RUN BABY RUN

RUN BABY RUN : Maengi ralte


Chapter- 1

“ Ka chau tawh lutuk, ka Tlan thei tawh lo..” Hah Lutuk avangin ka Thaw a chham lo chauh bawk..

Ka Hma a Tlan chu ka En a, Kei aiin Kum 4 in a Upa zawk a, Mahse ka Thiantha ber ani a, Ka Unaupa leh Ka In nghah na ani tel cheu bawk, a Tlan muang a, a rawn hawi let a, A Pian Nalh zet chu a T-shirt hak chuan a Phuar tang a, Ka hah tawh tehreng nen Hah hmel pawh a Pu eih lo..
“ nilo e...i Hah lo, i Rilru alawm Pawimawh...Vawikhat chauh han try leh teh..Tun bak kan tlan kual angai tawh lo ang ka tih kha...” a ti a, A rawn kal phei a, ka Banah a rawn chelh a, Nilo...a hresual ani, ka chauh lutuk mah mah, Hah vangin Ka Thi thei mai ang.

“Ka theilo ka tih chu..” Min Hnuk lui dawt dawt a,
keipawh ka tlan ve zel tho bawk , Min vawn na a thlah a, Ka Sir ah Muangchangin a Tlan a,Hetiang tehhrep a Hah ai chuan In ah khan lo Mu hle hle zawk ila, Duh leh Thau mai mai ila eng nge pawi hrep le???

Kan Tlan tan na Hmun kan thlen meuh chuan Ka let tawp aniber, mahse, min rawn Pawt tho a...

“ Tho rawh...Khatia i chauh lai tak a i chawlh thut khan i Lung tan a tha lo thei, zawi te te in Zuang la , chumi hnu ah i chawl dawn nia..” a la ti ta cheu mai, Thihna Ni silo ah chuan Insawisakna Rapthlak tak hi ani ringawt.

Phul chungah chuan ka Let thla a, Van Dumpawl thiang kuk mai chu ka Thlir a, Ka Sir ah a rawn mu ve a,

“ i tih tang tang chuan Karleh ah chuan i ziawm tawh ang, Hah lutuk lo in i tlan chhuak thei vek ang” a ti a,

“ ni tehse, mahse, Karleh thlen nan Damchuan ala rei, Naktuk pawh Tuesday chauh ala ni ania..” Huphurh fe hian ka ti a, Ka hah zualpui reh tawh mahse Ka Lungphu erawh rang tak ala ni..

“i ngaihtuah vak vak chuan i Huphurh tulh tulh ang, i Hmalam hun tur i ngaihtuah lawk dawn anih rau rau chuan i Cher hun tur zawk ngaihtuah la, i thawmhnaw duhzawng engkim i ha thei tawh anga, Bike ah pawh inthlahrung miah lo in i chuang thei ang” a nui hawk hawk a,

A lam hawiin ka Lu ka thle phei a, chunglam a en a, a Kut a lukham bawk a,

“ Dik chiah mai tiraw, nang pawn min zahpui lo in Mi zingah i Nau ka ni tih i sawi thei tawh bawk ang” ka ti let ve hmak a, ka Thau avang a min chhaih ziah hi ka paidam thei thin lo..a rawn hawi a,

“ chu kher chu a diklo, tunah pawh Khawiahmah ka zahpui ngai miah lo che..” a ti a, a tawng zawi hle a, mahse, Dawt a sawilo tih ka hria, min fiam a piangin tihnat let ve nan a huatzawng tak in ka tawng kher thin a, Kan Naupanlai atang in kan Inhre tawh a, a chak lohna lai pawh ka hria a, a duhzawng pawh ka hria a,a duhloh zawng pawh ka hre bawk, chutiang chiah chuan ani pawn min hrechiang tho bawk.

“ nia...mahse, in Office a Ka Duh deuh kha chu min tihpui duh miah lo a...” ka ner nang nang a, a Staff te zing a pakhat hi ka duhzawng tak ani a, amah pawn min hriat sak a, ka duh zia ka hrilh fo thin a, Mahse, Nupui nei tawh alo ni a, Fiamthu bak in kan sawi ngai lo,Diktak chuan chhungril ah Nupui nei lai kawp ka duhloh hranpa ve tawp, achhan chu Rinngheta hi Apa in Hmeichhe dang vangin a chhuahsan a, ka Khawngaih thin a, Nupui nei chung a Ngaihzawng nei thin Mipa hi ka lo huat phahve tawp, Anu in amah in a enkawl a,Kapa hi Pa ang maiin a en ve a,tun thlengin Apa chanchin a sawi ka la hrelo, mahse, chhungkaw awmthei tak annih avangin Pa a Mamawh tih langlo khawp in a Pi leh Pu mai bakah a Nu Nau Mipa te hian an enkawl hneh a, Kapa lah in Fapa a neih loh avangin a Buaipui em em bawk.

15/08/2014

Ka Dawhkan rawn kik ri ah chuan ka ngaihtuahna atangin ka harh zawk a, Ka hawi chhuak thuai a,ka Thiannu, Lawmi nui sang chung a lo ding chu ka hmu a, ani hi ka thian anih mai bakah kan thawhna ah hian kan thawk dun bawk a, Hmeichhe hmeltha tak nilo mahse a Hlimthei a, a Nun a uluk a, nun tlang leh Rilru tha tak anih avangin ka Ngaina a kan Inpawh em em bawk.

“ i ril a la tam lo ami?” a ti a, vawiin chu kan Buai lem lo a, duh aiin Nunhlui lam in rilru a luah hneh deuh ani ang, Riltam lam a lang lo,

“ Tam tep, ka nghak che..” ka nui a, a then sak a,

“ Lutuk che hian a..i Dawhkan ka rawn thlen lai pawh i hriat tawp loh kha...kal ang” a ti a..Ka Purse ka la a, Ka tho zui ve nghal a, Kan Office Canteen hi an siam tui lo hranlo,mahse, a ngai reng ei hi a ninawm avagin kan Office Piah lam a Restaurant awm chu kan pan dun a.

Kan thut fel veleh kan ei tur min rawn zawt a, kan duhzawng ve ve kan sawi hnu chuan Lawmi chu a rawn kun hnai a,

“ Office ah khan enge i ngaihtuah a?, ka ko che a, i hre miahlo a, Midang khan mak an ti hmel tawp che..” a ti sar sar a, ka nui sak a,

“ Naupanlai mai mai mawle, hman lutuk hian Thil kal tawh ngaihtuahna hun kan ngah thin a, Hahthlak letling tlat..” ka ti tha ve mai, Ni e..Rinngheta nen kan Inbiak mumal loh na pawh kum 3 lai a ni tawh, Diktak chuan a Nupui neih hnu atangin kan inkawm tam lo in kan In be mumal lo ti ila ka sawi sual lo ang,a Hna vangin a buai em em a, hma ang in inkawm reng a harsa a, chumai bakah A Nupui in min mil lo em em bawk a, an Transfer avangin tunah phei chuan Aizawlah an lo haw ngai manglo, an lo haw anih erawh chuan min rawn tlawh hram hram thin a, a hman thlawt lo anih chuan min rawn Call hram thin.


“ naaa..ho thei em mai, kei chu hun kal tawh ngaihtuah ka peih lo,natna mai mai “ a ti nghat a, a thutna hnung lam a ngheng a, a kut in Dawhkan tlang a tlir dat dat bawk,
A sawi dik, mahse, kei chuan Na turin engmah nihna leh theihna ka nei lo a, mahse, Ka Thiantha ber leh Ka Inhumhimna in min kalsan hnu hian ka nun hi a buai a, engkim ah ka rinchhan anih avang in a awm loh hnu khan keimah in In Hai kuak tum in ka Bei a, Nula ka nih tawh avangin Ka Nu leh Pa tihbuai erawh ka tum hranlo, Hmeichhe fel tak nilo mah ila Rinngheta khan min kalsan hma in Huaisenna keimah ah khan a tuh hman a, chuvangin Harsatna lutuk erawh ka tawk rih lo.

“ nia... a dik alawm, Mahse Natpui tur nilo in Ka Hlimpui alawm” ka ti a ,a Ner sak a...

“ i thusawi leh i Hmel awmdan a Inpersan anih mai chu “ a ti duh lek..

Kan Ei tur a rawn thlen takah chuan engmah sawi lo in kan ei dun nghal mawlh mawlh a, ka inhriat ai daih in ka lo tam ani ang, ka ei tui takzet, Muangchangin Office kan Pan dun leh a, a tawng siam siam a, Thla thar mai ah Pasal min neih san dawn a, Office khatah thawk dun in inhmu reng dawn mah ila Mal ta riau a ka inhriatna erawh a bo theilo. Ka Inrin hma in Ka Khup a sai thut a, ka Thingthi rawp a, Na engmah a awm bawk silo,Taksa chetna chang tur ang mai a han Suk zuk mai chu Midang min hmu tu te chuan Mak an tih hmel em em zui bawk,

“ awi...a Na em ?” Nuihza Insum deuh hian min rawn Kai tho a, Ka Khup ka zuk sawhna chu a Na vang vang a, mahse,

“ aih...Na lo, a van mak em em” ka ti ta zawk a, Ka tho a, Ka Kekawr Khup Bal nuaih mai chu ka Bengfai nawk nawk a,

“ Taksa chetna chang tur i ang lutuk a...” a Nui tha a, kei pawh ka nui ve tho, ka ngaihtuah ang tho alo ngaihtuah ve anih chu a..

Office Toilet ah ka Lut a, Ka Kekawr ka Hlip a, Ka Khup ka en nghal a, a Pilh lo, mahse, a Duk chur thung, a Ruh a na a, mahse, Mutpui emaw Na ti a rum na khawp erawh anilo, Hun rei vaklo atang khan Ka Khup ruh chhung hi a” Za “ ang deuh hian a awm fo a, Na erawh a tello,Ngaihthat loh nan pawh ka hmang chuanglo, Ka Tleirawl chhuah atangin ka Thau a, Ka In zo lo a, Rinngheta khan Min tlan kualpui a,Ka Peih loh pawh in min tur lui a, min Nawr a, a rual in Gym ah min hruai a, tunah chuan Nula cher nilo mah ila Thau a sawi tur ka ni ta lo.

Office ban veleh In ah Haw tlang lo in New Life Hospital ka pan a, Kapi (kanu Nu) an Admit tih Kanu in min rawn hrilh a, hlauhthawnna in ka khat nghal a, Kapi leh Pu hian an Tu Neih chhun ka nih avangin min Atchilh thawthang aniber a, keipawn ka Ngaina a, an Hnen ah ka khawsa Nasa bawk ,Kapa lamah erawh chuan Chhungkaw hung leh Lian tak kan ni a, mahse, ka Pi leh Pu hian an Tu te tumah tih bik neilo in min Hmangaih rual thap niin ka hre thung, Vuina tur ka nei chuanglo,Kapa te chhungkua hi a Hu ho deuh in Kan awm a, Kan Thenawm chiah ah Rinngheta te hi an awm bawk a, Ka Pian Hlim atang in Rinngheta hian min Nau chei ve tawp tih an sawi thin a, Dawt anih ka ringlo, ka lian deuh a Midang in min velh te Kan Cousin zing ah Buaina kan nei anih pawh in Rinngheta ka Pan thin a, min vel tu apiang Velh loh in a chhuah ngai lo.

Casualty ah alo awm a, Kapu leh Kapa an lo awm bawk a, min hmuh veleh Thei leh theilo in min nuih hram a, mahse, Ka Thinlung a keh chhia niin ka hre tho, Naupang ni tawh lo mah ila Kapi Na tuar han hmuh chuan Tah Mai ka chak ber,

“ Pa....a tha lo viau em?” Kapa ka en a, Kapu erawh Pawn ah a chhuak lawk thung,

“ Tha lo hran lo e, a chau deuh mai mai alawm” A ti mai a, Mahse, ka hlauhthawnna ala reh chuanglo,

“ haw lo in Ka riak mai dawn ami?” ka ti leh a, min rawn en zawk a,

“ ka hrelo, an Admit kher lo maithei a, Admit erawh chuan i riah a ngai ang chu..” a ti leh mai a..

Ka hreh hauh lo, Mahse, Ka Khup rawn na leh zawk thin chuan mut Hahdam erawh min ti chak thung.

Vanneihthlak zet in an Admit ta lo hlauh, amah pawh a rawn ziawm leh viau tawh bawk, a Hmel pawh ka thlen hlim ai chuan Hmuh nuam tak ani tawh, an In lamah ka Phei ve a, Nula an neih tho avangin Riahpui lo in ka hawsan a, thil tha lo a thleng anih chuan min rawn hrilh vat turin kapa in a chah a, an Nula ka ti ngawt a, Kei aiin a Upa zawk a, Kapi leh Pu bulah hian Kum 10 aia tam a awm tawh a, Thingtlang lam atang a rawn awm ani a, Thisen ah Inzawmna nei hauh lo mah ila Hmun dangah insawn lo in ala awm ngar ngar a, Kanu hi U ang maiin a en a, Kapi leh Pu pawh a Nu leh Pa ang ah a ngai ve hmak bawk, ani a awm phawt chuan Kapi leh Pu te ngaihtuah an ngai lemlo.


Chaw kan ei laiin Kanu leh Kapa in Kapi chanchin an sawi a, kei erawh ka dan pangngaiin ngawi rengin ka ei mial mial thung, Room ah kal vat a ka Khup ruh nuam lo veng veng chu Mutpui ka chak ber, Kum 24 lai ka ni ve tawh a, Midang Buaipui nih ka duh lemlo,

“ Mampui, Rinngheta te an Inthen a..” Ka chaw hmuam lai ka Phuh chhuak lo chauh,ka khuh zui a, Ka awm ka chum a, thil kal tawh ka ngaihtuah a, a Nupui a atchilh zia ka hria a, engvang mah in a then ka ringlo, a Nupui lah Hmeltha,changkang bawk ani a, an Inhmeh hliah hliah bawk,

“ tu nge hrilh che?” awihloh na a khat hian ka ti a, min melh zawk a,a ei chhunzawm leh a, Ka Awmdan avang chuan Kan Nula chu a nuih a za tih ka hria,ka mawl hmel em bawk tak a...

“ Tlaiah khan i Nutei alo kal a, mi sawi a hria aniang, Nangmah rawn zawh che a tum zawk a” a ti leh mai a, Kapa te Unau zing a Naupang ber Nupui, Mi chanchin hre thei mah mah hi a awm a, thil dangah a sual lo,mahse,ka duh aiin Midang chanchin a hrethei a, sawi nuam a ti bawk,

“ engmah ka hrelo, a hrim hrim ah lo then pawh nise alo buaina tur a awmlo em mai “ ka ti hmak a,

“shh....i ho thin em mai,chutiang in i Nutei chungchang sawi suh, Kan Fapa ang mai anih avangin alo buaipui ve animai..” a ti leh talh a,

A ni ta ve ang, kan chhungkaw zingah chuan engtik lai mah in Rinngheta hi a Mikual ngailo , mahse, Nu leh Pa ang a a en chu Kanu leh Pa chauh hi anni a, Midangte pawh hi a ngaina hle a,mahse, kan chhungkua ang a pawh a neilo, Ka Nutei hian Fapa ang a a en vang nilo in sawi nuam a tih vangin a ngaihhven tih ka hai lo, a Fapa in a tluk loh vang hian a er em em tih ka hre ru kar bawk, Kanu pawh hian a hai hauhlo, mahse, Midang chanchin sawi a duh loh avangin a sawi langlo mai mai tih ka chiang,

“ A mah in a rawn sawi anih loh chuan lo sawi angailo “ Kapa in a ti hluk a, engmah kan sawi zui ta lo.

Chapter- 2

Ka mut fel veleh Rinngheta ka Call a, mahse, a la lo, ka ti nawn leh a, a Ring ral leh thak tho, kan In be khat ta em a, nidang a kan Inkawm tak tak lai kha chu nise a Phone chhanglo ringawt pawh ka thinrimpui leh ngei ang, mahse, tunah chuan ka thinrim ta lemlo.

Nasa tak in min buaipui a, ka rihna hloh turin min beih pui a, ‘ka thei tawh lo” tih hi a tawngkam huat ber anih avangin amah ka zah avang pawh in ka tlan lui hram hram a, keiin ka zirna ka zawh hma in ani erawh chuan hna tha tak thawk turin a inziak tling der tawh a, a Pi leh Pu in Sawrkar hna thawh an tuipui lo a, mahse, aman a duh avangin an hnial chuanglo, an chhungkaw eizawnna, hman atang a sumdawng hmasa leh chhungkaw hlun an lo nih tawhna chuan hna dang thawk kher lo pawh in a nun nuamsa tak in a hman tir thei ang tih ka chiang,Anu in Pasal dang neilo in a tulpui a, a Putea lah Nupui ngaihsak lo bur chi alo ni bawk nen a tan engmah Lungkham a ngailo.

Nupui a nei a, a Nupui in min lawm lemlo tih ka hriat hnu ah kha chuan kei pawn ka thlah tial tial a, Ani erawh chuan engmah hrelo ang hmakina awm a, min Care na pawh a danglam chuanglo,mahse, keimah zawk in nuamlo ka tih avangin ka Inthiarfihlim ta zel a, ka nun ah harsatna ka tawh apiangin ka ngai vawng vawng thin a, hmun danga an awm hnu pawh khan Ka Workout zawm zel a, nasa tak in ka Bei a, a khat tawk in min rawn be fo a,mahse , kum a vei a, min rawn be khat tial tial a, keipawn ka be bik lo, an rawn haw chang erawh chuan a Nupui pawh mi a ni heklo,min lawmlo zui lem lo, engvang a min millo em em nge anih ka hre heklo. Vanduaithlak tak in Fa an la nei miah lo a, ka khawngaih thin a, Fa a neih hun tur vawitam ka bulah a sawi thin a, Pa tha ber nih a tum ruh hle bawk a,mahse, tun thlengin Pa ala ni ta lo erawh ka Lainat tak tak.


Ka Phone nghawr dar dar in min ti harh a, ka lo muhil hman ani ngei ang, Light pawh ka lo la Off lo,

“ Hello...” ka ti a,

“ Mate....ilo Call lai ka hre lo a...eng nge nita?” Rinngheta alo ni a, maktak in ruih nei a ang viau bawk,

“ Aaa...um...kan in be khat em a, in tha em te rawn tih ka tum mai mai mawle “ ka ti a, han zawh dawt ka hreh riau ,a ngawi vang vang a, min chhang dawn lo emaw ka ti hman a,

“ Aw..ka tha e...” a ti a, a thaw hawk bawk,

“ A lawmawm anih chu, Hriatpuii a tha em?” ka ti lui a...a sawi mai ka beisei deuh bawk,

“ Kan chanchin i hria tih ka hria, ngatinge tlang deuh in min zawh mai loh a?, i U ka ni ta lo ami?” a rawn ti let ta zek a, Ka Phone ka melh nghek ringawt,

“ Um...Kanu in a sawi a, ka awih lo a..” ka ti ta nge nge..

“ A sawi dik anih chu, Nupui ka nei tawh lo..” a ti hmuk a, a rui ka la hmu ngai miahlo,mahse, Zan in hian a rui lo anih pawh in tihdanglam in a awm tlat,

“ Zingah ka lo be zawk ang che aw...vawiin ka tlu a ka Khup ka sawh a, a na vaklo anuam lo a..” thildang ka sawi san ta zawk a,a chhan chu a thilsawi lai a ka kalsan emaw khan a thinrim fo thin a, Topic tha tak sawi tur ka hria anih erawh chuan a lungawilo ngai chuanglo, ka Khup na hi chhuanlam atan a tha tawk tih ka hria.

“ Maw??, fimkhur ta che “ a ti hlur a, mak tak ani, hetiang hian a awm ngailo, nidangah chuan na ka nei anih chuan ama buaina a theihnghilh thak thin asin le.

“ Ka fimkhur alawm mawle, i thinchhe em mai, ka be peih lo che “ ka Off zui hmak, nge maw min vin vak kher le a ??, a rawn Call nawn lem hleilo a.

Zingah chuan ka Khup ruh na pawh a zia ta viau, mahse, a duk erawh a zual sauh zawk in ka hria, peih lo chungin ka tho a, khaw awm dan ipik churh mai chuan Walk pawh min ti phur lo,mahse, vawikhat chawlh hian vawi hnih a chawh zel a, kal hram ka duh a, ka chhuak lui a, kan In atang in Kawngpui lam ah ka tlan thla a, midang pawh an lo kal nak nak tawh, muangchangin ka tlan a, ka Khup ruh rawn za leh thin chu tihreh tum in ka per a, ka chum bawk a, a za mai pawh nilo in ka tluk na avang khan ani ang a na tel deuh bawk.

“ Min lo nghak la...” ka hawi let nghal a, ka hnung ah chuan ka Tleirawl chhuah atang a tih takzet a ka Mipa zui hmasak ber Lawmsanga chu nui var var chung hian a rawn tlan ve a..

“ Ehe....i va rawn tlan thui tawh awm bik ve..” kan veng leh an veng a in hnaih tlat lo,a thlan hluam bawk,

“ Thui tawh lutuk, nizanah ka Msg engmah i reply lo a, Lawmi khan i tlu a, i Pi a tha vaklo bawk ati a, ka ngaihtuah che a..” a ti duah a, a sawi dik chiah, nizan khan ka be miahlo, Rinngheta khan ka rilru a luah hneh deuh a tin ni..

“ Um...ka tha, Kapi pawh a tha, ka mu hma lutuk a..” dawt ka sawi ta ngawt,dawt ka hrilh ngailo tluk ani,

Muangchangin kan tlan dun a, Zarkawtah kan kual a, kan veng ah kan let leh a,kan In ah chawl tur in ka sawm a mahse a hmanhmawh avangin min hnial a, a Pian fit zaih mai In zo zet a a tlan chu ka thlir a, a Hmeltha a, a hlim thei bawk, kan inkawp na pawh kum 1 ai in a rei ve ta, mahse, Hmeichhe hmelhriat leh thian a ngah lutuk avang in kan buai fo mai, Tlangval fel tak ani a, mahse, Lawmi erawh chuan a ngaina lo a, a lerh hmel a tih thu a sawi fo bawk.

“Nu...sawlaiah sawn Khuaino an zuar a,i lei duh ka ring a..” ka tawnglai ka tawp chawt, duhdah zet hian kan Thutthlengah chuan Rinngheta alo thu a, ka mitvai emaw ka ti zawk, mahse, a nuih tak hawk hawk ah chuan ka mit vai anilo tih ka hrechiang ngam chauh, nizan khan alo haw tih a sawi eih lo.

“ Awi....nizan khan ilo haw tih i sawi silo..” ka nui a, a bulah ka thu thla ve nghal a,

“ Ka lo haw leh haw loh min zawt miah lo, ka that leh that loh chauh min zawt “ ngeiawm zet hian a then suk a, min chhaih tih ka hria,

“ Ngeiawm em mai, eee....in nu chu ngatinge a?” a hmai bulah ka kun hnai a,

“ Nakinah aw, tunah ka sawi peih miahlo” a ti hluk a, a tho zui nghal daih bawk,

“ E...i khup chu ala na em?” a ti leh a, ka lu ka thing a,

“Ka rin aiin a na lo, a ziawm vek tawh “ ka ti ve mai bawk a,

“ A that chu, fimkhur thin rawh, tluk i ching em mai “ ati leh talh ,

“Um...Thingpui i lo in tawh em?” ka ti leh a, ka tho ve nghal a, ka thlan vangin ka hnawng chuap bawk,inbual vat ka mamawh takzet,

“ In lo, mahse, ka duhlo, Khuaino chu ka va en dawn “ a chhuak zui nghal a, ka ei ngailo, ka hlau a, mahse, Kanu leh Pa in an duh em avangin ka hmuh chuan ka lei hram thin a, Rinngheta pawh hian an awmna lam atangin a thlar tawp in a rawn thawn fo mai.

Kanu chu inchung atangin a rawn chhuk ve chiah bawk,

“Khawiah nge alo kal leh hman a ?” a rawn ti bawrh bawrh a, Kawngka lam hawiin ka thle zauh a,

“Pengah khan Khuaino an zuar a, i duh ka ring a, ka rawn sawi a, alo hria anih kha..a lei sak dawn che aniang” ka ti sam et..Inbual turin ka Room lam ka pan ta zawk a.

Ka inbual zawh veleh kitchen lam ka pan nghal a, Kan nula leh kanu in eirawng an lo bawl dun a,Rinngheta pawh Kanu eisiamna bulah a awm bawk a, an awm danah thuruk sawi an ang khawp mai,

“ Chaw ei ve nghal daih la..” Bawnghnute thlit chhuah pah in ka ti a,

“ Ei dawn tak ka ni...min sawm a ngailo..”Kanu a lo nui a, hetiang tak a inpawh hian kan inkawm lohna a rei tawh em ani.

Chawei laiin kapa nen hna chungchang an sawi dun a, kei erawh ngawirengin ka ei mial mial thung,vawikhatmah an Nupa chungchang tuman an sawi chhuak miah lo, a tul atih hunah min hrilh mai ka rin avangin keipawn ka zawt nawn ta lo,

“ Mate...i Phone..” Toilet kawngka bul atangin a rawn ti a,

“Tu nge?” ka ti let a, ka ha ka nawt pah a,

“Ka hrelo, a pawimawh hmel “ a ti leh mai a,

“ Lo chhang rawh “ ka ti a, tupawh nise alo chhan a pawina tur ka hre lemlo.

Ka chhuak a, ani erawh chu Khumah a vang zawngin alo mu zangthal a, inchung lam a melh vang vang bawk, a Lungleng ani mahna,

“ Tu nge a ?” ka Phone ka ban nghal a,

“ En ve mai rawh “ a ti liam puat a, ka en nghal a, Lawmsanga alo ni a, tun ang hunah eng tak rawn sawi tum nimaw ??

Ka Call let nghal a,

“ Um...eng nge nita?” ka ti a,

“ Tu nge min lo chhang tu kha? “ engmah dang a sawilo, mak ka ti zawk,

“ Ka u mawle, engthil nge a ?” zangkhai tak hian ka ti a, ka sam ka khuih pah mawlh mawlh a,

“ U mipa ilo nei animaw?, a tawngdanah khan i u a anglo khawp mai “ a ti leh hlur a, engvanga thinrim viau nge maw anih le ??

Ka hnung lam atangin Rinngheta chuan min rawn kuah a,a tih fo dan anih avangin ka tan thil mak ani lo,Darthlalang atangin ka mitmeiin zawhna ka zawt a, a nui suk a,a Lu a thing ringawt,

“ Nei e...a fiam che anih dawn chu, zan ah ka hmelhriattir ang che” ka ti a, a thaw hak a,

“Um...mak ka ti deuh anih kha...i Pheikhawk ka chah kha alo thleng a, tunah ka rawn keng dawn nge zanah zawk tih ka rawn zawt dawn che a..” a ti a, ka Birth Day karleh mai anih tawh avangin min chahsak tih ka hria,ka duh loh zawng chah palh a hlauh avangin a chah dawnah ka duh leh duh loh min zawt hmasa thlap bawk,

“ Wow...ka van lawm chiang, i remchan hun hun animai” hlim zet hian ka khek raih a,Rinngheta chuan Ka biangah a rawn fawp zauh a,

“ Ka kal “ ri miah lo in hmui phun hian min bia a, ka bu nghat a, ka ban ka vai zauh bawk.

Nilengin hna ah ka buai a, Zanah Lawmi te in lamah tihtur a awm avangin kal ka ngai bawk a, Lawmsanga lo len a tum bawk si, pawilo Lawmi te In ah ka kalpui zawk mai ang, Tlaiah chaw kan ei laiin ka Pa in Rinngheta te chungchang a sawi chhuak a, engvang nge tih ka nu a zawt a,

“ A sawi tha duh vaklo, mahse, Rinngheta Nu zawk kha chuan Hriatpuii a Uire niawm in a sawi a...” a ti a, mak ka ti lutuk, Rinngheta te ang mipa Uire san tu Hmeichhia chu a mawl let tawp ani ngei ang.

Chapter – 3

Ka chaw ei lai ka chawl hmak,

“Hriatpuii chu a van mak ve, ka awih lo e “ ka ti a, Kanu ka en a,

“ Nia, mak ka ti kei pawh, mahse, midang min hrilh nilo in a Nu ngeiin min hrilh a, dawt a sawi ka hre ngailo ,a hrim hrim ah hetiang thil lian tham lutuk ah Fiamthu a thawh hauh lo ang “ a ti leh duah a,

Mak ka ti lutuk tih bak sawi ngaihna ka hrelo, Rinngheta hian a atchilh a, a duh leh lutuk kha ka ngei ru thin zawk a, an inkawp tirh atang reng reng khan a duh hluah hluah a, a zep eih lo bawk, an Inneih hnu ah phei kha chuan a Duat hlum lo chauh ka lo ti thin a, a duh duh in a khawsak tir ani ber, engtin nge heti khawp a Hmangaihtu a Uire san phal ka hrethiam lo, ka hrethiam ngai pawn ka ring heklo,Rinngheta hi ka hrechiang a, a tih tawh lamah chuan hlawhtling ngei ngei thin ani a, mahse, a rilru a let anih chuan a hawi kir ngai heklo, Hriatpuii lakah erawh hi chuan a let leh tho in ka ring a, let tawh lo se ka lo ti nghal ngawt thung.

Kan chawei kham hnu lawk ah a rawn lut a, a Thawmhnaw hak danah len chhuah a tum lo ani ngei ang, kekawrbul leh T-shirt pangngai tawp a ha a, Slipper a bun bawk a, a dan pangngai in a lang fai leh sar tawh, kum 28 ani ve tawh a, a hma ang khan a nui peih ta lo deuh in ka hria, a boruak tawn in a delh rit deuh pawh ani mahna le.

“ In ei tawh mi?” ka ti satliah a, a lu a thing a,

“ Aih, ala hma alawm, khawnge kan Makpa hual chu ka rawn ti mawle “ a nui var var a, a ha var nalh zet chu alang a, nidang ang bawk in min duatna a mit ah ka hmu thei bawk,

“ A lo kal tep ang, mahse, Lawmi te In ah kan kal dawn a, lo kal ve la..” ka ti a, a hmui a ti sawi zauh a,

“ Lawmi chu..i thiannu kha...eng nge in tih dawn a ?” a ti a, min en lo in TV a melh run a,

“ Thlatharah pasal a nei dawn alawm, Best ah ka tang dawn a” ka ti leh a, min rawn melh zawk a,

“ Ve lutuk che hian..ka duh ai chuan i Nula ta mah mah ani “ a ti sup a, ngei zet hian ka melh nghek ringawt, pawisa lo zet hian a Dar a ti chhing uk duh lek,

Kanu a rawn thut ve takah chuan Room ah in thlak turin ka chhoh san a, inchei chiam ngailo mahse mi zingah tawp lutuk a kal ka duh lemlo, ka Phone a ri a, Lawmsanga alo ni a,

“ Pawnah ka awm a, in buai lai ani em?” a rawn ti a, a tih fo dan ani a, kan chhungkua in hun engemaw bik kan hman leh hman loh a rawn hre chiang hmasa fo thin a,

“ Ka insiam mek, lo lut rawh, kanu leh ka u an awm kha...” ka ti a, a dah a, Kanu tan mithar anilo, alo welcome tha em em ang tih ka chiang,

In hnuai ka thlen thlak chuan an 3 in an lo ti ti a,min hmuh veleh a Percel ken chu a rawn la kang a,

“ Hei aw...” tih pah in ka lamah a rawn dah phei a,

“ Nu...ka Birth Day present ka dawn hmasak ber aw, tu emaw pawh hian a ba chiang khawp mai “ nui chungin Rinngheta ka en a, Kanu lah chuan Lawmsanga hnenah lawmthu alo sawi ve chiam thung a, hahthlak hian a...Mipa hi ka kawm tam lemlo a, Rinngheta tih loh ah chuan Lawmsanga hi tih takzet a ka kawm ani a, Nulat Tlangval kawngah phei chuan Lawmsanga chauh hi tih tak zet a ka kawp chhun ani a, a tir lam chuan Kanu hian a ngaina vak lo ani ang, a sawi dawt lo a, mahse, ngaihbel theih tak chuan a tawng zauh zauh, tunah chuan a ti vak ngai ta lo,a Beisei aiin alo fel ani mahna,

“ E...hei hi ka u leh ka Boss nikawp thin, Rinngheta ania, chuan ,hei hi Lawmsanga” nui chungin an 2 in ka en a,

“ kan lo inkawmngeih fel der tawh, ka nau engmah nilo, sual ve tak hi alo kawm duh che a,lawmthu ka lo hrilh mek a “ ngeiawm zet hian a meng de sawr sawr a, Lawmsanga pawh a nui ve tha tho,mahse, kei erawh chuan mak tih ka nei, kei lo hi Rinngheta hian a chhaih fiam khat khawp, chupawh midang awm laiin min fiam zen zen lo,

“Nu....Lawmi te In ah chuan kan kal dawn asin, lo kal ve la “ Rinngheta lam ka en a, ka sawm nawn leh a, a thle buk a,

“ Aih...ka Naute hian Vengtu dang a hmu tawh a, min mamawh tawh lo in ka hria “ a ti leh a..a awmdan ka hrethiam hlawllo, ka hriat lai chauh a a sawi thin kha tunah midang awm lai rengin a sawi leh ta tlat, a hmel ka en a, rui hmel a lang der silo.

