STOP- 17

Chapter- 17

‘Inah a awm emaw ka tia?’ a rawn ti leh supa.

‘Awm lo e, a ni te in lamah Chawei turin a kal zawk’ ka ti hmuk ringawt,a ner deuh nawk a,engemaw sawi tumin a ang zuaua, mahse, a ngawi leh daih,a bu ta nghauh zawk.

‘Kal ila..’ Rinky-in ring leng lawngin a rawn ti a, ka va melh leh zawka, hlim hmel zetin a nui a, enge an sawi erawh ka hre phak lo,ka tawt vek.

Ka inhera, Motorah ka lut a, a hnung seatah hmeichhe pahnih an thua, an hmu ve lem lo bawka an tawng ngai patin an tawng dun barh barh bawk.Engmah ka ngaihtuah thei lo,a Ni te inah kal satliah turin a chhuaka, tlaiah chaw a ei dawn tih a sawi leh a, tunah lah hmundangah ka hmu leh lawi...Thil dik lo ti tu ni si hian amahah hian inthiam lohna engmah a awm lawi si lo..

‘Mal,khawnge kal i tum a?’ Anggu-an ka darah a rawn khawiha, ka phu zawk mai.Kan kalna tur Falkland peng ka lo tlanpel hman,thui erawh a ni lo.

‘Ka lo in ngaihtuah muk lutuka’ za vak lo hian ka nui hawk bawk.

‘Nia, kan biak che pawh min chhang lo a,i nupui i hlauh vang a ni mai lo maw?” Rinky-in nui chungin a rawn ti ve a.

‘Aahh,ni lo e,thildang zawk’ nui chung bawkin ka ti let vea, ka turn pawpa, kan kalna tur lamah ka peng phei a,Anggu-an min en reng tih ka hre nangin ka hre lo lui hmak thung.Heritage kawtah ka dinga, he hmun hi kan kal fona a ni a, a neitu nen kan inhre tha thawkhat bawk,engmah Booking ti lo kan ni nangin luh theih loh ka hlau hran lo.

‘I call hmasa tawh em?’ Rinky ka en a.

‘Aih,ka’n call ang’ a ti a, kei ang bawkin an vai hian an hre tha vek,a phone a phawrha, chhuk lo in kan nghak thap bawk.An inbiak chhung pawn thildang ka ngaihtuah thei chuang lo, a nui hmel ka mitthlaah a lo langa, engmah tih derna lam a lang lo,nimin atang khan nuihna chhan tur kei chuan engmah ka la hmu lo,ka nui lo chu ka ti lo, mahse a der ni lo a hlimpui tak tak tur engmah ka hmu lo.

‘Kal ila, in lamah zawk’ a ti a.

‘Lo han kal ru, kan hung fel lawk ang’ ka ti supa, Anggu-a lam ka hawia, chhuk tum hmel a pu lo.

‘I chhuk dawn lo mi?’ ka then lui suk bawk.

‘Dawn e,ka nghak che’ a ti awlsam mai,kal luih tir tum in awmzia a nei dawn lo tih ka hria.

Kan dinna piah deuh hlekah Motor ka hung tha a,engmah sawiloin Ngawirengin Anggu-a a thu a, engemaw min zawh duh nei a ang viau.Chhuk tumin kawngkhar hawnna ka vuan chiah tihin a rawn tawngchhuak ta nge nge.

‘Kal rih lo ang, inbiak kan ngai’ ka hawi leta,Light ka off avangin a hmel ka hmu chiang thei lo.

‘Engmaw?”

‘In nupa chungchang hi  mawle, engmah min hrilh duh lo anih chuan i thianah min ngai lo tih ka pawm hmak tawh ang’ a ti leha.

‘Ah,chutiang lam engmah a awm lo,i hmuh angin Problem ka nei ka tih kha’

‘Mala,ka hrechiang che, i mimal harsatna engmah midang i share ngai lo a, chutiang bawkin midang i care hek lo..a vaiin min hrilh rawh ka ti lo, mahse ka hre duh,i inkhar khip tlatna hi tlem tal hawng la ka duh’ a ti leh duah.A sawi dik thlap,tumah hi ka ngaihven tak tak ngai lo,ka chhungte ah pawh ka pa leh ka farnu bak ka care lem lo,midang tihnat nuam ka tih vang ni lo in midang te nena inpawh taka inkawm ka harsat mai zawk,a dik lohna ka hre hek lo.

