring a, inlo thlen hma deuh atang khan a tap ta char char “ Zo-i chuan a ti siam siam a, Ka Fapa hmel chu ka en a, a sam dum hlap chu a thur bam a, a Mitmeng lian kelkawl, a Pa mit ang mai a dum fiah zet chuan min rawn en ve kiau bawk,reivaklo hnu ah chuan a muhil zui ta mai reng a.

Chaw kan eidun leh ta chu ania,a tawng lo reng reng, a thil eilai a ei mawlh mawlh a, keipawh chuti tho, ka eisiam thiamloh luatah siam awlsam ka ei nasa a, tunah chaw pangngai tak han ei chu a manhla ka ti takzet,ka eikham veleh Room ka pan nghal a, Nizan ah ka mut that loh avangin ka mut a chhuak em em bawk,mahse Room ka luh chuan Muansanga chu Jayden-a bulah alo mu a, hmuhnawm tih hmel zet hian alo thlir vung vung bawk,

“A hmeltha tiraw?” ka lut thawm hria in hawichhuak chuanglo hian a ti sup a, ka chhanglo, Room chhung chu ka melh kual a, ka kalsan hnu ah engmah a khawih danglam lo, ka thawmhnaw dahna lianpui pawh angaiin ala awm a, kan Inneih thlalak kan tar pawh ala awm bawk, Khum bul Cabinet chung a thil awm chuan ka mit a la nghal zar mai, ka pan hnai a,kan inneih zungbun kha alo ni a,mak ti deuh hian ka en a, ka kalsan na pawh kum a liam daih tawh, a paih bo mai ka lo ring asin le,

“Zungbun khan a neitunu a nghak rei tawh viau ania” ka hnungah a rawn ding a, min din hnaih mah mah bawk,

“Ka duhlo, Paih rawh” ka ti hmak thung, ka inrin hma in ka kawngah a rawn kuah a, alamah min hnuk hnai zui zat bawk,

“Nangman paih mai rawh, i kalsan hnu khan ka la dah ta reng, engtikah emaw chuan a Neitunu hian a rawn la leh ang tih ka chiang alawm” ka nghawng a thawk khum a, a lum ham ham bawk,ka tal laih a, ka rin loh deuh in in thlah ve mai bawk, ka kalsawn a, Khum ah ka lawn a, Jayden-a mu hi a mu nghet thin a, kan inhau a, kan tawng vak vak anih loh chuan a harh dawn lo tih ka hria,

“Hetah chuan kan inbe thei dawn hauhlo, i Vantirhkoh tereuhte kha a harh mai ang, min rawn zui teh” a ti nghut a, a hma lawk a min thhlahlel tak a min kuah tu kha chu a bo leh daih tawh, a chhuak chu zui lawk duhlo in ka awm ngaiin ka awm ran a, engvangin nge maw ka nun hi a buai nuaih kher bik ni???

Library ah ka en hmasa a, mahse, a awmlo, a Room kawngkhar inhawng sa ah chuan ka lut a, Sofa ah a thu thluang duai a, Paper hi uluk fe hian a lo en vung vung bawk,

“Thu rawh, sawi dun tur vak a awmlo ,mahse, entir tur che ka nei thung” a ti nghut a, a thil ken lai a dahthla a, a tho nghal vut a, Tv lam a pan a, Pendrive a vit lut a, Bet lo zet hian Sofa ah ka thu a, Tv Screen hlai zet lam chu ka en a, eng nge min entir a tum ka hrethiam reng renglo,ka bulah a rawn let leh a, Tv Screen ah chuan sound tello in a rawn lang a, ka hmuh tawh hnu a ang, ka Pa te Room ni maiin ka hria, a ngaihna hrelo zet hian Muansanga ka en a, mahse, a hmui ah a kut a dah a, tawnglo turin min ti ringawt, rei vaklo hnu ah Ka pa a rawn innawr lut a, Ka Nuhrawn in No a pe a, a chhuahsan leh mai,Ka pa chuan a in zauh zauh avangin Thingpui emaw Coffee anih ka ring a, a hnu rei vaklo ah ka pa chu chhuatah a let thla a, a hrawk a dawm tlat bawk, ka kut ka hum ruh ngawt ngawt mai,tumah reng reng an lut lo, minute nga aia tam mah na tuar a leh kual hnu ah Nu Sangi a rawn lut leh a, a au niin ka hria, Sound a awm lo tlat a, Nurse a rawn tlan lut leh bawk a, Ka pa chu Nurse in a awmah a nem a, thawk tir tumin a bei a, ka en ngam tawhlo, ka rilru na lutuk ka puakkeh dawn in ka hria,Muansanga a rawn tawlh hnai a, min kuah a, hnialna ka neilo, ka rilru na lutuk ka tap ri theilo hial zawk, ka Mittui a far zung zung bawk,

“Tap rawh, a pawi miah lo ania” ka samah a chul a, awlsam zet in min pawm kang nawlh a, a malchungah min thut tir a, a awmah ka hmai ka phum kak bawk.Ka Nu hrawn tih anih ringhlel mah ila atak ngei a han hmuh chuan a mi den dan dang tak ani.

Reife ka tah hnuah chuan ka taksa khur hlawk hlawk pawh a ziawm ta bawk, mahse, ka kalsawn hlau niawm tak in min kuah bet tlat bawk,

“Engtin nge a tih theih zawk ?” hawi chhuak chuanglo in ka ti sep a, ka tahna avangin ka aw a sin rat mai,

“Bawihi...a ti lai engmah alang lo, Thingpui emaw Coffee zawk pawh kha a pe mai a, engmah a telh lai a hriat loh, i Pa khan a ringhlel tlat a, mahse, ka tihsual tak erawh chu a Room ah chiah Camera ka dah kha ani, inchhung zawng zawng ah khan dah tur ka ni a, chuti nilo se i Pa kha ka chhan hman tur ani a” a aw ah chuan na tuar ri a hriat theih bawk,

“I thiamloh anilo alawm, thihna te chu kan dang theilo, mahse, Tur a hmang lai hmuh kher angai hleinem, kha lek pawh kha a tawk reng lo ami?” ka en chho a,

“Aih, tawk zo lo, Police te hian Jail tan na khawp tur chuan fiahna tha ber an phut thin a, kha ringawt kha chu a chiang tawk lo alawm” ati sup a, a dawi dik tih ka hria, thilsual a ti lai hmuh tur a awm tlat lo.

“Thildang i en leh dawn em?” a ti a, a kawrhma a thil ziak awm chu ka sik nauh nauh a, en leh ka duhna leh duh lohna a inzat reng,

“Ka hrelo...” ka ti mawl tawp.

“En leh rawh, i rilru pawh a nat belh leh ang, mahse, i chung a thil tisual tu kan man chhuah nan chuan hetiang hi a tul tlat ani” a ti leh a,a malchung a tanga chhuk ka tum chu min kuah nghet salh bawk,ka tum lui ta biklo, a hnemna ka la mamawh dawn tlat a hriatna ka nei bawk,

A tihzawm leh a, mahse, hmundang ani ta tlat, Nu Sangi leh Palian lam pakhat Hi Ruak ngal ngat in an mu dun a, en hrehawm ka ti lutuk,a nuam tuar rak thawm pawh engkim a hriat theih vek bawk,tum nei ran in Mipa chuan a mutpui a ang viau, an khawsak dan engkim chu Camera ah lan chian tir a tum viau tlat ani,

“Khawngaih in Forward mai teh “ ka ti sep a,a Lu a thing a,

“A theih loh ,lo en reng rawh, Khipa khi i Nu hrawn Ngaihzawngpa tur a ka rawih tho ani a, i pa damlai atangin an inkawp tawh a,Mahse, i pa remtihna thlap a engkim kalpui ani bawk” a ti sup a, a va mak teh nuaih tak em!!