Lawmsanga nen kan chhuahsan a, a beisei aiin ka unaupa chuan alo dawngsawng tha ani ngei ang,

“ I u kha ka hria alawm “ a ti a, mak ti zet hian ka melh a,oh...a hria anih pawn a mak hleinem, kan veng a indawt chiah a, Pastor bial khat ah kan awm ho bawk a, hming hre kherlo pawn hmel te chu kan inhre fur alawm,

“ Um...nia, hre maithei, a chhe lar ve a “ ka nui hak hak a, min rawn melh zawk a,

“ Chulam anilo, a lar ve hrim hrim, mahse, engtia i U nge?” a ti leh a, mak ala ti hmel tho mai,

“Ka U ve tawp, kan Naupan lai atangin kan seilian dun a, a Nau ang chiah in min en a...aaa, ka U ani tawp mai” ka ti leh a,

“ Anih chu a...” a ti hmuk a, a nui zui a, a nui ri ah erawh ti el na alang a, lungawi vak lo hian ka melh a,

“ Nia...sawi chiam dan avang, chu zawng chu” ka ti nghat a, pawnlam ka hawi chhuak a,engemaw chang a a mize ngeiawm thut thin hi ka lawm vak lo.

Lawmi te In kan thlen hma chuan kan inbe tawh lo, ka twng chak lo ve tawp, Pheikhawk vang pawh khan lawmthu sawi ka duh a, mahse, a tawngdan in a zirlo a, Lawmthu sawi chakna pawh ka nei hrep lo e.

Inneih thil buaipui tur a tam a, a neitu tur ber hi a phili lutuk zawk nge mawni?? Engmah a ti tak tak theilo, Kawr kan en a, Pheikhawk erawh Aizawlah lei mai kan ti a, a dang pawh neuh neuh a tam lutuk, Nu nei tawhlo anih avangin a Ni in a buaipui chawt a,mahse, Nu te lo chuan kan mamawh hi an lo hre kim tak tak lo,Dar 11 pelh hret ah kan hawsan a, a tuk pawh Bazar tur a kal kan la ngai cheu bawk, chhawm tur tam zawk chu an lei tawh a, mahse, ama mimal thil mamawh vel lei tur a la tam lutuk a, Sawmna Card sem tur ala awm teuh bawk,

“ Mangtha le” ka ti a, ka chhuk tur chu ka kut a rawn chelh a,

“ I u chungchang ka sawi dan vang khan thupha ka chawi e, chuan, Pheikhawk vang pawh khan Kiss ka hlawh ka lo ring a “ a nui var var a,ka va hnaih a, a biangah ka fawp zauh a, a rum hraih a, ka tawlh hlat leh hma in min rawn pawt bet a, a Hmui nem thap mai chuan min rawn fawp a.

Ka Mu meng kar a, Rinngheta Nupui uire chhan awm ka ngaihtuah a, engmah ka ngaihtuah chhuak lem hleilo a, mak ka la ti ngawih ngawih ani ber, ka U anih vangin ka lo hmu tha lutuk zawk pawh animahna, mahse, Uire san ngai khawp in Sex ah a nep ka ringlo, a Pian nalh leh Fit zaih te,a Tlangval lai pawh a Sport lam ah lar hat ani a, tun thlengin Badminton phei chu ala chawlhsan lo, a Thau ngailo a, ka U nimahse a pian nalh ka tih thin zia kha ka ngaihtuah a, mahse, pawnlam landan hi chhungril lam nen a hrang daih a, a Mizia erawh chu ka hrechiang a, sex chungchang ah erawh chuan eng harsatna nge a neih ka hriatpui lo hulhual thung.

Lawmsanga nen a kan awmdan hi Mipa leh Hmeichhe awmdan tur ani reng em tih ka ngaituah fo thin a, min khawih hian keimah ah Danglamna engmah a thlen miahlo, Lehkhabu ka chhiar nasa thin a, Ka Naupan deuh lai atang tawh in Kanu Lehkhabu te ka chhiar ru fo thin a, Barbara Cartland ziah phei kha chuan min ti danglam vek thin, a changtupa te kha an hmeltha in an sexy aan la Pa tel zui cheu bawk , Hmeichhia zawng zawng in an atchilh rawn fo a, a En ringawt ah pawh Danglamna an nei thin a, mahse, kha chu Phuahchawp ani a, khatiang Mipa kha khawvelah hian an awm dawn miahlo, Hmuh rual a Thlifim rawn thaw a, min tikhur nghal tur kha chu Movie leh Lehkhabu ah chauh an awm tih ka hria a, mahse, a chang chuan Movie ah awm ve a, khatiang Hmangaihna kha chen ve ka chak fo thin.

Ka Alarm riin min ti harh a, ka Tho a, ka inphih fai sawk sawk a, Pawn Boruak thianghlim zet chu ka hip vang vang a, Dam man a awm hliah hliah,Zanah tui tak in kan mu a, Zingah kan tho leh mai a, Dan pangngai ve rengah kan ngai a, mahse, a hlut zia hi Damlo te ka hmuh hian ka hre nawn fo thin a, ka tlan zel a, ka thlan in min bual huh hnap a, ka Bengah chuan ka hla duh em em, Miranda Lambert hla..I just really miss you’ chu a ri riai riai bawk a, engvang a duh em em nge ka nih ka inhre lo, ka ngaihthlak hmasak ber atangin ka duh nghal tawp.

Ka Khup a sai zawk a, ka inring hmanlo, ka Thingthi thla hnawk a, engmah ka rap silo,

“ Fimkhur rawh ka tih che kha..” Rinngheta, Thlan in a bual huh hlap mai chu ka han hmu a, min rawn kai tho a, kawngsir ah min kai phei a,

“ A na em?, khawimaw ka lo en “ ka kekawr hak a hlim chho nghal a,

“ Ka hre lo, ka khup kha a na deuh chuan ka hria” ka ti sap a, a hmasa a ka tlukna pawh kha na tawh lo mahse a duk ala reh lo,

“ A Ruh hi a na em ?” a rawn hmet a, a pilh deuh hrup bawk a, a thi ser ser a,

“Aih...a pilh kha a thip angreng, chuzawng chu...” ka nui lui a,

“ A tha...mahse, vawiin ah in check-up turin kal teh, a Ruh kha diklo alo awm palh thei a..” a ti leh a, a kun hniam a, a pilh lai chu dimte hian a chhem hauh hauh a,

“ A ho em mai, mahse, i lo tlan ve tih ka hre reng reng hleinem” ka ti a, min rawn en a,

“ Ka Tlan lo ngai ami?, tak tak in ka inthlahdah deuh a, ka Dul te hi a kiar dawn in ka hria “ a nui hawk a,

“ Kal ang, ka tlai vek ang,eee...Lawmsanga kha eng nge i hmuh dan?” ka tho nghal a, a Pilh lai chu ka kekawr in a hrut zawngin ka Thip kher bawk,

“ Um....ka hrelo, ka lo ngaihtuah mek a, i tan a tha tawk em tih pawh ka chhui vek ang “ a ti a, nui chung hian ka en a, mahse, a nui hauh lo,a hmel a tak run mai,

“ Em em a...” ka nui lui hak tho,

“ Ka ti tak tak, a tina dawn che anih chuan min hmachhawn angai ang, chumai bakah Mipa tumah hi i bul a awm turin ka ring tawk lo..” a ti leh nghat a, min ngaihtuah thin tih ka hria. Thil mak anilo,

“ Ka lawm ee, engtikah nge i hna i zawm leh dawn?” tlan tawh lo in kan kal a, a Banah ka vuan a,

“ Ka hrelo, Kal tawh lo tur a min ngentu tha deuh chu nei ila ka kal tawh lo maithei, Kan Dawr vel hian enkawltu a mamawh tan a, Putea hian enkawl turin min duh a...” a ti a,

“Ka hrethiam che, Hriatpuii nen a in sulhnu hlir ani dawn a, hmundangah Transfer dil mai la...” ka ti a, a ban ka vawnna a rawn phelh a, Ka Darah a rawn kuah a,

“ Min hriatchian kha...ka kalsan tawh ka en let ngailo, ka Hmalamah eng nge awm tih chauh ka en thin..” a ti a, tun hun hi engkim zawhna hun tha tak ani ngei ang,

“ Sawi chhuah i duh em ka hrelo a...???” ka melh chho a,kan In lam pen chhoh dawn a Thingkung awm ah chuan Thingzai in thutna tur an siam a, chulam chu min pan pui a,

“ Nia....thu ang, i bulah hian sawi tur ani em ka hrelo ani “ ka hriattirh atang in tun ang hian ala awm ngailo, nghet charh in a ding a, ka rinchhan thin a, mahse, tunah tak hi chuan Hnemtu a mamawh in ka hria..

“In ah sawi zawk ang “ ka ti a, a Lu a thing mai a,

“ Ngailo...tihian kan thu dun khat tawh, a nuam zawk..” a ti leh mai a, nghenchhan ah a ban a rawn dah a, Hmalam a en vung vung bawk, sawi tan dan tur a hrelo a ang zawk mah,

“ A Uire tih tawp animai, Nupui uire san nih chu zahthlak tak ani,ka rilru ana lo ka tih chuan dawt ka sawi ang, mahse, ka Hmangaih vang nilo in ka induhtawkna a ti chhe hneh em ani, vawikhatmah thinrim in ka hau lo, a chhungte ka call a, a bungrua rawn la turin ka ti a, a duh phawt chuan kan inchhung thil pawh a duh duh la turin ka ti bawk a...” a rum hawk a, a Mal ah ka kut ka nghat a,

“ In ah chho zawk ang, hetah chuan ka duh ang pawn ka hnem ngamlo che..” ka ti tak tak , kuah ka duh a, helai ah chuan a rem si lo.

“ Mate....hetiang hian i awm dawn tih ka hriat vang alawm hetah ka hrilh che...Mipa ka nih hi..ngaihtuah ka ngailo, min duhlo tu chu kal mai rawhse, a hahdamthlak zawk” a nui hak a, a mit thim raih ah chuan a nuih zat loh zia ka hmu thei a, a chhungril natna pawh ka hriatsak thei bawk.

“A nih chuan enge ka sawi ang?, kuah che ka duh alawm mawle..” ka ti leh talh a, a then suk a,

“ Min kuah suh, ka thlah phal tawh lo palh ang che, ka Makpa hual kha a lawm vak lo ang” a nui a....keipawh ka nui lo theilo,atan a zahthlak tur zia ka ngaihtuahpui a, an awmna hmunah midangte zah rawn ani a, chutihlai in a Nupui alo uire ania..ngaihtuah pawh ka ngaihtuah zawm peih lo, a nat apiang hian ani aiin ka na ziah miau alawm le.

“ Haw phawt ang, ka ril a tam “ ka ti a, ka Khup ruh chhung rawn za zawr zawr chu tihreh tum in ka per a, ka kekawr in a pilh lai a hrut avangin a thip bawk si nen ka kekawr ka pawt hlim chho a,

“Ka Paw chho ang che, i duh em?, i tet lai pawn ka paw fo che a..” engtin nge maw ala nuih fo theih le???

Ka Inbual a, ka Khup pilh ah tui a luh veleh chuan a thip dan a dang nghal zar mai, a chhan ka hriat siloh in ka chau nghulh a, Lawmi chhuahpui ngailo se chuan Office kal lo in ka mu nileng chiang khawp ang.

Lawmi te Inneih pawh Naktuk mai ani ta, Beisei loh zet in Rinngheta pawh Aizawlah an rawn sawn let leh a, Hmelhriat an nei tha in hretu an ngah bawk a, a Transfer pawh a rang mah mah ani, a rawn kal fo a, Lawmsanga nen pawh an inkawm thei ta viau, mahse, an In mil chiah lo ni in ka hre ve ngawt thung,

“Khawnge i kal dawn?” Kawngka bulah Rinngheta nen kan intawk a, a Dress ah chuan Office atangin alo haw na ala reilo tih a hriat a, a Kameez ban a thlep a., a kilh chunglam a hawng bawk a,

“ Lawmi te In ah mawle, Scooty awm bawk silo, min va drop teh..” Beisei ngam vaklo hian ka ti a,

“Kal ila..” a ti ve mai bawk a,

Car ah ka thu lut a, a Seat ah chuan a Briefcase alo la awm a,

“ In ah ila lut lo ami?” ka en ha a, a bu nghut a,

“In in lam ka rawn pan hmasa mai mai mawle, Ka chhungte chaw an ei chhuak vek a, ka haw peih rih lo a..” a ti liam mai a,

“ Um...Kan In ah i ei nghal daih dawnnia, Ka ei leh mang silo a, eitur a awm nual ang” ka ti liam ve mai bawk a,a nui huk huk a,

“Khawnge Lawmsanga hi ?” a ti a, thil tenawm deuh chanchin sawi a ang hrep lehnghal, ka melh vat a, mahse, Hmalam a en avangin a hmel ka hmu tha theilo,

“ A buai deuh a, pawilo..i awm tho a..” ka ti a,

“ Hmmm...” abak engmah a sawilo..

Min Drop a, a let lehnghal a, hruai ka ngaih chuan Call turin min ti bawk a, ka ngaih ka ring chiah lo, Lawmsanga kha lo kal hman a inring a, mahse, Rinngheta erawh ka hrilh lo, a Thawmhnaw ho kan Pack a,ken duh a ngah si, buaithlk tak ani, kan thian dangte an rawn kal ve nual bawk a, kan titi mam mam a, ka khawhar rukna erawh a bo theilo, min kal san vang vang tur a ka ngaihna chuan min ti na tlat,

“ Mal-i, Rinngheta te kha an lo inthen alaw?” kan school kalpui thin, Rozami chu ka en a, kan inkawm vek a, mahse, kan inmil miah lo,Rinngheta a duh zia a sawi nasa thei hle bawk,

“ Um...” ka ti ringawt, midang bulah a chungchang sawi ka duhlo,

“ Ka rin dan vel, Rinngheta hi a lerh ve em ani” engmah hrechiang silo a a tawng ringawt chuan min khei zak mai,

“ Lerh ve bawk ang chu, a ho em mai a..” ka ti nghat a,a nui sawng a,

“ Nia...a dik lerh rawhse, mahse, i chungah hetiang a thlen hun chuan i nuih a za vak lo ang, ho pawh i tih ka ringlo..” a tawngkam hi a ngeiawm thin bawk si,

Hnial zawm duh lo in ka ngawi ta zawk a, kan thian dangte hmuh laia ennawm chhuah ka tum lo, ka hnial hneh ka ring heklo,a sawi pawh a dikna chen a awm tho bawk,

“ Lawmsanga pawh hi a fel viau a, mahse, Kan veng lamah a tam em mai, ring vak lo la a fuh ang..” ka thil ken lai ka dah thla a, thinrim vangin ka khur dar dar bawk.

Chapter- 4

A tawng hnem mah mah ani,

“ A tam ve bawk ang chu, a ho em mai, Ka pasal pawh ala ni em lo a, a kalna apiang sawisel tur ka ni hleinem” ka ti nghat a, midang in thildang an rawn sawi hnan takah chuan ani pawn a sawi zawm ta lo,kei chauh nilo,kan thian ho zing a tu emaw ber tal hi zak deuh tak a siam loh chuan a awm a nuam lo thin anih ka ring, a khawsak dan chimawm zet hi dawhtheihloh chang kan nei zauh zauh a, mahse, kan zingah lo chuan nuam a ti tak tak chuanglo, a Mize thalo hi a sim thei thlawt lo ani tawp mai.


Ka haw duh tawh a, midang ho pawh an haw vek tawh, Lawmi lah chuan riak turin min lo ti ve sek bawk a, Lawmsanga ka call dawn a, a tlang theilo, Switch Off a inti reng mai bawk si, Rozami thilsawi nen khan hlauthawnna in ka khat a, mahse, midang tumah a kawp ka hre bawk silo,

“ Riak mai rawh, zan in bak chu riah dun na hun kan nei leh tawh lo maithei ania “ a ti a, riak pawh ni ila thilawmlo ani lo, mahse, ka chhungte ka hrilh lawk bawk silo,

“ Ka chhungte ka hrilh lawk lo a, min ngaihtuah ang, mahse, ipa a mu tawh si, tumah min Drop tur an awm bawk silo “ ka ti a, Lawmsanga Call tumin ka bei ngat ngat bawk,

“ I chhungte chu hrilh mai ang, naktuk Inneih ani tawh a, riak tur alawm i nih hrim hrim” a ti leh a, riah chhuah hi ka hreh ve hranpa tawp aniber,mahse, hawna tur ka nei tawh silo, ka chhungte ka call ta nge nge a, kanu lah chuan awlsam tak in alo aw ve mai bawk a.

Muhil lawk lo in kan ti ti a,

“ Thil ka hrilh ang che aw, mahse, thinrim lo la...” min rawn kuah pah in a ti a,

“ Sawila...” ka ti tha ve mai,a aw a thian te te a,

“ Lawmsanga hi then la ka ti e, Mipa tha anilo ania, Rozami sawi kha ka sawi chhuah ngam loh ania, Rinngheta pawh khan min rawn zawt fiah ngat bawk a..” a ti deuh duah a,

“ Enge i sawi tum tak?, tlang deuh in sawi la...ka man lo..” ka ti sep a,

“ A kawp che chu ka tilo, mahse, Hmeichhe dang a phur ka hmu fo mai, a hran hlir nise chuan mak ka tilo ang, mahse, Hmeichhe pakhat hi chu a Phur chuak ngun chu ka ti deuh, Rozami te veng ami kha ania..” sawi chhuah hreh lutuk thil sawi ani tih a awmdanah a hai theih loh, ka Best ani a, ka tan a thalo tur engmah a sawilo ang,mahse, Lawmsanga ka zawhfiah hma loh chu ka ring ngawt theilo,

“ Awle, amah ka lo zawt ang...” a rawn tawng chuan min ti tawp chawt a,

“ I mawl ami?, engtin nge a chhan ang che? Anilo tiin a chhang dawn che...i hriat duh chuan ngawirengin a awmdan chhui rawh..” a ti hmawk hmawk a, a thu chhuak a,

“A ruk a inchhhui vel chu a Fair lo em mai, ka zawt mai ang “ ka la ti talh a, mawl mi ti hmel lutuk hian min melh vak a,

“ Awi, heti em em hian ilo chhaw tih pawh ka hrelo, zawt duh suh, ka sawilo ah ngai rawh, Rinngheta’n a ngaihven tho, a hre chhuak har lo tawp ang..” a ti leh hlak hlak a, Rinngheta pawh chuan engvang a min hrilh lo nge maw anih chiah le ??, a hria anih chuan min hrilh tur ani asin le..

Zingkarah Lawmsanga a rawn lang a, ka thinrim rukna a reh lehnghal ani mai,

“ Nizan kha ka Phone a Thi daih a, ka buai bawk nen, Sorry aw...” midang hriatloh in a rawn ti a, ka awih leh nghal hmak, a hmelah Dawtsawi hmel ka hmulo miau alawm,

“Um, apawilo, ka haw lawk duh a, min va hruai la..” ka ti a, Lawmi ka hrilh a, Lawmsanga chu ngei hmel zet hian a melh a, a ner nang bawk,

“Kal rawh, mahse, rei hlek suh, ka zam hluah hluah ania..” ati hlak a, ka hrethiam chiah lo nangin kei pawh Pasal nei dawn ila engvak ka nih ka ring bik lo.

Inneih inkhawm a zo a, Thlalakna kan neih zawh meuh chuan ka nuih derna lamah ka Biang a kham thum tawh, Lawmi chuan min rawn nghawk a,a melhna lam ka en thuai a, Lawmsanga leh Hmeichhe pakhat, Nalh zaih mai hi in hawlo tih hriat zet hian an ding dun a, eng nge maw sawi hian an 2 chuan an nui leh hak thin bawk a, ka chhungril ah che a awm, ka na niin ka hria, ka hawisawn thuai a,

“ Saw nu saw ania ka hrilh che kha..” ka beng bulah a rawn ti sa sa a, ka hawisawn nghal a,ka en reng thei thlawt lo,

“ Min rawn pan ania, mahse, en miah suh “ a ti leh a, ka bu nghat a, min rawn pan tih ka haider lui a, hlauhthawnna in ka khat nghal vek ani ber,

“ Mal....reilote ka be lawk duh che a..?” ka bul mai atang in a rawn ti a, hmu thut niawm tak hian ka hawi thuai a, Kha nu, Nalh zet nen khan an lo ding dun a,

“ Aw....eng nge nita?” pangngai tak a ka tawng chhuak thei chu lawm tak ka ni, a Hmeichhe kalpui chuan Lawmsanga Ban ah In ti neitu zet in a chelh miau a, ka Luak a chhuak hlui mai,

“ Hei ka Thiannu, Becky...chuan., Mal-i anih hi...” ka nihna engmah a sawi lang hauh lo,chu nu lah chu a nui sawng zui a, min Chibai turin a kut a rawn phar chhuak a, ka chibai ve mai bawk a,

“ Ka va Drop lawk ang aw, ka rei lo ang “ ka chhang buai peih lo, rinhlelhna meipui kei mah a awm chu a alh hian a alh ani ber mai, ka bu ringawt.

Zanah Lawmi te an Hotel awmna tur ah ka thlah fel a,a Pasal te hian an In an sa laklawh a, zo nel nual tawh mahse Inneih zan hman dun nan chuan an Pa in a duh tlat lo, Hotel Floria ah kan va thlah a,

“ I rilru ti hah lo teh, a fel leh mai ang, eee...Rinngheta hi alo kal miah lo tiraw?” a ti hliai a, a Thawmhnaw hak lai ka Phelh pui a,

“ Um...ka sawm nasa a, mahse, vawiin chu Hna lamah an buai viau dawn a ti a...” ka ti sep a,

Rinngheta bul a awm thuai thuai ka duh takzet bawk, ani chu Mipa ani a, Lawmsanga awmdan pawh hi a hrechiang zawk maithei bawk a, mipa leh mipa chu an Rilru an inhriatsak thei zawk in ka ring ve tawp. Kha Hmeichhia, Becky atih kha, a Drop dawn kha chuan min hrilh ngei, lo let leh vat a tum tih pawh a sawi, mahse, alo let leh miah lo, tun thlengin alo let lo, ka chan mai dawn ni a ka in hriatna chuan ka Rilru a ti buai a, ka ngaihtuah ringawt pawn ka na vawng vawng mai.

Ka Phone ri in ka muhil lai min ti harh a, Peih lo zet hian ka meng hram a, Lawmsanga alo ni a...ka melh reng ringawt, eng nge a rawn sawi dawn ka hrelo, Inthen a duh dawn tihna nge thupha a rawn chawi leh dawn ka hrelo,a tawp a, Muthilh leh tum in ka Inkhuh a, mahse, a rawn ti nawn leh a, tun ang zan rei tawh ah a rawn ti nawn anih chuan a pawimawh hle ani ngei ang,

“ Hello..” muhil harh hlawl ang in ka chhang lui a,

“ Mal.....Sorry aw..” a vawikhatnan a Rui tih ka hria,a hma pawn alo rui fo maithei, mahse, ka hriatna hmasa ber ani thung,

“ Engthil nge a ?” ka ti a, a ngawi vang vang a,

“ Vawiin kha ka Buai lutuk a, Becky ka Drop hnu khan kan chhungkua ah buaina kan nei leh a, tunah ka hman chiah, min mamawh ni ber ah ka awm lo a, hrehawm ka ti “ a rawn ti buh nuaih a,

“ A pawilo, a tlai tawh bawk si, Inbuaina a fel thei anih chuan a lawmawm, mu hahdam rawh “ ka ti a, Mak tak in Biak zui zel chakna ka nei lo,

“ Um...Mangtha le “ a ti a, chhan pawh chhang let lo in ka Off a, tun tum ah chuan a vawikhatna atan ka ringhlel ve ta.

A tuk nileng in Lawmi te In lamah ka phei leh a, a Thawmhnaw ka rem fel pui a, tlai ah chaw ka ei nghal bawk a, Nimin leh vawiin ah hian Rinngheta ka la hmu miahlo, Lawmsanga erawh chuan min rawn Call sek a, ka awmna a piang a hre duh a ang zawk mah, a awmdan danglam ta thut chuan min ti lawm chuang hauh lo, keimah ah Rinhlelhna a zual ting ani mai. Ka haw veleh ka in tifai sawk sawk a, ka tlukna a ka tauhna vang khan nge ka hrelo, ka Khup ruh hi za tawh lo in a na leh ngur ngur thin a, rei tak erawh ana ngailo, ka chum a, ka hmeh nawk nawk chuan a ziaawm leh mai zel a, mahse, Doctor pan tho erawh ka duh, ka tlukna lamah khan ka rin aiin ka tauh na zek pawh animaithei.

Rinngheta ka Call a, a chhanglo, ka ti nawn leh a, a chhang chuanglo, Room kawngkhar kik ri ka hriat rual in ka thu chhuak a, ka chhan hma in Rinngheta a rawn dak a, a Phone a rawn ti lang va va bawk a, ka nui a,

“ I van reh em em “ ka lo ti nghal tawng, Khumah a rawn lawn ve a,Ka Puan sin a rawn pawt kau a,

“ Ka Buai em ani, nimin lam te a nuam em ?” a ti a, a Phone a khawih pah mual mual a, ka mu tha leh a, alam hawiin ka inbengkang a,

“ Aih...nuam lo, ih...hmuh che ka duh lutuk a..” ka ti a, Lawmsanga chungchang sawi chhuah tur anih leh nih loh ka ngaihtuah a,

“ Keipawh ka hmu duh che a,mahse, sawi hmasa la “, a Phone chu Khum a sir ah a dah thla a,

“ Ih....Lawmsanga hian min kawp i ring em?” a mit ah ka en ngam lo, ka na tih a hmuh ka hlau zek zek,

“ Ringlo, a chhan chu maw, rin buai ngailo in ka hria..” a ti sup a, ka en thuai a, a Bek pawng tawlh tawlh ah chuan a thinrim tih ka hria,

“ Maw ??!!, ngatinge chutiang in i sawi ngawt theih zawk ?” ka thu chhuak leh a,

“ Mate...vawiin ah ka chiang chauh a, a kalsan hma che in nangman kalsan ang che, kalsan nih ai chuan tha leh chuang tawh lo tur ah chuan kalsan tu nih a pawimawh zawk “ a ti leh,

“ Aih...amah ka zawt phawt ang, ka duh a, chuti ngawt in ka kalsan dawn reng reng lo “ ka ti hmak a, ka aw a khur a, ni e...ka duh asin, Mipa ka kiss hmasak ber ani a,ka nun ah Nulat Tlangval kawng ah a hmasa ber leh min zirtirtu ani bawk,

“ Oh...kalsan mai teh, tun aia i nat lutuk hma hian..” a ti leh halh a, ka lu ka thing a,

“ Tun ah chuan Naupang ka ni tawhlo,ka tan a tha tur ka hria, ka duh miau avangin ka neih let theih nan ka bei mai ang , lo in rawlh ve suh “ ka ti hmak a, a Hmel ruh talh ah chuan na tuar hmel a lang zawk a, mahse, a bo lehnghal a,

“ Nilo, ka inrawlh ang, i na lai ka thlir liam mai mai dawn lo,i Nat lutuk hma in ka chingfel vek ang..” a ti hmuk a, a tho nghal a,

“ Lo tel ve suh, biak pawh lo va be miah suh, nangmah vang a kan inkar a tawp anih chuan ka be ngai tawh lo ang che” ka tawngtam mah mah tih a hmel dur khup ah chuan ka hria,a Phone a la a,

“ Awle, ka be ngei dawn a, ka biak avang leh intawp vang a min be duh tawh dawn lo anih chuan tun atangin min be lo nghal thei, achhan chu maw, ka be ngei dawn a, min chhan that duh loh phei chuan kut ka thlak ang” Thinrim lutuk in Lukham ka la a, mahse, ka vawm thelh, alo inring hman a, a thle zauh a, Bang a deng dawt mai.

Min rawn pan leh a, ka inrin hma in ka Darah a rawn tham a, min thing deuh nawk bawk,

“ A nat zia hi tem chhin lo la ka duh vang ani,i tan a thalo tur ka tih i hria anih chuan min hrilh rawh, engvangin nge tunah hian min hnial talh?, i na lai hmuh ka duh lo tih i hria anilawmni?” a Thinrim hle tih ka hria, mahse, a aw a dam thlup a, a in Control nasa hle ang,

A sawi dik, ka tan a thalo tur engmah a tih ka la hrelo, ka Lu ka thing a,

“ Nilo...i ngaisual anih kha, min ngaihtuah tih ka hria alawm, mahse, amah biak hmasak ka duh mai zawk “ ka ti a, min thlah thut a,

“ Huh...atha alawm, bia ang che, mahse, Naktuk bak ka nghak dawn lo ania, Dawt a hrilh che anih vaih chuan keiman ka chingfel ang “ a inher a, a chhuak tur chu ka thlir reng ringawt,Mangtha na chang pawh ka hrelo.


Ka mu meng kar a, Rinngheta hian ka Naupan lai atang khan vawikhatmah dawt min hrilh ka la hre lo, kan Unau ho ah buaina kan nei anih pawh in aman min chhan thin a, min duat in min ngaihven a, ka tan a thalo tur engmah a tih ka hre hek lo,tunah Lawmsanga chungchang ah khati khawp a a thinrim anih chuan Lawmsanga hi a diklo ngei ngei tur ani, mahse, ka thinlung hian a pawm thei silo, nilo...ka hria a,ka hrelo der ani zawk, ka tello a Hmeichhe dang bul a a hlim tur ka ngaihtuah ngawt pawn ka na lutuk, min kalsan phei chuan ka Dam zo lo ang, ka Hmangaih em ka hrelo ,mahse, ka Duh tih erawh ka chiang.

