Min nei rawh(completed)

 MIN NEI RAWH - 1

Music thawm bengchheng lutuk chuan ka lu ati hai lek lek mai a,ka in hnem tawh viau vang pawh a ni tel tho bawk. Ka ding mai mai lai hmeichhe pakhat rui em em hian min rawn su chawrh a,kei zawk chu tlu lo in min su tu zawk chu a thal thuai mai a,kaithawh pawh ka tum buai lo. A ma fimkhur loh vang ah ka ngai mai, hmeichhia akara mahni pawh inveng zo lo khawpa rui duh chu eng mi mah a nih ka ring lo. 

Ka bula ding ka thianpa,Aizawl ka haw apiang a ka kawm thin Zirsanga chuan min rawn nghawk salh a,ka’n en chu a mit in min signal zauh a,min su tu hmeichhe tawng zet chu alo tho taih taih chu niin, mahse a rui ngang aniang a tho hleitheilo chu a tlu sawp leh niai a,a khawsak Dan chu zahpuiawm leh class lo hi ka ti thlawt. Hmeichhe thian zu in ve thin tamtak nei mah ila hetianga rui nawi khawp hi an awm ngai lo,an in tih pawh hriat loh khawpa smart thlap anni tlangpui.. A che vel chu ka  en reng a, atho thei ngang silo chu puih tumin  ka kun hniam a, a kutah ka vuan a,ka rin loh tak hian rang fe hian a thingthla a,buh nuai hian 'puih ka ngailo' ati zui a,eng hmeichhia nge maw anih tehreng ni?,rui chhe em em Chung pawh in ala chapo reuh viau anih hmel e.

A tawng Dan chu ka ngei zawng tak a ni mai,diktak chuan tupawh nise  min ngaipawimawh lo deuha an awm hian ka ngaithei  thak lo.Chu nu pawh chu a hmaah chuan ka kun hniam thuta, a ban bulah vuan-in ka’nc phih tho lawp mai chu a te nghal thawt mai a,chumi rual deuhthaw a Zirsanga leh a bialnu lo nui hak thawm ka hrezui zat bawk.Ka hmeichhe kaihthawh nu lah chu tlu lo chauha ding bu lawk lawkin a Sam a hui kiang a,min rawn melh zawk hnuah engmah sawi tawhlo in a inher hmak a,a pai chhuak tak tak chu  a ka thlir zui reng a,rei chu  ka hmu zui thei lo.A khawsak danah khan Hmeichhe dangdai tak chu a ni phawt mai…

Vawiin hian kan  chhungkaw thian tha tak te fapa in Nupui a nei a,zan lamah party an buatsaih zuia,a kal te ho chu thian hnai leh ka hriat sa te an ni tlangpui a,mahse kha hmeichhe rui nawi tak kha chu kha  hre ngai lo a, mo chhungkaw  lam hnai ni turah ka ngaia,ka ngaihtuah zui viau peih hek lo. Ka lampana lo kal mel ka bialnu khal nalh tak leh  hmeltha bawk chu ka en a,a rawn nui phei var maia,diktak chuan zan in hian Party na atanga kan haw huna kan tihtur ka Chiang em mai a, haw vat pawh ka chak. Chutihrualin thleng tura ka ngaih hi  kan tan thil thar a ni tawh lo,kum 2 zet chu Delhi-ah ka bulah innei silo in ka Nupui angin a khawsa ve tawh miau a,mipa leh hmeichhia khawsa dun reng,mitmei ven tur awm bawk silo chu kan tihtur in hrethiam ang chu.

Kei hi ka Pu atanga mihriat hlawh ve tak chhungkua atanga seilian ka ni a,ka pu hi a tha zawng a mihriat hlawh a ni ve bawk. Keimah ber hi Mizoramah kan awm tlem hle thunga,ka naupan tet laiin Shimla-ah school ka kal a,Delhi ah College chu ka zawm thung a,sumdawnna lam zir ni mah ila ka tuina ber chu lemziah a ni daih..College ka zawh veleh ka chhungte ka bia a,ka tuina lam kawng zawh min phalsak hlauh maia,tunah chuan ka tuina leh nuam tih Ber thawkin ka mamawh aia tam ka thawk chhuak ve a,naupan lai atanga pawisa neihloh leh retheih hrethiam lova seilian ka ni a,Pathian zarah chhungkaw tha tak neiin sum leh paiah buaina em em kan nei lo bawk nen engmah vei hah tur a awm lo va,ka nun hi ka phak ang tawka nuam thei ang berin ka hmang ve a ni ber. U mipa pakhat ka nei a,ka u hi khawiah pawh langsar vah khawpa hmela malsawmna dawng a ni a,kei erawh hmeltha tihtur ka ni lo chiang viau. Keimaha chhuan tur awm chu ka sang tha ve viau tih hi animai awm e,k vaneihna pakhat chu exercise la a taksa siam nalh viau ngai lo a nalh sa an tih ang hi ka ni ve leh tlat bawk. 

MIN NEI RAWH - 2

Ka bul a rawn thleng chuan Jenet-i chuan min rawn nek salh a,ka kawnga rawn kuah pahin midang hmuh lohah chuan min chul kual Dan Dan bawk a,mipa hrisel tha leh thisen lum pangngai tak ka lo ni bawk nen ka danglam deuh der chu animai..ka pawt bet a,Chiang tak hian min en in a nui Sak  a,ka bu zauh,hrethiam tak hian a bag a va la a,midang pawh hrilh leh tawh lo in motor kan pan a,Hotel a room ka book sa lam kan pan ta vang vang a,abak thil thleng chu sawi zui tawhlo mai teh ang..Lo ngạihtuah ve tawh mai teh u.

Dik tak chuan Aizawl hi ka awm tam vak lo bawk nen nuam ka ti em em lo,amaherawh chu ka nu leh pa hi kum 4 kalta  atang khan Delhi-a kan in chhuahsan in Aizawl lamah an khawsa tam ta zawk a,chuvangin keipawh engtik ah emaw chuan Aizawl ah hian ka la inbengbel ve mahna. Kan chhungkaw sumdawnna ka pa'n ahming chawia Construction a din leh a Farm zaupui tak ka u in a enkawl a,keichuan hetiang sumdawnna hi ka mamawh lo a,ka tuipui hek lo.

Delhi a ka chhuk leh hma lawkin  kan in ah ka nu in Dinner party tenau deuh min siamsak atum a,kan mamawh lei kimloh aneih ho ka nutei te dawr ah lak angai a,Jenet -i ka hruai pahin la nghal Turin mintih chuan a kual deuh nangin ka hnial chuang lo,ka nu leh pa hi khawvela Nu leh Pa tha Ber an ni ka ti thin.An fa te min ngaihtuah em em a,chutih rual chuan kan mimal nun-ah a nazawng leh a lova luakchhuaka min control tumin engmah an sawi buai ngailo.kan duh zawng chu min hnial lo a,kawng dik zawh tur erawh chuan min fuih reng thin thung.Jenet-i nena kan inkawp pawh hi an hre vek a,vawitam kan in ah alo leng tawh bawk,an duh zawng a ni lo anih pawhin anti lang ngai reng reng lo.Mahse Delhi lama kan khawsak dun hi chu an hrelo animahna..an hria anih pawn an tilang chuang lo tihna a ni mai.

Jenet-i lam turin ka  inkhalh chhuak a,ka nutei te dawr lam ka pan hmasa a,ka Nutei te hi ka haw apiang hian ka tlawh ve ziah a mahse an dawr lam hi chu ka kal ngai meuhlo,ka nutein amah a awmloh thu leh an dawr enkawltu ber nula a hrilh tawh tih min hril sa avang in Dawr lamah ka kal tlang nghal nal nal mai. 

Hmanhmawh vaklo in ka tlan a,ka hla duh Ber pawl,Metallica ho hla,Nothing else matter  ring angreng takin ka play a ka zaipui bawk a,nidang ang bawkin ka thawveng halh mai.Dawr ka thleng chuan motor ka hung fel te te a,ka nu mamawh list kengin dawr lam ka pana,an dawr hi alian bawk a,thawk pawh an awm nual mai,nula pawh 3 lai ka hmu a,mahse tuber nge nutei sawi kha ka hre mai lo,an lo  ngawi thap mai a,tumah pawh chuan min en lo,an dawr nghah an ngaisak lo hle mai ka ti rilru a,tunge an manager Ber tih zawh ka tum lai tak chuan thlanglam atanga Mipa thinrim ang thawm ka hrr thuta,hmeichhe 3 te chuan an hlauh hmel kher maia,a thawm a na  bawk nen a awm viau mai.

An zinga a te Ber NGO ving veng chu a rawn hawi  a,min hmu thut chu an thil tawn mek in a zirlo nen,a phu zawk mai a, an Manager awmna ka zawh takah chuan  hlauthawng hmel ti dai hian thlanglam chu a kawk ringawt a,kal thlak ka tumlai tak cuan Hmeichhe aw nem leh dam raih,mahse nek luih harsa hmel tak hi a rawn ri a,chupa ang buan buan chu midang angin a hlau ve lo  a ang khawp mai. An lam chu ka hawi a, ' enge thil awmzia ' ka tih chuan ahma a ka Biak nu bawk chuan Staff Pakhat zurui in buaina a siam thu leh Manager Ber chu a cho tlat tih a sawi a,nep ka tih chi ber,mipa in hmeichhia han cho reng reng te chu(h).

'Khawngaihin min han kohsak lawk ta che,ka nute in ka lo kal tur a hril tawh a' ka tih chuan a phurlo hmel kher maia,mahse a chhuk ve mai bawk a.A hnu rei vaklo-ah chuan ka tirh nu kha alo let a,a hnungah chuan hmeichhe pakhat hian a rawn zui a,ka lo en reng a,A sam a tawn tawm vek a,tarmit lian lam deuh a bun bawk.T-shirt, hring dal lam deuh leh jeans pawl tak zet mai a ha a,chapal hrui sinte a kaih a bun a,a ke zungtang a fai bakah a nalh viau,a hnute chu a lian kawhlah mai a,a Thau lam hret a,mahse Thau chhia ani leh silo,mi en liam deuh mai mai chi ka ni emaw ka tih laiin he ni zet chu ka bul alo thlen chhoh hma-in a landan ka hmu Kim vek animai.

Nuisang hian min rawn pan a,nghah angaih vanga poi a tihthu a sawi nghal siam siam a ,anuih zawng chuan a biang tawn taw- ah biangsum a khuar kek a,atilang cute phian. Ka hmuh hnu a ang tlat,chu paw hmuh hnu satliah lo niin ka hria..um,khawiah emaw chuan ka hmu tawh chiang a ni....

MIN NEI RAWH - 3

A tawng bawrh bawrh pawh chu ka hre tawhlo,ka hmuh tawhna ngawt chu ka lo ngaihtuah a,,' ka Pu,I mamawh list chu minlo entir theih chuan ka lo en dawn mi?” a ti ka thil ngaihtuah mek ka lo hrechhuak ve chiah a, Party na a rui zet a min rawn su tu kha amah ngei hi a ni tlat.

Engmah sawi lo in list chu ka pe a,ani pawh chuan engmah sawi tawh lo in ala a,a naute ho chu a tir dawn emaw ka tih kaiin aman ala khawm ta zung zung a,a che vel chu mitkhap mang lo in ka en reng a,ani lah chuan min hre ve miah lo tih ka hre mai.a Nge min hre ngamlo zawk ni,rui lutuk khan min hrelo tak tak zawk a ni thei tho bawk.

Thlanglam atang chuan palian lam hi rui tih hriat zet hian a rawn chho a,hmeichhe dang pathum chuan an Customer te buaipui pah chuan an melh Zak Zak hlawm a,mahse pakhat-i chuan en pawh a en lo,ka thil tur chu hmun khatah a dah khawm a,list nen a en mil leh mil loh balah akim leh kimloh vel a en niin ka hria,calculator te deuh pakhat a hum a,uluk takin a en a,ka list ah chuan a Thai zel a,rate a chhut leh a,a ziak fel zo ni ngei tur chu a tho a,min rawn pan a,nui seng Chung bawk chuan ' ka Zo e aw,ka pack anga I motor ah ka rawn dah ang,aman kha chu kan pi leh i nu in an sawifel tawh kha' ati leh zung zung a,keichu tawngthei lo  ang hmak ka ni,engmah sawilo in list chu ka la a, kalsan mai tumin kawngkhar lamah ka inhera,chhuah tumin ka kal tan chiah chu ka hnung lam a ri bur a,hmeichhe ho chu an te tuar bawk.

Kan hawilet chu Pakhat-i lo tlusawp nuai mai ka va hmu nghala,abulah chuan rui em em  pa kha alo ding bawk a,bungraw thenkhat an thal phung bawk. A awmna lamah ka let vata,ka kaitho zui nghal a,tun tum chu min hnial ta lo,a hmelka en chuan hlau hmel a Pu miah lo va, 'na I nei em?' Ka ti nghala,tawng loin a lu a thing mai a,a kalsawn dawn emaw ka ti chu a in her a,zuruipa lam chu a hawi a,a hmel chu a dur khap mai. Mipa zawk pawh a hmel chu dur tak  a ni tho.Customer dang an awmnual bawk nen engtin tak inti ang maw ka ti rilru a.Mahse keipawh kha a ruih lai khan min thamlo viau mai a,zuruipa hi engtin nge a tih ka enchak ta tlat..ka tawlh hnung ta daih.

An in melh dun ran mai a,chupa chuan vin zet hian ' min ban ang maw nang hian?' a ti chher chhuai a,Pakhat-i chuan dam raih hian 'aw,I nun I sim duhlo a,vawitam warning ka pe tawh che,chuvangin tunah min chhuahsan la ,lo let tawh suh ang che' a ti dam dap mai.Hmeichhe mak tak chu a ve Chiang a ni.Zuruipa chuan a kut chu a lek leh ta uaih mai a,ka che hman tep tih chuan,chapo-i chuan a kut chu aman bet chat mai a,a rawn hawi kual a,min rawn en ta chat,'ka Pu,khawngaihin I phone khan min benglai hi video in minlo laksak thei angem?ka Mamawh dawn a' ati a, ka bu nghut,rang vut hian ka phone chu ka phawrh a,an lam hawi chuan ka lek ta ran a,muangchang hian a in her leha,a kut paih sak sawk pah hian  “min han khawih ta che' a ti dam raih maia,mahse Zuruipa chuan Khawih tum hmel pawh a Pu lo,a din ngaiin a ding run mai a,ka nuih a za ngang mai.nep zel zul lutuk.

Pakhat-i chu mak ka tih rualin ka  lawm ta reuh riau maia.Zuruipa lah chu a ding ngawi hle hle mai a,Pakhati bawk chuan ' engmah i ti dawnlo anih chuan chhuak rawh,kan hnathawh i tibuai' a ti leh  hmak a,a rawn hawikual a, nuisang hian ' “min hrethiam ru ,kan buaizo tawh e,in mamawh apiang kha lo enkual RU aw' ati leh zung zung a,a va han dangdai tak. .

Min rawn en a,awki ngai pat hian “'motor lo hawngla,i bungrua ka rawn dah ang' ati a,bungrua ho chu a pack na tur a zawng nghal a,engmah thlenglo ang hmak in a awm thei.keipawh chu ka chhuak ta a.ka nuiphei vur vur maia.enge ka nuih chhan ber pawh ka hre lo,a dangdai lutuk kha ka lawm a ni Ber ang.

Reivaklo ah chuan percel lian vaklo hian a rawn pawm phei par par a,ka motor hawn saah  chuan a nghat a,a thaw ham ham bawk a,'ilo kal lai a film en tur inei chu pawi ka ti hle mai,hetiang hi kan tawng zeuh zeuh a,buaithlak ve phian thin ania” ati leh a,kei lah pek chuan ' I va huai ve' ka’n ti pek a,a biangsum lang kalh in a nui leh a,'ka hna leh dawihzep hi a inmil lo atin ni,anih tluang deuh in aw,ilo la kal leh thin dawn Nia' tih pah chuan a ban a Vai zauh a,dawrchhung ah chuan alut ta a.ka thinrim deuh thuta,a chhan pawh he  nu tereuh hian mipa ang in min en lo hrim hrim ni a ka hriat vang a ni.

MIN NEI RAWH -4

Jenet-i ka lam kual a,a perfume rim na zet a rawn nam leh ham ham bawk a,analh leh pek hle bawk.In kan thlen chuan ka thil hawn vel chu dawhkanah kan nula te tihfel tur in ka dah a,Jenet-i chu ka nu nen anlo in be ve bawk a,ahnu rei vaklo ah chuan kan thiante an rawn thleng sap sap a,mahse tum danga party ang anihloh avangin rui leh uchuak lutuka khawsa an awmlo.

Jenet-i  ka kai hrang a,ka pa lehkhabu vel dah naah midang hmuh loh in ka hnuk lut a,ani lah chuan min hnial hauhlo in minzui bawk a,he nu hi chuan ka duh hi a hrechiang thin ania,kawngka ka kalh fel chu thut pawh thumuanglo in ka pawm kanglawp a,ka fawp nghal bawrh bawrh mai..Naktukah kei ka chhuk anga, ani hi chu karleh ah alo chhuk dawn chauh a,keimah a hun hman peih lo tak ka ni. Kan khawsak dun dan hi dik lo mah se nuam kan ti ve2 a,nuam kan tihna bak engmah kan ngaihtuah lo.

A tawk fang kan awmdun hnu chuan kan thiante kan han fin veleh a,ka nu-in min rawn hmuh veleh ka nutei lo kal thu min lo hrilh a,an dawr a thil thleng kha ka hrechhuak a,ka hril chak  tlat.Jenet-i  kalsan in ka nutei te awmna lam ka pan ta a,ka nutei chu min hmuh veleh a rawn tho a,a te chul bawk a,ka haw tirh khan an nupa in an fate tlawh in Kolkata-ah anlo kal daih a,chhuk dawnah kan inhmu thei chauh a,ka naupan lai atangin min duat a,keipawh alakah ka pangchang bawk.Min hmu alawm viau pawh chu awm tak a ni.

Kan ri hlut a,ka Nupui neih hun tur tih vel sawiin kan nui bawk bawk a,ka nutei chuan dawrah ka mamawh ka lak fel thei leh theih loh min zawt a,ka theih thu leh an dawr nghakte fel Zia ka hrilh nghal luam  bawk.Pakhat-i te buai Dan vel ka hrilh chu a hlauthawn hmel ta kher maia. Mahse  kha nu in a chinfel Dan vel ka hrilh chu a thaw huai thung.

Ka nutei bawk chuan "Mami hi chu a fel asin aw,Thingtlang lam mi ania,amah hi lehkhathiam deuh mai anibawk a,mahse an chhungkaw harsat vangin High School chauh a Zo a,Aizawlah hian in aluah a,anau mipa leh hmeichhia hi School a kaltir bawk a,a rintlak bawk nen alo awm hnu hi chuan kal pawh ka kal ngai meuh tawh lo.A rintlak em a ni" ati leh siam siam .Pakhati kha Mami alo ni anih chu.Ka nutei sawi hmangah han chhuan tur viau a neih hmel loh tehren nen a mizia kha a ngeng ngalh maia,chapo ti duh tan pawh chapo tihmai awl tak tur a ni bawka. Hmeichhe mak ve tak chu a ni ang. Chutihrual chuan a mize dang,a tha zawng hriat chu nuam ka lo ti viau lawia. Ve teh ngawt chuan a. . .

Tunah chuan Delhi ka chhuk atangin thla khat aliam leh reng tawh,maktak maiin Mami kha ka mitthlaah ka hmu ta fo mai,a biangsum khuar kek te,a tarmit lian lam deuh vuahte nen khan.Mahseka ngaihtuah reng  tihna chu a ni chuang lo. A mizia ang nei hmeichhia kha ka la hmuh ngai loh vanga hre zui ta ka nih ka ring. Mak takin Jenet-i nen kan chet dun reng lai pawhin Mami nizawk se tih Chang te ka nei thut zel mai..

Zankhat chu zan lai pelh dar2 vel hian ka phone ri in minti harh a,ka LA chiah chu ka nu tap ri hlawp hlawp ka hre nghal thut maia,ka  nu hi a tap mai mai ngai lo ti ila ka la hmu lo hial awm e,"Mambawih,I u a accident a,athalo khawp mai,lo haw vat teh aw" tap Chung in a rawn ti a,ka va han phu NASA tehreng em !!!!!

A ni thei dawn em ni? Vawiin leh niminah  pawh hlim takin kan inbia a,hmeichhe pakhat a tawn thar a duh Zia leh ka nu leh pa in an duhloh a hlauh thu min hril anih kha..min hmuh tir ngei a tum bawka. Mahse ka hmuh tum ang anihloh tur thu te,nidanga a hmeichhe kawp thin ang anihloh thu pawh hlim takin min hril anih kha. 

Ka muhil tawh miah lo,Jenet-i a muhil bawk nen..kan nu nen kan in phone reng a,vannneihthlak takin ticket ka hmu hlauh maia,Khawvar veleh ka insiama,  Aizawl lam ka pan nghal a,Airport ka thleng chu kan Driver hlun tak mai Delhi atanga kan bula awmtwh,Raju chuan min lo hmuak a,amengsen ram mai.Kan tlan chhuah hnu in ka nu ka phone a,a LA thei lo va ,Call leh ka tum chu Zirsanga’n min rawn phone ve thunga "khawnge ilo then?" a rawn ti a, "Airport atang motor in ka lo kal mek,enge Nita?' Ka tih chuan a khuh khauh a,"Ilo thlen hunah buai vak suh o,I nu leh pa hian hnemtu an mamawh ania,tun maikhan i u chu a chatthla fel chiah e” a rawnti chu ka nghing lawih mai.

Mi te pawh an accident a,anthi kher si lo,diktak chuan ka tah pawh a chhuak lo,ka u neihchhun leh ka thian tha Ber a ni a,heti maia a kal hi ka awih loh bakah ka thinrim em em zawk.

MIN NEI RAWH - 5

Ka nu leh pa ka rilru ah anlo awm a,engtin nge kei tehlul hian ka hnem theih ang?ka u anga ka nu leh pa tilungawi tu an awm thei tawh lo ang.khawvela fapa tha Ber leh unaupa fel Ber a ni tlat si.

In ka thleng chu mi anlo zi nuai nuai mai a,kan in hi khawpui chhung mah nise compound zau tak kan nei a,kawtzawl zau tak nen,pangpar chi hrang hrang a vul chuk thina,thing lianpui pui a awm thluah bawk,thenawmte nen pawh kan in pawh lutuk lo.Ka thleng tih hria in anlo hawi deuh he haw bawk a,chutihlai chuan ka huphurh Ber ka nu chu awrawl chhuah meuh a tap Chung in a rawn tlan phei a,min rawn pawm chawt mai a,ka insum tang tang a,ka nu lah chu a tap hawm hawm bawk nen...ka u I kal hi a hun thlawt lo,engatinge hetiang em em hian ka nu te rilru I tihnat le ka ti vawng vawng mai!!!!!

Living roomah  ka u anlo mut tir a,thenkhat  anlo tap bawk a,ka Vai ruai mai,ka u chu ka en a,a hmel a chhe lo,tlem a pilh deuh tih bak chu a damlai hmel ang mai kha a la ni. Ka rilru in ka ko a,"tho teh,ka tello in khawimah I kalbo duhlo thin anih kha,mawh...tho teh"ka ti ka ti mai. Tho tur awm hek lo,ka beidawng ngawih ngawih..a hmai  ka chul a,a vawt thler a,nunna a nei tawhlo tih ka hria,mahse ka ring phal lo....

An vuiliam thleng in mumal ka nei vak lo,ka pa erawh chu a inti pachang thei ngang mai.mahse a ruka a mittui hru ka va hmu leh thin chuan ka pa ,pa thinlung sak lutuk kha a kehsawm tih ka hrechiang hle thung.

Kar khat chhung chu kan chhungkua in mumal kan neilo,ka nu lah ala tap reng bawk si,kei ka buai bawk nen ka nu leh pa ngaihtuah an ngai a,ka lungleng lutuk tur pawh a ziawm.

Kar a liam a,Tunah chuan inleng pawh kan nei vak tawhlo.kan chhungte leh thenawmte an fel a,min ngaihtuah vek mai a,kan hrehawm lutuk tur pawh min chhawk viau.

Nikhat chu ka u room ah ka lut a,khawhar takin ka thlir kuala.Side table a ka u camera lo awm  ka hmuh chuan ka ka mit ala nghal chat mai,a boral dawn ni a min hril hmeichhia kha ka hrechhuak zawk mai bawka. Ka u thianpa nen kan titi na atangin kha hmeichhia khan a hnar niin a lang bawka. Mahse tu nge anih hriat tho ka duh. Camera ah chuan a thlalak alo awm mial maithei tiin ngaihdan ka nei thuta??..mahse engtin nge ka hriat chuan ang????

Camera chu ka LA a,khuma muchung chuan kan en a,mak takin min ti phuzawk tu ka hmu ta tlat...ka en zel pawhin a mak zual zel a ni ber,Mami thlalak hlir a awm!!!!!

Ka u hmeichhe tawn thar chu Mami lek hi maw lo ni !!!!!ava han mak ve,ka u ruang thlak tukah khan ka nutei rualin alo kal ve a,engmah danglamna awm miahlo in a khawsa a,a tihtur apiang tha takin a ti bawk a.Ka u khan vawi khat a duhthu a hrilh tawh thu leh chiang zawka a duh zia hrilh a tum thu a hmain min hrilha.Khami zan khan Party naa kal paha a hmeichhe duh engkim hrilh a tum thu min hrilh nghe nghe a.Mahse a thianpa in min hrilh danin kha hmeichhia khan a lo hnar fithla thak a,tawngkam ngeiawm tak a hman khum bawk niin a sawia. Kha khan ka u a shock zia leh party naah pawh zu a inhnem zia a sawi a. A thianpa chuan tu nge a hmeichhia a zawtchhuak hman ta lo va. Kei chuan tu nge anih ka rinhriat thei tawha. Kha hmeichhia vanga ka u pawh accident phah khawpa zu in anih a rin thu thlengin min hrilh anih kha. Ni e, Chuti taka a lo duh lo va lo tawngkhum anih chuan ka u mahni induhtawk ve tak leh tlangval luck bawk si khan na a ti hle dawn tih a chianga. He nu hian kan chhungkaw pawi a khawih a nih tak ber hi a. 

Ka phone ri chuan ka ngaihtuahna ala peng a,kan en chu Jenet-i alo ni a,ka rual khan kal ve a duh a,mahse a tul ka tilo a,voiin hian lo haw a tum kha ania,kan buai vangin Airport ah pawh ka kal ta lo,nidangah chuan ka haw hmasak chuan ka lo hmuak ziah a,voiin chu ani pawn min beisei lemlo.Aizawl a thlen tawh thu leh zanah Anu leh pa nen lo len an tum tih te a rawn sawi luama,keipawn ka hmu chak tawh,ka Nupui ang maia ka rilru ka pek tawh a ni a,harsatna ka tawh lai leh hlim lai pawh hian ka ngai em em lo thei lo..

Kan buai nek nek avangin Mami pawh chu ka lo hre reng lemlo,tlaiah chuan ka pa in min ko a,a lehkhabu dahna roomah chuan  ka nu pawh a awm ve bawk a,

 "Mambawih,I rilru tur chu ka hrechiah lo a,mahse I u a awmtawh silo a,I nu nen kan duhdan chuan kal thla tawh lo maila kan duh a,enge I ngaihdan le?" Ati dam dup a,chhan Dan tur ka van kher mai,Hetah ka awm anih chuan ka tuina Ber ka ti thei tawh dawn lo va,kan chhungkaw sumdawnna hi a lian tham ve si a,thil dang tihsanna hun a awm miah dawn lo tih chu chiangsa a  ni.

Ka chhan lawk loh vang chuan ka pa bawk chuan "I hna vang a ni tih chu ka hre tho a,ka sumdawnna hi i tui lo tih ka hre bawk a,chuan Jenet-i hi i kalsan hreh ang tih ka ring bawk a,keichuan i duh phawt chuan nei mahla pawi ka ti lo ania" ati leh a..ka ti beidawng lutuk ang tih ka hlau avangin ,"pa,ka lo ngaihtuah anga naktukah ka hril ang che u" ka ti ta ngawt.

