SCOOTY
SCOOTY
(Short story) : Maengi Ralte
“Mawli leh!!’ ka bula Verna Pencil rawng,fai zet atangin Mipa aw hian a rawn ti tuar a, ka Scooty ka brake ri nghal tuar bawk.
“Sorry..ka hmanhmawh lutuk a..” min rawn hau tu pa lam hawi pahin ka ti a, dik tak chuan ka thiam loh anih rualin ani pawh a dik bik chuang lo.
Zarkawt kawng tawt lutuk a inhnawh phei ai chuan tiin Kawngchung lamah hmanhmawh zetin ka tlan chho a, ka hna hi muangchanga tlan chunga thawh chi a ni lo a, nileng hian ka thil tih tur hi tlai hlau reng reng a awm ka ni a, pakhat ka tlai chuan a dang ka tih leh tur ka tlai nghal a,chuvang takin Aizawla hmeichhe Scooty khalh thinah chuan ka Speed hi a sang pawl a ni ngei ang.
“Fimkhur tawh rawh” rawn dah chhuah pahin a rawn ti leh a, ka thin a sa phat mai, kei aia naupang a ni ang tih ka en ngawt pawn ka hre thei,dik tak chuan ka tlan chho tih a hmu renga, ka hmaa Taxi ka pelh dawn khan Horn ka hmet ri a, min pass thlap bawk,chuti chung chuan amah zawk hi a rawn tlan thla lui a.Motor khalh tur chuan a len leh len loh tal a chhut thiam tur a ni, mahse, a hmelah hian Mi hausa fapa duat sual a ang ker kawr em mai.
“Nang pawh nidangah chuan i motor kha i tlanna tur kawngah a leng dawn em tih i lo en hmasa tawh dawn nia” ka ti ve hmak,ka hnunga motor in Horn an rawn tih rik tak bawk avangin min rawn tih letna ka hre hman ta lo, ka dawk chhuak deuh zawka, ka tawngkam kha na a ti tih a hmelah khan ka hmu thei,lo na vel mai mai tehse, kei pawh a duh duh min sawikhum kha le.
Dar 3 rik dawnah lunch ei turin ka thu ve hman ta chauh, ka thut hahdam chiah hian ka chauh zia ka hrechhuak ve chiah zel bawk,Scooty khalh hi thil hahthlak tak anih rualin Motor ruih ka chin lutuk avangin a theih hram chuan ruah a tlak deuh pawn Scooty ka keng chhuak lui hram hram zel a, chumai bakah Jam vanga buaina tam zawk hi kan pumpelh tlat bawk.
“Jor..” ka bula rawn thut pahin kan thawhpuinu in a rawn ti a, ka hming hi Jordin a ni a, he hming hi ka haw ngawt mai, Jordin ni na na na hi ‘Jor’ tih leh JAWRI’ tih ka hlawh tam zawk mah a, chumai bakah Mizo nireng siin Mizo hming ka neih ve lah hriat a hlawh eih bawk si lo.Min phuahsak tu hi chu ngam ila ka hau ngei ngei ang ka ti ru fo, mahse, ka pi ,ka pa nu min phuahsak ve liau liau a ni a, huat tak tak chuan ka haw lem lo.
“Tlaiah Boss te inah kal i tum em?” a ti a, a thil ei tur a phawrh pah a.
“Kal loh theih a ni nge ni lo?” ka ti nghat a, Boss te nupa Inneih cham a ni a, kum 10 nge 11 ka hre ta chiah lo.
“Aih, ni lo..” a sawi hmain ka hre tawh, an hnenah kum 4 ka thawk tawh, tihtur an tih apiang chu tihtur a nimai, mahse, an sual a hrawn an hrehawm tihna lam a ni hauh lo thung,anni aia midang te hrethiam thei ka hre miah lo zawk.
“Chuti chu kan kal dial dial ang chu..enge present tur i lei?” ka thil ei lai ka ei zawm a.
“Engmah,kan kal pahin kan lei mai ang chu, i rualin ka kal ang chu ka lo ti a” a ti leh a, ka ner nawk ringawt, ka tlan muang ngai lo lutuka dawih deuh phurh hi ka peih lo thin.
“I hlauh dawn chuan ka phur peih lo che” ka ti nghat a, a nui mai..
Dar 5 rik hmain Boss te in lamah kan kal ta dial, an lo awm laih laih tawh, min lo be chul nangin ka rilruah thildang a lo awm daih,Gate bulah Verna Pencil Colour a lo awma, thil hriatchhuah ka nei..Kha naupang ngeiawm zet kha..a number ka en a, engmah phei chu ka hriatchhuah phah chuang hlei lo a,vawiin a ka inhauhpui deuh kha a number ka en tlat lo.
Pawna thutna awmah kan thu a, ka thiannu nen thil ho mai mai kan sawi dun a,chawei nan a la hma deuh,ka rin aiin mi an sawm tam zek, nidangah hi chuan felfai deuh thlap hian an ti mai zela, chumai bakah a kal thang te hi ka hre deuh vek tawh.An chhung hnai te pawh ka hre deuh fur tawha, anni pawn min hre ve tawh hlawm viau.
“Jordin,Pa Ruata te Inah kal lawk angaia, hei, Mate-i te nen hian va kal lawk mai teh u” Boss nupui in min rawn ti a, Matei a tih chu ka en a, ka hriat hnu tho,Kan Boss te unau zinga Upa ber Fanu a ni a, kum 20-23 inkar vel anih ka ring.Ani pawn min hria a, min rawn en a, a nui var var bawk.
“Pawi hleinem,kal ila..” ka helmet ka la a..
“Motor zawkin, Gate bulah sawn Matei thianpa Motor a awma, lakchhuah a awlsam ber a..” a ti a, kan thil va lak tur a sawi zui nghal mawlh mawlh bawk.
“Motor anih tho chuan Sangi lo kal ve la...” ka thiannu hnenah ka ti a, ka naupang tawh hauh lo nangin hmelhriat satliah, nel vak loh te nena khawimaw kal ho hi nuam ka ti ngai lo a,ngaiah ka nei thei hek lo.
Gate lam panin kan inzui phei a, kan hmaah Matei a kal a, kan thian dunin kan zui a, Gate bula Motor awm chu ka en a, kha Verna bawk kha..a chhungah tunge awm ka thlek zauh a, tumah ka hmu lo..
“Lawk aw,a lo kal tep ang,hei hian kan kal dawn nia” Verna kawh pahin a ti a, ka hawi let a, ka hmu ta..Amah ngei kha, Naupang chaltlai zet leh intihtei lutuk pa kha,Matei ai chuan a upa zawk ngei ang, Kum 25 vel anih loh chuan a aia a upatna a tam lo hle ang..Chhuna kan hmuh ang chiah tho khan Tarmit bial lian zet a vuah a,A mit a tha lo tak tak ai chuan Fashion chi khat anih ka ring zawk, High neck Nude Colour a ha a, ka rin aiin a sang hrep thung, min zakzeh hial mai thei zawk.
Min rawn en a, a hmel danglam deuh hmuh ka lo beisei laiin min hre awm pawn a awm ta lo, ka lo ngei rilru leh hman pek,tawngkam engemaw tak nei se chuan tiin ka lo inkau ru rana,engmah a sawi ta si lo chuan min ti thinrim letling tlat.
“Kal ila..” Car kawngkhar hawn pahin a ti a, Matei a hmaah a lut a, a hnung kawngkhar Sangi’n a hawnga, ka lut hreh ngang mai.
Matei a ti ti liama, kei erawh ka ngawi ngar mai, a khat tawkin Sangi’n a chhang leh zauh thina,Naupang nghala pawn a changin a chhang leh zauh thin bawk,Mipa tawngduh tak anih hmel lem loh, pawnlam ka thlir vauh vauh a, vawiin chu ka tihtur pakhat ka tlai a, Bonus tlem ka dawnga, ka inhnialpui pa Motorah tunah ka chuang leh a, kei leh kei lo ang takin sawi tur ka haichham a, a chhan ka hriat miah lohin ka thinrim tun bawk.
