KALBO TAWH SUH

KALBO TAWH SUH : Maengi ralte

Chapter- 1

Ka muhiltheilo chu ka let tawn chhen mai a,kan in lianpui ah chuan keimah chauh in sofa ah ka thu mu a,kan nulate 2 chu lang a kan chhawr ve2 avangin an haw na arei tawh bawk si,ka khua har kher mai,ka pasal fel tak ni thin kha tunah chuan a danglam zo tawh a,zantin dar 10 hma in alo haw ngai ta lo,kan nupa kar heti tak a achhia hi ka thiamloh ah ngaiin nasa takin siam that tumin ka bei a,mahse ka beidawng ve lek lek mai,tuma hriat loh a chinfel theih ka rin kha tunah chuan hrelo an awm tawhlo hial ang,ka hmaichhanah ngei pawh kan pa bialnu neih min zawt ngam an awm ta nual bawk.





Nula pangngai tak leh chhungkaw khawsa thei tak atanga selian ka ni a,M.com tha tak a ka zawh hnu ah ka vanneihna kaltluangin mizoram college lar ve tak ah Lecturer in ka lut a,a hnu lawkah tuna ka pasal nen hian kan innei zui bawk a,ka hmangaih em em a,ka tan chuan ka engkim ani ber e,rei pawh kan inzui lo a,mipa ngaihsak lo tak mai ka ni a,min duh tih min hril hnu atangin kan innei har lo a,mahse kan innei hnu ah an thawhpui Doctor ve tho nen lar hat khawp in anlo inzui tawh tih ka hre ve chauh,kan innei mai pawh kha mak anlo ti viau hlawm ni awm tak ani.chumai bakah kan inneih hnu lawkah ka nu leh pa in arualin motor accident ah min boralsan leh bawk nen,ka tan chuan ka nu leh pa ani a,ka nun hruaitu dik tak ani tawp mai





Mahse tunah chuan kan inhlat ngawih ngawih animai,khum khat a kan mutdun pawn kan insi ngailo tluk ani,kuah duh in va ban mah ila dim takin ka kut alo dahsawn hmak zel a,lo haw loh mai mai a ching ta zel bawk nen,ka nghah avanga sitting room a ka riah tak mai pawh hi atam tawh bawk,ka muhil tha theilo a,chaw ka ei thei bawklo a,ka cher in ka dawldang em em bawk nen ka nalh lo ngang mai,mahse ka rihna tla hniam te,chaw ka eitheilo te chu a hrelo der nge a ngaipoimawh tlat lo,duhse chuan Doctor satliah pawh nilo Medicine super specialist hian eng vang in nge a hriatloh tehlul ang?





Maktak erawh chu nupa nun kan hmang ve zeuh pawhin min thlahlel leh duhthawh takin a hmang tho bawk sia,mahse kan zawh chuan min hre ngailo ang maiin min melh leh bawk sia,ka mangang ngei mai,tumah laizawn ka neilo a,ka nu a boral tawh bawk a,harsatna sawipui tur ka neih chhun ka thiannu ve ber lah chu chennai ah hna aneih avangin a awm daih a,engkim hril a harsa a,ka mal tuar ngawt ngawt mai ani.





Sana kan en chu dar 1 alo kawk va tawh a,alo haw lo leh ngei dawn anih hi ti in muangchangin ka tho a,kawngka ka kalh a,room lam ka pan a,step ka rap chiah chu na lutuk hian kawngka chu arawn ri bur bawk a,ka va han phu nasa tak,hlau khur zawih zawih a ka din lai chuan ka pasal aw hian ka hmingin min rawn ko ta a,ka thawveng huai a,ka let leh a,ka va hawng ta a,kan hawng chiah chu a rawn lum lut hi ani ber mai,a ruih dan em em chu pui tak ani,zu a in fo a,mahse tiang em em a rui hi chuan alo haw ngailo thung,kawngka ka kalh leh sawk sawk a,ka kuah ding dawn a,a rit lutuk chu ka ti hleitheilo,kei lah nu te lam ka lo ni a,ani lah chu mizo mipa ah chuan alian pawl tak, 6ft lai mai alo ni bawk si,ka hah ngei mai,harsa tak chuan kan room chu kan inkuah thleng thei hram a atawng vai zui nuah nuah bawk a,a pheikhawk leh thawmhnaw ka phelh sak a,adang ka haktir leh hnu chuan puan ka sintir a,a bulah chuan ka thu hnawk mai,a hmel chu light eng riai hnuaiah chuan ka en a,hahdam hmel takin a mu a,asam chu a thur deuh a,a hnar sang vah mai te,a hmui pan lam lek lek leh,a khabe ruhkul lian lam ,mithmul buak tha tak te nen chuan hmeltha tihlo rual anilo,ka in ngaihtuah a,keichu ka hmeltha em em bawk silo,ka chhuantur neih ve chhun chu ka vun var haih leh ka rilru tha em em chauh hi ani awm e,ngaihzawng anei pawh hi ka demlo,ka zeilo a,ka tilawm zo lo ani ang,chumai bakah fa ka neihsak lawk bawk silo,min hne ani ber aniang.





Engmah hrelo a mu ani bawk a,a mah hnaih thei ang ber chuan ka mu a,rui in min ngaina tawhlo mahse ka tan chuan in nghahna a ni miau a,a darah ka lu nghatin ka muhil ta a,ka harh hlawl chu ka tihdan pangngaiin khum bula sana chu ka ban nghal a,dar 4 alo ni tawh a,ka inlet leh tur chu ka mutdan ngaiin ka lo la mu a,ka pasal chuan minlo la kuah a,kan nui sak a,ka lawmna te hi ava han ho ta em,zomuana kut chu a che hrut a muangchang hian ka mutkawr chhungah a zen lut a,dimte hian ka hnute atuai leh a,ka thaw halh mai,kum 2 zet kan innei ve tawh a mahse a bulah hi chuan ka phurna hi ala ngai reng,zawi sup hian "i harh tiraw" an ti a,ka lu kan ti che hret a,a insiam rem a hret a,a chungah min pawt kai a,ka biang tawn tawn ah dawmin dim zethian min fawp ta a,a kut lehlam chu la sawnin a vak kual vel a,kan zauthau takzet tawh,nidang ang bawkin min thlahlel takin a che a,keipawh ka bang biklo,ahnu chuan kan duh ve ve hmuin ka pil ta vang vang a...



Zing ka tho chu beiseina sang tak ka nei a,mahse kha thil khan engmah asiam tha zui ta chuanglo,a tukah chuan ka thawh hma in clinic kal turin a chhuak a,ka hna tlai ka hlauh vangin chaw ka eisan a,phone pawh min rawn phone hauhlo,ka msg a chu pawh a reply chuanglo,tlai ka ban chuan kan nula rami hnenah kan zawt dawn thut thut a,mahse ka zawt talo,kan nupa boruak chu hre mahse han zawh vel chu ka tlawmngai ve tlat.min khawngaih thei em em tih ka hria a,duat pawh ka duat viau reng a,kei aia kum 1 chauh a upa ani nangin hrehawm tamtak paltlang tawh ani bawk a,achhel em em a a rintlak bawk.Room ah ka lut a,a thawmhnaw ka dahchhuah chu ha duhlo in a dang alo ha leh ngat bawk a,,,ka thaw halh a ka beidawng tan ani,nizan thil thlen hnu kha chuan a danglam ka beisei a sin le.



Kan nun pawh a pangngaiin a kal ve zel a,a bialnu aia ka danglam na chu inneih zungbun ka bun chu ani mai awm e,kan inneih hma a lo inzui hrep tawh anni bawk a,rinkimi pawhin min hmusit nge min ngaipawimawh lemlo,hmeichhe smart zet mai ala nizui bawk .college lama ka thawhpui pakhat Davida hi kan zir lai atanga inkawm tawh kan ni a,kan inneih hnu lawk khan kan college ah hian an rawn sawn ve a,ka ngaina em em a,ka pasal leh ka u tih loh ah chuan mipa ka kawm ve chhun ani hial ang.kan inah pawh arawn chuangkai ve reng bawk a,min khawngaih viau thin a mahse midangte nuna inrawlh hi a finthlak loh tih hre chiangtur khawpin a fing a,kan nupa chungchang min zawt ngailo...zankhat chu kanpa alo hawlo leh a,ka mu tlem hle mai a,zing ka tho chu ka nuamlo nghulh mai a,ka luak a chhuak bawk a,chawpawh ka ei hlei tleilo,exam ahnaih tawh avangin chawlh ka hreh bawk nen nuamlo chung chuan ka in khalh chhuak ta a,class ka neih lai chuan a rawn thim mup a,naupang ho te chul chu hla tak ami ang hian ka hre vuai vuai a reilo te ah chuan engmah ka hre talo.



K harh leh chu damdawiin khumah ka lo mu reng chu niin,drip anlo khai ran bawk a,thawh kan tum chu zomuana chak zeta ka lam pana lo kal chu ka hmu a,nui deuh suk chung hian "tho duh suh,engmah hlauhawm a awmlo ania,lab lamah test tur tul chu ka tih tir mek e" a rawnti sup a...ka en deuh ha a,alu a bu leh nghut a,tihluih a sawt loh zia ka hria a muangchangin ka mu leh ta a,drip a zawh hnu chuan nurse 1 hian min rawn kaitho a,chair ah chuan dim takin min thut tir a,chutih lai chuan nurse 1 hian lehkha kengin a rawn lut a zomuana chu pan in a nuisang a,"sir,he thil lawmawm tak min hril tur hian innu hi Pathian in hetah alo tir aniang,kan vaia awm lai hian keiman ka sawi dawn w"a ti a,a ngaihna hrelo zet hian kan en thap a."sir,tuna tanga thla 9 a liam leh chuan naute hmuh kan beisei"

KALBO TAWH SUH - 2





Mak ka ti leh lawm lutuk chu thutna atang chuan ka tla lo chauh,Zomuana chuan rang zet hian lehkha chu a phih thla a,a bih thuak a,nui chung hian min rawn en a 'ka lawm e' an ti sup a.midangte pawh chuan min lawmpui thu an sawi liam liam bawk a,chutihlai tak chuan Rinkimi a rawn lut ve chiah a,kanpa pan pah chuan zahna nei map lo hian a kal a,ka tlawm vawng vawng mai,a banah chuan an hmer a,' ka lawmpui che,innu chu va thlah la,voiin chu a lawmna Hospitalah hian nei ila' anti ham ham a,ka va han ten tak,an inkawp tirh atangin keima thiamloh ah ka ngai thin a,ka pasal ka tilawm zolo ni a ka hriat vangin he hmeichhe zaklo lutuk hi huatna ka nei ngailo,mahse tunah zet chuan ka hrechiang tawh,ka thiamloh a awm reng reng lo tih hi...





Muangchangin ka ding a,Davida rawn lut chiah bawk a,' thlah ka ngailo ang,in buai bawksia,ka tha vek tawh a,ka lo va haw ange' ka ti ve ta ngat a,kanpa pawh ka melh eih lo,tunah chuan ka thinrim mai ani tawhlo,ka tlawm ka ti a,dawh mai mai ka tum tawh biklo.





"David,i rualin college thleng ka lo kal ve ang o?""Chutiangte i sawi a,ka lo nghak che alm,inpa te an buai hmel sia"





Chutiang a a rawn tawng chu mak ka ti kher mai.mahse hnial erawh ka tum lo,ka bag ka la a,engmah sawi tawh lo in ka chhuak zui ta hmak a,motor a ka lut chu ka lo tang nasa ngang aniang ka chau leh zual sawt mai,' tlan ta che" kan ti chu ,min rawn en a,' inpa kha kan nghak deuh mawle' anti a,ka lu ka thing nawk a,hmalam en in ka bu nghat a,engmah sawi tawhlo in a tlanzui ta a.





