MINE- 6

 Chapter - 6

Ka nu ka phone a, hna thilah ka haw tlai dawn tih ka hrilh ta ngawt. Nimin lawkah Remsanga te Inah chaw ka ei tawha,tunah amah nen bawka kan chhuak dun leh hi thilsual ni lo mah se nuam ka ti lo.

Office ban hun pangngaiah min rawn lama. Ngawirengin Motorah kan chuang duna, khawiah nge chaw kan ei dawn ka hre lo va,ka zawt buai peih lo law law. Chhuna a thawmhnaw hak kha a ha tawh lo va. A inkhel tih a landanah pawh a hriattheih mai bawka. A dressah Dinner Date pangngai a ni dawn lo tih achianga, an Inah kan kal loh hram ka beisei takzet.

Kawngsir Motor dinna remchang laiah Motor a din tira. "Thil kan lam lawk ang. A rei lo ang" a ti bung vut. 

Minute 5 vel liam hnuah a rawn let leha, paper bag-in thil a rawn khai bawr ṭun a, seat hnungah a dah a. A rawn ṭhu lut a, "Khawiah nge kan kal dawn?" insum zo loin ka ti ta nge nge.

"Farm-ah" a ti tawi tuk.

"Farm" ka ti nawn nghauh..Farm a nei tih pawh ka hre lo hrim hrim. Mahse,Tunlaiah chuan a thei apiang hian huan neih an intihhmuh tawha. Mahni Chhungkaw intihhlimna tawk vel tur hi chu an nei fer fur tawha. Thil mak pawh a ni chuang lo.Mahse,an Inah kan kal dawn lo tih achianga,ka thaw huai tho mai.

Khawpui chhung kan tlanpela. Khua a thim titih tawh bawk. Min be zui lo va,ka be zui bik chuang lo. Kan ngaihtuahna ve ve kan kawm a, inhnaih em em siin kan inhlat ngawih ngawih hian ka hre thung. Mahse,a pawi lo..Thleng tur tur chu thleng se la, ka na anih pawhin nakina nat ai chuan tuna ka nat hi a tha zawk tho ang.

Kawngpui aṭanga vei lamah kan penga. Kawng lian lem lo tak a ni chungin metal vek a ni a. Thui vak lo kan tlan hnuah thir Gate rinawm hmel tlut mai a lo awma. A chungah 'TM Farm' tih a intar kuau bawk.

Kawng chho deuh hlek,tawite kan tlan leh hnuah zawl zau angreng tak a lo awma. Light a lo eng iar a, Thing hlang vek emaw   tih mai tur, chhawng khata sang ,sak dan in ang tlang veka sak in 3 a lo awm a. Pahnih inhawi tawnin an saa, pakhat a lai takah a awm thung.

"Kan thleng e" a ti a. Chhuk mai loin ka hmuh theih chin ka thlek kual dan dan thung.

"Khaw en laiin kan la kal leh anga. En kual chiam tham ni lo mah se, a hmuh thui theih deuh ang. Chhuk ila" a tih zawm a. Vawiin bak chu kan tawp tawh ang tih ka rilruah a lo lang zawka,sawi erawh ka sawichhuak lo. 

Motor aṭanga ka chhuk fel chiah tihin Pa pakhat, Tawi lam leh sa ṭha zet mai hi ding lam in aṭangin a rawn chhuak ve chiah a. Nui ṭha chungin kan lam a rawn pan pheia. 

"In lo thleng thei maw?" amah nena inhmeh lo lutuka aw sin sang rat mai hian a rawn ti a. 

"Um, in ṭha maw?" Remsanga'n a zangkhai zetin a ti let ve nghal vut.

"Ṭha e, chaw in ei nghal dawn em? Sangi ka zawta,ka hre lo a ti mai maia.Phone hi a lo la ve vut a, sawi chhawn leh tur hre mumal mang si lo hian" a ti zui leh bawrh bawrha. A sira ui chuang ang maia ka ding ve reng chu min rawn melh zawka. Nelawm takin a nui zui nghal hek hek bawk.

"Ei anga,Mahse ei tur kan rawn inken a. Kan inbuaipui thei ang. Kan awm rei hman lo bawk a.E, Mate, Pa Dika anih hi. Helai area a kan Lalber" nui hawk hawk chungin a ti a. Kei erawh chu min koh dan khan min fan nge pawh ka hre lo. Ka hamhaih deuh tlat. Pa Dika hnena ka hming a hrilh laite chuan at hmel deuhin ka lo nui ve ringawt.