Nuam ti hmel zet hian a rak ham ham mai, ka luak a ti chhuak takzet, mahse, a mipa zawk chuan sawi a nei ta tlat,

“Tunah chuan I pasal kan dahtha tawh a, engkim i ta ani thuai dawn bawk,min neih mai a hun tawh” a ti khur dut dut mai, ka va han ten tak, an thiltih lai an chawl a, a chung atangin a kawppui pa a let thla a,

“Nia, mahse, la ngak rawh, Zorinzuali hian a Pasal ka kawp emaw atih hi a rin lehzual theih nan chet lak ka la mamawh, Muansanga nen engkim kan hruahman tih a hrelo a” a ti a, Muansanga ka melh vat a, mahse, Tv lamah a thle buk ringawt,

“Muansanga nen chuan kan awmdan ang hian in awm tih na ami?” Mipa chuan a ti leh dut a,

“Teuhlo, a Nupui hmuh atan inkawp ang in kan awm der ka tih kha, Muansanga hian hmeichhia ang in min en lo hrim hrim, Sum a duh a chuzawng chu..” Nuam tih hmel fe hian a Kap a a Mutpuipa kut che vel chu a dawm pui a,kei erawh Muansanga ka rin dan diklo lutuk avangin ka zak veng veng mai.

A ti tawp a,

“Kha zawng kha, tunah chuan min rindan tenawm tak kha a diklo tih i hrethiam tawh em?” a ti nghut a, mahse, ka thinrim phat thung, engkim kha engvangin nge atir ah min hrilh mai loh?, ka tal chhuak a, a piah ah ka thu hrang ta daih,

“A sawi vang mai khan engmah a chiang chuanglo, Nu Sangi ilo kawp lo nih pawh in a sawi ang khan Ka pa sumdawnna neihsak i duh tih ka hre tho, Nu sangi nen buiana in neih avangin tunah hian amah do zawngin FIR i submit pawh alo ni thei asin” ka ti ram hmak mai,

“Duhtawk teh, i rliru i kawm nasa lutuk,chutiang engmah a awmlo ka tih kha, chuan, min rin chhiat reng hi bansan rawh” a ti hrawk a, mahse, ka rilru ah rin lohna a in tuh nghet tlat,

“ Ka rin tur che in i awm ngailo, bakah tun a i thiltih lai hian i Nupui neih tur a nghawng buai anih pawh in ka thiamloh anilo ang” ka tho nghal a,

“Nupui...Nupui, i duh duh sawi thin suh, ka damchhung hian Nupui pakhat bak neih ka tum reng reng lo” tun tum chu a au ring ta..

“OH....ava ropui ve, min ngaihtuah derna avangin ka lawm e, Te-i bak i hmangaih lo a,i Hmangaih ber i neih theih nan ka kalsan tawh che a, i Fanu pawh a lian tawh ngei ang chu, chuvangin hlim tak in awm rawh u ka tih kha, keini Nufa zawng in pa kan mamawh lo e” kalsawn tum in ka inher a, mahse, Kawngkhar min thlen khalh hman tlat, ka chhuak lui dawn anihchuan ka nek sawn ngei angai,

“Zorinzual... hmeichhe a tak i ni, tu nge Te-i ka hmangaih tih hrilh che?, i ngaihtuahna mai ani...Fa kan neilo, hmangaihna ka hrethiam lo, mahse, ka nei tawh che a, then che ka tumlo, kan awmhran chhung kha chu nakinah kan la theihnghilh mai ang, Jayden-a hian Pa a mamawh ania, kan 2 hian in hmangaih lo mah ila anital hi chu Nu leh Pa karah seilian rawhse” a hmel ah chuan chapo na pakhatmah alang lo, min ngen ngawih ngawih hmel a pu zawk,

“Ka lo ngaihtuah ang, mahse, kan buaina hi a fel hma chuan hetah kan awm rih ang a, Nupui anga awm turin min beisei tur anilo,i sawi ang tak a ka pa tan i rinawm anih chuan ka Pa In saw min pe let ang che,chumi hnu ah chuan ka ring thei chauh ang che” ka aw a inrintawkna lang chu keipawn ka hrethei, a rum hawk a,

“Ka ti ngei ang, engkim ka pe let ang che, mahse, Jayden-a hi ka bulah seilian rawh se” a ti leh a,

“Ka lo ngaihtuah ang ka tih kha, tunah chuan kalsawn tawh rawh, ka chhuak duh ania” ka ti hmak a, muangchang hian a tawlhsawn a, min enzui reng tih ka hriat na chuan ka hnung a ti mur ar ar bawk.

Chapter – 20

Kar hnih lai Muansanga bulah kan cheng tawh a, Nu Sangi an la man theilo fo, mahse, Muansanga erawh a beidawng chuang lo, nitin in ka pa tan a rinawmzia ka hmuh belh zel a, Nu Sangi nen an inthurual emaw ka tih kha alo nih loh zia ka hre chiang zel bawk,mahse, ka luhlulna avangin ka hrelo der tlat a, kan let leh tirh kha chuan min duat na a tilang fo thin a, mahse, na tak tak in ka tawngkhum a, a tul tawp ah lo chuan ka be ngai heklo, ani pawn tun ah chuan Nupui ang in min en ta biklo,min Duatna, a mit a awm thin pawh kha a bo ta, Jayden-a erawh a atchilh hlum lo chauh thung.In ah a awm anih phawt chuan Jayden-a bulah hlir a awm aniber, a infiampui a, a chhaih a, a be reng a, a chang leh a pua a, Kawt zawlah Bike in a tlankualpui fo bawk,Kum khat a tling ve dawn tawh a, Naupang fing chi ani bawk nen a Pa a ngaina nghal thuai a, kei aimah in a Pa in a kuah hnem ta mah mai.

“Bawihi..” ka hnung atangin a rawn ti a, Jayden-a Diaper ka thlak sak mawlh mawlh a, diktak chuan mak ka ti ve tho, a tul viau lo ah chuan ka awm laiin Room ah a rawn lut ngai manglo tlat,

“Aw..” ka ti ringawt, a sawi duh sawi se kal leh vat se ka ti zawk,

“An man tawh, tunah khan Malsawma nen kan inbe zo chiah a” ka Lungphu a rang nghal dawt dawt mai, ka thil tih lai ka chawl a, ka hawi chhuak a,

“Maw?, khawiah nge an man?” ka ti thuai a, ka phurna leh huphurhna a inzat vel,

“A Nutapa huan ah ati a,Jail ah an dahlut nghal a, kan hmuh theih hmel loh riau vawiin a tan chuan” a ti a, Khumah a rawn thu a, Jayden-a Diaper ka la thlak zawh loh chu a man a tih zawm a, ka mitthla ah ka chhungte hmel a rawn lang zut zut a, ka tum loh deuh in ka mittui a rawn tla a,

“Tap lo la, amah ber an man tawh chuan engmah hi a kal rei dawn lo, fiahna ka nei tha tawk a, engkim a fel thuai ang, a kid te ho an inpuang zung zung mai si a” a ti sup a, Naute a pawm a, Jayden-a lah thuawih zet in a pa darah a bei tlan bawk,

“Ka tah a chhuak tho alawm, ka chhungte kha engvangin nge a thah kher tih ka ngaihtuah a, a hmel hmuh pawh ka chak hrep lo e” ka ti a, a then suk a,

“Ka hrethiam che “ a ti nghut a, tumah hian min hrethiam tak tak pawn ka hrelo e

“Bawiha, Mummy hi a tap anih hi...” a rawn tawlh hnai a, a ban lehlam in min rawn kuah a, a awmah ka hmai ka phum a, ka mittui a tla nasa zual sauh bawk, an Pafa in min kuah ani ber,ka samah a rawn fawp a,

“Ka Hmangaih che tih hi tawngka kher a sawi a ngai ami?” ka thu khawng deuh awt a, a hmel pa zet chu ka melh chho a, a rawn kun a, min chhanglo in min rawn fawp a, hnial na chang ka hrelo,

Jayden-a te that ri ah chuan kan inthen phawk a, kan in mamawhna sang lutuk avangin kan Fapa a awm ve tih kan lo hrelo ve ve anih hmel,a pawmtha a, ani lah a tap zui chuang hleilo a, ka tho tur min rawn man bet leh a,

“Ka sawi kha i hria em?” a mitmeng thim raih ah chuan min Duatna ka hmuh fo thin kha chiang tak in a lang a, mahse, tunah chuan Hmangaihna lam buaipui thei ka nilo, ani hi Te-i nen an innei mai dawn tih ka hre reng alawm, Nu Sangi chungchang engkim a fel veleh kan In ah ka let leh tawh dawn a, Hmangaihna tih vel a lo buai ka duh lo,

“Ka hrelo ah ka ngai e, khatiang lam ka mamawh rihlo, tunah chuan Ka chhungte hian Rorelna dik hmu se tih ka duh ber, min puihna ah ka lawm em em bawk,engkim a fel thuai theihnan min pui zel turin ka besei che ania” ka ti ta zawk a, ka ban a chelhna ka dahthlak sak a, ka kalsawn tur chu min melh reng bawk, a hmel a beidawng hmel lo lang chhuak kha Vawikhatmah kan inhriat tirh atangin ka la hmu ngailo.

