BLUE- BOOK 4

Chapter- 21-25

Chapter- 21

An pahnihin an rawn inhera,min hmuh takah chuan Maria-i a phu deuh zawkin ka hria.Ka ngaihbel mai mai a ni em ka hre lo thung.

‘Min zawng a mi?” zangkhai zetin a ti nghal vat.

‘Um,haw ka duh tawha’ ka ti sup.

‘Ka lo lut dawn chiaha…Hei,I thianpa nen kan lo titi a’ a ti leha,Ramdinsanga a en zauh.Mahse, ka tum angin engmah dik lo ka hmu lo.

‘Nia,kan lo inkawmngeih hman viau mai’ Ramdinsanga’n a rawn ti ve a,ka thensuk.

‘A lawmawm anih chu,kan kal dawn mi?” ka ti leh a.A bu nghat,a luhna turin ka tawlhsawna.Min rawn kal pela,Ramdinsanga lam ka hawi leha,ka bu nghut.Za miah loin ka then lui leh suk bawk.

‘I vannei khawp mai’ ka pen tawh ka tawp leh chawt.Muangchangin ka inhera,enge a sawi awmzia ka man lo.

‘Sorry,I sawi awmzia ka man lo tlat’ ka ti nghut.Maria-i a awm tawh lo bawka Polite der a tulna a awm tawh lo.

‘I vannei ka ti’ a ti leh a.A hmel ngeiawm zetah chuan deusawhna niawm tak alang reng bawk.

‘Dik chiah,achhan chu nang hi ka thian i nih loh avangin’ ka ti hmuk.A tum loh lam ka sawi a ni ngei ang,a ner nawk.Mahse, a insiamrem leh vat.

‘A tha.Mahse,ka sawi tum zawk chu Maria-i khan Tluangpuii nen in inzui leh tih a hre lo a’ ka tum loh lam a sawi ve ta tho.Ka kekawr ipte ka zena,ka kut ka humruh tlat bawk.Engtin nge ani hian a lo hriat? Hei vang hi a ni ngei ang Tluangpuii’n a hna a thawh leh tak. Ama mimal thil ti mahse ka awih tawh eih lo.

‘Hlauthawng suh,engmah ka sawi dawn lo’ ngeiawm zetin a rawn ti leh a.

‘I duh phawt chuan i sawi thei reng ania,Bakah Tluangpuii te chu i hmei emaw ka lo ti maia’ ka ti leha,tiang zawnga sawitur hi ka ni lo tih ka hria,mahse ka chhungril sahal nasa lutuk vangin ka insum thei lo.

‘Hmei…Ni lo hlauh mai’ a nui a.

‘Ni tak,a ni dawn lo.A duh ngai reng reng hleinem che, I Blackmail vangin i hna a thawh angai thina’ ka ti leh hmuk.

‘Tawng fimkhur rawh’ a ti hluk.

‘Sorry,hlauthawng suh,engmah ka sawichhuak dawn hleinem’ ka ti leh nghut.Nichin lawka ama min tawngkhum dan chiah a ni bawk.Min chhan leh hmain ka pan hnaia,a darah ka beng thak.

‘Anih phawt le,hahdam la..Anih loh chuan Tluangpuii hian a kalsan palh ang che,I hmanraw tha ber a ni tlata’ ka nui lui leh suk bawk.

Maria-i ka thlaha,a tawng siam siama.Mahse, ka ngaithla liam vel mai mai.

‘Khawnge i kal dawn?” ka bana vawn pahin a rawn ti a.Ka phu deuh zawk.

‘Maw?” ka ti nghal sup.

‘Kan In i tlanpel alawm’ hreptak hian a..

‘Kan Inah ka hruai ang che ka tia,mahse ngai leh lo mai rawhse.I chhungte an hlauhawm ang’ ka ti sup.

‘Engmah i sawi si lo a, mak ka lo ti hmana’ a ti leh a.Ka melh zawk,mak tih hmel zetin min lo en reng.

‘Hrilh che chuan min hnial ka ringa’ ka then leh suk,ka la tlanpel thui lo bawka turn loin ka back a.Ka rilru ka lo kawm ding lutuk ka in ngei hlur bawk.

‘Mangtha le’ a ti nghauh.Ka mangtha ve a.Engmah tih chakna ka nei lo.Bakah Tluangpuii nen kan inkawp leh hnuah a tul tawp anih loh chuan sik pawh ka si ngai lo.Mak a ti angem ka hre lo,mak lo ti pawh nise engmah a sawi ngai chuang lo.

Ka thawmhnaw thlak loin khumah ka let tawp.Ka phone ka phawrha,sana ka en a.Dar 11 a pel tawh.Mahse, Tluangpuii biak tho ka duh.Hetianga dinhmun hlauhawmah ka dah nawn thei lo,ni lo..Keimah zawk hi ka dinhmun a tha reng em tih ka ngaihtuaha,keimah ber hi ka him lo thei.Maria-i leh Ramdinsanga kha an awm danah inzawmna nei an ang tlat.Ka ngaihtuah leta, kan inzui tirh atangin Ramdinsanga hming vawikhat pawh ala sawi chhuah ka hre lo.Mahse, dik lo a awm.Enge anih ka hre lo mai zawk.

Ka harhin Tluangpuii msg a lo awm a.Aizawl a thleng tawh tih a rawn sawia,min rawn thawn hun ka en a.Tukin dar 2 leh minute 5..Ka wisha,chhunah Lunch eiturin hun a neih leh neih loh ka zawt nghal bawk.

Showroom ka pan hmasaa,engmah hna hmanthawhthlak a awm lo.Hotel lam pan loin Tluangpuii Lunch eipui turin Showroom atanga kal tlang a awlsam zawk dawn avangin ka nghaka,mahse dar 12 thlengin engmah a rawn sawi lo.Ka msg lah a la en hek lo.Nizan an thlen tlai avangin a la mu anih ka ring.An in a kal mai tur nge tih ka ngaihtuaha,a lo chau viau theia,duh leh zanah ka kal zawk mai ang chu.

Hotel ka pan laiin Maria-in min rawn calla.Zing atangin ka la be miah lo tih ka hrechhuak zawk.

‘Hello’ ka ti sup.

‘I buai em?” a rawn ti a.Nidang ang bawkin a aw a zangkhai lehpek.

‘Aih,Hotel ka pen meka.In buai lo mi?” ka ti ve a.

‘Kan buai zo deuh chiah.Tlaiah tihtur i nei em?”a rawn ti leha.

‘Nei em em nang,ngatinge?”

‘Kalna tur ka neia,min kalpui hman chuan ka rawn ti mawle’ a rawn ti leha.

‘Um,hman e.Khawiah nge?” ka ti leh sup.Ka ngaihtuahnaah Tluangpuii a rawn lang zawk bawk.Mahse, ani chu zanah ka hmu dawn tho a,thil pawi a ni lo.

‘Ka Cousin te kha an lo hawa,A tha vak lo va’ a ti leha,a Cousin zinga pakhat,pasal nei tawh a dam lo a,Phai lamah an kalpui tih ka hria.

‘Ok,I hman hunah min lo call la’ ka ti leh a.

‘Um,ka rawn hrilh ang che.Bye phawt’

Hotel ka thlen hnuah Pu Dama’n min rawn calla,kan bungrua tur an la fel tawh tih a rawn sawia.Ka thawveng huai.

‘Tluangpuii kha Aizawl lamah a rawn chhuk leh tawha,lo enzui deuh teh.Boom-a sawi hmangin thil engemawah inzawmna an nei tih ka hre tlat’ phone a dah hmain a ti a.

‘Ka lo en dawn nia,mahse engthilah nge an inzawm ang?”

‘Kan sumdawnna hi chu a ni lo hmela,rin mai tur ka hre lo nangin engemaw thil lian tham plan an nei tlat in ka hria’ a ti leh talh.

‘Anih chu,kan tana pawithei anih loh chuan an duh duh lo plan ang hmiang,a pawi hleinem’ ka ti a.Ngaihdan ni lo hmel zetin a chek tlak.

‘Chutiang ngawt a ni dawn nang,Boom-a hmeichhe lawmzia i hre renga,Sumdawnna pakhat atangin a dangah a pakai pui lo ang tih i hre hleinem.Kan nau te sawi dan phei chuan a lo thlen zan pawh khan Hotelah an riakdun an ti asin’ a ti leh a.Ka insehruh nghek.

‘Thildang a lo thleng ta anih chuan keiman ka buaipui ang’ ka ti hluk.

‘Ni lo,keimah zawkin ka buaipui ang.He nu hi i hum zel niin ka hre tlat’ a ti leh nghauh.

‘I ngaihdan dan le’ ka ti leh hmuk.

Hnathawh tumin Computer ka on a,mahse ka beidawng ta thak.Ka rilruah a awm thei lo.Ka awmdan hi a fair lo tih ka hria,mahse Tluangpuii himna tura ka tih ngei ngei angai.Tunah ngei pawh Pu Dama khan khati khawp khan a ringhlel a,engthil nge a tih chiah pawh a hre lo chungin khawih a chak zek zek tih ka hai lo.Kan inkawp tih a hriat hnuah eng emaw Tluangpuii tel vena a awm anih vaih chuan a che rang dawn lutuk tlat.Mahse, eng vanga haw em em nge anih ka hre lo.Kan thil chan tak lah kha Tluangpuii vang a ni tih kei chauhin ka hriaa,a ringhlel satliah ringawt kha ania.Mahse, tiang khawp hian a haw tho.Mak tak a ni ringawt.

Kawngkhar kik thawmah ka harh zawk.Ka lo muhil sek hman chu niin.Ka thu mara,Lut turin ka ko a.Julie a lo ni a,a inthlahrun hmel phian bawk.

‘Sir,Lalnuna’n rawn biak che a tum a.I phone i pick thei lo a ti a’

‘Ka lo bia ang…’

‘Ka rawn zawm dawn mi?” a ti leh a,Ka bu nghut.Customer pakhat nen buaina an lo nei a.Loan chungchangah a lo bum niin alanga,a customer hmutu,Sales Dept lama mi lah a mangang chhe viau anih hmela,Zomawia ka calla.An cheque pek nen naktuk lama indawr turin min rawn ti a.Lalnuna rawn sawi hmangin ka beng a thlen hmain an lo chai fe tawha,an lo tifel thei lo a lo ni a.Ka hrethiam viau,hetiang hi thil awm ve fo a ni tih Sammy khan a sawi tawha.Company dang ho pawh hian chutiang chu an lo nei ve nawk thin tih ka hre bawk.

Sana ka en a.Dar 3 a pel hret,Tluangpuii hnen atangin engmah ka la dawng lo fo.Ka call ta nge nge,a pick dawn lo emaw ka tih hnuah a pick ta hram.

‘Hello’ hmeichhe awin a rawn ti a.Mahse, Tluangpuii erawh a ni lo.

‘Tluangpuii biak ka duha’

‘Sangkim,Zartei ka nia.Hei a muhil a’

‘Um,anih chu mawle..A pawi lo,nakinah ka lo call leh mai dawn nia’ ka ti ta zawk.

‘Nia,mahse….’ A ngawi leh rih.

‘Enge Mahse?” ka ti vut.

‘Tluangpuii hi a nau a zin a,kei hi zanah tihtur ka neih vangin ka haw ngei ngei angaia.A nutei lah a dam bawk si lo a,I lo kal theih chuan..Mahse, I hman loh chuan ka ti lui miah lo che ania’ a ti ta duah.A tawng zawi hle bawk.

‘Ka lo kal ang.Ka lo thlen hma min lo nghak thei angem?” ka ti nghal sup.Ka inngaihtuah buai eih lo.

‘Thei e.Mahse,thil pakhat.Ka ko che tih ahriat chuan ka chak lo nasa dawn ania,engmah hre lo se’ a ti leh sap.

‘Ok,a hre lo ang.Ka lo chhuak nghal animai’ ka ti leh vut.

Ka tho a, ka bag ka laa,ka chhuak zui chu a ni der.Julie hnenah ka chhuak dawn tih ka hrilha,vawiin atan ka let leh tawh dawn lo tih ka hrilh nghal bawk.

Tluangpuii te In ka thleng trep tihin Maria-in min rawn calla,kalna tur kan nei tih ka hrechhuak chiah.

‘Ka hman chiaha,I lo kal hman dawn tawh em?” a rawn ti a.

‘Sorry…Hnaah emergency a awm thut,min hriatthiam mai angai dawn’ pangngai thei ang berin ka ti a.

‘Maw? A va zia lo ve’ a rawn ti nghal vat.

‘Nia,mahse ka chingfel thei mai ang.Pawi ka ti’ ka ti leh a.

‘Pawi lo,keimah pawn ka kal thei lawm.I hman hunah min lo be dawnnia.Nih phawt’ zangkhai zetin a ti leha.Maria-i vanga ka inthiam loh awmchhun a ni ngei ang.Mahse, tunah chuan Tluangpuii aia pawimawh an awm tlat lo.

Living Roomah Zartei amahin a lo awma,Tluangpuii erawh a la muhil thung.Min koh angaih vanga pawi a tih thu a sawi niah niah,ka nuihsan mai thung.

‘Ka kalsan mai ang che aw.Thil eitur ka siam nuala.In ei thei ang ka ring’ a ti a.A nui var var.

‘I ti lawmawm lutuk,I lo buaipui a..’ ka ti ve a.Ka then suk bawk.

‘Chhunah min rawn calla,ka va thlen chuan a khawsik a lo tlun a.Damdawiinah hruai ka tuma,a duh der lo.Rawn biak che ka tum lahin a teu hlar bawk si,he nu luhlul zia chu i hriat vek kha’ a ti leh a.Ka bu nghut.A luhlul zia kei aia hre chiang an awm anih pawhin an tam lo hle ang.

‘Kal tawh rawh,ka lo awmpui ang.A tul chuan ka In lamah pawh ka hruaiphei maithei ania’ ka ti a.A bu nghat.

‘A tha zawk maithei,a pute lah an buai si.Bakah tunlai chu eng thilah nge buaina an neih ka hre chiah lo a,an inbe thei vak lo in ka hria,mahse i awm tho a.Ka ngaihtuah lo’ a ti leh duah.

‘Keiman ka ko che tih sawi suh ka tih kha aw’ a ti leh a.Ka bu nghut.

Kawngkhar chhung lamah ka kalha,Zartei eitur siam ka en kuala.Engmah siam belh angai lo.Room ka pana,kawngkhar dimtein ka nem hawnga.Khumah a lo mu a,puanin a inkhuh hlan bawk.Ka pan pheia,ka kun hniama.A chal dimtein ka khawiha,a dai vek.A khawsik a zia tawh a nih hmel.A sir zawngin a mu a,a thaw ri sak sak bawk.

Khum bulah Plastic chair ka pawthnaia,tihtur a awm lo bawk nen ka Phone ka phawrha,Game ka khel ta ngawt.A khat tawkin a harh leh harh loh ka en deuh reng bawk.

Phone vibrate riin ka thil khelh lai atangin ka rilru a la peng a,ka bag ka zen vat.Ka phone pakhat zawk emaw tiin ka phawrha,a ni lo.Ka hawikuala,Ka thutna bul banga thlalak intharna chhuar atanga ri niin ka hria.Ka phone ka daha,ka pan pheia.Phone a lo awm.Tluangpuii phone a ni ngei ang.Ka la thlaa,a rawn calltu ka en a.A Contact list a mi a ni lo.

‘Zo…’ ka pick hmain Tluangpuii awin a rawn ti a.Ka inher vat.A lo thu a, min lo en reng tawh.

‘I harh tawh maw?Enge i an?” tih pahin ka pan phei nghal vat.Phone lam ka ngaihtuah tawh lo.

‘Um,ka zia tawh.Mahse, engtin nge i lo kal theiha?” a ti leh sep.Khumah ka thu thla ve a,ka mal lehlam ka hlangkang a,lehlam chhuatah ka dah thung.

‘I dam lo anih chuan ka ngaihtuah dawn lo che mi?” ka then suk.

‘Aw…Aih,chutiang ka sawi tum a ni lo’ a lu a thing nak.Chhan tum ka tum lai takin Tluangpuii phone a rawn ri leha,ka en vat.

‘Pick suh…’ a ti sap.

‘Maw?”

‘Pick suh,kan pahnih bak engmah ngaihtuah ka duh rih lo’ a ti leh sap.

‘Ka ril a tam hle mai’ amah bawkin a ti leh a.Zing atangin engmah ala ei lo a ni ngei ang.

‘Eitur ka rawn la ang,lo mu hahdam la’ tih pahin ka tho a.

‘Aih,ngai lo,ka lo tho ang’ a ti leh ta tlat.

‘Thu hi awih mai thin teh,dam lo inhnialpui hi ka chak loh zawng tak ania’ ka then suk.

‘Khuma min pek chuan ka ei theih ka ring lo alawm..Min lo pui la’ tih pahin a kut a rawn pharchhuaka,ka vuan vat.