“Ngatinge a?” Pa Ruata te In a Matei leh a Thianpa an luh hlanin Sangi’n a rawn ti a, ka nui ringawt,ka mood Off lutuk chu a lo man leh hman,amak hran lo..Nitin kan thawk duna, ka hriatchian tluk zetin min hrechiang miau a.
“Eng maw?” ka ti a.
‘I Mood kha mawle,kan Motor khalhtu pa lah khan a khat tawkin Glass atang khan a rawn en leh thin che a, pawn lam i en daih a i hmu lo nih kha” a ti leh a, chhan ka tum lai takin thil pawm bawr luk chungin an rawn inzui chhuak ve chiah,ka chhang ta lo..Inchhungah lak tur dang a la awm thu Matei’n a rawn sawi a,kan va la ve leh ta zawk.
Hei hi i ta a ni em?” min rawn be tu ka en vat a, ka beisei loh lutuk ka hmuh takah chuan ka meng phawk vak ringawt.Kha naupang kha,Ka Phone a rawn lek kang va va bawk.Boss te in a ka hmuh ni kha ka hmuh hmasak ber leh ka hmuh tawpna a ni a, tun hi ka hmuh leh na hmasa ber,khami ni atang khan thla hnih aia tam a liam leh tawh hial ang,hriat pawh ka lo hre leh tawh lo.
“Aw, anih kha..” tih pahin ka ban a, Lawmthu sawi ka duh viau rualin tlawmah ka la tlat!
Ka hmalam ka en ngaiin ka en leh a, ka Scooty sil tu in uluk fe a a brush lai chu la hmu ngai lo niawm tak hian ka thlir daih bawk.
“Rinsanga ka nia..” ka bula rawn thut ve pahin a rawn ti leh a,muangchang hian ka en ta nge nge, Tarmit a vuah lo a, ka hmuh hmasak tum kha Feb thla tir a ni a, tunah chuan khua a lum tawh viau,T-shirt var thianghlim zet a ha a, Jeans kekawr a ha a, Puma Slipper a bun bawk.
“Jordin..” ka ti hmaka, biak zui huphurhawm tur ang ber hian ka tum hmak bawk.Ka unau zinga naupang ber pawh rual lo turin a rualpui ang maia min bia chu ka haw ru tlat.
“Ka hria lawm” a la nui zui,a nuih zawngin a ha var rual that mai a lang thei a, a hmui hnuai lam tlema chhah deuh chuan ka mit a la fal nalh, dik tak chuan ka tuina zawng tak, Story eng eng emaw ka ziah ve tawh ah hian a changtupa te hi an hmui hnuailam a chhah ziah tlat a.
“A that chu” ka ti nghata, ka Scooty lam bawk ka en leh a, sil zo vat vat se ka ti takzet.
“In hna lam te in tluang maw?” ava mak fo e aw.
“Aw,kan inhria em?” ka ti chang fak mai.A hma khan ani pawn min hre miah lo angin a awm ve tho.Kha thil khan nula Senior induhtawkna a khawih che pha tlat.
“Ka hre lo le, kei chuan ka hria che a..” a ti tha ve mai,a thinrim duh der lo lehnghal.
“Oh, anih chu,engtin nge min hriat a?”
“Ka sawi lo zawk mai ang..” a va han ngeiawm thiam tak.
“I thu le..”
“Scooty i la nei tha hle mai” a ti leh daih.
“Ka accident ngai lo hlauh a, bakah ka uluk viau mai” ka ti ve ta nge nge.
“Ka ring, i Speed a san tehreng nen,mahse, i khalh thiam ka ti khawp mai..” ka nui ta nge nge.
“Khami ni khan kei ni loin nangmah i dik lo zawk” ka en a, a nui leh var var mai.
“Ka hre lo le, mahni hi dik lo intih a har alawm..engpawh nise khawi vengah nge in awm?”
“Kan vengah..” ka nui a, “Sawi duh suh, ka hre sa alawm” a ti leh a, a mizia amak reuh viau mai.
Ka Scooty lam ka hawia, a lo hru hul mek a, ka thaw huai mai,ka ding chhuak a.
“Ka kal a hun e, ee.Matei a tha maw?”
“Tha ang ka ring” a hmui a petsawi zauh bawk.
“Inneih hun chu sawm ve theih reng ka ni ania” ka chhiah fiam chak thut,Nula senior lam tih takah tu te mai pawh hi bawl nuam ka ti a, ka nel deuh emaw nel vak loh pawh hi ka fiam mai zel a, nuam ka ti viau ziah bawk.
“Tehreng mai..” a ti a, a hmel danglam deuh zawk chu ka hmuh hmaih hauh lo thung.
Mak takin ka kalna lamah hian ka hmu leh nawlh thin, achang chuan ka kalna tur hi a hre lawk anga a lo awm amawni ka ti hial thin,kan inhmu ngun tial tiala, kan in nel tial tial bawk,a rei tak hnu phei chuan number kan inpe ta hial,biak erawh kan inbe tam vak lo a, zantin erawh chu Whatsapp lamah vawi hnih khat tal kan inbe ziah thung,A pa hi MLA a lo ni a, nau hmeichhe pakhat a nei a, an mahni hi hausa sa ve reng anni bawk,apa Eiruk leh eiruk loh lam ka hre lo,Australia ah a awm thin a, kan insut tep hma ni khan Aizawlah awmhlen turin a lo haw ve chiah a lo ni a, Traffic jam nasa leh kan kawng te lutuk kha a lo buai viau niawm tak a ni.Ka lo rin lawk ang chiahin kei aiin kum 6 laiin a naupang zawk a, kan unau zinga naupang ber nen an inrual chiah bawk.
“Naktuk enge i tih dawn?” phone ka pick veleh a rawn ti a, ka sam ka hru pah mawlh mawlh bawk.
“Ka hre lo,hna animai lawm, nge?”
“In Officeah ka lo kal dawn nia aw”
“Enge i lo tih dawn a?”
“Ka rawn rim dawn che” ka nui hak mai,naupangchhe en in ka en deuh tlat.Nau te duat ang deuh tak tak hian ka duat bawk.
“Mai mai che hian a..” ka ti a,Ka nu in min ko ri lar lar ka hre zui zat bawk.
“Tak takin tuemaw hmuh tir tur che ka nei a”
“Lawk,nakinah ka lo bia ang che”
“Ngatinge?” zawhna a ngah thei phian.
“Inleng ka nei dawn a”
“A that chu..” ka chhan leh hmain a off zui hmak bawk,ka nui ringawt, kan insut tep hnu a kan inhmuh leh tang khan kum khat a liam tawh,hna mumal nei loin a tei mai mai a, engvanga Australia lam lamah te zir si tei mai mai nge anih ka ngaihtuah fo mai,a pa a hausa hle anih pawhin a fapa hetiang mai maia teikual tir hi a dik lo tih ka ngaihtuah fo,a bulah ka sawi zauh zauh bawk,engahmah a ngai miah lo thung, kei pawh hi ka nu leh pa atang chuan mi hnuaia hnathawh ngai khawpa harsa kan ni miah lo,mahse, engmah thawh loh ka duh loh avangin tuna ka hna hi ka thawka, nuam ka ti a, ka ta ang maia ngaiin ka tui chilh bur bawk.
