LAST GOODBYE

 LAST GOODBYE

Maengi Ralte

Kum 7..Ni leh lo. Thian anga kan inkawm chhung kum 2 leh engmah kan ni tawh lo chunga ka thlah phal loin ka chelh luih tlat che kum 1 nen,a vaiin kum 10 zawk..Um,a rei ve em a,tawpsan ngawt a harsa ve alawm.

Hi,Hello tih vel mai mai atangin bul kan tana.Mahse,a hma pawhin inzawmna Chhungkaw thilah kan neih avangin kan inhresa a.Mahse,thian tih tur kan ni ngai lo va, hmelhriat satliah mai kan ni zawk.

Kum hnih tal tap "THIAN" kan nih hnuah thian nihna kan kalpela,harsatna tamtak thleng thei tur hresa kan ni lehnghala. Nia,harsatna chu kan tawk ta malh malh a. Little mix ho hla,SECRET LOVE SONG a rawn lar chho veleh a,kan va han duh dun thei tak😁 ka hnathawhnaah thian a neia. A thianpa chawpin min veng run zel.

"KA KHAWVEL" ti a min koh thin lai khan KA KHAWVEL a ni zui ve nghala. Ka mamawh hi sawi ngai lo a min tihsak zat ka hre seng lo va,Vawikhat ka sawi lek pawh ka neih loh engmah ka hre hek lo. Ka nghenchhana,ka ke a ni a,ka kut a ni a.Ka lu a ni tel cheu bawka. HMANGAIHNA hi amah vangin ka hriaa,awm tleitu dang ka mamawh lo va,Ani pawh khan a mamawh ngai lo(?)

"Hey...kum tharah chuan nghah che ka tum tawh lo ania. Thutawp siam ka duh.A hrana mut pawh ka Ning" Kum hlui thlah zanah a ti hmuk hmuka..Chhan ngaihna hre loin ka hmui ka pet a. "Aw" tiin chhan ka duha,Mahse  enge thleng dawn ka hriatchian lutuk avangin ka pal lui ngam der si lo.

"I hria tiraw? Hetiang ringawt chu ka thei tawh lo.Naupang kan ni tawh lo ania.Nupui neih ka duh" a ti leh nghut nghuta.(Thawnthu a ni lo a,Mahse thawnthuah hian amah ang hi ka ziahchhuah duhdan a ni fo)

"Um,hria..Mahse...."

"Mahse hian a zui ziah lehnghala" a ti leh hluka.A zat vang nimiah loin ka nui nghal hak mai.

"Min ngaidam mai rawh,ka rilru ka siam fel thei ngang lo" ka ti halha. A kutah ka vuana,nghet zetin a rawn hum a. Ka mitah tak a rawn en a,thinrim na lam alang hran lo va. Beidawng hmel a pu deuhin ka hriaa. Diktak chuan ka thawpik a, ka dawihzep lutuk hian ka la chan thei mai ang tih ka ngaihtuaha, Hmeichhe dang lakah ka ringhlel ngai hauh lo nangin chan ka hlauhna hi a reh tak tak thei chuang lo.

"Hahdam phawt teh. Zanin chu hlim deuhin hmang ang.Chuan,kum thar veleh i ngaihtuah tan dawn nia..Mahse,hetiang ringawt hi chu a buaithlak tih hre tel la" zaidam takin a ti leh a. Ka bu nghauha,a awmah ka hmai ka phum zui ta kak. Min kuah hlu hlua,ka mit ka chhinga,a angchhung thlamuanthlak em em mai hi engtikahmah chan ka phal ngaiin ka ring lo.