Lawmsanga’n min rawn Bia a, a awmdanah engmah Danglamna ka hmu lo, chhun lamah kha chuan a rawn za ruai a, tunah chuan a pangngai leh thlap tawh,ka hlauhthawnna pawh tlem in a ziawm leh ta deuh a, midang sawi ringawt vang a ka ringhlel chu nuam ka ti leh lo, mahse, keipawn ka hmu alawm,ka hmuh lai khan an nui dun a, Hmeichhia khan a banah a chelh bawk a,Thian satliah te khatiang in kan vuan reng ngailo, mahse, kei leh Rinngheta ang tho a inpawh an lo ni ve zawk maithei asin, a hma chuan mi pawn Rinngheta nen min sawi fo alawm..


Naktukah engkim ka zawt ngei ngei ang, engpawh nise in rinhlelh hi a nuam lo, tu ve ve tan pawh a nuamlo,Puitling kan ni tawh a, tha tak a inzawh mai a finthlak ang, mahse, chhan na dik ka hmu angem tih erawh ka hrelo.

Zingah min rawn wish a, engmah danglamna a awmlo ,a tih dan ziah ani a, a tho hmasa zawk zawk in kan wish hmasa ani mai, ka haw veleh ka inbual a, Office ka chawlh zeuh zeuh avangin tihtur ka ngah hle ang tih ka ring a, zing atangin Rinngheta ka hmu miah lo, a rawn lan ka beisei ru deuh reng a mahse, Office kan kal dawn thlengin a rawn lang miahlo,

“ Mal...vawiin chu chhungkaw thil ah hmanhmawh deuh in zin ka ngai thut a, ka lo haw hun tur ka hrelo, naktuk emaw Sunday ah pawh a ni maithei aw ” Lawmsanga tawng mawlh mawlh chu ka ngaithla a, ka thil zawh duh zawhna hun ka nei lo tur erawh ka lawm chiah lo,

“ A va zialo, khawiah nge?” ka ti a,

“ Lunglei ah, Kan In pui lamah “ a ti a, an mahni hi Lunglei chhuak anni tih a hma in ka hre tawh a,

“ Awle, ka hriat ve chi ani em?” ka ti a,

“ Ka lo haw hunah ka hrilh ang che, ka kal a hun dawn a, ka thlen veleh ka lo bia ang che” a ti leh thuai thuai a,

“ Um...fimkhur ang che “ ka ti a, tunlai chu an chhungkaw buaina a sawi reng mai a, a hma khan engmah a sawi ngai silo, mak ve tak ani, ka Lu ka thing nawk a, ka ringhlel vel vek mai, ka inthiam chiah lo, Mihring tuman kan nunah buaina alo thleng dawn tih kan hre lawk hleinem. Ka buai nileng ta thak a, In ka thlen hnu ah Lawmsanga ka Call a, mahse, a tlang lo, min la rawn be bawk silo, engtia rei nge kal a ngaih lah ka zawt bawk silo.

Mu chungin Movie ka en a, Lawmsanga min rawn biak hun ka nghak pah bawk a,ka Call apiang in a tlang thei miah lo lehnghal bawk nen ,ka hlauthawng lek lek tawh a, Dar 11 rik tep ah min rawn Call ta hram, ka thinrim a, mahse, enge an Buaina pawh hre silo a lo thinrim khum ngawt ka duh loh avangin ka insum a,

“ Kan tifel thei hram a, signal a chhe bawk si, Naktukah ka lo haw lehnghal ang” a rawn ti nghal a,

“ Ava hahthlak duhawm ve, Driver i hruai em ?” ka ti a,

“ Aih...hruailo, hahthlak loh e, kan Inbual lawk ang aw, i duh leh min lo mutsan mai la” a ti leh nghal zat a,

“ Um...ka mut a chhuak a, Mangtha phawt le” ka ti sep a, Nidang ang anilo, ngaihbel loh luih ka tum pawn Thil thlen dan pangngai anilo tih haider theih anilo.

Ka mutthat loh avangin ka rit luk mai, muangchangin ka tlan a, midang tlan ve an awm nual a, mahse, tumah han biak tur ka hrelo, Tlan thang ho hi chu an hmel ka hre vek tawh a, mahse, han biak tur em ka hre chuanglo,

“ Khawnge Lawmsanga?” ka Phu nasa lutuk, Rinngheta chu ka en a,

“ A zin..Lunglei ah” ka ti hmak a,

“ Um..anih chu..amah in a mi?” a ti leh a, min en lo in hmalam a en a, a tawngdan chuan min khei zak bawk,

“ A chanchin i chhui tho a, nangman ngaihven mai rawh” ka ti hlak a, min rawn en zawk a, hmalam a en lehnghal a,

“ Nia , ka hriatna hi a dik anih chuan a Bialnu Raipuar tan mek kha a hruai tel ang ” a ti sup a, kei erawh chu min pawt dingtu awm ang mai hian ka ding chawt a, Rinngheta chu ka en a, a fiamthu anih ka beisei a, mahse, a hmel tak run maiah chuan Fiamthu hmel a lang eih lo.

Chapter- 5

Min rawn pan a,

“ I tha em?” a ti a, ka Lu ka thing nawk nawk a, tun ang hunah ka that leh that loh inzawh chi ani em mawni le?, a thusawi ringawt pawh kha damlohpui tham ani tawh zawk,

Chak zet in ka Tlan a, ka Hnungah min rawn um zui a, min ko bawk, mahse, ka hawi let lo, ka Tlan zel a, hah lutuk avang a ka thaw a chham hma loh chuan ka tlan a, kan In pengah ka ding hlawl, ani pawh a rawn thleng zui ve nghal mai bawk a,Thutna tur an siam lam ka pan a, ka thu hnawk a, engmah ka ngaihtuah lo, ka ruak vek,a rawn thu ve nghal a,

“ Hahdam rawh, ka sawi chhuah dan teh tawp khan a thawng che niin ka hria “ a ti sup a, a hah ve deuh ani ang, a thaw hawk a,

“ Thawng ve bawk ang chu, mahse, amah biak ka la duh fan ania “ ka ti a, a ban a vai kual puat a, min melh run bawk a,

“ Ok...a tha alawm, ka hnial lo ang che, mahse, i biak hunah ka awm ve ang “ a ti leh hluk a,

“Aih, awm lo ang, ka inchingfel thei, min ngaihtuah suh “ talh talh hian a...mahse, ka ta ni a ka lo hriat kha midang ta ni turin ka phal theilo, kei chauh ka ni kher lo ang, Hmeichhe Hmangaihna leh Duhna hi a nasa a, huat na ah a inlet anih erawh chuan kan hmangaihna aiin a nasa zawk bawk,diktak chuan tunah pawh hian Rinngheta sawi dik zia ka hre tan der tawh, Becky kha alo rai tak tak anih chuan ka kalsan angai, a rai lo anih pawh in kalsan tu nih ka duh, min kalsan anih chuan ka kehchhe vek ang, tho kang leh tur ka awm lo ang,

“ I chiang chiah maw?, i hmel landanah kha chuan ka puihna i mamawh ka ring a “ a ti leh talh a, ka nui lui sak a,

“ Ka Puitling ve tawh tak tak em tih hriatna tur animai, lo inrawlh ve suh, tun a min tih sak chin hi ka duhtawk mai “ engvang a amah khei talh thin nge ka nih ka hrethiam bik lo.

A ner nawk a, a tho zui nghal a,

“ Nang kher nilo la chuan ka ngaihven vak in ka ringlo, mahse, ka inrawlh i duhlo ta sa sa,i sawi ang chiah khan tunah chuan keipawn ka peih tawh lo..” a kal zui nal nal. Engthil nge ka tih chiah pawh ka hre biklo, ka tan a Mipawimawh em em pakhat in min kalsan tih chauh tunah chuan ka la hria.

Zanah Lawmsanga a rawn leng a, a hmel a pawr fap mai, ka chhungte an awm avangin engmah in zawhna hun a awmlo,a haw tur ka zui chhuak a, Motor a a luh hma in ka kut a rawn vuan a,

“ Thil zawh duh che ka nei ania..” ka ti a, ka ni nghulh bawk,

“ Eng thil?, ka chau ania aw.” a ti a,

“ Becky kha i eng nge?” ka rin aiin ka aw a pangngai, ka kut a vawn a thlah a,

“ Ka thiannu ka tih kha..ngatinge?” a ti lawi rut a,

“ I thiannu chuan i fa a pai amaw?, enteh ,puitling kan ni ve ve, chuvangin zan in atang hian kan tawp e “ ka inher a, min koh na pawh ka hrelo der hmak bawk, ka hawilet anih chuan ka tang zo in ka ringlo, a sawi dan tur ka ngaithla ngam lo bawk.Ka muhil lo, ka tap tlaivar ani deuh ber, ka mit a bui lak a, Kanu in min en uluk kher bawk nen nuam lo ve tak ani,mahse, nakin lawkah ala hriat dawn tho avangin hreh chung chung in ka hrilh a,

“ Mampui, lungngai mah ta che, Pathian in i tan a mi thalo a lak kian sak che ani tih pawm ngam la, i ta tur tak chu ala pe em em ang che” a ti a, ani chuan mak ati lemlo anih hmel, a tir atang reng khan a lawm lemlo hrim hrim.

Kan inkawp rei ve hman avang leh kan inzui chhuah fo avangin min zawt nawlh nawlh tu ka tawng fo, Ka Cousin te zingah ngei pawh min tuarpui ai chuan min hmusit tu pawh ka tawng tho, midangte natna hi thenkhat tan chuan lawmna alo ni ve tho tih ka hriat chian phah a, vawitam ngaihdam dil turin Lawmsanga’n min rawn Call a, mahse, let tumna ka neilo, tunah phei chuan min rawn be ngai ta lo, rei tak min rawn biak ka ring lo a, ka rin ang chiah in min be ngai tawhlo, Rinngheta nen kan inkar a tha lo chhunzawm zel a, Lawmi ka tibuai fo mai, mahse, ka na ani tih hi tumah hmuh tir ka tumlo, Lawmsanga ngei pawh khan ka na lai min hmu hauh lo, min rawn biak chuan tha tak leh dam raih in ka lo chhang mai thin a, Rinngheta sawi ang chiah khan tha tawh chuanglo tur chu kal tir mai kha alo tha zawk , kalsan nih ai chuan kalsan tu nih a pawimawh zia ka hrethiam telh telh bawk.

Hna ah ka buai nileng thei viau erawh chuan ka Natna tur tamtak ah min pui a, zan ka huphurh ber thin a, midangte bulah chuan ka hlim ve mai a, mahse, hun awl ka neih veleh angai bawk, bum ka nihna te, engmah hrelo a minlo kawp rei tur zia ka ngaihtuahna te hian zahna, natna hlir min thlen a, kan pahnih a kan hlim dun lai te ka hre chhuak a, tah loh harsa ka la ti, a Number ka Delete a, mahse, ka Thluak hian a Delete ve chuang silo...a chang chuan va biak a, va tah khum mai te duh chang ka nei fo, mahse, Pathian zarah rui lo leh rilru fim in ka hmachhawn a, ka zahna tur thil tilo turin min chelh tlat tu a awm a, biak chak em em mah ila ka insum thei rih zel thung.

“ Rinngheta kha Hmeichhe pakhat nen ka hmu a, a fel hmel em em lehnghal a” Ka Cousin Sangtei chuan a ti a, kapa u fanu ani a, kan piankum a in ang a, a Thla in kei aiin a upa hret thung,

“ Maw?, ka van hmu ve chak, a hmeltha em?” ka thil ei lai ka ei zawm mawlh mawlh a,

Hmeichhe tha tak tawng se ka duh lutuk, Hriatpuii vang a a tawrhna te kha theihnghilh in nun bul tan tha se ka duh takzet, an Nupa inthen na pawh kum a vei tawh a, kei pawh Lawmsanga nen kan inthen atangin kum a tling tep tawh bawk, engemaw changin ngaih chang ka la nei fo ,kan thian ho a Party kan neih emaw kan inhmuhkhawm apiang hian mal intih na avangin ka hrechhuak lo theilo, Lawmsanga nen a kan Boruak vel atang khan Rinngheta hian min hlat tial tial a, ka tawng tawh kha lak let theih ani silo, ngaihdam dil ka duh em em a, mahse, ka chapo na hian min tihtir theilo, alo kal zauh zauh a, mahse, kan inpawh ta lo, kan inhlat du a, kan Rilru phei chu chhim leh hmar ang hlauh ani mai,a hma ang kha chu nise Hmeichhe thar a tawng tih min hrilh loh avangin ka thinrim ngei ang.

“ Ka hre biklo, Doctor an ti tlat in ka hria “ a ti leh mai a,

“ Um...tha lutuk, engtik ah nge In ah alo hruai ang le ?” ka ti vang vang a, ka hmu chak takzet,

Zanah a rawn leng a, Office lamah mi zah kai leh thupe kual thang nimahse In ah hi chuan a khawsa ho ve viau tho, Ruah a tla chep chep a, a Samhnawng deuh chap chu a tuai nawk nawk a, kei erawh vawt ka tih avangin Sofa ah puan nen ka thu a, ka sir ah a rawn thu ve a, mak tak in ka hmu tha takzet, vawikhatmah hetiang zawng in ka la en ngailo, a Khabe ruh kual nalh zia an sawi thin pawh a tak ani tih ka hmu ve ta chiah, a Mithmul a chhah tha a, a Pa a chhun anih ka ring, a Nu a lian lo, mahse, Rinngheta hi chu Mizo ah chuan a lian pawl ani ngei ang, khawiah pawh a langsar viau zel, a hmel hi chu engpawh ni se amah hi a alangsar chi ani ve hrim hrim,

“ Thil ka hria ania aw..” ka nuih a, min rawn melh zawk a, Puan karah a kut a rawn zen lut a, ka chawnah a rawn hmer a, ka te that a, a kut a vawt lutuk,

“ Engmaw i hriat a?” a mit a thim raih a, a kut dahsawn sak ka tum a, mahse, ka Kut a rawn man tel leh a,

“ Thlah phawt la ka sawi ang ..” ka nui a, tunah tak hi chuan hman a kan 2 chiah kha niin ka inhria, keimah ah chuan engmah danglam a awm lo,mahse, min thlah lo in ka Kut zungtang karah a kut a rawn rawlh a,

“ Sawi la...” a ti leh a, Kanu lah chu za zet hian alo nui bawk a,

“Hetia Doctor lam kan hawi ta anih chuan ka ruh za reng hi In check-up ila ka duh a “ ka nui zui a, a ner nawk a, a phun hluk bawk,

“Tunge hrilh che ?” a ti tha ve mai bawk a,

“ Nangpawn ka chanchin hriat i duh a, keipawn ka ngaihven ve thin tho che tih hria la...” a Lu ah ka kut lehlam in ka beng a, Ka Kut a rawn hmer nghet salh a,

“Huh....min ngaihven suh i tih hnu khan ka ngaihven leh tawh miah lo che, ka Nau pawh nila min mamawh lo deuh a min tawngkhum hi ka ngaithei lo” a ti hluk a, ka hria...a sawi ngailo in hre tak ka ni,

“ Sorry...Boss....min thlah teh “ ka ti leh a, Kapa in nui chungin a rawn chhaih ve bawk a,

“ Mampui, Doctor hi kan mamawh viau reng asin, han sawi chiang teh “ a ti leh a,Rinngheta chuan min vawnna a thlah a,

“ Room ah chho lawk ang, i thil mamawh ka nei, kal ang “ a tho hluai a, Kanu leh Kapa lah an nui nasa zual sauh bawk, an tan chuan Fapa ani miau alawm le.

Room ah min pawt chho a,Kan Naupan lai ang mai kha ani, Room kan thlen veleh min pawm nawlh a, khumah min tlukpui a, min bawhbet nghal bawk,a chetdan tehthut chuan min ti hamhaih a, ka hmai bul chet ah a rawn kun a,

“ Tunge Doctor chu hrilh che ?” a la ti ta fo,

“ Ka hreve tawp ka tih chu...ka ngaihven alawm, i rilru na i kur rei tawh sia “ ka tawng leh hma in ka Chalah a rawn nawr a,

“ Min haw viau emaw ka tia, tak tak in Hriatpuii nen kan inkawp hma atang tawh in henu hian min zui tawh a, hmu tak tak la chuan i hria ang, Delhi a College ka kal lai khan a awm ve daih tawh a, ka rawn haw in kan Pahnih pawn kan hmu a, kan In ah pawh alo kal zeuh zeuh alawm “ a ti a, ka Dawtsawi min man chiang khawp e, mahse, tu ber nge ka ngaihtuah chhuak zo lo, Hriatpuii a kawp hma khan a kawp hnem hman lutuk,

“ Mahse, Hriatpuii hma ah khan Hmeichhe hran hran kha ka hmelhriat ngun lutuk a, ka hre seng lo, tuber nge pawh ka hre tawh lo ang” ka ti talh a, a nui suk a, a let sawn nghal a,

“ Nghal reuh lutuk mai, Naktukah hun i neih chuan ka hmuh tir ang che “ a ti sup a, ka phurna leh ka huphurhna a in zat reng, ka huphurh chhan erawh ka hrelo, a rawn let phei leh a,

“ Anih leh engtikah nge Mipa thar i tawn ang?, ka ngaihtuah lo theilo che, inrawlh tawh lo tur a min hrilh leh chuan i na hle ang “ a ti leh hmuk a,

“ Ka hrelo, keimah a Lawmsanga sulhnu hi mipa dang in an hliah ka la phallo pawh ani maithei, Mipa hi ka la melh leh lo..” ka ti a, a rum hawk a,

“ Um...ka hrethiam che..” a ti leh sup a,

“ Eng nge ka thil i mamawh chu ?” ka ti leh hnuhnawh a, a then suk a,

“ Chhuanlam mai mai anih kha...” a ti a, ka nuih a za lutuk,

“ ka khup ruh hi maw a Na miahlo, a za thin a, mahse, check-up lam ka ngaihtuah tan...thil pawi pawh ani palh thei a, a rei tawh lutuk..” ka ti a,ka tho a, Dressing Table hma ah ka ding a, ka Bengbeh tla tep chu ka beh tha a,

“ Um....nia, a tha ang “ a ti liam puat ringawt, ka Bengbeh ka beh fuh hleitheilo, a rawn tho ve a,min rawn pan a,

“ Khawi, keiman ka lo ti ang..” tih leh Ka beng rawn khawih a rual a, amah Nghengin ka ding a, Darthlalang a kan thla lo lang chu ka en a, Nilo...ka hmu tha lehzual...ka diklo, ka mit ka chhing ta ngawt,

“ Ka zo e...kha kha nimai lawm “ ka kawngah a rawn kuah a,

“ A harsa thei lutuk a, phelh pawh ka phelh ngailo, kalsawn teh..” ka ti a, mahse, min kuah nghet sauh,

“ I nep reuh si, hei vang hi alawm ka ngaihtuah che...Min nei mai la....” a fiamthu tih ka hria....vawitamtak a sawi fo tawh tlat a,


Delhi atanga alo haw in class 12 ka Pass kan lawm a, chumi tum chuan a vawikhatnan a sawi a, nasa lutuk in ka nui chiam a, ani pawh anui ve mai, a hnu ah pawh min fiam nan tak a hmang ta fo a, Hriatpuii nen an inkawp hnu ah pawh a sawi fo tho..huat en ah pawh ka en tawh lo a, a fiamthu leh min chhaihna pakhat ani tih ka hrechiang tawh tlat ani.

Ka Dar ah a lu a nghat a, a samah ka tham sak a, na vak lo hian ka kek a, a rum hawk a,

“ Thlah rawh, a na ania, ka nei duh leh lo che, kut thlak hmasak ching si..” a ti sup a, a nui zui hawk bawk ,

Min kuahna a thlah a, min Mangtha nan ka biangah a rawn fawp zauh a, Unau mipa tak tak hi nei ta ila hetiang tho hian kan inpawh angem tih ka ngaihtuah zui a, Rinngheta ang tho hian ka pawh dawn lo anih chuan unaupa neih a tulna ka hrelo, ka Cousin Mipa te nen inhnaih te te in kan awm hlawm a, kawm pawh kan inkawmngeih viau, mahse, Rinngheta a ang a min Duat tu tumah an awm lo. Inhnuaiah chhuk tawh lo in Khum ah ka inthawlh leh nghal a, Rinngheta min fawhna lai chu ka tuai a, vawitamtak ka chal ah te Ka Biangah te chuan min fawp fo, mahse, zan in chu min deh dan a danglam tlat a, a hmui lum ham ham in ka biang a rawn sik rual khan ka hriatthiam chiah siloh in chhungril ah nawmna mak deuh a awm tlat ani. Vawikhatmah khatiang khan ka awm ngailo.

Office ah hna ka thawh mawlh mawlh laiin min rawn call a, Pawnah min nghah thu leh Lunch ei a ka chhuah hman leh hman loh min rawn zawt a, ka hman thu ka hrilh a, ka Bag ka la a, kan Boss awmna lam ka pan a,Lunch zawh ah Doctor hmuh ka ngaih avangin ka let hman tawh lo palh tak ah tiin dil pah in ka hrilh a, alo phal ve mai bawk a, Pawn ka thlen chuan ka hmu mailo, Zinglamah ruah a sur a, mahse, tunah chuan awihawmloh khawp in a sa leh ut tawh, ka hawi kual a,

“ Helamah..” rawn ti ri ah chuan ka hawi phei thuai a,

A Car ka zawng a , mahse, ani erawh nidang anglo tak in a Bullet nen zawk alo ni a, a Bike nghengin a ding a, a Kawr hak chuan tlem in a Taksa a phuar deuh a, a kekawr ah a bilh lut a, a lang lian in a pian nalh zia a lang chiang hle bawk, oh....engvangin nge hetiang ka ngaihtuah ziah !!!, hreptak hian...

“ I Car alawm ka zawn le “ ka ti a, ka pan phei a, a nui var var a,

“ Nula hmeltha deuh hlek chhuahpui dawn chuan Car a phurh chhuah ka ui alawm “ a ti a, min chhaih reng mai dawn anih hi, mahse, keimah ah hian Diklo a awm , ka in ngaihbel ru deuh tlat, Nula ang in min en se ka ti deuh tlat bawk.

“ Kal mai teh...ka Future sister- in- law chu ilo bia em?” ka ti a, a then suk a, a bu nghut bawk.

Amah hlat thei ang ber in ka thu a, sik ka hlau niber in ka hria, Ramhlun lam kan pan a, khawi laiah nge min hruai dawn ka hrelo, Bike a chuang chung a inbiak chu hriat a harsa bawk nen, ka chuang mawl ve tawp, kan thlen hunah ka hre mai ang, Industry peng bulah kan ding a, kawngchhak lam Building lianpui, ding luah chu min panpui a, a Sir ah Step a awm a,

“ Helai ah hian Restaurant thar a awm a,a nuam phian “ a ti a, Step ah a kal chho zui nghal a, a hnungah ka zui a, Hmanni a kan thian ho kan inhmuh khawm khan an sawi a, ka hriatsual loh chuan Coco Cafe & Restaurant ani ngei ang. Pawnlam Thlir theihna lam Tukverh Sang zet awmna lam chu a pan zel a, Hmeichhe pakhat pawn lam thlir a lo thu chu ka va hmu a, kan thawm a hriat rual in a rawn hawiphei a, Lalpa...a Hmeltha takzet, mahse, ka hmuhawm ka la hre miahlo.Kan Doctor chu anilo pawh animahna.

“ Hello....” Rinngheta chuan a pan hnai nghal a,chu hmeichhia pawh chu a nui var var mai,alo ni chiah mai,

“ In va lo thleng hma ve, hei hi mi Mal- i chu ?” a ti a, min rawn en a,ani pawn min hre hauh lo,

“ Um...Mate..heihi i Doctor leh Ka Doctor nikawp tur, Melody-i anih hi...i duh chuan i U thei ang “ a ti a, a khi suk a, kan in chibai a, kan thut fel meuh chuan ka insangmar nasa tih ka hre ve chauh,

“ Nang chu sawi ngailo in ka hre tawh che in ka hria, i u hian a sawi nasa lutuk che...” a ti a, a nui seih bawk, ka nui ve a,

“ Nia...nangpawh a sawi nasa ve tho che a” ka ti a, Rinngheta mit ah ka en duhlo lui a,

“ I ke chu engtin maw a awm?” a rawn ti leh a, chupawh alo hrilh hman ani ngei ang...A awmdan ka hrilh a, engtik ah nge a in tan tih te a hre duh a, a ner nang mai..

“ Ka rin aiin a Serious maithei, Vawiin pawh hian i hman chuan X-ray ti la, ka thiante ka lo bia ang, chuan, helam hi chu ka Line anilo a, mahse, Ka thawhphuite ka lo be tho ang, Result hriat vat a pawimawh dawn in ka hria..” a ti a, ka rin ang ngawt in a ngai ho tlat lo.

Kan eizawh veleh a Thiante Lab kan pan a, Rinngheta nen kan inphur a, Melody-i erawh chuan Car a keng thung a, Book ngai nimahse, a hmelhriat te annih avangin kan ti thei nghal mai, Result nghak in kan thu leh renrawn a, Ruhlam chinchang hre zet leh Doctor lartak min biaksak bawk a, engmah hlauthawnna ka nei lo, Rinngheta leh Melody- i in bia chu ka en a, tihpalh niawm tak hian Melody- i chuan Rinngheta mal chungah a kut a nghat a, ka Phone khawih reng mah ila ka mit sir in ka hmu lo theilo,, a sir ah keimah in ka thu a, mal leh khawhar ka intih na chuan min zem a, tunah chuan Rinngheta hi a vawi 2 na atan laksak ka ni leh dawn tih ka chiang.

Ka hresual anih beisei in ka hma a Doctor thu chu ka melh reng ringawt, ka chil ka lem khawlh a,

“ Eng....engmaw i sawi ?” ka ti thei hram..a aw a thian khurh a, a Tarmit a nawr chho zoh a,

“ I khup ruh hnuailam kha a mawih tan a, enkawl vat i nih loh chuan khawi lai ber ah emaw ah khan tan khalh angai ang..” ka vai ruai mai...ka mawl huih bawk.

Chapter – 6


Nilo....a ni thei lo, ka ke a bul dawn tihna maw????, ka tho chhuak a, mahse, ka pen a sak vek,

“ Nula....thu rih teh, i lo hlauthawng lutuk hlauh ange, enkawl vat i mamawh ka ti zawk ania, i hrethiam em?, Damdawi ka ziah ho kha hunbi ah ei vek la, insawizawi nasa bawk la, mahse, Karleh ah min rawn hmu ang che, vawiin ang ah hian aw “ a ti dam thluam a, ka bu liam vel mai mai.

Pawnah Rinngheta leh Melody-in min lo nghak a, ka chhuak min hmuh veleh min rawn pan thuai a,

“ A tha em ?” Rinngheta chuan a ti nghal a, ka bu nghat a, ka nui lui sak bawk,

“ Tha e...ka ruh hi alo chak vaklo a...mahse, a ziawm leh mai ang “ ka ti liam puat, mahse, vawn tur hrelo in Khuarkhurum mawng neilo ah ka tla vawn vawn niber in ka hria, ka vawn duh ber kut in Hmeichhe dang kut a chelh miau si alawm le.

A thaw huai a, hahdam hawk hmel a pu bawk a, kan inzui chhuak a,Rinngheta’n min thlah haw a tum erawh ka hnial a, kal na tur ka nei tih ka sawi a, a hnar a tum dat a,

“ Um...pawilo, Meme...ka haw tlang mai ang, zanah ka rawn kal dawnnia “ Melody lam a en a,

Ka na leh ringawt tawh, Ka ban ka vai zauh a, min koh leh hma in kawng ka kan a, hawilet lo in ka kalsan ta a, mahse, dimte in ka kal a, ka rah nat deuh chuan ka khup hnuaiah a Bung hmawk mai ang tih ka hlau ani ber.

Ka Ni te dawr ah ka lut kawi a, Kani hian a vahte hi min duat viau vek mai, min hmuh veleh alo ri chul a, Sana ka en a, Office ban nan darkar chanve chauh a awm tawh a, rin ai tak in ka Test vel leh Doctor hmuh chhung khan hun alo kal hman a, ka ni nen kan ti ti a, mahse, a tawng pawh ka hre mumal lo, hrilh tur nge hrilh loh tur pawh ka hrethiam hek lo. Ka ke a bul dawn tih ringawt ka ngaihtuah na ah a ri tlut tlut a, manganna in ka khat vek animai.

In ka thlen meuh chuan khua a thim tan der tawh a, Kanu leh Kapa in chawei turin min lo nghak a,ka inthlak sawk sawk a, ka chhungte hi chu engkim ka hrilh an ngai tih ka hria,engpawh tawk ila anni aia min ngaihven tur chuang Khawvelah hian ka neilo tih ka hria,

“ Nu...vawiin khan ka va in check-up te nge nge a, chuan, ka khup ruh hi alo mawih tan tawh a..” Pangngai tak in ka sawi a, kanu erawh a chawei lai a tawp hmak thung, Kapa in phawk zet in min rawn melh bawk a,

“ Eng a??!!” kanu chuan ka fiamthu anih a beisei ani ngei ang,

Ka sawi nawn leh a,

“ Mahse, Damdawi min chawh teuh a, ruh lam tih chakna vek, chuan Karlehah kal leh tur in min ti bawk a...ka in enkawl vat loh chuan tan a ngai ang a ti bawk a “ ka ti leh a, awlsam tak a ka sawi chhuak thei chuan min ti lawm hluah hluah,

“ A va mak ve, a za i ti reng ringawt a, a pawilo, in enkawl thei tur in hun kan la nei tal alawm “ Kapa in a ti boh a, kanu erawh a ngawi reng,

“ Nia...ka zia leh mai ang “ ka ti a, ka thinlung chhung rum vawng vawng erawh min hriatpui der silo.


Ka mu thuai a, ka nun kal chhoh dan ka ngaihtuah let a, Pathian zarah engmah mamawh em em neilo in ka seilian a, chhungkaw lian leh hung tak min pe a, unau pianpui neilo mah ila Cousin tam tak ka nei a, Rinngheta ka nei tel thin cheu bawk,Ka Naupan lai atangin ka it zawng apiang chu ka nei thin a, mahse, thil lian leh harsa engmah ka ngen ngailo, Ka zirna ah thiamthei tak nilo mah ila rualpawl tawk ka ni ve zel a, ka Graduate veleh vanneihthlak tak in tun a ka hna hi ka dil a, ka hmu hlauh bawk a, ka theihtawk in khawtlangah leh kohhran ah ka inhmang a, kanu leh pa tan zahna tur ka siamsak ka la hre heklo, mahse...ngatinge hetiang ka chungah a thlen si???, a fair lo ka ti ngawih ngawih, Nula awmtha duhlo leh kawhmawh bawl nasa tak tak te pawh engmah Natna neilo in an leng a, ka nun ka uluk a Pathian pawisawi ka hlauh em em lai hian he natna hian kei kher engatinge min man bik ??!!!!

Ka nun pawh a pangngai rengin a kal ve rih zel a, ka ke ruh za pawh a zia ta viau, ka damdawi ei tur pawh ei hun ah ka ei zat zat a, ka insawizawi pawh engmah ka thlah lo, a hma aiin ka uar sauh zawk, Doctor hmu tur a ka kal hun tur pawh Vawiin hi ani leh der tawh, eng chanchin tha lo nge min lo hrilh leh dawn ka hre lo, tun tum chu kanu in min kalpui a tum ruh hle bawk a, hnial a sawt lo tih ka hria, mahse, tumah kan chhungkaw zing a mi lo chuan ka Natna an hrelo, Doctor hnen ah khan Kanu leh Pa lo chu hrilh lo turin ka ngen a, Doctor te hi an lo fel in Thuruk hrilh nan an lo tlak takzet mai,Ka Thiante leh chhungten damlo ang a min treat tur ka ngaingam lo.


