MINE - 8

 Chapter - 8

Pen thawm lo hnai zel chu ka ngaithla kara, Remsanga pen ri a ni miah lo. Tu nge ni ta ang? Hlauhnain min rawn tuam hlup a, che ngam loin ka mu khawng at a, thil thleng tur chu thawk pawh thaw tha ngam loin ka nghak a. Ka rilruin Remsanga ka ko mawlh mawlh a. Mahse, thawm dang a awm thei lo.

Dimte in an rawn pen phei zela,Khum bulah pen thawm a tawp chat. Awihawm loh khawpin thawm a reh nghal veka, rannung hram emaw thil dang  hrim hrim pawh vawilehkhatah a chawl nghal vek. Ka beng a kiu nghal vaka, a reh leh thut. A reh rual deuhthawin ka beng bulah tu emawin min rawn thawkkhuma, thawk khum satliah pawh a ni lo,a lum pup thei hial!!! Thil rimchhe rapthlak lutukin ka hnar a rawn verh zui nghala. Muthilh der lam chu khawiah hi a ni ringawt.

"Mate...." min rawn sawi nawk rualin ka te vaka,ka thuchhuak nghal hlawla,ka bula mak ti hmel zeta min lo en rengtu Remsanga chu hlauhlawpin ka bawh nghal rawk bawk.

"Eng thil nge? I tha em?"  dam thluamin a ti a, Chhang loin ka khur hlawk hlawka, a awmah ka hmai ka phuma,a kawngah ka kuab bet tlat bawk.

Zawhna min zawt tawh loin min kuah hlu hlua,ka samah a rawn fawp zui leh vang vang a. Ka hnungah a chul leh hauh hauh bawk.

Room Kawngkhar kik thawmah ka phu dawrha. Hlauhnain min rawn fan lehnghala,ka khur zui leh nghal dar dar bawk.

"Engtin nge i awm? I zia tawh em?" Reife ngawirenga kan awm hnuah Remsanga'n a ti a.

"Ka hre lo" ka ti sep ringawt. Thil thleng kha ka ngaihtuah let pawhin ka khur chhe lo chauh chu a ni zel mai.

"I tal nasa lutuka, kaihthawh che ka tum lai takin i rawn te vaka" a ti leh a. Mak ti zetin ka en chho nghal vat.

"Eng maw i sawi?" ka ti a. A sawi ka hriat loh vanga zawt nawn ka ni lo. Ka awmdan leh a sawi dan a inpersan lutuk vanga zawt nawn leh ka ni zawk.

"I mu kha i rawn tal vaka. I inlet nasa bawka,  kaihthawh che ka tum lai takin i rawn te chhuaka" a ti leh a. 

Chhang mai loin ka hawi kuala,light a lo eng ut tawha. Eng mah dik lo awm ka hmu lo. Mahse,nichin lawk kha chuan light kha dul deuhin pakhat chauh a eng kha a nia. Ka te vak takah khan Remsanga hian a On vek a ni ngei ang. Mahse,engtin nge ka bulah amah kha a lo awm si? Tu nge lo lut ve kha?

Ka tawlhsawna, khum lu nghengin ka thu fel nghat at. Ka chevel chu min dan tum loin min en ringawt bawk.

"Khawiah nge i kal ?" ka ti chang fak.

"Keimah maw?" Mak tih hmel zetin a ti hu.

"Aw,nangmah kha" 

"Khawiah nge ka kal ang? Hei ka awm hi" a ti leh a. A rawn tho chhuaka, lukham nghengin a thu a.

"Tunah ka ti lo.Nichinah khan Khawnge i kal?" ka ti leh a. A thle buka, min chhang loin a dar a tichhin uk ringawt.

"Ka harha,ilo awm lo. Tu nge ilo luh pui kha?" ka ti leh a. Ka ngaihtuah zawng pawhin ka khur leh lo chauh.

"Eng nge sawi i tum? " a ti hmuk.

"Ka zawhna che kha i hre lo tihna mi?"

"Mate...Thil awmze nei lo..."

"I hria,I hre vek...Eng nge ka lakah tih tum i neih?' ka ti thawt. 