A tuk atangin kan buai ta viau, Jayden-a pawh ka ngaihtuah hman meuhlo, thil chi hrang hrang min zawt a, mi hran hran in zawhna in ang lo pui pui min zawt a, kan Nula, ka pi leh Pu Boral hma atanga kan hnen a awm tawh pawh a rawn kal a, thil an zawt kual nasa viau,Pa mawia pawh a bang biklo,engim fiahna a awm vek chung a keini min chhaih buai kual viau mai chu ka ngaithei vaklo,

“Ngatinge mi hran hran in thil min zawh reng a?” Mapuia hnen ah chuan ka ti hlak a, ka kut a rawn vuan a,

“A tul alawm, bakah dan chuan fiahna a phut a, Muansanga hian a neih chin chu a sawifiah zar zar thei, mahse, thil rei tawh, hman a thil thleng tawh te anih avangin in buaina hi chuti mai a fel chi anilo alawm,Nu Sangi lah a inpuang duh silo a” a ti duah a, ka bu nghat a, ka chau takzet,khawiahmah hahdamna hmun a awmlo aniber, Muansanga nen In kan thlen veleh chanchinbu mi emaw kan thiante tu emaw ber kan hmachhawn leh an ngai ziah a, Muansanga hming a FIR submit vek anih vangin a lar zual niber in ka hria.

Chau zet in Room ka pan a, Muansanga pawh a haw tawh ani ngei ang,a motor a awm vek a, Mapuia nen kan inhmu a, In ah min thlah nghal a, Muansanga hian a tello a chhuak lo turin min ti fo a, mahse, vawiin chu keimah chauh a chhuah ka duh avangin ka chhuak lui a, thil thalo engmah a thleng lo,Khum a ka thil hmuh chuan min ti ding dat mai, an pafa in an lo muhil dun a, a zangthal in a mu a, a chungah Jayden-a a muhil tlan bawk, Light eng dul ruai hnuaiah chuan mittui nen ka ding a, ka hmangaih ani he mihring hi...Mahse hmangaihna hi enge anih ka hre chuang silo..Nilo, a tello chuan ka na fo thin a, min tihnat a, Hmeichhe dang a kawp ani tih hrereng chung pawh khan ka ngaidam fo zel a, min Duatna leh a tawngkam tlemte avangin ka lungawina khawp ka hmu zel bawk, heihi hmangaihna chu ani ngei ang, khawi lai ah emaw va hmuh daih tum chi pawh anilo,amah ah hian ka duhthusam mipa kha a kim vek tlat ani.

A Phone ri ah a rawn che a, ka insiamtha vat a, meng chuanglo in a Phone a zawng a, a chevel chu ka thlir a,a sawi ang khan min Hmangaih tak tak lo ni ta se engtin nge Te-i a awm ve ang?, ka lu ka thing nawk ringawt,hetah a riak ve dawn anih chuan Sofa ah ka mut mai angai ang,min rawn hmuh hma in dimte in ka chhuahsan leh a, chaw a ei tawh leh ei loh ka hrelo a, inhnuai ah ka chhuk a, Sanju-a te Nupa an lo awm a, min hmuh veleh minlo be sawk sawk bawk,ka chhuah hnu a ka let leh hmasak ber ni pawh khan an ni Nupa hian lawm tak in min lo welcome leh mai a, min ngaina ve tak tak pawh animahna,

“Muansanga khian chaw a ei tawh em?” ka ti a, Dinning Table ka kil nghal a, ka ril a tam takzet,

“Aih, alo nghak che a, keini chuan kan ei tawh” Sanju-a chuan a ti a, Balhla ka ban a, engngemaw tal ka ei angai, ka pum a ruak vek, zing a chhangthawp leh Artui ka ei bak kha engmah ka la ei leh miahlo,

“Um, pawilo, a muhil a, nakinah kan ei mai ang, Zoi khawnge ?” ka tihzawm a, Pi Biaki haw a hun daih tawh a, kan nula dangte an chawlhni anih avangin an lo kal lo bawk a,

“An chhungte damlo an awm a ,Pu khan a kaltir a” a ti leh mai a, Dinning Room leh Kitchen inkar a Parda chhah zet inzar chu a tawnkhawm avangin a chevel engkim a hmuh theih a,Salad tur a chan pah mawlh mawlh bawk,

“Aw anih chu mawle” ka ti a, ka hnunglam a pen ri ah chuan ka hawi chhuak thuai a, Muansanga alo ni a, a mut ala chhuah hmel hle bawk, a hmeltha leh pa zet chu ka en ning theilo,Kekawrbul dum a ha a, T-shirt ho lam tak a inbel bawk a, midang in ha se an nalh pui in ka ring lo,

“Ilo haw na a rei tawh em?” a ti nghut a, a rawn thu a, Aple a ban nghal zat bawk,

“Aih reilo, k lo thleng deuh chiah” ka ti tha ve mai,

“Chawei a hun viau mai, ei ila” a Apple ken chu ei lo in a dah let leh a,

“Bawihtea ala mu ami?” ka ti a, a khi suk a,

“Um, a muttui lutuk” ati a, uluk zet hian min en run bawk, Room ah ka han chho tawh tih sawilang kher lo mah ila a hriat theih vek,ka awmlai in Room ah a rawn lut ngaimanglo a, nuam a tilo pawh animahna.

Sanju-a te nupa in eitur an rawn chhawp zung zung a, an chhawp fel veleh ngawirengin kan ei dun nghal a, ka ei hnem kher bawk,

“Malsawma khan min rawn bia a, naktuk hi Court a kan kal ni tur kha ania, lo len a tum a,mahse, alo la thleng har ang ” a ti a, a hmui a hrufai mawlh mawlh bawk,ka khuh kharh a, naktukah chuan engkim fel thei se ka ti takzet, a hma kha chuan thudik inthup hriat ka duh avangin Muansanga ka tlanchhuahsan a, ka rilru nat vang pawh ti ila a dik tho, tunah pawh chu bawk chu.. tunah phei chuan a hma ai khan ka nat ka hlau zawk, he mihring hi ka tan chuan hnaih loh a him ka ti ru fo a, tunah pawh ala ngai reng mai, a bul hnai a ka awm chuan natna ka tuar hnem ting mai ang tih ka chiang.

“Engkim fel thei se ka ti hle mai” ka chair ka nawrsawn a ka tho zui nghal a,

Room lam ka pan a, Jayden-a chu a khumah a lo mut fel diam a, a kut tereuhte chu a hmui bulah a dah a, alang cute takzet, kan let hnu rei vaklo ah khan Naute khum leh Mamawh chi zawng zawng a rawn thleng kim nghal vek aniber, ka in ah khan a tha thei ang ber ka tihsak ve emaw ka ti a, mahse, helai ah chuan kha aia tha vek zawk kha ani thung.Ka thamwhnaw ka thlak a, ka kekawr hak tur ka zawn laiin underwear nen kan ding a, zing a ka hak ngai hak leh ka tum a, Zoi hian alo su leh hman ani ngei ang, ka hmu zo lo,

“Che lo lawk teh” ka kawngah a rawn kuah a, a taksa si chet in min kuah bet nghal a,a mipatna rawn che pawh engmkim anih ang ang in ka feel thei vek bawk,chet mai nachang ka hrelo,

“Kalsawn teh” ka ti a, mahse, a mawiah ka hnar ti ila a dik ber, a kutzungtang sei thlurh mai chu ka Panty chhungah a rawn zen lut a, a tihtum ka hailo,ka nghawngah a hmui lum ham ham in a rawn fawp kual a, ka za chhuak vek thei hial mai,

“Min hnial lo teh, khawngaihin” ka beng bulah a ti sup a, ka beng a fawp zauh bawk, a kut ka man beh sak a,

“Jayden-a a awm ve reng hi” ka aw khur tehhrep chu a..