MAHSE...Kum athara, achhan hriat si loh thil inher Danglam hret hret ka feel thei ta tlat. Eng nge anih ka hre lo..Ni lo,ka hriaa,ka hre duh lo a ni zawk. Hmana chat tawh kha zawm that leh mek a ni a. Hai rual a ni lo nangin ka Haider lui tlat a..Mahse,Haider theih loh hun a awm ta hiala. Ka huaisenna zawng zawng sawmkhawmin ka zawt ta chawta.." I hria alawm,kan duh emaw duh lo emaw inzawmna kan neia. Kan pahniha sawi dun ngai a awm lo thei si lo va" Danglamna awm miah loin min chhang a. Ni e,hei hi chu chiang takin ka hria..A hma kha chuan an sawi dun thina,tunah chuan an inzui ta ziaha. 

Ka thiannu ka be ta ngawt. "An inzawmna inkarah khan inrawlh miah suh. In pahnih inkar bakah chuan inrawlh loh a fuh ania" tiin min chhang a..Ka pawm, min duhsak tu leh ka nat hlau em em tu a ni a. Chumai bakah INZAWMNA DANGLAM BIK hi Ani pawhin a nunah a tawn ve miau avangin kei aiin a hrechiang tih ka hriaa.Ti lo tura min tih angin ka zawm ta thlap.

"Ani nena in inkar hi ka man chiah lo. Hriatpuitu che u kan tlem si.Inneih lam hi engtin nge?" Tiin min zawt zui a.

"Kuminah a duha.Mahse,ka hlau em a" ka ti ringawt.

"Tawpsan mai teh.Anih loh chuan i na viau mai ang.Anih loh leh a tawp thleng law law la" a ti leh nghauha.

"Thiannu,amah hi ka la thlahlel si alawm. Min duatna leh engkim mai hi Mipa dang lak atangin ka dawng angem ka hre lo.Bakah,ka khawvel hi nuam ka la ti " ka ti tawl. Ngaihdan ni lo em em in a phun zui hlak hlaka,Mahse ka duh em avangin engahmah ka ngai zui duh lo.

"Ka lo ngaihtuaha, I inpeih hunah min hrilh mai la. I inngaihtuah chhung hi chuan tawp rih mai ang.Mahse,kan tawp tih hian thil Danglam vak a awm lo ania. Min mamawh hun apiangah ka awm reng anga.Kan inkawp ta rih lo tih mai chauh a ni a.Danglam a awm lo ania. Chuan,I paltlang ngam ta anih chuan ka inpeih renga. I ngam ta lo anih pawhin min hrilh dawn nia. Chuan,inthen hi ka duh hrim hrim vang a ni lo a. I huaisen ngam dawn lo anih chuan i naupang tawh si lo va. Awmze nei lo va inzui hian i tlai anga,I nun a chhe vek dawna. Chu chu ka duh lo va,ngaihtuah fel hma la ka duh che" 

TAWP tih tawngkam hi ka huaa. Mahse,kan tawp tih erawh vawikhatmah ka pawm lo..Nia,pawm theiin min siam tlat lo. A lo leng ngai ta mang lo tihmai loh chu min care danah danglam awm hek lo le. Min deng dawt thei thu rapthlak ka hriat niah pawh kan tawp tih ka la pawm fel thei lo cheu kha ania.Mahse,ka thiam loh a ni lo..Hahthlak hian a!!!

Thu rapthlakin min denga, a aia rapthlak zawk chu ka bula  a manganna thlen a sim chuang si lo lai kha..Hmangaihtu thinlung hian ana lai hmu thei mawlh hek lo le. Beisei phak a ni tawh lo chung khan a na kha ka lo natpui a,tah te hial ka lo la tahpui a.

Ni a liama, thla a liama..Kan inbe tlem tial tiala, Mahse ka tan chuan AMAH ala ni ta cheu..Fiah takin midang kut a vuan tawh tih ka hmu a,ka bengin a hre bawka. Ka bulah pawh a manganganna leh a nitin nun dan a rawn thlen ngai tawh hek lo. Chuti chung chuan AMAH ka la nihtir fana,keimah leh keimah na ka insiam chawpa...Ka tawrh theih loh tawpah "TINGE?" tih zawhna ka zawh chawt chawt tum lah a tam. Tha takin min lo chhanga,min mamawh zia leh a theih chhung chu min Care dawn a,ka supportna a mamawh reng tih a rawn sawi hian ka lo hahdam leh huai a!!!

