STOP-12

Chapter- 12

“ Engvangin maw?’ ka ti hluka.

‘I chanchin ka hriat hian min ti lawm lo aw.Ka lo haw hunah i chak lo hle ang” a ti leh a, ka chhan let hmain a off zui nghal daih bawk,thinrim awm tak ka nih laiin ka nui chhuak hawk mai,he pa pawh hi midang ang bawkin Ruby lamah a tang tih a chiang, mahse, min ti lawm tlat thung.

Motorah Driverin min lo nghaka,Driver pakhat zawk hi keimah hlirin ka hruai a, pakhat zawk erawh chu In lamah kal chhuak tur apiang hruai leh ka pa dawr kal hruai te, mamawh lakkhawm te ti turin a awm thung, In chhung chet erawh engmah kan khawih tir ngai lo.

‘St Martah kal lawk ka duh a,chulamah chuan kal hmasa ang’ ka ti a, min chhang loin a bu nghauh ringawt,motor khalh a thiam hle a, a mizia hi ka duhzawng tak a lo ni bawk nen a hlawh pawh ka pe sang far far viau.Anggu-a thil rawn thawn ka hrechhuaka, enge Ruby hmuh tir chi si loh chu?

Ka phone ka phawrha, seat  hnunga thu ka nih avangin eng video pawh nise ka Driverin a hmuh a hlauhawm loh,ka opena, Auto Download a dah ka nih avangin a lo in download fel vek tawh.

Mi vei deuh nuaih nuaih a lo langa, a awmzia tur awm ka hrethiam bau lo, mahse, ka en ta tho.Sec reilote chu engmah awmzia awm loin Kawngkhar niawm tak a lang a, mahse..ka beisei loh tawp ka hmu ta tlat.Ruati amahin a rawn luta, a hnung chiahah Makima a rawn lut veleh bawk.Enge awmzia ni ang? a ruka lak tih hriat zetin a lang phe zawk zawk a, reilote a thim leh zawk, mahse, a rawn lang lehnghal.Makima hmel chiang takin ka hmu theia,a hmeichhia zawk erawh a hnunglam chauh a langa, mahse, a thawmhnaw hak ka lo hmuh tawh avangin Ruati a ni tih ka hre thei tho,kan inneih zan khan amah vangin Anggu-a leh Makima an inhau buai a, mahse, tunah chuan an kut an invawnsak tlat, Makima lah hlim hmel zetin a nui sang bawk..Enge a awmzia ni ta? Anggu-a khan ‘a thil neih laksak ang maiin a teu hlur’ a ti a, khatah khan Ruati leh Makima an inkawp ka ring ve zawka, mahse, engmah sawi zui tur a awm tak loh bakah ka ngaihven zui loh avangin ka lo hre leh tawh lo.Kan inah an lo kal a, an inhmuh fuh tum a awm pawn hmelhriat satliah ang bakin an inbe ngai hek lo.

‘Enge a awmzia?” Phone a pick veleh ka ti hmuk.

‘I en lo ami?” a rawn ti ve thung.

‘En vang in ka zawt che”

‘I u hnenah a pasal kalna zawt rawh’ a rawn ti leh a.Nidawn tak...Ka u te zin hnuah vawikhatmah Makima ka la be lo a, ka hmu leh hek lo.

‘Ruby hriat i duh loh chhan kha?” ka ti leh hmuka.

‘A hriatpui maithei, mahse,ka chiang lo’  a thaw hap bawk.

Ka u ka call dawn zeta, ka thulh leh, tul lo tawpah ka ti phawklek vak thei, Ruby nen an inkawp ni a a hriat vang in khati khawp khan a che duha, Ruati nen an lo inkawp anih vaih chuan a che na hle ang tih ka chiang, Ruby tan a hrehawm hle bawk ang.Mahse,Anggu-a sawi ang khan a lo hrerenga, a lo zep sak tihna a ni angem?,ni lo lul tehse..