Eitur ka siamsaka,ka ei ve lo.A thil ei lai hmuhnawm ti zetin ka en vung vung.A sam a sei leh deuh tawha,a dar a la thleng lo deuh,a mutnaah a delh pawr deuh phanga,a inhmeh zawk mah.A hnar ngul te lam leh sang nalh zet te,a mithmul er tan mai te..A vaiin a inrem fuh vel vek.A hmui ka ena,fawh a nawm zia ka ngaihtuah chhuak nghal zat.Thildang chu sawi loh ka fawh ringawt pawn ka awmdan a tidanglam nghal thei hial thin.Amah anga min hip leh a taksa ka sik ruala ka danglam nghal theihna Hmeichhia tu mah an la awm lo.

‘Eng nge?” a rawn hawichhuak  thut.Ka then suk ringawt.

‘Ka en che…’ ka ti sup.A hmai a sen nghal tan tan mai.A lang duhawm zual sauh.

‘I ei ve dawn lo mi?” a ti leh a.

‘Ei phawt rawh’

‘Ka ei teuh tawh lawm.Ei ve tawh rawh’ a ti leh a.Ka thle buk,ka ban a,angaihna hre lo zetin a thle vat.

‘Eng…Enge i tih a?” a ti bah nak.A hmui bul tlem berh deuh nian chu ka kutzungpuiin ka tuai fai saka,milm ang maiin a thu khawng at ringawt.

‘Kha kha tih ka tuma’ ka ti sup.Engmah sawi loin a dar a tichhing ak ringawt.Pangngai tak anga lan tum mahse a nervous tih a biang sen deuh tan chuan a tilang chiang viau thung.

‘Haw tawh la…’ a ti sap.A phal lo chung a thil eina ka tihfai saka.Min hnial awmzia a awm lo tih a hria niawm takin ngawirengin ka che vel min thlir ta dauh dauh.

‘Haw pawh ka lo tum hleinem’ a bula thutthlak pahin ka ti a.

‘Maw?” rang zetin min rawn en a.

‘Ka riak ang chu ka ti,I dam lo a’ ka then suk.

‘Aih,ngai lo.Keimahin ka awm thei lawm.Kal tawh zawk rawh’ a ti leh a.A kut tin a sik niap niap bawk.

‘Nangmah chauhin ka kalsan thei lo che tih i hria lawm’ ka ti leh sup.

‘Min kalsan a tul tho alawm.Eeee,ka hriat danin nizanah Maria-i nen Party naah in kal tih ka lo hriaa’ a ti leh sap.

‘Khawi atangin nge i hriat ka hre lo nangin i hre dik.Mahse, engmah a thleng lo’

‘I awmdan hi a fair lo i ti ve em?” a ti leh nghat.

‘Engti zawngin?”

‘Kei leh Maria-i tan mawle’

‘Ka sawi kha…’ ka tawng laklawh laiin a ban avai zauh.

‘Ka hria,mahse ka ning tawh kha thil kha..’

‘Aih chuan min nei dawn tihna mi?”

‘Aw….’

‘Tak tak?”

‘Aw,I duh phawt chuan eng hunah pawh nise ka inpeih’ a ti leha.A aw dam thlapah chuan inrintawkna lang chiang ngang mai bawk.

‘Mahse engmah i ti lo ang,I rilru ka hria alawm.I laka ka thiltih zawng zawng kha phuba lakna turin min rawn hnaih leh tih hi…’ a ti leh a.Ka insangmar nghal tawlh tawlh thung.

‘Ni lo….’

‘Kal tawh rawh,I phuba hi lak a ni vek tawh.I hahdam thei ang’ a ti leh nghauh.A tho a,Kawngkhar lam a pana,kawngkhar a hawng nghal vek.Min rawn en a,chhuak tura min tih nan a  thle zauh bawk.

‘I ngaihdan ang hi engmah a ni lo’ ka ti hmuk.Thawh ka tum chuang lo.

‘Lemchan hi nang aiin ka thiam zawk tih i hriat kha,tum buai duh suh’ a ti leh nghat.

‘Anih chuan tunah pawh Ramdinsanga tan bawk maw?” ka ti hluk.Ka dingchhuak nghal bawk.

‘Tu tan mah,keima tan..’

‘A va lawmawm ve, chuvang chuan a mi Boom-a nen nuam chen tura i pan ruak ruaka?’ ka ti hmuk.A hnungtawlh deuh rawk,mahse a in control leh vat.

‘Chhuak rawh…’

‘Teuh lo..Ramdinsanga leh Boom-an duhtawka an chen hnu hi eng ang taka zei nge anih en ka duh tlat….’ Ngeiawm thei ang berin ka nui lui hawk bawk.

A che phat,kawngkhar bula Tala lian leng lawng inkhai a rawn thlawk phei fuaa,mahse engemaw tak a ti ang tih ka hriat lawk avangin ka thle zauha.Ka hnung bang a ri dawt bawk.

Chapter- 22

‘Chhuak rawh’ a ti leh that.A mitmeng ling hlar maiah chuan engmah pawisak a nei lo tih alang chiang ngang mai bawk.

‘Anih chuan ka sawi dik lutuka,tuar a har viau tihna mi?” ka ti leh nghut.

 Ka pan pheia,a che leh phat.A dinna hnaih ber thutthlenga Throw pillow a lakanga,a rawn vawm phei leh fua,ka thle leh zauh nangin min thawi thuak tho mai.A dang a la leha,mahse ka hnaihchilh titih avangin vawm loin min rawn vuaa,ka kutin ka indang nghal vat.Min rawn vuak leh tumin a insiamrema,mahse a kut ka man behsak a.Ka pawt hnai dawrh.A rak that,A kut lehlam a rawn pharchhuaka,ka hmaiah a rawn hama.A thip nghal zawk.

‘Duhtawk rawh’ ka ti sup.A kut pahnih ka hmerkawp saka.A thil ken a thlauh tap.Hnung lamah a ban pahnih ka herhsaka,ka ban lehlamin a kawngah ka kuaha,min si chetin ka pawt bet leh hmak.A tal leh laih,a kut anat lutuk hlauin ka thlah dul deuha,ka kuahna ka ti dul deuh bawk.Mahse ka thlahdul rual deuhthawin ka ngalah a rawn pet nghal chawrh.Min tlawh leha,a mitmeng a ruai maiah chuan enge a tih mek a hria pawn a lang lo.

‘A tawk’ ka ti leh hrawk.Mahse, engmah hre lo ang hmakin talchhuah tumin a tal laih laih tho.In lenhleih viau lo ila chuan ka vuan hneh kher lo ang tih ka hria.Tha tawpa tang,pawisak nei lo a ni bawka tha a nei ngang mai.Mahse, Mipa zawk leh lian zawk na na na chu thaah min hneh ngang lo.

‘Ka haw lutuk che’ a ti zuai raih.Talchhuah pawh tum buai tawh loin a din ngaiin a ding khawng lah bawk.

‘Ka thlah dawn che ania’ ka ti sup.A mitah tak ka en a,a khap sak sak.

‘Misual….’ A ti leh sap.A aw ria huatna lang chiang lutuk chuan min deng deuh dawt.

‘Min khawih tum tawh lo la,anih loh chuan Hmeichhiain kut min thlak hi ka ngaithei lo ania’ a sawi haiderin ka ti hmuk.

A kut ka vawnna ka thlaha,ka kalsawna.Ka bula thutthlengah ka thu thla nghal a,ani erawh a dinna ngaiah a dinga,a kut ka hmerna a tuai nauh nauha,enge a ngaihtuah ang ka hre lo.

‘Thu rawh,sawi dun tur kan ngahin ka hria’ ka ti nghut.

‘Aih,kal zawk rawh’ a ti sap.Mahse, a awah a zam tih ka hre thei.Engvang nge anih erawh ka hre lo.

‘Thu rawh..’ ka ti leh hmuk.Inleng zawk ka ni tih ka hria.Mahse, engkim sawitur awm apiang sawi vek ka duh.Inveh kual den den reng hi ka hne tawh.

‘I Staff ka ni tawh lo ania,bakah kan In anih hi’ a ti leh nghauh.Ka lo ngaihtuah lai mek anih avangin ka then suk.

Engmah sawi loin thutthleng lamah ka thle buk,muangchangin a rawn pheia,ka ep zawnga thutthleng awmah a rawn thu thlaa.Tlanchhiat inpeih at niawm takin a thu ngil auh bawk.

‘Ramdinsanga nen enge in plan leh tak ka hre lo,mahse i himna ka ngaipawimawh ka tih kha’ ka ti hmuk.Min rawn melh zawka,hnuai lam a en lehnghal vat.

‘Engmah plan kan nei lo’

‘Anih chuan engvangin nge Boom-a i hmuh thina? Ani nena sumdawn intawm intum tih sawi miah suh’ ka ti leh a.A kutah hmuhnawm a awm ta emaw tihmai turin a melh ngar mai.

‘I hre duh tak tak em?” Reife angawih hnuah a tichhuak ta chauh.

‘A vaiin…’

‘Zawhna ka zawt hmasa ang che’

‘Tha i tih dan dan…’ ka ti leh hmuk.

‘Engvangin nge Maria-i hi i kawp?” zawhna ngai bawk.Ka sawi tam tawh lutuk.

‘Angai bawk maw?’

‘Ni lo,kha chhanna ni lo chhanna dang ka duh’

‘Mipa ka ni a,nupui ka nei lo bawka.Ka kawp thiang,Mahse, tunah hi chuan nangma him nan’

‘I ngaihdan diktak a ni em?”

‘Aw…’ engemaw a hriat leh tak ni.Ka zawt a,mahse amah zawk bawkin zawhna chhan tur min pe leha.

‘Then rawh….’

‘Nangma chungchang ania sawi ka duh,Maria-i ni loin’ bung zetin ka ti hluk.

‘Keima chungchangah chuan Maria-i hi a pawimawh alawm’ a ti leh nghat.Ka hre thiam eih lo thung.

‘Maw? Ani nen enge inzawmna a neiha?” ka ti hmuk.

‘A vaiin..Engvanga min rawn hnaih leh nge i nih a engvanga min umzui nge i nih te hi khawi atangin nge ka hriat i rin?” a ti leh nghat.Hnuai lam en tawh loin min rawn en a.A mitmeng lian kelkawlah chuan thinrimna niawm tak alang thei bawk.

‘Ni lo,ani nen inzawmna a nei lo.Tul miah loah hnuhluh tel tum miah suh’ ka ti hmuk.Chhan ka tum a ni lo,engmah a hre lo tih ka hriat vanga sawi ka ni zawk.

‘Ka hnuk lut tel reng reng lo.Ka hnuh luh ngai loin amah hi a telsa zawk,hei hi alawm i hmuh theih loh thin.Tu nge  i tana tha ber i hre duh lo thina’ min demna niawm tak a awah a lang thei bawk.

‘Enge sawi i tum chiah? Pehhel loin sawi rawh’

‘Nuamti taka min nuih chunga nang mah nen kan chanchin a sawi lai khan thih daih ka chak,atthlak em emin ka induhtawkna chhiat vang ni loin min hnaih i duh tak tak vangah ka lo ngai hmana,mahse a lo ni si lo..’ a ti leh duah.Thil vei lianpui tla ta huai ang maiin a thaw hak bawk.A sawi tawp lamah khan tahchhuak aw niawm tak alang theia.Kei erawh a thusawiin min thawng lutuka,sawi leh maitur hre loin ka en ngur thung.A hmeltha zetah chuan dawtsawi hmel a pu lo,na tuar hmel chiang takin alang thei zawk.Mahse, he hmel pawisawi lo lutuk hian min lo bum tawh thina,tunah min bum leh lo ang tih a hriat loh.

‘Maria-i hi keimah min hum nana kawp i ni lo,I duh em em tih ka hria.Mahse, nangmah berin Game i khel duh anih chuan ka hnaih theih nan che ka khel ve mai.Mahse, a hmuhnawm loh thin,a bikin Khumah te….’ A ban a phar hliai..

‘Ni lo…’ ka tichhuak hrawih.Ka awih thei lo….

‘Ni e,engkim mai hi ka hmu a,ka hre bawk asin.Engtik lai mahin min ring ngai lo.Achhan chu maw min duh tawk loh vang a nimai.Mahse, pawi ka ti lo.Ka lo tihtawh ngaihtuah chuan rin nih hi ka phu lo hrim hrim.Ka dem hek lo che’ a ti leh a.

‘Anih chuan khang zawng zawng ka tih kha lemchan angin i lo ngai tihna maw? Ni lo,nangin lemchanga min bum vang ngawt khan lem ka chang ve tihna a ni lo’ ka ti hmuk.A nui sak,mahse a mitmeng vawt raih maiah chuan a nuih a za miah lo tih alang thei reng thung.

‘Anih chuan Maria-i i then thei si lo hi enge?” a ti khauh.

‘Ka sawi kha,I him nan…’ a nui leh hak.

‘Sawi tawh suh,I tana Hmeichhe awmchhun a ni tih ka hria alawm.Nang ai chuan ka fing lo hle chungin ka hmuthiam ve ania’ a ti hlak.

‘Ramdinsanga tana i thawh ang bawk hi min thawhsaka,mahse ani chuan ka hmang tangkai tih a hre lo thunga. I hrethiam em”

‘Tehkhin suh,kei chu ka duh hauh loh thilah ka tal awka.Nang erawh chuan hmana ka tih ang bawk kha ani nen inti ve thunga,mahse ka lo inven theih nan Maria-in min hrilh fing ta hlauha ’ a ti leh a.

‘Eng maw a hrilh che?” ka ti hluk.

‘A vaiin..’

‘Engmah sawitur a nei lo.Ka hmang tih a hre lo ka tih kha’

‘Anih chuan engvangin nge in awmdun lai thlalak engkim ka hmuh tura a rawn thawn thin?” a ti leh khauh.Hei pawh thilthar bawk.

‘Chu zawng ka hre lo,mahse ka tihtir a ni lo’

‘Ha,ka awih i ring a mi? I thiltum engkim ka hriat hnu phei chuan i chetdan ka ngaihtuaha,a sawi dik tih ka chiang.Kei leh Ramdinsanga nen tehkhin chi a ni lo’ a ti leh hmak.

‘A hma khan Aruata bum nan khatiang ang kha in lantir i ti a,engmah tihluihna a awm lo a,I duhthu ngeia ti i ni bawka.Mahse,I sawi ang kha a lo ni na nge?” chang zetin ka ti hmuk.

‘A hriat kha a dik,mahse ka lakah i tha em em a,I chunga a chhe zawnga chet harsa ka ti tial tiala.Kha bak kha kawng ka nei lo.Chuan,I luhlul na khan thudik hmu thei lo khawpin i mit a tidela,ka sawi bakah khan enge buaina ka neih hriat i tum ngai hleinem’ a ti leh halh.A sawi dik mahna.Ngaihven lo tawp ka ni hauh lo,chhui pawh ka chhui zuitir ngei,mahse phuba lak bak ka ngaihtuah lo.

‘Awmzia a awm lo’ ka ti hmuk.A thle bak,min en ran bawk.

‘Ramdinsanga hian min hmangtangkai ngei,mahse ka hna ai chuan i himna ka ngaipawimawh zawk’

‘Wow.A va ropui leh si ve’ tiel zetin ka ti sup.

‘Nia,ropui’

‘Anih chuan kalsan ta che,enge i la hlauha?”

‘Ka kalsan tawh.Inzawmna kan nei tawh lo’ a ti leh nghauh.

‘Anih chuan Boom-a kha nangma tan liau liau i lo beisei tihna maw?” ka ti leh hmuk.

‘Boom-a ,ni dawn tak.Mahse, I rin ang a ni lo leh pek.Kan sawi ta sa sa,sawi vek ang.Boom-a ka hmuh thin chhan i hre duh maw? Boom-a te nupa tan hian fa ka lo hrinsak tawh asin.Anni hi anni tih erawh tunhnaia ka hriat chauh a ni thung.He thil avang hian Ramdinsanga khan min thunun tlat bawka.Mahse, tunah chuan ka peih tawh lo.I hriat hlau reng renga nun hman lah awmzia a awm lo tih ka chiang tawh.Vantlang laka hminghliau te pawh ka hlau tel ve bawka.Mahse, awmzia engmah a lo awm lo.Ka theihtawp ka chhuah chung pawn Miin Patil angin min ngai thei hrama,min ngaih ang ngeiin Nupui te pawh ka la nei zawk maithei’  a ti leh duah.A nui leh sak bawk.A hmaa min hrilh te khan min thawng tawk tawh hle chungin tuna mi phei chuan min thawng na tih piahlam a ni ringawt..Sawitur hre loin ka en tlawk tlawk.

‘Hmanah ka sawi tawh kha,ka chanchin i hriat belh hunah chuan min ten lutuk ang ka tih kha.Mahse, engkim hi chhan nei vek a ni thung’ a ti leh sap.

‘Ni lo…’ ka ti sup.Sawi maitur ka hre hlawl lo.

