SOCCER(completed)

 SOCCER” - 1

Ka thil hmuh vang chuan ka thaw a chham dawn ni ber in ka hria,tawlhhnung hrat pahin ka kut  thlan nghal dap dap chu ka khup  sai dar darah chuan ka tat nawk nawk,’I tha em?,engthil nge nita?’ ka Duty pui,Renuka chuan min rawn ti a,ka chhang dawn a,ka aw a ri chhuak zo lo va, ka lu ka thing ta ngawt,a hmelah chuan ngaihtha lo hmel a lo lang a,ka landan a tha lo viau ang tih hriain ka ngaihtuah duh lo law law.Ka va hawi leh chuan ka mitvai a ni lo tih ka hre chiang zuala, kan awmna lam an la rawn pan zui lehnghal.”min hrethiam lawk rawh aw,ka pum a na deuh tlat a,Toilet ah ka kal lawk dawn”tih leh kal ka ruala, min chhan zuina pawh engmah ka ngaihthla tawh lo.Toiletah ka thu hnawk a,theihtawp in ka thaw vak bawk. Ani kha kum 6 lai ka hmu tawh lo a,tunah engvangin age ka hmuh leh kher kher ni?,ka hmusual zawk anga ngaih ka tuma, ka hmusual lo chiang ropui si. Kum tamtak chhung chu zantin amah ngaihtuah chungin ka muhil a,ka Thinlung leh mitthla a chhuahsan ngai lo tluk a ni.Mahse,hmuh leh ka beisei vang a ni lova,Ka Pasal nitur emaw,chengdun turin ka ngaihtuah chhin ngai miah lo bawk. 

Ka let leh chuan Renuka-i chuan ngaihtuah hmel zet hian min lo en a,ka nuih lui sap.Reception Counter ah chuan amah chauh in a lo awm tawh bawk a,anni khan an Room tur lam an pan fel tawh a ni phawt ang.Phone lo kal chu ka chhang zui nghal a,ka theihtawk in ka in Control bawk nen ka landanah kan Mikhual te tan hmuh nuamlo leh danglam a awm loh hram ka beisei a,ka duh takzet bawk.

"Liz.....i tha deuh em?’ phone ka dah veleh a ti thuai a,ka bu nghat,ka tha tih ka awmdanah ka lan tir a,a thaw deuh huai a,"i pumnat hun kha a fuh lo tawp,Toilet a i pan deuh chiah tih khan Mizo Footballer,star player kha alo kal asin’ ati leh zat zata,a aw ah chuan a phurpui takzet tih hairual a ni lo. In Control thei ang ber hian ka nui lui a,’ehe.....chuti chu ka va chan ropui ve,mahse,Players tha kan ngah ve tawh e,tu ber nge?’ ka ti let ve nghala,,’nia...in ngah ve tho a, mahse,Star players chu kei chuan pakhat chauh ka hria,amah Samuel chauh kha’ a ti leh a,Renuka hi Mizo a ni lo bawka Samuela tiin a sawi lo,’a’ emaw ‘i’ tih hi an sawi tel ve mang mang lo....Ka thle zauha, a sawi ngai loin ka hria alawm,a lar takzet.Anihna takah chuan khapa hlau khan alawm ka tlanchhiat tih ka chak kher maia,atak takah chuan ka ti ngam der lo thung. 

Nimin lamah kan Manager in Mikhual pawimawh kan Hotel ah alo thleng dawn tih min hrilh tawha,ani hi ani thei mai angem tih ka ngaihtuaha, vawiin hian an hming list ka en chhuak vek chungin kan Timing-ah Samuel-a hming reng reng ka hmu lo,kan Hotelah a thiante hmutur in alo kal pawh animahna te ka ti thul,Renuka lah ka zawt ngam der lo,Dilchhut chikim in a Dilchhut leh dawn a,ka peih thak lo.Ka Duty zawh thlengin a lo lang leh ta lo.

Ka duty hun a tawpa, in ka thlen veleh che chang peih lo in ka mu nghal a,in tihfai pawh ka peihlo,thil kaltawh ngaihtuahin ka mu meng kar. Higher ka kal laiin ka Thiannu B’day Party-ah Samuela nen hian kan intawng a,vawikhatmah ngaihzawng ka la nei ngai lo va, ka duhber chu tha tak a ka zirlai zir a hlawhtlin ka tum ber. Mahse,a nui sangte,a mi hipna na tak nen,a pian,in Fit zaih mai te kha ka lo mitthla ve thin mipa in a neih zawng zawng kha amahah khan ka hmuvek tlat atin ni. Khatih lai khan a la lar lutuk lo a,Football ngaina tute chuan anlo hre viau tawh thung,kei erawh chuan tunge anih ka hre lo,vawikhat kan inhmuhnaah kan inhip tawn a ni ber maia,kan awmdun chawt a,kan thian dangte pawh tumah kan ngaihsak zui lo,zu lam engmah a in ngai lo a,keipawn ka in ngailo,kan 2 in titi dun chungin coke kan in a, Midang te lam suau suau chu kan ning ve ve a,a ruk in a Car kan pan dun ta daih. Chutah chuan tum lawk loh lutuk thil thlengin a vawikhat nan Sex ka hmang a,mahse,inchhirna ka nei miah lo. Ani erawh kha chu a vawikhatna a ni hauhlo ang tih a zei danah a chianga, a zei lutuk avang khan na lutuk pawh ka tuar miah lo reng bawk. Hotelah kan riak duna, ka la tih ngai miah ti in ka chhungte bum in a bulah zankhua in ka riak ta nih kha,khatiang khan ka awm thei ang tih ka ring ngai lo,min hmusit hle ang tih tun hnuah hian ka hrethiam ta chauh a,kei erawh kha chuan ka Mipa hmuhtawh zawng zawng a ka duhthusam awmchhun anih avangin ka thil tih engmah kha pawitihna chang ka hre lo.Zing a ka harh khan a lo awm tawhlo a,a hming chauh ka hria a,a Number lakna chang ka hre hek lo. Ka in ha sawk sawk a,a ruk thei ang ber in Room ka chhuahsan ta a,rilru hahna leh ngaihthat lohna pawh nei loin ka awm a, a chhan chu khatiang a awm dun ta chu  min rawn ngaihven zui ka ring ve tawp mai a,engmah ka la hrethiam loin experience ka nei lo a,ka awmdan kha thil zahthlak a ni tih ka ngaihtuah thiam lo hrim hrim bawk.

Mahse,ni aliam a,kar aliam a,Thla hial a vei hnuah pawh min rawn biak tih a awm thei ta lo,ka beiseina a tlem tial tial a,ka beiseina a bo thak chu a ni chiah lo va, a ni telin a ral tial tial ani zawk. Mahse,ka tumloh dan leh ka beisei miah loh in ka p8 ta tlat lo,ka lo inchik miah lova,zankhat mutdun vangin ka rai nghal ka ring eih lo.Higher lai kal tawh mah ila ka ngaihtuah a tawiin nulat tlangval kawngah ka harh lo em em mai si. Chaw ka eitheilo a,ka khua asik deuh reng bawk a,Kanu,engkim lo paltlang tawh khan minlo chik hle a ni ngei ang,Doctor hnenah min hruai a,Test ngai zawng zawng kan tih hnu-ah ka beisei loh ber mai Result ka hmu a,Nau ka pai a lo ni..Ka nu hmelah erawh chuan makti hmel ka hmu ve lo,rilru na lutuk hmel chauh ka hmu a,mi a ang mai in tawng na chang ka hre lo va, anipawn engmah a sawi bik lo.,In kan thlen veleh Chaw ei lo in ka mu nghal a,ka rilru na ngut ngut khan engmah min ngaihtuah tir thei lo. Ka nu leh Pa,kohhrana Rawngbawltu,Ringtu nghet em em,Pathian thu a min enkawl seilian tute ka tihnat zia ka ngaihtuah a,awm dan tur ka hre thlawt lo. Chutah,ka Naupai hian Pa a nei a,mahse,a hming chauh ka hria a,tunge anih a,khawiah nge a khawsak tihte lah engmah ka hre si lo.

‘Thiannu...i B’day kan lawmzan a lo kal ve Samuel-a kha khawilam mi nge?’ zawt satliah ang thei ber turin ka ti a,a hawi buai deuh nak hnuah,”Ka U thianpa anih kha,Kulikawn ah an awm a,ngatinge?” atih zawm zat a,ngaihpawimawh loh hmel zet hian “ka zawt mai mai che” ka ti liam puat a,mahse,a lo la duhtawk lo nasa mai..”Amah kha i hre lo em ni? a lar tehreng nen,tunah chuan Mizoram chauh a ni tawh hleinem,India ram a Club tha ber pawlah a khel tawh alawm” atih zawm leh zat zat a,ka la bo tho tho,Sport hi ka tuipui thlawt lo a,khawvel huap a larte pawh ka hre tawk tawk a ni chauh. Ani kha Footballer a ni tih ka hre lo takzet,ka hawi buai lutuk chu min rawn nem a,min nuih tlawrh tlawrh a,”chhur viau thin lo teh,i zirlai chauh i ngaihtuah hi a tha lo..Mizo footballer tha eltiang anih kha, khami zan khan a Bialnu nen an lo kal ve a,mahse,Samu-a  kha a lerh ve a, a lo ck vel aniang,an buai deuh nak a,mahseeee..tunah chuan an tha leh tawh a tiin ka hria...” a ti leh duaha, a la sawi zawm lehzel nangin a sawitawp lam engmah ka hre tawh lo,ka hlauh ber chu ka tlu mualpho ang tih chauh a ni.

Ka pa in Naute pa min zawt a,ka tawngka ni lo in Mittui in ka chhang a,Ka nu in min lo chhan thuai mai,nidangah ka nu hian min chhan mai mai ngai lo,khami tum erawh kha chuan chhan ka ngai tih a hai lo a,a Pasal a zah em em thin hmaah khan kei a Fanu,timualphotu tan in Hlau hauh lo in a ding tlang a,min hnem a,khata tang khan tuman Nautepa lam kan sawi ngai ta lo..Mualpho chikim in ka mualpho a,ka chhungte zak lutuk khan minti hrehawm hluah hluah bawk,zak chung chung in ka exam a,a hranpa tak in rilru na ka tuar tawh lo,hriat chian loh mipa laka ka inpek avang a ka tihsual a ni a,ka tihsual man ka hmu nimaiah ka in ngai a,miten,Pa puhtur hre lo ang a min sawi ka hriat chang pawn ka thinrimpui lo,ka nihna ani a,chhel takin ka tuar a,harsa thin mah se ka chhungte leh Naute avang hian ka tuar chhuak in ka ring tlat a,beidawng zawngin engmah ka ngaihtuah duh lo.

Ka Phone nghawr dar dar chuan ka nunhlui a ka lo chenna atangin min kai harh a,peih lo zet hian ka ban a,Ka nu a lo ni a,kei hi enge ka hriat ni??,ka fapa ka biak theihnghilh der alawm le,nikhatah vawikhat tal ka be thin a,vawiin hian kha mihring ka hmuh vang mai khan ka lo theihnghilh hmin thelh anih chu,keimah ah hian effect a va la ngah tehlul em,ani tan lah chuan Zankhat nawmchenna ka nimai si..,‘Liz.....i bang tawh em?” ka fapa aw hian a rawn ti lauh lauh a,ka nui sak a,min Nu duh thak lo,mi min koh dan ngeiin min ko ve tlat a,pawi ka ti lem lo,’ka haw chiah e....vawiin lam a nuam em?” tiin an Sport na chanchin ka zawt a,phur tak hian a rawn sawi siam siam a,ka tan chuan Fapa tha ber a ni a,ani aia hlu hi engthilmah ka nei lo.

Ka beisei loh deuh in ka muttui ta phian maia,Kumthar lamah chuan ka Fapa awmpui ka tum avangin kuminah hian theihtawp in hna ka thawh angai tih ka hria a,Hun kal tawh avang a buai tur ka ni lo a,ka buaina tur chu ka Fapa chauh hi a ni mai tiin ka insehruh a,ka tum anga,ka thei ngei bawk ang,kum kha leh chen Pa tel lo in kan enkawl a,tunah Pa a mamawh reng reng lo,Fa a nei tih a inhre lo a,hriattir lah ka tum hek lo.Ka ta liau liau niturin ka duh a,tuman min laksak ka phal dawn lo,..Atthlak tak hian ka nui a, lo hria pawh nise  fa ah a pawm kher nang.....

“Vawiin chu biak ngei ka duh ania,chuan thlalakpui ka duh bawk a” ka thlen veleh Renuka chuan a lo ti a,ka nui hak ,’bia la,i biakna ka dal hleinem che” ka tih chuan a hnar a tum dat a,’sual suh aw,i Mizo pui ania,nangman min pui ang chu,ka Nau hnenah a Autograph ka hawn sak tur thu in ka Promised vek tawh ania” ati leh hap a,ka mangang tan ta...he nu hian a thian tak takah min ngai a,keipawn ka kawm ngeih tho,min ti lui ngei dawn tih pawh ka hria,’aaaaa.....a ho em mai,biak kher angailo,Manager hrilh la,a Room ah kal dil la animai lawm” ka ti leh talh a,a thle bak a,’ka tum alawm,mahse,a Nupui hual kha a lo kal ve a,a rem lo a ti alawm” a ti hmak a..mak tak hian a nupui hual tih chuan min nghawr dawt a,engvanga na thin nge ka nih erawh ka hre lo,kum 6 lai a liam tawh a,Zankhat thil thleng mai a ni a,theihnghilh a hun takzet tawh,ni e....a hun tawh..Mahse,ka Fapa, Pekpek-a hi lo pai kher lo ila chuan ka hre reng tawh bik hauh lo ang...

SOCCER – 2

Kan Duty zawh veleh ka Fapa mamawh lei tur ka neih vangin ka inthlak sawk sawk a,ka inthlak zawha Hotel ka chhuahsan dawn lai chuan ka hmanhmawh deuh bawk nen min ko ri ka lo hre lo a ni ngei ang,ka banah min rawn vuan a,Renuka bawk lo ni in..’mawh...saw a lo kal mek ania,a chhuak dawn aniang..plsss’ a rawn ti leh a,ka hawi phei thuai a,ka va hmu ta,Samuel-a chu chhuak tur niawm tak hian a rawn kal phei a,Kekawr dum,Tight lam tep leh T-shirt var Thianghlim tak a ha a,Lukhum hmathlawk a khum chu a pawh kun deuh avangin a hmel chiang tak in a hmuh theih loh thung,Sana Gold Colour a bun a,a kut veilam in Phone a hum bawk a,reilote chhung mahnise ka hmukim hman vek in ka hria,a Thawmhnaw hak leh engkim maiah chuan a Pian nalh zia alang thei a,kal mai nachang ka hre lo.Renuka-in min rawn nek chuan ka petek nawk a,ka tlu tur chu tuemaw hian min rawn dawma, ka tum loh tawp in ka nek deuh rawk bawk,’Sorry..ka rap sual palh...” ti chunga ka en chuan, min dawmtu hmel ka hmu chiah chu ka tawng tawp chawt a,ani lah chuan nui suk chung hian..’Mizo elaw i nih? ” a ti a, min thlah zuia. Ka lo inrindan nen a inpersan leh ta..Min hre tawh miah lo tih a lang reng,min hre lo chu lawm tur ka ni zawk mah maitheia.mahse..ka va lawm si lo em!!!!..A mitmeia zawhna min zawh leh takah chuan, 

’ni chiang e..hei..ka Thiannu hian a ngaisang tawp che a” tih pah chuan Renuka lam ka hawi a,ani lah chu a lo sen awp awp bawk a,amah en tawh lo a Renuka lam ka hawi chu ka Tukhum a za mer mer a,ka hawilet thuai ,ka thle zauha,’chuan Autograph kan duh bawk a..” ka ti leh chu a nui leh a,ka tek sawk thei, mahse...he Nui hmel ngei hian min bum tawh a,a nui hmel mawi tak phenah hian pawisak nei lo Mipa a awm tih ka hre kar thung,a rawn kun hniam deuh a,’hetah chuan ni lo e..Ka Room number ka pe ang che,in lo kal zawk dawnnia” ati a,ka ban ka vai a,ka lu ka thing bawk a,a hmel ruh talh talh ka hmuh chuan engmah ka sawi ta lo,’min pe duh lo mai rawh,ka hrethei mai ang” ka ti ta zawk a,min melh nawn leh a,’hetah i thawk tihna mi?” a ti ve ta zawk a,ka bu nghat a,a then leh sak a,”ok....atha lutuk,chuti chu ka kal phawt ang,zan ah emaw naktuk ah pawh i lo kal mai dawn nia” ati a,engmah kan sawi ve hma in a inher a,a Lukhum a pawt kun leh salh,a Dar tikum deuh hlun hian a kalsawn ta a,a Hnungah chuan Vai 1 lian lam deuh hian a zui ve nghal a..amah chauh ka lo en avangin kalpui a nei tih reng reng ka lo hre lo.

“khaaa...ka tih reng kha...Mizo ve ve chu engmah harsatna a awm loh kha...awi..a that zia kha o “ati zui a,dik tak chuan dawt zawng a sawi mawlh lo...atha chiang thlawt alawm.

Pekpek-a thil tur ka lei thuai thuai a,kan Thenawmnu,a Fate tlawh pah a lo kal a awm a,kan awmna a in hlat lo bawk nen ka pe kual nghala,Chawei tur in min sawm nasa viau mah se mahni a awm a,hahdam taka in ngaihtuah veng veng ka duh zawk avangin ka hnar ta zawk. In ka thlen veleh ka Inbual a,Ei tur siam pawh ka ngaihtuah lo,Pekpek-a ka bia a,a rawn tawng leh teuh bawk .Hahdam takin ka mu a,ka hla duh em em Toni Braxton hla...Unbreak my heart bawk ka ngaithla leh ta a,he hla hi chu ka rilru zawng zawng in ka ngaithla thina,keimah nen ka inhmehbel a,engdangmah ngaihtuah lo in ka ngaithla veng veng thin. engemaw chang phei chuan ka tahpui fo bawk.

Ka thiannu ber,Sangpuii khan Nautepa ka hrilh kha a beisei a,mahse,anipawh ka hrilh ta chuanglo,a tawngkamah pawh a rin ang ka lo ni lo tih a sawi thawi leh zauh thin a,Lehkhathiam thei tak,nunze zawi bawk,lerh lo tak mai kha ka ni thin a,mi min hriat dan pawh a ni,mahse,Nau ka pai hnu kha chuan mi lerh leh awm tha duh lo,a ruk a inzuar ang hial in min puh leh thung a,mi min sawina ka hre lo a ni lo a,ka ngawi mai mai zawk. Samuel-a khan kawp nghet lai a nei tih hre lo ila chuan a fa ka pai tih kha ka hrilh in ka ring a,mahse,a lerh avang a zankhat chauh a thil thleng kha engahmah a ngai dawn chuang lo a,sawi chhuah loh law law kha a tha in ka hreve tlat,Pa tel lo a fa pawm kha thil pawiah ka ngai tlat lo.

Ka fapa a pian hnu khan a pa ka theihnghilh ngai dawn lo tih ka hre ta chauh a,Pekpek-a kha a pa nen danglamna awm lo khawp in an in ang a,vanneihthlak tak in Sangpuii ber khan a pian hlim in a hmu lo hlauh zawk,hmu se zawng,ani Samuel-a hrechiang em em tu khan a ringhlel ngei dawn tlat a ni,a thang lian zel a,min ang ve zel a,ka fa,ka ta liau liau a ni ta. Miin Apa tu nge ti a min zawh chang te khan inchhuang tak in India rama Footballer tha ber Samuel-a ti a chhan theih kha ka chak ngawih ngawih thin,mahse,khang ka beiseina te khan min kiansan tawh a,A chanchin engmah hriat ka duh lo bawka ka hre lo thei viau,mahse,ka u in a khelh that zia a sawite,a team te nen an khelh lai a an lo tan vak vak thin te kha ka hre ve zel a,en ve duh lo in ka kalsawn hram hram thin .Tunah chuan kum 30 a hnaih ve tawh ngei anga,Nupui a neih thawm engmah ka la hre lo erawh mak ka ti,a lerh em mai a,Tlangval nuam a ti a ni mahna.A Inkhelh vang in sum a lalut hnem a,an chhungkua lah mihlun chhungkua ,Sumdawng hlun anni bawk a,a Future tur a ngaihtuah lo a ni mahna..

Ka ngaihtuahna kawm chungin ka mu a, Ka muthilh lai pawh ka hre lo,chaw pawh ei lo in ka muhil ta daih a,ka harh leh chuan khua a lo eng uar tawh,ka inbengkang a,mahse,ka mu tha leh a,ka Off ni a ni alawm...nileng in ka mu mai ang chu..

“Hello’...tih pahin peih lo zet hian ka meng a,lehlam a Renuka tawng lawng lawng chu ka hria a,”kawngkhar lo hawng teh,kan lo lut duh” a rawn ti a,ka va hawn chuan kan Hotel a kan thawhpui tho Vijay nen an lo ni a,an Inkawp na a rei tawh bawk a,Nupa ang maiin an khawsa a,Mizo te hi kan Nasa tiin an sawi fo thin a,Hnamdangte khawsak dan pawh hi sawi tham tak a ni,keini ang in mi chanchin sawi an ching lo a,an Mualpho ve chiam lo nimai hian ka hre thin.”insiam rawh,vawiin chu Beach ah kal ang u” ...Fridge atanga tui phawrh chhuah pah chuan a ti a,Weekend ah chuan kan kal fo thin reng a,nuam pawh ka ti,nidang ang chu nise ka phur viau ang,mahse,kha mihring vang khan khawiah mah ka kal chak tlat lo.’ka van peih chiahlo…”ka tih lai in Vijay a lo nuih chuan ka tawp chawt a,hrethiamlo zet hian ka melh a,’engmah anilo,alo sawi lawk a,a peihlo maithei ati che a’ alo ti a,ka nui ve ta hawk hawk a,Darkar 1 a ral leh meuh chuan Nuamti takin Beach ah ka mu leh der tawh..

Hlimthla hian ka hmai a rawn hliah veleh ka mengchhuak a,Ni in a en loh zawng a ding anih avangin a hmel ka hmu tha thei lo,ka khap sak sak a,a rawn thu hniam a,a hmel ka hmu chiang chiah chu ka thu chhuak zawt a,ka thawmhnaw inbel thehlep tak nen a ka hmuh duh loh ber tur mipa chu melh pawh ka melh ngam lo.’Kan va inhmu fuh thei ve a,ka lo thu ve ang aw” tlang nel tak hian a la rawn ti zui a.

SOCCER – 3

Ka chhan hma in a rawn thu ve nghal a,sawi maitur ka hre lo,’vawiin I chawlh a ni maw?” amah bawk chuan a ti leh a,ka bu nghat,kekawrbul dum a ha a,achawn sei thlurh chu hmul in a khuh a,kawr ha lo in  a sam huh chap atang chuan Tui a cheng zo chiah tih a hriat theih bawk a,a Taksa khuhtu awm lo,Ruak kang mai chu en loh ka duh zawk. Tuipui champut mai chu ka thlir a,Ka insangmar teuh reng chu tih reh tum in a ruk in ka insik a,’I thawhna a rei tawh em?” a rawn ti leh thut a,’aih,rei lo e..kum 2 vel chauh” ka ti hmak a,ka tawng danah chuan ka be chak lo a ni tih ka tilang a,mahse,a ngaipawimawh tlat lo,’kum 2 anih chuan a rei ve tawh tho alawm,engtin nge ka koh ang che?,in mawl biak tawp chu a nuam lo” ati leh a,ka rilru a na zawk bawk,min hre lo chhah lutuk chu ka tah khum nek chak,mahse,hahdam tur ka ni alawm,’Liz min ti mai rawh” ka ti leh hmak a,’ok….khawiah emaw ka hmu tawh che in ka hria,mahse….ka hai che animaithei.” Atih leh chuan ka Lungphu rang lutuk chu a thlawkchhuak dawn niber in ka hria.

“Hetah ilo awmdaih a…ka zawng che a..” hmeichhe aw nalh takin a rawn tih takah chuan ka chhan buai ngai lo in ka him ta,a rawn thleng chawpchilh nghal bawk a,kan inhmuh hmasak zawk a kan inhriat tan dan nen tuna ka inbiakna khan engmah danglamna a nei tlat lo.’oh….Thian thar i lo nei alaw?” tih pah chuan Samuel-a kapkarah chuan a thu nghal a,ani pawh chuan a kuah ve bawk a,’um…Liz anih hi..chuan heihi ka Nupui tur Asawm-i ania”atih zawm a,ka kawchhung let but but chuan ka luak a ti chhuak nghal a,mahse,keihi mualpho ngawt thei ka ni lo,Tunge ka nih pawh an hre lo a,Mizoram ni lo-ah an Mizopui min hmu a Polite tak in min kawm a nimai..Ka nui lui sak a,’Ka lawmpui che u’ tih pah in ka kut ka pharchhuak a,ka chibai a,Hmeichhe tha tak anih ka la beisei pui hram anih chu ..Aizawl a kan awmna te kan inhrilh tawn a,an thlenna Hotel a ka thawh thu te ka hrilhve bawka,an sawi chiah lo nachungin Samuel-a te chawlh lai in an zin khawthawng anih hmel,kan titi kar lak a Samuel-a ka en apiangin min lo melh leh reng thin chuan ka awm a ti nuam lo a,min hre chhuak palh ang tih ka hlau a,melh let ve ngam lo in ka hawisawn thuai zel,chutia ka awm apiang chuan a nui suk thin a,keilah ka nervous hman ziah bawk.

