Full Moon Status

October 2018 a ka Status hi ka chhiar nawna,ka hnuk a ulh tun nia..Ka status zinga ka chhiar nawn zin pawl leh ka duh em em anih avangin tah hian kan dahtha ange.

💙💙💙💙💙💙💙💙💙💙💙💙💙💙💙💙

October thla, full moon hian ka nunah thuk takin thu a neia,ka hriat ve theih tirh atanga a hmasaberna atan kan chhungkuaah thihna a lo thlenga,kan chhungkuaah khan full moon,eng nuam leh mawi tak khan awmzia a nei lo.Kan tan chuan zan zawng zawnga thimchhah ber a ni tawp mai.

Kha zan atang khan kum 18 zen zawn a lo liam ve ta, Eizawnna avangin ka hun tam zawk Aizawlah ka hmang ta a,Full moon,Thingtlang lama kan ngaihhlut ang kha ka nei ngai ta meuh lo,diktak chuan thla tin hian thla mang leh thla en ber zan hi ka hriatlohin a liam vel mai mai zel zawk.

Nizan khan engemaw pawimawh vangin zinglam dar 3 velah In lam panin ka tlan hawng ve chauha,kan veng leh kan veng thenawm inrinna,In awm lo..Fal deuh laiah hian Car a lo dinga,a bulah tuemaw ding ka va hmu a,ka tlan pel zet tawh nangin Hmeichhia ni a ka hriat avangin ka tlan let leha,engemaw harsatna a neih ka rin vang a ni ber.

"Ka pi,i tha em?" inthlahrung angreng fein ka va ti a.

A rawn hawi leta,Thla eng bak engmah eng dang a awm lo,Thlang lamah a her fe tawh nangin a enna a nep chuang hek lo.A hmel landan chiang takin a lang theia,Kum 50 vel bawr a nih ka ring.Min chhang lawk loin min en ren rawna,ka beisei loh lutukin a tap chhuak hawk mai...Ka sawithiam Dan ber chuan Tuikhuah insah hawk hi ka tehkhin ber.

Tihngaihna hre loin a bulah ka ding tlawn reng a,reife a tah hnuah inhru chawt chawt chungin min rawn en a.

"Ka tihpalh lutuk,eng lo ania,Nikum October,Full Moon zan tak khan Ka pasalin Nat lawkna pawh awm loin min Boralsana,Full moon zan nimahse ka tan chuan Zan thim ber a ni tho..Zanin hi a thih zan ni chiah lo mahse Full moon zan anih avangin awmngaihna ka hre lo a,ka inkhalhchhuak ve mawp maia,helai hi engtin nge ka tlan thlen ka hre miah lo a,min rawn biak khan ka harh zawka,mahse ..enteh,Nikum khan Full moon mahse Thla mang zan niin ka hria a,a lo ni lo..Ka pasal kha Ropui takin Thla eng ang mai khian Vanah a lawn zawk a lo ni sia..."

Engtinmah ka chhang lo😪😪😪