PURPLE HEART - 8

Chapter- 8(Last Chapter)

Insangmar teuh chungin ka en a, ‘ Anih saw’ satliah thei ang berin ka ti a,ka hawisawn lehnghal vata. Min rawn en ve loh avangin min hmu lo tih ka hria. Ka hmelah engmah tilang chhuak lo turin ka insum nasa viau mai thung.

‘Kan kal tawh mai dawn mi? kan la chawlphei leh dawn sia” ka ti a. Diktak chuan an lo thlen phei hmain kalsawn hman ka duha,bakah Hmuifangah din phei leh kan la duh avangin muanchan lutuk chi a ni lo ve hranpa bawka. Favang a ni tawha, khua a thim hma leh tawh bawk si nen,kan chhuak hma vak bawk si lo va, Thenzawl pawh kan tlang ta lo law law.

‘Pawi hleinem’ tih pahin a tho a,ka tho zui ve nghala. Mahse,ka tlai hman ta tho. Hriati awin min rawn ko nawn leha,ka thaw ru hak mai. B-in min rawn en a,tihngaihna hre loin ka thle bak a. Za miah loin ka nui ringawt.Ka thaw leh haka, ka inhera, ka  dinna chhak,pen sawm vel leka hlaah an lo ding reng tawh. Zorema en loin Hriati ka en a,ka then leh saka.

‘I niin ka hre deuh reng a ni. I dam maw?” hlim tihhriat takin a ti a.

‘Dam alawm,I dam zawk maw?” pangngai takin ka ti ve a. Zorema lam ka ena, hmelhriat satliah nuihin ka nuih saka. Hriati bawk ka en zui lehnghal mai bawk.

‘Um,dam e..Tunlai inbuai em? Lo kal ka mamawh tawpa,mahse Prog neuh neuh ka nei ve renga. Vawiin ka free ni lah chu helamah hian thuber hian kal a duh bawk sia’ Zorema melh zauh pahin a ti a, ka luak a chhuak deuh hlui a, uak lo turin ka infuih ru mawlh mawlh mai.  

‘Ilo kal lo hlauh chu a tihchi zawk anih hi ,ka chhuah ni tak a lo ni vet ho sia.I hman veleh ilo kal dawn nia’ ka beisei aia tawngkam tha pangngai takin ka ti a.

‘Nia,lo kal chiang ang. I kuthnu lo chu belhchian a dawl lo thin em mai’

‘Ka lawm thei..Kal kan lo tum tawha,anih phawt u’ ka ti leha.

‘Tu te nen nge innih a? khu khu B-i ni em?” ati leh a. A hawina lam ka hawi ve a,ka bulah ala ding reng emaw ka tih laiin Sebastina-a te bulah a lo thleng thla daih tawh chu niin.

‘Um,ni e..Kan thian pakhat a lo zina, hmun nuam deuh,hnaivai si kan tlawhkual a’ tiin dik takin ka chhanga. Hetiang chiah hian ka chhuah hma pawh khan Zorema ka hrilh tawha. Hmelhriattir pawh ka tum ngei bawka . Ani angin ka kalna tur ka zep ve hni hne hek lo.

‘Ka kalsan dawn che u..Nuam deuhin chawlh hmang ula’ nui chungin ka ti leha, hreh ru ngawih ngawih chungin Zorema lam ka hawia, a mitah tak en chungin za miah loin ka nui leha. Ka bu zui zauh bawk. Ka inher zuia, ka hmu thei tawh lo nangin min enzui ang tih ka chianga,ka hnungzang a tim ar ar mai.

"Kal ila.." an bul ka thlen thlak veleh ka ti a.Nui var var chungin Sebastian-an min rawn en a.Ka chhungril pik churh mai haiderin ka nui lui ve sak bawk.

"Ilo chhuk ve nghal emaw ka tia" Motor lam pana kan kal laiin B-in a ti sa sa a.

"Chhuk nghal nang,kan inbiaa" thutak lo hmel zetin ka ti liam puat.

" I van be peih mai mai tak,ka ngei tlat" a ti deuh hlaka.

"Naa,ho e. Ngeina tur chhan a awm lo lutuk" ka ti liam leh puat.a

"Chupawhnise ka ngei tho tho" a ti leh hlak.Ka nui a,a hmui a tipawrh vak thunga.

