REVEUSE(Dreamer) Book- 3

CHAPTER- 21

Ka thutna chair ban nghet zetin ka vuana,atthlak lutuka ka rilru natna ani bulah hian tihlan ka tum hauh lo.Chung zawng zawng ai chuan a thiltih tenawm em em ka hriat tura a sawi hi mak ka ti a,ka awih hauh lo tih tihlan ka duh zawk.

‘I fiamthu anih ka ring e’ ka ti chhuak ta zawk.Mahse, ka chhungril erawh na tak a ni thung.

‘Maw?’ mak tih hmel zet hian min en hau mai.A beisei lawk loh danin ka awm anih hmel viau,mahse a in Control leh vata,a hmel pangngai,dam thlap thin ang bawk khan a lang dam leh thlap tawh.

‘Khatiang thil kha thutakah ka ngai lo,bakah i tan nunhlui ni lo mahse Abel-a tan chuan nunhlui i ni alawm’ ka ti leh sap.Hahdam hmel takin ka thutna chair hnung lam ka ngheng a,a mitah tak ka en lui ran bawk.

‘Aih...ok,a tha lawm..Engvanga nei che nge anih i lo rin a?” a ti leh salha, ka nui hak mai.He hmeichhe nihna hi engtin nge ka lo hmuh hmaih theih zawk? Hetiang taka tenawm a ni tih hi a hma khan hre tur ka ni asin.Zak map loin a pasal nau nen an inzawm tih a sawi mai anih chuan thildang tamtak pawh a ti duh ngei ang.

‘Nupa nitur chuan enge chhan awm tur i hria ang chu’

‘Uh...hria e, mahse..Abel-a leh nang hi...’ sawi zawm duh loin a ngawi leh daih.

‘Nangni ang bawk khan kan induh tawn vangin nupa kan ni,Officeah Abel-an min nghaka, ka kalsan mai ang che’  tih leh thawh ka rual nghal zat bawk,Diktak chuan vawiin kher chu a haw tlai dawn vangin Taxiin haw ka tum zawk.Mahse, sawi lan ka tum hauh lo.A chhanna pawh nghak loin ka thil lei ka khaia, kawngkhar ka pan nghal daih bawk.

‘Ding lawk teh...’ Taxi changa ka din laiin a rawn ti leh a, min la zui zel tih ka hre hauh lo.

Muangchangin ka hawi leta, kan bul hnaiah mi awm hnai lo mahse kan bul lawkah kal an awm reng thung,min rawn din hnaiha,a hmeltha tak chu tim map loin ka en ran bawk.

‘Hmanni khan Marcus-a khan enge a sawi ka hria,in haw hnu khan Abel-a chuan a thlem lungawi mai ang che tih kei chuan ka hre tho a...’

‘Ok,dik chiah,mahse thlem hranpa ka ngai hleinem,a fa a ni miau lo a..Chuan maw,in nupa hian duhtawk tawh ru,enge in duh chu ka hre lo nangin thenhran mai mai theih kan ni lo ania’ ka ti a, ka nui lui sak bawk.A nihna lo tawpa midang bulah fel hmel taka a lang thiam anih chuan kei pawh hian dawt phuahchawp hmanga chhan let dan ka thiam lo a ni bik hlek lo.

In ka thlen hnu lawkah Ruati a haw pheia,eirawng a lo bawl nual tawh nangin ka siam belh leha, chumi hnuah Inbual turin ka chho ta chauh,hahdam tumin Bath-tubah tui lumin ka inchiaha,ka mit ka chhing vang vang bawk.Khatiang thil kha engtin nge Marcus-a te nupa khan an tih ka la hrethiam thei chuang lo.Marcus-a khan a rilru nat vangin a sawi chhuak anih pawhin Mampuii khan a zep tur a ni dawn lawmni? Hre lo tur ngawih ngawih bula khatiang sawi kha a dik lo hulhual,anihna takah chuan a mak lamah a kal mah zawk.

‘I awm em?” kawngkhar rawn kik pahin Abel-a awin a rawn ti a,ka thu mar zawt mai.Kawngkhar ka kalh leh khalh loh en tumin Curtain ka pawt kau vata, a inkalh tih ka hmuh takah chuan ka thaw huai bawk.

‘Ka zo tep..’ ka ti let nghala,hmanhmawh zetin ka chhuaka, Showerin ka intleuh leh zuaia,mahse enge ka hmanhmawh chhan? Mampuii thilsawi kha ka zawt dawn tihna a ni em? Nge thildang vangin ka phur ta thut zawk..

Darthalang,taksa pum lanna awmah chuan ka in en leh rih,ka tleirawl laia ka ha tihrualna vuah leh ka hmai bawl thin kha engmah a awm tawh lo.Ka thau hauh lo nangin cher erawh ka ni chuang lo.Ka hmelthat thu hi chu Jeffrey-a hian min hrilh ngun viau nangin midang chuan min hrilh khat viau.Mahse, Jeffrey-a sawi erawh lak thutak chi a ni lem lo.Chuti anih chuan Abel-a hian Mampuii nen an nihna thup nan lo chuan min nei hauh lo ang.Mahse, a nunhlui anih chuan enge thup a tulna? eng hi nge awih a awih loh tur pawh ka hrethiam lo.Abel-a thusawi te ka ring ngawt thei lo ang bawkin Midang pawh ka ring chuang lo.Mahse, Abel-a fa erawh a ni lul lo ang.

‘Vawiinah Mampuii nen kan inhmu a’  ka thil ei lai en ran chungin ka ti a.

‘Chuan...?”

‘An tha tlang a ti a..’

‘Anih chu...mahse, i mood a danglam daih kha a chhan a awm hmel riau ka tia’ring vak loin a nui a.

‘Aih,engmah a awm lo..’

‘Tak tak?”

‘Aw..’

‘Anih chuan Naute kha ka fa a ni tih a sawi lo tihna a ni em?” rang zetin ka hawi chhuaka, uluk zetin min lo en run thung,ka thil ei lai ka en leha,ei zawm chakna ka nei lo.

‘Ih...eng lo,nang nen hian nunhlui inni lo a ti a..’ ka ti ta nge nge.

‘Chuan, i lo awih leh ngawt anga tiraw?” ngaipawimawh lo hmel zet hian a ti liam puat.

Ka en leh ta nge nge,diktak chuan a fa anih ka ring lo chungin na erawh ka ti anih kha.

‘Awih maithei...awih loh ngawt na tur a vang em alawm’

‘Awih ngawtna tur pawh a awm chuang lo bawka tiraw?” a ti leha,ka sawi tirh atang khan a hriatsa vek sawi ka ang berin ka hria,a ngaipawimawh miah lo niin ka hre bawk.

‘Tumah ka ring lo che u tihah hian ka chianga, abak engmah a awm lo...ka tan chuan in in ang vek’ ka ti hmaka, ka thutna chair ka nawrsawna,ka tum aiin ka nawr na hret bawk.

Ruati a haw tawh avangin kan chaweina ka sengfela,ngawirengin min pui ve bawk,ka hriatthiam chiah si lohin ka thinrim ru teuha,ka chhungrilah engmah tih phur lohna a awm tlat bawk.

‘I thin ka tihrim chuan thupha ka chawi e’ Inchung panna step a ka chho tur chu min rawn ti a,ka ding data,ka hawi let a.Min en loin Tv lam a lo en daih thung.

‘Ngatinge ka thinrim anga?”

‘Mampuii thilsawi vang khan..’

‘Oh..ka ngaipawimawh lo,nangpawn i sawi thin kha min hrilh nawn a ni mai’ ka ti nghata, ngeiawm zetin ka nui lui hak bawk.

‘Engmaw ka sawi thin?’ a rawn dingchhuaka, min rawn pana, chhunglam atangin kalsan turin zawitein awin min rawn hrilha, mahse tlanchhiat ka duh hauh lo.

‘Kan inneihna chhan..Mahse, ani lehzelin min hrilh kha nuam ka ti...’ ka sawi zawh hmain ka hmui a kutzungtangin a rawn khawiha,ka sawi zo thei lo.

‘Ka mitah en rawh’ a ti hmuka, ngenna niloin thupek a ni tih a tih hai theih a ni lo.Hnial duh teh mahila ka thei lo,a mitah tak ka ena,mahse ka tiril a khur dar dar thung.

‘Tun chiah ka sawi leh ang...Ka hun kal tawhah chuan Mampuii hi a awm ngei,mahse tunah chuan a kal liam tawh,ka neihna chhan che engpawh ni rawhse,ka nupui i ni a, ka hun hman mek min tawmpui tu...’ nghet churh hian a ti supa, ka sam tawn kim loh rawn tla chu ka bengah a rawn zepa,a kutzungpuiin ka biang a tuai hauh hauh bawk.

‘Ngatinge i sawi ka awih ang?” ka chhungril a rin ka duhna dah thain ka ti chang fak thung.Za lo zetin a then suk mai.

‘Min ring tura ka duh vang chein..’

‘Mahse....’ a rawn kun hniama, a hmui chhah tap leh lum ham ham chuan ka sawi zawm tur a rawn ti tawp hmiah,chhan mai dan tur hre loin ka awm ngaiin ka awma, ka ding tlawn at ringawt.

A kut pahnihin ka biang tawn tawnah a rawn dawma, dim leh dam zetin min fawp zawm leha, ka khup a zawi huaia, ka awmdan zang huih chu ka hrethiam lo..Ngenngawl zetin ka hmui a rawn nawr kaua, a lei a rawn rawlh luta,ka sawithiam lo,nawmna mak lutukin min rawn fana,ka khup a sai dar dara, ka ngheng ta nge nge..

‘I hmelthat zia hi i hria em?” min thlah hnuah a ti supa, amah en thei turin ka biang tawn tawnah a la vuan bawk.

‘Ngatinge i tih a?” ka ti sep thung..Khatiang khan a tih fo chuan ka chhungrila amah ka duhna thanglian mek hi ka thunun zo hauh lo ang tih ka chiang.

‘I pasal ka nia lawm...’

‘Mahse...’

‘Thil pakhat ka duh ber chu min ring la tih hi..Ka u hian ka thil neih apiang min chhuhsak a tum thina,tunah chuan a nupui nen lam an tangrual ta anih chu,i hrethiam em?Chuan,ka nghak rei tawh mah mah bawka..’ a nui suka, a rawn kun hniam leha, min fawp leh dawn emaw tiin ka mit ka chhing a, mahse ka chalah a fawp ta zawk.

Zan dang ang bawkin mangchhiain min tiharh leh ta nge nge, ka thu chhuaka,mahse ka mutna lo lama Mipa ruangam niawm tak ka hmuh rualin khum atangin ka per thla nawka,bawk vakin bang kil lam ka pana, khur zawih zawihin ka thu tawm ta chaih zawk.Hetiang tak hian a hma khan ka la hlau ngai lo,ka khum lam ka en ngam hlawl lo,tunge khuma mu kha ni ang? Ka khup chungah ka lu ka nghata,ka mit ka chhing ngam lo..

Ka phu vaka, ka te nghal vak bawk.

‘Mate...’ tuemawin min rawn kuaha, talchhuah tumin ka tal nghek nghek thung,mahse min thlah duh lo.

Nghet zetin min kuaha,ka beng bulah engemaw sawiin zawitein a tawng a, min hnem a tum a ang viau..Ka taksa khur nasa lutuk a reh thlengin min kuaha,mahse ka mengchhuak ngam chuang lo..Tunah chuan ka harh chiang tawh,min kuahtu pawh Abel-a a ni tih ka hria..Mahse, a lo luh lai ka hre lo,ka thut rei tak viau hnu khan mutchhuakin min zema,hlau eng ang mah ila ka chau tawngkhawng ka lo  muthlu a ni ngei ang, chu pawh min tibuai leh ta tho..

Reivak lo hnuah Dimtein min pawm kanga,a nghawngah ka kuah nghal chial bawk,tunah chuan min kalsan lo se ka duh ber..Khumah min nghah a tum tih ka hria,hlauhna bawkin min rawn fan leha,Khumah khan tuemaw a mu ve tlat.

‘Hetah ka mu duh lo...’ ka aw a ri chang chang..

‘Ok, i mu lo ang, ka Roomah zawk kan mu dawn nia’ a ti supa, a room lam panin min pawm chhuaka,tal thlak tumna ka nei lo, tal thlak ai chuan min kalsan ka hlau hluah hluah zawk,naktukah ka zak leh dawn anih pawhin tunah chuan kalsan ka hlauhna hian min fan hneh zawk.Naktuk chu naktukin a hril mai ang.

A darin a Room kawngkhar a nek hawnga, khumah min nghata, ka khum ai chuan a khum hi a te zawk.Mahse, pahnih tan pawh pangngai takin a mut theih tho.A inlahrang tur chu ka pawt bet tlat.

‘Ka kalsawn dawn hleinem che, Kawngkhar ka va kalh lawk ang’ a ti supa, ka samah a rawn fawp zauh bawk.

A sawi ang ngeiin a rawn let leh nghala,khumah a rawn lawna, ka puan sin a rawn pawt kaua,min pawh hnai pahin min kuaha,a dar hlai hlap maiah ka lu ka nghata, a mal sei thlurh chuan min kherh bet chial bawk...

‘Engmah hlauh tur a awm lo ania,muhil la, ka lo veng ang che’ zawi supin a ti a,chhang loin ka inleta, amah hnaih lehzualin min pawt hnai leh salha, a lungphu ngawr dat dat  ka hrethei hial bawk,mahse chu chuan mak takin min ti thlamuang tlat lawi bawk.

Enge min tiharh ka hriat lohin chiang zetin ka harha,ka mengchhuaka, Room chhung thim deuh ruai ka hmuh rualin ka awmna ka hai thelh bawk,mahse nizan thil thleng ka hrechuaka,ka khur lehnghal titih.Khawvar  tantir anih ka ring ve ngawt,nizan khan Phone ka keng phei tel lo a,Banga Sana  inkhai en tumin thawh kan ka tuma, mahse Abel-an hnunglam atangin ka kawngah a rawn kuaha, a thawk danah a la muhil tih a hriat theih.Tih harh ka duh loh avangin ka awm ngaiin ka awm ta zawk, nizan thil thleng kha..

Khuma mu niawm tak kha Abel-a ni lo tih ka chiang.Ka hmusual pawh a ni maithei,ka Roomah ka let leh ngam kher angem ka hre lo.Ka let leha, ka riak leh dawn anih pawhin Abel-a tel lo chuan ka riak dawn hauh lo tih ka chiang.Mahse, engtin nge ka hrilh ang?? Nizan vang pawh khan min hmusit viau thei,chumai bakah ka lang der dep lehzual sauh bawk ang.Ka pasal tak tak ni se ka ti ngawih ngawih.

Rei vak lo hnuah a che tuah tuaha,ka mit ka chhing nghal vat,min tih harh hlau niawm takin ka kawng a kuahna a la sawna, che zui lo in a reh deuh vang vanga, ka hmai a sa hat hat thung..A che leh data,a hma ang bawkin min rawn kuah leha,mahse a kut erawh ka kawr hak chhungah a rawn zen lut a, ka hnute ah tak a tawp chat,Ka tum loh tawpin ka mur ar ar bawk.Mahse,a ti che zui lo,min rawn hnaih leh salh pahin ka mal a rawn khana,a mipatna ruh tungin min rawn si a,ka ip chawih bawk.

‘I harh tih ka hria lawm’ ka beng bulah a rawn ti supa,a lei lum thar thar chuan ka beng kawm a liak kual zai zai bawk.

‘Abel...’ a thil tih lai a tawp chuta, mahse rei a ni lo.A tihzawm lehnghal mai bawk.Mahse, ka inlet ta thak zawk,zangthalin ka mu a,chunglam ka en lui tlat bawk.A chetdan khan min ti danglam tih a hriat ka duh lo.

‘Nizan khan ka khumah khan i lo mu em?”  ka ti ta zawk.

‘Aih,ngatinge?”

‘Tu emaw mu ka hmu a...’ ka khur leh lo chauh.

‘Ahh..i te ri niawm takin min ti harha,mahse a reh leh daiha, ka hresual anih ka ringa, ka ngaichang deuh reng chea,engmah thawm i neih tak loah chuan ka muhila,mahse min tiharh leha, ka lo kala, bang kilah i lo thu a..’

‘Ih...kha thil khan min tibuai renga’

‘Ok...tunah chuan zantin i bulah ka awm ang,i hlauh pawn i bulah ka awm tih i ngaihtuah ziah tawh dawn nia’ a ti supa, ka hmui a rawn khawiha,a kutzungpuiin a rin leh zai zai bawk.

‘Mahse, Roomah sawn ka let duh tawh in ka ring lo..’

‘Um,a tha lawm,hetah hian kan riak mai ang chu..’ a ti leha, a tawng dam thlup leh nghet charh chuan dawt a sawi lo ang tih min rin tir lo thei lo.

Muangchangin ka kut ka lek kanga, ka huaisenna zawng zawng sawmkhawmin a tukhumah ka vuana,Room chhung thim deuh ruaiah chuan a hmel buai deuh nak chu ka hmu thei tho..Ka thiltih lai mek tawp turin chhungril atangin aw zawi te hian min rawn hrilha, mahse tuemaw in ti zel turin min nawr thung..

‘I la na leh ang,i ring hma em mai’ a tih laiin pakhat zawk erawh chuan ‘ i chance neih chhun hlah suh, nau i pai maithei,kal zel rawh’ a ti ve thung..

A mitah tak ka en lui tlat, a nghawngah ka kut pahnihin ka kuaha,ka inpawt kang titih,ngam leh ngam loin a hmui ka han si de dea,a hamhaih nge ka hre lo,a awmdan ngaiin a awm a, a inlek khawng ut ringawt,ka hawi sawna, ka kuahna ka thlaha, mahse ka inlak hran hman hmain min rawn kuaha, ka hmui a rawn si a, duhthawh leh hmanhmawh lutukin min rawn fawp ta zawk..

Ka kawr a rawn zena, ka hnute a rawn thama, zei lutuk hian a hmur a rawn chep hrual titih,ka kang awk mai..A insiamrema, ka kawr a hlim chho a, ka hnute hmur a lei lum ham hamin a rawn sik takah chuan ka kang leh awka, a samah ka tham vak bawk..

‘Ka tawp dawn em?” min rawn en a,khawvar tantir eng deuh ruai chuan a hmela chakna lang chu a tilang chiang thawkhat..

‘Ka...ka hre lo...’ a kawrah ka pawt tlat thung,ka thusawi leh ka chetdan a inpersan zia kei pawn ka hai bik lo,mahse nupui tak nih ka duh.Chubak engmah ka ngaihtuah duh rih lo,thildang chu nakinah a tla chawpin a lo thleng mai ang.

‘Tawp tura min duh chuan ka tawp ang, mahse...kei chuan ka duh lo,ka nghak rei tawh...’ a ti leh hrawka, inthunun a tum tih ka hai lo.

Ka huaisenna tlem la neih ka sawmkhawma, tawngka a chhang loin a kawr ka hlim chhoh sak ta zawk.A rum hawk ka hre zui zat,a kawr ka hlip tur min puia, a kekawr kawng ka zuk ban leha,hrethiam in min pui leh vat bawk..

Ka kawr a hlim chhoh sa chu awlsam zetin min phelh saka, ka kekawr bul pawh ka Panty nen awlsam zet bawkin a hlip thla leh a,a thehsawn zui daih bawk.Ka mal a rawn nawr kaua, a rawn tla zepa, ka hnute hmur a rawn hmuam zui leh nghal zat bawk.Ka kang leh awka, ka mal kar a rawn zen takah phei chuan te chhuak lo turin ka hmui ka pet fan fan mai.

Dimtein ka point a khawiha,ka ang phiau ringawt, tiang taka chakna leh nawmna hian min la tuam ngai lo,ka lungphu ri dut dut chu a hriat ka ring hial bawk,mahse a ni pawh a mumal bik lo tih a awmdanah a hriattheih ve tho bawk.

‘I inpeih em?”

Ka chhang dawna, ka tawng ri thei lo,a kawngah ka mal pahnihin ka kherh bet ta zawk, a mit thim raih maiah chuan a duh a lang theia, let leh turin ka tlai tawh tih ka hre bawk.

‘Min en rawh...’ a ti leh supa, a aw a khur dur dur bawk.

‘Abel....’

‘Tunah chuan tawp turin min ti suh,ka mamawh lutuk che’ a sehchilh nak mai.

‘Ih...ka la Virgin a..’

‘Ka hria alawm,a na lo ang ’ a ti supa, a aw a tham tuak bawk.

ka hmui a rawn khawiha,a hmui chhah tap leh fawh nuam zet chuan a rawn nawr kaua,a insiamrema,ka point a rawn khawih leha, a mipatna khauh tung chuan  a rawn sik tira,ka ip leh chawiha,ka thaw a chham titih bawk.Zawitein a rawn nawra,ka ang pham mai,a hma aia na zawkin a rawn nawr leha,a na zawka, ka mittui a rawn tla a,ka ang pham bawk..A chawl data, ka mitah a rawn fawpa,Nawmna nasa zawk nei turin a che zawm leha, engmah ka ngaihtuah thei lo,kan thil tihlai mek ah chuan a tawp thleng turin ka thiam ang angin ka pui ve ta zawk.

A chungah min pawt kaia, ka kawngah a rawn vuana, muangchang leh dim zetin min pawt hniama,ka zuk zawm takah chuan a rum hawk mai,a thu mu titiha, ka chet zawnga ka hnute che ve zel chu hmuhnawm tih hmel zetin a en a, a rawn khawiha, a lei lum ham hamin a rawn liak kuala, chu chuan nawmna sawithiam loh khawpa nasa min pek belh leha,hnuai lam atangin a rawn nawr leh salh,ka khur a, ka mur ar ar mai,ka hriatna te an chawl vek nimaiin ka hre bawk,a hma aia na zawkin a rawn nawr leha,nghet zetin min kuah beta,a tawp kan thlen dun takah chuan a rum hawka, min kuah bet tlat bawk,kei erawh te chhuak lo turin ka hmui ka pet fan fan thung.Hetiang tak hian nawmna a nasa thei ang tih ka lo ring ngai lo.Midang laka hlauthawng chunga sex hmang ka ni lo a, ka pasal a ni miaua.Chuvangin a nawmdan a famkim pawh a ni mahna.

‘A na em?” ka awmah a khabe a nghata, thlan vangin kan hnawng dun chap bawk.

‘Tlemin....’ ka ti sepa, a mitah ka en ngam lo,ka chung atangin a let thlaa, a chungah min pawt kai ve thung.

‘A na tawh lo ang,inbual ang hmiang’ a ti supa, ka sam karah a kut a rawn rawlha, na vak loin a tham bawk.

Kan awmdan a inthlak danglam ta thawk,engmah a lem a ni ta lo bawk,min duata, min ngaihsak em em a,enge ka duhzawng leh ka lawmna hriat a tuma, kei lahin pangchan nuam ka ti em em bawk.Kan awmhran chhan kha chu sawi rik a ni ta lo,kan hre ve ve tho ang,mahse tumah mahin kan sawi chhuak tawh lo.

Ka Roomah ka let leh ta ngei, mahse zanah erawh chuan Abel-a riahna Roomah zawk kan riak ta thung.Zantin a tihtur dik tak a ti a, ka hnial ngai lo.Min mamawh tih a tilang ziaha, a thup ngai lo,keipawn ka mamawh ve tho bawk.Ka mangchhia in min kiansan nghal hauh lo mahse ka hlauh apiangin min kuaha, min hnem turin ka bulah a awm ziah thina, ka tleirawl laia ka tuar dan nen kha chuan a danglam ta,amahah ka innghat tam tial tiala,a tel lo a awm tur phei chuan ka ngaihtuah ngam lo titih ta hial.

‘Hello...’ en loin ka phone ka pick a, ka hma a Laptop ka melh reng bawk.

‘Matty..i buai em?” Abel-a nu aw ka hriat rualin ka mengphar awk mai.An In kan chhuahsan atang khan min la rawn be leh ta miah lo,keini pawn kan be hek lo.Biak chu ka duh ngei, mahse Abel-a ka khawngaih avangin biak chakna ka nei lo ve tawp zawka, ka be lo thei zel.

‘Buai vak lo e, enge ni ta?” a ri erawh chuan pangngai takin ka ti tha ve mai.

‘Rawn hmuh che ka duha, in Office bul lawkah hian ka awm a’

‘Um, Officeah ka awm alawm’

‘Midang an awm em?’ a ti leha,eng chu a hria nimaw?

‘Awm ,ka lo chhuk zawk mai dawn mi?” ka ti a.

‘Aw, i hman chuan lo chhuk zawk la,Jojo’s Cafeah hian ka lo awm ang’

Ka lut min lo au nghal vat, ka pan pheia,mi an tlem lai tak a ni bawk.Inhma tawnin kan thu a, sawi mai tur ka hre lo.

‘Abel-a a tha em?” reife kan ngawih hnuah a ti ta chauh.

‘Um..tha e’

‘Anih chu,min rawn tlawh khat hle mai’ a ti leha, chhan mai dan tur ka hre lo.

‘Thil ngen duh che ka neia..’ amah bawkin a ti leh a.

‘Oh..’ in ringtawk lo zetin ka ti ringawt.

‘Abel-a hian a u a haw tlat mai hi ka duh lo,kei chuan siamthat ka tum nasa tawh,mahse tun thlengin a la hua a,nangmah a neih che khan nun bul a tan thaa, engkim a tha leh turah ka lo ngaia, mahse chutiang engmah a awm ta lo,tunah phei chuan min be lo a, min tlawh hek lo..’ a ti ta duah.A sawi hreh tak sawi chhuak ta ang maiin a hmel a lang dam thlap bawk.

‘Nu,Abel-a hian a haw hleinem..mahse, nangmah hian ngaihsak la a duh a..’

‘Ka ngaihsak alawm,mahse, Naute an chan atang khan Abel-a hian a nihphung a hlauha’  a ti leha,a sawi awmzia ka hre lo.

‘Naute..’ ka ti sep ringawt...

‘Abel-a hian na a ti ang tih ka hria,mahse ama thiam loh vangin an inthena,tunah a U in a neia,thil awihawm loh tak nimahse ka mo a ni ta tho a’

Ka kut a rawn vuana,sawi tur hre loin ka melh reng ringawt.Abel-a leh Mampuii hian Naute an lo chan dun tawh anih chu...Ka chhaw vek,ka beng a kiu mum mum bawk.

CHAPTER- 22

‘Enge i ngaihtuah a?”

Abel-a a rawn thu thlaa,amah si chetin min pawt hnai zui zat bawk.A lo haw lai ka hre miah lo.

‘Engmah...’ ka tum aiin ka aw a chang lam hret.

‘Min en teh..’ tih pahin amah en thei turin min kuai hera,ka ngaihtuahna hriat tum niawm takin ka mitah tak a en runa, ka biang a kut zungpuiin a tuai hauh hauh bawk.

‘Sawi la...’ amah bawkin a ti leh supa,diktak chuan sawi tan mai dan tur ka hre lo.Hun kal tawh thil a ni a, sawi chhuah kher hian engmah hlawkna ka hmu dawn lo,ka nat belh zawk hial maithei.

‘Engmah a ni lo,i chau em?” ka ti ta zawk.Thudik hre turin ka huaisen tawk tlat lo.

‘Chu lam chu nakinah le,ka Motor thawm pawh hre lo khawpa i lo ngaihtuah kha hriat ka duh rih tlat’ luhlul zetin a ti leh a,a hmelpa zetah chuan enge a ngaihtuah a hriattheih loh.

‘Fa neih hi enge i ngaihdan?”

‘Maw?!’ a hmel a danglam zawka, mahse a reh leh rang lutuk a ka hmusual anih ka ring leh ta zawk.

‘Fa neih mawle..’

‘I rai tihna a ni em?” a hmelpa leh hriam hraih maiah chuan nichin lawk ang bawk khan engemaw ka hriatthiam chiah si loh a lang leh zawka, mahse a in Control leh vat tho.

‘Rai ta ila...’

‘Wow...i chiang em?” a awah phurna a lang ta thung.

‘Ka rai lo..’ ka ti nghata, a kut ka dahthlak saka, ka inlahrang zui daih bawk.

‘Anih chuan fa neih i hmanhmawh tihna a ni em?..Ok,tan ka lak nasat angai anih chu’ zawi tein a hui hawk bawk.

‘Hmanhmawh lo,ka hriat duh zawk chu lo thi ta se engtin nge ka awm ang tih leh engtin nge i awm ang tih ka ngaihtuaha” ka ti leh salha,dam thlapa sawi chhuah ka tum teh nangin ka beidawng chiang viau lawi.

‘Enge sawi i tum chiah? ‘ a ti hmuka,a hmelah nelawmna pakhatmah a lang lo.

‘Ka sawi tum chu i hriat kha..i fa i chan vang leh i u ten fa an neih dawn vangin i hmanhmawh em em a....’ ka sawi zo hman lo,ka ban puamah a rawn mana, a vuan nghet bawk nen a  na viau.

‘Tu nge hrilh che?” a ti tuara, a thinrim tih ka hre tho nangin a au vak ka lo beisei lo lutuk bawk nen ka phu vak bawk.

‘Min hrilh tu a pawimawh lo,chu ai chuan keimah min mamawh vanga min mutpuia ka lo ngai che hi a ka inti zawk...’

‘Martha....’ a ti leh hrawka,min hmer na zual sauh,a mit thim khup maiah chuan pawisak nei lo tih a lang thei bawk.

‘Min ti na ania’ ka ti leh hmaka.

‘Nang hian thil awmze nei lo i sawi tih i hria em?” a ti leh hmuka, tlem chuan a aw a nem ta deuh, mahse nawr luih chi a ni lo tih mi a lo tan chuan hai chi a la ni chuang lo.

‘Awmze nei alawm ka sawi,i U ten fa an neih dawn vangin fa neih ve i duha, chuvang chuan maw khatianga i lo tih?”

‘Ngawi tawh rawh’

‘Ka ngawih vangin thudik a danglam phah chuang hleinem...’

‘Thudik chu i hriatfiah hunah i la sawi dawn nia,tuna i duh duh i sawi ang kha ni loin’ a ti leh hrawka, na tuar a ang phian bawk.Nia, a na ang chu,a fa a chan tak kha a sun leh pawh a ni ta ve ang..

‘Min thlah rawh...’

‘Khawnge i kal dawn?”

‘Ka duh duh naah,i tenawmna ngaihtuah turin hun ka mamawh belh anih hmel hi’ ka ti leh sak.

‘Martha...’ a ti leh thawta, min thing nawk bawk.

‘I bula awm ai hian thih mai a tha zawk hial ang, ka nu thiam loh emaw ka lo ti hmana,mahse nangmah zawk hi i dik lo ,i dik lo hulhual..tiang taka i na anih chuan ngah nge i then? Nei mai ta che...’ ka tum loh tawpin ka mittui a rawn baw zawih mai,rang zetin ka hru tawk bawk.

‘I sawi zo tawh em?” zawi supin a ti a,ka mitah tak a en run bawk.

‘Aw,chuan i fa i chan vangin pawi ka tih pui che..’

‘Ka inchhirna tur engmah tih ka duh lo,i kal thei ang’ tih pahin min thlaha,thutthleng hnung a ngheng chawrha, a hmai a hup zui daih bawk.

Ka tho tham thama, inchung lam ka pana, chaw pawh ka la ei lo, mahse ei chakna pakhatmah ka nei lo,Khumah ka lawna, Blanketin ka inkhuh zui hmak bawk.

‘ Engkimah a u hi a thik thina, an naupan lai atang tawhin a u hi a tibuai renga, tharum nei zawk anih avangin a u a ti na fo bawk,ka ngaihsak lo ni loin ka hrem thin zawka,tunah pawh a u ten naute an nei dawna, nasa takin a buai leh tho ang.Ka fa te anni a, kei aia hrechiang an awm lo,ka enkawl danah dik lo a awm emaw ka ti hial thina,i theih chuan fa neih pui vat la ka duh ber’ a Nu khan min ti anih kha..

Fa neih ka duh alawm,chu pawh Abel-a fa ni se ka duh ber, ka pasal tak tak niin ka lo ngai tawha, mahse, kha naute ka sawi chhuah vang ringawt pawh khan min khawih mai hnial lo khawpin a khawsa anih kha.Tiang em em a amahah effect a nei anih si chuan engvangin nge a then? A u in a neitur a duh loh chuan ngatinge a neih mai loh? A chapona zawng zawng dah thlain ngen ang hmiang,Zawhna hlir, chhang thei tu erawh amah Abel-a chauh..Chhanna erawh ka hmuh ngai ka ring eih lo thung.Thil tamtak ka phut hauh lo,amahah hian Mampuii hian engmah effect a nei lo tih sawi se ka duh ber, mahse chutiang a ti si lo...