A thil khai zinga pakhat Pa Dika a pe a, Pa Dika'n lawmthu a hrilh mawlh mawlh a. An landanah chuan Huan Neitu leh Enkawltu an ang lo. Hmelhriat ṭha lutuk, inpawh tak an ang zawk. 

"Kal ila..."  Min rawn en pahin a ti a. Ngawirengin ka zui nghal vat. In 3 ding zinga a lai tak lam panin a kala,a hnungah ka zui ve dat data. Pa Dika erawh chu a lo chhuahna in lamah a lut ve thung.

Inah ka zui lut a, inchhung eng iar mai chu ka thlek kual nghal dan dana. A chhung Bungraw awm leh a chei dan a simple viau nangin mi a hip nghal zar mai thung.

"I en kual duh chuan lo en kual la, intleuh zuai ka duh" a ti dam thlup. 

"Aih, en kual duh lem lo' ka ti nghauh. 

Sitting room nena inzawm titih-in choka lian lo leh felfai thlap mai a awm a. A thil khai ho Choka dawhkan chungah a va daha. A rawn let lehnghala, ka hma zawnah tak a rawn dinga. A Palian bawk si,kan boruak dik bawk si lo nen kan awmna room a tawt zual thutin ka hre nghal ringawt.

"Hahdam teh, ṭi deka i awm khan ka sual hmel zo vek ania" a ti hluka. Zawi tein a nui zui hawk a, ka ip ve chawih thung.Mahse,keimaha awm,ka mize pakhat zawk erawh a rawn lang ve nghal phat mai.

"Ka ṭi tih pawh ka lo inhre hleinem" dak deuh vahin ka ti let ve hmak. Min chhan let hmain ka hnaih ber ṭhutthlengah ka ṭhu zui nghal daih a. Amah ka en duh lo lui tlat bawk.

"Ok.. Kha mizia kha ka duhna che pakhat ania" a awah nuihza insum ri a hriat tel theiha. A awmdan inthlak danglam thut chuan min ti hrilhhai letling. Ka melh chho a, a mitmeng fiah zet, chimawm lutukah chuan inhauh thinrim achak tih ka man nghal a. Ṭawngkam ngeiawm lutuka chhan let ka tumna pawh ka ṭhulh leh ta daih.

"I ril a ṭam em? Nge kan sawi tur zawng zawng kan sawi hmasa dawn? " Ka ngawih tak tlatah chuan amah bawkin a ti leh a.

"Inbual i duh kha. Ka la nghak thei che" ka ti nghauh.

"Yeap...Chutia Boss-in min nghak thei anih chuan ka inbual phawt thei anih chu" a ti leh a. A hmel chimawm naa khat chu ka en a, helai hmun kan panna kawng tluan khan biak pawh kan inbe lo tluk a ni a. Ka mood a fuh lo ang bawk khan a mood a fuh lo ve ni khan ka hre bawka. Mahse,kan thlen hnuah a mizia zawng zawng a thlak ta veka. Kan thilsawi tur sawi chakawm lo tak leh kan boruak nuam lo zet pawh hre lo ang maiin min chhaih kual ta zawka. Eng chu nge maw a hriat hrep ni?

Bang sir kil lama awm, inchung Panna kailawn, thing a siamah a chho a, helai hmunah hian a kal zing viau anih ka ring ve tawp.Pawn lam kha a thim tawh avangin light en chin bak eng mah ka hmu thei lo a. Eng nge hetah hian an tih ang ka hre thiam lo. Thlai huan satliah nge ni anga mi hausa dangte ang bawka nuam tawlna hmun atana an siam zawk pawh ka ngaihtuah thiam chuang lo.

Inchhung ka melh kuala, a chei dan leh furniture awm ho an simple viau vek.Choka lian lo tak mai chu ka va melha, gas stove hniam chen chawn a awma. A sirah Oven lian vak lo a inhunga, tuikhawihna hmun a awm leha. Tuikhawihna bulah tukverh a awma. A thlang bang awl lai hnawhkhat tawk chiah Fridge a awm leh bawk.Dinning Table hnum ṭha tak,mi 6 vel ṭhut theihna tur a inhung a, Chair simple tak tak an awm kual ṭhap bawk.

Pen thawm ka hriat rualin ka ṭhu ngil nghal auh a.  Remsanga rawn chhukthla chu ka han en a, T-shirt var leh kekawrbul,a khup chung thleng a fual,a dum a haa. Flip-flop dum a bun a. A chawn sei thlurh,hmulin a khuh dap mai chu alang sar ngang mai. Eng pawh hi ha se a inhmeh viau zel mai hi amak tih ka ngaihtuaha,ka ngaihtuahna ṭul lo zet chu a hriat hlauin ka hawisawn ta zawk.