In ah min dah turin ka ngen a,motor chu college ah awm rih maise ka ti a,ani pawh chuan min hnial lemlo chuan ka sawi ang chuan ati ve mai bawk a,in ka thleng chuan ani chu a ka lzui leh nghal a,ka chauh thu Rami ka hril a,room lam pan a ka kal chu min ngaihtuah zet in min en tih ka hria a,let leh a abula tah hawm hawm ka chak ngei mai,mahse ka ti ta em lo,khum ka thleng chu ka tlu hnawk mai,chhuak em em hian ka tap zui ta hlawp hlawp a,ka pasal ngaihzawng neih hi ka tan thil thar anilo,mahse an 2 a khatiang lutuk a min ngaipawimawh lo kha na ka ti em em ani ber mai,ka nu leh pa ka ngai ngawih ngawih a,an fanu hetiang khawp a hrehawm ka tuar hi min hmu se,engtin tak ngai ang maw? ka u pawhin vawitam then turin min ti tawh a,mahse kan inneih thutiam kha mihring hma a tiam ka nilo a,anuam leh hrehawm ah tiin Pathian hmaah kan intiam a,bawhchhiat ka tum lo,mahse vawiin zet chu ka na lutuk a,nidanga ka tih ngailo tawp in Pathian lakah pawh ka vui ta anih hi.





Chutihlai chuan kut dam tak hian ka lu ah a rawn chul ta a,mittui kar atang a kan hawi chuak chu min khawngaih vang a Rami mittui tling pam chu ka han hmu a,ka insumtheihna zawng zawng a kehchhe zo ta,hmeichhe nem tak,rilru tha leh mipawisawi mai mai lo ka ni a,mahse ka luhlul in ka thu ka duh ve hle thin thung,ka tap mai mai ngai heklo,mahse tunah chuan ka thil tuar hi a rapthlak lutuk a,ka in nghahna ka pasal in min kalsan a,tumah ka nei tawhlo emaw ka tihlai a Rami min khangaih em em tu kan hmu chu ka awrawl chhuah meuhin ka tap ta hawm hawm a,min dem suh u a tuar ve lo chuan tunge anat zia hrethiam ang?





K thawl hawk mai,tap tiau chungin Rami chu thil thleng dan ka hril a,dawhthei takin a ngaithla a, ka rai thu ka hril chu a lawm ngei mai,ka tan chuan awmpui ani tawhlo,ka laizawn min hmangaih em em tu ah ka ngai nghet hmak tawh,chutihlai chuan kawngka inhawng ri leh min ko ri ka hria a,Zomuana alo haw anih hmel khawp mai,Rami chuan ' helamah kan awm e' tiin a chhawn vat a,step ah chuan a rawn pen chho khauh khauh a,ka huphurh lutuk,tunah hi chuan a hmel pawh ka hmu peih lo hrim hrim,lehlam ka hawi thuai a,Rami chu a heklo,ka muthil thu a hril a,a chhuak zui ta a.





Dimte hian khumah chuan a rawn thu a,ka chal a dek a, a rawn kun hniam a,ka biangah a fawp zeuh a,atho zui ta a,enge a tih en ka duh a,ka muhil laklawh tawh a,ka che ngam tawh silo,a thawmhnaw a thlak niin ka hria,Rinkimi khan ka rai kha lawmpi ah a awm si a,kal a tumlo ani ngei ang,toilet ah a lut a,a rawn chhuak leh pawh chu a thawm adim kher mai,room kawngka a khar a,a rawn let phei leh a,dimte bawkin a rawn mu ve ta a,ka paunsin chu keu in a sin ve a,ka kawngah a rawn kuah a ka dul chu dimte te hian a chul bawk a,a hma a ka lo huatna te kha chu cawmbo ang duak ani leh tawh,ka hmui ka pet fan fan a,tah chhuah palh ka hlau a,ahnu chuan a ktu chu a ti che a,ka hnute a rawn hup a,a che zuita lo,a thaw sak sak a, a muhil ve ni ngeiin ka hria.keipawh chu ka chau em mai a,ka muhil ve ta a.





K a harh leh chuan alo mu ve tawhlo a,thawm ka ngaithla vang vang a,tumah an awmlo niin ka hria a muangchang a inlet in khum bula sana chu ka ban a,zan dar 7 alo kawk va tawh a,ka tho peihlo ngei mai,mahse ka riltam bawk nen muangchangin ka tho ,inhnuai lamah ka chhuk thla a,alo reh thiap a,mahse choka lamah chuan tawng thawm ka hre tlat,ka pan phei a,mipa leh hmeichhia an nui hak hak pawh ka hre zui leh a,Rami kha min ngaihtuah anga a haw talo nitur ah ka ngai hman a a 'Rami, i la haw na nge?' tih pah a choka ka lut chiah chu ka phu nasa ngei mai,Rami nilo in Rinkimi zawk alo ni a,eirawng a bawl vel niawm tak ani,an rawn hawi rual thawt a,chiai hmel pawh an pu chuanglo,keichu ka buai ber zawk in ka hria,mahse ka in control a,pangngai thei ang ber hian ' enge i rawn tih' kan ti a,zam miahlo in min en a,' voiin ah ka sawi kha, i naupai lawm turin ka lo kal,hospital chu a buaithlak deuh a,hetah kan ti ta mai,midang pawh anlo thleng tep ang" anti zui leh zawt zawt a,mahse ka zam hauhlo,heichu kan inchhung ani tlat atul phawt chuan ka thehchhuak mai ang.





'Tunge chutiang ka remti tih hril che?''i pasal in'





kanpa lam chu ka en a,ani lah chuan engahmah ngailo hmel zet hian a phone alo en daih thung a," ani in rem ti mahse keiman rem ka tilo,kan inchhung hi i rawn rah ka phal heklo,tunah haw nghal rawh" ka ti chang ve ta fal a,a hmelchu a buai ve ta nak mai,Zomuana chu an en a,ani lah chuan a phone chauh alo en bawk si,..Rinkimi lah chu ala chesawn chuanglo,ka thinrim lutuk chuan pawhchhuah tumin ka pan a,mahse Zomuana aw ri hlauhawm zet mai chuan min dintir chawt mai.."a kal lo ang"..ka khawng vek,mangmang zet hian kan en a,a hmel chu a dur khup mi a,"heta Rinkimi awm ve chu i duhlo anih chuan,nangmah kha i chhuak thei ang",,ka mumang ani hauhlo,kal ngaihna hrelo in ka ding reng mai a,ka awih theilo,ka pasal hian hmeichhe kawp nei mahse min hnawhchhuah em chu ka lo ring ngailo.





" i kal dawn nge dawnlo?",i u ka phone dawn emni?ka la chhang chuanglo,a tho a,Rinkimi chu a pan a,a kut vawnsak pah chuan min rawn en a,hmel dur khup hian ,"i hmuh ang hian kan induh em em a,nangmaha i chhuah hun kan nghak a,mahse i kal duh silo,i mawl emaw,i a pawh animaithei,mahse kei chuan ka peih tawhlo,inchhung thil hi i duh duh la la,i kal thei ang,i bula chen hi ka peih tawhlo"





Ni e,mi a ka ni asin,ka lo mawl takzet bawk,he mihring minti na lutuk tu hi ka hmangaih miau alawm le,muangchangin robot ang maiin ka inher a,ka chhuak a,room lamah ka thawmhnaw la turin ka chho ta a,ka va han vanduai ber em,tu hmeichhia nge naupai tih hriat zan ah hlim ber hunah lehnghal pasal ten hnawtchhuak ve ang le??????

KALBO TAWH SUH - 3





Nachin lawk te kha chuan beiseina tlem ka nei leh asin le,ka naute pai avang tal pawn anun a sim ka lo beisei ve em em si a,mahse tunah chuan a tawp ta vek mai,khumah chuan ka thu a,enge ka tih tur ka hrethiam lo a,mumal takin engmah ka ngaihtuah thei heklo,ka phone ka la a,ka u phone tumin a number kan dial dawn a,a tlang thei tlat lo,anupui kan dial leh pawn a thei chuaglo,beidawng zet a ka phone dahthlak ka tumlai chuan Davida ka hrechhuak a inthlahrung takin a number chu ka dial ta a,a lak veleh chuan ka sawitur chu a bo leh duak a,mahse ka sawi ngei angai bawk si,thil thlengdan chu ka hril a,ani chuan a lo kal nghal tur leh Zomuana pawh a biak tur thu min hril bawk a,mahse ka pasal hi ka hrechiang ve thawkhat a,a rilru a thlak dawn chuanglo tih chiang takin ka hre thung.





Ka thawmhnaw tlem ka lakhhawm a,engmah han keng duh pawh ka nei chuanglo,kan inneih zungbun chu ka tuai ka tuai a,muangchangin ka phelh a,side table ah chuan ka dah a,tunah chuan min duhlo a midang thlang tu ka hriatreng na tur reng reng ka duh tawh lo,muangchangin ka thawmhnaw chu ka khai a,room chu ka melh kual a,beidawng zet hian ka chhuak ta a,inhnuai ka thleng thla chu choka lamah nachin lawk a thil thleng te kha hre tawh miahlo ang mai hian an 2 chuan anlo nui leh tawh a,ka ten a ka luak a chhuak a,he in chhungah hian keipawh ka awm duh tawhlo,engkim mai hian min hmusit nimai hian ka hria,rang zet hian ka chhuak ta a,hetiang em em a min pawisa lo tu hi engvangin nge ka ngaihtuah ang?mihring ka ni ve a engkim hian tawp chin anei ve bawk e.





Pawn ah chuan kan ding vang vang a,kan in hi tlem a fal deuh in tlang bawk chhete chungah ani a,motor luh theih vek a siam ani bawk,muangchangin gate ka hawng a ka penchhuak a,Davida chu ka lo nghak ta a,December thla tantir ani tawh a,a vawt ve tawh hle a,ka inkuah khawr hlan a,uluk tak pawn engmah ka ngaihtuah thei lo,kan inneih hlim te ka ngaihtuah a,min duat em em a,min atchilh hlumlo chauh thin kha ania,mahse kum tam alo kawp tawh Rinkimi alo lang leh meuh chu alo hmangaih zawk chu a pan leh ta nge nge anih hi,ka naupan tet atanga tun thleng hian enge ka tihsual a hetiang em em a hremna hi ka chungah a tlak theih le? khawvel hi a va han fair lo em,misual te zalen takin an leng a mitha te kan chep ngawih ngawih anih hi.





Chutihlai chuan motor a rawn eng pap pap a,ka bulah chuan a ding ta chat a,thinrim em em hian Davida chu a rawn pen chhuak a,min han hmu chu min lainat hmel kher mai,ka banah a rawn vuan a, 'lo kal rawh,i chhuak lo ang,Zomuana chu ka be dawn' ati a,mahse a rilru lenzia leh luhlul zia ka hrechiang a arilru a thlak dawnlo tih ka hrilh a,tih ngaihna hrelo zet hian a rum deuh nghat a,mipa ve tak nimahse Zomuana han khing tur em chuan ka huphurhpui deuh.ngawirengin motor ah chuan ka lut a,anipawh chu a rawn lut ve ta a.kan in ah min hruai tur in ka ngen a, ani pawh chu engmah sawilo in a in turn a kan tlan ta a,min melh leh zawk thin a,mahse ka hmel ah zawhna zawh tlak ka nilo tih a hria aniang engmah asawilo,kan in kan thleng hma chuan engmah kan sawilo.





Kan in kan thleng chu ka u nupui usangi chu alo hawiphawk kher mai,ka nulat laia ka room nithin chu ngawi rengin ka pan a,Usangi chuan ka u a ko zui bawk a,khumah chuan ka thu a,ka tap reng reng lo,Davida chuan ka u chu thilawmzia a hril mawlh mawlh chu ka hrethei a,chutihlai chuan usangi chu a rawn lut a,khuma ka thu chu min rawn kuah a,a mittui a tla a,engmah asawilo,keichu ka tap hauhlo,khatiang a ka chunga titu te avang a tah chu ka tum tawhlo.





Room atang chuan ka chhuak tawhlo a,ka thut ngaiin ka thu a ka melh ngai ka melh tlawk tlawk mai,Ka u in Davida a mangtha thawm pawh ka hria a,mahse chhuah na chang pawh ka hrelo,ka u chu a rawn lut a,ka kut a vuan a,'mate,lungngai reng reng suh,keini kan awmchhung chuan tuman anti na leh tawh lo ang che' ati a,ka bu liam ta vel mai mai niin ka hria,ka rilru a bing mup mup a,ngawirengin blanket chu ka pawt a ka sin a engmah sawilo in ka mu a ka maimitchhing nghal a,ka u chuan ka chalah a rawn fawp a,light an off a thawmdim takin an chhuak ta a.