‘Kal rawh,khawngaihin.Engmah sawi duntur kan nei tawh lo.Mahse, I hriat tur chu hmana ka tih bak kha i tana chhiatna tur zawngin ke ka pen leh tawh ngai lo.Ka damchhungin ka pen nawn tawh bawk lo vang.Thu ka tiam ngai lo ka tih kha,mahse hei hi chu ka tiam ang che.Rilru nuam takin lo awm tawh rawh.Engmah i tana pawitur ka ti lo vang’ amah bawkin a ti leh duah.Tunah chuan hmeichhe puitling leh induhtawk tak ang chiahin alanga,a hmelah engmah angaihtuahna alang chhuak hek lo.Kha lehchen ka chhui a,mahse engmah ka hre si lo.Engvang nge? Fing ka lo inti thina,mahse ka fin loh zia ka hrechiang lutuk tawh.Sumdawnnaah bak ka thluak hi hman tlak a lo ni lo….

‘Tunah engvangin nge i sawi a? ahma khan engkim min hrilh thei lo tihna mi?” ka tichhuak hrawih.

‘Thei lo,mihring ka nih ve tlat avangin mualpho ka hlau ve ka tih kha.Nulat laia mi fa paisaka lo inhlawh kha thil nuam anih lohzia i hrethiam lo ang.Chuan,Aruata kha engvanga thi nge anih i rin?”

‘Aruata’ ka tinawn ve sup.

‘Inhmuh intum zan khan engkim tuna ka sawi zawng zawng hi ka hrilh vek.Thildang pawh a hre nual,chu erawh ka buaina a ni lo.Khami zan khan keimah nen kan inhmua,Diktak chuan bul kan tan leh dawn ni a ka hriat avangin engkim hrilh tur chein ka ti a.Eng lo,atthlak zetin ka lo ring hman che ka tih kha.Mahse,mahni chanchin sawi kha ka zak ve a’ a thle bak.A then leh sak bawk.

‘I hmu maw?” ka ti leh sup.

‘Aw,mahse i rin ang kha a ni lo ania.Ka that lo,kan inhmuh hnuah nangmah hmutur chein a lo kal dawn tih a sawia.Mahse, ka hriat leh hmasakber chu a ruang an chhar tih kha ania,ka ngaihtuah duh ngai lo nangin tunhnaia i chet duhdan atang hian nangmah i nih ka ring ta hial’ a ti leh sak sak.Engkim mai rilru fim taka sawi a ni tih ahmel thutak ran maiah chuan a lang reng.

‘Lawk,sawifiah ka tum lo.Mahse,ka tana Aruata tangkai zia i hria’ ka ti nghut.

‘Um,dik chiah.Mahse, nang hi chuan i tana tangkai ber i hai fo tlata’ a ti leh salh.

‘Ka hai hauh lo,ka thil duh pawh enge anih ka chiang lutuk tlat’

‘Ok,a tha alawm.Keipawn enge i duh ka hria’

‘I hre hauh lo,hria ni la chuan ka nat i duh lo ang’ ka ti leh nghut.

‘Ka tina che maw?” a mengphar deuh awk bawk.

‘Aw…Min tichhe vek bawka’ ka ti leh sup.

‘A tlai tawh,tunah chuan i nunah midang pawimawh zawk an awm tawh.A hmangaih che niin ka hria.I tana thaber a ni bawka’ a ti leh a.Pangngai taka sawi tum viau mah se a aw a khur tih ka hre thei tho.

‘A tlai lo…’ ka ti nghut.Ka thochhuak nghal bawk.

‘A tawp vek tawh,ka natna pawh tunah chuan tuar dan ka thiam tawh’ nghet charhin a ti a.A aw a dam thlap bawk.Tihluih chi a ni lo tih ka hria.

‘Tun bak hi engmah ka ngen tawh che ka ring lo.Ka hmuh leh che pawh ka beisei hek lo.Khawngaihin, chhuak rawh’ amah bawkin a ti leh nghat.

‘Ka kal ang,mahse engkim siamtha turin ka lo let leh ang’ ka ti sup.Ka tho a, Kawngkhar lam ka pana,engmah sawi loin ka chhuak lai min thlir mawl tawp thung.

Ka Phone nghawr datah ka phu nghek,ka phone ka phawrhchhuaka,ka en a.Maria-i msg a lo ni a,Open loin ka thutna piaha Thutthlengah ka thehphei nghal daih bawk.Tluangpuii sawi kha a dik anih chuan Maria-i hian engkim a lo hreru vek tihna a ni a.Mahse.Tluangpuii nen inhre awm pawn an awm ngai lawi si lo.Lesbian anih thu leh a Cousin nen an inkawp thin tih kha a sawi ngeia,sawi satliah ni loin tum nei ranin a lo sawi tihna a ni ngei ang.Mahse, engvang nge?Zawhna hlir..

Aruata kha tu thah nge a sawi lo,mahse engemaw hriat a neih vanga that anni tih chu a chiang reng tawh.Rocky khan engmah a ken an hmu lo tih sawi mah se khami zan khan ken chu a nei  tih a chiang vek.A thil hriat a sawichhuah loh nana that anni tih lah achiang vek tawh.

‘Boom-a te nupa tan fa ka hrinsak’ ka bengah a rawn ri nawn leha.Awlsam taka sawi tum mah se a sawi lai khan a hmelah sawi harsa a tihzia alang thei vek thung.Engtiang taka harsain nge nun hi a lo fight ve ka hre lo.Mahse, a thiltih ka ngaihtuah a,a kawng a awlsam bik lo tih a chiang vek.Mahse, tunah chuan engkim a theihnghilh vek nan ka theihtawp ka chhuah ang,ka pek theih zawng zawng ka pe ang.Ka Hmangaihna pawh..A pawm hma chuan a pawm ngei theih nan ka umzui dawn tih lah ka chiang em em bawk.

Sana ka en a,zing dar 3 a pel tawh.Ka mut a la chhuak eih lo thung.Ka tho a,ka Macbook ka on a.Ka thil neih leh SX bika ka sumdawnna chetkual dan ka en a.Ka bul tanna hi mitan chuan sum  thianghlim tih ahar ang,mahse ka tan chuan ka thawhrimna rahchhuah tho a ni a,ka ngaihlu lo thei lo.Hotel leh Showroom anga midangin Account an khawih chet theihin ka dah lo.Keiman ka buaipui vek.Hotel ka siam dawn khan hmunthuma thena hmun hnih ka hmanga, Loan ka puk belh bawk.Sammy hnen atanga sumdawnna ka lakchhawn dawn erawh kha chuan avaiin Loan vek a ni thung.SX sum engmah ka khawih tel lo hrim hrim.Ka nu leh ka farnu pual liau liaua ka dah a ni a.Engemaw thleng palh pawh lo awm se ka nu leh ka farnu hminga dah vek a ni a.Ka ukil bakin tuman an hre hek lo.Ka ukil nen kan sawidun reng rengin SX tih kan sawi ngai lo.A vaiin BLUE DOCUMENT tih vekin kan sawi thin bawk.

Ka mu ta miah lo,ka tihfel theih zawng zawng ka tifel vek.Ka tihtur engkim ka ruanhman felsa vek bawk.

‘Hello…’  phone a pick veleh zangkhai zetin Maria-in a rawn ti a.

‘Vawiin dar engzat thleng nge duty i neih?” ka ti nghal nghut.

‘Dar 2..Ngatinge?” a rawn ti nghal zat.

‘Hmuh che ka duh’

‘Min ngai chiang,tak takin ka lo kal ang’ a sawi zawh rualin a nui ar ar bawk.Ka ner nawk thung.

‘Ok,a tha lawm.Ka lo nghak ang che’ pangngai thei ang berin ka ti sup.Tluangpuii hnena a tih zawng zawng kha chhanna tha tawktak min pek ngei ngei angai.

Dar thum rik hma hretin a rawn thlenga,a rawn nui lut var var.

‘Thil i ei tawh em?”  ka ti a.A bu nghat.Ka tho a,a thutna bulah ka thu thla vea,min rawn ngheng deuh titih.

‘I van serious em em.A pawimawh bawk aniang maw?’ a ti a.A nui zui ar ar bawk.Za miah loin ka then ve suk.

‘Tluangpuii i hria em?” ka sawi zawh rualin rang zetin min rawn en vat.

‘Tu Tluangpuii?” a ti a.A thu mar nghal bawk.

‘I cousin nena inkawp i tih kha’

‘Eee,kha kha maw? Hria,ti’nge?”

‘Eng chen nge i hriat?” ka ti leh nghut.

‘Engti zawngin? I sawi awmzia ka man lo’ a ti leh a.Pangngai taksa sawi angin alanga,mahse a hmel buai nak kha ka hmuh hmaih hauh lo.

‘Eng zawng pawhin..’ ka ti leh hmuk.

‘I bialnu hlui a ni tih sawise min tih chuan i bialnu hlui a ni tih ka hria’ a ti hmak.

‘Anih chuan  engvangin nge i hmu tih min hrilh loh?” ka ti leh hluk.

‘Ka hmu maw? Teuh lo,chutiang khawpa mize hniam ka ni lo’ a ti nghat.

‘Phuba laknan ka kawp leh tih hrilhtur khan enge dikna i neih?” a sawi ka haider hmiah.

‘Dikna maw? I bialnu ka nih hi’

‘Nia,bialnu.Nupui ni loin,ka bialnu mai chauh i ni tih i hriat chuan khatiang thu lawilo mai mai lo hrilhtur i ni lo’ ka ti leh hluk.

‘Enge a awmzia? Enge thlenga?” mangan hmel zetin a ti hap.

‘Tluangpuii lo hmu tawh suh’ ka ti leha.Ka tho nghal vut bawk.

‘Aih,engmah thil awmzia ka hre lo.Enge ani nen inzawmna inneih a?” a ti that.

‘Ka nupui tur…’

‘Maw?” a ti leh that.

‘Nangnen kan inkar a tawp tawh’ ka ti leh hmuk.

‘Ni lo,a fair lo.Hetiang i ti thei lo’ a ti leh that.

‘Tluangpuii hnena i duh duh i sawi hma khan ngaihtuah hmasatur i nia sin’ ka ti leh a.A hmeltha zet danglap chu ka ena,khawngaihna pakhatmah ka nei lo.

‘Enge ka ngaihtuah ang? Vawi tamtak Tluangpuii hming lam chungin min kuaha,ka natzia i hria em?” a ti leh that.

‘Chutiang ka ti hauh lo’ ka ti hmuk.

‘I ti,I ruih apiangin Tluangpuii emaw min ti a,ka hne tawh lutuk’ a ti leh chiam.

‘Athat hlauh chu.Tha taka inthen ka duh,Puitling ve ve kan ni a,engkim a tawp tih kan hrethiam ang chu’ ka ti leh a.Ka aw a ring lo,ka vin hek lo.

‘Ni lo…’ a tap zui hlap hlap.Mahse, ka engahmah a thawk lo,Tluangpuii hnena thudik lo a hrilh laia Tluangpuii awmdantur ka ngaihtuaha,ka thinrim ala reh lo.

‘Ka drop ang che’ reife hnuah ka ti sup.

‘Angai lo….’ A ti hmak,Ka rinlawk anih avangin mak ka ti chuang lo.A induhtawkna vang pawn a duh dawn lo hrim hrim.

A kal hnuah Tukverh bulah ka dinga, ka hnuai lam kawng ka thlir thlaa,Motor an lo khat leh thup tawh.Hmuhnawm thar ta riauin ka hre tlat pek.Tluangpuii hmel ka mitthlaah a lo lang lehnghal zat,kan inkawp lai khan a der loin a nui thina,a rilru a hah zual changin ka bulah a tap mai zel bawk.Mahse, khang zawng zawng kha lemchan angin a lantir leha,ka huat theihna turin.A tum ang ngeiin ka haw ta ngei,mahse ka huat em em lai pawh khan ka ngaia,ka mamawh zia ka chhungril hian a hre chiang,min tihchhiat tumtu tiin ka ngaihtuah lui ngar ngar thin kha ania.Mahse,ani pawn na a lo ti ve a,ka himna turin min kalsan bawka…Tunah chuan tuman an tina leh tawh ngai lo vang.

Dar 6 velah Hotel atangin ka chhuaka,inah ka hawa,ka inbual a.Chaw ka ei leha,a hnuah Tluangpuii te ina kal turin ka inkhalh chhuak lehnghala.Lawm tak chuan min lo dawngsawng dawn hauh lo tih ka hria.Mahse, chu vang ngawtin kal loh ka tum phah chuang eih lo.

Ka kal pahin call ka tum zeta,a pick duh ka rin loh avangin ka call leh ta lo.A kalchhuak anih pawhin a haw hman tawh ka ring ve ngawt.Mahse an In ka thlenina  lo in kalh thap.Veranda thimlai deuhah ka dinga,a lo haw hun nghah mai loh chu tihtur a awm lo.

Darkar chanve vel ka nghah hnuah Step ah pen ri a rawn ri thla dat data,an thenawmte nen Step intawm annih avangin Tluangpuii nge midang zawk ka hre lo.Ka dinna ngaiah ka ding a,a lo lan hun ka nghaka,a rawn hnai zela.A rawn langa,Tluangpuii ngei a lo ni a.

Ka pen chhuaka,mahse a hnunga rawn lang ka hmuh rualin ka ding leh chawt.Ramdinsanga…Khang zawng zawng ka hriat hnuah kha chuan ka beisei loh zia chu pui tak a ni!!!

Chapter- 23

Ka ding chawt,ka dinna lai a thim deuh avangin min hmu ve lo thung.Ka insehruh nghal teuh bawk.Ka pen leh dawn chiah tihin ka beisei loh lutukin Ramdinsanga’n Tluangpuii a phih her sawk.

‘Min khawih miah suh’ Tluangpuii’n a ti chang fak.A aw ring lo mah se nawrluih chi a ni lo tih mi a nileng lo tan chuan hai theih  a ni lo.Ka rin angin an rawn inzui haw lo anih hmel ta tlat.

‘Phone i pick duh lo a,hre rawh.Lo nghah che hi ka tihtur a ni lo,hetianga i awm zel dawn anih chuan i nuih a za lo hle ang’ a ti leh khur khur.

‘I duh duh tirawh’ a ti hmak.A kut thinthlak tumin a che nghal bawk.Mahse, a phih leh deuh nawk.Ka insum thei tawh lo.

‘Thlah rawh’ ka ti hmuk,ka aw an hriat rualin an rawi hawi rual thawt.Muangchangin ka penchhuaka,kut ka thlak mai loh nan ka kekawr ipte ka zen tlat bawk.

‘Nang maw?” Ramdinsanga zawkin a ti hmuk.Tluangpuii ka en a,a hmelah min beisei lo tih a chiang.Ramdinsanga ka en leha.Tluangpuii a vawnna a la thlah lo.

‘Thlah rawh’ ka ti nawn leh sup.Mahse, ka sawi hre lo ang hmakin a awm thung.

‘I sawi vangin maw? Teuh lo,lo tel ve miah suh,kan pahnih inkar anih hi’ a ti hmuk.

‘Ka bialnu leh ka nupuitur anih avangin ka phalna tello chuan mipa dangin an khawih ka remti lo.A chiang em?” ka ti leh nghut.Tluangpuii ka en a,mak tih hmel lutukin min lo en reng.Ka nui suk.

‘Nupui..Huh,Maria-i engtin nge?”

‘I lo nei mai ang chu,I bialnu hlui a ni tho bawka.Chuan,a tawp nan ka sawi nawn leh ang,thlah rawh’ ka ti leh hmuk.Ka pan hnai nghal zat bawk.Ka hnaih lehzual takah chuan a zu in rimin ka hnar a verh nghal zak.

‘Teuh lo,he nu hian ka laka a ba a rulh theih hma chuan ka ta a ni tlat.Ka bungrua ka tihna anih chu’ a sawi zawh rualin ngeiawm zetin a nui nghek bawk.

‘Zurui nena buaina neih ka duh lo,thlah rawh’

‘I Lalber lo aw’

Engmah ka sawi lo,ka kut a phe vuaia,a ri nghal chawrh bawk.A pai dawrha,Tluangpuii a vawnna a thlaha.Tluk erawh a tlu em lo.Tluangpuii ka kaia,ka hnungah ka dintira.Ramdinsanga ka pan hnai leh nghal a.A rawn ding mara,a mitmeng sen rum maiah chuan tualthah pawh hre lo a ni tih alang chiang ngang mai bawk.Ani ngei hian Aruata pawh kha a that ang tih ka ring nghet nghal thlap.

‘Kut min thlak maw?’ a ti hmuk.

‘Aw,I duh phawt chuan min ti let thei.Mahse, I ngam lo vang,engmah nei lo ka nih lai pawh khan i pa hausakna vangin min hnuaichhiah thei mah la min tluk ngai loh kha’ ka ti leh salh.

