Ka PASAL (completed)

 KA PASAL

KA PASAL : Maengi ralte

Chapter- 1

"Te,a thi ta asin" Ti a ka thiannu rawn tawng ri chuan minti harh chiang kher e,"tu maw thi?" ka'n ti let vak a,ka zawhna chu a tul lem lo,ka hrechiang lutuk tlat,achhan pawh ka thiannu enkawl lai niin ahmu apiangin kan in an thu an sawi bawk veka,chuvangin midang aiin ka hrechiang a, mahse amah ang em kha chuan ka hmeltha ve lo. An fa tir beisei na nen a thlir mek a,a pasal hmeltha leh pa tak nen khan an in hmeh in tum em em loh pawn chhinchhiah an awl nupa tlat,Fapa duhawm em em mai a nei a,mahse amah a harh chhuak thei lo a,kan theihtawp kan chhuah a,abeidawn thlak takzet. A fapa lah kha a duhawmin a hmeltha si,ka duty zo ka haw dawn khan apasal  kha pawnah a lo la thu a,a hmazawn a melh ngawt ngawt a,ka be dawn zet a,awmzia awm chuanga ka hriat loh vangin ka kalsan ta kha a nia,a va tuar na dawn em.......

Nitin ka hna angai reng animai,Damlo na tak tak ka hmuh te hian ka vanneih zia min hriattir thin a,mitam zawk,Thingtlang atang a lo kal, harsa ve tak tak,damdawi lei na tur tak ngial pawh nei lo an tam zia ka hmuh hian min ti chau thin a,nun hi a fair lo ka ti fo thin.

Tlai khat chu ka duty zo in lam ka pan dawn lai tak hian ka phone a rawn ri a,anumber chu ka hriat zawng a ni lo,ka pik- up chuan nu pakhat,aw damdiai mai hian " Doctor Te-i i ni em aw?" a rawn ti a,ka nih thu ka hrilh a,min hmuh a duh thu a rawn sawi a,mahse midang ang lo tak in kan in lamah lo len a tum teh tlat. 

In ka thlen hnu rei vaklo ah chuan nu upa tawh lam,smart zaih mai hi a rawn thleng ve a,min rawn phone tu kha a lo ni a,a in thlahrun hmel hle leh nghal a,chiang takin min enin min thlir vawng vawng nimaiin a lang,athaw leh halh thin a,kei lah chuan nidanga ka tih fo dan bawk in a pianphung leh engkim pawn lam atang a hmuh theih chu ka hmu Kim nghal vek a ni ber,azahawm in mi hausa nu a ni tih a chiang hle a,zaidam tak hmel a pu bawk ,"eng thil nge nita le?,Thingpui in ang aw..."ka tih lai in a ban vaiin minlo ti tawp a,a lu athing mat mat chungin "engmah angai lo,ka'n sawi vat zawk ange. Eng lo ania, ka fanu hi nikum khan nauchungah a boral a,kan fanu neihchhun a ni a,kan tuar nat Dan tur I hre thiam mai ang,mahse keini tuarna ai chuan a pasal tuarna hi nasa tak a ni,afapa hi tun thleng hian a la khawih chhin lo reng reng" a tih lai in, "ka lo pawt chat lawk,chu chu kei nen enge a in zawm na le aw?"ka lo ti hmanhmawha. Mi thusawi ngaithla fo tura ka nuin min hrilh thinna hi rilru puthmag thup thiam lo chi tih takah ka lo ti lang leh mai thin. A thaw hal ha, "minlo nghak hram hram teh,ka' n sawizawm zung zung ange. Ka fanu te chu i hnen a rawn kal chiah chu an ni lo a,mahse an neih dawn khan an Doctor kha a damloh avangin i kut ah an nei ta a,i tan chuan hriat vek sen an ni lo ang,naute a hrin hnu khan harh chhuak tawh lo in a thi zui ta a,a hrehawm kan ti em em a,kan makpa lah khan a at phah dawn emaw kan ti a,mahse vanneihthlak deuh maiin a pangngai zui ta a,kan lawm viau rualin a fapa hi a khawih duh ta miah lo a,kan bulah kan la ta ngawt mai a ni,kan makpa lah hi a nu chauhan a enkawl seilen a ni a,a nu a boral tawh bawk nen,kan makpa a ni nangin fapa upa ber ang maiin kan ngai a,an in lah chu a lian nasa mai bawk si,tumah awmpui a duh hek lo,a sumdawnna a kaltluang a,hna chauh hi a atchilh ta bur bawk nen,ka mangang tak tak a ni,keiniin inhrang atangin kan buaipui reng thei si lo,ka va kal chang hi chuan kan bulah riak tur ten kan sawm thin a,a nui mai a,a rawn riak lem hlei lo a,hetiang ringawt hi chuan ka tuar thei lo a ni,nang hi Doctor i nih mai bakah mi rilru hneh thei tak i ni an ti a,ka rawn pan tawp mai che" ati a,a mittui a rawn hnam tiam tiam a,ka lainat nghal viau. 

Ka ngaihtuah vang vang a,nauchung a thi kher hi chu an tam lo bawk a,ka hre chhuak thei mai a,kha nu hmeltha tak leh a pasal, pa lianpui ,pa zet ka tih te kha an lo ni a. Anni kha atir kha chuan ka vei zui deuh a,mahse nitin mi chi hrang hrang kan enkawl a,ka lo hrereng ta lo. 

Ka thaw huai a,pawi ka tih thu kan hrilh ta ngawt,a romol phawrh in a in hru mawlh mawlh a,"engkawngah nge ka puih ang che?" ka tih chuan "lo kal la,Ruatsanga chu min rawn biak sak la ka duh a ni,a nupui thi kha naute thiamloh a ni lo tih rawn hrilh la ka duh a,keini sawi ai chuan a ngaithla duh ang,naute hi kan enkawl thei lutuk a,mahse a pa in a haw tlat mai hi ka duh lo a,kan fanu pawh khan a duh ka ring lo" ati leh a,atap leh tep in ka hria.

🤎💜🖤

"Ka pi,kei chu Doctor satliah ve mai ka ni a,chutiangte chu Doctor Hrekima te panpui zawk ta ulaathat ka va ring ve,keizawngin tih theih ka nei lo tawp ang" ka ti tlang nghal pawp,ahmel a lungawi vak lo hmel ka hmuh takah chuan inthiam lo zet hian"in makpa chu rilru buai a ni ka ti lo ania" ka ti zui leh niah niah a,Puitlin hmel deuh si hi ka nawi ru leh tlat thin.......Ka rinloh deuh hian a rawn nui ta a,"mi in an lo sawi dik anih hi,ka fanu nen khan in in ang takzet a ni,kan makpa rilru hneh tur chuan nang aia tha hi tumah ka hmu lo e' a ti ta a.

KA PASAL -2

Ka rilru buai zia hre miah lo chuan a ti ti zui leh a,a haw dawn chuan min rin thu leh ka kal theih hun ah amah call turin min la ti zui a,ka bu liam ta vel mai mai.

A tuka ka thiannu Sangtei ka hrilh chuan a ang phiau a,a hnu ah anui leh ta vak vak a,a awmdan chuan min ti hrilhhai ngang mai,"Te,ava mak ve,mahse amak leh lo,anni chang lo pawn an pan thin tho che a,tu maw a hming kha?"a ti ta zat zat. "ka hre chiang tawh lo,Ruatsanga a ti tlain ka hria. A sawi hmang Khan sumdawng niawm tak a ni" ka ti liam maia, ahma aia nasa zawk in a meng phar leh chiam,ahmui a pet a,"enge i ngaihtuah a,i hriat zawng a ni em?"ka ti a, "ka hre chiah lo,R.S.T neitupa hi Ruatsanga ania. Mahse a nupui a thi tawh em pawh ka hre chuang lo,ka ral khat hriat ve tho ania" ati leh a,keilah chu ka la hawi bo ang tulh tulh a,amah bawk chuan,"i hre lo em ni ka sawi chu?,khawiah hian nge maw i awm bik thin le?,Reality Show eng eng emaw hi an sponsored nasa a,i hre ve ang chu ka ti asin,mahse ani chu a ni kher lo ang,nupui a neih pawh ka lo hre chuang lo a,a chhe lo bawka a lerh lutuk te an tia ,a thinchhia an ti rap mai,a hnuai a mi te chuan....." a ti zui leh zat zat a,a sawi mek hi ka lo hre ngai lo anih pawn awm lo ka ti chuang lo.

Aizawlah hian mi hausa tak tak an tam tawh em mai a, reality show te chu lo sponsored mah se tv en veng veng na hun lah ka nei hek lo,Zaithiam te nise ka hre ve ang,sumdawng phei chu hausa tak tak an tam em mai.A tu mihring pawh chu lo nise hna nuam tak chu a ni dawn lo hrim hrim,Mipa,Mahni fa haw tlat tu han biak vel chu ka chak mawlh lo. Doctor niin ka hna nuam ka tih piah lam ah ka zir tel miah loh rilru lam harsatna nei te hian min rawn pan leh nawlh nawlh thin a. Engtin ka lo ti pawh anni si lo a, engvanga min pan fo nge annih ka hre bik lo. 

Tlai lamah chuan hunawl ka neih dawn avang in Pi Dawngi ka phone a,a lo lawm em em mai,min rawn hruai a tum thu a sawi chuan ka hnial a,keimah in Car ka nei ve tho a,ani tihbuai vak ai chuan mahni a kal fel nalh ka duh. An veng ka thlen chuan an in chu zawn a lo harsa lo lehzel,a pawnlam atang pawn annei fe tih a hriat a, inchhung ka'n lut chu Pi Dawngi chuan min lo lawm vat a,mipa naupang thla 8 vel mi,hmeltha lutuk tak mai hi a pawm bawk a,a tupa chu a ni ngei ang...

Thingpui in pahin kan ti ti a,an "alo thleng tep ang" atih chuan ,"tu maw?"ka ti ha. "Ruatsanga mawle,tihtak zet in ka ngen a,lo kal atum ve ta nih kha" A tib leh chuan "oh..." Ka ti halh, abak sawi tur ka hre miau lo.Keimahni zawk hian a inah kan va pan dawn emaw ka lo ti a, min mamawhtu zawk nisi keiman ka pan hi nidanga ka la tih ngai loh a ni. Naute chu ka pawm chak em em avangin pawm ka dil ta nge nge a,api lah chuan alo phal nasa mai. Ka'n pawm chiah chuan ka kut a vuan chata,a mit lian kelkawl chuan min melh kiau mai a,ka chhungril thleng hian a hmu tlang vek ni ber in ka hria. Pi Dawngi lah chuan a fanu a hre chhuak a ni ngei ang,a mittui a lo tla leh hmanhmawh a,ka awm a ti nuam lo zo vek.

Naute pawm chung chuan Verandah a plant ho ka enkual a,ka mi nghah ber a lo la thleng lo bawk nen,ka lai laklawh vek. Nghah an ngai khanglang hi engahmah hmain ka ngei nghal tawp mai bawk. 

Ka hnung lama aw thian khauh ri ka hriat chuan ka hawiphei thuai a,mipa sang tha zet mai,tlem a sam buk deuh,hnar sang tha veh vawh hi tak mai hi a lo ding a,thlahrang a hmu ta emaw tihtur hian a meng zau kawk mai. Ka hmuh hmasak zawk kha chuan a Nupui vang a rilru hah em em khan a ni a,tunah chuan chutiang ni lo in a lan dan a danglam ta,a mitmeng a inthlak a,hriatthiam har zet hian min melh ta run mai a,min en Dan chu a satliah lo lutuka, a hlauhawm thei lek lek zawk.

"Tu nge i nih?" a tih chuan a aw chu boruak a hrui hrual vai rik ang mai hian a fiak tha a,a thum deuh bawk si nen,a mawi phian lehnghal…"Te-i ka ni e,min hre kher lo ang,mahse kei chuan k hria che" Zangkhai vah hian ka ti a. "Eng titur in nge khatah khan i din a?" nelawm lo tak hian a ti leh a, min hriat ngai loh vang maia a tawngdan kher chu ka ngei thut a,"i rilru ngaihtuahna tha lo zet kha dah bo mai teh,rukru ka ni lo ania,he in neitu nu hian lengah min sawma,I hmuh ang hian pangpar leh plant ho ka lo en kual anih hi" Ka ti a. A polite lo leh lutuk a, ka chhang deuh fawk pawh ka inchhir lo. Mizo leh mizo hetiangin vawikhat naah kan inbe ngai lo tih te a hre lo zawk nge ni? 

Tawng tawh lo va dak deuh hian min kal pel zui ta a,ka thinrim kher mai,khatiang tanpui tum chu beidawnthlak dawn hian ka hre nghal lutuk,Naute chu dah tawpa,haw vang vang ka duh ber,mahse......a thinlung tenawm zia kha....a fa pawh kha zu han melh duh miah lo a.

Pi Dawngi'n min ko ri ka hriat chuan muangchang hian ka lut a,Sofa ah chuan thatchhe zet hian mi nelawm lo va chu a lo thu a,Pi Dawngi lah chu nuamti leh lo hmel tak in a che sek ,"Ruatsang,heihi Doctor Te-i anih hi,Mampuii nau neih zan a Doctor duty kha"atih chuan tawng loin a bu nghut a,chibai tura ka kut ka pe pawh chu a hmu lo der a,a in sehruh chiam tih ka hai lo. Naute chu a piin a la a,"lo inkawm ru,thingpui ka'n siam ang" tih leh kal a rual nghal a,a piah hla deuhah chuan ka thu a,hnuai lam ka bih a,nidangah hetiang khawp hian ka nervous thei ang tih ka ring ngai lo,"enge i duh?"amah zawk chuan min ti a. A tawngkam a nelawm loh bakah mi a khei zak zel mai anih hi ka ti rilru a, mahse "ka be duh che a,i nupui boral chungchang hi ila ulh lutuk niin i chhungte hian an hria a"tha takin ka ti a. "chuan?" Thle deuh chung hian a ti a, a ning tih a hmelah alang hial. A  awmdan chuan min ti thinrim ngang mai. Insum i ngai tiin ka infuih a, a mitah tak en chungin, ..."thihna te hi chu tu chungah pawh a thleng thei a,mahse tu emaw thiam loh niloin Pathian in a hun a tih ah kan nunna hi a la mai ani"dam thlap hian ti leh a, "chuan?"a ti leh ringawt. "i fa hian nu a nei tawh lo a,pa chu a la nei che a,a mamawh bawk che,ka lo hriat dan in i khawih duh lo niin ka lo hria a?" Ka ti leh chiah chu insehruh teuh chung hian "i sawi zo tawh em?"a ti bung hmuk. "ngatinge?" ka'n ti let ngawt a,"i sawi zawh chuan i chhuak thei,kawngka awmna i hriat kha..." A ti ram hmuk. "mahse....." Ka ti leh hmana,"ka chungchang sawi turin dikna i nei lo a,ka nupui chungchang phei chu i hmui bawlhhlawh khan sawi nawn leh tawh suh ang che,tumah ka chungchang a an inrawlh hi ka duh lo bur"thinrim tak hian a ti ta nek. A sawi hi a dik chiah,midangte nuna inrawlh turin dikna ka nei lo,a man min pan a ni lo a,a sawi zawng zawng kha a dik vek a ni,ka bag ka ban a,kal tuma ka tho chiah chu a tawngkam chuan min ti ding chawt a."Nangni ho, Doctor tenawm leh mahni hna hre reng reng lo mihring hi ka buainaah lo inrawlh ngai suh u." a ti leh a. 

Ka theihtawp in ka hna hi ka thawk thin a,mi te fak pawh ka hlawh thin,ka hna piahlamah pawh midangte tanpui in Mipa lam pawh ngaihtuah hman lo in ka phe kual a,chutih laia hetiang taka inthamlohna chuan min ti na lutuk….

Muangchang hian ka hawi let a,"Pu Ruatsang,i nupui i chan a , a nat dan tur ka hriatthiampui zo lo che,mahse engvangin nge Pathian in i nupui a laksak che hi hretawh in ka in hria,achhan chu maw.....i rilru tenawm lutuk kha chunglam khian a hria a,i kiangah i nupui kha a hlim lo a,thihna hmangin a laksak che anih kha…" ka ti ta siah siah maia. 

A hmel chu hlauhawm tak a ni tawp mai,hawi let map lo in ka chhuahsan zui ta nal nal bawk. 

KA PASAL -3

Ka thinrim a,ka lungawilo satliah pawh a ni lo,ka rilru leh taksa thleng in a na a,dik tak chuan Doctor zawng zawng hian kan damlo enkawlte tan theihtawp kan chhuah takmeuh a,an nunna kan chhan theihloh hian kan thiamloh ah kan ngai ve a,rilru hrehawm em em a kan nun chang hi atam zawk.Mi te hian min fak kher ka phut lo a,ka hna hi nuam ka ti em em bawk,mahse khatiang tehthlawt a sawiselna kha chu ka la dawng ngai lo a,ka thinrim hluah hluah.Pi Dawngi pawh ka khawngaih tehreng nen kha mihring vang hrep khan ka lainat na a bo zo tawh.

Sangtei bulah nasa fe in ka ang thawl a,ani lah chuan a awmdan ka sawi chuan Pa hi a lo ti em em a,khawilaiah khan nge maw Pa a lo tih hman thinni????????an naute kha erawh chu ka thinlungah a cham zui ta reng a,a duh loh chuan min pe mai se tihte ka ngaihtuah a,nula kum 28 lai ka ni ve tawh chung hian ka zei lo a,min han duhder ve tu chu ka hmu lo pawh a ni lo,a tu amah hi ka ngaihven zui lo ve tawp a ni ber,ka tleirawl chhuah hlim a ka nihpui ve zawk bak kha chu zui tak tak a zui pawh ka nei lo.Thianah ka siam zel maia, midangte pawh hian min sawi ru sep sep tih hre mah ila pawi ka ti lem lo va. An sawi anga anpui kawp chi lah ka ni hek lo. 

Nitin buai reng reng a hun han hman takah chuan ka vei zui reng ta bik lo a,khatiang misual lutuk kha han vei zui atan pawh ka it lem lo bawk a ni.Mahse zan khat inleng ka neih thu ka nau in min rawn hrilh chuan inhnuai a sitting room a hahdam hmel zet a lo thu ka hmuh chuan keimah zawk ka hah in ka insangmar ru nghal teuh thei. Ka nu leh pa an inkhawm a,ka nau lah chu room lamah a tawmzui leh daih bawk. Kan chhungkua hi awmpui nei a khawsa chi kan ni lo lehzel. Kan pahniha kan awm takah chuan sawitur hre lo tak hian kan ngawidun vang vang a,bultan kan tum lo ve ve nimaiin alang,a dip nat zia lah chu sawi hian a siak lo...kan sitting room hi lian viau khan ka hre sia,an thut ve tak run ah chuan ka hre te rawih rawih maia.kan tawt ta viau pawh chu a ni chuang der silo.

"Hmanni kha thupha ka chawi e" A tih zawh rual rualin"eng vang chuan?,kan hnathawh dan i hmuhdan diktak i sawi a,tihsual i nei hleinem" ka ti ve hlak a,"Thingpui te hi min pek i tum miah na nge?"a ti leh daiha, "ka pek ngawt nachhan tur che ka hre lo e a'..ka ti bul hmaka, ka awmdan naupangchhia lutuk chu ka in ngei a,ka insik ru hlak a...a nui ruh ruh a,mahse a nui hmel phena amit meng fing lutuk chuan min ti zam tlat,"i thiannu tawng duh zet khan a sawi dik anih hi...Doctor ve meuh,nula la ni bawk,hmeltha leh nalh zet si hi engvang a mipa pawh ngaihsak miah lo nge i nih ka hrethiam e" a ti leh a,a la nui reng tho mai.

Phawk hra hian "tu ka thiannu maw?" ka ti leh thla ngawt a,athen nawka,"tudang nge nise i tih a?,Sangtei bak thiannu i nei reng reng em ni?engpawhnise a fel khawp mai" a ti zui leh a,Sangtei ka ngei zia chu pui tak a ni,ava han chak dawn lo chiang em...ka zeiloh leh chhass ka neihloh te a lo hrilh reng rengni...tawng duh leh lutuk.

"Eng maw ilo kal chhan tak chu?,ka chau viau ania," nin hmel zet hian ka ti a,ka ning tih a hai ka rin loh nen a la che ta chuang lo,a then leh suk a," hetiang hian i inleng te i be thin nge kei chauh?" tih pah chuan min rawn melh a,"ni nang,ka biak that leh that loh chu ka thu alawm,chuan dam lo te chuan in lamah min pan ngai lo,i hrethiam em?" Ka ti ta hmak, eng rilru pu a lo leng nge ka hre hauh lo va, mahse ka ngei sa laklawh tawha, police lo chhuah chiam ka tum lo. A hrawk a thian a,"um,I sawi dik mahna, ka pizawn tih chauh lo kha chuan inah an rawn hmu ngai lo che aniang maw?" A tih takah chuan a hmel chu a rum sawt a,mahse a inthlahdul leh thuai a,"Chuan,keichu dam lo emaw rilru lam buaina vanga lo kal ka ni lo a,nula ka rawn rim mai zawk,min lo hnawtchhuak em lawng chu ka tia" Huat theih miah si loh, vin chuang lo leh awki dam thlup, mi khei viau lawi si hian a ti a, ka va han bengchak ber tak. 

Sawitur ber pawh hre lo hian kan han inmelh renrawn a,ka thehchhuak thei dawn chuang lo tih ka hriat na chuan min nuih tir ta sak a,reivaklo ah chuan Inkhawm bang an lo thleng zui ta hlauh,ka nu chuan zawhna min zawt hmel deuh hian min melh a,ka lu ka thing ringawt,achanchin sawitur ka hriat chu a nupui a thi tawh a,a fapa a hlamchhiah a,chuan Pi Dawngi makpa a ni bawk...Heizawng bak hriat ka nei miau lo.Ka pain thingpui a lam a,chumi pah chuan kan intawh leh tawhloh min zawt zui a,"ka lo lum dawn mek a" kan ti ve ngawt a,ka sawi pah chuan ka va melh zauh a,a hmel chu ngeiawm tak a ni.Choka ah ka lut phei a, nidangah chuan kan inleng tupawh thingpui kan pe dawn anih chuan an duhzawng ka zawt ziah thina,mahse zanin a kan inleng kher chu ka ngei em kher a,ka pa te duhzawngin a hang in ka siamsak ve hmak.

Thingpui nen a ka let leh chuan ka pa nen an lo inkawm tui viau tawh mai chu niin,Kapa thin tak hi chu awwww...ka mutsan chak rualin nitheiin ka hre em si lo,dar 9 pelh hret chuan a haw ve ta hrama. Ka nun hman tawha zan dar 9 ri har ka tih ber tum a ni awm e. 

Atuk zingah eirawng ka nu nen kan bawl laiin,"Nizana mi kha i Bialpa em ni?" a ti teh tawp a,kan chhungkua hi kan inpawh bawka ka nau bialnu pawh hi kan hriatpui viau a,pawn lama va chetsual ai chuan inchhung a zalen deuh taka kan awm hi an  duh zawk a,ka nau te pawh hian eng eng emaw tihkhawm nan an hmang zing viau reng a ni.

"ni nang aw,tunge anih pawh ka hrechiang lo e a" Ka tih chuan ka nu chuan a makti hmel chu thup tum mah se ka hmu tho,"i pa sawi dan kha chuan R.S.T neitupa a ni atia,a nupui a sun tawh niawm tak a ni"ati leh a,Sangtei ka hrilh chak tawp,a hriat ngei kha a lo ni ta nih chu..Mahse, Sangtei ka ngaihtuah chhuah rualin ka thinrim chawpchilh nghal a ni ber. 

Sangtei ka hmu phat chu tlanchhiat inpeih at hian min lo hmachhawn a,va man ka tum chu a tlanchhia a,atir ang kha chuan ka thinrim tawh lo,"Te,ka duh vang a sawipawh ka ni miah lo,min dawp thiam lutuk a ka tum loh deuh in ka sawi teuh alawm..a sual i tia, a sual loh tawp kha" ka chair phen atang chuan a rawn ti tak zawrh zawrh a,"lo kal phawt teh,engtik laiin nge a lo kal reng reng?"kawng dawm al chungin ka ti a. "nizanah kan in ah a lo kal a,min zawt teuh alawm,keimah zawk amaw min kalchhan ka lo inti a. A lo ni tawp si lo" a tizui leh a..."ok,i duh phawt chuan ka pe ang che,keichuan ka duh lem lo e" ka ti hmaka,ner nang chung hian" kei min duh hleinem,mawli meng ve deuh teh,a duh tak tak che aniang i chanchin a sawi pawn a nui sang ania,chuan maw...i chanchin a hre hnem lutuk. Ka sawi ngai lo Khan a hre sa teuh" A ti leh zat zat. ka chanchin a hria amaw?ava mak mai mai,mihring mak ve tak chu anih dawn kha le...

KA PASAL-4

Mi maktak a ni,min thah mai duh niawm khawp khan a thinrim a, tunah lem ka chanchin a lo hre leh viau tih ka hre leh lawi si chu ka hrethiam ta teh nuai lo e.Mahse kha naute kha chu ka ngaihtuah chhuak ngun khawp mai,khatiang khawpa fapa tha han hlamchhiah ngawt kha chu ka la hrethiam thei lo,a awmdan timak lehzual turin kan in ah pawh a lo kal zui leh chuang lo a,hmuh pawh ka hmu zui leh tawh lo. A fapa ka pawm lai khan a kut tereuhte khan min vuan ve ran a,min melh kiau bawk a,ka thinlung kha engtinmaw tak a awm a,enge anih erawh ka sawi thiam lo. 

Ka thiante,ka zirpuite pawn pasal an nei zo tawh a,han inhmuhkhawm nikhua pawn an fate leh an pasal te chungchang bak sawitur an nei tawh lo,mal ngawih ngawih a inhria in kilkhatah ka lo thu ngawi ve tawp zel a,diktak chuan ka chhungte pawh hian Pasal nei tawh turin min duh niin ka hria a,keipawn ka duhzawng mi tak chu hmu ila ka hnial pawh a ni chuang lo,ka zei lo lutuk hian tihngaihna ka hre thlawt lo mai zawk a ni.

Ka phone ri chuan ka ngaihtuahna atang chuan min tiharh a,ka thiannu Rampuii a lo ni a,kar that thawhtan ni ah a fapa piancham vawikhatna lawm turin min lo sawm a lo ni a,phur hmel tak chuan ka kal ngei tur thu ka hrilh a,mahse a ruk tak chuan ka peih lem lo,an fate ringawt an buaipui leh dawn tih ka hria..aaaaa, Pasal leh fa neih ve ka chak ta rum rum e a. 

Naupang lawm hi ka lei ngai lo viaua, ka thiam hek lo,mahse Present keng lo a kal ngawt a ni thei si lo,Sangtei min leipui tur a ka sawm lah in tih tur a lo nei ve bawk si,toys zawrhna Zarkawt ah chuan kan lut ve rawih a,ka duh minlo zawt vat vat a,kan enkual dan dan pawhin leitur ka hrethiam lo,mipa naupang kum 1 miin an lawmtur,tangkai bawksi min lo pe teh u ka ti ta ngawt. Ka leifel hnu a ka chhuak tur chu kawngka a lo lut ve chiah chuan min ti dingchawt a,he pa hi thla a ni zawk emawni?,ka hmuh tumlohna pui pui ah hian a lo awmve leh ngawt thin,han hel dawn lahin kawngka dang a awm bawk si lo,minla rawn hmu zuia. Min hmuh lah chuan mak ti hmel pawh a pu ve chuang lo,min hria ang pawn a awm duh thak lo. Ka chhuak thuai thuai a,ka motor dahna kha hla lo hle khan ka hre sia,ka nervous lutuk vang chu nge ni ka kal chak thei der lo lehnghal..

Ka rinlawk ang chiah in a nuam ka ti leh pek ta lo. midang chuan nuam an ti viau mahna,thianhlui te an sawm nual a,an fate leh an pasalte chungchang bawk bak sawitur an hre lo,an eisiam a tui hrim hrim a,chuti nilo pheise ka thinrim haw viau in ka ring..Senior lamah hi chuan engmah hi a lo nuam tak tak lo a ni ange…

💜🖤🤎

Ka dar a min rawn khawih zauh tu chu ka enthuai a,Rampuii a lo ni a,"Te,Pasal lamte hi ngaihtuah ve teh? a ti teh tawp a,"ka hmu zo lo alawm,minlo zawnpui la" Ka ti let nghal zat." I hmu dawn lutuk,nang ang tan an vang lo lutuk,mahse tunlai kawp i nei lo tak tak em ni?" Thutak fe hian a ti a. " Tunlai mai pawh ni loin permanent deuh tawpin ka single,ngatinge min zawha, ka single tih hre tur I nia?" Nui chungin ka ti a. "Ka sawitur a ni em ka hre chiah lo a,kan pa hi R,S.T ah hian Sales Manager in a awm tih i hriat kha,hmanni deuh khan an pu nula rim kha a motor a chiangkuang lo a,a driver a phone thei bawk si lo Khan anpa a rawn ko a,kan pa khan a rawnlam chuan a lenna kha in in a lo ni bawk si,mak a rawn ti haw nasa mai a,inlo inzui reng emawni kan lo ti a?"a ti disha, ka nui hak mai,"hna vang in lawm a lo kal,a hranpa chuan inzui lo e,khatiang mipa kha ka ngaina lem lo" ka tih chuan a tlak karh a, a hmin lem lo anih hmel," a hnu ah pawh a phone theihnghilh kan pa in a va pek tum in i thlalak hi Wallpapaer ah a hmang tih a hmu leh a,engemaw tak awm turah kan lo ngai a,??" ati leh niah niah a,mak ka ti viau dawn a,mahse ka nui ta sak ,Chhuana chuan a hmusual chiang ang,a nupui nen khan kan in ang lutuk tlat lawm,"in pa chuan a hmusual anih chu,an nu boralta nen khan mak tak in kan in ang over alawm" ka tih chuan a hawi vang vang a,"ka hre lo le,kan pa nen hi chuan kum 10 lai an thawk dun tawh a,anupui pawh kha a hrechiang viau in ka hria,in in ang chu a ti ve viau nangin a phone ami kha chu nangmah tiin a tang ve tlat a" ati leh hap a...ka nui ta hawk hawk a,"anih chuan minlo * a ni ngei ang tiraw?" ka ti liam puata,ani pawh chu a nui ve ta hak hak a,"lo ni la ka tih nen,in inhmeh dawn e" a ti leh hram a,kei lah pek chu nasa fe hian ka lo ner a,kan inmil lo lutuk dawn si a,a hriatloh ah pawh sawi zawm chi pawh a ni lo e..

Zan ka haw hnu chuan ka inngaihtuah a,engatinge voiin khan min biak miah loh le tih ngaihtuah in ka lunghnur ru riau peks...afapa ka hmuh chakna chuan a tur hian min tur ut ut mai lehnghala,mahse khatiang tehrep boruak kan neih hnuah khan Pi Dawngi nen pawh kan inbe pawp ta lo hrim hrim.A makpa tih har tak vang khan rilru hah tak in a la awm thin ngei awmsia,kei lah in ka hnar ta mai bawk si.

Nitin ka hun chu Damlo te bulah ka hmang a,ka ning ngai lo .mahse achang chuan dam lo rethei leh chau lutuk te hian minti chau ve thin.

Chau tak hian in ka thleng a,ka room ka pan ding nghal a,khumah chuan envelope hi alo let bal,side table ah ka bag ka nghat dahinehkha chu ka pawt chhuak a,Birth day lawmna bawk,mahse tunge anih ka hre mai lo va,a tawp lam ka en thla a,Apa-Lalruatsanga tih chu ka zuk hmu a,oiiii....ka thlauh tawp lo chauh,..naute hming kha Marcus Lalrinsiama a ni a, mahse Tintin tiin an ko daih..

Kal ngei ka tum ruh hle mai a,mahse mahni a kal ka hreh vangin Pi Dawngi hnenah ka nu hruai a rem leh remloh ka zawt a,rem a lo ti nasa mai a,ka kal thei dawn tih a hriat chuan a phur em em mai. Tintin-a chanchin sawiin rei deuh tak kan inbia a,mahse amah a that vakloh thu a sawitel zauh takah chuan ka zawh chak em em chu ka zawt ngam ta bik lo.

Uluk takin ka inchei a,thawmhnaw hi smart tak leh hmuh nuam thei ang ber ka thlang fo thin a,kan va thlen chuan mi an lo tam tawh viau a,an in hmun hma in a zir hrim hrim a,chuti ni lo se kan tawt mah mah ang. Pi Dawngi'n minlo lawm vat a,a pasal pa tha hmelpui pawh chuan minlo lawm ve a,Pi Dawngi chu a lo cher kuam mai a,ka zawh hma chuan a hriselloh thu a sawi thuai thuai maia. Kan titi mawlh mawlh laiin Mipa naupang ka rilru luah em em tu chuan a rawn bawhbuai ta a,a pi chuan pawm kang vat hian "Bawihte,a nutei leh api hi chibai rawh le" a ti a,akut tereuhte chu a rawn phar chhuak a,ka lo vuan vat a,"hello,i dam em?" ka tih chuan zah hmel deuh hian a nui var var a,"ka lo pawm ang che,i duh em?" ka ti leh chuan mak deuh hian min rawn ban ve mai bawk a,ka bag ka nu ka pe a,ka pawm ta a,ka nun hman mek hi  hlawhtlingin mal ni a ka inhriatna pawh kha a ral riai riai in ka hria,a va mak in a va atthlak mai mai tak em,mifa ah lo lawm ve viau mai chu ania...A rak nawk nawk renga, a hlimawm tak zet. Kan inpawm rei hnuah chuan ka malchungah chuan a muhil ta bem a. Api in min rawn laksak hnuah toilet ah ka kal a,ka let leh chiah chu ka hmaah tak Ruatsanga a rawn ding ta thut maia,a lo kal ve danah a fapa hi a ngaihven ve tawh a ni ngei ang ka ti rilru a ....Mahse,ka rin loh lutukin ka banah chuan na zet hian a rawn vuan a,midang hmuh theihloh tur lamah chuan min hnuk ta dawr dawr maia,min thlah meuh chuan  ka thaw huai a,ka ban a hmer na sen tan chu ka tuai hauh hauh bawk,"enge i rawn tih ve?" Min melh run chungin a ti a. "sawmna ka hmu a ka lo kal mawle,i inleng te chungah i polite chiam bik lo e" kan ti ve sak a,a rum nghut ,"kan nunah hian rawn inrawlh buai tawh suh,ngenna ni lo in order anih chu" a ti leh hmuk Ka dak deuh vaha," I sawi chu ka va hrethiam lo ve,ka tihbuai che u ka hre miah lo ania,enge i buaina?"ka ti ve hmiah,min rawn hnaih thuta, thinrim insum niawn tak hian "ka hmuh phak ah awm tawh suh,i hrethiam em?" a ti leh hrawk a,ka ngei lutuk chuan,"hrethiam lo" kati let ve sak,.A then nawka, " Nang hian enge i duh chiah,Marcus-a nu nih maw?,"ati leh hluk a,a va han tenawm in a va han ngaihtuah bawlhlawh thin tak,mihring pawh hi a ni meuh emaw ni?????"lo tum ta ila?" ngeiawm takin ka ti a. Keipawn hetia ka chhang let kher hi a chhan ka hre bik lo,rum zet hian min melh a. 

"A nu i nih hmain i thih hmasak angai ang,Marcus-a hian nu pakhat chauh a nei a,ani reng bawk ang,chu chu nang ni lo in ka nupui kha a ni,i fimkhur loh avanga nangmah vang a a nunna chantu kha".. a ti chu a awki ring lo mah se fiah kek kawk tak a ni.. 

KA PASAL-5

"Engmaw i sawi?,han sawi nawn leh teh?" ka ti thei hram, engtin nge khatiang thu rapthlak lutuk kha a sawi theih zawk ni?!!!

"ka nupui kha i fimkhur tawk loh vang a thi a ni,ka hmuh che hian thah ve nghal mai che ka chak thin,chuvagin ka hmuh phakah rawn inlan ngai tawh suh ang che,ka fapa pawh hi i kut hmawr pawhin khawih tawh suh" A ti leh hmuk hmuka, a hma ang bawk khan a aw  a ring lo,mahse a chiang a ni,a tawngkam tin chuan na tak hian min deng dawt dawt a,keimahah nasa tak in inthiamlohna a lo lut a. Keimah vanga thi a ni ngei em tih zawng ka hre mai lo va, mahse hetianga thihna lam hawia puh ka ni hi na ka ti ngang mai. 

Engmah sawi tawh loin zawimuang hian ka kalsawn ta chhat chhat a,Ka nu bul ka va thlen erawh chuan a rilru nawm loh ka hlauh avangin engmah lang lo turin ka bei nasa viau...ka engtihmah a tui tawh lo a,haw vang vang ka chak ber,mahni a awm a,inngaihtuah ka mamawh lutuk.

Mahni chauha ka awm hnuah ka inngaihtuah vak vaka, Ni e,ka thiamloh a ni ngei tak ang ka ti ta,nau a neih laia duty kha keimah ka ni miau a,sawitur reng reng a awm lo. Ka ngaihtuahna hian min ti chaua,zanah ka mu tlem in chaw lah ka ei thei hek lo,ka chhungte leh ka thawhpuite pawn chawlh ka mamawh niin an hria a,hriatthiam na sangtak nen Medical Leave ka la ve ta hmak .Ka zinkual ang a, hna reng reng ngaihtuah lo in ka awm anga,ka depressed nasa lutuk hi a reh maithei asin tiin ka inhnem ta ngawt. 

Shillong a ka causin te bulah ka zin ta daih a,ka phone pawh ka chhungte ka be zawk tih loh ah chuan ka off deuh char char,ka cousin fa te 2 chuan min lo ngaiin min tihlim takzet,ka bula mut inchuhin mut dawn pawn kan buai fe thin a,ka nun pawh angaiah a let leh tan a,nun awmzia ka man leh tan ti ila a dik ber awm e.Thla khat zet ka awm hnu chuan rilru zangkhai vah in ka haw thei ta a,ngaihdan nghet tak ka nei a,ka tihsual leh fimkhur loh vang nise hrehawm ti tur ka ni a,mahse chutiang engmah tihsual ka neih ka hre lo va,ka diklohna leh ka thiamloh a awm hek lo,chu chu ani kha ka hriattir ngei bawk ang.

Ka thlen tuk a ka chhungte hnen atang a ka thu dawn erawh chuan awm pangngaiin min awmtir leh thei lo tep zawng a ni e. Ka pa in a sawi chiah chu ka chaw hmuam lai ka phuh lo chauh, Palai hmel ka lo hmu a,chu pawh tudang ni lo in kha misual Lalruatsanga hnen atang khan a la nizui,engtia khawsak hi nge maw atum ni?,a hausakna hian engkim lei thei ah a in ngai deuh nge ni a Thawnthu a achangtupa angah a inngai zawk ni? 

"Pa,enge i sawi a!!!? Palai a rawn tira chu pawh min hrilh lo lehnghal in..nangni lahin tunah min hrilh chauha, enge a awmzia? Ngaihzawn pawh kan inngaizawng hleinem" ka ti hmawk hmawk..a chaw hmuam lai thial pah chuan,"I lo haw dawn tho kan tia, phone a sawi leh ai chuan kan ti anih hi. Engmah a hrilh lo che tih pawh kan hria alawm,chuvang takin i ngaihdan hriat kan duh thuin kan lo chhang a. Chutihrualin amah ngei pawh lo kal in palai a rawn tirh chhan puitling takin a rawn sawi a,a pi zawn kha a dam that theih loh avangin a fapa kha aman a enkawl angai a,awmpui te kuta dah ngawt chu a duh lo a,an nu nen khan in lo in ang em kher bawk nen,pasal ingaihtuah lo in a lerh lo bawk a,a duhzawng i nih bakah a fapa enkawlpui tur atan a duh che niin ka hria,a sawi hmang kha chuan.." ati leh charh charh a,ka thin a rim tet tet a ni ber. 

"Pa,pasal nei tur in min duh viau em ni?" ka ti ta thlawt,zawhna chuan a ti hamhaih letling tih a hmelah a lang a,"aa,chutiang lam chu ni lo e,i thu thu a ni a,i duh loh chuan khawiah mah tirhluih che kan tum lo,mahse kei chuan ani kha mitha leh tlang tak niin ka hria" a ti leh hram a,ka chawei tuina a bo vek..

Ka hna kal tur pawh ka phur lo rawih maia,Office ka thlen chuan ka thawhpuite ho hnenah ka thil hawn ka sem a,kan hlim viau a,mahse ka kawchhungah hian min kamtu a la awm fo..min chik em em thintu Sangtei bawk chuan midang an chhuah veleh,zawite hian,"i chawlh hmang chu i hlawkpui lem lo a ni maw?" a rawn ti sa sa a,"aaaa..hlawk lutuk,ngatinge a?" Tih pahin hlim lui zet hian kan nui sang a,mahse a hmelah chuan a awih lem lo tih a lang reng. Damlo buaipui tur an awm tak neuh neuhah chuan kan sawi zawm thei ta lo a,ka hrilh ang nge hrilh lo ang?,min pui thei angem?,sawi ila ka veng hawk zawk maithei,heng thil chi hrang hrang hian min tibuai a,ka in ngaihtuah vang vang a,hrilh a tha zawk in ka hria a,ka harsatna te hi ka sawichhuah thin loh avangin ka mal beih fo tawh a,tunah chuan sawi mah ila pawi lo in ka hre ve ta...

Ka sawi chhung chuan Sangtei chu chal chuar nang hian a awm a,a rilru hriat tumin ka en kar.A thaw deuh huaia, "Te,keichu nei la ka ti,hetianga pasal nei lo a awm ngawt hi a tha lo ka ti" A ti ta daih maia. Melh ram ram chungin, " Chuti taka upa pawh ka la ni hleinem mawle. A ni ber kher chu beidawn tawpah pawh ka duh vak lo" Ka ti ta hmak. 