MIN NEI RAWH- 6

Zan ah chuan Jenet-i a nu  leh pa nen an lo leng a,mahse nidang ang in ka hmu tui lo,ka rilru ah vei lianpui ka neih vang a ni mahna.Mut naah chuan thil ka ngaihtuah nasa,engmah pawh chu ka ngaihtuah fel thei chuang lo.Ka nu leh pa enkawl chu ka tih ngei tur a ni a,ka u damlai in nuam leng in ka khawsa a,mahse tunah ka tihtur rit lutuk ka ko-ah nghah anih takah chuan in haichhuah ngaihna ka hre lova,ka chapo pui thin kan sum leh rohlu hian hahdamna min pe hek lo. Min pek chu sawi loh buaipui angai ta zawk chu anoa. A thuhrimin Jenet-i hi neih atan em chuan ka lo duh lo niin ka hria,ka ngaina a nawmna tamtak min siamsak tu leh nupui ang mai ka ngaih a ni bawk.Mahse nupui anga ngai mai lo va nei tak tak tur chuan ka chhungril hian a duh ta miah lo. Hmangaihna hi chhungteleh thiante  hmangaihna bak chu enge anih ka hre thiam tak tak ngai lo va,Jenet-i hi ka it a,min hnar lo bawk a,sex ah kan inlungrual a,ka nupui angin lo khawsa dun tawh mah ila,nupui tak tak tur chuan ka rilru ah ka dah ngai tlat lo tih ka chiang ta kuar. Chutihrual chuan Nupui neih hrim hrim ka duh rihlo,ka zalenna a tibo dawn..ka nuam tih zawng chu zalen taka Party leh hmeichhe hmeltha duh duh thlan kual vel a ni tlat.

Ka inlet thawk a,ka maimitchhing vang vang a,ka rilru ah thil lo lang a awm,ka meng kawk mai,ka tihtur chu mak takin ka chiang ta thut.

Zinga ka thutlukna ka hrilh chuan ka pa chu a nui var var mai, ka thil tim chungchang erawh ka hrilh tello.nilengin ka pa nen hna chungchang kan sawi dun a,ka tih ngailoh a ni bawk a ninawm ka ti ngei mai.Tlaiah chuan ka inbual zawh veleh ka mu hahdam ta vang vang. 

Ka phone ri in min kaitho leh ta chauh a,ka en chu Ruati alo ni a,ani hi kan naupan lai atanga ka hriat tawh a ni aa,Shimla ah khan kan school tho,hmeichhe hlang School ah a kal thin a,ka patea fanu te nen an kal ho thin,a hmeltha vaklo na a,kawm anuam a,a nui duh hle bawk.

"hey,Mike,i dam em? khawnge i awm?" a rawn ti lang langa."Dam alawm,Aizawl ah ka awm,enge nita?"ka ti let thuai. "zan in ah kan in ah Party a awm dawn a,ka rawn hril che"a rawn ti leh chu "Wow,va nuam leh dawn ve,ka lo kal ngei ang,chicks an awm angem? nge mahni in tum angai zawk?" Ka ti nghala,A nui hawr hawr a,"i thu thu,an tam dawn tih kha chu chiang sa,mahse Jenet-i lo hruai la,ka ngam leh dawn silo" a rawn ti leh lawng lawnga,"ok,ka lo hruai ang,engemaw hrilh tur che ka nei hrim hrim bawk ania" ka ti a,thil dang ho fe fe kan sawieh nual hnuah  ka off a..Zanin ah engkim Jenet-i ka hrilh anga, a hrethiam emaw hrethiam lo emaw ka thu in ka kal tlang tho ang,hun a kal anga ani pawn min theinghil mai ang,anih loh leh min nghak mai ang chu.....

Chaw ei laiin ka kal tumna ka sawia,ka nu chuan rem ati chiahlo,ka u kha Party na a kal a haw lam accident  anih vang in ka nu hi a la hlauthawng a,a awm viau..mahse rui chung in motor khalh loh ka tiam a,ani pawh chuan ka ruih chhiat viau chuan kan Driver call mai tur in min ti a,ka kal chhuahsan thei ta hram. 

Jenet-i ka lam kual nghal a,ani pawh alo in peih at tawh,anu leh pa pawn dan pangngai in tha tak in minlo bia a,kan khawsak dun dan hi an hria nge hrelo ang tih ka ngaihtuah fo mai. 

Kan thleng hma vak lo bawk a,anlo tha tawh hlawm viau mai,zu ka in hma in Jenet-i biak ka duh vangin Ruati hnenah Room hman lawk ka dil a,a chhungte an awmlo bawk a,duhtawkin a chet tlat ngam hrim hrim.Ruati chuan nui chung hian,"hmang rawh,i tan vek alawm,mahse fimkhur la" a ti hram a,keipawh ka nui ve suk tho,he nu bulah hi chuan serious deuh in awm theih loh hrim hrim.

Room kan lut a,kawngka ka kalh chu min rawn fawp nghal a,thla khat dawn inhmu mumal  tawhlo kan ni bawk a,a awm ve viau mai,ka pawm kang,khumah chuan dimte hian ka nghat a,a meng si sap mai a,keipawh ka zauthau ve tak zet mai,mahse zanin chu hetiang lam hi ka thil tum anilo,ka in control tlat,min rawn dap kual dan dan a,a kut man betin dimteiin ka fawp a,"Jenet,zanin chu thil pawimawh tak sawipui tur che ka nei" ka ti a,chutiang alo beisei vaklo nitur a ni,a phawk deuh hra maia,kan chhungkaw harsatna leh kal thei ka nih tawh loh thu te,ka nu leh pa enkawl ka ngaih thu ka hrilh chuan a bu nghat ngat a,"ni e,Mike,ka hrethiam che alawm,i kal leh hi ka beisei lo sa a,mahse buaina kan nei hleinem,kei pawh ka kal tawh lo mai ang a,i bulah ka awm zel ang.Helamah hna ka thawk ve tawh anga" a ti sep a.

Min chhan dan chu ka beisei lawk ani hrim hrim,mahse chutiang chu thil tha anih loh thu leh tihtur pawimawh ka neih vang zawk anih thu bakah inthen rih ka duhthu ka hrilh chuan a rawn tap ta thut maia,a ngik faih a,a in hnit zui hlap hlap bawk a,mahse ka buai phahlo,hmeichhe ho hmanraw tha ber chu mittui hi a ni tih ka chiang ve tlat.A tah lai chuan engmah sawi tur ka neilo,a tihtur ati nimaiah ka ngai a,ka kuah hle hle tawp mai.Reivaklo a tah hnu chuan "anih leh ka lo nghak reng ang che,i tihtur i zawh veleh ka bulah i awm leh ang tih tal min tiam rawh" a ti ta a"ole,ka theih phawt chuan ka awm em em ang,kan in ah i duh chuan ila awmzui zel anga ,ka nu leh pa ka lo hril anga engmah buaina tur a awmlo ania" ka ti ve ta a,mahse hmeichhe induhtawk ve tak a nih avangin kan in-ah chuan a awmzui dawn lo tih ka hrechiang hle thung.

Room atanga kan chhuah chuan anlo lam hut hut mai a,an in hi a fal deuh a bengchhen deuh pawh a inthlahrunawm lemlo,Intur ka la a,ani pawh ka lak kep a,kan hun tawp zan anih rih dawn avangin kan am dun hle bawk.Jenet-i a thiante nen an awm lai chuan boruak ri hut hut chu ka ning bawk nen,inchung zawl ka pan chho ta a,kawngka ka hawng a,boruak vawt leh thiang tak hian min rawn chhem a,anuam sawng sawng mai,Thutna tur an siam lam chu ka pan a,ka thleng tep tih chuan hmeichhe pakhat inchung sir lehlam Railling bawh a van lam lo thlir vang vang chu ka hmu a,keimah ang bawka Music bengchheng tlansan nimaiah ka ngai a,va pawh buai pawh ka tum lem lo,mahni a thut veng veng ka mamawh tlat.

Hahdam tak in thuthleng awmah chuan ka thu a,ka u ka mitthla ah alo lang a,kan naupanlai te,kan unau a kan hlimdun zia te nen,a boral lai khan ka nu buaipui angaih a vangin ka mittui far khat pawh ka senglo,mahse zan in chu ka ngai vawng vawng a,ka bulah a awm niin ka hre bawk a,ka maimitchhing a,ka u nui hmel chiang takin ka hmu a,ka tumloh tawp in ka mittui a rawn luang ta zawih zawih mai,ka thinlung na lutuk chu a puak darh niberin ka hria,ka naupanlai atangin tah hi ka duh ngailo,ka pu hian tap lo tur in min zirtir a,mittui hi chakloh na entir tu ati thin a,chuvangin tah hi kan zaka,kan tap mai mai ngai reng reng lo.

Ka thutna a che dat a,ka kut chu kut nem tak hian a rawn vuan a,hmeichhe aw hian"ka pu,puih theihna che ka nei em?" a rawn ti ta a,a aw chu ka hriat hnu a ni tlat, ka meng a,thla ral lam tawh eng riai chuan inchung zawl chu a chhun a,hmeichhia chu en loin romol ka phawrh,ka in hru hul a,chiang tak hian chu hmeichhia chu ka en a,ani pawn hnaite ah min en bawk a.Mak takin amah Mami ngei a ni,zan in chu tarmit a vuah lo va,a mitmeng lian leh zahawm tak chuan min en a,a sam a thlah vek bawk,thla eng dul zet hnuaiah chuan a lang tha takzet.

Ani pawh chuan min hre ve tho tih a mitmeng atang in ka hrethei a,a nui sak a,a biangsum a lang leh kalh bawk a,"Mike,i chhel ka lo ti lutuk che a, mahse thihna hi chu mizawng zawng chungah a thleng miau sia tiraw." ati sep a,kuah ka chak thut a,mahse kuah ringawt tur in ka bialnu anilo a,ka thian a ni heklo,ka nutei nula chhawr satliah ve mai leh ka u buaina thlen tu a ni a.Ka u kha thil sawi tam lo tak anih laiin he nu in na taka a tawngkhum thu a thianpa bulah a lo sawi anih chuan he nu hi a tawng hlawk hle ang tih ka chiang.

Ka kut ka lasawn dawrh a,ten tak hian ka melh a,"nia,tupawn harsatna kan tawk vek alawm,mahse nang chuan ka u thi kha pawi iti lemlo turah ka ngaia,chuvangin min khawngaih ang in lang der vel suh" ka ti ta zek a,mak ati aniang a meng phar deuh a,"aw…ni e,nang ang em chuan pawi ka ti hranlo,mahse i u kha mitha tak a ni a,kan in nel tan dawn chauha a boral kha chu ka ui khawp mai" a ti leh a,he nu hi hmeichhe nasa tak a ni ngat mai,ka lo rin ang ngawta nep a ni dawn tlat lo,ka u nen a in kar a sawi duhdan pawh a pehhel  dan a hre tlat. Kan innel ve tan dawn chauh ti kher lo se ka rilru a dam zawk ang.

"I mize dik tak hi ipi te hian an hria angem?” Ka ti ta daih. Phawk deuh hra a min en chung hian "eng  mizia maw?"a ti ha a. "hrelo der vel suh,fel awm tak in i lang a,i hnathawhna ah lah rinawm ber ang maiin i khawsa bawk,fak pawh an fak che. Diktak chuan nangni ang mihnuaihnung,mi hausa te tlawn ching hi chu ka hrechiang em mai che u " ka tih khum leh hmiaha.A hmel landan z danglam nghal vek.."chutiang sawi turin dikna i nei hauhlo,ka chungchang ah lo inrawlh suh" a ti ta a, tumdang ang bawkin a aw a dam leh dap mai a,athinrim tak zet tih a mitmeng atangkn ka hre thei mai. Mahse ka la duhtawk tlat lo. 

Ka dingchhuaka, kalsawn loin ka en a. “Nang hi ka hmuhna hmasa ber che chu dawr kha a ni hauh lo ania. Jerry-a  te wedding party ah rui lutuk a i awm kha ka hmuh hmasak ber na che a ni zawk aw.Chuvangin an fakna che hi i mize lehlam a ni tih ka hai lo ania. Ka la sawi dawn em?" ka ti ta zel. A khap sak saka.

"Min hmu tih ka hre lo nangin min hmuh vangin pawi ka ti chuang lo a. Chuan zan khat party naah rui chunga min hmuh a vang khan hmeichhe tawp tak leh mi hausa tlawn ching ka ni tihna a ni hauhlo,i pawi ka sawi ka hre lova chuvangin hetiang hian awm tawh suh" a ti hmak a,a tho zui ve nghal bawk. "puih i ngai niin ka hria a,ka rawn kal mai a ni,puih i mamawh lemlo bawk a ka’n kal ange" tih leh pen a rual nghal a,a banah ka man chawt a,ka pawt let dawrh bawk. Min hnaih takin ka kuah bet a,a nu lian lemlo bawk a ka kuah hneh viau.

Ka tawngkhum chhan hre lo niawm taka a awm vel chuan ka thin a tirim zuala,ani hian inthiam lohna chhe te tal neiin khami zan khan ka u kha tawngkam mawi lo tak a hman khum vanga pawi a tih thu sawi se chuan ka inbengdai thei deuhin ka ring. Mahse a ti tlat si lo.  Kun hniamin chiang tak hian ka en a," Ka tawngkhum chhan che i hria. Engvanga hua che nge ka nih pawh i hai lo. I hna atang hian bang ang che,kan chhungkaw bul hnai-ah reng reng awm suh,Aizawlah ka awm tawh dawn a,dawr-ah ka kal fo tawh dawn,nang ang mi tenawm nena in hnimhnaih ka duh lo,natna tha lo ka kai palh ang" ka ti a,ka sawi zawh ruala ka thlah thut avangin a thu hnawk maia.Mahse Rang zet hian a rawn ding chhuak leh nghala,ka hmai chu a ri thuai a,a thip zui vang vang bawk.....

MIN NEI RAWH-7

Rum lutuk hian min melh a,arawn chet dan teh thut chu ka rin loh lam tak a ni bawk nen,chet mai nachang pawh ka hre lo,kan indin chilh ran mai a,chutihlai chuan kan hnung lamah chuan thawm a rawn awm a,Mami chu a inher nghata,a tawlhsawn pah bawka, ka awmna lam atang chuan a en na lam en turin hawi sawn angai ve lo. thawm lo awmna in hnuai chhukna lam chu a en nghal a,hmeichhe pakhat hi a rawn lang ve zat.A thim deuh nangin Ruati a ni tih ka hre theia,rang takin thutthlengah ka thu thuai. Kan awmna hi inchung kil lam a ni a, a hawi vat vat hnuah  kan awmna a rawn pan phei ta a, a  lo kal hnai chu hmu lo niawm takin ka awm lui a,diktak chuan Mami nen hian kan inhria tih hrelo se ka duh,a thuhrimin engtin nge hetiang mi hnuaihnung lutuk hi Ruati pawh chuan a lo hriat reng reng ni!!!!!

"Mam,i ni tiraw?"a rawn ti pah lang langa. "um,ka ni e,enge nita?" Ti a a chhan chuan a  aw ri chu a zang leh vah tawh,nachin lawka thinrim vanga khur leh min beng tu kha a ang leh tawh lo.Engtak sawi zawm ang maw ka tih laiin "a then khu an nawi deuh tawh a,an haw then nual tawh bawk a,Drinks lam kha min lo en fel sak leh lawk la,a hnawk zualpui khu min tih fel sak ula,in duh chuan in haw mai dawnnia" a ti ta a,ka beisei loh lam daih a ni. He nu hi huau2 lawm tak,mihausa ho thil tih na a tel kual vel thin emaw ka ti a,chutiang nilo in Party buaipui tur a an chhawr lek maw lo ni a?!!!

"awle,ka chhuk ang a,ka thawhpui te kha kan hril ange,tih fel loh leh in lungawi loh na tur kan tih loh hram ka beisei ania" a ti zui leh a,a aw dam dap chu engemawti takin ngaihthlak a nuam veng veng mai...Ruati a nui ar ar a,"aih,ka lungawi tawp,Samsona khan i that ber thu a sawi nasa a,a sawisual lo tih ka hrechiang khawp mai,ka lawm lutuk" a ti ve leh a,Mami chuan " anih chuan ka kal ange,mangtha le" ati a,thildang engmah sawi leh tawh lo in a kal ta a,a lan theih chhung chu ka thlir a,Ruati pawh chu chhuk leh mai tum in a inher a,ka aw ka then  khauh chuan a rawn hawi leh zawk a,a hming a ka koh chuan a nui hak a,"Awi, nangmah law? Midang an awm ve tih ka hre lo reng reng. A thim deuh bawk sia, ka hmu miah lo tak tak che.zan in chu thawm a na deuh ka tia, ka zo chiah lo,ini ve em?" a rawn ti nghal chula,a rawn thu ve nghal a.

“Thim hnuaiah lo pawh hmuh ka har nen, thim zinga ka lo thu ngawi reng chu hmuh ka awl lo khawp ang” nui chungin ka ti a. A zi mar ar ar a,amal var zet mai chu thui tak alang bawk,a tawngkam in sawi lo mah se vawikhat lek pawh mitmei hmuh ilang chuan ka duh duh in ka ti thei dawn tih a hma atang in ka hre daih tawh a,mahse chutiang zawngin ka enthei lo,"nachin a mi kha Samsona kid maw ni a?" ka ti a,hmeichhe buaipui tawk lek chu a ni nangin ka hre duh tlat,dik tak chuan kan thiante pawh hi atam zawk chu vantlang chunglam an tih chhungkaw zing ami anni a,an mizia a changkang viau vek. Mi nunah an buai lo ang bawkin an nunah midang inrawlh lo se an duha,mi chanchin sawi neuh neuh pawh an ching lo tlang khawp mai. Diktak chuan midang te nun dana buai viau hi mawlna chi khat a ni tih kan hriat vang pawh a ni mah na le.

Ruati a thaw deuh ham ham a,a thil in rim pawh a nam ram ram a,zanin kher chu ka intam lo bawk a,arukin ka ner sak mai,"um,anih kha,Samsona'n a fak nasa lutuk a,tunhnaiah chuan midang pawn kha nu kha an duh zel tawh,a polite em em a,a hna a hrechiang bawk a,nidangah pawh ti leh dawn ila amah lo kha chu ka duh tawh lo" a tizui ham ham a..

Ka tawng khum dan kha ka ngaihtuah a,ka thinrim viau nangin nuam ka ti ta chiah lo.A chungchang ka sawi danah a thinrim viau pawh kha alo awm anih kha.ka phone a rawn ri a,ka en chu Jenet-i alo ni a,haw a duh tih a rawn sawi a,keipawn haw ka duh tho a,Ruati ka hrilh nghal a ,Ruati chuan nuichung hian "lo zuk chhuk rawh,min hmuh dun chuan a thinlung tenawm zet kha a veng leh hman lo ang" a tih chuan ka  nui a,a lo ngaikawi ngei dawn  tih ka hriat chian em avangin ka chhuk san ve mai bawk. 

Zan dang ang chu nise Party zawh hi chuan Hotel ah kan kal daih ang,mahse zan in chu chutiang lam ka ngaihtuah lo,haw a mut veng veng ka chak ber. Chumai bakah inthen rih ka rawt avangin hnimhnaih leh ka tum tawh rih lo. Jenet-i pawh chuan inthlah nan eng emaw chu a  beisei tih ka hria,mahse ka haider lui tlat a, an in kawt a motor chhungah ka fawh zeuh  bak engmah ka tilo. Kan inthen chhan kha hmeichhe dang vang a ni lo tih hrilh mah ila titau tih hriat zet hian a chhuak a,kawngka a rawn khar zui bur bawk a,ka nuih a za angreng viau..

In ka  thleng chu thawm dim tak in ka lut a,mahse Common Room a ka nu in muthlu chunga min lo nghak ka hmuh chuan ka inthlahrung thar leh sawt a,dimte hian a dar ah ka sawi a,"nu,ka lo haw tawh e,minlo nghak em ni?"ka ti a, a rawn meng a,min hmu chu hahdam huai hmel a pu a,"harsatna i tawk lo tiraw?" a ti nghala,"um, ka tha e,mu tawh ila” ka tih chuan a rawn tho a, kawngkhar kalh fel tura min tih hnuah min mangtha a, room lam a pan ta a,ka thlir zui reng a,hetiang anga Nu fel leh tha ka nei hi ka lawm thar   vang vang mai. 

Hun a kal liam zel a,keipawn ka pa sumdawnna kawnga ka puih ve na nuam ka ti tial tial a,ka inpe nasa deuh deuh bawk.Ka buai bawka Jenet-i pawh ka hrechhuak zeuh zeuh niin ka hria. Mak tak maiin Mami ka hmuh chak vanga midang tirh theih rengah pawh ka nutei te dawr ka pan tum a tam tial tial a,engvanga hmu chak viau nge ka nih pawh ka inhre chuang lo.Ka u thihnaa mawhphurtu anga ngaiin haw hle mah ila a chungchang ka sawi dang vang khan ka inthiam bik lo va. A mize tak ran mai leh zahawm thlap si hian ka hmuh ngun tial tial ang in min hip tual tual niin ka hria. Bang tura ka tih ve ngawtna kha a zawm lo chiang viaua, zawm se ka inti em pawh ka hre tak tak hek lo. Nutei te dawra ka kal hian ka biak loh chuan min be ngai lova,min hlau emaw hmu hreh hmel erawh a pu lo thung.A chevel hmuhnawm ti taka lo thlir ruk vang vang chang ka ngah ta viau.

Nikhat chu dan pangngai in kan mamawh vel ka nu in lak a duh a,kan Driver a ko rika hria a,keiman kal ka duh avangin ka nu chu ka hruai tur thu ka hrilh a,ani lah chu ka rilru hre miah lo in a lo lawm ve bawk.Dawr kan thlen chuan ka nutei a lo awm ve miala,ka nu nen an ri hlut a,kei erawh chuan ka kalchhan ber  Mami ka hmu tlat lo.A awmna zawh dan tur ka ngaihtuah  mek laiin ka nu in a zawt ta hlauh,ka nutei chhanna chuan minti phu zawk mai,"a bang tawh,apa a dam tha thei lova,hna thawktu tur dang an awm silo a,banglo tura ka ngen pawn chiam pawhin ka chelh zo lo anih hi. A chhungte a ngaihtuah nasa mai si a,heta tanga pawisa thawn mai tura ka tih pawhin a pain hma a lo la zau laklawh si a. Aman a han thawh mai loh chuan a buaithlak dawnin a hriaa,ka khawngaih tak tak a ni”  a ti ta duah maia,ka nu -in " chutiang chhungkua a seilian  alo ni maw? Chhungkaw khawsak tha pangngai tak anni emaw ka tia, a va lainat awm reuh ve,a fel bawk sia,a awmloh chuan i buai viau dawn nih chu" a ti a."nia,buai tak ka ni,mahse a che fel a,engkim fel thlap in a kalsan a,a mah thlaktu tur min hmuh sak bawk a"ati leh chu an thilsawi ka ngaithla kar mai. Ka nu in  "khawilam mi nge anih reng renf?" ati leh a,ka nutei chuan an khaw  hming leh an chhungkaw chungchang a hriat ang ang a hrilh leh bawk a,an khaw hming a sawi chu ka la hre ngailo hrim hrim,mahse ka chhinchhiah kar thung.

“Dawr-a a thawh bakah khan zan lamah part time a thawh theihna ang angah a thawk nual bawk a,a hah lutuk kha ka lainat asin aw" Nutei’n  ati leh vang vang a, diktak chuan keipawn ka huatna aiin  ka lainat na a sang ta..

Kan haw chu ka awm dan a dik thei lo,ka hmu leh tawh ngai dawn lo niin ka hriaa. A number lah ka nei hek lo. Ka inngaihtuah hian ka nui leh rih a,kei mipa ah pawh induh tawk tak leh tha inti ru em em thin hi kha hmeichhia vang khan ka va talbuai ta em!!!!..ka thianten hriase zawng a ruk mai pawh ni loin min nuih ngei ngei ang le. 

❤️💜😂

MIN NEI RAWH - 8

Ka nun hman mek hi awmze nei lo  leh ho tihchang ka neia,ka hna tha tak in ka thawk a,kan hnuaia thawk te pawh ka pa bula lo thawk rei tawh tak takte niin an  fel in an rinawm em em bawk. Farm- ah pawh kal khat deuh pawhin a ngaihtuahawm hauh lo.In atangin a tam zawk chu ka thawk a,ka zin zeuh zeuh bawka,ka zin lo anih erawh chuan Office ka chhuahsan ngai mang lo.Zan lam erawh chu in ah ka awm mang lo thung.Party na-ah ka kal zut a,Mami pawh ka ngaihtuah fo tho,hmeichhia min duh tu leh kan milpui tamtak an awm laia ani ka buaipui ru em em hi ka hrethiam lo.

Nikhat chu kan chhung hnai tak vui naah kan chhungkua in kan kal ve a,vui zawh ah ka nute inpui Zarkawtah kan leng kual a,ka nu unaute pawh anlo awm ve hlawm a,ka nu leh ka nutei hi phir niin an unau ah pawh an in ngaina zual bik bawk.An titi hlut a,an chhungkua hi in close em em mai chi niin an ri chul a,chutihlai chuan ka nu te 2 chu engemaw sawiin an titi a,an muk em a tuman kan bawh  buai lo,kan haw kawngah pawh ka nu awmdan a danglama,a tawng manglo.

In kan thlenim Farm a kan Manager chuan minlo nghak a,hna ka khawih leh zawk hnuah Verandah-ah ka pa nen kan thu duna,sumdawnna chungchang kan sawi dun mai mai a,ka nu pawh a awm ve bawk. ka pa in ka nu a fiam zuk zuk a,kan nui leh thin a, mahse ka nu chuan vei nei hmel hi a pu a, “Nu,i nuam lo deuh em?” ka ti ta ngawt, a lu a thinga. " I nutei thil min hril  ka vei deuh tlat a,an nula thin Mami kha APA damloh vangin a bang a tih kha i la hria em? cancer alo ni reng awm a,last stage a ni an ti lehzel bawk si,APA pawn a in hre tawha,a thih hma ngeiin Mami pasal nei tur in a duh tut tut a ni awm e. A mah lah chuan  a duh  lo a,apain nawr takte a a nawr avangin tunah chuan  hnial thei niin a inhre tawh silo a,pasal nei ngawt turin ngaihzawng a nei lo nge phei chu ka hre lo va. A pa pawh a timak hi ka tia. Engpawhnise, amah kha i nutei nen kumkhat zet lo inchhawr leh a mize ngainatawm tak vang khan i nutei pawh hian a ngainaa,keipawn ka ngaina ve hman bawk a. A khawngaihthlak ka ti em mai" a ti ta a,ka beng a verh zak mai,thilmak ve deuh chu he nu hi ka hriattirh phát atangin a chanchin ka hriat apiang hian atha zawng leh chhe zawng pawn min ti buai ziah tih hi a ni!!!!!

Kan ngawi vang vang hlawm a, ka pain "keini hi vanduai Ber emaw kan inti a,midangte pawh hi an va lo buai em aw" ati fan ruiha, an buaina ka nu in a sawi chu keini a tawngtu ve lem lo tan chuan a buaithlak rualin a ho viau lawia. Ka nu chu ka en chuan a  khawngaih tak zet tih ka hria..

Zan  ka chhuak lo ve mial a,Room ah ka awm a,Game te ka khel ngial nangin ka rilruah a lut tak tak thei lo. Mami ka rilru ah a awm ngut ngut maia.A pa in chuti taka pasal nei tura a duh chuan ka nei mai dawn em ni? Nutei sawi ang kha anih tak tak chuan ngaihzawng neihna hun a neih pawh ka ring lo. Mahse keini Aizawl mai pawh nilo Mizoramah pawh ka Pu vang leh kan sumdawnna te avanga mihriat hlawh ve tak,engkim rochun tu tur nibawk si hian duh duh thing thei ka nih laia hmeichhe satliah,kan chhungkua nena in millo lutuk ka neih chuan nakinah ka la zak in pawi ka la ti fo angem? Mahse ka u pawn kan dinhmun inthlauh zia hre rengin a duh zia a tilang a,ani khan a lo hnawl hmak zawk a.Kan chhungkua leh kan hausak vena te bakah kan  unau engahmah min ngailotu hmeichhia kha amah ngei hi a ni a. Ka thiante chuan min hmusit emaw min nuihzat hle ang. Mahse ka thiante pawh ani khan engah angai chuang dawn lo va, tunah hian a harsatna tawh lai chuh in nei ta ila engtin chiah nge a hnawl hnu chhungkua hi kan lo khawsak a hmu thei anga,min hnawl ngam tur a ni lo tih a hre thuai mai ang. Duh leh Ka u a hnawl ang chiah khan keipawn duhtawka ka chen dak hnuah ka thehchhuak leh mai anga,fa nei lo lehnghala pathlawi nih ve lawp lawp chu a pawina tur ka hre lo ve.

