STOP-7

Chapter- 7

“Nupui ka ru, chu chu i hre dik, mahse, ka u pasal bialnu hlui a ni lo hlauh” ka aw a nelawm lem lo.

“Aaahh,tiang chuan Rinky-in min hrilha’ a thaw halh bawk.Rinky...engtin nge a hriat ang tih ka ngaihtuaha,Ka u..ni e, ka u nen an in nel em em tlat.Mahse,hetiang thil ka u hian a sawi chhuah em ka ring lo.

“A ngaihdan mai mai anih ka ring zawk, i duh phawt chuan lo kal la, rawn hmu la” ka ti lui leh salh.

‘Ka duh i ring em?”

‘Ka hre hauh lo mai’

“Ka duh lem lo, kan inthen atangin rei pawh a la ni lo a, nupui i ru hi tlem chuan ka zak ve, ka induhtawkna a ti chhia..” a ti leh hmaka, Hmeichhe nalh tak, lu zo veh vawh, chhungkua pawh zahpuiawm lo tak atanga seilian a ni a, a nu lah khan min atchilh emaw tih mai turin min buaipui ruai zel bawk.Thla khat erh awrh kan inthena, a la na anih pawn a mak hran lo e.

‘Chu zawng chu maw?” ka ti leh sup a, ka rilru a awm zawng zawng sawichhuah ka tum lo.

‘A dang awm ta se? I then leh mai dawn tihna mi?” a nui hak mai.

‘Ka ring chiah lo,mahse, ka rilru tlemin a danglam ang’ ka ngaihdan dik tak ka sawi mai.

‘Nia, diktak chuan ka na ve, kan tha leh mai ang chu ka lo ti a..mahse...’ sawi zo loin a ngawi leh daih,ka dem hran hauh lo, engkim kan ti a, thlen tur ang ang kan thleng vek bawka, kan tawp thuta, kum chanve pawh a vei hmain Nupui ka ru zui hmak bawka, a na tur a ni reng.A na lo anih chuan hmeichhe le lo tak a ni zawk hial ang.

‘Kha chu hun kal tawh anih kha’

‘Nia, mahse, ih..ka la beisen fan ang che tih ka hlau khawp mai’ a ti leh a, min duh zia ka hria.

‘Sorry...nakinah kan inhmu dawn nia’ka ti supa,hmuh tak tak ka tum em ka hre lo,kan inthen hnu khan vawi tamtak min rawn biak a tuma, mahse, chhanna ka pe lo, ka rilru a let tawp a niber.

Hna ka khawih zawm leh a, engtikah nge khatianga Ruby an sawi na kha a tawp ang tih ka ngaihtuaha,a tawp hun a awm kher lo zawk maithei.Eng ang pawn sawi rawhse, ka nupui atan nei turin ka rilru ka siam tawha, ka pawi ti lo,ka mimal nun ni kher lo,Sumdawnna kawngah pawh mi in min beih nan ka chanchin an sawi nasa thin a, ka hriat leh chang a awm,ka hriat loh phei chu a tam zawk in ka ring,khatiang hunah pawh khan ka ngaipawimawh ngai lem lo.An ka a ni a, an duh an sawi thei a, keimah zawk hi ka tumah ka chiang a, ka dinna ah hian hlawhtling turin ka bei ang tih hi ka thupui a ni ziah a, ka hlawhtling ziah bawk.

Room ka let leh chuan khua a thim tep tawh,Ruby kha a inbual zo daih tawh ang, hna ka thawk laklawh lutuk a ka lo hre leh tawh pek lo,hei hi chu ka chindan fo a ni hrim hrim,hna ka thawk anih chuan ka rilru zawng zawngin ka thawk thin miau a.Room kawngkhar ka hawnga,light  engmah a in on lo a, Curtain chhah zet a inzar dulh bawk nen a thim viau.Kawngkhar bula Switch awm chu ka bana,ka hmet ri khapa,a eng ta iar,ka hawi phei a,a saisir zawngin a lo mu tlan mai.Ka pan pheia,ka awm lohna lam a hawi avangin a hmel ka hmu thei lo,nizan khan ka muhil zui maia, ani zawk hi a muhil ta miah lo pawh a nimahna.Khum bula switch awm zawk ka on belh leh a, ka on hmasak zawk ka va off leh te te a, Dimtein khumah ka lawn ve ta zawk.