Renuka leh Vijay an rawn let a,an tum loh deuh a Samuel-a te an hmu phut chu an hamhaih a,mahse rei an hamhaih lo,an ri le lu a,Thla kan la ho thul,a hlimawm letling ta phian a,mahse,Mipakhat hian min rawn kal pel a,uluk deuh hian Samuel-a a melh a,ani erawh a hmai hliah tumin a bialnu sam karah a hmai a phum a,a duh ang a a en theih tak loh ah chuan a kal sawn ve ta nge nge a,rawn hawichhuah pah chuan Asawm-i nghawng chu a Hmui Sexy zet chuan a nul thuak bawk a,an mahni lam ka hawi kher chu ka inchhir zui nghal zat bawk a.“Khaia, ….Bawihi….kan kal angai dawn in ka hria..”a tih chuan a aw a zawiin athuk raih a,a melhna lam ka va en chu nichin lawk a mi kha midang nen an rawn let leh hi ka va hmu a,tunge anih an hria a ni ngei ang,Samuela a tho thut a,Asawm-i a pawt tho bawk a,’Sorry….kan kal mai ang,chawlh hmang kan ni a,hetiang a inchim buai hi ka peih rih lo tlat” tih leh kalsawn a rual a,keini 3 chuan engmah sawi lo hian an chet dan chu kan thlir tawp thung,Thil thlen dan teh thut kha a mak rum rum lutuk a, tawng nachang pawh kan hre lo.

Karkhat chhung kan Hotelah chuan an awm a,mahse,Vawikhatmah ka hmu leh ta lo,an chhuak ngai lo anih loh chuan Kawngka hran atangin an chhuak a ni ngei ang.Nitin ka hna ka thawk a,thildanglam leh ka Lungphu tirang tur ka tawng leh ta lo.Pekpek-a nen Nitin kan inbia a,sawitur ngah em em thin mah se ka hne ngai lo,atan rim takin ka thawk a,Ka bulah awmtir ka tum avangin ka inkhawl ve tang tang a,ka u in Nupui a neih hunah an tan hnawksak nih ka duh lo a,kan Nufa a kan inchawmna tur tal hi khawl ve ka duh,Ka u in min hmangaih mah se a Nupui tan chuan Hmangaih sen kan har maithei a,achhe ber pawh tawk turin ka rilru a in peih thlap a ni ber.

Hun a kal zela,kum pawh a tawp hnai ta,khua pawh a vawt tha var var tawh khawp mai,mahni In lum ah ngaihtuah em em nei lo a mut veng veng ka chak thin a,Kum dang ang lo tak in ka lung a leng ve viau mai bawk.

’Enteh…..News kha ilo hria em?” tiin Renuka chuan ka ngaihtuahna atangin min rawn ko harh a,angaihna hre lo zet hian ka melh a,"Samuel-a khan Football a chawlhsan daih dawn anih chu..tun Season chauh hi Contract a nei tawh a,mahse,engmah a sign duh tawh lo,chawlh ka duh tawh ati tawp a”ati hap a,mak ka ti kher mai,a larpui tehreng nen..’engmah ka lo hrelo reng  reng,a van ti uiawm ve”ka ti ve a,’dik chiah,mahse maw,Modelling lamah pawh kalse a hlawhtling tho ang,sawmna pawh a hmu a,mahse,chu pawh a hnar tho,Mizoramah awm ka duh tawh a,ka chawlh a hun tawh’ ati alawm” ati leh zat zat a,mak ka ti tulh tulh,Nupui neih a tum a ni ngei ang,nei pawh nise a inkhel thei reng sia,an chhungkuaah harsatna a awm a ni maithei. Fapa mal kha a ni a,Sum leh pai ah buaina an nei hek lo,a Farnu Pasal nei pawh khan an Dawr lianpui 1 kha a chhawm an tih kha mawle.’lo chawl mai mai tehse,kan buaina a ni lo em mai” tih pah in ka thle bak a,a ni pawh a nui ve a,’a dik reng..lo buai lo phawt ang,mahse,ka ui eeee” a la ti ta talh.

“Liz….khawiahmah kal tawhsuh aw” min titu ka fapa chu ka en a,a hmelthat zia chu pui tak a ni,a Mitmeng ril raih maiah chuan a pa ka hmu tel lo thei lo,’tehreng mai,ilo kal ve tawh ang chu “ ka ti a,ka Bulah a thu kak a,Ka u in Motor a khalh thung. Lengpui atangin Aizawl Pan In kan tlan a,ka kalbo tirh atangin ka haw leh na hmasa ber niin kum 2 tal tawp chu ka haw lo. Mahni ram han thlen chu thla a muang nghal viau. Dak chhuak in Boruak thianghlim chu ka hip vang vang a,a vawt kher bawk,kawngsir kan tlanpelh lam chu ka thlir a,ral hla tak a Tlang pawl ruai mai,Fiah vak lo a lang te,Romei zam chek nen….heihi kan ram a ni,Ka Pianna….Ka ta…hei aia thlamuan na hmun reng reng ka nei lo.

Ka chhuk a hun dawn hnaih chuan ka pa in kal leh a phal ta tlat lo,eng ang pawn sawi ila Ka pa ka hrechiang a, min kal tir a tum lo tih a sawi chuan min kal tir tawh lo ang,”Pathian zarah keini kan la dam a,ilo inkhawlve sa chu i duh leh kawl tha la,Aizawlah awm tawh rawh,I duh leh Restaurant changkang deuh hlek i hawng anga,I duh lo anih pawh in tihtur dang atam,I eisiam thiam zia pawh nangpawn i hai hleinem’ tih zawng a sawi,abak sawizawm tur a awm lo.

Sangpuii nen Hunpui chhung zawng chu kan inzui nasa a. Hunpui kan hmang zo chauh tihin Dawr luah tur kan zawng a,ka Patea te In..Chanmari Kawngpui an chung chiahah remchang a lo awm hlauh maia, February thla kan chuan kai leh meuh chuan Buai tak ka ni ta..Rinai tak in kan Restaurant in mihriat a hlawh ta a,Inneih leh Function hrang hrangah order kan hmu ve zut bawk nen,zan a ka haw hian ka chau hluah hluah thin.

“Liz….i ni tiraw? Ka hai lo che chuan ka hria” ti a tawngri rawn chhuahna lam, ka Office kawngkhar lam chu ka hawiphei thuai a,a hmel ka hmu chiah chu ka pen hum lai ka thlauh tawp mai. 

SOCCER-4

Ka tum loh lutuk mihring ka hmu chuan minti thlawk lo chauh mai,,’ka lo lut thei nge thei lo?’ a tih leh chuan ka lu ka thing nawk a,’Ooo,oo…lo lut rawh,ka lo buai deuh a,ka hamhaih alawm le’ ka ti ve ta zawk a,ka Pen ka char thuai a,ka Thil ziah lai khup pahin ,’Lo thu la..” in Control tum zet hian ka ti a,min ep zawng tak a Chair kan dah ah chuan a rawn thu a,uluk zet hian min la en zui ”engthil nge i duh ve teh mial a?” ka tih leh chuan ka zam vang a ka aw khur thup ka tum chu a hriat loh hram ka beisei viau,’helai daih a ilo awm vang anih hi zawn hmuh i harsat em em..’ ka zawhna chhang lova a tih chuan phawk hra hian ka melh a,’engmaw?!!” ka ti halh,a nui suk a,”zawn hmuh i har ka timai ania” a ti leh a,ka zam leh ti tih der tawh.

“Tak2 in,kan Dawr thar leh Showroom nipah bawk tur hi mumal deuh hlekin Company thil inhrilhfiah na nen Prog kan siam a,Refreshment lam min rawn tihsak thei em tih lam ania’ ati  leh ta a,ka thawl huai,min fiamkual mai mai tih hre mah ila keimahah hian a la thawk na em em si a, buaithlak tak a ni. Min rawn biak dan tlangnel tak mai chuan Hotel leh Beach vela kan inhmuh atang khan hmelhriat tha angin min en zui tih hairual a ni lo va, keipawn lo hai luih vel ka tum bik lo law law. ,’engtik ni ah nge?,midang Order kan lo lak hnan tawh em ka hre lo a…’ka ti a,A duh ni a sawiah chuan engmah Order kan lo la lo a,Menu ka pe a,a duhzawng a thlang a,a duh dan zawng zawng min han hrilh mai chu aruk in ka mengphar awk awk mai,a tam in a hautak lutuk,eitur engkim mai chu kan neih zinga atha ber leh to ber vek a duh a,mahse,ka tan thil tha tak a ni ve thung,”Coffee ka lak tir dawn nge intur dang i duh?” inti polite zet hian ka ti a,Coffee a duhthu min hrilh a,kal tawh zawk se ka tih tehlul nen,kal mai tum hmel a pu tlat lo.“tunge siamtui ber ang tih ka nau ka zawt a,I restaurant hi try turin min tia, a neitu hming min hrilh tirh chuan i ni ang tih ka hre miah lo a,ka rawn hmuh takah che khan ka hai che emaw ka ti hman alawm, mahse,I Perfume rim nam chek ah khan i ni tih ka hrechiang ngam chauh..’ nelawm angreng taka nui chungi a ti a,he Mihring hian min chhaih kual a tum niin ka hria a, aduh ang in ka awm dawn ther te lo,tunge anih ka hrechiang tawk tawh,vawikhat minti kehchhe vek tawh a,chhiat nawn leh ka tum tawh lo.

’A van lawmawm,mi i hre rei thei awm hle mai’ tha takin ka ti a,a bu nghut,ka Room a te bawk si,a mi dip a na nen ka tang ru teuh mai. Coffee chawi a kan Nula pakhat a rawn luh chuan ka thaw huai a,No laksak tur a ka ding tur chu min din khalh a,mahse…..thil pawi a thleng ta tlat.Room kawngkhar inhawng saah chuan ka Fapa a rawn zuanglut a,min rawn panin a rawn tlan phei thuta, Samuel-a Tray chawi chunga ding mek chu lo tlawhsawn a tum laiin a rawn su chawrh a,ka te thawt nangin a pawi zo vek tawh..Samuel-a kekawr gray rawngaah chuan a baw huh thla nuai a,Pekpek-a lah chuan thilpawi a khawih a ni tih a inhria a,hlauthawng lutuk hian Bang ngheng in a Ding tawm chaih bawk a,sawitur ka hre lo..’Liz…..a-ma…’ Bawihtea'n a rawn tih chuan a aw a tham chal a,a khur deuh bawk..`Ma’..tiin min ko zen zen lo,min koh tawh chuan ahlauthawng lutuk in zun a cheh hial thin.”oh….Bawihte…a pawilo…mahse,Sorry tih i sawi angai ania” tih pah in ka pan a,ka pawm kang nghal nawlh a,ka Mitmengin Samuel-a hnenah thupha ka chawi mawlh mawlh a ni bera,a kekawr lah a huh val kulh maia. Mahse,ani chuan a kekawr lam a ngaihtuah hmel loh..

Kan Nufa chuan min melh tawn sek a,’I fapa em ni?”a tih chuan nuam ka ti lo,ka kawchhungah hlauhna a lo awm nghal zat. "Apu….ka tih palh…” Pekpeka'n ati sep a,min kuah chaih chaih a,ka rin loh deuh hian Samuel-a chu a nui ta suk ’a pawi lo, tihpalh a awm ve thin alawm…engmah anilo e..Inah Kekawr dang ka ngah alawm” zaidam zet hian a ti a,Kan Nula in chhuat a tihfai sawk sawk lai chuan,”ka Fapa anih hi…..chuan ,minlo hrethiam la..kan Rual in ilo kal thei angem?,I kekawr kha ka lo tifai ang’ ka ti nghal sawk sawk,min melh reng tih ka hriat avangin  ka en let ngam lo..”Apu….khatiang tihfai kha chu Liz-in a thiam lutuk,ka intih balh pawn a tifai leh vek zel..” Pekpek-a chuan a rawn ti leh a,a nui nghal huk huka, kum tamtak liam hnu a a nui ri ka hriat vawikhatna a ni hial maithei. "Chuti maw???,nakinah In in ah ka lo kal ang a, ka kekawr hi ka rawn dah ang aw…mahse,tunah chuan ka buai deuh a,ka kal angai tlat a’ a ti dam duai a,”a zia lo hle mai,chak deuh a tlan pah a min kuah hi a ching laklawh a..”ka ti leh niah niah.”A pawi lo,tupawn thil kan tisual thei alawm,a ho lutuk,ka kal phawt ang,kan la inbe zel ang chu’ a ti zang leh vuha,Pekpek-a biangah a piai zauh a,a kal zui ta. 

Pekpek-a mut hnuah a muhil lai ka en reng a, vawiin khan Samuel-a khan vei zawngin Thil a ziak a,a kut a phar chhuah emaw,engpawh a ban a piang khan a veilam a che hmasa zel tih ka hriaa,a Fapa hian a lo chhun anih ngei hi,a kut Veilam a hmang thiam zawk tlat a,keiin Dinglam ka hman thiam laiin a Pa a chhun anih ka ring thin kha a lo dik ngei e,mahse…a Pa tih em tur zawng a ni lo,Fapa a nei tih a hre lo a,ka Fapa bik chauh a ni…hria pawh ni tehreng se a duh kher nang.

Duh aiin Samuel-a nen kan inhmu ngun ta riau mai,Dawrah a lo kal leh zauh thin a,mahse kei min hmu tur ni loin thil a rawn ei thin a,kan Customer a ni a,ka hnar ngawt thei lo va, hnawksak lah a ni ngai hek lo. A lo kal apiang In Asawm-i ka lo beisei ruthin a,mahse,tumah arawn hruai ngai lo..an lo Innei reng tawh ang ti dawn ila,ani ang Mizo zinga milar kan neih ve hian nupui a nei anih chuan a lar laih dawn tih ka hria. Thil a rawn ei ngun danah an eitur kan siamsak kha a duhzawng a lo ni a ni ngei ang.

Pathian zarah nitin Customer kan ngah ve tial tial a,Order a tam ve zel bawk nen ka Indaih lo a,Chennai ka awm lai a ka hmelhriat Cook tha zet mai,Mawia ka be pawp a,ka bula rawn thawh a lo duh hlauh bawk a,Tlem chuan ka indaih ta deuh..

‘eheu….nangni Nufa chu ka tum loh lam ah ka hmu che u’ Mipa aw thum lam hian a rawn ti a,Sangpuii te Inah Pekpek-a nen kan awm a,thla thar maiah Sangpuii hian pasal a nei tawh dawn a,ka hnial Nasa teh nangin Thianah min hman a tum bur a,ka hnial hneh ta nganglo. Inneih kawr vel Internet lamah kan en kual a,chutia Samuel-a rawn lang ve thut chuan ka awm a ti nuam lova. Pekpek-a lah chuan ngaihven lo zet hian ka Phone-ah Hill Climb Racing game a khel a,Samuela enin ka nui lui sak,’Nia…nangpawh’ ka ti liam puat a,a nui ve a,Pekpek-a bulah chuan a thu thla ve nghal a,an han thu dun chiah chu zep rualloh in an In ang thlawt. 

’Hey…..inlo inhria elaw?” Sangpuii chuan a rawn ti hluai a,kan Inmelh zawk a,’eeee…..ka hre leh si,kan Tleirawl lai khan ka B’day lawm naah in in hmutawh tak e,in va in hre rei ve a…’atih zawm leh hluai a,Phawk zet hian Samuel-a ka melh a,ani pawn chiang takin min lo en ve bawka, ka hawisawn leh thuai,’chutiang a ni hleinem,Chennaiah khan kan inhmu a,chuan an Dawrthar hawnnaah khan Refreshment kan buaipui leh bawk a..’ka ti zung zung a,ka awah chuan Chhan ka ngai hmel kher bawk.“nia..’ Samuel-a chuan a lo ti ve a,"Kan Tleirawl lai in kan inhmu anih pawn ka hre tawh lo reng reng,kan inhriatchian nachhan zawk tak chu Pekpek-a hian a Kekawrah Coffee a tih buaksak a…’ tih pahin ka nui lui hak a,ka Melh leh zawk a,a hmel landan a lo inthlak a, alang rum ta riau chuan minti khur a,ka en rei ngam lo.Pekpek-a lah chuan a la ngheng ar ar zui.

Haw loin chaw kan ei nghal a,kan tawng bawrh bawrh nachungin Samuel-an min hawisawn san meuh lo a ni ber,ka va melh apiangin minlo en run thin a,awm pangngai in ka awm thei meuh lo…Engmah a hriatchhuah loh nan ka rilru in ka tawngtai ru mawlh mawlh a,fa nei tih a hrechhuak anih chuan awlsam tak in min pe kher lo thei ve tlata, engmah ka hrilh loh vangin min khing chiam ang tih ka hlau bawka. ,DNA Pawh a test tir duh hial maithei,mahse….aaw, LALPA..hetiang thil hi chu thleng lul suh se..

Ka muhil hman tep tihin ka Phone ah Msg a rawn lut a,tun ang hunah tu tak nimaw ti chungin ka hawng a,Number ka hriat loh a lo ni a..A msg ka chhiar chu ka mengphawk nghal vak. ’Pekpek-a pa kha khawiah nge?” tih ringawt a lo ni a,ka Lungphu a rang nghal a,a phu dawt dawt a ni ber. Kan dawra eitur an rawn order khan dawr phone atang hlirin kan inbiaa, ka mimal number min dil lo va, a number ka nei bik lo ang bawkin ani pawn ka number a nei bik lo. Tu nge pe tu tur ka rinhriat nghal mai. 

Sangpuii ka Call nghal a,’ka Number pek i nei em?” ka ti nghal tawp,a thaw huai tih ka hre thei a,’Aw….Samu-a ka pe,a lo bia che ni maw? …ava che rang ve” nui hak hak chung hian a rawn ti a, ,ka nuih a za ve miah lo,’ka number tumah ka thu lo-in lo pe tawh suh” ka ti hmak a,ka Off zui hmak bawk,ka tawngkam a mawi lo tih ka hriaa,mahse,ka in Cntrol hman tawh lo.

Msg a rawn thleng leh a, “Liz…..ila muhil lo tih ka hria,Inbiak kan ngai,Samu ka nia’tih hi a rawn thawn leh a,ka tih ngaihna hre lo beidawng lutuk chuan ka Phone ka Switch Off ta ngawt a,chumai pawh duhtawk lo in Battery ka phawi zui leh bawk ….

SOCCER – 5

Ka muhil thei thak lo,thil chi hrang hrang ka ngaihtuah kual vel a,hlauhna in ka khat ni a ka hriat laiin enge ka hlauh ber erawh ka hre si lo..ka awmdan atthlak zet ah khan ka Inpuang a ni thei angem te ka ti leh hnuhnawh thul. 

A tukah pawh hna lam ka ngaihtuah thei lo,nidangah chuan ka nu emaw,Kan nula te dawr lam a awm, a hman hman in Pekpek-a an hruai mai thin a,mahse,vawiin chu keiman hruai ka duh avangin an ban hun aia hma daihah Dawr ka chhuahsan a,An School kawt ah ka lo nghak ta ran mai. An ban a hun chuan naupang rawn tlan chhuak nak nak zingah chuan muangchang hian a lo kal phei hnek hnek a,zawn nei tih hriat deuh hian a rawn hawi phei dak dak bawk a,a rinloh deuh in min hmu a ni ngei ang,a Ding det a, khek raih pah hian chak zet hian a rawn tlan phei a,min rawn kuah chawt bawk. Ka va han Hmangaih tak em,ka ta,Ka Fapa bik liau liau a ni a,ani reng bawk ang.

“Liz….a hma ah hian ka Ding thei em?” min melh chho ha pah hian a ti a,a biang a tai hlar a,a sam dum hlap chu a thur deuh hianga,a Helmet ka khum tir hnuah ka thu hniam a,’min kuah phawt la,chuan i duh duh naah i chuang thei” ka tih veleh rang tak hian ka nghawng ah a rawn kuah a,’engtin nge tih tur kha?” ka ti leh a,”khawvel zawng zawng ah A-ma a hmel tha ber” a ti nghal vat.abiangah ka fawhsak ve bawk…Dawr kan thlen hma zawng a tawng char char a,sawitur a hre reuh lutuk chu ka nuih a za a,a hmeltha si,mi te pawh hian tha an ti ve tho hian ka ring thina,mahse mi zawng zawng hian mahni naute chu hmangaihna avang pawhin kan hmu tha vek zawk thin a lo ni. 

Dawrah kan buai hle nachungin Sangpuii te Inneih hun a hnaih tawh bawk si avangin Dawrah pawh ka awm mumal hman lo a,Ka awm hman loh chang chuan ka nu a lo awm mai thin a,Dawrah Pekpek-a Home work pawh an ti zo nghal vek thin,ka haw meuh chuan a lo mu tawh anih loh pawn Mutchhuak chung chung in minlo nghak hram a ni ber zel. 

Samuel-a nen kan inhmu leh zauh thin a, Polite takin min bia a, Pekpek-a chungchang engmah a sawi zui tawh lo va phone pawhin min rawn be zui hek lo. A fa a ni tih a ringthiam anga, a hre duh lo emaw, a ngaihven zui lo hrim hrim pawh a ni thei a,a eng zawk zawk pawh ni se pawi ka ti lo ve ve,a sawi chhuak tawh lo hrim hrim hian minti thawveng hawk zawk.

Sangpuii te Inneih niah chuan keini chhungkua pawh kan kal kim a,Sangpuii te lam in Man hlanni a mi tur,Ruai siamsak tur a min ngenna chu harsa dawn mah se ka Best Friend anihna ang pawh in ka bat veah ka ngai a. Ka nu leh Mawia kutah ka dah vek a,ka hlauthawng deuh viau nangin mizo chaw leh chawhmeh lam hi chu Ka nu thiamzawng a ni bawk a,Ruai eitu te pawh in an fak hlawm viau vek. Dawr hi ka hming anih avangin hmingthat zawng zawng ka chang vek thung.Hlim tak in thlah liam ka duh tehlul nen,harsa ka ti a,mal ta riau a inhriatna leh Pasal a neih chuan kan in hlat sawt tawh rinna ka nei a, duh hun hunah kan inkal pawh thei tawh lo bawk ang a. Hman atangin Buaina leh Harsatna ka neih in ka pan ber thin a,dawhthei tak in a ngaithla a,min puih dan tur a dap thin.Mahse,tunah chuan a Pasal aia dah pawimawh tur an awm tawh dawn der si lo. 

“Ka buai deuh bawk sia,Samu hian a va thlah mai ang che aw ‘ Sangpuii u chuan a rawn ti a,ka lu ka thing a,”aih,a ngailo,aharsa hleinem,Ka u in min rawn lam mai ang’Mangang ru zet hian ka ti a,ka hnung lam a nui ri,Zawi deuh chu ka hre nghal zat bawk .’I u va tibuai a ngai hleinem…Kan Call ange. Va thlah che Samu tan a har lo, in in hre sa tho bawk alawm” ati leh zung zung a,a Phone a phawrh a,Hnial a sawt lo tih ka hria,beidawngtak hian ka thaw hap a,sawi tur ber pawh ka hre lo.

"kal ila…’ Samuela'n a rawn ti a,Pangngai thei ang ber hian midang ho ka Mangtha a,a lam ka hawi chuan min lo la nghak a lo ni a, ka kalna tur min ken chuan ka melh zawk a,a hmelah chuan Nuihzatna a lang a,ka hawisawn nghal hmak. Pawisak nei lo hmel tak hian Dak vah in ka kal pel ta hmak. 

“I tlanchhe rei tawh deuh lo maw?” a tih chuan ka melh nghal hra a,a Motor khalh lai chauh ngaihtuah niawm tak hian hmalam a en renga, za lo zet hian ka nui hak,’Tu lakah maw? eng vangin nge ka tlanchhiat lem ang?,engmah tih sual ka nei hleinem” ka ti let hmak a,’ani maithei…mahse,keichuan i tih sual ka hria alawm” a ti ta hmuk.

"Enga? Enge ka tihsual anga? " Nui lui chung hian ka ti a, nunhlui kan lo nei dun tawh tih hria anga lan ka tum eih lo. 

’Khawiah nge Pekpek-a pa?” ka zawhna chhang loin a ti a, ,”a thi tawh” ka ram hmak a,a ni erawh a nui ve thung. chuti maw? …ava pawi ve” awihawm loh khawp a damin a ti a, a mood inthlak zung zung chuan minti nervous zual em em maia, Pekpeka chungchang sawi zel duh loin ka ngawi ta kara, ani pawh a ngawi ve ta reng bawk. Kan In kan thlen thlengin engmah kan sawi tawh lo ve.