A tukah chuan ka nu leh pa Lehkhabu dahna room-ah ka ko luta,  an bangbo hle tih ka hai lo..Mami ka nei duh tih ka hril leh lek phei chu ka nu a mengphar awn awn maia, ka pa pawh a meng buai nak mai.

Ka nu in mak ti em em in min en reng mah se engmah a sawi lo. Ka pa erawh chu a in control thei deuha, ka dara beng thak thak chungin " Mambawih,mipa i ni a,I thiltih hi i hrechiang ang tih ka ring bawk che a,puitling i ni a,I khawngaih vanga tanpui i duh a ni emaw i thil tum engmah kan dang dawn lo. I nutei ka lo bia ang a, keiman ka lo tifel ange,mahse mipa dang inleng an lo nei hman anih chuan engmah sawi ngailo in kan in hnuk dawk ang.A chhan chu in ingaizawng sa hauh lo tih ka hai lo ania. Chutihrualin i hriat reng tur chu inneihna hi infiamna a ni lo va, Ani kha i damchhungin i nei dawn lo anih chuan tunah hian i rilru i thlak lehnghal dawn nia, thihna vang ni lo va inthenna hi kan chhungkaw zingah kan pawm ngai lo" ati ta a.Inneihna chungchanga kan chhungkaw rilru puthmang hi chu hrilh nawn ngai lo va ka hriat sa a ni a,mahse kei hian ka zawm dawn hauh si lo. Ka nu ka en chuan ka inthiam lo va, mi a khawngaih thu a sawi vanga thil thleng mek hi a hrehawm a ti ngawtin ka ring hial mai.

Misual vanneihna hi a sang khawp,kan beisei lutuk lo Chung in engkim a felta thluam maia,a rang leh lutuka thawnthu a ang rum rum zawk. Nupui ka nei thut tur leh ka nupui tur an han hria  chu kalna apiangah ka hmelhriat te chuan mak min tih zia min hrilh zela,kan chhungte pawh an bang chuang lo va.Ka thiante ngei pawhin awm lo an tih thu min sawikhum bawng bawng hlawma,a then ka a emaw tihial an awm bawk,Jenet-i lah chuan a hriat veleh tap Chung in min rawn phone a,kei hi ka lo inhriat Dan aiin pawhin ka lo lar hrep anih dawn hi ka ti ta mai mai. 

Mami pi a hrisel loh bakah a kum a tam ve tawh avangin   Aizawl rawn kal ve chi a ni tawh lo va,mahse an makpa tur hi min hmu duh tlat si anih hmel.Vawiin hian kan   chhungkua leh ka nutei te nen an khua kan pan mek a, ka hmuh tawp ber ni khan kan inbe lo va, neih tuma palai kan tirh hnuah pawh vawikhatmah kan in be chuang lo va,kan chhungten engkim an ruatfel tawp animai. Kan chhungkaw pahnih dinhmun inthlau em em mah se ka pa-in engmah ngaihtuah hah lo tura hrilh turin Palai te thu a chah ngun em em mai,mizo thuamchhawm pangngai bak keng lo turin a hril ngun viau bawk.

An khua hi Aizawl atangin darkar 3 vel kan kal a,an in zawn chawp ngai loin khaw luh dawnah Mami nauten minlo hmuak a,an in panin kan inzuia. An in kan thlen chuan an in chu an khaw chhung in ah chuan a pangngai pawl tak a lo ni a,awm an lo awm teuh mai a,min chibai luai luai mai. Room kawngka niawm tak rawn inhawn atang chuan Mami a rawn chhuak a,a hah lutuk vang nge tlem in a cher deuh tih ka hmuthiam nghala, inneih remti ve meuh tawh si chu min han biak ve lam awm tak, kan thlen tirh lamah phei chuan vawikhatmah min melh lo reng reng nia mawle. Tlaiah kan hawsan leh nghala,neih tuma thutlukna ka siam hi ka  tisual dawnlo tih ka hria,kha hmeichhe chapo khan a nun Zia ala thlak reng reng lo tih ka hmu tlat atin ni.

In kan thlen veleh ka inbual a,ka inbual zawha ka phone ka check chuan msg alo awm a,ka hawng chu number ka hriatloh atang hian a lo ni a, " engvang in nge i tih?' Tih ringawt a ni a,tunge anih ka hre lo  bawk nen ka call ta ngawt a,reife a ring hnu chuan hmeichhe aw dam dap hian " hello" a rawn ti a,amah alo ni a,"enge i msg hi awmzia?" Ka ti nghal tawng a,"I hrelo amaw?,engvanga min nei duh nge i nih?” A ti mar at mai. 

“I buaina tur a awm lo,nangpawn i hnial Chuang bik hleinem" ka ti ve ngat a,"Min hmuhsit a,min tiduhdah Turin a ni  lawmni min neih i tum?" a rawnti leh khauh a,"Maithei" ti chauh in ka chhang a,ka rin loh  deuh in tap ri hlawp hlawp ka hrezui ta thut, " Khawngaihin hetiang hian min tisuh,voiin-ah i rawn hmuh vek tawh kha,hmuhsit tlak pawh kan nilo" tap tiau hian a rawn ti a,keilah c ni huan ka off hmak thung.

Dik tak chuan ka hmuhsit vang a off ka nilo,ka rilru anem ka hlauh vang zawk a ni a. hmeichhe tamtak  ka bulah an tap tawha,engah vak ka ngai hlawm lo,mahse Mami tap ri kha chuan ka thinlung hi a thleng tlat nia mawle !!!!

MIN NEI RAWH-9

Kan inneihni a lo thlenga, mi antam kher mai,nileng chu mumang ang ruai nimai hian ka hriaa, ka duhthlanna mah ni se ka hlimpui tak inneihna a ni lo chiang viau. Ka thiante lah chuan min nuih tet2 in ka hria,pawi erawh ka ti lo.Mami’n kawrfual var zahawm tak mai a ha a,a inchei tak tak ka hmuh hmasak ber a ni bawka,a nalh takzet. Ka thian tamtak zingah Zirsanga hi chuan  min nuihzat lo aniang,Mami a be peih  em mai.Zanah  hmundanga Party nei lo in kan inkawt ah party tenau deuh kan nei leh a,Mami pawh a chau ngawt in ka ring,kei mipa zawk pawh ka chau em mai.Vanneih thlak tak a Jeneti'n buaina min siamsak lo hlauh maia,ka thawveng huai thei. 

Zan lam Party naa zu ka inhnem zia leh ruih zia chu pui tak a ni, ka tih loh tawp turin Jenet-i lampui-ah ka sawm a,ani lah chuan a hnial hauh lo bawk.Party naa tel tam zawkte hi  kan inkawp dan hrechiangtu te anni a,kan lam dun min hmuh chuan kut an beng tawk an lo awm a,Mami lam chu ka va hawi vata,a hmela a ngaihtuahna engmah langchhuak lo hian minlo en kiau mai a,ka hawisawn leh thuai a,ngeiawm fe  hian Jenet-i nghawng chu ka hmui in ka nul kual zauha,Jenet-i chuan meng si sap hian min rawn en a,ka chet dan atthlak tak chuan a ti ngampa sawt tih hairual loh hian "min drop la,zanin chauh chu" a ti sap a,a atthlak ti chung zelin ka hnial hauh lo. Kan lam zawh chuan inchhungah kan luta, ka nu te an room lam ah an lo awm hlauh makaa,inchhungah chuan tuvakmah an lo awm lo.

Ka Room ah kan lut duna, kawngkhar kan khar hman tawk a ni ber,min rawn fawp nghal bawrh bawrh a,keipawh ka bang bik lo, khumah kan mu duna,fim takin engmah kan ngaihtuah theilo,kan zauthau em em tawp mai,a kawrfual ka hlim chho pawk a,ani lah in ka kawnghren alo pawt ve nawk nawk bawk.A hmui sen hlar mai chu ka fawp leh a,a awm bawr a lang vek  a,room light kan on lo nangin parda kan hlim avangin thenawmte eng hla deuh chu fiah vak lo hian alo lut a,chutihlai chuan kan room kawngkhar lam a thil tla ri dat chuan kan thil tih lai mek atang chuan khawvel tak takah min hruailet ta thut mai,ka hawiphei chuan Hmeichhe pakhat hmanhmawh taka chhuak ka hmu hman a,a hnunglam hmu thuak chauh ka nih avangin  tunge anih ka hre lo.

"Mike,kawngka va lock  la,zo law law ang" chakna a khat tih hriat em em hian a rawn ti a,ka che lawk lo,eng thil nge maw ka tih hi le!!!ka nupui neih zanah hmeichhe dang ka mutpui hman thelh chu ania.Ka a tawh anih hi a.

“nilo e,tho rawh,ka drop ang che,thil thleng vang khan thupha ka chawi e,ka tihpalh takzet " ka ti thei hram,ani lah chu a rum hraih a,"min hrilh teh,i nupui hi i duh vang in i neilo tiraw,enge harsatna i neih?"ka bana vuan chungin a ti a, “chutiang engmah a awmlo"ka ti vat.

"ka awihlo,min hrilh rawh,ka puih theihna che a awm phawt chuan ka pui ang che" a la ti talh. Ka duh vanga nei ka nih rualin a tul vang a ni tel tih ka sawia, min kuah a min chul heuh heuh chungin "Mike,lungngai suh,ka awm alawm,i duh chu ti la,mahse ka lo nghak reng ang che" a ti sapa,min kuai kun a min fawp leh a,mahse ka chhang lo thung.

Jenet-i ka chhuah hmasak tir a,fimkhur tur in ka ti bawk,kan chhungkaw hmingthat na hi tih chhiat ka duhlo,Mahse ka ngaihtuah miah loh chu nichin a ka lampui lai leh in a ka hruai luh atang khan keimah ngei hian ka chhungte leh ka nupui nen lam ka ti mualpho tawh sa tih hi a ni. Rui chunga khawvel hmachhawn zet hi zawng a buaithlak a ni e.

Jenet-i chhuah hunah Light ka on a,chhuat a thil tla kha enge anih ka en chu phone alo let ngat a,tu ta nge mawn ni le tih ka ngaihtuah lai  chuan a rawn ri ta ral ral a,ka nu tiin a in save a,ka la lo dawn zet a,mahse a neitu ka hriat duh vang in a tawp dawn chuan ka la a,nutling aw hian"Mami,enge i an?" a rawn ti nghal a..ehe...Mami phne anih chu.Inneih hma atanga inzui leh inchulnel awm ta lo chu a phone tih ka hre lo pawh a awm viau tho !!! nachin thil thleng kha a hmu tih hai rual a awm ta lo.,"ka pi,keimah Michael-a zawk ka nia,Mami hi a in tifai lawk a,alo chhuah hunah ka lo call tir ang che" ka ti ta ngawta,Mami chapona hnuhhniam sak ka duh chungin  khatiang kha chu ka tum dan anilo.

Room atang chuan ka chhuak ,Mami ka zawng nghala,ka ka hmu mailo,kawt zawl a inleng kawmna leh pangpar vel kan dah tlar na lam chu ka pan a,mipa leh hmeichhia anlo in Muah mawlh mawlh mai a,a sir thim laiah chuan Mami a lo thu kun lap mai. Ka pan phei nghala,a darah ka va vuan chu a phu zawk a,min rawn en chuan keimah ka ni tih a hmuh vang nge  Ramhuai a hmu emaw tihmai tur in a dang nghal lawp lawp mai a,a landan ngaipawimawh duh loin a phone ka pe a,"i nu in alo call a,a be duh che a,i call back dawn nia" ka ti nghala, tawng loin a bu nghat a,a tho a,kalsawn a tum chu a kut-ah ka man sak a,mi dang an awm avangin a thing thla ngam lo niin ka hria,"lo zuk hah chawl la,i duh leh ilo muhil dawn nia,ka thiante kan thlah fel anga ka rawn kal dawn nia.I thiannu kha chu Zirsanga’n a buaipui tih i hriat kha" ka ti a,engmah a sawilo a bu leh nghat a,a kut ka thlah rual rualin a kal ta nal nal mai.

MIN NEI RAWH-10

Mu ta mai loin ka thiante la awm ho bulah ka awm ve a, mahse darkar 1 vel hnu chuan an haw darh ta hlawm,diktak chuan an haw har ka ti ru viau.Nichina ka chet Dan mawilo tak kha  Mami kher in min hmuh avangin nuam ka ti chiah lo ve  a,Tihhrehawm tum hle mah ila khatiang zawng chu nuam ka ti lo tawp tih ka hre ta.

Ka room ni thin kan Room ni ta a ka lut chu light pakhat chauh a lo on a,khumah chuan Mami  a saisir zawng hian a mu a,a bula ka va din chuan a thaw sek sek ri ka hre theia,a muhil tih ka hria. Thawm dim takin ka thawmhnaw ka thlak a,ka in tleuh zuai hnuah chuan ka rui pawh ka harh sawng sawng mai. In belh leh ka duh viau nangin ka Nupui tan a hmasa Ber zan rui lutuk chunga hmanpui ka tum lo.Fa neih pui ka tum lo nangin sex ah erawh in control ka tum kher chuang lo,nei tura ka rilru ka siam lai khan kum khat hnu velah ka petchhuak mai ang tiin ka rilru siam mah ila then ka tum ta hauh lo va,nupa nun nuam tak kan hman dawn loh miau avangin a hrehawm a tih vawrtawp-ah a mah in a chhuak mai ang ka ti ta zawk. 

Light ka off hnuah khumah ka  inthawlh ve ta a,a vawt lutuk hranlo a,boruak nawm hunlai ani bawk a,A/c pawh hman angai rih lo. Mami pa damlohna avangin Honeymoon neih pawh kan tum lem lo,mu chungin ka thil tih Dan ka ngaihtuah a,tlemin ka inthiamlo ve deuha. Tu chungah ber nge ka inthiam loh pawh chu ka hre chuang lo.

Ka muhil lai  tap insut thawm in min ti harh a,ka hawibuai deuh nangin zanin hian ka nupui nen kan mu ve ngei tawh tih ka hre chhuak thut. Ka inleta,Mami  ka ban a, a darah ka vuan chu a rawn inlet thak a, min hnial hauh lo in ka awmah a hmai a rawn phum ta kak mai,mak ka ti angreng viau.Khur  dar dar hian a insut leh ta a,amah ngei hi anih hi lo tap ni..A tah  chhan ka hre lo nangin  ka zawt duh rih lo va,a hnungah ka chul a,ka kuah nghet sauh sauh bawk. Reitawkfang a tah hnu chuan a bang a,a khur pawh a reh ta deuh,ka awm a mittui in a ti huh dap mai a,a tah zawhah pawh tal hrang lova, keipawn a kalbo hlau niawm fahran in ka kuah bet chial bawk. Amah hi  nu lian lo tak mai a ni a, ka kuah bet hneh viau.

Reife hnuah a  thaw ham ham a,inlak hran tumin a che ta sat sat,mahse ka thlah duh lo,"min ngaidam rawh" a tih chuan ka nui  a,"chutiang sawi angai hlienem, I pasal ka nih hi" ka ti tehngawta,ka sawizo chiah chu keipawn mak ka inti leh hnuhnawha.engtin nge awlsam taka khatiang thu ka sawi ngawt theih ka inhre tawh lo.

"Engatinge I taha? Min hrilh la"ka ti a.”I hre duh maw?" a ti ha,he nu tak hi chu a,ka hre duh a ka zawt a ni reng si,"Sawila?"tha takin ka ti leh a."Ka pa atha vak lo tih an rawn sawia,ka awmloh San bawk leh bawk si nen”tih pahin a in sut leh hraiha," tunah han kal i duh em?"ka tih chuan a ngawi vang vang a,min Chang dawn lo emaw ka tih hnuah ,"Duh tho,mahse tunah engin nge ka kal ang?,zing dar 2 vel ania,midang an muhil vek bawksia,zingah hma deuh in ka tho ang a,ka nu emaw ka pa ka dil anga an phal chuan ka zing kal mai ang" ati a. A thil sawi dang zawng aiin ka nu leh pa a ko nghal maithei leh an thu a ngaipawimawh nghal tih ka hria chu ka lawm veng veng mai.Mahse hetiang thil vel hian amah tih hrehawm ka tumna ati buai ang tih ka hlau hle thung.

"Min hua em?" A ngawih vang vang hnuah a ti leh sep a,"Engvang in?"ka ti ve mai. "Jenet-i i hmangaih viau tih mi sawi ka lo hre thin a,voiin ah a tak in ka hmu leh bawk a,in inkarah ka tlazep niin ka hria"a ti ta chat. Ni e, a hria ang. Kan hmelhriat tamtakte hriat vek khawpa inzui leh khawsa kan ni tlat.

"Ka nu in Nupui nei turin min duh a,nangin harsatna ilo nei ve bawk a,kan inpui tawn animai" ka ti a,Jenet-i chungchang sawipui ka tum lo."Mahse ngatinge amah i neih mai loh?,kei te hi chu  min ngaina lo a,min hmusit hle bawk si" ati leh ta zel a,Ka kuahna ka thlah a,ka inlet  a,anipawh a tawlhsawn ve nghal bawk.

"Nangmah ka nei tawh che a, nunphung a inang lo tih chu sawi ngai lo va chiang sa a ni bawka. Inzir ve la.thiam loh i neih pawhin min hrilh dawn nia. Nangmah mai ni loin kan chhungkaw tana zahna thlen lo turin awm ang che. Chuan Jenet-i chanchin sawi tawh ngai suh,,in calliber a in Anglo lutuk" ka ti ta nek a,diktak chuan ka sawitum tak pawh a ni chiah lo.

Engmah a sawi ta lo va,keipawh ka inngaihtuah kual vel a,ka rilru a thudik awmsa,ka haider luih tlat chu Chiang takin ka hre ta,ka thiltih engkim hi ka u tana ti ka lo ni lo,keima tana ti ka ni zawk. ,mahse ngatinge ka huat tlat? Ka pawi asawi hauh silo. Achhan ni a ka hriat tak ber chu ka hmuhtirh phat atang khan a mize induhtawk tak kha ka ngaithei lo va, ka u a lo ti na hle bawk nen.Tun hmain hmeichhia min hnartu ka LA tawng ngai lo va,chapo takin ani nen hian kan indawr a. A chapona hian ka chapona a ti che phak em maia, chu chu ka ngaithei lo niin ka hre ta.

Zing ka harh chuan Mami mutna lam chu ka hawi thuai a,alo awmtawhlo,ka zi mar ar2 a,a va mak em..nizanah hmeichhe bulah ka mu zankhua a,chu pawh ka nupui lehnghal. mahse engmah ka ti tlat lo!!

Ka tho a,ka exer lakna thawmhnaw ka hak hnuah ka inphihfai sawk2 a,inhnuailam a Gym lian lo te-ah ka lut thla a,hah hnep in ka insawizawi a,room ah ka let leh hnuah ka chawl zuai a,ka inbual a,ka inbual zawha sana ka en chuan thil ei a lo hun der tawh,Mami kha kan awmdan ka LA hrilh mumal si lo va, che buai ngei2 dawn..A bul tanna pawhy tia ngaihtuahin ka nui a.

Kan chhungkua chauha kan awm chuan Inchhungah mizo tawng kan hmang tam lo viau maia,kan intih changkan vang phei chu a ni lo. vairama seilian kan ni a,kan awmpui leh Driver te hnamdang vek anni thina,school ah mizo kawm tur an awm tam loh bakah a awmte pawn Hindi leh English kan hmang nasa a,kan pianpui tawng ang chiah in kan hmang thei. Mahse  ka nu hian mizo tawng thiamloh a duh loh em avangin inchhungah chuan kan hmang hram hram thin a,thiam pawh kan thiam vek. Mahse kan awmna hmunin a zir ngang si lo va, tawng hi kan mix ta vek a ni ber mai. Mizorama kan awmna rei veleh tawh mah se ka nu leh pa hian kan  chawei danah  vairam kan awm laia kan ei dan kha an thlah lo va,zingah thei leh thingpui vel kan ei tlangpuia,chhun dar 2velah lunch atan chaw pangngai kan ei thung.

Mami chu ka hmu ta mai lo,Dinning Roomah chuan kan nula pakhat alo awm a,"khawnge Mami hi?" Luh pahin ka ti a,makti hmel deuh hian "I thawh hma khan a chhuak tawh" ati rang vat,

“ khawiah nge a kal dawn?" Ka ti hu a,makti a mengphawk hra chungin "an khuaah" ati leh ta a.

MIN NEI RAWH - 11

Nizanah kan sawi dun tih ka hrechhuaka, mahse a kal dawn chuan  min hrilh ve em em bawk awm ania!!!,kan nula-in ka eitur a rawn chhawp mawlh mawlh a,ka ei kham chiah tihin ka nu a rawn lut ve chiah thung a,”Mami kal lai i hria em?" ka tih chuan a bu nghat a," nghak tur che in ka ti deuh nangin nimin mai inneih ni a nia,in awm loh rual kha a chi loh a. A awm chin tur hriat loh nen hna i ngah thei bawk sia,ati buai ngamlo deuh che aniang,Rajua'n a hruai ta nih kha" ati duaha,ka tawng dawn lai takin ka phone a ri a,ka en thuai a,Mami a lo ni a.

"i tho tawh em? Hei ka zing kal ta mai aw,i buai ka ring sia ka sawm ta lo mai che" a rawn ti dam dap a,thinrim ka chak thut nangin ka  nu a awm ve reng bawk si nen ka insum leh ta zawk a, zawhna zawt hmel deuh hian min lo en ha  zui,"ok,a poilo,mahse i kal dawnah tal min hril ve tur ania" tha tak hian ka ti a"sorry,khatiang in ka ti tawh ngai lo ang,ka theih chuan vawiin-ah lo let leh ka tum dawnnia,kan thleng tep animai" ati leh thuaia,ka khawngaih reuh viau mai,pasal neih tukah pasal tello in mahni khua a let chu nuam ati miah lo ang le."chanchin minlo hril leh dawn nia," ka ti a,min chhan let hma inka dah ta daih. Ka nu hnenah kan inbiakna tlangpui ka hril nghal bawk.

Chhunah ka thiante leh chhung te anlo leng nual a, Mami ber awm lo pawi an tih zia an sawi hlawm a,keipawn min rawn biak beisei in ka phone ka bih ru ve sek mai.Mahse zinga min biakbak kha chu a reh ta veng veng. Ka mood a fuh lo bur nangin ka incontrol thei viau. Tlem a thalai deuh ho inhnuai lamah Pool khel turin kan chhuk thla a,ka khel ve peih lem lo,ka rilru ah Mami chauh a awm tlat reng a ni bera. Engvanga vei ta run nge ka nih pawh ka inhre lo. A pa a boral thut ka hlauh vang anih ka ring.Thil ho mai mai sawiin kan nui leh dar dar thin a,min fiam sek hlawm bawk a,kan nui kan nui mai.

Kan kawm ve thin tho Rintea thil rawn sawi chuan ka beng a verh a,"Mike,innu chu a zei viau lo maw?,Samsona reng khan sawi nuam ati em mai" a rawn ti a,a rawn thu ve nghal a,a thil sawi in min shock zia hre miah lo chuan ka darah a rawn beng thak thak a,za lo zet hian ka nui lui a.

"Khaia,a ho em mai,chutiang an sawi ngailo" tha takin ka ti a,amah hi Zirsanga hnen atanga hria ka ni a,ka hriattirh atangin ka ngaina vak lo,midang chanchin ka duh aiin a hre thei a,a sawi peih viau bawk.A pa hi PWD ah S.D,O a ni  anti a,han hausak viau nachhan tur phei chu keichuan ka hre lo va. mahse midangte sawi ka hriat dan in hausa tak annih hmel.

"nupui i neih dawn khan Jenet-i tur-ah ka ngai ve ngawt a,tuman min hrilh lem bawk si lo va. nimina biakin a ka hmu thut kha chu mak ka ti ania o!!!!,"a ti lehzela.

"eng chu maw mak i tih a?" fan deuh tak hian ka ti a. A nui a, 

"hmeichhe tam tak duhthlan tur i neih lai a,ani hmeichhe naran ve tak i thlang hi mawle,chumai bakah Samsona-a bialnu hlui ani kher bawk si kha amak em alawm" atih zawm leh a,ka kawchhung a so hian a so bulh bulh ani tawp mai,a thil sawi chu awih loh ka duh,mahse enge ka awih loh ngawt na tur?,a past life engmah ka hre hleinem,midangten min lo nuih tet2 pawh Thingtlang nula ve mai ka thlan vang ni loin Samsona x anih vang ngei hi alo nih dawn hi!!!!!

"I mak tih a ho ve bawk anih chu,mihring te chuan past life kan nei vek alawm,ka hmangaih a,ka ring bawk a,ka nupui anih hnu-ah midang min kawp san loh chuan atawk mai" ka ti bung nghut a,ka tawngdan a nelawm vak loh bakah la aw ki a chang viau bawk nen engmah a sawi zawm chak lo a ni ang,a tho a a kal sawn nal nal mai.Mahse a hriat miah loh chu ka thinrim lutuk a ni tawp mai,haw vek sela keimah a awm a in ngaihtuah fim ka mamawh ber. Mipa tamtak zingah Samsona berkher. Kei ai pawha hmeichhe laka che tenawm zawk anih zia lah ka chiang em em a. Kan thianho tan a hmeichhe chhaikual dan lah thilthar a ni hek lo.

ka phone-ah msg a lo luta,ka en vat a"kan lo chhuak chiah aw" tih te mai hi alo ni a,reply pawh ka reply lo. Tunah hi chuan ka thin a tirim hluah hluah a ni mai. In neitupa ber ka mood a off tak viau ah chuan nuam anti chiahlo a ni ang,rei pawh awmlo in an haw ta diak a,an kal tur chu Zirsanga chuan chik zet hian min en a,"Thianpa,i che nasa deuh nge i hmel a dik tlat lo" nui suk chung hian min ti a,keipawh ka nui ve tho."aih nilo e,dik tak chuan ka nuam chiah lo a ni" ka ti ta ngawta,a awih hmel viau loh.

Room ah ka chho a,khumah  ka let tawp mai,ka thinrim a,mahse engtia tih tur nge ka hre silo,tunah hian ka bulah awm se chu ka malchungah ka bawhkhup tir ang a,a mawngtam ah ka beng ngei2 ang,ka ngaihtuah na chuan min nuih tir leh rih a.Enge ka buai viau ni?,ka sawi ang ngei khan a hun kal tawh chu hun kal tawh animai,keiphei chuan kan inneih zanah ngei kan nupa khumah midang ka mutpui thelh anih kha,ka maimtchhing a,ka u hmel ka mitthla ah alo lang a,la dam se ka thiltih hi a dik a ti angem?, ani mitha lutuk khan a duhzawng a ni hauh lo ang le.

Ka lo muhil sek ani ngei ang,kut vawt thlar in ka hmai a rawn khawih chuan ka harh zawk mai a,ngaihtuah chiang mang lo  hian a kut chu ka dawm bet a,ka inlet a ka pawt thut a,ate that bawk,ka chet dan teh thut chu a ringlawk lo a ni ang,min rawn bawh rawk mai bawk a,ka pawmbet a,ka lehthal a ka bawhbet zui nghal hmak, a in siam rem hma chuan a hmui sen hiam mai ah chuan ka fawp ta nawk nawk a,a ngaihna a hrelo bawk aniang,min chhang miah lo.alo inbual vek hman tawh chu niin,a sam a hnawng chap a,kekawr bul tawite leh t-shirt lian lam hi thawl hnak in a ha bawk.a maimitchhing diar diar chu ka fawp lui zel a,dik tak chuan ka insum hleithei tawh lo,a vun ngo leh nung sar mai,dai raih maiin min han nek vel chuan min ti phur a,ka kut leh lam in a kawr chhungah ka zen lut a,ka beisei hauhlo in min rawn fawp let ve a. 