Amah si lo turin a sir lamah ka mu a, a puansin pawh ka pawt kau lem lo,ka ban ka khama, chunglam ka melh vang vang bawk,hei hi nupa nih dan tur a ni hauh lo ang, hmeichhia hi nawmchenna pakhat ang maiin ka ngai thina,ka hmusit hran lo a, mahse an mahni avang hian khawvel a nuam niin ka hre fo zawk,Remkimi nen kan inkawp hma khan hmeichhe tamtak ka kawp kual a, tumah kawp tak tak ka nei lo,hmeichhe thian ka nei nual bawk,ka mutpui hnial miah lo tur lah ka tawng hnem ngiang bawk.Mahse,ka hmeichhe kawp te kha tumah Ruby ang hi an awm lo,kan chhungkaw milpui an nih em loh pawn an hniam over ngai lo,ka hnuaia thawk te annih ngawt loh chuan kawm enah ka en ngai lo, ka hmuhsit vang pawh ni loin kawm tur ka hre lo ti ila a dik zawk ang.Kan veng chhungah nise ka tlangnel lo em em a,Naupan lai atanga awm bo reng ka ni a, ka haw hnuah pawh kan veng aiin veng pawnah ka khawsa tam zawka, thian han tih tur tak tak pawh ka nei lem lo, kan inbul hnai deuha mi te hi ka hria a, abak chu han hriat chian tak pawh ka nei ngai lem lo,Inkhawm nise ka ngaihven eih bawk si lo.Mahse, chung zawng zawngah chuan thil danglam a awm hran lo, kei ang bawk hi midang pawh an awm ngei ang,Dintluanga nen kan in an zia an sawi fo,Nia, an sawi dik thawkhat, kei ang bawkin Dintluanga hian sumdawnna bak ngaihven tak tak a nei bik lo.Mahse, tunah chuan Aizawlah ka awm rei leh tawha,Sport lamah ka inhmang nasa ta a, thian han tih mai tur pawh ka nei ta nual.

Ruby a rawn che talh talha, a rawn inlet thaka, min rawn si ta ran mai,harh lo in a thaw zui sak sak bawk,dimtein ka inbengkanga, a hmel ka ena,a hahdam hmel reuh phian,a hnar a bawng lam lek leka, a chal a arh phaka thung,a hmel hi tha lutuk tih tur a ni miah lo, mahse, amah ah hian midang te neih ve loh mi hipna a awm tlat,a hmui sen deuh hlar chu a kau deuha, hnawih sen chawp a ni hek lo,amah ah hian engmah a lem a awm lo nimai hian ka hria,diktak chuan tunlai hmeichhe ho hi chu an hmai ah hian cheng tam man an bel a, an hmel diktak hriat a harsa tawh miau a.An thu a ni a, sawisel ka tum hauh lo nangin tizawng hian ka ngaihtuah daih,make-up chhah zet zet hmanga an hmel ti tha chawp chunga an ngaihzawn te ngei hi an make-up tel lo hmel hmu tur hian an nei ngam angem tih hi ka ngaihtuah thin.

Ka harh leh chuan keimah chauhin ka lo mu tawh,a thawh lai ka hre miah lo,ka thu chhuaka,ka hawikuala, tumah awm lo tih hriat takin a reh thap bawk,Sana ka ena, dar 8 a ri tep tawh.