‘Khawnge i awm?” Jeffrey-an min rawn call a.

‘Officeah..enge?’

‘Ka lo chho dawn,i chhuak dawn em?”

‘Aih’

‘Ok, ka lo chho nghal’

Ka phone ka daha, ka chair hnunglam ka nghenga, mut ka chak ngawih ngawih, nizan khan ka muhil lo tluk a ni a, Abel-a inthlak thawm leh Room a chhuahsan thawm pawh ka hrereng nangin ka che duh lo,ka rin ang ngeiin zankhuain a lo let lo.Thlakhat deuhthaw kan mu dun tawha, ka ngai vawng vawng, mahse amah hriattir erawh ka tum lo bur.Zing lamah ka lo chhing seka, mahse a Motor tlan chhuak thawmah ka harh lehnghala,khawiah nge a kal dawn ka hre hauh lo.Zawh ka tum hek lo.

‘I tha em?” Ka bul lawk atangin Awmtei’n min ti a, peih lo zetin ka mengchhuaka,ka lu a na ngut ngut bawk.

‘Tha e, ngatinge?”

‘Ngati lo e,i nawm loh hmel lutuk a’ a ti a, min ngaihtuah hmel zetin min en reng bawk.

‘Nizan ka mu tha lo lutuk a..chuvang aniang, ka lu a na deuh bawka’ ka ti ta nge nge.

‘Abel-a a awm lo mi?”

‘Awm e’

‘In inhau chu a ni si lo maw?” a ti leh a.Ka lu ka thing ringawt.

A hnu rei vak loah Jeffrey-a a rawn luta, nidang ang bawkin a lang thar sara, hmuh a nuam leh pek,a nui sang leh ka mood in mil lo lutuk chu ka ner ru nak bawk.

‘I ei duh ka ringa’ tih pahin ka Dawhkanah KFC bucket a rawn hunga, ka riltam zia ka hrechhuak nghal zat,nizan khan engmah ka ei lo a, tukinah lah tih tham ka ei hek lo.

‘Duh chiang, enge min dil dawn a?” ka nui a, thil min dil duh a neih chuan min tlawn nasa thin a,ka sawi tum hrethiamin Awmtei leh Diki an nui hak hak bawk.

‘Engmah...ei phawt ila,kan ei zawhah ka sawi ang’

‘Engmah i ti bawk sia,enge a awmzia?”

‘Ei mai mai teh, i nghal lutuk,i pasal mizia i la zo tawh’ a ti leh a, ka then sak nangin ‘i Pasal’ tih lai tak chuan min deng deuh dawt thung.

Awmtei leh Diki an rawn thu hnaia,Awmtei bawkin lakchhuah tumin a hawnga, ka hmaah a rawn dah hnaia, a rim rawn nam chu ka hnarah na zetin a rawn luta, ka inring hman lo,ka uak pawp mai..

‘Sorry....’ tih leh thawh ka ruala, Toilet ka pan nghal rawk rawk bawk.

Toilet chhungah nasa fein ka uak leh a, mahse ka luak tak tak thei chuang lo,nizan leh tukin engmah ka ei mumal loh vangin ka pum Ulcer a rawn nasa leh a ni ngei ang.

‘I tha em?’ kawngka bulah Awmtei a lo dinga,ka bu nghauh ringawt.

‘Arsa i ei duh lo tih ka lo hre lo a’ Jeffrey-a nuam lo ti hmel chu ka ena, ka khawngaih zawk.

‘Ka ei duh alawm,i lo ken hmasak pawh ka ei teuh kha’ ka ti a, a rilru tihnawn nan ka nui lui var var bawk.

‘Anih si chuan ngatinge? Nang hi....’ min kawka,a hmel a danglam vek bawk.

‘Enge?” an pathumin ka en kuala, an hmel landan in ang lo lutuk chu ka nuih a za zawk.

‘I rai a ni chiang lutuk...’

‘Teuh lo lutuk...’ rang lutukin ka ti a, mahse ka chhungril erawh a khur titih,nichin khan ka lo ngaihtuah thleng miah lo,ka rai maithei..Ni lo..tun dinhmunah rai ka duh lo..

‘I phat ran danah khan  a chiang reng alawm’ Jeffrey-a bawkin a ti leh a,ka hlauhthawnna ti lang lo turin ka in Control a ngai nasa viau bawk.

‘Ka pum ulcer vang anih kha mawle,khawi lo la rawh..Ka ei thei reng alawm’ ka ti leha, ka va bana,mahse ka lak hmain Awmtei’n min rawn lak khalh ta zawk.

‘Ei lo mai teh,keiman ka ei duh alawm,bakah i nu pawn i ei apiangin i buai ziah a ti ania..’ ka en vata, a mit siai zauh ka hmuh takah chuan ka thawl hawk mai.Ka ei fo a,ka buai ngai lo.Chu chu Awmtei hian a hrechiang lutuk,mahse min chhan nan a ti mai zawk tih ka hria, ka Cousin a ni a, Jeffrey leh Diki tan awih loh ngawt chi a ni lo.

‘Enge i lo kal chhan sawi vat rawh, ka haw hma dawn ania’ thil an ei zawh hnuah ka ti a.Ka chau a, ka khua a sik ru er er bawk.

‘Um,i nau te hi tu emaw ber free an awm em?’

‘Awm chiah lo ti ila mamawh dan azirin an awm thei tho bawk’ ka ti a, Abel-a te In khawih tura kan lak te team kha an awma, a tulna hmun apiangah ka kal kual tir mai zel.Kum thar hma chuan hna lak belh leh na hun a awm tawh lo.Thla khat leka zawh tur te anih ngawt loh chuan..

‘A tha lutuk,ka mamawh alawm,Dawr khu tih danglam angaia,karhnih khat bak a ni lo ang’ phur zet hian a ti nghal hluai mai.

‘A va buaithlak awm ve,in khar ngawt thei awm si lo’ ka ti a,an dawr a liana, inchhung mamawh leh eitur lam chi an zuar kim em em bawk nen nikhat inkhar pawh an buai nasa hle ang tih a chiang.

‘Khar dawn lo,i hman chuan tunah zuk en ila..’ a ti a.Ka hnial dawn zeta, mahse ka bu ta nghat zawk.

Kan inzui thlaa,nidang ang bawkin an lo buai leh pek,Room lehlam hi an dawr vek ni siin bangin a dai danga, luh pawh theih vek a ni nangin a hranpaa nghah tawp ngai a ni thung,thawmhnaw lam a tam zawk bawk.

A bul chiaha In hi mi dang in a ni a,chu chu an lo luah tel zawk dawn a lo ni a, a duh dan tlangpui a sawi a, thil harsa lutuk tur a ni lo.Mahse, a design erawh ka siam tur ni loin aman Idea a lo nei saa,ka tan awlsam zawk ,buaithlak ber zawk chu zana thawh angai nasa dawna, ka enpui ziah angai dawn.Nilengin midang Siteah an buaia,zan lam lehzel lo pawhpen kha thil nuam a ni lo.

Ka nu te ka tlawh khat avangin In lamah kal ka duh,hma deuh hlekin Office ka chhuahsana, Awmtei zawhna ka pumpelh bawk,Diktak chuan ka rai leh rai loh chungchang kha min zawt ngei ngei dawn tih ka hria, ani pasal lo nei tawh chuan engkim hi a man thiam vel vek bawk nen ka hmachhawn chak fahran lo.

Ka rai maithei,in test ka ngai ang..Mahse, rai ta ila engtin nge ka tih ang?Abel-an a hriat chuan min khawih duh hial maithei,mahse chutiang ni loin a u te nupa elhsen nan lawm ang takin a lang chiam thei tho bawk.

Ka nuin min lo hmu chu a lawm ngang mai,ka kal lohna pawh thla a tling dawn tawha,a demawm loh.

‘Nu, chaw ka ei nghal dawn ania’ thutthlenga mut pahin ka ti a.

‘Enga? Abel-a a lo kal dawn ami?”

‘Dawn lo e, a buai deuha, chuvang ania chawei nghal ka tum’ dawt ka sawi ta ngawt,hrilhhriat tumna ka nei lo.Nilengin vawikhatmah kan la inbe hek lo.

‘A that chu,mahse haw tlai lutuk lo la a tha ang,In in a fal si,ngaihtuah i na thin’ a ti leha, ka bu ringawt.

Ka pa tawng lawng lawng thawmah ka harha,ka lo muhil daih chu niin.Ka ban ka lek kanga, ka sana ka en a.Dar 6 a pel tawh.

‘Nang hi i rawn tlan a mi?” ka u in min rawn thut titih a.

‘Teuh lo em maia..tho teh,i rit’ ka ti a,thawh tumin ka in nem kanga.

‘I lo kal khat si,ee.. Vawiinah in pa te ka hmu tak,a u nupui nen khan...’ a ti leha, ka na zawk bawk.

‘I hmu ve bawk ang chu, i ngaisang tihna nih mai chu’ ka ti leh salha, kan upa ber dawt engmah sawi loa nui var var chu ka en a, kan unau zingah chuan ka ngaina fal nalh.

Ka beisei loh zetin ka ei tui ta phian,kan titi nak naka,tawng kan inchuh nawk nawk bawk,ka thlamuang ngawih ngawih.Haw tawh lo a awm hlen mai ka chak zawk,thil theih a ni der si lo.

Muangchangin ka tlana, Adele zai ka ngaithla paha, ka khua a har vawng vawng mai, thlasik rim a nam tan tawha,la vawt lutuk lo mahse tlan zawnga thliin min rawn chhem chuan min ti harh sawng sawng bawk.

Kawta Abel-a Motor lo inhung ka hmuh rualin a haw tawh tih hrilh hranpa ka ngai lo,zingah a chhuaka, ka hmu hman lo.Ka u sawi dan khan Mampuii nen an inzui a, ka ngaihtuah zawng ringawt pawn ka awm a nuam lo titih.Hmeichhe dang daih nizawk se a zia mahna,mahni U nupui te nena inkawp tlat hi a tenawm mai pawh niloin a tlawm thlak bawk.A u nupui a ni tawh chung pawha a duh tih a thup thei lo hian ka induhtawkna zawng zawng a ti chhiaa,ka ngaihuah zawng pawn ka na vek thei hial bawk.Nidang a ka haw hunah ka la haw lo tih a hrereng chungin ka awmna hre turin vawikhat pawh min rawn call hek lo.Chu pawh chuan natna bak min thlen lo,ngaihtuah loh law law ka duh zawk.Kan bul tanna hrerengin inzawmna nei loin lo awm mai zawk ila tha tur ania, mahse atthlak zetin ka inzawmpuia,ka duhna nasa tial tial lah tihreh theih a ni tawh hek lo.

‘Khawnge i kal?’ inchhung ka luh rualin min lo ti a,a hmel dur khup maiah chuan a ngaihtuahna engmah a lang lo,mahse tih thinrim belh erawh a tul lo tawp tih a chiang.

‘Khawiah nge ka kal vak anga?’ ka thinrim hauh lo nangin tha taka chhan kher a phu tlat lo.

‘Maw?” a ti thawta,ka meng phak awk bawk.Eng chu a hua chu nimaw?

‘Officeah..enge a?” a thinrimna ngaipawimawh lo niawm takin ka ti liam puat.

‘Oh..anih chu mawle,a ropui hle mai?” a ti leh hluka,a awah tihelna a lang chiang viau.

‘Nia, ropui..’ ka ti nghata, inchung pan tumin Step lam ka pana,mahse  ka kalna tur dal takin a rawn ding leh hmiah.

‘Kalsawn teh..’

‘Tun chiah ka zawt leh ang che, khawiah nge i kal?” a ti leh hmuka, a aw hlauhawmzia chu haider theih a ni lo.

‘Ka nu te Inah’

‘Jeffrey-a nen khan maw?” min thawng deuh zawk nangin ‘a ni lo’ tih kual vel ai chuan niawm taka awm mai a tha zawk.

‘Aw..’

‘Daw thei lutuk..’ min bia pawh a ang lo.

‘I kalsawn thei tawh angem?” ka ti leha.

‘Aw, mahse ka sawi tur ka sawi zo phawt ang’ thupe aw zet hian a ti leh a.

‘I thusawi ka ngaihthlak a tulna ka hre miah lo’ ka ti ve thung, mahse a kalsawn loh chuan ka ngaithla dawn tho tho tih ka inhre kar thung.

‘Tul i tih leh tih loh ka ngaipawimawh lo.Tun chiah ka sawi ang,kha Jeffrey-a kha i bula a awm ka hmu leh anih chuan dam i thlahlel lo hle ang’ a ti hmuka,a sawi ring hauh lo nangin a ti mai mai lo tih ka chiang,mahse enge a thu zawm kher a tulna? mi fel leh thianghlim a ni hleinem.

‘A pawi khawp mai,ka hmuh fo ka ka la ringa, nangpawn min hmu dun fo bawk ang..’ ka nui lui sak bawk.

‘Anih chuan in pahnihin in thi vat dawn anih chu..’

‘Ni lo e.Mampuii ang mai maia mawl ka ni lo ania,i duh duha i kaihkual tur in i uite ka ni lo..’

‘Sawi leh teh..’ min rawn din hnaih lehzual sauha,a perfume rim chuan ka hnar a rawn verha, ka luak a chhuak nghal ut ut bawk.

‘I uite ka ni lo,i duh duha i tihkual tur ka ni lo,nang ang lo takin Jeffrey-a hi chuan mihring enin min en a, Sex Toys satliah ang ni loin...’

‘Tihnat che ka duh lo,mahse kha Tuai kha chu ka khawih hreh hauh lo ania..hrereng rawh,tuman ka nupui min tawmpui ka duh lo..’ a ti leh a, ka sa zak mai.

‘Kei pawh mawle, tuman ka pasal min tawmpui ka duh lo ve tho,mahse nang hi chu i danglama,i bialnu in i fa a pai lai pawh thikthu vang ringawtin i thahsak duh ania...’

‘A tawk...’ a ti thawta, ka ding khawng lah bawk.

Vanneihthlak lutukin ka phone a ri ta hlauh,kan boruak tang lutuk kha hun rei lo te chhung chauh nimahse ka chau vekin ka hre tho,ka bag ka zuk zena, ka la chhuaka, Jeffrey-a a lo la ni zui..

‘Hello...Jeffrey’ ka ti sapa, a hming lam rik kher a tul hauh lo.

‘I haw tawh em? Kan thil khawih tur kha...’ a sawi zawh hmain Abel-an a rawn phih thla thuta,chumi rual deuhthaw chuan bang a deng nghal dawt bawk,a chetdan chuan min ti hamhaih lutuka,tawng mai nachang hre loin ka en tlawk tlawk ringawt.

CHAPTER- 23

Chhuata ka phone tla darh nuaih mai chu ka ena, a vawmna thawkhat tih a chiang, ka awmdan ka hrethiam lo, ka thinrim nge ka rilru a na zawk pawh ka hre lo,ka mawl huih ringawt.

‘Min nawr lui suh,kha chu  a bul tanna chauh anih kha..’ a ti hmuka, muangchangin ka en a, kan insan hleih bawk nen ka melh chho ha mai.

‘Nang ang Ramsa kawlh,nihna mumal nei lo hi ka hlau che emaw i ti anih kha,ka phone i vawm chhiat avang khan engmah a danglam dawn hauh lo ania’ ka aw a dam thlap bawk.Ka awmdan chu a beisei lawk lo tih hriat tak hian a hmel a buai ve nak a.Mahse, rei erawh a ni lo.

‘Chuti maw?” min rawn din hnaih leh a, min rawn si titih..A perfume rim chu a hma aia na zawkin ka hip lut leha, ka insum hman lo,ka uak pawp bawk.

‘I tha em?’ zawi supin a ti a,min rawn vawn tum niawm takin a ban a lek kanga, ka per sawn nawk thung.

‘Ka tha...’ ka luak chhuak rawn in tham leh chu uak leh mai hlauin hmanhmawh zetin Toilet ka pan ta zawk.

A tul aia rei mah Toiletah ka awm luia,min ngaihven ka ring hauh lo nangin hmachhawn leh ka chak lo.Darthlalangah ka in ena, ka hmai a dang lapa, nizan ka mut that loh vang khan ka mit hnuai a val kual raih bawk.

‘I tha em?” kawngka kik pahin a rawn ti a,ka chhang lo.

A rawn kik leha,ka la chhang chuang lo,a hnuah phei chuan a rawn chum titih ta zawk,eng chu a hria ni maw? Min tihnat pawh hreh lo khan ka thih nghal leh nghal loh en a tum zawk nge mawni?

‘Kal bo rawh’ Kawngka bula din hnaih pahin ka ti that mai.

‘I tha em?” a rawn ti ve thung.

‘I hriat angai lo,kalbo mai teh’

Min chhang loin a reh ta vang vang,Kawngkhar ka nghenga, ka chau hluah hluah, nimin atang khan thil a thleng chak em em lutuk,engkim a danglam vek,kan In lama haw mai ka chak ngawih ngawih bawk.

Reife hnuah kawngkhar ka hawnga,ka beisei loh lutukin Kawngka bulah Abel-a a lo ding khawng luh mai,a kal sawn daih tawh emaw ka ti kha ania.Hmu lo ang hmiahin ka kalpela,mahse ka beng ka chhi kar tho,min rawn zui tih ka hrethei nghal bawk.

Inchung panna Stepah ka chho a,ka phone lam ka ngaihtuah duh lo lui tlat bawk, ka khup sai dar dar mai chu a hriat ka duh hauh lo,chakna engmah nei lo nimaiin ka inhre bawk.Room kawngkhar ka hawnga, min zui tih hre lo der chungin kawngkhar ka pawt khar nghal daih bawk.Lo luh luih a tum dawn lo tih ka chianga,ka rin ang ngeiin a lo lut lui hek lo.

Ka thawmhnaw pawh hlip loin khumah ka lawna, ka inlukhupa,ka mit ka chhing zui nghal daih bawk,Jeffrey-a khan thil ho mai mai min sawipui tura min lo call a ni hauh lo,in ngaihzawnna lam phei chu hnai lo tak a ni,kan hna chungchang sawi dun tur kan ni tih ka hria, mahse engvangin nge Abel-a hian a huat em em ka hrethiam lo,ani in nupui nei reng chunga hmeichhe dang nen nun a hman avang hian amah ang lek turah min ngai a ni mahna, mahse chu pawh nise engvangin nge a thinrim kher? Min hmangaih lo a, min duh vanga min nei a ni hek lo..

Ka thuchhuak leha, ka bag thutthlenga ka dah ka va la leh rih, ka phone pakhat zawk a awma, Abel-a vawm chhiat zawk kha chu ka hman tlanglawn zawk a ni a, phone tha pangngai tak a ni nangin a to lutuk lo,mahse ka hna lama midang min rawn Contact na ber a ni a,chumai bakah a chetdan kha a in hmuhsit thlaka, a lawmawm hlawl loh bawk.

Khumah ka let leha, Jeffrey-a number a awm tho avangin call back ka duh tlat,amah hian hre lo mahse Abel-a thin tihrim zual nan a bula awmtam ka mamawh zawk.A thinrim poh leh ka zalenna kawng a inhawng hma dawn miau a.

‘Ngatinge nichin kha?” Hello pawh ti loin phone a pick veleh a rawn ti nghal a.

‘Ka phone ka thlauh pek alawm le,enge rawn sawi i tum?” ka ti a, Abel-an a vawmchhia tih sawi kher ka tum lo.

‘Naktuk atanga tan theih anih leh nih loh ka hre duha,ka pa a hmanhmawh riaua’

‘Ok,ka lo be kual ang..Ka lo hrilh leh dawn che nia’ ka ti a.

Rinpuia ka call a, hna lamah tunlai Zama’n a pui thina, an buai zual a reh tih a rawn sawia, a tuk lama thawh tur dang a awm thu ka hrilha, lo hrilh nghal turin ka ti bawk.

Ka mu meng kar mai,thawm engmah awm loin a reh thiapa, Abel-a a mu tawh nge ka hre lo,nizanah pawh ka bulah a riak tawh lo a, a lo riah ka ring lo.Pawi ka ti hek lo,ka pum ni deuh nghulh mai chu ka dawma, ka rai mai hlauhna vangin ka lungphu a rang lehnghal zaih zaih bawk.

Tluangpuii ka ngaihtuah chhuaka, ani hian Abel-a leh Mampuii inkawp pawh a hriaa,chuti anih chuan fa an nei tih a hre tur a ni.

‘Hey,enge ni ta?” zangkhai zetin a rawn ti a.

‘I ngaihawm em a,i tha em?”

‘Hmeli le(h)..nang hian min ngai hlawl lo aw,mamawh i nei anih kha’ a nui har har mai,a sawi dik chiah,Ka be khat viau tih keipawn ka hria.

‘Teuh lo, i ngaihawm alawm’

‘Anih chu a..khawnge in pa?’

‘A awm,enteh,thil ka zawt duh che a’

‘Ka ring vel a ni,han sawi la..’ a ti leh nghauh,a thinrim tak tak dawn lo tih ka hria.

‘Ih..Mampuii leh Abel-a hian fa an nei em?”

‘Enga?”  a rawn ti nghek, ka lo zawt ta kher kher ka inchhir zia chu pui tak a ni ringawt.

‘Angai leh lo...ka sawi mai mai anih kha’

‘Aih, nang hian thil mai mai i sawi ngai miah lo,khatiang kha tunge sawi a?” a rawn ti leh a, ni e.Ani hi chuan min hrechiang lutuk tlat.

‘Hman niah ka hre thawia,Abel-a hi ka zawt a, a pha a..’

‘Wow, a pha anih chuan a ni lo animai,i pasal kha chutiang mai maia nep a ni lo ania..Eh,tunah khan khawnge a awm?” a rawn ti leha,khatiang ka zawt anih chuan kan awm dun lo tih a ngaihtuah chhuak nghal tih ka hria.

‘A dik alawm..’ ka ti sep ringawt.

‘Ring tawp rawh,fa an nei dun anih chuan engvangin nge i hriat loh ang? Keipawn ka hre ngei ngei ang’ a ti leh duah.

‘Um..ka zawt satliah mai mai che mawle,mahse thisa a piang te ni ta se” ka ti leh talh.

‘Ouch..Mat, i dam tha em?” tehdaih chuan..

‘Dam tha,anih phawt aw’

‘OK.Rilru nuam loin lo awm hlek suh,tu nge sawi tu min hrilh la, ka lo zawt chiang dawn nia’ a rawn ti leha,mahse ka pha nawi kual ta mai mai.

Ka thawh chuan Abel-a a lo chhuak leh hman tawh, Ruati amahin a lo awma,a zai rat rat bawk.

‘Ruat...’ rang lutukin a rawn hawi leta, a mengphawk ngang mai.

‘Awi,min ti phu nasa lutuk,thingpui i duh em?”

‘Aih, duh lo..’ ka ti a, Dinning chair ka pawtchhuaka,thingpui ka ngaihtuah zawng ringawt pawn ka luak a chhuak hlui mai,ka thawh veleh khawsikin min tham tih ka hre nghala,ka pum a no hluia, ka luak a chhuak em em bawk.

‘Pu khan i chau a ti sia, enge i an a?” a ti leh a, ka mengphar awk nangin ka in control leh vat.

‘Ka khua a sik deuha, mahse a zia leh tawh,khawnge a kal a?”

‘A zin dawn kha,i hre lawk lo mi?’ mak tih hmel zetin min en a, ka nui ta ngawt,diktak chuan ka hre lo hulhual.

‘A sawi thawi thuaka, nizanah ka mutsan daiah, zingah lah min kaitho bawk si lo a’ ka ti a.

‘E...nidawn tak,tunkar tawpah chauh ka lo haw ang a ti bawk sia,i nuam lo nen a ngaihtuah hmel lutuk che a’ a ti leh a, ka awih lo lutuk tih nghek ka chak, mahse ka ti ta em lo.Za lo zetin ka nui ta sak zawk.

Chaw tlem ka eia, ka ei hleithei lo.Mahse, ka mu tha lo a,hna kal ka ngai bawk nen thil ei loh ngawt ka duh lo.Bakah Abel-a nen kan indo dawn anih ngat chuan ka chak that reng a tul hluah hluah bawk.

Nileng deuhthawin Jeffrey-a te hna lamah ka awma, Officeah Diki leh Awmtei an awm thung,Awmtei a haw hma duh thina,Site lam erawh kan inkal chhawk leh thei tawh thung.Ka buai lutuk pawh a zia ta deuh.

‘Mat...’ ka hminga min ko ri ka hriat rualin ka hawi chhuaka,Evelyn-i a lo ni a.Ka hmuh loh chin pawh ka hre tawh lo.

‘Ehe..i dam maw?” pangngai takin ka ti a, a bu nghauha, a nui var var bawk.

‘Dam alawm, i tha zel em?”

‘Aw, tha zel e..khawnge i kal dawna?” ka ti a.

‘Hei,eng eng emaw ka rawn lei kuala,Clinic lamah ka let leh ang..Hei hi in khawih tihna mi?’ a tih zawm leha, kan hnathawh lai a thlek vang vang bawk.

‘Aw, a neitupa hi a hmanhmawh sia,thutchilh reng angai’ Jeffrey-a rawn kal phei mek lamah ka thle zauh bawk.

‘Aaaa, an dawr an zauh dawn law? Hey, Jeff..i tha em?” a tih zawm nghal zat,an inhre tha thawkhat anih hmel viau.

‘Aw, tha ..enge i rawn tih a helam lamah te?” a ti ve bawk,

An inbe zui mawlh mawlh bawk,kei erawh chuan kan hna lam ka en san leh mai.Karkhat dawn kan thawk tawha,zanah dar 8ah te In ka thleng chauh zela, Ruati te nupa in ka thlen hma chu min lo nghak mai zel.

‘Nang hi i tha tak tak maw?” ka bula rawn thut thlak pahin Jeffrey-an a rawn ti a.Ka hawi kuala, Evelyn-i kal liam tur ka va hmu hman chiah bawk.

‘Tha..mahse tunlai chu ka pum a chiang lo zual lutuk a’ ka ti a,diktak chuan ka pum ulcer vang niin ka hre tawh lo.Ka rai leh rai loh test tumin testna pawh ka lei vek,mahse ka rai ka hlauh luatah tun thlengin ka la test ta lo cheu.

‘I in check-up lo mi?”

‘Aih..ka pum ulcer hi thil thar a ni hleinem’ ka ti a, a rilru hmin tumin ka nui lui sak bawk.

‘Um..ka lo ngaihtuah dan chuan ...’ sawi zawm loin a ngawi leh daih,min melh reng bawk.

‘Engmaw i ngaihdan chu ni a?” ka ti hlaka,ngaipawimawh awm lo takin Mistiri hnathawk mawlh mawlh lam ka en san daih bawk.

‘I rai niin ka hria...’ min deng dawt mai.

‘A teuh lo lutuk...’

‘I test ami?”

‘Nang hi...ka pasal i ni lo ania’ ka nui lui hak bawk.Mahse, a nui ve hauh lo,thutak zetin min en a, thil ngaihtuah muk tak nei a ang viau bawk.

‘I rai lo tak tak maw?” a ti leh supa, tiang ang em ema a thutak hi ka la hre ngai lo.

‘Ngatinge chu chu i lo buaipui viaua? Lo rai pawh ni in rai lo pawh ni ila i tan engmah a ni hleinem’ ka ti sapa, ka nui leh hak bawk.Mahse, a la nui chuang lo fo.

‘Ni se ka ti khawp asin...’

‘Jeff..ngatinge ti khan i awm a?”

‘Engmah...i haider tlat a..’ a ti leh a,a awmdan nidang a ang hlawl lo.

‘Engmaw i sawi?”

‘Sorry..khalam kha chu duhtawk ang..engtik nge Abel-a a lo haw dawn?’ a ti leh daih, a hmel thutak zet kha a bo leh daih tawh.

‘Naktuk anih loh chuan Karthar lamah aniang’ ka ti a, a bu nghauh ringawt.Diktak chuan kan la inbe eih lo zawk.

‘In pa hi chu a nelawm lo ve ngawt mai’ a ti leh a,kan tawng hre phak an awm leh awm loh enin ka hawi kuala,hnathawk tu pathum te kan awmna lo lam kilah an awma,kan sawi an hre phak hauh lo tih ka chiang.Ka thluak a vir zawk thung.Jeffrey-a hian thil tamtak a hre ngei ang.Engvangin nge Abel-a hian a huat tlat? Ka lo ngaihtuah ngai hauh lo nangin Jeffrey-a pawh hian a mil lo ni in ka hre leh hnuhnawh ta.

‘Enteh,kan pa nen hian engtik atangin nge in inkawm tawh?” fimkhur takin ka ti a, ka ngaihtuahna tilang lo turin ka fimkhur viau bawk.

‘A rei tawh mai.Mahse, kan inkawmngeih ta vak lo anih hi’ a nui hak bawk.

‘Naa,chutiang pawh ka lo ngaihtuah lo..chuti chu i hriat teuh dawn chu” ka ti leh a.

‘Hre teuh nang,mahse a then chu ka hria...’ a ti leh a, min rawn en a,a hma ang bawk khan a thutak leh ta viau.

‘Anih chu a, mahse in inkawm bawrh bawrh ka hre khat lutuka,chuvang ania ka zawh che’ ka ti a..

‘Um,diktak chuan Marcus-a nen zawk kan inkawma,Abel-a tak hi chu ka kawm tho nangin chuti takin kan inkawmngeih lo’ a ti leh a.

‘Oh,anih chu mawle..’

‘Matty,min zawh duh i neih chuan min zawt la,eng lo...diktak chuan in nupa hi in hlim lem lo tih ka hria ania,mahse ka hriatna erawh min zawt duh suh,ka sawi chuang lo ang’ a ti leh duah,a sawi dik lutuk chuan ka awm a ti nuam lo,sawi mai tur ka hre loin ka ngawi rauh rauh mai.

‘Ka tan chuan Marcus-a leh Abel-a hi thian ve ve anni a, Marcus-a ka pawh zawk mai chauh,mahse ...i pasal hi dem lutuk suh,a thil paltlang hi a nasa ania’ amah bawkin a ti leha, ka bu ringawt.Ka pasal chanchin a hre teuh ang tih hre mah ila midang bula kan nupa chungchang sawi chhuah hi nuam ka ti chuang lo.

‘Khami zan khan Party naah kan kal ho veka, mahse Abel-a kha Mizo pakhat damlo serious deuh mai buaipuiin Hospital lamah a kal a, kei leh Marcus-a erawh kan nawi deuh vangin  Mampuii te nen kan haw tlang thunga,Abel-a inluahah kan riak vek..Zankhuain Abel-a a lo haw lo a, a hnuah Mampuii rai thu ka hre leha, chu pawh Marcusa-a min hrilh ania,a sawi hmangin a fa niin a sawia....’ ka thaw hleithei lo..Ka khawng vek niin ka hre zawk.

‘Ka sawi loh tur ka sawi niin ka hria’ a ti leh boha, a ding chhuak nghal vut bawk,kei erawh sawi hmasak tur hre loin ka thut ngaiin ka thu mawl tawp.Abel-a hnena naute chungchang ka sawi laia a thinrim zia kha ka ngaihtuaha, engmah sawi loin a lo tuar tlang vek tihna a ni angem?

‘Aih...i sawi tur diktak i sawi zawk...’ ka ti chhuak ta halh zawk.

Min rawn ena, a rilru a buai hmel viau.A rawn thu thla leha,a hmaa thingbung awm chu a chhara, chhuat khawk nuaih mai chu a chhu kauh kauh bawk.

‘Diktak chuan ka sawi vang hian ka thawl hawk ve tho ania,Marcus-a min hrilh a ni a,midang hrilh ka nei lo.Mahse, ka hria tih chu Abel-a hian a hre tho ang,a rai hnu lawkah Abel-a nen an inthena, Abel-a nun chiri zia chu pui tak a ni.Marcus-a Mizoramah awm hlen turin a hawa,Mampuii nen an inkawp zui chat bawk.Mahse, mak tak maiin Mampuii khan nau a hring ta hauh lo.Tumah hre ve an awm lo bawk nen sawichhuah a ni ta lo anih hi..’ nuam tih loh hmel zet hian a ti leh a,ka thaw tha ngam lo.Diktak chuan Jeffrey-a hi a thik emaw ka lo ti hmana, chutiang a lo ni lo.Mampuii vang bawka hua a lo ni...Na ka ti vawng vawng bawk.