‘Kan thleng ania’ Driverin a rawn ti a, ka ngaihtuah muk lutuka, kan thlen chin pawh ka lo hre pek lo.Ka chhuk a,nidang ang bawkin an lo tam lehpek, he dawrah hian thil a tlawm hran lo, mahse, an nei chikim a, hmundang pan kual leh ngai loin mamawh tlangpui chu kan lei thei vek.A neitu te leh a thawk te nen ka kal ngun avangin kan inhre tha a, chumai bakah inhriat that piah lamah an polite a dawr an nuam em em bawk.

Kan in ka thlen in ka beisei loh deuhin ka ni te car a lo awm a, ka pa lo haw hriaiin an rawn leng anih ka ring thiam mai,an in ngai em em a, ka pa hi kawppui nei tawh lo anih vang hian an ngaihtuah bik zual bawk.

‘I lo thleng thei maw?’ ka ni in ka lut min hmuh veleh a lo ti thuaia, an nupa bakah ka pa u te nupa an lo awm tel bawk.

‘Um,in lo kalna rei tawh em?” ka ti a, an bulah ka thu thla ve a.Ka tawng thawm hriain Ruby Kitchen lam atangin a rawn phei vat bawk.Lemchan a thiam dawn khawp e.

‘Tlaiah kan lo kala, hei in nu hian chawei turin min lo chelha’ a ti leh a,midang erawh an titi ngaiin an titi zawm bawrh bawrh thung.Ruby ka en vuta, min lo en ve chiah bawk, kan mit a intawng sawka, rang zet hian a hawisawn vat bawk.

‘Nia,a that hlauh chu..In ei tawh tihna nge?” ka ti leh supa.

‘Aih, kan lo nghak che..’

‘Um,a va inthlahrunawm ve, ka han intifai lawk ang’ ka ti a, a bu nghauh a, ka pa te titi a zawm ve nghal zat bawk.

Inchung panna stepah ka chho a, ka hnungah Ruby-in min rawn zui vat,hei hi chu a tihdan pangngai ve reng a ni hrim hrim,ka haw hma chuan tiang hian min lo ngaihsak ziah,mahse, tunhnaiah hi chuan ka haw hma ngai lo a, ka haw hian a lo mut em loh pawn roomah Tv a lo en tlangpui.

Ka bag Sofaah ka thehthla a, rang fe hian a la kanga, a dahna tur lam a panpui nghala, engmah a sawi lo.

‘Lemchan viau angai lo ania’ ka ti ta nge nge,tha taka biak hi ka duh lo a ni lo, mahse, ka tlawm ni a ka hriat tlat thinna zawk hian nem takin min tawng tir thei thin lo.

‘Eng lemchanna mah a awm lo,ih..ka ni te chawei tura ka lo sawm hi ka hrilh hmasa lo che a’

‘A pawi lo, mahse, nidangah tupawh chawei tura i sawm chuan min hrilh la a tha ang’ka ti hmuka, ka coat ka phelha,khumah ka thehthla leh a.

‘Ka lo hrereng dawn nia’ a awki a ngeiawm lam hret.

‘A that chu,sawi ngai sawi nawn fo hi ka duh lo ania’ ka ti leh talh.

‘Ka hrereng ang ka tih chu mawle’bak deuh hlak hian a ti leh a.

‘Enge thinrimna tur ka sawi ami?’ ka jacket zipper ka pawt phelha.

‘Awm lo, ka thinrim lo hrim hrim bawka’

‘Min en teh’

Min rawn ena, a mit meng lian fiah zet chuan ka chhungril a hmu tlangin ka hria.

‘Thil zep ruk i neih chuan min hrilh ang che, ka hrechhuak leh dawn tho a, a pawi i ti lutuk ang’ engvanga sawi ngawt nge ka nih ka hre bik lo.

‘Eng...enge ka zep ang?’ a ti bah naka, hnuailam a bih nghal daih bawk.

‘I zep ru ka ti lo, i neih chuan ka ti mai zawk,ka inbual lawk dawn, ka lo chhuk ang’ ka ti leh hmuka, zing leh tlaia inbual hi ka chin than a ni a, ka zin chhuah emaw a rem ngang lo anih chuan ka inbual ngei ngei bawk.