"Ka lo leng lut thei angem?’ motor kawngkhar ka hawng chiah tihin a ti a. Ka hawi leta, ,”aw…..aih…I duh duh dan a nimai”ka ti bah nawk. 

Ka u in Tv a lo en a,Inchung stepah pen thawm a a rawn ri thla dat data,atawp leh chat a,ke a rawn lang a,ke neituin a rawn bih leh dek dek a,a awmdan vel chu a va han cute chiang tak..Samulea en pahin,’lo thu la,kan inthlak fel a nge,chuan ,u….hei hi Samuel-a anih hi..i tan deuh thin kha” ka ti kher a,Ka u lah chuan a hriat thu a lo sawi nghal thuaia,inkawm hrep tawh thin ang mai hian Step a ka chhoh lai chuan an inbe nel nghal mai. Ka u hi a tawng tam loh tehlul nen,thil mak ve tak chu a ni.

“Liz….a pu khan a kekawr vang khan min hau dawn  em ni?” ati tham chal a,engtin nge maw alo la hriat reuh ni?? Sangpuii te in a a hmuh khan hlauawm pawhin a awm si lo. Kan in a a lo kal takah chuan a hlauthawng veleh ni ngei tur a ni.

"nilo e..a lo kal mai mai anih kha,Khum a i Toys ho hi dah tha la,Khum ah khawih tawh suh ka tih kha” zaidam tak hian ka ti a,ani pawh chuan thuawih fe hian a hnawl thla a,a bawmah khung tum hian a lawn nghal a..

“U…..khawnge Kanu te hi?” ka ti a, Pekpek-an ka kut a vuan ran mai. ’Inhnuaiah a kal lawk anih kha..Thingpui hang i lum dawn em ni?” ati nghal zat a,ka ning thin tih a hria a,Inleng ka neih chuan ka phun dawn lo tih a hria a ni phawt ang.

Thingpui nena ka let leh chuan Samuel-a bulah Pekpek-a alo thu kak a. Samuela phone ah Games a lo la khel zui.Puitling 2 te erawh chuan Football chanchin an lo sawi dun a. “Pekpek…midang Phone kha khawih loh tur a ni em kha?” an ep chiah a thut pah chuan ka ti a,”khawih rawh se,Naupang duhzawg deuh ka nei a’ Samuel-an rang fe hian a lo ti a,chiang zet hian min rawn melh a,ka tim sawk thei.”Mahse…..”ka ti leh hram a,a lu thing ka hmuh chuan ka ngawi ve ta zawk.

’Liz….A pu hi ka zawt a,a Kekawr kha a man a tifai vek a ti a” atih chuan ka melh zawk a,a tawng pawh a ngaihsak zui lo,a Game khelh lai ngawt a en a, Samuel-a lah chuan a kut veilam in a kuah bawk. Vawi tam pawh an inhmuh hmain ka duh aiin an in ngaina hret a ni ka ti ru nauh nauh a. Ka ngaihtuah let hian kan In kawng leh kan in awmna kha ka hrilh hauh lo chungin a hre dik chat a, a hunlai khan kan inhnial na ngawt kha lo ngaihtuah a,khatiang lam ka lo ngaihtuah miah lo.‘Asawm-i hi ka va hmu ngai lo ve” ka ti deuh thuta. "nia,a awmlo a,Thla thar lamah a lo haw ang” ati tha ve mai.,”Anih chu ….in Innei mai dawn emaw ka lo tia,In inhmeh khawp mai” ka tih zawm a,Ka u chu a ngaihna hre lo hmel zet hian a awm a,kan inhmuh dan vel tlangpui ka hrilh leh riha, kan han sawi kual vel takah chuan Asawm-i kha ka u hriat zawng tak a lo ni a,Mahse, maktakin Samu–a hmelah chuan Asawm-i chanchin a sawi chak vak lo tih alang a,engtizia nge mawni dawn ni??? 

Mak takin Samuela nen kan inhmu palh nge ka hre lo,kan inhmu thei em em maia. Kan In ah a lo kal ta zauh zauh bawk a,hnar ngawt tur in engtinmah min ti silo. Pekpek-a lah hian a hmuh tawh phawt chuan nuam a lo ti ve tum hrang zel bawk.

”Fb ah lut teh, I lar thut mai” Sangpuiin min rawn ti a,zawhna pawh zawh a hmain a off a, Fb ah ka Lut ta thuai, mahse keimah lam kaihhnawih engmah ka hmu lo. ”engmah ka hmulo” MSG in ka va ti a, ”eeee….Group ah ka lo Add ang che,a bawn animai”ati leh a,min rawn add veleh ka lut nghala, ka thil hmuh chu ka awih lo zawk. .“Mizo te’n Footballer kan neih that,chawl ta Samuel-a chuan Nupui a nei hnai dawn niin a lang, a hun erawh a la chiang chiahlo..” tiin an ziak kuau a,a Hnuaiah chuan Kan 2 thlalak a awm bawk a…An postna group chu fiamthu group deuh ni mah se comment na ka en chuan fianthu zawnga comment a awm lo. Lak thutak loh ngawt chi anih loh avangin Samu-a ka  call nghala,a Pick veleh chuan eng dangmah sawi lo hian..”enteh….Fb ah khan ilo hmu em?” ka ti mawl tawp, ,”um….hmu e….”arawn ti zang vuha, kei ang in a Buai ve ruai lo anih hmel a, anni ang milar ho hi chuan troll an hlawh em em a, an bialnu ni miah lo pawh an bialnu anga chhuahsak chang lah an ngah. Chuvang takin a chiai ve lem lo anih hmel

“engtin nge kan tih dawn? Ka tih tir a ni miah lo ania” ka ti hapa, a Nui a,“I tihtir dawn lo Tih ka hria, Ok..Tih dan vak a awm chuang lo va, an sawi ang kha nimai se a tha in ka hria” a rawn tih chuan a la thutak lo tih ka hai lo. "Enteh, Fiamthu hun a nilo ania. ” ka ti bul hmak.,"Ka Fiamthu hleinem, lawk, Phone kha i vawm chhe hlauh ange”a rawn la ti ta deuh deuh…A rawn tawng chu a hnai riau hian ka hriaa, midang an awm ve tlata ka hriat avangin ka din na atanga Kawngkhar lam ka hawi phei chuan a lo ding reng chu niin, nui suk chung hian a Phone a lek kang nghal zauh bawk. 

SOCCER – 6

Rum lutuk in ka melh kawk a,tawng tum a ka ang zuau tawh chu a kut lehlam a School Bag tereuhte a khai chu ka hmuh rualin ka tawp chat a,"Pekpek" ka ti sep. A bag ken a rawn khai kang a,`i fapa i hruai theihnghilh a,an School bul ah ka kal remchang hlauha, ka rawn hruai nghal mai” nui chungin a ti zuia, a hnung atang chuan Pekpek-a chu hlauthawng hmel zet hian a rawn dak ker bawk. 

`Awi,....ka buai lutuk a,an ban ala hun lo emaw ka tia" tih pahin ka pan hnaia, ka kut a rawn vuan vat. 

In lamah inthlak tur in ka hruai haw a, polite lo zet in Samu-a pawh lawmthu ka hrilh lo,ka kalsan mawl tawp a ni ber. A lo lam vanga ka thinrimna ai chuan a hnaih zual zel tih ka hriatna hian minti hlauthawng zawk. 

Dawra ka let leh chuan ka beisei loh zet in a lo la awm ta reng,min hnungchhawn zawngin a thu a,a lo la awm reng aia min thawng nasa tu ka la hmu ta cheu..

Asawm-i a lo thu ve reng chu niin,engmah sawi lo hian ka Cabin ka pan nghal a,diktak chuan a hranpa taka room neih hi ka mamawh lutuk pawh a ni lo va, mahse thawktu zingah nawmsam loh chang awm thei a ni a, kei ngei pawh hi nawmsam lo leh chauh chang  nei thei ka ni a, chumi atana room lian lo tak hi nei ka ni ber. 

A lo la awm reng tih ka hmuh khan Thuthang dik lo kha kan sawi dun dawn emaw ka ti hmana,mahse,a lo ni der lo.

Inchhut fel tumin Computer ka On a,mahse,ka beidawng thak...ka melh ngai ka lo melh leh veng veng thin.

“Liz....Apa hi khawnge a awm?’ Pekpek-an a ti thut a,ka thil khawih lai ka tawp nghal chat, chhan mai dan tur hre lo hian ka en a, a hmela zawhna awm chu namnul mai chi ni a ka hriat loh avangin, "a thi tawh alawm” ka ti ta ngawt peka,mak takin a hmeltha tak mai chu a ngui ve nghal raih. Tunah hian kum 6 a tling ve tep tawh a, a kum phu loin a la fing em em zui bawk nen,reitak hi dawt ka hrilh thei lo tawp ang. A thuhrimah dawt ka sawi ngawt mai hi ka tih loh tawp tur tih ka hria. Mahse...engtin nge Samuel-a hi Apa a ni tih ka hrilh theih tehlul ang???,

`Ih maw, Ben-a te pawn Pa an nei vek a,ka duh ve em mai,anih chuan engtikahmah Apa chu alo haw tawh dawn lo tihna mi?’ ati leh a,a aw a tham chal a,sawi mai tur ka hre lo. 

`Apu te,Api te pawh an awm vek a,keichu nuam ka ti” nui lui chung hian a rilru lakpen tumin ka ti a,Naupang fing tak nimahse Naupang rilru thianghlim tak anihna a lo lang a,a nui ta seng,`nia,nangpawh i awm bawk a” a lo ti ve a,lehlam ka hawi thuai a,ka Mittui tla hi ka Fapa hian a hmuh ka duh hauh lo. Samuel-a ka haw thar a, khawiah pawh awm se kha lehchen ka hmu lo theia, engvangin nge tunah ka hmuh leh kher kher ni? a lo lan ve hma khan ka hlim a,ka tan mualphona min thlentu nimahse Pekpek-a min pe a,haw viau tur ka nih laiin ka haw ngai lo,a tirah kha chuan ka lungawi lo em em thina, Ka Mipa hnimhnaih chhun niin zankhat thil thleng lek pawh nise hriatreng tur min hnutchhiah a,a tan chuan a hmeichhe kawp tam tak zing a Pakhat ka nimai,..Aaaa....kawp ka ni phak lo,a mah at chilhtu,a tana engmah ui lo te ang ka ni zawk,vawikhat inhmuhnaah ka inpe ngawt a,a tan chuan hriatreng kher ka ngai lo tlat alawm..Mipa Hmeltha leh Pa bawk,Mi hipna ngah em em,Sum ngah bawk,Lar em em bawk tan kha chuan a mutpui zawng zawng chhinchhiah vek tul miau hek lo le. .Tunah chuan sawm-i a lo haw tawh a,ka hmu ngai tawh kher lo ang,kan chanchin thuthang dik lo kha chu Asawm-i an hmuh veleh a reh maiin ka ring bawk. 

“Nimin khan Fb ah ka hmu che u a” Mawia'n a tih chuan ka hawi buai lui a.`Kan in friend renga, min hmu ang chu" Ngaihsak lo tak hian ka ti a, "Over lo teh.ka sawi tum i hria tih ka hre vel" a tih takah chuan, "nia,a zia lo tak tak,mi hi thil an hrethei mah mah” ka ti ve ta nge nge. 

" Dik chiah, mahse a lo kal ngun bawk sia,keipawn ka lo awih hman as in. A Bialnu kha lo hruai lo phei se chuan in inkar ka hrechiang bik kher lo ang” a ti leh a,a bialnu tih chuan min fan raih mai. Kei hian eng nge maw ka lo beisei chiah le tiin ka ngaihtuah a, kan In a a lo kal zeuh zeuh vang khan ka bialpa turah ka lo beisei tak tak nge Pekpek-a vang zawk?ka Lu ka thing nawk a,kei chu heti mai hi ka ni,Tleirawl mawl tak,engmah ngaihtuah thiam lo a Naupai,chhungte vang liau liau a hetiang a mahni ke a ding ve thei mai chauh hi ka ni a.Ani kha beisei ngam tur ka ni lo. Diktak chuan Mipa,min beisei tu hi ka hmu lo a ni bik lo,Pekpek-a hian Pa hrawn a neih hi ka duh lo bur a,ti lakah mah beisei awmin ka awm ngai lo va, tuman min beisei zui lo bawk.

Ni a liam zela, Ka rinlawk ang ngeiin an 2 in ka hmu ngai ta lo,ka hmuh ve zeuh pawn Motor a khalh lai a ni deuh zela,kan chanchin dik lo pawh ka beisei ang ngeiin sawizui a ni ta hek lo. Asawm-i nen an chanchin zawk hi ka chhiar fuh leh zauh thin.

`Enteh,kartharah hunawl i nei thei angem?,Huan ah kal ila..” tiin Sangpuiin  min rawn bia a,Calendar ka en thuaia, Friday lo sen va mai. Pekpek-a hi School chawlh ni pangngai-ah lo chuan chawlh tir ka duh lo thin. Friday ah kan theih ka rin thu ka hrilh let a,chawlh emaw,han chhuah thawven hi ka mawmawh ve reng reng in ka hria. Pekpek-a hnenah a nu Sangpuii te huna kan kal tur thu ka hrilh chuan a lo la phur phian zui..

Kan kal dawn zingah ka insiam lawk vek a,naupang hruaitur ka nih avangin eitur ka pai teuh bawk. An Huan hi kan kal fo a,thlai tam tak a awmin In lian vak lo,huan enkawltu te awmna ni nghal a awm a. Lui lian vak lo,kawrte ang chi hi a piah lawkah a lung dam dam bawk. Sava an tam a, an chiar ri nawk nawk thin chuan nun a ti hlim a,hahdamthlak ka ti ngawih ngawih thin.

Door Bell ri ral ral a hriat veleh hmanhmawh tak hian kawngka hawng turin Pekpek-a a tlan nghal nalh a,Sangpuii te annih ka rin tho avangin ka Bag ka ak ve nghala. Atirah chuan Scooty in kal ka tum zeta, a thui tham ve deuh bawk nen Pekpek-a Scooty a kalpui ka huphurh leh lawia,Sangpuii te Nupa in min rawn hruai pawi an ti lo bawk nen keipawn ka hnial lo.Mahse,ka rin ang in Sangpuii tawng ri ka hre mai ta lo. Step atanga Inhnuai ka zuk en chiah chuan a chhan ka hre nghal a,Pekpek-a leh Samu-a lo ding dun ka hmuh chuan ka hrilhhai viau. Min rawn hmu ve lo bawk a tiin ka dinna ngaiah ka ding ta reng. 

"Liz...lo tlan rawh,Pa Samu-a alo kal tawh ania” a rawn ti lauh lauh a,ka la che mai lo. Step chhuat Thingphel a rawn rah rik rual chuan ka let tham tham a,Chhuak tur chiah ang hian ka Chhuak tha leh a,engthil nge ka tih ni?!!!,ka Fapa pawh bum ngai tur khawp in enge ka tihsuak zawk ni? 

Samuela chu thu lo in a lo la ding a,Cotton kekawr bul, tlem a tial hlek a ha a,a Jumper chhah vak lo chi a pawl a ha bawka, a lang tha vel vek a ni ber,`Sp-i te kha tih kual tur an nei leh sia,In in lam ah ka rawn kal kual tho a,keiman ka rawn lam mai che u” a lo ti nghala,midang kalve tur an awm leh awm loh zawh nachang ka hre lo chu mawl ka inti hnuhnawh viau,he mihring hi a kal ve dawn tih hria ila chuan ka kal dawn der si lo.

`Awww,chungte chu min rawn hrilh mai se tha tur ania,keimahni pawn kan kal thei tho sia” ka ti hulhak,mahse ka sawi tawp lamah chuan Pekpek-a nen an lo in zui chhuak hman der tawh a,zui ve mai loh chu tihtheih awm hek lo,tui lo ru zet hian ka zui ve ta hna hna. 

Motor lam pana ka kal paha Motor chhung a lo thu ka hmu erawh chuan ka ding dat a,keimahni min lam tur hrim hrim in a lo kal emaw ka lo ti leh hman pek kha ania,Mawl lutuk tiin keimah ka inhau nghal zat.

Asawm-i chu a rawn dak a,nelawm taka nui chung hian, ,`min la hria em?,kei chu ka lo hai leh tawh che a” a lo ti a,`a awm tho alawm,kei hi mi ka hre rei thei a,ka la hria che” ka ti let ve nghal vat.

Pekpek-a nen a hnungah kan thu a,Hmalam ka hawi apiang in darthlalangah chuan Mit meng thim raihin min lo en thin a,ka en rei ngam lo. Pekpek-a a dak chhuak vauh vauh a,min zawh duh a nghah bawk si nen keipawn pawn lam ka hawi ve ta zawk..

Sangpuii ka hmuh veleh thinrim deuh mai hian ka chhuahchhal a,`engatinge midang an kal ve dawn tih i sawiloh a?” ka ti hlak a,ho tih hmel tak hian, ,`ka sawi chuan i kal duh nang “ ati liam puat,Rum deuh in ka melh ram rama,engahmah ngai lo hian a nui hak hak a,`kan tam chuang hleinem,Ka u leh Samu te 2 anni mai a,a tawk chiah alawm” a ti leh then a,a sawi zo chu a la kalsawn daih zui.

Phur lo takin ka inthlaka, Pekpek-a pawh a thawmhnaw ka thlak sak a,midang khawiah nge an awm pawh ka hre hlawm lo. Kan nufain Luiteah kan awmdun a,Tui kan khuap a,Chakai tereuhte te ka man pui a,Nuam tizet hian a au leh raih thin a,keipawh kan thlen hlima ka phur loh ang aiin ka hlim a, nuam ka ti ve ta viau.

`Nuam in va ti bik ve” an rawn ti thut a,berh phung in ka hawi chhuak a,Mipa pakhat hian kan Nufa che vel chu hmuhnawm tih hmel zet hian min lo thlir reng maia. Palian tak, hmel erawh  tha fahran lo a ni a, a hnar  a sang mah mah tiin ka lo ngaihtuah leh hman hmawh bawk,`nia...nuam lutuk…Min hrethiam la, Sangpuii te ruala lo kal em ni i nih? " ka tihzawm nghala. 

"oh...nia..Sangpuii Pasal nen hian kan incousin a, Rinawma ka nia” ati zung zung a,a Ha var rual zet lang that hian a nui a,a ngainatawm hmel viau. Tuiah a rawn lut ve a,Pekpek-a lah Pa nei ngai lo,Nu infiampui than a ni a,chutia mipa puitling in a infiampui ta chu nuam a ti lehzual a,a nui kher awr awr ri in a khat a ni ta ber.

Kan duhtawka kan infiam hnuah Pekpek-a a pawm phei a,reilote mahnise an innel hman viau,kan bal hlawm bawk si,an 2 Slipper khaiin an hnungah ka zui dat dat a,Pekpek-a lah chuan zawhna mawl mang tak tak in a zawt a,dawhthei tak hian a chhang zel bawk. Verandahah an lo thu thap hlawma,thil an lo ei mawlh mawlh tawh. Kan 3 a kan inzui phei chu min lo thlir a,an hmel landan a in ang lo hlawm kher bawk.

"Ehe…Chhungkua chiah chiah’ Sangpuii chuan a ti chhuak hluaia, Samuel-a hmel landan chuan min ti tim viau. Mahse, Chhungkua kan lo ang chu Rinawma’n pawi a tih loh phawt chuan pawi ka ti chiang lo va,engvanga lo rum ve em em nge anih ka hre hek lo..

Rinawma'n min rawn en a, ` i tifai phawt dawn nge eitur i pe hmasa dawn?” tih pahin Pekpek-a lam ah a bu nghat a,`ka lo tifai lawk ang..Bawihte,lo kal rawh le” ka ti nghal zat. Thil an la ei emaw ka tih laiin  Samuel-a a tho thuta,a a kalsawn zui nghala, angaihna hriat loh hmel zet hian Asawm-i a hawi ha mai. 

SOCCER – 7

Bath room ah ka bualfai sawk sawk a,`ka riltam ania” a lo ti ve sek bawk. A Thawmhnaw fai ka hak tir leh hnuah Pawnah ka chhuahpuia, Sangpuii te Nupa chauh anlo awm a,kan eitur ken ka khai chhuah chu ka phawrh pah mawlh mawlh,kan lo riltam nufa tawh ngang aniang. Tawng miah lo hian kan ei dun mial mial a,Sangpuii te nupa thil sawi sep sep pawh chu ka ngaihven hman lo..`Muangchang khan ei ula mawle’ ka bul a rawn thut pah chuan Rinawma'n  a rawn ti a,a lo Intifai vek tawh a,a lang thar sar bawk,`kan lo tamchhawl lo chauh anih ber hi maw,nangpawh ei  ve nghal la” tih pahin Cake leh Appy chu ka nawr phei a,a lo ban ve mai bawk. 

“Thiannu,Pekpek-a hi lo en lawk ula,ka intifai ve zuai duh a’ tiin Sangpuii ka bia a,a bu nghat.Sangpuii hi chuan min duat sak em em a,a bulah hi chuan ka hlauthawng lem lo.

Muangchan chi a nih loh avangin ka Inhlip sawk sawk a,Shower mawlmang angreng tak awm chuan ka inphuh tir a,chirh ho lah chu an lo khir hman a,phun hlak hlak pahin ka tuai thla a. Ka rin loh lutukin Bath room kawngka a rawn inhawng thut maia, ka hmanhmawh em vangin ka lo kalh lo a ni ngei ang. 

Underwear chauh ka inbel si,thuthniam pah hian "ka awm ania" ka ti nghala, mahse Samuel-a a rawn lut fel der tawh!!!!

"Chhuak rawh,ka awm tih i hmu lo em ni?” ka ti that a,ka sawi hre lo ang mai hian min rawn phih tho lawp a,bangah min nawr beta, `Rinawma lo kal beisei in a ni lawmni i lock duh loh vel a?,kei ka nih avanga bengchhen kher angailo” a ti hmuk a,a aw a ringlo,a fiah a,a hlauhawm bawk. min pawm bet thut pahin Shower a herh haw nghal a,ka Thinrim lutuk avang in ka Taksa khuhtu awm lo pawh ka ngaipawimawh zo tawh lo. A sam Chhip lam, tlem a buk deuh chu ka man fuh a,ka kek ta chiam, ka kut a rawn man a, ka kek leh tur chu a indanga,ngawireng hian kan insual a ni ber. Ka Thinrim tluk zet in a thinrim ve tho niin a langa, engvanga hetianga rawn che nge anih ka hre thiam lo. 

A chet dan a thlak thuta,ka kut 2 hmer kawp chungin `Betty....duhtawk teh” zawi angreng takin a ti a, a sawi hre lo ang maiin ka tal laih laih. Bangah min nawr bet leha,ka Darah a hmuiin a rawn nawra,a thaw lum thar thar chu ka hre thei,`min thlah rawh,mihur emaw min ti em ni? Tu nge awm hnai che u" Tiin ka au zuia. A rum nghut mai. Ka au nawn leh tur chu min rawn fawp ta hmiah. Thleksawn ka tum chu hneh zetin min vuan beta, a chet zui dan chuan min ti hrilhhai a, ka taksain min phatsan ni berin ka hria. 

“Liz....i zo dawn tawh em?’ Bath room kawngkhar rawn ben rik pah hian Sangpuii'n a rawn ti a. `um...zo tep” ka ti let a, ka aw lawi lutuk hrep pawh chu a..`

"Hmanhmawh suh,Sairangah kan vaiin kan kal dawn ania,i duhtawkin inbual rawh,kan rei lo ang” a rawn ti lawng lawng a,ka chhang tawh lo..

“Lo va chhuak tawh rawh...ka inbual zawm duh” ka ti sap a,ka rinai tak in ka sawi mar tha,chiang zet hian min en a,`Bet....”a ti chiah chu ka ban ka phar ,`khati khan min ko suh,chhuak rawh” ka ti leh hrawk a,ka Hnute khuhtu awm lo chu ka hup a,a nui hawk maia,a meng de sawr sawr bawk,. Mahse,a mitmengah chuan hmuhsitna emaw ti el lam engmah ka hmu lo..`ok...inbual la,mahse,Inbiak kan ngai tih theihnghilh lo la” a ti dam thlup a,a chhuak zui ta a,a chhuak fel chiah tihin kawngkhar ka kalha, ka thu hnawk ringawt,engthil nge ka tih leh tak? Min fawh vang ngawta ka danglam nghal leh thil thleng kha ka duh loh dan vek a ni tawp maia, sawi pawh zahthlak zawk a ni. Sangpuii kha lo kal lo pheise chuan a tawp kan thleng thei hial ang. Zankhat thil vangin Pekpek-a hi a piang tih hre ngat se chuan min va han hmusit dawn em..