‘I chapo hle mai’ a ti hmuk.Mahse,min khawih let tum angin a awm chuang lo,mi hnung lama beih ching anih tlat avangin hmaichhanah chuan eng ang pawn thinrim se a huaisen tawk zo lo tih ka chiang.

‘Kal rawh,engzat nge a bat min rawn hrilh dawn nia.A vaiin ka pe ang che’ ka ti hmuk.Khawih nawn ka tum tawh bik lo,kan thawm ana lutuk anih chuan an thenawm khawnvengte laka Tluangpuii hmingchhiat dantur ka hai hek lo.

‘Tunah i sawi zawk dawn nge?” ka ti leh hmuk.Min rawn en a,a hnar a tuai zauh.

‘I rul zo thei lo ang’

‘Aaah,nikhata ka hmanral zat pawh a ni nang.Chuan,vawikhat pawh a bulah ka hmu leh che anih chuan a pawi ang’ ka ti leh nghut.A chil a chhak thawt.Ka engahmah a kal chuang lo,a tihtheih tawk a tiah ka ngai mai.

‘A tha lawm,mahse a ba hi pawisa a ni lo aw’

‘Anih phei chuan a tha ting animai.Chuan,ropui viauah inngai suh.I hriat zawng zawng aia tam kha ka hria.I Future i ngai pawimawh anih chuan i ngawih mai a tha’ ka ti leh hluk.A beisei loh lam ka sawi a ni ngei ang,a ner nghal nawk mai.

Ka inhera,Tluangpuii hlauhlawpa lo ding ngawi reng chu ka en a,nichin kha chuan Ramdinsanga kha hlau hmel a pu lo,mahse tunah chuan hlauh nei niawm takin a ti dak thung.A ban rekah ka vuana,ka nui lui suk.

‘Lut la,ka lo veng ang che’ ka ti sup.Min hnial tum niawm takin a ang ziaua,mahse a chip lehnghal daih.A bag a zen leha,Chahbi a phawrha,Kawngkhar hawn tumin kawngkhar apana.Ka inher ve thung.

‘Zo,lut ang’ Tluangpuii’n a ti sap.

‘Um,thilsawipui lawktur ka la nei.Ka lo lut ang,I khar nghal dawn nia’ hawilet chuang loin ka ti hmuk.Ramdinsanga lak atangin ka mit ka lasawn eih lo.

Tluangpuii luh fel hnuah Ramdinsanga ka pan hnai leha,a hmel khup zul mai chu ka ten hluah hluah.Hnunglam atanga min bei mai pawh ni lo,aman ti duh loin midang ala hmang tangkai zui kha mak ka lo ti kha ania.A nep zia ka hmuhchian takah hi chuan a tihawm tawk lek anih zia ka chiang ta lutuk mah mah.Ka pan hnaia,a tawlh hrut.Nep lutuk,mipa emaw ka lo ti thina,a lo ni lo tawp.Tuna ka tih ang khan mi tu emawin min tita se ka thih hma chu ka bei let ang tih ka chiang.

‘Ka hrilh nawn leh ang che.Khang thil,Tluangpuii tana mualphona tur anih avanga a duh lo chung i nawr kal thinna kha ka hriaa,engahmah ka ngai lo.Ka nupui a ni thuai tawh dawna,engpawh ti la amah ni loin keimah nen zawk kan inbei zel tawh ang’ ka ti leh a.

‘A tha alawm,ka duhtawk dawn lo’ a ti hmuk.A lo huaisen leh ta deuh anih hmel.

‘Tha lutuk,I tlawm mai anih chuan a nuam nang’ ka mit ka siai zauh.

‘I lo inring dawn nia’ a ti leh hluk.

‘Lutuk,mahse Gold lam kha chu duhtawk la.Anih loh chuan  ka sawichhuak chak viau ania’ ka ti leh zauh.Rang lutukin a rawn hawi nghal vat.

‘Maw? Eng maw i sawi?”a ti tham tuak.

‘Mangtha le,I lo inbuatsaih nasat viau angai ang.Chuan,hnung lam atang ni lo.In hma chhawnin aw’ ka ti leh a.Ka ban ka vai zauh,ka inhera.Kawngkhar lam ka pan nghal a.Mahse, a mitmeng chiai lutuk kha ka hmu hman tho.

Kawngkhar ka hawnga,ka beisei loh lutukin kawngka bul maiah Tluangpuii a lo dinga,a bag pawh engmah ala dah lo.

‘A kal tawh’ ka ti sup.Min chhang loin a bu nghat ringawt.

Ka hawileta,Kawngkhar ka kalha.Ka beisei loh lutukin ka hnung lam atangin ka kawngah a rawn kuaha,ka hnungah a hmai a rawn phum nghal zat.Ka ding khawng luh mai.

‘Ka lawm e aw’ a ti sap.A kut ka laksawn saka,ka inhera.Min en ngam lo niawm takin hnuailam a bih ngar mai.

A khabeah ka dawma,min en thei turin ka kuaidak nghala.A biang a sen tan mai.

‘Kalsan hlen i duh em?” ka ti sup.

‘Aw,mahse a harsat zia chu i hmuh tawh kha’ a ti sep.

‘Um,mahse a tibuai leh tawh lo vang che.Chuan,I bulah ka awm reng tawh dawn bawka’ ka ti leh sup.

‘Mahse,Maria-i….’

‘A tawp tawh..’ rang zetin ka ti vut.

‘Maw?!!” a ti sap.

‘A tawp tawh,khatiang kha a tirah hria ila chuan vawiinah ni lo kan inzawm leh ni khan a tawp nghal tur ania’ ka ti sup.Ka ti tak tak bawk.

‘I hriatpui emaw ka ti a…’

‘Hria ila khatiang kha i chungah ka thlentir duh i ring tihna mi?” ka ti sup.

‘Ka hre lo,achang chuan min duh tak tak niin ka hre fo va,mahse ka nihna leh thil thleng tawh ka ngaihtuaha…’ a sawi laklawh laiin a hmuiah ka kutzungtang ka daha,a tawp chat.

‘Ka duh tak tak mai che ni loin khang thil tenawm em em ka chunga i thlentir lai atang khan ka Hmangaih tawh che’ ka tita thlawt.

‘Zo….’ A ti halh mai.Ka pawt hnaia,a bag ka lakthlak saka.Thutthleng hnai berah ka thehphei nghal daih.

‘Ka Hmangaih che ka ti anih chu..’ ka ti nawn leh sup.

‘Mahse….’ Sawizawm loin a ngawi leh rih.Ka nghak thei lo,alakah hian tlawm nih ka hreh tawh hek lo.

‘Min nei rawh…’

‘Maw?” a awah mak tihna a lang theia.A hmelah pawh awih lohna niawm tak a lang thei bawk.Ka sawi a hriatchian loh vanga min zawt a ni lo tih lah ka chiang.

‘Min nei rawh..Tunah emaw karlehah pawh nise a pawi lo.Min nei rawh ’ ka ti nawn leh sup..Min chhang loin ka nghawngah a ban pahnihin a rawn kuaha,ka pawmkang nawlh.Ka kawngah a rawn kherh beta,ka darah a hmai a rawn phum zui zat.

‘I ti tak tak tiraw?” a ti tiau.A aw a tham chal bawk.

‘Um..Min nei dawn nge dawn lo?”

‘I duh phawt chuan….’ A tah nuiha.Ka nui ve hawk.

Ka kalpuia,thutthlengah ka thutthlak pui a.Ka darah a hmai a phum kak thung.

‘A vai khan i theihnghilh thei tak tak ang maw?’ reife kan ngawih hnuah a tichhuak sap.Ka kawr hma a sik niap niap bawk.

‘Um…’ ka ti sup.Ka khabe ruh a rawn khawih nghal dan dan mai.

‘Hrehawm ka tih thin zia kha i hrethiam ngai lo ang’ a ti leh sap.

‘Sawi duh suh,engkim a bul atang vekin alawm kan tan dawn’

‘Mahse, a harsat zia kha ka ngaihtuah lo thei lo.Ka kalsan lo che anih chuan tih lehtur min tuk kha a rapthlak lutuk.Chu vangin dawt ka hrilh che angaia,ni lo.Dawt a ni lo,Ramdinsanga khan i hnenah ka thawk tih a hriat rualin min rawn zawng chhuaka,mimal thil engmah a awm lo.Ka chanchin engkim a hre vek tih a sawia.Fiahna a nei bawka.Ka nuin na a tihtur zia ka ngaihtuah khan a duh anga tih mai loh kha kawng ka nei lo tih ka hria.Mahse,ka inveng hle chungin ka duhna che kha Control theih a ni tawh lo’ a ti leh a.A sawi zawh rualin a thaw halh bawk.

‘Engtik atangin nge Ramdinsanga i hriat tan?”  ka ti sup.

‘A rei tawh mai,ka pa Boral hnuah buaina namen lo kan tawka,ka thian pakhatin ka harsatna hriain mi fa paisak mai turin min ti a.Ka duh lo,mahse talchhuah ngaihna a awm lo.Chu mi chungchang chu Ramdinsanga hian a hriaa.Ka sawi awmzia chu Ramdinsanga leh ka thiannu kha an lo in ngaizawnga,engkim thuruk ni a ka ngaih kha a lo hrilh vek a’a ti leh duah.

‘Chuan a blackmail ta che a’ ka ti hmuk.

‘Um,duh lo eng ang mah ila ka nu enkawl angaia,ka nau lah School a kala,ka u in a rem rem thawkin min chawma,mahse kan in kan chan leh tak avang khan duhthlang thei ka ni tawh lo.Ka paisak ta nge nge a.An mahni ka hre  miah lo thung,amak asin.Pawisa ka dawntur an tih atangin a chanve chiah ka dawnga,ka thiannu lah mak zetin a thi leh a.Mahse,ka zirlai ka zir zo thei a.Ka pawisa hmuh kha ka nu enkawl nan ka hmanga,a bang zawng kha Sumo loan a kan laktur buaipui nan kan hmang leh bawka.Mahse, ka u a thi leh a…Ka khawvel hi a ho vek,ka chetbuai denchhenin Ramdinsanga a rawn lang ta chata,enge ka tih dawn ka hre tawh lo.Ka loan vawmhlum nan ka hlawh a tawk lo,chu mai bakah mualpho kha ka hlau ve a’ a ti leh a.Engmah sawi loin ka awmah a lu ka kuah beta,a samah ka fawp vang vang.Engtin nge a tuarchhuah theih zawk ka hre lo.

‘Chuan maw…’ a ti leh a.

‘Shhh….A vaiin theihnghilh tawh rawh,I tuarna zawng zawng rulh let na tur ka pe ang che.I duh zawng zawng i nei vek ang’ ka ti sup.

‘Party naa Maria-i nen in lam dun kha..Ka a dawn emaw ka ti a’ a ti leh halh.

‘Sorry…Engmah ka hriat loh vangin tihnat let che ka duh anih kha,mahse engmah a thleng lo.Nangmah lo chuan phurna min pe thei lo’ ka ti dam thluam.A insut nghal hraih.

‘Ka haw hluah hluah che’ a ti leh hlak.

‘Tunah pawh maw?” ka chhaih chak lutuk.

‘Aw,tunah pawh tlemin..I hma i sial si,I chapo si’ a ti leh hmak.

‘Anih chuan min nei leh duh lo tihna mi?” ka nui a.

‘Maithei…I sual viau chuan’

Chhang loin ka din chhuah puia,a nui hak.Tlak hlau in ka nghawngah a rawn kuaha.Room lam ka panpui nghal zat.Kawngkhar ka darin ka nek hawnga,Khum lam ka panpui nghala.Khumah ka nghata,ka bawhbet zui nghal hmak.Min hnial eih lo bawk.Ka nghawngah a rawn kuah leh chial.

‘Min neih loh han tum chhin la,enge thleng i hre mai ang’ ka ti chhuak sup.

‘Min sual dawn tihna mi?”

‘A tul phawt chuan….’ Ka kun hniama,a khabeah ka fawp nghal dun dun bawk. A thaw halh mai,a hmui nem leh fawh nuam zet ka zuk si de de a.Mahse, amah zawk a rawn inpawt kang titiha,min rawn fawp let nghal zat.Ka nawr kaua,ka lei ka rawlh luta,a chik that.Ka kawngah amal pahnihin a rawn kherha, ka samah nghet zetin a tham bawk.

A kawr ka nemchho a,a bra ka pawt hlim pawp,a hnute ka hum ngal chat.A mar deuh awk bawk.Ka hmui ka phawia,ka tawlh hniama,a hnute hmur ka hmuam nghal chat.Ka sam a tham nghet zual sauh thung.

Engmah ka ngaihtuah thei lo.A kekawr kawng kilhna ka phelhsaka,ka phihthlaa,a pheikhawk hniam bun ka phelhsak nghal bawk.A kekawr ka thensawn nghal daih.Ka kawr ka phelha,ka kekawr ka phelhtur min rawn pui ve  vat.Tiang em em hian chakna vangin ka la danglam ngai lo..

A mal ka nawr kaua,ka tla zep leha.Ka kawngah a rawn kherh lehnghal chial.A hmuiah ka fawp leh chat,ka kut lehlamin a luah ka vuana,lehlamin a mal kar ka zen a,a khur dar dar tih ka hrethei.A point dimtein ka khawihsaka,a thaw nghal halha.Ka kut ka tihchet takah chuan ka hnungah a rawn tham nghal nghek.

‘Zo….’  Zawitein a ti sep.

‘Um..’

Ka thiltihlai ka tawpsan chuang lo.’Zo..Tawp teh’ a ti leh a.A hma aiin a aw a ring ta deuh.

‘Maw?” ka ti sup.

‘Tawp ang’

‘Aih…’

‘Ni lo,tawp ang’

‘Ka nei dawn che ka tih kha..’ ka ti leh sup.Ka kun hniama,a hnute hmur nalh zet ka liak nghal zat.A mar lehnghal awk.

‘Tawp rawh,ka la Virgin ania’ a ti leh a.A aw a khur titih bawk.

Tihluih ka tum lo,a awmah ka hmai ka phuma,chakna nasa lutuk thunun tumin ka mit ka chhing vang vang bawk.Ti lui dawn ila chuan ka ti lui thei ngei ang,mahse tihluih tul ka ti lo.

Ka kut a laa, dulah min khawihtira,tlemin a pawng deuh tih ka hre thei.

‘Min zaina anih kha’ a ti sap.

‘Maw? Ngatinge?”

‘Nau ka pai khan neih pangngaia nei lo turin kan inrema.Ka sawi awmzia chu zai chhuah a nia.Ni lo se ka Virgin ka ti dawn mi?’ a nui hak.

‘Engpawh nise ka ngaipawimawh lo’ ka ti sup thung.

‘Anih chuan midang lo mutpui tawh pawh ni ila pawi i ti lo ang tihna maw?” a ti halh.

‘Pawi ka ti ang,mahse ka awm ve hma chuan engpawh lo ti la ka awm hma alawm’

‘Anih chuan hmasaber nih kha hlu i ti lo tihna mi?”

‘Ka ngaihlu lutuk,ka sawi tum zawk chu i lo virgin lo anih pawhin pawi ti mah ila pawi ka ti lo thei,keipawh mifel ka ni bik lo.Mahse, a hnuhnungber leh atawp thlenga neitu nih erawh ka duh’ ka ti leh nghut.A che thut,min rawn bawh a.Ka hmui a rawn khawiha.

‘Hei vang hi alawm ka Hmangaih che’ a ti sap.

‘Sawi nawn teh’

‘Eng?”

‘I sawi zawh chiah kha’

‘Ka Hmangaih che ka tih kha maw?”

‘Aw…’

‘ZOSANGKIM,ka hmangaih che.Thil dang zawng zawng aiin ka Hmangaih che’

‘Nang aia nasain..’

Hlimna hi sumah a innghat emaw ka lo ti thin,ka retheih lai ai chuan sum ka neih hnuah nun a awlsam zawk ngeia,hlim pawh ka hlim.Mahse, Tluangpuii ka nun atanga a kalbo ni khan Sum aiin a pawimawh zawk zia ka hre chiang tawha,Tunah chuan thlah leh ka tum tawh lo..Hlimna chu tuna ka awm dan hi a ni chiang.Eng anga sum tam pawn a lei zo hek lo.

Engkim a fel ta duak.Tluangpuii pute hnenah Palai ka nuin a tira,kan beisei lawk ang ngeiin a rem thlap.Mahse, a hun erawh inbuatsaih an duh avangin a fan ta deuh.Awihawm loh khawpin ka nu a phur a,ka nutei leh ka u lah chuti bawk.Mahse, Amal-i erawh a lawm hleithei lo.A demawm loh,engvangin nge Maria-i ka then a hre lo.A thiannu rilru na taka siam anga min ngaih avangin min hua pawh a demawm loh.

‘Hello’ ka phone ka pick veleh ka ti zangkhai vuh.

‘U Sangkim,ka u hi a lo haw dawn em?” Ambie-an a rawn ti a.