‘Um, ee... thil pakhat, zinga ka sawi kha..’ a tawp lam a zuih ral.

‘Eng kha..?’ en loin ka pheikhawk phelh tumin ka thu hniam zui nghal daih bawk.

‘Ka pa a lo haw tawha, Remi nen hian in inthup deuh theih chuan...?’

‘Theihnghilh rawh..’ a sawi zawh hmain ka ti hmuk.

‘Mahse...’

‘A tawk,ka duh ti thei turin ka zalen tih ka chiang,nang pawn i duh i ti ve tho’

‘Hetiang titur hi chuan i zalen lo asin, kan inneihna khan a phuar che’ ka chhungril a deng dawt mai.A sawi dik,kan inneihna mai bakah ka kutzungtanga inneih zungbun kual awm ringawt pawh hi a zahawm lutuk.Mahse..ka lungawi lo a, ka hriat chian si loh rinhlehna avangin ka sahala, Remkimi nen inzawmna nei niawma min sawi hi a dik loh zia hrechiang tu ka ni chungin siamthat tumna ka nei lawi si lo.

Ka inbual zawhah ka u ka call ta nge nge.’Aw,Mama,enge nita?” zangkhai vah hian  a rawn ti a.

‘Inpa hi a awm em? Ka be tlang thei miah lo a” dawt ka sawi ta ngawt, biak ka tum miah lo.

‘Aih, awm nang, loh theih lohin kan Motor buaipuiin nimin khan Silcharah a chhuka” ka thaw huai mai,min biak tir tum na se chuan ka buai hle ang.

‘Ok,a chhia tihna mi?”

‘Ni nang, kan Driverin mi a ti palh a, i hria emaw ka ti a?” mak ti aw a hriattheih.

‘Aw,aih...hre chiah nang..ok,a va zia lo ve’ka ti bah nawk mai.

‘Nia,mahse, a serious vak lo a, kan Driver a lo rui ve bawk nen a insawifel zo pek loa,ngaihtuah suh,ka pa kha a chau em?’ a rawn ti leh a.

‘A tha,ka ni ten chaw an lo ei dawna, kan Company lam conference leh Training kha vawiin atangin kan tana, chuvang ania Airportah pawh ka lo kal loh,naktuk tuk leh hian kan zo dawna, rawn tlawh che u ka lo tum dawn nia’ka ti ta duah.

‘Um,nia, naktuk lamah ani pawh a lo haw thei maithei chauha,ka dah phawt ang aw,inleng kan nei a’ a rawn ti leh a.

Sofaah ka thu a, chunglam ka melh vang vang bawk, an Driverin mi a ti palh tih ka hre hauh lo, min hrilh lo tih lah ka chiang, kan inbe eih lo.Ruati nen an kal dun tihna a ni angem? Zawhna hlir.A hma pawn hmeichhe kawp a nei tawh,ka buaipui khu chuk lem lo, mahse, tunah chuan Ruby nen an buai zo chauha, Ruati nen an lo nih leh si chuan Ruby tan bawk a pawi leh dawn.Ricky-a nen hian zep ruk an nei tih ka chiang,mahse, eng ber nge anih ka hre lo mai zawk,he thil hi an lo hrerenga,an lo zep ru a ni mai angem?

Kan chawei boruak a nuam lo hran lo, ka pa te unau bula awm hi a nuam ve hrim hrim,an inkawmngeih a, pakhatin thil dik reng pawh sawi se an hnial talh ang,thinrim si loin an inhnial a, an in kawmhlimna chi khat ti ila a dik ber.Ka tum loh tawpin Ruby ka melh leh zauh thina, min en eih lo, a ei tur a ei mial miala, a hma lawka ka tawngkam mawi lo zet pawh hreawm pawn a awm leh tawh lo, mahse, hei tak hian ka thin a tirim leh ziah,ka haw tlai thin te, ka zu in te,amah ka khawih ngai miah lo te hi ngaipawimawh awmin a awm ngai miah lo,a ngaipawimawh lo tak tak pawh a ni mahna le.Thla hnih vel chuah kan la innei a, a tir lam khan ka beisei phak loh khawpin kan inpawha, tuna kan buai hma kha chuan amah hian min ngai tak tak niin ka hre hman hial kha ania, mahse,tunah chuan  min lo pawm tak tak lo niin ka hre tawh zawk.