X- ray min tih that tir leh vek a, uluk zet in a Result ka pek chu a en vung vung a, a hmel ka en kar thung, a ngaihtuahna engmah ka hretheilo, muangchang hian a rawn hawi a,

“Damdawi kha i ei tha em?” a ti a, ka bu nghat a,

“ A lawmawm, lo ei zel phawt la,hmasawnna lutuk chu a awm rih lo a, mahse, beidawng suh, ila naupang a i tih tang tang chuan a kalzel tur hi chu kan Control thei in ka ring” a ti a, engkim mai hi ka ngaithla liam vel mai mai ani ber,

“ A mak hle mai, Na a ti miah bawk silo “ kanu zawk in a lo ti a, min rawn melh a,

“ A chang in a na ang deuh in a awm thin ang,ka sawi dik em ?” a ti a,

“ Um...na chu ani chiah lo, a za ai chuan Na lam a hnaih zawk ang “ ka ti tha ve mai bawk a,

“Chu tak chu alawm ka sawi, khatiang a nih tawh chuan a nasa tan tawh tih na ania, Damdawi kha i ei that loh chuan na lutuk tawrh har khawp in a rawn lang chhuak thuai ang, i Ruh awmdan hi ka vawikhat hmuhna ani a, ka lo zir chiang a, Mizoram a kan khawih theih loh palh ka hlau rum rum mai “ a ti ta duah a, kei erawh Beidawn luat avangin ka chawmawlh vel vek, hetiang ngawt a tawp thei ka nilo, ka la naupang lutuk..

Zan ah Rinngheta a rawn kal a, Melody nen an inkawp tak hnu hian kan in a rawn kal tlem ta viau, mahse, pawi ka tilo, a lak ah hian Rilru dang ka pu tan tlat a, hmuh tam loh ka duhzawk,

“ I ke chu ana zui em?” a ti a, a mit fing zet chuan min melh run a,

“ A na reng reng lo, a Za alawm “ ka ti hlak a, a then suk a,

“ Oh..i hriatreng chuan sawi kher lo in min chhang ve mai la aw” a ti hmuk a, ka nui a,

“ Tak tak in a ziawm tawh alawm, Melody a dam tha em ?” ka mit ka siai zauh a,

“ Tu maw ?” kanu rawn tawng ri ah chuan kanu alo lut tih ka hre chiah,

“ Kan Doctor kha mawle, rawn lut tawh maise ka ti “ ka ti a, a hmui a petsawi zauh a,

“ Nupui neih ka hmanhmawh tawh lo, ala rei ang, i Pasal neih hun hun ah animai “ a ti a, a tih tak tak ka ring bawk, Nupui a neih khan kum 25 vel chauh ani a, ala nei fuhlo zui bawk nen Tlangval rih a duh zawk ngei ang.

“ Min zawnpui la, ka duhzawng ka neih ve a fuh vak bawk silo” ka ti a, min rawn en a,

“ Zawnpui i ngailo tawp, ka lo kal chhan chu maw ka Doctor min tawmpui lo a nangmah a Doctor hran neih tir che ka tum a “ a ti a ,a nui suk a, ka hrethiam chiah lo..

“ Maw??!! “ ka ti hlak a,

“ Hmanni khan Meme-i te Thawhpui in alo hmu che a, a lo duh viau che aniang, min rawn hrilh a, ka lo theihnghilh daih a” a ti a, ka ang phiau ringawt, Pasal neih ka duh dawn em ka hrelo,ka ke a bul anih phei chuan ka nei ngai dawn lo tih ka chiang, tunge ke bul, buaipui ngai reng nei duh tehlul ang le ??

“ Um....a va tha dawn em, hmuh vat angai anih chu.i Doctor lah tawmpui i hlau si” ka ti hlak a, a khi suk a,

“ Naktukah i hman chuan Lunch ei ho ila...Hmanni a kan kalna ah khan” a ti a, ka bu ve mai, phurna pakhatmah ka neilo.

Office kal turin ka insiam a, nidang ai in tlem in ka inchei uluk a, Make-up pawh ka hmang tam deuh,Office ka thlen veleh ka hna ah ka bur nghal chat a, chawhnu lam chhuah ka duh dawn avangin tihfel vat ka duh a, Lawmi lo kal veleh ka lo be thuai a, a dul a puar lian ve tawh a, chawlh a lak thuai ka ring bawk,

“ Chawhnu lam chhuah ka ngai leh dawn a, ka chhuah hma a Boss alo kal loh chuan min lo hrilh sak la” ka ti a,

“ Chhuah hma i va tum awm ve..” mak tih hmel deuh hian min en a,

“ Aih...Boss khan Meeting a nei dawn zawk a ,chuvang mawle “ ka ti a, a bu nghat nghat a, ka chhuah hnu ah lo kal se ka duh mah zawk,nimin lam ka chawlh tawh avangin nuam ka ti chiah lo.

Dar 1 pelh hret ah ka chhuak a, ka thlen chuan Rinngheta Car alo awm ran tawh, ka lut chho nghal a,kan kal hmasak a kan thutna tho kha an lo hauh leh a, ka lut min hmuh veleh a ban a rawn vai zauh a, ka pan phei a, Rinngheta sir a thu chu a rawn hawi ve nghal a, Melody ka hmulo a, a Bag niawm tak chu Chair pakhatah chuan a awm thung a,

“ Ka rin aiin ilo thleng hma...Puia, hei hi ka Nau leh ka Best nibawk Mal-i anih hi,heihi nizan ah ka hrilh che kha, Pui-a ani e” a ti a,

Puia chu a rawn dingchhuak a,a kut fai sar mai chuan min chibai turin min rawn ban a, ka chibai ve mai bawk a, a hmeltha hluak lo, mahse, a fai in alang thar sar mai, min hip hranlo, min ti lunghnur chuang lo, ka en liam tawp ti ila a dik ang,

Melody-i a rawn let a, kan titi thei viau, mahse, ka duh ai chuan min en duh mah mah in ka hria, min lo duh viau tak tak pawh ani mahna,kan eitur chah a rawn thlen veleh ka ei nghal mawlh mawlh a, diktak chuan Melody leh Rinngheta induat lutuk chuan ka rilru a luah zawk, engvanga Mipa dang ang a thlir a thik tlat nge ka nih ka hrelo, kan Tleirawl chhuah hlim atangin a Hmeichhe kawp ho hriat loh ka nei lo tluk ani a, mahse, tumah ka thik ngailo, tun a tak a ka thik ta riau hi mak ka ti a, ka inthiamlo ru zawk, Ngaihzawng ka mamawh ani mahna, mithar nen nunthar hmang ila, mal ka intih lutuk vang alo nih phei chuan ka thikna hi chu a la reh vat mai ang, mahse, Puia hian ka Natna a hriat chuan min kalsan leh ngei ang, Rilru pe lo in thian ni ila a tha zawk ngei ang.

“ Puia kha eng nge i hmuh dan ?” kan kawt a thutna awm ah kan thu dun a,

Kan chhungkaw ho hi hmun khatah kan awm a, Kan in si chet in Ka patea te an awm a, Kapa te upa ber dawt in a piah ah a sa a, kapi te erawh chu an upa ber te nen kan in ep chiah ah an awmkhawm thung a, kawtzawl pakhat kan intawm vek a, kan Naupan lai phei chuan kan duhna lam lam ah chaw kan ei kual vel a, kan inrual tlang bawk nen kan chiar luai luai thin a, Kapi leh Kapu hian inchhuang tak in ka inleng te hnen ah “ Leiah Vanram kan nei “ tiin an sawi thin a, Rinngheta te nen kan inri na ah Gate lianpui pakhat awm a,Kawngpui a pawh chiah bawk a,kan khar ngai manglo,

“ Ka hre chiah lo, a chhe hranlo.” Ka ti mai a, Van lam ka thlir vang vang a, engchen nge na neilo hian ka awm dawn ka hrelo, nakinah chuan Khumah ka la mu hlawm reng ang a, Van lam thlir tur pawh in kal chhuah ka harsat hial ang,ka ngaituahna avang in ka hnim rawih mai,

“ Ka hriatna a rei tawh tho ani pawh kha, Mipa fel tak ani a, i tan chuan ani aia tha kha an awm ka ringlo “ a ti sup a, an awm tih ka chiang, mahse, ka hrilh ngailo ang,

“ Tha i tih chuan ka kawm zui mai dawn mi niang?, mahse, tunah chuan ka phur lutuk lo ania “ ka ti sap a, Ka Cousin Fapa, kum 4 mi lek hi an in atangin a rawn dak a,

“ A ni..ka lo kal ve duh “ a rawn ti a, ka hui a, phur zet hian a au a, min ngaina hle a, kan hmuh hmasak ber anih avangin tupawn kan Duat vek mai,

A rawn tlan chhuak a, kawtzawl a eng ut bawk a, Anu in a rawn thlek zui a, mahse, a luhsan leh mai, ka malchungah a rawn lawn a, a tawng bial bial bawk a,

“ A chang hi chuan Fa neih hi ka chak lo thut thin, mahse, Hriatpuii nan kan inneih lai kha chuan it tak ka ni “ a ti hul huk a, ka melh zawk a, thutak zet a min lo melh run ka hmuh rual in ka hawisawn lehnghal a,

“ I neih hun chuan ka vel nasa thei ngawt ang “ ka ti sap a, Ka Naute pawm lah chu thuawih zet hian ka malchungah a thu fel kak bawk a,

“ I nei hmasa dawn nia, Puia hi nei ngei ngei rawh” a ti sup a,

“Ka tan a tha chu ka lo hrelo tawh ani maithei, mahse, ka duh erawh Pakhat chauh ani reng ang “ ka ti sap a, Lawmsanga ka sawi ah angai ngei ang, mahse, amah zawk ani ka sawi ni..

Thla a vei ta hial mai, Pui-a nen kan inzui ve ta nge nge a, mahse, keimah ah danglamna engmah a thlen lemlo, kan 4 in kan inhmu fo a, Puia hnenah ka Natna chungchang ka hrilh a, mahse, a vaiin ka hrilh lo, Doctor ka hmuh fo avangin ka zep rei thei dawnlo tih ka hria,

“ Ka khup ruh hnuai lam hi a diklo a..” ka melh ran a, a bu nghat a,

“ Chuan....??” a ti a

“ Treatment ka la mek a...mahse maw...kanu leh pa leh ka Doctor chauh in an hria a, khawngaihin min zep sak la...” ka ti a, ka kut a rawn vuan a,

“ Min ring rawh, ka sawi ngailo ang..” a ti a, ka ringhlel lo, Hmangaih thei ila ka duh takzet, kan in zuina la reilo mahse a rintlak zia ka hmu hnem hman lutuk,

“ Chuan...ka natna lo neih ruk i hria a, i duh chuan min kalsan thei bawk a” ka ti leh a, hnuai lam ka bih a, a thaw hawk a,

“ Kan lo innei anih hlauh chuan ila Damlo fo ang, keipawh ka la na ang, natna hi kan inkar ah inthenna thlen tu anih ka phal ngailo ang...” a ti leh a, a nghet charh mai.

Ka mut hnu ah Rinngheta’n min lo call a,a tlai tawh bawk nen buaina a nei anih ka ring a, ka la thuai a,

“ I tan eng nge ka lo nih a?” a rawn au ani ber, ka phu nasa kher bawk,

“ Engmaw i sawi ?” ka ti let a, Kanu te Kapi damthat loh avangin an Riakphei a, kan Nula nen chauh kan awm a,

“ I Room hi rawn hawng rawh “ a Off nghal hmak, ka tho thuai a, ka va hawnsak a, a rawn nem zau pawp a, a rawn lut tlang a,

“ Misual ka ni em?, i tan a thalo eng nge ka tih leh tak?” Room kawngkhar ka ngheng a, a thinrim chhan ka hre silo, Na zet hian min rawn melh a,

“ Min chhang rawh .i tan eng nge ka nih ?” a ti leh a, a au ring ta lo, a aw a zawi in a dam hle a, mahse, a hma ai khan ka hlau zawk, a thinrim in engtin nge a awm thin ka hrechiang lutuk mah mah..

“ Ka u i nia, ka Thian leh innghahna i ni bawk...” ka sawi zo hman tawk tih ah min rawn hnaih chilh nghal ruak, min pawm kang lawp a, Khumah lam a pan a, khumah min thlehthla a, min rawn delh bet zui nghal a,

“ Chuti anih chuan engvangin nge ka lakah hetiang thil lian lutuk i zep theih si “ ka lungphu a rang nghal zaih zaih mai, engtin nge a hriat chhuah?, nilo, thildang zawk ani ngei ang...

“ Engthil nge ka zep ?” ka ti sep a, min delh beh tlat avangin ka che sawn thei silo, kan in len hleih nasa mai bawk si...

Min en run a, Light awmdan a vangin a hmel a lang thim mak bawk, a chesawn hrut a, ka inrin hma in ka Hmui ah a Hmui chhah tap mai chuan Dimte in a rawn fawp a, mak tihna avangin ka chesawn theilo.

Chapter – 7

Chhan let nachang hrelo in ka awm ngaiin ka awm a, mahse, a rum hrawih a, a in la hrang nghal a, min thawhsan hnu pawh chuan chet nachang ka la hre chuanglo,

“ Sorry....” a ti tham tuak a, a kal chhuak tur chu ka thlir a, dimte in Kawngkhar a rawn nem khar leh a,

Engkim mai kha a thleng thut a, a tawp leh thut bawk, Thlipui na tak in min nuai thut a, a tawp leh nghal duak hi ka tehkhin ber, a rang lutuk a hnialna emaw tih letna hun pawh ka nei chuanglo, mahse, hei hi ka hrechiang, khatiang khan vawikhatmah ka la awm ngailo, min fawh khan ka taksa pumpui hi nawmna avangin a tek niber in ka hria, ka zam a, ka ni huih a, mumal ka neilo tawp animai, khatiang kha Mipa leh Hmeichhe awmdan tur alo ni nge ni ang a keimah ah diklo a awm zawk tih pawh ka hre ngam chuanglo.

Ka Hmui chu dimte in ka khawih a....a danglam ani,a danglam chiang, mahse, ngatinge min fawh ngawt?, a thinrim khawhmu lo khatiang khan a che ani ngei ang, a thinrim chhan pawh engmah a sawi chuang silo, va zawt tha leh turin ka huaisen tawk lo, tunah phei chuan ka be ngamlo, hmuh pawh ka hmu ngam in ka ringlo zawk.

Lawmi ka hmuh veleh hrilh tur nge hrilh loh tur tih ka ngaihtuah a, hrilh kher lo in a ngaihdan zawt ila a that ka ring, Lunch hun ah ka zawt mai ang, Zingah ka Walk pawh in Rinngheta ka hmulo a, Office ka kal hma pawn ka hmu chuanglo, ka kal chhuah dawn khan an Kawt ah a Car ka hmu ngei a, awm chu a awm tih ka chiang, nilo......engatinge ka ngaihtuah vak kher ?, thil thleng palh ah ka ngai tur ani.

“ Thiannu....Mipa leh Hmeichhia hi Best Friend kan ni tak tak thei in i ring em ?” ka thil ei tur lam ka en san daih thung, ka rilru tak a hmuh ka hlau ve bawk a,

“ Eng ti zawng in ?, Thisen zawm ah nge zawm lo ah?” a ti a,

“ Thisen zawm lo ah..” ka ti a,

“ Kei leh Rinngheta hi chu chhungkua ang kan ni a, mahse, hetiang lam tho hi ka sawi tum ania “ ka ti a, min rinhlelh ka duh lo..

“ Keima ngaihdanah chuan theih loh bur...sawi chhuak lo mahse, tu emaw zawk zawk chuan Nula Tlangval ang rilru an pu ngei ngei, mahse, an sawi chhuah ngam tawh thin lo avangin best ang chuan an awm thei ang chu, mahse, tu emaw zawk zawk in Kawppui nghet anneih chuan a rilru kawi zawk chuan sawi chhuah theih siloh dam chhung in Natna a pai reng tawh ang “ a ti ta duah a, hnialna tur reng ka hrelo. Ka bu nghat a,

“ Tunlai chu kawmngeih ka nei a, ka la hrilh lo che a..” ka ti a, phawk zet hian min en a, a phur sarh mai,

“ Yess.....tunge ?” a ti a

“ Shhh.....tawng zawi teh, midang an awm hi..Puia ania, kei aiin kum khat vel in a upa a...” ka ti a, a phur lutuk chuan min ti thinrim lek lek zawk,

“ Ka hmu ve duh chiang ang, min hmuhtir ang che, chuan, eng hna nge a thawh ?” a ti leh a, zawhna awm tak ani, Pasal neih hun ka ni tawh a, mi awm mai mai kawp tur ka nilo tih a hria,

“ Doctor ania, mahse, ala Senior vak lo, Thian ang in kan tan a, mahse, ka Serious ta riau a...” ka then sak a....

“ Ka hmuh hma chuan engmah ka sawi dawn lo, tunah ka hmu duh tut tut...” a ti a, heti khawp hian ka Thiannu hian min lo manganpui tih ka lo hrelo.

Sunday ah nileng in Rinngheta ka hmulo, a inkhawm tam lo ve hrim hrim, Kohhran a ngaihsak vaklo hi ka khak fo thin a,min nuih mai thin a,
“ Nangmah i inkhawm tho alawm...” a ti awlsam et thin a, hnial ngaihna ka hre ngailo,Ka Room a khatiang thil a thlen hnu khan ka la hmu leh lo hrim hrim a, Hmuh ka hreh rual in hmuh ka chak tho, Puia nen kan inhmu tam lo, Zinglam dar 10 atangin Hospital pakhatah a duty a, chawhnu Dar 2 a tangin a dangah a Duty leh thin a, a hman meuh chuan lo len nan a tlai tawh thin a, a Duty Off zan anih chuan alo kal ngei ngei thung, alo kal loh pawn ka that leh that loh min rawn zawt ngei ngei thin a, ka Hmasawnna a ngaihven takzet bawk.

Zan inkhawm ban veleh haw lo in hla kan zir leh a, Dar 10 pelh hret ah kan bang a, in ka thlen veleh ka in tifai a, ka mu nghal a, ka Phone ka ken loh avangin ka check a, Puia Msg leh Call na alo awm nual mai, ka Call back nghal a,

“ Hey....Doll....” a rawn ti dam thlap a, a thlamuanthlak thin,

“ Ka inkhawm ban veleh hla kan zir leh a, Phone ka keng silo a...i mu tawh em? ” ka ti a,

“ Aih....ka lo nghak che a, Khumah chuan ka awm tawh tho..” a ti a, a nui hak a,Ka ngaina takzet, Ka Hmangaih ngai dawnlo tih ka hriatna erawh chuan keimah ah inthiam lohna min neih tir lo theilo.

“ I van fel thin...ka dah lawk ang aw,Damdawi ka la ei lo a..” ka ti a,

“ Ok...theihnghilh suh aw..tunah enge i an ?” a ti leh rih a, ka that thu ka hrilh a, min ngaihtuah lutuk avang hian ka ngaina lehzual a, Rinngheta khan thinrim tak in ka thil zep ruk a hria tih a sawi a, mahse, Ka Natna anilo ani ang, engmah a rawn sawi zui lo a, min be lo hrim hrim zawk, ka Natna a hria anih chuan min ngaihven ngei ang, ka hritlang mai mai ah pawh a buai thin a, tun a ka awmdan phei chu a hria anih chuan Palzam mai mai chi anilo.

Puia nen thil ho mai mai sawiin kan inbe zui leh a, an hna chungchang ka zawt a, an enkawl tamtak, mi harsa ve tak tak te avangin bansan a duh thin thu a sawi chu ka ringhlel lo, a Rilru zawng zawng in a thawk a, kei ngei pawn a Damlo enkawl lai Bill pe thei lo a peksak ka hmu tawh a, mahse, sawi chhuah a duhlo, mi ten a thiltih that an faksak hian nuam lo a tih zia a sawi fo a, Pathian in Tanpui ngai Tanpui thei tur a a siam avang in a lawm zawk zia a sawi fo bawk.

“Happy Birth Day , i lakah hian hmasak ber ka duh kher lo, mahse, tunah erawh chuan Wish hmasa ber tu che ka nih ngei ka beisei...” Puia Msg ka hmuh rual in ka Birth Day ani tih ka hre chiah, LALPA.....engtin nge ka theihnghilh theih zawk ?,

Tlai tawh mahse ka Call nghal a, rang lutuk in a la a,

“ Ka lawm e aw...i Hmasa ber tak tak..” ka nui a, ani pawh a rawn nui a,

“ I mamawh min hrilh lo a, engmah i mamawh pawh ka ring lo, mahse, Wish erawh chu i duh ka ring a...” a ti halh a, a sawi dik,

A hranpa in engmah ka mamawh lem lo. Ka Birth Day min hriatsak avang leh ka tan a hun pawimawh ah hian engkim amah atang hian ka dawng thlap thlap thin hian min kawp kual mai mai lo ang tih ka ring ve tawp, Lawmsanga kha chuan min Care uchuak lutuk a, Present ka dawng awl lo bawk, mahse, a rinawm zik tluak lo, Puia hnen atang hi chuan engkim hi Dik thlap in ka dawng vel vek ti ila a dik ber ang.

Zing ah Ruah a sur avangin ka kal chhuak lo a, tho mai duh lo in ka muhil leh a, ka harh leh chuan Ruah a lo sur tawh lo a, mahse, khua a duai in a hnim ruih mai, Inhnuai lamah ka chhukthla a, Dinning Table a ka thil hmuh chuan min ti nghing lawih mai,

“ Nu....he thil hi nangma ur ami ?” Dawhkan a Cake Nalh zet awm chu ka kawk a,kanu hian Cake siam vel a thiam hle tlat ani,

“ Ni nang, an rawn dah deuh chiah anih kha, Card pawh a awm kha...” a ti a, Box lo awm ngat chu ka hmu a, a hma khan ka hmu miah lo, ka hawng a, Card tereuh te hi alo let ngat a, a thuziak lam engmah ka en lo, a rawn dahtu zawk ka en a,

Puia bawk.....hepa hi alan dan aiin a Romantic zawk daih anih hi a....hlimna leh lawmna avangin ka ni huih mai, Cake Photo ka la a,Room lamah ka let leh a, Puia ka Call nghal a, ala thei lo, ka tin awn leh a,

“ Lawmthu sawi ka ngaithla duh lo ania..” a rawn ti nghal tawng,

“ Aih....ka sawi dawn tho...eng nge ka pek ve ang che?” ka ti tham chal ringawt,

“ A let leh duh vangin ka pe lo che, mahse....i phal chuan Kiss chu ka hlawh theiin ka hria...” a nui huk a,

“ Ouch.....tehreng mai, mahse, a dang chu a theih loh ania “ ka nui hawk hawk a, kan Inzui hnu ah vawikhat chauh kan la in kiss tih ka ngaihtuah a, nuamlo ka ti ve deuh.

Ka Cousin te ho min Wish tur in an rawn kal nak nak a, Cake an ei a, Kan Naute in nuam a ti ber mai, a rak chel chul a, a ei tha duh pawh anilo, Naupang tan chuan Cake hi a lawmawm ve hrim hrim ani ngei ang.

Hna ka thawh mawlh mawlh lai in Melody-in min rawn Call a, Min rawn wish nghal a,

“ Lunch kha Floria ah kan lo ti a, i thei ang tiraw?” a rawn ti a,

“ Ka va hrelo, awi...angailo asin “ ka ti leh rih a, tun thlengin min Wish Hmasa ber thin hnen atangin engmah ka la dawnglo erawh mak ka ti lo theilo.

“ Hre rawh, lo kal ngei ngei aw, Puia pawh ka hrilh tawh ania “ a ti a, ani pawh hmeichhe fel tak ani, Rinngheta nau ka nih ang in min ngaihven ve pawh animahna.

Hotel Floria ka thlen in Kawngkhar bulah Puia’n min lo nghak a, alang thar sar reng mai hi mak tak ani.kan inzui chho a, engtin nge thil ei tur pawn a rwn chhuah theih zawk ni?, Melody-i chauh in min lo nghak a, Rinngheta a awm ve ka lo ring sa ringawt kha ka ring fuh vak dawn lo ani maithei,Kan ti ti luam a, mahse, engmah eitur alo la thleng lo, ka Riltam sa tawh nen sawi chhuah ka hreh ve bawk si,

“ Ka tlai a, min lo ngak rei em ?” Rinngheta tawng ri ka hriat rual in ka nghing lawih mai,

Ka beisei laiin ka hmulo a, ka Beisei loh hnu ah alo lang leh bawk si,min Kiss hnu khan kan la inhmu leh lo hrim hrim, muangchang in ka inher a, Rinngheta hmel Pa hrak mai chu ka en ta nge nge a, a that hi zawng alo tha chiang e, ka thian Hmeichhe ho in an duh zia an sawi lai khan ka lo nuih mai mai thin a, mahse, an lo sawi dik lo hran hauh lo,

“ Pawilo, kan la nghak reilo che “ Puia zawk in a ti a, min en lo hrim hrim, Melody lam a en run a, a en danah chuan a duhzia hai theih anilo,

“ Ka rawn lam kual che a, ilo kal hman tawh a “ Duatna a khat hian a ti a, ka kawchhung na vawng vawng chuan Lawmi thusawi min hriat chhuah tir lo theilo, ni e, keimah zawk hi ka rilru alo kawi anih hi...

“ Um...mahse, min rawn lam dawn tih ka hrelo a, i rual in Hna ah ka let leh mai ang chu..” hnai zet ah an in en a, an inhmeh hluah hluah, Puia’n ka Kut a rawn chelh a, laksawn ka tum lo,

Eitur an rawn dah a, Cake lian lo tak, mahse, Nalh em em si hi an rawn dah tel a, Puia ka en a, mahse, a Lu a thing mai, ama tih anih loh chuan Melody- i emaw Rinngheta tih ani ngei ang tih ka chiang,Cut turin min ti a, Bati tereuhte awm chu ka chhemhlum a, an 3 in kut an beng a, Tlem ka zaithla a, Puia ka barh a, ani pawn min barh ve bawk a, vawikhatmah a hranpa tak in Rinngheta’n min la be miah lo, Hahdam hmel tak in a thu awm duai a, Melody Mal chungah a kut sei tlhurh mai chu a nghat a, hmuh loh ka duh ngawih ngawih , mahse, ka ti lang thei silo, Hlim hmel tak in kan titi bawrh bawrh a, mahse, kan Boruak Tang ru at mai chu Rinngheta nen kan inkar chauh anih avangin an hrelo, nilo...keimah chauh ani Boruak tang ni...ka hah hluah hluah a, chhuahsan ka chak zek zek zawk.

Hna ah let leh tawh lo in In ah ka haw tlang nghal a,Puia erawh hna lamah an buai avangin chawl thei anilo, Zanah chuan tlai deuh mahse lo kal tho a tum tih a sawi a, Hetiang mipa tha em em ka tawng chung hian ka Thinlung zawng zawng in ka lawm kim silo, Rinngheta ka duhna hi engtin nge alo intan ka hre heklo, Ka Hmangaih tih ka hria, a hma atang daih tawh in ka Hmangaih a, Ka Unaupa ang chuah a ka en lai pawh khan ka Hmangaih a, mahse, tun a ka Hmangaih dan erawh a danglam vek tawh thung si, Duh thlang thei ni ila hetiang a ka nat ruk hrep na tur hi ka Hmangaih hauh lo ang. Vawikhatmah ka Birth Day theihnghilh ngailo tu khan tun tum ah chuan Wish takngial pawh min Wish silo,Ka Mittui a rawn hnam a, Thinrim deuh in ka hru tawk, engvangin nge ka tah pui ngawt ang?, Thian leh Unau kan nih lai kha chuan ka ta ani thin a, tunah chuan kan inhlat ta, ani pawn a kawng a zawh a, kei pawn ka kawng ka zawh bawk a, min ngaihsak reng thin khan kei aia ngaihven tur a nei tha ta lutuk a, ka awm ve tih pawh a hre ta lo, Hriatpuii nen an inzui lai kha chuan min Care na engmah a bop hah lo, keimah zawk in ka hlat lui a, tunah erawh chuan amah zawk in min Tlanchhiatsan ta anih hi.

“ Mampui, i nu a awm na nge ?” Rinngheta nu lo lut mek chu ka va en a, Nu lian nilo mahse, a Hhmeltha a, a inchei fel thlap reng a, a zahawm em em bawk, Kanu leh Pa min koh dan in min ko ve mai thin a,

“ Um...tunlai chu kapi a dam tha lo a, a phei deuh reng a, lo thu la..” ka ti a,

“ A va zialo, ve, hriat pawh ka lo hre hleinem, ilo leng duh tawh bawk silo a, Mama lah hi alo kal khat deuh bawk in ka hria a..” thut pah in a ti a, a nui var var bawk a, ka then sak a,

“ Nia, tunlai chu ka buai ve deuh a, Rinngheta pawh a buai alawm, eng nge i duh reng reng a?” ka tih zawm a, Thingpui a duh leh Duh loh kan nula in a rawn zawt a, Thingpui Hang a ngaina em em a, alo kal chuan in lo in a haw leh ngai manglo,

“ Eng duhlo e, vawiin i Birth Day ani sia, ka rawn tlawh che...” a ti a, kum tin a tihdan anih avangin mak ka ti lemlo, ka bu nghat a,

“Tunalai hi Mama nen hian in inhau buai deuh em?” min melh ran a, chhan maid an tur k hrelo,

“ Aih, hau nang, ngatinge?” mak ti hmel deuh hian ka zawt let a, a Lu a thing mat mat a,

“ Ka zawt mai mai che,a hma kha chuan i chanchin sawi nuam a ti thin a, tunah chuan sawi mah ila a kalsawn daih zel a, in lo inhau buai anih ka ring a” a ti a, ka nui lui sak a,

“ Kan upa ve ta anih hi... inkawmna hun kan nei tlem tawh a, hna ah kan buai ve ve bawk si “ ka ti a, a bu nghat nghat a, a ngawi deuh vang vang a,

“ Melody-i hi eng nge i hmuh dan?” a ti leh thut a,

“ A fel ka ti khawp mai “ ka chhang rang lutuk chu ka nuih a za zawk..a Thingpui in na no a dah a, a tho nghal a,

“ Nia, a fel khawp mai, ka va haw ange, eee...i thil tur rawn lam la..” a ti dam leh diai a, rawn ken mai awm tak, lam kher ngai chu ka peih chiah lo,Rinngheta alo la haw loh hram ka beisei,

Kan inzui phei a, Rinngheta Car alo la awm lo hlauh, min hmuh reng pawn min be chuanglo a, khatiang kha ka tuar thei in ka ring tawh lo,An nula chauh alo awm a, midang khawnge an kal ka hrelo,

“ Lo han la lawk mai ta che, Library ah khan ka dah a...” a ti a, an Nula in eng chungchang ah nge mawni alo bia a, ka kal reng reng na anih avangin khawi laimah hrilh ka ngailo, Step awm kual pup mai ah chuan ka tlan chho a, Library ka pan nghal a, Kawngkhar tlem a lo inhawngsa chu ka nem hawn belh a, mahse, ka thil hmuh avangin ka Thidang dawn in ka hria,Rinngheta Mal chungah Melody alo thu a, a kawr pawh a inhlim chho deuh vek, duhtawh zet hian an lo in Kiss a, min hmu hauh lo, thawm dim em em in ka tawlh kir a, ka zawi vek, ka khup a sai dar dar mai, Step ah ka chhuk a, ka tluk mai loh nan a vawn ban chu nghet zet hian ka vuan a, a Car a awm silo a, alo la hawlo emaw ka ti asin le, ka mitthla a cham kumkhua tawh tur ka thil hmuh kha tihreh theih ka duh nghal hluah hluah mai.