"Ngei duh suh,I hah lutuk ang" nui hak hak chungin ka ti a.

"A bialnu nen an inzui laia biak kher che a tul lo em maia" 

"Hey,a ho em mai" ka ti a.Mahse,a bialnu tih tawngkam khan min vit a,ka khawchhung a sahal huam huam lawi thung.

Eve-i nen dawrah an lo kal chamchi a.Dawrah chuan tute pawh kan inbe bawrh bawrh veka,kei nen ngat phei chuan kan inzui leh tak avang khan chhungrilah kan inpawh zual bik a.B-i nen pawh tha takin an inbe ve ziaha,Mahse Hriati nen a hmuh dun takah khan,ka thiantha ber a nih angin ka tan a lo na tih ka hrethiam.

Hmuifangah kan chawl phei leha,awm an lo awm ve nual bawka.Tlang hniamte te,thingkung tawi laih awmna laiah kan thu a,thlang lam lang ruih mai chu kan thlir a,Sebastian-an thla a la kual mawlh mawlh bawk.

Hlim takin kan nui bawk bawka,Mahse ka chhungril a buai ngawih ngawih thung. Sebastian-a ka en a,Soso-i chungchang hrilh tul ka ti a.Mahse, ka rilru a inpeih hleithei si lo. Kan ramah ngei a lo kala.Kan in pawh ka hmuhtir si lo anih chuan a Polite loh thlak hle dawn tih ka hre tho bawk si. A hmuh loh hrim hrim a awmtir duh chuan tihdan a awm teuh ang,chhuanlam siam pawhin ka riahsawntir thei ang. Mahse,ka nu leh ka u sawi ang khan nakinah a pa chungchang zawhna ala nei ngei ngei dawna,tuna ka lo hriattir hian engkim a fel duak thei..Huizzz,eng nge ka tih ang???? Zorema leh Hriati khan ka ngaihtuahna a la peng tel lo thei bawk si lo nen..Ka ipik ngawih ngawih.

"Seb,zanin chu kan pahnihin inkawm ila pawi iti em? Naktuk zanah kan family leh thian hnai zualte nen Dinner neihpui che ka duh a.Mahse,zanin chu kan pahnihin" Atea leh B-i awm loh laiin ka ti a.

"Ok, pawi ka ti miah lo" zangkhai zetin a ti awlsam mai.

"Ka thiannu kan be lawk anga. Dawhkan kan hauh lawk ange " ka ti leh a.Kan college kalpui pakhat hian Restaurant changtlung tak Falklandah a neia.Karaoke nuam tak a awm tel bakah,Cabin felfai thlap,pahnih a nei tel bawka.Kan thianho thiltih khawmna hmun ber a ni a,tlawh lah kan tlawh ngun a,kan tlangnel tlang em em bawk.

"Aw,thiannu.." Hello pawh ti loin a rawn ti nghal thawr.

"Zanin atan hian Cabin a awl em?"

"Nope,Mahse i tan chuan Karaoke pawh a awm thei" zangkhai takin a rawn ti leh a.

"Ok..ok,eng hmun pawh nise,Hall anih loh chuan a tha vek" 

"Yes,Special guest kan nei tihna a ni em?"

"Maithei...Tak takin dar 8 velah kan lo kal ang aw" 

"Biakengi a tel ve dawn nge dawn lo?" A rawn ti leh rih.

"Zanin chu tel lovang.Pahnih kan ni anga,kan lo thlen hunah eitur chu kan Order mai ang aw" ka ti leh a.

"Ok,ok..I thu vek alawm" nui hawr hawr chungin a rawn ti leh a.

Sebastian-a hnenah ka thiannu Restaurant ka biak fel thu ka hrilha, a bu nghauh nghauh. 

Hotel a kan Drop-in dar 6 a ri tawha, B-i kan drop leh hnuah Inah min thlaha,ka rin ang ngeiin tu nge anih Atea'n min zawt ta chat.Mahse, "Nakinah hrilh che ila pawi iti em? Ka la inready lo" inthlahrung ru zetin ka ti a.Min en vang vanga,a bu ta nghauh.."Ok,eng hun pawh nise ka nghak thei che alawm.Hahdam rawh,I unuaupa tha ber ka la ni reng ania" a ti a,nui chungin ka samah a rawn tuaia,ka nui ve hak hak mai.

