STOP- 10

Chapter- 10

‘I sual em mai’ a ti lawi rata, a insut zui leh a, a ban ka hmerna ka thlaha,a kawngah ka kuaha, ka mutthlak puia,min hnial loin min rawn bawh ve mai..A taksa khur dar dar chu ka hretheia, a hmaiin ka awm a rawn nawr a, engmah sawi loin ka kuah vang vang ringawt.Mahse,thil pakhat erawh chiang takin ka hria, amah a inpeih hma chuan ka tilui ngai lo ang,amah ka khawih apiang a ka danglam thin hi Control a tul anih pawhin ka thei em em ang.

Ka harh leh chuan khua a lo eng uar tawh, ka inlet thawka, Ruby mutna lam ka va ena, a lo awm tawh lo,Ka mit ka chhing leh vang vanga, nizan khan a tah chhung khan ka kuaha, a hnuah pawh engmah a thleng ta lo chiah reng,amak hle mai,ka nupui neih zan a ni a, ka nupui nen kan zan hmasa berah engmah a thleng lawi si lo.Beisei loh kawng hi eng chen nge ka la zawh dawn ni?He nu ka nuna a lo lan atang hian keimahah hian Danglamna a thlen zar zar chu anih hi a.

Inhnuaiah ka chhuk thlaa, Anggu-a a lo thleng phei leh tawh a,ring fe fe hian a lo au lauh lauh tawh,Ruati a lo awm tawh bawk,mahse, Ruby ber ka hmu lo thung.Min hmuh veleh Anggu-an min rawn pana.

‘Eheu...thawh i hai ania’ ngeiawm zet hian a mit a siai zauh bawk.

‘I lo thlenna a rei tawh em?’ a zawhna ka haider lui ve hmak thung.A lu a thing a, kan nula te leh kan Dawr lam staff thenkhat ten thil an tifai lam chu a en vung vung bawk.

‘Nizan kha Party na lamah chuan i kal ta em?’ ka ti leh a, min rawn melh zawka.

‘Um, kal e..mahse..’ a ngawi leh daih.

‘Enge a? sawi ve mai thin teh’bak hluk hian ka ti hlur bawk.

‘I mood a van fuh lo hmel ve, enge a?”

‘I habbit chhe zet hi ka ning mawle, thil i sawi uk a, i sawi tlang mai thin lo a’

‘Ahh, a va ho..engmah ni lo e,a nuam vak lo tih tum mai ka nih kha’ a nui zui hak hak bawk.

‘Khawnge Ruby hi?” amah bawkin a ti leh a,.

‘Ka hre nang, ka thawh hmain a lo tho daih alawm’

‘Eh..’ ngeiawm zet hian a nui a, ka nuih a za ve der lo,nizan ka hman dan kha hria se chuan min hmusit teh ang chu.Ani hi nizawk ta se kei ang khan a awm dawn lo tih ka chiang, mahse, kei pawh hi...Hmeichhe dang zankhua a ka mutpui te hi ka tihtur tih loh a chhuah ka nei ngai lo.

‘Mama,Ruby sawn a kut a ti na in ka hria’ ka pain a rawn ti a,rang zetin ka inher nghal vut bawk.

‘Khawiah nge a awm?”

‘Kitchen lamah khan a awma,va en teh’ a ti awlsam leh mai, hmanhmawh zetin Kitchen ka pana, Anggu-an min zui vat bawk.

Ka lut thawm hraiin rang fein a rawn hawi chhuaka, mahse, a kut lam chauh ka en thung,a banrek veilamah a vuan tanga, a kut dinglam atangin thisen tharlam zet a far kauh kauh thung.Ka pan hnai a, kan nula pakhat zawk First aid box nen a rawn let ve chiah bawk,’Engthil nge i tih a?’ ka tum aiin ka aw  a chang.

‘Engmah a ni lo,helai hi hawlh chhuah ka tuma, ka thil kenin a rawn at a’ a ti a, a nui lui sak bawk.A kut ka lak kan saka, a tang deuh nangin ka hre lo der hmiah.Tap bulah ka pawt pheia, tuiin ka khawh fai tira, a kak lian lem lo, mahse, kut hmawr anih avangin a thi duh mai zawk a nih hmel.Dino-in a tuamna tur a rawn lek hnaih chu ka lak saka, a kut thi laiah ka hmet beta.