‘Engvangin nge Abel-a nen in inmil loh?’ ka ti chhuak hlawl mai,ka sawi tum reng pawh a ni hek lo.Min rawn ena, a hmel a danglam zawka, mahse a reh leh mai.

‘Nia, kan inmil lo..Marcus-a thianpa ka nih rualin ani pawh ka thian tho a ni a, kha thil thlengah khan ka hriatpui vek a ring a ni maithei,engmah kan sawi lo nangin kan inpawh ta lo chu anih hi..’ a ti leh a, a aw a zawi hle bawk.

‘Abel-a tan chuan a na ngawt ang’ ka ti sepa, ka ngaituahna ka sawi chhuak a ni mah zawk.

‘Na ang..mahse a tuarchhel alawm,bakah a finga, a thluak a tha over bawk.An family thil engmah a duh hauh lo,amah leh amah a in la hrang hmiah..’

‘Nia,a hlawhtling bawka...’ ka ti ve sep ringawt.

‘In innei dawn tih ka hriat tirh khan ka ngaihtuah zia che i hrethiam lo zawk ang, ka rin lawk ang ngeiin in hlim lem lo tih ka hre leh a’ a tih zawm leha, engkim Marcus-a kal tlangin a hre zel tih hrilh hran ka ngai tawh lo.Marcus-a ka huatna a zual sauh thung.

‘Kan hlim lo lem miah lo asin,mahse...’ ka hnar rawn za mer mer ka hriat rualin ka dak vat bawk.

‘Ehe..l hnar a thi leh tawh..khawi maw?’ tih leh min rawn ban a ruala,ka hnar min rawn hup pui titih bawk.

‘Damdawiin kal i duh em?’ ka hnar thi a tawp hnuah a ti a,a hlauhthawn hmel phian bawk.

‘Hnar thi mai maiah kal angai hleinem,a ho em mai...dar engzat nge?’ ka ti a, pawn lam ka hawi a,Motor tlan zawng zawngin head light an on vek tawh a, khua a thim chiang tawh viau.

‘Eitur ka va la ang,zanin chu kan thawh rei leh hmel em mai’ tih pahin a tho a, kan awmna chhak lawkah Jojo’s cafe a awma, tlai dangah chuan chaw kan ei nghal mai zel.

‘Angai lo,midang hian chaw han ei se, zanin chu haw hma ka duh’ ka ti a,ka chhungrilah ka chau ngawih ngawih,ka thilhriat zozai te khan ka nawm lohna an ti zual in ka hre hial bawk.

Dar sarihah haw turin ka kalsana, Motor ka dahna thleng Jeffrey-an min thlaha,mahse ka Motor dahna kan thlen veleh ka Car ke thep vek ka hmu nghal,ka phun hlak bawk.Tun ang hunah engtin nge ka siam tawh ang?

‘A pawi lo,ti hian dah la,ka va drop mai ang che’ a ti a,ka inthlahrung ngang mai.Mahse, hnial thei dinhmunah ka ding lo.Taxi koh buai ai chuan min thlah mai se a awlsam zawk.

Nidang ang lo takin a tawng mang lo,ka hriattirh atangin a tawng duh em ema, a nelawm em em bawk,mahse vawiina kan thil sawi te vang khan a rilru a buai ve nge ka hre lo.Ani leh ni lo angin a ngawi ve rauh rauh mai.Kan ngaihtuahna ve ve kan kawm a,kan ngaihtuahna erawh a in hlat viau thung in ka ring..

‘Mat,ka thilsawi vang khan buaina i nei em?” min rawn ti thut.Ka lo in ngaihtuah nasa lutuka,ka phu zawk bawk.

‘Aih,aw..tak takin tlemin,diktak chuan ka pasal u nupui leh ka pasal an inkawp thin tih hriat hi thil nuam a ni lo a’ ka ti sapa, ka zi mar ar ar bawk.

‘Oh,vawiinah i hre chauh tihna mi?” hlauthawng aw a hriat theih.Hei tak hi Abel-a nen an in an lohna.Abel-a hi chuan engmah a hlauhthawn pawh ka la hre lo.A tihsual ngei ngeiah pawh.

‘Ni lo e, mahse thil tamtak ka hrechiang thunga,bakah Mampuii hi a thlah tak tak angem....’ ka ti chhuak halh mai.

‘Mat....tunah hian Abel-a nupui chu nangmah i ni a, Mampuii nen an inthen hnuah tih takzeta a buaipui chu nangmah chauh i ni bawk,Mampuii a thlah leh thlah lohah buai suh,Mampuii hian eng ang pawn tum mahse Abel-a rilru a hneh let thei tawh lo ang, chutiang mi a ni lo’  a ti ta duah.

‘Mahse, kan hlim lem lo tih i hriat kha a dik ania’ ka ti a, kan nupa kar ka sawi chhuak ta nge nge.

‘In inneih dawna ka ngaihtuahna chhan che chu Mampuii ka hriatchian vang zawk,a tibuai ang che tih ka hlauh vangin.Abel-a vanga hlauthawng ka ni lo...’ a ti leh a, sawi tur ka hre lo.

Kawtah a dinga,a hmelah min ngaihtuahna niawm tak a lang thei bawk.

‘Kal rawh,ka lawm lutuk ania’ ka ti sepa,thli vawt deuh chuan ka sam a chhem leng dar dar mai.

Min rawn pan hnaia,ka scarft a rawn khawiha, a min suihsaka, hnial ka tum lem lo, rilru tha tak a pu tih ka hriaa,nula angin min en lo tih ka hre bawk.

‘Lut rawh le,engmah ngaihtuah hah suh’ a ti leh a,ka samah a rawn chul hauh hauh bawk.

Muangchangin ka inhera, in lam ka pana, ka rilru a hnim ruai mai,a hma khan Jeffrey-a hnenah lo sawi tawh ni ila chuan ka zia hawk zawk maithei..

‘Tu nge lo thlah che kha?” ka ding chawt mai,Living room a Abel-a lo thu chu ka hmu nghal zat, a lo haw dawn tih ka hre lo.

‘I lo haw dawn tih ka hre lo a..’ ka ti lawi rat ringawt.

‘Nia, i hre lo..mahse vanduaithlak takin ka lo hawa, chuan nangin nuam i lo chen a??’ a rawn tho a, min rawn pan hnaia, ka tawlh hnung hrat thung.

‘Chutiang engmah....oh..nia..’ ka ti leh lawi,tih nat let ka chak zek zek.

‘Ka la vau na tawk lo che anih hmel...’ a ti leh hmuka.

Chhan tumin ka ang hman ziau tihah Kawngka kik thawm vangin ka thulh leh,Ruati te emaw Security zinga mi an ni ngei ang.

Kawngkhar ka nem hawnga, Jeffrey-a ka va hmu nghal,a nui var var bawk,a kal daih tawh sia, enge rawn tih a tum ang rin ngaihna ka hre lo.

‘I kal tawh maw ka tia,lo lut rawh’ ka ti a, Abel-a nen amah vangin kan inhau meka, lut tura sawm hi thil atthlak tawpkhawk a ni tih ka hai lo.Mahse,tih ngei ka duh tlat.

‘I phone i thlauha,chuvang mawle...’ tih pahin ka phone a rawn lek chhuaka,ka thlauh tih ka hre hauh lo.

‘Oh..ka thlauh tih pawh ka lo hre lo,i awm lo ang tih ka hlau thin’ ka ti lui leh salh.A luhna turin ka tawlhsawna,mahse enge thleng hi...??

A rawn pen luh hmain Abel-an min rawn kalpel fua a, a ban a vai pawp a, Jeffrey-a a pai nghal chawn bawk..Ka te thawt ringawt..

CHAPTER- 24

‘Enge i tih a?” ka ti leh that bawk.

‘Lo tel ve miah suh..’  a ti hluka,na zetin min rawn melh hrawk a, ka ip chawih bawk.

‘Abel...tiang te chu a..’ Jeffrey-an a ti a, a khabe a tuai vat vat bawk.Thinrim hmel a pu der lo chu mak ti zetin ka melha, Abel-a hmel tur ngun leh Jeffrey nui hmel deuh chu Lei leh Van ang maia inmil lo a ni ringawt.

‘Tun chiah ka hrilh ang che,Ka nupui bulah ka hmu leh che anih chuan a pawi viau ang...’ a ti hmuka, ngenna ni loin thupek a ni tih a chiang ngawih ngawih mai.Engtin nge Jeffrey-an a dawnsawn en tumin ka melh nghal vat.

‘A va pawi ve,min hmuh leh a la ngai dawn a...’

‘A that hlauh chu,i lo en dawn nia..’ tih leh kal hnaih a ruala, ka inring hman lo.Ka che phat a,an pahnih inkarah ka ding ta zawk.

‘Kal sawn rawh...’

‘Aih, i thiltih kha a atthlak lutuk.’

‘Atthlak,huh..nang hian enge i hriat ve a?”

‘Abel..engkim ani hian a hria,ngatinge i zep tih hi kei chuan ka lo ngaihtuah daih asin...’ Jeffrey-an ka chhan hmain min chhan khalha, Abel-a insehruh tlat leh a kut hum  a kekawr ipte a a thun lai chu ka hmuh hmaih hauh lo.

‘I tan leh ta maw? Nangmah chauh in ngaihtuah la a tha lo maw?” thinrim insum ri a hriat tel theih.

‘Um,dik chiah..mahse ka tan chuan Matty hi a pawimawh ania...’ enge a sawi awmzia ka hre lo.Ka thian a ni ve maia, atana ka pawimawh em em na ka hre hauh lo.

‘Anih chuan ka nupui hi i tan mihrang a lo ni lo tihna a ni maw?” ten hmel zet hian a ner nawk bawk.

‘Dik chiah mai..’ ngeiawm lutukin a ti leh a,tih tur ber ka hre lo.Jeffrey-a ka hriat thin kha a ni ta lo emaw ka ti rum rum zawk.

‘Ok,ka hrethiam e..nang leh ka u hi chuan hetiang hi nuam inti ziah alawm,i duh chuan i hruai tel nghal thei ang’ a ti hmuka, a inhera, Inchhungah a lut zui chu a ni der.Ka hamhaih vel vek,min then tihna zawk nge ka hre thiam lo.

‘Min ngaidam rawh,chhan i ngai niin ka hriaa..’ reife kan ngawih hnuah Jeffrey-an a rawn ti a,ka chhang lo.Ka din ngaiin ka ding khawng lah ringawt.

‘Ka kal ange,i buai phah anih chuan chinfel ka tum ngei ngei ang’ a ti leha,muangchangin ka inhera,a thiltih te kha min chhan nan a ni tih hre mahila ka lawm phah chuang hauh lo,Abel-a lo nat tawh thinna hmang khera tihnat nawn leh thil dik niin ka hre lo.

‘Nia, kal tawh rawh..Mangtha le..’ ka theih tawpa pangngaiin ka ti a,harsa zetin ka nui lui sak bawk.

‘Um..mahse, i ngaihtuahawm lo ang maw?” rilru nawm loh hmel zetin a ti leh rih.

‘Ka tha lutuk,kei aiin Abel-a i hrechiang tih i sawi kha..’

‘A dik,nang aiin ka hrechiang mah maithei,mahse ka nawrlui mah mah ang tih ka hlaua, a luhlul zia ka hrechiang em a tin ni’ a ti leh a,tawngkaa chhang loin ka thle bak ringawt.

Tim daiin kawngkhar ka hawnga, mahse a lo ruak hiau,khawiah nge a awm ka hre lo.A lo chhuah leh tlat loh avangin in chhungah a awm tih erawh a chiang reng,Jeffrey-a thil tih kha  lawmawm tak tur anih laiin ka lawm hauh lo erawh thil mak a ni tho.Mampuii vanga anat tawhna hmang khera tihnat nawn leh kha nuam ka ti hlawl lo.Min hmangaih hauh lo tih hre mahila atthlak zetin a natna tur thlen kha nuam ka ti lo.Minute tlem te ralta kha chuan Jeffrey-a hmanga tih nat ve ka chak kha ania,ka duh ang ngeiin a thleng ta chenga ka lawm in ka hlim phah leh chuang der si lo.

Room ka pan chhoa,ka Roomah a awm dawn hauh lo tih ka hria,ka luta, light ka on a, ka rin ang ngeiin a awm lo.Khumah ka thu hnawka, ka chau zual hluah hluah,ka pum a rawn ri raih raiha,mahse engmah ka ei chak chuang der lo.Ngaihtuah chhuah ka nei..Ka tho a, in test ka duh,ka rai leh rai loh ka hriat a tul takzet,naktukah enge thleng dawn ka hre hek lo.

Bath tub tlangah ka thua, ka en mai ngam lo,ka period hun a pel hle tawh,thla thar kan kai tep tawh zawka,ka awmdanah hi chuan a chiang nghal titih tlat.Mahse, ka pum vang pawh a lo ni tak tak theia,Period la na chi ka nih vangin chumi tham pawh chu a ni thei..

Ngam leh ngam loin ka thutna sira ka testna dah chu ka zuk melha,ka thaw hak mai..Line pahnih sen kalh mai chu ka hlauhthawn ruk ni mahse a taka hmuh takah chuan min deng na tih piahlam a ni leh ta tho,ka inrin hmain ka mittui a rawn baw zawiha,hruk pawh ka hru peih lo.Mi te chu an raia, an lawm thin a,Pasal nei lo a rai te erawh ka hre lo.Kei hian Pasal ka neia,mahse ka rai hi lawm tur nge lawm loh tur ka hre lawi si lo,Abel-an a hriat hunah engtin nge a dawnsawn ang ka hre lo.Fa chu a lo duh anih pawhin keimah min duh tel chuang lo ang tih ka chiang.Ka na vawng vawnga, ka inkhawngaiha,ka nu ka ngai em em bawk.

Muhil thei loin ka mu meng kara,ka lu a na ngut ngut bawk,lukham ka khawiha,ka mittui farna lai a hnawng chap mai..Ka dul ka dawma, tunah chuan engmah la ni loin thi hlawm mai mai a la ni tih ka hria, mahse nu ka ni dawn..Ka insut leh hraiha,tu nge kei anga pasal te laka rai zep awm ve ang? Lukhamah ka hmai ka phuma, a hre dawn hauh lo tih hre mahila tah rik ka duh lo.

Ka harh leh chuan khua a lo eng iar tawh, peih lo zetin ka thoa,khawsikin min tham er er bawk,thlasik a intan tawh bawka,a vawt tan viau,kawrlum phiar,fual deuh hlek leh pyjama lian deuh ka haa,muangchangin inhnuai lam ka pana,Abel-a a chhuah daih tawh ka ring ve ngawt.Mahse, nizan khan a Motor a awm hauh lo.Engtin nge a lo haw ka hre lo,kei ang bawkin a Motor a chhe ve pawh a ni mahna.

Ka rin ang ngeiin Ruati chauh a lo awma, min hmuh veleh thingpui min rawn chhawp saka,nidang ang bawkin a titi siam siam bawk.A sawi hre loin ka aw vel mai mai thung.

Nilengin ka nuam lo tluan ta parh,tlai lamah Doctor ka hmu ang ka ti nangin ka thulh leh ta zawk,tunge hmuh mai tur ka hre tlat lo.Awmtei hrilh tur nge hrilh loh tur ka ngaihtuaha,naktuk lamah hrilh mai ka duh ta zawk.Jeffrey-a nen kan inhmu ta miah lo bawk.

Muana a lo kala,ka Motor ke ka siamtir a,peih lo viau mah ila inkhalh haw tho tho ka ngai dawn,Ka nu te In lamah kal ka tum zeta, chu pawh ka thulh leh ta tho,ka awmdan engkim mai chik a hrethiam ziah tu ka Nu ka bum theih ka ring lo.

Abel-a motor a lo la awm lo,mahse nizan pawh khan a awm chuang loa, amah a lo awm tho,in lam ka thlira, a eng iara, Ruati a la awm maithei bawk.

Inchhung a lo ruak hiau,Ruati thawm pawh engmah a awm lo,a haw phei tawh anih ka ring ve ringawt.Mahse, nidangah hi chuan a lo la awm deuh ziah thin a,ka haw hnuah a haw phei chauh zel.

‘Eitur i siam dawn ami?” ka hnung lam atangin Abel-an a rawn ti thuta, ka phu nasa kher bawk.Ka hawileta,Kitchen leh Dinning room indanna kawngkhar biang nghengin a dinga, a kekawr ipte a zen tut bawk.Nidang ang lo takin ruih neih a ang viau bawk.

‘Aih,khawnge Ruati?”

‘A awm lo,karkhat vel chu a chawl ang’ a ti nghuta.

‘Ngatinge? zingah engmah a sawi si lo a’ angaihna hre lo zetin ka ti a.

‘An khaw lamah an haw lawk’

‘Maw? Ngatinge?”

‘Inchhung khawsak hi ngaihtuah ve deuh la,nuam tawla leng kual mai mai lo khan,chuti ni lo se i hre tur ania’ a ner nawk bawk.A tawng dan kher chuan min khei ve zak thung.

‘Ka lengkual lo..’

‘Oh..ka zin leh vat theih nan i lo tawngtai hial ang chu ka tia’

‘Abel...’ ka ti halh ringawt.

‘Um..tunah chuan engkim i hre ta bawka, nuam i ti viau ang chu tiraw?” a ti leha,ka lu ka thing ringawt.Vanneihthlak zetin Motor light engin In a rawn chhuna,tu nge anih ka hre lo nangin ka thlamuang hawk tho.Kawtah a thawm a reha, rei vaklo hnuah kawngkhar kik thawm a awm zui zat bawk.

A inher vuta,Kawngkhar hawnsak tumin a kal zui ngala,Kawngkhar a hawng thawm leh midang a be thawm ka hre leha,a Driver a ni ngei ang.Ka haw lai khan a motor a awm lo a, khawiah emaw a tir chhuak leh a nih hmel.Kawngkhar a khar ri ka hre leha,amah pawh a rawn lang zui leh nghal mai bawk,midangin an rawn zui ka beisei deuh nangin tuman an rawn zui lo.

‘Le,i chhanna ka nghak ania,nuam i tih viau ka ring ka tih kha,ka tawrhna han nuihsawh vel chu eng ang nge anih?’ a hma ang bawkin a nelawm loh.Sawi mai tur ka la hre chuang ta lo fo.Anihna takah chuan a tawrhna te vang khan ka lawm phah loa, ka khawngaih zawk a, ka chunga a khawsak dan tenawm tak te hi ka haw hleithei hek lo.

‘Kei nge tenawm midang tih te pawh hre tel nghal bawk la tha tur ania..’ amah bawkin a ti leh hluka.

‘Nia,ka hre tel vek in ka hria’ ka ti chhuak sap mai.

‘Nizan khan i zui haw nghal ang chu ka ti a’ a ti leh hluka.

‘Thil i ei tawh em?” thildang sawi ka duh..

‘Ngatinge i zui ve loh ka tih chu?”

‘Inhauhna Moodah ka awm lo ania’

‘I che na lutuk i zo lo tihna mi?”

‘Mampuii ang ka ni lo,mahni pasal lo te nena nuam tawl tur ka ni lo..’ ka insum hman lo..

‘Engmaw i sawi?” a aw a ring lo,mahse a aw hlauhawm zia chu pui tak a ni ringawt.

‘Kan inneih dan dik tawk lo mahse ka pasal lo nena nuam chen tur khawp chuan mipa ka mamawh lo..’ ka ti leha,hlau lo niawm takin ka en lui kara,mahse ka chhungril erawh a nuam lo, ka chau nghulha, tluk mai ka hlau zek zek zawk.

‘A tha hle mai,anih chuan hei hi enge?’ tih pahin a kut a rawn lek chhuaka,a thil ken ka hmuh rualin ka ip chawih mai,nizan khan room Dustbinah ka paiha,zingah pawn lam Dustbinah ka paih ang ka ti a, ka lo mangnghilh daih pek..

‘Kha kha...’ sawi zawm loin ka ngawi leh rih.

‘Hei hi sawifiah la tiraw?” tih pahin min rawn pan hnaia,ka tawlhhnung hrat thung.Mahse, bangin min lo dan takah chuan beidawng zetin ka ding mar at ringawt.

‘I pasal lo nen nuam i chen anih si loh chuan engvangin nge i zep si?” a ti leh tuara, a rawn ding hnai ta deuh bawk nen a rim chuan ka hnar a verha, ka pum a let but mai,kan inneih hnuah zu a in ka la hre lo.Zanin tih loh chu..

‘Ka zep lo..hrilhna hun che a la awm lo zawk’

‘Wow,nizanah khan in khatah kan awm duna,min biak avangin i thi dawn tihna a ni em?” a ti leh nghek,ka ip chawiha,ka mit ka chhing ta ngawt.Eng pawh sawi ila a thinrim a zual mai mai dawn tih ka hria.Enge a tih leh dawn ka nghak ta ngawt.

‘Ka chhuak dawn ania..’ ka beisei loh lutuk ka hriat takah chuan ka mengchhuaka,a lo kalsawn mek thung.

‘Khawiah nge tunah i kal dawn?”
‘Ka hmu peih rih lo che..’ min deng dawt mai,chhang zui tawh loin pawn lam a pan chu ka en zui reng ringawt.

Reivak lo hnuah Motor a starta, a tlanchhuak zui nghal mai bawk,a rik danah ngawt pawh a tlanchak thawkhat ang tih a lang thei reng bawk.

Chau zetin ka thu thla hnak mai,engvangin nge ka nun hi a tluan theih miah loh? Enge ka tihsual bik? Nitin zawhna ngai hlir ka inzawta, chhanna ka hmu der si lo.Abel-a hi ka tan chuan pasal mai a ni tawh lo a, ka fa pai lai mek tan Pa a ni tawh bawk,mahse amah ka hrilh loh vangin midang fa ka paiah angai leh ta tho,amah Mampuii sulhnu leh a thil lo tawn tawhte hian engtikah nge a kalsan ang ka hre lo.Ka beidawng hluah hluah.

Ruati’n eitur a lo siam nual hmana, ka beisei loh zetin ka ei hnem phian bawk,Living room Sofaah ka thu khawr hlana, hmu miah loin Tv ka melh reng bawk,Abel-a ka ngaihtuaha, a lo la haw ta lo fo,sana ka en a, dar 11 a pel tawh.A hmel ka mitthlaah a lo langa,a hmeltha vur lo,mahse a hmelchhe chuang hauh lo.Hmeichhiain pa kan tih leh Mipa a awm tura kan duh hi chu a nei kim ni berin ka hre bawk.A luhlul em ema,midang tihnat a pawisa hek lo,mahse min duatna zawng zawng te,min hnem nana min kuah te,avai mai khan ka ngaia,a tello a ka mut hran zan te khan ka ruak vek nimaiin ka hre hial,Rosanga vanga na ni a ka lo inhria kha tunah chuan mak ka ti tawh zawk,Abel-an natna min pek nen chuan a chanve pawh a phak lo hial maithei.Mahse, min duat a, min mamawh ve ni a ka hriat laiin Mampuii vangin kan boruak a inthlaka,a awmdan zawng zawng a thlak vek zel a,min mamawhna nei lo ang maiin a khawsa zui leh a,na ka tih vawng vawng tum a tam lutuk..Mahse, chuti chung chung chuan ka duh tih ka hai der thei chuang lo.

Ka phone ngawr dar darah ka thuchhuak hlawl,ka lo muthlu hman anih hmel,ka phone ka bana, Abel-a..Ka pick hmain Sana ka en leh rih,dar sawmpahnih leh a chanve a kawk va mai..

‘Hello..’ 

‘Ka pi,hei i pasal hi a Accident a...’

‘Maw?’ ka tum aiin ka au ring hret,ka khur nghal dar dar bawk.

A accident na hmun leh Damdawiin an panpui mek tih a rawn sawia, a tawng zawm mawlh mawlh bawk,mahse mumalin engmah ka hre lo,ka thluak a buai vek zawk.

‘Ka pi,ka sawi i hre thei em?” a rawn ti leh vau vaua.

‘Aw..aw,ka lo kal dawn e’ ka ti bah nawk nawk ringawt.Phone ka off a, Driver te awmna in lam ka pana,Kawngkhar kik leh au ka ruala,ka a huih a ni ber.

Darkar chanve a liam leh chuan Damdawiin kan thleng titih tawh, kawng tluanin ka tawngtaia,mahse a mumal lo,chhan tur ber pawh a awm lo hial zawk ang..A din rual deuhthawin ka tlanchhuak rawk rawk mai,hmanhmawh lutukin Casualty ka pana,mahse tuemawin kan ban rekah a rawn vuan a,min rawn vuan tu ka en a, ka beisei loh zetin ka nu..

‘Nu...Abel-a...Abel-a ‘ ka ti nawk nawka, ka sawi zawm thei lo.

‘Um, ka hria alawm,a harh vek e..’

‘Tunah khawiah nge a awm?” ka ti a, inchhunglamah a thle zauh ringawt.

‘Hahdam phawt rawh,amah a tha vek ania,Admit pawh an admit lo maithei ania’

‘Oh,a va lawmawm si em..’ ka mittui a tla thelh bawk.

Ka nu sawi ang ngawta awlsam erawh a ni ta lo,a ke ruh a khi a, a lu a sawh bawk,karhnih lai kan awm hnuah kan chhuak ta chauh bawk,zantin ka riahpuia,a tir lam chuan Marcus-a leh ka nu an rawn riak ve a, mahse a zia tak deuh hnuah erawh keimah chauh ka ni ta thung.Mak takin vawikhatmah Mampuii a rawn lang lo,thawveng hawk tur ka nih laiin ka thawven phah miah lo thung.

‘I chau em?” kan thawmhnaw ken ho ka dahchhuah mawlh mawlh laiin a rawn ti a, ka hawi leta,a hmel dawldang deuh leh a khabehmul to siar siar te, a sam buk deuh te nen chuan a lang dam thlup mai.

‘Aih, chau lo..mahse ka’n inbual lawk ang’ ka ti tha ve mai.

Diktak chuan ka chaua,ka naupai lah ka haw em em bawk.Mahse, kan damdawiin awm khan thil tha tamtak a herchhuahpui ve tho bawk,Ka nu leh ka pa an lo kal tam em ema,ka nu nen kan inpawh leh ta viau bawk,ka rai tih a hre thuaia,zep theih ni hek lo,Doctor min hmuh pui a, engkimah min buaipui vek bawk.

‘Sorry..’

‘Ngatinge?” angaihna hre lo zetin ka en hau mai.

‘Ka tihbuai lutuk che vangin mawle..’

‘Ahh, i sawi ho em mai,ka tihtur ka ti mai zawk anih kha...’

‘Maw? I duty anih vang nge midang hmuha mawi i zawng zawk?” a ti leh supa, ka thil ken ka thlehthlaa.

‘Eng zawk nge i rin?”

‘Ka hre mai lo,mahse nupui i nihna anga i tihtur ti i ang ka ti zawk’

‘I ring dik anih chu..’

‘Ka inbual ve duh ania..’ a ti leh daih,a kal thei tawha, mahse indim erawh a la ngai nasa viau,Motor khalh lo tur leh rit la miah lo turin an hrilh chamchi bawk.

‘Inbual hmasa la...’ ka ti a.Inbual dun ila a nuam phian ang tih ka ngaihtuaha,ka lu ka thing nawk mai.

‘Keimah chuan ka inbual theih ka ring chiah lo...’

‘Maw?”

‘I tihtur ti zo law law la...’

‘Aih...ka thei lo...’

‘Engvangin maw?” a ti leh supa,tawng loin ka lu ka thing ringawt,min en reng bawk nen zahzelah ka thil dah thlak ka la kang leha,suk tur zawng niawm takin ka en kual dan dan bawk.

Damdawiin kan awmchhung zawng khan ka buaipui nasa a,kan pahnih inkar pawh a danglam dawrh tih ka hai hauh lo,a accident hma leh khami zana kan inhauhna te kha tumah mahin kan sawi chhuak leh ta lo,kan awmdan danglam ta vek hi amah pawh hian a hai in ka ring hek lo.Mahse, ka hretiam lo,ka zam leh titih tlat.

‘Enge i hlauha?” ka bul mai atangin a rawn ti supa,a lo kal hnaih lai ka hre miah lo.Muangchangin ka hawi chhuaka, a hmel hriatthiam har leh ngeng ngulh mai chu ka ena,ka duh mai ni loin ka Hmangaih tel bawk tih ka inhrechiang em em tawh bawk.

‘Engmah...ngatinge ka hlauh ang?” ka tum aiin ka aw a mar tha phian bawk.

‘Dik chiah, i hlau lo ang,mahse i biang a sen veka..’ zawi tein a nui hawk bawk.

‘A vawt em alawm..’ ka ti hlak ringawt,a nui leh a,ka hmai sa hat hat chuan a sen nasat tur zia min hriattir tho.Tihngaihna hre lo zetin ka hawi leta, ka thiltih lai bawk ka tihzawm leh a,ka hnung a za mar mar thung.

Ka beisei loh lutukin ka hnung lam atangin ka kawngah a rawn kuaha, ka darah a rawn nawra,a thaw lum ham ham chuan min fan rawih rawih bawk..

‘Ka ngai che alawm...’ a ti sup bawk..

CHAPTER- 25

Ka ding khawng laha, ka tang ru teuh bawk.Ka bengkawm a rawn fawp dun duna, a hmui lum ham ham chuan min fan rawih rawih bawk.

‘Inbual dun i duh lo tak tak em?” a ti leh supa.

‘Ka..ih,ka hre lo...’ ka ti bah naka, ka aw a zawi hle bawk.Ka nervous zia thup tum mah ila a theih tlat loh,tumah hetiang khawpin an Pasal te bulah an nervous ve ka ring hek lo.Diktak chuan a awihawm loh hial zawk.

‘Ok,tak takin inbual la,phone ka lo hmang ang..chuan,hei pawh hi Party kan siamsak loh chuan...’ a nui a, ka dul a rawn khawih pah bawk..

Hahdam thei ang berin Bathtubah  ka inchiaha, ka mit ka chhing vang vang bawk,thil engkim inthlak danglam ta thawk hi a tha lam vek nimahse ka chhungrilah hlauhna nge ka hriatthiam si loh hian ka ti nuam lo a awm tlat,kan nupa kar danglam ta vek te, ka nu te nena kan in pawh leh ta viau mai te,avai mai hian rei lote hnua chhe leh thut mai tura ngaihna ka nei tlat bawk.

Ka inbual zawh a room ka let lehin a lo awm tawh lo,a lo let leh thut ang tih hlauin ka inthlak sawk sawka, ka dul engmah la lang lo,thep zaih mai chu ka chul a, Abel-a khan a fa anih loh chungchang engmah a la sawi leh lo,a landanah chuan a pawm hmiah niin ka hre zawk.

Inhnuaiah ka chhuk thlaa,ka rin loh deuhin Amawia a lo awm ve a,ani hi Abel-an kan inneih khan bestah  a hmanga, mahse amah hi Dept pakhatah hna sang tak chelhin a awma,District khawpui dangah a awm bawk avangin kan inhmu tam lo viau,a lo haw tum erawh cuan a lo kal ziah thung.

‘Hey,i tha em?’ min hmuh veleh din chhuah pahin a lo ti nghala,min chibai tumin a kut a rawn lek chhuak nghal bawk.

Ka pan hnaia, ka nui var var mai,ka chibaia,Abel-a ai chuan a tawi zawk deuh nangin pa te tak tih tur a ni lo,Mizo mipaah chuan a tawk pawl tak a ni tho.Amah mi fel tak a ni bawk nen hmu ngun deuh phei ila chuan ka ngaina hlein ka ring.

‘Engtik nge i lo chhuk?” ka ti a.

‘Vawiinah,in chhuak tih ka hriat rualin ka lo kal tlang nghala,chuan...Party neih lam kan lo sawi mek bawka’ a tih zawm leha,Abel-a ka en vata, a thle buk ringawt.A sam hnawng deuh chap leh a thawmhnaw hakah chuan a inbual vek tawh tih a lang thei bawk.

‘Eng party maw?” ka ti a,Abel-a bula thutna awl awmah ka thu thla ve a.