Inhnuaiah ka chhuk thla a, kan College kalpui thin, tunah chuan Officer lian tak ni tawh, Ruata a lo ni a, thian a rawn hruai bawk.Kan inhmu thut bawk nen kan ri deuh chul a, a thianpa min hmelhriattir a, Sangkima,amah ang tho a Dept pakhata Officer nilai a lo ni ve a,kan inrual vel hmel viau mai.Kan ti ti ta reng, an haw meuh chuan dar 11 a ri tawh.Khuma ka lawn hnuah Rinsanga ka rilruah a lo awma, ka be dawn zeta, tul ka ti leh ta lo.Ka Bialpa a ni lo a, ka nau rual daih,ka thian tha tak ni lawi si a ni mai a, kan inkawm tak viau hnu hi chuan kan inah pawh a lo kal fo a, ka chhungte pawh hian fa en in an en deuh mai bawk.Ka nau nen pawh an inkawm thei phian.
A tukah kan Office a lo kal tum si kha a lo kal ta miah lo, ka buai bawk nen ka be ta miah lo bawk, zanah lah Sangkima te an lo kal leh a, ngaihtuahna hun ka nei lo.Karkhat zet zawt chu ka hmu ta lo,min rawn be ngai miah lo bawk,kan inkawm tan tirh khan Matei nen an lo inthen tawha, hmeichhe hran hran a nih pui zut a,tumah nih nghehpui tak tak erawh a nei ngai lo,ka hau thin a, a nui liam mai mai,hmeichhe ho lah hian an lo duh em em zel mai bawk nen.
“Jor, Rinsanga nupui ruk i hria em?” Sang’in a rawn ti a, ka hre miah lo.Sangi nen pawh an in nel viau tawh.
“Hre nang, engtik in nge a ruk a?”
“Nizan khan, an venga ka Cousin khan min rawn hrilh a, a hrilh che ka rin nen” a rawn ti a,min hrilh lo,kan inbiak lohna a rei tawh zawk.
“Kan zawt ang, engmah ka hre miah hleinem” ka ti a, a Off veleh Rinsanga number ka dial nghal a,a pick dawn lo maw ka tih hnuah hmeichhe aw hian “ Hello’ a rawn ti ta hram,a nupui a ni ngei ang.
“Rinsanga a awm em?” ka ti a,
“Aw, mahse, a inbual a”
“Anih chu,nakinah ka lo call mai ang” ka ti a,”Ka lo hrilh ang, i number hi Scooty tiin a save a” ka nui hak mai, engtin nge a save ka hre miah lo a, ka hriat takah chuan min tihlim phian.
“Aw, Scooty in a lo call che ti la a hre mai ang” ka ti a,ka nuih a ti za takzet.
Ka nghak deuh rawn rawna, mahse, min lo call ta lo,call leh ka tum zeta ka thulh leh ta zawk, thil pawimawh tak engmah a awm lo,Sangkima nen kan inzui ti ila engmah han nih na pawh awm lem loin kan inzui chu a ni ve ta mai.
“Lo chhuk rawh” ka hmaah Rinsanga a rawn dinga, a hmel pawr deuh fap mai chu ka en a, ruih nei a ang viau,Scooty tlanna tur ah tak a din avangin ka hel deuh a, mahse, ka helna lamah ka hmaah tak bawk a ding leh tlat,haw tlai tawh nen zanah Sangkima nen kalna tur kan la nei zui bawk.
“Kalsawn la, ka su mai dawn che sin” ka ti a, engmahmah ngai lo zet hian a thle bak duh chauh.
“I Scooty tang khan ka hnuk thla dawn che mi?” min rawn hnaiha, a rim chuan ka hnar a verh zar bawk.
Ka chhuk ta nge nge, Office atanga ka tlanchhuak tur a ni a,khua a thim tan tawha, Officeah pawh Security bak a awm tawh lo.Office piah lang mai theiah Motor a lo dah chu niin,a hma in Sangtei hnen atangin ka hre tawha, a nupui ruk kha a nei leh duh lo a, chubakah zu a in nasa viau bawk a ti a, hna lam buai nen biak ka tum hian ka lo theihnghilh leh mai thin a, ka hmuh loh chin pawh ka hre tawh lo zawk.
“Lut lawk la, ka be duh che a” a Car kawngkhar min hawn saka,ka lut ve mai.A rawn thu lut ve a,rilru hah hmel a pu bawk.
“Enge ni ta?”
“Pasal i nei dawn ami?” tehdaih a.
“Aih,ngatinge..mahse, nakinah chuan la nei ang chu,neih ka hun tawh lawm..nangpawn i nei tawh nia” ka nui a.A nui ve hauh lo.
“Pasal i nei dawn an ti a” a ti leh a,ka thutak ta deuh.
“Ka nei dawn rih lo,ka nei dawn anih chuan keimah ngeiin ka hrilh ang che, nang kha chuan min hrilh lo nangin u zawk ka ni bawka ka ngaidam ang che”
“Naupangchhia angin min en tawh suh,naupang ka ni lo” min rawn hnaih thuta, ka lo inring lo bawk nen min rawn kuah a, ka hmuiah a hmui nem leh chhah deuh tap chuan a rawn fawp nghal chawt chawt bawk.Ka hamhaih vek, chet mai nachang pawh ka hre lo, ka hmui nawr kau a tum a, ka harh chhuak deuh zawk,ka tal phat a, ka inrin hman hmain a hmai a ri nghal thuai bawk.
“I va zak lo ve Lalrinsang” ka melh vak bawk.
“Nia, ka zak lo..chuan,, ka rui bawk,mahse, ka tih chak ka tih phah tho alawm” thinrim hmel a pu lo.
“Vawikhat pawh khatiang kha tum leh teh, i chak lo hle ang,hmuh pawh min rawn hmu tawh ngai suh,zak lo lutuk mai” kawngkhar hawnna ka vuan a, mahse, kei aiin a che rang leh hret, a lock nghal hmak,”Ka duh ka sawi hma chuan i kal lo ang” a ti leh hmaka,ka hriat thin Rinsanga, Naupangchhe en a ka en thin kha a ni ta lo.Ka melh reng ringawt.
“Enge tih i tum chiah hi?” ka thinrim vangin ka aw a lawi vek.
“Ngatinge min duh loh? Hna ka thawh loh vang maw? Enge i Bialpa Sangkima ai khan ka that lohna? Heng zawhna zawng zawng hi chhanna ka duh” min rawn en a, a mit meng lian leh zahawm zet chuan min en a, ka chhungrilah ka zam titih tlat bawk.
“Chutiang zawngin ka en ngai lo che, nau angin ka en che,a tawk em?” ka inti paukhauh lui a, dik tak chuan kan inkawm tak tak lai khan a hmeichhe rawn hruai te kha ka lo thik ru ziah miau alawm le.Ka tilang ngai lo mai zawk.
“I nau ka ni lo, Mipa hian hmeichhia kan zui anih chuan a chhan a awm,i hre lo lui anih kha” a thutna seat hnunglam a ngheng a, a mit achhing dah bawk.
“I zawhna ka chhang che em?”
“Aw..mahse, ka thlah thei rih lo ang che” ala ti ta fo.
“Kal ka ngai tawh asin, bakah nang aiin ka upa zawk fe a, engtin nge chutiang lam i lo ngaihtuah theih a?”
“Kum te chu number mai mai alawm,a pawi lo, kal rawh,ka damrei tawh dawn chuang hleinem”
“Maw?” ka melh vat a, min rawn en a, a nui ringawt.
“Ka sawi mai mai,mahse, i pasal neih hma tal chu thian ang khan min en leh la,i thei angem?”
“Ka thian i ni sa reng alawm..”
“Ka hria lawm, mahse, nitin pawh ka phut ngam lo nangin a khat tawk talin min lo be leh tawh la,i Bialpa tan ka hnawk miah lo ang tih ka tiam che,ka duh ber chu hnaih che animai,engmah keima rilru lam kha ka tilang miah lo ang tih ka tiam bawk che”
“Ook, i u ka ni a, ka ni reng bawk ang..” ka ti a, ka chhuk sana, kei leh kei lo ang takin muangchangin ka inkhalh haw a, ka rilruah Rinsanga bak engmah a lang lo,Zan a Sangkima nen kan chhuah dun na ah pawh biak hre mang loin ka lo awm leh reng thin a, ka mitthlaah Rinsanga hmel lo engmah a lang thei lo.