Kawngka ka pan nghal a, Rinngheta nu leh an Nula thil inhrilhfiah lawng lawng ri chu ka hria a, mahse, an hmuh loh a haw leh ngawt a chi si loh, ka thawm hria in a rawn dak a,

“ i hmu maw?” a ti a, ka Bu nghat a, ka hnung lamah ka kut ka dah avangin ka keng ah angai ani ngei ang,

“ Ka lawm e aw, ka kal nghal mai ania “ min chhan let leh hma in Kawngka ka thleng der tawh, Ka Room ka pan nghal a, Lawmsanga khan min ti na emaw ka lo ti a, tun a ka natna hi chuan min ti keh thung,Shower hnuaiah ka ding a, ka kawr hak atanga tui far tluah tluah pawh ka ngaihsak heklo, ka tahna avangin ka chau a, ka Mittui tla apiang chu a rawn tleng fai nghal zel bawk a, Na tur in dikna ka nei lo tih ka hai lo, mahse, Dikna kan neihna hmun ah chauh na tur a siam ka ni silo.

Ka Room tukverh atangin pawn lam ka thlir a, Rinngheta leh Melody tlan chhuak tur ka zu hmu leh chiah bawk, hreptak hian a...engvangin nge min ngaipawimawh miah lo tu hi ka ngaihpawimawh reng bik ang??

Zanah ka Cousin Sangtei alo leng a, a ti ti siam siam a, Kanu leh kapa, kapi te In ah an la awm a, Pui-an min lo Call a, hna ah buai na liantham deuh a awm avangin alo kal leh thei dawn lo tih a rawn sawi a, pawi ka ti lemlo,

“ Mal....Rinngheta te hi an inzui nasa e tiraw?” a ti a, ka en thuai a,Tv lam alo en daih thung,

“ An la innei thuai mai ang “ ka ti ve ngawt a,

“ A lo leng ngun sia, kei chu ka eilo tawp, hmanni pawn an In ah ka va kal a, Room ah an lo awm dun a, bakah Rinngheta Driver pawh khan ka u hnenah ‘a rai har ngawt mai’ alo ti a “ a ti leh a, ka luak dawn in ka hria,

“ Naa....ho thei e, a rai duh nang, Doctor alawm anih “ ka nui lui hak a,

“ Nia, a dik reng, Rinngheta lah hi ka hmu khat si,alo kal ngai lo mi?” a ti leh a,

“ Ngai vak nang, kan puitling tawh a kan inkawmngeih vak tawh lo “ ka ti liam puat a, Nula harhvang leh tawngduh tak ani a, kan unau ho ah chuan ka ngaina ber a, kan inkawm nasa ber bawk.

Mut pah in Fb ah ka lut kual a, ka Thiante ho min Wish na alo awm ve tiar a, lawm tur ka ni, mahse, vawiin hian ka nun a mi pawimawh em em , engtik laimah a ka Birth Day a min Wish theihnghilh ngailo tu khan a vawikhatnan a theihnghilh ta ani ngei ang?,Nilo, a hria, hrelo se vawiin khan Lunch kan ei ho lo ang, a ngaipawimawh ta lo zawk ani, Melody zawk in Lunch pawh kha a huaihawt ani ngei ang, kan inhmu a, Cake ah pawh chiangtak in a inziak a, mahse, vawikhatmah a hnen atang khan lawmpuina ka dawnglo, mi tamtak min lawipuitu zingah hian ka Thinlung hian Mi pakhat anghak tlat a, ka ngak chhuah dawn lo tih ka hriatna hian min vit ngut ngut thung si anih hi...

“ Rinnghet, pen tlemte dan lekah awm mahila ka tan chuan mel tamtak ani asin, ka ngak che...”

Chapter- 8

Ka Tap muhil ta nge nge, ka harh veleh ka phone ka en thuai a, mahse, beidawnna mai ani, tumah hi beisei loh alo tha ber mai, kan beisei ang a an awm siloh chuan kan na thlawn mai mai zawk,Ka tho a, ka dingmar chiah chu Ka Khup ruh na lutuk avang chuan ka thingthi thla leh rawp a, Na tak ani...ka Taksa pumpui a hik mum mum niber in ka hria, chet pawh che ngam lo in ka Mu hlawm reng a, a reh mai ka beisei takzet, Ka mit a vai a, ka khawhmuh a phe ruai bawk.

Ka harh leh chuan ka Na pawh engmah alo awm tawhlo, ka mutdan ngaiin ka lo la mu a, che miah lo in inchung lam ka melh a, tunah chuan kei hi enkawl satliah in ka tha thei dawn ta lo ani ngei ang, Rinngheta ngaihtuah loh law law ka duh zawk, muangchangin ka thu chhuak a, ka Phone Khum sir a ka dah chu ka la a, engmah hrelo a ka mut chhung kha Darkar chanve pawh alo nilo, mahse, ka chau in ka zawi a, ka che peih lo em em bawk,Puia ka Call a, Rinngheta chu ka theih chhung chu tihbuai ka tum ta lo,

“ Morning, Doll....” a aw dam thlap mai hriat hi a hahdam thlak thin,

“ I kal dawn tawh em?” ka ti a,

“ Dawnlo deuh, eng nge i an?’ a rawn ti leh a,

“ Ka tlu a,chuan ka khup ruh a na khawp mai..” ka Mittui a rawn hnam a,min Duatna chuan ka tah a ti chhuak a, Hmangaihlo mah ila ka Ngaina takzet,

“ Lo che sawn miah suh, ka lo kal nghal..” ka chhan let hma in a Off nghal a, Zawi zet in Khumah ka lawn a, Kanu leh Kapa lah Kapi vangin an buai a, Riah ve ka tum pawn ka Natna avangin min tih hah an duh silo, va hrilh ila tunah pawh an Phili nasa hle ang tih ka hria, Puia lo thleng phawt se, engkim a tha leh mai ang, tunah phei chuan Na ka nei rih lo.

A rawn thlen veleh Room ah a rawn tlang chho nghal a, kei erawh ka mut ngaiin ka lo la mu a, na ka neilo,mahse, ka chau, Khumah a rawn thu a,

“ Doll...ka lo thleng,ala na em?” a rawn ti a,

A kut ka vuan a, rem vaklo hian a rawn mu ve a, a Darah ka lu a nghat a, ka tum loh tawp in ka Mittui a rawn tla a, min kuah bet a, ka sam ah a chul hauh hauh a, Rinngheta nen a kan awmdun a ka thlamuanna ang kha ka neilo, mahse, Hahdam erawh ka hahdam zawk,

“Aih, na tawh lo, mahse, engchen nge ka tuar theih dawn ka hre lo..” ka insut hraih a, Dimte in ka samah a rawn fawp a,

“ Vawiin ah i Doctor kha ka lo bia ang, kan 2 in kan kal dawnnia, hna pawh kal lo mairawh, tlaiah ka rawn lam ang che, che tam lo la ka duh “ a ti leh a, hnial ka tumlo, ka kal peih lo hrim hrim bawk.

Min hawsan a, Khatiang a abul a ka awm ngawt mai kha nuam ka ti lo, mahse, hnemtu ka mamawh em em lai in ka bul ah a awm a, beidawnna avang in ka chau a, mi hmuh lai a nep tak a khawsak hi ka thil duh loh ber anih tehlul nen, ka thawpikna kha ka mittui in a rawn tilang ti ila a dik ber ang. Kanu te lo haw veleh ka hrilh a, mahse, na leh buaipui ngai ka ni tih engmah ka sawilo, Doctor hmu tur pawn Puia’n min hruai dawn tih ka hrilh bawk a, kan inkawp tirh atangin an pawm thlap a, a bulah chuan rilru hahdam tak in min kal tir thei tlat bawk.

Dar 2 ah min rawn lam turin a rawn thleng a, a Duty Off ni a nisilo a, a thianpa nen Duty hun an lo inthleng alo ni a, ka inthlahrung ru angreng,mahse, ka sawi lemlo,Kan Gate a kan tlan chhuak tur chu Rinngheta leh Melody rawn tlan lut tur nen kan intawk a,

“ Khawnge in kal dawn?” Melody zawk in a rawn ti a, Rinngheta erawh chu a rawn hawi ringawt a, engmah a sawi lo, min melh ngur ringawt,

“ Kan chhuak lawk dawn a..” ka ti a, enge an tih dawn zawh kher a tul ka ti lemlo,


Kan tlan leh veleh a kut lehlam in ka Kut a rawn hum a, ka en a, a nui a, kei pawh ka nui ve ringawt, Doctor hnen kan thlen in aman min luhpui nghal a, ka zawh ngailo in engkim a zawt a, ani aia Senior daih nimahse hnathawh in ang an ni bawk a, an inhresa a, ka Bialpa ani tih a hre bawk a, a bulah engmah a sawi hreh lo,

“ Puia, Cancer ani lo a, mahse, a Damdawi hi kan thlak angai dawn in ka hria, a lawmawm deuh chu a Natna hi hmun dangah a la darh belh leh miah lo, mahse, kan thlak angaihna chhan chu na a rawn tel tak vang kha ania, a dang ka pe ang che u, a sang deuh hlek dawn a, ei zawh ah luak chhuak deuh hlui i nei anih pawh in lo hlauthawng lo la, Damdawi hnathawh ani tih i hre dawnnia, chuan a nat lutuk chang a awm palh tak in Jection na tur ka pe tel ang che u, Damdawiin rawn thlen hma tal a lo zia awm pawh a tha, chuti anih loh chuan a nat lutuk vangin engmah hrelo in i tlu thut thei tlat “ a ti dam dup a,Puia chuan ka Bag hnuai a ka kut ka dah chu a rawn hum a, kei pawn ka hmer let vat bawk.

Kanu in kan chanchin min lo zawt thuai thuai a, a tlangpui zawr zawr Puia bawk in a hrilh a, chawei nghal turin ka nu in a chelh a, ani pawn a hnial bik lo, zanah Damdawi vel en fel turin alo kal leh tho angai a, chuvangin a tan haw a buaithlak mai mai bawk, Kapi a ziawm tak deuh avangin kanu leh kapa pawh an kal ta lo. Kapa leh Puia an inkawm a, Football chanchin an sawi a, an tan zawng a lo in ang bawk nen, an titi tui phian bawk, Rinngheta tih loh ah chuan ka mipa thian a titi pui awmchhun ala ni hial ang.

Ka Damdawi eitur zawng zawng a tihfel hnu ah a haw ta chauh, hetiang khawp a min duat chung hian ka la Hmangaih thei chuang silo, ngainat zawng ka ngaina,mahse, Hmangaihna hi kan duh duh a thlak kual theih ani silo lai hi a buaithlak ani e, ka beisei aiin ka mu tha ta phian a, zan khua in harh miah lo in ka mu a, ka hmai nisa in a rawn chhun fuh takah chuan peih lo zet hian ka meng a, ka in let a, ka khum sir a lo thu ka hmuh rual chuan ka phu nasa kher bawk.

Bawp khawkherh in Rinngheta alo thu a, hriatthiam har zet hian min en a,

“ Eng nge i an a?” a ti sup a, ka thu chhuak nghal a, min puih tum awm in a awm lo,a che eih lo hrim hrim,

“ Ka tha reng, eng nge i duh a ?” khum atangin ka chhuk thla nghal a, nidang ang bawk in palzam tak ang a lan ka duh zawk,

“ Engmah, i tha lemlo tih ka hria, engtik ah nge min hrilh dawn?” a aw a ring lo, mahse, a hlauhawm na a bo chuanglo,

“ Engmaw?” ka ti lui talh a,

“ I khup ruh kha mawle, nge i ke an tan sak hun che ka nghak law law dawn ami?” ka hrilh loh avang a lungawilo tih hriat zet hian a ti hmuk a,

“ Chhuak rawh...tunah..” ka haw lutuk, engtin nge khatiang khan a tawng theih zawk !!??

“ Ka duh hun hun ah ka chhuak ang, Midang hnen a tang a i Damlo tih hriat hi ka lawm i ring em?” ati leh hrawk a, ka melh reng ringawt, a rawn ding chhuak a,

“ Ok...ka thiamlo ani e, tunah chuan i hreta bawk a, a tha alawm, hman atangin ka tibuai nasa thin che a, i tello a awm theilo niin ka inhre hman hial, mahse, tunah chuan i Thianpa, i rin leh nei tur a min duh em em kut ah ka awm tawh a, ngaihtuah ka ngai tawh lo, nangmah chauh lo in ngaihtuah tawh ang che, a tha em ?” ka ti ta duah a,

A thaw hawk a, a sam a tuai a, a awmdan a mak ka ti zawk, chiang zet hian min rawn en a,

“ Ni e, keipawh ka lo hrelo ani, min mamawh tawh lo tih te chu lo hre tur ka ni asin “ a ti a, sawi chhuah harsa a tih hmel hle bawk,mahse, a sawi dan kher chuan min khei zak mai,

“ Ka mamawh lo che ka tilo, mahse, min buaipui tu tur midang min pe a, buaipui ka ngai tawh lo ka ti mai zawk, engvangin nge ka Birth Day pawh min wish loh?” ka aw a khur a, ka mittui rawn tla tur chu dan kir tur in ka khap sak sak a,

“ I Birth Day apiangin Wish hmasa bertu che nih ka duh ziah a, nangpawn i hria, ka rawn Phone che a, mahse, Busy...Busy...hreptak hian a....ka Thil lei sak che pawh i rawn lam duh lo a, kanu in a rawn koh che pawn la lo in i let leh a....” ka thil hmuh ka hriat chhuah lehna avang chuan luak chhuak bawk in min rawn nawr a,ka hrawk ah ka vuan a,

“ Oh...i tha em ?’ min rawn hnaih nghal ruak, mahse, min rawn vawn a tumna kut chu ka nemsawn a,tunah chuan a khawih pawh ka duh lo.

“ Ka tha...nia, ka lo kal ngei, mahse, Room chhung ah khan Mi 2 in duat lai ka hmu a, tihbuai ai chuan ka kalsan ta anih kha, bakah engmah ka mamawh lo..” ka uak nghal pawp bawk, hahthlak hian...

“LALPA....Sorry...ilo kal lai ka hrelo...” a ngaihna hrelo zet hian a ban a phar hluai a, muangchang hian a dahthla leh a, ka Naupan lai atangin Rilru natna ka neih in tah ai chuan ka uak vak vak thin tih a hria,

“Khawngaih in kal rawh...ka hmu duh lo che...kal tawh rawh “ ka nem nawk nawk a, Room pawnah ka nem chhuak a, chhunglamah ka kalh leh nghal a, Kawngkhar ngheng in ka ding a, ka Mittui luang zung zung pawh ka hru buai peih lo..Ka awmdanah khan dik lo a awm chiang ani, Ani hmeichhe mutpui mai mai kha ka tahpui duh anih pawh in a bulah ka tap tur anilo, ka thinrim anih pawh in a bulah ka thinrim tur anilo, mahse, thleng tur chu a thleng vek tawh, inchhir leh awmzia a awm tawh lo.

Inhnuai ka chhuk veleh kanu in min lo be vat a, ka that leh that loh min zawt a, ka ziawm tih ka hrilh a, Nimin lam a ka tluk kha chu engmah kan hrilh lo hrim hrim zawk,

“ Ngatinge Rinngheta kha..?” chawhmeh chan mawlh mawlh chungin min zawt a,

“ Engmaw?” ka ti let ha thung,

“ A rawn chhuk kha a mit a sen vek a, ka biakna pawh min chhang lo..” a ti a,

“ Ka hre biklo, eee....ka Birth Day min wish lo a ka hau a, chuvang aniang “ ka ti a, min rawn en a,

“ Leh ta mai mai che u hian a...mahse, a landanah kha chuan thildang a awm a ang lutuk a “ a ti leh talh a, ka chhang lo, chhan dan tur ka hrelo, thildang te chu awm tehmeuh mai.

Ni 2 Office ka chawl a, zantin Puia’n a Duty zawh ah min rawn tlawh kawi ziah a, ka that leh that loh a hre duh ziah bawk,

“ Melody leh Rinngheta zin vel chu engtik nge an lo haw dawn i hria em?” a ti a, ka tek sawk ani ber, kan In a alo kal hnu khan ka la hmu leh lo a, alo kal lo satliah mai mai emaw ka lo ti a, mahse, an lo zin kual daih anih chu a,

“ An zin tih pawh ka hrelo, khawilamah nge an kal a?” ka ti a, pangngai tak a ka tawngchhuah theih avang in ka lawm ru takzet,

“ An kal nual in ka hria, Sunfeast Open kha rin loh deuh in Ana ivanovic khan a rawn khel ve a, Rinngheta khan Final en a duh in ka hria, en an tum aniang” a ti leh a, ka kawchhung rum vawng vawng chu tihreh ka duh, ka bul maiah ka tan a inpe zo em em a awm lai hian rilru tenawm pu tur ka nilo.

“ Anih chu mawle, a tha alawm, inneih lam te hi an la sawi lo amawni le ?” ka ti halh a, Melody leh Puia hi Cousin an nih mai bakah an thawk ho bawk a, mahse, Melody hi chu Hospital pakhat ah chauh a kal thung,

“ Ka hre biklo le, min nghak anih ka ring “ a then sak a, kei erawh Pasal neih ka lo la ngaihtuah ngailo a, min thawng zak tho,

“ Hah...ka ringlo, keini te chu Kan Innei dawn kher lo maithei a...” a hmel a na tuar hmel lo lang zawk avang chuan ka inchhir lehnghal a,

“ Engvangin ?, min duh lo hrim hrim nge i Natna vang zawk ?’ a ti ro halh a, ka lu ka thing a,

“ Ka fiam che anih kha...mahse,ka Natna hi chuan Pasal neih chu min ti hreh khawp mai” ka ti a, a rawn tawlh hnai a, dimte in alamah min pawt a, min kuah bet a, ka hria ani...he Mihring aia min hmangaihtu hi an awm thei tawh lo ang, ani tluk a min hrethiam theitu pawh ka tawng chuang in ka ring tawhlo, Rinngheta lak a ka rilru puthmang hi haider in a hnenah hian ka inpumpek tur ani, Rinngheta chuan Natna tamtak min hnutchhiah a, Puia hi chuan kan inhriat tan tirh atangin amah in theihnghilh thak in min buaipui a, Ka hmangaih a ka tlawn lungawi ngai reng tur Mipa ai chuan min Hmangaihtu ,ka nat hlau em em a ka tan a inpe hnenah hian ka hlim zawk ang.

Karkhat a liam leh meuh chuan Rinngheta te pawh an lo haw leh tawh ani ngei ang, ka Office kal tur Scooty in ka inkhalh chhuak dawn a, Rinngheta te in lam atangin a Car in a rawn tlan chhuak ve chiah bawk,ka be dawn lo zet a mahse, pangngai tak in bia ila tha zawk in ka hre leh a, kan inbiak duhloh hian engthil tha mah a chhuak in ka ringlo,

“ In lo haw tawh nimaw ?” ka ti a, a tlan tlang theih lohna turin a kalna tur dal deuh in ka ding a,

“ Aw.. i kal tawh dawn ami ?” a ti tha ve mai,

“ Um...anih phawt, Zin Report ka ngaithla chak ania,eee, Lunch ei ho ila..” engvang a thawveng ta riau nge ka nih keipawn ka hre biklo, a mit ko a ti sang awk a, ka awmdan in a barakhaih anih hmel,

“ Um...atha ngawt ang, inbe leh ila..” a hmui chhah tap mai chu a pet sawi zauh a, ka hawisawn vat, ka danglam tur hi ka control angai,

“ Nia, Puia ka lo hrilh ang, anih phawt “ ka tlan chhuak zui nghal a, ka hnungah a rawn tlan ve a,Aizawl ti nuamlo tu, Motor lo intlar put mai sir ah ka inhnawh a, ani erawh a in line angai a, ka hmu thei ta lo.

Lawmi Naute neih hun a hnaih tawh avangin a rawn kal tawh lo a, ka ngai kher bawk, a awm loh hi chuan Office te hi a rep thuap in ka hre hial thin a, ka Damlo tih engmah ka hrilh lo, ka kal lo tih pawh a chawlh tawh avangin a hre heklo.Puia’n min rawn bia a, ka Doctor in min hmu duh alo ni a, Lunch zawh ah kan kal dawn tiin alo chhang a,

“ Rinngheta khan min rawn bia a, engngemaw min hrilh duh annei ati a, Regency ah thil ei ila a rawn ti a” a ti a...ka nui sak a, mahse, engthil nge min hrilh duh ni ang le??

“ Ok...ka lo kal ang, Scooty ka keng tho a, i Duty dawn lo tiraw?” ka ti leh rih a,

“ Um..ngatinge ?” ngaihtha lo hmel deuh hian a ti a,

“ Eng nilo e, Scooty hi ka khalh peih lo lutuk a, Muansanga lo in Drop tir la, nangman khalh mai la ka ti deuh ?” ka ti a, a ngawi deuh vang vang a,

“ A tha alawm, ka lo kal ang “ min hnial dawn lo tih ka hria.

Hotel Regency kan thlen in an 2 in min lo nghak tawh a, min hmuh veleh Melody’n min lo be chul a, ka Thutna tur a Puia chair pawh chhuah sa ah chuan ka thu a,Melody hmel eng sar maiah chuan a hlim tih a hai theih loh, Rinngheta erawh a ngai reng, a dan pangngai in a nelawm fahran lo,

“ Le...kan nghak che u ania..” Puia chuan nui chung hian a ti a,

Melody chuan a aw a thian hmasa te te a, muangchang hian a kut veilam a rawn lek chhuak a, a kut zungtang a zungbun awm chu kan hmuh theih nan a ti pir vah bawk a,ka inrin hmanlo, Puia kut ah ka vuan a, min rawn en a,

“ LALPA.... a va lawmawm ve “ ka ti chhuak hliai mai, chhungril chu na mahse, pawn lamah chuan ka lawmpui tur ani, Thuruk chu tupawn kan nei vek, Thih thleng in thuruk ni mai rawhse.

“ Nia...a rang tehthut em ?” Melody bawk in a ti leh a, ka lu ka thing a,

“ Aih...rang lo, a Ni leh thla kan hre tel thei angem?” Rinngheta melh lo in Puia lam ka en a, a nui var var mai, mihring rilru tha lutuk hian a thinlung zawng zawng in a lawmpui ang tih ka chiang,

“ Chulam chu kan la sawitha leh ang chu ..” Melody-i bawk in a ti leh a, a hlimna chuan a hmel a ti eng sar mai,

Kan thil ei a tui leh tui loh ka hrelo, ka chhungril na ngut ngut chauh ka hria, Rinngheta kha engmah a sawi velo, mahse, a Propose tawh a, ani in sawi tur a nei ve hleinem, kan ei zawh veleh kal nghal lo in kan ti ti leh rih a,

“ Kal mai ila atha ang, kan tlai ang” ka ti a,

“Khawilamah maw ?” Rinngheta chuan a rawn ti dut a, a kut zungtang sei thurh mai chu Melody-i mal chungah a nghat a,

“ Mi hmuh tur kan nei a “ ka sawi thui duh lo, a tul ka ti lo bawk,

“Kal ila...” Chair hnung a ka Coat dah chu a rawn la a,

Ka ding chhuak a, ka din rual chiah chuan ka khup ruh na lutuk chu ka te thawt a, ka Tlu thla hnawk a, ka khawhmuh a phe a, ka taksa pumpui chu a nat lutuk avangin a hik mum mum in ka hre bawk, ka bing mup mup a, chianglo ruai hian Rinngheta rawn thu hniam rawk rawk chu ka hmu a, abak engmah ka hre zui ta lo.

Chapter – 9

Ka Khup ruh na zawk zawk chu ka mang hriat ruai ruai a, ka thaw a chham dawn in ka hre bawk, ri chawrh chawrh ka hre leh a, ka nghing leh lawih a, ka zal rawih a, ka ral riai riai mai, ka hahdam huai huai bawk.

A ri leh bur a, nilo...a na lutuk, ahma zawng ai khan a Na zawk, Au vak ka duh, ka theilo, ka kut ka ti che dawn a, ka thei chuang bawk silo..hetiang a nat ai chuan thih ka duh zawk, ka awm ah Thil sa zet leh rit luk in a rawn nek a, ka Taksa pum a nghing lawih, au ri laih ka hre leh a, abak chu ka nuam huai huai a, a tawp ta...ka Thi ani ngei ang.

Peih lo zet hian ka meng siar siar a, na ka neilo,ka awmdan a nuam veng veng mai, ka thu dawn a, ka thu mai theilo, ka kut in vawn tur ka dap a, Kut tha chakzet hian a rawn chelh chat a, min chelhtu chu ka hmuh theih turin a rawn in lan zui nghal bawk a,

“ Moring..Doll....” a hmel Fai sar maiah chuan hlimna a lang a, ka then sak a,

“ Khawnge ka awm ?” ka ti sep a, ka tawng zawi mah mah,

“ Damdawiin ah mawle, mahse, i tha leh vek tawh ania “ a rawn kun a, ka chalah dimte in a rawn fawp a,

“ Ka thu duh, min pui teh “ a hmel a buai deuh nak a, mahse, ka Darah a rawn kuah a, Dimtein min thut kan tir a,

“ Lo nghak lawk aw, i Khum hi kan herh sang ang, awn deuh hlek in i mu dawnnia “ a ti a, a kalsawn a, Khum mawng lam atangin a Adjust na a va herh a,

“ I duhtawk chin lo sawi la..” a ti leh a, ka duhtawk a a herh veleh ka hrilh a, Pawnah a chhuak a, rei vaklo ah Kanu nen an rawn inzui lut a, Kanu hmel ah chuan Tahna hnu niawm tak ka hmu a, engvang a tap nge anih ka hrelo.

“ Mambawih, i harh tha em ?” a aw a lawi rat mai, ka bu nghat a,

“ Khawnge Kapa ?” ka ti a,

“ A va haw lawk anih kha, Puia, eitur hi pe ila a pawi em ?” a ti leh rih a, nia...ka ril a tam vawng vawng mai,

“ Pawilo ang, Mahse, Tuiril lam nise aw” a ti a, min rawn en a,

“ Ka kalsan lawk ang che aw, i Doctor kan be lawk ang “ a ti a, a nui sak a, a kal chhuak tur chu ka thlir a, ka vanneihna hi ka la hrethiam lo cheu anih chuan mi a ka ni zawk ngei ang.

Kanu in eitur min pe a, ka ke Thir tlawn a an phuar beh tup mai chu ka en a, Khum mawnglamah chuan an kamkang a, thir tlawn kutzungpui tiat vel tur hi 3 ngawt a in thuah a, engtin nge an tih ka hrethiam lo,

“ Nu...Puan kha pawtsawn teh, ka ke kha ka en duh ania” ka ti a, an la lo tan bul em lo anih hmel,

A rawn pawt hlim a, nilo....ka thidang nawn leh dawn in ka hria, Thir tlawn ah an phuar bet lo, ka ke ah an kheng tlang zawk alo ni a, ka rap lutuk , ka thaw a sak talh talh mai,mahse tan erawh an la tan bul em lo,

“ Ngatinge ti hian an tih a ?” ka ti thei hram,

“ Tawng vak rih lo la, Puia lo let veleh a hrilhfiah dawn che lawm, ti hi chuan i ke na pawh a ziawm thuai ang a ti a, i Doctor pawh a hlim khawp ania, mahse, i mu rei deuh a, ka lo buai hman thelh a “ a ti a, hlim luih tum tih hriat zet hian a nui lui sak a, ka chhang peih lo, ka mit ka chhing a, Nu leh Pa buaipui tu tur zawk min han bawihsawm ta chu ania, nakin lawkah mi zawng zawng in ka natna an la hria ang a, ka ke an tan hun ah phei chuan khawngaihna mit in min en anga, a then in min tawrhpui tak ang a lang siin an chhungril ah an lwm thung ang.

Ka muthilh leh lai ka hrelo, ka harh leh chuan khua alo thim tawh ani ang, Light an lo on a, mahse, tumah an awmlo,

“Nu...” a reh thap, min chhanglo, thei leh theilo in ka inbengkang a, ngatinge tuman min awmpuiloh le !!?? ka chesawn theilo tih an hre reng si, Kawngkhar lam a ri rak a, Rinngheta Coffee keng in a rawn lut a, ka harh tih a rawn hmuh veleh a pen pawk pawk a, ka Khum bulah a rawn ding a, ka hmuh chak loh leh beisei loh ber mihring ani hial ang,

“Hey....Mate...i harh na rei tawh em ?” a rawn thu ve nghal a,

“ Aih...ka harh deuh chiah, Khawnge midang ?” ka ti a,

“ Tu ber nge i tih ?” a ti sup a, a no ken chu khum sir a Bottle dahna ah chuan a dah a,

“ Puia...chuan kanu pawh ?” ka ti a, nia, tunah hi chuan anni 2 aia mamawh ka neilo,a tho chhuak a, mahse, a hmel dur khup kha ka hmu hman tho, Bang dep ah chuan Mipakhat mut theihna tawk vel Thingrem lian a awm a, a va thu a, mahse, a Hmel a dam leh thlup tawh,

“Puia chu a haw a, Zan in chu a riak lo ang, I nu pawh a lo kal lo ang “ a ti a,

“ Tunge min riah pui dawn ?” ani nen a riah ka duh lo hulhual,

“Oh...hlau suh, ka riak dawn lo, Sangtei a lo kal dawn..” a ti hluk a, ka hlau lo, ka bula awm ah ka duh lo mai zawk,

“ A that chu, engtin nge ka awm chiah le ?” inchunglam ka melh san daih a,

“ I tlu a, chuan, Damdawiin kan kalpui nghal che, i tha vaklo, mahse, i Doctor leh Puia khan an theihtawp an chhuah a, tunah chuan hei i harh leh tawh...chuzawng chu...” a ti hul huk a, a aia tha a hrilhfiah ka nih ka beisei lo hrim hrim, a tawng danah thi law law mah ila pawi tih na anei lo tih alang reng bawk.

“ Um....mahse, In inneih kha tlem in sawn hla ula ka ti, hetiang bur chuan ka kal ve thei awm silo.” ka ti a, engvang a sawi chhuak leh kher nge ka nih ka hrelo,

“ Tunge kan innei dawn ti a ?” a ti hmuk a, hreptak hian...Zungbun pawh ka hmu a, an 2 ngeiin an sawi bawk, nilo...ani chuan engmah a sawilo zawk,

“Nangmahni 2 in...ka ke hi a dam pawt loh chuan ka tel thei dawn silo “ ka ti leh halh a,

“ Nupui ka nei dawn rih lo ka tih kha, Zungbun ka pek avang khan tunah kan innei dwn tihna ani reng reng lo, i duh duh in lo ngaihtuah lo teh “ a ti ta zek a, tisualtu ang hial in min chhuah ani ber, engmah ka tisual der silo,

“ Enge min hauh kher a?, i duh leh neila i duh loh leh neilo la, ka buaina anilo “ Rum deuh hian ka melh a, ka rin loh deuh in a then suk a,

“ Nia, i buaina anilo, mahse, i ke dam hma a kan Inneih i hlau tho..” ngei zet hian ka melh a, ka tawng in man lo hlek hi a hriat hmaih ngailo reng reng,

“ Hlau lo, i duh hun hun ah nei rawh “ ka lei ka chhuah khum a, a nui hawk a,

“ Mate....Ka Hmangaih che tih i hria alawm ,i lawmlohna tur engmah ka ti tawh dawn lo..” a mit thim raih mai ah chuan fiamthu a sawilo tih ka hria, min Hmangaih thu hi tun lo pawh vawitam min hrilh tawh, a Nau ka ni miau alawm le.