Thil thleng tur a thlen rualin ka thinlung chu lawm in a khat a,hmeichhe virgin kher hi angailo ka ti fo thin a,mahse midang sulhnu kailo ngei ka nupui a ni chu ka hlim vawng vawng a ni tawp mai.

Chau tak hian kan mu dun a,ka awm ah a bei chial bawk a,a taksa ruak kang mai,engmah khuhtu awmlo chu hmuhnawm tak a ni.

"ka lawm e aw" a sam a chulsak pahin ka ti a.

"engvang in?" A ti sep.

"a hmasa ber ka nih vang in" tih pahin ka kuai dak a,ka fawp leh vang vang a,"ipa chu a tha em?" ka ti ta chauh ,"tha vak lo,ka rilru a tibuai “ tih pahin a thaw hap a,ka kaitho a, a thawhnawin a inhup tat tat a. Mahse Bath Room ah ka kailut ta tho.

Chaw ei tura Dinning Room a kan kal chu ka nu leh pa in minlo nghak a,titi luam chungin ka ei ho a,ka nupui ka en ru zauh zauh reng mai...A tir khan engmah thiamloin che buai se ka duh a,tunah erawh kan chaw ei dan a buai ang tih ka hlau hle ta thung.Vanneihthlak takin a khawr  lemlo. Door bell a rik chuan kan nula in a va hawng a,a rawn let leh thuai,

“U Mambawih,i thiannu,Jenet-i alo kal a,i Room ah ka lo nghak ang che a tia. Engtin nge ka tih dawn?" a rawn ti a,ka chhan hmain Mami ka en a, min en loin a thil ei lai a en ngara,a hmai a danglap tih erawh hmuh hmaih rual a ni lo.

MIN NEI RAWH -12

Ka Nu in  "Mami,I tha em? I va dang ve" A ti vat a,tawng pawh tawng lo hian a bu nghat a,a chhan ka hrechiang si,hmanzan thil thleng leh ka tawngkhum Dante kha engmah ala theihnghil lo tih ka hria,keipawn ka theihnghil lo.Voiin tlaiah hun nuam leh hriatreng tlak,Mami tan phei chuan a vawikhatna ni bawk kan hmang lehnghal veinen,Jenet-i lo lan hun chu a dik hlawl lo.Mahse engtin nge ka tih Chuang ang?,keima thil tihsualah ngei ka awk mek a,engatinge a hma khan ka ruih vangin a hriat tul lo  ka hrilh kher2 ni?,a hma aiin a ngampa zual sawt dawn tih lah chiang sa a ni a. Hmeichhe nasa ve tak a ni tlat.

Ka Pa chuan ei mawlh mawlh Chung hian kan nula chu a ko a,"Hmuni,Jenet-i chu va ko la,chaw a la ei loh chuan rawn ei ve nghal rawhse,Room lamah lo awm kher angai hleinem,chhungkaw kim takin chaw kan ei tlang a,ani pawh min rawn kilpui ve rawh se" a ti a,engmah ka sawi ve lo,diktak chuan sawi tur ka nei a ni  zawk. Mami chu ka lainat mai bakah ka inthlahrung ve a,mahse a rilru nawmna tur zawnga chet la tur chuan ka chapo na hian min dal tlat a ni  Ber mai.

Hmuni nen  an rawn inzui lut a,Zak miahlo hian a rawn nui lut har har mai,ka pa bawk chuan " rawn kil ve nghal rawh,ei khamah inla in be thei tho alawm" a lo ti a,ka Nu erawh chuan tawngkam khat mah in a be lo.Nupui ka nei tawh a,ka Nu te ang Nu lerh lo leh Strick bawk chuan a lo leng ngawt mai chu a lawm lemlo tih ka hria, "ka ril a tam lo a,nidangah nimai rawhse” Jenet-in a ti ve leh a,ka Pa bawk chuan,"ei rawh,ei rawh,midang hriata sawi chi loh thil anih leh ka office lamah in in be thei alawm" ati leh a,ka Pa chuan thiam tak in kan Room a lut turin a duh lo tih a tilang a,a monu thlavang a hauh pah bawk. Jenet-i chu mi a anilo,"Nia,Pawi in tih loh chuan i office lam- ah chuan ka lo zuk awm ange,phone hman lawk te ka ngaia,puar deuh khan ei RU" a ti a,a kal zui ta nghal a,Mami  vawikhat mah a hawi chhuak lo.

Ka Nu-in  aw a thian khauh a,"Mambawih,a va pawimawh awm ve,I ko nge a mah in alo kal zawk?" A rawn ti ve ta a,ka ko lo ti a chhan ka tum zet a,mahse ka rilru ah sualin hna a thawk a ni chek ang. "aw,ka be lawk duh a,ka ko anih kha,a awm reilo ang" ka ti teh ngawt, engmah min zawt zuilo.Mahse a hmel-ah chuan a lawmlem lo tih ka hre thung. Keimah ber pawh hi  ka in hrethiam tawh lo,engatinge maw ngeiawm taka ka tawng kher zel ni?

Ka ei mawlh mawlh a,ka ei zawha ka tho tur chuan Mami hnenah chuan " ka’n be lawk ange,a reilo ang" ka ti ve ngial a,tawngkaa min chhanglo in a bu leh nghauh ringawt.

Library ah chuan ka lut a,Library hi ka pa office nen a inkawp a. Ka pa pawn office tiin a sawi mai zel. Jenet-i a rawn tho vat a,min rawn kuah a,min fawp zui nghal a,ka kuah let ve bawk nangin min fawhna erawh ka hawisawn san thung. Ka  namsawn a,,"engthil nge Nita?,tun ang hunah te ilo kal?" Ka ti zui a,Sofa-ah chuan kan thu dun a,sexy zet hian min melh sawr sawra, "ka ngai che alawm,I Nupui lak tlak loh zet hian a enkawl tha che em Tihte ka hre duh bawk a" a ti sar sar a,min kuah chungin  ka darah a bei hnap bawk.

Ka hawichhuak chiah chu Mami lo ding ran  ka hmu thut a,ka hamhaih ve det,mahse ka thut Dan pawh ka thlak chuang lo,ngawireng hian ka phone min rawn pe a,"Nutei'n a be duh che a,a off riha,  alo call leh ang" ati nghata,ka chhan hma hma chuan Jenet-i chuan aw ki ngeiawm fe hian ,"Room ah I luh dawn in kawngka kik nachang hre ta che,mimawl tak pawh ni la awmdan mawi I zir loh chuan mi Hausa mo i nih ve tawh hi,I mo na te i timualpho lutuk ang" a ti vei hmak a,ka tawng tur chiah Mami’n min tawngkhalha, "kan inchhungah hian kawngka kik angai tih ka lo hre miah hleinem" a ti dam dap mai,a inringtawk hle tih ka hria.Jenet-i chu a thu mar awt a,"I va han zaklo ve,I kik duh loh leh i tana hmuh nuam lo i hmu fo anga nimai lawm,kei chuan pawi ka ti miah lo" a ti leh hmak a,"ka hmuh fo ka ring lemlo,ka pasal hi ka ringtawk alawm" ati lehzel mai,engmah sawilo in a in her hmak a,a chhuak zui ta a.Ka Nupui mahnise ka zah ngei mai. Jenet-i awmdan lah sawisel thei ka ni lo,keimah ngeiin ka tihsual a ni a. Khatianga tawng ngam tur khan ka siam tlat atin ni.

Jenet-i chu thinrim zet hian a ang zui hlawk hlawk a,kei ka nuih a za tlat thung.Mami’n a chhangthiam lutuk kha ka lawm em em a ni tawp mai. Reivaklo-ah chuan lungawilo zet in a haw ta a,Gate thleng ka thlah a,ka let leh chu inchhung ka luh hma chuan ka Nu in Verandah-ah chuan thu turin min lo ko a,ka Pa a awm ve bawk a,ka thu fel chiah chu ka Nu chuan,"Jenet-i kha lo kal tawh lo se ka duh,amah vanga ka monu-in hrehawm a tih chuan ka duh lo reng reng ania,inchhung pawh i ti zahawm lo" ati hmak hmaka.Ka Pa a rawn tawng veleh a,"ni e,mipa i ni a,I duhthlanna ngeiin i kal a,chhungkua i humhim tur a ni,kan thlah ho-ah Nupui then leh uire kan awm ngai lo tih hi hre reng rawh,chuvangin kan neihchhun nimahla he chhungkua hi i tih hmingchhiat kan rem ti dawn lo ania" ati charh charh a,ka hnar ka hmu lawrh lawrh mai. Ka Nu bawk chuan " Room atanga Mami lo chhuak kha a tap niin ka hria,inthup a tum hle nangin ka hre thei tlat a ni,khatiang kha thleng tawh suhse o" a ti dam diaia,ka chhang lo.

Engmah sawilo in ka kalsan a,Room ka pan tlang nghal a,Mami T.V hmaah alo mutthlu bam mai.Motor a chuang chau a,keilah in ka chetpui leh a,a rilru nawmlohna ka thlensak leh  bawk.keihi Misual dik tak ka ni.

Dimte in a darah ka sawi a,a harh mailo, ka pawm kan pawhin a harh lo. Khumah  tih harh hlau tak hian ka nghat a,a chau bawk aniang a harh eih lo..T.V ka off a, tlem in a vawt deuh vur mai.Ka awm-ah ka kuah bet a,a thaw sek sek a,ka phone  ti eng-in a  hmel chiang takin ka en a, ka nupui a nih atangin ni khat zen zawn bak la ni hauh lo mah se ka thinlung hian Chiang tak in a hriat chu ani hi ka duh tan tawh takzet tih hi!!!

Mami phone a rawn eng a,ka ban vat,msg a dawng a lo ni a ,en dak lo in dah ka tum zet nangin  tunang zanrei a rawn be tu chu ka hrechak leh ta tlat.

"Bawihi,I muhil tawh em?,kha mi tenawmpa nen in mudun tur kha ka ngaihtuah a ka muhil theilo" tih hi alo ni a,a thawntu chu ka en chuan SAMSON-A tih a lang kalh mai!!!!

MIN NEI RAWH-13

Ka sa zak mai a,ka reply chak tlat bawk,"muhil lo e,misualpa chu muhil tawh" tiin ka reply a,Msg dang a rawn thleng leh vat a,"ka khawngaih che,i bula awm ka chak" a rawn ti leh phei chu ka thinrim hlur tawh a,"keipawh" ka ti let leh a,"Wow,a va mak ve,i mangan tawp-ah chuan min mamawh ve ta maw?" a rawn ti let chu ka chhang peih tawh lo,dimte in ka nemsawn a,ka tho leh ta daih. Ka zu dahna atangin bottle khat ka phawrh chhuak a,ka in ta nghek maia,thil thleng dan kual vel ka ngaihtuah pah zela,ka in zel bawk a,ka duhtawk ka inhnu chuan khum lam pan tawh lo in Sofa-ah chuan ka tlu hnawk a,a bak engmah ka hre zui tawh lo.

Ka harh chuan khua alo eng ut tawh a,ka men rualin ka maimitchhing leh nghal a,ka lu na lutuk chu a ri tlut tlut niber in ka hria,ka mu leh vang vang. Reivakloah Room kawngka inhawng thawm ka hria a,pen ri thlak thlak a awm nghal bawk a,a rawn hnai zel a,ka bulah chuan a tawp ta chat a,a reh deuh vang vang hnuah kut nem thep hian ka chal a rawn tawk zauha.A reh leh vang vang hnu ah rei vak vak lo chu thawmdim tihhriat tak hian a tei kual a,kawngka hawng ri ka hre leha, a pen thawm zawi tial tial ka ngaithla a,a teh fel hnuah ka tho a,ka lu ka dawm vang vang mai.Ka mutna ka en chuan blanket leh lukham a lo awm a,nizan khan ka mu deuh tawp mai kha ania.,Mami harh in a tih ani ngei ang.Vei tak chuan a…

Bath Room ah lutin  tuilum-ah ka in chiah vang vang a,a nuam kher mai,ka inbual zawh veleh ka inchei fel leh thlap a,Jeans leh T-shirt ka ngaina a,mahse simple leh hmuhnuam thei ang ber ka thlang fo.Damdawi ka ei leh a,ka zu in vanga na a ni bawka ngaihthat loh nan ka hmang lem lo.

Dinning Room ka pan ding nghal a,tumah anlo awm lo. Hmuni ka ei tur la tur in ka ko nghal a,mahse "Pi Mami kan ko lawk ang aw,ani pawn engmah ala eilo,a nghak che a" ka rin loh taka a tih takah chuan ka then sak mai,a duh hi chuan lemchan a thiam dawn khawp mai ka ti rilru a,Mahse engtin nge thinlung midang bula awm chunga nuam ti tak leh inthlahrung hauhlo a ka bulah a awm theih ni?,nasa reuh lutuk mai.

A rawn nui lut var var a,a nui hmel hika hriattirh phat atanga hmuhnawm ka tih thin kha a ni bawka ka thinrimna ka theihnghilh tep in ka hria,mahse a nui hmel phenah chuan thil thup tam tak anei a,ka hrelo emaw ti mah se ka hre vek si a,ala chak lo khawp ang le. Chutihrualin a hmel nungsar mai chu ka thlir lo theilo,"i tho tawh maw?" Tih pahin a rawn thu zui ve nghal a,a bula mu lo a Sofa a ka riak kha pawi ati lemlo hmel khawp mi. "um,enge i tih a?,engmah ilo eiloh a?" Tha takin ka  ti ve a,a nui sak a,a biangsum a khuar leh kalh bawk,"Rashmi bulah Pangpar vel ka enkual mai maia,zing thawh veleha tihturawmlo hi ka thiam chiah lo va.Niminah lah bungrua vel an lo senghawi fel vek bawk si,naktuk zing atang chuan Rashmi ka pui ve ziah tawh ang" ati siam siam a,a rilru tak a sawi tih ka hrethei in ka hria.Rashmi hi Bihar lam mi,kan invel enkawltu atana kan chhawr a ni a. A kutah hian Pangpar enkawl vel pawh kan dah a,a felin a rintlak viau bawk.

“A ho emai,awmpuite tihtur i tihsak chuan an hmusit mai ang che" ka tihsan maia,mahse rang vat hian "Aih,chutiang anilo ang,inchhungchet leh eirawngbawl zawng zawng nen ka ti vek thina,tunah chuan eitur siam ka tum pawn Hmuni'n choka ka luh ve a phal lo deuh tlata,hetiang te chuan ka a vek ang.Engmah thil harsa a awm lo bawk nen,ka thiam lo"ati leh mial miala,"anih chuan  enge tih i duh a?" ka ti  a,"ka sawi zawh chiah kha,inchhung chet te a ni maia” a ti vat. “Chumi ni lo thildang tihduh enge i neih ka tia lawm?” ka ti leh a, “thildang awmzia chu ka duhzawng tih i phal dawn tihna mi?" ati let ve khauh a,"um,tunah chuan ei phawt i la,kan sawizawm dawn nia,voiin chu voi2 ngawt tihtur pawimawh ka nei dawn a,chawhma lam chu in ah hian ania,mahse tlailam chu Dinner neih pah in hmun dangah a ni dawn thung a,i duh duh ilo ti ve mai dawn nia" ka tih chuan a bu nghauh a,thawhchhuah pahin  "khawnge ka nu te?" ka ti a,ka pa nen Mitthi in ah an kal thu a sawi a,kan chhungte hla deuh hlek an boral thu a sawi zuia,kal ve a duh a mahse ka thawh hma a chhuah chu a duhtawhlo tih a sawi leh bawk a,ka nuih a za angreng viau nangin .Engmah sawi tawhlo in ka kalsan ta zawk.

Meeting pawimawh Farm lam a kan hna thawk te nen kan nei a,kan inneih buai vel nen hna ka khawih hman manglo a,kan rei ta phian mai,kan zawh veleh ka inthlak leh sawk sawk a,tun tumah chuan sumdawnna thar tura  vai pahnih lo kal te leh Mizo tlem nen a ni dawn a.Jeans leh T-shirt nen a kal ngwt chi anilo.Ka insiam laiin Mami a rawn lut a,a sam  a thur deuh bakah a  kekawr hak pawh a bal liam maia,"enge maw i tih le?” Ka tih chuan nui chung hian ,"ka duhzawng tih i phal kha" a ti mai a, bawm pakhat a hai rak rak a,engemaw hi a hum chhuak  tat tat a,min hnungchhawn zawng a a chhuak chu ka en reng a,ani pawn min melh kar bawk a.A awmdan avanga ka nuihza ka insum hman lo,ka nui chhuak hawk mai.Kan inneihni khan ala naupanzia ka hre ve chauha ,kan inrual vel ang chu ka lo tih laiin kei aiin kum 5 in alo naupang a,a chhungte enkawl nan hna a thawk nasa em em a, amah a puitling bawk nen ka lo hmu upa mai mai a lo mi. Chutihrualin kum tlem na na na chu naupangchhe cheta chet chang ala neih thu a nu pawn min hrilh hial anih kha.

Kawta ka chhuak chu nui vak vak ri ka hre nghal a,pangpar vel chu anlo siksawi kual nasa mai chu niin,Mami kelawngin alo awm a,hmunphiah keng va va chung hian "i kal tawh dawn mi?" a rawn ti a,buk zauh pahin ka lama kal turin ka hui bawk a,a rawn din hnaih veleh amah si chetin ka dinga,"hey,ka tibal ang che" tih pahin tawlhsawn a tuma,a ban rekah ka chelh vat.Rashmi leh Hmuni chuan nui chungin min melh zak zaka,a beng bulah kun hniam -in “naupang bal deuh i ang" tih ringawt ka sawi takan chuan a  hmui a ti pawrh a,a mitmeng a de sar bawk.

Meeting naah thupawimawh tamtak kan sawi a,rinloh takin kan tifel thei ta hlauh maia. Hna thila Meeting hlawhtling tak anih mai bakah ka  nupui hmelthat zia min hrilh nak nak avangin ka hlawhtling lehzual niin ka hria.

Ka haw tur in motor dahna lam ka pan laiin Jenet-in min rawn call a,ka lak veleh buaina a tawk tih sawiin a rawn tap titih,a awmna ka zawh chuan an in-ah amah chauh in a awm thu leh mi  an lut ni a ahriat thu a sawi bawk a.Hmanhmawh takin Motor ah ka lut a,chak lutuk in ka khalh chhuak nghal a ni mai. Dar 10 a pel tawh avangin  khawpui chhung ah motor tlan a tam tawh lo va a,chak taka tlan theih ani hlauh hi ka vannei.

Rei pawh thang loin an inkawt ka thleng thuai, Gate ka lut fel tih chuan kawngkaah Jenet-i a rawn dak dek deka, keimah ka ni tih a hmuh veleh rawn chhuakin min rawn kuah a"hlau suh,ka lo thlen tawh hi,tunah ala awm em?"ka ti nghala."ka hrelo,tukin ah ka nu leh ka pa Shillong ah an chhuk a,keimahin ka awm bawk si,ka hlau lutuk ringawt" ati hlap hlap maia,"ok,kal rawh,kan enkual ange" tichungin inchhungah chuan ka kailut a,light ka on hnuah ka enkual zung zung a,engmah fel lo a awmlo.Rei vaklo ka thit hnu chuan haw ka tum a,min kuah chial chung hian "haw lo mai la,ka ngai tawh che a,zanin chauh chu?" a ti ta nghar nghar mai ,"Ni lo ve,nupui nei ka ni tawha,mualpho hi a awl ania" ka tih chuan tum deuh bar chung hian"a tha e,haw rawh,i tulna vanga nei i ni hlawl lo,i lo duh hleuh hleuh em mai..In in-ah nise i nu in min lawm lo a,kal pawh ka rawn kal ngam tawh lo va” ati hmak hmaka,kha leh chen ka lo chenpui tawh a lo nih vang nge ni  ka lainat thar ta thut maia,ka rilruah enge zanin riah ve chu pawi viau ang?,Mami pawn a tul vang chauh in alawm min neih ve tho,midang a kawp reng lo ang tih pawh ka hrechiang chuang hleinem...

A Room lamah kan chho dun ta nge nge,khumah  a let nghal ar ar maia,keipawh ka kai deuh bakah ka awmdan a dik lo riau maia,zu hi tam fe ka in pawn ka buai vak ngai lova, meeting na-ah khan no 2 chu ka in ngei a,heta ka thlen hnu ah no 1 chauh ka in bawk si, ka zauthau dan leh lutuk hi mak tak a ni. Ka pheikhawk ka tlawhthla tawp a,khumah chuan ka lawnkai nghal a,ani lah chuan min lo fawp nghal mawlh mawlh bawk a,ka rilru chuan ka thiltihlai dikloh zia chu min hril mah se ka taksa ka control thei lo va,a thawmhnaw ka pawt phelh nawk nawk a,ani lah chuan chuti bawk,inkhawih leh thildang pawh awmlo chuan Angel te dai ngam loh ram kan dai a ni ta reng mai.

Thawmhnaw ha loin min ngheng a, a taksa var hai mai chuan min nawk talh talh bawk.Ka rilru nawmloh dan chu pui tak a ni,ka tho thuta"khawnge i kal dawn?" a  ti nghala,a meng si sap mai. "Toilet ah ka’n kal zuai ange,ka reilo ang,lo muhil rawh" tih pahin  ka luhsan zui ta a.

Darthlalang ah chuan ka in en vang vang a,kei inten hluah hluah mai, ka thiltih hi ka pa chuan hriase min that duh hial ang,ka u pawh kha la damse chuan min hau phal ngailo tu nimahse kut min thlak loh chuan amak zawk ang.

Ka chhuak leh chu Jeneti'n ka phone a midang a be lai ka va hmu hman a,"tu nge?" ka ti nghala, rawn hawi pah hian "i nupui lem,Mami anih kha,i haw dawn tawh em tih a rawn zawt a" awki ngeiawm tak hian a ti a,ka nghing lawih mai,"engvangin ilo pick -up kher le?" ka ti deuh vak maia,"eng vangin maw?, i nupui tak tak pawh a ni hleinem,ka duh leh ka chhang ang chu, engvanga nei nge i nih pawh ka hrilh vek tawh" a rawn ti leh a,a ban bul tawn tawnah hmerin ka thing vaka,ka nemsawn leh dawrh. 

Ka kalsawn tur chu Jenet-i a rawn zuang tho a,min rawn kuah a,ka nemsawn nawk thung,"min ngaidam rawh,ka duh em che a,ka tih loh tur ka ti palh a ni" a ti a,a tap nghal hlap hlap bawk a,chutihlai chuan ka phone ah  Msg a lo lut tih hriat takin a ri keuh a,rang lutuk hian ka en nghal vat.

"ka mutsan mai che,nuam deuh khan hun hmang ru,ka nu te engmah ka hrilh lo ang,hlauthawng suh u" tih te mai hi alo ni a...

MIN NEI RAWH - 14

Jenet-i tap  ka ngaihven tawh lo,Mami ka call nghal a,reife a Ring hnu-ah a la ta chauh,ka beidawng hman thelh bawk,"hello" mutchhuak aw hian a  rawn ti sep a,"lo la muhil suh aw,ka lo haw mek,inbia ang" ka ti nghala,ka rin loh tak hian a nui ri hak a,”zingah ilo haw hunah kan in be mai dawn Nia,ka mut a chhuak tawh lutuk,Mangtha phawt" ati a,ka chhan hma in a off nghal hmak.Ka call leh nghal nangin a la duh thak lo,ka ti nawn leh nghal zat a,a Switch Off zui ta daih. Hmanhmawh takin ka thawmhnaw ka khawm sawk sawk a,ka inbel thuai thuai a,Jenet-i lo tap ve sek pawh ka ngaihven eih lo. Engtin nge kum 2 tawp kha a bulah chengin ka nupui ang mai khan ka lo ngaih theih ka hre thiam tawh nek lo ve.Zanin thilthleng pawh hi engkim atir atangin ruahman lawk niin ka hre leh hnuhnawh a. An in ka thlen hnu a ka zu in belh vanga ka awmdan thleng khan amah hi ka ringhlel zo vek tawh.

In ka thlen chuan Rajua'n Gate a rawn hawng a,kan in a reh thap tawh,inchhungah ka lut thuai a.A lo reh thiapa, kan Room ka lut chu Mami khumah a lo mu a,ka Bag  Sofa a ka  thehthlak hnuah  khumah  dimte in ka thu a,zawite in ka ko a min chhang hauhlo,a bianga ka chul chiah chu a rawn inlet thak a,zawi fiah tak, tihluih theih hauh siloh tur aw ki hian ,"min khawih suh,engkim hi ka thiam loh a ni a, min khawngaih vang leh i nu in nupui nei tur che a a duh vanga min nei i ni emaw ka tih laiin abak a lo la awm renga. I khawsak dan avangin zawi muangin i Nupui tak tak ka nih theih ka lo inring ve asin,pawi ka ti lutuk" a ti ta duah mai,engmah sawi tawh lo in a inkhuh zui hmak a,tawng na chang hre lo hian ka en renga, ni lo….sawitur ka hre lo a ni mah zawk. Diktak chuan sawitur hria pawh ni ila sawi ngam tur ka ni lo ang. Nupui nei chunga hmeichhe dang mutpuitu mi tenawm ka ni a. Chunglam pawh hian hremna min pe ngei ang.

Ka tho a,ka thawmhnaw ka phelh hnuah bathroomah ka lut a,ka chhuak leh chu Mami  khumah mu lo in Sofa ah chuan alo mu a,Ear phone a hman avang chuan hla a ngaithla tih ka hria,be mah ila min a hria emaw hre lo emaw min chhang dawn lo tih lah ka chiang. Awmdan tur pawh ka hre lo, ka in nghek zawk dawn nge mawni ka ti rilru  a,mahse Sana ka en chu zinglam dar 3 alo kawk va tawh a,ka mu ta ngawt,mahse ka muhil lo chiang viau,Mami ka melh leh thin a,chet pawh a che eih lo. Khawvar dawnah ka lo muhil sek aniang,ka harh chuan khua alo eng tawhaa,ka tho vat a,Mami mutna lam ka va en chu alo la mu a,a puan sin  a tlawh hlim a,a muhil hmel ka en vang vanga,a hmeltha kher mai,thawm nei mang lo va kal hnain puan ka sin that tir a,ka inphih sawk sawk a,Gym ah ka chhuksan ta a.Ka rilru a vei ka neih leh thinrimna zawng zawng theihnghil tum in ka tang a,ka hah bawka ka thlan pawh a far zawih zawih mai.

Room ah ka let chuan Mami alo awm tawhlo,ka mutna pawh alo siam fel vek a,ka thawmhnaw hak tur khumah alo dah diam bawk,engkim a tihfel vek avangin ka nu emaw ka pa pawh,tupawh lo lutse kan mu hrang tih an hre hauhlo ang. Ka inbual zawhah a thawmhnaw lo dah chu ka en vang vang a,ka thinrim thar thut a,a dang  ka ha ta daih a,ka Nupui nih a duh bik hleinem ka ti rilru a,ka diklo tih ka haider lui  a ni ber, diktak chuan nizana thil thleng kha chu amah vanga ka rilru na in ka ngaihtuah na ka hmang diklo tiin ka inthiamchawp ve tlat.

Zingah kan chhung in thil kan ei ruala ,Ka Pa’n ,"Mambawih,In nupa in awm tho bawk a,I nu nen kan lo rilruk Dan chuan Karleh hian Delhi lamah in check-up pah in kan kal dawn mawni kan lo ti a,kan kal rau rau chuan thla khat vel awm kan duh a,in remti ang chu maw?",nui huk huk Chung hian a ti a,"kei chuan rem ka ti lutuk,in thiante pawh in tlawh kual thei ang chu " ka ti ve thuai,ka nu chuan,"Nia,nangni chu Mami pa hi han ziaawm deuh se induhna berah in la kal ang chu" alo ti ve a,Mami erawh chuan engmah a sawi lemlo,anui var2 a,a duhtawk khawp mai.

Kan eizawh chuan Chhuah lawk ka ngaih thu ka sawi chuan Mami ka melh deuh a,mahse ani lah chuan kan ui Husky tha zet mai,Tom-a ngawt chu alo buaipui a,ka kal tur pawh chu min enlo reng reng.

