MINE - 11

 Chapter - 11

Muhil thei loin ka let seka,thil thlen dan kha a bul atangin ka ngaihtuah nawn a,ka ngaihtuah nawn zat pawh ka hre seng lo. Nutei leh Rempuii nena kan buaina kha engtin nge Remsanga an lo zuk hrilh chu ka hre lo. Mahse, a nupui ka ni a, khatiang tehbawl lo deuh khan min rawn zawtfiah thei renga. ka tihsual vek angah angai nghal nge mawni? Min zawt se, kan inbiakna pawh ka sawi ve tur zawk ania. Mahse,a ti miah si lo..Kan inlam ka ngai a,ka nu ka ngai zual bik em em bawk.Mo nih hi a harsa dawn tih ka ngaihtuah lawk ve nasaa,pasal chhungte nena inngeih loh phei chu keiman ka zir phawt chuan a thlen ka ring lo ve em em tawp kha ania. Mahse a tak han tawn meuh chuan a lo ni lo nasa mai si.

Zing lam dar 2 a rik pawhin ka la harh tha kek kawk viau. Muthilh ka tumna lamah lah ka mit a khama, ka mit ka chhin luih lahin ka harh zual tawlh tawlh emaw tihmai tur a ni bawk. Remsanga lah be dawn ila a muhil anga. Muhil lo pawh nise min biak danah khan biak ngam chiah ka ngai chuang lo.

Ka tho chhuak a, Phoneah eng eng emaw ka en kuala, Film en dawn ila a moodah ka awm hlawl bawk si lo..Hun rei tak ka tih tawh loh Pubg lamah ka lut a, season thar a lo nih tawh avangin ka update chawp leha.Net a tha bawka update chhung a rei lo. Ka khel lo rei deuh tawh bawk nen ka khawr deuh tut a,Mahse game hnih vel ka khel a, ka zia leh mai. Zing lama ni tawh chungin ka friend list ka en a, online an lo la awm teuh.Min rawn invite nak naka,Mahse ka accept peih lo. Mahni a khelh ka duh rih zawk. 

Ka khel deuh ngar ngara, phone daha ka hawichhuah meuh chuan khua a lo var der tawh.Hmm,Game khela han tlaivar ngawt chu a ho angreng viaua. Mahse, game hi hmangthiam lo tan chuan buaina thlen tu anih laiin,eng emaw changa hunawl hnawhkhah nan hi chuan a tangkai ve thlawt. Bakah,awmze nei lo a inngaihtuah vak vak tur lakah rilru dang min put tir thina, a thatna lai hi keimahah chuan a tam zawk tlat.

Sangzuala nen inbe mang loin chaw kan ei duna. A hmelah min huatna leh min lawm lohna eng mah a lang lo. Nutei leh Rempuii nena buaina kan neih pawh hre awmin a awm lo. An kalna min zawt lo hrim hrim a. Amak pawh ka ti chuang lo.Remsanga pawhin a hre vek anih chuan ani pawh hian a hre vek dawn tih ka chiang.

Officeah ka buai nileng a, zanah ka muhil bawk si lo nen ka lu a rit bur a, ka mit a vai leh cham cham zel bawka. Mahse, buaina hranpa erawh ka tawk lo. A khat tawkin Remsanga msg a lo thlen beiseiin ka phone ka en a,Mahse a reh vang vang. Zinga msg ka thawn pawh ala seen lo hrim hrim.

"I nawm loh hmel ka ti" kan haw tur Stepa kan kal thlak laiin Duatpuii'n min ti a.

"Nuam e, kan buai nileng tihmai loh chu" nui chungin ka ti a.

"Nia,kan buai nileng thei ngawt mai. Hetiang reng tur chuan inpa hian thawh a phal lo thuai maiin ka ring" a ti leh a. A nui zui kar kara. Kei erawh a mawiah ka nui lui ve hram a. Ka rilruah thilthleng zawng zawng a rawn lang thar leh a. Haw ka huphurh takzet. Duatpuii hi eng emaw tal share ila ka thawl hawk maithei..