‘Eng ber nge i hriat duh?” ka ti ta tho.

‘Engatinge in nupa hetianga in awm?”

‘Nupa chuan Problem kan nei ve bawk ang chu’

‘Ka hria, mahse, in Problem neih hi a serious hmel tlat, chu pawh thla tam in la innei hek lo’

‘I hrethiam lo ang, Nupui i neih ve hma chuan’ ka nui lui hawk bawk.

‘Nia, a dik.Ka hrethiam tak tak ngai lo ang, mahse, hei chu ka hria,nupui ka nei anih chuan thla hnih khat lekah hmeichhe dang ka kawp san ve lo ang,nang ang hian ka awm lo ang ka tihna nih chu’ a ti leh kher, a tawngkam ngaihthlak a nuam viau lo.

‘Ka kawp lo ti ta ila?” ka ti sup ringawt.

‘Khalam chu nangma lam a ni, mahse, mi in an hria a, i nupui ngei pawn a hria,i kawp lo ngei tih a hria em?” a la ti ta zel.

‘Yeap,hre tehreng mai’

‘Anih si chuan engvangin zanin hian dawt min hrilh? Hmeichhe dang nen in inkar anih si loh chuan engvangin nge a hran a in kal chhuah?”

‘A ni te Inah chaw a ei ka tih kha..’

‘Ouch, kha chu chhuanlam a tling lo,tun ang hun,Chistmas eve ah hian in awm dun lo a, kum tin kan neih ziah Party a awm lo ta tlat bawka, chu bakah i nupui i va hmuh ruala i hmel a thil dik lo lang kha enge? Hei zawng zawng hi a chhanna ka duh ania’ a ti ta duah.

‘Problem ah khan a tel ve ti mai ang,chu pawh sawi ka duh lo ka tih kha’ ka ti nghut.

‘Aih, tun tum chu ka nawrlui cheah ngai mai rawh,ahma pawn inbuai tawh, Ruby lam dik loh a ni em ka hre lo, mahse thil pakhat erawh ka chiang, i mize nelawm lo leh in dah hrang tlat hi i nupui tan Problem a tling ang’ a ti leh a, a dik mahna, mahse, engkim kan ti a, tihsak theih apiang ka tihsak bawka, chuti chung pawha engmah a hrilh ngam loh ka la ni cheu anih chuan ka dik lohna enge awm?

‘Ka u Pasal leh Ruati chungchang hi eng chen nge i hriat?” ka ti ta zawk.

‘Khalam chu ka zawhna a ni lo’

‘Ni lo mahse ka hre duh’

‘Aih,kei pawn thuruk neih ka thiam ve tho,i duh chuan hriat tum ve mai rawh’

‘A tha lawm,a nau chhiat kha Makima fa a ni tih i hria em?” ka ti leh sup.

‘Hre maithei,hre lo maithei..’

‘Ok, a tha lawm,kha kha Problem chu anih kha, mahse ka nupui anih tlat avangin alamah ka tanga, tih dik loh ka nei lo’

‘A lamah i tan vang chuan ti tha i inti hle tihna mi?” a ti leh khauh.

‘Chu chu ka sawi tum dan a ni lo.Nizanah ka u a lo kala, kha thil kha a hrechhuaka, Ruby-in a zep avangin kan buai hle bawk..’

‘Chuan..?” ngeiawm zet hian a ti duh lek.

‘A hmain tu emaw tal chuan min lo hrilh ula chuan tih theih ka nei mahna, mahse, tuman min hrilh lo a, ka tan chuan hun harsa tak a ni lo thei lo’ ka ti chhuak leh hrawih a, sawi chhuah harsa ka ti takzet.A hma atang tawhin kan inkawmngeih satliah lo, ka unau ang thaw thang a ni zawk,mahse, tiang takin kan Family Problem ka la share ngai lo.