Mut dawnah ka va mangtha a, rang fein min rawn reply a, abak engmah ka be zui lo,mahse, thil kal tawh ka rilruah a lo thar leh a, kan inkawm lai khan kei aia a naupan avangin ka rilru ka thup nasa, ka ngainatna kha thian satliah a ni lo tih keimah ngei hian ka hrechiang em em bawk,mahse, ka ti lang lo tluan parh, ani lah khan hmeichhe dang dang a kawp kual a, min duh ang pawn a awm ngai hek lo.Ka hmui ka khawiha, min fawhna kha ka la hre vang vang mai,a hmui kha ka lo beisei ang chiahin fawh a nuam takzet.
A hma ang bawk khan kan inkawm ngeih leh ta viau, Officeah a lo kal leh zauh zauha, Sangkima pawn a ngai haw hran lo,mahse, keimah lamah hian dik lo a awm ta tlat, Sangkima aia ka ngaih veg veng tum a tum ta zawk,ani erawh chuan min tiam ang ngeiin vawikhatmah Sangkima tana mit khamna turin a awm ngai lo a, min duh awm pawn a awm leh ngai ta miah lo.Hmeichhia tumah a kawp ka hre lo a, a hmeichhe ruk ve kha a neih loh chhan ka zawh apiangin chhanna mumal min pe ngai lo.
“Palai te an lo kal leh tawh em?” a rawn ti a, Sangkima Palai te an lo leng tih ka hrilh a, kum naupang kan ni tawh lo ve ve a, inneih mai a rawtna pawh midang beisei tur chuang ka nei lo bawk nen ka hnial lem lo.Mahse, ka chhungril hian tu nge ka duh erawh ka chiang ngang thung.
“Um, an haw tawh,i mu tawh mi?”
“Aw, engtik nge a ni tur?” a rawn ti leh a, nidang ang lo takin a aw ah chau aw a hriat tel theih.
“Kan la hre mai lo,sawi that leh ah an ti a,i dam lo mi?”
“Dam e..thil ka request thei che ngem?”
“Sawi la..” awlsam zet hian ka ti liam puat.
“October ni 22 hi ka Birth day tih i hria tiraw? Chutah chuan innei ula..” ka mit ka chhing sawk thei, he nau hi nau danglam a va ni tehlul em..Vawikhat chauh min duh tih a sawia, min tibuai ngai lo,thian ang bakin a khawsa zui hek lo.Mahse, keimah zawk hi ka dik thei lo.
“Thil ka zawt thei che em? “ ka ti ve ta thung.
“Engpawh min zawt thei..”
“Ih, a hma khan min duh nge min hmangaih?” ka ti ta hlawl.
“A Pahnihin ..”
“Ngatinge min neih i tum si loh?”
“Ka tum lo maw?”
“Vawikhat chauh min duh tih i sawi a,a bak engmah i sawi lo..” ka awah demna ri a hriat theih.
“Ka hria lawm, mahse....aaa...ka sawi chhun pawn i ngaipawimawh chuang lo” a nui hak bawk.
“Ka ngaipawimawh maithei sin, tunah chuan engkim hi a nih tur ang a ni vek tawha, dik tak chuan i hmeichhe rawn hruai thin te kha ka vel chak thin a” ka nui lui a.
“Ka hria lawm, nang aiin ka hrechiang zawk che,mahse, ka nawr lui thei lo che, nawrlui thei che ila chuan ka nawr lui nasa khawp ang che, Sangkima pawh hi i nei hek lo ang” a rawn ti ta duah.
“Min lo nawrlui la tha tur ania” kei pawn ka thilsawi mak ka inti,mahse, ka rilruah a awm miau a.
“Keimah vanga i na tur hi ka duh lo,i puitling em em nangin ka bulah khan i pangchang ve thin tih pawh ka hrethiam a, bakah i mitmeng nalh zetah khan min duh tih pawh ka hre thiam bawk, min ben zan pawh khan i thinrim vang ni loin i rilru a inthiamlohna vang zawk anih kha min ben..a dik tiraw?” a va han sawi dik tak.
“Aaaa, sawi tawh lo ang, naktukah min chhuahpui la..”
‘Khawiah?”
“Kalna tur ka nei nual mai.Mangtha phawt aw, ka mut hma loh chuan zingah pawh tihtur ka nei a” ka ti a.
“Lawk, nakinah Story i ziah leh hlauh chuan kan pahnih chungchang hi ziak ve la”
“Um, ka ziah hunah chuan hming leh thil thleng tam zawk hi ka ti danglam anga,Ka rilru chhungril pawh ka ziak tel ang,kei leh nang chauhin kan hrethiam thei ang..”
Ka hmai ka phih leh rih a, ka mut pahin ka phone ka khawiha,msg a rawn lut a,ka open vat a.
“Hei chiah hi chu min lo hriatsak teh, ka Hmangaih che a, ka hmangaih reng ang che” Rinsanga Msg a lo ni a, ka tum loh tawpin ka mittui a baw zawih bawk.
Zing ka thawh veleh ka wish a, mahse, a reply lo..Nilengin hnaah ka buaia, tlaia min chhuahpui tur a ka tih khan aw a ti vek a, mahse, a lo lang lo,min rawn be miah bawk si lo..Ka call dawn chiah tihin ka phone a rawn ri a,ka Contact list a mi a ni lo,
“Hello..”
“Jordin..” hmeichhe aw hian a rawn ti a.
“Aw, tunge aw?”
“Seni ka nia, Rinsanga Nutei..Tunah khan Rinsanga chu a kal ta e...” ka bing mup thei..
“Khawiah maw a kal?”
“Pa hnenah, vanah...i chungah lawmthu sawi sen loh kan ba asin..rawn kal la rawn hmu la kan lawm ngawt ang”
“Mambawiha khan a Hmangaih em em che a, hrilh che a tum lai takin a Thisen Cancer hi kan hrechhuak ta a,thla khat pawh hun nei tawh lo kha thla thum lai nangmah vangin a nun kha a fight a, i bula a lo kal dawn apiang khan in bul hnaiah kei emaw Nurse pakhat tal kan awm ve ziah thin asin, zanah hian a chau lutuk thin a, biak mumal theih loh tum kan ngah,mahse, i hnena sawi a phal ngai lo..kha thla thum chhung kha a nunah a hlim lai ber a ni a ti thin a, a nat buai apiangin a tawngvai hian a ko nasa thin che..i lakah hian lawm lohna tur kan nei lo,kan Fapa kha nangmah vangin hlim takin a kal a,kha Cancer hrik kha nangmah vangin hneh a tum hram hram thin asin.....” a sawi zawmna engmah ka hre tawh lo...
“LALRINSANG...nun hi a va Fair lo ve..”
Kan pahnih Story tawi fel tak chu ka ziak ta ngei e,mahse, Story ah chauh ka HMANGAIH che tih ka ziak ta leh i hmu ve ta chuang si lo hi ka damchhunga hremna lian ber ka dawn tur a lo ni ta erawh hi chu ka la hrethiam lo a, keimah leh keimah ka la indem dawn chauh anih hi..
(Short story) : Maengi Ralte
“Mawli leh!!’ ka bula Verna Pencil rawng,fai zet atangin Mipa aw hian a rawn ti tuar a, ka Scooty ka brake ri nghal tuar bawk.
“Sorry..ka hmanhmawh lutuk a..” min rawn hau tu pa lam hawi pahin ka ti a, dik tak chuan ka thiam loh anih rualin ani pawh a dik bik chuang lo.