“Um...ka Room ah kan kal thei alawm” min pawmkang nghal a, tlak hlau zet in ka kuah bet nghal chial bawk, a Room kawngkhar a dar in a nek hawng a,tumah an lo kal dawnlo tih ka chiang,inchunglam hi chu a tul tawp ah lo chuan an lo thleng chho ngailo,Malsawma lah kha alo la thleng lawk dawn silo,Khumah min nghat a, min rawn bawhbet zui nghal bawk, thil thleng tur engkim ka hria, mahse, tunah chuan pawisak ka neilo, a tello a hun ka hman chhung zawng kha a hrehawmzia ka hria, zantin amah ngaihtuah chungin ka muhil a, a Lungphu dat dat ri hre chak khan ka tap muhil fo anih kha, tunah ka bulah a awm a, min mamawh em em a, keipawn ka mamawh bawk, ka Pasal nitawhlo mahse, ka Pasal ani thin a, Mipa dang lak a uire tur ka ni heklo.

Hmanhmawh lutuk hian a thwmhnaw a phelh nawk nawk a, a hmui erawh chuan min kalsan lo aniber, ka Hnute a rawn tham a, a na lek lek hial, kan inmamawhna sang lutuk chuan dam raih pawn min chet tir theilo, ka mal karah a rawn tla zep nghal bawk, ka Panty phelh lo in a pawt kau a, chumi rual deuhthaw chuan a insiamrem a, a mipatna khawng leh ruh tul ka taksa chhung a a rawn luh takah chuan awmngaihna hrelo in ka te chhuak that mai, ani pawh a abang biklo, a rum hawk a, a chawl vang vang a, ka nghak theilo, hnuailam atanga ka chet takah chuan a tihtur a hailo, dimte in a che a, nawmna nasa lutuk in min tuam a, min dimlo tial tial bawk,

“Min kalsan thei tawhlo , i tello chuan ka a mai ang “ a aw a khur dur dur a,

Kei erawh nawmna avangin ka aw a ri chhuak theilo,ka hmui ka pet a, ka er ngawng ngawng a, a chet zawng a ka hnute che ve zel chu hmuhnawm ti hmel zet hian a thlir a, a thaw hawk a,a inlet a,Ka Kekawrte Lace chu a pawt leh sawk a, a thler nghal kawk bawk,a phih thla a, a thehsawn nghal a, a chungah min pawt kai a, kan inzawm nawn leh takah chuan ka mawngah a rawn tham a, kan tum ram thleng turin tan kan la a, nakinah ka inchhir leh dawn tih hre mahila pawi tihna ka neilo, nakin chu nakin in ala hril mai ang,kan pahnih bak engmah hriat ka nei tawhlo.

A taksa lianpui, thlan dap chung ah ka bawk phek thlar a, ka sam, ka thlan in a tih hnawm chap chu a khawih a, a hmel ka en ngam rihlo, keimah ngeiin Nupui ang a min enlo turin ka ti a, mahse, ka ka in a sawi hi ka taksa hian a zawm thei mawlh silo a, ka zak hluah hluah aniber,

“I Kut tin tan angai chiang” a nui nghawr dat a, ka biang a sa hat hat bawk,

Inkhuh tumin Blanket ka pawt chho a, mahse, a rawn phihthla a, a tlawhsawn nghal daih bawk,

“Ka tho duh ania “ ka tawng a ri chang chang,a nui leh a,

“Tho la...” a ti duh lek,

Ka thawmhnaw engmah ka kenglut silo, ka Panty lah khawnge a thehbo ka hre heklo,ka che chhuak mai ngamlo,

“Heti chuan ka tho ngawt theilo alawm,Jayden-a a harh maithei a, chuan, Malsawma pawh alo thleng tep ang” chhuanlam tur ka hriat apiang ka sawi aniber, a inbengkang a,ka tawlhsawn tur chu a ban tha chakzet in min kuah bet a,

“ I kalbo tawh dawnlo tih min tiam phawt la..” a mitmeng sexy zet ah chuan min ngen tih keipawn ka hai biklo,hetiang khawp hian ka tan a tlawm thei hi thil mak ani,

“Ka hrelo, kal ka duh in i ring em?” a awm ah min pawmbet a, a rim pa hrak mai chuan ka hnar a verh a,

“I kal duh anih pawn ka chelh lui dawn che,Jayden-a hian nu leh pa a mamawh ka tih kha.” LALPA...keimah emaw min mamawh tih nak laiin Jayden-a vang bawk anih chu,

“Ka kal angai ang ka ring, Bakah kei aiin Tei khan a mamawh zawk ang che, kei chu tunah hian engkim ka nei let leh anih chuan ka mamawh lo che” ka tal laih a, min kuahn ghet sauh thung,

“Min mamawh...i pha theilo, keipawn ka mamawh che,Tei sawi tawh suh, ka mamawh lo, mamawh ni ila ka nei lo ang che” a aw a ringlo,

“Tunah pawh inneih in tum ani lawmni?” ka tal leh sawk a, min thlah ta nge nge, ka tho chhuak a, ka taksa khuh tu awm lo pawh ka ngai pawimawh tawh lo,

“Zorinzual...” a ti hrawk a, ka ding chat a, mahse, chhuat a a T-shirt tla chu ka chhar a, ka ha a, hnuailam erawh ka ngaipawimawh lo, ka Room ka pan nghal a, ka rin ang chiah in Inhnuailam a reh vek,ka Room leh Muansanga Room inkar Corridor thuilo te awm pawh a thim thap bawk,Jayden-a ka pan vat a, alo la muttui phian, a mang a chhe reuh phian zel a, ka nui sak a, Bathroom ah ka lut a, Tuilum ah ka inchiah a, ka taksa a Muansanga Sulhnu kai chu Sahbawn in tihfai ka tum a, awmzia a awm tawh der silo,tunah ngaihtuah ka duh rihlo, ka chak phawt angai, chumi hun ah chuan ka chhuak nghal ang.

Zoi’n min rawn koh laiin ka lo inbual zo chiah a, alo let leh tih pawh ka hrelo,

“Umalsawma alo thleng a, awi, Bawihte chu a muhil leh tawh ami?” Jayden-a khum a pan a, a duh takzet, inchhung enkawltu hran lang in Muansanga’n a lak belh a, Zoi hi chuan Jayden-a bak engmah a ngaihtuah lo ani ber.

“Um, ka lo kal ang, in chhungte damlo an awm ami?” ka ti a, a bu nghat a, an chhung hnai lutuk anih loh thu leh a ziawm thu a sawi a, kan inzui chhuak a, Muansanga hmuh ka huphurhna leh Malsawma thusawitur hriat ka chakna a inchen hial ang.

Living Room ah an lo thu dun a, Malsawma chuan a dan pangngaiin Beer a lo hum leh vang tawh, a tui in vel mai mai ani ber,Muansanga chuan min rawn melh zawk a, ani pawh a inbual zawhna ala reilo tih hriat zet hian a sam a hnawng chap a, a lang thar sur bawk,a hmel luhlul zet ah chuan a hma lawk a duat tak a hmangaihna min chenpuitu kha ani tih a hriat hauh loh,Thil kal phung a sawi nghal mawlh mawlh a, kan chet zui dan tur a sawi a, kan hnehsa ani a,mahse, thil chianglo pakhat ala awm thu a sawi tel a, chupawh chu naktukah thuhretu a koh a lo kal theih chuan a chian tur thu a sawi bawk, ka hahdam huai mai, tunah chuan ka nihna diktak ka ni thei tawh ang a, engkim ka kut ah a awm tawh ang chu.