‘I nupui i zawt em?”

‘Zawt lo,mahse, thuruk a neih chuan min hrilh turin ka ti’

‘Chu chu Ruby dik lohna anih chu,mahse ka la ti hram dawn, nangmah kha in en la, chutiang thil lian tham hrilh tur chuan i in khar khipna kha i hawng reng em?”

‘Ka hre lo...’ ka hre lo tak tak.Bakah tiang zawngin ka lo la ngaihtuah ngai lo.

‘Nia, i hre lo ang, keiman ka hria,i inhawng tawk lo, kei hian ka hre ve ve che u,i nupui hi i neih hmain tunge anih pawh i hre chiang hman lo a, ani pawh chutiang bawk chu,a ringngam lo che anih chuan a dik lo hran lo,i thinrim kha i dik,mahse engchen chiah in nge kha thil vang khan a lo mangan tawh ang? Chulam chu i ngaihtuah ngai lo tiraw? I finga, i thluak hi sumdawnna atan chuan duhthusam a ni bawk, mahse, Ruby lakah hi chuan i fail kei chuan ka ti che’ a ti leh sak sak mai,Tuman hetianga na hian min la sawisel ngai lo,ka pa pawh tiamin..,haw tur ka ni..Nidang ang chu nise kut ka thlak loh pawn ka kalsan ngei ang, mahse, tun tum chu a sawi a dik vek...Engmah huat tur a awm lo.

‘I duhtawk tawh em?” zawi supin ka ti ta ngawt.

‘Aw, ka duhtawk ni rawhse, chuan nang chiah ka hau che emaw i ti ange,Ruby hi hemi chungchangah hian nang aia na zawkin ka sawisel tawh,ka rel kual dawn lo che u,ti hian chiang taka sawi mai ka duh zawk,insiam that in mamawh ve ve a,chapo loin tlawm takin inbe rawh u’ a ti leh a.Ka bu ringawt.

‘Kal ila...’ ka ti leh a.

‘Nia, mahse, Remkimi lakah fimkhur ang che,he hmeichhia hian thian angin a en lo che tih i hriat kha’ a ti leh talh,zanin chu ka pian a hnu lamah a vawikhat nan ka ngam loh ka tawng a ni ngawt e.

In ka thlen in dar 12 a pel tawh, rin ai takin kan rei ta zek, Anggu-a sawi ang ngeiin Remkimi a che na viau,mahse engmah beiseina ka siam sak loh miau avangin min hnaih lutuk ngam lo,Ruby nei tura ka rilru ka siam fel hnu khan hmeichhe dang hi itna ka nei ta lo niloin tiang zawng hian ka melh leh ta miah lo zawk.Bakah amah aia ka mamawh min pe thei zawk tu Hmeichhia an awm lo tih ka chiang bawk.

Room kawngkhar dimtein ka hawnga, Light pakhat chauh a lo ona, a lang dim deuh ruih bawk,Khum ka pan ding nghala, a saisir zawngin a mu a, a sam rawng uk eng deuh chu Lukham var thianghlim zetah chuan a darh deuh siau bawk,tih harh hlau zetin khumah ka thu thlaa,a muhil hmel chu ka ena, mak takin keimah inthiam lohnain min rawn tuam a,keimah vang mai bakah ka u vangin eng chen nge rilru hah reng renga hun a hman ang? Anggu-a sawi ang chiah khan engkim min hrih duh si, mahse hrilh ngam si loh vanga thawpik lutuk a a awm tur ka ngaihtuah zawng ringawt pawn ka sawithiam chiah si loh hian ka chhungril a fan rawih rawih thei hial bawk.

Dimtein a sam hnawk deuh chu ka zuk khawiha,a hmai vun mam leh no zetah chu ka tuai leha,tun ang hian ka la hmu hmeltha ngai lo, kan inneih ni pawh khan Hmeltha ka ti tawha,mahse, kha ai khan tunah hian ka hmu tha zawk fe.A che deuh hrata, a rawn mengchhuak zui nghal bawk, rang lutukin ka kut ka lasawn vut bawk.