‘A na miah lo ania, a thi duh mai mai anih ka ring’ inthlahrung aw dai hian a ti leha, mahse, ka ngaipawimawh lo,a chhan ka hriat si lohin ka thin a rim leh hlur tawh zawk.

‘Roomah Damdawi dang ka daha, chho lawk ang’ ka ti supa, Anggu-a leh Ruati pawh ngaihven loin ka kal zui nghal, ka hnungah min rawn zui dat dat bawk.

Damdawi dahna ka hawnga, ka duh ka hmuh veleh ka la chhuaka, ka hawileta, thut pawh thu loin inthlahrun hmel zet hian a dim zum zat mai,ka pan hnai leha, Sofa lamah ka kai pheia, engmah sawi loin a kut pem laiah ka hnawih saka, ka tuamsak leh vek bawk.

‘A na lo tak tak ania’ a ti leh sepa.Ka bu ringawt.Ka thawhsana, Bathroomah ka kut ka va silfai leh a, ka chhuah leh pawn a thut dan ngaiin mar auhin a lo la thu ta cheu, a awmdan chuan tlanchhiat inpeih at hi a ang ka ti ber.

‘Engmah khawih ve tawh rih suh ang che’ka ti hmuka.

‘A nuam lo alawm, tihtur a tam sia..lo..’

‘Min hnial ziah lo teh, ka nin zawng tak’

‘Sorry’a ti leh sepa,nizana min sual let tumtu hmeichhe kawlhsen zet kha khawnge a awm tih mai turin a ti dak mai.

‘Nidang zelah pawh i hre dawnnia, engmah tih a ngai lo,mamawh i neih chuan hrilh mai thin rawh’ ka ti leh nghuta, ka kekawr ipte ka zena.

‘Anih chuan nilengin engmah ti loin ka awm dawn tihna mi?’

‘Um’

Anih chuan a va ninawm duh dawn ve’ min bia pawh a ang chiah lo.

‘Ninawm na tur a awm lo,tihtur i hrilh ang,ka pa hi zingkarah Dawr hawng turin a kal meuh tawh lo a, a kal anih pawn a khat ang, zingkarah chaw kan ei mang lo, i duh chuan eitur a awm thei reng thung, chhunah Lunch eiturin ka haw ngai lo tluk a ni a, chutiang bawkin ka pa pawh, mahse, ka pa tiffin tur erawh pek angai thung, inchhung zawng zawng hi i kutah a awm dawna, ka rinngam na tur chein i awm ka beisei ania’ ka ti leh duah.

‘A tha alawm...’ a ti leh mai,a kut tuamna a kheuh nauh nauh bawk.

‘Chuan vawiin kha kan chhuak dawna, dar 11 hmain inpeih tum ang che’ ka ti leh nghuta,tul ka tih lem loh thil a ni nangin Anggu-a zawkin a ngaipawimawh tlata,Mizo Photographer tha ber pawl a lo be fel vek tawha, nimin atangin engkim a rawn buaipui vek tawh zawk.

Inhnuaiah kan inzui thla leha,Ka pa bakah ka pa unaute an lo thleng phei ve leh tawha, an tu te an rawn hruai bawk a, thawm a tha ta viau,tihtur a pui a tama, kan kalchhuah meuh chuan dar 11 a pel fe tawh zawk.

‘Ruby, i phone i keng lo ami?’ a hnung seat atangin Ruat’in a rawn ti a.

‘Keng e..’ a bag a dap nghal rak rak bawk.

‘Awi, a lo thi leh tawh anih hi,ngatinge?’ a ti leh a.A hawi chho nghal ha bawk.

‘Ricky-an a be tlang thei lo che a ti a’ ka beng a verh zak mai.

‘Kan on anga, ka lo call ang’ a ti awlsam mai.Engmah ka sawi lo, ka motor khalh lai chauh ngaihtuah niawm takin hmalam ka en lui tlat bawk.

A on fel deuh chiah tihin a rawn ri nghal zat,ngaihven lo anga lan ka tum hle nangin ka ti hleithei lo.

‘Ricky-a chu nih hi..’ a ti hapa, a pick zui nghal zat bawk.

‘Aw, ka phone a lo in off daiha, enge ni ta?” zangkhai zet hian a ti nghala, min biak laiin tiang taka zangkhai hian a tawng ka la hre ngai lo.