"Hmmm. Enge diklohna a neih a? a thinchhia an ti ringawt a,mahse tuman a sual an ti miah lo, nangma chungchangah chuan a haw tak tak lo che tihna nimai alawm" ati awlsam leh then a,"min huat tak tak leh tak tak loh engtin mah hriat ngaihna a awm lo. A phone number takngial pawh ka nei lo a,khatiang khawp a ka chunga rilru tenawm a pu tih ka hrilh chung che khan nei turin min duh amaw?,min that mai thei asin" Ka ti ta chiam..ka rin loh tak hian a nui ta hawk hawk a,"i va han ho tak em,that duh tak tak che se la chuan Accident anga kal tir in a that daih tawh ang che,khatiang kha chu a tawng ve mai maiah ngai la,aw pawp rawh" ati leh ta tlat, ka lo hrilh ta kher kher kha pawi ka ti ta mak zawk. Mahse, inchhir lehna hun pawh a ni lo.." Enteh, in duhtawnna awm miah lo a inneih ngawt te chu rapthlak deuh asin?" kan ti zui leh niah niah a,intifing zet hian an meng phar vel a,"um,a dik alawm,mahse u siamtei hi en la,mi zawng zawng u anih tawh hi,a phutawk a hmuh lai khan lo nei mai se mi zawng zawng U a ni bik nang,a Vahte a buaipui em em a,mahse tunah chuan engahvakmah an ngai tawh lo,a tar tak tak hunah phei chuan engtin nge a awm ang?,sawtiang saw i ni ve thei reng ania" ati leh a.

Ni a liam a, Ruatsanga hnen atangin engmah hriat belh ka nei leh ta rih lo. Mahse, ka thlamuan phah chuang reng reng lo. 

Zanriah  kan ei laiin ka phone a ri a,mahse chawei lai a phone a mi biak hi ka pa huatzawng tak anih vangin ka pick up lo,ka ei sawk sawk a,ka tifel leh hnuah Room ah ka Movie ngainat em em mai muchungin ka en leh a,ka phone ri chuan Christian Grey ka atchilh mekna khawvel atangin min kaiharh a,en mang lo in ka pik up thawr..."hello" Ka ti zang vaha, "keimah Ruatsanga,ka be duh che ania,naktukah ka bulah Lunch ei turin ka duh che,Dar 1 ah ka lo kal ang"thupe aw hian a rawn ti nghal pawp. "Teh ngawt chuan,nang…." Ka tih lai mekin"min hnial tum lo teh,i Timing te chu ka hre ve bawk ania,chutiang em pawh hre lo ila  i pasal ni tlak ka ni nang" a ti hmuk a,ka chhan hma in a dah hmak zui… 

KA PASAL-6

Ka helhhawlh lutuk chu tui pawn ka mu lo ,zing lah ka tho hma ngiang bawk,vawi engzat nge ka thawmhnaw hak ka thlak pawh ka hre seng hek lo,kan nui leh rih a,eng vangin nge ka nervous viau ni?,Duhtak hmu tur niawm tak in...hahthlak hian a...

Sangtei pawh ka hrilh lo,office ah lo lut kher lo in a lo call mai ka beisei bawk a,puitling hlir awmkhawm nimah ila mi chanchin sawi chu nuam an ti ve hlawm viau tho a,midang titi na siamsak tu nih lah ka duh hek lo. Ka phone ka bih sek maia,a ri mai si lo chu a thulh leh zawk em niang ka ti that that. Ka bag  kengin pawnah ka va chang ta nge nge a,ka ding deuh chiah tih chuan Step ah zau zet hian a ni pawh a rawn pen chho ve pawk pawk mai a,ka lo va chhuak lo ang tih hlauhawm tak a ni,min call lo in a lo lut ngei dawn sia,zahna titam mai mai.

A rawn thleng chho a,nervous lo hmel zet hian "kal nghal ila..." ka lo ti a,chik zet hian min en a,"hmun dangah hruai che ka tum hleinem,in Canteen ah timai ang,hun ka nei rei lo tlat" a ti ta hmuk..Ka ngei ngawih ngawih a ni ber. Thawhpuite zawng zawng hma ah min tih mualpho a tum tihna nge ni?,he misualpa hian engtia mintih nge a tum chiah le??????

"mahse...." ka ti hman tawk a,alo kal hman der tawh,a hnunglam chu ka melhrum nghek ringawt a,um zui ve mai loh chu tihtheih awm hek lo,a bawpsei zeta a pen pawk pawk  chu ka tlan deuh dat dat chung pawn ka umpha lo a chha chu a ni e.

Canteen a kan han inzui lut chiah chu kan thawhpuite deuh vek anni bawk a,an reh nghal thap mai a,Sangtei phawk zet a lo hawi chu ngaihdam dil zet hian kan nuihsak ringawt,ani a harh chhuak hmasa a,a thutpuite rilru lak pen nan chuan a tawng ta lawng lawng a,ka thaw huai mai,thian tha neih man a awm thin e. Diktak chuan hetia Mipa ka hruai hi mak tih loh theih pawh a ni lo reng a,he Hospital ah hian kum 3 lai ka thawk ve tawh a,vawikhatmah kan Canteen ah hian mipa,tlangval ka la hruai lut miah lo a,ani anga langsar phei chu hmeichhia pawh ka la hruai eih lo. Kan thutna tura kan thut fel  chuan midangte pawn min ngaihsak awm in an awm ta lo a,mahse min sawi zui dan tur ka hre vek. Kan Senior te ho chuan min sawi ngawt lo in ka hmaichhan ah min zawt ngam leh ngei dawn si a,huphurh tak ka ni.

"enge kan ei dawn?"a tih chuan "i duh2"ka ti hmak. "aih,nangman thlang rawh ,enge an thilsiam tui deuh pawh kei aiin i hre zawk ang,kan office a ilo kal hunah erawh keiman ka thlang ang" a ti leh mai a,ahmelah chuan ti el hmel a lang lo.Eitur awlsam tak a siam theih ka chah a,min tihzah manah tui deuh ei a phu kher lo ka ti ve tlat.."Ngun takin lo ngaithla rawh,i duh thlanna ka hre duh lo a,ka duhdan ka hrilh mai zawk ang che,ka nupui chunga thilthleng vanga ka rilru puthmang kha ka la thlak lo a,he inneihna hian Nupa nun tak tak a keng tel dawn lo tih ka sawi hmasa ber ang. Marcus-a hian NU a mamawh a,a -pi in natna khirh tak a vei avangin a enkawlthei lo a,ka duh chuan awmpui te enkawl turin nauawm thiam bik chu ka ruai thei,mahse Nu enkawlna hnuaiah seilian se ka duh.Kum 10 atlin veleh engmah sawi buai lo in kan inthen leh ang,i hre chiang em?"a ti ta hmiah hmiah maia. 

Tawng loin ka melh tlawk tlawk ringawt,he pa hi Ramhuai diktak a ni ka ti lo thei lo. Ngaihtuahna mumal ka nei lo a,hetiang taka min ngainep tur chuan tunge maw anih tehreng ni????

"chutiang chuan eng vangin nge min tih ngawt ang?,i va ngam zawk ve" Ka ti chang fak, tawng rin ngam nibawk si lo,a hmelah chuan ka chhanna chu a beisei lawk tih achiang renga,buai map lo hian,"ka nupui thihna vanga i mawhphurhna leh hremna i tawh ah ngai la i pawm zam thei ang"a ti leh hmiah. "enge i nupui thihna ah mawhphurhna ka neih?,enge ka tih sual?,nasatak in ka ngaihtuah a engmah tihsual ka nei lo,chuvangin min blackmail tum suh ang che" ka ti let ve sak sak a,hahdamhmel zet hian min en a,"Ok.Nia,i pawm mai dawn lo tih ka hria alawm,mahse fiahna ka neih zawng zawng nena court a ka kal anih chuan i lawm vak in ka ring lo"a tih laiin kan eitur a lo thleng a,eichakna ka nei miah loh laiin tui tih hmel zet hian a ei a,a la ei zo hma em em zui, rawn kun hnai chung hian ,"A tui khawp mai, chuan zan in hi palai lo kal hun a ni leh tawh a,"aw" tiin ilo chhan ngei ka beisei,a ni pawh rawn ti fel nghal ang che u" a ti leh sup,min hmu tu te tan chuan a chet Dan vel chu induh tak kan ang khawp ang...

KA PASAL -7

Tlaiah chuan ka rin ang ngeiin zawhna ka dawng hnem ta,fiam lah ka tawk nasa..

Zanriah kan ei laiin ka pa in "mapui,engtin nge kan lo chhan ang le?,kan tilui hauh lo che ania" a tih te chuan han tah hawk hawk mai ka chak a,mahse tap chiam mah ila ka harsatna sutkian nan a tangkai lo a,awmzia a awm hek  lo,harsa ti zet hian"aw,in thu thu niteh se"ka ti chhuak thei hram,maktak hian an hmelah chuan thawveng sawt hmel a la lang zui bawk. 

Thla avei leh meuh chuan ka mihring huat em em chu KA PASAL a ni fel der tawh,midang tan thildanglam a awm lo a,ka naupanlai atang a ka dream thin ang inneihna zawng a ni lo chiang khawp,thuamchhawm pawh tlem chauh ka keng a,engmah ken viau tul ka ti lo,ka hmelhriat te chuan pasal nei tha min ti a,Ruatsanga thianten Nupui nei tha an ti ve thung a,kei erawh in pasal nei ah ka in ngai thei lo. Kan in chhuahsan in mi in ah reilote cham turin ka kal nimaiin ka inhria a,nilengin midangten a der a ni tih an hriat loh vangin buai tak in kan che ve tho a,ka chau tak zet. Ka pasal anih tak ngawt Dan hi a tawng ve lo tu chuan hmeichhe dawihzep leh nep angin min ngaih phah ngei ang. Mahse, midang te harsatna hi ho tihsak ngawt chi a ni lo va, a tuartu tan a nep bik ngai lo. 

A In lianpui mai chu a ruak huai tawh a,ani pawh chu chau hmel zet hian Sofa lianpui maiah chuan a thu thluang duai a,sawi tur hre lo hian ka melh leh zak zak thin a,min rawn melh thuak a,"inchungah khian ka room chu a awm a,i thawmhnaw ho pawh kha an dah vek a,tah khan i mu thei ang" a ti hmuk a,engmah sawi lo hian kei pawh a sawina room panin ka kal ve mai bawk a,ka chau takzet a,mut ka mamawh thlawt. 

Room ka luh chuan khum lianpui, satin paw duk raih maia  lo inkhuh dulh chuan ka mit a la hmasa ber,chhuat tile phah chungah chuan carpet hmul chi hi an phah chhuak leh vek a,T.V. lian zet mai hi khum atanga en nuam tawk tur hian bangah a bet thlur a,asir lam deuh ah chuan chair 2 leh side table nalh zet mai hi a in hung a,bang zawng zawng pawh chu pawn lama ri chhuak theilo turin thuah vek a ni tih ka hmu nghal bawk. Thawmhnaw dahna lian zet mai chu ka hawng a,a lo ruak vek!!!,min awm tir duh vangin a ti ruak vek a ni ngei ang. Khum bulah chuan switch a awm thut maia,Bathroom kawngka ka hawn chuan a zau nuamin a fai tha ngang mai. ,ka intihfai thuak thuak hnuah thawmhnaw pawh rem fel lo in mutkawr ka ha sawk sawk a,ka mu ta hmak. 

Ka meng siar siar a,ka tho a teuh kher mai,mahse ka aw man ka hrechhuak leh thuai a,muangchang hian nimin lama kan awm Dan ka ngaihtuah let a,ka mittui rawn tla chu ka khap let sak sak a,ka inphih fai hnuah ka chhuk thla a,a lo la reh ruih mai. Choka a ka luh chuan hmeichhe 1 hian zai rat rat chungin thil a lo tifai a,arawn hawi let in min hmu thut chu a phu zawk a,a insiam rem thuai a,"ilo tho tawh maw?Rami ka nia,in eisiamtu ka ni e" ati zung zung a,kan in ah awmpui kan nei ngai lo a,ka nu nen engkim kan thawk dun mai thin a,eisiamtu han neih vel lai tak hi ka awm thiam dawn em ka hre lo. Amah bawk chuan,"thingpui nge Coffee i duh ang?,pu chuan i chauh deuh vangin a kaitho duh lo che a,hna hmanhmawhthlakah a chhuak lawk tih hrilh tur che in minti a" ati leh sawk sawk,"ok,Thingpui ka lo in ang,khawngaihin...oh...i buaisi,keiman ka lo siam mai ang" Ka ti leh lawia. " Buai lo e,chutia nangman i tihte chuan hna nei lo a min siam i duh em ni?khawngaih takin engmah lo khawih ve suh,Pu in min theh chhuak duh mai ang" ati leh chula,eng thil nge maw thleng ta ni??????

Tihtur awm bawk si lo,Tintin-a lah dar 1ah chauh lak an phal si a,inneih tuk chauh mah ni se thil danglam thleng lo ang maiin inchhung a reh tlawk tlawk a ni ber. Pi Dawngi te khan kan awmpui tur hi an ui lo a,mahse an ngai takzet a,kan hruai paha chawei nghal turin min sawm a,Ruatsanga'n min rawn lo in a lo Yes vek tawha,min rawn ka beisei lo ve hrim hrim bawk. 

IN leh a vel ka en kual mai maia, fal raih in a awm a,a compound zawng zawng chu sang tak in a hung chhuak vek a,CCTV a awm thluah bawk nen isual tan chet a har khawp in ka ring,a hausa bawk a,a fimkhur hle pawh a awm tho. Muangchang hian room lam ka pan a,ka thawmhnaw ho te ka remfel a,tukverh  lianpui chu nawrtawlh theih a siamvek a ni a,parda hlimin ka dakchhuak a,Balcony, nilum aina atan a tha zet mai hi a lo awm a,chair 1leh thutmutna chi a inhung a,nihliap lianpui mai duh duh huna kaihpharh mai theih tur a awm bawk. ka chhuak phei a,inhnuai lam ka thlir thlak nak chuan  ka thaw hawk mai. Swimming Pool lian vak lo hi a lo awm reng maia,abul velah chuan pangpar  pot ah an awm thluah bawk a,balcony atang chuan thir step hi a kalthla a,step chu pool panna a ni tih ka hmu thiam nghal mai. He pa hi a mak  thlawt a ni. Mizo thenkhat hi an hausa ve hle tawh a,mahse hetiang khawp a khawsa nuam hi an awm tih ka lo hre lo reng reng.. Keini ang khawsak vantlang ve mai tan chuan amak tih loh rual a ni lo a, keini aia dinhmun hniam veleh hret tan phei chuan mizo thenkhat chu hetiang hian an khawsa nuam tawh tih sawi mah ila an awih kherin ka ring lo.

Tukthua  keimah in ka ei a,a tui hlawm viau nangin ei erawh ka ei tlem hle tho. A chhungte emaw thiante zawk pawh tumah rawn dikdak an awm lo chu mak ka ti em em mai. 

Dar 1rik hmain ka insiam peih vek a,Dar 1 rik tep in a rawn haw a,a inthlak sawk sawk hnuah kan kal chhuak zui ta a,melh pawh min melh eih lo va,pawi lah ka ti bik miah lo.

Pi Dawngi te in kan thlen chuan min lo nghak thap tawh a,lo awm zawng zawng zinga ka hmuh chian ber chu a sira ti hmel em em a lo ding ,mipa naupang hmeltha lutuk,,,Tintin-a chu a ni a....ka thinlung hian ka FAPA a ti tlut tlut mai hian ka hre hiala, keimah pawhin chutianga ka ngaihtuah ngawt mai chu mak ka inti em em bawk. 

KA PASAL-8

Kum 1 leh a chanve a la tlinglo deuh a,api hnung lamah chuan a tawlh hrat hrat a,apa a nel lo tih a hriattheih a, a pa lah chuan a ngaihtuah bik hek lo. Pi Dawngi leh Ruatsanga inbiak laii naute ka pan hnaia, " Tintin,lo kal teh,ka phone ah hian thil tha deuh ka nei ania" ka ti nghal. Mahse a lo kal hnai chuanglo,a kut tereuhte ka vawnsak veleh nghet zet hian a rawn vuan ve a,ka pawm kang nawlh a,pawm duh lo ang pawhin a awm lo. "lo inkawm ru aw,pawnah kan awmpui lawk ange" ka ti a,min chhan hma in ka chhuahpui ta daih. 

Verandah ah ka thutpui a,Chhota Bheem ka download chawpa, a tir chuan a tlang nel mai lo,a en rei deuh hnu chuan naupang na na na chu a tlangnel ve ta deuh aniang,a riat ve ta nawk nawk mai. Naupang dang ang lo takin engpawh han khawih dawn se min melh kiau a,min zir ve ni ber in ka hria. Engtin nge maw kan misualpa hian hetiang naute hmeltha lutuk hi a pawm theih loh ni?????,a nupui thi chu a tuar ngei anga,mahni fa te huat phah khawp in enge he naute hian a tihsual tehreng ni???????

Ka malchung atangin a talpit thla a,inchhung ah tlanlutin a rawn chhuak leh thuaia, ka kut ah a rawn vuanin min pawt ve tak tak a,khawiah nge maw min hruai a tum reuh ni ti rilru chungin min kaihna lam chu ka panpui zel a. Room lian vaklo pakhatah hian min pawt lut a,toys a lo let phung mai. Naupang Cycle lian ve pangngai tak ah chuan a chuang nghala,fiahlo zet hian thil a sawi ve a,keilah in hrethiam hek lo,a kut tereuhte chuan a hnung seat chu a beng ve thak thak a,um...min phurh a duh tiihna a ni ngei ang ka ti rilru a...."mahse,Naute,i cycle a te lutuk a ka leng lo alawm" ka'n ti ngawt a,ka sawi a hrethiam chuang si lo,a lu tereuhte chu a bu ve lak lak a,ka thusawp thla a,Train lem leh a kawng vuahchawp ngai chu ka lachhuak a,"lo kal rawh le,hei hi khal ang,ka tlan anga nangin i cycle khan min um dawnnia" ka tih chuan hmanhmwh zet hian a rawn chhuk sawk sawk a,toys let nuai zing ami chu a va hai ve rak rak a,Arte lem lian ve deuh hi a rawn phawrh leh a,a hnuai a herh chuan a zai ta rat rat mai. ka kutah a rawn dah a,amah chu  lam ve niawm tak hian a zuang kual a,ka kut ka benpui bawk a,hlim taka a lam vel chu hmeltha hi ka ti ngawih ngawih.Eng eng emaw hi chu a sawi ve thin a,mahse a sawi hi ka la man chiah lo chu a ni..

Min enrengtu awm a ka hriat vang hian kawngka lam chu ka melh thuai a,Pi Dawngi leh Ruatsanga lo ding dun reng  ka hmu ta a,ka nuilai  ka tawp riai riai a,Pi Dawngi lah chu a mittui a tla a,engvanga tap nge anih ka hre lo.Ruatsanga hmel erawh chu hriatthiam har tak a ni,melh zawk bak ka en rei ngam lo.

Pi Dawngi a rawn lut a,"Ruatsang,Te-i hi ka'n be lawk ang chu,khawngaihin kawngka kha i rawn nem khar nghal dawnnia" ati zui zat a,a bu nghut a,dimte hian a rawn khar a,a pen thawm zawi tial tial chu ka ngaithla kar. 

Pi Dawngi chhuatah a rawn thu thla ve a,a chhanchu thutthleng pakhatmah a awm tlat lo atin hi.."hetiang a ka duhthusam puitling ta hi ka awm takzet a,i thinlung zawng zawng in i hmangaih dawn tih hi ka hrethei tlat a ni,ani pawn a ngaina in a hmangaih ang che,mi tumah hi a hmuh ngai loh a nel ngai lo,mahse nangchu vawiin lekah pawh midang a khawihtir phalloh te a khawihtir che a,ka mittui hi ka fanu vang a tla a nilo,nangmah vang a tla a ni,ka lawm em vang in ka dang thei lo,i lo hre tawh maithei a,keichu pumpui Cancer ka ni a,rei tak ka dam tawh lo ang,mahse i kutah thlamuang tak in Tintin-a hi ka dahtawh a,min kalsan maitur hi nizan pawn ka ngaihtuah a,ka tap ru a,atan a tha ber tur a ni tlat bawk si,nangpawn i nu ang tak in min en la,harsatna engpawh awmse min hrilh hreh suh ang che,nang leh naute hi chu in inmil a thlap mai a,i theih hram chuan Apa nen hian inzawm tir hram ang che aw" ati a,"ole,ka theihtawp ka chhuah ang,ka theih phawt chuan School a kal ve hma chuan nitin ka lo kalpui thin dawnnia,ani pawn a ngai em em dawn si che a,kan inlahrang thei chiah angem tih te ka lo ngaihtuah a,i tello in a awm ngai silo" ka ti ve sap a,"nia,chu pawh chu huphurhawm tak a ni,mahse amah te hi naupang fel tak a ni reuh a,buaina a siam anih pawn a reilo ang"a ti leh dap dapa,"ka hrethiam e,i tupa min enkawltir phal a,i fanu ang maiin min ngaiin ka chungah i tha em em bawk a,ka lawm lutuk aw" ka ti a,ka kut a rawn vuan a,min hmer vang vang ,"Bawihte,lo kal teh" a tih chuan a rawn hawi ha a.JCB lem khai chu a pi chuan a dahthlaksak a,a kut tereuhte chu ka kut nen a rawn hum kawp a,"Anu" ti rawh le a ti a,ka lo thaw dep dep mai,ka hlauthawng a ni,min en ran ran a,"ma" ati ta reuh a,ka tum loh tawp in ka mittui a hnam sawk thei. 

Tlaiah keiman chaw ka pe a,a thil ei thin zawng zawng chu sawi mai loin a list min pe a,chaw a ei tha a,hmawmsawm an eitir mang lo a lo ni. 

Kan chawei ve thung chu rilru helhkam nei deuh tun kan ni hlawm bawk a kan ei tha chiam lo. Reivak lo kan thumuang a,Tintin-a pawh api malchungah a ham ta bai bai bawk a,ni vui zo rual ala ni lo va, zanah pawh dar 8 a mengthleng ngai meuh lo tih min hrilh bawk.

Kan haw tur zet chu api tel lo chuan a hreh ve ta tlat,a tap a,api a tap bawk a,keiin thlem chitin rengin ka thlem bawk.Ruatsanga lah Motor ah a thu ngawi reng ringawta,a mizia hi mak tih hian a sawi fiah zo lo ni berin ka hria. Reife hnuah engtin tin emaw kan inla lui thei ta hram. Motor-ah pawh chuan a la tap zel a,min seh a,min ham ve bawk a,ka samah a kek thul,buaithlak tak a ni. Naupang tih ka thiam viau bawk si lo,Misuala lah chuan min han puih tum chu a hnai lo,a motor khalh lai bak engmah ngaihtuah lo niawm tak hian hmalam a melh ngur ngur maia,han chum deuh pawp mai ka chak ngang mai bawk. 

A tal hah deuh bawk aniang, motor chhia a lo awm avangin reife jamah kan tang leh bawk nen in kan thlen hmain a muhil ta bam reuh a, a tap nasa lutuk kha mi nau chu nise ka beng chak ngawt ang,mahse tunah hi chuan chutiang lam a lang tlat lo,mahni fa hrin ngei te an lo duatsual thin pawh hi ka dem ta chiamlo e.

In kan thlen chuan Ruatsanga a chhuk vut a,Gate amahin a va inhawn chawp a. Kan tlan luh chuan Garrage a dah hmasa lo in amah a chhuk leh a,kawngka min rawn hawnsak a,ngawireng hian Seat hnung a Tintin-a thawmhnaw chu a la thla a,Toys te kha chu kan keng tel lo,kan len chang a a khalh ah ka ti a,in lam ami tur chu kan lei mai ang kan ti bawk. ngawirenga a kal chu Tintina pawm chungin ka zuia. Rami a lo haw tawh avangin a reh thuap maia,hetiang hmun fal leh reh ruih mai a inlianpui mai reh thuap bawk si hian "American Horror Movie" ka en thin min hriatchhuah tir rum rum mai. 

Ka room ah kan inzui lut a,khuma nau ka muttir laiin ani erawh a chhuak leh nghal a,tih harh ka hlau ngang mai, a harh chuan a pi a zawng ngei dawn si,a buaithlak lutuk ang.

Ka inthlak sawk sawk a,kekawr bul leh t-shirt lianpui ka ha a,choka lamah Thingpui hang ka inchak vangin ka chhuk thla a,Thildahna engmah ka la hre silo. Cupboard tlat thut mai chu ka hawng kual dan dan a,ka duh ber Thingpui siamna tur  Electric Kettle ka hmu a,mahse Kan in a kan tihdan pangngai in Dekchi ah ngei, thingpuife tam lam leh Bawnghnute tam deuh nen tak deuh ngeng ngawng a siam ka duh a. Kurtai nen in ka chak a ni ber. Mahse, Kurtai pawh a awm kher lo mahna,a ei ngai hmel loh em mai. .Dekchi te deuh ka la chhuak a,ka hawi let leh chiah chuan kawngka bula Ruatsanga ngawireng a lo ding chu ka hmu thut maia, a reh ruih nuam ti lo  sa nen ka phu nasa lutuk chuan ka Dekchi ken ka thlauh ri bawl maia. Ani lah chu ngeiawm angreng tak hian a nui a. 

"I va phu NASA ve. Thlahrang ka ang em ni? " ala ti zui … 

KA PASAL -9

Ngei taka melh ram ram chungin, "aw, i ang" kan ti ve hmak. Min chhang lo hian Fridge lian zet chu  hawngin tui a la chhuak a,min be zui tawh lo. Dekchi ka chhar a,a kal leh mai dawn maw ka tih kha kal ta mai lo chuan Chair a pawt chhuak a,Pyjama dum leh t-shirt paw duk deuh hi a ha a,ka chevel chu min en reng tih ka hria,"thingpui hang in ka lo tum a,i duh ve em?"ngawih reng nuam to lo hian ka ti ta hram. "um,duh tho mai,mahse ngatinge kha kha i lak chhuah kher a?,khata kha kettle a awm reng sia " a ti leh hu a,"kan in a kan tih dan in siam ka duh,a rem lo tihna mi?"ka ti hmak. "i tawngkam hi aaa...remlo pawh ka tilo a ka zawt mai che anih kha" a ti bak hluk a,"ding reng lo khan thu la,biak che ka duh ania,Room ah ilo awm silo a,ka rawn zawng hrim hrim che anih hi "a tih leh chuan muangchang hian ka thu ve ta nge nge a. Hepa bulah hian midang bula ka neih ngai hleih loh...nervous em em na hi Automatic hian alo awm ziah maia, ka inthlahdul thei thin lo. 

Thut rem pahin chiang takin min en a,"ka sawi pawp pawp anga ,duhloh lai i neih chuan lo chhinchhiah la,ka sawi zawhah min hnial thei ang" a tih chuan ka bu nghauh a,ka thingpui chhuan a so avangin ka siam leh rih a,a rim chuan kan in min ti ngai vawng vawng mai,"kurtai in ei ngai em?,kavan duh ee" ka tih chuan atho vut a,Cup board atang hian Glass bur nalh deuh mai a rawn phawrh a,kurtai,ei mai theiha dah a lo ni a...Lawm zet hian ka laksak thuai. Thingpui ka chhawp hnaisak a,zam lo thei ang bera lang chung hian ka thu leh a. Ka thut fel veleh a khuh khauha, ka mitah tak min en chungin "kan Inneihna hi atak a ni lo tih hretu chu kei leh nang bakah,ka pizawn chauh hi a ni a,kan awmpuite hi lang a lo kal vek mah nise kan fimkhur a tul hle ang,Rami hi eisiamtu deuh bik ni mah se a kutah inchhung enkawl ka dah vek thin a,In tifaitu chu karkhatah vawi 3 a lo kal thin.I Room chu nangman khawih la a that ka ring. Chuan Marcus-a Room tur chu naktukah Mistiri in a rawn enfel ang,i Room dawt chiah veilam ah khan a ni anga. kei chu i Room dinglamah khan ka awm ang,engemaw palh thut ah mualpho a hlauhawmthei a,chuvangin i room Bath room atang khan ka awmna nen a inkal pawh theih a,mahse lo luh phei angai lo turah ngai ang,chuan i Car kha i chhungte hnenah awmhlen se,naktukah i tatur dang an rawn dah ang . I hming vek a register a ni a,kan inthen hunah pawh i hming a engpawh kan Register tawh chu i nei hlen vek ang,heta i awmchhung chuan engkim hi i ta angin ngaila,i duh apiang i khawih danglam thei ang,in ah Driver 1 kan nei a,ani pawh a riak lo,inchhung thil mamawh i neih chuan i tirkual thei a,hna thawktu dang, dawr lam ami te pawh kan inchhung mamawh ah koh buai ka rem ti lo bawk" A ti ta par par...By-heart sa sawi nimai awm a ni.

Thingpui a in zuia,"um,atui kher mai,heta i awm chhung chuan ka in fo ka beisei dawn ania,chuan,ka thil sawi lam kha le?" a ti leh a,ka no tlang ka tuai hauh hauh chungin,"A hmasaberah chuan Tintin-a room hranah mut tir ka duh lo a,ka bulah mu rawh se, mahse Room pakhat,zau deuh hlek,Toys tamtak nena a infiam theihna ka duh ang. A rem anih chuan ka awmna room khi tihdanglam ka duh bawk.. Chuan Tintin-a hi hei aia i ngaihsak deuh ka phut ve ania"ka tih takah chuan a ngawi vung vung a,min melh reng mah se min hmu pawn ka hre lo,A thaw deuh huaia, "ka lo sawitawh si a,a pawi lo e,i awmna Room khi kan Nupa Room thin kha ania,khawihdanglam turin phalna ka pe tawh si che a,ka hnial buai lo mai ang che,adang a la awm em?" ati leh hmuk a,ka tawngka a chhang lo in ka lu ka thing ta zawk a,thawh chhuah pahin, "Mangtha le, harsatna a awmchuan min hrilh zel mai dawn nia" tih leh kal a rual zuia,ka Mangtha let meuh chuan Choka a chhuahsan fel der tawh.

Ka lu a min sawitu vang chuan ka harh hlawl a,ka tho a leh hman tep chu a ni. Ka hmai bulah Tintin-a chuan hnai zet hian min lo bih a,zimar paha sana ka en chuan a lo tlai tawh lutuk,dar 8 a ri tep. Hmanhmawh tak hian ka inperh tho a,mahse...Tunthla te chu ka chawl tih ka hre leh nghal a. ...Tintin-a lam hawiin,"GoodMorning Naute...."tih pah chuan ka kuah a,min rawn kuah ve chial mai,ka pawm tho a. Daiper ka thlaksak hnuah a hmai ka phih sak leh bawk. Ka intihfai ve lai chuan min melh kar maia,a awmna hmun hi a bo ve deuh nitur a ni. A thawmhnaw ka thlaksak a,kei ka inthlak bawk a.

Inhnuai lama kan chhuk dawn chuan Step a amaha kaltir duh loin pawm ka tum rawka,a lo duh der lo. Nui hak hak chungin ka kaithlaa. Kawngkapui rawn inhawngin Ruatsanga Newspaper zakzeh  chung hian a rawn lut a,a thawmhnaw hak danah chuan a insawizawi zo chiah tih a hriat theih a,a pian a nalh kher mai tih ka lo ngaihtuah leh hmanhmawh a. Miin nei ang ni ve hek lo le, inneih atanga ni hnih khat lek liamah exer la tur in a tho chhuak nghal maia. Kan nun hi a lem ngawih ngawihin engkim mai hi phuahchawp ngawih ngawih ni ber hian ka hria. 

Nui sang hian "Good Morning,in tho thei maw?" tih pah chuan ka biang ah a rawn fawp thawi zaub maia,engthil nge maw a tih tehreng ni???????????!!!!!!.. ka beisei loh lutuk danin a che a ni tawp, mahse a mit a min signal zauh vanga ka hawichhuah chuan Choka atang hian Rami leh Mipa pakhat hian minlo thlir reng chu niin,a thiltih awmzia chu ka hrethiam ve ta thuai a,nui sak chung hian,"um,kan mu tha lutuk,i inbual hmasa dawn nge Thingpui i rawn in ve nghal dawn em?" ka ti zui ve zat a,midang tan chuan Nupa induh leh inhmangaih lutuk kan ni ringawt ang chu,a lem a ni tih sawi mahila anni pahnih tan hi chuan awih a harsa ve khawp ang,Acting kan thiam em maia, eng eng emaw Award chu dawng tlak kan ni..

A inbual zawh hnuah Thingpui in turin min rawn fin ve ta a,Tintin-a a la be ta chuang lo.Mipa lo awm ve khaa Driver chu a lo ni a,pa tawi sanghet lam leh zaidam hmel zet niin Roa tiin min hmelhriattir bawk a,"in zo ila,Marcus-a infiamna room tur vel chu han en ang hmiang,ka chhuak daih dawn si a,Mistiri lo kal hma in sawi fel hmasa teh ang"tha taka atih chuan "um nia, a tha ngawt ang' ka ti tha ve mai. 

A Room sawi chu inchungah tho,a kil tawp lamah a lo ni a,a lut khat ngang aniang, a fai kem lo.Chair tha vak lo leh khum Hlui lam a lo awm a,tukverh pakhat chu a hawng a. Room dang ang tho in a zau bakah Toilet a awm tel nghal bawk a,ka enkual vel chuan Room dang ai mahin a nalh in ka hria,tihfai loh anih na chuan a nalhna a khuhbo mai mai zawk niin ka hre tlat,"he Room hi atha em?"a tih chuan, "tha khawp ang,mahse Bungrua hi engmah awm lo se ka duh a,a duhtawka a chettheih nan engmah bungrua awm lo in ruak vek se.Kawngkaah sawn a chhuahna dal tur siam angai ang"ka ti nghal zung zung. "ok,tha i tih dan dan in timai rawh,chuan i Room chu engtia sawn nge i tum?"a ti leh vuta, "Bang vel chu engmah tihdanglam angai lo,Mattress leh lukham..aaaa, a khum chawp sawn thlak ka duh"ka tih takah chuan a thaw hawk ri  ka hre nghal zat. Min en run chung hian,"enge tih i tum chiah hi?,beichiam mahla he in Neitu,ka nupui kha chu engahmah i tluk thei ngai dawn lo ania. Amahah Khan nangmah a awm lo zawng zawng hi a awm vek asin,mahse i rilru nawmna tur nih phawt chuan han tum poh ta che" a ti hmuk a,a in her a, a chhuak zui a. Kawngka chu na zet hian a rawn khar bur bawk. 

KA PASAL-10

A va han sual berbur tak ka ti rilru a,an nu tluk ka tum vang a ni der silo,a rilru te hi a lo chhe tel anih hi a,a duh duh in min han ngai tehse,ka Pasal tak tak pawh a ni hrep hleinem..

Ka chhuak phei ve a,kan Room ka lut chu a lo thlek kual dun dun maia," Enteh, Innu tluk ka tum lam a nilo ania,ngaihtuah pawh ka ngaihtuah miah lo zawk. Diktak chuan kan Inneih dawn khan khum pawh engmah i thlak loh thu leh in nupa khum kha ala nih thu i sawi a,ka rilru dik loh vang pawh nimiahlo in nuam ka ti lo ve tho a" ka ti lehnghala, insawifiah angai ngun lutuk hi nin pawh ka ning ve tawh. Min en lo hian, "A tha alawm, I duh duh tirawh ka tih kha,i Account Number hi ka mamawh ta nih hi,min han hrilh nghal teh,pawisa tlem a zawng ka lo transfer ange" a ti ta daih. A mood lah hi khawchin leh nau chin hriat loh an tih ang mai hi ania, danglam zung zung maia, awmdan thiam a har. 

"Keiman ka thlak duh vang ania,i pawisa hman kher a ngailo,khum man tur te chu ka nei ve bawk alawm,mahse thildang lei ngai ah kha chuan i pawisa hmang rawh,ka pawisa ka hmanna chhan tur ka hre lo" ka ti let ve hmak a,ka rinloh deuh hian a nui ta suk a,"tehreng eee,ka hre ve bawk e,Nula uikawm tak i ni tih ka hai hleinem" ati kher a,ka chhangbuai peih tawh lo,a duh chuan a tawngthei in hnial a hrat em mai.Sana ka en a,khai aw....kei hi Tintin-a chaw ka pek theihnghilh tep alawm...engmah pawh hrilh lo in ka tlanchhuak ta dawr dawr a,In hnuai ka thlen thlak chuan ka hmu mai loh vangin ka zawng kual a,ka hmu Kawngkapui a inhawn vang chuan ka chhuak a. Verandah zaupui maiah chuan Ui lian zet nen hian anlo thu dun tih ka hmuh chuan ka thaw huai mai,ka pan hnai a,"tin....." Tia ka kohna chu a nui ar ar vang chuan a hre lo niawm tak a ni. Ui zawk chu lei  chhuah hlui hian a rawn hawi a, ka thu ve chiah chu Tintin-a chuan min rawn ban ve nghal a,ui chu a lu ah ka chulsaka,Naute a lo awm ve inti niawm tak hian a rawn bawk hnai a,a mei a hem vut vut. Inchhungah ka pawm lut a,ui pawh chuan min zui zel a,ka Dar kar atang chuan Tintin-a chuan a chhaih a,bauh vak vak chung hian min hel kual sek mai bawk. Rami chu Naute pawn a a kalsan vangin ka hau dawn zet a,mahse keima kalsan hmasak a ni a,ka inthiam bik chiah lo a,hauh ngawt chhan tur a awm lo tih ka ngaihtuah chhuak leh lawi. 

Chaw ka siam sak a,a ei tha duh lo chuan a phuh chhuak zel maia, ka hmai pawh a berh nuan tawh. Rami lah chu alo nui tlawrh tlawrh a,"in va han inhmeh tak e aw,i fapa hian a chhun takzet che,ka sawi haw lo la maw, tuman Nufa tak inni lo tih an hre miah lo ang' Rami chuan a lo ti ve bawk a,heti tak maia Tintina ka ngaina hi keimah tak pawh hian mak ka ti inti hial zawk. Kan Inneihna hi a tak ni lo mah se tunah chuan ka duhthusam in Pasal leh Fapa ka nei ta chu ania,mahse a rang tehthut lutuk a,ka insiam rem hman lo achhachu a ni e.

Chaw kan ei lai chuan ka bulah a thu vei kak a,a inhleilo in a duhawm reuh ngang mai."Vawiin chu Mistiri a lo kal hunah tihtur ka hrilh zawh chuan Tintin-a mamawh vel hi ka lei dawn mawnle ka ti deuh a.enge i ngaihdan?" ka ti a,chawei chung chuan a bu nghut a,"i thu thu animai,mahse i Car lo thlen hunah kal maila,vawiin chu hna lamah Roa ka hruai duh a,atha em?" ati let ve a,"um,tha e,a hmanhmawh thlak hleinem,eee,ka hrilh theihnghilh tep che,Ka nu te khan vawiin tlaiah chawei tur in min beisei deuh a,kan kal thei angem?"ka ti leh a, "ok,kan thei ang,mahse kei hi vawiin chu ka tlai deuh dawn a,a pawi anti em lo'ng chu maw,chuan kan in pawh hi han siam fel deuh ila anni zawk pawn chaw rawn ei se ka lo ti a,i thiante leh ka thian hnai zual te pawh telin, engtik nge kan sawm ang?" a ti zui leh duaha,....kan inbiakna chu zawhna leh chhanna a ni ngawt mai.."ka hre lo le,tunah chuan kan la inpeihfel lo deuh ka ti,,hmanhmawh lo in hun remchang a la awm mai ang" Ka tih hnu chuan engmah sawizawm ta lo in kan ei dun ta mial mial a,Ruatsanga chhuah hnuah rei vak lo chokaah kan la khawmuang a,Step tawp atang chuan min rawn ko a,"lo chho lawk teh" a rawn tih chuan engmah sawi buai lo in ka chho ve mai bawk a,a lo in ha vek tawh a,ka melh zak zak a,midangte an awm ve loh chuan ka nervous na bawk a lo thawk leh a,buaithlak tak a ni...Ka room-ah kan inzuilut a,kal pahin,"thil dang vak pawh a ni lo,i AC number chu ka duh ania,chuan Marcus-a Room vel tifai turin Dawr lam atangin mi 3 vel lo kal se a tawk thei maiin ka ring,Mistiri chuan a tul ang ang a khawih anga,midangin an tifai mai dawn nia. I khum pawh chu Vawiin ah i lei nghal dawn chuan tuna mi hi chu Store room ah i dah tir nghal anga,mahse mak an tih dan tur in che suh ang che,Ka Nupui i ni a,zahawm tak in khawsak tum la ka duh. Thil tihdan tur kha i duhdan chu ilo hrilh mai dawnnia,inchhung khawsak rel hi i kutah a awm tih hrereng ang che" a ti duaha, a sawi tirh lam kha chu ngaihthlak a nuam viau a,atawp lamah erawh tha tak a inhrilh lo in min Vau chu a ni leh der tawh.Sawi ve vak tur awm hek lo ka bu ta ngawt. Ka Ac number ka pe a,chhuah leh mai ka tum chu ka banah a rawn man a,"kal leh mai i tum alaw?,nizan a ka sawi kha ila hria em?,kan awmpuite hmaah Nupa tak kan ni tih kan lantir angai,tuna ka koh nachhan che pawh min insiampui tur anga i lan nan ka tih vang mai a ni,tuna ka sawi kha chu nichin pawh khan ka sawithei reng alawm,arualin kan chhuk dun ang" ati leh hmuk hmuk a,ka bu leh nghauh,"um,atha,thil hrilh nawn ngai reng chi hi ka ning zawng ania,ka thusawi reng reng hriat reng tumin ngaithla ang che"a ti leh hram. Kan awmdan hi nuihzatthlak lamah te a kal dawn dawnin ka hriaa, inkhual telem kan ang tih chang lah ka ngah. 