Zarkawt kawng tawt lutuk a inhnawh phei ai chuan tiin Kawngchung lamah hmanhmawh zetin ka tlan chho a, ka hna hi muangchanga tlan chunga thawh chi a ni lo a, nileng hian ka thil tih tur hi tlai hlau reng reng a awm ka ni a, pakhat ka tlai chuan a dang ka tih leh tur ka tlai nghal a,chuvang takin Aizawla hmeichhe Scooty khalh thinah chuan ka Speed hi a sang pawl a ni ngei ang.
“Fimkhur tawh rawh” rawn dah chhuah pahin a rawn ti leh a, ka thin a sa phat mai, kei aia naupang a ni ang tih ka en ngawt pawn ka hre thei,dik tak chuan ka tlan chho tih a hmu renga, ka hmaa Taxi ka pelh dawn khan Horn ka hmet ri a, min pass thlap bawk,chuti chung chuan amah zawk hi a rawn tlan thla lui a.Motor khalh tur chuan a len leh len loh tal a chhut thiam tur a ni, mahse, a hmelah hian Mi hausa fapa duat sual a ang ker kawr em mai.
“Nang pawh nidangah chuan i motor kha i tlanna tur kawngah a leng dawn em tih i lo en hmasa tawh dawn nia” ka ti ve hmak,ka hnunga motor in Horn an rawn tih rik tak bawk avangin min rawn tih letna ka hre hman ta lo, ka dawk chhuak deuh zawka, ka tawngkam kha na a ti tih a hmelah khan ka hmu thei,lo na vel mai mai tehse, kei pawh a duh duh min sawikhum kha le.
Dar 3 rik dawnah lunch ei turin ka thu ve hman ta chauh, ka thut hahdam chiah hian ka chauh zia ka hrechhuak ve chiah zel bawk,Scooty khalh hi thil hahthlak tak anih rualin Motor ruih ka chin lutuk avangin a theih hram chuan ruah a tlak deuh pawn Scooty ka keng chhuak lui hram hram zel a, chumai bakah Jam vanga buaina tam zawk hi kan pumpelh tlat bawk.
“Jor..” ka bula rawn thut pahin kan thawhpuinu in a rawn ti a, ka hming hi Jordin a ni a, he hming hi ka haw ngawt mai, Jordin ni na na na hi ‘Jor’ tih leh JAWRI’ tih ka hlawh tam zawk mah a, chumai bakah Mizo nireng siin Mizo hming ka neih ve lah hriat a hlawh eih bawk si lo.Min phuahsak tu hi chu ngam ila ka hau ngei ngei ang ka ti ru fo, mahse, ka pi ,ka pa nu min phuahsak ve liau liau a ni a, huat tak tak chuan ka haw lem lo.
“Tlaiah Boss te inah kal i tum em?” a ti a, a thil ei tur a phawrh pah a.
“Kal loh theih a ni nge ni lo?” ka ti nghat a, Boss te nupa Inneih cham a ni a, kum 10 nge 11 ka hre ta chiah lo.
“Aih, ni lo..” a sawi hmain ka hre tawh, an hnenah kum 4 ka thawk tawh, tihtur an tih apiang chu tihtur a nimai, mahse, an sual a hrawn an hrehawm tihna lam a ni hauh lo thung,anni aia midang te hrethiam thei ka hre miah lo zawk.
“Chuti chu kan kal dial dial ang chu..enge present tur i lei?” ka thil ei lai ka ei zawm a.
“Engmah,kan kal pahin kan lei mai ang chu, i rualin ka kal ang chu ka lo ti a” a ti leh a, ka ner nawk ringawt, ka tlan muang ngai lo lutuka dawih deuh phurh hi ka peih lo thin.
“I hlauh dawn chuan ka phur peih lo che” ka ti nghat a, a nui mai..
Dar 5 rik hmain Boss te in lamah kan kal ta dial, an lo awm laih laih tawh, min lo be chul nangin ka rilruah thildang a lo awm daih,Gate bulah Verna Pencil Colour a lo awma, thil hriatchhuah ka nei..Kha naupang ngeiawm zet kha..a number ka en a, engmah phei chu ka hriatchhuah phah chuang hlei lo a,vawiin a ka inhauhpui deuh kha a number ka en tlat lo.
Pawna thutna awmah kan thu a, ka thiannu nen thil ho mai mai kan sawi dun a,chawei nan a la hma deuh,ka rin aiin mi an sawm tam zek, nidangah hi chuan felfai deuh thlap hian an ti mai zela, chumai bakah a kal thang te hi ka hre deuh vek tawh.An chhung hnai te pawh ka hre deuh fur tawha, anni pawn min hre ve tawh hlawm viau.
“Jordin,Pa Ruata te Inah kal lawk angaia, hei, Mate-i te nen hian va kal lawk mai teh u” Boss nupui in min rawn ti a, Matei a tih chu ka en a, ka hriat hnu tho,Kan Boss te unau zinga Upa ber Fanu a ni a, kum 20-23 inkar vel anih ka ring.Ani pawn min hria a, min rawn en a, a nui var var bawk.
“Pawi hleinem,kal ila..” ka helmet ka la a..
“Motor zawkin, Gate bulah sawn Matei thianpa Motor a awma, lakchhuah a awlsam ber a..” a ti a, kan thil va lak tur a sawi zui nghal mawlh mawlh bawk.
“Motor anih tho chuan Sangi lo kal ve la...” ka thiannu hnenah ka ti a, ka naupang tawh hauh lo nangin hmelhriat satliah, nel vak loh te nena khawimaw kal ho hi nuam ka ti ngai lo a,ngaiah ka nei thei hek lo.
Gate lam panin kan inzui phei a, kan hmaah Matei a kal a, kan thian dunin kan zui a, Gate bula Motor awm chu ka en a, kha Verna bawk kha..a chhungah tunge awm ka thlek zauh a, tumah ka hmu lo..
“Lawk aw,a lo kal tep ang,hei hian kan kal dawn nia” Verna kawh pahin a ti a, ka hawi let a, ka hmu ta..Amah ngei kha, Naupang chaltlai zet leh intihtei lutuk pa kha,Matei ai chuan a upa zawk ngei ang, Kum 25 vel anih loh chuan a aia a upatna a tam lo hle ang..Chhuna kan hmuh ang chiah tho khan Tarmit bial lian zet a vuah a,A mit a tha lo tak tak ai chuan Fashion chi khat anih ka ring zawk, High neck Nude Colour a ha a, ka rin aiin a sang hrep thung, min zakzeh hial mai thei zawk.
Min rawn en a, a hmel danglam deuh hmuh ka lo beisei laiin min hre awm pawn a awm ta lo, ka lo ngei rilru leh hman pek,tawngkam engemaw tak nei se chuan tiin ka lo inkau ru rana,engmah a sawi ta si lo chuan min ti thinrim letling tlat.
“Kal ila..” Car kawngkhar hawn pahin a ti a, Matei a hmaah a lut a, a hnung kawngkhar Sangi’n a hawnga, ka lut hreh ngang mai.
Matei a ti ti liama, kei erawh ka ngawi ngar mai, a khat tawkin Sangi’n a chhang leh zauh thina,Naupang nghala pawn a changin a chhang leh zauh thin bawk,Mipa tawngduh tak anih hmel lem loh, pawnlam ka thlir vauh vauh a, vawiin chu ka tihtur pakhat ka tlai a, Bonus tlem ka dawnga, ka inhnialpui pa Motorah tunah ka chuang leh a, kei leh kei lo ang takin sawi tur ka haichham a, a chhan ka hriat miah lohin ka thinrim tun bawk.
“Ngatinge a?” Pa Ruata te In a Matei leh a Thianpa an luh hlanin Sangi’n a rawn ti a, ka nui ringawt,ka mood Off lutuk chu a lo man leh hman,amak hran lo..Nitin kan thawk duna, ka hriatchian tluk zetin min hrechiang miau a.