Thla 1 chhung vel chu ka nun chu buai nuai nuai ani ringawt mai,engmah ka veilo a,dam chakna ka nei heklo,ka thawhpuiten min hrethiam a ka chawl tawp a,usangin min kalchhuahsan ngai meuhlo,ka bulah min hlat lo in a awm reng thin,nikhat chu ka inbual zo darthlalang a kan in en chu ka phu zawk mai,keimah ka nilo,thlarau ka ni tawp mai,ka dawldang em em a,ka cher hle bawk,ka dul kan chul a,ka harhchhuak ta zawk mai,keihi misual tak ka ni,ka rilru anat avangin ka naute hi hrehawm in ka lo dah reng anih hi,apa in min duh lo mahse ka fa hi ka la nei alwm,tunah chuan mi vannei tak ka ni,kei pawh min duhlo chuan engvangin nge naute hi a duh ang? tunah chuan ka ta liau liau ani mai dawn asin...chaw ka ei tha anga ka inenkawl tha bawk ang,ka neihchhun liau liau ani si a.phur takin usangi ka ko a,doctor hmu turin ka kal duh tih ka hril a,a mittui a tla leh ta,tunah chuan a lawm vang ani ta thung,ka at mai hlau in a buai a chutiang a harhfim a ka awm chu lawmloh rual anilo.





Hmeichhe doctor tha tak ka hmelhriatsa kan pan ta a,minlo hmu chu a lawm kher mai,ka that leh that loh te min lo zawt chul a,min han enkual vel chu engkim a that thu min hril a,coffe in tur a lak tir a,a titi siam siam a,hmeichhe fel tak leh pathian thu awih tha tak ni a,a bula awm a nuam hle,'Rinpui,thil zawh nuam chu anilo hauhlo a,mahse ka zawt duh tlat che' an ti a,heihi chu ka rinlawksa anih avangin ka huphurh hranlo,tupawn kan hmelhriat te cuan kan chanchin hriatchian hi an chak miau alawm le,'min zawt la' kan ti a,a aw an thian te te a,'Zomuana hi in inthen hnu hian i hmu leh tawh em?' ati a,"aih,hmu miahlo",a ngawi vang vang a',khati khawp a inkawp si kha i chhuah takah chuan an innei dawn amaw ka ti a,mahse an innei ta chuang silo a,amak ka ti,amah lah hi ahlimlo em em bawk si' ati ta a,mak ka ti kher mai,khami zan khan an in kawlzui nghal ang chu ka lo timai a,mahse rin ang anlo nitalo anih chu,keia ngaihven angailo,an buaina ani a keichuan keimah leh ka naute chauh hi ka ngaihtuah tur ani.





Tunah chuan ka hna ka zawm leh tawh a,ka dul pawh a puar lian ve ta,mahse vanneih thlak takin raino huat lai khan mumal neilotawp a ka khawsak avangin ka tuar dan pawh ka hrethiam tawh chiahlo,chuan tumah lamtang ka neilo amaw ka tih kha mite hian minlo lainat zia ka hre ta bawk a,ka nun hi a hlim ve tan tawh a,hmalam hun pawh thui tak ka thlir ve leh ta.





Ka naute pawh thla 6 ani veta,doctor in tihtur asawi apiang tih loh ka neilo,ka naute tan anih miau vangin engmah tih hreh ka neilo,voiin tlai hi in check-up hun alo ni leh der tawh ti in ka ngaihtuah a,darthlalangah chuan ka in en vang vang a,usangi ka tibuai thei si a,keimahin kal mai teh ang ka ti a,uluk takin ka inchei a,motor khalh ka hreh deuh vangin taxi in ka kal ta a,building ka pen lut chiah chu min tawk zawng tak a Zomuana leh Rinkimi lo kal chu ka hmu thut mai,han pen bo na tur a awm bawk silo,ka thlan a rawn bawl tek tek a,ka let leh mai dawn emni? nge ngaipawimawh lo awm takin ka kal pel ang..

KALBO TAWH SUH - 4





Let leh mai tuma ka awm lai chuan anni pawh chuan min rawn hmu ve ta a,an hmelah chuan min beisei lem biklo tih ka hnu thei a,chu chuan huaisenna min pe a,let tum tawh lo in ka kal phei ta a,thil tisualtu ka nilo a engvangin nge ka tlanchhiat ang? thil thalo titute mah an zahloh chuan chuan ka hmachhawn ngamloh na tur ka hre bik thaklo,ka thil tuar khan huaisenna minpe a,engmah ka hlau heklo,kan intawk chu hmu lo ang hmakin pir takin ka hawi a ka kal pel hmak mai,an duh duh in ngai rawhse,anni pawn ka rilru min ngaihtuahpui bik hleinem le.





Doctor ka biak lawk tawh avangin inthlahrunglo takin ka lut ta nghal a,phawk zet hian minlo en a,"i rawn hmu em?" anti ngawt a,nui chung hian "dawn lawmni,ka chibai tep ani" kan ti a,a mengphawk leh zual sauh a,ka nuita hawk hawk a,thilawmdan ka hril chu a nuih a za kher mai,"Rinpui,hmachhawn zel ang se,zam hlek suh,ka chhuang takzet che ania" anti leh chu ka hahdam sawng sawng mai.min han check zung zung a engmah that lohna ka nei lemlo bawk a,ka thawveng huai huai a,kan titi luam hnu chuan ka hawsan ta a.pawn kan chhuak chu kan in ka chhuahsan lai a a boruak anawm nen khua alo dur khup mai,nihliap ka theinghil bawksi,taxi kan chang ren rawn a,a vang kher mai,motor ka lo keng ta lo chu ka inchhir kher mai,ruah mal chu a tla phuar phuar a,ka u te lah an zin daih a min hruai tur a tih ngaihna awm bawk silo,verandah hullai chu kan bel thap hlawm a,a mak amak in ruah chu a rawn sur ta a,a buakin a baw tlawrh tlawrh mai.ka thinrim ngeimai,chutih lai chuan kawt ah tak chuan motor a rawn ding dawt a,en pawh ka lo en lemlo,ka bula tleirawl pakhat chuan ": ka pi,an ko che" an ti a,ka va hawphei chu Zomuana alo ni a,mit thim raih hian minlo en a,ruahsur ri nen a sawi ka hre theilo a,ka hawisawn leh ta hmak a.





Ka banah chuan kut chak zet hian a rawn hmer ta a,ka phu zawk mai,thinrim zet a kan hawilet chu amah alo ni a,ka kut thingthlak tuma kan bei chu a hma aia nghet hian a hmer leh a,zawi sup hian,khawngaihin" an ti a,khati khawp a min tinatu pawh nimahse ka hmangaih hmasak ber leh awmchhun ani a,ka pasal alo ni tawh bawk,maktak maiin ana tuar chu ka hmu thei tlat ani,engmah sawilo in min kaih ang chuan ka zui ve ta ngawt a.motor ah chuan min nawr lut a,engmah sawi lo in ani pawh a rawn lut a,a tlan chhuak ta a,a ngaihna ka hrelo kher mai,min hua min ten a,ka bula awm aia midang bula awm thlang kha ani a,min thah a tum anithei angem? nge naute min laksak a tum zawk?engatinge ka lo zui kher ni ka mawl takzet anih hi.





Kan hawichhuak chu kan in lam kawngah kan kal tlat lo,kan inhlui lam kawng kan zawh tlat,"khawnge kan kal dawn" ka ti a,min chhang silo,ring zet hian ka au a,"min chhuk tir nghal rawh,nangnen engmah sawitur kan neilo" ka ti ta nghek nghek a,ani lah chu engmah hrelo ang mai hian a motor khalh chauh chu a en ngur maisi a,ka che thut a,motor steering chu kan herh ve nghek mai a,kan tlan kawi zawk mai a,ka chet dan chu alo ringlawk biklo nen a rum nghut mai,a control thei chiah chu a ding ta hrawk a,a rawn hawi chu a hmel chu a rum ul mai,mahse ka hlau hauhlo,ka thinrim ve tlat,engvangin nge a duh duh in min tih kual ngawt ang? min duhlo a min theh chhuak anih kha le."engvangin nge khatiang a i tih? i thi mai anga sin"an ti leh tuar a,tah zet chuan keipawh ka harh ta,ka thil tih hlauhawm zia kha,ka naute ka chan mai anga sin...ka hlauthawng lutuk chu ka khur ta hlawk hlawk mai,a rawn hawiphei leh chuan ka hlauthawng hmel chu a rawn hmu ani ngei ang,a hmel chu a dam ta thluam mai,min ngaihtuah te pawh a ang ve ta e.





Min rawn ban a,min kuah ta hle hle a,ka hlauthawng lutuk chu ka tap zui ta hlawp hlawp a,nget tak in min kuah a,min chul hliau hliau bawk a,ka tah zawh hma chu engmah a sawilo,ka tap zo chu ka harh chhuak thut mai,ka inla hrang nghal dawrh a,ten zet hian ka melh a," min ngaidam teh,ka chiai deuh a min khawih pawh ka hnial talo mai anih kha"..ka tawngkam vang chu ani ngei ang,aner nawk mai a,ka lawm ru ve tumhrang bawk a,ka tina ve tawh ang,tunah chuan min tih ang chiah khan na tak in ka kalsan ve dawn ani tiin ka ngai tuah a .mahse engtia han tih tur nge phei chu ka hre chuang lem hlei lo a.





' kan in ah min dah rawh,min dah theilo anih chuan police ka phone anga i che buai hle ang''engvang chuan?''ka duhlo chung min hruai luih a vangin mawle"'han tum chhin la,''ni e,ka ko khawp ang,lo nghak la i hre mai ang''police tak tak nge i koh dawn a i body guard Davida zwk?' ka hawi phei zawk mai,"khatin sawi hlek suh,nang ai chuan a let tam in a tha zawk"angawi vang vang a,muang chang hian a rawn hawi chhuak a,rum zet a min melh in "ka hria alawm,chuvang ani lawmni ka nupui ni chunga a fa pawh i pai"





A sawi zo chiah chu a biang chu a ri nghal thuai mai,ka bengna bawk aniang ka kut pawh a thip vang vang mai,ka thu hriat chu ka awih theilo,hepa hi mihring anilo,ramhuai dik tak ani....

KALBO TAWH SUH - 5





Ka thinrim lutuk chu ka khur hlawk hlawk mai,a biang chu a tuai vut vut a,na ti hmel pawh a pu chuanglo,ka benna lai chu a var pap mai,rum zet hian min rawn en a 'engvangin nge min ben? thu dik chu pai a va harsa awm ve' anti zui tuar a,ka che leh ta phat mai,ka kuttin sei tha tak chuan a hmai chu ham tumin ka va bawh phei rawk mai a ani lah chu lo inringsa niawm tak hian a thle zauh a ka ham hma in ka kut chu ahmer bet ta tlat mai a,ka dul a lentawh avangin ka duh angin ka che thei silo,ka kut lah chu a man bet tlat maisi,ka tum anga ka che theilo thinur beidawng bawk si chu ka mittui arawn luangchhuak ngiai ngiai a,ka va han haw tehlul em, he ramhuaipa hi...thei ngat ilang chuan ka that ngei ngei ang.





Chutihlai tak chuan ka pum chu namen lo hian a rawn na ta a,ka pum dawm tumin ka kut chu laksawn ka tum a anilah chuan ka che leh dawn maw tiin athlah duh mai silo,thamtiak hian ' ka pum ana' ka ti thei hram a,rang lutuk hian min thlah a,ka pum chu ka dawm vat a,ani pawh chuan a rawn dawm ve vat bawka,Doctor ani bawk a ache buai vaklo,'lungngai suh,damdawiin ah kan kal nghal ang,i tha leh vat ang' ati dam thluam a,tun lawka insual kha chu kan ang tawhlo reng reng.





Engmah sawi tawhlo in motor chu a turn pawp a chak lutuk hian a tlan ta a ka meng peihlo,ka inseh ruh fan fan a,ka rilru ah thiltam tak alo lut a,ka naute hi kachan mai angem? engvangin nge tunah ka pum anat chiam?neih hun ala ni der silo,voiinah pawh doctor khan ka tha vek tih min hril reng anih kha,,ka va hlauthawng em,naute,lungngai reng reng suh,anu hian ka veng tlat ang che..kan ding dawt ah chuan kan meng a Zomuana te Hospital kanlo thleng reng tawh a,achhuak vat a ka awmna lam kawngkachu a rawn pawt hawng rawp a,min pawm chhuak nawlh mai a,duhlo sawi hman lah kanni heklo,Casualty ah min pawmlut a khum awl hmasa berah chuan min mut a,nurse ho chu an phe nghal suau mai bawk a,amah chuan min han check a,nurse 1 hnenah chuan hmeichhe doctor ko turin a hril nghal bawk a,ka khawvel chu a thim riai riai a engmah ka hre zui ta lo.