Inhnuai ka pan thlaa, Ka pain amah in Tv a lo en a, news a en tih ka hrethiam mai, Roomah Tv a awm tho nangin chawei hma hi chuan roomah a awm tam lem lo.Ka chhuk thla thawm a hriat rualin a rawn hawi vut bawk.

‘I lo haw na a rei tawh em?” ka ti a, a bula thu loin ka dinga,Ruby ka hmu chuang lo.

‘Rei tawh e,i Putea te an lo thleng tep a,an lo thlen hmain chaw hi ei ila a tha ang’ a ti a, ka bu nghut ringawt,Kitchen lam ka pana, Living room leh Dinning room hi a indawt chiaha, Dinning room leh Kitchen inkarah hi glass chhah tha zetin a inpingdang a,Dinning room hi a lian lutuk lo a, diktak chuan thil ei nan chauha hman a ni a, lian tak neih a tul lem lo.

Kitchenah ka lut a, ka lut khat viau,tihtur nei miau hek lo le,Stool sang angreng tak pakhatah hian a khup tawmin Ruby a lo thu a, a khupah a khabe a nghat a, kan nula te eisiam chu a thlir dauh dauh bawk.Ka lut tih pawh a hre lo.

‘Hetah i lo awm animaw?’ ka ti a, ka tawng thawm hriain pphawk fe hian a rawn hawi chhuak vat bawk.

‘Um,i harh na rei tawh em?’ pangngai tak hian a ti ta tho.

‘Aih, Dino,chawei kan duh a, in peih tawh chuan?’ kan nula hnenah ka ti a,an hming hi sap hming tih dawna nimang si lo,a then te phei chu lam fuh harsa tak te an ni hlawm nawk mai.

‘Aw, peih vek tawh,ka lo dah chhuak nghal dawn em?’ a ti vata, a nau a rawn lut ve chiah bawk.

‘Um,lo dah chhuak ula’Ruby ka melh zawka, tih tur hre lo hmel zet hian kan inbia chu min thlek dauh dauh ringawt.

‘Ka lo pui dawn che mi niang?’ Dino-i hnenah a ti ta sap,ka dem lem lo, a awmna hmasaah khan nawmsakna a hmu dawn lo tawp tih ka hrethiam tawha, an chhungkua lah an khawsak a harsa a, awmpui nena khawsa ngai miah lo tur anni tih ka hria,awmpuite tihsa ringa khawsak mai mai chu harsa a ti hle ang tih ka chiang.

‘Aih, ngai teuh lo..’uar fe hian Dino-in a ti hlar mai,min rawn melh zak zak bawk, ka hau ngai lem lo nangin ka tawng tam lo a, inah ka awm khat  bawk nen min nel lutuk hran lo.Ka pa erawh an ngainaa, ka u pawh a lo kal ngun bawk nen kei ai ngawt chuan an ngaina zawk.

Chaw kan ei laiin ka pain Putea te lo kal tur thu leh palai kal dan tur an sawi dawn tih min hrilh leha,a hranpain Ruby a hrilh lo nangin Ruby pawh a hrilh tel tho tih ka hria,chhunah khan Ruby pa te ka be tawha, palai an kal dawn tih ka hrilh vek tawh zawk.Mahse, ka pa hnenah engmah ka sawi lo.

Putea leh ka nu u mipa an lo kala,zinga lo kal tum zawk an hman leh loh thut thu an rawn sawi nghal chul mai.Ka nu te hi chhungkaw hlun leh inpawh tak,chhungkaw lian zet nibawk anni a,mahse, tumah chapo an awm lem lo.An vaiin an lian tlang viau vek bawk.Ruby pa an han bia a, Ruby pa pawn tha takin a lo chhang ve bawk,an khuaah han kal hmasak phawt ngai tura ka lo rin kha chutiang a ni ta lem lo,a Ni khan an khaw lama han kal phawt buaithlak zawk niin a lo sawia,that a chhuah leh ta hluau lawi si hi tu nge kan nih a hriat tak vangah ka ngai deuh,engpawh chu nise a pawi hran lo, an khua hi Aizawl atangin lang pawn a kal mai theih a, mahse, khual khua te anih bawk avangin Palai han kal hmasak kher ngai loin Ruby te pawh palai ruala haw mai tur zawkin a lo ti ta hlauh.Mizo ka ni nangin inneih kalpui dan hriat ka nei tlem hle a, sawi ve tur ka hre lem lo.