‘A lo haw tawh,a lo la thleng lo mi?” ka ti ve thung.Inneihnatur thil vel en in kan chhuaka,Hnaah hmanhmawha kal ngaihna ka neih avangin Ruata zawkin a thlah a.Tunah thlen loh a hun tawh lo.

‘Aw,ka call tlang thei bawk si lo a’ a rawn ti leh a.

‘Ok,Ruata’n a rawn thlaha.Kan call ang.Ka rawn hrilh leh dawn che nia’ ka ti sup.

Ruata ka calla,mahse Switch Off.Zartei ka rilruah a lo lang a,ani pawh a awm ve tak e.Zartei ka call leh a,rei pawh a ring hmain a rawn pick a.

‘Hello,Sangkim…’ a rawn ti lang lang.

‘Inah i awm tawh em?” ka ti a.

‘Um,awm tawh e.Ti nge?’

‘Tluangpuii ka be tlang thei lo a,Inah a la thleng lo a’ ka ti leh a.

‘Eh..An va thleng har ve,Kan in atanga an kal hnuah Darkar a liam daih tawh sia’ mak ti zetin a rawn ti hliai.

‘Nia,Ruata ka call tlang thei lo bawka.Ok,pawi lo mai,ka’n try leh nge’ ka ti leh sup.

‘Um,Traffic Jamah an tang a ni maithei,call leh chhin rawh’ a rawn ti leh lang lang.

Phone ka Off chiah tihin Pu Dama’n min rawn call ve nghal chiah.

‘Hello…’ ka ti hmuk.Tluangpuii ka ngaihtuah bawk nen ka mood a fuh lo vel vek.

‘I buai e’law?’ a rawn ti chat.

‘Aw,tlemin..Enge nita?” ka aw a dam ta deuh.

‘Eng ni lo e,Inneih kha ka rawn tel hman hmel lo riaua’ a rawn ti a.Khati khawpa Tluangpuii mil lo si khan kan innei dawn tih a hriat takah chuan mak takin a lawm ber berah a tang leh ta lawi.

‘Aah,a va ho awm ve’ ka ti leh a.

‘Nia,mahse ka la chiang lo.Tel hram erawh ka tum anga.Ka rawn biak chhan zawk che chu,nichin lawk khan kan nauin min rawn hrilh danin,helai Champhaia kan thil chan tak kha Boom-a leh Ruata’n tih dun an tum niawm tak ania,mak ka ti hle mai’ a rawn ti duah.Ka hre sual emaw ka ti zawk.

‘Ruata maw?” ka ti nghal sup.

‘Aw, I thianpa kha.Mak ka ti khawpa,mahse engmah fiahna ala awm lo.Anti tih vel chuah,I duh leh Boom-a i zawt thei tho a’ a rawn ti leh a.A hma khan Boom-a khan tihdun ka duh leh duh loh kha min zawt a,mahse kan sawi zui leh ta miah lo.

‘Ka lo zawt dawn nia’ ka ngaihtuahna nena inmil lo zetin ka ti zangkhai vuh.

A dah veleh Tluangpuii ka call lehnghala.Vawikhat chauh a ring hman tihin a pick nghal vat.

‘Khawnge i awm?” ka tum aiin ka aw a chang lam hret.

‘In ka thleng chiah,a Jam nasa lutuk a.Ka Phone a thi bawk si’ a rawn ti a.Ka thaw huai.

‘Ok,a tha lawm.I thleng har lutuka,thil tha lo a thleng emaw ka ti hmana’ ka ti leh a.A nui hak.

‘Midang ni loin keimah ka nih hi,I nupui tur.Tu man min khawih ngam lo ang’ zaw sapin a rawn ti a,a nui leh nghal hak..Ka then ve suk bawk.

In ka thlen veleh ka inbuala,ka inbual zawh hnuah inhnuaiah ka chhuk thlaa.Ka nu leh ka u TV en chungin an lo titi mawlh mawlh.

‘Mama,Rocky-an a be duh che a.A call i pick lo niang,ka phoneah a lo phone a’ a ti a.Ka Roomah Phone ka charge a,ka inbual zawh hnuah ka en miah lo.

Roomah ka let chho lehnghala,Rocky-an vawi thum lai min lo call chu niin.Ka call back nghal zat.

‘Ka lo inbuala’ a pick veleh ka ti a.

‘Um,pawi lo..’

‘Enge ni ta?”

‘Eng lo,vawiinah Aruata thil pawimawh ka en nawna,Ka thil hmuh hi a pawimawh khawp mai’ a rawn ti a.A aw a dik tlat lo.

‘Eng lam? Keimah nen inzawmna a nei em?”

‘Aw..Mahse, nangmah aiin Tluangpuii a ni mah zawk.A rapthlak a ni tawp mai’ a rawn ti leh a.Enge anih ka hre lo,mahse hetiang zawnga a tawng anih chuan Rapthlak tih piah lam a ni ziah tih ka hre chiang lutuk tlat.

Chapter- 24

‘Engthil nge?” pangngai thei ang berin ka ti sup.

‘Phone a sawi loh ka duh zawk,I remchan chuan zanah inhmu ila’ a rawn ti leha.Zanah Tluangpuii te inah kal tum ka ni a,mahse kal ngei ngei ngai erawh a ni lo.

‘Ok,ka lo kal ang.Khawiah nge niang?”

‘Inah lo kal mai la,pawi itih loh chuan?’

‘Ti nang,ka lo kal ang’ ka ti sup.Rocky tluka thil la lap thei an awm lo,a hnaah thil mak pui pui a tawng nasa bawk.Engkim mai hi ho lam deuh ang maiin a sawi thei ziah.Mahse ani pawn rapthlak a ti anih chuan thil mai mai a ni dawn lo chiang sa.

Chaw kan eikham veleh Rocky hmuturin ka inkhalh chhuaka,Tluangpuii hnenah hnalam pawimawh a awm tih msgin ka hrilha.Ruata ka hrilh bawk.

‘Roomah chho ila…’ Rocky-an a ti a.A chhungte nen kan inbe luam.Ka kal ngun lutuk lo nangin a chhungte nen kan inhre tha thawkhat viau tho.A roomah kan inzui chho a,a Room hi inchhung atanga kal ni loin pawn atanga luh a ni a.Midang Room a awm ve lo bawk nen kan kal chuan kan inkawmna hmun a ni ziah hrim hrim.

‘Thu la..’ a ti a.A Computer Table lam a pana,a bula thut tumin Plastic chair ka la ve thung.Computer a on a.Game chungchang a sawi mawlh mawlh,mahse ka bu liam vel mai mai thung.

‘Vawiinah Aruata nuin min rawn biaa.Ka thiltur an kawl a rawn ti a.Ka va kala,hei hi min lo pe a’ tih pahin Envelope a rawn phawrhchhuaka,min rawn pe a.Ka laa,Envelope kawma Rocky hming inziak ka hmu nghala.A kutziak kawi chhe zetah chuan Aruata ziah a ni tih ka hre thei mai bawk.

‘Pendrive a daha.Ka lachhuak tawh’ ka rilru hria niawm takin a ti leh a.Ka bu nghut.Dawhkanah Envelope ka daha.A thil min hrilhtur lo zawh chung chung awmzia a awm lo tih ka hria.

‘Eng eng emaw a lo dah nuala.Mahse, chungthil chu nangma tana pawimawh lutuk a awm vak lo.Hei zawk hi’ tih pahin a click a.Video a rawn in play nghal zat.

Khum a rawn langa,a phe leh zawk zawka,a awmzia ka hre eih lo.

‘Eng…?” ka ti hman.Engmah sawi loin Monitor a kawk zauh ringawt.A kawhna lam ka en leha,mahse ka tum loh lutuk ka hmuh takah chuan ka hit deuh mup a ni ber.

Ruak deuh thawin khumah Tluangpuii a mu a,a chungah amah thlawp deuh titihin Mipa pakhat a bawk a,enge an tih hrilhfiah kher ka ngai lo.

‘Kha kha….’ Rocky-an a ti sup.Monitor ka melh ngawt ngawt.Mahse, engmah alang tawh lo thung.

‘Off suh,a vaiin ka en duh’ ka ti sup.

‘Kha zawng kha,abak a awm lo…’

‘Maw?” ka ti leh hu.Ka mawl hmel khawp ang le.

‘Kha zawng kha,a sei lem lo.Minute khat lek tak tak.Mahse, leakout ta se hmeichhe tan khan mualphona tawpkhawk a ni thung’ a ti dam leh thlap.Ka lu ka thing nawk,ka rilru tihfim tumin ka mit ka chhing leh sawk a,mahse ka mit ka chhin rual rualin tun lawka mi kha ka mitthlaah a lo lang ve ta thung.

‘Mipa kha tu nge?” ka ti leh a.A thle bak.

‘Ka hre lo..’

‘Ok..A pawi lo,engtin nge Aruata’n a neih le?” ka ti leh sup.

‘Ngaihdan ka nei lo.Kan hna a in anga,keichu Sawrkarin ka kut phuarchin a neia.Ani kha chu a zalen.Chu zawng chu kan danglamna a ni a,ka hriatchhuah atan a lo dah a ni thei.Emaw,khami zan khan a thi dawn tih a hre lawk a ni thei’ a tita duah.Ka ngaihtuahna a vir zawk.Ni lo…A ni thei lo hlawl.

‘Chuan,thil pakhat.He video hi Tluangpuii hian Aruata kutah a awm tih a hre maithei,emaw midang hre ve an lo awm anga.Chu chuan a that a ni thei’ ka ngaihtuahna nen in ang lo mah se a inhlat lo.Kei chuan Aruata thih dawn zana Tluangpuii nen an inhmuh kha ka lo ngaihtuah daih.Engkim hre sa vekin a that a ni thei.Ka ngaihtuahna duh loin ka lu ka thing nawk.Tenawm em em pawh nise ama kut ngeiin tumah a that lo vang.

‘Tluangpuii chuan hria se a that ang i tihna maw?” ka ti ro hulh.  

‘Ni lo,chutiang lam sawi ka tum lo.Amah pawh hian a hre lo ve thei tho bawka.Ka sawi awmzia zawk chu a hria anih chuan thup hlentheih loh hun ala awm theia,a hrilh che ka ringa’ a ti leh a.Ka thaw hawk.

‘Ka la Virgin’ atih ri ka bengah a rawn ri nghal zat.Kha thil kha hmana thleng tawh a ni a,tunah chuan Nula Virgin awmin awm mah se ka hre lo ang maw?! Mi a ka ni hauh lo.

‘Hahdam tum teh,I awmdantur ka hrethiam che ania.Mahse, he thil hi Tluangpuii nen sawidun ula a tha ang’ a ti leh a.Ka bu leh ringawt.Enge ka sawipui ang ka hre lo.Ramdinsanga a ni angem? Mahse a blackmail bak engmah inzawmna annei lo tih a sawi anih kha.Ni lo,he thil pawh hi a zep zawk thei,a hre lo tak tak kher lo ang.

‘Phoneah min lo dahsak lawk mai teh’ ka ti nghut.

‘Aih…’ ka melh nghek.

‘Min hrethiam rawh.Vanduai vangin i phone tibo palh ta la….’ A ti leha,a sawitum ka hria.

‘Dah rawh’ ka ti leh hmuk.Ka Phone ka pe a,lak tum awmin a awm lo.Dawhkanah ka daha,keimah zawkin Mouse ka bana,mahse ,min rawn chhuh leh vat.

‘I inringtawk em?” a ti leh a.

‘Tehreng mai,ka Normal tih erawh ka sawi lo law law mai ang’ ka ti leh a.Ka then lui suk bawk.Mahse,ka thisen zawng zawng an khang vek niin ka hre zawk.

‘Ka ring che,ka hrechiang tawk bawk che a.Mahse, atthlak takin Tluangpuii bulah che suh,ka sawi ang khan he thil hi a hre miah lo a ni thei’ a ti leh duah.Chhang loin ka bu leh nghut.Min en vang vanga,min ringngam dawn nge dawn lo a zir chiang a nih ka ring ve ngawt. A hna lam anih avangin a fimkhur hi a demawm lo.Mahse, engvangin nge kei ni loin Rocky zawk Aruata’n a pek ka hrethiam lo.

Rocky te In ka chhuahsan hnuah kalnatur hre loin ka tlankual ka tlankuala,engtin nge Tluangpuii hnenah ka sawi ang ka hre thiam lo.Ka nupui anihna lah karhnih bakin a dang tawh lo.Mahse, engtin nge he thil hi sawi loin ka pair eng theih ang? Ka thei dawn lo chiang.

Falkland ka pan ta ngawt.Sana ka en a,dar 10 a ri tawh.Mahse,Rocky thil min entir atanga ka ipikna erawh pakhat tepawh a la kiang eih lo.Motor pahnih lo ding sa ka tlanpela.A awl laiah ka ding a,chhuk chuang loin Aizawl khawpui pe un mai ka thlira,vawitamtak hmuhnawm titakin ka lo thlir tawh thina.Mahse, zanin atan chuan a hmuhnawm leh a nalh lam engmah ka rilruah a lut lo.

Ka phone a nghawt dat,peih lo zetin ka en a.Tluangpuii msg a lo ni a,Open loin ka phone ka Switch Off ta zawk.Tunah chuan tha takin ka be thei dawn lo tih ka chiang tawh.Tul lo tawpa inhauh chiam lah ka duh hek lo.

In ka thlenin dar 12 a ri thelh,ka beisei loh zetin ka nuin amahin Tv a lo la en.

‘I la meng maw?” ka ti a.

‘Aw,ka thil en hi ka duhzawng tak ania,bakah ka lo nghak pah che a’ a ti a.A tarmit a nawr chho zauh bawk.

‘Min nghah angai hleinem,ka haw chintur hriat lawk a harsa thina.A tawp dawn tawh em?” ka tih zawm leh a.Thu ve loin a thutna bulah ka ding thung.

‘A ho em mai,zantin ka nghak che pawh ni hleilo’ a ti awlsam leh mai.A tho a,a zi mar ar ar bawk.

‘A tawp tawh mi?” ka tinawn leh sup.

‘Aw,I rawn tlanluh lai khan a tawp ve chiaha,a timing khawp mai’ a nui a.Ka then ve suk.

‘Anih chuan mu ila’ ka ti leh nghut.

‘Mu dawn.Eee,Mama,naktuk kha hetah eitur kan siam ang ka lo ti a’ a ti leh a.Ka kal tawhtur ka ding leh a.Naktuk hi ka nu thiante leh chhungte thenkhatin chaw an rawn ei dawna.Tluangpuii leh Zartei bakah Ambie-a leh Ruata kan sawm tel a,mahse tuna ka Moodah hi chuan engtihmah ka duh lo.

‘Nu,thulh chi a ni lo nangin ka tel hman lo maithei’ ka ti sup.

‘Enga?! ‘ mak ti zetin a ti a.

‘Hnaah bawk mawle.Inneih hmaa ka chinfel ngei ngei ngai ania’

‘Akhai aw…I tel si loh chuan Tluangpuii te bakah Ruata tan pawh a nuam si nang.A va buaithlak mai mai e aw’ a ti vang vang.Ka hnaa ka thawhrim zia leh a pawimawhzia ka nu hian hre phak vek lo mah se min hnial zawngin engmah a ti ngai lo.

‘Ka tel lovang ka ti chuang lo.Ka hman lo maithei ka ti zawka’ ka ti leh hmuk.

‘Anih chuan titlang ang aw.I hman theih hlauh leh a tha animaia.Mu tawh rawh,zingah Ringa nen kan lo bazar ang.I u a kal peih loh pawn Buati a awm tho a’ a ti leh mawlh mawlh.

Ka muhil dawn chuang lo tih ka chiang,ka mu buai peih lo law law.Inchung roomah ka chho a,Tukverh bulah thutmut theiha siam Chair ka pawt pheia,Tukverh ka hawng vek bawk.

Ka Phone ka phawrha,ka On ta chauh.Msg a rawn lut nghal pawp pawp.A vawiin Tluangpuii vek.Ka chhang lo dawn zeta,mahse min lo ngaihtuah viau thei tih ka ngaihtuaha.’Inah ka awm tawh’ tih ka thawn leta,Flight Modeah ka dah lehnghal daih.

Ka ngaihtuahna buai nuaih nuaih tihfim tumin che loin ka thu vang vanga,mahse engmah ka ang chuang lo.Kha thil khan min thawng satliah lo,ka na vel vek.Thuruk ka hriat ve loh kha min hrilha,engmah a awm tawh lo turah ka lo ngaia.Mahse, thuruk zawng zawnga pawimawhber a lo la awm ta fo.Khawvar dawn hnaiah ka Roomah ka let thlaa.Khumah ka bawkthlawp.

‘Mam,ka lo lut ania’ Ka uin ka room pawn atangin a rawn ti lang lang.Chhang loin ka mut ngaiin ka mu a,chunglam ka melh vang vang bawk.