‘I lo haw tawh law? Dar engzat nge?” zawi sep hian a ti a, a inlet zui thak bawk.

‘Dar 1 a ri tep..’

‘Um,a va tlai tawh ve..’ a ti leh sapa.

‘Nia, ka tum aiin ka tlaia..’sawi tur dang ka hre hlawl lo.

‘A pawi hleinem,mahse chaw i ei tawh em?” a rawn in let leha.

‘Um, ei tawh, ka chhuah hmain ka ei a’ dawt ka sawi ta ngawt.

‘A tha lawm...eee..Merry christmas aw’ Nia,Christmas a ni der tawh.

‘Merry Christmas..ka intifai anga, ka rawn mu ang’

‘Um..’a mit a chhing leha,mak takin min wish na tawite vang khan ka chhungrilah hlimna sawifiah thiam si loh hian min fan leh ta tlat bawk.

Khuma ka lawn leh chuan a lo muhil leh hman tawh, Blanket ka pawt kaua, amah si chetin ka tawlh hnaia, a kawngah ka kuaha,ka malin ka khan zui nghal bawk,a sam rimtui zetin ka hnar a rawn verha,ka kun a, ka fawp ta nge nge..ka mit ka chhinga, keimah leh keimah ka in ngaihtuaha, mahni thu duh lutuk,midang te pawn an sawisel ngam loh khawpa induh leh chapo ka ni a,kei pawn chu chu ka hai lo, mahse, siamthat tumna ka nei ngai lo, midang nunah ka inrawlh lo ang bawkin tumah ka nunah an inrawlh ka duh lo, Ka pa thleng pawhin..tha ka tih ang angin ka nun ka hmanga, chumi rah chhuah chu Ruby hi a ni ta reng bawka, mahse, ka duhthlanna ngeia ka neih hi ka nawmsip bawlna emaw tiin Milem ang maia ngaiin ka duhdan dana awm turin ka pawtphar a, mahse Hmeichhe dang ka nunna ka tawn tawh te ang lo takin a huaisena,a duh lohna lamah ka nawr kal lui tak tak thei lo,min dodal ngama,ka thinrim a hlau hek lo,chu chu ngaithei loin ka runluih kuala..Ka thaw hawk mai..Anggu-a khan min sawisel ngam tur khawpa ka thian anihna a vawn nun vang chauha ka chapona kal tlang pui ta lo ka ni hi lawm tur ka ni..Chuti ni lo se chuan tunah pawh hian ruih vangin ka Nupui ni lo ka mutpui hial maithei...

‘I nuam lo ami?” a che sat sata, ka lam hawiin a rawn inlet a.Ka darah a lu a rawn daha,a ham zui bai bai bawk.

‘Aih..ka tiharh che law?” ka ti supa.

‘Tiharh chiah lo,tiharh tho..’ a nui a.Ka nui ve hawk mai.

‘Min kuah la ka muhil mai ang’

‘Tak tak?” a awah awih  lohna a lang tel thei hial bawk,a demawm hran lo, nizan khan sik pawh ka si eih lo,zingah lah mumal in ka be hek lo.

‘Um,tak tak..chuan ka tihsual zawng zawng te zanin atan ka theihnghilh thei ang chu’ ka ti leh a,ka thaw hawk bawk.

‘Tihsual? Eng thil nge?’ hlauhthawnna niawm tak a hriat tel theih.

‘Sawi loh ka duh zawk’ ka ti tak tak..Mahni dik lohna sawi tluka harsa a awm lo, midang chu ka hre lo, ka hriattheih chinah kei chuan tuma hnenah ngaihdam ka la dil ngai lo..

‘Remkimi nen khan ka hmu che u a,ih...eng lo’ a tawp lam a zuih ral vek..

‘Maw?” ka nui hawk mai..ka nuih chhan erawh ka hre der lo thung.Mahse, min hmu tih ka hre lo.

‘Zanah khan ka hmu che u a,i Motora in chhuak tur lai ka tihna nih chu..ih,Ricky-a te khan an zui che u a...kha chu ka tihtir a ni lo,an mahni thu a lo kal..’ ka sawi zawh tir thei lo,a hmuiah ka kut ka daha, a tawp ve mai bawk.A thilsawi chu ka beisei piah lam a ni ringawt.