"Enteh..Rempuii" ka ti hman uk a,Mahse ka ngawi leh daih.  Hrilh loh ka duh leh zawk.

"Enge Rempuii chu?" a ti deuh ha.

"Ngai leh lo" 

"Buaina innei em? " Min ngaihtuah hmel fein a ti leh a. Tawng loin ka lu ka thinga,ka nui lui leh ringawt.

Gate bulah ka dinga. Kawt a Motor inhung ka va en a,a awm kim vek.Inah an awm kim vek tih hrilh nawn ka ngai lo. Lut mai loin ka ding deuh vang vanga, hremhmun a lut tur angah ka inchana,ka inkhawngaih a. Kan in lama let leh daih mai ka chak zek zeka, let leh ngawt thei ka ni lo tih ka inhre chiang lutuka,ka inkhawngaih ngawih ngawih.

Kawngkaa ka pen luh rualin Nutei'n Tlungi a hau thawm ka hre nghal zat. Midang erawh tumah ka hmu lo. "Hei pawh tinge a dahna ngaiah i dah loh? U Pari'min hrilh lo tih vel mai mai ka pawm lo. Pari In a ni lo a,ka sawi hi ngaipawimawh ber fo rawh" a ti bawng bawng. 

Ngawirengin inchungah ka chho tlanga, ka haw tih a hria em ka hre lo. Room ka hawnga, khumah a bawkkhup zawngin Remsanga a lo mu a. A muhil anih ringin thawm nei lo thei ang berin ka pen a. Ka bag a  dahnaah ka daha, ka inthlak sawk sawka,ka inthlak zawh veleh Remsanga Bag chhuata awm ka pan pheia. A lo inhawng sa a,Mahse a thawmhnaw vel eng mah a la chhuak lo.

Bal bawmah dah loin suk turin Bathroomah ka pawm lut a, ka inphihfai lehnghala. Ka chhuah leh pawhin a mut dan ngaiin a lo la mu a. Nizanah a muhil bik lo pawh a ni mahna.

Insuk ka nghah chhungin Sofaah ka thu a, Remsanga mu ka en a. Thil thleng tur eng mah ka hre thiam lo nangin rindan sa ka nei tlata. Ka awm a nuam thei lo. Ka khup chungah ka khabe ka nghata, mutchhuakin min rawn zem nghal zat..

Ka hmaia kut vawt thlarin a rawn sik rualin ka tho thuta,a ri nghal chawrh a. Remsanga rum nghut ri ka hre zui zat.

"Awi,a na em? " tim daiin ka ti a. Ka bula a ding chu ka melh chho a. A chal a dawma, a chalah ka tauh tih ka hre thiam mai.

"I lu a va chang ve" ka beisei loh lutukin a aw a dam thlup.

"Tihpalh lutuk..A na viau em?" ka ti leh vata,ka dingchhuak nghala. Min chhang loin min en vung vunga,a nui leh suk. 

"I mut a chhuak anih kha ..Mu la" a ti sup. Ka rin loh deuh a sawi takah chuan ka thaw hak mai.

"Chhuak tawh lo.. insuk ka nuaitir a" ka ti ringawt.

"Ka hria alawm.. " a ti tawi tuk. Kan inhmuh veleh thinrim takin min hrawk nghal ang tiin ka lo ngaihtuaha. Mahse,a hmelpa zet,lang dam thlup maiah chuan thinrima inhauh lam alang eih lo.

"Insuk ka'n tifel lawk ange" 

Bathroom lam ka pan nghala. Mahse,ka kal thui hmain ka ding leh chat. Kan room Balcony a insuk zarnaa ka insuk ho lo inzar thap chu ka va en a. Remsanga ka en leh a, a thle buka. A dar a tichhing leh uk a. Eng mah a sawi lo.

"I lo tleuh alaw?" ka ti halh mai. 

"Um.."

"Tinge a?" ka ti leh hap ringawt.

"Ka nupui ka pui mawle" a nui zui leh suka. Kei erawh hamhaih zetin ka ding a, sawi mai tur hre loin ka melh reng ringawt.Nizana min biak dan leh tuna a awm dan hi lei leh van ang maia inhlat a ni a. Kan inhau buai hle ang chu ka tih laiin chutiang lam a awmdanah ngaihbel tur takngial pawh a awm lo.