Soso-i alo muhil a,a nuam lo emaw tiin ka hlauthawng leh ngawt pek.Mahse,ka nuin " Vawiinah Schoolah an infiam nasa aniang.Sawi nuam a ti khawpa,a chawei lai atangin a muthlu titih reng tawha" a lo tih takah chuan ka thawveng nghal huai a. Khumah dimtein ka thu thlaa,a muhil thaw sak sak leh ang deuh phiau chu ke en a, sam buang thang leh kir deuh chiatah ka chul a. A hmeltha satliah lo,ka mitah hi chuan khawvela naupang hmelthaber a ni tawp mai.Ka thisen ring, ka pai,ka fa ngei pawh hi nei ila Soso-i aia ka hmangaih bik ka ring chuang lo.

"Ka ngaihtuah a,zanin hian Sebastian-a engkim ka hrilh ang ka lo ti a" ka ti a. Phawk zetin ka nuin min rawn melha, zatna pakhatmah tel loin ka nui lui sak bawk.

"Good,I ti ngei ang tih ka lo ring reng a..A chhanchu i fanu i hmangaih miaua" hahdam hmel takin ka u in a ti nghal var.

"Ka zam lutuk,Mahse insawi kha dik ka ti a..Chuan,naktuk tlaiah Dinner Party siamsak ila ka tia.In ngaihdan ka hre lova' ka ti leh a.

"A tha lutuk alawm..A hriat hunah chuan a thawng nasa dawn mang e" ka nuin a ti zui vang vanga.Keipawn chu chu ka ngaihtuah dan chiah a ni ve tho bawk.

Ka insiam zawh veleh Sebastian-a ka call a,a hman tawh em tih ka zawta,a lo inpeih thlap tawh.Phone ka dah hnuah ka ngaihtuah naah Zorema a lo lang zat a. Ka bia ang ange be lo ang? Ani pawhin min rawn be bik lo chu ania..Ka thaw hak, vawiin thilthleng kha hre lo derin a haw tawh em tih tal ka zawt dawn em ni ang?  Ka lu ka thing nawk..Diktak chuan biak a tulna reng reng a awm lo,ka hriat tur zawk chu, ka lo ring nghal tawp kha ka at vang a ni. Kan inkawp leh hnuah rinhlelh tur hmu lo mah ila vawiin thil khan ahranpa taka rinhlelh ngai loin a ti chiang vek,ka at luatah ka at man ka tel leh mek zawk anih hi maw..Huizzzz, engmah a rawn sawi ka ring lova.Keipawhin va sawi a tul reng reng lo bawka.. Nia, reh nghal ve ve hian kan fel ber ang,anih loh chuan ka tel sen loh khawpa tam ka inchhekkhawl zawk anga, siamthat ngaihna awm lo anih hunah kan tawp leh tho si ang. Ka na nawn leh anih chuan ka chak tawk tawh si lova,ka thachhuak zo tawh kher lo bawk ang.

"Hey....I va lang tha ve" min hmuh veleh Msi'n min lo tinghal chul.

"Nang nge nge,a nuam thei.." nui chungin ka ti let ve nghala. A tihfo danin thiam zetin Sebastian-a a mitmei nghal zauh bawk.

"Ka thianpa Sebastian-a ania. Australia lam mi.Chawlh a rawn hmanga" tih pahin ka inhmelhriattir nghala. Zangkhai takin an inbe zui nghal mawlh mawlh a. Business Woman nih hi a tlin ngawih ngawih a ni ber mai.

An naute hnenah kan awmna tur Cabin buatsaih nghal turin a ti a. "Eitur chu muang marin aw..Kan rei maithei bawka" ka ti a.

"Ok,ok..Duh leh zankhua pawh ni ang hmiang..I duh duh rawn sawi la,a tha thei angber vek animai" zangkhai takin a ti leh zung zung.

"Intur lam hi Aizawlah chuan kan nei tha vak lova.Bakah,ka in ngai lo a.Ka hrethiam chiah lo bawka" kan pahniha kan awm hnuah ka ti a.

"Um,I in ngai lo tih ka la hrereng ania.Ka Memory hi a tha lutuk" nui chungin a ti a.