Motor ah chuan thinrim zet hian ka lut a,ka lut fel chiah chu Zirsanga’n min rawn call a, ka be khat deuh bawk a,min rawn fiam chul a,"Naktuk hi ka b'day Nia,Party lian vaklo ka siam dawn a,innu nen min rawn telpui ngei angai ang" a rawnti ham ham a,"OK,lungngai suh,ka phur zawng tak alawm,kan lo kal ngei ngei ang" ka ti ve a,ka dah chiah chu ka rilru nuam lo nghal ruih mai,Party na buaipuitu atan chuan Samsona a sawm ngei in ka ringa,engtin emaw tak lo khawsa ta se ka insum Zo angem?  midang ho pawn Mami leh Samsona awmdan anlo hre ru thup maitheia,ka tumloh tawp in ka zah phah viau thei bawk tih thlengin ka ngaihtuah thleng nghal vek.

Nilengin ka rilru nuam thei lo.ain a kz let hnuah pawh Mami’n min be lo mai pawh anilo,ka awmlohna lam zelah a kal niber in ka hria.

Zanah pawh Dan pangngai in Sofa ah a mi leh thana,ka tibuailo law2 a,A khat tawkin a nu nen a inbe reng maia,a vawi nga na atana  An in be Zo chu keilah pek chuan ngawi ta mai loin,"a bengchheng em mai,phone hman dawn chuan inthiar fihlim thin rawh" ka ti kher peka,mahse a ngawi renga,min chhan tum awmin a awm lo,chutak  chuan minti thinrim zual sauh a,"Polite lo lutuk mai" ka ti leh a,a aw a thian kharha,"Nia,ka mawla,ka polite lo bawk alawm,ahma pawn i hresa reng a thilthar a ni tawh lo emaw ka tia. Engpawhnise ka chhungte kher hi chu  ka duh hun2 leh eng hmunah pawh ka bia ang,ka neihchhun te annih hi" arawn ti khauh a,"chuti maw?,Mo sual tak i nih dawn chu le,I rilru ka hmu tlang vek" ka ti leh zela,"engvak nge ka tihsual? A thurhimin ka term a tawp veleh kal maitur ka nih ka hai hleinem,helai hmun hi ka ta anga en a tulna ka hrelo" a ti bung nghat,ka tho thut a,a mutna bulah chuan ka dinga, ka melh chhuk run bawk a,a rawn thu chhuak ve phat a,"Min khawih miah suh ka tih kha,I duh dan2 in awmla,keipawh ka duh Dan in,midangte hmuh ah nupa ni ila a tawk mai" a ti leh hmak,ka thu hniam a,a inrin loh laiin a darah ka sawi nawk a,"I bialpa nena i duh2 a awm beisei suh,ka Nupui i ni tawha,I hurherh vanga kan chhungkua tih mualpho ka tum lo" ka ti bung nghuta,ka sawi Zo chiah chu ka hmai a ri thuai a,a thip zui vang vang mai a,he nu tereuh hian min beng leh ta...ka thaw hawk mai, a  lawmman chu a hmu khawp ang!!!!

MIN NEI RAWH - 15

Sofa ah chuan ka nawr bet nawka,min tlawh pahin min ham a tum bawk a,a chak reuh kher lehnghal,ka delh beh tlat avangin a che tha thei silo beidawng aniang a mittui a tla a,mahse ka ngaipawimawh tawhlo,tawng miahlo in ka inchai a,kan inchai rei tak deuhah chuan a chau ta deuh aniang,tlem a a inthlah dul lai chuhin a  kut 2 ka man beh sak a,a lu lamah ka nembet chho a,a hmuiah dimna tel mah loin ka fawp ta bawrh bawrh mai,ka khup in a mal ah ka nawrbeh tlat avangin min tlawh thei silo,a lu chu a ti che vak vaka,a tal buan buan mai bawka, mak takin a tal vel chuan minti danglam ta tlat,tal mah se s rem dan danin ka fawp lui ngar ngara, ka fawh dan a dam tial tial bawka,ani pawh  inthlahdul ve hret hret bawk. Thutthlengah ka lawnkai a,ka taksa rihna in ka delh bet a,a tal leh laih laih a,a hmui a fawp tawh loin nghawng leh ir ah ka fawp kual a,ka lo inthlahdah deuh chuan a kut chu ka phelh a,ka Sam ah a tham nghal chat, aw khur lek lek Chung hian "tiang chuan ti suh,I la inchhir ang" a ti a,mahse chawlhsan ka tum lo,ka ti laklawh tawh.

Ka  awm- ah a bei tlan a,a thaw sek sek bawk,ka bul tanna fuhlo mah se a tawpna a hlimawm takzet thung, ani anga mkn hip tu hmeichhia hi ka la tawng ngai lo. A muhil hmel chu ka en a,a hmui sen siah leh a mithmul er tan te,a hnar te lam deuh te nen hian a  nalh a ni tawp mai.

Zinga ka harh chuan keimah chauh in ka lo mu tawh a,ka tho vat a,ka inphih fai sawk sawk a,Gym ah ka lutthla a,ka thinrim vang nilo in phur tak in ka insawizawi a,ka hlim veng veng mai.A tawkfang ka beih hnu chuan Roomah ka chho a,khum vel  alo fel leh thlap tawh.Ka inbual sawk sawk hnuah Breakfast eiturin ka chhuka,Hmuni ka ko nghala,Mamin a eitawh em tih ka zawt zuia. Breakfast hi chu a rualin kan ei ziah lem lo. A la ei lo tih a sawi chuan pawnah ka chhuak ve ta zawk a,verandah-ah chuan an 3 in anlo awm a,ka pa chuan ka naupanlai chanchin vel alo hrilh tih ka hre hman thuak a,min hmu chu anlo nui tha hlawm.Mami bulah ka thu ve nghal a," Pa,in eitawh mi?" Ka tih chuan a  bu nghauh a,Mami chu ka en a,"ei ila" ka ti zuia,alo bu ve mai bawk a. 

Dinning Roomah kan inzui lut a,mahse a hmelah chuan nizan thilthleng avanga danglamna ka hmu ta miah lo,kan tawpna hlimawm tak vang khan amahah danglamna a awm ka rin tehlul nen,nimin nen engmah danglam a awm ta tlat lo. 

Kan eilai chuan Farm a kal a duh leh duh loh ka zawt a ,a duh loh thu bak engmah sawi lo in a eimial mial mai,"zanin hi Zirsanga b'day ania,an in ah Party a awmdawn a,kan kal tur thu ka lo hrilh a,a pawilo ang chu tiraw?" Ka tih chhan "pawilo e,tihtur a awm chuan min zawt duhsuh,I sawi apiang ka zawm zel thei alawm" a ti mar at,a tawng Dan kher chu ka ngei angreng viau nangin "thawmhnaw i lei duh chuan card ka pe ang che,voiin ah i bazar dawnnia" ka tita zawk a,"Nia,a tha ngawt ang,mihausa ho Party hi a buaipui tur chauhin ka kal ve thin a, ka inchei ngai si lo va,tunah chuan ka inchei ve angai dawn a,thawmhnaw min leitir nachang i hria chu i fel e,chutilo chu ka neihsa ka ha anga i Zak lutuk ang" ati leh nghat nghata,a tawngkam ngeiawm lai sawitur awm si loin a ngeiawm thlawt.  Kan inhnial chho ang tih hlauin ka ngawi ta renga, nizan anga hun nuam hman hnu a inhauh buai ka duh tlat lo.

Nilengin Farm ah ka kal a,Dar 5 velah in ka thleng leh chauh,Lunch pawh Farm ah ka ei nghal a.Ka nu hnenah chuan zan lam Party kalna tur kan neih  ka hrilh a. Room a ka  lut chu Bath Room lam a Mami zai ri rat rat ka hriat avangin ka nui a,a inbual a ni ngei ang.Dawhkan chungah Box 3 a awm a,a thil lei thar ho anih ka ring,ka en chak viau nangin nuam ka ti chiahlo a ka en ta lo.,Bath Room kawngka  rawn inhawn chuan ka awm tih a hre lo tih hriat tak hian a phuzawk mai a.Towel a hnute huaiah a sin a,a towel a lian lo bawk nen a mal thui tak alang a ,"i awm tih ka hrelo a" tih pah chuan min melh a,a sen tan tan mai. "Kan inbual ve lawk ange,i duh leh lo insiam tan tawh la'ka tih chuan a aw ve mai bawk a,ka inhlip sawk sawk a,inbual turin ka luhsan ta a.

ka inbual zawh chuan Mami chu a ngaihna hriatloh hmel zet hian alo ding a,"Mike,minlo pui lawk teh,heng ho hi voiin a ka lei chu an nia,mahse enge hak tur ka hrethiam hlawl lo”alo ti nghala,kan inneih tirh atangin tun chiah hi ka hmingin min la ko a,ka hming a lam dan a nalh reuh phian bawk. Khumah  kawrfual 3 hi alo awm a,a pawldal raih chuan ka mit ala nghal chat,ka la kang a,"heihi ha la,a in rem ber ang,han ha chhin teh" tih pah chuan ka pe a,"min lo en suh" ati hlak thung,nuih insum deuh chungin ka kalsawn ve mai bawk. A ri sat sat a,ka dara rawn khawih zauh pah hian,"lo hawi rawh le,enge a an?"a ti a, ka hawilet chu ka phu ru zawk a ni ber. A nghawng a zau lam tep a,mahse a over lo,a hnute  a phuar deuh tang a,a kawng chin hnuailam chu fit lutuk lo in a awm a,a khup a khuh phalo deuh bawk. A kawr hak chuan a pian khal nalh zet a pholang chiang hle mai bawk,ka hriattirh atang khan a pian a tawk hle tih hre mah ila ka belhchian hian a lo la nalh lehzual zawk. Zawhna zawt mitmeng hian min en a "um,a tha lutuk ringawt,mahse mi in a umzui luai2 che - hlauhawm ang" ka tih chuan a  nui hak hak a,tuntum a nui chu ti el lam a ni lo,hlim nui tak tak ri a ni.

Party na hmun tur,Zirsanga te in kan thleng chu anlo ri laih laih tawh a,kai fe fe an awm nuk bawk. Samsona,nui chunga kan lam pana lo kal ka hmuh chuan ka nuamlo leh nghal ruih mai,Mami a thlek vang vang hnuah ,"Mate,i nalh lutuk ringawt,Mike hian a enkawl tha che tih ka chiang mai"a ti a.."Enkawl tha lutuk,nangpawh i nalh e,khawnge midang hi?" ati ve bawk a,ka awmve tih pawh an hre lo nghal emawni ka ti rilru a.  Mami a rawn hawi a,"Sam,kan pa hi chu i hria tih ka hre tho a,mahse inchibai ve reng reng ula,kan inneih hnu-ah chuan a danglam alawm" a ti ta a,Samsona pawh chuan min rawn chibai ve bawk a,ka kun hniam a,Samsona tih el ka chak lutuk chuan a nghawng chu ka hmui in ka nul thuak a,zawi te hian"midang ka hmelhriat tir duh che ania" ka ti a,Mami a khur deuh dar dar tih ka hria,ka ban ka vai zauh hnuah kan kalsan ta a..  Midang dang ka hmelhriat tir hnuah kan thu duna, ruih chhiat ka duh loh avangin  a hming chauh in ka in a,Mami erawh chuan Beer takngial pawh a induh tlat lo.Ka thiante ho-in min rawn be ve renga,amah Mami zawkin biak a hlawh zawk maha, ani pawn nuam a ti ve viau chuan ka hria.

Ruati a rawn thu hnai sat sat a,Ruati hi  chu mifel tak a nibawk a,atlangnel thuai mai. Mami hi lehkhathiamlo leh Thingtlang mi tiin ka lo hmusit kual vel kha ania,ka rin ang a ni ta reng reng lo,midangte bula khawsak a thiam in ka thiante ho pawn an rin ang a ni lo tawp tih ka hmu theia. Ka chhungrilah ka nui ru vur vur mai.

Inhnuai lama toilet ah awm an awm ve ve avangin inchunga Zirsanga room Toilet ah ka kalsan a,ka chhuk leh lam chuan hmeichhe awki sang tak ,thinrim taka ang thawm ka hria a,mak pawh ka ti lo.Party-ah hi chuan tiang tawk hi awmchang a awm ve hrim hrim.Ka thleng thla tep tih chuan Jenet-i aw a ni tih ka hria a hlauhthawnna in ka khat nghal a ni mai. An awmkhawmna room a ka lut chu Ruati'n a lo man bet a,midang ho chuan engmah tihtum lo in anlo thlir thap thung.Mami a thutna ngaiah alo la thu tih ka hmuh chuan ka thawhuai mai.  A bula thut pahin a kutah ka vuan a," i tha em?" ka ti nghala,"aw,tha e,engmah buaina a awmlo" alo ti ve vat. Mahse a tha lo tih a lang ta thuai, “E,Mike,ilo thleng maw?,i nupui lem hi ka lo zilh hlak a,i nupui tak tak emaw a intia,a chapo lutuk a" Jenet-in a rawn ti ta lang  lang maia,ka chhan hma chuan Mami zawkin "engthil nge i hriat ka hre lo ve,engpawh lo hria la pawi ka ti heklo,keichuan ka hriat zawng chu,Michael-a hi ka pasal a ni tih zawng hi a ni a. Inneihna lem a awm ngai tih pawh ka hre ve lo" a lo ti dam raih mai.

Atawng dam dap mai chuan Jenet-i chu a barakhaih tih ka hria,a rawn kal hnai a,"Hey,nang hi tih duhdah atan a nei che aw,in retheih lutuk avang leh a pawi i sawi avanga phuba laknan a nei che aw,amah ngei hian min hrilh,chu pawh in inneih zan ah nangmahni khumah ngei lehnghal.Mike,a dik tih nangpawn i hriat kha,midangte hriat lai hian han sawi leh teh" a ti ta chiam maia,ka hrilh dan ni chiah lo in sawi mah se eng emaw tal sawi thei tur tawkin keimah ngeiin ka lo tisual hmasa tawha. Insawifiah pawh ni ila awmzia a awm dawn lo va, heng ho hmaah hian insawifiah pawh ka tum hek lo. 

A kut ka vawnna dahsawn pahin Mami  a dingchhuak ve ta a,hnai set sawt-ah a en a" Jenet,thil ka hrilh ang che . Mike hi i bialpa hlui a ni a,i lo la hmangaih reng thei, i la hmangaih anih chuan engatinge midang bulah a thuruk i sawisak kher a?hun kal tawh chu hun kal tawh a ni a,midang zinga i tihmualpho hian eng nge hlawkna awm? Duhtawk tawh rawh. Tunah chuan ka pasal a ni tawh a, min hnawtchhuak anih loh chuan then ka tum hauh lo keichuan,min neih chhan chu engpawh  lo hria la  ka pawisa ve lo” " a ti ta sak saka, a la vin chuang lo chei bawk…,

Min rawn en a ,a kut vawnsak tuma ka pharchhuak chiah chu Jenet-i chu a rawn che thut a,Mami a rawn  nem thal thuai mai.

MIN NEI RAWH-16

Jenet-i chu ka nam sawn nawka,engtin nge a awm ka ngaihven zui lo.Mami kaitho tura ka hawilet chiah chu Samsona lo thingthi hniam mek chu va ka hmu a,ka tim deuh nangin  ka nupui a ni a,Samsona chu a past life a mi a ni tlat tawh. Chuvangin keiman ka buaipui ngei angai,"Thianpa,keiman ka lo buaipui ange" ka ti a,mahse Mami chuan kei nilo in Samsona chu a ban a,"Sam,minlo kaitho teh" ati zawi sap. A aw a dam hle nangin a khur tih ka hria,Samsona chu tim deuh niawm takin min melh zak zak a,a kaitho ta a,ka thin a rim hle chungin thinrim thei ka ni lo tih erawh ka chiang hle.

Jenet-i a tap nghek nghek a,Mami  Samsona’n a kaisawn chu lo thlir tawp bak engmah tih theih ka neilo, Jenet- ichuan min rwn pan a,min rawn kuah chungin ngaihdam min rawn dil a,ka harh chhuak thut a,hetia ka din reng chuan ka mualpho tam lutuk ang.Jenet-i ka phih lawp a,pawn ah ka kai chhuak ta dawr dawr a,pawn kan thlen chuan ka nem dawrh bawk a,ani lah chu ala tap reng bawk.Motor-ah chuan ka kailut  a,engmah sawilo in ka tlanchhuah pui a,ka tlan chak viau bawk,a tap bang hmak a,engmah a sawi ta lo.An in kawt kan thleng chu engmah dang sawilo in "chhuk rawh" ka ti a,"mahse MIKE" ati hman chauh chu "chhuk rawh"ka ti tuar maia,engmah sawi lo in hlauh hmel zet hian a chhuk sawk sawk a,a chhuk fel chiah tih chuan chak lutuk in ka tlan san nghal a,ka hmu peih hlawl lo,khatiang thil thlen hnu kha chuan tihpalh thil anih loh chuan ka hnaih leh tawh ngai lo vanga,ani pawn min hnaih leh tawh ngailo ang.

Motor steering wheel ka chum nghek nghek ringawt. Thil thleng engkim mai kha a lem lah a ni der si lo. Lemchan thawnthu ziak thiam takin lemchanthiam te chan atana duhtawka thu an phuah kual a,chu chu an chang a ang berin ka hriaa, keimah pawh hi atak ni loin lemchan khawvela a changtu mai niin ka inhre hial bawk.

Zirsanga te in kawt ka thlen chuan lut tawh lo in Mami ka call a,a la thei tlat lo,inchhung luh leh ka hreh takzet tawha,mizawng zawng khan min nuihsawh niin ka hria,Zirsangaka call a,anipawn ala  thei chuanglo. In lam ka call chuan Ka Nu in kan chanchin a hriat ka duh si lo,hreh zet hian ka lut leh ta a,an rui hlawm bawk a,tumah chuan min ngaipawawh hmel an pu lo.Mahse naktukah chuan hmelhriat te zingah ka lar hle dawn tih ka hre tho a. Tlanchhiatsan dan a awm lo va, hmachhawn tawp a nimai. Zirsanga ka zawn laiin Ruati ka hmu hlauh a,ka pan vat a,Mami a hmuh leh hmuh loh ka zawt a,a hmulo tih min hrilh pah hian nui chung in  "Mike,i lar lehzual ngawt ang" ati zauh,ani hi uang reng mai a ni a,mahse zanin a  uan dan hi chu nuih a za lo ngang mai. Inchungan ka chho a,Zirsanga room ah ka luta, tumah an awmlo,inchung chhohna step ah chuan ka kal chho a,inchungzawl ka chhuak hlawl a,a awm ring vak lo chunga ka hawikual vel chuan  thil hmuh ka nei ta.

Thut mutna ang chi awm ah chuan Samsona dar ngheng a Mami lo thu  ka hmu nghal a,ka tek sawk mai,zau zet hian ka pen pawk pawk a,"tho rawh,haw a hun tawh" ka tih chuan an rawn hawi rual thawt a,mak min tih hmel zet hian min en dun ha bawk.Mahse,Mami  a che sawn chuang reng reng lo,ka dawhtheihna in a tlin ngang loh avangin a ban-ah chuan ka zuk kai a,ka phih tho nghal lawp mai bawka,a te that mai.

 Samsona a rawn  ding chhuak ve nghala,"Mike,i thil tih dan hi a tha lo ania"a rawn ti a,chutia ani ka huat em em in min sawisel chu ka duh bau lo,ding miah lo in ka kalpui nghal hlawk hlawk a,a ni lam lo  ve bawk si nen a tlan det det mai.

“Mike,ding teh” tih pahin ka ban ah Samsona’n  min rawn dawm bet leh a,ka hawilet a,Mami kut ka vawnna ka thlah rualin ka ban chu ka vai pawp a,Samsona bek ah ka hnek chawrh mai,Mami a te thawt thung.

Samsona thal reng chu ka en a,hmeichhia vang hian tumah ka tihbuai ka ring ngai lo va,mahse tunah ka ti ta nih hi..

In kan thlen hma chu tumah mah kan tawng tawh lo,kan ngawi dun kar maia,Mami  maimitchhing tlat mah se a muhil lo tih ka hria. In kan thlen chuan engmah sawi loin Room-ah kan inzui lut a,Bath Room ah a lut tlang nghala,a rei hrep leh nghal.A rawn chhuah leh chuan a mit a bui deuh lak a,a tap niin ka hria,a thawmhnaw athlak hnuah ngawirengin a mu nghal a,a inkhuh zui daih bawk.Kei  erawh chu zu ka la chhuak a,ka in leh te te a,no pawh ka hmang buai peih lo,a bottle in ka in a,ka hrawk leh pum a sa thla hut hut nangin engmah pawisak ka nei lo,ka thiamlohna hmu duh lo in Mami thiamloh veka  ka ngaih na chuan min vaw na em em a ni ber,tenawm hian aaaa…

A tuk atangin kan nun dan hrehawmna in a intan a ni ta ringawt,kan inbe ngailo a,midangte hriatah chauh nupa kan ni ve a ni ber,midang awm ve loh  lai chuan mihrang ang hmak kan ni mai. Ka nu leh pa pawn engmah danglam awm an hre rih lo bawk a,nghaihtha takin min kalsan a,hun rei pawh nupa kan nih hmain hrehawmna hlirin kan khat ta a chu ania,tihhrehawm tum em em tu ni si kha keimah pawn hrehawm ka tuar lo bik ta lo. Tunah phei chuan kan boruak  rit tak a ni ringawt. Kan mudun lova,kei Room chhung a Sofa ah ka mu a,ani khumah a mu thung.Ka Nu te zin hnu phei chuan inhnuai lam room awlah ka riak ta daih. 

Breakfast kan ei rual lo a,Lunch lah pawnlamah ka ei ta deuh ziah a,tlai tak tak thleng ka leng a,ka rilru natna tireh turin Party hrang hrangah ka kal nasa em em mai.Hmuni leh Rashmi-in sawi chhuak lo  mah se  kan nupa boruak thalo hi an  hai hauh lo tih ka hria.Zirsanga Party atang khan midang ten min sawi nasa a,Nupui leh hmei nei kawp angin min ngai ani ber,ka thian tha tak emaw ka tih te kha ka chanchin chhe lai  sawinuam ti bertu an lo ni a,pawi erawh ti chailo mai,tu nge ka tana tha a tha lo ka hriat chian phah zawk,an duh duh chu sawi tehse..Mahse Zirsanga erawh chuan engmah a sawi ve lo niin ka hriaa,duh se chuan ani tluka sawi tur hria an awm hauh lo ang.

Zan khat chu Party na atangin dar 1 bawr velah ka haw a,Motor ka dahfel chuan Motor awm kim lo ka hmu a,Rajua a leng chhuak anih ka ring mai a,mahse zanlai a pel daih  tawh a,aleng anih pawn dar 9 bawrah chuan alo let ziah tih ka hriat avangin mak ka ti deuh a,mahse ka ruih deuh chhu  avangin ngaihtuah tha peih loin inah ka lut a, Nidanga ka tih ngailoh ang deuh in kan Room ah ka lut a,a lo thim thiap avangin Light ka on a,mahse khum a lo ruak a,mut miahloh na a ni tih alang bawk nen ka harh deuh kawk maia,tun ang hunah khawnge a kal ang?,toilet leh bath room ka hawng kual vel pawhin a awm bawk si lo,Bathroom atanga ka  chuak leh chuan Dressing Table a lehkha ka perfume bura indelh bet ka hmu a,ka pan phei thuaia "ka phone tlang thei thlawt lo che,ka pa a zual thu an rawn sawi avangin kan khua-ah ka kal ania aw,i thu pawh hmu lo in Rajua ka hruai  ve tawp mai e" tih hi alo in ziak a,ka harh chiang mah mah ta chu a ni e,ka phone  phawrh a cll ka tum chu ka phone chu alo in off a. Ooooo,ni e, party naah khan keiman ka off daih  tak alawm.

MIN NEI RAWH - 17

Ka on vat a,Mami chu ka cll nghal nangin a pick up thei lo, khumah ka thu hnawk a,tunah hian  kalve ngawt turin zanlai pelh a ni tawha, harhfim kur tawh mah ila ka taksaa zu hnathawh ala reh fel loh avangin long run tlak ka ni dawn lo. Kan driver te hi Rajua chauh kan awmpuia, midang chu lang a lo kal vek anni bawk si,ka rilru buai map maia,Zirsanga lah chu Chennai lamah a kalbo lai a ni bawks ai,muhil thei loin Room-ah ka vei kual sek a. Reife hnuah Ka in ngaihtuah nawn leh a,mu sek ila zingah chuan ka harh deuh anga keimahin ka kal ve mai ang ka ti ta a,Sofa ah ka thawmhnaw pawh thlak lo in ka muhil ta vang vang.

Dar 5 ah ka harh a,ka inphih fai thuak thuak hnuah ka thawmhnaw tlem ka pack a,inhnuaia ka inkhai thlak chuan Hmuni alo tho tawh a,phawk fe hian min lo en a.Mami kal hun ka zawh chuan nizan dar 9 vel ah anih thu leh min  call tlang thei lo tih a sawi chuan nuamlo ka tikher mai. Hmuni hi nula upa lam tawh leh fing tak anih avangin kan nupa hian kan  bum thei hauh lo tih ka hriatna chuan min ti zak tel bawk. Ka kalve dawn tih leh kan haw hun tur kan hriat loh thu te ka hrilh hnu ah hmanhmawh takin in  ka chhuahsan ta a,Mami te khua-ah hian kan inneih hmaa  vawikhat chauh ka la kal bak kha ka kal nawn leh tawh lo va,man hlanna-ah khan tunhnaia an chin thar anga mo neitu kal kha ka pa remtihzawng a ni hek lo, chuvang taka man hlan hmaa a pi han hmu zWk ka ni reng bawk. Kal nawn leh awm bawk si lo chu ka  hrechiang vak lo nangin ka bo erawh chu ka ring lem lo.

Engmah eilo in ka tlan zel a,khawiahmah ka ding lo,an khaw bul ka thlen chuan ka ding ta a.Mami ka phone chuan midang in min rawn chhang a,mipa aw hian.."U Michael,ka u hi nizan khan a mu miah lo a,tunah a muhil a" arawn ti a,Mami nau Valtea a ni tih ka hre mai,maktak-in ka hmelhriat ten Mike ti a min koh vek laiin Mami te chhungkua hi chuan Michael min ti ve tlat thung.

"Anih tak chu, in khua ka lo lut tep a,ka hrechiang vak bawk si lo nen,minlo hmuak thei angem?" ka tih chuan ,"ehe!!!,ka u in i buai zia a sawi a,kan hrethiam lutuk che a,ilo kalve pawh kan lo beisei ngam miahlo asin" arawn ti nghal chula,a aw ah chuan a lawm tak tak tih ka hria a,kei an makpa,fel lo ve tak  hi min lawm peih tlat a mak ka tih rualin ka lawm veng veng lawi.Ka awmna lai vel min rawn zawh chuan ka sawia"aw,tah khan lo awm tawp rawh,ka lo kal ang" ati sawk sawk a,adah ta a,cigarette ka phawrhchhuaka, ka zu tam vak lo nangin ka duh ve zeuh thin avang in ka pai ve ran zela.Gold Flake King Size ka zu thin a,adang chu ka duh lo bur.

Meizu vang vang chungin ka hawikuala, Mizoram chhung hi ka zin tam lo em em a,Building ringawt nilo,thing hring dup mai han hmuh chu nuam ka ti a, mit a hahdam mai bakah nun a ti hlim ngawt in ka ring.Reivaklo ah chuan Valtea Scooty in alo tlan thleng a,arawn nui sang a,kan han inchibai lawp lawp hnu chuan ka hmaah a tlan a,muangchangin kan inzui a,Mak deuhin Mami ka hmu huphurh thar riau peka,in ngeihlo in midang te hriat ah chauh Nupa ang in awm mahila,keimah ah hian nasa tak in thu a nei tawh tlat. Kha Party zan atang khan ka kut hmawr pawn ka la tawk leh lova,ngaihsak miah lo ang in awm mah ila a rukin a cheizia engkim ka ngaihven a, ka enthla reng a ni ber.

