MINE -21

 Chapter -21

Tun hma zawng zawng pawhin kan cousin ho zinga inkawm bik kan ni ngai lo a. Ka pasal chhungte nena inzawmna nei anih tak vanga min rawn hrilh kha thil awm tak chu a nia. Mahse, tunah awmze nei lo a rawn sawi hi ka ning ta tlat. Mahse,Ning ringawt ila eng mah ka chingfel dawn lo. Remsanga ka hrilh angai.

"Lan.." a rawn ti leha.

"Remsanga ka lo bia ang.In awmna hmun rawn sawi rawh" ka ti chang fak. An awmna lai a rawn sawia. Phone ka dah nghala, ka theihnghilh loh nan msg in Remsanga ka thawn a. Ka thawn zawh veleh ka call zui lehnghal zat.

"Anu" hello ti loin a rawn ti dam thlup. An la rik nuai nuai danah Hall lamah an la awm tih ka hre thei mai.

"I lo haw dawn tawh em?" sawi tlang ngal loin ka ti a.

"Haw tep. Midang hi an hawdarh tan meka. An haw felah ka lo haw ang. Tinge? Min ngai ami?" a ti a. A nui zui hawk hawk bawk.

"Chutiang lam a ni lo.." ka ti a,a rawn tawng leh hmain thil awmdan ka hrilh nghal zung zunga. 

"Ka va kal ang. Lo hlauthawng lo la. Chuan, eng mah Rempui-in hre lo se" a rawn ti a. A tawngdanah chuan thinrim emaw ngaihdan ni lo pawh nise ngaihbel tur eih pawh awm loin a aw a la dam thlup tho.

Lalpuii ka call leha. Pick loin a reject a, msg a rawn thleng zui ve nghal thung.

"A lo kal dawn em?" tih a rawn thawn a.

"Kal dawn. Ka hrilh zo chiaha, a lo kal ang" tih ka thawn ve nghala. Zosangi a rawn tah takah chuan thildang ngaihven loin ka buaipui a. Remsanga lo haw hma chuan anni lami ka rilru a luah leh tawh lo a, biak pawh ka be leh ta lo.

Dar 10 rik dawnah Remsanga lo haw thawm ka hriaa. Room ka chhuahsan tak miah loh avangin midang an lo haw vek tawh em pawh ka hre lo. A tlai tawh em a,an lo haw vek tawh ka ring ve tawp.Mahse,kan room Kawngkhar a rawn inhawng a,hawng satliah pawh niloin na lutukin Rempui'n a rawn phih hawnga." Bawihtei a mu ania" tih ka tum erawh a hmel a thinrimna rapthlak lutuk lang avangin ka chip lehnghal hmiah. A rawn lut fel awrh tihin a hnungah Remsanga leh Sangzuala an rawn lang zui ve nghala. Eng nge thleng ka hre hauh lo nangin thil lawmawm lam a ni dawn lo tih ka man thiam nghal vek.

"Nang...eng nge i unaunu hian a duh chiah?" Min rawn kawk va chungin Rempui-in a rawn ti a. A khur hlawk hlawk mai.

"Mambawih, hetah ni loin hmun dangah sawi ang ka tih kha. Tea lo va chhuahpui rawh" thupe aw lutukin Remsanga'n Sangzuala hnenah a ti a. Hamhaih em em a ka ding chu min rawn pan pheia. Ka ban rekah a rawn vuana, Rempuii meng a ruai chunga tal buan buan chu Sangzuala'n a pawtchhuak luia. Rapthlak ti lutukin chet pawh che ngam loin ka ding khawng tawp. Ka darah Remsanga'n a rawn kuaha,Ka ngheng nghal rawk.Ka samah a rawn fawpa, ka hnungah a chul zui hauh hauha. Ka hamhaih leh mangang lutuk pawh tlem chuan a zia ta deuh. 

"A tha vek ang. Mahse,Rempuii kha kan biak angaia" a ti zawi sup. 