"Eng nge I buaina?" a ti hmuk. A awah a Ning tih ka hre theia. Mahs,ka ngaipawimawh lo. A duh leh Ning rawhse, ka duh ka hriat hma chuan ka zawt dawn tho.

"Ka harha,ilo awm lo. I rawn let leha,Mahse nangmah chauhin ilo let lo. Tu nge ilo kal pui kha?" ka ti leh a. Ka aw a khur deuh titih bawk.

"Lawk..I tha em?" a ti daih. Min rawn hnaih nghala,ka tawlhsawn ve thung. Mahse,bangin min lo dan takah chuan tawlhsawn na tur a awm tawh lo. Bang nghengin ka thu fel at a, ka hmaah tak a rawn thingthi a,ka inrin hmain ka chalah a rawn deka,rang lutukin ka thle sawn ve nghal zat bawk.

"Khawsik a awm lo..Ok, a tha alawm" tih pahin ka bulah ka thut dan angin a rawn thu ve a. Ka darah a lu a rawn nghat zui zat.

"Eng nge thleng chu ka hre lo. Ka hriat chin chu muhil chungin i let sek a,I rawn au chhuak bawka. Mangchhia i nei anih ka ring. Mahse,nangman thildang a awm itih chuan a awm animaia" a ti dam thlup.

"Mangchhia ni se ka tho nang. Ka tho a, I awm loh vangin Toiletah pawh ka rawn en che a. Ka mu leh a, mi 2an lo lut a,ka beng bulah a rawn thaw vaka..." 

"Ok..ok, a rapthlak hle dawn anih chu" a ti leh sup.

"Kan mu thei tawh angem? I chau dawn lutuk ania" amah bawkin a ti leha.

"Ka mumang a ni lo" ka ti leh hmak.

"Ok,a ni lo ang. Ka hria alawm..Naktuk zingah tu nge lo lut kan zawt dawn nia" 

"Nangmah pawh i awm lo a" ka ti leh a.

"Mate...Khawngaihin..." A ti tham tuak. Ka dik loh vang ngawtin ani ka tibuai reng hi a dik Chuang lo. Inneih zan a ni lehnghala.

A darah ka lu ka nghata, light pawh eng mah off then loin kan mu a. Thil thleng kha ngaihtuah loh hram hram ka tum lui tlat bawk.

Ka mengchhuaka, khua a lo eng tawha. Light erawh a lo in off vek tawh thung. Ka chesawn dawna, Mahse ka hnung lam atangin Remsanga'n min lo kuaha, ka chetsawn chuan a harh ka hlaua. Nizanah ka timu tha thei bawk si lo. Che loin ka mu ta zawk.

Nizan lama thil thleng ka ngaihtuah a, mak takin khua a var tawh vang nge ka hlau tawh eih lo. Nizanah tikhawp khan ka hlaua, tunah lem hlauh chu khawi lamah hi a ni ringawt. 

Remsanga'n min sawi nawk nawk tih chiang takin ka la hre thei a. A hma lawk khan a awm lo ngei tih ka chiang si. Pen thawm ka hriat lah kha Remsanga pen thawm a ni miah lo tih lah ka chiang bawk. Ka harh khan light zawng zawng a lo in on vek a. Ka te vak leh ka thutchhuah inkar kha minute 1 bak a ni lo ang. Ka ngaihtuah leta, thil rimchhe em em ka hriat pawh kha a awm zui miah lo tih ka chiang. Khatianga danglam vek hman tur chuan thil mak a thlen angai...Anih chuan Remsanga sawi ang khan mangchhia ka mang zawk a ni mai angem? Mahse mangchhia ni tur chuan a Chiang lutuk.

A che hruta,ka kawr hak a rawn zena, ka dul a rawn khawiha..Ka tang nghal vak..A rawn tawlhnaia,min si chetin a rawn mu a,a kut a ti che a,ka hnute a rawn khawih a,a kut zungtangin a hmur a chep hrual paha. Insum hman loin ka thaw hak mai.

"I harh tih ka hria alawm" a ti sup. Ka inlet nghal thaka.Zangthalin ka mu a, a rawn inbengkang ve thung. A rawn kun hniam leha,Mahse ka hawisawn nghal daih.

"Ka inphihfai lawk ang" tih pahin ka let sawn a,ka tho nghal daih. Mahse,ka beisei loh zetin a rawn tho ve nghal vut.