Sangtei a rawn thleng a, eitur a rawn keng nual bawk, kei erawh chuan thil thur lam bak engmah ka ei chak lo, ka khawsik a awm hlek pawn thil thur lam ka ei chak ber zel,Rinngheta nen an inzui chhuak a, reilote hnu ah amah in a rawn let leh a, ka tho kang thei bawk silo ka Inthiar duh anih chuan a buaithlak hle ang, min zo dawn der silo,Ward Boy te a ko tawh mai ang chu..

“ Muhil daih la, engmah na hran ka neilo, buaipui ka ngai lo ania “ tih pah in a ham bai bai chu ka en a,

“ Ka mut a chhuak ve ringawt mawle, ngatinge a hma in i natna hi i sawi miah loh a ?” vui hmel deuh hian a ti hlak a,

“ Sawi chuan min khawngaih ka hlau alawm..” tih hlim tum in ka nuih sak a, a ner nak a,

“ Api a thinrim rap mai mawle, tap tuau chungin I Nu a hau a...” a nui a, Kapi mizia ka hria, Kanu in chhanglet vaih se chuan a hmuh remchan apiangin a vaw duh ngei ang, kan Naupan lai atang tawh in kan nu te theuh in min hauh pawn min tahpui lo chauh thin a, ‘ ka tute hi tuma hauh ka phallo, hauh an ngaih chuan keiman ka hau mai ang’ a ti mai thin a, vanneihthlak tak in kan Cousin ho ah tumah sual kawng zawh kan awm lo hlauh thung.

“ Ka haw hunah min pen dawn anih chu, ka huphurh mang e “ ka nui hak hak a,

“ Puia hi a fel ka ti e, kei aiin ilo tawng hmasa chu i vannei khawp mai, kan makpa hual hi ka chhuang ania “ min chhaih pah in a nui ar ar a, a sawi dik, ka vanneihna hi ka hre phak lo zawk,

Kar 2 lai ka awm ta, ana a chhuak leh zeuh zeuh a, mahse, a khat tial tial thung, Puia alo kal nitin a, min riahpui tum a awm bawk a, haw tur a ka tih pawh in a nui mai,’ mi te chuan duh duh lo sawi rawhse, ka hriat chhun chu ka Hmangaih che tih zawng animai’ a ti awlam et, a awm lai a Toilet ka Kal duh anih chuan min pawm mai a, ka ke cher khawng bur leh Thir inkham tlang run mai pawh chu Fiamthu thawhnan a hmang a, kan nuih pui thei ta hial mai,

Ka ke Dawhkan chungah ka hlang kang a, Puia, Melody-i leh Rinngheta ten chaw an rawn ei a, keimah a Rinngheta duhna engmah ala bo lo, mahse, Puia min duatna leh Hmangaihna avang hian Puia zawk ah ka innghat tam ta, ka rilru ana lo anilo, mahse, min Hmangaih tu lam hi hnaih ka duh ta zawk, kei engmah nilo a theihna zawng zawng in min buaipui a, hetiang tak a ka tan a mihring in pe hi ka la tawng ngailo, Rinngheta pawn min duat a min buaipui thin, ka Damlo anih phei chuan a buai chung thin a, mahse, ho te ah min hau a, ka awmdan a duhlo anih chuan min kalsan tum a awm fo, Puia hi chuan vawikhatmah kan inhriat tan tirh atangin min la ti thinrim lo, ka ti tau a, ho te te ah ka be duhlo fo, mahse, a thinrim let ngailo, amah vang nimiahlo a ka thinrim khum pawn ngaihdam min dil zel thei tlat ani.

Ka bulah a rawn thu a, kanu leh Kapa erawh Inkhawm turin an chhuak tawh, ka thutna hnungah a ban a rawn dah a, ka ka ngheng leh ta nge nge,

“ I haw hma in Room ah min dah chho hmasa la aw..” ka ti a, a bu nghat a,

“ Angai kher hleinem, keipawh ka awm reng a, ka dah chho thei reng che “ Rinngheta rawn tawng ri ah chuan ka en thuai a, hriatthiam har zet hian min melh run ringawt, ka ip zawk a, dik tak chuan keimah a a nghawng ala bo tlat lo,

“ Ka dah chhoh kher a duh ang, ka tello chuan a tap pur zel a...” ka hnar ah a rawn tuai a,

“ Heh....dik chiah, mahse, midang awm laia sawi kher angai ami?” ti tau deuh hian ka ti hmak a, a nui huk a,

“ Khatia i titau hmel kha alawm ka hmuh duh, nui la...aw..” lehlam ka hawi a, a nui nasa zual sauh, Melody leh kan Nula an nui kar kar bawk a, kei pawh rei ka titau theilo, ka nui ve ta nge nge.

Melody-in haw a duh a, Rinngheta nen an kal chhuak a, Rinngheta erawh chuan alo let leh tur thu a sawi tho, Puia erawh haw tum awm in ala awm lo,

“ Engtik ah nge ka kal leh theih ang ?’ ka ti sep a, Ka kut a rawn hum vang vang a,

“ Lungngai suh, i kal thei tep alawm, Thir hi phawi theih anih leh nih loh kan check leh anga, chumi hnu ah chuan i tlan leh char char thei ang “ a ti a, a mah ah hian midang neih ve loh thlamuanna riau a awm tlat ani, Doctor tur a ruat lawk ka ti lo theilo,

“ Min kalsan mai ta che, aw...Hmeichhe tha deuh neih hi i phu asin, kei ang nilo...” ka sawi zawh hma in ka hmui a rawn hup a,Ka Room ah kan 2 in kan awm a,

“ Shh... a tawk, chutiang sawilo ang, ka hmuh tirh atang che khan ka ta tur ini tih ka hria, ka hriat rual khan Natna leh fel lohna zawng zawng pawh ka nei tel nghal vek,kalsan tur che in min ti tawh suh “ Khumah a rawn thu kai a, a rawn mu ve a, ka awm ah a hmai a rawn phum a, a Sam ah ka chul a, Hmangaihna hi a inthlak thei anih ngai chuan Hepa ngei hi Hmangaih ka duh chiang,

“ Nang chu engpawh nila i chhungte hi an zahawm ka ti, an Fapa mal i ni a, Nula tha leh fel tak Mo tur in an beisei ang, chutih laiin nangin kei min buaipui ta tlat si a..” ka ti leh a, keimah ka inkhawngaih lo theilo,a vawikhatna atan Puia tan Nupui tha tak nih ka chak ve ta ,

“ Sawi tawh lo ang, eng ang pawn sawi mahla ka rilru ka thlak dawn chuanglo,..” a rawn tawlh chho a,

Dimte in ka hmuiah a rawn fawp a, ka ngheng hnai a, a rum hawk mai, a hma aia na zawk in min rawn fawp leh a, keipawn ka chhanglet ve bawk, ka kawr chhanah ka Hnute kawh lah mai a rawn hum a, Dimte bawk in a tham a, a awmdan a dik lo, nidang a ang tlat lo, ka Nemsawn a, mahse, a rawn ti leh nghal tho, tawng miah lo in kan inhnial ani ber, a kut ka man beksak dawn a, ka hneh lo, a che leh a, ka kawr chhan ah nilo a rawn zen lut a, Bra ka hreng silo, a rawn hum a, amah pawh a thaw hawk tho, rei lote chu chet nachang ka hrelo, mahse, ka Hnute Hmur a rawn fawh takah chuan tawp a hun tih ka hria,

“ A tawk, a hun hma in hetiang kan ti theilo ania.” Ka aw a khur ve dar dar mai, a chawl dat a, a Sam ah ka tham a,

“Mawh...a tawk, min ti hlau ania..” ka ti leh a, Muangchang hian a tawlhsawn a, Mipa ani a, Insum a harsat dan tur ka hriatthiam pui zo lo zawk, mahse, vawikhatmah min tilui ngailo, Mipa diktak ani ka ti lo theilo,

“Ka, tihpalh...ka va kal thui teuh em...” min rawn kuah a, A Hmai chu chakna avangin a sen tal bawk,

“ Nakinah i ta tur ka ni tho, tunah chuan engmah tilo ang..” ka ti nawn leh a, a thaw hak a,

“ Um...ka hrereng tawh ang, tlem a tlem ah Nula kal theilo ka Pawngsual tep alawm le...” a nui a, keipawh ka nui lo theilo.

Rinngheta nen kan inpawh leh ta viau, mahse, ahma ang kha chuan kan inkawmngeih ta lo, kei pawn Puia ka ngaihtuah tum a tam ta zawk, Ka chhungte zawng zawng in Puia an ngaina vek mai, alo kal awl lo a, Ka hriselna a ngaipawimawh em em bawk, khawsik ka nei leh zauh thin a, mahse, Damdawi min rawn ken sak a, ka zia leh ta viau,Ka Phone riin min ti harh a, ka ban vat a, Melody alo ni a, eng thil nge maw ni ta le ??

“ Hello....Meme....” ka ti nghal a, tawngka a min chhanglo in a rawn tap a,

“ Engatinge ?” engmah hre silo in ka hlauthawng ve ringawt,

“ Rinngheta nen kan inthen....” ka hresual ani ngei ang,

“ Maw !!!??” ka duh aiin ka au ring hret,

“ Vawiin ah min then tawp, a chhan engmah a sawilo..” a inhnit leh a, Melody-i hian a duh zia ka hria, Rinngheta pawn a duhlo bik lo, engvang nge ni ta ang le??

“ Ok.... engpawh nise ka lo be chhin dawn mi ?” ka ti leh a,

“ Um...khawngaih in lo be teh, a chhan tal hriat ka duh “ a insut leh a, ka khawngaih kher mai.

Rinngheta ka Call a, a chhang theilo, ka ti nawn leh a, a chhang chuanglo, a buai ani ngei ang, a hman hunah a rawn Call Back mai ang chu..Hmeichhe dang vang ti dawn ila tumah a kawp ka hre silo, nge ka chhuak theilo rei tawh a ka hrelo mai mai zawk pawh ka hrelo,Darkar 1 hnu velah a rawn Call ta nge nge...


“ Ilo haw hunah ka be duh che, min lo tlawh teh “ ka ti nghal tawng, a reh vang vang a,

“ I hre thei em ?” ka ti leh hnuhnawh a,

“ Aw..hrethei, mahse, ka sawi tur ngaithla hmasa rawh..” a ti dam thlup mai,

“ Sawila...ka sawi tur pawh a pawimawh ania aw..” ka ti leh talh a, min chhang lo in a ngawi leh rih a,


“Mate....Puia a Accident a, tunah NewLife ah kan awm mek ,mahse, ngaihtuah suh....” ka Phone ka thlauh tawp...

Chapter – 10

Ani theilo, hlauhna in min bual a ka khur hlawk hlawk bawk, engchen nge awmze neilo a ka thut ka hrelo,Ka Phone ri bawk in min ti phu zawk a, lak mai nachang hrelo in ka melh reng ringawt , chanchin thalo zawk in min deng dawn in ka hria a, tumah ka be chak lo, mahse, a rawn ri leh a....ngam leh ngamlo hian ka ban a, Muansanga alo ni a,

“ Aw...Muansang, tunah enge chanchin?” ka aw a khur nasa lutuk ,

“ Ilo hre tawh ani maw?, ngaihtuah suh, tunah chuan In ah kan pheipui dawn mek e...” a ti ban chat a, enge a awmzia ?,a Na vak lo tihna ani mai em?, tlem in ka ziawm ta deuh,

“A ziawm leh tihna mi ?” Beiseina zawng zawng nen ka zawt leh a, a ngawi vang vang mai,

“ Muansang.....” ka ti nawn leh a,

“ Aw.....Natna engmah in a tihbuai tawh lohna hmun ah a kal tawh...” a aw a lawi vek,

“Anilo....Dawt min hrilh suh, infiam na hun ani lo ania, amah ka lo bia ang...” ka tahnuih hawk hawk mai,

“ Ka rawn hruai ang che...” a ti a, ka chhan hma in a Off a, ka mawl vek, ka ruak vek bawk, ka Thluak in hna a thawk lo hrim hrim zawk.

Ka Room kawngka rawn inhawng rawp ah chuan ka harh deuh zawk in ka hria, ka hawi phei a, Rinngheta alo ni a, a hmel a pawr fap mai, a rawn kar phei pawk pawk a, Khumah a rawn thu a,

“ Aih....a Thi tih sawi tum miah suh, a thilo ....” ka ban ka Phar a, mangang zet hian ka dahthla leh a, ka hmui ka pet fan fan ringawt, engmah sawi lo in min rawn kuah a, a awmah min pawm bet a,

“ Mate, Sorry....” ati tham tuak a, engvangin nge ngaihdam min dil ngawt ?!!

“ Enge i tihsual a?, ngaihdam min dil tur i ni lo, tunah min hruai rawh, Puia bulah ka kal duh, min mamawh tih ka hria ania...” ka nui a, mahse, ka nuihna chhan ka hrelo, awmzia ka neilo, Mumal ka nei heklo.

“Ok....kan kal ang, alo nghak reng che alawm, mahse, tap chungin i kal theilo, i Lungngai tih a hriat chuan a thlamuang theilo ang “ ka samah a rawn chul a...eng ang a nasa pawn sawi mahse ka hmuh hma chuan an thusawi hi ka awih dawn reng reng lo, ka Hmangaih thu ka la hrilh ngailo a, ka hrilh thei nan min Play kual ani ngei ang, ka hmuh veleh ka hau ang....hetiang zawng kher a infiam ka duh lo.

Puia te In ah hian vawikhat ka kal tawh a, a chhungte an fel hle tih ka hrethei mai, tha tak in min lawm anih kha, Damdawiin kal tlan pel a, ka melh let tawk tawk a,

“ Ngatinge i tlan tlang a ?, Hospital ah khan Puia’n min nghak asin..” a banah ka vuan a, min rawn melh zawk a, a insehruh nasa kher bawk,

“ In ah a haw tawh..” a ti hrawk a, engmah ka hrethiam lo, Muansanga pawh khan Rinngheta ang chiah hian min chhang tho,

“ A ziawm leh si aniang tiraw ?” ka ti sep a, ka mawl vek ani tawp mai, chhan pawh min chhang lo.

An In thlen hma in Motor a ti ding a, ka awmna lam a rawn hawng a, amah rinchhan in ka chhuk a, midang rinchhan chuan ka kal thei sawih sawih tawh a, mi an awm teuh a...mak ka ti, engang pawn awih lo mah ila a KAL TAWH tih alang reng, Accident mai mai ah hetiang tak in mi an pungkhawm lo ang tih ka hre ve bawk, mahse...min hmu lo leh min thlah lo in khawiahmah a kal ngailo, tunah a kal ringawt lo ang.

Gate kan lut chiah tih ah Anu a rawn tlan chhuak a, min rawn kuah a, a tap nasa bawk nen ka thaw a chham dawn in ka hria, ka mittui far khat pawh a tla eih lo, an awmdan engkim mai chuan a awm tawhlo tih a tilang chiang em em a, mahse, ka Thinlung hian a pawm thei hauh silo.Inchhungah min kai lut zel a, A Room ah dah lo in Common Room ah an lo muttir a, ka ke a khur hlawk hlawk a, midang te tap chuah chuah pawh chuan ka awmdan a ti danglam lo, a Mut na ah Rinngheta’n min thut tir a, ani erawh chu ka sir ah a thu thung a, a Hmaiah engmah hliam hnuhma a awm lo,a Hmelthat ngaiin ala tha reng a, a hmui erawh a duk char mai.

A hmaiah ka zuk khawih de de a,a vawt vek, a Biangah ka chul a, nidangah chuan a Khabe ka khawih rual rual in ka kut a rawn manbet thin kha ania, tunah chuan engmah a tilo, a ngawireng ringawt,


“Pui....ka lo kal a...” ka ti a, ka kun hniam a,a Biang vawt thlar mai chu ka fawp a, mahse, engtinmah min chhanglet lo, ka tah a chhuak miahlo, ka thin a rim ru et et zawk, engvangin nge min ngaihtuah miah lo a Motor a khalh theih?, a tello in ka nun a buai vek tih a hrereng si a, ngatinge a kal rikngawt theih ??!, ka chhungril a zawhna rawn lut tup tup mai chu chhanna ka mamawh, min chhang thei tu tur ber a ngawi tlat bawk si..

Kanu te lo thlen lai pawh ka hrelo, ka awm mawl vek tawp, tah theih a tah vak vak ka duh, mahse, ka Mittui te hian min thawlhbosan vek ani ang, Mittui ka nei tlat lo, Innei pawh kan la nilo a, lo awmve reng kha mi in min sawi ang tih ka ring, mahse, pawi ka tilo, ka tan a mualpho hlau ngailotu Mipa tan hian eng hmingchhiatna mah ka hlau lo, ka tuar thei vek,

“Mambawih, kan haw dawn emni?” kanu in a rawn ti dam diai a, ka Lu ka thing ringawt, khawiahmah kalsan ka tumlo, ka mamawh laiin a tlanchhe ngailo a, tunah min mamawh lai in engvangin nge ka hawsan bik ang ??!!!

Mumang ang ruai ani mai, tumah ka hmu lo a, ka hmuh chhun chu Puia chauh, Nunna nei tawh lo tih hriat zet a a mut ngai a a mu reng mai chu ka thlir tlawk tlawk, ka hnenah a awm rei tawh dawn lo, ka theih chhung chu a bulah ka awm duh ani mai,Kuangah an rawn dah lut a, mahse, an khar lo, rawn meng thut se la, min fiam tih rawn sawi tur in ka duh...ri lo in ka bia a, na a neih leh neih loh ka zawt a, min chhang silo..


An kalpui tur erawh ka Phal ta lo...ka dawm bet a, Mumal neilo in ka rak a,Puia nu ka au a, min tanpui turin ka ngen a, mahse, engmah ti theilo in a tap khur hlawk hlawk ringawt,

“ Mate....kal tir tawh mai rawh...khatiang chuan i na zual mai ang “ Rinngheta’n min rawn pawm bet a, ka tal a, mahse, ka hneh ngang silo, ka Taksa khur hlawk hlawk a reh thlengin min kuah bet tlat a, ka mit a vai a, ka khawhmuh a thim riai riai a, a bak engmah ka hre ta lo.

Chianglo ruai in ka harh a, mahse, ka Muhil leh nghal zel, Thih mai ka duh zawk, Puia tello in ka Natna zawng zawng nen hian Khawvel ka hmachhawn ngamlo, ka harh apiangin Puia ka au ziah a, tuemaw in ka kut a lo chelh thuai thin a, Zaidam tak in ka bengbulah thu a sawi thin a, eng nge a sawi erawh ka hre ngailo,mahse, ka thlamuan phah huai thin.

“ Hey...Doll.....” Puia aw dam leh min Duatna ri chuan ka beng a luah khat vek, hmun mawi leh nuam em em ah hian kan thudun a, a Hmelfai leh thar sar thin pawh ala ngai reng, a darah ka ngheng a,

“ Min kalsan tawh lo la, i awm ve lohna khawvel hi nuam ka tih i ring ami?” ka ti a, ka Kut a rawn hmer a,

“ Lo kal ve mai la ka ti ,mahse, khawvel ah i awm ala ngai, kei aia Hmangaihtu in a nghak che, i manganna te hi aman a tanpui ang che, kei aiin a tihlim zawk ang che tih ka hria, keimah vangin lo tap tawh lo la, lo intihrehawm tawh suh aw, ka Nupui nita lo mahla, helai ilo thlen ve hunah chuan ka lo hmuak ang che, Ka nupui ni turin ka lo nghak reng ang che..” a nui var var a, min vawnna a thlah a, a tho a, a kalsawn a, ka piah ah a ding a, Chunglam a thlir a, a ral ta riai riai, kei erawh in ka awrawl tawp in ka au ve thung,

“Mate....i harh em ?” ka beng bulah Rinngheta aw in a rawn ti a, ka harh duh lo, tunge Puia aia min Hmangaih thei awm ang ??, a kalna ah khan kal ve ka duh zawk.

Ka Tui in hal lutuk avangin ka harh leh ta nge nge, tunah chuan ka harh chiang tak tak ta, muangchangin ka thu chhuak a, Khum bawh in Rinngheta alo muhil a, Damdawiin ah awm lo in ka Room ah ka lo awm a,engchen nge mumal neilo in ka awm ka hrelo,Tui Bottle ka ban a, ka ban pha lo, ka che vel ah chuan Rinngheta a rawn thu mar zawt a, min rawn en vat bawk, a hmel a hahdam huai hmel chu ka hmuh hmaih lo, ka lo mumal lo rei deuh pawh animahna,

“ Tui ka in duh “ ka ti a, rang zet hian a rawn ban a, a chhin a hawng a, No ah a thli chhuak nghal a, ka kut ah a rawn hmehbel a, Damlo na tak ka ang khawp mai, ka in khawlh khawlh a, ka la kham chuanglo, a dang min rawn thlit leh a, ka inzo leh vek, rawn thlit leh a tum erawh ka hnial a,

“ I harh tha tiraw?” a ti sup a, ka chal a rawn dek a,

“ Aw...thil thleng hi ka mumang nge a tak tak zawk ?” a mit ah tak ka en a,

“Engkim hi a tak ani e, tunah chuan i taksa hrisel a pawimawh ber ania “ a ti leh sup a,

“ Khawnge kanu te?, tunah Dar engzat nge ?” ka tih zawm a,

“ Mu turin ka ti anih kha, ni 2 chhung chu i mumal lo a, i nu a chau deuh a ka rawn men chhawk lawk a..” a ti a, ka rilru in ni 2 ka ti a..Puia chu lei hnuaiah ni 2 a awm ta anih chu...

“ Ka tha alawm, nangpawh mu ve rawh, i duh leh lo mu la, Sofa ah khan i mu thei tho bawk a..” ka ti a, a rawn lawn ve a,

“ Sofa a ka mut chuan i thawm ka hrelo palh ang, tihian ka mu mai ang “ a ti a, min silo in Khum kil lamah a mu a, pawi tihna ka nei lemlo, tunah chuan ka Hmangaih leh Hmangaih loh engmah ka ngaihtuah lo, keimah ah hian Puia bak in hmun an changlo hrim hrim.

A tuk ah erawh harh pangngaiin ka harh thei ta, Inhnuaiah Rinngheta ring in ka chhuk thla a, min pawm a tum erawh ka hnial a, ka innghahna apiang laksak ka ni zel a, ani pawh hi rin loh ka duh tawh zawk,ka chhungte keimah vangin an hrehawm tih ka hria, chaw pawh chaklo teh mah ila ka ei lui a, ka Natna mai bakah Puia a awm ta lo nen Kanu pawh a tar rawk rawk maiin ka hria, Puia lakah khan alo in nghat nasa ve em ani, khawiah pawh kal ngaise Puia khan min buaipui vek thin a, ka tan a hlutzia ka ngaihtuah ngam lo, a ruk tak chuan Makpa cheiin an chei a, an beisei na kha a hlawhchham an ring biklo tlat alawm le.

“ I kal dawn na nge ?” Rinngheta thu awn duai chu ka en a, kan In ah chaw a ei a, tun thlengin ala awm ta reng,

“ Tun thla chawlh ka la...” a ti sup a, inchunglam a melh vang vang a, Melody thusawi ka hrechhuak a, Puia Boral vang khan engmah ka lo hre tawh lo,

“ Melody-i khan hmanni khan min lo bia a, ka lo hre tawh lo a...tunah ka hre chiah “ ka ti a, min rawn en a,

“ Eng chungchang ah maw ?” a ti hmuk a, a hre sa a ang khawp mai,

“ In inthen ati a, a rawn tap a, a chhan awmlo in a ti lehnghal a..” ka ti a, a ngawi vung vung a, inchunglam chu che miah lo in a melh leh rih a,

“ I then dawn anih chuan chhan mumal tak a awm tur asin ,Mipa i nia, khatiang khawp a thui in kal tawh a..” ka ti leh a,

“ Chhanna ka pe lo ati amaw?, huh..ka pe alawm, ka chhanna kha a duhlo mai zawk anih chu “ a ti hluk a, a sawi dik ngei ang, ka hriat thin Rinngheta kha ala ni anih phawt chuan awmze neilo in Hmeichhia a kalsan ngawt lo ang tih ka chiang,

“ Anih chuan engvang nge a?” ka ti leh a,

“ Nupui neih ka tum tawh rihlo a, bakah Ka Hmangaihlo tih ka hrilh bawk, Sex ringawt khan thui tak min thlen dawn lo a, a tan pawh a tha lo bawk ‘ a ti ta duah a, a Hmangaih viau emaw ka ti asin le.

“ Ka zawh kherna chhan che chu maw Melody khan lo be tur che in min ti a..chuan, Puia kha engtia Accident nge a?” ka zawh ngam loh hi ka zawh tho angai, ka hriat har leh hrehawm ka insiam tam mai mai,ka hriat hun hun ka nat thar leh hun animai dawn si a,

“ Ka hre biklo, a tlanliam tawp tih chiah ka hria, a tlan liam lai hmutu an lo awm a, a Contact List ami ho an biak te khan an lo chhang hlawmlo a, kei kha min rawn be ta hlauh a, Dik tak chuan Hospital kan thlen hma ti ila, Motor atanga kan lak chhuak khan a Thaw a awm tawh lo hrim hrim “ a ti a, Na tuar ang mai hian a aw a khur ve dur dur mai,

Ka Mittui rawn tla chu ka hru a, a ruang awm lai khan ka tap hleitheilo a, tunah chuan ka ngaihtuah zawng ringawt pawn ka mittui a rawn tla leh lawi a, a na tuar natdan tur ka ngaihtuah a, ka khawngaih ngawih ngawih, Ka ke ruh na avanga ka talbuai apiang khan ka bulah awm in min thlamuan thin a, Thihna khawp tuar a nat lai in kei erawh in hnem tur pawn ka kal silo..

“ A Thlan kan zuk tlawh dawn mi niang “ a ti leh sup a, ka kal ngam in ka ringlo,

Ka Lu ka thing a, ani pawm min tihluih a tum hmel loh..

Inleng an tin hnu ah Puia te In ah kan chhungkua in kan kal a, Rinngheta a tel ve bawk a, Melody-i pawh alo awm a, Min hmuh veleh Puia nu a tap leh nghal titih mai a, a tan chuan Natna siamtu ka ni ringawt, ka tap ve miah lo, engemaw chang hian ka Mittui a hul tlat thin,

“ Hei hi nangman kawl la a tha in ka ring “ tih pah in Bag lian vak lo hi min pe a, eng nge anih hrelo in ka la ve ringawt, hawng lo in ka pawm bet vang vang a,

“ Engthil nge a?” Melody zawk in alo ti a, Puia Nu chu a insut hraih a,

“ Mama Diary leh Album thenkhat ania, Mal-i kawl chi niin ka hria “ a ti lawi riai a, ka en ngam kher in ka ringlo.

Mu chungin Puia Diary ka keu a, kan inkawp hnu lam atangin ka en a, ka tahna tur hlir, ka hnar aping vek animai, ka tahna avangin ka lu ana bur bawk,min Hmangaih tih hre mahila hetiang em em hian min lo Hmangaih tih ka lo hre lo,

“22.05.16..Mal-i nui hmel hi ka khawvel ani, ka Problem zawng zawng hi a nui hmel ka hmuh veleh ka hre tawh ngailo”

“12.05.16 Vawiin chu Mal-i a damlo leh a, ka rilru a nuamlo hle mai, min kalsan anih vaih chuan ka zui ve ngei ang” min kalsan hmasa ta zawk anih hi..

“ 22.07.16..A Birth Day ani bawk a, nidang zawng zawng aiin a hmeltha zual, mahse, a Natna avangin kan buai leh ta, amah enkawltu Doctor a beidawng a, kei erawh ka Beidawng dawnlo, ka Hmangaihna hian a ti dam em em ang “..ka mittui a rawn tla leh a, awrawl chhuah a tah ka hlauh avangin ka Puansin in ka ka ka hnawh a,

“ 25.08.16..Mal-i hi kei aiin a hmangaih zawk maw?!!...nilo,ka kalsan miah lo ang...

Ka keu leh a, engmah a awm lo, enge a awm zia ni ta ang ??!!..

Ka Ke a thir an vuah lak chhuah a hun dawn hnai a, ka ngaihtuah zawng pawn ka tap lo theilo, Puia tello in engtin nge Doctor ka hmachhawn tak ang, Melody-i alo leng hlawl, ka rilru tihnat hlau in Fimkhur tak in a tawng a, mahse, a hma ang khan kan inpawh ta miah lo, a chhan ka hrelo kan inpawh lo ve tawp,

“ Puia Accident dawn khan tu nen nge an inhmuh i hria em?” a ti sap a, min melh lo in pawn lam a en daih a,

“ Hre nang, chu chu a pawimawh ami ?” ka ti leh a,

“Rinngheta nen an inhmu a, an inhnial bawk...eng chungchang nge tih chu Puia leh Rinngheta chauh in an hria ang chu...ee...Pathian pawn..” a ti chuai raih mai...

Rinngheta khan Dawt min hrilh ani....DAWT...

Chapter – 11

Rinngheta biak ka mamawh, engvangin nge Dawt min hrilh?, Puia nen eng thu ah nge an inhnial ?,kan 2 a Kan chhuah dun apiangin Motor a khalh fimkhur em em thin a, rilru hahdam tak in ka chuang thei thin a, tunah engvang in nge a Accident?!....ka ngaihtuah chian poh leh a dik lo vel vek.

Zanah a lo kal a, ka rilru tawt lutuk avangin biak chakna ka neilo,ka zawh ngei erawh a tul tih ka hria,

“ Vawiin lam eng nge ilo an a?” a ti sup a, ka ke a thir invuah chu a rawn khawih a,

“ Ka tha....” ka ti tawi tak, sawi zawm mai tur pawh ka hrelo,

“ Naktuk kha i Doctor ka be tawh a, hma deuh ah kal tum ila...” ka kawchhung a nghawr vek,

Puia ka hriatchhuah na chuan min ti na vawng vawng mai, ka mittui a rawn tla a, nuam tilo zet in ka hru a, midang te hmuh a ka tawrhna tih lan fo hi nuam ka ti lemlo, min khwngaihna ka dawn belh apiang in ka natna belhchhah tu mai anni zel zawk.

“ Min kalpui kher angai hleinem, Kanu nen kan kal thei reng a...” ka ti a, min rawn melh zawk a,

“ Ka hria, mahse, ka kalpui ang che ka tih chuan sawi nawn ngaiah pawh ka lo dah lemlo “ a ti sup a, nuam ka ti leh ta lo, min ngaihtuah avangin tun thla pum chawlh ala a, duh lo pawh ni ila ka mamawh miau avangin ka hnar thei chuanglo, ka Cousin mipa te pawn min ngaihtuah viau vek, mahse, an mahni tawk ah an buai ve em em vek a, a hranpa tak a min buaipui turin hun an nei lemlo, kalpui ka ngai tiin hrilh ila chuan min kalpui ang, mahse, Tanpui tur a midang va sawm kha nuam ka tih zawng ani lemlo, bakah , a hma atangin Rinngheta a awm chuan min ngaihsak em em ngai hlawmlo,a awmloh erawh chuan min pui nasa viau, Puia alo lang leh a, Unau pianghmun kan lo ni hlawm lo bawk nen min ngaihtuah dan a nep lehzual ta.