In kawt ah Motor ka dah a,ka Bag  ka khaichhuak chu ka duh lo chung Valtea’n min laksak lui a,u en tak tak in min en niin ka hria.Kan thawm hriaiin Mami pi leh midang an lo chhuak a,min chibai lawp lawp a,sir khata Mami nu mittui hru mawlh mawlh chu ka pan a,"ka pi,nang i lo dam tha maw?" ka va ti chu inthlahrun hmel tak hian min rawn en a,"Michael,ilo kal thei hlauh chu a tihzia em mai,  ka lawm in ka thlamuang huai huai mai,Mami chauh pawh lo kal se ka vuilo asin.Mahse  ilo kal hi ka lawm tak tak ania,kan makpa mah ni la kan fapa  upa ber ang mai i ni a,i awm chuan nangmah-ah kan innghat vek dawn ania" ati a,amittui a rawn hnam leh a,ka khawngaih ru kher mai. Hetiang tak hian min ngaihlu tih hria ila chuan phone pawn ka lo han be thin tur ania,ka khawsak dan avangin ka  insit thar leh ta..Ka laka an khawsak dan hi min tlawn huam vang a ni lo, anni aia hausa zawk chhungkaw fapa ka nih vang ni loin an makpa ka nih angin min endan tur diktak in min en mai zawk a ni,an bulah hian nun a nuam a,a derin an nung hel lo, diktak chuan ka thlamuang tan a ni ber e.

In hnuai ah Room an lo nei bawk a,Mami chu chutah chuan a mu a,reivaklo ka thut hnu chuan ka chhuk thla ta a.Room lian tak a ni  lem lo.Khum pakhat leh Dressing table hlui tawh lam bakah Steel Almirah pakhat a awm a,chuzawg chu animai.Khum lian vak loah hian a lo muhil a,dimte hian khumah ka thu a,abiangah ka chula, chapo tak chunga amah hneh tuma nei ni mah ila tunah chuan aman min hneh ta zawk anih hi...Tihharh hlau takin ka thawmhnaw hak lai ka ka thlak a,makpa ka nihna ang ngeiin atul apiang ka tih angai tih ka hre ve tlat.

Ka awm ve takah chuan Rajua ka tir haw a, hna thilah phone ka dawng nual bawk. Manager te kutah ka dah a,an fel em em a,awm rihlo mah ila angaihtuahawm  dawn lo.Chutihrualin Mami te chhungkua nen kan chet dan a in persan lutuk erawh ka buai ve det,tlai dar Dar 3 vel bawra zanriah tur kan siam laiin Mami a rawn tho a,min rawn hmu chu a mengphawk nasa mai,keilah chuan fel hmel zet hian ka lo nuih ngial thung,ka bulah a rawn thu a,"ilo thlen na a rei tawh em?"atih chuan ka bu ringawt. Ka thiltih lai chu  en in za zet hian a nuia,kei lah a ngaihna hre loin ka hawi a hu thung,"enge min nuih a?" ka tih chuan nui khur dar dar chung hian,"kan inneih hnu-ah eitur i siam ka hmuh hmasak ber ania,chuan i purun zai dan  phei kha amak lutuk,khatiang tuman an ei duhlo ang" ati ta a,ka bula thu  tleirawl,Mami ni fanu chuan"Au Mam,hau suh,keini chuan atumna pawh hi lawmawm kan ti teh ania aw,ani ang in hetiang tihna chang a hria hi kan chhuang teh ania" alo ti thuai mai a,min chhan thiam reuh viau.Chutia min lo chhan takah chuan Mami atum deuh bar a,chumi ka hmuh chuan keipawh chu ka nui ve ta hawk hawk mai.

Mi chevel ka en chuan Thingtlang nun hi hetiang anih chuan a va nuam reuh dawn tak  ka ti rilru a,mahse hetiang ka ngaihtuah chhan hi chu Mami te chhungkaw in ngeih tlan em em vang a ni daih thung  ang. An inchhung pumpuia thilawm hi kan in a ka Room-a thil awm aipawn a hlu lo zawk ang tihtur a ni a,mahse an chhungkaw boruak nuam leh dam raih erawh hi chu  kan nei ve lo,kan chhungkua hi kan inkawm ngeih em em a,kan inhau ngai lo va,mahse diktak chuan Pathian thu kan ngaihsak lo viau,kan that that in kan tha ve tawp a ni mai.Kohhran kan sawisel lo a,kan active chuang hek lo. Pathian thu kan ngaihsak loh vang pawh a ni ang Mami te in a boruak nuam raih ang hi kan in ah kan neih ve loh ni....

Inleng an awm deuh reng a,thim dawn dar 6 vela chaw kan eitur  ka huphurh ru em em maia,diktak chuan tun ang hunah zanriah ka ei ngai meuh lova,zanah ka riltam ka hlau ru bawk,mahse midangte tih loh Dana khawsak chu ka tum bik lo,awmna hmun a zira in adjust mai hi ka tihdan ve reng a ni bawk. Nu upa lam deuh hi alo lut a,min rawn chibai pah hian "Mami pa u Nupui ka nih hi,khawpum pui in kan makpa hmelthat thu leh palen Zia an sawi a,dawt an sawi hauh lo mai ka ti,ilo zahpuiawm lo roh  em anih hi" a ti lawng lawng maia,chutiang taka hmaichhana han infak chu lai deuh roha,sawi mai tur ka hrelo,Mami chuan ka hawibuai chu minlo hmu aniang,a lo kal vat a,"Nu thang,anih leh a Nupui hmeltha anti velo em ni?" Nui Chung hian a rawn ti a,an Vai mai chuan an nui ta ham ham.

Mami pa pawh rinai in a ziawm a,thu chungin zawite2 in a tawng ve peih a,min hmu chu a lawm hle mai bawk a,zan lamah  nula leh tlangval anlo lengkhawm a,hetiang hian Damlo an menpui thin tih ka hre silo a,mak ka lo ti ve em thung. Dar 12 ah pawh an LA thu far a,mahse a zual leh ta lo bawk a,dar 1 velah chuan an haw ta a,"in chau tawh awmsia,zanin chu kan nupa in kanlo mengpui ange" ka tih chuan an  phal lo ngang mai,Valtea’n "a ngailo reng reng,inchau ang,a tul leh kan kaitho ang che u,Mami,ka Room ah mu mai ru aw,keichu sitting Room ah hian ka mu ang" ati zung zung a.Hnial a sawt lo tih ka hriaa,muturin inhnuai lamah kan inzui thla ta a.

Kar 2 lai kan muhrang tawh a,ka lai deuh hu mai,a inthlak sat sat a,kei erawh chu ka inhlip a Boxer nen ka awm thunga,"I thinrim awm mang e,kan in ate sia,mut hrang ngaihna a awm si lo va,engtin nge niang?" Zawi angreng tak hian a ti a,"mut dun pawi ka ti hleinem, sik I duhloh chuan inhlat deuhin kan mu mai ang chu" tichungin khumah ka lawn kai nghal a,a vawt deuh viau maia,nizan ka mu tha lo nen muthilh ka chak takzet.Light a off  hnuah khumah a rawn lawn ve a,min hlat deuh hian a mu a,kan ngawi dun rauh rauh mai.Reife hnuah a hrawk a thian khauh a,min si chuanglo hian a rawn inlet a,"Min hua em?"a ti sep."Engvangin?"ka mut ngaia mu chungin ka ti a."I hmangaihtak neithei lo in kei min nei ringawt hi mawle, mi i khawngaih fu lo ka ti dawn nge sawi dan tur ka thiam chiah lo,kan chhungkua lah chu i tana tangkai miah lo leh tibuaitu zawk che kan ni bawk a,tunah hrehawm tawkin i hun i hman angai  a,kan in ah hrehawm takin i mu bawk a,I tan chuan kan ninawm in buaina kan ni ringawt ang" ati leh sep sep a,"Aaa,chutiang anilo" ka ti ve ringawt a,kan ngawi leh vang2 a,alam ka hawi a,"anih leh nang Hmangaih i nei em?" Ka ti ta hlawl a,a ngawi vang vang a,min chhang dawnlo emaw ka tih laiin a  thaw hak a,

"Um,nei e,mahse min kalsan a,amah pawh I hria e" ati ta a, ka  tek deuh sawk mai,Samsona bak rinhlelh tur ka nei lo..

MIN NEI RAWH - 18❤️💜

Ka in let a,engmah sawi loin kan ngawi dun ta reng. Ka chhungrilah che a awm a, tun hma pawhin Jenet-i ngaihzawng hluite ka thik ngai lo.Thikthu chhe lo lutuk niin ka lo inngai thina. Ka duh tak la tawn ni loh vang mai mai a lo ni ang. Hun rei pawh anih hmain Mami vangin mipa thikthuchhe tak ka ni tih ka hre chhuak ta thuai mai chu ania. Hei hi nula leh tlangval inkara Hmangaihna chu a ni ngei ang. Induhna leh hmangaihna hi a hrang a ni tih lah ka chiang ve ta. Ka muttirh khan muthilh ka chak tehreng nen a teuh tawhlo mai...ka mengkar a,ani lah chu a muhil hmak a,engahmah a ngai zuilo tih a Chiang reng...

Zing lam ah ka lo chhingsek a ni ngei ang..ka harh chuan khua alo eng ut tawh a,keimah chauhin ka lo mu tawh,ka tho peihlo ngang mai.Maimitchhing chungin ka inngaihtuah vang vang a,hawsan daih mai ka chak rum rum.Ani ngawt bawk si lo.Ka tho a, inchungah ka chho chu inleng anlo awm nak naka,Mami te chhungkua erawh tumah ka hmu lo.Mami nu te Room lam ka pan a,ka lut chu tumah min ngaihven an awmlo.An hlauthawng hmel ka hmuh chuan ngawireng in khumah chuan ka thu ve a,alo zual leh chu niin.. thaw kawk kawk chungin min hmuh chuan min lo hui a,ka tawlh hnai vat,a tawng zawih lutuk avangin ka beng chu ka dawh hnai a,"Michael,ka kal a hnai takzet tawh a,ka damchhuak dawn lo tih ka hria..Ka fate hi i kutah ka dah a,nang i awm avangin thlamuang tak in ka kalsan ang,An fello anih chuan hau la,mamawh annei anih pawhin i enkawl Turin ka dah ania" thei leh thei lo hian ati tawk tawk a,a kut ah ka vuan a,a thaw kawk kawk a,a awm  a sep dawrh dawr thei hial.. 

Kan han inbuai nghal zung zunga, mahse rei pawh kan buaipui hmain a zawihnawk a, a thaw a zawi ta riai riai a,hetiang mai anih ka la rin loh em avangin ka  hamhaih lutuk ringawt. Mami nu ring taka arawn tah tak ah chuan ka in thing harh a,midang te pawh chu an tap chuah chuah bawk a,mi anlo pungkhawm zel a,tihfel ngai anti fel zung zung a,Makpa awmchhun ka ni a,ruang kiltur ka ni lo tih ka inhre ve a,thil tul ang ang ka tihfel hnuah ka chhungte ka phone leh bawk.

Ka chhungten min rawn tawiawm tha hle maia, ka tihtur pawh ka hlen tha ve hle chuan ka hria, thlan siamna-ah a tul zawng2 ka tihsak a,kan pik-up pakhat  mamawh lamkhawm nan ka la chho a,pawisa senso tul apiangah ka pe bawk a.A thihcham karkhatna thleng ka awm hnu-ah ka hawsan a,Mami erawh chu a duh 2 Chen awmtur leh a haw duh hunah hruai tura ka kal tur thu ka hrilh a,min ui der hle nangin ka buai Zia an hria a,tuman min uibet ngamlo.

Aizawla kan in ah karkhat lai ka awm leh tawh a,office a ka awm laiin Mami'n min rawn  call a,”Ka lo haw mek aw,kan lo thleng har lovang"”a rawn ti a. “Chuti Maw?ka lo hruai ang che ka tih kha” ka ti hlur mak."Um,Nia,mahse I buai thei em a,nizanah Samsona ka pa ral Turin alo kal a,a remchang em a,nangmah tihbuai ai chuan ka tia, a rualin ka lo haw ta mai anih hi" a rawn ti a,’anih chu”tihbak engmah ka sawi zawm loin ka off ta daih.

Thinrim takin ka inngaihtuaha,Engvangin nge a riak khera a han ral vel ni? enge anni pawn anlo riahtir? An makpa pawh a ni ve hleinem. 

Room ah ka chho a,zu ka la chhuak a,Tui pawlh lo in ka lem pawp peka,ka hrawk a sa ham ham maia.Chhun chhuna zu han in tak mai chu ka nuih a za leh hnuhnawh a. He nu hi chuan min ti buai anih tak ber hi a.A pa boral hnu a ka in leh hmasak Ber a ni bawka. Ka chhuak ngailo a,Party na ah pawh ka kal ngai hek .Mahse zanin  chu kal ngei ka mamawh ang. Khawiah emaw tal ka thinrimna ka hritthlak angai, anih loh chuan ka thinrim insumtheilo in ka rilru diktak ka tihlan mai a hlauhawm tlat.

Zirsanga ka phone a,chhuahna tur ka mamawh tih ka hrilh chuan anui huk huk a,ani lah tak a,ka chhuak khat tawh em a a ni.

Khaw thim veleh ka insiam sawk sawk a,Hmuni hnenah ka kalna tur ka hrilh a Mami lo haw mek chu ka hrilh bawk a,Mami lo haw tih hrerenga ka chhuak tur mak a tih hmel viau nangin engmah min zawt lo. A lo thlen hma ngeia chhuah tumin hmanhmawh takin ka inkhalh chhuak a,diktak chuan an 2 a hmuh dun ka duhloh vang nge ka hmu ngam lo zawk pawh ka hre lo ve.

Party naah Zu ka inhnem ngang maia,ka rui viau reng bawk,tiangkhawp hian ka la rui ngai awm lo ve,ka hawtur Motor a ka luhlai ka hre rei ruaia,ka bulah  awm an awm tih hre mah ila  tunge anih pawh ka hrechhuak zo chuang lo. 

Zinga ka harh veleh ka awmna ka hre lo  dawn dawn a,hmeichhe pakhat hian min lo la  kuah zuia,kan tho mai dawn thawmhnaw ka inbel miah lo chu niin ..ka bula mu lah chu  Ruati  a la ni ta daha..keihi enge ka tihtak ni? Tihharh hlau em em-in ka namsawn a ka thawmhnaw ka ha sawk sawk a,ka chhuahsan ta nal nala..Engmah thil tha lo ka tih loh hram ka beisei a ni ber.

Mami’n Room alo tifai meka,min hmuh veleh nui Chung hian "ilo haw tawh maw?" Alo ti thuai,a lo haw zana hmundanga ka riah daih vanga lungawilo hmel a pu eih lo"aw" tih chauhin ka chhanga,ka inhlip sawk sawk a,inbual Turin ka luhsan ta daih.Ka inchiah vang vang laiin kawngka a rawn beng a"Mike,phone hi ka lo chhang dawn mi?" A rawnti lang langa,Ruati anih hlauhna in ka khat a,misual chu um lohin an tlanchhia an tih ang zawng zawng ka nei zo ta chu anih hi a "tunge?" Lawi deuh rut hian ka ti a,"Farm Manager ania" a rawn ti leh chu thaw huai chungin,"um,lo chhang rawh" ka ti a,ka hahdam huai huai mai a..ka pian leh keimah hrim hrim ka induhtawk na leh ka inchhuan rukna te,kan hausakna te hian ka nunah thil tha nilo in nawmchenna ah min hruai a,ka inchhuana hi chhuantlak lo mai a lo ni e.

Kan nun danin hma a sawnlo kher maia,ka nu leh pa anlo haw veleh Mami te khuaah kan han kal leh a.Roomah a hran ve ve-in kan mu a,hmuh theih khawih theih siloh nupui neih chu hrehawm tak a ni. Ka pa in Kar khat tal Mami rilru tih zangkhai nan Delhi lama kan in ah chawlh hmang Turin Minti a,hnial ka tum lo. Flight ticket ka book nghal a,kartawp a kal Turin kan intifel nghal rum rum mai.

Mami  flight in a lo la zin ngai lo a lo ni a,a nervous hle tih a hriat mai,ka banah a chelh deuh reng maia,keilahin nuam ka lo ti ve bawk. Delhi kan thlenin  kan driver in minlo hmuak a, Mami Delhi  kal vawikhatna a ni bawk a,hmuh duh angah in naupangchhia ang mai hian a biang a tai hlar reng maia,a hlim hmel hmuh a nuam takzet...in kan thlen pawhin enkual tur angah leh em em tho a. A enkual zawhah a,ka inbual ve leha.Ka inbual zo ka chhuak chu a chau aniang alo muhil a,khum thu chungin a hmeltha tak mai  ka en vang vang a,tihharh hlau tak hian a chalah ka fawp a,ka thawhsan tur ka kutah a rawn man chat,a mitmu lian kelkawl-in Chiang takin min en a,"Khawnge i kal dawn? Lo mu ve zawk la" mutchhuak aw hian a ti a.

MIN NEI RAWH -19

Mak ti fe hian ka en a,a hmelah chuan uang hmel alang lo,"ka mut ve i duh tak tak ang maw?" ka tih chuan a mitmeia min chhangin a tawlhphei nghal sat sat.Amah  si lo turin zangthal hian ka mu ta a,mahse a rawn tawlh hnai a,ka dar khamin a kut lehlam chuan ka awm chungah a daha, mal-in min khan chial bawk. Kuah let loin ka awm a,ka hamhaih ani ber ang,thla khat aia tam mah ka khawih tawh lo a,sik tak ngial pawh ka si ngai lo va,amah zawkin hetia min kuah hi ka beisei lo em bawk a ni. ,a che sat sata,  “lawm e aw,ka Pa boral lai khan awm lo la chuan kan buai ngawt ang,mahse ilo awm kha nuam ka tia,min neih chhan  hrechhuak fo thin mah ila midangte hmuh a mawi i zawng kha nuam ka ti lutuk ania” ati sep sep a,mawi zawng ni loin ka duh vang che a buaipui che ka nih kha tih ka chak kher mai,mahse chutiang sawi turin chapona ka nei ve a, ani pawn min hmangaih miah loh laia mipa zawk lo inpuan zuah zuah ka tum lo.midang a hmangaih thu pawh min hrilh hreh lo kha a ni a,ka hriat reng a tul,."chutiang sawi angai hleinem,khangte chu tupawh nise anti ve vek ang chu" ka ti ta ngawt.," ka lawm tho alawm," ati leh chu ka nghal chak thut a."anih chuan kan pahnih chauh kan ni bawk a,lawmthusawina lam te hi?" ka ti zauh,anui hak a,a nui tak tak ri ka hriat loh na a rei tawh bawk a,ngaihthlak anuam kher mai..

"um,enge niang?,i duh duh sawi la,ka theih phawt chuan ka pe em em ang che"a tih chuan  kut chu ka ti che a,a awmah ka hup chat ,"heihi" ka tih chuan a ngawi vang vang a,"ok,ka pe ang che ka ti tawh sia,i thu thu le" ati ve sap a,ka nui zui hawk hawk a,"aih,nilo e,ka fiamthu anih kha,tu hmeichhia mah an duh lo chung ka tilui ngailo,ka nupui pawh nimahla" ka ti a,a thaw hak mai,ahma a ka tihdan kha a hrechhuak a ni ngei ang,keipawn ka sawi zawh rual chuan ka hrechhuak ve tho bawk.

"Mike,anih leh thil pakhat chiah ka zawt ang che aw?"kan ngawih vang vang hnuah a ti a"sawila"ka ti ve mai…"Ih, nupa nun kan hman laia i awm ang hian  hmeichhe dang bulah i awm thin tho em? Hmeichhe dang ka mutpui lo ti miah suh" a ti zui zat.. “engtizawng in?"nui chungin ka ti a, "i hmanhmawh thei lutuk a, chuan min mamawh tak tak i ang a"ban deuh chat hian a ti a, “zep loah chuan nang anga min ti danglam thei hi chu ka tawng hauh lo,diktak chuan midangte hi chuan min duh huam huam a,nang chu tlem a Fight i ngai thin a,chuvang pawh ani maithei"ka tih chuan ka  sawi zawh rualin ka nakah na vak lo hian a sik a,"i ngeiawm em mai a" a ti hlak a,a biang chu a sen tan tan a,a zak tih ka hrethei a,tuna kan inpawh ang em em hian vawikhat mah kan la inpawh ngai lo bawka nuam ka ti veng veng,hetiang hian awm kumkhua thei dawn ila chuan ka neih zawng zawng amah tih loh chu ka chan phal hial awm e…”ok, engpawhnise  enge i lawm man tur chu?"a ti leh daiha,"ka hre nang,enge i phal ang aw?" ka ti vang vang a.

ka kut chu a hmet niap niap a,ka humsaka,a kut a te reuh bawk a,ka hum bo hneh kher mai.Tlem pawt dawk deuhin Kan inneih zungbun kan pahnih hming kan chhut kaina ka bun a tuai neuh neuh a,"he thil hi i paih chak thin em? " ati leh sepa"engvang in maw?" Ka ti thuai. "Jenet-i hming nilo a ka hming zawk inchhu hi mawle,zanah hian i muhil lai hi ka thlir thin che a,ka rilru hi a hrehawm thin" ati leh a,mak ka ti viau, he hmeichhe in control thei lutuk hian a rilru min hrilh ve tlat anih chu mawle!!!!!inti paukhauh lui tak hian "i ho lutuk,engkim hi kan duhdan vek in a kal thei hleinem" ka ti ngial.."kei chu midangte kar- tlazep ka nih vang hi aniang,ka hmangaih ve chhun pawh a thinlung ka hnehsak theih loh,hremna ka hmu anih ka ring thin"a ti leh a,pasal te bula awmreng chunga a hmangaih chanchin a sawi ngam hi huai ka ti thin,chutihrualin tunah tak hi chuan rilru nat ai chuan ka khawngaih zawk.dim tak hian ka chungah ka pawt chho a,"anih leh tunah hian i rilru ah chupa chu ala awm reng em?" ka ti ta,a mit -ah chiang tak in ka en a,a bu nghauh a,"anih chuan tun kan zin chhung hian ka thu i awih phawt chuan kan haw veleh i hmangaih tak bula kal ka phalsak ang che,ka chelh bet lui lo ang che" ka ti ta a,-  meng kawk a,mahse a in control leh vat,"chuti chu min then i tum tihna mi?" A ti ta a,mak deuh hian a aw ah chuan hlauhthawnna a alang a,"aih,keichuan he zungbun hi phelh leh mai mai tur in ka bun lo,nangman i thu thu ani zawk"ka ti leh a. "chuti chu ka duhlo"a ti ta tlat "i van mak reuh e aw,chutichu damchhung-in i hmangaih loh bulah i awm angai anih chu"ka ti ta ngawt.."nangpawh"a ti rang vata,” ka hmangaih leh hmangaih loh che sawi ka tum lo,mahse ka mamawh che a, ka bulah awm la ka duh..Tunah chuan kan hmangaih te ve2 theihnghilh in kan cham chhung chu nupa dik tak nun min hmanpui ta che"ka tih chuan a nui sak a,a biangsum a khuar kalh bawk. Chiang taka ka hriat chu ani pawh hian min mamawh ve tho tih hi a ni a, chuti ni lo se ka bulah a awm reng duh dawn lo. Hmangaih a neih thu sawi mah se ka tan nupui tha ber nih a tum em em tih lah kan nitin nun dan atangin ka chiang em em bawk.

Kan zin chhung chu kan nun dan duhthusam hi a ni tawp mai,hmun hran hran ah ka hruai a,ka thiante ka tlawh kual pui bawk a,ka thiante. an lawm ngang mai,lei duh a ngah a,kei lah in a duh a sawi hlek tawh chu pek vek ka tum bawk. Zantin kan tihtur diktak kan ti a,vawikhatmah mut hran kan sawi rilo,Jenet-i emaw Samsona pawh kan sawi ri ngailo,in tihlawm kan tum ve2 a,a hlimawm in anuam a,hetiang hian awmreng ila mamawh dang ka nei lo hial awm e.

Tunah chuan kan in kan thleng leh ta,ka nu leh pa  thil a leisak a pe a.ka pi,ka nu nu,tan pawh thil a hawn sak bawk,nidangah ka zin ngun nen tih na chang ka hre ngai hauh lo,kan awmpui te pawh an duh zawng tur a hawn kim hle bawk a.Hmuni leh Rashmi phei chuan anlo ngai hman in kan haw chu kan ri le lu mai..kan cham chhung in rilru nuam tak in kan awm bawk a,a hmel a  thazual-in a duhawm hlih hliah a ni tawp maia.Mihring hi kan rilru puthmang azirin kan hmel landan a  lo danglam thei hle tih ka hrethiam ve ta.

Maktak maiin kan zin na atang khan kan inpawh em em a,kan nupa nun engkim a derlo tih ka hria. Tukkhat chu ka harh chu Mami a lo tho twh a,ka tho ve vat a,tlem in ka inthlahdah avangin ka rihna a pung tana,a lutuk hmaa insawizawi ka mamawh a.

Bath Room ka lut tur chu a lo in kalh a,Mami a awm anih ka ring a,ka nghah deuh vang vang hnuah alo chhuak ta mai silo,kawngka bulah ka ding a,na vaklo hian ka beng a ka ko bawk a,tui a in herh ri a,chumi karah chuan uak pap pap ri  ka hrethei bawk a,ka ngaihtha lo thut chuan ka beng leh dawt dawt a,tui haw ri a tawp a,pawr phang hian kawngka a rawn hawng a,a chauh hmel ngang mai ,"i nuam lo em ni ?" tih pah in a chalah ka deka" ka hrelo,ka luak chhuak a,ka chau bawk a" ati a. “Mu leh phawt teh” ka ti thuai.”Rinawma kan ko ange" ka ti zuia, Rinawma hi kan chhungkaw thian hnai tak zing ami a ni a,an harsa ve thina,lehkha a thiamthei  bawk si,a duh zirna tur anei lo tih ka pa in a hriat in a khawngaih a,a zirna tur tum sakin  a a zir zawm a,tunah chuan Doctor thiam tak a ni ve tawh. kan mamawh pawt chuan kan ko mai thin a,ani pawh phunnawi  lo in alo kal vat thin,Doctor anih theih chhan a hrechiang tlat a,lawmthu sawina ah angai ni ber in ka hria.

ka inphih sawk sawk a,Rinawma ka call a,a buailoh lai alo ni a,lo kal nghal a tum thu ka hria chu ka lawm ngei mai,a chhan chu Mami hmelah a chau tih a hriat  a,lo kal theilo se chuan Damdawiin ah ka hruai nghal rum rum ang ka ti rilru a,damlohna thilah  risk lak ka duh lo,Mami chungah lek phei chuan..a mah hi a luhlul phian si nen ka hriatloh pawn alo na reng anga alo tuar reitawh maitheia,tunlai chu thih thut thut a tam nen ka hlauthawng takzet.

"Mike,pawnah lo va awm teh"Rinawma’n nui chunga a tih chuan ka  pa pawh chuan nui chung tho  hian"ni e,Mambawih,ilo phi sek bawk si a,nangmah zawk i damlo a ang alawm,Mami i tichau zo ang" ati ve bawk.

Rinawma rawn chhuak ka pan vat a,"enge?" ka ti nghal ngawt,a kut a rawn lek chhuak a,"ka lawmpui che,Pa i ni vat dawn… Mahse ka hau chak che u. Mifing pangngai pui ni si a rai tih inhre lo va in awm thei hi ka ngei riau che u" a ti duaha,ka bing mup mai,mahse thinrim vang nilo in lawm vang zawk a ni...

MIN NEI RAWH-20

Hmanhmawh taka kan room a ka lut min nuih ri pawh ka hre zui hman tawk...khuma lo awm Mami chu a hma pawn hmeltha ka tih tehlul nen,tunah phei chuan a hmelthat zia  sawi ngaihna ka hre lo zawk.khumah ka thu ve  a,a kut chu ka hmer sak pahin,"ka lawm e aw",ka ti a, ka sawi rual chiah chuan,"min ngaidam rawh" a ti ve chiah bawk a,a kut ka vawnsak thing thlain lehlam hawiin a inlet ta daih a,min ti hrilhhai angreng viau,ka lawm tehlul nen alawm ve lo zawk nge naute alo duh ve miahlo tihna zawk ni?zawhna hran hran ka ngaihtuah na-ah a rawn lut tuk tuk mai.