Ka meng riai riai a ka awmna chu ka hrelo dawn thut a,mahse ka ngaihtuah chhuak leh vat a,ka pum ka khawih vat a,ka la puar ngei e,ka thlamuang sawt mai,kan inlet dawn a ka thei mailo a,chutihlai chuan ka aw hriat than tak mai hian ' che rihlo la,U Zomuanan che rihlo turin aduh che a,i naupai tan a pawithei ati a' Rami aw hian a rawnti a,"awi,rami,nang ini alaw? engtin nge i hriat? ka ti a,ka lu bulah chuan a rawn thu kai a,arawn nui var var a,'inpa in minlo call a,ka ngaihtuah lutuk che a ka rawn thlawk phei nghal a" ati a,'anih leh engvangin nge ka pum kha anat ringawt,?naute that leh that loh asawi em?'"aw,inaute hi a fual a ti in ka hria,chubakah nangmah shock lutuk tu i tawng bawk ati a,chawlh hahdam i mamawh a,chuan VIP Room ah hian ni 2 vel chu i awm phawt anga i dinhmun azirin a i hawthei chau ang ati" ati leh a,mak ka tikher mai,ka Doctor khan ka that vek thu kha min hril reng sia,mahse rilru leh taksa hahdam ka mamawh a,thil thalo lam ngaihtuahlo turin minti bawk anih kha,voiin a ka thu hriat kha amak em a,chauhpui pawh thilawmlo ani lo ve bawk ani.





Ka chhungte tumah an awmsilo,ni 2 lai ka awmdawn anih chuan chet anphal bawk silo,tunge min awmpui ta ang?kathawmhnaw pawh tunge ka lak tir ang? ka ngaihtuah buai kher mai,kan nula lah chu thihna vangin an khaw lamah a hawlai anibawksi,chutihlai chuan ka ngaihtuahna hria niawm tak hian Rami chuan ' i thawmhnaw vel la turin amah chu a kal a,alo let tep ang,chuan i chhuah hma chu keiman ka awmpui angche,i chhungte pawh ka phone a i that thu ka hril vek ania" anti leh zung zung a,he nu hanfel zia hi chu aw ka ti vawng vawng a mahse ka hrechhuak thut a" Zomuanan a phal dawn emni?"ka ti a,ani chuan "phal e,ama remruat ani mah zawk a,ka ngaina che tih a hria a,i bula ka awm chu a phal lutuk"ati a,amak ka ti kher mai,mahse ka pasal ang mai a a khawsa vel chu ka ngaithei hauhlo,ka pasal ani tawh tlatlo,midang hmuh a lansarh nan felawm takin a lang vel chu ka ei thlawt lo.





Chutihlai chuan kawngka rawn inhawng a Davida hi hlauthawng hmel fahran hian a rawn lut a,mahse ka lo thu mu leh harh pangngaia min hmu chu hahdam huai hmel hi a pu a,engtin nge maw alo hriat hman ni ka tihlai chuan" i na thut tih chu Zomuanan min rawn hril a,ka hlauthawng hman lutuk,kan naute hmeltha tur leh anu chu kan chan mai dawn maw ka ti asin ati nghal bawrh bawrh a,kan ramhuaipa chu enge a ngaihtuah tehreng ni? athusawi kha a sawi mai mai a ang tlat lo,mahse engvangin nge khatiang a sawi ngawt nachhan? Davida nen hian in kawp chu sawiloh,hetiang zawng hian kan in en lo hrim hrim a,akut hmawr pawn minla khawih heklo,a bialnu nen buaina an neih pawn judge ah ka tang ziah tlat ani.ngaihtuah hahlo phawt ang,rilru hahlo a awm turin min tih kha,khum bulah chair a rawn pawt hnai a,avoikhatna atan ka kut chu a rawn vuan a min han hmer vang vang a,ka hawi chhuak chiah chu kawngka a Zomuana bag lian vaklo khaia lo ding chu ka hmu a ka kut chu ka la sawn nghal vat bawk a,rum zet hian ameng a,apalian bawksi,a lang hlauhawm kher mai,zalo zet hian a nuisuk a," ilo harh tawh maw?,tunah chuan damdawi lianchi alo thleng tawh bawk a i that har dawn loh kha" ati hmuk a,bag chu rami kutah ape a,hawilet hauhlo hian a chhuakzui nghal a,kawngka chu a khar ri thuai bawk a,kan phu nasa hlawm kher mai.





Davida chuan nuamlo ti hmel zet hian" ava thinrim hmel ve,doctor ve si,polite lo lutuk" ati zui nang nang a,ka rilru akal thui kher mai....

KALBO TAWH SUH - 6





Ka ngaihtuah ding lutuk chu David-a tawng pawh ka lo hrelo,min rawn sawiche hret a' enge i ngaihtuah a? veng veng che chuan' a tih ri ah chuan kaphu zawk a,'englem mah,damdawiin han awm leh rih chu buaithlak em a ka lo ngaihtuah a' ka ti ve ta ngawt a,a awih leh awih loh pawh ka hrechuang lem hleilo a.chawlh hahdam ka mamawh tih a hreve tho a,lo kal leh vat intiam chungin min kalsan ta a.





Zomuana chu alo lang leh tawh hauhlo,Rami nen kan titi liam a,ka awm loh hnu a Zomuana leh Rinkimi khawsak dan ka hre chak kher mai,mahse han zawh velchu ka inthlahrung a tlawm thlak ka ti bawk a,ani lah chuan min ngaihtuah vang nge ni ama thu chuan sawi a tum hauh lo,ngaihthlak nuam ka ti dawnlo tih a hre ve tho aniang,rei menglo in kan mu ta vat a,ka rinai tak chuan ka mutui bawk a.





Engmah buaina neilo in ni 2 chu ka awm ta der mai,vawikhatmah Zomuana chu alo kal leh ta lo,midangte erawh chuan min ngaihsak em em vek mai a,ka that leh that loh an check reng bawk a,mahse ni 3 tal chu riak leh tura min duh avangin ka riak leh dawn chu nih hi,Rami chu ka ngaihtuahawmlo a haw tura ka tih pawn aduh tlat lo,Davida alo lang ve leh zeuh thin thung a,mihlim thei tak ani bawk a,alo kal chuan Rami nen kan nui nasa thei thin khawp mai.





Rami chuan engemaw mamawh lam in a kal chhuah lawk a tul tih a sawia,ka kal tir a,ka laptop ah games ka khel mai maia,kawngka rirak thawm ah kan hawichhuak chu ka beisei loh lutuk mihring,Rinkimi chu alo ding a,inthlahrung lemlo tak leh zei zet hian a rawn kal phei a,a zaklo lutuk chu ka tim ur ur mai,Vin deuh that hian ' enge i rawn tih' ka ti hmak a,zak map lo hian ' he damdawiin ah hian ka thawk a,ka bialpa ta ani bawk a,ka duh duh na ah ka kalkual ang chu..i ta ani tawhlo tih i theinghil hlauh ange,' anti hmak a,ala nui sawng zui,a hmeltha tak chu ka bengsawk chak ngei mai.





"isawi angai hauhlo""ngai ve e,i nihna i hrelo anga i duh duh in ilo awm ang tih ka hlau a""nihna hrelo chu nang zawk kha i nih kha le,i bialpa ta chu i ta tihna ani hauhlo,i pasal anih hunah chuan ita ala ni ang chu,Doctor ve meuh si ka rin aiin i mawl"..ka dim peih vak biklo e,A thinrim hmel ta kher mai,rum zet hian min en a," ni e,ka ta niturin rei ka nghak hauhlo ang,heihi enla dawt ka sawilo tih i hria nang chu" ..a kut rawn lek chhuak in a zungbun ngei mai chu a rawn tilang ta a,en loh ka tum zet a,mahse ka hmuchak thut a,kan melh thuak a,ka en ta chu ka inchhir kher mai,azungbun chu ka hmuh hnu ngei ani,Zomuana nu zungbun,rangkachak sin te te,inphiar a siam ani a,ka tan minpe a,mahse kan inthen takhnu khan kawlzui nuam ka tihloh vangin ka thawn let ta kha ania,tunah chuan kei ang bawkin inhualna atan a hmanpui ve ta anih hi,engkim ka theinghil tawh emaw ka ti a,ka lo la theinghil lo,ka rilru nat zia chu ka sawichhuak thiamlo.





mahse ka insumthei viau mai,dam dap hian"ka lawmpui lutuk che u,tluang deuh in innei ru" kan ti a,ka tawng dam diai mai chuan a ti hrilhai hmel kher mai,makti taka mengphawk a,tah te pawh tap hial turin min beisei anih hmel,chutin ka ti ta silo kha a hamhaih ani ber ang chu,"chuan kal tawhla,i thei chuan?,kachau deuha mut ka mamawh riau" ka ti chu engmah sawilo in a chhuak nghal vang vang mai,mahse a hriatmiah loh chu ka lan ang nilo in ka thinlung a tap a,a rum vawng vawng bawk a,he mipa vang hian ka tap leh tawh ngailo ang,minti na thei tawh heklo ang tiin ka intiam kha ania,mahse ka tap leh ta si anih hi....





Muthilh chu sawiloh ka mu meng kar mai a,ka mittui a tla zung zung bawk a,engvanga he mipa sual lutuk hi nei nge ka nih?pasal neih hma a sex hmanglo tur in ka intiam a ka theihtawp in ka nun ka uluk bawk,mahse fel tak a ka lo awm ve tang tang na leh ka pasal laka fel taka ka lo awm thinna rahchhuah hi a va chhe tehlul em!!!!!!a ngaihzawng nu leh zel pawn min hmusit turin min rawn luhkhung ngam ngat ania,chhuah ka dil rum rum zawk dawn emawni? mahse ka tlanchhia emaw a tih ka hlau bawk si.ka inngaihtuah vang vang a,ka rilru ka siamfel ta a,ka awm huntur zanin chauh ani tawh a,ka awm ngei ang,a duh leh lo kal leh mai mai ang hmiang,mahse he hospitalah hian ka lut nawn leh tawh ngailo ang.ka thi dawn anih pawhin ka thi mai ang,ka mi huat berte 2 puihna dil chu ka tum buai lo e.





Ka lo muhil sek aniang,ka harh chu Rami pawh alo thu leh vang tawh a,akal hlanin buaina ka neih leh neihloh temin zawt a,ka hril teuh kher mai,mahse sawi loh ka duh zawk .

KALBO TAWH SUH - 7





Ka tana pawimawh ber chu ka fa ani a,ka theinghil tur anilo,anni mai mai vang a tlanchhiat kher a tul heklo.





Engmah buaina ka tawkzui ta em lo,ka u te anlo la haw loh a vangin Davida min hruai tur in ka ngen a,kan in thleng Rami chuan min zui a tum bawk a,ka inthlahrung viau nangin tihthei engmah ka nei thlawt lo ani,mak takin ka rilru in Zomuana chu vawikhat tal alo lan ka beisei tlat a,mahse alo lang reng reng lo,mihring mak tak chu ani e.





Hun a kal zel a,keipawh ka nau neih a hun ve tep tawh a,sehsam na pawh ka hreve a nau neih ka huphurh phah ngei mai,mahse naute hmel hmuh ka chak na chuan ka huphurhna chu a hneh leh nge nge thin.engkim ka mamawh tur leh naute thil ka neikim thawkhat tawh a,usangin min buaipui nasa ngang mai bawk a,anni fa neithei lo chu keiin ka hlawkpui ani ber mai.hahaha....





Nei thei reng dinhmun a ka ding tawh avangin usangi pawh a chhuak ngai meuh lo,nikhat chu ka pum ana riai riai a,mahse nidangah ka nihdan fo anih avangin ngaihthatloh nan ka hmang lemlo,rei vaklo ah chuan a reh leh mai bawk a,thuthlengah hahdam takin ka thu a,a rawn na leh ta thut mai,ahma aiin na tak ani ta.