"Nia,min la hrereng a,Chumai bakah ka in ngai lo tihte pawh" nui chungin ka ti let ve a. Ka sam chhawlleng thliin a chhem leng dar dar a,ka bengah ka zep a.

"Room hi ka duhzawng tak a ni. A simple a,a view lah duhthusam" tih pahin thlanglam a hawi thlaa..

A sawi dik chiah. Kan awmna Cabin hi thutthleng awm loin chhuatah Cushion chhah zet zet an daha,Dawhkan hniam chenchawn a awma.Inhmatawnin dawhkan kilin kan thu dun a. Tukverh zau tha hek hawk pakhat awm chu inhawng sain an daha.Thlifim a rawn thaw lut heuh heuh bawka..A ti hahdamthlak huai emaw tihtur khawpin boruak a ti thiang zuala. A room chu thuhran nise, athlang chiaha Dil awm chu light engin a chhun tle sut a,a piaha kawng awm pawh street light eng hnuaiah alang hnim deuh ruai bawk. 

"Eitur hi enge kan chah ang? Mizo chaw nge i duh thildang?" Menu thlek zauh pahin ka ti a.

"Mizo chaw ka duh, hmanah pawh khan arsa chhum i siam khan tui ka tihzia ka hrilh che kha" a ti a. Ka thle baka,Menu ka en leha,tunah hi chuan Arsa chhum berkher chu kan hmuh ka ring lem lo.

"Anih chuan ka duh duh ka chah dawn sin" 

"Ok..Eichhin vek ka chak" a ti tha ve mai.

Kan eiduh zawng Order rawn la turin thawktu an awm reng tih ka hai lo.Mahse,Msi ka hmuh duh avangin Counterah ka chhuak pheia, Customer bill pe mek pakhat a lo be bawrh bawrha,an bulah ka va dinga. Min rawn en pahin a kut a vai nghal zauh bawk.

"Kia?" Customer kalsawn veleh a ti nghal var.

"Thil ka request dawn che,a harsat leh sawi hreh lo la" 

"Sawi la..."

"Sebastian-a sawn Arsa chhum a duh lutuka,insiam ka ring lo thunga.Siam a harsa angem?" 

"I sawi dik,kan siam ngai lo.A hranpaa Order anih loh chuan..Mahse, kan siam anga nimai.A harsa lo,nghah deuh erawh angai anga" zangkhai fahranin ati awlsam et.

"Thnx,Mahse inbuai phah viau angem? " Inthlahrung angreng fein ka ti leh rih. 

"Nooo,nghah kha angai dawna chu zawng chu.Tin, sawifiah tur i nei tih erawh hrereng la" mitsiai zauh pahin a tihzawm zat.

"Naaah,eng thil maw?" Ka hre lo der ve tlat thung.

"Amah kha..."

"I ring dik ang..A tawk em?"

"Yes...Tikhan a tawk der. Sawi nawn leh pawh angai tawh chuang lo vang" a nui a..Ka nui ve hak bawk. Mize tlang leh thunawi nei lo zet mai a ni a. A hriat duh chu min zawt tlang pawp zela, a sawi ang ngei khan a bak sawizui leh neuh neuh a awm ngai lo.

"Seb,eng lo ania...Thil pakhat sawipui che ka duha" ka plate ka nawrsawn paha. Ka hmui hrukfai tumin napkin ka la nghal zat bawk.

"Keipawn sawi tur ka neia,Mahse sawi hmasa rawh" a hmui a hru zui nghal mawlh mawlha. 

"Sawi hmasa la..." Ka ti a,eng thil nge sawi a tum ang ka ngaihtuah thiam lo. Mahse, Soso-i chungchang anih erawh ka ring lo ve tawp thung.

"Aih, sawi hmasa rawh" nui chungin a ti a.

"Ok, a tha alawm..." Ka ngawi zui leh dat. Ka sawi huphurhna leh sawi duhna a inzat reng.

"Eng lo..." Ka tawp leh riha, a mitmeiin zawhna min zawt ve thung. A awmdanah chuan tawng tum loin ka sawi hun a nghak tih ka hrethiam vek bawk.

"Fanu ka neia.Kum li vel a ni a,a hming chu maw Soso-i ania" za miah loin ka nui zui nghal hak ringawt.

"Chuan..." A ti dam thlapa,a hmel landanah chuan makti hmel emaw thildanglam engmah alang lo.