Kan room piah chiaha room ruak,Lehkhabu vel an dahnaah min hruai lut a. Kan lut thawm a hriat veleh Rempuii a rawn tho nghal phata. Kal zui ngam loin ka ding leh chawt. Ka naupan lai leh ka nulat hnuah pawh hlauh em em hi ka nei ngai lo a. Mahse,pasal ka neih hnuah erawh hlauh ka ngah a, nau ka neih hnuah lek phei chuan ka dawih zuala, engkim mai hi keimah nena inzawmna nei anih tawh phawt chuan ka mangang hma em em a. A lawmawm lam a ni emaw ni lo emaw ka hlauthawng nghal vak zela. Ka lungphu a rang vaka,thawk pawh ka thawchhuak tha thei ngai lo.

Remsanga'n min kai a. Tim em emin ka zui a, thil tamtak ka ngaihtuah naah a lo lut nghal zung zunga. Lalpuii leh Ruattluanga chungchang bak anih ka ring lo a. Mahse,eng chiah nge thleng hre si loin ka ngaihtuah kual vak vak a ni ber.

"Mambawih, Lani thiam loh a ni lo tih i hriat kha. Chuvangin Lani lakah tawng fimkhur la ka duh ania" khauh zetin Remsanga'n a ti a. Ka thutna chair banah a thu a,ka darah a kuaha.

"Ka hre lo.. Tu thiam loh nge ka hre lo" a ti  vak.

"Shh, a tawk. Nutei tihmangan a ngai lo ka tih kha. Chuan, Lani khei zawngin thil sawi pawh ka duh lo tih ka sawi nawn leh ang. A unaunu anih avangin a tihsual naah telvena a nei lo tih i hre renga. Hriat loh der tum lo la ka duh"  thupe lutukin a ti leh hmuk. Rempuii tawng tumin a ang zuaua,Mahse a chip leh hmaka. Tawngthei lo ang maiin a melh ngai melhin a thu a, chet pawh a che lo.

Thil awmzia awki pangngai takin Sangzuala'n a sawi a. Engkim mai Lalpuii hnen atanga ka hriat dan nen a letling vek! 

"Min rawn call hma khan tu emawin Msgin  Mambawihi a lo hrilha, hotel a Ruata leh Lalpuii awm thu a rawn hrilha. Amaha kal loin Tea hian a kalpuia. Kei phei chuan eng mah pawh ka lo hre ve lem lo a. An va thlen khan thil a lo duhawm vak lo a" Remsanga'n a ti ve leha. Sawi tur hre loin ka thu ngil auh a,ka hrawk a ro em em bawk.

"Pawisa a duh chuan sawi se" Rempui'n a ti leh hmaka. 

"Pawisa a chinfel chi a ni lo ang" Sangzuala'n a lo ti ve vat.

"Tinge anih loh ang? Mi hnuaihnung ho chuan sum chauh asin an duh. Number an hre tam thei lutuka, a hriat ang ang kha pe mai ila a fel ang" Rempui-in a ti leha. A sawi danah chuan Lalpuii a hmuhsit zia hairual a ni lo. Mahse,tun dinhmunah hi chuan eng ang pawhin sawi se lo huatpui thei dinhmunah ka ding lo.

"A tawk..Thil tul lo sawi mai mai atan chuan i upa tawh ania. Kan thilsawi lai hi Pawisa lam a ni lo" a ti vawt ruiha. A nau-te pahnih tawng zui ngam lo a an ngawi ta reng chu ka melh tawn zak zaka, keipawh eng mah ka sawi ngam bik chuang lo.

"Tunah chuan engkim Lani pawhin a hre tawha. Bakah,Lalpuii pawh chet ala ngam tawh dawn lo a. Hahdam takin awm la ka duha. Chuan, he thil thleng hi kan pali hian kan hriaa. A tawk ania" nghet churhin a ti leh a. "Mu ang le" min rawn en pahin a ti zui leha. A aw a dam lehnghal thlup mai.

Remsanga min kuah chungin a muhil a,kei erawh muhil ve thei loin ka mu meng kar thung. 