Verandah ah a lo thu thluang duai a,a thawmhnaw a lo thlak vek tawh a,a sam erawh chu a la hnawng chap thung. Ka hmu hreh lutuk chu ka luak te a chhuak a,ka khua a sik hial in ka hria a,Room ah khan ka muanglui viau chungin tawm reng theih anih loh avangin ka chhuak ta nge nge. 

Amah en miah loin ka kalpel a,In piah lawk a tlangpawng lian lo te awm ah chuan ka lawn a,thlang lama kawngpui awm a lang raih a..hla deuh taka Motor tlan chu ka thlir a,a ri erawh ka hre lo.Ka bulah chuan rawn ding ve an awm tih ka hria a,keimah a effect dan a dang lutuk a,haider theih a ni lo..`thil thleng palh anih kha" Tih pahin ka hawilet nghal a,`ka hria,sawi zui lo ang. Biak ka duhna zawk che chu a hran daih. Tun chauh hi ka zawt tawh ang che,tunge Pekpek-a pa hi?” a ti nghet churh. Nichin lawk a Tisa chakna avang a inthlahlel tak kha chu kan ang tawh lo,hmelhriatloh 2 inbia kan ni ringawt..`a Thi tawh ka tih kha..” ka ti deuh hmaka,a thaw hawk chu ka hre thei a,`um....atha e,mahse,kha zan kan hmandun hmasak ber kha ka la hrereng asin” atih takah chuan ka zawi vek theia..ka Thidang dawn emaw ka ti hial. Mahse,ka inti pangchanga, Hmalam en ngar chungin za lo zet hian ka nui lui a,`I va hrerei ve,Tleirawl lai thil anih kha,Theihnghih daih rawh,tunah chuan nupui i nei tep alawm” ka ti let a,min chhang lo. Thlifim rawn thaw chuan ka sam a chhem leng dar dar a,ka inkuangkuah a,a Tawng loh chuan Tawng ka tum bik lo.

Kan ngawih tlawk tlawk laia miin an rawn call takah chuan ka thawl hawk a,mahse ka la hawilet chuang lo.

`Sangpuii anih hi..engthil nge mawni le?” a ti sup pahin a Pick-up nghal a,`Hello...Sangpui,enge nita?,engmaw i sawia??” a ti zui tuar a,a kalsawn zui nghal a. Ka chhungrilah hlauhna mak tak mai a rawn lut nghal a,engvang nge tih ka hrelo..

“Betty...Khuaah kan kal angai..zawhna min zawt suh ang che ” a ti deuh tawnga, a aw  a khur ve in ka hria,a insehruh nasat danah chuan engmah zawhna chi a ni lo tih ka hai bik lo.Ngwirengin Motor-ah ka zui lut a,

Kan tlanchhuah hnuah ban chat hian, `Pekpek-a Motor in a su palh a,mahse...a na lo ati a” a ti a.. Phawk em em hian `engmaw??!!!!” ka ti tuar, ka khur nghal hlawk hlawk a,min chhang lo in ka kut a rawn vuan a,nghet zet hian a hum nghal a...

SOCCER – 8

Ka vai ruai a ni ber,`hlauthawng lutuk suh,a Na vaklo a rawn ti alawm” a ti dam thluam a,ka kut a vawn a thlah a,ka lasawn vat a,ka hum ruh ngawt ngawt thung,engmah kan sawi tawh lo. Khawchhung kan lut a,Bazar lam pan in kan tlan zel a,a chhe ber tawk turin ka rilru ka siam a,mahse,engmah hmachhawn ka inpeih chuang lo. A Phone a rawn ri leha, an inbiak danah Sangpuii bawk anih hmel a.An inbe zo chu Kawngzau laiah chuan a Turn pawp a,chak mangkheng hian a tlan chho leh a,Ka maimitchhing a,engmah zawt tur pawn chakna ka nei rih lo. A awmdanah chuan engmah zawh leh chuang tur a awm lo.Ka mittui ka biang ah a luangthla a,ka Mittui a tla tih ka hre chauh..`ok...Tap rawh,i duh phawt chuan...mahse,i fapa tan a Nu mittui tla hmuh kha a nuam dawn miah lo ania”a ti lo ti a,a sawi dik reng. Mahse,a Fapa a ni tih hre ve se chuan hetiang hian a tawng hauh lo ang.Ka  mengchhuak a,ka mit ka nuai chat chat bawk. Pawn lam ka hawi chhuah chuan Aizawl lam kan lo pan tih ka hre ta chauh a, engmah ka la zawt ngam chuang lo. Anihna takah chuan min chhan dan tur ka ngaithla ngam hlawl lo. 

Motor ding dawt ah chuan ka harh zawk niber in ka hria,Damdawiin bulah kan lo awm reng tawh a,ka zungchhuak nghal a,tlan luh mai ka tum a, mahse ka ke a zawi tlat.Motor bulah chuan ka ding leh riha.Samuel-an min rawn kuah a,`kal ang le..hlauthawng suh aw,i bulah ka awm ania” atih chuan tlem in ka thlamuang ve deuh chuan ka hria.Ka Kawngah a kuah a,hnial pawh ka tum lo. 

Casualty chhung kan luh chuan Sangpui'n min rawn buaipui thuai a,Pekpek-a lo mu chu ka en a, a meng lo va,a dang vek bawk. A Taksaah chuan eng eng emaw an vuah tup a,ka thaw a chham dawn in ka hria. `Hetah hian thu la,an en mek a,amah te hian a hlauthawng lutuk a, a thidang an ti a,a tha leh mai ang” Sangpuii chuan a rawnti leh thuai thuaia,hnial pawh ka tum chuang lo. Awm rawh min tih ang ang in ka awm tawp a ni ber.

Ka nu te lo thlen lai pawn mumal ka la nei lo,ka Bulah a rawn thu a,lehlamah ka pa a thu bawk a..ka melh ngai ka melh reng ringawt.

“Ka pi,Mipa Naupang saw i fapa tiraw?,Thisen pek a ngai a,thisen kawlsa kan hmang a.mahse,a la daih lo a,i thisen kan lo test dawn em ni” nursein a rawn ti a,ka Tho thuai a,mahse ka lu hai vangin pai dat.Samuel-a bawk in min rawn chelh leh a,tun tum chu Duh lo in ka lo thingthla ve ta thung,a Fapa damloh lai pawh a Normal taka a awm chu ka hua a ni ber. Mahse,a Fapa a ni tih hre miau hek lo le.

“Nu...kan chhungkuaah tumah a thisen milpui kan awm silo,engtin nge niang?"mangang takin ka ti a, Unit 1  awm se chuan a tawk maisi. 

" Betty...keiman ka pe thei ang,hlau su,kan buai phili lutuk a ka thisen nen a inmil reng tih ka lo Ngaihtuah lo va"  nui suk chung hian a rawn ti a,mak ti lutuk hian ka melh a,tawng loin a Bu nghut. `Lalpa...kan lawm e” ka nu in a tih sap lai chuan kei erawh chuan lawmna chhan tur engmah ka la hre ve lo.

Thlakhat zet Hospitalah kan awm a,Dawr pawh ka ngaihsak tawh lo,Mawia kutah engkim ka dah hlawm tawp a,Sangpuii te nupa leh Rinawma bakah Samuel-a leh Asawm-i te pawn min rawn ngaihven reng a,a Nat zual lai phei kha chuan min rawn awmpui tum a tam,an chungah ka lawm takzet bawk.A bik tak in Samuel-a chungah ka lawm zual a,a Thisen unit 1 avang khan ka fapa nunna hi chhanhim in a awm a,a Fapa a ni tih hre lo mah se kei chuan Pa in Fapa chung a atihtur a hlen ah ka ngai lo thei lo.

“Liz...Pa Samu-a hi vawiinah a lo kal dawn em?” Pekpeka'n a ti a,a Mitmeng fiah kak mai chuan min melh kar. 

`Ka va hrelo ve,engatinge a?” ka ti ha,`ih..ih...ka ngai a” a ti sep a,a hmel a tim dai bawk,ka beisei loh dan a min chhan avangin chhan let mai  dan tur ka hre lo. Kan 2 in Cabin chhung khumah kan mu dun a,ka mitmeng atanga thil zir ve niawm tak hian min en kiau bawk. 

"Eheu...nangpawn Footballer i ngaisang animaw?” tih pah in ka kuah a,ka nui bawk a,a nui ve hak hak. " Aw..i Phone ah a Number a awm em?,ka be duh eee” a la ti ta fo a,ka Fapa hi ka hrechiang viau, a duh tawh chu tihsak ngei angai thin,Naupangte nimahse a duh zawng tihsak loh chuan theihnghilh mah se rei vak lo ah a sawi chhuak leh ngei ngei thin a,tunah pawh hian a theihnghilh dawn lo tih ka hria. Ka Phone phawrin Samuel-a Number ka zawng a,ka Dial nghala,mahse a Ring ral thak.

"A buai aniang,Phone a la thei lo a,muhil phawt la,nakinah kan be dawnnia”thlem pah in ka ti a,a tum hmak a,lehlam a hawi a,`min be duh lo aniang” a ti vei hmak reuh a,a Ham zui bai bai bawk,ka Kuah a,ka Kut a hmet niap niap a,kan Muthilh lai pawh ka hre lo.

Tawng ri mawlh mawlh hian min ti harh a,ka thuchhuak vat. Keimah chauh in ka lo mu tawh a,Khum dang,Damlo awmpuitu te tan a an dahah chuan Samu-a nen an lo thu dun a,ka Tho chhuak hlawl chu min lo melh dun ha a,an va han in ang tak,`ilo kal alaw?,ilo kalna a rei tawh em?” ka ti nghala,a nui suk a,` rei tawh lutuk,i muhil lai pawh rei tawk kan thlir tawh che alawm..tiraw Bawiha?” tih pah in Pekpek-a lam a hawi a,ani tereuh lah chu a lo bu ve nghat nghat bawk. Sana ka en chuan thil ei a hun tawh tih ka hmu nghala, `thil in la eilo ang tiraw?” ka ti thuai,eitur dahna Locker lam  ka pan a,mahse,Samu-a bawk chuan,`ei tawh e,kan ei zo chiah” a rawn ti leh a,ka hawilet a,an 2 chuan ka melh tawn a,an la nui dun sang zui a.`anih leh USA ah engtin nge Football hi an sawi thin le?” Pekpek-achuan inti hre zet a zawt chung hian Samu-a a en a, Samu-a chuan a Lu a hiat a,`Ka hre miah lo,min hrilh mai la..” hre lo tak tak niawm tak hian a awm der a,Pekpek-a lah chu a phur tawlh tawlh bawk,“SOCCER mawle,ngatinge i hriat loh theih a?,Football i khelh tawh loh vang em ni?” ati leh a,Samuel-a chhanna ngaithla lo in Toilet ah ka luhsan ta zawk. 

“I la kal dawn lo mi?,vawiin chu a ngai tlat che a,kan tibuai ang che tih ka hlau hle mai” Pekpek-a muhil lai thlir pah chuan ka ti a,Pekpek-a a muthilh takah chuan Inpawh lo zet hian kan thu dun ta ran mai.. 

" Ti buai lo e,min rawn Call lai khan Traffic Point ka tlan pelh lai anih vang ania ka lak loh,mahse,he ta lo kal tum tho ka nia,ka rawn Call Back ta lo anih kha” ati dam thlupa,`Ka  lawm thin ngawt mai, kan tibuai tam tawh lutuk che u a,mahse,vawiin chu a sawi sek che a,a luhlul reuh lutuk a” ka ti sap,min rawn en a,`Inthlahrung duh suh, ka Fapa tan hun ka nei lo anih chuan tu tan nge hun ka neih chuan ang?” a ti mat ur a,ka hresual anih beisei in ka melh vat a,mahse,a Hmel ruh leh Phiar fatah chuan ka hresual lo tih ka hria,`engmaw i sawi?” ka ti thei hram,` ka Fapa ti ngam tur ka ni lo tih ka hria a,mahse,hai der har ka ti em a ni” ati leh a,a aw ki a hniam in sawi chhuah har a tih hmel kher bawk.

“ i Fapa a ni lo...” ka ti chang bawng maia,ka tho nghal that, Cabin pawn a balcony lian lo takah chuan ka chhuak nghal a,min rawn zui tih ka hre thei. Ka bulah a rawn ding a,Railing tereuhte chu a bawh a,Hmalam a thlir vang vang bawk.. Ka melh zawk a, a Hnar sang vah te,a Mithmul kual raih leh a Biang ki ruh sang vah mai te chu a inhmeh takzet. 

"engtinmah tinat ka tum lo ania,. Mahse Fapa ka nei tih kum 6 dawn ka lo hre lo hi chu i thiamloh niin ka hria” a rawn ti leh a.`i Fapa a ni lo alawm,lo ngaihven duh lo mai teh” ka ti leh hmak, a thaw deuh huai a,`Pekpek-a Thichhawnga a awm lai khan enge ka tihtur ka hre lo va,Thisen pek angai tih ka hriat khan ka lo rinhlelh rukna kha fiah a hun tih ka hria a,ka Ngaihtuahna kha a Thianghlimlo,diktak chuan kan blood group inan thu sawia ka pek theih thu ka sawi lai khan Pekpeka thisen milpui ka ni em ka hre hauh lo.A chhan chu thil dang ka lo buaipui avangin a blood group an sawi lai ka hre hman lo a. Anihna takah chuan Risk ka la a,ka tifuh hle bawk..” a ti leh duah… 

SOCCER – 9

Sawi mai tur hrelo in ka ngawi ta dak,amah bawk chuan,`ka sawi tawh ang khan tihnat emaw laksak che tumna ka nei lo tak tak ania” ati leh sup a,ka nui hawk a,engvang a nui nge ka nih erawh ka inhre bik lo. Inti paukhauh luiin ka thaw halha,,`Thisenah chuan i fapa a ni mahna,mahse,keima fa bik chauh a ni,nang emaw tupawn min chuhpui i tum anih chuan ka thih thlengin ka bei ang” ka ti ram ta hmak.Ka tawngdanah chuan sawi zui ka duh lo tih ka tilang a,hrethiam se ka duh kher bawk.Room kawngkhar rawn kik ri ka hriat rual chuan ka thaw huai a, rang takin kawngkhar lam ka pana, Samu-a pawn min rawn zui ve nghal chu tih ka hria. ,Mahse,Kawngka bula lo ding ka hmuh chuan ka thawvenna zawng zawng a bo leh nghal vek niber in ka hria. Asawm-i  nuisang hian a lo ding reng mai. 

A rawn lut a, Samuel-a bulah a thu ve nghal a,kei erawh chu Pekpek-a khum bul a Plastic chair-ah ka thu thung ,`enge a an a?,ka lo kal tha hman lo lutuk a,Inneihna thil vel Buaipui tan a ngai bawk si nen, a buaithlak ve hrep a” Samuel-a ngheng ar ar pah chuan a ti siam siam a,ka makti hmel chu thup hram hram tum chungin, `Kan tha lutuk,min buaipui nasa tawh a, lo kal tur pawh hian ka beisei vak ngam lo che u. Pathian zarah naktuk anih loh chuan tuklehah kan chhuak in ka ring’ ka ti let thuaia,Samu-a kut lehlam chu ka hmu thei lova,a Dar nghenga thu, Asawm-i kawngah a kuah anih ka ring. Hreptak hian a.....Duh leh kuah se ka buaina a ni hrep lo,an Innei tep tawh a,an duh duh in an awm thei reng. 

Kan beisei lawk ang ngeiin a Tukah min chhuahtir ta a,Dawr ka kal loh rei tawh em avangin ka ngaihtuah ve tawh takzet. Mawia a fel em zawk a ka vannei. Ka nu in a tlawh zeuh zeuh tih mai loh chu kan kal meuh lova. Ngaihtuah tawh viau mah ila vawiin rum ruma kal chu ka peih chuang lo. 

Dawr ka thlen veleh a theih ang ang in pawisa lut leh chhuak ka enfel a,Mawia’n a lo ziah fel em avangin buai lutuk lo in ka thawk thei hlauh. Kan restaurant hi a len bakah a awmnain a zir em avangin customer kan ngah thei em em a, Aizawla Karaoke siam hmasaber ka ni bawka, Mizo chu thil intihhmuh vak chi tih takah Karaoke pawh hi booking a tam em em reng a, chaw thlenga kan neih avangin kan lun a, kan buai takzet. Ka awm loh chhungin catering phei chu an ti hleithei lo hiala, mahse ka awm veleh theih tan takah chuan Catering pawh tih tel lehnghal ka duha. Online a order theih tura kalpui thuai ka tum bawk. 

Ka thlen hnu lawk atangin Khawihfel tur a tam em avangin ka khawih zawm ta char chara, Samuel-a vang a ka rilru pik lutuk pawh ka theihnghilh ve hial bawk.

Chhun thil ei tur in Rinawma a lo kal a,a bula awm a hahdam thin,engtiklai mai pawn a hmel a hlim a,a lo kal hi chuan kan Dawr a thawk ho pawn nuam an ti thei viau vek. Tu te pawh hi an hmingin a ko thei vek a,afiam bawrh bawrh a,kan vai hian kan mil tawkin min kawm thiam a ni ber,`e….Liz…naktukah ka Thianpa,College kan kalpui thin in Nupui a nei dawn a,min kalpui la” ka rilru hriat tum a min en chung in a ti a,ka thil ei lai ei mawlh mawlh pahin,`I dawih lutuk,Patlingpui tawh kalpui kheri ngai lo” ka ti a,ahmel buai nak chu ka melh a,insum thei lo in ka nui ta hak,`misualnu..” a ti hluk a,`khawiahnge ni reng reng a?” ka tih chuan a hmun leh a hun min hrilh a,kalpui pawh ni ila Dawrah chawhma lam ka kal thei dawn tho a,Pekpek-a damloh lai in min buaipui nasa em em a,min sawm chawpchilh viau mah se min sawm tak tak tih a awmdanah a langa, ka tihsak theih ve zawngah chuan Phatsan ka duh lo bur.

Dawrah Dar 12 rik hma hretin a lo thleng a,ka lo la insiam loh avangin ka insiam nghal sawk sawk. Inneih hun dar 1 tih nimahse Motor tawt lutuk hisap angai a,chhuah tlai chi a ni lo. Suit dum a ha zuih a,aCoat hnuaiah Kamiz Pawl a ha  a, ahmeltha lo nangin a Palian bawk a,a nalh tham takzet. Kei erawh chu Lace Pink simple tawp a thui ka ha a,Puan erawh zeh chhuah vek ka bih a,Pheikhawk Pawl dal lam ka bun thung. Ka sam bu chhah zet erawh chu ka thlah mawltawpa. Make-up tlem ka hmang ve ngei bawk.Ka Tleirawl chhuah hlim atangin Make-up ka hmang uar lem lo a,ka nulat tak tak hmain Pekpek-a ka Pai a,Nu ka nih hnu phei chuan ka inchei khat viau,Tawp erawh ka duh bau lo.Englai pawhin thawmhnaw reng reng Simple thei ang ber ka thlang ziah thin. 

Motor kan luh veleh chiang lutuk mah mah hian min en a,`I nalh lutuk a,ka mit ka lasawn thei dawn hleinem” a ti nghala,ka hmui tih sawi khum pahin`anih tak chu..i mit  laksawn theih si loh chuan kan Accident mai dawn anih chu’ nui chung hian ka ti let a,a nui ve huk a,kan tlanchhuak zui ta a. Kan inhriattirh atangin vawikhatmah Rinawma hian min duh thu emaw min ngainat lam thu a la sawi lo,ka tan chuan Thiantha tak a ni a,amah a fel em avang hian tu Hmeichhia tak la vannei ang maw ka ti thin?,hetiang Mipa tha lutuk hi chuan Hmeichhe fel tak a phu hliah hliah si a. 

Inneih inkhawm tan hma hret in kan thleng a,mi an tam ngang mai. Inkhawm banah a thiante nen an Inhmu a,rei tak lo in hmu tawh lo te anni hmel bawk nen Nuam an ti in sawitur an ngah tlang viau. Mahse, an titi bawrh bawrh lai pawh chuan min ngaihsak a thulh chuang lo a,a Thiante lah mi Polite tak tak anni a,ka tum aiin nuam ka to ta phian.

`eheu…. Liz” ka hnung lam atangin  Hmeichhe aw hian a rawn ti a,ka inher thuai a.Asawm-i leh Mipa chersang lam hi an lo ding dun a,`oi…..nang alaw?,I kalve tih ka hre miah lo a” nui chung hian ka ti let ve a,Rinawma nen an in chibai a,an nui dun bawk bawk a,a Bula mi melh zauh pah hian,`khawnge Samu-a?” Rinawma chuan a ti a." A Nau te a bia a,alo thleng tep ang” ti tau aw deuh hian a ti hmak a.`Hmm…..A naute chu tu tak nimaw?,Bawihi…Samu-a hi ka ringhlel riau ania”ati fiam zuia, Asawm-i tum deuh bar chu a Biangah a piai sak a,kei ka lo nui thunga, anipawh a Nui ve leh ta nge nge a,tumah hi Rinawma bulah chuan kan Mood a chhe rei thei tak tak lo.Samu-an kan bul a rawn thlen chuan min hmu chu makti hmel pawh a pu lo va, min biak tumna nei hmel pu loin min melh lo hrim hrim zawk. Mahse,Asawm-i nen an inhau animaitheia,an awmdan chu ka sawifiah thiam chiah lo nangin dik lo erawh a awm tih ka hai lo. Rinawma nen an inbe nual tho. Reivakloah Dawrah kal leh ka duh avangin Rinawma’n min thlah haw a,kan awmho chhungin a mawiah tak tak bak min be lo. 

Nitin nunphung ngai rengin hun kan hmanga, inneihna kan kal atang khan kar a liam leh tawh. Ka nu in Pekpek-a leh Samuel-a chhuahdun thu a lo sawi chuan an chhuah dun chhan a sawi lam ka ngaihven lo, ka tlan chhuak lehnghal a,engvanga an school a lo va kal teivet nge maw anih ni? Ka nu lahin min rawn miah lo in a lo hruaichhuah tir ve ringawt a,ka awih thei lo hial zawk. Samua hian pa anih thu sawi a tum lo ti mah se inngainat tir a tum talh hi ka hrethiam lo bawk. Ka Call a,apick-up  thei lo, ka tinawn leh a,Pekpek-a zawk in a lo la a,`Liz….Pa Samu-a te In ah ka kal a” a rawn ti nghal a,ka Thinphu dawt dawt chu ka ngaithla a,ka thaw vak a,Vin vak lo turin ka insum leh rih te re. `oh…ka hria alawm,chuan,amah kha ka lo bia ang” ka ti a,ka in Control teh nangin ka vin tho mai,a ri rak rak a,`Hello…Betty…” a rawn ti hman chiah chu ring zet hian,`engvangin nge ilo hruai chhuah a?,rawn dah kir vat rawh’ ka ti tuar a,a nui ri ka hriat rual chuan min tih thinrim a tum tih ka hria a,Dam dap hian,`Vawiin hi ka Birth Day a ni a,Kan In ah mi tlemte sawmin zanriah kan ei ho dawna, a Pa b’day hi hmanpui se ka duh a,nangpawh ilo kal theih chuan?”a rawn ti  leh phei chu ka awih thei lo zawk. "Mitenawmpa,ka lo kal lo ang,Pekpek-a pawh kha ka rawn hruai dawn” ka ti leh nghek a,min chhan hma in ka Off zui hmak bawk.

An in ka zawng chawp a,zawn hmuh a lo har lo. Ka va thlen chuan pawnlam atang ngawt pawhin ka Duhthusam In a ni tawp mai. Gate bulah ka ding a,Gate chhungah chuan Motor 4 lai awmin Kawtzawl annei tha viau. Pangpar nalh zet zet hi Pot ah fel tak in a In hung tlar thut a, hmuh an nuam takzet.

Thinrim tehlul nen mahni mai chuan ka lut  hreh leh a, Rinawma emaw Sangpuii tal ka lo hruai lo chu ka inchhir leh hnuhnawh a,mahse,tihngaihna dang a awm tawh lo.Gate hawngin hreh takin ka pen lut a,Kawtzawl chanve vel ka thlenphei chuan Kawngkhar lianpui chu a rawn Inhawng a,Nu 1, la valai tak,Hmeltha leh nalh zaih mai hi Apron hlip mawlh mawlh hian a rawn chhuak a,ala nuisang zui. Ka hnung ah midang lo kal an awm emaw tiin ka hawi let a,tumah an awm lo.Stepah ka lawn chho a,Verandahah chuan min lo nghak niawm tak hian a, dinga,,Samuel-a nu a ni thei angem tiin ka inzawta,a Hmel lan dan zahawm leh Faisarah chuan awmpui a ni lo tih erawh ka chiang,

`Liz…lo kal rawh,Pekpek-a a muhil a” dam diai hian a lo ti a,ka hming a lo hria chu mak ti tak hian ka en a, ..“oh…..min hria em ni” ka ti ve ngawt bawk,a bu nghat a,Inchhungah ka zui lut a,Pa pakhat hian Tv a lo en meka,an Inchhung nalh zia chu sawi ngaihna ka hre lo.Tim dai hian ka lut a,kan thawm a hriat veleh Tv lo en mektu chu a rawn ding chhuak a,`ilo thleng thei maw?” tih pahin min rawn pan a,a kut a phar chhuak a,keipawn ka lo ban ve mai bawk. Samuel-a nen an in ang em maia, a pa a ni tih hrilhchawp ka ngai lo. Samuel-an ka kal dawn tih a lo sawi lawk a ni ngei ang. Mak takin anni lah chuan tha takin min lo dawngsawng ve mai bawka, thinrim taka Pekpeka hruai tum ni mah ila min lo dawnsawn dan leh a lo muhil chuan ka tum ang ngawtin min chettir thei ta lo. 