"Ka lawm e" ka ngawih vang vang hnuah ka ti chhuak sap.

Ngawirengin min rawn pan hnaia, ka banrekah a rawn vuana.A hmui bulah a pawt chho a,a fawp zui nghal vang vang. A hma pawh khan min ti hamhaih tawk tawh viaua, tuna a awm dan phei hi chuan min tibuai satliah lo. Min ti a mai dawnin ka hre zawk.

"Sorry...Ka ti mangang che a" a ti sup. A aw pa leh dam thlap lawi si chuan min fana, engtia awm tur nge ka hre thiam lo.

Min kaia, thutthlengah a thu thlaa,a mal chungah min pawt thu a, ka awmah a hmai a rawn phum zui zat. 

"Nizanah ka muhil miah lo a" a ti leha.

"Keipawh" ka ti ve sap.

"Tinge min lo biak loh a?"

"I thinrim kha.. Engtin nge ka biak ngam ang che?" ka ti nghauh. A sam dum hlap mai chu ka khawih nauh nauha. A mitmeng thim khap leh melh na zet ka en ngam lo. Ka pasal a ni a, hetianga zam em em turah hian ka lo inngai ngai lo. Mahse,tunah hi chuan tleirawl Ngaihzawng nei ang maiin ka zama,ka lai em em bawk.

"Ka thinrim..A dik, engvangin nge thilthleng min hrilh loh?" a ti leh daih. 

"Eng nge ka sawi chuan ang? I nutei leh i nau anni a. Kei reilote chauh i nupui la ni hian engtin nge ka sawi ngam ang?" ka ti duah. Mahni inkhawngaihnain min rawn luah leha, ka tah a chhuak ngang mai bawk.

"Mahse,tunah ka sawifiah thei" ka ti chhuak leh a.

"Angai lo... Ka hre vek tawha,a tawk" 

"Eng chen nge I hriat? Keiman ka la sawi ve si lo a. Min dem vek chuan...." Ka hmuih a kut a rawn daha.

"An dem reng reng lo che. Seni hnathawh naah engmah hriat i nei lo tih ka hrilh a, bakah Nutei chuan Rempuii thiam loh zawk tiin min hrilha. Mahse,Nizan kha chu in boruak a nuam lo em a Farmah an riak anih kha" a ti leh duah. Sawi mai tur hre loin ka khap sak saka. Nutei lawm loh zia ka ngaihtuah leta, engtin nge kei ni loin Rempuii thiam loh anga a lo sawi theih?!!

"Eng mah ka hre ve si lo. Seni ka zawta, a sawi dan leh Rempuii sawi dan a inang bawk si lo. Nutei pawh a lawm lo a.. Diktak chuan lo haw pawh ka chak lo a"

"Min en teh" a ti sup. Thuawih takin ka en ve mai. 

"Ka Nutei leh ka naute hi ka tan chuan ka khawvel anni thina,an la ni reng. Mahse,ka nupui i ni a. Ka khawvel mai ni loin ka nunna i ni bawka" a ti nghet churh.

"Anih si chuan tinge nizan khan khatianga min biak? Sawifiahna hun pawh min pe lo a"  ka awah demna alang Chiang ngang mai.

"Sorry... Mahse,thil thleng kha ka Nutei hnen atang leh ka nau hnen atang ni loin nangma hnen atang zawkin hriat ka beisei a.. Mahse,a ni lo. Nangmaha buaina hmachhawn tura i induhtawk lutuk kha ka thinrim" a ti nghet churh. 

"Chutiang a ni lo.."

"Ka ngaihdanah chuan chutiang chu a ni ve thung a"

"Hrilh che ka tum khan i hria tih i sawi a,sawi belh tur a awm lo" ka ti hmak. Ka sawi zawh rualin thawh kan ka tuma,Mahse hneh zetin min pawt thu leh nghal a. Ka kawngah a rawn kuah nghal hmak bawk.