‘I la harh lo mi?” kawngkhar rawn hawn pahin a rawn ti leh a.Ka let thawk.

‘Harh,enge?” ka ti sup.

‘Tluangpui’n a call tlang thei lo che aniang.A be duh che a’ tih pahin Khumah a rawn thu a.Ka ner nawk thung.Ka hua nge ka ten ka hre lo.

‘Ka sawi i hria em?” tih pahin ka luah a rawn sawi leha.

‘Ka Phone Battery low  niang,nakinah ka be mai ang’ ka ti  sup.Lukham pakhat ka laa,ka lu chungah ka dah nghal zat bawk.

‘Ok,a lo call leh dawna.Ka lo hrilh ang,nizanah i va haw har awm em em ve’ a tihzawm leh a.

‘Haw har,kal teh.Ka mut ala chhuak ania’ ka ti leh hmuk.

‘Naaa,a tha lawm.Mahse,I hriat ve mai mai atan,tunah hian dar 11 a pel tawh aw’ chimawm zetin a ti leh a.A tho a,a nui zui hak hak bawk.Ka muthilh pawh ka beisei lo kha ania,ka lo muhil rei phian anih chu a.

Dar 12 rik hmain ka chhuaka,ka chhuah dawnah Ka nuin hman hram turin min ti leha,ka bu liam satliah ringawt.Ka hman leh hman loh chu ka duh leh duh loah a innghat tih ka chiang miaua.Sawitur a awm lo.

‘Hello…’ Office kawngkhar ka hawn rualin Tluangpuii’n min lo ti a,ka phu nghek bawk.Ka beisei loh dan chu pui tak a ni ringawt.Ka chairah hahdam hmel zetin a thu pil kak bawk.

‘Hetah enge i tih a?” Luh pahin ka ti nghut.Tu mah ka awm loh laiin an lut ngai lo,amah hi a thawh lai khan ka kal hmain a tifel vek thina.Mahse, a awm tak loh hnuah tu mah ka phalna loin an lut ngai tawh lo.Tunah erawh chuan Hotela Staff zawng zawngin kan innei dawn tih an hre vek tawha,an lo luhtir pawh a mak lo.

‘Aw,keimah..’ a nui sang mai.

Dawhkan lam pan loin Sofaah ka thu ta zawk.A rawn tho a,min rawn pana.A hmeltha leh fiah zetah chuan sualna nei hmel a pu lo.Nia,a hre lo tak tak maithei..Mahse, an la tih hre lo pawh ni se khatiang khan engvangin nge a khawsak kher? Ka hriathma anih chuan a pawi ka ti lo tih sawi mah ila ataka han hmuh meuh chuan pawi ti tak ka ni.Hmu lo law law ila ka ngaipawimawh lo zawk ngei ang le.

 A rawn thu thla ve a,min rawn ngheng deuh titih bawk.

‘I buai lutuk vangin min be hman lo tak tak em tih ka rawn en dawna’ amah bawkin a ti leha,ka ka khabe hnuai atangin pawisawi lo zetin min en ran bawk.

‘I hmuh ang hian tunah ka rawn thleng chiaha’ ka ti sup.

‘Um..Tunah chuan ka hlauhthawn lutuk pawh a zia awm tawh’ a nui var var.

‘A tha lawm,engmah hlauhthawntur a awm lo’

‘Dik chiah,ka chan ang che tih hlauh vang mawle’ a hmai a sen deuh tan tan mai.

‘Maithei….’ Ka ti hmuk.

‘Maw?”

‘Min chan maithei…’ ka sawi zawh rualin ka nui hawk bawk.A hmel buai deuh nakah chuan maktihna alang thei a.A mengphawr deuh hra bawk.

‘Ka fiam che nih kha…’ a hnarah ka tuai zauh.

‘I va han sual tak…’ a ti hlak.Ka banah a chum taih bawk.

‘Engemaw pawimawh deuh min hrilhtur i nei em?” ka ti leh nghut.

‘Eng thil pawimawh nge?” a ti vat.

‘Ka hriat atana i duh loh,midangin an hriat ruk si…’

‘Aih, chutiang engmah a awm lo.Ka sawi awmzia chu keimahah hian hriat loh i nei lo tihna’ a ti leh a.Ka bu nghut.Ka tho a,Tukverh lam ka pan nghal daih bawk.

‘Engemaw dik lo a awm em?” amah bawkin a ti leh halh.Tukverh ka nawr tawlha,hnuailam ka en a.Nidang ang bawkin Motor an tawlh leh dul dul tawh.

‘Zo…Ka awm a nuam lo ania’

‘Engvangin maw?” muangchangin ka inhera,ka kekawr ipte ka zen tut bawk.

‘Ka hre lo.Mahse, keimahah hian dik lo a awm niin ka hria.Enge anih ka hre lo’ a ti leh hliai.

Anih chuan hlauhthawntur a awm lo anih chu’ ka ti leh hluk.Engvanga sawi hreh leh si nge ka nih ka inhre lo.

‘Mahse…’

‘Engmah dik lo a awm lo..’ ka ti tuar.Ka awmdan chu a beisei lo lutuk tih hriat zetin a phu zawk bawk.

 ‘Ngatinge?” a titham tiak.

‘Sorry…’ ka ti sup.

‘A pawi lo,ka kal phawt ang.Ka hriat ve tur anih chuan min hrilh theih hunah min hrilh mai dawn nia’ a ti leh sap.A tho a,Dawhkana a Bag dah a laa,hmanhmawh zetin Kawngkhar lam a pan leha.Kal lo tura tih ka duh,tul lo lutuka ka vin avangin achhan hrilh pawh ka duh.Mahse, engtin nge ka sawi ang? Inngaizawnnaah hian thuruk atam lutuk chuan engmah a fel thei lo,nupa nimai tur tan lehlek phei chuan thuruk a awm thiang lo.Mahse, hei kher hi chu engtin nge ka sawichhuah ang ka hre lo.

Ka thu thla chawrh,ka thinrim hlur bawk.Eng ber khan nge min tithinrim erawh ka hre lawi lo.Ka nuin min rawn Phone a,ka pick hmain Sana ka en hmasa a.Dar 3 a ri tep tawh.Tluangpuii chhuah hnuah ka la che sawn leh ta miah lo.

‘Aw,Nu..’ Hello ti loin ka ti sup.Ka mood chhe lutuk tilang lo turin ka insum nasat angai viau thung.

‘I lo haw thei dawn ta em? hei an lo thleng khawma,an lam nak nak mai che a’ a rawn ti a.

Engmah tihtur hmanhmawhthlak ka nei lo,mahse ka Mood leh midang zinga awm a inmil miah lo.Ka mit ka chhing a,ka nu hmel a rawn langa.Engpawh sawi ila a sawisel lo ang.Nu dang ang bawkin a fapa ka nih tlat avangin ka thusawi a pawm ziaha,tunah pawh hian engpawh sawi ila a pawm ang.Mahse ka free reng tih keiman ka inhriaa,ka inthiam chuang lo ang tih ka chiang.

‘Ka lo haw thei ang.Mahse, ka hma lutuk thei lo anga’ ka tita sup.

‘Aw le,I lo haw theih chuan a tha hlauh anih chu.Tluangpuii hi i rawn lam nghal dawn nge?” hlim zetin a rawn ti leh a.Ka thaw hawk.

‘Amah ka lo bia ang,ka tlai viau dawn chuan Ringa khan lo va lam mai se’ ka ti leh sup.

‘Nia,chutiang chuan a tha ang.Hmanhmawh suh’ a rawn ti leh a.

Tluangpuii Call loin Ruata ka Calla,ka buai deuh thu leh Tluangpuii leh Zartei a lo lam thei em tih ka zawta,a thei ang tih a rawn sawi awlsam et.

‘Anih chuan nangman lo be mai la,ka la buai deuh dawna’ ka ti a.

‘Tehreng, ka lo bia ang’ zangkhai fahranin a rawn ti leh zung zung.

In ka thlenin Dar 4 a pel tawh.Ka nu chhungte bakah a thiante an lo thleng tawh hlawma.Verandaah Tluangpuii leh Zartei an thu a.Ruata ka hmu lo thung.

‘Ka rin aiin i lo thleng hma’ Zartei’n min lo ti a.

‘Nia,ka hmanhmawh lawm.In thlenna a rei tawh em?” ka ti let ve a.Tluangpuii ka melh zawka,min en loin a Phone a en ngar thung.Zartei hnenah thil thleng kha a hrilh angem ka hre lo.

‘Rei ve tawh tho mai.Darkar khat vel kan awm tawh ang’ Zartei bawkin a ti leh a.

Ka nu a rawn chhuaka,Apron a haa.Amah kherin eirawngbawl a duh leh tih ka hrethei mai.Ei siam nuam a ti em em a.Thiam lah a thiam,ka u erawh ka nu chhun em em siin helamah hi chuan an in letling hlauh thung.

A rawn ri hlut.Min biaa,Tluangpuii leh Zartei a be zawm lehnghal mawlh mawlh.A bulah hian tu mah an thinrim rei theih ka ring ngai lo.Ka nu anih vanga chhuang ka nih rualin Nu nih tlin em em anih zia hi amah hre chiang ten a chanchin an sawi dan a ni ve hrim hrim.

Lunglei khua ka ni a,Aizawlah In neiin ka eizawnna hmun leh hun ka hman tamna hmun leh ka thiante tamzawk Aizawl mi nimahse, Lungleia kan Inah nupui nei turah ka inngaia.Tluangpuii pawn tha min tihpui bawk.Mahse, ka beisei loh tawpin, ka tum dan tha ti em em chung siin ka nuin a hnial ta tlat.Ka hnial fe chung pawn hnial hneh mai mai theih a ni lo.Mize nem leh dam tak emaw ka tih kha a lo ni vek lo.Ka pa luhlulna  emaw ka chhun ka lo ti thina,a lo ni vek lo tih ka hriatchhuah phah uar uar bawk.A duhdan ang ngeiin Aizawlah nei turin kan tifel ta nge nge.

Ruata leh Zartei an haw tawha,keiin Tluangpuii ka thlah dawn thunga.Zartei pawh ka thlah tel thei tho nangin Tluangpuii biak ka duh avangin Ruata thlah turin ka ti a.A aw ve mai bawk.A haw kawng tur tho anih avangin a harsa lem lo bawk hrim hrim.

Ngawirengin Motorah kan chuang duna,Ina kan awm lai pawh khan kan inbe meuh lo.Ka nu leh ka nutei te bakah midang bulah chuan a tawng bawrh bawrha,mahse ka bulah erawh a tim dai thung.Ka awmdan vang kha a ni tih ka hai lo.Dik lo awm ni a a hriat min zawt kha a thiam loh a ni hek lo.Kei lahin sawi mai loin ka vin a,atan chuan rilru nuam taka awm a harsa ang tih ka hria.Rocky khan tha taka saw dun turin min ti a,mahse a harsa hlawl.Chawhmeh tui leh tui loh ang ngawta thilsawi awlsam a ni hek lo.

‘Khawiah nge kan kal dawn?” a ti chhuak sap.Ka chhang lo,kan kalna tur ka hre bik tlat lo.Ka tlan zel anga,a remchan hunah ka ding mai ang chu.

‘Khawiah nge kan kal dawn?” a ti nawn leh a.A awah hlauhthawnna a hriat tel theih ta bawk.

‘Kan thleng tep’ ka ti hmuk.Thui vak lo ka tlan leha,kawngsir zau laiah ka ding a.Ka din fel veleh chahbi ka phawia,engmah eng a awm lo bawk nen a thim nghal khup.Kan dinna lai lah Motor kal tlemna lai a ni zui bawk nen a reh ruih bawk.

‘Ngatinge?’a ti leh hliai.Thup a tum hle nangin a mangang tih ka hre thei tho.

‘Vawiina ka zawhna bawk kha’

‘Eng kha?” rang lutukin a ti vat.

‘Enge ka hriat loh tura zep i neih?’ ka ti hmuk.

‘Ni lo,engmah chutiang ka nei lo’

‘Takzet….’ Ka ti hluk.

‘Aw,Zeptur ka nei hek lo.Ka pasal i ni mai dawna,thuruk pawimawh pawh lo nei tehreng ila engvangin nge ka zep ang? I hriat vek ka duh dawn lo a mi?” a tita duah.A tawng danah lemchang a ang lo.Motor chhung a thim vek avangin a hmel ka hmu thei lo thung.

Engmah sawi loin ka Phone ka phawrha,a hmuh theihturin ka lek pheia.Mak tih hmel zetin a thaw hak.

‘Enge?”

‘En rawh..I en zawh hunah min chhang zawk dawn nia’ ka ti leh hluk.Ka kut atangin ka Phone a rawn laa.Motor chahbi ka vuaha,head light ka on a.A thim lutuk a zia ta deuh.

Ka banah a rawn vuan chawt .‘Hei hi…Ni lo,engmah ka hrethiam lo…’ a ti nghal nawk nawk bawk.Phone ka laksaka.Ka ak zui nghal daih.

‘Kha kha chhanna ka duh.Ka nuna i lo lan hma a ni a, mahse i sawi ang khan a hmuhnawm loh ve tho ania’ ka ti hluk.Za miah loin ka nui hawk bawk.Ka kut a vawnna ka phelhsak nghal zat.

‘Aih,engmah ka hre lo..Ka ti tak tak,engmah ka hre lo’ a ti leh a.A aw a khur hlak hlak bawk.

‘Anih chuan a lem tihna mi?” ka ti leh hluk.

‘Ka hre lo,mahse engmah ka hre lo’

‘I ni lo aniang,engmah i hriat loh chuan’ ka nui leh a.

‘Engmah ka hre thiam lo.Khawi atanga i neih nge?”

‘Ngaihtuah suh,ka nei ve tawp.Tu nge kha pa kha?” ka ti leh hmuk.

‘Ka hre lo.Ka hre lo takzet.Pathian hmingin,engmah khatiang ka ti lo’ beidawn hmel lutukin a thaw hawk.

‘I zep chhung chuan engtikah mah nupa hlim kan ni ngai lo vang.Tun chiah ka zawt leh ang che.Tu nge anih? Engtika thleng nge?” ka ti leh a.

‘Innei lo mai ang’ ka beisei loh lutuk a sawi takah chuan ka insehruh nghek.Motor chhung light ka on a,head light ka off thung.

‘I chiang em?” ka ti nghut.

‘Aw,engmah ka hre lo.Mahse, min ring lo anih chuan inneih loh mai a tha zawk’ a ti leh nghat.

‘Ka ring lo che ka ti lo.Sawifiah turin ka duh mai zawk che,midangin an nei em tih pawh kan hre lova.I mualpho zau hle thei’ ka ti leh hmuk.

‘Ramdinsanga…’ a ti sap.

‘Maw?” ka ti hluk.

‘Ramdinsanga tih a ni ngei ngei ang’ a ti leh nghat.

‘Anih chuan Mipa kha amah tihna a mi?”

‘Ka hre lo,mahse ama tih a nih loh chuan khatiang titur an awm lo’ a ti leh hmak.

‘Enge i sawi awmzia?” ka ti ve thung.Hnaih tawh lo turin ka ti a,ka nupui a ni dawn tih pawh chiang takin a hria.A sumdawnna pakhata Gold tawlhruk chungchang ka hria tih a hre tawh lehnghala,engmah a tih ngam ka ring tawh lo.

‘Khatiang tur khan chance i pe em?’

‘Eng chance? Ani nen chuan min hmang tangkai tihmai loh chu khatiang lam hawia inzawmna kan nei lo’ a ti leh a.A hmui hnuai lam a pet fan bawk.

‘Ok,anih chuan engmah hre lo khawpa i ruih laia thleng nita se’

‘Lawk…’ ka banah a rawn vuan leha.A mengphawk hra bawk.

‘Eng?” ka ti sup.

‘A ni thei lo’ a lu a thinga.Sawi hreh niawm takin a hmui a pet leh rih.

‘Ka lo en nawn leh lawk’ amah bawkin a ti leh a.Ka Phone ka phawrh leha,min rawn laksak vat.A en a,a thaw halh.Min rawn en leha.Sawi duh nei,sawi hreh si a ang viau

‘Sawi la…’ ka ti sup.

‘Ka chiang lo nangin mipa hi..Eng lo,kha ka..Ka thianpa,Sanngzuala kha niin ka hria’ a ti bah nawk nawk mai.

‘Sangzuala ‘ ka tinawn ve sup.

‘Aw,amah kha.Mahse, engvangin hetiang a tih kher ang?” a ti leh a.A hmai dang lap maiah chuan ka thinrim leh rilru na ai khan a thawng na fe zawk tih ka hmu theia,ka inthiam lo vang vang bawk.

‘Ka hre lo’ a ti leh sap.Seat hnung lam a nghenga,a mit a chhing zui daih bawk.

‘Ruih vanga engmah hriat loh i nei em?”

‘Ka hre mai lo,Ih…Ka rilru hah zual lai kha chuan engmah hre lo a ruih chhum hmawk duh chang ka nei a,ka in zauh zauh reng bawka’ a ti leh a.