“Samuel-a pa ka ni e,kha2 a nu ania,kan Fanute 2 erawh chu nakin deuh ah an lo kal ang” ati zung zung a,eng nge thil thleng mek hi ka hrethiam lo..Thingpui ka duh leh duh loh min zawh chuan ka duh lo tih ka hrilh a.An inchhung simple leh Nalh lutuk si chuan minti zam a ni ber,`lo kal rawh, Pekpek-a ilo han en ang hmiang” a ti a,Step awm chho zui ah chuan ka zui chho a,sawi tur engmah ka hre lo. Room 2 kan kal pel a,Room lo awm leh hmasa ber chu a hawng a,ka zui lut ve zel. 

Khum lian tha takah hian a lo muhil bam a,a School bag leh Uniform ho chu Khum piah Sofa lianpuiah chuan a lo awm hlawm a.Thawmhnaw khawi a mi nge an hak tir ka hre lo.‘ Roomah hian lo thu hahdam la,Inhnuai lamah ka lo zuk awm ang” ati leha, chhan zui hman loh in a chhuak ta daih Room chhung chu ka melh kual a,Inhnuai lam ang bawkin a nalh leh hle tho maia,Mipa Room a ni tih hriat tak in engmah thil intar emaw Hmeichhe hnuhma hmuh tur a awm lo.

Bath Room kawngkhar inhawng ri rakah chuan ka hawi phei thuai a,Samuel-a Towel chauh veng hian a rawn chhuak a,a Hnuaiah engmah a ha lo a ni ngei ang,a Dul phiar fat te,a Dar a hlai hlap leh a kawng fek rat te chuan infiam mi anihzia a lantir ngawih ngawih a,a pian nalh zia chu hai theih a ni lo…Ruak a awm lai ka hmuh vawikhatna ni lo mah se nalh ka tihna erawh a ngai renga,hman ai khan nasa takin a taksa a lo inphut tawh zawk bawk. ..A rawn nuih takah chuan rang tak hian ka hawi sawn nghal vat. 

Thawmhnaw a hak laiin zahzelah ka phone ka bih lui ngar maia. A rawn kal phei thawm ka hriat chuan ka en a, “Chhunah a mu ngai tawh hleinem,ilo muttir ringawt a, zanah a mengrei thei lutuk a” ka ti bung nghat.

`A ham reng sia,ka muttir mai mawle ” a ti ve mai a,’kan kaitho ang nge,a muthilh chuan Scooty ah ka phur thei lo ang” tih leh Khum lam pan ka rual a,ka banrekah tak min rawn man ding chawt a,.`Betty….ti lui lo teh,khawngaihin’ a ti nghala, a hmel ka en chuan a lo insehruh teuh tih ka hmu nghala, ka tawng hmain ka rin loh lutukin min kuah bet thuta,talchhuah ka tum chu min kuah nghet sauh. A rawn kun hniam a,ka Darah a hmui lum thar thar chuan a rawn nawr a..

Kawngkhar lama thawm a rawn awm chuan ka hawi phei vat a,Asawm-i makti lutuk a lo ding chu ka va hmu nghala,Tal chhuah tumin ka che leh nghal phat nangin min thlah duh chuang lo. "Bawiha….engthil nge thleng a? Tinge ani kha  i kuaha?”a rawn tih chuan ka lo hriattin hmeichhe zaidam tak kha chu a ni tawh lo chiang viau.A awki a sang tha viau mai bawk. Min kuahna phelhin Kawngka lam hawiin a Inher nghala,zawi fiah tak hian,..‘engthil mah dik lo a awm lo..Ka Fapa leh A-nu hi ka duh phawt chuan ka kuah thei alawm” a ti a, a aw ring lo mah se a chiang kek kawk kher thung.

SOCCER – 10

Ka mumang a ni lo tih hrerengin mah ila ka maimitchhinga, ka men leh chuan Asawm-i hmel ka en ngam lo,kum kha leh chen an lo inzui ve tawh a,an innei mai sawn emaw tih laia thawklehkhat a a bialpain Fa a nei tih a hre thut hian aa tihnat dan tur ka ngaihtuahpui thiam lo zawk.

"Asawm,I rin ang kha a ni lo ania,engmah kan inkarah thil thleng a awm lo,Tunah pawh engmah a awm chuang lo ania,keiman ka tihsual palh liau liau vang a thil thleng anih hi..min ngaidam rawh” ka ti chhuak ta ngawt,ka tlawm ka inti a,mahse,midang inkar tihchhiat tluk a hlauh ka nei lo va, mi kara tlazep nih ka duh hek lo,`Ma…..’ ti thawmah chuan Khum lam ka hawi vat a,mangan hmel zet hian  Pekpeka a lo ding a,puitling pathum te awmdan vang chuan angaihna hre lo hmel a put bakah min koh dan atangin Thilthleng engmah hrilh ka ngai lo..Ka pan phei thuai a,ka pawm kang nghala,`hlau suh,Bawihte….engkim a tha vek e’ ka ti mial mial. ,kan In ah hian kan chhungkua kan inhau ngai lo em em a,ka pa hian Naupang hriat laia tawngkam vin hman a phal loh thu a sawi fo thin bawk. A Zunkawng hi a tet lai atangin a chianglo tawha,engemaw hlauh deuh a neih chuan zun a cheh hial thin.

Samuel-an ka kalsawn tur min rawn man bet leh a,Ka melh chho a,`hlauh deuh a neih hian Zun a cheh thin a,I Khumah zun a cheh a, lo paih mai rawh, athar man ka pe mai ang che,tunah kan kal nghal loh chuan a Zun kawng tha lo a lang leh palh ang” ka ti dam thlap a,ka ngenna chu hrethiam se ka ti takzet. Hriatthiam har tak hian min melh a,hreh hmel zet in min thlah ta nge nge,Pekpek-a a rawn kuah chuan a lo ban ve mai bawk. `Bawiha, zun cheh kha a a pawi lo ania, keiman ka lo tifai mai ang..Zanah ka lo kal ang aw’ a ti sup a,a chalah afawp zauh bawk. A Uniform vel ka khawm sawk sawk a,Pekpek-a ka pua a,Bang ngheng a Asawm-i ding chu ka melh ngam lo.

In hnuai-ah chuan Samu-a nu leh pa chu Beidawn hmel zet hian an lo ding dun a,kan Nufa inpawthla chu min lo en he haw mai,`kan kal mai ang,min ngaidam teh u" ka ti sawk sawka,min chhan hma in ka chhuahsan nghal thuaia,a Nu in min ko lawm lawm pawh chu chhan en-ah ka en tawh lo. 

In kan thlen veleh a thawmhnaw ka thlaksak a,Bawihtea erawh a Normal leh tawh viau,`Ka kawr leh kekawr kha Pa Samu-a nu khan min pe a,chuan adang pawh atam lutuk” ati siam siam a,an Fanu fa te tan an leisak a ni ngei ang..

`Liz….engatinge Pa Samu-a khan a kuah che a?,APA atan kei chu ka duh e” ati leh a,a thilsawi in min nghawng zia a hre der si lo,`Pa Samu-a te chuan Nupui a nei tep tawh alawm,Pa Rinawma kha i ngaina tho alawm tiraw?” thildang sawipui tum in ka ti a,a Hmel thatak chu engemaw ngaihtuah niawm tak hian a buai ve deuh a,`Aww,ngaina tho,mahse,Ngatinge nichin khan Nu Asawm-i kha a tah a?”a la ti ta fo,`Pa Samu-a thiannu ania,a khumah i mut vang aniang” ka ti leh ringawta, a nur ve nang a,a ngaihdan ni lo hmel chu A-pa chiah chiah a ni ringawt.

`Anih leh a Khumah khan zun ka cheh sia min ngei viau angem?” a rawn tih leh chuan ka lu ka thing a,`ngei lo tawp ang,ka lo tifai mai ang atih kha” ka ti a,a Nur leh nang a,`dik chiah,atifai mai ang,a Kekawr pawh amah in a tifai thiam tho a,ih…Ma…Pa Samu-a hi a fel tiraw?” ati leh a,”aw’ti a ka chhan beisei hian min melh kiau bawk. 

Ka rin ang chiah-in zanah ka lo kal ang ti mah se a lo kal hauh lo. Enge ka beisei chiah pawh ka hrechuang hek lo. Asawm-i hnenah khan insawifiah a mamawh ngei dawn a,chuti maia awlsam chuan a insawifel hauh lo ang tih ka hria. Pekpek-a ka en a, Pyjama Suit tial,Mutna a ka hak tir thin a ha a,Khumah thuin ka Phoneah Game a khel a. A Sam dum hlap leh a Hnar tereuhte,sang vah maite nen chuan a Pa ang maia mi hipna ngah a la ni dawn khawp.Nula ho a la chhaih buai ve viau maithei. Keimah min chhun lo in Apa lamah a kal nasa zawk a,a landan atang hi chuan a te chhe zawk zawk lo khawp ang. 

Phone ri ral ral chu a en a,"Liz..miin an lo phone che" a rawn ti a, "Lo chhang la" ka ti vat. 

"Hello…Eih..Pa Samu,..engatinge ilo kal leh siloh?” ati nghal a,a ngui deuh ka tih kha Samuel-a a lo beisei vang a ni chek ang chu, tunah chuan a hmel a hlim leh sar tawh..Apa nen an inbe lai chu ka thlir reng a,Naupangchhia zet hian a duhzawng a sawi mial mial a,a rawn ding a,`Liz….a be duh che” tih pah in Phone chu min rawn pe a,engtak sawi duh nei nimaw???

“Hello…Bet…ka lo kal leh thei lo va,pawi ka ti..” a rawn ti nghala,"A pawi lo, ,engmah rawn tihtur i nei hleinem,I buai viau awm bawk si, bakah insawifel natur i ngah dawn bawk a” ka ti hap a,Pekpek-a min lo pawt sek chu ka melh a,`Inhnuaiah ka chhuk dawn aw” a ti a,ka bu nghat,a awm lo chu ka thawveng huai zawka,Samuel-a nen kan inbiak lai a a lo awmve ka duh chiah lo. Tha tak in kan inbe thei dawn em ka hre tlat lo." Eng nge min lo biak chhan?,han sawila..’ ka tih leh chuan a thaw hawk ri ka hre thei a,`engmah insawifiahna tur ka nei lo, aduh duh in angai thei a,mahse,Ka Chhungte hnenah mumal taka ka hmelhriat tir thei lo che kha pawi ka ti” a rawn tih chuan ka nui lui hak a,`chutiang engmah a ngai lo,ka duh lo hrim hrim zawk’ ka ti let hmak,` I duh leh duh loh ka zawt lo che,keiman tul ka tih chuan a tul animai” a ti ve ta hmuk a,ka rinlawk ang chiahin kan inhnial tan chu a ni ta der. Mahse, .`inhnial lo phawt ang, kan lo inhnial hian kawngro a su lo em mai. Mahse, keimah vanga Asawm-i nen buaina inlo nei anih chuan ngaihdam ka dil che nirawhse” ka ti leh hmak a,min rawn chhan let pawh nghak loin ka off zui daih bawka. A duh leh mawl leh polite lo minti se pawi ka ti therte lo ve. 

Pekpek-a muthilh hnuah rilru buai tak hian ka vei kual sek a,Ka Chhungte hi ka hrilh an ngai tiin ka ngaihtuaha, tunah chuan Samuel-a chhungte pawn an hre tawh a,Asawm-I pawn a hre tawh bawk. Ka zep rei thei chuang dawnin ka hre tawh lo. Mahse engtin nge ka sawi chhuah ang tihlai takah ka buaia??,zankhat kan mudun a, chuan tunge anih pawh ka lo hre chiang lo a,tumloh deuh in ka Rai ka timai dawn em ni? ka Lu ka thing nawk nawk a,chutiang in ka sawi ngawt thei lo ang. Chiang taka ka hriat tak chu ani hian buaina tamtak min thlen a, ka nuna a lo lan apiangin Buaina ka hmachhawn zel a ni ber. 

Inhnuaia ka chhuk chuan ka u in amah in TV a lo en a,Ka nu leh Ka pa erawh chu kan chhungte damlo tlawhin an kal a,an lo la haw lo thung. Ngawirengin Tv chu ka en ve a,enge kan en pawh ka ngaihven chuang lo,ka rilru a buai a,kum tamtak liam tawh ami nimahse awlsam tak a sawichhuah harsa ka la ti ngawih ngawih a ni ber.

Ka nu te lo haw veleh Thingpui ka lum sak a,Ka pa hi Thingpui duh tak, tupawn indawn se duh ve zel ang chi kha a ni a. Ka u in Fiamthu-in “Duhvezel-a’ a ti thin a,kan nuih pui nasa thin viau. An Damlo tlawh chungchang an sawi a,kei erawh chuan a engamah ka ngaithla tui thei lo. Ka u bulah ka thu a,Ka pa Mood a tha thawkhat a hriaiin sawi hun niin ka hria,a Mood a that loh pawn min hauh ka ring chuang lo. Tim deuh dai hian,`Pa,ka be duh che a,engemaw sawi tur ka nei a’ ka ti deuh tawnga,min rawn en a,Ka nu lah chuan Phawk zet in min rawn en bawk a,diktak chuan ka awmdanah chuan thil tha lo sawi tur ka ang ve em bawk a ni. `aw…engthil nge?,ava pawimawh awm ve’ Thingpui dawt hluk pah-in ka pain a ti a,ka khur ru dar dar nangin sawi loh phah nana hman ka tum lo. .`Pekpek-a chungchang ania,ih….eng lo..Apa kha ka Pai tirh khan min zawt a,ka chhang lo che a,chuan,mahse…..tunah chuan ka zep rei thei in ka ring tawh chuang lo a,..eng lo ania….Apa chu…Samuel-a hi ania” tiin ka riat nawi ral a ni ber,ka sawitawp lam phei chu a ri chang chang a,min chhan let dan tur ka hriat loh avangin hnuai lam ka bih nghal a,ka hawi chhuak ngam tawh lo. Ka thutna a hniam sat a,Ka nu in min rawn kuah a,hreh takin Ka pa lam chu ka melh a,a hmelah Thinrim hmel a lang lo va, Hahdam huai hmel zawk ka hmu tlat. Kanu ka ngheng a,`Mampui,engtik ah nge i sawi ang tiin kan lo nghak reng tawh zawk che ,Kan In a a lo kal hmasak ber khan Pekpek-a nen an thu dun a,mak tak maiin an In ang ka ti lutuk,mahse,nangni lah khan Chennai atangin inhria ang in insawi ve ve bawk sia,mak ka lo ti a,ka sawi chhuak duh ta lem lo a,Mahse,Pekpek-a Thisen a pek hnu khan ka ngaihtuah chet cheta,a Fapa anih theihna chance a awm tiin ka ngaihtuah a, I Nu nen pawh kan sawi dun nghe nghe a,mahse,nangman i sawi anih loh chuan zawh che tumna kan nei lo’ a ti dam dap mai…Ka thaw hawk a,ka thawl nghal huai bawk..Ka nu leh Pa ang hi mi zawng zawng hian Nu leh Pa nei se tumah an sual thei lo ang..`Vawiin a School ka va thlen khan Samu-a a lo kal ve a, a birthday lawm tura innufaa a sawm thu  che u a sawi a, chuvang ania nangmah pawh be lo va ka lo hruaitir mai ni. Amah hi ka ring thlap tawh a, chuvang pawh chuan a bulah kaltir kha ka ngam a" ka nu in a lo ti ve a. 

"Vawiin a an inah lam tura ka va kal khan a Nu leh Pa an lo awm a,engkim anlo hre tawh niin ka hria,mahse,Samuel-a hi dem tur ka ni lo,engmah ka hrilh lo a,fa a nei tih a hre lo hrim hrim” ka ti leh sep a,an hmel chu ka en kual a,ka beisei ang ngeiin tuman Samuel-a huat lam an ngaihtuah lo in ka hria,an duh ber chu Pekpek-a hian Pa nei se tih a ni a,tunah chuan Apa an hre tawh a,engmah min zawh belh tumna nei hmel an pu lo. 

Mumal lo zet in ka muhil a,Samuel-a leh Asawm-i ka mumangah ka la hmu zui,a tukah Dawrah Sangpuii a lo kal a,ahmelah chuan thil hriat a nei tih ka hria.Ka Cabinah a rawn lut a,Dawhkanah a Bag a nghat chawrh,chiang zet hian min en a,`eng thil nge ka hriat hi???,I Best ka ni tak tak meuh em?” ati nghala, a aw ah chuan thinur insum tih a hriat theih ,`Eng nge? Eng thil nge i hriat chu?” ka ti let a,Pekpek-a leh Samu-a chungchang bak a dawn hauh lo tih ka hria. "Engvangin nge Samuel-a hi Pekpek-a pa a ni tih min hrilh loh?” a ti ta chiah. ….." Hey, ..tawng zawi deuh teh,midangin an hria ange..” ngen titih hian ka ti a,a Mitmeng ling hlar mai chuan min melh a,`Hre rawhse,thil pawi a ni hleinem.Mi zawng zawng hian an la hre vek dawn” a ti leh hlak a,a hma ai chuan a tawng zawi ta tho. `Hrilh che chu ka duh alawm,mahse,a hun lai khan Tleirawl mai ka ni a,ka Harsatna avang khan engmah ka ngaihtuah thei lo a,ka zak bawk a,chuan…I hriat ang in kan inngaizawng lo a,zan khat thil thleng mai a ni a’ ka ti zuai raih,ka Kut a rawn vuan a,`khatih lai khan tunge anih ka hre lo a,a hming chauh ka hria,ka lo ngaihdan chuan Sex kan hmang anih chuan min rawn ngaihven zui ka lo ring a,mahse…..engmah ka beisei ang in a thleng lo,ka Rai takah khan apa hriat chian ka duh avangin a chanchin ka zawt chiang che a,mahse,Bialnu nghet a neih thu leh,lerh ve tak a ni a,I B’day partyah pawh hmeichhe 1 a lo ck pui avangin a bialnu nen an in tibuai a ,mahse,an inkawp leh tawh thu min hrilh kha….a Ck pui kha keimah ka ni a,khata tang khan ka nihna ka pawm ngam a,Pa nei lo a keiman pawm kha pawi tihna ka nei lo,tun thleng pawh in..’ ka ti zawm ta duah a,a rawn tho a,a mit ah mittui a tling pam mai,ka Chair banah rawn thuin min rawn kuah a,a Thinrim tawh lo tih hrilh ka ngai lo.

Kan ngawih ren rawn laiin “Samu….” a tih sap ri-ah chuan Mittui tling pam hian ka hawi chhuak a,Kawngka biang ngheng a Samu-a lo ding run chu ka va hmu a,a hmel a rum ul a,enge angaihtuah ka hre lo,eng chen a rei nge a lo din tawh phei chu ka hre lo lehzual. 

SOCCER – 11

“Enge i duh a?,lo lut rawh,I ding rei tawh em?”..hamhaih zet hian Sangpuii chuan a ti nawk nawk a,`engmah duh hran lo e,Lunch ei tur in ka lo kal a,in tawng tui lutuk a ka be buai duh lo che u anih kha” tha takin a ti a,kan thusawi a hria tih chu sawi kher lo in a tilang a,ka tho hluai.`keini pawh engmah kan la ei lo,Thiannu..Room a te em mai,lo kal rawh chhuak ila” ka ti thuai thuai a,ka Zam em em a ni tih chu tih lan loh hram ka tum a,engmah sawi lo hian min rawn zui ve mai bawk.Eitur kan nghah chhungin Sangpuii nen kan titi a,Samuel-a erawh chuan engmah a sawi ve lo,aruk a kan boruak tang zet chu kan hre vek a,kan haider tlang a ni ber,`tunge Pekpek-a lam dawn?”a rawn ti a,en lo hian, ,`ka nu in alam ang,ngatinge?”ka ti zui zat,`engmah ni lo e,ka zawt mai mai che” a ti leh hmuk a,eng chu a hria nimaw??

Thil kan ei zawh veleh tihtur an neih vangin a rualin min chhuahsan a,Cabin ah ka lut a,ka Chair a ka thut chiah chuan ka lo in sehruh nasat zia ka hre chauh.,Hetah lo kal tawh lo turin ka hrilh angai,mahse,engtin nge ka hrilh theih ang?,Thil ei tur in ka lo kal a tih chuan lo hnar ngawt theih a ni si lo.Pekpek-a hian Apa a ni tih a la hre thuai dawn a,a hriat hma pawn a ngaina a,Pa atan a duh tih min hrilh a,a hriat hnu phei chuan a bulah a awm duh hial maithei,inchuh buai ngai lo hram tehse..

Roomah Pekpek-a thil dah hnawk ka tihfel laiin amah tereuh chu hmanhmawh zet hian a rawn tlan lut dar dar a,`Liz….mi anlo kal a,lo chhuk rawh api in ati” tih pah chuan min rawn pawm a,`tu te nge a?” nui chung hian ka ti let a,ka Hnungah a rawn bawk a,`ih…Pa Samu-a te In a mi kha” awlsam zet hian ti leh mai a,ka Lungphu a rang nghal a,eng vang a lo kal nge annih ang tih ka ngaihtuah nghal chiam. Ka chhuk a, an mahni ka zuk hmachhawn hma loh chuan a chhanna ka hmu dawn lo. Mahse,Thih hreh in ka hreh thung.Ka muangchang lui ve ngat a,Pekpek-a lah phur takin a tlan thla leh a.Muangchangin ka zui thla a,Common Room-ah chuan Samuel-a Pa leh Hmeichhe 1 kum 35 vel hmelpu hi an lo thu a,Thutthleng dangah chuan ka nu leh Samuel-a nu an thu dun thung a,rei tak lo inhre tawh nimai awm tak hian an lo ti ti bawrh bawrha,min hmuh veleh an tiri lai an tawp a,min rawn en thap. Mahse,ka thut fel chuan an pangngai leh tawh a ni ang,an tawng zawm leh der tawh.“Pa,engthil nge ni a?” tiin Ka pa ka zawt a,`aaaa,thiamthu engmah sawi tur kan nei hauh lo mai a,Mama thiamloh tak pawh a ni ang. Tunkar tir khan Mama hian Fapa a neih thu min hrilh thut maia,min thawng khawp a,kan duhloh vang ni lo in kum 5 lai a ni tawh chunga engmah kan lo hre lo kha zia lo kan ti a..Ngaihdam rawn dil mai bak chu tihtur neiin kan inhre lo a ni” Samuel-a Pa chuan a rawn ti dap dap. Ka kun a,sawi mai tur ka hre lo. Diktak chuan Samu-a thiamloh a ni hauh lo,keiman engmah ka hrilh loh vang zawk a ni. `Ekhai…Ngaihdam in ngai lo reng reng,keini lam pawn kan hriattir bik lo che u a,kan thiam bik lo,hlim deuh in awm ang u,kan hlauh ber zawk chu Samuel-a hian harsatna a tawh phah ang tih zawk a ni” Kapa chuan a ti dam ve dap a,`Mampui,Thingpui hang va lum la,kan duh vek in ka ring” a tih zawm leh a,ka tho thuaia, ka awm loh in sawise ka duh zawk hrim hrim.

Thingpui nena ka let leh chuan Pekpek-a ka nu Mal chungah a lo muhil a, `Pa, Pekpek-a hi ka han mut anga,Tih laklawh lai ka nei a,ka tihzawm lawk mai ang aw” ka ti a. Step a  ka pawm chho chu Hmeichhe Pakhat, an ruala lo kal ve chuan, `Liz….ka lo kal ve thei angem?, Puitling ho hi lo inkawm se” Dam diai, zang vah lawi si hian a rawn ti a, ka Bu nghat a, ,min rawn zui chho ve nghal a.Pekpek-a ka mut a , Dressing Table sira Plastic Chair lian vak lo awmah a thu a, Room chhung chu a melh kual a, Kei erawh chu Khum tlang ah ka thu thung. `Ethel-i ka nia,min hre lo maithei, Mama..oh… Samuel-a hi ka Nau chiah ania,kan Mipa neihchhun” a rawn ti chhuak a, inthiamlo hmel deuh hian a hmui a hup leh a, `oiha….a Harhvang em?,ka Tawngriah khan a harh ka hlau leh deuh “ tih pahin Pekpek-a chu a melh phei a, `aih…mut a duh lutuk,a harh mai mai lo ang” ka tih chuan a hahdam hmel ta deuh. 