‘Wow, zep a la tul tihna mi?’ nui chung bawkin a ti leh a, a sawi awmzia ka hriat takah chuan ka nui ve ta ngawt.

‘Aih,engmah ka zep lo..i awm laia tih a tha ngawt ang chu,tiraw?’ tih pahin Abel-a ka en a, a bu nghuta,a hmui a petsawi zauh bawk.

‘Nia, a tha ang..Ka nu te kha lo phei an tum ta em?” a ti a.

‘Aih,naktuk lamah kan lo kal ang an ti a,zanin chu hahdam deuh la a duh a’ ka ti a, kan chhuah khan In thleng min thlah an tuma, mahse Abel-a nu te chhung lamah Boral an awm thut avangin an lo kal ta lo.

‘Ok,a tha lawm..Hei,chawei tur a lo kal tho bawka,i riak ve nghal ang chu’ Amawia hnenah a ti a, mahse a lu a thing mai thung.

Amawia’n chaw a ei ve nghala,kan boruak a hahdam takzet,chawei kham hnuah rei awm loin a haw ta thung,Ruati te nupa an lo let leh tawha, engmah tih ka tum hran lo.Tum pawh ni ila a phal ka ring chuang lo.

‘Mu ila...’  a ti supa,thatchhe hmel zetin thutthleng hnung a ngheng a, a ban a kham duai bawk.

‘Lo han chho la,kawngkhar ka’n check fel lawk ang’ ka ti a, Pawnlam hi chu enfiah angai lo,Security an awm reng.Tukverh leh kawngkhar ho ka check fela,a hnuah Roomah ka chho ta choh,diktak chuan ka zam leh titih ta tho.

Khumah a lo thu mu a,a phone a lo khawih pah bawk,ka lut thawm pawh hreawmin a awm lem lo.Hetah a mu ang tih chu ka hre tho nangin ka awm a nuam lo.Ka tang teuh mai.

‘I lo la mu dawn lo mi?”

‘I damdawi eitur hi ka en lawk mawle’

‘Ka ei tawh’

‘Maw?”

‘Ka ei tawh,nangmah zawk khan ei tur i nei em?” a ti supa, a hmelpa zetah chuan min ngaihtuahna niawm tak a lang thei bawk.

‘Aih,engmah eitur a awm rih lo..’

‘A that chu,lo mu la..’ tih pahin a mutna bul a beng thuka,chhuanlam tur engmah a awm lo.

Light ka off a, a thim tha viau,ka mit ka khap sak sak mai,khumah ka lawna,amah hlat deuhin ka mu ta than,mahse a rawn tawlh hnaia,ka kawngah a rawn kuaha,a mal sei thlurh chuan min rawn khan bet nghal bawk.

‘Engtikah nge Doctor i hmuh leh ang?” a ti supa, a kut lum thur thur chuan ka kut a rawn hum a,ka samah a rawn fawp vang vang bawk.

‘Karlehah..ih..thil ka zawt thei che angem?”

‘Sawi la....’

‘Naute hi midang fa anih i ring tak tak em?”

‘I that chak em tih min zawt zawk la...’

‘Abel....’

‘Sorry...mahse i bula ka hmuh apiang khan ka khawih chak lutuk kha insum har ka ti thin,i hrethiam phak lo ang’ a ti leh supa.

‘Mampuii vang khan maw? Tiang em em hian i lo hmangaih tih ka hre lo a...’

‘Lo hawi teh....’ a ti hmuka, amah en thei turin min kuai her a,a darah ka lu ka nghata,Light kan off vek avangin a hmel ka hmu chiang thei lo thung.

‘Mampuii hi ka hun kal tawh ami ka tih kha..i awih em ka hre lo,ka kalsan hnu khan let leh tumna ka nei miah lo..Ka nuna i lo luh atang phei kha chuan ka engmah a ni lo lehzual’ a ti duah,a awki nghet churh mai chuan dawt a sawi lo ang tih min rin tir ve ngawt bawk.

‘Anih chuan engvangin nge min neih?”

‘I lo hre lo tak tak tihna ni em?” a ti leh supa,ka mal a rawn vuana, a kawngah min kerhbeh tir a, amah hnaih lehzual turin min pawt hnai salh bawk.

‘Hre lo..aaa...hre tho,Mampuii nen in inkawpna thup turin min nei i tih kha’ ka sawi zawng pawn ka na vawng vawng thei.

‘A reuh lutuk mai,nupuiah ka nei che anih chuan ka duh che tihna a nimai’ a ti supa,ka thaw hak mai..

‘Mahse...’

‘Shh...engmah sawi tawh suh,hmeichhe ngeng leh induhtawk tak,Mampuii pawh khing leta, engahmah ngai lo tur i ni tih ka hria,mahse...kan inkar i titawp thuta,ka induhtawkna i tichhiaa,engemaw tal hmanrua ka mamawh tih i hria alawm...’ a ti leh duah,sawi harsa a tih hmel phian bawk.

‘Anih chuan Mampuii vang tho anih chu...’ ka ti nghata, ka tum aiin ka aw a chang hret bawk.

‘Aaah,ni hauh lo..thil pakhat ka hrilh ang che,ka pa hian ka nu hi tihluihna hmangin a nei tih i hria em?” ka thaw hak mai,ka awih thei lo zawk..

‘Maw?” mak ka tihzia ka awah a lang thei bawk.

‘Um,ka pa Diary hi kan In kan chinfel tum khan ka hmu a,tah chuan chiang deuhin a ziak a,keipawn ka ti ve ta anih kha...’

‘Mahse, Abel....ngatinge?”

‘Mipa ka ni a, ka pa fa ka ni bawk...mahse, i duh duh i sawi ziaha,thin hrep ka chak thin zia che i hre phak lo zawk ang’ a ti leh supa, ka samah a kut a rawn rawlha,a kut lehlamin ka hmai a rawn khawiha, ka hmui a rawn tuai zui leha,ka thaw tha ngam lo,ka duh duh ka sawi thin te, Mampuii chungchang apiang ka an chhuahpui mai mai lai te kha avaiin engmah ka la theinghilh lo.

Tawng tuma ka ang ziau chu a hmui lum thar thar chuan a rawn khar ta hmak zawk,ka chhang let mai lo,dim leh dam takin min fawpa, a zei lutuk hi mak ka ti zawk thin,ngenngawl zetin a rawn fawp leha,ka chhang let ta nge nge,ka chhan let takah chuan a rum hawka,hmanhmawh leh duhthawh lutukin min rawn fawp ta thung.

Ka kawr a rawn zena, ka hnute a rawn huma, ka ip chawih mai..a samah ka tham a,ka samah a rawn tham vea,min kuai daka, ka nghawngah a hmai a rawn phuma,a mipatna in min si run bawk..

‘Doctor khan enge a sawi?” ati supa, a aw a khur dur dur bawk.

‘Eng ti zawngin?” ka aw a lawi rat mai.

‘Kan ti thei em tih mawle..’

‘Oh...ka hre bik lo..’

‘Anih chuan,Room hran ka hman a tul dawn anih hi’ a ti leh hrawka, a let sawn zui daih bawk..Ka ruak nghal huaiin ka hre bawk.

‘Mahse, Abel...kan ti thei tho ang..’

‘Aih, risk lak ka tum lo..’

‘Ok, ka hrethiam che..’

‘I hrethiam maw? Anih chuan ka awm ang hian i awm tihna a nih chiah chu’ a nui hawk bawk..

‘Ni lo..aw,nia..ka mamawh che ’ ka ti ta nge nge, ka pasal ania,enge zah tur awm chuang ang? Ka pasal bulah ka mamawh tih ka sawi hi sual a ni hek lo.

A rawn tawlh hnai leha,dim tein ka hmai a rawn chul kual leh dan dan bawk.A awmah ka hmai ka phum kaka,a lungphu ri dat dat ka hrethei leh ta,ka thlamuang ngawih ngawih.

‘Ok..engmah i ti lo ang,ka ti vek ang...’ a ti supa, a inbengkanga, ka mal karah a rawn tla zepa,ka kawr hak a rawn nawr tawm chhoa,a kawngah ka kherh bet nghal chial bawk..

A tawp kan thlen meuh chuan kan thaw dun hlawp hlawp mai,a chungah ka bawk thlar a,thlasik lai mah nise thlan vangin kan hnawng dun chap bawk..Ka sam karah a kut a rawn rawlha, a hnute hmur tereuhte ka khal nauh nauh thung.

‘Doctor in tih phal loh a neih a sawi em?” a ti supa.A zawhna ka hrethiam chiah lo.

‘Sawi nual,ngatinge?”

‘Kei chu rit la lo tur leh Motor khalh lo turin min ti a?”

‘Kei pawh.Rit la lo turin min ti’

‘Anih chuan thu kan awih lo ve ve anih chu..’ a nui nghawr dat mai..

‘Nghal lutuk...’

‘Um,dik chiah,i kut che kha i tihtawp vat loh chuan thu kan awih loh lehzual angai dawn ania’ a ti leh a, ka tawp nghal chat mai.

December thla a intana, ka naupai la lang chiah lo mahse ka haw lutuk erawh a zia ta viau,Doctor ka hmuh dawn apiangin Abel-an min kalpui ziaha,Motor a khalh leh thei tawh bawk.Hna kal tura chhuah erawh a phal lo bur,nitin Inah ka awma, kan hna khawih lai kan zo fel tawh hlawm bawka, kal lo pawh ni ila thil pawi lutuk erawh a ni lo.Mahse, min duatna vanga hna ka kal phal lo anihna hian min ti lawm zawk.

‘Tlai kha ka nu te In lamah chaw ei tur kan nih kha aw’ a insiam mawlh mawlh laiin ka ti a.

‘Tunah ka rualin kal la,nge nakinah ka rawn lam zawk ang che?” rawn hawi let chuang loin a ti a.

‘Ka lo inkhalh chhuak mai dawn mawni ka ti...’

‘Enga?” a rawn hawi leta,a jacket hak tur a keng bawk.

‘Tuna kal chu a la hmaa,bakah Ruati kha bazar tura chhuah a tuma, tlaiah i lo let leh a buaithlak bawk sia, ka lo va kal dawn mawni ka ti’

‘Theihnghilh teh a..’ a ti hluk a, a Jacket a ha a,a hnuaia T-shrit dum a hak leh a kekawr tight lam lek lek te chuan a pian nalh zet an khuh bo zo lo.

‘Chutiang takin a hlauhawm tawh chuang hleinem...’

‘Duhtawk teh,tun kha i sawi tawpna ni bawk se...’ min rawn en a, a hmelpa leh ngeng ngulh maiah chuan nawr luih chi a ni lo tih a chiang.Ka bu ta nge nge.

Min rawn pana, ka samah a rawn fawp zauha, a kal chhuak tur chu ka thlira, thla rei lo te chhunga ka nuna thil thleng tamtak hi amah vang liau liau a ni tih ka hria,keimah hian Mood ka nei pawn ka hre tawh lo,ka mood tur hi min siamsak nimai hian ka hre thin.

Christmas bazar turin Ruati te nupa an chhuaka,a pasal hian Motor a khalh theih tho avangin ka Car ka ken tir a,tihtur engmah awm bawk si lo nen verandaah ka thu a,kan Compound chhung ka thlir vang vang bawk.

Ka awmna tur a ni tih ka hriat hma khan engkim Design ka siam vek a,pawn lam te pawh ka khawih tel vek bawk.Pangpar dahna tur leh Garrage te,avaiin ka siam fel vek.A tha ber tih tur ni lo mahse a nuam lo tih tur a ni lo.Nitin hna ka kala,tlai takah ka haw leh ziah bawk nen Pangpar lam engmah ka la dah ta lo.Tunah in ka awm tama, mahse ka mamawh thil ho te lek ti tur pawn Abel-an chet a phal leh lawi lo..Hlauhthawn tur awm loin ka tha vek tih hre mahse inchhung chet engmah ka tih a phal chuang lo.

Tihtur hre loin chawhma lam chu ka awm ta mai mai,chawhnu lamah erawh Room lamah ka chhoa, Abel-a thawmhnaw dahna leh ka thawmhnaw dahna ka tifela,mipa che fel tak a ni lo bawk  nen a thawmhnaw dahna a hnawk viau bawk.Chhuatah ka thehchhuak veka,thawmhnaw dum a duh bawk nen a dum lam a tam ngang mai bawk.

A chung bera a kekawr bul ho dahna ka la thla leha,ka thehthlak rualin thil eng lam tla tel zauh ka hmu a, thawmhnaw tla satliah ang lo deuh in a ri dat bawk,enge anih ka hre lo.Ka dinna atangin ka chhuka, thawmhnaw thleh  ka haia,Envelope lian deuh hlek a lo ni a, a puar lah bawk.

A chhunga awm ka bun chhuaka, Paper inthlep fel thlap mai a rawn tla chhuaka,ka pharha,thil inziak ka chhiar rualin ka mengphar awk mai.

‘Ka boral anih chuan ka thil neih zawng zawng hi ka nupui Martha Malsawmzuali ta vek tur a ni a,tuman an chuh buai thei lo ang’ tih a lo in ziak a,a hnuaiah a hming sign leh midang sign a awm bawk.

An ziah ni ka en a, ka mengphawk lehzual,kan inneih tuk a an ziah fel a ni tlat,chuti anih chuan a sawi ang tak tak khan min duh vanga min nei a ni angem? Kan inneih tirh ka ngaihtuaha,nupa tak niloin nupa lem kan ni thin kha ania, mahse a thil neih zawng zawng ka ta turin a dah lawi bawk si..

A hmel ka mitthlaah a lo langa, ka inrin hmain ka mittui a rawn tla a,ka insut hraih bawk.Ka duh duh sawia ka tihnat thin lai pawh khan hei hi a lo tifel vek tawha,ka awm ang ang khan min lo dawh mai mai bawka,kei chauh emaw hrehawm ka lo tih lai khan ani pawh a lo hrehawm ve tho chu a ni sia..

Motor thawm ka hriat takah chuan ka tho vata, ka mit ka hru hul chat chat bawk,Envelope chhungah ka khung leh sawk sawka, adang awm ve erawh ka en ta lo.A dahn ngaiah ka dah let leha,a kekawr ho ka thlep sawk sawk bawk.Ruati te zawk annih ka ring tho nangin Abel-a a lo haw har tawhin ka ring lo,Farm lama kal loin Meeting turin a chhuaka,rei tur a ni lo tih a sawi lawk sa vek bawk.

Ka rin ang ngeiin Ruati te an lo ni a, bazar na tur an nupa hlawh lak tir loin Bonus ka pe a, Abel-an a hranin a lo pe ve bawk,mahse a lo pe ve tho tih erawh Bazar an kal dawnah ka hre ta chauh,pawi ka ti chuang hauh lo bawk.

Abel-a lo haw hmain ka lo inbuala,kan awmna lai a tlang deuh bakah a boruak a nuama, a vawt tha var var tawh viau,ka lu ka su a,ka sam ka nuaia, a tla nasa leh ngang mai bawk.

‘I inbual tawh mi?” room a rawn luh pahin a ti a,ka sam ka lo buaipui mek thung.A hmel ka hmuh rualin Envelope a ka lehkha hmuh ka hrechhuak lehnghal zat.

‘Aw..ka rin aiin i rei a..’

‘Nia..hnamdang ho hi chu an buaithlak thin’ a ti awlsam mai,a bag sofaah a thleh thlaa.

‘Ka sam hi a tla nasa lutuka,a tla kawlh dawn mawni ka ti’ ka ti leha, ka lu lei lang deuh chu ka en vang vang bawk.

‘Tla kawlh lo tawp ang,i hman nghal chuan kan kal mai dawn mi?” a ti leha, min rawn pana, ka chal leh ka sam to tan na, tlema kawng deuh chu a rawn fawp zauha,a kalsawn leh a,Khumah a thu thlaa, a vang zawngin a mu zui nghal zat bawk.

‘Thil ka zawt duh che a..’

‘Sawi la...’

‘Lehkha....’ ka ti hman uk a, ka ngawi leh daih, ka hmuh tura a dah ni lo keiman ka lo en a,ka sawichhuah a ka zawhfiah kher tul in ka hre leh lo.

‘Eng maw?” a rawn tho a.

‘Engmah,ka hre leh si..’

‘Ok,kal ang’

Kan thlen chuan Rosalind-i te chhung an lo thleng tawh,Abel-a min hrilh danin Christmas dawn hian an chhungkaw ho chaw eikhawm an nei ziaha, Abel-a pi leh pu bakah a nu unau te an tel vek zel a ti bawk.

‘Matty,i tha em?” Rosalind-in min lo ti nghal sawt sawt,ani hi a nuta te ang lo takin a nema, a mizia a dam thlap bawk.A ngainatawm em em ti ila a dik ber.

‘Aw, tha e..nangni zawk?” ka ti ve a.

‘Um,tha..u,ngatinge Body guard ang maiin tikhan i din khawng renga?” a u en chungin a ti a, a nui zui kar kar bawk.

‘I sual em maia...’ ka nui ve tho bawk.A bulah ka thu thlaa,ka sirah Abel-a a rawn thu ve nghal bawk,a nau thilsawi ngaipawimawh awm pawn a awm hek lo.

‘Eve-i te an lo kal ve dawn lo mi?” thuphungin ka ti a, Abel-an min rawn melh zawk tih ka hmu ru kar bawk.

‘Kal lo ang, tun tum chu kan Family bik ania’

‘Maw?’ ka ti a, a sawi awmzia ka man lo,Eve-i te chu Abel-a nu u fa ni in ka hre si.

‘Ahh...eng lo ania..’ a ngawia, a hawi kual leh rih,Abel-a lam a en leha, ani erawh chu thatchhe zetin  a thu thluanga,a phone a khawih mawlh mawlh bawk.

‘Evelyn-i te lam hi chu Mama nu lam te annia’ a sawi zawi hle bawk.

‘Oh,anih chu...ka lo hre lo a’ ka ti sapa, mahse ka hrethiam ta kuar tho.Kan inneih zan khan Abel-a pu min chibai tira, kha kha Abel-a nu lama ka pu a ni lo,Tluangpuii khan Evelyn-i pu a ti awlsam mai kha ania..Abel-an a Cousin anih thu a lo sawi bawk nen ka hrethiam lo kha a awm ka ti leh hnuhnawh.

‘Diktak chuan kan sawi hrang ngai lo a...’

‘Aaaah,sawi hran a ngai hleinem..’ ka ti a, a nuam lo ti hmel chu hnem tumin ka nuih a,ka riruah thil dang a lo langa, kei pawh hi ka nu leh pa fa ka ni bik lo.Midang inzawmna ka sawisel thei ka ni lo.

‘Um..khawnge naute?’ ka ti leh a.

‘Ka pa khan a pawma,insawiselna i nei miah lo maw?’ a ti leha.Ka lu ka thing mai,vanneihthlak takin engmah insawiselna ka nei lo.

Abel-a pi leh pu an lo thlenga, a hnuah a pu,a nu unaupa te an lo thleng ve leha, Ka pa lamah tumah chhungte han tih em em tur kan nei lo tih ka hre tawh sa bawk.Engmah boruak nuam lo a awm lo,Abel-a accident atang khan kan Boruak rit em em thin kha a kiang ta hawk,chumai bakah ka nu hian Abel-a hi a hmangaih theihna zawng zawngin a hmangaih tih a damloh atang khan ka hrechiang em em tawha,Abel-a lungawihlohna lam kha ka theihnghilh ni loin ka lo haw ve rilru kha chu ka thlak ta vek,mahse Abel-a lo nat tawhna te kha chu ka dem chuang hauh lo.

Kan boruak a nuam viau,eitur ni se duhthusam a ni bawk..Kan eikham hnuah kan titi khawm a,kan ri laih laih mai,kan duh duh kan sawia,Mipa ho erawh an bo diak thung.

Dar 10 velah inlam kan pan ta chauh.Room ka pan ding nghala, ka thawmhnaw hak ka phelh sawk sawka, mutnaa hak chi ka ha a, Abel-a lam pawh ngaihven loin ka mu nghal daih.

‘Sorry...’ rawn mut ve pahin a ti a, ka chhang duh lo.

‘Zu ka in vangin i thinrim tih ka hria alawm’ a ti leha.

‘Thinrim lo...’ ka ti hmaka, min rawn kuaha, amah en thei lo zawngin ka mu lui tlat thung.

‘Tak tak?’

‘Aw...’

‘Anih chuan ngatinge haw kawngah khan i tawng miah loh?”

‘Sawi tur ka hre lo animai alawm’ ka ti leh hmak ringawt,diktak chuan ka thinrim ngei,a accident dawn zan khan zu a in a,khatiang kha a thlen leh ka hlau ngawih ngawih.

‘Ok,ka in tawh lo ang..tak tak’ a ti leh a, ka kawr a rawn zena, ka hnute hmur a kutzungtangin a rawn chep hruala, ka thaw hak mai.

‘Tawp teh...’ ka ti hlaka, a kut ka man behsak bawk.

‘Aih...’ a ti hmuka, a insiamrema, ka bekah a rawn fawpa,ka che duh lo lui tlat thung.

Christmas thlen nan karkhat chauh a awm tawh,Office lam pawh an chawl fel tawha,Kumthar hma chuan inhawn leh kan mamawh tawh rih lo,kumthar hlima tan turin hna kan la fel diam tawh zawk.

Zan lamah ka hnar a thi leh avangin Evelyn-i kan va hmu a, test kan nei kual leh ta teuh bawk,amah zawk tak pawh hian mak a ti ve tawh a,a khat tawka thi reng,engmah dik lohna nei bawk si lo hi a awih lo nimaiin ka hria.Abel-an phai lam pan a rawt deuh nangin Evelyn-i thungin tul a ti lo.

Abel-a phoneah msg a lut leh thina, amah a inbual mai bakah ka phone a ni lo bawka ka ngaihven lem lo.Mu chungin Tv ka en a, thlasik anih chu thuhran, ruah a tla seng senga, khawvawh dan a vin tak mai.

Call a dawng ta nge nge, ka pan hnaia,Evelyn-i a lo ni a, eng chu nimaw? Kan kalsan atangin darkar tam a la liam lo.

‘Msg en vat teh, test result kha a tha lo ania’ hello pawh ka tih hmain a rawn ti a, a off zui leh daih bawk..A awah khan hlauhthawnna niawm tak a lang chiang em em bawk..

CHAPTER- 26

‘Tu nge a? ‘

Rang zetin ka hawi leta, ka hnung lawkah a sam hru mawlh mawlh pahin Abel-a a lo ding reng tawh,a lo chhuah lai ka hre miah lo.

‘Evelyn-i’

‘Maw?’ tih leh rawn kal hnaih a ruala, a phone ka lo ken chu min laksak nghal zat bawk.

‘Eve-i..a sawi awmzia ka man chiah lo,test result kha a tha lo a ti a..’

‘Ok..ok.ka hria,nakinah ka call back ang’ a ti nghuta.

‘Keimah kha chu vawiin khan engmah tha lo a awm lo kha a ti a,nangmah i in check-up ve bawk si lo a..’ ka ti leh talh.

‘Um,check-up lo..midang mawle,firm lama kan nau ania..i ril a tam em?” a tih zawm leh daih bawk.

‘Aih..mahse midang lo thlen hmain ei kan ngai thoa,theihse chuan mut ka duh zawk,ka ei peih lo’ ka ti a.

‘Ahh,nangmah i ril a tam loh pawn hei zawk hian chaw a mamawh ania’ tih pahin ka dul a rawn khawih zauha, min pawt hnaia,amah si chetin min kuah beta, ka samah a hmai a rawn phum vang vang bawk.

‘Anih chuan naute vang chauhin min ei tir i tum tihna mi?” ka ti sapa, a kawngah ka kuah ve a.Boxer chauh a ha bawk nen a taksa lumnain min ur ham ham mai.

‘Ka tana pawimawh ber i hria alawm..’

‘Naute...’ ka ti sep ringawt,atthlak zetin ka na zawk bawk.

‘Min en teh..’ tih pahin a kut lehlamin ka khabeah a rawn dawma, amah en thei turin min kuai daka,a hmelpa leh tak ngul maiah chuan angaihtuahna engmah a lang lo.

‘Ka en che hi..’ ka nui a, a then ve suk bawk.

‘Ka tana pawimawh ber chu nangmah i ni tih i hriat kha,mahse kan nunah Naute a lo tel ve takah chuan ani pawh ka tan a pawimawh ber tho,in pawimawh dan a in ang lo mai zawk..’ a ti supa, a kutzungpuiin ka hmui a rawn tuaia.

‘Anih chuan kawr ha tawh la..i hritlan vaih chuan nakum thleng  a daih dawn ania’

‘Ha dawn e, mahse ka la sawi zo lo.I hriat atana ka duh ber chu engpawh thleng se i bulah ka awm dawn,Naute vang a ni emaw tu vang pawh nise ka tel lo a i awm ka phal ngai lo ang’ a ti leh a,ka nui hak mai,mahse a hmel thutak leh insehruh teuh chu ka hmuh rualin ka nui tawp chat a, a chhan ka hriat si loh in hlauhthawnna zawkin min fan nghal raih raih mai..

‘I tha vek tiraw?” ka ti ta ngawt.

Ka hriat lohin engemaw natna ruk a lo nei anih vaih chuan ka hriatchhuah ni chu ka kehchhiat ni a ni dawn chiang.A tel lo a nun hmang tur hian ngaihtuah pawh ka ngaihtuah ngam tawh lo.

‘Um,tha chiang.Ka bulah i awm anih phawt chuan ka tha vek ziah tih i hria alawm’ a ti leh a,chhan let tumin ka ang ziaua,mahse a hmui lum thar thar leh fawh nuam zetin a rawn khar ta zawk..

Min pawt hnai leh salha, a mipatna rawn tho tan chu ka hrethei hial bawk,ka mawngah a kut lehlamin a rawn vuana,a rum hawk mai.

‘Duhtawk ang..’ ka ti sepa, ka aw a mumal bik lo..

‘Min hrem hi chu i thiam mawle..’ a then suka, min rawn fawp leh zauha,mahse, a inlahrang ta tho.Hnial ka duh hrim hrim vang a ni lo,zanin hi Abel-a thiante leh ka thiante kan Inah Party kan neih dawn avangin engtik hunah pawh midang lo kal thei anni tlat.An lo thlen hmaa chaw lo ei fel kan ngai bawk nen,thildang tih na hun a awm lo.

Khuma a thawmhnaw hak tur ka dahchhuak sak chu a haa,kei erawh khumah ka thu fel at thung.Party hi a hmaa tih tum sa pawh kan ni hran lo,Tluangpuii vawiinah a lo hawa, Amawia a lo haw lai a ni bawk nen an rawt chawp chuk chuka,ka hnar thi vangin Abel-an thulh a duh,ka chau ziah tih pawh a hria, mahse keimah zawkin thulh tul ka ti bau lo.Kan lo tih lawk sa chu tih tlang mai a tha ber.

Chaw kan ei kham hnu lawkah Amawia a lo thlenga, ka la hmuh ngai loh mipa pakhat a rawn hruai tela,mahse College an kal laia an kawm thin a lo ni a, phai lamah hna thawka a awm avangin ka lo la hmu lo mai mai zawk.A hnu deuhah Tluangpuii leh Pantei an lo thleng rual veleh,Awmtei te erawh zan chhuah an huphurh deuha an lo kal ta lo,thian hnai zual tak tak chauh kan nih dawn avangin kan tam lo,kan vaiin sawm pawh kan tling lo.Jeffrey-a ka ngaihtuaha,mahse Abel-a duh loh zawng tih ai chuan ka hrilh loh mai a fuh zawk ka ringa, ka sawm ta  lo.A hriat hunah a lawm lo anih pawn a lawm lo nimai teh se.

‘Hon,Amawia te hian Drinks lam an tih theih leh theih loh an hre duh a’ ka hnung lam atangin ka kawngah a rawn kuaha.Midang an awm leh awm loh rang zetin ka en kual ve thung.

‘Hey,midangin min hmu ange?” a zawhna chhang loin ka ti hlak ringawt.

‘A ho em mai,midang nupui kuah pawh ka ni hleinem’

‘Mahse...’

‘Ka zawhna che chu?”
‘Ka hre lo,ka duhdan i hria alawm’

‘Ok,kei chuan ka in lo ang’

‘I tiam em?”

‘Tiam e,mahse Beer chu a theih ang tiraw?” ka darah a hmuiin a rawn nul kuala.

‘Beer pawh zu tho..’

‘Anih chuan ka in lo ang,mahse Midang hi chu zanin atan bik chauh dah free ve la..’ a ti leh a, ka bengkawm a fawp dun dun bawk.

‘A tha lawm,i duh chuan nangpawn Beer i in thei ang’

‘Yes,Boss..’ ka nui hak mai.

He nun hi kan mumangah pawh ka lo la mang chhin ngai lo,kan inneih tirh atangin engtiklai pawn inhauh inring rengin ka nun ka hmang a,hauh pawh kan inhau nasa,engtikah emaw chuan kan la inpawh ve maithei tih ngaihtuahna kha chu ka nei ve zauh thina, mahse tiang  em em hi chu thil thleng thei turah pawh ka lo ngai lo,mahse a thleng tlat.Vawi tam ka mumang a ni lo tih ka inhrilh tawh chung pawn ka mumang emaw ka la ti fo tho.

‘Khawnge in pa kha?’ Amawia’n a rawn ti a.

‘A awm lo mi?” tih pahin ka hawi kuala,ka hmu mai lo.

‘Nichin kha chuan a awm renga,ka hmu ta lo a’ tih pahin a hawi kuala.

‘Inchung lamah a chho aniang, ka han en lawk ang’

‘Angai kher chuang lo ang’  ati leh lawi.

Ka phone a rawn ri a, ka en vata, Abel-a nu a lo ni a, tun ang tlai tawhah enge rawn sawi a tum ang ka hre lo.

‘Aw, nu..’ hello pawh ka ti lo.

‘Matty, a tlai tawh deuh nangin Tea ka be duha’ a rawn ti a.

‘Um,mahse amah i call lo mi?”

‘Call a, a busy a,ka hmanhmawh deuh sia’ a rawn ti leh a.Engthil tak ni maw? Ka hriat ve loh tur thil awm niawm takin..

‘Ka’n en lawk ang’

‘Aw, ka lo call leh dawn nia’ a ti tha ve mai.

Inchung lam ka pana,Roomah a chho anih ka ring ve ngawt,Beer kha a inzawm deuh zat tih ka hre kara, zu pangngai in lo mahse a lo rui chiam ang tih ka hlau tho bawk.

Kan Room kawngkhar lo inhawng sa chu ka nem hawn belha, mahse Abel-a tawng vin thak ka hriat rualin ka ding chat mai,a sawi tak erawh ka hrechiang thei lo thung,tunge tunah hetah a awmpui ang ka hrethiam lo,inhnuai lamah khan kan inleng te an awm kim vek tlat.

Dimtein ka nem hawng riai riaia, Room chhung eng at maiah chuan Abel-a min hnungchhawn zawnga ding ka va hmu a, tumah midang an awm lo,Phone in tuemaw a lo be mek zawk.Mahse, tunge khatiang taka a vin ang? Tun ang tlai tawhah lehnghal..

‘Lawk...ngaithla rawh, engmah a hriat ka duh dawn lo.Ka theih chen chen ka chingfel ang’ a ti hmuka, thinrim insum a ang viau,a kekawr ipte a zen tut bawk.Lehlam tawng ngaithlain a ngawi leh rih..Mi tawng lo ngaihthlak ruk mawi loh zia ka hre ve reng nangin ka tawlhsawn mai chuang lo.

‘OK,ka hria,ka sawi tum zawk chu i ka lo chip hmak rawh ka tihna anih chu,tihtheih awm zawng zawng ka ti vek ang,an pahnihin ka duh ve ve,a chiang em?’ a ti leha, ngenna ni loin thupek anih zia a awah chuan a chiang ngawih ngawih bawk.

‘Aih,anni pawh ka duh lo..keimah leh nangmah animai.Result chu engpawh nise ka ngaipawimawh lo..’amah bawkin a ti leha,thil hriatchhuah ka nei..

Tlaiah khan Eve-i khan eng result emaw a rawn sawi kha..Abel-a khan a firm lama mi ti mahse ka awih ta tlat lo,a hnathawk satliah anih chuan tunah engvang mahin khatiang khan a tawng hauh lo ang,zan dang ang lo takin tunang tlaiah ka nuin a rawn be leh duh bawk nen..Ka nu ka hriatchhuah takah chuan kawngkhar dimtein ka pawr khara,ka ngaihtuahna tihfim tumin ka ding leh ren rawn.