‘Palai kha naktukah an kal dawn chuan an rualin ka haw ve mai ang’ a ti sapa, Sofaah a thu tawm chaih bawk.

‘Angai lo, keiman ka han dah zawk ang che’ ka ti hmuka, min chhan tumin a ang hman ziau tihah kawl a rawn phe zawka, light a thim nghal hmak bawk.Ring zetin tek a tla ri nghal thuai bawk,a rawn en lehnghala, current nge inverter ka hre lo,Ruby thutna lam ka va hawia, hlau tih hriat zet hian a beng hupin a thu a, a kun tlat bawk, ka pan hnaia, a bulah ka thu thlaa, a darah ka kuah a, min rawn ngheng nghal chial mai.A rawn phe leh zawka, min rawn hnaih zual sauha,ka lam a rawn hawia, ka dulah a rawn kuah ta nge nge.Nasa zetin ruah a rawn sur zui nghala, engmah sawi loin ka kuah beta, ka awmah a hmai a phum kak bawk.A awm danah chuan hlau der a ni lo tih a lang vek.

Engchen nge kan thut ka hre lo,ruahsur a reha, kawlphe pawh a khat tial tiala,a ri hla tial tial bawk.

‘Mu ang hmiang’ a beng bulah ka ti supa, min chhang lo,ka zuk en a, a lo muhil hman tawh zawk.

Dimtein min kuahna ka dahsawn saka, ka tho a, ka pawm kang ta zawk, a lian lem lo bawka, a rit hran lo,a harh eih lo bawk.Khumah ka nghata, ka dah ang angin a mu zawi hnak a, a sam rawng uk eng deuh chu a hnawk niaih bawk.Ka thawmhnaw ka hlipa, thawmhnaw nena mut hi ka thiam tlat lo,Boxer bak ka ha ngai lo,light ka off veka, curtain chung zawk ka hlim avangin pawn lam engin a rawn chhuna, a thim lutuk tur a ziawm,khumah ka inthawlh leha, puan ka sin that tira, a rawn let leh thaka, min rawn kuah lehnghal chial bawk,ka darah a lu a nghata,a sam fai leh rim tui zet chuan ka hnar a verha,mak takin hei hi nun tak tak niin ka hre ta tlat bawk.

A che sat sat thawmin min tiharha, peih lo zet hian ka meng chhuaka, khua a la thim vek.

‘Morning..’ that chhe aw zet hian ka ti supa, ka harh tih a hre lo a ni ngei ang, a phu zawk bawk.

‘Morning..’ tawlhsawn tumin a che lehnghala, mahse, rang lutukin a kawngah ka kuah a, ka hnuk hnai nghal zat bawk.

‘Khawnge kal i tum? A la hma lutuk’ a samah ka hmai ka phum vang vang a,ani erawh a mu khawng at mai.

‘Ih...ka ..ka hre lo’a ti bah nawk nawk bawk,ka nui hawk mai.

A khabeah ka khawiha, ka kuai daka, min en ngam loin a mit a chhing daih bawk,ka kun hniama, a hmui nem thepah chuan ka zuk si a, a tir chuan dimtein ka fawpa, min chhang let lo,ka fawp lui leh a, a hmui hnuailam ka fawpa, a rum ta hak mai,a tal deuh laiha, a lu tihsawn a tuma, mahse, a hmui ka nawr kau thei ta thung, ka lei ka hawlh luta, duhthawh leh dam zetin ka fawp zui leh a, ka awmah a rawn nema, mahse, a tang rei lo, a ngik faiha, min rawn chhang let ve ta nge nge, a zei lem lo,mahse, pawi ka ti hauh lo thung.