“Eng maw?” ka ti a.
‘I Mood kha mawle,kan Motor khalhtu pa lah khan a khat tawkin Glass atang khan a rawn en leh thin che a, pawn lam i en daih a i hmu lo nih kha” a ti leh a, chhan ka tum lai takin thil pawm bawr luk chungin an rawn inzui chhuak ve chiah,ka chhang ta lo..Inchhungah lak tur dang a la awm thu Matei’n a rawn sawi a,kan va la ve leh ta zawk.
Hei hi i ta a ni em?” min rawn be tu ka en vat a, ka beisei loh lutuk ka hmuh takah chuan ka meng phawk vak ringawt.Kha naupang kha,Ka Phone a rawn lek kang va va bawk.Boss te in a ka hmuh ni kha ka hmuh hmasak ber leh ka hmuh tawpna a ni a, tun hi ka hmuh leh na hmasa ber,khami ni atang khan thla hnih aia tam a liam leh tawh hial ang,hriat pawh ka lo hre leh tawh lo.
“Aw, anih kha..” tih pahin ka ban a, Lawmthu sawi ka duh viau rualin tlawmah ka la tlat!
Ka hmalam ka en ngaiin ka en leh a, ka Scooty sil tu in uluk fe a a brush lai chu la hmu ngai lo niawm tak hian ka thlir daih bawk.
“Rinsanga ka nia..” ka bula rawn thut ve pahin a rawn ti leh a,muangchang hian ka en ta nge nge, Tarmit a vuah lo a, ka hmuh hmasak tum kha Feb thla tir a ni a, tunah chuan khua a lum tawh viau,T-shirt var thianghlim zet a ha a, Jeans kekawr a ha a, Puma Slipper a bun bawk.
“Jordin..” ka ti hmaka, biak zui huphurhawm tur ang ber hian ka tum hmak bawk.Ka unau zinga naupang ber pawh rual lo turin a rualpui ang maia min bia chu ka haw ru tlat.
“Ka hria lawm” a la nui zui,a nuih zawngin a ha var rual that mai a lang thei a, a hmui hnuai lam tlema chhah deuh chuan ka mit a la fal nalh, dik tak chuan ka tuina zawng tak, Story eng eng emaw ka ziah ve tawh ah hian a changtupa te hi an hmui hnuailam a chhah ziah tlat a.
“A that chu” ka ti nghata, ka Scooty lam bawk ka en leh a, sil zo vat vat se ka ti takzet.
“In hna lam te in tluang maw?” ava mak fo e aw.
“Aw,kan inhria em?” ka ti chang fak mai.A hma khan ani pawn min hre miah lo angin a awm ve tho.Kha thil khan nula Senior induhtawkna a khawih che pha tlat.
“Ka hre lo le, kei chuan ka hria che a..” a ti tha ve mai,a thinrim duh der lo lehnghal.
“Oh, anih chu,engtin nge min hriat a?”
“Ka sawi lo zawk mai ang..” a va han ngeiawm thiam tak.
“I thu le..”
“Scooty i la nei tha hle mai” a ti leh daih.
“Ka accident ngai lo hlauh a, bakah ka uluk viau mai” ka ti ve ta nge nge.
“Ka ring, i Speed a san tehreng nen,mahse, i khalh thiam ka ti khawp mai..” ka nui ta nge nge.
“Khami ni khan kei ni loin nangmah i dik lo zawk” ka en a, a nui leh var var mai.
“Ka hre lo le, mahni hi dik lo intih a har alawm..engpawh nise khawi vengah nge in awm?”
“Kan vengah..” ka nui a, “Sawi duh suh, ka hre sa alawm” a ti leh a, a mizia amak reuh viau mai.
Ka Scooty lam ka hawia, a lo hru hul mek a, ka thaw huai mai,ka ding chhuak a.
“Ka kal a hun e, ee.Matei a tha maw?”
“Tha ang ka ring” a hmui a petsawi zauh bawk.
“Inneih hun chu sawm ve theih reng ka ni ania” ka chhiah fiam chak thut,Nula senior lam tih takah tu te mai pawh hi bawl nuam ka ti a, ka nel deuh emaw nel vak loh pawh hi ka fiam mai zel a, nuam ka ti viau ziah bawk.
“Tehreng mai..” a ti a, a hmel danglam deuh zawk chu ka hmuh hmaih hauh lo thung.
Mak takin ka kalna lamah hian ka hmu leh nawlh thin, achang chuan ka kalna tur hi a hre lawk anga a lo awm amawni ka ti hial thin,kan inhmu ngun tial tiala, kan in nel tial tial bawk,a rei tak hnu phei chuan number kan inpe ta hial,biak erawh kan inbe tam vak lo a, zantin erawh chu Whatsapp lamah vawi hnih khat tal kan inbe ziah thung,A pa hi MLA a lo ni a, nau hmeichhe pakhat a nei a, an mahni hi hausa sa ve reng anni bawk,apa Eiruk leh eiruk loh lam ka hre lo,Australia ah a awm thin a, kan insut tep hma ni khan Aizawlah awmhlen turin a lo haw ve chiah a lo ni a, Traffic jam nasa leh kan kawng te lutuk kha a lo buai viau niawm tak a ni.Ka lo rin lawk ang chiahin kei aiin kum 6 laiin a naupang zawk a, kan unau zinga naupang ber nen an inrual chiah bawk.
“Naktuk enge i tih dawn?” phone ka pick veleh a rawn ti a, ka sam ka hru pah mawlh mawlh bawk.
“Ka hre lo,hna animai lawm, nge?”
“In Officeah ka lo kal dawn nia aw”
“Enge i lo tih dawn a?”
“Ka rawn rim dawn che” ka nui hak mai,naupangchhe en in ka en deuh tlat.Nau te duat ang deuh tak tak hian ka duat bawk.
“Mai mai che hian a..” ka ti a,Ka nu in min ko ri lar lar ka hre zui zat bawk.
“Tak takin tuemaw hmuh tir tur che ka nei a”
“Lawk,nakinah ka lo bia ang che”
“Ngatinge?” zawhna a ngah thei phian.
“Inleng ka nei dawn a”
“A that chu..” ka chhan leh hmain a off zui hmak bawk,ka nui ringawt, kan insut tep hnu a kan inhmuh leh tang khan kum khat a liam tawh,hna mumal nei loin a tei mai mai a, engvanga Australia lam lamah te zir si tei mai mai nge anih ka ngaihtuah fo mai,a pa a hausa hle anih pawhin a fapa hetiang mai maia teikual tir hi a dik lo tih ka ngaihtuah fo,a bulah ka sawi zauh zauh bawk,engahmah a ngai miah lo thung, kei pawh hi ka nu leh pa atang chuan mi hnuaia hnathawh ngai khawpa harsa kan ni miah lo,mahse, engmah thawh loh ka duh loh avangin tuna ka hna hi ka thawka, nuam ka ti a, ka ta ang maia ngaiin ka tui chilh bur bawk.
Inhnuaiah ka chhuk thla a, kan College kalpui thin, tunah chuan Officer lian tak ni tawh, Ruata a lo ni a, thian a rawn hruai bawk.Kan inhmu thut bawk nen kan ri deuh chul a, a thianpa min hmelhriattir a, Sangkima,amah ang tho a Dept pakhata Officer nilai a lo ni ve a,kan inrual vel hmel viau mai.Kan ti ti ta reng, an haw meuh chuan dar 11 a ri tawh.Khuma ka lawn hnuah Rinsanga ka rilruah a lo awma, ka be dawn zeta, tul ka ti leh ta lo.Ka Bialpa a ni lo a, ka nau rual daih,ka thian tha tak ni lawi si a ni mai a, kan inkawm tak viau hnu hi chuan kan inah pawh a lo kal fo a, ka chhungte pawh hian fa en in an en deuh mai bawk.Ka nau nen pawh an inkawm thei phian.