‘Aw...a va lawmawm tak,a that hmel em?’ a ti leh a,eng chungchang nge an sawi ka hre nek lo.A tawng ngaithlain a ngawi leh riha, hnunglam seat a Ruati leh Anggu-a titi barh barh pawh chuan eng nge an sawi ka hre chuang lo.

‘Um,hei kan chhuaka, zanah lo kal la,i hman angem? Kan haw hunah ka lo hrilh dawn che nia’ a ti leh a.Na zetin Steering ka hum a, ka chhungril a sahal a ni ber,a thianpa tak tak a ni emaw ni lo emaw he pa hi ka duh lo bur.

Kan kalna tur hmun kan thlen veleh kan tihtur kan tan nghala, nimin lama kan dress pangngai bawk kan ha leha, kan thlalatu pa lah chuan a duh uluk em em mai bawk nen ka mood fuh lo sa a ti chhe belh lam mah zawk.Tlai thim dawnah kan zo thei ta hram.Kan chau tlang deuh bawk aniang kan haw lamah chuan Ruby a muthlu ta nge nge.

Kan Inah kan vaiin chaw kan ei nghal veka, Ruati,Anggu-an a thlah nghal thei dawna,an kal tur Gate ah kan thlah a.’I mood a dik lo nileng ania, thil dik lo a awm em?” motor a lut mai loin Anggu-an a ti a, Ruby te lam a melh zauh bawk,Ruati nen thil an sawi dun a, min ngaihven hmel an pu lem lo.

‘Aih, dik lo nang’

‘Ka hria che tih hi theihnghilh miah suh,vawiin nileng khan i dik lo ania..’ a ti leh a, ka lu ka thinga, ka nui luk suk bawk.

‘Min hrechiang tawh lo zawk anih kha, kal ru..in tlai lutuk ang’ ka ti a,uluk fe hian min thlek a, a rilru ka hmin lem lo tih a awmdanah a lang thei vek bawk.

‘I tih tlat chuan le...anih phawt,Mangtha u’ a ti a, Motorah a luta, Ruby a rawn kal hnaia, a hmel a pawr fap mai.

Roomah kan inzui chho a, Sofaah hah hmel zetin a thu thla hnak bawk.Min rawn en a, ka taksa thlan ban chuap leh ka Mood off lutuk tihreh nan hian tui vawta inbual ka mamawh takzet.

‘ Inbual hmasa la...’ ka ti ta tho.

‘Aih, inbual hmasa zawk rawh..ka ke hi ka pheikhawk khan a nawta,a thip reuh zeka,bakah mut hahdam lawk ka duh’ a ti tha ve mai.

‘Um,ka rei lo ang’ ka ti nghuta, ka inhlip sawk sawka, Bathroom ka pana, ka thawmhnaw balbawmah ka dah thlap bawk,a hma kha chuan ka dah thlap thlap khat viau.Ka awmna hmuna ka kalsan tawp tum a tam mah zawk ang.

Tui vawtin ka taksa a rawn sik rualin ka harh sawng sawng mai,ka mitthlaah Ruby hmel a lo langa, nisat vang nge ka hre lo, a hmai a tai teka, a lang duhawm takzet.Bang ka nema, ka mit chhing chungin ka daka, ka hmai tuiin a rawn phuh seng seng chuan ka awm a tinuam huai huai in ka hre bawk.

Bath room kawngkhar a ri data, ka beng dik lo emaw ka ti a, ka hawilet chuang lo, mahse, ka hnung lam atanga min rawn kuah takah chuan ka hresual lo tih ka hre zui nghal zat, ka beisei loh lutuk thil anih vang nge ka hre lo, ka ding khawng nghal luh bawk.

‘Ka lo zawm ve duh che a...’ a ti sepa, ka hnungah a hmaiin a rawn nawra, ka taksa thlawp zaihin min rawn si zui nghal chial bawk,a taksa engmah khuhtu awm bawk si lo chuan ka awmdan a tidanglam nghal a, ka mipatna a che nghal tawlh tawlh thei hial mai.