Kan inzuithla a,Tintin-a lo kal ter ter chu ka pawm a,pawn lamah kan zui chhuak zel a,Verandah ah kan ding a,"le,Naute...Apa hi Bye Bye rawh le" ka tih chuan a pa a melh a,Ruatsanga lah chuan nur nung chung hian min rawn en a,mahse ka hmelah ka ngen a ni tih ka tilang lui ve tlat a,"ti la...." ka ti leh sap a,Apa lah chu a lo kal hman leh pek a. Ka tum loh deuh hian "Ruatsang" kan ti teh ngawt a,a rawn hawi let a,hreh hmel zet hian a ban a vaia, keiin ka kut in Tintin-a kut ka lak kan sak a,"Apa,Bye aw,ilo haw vat dawn nia" ka ti lui salha,Tintin-a pawh chuan hrethiam ve niawm tak hian a vai ve lauh lauha,Apa pawn insehruh teuh hian a rawn vai let ve bawk. ....An kal hnuah ka thaw halha,Ruatsanga ngei zawng taka tihluih ka chak vang chu ni tho mah se ka tih tur pakhat ka hlen leh ta....mi tan chuan khatianga a fapa bye bye kha a harsa lo. Mahse, Ruatsanga tan hian a har em a ni. A thinlunga a fapa hi a pawh miau loh vangin a Fapa pawh hian a la nel thei tlat lova, naupang engmah hre thiam tak tak rual la ni lo mah se a pa rilru hre ve niawm takin a pa a ngaina lo. 

"Engtik atangin nge hetah i thawh a?" Rami hnenah ka ti a,"a rei ve tawh,Tintin-a an pai hnu deuh lawk hian ka lut a,pu hian a duat thei lutuk a,engmah tih a phal ngai lo,amamawh chu kan pe vek tawp mai"ati siam siama, a sawi zo chu a rawn hawi let a"awi...min ngaidam rawh,an chanchin sawi nuam i tih dawn loh nen,ka tawng duh mah mah thin a" inthiamlo zet hian a ti zuia,keilah chuan ka hriat belh chak em em zawk si .."i ho lutuk,ka hre duh a ka zawt che alawm,ka pasal nupui mah nise ka haw reng reng lo,ka khawngaih em em zawk,Nu fel tak anih dawn vei nen" ka ti leh a,a ngawi vang vang a,"sawi nuam chu ka ti chiah lo,mahse diktak chuan fel chu a fel a,chutihrual chuan hrawn a harsa ve deuh thin a. Pu hian a duh leh lutuk a,a pangchang niber in ka hre thin" ati leh niah niah a,ka nui ta a,"Nia,keipawn a duh zia ka hriatpui alawm,A thihsan pawh kha a tuar zia kan lo hre thawi ve a,akhawngaihthlak hi ka ti lutuk a" Ka ti halh." keichu in inhmeh ka ti zawk daih" A ti leh a, a nui zui hawr hawr a,ka rilru nawm nana sawi mai mahnise ka lawm tho mai..

KA PASAL-11

Mistiri a lo thlen veleh thil tih tur engkim kan inhrilh chiang a,Pa tha puimai a ni a, abula awm a hahdamthlak viau. Ruatsanga naute lo thlen hnuah Room tihfai dan tur vel ka hrilh a,Store room lamah bungrua awmchhun an thiar thla a,kan ri le lu ta mai a,Tintin-a lah chuan nuam hi a lo ti ve em em a,a lo thu kual a,a duh duh in a talvel a,rin ai takin a pi awm loh pawh a hriat ta lo. Bual ka tum tho avangin bal deuh mah se pawi ka ti lo a,bungrua an dahchhuak zawha engkim mai an lakchhuah hnu chuan chu Room chu ka'n enchiang a,a nalh in uluk taka a bang leh a chung vel pawh chei a ni tih a hriat a,engvanga hlui hlawn ngawt nge maw anih ni ka ti vang vang. Ka khum leh mattress ka dahchhuah tir hnuah bed sheet leh lukham ka khung khawm vek a. Almirah pakhat ah chuan ka khung khawm a, an nupa sulhnu awm ta lo chua ka thaw huai maia,mahse ka hawikual vel chuan parda ho chu thlak ka la duh leh ta tlat.Room pawh hi rawng dang kah that ka duh a,Carpet pawh thlak ka duh. Mahse hna ka zawm hunah hei chu muangchang pawn ka la ti thei tho a,tunah chuan khum leh adang ngaihtuah hmasak a tul ber tlat.

Dar 11 velah ka Car tur  a lo thleng ta a,kan hmu chu ka thaw hak mai,A vawikhat nan ani ka nei hi ka lawm ve ta. Diktak chuan ka Car hmanlai kha chu car hlui tawh lam a ni a,tuna min pek ang hi chu ka leiphak chi a ni lo a,tum pawh ka tum chhin lo. Sawrkar hnuaiah nilo Private Hospital a Doctor ka ni ve mai a,hausak viau na tur awm hek lo le.Chutah ka la service rei loin Doctor that uchuak tak leh lar lah ka ni hek lo. 

Car chu ka'n belchiang vel a,ka chunga a sual em vang pawn ka phu ve tlat in ka hria...midangte pawh chuan vannei  min tih hmel zet hian min en a,min faksak liam liam a,kan nupa nihna tak han hre vaih se chuan anni ho tluk a min hmusit na tur chuang hi an awm leh kher lo ang. 

Tintin-a nen kan inbual duna,Bath tub lianpui chhung a kan han inchiah chu nuam a ti kher mai,keipawh ka bang bik lo. Ni khat erh awrh chauh kan la awmdun nangin min ngaina ve takzet tawh tih ka hria a,naupang hian rilru hi an hre thei tak tak aniang ka ti ta rum rum,ka hmangaih leh hmangaih loh chu ka hre lo a,mahse ka ngaina takzet. Zankhat chauh kan la riakdun a,mahse ka bulah chuan nuam a ti tlat atin ni. 

T-shirt var leh kekawr bul pawlduk ka hak tir a,chapal kaih nen..a nalh reuh ngang maia keipawh ka inchei uluk viau tho. khua a lum bawk nen,Lace par lian lam,cream colour leh jeans dum ka ha a,ka sam ka tawn hlawm tawp a,ka hmaiah pawh make-up tlem chauh ka hmang,kan vei kual nual dawn bawk sia,chapal ka bun a,engtiklaipawh a ka awrh thin,Gold sinte leh bengbeh kual lian vak lo bakah Timex company siam sana,a chain rangkachak rawng ka bun a, englai pawhin simple thei ang  ber hi ka duh dan a ni fo. Kan inneih zungbun chu ka en vang vang a,engtikah tak ngaiah nei ang i maw?????

Motor ah chuan ka bulah Tintin-a chu Seat Belt in ka phuar nghet a,a thu ve kak mai a,pawi hi a sawilo hliah hliah mai. A kut tereuhte chuan ka phone a keng a,Nursery Rhyme awm chu a en a,a thiam ang ang in a sa ve bawk a,buaipui a ngai lo viau rih. Millenium parking lota Motor ka dah fel meuh chuan a muhil fel der tawha, ka bag khai chungin ka pawm a, kawt ka thlen veleh min lo nghak tawh in min lo ko chul a,a bengchheng fahran lutuk chuan Tintin-a ala ti harh zui a,,Sangtei han che vel,ri chelchul mai chu a hlau deuh nitur a ni,a tap zui ta a,kan han in thlem leh a,Sangtei lah chu a duh bau lo,"engahnge maw Naute i rawn hruai le?,minti buai mai mai,tihtur i ngah ngah nen" Lungawi lo tak hian a ti nang nang a,ka nui ringawt, ani hi chu phun lo hian thiltih pui a harsa ve hrim hrim.."min ngen tlat a" ka tih chuan awihloh hmel zet hian a meng phar vel a,"khatiang tiat lek khan ngen awmzia a hre lo ang,i over lutuk,Mahni fa nilo ah i chhangchhe nghal ringawt mai,heihi lawm Pathlawi chu an buaithlak na" a ti zui leh duaha a,ka chhang peih tawh lo. 

A hnuah chuan buai tak kan ni,Abigail ah khum kan lei a,Millenium ah thil eiturin kan let leh a,Zarkawtah kan phei a,Veraz ah Matrress leh khum lam atan a ka mamawh ka lei zo vek a,a tam tham deuh bawk a,kan address ka pe a,in ah minlo zuk dahsak ang. Khum pawh chuti tho.Hotel Regency bul a toys dawrah tam zet mai kan lei leh a,Sangtei lah chu a mengphar nileng a ni ber. Kan inlamah kan chhuk thla dun a,a rei deuh takah chuan Tintin-a pawn a pawm a duh ve ta hram e..

"Ka chau lutuk,engatinge khum te kha tunah i lei a?,in che na lutuk a a chim tihna mi?" a ti hlawk hlawka,"niang chu,tak tak in a awmsa kha a ma hmanlai ania,Tintin-a kan awmpui takah chuan a te deuh a,kan thlak chung chung anih hi" Ka ti a. 

"Toys te em em chu api te khan anlo leisak ve na nge?tunah i lei chawp teuh a"a ti leh hlar mai. "Lei nasa lutuk,a ngah pawh a ngaha, mahse kan la tel lo,kan lenphei changa a khalh ah kan dah a"ka ti liam leh maia, "ok,engamah hma in i tan nghal viau mai a" a ti leh bai hai, "tan ve bawk ang chu,ka pasal chauh ka hmangaihten a dik nang" ka tih let chuan a a nui sak a,"nia,i pasal hian a vanneih zia hi a hre ve em ang chu" Thutak fe hian a ti a, ka nuih zatna chu thup tumin hmalam uluk zet hian ka en ta ngawt. 

Tintin-a Ruatsanga khumah ka mut ve thawr a,lo haw vaihse chu a sa khawpin ka ring, a muhil daih hi a tha rih zawk a,a sual reuh viau avangin ka hnathawk min tibuai tlat. Kan in remkhawm a,khum leh engkim ka peih fel meuh chuan khua a tlai tawh ngang mai, Ruatsanga nau te ho pawh an haw tawh a,Mistiri pawh a haw tawh bawk. Chau zet hian Sangtei nen Tintin-a infiamna room turah kan thu a,kan thaw hle hle mai.

"In pa hi ka rin aiin a fel dawn tlat,engkim a ngaihtuah fel ka ti mai. Mahse he room in hmanna erawh hi chu ka ui tlat,Room dang a tedeuh a awmlo tihna mi?inhnuailamah te khuan" a ti a, "awm tho e,mahse kan room nena inhnaih deuh ka duh alawm,ka en phak ah a awmloh chuan chetsual palh pawh a hlauhawm a" Ka ti a, "hmm...i ninawm eee,inti fapa nei lutuk,ka eilo che…In nufa vawiin khan thla ka laksak teuh che u a,kan thian ho Group ah ka post nasa viau ang" Ner nang chungin a ti a,"Post tak teh, Pasal min zawnpui ka ngai tawh lo tih an hriat nan tal,Fapa tha tawk ka nei tawh bawk a,Thian ho Picnic pawh ka chak tawh khawp mai" ka tih chuan min ei lo em em hian a hnar a ti vanga, lei ka chhuah khum chuan a nui leh nghal hak hak thei mai. Kan 2 in thla kan la a."heipawh ka post ang" a ti leh nghal zat. .Ka inbual zawhah ani a inbual leh a,ka nu te in ah chaw a lo ei ve dawn tho avangin kan kal rual leh thei dawna, haw leh kher aiin a remchang zawk. Rami pawh a haw tawh a,kan in atangin an in a hla lo a, zanah pawh a haw tum a awm thu leh a buaithlak lem loh thu min hrilh tawh.

Tintin-a ka kaitho a,a vawihnih nan kan inphur chhuak leh ta a,vawiin kan buai em em lai pawh khan Ruatsanga"n vawikhatmah min rawn be miah lova,Sangtei chuan mak a ti anih pawhin a sawi lang bik chuang lo.

Kan in kan thlenga, Tintin-an Ka nu te a hmuh tirh chuan a nel lem lo a,mahse api te,a putea leh a pu te ka koh tir nghal a, lo tih nghal chung chung tul lem lo mah se a koh Dan tura koh tir nghal ka duh tlat, anni lah nau duh em em anni bawk a,a tlangnel ta thuai mai. ,

Chaw kan ei tan hma deuh in Ruatsanga pawh a lo thleng ve a,ka mit meng a a fapa ngaihsak ka phutna chu a haider hmiah thei,engemaw lawm lohna nei a ang viau lehnghala, Tihsual ka neih ka hre lo va, chuvangin a lungawi lohna mai mai hi ka buaina tur awm hek lo.

"Motor i keng tho bawk a,Roa kha Motor ka hawntir mai asin" a rawn ti a,Tintin-a chaw ka pek theihnghilh avangin tunah ka pe mek a,ka nu in min lo hau ve sek bawka. Mahse, vawikhatmah fa la nei ngai lo,nikhat thilthuah nu ka ni thut mai si a,nau chaw pek ngai ka theihnghilh pawh thil awm lo a ni chuang lo..ka rilru erawh a nuam lo thung.Nu nih tlin lo dawn in ka inhre nghal ngawt pek bawk. 

Kan titi hlut a,a hmel landan chu ka bula a awmlai nen chuan lei leh van a ni ngawt mai,a hlim hmel in ka pa nen an titi tui ngang maia, ka pa pawn a ngaina a ni tih alang reng mai. Keilah chuan ngei rilru em em hian ka melh ram ram maia. Ka rin loh takah a rawn hawi thut chu rang lutuk hian ka hawi let a,a nui suk ka hmu hman hram.

Kan haw pahin Sangtei kan thlah kual a,an tawng dun bawrh bawrh a,a mizia inthlak kual vel hi ka ngei tawk hi a tling em em tlat. Tintin-a lah chu a chau ve aniang, a muhil leh bam tawh a,aman Motor a khalhin Sangtei a chhuk hnu ah erawh a ka  thuipin sak ang maiin engmah a sawi lo kawngtluan zak.

"Marcus-a kha ka lo pawm chho dawn mi?" A tih chuan ka thu hriat chu ka awih lo zawk hial. Phir tak hian ka pe nghal a,ka thiltum ah ka rin aiin ka hlawhtling hma dawn niin ka hriaa, ka hlim ta sarh mai. .

Ka Room ah a pawm lut a,khum thar leh thilthar dang chu hmu awm pawn a lang lo,"lo mut tawp la,a thawmhnaw te kha ka la thlak duh a" Ka tih chuan, "ok,ti zo la,kei pawh ka inthlak anga,choka ah in be lawk ang" a ti nghuta,a chhuak zui nghala. Room ah a rawn let leh ka hlauh avangin ka inthlak thuai thuai a. Inhnuaiah ka chhuk ta vat a,a lo kal hun nghakin thu chungin ka phone ka en a,kan thian ho group a Sangtein vawiina kan thlalak vel a rawn dah chu kan en kual a,min fiamna msg ho en in keimah in ka nui var var mai a,ka bulah ngawireng a a rawn thut ve tak ah chuan ka phone ka daha, chhungrilah hlauhthawnna bawk a lo chhuak leh a,inthup zet hian,"engthil nge ni a?"ka ti nghala

"vawiin ah enge i tiha?"ka rin loh tak hian a ti a, "atam mai,naktukah i kal hma in i theih chuan i enkual anga"ka ti thuai."Chutiang ka zawt lo che,enge i tih?"a ti nawn leh a, "i sawi awmzia ka van hrelo"ka ti ta ha mai. Ka mitah tak min en a"ka hnuai a mi te bulah hna thawk turin ka ti che em ni?,enpui tur chauh in ka ti che emaw ka tia" A tih takah chuan ho ti tak hian ka thaw haka,"ka enpui alawm,mahse...."ka ti tan chauha,ban a rawn vai a,"min tizak suh ka ti che a ni lawmni?,an bulah dingl,i kawkkual thei lo em ni?,chuti em a taima i nih loh kha,nih lohna anga lan tum tur anilo" ka beisei loh tak hian a ti ta zek maia, ka sa ve ta phat. "enge ka tihsual a?chutia hauh hrep turin thilpawi ka tih ka hre hleinem,tawngkam mei nei deuh deuh in min hrilh kher suh,tlang tak in sawi ve mai rawh. Thil lo tihpui vanga i zahna tur ka hre lo ve. Nge i lo zakzum leh lutuk zawk"ka ti ve ta neka, min chhang loin a rawn che thuta, ka ban a rawn hmer chuan ka tal pit dawn a,a aia nghet in a hmer a,ka tal nat zawh poh leh a na ting animai...

🖤💜🤎

KA PASAL-12

Ngawireng hian kan inchai a,min thlah duh der lo,keilah in tihsual ka neih ka hriat miau loh vangin tlawm mai ka tum bik hek lo,tlemin min hmerna  a thlahdul hret tihin rang zet hian ka tawlhhnai a,a ban puam ah chuan ka seh ta nghek maiaa,min namsawn dawrh pahin engemaw sawi hian a phun hluk a,min rawn ban leh rual chuan rangzet in a hmaiah ka kuttin sei lutuk lo,hriam zet si chu ka ham leh ta a,a thinrim mitmeng chu a thim khup mai a,hneh zet hian ka kut 2 a rawn man kawp a,a hnung zawng in a la herh a,a taksa si chet chuan min pawt bet a,"hmeichhe nasa lutuk,ka tlawm tirawh" a ti khur khura,keilah in tih ka tum der lo,a hma a ia na in a herh leh a,ka sa mum mum a,na tak a ni,ka bengbulah a rawn thaw lum ham ham a,"i ti dawn em?" A ti leh a, "aih" Na ti chung chungin ka tu a, a taksa hnaih thei ang ber chuan min pawt chip leh salh a,a taksa fit leh khauh tung mai chu ka ngheng lo thei ta lo,ka ban lah chu a na ngut ngut tawh mai bawk. "kut min thlak leh dawn em?" Awki dam zawk hian a ti a, "i sual chuan....."ka ti hmak, a nui a,"nih leh hetia i che thei miah lo chung pawh hian maw?"A ti leh a, ka ngawi reng a,"ka thlah dawn che ania, mahse min tihnat  tum tawh ngai suh,hmeichhe nasa deuh enkawl hi ka thiam viau ania,nuam ka ti khawp ang" ati leh a,min thlah pahin min nemsawn deuh lawp bawk a,ka piah a chair chu ka vuan hman hlauh, chuti ni lo se ka tlu chiang khawp ang. Engatinge hetiang a phuba lak nan mai mai a min hman theih turin a Nupui nau neih zan khan ka awmdan ka lo fimkhur loh le?,tunah chuan mi te hian Dan an hria in khatiang Nau neihna Ward a mi na tuar laia Doctor ber lo nuih chiam chiam kha,Thihna meuh a thleng phah ti a min khing anih chuan Jail-ah ka tang ngei dawn si a,keimah vang vek a ni.

Ngawirengin a chhuak a,a chhuah veleh chhuatah  ka thu thla hnawk a,keihi misual pawh ka ni lo a,mahse ka Careless lutuk vang a tuar ka ni,Fel taka ka awm kher a ngai lo. Mi chunga thleng ngai lo ka chuangah a thleng mek a, kum 10 chhung a la ti zuia. Ummm, ka dam ang a kum 10 te chu a liam ve mai ang.Pasal neih ka duh tawh lo anih leh Fa ka Adopt tawh mai ang,Tintin-a pawh ka hrin a ni lo a,mahse tikhawp in ka ngaina tho a,mi fa pawh la ila ka hmangaih thei em em ang.

Tintin-a tap ri niawm tak hian min ti phu zawka,a harh tih ka hre thiam nghala, amah in Room ah ka dah rei lutuk tawh hrim hrim,ka tlan chho ta thuai. 

Khumah chuan amah te hian a lo thu liau a,a tap hliam hliam bawk a,min hmuh veleh min ban a,"a-ma,tete " a tih chuan ka pawm nawlh a,a hnute bur kengin inhnuaiah ka chhukthlak pui a,"bang tawh rawh le,i hne vat ang,ka siam thuai thuai dawn nia" ka ti a,ka nghawngah a kuah a,ka siam laia Chairah thuttir ka tum chuan a duh tlat lo,a tang tlat maia,a zei lo chi ka lo ni nen,nau pawm chung a chet chu  khawr tak ka ni,ka theih anga rangin ka siam a,ka tidai leh vek a,ka siam zawh meuh chuan a tui hal tawh bawk aniang,a hne zo rang lutuk,ka thun khat leh a,Light ka off a,kawngka ka check leh vek hnuah ka chhohpui leh a,a mu laklawh bawk a,muthilh leh chu huphurhawm tak a ni. Kan Room kawngka ka kalh fel hnuah kan muthilhpui dawn ngial pawn a duh lo,ka chhaih emaw a ti tlat maia,zan rei lamah kan nui duna,kan infiam a,nidang ang chu nise ka ning khawp ang.Mahse, lainatna nen Inkawpa enkawl ka ni bawka, ka ning lem lo. A muthilh leh meuh chuan dar 12 a hnai thuak tawh.. 

Zingah chuan lu na bur in ka tho a,,kan lemchan kan tan leh a,nupa tak ang in kan inbia a,hna kal tur a a chhuah meuh chuan ka nuih der nalamah ka biang te hi a kham thum hman."Pi,nimin a hna rawn thawktu ho khan fel an ti lutuk che a,Pu Nupui hmasa nen in ang an tih thu pawh an sawi a,mahse i hmeltha a, i nalh a,i fel zawk bawk anti a" nui var var chung hian a ti a,keipawh ka nui ve a,tute tan pawh fakna hi chu ngaihthlak a nuam zawk reng a ni.Pawna pangpar zingah Roa'n Tintin-a leh kan ui,Leo a infiampui a,verandah atangin ka thlir dauh dauh mai. 

Tintin-a dar 11:30 velah ka ti mu a,a mut veleh kan room leh Ruatsanga Room ka tifai leh a,a thildah te erawh engmah ka khawih danglam lo..ka tihzawh in a hnathawhna leh lehkhabu dahna inkawpah ka lut a, tihtur dang awm lo ta chu a lehkhabu te ka en kual a,hmun khat laiah chuan Album hi a lo intiang teuh a,ka phawrh a,ka enkual a,Ruatsanga tet lai leh  Tintin-a nen an in ang viau mai,ka keu kual zel a,thlalak a tam em em a, ka hmelhriat te ka hmu leh zauh thin a. Album Pakhat la thar deuh chu ka keu chuan  a chhhung atang chuan Zungbun hi a rawn lum thla a,ka chhar vat a,ka album ken lai mek hi an Nupa Album a lo ni a,an inhmeh takzet, a lo tuar viau mai pawh kha thilawm lo a ni lo,inhmangaih tak a innei a,Fa hmel hmuh beisei laia khatia a boral mai kha chu tuar a har ve khawp ang.

Rami bawk ka bel leh ta a,kawmtur ka neihchhun nimiau hek le..."engemaw tal ka lo tihpui ang che,hetiang a engmah tihloh hi hrehawm ka ti em mai" ka ti ta thlawt,a lu a thing mat mat a," Lo awm mai mai tawh, tihtur vak a awm lo. A thuhrimah Pu in engmah khawihtir che a phal lo a,i thu sawi apiang zawm turin min ti alawm"nui chunga a tih chuan, " anih chuan tihtur ka hria asin.Pangpar ho saw khawih ka duh ee" ka ti vang vanga, "avan mak tak,keimah min hau dawn asin,"a lo ti hlara, "aih,keiman ka tuar vek ang.Bakah,hnathawk em em pawh ka ni lo va, chutiang mai mai a ho lutuk. Thil tih phal loh tihtawp chu a buaithlak ve alawm"ka ti duaha, a tlak karha,"tihtur i neih tawh loh chuan lo kal ve rawh,kan phunsawn anga,chuan a lei te pawh thlak angai em t kan en dawn nia" Ka tih chuan hreh hmel zet hian min zui chhuak a,Tintin-a tap thawm hriat loh ka hlauh avangin Common Room Sofa ah chuan ka muttir sa hrim hrim.

Pangpar ho ka en kual chuan an enkawl uluk vak lo nge ni a nalh tur ang in a nalh tlat lo. Nuam ti zet hian ka thawk a,kan titi a,ani lah chu kawm a nuam em em bawk. Vawilehkhatah a nui hmel a tawp thut a,ka hnung lam chu tim hmel zet hian a melh a,nuichung a ka'n en ve chu Ruatsanga a lo ding reng tawh, a la tum hmuk zui." I va lo haw lai ve" ka ti teh ngawta,min chhang loin inchhungah a lut ta daih. Rami ka en a,"hlauthawng suh, a mood fuh lo satliah mai mai aniang " tih leh kalsan ka rual a.Tintin-a  a lo la mu tui viau. Inchungah ka chho leh a,a room chu kawngka inhawng hian a lo dah a,ka luh chuan  kekawr ipte zen chung hian Tukverh ngheng in pawnlam a lo thlir vung vung. 

KA PASAL-13

Tih tur hrelo zet hian ka ding a,ani lah tawng tum hmel a pu silo,Tintin-a tap thawm ka hriat takah chuan engmah sawi pawh awm loin ka chhuk leh ta zawk. Tintina'n Min hmuh veleh min lo ban a,Rami'n a hnute ka siam a rawn la a,ka hnek tir a,Rami hmel ngui deuh chu en in,"i chungah a thinrim lo tak tak ania aw. Engmah ti suhse tihte kha chu a sawi ve mai mai a, kan thil lo tih lah kha hna hahthlak pawh a ni lo bawka, a ho lutuk " ka tih chuan thawveng hawk hmel hi a pu a. Thingpui siam turin a kalsawn ta a,a kalsawn fel deuh tihah chuan  ka ep chiah ah chuan  Ruatsanga a rawn thu a,"thingpui kan lo in dawn chiah a,i in ve nghal hman angem?" ka tih chuan a bu nghut a,ring angreng tak hian,"Rami,ka duh ve ania,chuan khaw nge Roa kha?,Motor ah thingpui hmeh tur ka dah a,ka ken luh theihnghilha,rawn la rawhse,ei ang u" a ti zui duah a,chutia hlim awm taka a lan takah chuan Rami pawh chu phur zet hian a che ta sarh sarh a. Nidanga a mizia nen a in-an loh em avangin ka en ru zak zak mai. 

Khua a thim tawha, Rami leh Roa an haw tawh a,Ruatsanga lah a lo hawtlai tur sawilawk si loin a lo haw har em em maia,Tintin-a  paw mu chungin Tv ka en pah mai mai a,Leo lo bawk ve ringawt pawh chu ka thlamuanpui viau.Dar8 pelh hret ah a rawn haw a,"ka rin aiin i va tlai ang reng"ka lo ti nghala,"nia" tih hmuk pah hian min kal pel mai a,inchung lam a pan zui nghal daih bawk. Eng chu nge maw a hriat leh tak ni?ka lo bia kha ka ti dik lo leh ta zawk nge mawni??? Chhunah lem a mood a that vei nen. .

Reife hnuah Inbual zo tih hriat zet hian Kekawr bul nen a rawn chhuk a,ka en tha ngam thin lo,mipa hi ka pa leh ka nau bak han hnimhnaih ka nei lo lutuka,ka nel thlawt lo."Chaw kan ei nghal mai dawn mi?"ka lo ti leha,"ehe...ila ei na nge?,ka thiante nen kan ei tawh a,Min lo nghak dawn tih ka hre lo a"a ti hu a, "aih......nghak lo e,ka riltam lo em a,ka ei lo mai mai zawk mawle,,i riltam zawk ka rin vang ania ka zawh che"ka ti bah nak mai.."Tintin-a hi ka han mut lawk ange" Ka ti zui leh zata,ka sawi hreawm pawn a lang lem lo va, min chhan tum awm pawhin a awm lo. Tv chu uluk zet hian a melh reng ringawt. 

Ka chhuk leh chuan a phone a lo bih a,a ep chiahah chuan ka thu ngawi ngar mai,Phone en chungin a nui leh vur vur thin a, nui vur vur e ti lo chuan biak a huphurhawm ngang mai. Ka pum rawn ri chu a hriat hlau zet hian ka in kuangkuah a,ka ril a tam takzet,mahse mahni a han ei leh vel chu ka lai zo vek tawh si. Ka hrawk ka thian kharha

"karleh atangin  hna ka zawm leh tawh dawn sia,engtin nge Tintin-a hi kan tih ang?Rami lah in a buaina tawk a hmu em em si a,kei lah in ka hruai ngawt thei bawk si lo,Nauawm tur hi kan la mai dawn mi niang?"awki pangngai takin ka ti a. Min en miah lo hian, "i hna atang khan bang la animai lawm" ngaihsam zet hian a ti liam puat a,a phone ngawt chu a la en a,eng thu pawimawh mah ka sawipui thei dawn a ka hriat loh vangin Choka lam ka pan san ta zawk. Mawl ka inti em em maia, Riltam a ka awm chhan pawh keimah vang tho a ni a,engahnge Nupui tak ang maia chawei tura ka nghah vel ni..Mahse,ka hna atang zawngin ka bang hauh lo ang,Pawisa ka khawl ve chhun pawh ka hmang zo tep tawh a,he Ramhuaipa hnenah lul hi chuan engmah dil ka tum buai lo,min hmusit na mai mai tur tih ka hre ve kar. Duh leh ka hlawh atangin Nauawm tur chu ka chhawr mai ang,ani thu a awm tur ka ni bik lo e. 

"Thingpui kha chhuan ut i tum tihna mi?,enge i ngaihtuah chiam le?" arawn tih thawm ah chuan ka thlawk chhuak lo chauh a ni ber. ,ka Off nghal thuai a,ut zawng a lo ut em lo,ka ta tur chauh ka siam a,Room lamah no nen chhoh a,ka nu biak ka duh tlat. Mahse Ka kalna tur dal hian a rawn ding a,"khawnge i kal dawn?,ka be duh che asin ,chuan Thingpui pawh ka duh ve bawk"a ti nghal hmuka, "Room ah ka mu dawn mawle,ka mut a chhuak tawha, inbiak ka peih rih lo. Thingpui chu siamtur a awm kha, lo insiam ve mai rawh,kalsawn bawk teh,min dal ania",ka ti let ve hmak hmaka,asawi chin bak chhan ka tum bik lo. Ka beisei loh zet hian a tawlhsawn ve mai bawk. 

Ka nu hnenah ka harsatna ka hrilh a,mahse Ruatsanga tawng dan erawh ka sawi tel lo.Ka rin loh deuh hian ka nu lah chuan"ka hnenah rawn dah mai rawh,keiman ka lo awm ang,thlathar atang in i pi te khua ami kan chhungte tho nula kha Puanthui zir pahin rawn awm a tum a,keinin a mamawh kan pe ang a,anin min pui ve thung ang a,afel khawp anti leh nghal a,tihtur ka nei dawnlo,rawn dah la,i haw dawnah i rawn lam leh anga animai alawm" alo ti et a,ka lawm rual in ka khawngaih a,pasal ka nei ve bawk a,mahni fa tak pawh ni lo awm turin ka tibuai nghal ringawta,ka nu mahnise ka inthlahrung ve lo thei lo."Mahse,nu,a harh ve tawh lutuk a,i tlin dawn em ni? " Ka ti a, "mai mai a,midang puihna tel lo in in unau pawh ka enkawl che u a,harsatna ka nei lo,ani 1 lek phei chu buaina a awm lo,i fapa a ni tawh a,keipawn ka ngaina ve riau a,min ngaina vat se ka duh alawm" arawn ti leh bawrh bawrh a,ka nu anih vang ni loin ka nu ang a hmeichhe tha hi an vang khawp ang."ole,a pa pawh ka lo rawn anga, ka lo be leh ang che" ka ti ta nge nge. 

Ka nun danah danglam a awm hran lo va, pasal ka nei ta a, fapa ka nei bawk tih mai loh chu duh duh in ka tei vel a,min sawisel lo a,keipawn a awmdan ka sawisel lo.Midang awm laiin Nupa kan ni a,midang an awm loh chuan mihrang kan ni leh mai,han tihder vel pawh ngaiah ka nei tan der tawh.

Hna ka zawm leh dawn ni chuan hma takah ka tho a,ka inbual a,Tintin-a chaw ka pe a,ka bual bawk. Chaw kan eilai-in"vawiin chu i hna i zawm tawh dawn bawk a i phur hle mai a"min ti ve ngiala, "nia,mahse ka chawl rei deuh a ka lai hu mai" ka ti let ve maia,ka ei sawk sawk a,ka Duty hun tur dar 10-ah a ni a, hna kal tlai hi englaimahin ka duh ngai reng reng lo.

Ka nu bulah Tintin-a ka va dah hmasak angai a, Traffic Jam tur nen hisap vek angai.Tintin-a hnute siamsa leh siamtur te,Diaper leh a thawmhnaw,toys tlem nen,ka pack fel vek hnuah ka kawr hak chu duh lo in ka hlip leh a,adang ka ha leha, ka ha zo ka hawlet chiah chu ka hnung a ngawireng bawk a Ruatsanga lo ding chu ka hmu thut a,"amak thin em mai,thawm te hi nei ve thin rawh,Lungphu chawl in ka thi thei mai dawn in ka hria" ka ti hmak a,a nui suk duh chauh. Khumah chuan a thu a,ka thil pack na Bag  a hawn chuan phawk zet hian min rawn melh a,chutihlai kher chuan sumdawng hlawhtling leh Dawr lian tak neitupa ni lo-in mipa naupang a ang zawk mah..

"Marcus-a hi hruai i tum lo ang chu tiraw?"a ti nghala,"tum e"ka tih chuan a thaw hawk a,"uanglo teh"a ti nghut.."ka uang hleinem,ka hna atanga ban ai chuan hruai a awlsam zawk daih"ka ti leh maia, chak zet hian a vei kual a,a awmdan chuan minti hlau lek leh thei,"hruai angai lo, vawiin ah i banna rawn thehlut ang che,a hma khan ka sawi lo em ni?"a ti ta hmuk. Ka melh ram rama, "enge maw ka ban ngawt ang le? i thu lo em mai a. Ka nu bulah ka dah dawn,ka nuin a lo awm thei"ka ti zui zat. "enga???!!!!!....i a deuh zawk nge le?"a ti nghek. Ka ner naka" Nih te pawh aniang,i bulah chuan at deuh loh chuan awm ngaihna  awm hek lo le" Tih pahin ka bag ka la a,Tintin-a thawmhnaw ka dahna bag ka la bawk a,"ka kal ania,hna a tlai hi ka duhloh zawng tak ania" tih leh chhuah ka rual a, min chhang lo. Tha takin hna ka zawm dawnah Tintina engtin nge niang tiin ka zawt lawk veka,  tha taka ka zawh laiin min chhang tha duh hek lo le. 

Ka rinaiin kalsan a harsa lo a,min ngen dawn uk a,mahse ka nu hi nau khawih a thiam bawk a,harsa lutuklo in ka kalsan thei ta hlauh. Thawhpuite nena han inhmuhkhawm leh chu nuam ve tak a ni,mahse nidang ang a ngaihtuah nei lo lek a nuih bawk bawk a harsa ta..rilru ah Tintin-a a awm reng a,ka nu ka phone sek mai.

Ka duty hun a tawp veleh ka tlan haw vat a,a lo muhil a,ka nu-in afel zia thu ngawt min lo hrilh a,ka thaw huai mai. 

"In pa alo kal a,i bang dawn tih a rawn sawi a,engmah lah chu i sawi mang silo a" a tih takah chuan ka phu zawk maia. Thinrim taka, "ka bang dawn lo" tih piap mai ka chaka, mahse min ngaihtuah chiam ka hlauh avangin"nia,a la chiang lo a,chuvang mawle"harsa ti ru takin ka ti ta zawk. Kan misuala chuan  engthil tak ti ang maw???? Damdawiin lama thuneitu te a lo hrilh tawh anih ngat phei chuan keiin bang dawn lo lo tih vel a rem dawn hauh si lo. Amah biak hmasak ka ngai. 

Haw pahin Pi Dawngi kan tlawh kawi a,alo hlim hle mai a,mahse awmpui reilo in ka hawpui ta thuai. Rami lah chuan minlo ngai der ve a,"in lo awm atangin thla khat pawh a la tling manglo a,mahse in tel lo chuan he in hi a nuam tawh thlawt lo" A lo ti bawrh bawrh a.keilah chuan ka In ah kan ngaih loh tehreng nen..

Inchhung a rawn luh phat atangin a thinrim tih ka hre thei a,keipawh ka lungawi bik chuang lo va, thinrim leh thinrim kan indawr dawn tihna animai. Kan inhnial buai lai a hriat ka duh loh vangin Tintin-a pawh ka muttir vat reng a,insual pawh ngai se ka inpeih at a ni ber. 

A bag thehthlak pah-in, "i banna chu keiman ka tihfel tawh kha,naktuk atang chuan Nau awmtu tak tak i ni tawh ang,thla tin Damdawiin atanga i hlawh ang chiah kha ka hnen atangin i dawng tawh ang"a ti nghut nghut a, "Nau awmtu ah chuan i hlawh tam ber hial ang chu. Lawm viau tur i ni, keipawh ka lawm tho a. Doctor meuhin nau min awmsak dawn ania"a ti leh a, a nui zuia. Thinrim sahal huam huam chungin ka en a. "Ramhuaipa,i tenawm lutuk" ka ti khur dar dar maia,ka thinrim lutuk vangin ka khura,duh angin ka au ring hlei thei lo zawk..

"i duhtawk in au rawh,awmzia vak a awmlo,hmeichhia chu in ah awmse atawk" A ti leh hmiah, ding takin ka en a. "i nupui ang khan maw?,keichu khatiang hmeichhia kha ka ni ve lo"ka ti chang fak. A meng dur khupa, "i hmui bawlhhlawh khan ka Nupui chung chang  sawi ri ve suh,sawi ve pawh i phu lo,i tluk loh hmeichhia, i neih loh zawng zawng a nei ka tih kha",a ti thawta, " Eee, ani kha mithianghlim a ni bik hleinem,ka sawi em em ang,ka engmah a ni lo. In nupa tan chuan sum hi Pathian anih hi. Sum bak in hre lo. Tintin-a enkawlnaah pawh hian lo inrawlh ve suh,ka fapa a ni zawk,in nupa khan hetiang fa neih in phu lo..nang leh..." ka tih lai mekin ka hmai a ri pawp a, ka tlu sawp deuh hnawk a,ka lu a hai nghal cham cham bawk. Mahse ka inthing nawk a, tho chhuak lehin a hma ah tak chuan ka va ding leh ngat a,"nang hian vawi tam tak pawh min beng la,min that hial pawh ni la ka thusawi erawh kha chu a dik tih i haider thei ngai lo ang,achhanchu maw ka sawi dik vek. I duh phawt chuan min beng leh rawh, hmeichhe kutthlak tawk leka nep hi i nihna diktak alawm"ka ti leh siah siaha, ka hmai ka dawh a,mahse a che eih lo,a hmel ah chuan inchhirna niawm tak hi alang a.

KA PASAL-14

Min khawih zui tum awm pawn a lang lo a,kun lup chung hian a kalsawn ta a.Robot ang mai hian kawngka ka pan chhat chhata,pawnah chhuak zelin Pangpar leh Thing ding paihlam ah chuan ka kal kual a,inhnung lam Gate ah lutin Pool sirah chuan ka thu a,ngaihtuahna fim hman ka duh avangin tui ah chuan ka lut a,a lo vawt nuam phian maia,ka harh kawk in ka hria. Ka rilru let but but pawh tlem in a zia tial tial a,..ka mittui a rawn tla a,Ni e,tah bawrh bawrh hi alawm ka chak,hei bak in hrikthlak na tur ka nei hleinem..

Thli a rawn thaw vuk vuk a,ruah tam zet hi a rawn sur zui leh a,chhuah ka la tum chuang lo,ka Mittui a rawn tla zela,ruahsur chuan a tleng fai nghal zel bawk,ka tih ngai reng reng loh in awrawl chhuah meuh in ka tap ta a,mahse ring tak zawng a ni lo. Reife hnuah sir ah chuan ka mu ren rawn a,Ruahsur chuan min nan tlawrh tlawrh mah se pawi tihna ka nei lo. Kutthlak hual ngai khawpin ka lo tawngtam ve pawh a ni thei a, a Nupui chungchang kha sawi kher tur ka ni lo maithei bawka,mahse ka tlukloh zia min hrilh reng hi ka kham ve tawh bawk a ni.Tintin-a ka rilruah a lo awm zawka, ka kalna lamah chuan hmanhmawh zet hian ka let leh a. In a ka lut tur chu Ruatsanga nen kan insu chawrh maia,ka la thal thuai zui,"Khawnge i kal?" Min kaihthawh pawh tum lo hian a ti a, "ka duh duh na ah" tih leh  kal ka rual nghal nal nal.

Room kawngka ka lock hmak a,vanneihthlak takin Tintin-a a lo la mu siai siai bawk. Ka inhlip sawk sawk a,Bath Roomah ruak in ka lut a,tui lum a ka inchiah vang vang chuan minti nuam sawng sawng mai.Towel chhingtai in ka veng a,kan Room ka lut chiah chu Kan misualpa bawk a awm leh run tawh. .....ka taksa lang tam lutuk chu zak tur ka ni a,mahse zak thei pawn ka khawsa lo.Chairah chuan ngaihtuah muk hmel zet hian a lo thu a,Khum bula Bath Robe ka khai chu ka ha a,nghet zet hian a kawng ka suih a,ka inkuangkuah zui than,"chhuak rawh"ka ti bung hmak. "khawnge i kal ka tih kha"a ti ve hmuka, "ilo ngaihtuah tur a awmlo,ka mu dawn,chhuak rawh"ka ti ram leh hmaka,"i hmai kha ala na em?"a ti ta daih,chhuah tum awm pawhin a awm lo. Min tur at at na in sawi erawh ka tum lo bur,"na lo,i bulah ka awm anih chuan khatiangte chu ka tuar ka ring sa,ka ban em ila herh tliak hleinem"kha zet hian ka ti a"ka tihpalh tak tak ania"a tih chuan ngeiawm zet hian ka nui a,a ner sawk mai,"keichuan thil pawi ka khawih hma in ka in ngaihtuah lawk thin,mi ka tihnat hma nilo in" ka ti leh hmak a,"Marcus-a nu chungah kha chuan anih loh kha le"a ti hriam hruka, "Inbiak ka peihlo,Ih ee,Nau awmtu i biak reng chuan mi a tak tak amaw an ti ang che,chuan chhuak tawh la,kawngka ka lock anih chuan midangte lo luh ka duh lo tihna animai,chuvangin Toilet atang emaw i chahbi kawl hmang pawn lo lut tawh suh ang che"ka ti leh hmiah hmiah. Tawng a tum laiin kawngka lam kawk va in ka dinga,tih ngaihna hriatloh hmel zet hian a phun sup a,a chhuak ta hnu hnu. Kawngka ka lock leh a,ka biang na vat vat chu ka tuai a,Dressing Table ka pan hnai a,a lo vung deuh al chu niin....hrep tak a,naktukah Rami te bulah enge ka sawi tak ang ni?? 