‘Ruati khawiah nge a awm?’ kan pahnih chauha room kan awm hnuah ka ti a.

‘Ka hre nang, an inah a niang chu’a ti fel et.

‘Ruati hian mipa kawp a nei em?” ka ti leha, mak tih hmel deuh hian min rawn melh a, a mitah engemaw a lang zawk bawk.

‘Neih ka hre lo,ngatinge?”

‘Ka hre duh,i thiannu hi i hre chiang em?”

‘Chiang ve bawk e,enge dik lo awm a?’

‘Engmah..ka zawt mai mai che’

‘Um..mak ka ti deuh mawle’ a ti leh a, a hawisawna, remote a hum ran bawk.

‘Ricky-a hi i enge?” ka ti leh hmuk.

‘Ka thianpa...’

‘Chuan...?”nelawm lo zetin ka ti leh a.

‘Chuan chu eng i sawi tumna nge?”

‘I thianpa aia thuk a awm tih i sawi ka beisei mawle’ ka nui lui hawk bawk.

‘Oh,ni lo tawp, abak engmah a awm lo’

‘A that chu’

‘Khawngaihin i sawi tum tak sawi rawh, tiang a i tih reng kha chuan ka awm a nuam lo’ min rawn ena, a meng ling hlar mai.

‘Ka sawi tum maw? Fiahna ka hmuhtir theih veleh che ka sawi ang’

‘Eng fiahna nge i sawi ka hre lo, mahse, kei leh Ricky-a chungchangah chuan eng fiahna mah i hmu ngai lo ang, chuan,i sawi bawka ka sawi ve ang, nang ang mai mai in ka nun hi thil tenawm tih nan ka hmang ve ngai lo’a tawngdan a thil tenawm zet sawi ang maia ri chuan min khei zak mai.

‘Sawi leh teh’ ka hnaih nghal ruak bawk,a rawn thu mara,ka mitah tak a en ngar bawk.

‘Nang angin thil tul lo leh tenawm tih nan ka nun ka hmang ve lo,ka pasal i ni tawha, chuvangin mipa,ka lo kawp thin leh ka duh em em pawh lo nise kawp leh tumin ka ke hi vawikhat pawh ka  la pen chhin leh lo..a chiang em?” a awmdan chuan min cho ngawih ngawih.

‘Enge thil tenawm ka tih a?’ a thutna bulah ka zuk thu thla a, rang zet hian tawlhsawn tumin a che ve phat thung, mahse, a tlai hret.A ban rekah ka man hman a, na zet in ka hmer a, ka lamah ka hnuk hnai dawrh bawk.

‘I kut bawlhhlawh khan min khawih suh’ a ti thata, a ban a rawn phar a, ka kawrlum hakah a rawn pawt a,a chak reuh phian mai.A kut pahnih ka man beh saka, mahse min tlawh leh ta tho, ka pawm kang nawlha, khum lam ka panpuia, khumah ka thehthla a, ka delh tur chu ka awm lohna lamah a let phei nghal vat bawk,mahse, chu pawh a tlai leh ta tho,a kawngah ka kuaha, hneh zetin ka hnuk hnai dawrha, a rak tuar mai.

‘Ka hua che’ a aw a khur a, mahse, ka thil tih lai ka chawl chuang lo, a kawrlum hak ka nawr tawm chho a, ka duh angin ka che mai thei lo, a tala, amah a lo indang ve bawk nen awlsam taka hneh lak mai chi pawh a ni hek lo.