A tuk ah Muansanga nen kan kal dun a, Kan thlen chuan Pa Mawia te Nupa leh Ka pa Nurse thin khan min lo nghak vang tawh a, Pa Mawia hmel hlim sar mai ka hmuh rual chuan ka tah a chhuak mah mah zawk,

“Bawihi, vawiin hian hnehna kan chang ngei dawn a, tunah chuan I pa thlarau pawh a hlim ve tawh ang chu” a ti a, ka nuih var var mai,

Court Room boruak uap churh mai chuan min ti chau hluah hluah mai,ka thawpik hluah hluah ani ber, Nu Sangi chu ka en thin a, a hmeltha tak thin kha a pawr fap a,a mitkhur a tla dak bawk, Hausak tumna hian thil diklo mihring nun ah hian a va han thlen nasa tehlul em, Ka pa in a pek chin ah khan lo lawm mai nise hetiang hian a nun a hmanglo tur, huat ka tum tehreng nen ka haw thei tlat lo, ka lainat letling zawk, sum avang hian hmelma kan insiam a, engkim Pawisa a chinfel tum te tawpna chu hetiang hi a ni fo thin miau alawm le.

Thuhretu an ko nual a, Ka pa kha a thah ngei ani tih a pha lo, mahse, ka pi leh Pu erawh a thah anih loh thu in a tang kawh tlat thung, Rorelna a tawp a, thla leh ah ennawn leh tur ani tih a sawi takah chuan ka thaw huai a, mahse, mak tih em em ka nei, tuman ka Pa ro chungchang an sawi rilo, tun a an buaina chai ber chu Ka pa a thah leh Ka pi leh Pu kha a that ve reng em tih lam ani daih.

“Mak tih ka nei, ngatinge Ka pa Ro chungchang engmah sawi chhuah anih loh?” Malsawma ka en ran a, a hmel a buai deuh nak a, Mapuia a rawn thu ve a, Muansanga erawh inchung ah a chho a,

“Engmaw?” Mapuia chuan a rawn ti ve nghal a,ka sawi nawn leh a,a kut a hmetri khauh a,

“Hrilh rawh, a pawilo” Malsawma a en a,

“Ro chungchang ah engmah buaina a awm lo, I pa leh Muansanga khan an ti fel vek alawm, i Nu hrawn khan engmah chan a neilo” ka hresual emaw ka ti hial..

Muansanga a rawn chhuk thlak takah chuan kan sawi zawm ta lo, engtin nge min bum theih?,ka nu hrawn in a nei emaw ka tih kha aman maw lo nei a??!!!, engtin nge ka nu hrawn man tur khan ka tan a bei tih ka lo rin theih zawk???, mawl min tih dan tur ka ngaihtuah a, ka luak a chhuak ut ut mai,Mapuia leh Malsawma’n chaw an ei ve nghal a, an 3 in an in nual bawk, kei erawh in engmah tih tham ka eilo,Muansanga ka en ringawt pawh in ka na lutuk a awm ngaihna ka hrelo ani ber.

Room ah Jayden-a ka ti mu a, a rawn lut ve a, Jayden-a ka mut fel te te a,

“Mi tenawmpa,Ramhuai i nih hi” ka bul a lukham ka la a, a hmaiah ka hem a, a pai chawn bawk,

“Eng nge i tih?” min rawn pan a,ka hlap nawn leh tur chu min rawn man bet a, Sofa ah min nemthlu a, min delh bet zui bawk, ka tlawh a, ka ham a, engahmah a ngailo ka kut 2 a man kawp a, chunglamah a nembet a, a taksa rihna in min delh bet bawk,ka che theilo beidawng lutuk chu ka mittui a rawn hnam a, ka taksa a nalo,ka rilru na ka puakkeh ani ber, ka pi leh pu leh ka pa thih dan kha ka hre duhlo anilo, mahse, Nu sangi khan diklo tak in ka pa sum a hmang emaw ka ti a, mahse, ani nilo in Muansanga zawk hian alo hmang anih hrep chu...

“Ka tan i bei emaw ka lo ti asin, engtin nge nang misual hi ka lo Hmangaih theih che?” ka mittui a luang a, ka hru thei silo,a hmel a buai deuh nak a,

“I tan ka beilo ami?” a aw a mak tihna ka hriat hmaih lo,

“Ka pa ro sum tlem te kha ilo it tih ka hrelo, Nu Sangi zawk in a nei i ti a, nangman ilo nei reng a...”ka sawi zo theilo,

“Oh....nilo”min thawhsan nghal a, a awmdan chuan min ti thinrim zual sauh bawk,

“I tenawm lutuk hi sawifiahna dang ka hrelo, ka ten che, engtin nge Jayden-a hnenah a Pa i ni tih ka sawi theih ang?, pawi ta ber chu ka lo Hmangaih che hi..” ka pum ka dawm a, ka mittui pawh hruk ka tum buai peih lo,

“Tunah pawh min ring lo amaw?” a hmai a tuai pawk a,

“Ka ringlo che nilo in i rinawmlo tih ka hria” ka thu chhuak nghal a, ka ke a khur dar dar bawk, kan inchai thawm kha a ringlo a, vanneihthlak tak in Jayden-a pawh a harh lo hlauh, engmah la hrelo pawh nise a Pa nen a kan intibuai lai a hmuh ka duhlo.

“Insiam rawh..” a ti nghut a, mak ti zet hian ka en hu a,

“Engmaw?” ka ti a,

“A hma khan min then tih i sawi thin a, kei chuan ka then ve ngailo che, engpawh ti la ka hmangaih che a, ka Nupui i ni bawk, Tei nen fa kan nei lo a, engvangin nge khatiang i sawi theih pawh ka hrelo, ka hmangaihlo a ka nei dawnlo bawk tih ka hrilh che a, nangmah ka hmangaih che tih i hre chung pawn ti hian min ringlo a, tunah chuan kan inthen tak tak ta e, kal rawh, ka danglo ang che” ka awihlo rum rum zawk.

Then hi duh em em mah ila a ma sawi ngei ka hria chuan min deng na lo theilo,ka mittui rawn hnam leh ka hru tawk a, Ngawirengin ka thawmhnaw dahna ka pan a, ka keng tam lemlo a, insiam a harsa lo, Muansanga chhuak thawm ka ngaithla kar a, mahse, ka hawilet chuanglo, tunah chuan zalen ka ni ta...mahse, ka zalenna hian min va ti hlim chuanglo em,Ka pa thihna ah thudik tak hre tawh mah ila ka hlimna erawh laksak in ka awm leh ta chu anih hi..

Jayden-a ka pua a, ka thawmhnaw ka khai a, inhnuai ka thlen thlak chuan Living Room ah a en ngai en in alo thu run a,ka thawm a hriat veleh min en lo in a rawn tho chhuak a,pawn ka chhuak min zui a, engvangin nge min zui ka hrelo,

“Khawi i Bag kha.” Min laksak a, Motor ah a dah lut a, min then bawk si,min drop a tum leh lawi bawk,a awmzia ka hrelo.mahse, thuawih mai loh chu tih theih ka neilo, tunah Taxi zawng leh tur in a tlai tawh lutuk.

Ngawirengin kan chuang dun a,Jayden-a pawh a mengkar mai, ka kut a khal a, kan Boruak rit lutuk chuan a delh rit ve niawm tak hian a ngawi ve kar bawk,mahse, ka Inluah lamah ka kal tlat lo,

“Khawiah nge kan kal dawn?” ka en a, hmalam a melh ngur a,

“I In ah” a ti hmuk ringawt, a tlan zel a, ka tawng chak lo,ani pawh a tawng chak biklo anih hmel,Ka pa te In kawt a din takah chuan ka hawi phawk hra mai,

“Chhuk rawh “a ti hmuk a,tawng tum a ka ang ziau chu ka thulh leh a, ka chhuk ta zawk a, ka Bag a hnung seat ami chu ka la thla a, chak zet in a dawk chhuak zawk a, kawngkawi a a tlanliam tur chu ka thlir a, mak tihna hlir in ka khat ani ber, Gate ka hawng a, In chhung eng at mai chu ka thlir a, a hma khan ka lo ngaihtuah ngailo, Nu Sangi In anih chuan man tum a an veh lai khan tuman an khawih che theilo ang, mahse, Pa Mawia te Nupa an khawsa thei tlat a,Muansanga In alo nih vang lek ani ngei ang.