Ka mangang ta takzet mai,usangi chu ka au a,hmanhmawh zet hian a rawn tlanphei a,keilah ka nati lutuk chu ka viaal ngawlh ngawlh mai bawk nen,a phi ruai a,"mate,nau i vei anih kha,lungngai suh,kan mamawh tur chu pack sa in kan dah vek kha,kan la anga kan kal nghal dawn nia" ati zung zung a,engmah ka sawi peihlo,ana ani tawp mai,tap dawn pawh niila thil theih anilo hrim hrim.a rawn let leh thuai a,min kuah chhuak a,kan nula chu avin tuar tuar bawk a,engmah ka sawitheilo,ka then tlawk tlawk mai,motor a tlan tan chiah tih chuan thei leh theilo hian" usang,Zomuana te Hospital chu ka duhlo ania" ka ti tawk tawk a,tawng tum hian a ang zuau a,mahse a ngwi leh a a bu ta nghat a.sawitam ngailo a a hrethiam chu ka lawm kher mai.kal pah chuan ka u a call nghal bawk a.





Ni 2 ka vei tling tep tawh,min zai mai turin ka u in a ngen a,anlo remti a,min zaitur in an in buatsaih a,ana em mai a,engtin pawn min tise pawi ka tilo,ka naute tha tak a ka neih na anih phawt chuan pawi tih ka nei tawhlo....





Naute tap ri ngak ngak chuan ka thinlung hi a nghawr nghing a,ka fa a piangta,ka naute,keima ta bik ngei chu a piangta ka ti mawlh mawlh bawk a,ka bulah chuan usangi chuan a rawn mut tir a,"mate,fapa inei ta e" a rawnti a,ka kawngchin hnuailam chu ka che theilo a,midang puihna lo chuan ka inlet thei lo,a saisir in min mut tir a,ka naute chu ka hmu ta,a muhil a,a thaw sek sek a,a kut chum bet chu a hum ve tang bawk a,asam a dum hlep a,naute mai mahnise mithmul a nghah reuh bawksi,dik tak chuan a pa a ang takzet,ka chhungte chuan an hai hauhlo tih an hmelah ka hmuthei a,sawichhuaktu nih an duhlo mai ani.ka va han hlim tak em aw,hetiang naute tha lutuk hi tunge hlimpui lo thei ang le?????





Ka naute pawh tunah chuan thla 2 lai a ni ve ta,anui duh em em a,a tap ngai manglo,ka hna ka zwm leh tawh a,ka u te nupa in an duh ngiang mai,anu pawh hian ka pawm hman manglo,hnute ka pek leh zanmut lai hi ka awmpui theih hun chu ani mai,Rami leh Davida pawhin hmuhnuam anti a,anlo kal phah reng mai bawk a,tunah chuan kan inthen leh ka naute a duhlo chu pawi ka tilo mai anilo,ka hmuh hunah lawmthu hril hial ka duh tawh.mahse Zomuana hi theinghil duh mah ila ka theinghil ngai dawnlo,ka fapa,Zodinliana hian kawng engkimah apa a chhun fuh em em tlat ani.





Zan khat chu bawihtea nen room ha kan awm a,usangi hi hrilhhai hmel deuh hian a rawn lut a"mate,Zomuana leh Rami anlo kal ania,ilo chhuak thei angem?" a rawn ti a,ka sa phat mai,engvangin nge tunah a rawn kal?naute hian a mah a ang em tih vel rawn en a tum zawk ami? a zaklo hle mai Ramhuaipa chu....."enge an duh a""ka hre biklo,Zomuana phei chu engmah ala sawi velo"A zengai ala pu reng anih chu...Usangi chuan bawihtea a pawm a,ka zui chhuak ve ta a,Rami chuan alo ban thuai a,Zomuana erawh chuan uluk takin min en thung a,ava mak thin ka lai leh tlat pek anih chu..."Rami,khawngaihin bawihtea kha roomha lo va kalpui teh,a hriat laia inhauh ka duhlo ania" ka ti a,ani pawh chu thuawih takin a kal ve mai bawk a,Zomuana chuan engmah ala sawi ve ta chuanglo,"enge i duh ?" ka aw chu a chang fak fak khawp mai, "naute chu ka hmuh i phal dawn na nge?""engvang ngawt innge i hmuh anga?""ka fapa anih vangin""i va han zaklo ve,i fapa hi midang fa ni a i ring atang khan i fapa ani tawhlo""ka ring ringawt a anilo tih ka sawi chuang hleinem""wow...a va ropui ve,tunah chuan kal tawh rawh,ka hmu peihlo che"ka ti ta thlawt a,ahmel pa tak maichu a phiar talh talh maia,a thinrim a insum nasa hle tih ka hrethei mai bawk."nie,ka kal ang,mahse ka fapa hian engtikni ah emaw chuan apa kut hi ala chelh ngei ang tih ka tiam a che"





Engmah ka sawitawhlo,kawngka ka pan a,ka hawng a,a chhuah hun ka ngak bawk a,ani pawh chu muangchang hian a rawn kal phei a,kawngka bulah chuan min nawr bet a,hnai zetah min en a,a chet dan chu ka beisei lawkloh lutuk avangin talchhuah pawh ka tumlo,zawi sap hian"hre reng ang che" ati sup a,min thlah thut aka petek dawrh mai,ka khur dar dar bawk a.ka thaw hma ham a muangchang hian ka let leh a,common room tang chuan usangi a rawn dak a,min ngaihtuah hmel zet hian min en a,ka nuih sak a,ani pawh chu hahdam huai hmel a pu bawk a.





Rami ka ko a,anipawh chu alo chhuak ve maibawk a,"khawnge Uzomuana" arawnti he haw a,a kal tawh a pawnah motorah a nghak tih ka hril bawk a,Ramihi kan inthen hnu lawk khan zomuana hian langlo a awm turin a ngen a,aduh duh chhun lamah tih a phalsak tawp bawk." min hau suh aw,amah khan kalpuiah min sawm zawk a,ka hnial deuh a mahse a luhlul zia i hriat kha"





"kalpuiah asawm che a maw?" ka makti lutuk chu ka awrawl ah chuan a hai theih loh.." aw,amah ngeiin min sawm,a vawikhatna pawh ani tawh lo"

KALBO TAWH SUH - 8





Engvangin nge kan in a lo kal a duh le? mihring mak tak anih zia ka hre thar zel anih hi,Bawihtea chu ka pawm a,khumah ka mut a,hnute kan pe chu min en kar mai a,he naute hian anu leh pa in hau kha a hreve niawm tak ani..hehe ..ka hlauthawng zual sawt bawk,min laksak atum tih sawi kher lo mahse amah hrechiang ve thawkhat tu ka ni a,min vau ani tih chiang takin ka hre thung.





Hun a kal ve zel a,keipawn ka hna ka zawm leh tawh a,vawikhatmah Zomuana chu alo lang zui miahlo,mahse hlauhthawngna in ka khat vek tawh a,college ah pawh nuam takin ka awmthei reng reng lo,in lam atang a cll ka dawng phei chuan thinphu dep dep in ka la thin a,hrehawm ka ti a,ka hunawl hlek ah inlam kei pawn ka phone sek mai.ka hriat thin Zomuana kha ala ni anih chuan engmah sawilo in ala lo ang tih ka hre chiang hle thung.





Nikhat chu kan college a kan thawhpui te an innei dawn a,kan nufa in kal ve ngei ka duh a,mak takin Bawihtea ka awmloh laia alo hmu zeuh zeuh tih lo chu Zomuana pawn thawm a rawn nei zui lemlo a,a rei ta bawk a,ka thlamuang ve leh tan tawh viau mai,ka chungah nunrawng em em mahse a fapa chu a hmangaih ve a,ka lak atanga lakhran em chu tul a tilo aniang e,tunah chuan kum a tling ve dawn tawh a,a kalve thei tawh bawk a,lawm a hlawh in keiphei chuan ka chhuang takzet ani,mahse apa ang maiin thin butut anei a,a thinrim thawm ana reuh khawp mai,mahse ka hlimna ber ani a,thil thar a zir a,ka u te nupa in an be peih em em bawk nen,a thiam thar apiang mai chu kan inhril zung zung a,kan hlimpui chhungkua ani ber e.





Nalh takin ka chei a,keipawh ka inchei uluk khawp mai,naute ka neih hnu khan ka hlim a,ka rilru a hahdam bawk nen,ka thau ve tan a,ka hmelhriat hlui te pawn ka nulat lai aia ka that thu min hril ve fo mai..ka fapa ka hruai dawn avangin motor ka khalh theilo a,Davida min rawn lam turin ka ngen a,ani lah cuan alo hnial lemlo bawk a,motor horn ri ka hriat rual chuan ka bag ka khai a,bawihtea ka kai bawk a,kan chhuak chu naute alo chhaih nghal a,ani lah hian angaina em em a,ate nghal chul bawk a,motor chu a rawn hawng a,ka lut chu chik tak hian min en a," i nalh hle mai" anti a,nui hawk hawk chung hian " tunah i hre ve chiah ami" ka ti ve thung a.a nui vur vur a,a tlanzui ta a.biakin lam kan panding a,mi anlo awmnual tawh a,a chhuk vat a,kan awmna kawngka lam chu a rawn hawng a,bawihtea chu a pawm chhuak nghal a,ka rilru in hepa hi chu mipa tha tak ani,a nupui leh a bialnu ka nilo chung pawn tikhawp in min ngaihven ania,anupui chu a vannei ngawt ang ka ti neuh neuh a.





Pa pakhat,la vallai tak hian Davida chu alo be mek a,an bul ka va thleng chu minlo nuih sang a,min chuibai turin kut a rawn phar chhuak a,ka kut chu ka pe ve mai bawk a,Davida en chung chuan "nupui inei hmeltha kher mai"anti a,rual thawt hian "nupa kan nilo" kan ti rual thawt a,a hawihai nasa lutuk chu ka khawngaih leh zawk,"pawi ti suh,nupa ang maiin kanlo kal miau alm tiraw" ka ti bawrh bawrh a,ani pawh chu a inthiamlo lutuk hmel a bo ve ta a,a best friend ka nih thu te ka hril pah mawlh mawlh a,pa tha tak anih ka ring..chutihlai chuan bawihtea chu Davida hnung lam en hian a ban tereuhte chu a phar hiang hiang a," pa" anti a,rang zet hian ka hawiphei a,ZOmuana hmel rum zet nen chuan kan inmelh ta siah mai,ka tim sawk mai a, alo kal ve dawn tih ka hrelo reng reng,mahse kal se enge pawi? ka engmah anilo a ,ka pasal hlui ve mai ani tiin ka in hrilru mawlh mawlh a,ka hawisawn duh bik miahlo,ka en ve kar mai,chutihlai chuan Rinkimin a banah a rawn vuan a a hawisawn ta a.duat hmel zet hian ala enzui a,a kun hniam a,ahmui a phun sup a,a hmui chuan Rinkimi nghawng chu an nul thuak a,ka sa zawk mai,ava han ngeiawm ber mai.





Ka ngei lutuk chuan Davida banah chuan kan chelh ve ngat a,mahse ka nuih a za leh thut a,enge hmuhtir ka tum ve vak?,a hma atang daih in min duh lo a,min thehchhuah kha....





Biakin ah chuan mipa leh hmeichhia a hran in kan thu lemlo bawk a,kan pathum chuan kan thu a,Bawihtea ka pawm a,a te leh thin a ka chhuahpui ta nge nge a,pawn kan thleng chu midang anlo awm ve nual bawk a,midang zingah chuan kan thu ve a,reivaklo ka thut hnu chuan naute chu a muhil ta mai a,han luhleh dawn chuan a tlai leh tawh bawk nen,ka hminga min ko ri ka hria a kan hawi chhuak chu ka hmuh peihloh leh ka mihring ngei ber Rinkimi lo ding vhu ka hmu ta a kan in en ran mai...

KALBO TAWH SUH - 9





Kan inmelh ran mai a,tawng hmasa nih kan tumlo ve ve a ang,kei chuan sawi tur nei heklo.a hmelchu nidang anglo takin inthlahrung hmel ka hmu bawk a,chutihlai chuan inkhawm bang tur thawm kan hria a,midangte chu an insa seng hlawm a,keini pawh chu imnelh reng theih niheklo,ka mit la sawnin Bawihtea chu ka dar ah ka pawm bei a,ka kalsawn ve ta a,Rinkimi chu khawiah nge a kal tak ka hrelo,ka hmu tawh lo.