Kanu a rawn lut a,
“ Rinnghet...Naktuk chu i hman ang chu ka lo ti a, Mampuii Pa lah hi Meeting pawimawh an nei a, tihngaihna awm derlo, ka lo ring ve ngawt che asin..” a rawn ti bwrh bawrh a, ka lo hnial vel kha a tul lo ta khawp mai,

“ Um...Doctor pawh ka bia a, Midang a en hma in Damdawiin kan thlen a tha, kan kal hma leh an khawih hma animai..” a ti a, a aw a nghet charh a, a inrintawk hmel hle bawk,

“ Chuti mai a khawih chi ani em ni?” Kanu in a ti leh rih a,

“ Chi nang..mahse, midang ang a Ruh tliak a Thir phum kha ani lo a, a ruh chhung a damdawi kah luhna tur a thir hi dah mai annih avangin a harsa dawnlo...zan 2 vel emaw, a aia tam pawh a riah a ngai ang..” a ti ta duah a, Ringhlel zet hian ka melh reng ringawt, Doctor anilo a, engmah hetiang lam a hrelo, a rinthu a thil a kalpui anih chuan a fuh lo khawp ang,

“ Ehe....Doctor ilo zawt vek hman animaw?, a va tihzia em..midang hriat loh ah chuan Puia han awm ta lo kha ka lo mangang hman a, mahse, Fapa ka nei che tih ka lo theihnghilh hman atin ni..” a insut hraih a,

Puia hming a rawn sawi chhuak kher chu ka ngei takzet, ka insum ruk tang tang na pawh engmah a ni leh ta lo, ka hmai ka hup a, tah rik ka duhlo, ka khur hlawk hlawk a, ka mittui a dir in a dir ani ber,

“ Tap rawh...i theih phawt chuan tap thawl hawk rawh, i in up nasa lutuk a, hetiang ai chuan tah mai hi a tha.. “ a ti dam thlup a, min rawn kuah a, a awmah ka hmai ka phum a, Kanu a rawn thu ani ngei ang, ka thutna a hniam sat a, ka samah a rawn chul a, ani pawh kei aiin a insum thei bik chuanglo, min rawn tahpui aniber.

“ Engatinge a thih kher?, ka mamawh tih a hrelo aniang tiraw?” Rinngheta min kuahna a nghet salh a, a rum hawk bawk, ka awmdan vel hi hmuh a harsa ani ang,Beidawng lutuk thinlung puak keh hi tupawh nise hmuh nuam anni lullo alawm le.

“Mampui, a tawk tawh e...hetiang a a hmu fo che anih chuan Puia hi a hahdam thei dawn lo, i bulah hian a awm reng ang tih ka chiang ania “ ka lu ah a rawn chul a,

“ Thingpui ka va lum ang, ipa pawh alo haw tep ang..” a ti leh a, a tho zui nghal a, kei erawh hawi chhuak ngamlo in Rinngheta awmah ka hmai ka la phum a, ka mittui avangin a kawr awm a huh dap bawk.

“ Ni e...i tuar nasa tawk tawh alawm, chuvangin nangmah hi inngaihtuah ve tawh zawk la, Puia duh ber chu i dam that var kha ania, a duh ang ngei a damtha tur khan i beih angai, i bulah keipawh ka awm zel ang...Puia tih beidawn i duh lo ang tiraw ?” ka hnung ah a chul hauh hauh a,

“Duhlo...mahse, amah ber a awm tawh chuanglo a dam that pawh enge a tulna tur?” ka ti a, a thaw huai a, min nemsawn a, ka mit ah chiang tak in min en a.

“ A duh ber i tihsak anih chuan hlim tak in a thlarau a awm ngei ang, mahse, i dam tha lo a, rilru na a i kun reng chuan a lawm miah lo ang” ati leh a....Ni e...a sawi dik chiah, ka tihsak ngei tur ani.

A tuk ah Damdawiin a riak nghal turin kan insiam a, Rinngheta alo lang hma hle bawk, ka insehruh nasa teh nangin Harsa erawh ka va ti si em!!!, Nidangah kha chuan Puia nen kan kaldun a, engmah hlauhtur a awm loh thu leh min kalsan dawn lo tih min hrilh reng thin kha ania, Rinngheta pawn tunah chuan min Care tehmeuh mai, mahse, Puia erawh a tluk zo lo, Puia a awm tawhlo a, min Buaipui hi a tihtur anih vang a min buaipui chauh niin ka hria a, keimah ah hian kimlo a awm tlat a, dik tak chuan Ka Hmangaih chuanglo, mahse, keimah ah hian hmun a chang thuk lutuk a, a tello chuan ka nun a kim lo niber in ka hria.

Doctor kan hmu nghal a, ka natdan hi a danglam deuh avangin Doctor hian a bik tak in ka tan a inhawng hle a, ka hmuh duh hnu ah chuan midang aiin min dah pawimawh zel a, Puia vang pawh ani maithei,

“ A zialo hle mai, a vui ni lah khan ka lo kal ve thei lo a, namgah i tha em?” a ti chuar chuar a, ka bu nghat ringawt, kan inkawp tih a hria a, ka awmdan pawh kei aiin Puia kha a hrilh hnem zawk,

“ Lungngai reng reng suh, hei, Rinngheta a awm a, i chhungte an awm bawk, a boral tak ah phei chuan keimah ah hian chona min pe nasa zual khawp a, i dam duh em em tu avang pawh khan i Dam na tur hian ka theihna zawng zawng ka seng ang, Pathian in min tanpui anga, i dam ngei ngei ang “ ati charh charh a,

Doctor ani a, a mah pan tu apiangte tan theihtawp a chhuah thin ngei ang, mahse, ka tan chuan theihtawp bakah pawh tih tur a awm anih chuan a ti hreh lo atihna ah ka ngai ve hmak, Puia ka hrechhuak lo theilo, amah awm tawhlo mahse, amah vang tho in midangte hnen atangin khawgaihna ka dawn belh zel chu anih ber hi.

Ka ke an khawih nghal thei em tih an check zung zung a, vanneihthlak zet in ka Taksa dang ah engmah fit lohna ka neilo, Pawnah kanu leh Rinngheta an awm a, Nurse pakhat hian min Jection a, min be pah reng bawk, ka Lu a hai chiai chiai a, ka hriatna a chianglo tial tial a,ahnu ah phei chuan min biakna pawh mumang ang ruai in ka hria a, hahdam turin min hrilh reng bawk, ka muhil ta zawk a.


Ka harh leh veleh ka hmuh hmasak ber chu Kanu in ka mutna alo siam tha mek a, Midang tumah an awm lo ani ngei ang a reh thap mai, ka inlet ah chuan ka harh tih hria in min rawn hnaih vat a,

“ Nu....tui ka in duh..” ka tui in a hal huam huam mai, min rawn pe thuai a, ka rit deuh luk tih loh chu ka taksa ah engmah na ka nei pawn ka hrelo,

“ I harh har phian a, Rinngheta lah chuan i harh laia awmloh a hlauh tehlul nen, a kal veleh i harh leh lawi a...” a ti siam siam a, chunglam ka melh reng ringawt, ka ke en tur pawn chakna ka neilo, ahma ang bawk khan Thir alo awm leh cheu ka hlau aniber, Damdawiin a min Admit hmasak zawk kha chuan ka harh veleh ka bulah Puia kha a awm a, tunah erawh a reh ta vang vang mai, muangchangin Kawngka lam ka en a, rawn inhawng in a rawn luh thut ka la beisei fan a, mahse, chupawh beidawnna mai ala ni ta zel,

“ Ka tho duh , min lo kaitho teh...” ka ti a, mahse, a hmelah chuan min kaihthawh tum hmel a lang lo,

“ Khum zawk hi Adjust ang, tho ringawt thei ila ni hleinem...” a rawn ti a, a rawn herh nghal a, ka thut mut theih thlengin a herh sang a, mahse, tlem chuan a ziawm tho mai, ka ke lam ka en ta nge nge, Puanin a inkhuh thlap a, ahma ang khan an kam kang heklo, ka ke na lo lam in ka puansin ka tlawh thla a, ka thaw huai mai, an tuam luk a, mahse, Thir tlawn kha a awm ta lo.


“ A va ziawm ta em...Cabin hi Rinngheta khan alo Book fel vek a, enteh, i Doctor hi Rinngheta Patea ani tih i hria em ?” ka lungphu a thlawk chhuak dawn in ka hria...

“ Maw !!????, Damthat loh laiin i duh duh sawi thin lo teh..” ka ti hlak a, a dar a ti chhing ak a,

“Nia...,mahse, i hriat duh ka ring alawm mawle, i hre daih tawh emaw ka lo tia...Rinngheta khan ila hrelo ati a..” a ti liam leh mai, mak ka ti lutuk a ka Na pawh ka hrechang lo lek lek mai.

“Um...a Pa pawh ka hrelo, a Patea phei chu tangkaina a awm hleinem, Ka Doctor ani tih bak ka ngaihtuah lo e a..” ka ti leh a,

“Vawiin ah Doctor in a rawn tlawh che anga, i that dan azirin naktuk ah kan chhuak maithei a, Cabin a ngai lo ka tih lah in alo Book fel vek tawh a...” a ti leh a, a tawngdan ki ah chuan Rinngheta chu Fapa chhuan in a chhuang tih alang reng bawk.

Chhunah Doctor alo kal a, min rawn fiam nghal bawrh bawrh mai, a hma atangin ka lo nel tawhsa a, Rinngheta Patea ani tih ka hriat leh takah phei chuan ka pawh zual sawt in ka hria,

“ Engtik ah nge ka Tlan leh theih ang ?” thildang engmah ka zawt theilo, Theihtawp a chak a tlan kual ka chak zek zek mai,

“ Ala rei deuh ang, mahse, i tlan leh ngei ngei ang..” ati dam duai a, nia...ka tlan leh ang...Puia duh dan ang ngeiin min Hmangaihna avangin ka dam ngei ngei ang.

Damdawiin ka chhuahsan hnu in Puia nu leh pa in min rawn tlawh a, an hmel a pawr fap mai, an tuar nan dan tur ka ngaihtuahpui a, keipawh ka na anih chuan Nu leh Pa phei chu an kehchhe vek ngei ang, an innghahna leh anneih chhun laksak anni miau a, kei chuan Hmalam hun thlir tur ka la nei a, khuareiah phei chuan Pasal pawh ka la nei ve mial maithei asin...

“Tho rawh...tun chiah...” thawh ka tumna lamah ka wheelchair ban ka hmer nasa lutuk a ka kut tin a tliak phung mai, ka hmai atangin ka thlan a far zawih zawih a, ka kawr hak hnuai ber phei chu a huh vek tawh,

Ka ke a Thir vuah kha an phawi a, reilote a kal mai thei tur a min ngaih laiin ka Damdawi ei chak lutuk Effect in ka ke 2 in ka khup hnuailam ati zawi vek, lehlam chuah anih lai kha chuan lehlam rinchhan leh Tiang nen kan kal thei sawih sawih tawh a, tunah chuan a na pawh ni tawhlo in a zawi vek tawp, ka zeng dawn nimaiin ka hria, mahse, ka Doctor erawh chuan Damdawi sang lutuk hnathawh tiin a sawi a, ka damdawi ei lai a titawp ta bawk, Nitin Rinngheta’n min rawn tlawh ziah a, inchunglam a ka Room a chhoh ka duh pawh in min pawm chho mai thin a, a chang chuan ka Room Sofa ah a riak zauh zauh bawk.

Tunah pawh a tihdan pangngai in min din tir a tum a, kei erawh ka beidawng tan der tawh, Doctor khan Exercise ka lak that phawt chuan ka ziawm a beisei thu min hrilh a, Physiotherapy clinic ah kn kal bawk a, kei chuan nitin engmah danglamna ka nei pawn ka hre lemlo, mahse, Rinngheta erawh a beidawng eih lo..Hmeichhe dang melh nahun pawh a nei in ka ringlo hial zawk.

“Mate... i thei ania...yess.... tang rawh..” Phur zet hian ka bulah a ding a, nia...ka ding tak tak.....

Ka tlu tur min rawn dawm bet a, min pawm kang nawlh a, Khumah min nghat a, ka mittui a rawn tla a, tun tum chu Puia vang a rilru na tap nilo in Lawmna mittui ani ta thung..

“ Enteh...ka ding asin...ilo hmu tiraw ?” ka tah nuih a,ka hnarah a rawn piai a,

“ Ka hmu ngei che...ka hrechiang che alawm, nangmah i inhriat na aia chiang hian ka hria che...” hlimna a aw a lang chu ka hriat hmaih lo..

“ Mahse, a chang chuan min kalsan thin kha....” engvangin nge ka sawi kher ??

“ Ka kalsan chhan che chu kei aiin i hrechiang alawm...” a ti sup a, ka thlan in a bual huh hlap tawh ka nghawngah a hmui chhap tap in a rawn nawr a, ka danglam nghal ringawt, Nilo..hetiang hian ka awm theilo, Puia Thalrau in min thlir reng ang, a rilru ka tin a ang tih ka hlau takzet, ka rilru in ngaihdam ka dil mawlh mawlh ani ber,

“ Tho teh ang, ka inbual loh chuan ka ban vel vek...” Boruak thlak angai tih ka hria, ka bul ah a awm tam a, ka rinchhan leh tak avang hian ka rilru diktak ka tilang hman thleh a, ka fimkhur hle angai ang,

“ Inbual rawh, pawnah ka lo nghak ang che, i kalsawn thei rih chuang silo a,mahse, lungngai suh, kha Tleirawl thau tak, Duhawmna reng reng neilo kha tunah chuan i tumna avang liau liau in Nula nalh leh Hnar harsa tak ini tawh tlat a, i tan theih loh a awm lo ania...” tih takzet hian a ti leh a, hei kher hi chu keipawn ka pawm thlap, Thlakhat lek chhungin Rinngheta tanpuina hian ka rihna 7Kg ka paih hman tlat anih kha...


Puia Boral atangin Thla 6 lai a liam leh ta, ka rilru a chhuahsan lai a tlem hle, ka ngaih ala reh fel heklo, mahse, a Boral hlim a ka tawt up up ang kha chu ka nei ta lo, Rinngheta tanpuina avang bawk in tunah chuan ka pen thei tawh a, mahse,midang nghenchhan ka neih angai a, keima natna nen lungleng a tahna hun ka nei tlem tial tial a, ka theihnghilh thak ka ringlo, mahse, ka tah hian a lungngai thin in ka ring a, tah pawh ka tap ngai ta lo, a changchuan ka mumangah ka hmu thin a, mahse, min hmu ve lo in hlim tak in a lo awm ziah thin a, ka mumang a ka hmuh apiangin ka ngai thar vawng vawng thin a, tunah hian la damse ka Natna hi aman min buaipui ngei ang, mahse....Rinngheta min enkawl dan ah hian vuina tur engmah ka hre miahlo, Puia pawh kha la dam se hetiang bak hian min enkawl chuangin ka ringlo, a hma kha chuan a Duty ang lek in a khawsa in ka hria a, tunah chuan a hun awl zawng zawng min pe a, chumai bakah ka tan hunawl a insiam fo ang tih ka ring bawk.

“Hello....” ka Laptop a ka life Story ka type mawlh mawlh laiin Melody-in min rawn phone hlawl...

“ I dam em ?” a rawn ti chul a,

Ka dam thu ka hrilh a, keimah chauh a awm in hunawl ka neih tam thin avangin ka nun hmandan te hi ziak in dahtha ila tiin nitin ka pei tawk tawk ka ziak thin a, midang chhiar atan ka ti lo, ka Dam tak tak anga, chumi hun ah chuan thawnthu ang in keima nun ngei hi ngaihnawm ti tak in ka la chhiar ngei in ka ring tlat a, ka beisei bawk, Pasal nei a Fa te ka lo nei ve hlauh anih chuan hei aia Thawnthu tha sawitur ka nei in ka ringlo.

“ In inbul ah ka lo kal a, ka lo leng lut dawn mawni ka ti a..??” a rawn ti leh a,
Ka hmu chak vak lo, mahse, alang erawh chuan leng turin tha tak in ka sawm a, Nula harhvang tak thin mahni duh pawh ti theilo a ka thu lai midangin min hmu hi nuam ka ti lo fo...mahni a awm tam lutuk chuan Rilru te pawh hi alo te a, mahni inkhawngaihna kan ngah zual sawt lehnghal a...

A tawng siam siam a, a hmelthat ngai rengin ala hmeltha bawk, engvangin nge Rinngheta hian hetiang hmeichhe hmeltha leh fel bawksi hi a hmangaih theih miah loh mai le??

“ Ilo zawt ta em?” min melh ran a, a sawi awmzia ka hrelo,

“ Engmaw??, tu maw ka zawh ang ?” ka ti let ha a,

“ Puia Accident hma a Rinngheta nen an inhmu ka tih kha...oh..ilo zawt daih taw hang chu ka lo tia” min dem lek lek hian a ti hlak a,

Ka lo theihnghilh hmak, a tir kha chuan ka thinrim takzet a, mahse, keima buai buai in ka buai lutuk a, Puia thihna ah ka na tawk lutuk bawk nen zawhna chang pawh ka lo hre tawh lo, ka hrechhuak tawh lo hrim hrim zawk.

“ Oh...nitak...ka lo zawt ang, mahse, nangpawn i zawt thei tho a...” ka ti a, a lu a thing mat mat a,

“ Min be duhlo alawm ka Phone a chhang ngailo hrim hrim..” a ti hmak a, Rinngheta’n chutiang a tih ka va ringlo em !!!, mahse, Melody-i pawn dawt a sawi ngawt ka ring chuang lo..

Tlaiah Office ban in min rawn tlawh leh ta ngei a, ka thil ziah lai pawh engmah ka ziahzawm lo, ka phur lo vel vek,

“ Ilo tha em ?” ka bulah a rawn thu a, duhdah zet in a bawp sei zet chu a thluang duai bawk,

“ Aih...tha chiahlo, thil zawh duh che ka nei...” ka ti a, a thu mar a,

“ Enge ni ta ?” a ti sup a, ka aw ka thian leh te te a thil thalo min deng tur awm a ka hriatna chuan min delh rit em em bawk,

“ Puia Accident hma khan i hmu tih ka hria, in inhau bawk, engthu nge insawi ?” ka aw a khur dar dar mai, a rum hawk a, Sofa nghenchhan a ngheng ruai ruai a, a hmai a hup daih bawk,

“ Tunge hrilh che?” a ti tawk a,

“ Chulam a pawimawh lo, i hmulo tih sawi khan engtin nge Dawt min hrilh theih ?” ka aw a zawi ta lo, a ri thak mai..Thinrim na avangin ka khur ve ta thung,

“ Ka hrilh theih loh che avang leh Dawt ka sawi avang khan pawi ka ti...” a tho a, ka hmaah a ding luah a, min melh chhuk run bawk,

“ Oh....anih chu...chhuak rawh, kalbo rawh, ka nun ah lo inrawlh tawh suh, ilo lan ve apiangin Buaina ka insiam a, Rilru natna nen...ka hua che...” ka au aniber, kan Nula chu kitchen lam atangin mak tih hmel zet hian a rawn dak a,

“ I duhdan anih phawt chuan le...i Rilru natna tur le hi natna tur engmah ka ti tawh lo ang ka tih kha, ka kalbo i duh phawt chuan ka kalbo em em ang...” a ti sup a, a inher a, a chhuak tur chu Mittui nen ka thlir a, engvanga Tap nge ka nih erawh ka hre bik lo.

Chapter- 12

Ka nun a ruak nawn leh ta, Bum ni a ka inhriat tlatna chuan Ka taksa natna aia nasa in min tichau a, Rinngheta pawh a rawn lang ngai ta lo, Puia Boral hnu ah ka bulah a awm chawt a, ka hriat miah loh in alakah ka lo innghat leh viau hman tawh alo ni,ka ngai em em a, mahse, lo kal leh tawh lo tur a hrilh tu chu keimah ngei ka ni a, Mipa rilru lian leh luhlul em em ani a, kei aia hrechiang tur tumah an awmlo, alo let leh tawh lo ang tih tuma hrilh ka ngailo, ka chiang tawk em em zawk.

Kal tum a ka beihna erawh a hma aiin a nasa zawk, vawi engzat nge ka tluk ka hre seng lo, nikhatah vawi 10 tal chu ka tlu ngei ngei, mahse, thawh leh ka tum thung, ka tlu hlen anih chuan hneh in ka awm dawn a, hneh nih hi ka duh ngai dawn silo,

“ Duhtawk tawh teh, i hmanhmawh anih kha, i duh duh in i kal thei ve tawh a, chaktak a kal kher ila mamawh lo ania...” Kanu in a rawn ti a, chau zet hian chhuatah ka mu a, a vawi 5 na atan ka tlu leh tawh, ka hahdam te te anga ka tho leh ngei ngei tur ani,

“ Tun a ka duhtawk ngawt te chuan a dik nang, Tlan ka duh alawm, ka nun kal tawh zawng zawng hi ka ngaihtuah a, Pathian hian hetiang a muangchang a kal tur hian min siam in ka hrelo, kal chak te, tlan te a nawmzia min temtir tawh a, tunah erawh chuan tlan thei lo te leh kal chak ngailote nundan min hmuhtir leh tawh bawk, Nu...lo nghak rawh, i Fanu hi au kual chul chungin Inchung step ah te hian ka la tlan kual leh dawn chiang ania,ilo en reng dawnnia...” ka thei ang tih ka chiang ani.

Sangtei a rawn lut a, chhuat a ka lo mu chu min rawn thutchilh a,

“ Lawmi’n a be duh che a, i phone i la theilo aniang..” tih pah in a phone min rawn pe a,

Lawmi hnenah ka natna ka zep avang khan ka lakah a lungawilo a, a Naute neih lai kha engmah a hriat hma ani a,awmpuiturin min phut a, mahse, ka kal theilo, a hnu ah erawh a hrelo thei ta lo a, amah zawk alo kal fo a, Puia Boral bawr vel erawh in a Pasal te lam in chhiat an lo tawk ve bawk nen a rawn lang hman meuh lo, Fa annei tawh a, Mo alo ni bawk nen kan inhmu tam thei ta lo, biak erawh kan inbe fo a, mahse, tunhma angin kan inkawm thei ta vaklo, a sawi tam ber chu a Pasal leh a Fa chanchin ani tawh a, kei in sawitur ka la nei ve silo nen inkawm viau a harsa ta.

“ Hello....lawm...enge nita?” zangkhai thei ang ber in ka ti a,

“ Biak che ka duh lutuk, ka lo leng hman bawk silo, i hman hunah min lo be zawk mai rawh, sawi tur atam...” a rawn ti hmawk hmawk a, engthil tak nimaw?, an pa nen an inhau ti dawn ila ka ring chiah bawk silo.

“ Ok...mahse, ka hman har deuh ang aw, Room pan tur pawn ka la kal rei ve thei sia..” ka nui hak hak a,

“ Lungngai mahta che, i kal thei tawh a, reilote ah i tlan leh mai ang, i rihna a pung leh tawh tih hmanni ka lo kal khan ka hmu a, mahse, i rilru a nawm loh ka hlau a ka sawi ta lo..” a tih zawm leh a, dah mai hi kan harsat thin,

“ Keipawn ka hria alawm..a pawilo, rihna te chu lo pung se, ka paih leh mai dawn alawm..” ka ti a, a nui hawk hawk a,

“ Ka hria e, i nun ah hnehtu i ni ziah a, i hneh leh mai ang tih ka hria alawm ”a ti a, a thaw hap bawk.


Room thleng turin darkar chanve dawn hun ka hmang a, Ka thlan a tla phung bawk, kanu lah hian min kaih mai tum hian alo phi ve sek zel a, inhnuai lamah pawh Room awl kan nei a, mahse, ka Room ngaiah ka awm duh a, ka tan chona pakhatah ka ngai ve hmak bawk, ka thlan nasa lutuk a khumah ka mu ngamlo, Chhuatah ka mu a, Lawmi ka Call nghal a, chuti tak a pawimawh chu ka hriat vat a tul ka ring ve tawp,

“ Aw...eng nge a?” a lak veleh ka ti nghal a,

“ Nizanah Rinngheta alo kal a....” ka tum loh lutuk lam a sawi takah chuan chhan let maidan tur hrelo in ka ngawi ta ringawt,

“ Chuan, a hna kha a bansan fel ta tawp a....mak i ti em ?” a ti leh a, sawi mai aiin mak ka ti zawk, a hma khan a Putea’n bang tur a atih thu kha a sawi tawh a, mahse, bansan a tum lemlo tih a sawi ngei bawk, tunah eng vangin nge a ban leh tak thut???

“ Engmah ka hriatpui lo, kan inhmu ngailo...” ka ti halh a,

“ Chutak chu alawm ka lo biak nachhan che...in inhmu ngailo tih ka hria, i hmu leh tawh pawn ka ringlo...” a ti a, a thaw ham ham bawk,

“ Maw ??!!!, i sawi awmzia engmah ka hrelo ania, ngatinge ka hmuh tawh dawn loh a???!!!” mak ka ti a, ka hrethiam lo vel vek...

“ A kal bo tawh, kalbo tur in i ti ani lawmni ?” min dem awka ka hriat hmaih lo...

“ Oh...ti e....mahse, kha chu ka thinrimna tur asiam vang alawm,bakah ka sawi mai mai vangin engatinge a tlanbo kher ang ?” ka ti hmak a,

“ I sawi mai mai kha atan chuan a mai mai lo em atin ni... Rinngheta hi i hrechiang lo....” a ti leh a,

“ Ka hriatchian loh in tunge hrechiang ang?, kan naupan lai atangin ka hria a, tunah enge ka tan a pawimawh na?” ka ti leh hlak a, a sawi awmzia engmah ka hrelo, Lawmi nen hian an innel pawh a nilo a engvanga lo va tlawh nge anih ka hre hek lo..Lawmi lah in Rinngheta chungchang hlir a rawn sawi bawk a, thilmak tak ani..


“ I hriatchian si chuan engtin nge a Hmangaihna che hi i hmuh kan theih si le ??” ka hresual anih ringin ka Phone ka melh nghek, nilo, ka hresual lo, min Hmangaih tih vawitam min hrilh a, a nau ka nih angin min ngaina a min Hmangaih tih vawitam ka hriat ah a sawi alawm.

“ Ka hmuh kan hleinem, min Hmangaih tih te chu a sawi ngun alawm, mahse, min Hmangaih avang ngawt khan ka nun ah inrawlh theihna dan anei hleinem..” ka ti a, kan thilsawi lai thlak ka duh tawh takzet,

“ I Hmuh kan loh chuan a tha, mahse, kei chuan ka hriat vawikhatna...kei ni ila chuan Khatiang mipa kha ka kaltir lo ang, ka chelhbet tlat ang..” ala ti ta cheu,

“ Hey...Pasal te pawh ka la nei ve duh a, engtin nge ka chelh tlat ang?” ka nui hawk hawk a, a thusawi atthlak zia a hrelo ani ngei ang,

“ Nia...chuvang chuan mawle, i chelh anga, i Pasal animai reng ang chu...” Rapthlak ti lutuk hian ka nui hawk mai,

“ Ngawiteh, ka sawi i hrethiam lo, Unau ang in ania min Hmangaih zawk “ nui chungin ka ti a, a thaw hak a,

“ Chutak chu ania i hriatloh chu....Mipa rilru na ka hmuh tawh ah chuan ani ang kha ka la hmu ngailo..ahma pawh khan ka ringhlel tawh a, mahse, i hriat hun ka nghak a, Puia nen in awmdun lai te, in hlimdun lai te khan a kehchhia tih i hre ngai silo..vawikhat pawh i ngaihtuah ngailo ang tiraw???” a rawn ti a

“ Ngawiteh, dah ang, rilru fim put ka duh, inngaihtuah ka mamawh..” ka ti thei hram, Puia thih thu in min den nat ai khan min deng na lo chuanglo ang. Min thawng ti ila a dik zawk,

“Um..mahse, hrereng rawh ka sawi hi aw, inngaihtuahla, Puia pawh a awm tawh lo a, Rinngheta hi ilo Hmangaih a Unau mai piah lamah ngainatna ilo nei anih chuan i be dawnnia..” a ti leh hram a,

Engvangin nge Rinngheta a tan tak em em ka hrethiam pha lo, min hmangaih anih chuan ka bulah pawh sawi ang hming, midang bulah va sawi kher a tulna ka hrelo, Midang kal tlang kher lo a a duhzawng sawi tur in a pa tawk lutuk, aNau ka nih ang piahlam a min lo Hmangaih anih chuan a sawi thei reng ang, min hrilh lo a midang hnen ah a sawi hmasak na hian ka beisei ngamngailoh thil hi rin duh mah ila min rin tir theilo. Ka hriat tirh atangin a duhzawng engpawh tlang tak in aman a ti mai thin a, min duh tawk lo tih alang reng mai.

Rinngheta number chu ka en vang vang a, mahse, ka Call ta lo, ka ngam nganglo, thil engpawh sawise ka danglam ziah mai hi ka insiamthat a hun lutuk, Puia Boral atang pawn kum em pawh ala liamlo a Mipa dang vang a buai tur ka ni miah lo, Rinngheta ka duh na leh Hmangaihna hi chu a hre ngailo anih pawh in a pawilo, tunah phei chuan khawiah nge a awm pawh ka hrelo a, a Lawmi sawi ang khan min Hmangaih anih chuan kalbo tur a ka tih lai khan kalbo tir lo tur leh a tih dikloh ah khan ngaihdam min dil zawk ngei ang..mahse, chutiang in a ti silo..

A nitel in ka ziawm tial tial a, midangtan chuan eng nilo mahse invuan lo a ka kal thei ringawt pawh ka tan chuan hmasawnna ani zel mai, ka hna pawh rei tak chhung ka kal tak loh avangin Kapa in ban fel law law atha a ti a, tunah chuan ka bang fel tawh a, Pathian zarah hnathawk lo pawn awm ila ka ngaihtuahawm lemlo,Puia nen kan sulhnu ka mitthla ah alang nawn fo a, vawitamtak a Diary ka chhiar nawn a, ka chanchin ka ziah pawh ka chhunzawm zel bawk, Puia ka hriatrengna hi a hlu ka ti a, mahse, Pathian remruat hi mak ka ti fo thin, la dam in lo Innei thei ta pawh ni ila ka lo Hmangaih thei dawn chuang hauhlo, atan khan Nupui tha tak pawh nih tum ila ka Hmangaih miau loh chuan Nupui tha ka ni ngailo ang, Nupa nun ah chuan Hmangaihna leh Inhriatthiam tawnna tello chuan beidawnna mai ani ngei ang tih ka rindan ani bawk.

Rinngheta ka hmu ngailo, Anu min hrilh dan in a bang ta ngei ,a awmna erawh min hrilh lo a, ka zawt ngam lo ve tawp , zawt ila chuan min hrilh ngei ka ring thung,a hna a bansan pawi an tih loh thu a sawi tel zauh bawk, Nia...pawi an tilo ang, a Thlakhat hlawh kha an Sumdawnna atanga an hlawkna karkhat a an hmuh chhuah ang vel chauh ani ngei ang tih ka hria, mahse, a chang chuan ka be chak thin a, Lawmi sawi kha ani tak tak em tih te ka zawt chak a, mahse, ka huaisenna in a tlin lo fo, Mipa ka ngaihven lemlo a, In ah ka awm chawrh chawrh a, Sangtei alo kal reng a, ka khawhar vak lo zawk, Ka Doctor in min rawn tlawh hman lo mahse min rawn Call fo a, ka hmasawn dan a hre chak a, hmanhmawh lo tur erawh chuan min hrilh ziah thung.Kapi a insawisel leh tan a, ka buaipui theih miau loh avangin kanu leh kapa an buai viau zel, a thalai ber ka awm tawp mai hi hrehawm tih chang ka nei fo.