"Kan va thlen khan khumah an lo mu duna, tum nei rana thil ti an ang khawp mai. Khatiang kha chu tu hmeichhe tan pawh en mai mai a harsa lo thei lo a. Rin aiin kan buai ta a. Ruattluanga lah a rui a phuang a,a che tha hleithei miah lo bawka" 

Sangzuala thusawi kha ka bengah tun lawka thleng ang maiin ala chiang a. Lalpuii thil min hrilh dan nen pakhatmah inzawmna a nei tawh lo. Amah zawk buma hlauhlawpa awm anga lang si kha an va hmuh dan nen a inpersan lulai lutuk.A rilru a na a,Naute a chan bawka, ka hre thiam em em. Mahse,hetiang zawnga chet la duh tur khawpa hniam anih erawh ka lo ring ngai lo. A chet dan vangin ka haw em em a,Mahse tiang khawpa hniam leh pawisak nei lo a hnuk luttu erawh ka dem takzet tho.

Kan boruak nuam leh zangkhai tak kha a bo ta hmiah. Tuman engmah kan sawi zui tawh lo a,thil thleng a awm tih pawh kan tilang tawh lo. Mahse,Rempuii nen erawh kan inhlat leh ta em em a, ka thilsawi ho te pawh min khak nghal fak fak zela. Remsanga a awm lai chuan a ni vak lo. Remsanga a awm loh erawh chuan a chet dan ngeiawm thei tak a ni. Midang tana hriatthiam theih si loh,keima tana tawrh tham taka thil tih a thiam em em a. Kum naupang tawh lo, fing leh tihtawh lama kal na thei tak a ni bawka. Tawrhhlelhawm tak a ni. Kha thil thlen hnuah khan  vawikhat tal Lalpuii biak ka duh a,ka tum bawka. Thil awmdan chu engpawhnise biak ka duh hrim hrim a. Mahse,Engkimah min block fai vek.

Inneih ni a lo thleng a, inneihniah pawh ka tang tlanchhuak zak. Thil tha lo eng emaw a thlen hlau reng rengin ka hah em em a. Remsanga leh Sangzuala lah chuan vei zui awm pawhin an awm ve si lo. Inneih inkhawm zawh hnu a thlalakna hun an hman thlengin ka la hahdam tak tak thei lo a. Mahse, zing lama ka Mangan ruk ngawih ngawihna kha chu a awm tawh lo.

"Bawihtei hi a khua a sik deuh a. Haw hma pui mai ka duh" Remsanga hnenah ka ti a. Favang tawp lam, thlasik intan mek hun a ni tawh bawka. Naupang tlai lam boruak pawna dawntir ka duh vak lo hrim hrim bawk.

"Chutia law?" Tih pahin a chal a rawn deka. 

"A lum anih hi. Damdawiin kan kalpui mai dawn em ni?" a ti nghal vut. Kan bula thu u Sini leh Remsanga Cousin Noi an nui nghal hak mai thung.

"Em em bawka. Naute te chu an pang a lum a,a reh leh mai alawm. Khawi maw' u Seni'n rawn ban pahin a ti a. Zosangi chalah a rawn khawih ve a. 

"A sik lo tluk anih hmel hi. Mahse,Remsanga ngaihthat nan duh leh damdawiinah kal ula" nui chungin a ti a. Noi a nui zui veleh nghala. Remsanga ka en a..Min rawn en ve chiaha, eng mah sawi loin kan innuih ringawt.

Becky leh Sangmama an rawn thu ve a. Sangmama hi kan inneih khan Remsanga dinpui a ni a. Doctor niin Champhaiah a awm a. An hnaah a buai ve bawk nen a lo haw khat angrenga. A lo haw erawh chuan chaw a rawn ei deuh ziaha,Mahse inhmu tam lo leh tun hmaa la inkawm ngai lo tihtakah ka la nel lutuk lo.

"Kan kal tawh mai dawn mawni kan tia" Sangmama zawkin a rawn ti nghala.