Ka phone a rawn nghawr dar dara,  ka phu nasa viau,silent a ka lo dah hlauh ka lawm zia chu pui tak a ni.Ka lekkanga, ka rin ang ngeiin ka nu bawk.Thawm dim zetin ka pen phei tham thama,Step tawp ka thlenin ka pick-up a, thleng chho chiah niawm takin thawm dim lo thei ang berin Room lam ka pan bawk.

‘Lawk,hei Roomah ka en dawn mek a..’ tih lawng lawng pahin Room kawngkhar ka nem hawnga, Abel-a rawn chhuak tur nen kan insu thelh bawk.

‘Ka nu..a be duh che a’ tih pahin Phone ka pe a,chhuah leh mai tumin Kawngkhar hawnna ka vuana, mahse ka chhuah hmain ka ban rekah a rawn mana, amah si chetin min pawt bet nghal a, a thil in rim chuan ka hnar a verh a,ka ner nak mai.

‘Aw ... Nu...’  ka nu tawng ngaithlain a ngawi vung vung bawk.

‘Ka lo zuk chhuk ang’ ka hmui phunin ka ti a, a lu a thing ringawt, min thlah chuang lo.Tal chhuah luih talh pawh ka tum bik lo,diktak chuan amah ngheng a min kuah te, a lungphu nghawr dat dat ngaihthlak te hi ka thlahlel ve ngawih ngawih tho.

‘Naktukah kan sawi dawn nia,zingah ka lo kal ang’ a ngaihthlak vung vung hnuah a ti a,a mangtha a, a off zui daih.A pawimawh hmel tehlul nen..

‘Eng thil nge a? a tlai tawh si” ka ti a.

‘Ka pa chungchang ania, naktukah ka va kal ang’ a ti awlsam mai,ka sam tawn loh a ka thlah chu ka bengah a rawn zepa,a rawn kuna, ka chalah a rawn fawp zauh bawk.

Tluangpuii te haw hnuah ka mutsan ta nge nge, Mipa ho an la awma,a la tui dawn chauh nimaiin ka hria.Ka chau ngang aniang, Abel-a rawn mut lai pawh ka hre lo.Sava chiar nawk nawk thawmah ka harh leh ta chauh,khua a lo eng at tawha,ka inleta, Abel-a a lo awm tawh lo.A lukham delh khuar dak mai chu ka chula,ka la kanga,ka hmai ka phum vang vang bawk.

Tho mai loin ka mu ren rawna, khua a vawt a, zing thawh a peihawm loh,mahse Abel-a hi chu a tho tlai ngai lo,ka thawh hmain a tho ngei ngei.Nizan khan ka nu te inah a kal dawn tih a sawi lawk avangin Abel-a a chhuah daih tawh ka ring a, Ruati’n in chhung a tifai mek bawk ang,nizan khan mi pangngai vek kal khawm an ni bawka, engmah han hnawk em em erawh a awm lo ang tih ka chiang.

Peih lo zetin ka tho a,Tukverh ka nawr tawlha,Eucalyptus kung sang zet, kan inchung aia sang zawk chu ka en a, thliin a chhem kur siau siaua,zing nichhuakin a chhun eng at bawk.A zarah sava tereuhte te an awm sap sapa, hmuhnawm ti zetin ka thlir dauh dauh mai.

Ka hnar a rawn za a, rang lutukin Bathroom ka pana,Cotton roll ka phawrha, Darthlalang hmaah ka ding vat..Mahse, nidang ang lo takin tlem te chauh a thi a,rei a ni hek lo.Muangchangin ka inphih faia, khawvawt nen chet a peihawm loh takzet.Mahse, ka nu ka tlawh khata, kan In lamah kal ka duh,Abel-a ruala kal a remchan loh pawn Ruati pasalin min thlah thei tho bawk.

Dar 9 velah Abel-a a lo haw ta chauh,Kitchen lamah Ruati nen kan awma, min hmu lo nge ka hre lo, Roomah a tlang chho a,mahse a rawn chhuk leh rang viau,Ruati nui hak hak chu angaihna hre lo zetin ka en a.

‘Enge?” ka ti ha mai.

‘Engmah..Pu hi ka nuih a ti za alawm’

‘Maw? Ngatinge?”
‘A zawng reng mai che...bakah..’ Abel-a rawn lut a hmuh vangin a sawi zo ta lo.

‘Thil i ei tawh em?”  a rawn ti a, Dawhkana Grape awm chu a laa, a hmawm nghal zauh bawk.

‘Ei nang,ka lo nghak che..’

‘Um,ka rin aiin ka rei a,Roomah chho lawk ila..’ a ti a, a hmel thutak zetah chuan vei nei a ang viau bawk.

Room lam panin ka zui chho a, a bawp sei zet chuan pakhat te te a rap loin a pen chho pawk pawka, a hmanhmawh hmel viau,eng chu a hria nimaw?

‘Zin ka ngai dawna...’ Room kan thlen veleh a ti a.Ka mengphawk hra mai.

‘Khawiah? ‘

‘Ka pa nen kan zin chhuak lawk dawna, mahse Christmas hmain ka lo let leh hman ang’ a ti nghut ringawt.

‘Ka hriat ve chi a ni em?” ka ti ta nge nge,nizan atang khan an chhungkua bik hian ka lakah zep an nei niin ka hre tlat tawh.

‘Um, mahse hre lo la ka duh zawk’

‘Ok, a tha alawm’ ka tum loh tawpin ka awah lungawi lo aw a hriat tel theih.

‘Sorry...’

‘Ngatinge Sorry i tih a?’ nuam ka ti lo leh lawi.

‘I thinrim tih ka hria, mahse engkim hi sawi vek a theih rih loh a’ min rawn bana,a pian nalh zet thlawp zaihin min kuah bet zui hmak bawk.

‘A pawi lo ka tih kha...’

‘I lakah engmah zep ka duh lo,mahse hei hi chu a tul miau a..’

‘Ka hrethiam alawm..’ ka ti leh a, a inthiam lo tih ka hriat rual khan ka lawmloh rukna a reh leh vek tawh zawk.

‘A theih anga rangin ka lo haw ang,i tel lo a mut ka peih lo asin le...’ a ti leh a, ka nui hak mai..

Nupa inzawmna hi Sex a ni ngei mai, mahse a ber erawh a ni lo.Ka nu in pasal ka neih hlim khan min hrilh a,’nupa chu taksa insiin kan mu tur a ni a,sex kan hman leh hman loh chu a hran daih,khum hran emaw puan hran emaw hi hman loh tur ‘a ti thin.Ka nu nimahse a sawi dik zia ka hrechiang tawh,ka mangchhia avanga ka buaina te kha Abel-a bulah hi chuan hlauhna ka nei ngai lo..

A kal pahin ka nu te in lamah min thlah nghala,ka nu lawmzia ka hmuh rualin ka tlawh khat vangin ka inthiam lo vang vang mai.Tlaiah chaw ka ei nghala,riah erawh ka riak lo.Abel-a khan ka duh chuan a zin chhung awm turin min ti a, mahse In ka neia, damlohna vang ni si loa riah ngawt ka tum lo.

Tluangpui’n min rawn calla, Dine-out an lo rawt pek chu niin,ka hnial teh nangin hnial awmzia a awm lo,min rawn hruai pawh an inhuam thu a la sawi ta deuh deuh.Abel-a te ni thum lai an awm tawha,kartawpah an lo haw dawn tih a rawn sawi lawk tawh thung,vawiin bik erawh nilengin a buai dawn tih zingah min rawn hrilh lawk thlap.Msgin ka kalna tur ka hrilh a,dar 7 rik hma hretin Tluangpuii leh Jeffrey-a an rawn thlenga,Jeffrey-a a tel ve dawn tih ka hre lo.Mahse, a tel ve dawn vanga kal leh loh ngawt chi a ni chuang lo.

Ka beisei aiin num ka ti ta phian,mahse,a khat tawkin Abel-an min rawn biak ringin ka msg a read leh read loh ka ena, mahse ka haw thlengin min rawn be ta lo.

Ka phone nghar dar darah ka harh ta a,Abel-a a lo ni a,sana ka en a, Darkhat a ri tawh..Chuti taka buai chu engthil tak ni maw?

‘Hello..’

‘Ka tiharh che law?” a rawn ti a.

‘Aw,mahse a pawi lo..in va buai awm ve’

‘Buai..lawk aw..’ a ti leh rih.Hmeichhe pakhat tawng ri leh Abel-a nen an inbe thawm ka hretheia,tun ang hunah tu hmeichhia nge maw a biak ni?

‘Mate,zingah ka rawn bia ang che..mangtha phawt ’ a ti a, ka chhan let hmain a off zui daih bawk.Mahse,a tawng danah khan ruih a nei tih ka hre hman tho..Ka pa nen an zina,tun ang zan reiah ka pa nen an chhuah dun ka ring hauh lo thung.

Muhil lawk thei loin ka let ka leta,khawvar dawn lamah ka muhil ta chauh,Ka harh leh meuh chuan dar 11 a lo hnai thuak tawh,khawsik in min tham a, ka lu a rit luk mai.Abel-an min rawn call leh call loh ka ena, engmah a awm lo.Msg tak ngial pawh a awm lo.Nizana hmeichhia kha tu nge anih ka hre miah lo nangin ka thik tho..Ka thin a ur ru teuh a, ngaihsak hlawh lo tihna leh mahni inkhawngaihna vangin ka mittui a hnai ngang mai bawk.Hahthlak hian..Ka rai vang hian ka rilru te hi a zim zo vekin ka hria,mahni inkhawngaih ka ching thar nasa bawk..A reh ngawt thei der bawk si lo.

Inhnuaiah ka chhuk lawka, mahse khum ka pan leh ta zawk,tlaiah Doctor hmuh ka ngai bawk nen,kal hmain mut leh ka duh..Ka muthilh palh hlauin Ruati hnenah dar 3 a min kai tho turin ka chah thlap bawk.

‘Matty...’ ka inher vata, Mampuii a lo ni a.Doctor in ang kan pan tih ka hre miah lo.Ni lo,kan pan a in ang lo hrim hrim zawk.

‘Enge i tih a?” ka ti satliah..

‘I kal chhan ang tho kha..’ a dul a khawih zauha, a nui vak var bawk.Kei aiin a rai hmasa zawka, a dul pawh a lang tawh zawk.

‘Oh,hetah in kal ve tih ka lo hre miah lo a..’ ka ti tha ve mai..

‘Kan Doctor kan thlaka, helamah ka rawn kal  ve tan dawn anih hi’ a ti leha.

‘A tha vak lo nge?” ka ti satliah..

‘Aih,nichuang lo e..’Ka bula thutna awlah a rawn thu thlaa,Marcus-a hmuh mai ka inbeisei laiin ka hmu lo.

‘Keimahin ka lo kala,vawiin chu a buai deuha’ ka rilru hria niawm takin a ti leh a.Ka bu ringawt.

Kan thu dun nangin kan rilru inhlat tur zia ka ngaihtuaha, in khatah kan lawia,ka pasal nen nunhlui lo nei dun laih tawh a ni bawk.Kan inpawh hleithei lo hi ka thiam loh ni pawn ka hre lem lo.

‘I insawisel em?’ amah bawkin kan ngawih ren rawn hnuah a rawn ti leh a.

‘Aih,ka tha..nang zawk?” a tir lama inzawh tur niawm tak a ni ka ti rilru a.Mahse ka sawi chuang lo.

‘Ka lo hlauhthawn pui deuh che a..’

‘Engmaw?”

‘Ka hlauhthawnpui che mawle,engtik nge treatment i lak tan ang?” a ti leha, ka bo tulh tulh thung.

‘I sawi awmzia ka man lo..’ ka nui lui sak bawk.

‘Matty,ka haw lo che ania,engmah zep duh suh,a hmaa kan boruak kha chu ka theinghilh vek tawh zawk,mahse hmun khatah kan mo duna,midang ai chuan ka ngaihtuah lo thei lo che, i awih em chu ka hre lo a’ a ti leh duah,ka thle bak ringawt.

‘Engmah ka zep hleinem..’

‘Ok..nia,i sawi duh loh chuan i thu le..mahse i treatment lak tur vanga i naute kha i chan a tul anih chuan pawi ka tihpui ngawt ang che,Eve-i sawi dan kha chuan naupai zui a harsa dawn sia’ a ti leh salha.Kei erawh ka thu khawng nghal lah thung.

CHAPTER- 27

Hei ngei hi a ni ang Abel-a leh Eve-i sawi kha,mahse ngatinge chutiang khawpa ka serious anih chuan engmah a sawi loh? Zep chi a ni lul si lo.Lo zep pawh nise a seriou viau anih chuan zin chhuak loin Damdawiinah ka lut ngei ngei ang,anihna tak a sawi hreh anih pawhin Dawt tlem tal pawh a sawi mai ang chu,mahse engmah chutiang a ti lo..Khawi atangin nge Mampuii hian a hriat ka hre lo,a pawimawh hek lo.A pawimawh ber chu engmah ka ngaipawimawh lo tih hmuhtir a nimai,a dang chu a tlachawpin..

‘Pawi ka tihpui tak tak che ania’ amah bawkin a ti leha, a hmela hnehtu intihna lang chhuak chu ka hmuh hmaih hauh lo.Chu chuan pawi a tih loh zia a tilang chiang em em bawk.

‘Ka lawm e, mahse vawiinah Eve-i ka va hmu zo chauha, chutiang tur pawn a lo sawi lo a, i hresual anih ka ring’  ka ti a, ka tawngdan dam thlap mai chuan a barakhaih tih ka hria,a hmel buai deuh nak chu hahdam hmel takin ka en kar bawk.

‘Aih,an sawi dan kha chuan i tan a hlauhawm lutuk an ti a..mahse..ih.. Eve-i chuan engvangin nge chutianga a lo sawi leh ka hre miah lo..’ a ti bah nak mai.

‘Min ngaihtuah suh,keini pawn a tir chuan kan hlau alawm,mahse Eve-in a sawi chian takah chuan kan hahdam lutuk..’ ka ti lui leh salha,ka nui var var bawk.

‘Aw,nia...a lawmawm lutuk’ a ti sapa, a kut pahnih a hum kawp tlat chu ka hmuh hlau niawm takin a bag hnuaiah a thukru zal zal bawk.

‘Engzat na nge i nih?’ ka ti leha..

‘Ka hnung angreng,nang zawk?’ a ti tha ve mai. Ka luh hun tur ka hrilha,diktak chuan hahdam hmel taka ka lanna phenah hian thawpik lutukin ka thi lo chauh zawk.Mahse, ka chhungril awmdan zawng zawng hmuhtir hi ka tum lo,tul ka ti hek lo.

In ka thlenin a thim tawh,zing atangin vawikhatmah Abel-an min rawn be lo,Mampuii thilsawi te kha ka bengah a ri nawn tlut tluta, Abel-an a sawi loh avangin rin loh ka duh ngawih ngawih,mahse Eve-i leh Abel-a khan thil zep an nei tlata,kha kha enge anih ka hriat miau loh avangin Mampuii’n dawt a sawi ka ti ngawt thei chuang lo.Mahse, chuti taka ka serious anih si chuan engvangin nge engmah min hrilh loh? Ka nunna a ni a, hlutna ka nei miah lo zawk nge?

Ka hmaa ka eitur awm chu ka ena, ei chakna pakhatmah ka nei lo.Mahse, ka ei angai, keimah vang niloin Naute vang tal pawn ka ei ngei ngei a tul.Tihluihna takmeuhin tlem ka ei hram.Room a ka luh rualin ka phone a ri tawp ve chiah,ka pan hnaia,Abel-a anih ka beisei,mahse ka nu zawk a ni tih ka hmuh rualin ka phurna a reh nghal rawih rawih bawk.

‘Hello...’ Abel-a nuin a rawn ti a.

‘Inhnuaiah ka awm daiha, enge ni ta?” Khuma lawn pahin ka ti a.

‘Eng ni lo e, naktukah i pa te an lo haw dawn tho bawka, tlai lam chu chaw rawn ei ula..’

‘Abel-a tih dan dan animai’

‘Aw, kan inbe zo chiaha,i tihdan dan a ti ve thung a...’

‘A tha alawm,ka lo phei dawn nia’ ka ti sepa.Ka chau ngawih ngawiha,ka mut a chhuak em em bawk.

‘I tha em?” a rawn ti ta chat,ka in Control viau emaw ka tih laiin ka chau tih a rawn hre chat tho.

‘Aw, tha e..’

‘I chauh hmel lutuk a,in enkawl tha ang che aw’ a ti leha,ngaihbel luih ngial ka tum pawn chutiang lam engmah ngaihbel tur a awm miah lo.Nidang ang bawkin tha takin min be mai niin ka hria.

Ka mu meng kara, ka phone sana ka ena, dar 8 vel chauh,ka nu sawi hmang khan Abel-a nen an inbia a, mahse kei erawh min be miah lo,a nu a bia ka thik lo,a nu a ni miaua,mahse engvangin nge min biak miah loh? A buai anih pawhin a buai tih msg tal pawn a rawn sawi thei reng,ka thinrima,mahse, tihngaihna ka hre chuang der lo..

Ka phone ngawr dar darah ka harha, meng mang loin ka ban a,min rawn call tu ka ena,Abel-a..ka pick hmain sana bawk ka en leh te te,dar 11 a pel hret,engvanga tlai tak taka min rawn call kher nge maw anih thin ni? Reilote chhungin ka ngaihtuah tam hman lehpek.

‘Hello...’

‘Ka rawn tiharh lehpek che a ni maw?” dam thluamin a rawn ti supa, ruih nei a ang ta lo.

‘Aih,ka la muhil lo a..enge ni ta?”

‘Eheu! Ka nupui be tur hian a chhan ka mamawh tih ka lo hre lo a’ a ti hmuk a.

‘Aih,chutiang lam ka sawi lo..a tlai tawh bawk sia..’

‘Dik chiah,nileng khan i call ka changa, min rawn biak tak lohah chuan i tha em tih tal ka hre duh a..’

‘Um..’ ka ti sep ringawt.

‘Ka that leh that loh hre tur pawn min lo call lo a’ a ti leh sup a.

‘Nia..ih,eng lo ania, i buai thei sia, i buai ka hlaua’ ka ti bah nawk nawk mai.

‘ Ok,ka pawm e,naktukah ka lo haw dawn a,enge ka lo hawn ang che?”

‘Engmah...’

‘Tak tak?”

‘Aw, engmah angai lo,naktuk kha ka nuin an In lamah chaw eiturin min duh a’

‘Um,ka bulah a sawia, i tih dan dan ka lo ti a’

‘A tha lawm,tluang deuhin in lo kal dawn nia’ ka ti leh a,a chhan ka hriat si lohin ka awm a nuam lo,kan inbiak dan lah nupa inbia kan ang hek lo.Hmelhriat satliah,inbiak chhiat duh lo a polite chhuah kan ang ber in ka hre bawk..

‘Hon..i la awm em?”

‘Oh..aw..awm e’

‘I muhil leh hman amaw ka tia’ a nui a..

‘Muhil lo..enteh,engemaw ka lakah zep i nei em?” ka ti ta nge nge.Ka tum lawk sa reng pawh a ni lo,thinlunga khatliam chu ka in a sawi ang tih kha ka ang ber in ka hria.

‘Ka nei lo aniang, chutiang engmah ka hre lo..’

‘Ok..ka zawt mai mai che anih kha..’

‘Ka hria alawm,ka pa nen kan kal chhan tih chauh loh hi chu i lakah engmah zep ka nei lo tih i hria alawm’ a ti leh supa.

‘Um..Mangtha phawt aw..’

‘Ok..lawk,ka ngai hle che ania’ a ti leh supa.Ka ngai lutuk zawk tih hrilh ka duh, mahse ka induhtawkna hian ti lo turin min dal hneh lutuk.

Dar 11 velah ka insiama,Abel-a te rawn thlen hun tur erawh dar 2 velah daih a ni thung,mahse chumi hmain Evelyn-i hmuh ka duh,midangin an hriat ka duh lo.Enge ka lakah an zep chiah ka hre lo nangin thil tha tak a ni dawn lo tih ka chhungril hian a hre lawk thei tlat,mahse engpawh tawk thei turin ka rilru ka siam fel thlap thung.

Ka hmai dang deuh lap chu ka en a,ka sam rawng chuan ka hmai a ti lang dang lehzual bawk.Ka naupai ka huat lutuk a zia takah chuan tlemin ka thau ve ta deuh,mahse thau lutuk tih tur erawh ka ni lo thung.

Ka phone riin ka ngaihtuahna a la peng ta hram,ka ban vata, ka beisei loh zetin Evelyn-i .

‘Hello...Eve’ zangkhai thei ang berin ka ti nghal zat.

‘Matty,Sorry lutuk,vawiin hi Emergency Meeting ka nei dawn peka,naktuk lamah a pawi angem?” a rawn ti nghal bawrh bawrha.

‘Aih,pawi lo e’ ka ti tak nangin ka mood erawh a thlang danglam chiang viau.

‘Sorry tak tak,engmah hriat lawk a awm bawk si lo’ inthiam lo hmel fe hian a rawn ti leh a.

‘A pawi lo ka tih chu,naktuk lamah a nimai lawm..mahse...’ ka ngawi leh rih..

‘Mahse...aw,sawi la..’

‘Ka rawn hmuh tum che hi Abel-an a hriat ka duh lo ania..’ ka ti sepa, a thaw hak ri ka hrethei,min chhang loin a ngawi deuh vang vang bawk.

‘Khawngaihin...’

‘Ok, ka hrethiam alawm,mahse min biak duhna hi a serious dan azirin Abel-a hian engkim a hre ve ang tih erawh i hriat ka duh ania’ khauh zet hian a rawn ti a,Doctorin a Damlo te bula a tawng dan tur reng niawm takin a awah nek luih chi a nih loh zia hai theih a ni lo.Ka bu nghauh a, min hmu thei lo tih ka ngaihtuah chhuah rualin ka nui sak bawk.

Evelyn-i ka hmuh theih leh dawn tak loah chuan ka awm ta vel mai mai,Dar 12 velah Ruati pasal ka inthlah tir ta chauh,ka thlen laiin Ka nu leh an nula te chauh an lo awma, Marcus-a te nupa an awm lo thung,Marcus-a hi chu nitin chhuak ziah anih avangin a awm ka beisei lo sa ve hrim hrim.Mampuii erawh hna a thawk lo a,kan awmho lai pawh khan Dawr lamah a kal ve anih loh chuan Inah a awm mai zel.Kan Inneih hlim karkhat dawn kha Inah ka awma, ka awm ve lai kha chuan roomah a tawm deuh chawt thin kha ania.Mak ka ti deuh nangin engmah ka sawi chhuak ngai lo,an nun ania ka lo sawi tur awmin ka hre lo.

‘Matty...i tha em?’ ka dara rawn khawih pahin ka nuin a rawn ti a, ka phu zawk mai,a in thiam lo hmel ngang mai bawk.

‘Aw..aw,tha e..ngatinge?” ka nui lui sak bawk.

‘Engti lo e,ka biakna che engmah i hre lo a,i nuam lo emawni ka ti deuh a’ a ti a, ka bulah a rawn thu thla ve nghal bawk.

‘Aih, nuam e,thil ho mai mai ka lo ngaihtuah a..’

‘Um,nia i chen hlat hmel khawp mai..’ a nui a, za lo zetin ka then lui leh sak bawk.

‘Thil ho mai mai ngaihtuah ka ching a,a zia lo tak tak..’ ka ti leh niah niaha, nuam ka ti chiah lo.

‘A landanah hi chuan i tha hmel vak lo.I khua a sik anih hmel khawp mai’ ati leha, ka lu ka thing nangin keipawn ka chhungrilah khawsikin min tham tih ka hai lo.

‘Nia, tlemin a sik deuh maithei..Damdawi ei hi ka duh lo deuh thina’ ka ti leha.

‘Rai lai hi chuan a awm ve reng ania,keipawh Abel-a ka pai lai hian ka ni nasa,ka hlauthawnga, ka haw em em zui mai bawk nen,i pa hi a phili nasa thin,Abel-a hian a pa a chhun hlawm tawp zuia, a awmdan tur ka hrethiam vel vek ania’ a ti leh duaha, a nui zui hak hak bawk.

‘Nia, a hlauthawng thin khawp mai,mahse ka tha veka,engmah hlauh tur a awm lo a..’ ka ti leha, a hmel ka en ran bawk.Mahse, engmah danglamna a awm lo.A dam ngaiin a dam thlap mai.

‘Um,nia..i huat tehlul nen,ka beisei aiin i tha leh hmaa,bakah kum upat lama naupai i ni ve a,kan tawp ru riau zel ania, kei pawh ka nih tawhna bawk ania..Mahse, ka lo suangtuah thin chu tunah a thleng ta vek chu ania..’ a ti leha, thil kal tawh ngaihtuah niawm tak hian pawnlam a thlir vang vang bawk.

‘Nu...engemaw keimahah hian dik lo awm palh ta se,engtin nge Abel-a hi a awm ang?” ka insum hman lo..Ka nu tak niloin ka pasal nu zawk a ni tih hre mah ila ka ipikna hi sawichhuahna ka mamawh lutuk.

‘Maw?” min rawn en a.Ka sawi a hriat loh vanga min zawt a ang lem lo.

‘Ka hlauthawng thina, ka hnar thi fo te hian chhan a nei ang tih ka hlau thin a..mahse engmah testah dik lo a awm ngai si lo a,mak ka ti,keimah ka in ngaihtuah ai chuan Abel-a zawk ka ngaihtuah fo a....’ ka sawi zawm thei lo, ka tum loh tawpin ka insut ta hraih zawk.

‘Chutiang ngaihtuah tawh suh..Bakah chutiang thil tha lo chu a thlen ka phal ngai lo ang,Abel-a tan hian a nunna i ni a, a tha lo zawng ngaihtuah ngai tawh suh..In inneih hnua a mizia a thlak danglam nasat tawh zia te hi kei aia hrechiang an awm lo ang,chu chu a bul i ni bawka..’ a ti leh duaha,min hnem tumin ka kut a rawn vuana, a chul hauh hauh bawk.Kei erawh a hma aiin ka tah a chhuak zual sauh thung.

‘Mampuii nen an inthen khan na a ti a, a nunphung a hloh nasa, mahse a nunah i lo langa,ka fapa kha ka nei let leh ta tih ka hria..Ka beiseina zawng zawng neitu ka fapa hian ka hmangaihna a hrethiam lo fo chung hian ka zilh a, ka hrem thin..A u vanga a dikna rengah pawh ka hrem lai atang tawh khan min ti let ngai lo mahse ka fapa hi ka hlatah a awm daih tawh,mahse chu chu nang hian min pawtkhawm leha,min zawmkhawm bawk a... ‘ amah bawkin a ti leh a,ka bu ringawt.Tawng dawn pawh ni ila ka tawngchhuak thei kher lo ang.Mahse, ka nuin Abel-a laka a rilru put hmang diktak a sawi vang hian ka thawl hawk tih ka chiang.

‘Marcus-a hi mi luhlul tak a ni ve ngai lo,a nem em em reng, Abel-a erawh a tihmawha,a luhlul em em bawk,engkim a duhdan thlapa tih tum mi a ni thung,chu chu ka duh lo fo,ka hrem nasa thin,mahse,ka hmangaih lo tihna erawh a ni lo..Ka fa te hi ka en dan a in ang vek zawk.Mahse, tunah chuan tu hi nge ka tana tha ber ka chiang tawh...’ a ti leha, lehlam a hawi tak daih avangin a hmel ka hmu thei lo thung.

‘Ka hrethiam e..’ ka ti sepa, engber nge ka hriatthiam pawh ka hrechuang der lo.

‘Um,i hrethiam ang tih ka hria alawm,Abel-an tuna an kalna engmah a hrilh loh che pawh kha zaninah chuan i hrechiang tawhin ka ring..’ a ti leh a.Ka bu leh ngauh ringawt.Diktak chuan nichin lawka ka tap titih kha ka ngaihtuaha, ka zak veng veng tawh zawk.

An nula pakhat zawkin ka nu a rawn koh takah chuan engmah sawizawmna hun kan nei ta lo,Kitchen lamah an buaia, puih ka tum lahin an duh der lo.Damdawi eitur min pe a, mu hahdam rih turin min ti lui tlat bawk.Inchung lama kan room thin ka pan ta nge nge.

Kawngkhar ka hawnga, engmah khawih danglam a la awm lo,khum pakhat leh Cabinet hniam chen chawn pakhat tih loh erawh engmah bungrua a awm lo thung.

Khumah ka lawna, ka muthilh ka ring lo chungin ka inkhuh ta than,Abel-a ka ngai vawng vawng bawk,ka nu khan Abel-a tan ka pawimawh zia a sawi kha,Abel-a hian min duh tih ka hai lo.Min hmangaih erawh ka beisei ngam lo mai zawk,kei erawh hi chuan ka duh satliah lo a, ka hmangaih bawk.Hriattir tul ka ti lo mai zawk.

Kut vawt zetin ka biang a rawn khawih rualin ka mengchhuak nghala,rang zeta thawh ka tum chu Abel-a rawn kun hniam ve chiah bawk nen ka han tauh chawrh bawk,ka rak that mai,ani erawh a rum nghut thung..

‘Sorry...’ ka ti sepa, ka mut dan ngaiin ka mu thla leh rih..

‘I lu a chang lutuk,ka hnar i tauh tliak dawn alawm..’ a nui suka,thawh leh tuma ka che chu min rawn khapa,a rawn mu ve nghal zat bawk.

‘Tho rawh, mut hun a ni lo ania..’ ka ti nghata,mahse ka sawi hre lo ang hmakin ka puan sin a rawn pawt kau a, amah si chetin min pawt hnai nghal bawk.

‘Ka nuin i khua a sik atia,bakah ka mutpui che chuan a lawm ngawt ang...’ ka samah a hmai a rawn phuma, ka sam tlak nasat vanga ka lu lei lang titih chu a rawn fawp vang vang bawk.

‘A zia tawh alawm, in lo thlenna a rei tawh em?’

‘Aih, kan lo thleng deuh chiah,Motor chhia a awma, kan rei phah a...min ngai em?” a tih zawm leh daih..

‘Ngai lo...’

‘Oh...chuvang anih chu ka hnar pawh tauh tliah i tum” a rum nghut bawk.

‘Khawi maw ka lo en ang...’ tih pahin a biang tawn tawnah ka dawma, tlemin a sen deuh raih mai,dimtein ka chula,ka chhem hauh hauh bawk..A mit a chhinga, a kal atanga khan a inmet miah lo tih hriat zetin a khabe ruh kual nalh zetah chuan hmul a to siar siar a,a sam a pawr deuh bawk,mahse a inhmeh zawk mah in ka hre thung.

‘Min enreng lo la, ka tha lutuk tih ka hria ania...’ a ti supa, a rawn meng zui nghal a,ka biang a sa nghal hat hat mai.

‘Chutiang a ni lo...Oh..nia,a dik alawm’ a ner nak ka hmuh rualin ka ti leh a,a nui ri hawk bawk.

Min rawn kuah hnai leha, a kut lehlamin ka hmai a chul dun dun bawk..A zin lai khan a hriat lohin vawitam tak ka titau hmana, min biak loh vang leh a bula hmeichhe awm vang khan ka thinrim bawk,mahse amah ka hmuh rualin ka theihghilh titih,ka ngai a, ka mamawh em em tih bak ka ngaihtuah thei der lo bawk.Zawhna ka neih zawng zawng te kha chu nakinah ka la zawt mai ang chu.

Dar 6 rik dawnah Marcus-a leh Mampuii an lo haw a,kan titi leh nak nak,tuman an zinna chanchin an inzawt lo erawh tlem chuan mak ka ti deuh,ka lakah an zep vang pawh a nimahna.Abel-a min si chetin a thu a, ka shawl lianpui bah karah a rawn zena,midang hmuh loh turin ka kut a rawn huma, a hmer vang vang bawk.

Chawei kham hnuah Ka pa leh Abel-a an inbiak avangin pawn lamah ka hawi khawthawnga,Marcus-a erawh chawei kham hnu lawkah a thianpa u thihna lama kal turin a chhuak thung, a vawt deuh nangin lut mai loin pangpar dahna lamah ka lawn kai leh rih..Ral lehlam veng lang eng iar chu ka thlir dauh dauh bawk.