A mal ka zuk vuana, ka kawngah ka kherh beh tira, ka lehthal zui nghal zat bawk, mahse, ka hmui ka phawi eih lo, a kut pahnih in ka nghawngah a kuaha, a mal lehlam ka nawr kau leha, a kapkarah ka tla zep ta nge nge,a kawrah ka zen luta, a bra ka nawr chho nghal daih bawk,a hnute lawng ka khawih rualin a rawn kang awka, a mu mar nghal zawt bawk,ka lu ka ti kanga, a chalah ka nawra,a hnute lian lam, khalh talh mai chu ka khawiha, a hmur bial karh mai chu ka kut zungtangin ka chep hruala, a er ngawng ngawng mai.Ka kun hniama, a hnute hmur ka hmuam ta zawk, engmah sawi loin ka kawngah a rawn kherh beta,ka hnungah a tham ngat ngat bawk.

A kekawr kawngah ka zuk vuana, ka zena, a panty ka zen luta, a point ka khawih tur chiah erawh ka kut a rawn vuan bet ta tlat,ka rum hawk mai.

‘A na lo ang..’ min chhan tuma a ang ziau chu ka khar zui nghal hmak, ka zen lut leha, min dang ta lo, a point ka khawih a, duhthawh lutukin min rawn fawp let nawk nawk mai,a kekawr hlih thlak tumin ka pawta, min lo pui vat bawk, a malah ka nawr thlaa, a mal vun nem nal han chuan min rawn kherh leh nghala,ka in control hleithei lo,hetiang khawpa nasa hian ka la sosang ngai lo.

‘I inpeih em?” ka aw a mumal lo.

‘Ka hre lo..ka...ka hre lo tak tak..’ ati bah nawk nawk mai,dimtein a hmuiah ka zuk fawp leh a, a mal ka nawr kaua, engmah sawi loin ka hnungah a tham ngawt ngawt ringawt,a kawngah ka chawikang deuha, ka mipatna ruh leh khauh zet chuan a point ka zuk si a, min tham na zual sauh,dimtein ka nawra, ka lut mai thei lo, ka nawr leh a, ka hnunga a kuahna a la sawna, ka nghawngah a rawn kuaha,a rawn inpawt kanga, ka darah a rawn seha,ka nawr na leh salha, a te zui that mai,LALPA...ka beisei lawk nimahse lawmna sawi thiam loh khawpa nasa hian min rawn fana,Diktak chuan  hmeichhe virgin hi ka ngai thupui ngai lo,ka mutpui tawh te ah khan a hmasa ber ka nih tum a awm nual,mahse, a hmasaber nih hi Nupui an lo nih tak tak dawn meuh chuan a hlut zia ka man ta chiah,min kuahna a thlaha, lukham a zuk delha, a insut zui hraih bawk.

‘A na em?’ a darah ka hmai ka zuk nawra.

‘Tlemin...’

‘Anih chuan tawp mai ang aw..’

‘Aih, ..’ka nghawngah a rawn kuah leha,’Tunah chuan i nupui ka ni tak tak tawh alawm,engmah a lem a awm thei tawh lo bawk anga..’ a insut leh hraih mai.

‘Nia, nupa tak tak..kan inneih ni a thlen hma pawn ka ta i ni tih i hriat reng angai ania’ min chhang lo,ka samah a rawn thama, dimtein ka che zui ta bawk,a tawp ka thlenpui meuh chuan a rak chhuak ta nge nge.

Kan taksa thlanin a bual dun hlap a, khua a eng tan tawha, ruak vekin kan mu a,ka zangthala, a sir zawngin a mua, min kuah chial bawk.

‘Mumang a ang ka ti’ zawi sep hian a ti a, ka nui hawk thung.