Rinawma ka thlah zo room a ka let leh chu Mami a lo mu a, mut ve pahin a kawngah ka kuah a,ka lam hawi turin ka pawt her a,a mit ahnawng chap tih ka hmuh rualin"fa min neihpui lo  tura nupuia atana min nei  ve mai i ni tih ka hria asin,mahse ka thiamloh nge i thiam loh pawh ka hre tawh lo. invenna engmah ka lo hmang silo,chuan ....",a tawng laklawh laiin a hmui ka hup a,ka awm ah ka pawmbet nghal hmak, sawizui zel ka phal tawh lo. A khur dar dar chu tap  insum tak chunga a tah vang tih k hria,a sama chul chungin ,"khatiang engmah sawi suh,tunah chuan ka tana pawimawh ber chu nang leh naute hi inni a,chubak hriat ka duh lo "ka tih chuan min rawn en a, tah aw lek lek hian,"i thinrimlo tak tak maw?"ati atawngka in ka chhang lo,ka fawp ta vawng vawng ...

Ka nupa nun a danglam lehzual ta, hlimna atangin hlim leh zualna ah a inlet a,ka nu leh pa lawmna phei chu  chu turu tak ani.Hmeichhe tamtak te ang bawkin Mami’n  rai a haw em em maia,a thil ei apiang  luak lehzela,  akhua asik reng bawk nen. Drip kan khai zak zak reng bawk. Damdawiin kan thleng rap rap fo mai bawka. A khat tawkin Rinawma’n a rawn tlawh reng bawk a,thla thum tal tap a buai hnu in a ziawm chho ta a,tunah chuan a dul pawh a puar ve ak tawh. Keilah  hi ka rilru a kal dik lo fo  lenghal a,a dul puar kawh ve tan leh a mawng poh lah bawk si hi sexy  ka ti takzet. 

Zan in chu kan naute lo piang tur tan lo lawm lawkna hun kan nei dawn a,ka thiante ka sawm a,Mami pawn a call kual ve bawk a,kan insiam tur chu a thawmhnaw dahna  a en vang vang a,a haktur a lak chu duh lo in a hlip leh a,nur nang hian a dang chu a keu kual leh a,khuma thu chungin a che vel ka thlir renga,kekawr bul tawite a dum leh bra dum bawk bak inbel loin a ding a,a mawng er tan leh a dul puar ve tawh si chu a  sexy lutuk ringawt. Ka  lam  rawn hawi pah hian a thaw haka, "Mike,lo kal teh,eng thawnhnaw hi nge ka hak ang?"a ti nghala"i duhduh kha ha la,i mawi vek tho ang” ka tih chuan ,"i van ngeiawm tak,mawh lo kal teh.."a ti leh a,hnunga dingin a kawngah ka kuah a,ka inbual zawh chiah avangin boxer chauh ka ha a,kelawngin a awm bawk.thawmhnaw tlar dul chu ka en kual dan dan a,kei ringawt pawn kan inneih hnuah thawmhnaw leiturin ka hruaichhuak ngun tawha, leisak em tur chuan ka thlang thiam chiam lo thunga. Ka nu thung chuan a bazar apianginMami ta tur a rawn lei haw ziah tihtheih a ni. " A awm dul hi,i duh duh hi ha la,i nalh ber dawn tho ania"ka tih chuan a  nui hak a,a hnute chu ka hup a,ka awmdan danglam hre thiamin min rawn nghawk a,"a timing lo lutuk aw" ati nghat.A kawrhak tur bawk min zawt leha,diktak chuan Mami emaw Jenet-i zawkah pawh hian danglam miah lohna ka neih chu hmeichhe thawmhnaw hak hi ka ngaihven em em ngai lo. Engpawh ha se an confi chuan an mawi maiin ka hriaa, anihna takah chuan mipa hi chuan kan en thuak a kan duhtawk tlangpuia, maksak lutuk anih loh chuan kan notice lo tlangpuiin ka hria..Mami hi a danglam ve na chu kan kalchhuah dawn a a hak tur min thlan tir tlat chang a nei a,a nalh leh nalh loh min zawh changa ka lo ngaihven vak loh phei chuan a inringtawk lo hi a buai a buai zel..

Kawrfual banbul,a hnute hnuai a intan,a hnuai lam kerek thleng a arh thla ka khaichhuak a,"heihi ha mai rawh” tih pahin  bengah ka fawp zauha,min namsawn ve thung..,Kawr a hak zawhah  sandal  Gold colour a inkaih hi a bun leha,a nalh thlap mai. A sam kilhna a phelh leh tur chu rang zet hian a kut ka manbet a,"tihian atha,i nalh " ka tih chhan min thlek vang vang a,athaw deuh halh a,"Zorammawi,i insiam dawn nge min zui kual zel dawn?" a ti bak ta hlak..Tu vak mah hian  ka hmingpum hian min ko ngailo,rum taka en a thinrim der ka tum tehreng nen,ahmui ti pawrh tarh leh pawisawilo zeta min melh tu chu ka en a,ka nui ta hawk hawk a,"khatiang khan min ko leh teh,ka malchungah i bawkkhup ang a i mawngtam ka beng ang,i hria em?",ka tih chuan a bu vei nghat a, a chezia hi inti duhawm tum ni si lo hian a duhawm em em zel mai. Tunhma  khan Tarmit a vuah thin kha ania,Delhi kan kal khan kan entir a,damdawi tha te min chawh a,tunah chuan lehkha chhiar nan  leh computer vel a khawih anih loh chuan a vuah ngai ta lo. A inhmeh ka tih em avangin a vuah ta vak lo hi ka ui ru thin.

Kan Party boruak a dam raih mai,ka hlim a nuam ka ti a,mahse Samsona leh Mami nui dun ka va hmuh chuan min ti ngui deuh rawih thung. Hunserh tawite kannei a,abak chu anduh duh in an talhrang ta hlawm a.Ka Nu te pawn zan in kher chu an phal zau khawp mai,zu farkhat mah ka inlo. Mami’n vawikhat zu in mi a duh lo hle tih asawi a,ka theih phawt chuan a duhdan zawm ve ka tum tlat.

Zirsanga leh Rintea te nen kan titi a,aruk in Mami ka zawng a,ka hmuh mailoh tak ah chuan Toilet kal chhuanlam in ka kalsan ta a,kan Room ka en a,alo awm lo a,ka hmuh mai loh avangin a awm ring chiah loin  Library lam ka pan a,kawngka tlema lo inhawng sa  ka nem hawn belha,…Ka hmuh tum loh dana ka hmuh takah chuan ka so bulh thei. Mipa leh hmeichhia inngheng chiala ding te chu tudang nilo in Mami leh Samsona ngei anni,,!!!!!

Thinrim taka tawng ka tum laiin"engmah Mike-a hian a la hrelo tiraw?”Samsona’n a ti a.”hrelo,hrilh rawh minti silo alawm"Mami’n a ti a.."ok,hrilh duh suh,tul ka tih hunah keiman ka hrilh mai ang,ashock ve ngawt ang" Samsona’n a tih chuan ka lo inhumruh em em maia. Mualpho laih khawpa va khawih nghal buan buan a an pahniha hnawhchhuah ka duhna chu inngaihtuah fim tura ka rilru lehlamin min hrilhna chuan a hneh ta zawk.

kan Room ka pan a,thim zingah khum lam ka pan a,ka let tawp ringawt,kalsawn lo khan an tawng kha lo ngaithla zo law law ila chuan engkim ka hre zawk mai thei tih te ka ngaihtuah leh hnuhnawh a…Ka mut deuh vang vang hnuah tawm bo reng thei ka nih loh avangin ka chhuak phei leh ta a...

Verandah ah an lo thu hlawma, Samsona’n Mami dul a chulsak chuan an nui  ham ham a,ka kal hnaih hmain eng nge an sawi ka hre lo nangin ka rilruah thil mak tak a lo lut ta thut mai…

Naute hi ka fa nilo in Samsona fa a lo ni reng angem?

An bulah rei awm loin Zu dahna ka pan a,ka in ta nual. Mami min rawn pan chu  hmulo derin ka piah a ding,Ruati  ka kuah a. Ruati hi ka ruih em em zana kan lo riahdun hnu a ka hmuh leh hmasakber na a ni a. Engmah khami zan khan thilpawi a thleng lo niin ka hria..

In neitu pa ber ka ruih tawh miau vangin midang pawh chu an hot ta ngang mai. Ruati pangpar dahna lam ka panpui a,ka kal pahin pangpar dahna lama,Light kan dah ho ka off hmak,pangpar hnuai midang hmuh theih siloh a thutthleng awmah ka thu hnawk. Ruati a hmaa min beisei ngam ngai miah lo tu pawh chu angam leh ta sarh mai,min rawn kuah a, mahse ka tihel khum ber Mami'n min hmu phalo tih ka hriat avangin beisei ngam tura awm sui kher ka tum lo.

Engtia rei nge kan thut dun ka hrelo,Ruati kut a hlei tawlh tawlha, ka lo rui bawk nen ka rilru na-in khua ka hmu thui lo,ka ngaihtuahna a tawi tup mai bawk nen min nek min nek ta chu ka pawm kang lawp a,thutthleng ah chuan ka nawr bet a,thla eng leh kan kawt atanga light lo kal chuan fiah vaklo hian kan awmna a  chhun eng riai a,engmah ngaihtuah lo a kan awm dunlai chuan kan hnung lamah chuan Glass tla keh chhak a rawn awm thuta,kan inthen phawk mai.Hnung lam ka  hawi phei chiah chu Mami hmui hup chung a lo ding reng ka va hmu ta chat..

Min rawn hmuh dan mawi lo tak avangin pawi ka ti em ka la hre rih lo va,ka hriat zawng chu kan inrultawk chiah tihzawng a nimai…

MIN NEI RAWH - 21

“Mike… enge in tih a?” Mangang awki diktak hian a ti a. Kan lo awmdan atangin enge kan tih tur a rin hriat ang.Mahse,engmah pawi lutuk kan tawk lo. Diktak chuan ka thil tih mek ka tihchhan ka hre biklo.mahse hawi buai ka tum lo,"Min zawh angai em ni?,hei,i hmu reng alawm"ka ti hmuka,a mak ti lutuk tawh sa chu ka chhana chuan a barakhaih lehzual tih ka hre thei a,keipawn chutia chhan chu ka duh chiah em pawh ka inhre bik lo,ka thinlung in a duhloh danin ka tawng niber hian ka inhre tawh,"Mike,i rui tiraw?"ka rin loh tak hian a ti a. "enge ka ruih leh ruih loh chu buaina i neih a?,ka rui anih pawhin ka thil tih hre lo tur khawp chuan ka rui chhe chuang hleinem”ka ti hrawka,a hnung tawlh rawk mai.

"Ni lo,i rui anih kha Mike… lo kal rawh,lut ang” a ti leh a.”Ka rui,aw ka rui.. eng nge chu chu buaina?” Ka ti rum ul mai..,”Lo kal rawh,tihian awm suh” a ti leh ngeiawm thei ang bera ni a ka hriat dan-in ka nui a,"i fing viau emaw ka ti a,ilo mawl hle a lo nih hi,ka neihchhan che Jenet-in a sawi khan engmah ka sawifiah lo tih  ila hria em? A chhan chu tun huna tihchhiat che hi alawm ka tum ber" ngaihtuah lawk miah lo hian ka ti a,"Ni tak e,ka lo ngaihtuah thleng lo a ni” ati niah niah a,"Ngaihtuah thleng tawh ang che,chuan Jenet-i emaw ka hmangaih i tih kha a ni lo ania..Ruati zawk hi ka hmangaih kha a ni lo ang tih i hre hleinem..Tuna i thil rawn hmuh ang hi kan pahnih karaha a vawi khatna a ni hleinem"kan ti zui leh erh mai a, ka rin loh tak a aw dam hian "ole,nia,lo hre awm tak ka ni asin mawle" ati leh ringawt,apum a dawm vang vang  chungin a kun a, a kalsawn ta chhat chhat. Ruati’n min rawn kuah pahin,"Mike,minlo hmangaih tihna mi? Eng nge i sawi awmzia? i va inthup thei ka ti dawn che nge ni?” a ti sa sa a, namsawn chungin "ka chau deuh a,min hrethiam mai teh" ka ti a,ka dingchhuak zui nghala,"anih chuan min thlah la?"tha takin a ti leh chu chhang loin Rajua ka phone a,kan awmna ka hrilh hnu reivaklo-ah alo thleng a,Ruati  thlah turin ka tih chuan sawisel ngam hek lo,Ruati pawh chuan a zui ve ta hna hnaa,min hrechiang ve tawk bawka, amah thlah tura midang ka tir anih chuan ka kal dawn lo tih a hrechiang em ang.

Kan lo awmdun rei aniang,midang an lo haw vek tawh a,Room a ka lut chu alo thim thap a,khumah chuan Mami chu alo mu hlan mai,ka khawngaihna leh ka tenna chu a inzat vel in ka hriaa..Khatiang taka ka tawngkhum chhan kha a hre miah lo ang. Chutihrualin chhuak se ka ti hauh lo nangin tinge a tlanchhuah lawng lawng mai loh le? A chapo tehreng nen,amah duh miah lo anga lang a pasal hi tinge min chhuahsan loh ka ti ru vang vang. A bialpa nen inthup nan min hmang duh a ni mah na… Rui teh mah ila ka thawmhnaw ka phelh hram a,ka awmnaah ka kalsan tawp bawk a,ka zu dahna ka la pan leh cheu,ka inbelh leh nual bawk nen khum ka thleng hram a ni ber,ka let tawp a ka muhil zui nghal aniang,engmah ka hre tawh lo.

Ka meng chhuak chiah ka lu nat zia chu pui tak a ni..Nizan thil thleng ka ngaihtuah chhuak nghala,ka ruizia thlengin engman ka la theinghilh lo va, ka chet dan kha pWi ka ti reng em pawh ka hre hek lo.

Peih lo tak-in ka tho a,Mami hmel ka hmu lo, ka in phihfai hnuah inhnuaiah ka chhuk a, nidang ang lo takin  a lo reh thap tho,nidangah chuan kan awmpuite leh Mami"n nui chungin minlo be bawrh bawrh thin a,tukin erawh a reh thap..Ka pa-in amah in thil a lo ei mawlh mawlh a,ka thu ve nghal a,Hmuni ka eitur la turin ka ko nghal a,"Mambawih, vawiin kan tihtur a pawimawh angreng bawk sia,Mami kha Thlenga ka dah tir mai ania, Thlenga chu alo haw leh nghal anga,a lo haw dawna han hruai leh mai a harsa lo,tunlai chu Driver kan indaihlo em mai" atih chuan  thil ei ka phuh teuh kher mai,khawnge a kal ka hre der silo,"khawiah maw a kal?"ka ti hu maia.."awww,an khuaah mawle aw,i hre leh tawh lo pek emawni le? Nangman i han  dah kher a phut lo hlauh bawka. Mami hi chu a fel ve ngawt ania,i nu lah chuan aremti vaklo viau maia,nanglah chuan ilo phal fel vek bawk sia,"tih pah chuan a nui vur vur a,a kal tih ka hre miah silo,nizan khan engvanga la awm tlat nge anih ka ngaihtuah hial kha ania.. Tunah a kal ta nge nge tihna em ni ang? nge a kalna atang in min rawn then a tum zawk? Engpawhnise kan Driver-in a han dah anih chuan a tlan chu a ni lo tihna a ni a, Ka pa hnenah ka phalna la anga a insawi avangin tlan a ni thei lo… ka ei sawk sawk a,kan Room ka pan ta vat. A thawmhnaw  dahna chu ka hawng nghala, athawmhnaw atam zawk ala awm tih ka hmuh chuan ka thaw huai thei.

Phone ka tum thut thut nangin ka thulh leh ta zawka, eng nge thleng tur lo nghah tawp athain ka hria.

Hun a liam zela, Mami an khuaah kar 2 zet a awm ta,chhunah hna-ah ka buaiin ka rim hle thina,zanah erawh chuan ka chhuak ziah thung,ka tlangval lai nun ,huau huau lawm zet leh vei neilo takah khan  ka let leh ta a,hmeichhia hi an mak ka ti thin.Nupui ka nei tih an hrevek chung pawhin  langsar taka min beisei ngam an awm nuk tho,ka kawp kual lawp lawp nangin  tumah sex ka hmanpui lo,ka duh loh vang  chu nitho mah se ka thei lo a ni zawk. Mami lakah lawm loin a ruka ngaihzawng nei leh a naupai pawh ka fa anih ring lo ru hial mah ila kan inthen fel anih loh chuan hmeichhe dang mutpui leh erawh ka tum tawh lo bur. Mutpui tur khawpa min tiphur thei an awm hek lo. A zin hnuah min rawn call ngailo a,  keipawn ka be bik hek lo..

Chhun lamah langa ka zin lawk avangin in ka thlen hnuah chhuak peih tawh loin khumah ka laptop nen ka mu a,ka nu a rawn luta, khuma rawn thut ve nghal pah hian ,"Mambawih,inbe lawk ang hmiang,hun i neih chuan?" a ti a."um,enge han sawila,min be duh anih chuan min zawh angai hleinem,i pawimawh ber alawm"ka ti duaha, lawm tak hian a nui  a,mahse a hmel a thutak lehnghala"Mami nen in inbe tawh em?"awki zawi angreng tak hian a ti a"aih"tiin dik takin ka chhanga,"kei nen chuan kan inbe reng asin,enge buaina in neih le?"a ti dam dap mai chu chhan dan tur ka hre lo.."Mami ka zawh lah chuan a sawi duh miah lova,in awm danah hian dik lo a awm tih ka hria ani. Rilru inti nuam lo” a ti leha. “Nu,engmah buaina a awm lo,kan inhau buai ve deuh a chuvang anih kha" ka ti ta ngawt a,chik zet hian min en a,angaih atha chiahlo tih ka hria a,mahse kan nupa buaina ah midang tumah an inrawlh ka duhlo... Ka chingfel thei ngang lo anih chuan thuhran ni se,chuti anih loh chuan ka nu pawh nise ka duh chuang lo.

A tuk chhun-a hna ka thawh mawlh mawlh laiin ka phone a rawn ri a,ka rin loh takin Mami alo ni a,ka la duhlo a,a tawpa a rawn  ti leh a,ka la duh chuang lo va,a tawp veleh  ka off ta hmak. A hnu lawk ah ka nu hlauthawng hmelpu tak hian a rawn tlan lut a,"Mambawih,Mami te chuanna Motor a ACCIDENT an ti ania,i phone ah anlo call a ila theilo niawm tak a ni.  Mami phone atangin tu emawin minlo call ania"a rawn ti ta mai. Rang takin ka phone ka on vat a,ka call back nghal a,reife a Ring hnu chuan an la ta hram a,mipa aw hian min rawn chhang a,"khawnge ka nupui" ka ti nghal thawr,lehlam ami chuan,"tunah chuan hei a mu rih a,thil thleng khan a shock deuh a,mahse ngaihtuah suh,atha e" a rawn ti a,an awmna lai ka zawh chuan min hrilh a,hmanhmawh tak hian ka nu thil awmdan ka hrilh thuak thuak  pahin Motor chahbi ka la a,ka tlan chhuak tur chu ka nu in"a va mak rum rum tak,keipawh ka  lo kal ve duh alawm" arawn ti a,ka pa a lo lut ve chiah bawk.Ka  nu-in  thil thlen dan a lo hrilh ve leh a,Patling tihtakah ka Pa erawh a in control thei deuh a,Hmuni thlaphang tak a lo ding chu thil ken tur alak khawm tir sawk sawk a,ka dara a beng thuk thuk pah in,"Mambawih,keiman Motor kan khalh ange,tikha chuan i accident ve mai ang" ati a,hnial ka tum lo.

Ka pa tlanmuang ti em em mah ila ka  tawng peihlo,ka Nu’n min hnem mawlh mawlh a,ka ngawi reng. A rukin ka thinrim em em maia,engatinge alo haw dawn min hrilh loh?,Motor kan kawl lo pawh a ni si lo a engvangin nge Sumo ah alo haw kher ni?,min be duhlo anih pawn Driver te a duh duh a ko thei reng si,thih a chak zawk nge ni?

An awmna kan thlen chuan hmanhmawh takin motor atangin ka chhuka, Damdawiin khumah alo mu bam a,a ke leh a chal an tuama,a chal an tuam chu a na laiah chuan thisen tlem arawn tlang a, ka pan hnai thuaia,a kutah ka vawn saka, ani pawh a tang lo,mittui tling pam chungin min en a, ka nu leh pa an rawn thu hnai ve bawk a,Doctor rawn kal hnaiin ka pa a hmuh veleh "PuKim,nangni inni maw?,in monu kha niin ka hre reng a, hei Pathian zarah ngaihtuahawm anilo ania," arawn ti sawk sawka,ka pa nen anlo inhria a,an inbe zui ta  mawlh mawlh. An kal hran hnu reiloteah ka pain min rawn ko a, ka pan vat a,"hei,Doctor hian min lo hrilh a,amah hi chu alangah chuan a ke ruh hi a na ber chu ania,amah pawh a harh tha a. Chutihrualin Naute hi atha ngei em tih chian turin rang takin Aizawl kan pan angai dawn a ni.kan tlan chak ngam dawn lo va,Mami saw Motor ah lo va dah lut la,ani aia serious an awm avangin Ambulance awmchhun an lo hmanga,Mami phei hi chu refer ngai ni pawhin a lang lo va. Mahse engkim kan chian a tul ang,in in tihfel chhung in Rinawma ka’n lo bia ange" ati ta duah.

Kan tlanchhuah hnuah Doctor khan muthilh tir a phal loh avangin kan  be lui zel a,mutchhuak chung chungin min chhang ve bawka. Kawng chanve vel kan tlan tawh ang tihah chuan ka nuin a  biak mawlh mawlh lai chuan a awmdan  a rawn danglam thut a,a kut chu a khawng ti tih ta tlat mai.

MIN NEI RAWH-22

Ka sawi nawk nawk a,ka Nu pawh chuan a rawn ko ve a,a kut  ka hmet a,ka mangan Zia chu sawi hian a siaklo,naute hi tufa nge tih lam ka ngaihtuah tawhlo,an 2_ a an dam ka duh bur animai. Reife kan  han hmehkual vel hnu chuan a rawn harh leh ta a,a chau leh ang tih kan hlauh avangin ka pawh pawh chu kawng tha deuh lai ah chuan tlan chak tak a ni.

New Life Hospital-ah kan tlanlut a,Rinawma lo awmin minlo buaipui vat a,ka pa in a hrilh lawk tawh avangin anlo inpeih fel vek a,an lalut nghal a,luh ve ka tum chuan an phal tlat lo.ka thinrim hlur maia, thut pawh thu thei loin ka vei ka vei a, Mami phone ka ah lai chu a rawn ri a,Valtea lo ni a,chanchin ka hrilh thuak thuak a,manganglo tur leh engmah thil tha lo a  thlenglo niin ka sawi a,anipawh a thaw huai in ka hria.

Reife pawnah kan lo nghak a,awmdan tur  hre loin ka teikual sek a,Ka Nu in  phone in tu emaw a be mawlh mawlh a,an tawng danah ka nutei niin ka hria. Darkar chanve vel a liam leh chuan kawngka  rawn inhawng in Rinawma chu a rawn chhuak a,ka pan vat a,"Enge a an?"ka lo ti nghala. "Mike,lo thlaphang vak lo teh,minti nervous ania" tihpah hian anui suk a,Ka nu en chungin ,"Ka pi ,lo zuk lut la,a harh tha vek a,Mike leh Pu hi kan be lawk ang" ati a,Ka nu pawh chu a bu nghat a,alut zui nghal a,"Lo kal RU,ka office ah in be lawk ang u" ka nu kal hnu a tia, a awmdan vel chuan ka ngaih a ti tha lo va,ka awmdan a dik lo.. Ka pa nen chuan kan zui a,a room a kan thut fel hnu chuan Intur kan duh leh duh loh  min han zawt leh te te a,keiin ka duhlo a,Ka pa erawh chuan Thingpui a duh thung. A sawi tur tur ,sawi vat vat se ka duh ru em em mai.

"Mike,Mami hi alang thei-ah chuan hliam anei lutuk lova,Mahse in Naute hi chu kan paih angai dawn niin a lang" a ti chiah chu ka bing mup mai. Ka pa pawh a hmel a danglama,mahse harhchhuak hmasa in,"Engatinge" ati ringawt mai.

"Tunah chuan a la thi lo,mahse Mami hian a kawchhunglam a sawh tel tlat maia,Naute hi kan paih loh chuan duh angin Treatment kan pe thei dawnlo,chuvangin Naute hi paih mai tha ka ti,chutilo chuan an 2 tan Risk a sang lutuk a,pahnih chan ai chuan tihdan zawn mai hi atha ka ti" ati leh dap dap a,Sawi tur ka la hre chuang lo..,Ka pa bawk chuan "tihdan thlawt a awmlo em ni?" Ati leh a,a rilru hah zia a hriat theih hial. Ka chawmawlh mup maia, naute hi Ka fa nilo khan hre mahila han paih tur em chuan ka lo ngaihtuah ngai lo va,ka ringhlel a,anilo tih Prove na ka nei chuang bawk silo nen thi tur chuan ka duh lo tawp a lo ni. Rinawma chuan min rawn en a,"Mike,ngaihtuahna fim tak hmangla ka duh,indam anga Fa te chu adang innei leh mai dawna,mahse Mami dang hi chu an awm thei tawh  dawn lo ania" ati dam dap a,ka thinrim thut vangin ka ding a, dawhkan bawh 8! Rinawma chu hnai zetah ka en a,ka chetdan tehthut chu  mak ti tak hian phu dawrh mai.

"Ka hria,sawi teuh lo mai rawh,mahse tihian ngaihtuah teh, i  fa ah pawh ahmasa ber lehnghal i Nupui nunna nen a thleng ngai ve se tikhan i thu in hahdam tak khan i sawi biklo ang" ka ti tuar maia. Ka pa’n   min rawn pawt a,chair ah chuan ka thu hnawk a,ka beidawng thlawt a ni e..Ka pa in hrethiam tura Rinawma angen pawh chu ka hrereng nangin ka  kun a, engmah ka sawthei lo.Ka pa bawk chuan "a hmanhmawh thlak lutuk loh chuan kan lo inrawn ange,kan hrilh leh vat ang che,kan la thlaphang deuh a ni" ati leh charh a,kan chhuahsan ta a.

Mami awmna Room kan va luh chuan khumah chuan alo thu mu a,a dang bai mai.Ka nu chuan kan hmelah chanchin zawh chi kan nilo tih a hria a ni ngei ang,engmah min zawt lo. Rinaiin an accident thu alo darh Chak a,kan hmelhriat leh thenrual tha an rawn thleng zel a,kan phone a ri reng bawk a. Ka nu leh pa an haw a,ka thiante 3 vel in minla awmpui a,atawng peih vaklo nangin harh chu a harh tha tawh a,a bulah ka thu a,ka kalsawn dawn hlek pawn ka kutah a chelh a,a in control theih tehlul nen a hlauthawng lutuk kha a Zak zo tawh lo  niber in ka hria.

"Ka tha vek tak tak em?" Midang te haw hnu chuan ati sep a,"Um,tha e,hlauthawng suh"a dul chulsak pah hian  ka ti a,"Mahse,engatinge i hlim siloh?" Ati leh khauh mai,"Ka hlim alawm,ka hlauthawng em a,ka hlauhthawnna a la reh lo mai mai aniang" ka tih chuan a  ngawi vang vang a.

"IH maw,kan motor a accident lai khan ka tawngtai a,Lalpa,vawikhat tal ka hmangaih Ber min hmuh tir leh rawh,hetiang ringawt chuan ka kalsan theilo,ka hmangaih tih pawh ka la hrilh silo ka ti a,Pathianin min khawngaih a ka nunna min la laksak lo asin"ati leh sep sep a,Kei erawh chu ka lo na vawng vawng thung,min thlamuanpui em em anga lang chung si a a hmangaih chanchin a sawi teivet hi a lem ka ti dawn nge amak ka ti zawk dawn ni??

Hreh tak hian “Amah chu i  hmuh veleh  i hrilh dawnnia,lungngai suh" ka ti thei hram,a thaw halha.."Nia,min chhandan tur pawh ka hresa a, mahse ka huaisenna zawng zawng nen ka hrilh tho ang" ati leh a,kan boruak chu adam rAih mah se ka thinlung natna  a thuah hnih em  em thung.