A bawkkhup zawngin a awma, kawih let tumin a kawngah ka kuah a, bed sheet a tham bet tlat.Ka chetdan ka thlak ta thung,tihluih ai chuan dam taka khawih mai ka duh ta zawk, a kawr ka hlim chhoh sak avanga hnung lang var haih mai chu dimtein ka zuk fawpa, a hnung lam atangin ka bawhbeta, a hnute ka hum sak chat bawk.A rum hak mai..

‘Enge i tih a?’ tham chal hian a ti sepa,a tal leh laih bawk,chu chu remchangah ka la a, ka kuai leta, a chungah ka bawk zui nghal zat bawk.A rawn tawng leh tur chiah chu a hmui ka zuk khar sak hmiah.Ka sam chhipah a rawn tham ve ta thung, a tham na reuh phian mai, mahse, ka thil tih lai ka chawl duh lo,uar leh dam zetin a hmui ka pet a, ka lei rawlh luh tumin nawr kau ka tum bawk, mahse, a chip lui tlat,ka thiam zawng zawng ka hmang zo vek..Dam zetin a hmui hnuailam ka zuk fawp leha, na vak loin ka seh zauh bawk,a hnute hmur ka kut zungtangin ka chep hruala..rei vak loah a kawh ta lah,a thle tawn sek a ziawm tial tiala, a inthlahdul hret hret tih a awmdanah ka hrethei bawk.Tiang zawnga chet lak hi ka duh dan a ni lo,mahse a thatna zawk pawh a awm mahna le.

A kekawr kawngah zen luh tumin ka kut ka ti tawlh thlaa,a kawr ka nem chho leha,a kut lehlamin  ka darah min rawn nema, a hnute hmurah ka fawp ta thung,a mu mar zawta, ka sam a thamna a na salh bawk,ka liak kuala,ka darah a rawn nem leh a..Mahse min nem sawn tum tak tak a ang tawh lo.

‘Tawp teh’lawi rat hian a ti chhuak sap bawk.A sawi ring lo,mahse, ka bengah a ri ring thung,ka inlahrang ta nge nge.Che loin ka mu deuh vang vanga,ani pawh a che chuang lo..

‘Sorry..’ zawi supin ka ti a, min chhang lo,ka beisei hek lo.Ka tho a, ka phone ka la a,chakna lam engmah a lang tawh lo.

‘Room i kalh dawn nia,khatiang kha a thleng leh tawh ngai lo ang’ka ti leh supa,min chhang chuang lo,a mut ngaiin a mu a, a mit a chhing tlat bawk.

Ka harh leh chuan khua a lo eng tawh, nizan khan roomah ka let leh ta lo,riahsawn kher kha ka duhdan ni lo mahse a tha zawka ka hriat vangin ka riak ta zawk kha ania.Ka thiltih kha ka ngaihtuah let a, Ricky-a nen an khawsak danah dik lo a awm lo tih sawi mahse Mipa,a nuna a lo duh thin kha a ni ngei ang tih ka ngaihtuaha,kei pawn hmeichhe tamtak ka kawp ve tho,thil pawi a ni lo,kha chu kan inneih hma a ni tlat,mahse, a sawi ang chiah khan kei chuan nupui nei chungin midang kawp angin ka lang ta thung,chu pawh thla tam liam hma lehnghal.Mahse, hetiang anga lang tur hian amah hian min nawr lui miau alawm le.

Ka tho chhuaka, kan room lam ka pana, ka rin ang ngeiin a lo ruak vek,tuman kan riak hrang tih an hriat ka ring lem lo,inchung lamah hi chuan a tul viau loh chuan ka awm laiin an lo kal ngai mang lo,ka awm loh hnuah tifai tur erawh chuan an kal fo thung,nizan leh zing karah kha chuan an lo kal ka ring lem lo.Ka inphihfai sawk sawka, hna lamah kal hma ka ngaih dawn avangin thil ei vat ka ngai,inhnuaiah ka chhuk thlaa, ka pa ka hmu lo.

Dinning room ka pana, a ruak vek,Dino-i ka ko a, rang zetin kitchen atangin a rawn dak a.

‘Eitur ka duh,hmanhmawh la” ka ti hmuka, a bu ringawt.