`Apa a chhun anih chu,Mama pawh hi kan Naupanlai atangin a harhvang vak lo, mahse,Sportah a tui ta em a, Zingtin Gym kal tur emaw inkhel tur pawh in thawh a hai ngai miah lo” a ti leh siam siam a,a ngainatawm takzet. Mahse , Apa ti a a sawi apiang chuan awm lo hu in ka hre tlat a,ka lo insehruh teuh zel a ni ber. Ka ngawihreng avang chuan amah bawk a rawn tawng leh a, `Dik tak chuan kan hriattirh kha  min thawng lutuk a, Mahse, amah ber kha a phur lutuk a, mak ka lo ti zawk a,a B’day khan ka hmuh tir ang che u a ti veka, mahse, kan In ka va thlen khan in lo kal tawha, Mama lah kha biak ngam loh khawp in a lo sa bawk si” a ti leh zela. Kan Nufa vang khan buaina a tawk nasa khawp ang.“a pawi ka ti khawp mai, keimahni vangin a buai phah ta hrep mai si a, Asawm-i tak pawh kha hrilh fiah ka duh a,mahse, ka ngam thlawt lo” ka ti sep ringawt`oiha….engmah chutiang Buaina a nei lo ang,Ngaihtuah duh suh, amah a In enkawl thei alawm” a tih leh chuan ka bu nghat, `ka ring alawm, Mahse, kan inkawp lo tak tak tih hi hria se ka duh a,Zankhat vanga thil thleng palh a ni tih hria se ka duh ngawih ngawih,Samu-a thiamloh a ni lo a,an Inneih tur pawh Buai lo hram se ka duh’ ka ti leh chu a Mengphar vaka. Mahse, a In Control leh thuai. Eng vanga mengphar chiam nge anih ka hre lo. Vawikhat inhmuhnaah ka sawi hnem lutuk mah mah a ni maithei.Zankhat lek tihah khan Hmeichhe hur herh takah min ngai pawh a ni mahna, eng ang pawhin min ngai se Pawi tihna ka nei chuang lo.Kei in mak ka tih ve zawk chu Rinhlelhna engmah nei lo a an pawm tawp hi mak ka ti zawk. Rinhlelh na tur keimah lam atang chuan awm lo mah se Samuel-a sawi an hriat vang a an Pawm thlap thei hi thil mak tak a ni a,a tirah hria se chuan thu hran,kum 5 zet liam tawh hnuah an hre chauh a,mahse an pawm thlap tho si. 

Cabin a hna ka thawh mawlh mawlh laiin kan Nula pakhat in min rawn ko a,Tlai lam a ni tawh.Ka va chhuah phei chuan Customer pawh an lo awm mang tawh lo a, Asawm-i leh Nu valai deuh hian Dawhkan an lo kil dun a,Ka huphurh ru ngang mai. An bulah chuan ka thu ve a, `ka Room ah in lo lut mai lo a,ei tur in nghak zawk em ni?’ zangkhai thei ang ber hian ka ti nghal bawrh bawrh a,`aih, ka be duh che a, hei hi ka nu anih hi" a ti a. Kan inchibaia, thil eng eng emaw sawiin kan ri hluta, mahse Asawmi hmel a thutak ran reng tih ka hai lo. Diktak chuan khatiang thil thlen hnuah kha chuan tha taka kan inbiak leh hi ka lo ring tawh miah lo zawk. 

"Liz,Khawngaihin Pekpek-a hi Samu-a pawh beh nan hmang tawh lo hram turin ka duh che. Inneih kan sawi rik laia hetiangin min tibuai hi ka duh lo”  kan titi khaihlak karah zawi fiah tak hian a ti a, ahma a ka hriat thin hmeichhe ngainatawm tak thin kha a ni tawh lo. "I rilru tur chu ka hria alawm, mahse, Pekpek-a hi ka hmang reng reng lo, Bakah hmanni a ka sawi ang kha animai,Tihpalh thil tak meuh a ni. Samu-a nen hian inzawmna engmah kan nei lo, Hrilh tumna pawh ka nei ngai lo. Mahse, tihpalh thil bawk in a hre chhuak leh a…..aaa..kan 2 inkarah engmah a awm lo takzet, a tibuai che u a i ngai anih phawt chuan Pekpek-a nen an Inbiak zel pawh a rem loh thu ka lo hrilh dawn nia” ka ti thuai thuai a.Midang hnena ka nep zia tih lan hi thil nuam a ni bik lo va, mahse ka tih ngei angai. 

`I hrethiam chu a lawmawm, Mahse, nidangah Samu-a bulah in Nufa in ka hmuh tawh loh che u ka beisei bawk ania” a ti leh hmak a,hetiang em em a intham lohna hi vawikhatmah ka la tawng ngai lo.Mahse, sawi tur ka nei in ka hre lo a,a Rilru natdan tur ka ngaihtuahpui a,Thinrim a chhan let ka thei hlawl lo.

Kan Dawr siam tirh atanga min puitu,Ka Cousin Mapuii chuan Room ah min zui lut a, Chair-ah ka thu hnawk,` kha nu kha Samu-a bialnu kha tiraw?, in inkawm ve tho emaw ka tia?,enge a thil sawi kha a awmzia?” ati a,a tawngkamah chuan a ei lo lutuk tih a hriat a,ka chhan hmain ka thaw ham ham. `Engthil mah a ni lo, Samu-a hian Pekpek-a hi angaina ve lutuk a,kei nen pawh kan inbiak tam phah a,a Thikthu a pe chhe ve anih kha” ka ti ta ngawt a,a awih leh awih loh pawh ka hre nek lo.

Sangpuii te nupa in inhrang an chang ve a,an In luah tharah chawei turin min sawm nghala,ka lo aw ve hmiah.Dawr ka chhuahsan hma in Pekpek-a ka bia a,Ka nu ka be leh bawk. Dawr hi zan lamah dar 10 thleng kan hawng tan ve chiaha, ka Hman tlai ang tih ka sawi pawn pawi an ti lo.

Sangpui in kawtah min lo nghaka, sumah an buai tehchiam lo bawka an Inluah pawh a nuam in a changtlung nghal kher mai.` kan la ei dawnlo mi?, ka ril a tam ania ‘ ka tih chuan ` ei tep, Samu-a lo thleng phawt se’ a ti liam puat a, ka nghing lawih. Vawiin ah Asawm- Warning-na ka dawng zo chauh a, han inhmuh leh chu ka thil chak loh zawng ber a ni hial ang, `engatinge keimah chauh in min sawm mai loh a?”ka ti hlak a, tur deuh hian ka melh a, `hey….tikhan min melh kher suh,alo kal ve duh a,In pawh hi an Mahni in ania, lo kal suh ka ti ngawt thei hleinem” tih pah in min rawn kuah a, ka la lungawi lo. `Kan Boruak i hriat hnu te kha chuan lo hnar ve mai ta che, nidangah pawh sawm mai tur che ania” ka la ti fan a, a thle bak a,a hmel ah chuan ka lungawi lo chu a ngai pawimawh lem lo tih a lang reng.

Mumal pawn chaw ka ei ta meuh lo va, chhungrilah ka tang tluan zak a ni ber. 

`In inah kachhungte an lo kal tih ka lo hria a” a tih chuan, `Um, kal e” ka ti let nghat,`Bawiha kha ka u in ka naupan lai ang chiah chiah a ni tih min rawn hrilh a’ ati leh a,Pekpek-a chanchin a sawi lai chuan a hmel a lang dam thluam mai. Ka khuh kharh hnuah a mitah tak ka en a, `thil pakhat ngen duh che ka nei. Pekpek-a vang hian i Nupui neih tur hi a buai ka duh miah lova,bakah a hma zawng pawn Pa tel lo in ka lo enkawl tawh a,tunah pawh hian khawngaihin a tul tawp khawkah lo chuan rawn hmu tawh lo la ka duh,hriatthiam i tum dawnnia” inringtawk takin ka ti a. Min chhan tum awma a awm loh avangin ka tho a,ka Bag lak pah chuan, ` mangtha phawt le’ ka ti leh a. Mahse, Ka rin loh taka ka hmaah tak a rawn din takah chuan ka ding leh chawt,a che rang lutuk a, engtik lai in nge a chetsawn hman ka hre lo hial. Kawngkhar a ngheng chungin a in kuangkuah a Sut tlang ka huphurh ru viau`eng nge a tih a?” ka ti hrawk a,khawiah nge maw Sangpuii te Nupa pawh kha an awm tak le?, Chawei na ka tih fel lai khan kal lawkna tur an neih thu a sawi a,`lawk’ ti siin tun thlengin an lo la let lo. Ka Phone ka phawrh a,Sangpuii number ka zawn laiin  arawn phih thla thut a, a Kekawr ipte ah a thun zui nghal daih bawk. 

“Eng thil nge…?” ka ti hman chiah chu min rawn pawt leh nawk a,ka balance hlohin tum loh zet hian ka nek ta rawk rawk. ` I duh duh i sawi a, keiin ka ngaihthla a, chuan ka chhan na pawh ngaithla lo in min kalsan i tum leh a…I va ngam zawk ve” a ti hrawk a,Na zet in ka Ban rekah a hmer a, loving room lama min pawh phei a tum chu ka duh lo. 

Ka rin loh lutukin min pawm kang nawlh a,Sofa lo awm hnai berah chuan min nghat a, min rawn bawh bet zui a,ka theih tawk in ka tal a, a Taksa rihna nen min rawn delh beh avangin tal chhuah ngaihna a awm lo, `Duhtawk teh, nasa reuh lutuk mai” a ti hul huka,ka chhang lo. Min en vang vang hmuah min ring ngam ta a ni ngei ang, a tho a,ka piahah chuan a thu a, a hah ve hmel tho mai. Ka invai vel paha a Biang ka tihfuh na lai chu a thi ser sera,diktak chuan ka naupanlai a tangin midang nen kan intihbuai chuan ka mangang hian ka ham ngei ngei a,a hnu ah ka inchhir ziah bawk. Tun tum hi chu tum reng vanga ham ka ni lo va, mahse ka inchhir tho. 

"Ngaithla rawh, ka duh phawt chuan Pekpek-a hi ka rawn hmu ang,ka Fapa a ni tlat,tuman min dal thei lo. Chuan , ka Nupui neih tur chungchang kha khawi atang a i hriat nge?ka U in min zawt tawh bawk a,chu pawh i lo sawi niawm tak a ni” a ti ta zek a,ka melh zawk a,a hmelah chuan a lungawi lem lo tih alang a,a dur deuh khup bawk. Ka khur ru dar dar chu thup tumin ka Bag in ka kut ka hliah a,a thinrim chu pawisa lo niawm tak hian ka en a, `I nupui neih tur i hre duh lo tak tak anih chuan ka hrilh em em ang che. Asawm-i nen in innei tur hi tupawn an hria ang chu,chuan, nangmah avanga kan Nufa in mi huat kan hlawh hi ka duh lo,kan awm pangngai hian kan hlim tawk reng” ka ti let ve ta hmak. `eheu…ka hriat loh in Nupui neih tir min lo tum hlawm animaw?’ ati hluk a,a awah chuan a nuih a za tih a hriat theih a,kei erawh in nuihna chhan tur ka hre miah lo.“Nupui ka nei duh emaw ka nei dawn anih chuan Ka FAPA hringtu nu i nihna ang ngeiin keiman ka hrilh ang che,midang tuman an hre hmasa lo ang” thutak lutuk hian a ti hmuk a,rang mangkheng hian " I fapa a ni ve lo,keima fa bik chauh” ka ti that. A nui a, 

“Betty….nangmah chauh in Fa i nei thei lo tih i hria alawm..Ka fapa anih zia tichiang tura sawn man ka rawn pek kher i phut anih chuan ka pe em em ang che” a ti leh a,a Aw hlauhawm lutuk avang chuan ka melh phei thuai a, a hma ai mah khan a hmel a nelawm lo zual ta. 

SOCCER – 12

“Ka fapa hi man neia lei kual mai mai theih ah i ngai anih chuan i tisual hle ang” ka ti let ve a.ka hlauh zia tilang lo tur in ka insum hram hram bawk,`Man nei a lei kual ka tum hauh lo, mahse, Mizo dan hi ka hre ve lutuk,kan Innei lo a,Ka fapa ti a ka sawi ve duh anih chuan a Man ka pek angai tih ka hai bik hleinem,chu chu anilawmni sawi i tum?” a ti khur khur a,a mitmeng a hlauhawm thlawt. Ka rilru put hmang dik lutuka a rawn sawi tak avang chuan chhan mai dan tur ka haihchham a,hnuai lam ka melh a. Sangpuii te anlo let theih nan ka rilru In ka Tawngtai mawlh mawlh bawk.

"Ka Phone kha min lo pe teh,a tlai tawh a,haw ka duh tawh” ka ti a,ti dai hian ka en a, hriatthiam har zet hian min melh vung vung,ka ngaihtuahna chhungril ber thleng hian a hmu tlang vek ni ber in ka hria, `I rilru diktak ka sawi chhuah takah chuan Thildang sawi a ngai tihna a nimaw?” a ti hmuk a,min hre chiang kual vel vek a ni ber.

Sangpuii te Nupa an rawn let leh lai chuan inpawh lo zet hian kan lo thu dun a,an lo let har vangin Thupha a rawn chawi chul bawk a,kan inkawm tan tirh atangin tun tum ang em em a ka huat hi ka la hre lo, rawn nui lui ngial mah se nuih pawh ka nui peih lo. Sangpuii te lo let hma khan phone min pe let a,hetiang teh nuai hi a ni dawn tih hria ila chuan ka lo kal lo tawp tur.

Ka haw rual thoin a Motor ah a lut ve nghal a,a mawiah kan In Mangtha ve ngial nangin hawi let miah lo hian ka tlan chhuak a,mahse,ka hnungah a rawn tlan zel tih ka hai lo, kan In thlen dawn a Kawngkawi ka tlan pelh chuan ka hmu ta lo va,engvanga min zui nge anih ka hre lo ,he mihring hi ka hrethiam thei thlawtlo. Ka tleirawl lai ang tho khan ka duh dan a la ngai reng a,mahse,vawikhatmah ka rilruah ka Pasal emaw,a Nupui nitur pawn ka la ngaihtuah ngai miah lo..Ka duh mawl tawp a ni ber.

“Liz….Pa Samu-a ka be chal e, engatinge min lo biak miah loh le?” Pekpeka'n a ti a,a ngaina ta em em mai hi ka duh lo thin.

`A buai aniang,bakah Nitin biak i tum chuan a ning mai ang che” a sam chul sak pahin ka ti a, in ngaihtuah ve niawm tak hian a ngawi ve ran ran a, `anih leh Nupui a nei dawn tak tak em?” a ti leh a" aw ‘ tiin ka chhang dawn zet a, Samu-a khan nei tur ang in a insawi duh si  lo, hre chiang lo a lo sawi ve ngawt ka duh hek lo,`ka hre lo le,nakinah amah i zawt dawn nia” ka ti ta ngawt. Reiloteah a ham bai bai a,min rawn kuah a,a tel lo a awm tur hian ka la in ngaihtuah ngai lo a,Samuel-a hian min laksak ta mai se engtin tak awm ang i maw…ka maimitchhinga,min laksak tur anga ka ngaihtuahna ringawt pawn min ti tap lo chauh…

“Vawiin chu Pekpek-a hi Samu-a khan an In lama hruai phei min rawn dil a” chaw ei laiin min rawn pah deuhin ka pain a ti a,ka thil ei lai ka tawp chat. `Eng titurin maw?" Bung fe hian ka ti a, min rawn en a,`A hruai phei duh tih bak ka hre nang. Hruai se la,a awm hlen dawn pawh ni hlei lo, kal rawh se,tlaiah a lo dah leh mai ang” a ti leh a,Hnial a sawt dawn lo tih ka hria.Pekpek-a lah chuan phur em em hian `Liz…ilo kal ve dawn lo mi?,Pa Samu-a chu ka lo dil ang aw,a phal ang” a lo ti a,za lo tak hian ka nui lui a,`a ngai lo,ka kal hman lo alawm,Tlaiah ka rawn hruai dawn che nia,Mi In ah fel tak in awm tur aw” ka ti a,a Bu ve nghat .Samuel-a a rawn thlen chuan Phur tak hian Kawngka a va hawn sak a,`kan kal nghal mai ang,Tlaiah chuan keiman ka rawn dah leh mai dawn nia” a tih chuan ka bu nghat a,` lawk…kan tlai deuh maithei aw,Dilah kal kan tum a’ a ti leh a,In a hruai phei tur emaw tih laia Dil lam daih a sawi chu ka mengphawk hra, ` chuti chu engmah ka ken tir si lo a,a thawmhnaw ka han la leh lawk ang,Tui a hmuh chuan nuam a ti thei lutuk a” ka ti leh hnuhnawh a.An In ah a hruai dawn emaw ka tih avangin engmah ka ken tir lo tak tak.  `Ngailo,Sihhmui ah khuan ania,Huan zau vak lo kan nei ve bawk a,Nizan ah Tui an paih kang tan tawh a,kan reilo ang,Ka pa chuan Inchhung in lo kal ve ula a ti zawk a” tih pah chuan Ka pa a melh a,`ehe…min hrilh har anih chu mawle,ka chak tehlul nen,mahse,tihtur pawimawh ka nei miau mai a,a lehpek ah animai” a ti luam a,a lo Phur vel hluai chu ka ngei kher bawk,Kan Chhungkaw thian pawh anni lo a,kan Inhre pawh tan chauh a,chu pawh kan inhriat dan a la tha lo zui,lo tih tlangnel vel viau a ngai ka ti lo.

Nilengin ka rilruah hna a lang thei lo,ka Phone ka phawrh a,ka Call ta nge nge.Mahse,a Pick-up lo. An ngaihtuah em em ang tih ka ring chungin ka ngaituah lo thei lo.

Ka call hnu rei vaklo ah a rawn Call back a,rang tak hian ka Pick-up  a, "Hello..Pekpek-a kha ka lo bia ang chu …” ka ti hman chauh a,lehlam atanga rawn nui ri ka hriat chuan ka tawp chat.min rawn call Tu chu ,Samuel-a a ni hauh lo.…`Liz, keimah ,Asawm-i zawk,eng thil nge a?” a rawn ti a,ka thaw deuh hap. `eng  ni lo e,Ka Fapa ka be duh a” ka tih chuan a nui leh hak a,`ka hrilh tawh che kha,I Fapa hi hmang tangkai tawh suh,I duh  aia thui ka kal mai ang” a ti deuh hmak a,he hmeichhia hi ka lo hre chiang lo tawp a lo ni, a duh a neih na tur anih phawt chuan engmah tih hreh a nei dawn hauh lo..Chuvang takin inngaitlawm taka dawr chi a ni lo tih ka man thiam ta. 

`I rin ang kha engmah a awm lo,ka be lo mai ange” ka ti ve ta hmak. Phone ka off zui nghala, k

mawl ka inti lutuk ringawt. Ani kha a kal ve dawn tih te chu hre tur ka ni asin le,engvangin nge ngaihtuah na chang ka hriat loh ni?Pekpeka pawh kal tir miah lo tur ka ni a,a chungah thil tha lo engpawh a ti duh maithei si a,hlauhthawnna in ka khat a.Sangpuii ka Call nghal a,thil awmzia mangang ru zet in ka hrilh nawk nawk a,ani pawh a mangang ve tho," Lungngai suh,ka u ka’n be chin ange,a kal ve ka ring,lo ngaihven turin ka hrilh mai ang” a rawn ti a,tlem chuan ka thawveng deuha,mahse,hlauhna in min kiansan tak tak thei lo. 

Sangpuii’n a U a kal ve ngei tih a rawn sawi chian takah chuan tlemin ka hahdam ve thei ta deuh.Khua a thim lek lek tawh tihin Samu-a phone atangin Call ka dawng a, Asawm-i anih leh ringin inhnial cho at in ka pick-up a,mahse, Pekpek-a zawk a lo ni ,`Liz…a nuam lutuk a,Sangha kan lo hawn teuh asin” a rawn ti chul a,a aw ka hria chu ka Tah te lam lam a chhuak mai. Nuam a ti viau anih chuan sawi tur a ngah leh khawp ang le,`Bawiha,a nu kha Bye bye phawt la,kan thlen hunah i hrilh vek dawn nia” Samu-an a tih ri chu ka hre thei a,a Tawngkam tin maiah chuan a Duat in a Hmangaih tih a lang ni ber in ka hria….ka nui leh rih a,engvangin nge Hmangaih se ka tih ngawt ni,hetiang reng anih chuan min laksak kher ngai lo in Pekpek-a zawk in a bula awm a la duh zawk hial maithei asin..

Samu-a chauh in a rawn dah dawn emaw ka tih laiin an chhungkua in an rawn kal a,kan ri deuh luih luih a ni ber.Pekpek-a thawmhnaw dang an rawn hak tir a,khawi ami tak ni leh ang maw?,Sangha lah chu min pe teuh a,Ka nu in a hnial mah se,Samu-a nu lah chuan `Kan ngah lutuk, tikhan awm se, midang ilo sem ve mai dawnnia,in In hnuai ho te pawh pe ve mai rawh,Bawihte-a Sangha man sa an ei ve dawn animai”a ti awlsam et a,engvanga rawn tlangnel nghal em em nge an nih hi ka man thlawt lo.Ka pa lo phur lutuk lah chu ka ngei tawk a tling em em bawk. Samu-a farnu Ethel-i leh a Pasal an lo tel ve a,mi Hausa chhungkua ho hi an Innei kual zel zawng anih hi ka ti rilru neuh neuh. Asawmi erawh chu a lo kal ve lova, ka zuk Call avang khan an intibuai leh chu a ni em lo ang chu tiin ka ngaihtuaha, intibuai pawh ni se pawi ka ti tak tak pawhin ka hre chuang lo

"Kan tum dan aiin kan lo haw tlai a,ilo ngaihtuah lutuk ang tih ka hlau khawp mai” ka hnung lam a tangin Samua'n a rawn ti thut a,ka Thingpui lum lam pawh ngaihsak lek lo in thil ka lo ngaihtuah kual a,a rawn tawng thut chuan minti phu nasa viau. 

`A pawilo,ngaihtuah viau mah ila Apa bulah a kal alawm” ka ti liam puat a,ka sawi zawh rualin ka inchhir nghal a,ka sawi zo vek tawh lawi si. A rawn awm ve takah chuan ka zam phengin Choka lah chu a tawt zo vek in ka hriaa.Dawhkan hualtu chair  pawt chhuakin a thu nghal a.Dawhkana Pekpek-a toys awm chu a la kang a,kei erawh chuan thut ve pawh ka tum lo. 

`Nia,apa ka ni ngei e. Mahse,i ngaihtuah viau anih chuan lo call mai tur che ania" Tha takin a ti a, Asawm-i khan ka call tih a hrilh lo a ni phawt ang,mahse,sawi chhuah kher a tul ka ti lo,`in buai ka ring a,khawnge Asawm-i?” ka ti zuia…Min rawn melh zawka,`an In ah a awm ang chu” a ti awlsam then maia,ka lo mengphar awk thung.Ka Thingpui chhuan a so avangin engmah ka sawi zui tawh lo,mahse ka che ka khawr tlat maia, ka thiltih a fuh hleithei lo. 

`A hang tho em ni i duh?” tih paha ka hawi let chu ka in tauh lo chauh,ka hnung lawkah a lo ding tawh chu niin..`um…duh e,mahse,he tah in ang,ka la be duh che ania” a ti nghuta,a kalsawn mai loh avangin `kalsawn la,min dal alawm” ka ti hlak a,a nui suk a,a kalsawn ve mai bawk.

Midang ho thingpui ka va sem hnuah chokaah ka let leh a, inhmatawna thu chungin thingpui kan in a, sawi tur hre lo in ka ngawi dak mai. 

“Naktuk zanah Palai ka rawn tir dawn asin" a tih takah chuan phawk tak hian ka en a. 

"engmaw?? Palai maw? A awm lo em mai" ka ti nghal duah,min fiam mai mai anih ringin ka melh kara,mahse a hmel thutak runah chuan min fiam kual mai mai lo tih a lang reng,`I ti ho em maia” ka ti leh hram a,midang an awm ve lo hlauh chu tihzia tak a ni,

`Innei ang” a ti leh tawp,a kut zungtangin no tlang a chul kual zai zai a,a tawp thut a, ka mitah tak  min rawn en a,`Inneih duh chhan chu tamtak a awm thei anga, a pawimawh hmasa berah chuan kan Fapa hi Nu leh Pa karah seilian se ka duh,chuan Pa a nei tih hre ngei se ka duh bawk” a ti leh zela,ka lu ka thing nawk nawk a,`aih…thil theih a ni lo,kan Inneih kher a ngai lo,Pa a nei tih chu ka lo hrilh fiah mai ang,bakah midangte tan harsatna siam ka duh lo” ka ti zung zung mai. A hmui a tisawi zauha. 