Kawngkhar alo in kalh a, mangang deuh hian ka hawikual a,ka Phone ah Msg tone a ri kauh a, ka en thuai a,

“Letter Box ah chahbi a awm” Muansanga alo ni a, a hma khan min hrilh theilo emawni??

Inchhung ah ka lut a, engkim a pangngai vek, a fai tha hle bawk,Jayden-a lah a Pa kal hnu ah a tap ta reng lehnghal a,a tah khat tehlul nen mak tak ani, Room ah ka mut pui a, Hnute ka pe a, a tap muhil ta bem reuh a, a sam dum hlarh chu ka chul sak a, Muansanga nen danglamna an neilo.

Inhnuaiah ka chhuk leh a, tih tur ka hrelo a, tih loh tur ka hre chuang heklo, Rempuii biak ka tum a, mahse, ka thulh leh a,Ruatfela leh Sangpuia pawh biak nan a tlai tawh, tunhnai ah ka tibuai nasa em em a, tunah pawh be mah ila min ngaihtuah avangin an lo kal leh tho ang, a tul lemlo e,naktuk ah ka be mai ang.Dawhkan a Envelope let ngat chuan ka mit a la a, a hma khan ka hmu miah lo, ka la kang a, a inhawng sa avangin ka phawrh chhuak a,ka en a, ka mengphar awk mai,

Rokhawmna lehkha ani a, ka pa thil neih zat leh hmun dang a a ram neih LSC te, engkim a awm vek, a neitu hming ah Muansanga nilo in ka hming a inziak vek bawk.

Chapter – 21

Tih hmasak tur hrelo in ka enreng ringawt, engmah inziak pawh ka hmu chuang hleilo a, ka rilru a buai mum mum aniber, Muansanga ka tihdan zawng zawng ka mitthla ah a thar in alo lang nawn zut zut a, a hmel a na tuar hmel lang te, min mamawh zia a lantir lai te nen,kal lo turin min ngen a, ka tan mualpho huam in a bei bawk, Min la Hmangaih tel cheu bawk...Ka biang a vawt ngiai ngiai a ka mittui a rawn far a, hruk pawh ka tum buai peih lo,engtin nge hetiang khawp hian ka at theih ka hre biklo,

“FOLIE...”

Muansanga khan a sawi dik reng mai,kei hi mi a ka ni alawm, ka at lutuk avangin Muansanga pawh awmngaihna hrelo khawp in ka ti mangang a, ka nun pumpui hi buaina in a khat a, ka naupanlai atanga enkawl that loh ka nihna leh rual ka pawl loh luatah midang rilru tur ka thlirpui thiam lo a, ka bul ami te ka ring zo ngai heklo, midang zawng zawng ka ring zo lo anih pawh in Muansanga kha chu ring tur ka ni asin, “FOLIE” tiin min ko leh thin kha ania, Nie, ka luhlulna leh engmah hrechiang hmasa lo a thil ka tih pawp pawp na rah chhuah chu at na chiah...


Engchen a rei nge ka thut pawh ka hre lo,Jyden-a tap ri ah ka phu zawk a, inchung lam pan in hmanhmawh zet in ka tlan chho a, a tap ngaimang lo ,mahse,a tah ve tawh chuan a aw a lian a, hriat loh der theih ani lo thung, Khumah alo thu a, min hmuh veleh min lo ban a, ka lawn a, ka pawm bet a, a hnungah ka chul sak a, Muansanga chu awmse tunah pawh hian ka thlem ngailo in a man a ti ngei ang, ngaihtuah ringawt pawh ngaihtuah ngam tur ka ni hrep lo e, ka mawl man ka hmu zel dawn animai, Te-i nen awmdun tak tak ta se....Ngaihtuah loh ka duh zawk.

Jayden-a muthilh leh hnu ah pawh ka mu meng kar a, muthilh lam a lang eihlo, ka duhber chu ka pa thihdan chhui chhuah a, ka chanpual tur lak let kha ani a, Pasal ka neih hma leh ka neih hnu ah pawh khan ka ta tur ang in engmah ka ngaihtuah ngailo, ka let ve tawp kha aniber a, mahse, Ka pa nen kan inpawh tak hnu leh thildiklo thleng ni a ka hriat hnu khan ka ta tur niin ka hre thar leh a, ka bei ta nghek a, ka tan a tha tur ber pawh hrelo khawp in tumah ka ring zo lo, tuman min hrilhfiah chuang bawk silo,mihring zawng zawng hian kan diklohna lai min hrilh a, mn sawisel a min khalh ngiltu tur kan mamawh vek, mahse, mamawh mah ila chutiang tur tumah ka nei silo, Ka thiante an awm ngei a, mahse, min hau ngawt turin thil zawng zawng an hre tlat silo.ka phal chin chiah ka hrilh anih kha...

Muansanga ka rin dikloh zia bawk ka ngaihtuah leh a, ka chhuahsan hnu ah pawh ka himlo ang tih hlauin a ruk in ka awmna apiangah min vengtu tur a dah kual ve zel a, Mapuia pawh keimah min ngainat hrim hrim vang a min ngaihsak emaw ka tih laiin Muansanga ngenna vang zawk in min awmpui a, ka awmdan engkim Muansanga hnenah a hrilh leh zawk si a...ka thu chhuak hlawl...kan inneih tirh te atangin ka ngaihtuah a, Muansanga diklohna engmah ka hrelo ,ka rilru kawi lutuk in ka duh duh ka puh kual vel mai mai ani, Nu Sangi chungchang pawh ka hrefiah vek tawh a, Te-i pawh a mamawh loh thu min hrilh a, khatikhawp khan ka tan a tlawm ania.....ka chawh ka inti lo theilo.

Doorbell ri ah ka harh a, ka lo chhing ve sek ani ngei ang, khua alo eng ut tawh, Jayden-a mu chu ka en a, a thaw ri sek sek a, a Pa muhil hmel nen an in ang takzet, a pawilo e, Jayden-a ka neih chhung chuan a Pa ka hmu thei tluk ah ka ngai thei ang, Danglamna an nei lo tluk ani , a la thlanglian anga, a Pa ang bawk in Hmeichhe tam tak ala ti buai ve anga, mahse, ani hi chuan a Hmangaih tak a neih ngei theih nan tha tak in ka enkawl anga, huaisenna nei turin ka fuih bawk ang.Kei anga mawl a khawsa turin ka phal ngai lo ang.

Kawngkhar ka hawng a, Pa mawia alo ni a, a rawn lut a, Kawtzawl ah chuan hnahthel a tla darh nuaih a,zing ni chhuak chuan a chhun eng iar bawk,

“Ka ti harh che em?” a ti a, ka lu ka thing a,

“I va hma ve” ka ti a, a nui mai a, Thingpui lum turin Choka ka pan a,

“Nia, Muansanga khan a ngaihtuah deuh che a, ka rawn ngaihven che u” choka ah min rawnzui lut a, lehzel chuan..ka mittui rawn hnam sawk chu a hmuh loh turin ka khap hul sawk sawk a,

“Nizan khan min rawn be tawh zawk a, eee, Lehkha ho kha i hmu em?” a ti leh a, Dawhkan tlang chu a kut zungtangin a ti ri kauh kauh a,

“Eng lehkha?” ka ti a, ka hrelo der chak thut, Pa Mawia hian engchen nge a hriat ka hre duh tlat,

“I hmuh ngeina turah dah turin min ti a, Sitting Room ah khan ka dah asin” a tho uaih a,

“Ka hmu e ,tak tak in ilo hriatpui vek tihna ami?” ka ti sep a, ka insum zo lo,

“Eng chu?, I pa ro zawng zawng i kutah a awm tih kha maw?” a ti hu a, a hriatpui chiang khawp e,

“Um...adang ala awm cheu ami?” ka ti deuh hmak a, ka duh aiin ka tawngkam a bung,

“Awmlo ang, thuruk anih angai alawm, ila naupang a, i thiltum engkim kha i pa leh Muansanga khan an hai reng renglo, i rilru let but thin kha i thunun zo dawnlo tih pawh Muansanga hian a hrechiang a, a rin ang chiah in engmah fiahna zawng lo in i chhuahsan ta chiah a....” a chil a lem khawlh a,

“Mahse...a tir ah engkim min hrilh ula khatiang in ka awm lo ang” ka ti a,awmzenei lo zet in ka ban ka phar a,

“Hrilh mai che kei chuan ka duh a, mahse, i chet dan tur Muansanga khan a hrechiang lutuk, i Nu hrawn tan tal chhuahna tur kawng i hawn tam mai mai ang tih a hlau a, chu tah pawh a rin ang chiah in i khawsa leh a, nangma thu in i chhuitir a, i mi chhawrpa kha a tunhma nun enchian na chang i hre leh der silo..Mapuia phei in hrelo se a that hman daih ang che” a ti leh ta duah a, sawi ve tur reng reng ka hrelo, a sawi kha diklo engmah a awmlo, ka awmdan engkim ka ngaihtuah let a,engmah hrilh tlak loh khawp in ka nun kha a mawlmang tlat atin ni...Naupangchhia ang maiin ka khawsa a,ti lo tur a min tih apiang ka tilui a, amah tihnat duhna khan ka khat vek a, engmah sawipui tlak ka ni hlawllo.