Ka kawng a kuahna ban ka phelh saka, ka inhera,min en ngam lo niawm takin  ka awm zawn a en ngar thung, shower atanga tui rawn phuhthla chuan a sam a ti huh pial thana, a pian nu leh a vun no nalh zet chuan min hip hluah hluah bawk.Sawifiah viau pawh tum ila sawifiah dan tur a awm lo, a duhawm tih leh Hmeichhia tih hian a sawifiah chiang ber.

A khabeah ka dawma, muangchangin ka kuai duaka, a hmai mam nalh zet chu tui in a rawn phuh a, ka kun hniama,a chalah ka fawp ta zawk, min rawn kuah leh a, kan taksa atangin tui a far dun tluah tluaha, mahse, chulam engmah ka ngaihtuah lo.Ka pawmkanga nawlha, ka kawngah a rawn kherh  beta, ka nghawngah a kuah nghal chial bawk.

Bath tub tlangah ka thutpuia, ka malchungah ka thuttira, a chet zawnga a hmeichhiatna leh ka mipatna in nawk chuan sawithiam loh khawpa nasa in min fana, ka khawhmuh a tawi vek in ka hre zawk, a samah ka thama, ka dim thei tawh lo..A irah ka fawpa, na zet hian ka samah a rawn tham ve thung,hmanhmawh leh dimna tel miah lo a ka che chuan a ti phur zawk nge ka hre lo,ka tih ang apiang chhan letna ka hmu nghal zat zel bawk.

‘Khawngaihin....’ tham tiak hian a ti a, mahse, ka thil tih lai chu tawngkam tawite chuan a ti tawp ve ta thung, nizan khan ka ngaihtuah fel vek tawh, amah a inpeih hma loh chuan ka ti lui ngai lo ang tih kha..

A tukhum samah ka tham leh a, a mit phe deuh leh chakna vanga hmai sen tai hlar mai chu hmuhnawm tih piahlam a ni ringawt.

‘I chiang em?” ka aw pawh a mumal bik lo.Nia, engkim hi a thleng chak lutuk lam vek tlat atin ni.

‘Aw..chiang..Nupui nihna zawng zawng neih ka duh alawm,khawngaihin..’ a ti leh a,thil mak a ni ringawt, he nu hian a ngenin min ngen anih chu!! Ka awih lo hial zawk, mahse, ngenna ka dawn tawh zawng zawngah hei aia duhawm hi ka dawn ka la hre lo a, hei aia tih hlawhtlin chak ka neih ka la hre hek lo.Tawngkain ka chhang ta lo, a kawngah ka chawikanga, ka nem hniam leh riai riaia, kan taksa inzawm tur lai a inzawm takah chuan a ang pham mai, ka hawisawn thei lo,hei aia hmuhnawm tih hi ka la nei ngai hek lo.

Vawi engzat nge a tawp ka thlenpui pawh ka hre tawh lo,a chau ve thei lo emaw tih mai turin min nawr a, kei lah in duhtawk chin ka nei hek lo..Ka thawh puia, Bangah ka nawr beta, ka chet zawm leh a,’Min en rawh, tu nge ka nih hi hria la ka duh ania...’ mumal lo zet hian ka ti supa, ka aw a khur deuh bawk.Min rawn en a, ka chet zawnga a hnute kawh lah che tel ve zel chu hmuhnawm ti lutuk hian ka thlira,insum zo loin  ka hmuam ta zawk... Na zawkin ka nawr leh salha,a tawp ka thlenpui leh takah chuan a rak chhuak ta nge nge...Na zet hian ka hnungah a tham ngat ngat a, a khur zui nghal dar dar a, ka darah a hmai a rawn phum zui kak bawk.

‘Kan la inbual miah lo ania..’ zawi sup hian ka ti a, rawn hawi chhuak chuang loin a nui nghawr dat mai.

Ka pawm kang leh nawlha, Bathtub chhungah ka nghata, tui ka dah luta,ka lut zui ve nghal zat bawk,min rawn nghenga, a hnute hmur bial karh mai chu ka tuai saka, Chhun lam leh nizan te nen chuan kan awmdan hi lei leh van a ni ringawt,ka Hmangaih em ka hre lo, mahse, amah hi chu ka duh,ani anga min ti phur thei Hmeichhia hi ka nunah ka la tawng hek lo.