‘Ka ti na che em?” ka inleta, a vun no nalh zet leh a bawp nalh zet chu ka en a, min rawn kuaha.

‘A tir kha chuan na e..mahse...’ a tawp leh daih,ka awmah a hmai a rawn phuma,a mutna ka zuk khawiha,a huh deuh hlapa, ka kut ka lek kanga, ka en vuta, thisen tharlam zet hi a lo kai a, ka nui lo thei lo..

Palai kal rualin an khuaah ka kal ve a, Assam type lian fe mai hi an lo neia,a thar tawh lem lo,an bungrua engkim mai chu a hlui lam tawh vek,mahse, a fai tha em em thung,a nu nen an in ang takzet, mahse, thingtlang hnathawk anni bawka, a lang pawr fap thung, a pa pawh palian lam, dam thlup mai a ni a, Ruby chauh emaw fa an neih ka lo ti a, mahse, a lo ni lo, a u hmeichhia a lo awma, mahse, mi pangngai aia hnuai hret a lo ni a, en mai chuan a hriat lem loh,biak reiin a hriat theih chauh,a nau mipa, piangtlai fe tih hriat tak a awm bawk.

Kan kal chhan engkim an lo hre lawk vek tawha, engmah thil harsa a lo awm lo, a pi leh a pu te pahin,a nu pa leh a pa pa bakah a pa unau dang te an lo awm kim thap,Putea ten an duhdan engkim an sawia,a theih chuan inneih ni pawh ruat fel nghal mai an duh bawka,an duhdan hrethiam in engkim an rel fel nghal mai,mahse, nuam erawh ka ti lem lo,an ngam loh lutuk in lenga nei angin an in ngai deuh tlata,an ti dek a niber.

Tlai lamah an khua kan chhuahsana, inneih hma karhnih velah Ruby te pawh lo chhuk turin kan intifel a, Aizawla a awmna kha a pa nau,mahse, nuhmun,pa hrang an lo ni a, a lehkha zir laiin a awm thina, an tihduhdah lutuk avangin a indang ta ngawt a, chumi hnuah khatiang a keiin ka tihbuai leh tak siah khan fin lo thei loin a lo awm leh alo ni a, mahse, a Ni khan tu nge ka nih a lo hrechiang hman vek,Ruby thiannu ber, Ruati a lo va zawt a, khavanga min lo tlawn ta huam kha a ni a, mahse, ka rilru ka siam fel vek hman tawh.

Kan inneih tur hria an tam viau,inneih na pangngai tak buatsaih mai tum chauh ka ni nangin fapa mal ka ni a, ka tum ang ngawt chuan a tih theih hmel ta tlat lo,ka pa duhdan a ni hek lo.Ka u erawh vawikhatmah a lo la kal nawn leh ta lo, Makima lah chuti bawk.Diktak chuan ka beisei lo ve hrim hrim.

‘Hey..zanin kha..’ phone ka pick rualin Anggu-an a rawn ti nghal thawr.

‘Enge zanin?” ka ti hmuka, ka hma zawna Computer awm ka melh ngur bawk.

‘Eheu..nang hi kan nula hian i thluak a suk sak tak tak che anih hi..Sibyah Party kan nei dawn tih i la hria em?”a rawn ti leh a, ka lo theihnghilh titih, kan veng Basketball team ten champion an lawm dawna, Basketball teamah hian sum ka thawh nuala, mimal ta ni lo mahse ka sum thawh a tlem lo bawka, ka inti ta tu viau.

‘Ouch, i sawia, ka hre leh chiah,ka hna lamah ka buai alawm le’ ka ti leh hluka, Inneih inbuatsaih hi a namai lo viau,ka hna lamah hi chuan nitin ka kal loh pawn titur an awm teuh,mahse, nu ka nei tawh lo a, ka pa nen chauh kan ni a, mipa ve ve kan ni bawk nen kan zei fahran lo,amah Anggu-a leh ka cousin dang ten min buaipui nasa a, ka pa unau te lah kan tibuai nasa.