"Diktak chuan ..Ih, engtin nge ka sawi ang?" Beidawng lutukin ka kut ka phar hliaia, ka thaw nghal hawk bawk. Engkim hrilh mai tha ka tih avanga rilru ka siamfel lai khan chak tawk niin ka inhriaa,huaisen tak leh pangngai taka ka sawi theih ka ring bawka

"Ih, diktak chuan ka fanu chu ania,Mahse ka fanu a ni lo a" awmze nei lo lutukin ka ti leh a. Nui chungin a mithmul ati sang zauha,engmah sawi tum hmel erawh a pu chuang lo.

"Seb...Arti leh kei.." ka sawi laklawh laiin ka kutah a rawn vuana. Ka tawng tawp nghal chat mai. 

"Kan sawi tum a in ang dawnin ka hria.." a ti a,a nui a. Awmze nei lo zetin ka lu ka thing nawk ringawt.

"Arti nen kan inhmu a, fanu ka nei tih min hrilha,Mahse ka fanu chu midangin hmangaih takin a fanu ang maiin a pawma. A fanu tan a inhlan vek bawka. Ka fanuin nu atana a neih chu midang niloin,kei leh Arti tana Angel ang maia thianghlim a ni a. Chu chu midang niloin nangmah hi ini a..A dik em?" 

Ka che lo,ka thisen kal vel a tawpa,nung reng chungin ka thi nge thi reng chungin ka nung zawk pawh ka hre thiam lo..

"Ka hriattirh chuan min thawng na ve lutuka. Aman a pawm loh vangin ka thinrim bawka.Mahse,engkim kan sawi dun hnuah a dinhmun ka hrethiam a, atan fa pawm kha thihna tluk a ni dawn a.Bakah,keima thiam loh a tam em em bawka.Chuvangin i kuta a kalsan kha sawisel thei ka ni lo..Chawpchilh lutukin Aizawl lo kal tumin ka inbuatsaih nghal chuk chuka. Mahse,engtin nge ka sawi ang ka hre lo va. Hmuh min phalsak angem ka hre hek lo. I phal lo anih phei chuan hmuh pawh ka tum lui lo ang tiin Arti hnenah ka intiam hmasa veka..I hrehawm tawrh zawng zawng leh kan pahnih mai bakah kan fanu min lo humhimsak tu i nih avangin Arti-in a zah ngawih ngawih che a.Keipawhin ka zah che a" a tih zawm leh duaha,awmze nei miah loin ka lu ka bu ringawt thung.

Ka tawng miah loh vanga nuamti lo niawm takin ka kut a rawn hum nghet sauha,ka mawl muih leh ka hriatna chawl thuap mai pawhin Muangchangin ngai a rawn awh leh tial tiala, ka hmaa thu mek Sebastian-a chu a mitah tak ka en a.A mit pawlram maiah chuan engtikah mah ani hian ka fanu hi min chhuhsak dawn lo tih ka hmu tlang nghal vek bawk.

"I tha em? A thawng ang che tih ka hriaa,Mahse sawi i tum tho niin ka hre bawka" min ngaihtuah hmel takin a ti a. Tawng loin ka bu leh nghauh ringawt. Diktak chuan tawng dawn pawh ni ila eng nge ka sawi ang ka hre rih lo hrim hrim.

"I fanu chungchangah engmah sawi tur leh dil tur chein dikna ka nei lo tih ka hria,Mahse thil Pakhat chauh a vawikhat nan leh a tawp nan dil che ka duha..Ka fanu chu ka hmu thei angem? Vawikhat chauh kuah ka chaka,engtin nge a hmel a awm tihte ka hre duha, abak chu ka dil lo che ania..Apa ka nih thu hrilh pawh ka phut chuang lo a" inthlahrung leh min tihnat hlau em emin a ti leh a. Eng emaw sawi tumin ka ang zuau a. Mahse,ka chip leha. Ka inbengkanga,ngawirengin a nghawngah ka kuah ta zawk. Mangchhia kha thawklehkhatah a kiang ta duaka, engkim mai a mawi leh ta.

"I hrereng amaw?" Tawng lo a kan thut vang vang hnuah ka tichhuak hapa.