‘Sawi tawh suh..’ka ti chhuak hrawih mai, ka kuai daka, Balcony lam light chauh anih avangin a hmel ka hmu chiang thei lo..A hmui hnuailam ka kutzungpuiin ka tuaia..

‘Anih chuan enge i tihsual ang?ka hriat i duh si loh chu enge thildang awm ang?’ ka kut a rawn vuana.

‘Engmah dik lo a awm lo,i hriat ka duh loh chhan chu ka dik lohna sawi hi harsa ka ti,i chhungte leh i problem lam engmah ka lo ngaihtuah ngai lo a,Ruati chungchangah bik phei kha chuan ka thinrim tih piahlam ni mahse hrilh ngam turin ka lo awm lo ang tih ka lo hre lo a..Ruati a dik ka ti lo,mahse, min hrilh loh vanga ka thinrimna zawk kha ania ka sawi...’ ka ti c ta duah,engmah sawi loin ka kawngah a rawn kuaha, ka awmah a hmai a rawn phum nghal kak bawk.

‘I rui lo tiraw?”ka beisei loh lam daih..mahse a demawm hran lo, ka nam miau a.

‘Aih, mahse ka in..’ dik takin ka chhang mai.

‘Um, ka hria lawm, i lo haw tirh khan i rim ka hre nghal a..’

‘I muhil emaw ka ti a?’ mak ti deuh hian ka ti hu.

‘Muhil chiah lo,diktak chuan ka muhil thei lo a, i lo haw hma chuan ka muhil ngai lo’

‘Ava mak ve, i lo muhil deuh ziah zawk emaw ka ti a’

‘Ka muhil der ziah,muthilh tak tak ka duh pawn ka thei lo thin a’ a ti leh sepa,a mal ka chawikanga, ka kawngah ka inkherh beh tira, a taksa lum hiam mai chuan ngaihtuahna dang min neih tir leh tawh.

‘Sorry...’ a samah ka fawp leh vang vang mai..a rawn hawi chhuaka, ka khabe a rawn khawiha, a chul kual riak riak bawk.Ka thaw hawk mai, min hnaih leh zual turin ka pawt hnaia a mal a min kherhna a nghet zual sauh bawk.

‘Ka pasal i ni a,ka ngaihtuah lo thei lo che,Hmeichhe dang nen in awm angem tih te,engtikah nge midang nen in awmdun lai ka hmuh ang tih te...a tam mai’ a ti leh sepa,a aw a lawi deuh rat bawk, a kut zungtang sei sel sawl chu ka hmaiah a kal kual tir dan dan bawk.

‘Sawi tawh suh,Sorry ka tih kha, ka zahna tur engmah sawi belh ka duh lo’ka ti a, hrethiam niawm tak hian a ngawi ve mai bawk.Mahse, a kut erawh a chawl chuang lo.

Ka awm bula a kut lehlam dah a la sawna, ka beisei loh lutuk a tih zui takah chuan ka mar deuh awk mai,ka Boxer kawng a pawt kaua, a zen luta, ka mipatna dimtein a khawiha,ka thawk a sak nghal tawlh tawlh mai.

‘I tawp loh chuan enge thleng dawn i hria alawm?” ka aw a zawi hle bawk.

‘Thleng rawh se, pasal ka neia, ka mamawh anih chuan ka pasal bulah ka tilang thiang alawm..a ni lo mi?” a thaw lum hiam chuan min fan rawih rawih mai.

‘Oh...lutuk..ouch...’ a kut zungtang a hmang thiam lutuk chu ka rum zui hawk bawk,ka tho kang deuh uaih chu min nem mu leha, amah zawk a tho a, ka kawng lamah a tawlh hniam zui zat bawk...A bak a chet zui lehna phei  chu duhthusam a ni tawp mai...