‘Lawk, khawnge ka pa?” ka ti leh rih,tun ang hun thleng thleng a mut ka ring lo ve tawp.

‘U Ruby nen an chhuak tawh’

‘Maw?”

‘ Dawr kal turin an chhuak tawh,i hria maw ka tia?” mak ti hmel deuh hian min en a.

‘Aw, hria e...an kal hma em a..eitur chu” ka ti leh a, rang zet hian Kitchenah a tlum lut leha,eitur a rawn chhawp nghala.Ka thil ei chakna a bo duak thung, nizanah khatiang boruak kan nei zo chauha, engtin nge engmah thleng lo ang maia ka pa zuia a lo kal chhuah ngawt ka hrethiam lo,nuam lo tiin a ti dek ang chu ka ti asin le..

Nilengin hna lamah kan buai leha, kan mikhual te buaipui bakah engkim an tih apiangah thut ve zel a tula,ka mood fuh lo nen hahthlak tih piahlam a ni ringawt.Dar 6ah haw tumin office ka chhuahsan thei ta chauh, kan Conference hi zo tawh se ka ti hluah hluah,ka staff te felin rinthlak em em mahse a neitu ka nih miau avangin ka tel zel a ngaia, an hnuaia sumdawnna kalpui niin keimahni  sum hmang mah ila an Company nen Deal nei kan nih tlat avangin kan lo thleng liam mai mai thei hek lo.

‘Khawnge i awm?” Remkimi’n a rawn ti a.

‘Ka haw dawn mek,enge ni ta?” ka ti supa, vawiin chu ka Driver a dam loh avangin keimahin ka inkhalh chhuak a.

‘Emy damdawiinah an kalpuia, nau a vei thuta, i hman chuan kal ve ila” a rawn ti a, Emy hi a thiannu ber a ni a, kan inzui lai khan kei nen pawh kan in nel hman viau.

‘Khawi Damdawiinah nge?” ka hnial dawn zeta,ka mitthlaah Ruby hmel a lo langa, chu chuan hnial lo turin min nawr leh ta zawk.

‘New Lifeah,i hman thei dawn em?”
‘Um,ka rawn thleng har lo ang,lo insiam la” ka ti leh a,ka thiltih hi a dik lo hulhual tih ka hria,ka pa in hria se engtin nge a tih ang ka hre lo,mahse keimah hian ka chianga, Remkimi hi kan inneih hnuah ka kut hmawr pawn ka si leh lo.Ka biaa, ka chhuahpui zeuh zeuh mai chauh.Thil pawi lian lutuk tiah ka in ngai lem lo.

Darkar chanve a liam leh chuan New Life Hospital kan thleng fel der tawh, Motor dahna tur ka ena, a vang hrep,Art & Culture Office thlangah ka tlan let leha, pakhat leng vel chiah a lo awm hlauh.

Kawngkhar bulah Remkimi’n min lo nghaka,an awmna ka zawta, a sawi ve mai,an awmna lam pan tuma ka inher chiah chu tuemaw hian min rawn su chawrha, a thil ken a tla darh nghal nuaih bawk.

Min rawn su tu ka en vata, ka beisei loh tawpin Ruby a lo ni a, min en ve loin chhuata a thil ken tla darh nuaih mai chu chhar tumin a thu hniam nghal daih.

‘Ehe, i thlauh alaw?” mipa aw hian a rawn ti a, ka hawi vata, ka beisei loh tawp ka hmu leh ta chiah, Ricky-a a lo ni a, min rawn hmu ve chiah bawk.Hamhaih hmel a lang zawk bawk.

‘Nang alaw, i dam maw?” pangngai takin min rawn ti ta tho,ka bu nghuta, Ruby thil chharkhawm chu ka ena,a rawn hawi chhuak ve chiah, a meng phar awk mai.Ka ban vuana ding chu a melh leh a...A hmelah na tuar hmel a lang nghala, Ramhuai a hmu ta emaw tih mai turin a hmai a dang lawp lawp bawk.