‘Ka pa ka zuk be lawk ang, lo mu rawh’ kan inbual zawh hnuah ka ti a, a bu nghata, a sam a chhem ro hauh hauh bawk.Inhnuai lam ka pan thla a, ka pa a roomah a lo lut hman tawh,ka biak duh chhan lah thil pawimawh lutuk anih lem loh avangin a room lamah ka lut ta lo law law,pawnah ka chhuaka, chhun lamah khan a lum tehlul nen tunah chuan boruak a dai nuam ta viau, a vawt lam lek lek zawk, kan Compound chhung eng dul deuh ruih chu ka thlira, Thingkung lian leh upa tawh takah chuan pangpar zamchi a inzam khat luka, a par hun lai a ni lo bawka, a mawi han tih tehchiam tur a ni hran lo, Ka pi khan a dam laiin pangpar a uar thina, ka u in a chhunzawma, mahse an pahnihin an awm ta lo ve ve a, keini mipa pahnih chauh hi chuan kan tuipui loh lam a nih avangin kan ngaihven lo,mahse, ka u bawk hian a lo kal chang apiangin kan nula te nen an buaipuia, a mawi tawk hi chu kan nei dul reng tho.

Room a ka let leh in Ruby a lo muhil bam tawh, vawiin lamah kan chau a, chumai piah lamah kan chet dunna kha chauhpui tham a ni tho bawk,ka ngaihtuah zawngin ka then suk mai,kha aia tha kha chu a awmthei tawh kher lo ang.Light ka off a, ka tihdan pangngaiin Balcony light ka on thung, a puansin ka pawt kaua, a kawngah ka kuaha,a che tial tiala, a rawn inleta, ka darah a lu a rawn nghata, a harh emaw ka ti hman, mahse, zawitein a hnar zui leh mai,ka Phone ka hmet eng a, a hmai zawnah ka zuk en a,hahdam hmel zet hian a muhil a, ka sawithiam lo, nun hi a nuam ngawih ngawih in ka hre ta tlat bawk.Ka nupui nihna tak tak neih a duh tih a sawi a, ni e, ka pe ngei ngei ang, Pasalin an tihtur engmah hmaih neih ka duh lo.

‘Mal,tlaiah khan in rawn kal thei ang tiraw?’ ka pa u fanu in min rawn call a.

‘Kan tum chu ania,dar engzat nge hunserh kha?’ ka ti let supa, Ruby leh kan ui note infiam chu hmuhnawm ti zetin ka thlir paha, kan inneih atangin thla hnih lai a liam tawh.Kan inneih tuk tlaia huaisen taka min rawn hnaihna khan rah tha a chhuah ti ila ka sawi sual lo ang.

‘Dar 3 ania, bakah khua a vawt tawh lutuk a, zan lam boruak kha kan peih lo deuh mawle’ a rawn ti leha, an naute kum khat tlin an lawm dawna, card pawh kar kalta lamah kan dawng fel vek tawh.

‘Um,nia..hna lamah ka buai deuh maitheia, mahse, kan lo tum dawn nia’ ka ti leh a, Christmas sale a intan tawha, mak takin thawmhnaw lamah chauh emaw Christmas hian nghawng a neih ka lo ti thina, mahse, Motor lam sumdawnna ka kalpui ve tak hnu hian a nih loh zia ka chiang tawh ngang mai,hetiang hunah hian kan sale hi nasa takin a up dawrh zela, kan buai pawh a zual nasa a, kei pawh office kal loh ni ka nei ngai  mang lo.

‘I hman thlawt loh pawn Ruby tal chu kan beisei ania’ a rawn ti leha, ka pa leh ka u Naupang tlawh pahin an zin chhuaka, Makima a kal ve lo thung,an tum dan chuan ni 10 vel lai awm an tum bawk.An zin tum hmasak zawk kha kan inneih tur vang khan ka pain a thulh ta kha ania, tun tum chu a mit lam a sawisel reng a, chumi check-up paha kal anni a, kan dawr lam hi Christmas lam nghawng nei ve lo anih avangin han buai zual phahna tur a awm lo,bakah a awm loh pawn ka cousin hi a fela, engkim a buaipui vek sa bawk nen thil harsa a ni lem lo.

‘Enteh, a ke hi a na anih ka ring a..’ ui Note pawm kan pahin a rawn ti a, min rawn pan nghal bawk.

‘A kal thei lo mi?” ka ti a, ka thutna bulah a rawn thu a.