A tuk zing atangin ka khua a sik zui ta char char a,ka nu a rawn riak phei bawka Tintina pawhin minti buai lem lo. Ka nu tan chuan Ramhuaipa hi makpa tha tak a ni ngei ang,an titi dun fo a,min ngaihsak awm em em in a khawsa bawk. Pi Dawngi pawhin a fanu ang maiin min ngaihsak zawm zel a,amah a chak tawh lo chungin min rawn tlawh ve bawk a,Hritlang khawsik mai mahnise ka la na in,ka cher phah ve dak mai.Tintin-a pawh ka bula mut tir lo in ka nu nen,inhnuaiah an mu a,ka bulah awm tam lo se ka duh a,Naute mai a la ni a,a kai ve palh ka hlau a ni ber.Ruatsanga lah chuan ka chawei lo lutuk chu min ngaihtuah ve niawm fahran hian eitur min rawn hawnsak thin a,mahse ka eitheih loh chhuanlamah hmangin pakhatmah khawih lo in ka paih vek zel a,a rilru chhiat dan em em ah khan Tur a telh lo ang tih pawh ka hre hleinem,angaihdan chuan a nupui hmangaih em em that tu ka ni tlata,min tihchhiat a hreh dawn lo.

Rin ai taka ka nat takah chuan ka  thawhpuite ho anlo kal liam liam a,ka bang min uizia thu an han sawite chuan ka thinlung hi a chhun a,hetiang tehhrep a vanduai tur hi ka ni lo ka ti vawng vawng zel. 

Kar hnih deuhthaw ka mut hnu in ka tho harh ve ta a,ka nu pawh hawphei a tum a,mahse Naute enkawl turin ka la chak tawk si lo,"Mampui,inpa kha ka bia a,Tintin-a hi chu i fit deuh hma chu kan lo riahpui ang ka ti a,i thu thu anih thu a sawi a,enge i ngaihdan?"a ti a, "aaaa,Nu,i chau tawh ang,keipawh ka tha zel tawh anga,ka tibuai rei tawh che em mai"ka ti thuai." Mai maia, i Nu ka nih hi,hrehawm tireng reng suh"a ti awlsam maia, "mahse Apa pawh a awm a,min pui mai dawn a,kan tithei ve mai ang"ka ti leh a. "Nilo e,kha chen i damlo a,in inneih tirh atangin Tintin-a in la nghal bawk a,hun fal in mamawh in ka hria,ka hresual maithei a,mahse In Nupa hi intih thiamlohna thuk tak nei in ang ka ti a,Tintin-a lah hi a pa hian a ngaihtuah tawk lo tih ka hmu bawk a,Naute tel lo hian inbiak in mamawh a ni" ati leh a,han tah hawm hawm a,thil engkim hrilh ka chak ngang mai . Tlaiah ka pa leh Mama bakah kan chhungte lo awmthar,Hruaii te an lo kal a,chaw kan eiho a,an haw tur pawh thlir hrehawm ka ti,ka haw ve chakna chuan min tur ut ut a,thil theih a ni si lo.Tintin-a pawhn min vai ve lauh lauh a,api leh pute a ngaina takzet tawh a,ka tel lo pawn an duh duhna ah an la thei tawh a,an hmangaih em mai a,a ngaina viau pawh thil mak a ni lo.

"ka mu mai teh ang,ka chau deuh em mai",amah pawh en mangin ka ti a,"aw le,keipawh ka lo kal ang"a tih chuan, "khawiah maw ilo kal ang?"ka ti bak hlak. "kan Room ah khan mawle"a tih chuan ka hnial zui peih lo e,mut kawr pawh ha hran loin ka thawmhnaw hak lai nen khumah chuan ka tlu zal a,a lum lutuk lo bawk a,boruak a nuam tawk viau.k

Kawngka dimte a inhawng riah chuan hawi let lo turin ka insum hram hram a,Khum chu a rawn thut zawngin a che dat a,ka khur nghal dar dar mai a,mahse a mu ta em lo,"i muhil tawh mi?" a rawn ti a,chhang lo hian ka tho hlawl a,"rawn mut ve i tum lo ang chu tiraw?"ka ti chang bawng mai. A then suka, " tum chiang e,ka nupui i ni a, ka mu thei alawm" Confi tak hian a ti a, "Ni lo e, atir ah kan sawi vek kha,hetiang zawng chuan min ti thei lo ang" Ka ti mar at, a dar a ti sang zauha, "khangte chu sawi mai mai anih kha,Midangte pawh hian min sawi sep sep tan a,chuvangin kan mutdun hi atha"a ti leh ta tlat. Rang tak hian, "aih,a tha lo" ka ti tawk a,"i nu khan kan mutdun loh chhan min zawt a,chhan dan maitur ka hriat loh vangin kan inhauh thu ka hrilh a,a ho a ti khawp mai,Khum khat a kan mut hian Nupa chu kan inpawh sawt thin ati a"a ti lehzel."keini chu Nupa lem mai mai kan nih hi"ka ti leh hmaka, "a lem leh atak tuman an hre chuang lo a,zanin atangin Nupa tak nih dan kan zir anga nimai lawm"a ti leh ta tlat. Thinrim tak hian ka en a, "ka thei lo,khawngaihin chhuak zawk rawh"ka ti a, lukham chuan vawm tum hian ka tin a,ka rinloh deuh hian a nui ta a,"ok...ok.ka chhuak ang,i va han hlau ve aw,Ransa dan chep ang mai alawm i nih le" Tih pahin, a tho zui a,hlim hmel zet hian a faifuk chhuak rut rut zui,vawm zui pawp ka chak,khatiangte a min han fiam ni...

Ka mu meng kar mai a, eng thawm mah a neih zui tak loh ah chuan ka chau deuh nen ka mu ta siai siai a. Mahse,rei a ni lo,ka mumang rapthlak zet chuan min tiharh a,kum 2 zet chu a reh tawh a,ka dam lo taksa chak lo nen tunah minti buai leh ta anih hi..thaw hlawp hlawp chung hian Light on tumin ka inlet a,chutah chiah chuan ka bulah mu an awm tih ka hriaa,hlau em em hian ka rak chhuak thawt bawk, a che hrut a,min rawn kuah pah hian," Hahdam rawh, i mangchhia mai mai nih kha,ka veng tlat che alawm,muhil leh rawh le" rawn titu chu Ruatsanga a ni!!!!!!!!,Dimte hian ka hnungah a chul hauh hauh a,a awmah chuan ka hmai ka phum a,a Lungphu ri dat dat chu ka hrethei a,ka lu  a thawk khum zawngin a lum ham ham lehnghal.....

KA PASAL-15

Engtinmaw riau hian min kuahna chuan min thlamuan a,talchhuah pawh tum buai lo hian ka awm pangngai chuan ka awm ve ta mai a,ka him hliah hliaha inhria in hetiang taka thlamuanna pawh hi ka la nei ngai lo,"i damloh vangin i thisen a chak tawk lo a,chuvang chu anih ka ring,i muthilh hma chu ka lo veng ang che" ati dam thupa,chu tia a tawng dam thluam chuan ka lung a ti chhe ta tlat pek a,ka mittui a rawn hnam a,ka tum loh deuh hian a awm ah chuan a far huh a,min kuah bet zual sauh pahin ka chhip samah a hmui a rawn ti si a,"tap rawh.....i thawl hawk ang"a ti zuia."ka tahchhan pawh ka hre hleinem"ka tih chuan a nui huk a,"i va han ho e aw"a ti nuah nuah."Muhil lo in titi mai mai i peih em?,Mangchhia ka neih chuan muthilh leh mai hi ka harsat thin a"ka ti leh sapa,'tehreng mai,han sawila..." A ti tha ve mai bawk. Ka ngawih ren rawn hnuah "Engtiang chiah in nge min la huat?"ka ti chhuak hlawla, taksa lianpui mai chu a insangmar talh talh a,a let thawk a, a ban khamin a ngawi vang vang.Parda kar atang a Thla eng lo lut chuan room chhung a chhun eng deuh riai a.

"ka hua che em ka hre chiah lo,ka haw tawh lo zawk che pawh animaithei"reife a ngawih hnuah a ti a, min chhang har ka ti lutuka, minute tamtak liam hmanin ka hre hial. 

"Chuti maw?,a van mak awm ve!!!!!!,min huat hlen ka lo ring a,Thla 1 chauh kan la awm dun a,min huat tawh loh chuan i rilru ava nghet lo"ka ti ta ngawt, ka sawi tum chiah pawh a ni bik lo.A thaw deuh hawka, "chuti chu Inhuat kha nuam ilo ti a ni maw?" a rawn ti let khauh a…,"aw,aih....nichuang lo e" ka ti bah nawk a,nui chung hian a rawn inlet a,ka lo tawlhhnung hrat thung. Mahse ka banah rawn man in min pawt hnai dawrh a,a taksa Lianpui ah chuan ka bet leh ta ran mai a,athaw lum ham ham a,Dim deuh tak hian ka khabe ah rawn vuanin min kuai dak a,ka inrin hma chuan a Hmui lum ham ham chuan min rawn fawp ta a,chetsawn nachang pawh ka hre lo,dimte hian min fawp a,aDuhthawh tial tial a,lo dang tur ka ni tih ka inhria a,mahse ka thei tlat lo,dang turin chakna ka nei thlawt lo niber hian ka hria. A rei hnuah phei chuan Duhthawh tak hian ka fawp let ve a,chu chuan phurna a pe niawmtak hian min lehthal thawk a,Dim lem lo tak hian ka kawr a hlim chho a,a khawihna apiang chu a kang nimai hian ka hria,a sa ham ham a, a kut lianpui chuan zei zet hian min chul kual a,Chakna nasa lutuk hian min rawn fan a,a kut in a khawihna a piang chu a hmui in a chhui zui zel a,chhungrilah chuan Tawp a hun tih min rawn hrilh tu a awm a,mahse ka rilru chu ka Taksa chuan a phatsan tlat. Ka Taksa hian Ruatsanga chet Dan engkim a lo dawngsawng tha em em a ni ber. Ka kekawrbul haklai a pawh phelh a,min rawn Bawhthuah leh chiah chuan engthawmhnaw mah a lo inbel tawh bik lo tih ka hre chiah,kan taksa,engmah dal tu awmlo a han innawk chuan min ti danglam chiang ngang mai.

Zing ka harh chuan nidang ang bawkin han thawh leh mai ka tum chu ka mu leh rang lutuk,ruak vekin ka lo la mu a,ka thawmhnaw ho chu chhuatah chuan an lo awm phang a,ka maimitchhing ta ngawt. Anitheilo,engthil nge maw ka tihtak le???????,min va hmusit dawn rua em,hmuh pawh ka hmu ngam dawn em ni?

Ka mu ngawi renga, thawm engmah a awm tak lohah chuan ka tho tham tham a,ka thawmhnaw ka chhar khawm thuai a,Toilet ah tlan lutin intlengfai vek tum in Shower ka inphuh tir a,engmah awm zia a awm tawh loh zia kei aia hre chiang an awm lo va. Inchhir sawt loh zia pawh hre chiang bertu ka ni. 

Room a ka let leh chuan Ruatsanga sulhnu engmah a awm lo tih ka hmu a, a riak ve tih lanna tur in engmah hnutchhiah a nei lo.

Room a Tawm reng theih ni lo ta chu Inhnuaiah ka chhuk thla a,Rami amah in a lo che leh rak rak a,min hmuh veleh nuisang hian,"i tho thei maw?,i dam that hmel tawh tawp. Pu khan i mu tha lo lutuk a ti a,kaitho lo tur che in min ti a" alo ti bawrh bawrh a,Thingpui leh Cake min rawn pe  pah a,"Khawnge a awm a? A walk em ni?" Ka tih chuan, "enga?,a kal daih tawh alawm,Bairabi a kal tur kha a hrilh lo che mi?"a ti ta ha maia. Insiamrem thuaiin, "oh...ka theihnghilh chiang lutuk" Ka ti a, dawt ka sawi a vanga ka biang sa hat hat chu min hmuh hman ka hlau viau.,.Nauawmtu mai ka ni a,enge a tihtur zawng zawng ka hriat kher ang tiin ka ngaihtuaha??,ka mawl em mai a,a bumnaah ngaihtuah miah lo in ka tlu a,engtia na in nge min vuak let dawn ni?

In ah ka awm ning a,Tintin-a ka ngai bawk,kan in lama kal tumin ka insiam a,ka phone a rawn rik chuan ka en thuai a,ka rinloh tak hian in amah a lo ni  a"Hello" Ka ti thuai. "Good Morning,i tho thei em?" awki hniam ang reng tak hian a rawn ti a, a hmel hmu hawt lo in ka Nervous leh nghal ngawt pek."um,mu tha e"ka ti tawi taka, "Chaw i ei em?i Muttui lutuk a ka tiharh duh lo che nih kha"a ti leh chuan,"aih,ka riltam lo a,ka la ei rih lo. Tintin-a la turin kal ka tum a,ka insiam mek"ka tih veleh, "Motor khalh i tum lo ang tiraw?"a rawn ti vuta, "ka khalh loh in tu nge khalh anga? " Ka ti deuh hmak."Tih har viau lo thin teh" a rawn tih leh chuan aw atang in  min ngaihtuah tak tak a ang. "Tintin-a va lak ka duh alawm, ka zia tawh lutuk" Ka ti leh tlata,."ok,mahse i nu hnenah khan zanin tal lo riahpui leh turin ka lo ngen asin, i bulah hun hman leh ka duh a" Tim map lo hian a rawn ti a, a sawi lai a ka lo zak em em tawp thung.

"Tenawm lo mai teh a,i bulah Roa awm reng kha,chuan khawnge i kal a?"ka ti bak hlaka, "min zawt har ka lo ti lutuk a,Bairabi site kha buaina tlem a awm a,mahse vawiin ah ka lo haw leh nghal ang,ka rawn thleng tlai maithei,tunah Pangbalkawnah kan chawl zuai a,i duh leh i nu te in ah minlo nghak la,ka rawn lam mai ang che" a rawn ti leh zung zunga,"nia,hnial che a tulna awm hleinem"ka ti hmak"a mak e aw,inhauhna ngawt zawng lo teh. Engpawhnise, Motor chu khalh lo rih rawh,Taxi lo hmang la, ngei Order anih chu..."a rawn tih chuan phone ka off hmak,a rawn call leh lem tawh bik lo. Ka nu ka Call chuan "lo phei lo law law rawh,naktukah in rawn lam dawn nia,a hmuh che chuan a ngen ang che,a buaithlak,inpa khan ila nuam vak lo a ti a,chuvangin Tintin-a chu lo ngaihtuah miah suh,ipa phei chuan awmhlen mai rawhse a ti chhen ania" nui hak hak chung hian a rawn ti a,kan hnial deuh pawhin a tang kawh tlat maia, a tawpah chuan ka "aw" leh ta nge nge.

In tifaitu lo kal ni a ni a,kan in hi a lian viau nangin kan che tawp lem lo bawk a,bal leh hnawk tawp tak a ni ngai lo.Leo hmul tla hi ani deuh maia,chutihrualin ui vulh hi chuan in hian rim a nei duh viauin ka hria.Ka ngaihtuah vang vanga, hna ka nei tawh chuang lo bawk nen Intifaitu a hrana lo kal hi sum hekna mai mai a ni a,titawp ila,kei leh Ramin kan tithei vek tho ang,duh leh Rami hlawh up ta mai se..Ruatsanga hnena sawi erawh chu huphurhawm tak a ni.

Engmah tih a phal loh vel hian midangin min duatna anga an ngaih atan a ti a ni chek ang chu. 

Rami hnenah Lehkhabu chhiarin Lehkhabu dahnaah ka awm dawn tih ka hrilha, chhiar tur ka enkual dak dak chuan "SYDNEY SHELDON" lo awm chu ka hmu fuh hlauh mai,phur zet hian ka phawrh nghal thuai. 

Ka lakchhuak chuan ka rin loh takin Note bu te fel ren rawn hi a lo awm a,khawih ngai loh tih hriat tak hian a paw ve thak a,ka la thla a,midangte thilziah,an phalna la lo a chhiar chu a mawlthlak tih ka hria,mahse chhiar chakna hian min tur et et a ni ber.Chair lianpui mai,hnang atanga siamah chuan tlum kak hian ka thu a,Lehkhabu chhiar loin note but ka keuha, kutziak hraw lam,felfai tak mai hi a lo lang that,hai rualloh in Mipa handwritting tih a hriat theih a,ka en kual vel chuan thil danglam vak a awm lo,ka en zel a,thil Pakhat mit la zet mai ka hmu chat 

"Keimah hi ka dik tawk lo nge ni a ka nupui zawk hi?????,Naupai harsat khawp in a taksaah harsatna a lo nei renga,keiin ka tilui a,a boral anih vaih chuan ka inthiam thei tawh ngai lo ang" tih hi a lo in ziak a,enge thil awmzia ni ta??

Phek dangah chuan tihian a lo inziak leh a. "Vawiin chu thilmak ka tawng a ni ber e. Doctorin fa kan neih mai loh chhan chu keima dik loh niin a sawi tlat maia,ka hre thiam lo hle mai" 

Phek 2 dang ka keu leh chuan tihian a lo in ziak leha,"ka awih thei hauh lo,kei hian fa ka nei thei lo reng a lo anih chu,Mipa chu ka ni ve si amaw?,ka Nupui pawh ka zah zozai ta e,hetiang ringawt Pasal chu a duh lo tawp ang" tih hi a lo inziak a,ka khup thawk a,ka lungphu  a rang rapthlak lutuk. 

Mak takin note bu a thil inziak hi ka awih ve miah lo. Ni lo, Nizana khatiang khawpa ka chunga a chet ngamna chhan kha fa a lo neih theih loh vang zawk hi a ni ang???,mahse Tintin-a hi tu-fa nge ni ta ang?Ka zawhna chhanna hmuh beiseiin huphurh ru tak hian ka keu leh a,"Tunah chuan Doctor te puihna in ka nupui a rai ta,mahse ka fa a ni lo.Midang chi a pai zawk mai a ni si a. A pawi lo e,tuman an hre lo a,buaina tur a awm lo. Ka Nupui in a pumah a pai a,ka fa a nih lohna reng reng a awm lo e,ka duat em em tur a ni. Hei bak fa kan nei tawh dawn si lo,a lo piang anga, minla tihlim hle dawn a ni" tih hi a lo in ziak ta ngei a,enge awmzia,tikhawp hian Tintin-a nen an in ang si a,enge dik lo awm ta?,theihtawp in ngaihtuah ve kan tum a.A tirah a nupui hriselna pan thu a ziaka, a hnuah aman fa a nei thei lo tih a ziah ta thunga, hetia ngaihtuah mai pawh hian thil harsa awm lo in chhanna a lang nghal vek. Mahse, chhanna lang sa hi ka awih zawng a ni ve lo. 

Zanah dar 10 velah a rawn thleng a,Roa an in ah a rawn thlah nghal a,chau hmel pawh a pu lem lo,"i inbual nghal dawn mi?" ka tih chuan, "um,min lo nghak em ni?lo mut daih tur che alawm"a tih chuan tul lo zet hian ka rilru a lo na leh hman pek a,"ngatinge a,i nuamlo zual leh tihna mi? ?"a tih leh thuaia, ."aih,nuam e,in tluang em?"pangngai tak hian ka ti thuai. "Aw,tluang e,ka chau deuh a,Inbual a,mut mai ka duh" a ti a,a mit thim raih chu ka en zawk a,ka en rei ngam lo,"kawngka vel hi kan kalh fel ange,leo hi a in ah a awm em?,lo han chho rawh,ka lo chho ang" a tih zawm zat a,ngawireng hian ka chho a,Tv on-in muchungin ka en a,Room kawngka chu a ri rak a,arawn lut zui nghal chu animai.. Khumah a phone a theh thla a,a awmdanah chuan mut hran a tumlo tih a lang reng mai. Ka ngaihtuah zawng pawn ka mur ar ar mai a. Boxer chauh ha-in Bath Room a pan a,engtia awm tur nge niang?,alo chhuah veleh ka hnar mai dawn em nu?,vawikhat vang khan min beisei zui a ni ngei ang?ka mawl man ka hmu ngei dawn e…

Ka khuah a la nasat deuh avangin damdawi ka la ei a,min hneh  deuh a ni ang,ka dar a min rawn sawi chuan ka harh zawk a,hnai takah hian minlo bih reng,"mu tha la, i chau anih kha,i damdawi i ei em?" ati zui a,min ngaihtuah hmel zet hian min en reng,"khatiang khan min en suh" tih khum nghek ka chaka. Diktak chuan min han duat vel hian ka rilru a ti no zo vek.

"Hetah riah i tum leh lo ang tiraw?"ka ti chhuak hlawla, a mitmeng a danglam nangin a in control thuai a"Ka Nupui bulah ka mut a rem lo tihna mi?,ok,i duh loh chuan ka ti lui lo ang che" Din mar pahin a ti a, a kal dawn tak tak ni a ka hriat chuan ka phal leh chiah si lo,ka mumang tha lo kha nei leh ta ila?,pawn lam atangin thawm a hriat theih lutuk si lo va, a hrehawm leh viau dawn....

"Nupui tih lemah i nupui tak tak ka ni hleinem" a kalsawn hmain tim dai deuh tak hian ka ti ngawt peka,"anih chuan Ka Nupui tak tak i ni ti ta che ila???" a ti dam thlup. 

KA PASAL-16

"I ni min tih vang mai khan ka ni tihna a ni hleinem"ka ti leh nghauha, ka sawi zawh rual chuan ka thusawi at thlak zia ka hre chhuak a,nui chung hian min rawn en a"lo mu rawh, motorah charger ka theihnghilh a, ka zuk la lawk ang"  tih leh chhuah a rual nghal a,Nia,ka lo mut mai chu tih mai tur a ni,a bak engmah sawibuai tur a awm lo,hepa hian a duh duh chu a ti mai thin si a,dan theih a ni leh chuang lo ang. 

A rawn let leh chuan ka lo inkhuh fel than a,Light a off hnuah Khumah a rawn lawn a,Blanket rawn pawt kau in min rawn kuah a,a mal khauh tung mai chuan min khan a,ka khur nghal dar dar mai a,"a vawt iti law?" ka beng bulah a rawn ti a,"aw,tlem in...." Ka ti tha ve mai. "min rawn kuah la...?"atih chuan ka ngam chiah lo. Mahse amah zawk chuan a lam hawiin min kuai her a,a dar hlaipui ah chuan ka lu ka nghatin a awmah ka kut ka dah a,ka ham zui bai bai mai. Hetianga awm hi nuam ka ti ru riau a,ka thlamuang bawk,"i mut a chhuak anih kha,muhil rawh"a ti leh a, "um,nangpawh aw..." ka ti sap. "I muthilh thei laiin mu la,nakinah chuan ka tiharh leh sek dawn che ania"nuihza aw hian a ti a," Enteh, nizan thilthleng vang mai khan Ks ka ni tihna a ni miah lo ania"ka tih chuan athaw haek a,"chutiang chuan ngai che ila ka in atang hian ka theh chhuak tawh ang che" ati deuh nghut,ka hnung ah a chul zui hauh hauh. 

Mangang zet hian ka harh a,ka mangchhia bawkin min tibuai leh ta...min rawn sawi nawk nawk hnuah ka khur nasa lutuk chu min pawm bet a,ka inthlahdul thleng in min kuah a,ka hnungah a chul pah bawk. Tlem a ka Normal deuh hnu chuan min thlah a," I mangchhia hi chhan nei a mang i nih ka ring, min hrilh ve duh lawmni? Midang share ve te hi a thatna lai a awm ve ania" Zaidam takin a ti a. Thawk ka lak vang vang hnuah ka sawi ta a. " Doctor kan Zirlai khan Nikhat chu ka in ti sual palh a,ka tlu min rawn kai tho tur a vai pakhat rawn kal kha,chhuat nalah a rawn tlu ve a,a tlukna bula inzaina chem khan mak lutuk hian a nghawngah tak a at thler duai maia...." Ka tih laiin "ok...ok...sawi a harsat chuan ka tilui miah lo ang che"a lo ti thuai. "aih,sawi ka duh alawm....chuan kei lo tlu sa kha min rawn delh a,anghawng kha a thler duai a,a meng pual ru bawk a.....ka chungah tak a awm bawk si" ka tih chuan ka sawi tawp lam chu a ri chang chang a ni ber,"khata tang khan ka mumangah hian ka hmu ta fo a,ka mumangah chuan keimah vang in a thi anih thu leh ka chhan duh loh vangin min thah ve a tum tih a sawi thin a,ka tlan chhiat dawn pawn min delh bet tlat thin a....." Khur chungin ka ti a"i thiam loh a ni reng reng lo.i hlauhthawn vangin a rawn ti buai thin che anih chu...hlau reng reng tawh suh,i bulah ka awm tlat zel dawn alawm"min ku ah chungin a ti a..Min thlamuan a tumna tawngkam mai pawh ni se ka thlamuang huai tak tak. "Tintin-a a a lo haw chuan i mu ve thei tawh lo ang"ka ti sep. "aih,naktuk chu ka chawl anga, Marcus-a khum tur kan lei ang,kan Room ah tho kan dah mai dawn alawm,chuan maw...vawiin khan ka be fel tawh a,naktukah Nauawm tu a lo kal ang,rem i tih chuan in ah hian awm nghal se ka lo ti a,i duh duh i ti thei anga,nuam i tih zawng te.Mahse i hna erawh kha chu thawh zui tum tawh suh aw" a ti ta duah, a sawi chhung zawng chuan a aw  a dam thlup mai a,eng rilru pu in nge ka chungah hian a that tak viau tih ka lo ngaihtuah ve daih thung a..

"Innu lo kha i hmangaih theih i ring em?"kan ngawih reng hnuah ka tichhhual hlawl. "aih,ngaihtuah pawh ka la ngaihtuah ngai lo. Tunah chuan nang nen Nupa kan ni tawha, nupa nun pawh nupa kan nih angin kan hmanga, dik lo a awm lo. Pasal ka nihna anga ka tihtur chu ka theih anga thain ka hlen vek ang. Thil pakhat erawh chu...Marcus-a nu ai kha chuan nasa takin i bulah hian ka phur zawk " tlang takin a ti a, a thusawi zawng zawng chuan min deng dawt dawt mai a,ka zawhna tul  lo tak avang a ka natzia chu pui tak a ni. ...Mahse enge ka lo nat ve ngawt?,ka hmangaih tihna chu a ni em lo ang chu maw...hetiang Ramsa thinlung pu tu Mipa hi zawng hmangaih ka duh lul lo mai...

Zinga ka harh chuan a lo awm tawh lo a,a sawi ang tak chuan engkim athleng ta a, Tintin-a pawh a lo haw a,kan nula thar tur a rawn thleng bawk. Zantin Ruatsanga pawn a tihtur a hai lo,hnial tum mah ila awmzia a awm chuang dawn lo. Chutihrual hetiang vanga min ngaihsak a, danglam deuh tur a ka lo ngai kha chu teuh lo tak a ni,atan chuan Toys chikhat hi ka niin ka hria a, Mak takin min nawrlui anga lang si lo hian min control a, vawikhat Khan vawi hnih a hringa, nep inti chungin kawng dangah pasal nihna a hlenchhuah that em avangin hnar har ka ti ve tlat tawh bawk..Inchhung khawsak dan leh bungrua thlengin ka thlak nasa em em a,a Nupui  sulhnu awmna hmun a khawsak harsa ka ti a,achang hi chuan ka luak a ti chhuak thin..Mithi tawh khin ka duh ngai lo chungin thik na erawh a reh thei lo. A nu ka thikna hian Tintin-a ka hmangaihna erawh a ti danglam eih lo. Vawi tamtak Ruatsanga tawng vaiin a nupui hming a lam ka hre thina, tawrh har ka ti em em zel. 

Ka hman veleh Library ah lut in lehkhabu ka duh zawngte ka chhiar thin a,ahnu ah phei chuan ka life story zawk  ka ziak ta a,nitin kan nupa leh chhungkaw nun hman Dan te ka ziak a,ka tan chuan ka Laptop tluk a ka thiantha hi an awm ta lo..

Lehkhabu ka chhiar laiin ka phone a rawn ri a,ka rinloh deuh hian pi Dawngi lo ni rengin..."Te..hun i neih chuan lo leng phei la,mhse Tintin-a lo hruai suh aw,nangmah ka kawm duh che a"a rawn ti a. Phur fahran lo hian ka insiam a,ka kalna tur Rami ka hrilh a,Tintin-a hian tunlai chu a zia a thlak a,ka insiam deuh a hmuh chuan min ngen tum hian min zuia,a kalsawn duh ngai lo,ka hruai theih dawn loh vangin inhnung lamah Seni leh Leo nen an awm a,min ngen vak vak chuan rilru nuam pawn ka kalsan thei thin si lo. 

Ka tum aiin Pi Dawngi ka hmu chau kher mai. Room lamah kan inkawm a,a khuh kharh kharh hnuah,"ka thusawi tur vang hian min haw maithei a,mahse ka thih dawn hnaih tawhah hi chuan dawtsawi hi harsa ka ti a ni"a tih chuan a awmzia ka hre eih lo...ka rilru ah Ruatsanga fa neih theih loh thu leh Tintin-a chungchang anih ngei ka ring ve deuh ngawt 

"In inneih dan fel hlel tak mai kha keima remruat a nia"a tih pawh chuan ka la hawi buai ta fo.."Ka sawi awmzia chu Blakcmail che kha keiman ka tihtir anih kha,kan makpa hian a duh miah lo,mahse a lakah tihsual nei a ka inhriat vangin nang kha nula fel tak i ni si a,a neih theih che chuan atan a that ka ring a,a duh lo chung Palai kan rawn tir a.  Video ho lam tak khan kan tibuai ta bawk che a,nanglah nula rilru tluang tak i lo ni lehzel si. Mahni inthiam lohna leh Tintin-a vangin hreh takin i nei thei ta maia. Ka chet dan fair lo viau mah se tunah hian ka tisual lo tih ka hria,nangmah vang in a hlim hmel kan hmu ta fo mai chu ania. Khawngaih takin engtikahmah chhuahsan lul suh aw,,min tiam teh, ,ka thih hma in rilru nuam in awm ka duh" aw zawi taka a tih chuan mak ti leh min thawn vanga hamhaih buai takin ka en reng. 

KA PASAL-17

Ka khap sak saka, ka rilruah engvangin nge ka thinrim loh ang tiin ka ngaihtuaha????A tir phat atangin thil pawi lutuk ka khawih lo tih ka inhria a,mahse kha Video vang khan mualpho taka Jail hial thleng ka hlau ve a,achhan pawh Ruatsanga te ang mi hausa tan thil tih a harsat loh em vang a ni a. Ka nu leh pa ka khawngaih bakah nulat laia mualpho taka awm ka hlaua, mizo te hi chu eng emaw hleka ri hluai thin leh a dik leh dik lo pawh hre lo va tawng huai tak vek kan lo ni bawk si. .Mahse,khang ka lo hlauhthawn te kha engmah a lo ni lo a  maw?,minlo bum kual velin keilah in ka hlauhthawn luatah Prove na awm miahlo in tihian Ramhuaipa Chhiahhlawh ah ka in pek phah ania,.  An video sawi lah chu tawite chauh min hmuh tirin a dang a thui zawk an neih thu Khan min vau vel ania…ka 

"Te-i,keima thiam loh ania.Ruatsanga leh Tintin-a chungah engmah thlen tir lul suh aw" tih lawm lawm pah in ka kut a vuan a,a fanu chunga thleng ni se a ngaidam hauh in ka ring lo. A tupa a hmangaih luata, ka rilru no na remchanga hmangin mi 2 inhua leh in duh tawnna nei miah lo min awmdun tir a,mahse tunah chuan kei hian atthlak tak in ka pasal ka lo duh lutuk hman der tawh si. Tintin-a lah ka hmangaih em em tawh bawk. Ka insehruha, he Pitar thi mai tur bulah hian ka thinrim zia tihlan kher a tul lo tiin ka inhrilh a,Thlamuang takin kal teh se..

"hahdam rawh,ka chungah engpawh lo ti la i fanu leh i makpa,i tupa te tan a ti i ni a,i hmangaih vang alawm,thil kal tawh a ni a,engmah kan thlak danglam thei lo,chuvangin hahdam takin awm rawh" ka theihtawp a pangngai in ka ti thei hram..

Motorah ka thu ngawi vang vang. Pi Dawngi Khan a thiam loh vek angin sawi mah se ka rilruah Ruatsanga huatna a awm tel lo thei lo. Thil awm tak tak lo hmangin min vaua. Tihtak zetin a nupui thih naah min puh bawka. Min haw ngawih ngawih chungin ngatinge min neih a duh kher lai tak hi ka man lo. Sangtei hmuh ka chak avangin ka call a, a bulah chuan engkim hi a hlimawm thin a, ka rilru pik pawh a thawl phah ve mahna...

In ka thlen chuan a lo reh thap tawh a,Tumah pawh ka hmu mai lo. Room a ka luh chuan thinrim meng rum ul chungin Ruatsanga'n min lo en a..Tintin-a a lo mu tawh tih ka hmuh chuan ka thaw huai, chak zet hian min rawn pan a,ka banrek ah manin min hnuk chhuak ta dawr dawr. A chet dan tehthut chu ka hamhaih a,min kaih ang ang in ka zui ve dawt dawt mai.Tintin-a infiamna Room ah min nawr lut nawk a,kawngka  chhung lamah a kalh nghal hmak bawk. Chiang zet hian min melh khui mai a,mahse ka thinrimna chuan maktak in ka hlauhna zawng zawng a umbo vek,"khawnge i kal bo?"bak hluk hian a ti a, "ka leng,ngatinge i va thinrim hmel ve a, ka tlanbo i hlau em ni?"ngeiawm tak hian ka ti a.."Marcus-a pi ka bia a,dar 4 ah an in i chhuahsan tawh tih ka hria,i phone  off in khawiah nge i kal?"a ti leh hmuk hmuka, a aw a hlauhawm viau. Ka dak deuh vaha "ka duh duh na ah ka tih kha,ka tlanbo lo ang,kan inremna kha kum 10 anih kha,chuan ka chau ve deuh a,mut ka duh" tih leh kawngka pan ka rual a,rang lutuk hian min rawn phih let dawrh a,"ka fiamthu ah i ngai elaw?,i kalna chauh a ni ka zawh che,inremna chu engpawh nise khatianga i awm leh dawn chuan khawiah mah chhuah phalsak i ni tawh lo ang,chuvangin a chhan na tha tawk min pe rawh" ati leh thawta. "Ramhuaipa,ka haw lutuk che,nang leh i nupui chhungte zawng zawng pawh hi ka hua che u,ka haw vek che u" Ka ti ta tuar mai, ka chetdan chuan a ti buai tih hriat tak hian a ding khawng luh a,"ka Nupui chungchang sawi tawh suh ka ti che khan ka hria asin,khawih leh che hi ka duh tawh lo ania,kutthlak ngai in awm lo hram teh" ati zawi sup a,chu chuan minti thinrim zual sauh thung. "Min khwih la,na pawh ka hre thei chuang hleinem,i Toys pakhat ve mai ka nih hi. Mahse pawi ta ber chu i bungraw dangte ang lo tak in ka rilru a lo na ve thei khanglang si anih hi. Chuvang chuan ka hua che a,i tenawmna zawng zawng nen hian ka hua che"ka ti leh piap piap mai. Min en reng chung hian, "i kalna sawi lo a kha chen i kalbo avang khan thinrim tur chu kei ka nilo em ni?,engatinge i thinrim viau a???"bangbo niawm tak hian a ti a, dak ar-in ka en a. "i hre duh maw?,kei hian Ka tihsual nimiah loah Blackmail ka tawk a,chu pawh in nawmsakna tur chauh lehnghal,ka nun min tihchhiatsak man hi min rul leh rawh,nang ni lo Pasal tha tak neih hi ka tum a,ka phu bawk asin,mahse nang leh i pi zawn rilru tenawm lutuk vangin tihian he in Hremhmun ah hian bum luh in ka awm a,chutah pawh ka tih tur leh tih loh turte ,ka sawitur zawng zawng te nen min phalsak chin chauh ka ti in ka sawi thei a,nuam chen ah min la ngai zui a tiraw?,ka bei let dawn che,i hria em?,vawiin ah ka thianpa leh mipa ka hmangaih em em Francis-a bulah khan kal in ka beihlet dan tur che ka va sawipui vek tawh. Chu chu vawiin a ka kalna chu ania, tikhan i hriat duh zawng ka sawikim em?",ka ti leh ta chiam maia, ka tawng hnemlutuk chu ka thaw a chham tep thei. Khatiang tak khan ka tawngthei tih pawh ka lo inhre bik lo..

Min thlah ruai ruai a,engkim ka hrechhuak tawh tih a hriat na chuan a shock ve anih hmel khawp mai..kawngka ka hawngin ka chhuak a. Min Dan tumna a nei lo. Ka inphih fai sawk sawk hnuah ka mu ta daih a,engtin nge a awmzui ka ngaihtuah lo a,ka thinlung tawt up up chuan ka lu a ti na vek in ka hria,. Mahse engatinge Francis-a kha ka buaina ah ka hnuh luh kher tiin ka ngaihtuaha, hmangaih chu sawi loh,kan inhmelhriat satliah ve chauh a ni reng sia,a pawi tawh lo, naktukah ka hrilh fiah vat angai tih na a nimai. 

Ka muhil thei lo ka let tlaivar deuhthaw a.Ruatsanga pawh a rawn kal bik lo,a room lamah a mu a ni ngei ang,pawi tawp lo,tun ang boruak ah khan a taksa engmah ka hnaih peih lo,ka ten a,ka haw hluah hluah bawk. Mahse ka hua a,ka thinrim em em lai pawh hian ka duhna a bo thei lo a,a nupui ka thikna pawh a bo chuang si lo,chhuak ta ilaTintin-a hi engtin nge a awm ang?,keipawh ka awm thei dawn chuang em ni? Ngaihtuahna chi hrang hrang chuan min luh ngut ngut maia, khawvar dawn in ka lo chhingsek a,Tintin-a thawmah ka harh leh thuai a,niminah nilengin ka chhuahsan avangin ka ngai a,ka kuah hle hle mai. Engpawh thleng se he Naute hi chu ka kalsan thei dawn in ka hre lo. 

Nilengin Ruatsanga ka hmu lo a,ka buaina leh amah ka hnuklut tel tih Francis-a ka hrilh chuan a lawm viau lo khawp mai. Lawmawm thlawt hek lo le,tunge he Ramhuaipa hi khing peih tehlul ang ni?a hrechiang apiangten an hlau nimai hian ka hriaa, mahse Francis-an min puih erawh a tum ta tho. 

Zanah TINTIN-A mut hnuah Library ah ka thinrimna a zia deuh nan tiin Laptop ah ka in paih thawl a,tlem chuan ka zia deuh,reitawk ka inkhung hnuah mut tum a ka chhuak chu Mood off zet a Ruatsanga lo thu chuan min ti phu zawk a,kal pelh mai ka tum lai chuan,"engtik ah nge ka in hi i chhuahsan dawn?"a tih takah chuan ka ding a. "chhuahsan ka tum reng reng lo,natak a ka hliam ve hma che chuan kal chhuah ka tum lo"ka ti hmak, a hmain hetiang hian ka ngaihtuah hauh lo. 

"Ka dik lo tih ka pawm e,keipawn i duhlo chung neih luih che ka tum bik tawhlo"zuai angreng tak hian a ti a, " Khaia, kei chauh in maw duh lo che?,nang khan a tir atangin min duh bikloh kha"ka ti leh hmak, a thle zauha. "nia,atirah chuan ni e,mahse tunah chuan a ni tawh lo" Confi lo niawm tak hian a ti a, "Nupa nun ka hman vang khan maw?,pawiti suh,midang i duhtawk in i mutpui thei reng,uire i ni hleinem,Nupa lem kan nih kha" Ka ti leh sak sak. Engmah ka pawisa tawh lo va, tawngkam ngeiawm hman khum lah nuam ka ti em em bawk. 

Ka kalsan lai a a lu kun lup mai chu ka lainat leh thut a,mahse min khawngaih ngai bik lo tiin ka inngaihtuah fim leh thuai. .

Ka hun tamzawk chu Library ah ka la hmang ta zel a,Kan nun hman mek hi a der satliah pawh a ni tawh lo,midangte hmuh ah chuan Nupa kan la ni zel a ni deuh tawp tawh. Keipawn engvanga chhuahsan lo nge ka nih ka inhre tawh bik lo..Tintin-a vang aniang te ka ti mai mai tawh.

"Te,Inpa chanchin i hria em?" Min tih chuan, "um,hre ve bawk ang chu, thil danglam deuh i hre zawk nge? " Ka ti a, "aaaaa..thil tha lo in nupa karah thleng a awm em?"pehhel tak hian a ti leh a, "amak thin,sawi mai la,engthil mah buaina kan nei lo"ning tak hian ka ti a. "ok,athat chu...in buai loh chuan a tha,Naktukah chawhnu lam Duty ka nei lo a,ka rawn leng dawn ania aw"a rawn tih leh chuan, "Yes,a van tihchi tak,chaw ei nghal ang che aw" Ka ti a, ka phur nghal ngang mai. 

Atuk aa  Sangtei a rawn kal chuan kan ri chel chul a,mahse a hmelah chuan vei lianpui nei a ang tlat. ,min melh leh deuh vang vang thin a,ka ngaih a tha chiah lo,"Thiannu,Pasal neih hi a nuam em?" A tih chuan, nui chungin "nei ve la i hre mai ang,tak tak in a chang in a nuam tho a,mahse Nupa pawh inhauh ve chang a lo awm a,hrehawm chang pawh a awm"tiin dik takin ka chhanga, a bu nghat. 