Bathroom ka pan chu ka hnungah rawn kal ve zel tih ka hre theia. Mahse,ka Haider lui tlat. Diktak chuan inneih zana thleng tur kha a thleng miah lo va,tunah a duh anih chuan pek ngei ngei ka duh ve tho.Mahse,bul tan dan ka hre lo, hria pawh ni ila ka huaisenna-in a tlin lo.

Ka bulah a rawn dinga,ka inphihfai vel chu bathroom bang nghenga ding chungin min en renga. Ka Pasal mah nise ka zam chhe lo chauh.

"Enge min en reng a?"  Ka ti ta nge nge. A mitmeng thim khap maiah chuan eng nge a ngaihtuah ka hre thiam lo.

"I hmuhnawm em a" a sawi pahin a then suk a. Tihngaihna hre loin ka lei ka chhuah khum zauh ringawt.

"Lei hi chu i nei mawle" chimawm zetin a ti leh a. Ngei zetin ka va melha,a hmelpa lutukah chuan min chhaih tih ka hmu theia. Sawi leh mai tur hre loin ka hmui ka tipawrh zauha. Za zeta a nui hawk hawk chu ka chhuahsan nghal daih bawk.

Ka thawmhnaw hak tuk zawngin ka bag ka hai rak raka. Ka duh ka hmuh veleh ka lachhuak nghala. Mahse, ka kalsawn tur ka hnung lam atangin ka kawngah a rawn kuah a,ka darah a hmai a rawn phum zui zat.

"Min la nghah tir zel i tum tihna mi?" a aw zawi fiah zet chuan a sawi tum a tilang chiang zuala.Ka mawng zawna a mipatna khauh zetin min rawn si pawh ka hre Chiang ngang mai bawk.

Ka beng leh nghawng inkarah a hmui lum ham hamin a rawn nawr dun duna, fawh mai duhtawk loin a liak zui a, ka khup a zawi nghal huai a,amah rinchhanin ka ding a ni ber. Ka kawr a rawn zen chho a,ka hnuteah a tawp leh chat. Zei lutukin a kutzungtang sei thlurhin a khawih zuia, nawmna nasa lutuk avangin ka thaw achham mai dawnin ka hre bawk.

Amah en thei turin min kuai hera,ka biang tawn tawnah a rawn vuana,a mitmeng dum fiah lutuk chu alang sexy takzet. Min pawm kang nawlha,a kawngah ka mal pahnihin ka kherh beta,a nghawngah ka kuah nghal chial a. Khum lam min panpuia,min nghata,min rawn delh thla ze zui nghal zat. Ka kawr hak a phelha,ka kekawrbul hak leh ka panty hnehsawh zetin a pawt thla lehnghal vek a. A kut leh a hmui chevel chuan awmngaihna min ti hre lo. A samah ka tham a,insum tum teh mah ila ka thei lo. 

Dim lutukin min rawn zawma, a na zawka, a chawl ve dat.."A na em?"  a ti supa. A aw a khur ve dur dur mai. 

"Aw,tlemin...Mahse,a pawi lo" ka ti ve sep. 

Abak chu anih tur ang vekin a thleng zui a, nupui ka ni a. Pasal a ni bawk.

Kan inneih atangin thla a liam ve tawha. Kan inneih zana thil thleng mak em em kha a thlen leh mai ka hlaua,Mahse tun thlengin eng mah thleng nawn a awm tawh lo. Ka mangchhia a ni lo tih ka hre tho nangin mangchhia anih rin chang pawh ka nei ve ta hial.

Inneih hma atanga kan sawi lawk angin hna ka la kal zawm ta zela. Remsanga Chhungte nen pawh eng mah buaina kan nei lo va. An Chhungkaw mizia erawh ka zir chawp ve zela. Mahse, kan inlama kan Chhungkaw zia nen chuan inang lo tak a ni. Mimal zalenna ngaipawimawh tak mai an lo ni a. An inngeih lo ni loin Chhungkaw inkawm bawrh bawrh erawh an ni lo. Remsanga nau, Sangzuala hi Remsanga ai chuan a tawng duh zawka, Mahse ani pawh tawngduh tak chu a ni bik lo. Rempuii hi kei aiin a upa, hmeichhe lu zo veh vawh tak mai niin,an farnu neihchhun a nibawka.An duat ngang mai. A lal em em a, Mahse Remsanga erawh a ti lui ngam lo.A nutei ber hi a tawng duh em em lawia, an zah em em a, nu fel leh nui peih tak a ni a. Keipawh min ti tlangnel tu ber a ni bawk.Min sutu a fapa kha Zothana a ni a.Mize dang daih a nei thung.