‘I lo hlauthawng viau niawm tak ania’ ka hnung lam atangin Mampuii awin a rawn ti a, ka inher vat bawk..A rawn lawn chho ve a,engmah sawi loin a che vel chu ka melh reng bawk.

‘Eve- i hmuh i tum tih te ka lo hria a..’ ka bula rawn din pahin a ti leha,ka mengphar ak bawk.Mahse, min rawn en hmain ka in control leh vat thung.

‘Um, tum e..Eve-i nen chuan kan inhmu fo a,thil thar a ni hleinem..’

‘Dik chiah, mahse nimin khan Eve-i khan i natna chungchang engmah a hrilh lo che tih ka hria alawm.Engpawhnise khalam chu sawi ka tum lo...Ka sawi tum zawk chu Abel-a hian eng ang takin nge a hman tangkai che tih zawk hi ania’ a ti leh a, In lam a hawi a,Light engin a hmeltha tak mai chu chiang takin a chhuna, pawisak nei miah lo tih a chiang.

‘Min hmang tangkai hleinem,Nupa kan nih angin kan inpui tawn mai zawk..’ ka aw a dam thlap bawk.A duh duh a sawi hi hlau leh ti deka chhan let ka tum hauh lo.

‘Wow..a ropui hle mai,mahse mak ka ti lo ania..hei hi chu Fahrawn te chan tur sa alawm’ a ti leh a,ka chil ka lem khalh mai.

‘Nang tal hi chuan hrethiam tur i nia sin,Abel-a hian kan chhungkaw sumdawnna aia lian zawk ama pualin a nei renga,chutichung chuan Marcus-an ka pa sumdawnna theih tawpa a tihlen belh hi ngatinge laksak a tum talh a? dang tur i nia sin’ a ti leha, a mitmeng lian leh mi melh na zet chuan min melh ngar mai, a thilsawi in min thawng em tih en a tum ni berin ka hre bawk.Diktak chuan he thil hi ka la hre ngai eih lo.A thawi pawhin..

‘Min hrethiam la, hei chu ka tel ve na tur a ni lo..ka lo va lut ang’ ka nui lui sang bawk.

‘Ding rawh..’ ka pen tan tawh ka tawp leh chat.

‘I pasal hian kan inkawp laia a fa ni lo ka pai vang leh a u zawk ka neih vangin hetiang khawp hian a che ania..’ a ti leh a, rapthlak ti lutukin ka melh reng ringawt,engtin nge a zah miah loh theih hi mak ka ti ngawih ngawih.

‘I tenawm ka ti...’ ka insum hman lo..A hmai dang lap mai chu ka ena, ka ten hluah hluah bawk.

‘Lo hrilhfiah rawh,khawngaihin’ a ti leh sapa,Khawngaih chu ka duh tehmeuh mai,mahse a nunhlui tenawm tak,a nunhlui a a mipa lo kawp thin Nupui bula tim miah loa a sawi thin hi ka rap ngawih ngawih zawk.Hetiang mihring hi an awm theih ngai ka lo ring lo.Mahse, a awma, ka hmaah a ding reng lawi si.

‘Ka lo va lut ange...’ ka ti leh a, sawi tur dang ka hre hlawl lo.

‘Nangpawh i nu leh pa fa i ni bik lo a,fahrawn nih awmzia chu i hria ang..Marcus-an na a tihzia hi ka haider thei lo..’ a ti leha, harsa ti zetin ka chil ka lem a,ka nu leh pa fa ka ni lo tih ka hmaichhanna min hrilhtu pahnihna a ni ta chiah tih ka ngaihtuah daih bawk.Na ka ti em tih erawh sawi kher lo pawn ka chhungril vawt raih raih chuan a hril chiang viau bawk.

‘Fa tak anih leh nih loh kha i sawi ri leh anih chuan i pasal hian tun a a neih zat pawh hi a nei kher lo ang..’ Ka chhan hmain Abel-a awin a rawn ti a, kan inher rual thawt.

Kan dinna bul chiaha Golden Oak kung upa zet bul atangin a rawn pen chhuaka, a hmelpa leh tihmawh zet mai chu  thinrimna avangin a dur khup bawk.

‘Abel...’ ka ti chhuak sep ringawt.

Step tlemte awm chu amal mala rap loin a rawn kar chho pawk pawka,ka bulah a rawn dinga, ka kawngah a rawn kuah zui nghal zat bawk..Kei erawh chuan Mampuii hmela na tuarna langchhuak chu ka hawisawn san thei lo..

‘Abel...kha thil kha nangpawn i hria a..’

‘Yeap..hrechiang, i hriat ve hma atang daih tawh khan mawle..Bakah Eve-i nen hian Matty chungchang ni loin midang zawk ania kan buaipui..’

‘Mahse, ....’

‘Duhtawk rawh, kha i mize tenawm lutuk kha chu midang bum nan i hmang dawn nia, bakah ka nupui hi i sawi vang mai maia buai tur khawpin a a lo nia’ a ti leh hmuka, min rawn en a, Mampuii a en laia a thinrim hmel kha awm loin a lang dam thlup bawk.

Ka biangah a rawn khawiha, ‘ I vawt vek ania,kal ang hmiang’ a ti supa, mahse a inher leh a.

‘A tawp nan, i pasal in a neihsa hi neih reng a duh chuan naktukah min rawn hmu se la tiraw,ka awmna tur chu a hriat kha”  Mampuii hnenah a ti leh a, a aw a ring lo,mahse a hlauhawmna a nep chuang lo.

CHAPTER- 28

An thilsawi awmzia engmah ka hre lo,ka pa te Motorin min thlaha,kan haw kawng tluanin kan tawng mang lo,an thilsawi awmzia kha zawh ka duh a, mahse ka pa te Driver a awm ve avangin sawina hun a ni lo tih ka hria.

Ruati te nupain kan haw hun an lo nghaka,kan haw hnu lawkah an haw phei ve ta chauh,ka chau nghulh a ni ber.

‘I inbual duh angem?” ka ti a.

‘Duh lo,sawtah ka inbual tawh’ a ti liam puat, a inbual lai ka hre miah lo.

‘I inbual lai ka hre miah lo,haw veleh i inbual duh ka rin vangin Ruati Geyser ka On tir a’ ka ti leh a,thutthlengah thatchhe zetin a thu thluang duaia,bang kila Meichhemna thuk a meiling vam sen huam mai chu hmuhnawm tih hmel zetin a thlir vung vung bawk.

‘I bula ka rawn mut hma khan ka inbual fel vek hman alawm,muthilh vang vang ka chak zawk’ a ti leh sup a.

‘Um,meiling hi ka tihlum anga, ka rawn chho dawn nia, lo han chho la’ ka ti a.

‘Aih, ka lo ti ang,Tukverh vel kha lo check zawk rawh..’

‘Um..’

Tukverh ho a in kalh fel em tih ka en kual dan dana, hei hi zantin ka tih than a ni a, ka thiam tawh lo.Ka rilru a nuam lo thin miaua.Pawn lamah Security tlaivar deuh thakin an duty tih hre mahila ka ti lo thei chuang lo.

Roomah kan inzui chho a,tlaiah khan a chau hmel ka hmu miah lo, mahse tunah chuan mut mamawh ngawih ngawih hmel a pu a,an zin lai khan zan mut a hmu meuh lo anih hmel,ka ngaihtuahnaah thil a rawn lang zawk,kha hmeichhia kha tunge anih ang?

Room kawngkhar a hawnga,Light a On nghala, a bag Sofaah a thehthla hnawk bawk.

‘Mu la,i bag ka lo check law law ang’ ka ti a, a bag zipper ka pawt hawng nghal bawk.

‘Dah mai mai teh,naktuk zingah i ti dawn nia,tunah chuan mut ka duh ka tih kha..’

‘Mu la, keiman alawm ti dawn..a rei lo ang’ tih pahin ka tihzawm leh mai.

‘Dah teh.Keimaha mut ka tum lo ania’ a ti leh supa, ka hnung lam atangin min rawn kuaha, ka darah a hmai a rawn nawr nghal zat bawk.

‘A rei dawn lo asin’

‘Karkhat deuhthaw nghah tawh hnuah chuan a rei tawk viau sia lawm’ a ti ve thung, ka nui hak mai..

‘Ok..a tha lawm,anih chuan lo mu la, ka inphihfai lawk ang aw’ ka ti ta nge nge.Thuawih zetin min thlah ve mai bawk.

Ka let leh chuan bawkkhup zawngin a lo mu a,muhil loin a phone a khawih thung,ka thawmhnaw ka hlip sawk sawka,pyjama lum leh hak nuam tak ka haa, Wool zangkhai zet kawr ka ha thung.

‘Engmah min zawt dawn lo mi?”a ti supa,a mal sei thlurh chuan min rawn khan bet titiha, ka kawr a hlima,ka dul a kut lawngin a rawn khawih a, a chul kual dun dun bawk.

‘Enge ka zawh ang che?” a kut ka zuk vuana.

‘Thil tamtak..ka zin chhan te,Mampuii thilsawi te kha..’

‘Oh..’ ka ti sep ringawt.

‘I lakah hian engmah thuruk neih ka duh lo ka tih kha, mahse tuna mi kha chu sawi mai theih a ni lo a..’

‘Anih chuan sawi lo mai rawh, ka hriat kher angai lo ania’ nuam ka ti lo tak tak.

‘Min zawt la..’ ka sawi a hre lo der hmak.

‘Hmanzan khan tunge i bulah awm? Chuan i rui bawka?” ka ngaihtuah zawng pawn ka thinrim tha leh tun bawk.

‘Engtikah maw?” angaihna hre lo hmel zet hian a ti hu thung.

‘Min rawn biaa, tlai tawkah..Hmeichhe pakhatin a ko chea, i off ta daiha...’

‘Aaaah,Rosalind-i anih kha..’ a nui huk huk mai,kei erawh mak ti zetin ka ang pham thung, Rosalind-i a kal ve tih ka hre miah lo.

‘A kal ve tih in sawi si lo,chumai bakah i hmingin a ko che a’ ka ti leh talh.

‘Um,adik..mahse, achang chuan ka hmingin min ko zauh zauh tho tih i hria ang’ a ti leh supa, ka ngaihtuaha,a sawi dik tih ka hria..’Au Te’ tih emaw  ‘U ‘ tiin emaw a ko tlangpuia, mahse a hminga a koh tum pawh a awm zauh zauh.

‘Chuan,a dang min zawt leh la..’

‘Engmah zawh tur che ka nei lo..muhil zawk rawh’

‘Kan zinna lam chu i hre duh lo tak tak maw?”

‘Hre lo ila a that ka ring zawk,chhungkaw thuruk a ni dawn sia’

‘Ni lo,i hriat a tha alawm,Family zingah i tel tawha, i hriat tur chin hriat hi a tur a ni hrim hrim..Ka nu hmingin Delhiah Flat kan neia,chu chu ka u in a lo hralh a,ka nu hnena a sawi dan chuan kan Dawr thar tihlen nan a mamawh a ti a,ka nu pawn a pawm mai bawka,mahse ka pa a hrilh tho.Ka pa ngaihdan a ni lo bur,kha flat kha ka nu kum 40 na puala a leisak anih avangin tuman kan tihral a phal lo.Bakah ka pa hian ka u kutah thil tamzawk a daha, Flat a hralh tih a hriat takah khan Account check a duha, Account a check khan thil fel lo a hmu leha,kan Dawr accountah hian karkhatah cash Deposit vawikhat chauh zel a lo awma,anihna takah chuan nitin Deposit a awm tur zawk,mahse a awm lo.Ka pain a chhui tur team a ruaia,chuta a hmuh tak chu ka u hian hmundangah pawisa tamzawk a lo invest a,chuan,tunah hian kan In sawn Loan lak tumin a lo buaipui bawka..’ a ti ta duaha, ka thaw hawk mai..Ka awih thei lo zawk.

‘Loan maw? Ka awih thei lo...’ ka ti chhuak halh mai.

‘Um,nia..keipawn a tir chuan ka awih lem lo,mahse ka pa hian thil mai mai a sawi ngai lo,a sawi anih chuan a lo nasa tawh viau ziah bawka..’ a ti leh a,a kut a ti chea, ka hnute a rawn khawiha,a hmur a kut zungtangin a chep hrual pah bawk..

‘Loan lak enge in mamawhna? Bakah Mampuii sawi ang khan i u neihsa laksak i tum tak tak zawk em?”

‘Ahh,teuh lo mai.Keima pualin engkim ka nei,Ka pa lo thawhchhuah tawhsa te hi chu ka u ta turah ka dah vek zawk..’

‘Um..nia’ a kut ka manbeh saka, a rum hawk thung.

‘Ka zirchhuah tirh atangin ka pa hna hi enkawlpui ka tum ngai lo,ka nu laka ka lawm loh vang anih rualin ka tuipui lo,keimahin ka kal hrang nghala,diktak chuan cheng khatmahin min pui lo zawk.Bakah Ka u lo buaipui vek anih angin ka ta tura ka dah lo hrim hrim..’ a ti leh duah.Sawi mai tur ka hre lo,engvangin nge Marcus-an hetiang a tih ka hrethiam lo hlawl.Ama ta tur vek anih zia pawh keini zawk kan chhuah atang hian a lang thei ruak vek si.

‘Ka u hian eng rilru nge a put ka hre hauh lo nangin hetiang a ti hi Thisen hran kan nih vang a ni angem tih ka ngaihtuah thin...’a ti leha, sawi chhuah harsa a tih hmel ngang mai bawk.

‘Ih...Mampuii sawi kha i hria tiraw?’

‘Eng ber kha?”

‘Ka nu leh pa fa ka ni lo tih kha..’

‘Aw, mahse ka hre loah ka ngai..’

‘Mahse, ka ni sia lawm..’

‘I thiam loh a ni chuang hleinem’

‘Anih chuan ngatinge i u thisen hran anih kha i sawi si?”

‘Oh..Hon,chutiang zawngin ka sawi lo.Enkawlna in ang vek dawng si hian hetiang rilru a pu hi mak ka ti mai zawk..’ ka samah a rawn fawpa, nghet zetin min kuah bet tlat bawk.

‘Ka u te nen kan danglamna hi keichuan ka hre lo asin..Ka nu leh pa hian Hmeichhia ka nih angin min dimdawi ngeia, mahse an rilru aia chhia ka pu bik miah lo,in enkawlna hi a pawimawh zawk daih ang’ ka ti leh a..

‘Sorry,nangmah lam ka lo ngaihtuah lo.Ka u awmdan mak lutuk hi sawifiah ka tum mai zawk a..Tunah chuan sawi tawh lo ang..um’ min thlem pah titih hian a ti leh a, a ngengawl takzet tih a hriat theih bawk.

‘Thil pakhat..Mampuii hian engvangin nge in inkawp lai chanchin hi ka bulah a sawi fo mai le? A lo la hmangaih reng che anih pawhin pasal a nei tawha...’ ka sawi zawh hmain ka hmui a rawn khawiha, ka sawi zawm thei ta lo.

‘I hrethiam thei ngai lo ang’ a ti sup bawk.Nia, ka hrethiam thei lo.Ka la hrethiam lo zel dawn pawh a ang.A kut ka laksawn saka.

‘I la hmangaih em?” ka ti chhuak phawng mai.

‘Ka hmangaih ngai hleinem’

‘Abel...engpawh sawi la ka pawm vek thei ania...’ ka ti halha, mahse ka chhungril erawh a na vawng vawng thung.

‘Enge sawi se min tih?” a ti leh supa, min kuahna a la sawna,a let sawn zui daih bawk.

Muangchangin ka inlet vea,mahse light kan off vek avangin engmah ka hmu thei lo.

‘Kan inneih zan khan in pahnihin ka hmu dun che u a,a hnuah ka in check-up tur min hruai hman loh thu i sawia,mahse khami tlai khan Mampuii nen bawk in chhuak dun leha..Kei ai hian Mampuii hian i nunah hmun a chang lian zawk tih ka pawm thlap..’

‘Duh tawk tawh la...’ zawi supin a ti a,a tho kang tih chiang lo ruaiin ka hmu theia,khum bula Lamp a on ri khapa, a eng ta iar..

‘Ngatinge?’ ka inbengkang nghal uaih bawk.

‘Ka sawi laiin ka hmel hmu la ka duh vang mawle..Kan inneih zan khan Amawia nen kan chhuak zuaia, ka rawn let lehin min lo ko dinga,min be duh tih a sawia, chuvangin ka zuk hmu anih kha.A sawi tur neih chu ka neih chhan che a hre duh,chuan..I incheck-up tur hruai lo che a amah nen kan chhuak dun i tih chu ka hrechhuak mai thei tawh lo..’

‘Min neih chhan..a va tha ve’ ka ti chhuak sep ringawt.Thil tamtak ka ngaihtuah chhuah leh phah miaua.

‘Um..a vawikhat min zawhna ni loin vawi tamtak min zawhna a ni bawka’ a ti leh supa.

‘Chuvang anih chu amah pawn a lo hriat ve..’ ka chungril natzia chu pui tak a ni ringawt.Hman deuh khan Mampuii ngeiin Abel-a min neih chhan min sawi khum fak fak tawh miau a.

‘Engmaw a hriat?”

‘Min neih chhan chu mawle..’

‘Oh..nia,hre tehreng mai,ka hrilh alawm..’

‘Misualpa..hei hi i nihna kha a ni reng zawk tak e...’ ka zangthala,ka mittui tla tur duh loin ka mit ka khap sak sak bawk.

‘Maw?!” mak tihna a awah a lang thei.

‘Fa neih i duh vang tih pawh i hrilh tel ang chu tiraw?” ka aw khur hrep pawh chu a..a hriat loh hram ka beisei takzet.

‘Hrilh tel lo hlauh,bakah tuemaw ka Hmangaih hi sual vang a ni tih ka lo hre lo a’ a ti leh a.

‘Nupui ni lo hmangaih te chu sual ania lawm..’

‘Anih si chuan ka nupui lo ka hmangaih tih ka sawi lai ka hre miah si lo...’ rang zetin ka en a,a hmelpa leh ngeng ngulh thin kha a dam thluama, mipa naupang ,a toys duhlai laksak ang maiin angaihna hre lo hmel a pu tak tak bawk.Ka rilruah beiseina chhete a rawn awm zawka, mahse ka mit ka chhing sawk thung, a ni ngai lo ang tih ka inhrilh nawn leh rih.

‘Muhil tawh la, i chau viau in ka ring’

‘Kan sawi lai sawi zo phawt ang,bakah muthilh hmain tihtur ka la nei bawka...’ ka hmai a sa nghal hat hat mai.

‘Engmah sawi zawh tur a awm lo’

‘Oh,awm tehreng mai..’

‘Diktak chuan Pasal te nena an Hmeichhe Hmangaih chanchin sawi hi nuam ka ti lo ve a, bakah ka induhtawkna a ti chhia a..’

‘Engvangin maw? Bakah ka neih chhan che chu Mampuii nen in lo sawi dun tih ka lo hre miah lo a...’ a ti leh a.

‘Sawi dun tih lemah,aman min hrilha..’

‘Han sawi la...’

‘I sual em mai..’

‘Aih,chutiang a ni lo.Enge i hriat kha ka hre ve duh’

‘I sawi ang chiah khan amah nen in inkawp ruk theih nan min nei...’a tawp lam a zuih ral a ni ber.

‘Min en teh..’ ka biangah a rawn dawm a.

‘I at zia hi i hria em?” amah bawkin a ti leh supa,tawng tumin ka ang ziau hman,mahse ka hmuiah a kutzungtang a rawn ti si  leh a..

‘Mampuii hnena ka sawi dik tak chu hei hi..Ka hmangaih vangin ka nei che tih hi mawle..’

Ka ang pham mai,ka landan nalh loh tur zia pawh ka hre vek.Mahse, a thusawi chuan min thawng lutuk,ka mumangah pawh ka lo la mangchhin ngai lo.

‘Min..min...’ ka ti bah nawk nawk mai..A nui suka, a rawn kun hniama.

‘Min ring thei ang,ka Nunna ai pawn ka hmangaih zawk miau che a...’ ka mittui a rawn tlaa,Dim tein a rawn fawp ve thung...

Ka harh leh chuan khua a lo eng at tawh,a kiu a inbengkang chungin Abel-an min lo thlir vung vung bawk.Engchen nge min lo thlir hman ang ka hrethiam lo,nizan kha...ka ngaihtuah let zawng pawn ka mur ar ar thei hial bawk.

‘I va tho hma ve..’

‘I hnar ring em alawm.’ A nui suk bawk.

‘Awihawm loh,ka hnar ngai lo e a’ ka ti let hlak thung.

‘I hnar leh hnar loh te chu keiman ka hria alawm,i thlawkchhuak tep a...’ min rawn kuaha,a nui hawk hawk bawk.Ka kuah let ve a.

‘Vawiin chu Eve-i kan va hmu dawn mi niang?” a ti leh supa, ka rilruah hlauhthawnna a rawn lut nghal zat.Nizan khan midang an buaipui tih sawi mahse ka chhungrilah hian keimah ni tura ngaihna a awm tlat tawh.

‘Enge kan tih ang?” a ri erawh chuan ka ti ta tho.

‘Engemaw test duh a neia...’ a ti leha, ka sam ka bengah min rawn zeh saka.

‘Abel....’

‘Um...’

‘Thi ta ila engtin nge i tih ang?”

‘Hnek i duh em?” tehdaih chuan a..

‘Ka zawhna chhang mai teh a’ ka tum aiin ka aw a chang hret.

‘I sawi leh anih chuan ka hnek tawh ang che...’

‘Mahse,ka lo tha lo viau maithei a...’

‘Engvangin maw?” min melh run bawk.

‘Mampuii khan ka sawia, Eve-in enkawl ngai ka ni tih a lo hrilh a..’

‘Chuti maw?” a ngai awlsam lutuk chu ka thin a ram ta phat.Ka inlet thaka, khum atanga chhuk tumin ka che a,mahse ka chhuk hmain ka kawngah a rawn mana, amah si chetin min pawt hnai a,hnung lam atangin ka nghawngah a hmaiin a rawn nawr zui zat bawk.

‘Diktak chuan...’ reife a ngawih hnuah a rawn ti supa, sawi zo loin a ngawi leh daih bawk.

‘Enge?” ka chhungrila hlauhna awm tihreh turin ka aw chhuak ka ti khauh lui tlat bawk.

‘Eve-i khan hmanni khan i test result an ennawn thu leh i tha vak lo tih min hrilha,mahse hlauhawm lutuk a ni lo a, test nei nawn leh la, kum thar lamah emaw treatment lak tir che a duh a..Mahse, Mampuii chuan engtin nge a lo hriat ka hre hauh lo mai..’ a ti ta duah..

‘Chutiang thil liantham chu i lo zep amaw?”

‘Aaah,zep lo..ok,nia ka zep..mahse a serious lo a ti che a, bakah serious tak ni la chuan tihian ka awm nang,i damna tur atan chuan nasa takin ka bei ang tih i hria alawm’ a ti leha,a aw nghet churh mai chuan a tihtak zia a ti lang chiang ngawih ngawih.

‘Mampuii’n min hrilh laia ka natzia kha i hrethiam lo zawk ang,nangma hnen atangin ka hre turah ka lo ngaia’ ka ti leha,ka sawi zawng pawn ka na leh ta tho.

‘Ka hrethiam e,ka zin hma zan khan ania, mahse a lo hre ve tih ka hre lo tak tak..min ngaidam la...’ a ti leh a,ka chhang lo,mahse ka ngaidam dawn tih hi kei aiin amah hian a hrechiang zawk.

Eve-i kan va hmu ta ngei,engmah hlauhthawn tur a awm lo tih min lo hrilha,ka thaw huai mai,an lo zep avangin thupha a chawi luam bawk.

‘Mambawih,kha kha rawn thehphei lawk teh,kan tih vat vat loh chuan i u inkhawm tur a hmanhmawh leh dawn ania’ ka nuin a ti a,ka bula plastic basket tereuhte chu a kawk va bawk.

Naktuk Christmas a ni tawha,ka nu te ka tlawh khat bawk nen Abel-an a chhuah pahin kan In lamah min dah pheia,nilengin ka nu nen kan inkawma, engmah ka tih ve a phal lo.A thiltihna apiangah ka zui kuala,tlaiah Abel-an min rawn lam pahin chaw a rawn ei dawn a,eitur duh uluk em em thin ka nu kha a ni miaua,a rim ringawt pawn ka chil a ti put titih..

‘Ehe...ka hriat hnu i va ang ve’ ka sama rawn pawh zauh pahin mipa aw hian a rawn ti a, tunge anih hre turin en kher ka mamawh lo.A aw atang leh min fiamdan atangin kan upa ber a ni tih ka hria.

Ka ep chiaha Dinning chair chu a pawtchhuaka, a thu a,min nuih var var bawk.

‘Nangpawh ka hriat hnu i ang..’ ka lei ka chhuah khum zauh bawk.Ka nu a nui hak hak thung.

‘I pasal nei hi i tlei mah mah ka lo ti a, bakah Naute i ni tih hi i theihnghilh in ka hria..’

‘Ka ni tawh lo,nau ka nei ve tawh dawn zawk alawm mawle’ ka ti hlar mai,Min duata,naute anga min cheibawl hi an sim tak tak thei tawh lo.

‘Aaah, ka tan chuan Naute i la ni reng, kha..ha tihrualna nalh lo zet vuah,belthleng khum ang maia sam rual hmuk thin kha..’ a nui a, ka bula bean tereuhte awmin ka vawm ve thung.

‘I ninawm mai mai mange,khawiah nge Am-i te?’ ka nu in a lo ti a.An bazar an la haw lo tih a sawi awlsam mai, mahse a tawngchhung zawngin ka lak atangin a mit a lasawn eih lo.

‘Thil ka zawt ang che ka ti tak asin..’

‘Engmaw?” a hmel thutak ta sawt chu ka melh ran bawk.

‘Hmanni khan kan thawhpui pakhatin a sawia,Abel-a te unau ro inchuh tih vel...’ ka chil ka lem khalh mai,zawi sapa ka nuin ka u a khak zauh ri ka hre zui zat bawk.

‘Chuan...?’ ka ti sap ringawt.

‘Engmah ka hriat loh thu ka sawi mai,bakah mi chanchin lo sawi hi ka peih lo a’

‘Nia,engmah chutiang a awm lo,an sawi peih ka ti zawk’ ka ti ve hlak bawk.

‘Um,Abel-a te chuan Farm lian pangngai tak leh thangduang mek a nei a,a mamawh pawh ka lo ring lo,nangin i mamawh hek lo’ a tih zawm leha.

‘I ninawm mai mai,thildang sawi teh,Abel-a te an lo thleng thut mai tur ania’ ka nuin a ti hlak hlak.Ngaipawimawh lo zetin a thle bak duh chauh.

‘Nu, chutiang lam pawh a ni lo,a tir chuan ho ka tia, mahse a sawi dan zel dan chuan a nu hian a fa tak anih loh vangin engkim Abel-a pek a tum a ti a, M-i hian a fuihpawrh an ti tih vel...i fanu tel ve na thil anih chu ka sawi’ a ti leha, a tawng tawp lamah chuan thinurna niawm tak a lang thei bawk.

‘Engmah chutiang ka ti lo,bakah ka chhungten beihrawn pawh nise kei aia Marcus-a rilru tur hrethiam an awm dawn ami?”

‘A tawk...’ ka nuin min rawn kuaha,fa tak ka ni lo tih sawi chhuah anih apiangin kei aiin ka chhungte hi an lo na zawk ziah tih ka hrethiam tawh.

Christmas kan hmang liama, Kumthar pawh..Abel-a min duatna nitin ka dawng tam tial tiala,a changchuan min duat lutuk lo se tih chang ka nei ru zauh thin,Hmeichhe tamtak ang bawkin awm chin tawk ka hriat loh mai ka hlau rum rum bawk.

‘Office kal i tum talh amaw?” a Coat hak mawlh mawlh pahin a ti a,khaw vawt vin tuk mai chua chet min ti peih lo a, a insiam enin Sofaah puan lum nen ka thu khawr hlan bawk.

‘Kal chu ka duh,hna thar ho en angai dawna..Motor ken ka duh asin..’

‘Theihnghilh teh,Driver a lo haw tawha, i hmang dawnnia, ka mamawh ni a ka hriat tak leh kan lak belh mai ang..’ hnial chi rual loh hian a ti a, a aw a khauh fur bawk.

‘Ka inkhalh chhuak thei tho sia..eee,tuna i kalna tur hi Marcus-an a hria em?” ka ti leh rih,an loan lak tumna an cancel a, hmundanga pawisa a lo investna te nen pawh aman dawr tawh loin Abel-a vekin a dawr bawk.

‘Hre lo ang, hre mahse a pawi chuang lo..’

‘Um,achang chuan ka khawngaih thin..’ ka ti sepa.

Min rawn pana,a rawn thu thla ve a,a hmel hriatthiam har zetah chuan enge a ngaihtuah a hriat theih loh.

‘Insiam  la, chhuak rual ang..’ a ti daih bawk.

Hnial loin ka puan sin ka tlawh hlima, ka zi mar ar ar mai,tlemin ka lu a hai deuha,mahse awm ti nuam lo khawp erawh a ni lo..Min kai tho a,Bathroom ka pana,mahse ka lu a rawn hai nasa ta viau, ka pai dat mai..

‘Ngatinge?”

Ka hawileta, harsa ti zetin ka nui luia, Abel-an hmanhmawh zeta min rawn pan chu ka hmu phe ruai bawk...

CHAPTER- 29

Ka mengchhuaka,a var vek bak engmah ka hmu lo,thawh tumin ka inbengkanga,mahse tuemawin min rawn nem mu leha,ka hmuh theih turin a rawn kun hnai nghal bawk.

‘I harh tawh maw?” Ka nu a lo ni a, engtin nge a lo thlen hman ka hrethiam lo.

‘Nu...’ ka ti sepa, a ri chhuak zo mang lo thung.Ka hawk ro lutuk chu ka khuh zui kharh kharh bawk.

‘Bawihte, tawng rih suh,tui in rawh aw..’ tih pahin a tho nghala,a rawn let lehnghala,Straw min rawn hmuam tir bawk.

Duhtawh zetin ka fawpa, in pawp pawp ka chak zawk,mahse ka duhkhawp pawh ka in hmain a rawn la sawn leh ta daih.Thaw tumin ka che leha, tun tum chu min nem mu loin min pui ta thung.

‘Abel-a hi chhuah loh theih loh thil a awma,a lo let tep ang,I nu te pawh an haw deuh chiaha’ ka ngaihtuahna hria niawm takin a ti leha.

‘Khawiah nge ka awm?”

‘Eh,Damdawiinah lo khawiah nge ni ang?”

‘Mahse...ka lu a hai ringawt kha ania...’

‘Ringawt a?! nikhat deuhthaw i mu chung hian i ngai awlsam mang tak e’ lungawi lo ri a hriat theih.

‘Nikhat...’ ka ti nawn ve sep ringawt.Engtin nge chu chen chen ka mut hman ka hre bik lo.Darkar tam ka mut chhung khan mi thenkhat te angin Vanram emaw Hremhmun pawh ka fang hek lo..

‘Abel-an min rawn bia a,ani leh ni lo angin a mangang bawk nen kan phili nasa mai,mahse i harh tawh a..’ a insut hraih mai..

‘Zing atangin ka lu a haia,mahse awm tinuam lo khawp a ni loa,engmah Abel-a pawh ka hrilh lo a..’ ka ti leh sepa,Khum atangin chhuk ka tuma, mahse rang zetin min rawn khap vat thung.

‘Enge mamawh i neih? Sawi mai la..’

‘Ka kal ve thei reng alawm le,Nu..Pasal nei ka nih ve tawh hi..’ ka nui luia, mahse a nui ve hauh lo.

‘Sawi mai rawh ka tih chu,luhlul viau ziah mai..’

‘Ka lu pawh a hai tawh lo a, ka haw theih mai ka ring zawk,Eve- i te Hospitalah tiraw ka awm?”

‘Ni lo,Abel-a thianpa niawm tak khan a check che a’

‘Um,anih chu..Va hrilh la, Ina mut ka chak zawk’ ka ti leha.