Kum a liama, nep taka nun ka duh loh avangin a tel loin ka hlim tih ka lantir a,Mahse a lo na tih ka hriat veleh ka inthiam lo a,ka Move-on leh thei ta lo a.A va atthlak em..Kei min duh vang ni loin,a tel lo va ka hlim  khan NA a lo pe mai mai lek a a lo ni ta ve ang.Mahse maw,a hunlai hi chuan a lo at theih em em mai sia.

Chuan maw,Dear X..I tana eng ni lo hian ka ngaihtuah na a kal ding chang chuan ka lo la ngaidam thei ta lo vel che a.. A chang leh kum khat chuang kan tawp tawha. Ka ngaihdamna i mawh loh vei nen lo ngaihdam phet che ka tum thul ..Mahse, a khat tawkin ka Natna tur iti ta fo lawi si..Mahse,hetah pawh hian thiam lohna ila nei cheu ania..Ka Statusah eng emaw i hmuh ruala min rawn call nghal zel te,ka dam lo ni a i hriat avanga ilo phili chung zel pawh ila sim si loh vangin thlah che hi ka tan a lo har a lo ni.

Ni tlemte kalta khan awm mai mai lai vuak chawrh ang maiin ka harhchiang ta kawka,chu chu eng dang a lo ni.

HMANGAIHNA emaw ka tih kha keimah lam chauh a lo nih vang a ni a. I hriatchhuah changa duat hlawh nih kha ka thlahlel ta lo a. Ka nun hi mahni tana hman ka duh ve ta.Nangin nuam tawlna atan leh Mangan ni a hnemtu atana min duhna vang mai maia ka lo inchelh beh tir che kha ATNA a ni tih ka pawm ngam ta.

Ka la ngai fo che anga,ka mangan leh lawmniah ka hriatchhuah hmasak ber ila ni reng fo dawn tih ka hria.Mahse, hriat reng i hlawhna hmun,ka thinlung hian NA TAKA MIN SIAMTU tiin a hre tel zel tawh dawn che a. Ka lo ngai che anih pawhin ka hmui pel a ni tawh ngai lo vanga.Chhungrila hmun i chan pawh Chhungril atan a ni anga.Nang leh kei hi sawi zawm kan ni leh tawh ngai lo vang.

A tawp nan tak zet ka thlah che a. I hming ka hriat ruala ka lungphu hi ala Danglam fo anih pawhin INZAWMNA NEI LO kan ni tawh tih hrereng chungin i chanchin hi ka hriat ngai loh tu emaw chanchin a ni kumkhua tawh ang.

Tu HMEI mah ni turin ka inphal ngai lo va,PAKHATNA ka nihna hmunah khan PAHNIHNA nih ai chuan ENGMAH LO nih ka thlang ta zawk a.Vawi tamtak ka MANGTHA che tih ka sawi a,Mahse ka la lut nawn leh thin che a,Mahse tunah chuan ka nunah ilo lut nawn leh tawh ngai lovang.

Zanin hian kum 2021 kan chuangkai dawna, kan inhriat hnu a i tih ziah  dana kum thar hlima min rawn biak leh i tum anih pawhin REJECT a ni tawh dawn a.Mittui tla chung pawhin ka kut hian pick-up turin chet a thawh dawn lo tih ka chiang e.

Dear X..Kum 2020 ka MANGTHA rualin nang pawh a tawp nan ka MANGTHA che aw.Dam takin le.....

PS..Thil tak tak ziah hi a harsa thina,Mahse vawi tamtak request anih si avangin,hreh tak chungin ka rawn Ziak e.A story Neitu duhthu hi a sam zo lo viauin ka ringa.Mahse,lo chak deuh deuh zel turin ka duhsak e.

KUMTHAR CHIBAI VEK U LE💙💙💙💙