Ka harh leh chuan khua a lo eng vek tawh,ka inlet tur chu ka kawnga min kuah bet tu avangin ka thulh leh,tui zetin a muhila, a thaw ri sak sak bawk,nizan kha..ka ngaihtuah zawng ringawt pawn ka danglam lehnghal titih,khatiang tak khan a zei tih ka lo hre lo,a hma a Hmangaihna kan chen dun apiang khan ka duhthawh thina, kei ang bawkin ani pawh a duhthawh ve tho, mahse, keimah zawk ka che hmasa ziah,nizan kha chuan a inthlak thawk, ka chet dawn apiangin aman min dang zela, a duhtawkin a che a ni ber, mahse, pawi ka ti lo..Pawi lo satliah pawh ni loin ka nuna ka tawn tawhah chuan Best a ni tawp mai..

Reife che loin ka mu leh vang vanga,ka mut a chhuak tawh lo,min kuahna ka dah sawn saka,a chau ngang aniang a harh miah lo.Ka inbual sawk sawka,nizana ka haw khan ka inbual tho nangin kan chet dun lehna mai bakah inbual hi ka tihthan anih avangin ka thiam tawh lo ve hrim hrim bawk,mak takin nizan khan ka in hnem thawkhat viaua,ka lu a nat ka rin nen a na miah lo bawk.

Dino-in zai rat rat chungin in a lo tifai meka, a nau zawk Kitchen lamah a ri rak rak thung,ka thawm a hriat veleh a rawn hawi vata, a zai tawp nghal hmak bawk.

‘Dino,zingah chaw pangngai kan ei ang aw,vawiin Christmas a ni sia,inkhawm kan duh a’ ka ti a, a mak ti lutuk hmel chu hmuhnawm tak a ni, a lo awm hnuah Christmas ka ngaihpawimawh ve hmasak ber tum a ni a, mak a ti pawh a awm viau.

‘Maw??’ a thil tih lai chawl meuhin min en.

‘Inkhawm kan duha, i u nen..chuan,enge eitur awm ang?’ ka ti leh a.

‘Nizanah u in a rawn hawn veka,aman a siam nghal vek bawk..mahse, i inkhawm ve dawn maw?” a la ti ta fo,ka bu nghuta, ka nui suk bawk.

‘A mak e, i inkhawm dawn a..mahse, u Ruby vang niang tiraw?’ a ti leh talh.

‘Um, ni e, nangpawh inkhawm ve la’ ka ti leha.Ka mood a that viau tum pawh hian tiang takin ka be ngai lo.A mak ti lutuk hmel chuan ka nuih a tihzat rualin ka lo nelawm loh thin tur zia ka ngaihtuah phah leh ta tho mai.

Room a ka let leh chuan a lo tho tawh,room a lo tifai mek,ka pan hnaia,a kawngah a ka kuaha, a phu zawk bawk.

‘Min tiphu alawm’ a ti hlaka, a thil khawih lai khawih zawm tumin a ban leha,mahse, ka kuah tlat avangin a khawih pha lo,min rawn nghenga.

‘Inkhawm ila...’

‘Maw?” a ti that mai.Kan inneih hnuah ani hi chu Sunday inkhawm a thulh ngai lo, kei ve chu min sawm apiangin chhuanlam ka nei ziah.

‘Christmas ania, chu bakah ka bula i hman hmasak ber ania, chuan, tlaiah Homeah kan chho anga’

‘A va tha tak...i ti tak tak tiraw?” ka kut a rawn vuana.

‘Tak tak...chuan, ka pa bia ila, New Year chu in khuaah kal ila...a tha angem?”

A kawng ka kuahna a phelha, a rawn inhera, ka nghawngah a rawn kuaha, a kawngah ka kuah ve thung,kan insanhleih deuh bawk nen a dingdihlip ar mai.’Nizan ami zawng zawng nen khan engmah hi a lem a ni lo a, ka ring ngam tak tak thei ang che tiraw?” ka mitah tak a en ran bawk.

‘Um, min ring rawh, ka nunah hian hei aia tih tak tak ka neih ka la hre lo..’ zawi sup hian ka ti a, a che hrata, ka samah a rawn thama, min kuai kuna, a hmui nem thepin ka hmui a rawn si zui nghal zat bawk, ka pawmkang nawlha, ka kawngah a kherh bet nghal chial bawk...