Kan vawiin boruak tehrep chu ka beisei loh lutuk dan in a kal a,ka lu atina hluah hluah,haw vat a rilru hahdam taka awm ka chak ber,heng mihring 2 te hi awmlo se chuan nuam ka ti hle awmsia,anlo kal ve kher chu ka ngei lutuk,engvanga lo kal ve ngawt nge maw an nih le?...Davida lah chu ka hmu mai bawk silo,chutia ka hawi kual chiam chiam lai chuan ka hnung lam atang hian mipa awhian" min zawng anih ka van ring em?" a rawn ti chu ka phuzawk mai a,ka hawilet vat a,Zomuana chuan hriatthiam har zet hian minlo en vung vung chu niin...."aih,nang chu zawng lo" kan ti ve hmak a,engahmah ngailo hmel zet hian a rawn kal hnai a,ka ban rekah chuan a rawn hmer chat a,midang hmuh a inpawh buai vak ka hlau bawk si,aruk chuan thingthlak ka tum a na zet hian a hmer leha,"haw ang" ...ahmel ah chuan hnial a sawtlo tih ka hre nghal mai amahse kalpui ka nei bawk si,ka rilru chu hria niawm tak hian "i bialpa chu ka hril tawh,a rawn zawng buailo ang che"...midang awm ve nuai nuai lo se chuan ka beng leh sawk duh ang.





Kal loh theih heklo,rilru nuamlo zet chuan ka zui ve ta dat dat a,engatinge maw he mihring hian min thlah duh miahloh le?,min hmangaihlo a min kal tir tawh kha ani si a.





Motor awmna lampan chuan min kaipui zel a,kan innei thin tih hria leh kan chanchin lo hre ve ho chuanmin enzui hrek hrek bawk a,nuamlo ka vanti tak,motor awmna kan thleng chu kawngka min hawnsak a,"Bawiha chu ka lo la dawn emni" a ti sup a,"ngailo,ka lawm e" ka la ti fan tho mai,engmah sawi tawh chuanglo in a kal kual a,a rawn thu lut veta a,ngawireng hian motor a start a kan tlanchhuak ta a,a hmel chu kan melh zawk a,dik tak chuan a tha chiang ani,,,hehe...





"min en reng lola,ka zak ve thin ania""engvanga lo hmangaih thin che nge ka nih ka ngaihtuah a ka en che"





A nui ta suk a,"engatinge Bawiha hi ka khawih i phalloh a?",ka fapa ania,kangai ve thin tho a sin" a aw ah chuan tuarna alang tel a,"chuti maw?,nang doctor hian naupailai a rilru hah pawizia i hria a,mahse min tih dan ah kha chuan neilo mahila pawi iti lo tih alang reng alawm le"kan tive salh a,a ngawi zuileh ta daih a.





Motor an ding dawt ah chuan kan in kanlo thleng reng chu niin hnai ka ti kher mai..hehe...Bawihtea chu a zi talh talh a, a rawn harh zui ta bawk a,kawngka ka hawng a pawnah chuan ka dah chhuak a,keipawh chu ka chhuak zui ve leh a,engmah sawi tawhlo leh hawilet hauhlo in ka luhsan ta hmak a,kan haw thawm a hriat veleh kan nula chuan bawiha chu a rawn la vat a,keipawh chu room lam ka pan a,ka inthlak nghal sawk sawk a,ka phone kan la tur chuan ka bag ka theinghil tih ka hrechiah,mangang zet hian ka tlan chhuak a,mahse kading tachawt mai,ka bag chu dawhkanah alo awm a,Zomuana leh bawiha chu anlo inchhaih nui ar ar bawk a,anpafa awmdun kahmuh vawikhatna ani a,avan hmuhnawm tehlul em...an inang em em mai bawksi,diktak chuan he mihring hi ka la hmangaih ani,khatiang khawp khan minti hrehawm mahse ka thinlung chu ala ngai renga,ka theinghil amaw kalo ti thin a,ka lo theinghil reng reng lo..





Ring deuh tak hian " i kalnghal emaw ka ti a""shhh,ka fapa hian anu leh pa inhaulai a hmuh ka duhlo ania"sawitur hrelo zet chuan ka hawi kual ta vel mai mai a."khwi a thawmhnaw ka lo thlak lawk ange",,a pawmnawlh a",keipawn ka en ve chak alawm ,kalla kanlo kal ve nghal ang" ati a,ka duh ai hian ka fapa hian a ngaina dawn tlat in ka hria a,thiamtak in a thlem anga ka fapa hian kei aiin a ngaina ang tih kahlau takzet ani..tuilo zet hian room lam ka pan a,ka fapa lahchu ala nui ar ar bawk a,khumah a let teptep a,pa chuan a chhaih a,apa pawh anui ri ve hawk hawk mai,chhungkua kha la ni ila tiin ka lo ngaihtuah leh hman a,ka lu ka thing nawk a,ka ngaihtuahzui peih lo e.





A thawmhnaw ka thlak chu min en uluk kher mai,mahse ka en let ve duh miahlo a, ka rilru a awm reng chu ka sawichhuak ta nge nge a,"hetiang a fapa i awt ve anih chuan nei ve mai ula,min tibuai tawhlo teh""chulam chu lo buaisuh,ka in ngaihtuah vethei""i theilo aniang,kafapa i rawn hmu reng mai hi ka duhlo ania"ngeiawm zet hian a nui suk a,"i fapa nilo in kan fapa zawk mawle""chu chu nangma ngaihdan alm".."nangpawh nangma ngaihdan ve tho alm" a ti leh a.....

KALBO TAWH SUH- 10





Kan in melh ta ran mai a,tlawm bik nih kan tumlo dun ngang mai,reife kan inmelh rum hnu chuan ka beisei loh deuh hian a rawn nuita huk maia,minti hamhaih angreng bawk nen,mahse a nuih chhan hrelo mahila keipawh chu ka nuihza ve ta tho mai,ka nui ve ta ngawta,ralkhat atanga minlo thlirtu awmse chuan mi a kan ang ngawtin ka ring,nachin lawkah kan theihtawp a rum in inmelh zam kan tum a,tunah lah kan nui leh chiam bawksia,amak duh ngawt ang.





Bawihtea rawn te that thawmah chuan ka tho rual zawk mai a,ka van mawltak,nachin mai khan ka fapa hi ka theinghil hmak anih chu !!!!! ka inthiamlo ru veng veng mai,nep ka inti bawk.,ka la kang vat a,zun alo cheh a,athawmhnaw ka thlaksak lai khan diaper ka hreng tir theinghil daih pek anih chu,hetiang tak hian ka che fello ngai silo,hepa hrep vang hian ka nunphung ka hlauh lehpek anih hi....Bawihtea ka thlak fel a,"lo kal rawh,i chhuak ang,hetia awm hi thil mawi anilo e" ka ti a,a nui suk a,engmah sawilo in alo kal ve mai bawk a.





Bawihtea chu a kal kual ve chhat chhat a,a au chel chul bawk a,a hlim ve ngang aniang,chutihlai chuan kan nula chuan dawr kal a duh a,bawihtea chu chhuahpui min dila,ala tlai chhelo bawk a,ka remti a,an inkai chhuak ta a,Zomuana chu sofa ah hahdam hmel zet hian a thu awn duai a,amaimitchhing bawk a,ka awm anuam tlatlo,chutihlai chuan ka phone a ri a,Davida anih ringin nuisak chung hian ka ban a,mahse ka en chu ka number hriat loh alo ni a,kan la chiah chu hmeichhhe awki sang zet mai hian " mihurnu,engvangin nge ka bialpa ilo tawmpui?" a rawnti ta vak mai,ka phu nasa lutuk chu ka phone ka thlauh lo chauh,"engmaw i sawi?" kan ti theihram a,"engmah sawi angailo,ka lo thleng anga thil kan sawi fel ang,i nihna hriattir i ngai "...phone chu a tawp zui nghal hmak..ka thinrim lutuk chu khua kahmu tawhlo,ka ding a"nangpa kha,chhhuak nghal rawh,engvangin nge he in ah hian ilo kal?" kan ti nghek mai chu a phu nasa ve ngang mai,a ngaihna hriatloh hmel zet hian a rawn hawi bawk a,amah vanga ka zahna zozai te ka ngaihtuah a ka thinrim zual sauh bawk.





Chutihlai chuan kawngka chu a rawn intheh hawng thuai mai,kan hawiphei chu Rinkimi thinrim lutuk a rawn kal phei chu ka hmu hman tawk niberin ka hria,ka lo ding chu ka inring silo,min rawn su thlu pawp mai,ka inringlo em bawk nen,ka thal thuai mai,ka te tuar bawk,rang lutuk hian ka tho leh nghal a,ka mit athim salh mai,abak chu engmah hriat ka nei tawhlo,ka hriat leh hmasak ber chu kut tha chak zetin ka kawnga min pawmkang lawp chu animai,ka la tal nasa ngang mai a,mahse min kuah bet hneh ngang maia,ka che theilo,ka zawi hnap thleng min kuah bet a,ka inthlahdul ta tih a hriat veleh min nghat ta a.khawvelah ka rawn let leh riai riai niber in ka hria.





Chhuat kan en chu hmeichhhe pakhat hian Rinkimi chu alo buaipui mek a,a sam athur vek a,a hnar a thi hnu mai bawk a,ka rap lutuk,keima tih ngei ani bawksi,ka tihlai khan ka thinrim lutuk a,ka mit athim vek mai khan engmah ka hretawhlo emaw ka tihlai khan ka tha neih zawng zawng in ka lo khawih anih chu....keima leh keimah chu ka inrap lutuk,Zomuana chuan ka biang tawn tawnah a rawn vuan a, chiang takin min en a " i tha em?" anti sup a,ka harh ta,"ka tha lutuk,chuan i nupui hual hi hruaila,vawikhatmah rawn lang leh tawh suh u,ka ten lutuk che u,nangni 2 vang hian kanun hi a thlamuanglo,tunah chhuak nghal ru" atawp lam chu ka au ani ber tawh,Zomuana chuan engemaw sawi atum a,mahse ahmui achip leh hmak bawka,"ni e,k thiamlo ani,kan kal ange" ati ta sup a,engmah sawi tawhlo in kawngka ka kawk a,Rinkimi chu a pawm tho nawlh a,anchhuak ta nghal a,anchhuakfel chiah tih chuan ka thinlung tawt lutuk chu ka puak keh ta..ka mittui chu dan rual loh hian a rawn sur ta zung zung a,awrawl chhuah meuh in ka tap ta hawm hawm a.





Engmah tih zai ka rello,ka mu hlawm reng mai a,ka in ngaihtuah a keipawh hi ka thiamlo ani,ka lo nem hma lutuk ani,engvangin nge ka lo biak that leh vel?kei pawh hi ka nep lutuk ani,khatiang khawp a min tihrehawm a ka hmuh lai ngeia hmeichhe dang a nupui ang maia hruai kual tu mipa kha ani lawmni?,nge ka la beisei zawk ami?keimah vang vek ani,tunah chuan ka rilru ka siamfel tawh takzet tur ani,nep takin ka khawsa tawh tur anilo.ka fapa hi ahmu tawh tur anilo.aduh anih chuan neive mai rawhse...ka tho a,ka hmai ka phih a,ka hmel hlimlo hi ka fapa in ahmu tur anilo.





Tlaia ka u te nupa bula ka thiltawn kan sawi chu anthinrim ngei mai,ka u chuan thinrimzet hian Zomuana a phone nghal bawka,usangi erawh chuan FIR thehluh a duh thung a,mahse kan han ngaihtuah a,keipawh ka mualpho ve dawn tho avangin engmah tihloh kan rel ta phawt a,ka u chuan min ngaihtuah zual em em bawk a,kei erawh chuan khatiang thleng tawh hnuah chuan engmah a tih ngam ka ring tawhlo thung,mahse kasawi chhuak hauhlo.