‘Eng ang pawn rui ila,ka harh veleh engemaw thleng awm se chuan ka hria ang ka ring’ reife angawih vang vang hnuah a ti chhuak leh sap.

‘In thianho a Party emaw Picnic tih vel innei em?” ka ti sup.

‘Kan nei fo mai,mahse khatiang kha a thlen ka hre lo’ a ti leh ta tlat.

‘Ok…’ ka ti sup.Sawi mai tur ka hre tlat lo.

‘I thinrim viau ang tiraw?” min rawn en pahin a ti a.

‘Aw…’ ka ti leh tawp.

‘Ka hrethiam che..’ a ti leh sap.

‘I hrethiam kher lo vang’ ka ti leh hmuk.A hmui a peta,tim daiin ka kut a rawn vuan leha.Thinthlak pawh tum chuang loin ka thut ngaiin  ka thu ngur thung.

‘Um,a thawng ngawt ang che.Kei pawh ni ila min thawng na dawn lutuk..Ih,eng lo..I duh phawt chuan i fiah thei reng ania’ a ti leh sep.

‘Eng chu maw?’

‘Kha thil kha.A landanah kha chuan Sex hmang kan ni ngeia,mahse ka chiang lutuk.Engmah a thleng lo.I duh phawt chuan i fiah thei’ a ti leh sap.Ka en a,a mitmeng lian kel kawlah chuan thudik a sawi ang tih ka ring hmiah.Ka hmuh tirh kha chuan ka thinrim mai pawh a ni lo,min Shock lutuk kha ka puakkeh lo chauh,mahse Rocky thurawn ang ngeiin tha takin kan sawi duna,tunah chuan a hun hmaa lo fiah emaw tumna ka nei lo.

‘Aih,engmah fiah ka mamawh lo.Ka ring che’ ka ti sup.A kut karah ka kutzungtang ka rawlh luta,ka lakangah,ka fawp nghal vang vang bawk.

‘Ka lawm e aw’ a ti leh sap.

‘Engmah lawmthusawina tur a awm lo.Mahse, kha thil kha engvanga ti nge anih erawh hriat ka duh,min puih ngei angai bawk anga.Anih loh chuan i tan a him lo.I him leh him loh erawh ka mawhphurhna a ni a,tu pawn an lo tina che anih chuan keimah ka indem zel ang’ ka ti leh sup.Min chhang loin a bu nghauh.A rawn tawlhhnaia,ka kawngah a rawn kuaha.Ka awmah a hmai a rawn phum a.’Ka hmangaih che’ a ti sap..

‘Kei pawh…’ ka ti sup.A samah ka fawp nghal vang vang bawk.

Kan pahnihin Rocky-a hmu turin kan kala.Engmah hriat a nei lo tih a sawia.Min chhuisak turin ka ngena,a pawm zawng tak a lo ni hlauh bawk.

‘Ka rilru chiah,mahse i rilru tur ka hrethiama.Ka sawi lang lo mai zawk anih kha’ Tluangpuii Motora a luh hnuah Rocky-an a ti sup.

‘Engtizawngin?” ka ti ve thung.

‘Engmah a hriat ka ring chiah lo.A lem anih leh nih loh ka check vek tawha.A lem chu a ni lo.Mahse, Tluangpuii kha en uluk deuh la,a harh miah lo niin alang tlata’ a ti leh a.

‘Um..’ ka ti nghut ringawt.

‘Hahdam rawh.Tu tih nge kan hre rih lo nangin Tluangpuii’n Hint min pe tha tawka.Rei tak min nghah ka ngaih loh ka beisei.Aruata’n i kutah aiin ka kutah a him a ring anih hmela.Achhan niawma lang chu he thil hi a titu a hriaa,thi thut thei reng a ni tih a hre bawka.Engpawh thleng se ka chhuichhuahsak theih ringin ka ta turin a dah anih ka ring.Eizawnna in ang kan ni a,keipawh tiang hi ka chungah thleng ve ta se Aruata aia rin tur chuang ka hre lo.Ka theihtawp ka chhuah ngei ngei dawn a.Tunah chuan Inneih ni tur thlir tawh zawk ang’ ka dara rawn vawn pahin a ti a.Ka bu nghut.

‘Mama,hmanhmawh rawh.Tlai chi a ni lo ania’ ka u in a ti lang lang.Ka necktie ka pawt ngila.Darthlalangah ka in en a.Vawiin hi kan inneih ni a ni tawha.Engmah thil tha lo a thlen loh nan ka tawngtai ve ta hial bawk.Engkim mai hi chung lam puiha a ni tih ka pawm rualin ka beih nasat vanga ka hlawhchhuah ka ti ve tlat.Kohhranah ka inhmang ngai lo bawka,ka hna bak engmah ngaihtuah tak tak ka nei hek lo.Mahse,ka nu leh ka u erawh kei ang lo takin tawngtai mi anni a.Ka nu phei chu kan tleirawl chhuah hlim atangin Kohhran Hmeichhiaah a inhmang tana.A theihtawp a chhuah takmeuh tih ka hria.Ka hlawhtlinna pawh hi ka beih nasat vang leh a tawngtai rah a ni mahna.

Chau hmel zetin Khumah Tluangpuii a mu zawi nana,a bulah Zartei a mu ve bawk.An demawm loh,mi kal an thathnem mai bakah nilengin Pheikhawk sang an buna.Khawlum bawk nen,Mipa zawk pawh ka chau ania.Hmeichhe tan phei chuan chauhna tham tak a ni ringawt.

‘Kan kal dawn mi?” Ruata’n rawn luh ve pahin a rawn ti a.Zartei peih lo hmel fahranin a tho taih taih.

‘Kal ila…Achangtunu hi a muthilh hmain inbual a mamawh ka ring’a nui a.Ngei hmel zetin Tluangpuii a ner nak thung.

‘I chhe lutuka,kal ru.Ka lo thlah ang che u’ thawh ve pahin a ti a.Min rawn en a,ka then ve suk.

Inhnuaiah kan inzui thlaa.An lo reh deuh duak tawh.An tlanliam thlengin kan thlir dun a.Chhun lama khua a lum nen tunah chuan ruahsur tur intham ang maiin thli a thaw vuk vuk thung.

‘Lut ila…’ ka ti a.A bu nghat.A kutah ka vuana,ka hmer nghal vang vang bawk.

‘Inbual ka duh.Ka ban vek’ room kan luh veleh a ti nang nang.Chhuatah a thawmhnaw rawn kenna Bag thenkhat an let phung mai.Thatchhe zetin Sofaah ka thu thluang a,hnunglam ka ngheng bawk.’Kan inbual dawn nia’ ka ti sup.Rang zetin a rawn hawi vat.Ka lo en reng chu zak niawm takin a sen nghal tan tan mai.

‘Ka fiam che anih kha’ ka nui hak..

‘I nghal em maia’ a ti hlak.

A inher a.Zawn nei niawm takin a thawmhnaw dahna bag pakhat a hawnga,a hmu lo a ni ngei ang.A khara, adang hawn tumin a pan leh a.Muangchangin ka tho chhuaka.Ka Pan hnaia, hnung lam atangin ka en a.A thawmhnaw hak chuan a pian nalh zet khuhbo a hnekin a tilang sar zual mah zawk.A ding mara, adang hawn leh tuma a pentur chiah chu hnung lam atangin a kawngah ka kuaha,a phu zawk mai.

‘Enge i zawn?” ka ti sup.A beng kawm ka fawp zauh bawk.

‘Ka thawmhnaw haktur mawle…’ a ti hlak.Thup a tum hle chungin a nervous tih ka hre thei tho.

‘Zawng duh suh.Hakna hun a awm chuang lo ang’ ka ti leh sup.A bengkawm hnuai lam ka fawp thla leh dun dun bawk.

‘Kalsawn phawt teh’ a ti leh a.

‘Aih,inbual ila..Mut ka duh’

‘Ka ruala inbual i tum lo tiraw?’

‘Aih,tum ‘ ka ti leh sup.

‘Mahse….Nichin khan i uang i tih kha ’

‘Ok,ok..I duh loh chuan ka tilui lovang che.Zanin mai lo,damchhung hunk an nei alawm.Ka hmanhmawh lo.Lo inbual la, Motorah thil ka theihnghilh a,ka zuk la ang’ ka tita zawk.Ka kuahna ka phelh nghal bawk.

‘Bathroomah khan Mutthlu suh ang che’ kal pahin ka ti leh a.A nui hak mai.Chhuah pahin ka then ve suk bawk.

‘Tluangpui,inhman dawn tawh em?” Room kawngkhar pawn atangin ka u in a rawn au a.

‘Hman e,ka lo chhuk ang’ Tluangpui’n a ti a.Vawiinah ka nu te an haw phei dawna.Keini pawh thlah pahin, karkhat vel awm turin kan phei ve dawn bawk.Zing atangin Tluangpuii kan thil kentur siamin a buaia.Chaw kan eikham hnuah insiam peih sa vekin khumah a vang zawngin ka mu a.Tluangpuii erawh chuan theihnghilh kan neih leh neih loh a en fel leh mek.

‘Ka lo zuk chhuk ang aw’ min rawn en pahin a ti a.Kekawr vutbuak rawng a haa,T-shirt dum,nghawng zau lam hret a ha bawk.Slipper dum a buna,a sam tawn loin a thlaha,Hanky niawm tak a luah a vet a,a chal sir lamah a suih a.Tarmit a vuah bawk.A lang naupang zual sawt.A rawn kal pheia,lukhama a phone dah a rawn laa,a kun zawngin a hnute a lang phir thaih mai.Ka ngaihtuahna a dik lo nghal pang bawk.

‘Hey…Enge a? “ ka mit bulah a kut a rawn vaia,ka en chho a,a mitmeiin zawhna min zawt ve thung.

Engmah sawi loin a banrekah ka vuana,ka pawt hnai nghala,min rawn bawh titih.A te nghal that bawk.

‘Enge i tih a?” a ti a.A tawng ring lo.

‘Kal hmain thildang tih ka duh’ ka mit ka siai zauh.A ner nak thung.

‘Hun lo em mai a’ a ti hlak.Thawh tumin a inbengkanga,mahse a kawngah ka kuah tlat avangin a tho mai thei lo.

‘A rei lo ang’ ka ti leh sup.A hmui ka kutzungpuiin ka tuaia,a thaw hak.

‘Aih,kal phawt ang.Ka nu ten min nghak rei tawh’ a ti leh a.Mahse, a mitmeng nalh zetah chuan ka ngaihtuah ang tho angaihtuah ve tih ka hria.

‘Tho teh’ amah bawkin a ti leh a.Ka kuahna ka thlaha,a tho nghal vat.A insum theih zia hi mak tak a ni.

Tho ve loin chung lam enin ka mu a.Engkim mai hi atak ngei a ni tih inhrilh nawn ka la ngai ta fo.Hmangaihna kan chen hmasakber ka mitthlaah a lo langa,na a tih avangin a hmui a pet tlat.Kan zawh meuh chuan nuam tih vangin a rum ve hak tho.Mahse, ka hnung a ham pilh phung thung..Ka nui chhuak hawk..Ka tho chhuaka,mak tih hmel lutuka min lo en reng chu ka va hmu a,ka mit ka siai leh zauh.

‘I a deuh niin ka hria’ a ti nghat.

‘Dik chiah,ka hlim vangin ka a deuh chu nih hi a’ ka ti sup.A lei min rawn chhuahkhum zauh.A hmai a sen tan tan bawk.

Chapter- 25

Karkhat awm tum kha ni 3 kan awm hman tihin hnaah pawimawh a awm avangin ka hawsana,ka Nu in haw ve nghal tura a tih pawn a duh tlat lo.Lawmtur ka nih laiin ka thinrim ru teuh zawk.Ka mamawh angin min mamawh ve lo niberin ka hria.Mahse, ka nu tan chuan hman atanga Mo atana a lo hualruk anih tlat avangin engpawh tise a lawmna a tling zel mai.Ka u lahin laizawn nei thar ang maiin a lawm em em bawk.

’Ka hmuh hmasakber atang khan achhan ka hriat si lohin ka ngainaa, in ingaizawng tih ka hriat phei kha chuan ka lo phur ve em em mai.Eng chhungkua nge annih a engtin nge a khawsak thin hre lo mah ila,ka mitah chuan a tling nghal tawp’ nupui neih ka duh tih ka hrilh a,tu nge anih a hriat ruala ka nu sawi a ni a.Ka lawm tawk a tling lehpek.

Showroom lamah Staff zinga thenkhat nen Meeting kan neih laiin ka phone a ri a.Min rawn calltu ka en a.Tluangpuii,vawiin hi a lo haw phei ni tur a ni a, an lo chhuak tawh a ni ngei ang.Ka reject ta zawk.

‘Kan Meeting meka.I lo chhuak tawh ami?” tih ka thawn nghal thung.

‘Um,pawi lo.Kan lo chhuak chiah tih hrilh che ka tum mawle’ tih a rawn thawn let ve a.Ka Phone ka aka,Lalnuna thusawi ka ngaihven zawm leh ta zawk.

Meeting kan zawh veleh ka call nghala,a rawn tawng siam siama.Ka ngai zual sawt in ka hre thung.Rei la ni lo mahse ka nunah a lo tel ve tak avanga famkim ni a ka inhriatna hi a tel lo chuan a bo lehnghal dawn tih ka chiang.Zothani nen kan inkawp lai khan engkim kan ti dun veka,mahse nupuia neih tumna tak tak ka nei ngai lo.Maria-i erawh ahming mai niin ka hre tawh thung.Inzawmna tak tak kan lo nei ngai miah lo.Tluangpuii erawh a danglam.Kan bul tanna lah a chhuanawm hek lo.Mahse, ka tana pawimawh leh Nupui neiha,fa te nen chhungkaw din duhna min pe theitu awmchhun a ni tlat.

Hotel ka tlawh leh zuaia,Tluangpuii lo thlen hmaa haw hman ka duh avangin dar 4ah in ka thleng hman tawh.Buati hnenah Tluangpuii ei duh zawng siamturin ka hrilh lawk veka.A thilsiam ho ka en kuala,ka then suk.

Kut vawt thlarin ka hmai a rawn sik rualin ka harh zawk,meng chuang loin a kut ka mansak thuta.A te that,ka pawt hnaia.Min rawn bawha.A taksa vawt thlarin min rawn si a.Ka awmah a hmai a phum kak bawk.

‘I lo thlenna a rei tawh em?” ka ti sup.A sam la hnawng deuhah ka fawp zauh.A rimtui chekin ka hnar a verha,ka hmai ka phum leh a,he rim hi chu amah nen a inhmeh ngawih ngawih tawh.

‘Aih,ka inbual zo chiah.I nuam lo mi?” a ti a.A rawn hawichhuaka.

‘Ka tha,nizanah ka muhil thei lo a’

‘Maw? Ngatinge min lo biak mai loh?” ngaithat loh hmel fein a ti vat.

‘Vawiinah i lo haw dawn sia,I chau ang tih ka hlau alawm’ ka ti leh sup.

‘Chu pawh nise,muthilh theih loh chu a hrehawm em asin.Pawi lo,zaninah i mu nghek mai dawn nia’ a ti leh a.Thawh tumin a inbengkang nghal zat.

‘Ka muhil thei lo ang’

‘Maw? Hnaah problem a awm tihna mi?”

‘Awm lo,hei zawk hi..’ a hnute ka khawih zauh,a meng tal tap thung.

‘Lutuk che hian…’ a ti hlak.

‘Ania lawm.Ka nupui tereuhte ka ngaia,ka muhil thei lo ziah a.Mahse,zanin chu muhil lo tawp mah ila pawi ka ti lo’ ka ti leh a.A hmui a tipawrh tarh mai.

‘Over lutuk…Engtin…’ a sawi zawh hmain ka pawt hniama,a hmui nem leh fawh nuam zetah ka fawp nghala.Duhthawh zetin min rawn chhang let ve nghal zat bawk.

Ka lehthala,hmanhmawh lutukin a kawr ka nem hlim a,a kekawr hak pawhthlak leh tumin a kawng ka zuk vuana.Mahse,ka kut a rawn vuan ta chat.

‘Tunah chuan ni lo’ a ti sap.

‘Aih..A rei tawh’ ka ti nghal nghut.Zawitein a nui nghal hak mai.