"Um,ka sawi ang khan Arti nen kan inhmu a.Engkim min hrilha, ka chuhbuai che a duh lo tih pawh Chiang takin min hrilh nghala..E,Pasal a nei dawna" a tihzawm leha.

"Ka lawm e aw.." ka ti sap..A chhan ka hriat si lohin ka lung a rawn chhe thuta,ka mittui a tlak hlauin ka khap nghal sak sak bawk.

"Maw? Keimahni alawm lawm zawk tur" a ti deuh hu a.." Aih,ka lawm zawk. Min laksak i tum lo tih ka hriaa,diktak chuan engmah hrilh loh che ka duh zawka.Achhan chu min laksak i tum anih chuan thih huamin ka bei dawn che a" ka ti a..A mit pawl ram maia min en chungin a thle deuh baka.A then zui leh sak mai.

"Pa Dinhmun luah turin dikna ka nei hleinem.Mahse,min mamawhna a inei anih phawt chuan engtikahmah ka tlanchhe ngai lo vang" nghet charhin a ti a. A sawi ang ngeiin a ti ang tih ka ringnghet nghal thlap mai bawk.

"Ka lawm e" ka ti leh sapa.

"Engtikah nge ka hmuh theih ang?" A ti ve thung.

"Naktuk zingah ka rawn hruai ang che.Tunah chuan a muhil tawh dawn sia" ka ti a.

"Ok,ka muhil thei angem aw?" Nui chungin a ti a. Ka nui ve a,a rilru tur ka hrethiam chiah lo nangin a nghakhlel ang tih erawh ka chiang.

Ka phone ka lakchhuaka, Cover Photo atan Soso-i Thlalak ka hman ka entira, a thaw huaia..Insum hman loin a hmai a hup nghal vang vang mai. Hnem tumin a kutah ka vuan ve thunga. Min rawn en a,Mipa mahnise a mittui a hnai hle tih ka hmutheia,ka dem miah lo thung.Ka Phone a Soso-i photo awm tlar dul mai chu kan en duna, hmuhnawm ti em emin a thlir dauh dauha,zawhna angah em em a.Keilahin Soso-i chanchin aia sawi nuam tih ka neih miau loh avangin ning hauh loin zawhna ka Chhang zel bawka..Ka huphurh em em hun kha lawmna hun a ni ta zawka.Hriatthiam phakbaka nasain kan inpawh ta sawt bawk.

Ka nu leh ka u in min lo la nghaka, thilthlen dan ka hrilha,ka nu mittui  a parawl a,ka u erawh Mipa a ni bawka engmah a tilang ve lem lo.

"Ka rin ang chiahin a thleng anih chu.. Naktukah an inhmu dawn a,a muhil thei pawhin ka ring lo" hahdam takin a ti a,a duhtawk em em.

Soso-i muhil bam mai chu ka kuaha,ka ta a ni a.Tuman min laksak ngai dawn hek lo. Tunah chuan chan ka hlau leh tawh ngai dawn lova, a pain min laksak ka hlau leh tawh ngai hek lo vang.

Ka muhil hman thelh tihin ka phoneah msg a rawn lut a, ka phone ka en a. " Soso-i nen an kn ang khawp mai..A fanu ang maia ngainatawm anih ka ring" tih a rawn thawna,ka harh chiang nghal vek.  A hmuh rual khan Soso-i pa a ni tih a hrethiam nghal a ni ngei ang. Nia,tupawhin an ringhlel vek ang chu..Mahse,ani hi chuan a fanu tiin confi takin a rawn sawi nghal pawpa. "Engkim ka sawifiah thei" tih ka type nghala,Mahse ka delete lehnghal zat thung. A ngaihdan chu engtin pawh lo nise ka buaina tur a awm lo. Chumai bakah Soso-i ka fanu a ni lo tih hi ka nu leh ka u,B-i te bakin an hriat a tulna a awm hek lo. Pasal ka la nei ve ngai te anih chuan ka pasal chuan a hriat hun ala awm dawn tho tho. Achhan chu engdang ni loin,ka virgin miaua..Tumah fa hring tawh Virgin awm ngai hek lo le..Oh, Isua Hringtu,Mari tih chauh lo chu...Engpawhnise,ani leh keiin inzawmna kan nei tawh lo a,kan tawp tih sawi kher lo mah ila kan tawp tawha. Engtikahmah a hrechhuak ngai dawn lo tihna a nimai.