"Chaw ei in tum lo tak tak ami a?" Remsanga'n a ti ve thung. Chawei an tum loh thu leh Becky'n kalna tur pawimawh aneih thu an sawi zui a. Mak deuhin Becky hi ka nel tak tak thei miah lo. Remsanga chang lo, a chhungte leh unaute hian an kawmngeih veka, Inah pawh a tlangnel em em a. Nutei pawhin fanu ang maiin a en a. Kei ngei pawh min be tha em em a, Remsanga thiannu anih angin keipawh a thian angah min ngai ve thlap niin alanga .Mahse,keimah lam hi ka dik lo aniang, ka chhungril hian a pawh tak tak thei tlat lo.

Remsanga thlah turin a kal ve nghala. An kal hnuah u Sini'n "Becky hi chu a hmeltha ngawt mai. Kan tleirawl lai khan School khatah kan kal a,a lar thei ania" a ti a. An lo inhre thin tih ka hre miah lo.

"Nia, hmeltha. A rilru phei tha tel se" ngeiawm angreng takin Noi'n a ti hlak.Phawk angreng takin ka en a, min rawn en ve a. Inthiam chiah lo niawm takin a nui ringawt. Noi hi Remsanga Patea fanu a ni a. Keimah ang rual vel, mize phunglung leh ngaihsam zet mai a ni a. Mahse,Lehkha a thiam zia an sawi fo thina, tunah College lar tak pakhatah a thawk meka. A la upat loh nen a hna a thiam zia an sawi fo mai.Mipa a ngaihsak lo em em a, eng emaw changa luhai nei ve mai thin, nun tluang leh tlang tak lawi si a ni a. Remsanga cousin te zingah,a nu lam leh a pa lamah ka ngaina fal nalh.

"A rilru lam chu ka hre lo a. Mahse,tinge pasal a neih loh le?" U Sini bawkin a ti leh a. Noi a chek leh tlak mai.

"A nei alawm,an inthen na a rei tawha. A fapa pawh kum 10 a tling tawh ang" a ti liam leh puat. Mak ka lo ti ngang mai thung. Nula senior emaw tih laiin pasal a lo nei reng tawha. Vawikhatmah Remsanga emaw midang pawhin nuthlawi a ni tih an la sawi ngai lo.

"Mama'n a hrilh lo che mi a? Mak i van ti hmel em em?" Noi bawkin min ti leh a. 

"Hrilh miah nang.Bakah,ka zawt ngai bik lo a" ka ti ringawt.

"An inthen chhan chu ka hre lo nangin a Pasal nu nen an inngeih loh zia hi chu a Pasal nau khan a sawi thin. A mizia hi a den lutuk ringawt" a ti zui leh a. A ei lo tih a awmdanah a lang veka. Zep pawh a tum lem lo niin alang.

Midang an rawn thut ve takah chuan thildang kan sawi zui a. Mak ka ti viau nangin ka vei zui lem lo.

Ka harh hlawla, ka inlet nghala, Remsanga a mu ve dawn emaw ka tih laiin a lo aw lo. Lukham bula ka phone dah ka hmet eng nghala, dar 12 a ri tep tawh. Party naah a kal dawn tih chu ka hre sa tho nangin ka rin aiin a rawn haw tlai daih.

Call ka tum zet nangin a thiante nen an la titi pawh a ni thei tih ka ngaihtuaha. Msg ka thawn ta zawk..Msg a seen nghala, min rawn reply dawn emaw ka tih laiin a rawn call ta zawk.

"Ka lo thleng animai. Lo muhil la" a rawn ti a.

"Lo thleng law law rawh" ka ti ve thung.

"Um, a rei lo ang. Eheu, enge maw ka tih le?" a ti tuar a. Motor horn ri tuar ka hre theia, phone a tawp zui hmak.

Ka lungphu a rawn su dup a,ka nghilh deuh dup a, thawklehkhatah ka khur zui nghal vak bawk..

PS: Ka tlai si,a tawi si, ka chawl hrat si,min ngaidam su 😁😆

Tin,no edit,no mood ngawih ngawih🤭 chuan maw,anbuai leh ta lo ti lo ula,buai loh chuan a tluang purha,ngaihnawm lo lehzual lutuk ang.