‘I mamawh chu sawi phawt mai la,abak chu Abel-a lo thlen hunah a nimai..’ a ti leh ta tlat.Eng chu a hria nimaw? A fanu ai hian a makpa a hlau ta a nih hmel viau mai.Hahthlak hlawm hian a..

‘Toiletah kal ka tum mai zawk a..’

‘Bed pan ka lo la ang..’

‘Nu...’

‘Doctor khan che rih lo tur chein a duh alawm mawle,i naupai tan khan chet a him lo..’

‘Oh...’ ka ti sap ringawt.

‘A lo fual nasa a,engmah problem i sawi ngai lo mak a ti zawk,chuvangin mut i mamawh a ni tawp mai..’ a tih zawm leha.

Ka chhang lo,ceilling var hlung mai chu ka melh vang vang a,ngaihtuahna mumal ka pu thei lo.Keimah ka tha lo a, treatment lak ka ngai emaw ka tih laiin Naute zawk a lo ni leh daiha..Chuti taka a fual anih chuan ka incheck-up hun vawikhatmah ka pelh si lo a, engvangin nge Doctor in min hrilh miah loh?

Ka nuin ka harh tawh tih Duty te a va hrilha,ka pa a hrilh leha, Abel-a nu te a hrilh leh bawk.Dam lo na tak, thi mai tur ka ang dawn riauin ka hre lehpek.Ka Bp an rawn check nghal zung zunga,ka nu nen an sawi hmangin ka BP a sang viau bawk anih hmel.Chu pawh mak ka ti leh ta tho,engtiklaimahin ka Bp a sang ngai lo.

‘Ka Bp sang vak kha mak ka ti e’ an chhuah hnuah ka ti a.

‘Mak vak lo e, tiang hi chu rai laia thil thleng ve thei ania,nau i nei anga a reh leh mai ang..’ a ti awlsam et.

‘Thil ei la,i Pa leh i u an lo thleng tep in ka ring,ka chah dawm mi?” a ti leha.Eitur a sawi takah chuan ka riltam zia ka hrechhuak ta chauh.

‘Um,mahse an lo kal hmain ka lo muhil leh mai dawn,ka mut a chhuak lutuk’

‘Muhil rawh,ka’n bia ange,chuan,nurse te sawi kha awih viau ang che,chet tum reng reng suh’ a ti leha, ka nui ringawt,mu tam turin min ti a, che miah lo turin min ti hauh lo.

Ka tui hal lutuk ka harh hlawl,thawh tumin ka inleta, khum bawha Abel-a lo muhil ka hmu chiah bawk.Dimtein ka thuchhuaka,midang tumah an awm tawh lo.

Khum bula Locker chunga tui ka bana,tihharh hlauin ka dim viau,mahse a harh ta tho.Rang lutukin a thu mar zawta, min rawn en vat bawk.

‘I harh alaw?” a ti nghal hluai bawk.

‘Um,harh anih hi..ka tui a hal lutuk’

‘Ok,ka lo la ang’ a ti leh vuta, tui a bana,a chhin a hawng nghala.Khumah a rawn thu a, min intir a tum tih a awm danah ka hria,ka duh bau lo.

‘Khawi keiman..’ tih leh pawhthlak sak ka ruala,a rum nghut ringawt.

Ka in nghal khawlh khawlh mai,ka dam dawng sawngin ka hre hial bawk,a rawn bana, ka pe ve mai.A chhina, a dahna ngaiah a dah leha.Chaira thu tawh loin Khumah a rawn thu ve a.Ka kut a rawn hum nghal zat bawk.

‘Dar engzat nge?”

‘Dar 9 a la ri lo..’ a Sana a melh zauh bawk.

‘A va tlai tawh ve.Ka pa khan eitur min lo kensak ta em le?’ ka ti leha.Ka ril a tam mai pawh a ni lo,a tam huam huam zawk.

‘Keng e, mahse a dai vek tawh ang..Lawk,ka tilum mai ang chu’ tih leh Khum atanga chhuk a ruala.

Hnial tumna pawh ka nei lo,a chevel chu ka en mawl tawp,ka beisei loh zetin a thilti a khawr lem lo,a hnehsawh viau vek.Tiffin,Current hmanga tihlum mai theih an lo keng tela, eitur rim ka hriat ringawt pawn ka chil a put lo chauh bawk,tiang em em hian ka ril a la tam ngai pawn ka hre lo e.

Min rawn chhawp hnaih saka,ka insum zo lo,ka hma a awm apiang ka ei liam duak duak a ni ber.Thil hriatchhuah ka nei,Abel-a hian chaw a la ei lo tawp ang,mahse a chanve aia tam mah ka ei tawh,nuam ti lo zetin ka hawi chhuaka,ka thilei lai chu hmuhnawm ti hmel zetin min lo en vung vung mai,zahzelah ka nui lui sak ringawt.

‘I ei ve dawn lo ami?”

‘Aih..ei zo vek rawh...’ a ti supa,mahse nuam ka ti tawh lo,ei zel chakna pawh ka nei tawh hek lo.

‘I ei tawh leh tawh loh ka lo ngaihtuah hman lo a,Sorry aw..’

‘Ka ei tawh alawm,ei zo vek rawh..Naute i ei kep tih hrereng la...’ a then suk bawk.

‘Eeee,ngatinge kan riah kher a?” ka spoon dahthlak pahin ka ti a, tiffin ho ka chhin nghal bawk.Ka ngaihbel nge ka hre lo,ka zawh lai khan a hmelah ka hriatthiam chiah si loh danglam zawk a awm,mahse a rei lo lulai lutuka, ka hmusual anih ka ring leh hnuhnawh.

‘Zawma khan riak rih turin min ti a...’

‘Zawma...ka hria angem?”

‘I hre turah ka ngai..hetah hian a thawka’ a ti leha, ka chaweina a rawn seng fel a.

‘Hmeichhe lam Doctor tihna mi?” ka ti leha.

‘Aih, ENT tho..’

‘Um,mahse ka naupai fual thu te kha an sawi leh daih bawk sia,ka Doctor khan engmah a sawi si lo a’

‘I Doctor kha hetah pawh a thu tel tho alawm...’ a ti awlsam leh mai.

‘Zawma chu ENT tho anih chuan Eve-i aiin a tha zawk tihna mi?’

‘Tha zawk han tih dawn chuan ka hrethiam chiah lo,mahse Zawma hian a en ve duh che a,Eve-i a awm lo bawk nen tah zawk hian ka luhpui ta mai che’ a ti leh a, ka bu ngauh ringawt.

Ka BP an rawn check leha,a la sang tha viau,rilru nawm loh nana hmang lo turin min hrilh a, a hma ang bawkin che tam lo turin min hrilh leh bawk.

‘Khumah hian lo mu ve mai la..’ ka ti a,min chhang lawk loin min en vung vunga, a inngaihtuah anih hmel,a bu nghuta,a rawn tho a,Private Roomah kan awm thoa, harsatna bik riau ka nei anih loh chuan min rawn visit ka ring tawh lo.

A rawn lawn ve a,a kil lamah ka tawlh pheia,ka hnung lam atangin min rawn kuaha, ka dul a chul hauh hauh bawk.Kei erawh amah si a ka awm rualin ka thla a muang nghal huai thung.

‘Khatiang khan awm tawh suh aw...’ zawi supin a ti a, ka beng a thawkkhuma, a lum ham ham bawk.

‘Ka awm tawh lo ang,mahse, ka hriat loh tura zep i nei em?”

‘Aih...’

‘Tak tak?” ka ti leh sapa, diktak chuan hetah kher hi chuan kan in ang takzet tih ka hria,thil thup kan neih chuan zawhna rang lutuka chhan let kan ching miau a.

‘Nei ta ila engtin nge i  tih ang?” a ti ta nge nge.

‘Min hrilh vek la ka duh ang, keima himna tur lam aiin Naute ka ngaipawimawh zawk bawka..’

‘Um,mahse ka tan chuan i pawimawh zawk..’

‘Chutiang sawi lo la, Naute hi a lo pian veleh a chungchang i sawi dan vang khan a thinrim mai tur asin..’ a nui nghawr dat mai..

‘A hre lo turah ngai ang aw,diktak chuan maw...in pawimawh ve ve, mahse Naute hi chu beiseina nen ka nghaka, nang hi chu ka nunna pawimawh ber, keimah chanve hmawk i nih avangin eng vang mahin chan che ka tum lo..’ a ti leh a,atthlak zetin ka mittui a rawn tla nghal zawih mai,ka bekah a luangthlaa, ka mit ka chhing nghal daih bawk.

‘I tap alaw?” a hre ta tho.

‘Ka awm loh palh chuan engtin nge i awm ang?” ka aw a lawi vek bawk.

‘Khatiang kha vawikhatmah sawi leh tawh suh ka tih kha..bakah i tah chuan i chau zual ang, Naute tan khan a tha lo nasa ania’ a ti leha,min kuahna a lasawna, a inbengkanga, ka bekah a rawn fawpa, a tawlhhniam leha, ka dul puar ve lah tawh chu a rawn fawp leh vang vang bawk.

Thaw hleithei loin ka harha,ka che velah Abel-a a rawn harh ve nghal zat bawk,min pawt thoa, ka hnar a thi tih ka hrethiam nghal,ka ka chhung a rawn lum papa, ka thaw a chham leh titih bawk.

‘Hahdam rawh,In Control la, thawk tum rawh aw...’ a ti a,

Ka hnar a rawn hupa, nidang a a thi nen a in ang lo,a buakin a baw hawk hawk a,ka in control dawna,ka thei hlawl lo,zamna vangin ka chhungril a khur a,ka bing mum mum bawk.Vawiin khan ka Damdawi ei thin kha an thlak tih Nurse-in min hrilh zauha,kha vang kha anih ka ring ta ber.

‘Lo in tiharh hram teh,Nurse ka va ko lawk ang...’ tih leh Khum atang chhuk a ruala, hmanhmawh lutukin a tlanchhuak zui nghal bawk,rei vak loah a rawn let leha,Nurse pahnihin an rawn zui lut bawka,a kal chhung kha a rei miah lo ang, mahse chatuan tluk zeta rei niin ka hre thung.

Abel-an min buaipui ta lo,Nurse pahnihin min buaipuia, ka vai ruai mai,ka ral riai riai nimaiin ka hre bawk..

Zawi te tea tawng thawm ka hre hmasa ber,ka che peih hlawl lo,ka mut ngaiin ka mu a, thil thlen dan ka ngaihtuah leta, engmah chiangkuanga hriat ka nei lo.Oxygen min hip tir tih ka hria,mahse tunah chuan chutiang engmah min hreng tu a awm lo.

‘I vanneih zia hi amak ka ti zawk,Naute i chan lo a, Matty i chan chuang lo bawka...’Mipa aw hian zawite bawkin a ti leha,Zawma atih kha anih ka ring ve tawp.

‘Ka hria..chan vaih ila chuan enge ka tih ang ka hrethiam lo zawk’ Abel-a awin a ti ve leha, thi turin ka in ngaihtuaha,ka ip chawih mai..

‘Tunah chuan engmah i tih angai lo turah ngai ang aw..mahse fimkhur tih piahlama fimkhur angai dawn ania’ a ti leha.

‘Lawmthu sawisen loh ka ba leh ta anih hi..’ zawi supin Abel-an a ti leha, ‘leh ‘ a tih lai tak chu ka hrethiam chiah lo.

‘I lakah ka bat ngaihtuah chuan a ho hle zawk..Bakah Doctor ka ni a, ka theihtawp chhuah hi a hna a ni bawka,mahse Abel..thil pakhat ka hrilh duh che,i thinchhe lutuk hi i Control angai ania,Eve-i emaw i U te nupa chungah engmah ti lo la ka duh,i u hian thil tamtak tisual tawhin la ti mek mahse i nu tan chuan a chunga kut i lek aia na a awm lo ania...’ a ti leh ta duah..

Eve-i,Marcus,Mampuii...an vaiin ka mitthlaah an lo lang a, engvangin nge ka natna an sawi laia anni laka in Control turin Abel-a a tih leh si ka hrethiam lo..Loan leh thildang,Ro chungchang zawng zawng kha Zawma hian a hre ve vek tihna a ni mai angem? Mahse khatiang thil kha chu Family thuruk a ni a, a best Amawia pawn a hriatpui dawn lo tih ka chiang.Chutih laiin engvang mahin Zawma hian a hriat ve ka beisei lo..Mahse....mahse a awm tlat.

‘Ok,ka theihtawp chu ka chhuah ve alawm..mahse an chet dan azirin ka che ang tih chu i hriat lawk vek kha’ Abel-a awin a ti veleha, a ti mai mai lo tih chiang takin ka hrethei bawk..

Thildang an sawi zawm leh nuala,mahse hna chungchang a ni ta thung,reivakloah a chhuak thawm ka hriaa,Abel-an a mangtha riah chuan khua a la var lo tih a hriattheih mai bawk.Khum a che data, min si chetin a rawn mua,min rawn kuaha,ka chhipah a fawp vang vang bawk.

Ka harh leh chuan khua a lo var tawh,ka mit ka khap lui sak sak bawk.Harsa ti fein ka inleta, nizan lama ka mutnaah ka in delh sual nge ka hre lo,ka chet zawngin ka nak a na zawk a, ka inring hman lo,ka tum loh lutukin ka rak that mai.

‘Hon...i tha em?” Abel-a a rawn kun hniama, ka chhang mai thei lo..A natdan a mak lutuka, ka thlan a far zawih zawih mai bawk.

‘Khawilai nge na?” mangang hmel a lang thei,ka mit ka chhing leh rih..

‘Ka nak hi a na zawka,mahse a zia leh tawh..min lo pui lawk teh’ ka ti a..

Rang zetin min kuah tho a,ka thawk a sak tlat, ka thinah min hnawh ul mai bawk,muangchangin boruak ka hip luta,ka thawchhuak leha,ka nak kalh tlat pawh a zia ta deuh,Lukham ka nema, a khawng deuh uaih mai,ka zuk en a,thiin a bual nimai awm hian a sen duk thluaha, engvang nge tih hre turin midang zawh ka mamawh lo,nizan khan a far nasa hman ang tih ka hre miaua.

‘Nizan khan i hrawk lamah thi kharin a lo hnawh che a...’ khuma rawn thut ve pahin a ti a.

‘Um,nia..ka thaw a chham titiha..’

‘Tunah chuan i tha leh tawh tiraw?”

‘Tha chuan ka hria,mahse, nizan kha nidanga a thi thin dan nen a danglam tlat asin...ka damdawi an thlak vang a ni angem?”

‘Ka hre lo le,Zawma kha chuan a la thi nasa dawn a ti a, mahse Control a tum ber chu ania’

‘Testah ka tha vek ziah sia,a mak e...’

‘Mak lo ve, tunah chuan Zawma khan a hrechhuak tawh alawm,i hnar chhungah khan bawk a awm a ti a..’

‘Maw?” ka ti ha mai,chutiang bawk awm te chu engtin nge a hma khan Eve-in a hmuh loh theih ka hre thiam lo.

‘Um,a sawi dan chu ania,mahse tunah chuan zai tawk thei i ni lo a,nakinah Naute pian hnuah aniang,bakah zai kher loh pawn an hawlh maithei bawka’

‘Um..’ ka ti ringawt.

Bed Rest ka mamawh vang leh ka Bp control angaih vanga awm mai ka ni a, In lamah pawh thil harsa a nih loh nen karhnih lai ka awm ta,ka hnar lah vawi 5 zet a thi nawn leh tawh bawk,mahse a thi tlem tial tiala,a thi chhuak baw hawk hawk thin pawh a zia ta viau.

Ka nu leh Abel-a nu an lo kal nitina,zan lamah nise ka chanchin hre turin min rawn call ziah bawk.Abel-a lah In lamah awm hahdam tura ka tihna ka hlawhchham thak,midang rawn riah ve an tum pawn a phal lo bur,mahse, chhun lamah erawh chuan Farm lamah a kal deuh ziah thunga, Awmtei leh Diki an lo kal awl lo bawk.Tluangpuii call nikhatah vawikhat tal ka dawng ngei ngei a,mahse Marcus-a te nupa vawikhatmah an lo la lang ve ta lo.Mak tih tur a ni em ka hrethiam lo..Abel-a hnenah an Problem chungchang ka zawt zauh zauha, an tihfel tawh thu bak engmah a sawi ngai lo.

‘Awm tha teh..i thle zel a’ Awmtei’n a ti hlaka..

Ka sam a tla nasa tih piahlam a ni a,Zawma’n tan turin min ti a,Awmtei thianpa,tlema hmeichhe lam hnaih deuh mah zawk,Mizo hair Stylist tha pangngai takin min rawn tan saka,ho ka tih vei nen Awmtei’n a rawn hruai lui talh.Diki leh Jeffrey-a an awm ve bawk.

‘Le...ka zo e...’ nem deuh hlaiin a ti a, Darthlalang min rawn pe a, muangchangin ka lek chho a, ka inhmuh takah chuan ka mengphar awk mai..

Ka beng chungah a cut hmaia,ka chal kawlh nasa lai hliah turin chalsam min siamsak bawk..ka mawipui viau leh viau loh pawh ka hre lo,mahse ka naupan lai ka mitthlaah a lang iar iar thung.Ka u te ho ka ngai vawng vawng bawk.

‘Enge a an a?” Awmtei a rawn ding a.

‘A chhe lem lo e...’ ka nui lui sak bawk.

‘Dik chiah,bakah i naupanlai i ang tawp..Abel-an a rawn hai maithei che sin’ a nui leh kar kar mai.

‘Abel-a...’ Kawngkhar kik thawm a rawn awma, kan hawi rual thap bawk..

A rawn inhawnga, Abel-a a rawn luta, ka ang pham mai..Sam pakhatmah awm loin a lu nawr kawlh vek..

‘Abel...engthil nge a?” ka ti chhuak halh bawk..

‘A mawi lo viau tihna mi?” rawn kal hnaih pahin a ti a.

‘Aih,engvangin nge i tih?”

‘I sam i cut dawn sia,keipawn ka cut ve mawle...i nalh hle mai’ a rawn kuna, ka chalah a rawn fawpa, midang an awm ve tih hreawm pawn a awm lo..

Ka hawichhuaka, Awmtei ka ena, ka awm lohna lam a hawi vat,mahse a mittui hru zauh niawm tak ka hmu hman tho..

Ka Bp a la normal hleithei lo,mahse ka hnar thi leh ka nak na thin erawh a zia hret hret thung,Damdawiin awm ka hne ngawih ngawih tawh,kan In ka ngaia, kan khum thlengin ka ngai vel vek tawh..

Abel-a a zin ngei ngei angaih avangin ka nu leh Abel-a nuin min rawn riahpuia, keimah pawn ka riak thei tih ka sawi pawn an phal teuh lo,Abel-a phei chu a thinrim hlur bawk,ka nu rawn riah a tum tih a hre chungin Abel- a nu pawn a tum thulh mai mai a duh hek lo.Luhlul leh luhlul an in nawra,an pahnihin an riak ta nge nge.

‘Eng chen nge kan la awm dawn a hriattheih ta em?” Abel-a nu hnenah ka nuin a ti a, ka muhil emaw tiin zawi te tein an tawng bawk.

‘Vawiina a sawi dan kha chuan a taksaah Damdawi kha a lo thawk nasa hman lutuk a ti a,kha khan Naute a effect a, amah hi a lung a khawih hman titih bawka..’ ka hrethiam lo..Eng damdawi nge an sawi ngaihtuah dan ka thiam bau lo..

‘Engtin nge khatiang a lo tih theih aw” ka nuin a ti vang vang mai..

Reivaklo chu engmah sawi loin an ngawi dun rauh rauh mai,a chhan ka hriat si lohin ka hlauthawng ve ringawt bawk..

‘Diktak chuan sawi nuam ka ti miah lo,Abel-a leh a Pain Marcus-a thiltih an hriatchhuah hma atang khan Eve-i te nen hian an lo tang ho tawha,a hnar thi an Control emaw an tih lai khan muangchanga a taksa tichhe thei tur Damdawi zawk an lo pe a,a tlai lutuk hmain tihian kan hrechhuak ta hlauh anih hi..Kha Damdawi hnathawh vang khan ania a sam pawh a tlak nasat em em ni...’ Abel-a nuin a ti ta duah...Kei erawh ka mumang nge a tak tak tih ngaihtuahin ka mu khawng lah thung.

CHAPTER- 30

‘Kha thil kha Abel-an min hrilh khan rin ngaihna pawh ka lo hre meuh lo a’ ka nu awin an ngawih vang vang hnuah a rawn ti chhuak leh bauh.

‘Kei hian mak ka ti zawk,ka enkawl danah hian enge lawmlohna tur an neih ka hre lo,mahse fahrah leh khawtlang an tangrual an ti thina, Marcus-a lakah hian ka theihtawp chhuah angin inhre mah ila ani hi a lo lawm zo chuang miah lo tihna ania...’ Abel-a nu awa na tihna ri ka hriat hmaih hauh lo.

‘Ni e, a dik ang..Mahse, keini hi chuan hetiang lam kan dawng ngai hauh lo asin’ ka nuin a ti ve thung.

‘In dawng lo ang, in nupa fa a ni lo a, in lak a ni a,tumah han vuipui tu tur an awm chuang lo a, chubakah ka hriat ve chinah pawh hian vuina tur awm ka hmu lo keipawn,mahse kei chu chutiang a lo ni ve lo tawp anih hi...’ a ti zuai leh raih mai..

‘Engkim a tha leh vek mai ang..hahdam hram hram rawh’ ka nuin a ti a, hnem tumin engtin nge a chet erawh ka hre lo.

‘Ni e, kei hi chuan engpawh ti se ka tuar thei zel,Matty ka lainat lo ni loin ka hrin te ngei nen danglamna awm chuang lo a ka en vang zawkin ka ngaidam thin,mahse Abel-a zawk hi a awm mai mai dawn lo a, hei hian min ti mangang,A pa ang chiaha tihmawh leh hlauh nei lo a ni  tlata’ a ti leha,chutiang taka a thinrim awm pawh ka lo hre lo a, mahse an sawi ang hi ka chungah Eve-i te nen tangruala an tih tak tak miau chuan a awm mai mai keipawn ka ring bik lo.

‘Ka hriatthiam loh chu Abel-a khawih loin engtin nge Matty zawk an khawih tih lai tak hi...’ ka nu bawkin a ti leha, a chhan hrechakin thawk pawh ka thaw tha ngam lo.

‘Keipawn ka hrethiam bik lo’

An ngawi dun ta reng,kei erawh thil chi hrang hrang ka ngaihtuah kuala, engmah tak tak ngaihtuah chhuah pawh ka nei chuang lo.Thil tamtak ka ngaihtuah a, a tawp na chu angai reng..’Engvang nge?” tih a ni zel..

‘Abel,naktuk lamah inchhuah theih ka beisei a,mahse Matty hian indim a mamawh zawm zel dawn ania’ Zawma’n a ti a, thlakhat kan awm tling thelh..

‘Awi, ka va lawm tak..’ ka ti chhuak hliai mai.

‘Nia, i hne tawh khawpin ka ring,mahse a tul miaua..’ a nui var var bawk.

‘Ka lawm takzet ania..Nau nei tur lo chuan kan lo luh nawn tawh loh beisei phawt ang’ Abel-an a lo ti ve a, an nui dawn hawk hawk bawk.

Kan In ka thleng ta,Motor atanga chhuk mai loin ka hmaa kan In awm chu ka thlira, he hmunah hian kum em pawh ka la awm lo, mahse ka thlamuanna hmun leh ka rilru a hahchawlhna hmun erawh helai hmun hi a ni tlat tawh..

‘Chhuk a hun e...’ ka thutna Kawngkhar rawn hawn pahin Abel-an a rawn ti a,a nui suk bawk.

Ka chhuk tur min puia, ka hawikual leh rih,February thla kan chuangkai hmana,thli thaw pawh a vawt tha var var viau mai..Ka hmai a rawn chhem a, ka dam sawng sawng thung.

Ruati a rawn rak chul mai,ka awm loh chhung khan engkim a lo ti veka,Damdawiin lamah erawh  a lo kal ve thei mang lo thung.Office atangin Awmtei leh Diki an lo kala, Diki leh Jeffrey-a inzui ta deuh chawt hi han chhaih kualna hun a awm se chuan ka chhaih nasa hle ang,mahse chutiang hun a awm lo.Abel-a pawn a hma ang kha chuan a haw ta lo anih hmel.Inpawh tak chu an la ni chuang lo nangin an inkawm thei ta viau.

‘Lo kal rawh le..’ min rawn en pahin Abel-an a ti a.Khum a beng thak thak bawk.

‘Damdawiinah khan ka mu char char tluk ania, ka mu peih lo asin..’ ka ti ve thung.

‘Aaah,sawtah leh hetah a in ang hleinem..’ a then suk bawk.

Muangchangin ka pana,ka lawna, puan min rawn sintira, min kuah nghal hlu hlu bawk.Light a Off a,Ka mit ka chhinga,a lungphuri dat dat chu ka ngaithlaa, Damdawiinah pawh khan kan mu dun thin thoa, mahse thlamuangin ka mu ngai mang lo,chuan, Damdawiinah khan ka zawt ang ka tih pawh min ngaithla ru an awm ka hlauh vangin ka zawt ta lo kha ania..

‘Abel...’

‘Um..’

‘I muhil ami?”

‘Muhil an tawng ngai ami?” ka nui hak mai..Ani pawh a nui hawka, min nghawr dat bawk.

‘I sual em maia..’

‘Misual pasalah i nei anih chiah chu..’

‘I ninawm...’

‘Tak tak?” ka mawngah a rawn thama..

‘A changin...thil zawh duh che ka neia..’

‘Sawi la...’

‘Ka nu sawi ka hriat ruk danin Eve-i khan min thah a lo tum niawm tak ania...’

‘Engtikah nge a sawia?” reife a ngawih vung vung hnuah a ti a,min chhang dawn lo emaw ka ti hman.

‘I zin lai kha, mahse chu chu a pawimawh miah lo a,ngatinge chutiang Eve-in a tih ang?”

‘Eve-i hi ka Cousin ni loin ka u Cousin zawk a ni tih theihngilh lo la tiraw?” a ti a, ka zawhna nen a in kungkaihna ka hre hauh lo.

‘Ka hria alawm,mahse nangpawn Cousin ang chiahin i en a..’

‘A dik alawm..mahse, ka en angin min lo en ve lo anih ka ring’

‘I chungah ti si loin ka chungah zawk an ti a...’ ka ti leh sep a.

‘Thawnthu sei tak a ni ang..I muthilh dawn loh chuan ka sawi anga, mahse muhil la a tha maithei...’

‘Damdawiinah khan ka mu tam tawk alawm..’

‘Ok,Ka pa leh ka u hringtu hi an innei hmasaa,mahse ka u a neih hian Raichehin a boral ta hlauh,chumi zana Duty chu ka nu hi a ni a, Doctor hna erawh ka u a enkawl rualin a bansan tawh.Chumi hnuah ka nu nen hian an innei leha,ka nu hian Hmangaih theihtawpin a hmangaiha,ka u pawn a nu lo angin a ngai lo..Mahse, ka hriat dan mai mai a lo nih hmel’ a ti ta duaha,engmah ka sawi lo..A sawi zawm hun ka nghak mawl tawp..An chhungkaw Story hi ka lo la hretlem em em tih ka hrechhuak uai uai bawk.

‘Ka nu lakah ka lawm lo thin tih ka hrilh tawh che kha,ka u hi a nema, kei ka luhlul thunga..Engkim ka u tan a ti vek niin ka hre thin bawka..Mahse,ka u in  hetiang thil a lo tihchhan ber ni ta chu thudik tawk lo a hriat vang a ni thei ang chu..Eve-i pa leh ka u hringtu hian in Cousin siin an lo inkawp rua, nau an ti tla bawka, chung thil zawng zawng chu ka nu hian a hrechhuak ta veka, ka u hriat a phal ngai lo..Mahse, hei a hre ta thoa, chu pawh thudik chanve chauh lehnghal...’ a ti leha, a sawi tawp lamah thinur na niawm tak a hriattheih bawk.

‘Nangin i hre vek tihna a ni em?” ka ti sepa.

‘A laptop chhia ka siamthatsak na lamah ka hai chhuak palha,ani phei chuan a paih daih tawh emaw a ti ang .Ka hria tih erawh ka sawi ngai lo’ a ti tha ve mai.

‘Eve-i pa hi Doctor ve bawk a ni a,mahse ka nu te nen an intihbuai tak avang khan an inpawh lo viaua, hun a kal a kala, tunah erawh chhungkua tak tak ang maiin kan inpawha,ka nu leh pa lak atangin rinhlelhna tur kan hmu ngai lo..’ amah bawkin a ti leha..Ka ringhlel hauh lo.

‘I u thiltih zawng zawng kha i tihtawp sak tihna mi?”

‘A vaiin,hun engemawchen chu engmah a khawih thei lo ang, mahse anihna takah chuan a vaiin a ta tur a ni tho’

‘Ka pa duhdan tihna mi?”

‘Kan pahnihin..’

‘Aman a hria em?”

‘Hria se kan in a chhuahsan nang’

‘Abel..’ ka ti chhuak sap ringawt. Chutiang engmah ka hre si lo.

‘I damloh avangin engmah hre lo la ka duh a, chuvang in ka sawi lo anih kha..’

‘A kal tur tuman in dang lo tihna ami?” ka ti ve thung.

‘Dang lo,a dan tumtu ber ka nu chhe theihtawpin a ankhuma,chumai bakah kut a thlak bawka....’ a taksa inphiar tawlh tawlh ka hrethei.

‘Sawi tawh lo ang..muhil zawk ang’

‘Aih,ka nu natzia ka hmuh khan ka puakkeh vek,mahse chutichung chuan ka nuin ka khawih ve hmain a tihdan pangngai bawkin ka khawih loh nan a hmaah a ding leh a..hreptak hian...’

‘I riru ka hrethiam e, chutiang bawkin ka nu pawh...’

‘A thilhriat dik loh vang a ni a ti mauh pek,eng Hmangaihna em em nge a neih ka hre bik lo..’ a ti leh hmuk a..

‘A sawi dik tho alawm..a hriatdan a dik si loh chuan a thinrim pawh a awma, ka nu hi tuemawin that angin hre ve ta la engtin nge i tih ang?”

‘A dam ka ring lo,mahse ka nu hian a ti lo,hmangaihna zawng zawng a pe asin..’

‘Thudik a hriat loh vang tih ka nu in a sawi chu,nangpawn thudik i hriat chuan engtinmah i ti lo ang..he khawvelah hian ani bak unaupa i nei lo a,ani pawn..Bakah Hmangaihna a enkawl seilen a ni a, Thisen chu chak teh mahse a lo la let leh ang...’ ka ti sep a,ka sawi mai a ni lo.Ka beisei takzet bawk.

‘Thildang i la hre duh em?”

‘Englam?”

‘Kei leh Mampuii” ka thaw hak mai..Ka hre teuh tawha, Abel-a hian min hmangaih tih ka hrereng chung pawn tang teuh lo chuan ngaihthlak hrehawm ka la ti fo tho.

‘Sawi la....’

‘Kan inkawp chhung zawng khan ka u tana min kawp a ni a....’ ka awih thei lo.

‘Maw?!”

‘Aw...ka u hian a anu chungchang hi a hriatna a rei tawha, ka nu mai pawh nilo kei thlengin huat namen loin min hau,Mampuii hi a bialnu a ni a..kei min kawp tur leh min tichhe vek turin a rawn tir a...’

‘A theih loh, a hmangaih che..’

‘Min hmangaih lo,kei pawn ka hmangaih hek lo..’

‘Mahse, nangmahni hrechiangtu zawng zawng pawn in inkawp tih an hre veka..’

‘Nia,kum khat lek ni hek lo.In kan luah duna,engkim kan intawma..engkim tak tak..Naute a chhiat zan khan engkim ka hrefiah ta veka..’

‘A tawk e...’ a hmui ka hupa, mahse ka kut a rawn la sawna, a fawp vang vang bawk.

‘Ka hmangaih emaw ka tih lai khan ka lo duh satliah mai zawka, mahse mi titi titam tur leh ka induhtawkna tichhe thei tur thil tih ka tum lo,ka ngawia, ka hel nuai tawp..Mi lah khan ka tuar nat vang emaw an lo ti a..’ za lo zetin a nui hawk bawk.

‘I tuar miah lo maw?”