Ka inkhawm ve ta ngei,ka nunah hian Pathian hi ka lo dah pawimawh khat zia ka hre thar leh a ni ber,pawisa ka ngaha, ka mamawh apiang ka nei zel bawk,nuam ka tih zawng leh ka tih chak zawng tih loh ka nei hek lo,mahse,vawiin a ka hmuh te hi kan vengah pawh a tam zawk chu keini aia harsa va tak tak te anni tih ka hria, mahse, an hlim lo bik chuang miah lo,an hlimna lah kei ai mahin a nasa zawk in ka hre that tlat bawk.

Tlaiah Home lamah kan chho ve a, ka pa hmuh ka chak hran lo, diktak chuan a kal tur pawh min hrilh loh aiah min hrilh tawk chauh kha ania, engtin nge min lo lawm ang tih ka ngaihtuah lo thei lo,Ruby tawng siam siam chu ka ngaithla reng nangin a sawi engmah ka hre mumal lo.Ka pa nen hian hauh tak takin kan la inhau ngai lo a, ka duh zawng engkim min hnial ngai hek lo,tun tum erawh ka lakah a lungawi lo takzet a ni a, ka rilru a kap lo thei lo.

‘Mal...ka sawi i hria em?” ka malah a  kut a rawn daha.

‘Aw..aih...sorry, ka hre miah lo’

‘Nia, i hriat loh hmel tawp, enge i ngaihtuah a?”

‘Eng ni lo e, ka pa mawle’

‘Kei pawh, mahse, zingah khan min lo call asin,chuvang ania kal i tih pawh khan ka hnial loh che’ ka melh zawka.

‘Kan kal chho dawn em tih leh i that leh that loh min rawn zawt a’ ka thaw hawk mai, ka beisei loh lutuk thil a ni tawp mai.

‘A that chu’

‘Chu zawng chu maw?”

‘Ka mizia hi ka pa atanga ka chhawm a ni a, kei aiin a duh loh lamah a ngeng zawk,min ngaihven ka ring lo a,mak ka ti mawle’

‘Um,nia.Mahse, thil pakhat,i pa a ni a, a fapa i ni bawka, midang lakah chuan a ngeng pawh a ni ang, mahse, a Hmangaih che alawm,tu nu leh pa mahin an fa te an haw tak tak ngai hleinem’ dam thlap hian a ti leh a..Ka bu nghut ringawt.

‘Ka tih dik loh a ni a, avaiin ka siamtha leh ang, mahse ka lamah i tang reng ang tih min tiam rawh’ a ti leh sapa.

‘Um,mahse i dik loh ni loin midang tih dik loh alawm’

‘Khalam chu engmah sawi lo ang, ka lamah i tang tlat ang tih min tiam zawk rawh’ a ti leh ta fo.

Kawngsir rem laiah Motor ka ti dinga, khaw kar kawng a ni bawka In a awm lo, Motor veivak erawh an awm reng thung.’Ngatinge i din a?” mak tih hmel deuh hian a ti a.Ka hawi pheia, a kut ka la kanga, ka fawp vang vang mai.

‘Ka tiam che, i lamah ka tang ang,min kalsan anih loh chuan ka kalsan ngai lo ang che’ a insut hraih mai..

Home kan thlen chhoh meuh chuan khua a tlai lam tawh, Aizawl atangin darkar chanve vel lai kal a ni ve a,Aizawl atangin a hla lem lo,Aizawl veng pakhat tih thoin an awmna hnaih ber veng hi an sawi tho bawk,a hma chuan Aizawl tlak lam venga mi inluaha thianho tangrualin an din a ni a, a hnu lamah ka pa remtihna thlapin ka nu leh a thiannuin helai hmunah hian in an sak sak ta zawka,khang a din tu te khan an la ngaihven reng nangin sum lam hi chu ka kutah a awm ta vek.

Gateah kan kal dawn tih hre lawkin Naupang lian lam ho an lo awm thap tawh,ka tlan luta, min rawn um nghal dam dam bawk.Motor dahna tur lam panin ka tlan pheia, mahse, ka beisei loh lutukin ka u Car ka hmu ve chiah bawk..