‘Aih, chutiang pawh ni lo, a bawk deuh tlata, en la...’ chhuatah a daha, ui note lah chu a tho thata, a mei a hem vat vat bawk.

‘Hei a that hi...’ ka nui a, mahse, a nui ve lo, mak tih hmel deuh hian a en a.

‘A va mak, nichin kha chuan a thu reng asin...aaa, a phakar anih hi a..’ lungawi lo aw hian a ti hmaka, ka nuih a za zual sauh thung.

‘A bum che anih kha..e, vawiin tlai kha Marin-a te inah chawei tur kan nih kha’ ka tih zawma.A bu nghata, a bana Sana, kan inneih thlakhat tlin chama ka leisak awm chu a melh zauha,a ding nghal phat bawk.

‘Awi, a tlai tawh,ngatinge i sawi loh a?’ a ti nghal hliai bawk.Ka sana ka melh zawka, a sawi dik, dar 9 a ri tawh.Nidanga kan thil ei hun a pel tawh,bakah office pan turin dar 10ah ka chhuak duh ngei ngei tih a hre tawh bawka, kei ai mahin tlai a duh lo zawk.

Dar thum rik hma hretin Office ka chhuahsana, Ruby lam turin In lamah ka let leha, midang in a chawei nghal tur kan nih avangin Lunch pawh ka ei mumal ta lo,kan chawei hun hma fe a ei leh angai dawn tih ka hriatsa vang a ni pakhat,in ka va thlen chuan a lo inpeih at tawh, kan inneih tirh khan thawmhnaw a neih that tawk loh zia ka hmu a, bazarna turin a Ac ah pawisa ka thun saka,min hnial deuh nangin ka pe lui ta tho,a bazar ta ngeia, a lei nuala, tunah chuan a nei tam ta viau, mahse, ka lo rindan ang chiahin a thawmhnaw duh zawng engmah a over ngai lo, a hak tur chi a hre em em a, simple leh zahawm thlap si a thlang tlangpui..tunah pawh chutiang chiah chuan a lang leh ta chiah..Sawiselna tur a awm eih lo.

Kan kalna tur kan thlen chuan an lo awm teuh tawh, an sawm zau vak lo emaw ka tih laiin an lo sawm hnem zeka, kan cousin te ho bakah an nu te lam an awm kim viau.Ka beisei loh tawpin Remkimi a lo awm ve bawk.Min hmuh veleh a ban a rawn vaia, a nui var var bawk,Ruby ka en vata, mahse, ngaipawimawh awmin a awm lem lo,ka thawveng deuh huai mai.Hahthlak hian a...midang a thik mai te ka hlau ta anih hmel e.

Mak takin Ruby hian kan chhungkaw zingah hmun a chang thuk ta viau a, ka cousin ten an ngaina em em a, ka ni leh ka pa u lahin an ngaina em em bawk.Kan inneih dawn tih an hriat tirh lam  khan mak an tih zia ka bulah pawh sawi hreh lo an kat nuk,mahse, tunah chuan khatiang sawi tu te kha a ngaina ber an ni leh lawi,ka lo rinlawk dan ang lo takin mi zinga khawsak dan a thiam em em a, a nun dan zahawm leh fel thlap mai hian a chawimawi ka ti lo thei lo.Ka u pawn a be tha huam lo nangin an inkar ka lo hlauhthawn aiin a tha ta mah zawk.

‘Phone ka va chhang lawk ang aw’ rawn kun hnaih pahin a ti a, ka bu nghut ringawt, Marin-a nen kan ti ti a,Marin-a lam ka hawi zui leh mai.

Reife kan ti ti hnuah an rawn koh tak avangin a kalsawna, ka hawi kuala, Ruby a lo la let ta lo,tu nge a biak ka hre hek lo,midang bulah a awm zawk pawh a nimaithei, sana ka ena, haw mai ka duh tawh,ka tho a, ka zawng kual ta nge nge.

Inchhungah ka hmu lo,pawn lamah ka chhuaka, naupang ho in kawtzawl zau vak lo a Theihai kunga an thil tar chu an lo zuan laih laiha, ka kalpela, a piah eng in a chhun phak si ah chuan min hnungchhawn zawngin a lo ding a, ka pan hnaia, ka kal hnaih deuh hnuah phone a hmang tih ka hre thei.A rei ngat ngat hle mai, tu tak bia ang maw?Ka ko dawn uk a, mahse, a thil sawi chuan min thulh tir nghal hmiah.