A tukah kan Office a lo kal tum si kha a lo kal ta miah lo, ka buai bawk nen ka be ta miah lo bawk, zanah lah Sangkima te an lo kal leh a, ngaihtuahna hun ka nei lo.Karkhat zet zawt chu ka hmu ta lo,min rawn be ngai miah lo bawk,kan inkawm tan tirh khan Matei nen an lo inthen tawha, hmeichhe hran hran a nih pui zut a,tumah nih nghehpui tak tak erawh a nei ngai lo,ka hau thin a, a nui liam mai mai,hmeichhe ho lah hian an lo duh em em zel mai bawk nen.
“Jor, Rinsanga nupui ruk i hria em?” Sang’in a rawn ti a, ka hre miah lo.Sangi nen pawh an in nel viau tawh.
“Hre nang, engtik in nge a ruk a?”
“Nizan khan, an venga ka Cousin khan min rawn hrilh a, a hrilh che ka rin nen” a rawn ti a,min hrilh lo,kan inbiak lohna a rei tawh zawk.
“Kan zawt ang, engmah ka hre miah hleinem” ka ti a, a Off veleh Rinsanga number ka dial nghal a,a pick dawn lo maw ka tih hnuah hmeichhe aw hian “ Hello’ a rawn ti ta hram,a nupui a ni ngei ang.
“Rinsanga a awm em?” ka ti a,
“Aw, mahse, a inbual a”
“Anih chu,nakinah ka lo call mai ang” ka ti a,”Ka lo hrilh ang, i number hi Scooty tiin a save a” ka nui hak mai, engtin nge a save ka hre miah lo a, ka hriat takah chuan min tihlim phian.
“Aw, Scooty in a lo call che ti la a hre mai ang” ka ti a,ka nuih a ti za takzet.
Ka nghak deuh rawn rawna, mahse, min lo call ta lo,call leh ka tum zeta ka thulh leh ta zawk, thil pawimawh tak engmah a awm lo,Sangkima nen kan inzui ti ila engmah han nih na pawh awm lem loin kan inzui chu a ni ve ta mai.
“Lo chhuk rawh” ka hmaah Rinsanga a rawn dinga, a hmel pawr deuh fap mai chu ka en a, ruih nei a ang viau,Scooty tlanna tur ah tak a din avangin ka hel deuh a, mahse, ka helna lamah ka hmaah tak bawk a ding leh tlat,haw tlai tawh nen zanah Sangkima nen kalna tur kan la nei zui bawk.
“Kalsawn la, ka su mai dawn che sin” ka ti a, engmahmah ngai lo zet hian a thle bak duh chauh.
“I Scooty tang khan ka hnuk thla dawn che mi?” min rawn hnaiha, a rim chuan ka hnar a verh zar bawk.
Ka chhuk ta nge nge, Office atanga ka tlanchhuak tur a ni a,khua a thim tan tawha, Officeah pawh Security bak a awm tawh lo.Office piah lang mai theiah Motor a lo dah chu niin,a hma in Sangtei hnen atangin ka hre tawha, a nupui ruk kha a nei leh duh lo a, chubakah zu a in nasa viau bawk a ti a, hna lam buai nen biak ka tum hian ka lo theihnghilh leh mai thin a, ka hmuh loh chin pawh ka hre tawh lo zawk.
“Lut lawk la, ka be duh che a” a Car kawngkhar min hawn saka,ka lut ve mai.A rawn thu lut ve a,rilru hah hmel a pu bawk.
“Enge ni ta?”
“Pasal i nei dawn ami?” tehdaih a.
“Aih,ngatinge..mahse, nakinah chuan la nei ang chu,neih ka hun tawh lawm..nangpawn i nei tawh nia” ka nui a.A nui ve hauh lo.
“Pasal i nei dawn an ti a” a ti leh a,ka thutak ta deuh.
“Ka nei dawn rih lo,ka nei dawn anih chuan keimah ngeiin ka hrilh ang che, nang kha chuan min hrilh lo nangin u zawk ka ni bawka ka ngaidam ang che”
“Naupangchhia angin min en tawh suh,naupang ka ni lo” min rawn hnaih thuta, ka lo inring lo bawk nen min rawn kuah a, ka hmuiah a hmui nem leh chhah deuh tap chuan a rawn fawp nghal chawt chawt bawk.Ka hamhaih vek, chet mai nachang pawh ka hre lo, ka hmui nawr kau a tum a, ka harh chhuak deuh zawk,ka tal phat a, ka inrin hman hmain a hmai a ri nghal thuai bawk.
“I va zak lo ve Lalrinsang” ka melh vak bawk.
“Nia, ka zak lo..chuan,, ka rui bawk,mahse, ka tih chak ka tih phah tho alawm” thinrim hmel a pu lo.
“Vawikhat pawh khatiang kha tum leh teh, i chak lo hle ang,hmuh pawh min rawn hmu tawh ngai suh,zak lo lutuk mai” kawngkhar hawnna ka vuan a, mahse, kei aiin a che rang leh hret, a lock nghal hmak,”Ka duh ka sawi hma chuan i kal lo ang” a ti leh hmaka,ka hriat thin Rinsanga, Naupangchhe en a ka en thin kha a ni ta lo.Ka melh reng ringawt.
“Enge tih i tum chiah hi?” ka thinrim vangin ka aw a lawi vek.
“Ngatinge min duh loh? Hna ka thawh loh vang maw? Enge i Bialpa Sangkima ai khan ka that lohna? Heng zawhna zawng zawng hi chhanna ka duh” min rawn en a, a mit meng lian leh zahawm zet chuan min en a, ka chhungrilah ka zam titih tlat bawk.
“Chutiang zawngin ka en ngai lo che, nau angin ka en che,a tawk em?” ka inti paukhauh lui a, dik tak chuan kan inkawm tak tak lai khan a hmeichhe rawn hruai te kha ka lo thik ru ziah miau alawm le.Ka tilang ngai lo mai zawk.
“I nau ka ni lo, Mipa hian hmeichhia kan zui anih chuan a chhan a awm,i hre lo lui anih kha” a thutna seat hnunglam a ngheng a, a mit achhing dah bawk.
“I zawhna ka chhang che em?”
“Aw..mahse, ka thlah thei rih lo ang che” ala ti ta fo.
“Kal ka ngai tawh asin, bakah nang aiin ka upa zawk fe a, engtin nge chutiang lam i lo ngaihtuah theih a?”
“Kum te chu number mai mai alawm,a pawi lo, kal rawh,ka damrei tawh dawn chuang hleinem”
“Maw?” ka melh vat a, min rawn en a, a nui ringawt.
“Ka sawi mai mai,mahse, i pasal neih hma tal chu thian ang khan min en leh la,i thei angem?”
“Ka thian i ni sa reng alawm..”
“Ka hria lawm, mahse, nitin pawh ka phut ngam lo nangin a khat tawk talin min lo be leh tawh la,i Bialpa tan ka hnawk miah lo ang tih ka tiam che,ka duh ber chu hnaih che animai,engmah keima rilru lam kha ka tilang miah lo ang tih ka tiam bawk che”
“Ook, i u ka ni a, ka ni reng bawk ang..” ka ti a, ka chhuk sana, kei leh kei lo ang takin muangchangin ka inkhalh haw a, ka rilruah Rinsanga bak engmah a lang lo,Zan a Sangkima nen kan chhuah dun na ah pawh biak hre mang loin ka lo awm leh reng thin a, ka mitthlaah Rinsanga hmel lo engmah a lang thei lo.