"Ka thlah kual ang che" ka insiam mawlh mawlh laiin a ti a.

"I buai lo ang maw? Keimah pawhin ka kal thei tho a" 

"No, min rawn hmu tu tur kha dar 11ah daih ania. Chumi hma zawng chu ka free a,bakah in Boss rawn biak ka ngai" zangkhai vuh a ti a. A sam huh a hru ro pah mawlh mawlh bawk.

"Eng thilah nge biak i tum a? Nimin khan ani pawhin biak che a duh thu kha a sawia" ka ti ve leha. 

"A awm nual mai..Mate, hna hi chawlhsan la pawi iti em?" a ti leh thuta. Lipstick inhnawih ka tum lai mek a ni a,ka tawp nghal hmak.

"Kan sawi lawk vek kha" ka ti nghauh.

"Ok, ka hria e.. Chawl tawp la ka ti lo ania. Sangzuala nen thawk dun zawk ta ula eng nge a an ang?" Ka beisei loh lam a sawi ta daih. An family hi ka family a ni ve tawh ngeia,Mahse an sumdawnna thilah inrawlh ka duh lo. Bakah, Sangzuala leh Rempuii an awm Duna,kei ka tel ve a tulna tur a awm lo.

"I duh loh chuan ka tilui lo che ania" amah bawkin a ti leh nghuta. Ngawi rei minti pawh a ni mahna.

"Diktak chuan ka duh leh duh loh pawh ni loin i nau te pahnih an awma. Ka tel ve kher pawh a ngaih ka ring lo a. Eng lo.." ka sawi zawh hmain a ban vaiin min rawn titawpa.

"A tha..." a ti hmuk.

"I ngaihdan anih loh hmel em a"

"I hre sual anih chu. Inhnuaiah ka lo nghak ang che' a ti leh nghuta. Kawngkhar lam a pan zui nghal a. Hamhaih angreng takin a kalchhuak chu ka melh reng ringawt. A mizia hi hriatthiam a har a, a tawng duh loh hrim hrim chu thuhran, a mood inthlak Danglam thut thut a, sumdawnna chungchangah phei chuan a tawhkhirh zia ka hre chiang lehzual tawh.

Kan inngaizawng rei lo a, Kum khat em pawh kan inngaizawng lo. Kan inkawp chhung kha midang inngaizawng ang tho kan ni a. A nu chungchangah bak khan harsatna tihtur kan nei lo. Inneih khan a zui nghala, achang hi chuan thil a kal Tluang lutuk mah mah ka ti thina,a kal tluan avangin a tha lo tihna lam phei chu a ni lo. Mahse,dik lo awm hian ka hre tlat zel. 

Ka lu ka thing a, thil tul lo ka ngaihtuah tiin keimah leh keimah ka inhau zui nghal mawlh mawlha. Sana ka en a, dar 10 a lo hnai thuak tawh.

Hmanhmawh fein inhnuai panna step lam ka pan pheia, kal pahin ka phone ka en paha, Duatpuii msg a lo awm nial.

Step ka rap tur chiah ka eu zawka, te thawt chungin ka tlan dawrha, step a tlak thlak hlau lutukin a vawn banah ka bawh nghal rawk bawk.

"Eng nge a?" Remsanga aw ka hre nghala, stepah a rawn tlan chho a. A hnungah Nutei a rawn lang ve nghal zat.

Eng mah sawi loin step a Marble let phung mai chu ka melh reng ringawt.

Sawi belh: No edit leh pawp pawp..Zanin phei chu hmingte hi ka ti dik lo phung maithei aw..Ninawm a,ka inti fel laklawh hi ka buai phah lutuk mai😆 Tin,naktuk zan hi ka chawl maithei aw.