"Enteh,ka Best friend i ni a,i laka zep neih hi ka duh lo..eng lo ania, tunlai chu inpa leh Nula pakhat inzui hi an sawi nasa angreng asin"a tih tak hlawlah chuan ka tek sawk thei nia. Chiai ru angreng tak hian, "an duh duh lo sawi tehse,an sawi nu chu i hmu ve tawh reng reng em?"ka ti a, "aih,mahse dawt chu anih ka ring lo,min hrilh tu te pawh an rin tlak em mai" a ti leh chat chata, A dik te pawh a dik mahna ,zanah lo haw loh zeuh zeuh a nei a,mahse sawisel ka tum loh avangin ka tha en a,Hmeichhe dang vang anih erawh ka lo ring miah lo. Diktak chuan ka ring phal lo zawk a ni mah ang chu...hahthlak hian aaa..

Ruatsanga rawn hawkn Sangtei a hmuh chuan phur hmel zet hian a awm a,ka tumloh deuh hian ka lo melh leh reng thin.Sangtei lah chu riaktur a ka tih ngial pawn a duh si lo. A haw hnuah Seni lah a mu thuai a,Tintin-a ka infiampui a,a hnu rei vaklo ah chuan a muhil ta a. Ka mut hnua Thingpui in tur a ka chhuk leh chuan choka lamah tawng thawm ka hria a,Inleng kan neih awm ka hre si lo. Roa a haw na a rei tawh a,Seni alo tho leh zawk nge mawni? 

Chokaa ka pen lut tur chu ka ding chawt mai

"Bawihi,keipawn ka ning alawm,naktuk zan lo nghak hram hram rawh,dan hmaah Nupa kan la ni miau a,chutiang ngawt in ka awm thei lo ...." a ti a, a ngawi takah chuan ka lut lui ta tho,pawisa lo hmel zet hian Thingpui ka chhuang a,ka chhuah leh tak mai loh ah chuan amah zawk chu a chhuak a,an sawitak hrethei tawh lo mah ila a hlim hle tih a tawng thawm atang ka hrethei a,khatiang taka duat khan vawikhatmah min la be ngai lo. Ka lu ka thing nawk a,min duat na ngawt tur a awm hleinem,a hma Khan a Nupui bak hmeichhe dang Hmangaih leh lam angaihtuah lo tiin a sawia, hmeichhe dang chu a Hmangaih leh thei a keimah zawk hi min Hmangaih thei lo zawk tih ka man thiam ta.. 

Mahse,Thudik tak erawh chu kei hian ka Mamawh a,ka ngai ngawih ngawih thung a,ngaihsak miah lo anga ka lanna phenah hian ka na em em bawm,Engtikah mah ka awmdan hi a hre thiam tur a ni lo,ka Thuruk a ni reng tawh ang.

KA PASAL-18

Thingpui ka siam sawk sawk a,a rawn let ring tawh lo mah ila ka hmanhmawh tho tho. Room ah ka let thuai a,T.v ka on leh phawt a,ka movie enlai chu mipa in a fa a nih loh vanga a nupui a tiduhdah em em na hi a ni a,keipawn thil hriatchhuah ka neih takah chuan ka tho thut a,Library ah ka tlanthla a,note bu kha ka Robe karah ka thukru a,ka tlan letpui leh nghal a. Room a ka keu nawn leh chuan thil dik lo a awm niin ka hria,ma ngaihtuah vang vang pawn enge dik lo ber ka hrechhuak zo si lo,tunge a Doctor hmasa ber ka hriat angai niin ka hre ta a, mahse ....engtin nge niang?,Pi Dawngi lah ka ringzo tawh si lo. A thinrimin hetiang zawhna chhang tur chuan a chau lutuk tawh.Ruatsanga lah chu ka zawt ngam teuh si lo,a nupui hming ka sawi ve hlek pawn min that lo chauh zel ania, kan inzawt chhuak lo khawp ang. 

Ruatsanga hna kal tura a chhuah veleh ka insiam ve sawk sawk a,an Doctor kha Zampuii a ni tih ka hre tawha, a number ka nei tawh silo,Sangtei ka dil chawpa,alo nei hlauh,ka hmuh duh thu ka hrilh chuan tha tak in min lo dawngsawnga,ka vanneih hlauh chuan engkim ka hrechhuak vek maithei asin...

An Hospital thlang lawk Restaurant ah kan inhmu a,thil ei pah a kawm ka duh vangin ka sawm chhuak lui ve bawk a,ani pawh in a hnial lem lo,"eheu...Pasal neih chu a nuam bawk em?,in sumdawnna a turu bawk a, i hna lah kha i chawl hmak niin ka lo hria a" nuisang hian a ti bawrh bawrh a,"um,chuvang pawh a ni chiah lo,Naute enkawl nghal ka ngai a,chhungkua hi a pawimawh hmasa bawk sia" ka ti let ve a,"e....nitak,inpa fa kha i enkawl nghal tih te kha ka lo hria a,i fel ka ti ngawt mai,nang nge2"a ti leh thuaia,"hey...chiam2 a che,minti zak dawn alawm,ka pasal ka hmangaih anih chuan a fapa hmangaih chu thil har a ni lo,tak tak in i hmanhmawh em?"ia tihzawm zat"aih,ka Duty vawiin atan a zo a,engthil nge heti taka inhmuh phah angaihna chu?"a ti ve bawk. Ka thaw haka, "Doctor i ni a,keipawh ka lo ni ve tawh a,ka zawhna tur che hi thil tul a ni lo a,i sawi duh lo pawh animaithei,ka demlo ang che,mahse kan lo inthian that tawhna atang erawh kha chuan min hrilh ngei la ka duh in ka phut ania",

Ka tih chuan a hawi buai nak a,"Te...Hiv+ ho case anih chuan ka chhang theilo ang che tih i hriat kha..kan Patient te tan Secret box kan ni a,kan hnen a lut tawh chu an mahni thu lo chuan a chhuak leh thei lo tih pawh a hrechiang tu i ni alawm"a ti hap."ok...ka hrethiam che,chutiang em a harsa a ni lo ,ka hriat duh chu i hnen an rawn pan hma khan ka pasal te nupa khan Doctor tunge an pan thin tih ka hre duh mai ania",a thawveng huai hmel chu ka en a,ka tihlauthawng lutuk chu ka khawngaih let ling..."hmm...chungte mai mai chu inpa zawt mai ta che?"a ti ta mai renga, "thei ilang chuan ka tih buai kher che angai nang,mahse thildang a awm tel tlat a ni"thutak fe hian ka ti a"ok...ka zawt lui lo ang che,an Doctor chu maw Ricky-a hi ania,chuan i lo la hriat loh tak in inpa Nupui thin, Siampuii nen khan in Cousin an ni bawk a,mahse khang lai khan Training a neih tak avangin ka kut ah a rawn dah a,an neih dawn hnaih khan ka dam that loh vangin i kutah ka dah leh chhawng anih kha"a ti ta duah, "ok...ka lawm e..an in cousin tih ka lo hre miah hleinem,enteh,engtin nge ka hmuh theih ang?"ka tih leh chuan, "ka van hre bik lo,a number chu ka nei a nangman lo Contact mai la,Siampuii thih hnu khan kan inhmu fuh vak lo a,rintlak loh minti ve khanglang a"lawm vak lo aw hian a ti a, "oh....sorry...keimah vangin i thiantha tak i chan chu pawi ka ti takzet" Ka ti a, pawk ka ti tak tak reng a ni."a ho lutuk,a number chu ka pe ang che,chuan nidangah pawh treat theih char char ka ni ania aw" nui chung hian a ti a.

Hmanhmawh tut tut a thil tih chi a ni lo bawk nen,ka Call ta rih lo a,min lo hmu duh lo vel maithei a ni,ka chhuak ta law law bawk a,Ka bazar kual a,Tintin-a thil tur ka lei teuh mai. ,MC ah Motor ka dah avangin Parking lot- ah bawr taka ka let leh chuan ka hmaah tak Mipa sang tha tak leh hmeichhe nalh zet hi Motor pan in an kal ve bawk a,ka hmuh hnu a ang ka tidawn zet a,ka hmuh hnu mai pawh ni lo in Ka pasal Ruatsanga ngei a ni,a hmeichhe kalpui chuan a kai a,a nek talh talh reng a,an zah loh zia chu mak ka ti zawk. 

Ka lo entui lutuk deuh a ni ang,Mipakhat in min rawn sut dawt chuan ka thil ken zawng zawng nen ka tlu thlawrh mai a,ka au that a,ka thil ken chu a darh nuai bawk a,min su tu lah chu tudang nilo in Francis-a lek lo niin..

Chutia thawm ka neih tak ah chuan anni pahnih pawh chu an rawn hawi let a,Ruatsanga'n min hmu chu a chal a chuar tap a,hmeichhia pawh chuan min beisei lem lo tih alang reng. Francis-a chuan min kai tho a,ka thil tla nuaih chu a chhar khawm nghal bawk a,Ruatsanga ka va en leh chu min hnungchhawn zawng in a lo kal leh daih tawh,hreptak hian a....kal mai reng tehse,min buaipui loh pawn ka inbuaipui ve mai ang. 

"Nichin atang tawh khan enge maw i ngaihtuah le?,dik taka sawi chuan ka su che pawh a ni lo,nangman min rawn su pawp ringawt a,...oh....i na em?"a ti leh riha, "aih,na lo e,thil lei theihnghilh ka neiin ka hria a,chu chu ka ngaituah a"ka ti ta ngawt. "kalrawh.i Motor thleng ka lo thlah ang che,i thil khai lah chu Naupang thil hlir mai,i Fapa Rangkachak ta tur em ni?" ati zui a,"ngailo, keimahin ka keng thei reng alawm,chutin ka Fapa sawi suh,i fa ten an la ngam dawn lo nasa ania,fa i neih ve hun chu a vel nasa thei ngawt ang" nui hawk hawk chung hian ka ti a,muangchang hian a kal zui ta mai si a,ka zui ve ta zawk a. 

"khawi le,ka lawm e aw" Ka tih chuan  "eheu...nang hi Car thar i nei elaw?,i Car hlui kha sin ka lo la zawn,Hausak hi a nuam awm" a ti zui leh ham ham a,"um,kan pa hnen atanga Present ka dawn anih hi...nang khawnge i Motor?"ka ti sang vah, "i hnung ah sawn,eee...taka, minlo zui lawk teh" Atih chuan ka zui phei a, Motor ah chuan hmeichhe 1 hmeltha zet mai hi a lo thu a,ka ring thiam nghal mai a,"heihi ka tan a mipawimawh Mapuii anih hi,chuan Bawihi,heihi ka classmate thin leh tun thleng a ka thian la nizui zel,Te-i anih hi aw,i duh duh dil rawh RST neitu nu anih hi" ati leh zawrh zawrh a,ka beng dawt dawt a. Mapuii nen kan inchibai lawp lawp a,"Mapui,a bum che em ni?,Gold kan ngah lutuk a ti zawk nge?,nidangah pawh midang bumnan a hmang nasa ania aw"nui bawk bawk chung hian ka ti let ve a,"nghal viau suh aw" min lo ti a,"tak tak in ka kaldawn,ka fapa ka ngaihtuah,chuan nakinah chaw te pawh lo ei ula, High School vel a a chet hit na ka lo hrilh ang che" Ka ti leh zung zunga, "kal tawh teh,i tawngthei si"a tih chuan nui sang chung hian ka kalsan a,khatia a lo lang thut kha ka tan a that zia a hrethiam der si lo..

Ka thil hawn Tintin-an alo lawm thiam viau maia,naupangte nimahse mi tihlawm a thiam in ka tan chuan ka inhnemna ber a ni hial tawh. Nidang a ka tih ngai miah loh in tui chen ka chak tlat a,ka inhlip sawk sawk a,kekawr bul tawi zet leh t-shirt lian thawl zet leh pan tak nen ka chhuk a,tui hi kartin kan thlak thin avang leh midangin min chen pawlh lo bawk a,a tenawm hman lo,kan Compound hi a zau in bang sang tak tak a hung vek a ni a,chutah Pool lam phei hi chu thenawmte tan hmuh phak a ni lo,tui chen hi ka thiam ve a,mahse chuti tak in tui hi ka ngaina lo bawk a,he in a ka awm hnu pawh hian vawikhat chauh ka la lut,ka inchiah vang vang a,ka hleuh kual leh a,ka chauh hnep thleng in ka hleuh a,ka mitthla ah Ruatsanga leh kha hmeichhe nalh tak kha an cham a,atheih loh...misualpa hi ka hmangaih tur a ni lo,natna bak min hnut chhiah dawn lo,zep rualloh mipat hmeichhiat naah chuan min mamawha,keipawn ka mamawh, mahse min hmangaih si lo,sex a inzawmna neih ringawt chuan enge min thlenpui tehlul ang,min nin hun hun a chhuahsan animai,min thehchhuah hma in ka chhuahsan tur a ni,chuan ka chhuah hma in Tintin-a hi a fapa ngei a ni tih ka pawmtir hman ngei2 thung ang.

Ka chau deuh hnuah ka chhuak a,Nihliap lianpui mai hnuai a mutna awm ah chuan ka mu a,ka t-shirt haklai  ka taksa ah a bet thlar a,a pan bawk nen a langtlang vek a,mahse tumah min hmu tu tur an awm hleinem,inhnung lam luhna pawh chhung lamah ka kalh daih . Rei vak loah mutchhuak in min zem chiai chai a,ka ral riai riai in ka hria....

Ka mutna hniam satah chuan chiang zet hian ka harh a,ka thu chhuak hlawl a,tu emaw min hnungchhawn zawng a thu chu ka hmu nghal a,mahse Ruatsanga a ni tih ka hmuh rual chuan ka thlamuang nghal huai mai,"ilo haw tawh law?"ka ti nghala, "um" a  ti hmuk a,a rawn hawi chuan ka awm zawn ah a mit chu a fu ta chat ..

KA PASAL-19

Rang takin ka awm ka'n hup ngawt a,a mit thim raih chuan min melh reng, ka awm chu hup mah ila ka kawr hak a pan lulai em mai a,ka hup loh lai zawng a lang tlang vek tho a,a ro tawh hlauh zawka, a zia deuh"zah tur a awm em ni? engmah ka la theihnghilh hleinem" a ti sup a,ngei takin ka hmui kan tipawrh vak ringawt a,chutihrualin keipawn thil kal tawh ka hrechhuak ve tho.

Ka tho ta tharh,Towel ka la nghal bawk a,Step lam ka pan chiah chu,"khawnge i tlanchhiat leh dawn?" a rawn ti a, a aw chu a chang tha khawp,ka ding dat a,"ka inbual dawn anih hi,tlanchhe tur ni lo in" Ka ti mar at. A siai zauha, "ok,a tha hle mai. Zanin ah chaw ei chhuahna tur kan nei,lo insiam ang che"a ti leh ta daih. Thaw ru hak pahin, "khawiah maw? ka van in ready lo ve, chung te chu min hrilh lawk thei lo tihna mi?"lawm vak lo hian ka ti a. "hrilh lawk tur che pawn min be ngai reng reng hleinem"a ti ve thung. "Msg pawn i rawn sawi theih alawm,e...vawiin ami kha mi i bilanu an tih chu?" Ka ti peka, zawh tuma ngaihtuah lawk sa ka ni lo chungin ka lei ka veng hman lo a ni ber. Min chhang lo hian Pool lam a melh ngur ngura,step a chhoh pahin, "a hmeltha khawp mai"ka ti leh hrama, Room ka thlen hnuah ka lo  insehruh nasa hle tih ka hre ta chauh..

Ka inbual nghal sawk sawka,ka inbual zawh veleh Tintin-a chaw an pek tawh leh tawh loh ka en fel leh a,midang kutah dah tawh mah ila keimah ngeiin ka hman chuan chaw pek leh muttir hi chu ka ti thin a,Nu ka nihna anga ka tihtur ah ka ngai ve tlat a ni ber.

Room a ka let leh chuan Ruatsanga a lo ding leh reng tawha, ka thawmhnaw ho a lo en kual dun dun ka hmuh chuan,"hey,enge ka thawmhnaw ilo khawih a"naupang ang mai hian ka ti nghal thawr,rawn hawi let chuang lo hian, "i hak tur ka thlang dawn anih hi"a liam vuta, "Kan kalna tur sawi ta che,a hmun ka hriat chuan i thlan ngai lo in ka thlang thei" ka ti hmawk hmawka,a tawng hmain," Tintin-a mut a hun dawn tawh a,amah in ka dah ngawt thei lo ania,kan hruai ve angai,kan hruai theih lohna hmun ah chuan ka kal dawnlo"ka ti leh par par. Bu nghut chung hian, "i hruai thei reng alawm,  motor sumdawnna bik in kum 10 tlin tur hi thla thar a ni tawh a,chumi ur lawk nan leh nangmah lawmna tur in zan in hian Party kan nei dawn"atih takah chuan ka thaw hawk mai,duh ai chuan a kal thui mah mah a ni. Tawng loin khumah ka thu te2 a,"ka kal dawnlo"ka ti ra hmak. Min rawn en a, "engvang chuan maw?"awki no lo tak hian a ti ve hmuk. "ka peih loh vangin,kan lemchan hi a an zawh poh leh buaina kan insiam hnem dun ting tihna ania. Inkhualtelem vel hi ka ning tawh" Ka ti ram hmak hmaka ka sawi chu hreawm pawha awm lo in ka thawmhna ngawt a la en a,Pawnfen tial,tight lam,ka chawnpuar chen vel,ahnung kak  a rawn khai chhuak a,"ok...hei hi atha lutuk" tih pah hian kawr ka dahna lam chu a keu kual leh a, lace dum lianpui pui a par,chhing deuh lam chu a la chhuak lehin min rawn pan a,"heihi i inhmeh ang" a ti a, a awmdan vel chu ka ngei zawng tak a ni. "khatiang kha min hak tir i tum tak tak lo ang tiraw?"phawl hra hian ka ti a, "Tum chiang e,zahawm takin i lan ka duh tlat,ka nupui i ni a,i nalh a pawimawh. Inchei i thiam lo ka tih vanga thlansak che ka ni lo bawk ania" A ti zuia, lawm lo ngawih ngawih hian "ka hrilh leh ang che,ka hua che, ka haw ngawih ngawih che,ka thawmhnaw hak tur thleng chuan min thlansak in min Control duh suh, min ti ipik lutuk, ka a vek dawn" Thinrim em em hian ka ti a, "min huat thu te chu sawi lo mahla kha i mitmengah khan engtiklai pawh in a lang alawm. Min hrilh naem fo duh suh, lo insiam la,inhnuaiah ka lo nghak ang che . I hmanhmawh loh chuan i thawmhnaw ka phelh sak mai ang che" Chimawm taka a hmel siam chung hian a ti a, rang lutuk in ka in kuangkuah nghal a,a la nui huk zui … Kum lama puitling ni ve tawh si, engatinge maw keipawh hi naupangchhia deuh a ka khawsak ziah ni?????

Insiam mai loh chu tih theih ka nei leh ta chuang lo. Kawngka ka kalh leh phawt hnuah ka inhlip a, pawnfen chu ka fenga, he pawnfen hi pasal ka neih hma lawk a ka lei a ni a,vawikhatmah ka la inbel lo. Tlemin ka lo thau ta deuh nge ni,ka Tight mah mah in ka hre ta,ka kawr ka hak leh hnuah Dressing table,Darthlalang taksa pum lan theihnaah chuan ka in en a,Diktak a sawi chuan ka inhmeh tur chu a thlang thiam thlawt,thil duh uluk leh lerh tihtakah Nalh pawh a hre tak zet,ka hmai ah make-up tlem ka tat a,ka sam erawh ka thlah thung a,ka sam hi a bu a chhah in a dum tha hle maia,tlem in a kawi sa deuh bawk a,minti lang lian ve in ka hre fo thin…

Ka insiam zawh hnuah Tintin-a ka chei leh a,a mut a hun chho tan nen a ham leh bai bai thin a, muttir hle hle tur hruaichhuah ngai ta hi ka khawngaih reuh zawk,mahse kalsan ka duh tlat si lo. Ka inpeih vek hnuah ka hand bag kan zawng leh rih a... Tintin-a inhnuaiah ka pawm thla a,Ruatsanga lo ding ka zuk hmu a, Suit dum dak nalh zetin a induang zuiha, kan thawm hriaa a rawn hawi chuan a meng phar awk tih ka hmu a, a tha lam tur ah ngaiin ka lo lawm ve tum hrang a,mahse a phun sup ka hmuh chuan ka Down leh nghal rawih rawih. Tintin-a nu ah min ngaiin min hmusual leh ta tih ka hriaa, engah tehhrep nge maw kan lo in an viau ni????

Seni'n nalh min tih thu titak hmel pu a a sawi sar sar na chuan tlemin minti Confi ve deuh.Ngawirengin kan tlan a,Tintin-a lah a mutchhuak a sual reuh bawk nen,ka tan chhuanlam tha tak a ni,"Dinner Party satliah deuh ania,tam pawh kan tam lo vang. Sales Dept lam ho chauh anni ang" a rawnti chhuak phawng a,keilah in ka lo ngaihtuah daih chu,"a bialnu kha a hnathawktu tih ka hriaa, eng Dept a mi nge niang le?" tih lam daih a ni,mahse a ri chuan."khawiah nge kan ei dawn a?" ka ti ta zawk a,"Floria ah,vawiin ah  ka bia a,kan duh Urgent deuh nangin Hall min pe thei hlauh a,thiantha neih man a awm khawp mai" a ti tha ve mai bawk. 

Kan thlen chuan Motor chu midangin an rawn khalh sawn nghal a,an hotel ah hian vawikhat chu Lunch ka ei ve tawh a,abak chu ka la lut miah lo thung."Marcus-a kha ka lo pawm chho dawn mi?"a tih chuan, "aih,a rit hleinem,bakah a mut a chhuak tan a,ke in amah in kal ve se nuam a ti ang,ka'n kai ange" Ka ti a, lak a tum zui lo. Lift ah kan chuang chho a,kan kalna tur Room kan thlen dawn chuan ka zam ru a, thianho thil tihkhawm leh dine out te chu ti ve fo mah ila, keima pual a Dinner Party an neih vawikhatna a ni a. Pi ber nihna ka neih Dan lah a tak lo em em tih ka hre kur si a, hei tak hian min ti zam zual a ni ber. 

Kan luh ve leh chuan an lo ri laih laih chu an reh nghal thap a,mahse Ruatsanga ber a tawng tak ah chuan an ri leh ta laih laih. Pa upa lam hian min rawn pan a,"i dam em?,thla thum dawn a vei meuh chuan Kan pi hmel pawh kan hmu ve ta hram alawm,mahse kei chuan a dan tur nimahse ka Pi dawn hlek lo che ania" Nelawm tak hian a rawn ti a, a nui zui huk huk. A nelawm hmel ngang mai..," A pawi miah lo, ka pa rual zet in min Pi chu duhpawh ka duh biklo e a,"tih leh chibai ka rual a," Khaia, ka la tlangval dawn chauh alawm, pa rual te min tih mai mai" Fiamthu hian a ti let ve nghal zat. Ruatsanga'n ka kawnga rawn kuah a,min pawt hnai pah hian,"Ani hi ka Motor sumdawnna din thei tur la min puitu leh a tel lo a engmah kan tih theih thin loh, Pu Kima anih hi. Pa ang tak tak in ka en a,harsatna engpawh tawk la,engmah hrilh hreh suh ang che"thutak em em hian a ti a, a thusawi zawng zawng ai chuan ka kawng a a kuahna chuan nasa tak in min tibuai zawk. Kan thutna tur kan pan lai zawng pawhin min kuah zela, a kut thin thlak duh mah ila tih chi a ni der si lo.Marcus-an ka phone a khal a,ka malchungah thu chungin muthilh chhuak ang pawhin a lang leh tawh lo.

Prog tawite kan hmang a,Introduction an nei bawk a,mi 20 vel bawr niin tu hming mah ka chhinchhiah thei hlawm lo,an Accountant erawh chu a rawn tlai deuh tur an sawia,Chhuna ka hmuh nu kha ka zawng ru reng nangin ka hmu hauh lo. Chaw kan ei hma in hun thawl tlem kan nei a,ka bulah chuan Sales Manager pakhat a thu ve renga,a hmel a nel awm in a ngainatawm reuh viau. Ruatsanga erawh chu kalsawn in midang ho bulah a titi ve a,Toilet kal ka duh a, va koh buai em ka hreh si.Tintin-a pawm chunga ka tho chu ,ka bula mi chuan," Khawnge i kal dawn? Tintin-a kha ka lo awmpui dawn em nia" A rawn ti ta hlauh,"Toilet kal lawk ka duh a,a awm duh pawn ka ring lo"ka ti thuai,"ka'n lo pawm ange,a duh mai ang" ati leh a,ka rinloh deuh hian Tintin-a pawh chuan a lo duh ve mai bawk. Hmanhmawh zet hian ka kalsan a,ka let leh chuan chawei an lo buaipui tana,Ruatsanga ka hmu mai lo,ka hawi kual chuan ka bula Nula bawk chuan,"pu chu kan Accountant a lo thleng a,pawnlamah an chhuak lawk anih kha,an rei ka ring lo" a rawn ti a,a hmelah chuan hlauhthawn nei a ang khawp leh nghal.Minute 5 vel ka nghah hnu a a rawn lan tak si loh ah chuan "Khawngaihin Tintin-a hi min lo ensak leh lawk aw,ka va ngaih ven lawk ange" tih leh kal ka rual a,tunlaiah mi an sual si a,ka ngaihtuah ve tlat.

Kawngka ka chhuak chiah chu Corridor ah chuan Vawiin a mi hmeichhia ka hmuh nen khan an rawn kal pheia, Ruatsanga banah a vuana,min rawn hmu ve nghal mah se thlah a tum chuang der lo. "min rawn zawng em ni? " Ruatsanga'n a rawn ti a, "Aih,zawng chiah lo e" Ka ti zang vaha, mahse ka aw a khur tho mai. "heihi kan Account zawng zawng khawih tu,Rebecca-i nih hi,chuan Becky, heihi ka Nupui Te-i anih hi,vawiin ah pawh kan in inhmuh tawh kha" a ti zung zung a, min chibai tura a kut a rawn phar chhuah chuan hreh ngawih ngawih hian ka chibaia.. Ka nui lui sang nangin chhungrilah ka ipik up up a, ka tlawm vawng vawng bawk.. 

KA PASAL-20

Ka beisei ruk dan chuan keimah min kai chungin midangte hnenah Introduction neiturah ka lo in ngai kha ania,ka ngaihdan tehhrep hi engvanga nei nge maw ka nih nek ni?? Ka insehruha, Pride ngah lutuk ka nihna a rawn chhuak a,nui lui chungin"ka hmu che chu ka lawm hle mai. I rawn tlai deuh dawn tih an lo sawi lawka" ka ti dam thlap, hetianga dam raih a chet hi keimahah chuan chhuan tur ka neih ve chhun tlemte zinga mi a ni a, tun chauh lo pawh hi vawitam tak he ka in Control theihna hian min lo pui fo tawh bawk. …Kan haw meuh chuan ka nuih der na lamah ka chau a,tawng tur pawn chakna ka nei tawh lo.ka malchung a Tintin-a muhil bam chu ka thlir a,ka hmangaih ngawih ngawih,Nia,keiin ka hmangaih ngawt loh chuan tunge hmangaih chuang ang/,Naupang fel tak anih tehlul nen..

Engmah sawi zui kan nei lo a,a tuk a Rami'n kan kalna chungchang min zawh pawhin a nawm zia leh tih leh a awm hunah kal ve ngei turin ka sawm ve hmiah

"Ka chhuah leh lawk angai dawn a,Roa khan khawngaihin ka Motor minlo tihfai sak tehse aw" tiin inchung step atangin Rami ka au lang lang a,choka atang a rawn dah pah hian," Lunch i ei law law dawn lo mi? Pu a lo haw dawn bawk sia"a rawn ti let a, "Ka ei lo mai ang, ka chhuah ngei ngei angai a,ka lo Call mai ang,chuan Seni khan Tintin-a kha lo kalsawn pui lawk bawkse aw,min ngen leh ngei ngei dawn ania" ka tizui leh a. 

Ka insiam zui mawlh mawlh a,Ruatsanga erawh hrilh ka tum lem lo,a duh leh lo haw se,a duh loh leh lo haw lo se a ho em mai,ka buaina a ni lo.

Ricky-a Clinic bul ka thlen chuan ka huphurh thar leh a,phone a ka biak pawh khan min lo dawngsawng tha chiam lo lehnghal.

Amah hi Palian lam niin,a hmel ah chuan zu a in ve nasa tih ka hrethei a,hna inang thawk thin kan nih avangin a hma in ka hre daih tawh a,kan inclose hran lo thing. 

Min hmuh chuan, ,"enge ni ve teh khiah a?,hun lah chu ka nei lo khawpa" a lo ti nghala,ka beisei ang chiah in minlo dawngsawng ka ti rilru a. Mahse nui lui chung hian," Thil pawimawh deuh ania" ka ti a. Ngeiawm deuh mai hian a hmel a siama, "Han sawi la, ka chhuah angai dawna, ka hmanhmawh ka tih kha" Nuihzat vanga nui ni lo chung hian a ti deuh hmuk."Ok, eng lo ania. Tintina nu chungchang…" ka ti hman chauha, " Eng nge ani chu? Engmah ani chungchang sawi tur ka nei lo" a lo ti nghal ringawt maia. A farnu pasal thin kha ka pasal anih tak vangin min ei lo nghal ngawt nge mawni? Thil pawimawh a be tur ti a polite taka va dawr na na na, hetia min lo ti ngawt hi a awm lo tlat.

"I enkawl thin bakah, a unaupa i ni a. Amah dam tawh lo mah se a fapa a la dama, tunah hian ka tan ni loin a fapa tan ania ka lo kal" Ka ti dam thlap, 

"Ka tupa a ni tih ka hria alawm. Ka sawi tum zawk chu ka enkawl thin pawh ni se engmah sawi tur ka nei lo ang" a ti leh tlat. Eng chu nge maw a hriat tehchai ni? Tha te te a dawr chi niin ka hre ta lo thuta, a hmelah lah min ning tih hairual a ni hek lo. 

"Ka hriat duh chu hei hi ania, Tintin-a hi tu fa nge?"ka ti ta khawl mai. A hmel a danglam nghal a, "enge i sawi awmzia ka hre hrep lo e" a ti hmuk.. Thinrim hmel a pu zuia, keilah ngawih mai ka tum bik lo. Ka ti laklawh tawh, "Pu Ricky Tintin-a hi Ruatsanga fa a ni lo inti tih ka hriaa,heng vanga a pa in a fapa a thlahthlam zia hi i hriat ka ring bawka. Mahse engatinge dawt insawi kher?test ngai ka test vek tawh a,pafa ngei anni tlat a ni,"ka ti ta hmiah hmiah. A hmaa hmel buai viau si kha a in control leh thei tawh a, min melh kur chungin, "i thusawi hi i hrechiang em?,hetiang mai mai in min rawn bawl kual tum suh" a ti bak ta hlur mai..

"Ka bum kual lo che. Tunah hian keima tan i hmaisa ka rawn hmachhawn lo ania. Ka pasal in a fapa ngei a pawm thei lo hi ka duh lo va, a nupui thihna kha he a fapa, midang fa anga angaih vang hi niin a hriaa, a fapa a duh hek lo. Chuvang takin a fapa a ni ngei tih hi  hmuh tir duh mai ka ni,ka hmuhtir ngei bawk ang,lo inring ang che"pawisak nei lo tak hian ka ti leh zela. Rum em em a min melh kul chungin kawngkhar lam a kawka, "chhuak rawh, chhuak nghal vat rawh,vawikhatmah rawn kal nawn leh tawh suh ang che,chuan i chungchang ah chauh buai rawh. Ka Nau kha i that a,a Pasal ila neihsak zui a,duhtawk tawh em em rawh" a ti ve ta chiam maia, chiai duh miah lo hian ka nuih sak a,"I farnu thih naah Khan mawh ka phur hauh lo tih hre chiang tu i ni. Lo nghak rawh, enge thudik chu kan la hre dawn alawm. i rilru i thlak a,thudik i sawi duh anih chuan minlo Call dawn nia,hetiang Case hi a Serious viau tih i hriat kha" Awki dam thlap bawk hian ka ti leh a, hlauhna reng reng ka nei lo. Tawng loin kawngkhar a kawk a, ka buk khum leh hram hnuah hawi let map lo in ka chhuahsan a,kawngka chu na angreng tak hian ka khar bur bawk.Pawn a lo thu ho pawh chuan phawk zet hian min lo melh hru mai, dak deuh vah hian ka kalsan a,an duh duh in min sawizui teh se,Pawisak vak ka nei tawh lo.

Ka Motor ka thlen chuan ka thu hnawk a,ka rin ang chiah in a harsa dawn hle anih kha. Francis-a ka Call a inhmuh ka duh tih ka hrilh chuan buai viau mah se ka ngen luih deuh tlat vangin min hnial ta bik lo. 

"engthil nge ni a?,inbuaina bawk kha mi?" Min en vang vang chungin a ti a, "um,enteh,tunah chuan engkim hrilh che ila atha ang,Hun i neih chuan?"ka ti hal. "Hun ka nei vak lo a,mahse ka hman lo ka tih chuan min hau leh dawn bawk sia,i theih anga rang in han sawi la" nui chunga a tih chuan ka nuih let var var mai. Kan Nupa chungchang ni lo,Tintin-a leh Ruatsanga chungchang te,ka Note bu chhiar tang a ka hmuh te leh vawiin a Ricky ka tihdan te a tlangpui ka hrilh par para,ka sawi hnem viau. Keimah chauha ka lo pai tang tang han sawichuah chu ka thawl huai thei.

"Tebawng(high school kan kal lai atang a min kohdan)...i buaina hi a khirh ania aw,enge zawn chhuah i duh chiah chu?"chik taka min en chungin a ti a"Ka Pasal hian fa nei theilo ah a in ngai tlat hi ka pawm zawng a ni lo. Chuan,engvangin nge Tintin-a nu khan Fa pakhat chauh a neih theih?,zai chhuah pawh nise 2 chu a tlem berah  a nei thei hrim hrim,a medical Reports hlui vel kha ka check leh pawhin engmah hrisel lohna dang a neih alang lo. Mahse a Pasal hnenah chuan Dr,Ricky-a hian fa 1 bak nei thei annih loh thu leh a pai luih chuan atan a him lo tiin a hrilha, a hnuah Kanpa hian fa a nei thei lo va,midang Chi an paitir angai tih a lo hrilh leh alawm"ka ti leh mila miala. "kha chu Medical line ania,kei aiin i hre zawk alawm. A thuhrimah inpa in fa a nei tho ngei tih testna i hmu em? "a tih chuan ka lu ka thinga, " Ka hmuh loh vang tak chuan ania ka awih loh, bakah a fapa nen hian an inang leh lutuk bawk si. Chuan, meichhia hian nau kan ti tlak emaw chhiat hian chhul ziah loh chuan nau pai an harsat thei a, chhul tha lo leh chak lo over kan nih chuan Naupai kawngah harsatna kan nei thei ngei bawk. Mahse,hutiang engmah a nei si lo alawm" Ka ti leh duah, tawng lo a min melh vang vang hnuah ka kut a rawn vuan a,"hahdam phawt teh, nge ka tihtheih ka lo ngaihtuah anga,i duh dan pawh min rawn hrilh leh la,chuan Phone a sawi chi vek anih loh pawn kan inhmu leh anga,i tan chuan ka inhuam viau ania" a ti a,min nuih var var mai.

Ka haw pahin Pi Dawngi tlawh ka duh a, khaw duai deuh a zo lo anti maia, natna benvawn nei tan hi chuan hetiang khaw hnawng leh uap churh lawi si hi ngeih a har viau thin reng a ni. 

An in ka thlen chuan kawtah Ruatsanga Motor ka hmu a,let leh mai tur em ni aw ka ti vang vang a. Mahse, thil tisualtu ang hrim a ka tlanchhiat kher na tur ka hre lo tiin ka insehruh tha leh a. Inchhung ka luh chuan an lo awm deuh laih laih a,min hmuh chuan minlo lawm viau vek. Mahse,Pi Dawngi hi ka thinlung tak in pawh harsa ka ti tawh tlat a,Siampuii naupai dan leh Ruatsanga chungchangah pawh khan thui tak a inrawlh ka ring a,han zawh chi a ni der si lo.

"Te-i,va thu lut la,inpa pawh a awm a"Tintin-a puin a lo tih chuan a hnial tlat chi ni bawk si lo,hreh zet hian ka lut ve ta a. Ka lut lai Ruatsanga'n tawng lo in minlo melh run maia. Biak pawh ka be hmasa duh bik lo. Pi Dawngi bulah chuan han tihder chiam ngai hek lo…

"Te-i,ilo kal a ni maw?,ka lo beisei ngam tawh lo che asin" a lo ti a, a aw ah chuan a chau takzet tih a hriat a. Ka pi Boral tur ka mitthla ah ka hmu a,ka ti deuh nghulh thei..,"aaaa.ka buai ve thin em a,lo kal fo tur ka ni zawk a,ka lokal khat lutuka, ,a zia lo khawp mai,naktuk lamah damchuan Tintin-a rawn hruai ila atha ang,a harh ve tawh lutuk a,a tihbuai che ka hlau deuh a" Ka ti nghal mawlh mawlha, ka tawng chhung zawng chuan vawikhatmah Ruatsanga'n ka lak atangin a mit a la sawn eih lo.

"a pawi lo,lo hruai rawh, mahse min hre tawh pawn ka ring lo,naupang zawng an hmuh khat deuh te an theihnghilh vat thin si a' atih chuan a aw ah chuan rilru natna a lang tel a,rang tak hian, "aih,a hre lutuk che,engtin nge a theihnghilh ang che?,a ngai che anga a bawhbuai lutuk che kan lo hlau zawk a" ka ti leh vat. Tuna a rilru put mek dan hi ka hrethiam in ka hria. Ka Laksak ang pawn ngaise thil awmlo lutuk a ni lo ang..a hma kha chuan "a-pi" tih hi a thiam em em a,tunah chuan "a-ma" tih a thiam in a sawi ngun tawh zawk tlat atin ni.

Chawei tur in min chelh an tum viau nangin ka hnial thla thei hram,kan kal rual lem lo bawk a,haw rual kher tul ka ti lo,"ka va haw ange,Tintin-a hi tlai lamah chuan tlemin a sual ve deuh thin a"ka ti a, "aw,phei rawh..mahse naktuk chuan lo leng leh ngei ngei rawh aw" an pa zawk in minlo ti a,ka bu nghat a,ka chhuak ta nghal a,ka hnunga kal thawm ka hriat chuan ka hawi let a,Ruatsanga bawk chu...."i haw tlang nghal dawn em?"min ti a, "um,khawnge ka kal kawi ang a?"ka ti deuh nghat. "ka hrechuang nang"a ti leh ringawt. Thle zauh pahin, "lut tawh rawh,midangte hmuh a inthlah vel chu a tawk tawh,hei,tumah an awmtawh loh hi"ka ti leh salh. "ka thlah hleinem che,ka haw ve dawn tho a" A tih veleh, "kan kal rual lo a,haw rual kher angai lo em mai a"ka ti bak hlaka, ka tawngdan naupangchhia fo mai hi ka hne ve thlawt. 

In kan thlen chuan ka rin ang ngeiin Tintin-a a lo sual a,Seni'n a lo thlem thei mang lo chu niin...min hmuh veleh min rawn pan a,ka pawm nawlh a,a pa erawh a chho tlang daih thung.."ilo sual alaw?engatinge aw.....sual hi a tha lo ka tih kha" Ka ti nghal a, ka nghawngah a kuah a,chhuak tak hian a la tap fo mai,a hnungah ka chul saka,uar em em hian a tap zel mai,nidangah pawh tap ve reng reng mah se hetiang in a tap ngai miah lo tih ka hriaa, na a nei aniang tih ka ngaihtuah rual in ka lungphu chu a rang nghal a.Sofa ah ka thutpui a,"i enge na Bawihte,han sawi teh" ka tih chuan eng eng emaw chu a sawi ve thei tawh a,a pum dawmin, ,"na...na" a ti ve reuh a..Ruatsanga a rawn chhuk veleh chiah a"Ruatsang,Tintin-a hi nidang a ang miah lo,apum hi a na ati ve aniang,a sawi ve ania,lo kal rawh,damdawiinah kalpui mai ang"ka ti nghala,"enga??? A sawi ve mai mai aniang chu mawle" a ti ta tlat pek, ka thin a rim ta phat maia. "Seni,lo tlan teh,Damdawiin ah kal ang,hmanhmawh la..." ka ti deuh vaka, Tintin-a lah a tap uar nasa tawh bawk si,ka phili lutuk chu Ruatsanga chuan min rawn man bet a,"ok..kan kal ang,mahse khatin buai chung lo teh" a ti hmuk a,nidang ang chu nise ka nemsawk ang,mahse tunah chuan Damdawiin kal vat tluka duh ka nei lo..

New Life Damdawiinah kan tlan lut a,an lo en thuai thuai hnuah an Jection a. An jection lai ka hmu ngam tlat lo..Aw, Lalpa..ka va danglam ta em...a hma chuan kei ngei pawn ka Jection -in mi te pawh ka enkawl a,Inzaina Room ah pawh vawitam ka kal a,engmah ka hlau ngai si lo. Tunah erawh Tintin-a ban tereuhte a an han vit chuan min ti na ve vek in ka hlauthawng em em tlat si…

Doctor chuan min rawn pan a,"Pu Ruatsang,engmah thil pawi a awm lo e,vawiin lama a thil ei ah a pum in a duh loh thil a awm a ni" a ti dam duai a,ka thawk huai rual in ka inthiam lo a,keiman eitur ka pek loh vang a ni...