"In inhauh buai atang khan Darkar engzat nge liam hman?" a ti bung vut.

"Ka hre lo. Sana ka en si se lo" ka ti ve hmak. Ka beisei loh lutukin a nui chhuak nghal hawka. Angaihna hre loin ka melh reng ringawt.

"Kan inbiak hnu khan ka ngaihtuah leta, I awmdanah khan hrehawm tihna engmah a awm lo. Ka bulah chuan awm la i mawngah ka beng ang"

"Chutiang a ni ziah lo..Mut pawh ka muhil thei lo a" ka ti leh a.

"Luhlul zetin nangmahin hreawm i tuar a. Ka hria alawm.. Lalnunpuii inia" a nui a.Min chhaih kual vel dan chu ka huat zawng tak a ni ve tlat thung.

"I hriat chuan a tawk anih mai chu' ka ti hlak. Ka tawng dan naupangchhia lutuk chuan ka nuih a ti za leh hnuhnawha.Mahse,nui lo turin ka insum thei viau.

"Cute thei si" a awah nuihzatna alang thei a. Ka nuih a zatna a reh nghal daih lawi.

"Enge nuih zahthlak?" ka ti leh nghauh.

"Nangmah..."

"I a anih chu a" ka ti leh hlaka. A nui leh hawk hawka. Tihngaihna hre loin ka nui ve ta ngawt.

Ka tukkhumah a rawn vuana, min pawt hnaia, a tihtum hriaiin ka eu lui ve nghal a. Mahse,awmzia a awm lo. Amah ngheng rawkin min pawt a,a hmui lum ham hamin ka hmui a rawn si a. Seh ka tuma,ka thil tum hria niawm takin a inlahrang lehnghal vut bawk.

Buai inring leh hrehawm ti ru ngawih ngawiha ka awmna kha ka beisei loh lamah a inher ta daih. Remsanga lah ka beisei angin ka hmachhawn ta hek lo. 

Chawei turin Thlungi'n min rawn ko a. Remsanga'n engkim tha vek angin sawi mah se Nutei hmachhawn erawh ka chak lo.Mahse,buaina siam hmasatu nih erawh ka tum lo bur.

"Lani chu ilo haw lai ka hre miah lo a. I nu nen vawiinah kan inbiaa, naktukah Pangpar chi i kensak dawn nia aw" Nutei'n min hmuh veleh a lo ti bawrh bawrh. Nizana min huatna a khat mitmeng kha a awm tawh lo. 

"Mama, Bawihpuia chu Fridayah maw a lo haw ang? A thianpa lah chuan lawmthu min rawn hrilh nasa maia" a ti leh zung zunga. An thilsawi pakhatmah ka hre thiam lo. 

An inbiak vel danah Rempuii te an thianhoin Farmah an la riak dawna. Ni 2 hnuah a lo haw dawn tih an sawia. Nutei a tawng siam siama, a khat tawkin kan Chhang tih loh chu midang kan tawng mang lo. Diktak chuan Remsanga'n engkim a that vek thu sawi mah se,nizan thil thleng leh Nutei awmdan inthlakdanglam leh vek si hi ka ngaih a tha thei lo. Min dem lo anih chuan nizan kha thu lai a la tur a ni a. Mahse, Rempuii lam a tanga, min khak a. In Neitu zawk nisiin an riakchhuak hial bawka. Dik vek angin lang mah se ka chhungril hian dik lo a awm tih a feel thei tlat..Eng nge anih erawh ka hre lo. Mahse,thil tha lo thleng tur awm ang maiin ka tang teuh renga,ka bet lo ngawih ngawih bawk.

PS: Buai inang rengah pawh buai bik chi hi ka nia. Chhun lam hi chu ka hawibuai ve em em zel mai chu anih hi... Zantin mai hian Dah loh aiah ka dah ka rawn ti reng mai chu ania😔 Mahse ka intifel ve laklawh a, ka tang laklawha. A hahthlak khawp mai🤭  tin, phone atanga type ka ni tih min hriatsak reng ula,a sei tawk thei lo a ni e.