Ka phone ka dahthlaa.Mahse,ka dahthlak rual deuhthawin msg a rawn lut lehnghal zata. Rang lutukin ka lakang lehnghal vat a,ka Open nghala.."Engkim a tha vek em?" B-in a rawn ti a,ka thaw hak mai..Atthlak zetin Zorema bawk turah ka ngai hman peka. A tawp tih ka inhrilh nawn ngun angai leh dawn mang e.

"Beisei phak baka tha a nimai.Naktukah kan sawi dawn nia" tihzawng ka thawn let a,ka awm chungah phone ka daha, muthilh tumin ka mit ka chhing zui nghal vang vang bawk.

"Mommy, apa chu tunah khawiah nge a awm? " A sam ka khuihsak laiin Soso-in a ti a,min en loin a barbie sam a phiarsak a.

"A lo thleng tep ang..A puin a va Hruaia" ka ti tha ve mai. Zing thawh veleh apa a lo kal tih ka hrilha.Mahse,naupang tihtakah eng he huah vak angai lo. A hriattheih tirh phat atangin Pa a nei ngai lova,Pa hlutna leh awmzia hrethiam rual ala ni bawk si lo nen. A uksak vak lo pawh dem ngawt theih a ni lo.

"Apa chuan School atangin min lo lam dawn em?" A ti leha.

"Aih,vawiin chu dawrah a lo kal ve dawna.Chuan,zanah chaw te kan ei ho anga..A tha em?" Nui chungin ka ti a.

"Aw,tha..Mahse,khawiah nge apa chu a awm thina?" A ti leh a..Chhan mai dan tur hre loin ka mit ka khap sak saka,hmeichhe naupang fing fel lutuk a ni hi lawmawm mah se ka manganpui tum a tam viau lawi si chu ania.

"Hna a thawka,ramdangah a awm thina. I hmuh hunah sual deuha awm miah loh tur ania..Le,ka zo e" ka tihzawm nghal hliaia..Atthlak takin ka fanu bulah ka zam ru tih ka hai lo. Ka ngaihtuah a,tuna ka hmuhtir hi a lo fuh takzet mai tih ka hrethiam nghal pang mai. Nakin atan tiin lo khek ila chuan,apa hmuh tur awm bawk si lo,kawng engkimah Mizo a ni lo tih Chiang em em bawk si hi amah ala in hrethiam thuai anga,ka la buai phah nasa dawna,sawifiah pawh ka sawifiah zo kher lo theia. Tunah chuan chutiang a ni dawn lova,a thanlen ang zel leh thil a man thiam ang zelin ka hrilhfiah thei zel tawh anga.Engmah harsatna a awm ka ring hek lo. Engkim mai hi Chunglam remruat zel a lo ni.

Ka u leh Sebastian-a an lo thleng a, Soso-i a zak ta tlat peka. Sebastian-a erawh chuan mit a lasawn hleithei meuh lo thung. Ni e,amah a ang em em chungin Arti a an zia Haider rual a ni tlat lo a.Atan chuan a hmuhnawm lehzual lo thei lo a. Tin,fanu hetiang tiat lai lo ni, hriatchhuah chawp lehnghal phei chu amak Danglam ngawt ang.

Soso-i School a kala,kei leh Sebastian-a erawh ka dawr lama kal turin kan inzui chhuak ve thung. B-i nen an innel tawh bawka,an titi dun thei viaua,kei erawh alangah nui ve hawk hawk mah ila ka chhungrilah Zorema bak a awm thei tak tak Chuang lo. Nizana msg a rawn thawn bak kha min rawn be lo va,zingah min rawn wish hek lo. Nia,min nuihzat ngawt ta ve ang. Bum ka nuam em bawk atin ni.

"Hello...In lo dam em?" Eve-in awki sang veh vawhin a rawn ti luta. A hnunga lo kal ve ka hmuh rualin ka insangmar nghal teuh thung.

"Ehe,ilo haw alaw? Lo thu ru" ka chhungril hah ru hluah hluah thup nan ka awki erawh a zangkhai vah thung.