"I ril a ṭam em? Nge i inbual ve duh zawk?" ka ep chiah ṭhutthlenga ṭhuhtthlak pahin a ti a. A mood a lo inthlak leh vek tawh tih a ṭawngkam bung vut maiah ka hre thei. 

"Keimah maw?" mawl hmel zetin ka ti hu.

"Kan pahnih chauhin kan awm a,nangmah chu nimai awm tak" a ti leh hmuka. A then zui suk bawk.

"Aih, duh lo" ka ti ve nghal hmak. Ka thawmhnaw pawh a awm lohna hmunah hian engtin nge ka inbual duh reng reng ang? Ngaihdan mak tak a ni.

"I duh chuan ka thawmhnaw i ha thei a" ka ngaihtuahna hria niawm takin a rawn ti leha.

"Duh lo"

Ka chhang rang lulai lutuk, ka va melha, hriatthiam har zetin min lo en runa.Rang lutukin ka hawisawn lehnghal vat. Kan inngaihzawn tirh aṭangin hetiang em em hian ka la zam chhe ngai lo.Ngaizawngte pawh melh ṭha ngam lo khawpa confi lo nih hi nep ka tih zawng tak a ni a. Thawnthu vela thleng awm tawk lekah ka ngai ṭhin bawka. Mahse, vawiin chu Thawnthuah chauh a thleng lo tih ka chiang mah mah chu a ni.

"I ril aṭam em?" a ti leha. Ṭawng loin ka lu ka thing ringawt. 

"Ok..Anih chuan sawi ṭan la" a ti leh a. Ka thaw ru halh thung.

"Ka zawhna i hre tawha,min chhan a hun zawk-in ka hria" sawi tur ber ka ngaihtuah fel hnuah ka ti nghauha. Zam miah lo ang maiin a mitah tak ka melh lui ngar bawk.

"Zawhna....Nia, ka hre maithei.Mahse,a bul aṭangin min zawt nawn leh zawk la" a ti leh tlat. Va han ngeiawm ber bur tak.

"Engvangin nge?" ka ti tawi tak ringawt.

"Eng ber kha?" ala ti cheu. Ka sawi lo anih chuan eng mah sawi a tum dawn lo tih ka hre thiam ta ruak.

"I pa..."

"Chuan..."

"Abak chu i sawi tur ni zawkin ka hria" ka ti chang fak.

"Ka pa tih ringawt chuan sawi zawm a harsa" ala ti leh cheu.

"Enteh, khami chinah pawh khan i duh phawt chuan sawi zawm tur a awma. Tin, I duh ang anga min tihkual i tumna hi i titawp anih loh chuan ka titawp tho ang.Nanga phuba lakna tur ka ni lo a. Ka ni tihsual keiin ka lo rulhna tur a awm hek lo' insum hman loin ka sawichhuak nghal pawp pawp mai. Mahse,pawi ka ti lo. Hetianga inveh den den chuan eng mah kan sawi kaw dawn lo. Hun kan paih mai maia, ninawm lamah a kal tlat.

"Eng phuba nge ka lak ang? Sawi la" ngaihsam hmel zetin a ti liam puat. Ngei lutukin ka en a, hahdam hmel zetin a ṭhu thluang duaia. A hmel lah a lang dam thluam a, ka thilsawi leh ka tawngkam hriat nuam lem lo tak pawh ngai pawimawh hmel a pu eih lo.

"Ka pa ni loin ka pa hrawn a ni a. Ka farnu hringtu a ni a. Ka pa tiin ka ko ngai lo nangin ka nu pasal anih angin ka zah viau tho" reife eng mah sawi lo a kan ngawih hnuah a rawn ti a. Mak ti lutukin ka melh reng a,sawi tur ka hre miah lo. Ka nu te hian ka ni in mi pasal a neihsak tih an sawi hre ṭhin tawh mah ila, a nupui khan fa hmasa a nei tih ka hre ngai lo.

"Pa hrawn' reife hnuah ka tichhuak sap.

"Um, ni e. Ka pa hrawn anih kha. Ka pa boral hnuah ka nu nen an inneia,ka nu pasal neih nawn leh hma aṭangin ka pa nu leh pate bulah kan chenga, pasal a neih leh hnuah pawh an bulah kan awm ngai lo. Ka nutei khan eng rilru puin nge a rawn hrilh che ka la hre lo va. Mahse, msg i hmu a,I ni-in ka nu pasal a laksak tih a rawn sawi vang khan phuba la turah min lo ngai anih chuan i ti sual ang" amah bawkin a ti leh nghuta. Awmzei nei lo lutukin ka lu ka thing nawk ringawt.