Zan ah chuan hma takah kan nufa in khum kan pan a,kafapa chu thlamuang takin ka bulah chuan a muhil a,ka en ngawih ngawih mai a,ka tan chuan a va hlu em,ka neih chhun liau liau ani tlat alawm.ka phone chu a rawn vibrated a kan en a,msg alo wm a,kan hawng chu kathinrim leh phat mai,"sorry" tihte mai hi alo ni a,inthiamlo tak tak na nei silo in hetiang hian ala rawn ti ngam ania,Zomuana ka hriat thin chu a ni tawhlo.





"engtin nge ka lo hmangaih theih tak tak ni"

KALBO TAWH SUH - 11





Kum hial a veita e.ka fapa pawh tunah chuan school kal mai hmabak anita,ka tum ang ngeiin ka rilru atangin ka nunhlui ka paihbo a,harsa teh mahse tum chuan kawng a awm tih hi a dik xia ka hriatphah,ka nun ah Zomuana emaw Rinkimi pawh sawi lang ani ngai tawhlo a,harsatna min siam sak hek lo,ka lak atangin an bo tawp mai a,an chanchin ka ngaihven lo a,he kum 3 zt liamta ah hian khawvelah an awm ve tih ngaihtuah miahlo in ka cheng a,ka khawvel chu ka fapa ZODINLIANA chauh hi ani.hna rha tak ka thawk a,kan chhungkua kan harsa lo bawk a,midang awhna ka nei heklo,min duh der ve tu chu ka hmu nial mai,mahse ka damchhung hian pasal 1 ka lo neitawh a,ka duhtawk,neih leh ka tum tawhlo,ka pasal hmasa ber kha ka pasal hnuhnung ber ani bawk tur ani.





Davida te pawh tunah chuan fa 1 an nei ve tawh a,tlangval anih lai ang em kha chuan min ngaihsak thei tawh lo a,mahse ka fapa hian a ngai a,ani lahin angai bawk a,kan intlawhpawh zeuh zeuh reng tho a,an nupa in min ngaina der ve em em a,ka tan chuan thian leh nuta tha tak ang ani.Rami pawh anau in hna thatak anei ve tawh a,champhai lamah anau awmpuiin a kal a kan inbe ngai ta meuhlo,ka ngai thei khawp mai.





Bawihte hi vawiin atangin pre- school ah a kal ve dawn a,ka ngaihtuah a,hmana ka awm ang thin khan ka awm a,ka hlauthawng thar leh ta,midangten an tihnat ka hlau a,mizingah a che fello palh ang tih ka hlau a,a tap mai mai anga,pa lo deuh in a awm angtihte ka hlau a,ka u in min hau min hau mai.mahse kan hmelhriat hnai takte ta ani a,anlo ngaihtuah em em ang tih chu ka ring tho bawksia,huiha...nu nih zet chu anuam in a va hahthlask si em,an tet laiin kan buaipui a,anlian anga kan hahdam ang tih rilru kan pu a,mahse anlian tual tual a,hlauhthawng tur a tam telh telh maisi,ka nu ka ngaihtuah a,tiang a min enkawlpuitling thei hi ka chhuang a,a dinhmun ka tawmpui ve atang hian ka hriatthiampui a,ka ngaihlu lehzual bawk.





Uniform tial an neih chu ka haktir ve ap a,school bag a ma thlan ngei mai chu a ak a,amah pawn nalh a inti ngang mai, "mummy,api ka in entir dawn aw?,mawi minti ngawt ang" tih pah chuan a kut tereuhte chu an vai ve a,ka phuzawk mai,khatia atih khan apa min hriatchhuahtir a,Zomuana pawh khan a phur zawng tak thil a sawi dawn kha chuan a kut hi a lek chhuak thin a,nui hawk hawk chungin ka manbeh sak thin kha ania,,nunhlui ah ka let leh vang vang mai,chutihlai chuan ka fapa apa ang em em mai chuan ka kekawr ah a rawn pawt a ,ka zuk en chu minlo melh kiau a,zawhna min zawt hmel hi apu bawk a,ka thingthi a,a chalah ka fawp a,"ka hmangaih che" ka ti sep a,ani pawh chuan a ban tereuhte chuan ka nghawngah a rawn kuah ve chial bawk a,"kal la,ipi bulah va in show la ka ti chu lawm zet hian a tlan chhuak a,api a ko nghal bawk a,Usangi lah chu a lo te chul a,an nui ri rawih rawih chu ka hre thei a,ka hlim veng veng mai,mahse thil huphurh em em tih loh theih loh 1 ka la nei a,chu chuan min la kap tlat a,ka nuamlo tawp bawk.





Kan buai chiam hnu khan ka number ka thlak a,ka thawhpui leh hmelhriat hnaite chauh ka pe a,Zomuana number ka delete bawk a,mahse ka thluak hian a delete velo thung,kum 3 lai a ral hnu hi chuan ka hre reng ta biklo,ka fapa kan dahna turah chuan pa hming leh phone number angai a,mahse min hrethiam takin aneituten ka number min dah tir a,duh chuan pa hming ai ah nu hming kan dah thei a,mahse pa anei a apa hming dah ka duh tlat,a number ka neilo khan buaina tlem min siamsak mai ani.vawiin an kal tanni hian thian a kawm ve tawh dawn si a,naupang dangten an pate chhuang takin an sawi anga,ka fapa in sawitur anei velo tur hi ka lainat a,ka huphurh em ani.ka lu ka thing nawk a,muangchangin ka insiamta a,voiin chu class kal lo in ka fapa te school thar tur ah kal ve ka duh tlat a chawlh ka la reng bawk a,a nun a bung thar a kai hi ka theih phawt chuan hmuh ve zel ka duh ani.pa tello a enkawl anih hi a hriat ka duhlo bur bawk,mahse eng chen nge ka thup theih ang le?





Ka rin ai takin kan tluang phian mai,aman kal a chak em mai a,nuam pawh ati hle mai,in kan thleng chu api a hril a,sawitur hi angah em em a,mahse ka bualfai a,eitur ka pe zo chu a chau ngang aniang amu hil ve bam mai.





Tluang takin PATHIAN zarah kan nun pawh kan hmang ve zel a,ka huphurh ai chuan Zodina pawh a fel a,thil a zir chak ang bawkin a thiamthei viau bawk a,ka rilru pawh a hahdam ve tan leh ta.Nikhat chu an school tangin call ka dawng a,ka hman hunah school ah tlawh turin min rawn sawm a,keipawn ka theih phawt chuan naktukah ka lo kal ang tiin ka chhang a,tlaia in ka hawng chu usangin "mate,tunlai Bawiha hi i chik em?, a hlimlo ve tiau ania" an ti a,a sawi awmzia kan zawt chiang chu,an miss ten amah a in kiltawih a,thil a zir chak ta lo bawk,in lamah harsatna kan neih an rin thu anlo hrilh chu niin ...ava mak dawn ve o,engmah harsatna kan nei silo,a chau ve viau zel hi an infiam hah vangah ka lo ngai a,mahse alo nilo aniang,natna ruk anei ani phawt ang.."naktuk zingah naupang Doctor bulah ka hruai ange" ka ti a,usangi chuan chiang takin min en a,"ataksa lam anih ka ringlo,mahse i thu thu" tiin min kalsan ta a.





A tukah chuan zingah chaw kan ei laiin an school ah ka kal ve dawn tih ka hril a,a phur kher mai,ka tifai sawk sawk a,a thawmnaw ka thlak a,keipawh ka insiam ve a,"mummy,ilo kal dawn tak tak tiraw?" ati a,"um,dawn e,ngatinge?" tiin ka chhang a ka hmai ka chei zui mawlh mawlh a,"ih maw,ka thianten apa in robot lem min leidawn an ti a,keipawn mummy in min lei ve ang ka ti a,chuan pa i neilo" minti alawm ati a,ka lipstick ka thlauh daih,ka phu nasa lutuk,ka en vat a,ani lah chuan ka phone a Games chu alo khel leh daih tawh thung a,hei ngei hi anih hi alo ngui chhan,ka van lainat tak em aw...ka mittui a rawn tla ta zawih zawih mai,lehlam ka hawi a,chutihlai chuan ka fapa kut tereuhte no zet chuan ka sam ah alo chul a,"Mummy, nangpawn,papa chu i ngai ve ani maw?" tap tawh suh,alo haw mai ang" a rawn ti a,ka pawm bet thlawp a,"ni e,bawihte,pa zawng zawng a pa tha ber inei alawm,lungngai tawh reng reng suh,alo haw thuai ang " ka ti a,awww....kan va han khawngaihthlak nufa em,sum leh pai kan nei a,mahse pa kan nei silo anih hi...





An school ka va kal chu ka rin dan ang chiah in minlo dawngsawng a,mipa naupang pakhat nen inhnial in "pa pawh i neilo" alo ti niawm tak ani a,chuta tang chuan a zia a thlak vek a,a rilru a damlo ve a,kum li lek nimahse naupang special tak anih vangin rilru natna chang alo hre ve anih chu...an ban veleh ka len kualpui a,ke in kan kal a,nuam ati a,min zawh tur angah em em bawk a,kan chhuah pawhin keiman motor ka khalh mai a,ke a kal vakna hun kan neilo thin a,nuam ati ngang mai,a biang a tai tek a,a hmelthat zia chu ka sawi thiamlo zawk,mc ah motor kan park a ,ka bazar kualpui a,thil kan lei teuh bawk a,hah hnep a kan vahkual hnu ah thil eiturin PEMARIN ah kan lut ta a,alo awm ve te chuan min hmu duh hle mai,kei nilo in ka fapa vang ani tih ka hrechiang hle bawk.





kan thutna atanga lang thei athu mipa leh hmeichhia te chuan thil an ei mawlh mawlh a,a hmeichhia chu a hmeltha hle mai ka ti rilru a,amipa xawk chu min hnungchhawn a, a hmel ka hmu theilo a, a tukkhum leh a beng vel ka en chuan ka hmuh hnu ang ka ti hle bawk a,mahse chutiang ngaihtuahna hun ka neilo e,ka fapa chu eitur ka pe a,kan riltam tawh bawk a,kan ei ta mawlh mawlh a,kan eizo ka fapa hmui vel ka hruk faisak lai chuan ka aw hriat hnu hian " Rinpui,in dam maw?" a rawnti a,"dam e" tih pah a kan inher chu ka nui tawp hmak mai,nui suk chung hian "thlahrang hmu i va ang ve" an ti a,ka lu ka thing nawk a,anui leh suk a,rawn kun hniam deuh hian " i nervous animaw?" i lu i thing ania" a rawn ti a ading mar leh nghal a,han chhang mai dan tur ka hrelo chu ka nui ve ta ngawt a.





Bawihtea lam chu a hawi a,ka lo thaw dep dep mai, a hmel chu a nelawm hle,"Hello,Bawiha,i va lian tawh ve,i dam em?" ati a,Zodina chu a bu nghat a,dil chhut hmel deuh hian a en a "Mummy thianpa i ni ami?" ati a,ka lo ip chawih mai,engtin tak chhang ang maw ka lo ti a,Zodina bawk chuan"i lian hle mai,mahse keipawh Papa chu alian lutuk Mummy in ati a,alo haw tep tawh bawk ang ati a" ati leh a,a thingthi hniam a Zodina chu a pawm a," i va fel ve aw,i Papa lo haw hma chu Papa minti mai la, i mummy in a phal chuan " tih pah in an 2 chuan min en a,ani lah chuan phur zet hian "mum,i phal tiraw?" a rawn ti a,tih ngaihna dang a awmlo,ka lu ka bu t ringawt a,tawng dawn pawh ni ila ka tawng chhuak theilo hrim hrim.





Ka tho a,bawihtea chu lak pah hian " lo kal rawh, i ti bal ange" ka ti a,ani lah chuan chik zet hian min en a,ala danglam lo hle a,mahse alang upa ve ta deuh a,chuan a hma aiin a hmel a rum sawt bawk.chutihlai chuan a thutpui hmeichhe hmeltha zet mai kha alo kal thleng ve chiah a,"ehe,i thiante ilo hmu ani maw?" a rawn ti bawrh bawrh a,a tawng ri chu a zang khai a,hriat anuam hle bawk,mifel tak anih ka ring bawk a,Rinkimi kha aneilo ani phawt ang ka ti rilru a,"aw,heihi Rinpuii ania,heihi a fapa(a sawi lai chuan min melh run a,kan inhnial kha ka hrechhuak zawk,ani pawn ala hria anih hmel)Zodinliana Sailo anih hi" ati a.