A khabeah ka dawma,a mitmeng lian kelkawl leh thim deuh raihah chuan kei ang bawkin chakna in a tuam ve tih ka hmu nghal chat.Ka tukkhum sam a rawn khawiha.A nui leh var var.Ka kun hniama,ka fawp lehnghal chat,ka nghawngah a rawn uai titih,a kekawr kawng ka vuan leha,min dang tawh lo.Hmanhmawh zetin ka pawtthlaa,min pui nghal vat.Ka kekawr kawng a rawn pawta,ka kawngah a mal pahnihin a rawn kherh bawk.Engmah dam raihin ka ti thei lo.Chhung lam atanga min nawrtu a nasa lutuk!! A panty phelh loin ka pawt kaua,hmanhmawh lutukin ka zawm nghal zat..A mar deuh awka,nghet zetin min rawn kuaha,ka chet zui takah chuan a rum nghal hak.Na zawkin ka nawr leh a,zawi tein a te leh that…Tiang em em hian hmeichhia tumahin Phurna min la pe ngai lo..A danglam zia leh keimaha thil danglam a thlen nasat zia hi mak tih dawn chuan amak mahna,mahse Hmangaihna hian engkim a lo tidanglam vek zawk a lo ni.

‘I buai em?” Phone ka pick veleh Rocky-an a rawn ti a.

‘Aih,buai loh lai tak.Enge nita?” zangkhai vuhin ka ti a.

‘Eng ni lo ti ila,tlemin hma ka sawn hret a.I hman hunah lo kalla’ a rawn ti a.Tluangpuii chungchang nge Aruata thihna chungchang a sawi zawk ka hre lo.Aruata thihnaah khan tu mah man an la nita lo a,Sawrkar lam lah an ngawi vung vung emaw tihmai turin thawm a awm zui hek lo.Mahse, Rocky hian a theih ang angin a chhui zui reng tih ka hre thung.

‘Ok,ka lo kal ang.Tunah i hman ami?” ka ti leh a.

‘Hman tho mai.Kan chhuaka,lawk…Ka lo kal zawk ang,Hotelah nge Showroom lamah i awm?” a rawn ti leh lawi.

‘Showroomah ka awm.Lo kal rawh,ka lo nghak ang che’

‘Um,ka rei lo vang’

Phone dawhkanah ka daha,ka dah rualin msg tone a ri ve chiah.Ka la kang leha,Tluangpuii msg a lo ni a.Ka en hmain ka then suk.Kan inneih atangin thla 2 a liam ve tawh.Nitin Nupui tha anih zia alang zela,mi mizia tak tak hretur chuan kum 3 tal nghah angai tih an sawi ka hre fo.Ka pawm zawng tak a ni bawka.Mahse,Tluangpuii kher hi chuan ze dang a neih ka ring tawh lo.

Msg ka Opena,a pu a damtha lo tih a rawn sawi a lo ni a,ka Reply dawn zeta.Mahse, ka call ta zawk.

‘Hello..’

‘Enge na a?”

‘Engmah chutiang pawh an lo sawi lo.Ka nutei khan a chau deuh a ti a.Ngaihtuahawm a ni lo ang’ a rawn ti a.

‘Ok,ka lo kal ve ang.Mahse, nakin deuhah’ ka ti leh sup.

‘Ngai lo.Kei pawh ka awmrei lo vang’ a rawn ti leh a.

‘Hmmm,Makpa tha uchuak annei tih an hriat angai alawm’ ka nui a.

‘An hria alawm,lungngai suh’ a nui ve hak hak.A nui ri hi hriat nuam ka ti thin,vertherna tel lo.Hlim tak tak vanga nui hi a lo danglam zia pawh amah vang bawk hian ka hrechiang tial tial bawk.

‘Um,anih chuan i haw dawnah lo sawi la.Ka rawn lam kual ang che’ ka ti leh a.

‘Yes,Boss..’ a nui leh hak,ka nuichhuak ve hawk bawk.

Dankar chanve vel a liam hnuah Rocky-a a rawn thlenga,chau hmel zetin a thu hnawk.

‘Khawnge i kala?” ka ti satliah.

‘Hemi veng Schoolah hian mawle,an School nizanah an rawka’ a ti ve mai.

‘A va zia lo ve.Man chhuah theih annih hmel em?” ka ti leh a.Min chhang loin tui a inhmasa te te.

‘Kan man tawh tluk a ni.Kan naute ka tir mek’ a hmui hruk zauh pahin a ti a.Ka bu nghut.

‘Thingpui nge Cold Drinks lam i duh ang?” ka ti leha.

‘A vawt lam nitehse.A lum zia chu rapthlak tak hi a ni ringawt’ a ti leh bai bai.

Cold drinks ka chahsaka,an rawn dahluh veleh a hawnga,a in lehnghal pawp pawp.

‘Nang hi vawiin lum vang aiin nizan thilin a shock zawk che nih ka ring tlat’

‘Teuh lo,nizanah engmah ka in eih lo.An School awmnaah zuk kal ve teh,I thawk a buai ang.Delhi khawlum vanglai ang chiah,thli pawh a vawt lo.A lum vek’ ani leh ni lo ang takin a uar mah mah.

‘Ok..Ka pawm e.Ka kal ve lo mai ang,tunah chuan Ac a in On a,I kawchhung tidai thei i in bawka.I zia mai ang’ ka ti leh a.A bu nghut.

‘I thil rawn sawi kha…’ ka ti leh nghut.

‘Um,nia..Nizanah ka buaipui a.Thil hi a lo mak thei dawn khawpin ka hria’ atihzawm zat.

‘Eng chu?” ka ti deuh hu.

‘Hmanni khan ka entir tel lo che a,Aruata khan thildang pawimawh pawh a dah tela.Mahse, engkim mai hian Ramdinsanga a kawk ta miah lo mai’ atia.Midang hriat hlau niawm takin a aw a zawi hle bawk.

‘Ramdinsanga anih si loh chuan tu nge?” ka ti sup.Mak ka ti tih erawh lantir kher tul ka ti lo.

‘Ka la hre mai lo.I partner zingah,ka sawi awmzia chu Mizoram chhung niloah.I Sumdawnpui te zingah mil vak loh i nei em?” a ti leh a.Ka lu ka thing ringawt.Tu mah chutiang tur ka nei lo.SX bikah phei chuan an vaiin an tha vek.SX khaikhawmtu lah Pu Dama a ni a.Engmah intihthiam lohna kan nei lo.Boom-a phei chu a teuh lo lehzual.

‘Tu mah chutiang an awm si loh chuan amak hle mai.Mahse, nangman i hre lo mai mai pawh a ni theia’ a ti leh a.Ka bu lehnghut.Pu Dama khan Tluangpuii kha tihtakzetin a mil lo thina,mahse tunah chutiang engmah boruak kan nei leh tawh lo.

‘Tu mah kawh bik ala nei chuang lo nangin Tluangpuii rawn bia ila a that ka ring’ a ti leh boh.

‘Ani nen enge inzawmna a neiha?” ka ti vut.

‘A inzawm vek zawk mawle.Kha Video clip tawite kha Tluangpui’n engmah a hre lo a.Mahse, an siam tlat.Anih si chuan Tluangpuii ah hian thil tamtak a thlenga,aduh vang reng erawh a ni lo ang.Hmana ka sawi kha ila hria em?” a ti leh duah.

‘Eng ber? I sawi teuh alawm’ ka ti nghut.

‘Tluangpuii Motora an sut tum a ka sawi kha,Hmelma a nei.Mahse, amah ber hian thup a tum tlat ka tih kha’

‘Um.Khang te chu Ramdinsanga a ni a.A ni lo mi?”

‘Ni angah ka pawm.Mahse, thah tum tak tak se ahnuah pawh a that thei reng.A dik em?”

‘Aw….’

‘Mahse, a that miah lo…’ a ti leh a.A sawi dik,khami zan khan engvanga thah tum nge anih ang? A thi ta lo a.Mahse, a hnuah pawh chance vawi tamtak a neia.Engvangin nge a thah si loh? Kei min beitura a blackmail vang khan a rilru a thlak leh zawk tihna a ni mahna.

‘Ramdinsanga hi buaina bul a ni lo.Ramdinsanga phenah hian midang an awm.Tu nge anih erawh ka la hre lo’ a ti leh a.

‘Um..Anih chuan hun a la duhrei deuh dawn anih chu’ ka ti sup.

‘Nia.Thil pakhat,he thilah hian i thluak a chawl deuh niin ka hria.Nangmah hian thil ni thei lo ngaihtuah ve chhin teh’ a ti leh a.A sawi awmzia ka hre chiah lo.

‘Ka sawi tum chu,Tluangpuii tel vena hian i thluak a tibuai niin ka hria’

‘Ka nupui hi ka ringhlel dawn tihna nge?” ka ti a.Za miah loin ka then suk bawk.

‘Aw,chutiang deuh chu.Buaina hi a ruka inmung a ni a,hman atangin kei aiin i sumdawnnah hian thil dik lo awmin i hre chhuak hmasa zawk ziaha.Ka chet ve angaih chinah chuan Sawrkar ramri kham pelh angaih vang a ni thina.Mahse, tunah chuan engmah i ngaihtuah tak tak lo.Thinrim suh,I tan ania ka sawi’ a ti leh duah.A sawi dik thlap tih ka hria.

‘Enge titura min duha?” ka ti sup.

‘Engmah…’ a ti leh lawia.

‘Ka sawi tum zawk chu i rilru zawng zawngin ngaihtuah la ka ti mai ania,ka tihtheih chin chu ka ti vek ang.Hmelma i nei em tihte,tuin nge tiang taka tihchhiat tum che hi hriat kan mamawh’ a ti leh charh charh.

Rocky kal hnuah kan Showroom bul Dawrteah ka lut a,nepnawi ka leia.A nghaktu,nu upa lam in min lo be luam.Ka kal nitin avangin a bul hnaia mi te hi chuan min hre ve thum hlawm tawh.Ka let min hmuh veleh Lalnuna’n min rawn pana.Workshop lama mamawh an neih min hrilh nghal mawlh mawlh,inhnuai lamah kan inzui thlaa.Motor khawih lai a lo khat vek.Motor neitu ho thenkhatin Waiting roomah Tv an lo en a,a then Motor siam lai en ngar ngar tawk an awm bawk.

An mamawh an sawi ho ka en thuak thuaka,atuk lama leitur leh chah ngai tuna chah nghal turin ka ti a.A bu nghat.Lalnuna hian Servicing lam zawng a enkawl a, a rintlak thawkhat.Ka Officeah kan inzui luta,an mamawh ho Company lamah chah theih ang ang ka chahsak nghal vek.

Lalnuna chhuah hnuah ka sana ka en a.Dar 5 a hnai thuak tawh.Tluangpuii ka ngaihtuah chhuak zawk,msg emaw call pawh engmah a awm lo.Ka lam kual ang tih ka hrilh tawha,min hrilh kher loin min lo nghak anih ka ring.

Tluangpuii pute in lamah ka inkhalhchhuaka,ka rin ang ngeiin an veng  thleng turin Traffic jam nasa zetah rei iak ka tang phei lehpek.

‘Sangkim,tehhlawl chuan.I dam maw?” Tluangpuii nutei’n min hmuh veleh alo ti nghal sawt sawt.

‘Dam alawm,enge ka pu chu a an a?” ka ti ve a.

‘A zia tawh.Thu la’ a ti leh a.Tluangpuii hmel hmuhtur a awm lo.Roomah lamah a pu bulah a awm anih loh pawn inhnuaiah Ambie-a hmu turin a kal a ni ngei ang.

‘Thingpui in la aw..’a ti leha.

‘Aih,in lo ang…’

‘Anih leh le,i hmanhmawh hmel bawk si.I lo kal leh hun chu innu rawn hruai tawh la,min tlawh khat lutuka.Ka pa a vui a vui maia’ min deng deuh dawt.Kartin vawikhat tal a tlawh ziaha,engtin nge kal khat an tih theih? Chumai bakah vawiin pawh heta kaltur angin a insawi bawka.A kal miah lo tihna anih hmel.

‘Nia,ka lo hruai ang.Ka kal leh phawt mai ang,helamah ka rawn kal kuala.A remchang em a ka rawn lut lawk a’ Pangngai thei ang berin ka ti a.A bu nghauh.

In ka thlenin Buati chauh a lo awma,Tluangpuii kalna ka zawta.A thiannu nen an inhmu dawn tih a sawia.Ka bu nghut.Room lam ka pan chho a,ka thinrim hlur bawk. Engvangin nge hetiang zawnga a chet ka hrethiam lo hlawl.A thiltihtur ka hnial ziah pawh a ni si lo.

Khaw thim hnuah pawh a la rawn haw ta lo cheu.Buati haw turin ka ti a.Min hnial deuh nangin ka haw luihtir ta tho.Kawngkhar a ri rak.Ka hawi nghal vut bawk.Tim daiin a rawn luta,mahse min rawn hmuh takah chuan a ding leh chawt.

‘Khawnge i kal?” ka tinghal nghut.

‘Eng lo,Zartei nen kan chhuaka.Ih…Vawiin kha ka sawifiah thei’ a ti bah leh nak.

‘Enge sawifiah tur awm a?” ka ti hmuk.

‘Ka pu teinah ka kal lo’

‘Ka hria….’

‘Nia,Nutei khan a rawn sawia.Diktak chuan kal ka tum veka,mahse Nutei khan a zia leh deuh a rawn ti a.Kal tho ka tum laiin Zartei’n chhuahpuiah min rawn sawma.A hmanhmawhthlak bawk sia.Ka rawn bia ang che ka tih laiin ka phone kan kalnaah ka theinghilh leha’ a ti a.A aw a mar pat bawk.

‘Anih chu’ ka ti nghut.

‘I thinrim lo tiraw?” a ti leh a.A awah inthiam lohna niawm tak a hriattel theih bawk.

‘Engvangin nge ka thinrim anga?” ka ti leh hmuk.

‘Ka…Ka hre lo,engmah ka hrilh lo che a.Ka pu teinah min lam turin i kal leh bawk sia’ a ti leh niah niah.Ui eiru ang maiin kawngkhar bulah a dimg zum zat bawk.

‘I sawi ang khan Zartei’n hmanhmawhin a ko che a,min hrilh turin i phone i theihnghilh bawka.I thiam loh pawh anih loh chu,Engvangin nge ka thinrimna anga?” ka ti a.Ka dar ka tisang uk bawk.

‘Nia…Adik alawm’ a ti leh sap.

‘Han intifai la,chawei a hun ania’ ka ti leh hmuk.Min chhan pawh ngak loin Tv lam ka hawinghal daih bawk.

Engemaw dik tawk lo a awm tih ka chhungrilin a hre thei.Sawi lan erawh ka tum lo.Bakah  sawitur hre lova rinthu a sawi ngawt a tulna a awm lo.Vawiin khan Rocky-a khan thil ngaihtuah tak tak turin min ti anih kha.Ni e,ka thluak hi a lo chawl rei mah mah pawh a ni mahna.

Ka harh zawk,ka inleta.Tluangpuii mutna lam ka hawia,A lo ruak.Ka thuchhuak nghal vat.Bathroomah a kal anih ringin muthilh leh tumin ka mit ka chhing lehnghala.Ka mut hmain kan inneih hnua a vawikhat nan zu ka in bawk nen ka lu ala hai deuh chhu bawk.

A rawn let ta mai tlat lo.Khawiah nge a kal ang? Thawh tumin ka inbengkanga,mahse Room kawngkhar zawitea inhawng ri ka hriat rualin ka mu lehnghal vat.Ka harh tih hre lo se ka duh avangin ka mit ka chhing lehnghal hmiah bawk.

Min tihharh hlau zetin khumah dimtein a rawn lawna.Inhnuai lamah a kal anih ka ring a.Chaw kha tihtham a ei lo.A riltam vangin eitur a zawng pawh a nimahna.Tim daiin ka kawngah a rawn kuaha,a mal lehlamin min rawn khana.Ka darah a lu a nghat bawk.Reivak loah a muhil tih a thawk danah ka hre thei.Dimtein a ban ka laksawn saka.Mahse, a che sat sata,min rawn kuah leha.Min rawn delh titih bawk.

Muthilh leh mai ka inrin nen ka muhil thei der lo.Thil tul lo pui pui ka ngaihtuah kual chiam chiam bawk.Dimtein Tluangpuii min kuahna ka laksawn sak leh chhina,a harh ta lo..Ka tho a,Bathroomah ka lut a.Ka ruih ala reh lo bawk nen ka pai deuh dawt bawk.

Khuma ka lawntur chiah Tluangpuii phone a rawn eng a.Msg a rawn lut a.Tun ang zan laiah tu nge ni ang? Ka nupui nimahse a phone ka check sak ngai lo.Rinhlelhna ka neih leh neih loh lam ni loin tul ka ti ngai lo ve hranpa.Mahse, zanin chu chhungril atangin a turin min tur tlat.

Ka lakanga.Ka hmet enga,a in locked.Ka rindan chiah,mahse Notification a hide lo hlauh.Whatsapp sign awm kalh mai chu ka tuaithlaa.A rawn lang nghal at.A rawn thawntu erawh number a save loh avangin ka hre thei lo thung.

‘A chiang tawh.Naktukah engkim kan sawi dun thei ang’ tih ringawt.A number save lo mah se an inbe fo tih a thil rawn sawi danah a chiang vek.Mahse, tu nge ni ang? Enge chiang a sawi duntur chu ni ang ???!!!