"Eng nge i duh?" sawi tur dang hlawl ka hre lo.

"Nangmah kha.." a aw a ring lo nangin a Chiang ngang mai thung.

"Eng kim ka hriat hnuah pawh min bum ila duh amaw?" ka ti hmaka. Ka tum loh tawpin ka aw a khur dar dar mai.

"Ka bum lo che a, atir aṭanga tun thleng hian ka la bum chhin eih lo che" a ti vawt leh ruih.

"A ṭha anih chu. Mahse,nang nen hian eng inzawmna mah neih ka duh tawh lo. Tunah hian inṭhen ka duh a. Ka ṭhen nghal bawk che" ka ti leh a. Ka tum aiin ka aw a ring lam hret bawk.

"Inṭhen maw? Um, tum chhin la" a ti hmuk.A tho nghala, a hmelpa leh rum ul maiah chuan pawisak nei lo hmel alanga. Ka lam pana a rawn kal phei chu ka en a,ka chhungrilah ka khur a,Mahse hlau nih ka duh lo.

Ka hmaah tak a rawn dinga. Ka rin loh lutukin a rawn ṭhingthi thlaa. Kei erawh ka tho ve phat thung. Mahse,ka tawlhsawn hmain ka banrekah a rawn mana, min pawt ṭhu lehnghal a,ka mal chungah a ban a rawn daha,a rawn bawk titih a. Talchhuah tuma ka che zawm leh chu a lo inring bik chiah lo aniang a eu zawka. A inring lo lai chuhin ka per sawn nghal auh.

Kawngkhar lam pan tumin ka tlan nghala,Mahse thui ka thleng hman lo. Ka kawngah nghet lutukin a rawn mana, amah ngheng rawkin min pawt let a, ṭhutthlengah min nawr beta, min rawn delh zui nghal a. Kan inlenhleih lulai lutuka chet lak ngaihna a awm tawh lo. Mahse, beidawng duh loin ka tal zui leh laih laiha, awmzia a nei thui lo ngang mai thung.

"Duhtawk rawh..." ngawirenga kan innawr ngat ngat hnuah a ti dam thlup. Thuawih vang pawh ni loin ka chau lutuka, ka che peih tawh lo 

"Engvangin nge hetianga min tih a?"

"Ka duh che ka tih kha" a ti dam thlup.A awchhuak dam leh min duatna ri chuan ka tum loh tawpin ka ṭah a tichhuaka. Insum hman loin ka insui zui nghal a. Mahse, ṭap zui lo turin ka hmui ka pet tlat thung.

"A tawk e..Kum tamtak hnuah ka hmeichhe duh ka tawng che a. Chuan,I chanchin hi ka hriat loh ring lo la. Kan chhungkua nen inzawmna chhe zet kan lo nei tawh tih pawh ka hai lo. Mahse,ka duh chu ka duh animaia. Engvangmahin chhuah ka tum lo che. Eng infiamna leh phuba lakna hmanrua mah ini lo bawka. Ka duh che ka tih hian duh satliah a ni lo. Neih che ka duh a. Ka tum bawk" a ti leh duah. Ka ring ang nge ring lo ang ka hre lo a,ka ngaihtuahna buai nuai nuai vangin ka mit ka chhing ta zawk.

A hmui lum ham hamin ka mitah a rawn fawpa, a kut zungpuiin ka biang a rawn tuai zuia. A thaw lum ham ham ka hre thei bawk.

"Engtikah nge he thil hi ka sawipui ang che tih ka ngaihtuah ṭhina. Hun remchang a awm ṭhin lo a, Mahse ka nutei zawkin chet alak takah chuan ka tan a awlsam ta duaka. Engkim sawifel pui tur chein hetah hian ka hruai che a" a ti leh sup.

Ka mengchhuaka, a hmel thutak leh pa lutuk chu ka en a. Chiang takin min duatna alang thei a. A thusawi eng kim mai kha a rintlak ang tih ka chhungril atangin min rawn hrilha, Mahse lehlam erawh chuan BUMNA tiin min hrilh ve thung.

"Min thlah thei em?" ka ti sep. 

Eng mah sawi loin a ṭhuchhuaka, ka ṭhu chhuak ve nghala. Mahse, ka tawlhsawn tur min rawn man bet lehnghal vat.

"Min ring thei la..." amah nena inhmeh lo em emin a awah inrintawk lohna alang ve tlat!!