In kan thlen leh chuan a tap tawh lo a,tui tak hian a Muhil a. Seni lah a inthlahrun phah em em bawk si nen, keipawn ka hauh tur ang pawn ka hau ta lo. Ruatsanga lah chuan a fapa awm nuam lo chu pawiti hmel leh hlauthawng hmel pawh a pu ve chuang lo va, ka haw deuh hlur mai. 

Tintin-a a khumah ka mut a,kei pawh chau tak hian Khumah ka thu ve a,kan buai chhung kha hun reilo chauh nimahse ka hauthawnna khan min tichau a,Thi turah ka dah rualin ka mittui a rawn baw zawih mai a,thla tlemte chhung hian he naute hi ka theihna zawng zawngin ka lo hmangaih hman tih ka hre chiang lehzual ta. 

Kan khum chu a che dat rualin ka hnuglam atang chuan min rawn pawt a,amah si chet in min pawm bet a,Dam thluam hian"hlauthawng mah ta che,tunah chuan engkim a that leh vek tawh hi" a rawn ti sup a...

KA PASAL-21

Tal chhuah pawh tum buailo hian ka ngheng ve mai a,hnemtu ka mamawh miau atin ni. "Nangchu hlau hmel pawh I Pu si lo va,I Fapa hi I loHmangaih miah lo tak tak em ni?"ka ti sep. "Khatiang khawp a i chetbuai lai khan ka lo buai ve Chung chuan i mangang zual dawn asin"tiin ka zawhna pehhel deuh tak hian min chhang a.."A manganthlak alawm, a tah Dan kha tap satliah a ni lo va, khatiang ang khan a awm leh vaih chuan ka phili leh tho ang"ka ti leh ringawt. ."I phili zia chu i hmelah khan a lang vek alawm" ka hnung a chul hauh hauh pah hian a ti a,engmah ka sawi zawm ta lo,ngawirengin ka ngheng a,a Lungphu ri dat dat ka ngaithla kar a,hetiang hian awm reng thei ila ka ti.

A phone a rawn rik chuan Harhchhuak zawk niawm tak hian min nemsawn a,a Phone phawrh chhuah pahin a tho a, min rawn en chungin, "Lawk aw,kan chhang ange" tih leh chhuah a rual a,keipawh ka nihna pangngai Nupui lem dinhmun ah chuan ka let leh ta riai riai .Eng hi nge maw ka hriat a, a bulah hian ka lo thlamuan hman hmawh zel ni??

Tintin-a ka melh pah rengin ka mu a, mut pangngai pawn ka mu ngam lo,ka muhil tui anga,a thawm hriatloh palh ka hlau a ni ber. Reife hnuah inhnuai lam Kawngkhar ho check Turin ka chhuahsan  a,Seni'n  alo kalh fel vek tawh a,a lo awm tirh phat atangin a rintlak in a fela ,zanin a ka hau deuh pawh kha ka inthiam leh lo a,keima thiam loh zawk ah midang puh tumin ka inhre leh hnuhnawh a ni ber. Light ka Off fel a,ka chho leh a,kan Room ka luh dawn chuan Ruatsanga Room kawngka khar phui loh lam chuan min pawt ta tlat, dik lo ti Chung reng chuan ka ke erawh chuan min hruai hnai zel tho. Dimte hian ka hawn zau belh a,kawngka hnungchhawn zawnga dingin phone ah mi Biak a lo LA nei a,atthlak zet hian kal sawn lo in ka ngaithla ta kar

"A hriat duh chhan a zawt che em?"A tih hnuah a ngawi leh vang vang a,"Aih,rai lo e,chutiang Turin ka thei lo tih i hria lawm" ati leh a, a aw ah chuan tuarna alang tel a,tunge a biak ang tiin ka ngaihtuaha, rei ngaihtuah la ngai lo.Ricky-a a ni ngei ang, an in closed over alawm tak le.."Tunah chuan a muhil tawh a,naktukah ka lo zawt ange" atih lai chuan dimte hian ka kalsawn leh ta them them a,ka awmdan mawi lo zet chu chhuang lo tak ka ni.

Ricky-a Khan Ruatsanga hi min dan tir a tum ngei tih ka hre mai a,mahse chutianga tawpsan ka tum ve lo.Tintin-a leh Ruatsanga DNA test tawh anga ka insawi erawh kha chu a chhui Chiang ang tih hlauhawm tak a ni. Chutiang engmah ka nei reng reng si lo.Muhil thei lo in ka meng kar a,Tintin-a ka melh leh zauh thin a,ani erawh a mutui in zan dang ang tho in damlo pawh a ang lo.

Ka muthilh theih thlawt loh avangin Laptop ah ka Life Story ka ziah chhunzawm leh ta zawk a,hetianga ka ziah hian ka thawl huai thin tlat atin ni,nakina kan in then hunah phei chuan keimah ngei hian midang daih chanchin ang pawn ka LA chhiar thei mahna...

Zingah chuan Tintin-a min ko thawm ah ka harh a,mut that pangngai pawn ka lo mul o,Ruatsanga a rawn letleh ta miah lo a ni ngei ang. 

Tintin-a,Api bula hruai ka tum kha ania,mahse nizan tehhrep vang khan ka chhuahpui leh ta lo. Rinai tak in Pi Dawngi pawh a tha leh viau a,Cancer ho hi an natdan hi rinthiam a har khawp,an kal mai dawn emaw ti ila an tha leh viau thin bawk a,an tha emaw ti ila an lo thi lo chauh zel bawk si.Karkhat zet chu ka chhuak ta miah lo a,in ah Tintin-a ka kuah deuh chawta,a pum nat zan atang Khan a hritlang chho leh a, a sual ta viau bawk nen ka awm ta chawt.Seni erawh chuan Nau awmtur a lak mahnise a hna ber ka chhawk takah chuan phunnawi lo in Rami inchhung chetah a pui ve mai bawk. 

Ka phone a rawn rik chuan ka en thuaia,Francis-a a lo ni a,ka thil buaipui vel pawh Tintin-a nawm loh chhoh tak avang in  ka ngaihven zui hleithei lo a.

"Tebawng,min lo va call leh si lo ve,min mamawh leh ta lo nge i bansan leh ta zawk?"a rawn ti nghal bawrh bawrha. 

"Bansan nang,Tintina a nuamsam lo a,ka hman rih lo alawm.,enge Nita a?' Ka ti let ve chul a,"I tan a tangkai tur hriat ka nei ania,Mapuii hian rawn len a chak bawk sia,lo len pahin kan sawi dun dawn mi niang?'a rawn ti leh zung zinga"Okhey....fel reuh lutuk,lo kal RU,mahse chaw in ei nghal angai ania aw'ka ti let ve zata,"Lutuk,chu chu lawm ka beisei,kan lo kal har lo ang"nui hawk hawk Chung hian a rawn ti a,"um...bye2,lo thleng vat ru aw" tih leh dah ka rual a,hlim taka ka hawilet chuan Ruatsanga'n minlo thlir reng tih ka hmu a,ka nui tawp nghal chawt bawk,"Tunge i Biak a?"awki pangngai tak hian a ti a, "Francis-a,a lo leng dawna, zanriah ei ah ka sawm nghal anih kha,a pawi lo tiraw?"ka ti nghal zat zat,kan bulah Rami a din ve avangin min hnial dawn lo tih ka hre tlat. 

" Aih, Pawi nang le,mahse keihi zanah mi hmuhtur ka nei a,zanriah pawh kan ei dun dawn a,minlo nghak duh suh u aw"a ti tha ve mai. " Awww, chuti law? awm ve LA ka tih nen,avan pawive" ka'n tilui ngial a,pawi ka ti tak tak der si lo. A awm hian Fracis-a tan pawh a nuam lo ang,kan pahnih inkar ka sawi danin zir miau hek lo le.. 

An rawn thlen chuan Ruatsanga erawh a chhuak leh hman a,in vel ka enkualpui a,Pangpar ho par nasat lai a ni bawk a,kan compound chhung zep rual loh in a Mawi a,kawtah Leo leh Tintin-a an infiam a,keinin kawtzawl sir lama thutna atang chuan titi pahin kan lo thlir a,hlim zet hian a au ve raih raih reng maia, a dam leh tan ta bawk nen a harh ve leh tawh viaua,hmuh a nuam takzet.

."Bawihi,Te-i hi hna chungchang ah Biak lawk ka duh a,khawngaihin Tintin-a saw lo va infiampui la,pawi i ti em?" A bialnu lam en pah chuan a ti a,"Pawi ti nang,in be RU" nuisang hian a ti a,a kalsawn zui ta a.a bialnu kal sawn lam chu melh reng Chung hian,"ka sawi nghal mai dawn em ni? A thawng viau dawn che ania" a ti nghal zat.

"Yesi, han sawi nghal la, hriat a chakawm alawm" ka ti ve vata, keimah min han thawng viau tur chu engtak ni ang maw? A thaw deuh huaia..

"Siampuii leh Ricky-a hi in Cousin anni a,i hriat sa kha..Mahse, a tak tak ni lo in Ricky-a hi Siampuii Pu te Adopt a lo ni a. Kolkata a School an kal lai chuan in an luah dun thin a,an inngaina em em a,he thu minhrilh tu phei hi chuan an inngaizawng tiin min hrilh nghe2 a,mahse awih tur nge awih loh tur chu ka hrethiam lo" ati ta dap dap a..phawk tak hian, "ehe....Cousin an ni tih chu ka hria a,mahse chutiang ka lo hre lo reng reng,mahse kei chu cousin tak ni lo in Adopt pawh nise inngaihzawn chu a theih ka van ringlo"ka ti nghal hluai a talk kurha,"um..chu tak chu alawm kan buaipui ngai ta chu,mahse,hna ka thawhtan tirh ve atang khan thil thleng thei ngai a ka ngaihloh thil rapthlak leh mak tak tak hi a tam ania aw" ati leh a,Nia,a dik chiah,Khawvel hi sual in a khat miau a,Pa in a Fanu tak tak a pawngsual pawh hriat tur a awm tlat a ni."Naktukah va hmu ila a tha angem?,kan vau maidawn mi?"ka tih chuan a nhi a, "chutiang chu thil tha ber a ni dawn lo,keiman ka lo ngaihven anga, nangpawn in pa hi in Check-up a duh nan tan lo la ang che,A fapa ka en hian i ngaihdan ka tawmpui tlat che,midang chi atanga lo piang a ni thei lo" Tintin-a infiam lai melh reng pah chuan ati leh charh charha."lo kal rawh,innu saw ko la,inchhunglamah lut ang u,kan inbiak fal reng zawngin a titau palh ange,i hmuh chhun liau liau a ni ve bawk sia,midang an vang tawh lutuk ang" nui chung a ka tih chuan min rawn ner khuma,a nui zui ve hawk hawk bawk a.

Tintin-a chaw ka pe hmasa a,kan ei lai a min tihbuai loh nan ka ti a,Rami pawh ka chelh a,khawi lai maw Hotel changkang deuh ai chuan Rami thilsiam ei hi nuam ka ti zawk,kan in a chaw rawn ei tawh te pawn a tui zia min hrilh ngei ngei thin,ka beisei ang chiah in Francis-a te pawn tui an tih thu an sawi nasa mai a,rei vak lo hnu ah min hawsan ta a. Mapuii lah tawng ve bawrh bawrh mi a lo ni bawk a,an haw chuan a reh ruai mai. 

Tintin-a mutchhuak a sual leh tan avangin Room ah ka chhoh pui a,kan khumah ka mutpui a,Phone khawih hi ka lo tihtir laklawh a khawih talh a tum a,ka pe leh ta nge nge,eng eng emaw a hmet kual a,a let tep tep reuh a,mutchhuak ang pawn a lang leh tawh lo.

Thil ka ngaintuah neuh neuh hian Francis-a sawi kha enge a awmzia ni ta ang?,ka phak ang tawk in ka ngaihtuah ve pawhin engmah hriatchhuah ka nei chuang lo,keimah ah ka inchan hian in Cousin tak ni lo mah ila cousin anga ka en tawh nena inngaihzawn kha zawng thil theih ah ka dah thlawt lo. Mahse an lo inngaizawng anih pawh in enge pawi chuang ang?,kan buaina nen inzawmna a neih ka hrethiam lo. 

Ka phone a rawn rik chuan ka ngaihtuahna atangin ka harh zawk a,Tintin-a pawh chu min kuah in a lo muhil bam tawh chu niin. Phone ka en chuan Ruatsanga lo niin..mak zawk hian a,Phone a kan inbiak loh chin pawh ka hre tawh lo .."in mu tawh mi?" awihawm loh tak hian a rawn ti dam thluam a,a awmdan mak lutuk avang chuan ka chhan hma in Phone chu ka melh vaka, awki  pangngai tak hian, " La mu chiah lo e,Tintin-a ka mutpui a,a muhil deuh chiah a,enge ni?"ka ti let ve maia, "zan in ka rawn ho lo ang aw" a rawn ti dam leh thlupa, "ok....min hrilh kher angai hleinem" Ka ti nghauh, "Te-i,Pathian hmingin ka ngen che,khawiah nge ka riah dawn a,engvang a lo haw lo tur nge ka nih tal min zawt teh?" zuai ruih hian a rawn ti leh phei chu a la mak ta tawlh tawlh mai. Ka thaw haka,"zan dangah pawh i lo haw lo fo a,thilthar a ni hleinem" Ka tih chuan phone a off nghal hmak..hrep tak hian a....

🐱🐭🐭🐭🐭

KA PASAL-22

Mut tum in ka intifai a,ka inthlak leh lai chuan ka phone ah Msg Tone a ri kauh a,ka hawng thuai,Ruatsanga bawk a lo ni a,"Marcus-a pi a chatthla chiah a,lo insiam rawh,ka rawn hruai ang che" tih hi a lo ni a,min thawng dawt thei, a va mak em?,a nat zual pawh ka hre si lo,insiam ngaihna pawh hre lo hian inhnuai lamah ka chhuk thla a,Tintin-a hruai angai anga,ani lah a muhil tawh si,midang kut a kalsan ka ngam tawh teuh si lo. Ka pa ka Call ta ngawt"Pa.Tintin-a pi  tum maiah Khan a boral a,kal kher pawh angailo a,mahse lo hre ve hrim hrim ula"ka tih chuan, "nia,kha a zia lo khawp mai,In pa khan min rawn hrilh tawha,in awmdun nange?" A rawn ti ta mai..."Awm dun lo e, in ah ka la awm a,ka insiam dawn mek,min rawn lam ang"ka ti zung zung. "Keini pawh kan lo kal ang,mahse tlaivar tak erawh chu i nau chauh animai"a rawn ti veleh a, "um,ka'n insiam ange,kan inhmu dawn nia" tiin ka dah zuia,anni an lo kal ve chuan ka mal lutuk lo deuh ang chu....

A rawn haw chu chau hmel tak hian Sofa ah a thu hnawk a,"i va chau awm ve,Thingpui i in duh em?"ka lo ti a, ka thilsiamah hi chuan Thingpui hi a sawisel loh leh a hnar ngailoh awmchhun a ni ve tlat.."um,duh e,ila insiam nange?" A ti zuia. "insiam dan tur ka hre lo lawm,Tintin-a hi kan hruai angai ang tiraw?,Seni bul a dah ngawt chi a ni si lo"ka tih chuan, "kan hruai dawn nia,tlaivar ve kher pawh a ngai lo,ka thlah haw leh mai dawn che u lawm" a ti a,Thingpui lum turin ka kalsan a. 

Thingpui nena ka let leh chuan a lo maimitchhing a,a bula Side Table ah ka dah a,hahdam hmel tak hian a thu thluang duai a, a Jacket Sofa hnungah chuan a banga,a muhil ngw muhil lo tih enin hnai fe ah  ka bih a,a chal ka khawih chuan a lo lum deuh a,ka kut ka lasawn leh chiah chu rang lutuk hian a rawn man a,min pawt dawrh a,ka bawh rawk mai,tumloh deuh hian a Malchungah ka thu ta a,nghet zet hian min kuah a,"tihian awm rih lawk ang" a ti sup,keipawn tal chhuah ka tum lui biklo,hnemtu a mamawh niin alang ve tlat. "min kuah teh" a ti leha,"aa, tahte chuan Seni a lo kal ange?"ka ti a, "enge pawivak?,nupa kan nih hi mawle" Meng chuang lo hian a ti a, tim angreng tak hian a zakah ka zen ta de de,min kuah bet leh sauh. 

Door Bell a rawn rik chuan ka tho kang awk a,a nui suk zui ,engtia rei nge kan lo thut hman ni?,ka tho vat a,"Chhuana te nupa an niang,lo kal ve an tum a,in lamah min rawn sawmkual ru ka ti anih kha" Thingpui in pawp pawp pah chuan a ti a,kan thu rei bawk aniang,Thingpui a in danah a dai hmel em mai.

Pawn ka va chhuah chuan Ruatsanga sawi ang ngeiin an nupain Gate pawnah chuan an lo ding a,Chhuana hi chu ka hmu zauh zauh thina,Rampuii erawh hi chu kan inneihni bak kha ka la hmu leh lo,phone chuan kan inbe zeuh zeuh reng tho a,kan thianho Group Whatsapp lamah hian a chhangchhe ve bawk nen a Active vak bawk lo a, kan in call tawp anih loh chuan msg phei chuan biak chi vak a kid lo. 

,"ehe,In nupa in alaw?,in va fel ve,lo lut ru" ka ti chul a,"nia,reilote tal lan ve a tha kan tia"Chhuana chuan a lo ti a,"khawnge naupang?"ka ti leh thuai, "Ka nu lo kal lai ania,a kutah kan dah mai" Rampuii zawk chuan a rawn ti a,Inchhung kan luh chuan Ruatsanga  a lo awm tawh lo a,"lo thu ru aw,ka han insiam ange,Tintin-a hruai kan duh sia,apa pawh a insiam meka, Coffee in duh chuan lo va inlak mai ru,keini chu Thingpui kan lo in zo chiah a" tih pah chuan coffee Machine awmna lam ka kawhhmuh a.

Room ka luh chuan Ruatsanga chu Tintin-a en hian alo ding ngawi reng,ka lut pawh chu min en lem lo,nichin lawk a thil thleng vang khan ka lai deuh hu a,'lo zuk chhuk la.Ka insiam rei lo ang" Ka tih chuan, "Marcus-a hi ka lo zuk pawm thla dawn mi?"a ti ve a"aih,a ngai lo,min hmuh loh chuan a suakpak leh ang,abuaithlak"ka ti a, min chhang lo hian a in her vut a a chhuak zui ta daih. Nichin mai a thlahlel tak a min kuahtu kha chu a ang leh tawh lo. 

Seni kan kalna tur ka hrilh fel a. Rinai takin Tintin-a pawh a sual ta lo,kan chhuak deuh rum rum chuan a ti hrilhhai ve aniang,tah pawh a tap aih lo,ka Malchungah a thu tlum kak a,ka mitah hi chuan tu Nau mah in an tluk thei bik lo,a tha hluah hluah a ni tawp mai. Ruatsanga'n min rawn melh zawk pah hian,"phone khalh tir tawh suh,a mit a chhe vek ang" a ti nghut a.Keilah lawm zet in ka nui ve sak thung,a Fapa ngaihven zawng a atawng chuan minti hlim atin ni..,."Nia,ka ti laklawh alawm le,han khawih tir loh lah hian a titau a,nangmah ang chiah,a thinrim thawm hi a na reuh lutuk"ka ti a, chutia sawi chu ka tum dan sa pawh a ni chiah lo,mahse sawisual ah ka in ngai lo,min rawn melh leh zawk a,a Fapa a ni ngei tih hi alawm hriattir ka tum ber le..

"Francis-a chu alo kal em"ati leh daiha, "um" Ka ti tawi tak, "nuam i va ti awm ve,i riahtir nghal lo nia" ati leh khera,ka ngei lutuk chuan,"nia,ka riah tir lek leka,mahse a mawi lo ve deuh a" ka ti ve hmak,"dikchiah,riak dawn mah se ka theh chhuak tho ang"atih chuan ka chhang tawh lo,Tintin-a awm laia inhauh buai ka duh lo va, ka bialpa anih loh zia leh a bialnu a rawn hruai tih pawh hrilh tul ka ti hek lo. 

Kan thlen chuan mi an lo tam tawh a,Tintin-a lah chuan an tap vel chu a hlau em em mai,ka kut atangin tuman an la hrang thei der lo,dar2 velah min thlah haw a,ani erawh Tlaivar turin a let lehnghal. 

A boral atanga ruang thlak hnu, an buai chhung zawng zawng chuan a tihtur ah ngaiin Ruatsanga'n engkim a tihsak veka,Thlan siamna senso leh ei leh in ngai zawng zawng a ngaihtuah a,a nupui awm tawh lo mah se Makpa awnchhun a ni bawk a,a tihtur a hrechiang viau. Kei lah chuan tul lo zet hian ka ngaithei mang lo.A Nupui,hmangaih em em tan chuan a inhuam thui in engmah tih hreh a nei lo,tuna a kawplai hi chu thik teh mah ila Siampuii ka thikna nen chuan khaikhin chi pawh a ni lo.Zan tlai tawh lamah chau tak in a rawn haw a,achauh thu sawiin Room lam a pan thuai thin a,lo nghak ziah mah ila inbiakna hun kan nei mang lo.

A roomah min koh avangin ka va pheia, 

"Vawiinah Ricky-a i va hmu leh animaw?,hmu tawh lo tur che khan ka ti che sia"a ti bung vuta, ka hmuh hmasak ber khan kan inhauh phah a,kal tawh lo turin min ti a,keilah in chutiang a tawpsan mai ka tum si lo,"oh,a hrilh che nimaw"ka ti ringawt,"lo va tibuai tawh suh"bak deuh mai hian a ti leh a, "ka tibuai tiin a hrilh che mi?,Doctor tha tak ani a,Doctor ve tho ni mah ila ka mamawh ve avangin ka pan a,min enkawl duh loh leh ka pan tawh lo tawp anga nimai lawm,mahse Doctor in enkawl duhloh a nei tih zawnga ka sawi mualpho vaih chuan a inchhir hle ang"ka ti leh ta zat zat. Ka tim map lo.."Tawngthei lutuk,chuan ka Nupui chanchin i chhui mek hi bansan ang che,i engpawi mah ani khan a sawi lo,tunah phei chuan a neih zawng zawng kei chauhlo chu i laksak vek tawh,duhtawk tawh rawh" a ti hmuk hmuk a,Ricky-a tawngkam chiah chiah ka ti rilru a. Dak deuh vah hian,"I nupui ka chhui lo a, ka ngaihven hek lo. Thil neih chung chang phei chu he in a thil engmah hi ka duh lo .Nangmah phei hi chu e,,min duh mahla ka duh hlawl lo che,ka duhzawng chi i ni thlawt lo"ka ti ta hrep. Meng dur khup chungin "  Min duh lo chiah maw?" A ti bul hmuk. "aw,ka duh lo che,ka chhuah hunah i Accountant kha i hruai lut vat dawn nia,ani kha chu i Nupui nen an mizia pawh a in ang hmel khawp alawm"ka ti zui leh salh, "ngawirawh" a ti thawta,a mitmeng chu a alh hi a ni ber,hlau zet hian ka tawlhhnung hrat hrat a,min rawn pan hnaih chuan tawlh let duh loin ka ding khawng laha,mahse tawlh lo thei loin min siam ta tho. Bangah min nawr bet rawk rawka, akut a hum ruh nasat danah chuan min beng dawn ngeiin ka hria a,ka maimitchhing ta ngawt. Mahse kei ni lo in ka lu zawn bang chu na zeta a ben tak dawtah chuan ka phu dawrh maia,hnai zetah hian min rawn en a. 

"Ka Nupui chungchang tha lo takin sawi tawh suh,min ti thinrim turin tawng tawhsuh,kut thlak che hi ka duh lo ania" A ti khur khur, kei ka thinrim zual ta phat mai,"enge ka that lohna bik?,i Fapa ka enkawl a,ka chungah thil tha lo tak i ti chung pawn i Fapa vangin ka ngawi a,mahse ngatinge min sawisel reng?,ka ning tawh lutuk,naktukah Tintin-a ka hruai anga ka chhuak ang,kan inthen ang,ka ning tawh lutuk"ka tih khum ve ta nghek. A thaw hawka,"aih,i chhuak lo ang,i bialpa nena nuamchen mai mai tur khan ka thlah zalen dawn reng reng lo che,ka theihna zawng zawng in ka bei mai ang..." a ti ve leh vaka, hmun leh hmunah kan in au khum chiam chiam a ni ber. 

A hmaiah na zet hian ka ham a,min man bet nawka,ka duh lo chung chungin min pawt kala, Khumah min nem thu hnawka, min bawhbet zui nghal hmak. 

KA PASAL-23

Tal chhuah tum mah ila awmzia a awm lo tih ka hre chungin ka tal lui zela, a khupin min nawr bet a, "min khawih hmasa ngam amaw?,vawi engzat nge min khawih tawh suh ka tih che?" ati ram hmuka,chhang lo in tal chhuah ka la tum ta fo,ani pawh a chau ve deuh tawh aniang,a thaw ve hlu hlu tho mai,"min thlah rawh"ka ti khar khara,"a teuh lo,i khawsa zia hian min tiphur lutuk tlat,zan in ah hian i theihnghilh leh tawh ngai loh tur in ka sawisa dawn che,chuan min khawih nat pawi zia i hre tawh ang chu" Ka em em hian a ti a.

A duhtawk ngaha min thawhsan meuh chuan ka Taksa  na lo lai a awm zeuh zeuh chauh,thawmhnaw engmah inbel lo in min kalsan ang ang in ka awm a,che tur pawn tha ka nei rih lo,kaTaksa natna ai chuan ka Thinlung natna hian min ti na zawk mah in ka hria,reife ka mut hnuah muangchangin ka tho a,ka chet zawngin ka ner sawk thei. Bath Room ah ka lut a,Shower ka ka inphuhtir a,nun hian engemaw awmzia aneih le ka ti ta hial???

Room kawngka rawn kik thawm ka hriat avangin tui ka herh tawp a,kawngka si chet a beng dawh in ka dinga,"Tunge?" Ka tih chuan a reh vang vang,min chhang dawn tawh lo emaw ka ti hnuah, "rawn hawng teh"Ruatsanga'n a rawn ti a, "aih,kalbo rawh,ka inbual lak lawh"ka ti hmak. "hawng mai rawh"tih pahin na zet hian a rawn chum a. Tintin-a a harh mai dawn si,hawn mai loh chu tihdan a awm lo,Muangchangin ka hawng a,ka luh dawn khan Ruatsanga Room lam atanga lut ka ni a,engmah ken luh ka nei si lo,ka Taksa khuhtu awm lo chu zah dawn pawn zah theih a ni lo,

.Dressing Table bula Towel inzar chuan ka intuam thuaia,"enge i duh?" Ka ti bung vat, min en vang vang a,engmah a sawi lo,ka lan dan nalh loh tur zia ka ngaihtuah a,mahse enge pawi?,a mit ah chuan Hmeichhia nilo in Toys mai ka ni

"Libraryah i kal tam tih ka hria?,khawiah nge ka Note bu i dah?"a tih takah chuan Khum sir a bawm chu ka hawng a,ngawi rengin ka pe a,rang zet hian a pawtthla a,"ka thil eng pawh ka phalna lo in lo khawih tawh suh ang che,Library ah i kal anih pawh in i khawih tur chin hria ang che" a ti nghut nghuta, a sawi tawp lam chu ka hre ruai ruai a,ka rilru in ka infuih a,ka tlu tur a ni lo,he mihring rapthlak lutuk bulah hian tlu thei ka ni lo....

Ka muhil lo a,ka tap hek lo,ka taksa duk thluah mai chu ka en a,lungawi erawh a har,hetianga Pasal neih chu ka lo suangtuah ve thin dan nen a va inpersan tehlul em…

Zingah pawh tho chhuak lo in ka mu ta renga,hetiang chuan midang hmachhawn thei ka ni lo. Room atangin Rami ka phone a,Seni hnenah Tintin-a rawn la turin ka hrilh bawk a,"chaw kha lo pe mai teh aw,mahse fimkhur la,chhunah chuan a mut a chhuah hunah i rawn dah chho mai dawn nia,ka lo mutpui ange" ka ti a,ka taksa nuam lo leh ka ban vel duk chu a hmuh ka hlau a,"Bawihte,min lo Muah rawh le' tih pahin Tintin-a ka en a,Khumah a rawn vak kai a,ka biang ah a fawp a,min Bye bye lauh lauh hnuah a chhuahpui ta. 

Ka Laptop la chhuakin ka Story ka ziahzawm a,tah chiah chuan ka Mittui a rawn tla ta. Engkim min hriat puitu chu he Laptop chauh hi a ni...Sangtei te,Francis-a te pawh,thil zawng zawng hrilh tur chuan ka thiantha ber te pawh nise ka ring zo lo a,min khawngaih tluk zetin min hmuhsit phah ka hlau a ni ber. 

Chhunah Tintin-a ka mutpui a,a tawng bial bial a,kan Nufa in Khum atangin Tv kan en dun a,a hmuhnawm tih ber Tom $ Jerry hi chu keipawn hmuhnawm ka ti,.Reivak loah min kuah in a muhil ta a,Keipawh zanah ka mu tlem lutuk nen,ka lo muhil ve daih bawk.Tintin-a min ko riah chuan ka harh a,ka zun tir hnuah kan 2 in kan Room verandahah kan thu a,a dai raih mai chuan ka nun nuam lo lutuk chu a ti ziawm deuhin ka hria.

Tlai thlengin kan Room ka chhuahsan ta lo hrim hrim.Tintin-a pawh in ka bula awm a duh bawk a,a chawei a hun chuan an rawn dah chho a,keima dan siam bawhchhia in Room lamah chaw ka pe a,a pawi lo e,eng chen nge ka Fapa ang a ka bulah hun a hman dawn ka hre hleinem.Nilengin vawikhatmah room atangin ka chhuak lo a,Ruatsanga pawh ka hmu hek lo.A lo haw bik lo a ni mahna.

Thup tum teh mah ila kan Nupa kar boruak chhe lutuk chu Rami leh Seni chuan an hai lo tih ka hria a,Kan bula awm reng anni a,hai theih pawh a ni lo ve bawk a ni . Kan inbe tlem in hun kan hmang dun ngai mang lo a,Ruatsanga lah hna chhuanlam nge anihna tak tak pawh hriat lohin a zin ngun zual ta em em bawk. Hetiang ringawt a kan khawsak na Thla a tling a ni der tawh,Rami zawk hi riak lo mah se Seni'na hrilh dawn tho a,an tan chuan sawi nuam ve tak thil a ni ve thei tlat bawk ang. Midangte chanchin chhe lai sawi hi a nuam kan ti tlang si a,hmun dangah erawh an sawi loh hram ka beisei thung.

A motor sumdawnna bik Raising Day-ah pawh midangte min sawi tur a awm ka duhloh a vangin ka kal a,mahse lawmna hmuhtur avang a,ka rilru tina tur tawk ka hmu thung,Ruatsanga leh Rebecca- i inpawh na that zia hai sen pawh a ni lo va, ka awm a ti nuam lo hial thei,rilru na tur ka ni lo tih hre mah ila phat rual loh in kan Misual Lalruatsanga hi ka Hmangaih a, tilang ngai lo mah ila ka thinlung ka bum thei lo.

"Vawiin ah kan inhmu thei angem?"..Francis-an a rawn tih chuan, ,"ka hre lo le,thil thar a awm em ni?"ka ti nghal thuaia, "um,awm chiang e, pui tak a ni,mahse phone a sawi chi a ni lo a"a rawn ti leh zung zung, "Anih chuan kan in ah ilo kal mai dawn mi?,i thei angem?,tunlai ka nuamsam lo a,chhuah pawh ka chhuak ngai lo' inthlahrung ru angreng taka ka tih leh chuan, "ehe,a va zia lo ve,tunah enge i an a?"a rawn ti rang vat, "ka tha tawh e,ka la indim deuh mai mai"ka ti ve thuaia, "ok...mahse hmundangah inhmu zawk ila ka va ti em,hmanni khan In pa nen kan inhmu a,In in rawn kal pawh ka chak lem lo e" Sawi hreh hmel taka a tih takah chuan ka lungphu  a rang nghal zaih zaih mai a,a lo kal chak loh chhan zawt lo hian, "oh....ka hrethiam e,thilpawi a thlen loh hram ka beisei,khawiah nge kan inhmuh ang?" Ka ti ta sawk sawk..kan inhmuhna tur vel kan sawi fel hnuah ka insiam nghala,Tintin-a hruaina chi ni a ka hriat loh vangin a hmuh loh laiin ka kalsan a,min hmuh chuan Tunlai kan inkuah tam zual deuh nen, kalsan harsa khawp in min ngen leh ngei dawn.Ka kalna tur Rami ka hrilh hnuah ka chhuaka, tunah chuan kan Inneihna a tawp hnai ta,ka tihtur ka hlen chuan awmzui zel na chhan tur ka nei hleinem...

Min hmuh veleh chik tak hian min en a,"i va la nawm loh hmel ve?"min ngaihtuah hmel takin a ti a, "nuam e,i thilsawitur ka hre chak lutuk a,chuvang anih hi?,i tha em?"ka ti leh hnuhnawha"um,tha e..ka sawi tur hi mak i ti dawn lutuk a,i thidang mai ang tih ka hlau?"nui chung hian an ti a,"sawi mai teh......"ka ti ve thing. 

"nimin khan ka hrechiang a,amah ngei pawh a inpuang tawh,achhanchu ka man chiang lulai em bawk a ni,mualpho hlau in a tap tuau mai mawle,i hmuh ve atan ka it ania"a tih laia a hmel a hlawhtling inti hmel chu ka thlir renga, tu chungchang nge a sawi ka rinhriat thei mai....."Siampuii nen khan an lo inkawp ngei a,Nau an pai nghe nghe a,an la naupang nen,an hlauthawng lutuk khan an ti tla a,Doctor pan si lo in an remhriat danin an titla a ni ber ang chu....a pawizia chu Ruatsanga nen an inneih hnu ah chauh khan an hrechhuak ta a,chuan i Pasal duhtak hi bum in a awm a ni e".... a ti ta dap dap maia.

KA PASAL-24

Ka thaw a chham mai dawnin ka hria, ka thil hriat hi amak leh lutuk!!!!!!,a thutak loh ringin ka melh a,mahse tun ang reng reng a a serious hmel hi ka la hmu ngai si lo,"i ti tak tak lo ang tiraw?" ka ti chhuak thei hram a,"aih,ka titak tak tlat a ni,Te....i awih mai bik lo ang,keipawn kha em em kha chu ka lo beisei lo a,mahse a dik tlat si anih tak ber hi,. Chuan,ahnu ah Siampuii leh Ruatsanga  hi an intawng a,inpa lah hi Hmeichhe ngaihtuah lo,hna chauh duh hlur mai a ni teh tlata,mahse Siampuii a hmuh hnu khan a nun a buai ta vek tiin an sawia,a inthlak hlawk anih ber chu,rei pawh an inzui hma in an innei ta mai reng a.Vanduaithlak deuh maiin Fa an nei lawk lo a,an Incheck-up khan Ricky hi an pan a,Ruatsanga a tha vek a,Siampuii erawh a nau tihtlak na avang khan a chhul alo pan lutuk a,fa 1 chauh bak kha chu a beiseiawm lo a,atan pawh a hlauhawm thei hle bawk a,kha mi kha hre ran in Ruatsanga zawk kha an hrilh ta lo a ni" ati leh charh charha. A sawi buai miah lo chungin mak tak hian ka va la hrethiam chuang lo tak.."ka la hrethiam chuang lo ania,a Note bu-ah kha chuan a hnu daih a midang chi pai ang khan a ziak si a?"ka ti ro halh, "Yes...adik alawm,vawikhat naah kha chuan intha ve2 tiin alo hrilh a,mahse,Siampuii nu te nen an han sawi ho a,chutihlai chuan Tintin-a hi a pai tan tawh a,mahse Ruatsanga ala hrilh lo,a tir te tak tak anih ka ring,vawi2 an kal leh na ah khan Midang Chi paitir in tihdan a a awmthu a lo hrilh ta chata,aman a tihsak theih loh avangin Chennai ah,a thianpa,Doctor tho hnenah a tir thla a,chupawh hmanhmawh em em in a kaltir a,an Excuse ah khan,an kal vat loh chuan mipa dang Chi kha an chan loh mai a hlauhawm tiin an hrilh a,Ruatsanga lah khan amah ber in Fa a neih theih loh takah khan tha an tih apiang kha a pan rum rum mai a ni awm e. Amah ang lo takin chik pawh a chik hman lo niawm tak ania. Kha tak kha Ricky-a te duh dan chiah a lo ni bawk nen,an kal khan Tintin-a hi kar 2 vel chauh a la pai nghe2 a,Ruatsanga,hetiang lam a Blind ve tak tan kha chuan hriat ngaihna a awm ngang lo a ni ang. Mahse ka dem hauh lo,Keipawn ka hriat ka ring lo,an fin bakah remruata a felfai em a ni" a ti leh ta duah. 

Ka kut chu ka hum ngawt ngawt a,ka thik em em thin nachungin Siampuii kha ka haw ngai hauh lo. Mahse hetiang taka amah Hmangaiha,Pathian ang maia be lo chauh tu mipa hi engtin nge a bum theih ka ti vawng vawng? ka rap hial mai. Ruatsanga'n a Hmangaihzia hi hriase thudik hrilh in,ngaihdam dil se a ngaidam em em dawn si. Ruatsang ka khawngaih thar a,hetiang taka a Nupuiin a lo bum hi pawi ka ti a,mahse,eng ang pawn hrilh ila a awih dawn der si lo,min that duh hial zawk ang chu,a chanchin mawi lo zawnga ka sawi ngawt pawn kha ti khawp khan min khawih duh ania.

"Te......mak i ti tih ka hria alawm,mahse,engtia hmalak chi nge ka hre lo,a hranpa a Case File i duh nge du hlo?"a tih chuan "ka rilru a fim lo rih lutuk,ka lo ngaihtuah ang aw,ka hrilh leh ang che"ka ti bah naka,"um,,i dang vek ania,inti harh deuh teh" tih pah chuan ka kut chu a rawn vuan a,duat tak in a chul a,mahse Nulat Tlangval lam hawi a ni lo,a Thiannu,rilru mumal pawh pu lo hi min lainat zawk a,min hnem nan a ti mai a ni.ka ngawih vang vang hnuah thil hriatchhuah thut ka nei a,"Francis,hmanni ah Ruatsanga nen in in hmu i ti em ni kha"ka tk nghal a, " aw,engati teh thut nge?"phawk angreng tak hian a ti a, "engvangin nge a rawn hmuh che?"ka ti leh vat. "min rawn hmu hleinem,an Office a mi Hmeichhe 1 nen khan ka hmu a,i Dawt thu hrilh kha ka theihnghilh a,inti Polite tawk in ka va bia a,mahse.....a fuh vak lo" Nui chungin a tiva, "maw?,ngatinge?"awmze nei map lo hian ka ti ringawt."ava mak tut tut thin,in intithiam vak lo em ni?,khanu nen a an Inzui kha ka hmu tam riau a"a ti leh dakha, "naaaa,a  Accountant nih kha..hna vang anih dawn chu,ngatinge chutiang min zawh a?" Ka theih tawka awki zangkhai hian ka ti a, sawi hreh hmel deuh hian a awm a,Dawhkan tlang a kut in a kik kauh kauh a,"sawita mai mai ila,Hmeichhia kha Mapuii te inbul a mi ania,Inpa in an Office bang a Drop fo tih min hrilh a,ani pawn mak a ti lutuk a,atir chuan i hai aniang ka ti a,mahse keipawn ka mit ngei a ka hmuh hnu ah ka ringhlel ve ta deuh chu a ni,zep lo ah chuan an Inkawp deuh chu a ang ka ti" a ti leh a,Francis-an 'ang' a tih chuan a chiang tawh tihna zawk a ni thina,a tawngkam atanga thil awmzia hrethiam tur khawp in kan inkawm rei tawk tawh atin ni...

Ka mitsulh hian ka hria a,ka rin loh deuh hian ani lah chu a nui vei sang a,"lo kal rawh,khu laiah khuan eitur tui deuh an siam na ka hria ania,ka treat ang che"Boruak thlak danglam  tum tih hriat tak hian a ti a,hetianga min ngaihsaktu thian ka nei ka vanneih zia ka hre thar a,Vawiin ah hian Thu rapthlak em em 2 ngawt ka hria a,min tihhlim a tum pawh chu thil awm lo a ni lo. Kan inzui chhuak ta a,ka lu a hai deuh chhu avangin ka tluk mai ka hlau a,ka kaihza tha lah chu a khur dar dar bawk.A Dawr sawia kan luh ve leh chuan Thil eitur rim rawn chhuak chuan ka hip fuha, mak takin ka luak a ti chhuak lutuk ringawt rang zetin ka tlanchhuak lehnghal a,min rawn umzui thuai a,"engatinge a....?" ati hman chauh a,keilah bang kil lam chuh in ka Uak ta pawp pawp mai si,a tawng han chhang thei chi ka ni lo...min rawn vuan a,"enge thilawm zia?,lo kal rawh,B.N Hospital ah, a hnai tho" tih leh min kaih a rual a,kan awmna atangin a hla lo tak tak bawk a,min kuah lut ta dawr dawr,ka Lu hai lutuk chu men pawh ka mengtha thei lo. Staff lo awm ten minlo buaipui sawk sawk a,"Ka pi,i tho thei angem?" rei vak lo ka mut hnu chuan Nurse pakhat hian a rawn ti a,"um,kan tum ange aw"zuai angreng takin ka ti a, "Khawngaihin heihi la la,Toilet ah kal rawh aw,I Pasal kha kan ko ange" a ti leh a, a ni lo tih pawh ka sawi hma in a kal daih zui. Minute khat pawh tling lo ah Francis-a nen an rawn let leh a,ka kutah a rawn vuan a,"i tha em?"a ti nghal a, min ngaihtuah zia ka hre thei,"ka pu,innu hi Toilet ah lo va hruai rawh,chuan heihi Pregnancy test kit a ni a,a zun in lo test dawn nia. A chhan chu raina chance nei anih avang leh a awmdan hi rai no a an avangin Doctorin titurin a duh che u"a ti leh zung zung a. "KaNupui a ni lo,ka Nau anih hi" rang zet hian a lo ti a,Damtha ila chuan chuti taka  ka Pasal ni duh lo chu ka chum chawrh ngei ang..