Mut dawnah ka va mangtha a, rang fein min rawn reply a, abak engmah ka be zui lo,mahse, thil kal tawh ka rilruah a lo thar leh a, kan inkawm lai khan kei aia a naupan avangin ka rilru ka thup nasa, ka ngainatna kha thian satliah a ni lo tih keimah ngei hian ka hrechiang em em bawk,mahse, ka ti lang lo tluan parh, ani lah khan hmeichhe dang dang a kawp kual a, min duh ang pawn a awm ngai hek lo.Ka hmui ka khawiha, min fawhna kha ka la hre vang vang mai,a hmui kha ka lo beisei ang chiahin fawh a nuam takzet.
A hma ang bawk khan kan inkawm ngeih leh ta viau, Officeah a lo kal leh zauh zauha, Sangkima pawn a ngai haw hran lo,mahse, keimah lamah hian dik lo a awm ta tlat, Sangkima aia ka ngaih veg veng tum a tum ta zawk,ani erawh chuan min tiam ang ngeiin vawikhatmah Sangkima tana mit khamna turin a awm ngai lo a, min duh awm pawn a awm leh ngai ta miah lo.Hmeichhia tumah a kawp ka hre lo a, a hmeichhe ruk ve kha a neih loh chhan ka zawh apiangin chhanna mumal min pe ngai lo.
“Palai te an lo kal leh tawh em?” a rawn ti a, Sangkima Palai te an lo leng tih ka hrilh a, kum naupang kan ni tawh lo ve ve a, inneih mai a rawtna pawh midang beisei tur chuang ka nei lo bawk nen ka hnial lem lo.Mahse, ka chhungril hian tu nge ka duh erawh ka chiang ngang thung.
“Um, an haw tawh,i mu tawh mi?”
“Aw, engtik nge a ni tur?” a rawn ti leh a, nidang ang lo takin a aw ah chau aw a hriat tel theih.
“Kan la hre mai lo,sawi that leh ah an ti a,i dam lo mi?”
“Dam e..thil ka request thei che ngem?”
“Sawi la..” awlsam zet hian ka ti liam puat.
“October ni 22 hi ka Birth day tih i hria tiraw? Chutah chuan innei ula..” ka mit ka chhing sawk thei, he nau hi nau danglam a va ni tehlul em..Vawikhat chauh min duh tih a sawia, min tibuai ngai lo,thian ang bakin a khawsa zui hek lo.Mahse, keimah zawk hi ka dik thei lo.
“Thil ka zawt thei che em? “ ka ti ve ta thung.
“Engpawh min zawt thei..”
“Ih, a hma khan min duh nge min hmangaih?” ka ti ta hlawl.
“A Pahnihin ..”
“Ngatinge min neih i tum si loh?”
“Ka tum lo maw?”
“Vawikhat chauh min duh tih i sawi a,a bak engmah i sawi lo..” ka awah demna ri a hriat theih.
“Ka hria lawm, mahse....aaa...ka sawi chhun pawn i ngaipawimawh chuang lo” a nui hak bawk.
“Ka ngaipawimawh maithei sin, tunah chuan engkim hi a nih tur ang a ni vek tawha, dik tak chuan i hmeichhe rawn hruai thin te kha ka vel chak thin a” ka nui lui a.
“Ka hria lawm, nang aiin ka hrechiang zawk che,mahse, ka nawr lui thei lo che, nawrlui thei che ila chuan ka nawr lui nasa khawp ang che, Sangkima pawh hi i nei hek lo ang” a rawn ti ta duah.
“Min lo nawrlui la tha tur ania” kei pawn ka thilsawi mak ka inti,mahse, ka rilruah a awm miau a.
“Keimah vanga i na tur hi ka duh lo,i puitling em em nangin ka bulah khan i pangchang ve thin tih pawh ka hrethiam a, bakah i mitmeng nalh zetah khan min duh tih pawh ka hre thiam bawk, min ben zan pawh khan i thinrim vang ni loin i rilru a inthiamlohna vang zawk anih kha min ben..a dik tiraw?” a va han sawi dik tak.
“Aaaa, sawi tawh lo ang, naktukah min chhuahpui la..”
‘Khawiah?”
“Kalna tur ka nei nual mai.Mangtha phawt aw, ka mut hma loh chuan zingah pawh tihtur ka nei a” ka ti a.
“Lawk, nakinah Story i ziah leh hlauh chuan kan pahnih chungchang hi ziak ve la”
“Um, ka ziah hunah chuan hming leh thil thleng tam zawk hi ka ti danglam anga,Ka rilru chhungril pawh ka ziak tel ang,kei leh nang chauhin kan hrethiam thei ang..”
Ka hmai ka phih leh rih a, ka mut pahin ka phone ka khawiha,msg a rawn lut a,ka open vat a.
“Hei chiah hi chu min lo hriatsak teh, ka Hmangaih che a, ka hmangaih reng ang che” Rinsanga Msg a lo ni a, ka tum loh tawpin ka mittui a baw zawih bawk.
Zing ka thawh veleh ka wish a, mahse, a reply lo..Nilengin hnaah ka buaia, tlaia min chhuahpui tur a ka tih khan aw a ti vek a, mahse, a lo lang lo,min rawn be miah bawk si lo..Ka call dawn chiah tihin ka phone a rawn ri a,ka Contact list a mi a ni lo,
“Hello..”
“Jordin..” hmeichhe aw hian a rawn ti a.
“Aw, tunge aw?”
“Seni ka nia, Rinsanga Nutei..Tunah khan Rinsanga chu a kal ta e...” ka bing mup thei..
“Khawiah maw a kal?”
“Pa hnenah, vanah...i chungah lawmthu sawi sen loh kan ba asin..rawn kal la rawn hmu la kan lawm ngawt ang”
“Mambawiha khan a Hmangaih em em che a, hrilh che a tum lai takin a Thisen Cancer hi kan hrechhuak ta a,thla khat pawh hun nei tawh lo kha thla thum lai nangmah vangin a nun kha a fight a, i bula a lo kal dawn apiang khan in bul hnaiah kei emaw Nurse pakhat tal kan awm ve ziah thin asin, zanah hian a chau lutuk thin a, biak mumal theih loh tum kan ngah,mahse, i hnena sawi a phal ngai lo..kha thla thum chhung kha a nunah a hlim lai ber a ni a ti thin a, a nat buai apiangin a tawngvai hian a ko nasa thin che..i lakah hian lawm lohna tur kan nei lo,kan Fapa kha nangmah vangin hlim takin a kal a,kha Cancer hrik kha nangmah vangin hneh a tum hram hram thin asin.....” a sawi zawmna engmah ka hre tawh lo...
“LALRINSANG...nun hi a va Fair lo ve..”
Kan pahnih Story tawi fel tak chu ka ziak ta ngei e,mahse, Story ah chauh ka HMANGAIH che tih ka ziak ta leh i hmu ve ta chuang si lo hi ka damchhunga hremna lian ber ka dawn tur a lo ni ta erawh hi chu ka la hrethiam lo a, keimah leh keimah ka la indem dawn chauh anih hi..
😭
ReplyDeleteMin vêl ṭap mai dâwn läwm!!! 😭😭😭 Nun hi a fair lo takzet. 😤🤧🤧
ReplyDeleteAssessment of Your SEO is Australia’s respected and trusted online marketing agency since 2007. Send us a message using the enquiry form and we will respond promptly. Alternatively for an immediate connection call our friendly team now to discuss your online business objectives. Assessment of Your SEO is dedicated to helping Australia’s small and medium businesses excel in the digital world. Our local digital agency provides services designed to boost your revenue and grow your brand. With our team of SEO, Assessment of Your SEO, we enhance your current strategies with integrated solutions.
ReplyDeleteAssessment of Your SEO ,
digital marketing agency ,
seo for website ,
Google Adwords Management Agency ,
Top Digital Marketing Agencies in Australia ,
web development services ,