STOP

                                STOP : Maengi Ralte

Kamkeuna..

MALSAWMTLUANGA.

“Hmeichhe satliah leh naran lutuk nena inzawmna neih ka duh ngai lo,chutah pawh nang ang Hmeichhia, mahni aia upa fe zawk rosum vanga nei mai duh lehnghal hi ka huat zawng tak a ni bawk”

Ka tawngkam chhe tak dawng tu,ka hmaa hmeichhe lian lem lo tak ding chu ka en a,mitmeng lian leh zahawm zet,mithmul vuah chawp ni lo er nalh zet a nei a, a mithmul chung zawk pawh tunlai hmeichhe tamzawk,mithmul neih tlem vanga chhui fiah ni lo, nalh emaw tih vanga Nike sign ang maia chianga kawm te ang lo takin a pianpui tih hai rual lohin a kual nalh bawk.

Ka tawngkam kha a na tawk hle tih ka hre reng nangin ngaipawimawh lo hmel fe hian a dar a ti chhing ak duh chauh,a hmelah nui hmel a lang lek lek bawk.Hreptak hian a..Hmeichhia, engahmah min ngai lo tu te hi ka hua, ka Naupanlai atangin tuman min hnuaichhiah hi ka ngaithei ngai lo,Ka pu nihna zahawm tak leh Ka pa hausakna avangin kei hi engtiklai pawn kan thian ho leh chhungkaw zingah a ber ka ni reng thin a.Tumah kei aia langsar an awm ka duh ngai lo.Mahse, Khawvel zawng zawng hian min hria tihna a ni chuang hauh lo thung.

“Eng inzawmna nge i sawi ka hre hauh lo nangin nangni chhungkua nen inzawm tumna ka nei ngai lo” a aw a lian lam hret, amah nen a inhmeh lo.Chumai bakah ka duh aiin a tawngkam a chaltlai hret bawk.

“Chuti anih chuan i hna hi bansan rawh”

“Khawngaihin hna leh mimal buaina kai kawp suh” a tawngkam chhuak a dam thlap a, mahse, nek luih ngawt chi anih hmel miah loh,anihna takah chuan ka sawi engmah khan a tawk che zo lo a ang.

“Ka kaikawp hauh lo” ka tum aiin ka tawngkam a chang,ka Pa leh ka Pu tawngkam bung zet hi ka chhawm roh a, ka tawngkam hi a nem ngai mang lo.Nelawm lo nih lah ka ka hlawh phah tam tawh.Chutih rual chuan ka eizawnna lamah, ka elpui te hneh nan a tangkai viau thung.

“Chuti anih chuan ka hna ka zawh hunah inbe mai ta ila, tunah chuan Customer kan nei nual a..” a hawi kuala, a hawi zawngin a sam,a dar chen lek,tlema kir lam lek lek,Dum tih dawna Dum si lo, uk eng deuh hlek chu a che tel ve a, a inhmeh takzet.Ni lo,hetiang lam ngaihtuah thei ka ni lo...he Hmeichhia hi Hmeichhe satliah a ni lo,ka u tahna thlen tu,kan chhungkaw nun ti nuam lo tu a ni tlat..Chu aia pawimawh zawk chu ka u te hnathawk mai a ni a, Hmeltha tih leh nalh tih zawng ai chuan ROBOT angin en mai a tha zawk.

RUBY..

“Phuba lak hian hlutna leh ropuina a siam lo tih ka hria, chuvangin i lakah hian Phuba lak ka tum lo.Tum pawh ni ila i sum leh i nihna hian a chhan zel tho ang che.Mahse, ka thiannu thi tur mangang au rawl ka benga a rik apiangin i hmel ka hmu asin,chuvangin min kalsan la, vawikhatmah ka nunah lo lang nawn leh tawh suh..” a tawng dam thlap mahse a mit meng lian kel kawlah chuan natna nasa  lutuk ka hmu thei a, engtikah nge kha Thihnaah khan ka tel ve lo tih hi a awih ang ka hre lo a Nghah mai bak tih theih ka nei hek lo..

“Ka na ve thei a, mihring ang ni lo a Lung atanga siam, i nawmna leh i mamawh apiang tihsak tu tur che a min ngaih lai pawh khan ka tap ve fo a,mahse, ka Pasal i nih si avangin ka hrehawmna te kha dahtha in  min hmuhsitna te kha ka tuar liam lui ve asin..Tunah chuan kha hun kha a tawp tawh”