Ka rai !!!!!!!.....,kawngka rawn kik pahin, ,"Te,i ti thei em?"a rawn ti a, ka bianga mittui luang ngiai chu ka hru hul thuai a,"aw,lo lut ve lawk teh,ka in ha vek tawh" Ka tih chuan a nui leh rih a,kawngka ka hawng a,a rawn lut chiah chu ka thil ken chu ka pe a,zawi sap hian,"ka rai" Ka ti nghal aap. ."eng tin maw???" tih pah hian a en vat a,a Phne a phawrh a,ka vuan bet vat,"tunge i biak dawn?"ka ti phawk hra maia, "In pa anih loh in Tunge ni se i tih a"a ti hu maia, "aih,phone suh,a theih loh,a ring dawn lo,i fa emaw a ti mai ang,i hrethiam tiraw?"ka ti zung zung,a lu a thing a,"Fa a nei thei tih a hre hleinem,kan Inhmangaih ang in ka lo hrilh bawk si a,nangmah a ringhlel ang che,i tan a pawithei,engmah pawisak a nei lo ania" Ka ti ta ruai mai. 

Zanah chuan Common Room ah Seni nen kan titi a,mahse ka rilru chanve chauh in ka tawng  a ni ber. Ruatsanga hrilh tur nge hrilh loh tur tih ngawt ka ngaihtuah a,Door Bell a rawn rik chuan ka Thinphu a rang nghal zaih zaih mai,"Sen,va hawn lawk mai la,mahse Fimkhur rawh aw,LEO kha a lo tlanchhuak leh ange" ka ti a,Tintin-a lah chuan ka buaina hre lo zet in min bawh a,a tawngduh reuh in sawitur angah a,zawhna angah bawk a,'hei ne?" hi a ni fai vek ringawt mai a ni....Seni lah a U duh hek lo,fiah mang lo hian Seni ti ngat in a ko ve tlat.

Ruatsanga rawn lut chuan engmah sawi lo hian min kalpel a,min biak ka beisei lo bawk a,mak tih vak dan pawh ka hrechuang lo,"lo chho lawk teh" Step tawp atang chuan a rawn ti chu mak ka ti zawk mah, engthil tak nimaw?Tintin-a pawm chungin"Sen,ka rawn chhuk tawh lo maithei aw,Kawngka vel lo kalh fel la" Ka tih chuan a bu nghat.Hmun dangah Ruatsanga'n chaw a ei avangin keipawh Seni rual in ka ei ve tawh bawk. 

Kan Room ah a lo ding a,a nui lo a,Thinrim hmel a pu chuang lo bawk a,a hmelah engmah a ngaihtuah ka hrethiam lo "enge a?"ka ti luta, "min hrilh tur i nei zawk lo em ni?" a ti ve thunga, angaihna ka hre lo,"aih ,nei lo aniang" Ka tih lai chuan chik zet hian min en a,"i nei lo tak tak maw?" a ti leh a, .ka hlauthawng tan ,zahzelah Tintin-a ka pawm tha sek a,"Marcus-a kha khumah khan dah teh"a ti nghut,"aih, a muhil tep a,a buaithlak,engthil nge i hriat duh a?"ka tih zawm aata, "engmah a ni lo e,ka chau deuh a,kan mu ange" tih leh chhuah a rual ta daih a,eng chu a hria ni maw?

Ka khua a sik leh thin a,nidang a ka ei fo,mahse ka luak tichhuak ta tlat te a awm a,Purunvar rim hi tawp chin neio in ka hua a,a ni ringawt mai. Rawng eng(Yellow) hi huat tak tak in ka haw bawk nen,inthup a har tan viau maia,ka chau hluah hluah ni ber hian ka hria.Tintin-a ka mutpui te hi keimah zawk ka muthilh hmasak tum a tam ta khawp mai,eng chen tak inthup thei ang i maw?,a khat tawk in Francis-an min rawn ngaihven reng a,mahse Pasal te lo na3 chu a bulah Pangchan theih a ni lo a,In khat a awm ni si hian Ruatsanga ka ngai vawng vawng thin,ani lah chuan min khawih emaw,min biak emaw ai chuan in ah a awm ve pawn Library ah anih loh chuan Room ah hna thawk in a awm deuh reng a,ka Taksa tlem a Danglam chu a hria anih pawn a ti lang lo reng reng.

"Tunlai hi i damtha vak lo em ni?" Kar a liam leh hnuah chawei lai in a ti hluk a,biak chu kan inbe reng a,mahse Nupa ang nilo in Hmelhriat satliah angin kan inbe deuh ber. Hauh pawh kan inhau ngai eih tawh lo,Inah awm ngai hek lo le,"dam tha e,ka chaw ei a tui lo mai mai"ka ti liam maia, "Tintin-a hi kum tharah hian kum 3 a tling ve dawn hnai tawh si a, pre school ah ka dah ve  mai mai dawn mawni ka ti a?"ka tihzawm leh a, "i thu thu,i duh duh in tirawh,Pawisa i mamawh chuan min hrilh dawn nia" A ti awlsam et a, a va han ngaihsak lo tak e aw,pawisa hian engkim chinfel a tum ni ber in ka hria,"vawiin-ah in entir ang che,i tha lo anih kha" Dawhkan thawhsan pah hian a ti leh a,ka chhang buai peih  lo,sawi lo mahse kal ka tum tho,ka rai tih ka hriat atangin hun a kal ve leh nual tawh a,Doctor hmuh ka mamawh ngei ngei tawh tlat.Midangte lo enkawl ve thin tawh mah ila,Naupai han nih ve meuh chuan mahni inrintawk har tak a ni.Francis-a ka sawm chuan a lo "aw" ve mai a,he pa han fel zia hi chu aw,Mapuii hi a la vannei khawp ang.

"Ehe,nangni 2 chu hetah te ka hmuh dun che u a" A rawn tih chuan ka hawilet a,Pu kima leh Rebecca-i an lo ni a,makti zet hian ka en a,"nia,nangni zawk pawh chu enge intih a?"ka ti let ve a,min rawn pan hnai a,rilru nawmloh hmel zet hian..."Aaa,Rebecca-i hi a no ve a,mahse,Inpa lo hrilh kher suh aw,keiman ka chingfel mai ang" a rawn ti a… A no tih tawngkam chuan eng nge a sawi tum tak min haitir chuang lo. 

KA PASAL-25

Ka hnung a Francis-a ding chu ka ngheng deuh rawk a,Rebecca-i lah chuan melh pawh min melh ngam lo hian hnuai lam a melh deuh tlat thung,engemaw sawi tum in ka ang zuau a,chutihlai tak chuan Nurse 1 hian Pu Kima chu a rawn ko ta a,min rawn en a,"lo hrilh suh aw,angailo ania,ka chingfel mai ang,ka ring che nia" tih leh kal a rual nghal a,Rebecca-i pawh chuan ngawi reng in a zui ve mai bawk. Kan Lal Ruatsanga chuan a ti mah mah ta a ni e. Fa a nei thei lo tih a hriat vang maiin a duh duh a Mutpui kual tur tihna a ni hleinem, mawle..ka tlu mai dawn in ka hria a,Francis-a chuan hrethiam tak in min kuah ding a,"Chawlh i mamawh ania,reilote kan thu lawk dawn nia" tih pah in thutna lam min panpui a tum a,"aih,ka kalthei,Motor thleng vat zawk ang,i Motor in i theih chuan Ka nu te in ah min dah rawh aw,in ngaihtuah ka mamawh em mai,In ah chuan Tintin-a hian min bawh buai deuh thin a" ka ti niah niah a,min kalpui ve ta mai a,ka Car Francis-a te Office bulah ka dah daih hrim hrim a,nakinah Mama'n a va la mai ang chu..."Rebecca-i kha a rai a ti asin" amah pawh en lem lo chuan ka ti ringawta,"nia,a sawi lai kha ka lo hria alawm,mahse hriatthiam loh ka nei,engatinge midang Thian pawh a nei awm reng sia,khatiang Patlingpui a in kalpui tir daih le????"a ti nuah nuaha, mahse "kha pa kha Pu Kima anih kha,Ruatsanga kut ke ber ania lawm"ka ti zuai raih, "mahse....."a ti leh chiah chu,"khawngaihin......"ka lo ti thuaia. "ok....Sorry....mak ka tih vang mai2 mawle,ka sawi tawh lo ang" inthiamlo zet hian a ti a,ka khawngaih leh angreng...a hna avang hian engkim hi kan thlir loh dan hian a thlir zel niber in ka hria..

Kanu te in ah min dah a,office atanga an rawn Phone avangin hmanhmawh zet in a let lehnghal a,Inchhung ka lut chu ka nu chauh a lo awm a,sawilawk lo a ka lang thut chu mak ti hmel deuh hian min lo en a,"tehhlawl che chuan,in va lo leng duh lo em em ve,khawnge Tintin-a?"a lo ti chul, "ka hruai lo,thildang pawimawh ah ka chhuak a,ka chau deuh a,Francis-a'n min lo dah a,reilote hah chawlh lawk ka duh" Ka tih chuan min ngaihtuah hmel zet hian min rawn en a,kei lah chu ka thu hnawk bawk. Tun hnaiah hian thu thinthawng ka dawng hnem lutuk a,Francis-a chuan min hriatpui mah se mipa a ni a, min hre thiam zo lo. Ka nu emaw Sangtei zawk pawh an bulah engmah sawi chhuak thei bawk si lo in ka pai a,heihian min ti chau a,ka Naupai avang in ka chau bawk.Pasal te fa pai siin hrilh ngam ni bawk silo .ka nun hi a hahthlak a ni e.."nang hi i Rai a ni lo maw?"kanu in min rawn tih thut chuan ka phu deuh dawrh a,"aw....aih...ka hre lo e a" ka ti bah nawk nawk a,"i test tawh em?,engatinge i nikhualoh tak viau mai le" ti chung chuan min rawn pan a,ka chal a rawn dek a,"i khua a sik deuh bawk anih hi,khatah khan mu rawh Damdawi kan la ange " tih leh thawh a rual lehnghal a,Ka mu a,ka ngaihtuahna bing mup mup chu chinfel ka tum a,Ka nu hrilh tur nge hrilh loh tur tih ah ka buai bawk a,,"kha ei teh,i hritlang dawn aniang,nang hi chu in uluk i ngai ka tih kha,i naupan lai atangin Tlang hrileng i la hma lutuk a,a buaithlak"a ti leh bawrh bawrha, "Nu,ka ei thei lo,....eng lo ania, Nau ka pai..Thla 1 a ni tawh" Ka ti ta hlawl maia, ka thilsawi chu mittuiin a rawn zuia,min rawn kuah thuai,"engatinge i tah a?,lawm hun laiin tah tur a ni hleinem" tih pah in ka sam a chul a,ka nuin Hmangaihna nena Duat taka min han kuah takah chuan ka hrehawm tawrh zawng zawng te ka mitthla ah anlo lang zut zut a,nasa zet hian ka tap zui ta hlawp hlawp ,min kuah a,ka samah a chul a,engmah min zawt lo,ka tap ngai mang mang lo a,a bulah ka tap anih chuan chhan tha tak a awm ngei dawn tih a hrechiang a,min zawh ai chuan min tah tir hian nasa takin Minpui tih a hre bawk a.

Ka tahchhuak zualpui a reh hnuah pawh min la kuah tho,ka thlamuang a,Ka inhnemna ve tur ka Pasal in min ngaihsak lo a,Pasal tak tak ang a min thlamuan thin turin beisei ngam a ni hek lo,"lo kal rawh,kan Roomah in sawn ang,midang an lo haw palh anga,tianga an hmuh che chuan a tha lo ang" tiin min kai tho a,an khumah ka mu a,ani erawh ka sirah a thu a,ka sawi theih hun a nghak tih ka hria,sawi leh duh lo pawh ni ila min zawt lui chuang lo ang.

"Nu,Ruatsanga hi ka then mai dawn em ni?"ka tichhuak hlawla, "enga??!!!" a ti ha, a aw a maktihna chu thup tum mah se ka hre thei tho,ni e,an hmuh ah inmillohna kan nei lo a,ani lah chu ka nu leh pa,ka chhungte tan chuan Khawvela Makpa tha ber a ni miau si,"Hmeichhe dang Hmangaih rengtu Mipa chu ka chenpui thei tawhlo"ka ti leh tawpa,"khaia....chutiang an sawi ngai lo,a Nupui te kha chu Thihna vang a then a ni a,nangpawh a Hmangaih lo che a ni hleinem,a theihnghilh rih lo mai zawk anih chu,hrethiam zawk ta che"a ti ta daih maia, "chutiang a ni lo,i hre lo anih kha.."beidawng takin ka ti a, "oooo,engmaw ka hriatloh chu?,i pa nen pawh hian a rukin kan inhnial a,kan inhau ve fo asin,kan inhmangaih lo tihna a ni reng reng lo,"a ti leh zel"chutiang pawh a ni chuang lo"ka ti leh hapa,"nih leh min hrilh la..." ati ve ta a,Ruatsanga an bum dan te,anin a Nupui a hmangaih em avanga ka sawi a duh lo te,ka Naupai pawh ka hrilh ngam loh zia te,Francis-a nena inkawp a min rinthu te chu ka hrilh a,thildang kan nupa kar erawh ka hrilh lo. Kan Inneih dan dik tawk lo te,kan intihbuai fo te pawh hrilh tul ka ti lo.ka sawi zo chu a ngawi vang vang mai a,min khawngaih hmel zet hian min rawn melh a,Ka nu a ni tlat a,min khawngaih loh chuan tunge min khawngaih chuang ang,?,a thaw deuh huai a,"engahnge nangpawh Francis-a nen inkawp ang a i awm kher?" min ti ta daih,ka rinloh lutuk a keimah min dem chu ka thinur thut a,"Nu" ka'n ti tawk a,min thinrimpui ve ang a,tihdan angaihtuah ka lo ring ve a,chutiang zawnga a tawng chuan min tibeidawng,"i ngaihtuah ka hria a lawm,ka Fanu neihchhun i ni a,i natna chu ka natna a ni,mahse khatiang zawng a Pasal te runluih tur a ni ngai lo,hrereng ang che,chuan tunah rih chuan hun i mamawh anih kha,nghak la,i nghak chhuak em em ang,Thiltha lo zawk lo thleng pawh nise tuar hram hram ang che.Pasal hi then leh mai mai tur in kan nei lo a,kan thutiam kha Pathian hmaah a ni tih hrereng ang che,rilru natna leh Harsatna i nei anih chuan min hrilh thin la,nangmah in lo tuar tawh suh,ka pui zel ang che" a ti dam diai a.Ka nu hi zawng Nu tha ber a va ni tehlul em,a sawi zawng zawng te hi a dik em em vek si a ni.

Mama lo haw veleh ka Motor la tur in ka tirlehnghala,ka nu in Ruatsanga a phone a," chaw lo ei teh u,Tintin-a kan ngai lutuk,kan lo ring dawn che ania" an ti tlang pawp a,a duh zawng ah hi chuan engman a dal thei lo.Seni leh Tintin-a chu Mama bawk in a va hruai a,ka rinlawk ang chiah in min bawh a,zawhna hlir in kan khat leh ta hi a ni ber,ka chauh leh awmnawm loh chu ka nuin  a hre kar a,Tintin-a a la hrang ta thuai. Hruaii leh Seni'n eirawng an bawl a,ka pa a rawn haw hnu phei chuan Tintin-a inchuh reng reng in an khawsa a,a tawngthei tawh reuh si,a fiah  chiah bawk si lo chu chhawnchhaih a nuam bawk nen kan ri le lu ta mai.

Ruatsanga pawh a rawn thleng hma a,ahmelah chuan min ngaithei lo hmel leh in mil lo tak kan nihna engmah alang lo. Ka nu pawn a thu hriat avang khan a en Dan a danglam chuang lo,kei erawh chuan ka nu ka hrilh tel loh Rebecca-i rai thu ngawt ka lo ngaihtuah a,Ruatsanga lah chu Mama nen an titi a. Sumdawnna lam ngawt an sawi a,ka lo melh leh reng thin,asam tlem a buk deuh te,a Biang vel a hmul to siar siar te,a hmui pan lam lek lek leh a hnar ngul fuh zet te chu en nin har ka ti thlawt,a Kamiz hak ban a thlep chhing a,a kawr chuan a pian nalh zet chu a khuh bo zo lo,hetiang hian amahah engmah sawisel tur a awm lo a,a la hausa em em zui bawk. A hmelah a Ramhuai mizia reng reng a lang silo,Duat taka min kuah na ban tho khan Rebecca-i a kuah ve tho tih ka ngaihtuahna chuan min vit zawk a,ani lah a rawn hawi phei thut a,mit khap miah lo in ka lo melh reng si,ka sen awp awp in ka ring,a la nui suk zui. 

"Roa ka rawn hruai tho a,I Car chu hawn mai sela,nge hetah kan dah anga naktukah Len pah in i la mai ang?",kan haw dawn chuan a ti a,"i tih dan dan animai" Ka ti rigawt,ka chau leh nghulh tawh a,ka naupai thil huat zawng ka nu khan a hriat avangin engmah chutiang lam kan eiturah khan a telh lo.

Ruatsanga car in kan haw ta dial a,Tintin-a erawh riahpui an tum tlat avangin kan hawsan thung.

"Tintin-a hi riah kual tir sek hi ka duh lo asin le,i lo phal leh ringawt a" ka ti nang nang a,"midang bulah a ni chuang lo a,an ngai ve a,pawi hleinem,naktukah a lo haw leh mai dawn alawm"a ti awlsam et. "Chutiang ngawt a ni lo,naupang tei kual tir vel hi tha ka ti lo alawm",ka tih chuan ka kut a rawn vuan a,ka phu zawk. Ni e, Seni awm laia inhnial chu kan tih loh tawp tur a ni.

"Ka chau lutuk,ka mu nghal mai dawn ania" tih leh Room pan ka rual a,a rawn kal chho ve nghal a,a Room ah lut lo in min rawn zui lut a,"enge a?" ka tih chuan ka aw a no vak lo,"i in entirna Result ka hre duh a"a ti nghut, "ka tha vek e,Pumpui lam ania,chuan Vitamin min pe bawk a"rang vat hian ka ti a, "athat chu....khawimaw i damdawi ho ka lo en"a la ti leh ta.engemaw a hriat hrep le????

A then chauh ka phawrh a,a en thuak hnuah khumah atheh thla a,"heizawng hi maw?,ei a har dawn loh hi" a ti zuia,engvanga min ngaihsak ta riau nge maw anih le?,Ka nu te lah an awm tawh lo a,tihder kual vel angai der silo,"ehe,Motor ah theihnghilh ka nei a,ka zuk la leh lawk" tih leh chhuah a rual nghal vut a,ka inthlak sawk sawk a,Bath Room ah ka lut a,ka inphihfai a,a thlasik tan tawh avangin zanah chuan a vawt ve var mai. Kumin chu Thlasik a na dawn mange ka ti rilru nauh nauh a. Bathroom atanga ka chhuak chiah chu a Thawmhnaw pawh thlak lo hian a lo la ding ta cheu mai. Percel ,phek lam leh,lian lutuk lo hi a keng a,inhru mawlh mawlh pahin hian Chair lam ka pan a,"zanin chu i awmdan a va mak ve a" ka ti satliah a,min rawn pan  loin Dawhkanah chuan a thil ken chu a dah a,"i ta tur aw,naktuk i Birth Day a ni tih ka lo hre lo a,hresa ilan chuan a aia tha zawk ka zawng tur ania" ati sup a,....oh....keipawn ka theihnghilh daih,ka buai kual vel lutuk hian ka lo mangnghilh a ni,"ehe,engtin nge i hriat a?"ka ti hluaia,"vawiin khan i Nuin min rawn Call khan min hrilh alawm,a tih chi khawp mai,chuti nilo se ka hre miah nang" nui vur vur chung hian a ti a,"i hawng dawn na nge?"a tih chuan tim angreng tak hian ka ban a,ka lak chuan a lo rit nalh mai,enge anih ang ka hrethiam thak lo,ka pawt phelh a,eng nge anih ka hmu chiah chu ka phu nasa lutuk,lawm zet hian ka en a…"ooooo !!!!!!....a va ropui ve,engtin nge he thil hi ka duh tih i hriat a?" ka ti nghal chul mai. Ka thutna Chair banah chuan a rawn thu a,ka kut a APPLE Company siam,Mac Book Smart zet mai chu min laksakin a on nghal a,"mawh,engtin nge he thil hi ka duh tih i hriat?" ka ti leh a,ka huatna leh ka buaina zawng zawng khan tunah tak hi chuan min thlawhbo san vek..."thil eng eng emaw i ziak thin in ka hria a,Laptop pawmkual sek ai chuan a nuam zawk a,khawiah pawh i bag ah i ak bo thei a,a tha alawm" awki dam thluam hian a ti a. 

Ka tho kang thut a,a inrin hma chuan ka kuah a,.....a beng bulah chuan "ka lawm lutuk aw...ka ti tak2" ka ti sap a,a thil ken lai dawhkanah a dah te te hnuah min pawm kang a,amah zawk chu a thu a ,a malchungah min thuttir a. 

"kha chu i Birth Day Present ania,chuan naktukah kan in ah hian i thiante ,i duh duh,Francis-a tiamin,i sawm thei ang,Party ka siam sak ang che,chu erawh chu i laka ka awmdan mawi lo tak avanga Thupha chawina a ni ve thung ang aw,i pawm em?" tih pah hian ka awm ah a hmai a rawn phum a..

KA PASAL-26

"Hey...i awmdan hi min ti hrilh hai dawn alawm" ka tih chuan a rawn hawi chhuak a,pawisaw lo hmel pu chung hian min melh a,"sual min ti tiraw?"a ti zuai ruih."um...achangchuan Ramhuai pai i ang ka ti"ka tih chuan a nui huk a,"min va hmu mak deuh ve le" ati nung nung,"naktuk chu tha i ti em?"a ti zui leha, rang tak hian "oh.....pawm lutuk,Francis-a chu ka sawm tel thei tak tak ang maw?" Tichungin ringhlel deuh tak hian ka en a,"um,thei lutuk,i duh chuan a Bialnu Mapuii pawh kha aw"a ti chiah chu ka phu dawrh a,nui chung hian min la en zui. Min kuahna tangin ka talchhuak a,Chair pakhat zawkah chuan ka thu ta daih. Ka melh ran rana, "engtin nge i hriat a?" Ka ti nghauh, a dar ti sang zauh pah hian"ka hre ve tawp animai,engpawhnise ka'n inthlak ange aw,Tintin-a riah ka phal chhan kha i hrethiam tawh ang tiraw?"a la ti zuia, "aw.....aih..hrethiam lo" Ka ti bah naka, a nui hmel Sexy lutuk ah chuan a thiltum hai theih a ni lo,ka chiai vel chu nui huk huk chung hian min kalsan ta a,ka Present dawn chu uluk em em hian ka en tha leh a,ka hlim a ni.....ka mamawh ngawih ngawih a,mahse lei en ah pawh ka en ngam loh a ni miau a..Kan Lalrutsanga zet hi chu a fel duh phawt hi chuan a va han duhawm thin tak em.. Kha lehchen inmil lo leh innghirngho reng rengin kan khawsaa, mahse hun reilote chhungin kan inkar awihawm loh khawpin a zia leh ta thut chu ania.. An lo sawi thin, nupa mak na a lo lang ka ti lo thei lo. Inngaihzawn lai chuan kan han inhau te hi be hmasa tu zawk nih duh loin kan han inbe lo vang vanga. Nupa erawh chu thinrim tawpkhawk hnuah pawh hun reiloteah lungawina kan hmu leh tlat zela. Pum khat kan nihna hian ngaihdamna leh hriatthiamna a keng tel ka ti lo thei lo. 

Library ah phur takin ka chhuk leha, ,Laptop ka hawngin ka thil ziahsa ho ka khawl tharah ka sawn fela, tui zet hian ka ziah zawm leh ta,zanin chu kan Nupa chungchang pawh hlimawm lai ziahtur a lo awm ve ta.Mahse engtin nge Francis-a chungchang a hriat tiin ka ngaihtuaha, ...vawikhat ka zawt tawha ,a sawiduh lo anih chuan zawt nawn mah ila min hrilh dawn chuang lo tih a chiang reng....

Ka Phone a rik kauh chuan ka en thuaia,Ruatsanga msg a lo awm vang.."ka nghak che ania,i tlaivar dawn mi?" tih leh Ka Khum a a mu lai thlalak min rawn thawn tel a,emoji chhe deuh chiah ka thawn let. Ka thilziah lai ka save a,midang tupawn MAC Book hi an lo hawng palh se, ka thil ziah an hmuh mai loh nan ka hided leh thlap a,Kawngka ka check leh pahin Leo mut leh mut loh en tumin ka kala, ka kal lai chuan ka phone a rawn ri leh a,nui var var chung a ka en chu Francis-a zawk a lo ni a,"ila mu nange?,enge i an tak zel?" a rawn ti nghal hlut,"ka tha e.rawn call che ka lo tumlai tak ania,naktuk hi ka B'day ania,kan pa in Party min siamsak dawn a,Mapuii lo hruaila,lo kal ru aw,ngei ngei" ka ti nghal bawrh bawrh "achi dawn mi le?"a ti lawi deuh ruta, a aw ah chuan ngaihthat vak lohna a lang a. Hahdam tak hian, "chi e,engtin maw ni a lo hria a,Kan inkawp lo tih leh Mapuii i Bialnu tih pawh a hre vek tawh, a phalna thlapin alawm ka sawm che" ka ti leh takah chuan a thaw huai ri ka hrethei a,"Rebecca-i naupai kha i zawt tawh em?"a rawn ti ban ta chat, "aih,ka zawt ngamlo"tiin dik takin ka chhanga, "ok...ka hrethiam e"a rawn ti thuai, thildang kan sawi leh hnuah kan in mangtha ta a,Rooma ka letleh chuan light a lo off then tawha, Ruatsanga khumah a lo mu a,Ka pan hnaih chuan athaw sak sak mai a,A thawk danah chuan a muhil hman tawh niin ka hria. Light ka Off vek hnuah a bulah ka inthawlh ve ta than a,amah si loin ka ngaihtuahna ka kawm kual vel chungin ka mu ngil at,ka thil theihnghilh hrechhuak in Kan thianho Group ah chawei tur a sawmna ka post leh a,a hma vak tawh lo nangin mipaho in min la rawn chhang peih tho,kan han infiam leh laih laih a,Ka mutsan lai pawh hre lo hian tui zet in ka muhil ta daih. 

Min chul kual dan dan  chuan chiang lo riai hian ka meng a,Ruatsanga nen  hnai zetah kan inmelh ta ran mai,'i va harh hma ve a" ka ti ngawt a,sawitur dang hre hek lo..."nia,reitawk i muhil lai ka thlir tawh zawk che mawle" Tih pahin amah hnaih lehzual turin min pawt a,ka mal lehlam a rawn vuan chiah chu Hlauhna hian min rawn man a,ka thlan fim a rawn bawl tiam tiam. A sir ah ka let phei ta daih, min rawn hnaih leha,thutak em em hian " Vawikhatmah khatiang khan i chungah ka che leh tawh ngai lo ang.Ka tiam a che, ka thiam loh vek a ni"..a ti a, a ti takzet tih a hmelah a lang thei vek. 

Achunga bawk chungin a Lungphu ri dat dat ka ngaithla a...hetianga a Lungphu ri ngaihthlak hi nuam ka ti a,ka thlamuang a,a phut rual hian ka phu ve a,ka nun hian awmzia a neiin ka hre tlat tawh. 

"thil hrilh tur che ka nei a,Rebecca-i chungchang ania..."a ti chiah chu a sawi zawh hma in a hmui ka hupsak a,ka lu ka thing chungin, "sawi suh,ka hria e,tunah rih chuan ka hlimna hi min tihchhiat sak suh" ka ti sap. "engmaw i hriat?"...makti aw zet hian a ti a,a mah en hnai thei turin min pawt chho zuia. 

"vawiinah Pukima nen ka hmu alawm..." Ka ti zuai raih. "Chuvang chuan ngatinge i hlimna a chhiat ngawt anga?" A ti deuh hu a. "Rebecca-i a rai tih min hrilh a,i fa anih loh in tufa nge ni ang?"ka tih chuan nui ta a,"ka Notebu kha i chhiar nilawmni?,fa ka nei thei lo tih ka ziah vek kha....." Pangngai tak hian a ti a, danglam lo angin lang mah se a na tih ka man thiam tho. "mahse..." ka ti hman chauh tihin, "Tintin-a hi ka fa ni lo in mipa dang chi a mi a nia,chuan Rebecca-i fa pai lai pawh kha ka fa nilo in Pukima fa kha ania" a tig chuan phawk lutuk tak mai hian, "enga !!!!????" Ka ti chiam,mak ka ti lutuk chu ka in thup thei lo..."kan inkawp ni a i ngai kha a awm tho,midang pawn min ringhlel a,mahse,Pukima hi ka engkim anih angin ka hau nasa a,ka thup sak bawk a.Anih loh chuan a Nupui nen an inthen phah mai dawn si a,Francis-a vang khan ka thinrim bawk nen,i ngaikawi kha pawi ka ti ta bik lo anih kha...kan inkawp ngai reng reng lo" A ti ta duaha, a hmel lah a confi ngang mai bawk. " Ka awih lo, Floria ah pawh Khan a kai reng che chu anih kha,i thingthla chuang hleinem" ka ti hmak, " ka tilui anih kha,Francis-a kha ka thik ve alawm" Hreh hmel deuh hian a ti ban chut. "i va a tak em" tih pah in ka kuah a,ka thawveng nghal hawk hawk thei."nangpawh i a tho alawm,engtin nge Nupui nei chung a midang kawp tur a min dah theih a?"a ti ve thung. A mitah tak en chungin, "min hmangaih lo miau a,i tan midang kawp kha harsa hek lo" Rilru na takin ka ti a, "ni lo e, kan inhmangaih lo anih pawn ka fair ve tawk alawm...chutiang mai mai a Uire tur ka ni lo e" tih pah chuan min chul kual leh ta dan dan. 

Ka birthday lawm tura ka sawm angin ka chhungte leh Thiante an lo kal nual a,kan chhangchhe hlawm tawh in kan Nulat lai chanchin sawi in kan nui ho bawrh bawrh a,hetiang tih nikhua hian eitur Order ai chuan Rami siam ei hi kan duh zawk a,a thiante 3 a rawn hruai a,puih ka tum ngial pawn a duh miah lo,keipawn ka hrechiang ve tawh bawk a,puih talh ka tum ta lo..

Mal ka intih thinna zawng zawng a bo ve titih tawha, Ruatsanga'n min ngaihsak that bakah Tintin-a min bawh buai tu tur ka nei bawk a,nidanga an pasal te leh fate chanchin an sawi apiang a ning leh inthlahrung ru tak lawi si a ka lo ngaihthlak thin hun te kha chu an liam ve ta,keipawn ka sawi nuam tih ber chu Tintin-a chanchin a ni ve ta zawk a,ka thiante tumah in a Nu chanchin min zawt lo a,ka awmdanah zawh ngam chi ah min ngai lo a ni mahna,ka Thiante,an fate chanchin sawi reng mai ho kha ka hrethiam ve tawha,keipawn Ka Fapa,Tintin-a chanchin hi sawi nuam ka tih ber a ni tlat tawh. Kawt zawlah Naupang dang nen an infiam a,a biang tai hlar mai te chu ka en kham thei lo a,Apa hian han ngaihsak ve deuh phei se chuan ka lawm a kim nimai tur ka ti vawng vawng. Kan boruak a nuamin tupawh mai kan inpawh a,kan ri le lu mai. Chawei kham in Francis-a nen kan thu dun a,ka hun tawn mek min lawmpui zia  sawi pahin  kut a rawn vuan a,"hlim reng ang che,ka thiantha ber tha takzet i ni a,i hlim lo hmel hmuh hi hrehawm ka ti ania" atih laiin kan hnung lamah chuan khuh deuh khauh ri a awm a,ka hawilet thuai a. Ruatsanga'n lawm lo mitmenga min lo en reng ka hmu nghat chat. "ka tibuai che u em? Ka hriat ve chi loh insawi em ka tinna" A ti a, a aw ah chuan ti el na a lang chiang viau.. Rang fe a, "aih,lo thu ve rawh" tih pah in ka tho a,"Mapuii'n azawng che ania,ani nilo a kei in ka rawn hmu che u chu a tha anih kha,thian dun mah ni ula a ngaikawi ngei dawn si a" A ti leh a, a tawng Dan chu huat theih chiah si loh, huatthlala angreng tak leh mi khei zak hi a ni a. 

Francis-a chuan thawhchhuah pah hian,"nidawn tak e,haw hma kan ngai a,ka kal ange aw,in zarah ka puar khawp mai" tih pah chuan kalsawn tum in a in her a,ka rin loh takin Ruatsang'n "nidangah Fimkhur tawh la,in inkarah engmah awm lo mah se mi nupui kut vawn mai mai loh hi a him ania" ati nghut a. Amah ni lo ang maiin a tawng nimaiin ka lo hria. Francis-a lah chu diau hek lo,an insan hleih deuh bawk nen dak deuh hian a en a," Chuti maw? Aw le, ka lo hre reng dawn nia. Mahse, ka care tih hmuh fo i duh loh chuan i Nupui hi duat ve tawh la,tunah phei chuan A RAI ANIA" a ti ta hlawl.....LALPA leh,ka ip chawih thei. Engahnge tunah a sawi kher kher ni? 

,keiman ka hrilh thei reng si a,atir phat atangin fa nei thei lo a a inngaihthu leh hrilh rih loh ka duh thu thlengin ka hrilha, a nghawng tur hre rengin engvanga sawi nge anih tehchai nii? fa a neih theih thu pawh a la hre si lo..kan Boruak tha chho mek chu  tihchhiatsak ta vek. Nidangah nasa taka min puitu mah nise hun lo lutuk a a ka a ang chu ka haw nghal hluah hluah mai..

"Tu fa nge?" Sa ti khur khura, aw chu hlauhawm tak a ni,vawiin ah kan hlim tehlul nen,tunah chuan kan awmdan hrehawm satliah pawh a ni leh ta lo. A hmelah lah chuan min thah mai pawi ti hmel a pu der bawk. ,"ka zawhna che chu..." a ti leh tuar a,ka chhang ngam lo,mak takin ka khur a,chhugrilah hlauhna in min man a,Tintin-a lah ka bul mai ah a muhilun APA thinrim ang vel chuan a tih harh ka hlau a,ka melh zauh chu hrethiam niawm tak hian a thaw hawk a,min pawtchhuak ta dawr dawr. A Room ah min nawr lut nawk nawk a,a kalh nghal hmak,"sawi rawh le" a ti leh chu a tawng ring tawh lo a,mahse a awki vin tak ai khan a hlauhawm mah zawkin ka hri..

Ban chat hian "nangmah" Ka tia, minute 3 vel chu a reh tlawk tlawka, chatuan tluk a rei niin ka hria. Kawngka a va hawng a,"chhuak rawh,ka Then che,engmah sawi leh tur ka nei tawh lo" Khauh tak hian a ti a, mahse ka la che chang chuang lo. Min rawn pawt nawk ah chuan ka ngaihtuahna a fim a,ka hlauna pawh a nep ta.. A mitah tak en ran chungin "ka chhuak lo vang, i duh hun hunah min hnawtchhuakin min lakluh tum suh"ka ti ta tlat. A ner nawka, "chuti chu thehchhuah kher i ngai dawn tihna mi? Ka hreh i ring anih chuan i ring sual ang" ati leh a,a mit a sen rum a,mahse,ka thiamna a ni a ka hlau tawh bik lo. 

"Tintin-a ka hruai ang,chutilo chu ka kal dawn lo,ka kal anih pawn ka then dawn lo che,engkim i hriat hunah chuan ngaihdam min dil khawp ang"ka ti leh hmiah,"chuvangin ka ngaihdam theih lohna tur che in min ti na tawh suh" A tawng hmain ka ti leh a,..

"Uire hi ka ngaidam ngai lo ang che,Marcus-a pawh keiman ka enkawlthei,keimah hi ka inhrechiang ve tawk. Chuan, kut thlak i duh loh chuan tunah chhuak nghal rawh"a ti ta khur khur. "ka uire hleinem....."ka ti leh ringawta, Kawngka lam kawk chung hian,"Tha taka ka sawiai hian kal mai rawh. Lawk, Ka Nupui kha i thik vel thin a tiraw?,tunah chuan i neihloh zawng zawng a nei a,ka Hmangaih chhan chu i hrethiam tawh em? ani kha chu ka tan chuan mi bik leh mi tha ber a ni a, nang erawh hi chu Sual hlawm mai i ni " Hmusit tawpkhawk tihhriat taka min tih leh takah chuan ka ter ta at,khawih hmasa lo turin ka insum tang tang thung,a khawih let ka tuar zo dawn lo tih ka chian vang a ni. 

"kal rawh" A ti leh a...luhlul tak hian, "Tintin-a tal ka hruai min phalsak rawh. I ngaihven si lo va, ka tel lo chuan a awm thei lovang"ka ti leh hram, rum tak hian min en a, " Tinge i hruai ngawt ang? i fa ani hleinem. Ka thisen ni lo mah se pa nihna ka nei a. Nang chu nau awmtu i ni. Nau awmtu in Naupang an chuh ngai lo,i mualpho lutuk hma in kal mai rawh,ka insum thei lo hlauh ange,ka hmu ten che ania" ati leh ta nek maia. engahnge maw ka awmreng lem ang le tiin ka ngaihtuaha?,chuti taka min hmusit turin engmah lah ka tisual lo va, a hriat loh na avangin hun tha pek tum hram hram ka ni zawk a. Ngaihven tak tak peih der si lo in Tintin-a pawh hruai a phal lo bawka, a phal loh ber chuan ka hruai lo mai reng ang chu,asawi ang chiah in ka fa a ni hleinem..

Bagah mamawh zual tlem ka la a,Tintin-a pawh melh miah lo in ka chhuak ta a,ka en anih chuan ka insumzo lo anga kal pawh ka kalsan thei lo ang tih ka hlau a ni ber. ,Kawngka bul a Ruatsanga lo ding chu ka su thelh a,ka kal pel zet tawg nangin ka let leh a, chiang taka en chungin"i thiltih avang hian inchhir ngai suh ang che,Mangtha le" ka ti dam thlap. 

Chakzet hian ka chhuahsan ta hlawk hlawk a,Motor a ka tlanchhuah a,Gate a inkhar leh chiah chuan ka hawilet a,ka mittui a rawn far zauh mai..tunah chuan ka Mipa hmangaih awm chhun,mah se min hmangaih ve lo tu chu ka chhuahsan ta...

KA PASAL-27

Ka nu te In ka thlen chuan kawngka ka kik karh karh a,dar 10 a pel tawh a,mahse an mut ka la ring chiah lo. Ka nu in kawngka a rawn hawng a,min hmu thut chu makti hmel a pu a,ni e,tun ang hunah engmah sawilawk lo in ka kal a,mak a ti chu ka dem lo,"oi,Mampui,engtizia nge tun ang hun tawh ah te?"atih chuan ka chhang thei lo,ka Mittui a dir zung zung a,min rawn kuah thuai a,Ka pa in min rawn pan vat bawk ."Mampui,thil tha lo a awm em ni?,tun ang hunah i hmel kan hmuh tak?" a lo ti ve bawka,mahse kei ka lo tap nen ka chhang lo nangin a ngawi zui ta daih. Ka nulat laia ka Room thin kha a la ruak a,a chang chang in Mikhual an muttir tih loh chu an riak ngai lo. Khumah ka thu hnawk a,sawi tan mai dan tur ka haihchham a,ka nu in min kuah reng pahin ka sam a chul a,ka pa erawh chhuatah a vei kual nghauh nghauh thung. An awmdanah ka tah ban hun an nghak tih ka hriaa,insum tak hian ,"Pa.ka lo haw leh ta nih hi" ka ti thei tawk. "eh....engtizia nge,inhlim hle si a?"a ti hu. "sawitur a tam mai,mahse tunah chuan ka chau em mai" ka ti a, ka nu chuan min hrethiam tak in min rawn chhan ta vat.,"mu hahdam rawh,zingah kan sawi dawn nia" alo ti sawk sawk a. Ka pa erawh a ngaihdan anih vak hmel loh,ka nu in a kai chhuak a,reiloteah a lo let leha, "i pa chu lo hrilhfiah ka'n tum chhin ange. khawi,Bed Sheet kha ka lo thlak lawk ang,chuan i chawl hahdam dawn nia" ati a,mutna a siam fel sawk sawk a,khawl ang mai hian min tih ang angin ka awm kual a,mu mah ila ka hahdam ka ring chuang lo. Mahse engtia intih thawven  tur nge ka hrethiam chuang si lo.

Ka rin ang chiahin Chhin khatmah ka chhing ta lo.Tintin-a ka ngaihtuah renga,zinga a harh hunah min ko anga ka awm dawn si lo,. A pa lah angaina der si lo. Seni ka Phone angai ang,a lo ngaihven loh chuan amah in a khum atang pawn a la chhuk tha thei lo a,inhnuai a chhukna ah pawh a lum thla palh thei bawk,ka ngaihtuahna avangin hlauhthawnna in min bual hlup hlup a,ka chhuahsan dawn khan ka fa a ni lo tiin ka ngaihtuah a,mahse tunah zawng khatianga ka ngaihtuah kha ka indem a,Ruatsanga'n ka chungah thil tha lo ti mahse Tintin-a erawh in ka pawi a sawi der si lo,min mamawh a,nikhat lek ka chhuahsan pawn min zawng a,min hmuh veleh lawm takin a au chul thin a,naktuk zingah erawh zawng min zawng mah se ka awm tawh dawn si lo,engtik ah mah A-ma tiin min ko leh tawh lo maithei. Apa hian min ngaidam pawh nise keiin ka ngaidam kher tawh dawn si lo....