`Tu tan mah harsatna i siamsak dawn lo,keimah min nei dawn animai a,tunge i tih buai tel chuang ang?” a ti leh a,eng vangin nge maw ka sawi a hriatthiam duh loh kher ni??,`Asawm-i hi ka tina tel thei lo,a Hmangaih em em che a,keini Nufa vanga a nat hi ka phal lo,kei chu lo na tawh mah ila kum a liam tam tawh,tunah chuan engmah natna tur ka nei ve tawh lo,tihian awm mai mai zawk ang” ka ti leh hmawk hmawka, a hmel chang zet leh tum ruh tih hriat tak ah chuan ka thusawi in awmzia a nei tam lem lo tih a lang reng `Asawm-i chungchangah engmah buaina tur a awm lo,keiman ka tifel thei,ilo ngaihtuah tur chu engtik niah nge tih chauh a ni” thutawp sawi niawm tak hian a to leh a,sawi mai tur haihchham zet hian ka kut ka lek chhuak hluai a,ka dah thla leh a,ka dahthla chiah chu ka Kut a rawn vuan a,a Kut lum thur thur chuan a rawn hum zui ta hmak. 

“Betty….Harsatna siam tum lo la ka duh takzet ania, inngaihzawnna pawh awm lo va inneih ka rawt thut hian a thawng che tih ka hriaa, mak pawh i ti ang. Mahse, keimahni tan ni lo in Pekpek-a tan zawk hian ka ti a, thihna vanga nu leh pa kar lo va naupang an seilian pawh tihtawh laia, kan la dam reng chunga nu leh pa kar lo va seilen tir ka duh lo. Ka Fapa anih angin ka bulah ngei seilian se ka duha,min nei duh ngang lo anih chuan kan in chuh hial te pawh a ngai ang,kan inchuh anih chuan a tuartu tur chu amah bawk hi a ni dawna, chutiang boruak duhawm lo chu i thlen tir duh ka ring lo” aw ki nghet cherh chawrh hian a ti leh dap dapa, a hmel atang chuan sawi mai ni lo in a ti duh tak tak dawn tih ka hmu thiam vek. 

Thil ri rakah chuan kan hawi ruah thawt a,Pekpek-a No keng chung hian alo ding al a,kan thusawi kha a hria em ka hre lo va. Mipa naupang fing tak mai anih avangin kan sawi awmzia kha a man thiam ang tih ka hlau em em mai. 

SOCCER – 13

“No i lo seng maw? I va fel tak' Ka ti nghal chula, ka tho tur chu Samu-an min thawh khalh a,a No ken lai a laksak pahin a pawm kang nawlh a, `Liz-i nen kan sawi kha i hria tiraw?,Liz-i nen hian kan innei dawn a,chuan nang chu ka Fapa i ni dawn tihna anih chu” thlem pah hian a ti a,Pekpek-a chuan a nghawngah a ban te reuhte chuan a kuah a, apa dar kar atang chuan min rawn melh kiau a, “Ma….a ni tak tak em?” a rawn ti a,aih han tih leh hun a ni tawh lo tih ka hai lo, mahse ka tawng ri thei thlawt lo va, ka bu ta ringawt. `Yess….Apa i ni dawn tak tak maw?” Samua hnenah phur tak hian a ti a, Samuel-an a hmui a hup sak thuai a,”Hey….thuruk a la ni ania,la sawi miah loh tur,I hrethiam em?” a ti sup a,Pekpek-a a bu nghet a,a biang ah a fawhsaka,`Keini chu Api te bulah kal ang aw,Anu in Thingpui inna a tih fel laia kan lo bengchhen chuan min hau palh ang” a ti leha, nui chung hian min rawn en a,a hmel a lang dam thluam bawk.

A tuk nilengin ka awm a nuam  lo,nizan khan an haw hnuah min rawn be zui miah lo a,a thilsawi kha a tih tak tak leh tak tak loh engmah ka hre hek lo.Pekpek-a bula a sawi pawh kha a sawi mai mai ve thei tho bawk a,mahse…kei hi enge ka buai viau si le?a ti tak tak anih loh  phei chuan lawm tur ka ni a, inngaihzawnna awm lo leh fa vanga innei tur ang kan ni dawna, a lawmawm miah lo. ,mahse…innei lo tur anga ka inngaihtuah chuan ka va lawm chuang silo em!!!

Zanriah kan ei laiin ka pa ka melh leh zauh thin a,engmah danglamna a nei lo. Room-a Pekpek-a Home Work ka tih pui laiin Door Bell a ri a,a hriat rual rualin hmanhmawh em em-in a tlan thla a,mi lo leng lut tur Kawngka lo hawnsak hi nuam a ti a,a tih tur ah a ngai ve hmak. Reivaklo-ah a rawn tlan chho leh khat khat a, `tunge lo leng a?” ka lo ti a,a thil ziah lai ziah zawm leh pah-in,` ka hre lo,Putar te an niang” a ti mai a,ka nuih a za ngang mai. Pa Upa deuh hi chu Putar a ti mai zel. 

Tu te nge lo leng hriat chakin ka za deuh seka,Samu-a Palai te an nih ka beisei tak tak a ni phawt ang. Ka rilru put hmang hi ka hrethiam tawh bik lo. Amah bak hi mipa kawp ka la nei lo va, ka rai hnu ah emaw a hma pawn mipa tumah ka kawp lo hrim hrim. Mahse,diktak chuan kawp tih pawh sawi ngam a ni tak tak chiang lo,zan khat intihhlimna mai zawk a ni a,l.Mawl tak in ka duh ve tawp a,ka nghak a,enge ka nghah chhan ber pawh ka hre chuang hek lo. Ka Pasal ni turin ka beisei ngai lo a,mahse,kum hei leh chen hnuah Palai rawn tirh a tum thu vawikhat a sawi dek dek a, a tak tak nih tir tumin ka buai ruai chu a ni leh lawi si..A sawi lai khan min thawng em em mah se ka rilru chhungril ber atang hian neih pawi tihna ka nei miah lo tih ka hre ru kar. 

“Mampui,nizan khan Samu-a Palai te an lo kala, insawi dun tawh tho in ka ring,nangmah biak che kan duh avangin lo kal nawn leh turin ka ti a, mizo dan pawh a ni ve reng bawka. Enge i ngaihdan le?Pasal han neih chu i hreh viau nge pawi i ti lo’ a ti a,ka thil tih lai ka chawl dat,chhan mai dan tur ka hre lo,ka beisei ruk reng nimahse ‘aw’ ti a chhan harsa ka ti,Hmangaihna tel lo a Nupa nih ngawt mai chu a rapthlak dawn em hian ka hria“ ka hrethiam lo,in thu thu nimai tehse” ka ti sap a,a hnar a tum dat a,`engmah sawi hreh tur a awm hleinem,keini lam chuan kan ti lui dawn lo che a. Tin, Palai meuh lo kal ta chu in pahnih remtihna ni turah ka ngaia. Inneih in duh leh a tha mai a. A nawrlui che a, i hreh viau anih chuan keini chuan kan nawr lui lo che ania. Mahse,Pekpek-a ka ngaihtuah hi chuan Neila chu a that ka ring” a ti leh charh charha, " Tha in tih dan dan animai” ka ti leh tawp a,a bak han sawi belh chiam tur ka hre lo.

Ka duh aiin ka lar ta,Samu-a lah Football chawlhsan tawh mah se a la thlah tak tak thei lo a,an veng Team-ah Coach a ni a,a hma in mi hriat larsa a lo ni bawk nen,fa kum 5 mi lai kan lo nei dun bawk si hian min ti lar a ni ber,mahse,kan Innei tur hian Kan 2 emaw amahah pawh danglamna a thlen chiam lo a ang,min hmu tur in Dawrah alo kal anih pawn tul tak takah a lo kal hram a,zanah In lamah a lo kal anih pawh in kei nilo in Pekpek-a a kawm a,Pekpek-a a muthilh chuan ka chhungte a kawm leh mai a,engvanga min neih tum nge anih ka hrethiam lo tawlh tawlh a,zawt nawn leh kher turin ka induhtawkna vangin ka thei bik lo.

.“Ding teh” tih pah in min rawn kuai her lawp a,Thinrim vanga meng sen vek  Asawm-i nen kan in melh ta ran mai,

`enge a?” ka ti chu ka tawng pawh a nem fahran bik lo. Awihawm loh em em a nui sawng a,a mitmengah erawh chuan nuihza hmel a lang miah lo,`inbe lawk ang,thil hrilh duh che ka nei “ a ti a,a tawng ngaihthlak anuam ta deuh,`Sawi rawh.” ka ti hmak a,a kil lam ka pan nghal a,min rawn zui ve vat. A hmui nalh zet mai chu a hnawih sen hlar a,a thawmhnaw engkim mai a inhmeh a ni ber. ,Kei ve erawh chu Sweatpant ka ha a, boot chhung lum chi bunin Kawrlum Phiar mawl tawp ka ha a,in nalh hleih tak kan ni. 

`Samu-a khan in chanchin mih hrilh a, pawi ka tihpui rual che in ka lawmpui khawp mai che,keima tan pawh han nat viau na chhan tur a awm lem lo” a ti deuh hlak a,ka melh ha a,a sawi engmah ka hrethiam l,`a that hlauh chu” a thusawi ka chhan leh chhan loh pawh hre lo hian ka ti ve ngawt a,kei aiin a upa bik lo a,min tawn tihdan hawihawm lo tak kha amah nen a inhmeh lo hial zawka,min namnul bawka,pka zah viau na tur ka hre tawh bik. A mitah tak ka en a. “Nia,mahse…Nupui ni lo a Hmei ka ni zawk tur hi chu na ka ti ve deuh” ti chungin a nui sawng a,ka nghing lawih bawk..`Sam-a khan min hrilh tirh chuan ka duh lo a,mahse,In buaina te ka ngaihtuah a thil awm tak pawh a ni ka ti ve tho a,Pekpek-a rei lo te chungkua han neih tir pawh a tha alawm ka lo ti a” a ti leh a,a hmelah chuan min nuih zat tih a tilang a,ka tawt up up a,luak tur ang mai hian ka Pum a let but but a,mahse,ani bula hrehawm ti anga lan ka tum lo,a duh duh sawi mai mai ang hmiang,amah ka nei dawn lo a,ka Pasal tur chu Samuel-a a ni a, a nei thei lo mangang velah ka ngai tur a ni tiin ka hrilh a.`I sawi zawh chuan ka kalsan mai ang che, ka hmanhmawh deuh a” pangngai thei ang ber hian ka ti a,a Mengphar ak,a Mithmul er tan chu a ti kang zuah a,"um,ka sawi zo e,mahse, I Pasal a riakbo zeuh zeuh anih pawh in zawng duk duk lo hram ang che aw” a ti leh salh a,amah zawk a kalsawn ta a.

Bang ka ngheng rawk a,che turin tha ka nei lo,ka rin sa ni mahse ka hmaichhanah ngei chiang lutuka min hrilh takah chuan tawrh zawh rual a ni lo. Chutihrualin Ka lo rin anga hmeichhe changkang leh mize zahawm erawh a nih loh zia ka chiang lehzuala, a dinhmunah kei hi ding zawk ta ila min tih ang khan tih loh dan tur ka chianga,mahni indahhniamna mai mai a ni tih lah ka haihek lo. Ani pawh khan khatianga min tih duh kha ka lo ring chhin miah lo va, tlema mi uchuak deuh tihawm tawk lek a ti a, ani pawh a uchuak in a fing lo hle tihna a ni.

Ka Phone a rawn rik chuan ka inthing harh a, Min rawn call tu ka en chuan Sangpuii a lo ni a, kan inneihni-ah a kawr min Design sak ka ha dawn a,ani aia tha Mizo zingah thlan tur chuang ka hre lo. Min dinpui turin ka duh a, mahse,a dul a puar lian ve tawh lutuka, ka Cousin Mapuii ka hmang dawn ta zawk a,anilah chu a la phur em em zui..

`Dawr ah ka nghak reng che ania” a rawn tih chuan a Dawr ah ka kal dawn tih ka hrechhuak nghal zat. 

A Dawr ka thlen veleh a rawn khai chhuak a,a nalh ngang mai Dressing Room ah min nam lut nawk nawk a,ka kawr ka phelh tur min lo pui a,ka hak fel a Darthlalang hma a ka din chuan hmeichhe nalh em em lo lang chu keimah ka ni lo emaw tihmai tur hian keimah ka ang tawh lo. A kawr Design fuh lutukin min ti lang ria deuh a,ka nghawng a ti lang sang in ka Hnute a tilang te leh daih thung…ka taksa a ka duh loh lai apiang a khuh nalh vek nimai hian ka hria.

,`Eheu….Mate….i nalh lutuk..”tih pahin a thaw ham ham a,a sir a Parda chhah zet in zar chu a pawt hawng pawp a,`leeee…inher rawh” a ti leh hluai,a ngaihna hrelo tak hian ka inher ve mai bawk a. Mahse,ka thil va hmuh avang chuan ka zam chhe lo chauh thung...Samuel-a a lo thu thluang duai a,inngaihtuah muk hmel tak hian a khabe a dawm a,min rawn thlir vung vung bawk a,a lo kal lai ka hre sa lo va, Sangpuii te lahin an sawi bawk silo.

`a tha em Boss?” nui ar ar chung hian Samu-a hnenah Sangpuii'n a ti a," a tha lutuk” a ti nghut a,thildang a sawi belh lo,sawi belh se pawh ka ti chuang hek lo.Rinawma leh Mapuii an rawn lut a, Mapuii'n min hmu chu a rawn te chul a,Rinawma pawh Samuel-a bulah a thu ve nghal a,min rawn en chungin a mit ko hmul a san awk a,`eheu….a va han nalh deuh ve,lo che miah suh” tih leh a Phone phawrh a rual a,`hey…ka duh lo “ ka ti that a,ka hawi leta,mahse a la hman tho anih hmel. Kan nui dar dar nangin Samua erawh a thu ngawi hmuk maia, biak a huphurhawm ngang mai.  Asawm-i nena an rilru chhe uchuak lutuk avang khan ka hmu tui lo va, mahse,amah tawp hian engtin min ti lo mah se min hip takzet tih erawh ka pha thei lo.

Christmas a hnaih tawh avangin mi veivak an tam tana, Motor tawt lutuk a inhnawh vel peih loin scooty pawh ka keng chhuak lo,

`I hman tawh em?” a rawn ti thut a,Rinawma phone ami eitur siam dan vel min lo Download sak chu ka inthawn lai tak a ni a`Ooo….khawiah nge kan kal dawn a?” ka ti a,"kalna tur chu a tam mai,Scooty i keng em?,I ken chuan hetah dah mai la” a ti leh a,ka Lu ka thing a,`ka zo tep,minlo nghak lawk la” ka tih leh chuan a thu veleh mai bawk..

A car ka hriatsa ni lo, adang a rawn keng a,ngawirengin Parking a tangin kan tlanchhuak a,Sangpuii dawr kan chhuahsan atang khan kan la inbe leh miah lo va,kan kalna tur pawh ka zawt nawn duh bik hek lo. A kut tang sei thlurh maiin Steering wheel a vuana, thil pawimawh ngaihtuah nei niawm tak hian hmalam a en ngur bawk.Midang bulah a nelawm theih nen englaimahin ka bulah hi chuan a nelawm ve tak tak ngai lo. 

Zemabawk lampan in kan tlan zel a,Thuampui kan pelh phei hnuah World bank road lamah kan peng leh a,thui fe kan tlan hnuah Dinglama tlang pawng a in nalh zet lo awm lam pan chuan ka tlan chho a,Gate a inhawng saah kan tlan lut a. In chu Inchhawng nilo in, Farm House ang deuh hlek in an sa a,a bang ah rawng eng dal lam an hnawih a,a chungah rawng sen duk an hnawih thung a,a hmun hma tlangpui chu kan din fel hma in ka hmu kim hman vek..`i chhuk dawnlo mi?” a tih chuan `oh…chhuk dawn e” tih leh Kawngkhar hawnna ban ka rual nghal a,a nui huk a,`ka ei dawn lo che,khati tak a hlauh ka ngai lo aw” a ti zui leh a,a awah chuan a nuih a za hle tih a hriat theih a,hawi let lo in ka chhuk a,na angreng takin ka nam khar sawk bawk. 

Inchhung a lut tur chu ka zui lut a,Hmeichhe pakhat,la upa vak lo hian minlo chhawn a,a incheina velah chuan a neitu anih hmel loh,`thu la” tiin i tur ka duh leh duh loh min zawt nghal a,ka duh loh thu ka hrilh chuan a rawn thu ve nghal a,`tute In nge a?” ka ti sap, `Ka In anih hi,keima pual liau liau a ka sak ve ania,inhnung lamah sawn Ware house a awm bawk a,kan dawr bungraw tamzawk hi chu hetah hian kan dah khawm thin a” a ti ta duaha. Mak ka lo ti ngang mai. Fapa mal a ni a,ama pual In neih kher a tulna ka hre lo. Ka ngaihtuahna ka hmelah alo lang a ni chek ang,`nakinah Nupui ka la nei ve anga,Fa te pawh ka la nei anga,an tan ka la dah ang chu ka ti thin a,chuan Khawpui chhung ri luih luih ka hne chang in ka riak thin a,hna laklawh ka neih chuan ka riak emaw chaw ka ei nghal fo bawk a,a remchang khawp mai,enkawltu nupa an awm a,engmah ngaihtuah angai lo” a ti leh zung zung a,sawi ve tur ka hriat miau loh avangin ka bu leh nghat ,`chuan,kan inneihzan pawh hetah hmang mai ila ka lo ti a,enge i ngaihdan?” a ti leh a,ka ngaihdan min zawt mah se a duhdan min hrilh  a ni mah zawk,duhlo mahila a tilui tho ang.`a tha alawm “ ka ti sap a,a ding hluai a,`lo en kual rawh,Warehouse ah ka kal lawk dawn ania” tih leh kal a rual a,ka chhan let na pawh a nghak chuang lo.

Room kawngka lo awm hmasa ber chu ka hawng a,Bed Room pangngai tak a lo ni a,ka khar leh nghal mai. Ka hnung lamah chuan Hmeichhia kha alo ding a, `U Samu-a Room lam i en duh chuan helam ami hi aw” nuisang hian a ti a,`oh..ka lawm e,ih..in mawlbiak hi nuam ka tilo,engtin nge ka koh ang che?” ka ti let ve a,`Sangi ka nia,Sangi min ti ve tawp mai rawh” a ti a,thil tih laklawh lai a neih avangin choka lam a pan a,kei pawh Samu-a Room lam chu ka pan ve bawk.Dimte hian ka hawng a,room ka en hmasak ai kha chuan a lian zawk a,a nawm hmel zawk bawk. Khum lianpui lo awm ah chuan ka thu a,a dup kher bawk. Bangah chuan closet Teak a siam awmin ,enkawl uluk tih hriat zet hian a hnum hlarh bawk. Mawl thlak viau mah se ka hawng chak lutuk chu ka insum thei lo. Dimte bawk hian ka pawt hawng a,a chhungah chuan Mipa thawmhnaw hi fel thlap in a lo in khai a,eng vanga en chak nge ka nih pawh ka hre chiah lo,Asawm-i thawmhnaw hmuh ka inbeisei nimaiin ka hria,ka khar leh tur chuan a kil a Hrui rawn lawr chu tet ka hmu fuh a,ka pawt nghala,a rawn tla thla tep mai,ka enchian chuan Hmeichhe kekawrte Sexy zet mai leh bra hi alo ni a,ka nghing lawih a,engemaw tak hmuh tum mah ni ila ka hmuh takah chuan min thawng tho,“Enge i en veng veng a?” a rawn ti thut a,rang zet hian ka chhar a,ka hlawm nawk nawk a,a thawhmnaw karah chuan ka zep lut a,ka khar a,ka kut  ka kekawrah ka tat nawk nawk bawk. 

SOCCER – 14

“Ih….englo…ka lo en kual mai mai a” ka ti bah nawk nawk a,a Inher vut a,` kal teh ang,kan tlai lutuk ang” a ti a, Ka kut sil ka duh tehlul nen,hun a awm lo.A Pen pawk pawk chu ka zui dat dat a,hetiang tehrep a inpawh loh chu a va nuam dawn lo tak,

`Rinawma hian a tuar thei tak zet ang maw?” a rawn ti deuh thut a,ka melh zawk a,ani erawh chuan a Motor khalh lai chauh ngaihtuah niawm tak hian hmalam a en ngur a, `eng chu maw a tuar ang?” ka ti let hlak a,` "oh….mit del ka ni lo ania,hriat loh der angailo,in 2 hian in rilru a na ve ve tih ka hai hleinem” a ti hlur a,chhan en ah pawh ka en peih lo,a duh duh in lo ngai mai mai tehse.

A pa unaute In-ah min kalpui a,Anu te inpuiah min hruai leh bawk a,an vaiin an fel hlawm in an ngainatawm takzet,kan kal na apiangah Samu-a chu an lo ngaiin an Duat rawn tih ka hre nghal mai a.Api,tar tawh tak mai chuan min chibai pah hian,`khawiah nge ka Tupa chu?” a ti khur bauh bauh a,a vanglaiin a hmeltha ngawt ang,tunah kum 90 a ni tawh chung pawn a la zahawm in a langsar vah thei tlat, `In ah a awm a,kan lo tlawh dawn che u tih min hrilh lo a” ka tih chuan a nui hek hek a, ` a pawilo,In Inneih hunah ka la hmu dawn tho alawm,a hmeltha an ti em em bawk si a,an sawi uar aniang te ka lo ti a,mahse,I hmeltha em anih hi..a san zawngah erawh chuan Mambawiha chhun se a tha thung ang” a ti leh a,kan nui dar dar a,Samuel-a chu ka va melh a,za zet hian alo nui ve a,`Pi…keipawh ka hmeltha tho alawm,midang chuan keimah zawk min chhun an ti ania” nui hawk hawk chung hian a ti a, a Mit a rawn siai zauh bawk a,ka tek sawk niber in ka hria..hahthlak hian…

Kan In ah min dah a,amah pawh a rawn lut ve a,Pekpek-a Tv en lai chu kan thawm a hriat veleh a rawn zuang tho nghal a,Samu-a  a rawn bawh a,kum tam tak cheng dun tawh ang mai hian a ngaina em em ringawt mai a ni. Nidang ang bawkin Oggy a lo en a,alo lang leh tur apiang chu in ti hre zet hian a hrilh zela,Apa lah chuan ngaihnawm ti hmel fahran hian a ngaithla ve dauh dauh bawk.Thisen hi zawng a lo chak a ni e,reilote mahnise Pafa anni miau a,an Inzawmna hi a tak a,then hran theihloh khawp in an in ngaina tawh tlat a ni.`vawiin tlai chu Practice naah ka hruai dawn ania,a thawmhnaw hi thlak la..” tih pah hian min rawn en a,`aaaa….a vawt tawh em mai,a hritlang ang,kal lo mai rawh se” tiin ka hnial a,mahse,an Pafa in min hnial rawn a ni ber,Pekpek-a lah chuan nasa namen lo hian a ngen a,Samu-a lahin alo pump vel bawk nen, a tawp ah chuan a thawmhnaw ka thlaksak leh ta nge nge.Jacket ka hak tir a,lukhum ka khum tir bawk a,an la phur dun phian zui.An tlan liam tur chu ban a rawn vai lauh lauh a,ka rilru chhungril a hlimna mak tak,ka hriatthiam siloh chuan min ti nui sak a,a nuam ka ti veng veng animai.

Inneih hma karah erawh chuan buai tak kan ni tawh,kan 2 pawn kan inpawh ve ta deuh,ka huphurh thar a,kan In ka chhuahsan tur chu ka lungngai lawk a,Ka u in Nupui a la nei silo,ka chhungte tihlimtu ber Pekpek-a nen kan kalsan tur chu ka huphurh hluah hluah.Rinawma a rawn lang tam hle a,puih ka ngaihna lai apiangah min pui a,Mapuii nen an awmdanah danglam a awm a,enge anih chiah ka hre lo,an lo induh anih phawt chuan ka hnial loh zawng tak a ni ang.Mapuii tan ani aia Mipa rintlak tur an awm miah lo ang.

Ka Kutzungtanga Rangkachak zungbun kual awm chu ka tuai nauh nauh a,tunah chuan duh mah ila ka phelh ngawt thei tawh lo,min lawmpuitu an tam em em mai te chu keimah vang nilo in Samuel-a vang a ni tih ka hria a,hlim tur ka nia,mahse..Asawm-i hmel ka va en apiang chuan min nuihsawh hmel ka va hmu thin a,ka rilru chhung sawi thiam si loh hian a nuam lo nghulh zel mai.Pekpek-a pawh ka hmu mumal hek lo,Samuel-a nalh zia erawh ka haider thei lo,a Suit paw duk hak chu a inhmeh in a tilang Pa zual a,a sam meh nalh zet te,hlim ve tak tak niawm taka a nui hmel te chu sawisel tum mah ila sawiselna tur ka hmu lo.