In atangin Mami eiduh Ber,Ar thin ka siamtir an rawn dah chu kan eidun a,tunah rih chuan harsatna a nei  rih lo bawk a,kan eikham hnu lawkah a muhil ta a..kei erawh chu ka muhil maitheilo,a phu leh zawk thin bawk nen ka veng a ni ber. Zan rei hnuah khum bawh a ka  lo chhingsek ka  lu ah min rawn sawi  chuan minti harh a,"lo mu ve rawh,ka hlau em mai" a rawn ti a,Engmah sawi buailo in ka lawn a ka mu ve a,khum hi ama tan a tawk reng a, ka’n mu ve chu tawt tak a ni,ka dar khamin a mu a,a dul in min do deuh bawk a,a thaw sek sek a…,"Mike""

 A ti sep.”Um" ka ti ve maia. "Thil ka hrilh che anga, I thinrim dawn tih ka hresa a,mahse min haw lutuk suh aw,ka duhreng vang anilo ania"a tih chuan “Sawila,"tha takin ka ti a, ka thinphu  rangtak a ni,Samsona'n sawi Turin ati ani ngei ang tihbak ka ngaihtuah lo.."Ka hmangaih che" zawi sepa a ti chu inhnaih teh mah ila ka duhthusam bengchheng ri mai niin ka hresual ani ngei ang ka ti rilru a, Che loin ka mu a, harsa ti tak hian a  inlet a,"Ka tihpalh a ni, ka  duh vang anilo,alo thleng ve palh ani" ati leh a,ka inlet ve a,a hnute hnuaiah ka kuah a,"Han sawi leh teh" ka ti ringawt, aw khur dar dar hian,"Ka hmangaih che,mahse ka thiamloh....." Ati hman chu ka tho kang a,a sawizawm HMA chuan a hmui dang bei maiah ka fawp ta vawng vawng..

MIN NEI RAWH-23

Min nam sawn pahin tim dai hian min melh a,"i thinrim lo ami?" A ti zuia. engmah ka la sawi chuanglo,a hmui ka kut zungpuiin ka tuai kual dan dan a,"mawh....."a ti leh a.."ka awmdanah hian thinrim ka ang em?"ka tih chuan rang vat hian “aih"a ti a.."chutichu ka thinrim lo tihna nimai,mahse ka mumang anilo tih hriat phawt ka duh a,chuvangin i taksa hi ka chul kual duh alawm" tih pah chuan ka chul kual dan dan a,a thaw hak a,"mahse maw,ka duh vang anilo tak tak ania,ka haw hluah hluah thin che a,ka ngei bawk che a,mak takin min khawih hlek te hian ka tuar theilo a,ka rilru in a duh hi ka taksa hian a zawm ve theilo reng reng" ati leh duaha,"um,sawi zel rawh" ka ti ve thung ,"min hmangaih ve loh tih chu ka hre tho a,mahse ka hrilh che hi ka tihtur niin ka hria a,tunah chuan thi mah ila pawi ka ti tawh miahlo,ka rin ang in i thinrim bawk silo" ati leh sap a,a inlet a,"Mike,tlem in ka pum hi a na a,mahse tawrh hrehawm chu anilo,vawiin khan Ka nu khan Nurse kha a zawt a, nachhawkna ei lo turin min tia  a"ati leh a,ka harh zawk mai,nia,naute leh a nu ah duhthlan ka ngai anih tak kha le,min hmangaih tih ka hriat khan ka hlim lutuk a ka lo mangnghilh vek hial anih chu mawle!!!!!

“anih leh ka hmangaih che in i hria em?"ka ti ta daih.. "ka chiang lo,a chang hi chuan min duh leh hmangaih tak2 i ang thin a,mahse a hnu lawk ah i danglam leh nghal a,hmeichhe dang i awmpui lai ka hmu fo bawk che a,ka bulah i mu ngailo a,i thinrim awl bawk si,ka hlau thin che a,mahse hei hi chu i pha theilo ang,min hmangaihlo mahla ka taksa hi chu i mamawh a i hnar thei biklo"a ti ta chat chat..

"Hmangaihna hi enge anih ka hre ngailo,nangpawh kha ka duh che nimaiin ka hria a,atir-ah phei kha chuan ka u vang in phuba laknan ka nei tak tak che.. ka u kha na takin i hnara,kei kha min beng bawka"ka tih veleh "ka hria alawm,Jenet-in min hrilh tawh a,amak ka ti lutuk a,i u nen khan kan inkawp lo hrim2,mahse dawrah alo kal ngun avangin kan innel lutuk thung a" ati sep a,”Ka lo hriat dan chuan na takin i hnar a,ka u khan zu a in tam phaha,chuvanga accident a ni bawka” ka tih chuan a hmui a peta.. “ A accident hma zan khan min khawih luih a tum alawm” a tih chuan ka khawng awt mai.,” Chuti maw?” Ka ti nghala.. “ um… tha taka ka hnar na kha ngaithiam loin an party naah khan min sual a tum alawm,khami zan khan Party buaipuitu ka ni a..Aaa, sawi tawh lo vang.. ka mut a chhuak” tih pahin a ham zui bai bai bawk a,"muhil la aw" engmah zawt duh loin ka ti a…"aih,i bula awm  ka duh alawm,engtikah nge hmeichhe dang bulah min kalsan leh dawn ka hre silo a"a tih chuan ka kuah leh a,"lo hawi teh" ka tih chuan a rawn inlet ve mai bawk,"chiang deuh in min en teh"ka ti leh a,a mit lian kel kawl chuan min melh a,kan inhnaih bawk nen kei mipa ve tak pawh hi ka zam ve rum rum mai."Ka Hmangaih lutuk che,vawikhat mah ka kalsan leh tawh ngai dawnlo che" ka ti chiah chu a  makti hmel chu ka en reng a,"Samsona nen eng ang pawn lo awm tawh ula,he naute hi afa pawh lo nimahse ka pawm mai ang,nang ka hmangaih miau si che a" ka ti leh phei chu a hmel chu mak tihna leh lawmna in a inpawlh vel vek mai,a nui tawp thuta…"Samsona chu eng maw?" atih lai a  aw a nuih zatna chu ka hre thei..."in in kuah lai pawh ka hmu che u a,chuan in inbiakna pawh ka hmu a" ka tih laiin ka hmui ah a kut a rawn dah a, "kan nui phawt ang aw" tih pahin a nui zui nghal a,a nuih a za tak tak tih a lang thei bawk a,"min nuih maw????"ka ti hmuk…"aih,kan 2 in ka in nuih mawle,kan mawl dun lutuk hi"a ti a.."enge kan mawlna?,sawi vat teh,i chau lutuk dawn" ka ti deuh hlur mai,"Mike,min zawhna kha....Samsona kha ilo thik maw?"tichungin anui leh a,ka ngawi vang vang a,titau deuh chung hian,"um" ka ti hmuk a,"thil ka hrilh ang che aw,mahse mak ti lutuk lo la aw,ih....Samsona te chu Gay alawm"a ti ta mai chu engmah sawina chang ka hrelo,,"tak2 maw?!!!!!" ka ti thei hram. Hman atangin hmeichhe laka a nghal zia leh hlei zia kan hre vek. Engtin nge a gay theih ang.”ni lo” ka ti ringawta..”a ni tlat sia lawm.. Amah pawh hian a inpawm lawk lo va. Kan society a kan pawm loh zia lah a hrechiang bawka..Mahse nghet takin kawp a nei alawm..Rintea kha a bialpa nghet anih kha,Rintea khan min thik thei lutuk a,Samsona lah khan sawi chhuah a phal bawk silo,a mah lah kha a pa ropui sia,keipoh mak ka ti ania aw" atih zawm leh a,chhanna chang pawh ka hre  lo,awih tur nge awih loh tur ppawh ka la hrelo,Man tak ve2 anni sia,a va mak dawn ve,ka hrechiang ve viau emaw ka lo ti thin a!!!!!! Khawvel hi chu a… nakinah ka ten loh hram ka beisei nghal tawp.

Min rawn nem a,"Mike,Toilet ah ka kal duh ania" a rawn tih chuan ka tho vata,dimte in ka pawm tho a,ka nghawng ah min kuah bet chial a,ka pawm luh fel hnuah ,"pawnah lo va awm teh"a ti nghala.."i ho lutuk,i pasal ka nih hi"ka tihsan maia.."ka zak tho alawm,chhuak teh" ati leh talh a,"zak duhsuh,a vaiin ka hmu tawh a,engmah ka la theihnghilh hleinem" ka ti leh chu Face Towel a ken lai a hlawm nawk nawk a,min rawn vawm a,nui hawk hawk chungin ka chhuah san ta a,ka thinlungah  min hmangaih a,keipawn ka hmangaih,kan lo at vangin kan inti na mai2 alo ni ka ti tlut tlut a,ka hlim lutuk hi ka khi reng nimaiin ka hria. mahse naute nge anu tih kha a rawn ri nawn leh nghal zata..a.ka hlimna  ati reh riai riai niberin ka hria. min rawn koh chuan  kal theilo bawk nen ka pawm chhuak leh a,khumah ka mut a,keipawh ka mu leh a,"Mate,muhil rawh aw,i chau lutuk dawn tlat,thil sawi dunna hun chu kan la ngah alawm" ka ti a,"um,kan muhil ange,nangpawh aw,ka rinaiin ka tha daih,voiin kha chuan ka thi dawn maw ka ti a,mahse tunah chuan ka lu tlem na leh ka ke ruh chauh hi ani sia,naktuk ah Rinawma chhuah dil ang che aw" ati siam siama,a ham zui bai bai a,a tawng tawp lam chu a riat deuh a,ka darah a lu anghat in rei vaklo ah chuan a hnar ta sak sak a. A muhil hmel ka en reng a ka hmangaih hluah hluah a ni ber,a chalah ka fawp a,"dam vat ang che aw,zawh tur che ka la nghah ania" ka ti a, a hnu chuan ka lo muhil ve ta thuai.

Ka harh hlawl chu sana ka en a,Dar 3 alo kawk va a,Mami “n Mike,ka pum ana lutuk,engtin nge niang" a rawn tih chuan a aw  a tham chal mai a,ka tho vat a,"lungngai suh,Doctor kan ko ko ang aw" tih leh tlan chhuah ka rual nghal a,Nurse lo thu muhil mek ka va sawi harha"Ka pi,lo tlan teh,kan nu a tha lo,Doctor kan mamawh lutuk" ka ti nghala,a rawn inperh tho a,ka tlan let leh nghal chu min rawn umzui a. Room kan lut chu a lo vial ngal ngal mai a,Nurse chuan a kuai let a,an dap kual a,awm ngaihna ka hre tawh meuh lo,ka tlan chhuak leh a,Nurse pakhat leh Doctor la nuapang lam hi an rawn tlan thleng ve chiah a,an tlan lut rawk rawk a,kan ri ta rum rum a ni  ber mai,ka phone ka phawrh a,ka nu ka call dawn a,ka phili lutukin a number ka hmu zo lawk lo,ka calll chuan ka nuin min  rawn chhang vat a,"Mambawih,enge nita?" A rawn tih veleh” lo tlanchho teh u.. Mami pum ana a,a biak theih miahloh" ka manganna thup hram hram chungin ka ti a,chutihlai chuan Nurse pakhat a rawn tlan chhhuak a,ka lut leh chu Oxygen anlo hip tir a, a mah chu a dang vek bawk a,khumah  thi a baw nuaih bawk. ka pan hnai chu minlo nemsawn a,F.A 2 hian in nawrna an rawn nawr lut a,dimte in an pawm kang a,an dahsawn a,ka vai ruai maia,enge tih tur ka hre hlawl lo. Doctor chuan min rawn en a. ,"ka PU,I Nupui hi tunah kan zai nghal angai,lo mangang lo la,i theih chuan i chhungte ilo call dawn nia,engpawh nise a chhhe ber thleng thei kan nihna lai a awm a, in kohkhawm a tha e" ati a.

Ka thu hnawk a,ka lungphu dut dut chu ka ngaithla a,nilo,a thi theilo,ka hmangaih asin,ka phal lo reng reng ka ti mial mial mai.

MIN NEI RAWH -24

KaNu te lo thleng lai pawh chuan ka la vai ruai mai,ka kawchhung chu a so bulh bulh niberin ka hria,kawngka a rawn inhawng a,F.A. pakhat hi a rawn dak a,"Michael-a kha lo lut lawk aw" a rawn ti chu sawi nawn a ngailo,ka vir lut zawk a ni ber..khum ka hnaih phei rawk a,a na a chhuah tirh ai kha chuan hmuh alo nuam tawh zawk a,mahse amitmeng atang chuan a chau tih a hriat tak zet,a kut  ka hum a,ka hmelah ka mangana chu tih lan loh hram ka tum a,min rawn melh tawk tawk a,thei leh theilo hian,"Mike,kan Naute hi chhan him rawh aw,keichu min ngaihtuah suh" a rawn ti a,a kut ka fawp a,"ka tan chuan nang aia pawimawh hi he khawvelah hian an awmlo,Mate,lungngai suh,Doctor ten theihtawp an chhuah ang a nangpawh i tha ang a,kan Naute pawh a tha em em ang" kan ti a,a hmel dang bei chu ka en a,athi anih teh chuan keihi ka dam zo dawn lo nasa lutuk tih ka hrechiang a ni.. "anihleh min zai laiin ka kut vuan la,khawiah mah min kalbo san suh ang che aw" ati tham tiak a,ka bu nghut a,ka tawng chhuak thei tawh lo.

Ka darah  min rawn khawih a,Rinawma alo ni a,alo thlen lai pwh ka hre lo,a hmel ka hmu chu ka hahdam huai mai,"hlauthawng mahta che u,itha vek ang,Jection an rawn ti anga i muhil daih dawnnia,i harh leh chuan engkim alo fel vek mai ang" nui chung hian ati a,Nurse pakhat a rawn kal a,a Jection a,chutih pah chuan a be mawlh mawlh bawk a,a mit meng achianglo tial tial a,amuhil zui ta a,"Mike,pawnah lo va awm ta che aw,pawi i tih loh chuan,Operation Room ah hian midang awm ve phal ani tlat lo" ati dam thlup a,hreh takin ka chhuak ta a,pawn ah chuan hlauthawng tak hian kan chhungte anlo awm thap a,midang kan veng chhung Y.M.A hruaitu te pawh anlo awm bawk a,ka tliak hnawp niber in ka hria,Ka thu hle2 theilo a,ka kalsawn loh chuan ka thaw a ipik a,ka kalsan hla thei bawk silo,khati khawp khan a chungah lo sual lo ila chuan an khuaah pawh a kal lo ang a,a Accident hek lo ang..keima thiamloh ani,engahnge ka rinhlelh na kha fiah ka tum mai loh?,hmeichhe dang hmanga runluih kher kha a ngai miah silo...Ka lo hmuhsit thin,thingtlang nula mawl ve mai ka tih ai hian ka khawsak dan kha a mawla, a chapothlak em em bawk.

An zai rei ka ti kher mai,kawngka bulah chuan ka teisek mai a,kawngka arawn inhawng a,Rinawma a rawn chhuak ta hram,kan pan vat hlawm a,"enge a an?"ka pain a ti a..”atha e,kan vannei a,kan zai hlawhtling in ka hria,mahse.."a tih laiin,"enge mahse chu?"ka lo ti vat a,"Mike,naute erawh chu tih ngaihna awm nganglo a ni,min hrethiam dawn nia" ati ta a,ka thinrim hauh lo,atheihtawp a chhuah tih ka hria a,adar ah chuan ka beng thak thak a,"um,apoilo,i theihtawp i chhuah alawm,ka lawm e aw" kati a,ani pawh chu hahdam huai hmel apu bawk a,an rawn nawr chhuak a,Room a kan indah fel chuan zing dar 6 alo hnai thuak tawh a,Ka nu nen kan awm a,midangte erawh chuan atha tih anhriat khan an haw san ta hlawm a,ni lengin in aharh mumal lo va a,atawng vai a,a ke akham kan hlauh avangin kan hmet a,chhunah khan Mami nu leh Valtea anlo thleng a,kanu leh Mami nu chu in lamah kan tir haw a,Valtea pawh in chawl hahdam turin min ti a,ka nui mai,a harh leh atha ngei tih  ka chian hma chu ka muhil thei lo ang tih ka hrechiang a ni.

Ka hlauthawng chuan Rinawma ka tibuai ngei mai,a harh har ka ti a,an zailai ang mai khan ka za leh sek tawh,a khum bulah ka thu a,Zirsanga nen kan inbia a,chutih lai chuan a rawn tal leh a,ka en reng a,muangchang hian a rawn meng a,hmui phun sep hian,"Mike" arawn ti a,ka lawm lutuk chuan ka hnaih nghal ruak a,ka phone pawh ka off ringawt...."um,Mate,ibulah ka awm e" tih pahin ka kun hniam nghal a,"Naute kha?” Zawi te hian a ti a…”hahdam rawh,tawng vak kha an phallo ania,i harh tawh tih  Rinawma kan hrilh lawk ang aw" ka ti a,Valtea chuan a rawn thut hnaih ve a.Rinawma ka phone a,chuan hrilh tur tul zual ka hrilh bawk a,ka let leh thuai a,dik tak chuan ka kalsan rei phal thlawt lo,a laka ka nun rawnna zawng2 te,ka sualna zawng2 te kha atheihnghilh vek natur in ka duat dawn a ni tawp mai,a dam chiang hunah Inkhawm tura min sawm leh anih pawh ka hnial tawh lo chiang ngawt ang...

Ani tel in a tha ve hret2 zel a,kan Naute kan chan ani tih ka hrilh ni erawh chuan ka awm ngheng in a tap nileng zak aniber,kar 2 zet kan awm hnu chuan min chhuah tir ta a,akal ve thei tawh a,tianghawl ala ngai thung a,Room ah chuan a kal thei tho nangin ka pawm kual mai,ka ninglo a nuam ka ti em2 zawk.

Tunah chuan kan Room ah kan Nupa khumah ngei kan mu leh thei ta,ka awmah alu anghat a,athaw sek sek a,a sam chu ka chul sak a,kan awmdan a hahdam in a boruak a thawveng halh mai,a hma ang a engtiklai pawh a Bomb puak tur in mung ang mai a tang at boruak kha a awm tawh lo."Mike," a tih rualin "Mate"ka ti ve chiaha, kan nui hawk hawk mai,"sawi hmasa la" kati chu a nui leh a,a nui ri ka va hre khat in ava mawi em..."i thinrim em ka lakah hian?"a ti a..”aih,engvang ngawt in nge ka thinrim ang “ ka ti thuai.."kan naute pawh ka venghim zo silo",a insut zui hlap hlap a,ka awm  a rawn huh a,"tap tawh suh,i thiamloh ani reng2 lo,engkim hi kan duh ang vekin akal thei hleinem"ka ti a.."mahse,ka sual vang alawm,engvangin nge Naupai chung2 a ka zin kher?,atul em2 pawh ani silo,keimah chauh ka in ngaihtuah vang a ni" tiin a  tap khur dar dar a,ka chungah  dimtein ka pawt kai a,ka pawm bet a,a mitah ka fawh sak a,"bang tawh rawh le,i tah apiang hian ka thinlung hi anghawr thin a,i nat chuan ka na ve a,i lawm chuan ka lawm thin asin,ka tan chuan he khawvelah hian nang aia hlu reng reng an awmlo,ka hmangaih che a,ka duat i ni bawk a,nangmah i dam hi ka duhtawh lutuk asin" ka ti a..

A mitmeng lian kelkawl chuan chiang tak hian min en a,"anih chuan Mike,min hmangaih a,mahse kan inneih chhan ang ngei khan kan fa chu ilo duhlo tak2 ani maw?"beidawn hmel  zet hian ati halh a,ka awmah a khabe a nghat a,ngengawl zet hian ka chhanna nghakin min melh kiau a,ka thinlung zawng2 nen a hmu tlang niberin ka hria,he nu bulah hian dawt zawng ka sawi thei lullo..."aih,ka duh alawm,nangmah ang chiah in ka hmangaih,mahse kan chan loh tur a Pathian ruat ah ka ngai alawm,fa te chu kan la nei leh mai ang" ka ti a,a rawn tawng tur chu a ka ka hup a,"chuan maw,kan lo neithei tawh lo anih pawn pawi ka ti lo,nang hi fa tamtak ai chuan ka tan i hlu zawk,ka bulah i awm phawt chuan engmah ka mamawh lo".........

MIN NEI RAWH-25(last)

Ka awm ah chuan a bei tha leh a,ka khabe ruh achul kual zai zai a,nidang ang bawkin ngaihtuahna tha lo ka rilruah a rawn lut a,adam loh chhung zawng khan ka bual a,ka pawm kual a,mahse tisa chakna lam zawngin ka en miahlo,mahse zan in chu ka dik leh tawh tlat lo,Nau a chhiatna ala rei silo,ataksa a fitlo bawk nen kei hi che ngawt thei ka nilo,a kut chu ka manbet a,saisir zawngin ka leh pui a,"muhil ang aw,Damdawiin nilo in kan In,kan Room ah ngei kan awm hi" ka ti  a,mahse ala duhtawk ve tlat lo,ka Tawnzau hak a rawn zen a,chutihlai chuan Kawl a phe zawk a,min kuah bet chawih2 a,Tek ring lutuk in a rawn tla zui nghal bawk a,Kan in hi alian a,chubakah kan Room hi a up bawk nen,Ruahsur tur pawh kan lo hre lo a,tukverh pakhat kan hawn atang chuan thli a rawn thaw lut a,khar tum a ka tho tur chu a phal tlat lo,a,"hlau suh,ka va khar fel lawk ang"tiin,ka tho vat a,ka khar sawk sawk a,kan Compound hi thing lian fe2 a awm bawk,a ri vuk vuk a,kan Room tak phei chu a chhem lemlo,

Ka let leh chuan Light ka off nghal a,eng uar a mut hi kan duhlo ve2 a,khum bula mi Lamp  ka on a,ka adjust nghal a,kawm chal hian a mu a,a beng a hup bawk a,a duhawm reuh tawp lehnghal,ka lawn a,puanin ka in khuh ve a,ka pawt phei a,nghet zet hian min rawn kuah a,ka ban lehlam chuan abeng  ka hup sak a,a thinphu dawt dawt ah chuan a hlau derlo tih ka hrethei bawk,kuah pahin a nghawng ah chuan ka fawp kual a,athaw hak a,ka ban ka lasawn a,a mutkawr  amal atangin dimteiin ka hlim chho a,amal lehlam chu ka chawikan sak a,min rawn kherh nghal chial bawk.

Chau zet hian min delh a,"kati na che em?"ka tih chuan "aih"a ti hap.."ka hmangaih che"ka ti leh ringawta"keipawh,Mike,nang aia nasa in"a ti ve a"anih leh Jenet-i kha?"amah bawkin a ti leh a"sawi tawh suh,ani nen chuan sex chauh,mahse ka hmangaih che tih ka hriat hnu khan ka khawih tawh lo,Ruati phei chu ka khawih lo hrim2"ka ti tlang nghala.."ka ring che alawm"a ti ve a.."chuan ka u pawh khan a hmangaih che a,mahse ilo hnawl emaw ka ti a,chuvang ania ka huat che" ka ti leh a..

A zi mar ar ar a,"ka demlo che,i hriat chian loh vang alawm,mahse nang hi chu ahma atangin ka ngei tawp che animai"a ti nghata"min hria amaw?!!!"ka ti hu.."tehreng,i nutei pawh ka hriat chuan ka hre dawn lo che mi.. a thurhimah in lar alawm… tak takin ka  hriat dan che chu maw,Tochhawng Construction neitu fapa naupang zawk,,Man lutuk,lerh zet Nula ho um zui luai2"..anui zui kar kar a,"het,chuti chuan an sawi amaw?" ka’n ti hluai a,"o,mahse,thilpek peih em em,tupawh kawmthiam,mi hausa chhungkua atanga  aseilian pawh anglo khawp a inngaitlawm anti thin bawk a,mahse kei chuan Chapo kati ropui che" ati leh a,ka pawt a,a ban ruh ka hmet a,a na ati that a,"ka chapo maw?,han sawi leh teh"ka tih chuan anui a,"enge adik lohna?,ka hmuh dan che a ni ve mai lawm,min tina dawn ania,Zorammawi,min thlah rawh,mawh..."ati zui a,a  cute lutuk chuan thinrim der ka tumna minti beidawng thak,hnaizet ah ka en a,"mahse,min hmangaih tho kha"ka ti a"i sual thei em anih kha,i duh2 in min puh chhe vel anih kha"a ti hlak hlaka.."nangpawh,hmeichhia ka hriat tawh ah min hnar tu awmchhun ini,i chapo fe"ka ti ve a.."anih chuan i hnar theih loh tihna mi?"a la ti zel.."han tum chhinla" tih pah chuan adar ruak kang-ah ka chul a,ate that a,"hey,afair lo" ati hak a,ka chungah arawn lawn kai a,min bawh a,"anih leh ka tlawm,ahma a ka hua maw ka tih che kha ka lo hmangaih thin che aniang,tunah chuan i tello chuan ka dam zo tawh lo ang,ka innghahna i ni a,ka khawvel ini bawk..."ka sawi zawh tir theilo,ka fawp vawng vawng mai...

Voiin hi Aug,22 ani a,ka nupui duhtak,hmeltha leh fel,ka hmangaih em em,Rinsangzuali,Mami nibawk,ahma a Ralte nithin,tunah official a ka hnam hming min tawmpui tu,Rinsangzuali Tochhawng nita,Birth day ani a,lawm turin kan inbuatsaih a,a hriat loh,Surprise natur ka buatsaih chu ka thiante ho in an buaipui mek a,a hun taka lo thleng turin ka hrilh lawk a,Mami chhungte lam pawh an kim viau,keini lam pawh kan tel tha,khua a tha a,kan kawt zawl kan chei a,engkim mai  a kaltluang in ahlimawm a,Mami lah chu a hmelthat zia  sawi ngaihna ka hrelo,ka duhdan thlap in a inchei bawk a,Host atana kan hman,Zirsanga chuan Mami chu alai ah tak a ko chhuak a,min ko bawk a,"Mami,voiin hian i pasal hian tihtur anei a,i pawm ngei kan beisei tlat ania" a ti lauh lauh a,a ngaihna hrelo zet hian a hawi ha a..ka Coat ka phelh a,ka kamiz ban ka thlep bawk a,ka kal phei chu zawhna zawt hmel hian minlo en a,ka kal zel a,a bul ka thlen chuan ka chawl dat a,a hmaah chuan ka thingthi hniam ta a,zawi tehian,"Mike,engthil nge i tih?" a rawn ti a,ka kekawr ipte ka zen a,bawmte ka phawrh chhuak a,ka hawng a,ring vaklo,fiah zet si hian,"i rilru ka tina tawh a,ka neih chhan che adiklo bawk,mahse tunah chuan heihi ka hre tawh a,Ka HMANGAIH che a, i tello chuan engmah ka nilo,khawngaih takin min nei duh angem?,voiin a ka thil tih hi ka NU leh PA hriatpuina ani e,khawngaih in MIN NEI RAWH", ka ti chu a reh duk mai,a in sut hraih a,ka kut a rawn man a,min pawt tho a,"Ka pawm e,ka nei ang che" mittui tling pam chung hian a rawn ti a,Zungbun ka order ,keimah ngeiin ka Design,kan nupa hming bul,"M" tih inchhu kalh chu ka buntir ta a,midangkn kut anlo beng dar dar bawk a,chutihlai chuan Gate ah chuan Motor Horn arawn ri a,kan hawi phei chu,Samsona arawn chhuak a,ring zet hian,"happy birth day Mami,he car hi i pasal in a present che anih hi,ka duhlo atih theih loh,chuan zirtir tur che in i pasal a inpe nghal bawk"a rawn ti chu annui ham ham a,min rawn kuah a,a hlim hmel hmuh chu ava han nuam tak…

Tukin chanchin bu,Thalai huang ah chuan ti hian a in ziak a, Tochhawng Construction Roluahtu tur a piang ta,Tochhawng Construction neitu te fapa ,Mike Tochhawng leh a nupui Mami Tochhawng te chuan New Life Hospital ah fapa annei ta,kan lawmpui takzet a ni.....

Ka nupui chuan kan fapa hnute a pe a,a bulah chuan Api te2 leh Apu an awm a,kan vai mai chuan kan hlim tih sawi ngailo in alang a,chu Cabin chu hlimna in akhat aaaa....

A tawp ta