KALBO TAWH SUH-12( LAST)





Chu hmeichhia chuan phur hmel zet hian a kut a rawn phar chhuak a,"awiha, nangmah hi maw Rinpuii?,i hming hi chu ka hre lar tawp a,ka hmu thei che chu ka van lawm,kei hi maw Melody ka nia,Apollo Hospital,Chennai ah ka thawk thin a,mahse kei tehlul hi Zomuana hian a bula thawk turin min sawm a,a tawngkam tha um in ka rawn kal ve a,nimin khan ka lo thleng ve chiah" ati ta zung zung a,mak ka ti thin, a nupui emaw ka tih chu alo ni leh mang silo,a bialnu tal anih ka la ring ta fan a,kei pawh chuan ka chibai ve mai bawk a,engemaw ti tak hian ka thaw veng huai bawk a,Zodina chu a en a,a nuih var var bawk a,"i fapa chu ava hmeltha ve,apa a ang tawp" tih pah chuan a biangah a piai sak zauh a,Bawiha chuan rang zet hian"Papa i hria maw?" alo ti ve a,Melody chu a hawi hai kher mai,min rawn en chu engmah ka sawi silo,Zomuana a en leh a,ani chu alo bu nghut a,Zodina lam chu amelh leh a,"ka bulah ilo kal dawn chuan i Papa chanchin ka hril ang che" ati a,ka fapa chuan a thil hriat chak tak ani bawk a,a zui rang ngang mai,ka la hrechiang silo a,ka hnial dawn a,mahse Zomuana chuan"Bawiha,Aunty chu zui la,motor dahna ah kan inhmu dawn nia,i Mummy hi kan be lawk ange" ati a,Bawiha chu abu ve ngheuh a,min bye bye a,Melody nen chuan an in zui chhuak ta a.





" I hmanhmawh viau loh chuan inbe lawk ang hmiang" an ti a,kum a vei nual tawh a,mahse ka nervous leh tlat tawh,ka thu veleh ta nge nge a,kan in pawh lo kher mai,"min hlau suh,khawngaih in,ka tina hauh lo ang che" ati leh a,ka bu leh ringawt a,nui suk a,uluk tak hian min en a,"thinrim lo la maw,i nalh takzet,chuan kan fapa ilo enkawl that zia ka hmuh khan ka lawm tak zet aw" ati leh a,"lawmthu hrilh phut vang in ka enkawl lo,ka fapa ani a,tha tak a enkawl hi ka hna ania ka tihtur ani bawk,mahse ka lawm tho e,ka fapa nen min tih buai loh vangin" ka ti veta a.





"Enge sawi tur i neih chu sawila,Bawiha kha achau ve deuh a,in thlen pui vat ka duh""rem i tih chuan weekend ah Bawiha hi ka rawn hmu thei chuan ka lawm ngawt ang"ati a,ahmelchu ka en a,arilru taktak asawi tih ka hria,ka in ngaihtuah a,keipawn tikhawp in ka ngai a,apa pawn angai ang chu,ani pawn pa amamawh em em sia,lo kal thinse enge pawi? alian anga a hretho ang..nakinah min dem lutuk ang.." ni e,weekend lai kher angailo,i duh hun hun ah i hmu thei alawm,apa ini a,mahse khawngaihin ka awmloh lai nithei thin sela,i chhuahpui duh anih chuan min hril thin erawh chu ka duh ang" ka ti a,tawngtum a aka ang laichu kakut in kan zap a,"ka awm loh lai ka tih kher nachhan chu hman a ka thil tawn ang kha tawn leh ka duh tawh lo a,ka hmuh hreh vang che anilo ania" ka ti zui leh a. hrehawm ti hmel apu a,hman a ka hriat thin mipa induhtawk zet kha chu ani talo,"nia,apawi ka ti,khatiang kha chu engmah a thleng tawh lo ang" ati dam dap mai,keipawn ka ringhlel hauhlo,"ilo kal thin dawn tih ka u te ka lo hril ange,diktak chuan ka ute hian anla ngaidam fel chiah lo che a,mahse ka sawi chuan buaina i tawk lo ang" ka ti leh a,ka bag ka khai a,ka hman hmawh thu leh melody chu min call sak turin ka hril a,ati ve mai bawk a,ka fapa te awmna ka pan hma chuan kan thil eina bill pek ka tum a,mahse kha palian zet ka thutpui khan a pek tawh thu min hril a,mak kati viau nangin kati langlo,hawi let hauhlo in ka kalsan ta a.





Chumi hnu atang chuan arawn hmu ta zeuh zeuh a,ka ngen ang ngeiin ka awm laiin alo kal ngailo,ka haw a alo awm pawn rei awm lo in a haw vat zel.Zodina pawn angaina em em bawk a,alo kal loh pawn zanah te phone in an in be reng zel a,ka number aneih dan ka hrelo a,ka ngaihven hauhlo,kei nen kan inbe ngailo a,afapa chauh arawn be thin,mahse thawveng huai awm tak,ka lunghnur tlat zel.min biase ka ti pawh ani chuanglo.





Zan khat chu kan mut hnu ah a rawn call a,an inbe teuh a,an inbiak zawh chuan Bawiha chuan"Mummy,Papa tak tak hi engtik nge alo haw ang?" ati reuh a,minti phu zawk mai,ala naupang nen afing mah mah,"alo haw tep ang" ka ti mai a,min en kiau a,"Mummy,thinrim lo la maw,kei chu Papa tak tak chu ka duh tawh lo,tuna ka Papa hi ka duh ber" ati a....chhan dan tur ka hrelo,mahse a beidawng ka hlau a"nakinah nupui anei anga akalbo daih anga i papa tak tak bula awm angai alwm" ka ti a,thil hi ahrethiam mah mah a,buaithlak ka ti..ka kut a sik niap niap a "mahse,nupui a nei dawnlo ati alawm,keima Mummy chau a duh alawm" a ti leh reuh a,a inlet tep tep a,engmah a ngaihtuah zuilo tih a hriat hle bawk,a thil sawiin min thawng lutuk tih a hre hauh lo.Zomuana chuan asawi tak tak angem?ngatinge RINKIMI kha aneih mailoh?..zawhna hlir ani tawp mai.





Ka u te nupa usangi nu damthat loh vangin serchhip ah an kal a,ruah atlaseng seng bawk a,vanneihthlak takin saturday ani hlauh bawk a,kan nula chu a thiante in ah chawei turin akal bawk a,kan nufa in kan awma,Zodina a khuahar ngang mai,api leh pu an awm silo,chutihlai chuan bell arawn ri a,ka va en chu huh hnuang hian Zomuana alo ding a,avawt atih hmel hle bawk a,lut turin ka sawma,towel kape a,mahse hruk hul mai chi pawh anilo,ka u thawmhnaw ka haktir tangawt a, ka u aiin alian nasa sia,aha tawk lo bawk nen,kan han nuileh rih a,Zodina lah chu alo lawm ve em em bawk a,eitur ka siam sak a,an pafa in an inchhaih a,anhlimsi,ka awm ve tih pawh an hre lo,ka titau rilru tlat,amak e....room ah kaluhsan a,ka lut tih pawh an hrelo,ka thinrim tih ngaihna hrelo chu ka mu ta ngawt a,ka tumloh deuhin ka lo muhil zui daih a.





Ka harh lehchu kan inlet dawn a,ka rilru ah Zodina alo lang vat a,rangzet hian thawh ka tum chu ban tha chak zet hian min rawn kuah bet a,ataksa lum thur thur chu ka ngheng bawk a,room chu parda a in zar a a thimruih bawk a;kasir ah chuan Bawihtea chu a muhil tih ka va hmu a,tunge min kuah hi le ?ka beng bulah chuan a rawn thaw lum ham ham a,Zomuana aw ngei hian," tihian reilote mu lawk ang,thil thalo engmah ka tilo ang,titi pui che ka duh a,khawngaihin" a rawn ti sup a,"thu chungin kan inbethei reng" kati a,mahse ka che chuanglo,diktak chuan nuam ka ti em ani.a hriat ka hlau phian thung .." aih tihian ka duh" ati leh sup a,ka hnial ta lo...





"min ngaidam rawh""engvangin""i chunga ka chet dan tenawm tak vang khan mawle""chutiang sawi angailo,thil kal tawh anih kha"ka ti hmak a,mahse..."ka insawifiah hi a hun ve tawh ka ti a,Rinkimi khan minlo bum nasa em a,ahun lai khan ka rilru na lutuk khan khua kahmu silo,zawh che ka duh a,mahse i pha dawn tho in ka hre bawk si,ka tuar hram hram a,kan inneih hma a Davida nen inthlalak dun te,chuan inmu dun laite,,aaaa ... atam mai,ka rilru kha ana asin,ka hmuh che chuan ka mamawh chea,ka hnar thei bawk silo che a,ka riakbo tawp thin a,mahse Rinkimi bulah ka kal ngailo a,hmeichhe dang reng reng pawh ka mutpui hauhlo,hospitalah ka riak mai zela,nanglah chuan Rinkimi bulah ka kal amawilo ti ziah bawka,k ahrehawm asin,Bawiha ipai khan ka lawm em em a mahse a rawn buaipui vel che kha ka hmuthei lo a,ka tumloh tawp in ka che ta nih kha..a hnu ah engkim ka hre lehsi a,ka hriat meuh chuan min hmu duh tawh silo,Rinkimin a rawn khawih che khan hril che ka tum lai ani a,mahse boruak ati chhe ta vek a,nangin min hnawtchhuak zui bawk a,Rinkimi khan engkim ka hre tawh tih a hriat khan min hlau a,engmah sawilo in a bo ta daih a,tunahchuan pasal anei tawh anti a,keichu ka thianpa bulah chennai ah ka awmbo veta a,mahseka theihnghil theilo che a,Melody hi engkim ka hril,ani chuan hmu tur chein minti a,kan inhmuh hmasak ber khan a ring tawp che a,minlaDUH NIIN A HRE BAWK A,chuan usangi te nupa hnenah ngaihdam kadil a,ani chuan nangman min ngaihdam phawt chuan min ngaidam tih min hril a,vawiin pawh hi an mahni in anzin dawn avang a awmpui turche in min rawn ngen a,ka rawn kal anih hi" ati a...ka thu hriatchu amk ka ti a,mahse ka ringhlel hauhlo,, achhanchu Melody in min hril vek tawh miau a.................





Engmah ka sawilo,ka dar ah a hmai a rawn phum a,a rawn lum pap mai a, a taksa lianpui chu a che dar dar bawk a,chiang takin a tap tih ka hria,ka insum theihna leh ka luhlulna chu a keh chhe ta,he mipa ka hmangaih em em hi ka ngaidam tur ani,ka bulah a awm anga ka kalbo tir leh tawh ngailo ang.ka inlet a,a hmel chu chiang takin ka en a,a biang ki ruh sang vah te,ahmeltha tak chu a sen tan bawk a,a hmai chu ka chul a,"ka ngaidam che alawm,ka pasal ini a,i kiangah min mamawh anih phawtchuan ka awm zel ang" kati a,ahmelchu a rawn eng a,abiang tawn tawn ah ka chelh a,dimte hian ka zuk fawp de de a,min chhang mailo,ka fawp nawn leh chu ramsa koham lutuk ang maihian duhthawh lutuk hian min rawn fawp ta ,kan inthlah chu kan thawdun hlawp hlawp mai,min kuah bet a," ka lawm e aw,ka at vang in kum tamtak ka tina che a,keipwh ka inti na bawk a,vawikhatmah ka kaltir ngailo ang che,ka mamawh che a,ka bulah in awm zel ang,ka venghim tlat ang che" ati a,chutihlai chuan Bawihtea chu min rawn bawh liam in kan inkarah a rawn mu a,apachu aen kiau a, "Papa, KALBO TAWH SUH aw,I kalbo chuan Mummy nen kan tap leh mai ang" a ti a....apa chuan duat hmel zet hian aen a,"ka kalsan tawh ngailo ang che u,chuan maw...Mummy in aphal chuan unau i neih vat theih ka ring aw" ati leh sup a..............





TAWP MAI TEH SE....MIN CHHIAR SAK THIN VANGIN IN VAI CHUNGAH KA LAWM EM EM E.