“Nia...a dik maithei “ ka ti leh sap a, mahni diklohna pawm hi a harsa em ani,ka diklo tih hre mahila ka diklo tih ka sawi hreh tlat,

“Pawi ti suh, engkim a tha vek tawh alawm, I pa khan alo tisual lo nasa khawp a, i Pasal lah in a hmangaih hlum lo chuah che a,tunah chuan engkim a fel ani tawh mai a, hlimna chauh in a hmuak che alawm” a ti dam duam a, ka pa thiantha ber ani a, a fanu ang maiin min en ve bawk a, ka tan a thalo tur a sawi lo ang tih ka chiang.Mahse, Muansanga nen kan inthen tih a hrelo tih a tawng danah a hriat mai..

“Chaw ei ve nghal daih la..” ka ti a, a Thingpui tur ka siamsak chu ka pe a, amah ep zawngin ka thu ve a,

“Ei dawn e, mahse, Muansanga lo thleng phawt se” a ti leh mai a, mak ti deuh hian ka en a,

“A lo kal ka van ring chiah lo”ka ti a, ka no tlang ka kutzungtang in ka chul kual zai zai a,

“Kal ang, alo thleng har lo tawp ang..” a ti liam leh puat a, a Thingpui a inzo thuai a,

“Kawtzawl saw a hnawk em mai, kan va phiat khawm ange” a ti a, ka chhan hma in a chhuak fel ani der, No ka sil a, Inchungah ka chho a, Jayden-a tih harh hlau in thawm dim tak in ka che a, mahse, a harh ta tho, hetiang em em a Naute thuawih hi an awm pawh ka ringlo hial zawk, Ka pawm a, Inhnuai lamah ka chhuk pui a, Inchhung reh ruai maiah chuan kan nufa in kan inchhaih a, engkim ka ta anih tak si ah chuan keimah in eng sumdawnna mah ka la kalpui chhin ngailo a, ka buai nasa hle ang, Muansanga puihna tello chuan ka ding zo in ka ringlo,mhse, tunah chuan ka tihbuai pawh a duh kher in ka ring tawhlo, a sawi ang chiah khan keimah ka inhriat ai a chiangin min lo hre tak tak anih hi.

Motor thawm ah ka dakchhuak vat a, Pa Mawia’n Muansanga luhna tur a Gate a hawnsak chu ka va hmu a, ka lungphu a rang nghal dawt dawt mai, ka ngaihtuahna a vir zawk ka ti mai, tun ah alo kal anih chuan engmah tihtur dang a neilo, min Hmangaih tak tak....engpawh tih ngaise min kalsan lo turin ka ngen mai ang, kha leh chen ka luhlulna avangin kan lo intina tawn tawh a, nizan khan thutawp sawiin min then a, mahse, tunah alo lang anih chuan ka theihtawp in ka dang mai tur ani, a hma ah thingthit pawh ngaise ka thingthi mai ang.

A rawn lut a, mahse, amah in anilo, Zoi a rawn kal tel ve a, te chul chungin Jayden-a a rawn pan a, Jayden-a lah chuan hre ve niawm tak in alo rak ve nawk nawk bawk,melh loh hram hram ka tum a, ka hua anilo,ka awmdan engkim avang khan ka zak em em aniber,

“Zo-i,Bawiha kha lo awmpui lawk la..” Muansanga chuan a ti hmuk a, Zoi lah chu awmpui suh pawh tise an inpawm fel vek tawh, a bu nghat a,

“Inbe lawk ang” a ti a, min rawn melh zawk a, Inchung panna Step ah a bawp sei zet chuan a pen chho nghal pawk pawk a, Zoi lam ka hawi a,a thle bak a, a nui ringawt,

“Engmah ka la eitir lo a, a tah chuan min lo ko mai aw” ka ti a, a bu leh nghat a,

“Nia, mahse, a tap lo ang” awlsam zet hian a ti a, chhoh mai loh chu tih tur a awmlo, eng ang pawn hmu hreh ila hel dan a awm chuanglo,chelhbeh ka duh chuan kal lo tur a ka tih angai,

Ka khum sir a Tukverh bul ah chuan pawn lam thlirin a kekawr inpe zen chungin a lo ding khawng luh a, ka thawm a hria ang ,mahse, a rawn hawi chuanglo,ka aw ka thian kharh a,mahse a din ngaiin a la ding reng tho,ka pan hnai a, ka huaisen na zawng zawng sawkhawm in a kawngah ka kuah a, a taksa si chet in ka ngheng a, a taksa lian pui in sangmar talh talh pawh ka hriat hmaih lo,min nemsawn hun ka nghak a, ka lungphu rang dawt dawt chu ka hre thei a, ani pawn a hrethei hial in ka ring,

“Min ngaidam tur pawn ka ngen ngam lo che, mahse, i bulah ka awm duh..” ka aw a khur dar dar mai, ka zak em em a, mahse, zak thei tur dinhmun ah ka dinglo,

“Ngaidam duh lo ta che ila...” a ti sup a, a din ngaiin a la ding reng, a kawng a ka kuahna kut pawh a dahsawn chuanglo,

“Ka hrelo, ka dam zo lo ang..” ka tum loh deuh in ka insut hraih mai,

“I tihsual i pawm tih engtin nge ka hriat ang?” a aw ah nuihzatna a tel tlat,

“Ka hre chuanglo ,mahse, ka Hmangaih che a, min Hmangaih anih chuan min ngaidam thei ang”ka ti leh a, a ngawi leh ta reng.Beidawng lutuk in ka kut ka lasawn a, min dan pawh a tum chuanglo, ka inher a, a tawp chiang ta viau e, ka phutawk chiah chhanna ka hmu..

Room ka chhuahsan hman tep tih ah ka kawngah a rawn kuah a, amah si chet in min kuah bet nghal a,

“Ka ngaidam ngailo ang che, a chhan chu maw engmah tihsual i neilo, engmah ka hrilh lo che kha ka thiamloh alawm” ka Dar ah a khabe a rawn nghat a,

“Nilo....ring tur a min tih lai khan ka ring duhlo che a, midang ka ring zawk zel a..” a samah ka tham a,

“Nizan khan i rilru damna tur anih ka rin avangin kal turin ka ti che a, mahse, zingah rawn lam che ka tum tho, a chhan chu maw nang te hian engmah ngaihtuah lo in thil i ti pawp pawp zel tih ka hre chiang a, reilote ah i inchhir leh ziah bawk tih pawh ka hre bawk a, mahse, zankhat pawh i tello chuan a rei mah mah” ka inher a, ka kuai kun a, a hmui nalh leh sexy zet ah chuan ka fawp ta vawng vawng a, min pawmkang nawlh a, a kawngah ka kherh bet a, Bangah min nawr bet a, chintawk a awm thei dawnlo emaw tih tur khawp in min fawp a, phur zet in ka chhanglet ve zel bawk.