"Um,niminah ka lo haw a..Ka ngai tawh tawp che a" nui var var chungin a ti a,Mahse ka bula thu mek Sebastian-a chu hriatchian achak tih a mitmengah ka hai chuang lo.A u ang bawkin Soso-i pa a ni tih a pawm nghal thlap zawk maithei bawk.

"Seb, hei hi ka regular client mai ni lo,ka nau ang maia ka duat,Mizo Model zinga tha ber Eve-i ania. Chuan,hei hi a u Zo..Oh,Zachary a ni a.." Ka khuh zui nghal khauh mai.Zorema tiin ka sawi hman teuh lutuk kha ka zam titiha,Zorema ka melh zawka..A thensuk a,a mitmeng nelawm lo zetah chuan tih elna Chiang takin ka hmu thei bawk.

"Nimin kha in haw har em?" B-in Zorema hnenah a ti a.

"Haw har lo ve" a ti zangkhai vuh.

"Tlanga han thut reng chuan ni a sa bawk sia,a nuam tho nangin a nuam lo" nui hawk hawk chungin B-in a ti leha..

"Adik alawm..Thil pawimawh tihtur avang em mai tiraw" nui chungin a ti leha. B-i hian a ngei em em tih ka hai lo,Mahse dawrah hi chuan pangngai takin an titi dun ziah lawia.Mak ve tak chu anni.

"Nia,Mahse nimin kha chu Seb-a hi kan kalpui,kan spot neih that ve tiin kan chhuang ve a..Aaa,nimin khan a neitunu a tel ve sia,a pawimawh ang ka ring" B- in a ti leh duaha..


" A neitunu..I va sawi thiam angreng tak" nui chungin Zorema'n a ti a.

"B, ka u bialnu a lo kal ve maw? Naaa,ka hmu ve chak asin" phur lutukin Eve-in a ti a. mak ti zetin ka mengphawk nghal hra mai.Ani hi  Hriati leh a u inkawp a hrechiang ber tur a ni sia. Mahse,mak a tihvel danah chuan lemchanna hmuh tur a awm eih si lo.

"Hmm, I over sia..Mo kan lawm vat dawnin ka hria" B-in a ti let ve a,Zorema Muangchangin ka en a. Ka mitah tak min rawn en ve siah bawk.

"Enge ka Over na? Awi..Ka hmu ve chak, thlakhat vel chu a Mood hi nuireng Mood a ni tawha" Eve-in a ti leh a. Atthlak zetin ka lo ipchawih thung.

"Nia,milar a lo ni bawk sia..Bakah, Hriati hi chu a chhe lo ve e.Mahse,thinrim lo la..A Zaithiam lo ka ti" a nui zui nghal vak vaka. A sawi dan tehbawl vangin ka lo tim ru sawk thung.

"Hriati maw? I sawi awmzia ka man lo reng reng" thutak zetin Eve-in a ti ha mai.

"Oo,nimina i u lo hruai chu Hriati ania..Enge hriatthiam loh tur awm a?"

"Um,Hriati a kal ve tih chu ka hre tho a. Ka u bialnu itih khan ka lo phur ve em em a. Enteh, hmeichhia zawk chuan thup rih ala duh a.Chuvang ania tu nge anih kan la hriat loh.." a sawi zawngin a nui a,nghal zetin a u a melh a. Ka hmai a sa hut hut thung. Engmah hi ka hrethiam teh nuai tawh lo. Kei ang bawkin Eve-i lehzel pawh a bum ania..

"Hriati pasal neih tur kha an la hre ve lo aniang" Zorema aw pa zetin nghet churhin a rawn ti a.. Insum hman loin "Oh " ka tichhuak sap a..Maktih hmel zetin Eve-i leh B-in min rawn en nghal vat a. Kei erawh ka tui in lai ka hak zui nghal bawrh bawrh thung...

Note: A tawp ta mai e..Ho inti awm mang e😁 Phone atang chuan a harsa ve em a ni. Infel viau chuan EPILOGUE ka rawn Ziak leh ang aw.Mifel ho,min la chhiarsak hram hram tu te u,in zarah hian ka va mawiin nuam hi ka va ti em..Tin,karkhat chhung rilru nuam lo taka result ka nghah hnuah,tukinah ka Negative tih ka inhriaa,ka lawm em avangin hmanhmawh takin ka ziak rum ruma,ka rawn vawm lut deuh bawk nawk mai e💜💜💜💜