‘A that chu, eee. Card kha a semtu tur ka hmu a, kan dawr lama kan nau thiante hian an sem duh anih chu,ka lo tihtir mai dawn mi?” a rawn ti leha,Inneih sawmna card zawng zawng aman a design vek.A master na lam a ni bawka engmah sawisel tur ka hre lo.

‘A tha ngawt ang, lo tihtir rawh..mahse, ka pa in sawmtur ho list a kawl daiha, naktukah ka lo dah tir ang’

‘Ok, zanin chu thulh suh aw, nupui neih hma a tawpna tur te pawh a ni maithei a’ ngeiawm zet hian a nui zui kawr kawr bawk.

Ka hawsan hnu khan nitin kan inbe ziaha, mahse, kan awmna a hran a, bakah kan lo inhrechiang hman lo bawk nen phone ngawt chuan kan inhlat leh ta deuh tlat,maktakin amah nen khan zan hnih chauh kan riak duna, mutdun tak phei chu zankhat, mahse, a tel lo a mut harsa ka ti ngang mai.Hetiang hi engtin nge anih theih pawh ka hre nek lo e.Ka ngai nge hmangaihna kan chendun kha ka ngai zawk ka hre thiam lo..

Party na tur hmun ka thlen chuan an lo awm nual tawh,Anggu-an min rawn pan vat bawk.

‘Hey...Remkimi i hmu em?” a rawn ti a.

‘Hmu nang, ka lo thleng chiah anih hi..ngatinge?”

‘A zawng che a, chuvang mawle,thil pawimawh a awm a ti a’a ner vak bawk.Remkimi hi kan veng mi a ni lo nangin kan team Director hi a cousin a ni a, an khelh apiangin a en deuh ziah.Zanin hi mipui huap ni loin sawmbik tam vak lo nen Party hi buatsaih a ni a, a lo tel ve hi a mak lem lo.Anggu-a hi kan Jersey design tu a ni bawka, ani pawh a lo tel hi a mak chuang lo, mak tih lam pawh a ngaihtuah lo ,a phur zaw ber.

‘Ka ring chiah lo, lut ila..’ ka ti a, kan inzui luta, music ri bengchheng zet chuan ka beng a verh nghal a,ka hawikuala, ka hriat loh an tam lem lo.Player’s te hi vengchhung mi aiin pawnlam mi an tam zawka,an hmingin ka ko thei deuh vek.

‘Mala...i lo thleng tawh law?” team Director Rs-an min lo ti thuaia,ka bu nghuta,beer min rawn hmehbel chawt chawt bawk.

‘I nupui neih hi kha engtik nge kha(h)?’ a ti leha.

‘Karhnih vel ala awm,thlathar ni 20”

‘Um,anih chu,innu tur lah kha hmeltha an ti bawk si,mahse, ka lo beisei chiah lo a..’ a mit a siai zauh bawk.Nia, Remkimi nen kan inkawp tih an hrechianga,kan inthen tih pawh an hriat hmain nupui ka ru ta thut a, mak tih loh a har ang.

‘I lo kal ngei ka phut dawn ania’ a langah chuan ka ti ta zawk,a bu nghauha, midang lo kal belh an awm zela, an rawn be nak nak bawk nen ka kalsan ta zawk.

Zanin chu kei lo ang takin nuam ka ti lem lo, bakah Party nuam tak tih tur niin ka hre lem lo,Pawnlam ka pana, kawng awm chho raih chu ka pan a, thingkungah Light an khai chho thluaha, a lan nawn hmel phian..

Thinga siam thutna lo awm hmasa berah chuan ka thu a,ka kal hma khan Ruby ka call a, a pick lo,ka phone ka phawrha, a lo call back beiseiin ka ena, mahse, engmah a awm lo.