"Harsatna awm tur i hriaa" ka ngaihtuahna a lo lang hmasaber ka sawi chhuak nghal a. Nia,ka ring emaw ring lo emaw harsatna lo thleng tur hi pumpelh chi a ni lo. Amah hringtu ni lo mah se a farnu neihchhun hringtu a ni tlat.

"Ka hria e. Mahse,ka bulah i awm anih chuan eng mah harsatna i tawk ngai lo ang" a ti nghuta. Tun lawka Mipa inringtawk lo anga lang kha chu a ni leh tawh lo.

"Mahse...."

"Min ring em?"

"Ka hre lo ... Diktak chuan i nutei chu eng pawh ania. I nau tan ka lawmawm dawn lo chianga"  

"Anih chuan inthen i sawi lui dawn lo tihna ni em?" a ti daih.

"I nau zawk ka sawia..Eng lo.."

"Ka ril a ṭam" ka sawi zawh hmain a lo ti leh sup. Kan thil sawi lai nen a inzawm lo lulai lutuk chu inring hman loin ka nui nghal hak thung.Mahse,a zat vanga nui erawh ka ni lo.

"Va ei la..." 

"Chaw lam a ni lo"

"Maw?" tih pahin ka en vata, a mitmeng thim khap maiah chuan a sawi awmzia ka man thiam nghala. Atthlak zetin ka hmui ka pet a, a rawn kun hniam zui ve zat thung.

Zei zetin ka hmui a rawn nawr kaua, ka thu khawng deuh laha,Chhang let loin ka dawh mawl tawp. Ka hmui hnuai lam na lo tein a rawn seha,a lei lum ham hamin a rawn liak zui a,ka tum loh tawpin ka rum hak mai...

Thil thleng zui eng mah ka hre mumal tawh lo, zei lutuka a rawn chet zuina chuan min fana, duhthawh lutuka min khawihna chuan nawmna mak lutuk min pe zawk hlauh bawk.

Ka kawr a rawn zena, ka hnute a kut lawnga a rawn khawih rualin ka thu mar deuh awka. A kut zungtangin ka hnute hmur a rawn chep hruala,a samah ka tham nghek thung. Mahse,ka ngaihtuahna nu but a rawn fim tial tiala, ka  kal thui hman teuh lutuk tih inhriain tawp a hun tih ka hria..

"Tawp teh..." ka aw khur dar dar leh zawi lam hret chu a hria tih a thil tihlai a tawp nghal danah ka hre theia. Mahse,rawn hawichhuak chuang loin ka darah a hmai a phum a,a kut pawh ka hnuteah tho ala nghat bawk. 

Tim daiin a kut ka vuana, a la chhuak ve mai bawk. A thaw deuh hawka, a rawn hawi chhuaka,a mitthim raih maiah chuan a duh alang thei a. A lang sexy lutuk chu ka en rei ngam lo. 

Ka biang tawn tawnah a rawn vuana,amah en thei turin min kuai daka.

" A va harsa tlṭhin ve" a ti sup. Eng mah ka sawi lo nangin a harsat tur zia erawh ka hre thiam ve a, ka chhungril ka hre chianga, diktak chuan a tawp thlen pawi tihna leh pawi tih lohna keimahah a inzat reng.

"A tawp thleng tur chuan ala hun lo a" a ri erawh chuan ka ti sap. Za lo zetin a then suka.

"Yes Boss...Mahse,nghah hi ka peih loh zawng ania. Nang phei chu nghah rei ka peih lo lehzuala" a nui a. A hmel landan a pangngai leh vek tawh.

"Anih chuan inṭhen mai ila..."

"No, min nei dawn. Anih loh chuan tihluihna hman ka hreh dawn lo ania" khauh zetin a ti leh hluk.

"Fair lo em maia" ka ti hlak.

"Ok,chuvang takin fair deuha ka chet i duh chuan thla tharah Palai ka rawn tir ang. Achiang em?" a ti leh a. Hnial tumin ka ang ziaua,Mahse a hmui hnawng chap leh chhah tap maiin ka ṭawng tur a rawn titawp zui lehnghal hmak.

Eng kim tawp vek turin helaiah hian ka kala,Mahse kan thu tawp erawh INNEIH a ni ta zawk..Ka hmangaih em ka hre lo a,Mahse keimaha awm,midang duh theihna zawng zawng hi chuan ZOREMSANGA hi ka duh tih ka chiang em em thung.

THUNAWI : Zanin chu a boring inti ngawt ang. Vawiin lam hnaah ka hawibuai nileng lehpeka, he Chapter chu an inngaizawng em em tluan parh nimai🤗 in duh leh min hau mai ru🤭