‘Tuar miah lo chu ni lo e.Ka zaka, ka induhtawkna a tichhe vek bawka’

‘Mahse, Mampuii hi chuan a hmangaih chein ka hria’ ka ti leh talh..

‘Ka hre lo,kha leh chen kan chengduna, bakah sex lam thlengin..a lungleng maithei a...’

‘ZOSANGKIM...’ ka ti that mai..Ngaipawimawh lo zetin a nui hawk hawk thung..

‘Anih chuan keipawh ka lunglenga, mahse ani kha ni loin ka bula raipuar zawk hi ka mamawh thunga...’ ka kawr a rawn zena, a kut lum thur thur chuan ka kawng a rawn chul dun dun bawk..

‘Ngawi mai teh a...’ ka ti hlaka, inleh tumin min kuahna ban ka phelhsaka..

‘Tak tak,a rei tawh lutuk’ hnunglam atangin min rawn kuah leha..

‘Mahse...’

‘Ok,ka nawr lui lo ang che..ka nghak thei..’

‘Abel...ka tha tak tak em?”

‘Tha turah chuan ka ngai che,chuti ni lo se Eve-i hi hetiangin a leng mai mai lo ang,chuan ka u pawh ka u angin ka ngaihtuah kher lo ang...’

Engmah insawiselna nei loin hun ka hmang tan leh ta, in Check-up engmah ka hmaih lo,ka nu leh Abel-a nu an lo kal chamchi a, ka pa te pahnih erawh an lo kal meuh lo..

‘Matty....’ ka inhera..Mampuii nen kan inhmachhawn ta ran mai..

‘Nang maw?” ka ti sep ringawt.

‘Aw, keimah..’ a ti a,

A mit khur a tla daka,rai kha a hua pawn ka hre si lo a, mahse a hmel a danglam vek nimaiin ka hria, a dul puar luah mai chu ka en zauha, a neih hun a hnai tawh.Abel-a sawi dan khan Marcus-a nu tak tak te Inlamah an fin tih ka hriaa,hmuh erawh ka hmu ngai lo..In lama kan kal tum lah hian tuman an chanchin an sawi ngai hek lo..

‘Ka be lawk duh che a’ amah bawkin a ti leha..

‘Ka hmanhmawh angreng asin...’ ka ti a, Abel-a hrilh lo a chhuak ka ni a, a hriat loh turin let leh vat ka ngai.

‘A rei lo ang..’ ala ti ta talh.Reilote ka in ngaihtuaha,ka bu ta nge nge.

Ka pan pheia, a thutna bula awl awmah chuan ka thu thla vea,ka pawh loh ang chiahin min pawh lo tih ka chiang.

‘Sawi la...’ ka ti nghat ringawt.

‘Abel-a hian call a pick ngai lo a..Tunah hian a u a tha lo vak lo..’ a ti sapa..Ka phu zawk thung.

‘Tha lo??”

‘Haw em em mahse a u lakah hian bat a nei,kal pe tu kha a U hi a ni tlat,tunhnai deuh  khan a tlusuala,tahchuan a in sawh naa,kan va check-up a,a kal a lo sawh a..’ ka ang pham mai..Abel-a hian kal pakhat chauh a nei tih chu ka hresa,mahse tunge pe ka lo la zawt ngai lo.

‘Tunah enge a an?”

‘A tha vak lo.Abel-a hi a lawm lo tih ka hriaa, mahse atana pawimawh em em anih vang hian rawn hmu hram se...’ a ti leha.

‘Ka lo hrilh dawnnia..Anih leh ka nu ten an hria em?”

‘Aih..bakah Nu a nei tawh hleinem..’

‘Oh..’ka ti sep ringawt..

‘Ka kal phawt ang.Chuan,i natna chungchang kha thiam takin an phuahchawpa, Abel-a hi ka nuin a bum tih pawh lo hre tel law law la..’ a ti leha.Ka en vat bawk.

‘Kha thil kha i sawi chhuah takah chuan engmah dawt a awm lo tih keimah ngeiin ka fiah tawh,mahse Abel-a vangin ka ngawi mai zawk..’

‘A that nasat chu,nakinah i la hrechhuak ve mai ang..’ a nui sak mai.Ka hriatthin Mampuii,pawisak nei miah lo kha a ni leh ta..

‘Engmah hriatchhuah tur a awm hleinem..Mahse, i inchhir ngai lo hi mak ka ti zawk che,engtin nge khatiang thil kha Abel-a chungah i tih theih zawk?” ka insum hman lo..

‘Ahh...kha thil kha..’ a meng buai deuh naka, mahse ngai a awh leh vat.Kan tawng hre phak an awm leh awm loh ka en kuala,kan piah hla deuha nu upa lam pahnih thu te bak tumah kan bul hnaiah an awm lo..A lamah ka thle pheia..

‘Nia, mahse hre rawh, i pasal hian a nu tak hi dik zawkin hre mahse Abel-a nuin Hmangaihnaa a enkawl seilen a ni a,a lo kir leh ang,chumi huna hrehawm i lo tih lutuk loh nan lo insiamthat i tum dawn nia’ ka ti leh salha..Ka tho zui daih bawk.

Stepah ka chhuk thlaa, mahse enge thleng hi...ka petek dawrha,tluk loh hram tumin ka phar kuala,mahse awmzia a awm lo..Ka tlu thla chawrha, ka dul ven tumin ka khup zawkin lei ka zuk nawr a...A thim zui mup bawk..

CHAPTER- 31 ( Last chapter)

‘Hon...harh teh..’

Mumal lo ruaiin Abel-a tawng ka hriaa,hla lutuk atanga min au a ang mah zawk,ka harh zawka, ka muhil lehnghal zel nimaiin ka hre bawk.

‘Tang ta che, i Pasal leh i Fa tan hian i beih tang tang angai ania..’ min be tu hmuh tumin ka hawi kuala, thawklehkhatah a rawn eng pup bawk.Mahse, tunge min be tu ka hmu lo.Ka awmna hmun ka enkuala,a ruak vek,engmah a awm lo..

‘Hnuailamah khuan i thih avanga lawm tur an awm ania,harh ta che...’ a ti leh tuara, ka awmah na lutukin a rawn chum nimaiin ka hria, ka kang dawrh nge ka hre lo,ka phu vak a,ka au chhuak nghal nghek bawk.

‘Mate...a tha vek ania...’ min rawn kuah pahin Abel-a aw hian a rawn ti a, mahse ka khur hlawk hlawk tho.

Muangchangin ka mengchhuaka,ka mit a vai rum rum mai,Abel-a hmel ka hmu hmasa ber,thawh mai ka tuma, ka tai na nghal zawk chuan min ti zal nghal rawih rawih zawk.

‘I harh tha em? Khawi lai nge na?” ka dul a rawn chul a..

‘Ka tai a na deuha, mahse a reh leh mai ang’ ka ti a, thawh tumin ka insiam rem leh a, tun tum chu a na ta lo.Mahse, Abel-a zawkin min rawn dang ta thung.

‘Che suh,i mamawh sawi zawk la..’ thawp sutin a ti a..

‘Tui..’

A phe nghal vut mai,thil ngaihtuah ka nei,rang zetin ka dul ka zuk dawma,a la ngai reng..Ka thaw nghal huai mai.

‘A tha vek alawm,engmah hlauhthawn tur a awm lo..’ Abel-a awin a rawn ti a, ka mengchhuaka, tui nen a lo ding leh hman tawh.Ka kutah a rawn hmehbela, ka mut dan min kamkan sa deuh avangin insiamrem a tul lem lo.

Ka in nghal khawlh khawlh mai,no ruak ka pe leta..

‘I la duh em?”

‘Aih..ka tha tak tak em?”

‘Aw...i khup i sawh na deuha, mahse a serious leh serious loh en turin x-ray ila thei si lo a..Nasa lutuk lo turah Zawma kha chuan angaia..’

‘Naute zawk ania...’

‘I tluk dawna i khup zawka i zuk nawr avang khan a him hlauh e..’ khumah a rawn thu thla ve a,ka kut a hum vang vang bawk..

‘Abel...’

‘ Um...’

‘I thinrim em?” amah hrilh lo a chhuak ka ni miaua.

‘Engvangin maw? Oh...rim tehreng mai..’ hrechhuak lehnghal tih hriat zet hian a ti sup bawk.

‘Let leh mai tum kha ka nia,anih leh engtin nge i hriat a?’ ka ti leh a.

‘Mampuii’n min rawn hrilh a...’

‘Oh..’  ka ti sap ringawt.

‘Min rawn call a, miin an lo buaipui lai che a lo hmu hlauha’ a ti leh a, ka thle bak ringawt.

‘A tha hlauh anih chu..’ min en reng vangin ka ti leh sapa, a rilru a nuam lo nge hriat lohin min melh run bawk.

‘I lu hai vanga tlu i nih ka ring a’

‘Maw?”

‘I Bp chiang lo vanga tlu i nih ka ringa, bakah nangmah chauhin kal chhuak lo turin ka ti reng che a’ a ti leh hmuk.

‘Nia..aaa, ka tha vek tawh sia, bakah nangmah tihbuai kher che ngai loin ka mamawh ka lam lawk ang ka ti a’ ka ti leha,hriatthiam har zetin min en a,mahse a bu ta nge nge.

Diktak chuan Mampuii khan Stepa ka kal thla kha min rawn zuia, tihpalh ang takin lang siin hnunglam atang khan ka pen tur ka ke a rawn pal lui tih ka hai hauh lo.Mahse, enge tunah sawi a tulna? ka naute ka chan lo a,keipawh ka thi hek lo.Abel-a a lo call hlauh bawk nen ngawih mai a tha zawk ang.

‘Hon...enge i ngaihtuah?” ka biangah  zawitein a rawn piaia.. Ka en a,a sam kawlh vek kha a to leh tawha, buk tak erawh a ni lo..

‘Damdawiin ka awmrei angai dawn em?’

‘Ka hre mai lo,Zawma khan i Doctor a be tawha, test eng eng emaw kan nei leh anga,chutah chuan a hriat ang chu..Bakah i Bp a sang leh deuha, kha kha Control an duh bawka’ a ti ta duaha..

‘Um..ka nu ten an hria em?”

‘An pahnihin an hre ve ve tawh,an lo kal a, an haw leh tawh zawka.Zanah lo kal leh an tum ve ve bawka..’

‘Ka tibuai thei si,hrehawm ka ti..’ ka inthlahrung tak tak.Buaipui ngai reng mai nih hi a nuam hlawl lo.

‘Chutiang sawi hlek suh,nangmah buaipui thei nih hi kan vaiin kan duh vek zawk’ a ti leh supa,ka kut a lakanga, venflon invuah chu a en vung vunga, a kun hniama, ka kut phah lam a fawp ta vang vang zawk.

‘Ka muhil rei em?” ka ti leh sepa,a rawn hawi chhuaka.

‘Rei lutuk,kum khat vel niin ka hria..’ a then suk bawk..

‘I chimawm em mai ‘ ka ti hlak thung.

‘Tak takin reivak lo..Lo awm lawk la,i harh tawh tih ka va hrilh lawk ang,i harh veleh i Bp an en duh a..’

‘Harh loh pawn an en thei tho ang chu’

‘Thei tho..an en bawk alawm,mahse i harh huna en leh ah an ti a’

‘Um..kal la..’

A tho a,Kawngkhar a thleng tep tihin a ding chuta, a rawn hawi let leh rih.

‘I ril a tam em?”

‘Aih..’

‘Anih chuan ka nu te lo thlen hun nghak mai ang aw’ a ti leh supa, ka bu nghat ringawt.

Reivaklo hnuah a rawn let leha,Nurse pakhat,kan awm hmasaka ka nel fe hman in a rawn zui lut bawk,ani pawn min la hre ve reng tih hriat takin a rawn nui var var bawk.

‘Enge a an?’ a check zawh veleh Abel-an a ti a.

‘A la pangngai..’

‘Um..’ a ti nghut ringawt.

‘A hniam ve mai ang, a hmaa kan tih ang bawk khan ei tur ho bik kha lo fimkhur leh ula..Chuan,i khup hi a na viau em?’ a ti leha..

‘Aih...na viau lo e..’

‘Nichin khan a tai na a tia, Hon..ka sawi dik em?” min zawt pah titihin Abel-an a ti a.

‘Aw..min kam deuha’ ka ti tha ve mai bawk.

‘I naupai kha a lo fual leh hmana,i indim lo anih ka ring..Test result lo chhuak se Sir Zawma’n a sawi chiang thei deuh ang’ a ti leh a.Ka indim lutuk mah mah zawk khan ka hria ania,engtin nge a lo fual leh hman pawh ka hrethiam lo.Abel-a nen reivak lo an inbia a, engmah ka sawi ve lo.Ka rilruah thildang daih a awm thung.

‘I u nen in inbe tawh em?” Nurse chhuah veleh ka ti a.A rawn hawi vuta, ka tawngvai emaw a ti anih hmel viau.

‘Engmaw i sawi?”  a ti sup bawk.

‘I u i be tawh em ka ti’

‘Aih...ngatinge?”

‘Eng lo ania..a dam tha vak lo,a tlu suala, a kal a sawh a’

‘Tu nge sawi?” a aw a chang tha beng bawng viau.

‘Chu chu a pawimawh hleinem,a that leh that loh zawk kha a pawimawh ang chu’ ka ti ve thung.

‘Ok..ka hria,mahse...’ a ban a phar hluaia,mahse,beidawn hmel zetin a dahthla leh nghal mai bawk.

‘Abel..ani lo unaupa i nei lo ania..’

‘Ka hria,mahse tu nge a dam lo tih hrilh che ka tia lawm?”

‘Mampuii...i phone i pick duh lo a ti a’

‘Anih chuan vawiinah khan in inhmuh dawn vangin i chhuak tihna a ni em?’ a mitmeng fiah leh melh na zet chuan min melh runa, kan inneih hlima kan inpawh loh em em lai ang chiah khan a hmel a nelawm lo bawk.

‘Ni lo,ka mamawh lei turin ka kal ka tih kha..’

‘Ok...chuan enge ti se min tih a?” a ti leh hmuk a.

‘Engmah..mahse a lakah ba i nei a,chumai piah lamah i thisen zawmpui a ni a’

‘Eng ba nge ni ang?” ka sawi dang a haider hmiah.

‘I kal kha a pe che a, tun thlengin i la dam alawm’

‘Ok,anih chuan a tha lawm,biak ka lo tum ang,tunah chuan muthilh tum leh zawk la.I tawng vak chuan i chau leh mai ang’ a ti leh daih.A mood thlak thut thut bakah Topic change thut thut hi a sim thei lo,mahse sawi zui a duh rih lo tih chiang takin ka hrethei mai thung.

Muthilh tumin ka mit ka chhinga, Abel-a ka bulah ngawirengin a thu bawk.A chhan ka sawi thiam si lohin kan inkar a hla du in ka hre tlat.A u chungchang ka sawi vang khan a thinrim nge ka hre lo.Thil dik lo sawi ka neih ka hre hek lo.Mahse, a thinrim na engmah a ti lang hauh lo nangin a thinrim a,a Mood a danglam hlawka, sawi zawm a duh hek lo..Ka pasal anih tlat avangin a awmdan ka hrethei tlat bawk.

Tawng thawmah ka harha, ka muthlih pawh ka beisei loh nen ka lo muhil leh ta tho.Ka che sat sata, ka inleta, ka nu ka hmu nghal chiah bawk.Ka thawm hriain a rawn kal hnaia,ka hawi kuala, Abel-a ka hmu lo.

‘Khawnge Abel-a?”

‘Inah a kal lawk anih kha,thawmhnaw vel a la dawn a’ a ti a..Khum bulah Plastic Chair a rawn pawt hnai a.

‘Um..’ ka ti sep ringawt.

‘Na i nei em?’ ka puan sin rawn siam that pahin a ti leh a.

‘Aih..engmah na ka neih pawh ka hre lo.Mahse, Damdawiin awm hi ka hne em mai’ chunglam ka melh vang vang bawk.

‘Hne lah lo e,mahse, engtin nge maw i tluk khut khut theih thin le?’ a ti leh a..

‘Ka lu a hai aniang..’ ka ti sepa, a mitah ka en duh lo.Diktak chuan ka nu hi bum a harsa thin miau a.

‘Nia, i Bp pawh a lo sang leh deuh anih kha..Eee, taka i Nu khan Khatual tui a rawn keng tak asin’ a tih zawm leha, Thil kha hi ei harsa ka ti lo.Mahse, khatual kher hi chu ka ngaina lo..A khak dan a tui lo ka ti thin.

‘Nakinah a nimai’ ka ti ringawt.

‘I in lo ngawt ange, i ngaina lo nasa si’ a ti leh a.

‘In ang..Nu,chaw i lo keng em?” ka ti leh a.Ka ril a tam tih piahlam a ni ringawt.

‘Awh khaih..keng e..ka theihnghilh hman nia..hei vang hi lawm i pa in min hauh reng’ a ti nghal mawlh mawlh mai..

‘Abel-a ka nghah tho angai alawm’ ka ti leh lawi..

‘Ngai lo e..Inah a ei dawn alawm,a lo kal hunah ka haw chauh ang’ a ti leh a.

Ka chawei chhung zawng thil dang dang sawiin ka nu a tawng siam siam a,a thusawi engmah ka hre mumal lo thung.Ka ngaihtuahna a buai vek vek.Abel-a kha engtikawng emaw talin Marcus-a ngaihven turin ka tih nawn leh angai...

Ka nu phone a ri ral rala,ka ngaihven lem lo..

‘Abel-a anih hi..’ Ka en vat bawk.

‘Hello..Abel...’ ka nuin a ti a, Mak takin ka chhungrilah hlauhna in min fan rawih rawih bawk.

‘Aw, anih chu..a pawi reng reng lo..ngaihtuah suh’ a ti leh a..Ka melh reng ringawt.

‘Enge a sawi a?” phone a off veleh ka ti nghal zat.

‘Farmah buaina an nei anih hmel..Riak mai turin min rawn ngen a...’ ka khawng nghal lah mai..Eng buaina nge ni ang? Dawt sawiin riah loh dan a zawng a ni zawk angem? Mahse ngatinge a u chungchang ka sawi vang ngawtin tiangin a khawsak ang? Zawhna hlir..A chhang theitu amah a awm chuang si lo..

‘I thinrim alaw?” ka nu bawkin a ti leh a,harsa ti zetin ka nui lui sak mai.

‘Teh nang..eng problem nge ni ang tih ka ngaihtuah zawk?”

‘A chingfel mai a ring tho nangin a tlai dawn lutuk a, zingah hma thei ang berin ka lo kal ang a ti a..’

‘A pawi miah lo.Buaipui ngai pawh ka ni lo a..’

‘Nia,kan riak dun khat tawh alawm..I naupanlai chanchin te pawh sawi ila..Eee, taka,i U in Nupui neih a sawi a’ a ti leh a.Ka hawi phawk hra mai.

‘Tu zawk?”

‘I u Mamawia mawle..Kartharah Palai kan tir ang chu kan ti a, Abel-a kha sawipui angai tak asin’ a ti vang vang bawk

Nia, Abel-a chauh makpa tak an la neia, mahse ka cousin te ho Pasal nei an awm nual tawh.Awmtei pasal pawh a awm bawka.Awmtei ka ngaihtuah chhuah rualin hna ka kal loh rei zia leh Siteah ka Design leh plan angin hna a kal em tih ka en miah lo tih ka hrechhuak nghal zat bawk.

‘Anih chu,Remremi aniang chu ka ti maia’ ka ti leh a.Ka hna lam erawh ka sawi lang lo.

‘Ni e..an kum a tlem chhe tawh lo a, neih vat angai.Bakah upat hnuah chuan fa neih a harsa em mai.Nang pawh i tawp khawp hi’ a ti leh a,za lo zetin ka nui sak ringawt.

Ka muhil mai thei lo,Tluangpuii nen Msgin kan inbia a,Abel-a te unau chungchang a lo hre thawia, a hriat ang ang min rawn zawtfiah a.A zawng zawng erawh ka hrilh lo.

‘Mak ve deuh chu Abel-a kha a kal an thlak dawn khan Marcus-a hian pek a tuma, a pe dawn emaw kan ti veka,mahse Zawma zawk hian a pe ta daiha..’ mak ti lutukin ka en reng ringawt.Hei chiah hi anih hi Zawma hnena lawmthu a sawi khan ‘Leh’ a lo tih.Mahse,Mampuii khan dawt a sawi leh tihna a ni angem? Tluangpuii sawi ka awih dawn anih chuan dawt a sawi tihna a ni mai, engtin nge khatiang thil liantham lutukah dawt a sawi theih ang ka hrethiam lo.

‘Chuti law? Marcus-a pek emaw ka lo ti asin’ ka ti a..

‘Ni nang,chung te chu Abel-a pawn a sawi lo mi?” a rawn ti leh a, a sawi hauh lo.Vawiin pawh khan chutiang lam engmah hnialna a nei lo zawk anih kha.

‘Ka lo zawt chiang ngai lo a’ ka ti ta ngawt.A pawm em ka hre lo.

A sawi lawk ang ngeiin zingah a lo kala, a lo kal lai pawh ka hre lo.Ka harhin a lo awm reng tawh zawk.Ka nu a lo haw hman tawh.Ka harh tih a hmuh rualin min nuih nghal suk bawk.

‘Morning..i zia deuh em?” tih pahin khum a rawn pana.A hmelpa zet chu mut kham lo niawm takin a pawr deuh fap bawk.

‘Um..Farm lam enge?”

‘A tha tawh e..Sorry aw..’ khumah a rawn thu kaia,a rawn kun hniama, ka chalah a rawn fawp zauh bawk.

‘A pawi hleinem.Ka tha lutuk,kan chhuah theih mai ka ring zawka’ ka ti leh a.

‘Zawma lo kal phawt se..’ a ti supa, ka kut a hum vang vang mai.

‘Toilet kal ka duh a’ ka ti a.

A tho vuta,ka tho tur min puia,ka Slipper ka bun a, ka kawngah a rawn kuaha, ka inrin hmain min pawn kang nghal zat bawk.

‘Hey...enge i itih a?’ ka ti thata, Kawngkhar lam ka en vat bawk.

‘Engmah..tlak i duh loh chuan min kuah mai la’ a ti duh lek.

‘Ka rit asin,pahnih kan nih hi..’ ka ti leh talha,kuah erawh ka kuah ta tho.

Ka sawi ngaipawimawh lo zetin a darin Toilet kawngkhar a nek hawnga,rihna ka nei lo emaw tih mai tura hnehsawhin min pawm a ni ber.Toilet chhuatah min nghata.A chhuak mai dawn emaw ka tih laiin Kawngkhar nghengin a ding ngur ringawt.

‘I chhuak dawn lo mi?’

‘Aih..dawn nang’

‘Kal mai teh a’

‘Enge? I tluk palh chuan a pawi zawk’ a ti leh a, a sawi dik lo hauh lo.Ka khup ka chet zawng khan a na miaua.Mahse, a awm ve laiin engmah tih ka duh lo bur.

‘Chhuak mai teh..’ ka ti leh hlar mai.

‘Engmah ka la theihnghilh lo a, bakah ka hmu vek tawha’

‘Zosangkim...’ a nui hawk hawk mai..Mahse, a chhuak ta tho..

Nihnih lai ka awm leh ta reng,test chi hrang hrang kan nei kuala,ka Bp lah hniam lam a pan thei hek lo.An vai maiin thil thup an nei niin ka hre tawh,tumah ka ring ngam lo nge ka ring lo lui lah ka hre hek lo.

‘Vawiin chu ka lo let har maithei ania aw..’ Abel-an a ti a.

‘Ngatinge?”

‘Tihtur pawimawh ka nei a..’

‘Ka ngai che asin..’ ka insum hman lo.Diktak chuan tuntum ka dam lo hian mak khawpin Abel-a ka ngai ngawih ngawih a ni ber.Mahse, tun tum chauh ka la sawichhuak thung.

‘Kei pawh..chuan, nidangah chuan ka kalsan che angai tawh lo ang’ min rawn bawh titih a,ka awmah a hmai a phum vang vang bawk.A samah ka chul hauh hauh a,ka mamawh mai pawh a ni lo, ka nunna a ni ringawt tawh zawk tih ka chiang.

‘Abel...’

‘Um...’ chesawn chuang loin min rawn en a.

‘Ka hmangaih che’

‘Maw?” a awah Mak tihna a lang thei.

‘Ka hmangaih che’ ka ti nawn leha, a tawp lam a zuih ral titih..Mahse, ka sawi a hrechiang lutuk tih ka hre thei tho.

‘Ka Hmangaih che a, ka nunna i ni bawka..i hria tiraw?” tham tuakin a ti a, ka bu nghat ringawt, tawng dawn pawh ni ila ka tawng rik theih ka ring lo..

A rawn inbengkanga, a hmelpa zetah chuan min duatna a lang thei a,enge a tih dawn ka ngaihtuah laiin a rawn kun hniama, min rawn fawp ta vang vang zawk.

‘Dam ang che aw..’ ka hmui tuai nauh nauh pahin a ti leh supa.

‘Um..i tan leh kan naute tan dam a tul alawm..’

‘Dik chiah,i awm loh chuan hlutna kan nei dawn si lo..’

Ka nu min awmpui turin a lo kala, awmpui ka ngai lo ka tih pawn a lo kal lui talh,’i khua a har ang’ a ti awlsam et bawk..Bible a chhiar a, a chang leh a muhil ve bawka..Kei lah phone khawih leh mut bak engmah tih tur ka nei hek lo.

‘Abel-an a hrilh che em?”

‘Eng?”

‘Mampuii khan nau a chhiata’ ka ip chawih mai.

‘Maw?”

‘Nizanah an nupa an intibuai niawm tak a ni.Tahchuan an tipalh an ti a, mahse ka chiang bik lo..i U in a sawia’ a ti leh a, ka bing mup mai..

‘A va pawi tak...’ ka ti sepa, huatna thinlung pakhatmah ka nei lo.Ka chhungril ber atangin pawi ka tihpui vawng vawng.

Zan dar 7 pelh hnuah Abel-a a lo let ta chauh,a lo let veleh ka nu a haw ve nghala,kei erawh a thuhriat avangin ka chau ngawih ngawih.Mampuii biak ka duh em em a, mahse ka be chuang hauh lo.Sawi tur ka hre miah lo zawk.

‘I rilru a va hah hmel ve..’ min rawn kuah pahin a ti a, tawt zetin khumah kan mu duna.

‘Aih...mahse..’ ka ngawi leh daih..

‘Mahse...enge sawi la’

‘Mampuii nau chhiat kha ngatinge min hrilh loh’

‘Oh...ni tak,mahse, kan tan a pawimawh hleinem’

‘Abel...’ ka ti hmak thung.

‘Sorry,kan naute min chan tir tuma an beihna ka ngaihtuah hian an sual man an hmu ka ti mai asin..’

‘Mi in kan chungah thil tha lo an tih avangin an tawrh laiin kan hmusit zui tur tihna a ni dawn em ni?”

‘Aaah,ka hre lo. Mahse, kei chu hei hi ka nihdan a ni tlat.An nupa leh Eve-in an beih rawn tawh hnuah che pawh thah tak tak tum chein Stepah khan i tluk ngei ngei nan a che a,Ka ngaidam thei ngai lo ang...’ a sawi tawp lamah chuan thinrimna a hriat theih..Kei erawh sawi mai tur hre loin ka ngawi ngar thung..Engtin nge min ti tlu lui tih a hriat ka hre hek lo.

‘Keimah min tihna te kha chu nangmah vangin theihnghilh tumin ka beia,ka theihnghilh nghal hauh lo nangin ka hrereng tawh lo.Mahse, nang an tih veleh takah che kha chuan ka ngaidam ngai dawn lo tih ka hrechiang tawh...’ amah bawkin a ti leh a.

‘Thil tamtak ka ngaihtuah hi chuan i rilru hi ka hrethiam,mahse i u a ni a..’

‘Engmah ba ka nei lo.Amah bawkin ka kal pahnih min tihchhiatsaka, kal mamawh em em a ka awm laiin last minute ah min pek theih loh thu a sawi leha, Zawma hian min pe a...ka thi hman lo ka vanneihzia hi tun thlengin an la sawi asin..’ na tuar aw a hriat theih.

‘Engmah Mampuii chungah i ti lo tiraw?”

‘I ring em?”

‘Ka hre lo..’

‘I rin dan dan kha a dik vek ang..’ a ti leh supa..A kut ka zuk vuan ve a,ka kutzungtang karah a kut a rawn rawlh ve nghal zat.

‘Engkim theihnghilh in kan pahnih tan chauh nung tawh ila..I nu leh pa hnenah kir leh se la,a ta tur zawng zawng pawh pe la..’

‘I duh tak tak em?”

‘Aw..engmah ka duh ve lo.Kan neihsa hi ka duhtawk mai zawk,ro thil vang mai maia tianga buai ka duh lo..Duh leh kan bulah ka nu leh pa cheng zawk se la..’

‘I dam veleh kan sawi ho dawn nia..Mahse, ka u erawh kan hnaih leh tawh ngai lo ang..Kei leh nang, kan naute nen...a tawk reng..’

‘PATHIAN pawh..’

‘Ani chu sawi angai hleinem,a hma khan mamawh lo emaw ka lo inti thina, mahse ka nuna i lo luh hnu leh i damloh nasat tak atang khan ani pawh ka la lut tel vek alawm...kan engkim,kan bul leh tawp neitu a ni miaua ’ a ti leh sup a..Engmah ka sawi tawh lo,ka hlimna hi sawi a fiah thei a ni hek lo.

Ka pumna lutuk vangin ka harh hlawl..Ka harh chiang ngang mai bawk..Harsa zetin inleh ka tuma, ka che velah Abel-a a rawn harh ve nghal zat..

‘Ngatinge?’

‘Ka...ka pum a na lutuk..tuemaw tal ko rawh...’ ka thlan fimin min bual huh vek..

Abel-a tlan chhuak rawk rawk thawm chu ka hre rei ruai,thidang lo turin ka bei tang tang,mahse ka hlawhchham dawn niin ka hre thung,ka mawng zawn ka zuk khawiha, a huh vek..

‘Abel..awmsawn rawh,keiman ka lo ti ang..’ Zawma aw fiah lo ruaiin ka hrethei..

Khum atanga min hlangthla leh min nawr kal zui pawh ka hre reiruai chauh..

‘Abel..midang ko rawh,tuemaw zawk zawk hi kan chhan angai..rilru lo siamfel ang che u..’ Zawma bawkin a ti leh a..

Ka Note bu ken lai chu phek dang ka keu leha, engmah a inziak tawh lo..Mahse, engmah inziak a awm dawn lo tih pawh chiang takin ka hre sa,vawitamtak ka chhiar chhuak tawh miau a.Khum a che data, ka kawngah min rawn kuaha...

‘I tap elaw?” mutchhuah hmel zetin a ti sup bawk..

‘Aih...tap lo..’

Min kuahna ban a lasawna, Ka hawina lamah a rawn mu a, ka thil ken min laksaka, a dahsawn nghal daih bawk..

‘I lo chhiar leh tihna mi?”

‘Aw..engtin nge a awm zui zel ang? An nupa khan ka lainat em mai...’ ka mittui a rawn tla leh a..

Dimtein ka mittui a rawn hru a, a fawp zui nghal dun dun bawk..

‘Tumah an thi lo,thi nise kei pawh i pasal ka ni dawn ami?”

‘Anih chuan ka pasal hi an fa kha i ni tihna ania’ ka ti leh a..Ka hriatsa reng ka zawt mai zawk..Min chhanna tur pawh ka hre sa vek tho.

‘Um..i pasal hi ka ni ngei e..mahse, ka nu leh pa erawh ka hmu hman ta lo chu ania..Ka nu hian hetiang hian min kalsan dawn tih a hriat vangin a lo ziak aniang, hei bak hi tuman an ziah zawm thei tawh si lo a.Nangman ziah zawm mai ta che..’

‘Ani anga Hmeichhe tha ka ni ve dawn si lo alawm..mahse, ka tan chuan he a nun thuruk a ziah hi Chona leh beiseina min siamsak tu a ni thung a..’ ka ti sepa..A hnute hmur ka khal niap niap bawk.

‘Dik chiah mai..ka tan pawh..Anih chuan kan pahnihin engtin nge ka tana Dam tuma a Fight kan DREAM chhunzawm leh mai dawn ami? Chuan,thildang pawh kan ti anga....’ a nui var var bawk..

A TAWP TA..