‘Hetah i lo awm daih a?” hmeichhe aw hian a rawn ti a, ka hawi chhuak vut bawk.Remkimi a lo ni a, a thawmhnaw hak tawngchham zet chu ka melh zawka, nidang ang chu nise nalh ka ti maithei, mahse, tun tum chu chutiang lam a lang lo.

‘Nia, boruak fim ka dawng lawk,nang pawh chu i rawn chhuah ve tak ngawt a?’ ka ti a, a rawn thu ve a.

‘Biak che ka duh mawle’

‘Um, min biak reng hi’ ka ti supa, min rawn neka, a nui ar ar mai.

‘Nghal suh aw,tak takin diktakin min chhan ka duh ania’ a ti leh a, a thutak ta deuh.

‘Ka theih chuan le...’ ka ti awlsam mai.

‘I nupui neih tur hi tihpalh a ni tih an sawia,bakah min elhsen nan iti an ti bawka’ ka khabe hnuai lawkah a rawn dak chho a, make-up hman a thiam bawka, a lang chhe lem lo.

‘I hresual anih chu..’

‘Aih, hresual lo,bakah khatiang zawng zawng hnuah khan hetiang hian min tih ka lo ring ngai lo a,bakah amah kha Party na a kan kal tuma min su tu kha a ni tih ka hre tawha’ a ti leh zel.

‘Chuan...’ ka ti boh ringawt.

‘Khatah pawh khan inla inhmelhriat miah si lo,kan inthen atangin thla khat vel chauh a liama, khanu hriat pawh i hriat loh kha i ru a,bakah i u pasal Bialnu an ti sup supa’ ka kut ka humruh a, ka kekawr ipte ka zen daih bawk.

‘Mi te chuan an duh duh an sawi thei alawm’ ka aw a nem lo.

‘Nia, mahse, thudik hriat ka duh,engmah ka ti dawn lo,khawngaihin..’

Ngenngawl zet hian a ti leh a, ka darah a lu a rawn nghat zui zat bawk.

‘Thudik chu amah kha ka duh,i tan a na ang tih ka hria,chu bak engmah a awm lem lo..’ ka ti supa, a insut zui hraih mai.Mahse, ka engahmah a thawk tlat lo,dik tak chuan hmeichhe tap hi chu an hmanraw pakhat hmangah ka ngai mai thina,tunah pawh hian chutiang chiah chuan ka ngai,mahse, Ruby tap kha chuan min fan tlat lawi.

Party chhung zawng chu kan inzui ta chawt, engmah hope ka pe hauh lo thung, amah ngei pawn thian nih a duh tih a sawia, ka hnial lem lo, kan inthen vang ngawta in hmelmak hi ka tih zawng a ni hek lo.In ka thlen meuh chuan dar 12 a hnai thuak tawh, ka thawmhnaw ka phelha, intifai turin Bathroom ka lut leha, ka chhuah leh chuan ka phone a ri tawp ve chiah, ka la kanga, ka en vata, Ruby a lo ni a, tun ang tlai tawhah engvangin nge a lo call ang?

Ka call back nghala, mahse, a reject hmak,hreptak hian a..Call nawn leh ka tum lai in whatsapp Msg a rawn thlenga, ka Open vata,photo a lo ni a,ka zuk en chiang chu ka phu zawk mai.

Zanin Party naa Remkimi nen kan thu dun lai kha a lo ni a,ka enkual zela,ka dara a lu a nghat lai te,a landan maiah chuan in ngaizawng nen kan danglam lo.Tu lo lak nge ni ta ang? Amah Remi khan tum nei ranin min lo chhaih kual a ni mai angem?Msg a ri leh kauha.

‘Tumah an na dawn lo kha i ti sia, keimah vangin henu hi a tap tih ka hria, ka in ngaidam thei tawh ngai lo ang..’

Lalpa...hreptak hian...ka call leh a, a pick duh chuang lo, vawi li ka call hnu phei chuan a switch off ta hmak.