“Tunah chuan ka nghak chhuak ta, kum engzat nge ka nghah i hrelo ang?” ka chalah a chal in a rawn nawr a,amah en turin ka khabe ah a rawn dawm kang a,

“Maw??” ka ti a,

“In in a ka rawn kal hmasak ber ni khan kekawrbul nen i sam tawn hnawk niaih chungin Pangpar karah sawn ilo thu sawp a,ka Nupui tur ka hmu tih ka thinlung hian hria asin” ka ngaihtuah let pawn ka hre chhuak zo lo, alo kal fo a, ka ngei hran lo a,ka be ngailo ve tawp, ka mipa ngainat zawng anilo ve hranpa tawp thin kha ania.

“Zualbawih..” Pa Mawia min ko ri ah chuan kan inthen hran phawk a, kan in en a,kan nui dun leh rih a,

“Kan lo kal...”ka ti let a, ka pen sawn chiah chu min rawn man bet leh a,

“I pa Rosum it ah min puh leh dawn em?” a mitmeng de sar ah chuan fiamthu engmah a langlo, alo la na takzet tih ka hriat chian phah leh zual, ka lu ka thing a,

“Ka tihpalh tak tak ka tih kha,i it lo ang tih hrechiang ber tur ka ni asin” ka ti sep a, a thle buk a,nia, hrechiang bertur ka ni asin, ka Pa rosum neih zawng zawng hi Muansanga neih chanve pawh a tling dawn silo,

“In ah haw vat ila, Thupha chawina hlimawm deuh hmuh ka chak kher mai” ati sup a, a hmui a pet sawi zauh bawk, ka hmai a sa hat hat thung.

“Lawk, eng nge min biak na tur chu?” ka ti leh rih a, a nui suk a.

“A ngai tawhlo, tunah chuan engmah buaina dang ka mamawh lo tawp animai” a ti nghut a


“Mum...Tho rawh..” ka lu ah Jayden-an a rawn sawi a, peih lo zet in ka inlet a,mahse, ka chungah a rawn lawn a, Muansanga chuan zawite in tihdan tur a lo hrilh zel bawk,

Tun ah chuan kan Hlimna in a vawrtawp a thleng takmeuh, ka mumang emaw tih chang ka la ngah mai, zanah ka mu ka harh veleh Muansanga silo a ka mut chuan ka zawng nghal vat thin a, rum tuah tuah chungin min rawn kuah thin a, hahdam tak in ka muhil leh mai thin, Jayden-a pawh kum hnih a tling ve tawh a, mahse, Nau ka la pai leh ta miahlo, invenna engmah ka hmang lo,Muansanga lakah Jayden-a ka thik ruk tum a tam bawk, mahse, nui hawk hawk chungin min tihlungawi tumin an pafa in an buai dun thin a, ka thinrim rei thei ngailo.

Nu Sangi pawh ala tang ta zel a, Ka Pi leh Pu chungchang pawh rei tak pha mahse Muansanga’n theihtawp a chhuah a, sum a awm bawk a, tunah chuan a ma thah ngei ani tih kan hre tawh a, kan hriat chian ni khan ka ni nen kan tap nileng ani ber, kan sun tha leh ani ringawt, Muansanga min hmangaihna ah hian sawiselna tur engmah ka neilo.

“Bawihi...tho teh” Muansanga chuan ka beng bulah a rawn ti leh a, Jayden-a erawh a Pa Phone khawih in a buai leh daih tawh ang tih ka chiang,

“Ka peih rih lo alawm” ka ti a, lehlam ka hawisan a, mahse, min rawn kuah a,

“Inneih inkhawm kha kan tlai chuan Mapuia i ngam dawn lo ania” ka mengchhuak zawk a, nidawn tak...vawiin hi Mapuia leh Asangi inneih ni anitak e,

“Ni dawn tak..” ka thu chhuak nghal hluai a,

“Hriatpuia leh Rempuii khan karleh hian Huanah kal an rawt a, i peih chuan?” a tileh daih a, a zia hi a thlak thei biklo, thildang sawi daih a chin kha ala ching reng,

“Peih lo mah ila kan kal lo thei nang, kan ngam leh chuanglo ang” ka ti hlak a, a nui suk a,

“Nia, kan ngam lo tawp ang..” a ti tha ve mai, ka tho a,

Nilengin Inneihna ah kan awm a, Muansanga nen anih chuan khawi hmun mah hi hrehawm ka tih ka ring ta lo, mahse, Te-i leh Carolyn- i hmel ka hmuh rualin nuam lo tihna in min tham ru er er mai, ka Bul a thutna awm ah chuan Te-i a rawn thu ve a, Carolyn-i hmeltha tak mai , dang diau mai chu ka en a, min nuih sak a, a hlimloh zia ka hmuhpui thei hial in ka hria,a mizia kha han siamtha nise Mapuia hi a nei mai tur,Mapuia pawh khan a duh lo ani silo,mahse, Hmeichhia te hi chuan kan tan a Mipa tha hi kan hmuh kan fo a, a tul tawh loh hnu ah kan inchhir leh si thin a, kei erawh ka vannei a, amah aia kei min hmangaih tu Mipa tha ber ka tawng miau alawm le.

“lo va kal rawh, Zualbawihi hi kan be lawk” a ti a,Carolyn-i chu a bu nghat a, a kalsawn a,

“Enteh..hman ah khan dawt ka hrilh che a,hrehawm ka la ti reng mai” Tei chuan rawn kun hnai pah in a ti sep a, a hmel chapo larh thin kha a bo vek tawh,

“Te-i, thil hi a kal tawh a, kal liam rawhse, tunah chuan ka hlim alawm” ka ti a, Jayden-an a thil ei lai a intih buak a, ka hruk fai sak leh rih a,

“Muansanga khan a at chilh che tih ka hria, ka na em a, i kalsan theih nan ka rai der ta mai anih kha..” a ti leh a, sawi chhuah harsa a tih zia hmelah a lang thei a, keipawh ka phu ve zawk tho, Muansanga khan mak a ti em em kha thil awmlo alo nilo e,

“Aaaa...sawi tawh lo ang” ka ti hap a, ka nuihsak a,

“Hi...Te-i, i tha em?” Muansanga a rawn thu ve a, Jayden-a lah chuan a pa hnenah thil alo hrilh ve sek bawk,

“Ka tha alawm, ka kalsan phawt ang che u” a ti a, a kalsawn tur chu ka thlir vang vang a ka khawngaih tho mai.

Jayden-a muthilh hnu ah chau zet in khum ka pan a, Khua a vawt vur mai, Ac ka On a, Muansanga erawh Online Games a khel a, engemaw chang chuan hunawl ah a khel fo thin reng reng a, ka mu a,ka hnaih duh lo,a Games khel lai tihbuai a duhlo tih ka hria,

“Muansang...” ngawireng a mut ka ning a,

“Um...” min en lo in a ti ngawt a, ka thinrim phat mai,ka inlet thak a, ka inkhuh zui nghal daih bawk, a nui hawk a, a che deuh dat a, min rawn kuah a,

“Thinrim peih si..” a ti hluk a, ka hawi chhuak duh chuanglo, a rawn phih thla a, a awmah min pawm bet a,

“Sawila..” ati a,

“Ka sawi peih tawhlo, Games i duh zawk kha..” ka hnute a rawn khawih a,

“Nih leh ka tlawm, ka thiamlo..” a ti sup a, ka rilru chhungril ah erawh thinrimna a awm lo hrim hrim,

“Te-i kha ka khawngaih e” ka ti ta nge nge..

“Theihnghilh teh..kan nun ah buaina a thlen tam tawk tawh, chu ai chuan Jayden-a hian nau nei ta se..” a ti sup a,


“Ka rai thei tawhlo aniang...engmah invenna ka hmang lo” ka ti sep a,

“Pawilo..a la hun lo animai,kan la nei mai ang, kan nei ta lo anih pawn Jayden-a kan nei a, a tawk alawm” ati a,a awmah ka hmai ka phum kak a,

“Muansang....”ka ti leh a,

“Um..” ati sup a,

“Ka Hmangaih che” Ka kut che chu a rawn man bet a,

“Ka nunna aipawn ka hmangaih zawk che,ka hriattirh atang che in Buaina min thlen reng a, a chang chuan ka at phah dawn niin ka hre thin,mahse, at phah dawn che mah ila pawi ka ti lo” ka tho kang a, a biang tawn tawn ah ka chelh a, ka fawp ta vawng vawng a.

“FOLIE...MADNESS....Atna..”