‘Enteh.Ricky,ngaihtuah dan ka thiam lo alawm,bakah a hria anih pawn engtin nge ka tih chuan ang?’zawi deuh hian a ti sepa,ka khawng nghal luh mai, kan mi tenawmpa lek maw a lo biak?? Enge ka hriat loh tura an thup chu? Ka kut ka humruh a, ka kekawr ipte ka zen nghal daih bawk.

‘Aih, chutiang a ni lo, bakah buai chung lo hian kan awm dan pangngai hian awm ang,tunah engmah tih theih kan nei hleinem’ a ti leh a, mi tawng lo ngaihthlak ruk hi ka ti ngai lo,ka tawng lo ngaithla ru an awm pawh ka duh hek lo.Mahse, tun tum chu a tul tlat.Lehlam tawng ngaithlain a ngawi leh rih a.

‘Ok, nia, engkim a tha leh mai ang,anih ka dah phawt ang’ a ti leh a, a phone a la sawna, a huma, beidawn hmel zet hian a thaw haka, van lam en in a dak nghal vang vang bawk,kei erawh a hnungah ka lo insehruh ve ngat ngat thung.

A thaw leh haka, muangchangin a rawn inhera, mahse, min hmuh rualin a mengphar awk mai.A hmela manganna niawm tak lang zawk chu rei ni lo mahse ka hmu hman tho,harsa tih hmel zet hian a nui lui ta nge nge.

‘Min zawng ami?”a rawn kal hnaia.

‘Zawng a, i hman chuan kan haw dawn mi?” ka awmdanah ka thinrim tih engmah ka ti lang lo.

‘A pawi hleinem,mahse, midang i hrilh tawh em?” a ti leh a.Inchhung lam a thlek dak dak bawk.

‘Hrilh lo,va hrilh la, tah hian ka lo nghak ang che’ ka ti leh nghut a, a ang ziau a, mahse, engmah sawi loin a bu ta nghauh zawk.

Kan haw kawng tluanin a ti ti a, kan kalna chanchin eng eng emaw a sawi siam siam bawk..mahse, ka ‘aw’ liam vel mai mai, ka chhang chak lo a ,ka be chak hek lo,kan inneih tirh lam khan an lo inkawp reng em tih ka ngaihtuah fo thina, mahse, engmah rinhlelh tur ka hmu lo,khavang khan ka rilru a nuam ta deuha, min duh emaw min Hmangaih tih sawi kher lo mahse ka bula awm nuam a ti tih ka hai bik lo a, kei pawh ka danglam chuang hek lo,Nupa tihtur engkim kan ti a, kan phur dun em em a, ka thil tih apiang min thlawpa, Nupui a ni a, Pasal ka ni bawk,mahse, zanin erawh ka thuhriat khan min ti danglam leh ta chu anih hi.

‘Thil dik lo a awm em?” thawmhnaw ka thlak laiin a ti a.Ka kamiz kilhna ka phelh tur ka chawl data, mahse, ka hawi let chuang lo.

‘Aih..’

‘Engemaw dik lo awm ang maiin i awm sia, ka hlauthawng deuh mawle’ a ti leh a,ka kawrkilh ka phelh zawm leha, chhan pawh ka chhang lo.

‘I nuam lo zawk nge?’ tih pahin ka hnung lam atangin ka kawngah a rawn kuaha.Ka ding khawng nghal luh bawk.

‘Aih,ka tha..min thlah teh’ ka tum aiin ka aw a chang hret.

‘Ka kuah duh che lawm’ a la ti talh.

‘Keiin ka duh lo ve thung’ ka ti hmuka, ka kawng a kuahna ban ka phelh sak zui nghal hmak bawk.

‘Enge dik lo?” ka hmaah tak a rawn ding ta thung.

‘Engmah...’

‘Sawi rawh’ a ti ve thung.Min en chho ha bawk.

‘Ka hmu peih lo che’ ka ti leh hrawka, ka chhanna teh lawng chuan a ti hamhaih a ni ngei ang ,a ang pham mai...a hmel a buai deuh naka, rei loteah na tuar hmel a lo langa, mahse, engmah a rei lo,a inthlak leh nghal vek,a inlan chhawk zut zut ka ti mai...