“ Karleh chu i rawn kal thei ang tiraw?” Puia nu in min rawn bia a, Hah zet in Field chhung phul chungah ka mu a,

“ Thei ang ka dam te chuan...” ka ti a, Puia thihcham vawikhatna tur ani a, amah ka hriatrengna a thar nasa viau, a chhungte nen kan inbe pawh zui zel a, min ngaihsak an bang chuanglo,

“ Engkim mai hi Nimin ang mai kha niin ka hria..” a ti leh halh a,

“ Nia...keipawh ka rilru a thar a, nuam tak a awm har ka ti fo mai...” ka ti let ve a,

Thla a en avangin a thim chhe lo, Field chhung pawh a hmuh theih vek, kei lo pawh midang pawh an tlan ve tho a, zing ah ka theih tawk in ka Walk a, zan lamah erawh chuan Fur in min kiansan tawh bawk a Field ah hian ka tlan kual thin a, chak tak erawh chu anilo, a chang chuan ka tlu fo, ka tlukna avangin ka Kiu leh khup belkang pawh a reh hman meuh lo.

Muangchangin ka tho a, ka ruh kham thum chu tihreh tum in ka che kual vel a,

“I va chau hma ve...” a rawn thu ve nghal a, Zan tin ka tlan laiin a rawn tlan ve ziah a, Field sir a Building lian zet a Gym awm ah sawn a kal thin a, amah hi Instructor ani bawk tih ka hria,

“ Chau lo e, mahse, chawl lo a Tlankual tur chuan ka la inhuam chiah lo ani e...” ka ti tha ve mai a, min be fo thin a, kei pawn tha tak in ka chhanglet mai zel,a Palian lemlo a, a hmeltha mah mah bawk, alandanah chuan ala naupan hmel hle bawk,

“ Gym ah sawn lo kal ve tawh la , i tangkaipui ka ring zawk tlat..” a ti leh a,

Kan inhriat hnu lawkah min sawm nghal a, an Gym hi thla 2 chauh an la hawng a, a neitu ka hrelo a, mahse, a changkang hle tih erawh ka hria, kal ve chu ka duh thin a, mahse, Buaipui ngai tak nih ka hlau a, ka kal ta lo, Rinngheta ang a min buaipui peih kha an awm anih siloh chuan ka chak lemlo, ka Tleirawh chhuak thau Over lutuk kha a puihna avang liau liau in mi pangngai ah ka chhuak a, mahse, tun a ka damloh leh chhung hian Nasa tak in ka rih belh leh a, ka tenawm leh hman lek lek mai.

“ Ka lo ngaihtuah ang...” Ka ti a, Tlan leh tum in ka insehruh nghal a,

“ I ngaihtuah rei tawh lutuk...tlan ila..” a tlan tan nghal a, muangchangin ka zui a, mahse, min tlansan mai lo in ka rual in a tlan ve zel a,

“ He Gym hi tu ta nge ni reng reng a ?” a thuphungin ka zawt a, ama ta alo ni anih pawhin pawi ka ti lo,ka hrechak ve miau a,

“ Tlangval hausa animai, hah..Tak tak in a Hmeichhe Hmangaih tan a siam ania, ka Thianpa ta anih hi....” a ti a, min deng dawt mai, engvang a ngaipawimawh ta viau nge ka nih ka hrelo,

“ Wow...va Romantic ve..chu Hmeichhia chu a vannei hle mai..” ka ti halh a,

“ Nia..mahse, Mihring hian kan vanneihna kan hrelo fo ania...lo kal ve ngei ngei rawh...i zawngchhang ang..” a ti a, a ban a vai zauh a, chak zawk in ka hma ah a tlan a, Mipa fel tak chu ani phawt ang, kal ve chhin pawh a tha in ka ring ta, chuti taka Mipa Hmangaihna la runthlak chu hriat ka chak em em bawk.

Chapter – 13 ( last)


Puia Thihcham a hnai tual tual a, ka rilru a mang tulh tulh thung, amah hmu thei ila zawh duh ka ngah em em tlat ani, engvangin nge Motor kha chak lutuk a a khalh kher?, Rinngheta nen khan eng chungchangah nge an inhnial ?... atam lutuk, mahse, ka koh eih phak ani tawh silo, tunah chuan kum khat lai alo ni dawn ta reng mai, ka ngaihtuahna a luah reng ka ti theilo, mahse, ka hriat chhuah loh ni a tlem hle thung, Rinngheta lak a ka Rilru put dan tenawm tak avang hian min hua em tih te pawh zawh ka duh a, amah nen kan hlim em em lai pawh khan Rinngheta kha ka Hmangaih ru tho a, ani kha chuan Rilru thianghlim tak in min buaipui a, ka nat a hlau thin asin..


“ I lo kal dawn tiraw ?” Melody-in a rawn ti zang vah, min rawn be khat hle a, Rinngheta engmah ka zawt chhuak thei ta silo kha a lungawi vaklo ah ka lo ngai ve tawp a,

“ Ka Insiam mek a, Ngatinge ?” ka ti let ve a,

“ Eng nilo e...ilo kal loh mai ka lo hlau a, ka hmu chak che a..” mak ka ti tulh tulh, min hmuh chak na chhan tur ka hrelo, eee...Rinngheta nen an lo inkawp nghet leh viau tawh ani maithei asin..ka ngaihtuah zawng in chhungril ah Thikna a rawn lang nghal zawk bawk, Tenawm hian a....

“ Nia..ka huphurh khawp mai..mahse, lo kal ngei ka duh a, bakah Puia hi ka thlah liam angai tawh in ka hria..” ka ti sep a,

“ Adik alawm, nun bul tan that i mamawh ania..” ngaihthlak nuam deuh hian a nui ar ar bawk.


Keimah a kal ka duh loh a avangin kanu in min kalpui a, kan khawtlang nun ah hian Hmeichhe nasa nih hlawh hi thil harsa anilo tih ka hai biklo a, tunah pawh thenkhat chuan nasa min lo ti viau mahna, mahse, Puia tan anih chuan tuar pawi ka ti lemlo, min tuarpuitur a ka bul a a awm ta lo erawh a Fair ka ti hlawllo.

Kan thlen veleh Melody-in min lo kai hrang nghal chat a, Puia Nu nen kan inbe luam bawk, a sun thar leh tih ka hria, nizan lam a mu tha lo ani ngei ang, a mit a bui lak bawk,

“ Hrilh tur che ka nei ania...” Melody nen Puia te kawt a Thutna an siam ah chuan kan thu dun a,

“ Um..han sawila, i phur hmel riau in ka hria..” ka ti a, ka nui lui a,

“ Nia...phur a, phur lo bawk...chutiang vel chu...ih...Rinngheta nen in inbe ngai em?” a ti leh daih a,

“ Aih...ngailo Puia Accident chungchang ah khan kan inhmu thiam vak lo a, kan inkawm tawh ngailo..” Dik tak in ka chhang a, a Sam kir deuh chu a zut thuak a,

“ Ka hria alawm....min ngaihdam ka ngai ania..” ka kut a rawn vuan a, tanpui ngai tak tak a ang viau bawk..

“ Eng vang in mw?” hrethiam lo zet hian ka ti he haw a,

“ Puia Accident dawn khan Rinngheta nen an inhmu ngei a, mahse, a hnu ah Puia Kha Hospitalah a rawn let leh thlap , a Duty zo a chhuak kha a Accident ta a, Rinngheta nen kan lo inthen bawk nen tih nat che kha ka chak em ani..” ka melh reng, Puia vang khan ka na tawk em em a, tih nat belh ka mamawh reng reng lo.

“ Puia Thihna avang khan ka na tawk a, tihnat belh ka mamawh lo asin, mahse, ka thiantha ber nen min pawt hrang ta chu ania...” ka ti a ka thaw halh a, mi nem leh midang tihnat hlau tak ka ni a, mi pawn min zuam phah fo, mahse, ka ngaihdan pel a min ti anih chuan ka kawlh em em thung,

“ Nia...chu chu alawm....” Mangang hmel zet hian a thaw hrawih a, hei vang chiah hian ani Rinngheta khan a Hmangaih theih loh...

“ Ka tan chuan Thian mai pawh nilo in Nuta ani a, Puia awmloh hnu phei kha chuan ka innghahna ani asin.mahse, a kal bo tawh, alo let leh tawh ngailo ang...” ka tho phat a, Rinngheta ka tawngkhum dan avang khan hrehawm ka ti vawng vawng bawk,

“ Khawngaihin min sawi zawh tir hram teh...” a ti tiau mai, ka ding vang vang a, thildang sawi tur awm in ka hrelo, mahse, Puia vang tal pawn a Farnu hi ka ngaidam tur ani...

“ Puia vang in ka thinrim ka Control ang, a Farnu i ni a, a Hmangaih em em che a...chuan, sawi vat vat la..” ka ti hmak bawk..

A aw a thian leh rih a, Hmeichhe lu zo veh vawh, Mahni a inenkawl thei tawk tak in chutiang tehtawl a tawngkam hriat nuamlo ala dawng ngailo ang tih ka ring,

“ I thinrim tih ka hria, mahse....Rinngheta khan a Hmangaih che a, kei in Rinngheta ka hmangaih thung..a hun lai khan na ka ti em ani...” sawi chhuah harsa a tih hmel kher bawk, kei erawh mak tih luat avangin ka ang pham thung,

“ Maw!!...Maw!!...engmaw i sawi?” ka ti bah nawk mai, hei pawh hian Rinngheta min Hmangaih thu a sawi leh tawh ania...

“ Ih e....harsa ka ti ve asin, Puitling tak in kan inthen a, kan inkawp tan tirh atangin Hmeichhe dang hmangaih aneih thu min hrilh vek tawh, a nupui hlui kha emaw ka lo ti a, Uire a chhuak anih miau avangin ka thik hranlo, mahse...hun a kal zel a, Puia nen in han inkawp ve takah khan a na tih ka hrethiam tan a, i Natna engmah i hrilh loh kha i Doctor a zawt a, a Patea a ni miau a, in inpawh zia a hria a, engkim alo hrilh vek...khami ni khan in ah min Drop a vawikhatmah a tawnglo...khatah khan a Hmangaih che tih ka chiang tawh, mahse, nangin Puia i vuan tlat a, in hlim dun bawk,Zu in ngailo khan a in phah ta fo a, ih...Sex kan hman dun lai reng pawn i hmingin min ko fo....na ka tih zia i hrethiam lo zawk ang....mahse ka Hmangaih miau avangin ka tuar a, Puia nen in inneih hunah chuan a rilru a thlak mai ka lo beisei bawk.....” a thaw ham ham mai...ka khawng vek, ka melh reng ringawt...

“ Chuan....chiang tak in min hrlih a, ngaihdam min dil bawk...ka ngaidam theilo a, amah ka haw lo, nangmah kha ka hua che a, tihnat theih dan tur che ka zawng ta zawk a, Puia Boral na ah khan i na tawk lo in ka la hre cheu a chuvangin khatiang khan ka rawn puh kual ta anih kha....Min ngaidam hram rawh...” a ti leh a....ka ngaidam tehmeuh mai, kei ni ila ka tuar thei bik lo ang, a tih ang tho hian ka ti ve mai ang..

“ Mahse, a Propose che kha....” ka ti sep a. Hmalam a melh ngar a, hun kal tawh a chhui kir ani ngei ang...

“ Ka hre biklo kha thil kha....i Natna a hriat hnu lawk atang khan a mah kha adanglam vek a, i chanchin sawi pawh a duh ngailo,ka ngaihtuah ngailo in midang in an enkawl thei tawh ati mai zel a, i Birth day hnu atang phei kha chuan a mizia thlak tak ani, min Propose hran lo, Zungbun kha min pe tawp animai...a inthlak danglam ah ka lo ngai a, ka lo lawm hman lutuk, mahse, khami ni khan i Natna kha Hotel Regency ah khan a chhuak ta sia....a phi buai ta a..Puia pawh khan khami ni atang khan a ringhlel ve tan ta chiah bawk..” ati leh a..egmah hi ka hrethiam tawhlo. Puia pawh khan alo ringhlel ru ve reng alo ni anih chu....

“ Sawi ve tur ka hrelo....sawi zel phawt teh...” ka tita thlawt..

“ Puia pawh kha a rilru a nuam lemlo, mahse, nangmah zawk khan Puia kha i chelh tlat a, Rinhlelh turin i awm eih bawk silo nen a rilru a dam leh ta a, Rinngheta kha chuan a Hmangaih che tih erawh a thih hma khan a hre hman ta tho, Puia nen an Inhmuh khan Rinngheta khan a Hmangaih thu che a lo hrilh a, mahse, Puia kut ah khan a hlan fel vek che, a ti na che anih erawh chuan a chhuah lo ang tih a sawi tel bawk...” LALPA....he thil vang hian animaw Puia kha alo Accident le!!....Pa rilru tluang lutuk khan Midang in min lo Hmangaih tih a hriat tak si ah chuan a rilru a buai phah vek dawn tih a lang reng mai..A Diary ah pawh khan a ziak lang a, kei erawh chuan tunah a Diary a ziah hnuhnun ber, ka buai phah na leh ka hriatthiam loh kha tunah ka hrethiam ve chiah bawk..

“ Ih...engmah hi ka hrethiam lo vel vek ania...Rinngheta chuan Unau Hmangaih in min hmangaih em em tih ka hria.....mahse hetiang zawng hi chuan ka hre ngailo...” ka ti nawi nak mai...

“ Nia...ka hria alawm, mahse, ka tum ang chiah in i hua a, i kalbo tir ta ngei a...ka hlim i ring em?” ati leh rih a....ka lu ka thing ringawt...

“Hlim miah lo...kei in ka neih theih loh vang a nang in ilo tuar kha pawi ka ti a, ka nun a vawlet a, Puia ka mumangah ka hmuh apiangin a Thinrim hmel bak ka hmu ngailo...ka rilru a hah hluah hluah a,ka induhtawkna zawng zawng te dahtha in tunah hian engkim ka hrilh ta che a...ka hlim tawh in ka ring..ka Unaupa pawh a hlim ngei ang tih ka chiang, a Hmangaih em em che a, a Thlarau hian i hlimna tur a duh tih ka hria a, tunah pawh hian kan 2 bulah hian a awm ka ring a....” a Mittui a rawn luang a, kei pawh ka Mittui avangin ka khawhmuh a chianglo ruai bawk..

Kei Hmeichhe naran ve mai hi ka va han vannei tehlul em, ka phu hauhlo mipa min Hmangaihtu min pe a, ka hnenah a awm tawhlo chung pawn ka hlimna a duh ber zel a, tunah pawh Rinngheta ka pan anih chuan min haw dawn lo tih ka chiang tawh..Melody-i nen Mittui tla chungin Tlai Ni tla tur chu Puia Room tukverh atangin kan thlir a, mahse, Puia kan ngaihthar leh vang chauh anilo, Nun bul tan tha leh tur a kan 2 a ke kan pen leh tak avang leh Puia Thlarau hi thlamuang tak in a chawl ta tih kan hriatna avang a hlimna Mittui ani tel bawk.

“ Bawihi...tunah chuan Nun bul tan tha leh la, ka Fapa vang hian lungngai tawh suh, i hlimna hi kan duh ber a, i hlim chuan kan Fapa kha ahlim ang tih ka chiang, Pasal i nei duh anih Pawh in keimahni lamah inthiam lohna tur i nei lo ania, engtik hunah pawh min mamawhna i nei anih chuan kan awm zel ang, Kan Fapa nen khan innei kher lo mah ula kan Thinlungah kan Fanu i ni reng tawh dawn a...Chhungkua in chhiat that kan tawh nikhua ah pawh inhrilh tawn zel kan duh a kan phut bawk...” he thu min hrilhtu Puia pa Hmel chu ka en a, Ka Mittui ka dang zo lo, khatiang khawp a Fapa fel neih kha alo nak lo,a Nu leh Pa te hian an lo zir em alo ni..


“ Pui....Rinngheta hnen ah hian kal ta ila min haw lo ang tiraw?” ka ti sep a. Ka hma ah chuan a Duty lai a uniform nena Thla ka Laksak chu ka dah a, khami ni khan kan nui dun bawk bawk anih kha...

“ Mahse, ka kalsan che i phal tak tak em?, min haw lo tih engtin nge ka hriat ang ?” ka be mawlh mawlh a, min chhang tur a awmlo...

Tunah chuan Nunbul tan that ka mamawh a, thil pakhat chauh tih tur ka nei, Rinngheta awmna ka hriat a tul..a number ka zawng a, ka Dial nghal a...mahse, Switch Off a inti zel...a number alo thlak hman ani ngei ang..kan inhmuh lohna pawh kum a tling tep tawh a, alo beidawng ve hman anih pawhin thil awmlo ani lemlo e..

Gym ah ka lut ve ta nge nge...Instructor lah in min lo welcome tha em em bawk, ka kal tirh phat atangin a bik tak a enkawlna ka dawng ka ti lo theilo, ka Natna leh ka Harsatna lo paltlang tawh te a vai nilo in a then then ka hrilh a, a hriat takah chuan a bik tak a enkawlna ka mamawh ah angai ani ngei ang..Field chhung a ka tlan kual erawh ka la bansan chuanglo a, ka tlu khat ta hle bawk..

Phul chungah ka mu a....October thla boruak nawm lai ani tawh bawk nen, thla a eng em em bawk , Tunge ka ngaih ka hrelo,mahse, ka nun a ruak a, hnawhkhattu tur ka mamawh takzet bawk,

“ Chawl suh, tho la..tlan ang...” Instructor bawk kha alo ni a, ka melh chho vat a, ka duh aiin min hnaih mah mah bawk,

“ Aih ,ka hah tawh..lo va tlan rawh..” ka ti a,

“ Tunah chuan thian nilo in i Trainer ka ni tlat..tho vat rawh...” ati leh thak a, a fiamthu ta hauhlo, Gym chhung pawh ani silo, mahse, keima tan a theihtawp a chhuah thin a, Gym chhung nilo mahse ka zahder a tul tih ka hai biklo, a kut rawn phar chhuah chu ka dawm a, min pawt tho a,

“ Tunah i theihtawp a chak in tlan ang che, i rihna hi tun thla chhungin a tlem berah 2kg tal i hloh tur ani..” ati a, ka lo rap zawk, ka thau leh tawh tih ka hailo. Mahe, a hma ang khan cher chakna ka nei lemlo, Rinngheta pawn Min Hmangaih thin mahse alo let ngai tawh lo a, aNu hnenah ka zawh pawh in ka beisei ang chhanna ka hmu ngailo, Puia pawh a awm tawh heklo, Mipa hi ka melh leh in ka ring tawhlo hial zawk..

“Aih...cher ka duhlo..ti hian ka duhtawk..” ka ti ve thung...

“ Keiin ka duh thung alawm..tlan chak rawh, kha aia chak i thei.. Natna engmah i nei tawhlo..tlan rawh..tlawm ngai reng reng suh ang che...” ka bulah a rawn tlan a, kei pawh chu thu chuan min ti chak a, ka nun ah hian Tlawm hi ka hlauh ber thin anih avangin ka theihtawp in ka tlan ang..Hepa hian min la hriat rei loh tehlul nen ka mizia a man mah mah niin ka hria...

Hah hnep in min tlanpui a, ka Kaihza inthlep hnawk ah chuan ka tlu bawkkhup thlawrh mai, mahse, min rawn kaitho a, na ka neih leh neih loh min zawt a, ka neilo ka tih veleh angai bawk in min tlanpui lehnghal a...kei ai pawn thahnem angai zawk in ka hria, Rinngheta min hriatchhuah tir lo theilo..

“Zan in chu Ka Thianpa in min rawn tlawh dawn a...” ati a, ani pawh a hah ve ani ang, Phul chung ah a mu hle hle mai,

“Gym neitupa chu maw ?” ka ti let a, Van a Arsi pe tuar mai chu hmuhnawm ti tak hian ka thlir dauh dauh bawk..

“ Um...mahse, tu emaw rawn hruai tur a nei ati a...” ati leh a,

“Yess....a Hmeichhe Hmangaih kha ani ngei ang...” Phur lutuk hian ka lo ti ve thung..Thawk ala ham ham a,

“ Nilo...kha Hmeichhia a Hmangaih kha chu a kalbo tawh alawm , tun a mi hi chu a thar tur zawk mawle...a nun a tan tha leh dawn ani mahna..” ati leh a,

“ Oh...ava lungchhiatthlak ve..chu Hmeichhe a tak chuan a thil chan hi a hriat hun chuan ala ui dawn mange “ ka ti ve hliai a, engvangin nge midang chanchin ah ka lo inrawlh ngawt le???

“ Nia...pawi a ti ang..oh...ka duh aiin ka sawi hnem,ka thianpa chuan hria se a lawmlo hle ang...Lut tawh ang “ a ti zui nghal zat bawk..


Gym chhung kan luh a ka hmuh hmasak ber erawh chuan ka thaw a ti tawp dawn in ka hria,a hnunglam atang pawn tunge anih ka hrechiang em em tlat ani..A Darpharh hlai hlap leh a kawngfek rat te, a bawp zei zet te nen chuan ka damchhungin ka hai thei ngaiin ka ringlo..Instructor erawh chuan min kalsan nghal a, Rinngheta te lam ala pan zui bawk..alo haw lai ka hrelo a, hetah alo kal ve dawn anih chuan ka kal tawh loh mai angai ngei ang..

A rawn hawi thut a, mangang zet hian ka hawisawn ve thung, mahse, min hre hmel a pu tlat lo, LALPA...kum khat dawn a vei meuh chuan min hre ta lo ani ngei ang, eng Hmangaihna nge ni ngai??, a bul a Hmeichhe nalh lutuk ding chu a kut a vawn sak bawk, chu nu hrep lah chuan a ngheng chial bawk..

“Mal-i...lo kal lawk, heihi ka Thianpa chu ania, Gym hi a ta ani bawk a..” a nui var var mai, a hmelah chuan engkim a hria tih a lang reng bawk, kei erawh chetsawn nachang ka hrelo..Rinngheta chuan min rawn en ve a, Pangngai tak in min en tawp, ka chhungril na erawh chu na tak ani..mahse, ka nui lui ta sak, ka pan phei a..

“ A hranpa a hmelhriat tir ka ngai lo e...ka hriatsa ni alawm..ita ani tih erawh ka lo hrelo a..” Pangngai tak in ka lang lui a, mahse, harsa erawh ka va ti si em !!!

“ I dam tha maw ?” a ti sup a, a hma ai khan a hmel a nelawm lo lehzual ta...

“ Ka tha e...ilo haw tih ka lo hre lo a..” ka ti tha ve mai, a bul a ding lah chuan chuhpui hlau fahran hian a nek hnai ang tawlh tawlh a...

“ Vawiin ah ka lo haw..eee.. Mate..heihi..ka Thiannu, ka Naupanlai atanga ka kawm thin Mal-i ania...”a sawi tawp lam engmah ka hre lo, keimah hi Mate tiin min ko thin asin..tunah Chuan Mal-i ka ni ta e..

Ka chibai a, mumal in engmah ka ti thei dawn chuanglo tih ka hria, ka haw ta ringawt, ka haw lai in Rinngheta emaw Hmeichhia pawh ka hmu lo..nilo...ka ngaihtuah an ngailo..

Rinngheta nen kan inhmuh atangin karkhat lai ani tawh, mahse, min la rawn tlawh ta chuanglo fo, kha Hmeichhia nen a an inphur chhuak tur kha ka hmu fo..Natna mak tak in min chimbuai zel avangin hmuh loh ka tan atha zawk, kan inhnaih em avangain ka hmulo ngawt thei silo..Lawmi leh Melody-i khan Rinngheta’n min Hmangaih tih an sawi ngei a, mahse, eng hmangaihna nge ni ngai ???...kum khat pawh aliam hma in min theihnghilh in Hmeichhe dang alo kawp fel leh der tawh a, min Hmangaih tak tak nise min nghak dawn lo emni ??? , Gym a kan Instructor khan tum nei ran in min lo chhaih kual tih na an ngei ang....mahse, kha hmeichhe mawl kha chu ka nilo ani ang, ka tan a siam anih ka ring heklo.

“ Zingah khan Rinngheta alo kal a...Naktukah a awmna lamah let leh a tum aniawm e...” Kanu in chawei laiin a ti a..ka Lungphu rang nghal dawt dawt chu ka hriat hmaih lo..

“ An sumdawnna vel hi huang an zauh belh nasa a, a hna abansan hnu ah phei kha chuan hei an lian lehzual awk awk mai..” kapa in a ti a, a la chhuan hmel phian bawk..hahthlak hian a...

A kal hma in ka hmu ngei tur ani, ka zahna tur pawh nise ka Hmangaih tih ka hrilh angai, a lo hnawl ta anih pawh in a pawi lo, ka chantawk a Pathian rautah ka ngai mai ang, an In leh kan In inkar a Gate awm chu ka pan a, an Motor a awm kim vek avangin a chhuak lo tih ka hria, inchhung ka luh veleh a pi leh Pu in min lo be thuai a, ka kal apiang hian min lo lawm em em ziah thin a...

“ Mampui, a Room ah a awm kha...han chho mai la..” Rinngheta nu in alo ti a, ka bu nghat a, Step lian leh nalh zet, kual pup mai chu ka zawh chho a, ka zam takzet, ka tha a khur der der mai..A Room kawngka alo inkhar a, ka tawi khawmuang leh rih a, ka zam lutuk mah mah...zawite hian ka kik a....min chhanglo, ka kik nawn leh a.

“ Lo lut rawh...” a rawn ti a....min beisei hauh lo ang tih ka chiang..

Tim dai hian ka nem hawng a, Khumah a thawmhnaw alo phawrh darh nuaih a, min hmu thut chu min beisei biklo ai ngei ang, mahse, a in Control leh nghal a..

‘ Engnge i duh ?” min en lo in Khum lam a en leh a...vawi tam tak ka lo tal kual vel tawhna hmun nimahse tun tum chu ka ti dek mai..

“ Ih...biak che ka duh a...” ka ti sep a.,

“ Um...min bia la....” a tawngkam ngeiawm lutuk chuan min deng dawt mai...mahse, ka sawi ngei angai...

“ Lawmi leh Melody-i khan thil min hrilh a...ih...chuan ,lo biak che ka tum a, mahse, ka be tlang theilo che a, i number ka neih kha a dik tawhlo anih ka ring a, mahse, tunah chuan min Mamawh tawh lo in ka hria...” ka ka chhung a ro halh mai, ka hrawkah ka dawm a, ani lah chuan ka thusawi ngaipawimawh lo zet hian a thawmhnaw darh nuaih chu a khawih mial mial thung, Tlawm hi ka inti lutuk,let leh mai ka duh...mahse...ka sawi angai,
“ Engthil maw an sawi a?” a rawn hawi chuanglo,

“ Ih...englo, Min Hmangaih an ti a...” a ding khawng luh....

“ Hun a kal leh teh tawh alawm...” a ti hmuk, ka kehchhe nawn leh ta...

“ Nia...ka hria alawm, mahse, englo....ih....” ka ngawi leh rih a...a rawn hawi a, nin hmel zet hian a ner suk a...

“ Sawi vat la...ka buai zia i hmu in ka hria...” hetiang hian a sual ngailo..

“ Sorry...nia...Keipawn Ka u i nih vang leh ka Thian inih vang nilo in ka Hmangaih che a...mahse, ka tlai in ka hria...Mangtha le...TLuang deuh in i kal dawnnia..” ka inher a, ka Mittui avangin ka khawhmuh a phe vek...

Room ka chhuahsan hman tep tawh tih ah Ban tha chak zet hian ka kawngah a rawn kuah a, amah ngheng turin min pawt bet nghal bawk,ka Darah a Hmai a rawn phum a...

“ Sawi leh rawh....” a ti tham tuak bawk...

“ Engnge ka sawi ang?, hetiang khawp a hmuhsit ka hlawh hnu ah hian eng nge ka sawi ang ?” ka insum hman lo ka tap zui ta hlawp hlawp a,

Ka kawng a a kuahna a thlah a, ka inrin hma in min pawm kang nawlh a, a nghawngah ka kuah nghal chial bawk..vawitamtak min pawm tawh, mahse, tunah chuan a danglam...Khumah min nghat a, min rawn delh zui nghal bawk a,

“ Tunah sawi leh rawh..” a ti leh ta fo..a awmah ka hmai ka phum ve ta thung, ka mittui avangin a Awm a huh hlap bawk..

“ Ka Hmangaih che.. engtik lai atangin nge a intan ka hre biklo...” ka sawi zwh hma in min kuai dak a, a Hmui lum ham ham chuan ka hmui a rawn bawhthuah chat..a duhthawh em em bawk..


“ Min Hmangaih chuan a tawk, a intan hun i hriat angailo...kei chuan kan Naupanlai atangin ka Hmangaih tawh che, Ka Nau ang nilo a ka Hmangaih che erawh a hun ka hre biklo.ka nau inih avngin ka tilang theilo, Nupui ka neih khan ka tih fuh loh zia ka hria, Hriatpuii kha Uire lo chi anilo, Hmeichhia ang in ka en theilo...Melody-i kha chuan ka Hmangaih che tih a hria...” a thaw ham ham mai...

“ Hmeichhia kha...??” ka hrechhuak thut...

“ Ka Nau anih kha...Kapa Fanu...” ka thaw a tawp dawn in ka hria...

“ Ava ropui em...Gym saw......” ka sawi zawh hma in min rawn fawp leh rih a...

“ Nangmah vangin ka hawng, a neitu pawh kei nilo in Nangmah, i hmingin a awm..Instructor kha ka Thianpa ania, nangmah enkawltu tur che ka dah ani bawk..” ka Hmangaih hluah hluah....

Ka ang ziau a, mahse, a rawn hup leh a....

“ Zawhna chu nakinah aw...hun kan la nghah dawn lutuk, mahse tunah chuan engmah sawilo in tihian awm ang....” ka nghawngah a hmui lum ham ham chuan a rawn nawr a,a Kut sei thlurh mai chuan zei zet hian ka kawr a rawn zen a, ka Hnute a rawn hum chat bawk..

“ Lawk...” a kut che vel chu ka manbet leh rih a.....Chakna avangin ka aw a lawi rat mai, a rawn hawi chhuak a, a Mitmeng thim raih ah chuan Tisa chakna a lang chiang hle bawk..

“ Min tina tawh lo ang tih tiam rawh...thildang chu midang hnen atangin ka hre teuh tawh, ka zawt dawn lo che...” ka ti sep a,

“ Ka tina dawn lo che, i nat apiang hian ka na ve zel a, tihnat che ka duhlo...min kalsan dawnlo tih sawi phawt la...” a ti ve thung...

Ka kuai dak a, a hmui chhap tap mai chu ka zuk fawp de de a, a mit a chhing a, a hmelpa hrak mai chu ka en ning theilo...Duhthawh lutuk in min rawn fawp let a, a Mipatna chuan min nek run bawk....

“Duhtawk ang, tunah engmah kan ti theilo, Chunglam hian engkim a hria ania...” kei pawn harsa ka ti lo biklo...a meng dur khap a...mahse, a hnu ah erawh anui ta suk a...

“ I thu thu le...mahse Mifel tak ka nilo tih i hriat kha..” a ti hluk a...

Ka nun hi atluanglo thin...hlimna ten min thlawhbosan in hre thin mah ila Kanun bul min tan saktu, Awmlo ata Awm a min din chhuak tu, Kan PATHIAN hian ka kawng tur alo ruatfel vek...ka tan a rem min ruatsak ah hian vuina tur reng reng ka neilo e..

Tunah chuan ka Fate ka la ne vei ve anih ngai chuan Thawnthu hlu ber ka sawi thei tawh ngei ang..