"Ruatsanga hi ka be dawn nge dawn lo?,hetianga Nupa inthen mai mai rem ka ti hleinem" ka pa in atih chuan,"aih,be suh,a rilru a lian lutuk,bakah eng ang pawn ka thiamthu sawi mah ila a ngaithla chuang lo ang,nizanah pawh hriatthiam tir ka tum nasa,Uire ah min ngai tlat alawm"ka tih chuan ngaihtuah muk fe hian a bu nghut nghut a,"anih chuan awm rih phawt maila,keiman ka bia ang,Inthen a lo duh takzet anih leh sawitur kan nei lo animai ang chu,Mahse,heihi hre reng ang che,kan chungah engpawh thleng se,kan tana tha lo tur in ro rel a ni ngai lo a,Hun tha lo inher chhuak tur hi kan nghak hram hram tur a ni,Pathian dem zawng in rilru te in lo pu ange,chutiang tur a ni reng reng lo,hmalam hi a eng zawng in thlir zel thin tur"a ti dam dap a.

"Seni..Tintin-a a tho tawh em?nizan khan ka nu te in ah riak turin ka kalsan a,a tlaitawh nen, ka hruai ta lo a"inthup deuh tak hian ka va ti a,"aw,tho tawh e,hei,thil a ei mek a,nia,Pu khan i riak phei tih chu a lo sawi a" a tih chuan, "a that chu,a sual em?,a thil ei kha lo en fimkhur hram hram rawh aw"ka ti leh thuai, "aih,sual lo e,mahse,a hmu si lo che a,a ko leh thin che a,tah phei chu a tap em lo" ati a.Ka na zawk a,Inthenna in a nghawng ber chu Naupang anni tihte ka ngaihtuahchhuaka, ka hrin ni lo mah se ka fa angin ka pawm a, ka theihna zawng zawngin ka hmangaih bawka. Ani lahin nu dang a hre hek lo. Nu fa diktak nen kan danglam tam bikin ka ring lo. Mahse, kan nupa nih dan a derthawng em em a, eng hunah pawh inthen thei kan ni a,tun a kan inthen na hi a tha zawk pawh a ni mahna,atir atang in Inneihna tak tak a ni miau si lo . Ka pa pawn a sawi kha...kan tana tha tur in engkim a rel a,tuar laiin nuam lo mah se nakina keima tan tha tur zawk a ni mahna,kan chen dun reng chuan tun aia nasa hian ka hmangaih ngei dawn si a. Tun ai hian ka tuar thiam lo fe thei tlat bawk. 

Ka pa-in Ruatsanga  a be ta ngei a,mahse kawngro a su tam lo khawp mai. "Awm hran rih hi kan tan atha" tih chauh in a lo chhang a,in ah ka inkhung chawt a,khawiah mah ka kal chhuak tih lo.Rami sawi hmangin Tintin-a pawh a pa in a ngaihven ve viau in min hrilh a,ka awm lohna in engmah a Effect lo ang a ka hria chu mihring rilru sual a lo chhuak a,pawi tihna te ka nei a,ka rilru lehlam erawh chuan an pafa an inpawh tan chu ka lawmpui thung.

Tunah chuan karkhat zet kan In lamah ka awm ta a,Tintin-a ka ngai em em a,zan ka muhil mang lo a,ka mutchhun ah pawh Tintin-a tap ri niawm tak hian min kaitho fo thin,rang takin ka tho a,ka mutna piahlam ka thlir phei vat thin a,mahse,engmah awm lo,Bang mai ka va hmuh hian minti beidawng ngawih ngawih thin.

In check-up tura ka insiam laia ka phone rawn ri ral ral chu phur lo zet hian ka en a,Rami a lo ni a,engtak chu nimaw??"hello.." Ks ti chiah chu mangang aw hian, "Tunah lawm khan Tintin-a inchung step atang in a tla a....."a rawn ti chu ka te nghal vak,room atanga tlanchhuakin ka nu ka ko nghal chul a.Motor chahbi ka phihthla a,pawn lam ka pan chu ka nu in min rawn um ve a,min man bet pah hian "enge thilawmzia?" a ti nghala, "Tintin-a inchung step atang in a tla a,Rami a mangang lutuk a min rawn phone a...."tih pahin mangang tak hian ka ban ka phar a,"awhaw,ka hrethiam e,. Engpawhnise, hahdam phawt rawh,khawnge i phone i dah?" A tih chuan ka kekawr ipte zen pahin "ka hrelo..."ka ti a. Ka toom ah a va lut a,ka phone kengin a chhuak a,a rawn ri leh nghal chu en in, "Rami bawk anih hi..."a ti chiah chu ka pawh thlak sak a..."aw...enge a an?"ka ti nghal tawp."Damdawiin kan panpui dawn mek a,lo kal ve nghal mai ru,i thei ang tiraw?"a rawn tih chuan "aw...aw...ka lo kal nghal ang"tiin ka off zuia,,Ka nu ka hrilhfiah leh sawk sawk. " Ka lo kal ve ange" a ti a, motor lam panin ka chhuak a,ka nu muang ka ti a,a lo hmangaih ve tak tak lo ni in ka hre hial tawh.

"Motor i khalh thei ang maw?",min ring chiah lo hmel pu hian a rawn ti a,ka nui mai a,.  engmah sawi lo in ka tlan chhuahpui ta zawk. Ka thinphu dut dut karah chuan Tintin-a hming lam in ka Tawngtai a,ka Tawngtai ti ila,Mumal pawn engmah ka chham tak tak chuang lo. Mangan lutuk hian tawngtai pawh a lo har a ni ta ve ang. 

Motor dahna tur awl a lo awm hlauh maia, ka dah fel ve leh Damdawiinah ka tlan lut nghal sawk sawk a,mahse ka hmu ya mai lo. Ka thlen khalh zawk nge mawni tiin ka hawikual a,Kawngka ah chuan Roa hian a rawn tlan luhpui hlawk hlawk lai ka va hmuh chuan ka pan vat a,ka laksak nghal a,min hmuh veleh a Ban tereuhte chuan min kuah a,"a-ma....a na ..a na "ati a,atap zui leh nghal a,ka Mittui rawn far tur ka khap hul sawk sawk. Chi ai thei ka ni tlat lo. Duty ho chuan min lo buaipui zung zung a,amah a te si,a mal an khawih hlek pawn na a ti em em mai. ....ka hmelhriat Doctor a lo awm hlauh maia,"Te-i, i fapa nimaw?,Lungngai suh,a tha leh mai ang,a malpui leh a kawng bawr vel hi en chian angai a,Step atang in atla inti em nii?"a ti a, "aw..ka awmloh lai ania,a tlakna tak pawh ka hre lo,a tha lo viau angem?"ka tih chuan min beng thuk thuk a,"X-ray te kan ti anga,a tul dang dang nen,min pui rawh ka'n ti dawn ania,i hmelah minpui tlak i ni lo hmel em mai " Nui chungin a ti a, za lo tak hian ka nui ve ta ngawt. A tap ri ka ngaithla kar a,ka beng te ka hup leh thin,ka bulah ka nu a rawn thut chuan ka nu nen kan kal tih ka hrechhuak leh chiah...

Ruatsanga chak zet a a rawn kal chu ka hmu a,ka ngei kher mai,lo va hauh hrep mai ka duh a,midang awm ve lo se chuan ka insualpui leh duh mai in ka ring...Tintina an rawn nawr chhuah chuan ka pan thuai a. Ruatsanga pawh chuan a rawn pan hnai ve a,"enge a an?"a ti a, "in vannei khawp mai,a mal ruh kha a tliak lo a,mahse,a khi a,kan cher khawng anga, chuan a kawchhung hi sawh chhiat an ei leh neih loh kan en leh nghal dawn nia" a rawn ti a,ka thaw huai a,Ruatsanga chuan Tintina a en vung vung a ,a hmel hriatthiam a harin angaihtuah na engmah a lang lo.

Engkim a lo tha vek tih ka hriat chuan ka thaw huai a,In ah a hawpui theih tih an rawn sawi pawn ka lawm kher mai.Ka nu leh Ruatsanga chu eng nge an sawi hriat loh hian an phun dun sap sap thin a,alo thlen tirh atang khan min la melh chhin lo reng reng. Rami'n thil thlen dan min hrilh mawlh mawlh a,Seni lo awm lo kher chu ka thinrim hlur a,Ruatsanga chungah ka lungawi lo bawk. A rawn kal phei a,min melh lo hian min kalpel a,Tintin-a pawmin ,a kal chhuahpui lai chu ka en reng a,han vawm zui chawrh tak hi ka nap a,tih chi der bawk si lo.

Ka nu chuan engmah Ruatsanga nen a an inbiakna a sawi lo a,ka zawt hek lo,thil pawimawh an sawi lo ah ka ngai mai. Ka Doctor hmu turin kan kal tlang ta law law a,keipawh rilru hahna tuar hrep nimah ila,vanneih thlak takin ka Naupai pawh a lo tha a,Tintin-a ringawt ka ngaihtuah na lamah Nau ka pai tih pawh ka lo inhre lo lek lek mai.Zan tirah Rami ka phone leh a,a haw tawh thu leh,Tintin-a pawh a ziawm a,Ruatsanga hna ah let tawh lo in a awm tlang tih min rawn hrilh a,ka ngaihtuah lutuk pawh a ziaawm ta.

Ka phone ka en chuan Hike ah Ruatsanga msg a lo awm a, makti zet hian ka hawng a,Tintin-a mu lai thlalak min lo thawn alo ni a,a mal an tuam var vu a,a khawngaihthlak reuh ngang mai,ka reply dawn nge dawn lo tih ka ngaihtuah a,ka dah zet a,mahse,"ok..." tih ringawt in ka reply ta ngawt,ka beisei loh zet hian a rawn reply leh nghal zat a,"Lo haw rawh" tih ringawt......ka Reply lo...mahse vawikhatmah ka Muhil lo thung...

KA PASAL-28

Khawvar dawn lam hnaih chuan ka insumthei ta thlawt lo a,ka va reply leh ta lawi,"Tintin-a a muhil thei em?"ka va ti a, ala hma em a,min chhan pawh ka beisei chiah loh laiin rang zet hian a rawn reply a,"aih,muhil lo,a ko sek che a,lo haw rawh ka tih che kha" a rawn ti duah a,an muhilthei lo tak tak a ni ngei ang,tunah pawh rang zet in min chhang thei tlat. Ka chhang zui duh ta lo a,tul lo zet ah inhauh leh mai ka hlau a,han inhauh kual leh vel ka chak fahran lo. Haw tura min duh chhan tur lah Tintina a enkawl peih loh vang bak a ni dawn lo tih ka hriaa, lawmna tur vak a awm lo. Phone a biak vel ka peih lo hle chungin Hmaichhanah erawh chuan duhtawk a an khum ka chak..

Ka va thawh chhuah ve chuan ka nu leh tu emaw hi an lo inbe mawlh mawlh a,Choka ka luh chuan ka tum loh lutuk hian Ruatsanga ka va hmu a,engtiklai in nge a lo kal hman ni?,a Dress atang chuan a Walk anih hmel a,mahse,a Fapa muhil thei lo a menpui anih chuan chauh viau awm tak. Melh pawh melh lo hian Thingpui ka insiam a,a duh leh duh loh pawh ka zawt khawmawi peih lo,a zak lo ka ti tlat,ka thingpui no nen ka chhuak leh nghal a,kal mai na tur hre hek lo Room ah ka inchawi lut a,min rawn um zui ka ring lem lo bawk a.ka rin ang chiah in min umzui lo a,min be lo hrim hrim bawk.

Chaw ei tura min rawn koh chuan a lo awm tawh lo a,Ka nu chuan engemaw a sawi beisei hian ka melh leh zauh thin a,mahse engmah a sawi lo a,thildanglam thleng ang pawn a khawsa lo hrim hrim,kei hian engemaw ka beisei chiah hi le ????

Ka pa leh Mama an chhuak a,Hruaii erawh a chawl thung Ka nu'in "Mampui,Tintin-a i va kan ang hmiang" a rawn ti a,"aih,min duh lo a min chhuah tir na hmun ah hian let leh ka tum tawh rih lo"ka ti hmak, aruk chuan ka chak zek zek,mahse,Hmeichhe nasa lutuk ang mai a Koh mumal pawh awm lo a,mahni Pasal te in lama kir leh ngawt ka duh bik lo.Min duh lo a min hnawtchhuak tu ngei khan min mamawh anih chuan amah ngei lo kal in a duh leh ngaihdam min dil mai rawh se.

"i duh loh leh keimah in ka kal mai ang chu" a la ti talh a,ka chhang buai peih lo,a tum tawh chuan ati tlang ngei dawn tih ka chiang.Chutihrual chuan ka tlan tih hre reng chunga a khawsak duhdan mak ka ti a, nu NASA deuh ang mai niin ka hria. Ka nu kha a ni ta lo emaw tihmai tur a ni. 

Nilengin rilru nuam lo takin ka tei kual ruk ruk a,ka rilru lah chu Tintin-a hnenah a awm daih a,Ruatsanga khawsa zia han danglam vel kha ka hrethiam lo tulh tulh bawk. Ka nu nen hian engemaw thil tihruk tum an ang tlat,eng nge anih lah rinchhin ngaihna pawh ka hre si lo. 

Sitting Room Sofa ah ka mu mai maia, ka chhing dawn siar siar tih hian "A-ma" ti a min ko ri niawm tak hi ka hria a,mahse ka haw hnu atang Khan zan tin hetiang hian min kaitho thin a,ka ngaipawimawh duh lo. Ka bengchhe ri mai mai tiin ka maimitchhing lui tlat a,ka beidawng leh dawn tih ka hre miau atin ni. Kawngka a inhawng ri rak a,ring zet hian"a-ma,khaw nge i awm?" Tintin-a aw ngei hian a rawn ti a,ka inbengkang nghal zawk a,Ruatsanga leh Tintin-a rawn inpawm lut chu ka va hmu a,ka intih luhlulna zawng zawng theihnghilh in ka pan nghal ruak ruak a,ani lah chuan min ko ve chel chul bawk. A pa kut atangin Dimte in ka laksak a,Sofa ah ka thutpui a,a Mal an cherna bawk luau mai chu ka en a,ka khawngaih ngang mai. 

"a-ma,khawnge i kal?" fiah lo deuh hian a ti a,Ruatsanga ka va melh a,min rawn melh ve chiah,a hmelah chuan tanpui ngai a lagi pu zui. "Api hi a dam lo a,ka awmpui lawka,Bawihte,ka ngai lutuk che" tih pahin ka fawp a,ka insum thei thlawt lo,ani pawn min ngai tih alang reng mai.Tlaiah a hruai haw leh mai dawn si a, hrehawm a intan leh leh dawn tihna mai a ni. 

A kal lehnghal dawn emaw ka tih chu a kal leh ta mai lo,kei erawh chuan Tintin-a bak ka ngaihsak lo,a awmve tih hria ang pawn ka lang eih lo. Tintin-a mut chhuak  ham bai bai chu ka hmu a,"Nu,Tintin-a hi in lo phei hma in a muhil em?"ka ti a, "aih,min hmu kha nuam a ti lutuk a,a tawng char char" A tih chuan ka nui sak a,"lo kal rawh le,Naute...mut a hun ania" tih pah in dimte hian pawm kan ka tum a,mahse Ruatsanga  a rawn thleng ve chawpchilh a,"khawi,keiman ka lo pawm ang,a rit reuh em mai,a ke pawh dim tel angai si" a ti a, ka kut a rawn si zauh chu rang zet hian ka la sawn nghal a,a la nui suk zui a,eng vang hian nge maw ka la Nervous fo ni????

Khum a thlen chuan a muhil chu a ni deuh der . Mahse min koh avangin, ka mutpui ta nge nge a,"i chhuah pah khan kawngka kha khar rawh" ka ti hmak,amah en lo zawng chuan ka mu ve nghal a,Tintin-a te chuan min rawn kuah nghal chial,tunah chuan ka fapa hi mumang mai ni loin atak in ka mutpuia,a lo harh anih pawn ka Taksa si chung in a mu anga,ka beidawng tawh lo ang,kan hun neih tawite hi a bulah hman ka duh ber.

Khum rawn hniam sat ah chuan a la kal lo tih ka hre chauh a,"inbe lawk ang"a ti zawi sup."aih,sawidun tur kan neilo"ka ti nghat"keiman ka nei alawm"atih chuan ka ngawi ta reng a,ani pawh a tawng tawh dawn lo emaw tihtur hian a ngawi ve veng veng tho a,mahse a awmve tih ka hriatna chuan nuam takin min awm tir thei lo. 

Reife hnuah "lo haw tawh rawh" harsa tih hmel zet hian a ti  a,a aw pawh a zawi viau,ka la chhang duh chuang lo,engvangin nge ani sawi ang anga ka awm kher ang?

"Tintin-a hian a mamawh lutuk che,i tel lo chuan ka enkawl thei lo,thiam pawh ka thiam lo"a ti leh a, ka rin ang chiah..min mamawh na chhan chu Nau awmtur bawk....min va han ngai nep ber,

" i fa anilo min tih kha" Thildang sawi loin ka ti a, "kha chu ka Thinrim lai a ka sawi lawm"a ti thuai, "anih chuan i Thinrim a piang in tikhan i ti ziah dawn tihna ania,Tintin-a len hunah phei chuan Buaina mai mai tur,tihian i haw pui ang a,ani pawn ngaiah a nei chho ve mai ang" ka ti let ve hmak a,Beidawn hmel zet hian a thaw hawk a,engmah sawi zawm leh tawh lo hian a chhuak a,Kawngka chu Dimte hian a rawn nem khar a,Um zui a, kal lo tur a ngen ka chak a,mahse,kei ni lo in a mamawh chu Tintin-a awmtu tur a ni miau a,intih thangtlawm leh ka tum tawh bik lo..Keichuan a fa ka pai a,amah nei lo mah ila Naute ka nei tal alawm le..ka ngaihtuahna kawm chungin ka lo muhil ve a,kan inthen hnu ah ka mut that ber a ni hial ang.

Ka harh leh chuan Tintin-a a lo awm lo,hmanhmawh tak hian ka tho a. Sitting Room ah  Aputea nen Game  an  lo khel dun ka hmuh chuan ka thaw huai a,ka nu lah chuan phawk zet hian min lo en a,"a va mak rum rum thin,in dim deuh teh" a lo ti hlak hlak a,sawitur hre lo zet hian ka riat nawi kual ta mai mai. Hruaii eirawngbawl puih tum in Choka lamah ka lut phei ve a,"Au Tei chu Tintin-a ilo hmangaih hle mai,i eng nghal sawt sawt mai alawm" tiin minlo fiam chul a,ka nui mai a,Mite hian an Fahrawn te hi engtin nge an ngainat loh a an huat kher thin hi mak ka ti a,keilah hian ka Hmangaih hlum lo chauh si.Ka nu a rawn lut a,chawhmeh ho chu a en kual dan dan a,"Nu,chaw ei tur kan nei em ni?,i va uluk ve"ka lo tih chuan, "aw,Tintin-a pa in a lo ei dawn a,Seni kha a ban a,amah chauh a chawei tir ka khawngaih a ,ka lo sawm ve mai"a ti liam puat. "maw??!!!,ngatinge a ban a?,mitha hmuh an harsat nen"ka ti nang nang a,chuvang chiah chu a mni haw tur a min duh na chhan,tenawm hian a....

Ruatsanga rawn kal leh chu melh pawh ka la melh chuang lo,a hmasial lutuk chu ka haw hlur ringawt tawh,a hmelthat ngai rengin ala tha a,amah a danglam awmchhun chu a mut that loh vang nge ni Dark Circle a nei a,a hma khan a neih ka hre ngai lo. 

Chhung inkhawm kan hmang a,Ka pa-in Nupa chungchang a sawi ngheng a,ka lo ngei ngawt bawk. A chhan chu kan Nupa hi inthen ang in min sawi lo reng reng,In ngaidam tawn tur in min fuih a,Ruatsanga ka hmai zah in Ka pa Thusawi ka hriat tawh ah chuan ka lawm loh ber tum a ni hial ang.Ka nuin chawei tura a sawm pawh over ka tih rapthlak nen. 

"Tintin-a hi ka hawsan mai ang e" tih leh thawh a rual a,makti zet hian ka en a,min pe phal tihna mi???,ka ring silo,"ni e,zanin chu hetah riak se,naktuk ah an rawn haw dawn nia,i rawn hruai hman leh zingkarah rawn hruai la" Ka nuin a lo ti a, eng nge an sawi hi ka hrethiam hlawl lo,"an" atih chuan min sawi tel em lo ang chu,mahse midang sawitel tur an awm si lo,asawisual tal a ni ngei ang.

Ka khumah kan mu dun a,a tawng bial bial renga,a kum phu lo in a fing a,zawhna min zawt vel a,ka mitthla ah erawh Ruatsanga a lang reng,ka melhna lam apiang ah a lo awm nimai in ka hria,ka mit ka chhin leh a lo awm bawk a,a tel lo hi chuan ka kim ngang lo chu a ni. ,Mahse,Thudik hria se,ngaihdam min dil phawt loh chuan haw ka tum tawh lo,Min Hmangaih ka ring lo a ka phut hek lo. Chutihrual chuan min mamawh tih tal lantir se ka duh mai chauh a ni a, pasal nei tawh ka nih angin inthen hlen chu ka chak bik lo. 

"Pawnah ka awm,lo chhuak teh",Ruatsanga'n a rawn tih chuan muhil tawh niawm tak hian ka awm a,ka reply duh lo,"khawngaihin,i chhungte zawng zawng hmuh a rawn in tih mualpho chu ka zak ve ania"a rawn ti leh a, engthil tak nimaw???

Tintin-a tih harh hlau takin ka tho ta tham tham a,Kawngka ka hawng tur chu ka tim leh deuh a,ka intih luhlul ve nen hian,engatinge maw a sawi apiang ka zawm kher ni ka ti leh a,let leh ka tum that that. Mahse, Pawnah a awm tak tak anih chuan a sawi tur ka hre duh a,tun ang Thlasik ah Motor a awm reng a nuam dawn lo tih lah ka chiang. 

Ka va chhuah chuan Motor ah a lo thu a,a thawmhnaw pawh tlai ami tho kha a lo la ha a,a la haw lo nge ni????

"Lo lut la" tih leh kawngka rawn hawn a rual a,ka tim deuh a,"Tintin-a alo harh palh ang" Ka tih chuan arum hak a,"lo lut phawt teh,a reilo ang"a ti leh a, min va han Control tak,ka thu lut leh ta..."in ah lo lut mai la,hetia pawna inbiak kher hi buaithlak ka ti"ka ti nghat,"i chhungte zawng zawng leh ka Fapa hmaah zah nawn leh kher ka duh lo"a ti deuh hmuka, "enge zahna vak tur le? I hriat ngai loh pawh anni hleinem" ka ti leh hmak. A thaw deuh huaia,"ka mawlzia ka inpuang dawn miau a,mahse,naktukah ilo haw dawn ngei chuan naktukah in ah ka hrilh ang che. Kan nupa kar leh i naupai lam te pawh ka sawi ang" a ti leh daih. Rang tak hian, "aih,haw dawn lo,i duh hun2 ah lo haw rawh,chhuak rawh in tih ka duh lo. " Ram hmak hian ka ti a

"ok....ka hria e,Seni ka ban a...."a sawi zawh hma chuan..."ka hria,chuvangin a ni lawmni keipawh haw tur a min tih?"ka lo tihkhalha, a thaw hawk a,

"Tei,min en teh,Ka fapa chauh ni lo in keimah hi min en ve teh,ka mamawh anih chuan midang ka chhawr leh mai ang,mahse,Nupui dang erawh i ai awh tur in midang ka duh lo,nangmah chauh ka duh che..."thutak em em hian a ti a, awih lo leh mak ti tak hian ka melh a,mahse, a dik a ni,A na tuar chu ka hmu a,a hmelah pawh alang chhuak alawm. Ka inrin hma in min kuah hnai thut a,Dimte hian min rawn fawp a,chhan emaw tal chhuah pawh tumna ka nei lo,ka dawh mawl tawp...

"ka tihpalh aw" Ka chal leh a chal tisi chungin a ti a, 

"tunah chuan a tlai tawh,Tintin-a pawh....."ka tihlai in ka hmui a rawn hup a,"vawikhat chauh tal ka fapa ni lo in keimah min ngaihtuah ve rawh,khawngaihin" A ti nawn leh a, "um....Naktuk zingah min rawn lam dawn nia,ka lo haw ang,min hmangaih kher hi ka phut lo a ,mahse min mamawh anih chuan i sawi ve hi ka phut a,tunah i sawi ta bawk a,ka lo haw ang,kal tawh rawh" ka ti a,Car kawngkhar ka hawng tur chu rang zet hian ka kut a rawn vuan a. 

"Min tiam rawh, chu ti lo chu ka rilru a nuam lo ang" A tih chuan nuihza zet hian ka en a,a chet dan Naupangchhia ta riau chuan ka nuih a ti za  a ni ber. 

"ok....ka lo haw ang,ka tiam a che" Ka ti ta nge nge. 

KA PASAL-29

Ka chhuk tur ka hawi let leh a,"hetia awlsam deuh a lo haw leh ngawt chu ka zak ve tho a. Bakah, min puhna zawng zawng te kha engmah ka la theihnghilh lo" Ka ti leh riha, " Kha chu naktukah engkim ka sawi ang ka tih kha " a ti vat. "Rami hnenah chuan i Naupai vangin min hmu peih lo tiin ka hrilh a.Kan inthen tih pawh an hre lo" A tu zui leh a, ka nuih za lutuk ka insum hlei thei lo,ani pawh a nui ve suk a,ka kalsan ta a...Rami ka phone thin pawh khan makti hmelin a awm ngai lo tih ka hre chhuak leh hnuhnawh.. 

Thawm dim tak hian ka lut tham tham a,vanneih thlak tak in Tintin-a a mut ngaiin a lo la mu a,Naupang mangchhe ve tak a ni bawk nen a Ke tuamna lawk bur avang chuan a talvel a ti buai a,a thaw sak sak mai. A bulah ka inthawlh leh a,a sam dum hlap chu ka chul a,a va han hmeltha tak em...Hmangaih hi a phu hliah hliah…

Ka phone ah msg a lo luta, "i muhil leh hman alaw?"...Ruatsanga bawk....a thlen pawh a thleng hman em ni le???"muhil tep.enge?" ka ti leta, "Story ka chhiar a"a rawn ti tehtlat."eng story?" Ka ti leh maia, "Ka Nupui ziah ania, a ngaih nawm khawp mai" A rawn ti chiah chu ka tho hlawl. Ka thilziah na engmah ka keng lo,ka ziahsa ho kha ka thukru viau a,mahse ani chuan alo hawng thiam leh tho anih hi..a thiam ang tih te chu lo hresa awm tak ka nih vei nen..,thlalak a rawn thawn leh chuan ka phu zawih zawih hi a ni ber,engkim mai ngialngan tak tak in ka ziak vek si,ka tihngaihna hre lo chuan ka Phone ka Off ta ngawt.. 

Zingkar hma takah min rawn lam a,thawmhnaw engvakmah ka keng lo bawk a,insiam ka awlsam khawp mai.Tintin-a nen a hnungah kan thu a,a tawng duh si,a ri chel chul a,Ruatsanga nen inbiakna hun a awm lo hrim hrim chu ka tan chuan chhuanlam tha tak a ni.

In kan thlen chuan Rami a lo kal tawh a,minlo lawm chul a,inchhung kan lut a,purunvar rim choka atanga rawn chhuak chuan nasa lutuk hian min rawn tur a,ka tlan hlawk hlawk a,kan Room Bath Room ah nasa zet hian ka uak ta chiam chiam mai, ka mittui a tla phung a,ka chau hnawk mai..

Ka chhuah chuan  kawngka bula Ruatsanga lo ding reng chu ka hmu a,hlauthawng hmel a pu a,"i tha em?"a lo ti thuai, chhang lo in ka bu nghat a,khum lam ka pan a,Chau zet hian ka mu a,ka uak vak vak hi chuan ka chau hnawk thin.A rawn thu a,"eng ber in nge i luak ti chhuak a?,keimah chu ka ni tak tak lo tiraw?" a ti hu a,"aih,Purunvar rim hi ka ti thei thlawt lo,ka insum hman lo anih kha"ka tih chuan a tho nghal vuta,"ka zuk paihtir lawk ang" A ti nghala, "angai kher lo lutuk,sual min ti anga sin,a hre lo a ni ve mai a,nakinah ka paihtir mai ang" ka ti bak hlar mai.Mahse,"aih,keiman ka zuk paihtir ang,i duhloh zawng chu sawi rawh,engmah a awm lo ang"a ti leh zung zung, min ngaihsak lutuk chuan ka tah a ti chhuak zawk a,a awm danah chuan tider hmel engmah a lang aih lo.

Chawei tura ka chhuk thlak chuan Rami  a lo inthlahrun hmel nasa mai a,alo zuk hau ang tih ka hlau kher mai,a thiamloh a ni der silo . Ka rin ai tak chuan thik ka ei thei a,Tintin-a lah naupang harh rual tih takah chesawn thei lo a thut reng mai chu a ning a,ka pawm kual a,Verandah ah ka thut pui a,achang leh Leo nen an infiam a,Ruatsanga erawh chu insiam sa vek hian a rawn chhuak a,min rawn pan a,Kamiz pawduk leh kekawr dum thui nalh zet mai hi a ha zuih a,rawn thut pah hian, "hna kal ngei ngei ka ngai a,mahse ka lo haw har lo ang,lo che suh ang che,mamawh i neih chuan min rawn call dawnnia"a ti a,ka bu ringawt. " tun hnaiah Doctor i hmu em?,kal ngaihna a awm dawn em?" ati leh a,"aih,Nimin piah khan ka hmu alawm,ka tha vek e,Karleh ah a ni tawh mai" Ka ti ve a,Tintin-a chu a en vang vang a,"a bawhbuai viau che angem aw?,vawiin ah midang chu ka be tho a,tlaiah a lo kal theih dawn leh dawn loh a chiang ang" ati leh a,a awmdan chu a Duhawm takzet..

Tintin-a abual theih siloh a,tuilum in ka hrufai a. Thingpui kan inlai chuan Rami'n min en vang vang a,"rai hi a hrehawm viau em?" ati hlawl..."hrehawm loh e,ngatinge?"ka ti awlsam maia, a hnar a tum dat a,"i awm loh lai khan Pu hi awmngaihna thlawt a hre lo nimaiin ka hria, athinchhe hlur bawk si,nang lah ilo haw mai bawk si lo,zep lo ah chuan ka ning hman ania aw" ati a,ka nui hak hak a,ka kut a rawn vuan a,"mahse,hrilh suh aw" a ti leh hnuhnawh a,"hrilh lo e,hei ka lo haw tawh a,a thinchhia pawh a ziawm maithei asin" ka ti a,"nia,keipawn ka beisei,khatiang tak khan angai che tih ka lo hre miah lo,i vannei e" a ti leh a,ka rilru chuan"nia,min hmangaih ve pheise chuan ka vannei ngawt ang" ka ti a,ka sawi chhuak lem lo.

Tintin-a ka mutpui a,ka rai tan ka inhriat hma atang si khan mut hi ka duh em em a,Tintin-a muthilh hnu chuan tho leh lo in ka mu a,ka in ngaihtuah kual vel a,ka thilziahna vel pawh ka la en leh lo,a hre vek tawh a,thuhruk kual leh pawh awm zia a awm lo . 

Hmui lum thar thar in min rawn fawh chuan ka harh a,chiang lo riai hian ka melh chho a,..."ilo haw na a rei tawh em?" tih pahin thawh ka tum a,min dang a,amah zawk chu a rawn lawn a,"tho duhsuh,keipawh ka lo mu ve dawn,a vawt alawm,ka inbual zo chiah a" tihpah chuan ka Blanket sin lai a rawn hlim a,ka kawngah a rawn zen lut a,amah si chet in min kuah bet a,ka nghawng a thawk khum lum ham ham bawk "khawnge Tintin-a?" ka ti a, ka bulah a mu tawh lo,"a khumah ka mut tawh,mut duh Nufa lutuk" ati sup a,"a tlai tawh viau alaw? " Ka ti sap, "aih,tlai lo e,dar 4vel aniang,mahse,khua dur a,thlasik lai a ni bawksia,alang tlai vek" ati leh a,ka dul a rawn chul a,"hetah hian ka fa chu a awmsia tiraw?"a ti a, aw ah chuan a la in rintawk loh zia alang a,a kut ka vuan a,"um...i fa ngei a awm e,mahse Tintin-a hi i fa ah pawm in i thinrim tawh lo tiraw?"ka ti ve thung."ka pawm alawm,i Story ka chhiar hma khan ka hre tawh a,minlo hrilh lo kha i ti mak zawk" A ti leh a, "min puh miah suh, I Nupui chungchang a chhe zawngin ka sawi theih loh kha,a hming ka sawi ngawt pawn min that duh mai hmel i pu thin a" ka tih chuan a thaw hawk a. 

"ka lo sual ngawt mai,chuan kalbo tir nawn leh dawn che maw ka ti a"a tih chuan angaihna hre lo tak hian ka en a, " Engtin maw??!!!,enge awmzia?"ka ti ha mai. A ngawih deuh vung vunga, thil kal tawh ngaihtuah niawm tak hian a awm a. A thaw deuh huaia, "High School i kal lai khan ka hre tawh che alawm,kan College atang khan nitin i lo haw ka lo thlir thin che a" a ti ta mai, mak ti tak hian "tak tak maw?" Ka ti vat. "Sangtei nen chauh hian in lo haw dun thin a,midang tumah inkawm ka hre lo,chuan in lo haw hun hi ka chhinchhiah a,ka lo thlir thin che,i sam dum hlap hi i dar chen in i tan rual a,i mit lian kelkawl a kan lam i rawn melh chang te khan ka lo zam ve em em tawp thin. Mahse kum khat hnu ah khan i bo ta daih a,ka hmu leh tawh ngai lo che a,ka hmuh leh hmasak ber che chu Tintin-a pian zan kha a ni a.."a ti dam thlupa, sawi harsa a ti hmel kher bawk. ,a aw pawh a zawi ,Amah lam hawiin ka inlet a,a khabe ruh kual ka chul kual zai zai a,"a va mak em em,awih tur leh tur lo pawh ka hrethiam lo" ka ti sap,"awih rawh,chuan i hming pawh ka hre chuang miah lo a. B.com ka zawh hnu khan sumdawnna ka bei ve a,vanneihthlak deuh in ka tluang ta phian a,ka nu in min Boralsan erawh ka tuar,ka lunglen zual lai khan Marcus-a nu hi ka tawng a,rei pawh inzui lo in ka nei nghal maia,mahse ka tifuh lem lo anih hi"a ti leh a, "chutiang zawngin ngai mah ta che,a duh reng vanga bum che a ni lo a,a Hmangaih vang che anih kha,ngaidam la,chuan i Hmangaih thin zia kha hrereng zawk la.."ka ti dam thlap, "midang ka hmangaih leh thei angem tih kha min zawt tiraw?"a ti leh daiha, "um...mahse min chhang duhsuh,nang chuan i hria a,ka sawi ngai lo in Story ah khan ka ziak vek a,min hmangaih ve kher hi ka phut miah lo ania"ka ti a, ka rilru tak tak in ka sawi a, diktak chuan ka hmangaih na vang leh Tintina leh ka naupai mek vang te hian min hmangaih let kher ka phut tawh lo. 

min en vang vang chungin a kutzungpui chuan ka hmui a rawn tuai a,"Marcus-a nu i an vanga nei che ka ni lo,nangmah a an lutuk vang zawka nei ka ni...ka Hmangaih lo a,amah erawh chu ka Nupui anih ang in ka tihtur ka hlen a,ka ngaina bawk" A ti chiah chu phawk tak hian ka en a,"a va mak tak....ka hrethiam thawt lo che"ka ti ta ngawt.."nia,ka zawng nasa che alawm,kan inneih hnu ah lah khan kei aiin Francis-a i pan zing zawk a,ka thah chak zia kha aw" ati hmuka," Chutiang sawi suh ....ani te chu ka Thianpa mai chauh a ni a,ka tan atha em em bawk a,.....ih...ka mut a chhuak e" ka ti niah niah a...hlimna zawng zawng hi ka ta nimai in ka hria...

Ka harh leh chuan a lo awm tawh lo a,Tintin-a pawh a awm lo,inhnuailam ka pan thuai a,nui ri ar ar ka hriat chu ka pan zela, An pafa in anlo thu dun a,Ruatsanga chuan alo chhaih mek chu niin..an bulah chuan ka thu ve a,"Chaw i ei duh em?" Ruatsanga'n min lo ti a,"ka ril a tam lo , i ei tawh em" Ka tih chuan a lu a thing a,ka ei loh chuan ei a tum hmel loh,ei lo ngawt thei ka ni lo bawk nen ka eipui ta a. Tintin-a erawh chuan Cartoon a en thung, engmah tih a phal loh avangin a  man a siam a,a tifel a,a sil leh vek. Apron a ha chu ka en thin a ka insumthei thlawt lo,ka nuih chuan a rawn hawi a,"ilo nui vel a maw?,pasal fel deuh i nei tih na a nimai" A ti nghala,"um,dik chiah.."ka ti tha ve mai bawk. "mahse.....tu emaw Story ah kha chuan ka hming hi Ramhuaipa tiin a ziak a..ner chunga a tih chuan ka zak lutuk ka sen awp awp in ka hria,"Tintin-a ka lo va en ange" tih leh thawh ka rual a,min nuih ri chu ka hre thei reng tho. 

A rawn thut phei ve meuh chuan Tintin-a  a muhil der tawh a,"ka han mut ange,ka rawn chhuk leh ang" A ti a, "ngailo,keipawh Room ah awm ka duh zawk,kawngka ka check anga ka rawn chho ang' tih pah in ka tho a,Gate hi chu kan kalh deuh reng a,pawnah Leo a mut leh mut loh ka en a,a lo hnar kuk kuk a,Ui that chhe ve tak chu a ni,ka nuih sak mai. Thingkung vela Light inkhai chuan kawt chu a en ut a,Gate bula Golden Oak kungah chuan Sharon buk zetin an zam a,a rawn kur suau suau a,thli thaw ah chuan an che dual dual bawk. Kawt a inleng kan kawm thinna hmun tlem a sang deuh ah chuan ka lawn a,a hnuai chu puk thla in Garrage a ni nghal a,a zau tha bawka, Motor 3 chu a dah theih. Kan In lianpui mai chu ka thlir a,ka lo Dream thin,In nalh leh hmuh hahdam tak ,fal raih mai,midang tihbuai loh tur a kawtzawl zau tak nei bawk chu ka nei ta,chumai ni lo in ka Hmangaih em em mipa 2 te a chhungah an awm bawk.

KA PASAL,ka Hmangaih em em Lalruatsanga  a rawn chhuak a,ka awmna lam chu rawn en in min hmuh veleh min rawn pan a,shawl lianpui a rawn ken chuan min rawn tuam a,min kuah nghal nghal,"a vawt iti lo mi?,ngatinge pawnah i din reng a?" a tih chuan ka ngheng ar ar a,a taksa lum ham ham chu ka hre thei a,"ka hlim em a,vawt pawh ka hre lo"hlim takin ka ti a, zep ka tum lo. Thutna awmah chuan min thutpui a,Pangpar chi hrang hrang chu Light engah chuan an nalh hlawm in hmuh an nuam kher mai,a malchungah min thut tir a,ka awmah a hmai a rawn phum zui zat. 

"vawiin tlai pawh khan zawhna kha ka chhang lo che tiraw?"a tih chuan "eng ber kha?"ka ti thuai. "midang ka hmangaih leh theih leh theilo kha?" a ti leh supa, "um...chhan angai lo."ka ti vat. "Ka Hmangaihna hi mipakhat tan a ni a,midang tan a ni lo..."atih chuan ka lo thaw dep dep a,"A chhan chu maw ka Hmangaih chu nang hi i ni a,chan che hi ka hlauh ber a ni bawk"a sawi lai chuan a hmel chu uluk tak hian ka en a,"i lakah ka nunrawng thin tih ka hria,mahse,khang zawng zawng kha ka thikthu vang a ni,minlo Hmangaih ve tih hi hria ila chuan ka ti na ngai lo ang che"awki ril tak hian a ti a, "ka hmangaih che alawm,nasa tak in ka tilang lo em ni?"ka ti thuai, "aih,Hmeichhe in Control thei lutuk i nih hi hre ta che,vawikhatmah min duh hmel i pu ngai lo,i mit ah hian min huatna a awm reng thin in ka hria..." a ti rang vut. Ka incintrol thei tih pawh ka lo hre lo..

"Ka hmangaih che,ka lakah nunrawng thin mah la ka mamawh thin che a,ka ngai vawg vawng thin bawk che" tih pah in a sam ah ka chulsak a,"kan a dun em mai,Marcus-a min hmangaih tir i tum avang pawh hian ka lawm asin,a nu in a thihphah a,ka fa tak tak ni lo a ka hriat avangin kha thihna kha amah vangah ka ngai a,ka en hian ka thinrim thin.Mahse,nangmah avang hian ka inchhirna tur engmah ka ti lo hlauh hi ka lawm asin..."thutak em em hian a ti leh a, "nia,i fapa a ia thlan tur hi engmah i nei lo,kei chuan ka Hmangaih ve2 che u,mahse ka hmangaih dan che u hi chu a hrang thung,a nau hi a lo pian hunah chuan a nuam a ti ang,a khua a har tawh lo ang" ka ti sep sep a.reife chu engmah sawi lo in kan thu a,a Lungphu ri dat dat ka hre leh thei ta,ka nun hi a famkim a,ka lo hrehawm thinna zawng zawng te kha chu mumang ang mai anni.

"Lut tawh ang hmiang,Tintin-a a lo harh hlauh ange" tih pah in ka ding chhuak a,a rawn tho ve a,ka biang ah kut lehlam in a dawm a,ka kawngah lehlam in min kuah a,hnai zetah hian min en a. 

"I PASAL hi kan naute thar tur vang hian i hrem rei dawn khawp mai,nula dang ka zawn i phal kha ka la hrereng ania' tih pah hian min rawn fawp ta vawng vawng a.

A tawp ta…