Ka chau ve takzet tawh a,hlim hmel put luih reng mai pawh chuan min ti chau hluah hluah a,After Partyah pawh telloh mai ka duh rum rum tawh.Kan Inneih hma in a thian hnai leh ka thian te nen an Huanah Party kan nei tawh bawk a,an Boruak a san bakah an Vai mai chuan an rui chhu hlawm mai bawk si,nuam ka ti hlawl lo.Tlaiah erawh chuan reilote chawlhna hun ka nei thei ta hram a,mi chibai reng reng in ka buai a,an mahni insawi mahse an kalsawn khan ka theihnghilh zui chu animai. Pekpek-a ka pawm a,`Liz….eng tik ah nge kan haw dawn?” tih pah hian ka kawr hma cheina chu a khawih nauh nauh a,ka thaw hak a,ani pawh hian keimah ang bawkin a Inah a ngai bik lo anih hi ka ti rilru a.Khumah chuan Samu-a a rawn thu thla ve nghal a,a Pheikhawk bun lai a tlawh thla a,a mu zui a,kan Nufa inpawm chu ka banah min rawn pawt a,ka lo inring si lo,amah delh zawngin kan tlu dun a,Pekpek-a lah chu a la nui ar ar zui .Samu-a a insiamrem a,amah si chet in min pawt bet a,Keiin Pekpek-a ka kuah ve thung a,`I chau tih ka hria lawm,keipawh ka chau ve tho mai” tih pahin ka Sam karah a hmai rawn nawr pah a. `um…nia,ka chau” ka ti ve thlawt,ka zep peih lo,`In ah kan phei mai dawn mi?,engmah bengchheng a awm lo ang a,a hahdamthlak deuh ang” a ti leh a,ka chak takzet. Mahse,midang pawh an la awm teuh laia lo kal bo daih chu thil tih chi a ni si lo.Pekpek-a a che sat sat a,a tho hlawl ,`Apa…engtikah nge kan In ah kan haw dawn?” a ti a,a mitmeng fiah kelkawl chuan a pa a melh ran a,kan Inneih tur kan tih chian hnu lawk atang khan Pa Samu a tih thin kha Apa tiin a in koh tir a,a tir chuan a buai deuh a,mahse,Naupang ngang a ni a,ngaiah a nei thuai mai,`Hey,Soccer…hei hi i In ania lawm” a ti dam thluam a,vawi tam tak hetuanga a ko hi ka sawisel tawh chung pawh in a sim duhlo,` khati khan ko ziah lo teh,a mawilo em mai. Hming pawh a ni lo va, miin an ko ve palh ang” ka ti hlak a,a nui huk a,`a ho e ,keiin mawi ka ti alawm,Ka fapa in zawhna min zawh hmasak ber a ni miau a” a ti liam puat. 

Kawt zawlah Party an siam zui a,Pekpek-a erawh chu Ka nu ten a riahpui dawn avangin an hruai phei tawh a,Zu chi hrang hrang chu duhthusam in a tam,thim zing a lo in kiss mawlh mawlh tawk lah bo lo,Inchhung erawh chu a reh ruih tawh a,Upa ho an awm tawh lo a,Samu-a Nu leh Pa pawh an Room ah an kalna a rei tawh bawk,an chhungkua an zau in an inpawh em em a,a Farnu te 2 Pasal nei tawh te pawh an Pasal te nen an haw tawh a,Ethel-i zawk hi ka ngaina a,Cindy erawh chu a sual ni lo in ka ngaina vak lo,ka la hmuh tam loh vang a ni maithei,anih loh pawn Asawm-i thian tha tak anih vang in kan rilru a in hmu lo a ni thei tho bawk.Samu-a thian hnai zual te hi ka hre vek tawh a,a Teammate thin hnamdang lo kal te pawh an Polite in an fel takzet,Dar 10 a hnai tawh a,Party na hmunah pawh an tam tawh lo,an haw then nual tawh a,Samu-a khan an haw fel hma in kan kal dawnnia a ti a,mahse amah ber ka hmu lo.Room ah ka chho a,a lo awm lo va,Bath Room leh Toilet ka en a,a awm chuang lo. Inhnuai ka thleng thla chiah tih chuan a rawn lut ve chiaha,a hmel a dur khup a,engemaw thinrimna a nei a ni ngei ang. A rawn kal phei a,min hmuh chuan a nui suk a,a Thinrim hmel pawh a zia ta deuh,`min zawng em ni?” tih pah in ka bulah a rawn ding a,ka bu nghat a,`insiam la,kei chu engmah ken a ngai lo,a awmsa vek,chho ila” a ti leh a,ka hmuh tirh khan a Thinrim hmel tehlul nen tunah chuan a dam thluam tawh,`aih,keimah in ka han ti mai ang,Midang lo kawm la..” ka ti a,a bu nghut a,a Inher a,a kal zui nghal a, a Mood inthlak thut thut reng mai hi ngaiah ka neih ngei angai ang.

Bag lian vakloah ka in pack a,tam tak ken a ngai ka tilo,mi innei ang a hun kan hmang dawn anih phei chuan Thawmhnaw ka mamawh kher nang,ka ngaihtuahna avang in ka thaw hawk a,Samu-a Room a hmeichhe Underpant leh Bra bawk kha ka mitthla ah a lo lang a,a la awm reng maithei. Ka insiam peih tawh tih ka thawn a,a hnu rei vaklo ah chuan a rawn chho a,`kal teh ang,a tlai mai dawn ania” a ti a,ka thil chhawm ho chu chhuatah an thal phung a,a then chu dahfel tawh mah ila a tam zawk chu tih fel loh in a la awm a,keima thil chauh nilo in Pekpek-a thawmhnaw ken tel a ngaih avangin a tam lo thei lo.

Kawng tluanin kan inbe miah lo,sawi tur hre lo in Pawnlam ka thlir vauh vauh a,zan rei tawh lam anih avangin khawpui chhung a reh ruih tawh,mi veivak an awm mang lo.Boruak vawt var mai chu ka inchhem tir a,ka ngaihtuahna buai nuaih nuaih mai chu chhem kiang thei se ka ti kher bawk.

Kan thlen chuan Gate a lo inkhar a,aman a va hawng chawp a,Street Light a lo eng iar a,inchhung erawh chu a thim thap thung,tumah an awm lo a ni ngei ang,kan 2 chauh a kan awmdun tur ka ngaihtuah chuan ka khur ru dar dar thei,`lut vat ang,vawt i ti anh kha,I hnar a sen vek ania “ a ti a,Chahbi a phawrh a,a hawng zui nghal a.Light a on a,Pakhat chauh a on avangin a eng vak lo. Roomah ka zui lut a,a thawmhnaw dahna lam a pan nghal a,min en lo hian,`Room Bath Room hi lo hmang la,pawn lam ami ka va hmang ang” a ti dam thluam a,ka zam tih a hria pawh a ni mahna. A Kawr hak lai a phelh chuan ka hawisawn thuai a,ka Toilet Bag ka la chhuak a,ka mamawh ho chu bag atangin ka phawrh leh a,a rawn kal phei a`a vawt si,ka inbual rei miah lo ang aw,I rei chuan ka rawn lut ve dawn ania” tih pahin a nui ri hak a,thlaphang zet hian ka melh a,mahse a hmelah chuan a fiamthu tih a hriattheih a ka thlamuang leh ta deuh,`Tui lum a awm ang,Sangi kha a kal hma in ka on tir vek kha” a ti leh a,a chhuak zui ta a. A kal veleh hmanhmawh zet in ka inhlip a,bathroomah ka lut ta thuai .Bath Tub lianpui lo awmah chuan ka inchiah vang vang chak kher mai,mahse,a lo lut ve duh tak tak maithei a,muangthei ka ni lo,a lo let leh hma in ka mut hman a ngai. Shower ka inphuh tir sawk sawk a,eng vang a zam em em zel nge maw ka nih le tiin ka ngaihtuaha??,Sazupui dan chep an sawi ang mai hian ka Nervous thin a,tunah kum 25 ka ni tawh a,Fapa kum 5 mi ka nei bawka,ka Pasal nen vawikhat kan mut dunna tur a ni hek lo,Fa pawh kan lo nei dun tawh a,zam viau kher angailo ka ti mawlh mawlh a,mahse,a huhang na lutuk in min tuam hunah chuan ka nervous leh tho ang.

Dimtein kawngka ka hawng a,a ngai ngaiin a lo la awm avangin a lo la let lo tih ka chiang,ka chhuak vat a,ka sam inhlawm khawm chu ka pawt phelh a,khumah ka lawn a,ka mu ta than a,thei ila chuan alo let hma in muthilh ka duh hluah hluah..A rawn lut a, ka mut tawh vang nge ni a thawm a na lo,a vei kual vel thawm chu ka ngaithla kar a, ` Light hi ka off dawn em?” ti mah se ka chhang lo,Eng uarah ka mu thiam lo a,mahse,ka muhil tawhah ngai se ka duh avangin ka chhang duh lo. ,A Off chuanvka lawm ru kher mai. Dunlop a hniam sat a,a rawn mu zuia,Blanket rawn pawt kauin a rawn tawlh hnai nghal bawk a,a reh deuh vang vang a,ka thaw tha ngam lo,min rawn kuah a,amah si chet in min pawt bet a,ka insangmar nghal teuh thei. A taksa khauh tung mai chu ka ngheng a,`I muhil tak tak em?” a ti sup a,ka la chhang chuang lo,ka chau hluah hluah a,muthilh ka duh ber,a thaw deuh huaia,`I chau anih hi,muhil rawh,muthilh der kha i inhmeh lo ania” a ti leh sup a,a awah chuan nuih za insum ri a tel a,ka che hrat a,`um…nia,pawi i tih loh chuan ka chau lutuk a..” ka ti niah niah a,Ka hnute a rawn hum a,a thaw leh halh a,`pawi chu ti chiang e,mahse,a pawilo,Nupuite muthilh chhuak chung a tih harh chu ka duh miah lo,muhil la,zing ah erawh chuan i harh hma viau maithei ania” a ti sup a. 

Ka khap sak sak a,ka awmna ka hrelo teuh kher mai,Parda inzar phuilo atang chuan pawn lam eng a rawn lut a,room chhung a eng deuh riai a,Samu-a ban kham in ka mu a,ani erawh chu a zangthal a,a hnar sak sak mai. Dimte hian ka inbengkang a,a hmeltha tak mai chu ka thlir a,a rawn meng thut a,`In en reng chu a zahthlak ania” a ti sup a,tih ngaihna hre lo zet hian ka nui ta ngawt,a rawn inlet a,min pawm bet a,`Mut duh lutuk mai” a ti hluk a,`nangpawh” ka ti let a,a kut sei thlurh mai chu zei tak hian ka taksaah a vak kual a,Ka mutkawr hak  a pawt tawm chho tawk bawk.

Ka harh leh chuan keimah in ka lo mu a,Sana ka en vat a,dar 11 a lo pel tawh…LALPA leh…ka zuangtho nghal a,engvangin nge min kaih thawh ve mailoh ni??,zahthlak lutuk,ka inha sawk sawk a,Ka Phone ka On nghal a,Msg a rawn lut nghal pawp pawp,mahse,thil pawimawh a awm lo. Kan Thiante min rawn fiamna vek..Room a tangin ka chhuak a,tumah Common Room ah an lo awm lo. Choka lamah erawh chuan Sangi a zai rat rat thung. Ka lut phei ve a,ka pen ri hria in a rawn hawi a,Nui sang hian, "I mutui maw?” a lo ti a,engemaw ngaihtuah nei niawm tak hian a sen leh tan tan a,keipawh ka dang chuang lo tawp ang,ka hmai a sa hat hat mai. Chair ah chuan ka thu a,Thingpui ka duh leh duh loh min zawt a,ka duh thu ka hrilh a, Samu-a awmna ka zawt ang nge zawt lo ang tih ka ngaihtuah a…zawh tuma ka ang zuau hman chu pawn lama Motor thawmah chuan ka thulh leh a,ka hmuh hreh lutuk avangin ka khua a sik lo chauh.Ka pasal mah ni se ka zah a ni ber.Kawngka inhawng ri chu ka ngaithla kar a,mahse,ka beisei loh lutuk in Hmeichhe nui ri ka hre tel tlat.Ka Thingpui no chawiin sitting Room lam ka pan a,Samu-a leh Asawm-i rawn inzui lut chu ka hmachhawn ta siah mai,Samu-a hmelah chuan engmah a lang lo,a hnung a ding,Asawm-i mitmeng ling hlar maiah chuan ‘Hnehtu “ intihna ka hmu a,ka te chem chem a,Chhuat  rawn inhawng thut se tlak pil vang vang tluka duh ka nei rih lo..

SOCCER – 15

Samu-an min rawn pan a, ` I tho thei maw?,I chauh ka ring a ka kai tho duh lo che nih kha”  tih pahin a rawn kun hniam a,ka Chalah a rawn fawp zauh.Ka tan Asawm-i tihletna chance tha tak nimahse ka theilo,zah vangin ka hmai a sa hat hat a,Asawm-i lam a hawi a,`va la la,keini pawh Betty a tho tawh bawk a, kan kal har lo ang” a ti zui zat a,Asawm-i titau deuh bar chu ka en a,ka haw thei tlat lo. Keimah vangin a kehchhia niin ka hre tlat a,ka Rilru chhung a inthiam loh ruk na awm hi a bo tak tak theilo.`hetah chaw ei nghal i duh zawk em?” a ti leh a, Duat hmel zet hian min en a,ka lu ka thing a,`Pekpek-a pawh kan ngaihven vat angai a,hetah chuan eilo mai ang” ka ti sap a. Choka lam ka pan tur chu min rawn pawt ding a,ka hnung lam atangin ka kawngah a rawn kuah a,"kei chu ka riltam lutuk,mahse, chaw tam in a tam lo..” zawite hian a ti a,ka hmel hmu thei lo zawng a a awm chu ka lawm ru kher mai.

Asawm-i kal veleh Roomah ka lut a,ka Thil ken ho tlem te ka khung khawm a,Samu-a lah chuan ka hnungah min zui kual a,min chhaih bawk a,`dah mai teh,hetah hian ka riak fo ka tih kha,tunah pawh hna a laklawh chuan ka riah leh a ngai fo dawn a,mahse,keimahin ka riak dawn lo,chuvangin i mamawh zualpui kha chu hetah dah rawh” a ti hluk a,ka ngaihtuah vang vang a,ka thil ken ho chu engmah hawn lo in ka dah ta zawk.Samu-a thawmhnaw dahna lo zawk ah chuan ka dah a,engvanga Asawm-i kha lo kal nge anih ka hre duh tlat..

“Asawm-i khan enge a lo tih a?” ka ti a,`engemaw theihnghilh a nei aniang” a ti awlsam et,ka hriatsa a ni a,engtin nge min chhan dawn ka hriat duh vang a zawt mai ka ni,`Um, Nia, …a thil theihnghilh ka hmu alawm,hmanni kan kal khan ka hmu a” ka ti let hmak a,ka tum loh deuh in ka rilru a na zawk a,ka aw ri pawh a nem fahran lo,min rawn melh zawk a,`chutia law??,engmah i sawi mang silo a” a ti liam leh puat a,a ngai pawimawh lo lutuk chu ben pawp ka chak kher mai. Mahse, enge ka hmuh erawh ka sawi ta chuang lo.

Pekpek-a kan inah kan lam kual nghal a,min ngai zet hian min bawh chang chang a,mahse,ka kalna min zawt lo hlauh,`Apa…vawiin ah Field ah kan kal leh dawn em?” a tih chuan a pain a lu a lo thinga, `engatinge?” a ti leh vat.`nizanah ka mu tha lo a,chuan In kan thlen hunah tihtur kan ngah bawk si, Liz-i thawmhnaw dah fel angai a, I Room te pawh kan tifel ang chu” a ti duah a,mipa Naupang kum 5 mi lek tan chuan hriat kim sen pawh a ni lo tawp ang.

Nilengin kan buai ta tak tak a,ka Thawmhnaw dah fel nan hun ka hmang rei kher mai,Mapuii leh Sangpuii anlo kal a,min pui nasa hle zawk a,Pekpek-a erawh chu a Room tur,kan Room bul chiahah chuan a Ni te 2 nen an awm a,min bawh buai lo hlauh zawk.Samu-a chhungte tak tak an rawn leng hlawm a,Inhnuai lamah min ko thla sek bawk nen hna a sawt hlawl lo..Zan dar 8 a rik meuh chuan che tur ka awm tawh mang lo.Sangpuii tlaiah a haw a,Mapuii erawh chuan chaw a ei ve nghal a,Nula 3 lai awmpui annei a,chet na tur dangah chuan min awl vek thung,ka chet ngai lohna inchhung a ni a,chet dan tur ka hrethiam rih lo.Ethel-i leh Cindy an awm a,inchhung lam chu min awl tawp a,Inleng,keimah min chibai kher tum an awm leh thin chuan min ti buai zuala, Room chhung ka tihfelna velah ka chau hluah hluah bawk.

Mapuii kan thlah liam veleh Room ah chau zet hian ka let chho a,Sofa a ka thal der chu Samu-a chuan min rawn hmu a,min pawm tho nawlh a,`inbual phawt la,chuan,I muhil vang vang dawnnia” a ti a,zawi zet hian ka tal chhuak a,ka hnungah min zui a,min zui kual vel chuan ka thin a ti ur thut a, `min zui kual sek suh,i ninawm lutuk,Pekpek-a lo va ngaihven teh” ka ti hlar a,a nui suk a,a nui chuan ka thin a tirim zual sauh a,ka bul a Lukham awm chu ka la lawk a,ka vawm phei a,alo in ring sa a ni ngei ang,a thle zauh a,Bang a fuh dawt,a nui nasa zual sauh a,min rawn pawm kang leh nawlh a,tal chhuah tuma ka tan nasat poh leh a nghet animai. Bath Room ah min pawm lut a,Kawngka a kalh nghal hmak bawk a,a mitmeng chu nuihza insum tih hriat tak hian a nung sar a. Bang nghenga ka ding chu hnai zetah min rawn en a,a insum hmel chuan ka nuih a ti za ve ta,mahse,ka nui duh lo a..min en run mai bawk si,rei insum thei loin za zet hian ka nui chhuak hawk a,ani pawh a then suk bawk,`lo inhlip rawh,keipawh Shower neih zuai ka ngai” a ti a,a chhuak zui ta a.Ka thawmhnaw engmah ka ken luh loh avangin la tura ka chhuak leh tur chu a rawn let leh chiah a,Towel nen a rawn lut a,`ilo la inhlip na nge?….i muthilh hma in inbual vat rawh” a ti hluk a,ka thawmhnaw chu phelh tum in a rawn ban a…

Ka lu leh Lukham a in sik rual in ka muhil a ni ber,Samu-a rawn mut lai pawh ka hre tawh lo.Pekpek-a erawh chu ka nu te bulah a mu a,Api leh Pu pawh a ngaina nghal thei tlat,kan Inneih hma khan an hruai phei zauh zauh a,vawikhat an riah pui bawk a,kei ai pawn an duat mah zawk in ka hria,an Fanu te lah chuan Fa an la nei lawk bawk si lo nen khawi hmunah pawh a Lal vel vek a ni ber,a hma khan Ethel-i fa te thawmhnaw an hak tir emaw ka ti a.,mahse, Pekpek-a ta tur ve hrim hrim a an lo lei sa a a lo ni a,Thawmhnaw keng lo pawn kal se hak sen loh an lo lei sak ve hrim hrim.

🖤💜🤎

Dawr pawh Ka nu kutah ka hlan fel a,ka pual a siam ni mah ila Samu-a chhungten tihzawm an phal tlat lo.Samu-a pa hian ngaihdan nghet tak a nei a,Hmeichhia in Hna an thawh a rem ti lo bur a,Inchhungah Awmpuite awm mahse,Naupang midang kuta dah a phal tlat lo.Pekpek-a keiman ka hruai ta ziaha ,ka hruai hman ngang loh tum a awm anih chuan Samu-a tal in a hruai ngei ngei thin.An inchhung Khawsak phung a fel thlap a,keimahni In lam ang tho In Ka nu leh Pa an in hau ngai lo niin ka hria. Samu-a nen pawh kan lungawi lo anih chuan kan 2 in midang hriat loh ah Sawifel thin tur in min ti a,ka thiam loh zawng a lo awm palh chuan Samu-a hian min puih a in peih at zel.Mahse,In ah a awm tlem em em a,a buai em avangin a tuipui ber Football lam pawh a ngaihtuah hlei thei lo a,coach anihna pawh a chawlhsan ta nge nge. Dawr 3 an nei sa a,Champhai lamah hawn belh an tum avangin a buai a,zanah tlai tawh takah a lo haw a,Ka lo nghak hram hram thin.Pekpek-a erawh chuan a nghak chhuak zo lo fo mai.

“Ka chhuahsan tam lutuk che hi hrehawm iti em?” a ti a, a dar ka nghengin ka thu mu a, a Mal sei thlurh mai chuan min khan bet a,`aih,hnaah i buai em a,ka hrethiam alawm,mahse,puih theih che hi ka chak ngawt mai” ka ti sep a,ka Dul a chul hauh hauh a,thla 2 lai kan innei ve reng tawh mai. A tirah Buai ka inpeih tehlul nen kan inhau buai ngai miah lo,a bula ka Nervous lutuk thin pawh a ziawm ve hret hret a,Inhmangaih taka Inneite nen kan danglam kher in ka ring tawh lo. In tih lungawi kan tum ve ve a,kan Inhiptawnna chak lutuk hi mak ka ti a,min mamawh phawt chuan ka hnial thei ngai lo,ka tih hmasak tum a awm fo bawk.`Samu…I muhil tawh em?” ka ti sep a,a che hrut a,thatchhe aw zet hian,`um” a ti zui a,ka aw ka thian a,`Asawm-i hi i hmu ngai em?” ka ti a,a reh vang vang a,min chhan ka beisei chiah lo reng a, mak ka ti lo. Mahse,,`hmu ngai e,ngatinge?” rei deuh hnuah a ti a, a aw ah chuan a mut a chhuak hmel kher bawk,`Eng ni lo e,ka zawt mai mai che,I mut a chhuak anih kha,muhil la” ka tita zawk. Min rawn kuah hnai leh a,kei erawh chu ka mu meng kar thung a,Mapuii’n a hmu dun tih a sawi kha a dik a ni phawt ang le,mahse,Asawm-i khan min Warning sa ve reng alawm.

Champhaiah zan 3 riak tur in a kal a,kal ve ka duh laiin Pekpek-a School a kal laklawh a,ka kalsan ngam lo. An thlen chin min rawn hrilh zel a,ka ngai ngawih ngawih a ni ber. ,Zanah Pekpek-a a rawn bia a,hna chungchangah reife ka pa nen an inbe leh bawk a,Pekpek-a ka hruai pah in Dawrah Ka nu ka tlawh kual a,kan haw dawn in Rinawma a rawn lut ve chiah bawk a,kan Inneih hnuah ka la hmu leh mumal lo,kan ri hlut a,kan thu dun a,Mapuii erawh chu a buai avangin a rawn thu ve lo.Pekpek-a lah chuan kan la haw dawn lo tih a hriat veleh Api bulah a tlan lut leh a.

`Pasal neih tak avanga i induh lutuk hi ka hrethiam hlawl lo” a ti nung nunga, a hmelah chuan a lungawi lo ve tak tak a ang,ka thaw hak a,`chutiang pawh a ni lo, ka buai ve thin em alawm,thinrim lo teh,hriatthiam ka ngai anih hi” ka ti let a,a nui a,a lu a thing nar nar a,`ka fiam che anih kha,mahse,Buaina inneih ka lo hlau deuh a..” a ti leh a,ka melh ha a,ani pawh hian Samu-a leh Asawm-i inngaihzawn dan zawng zawng a hriaa, kan inneih hnuah eng emaw thil hriat a nei a ni phawt ang,ka thinphu a rang nghal zaih zaih a,`hm….eng vang chuan maw?” boruak tih zangkhai tum in ka ti zang vah, a nui ve nangin a hmelah dik lo a awm,`ok…a that hlauh chu..mahse,ka ngaihdan chuan inpa leh Asawm-i hi an inzui tam mah mah lo maw? In inneih hnuah ania ka tih” a ti ta nge nge a,a sawi zawi hle a,mahse,ka hre chiang ngang thung. Min thawng teh mah se ka incintrol tlat. 

"Hna chungchangah alawm,Mapuii pawh khan min hrilh a,mahse,engmah thildang a awmlo” tiin ka nuih sang a,min lo ngaihtuah ve tak tak a ni phawt ang,chutia ka tih takah chuan Hahdam huai hmel a pu a,Ka kut a rawn vuan a,`Liz…hlim reng ang che. I Pasal i hmangaih tih ka hriatpui che a,Problem i neih phawt chuan i tan ka awm reng ania” a ti a,midang awm ve an awm si a,ka Kut a vawn chu ka la sawn a,inthiamlo hmel zet hian,`ekhai…kan inthianna vang chauh anih kha aw” a ti zui leh zat a,a sawi loh pawn ka hrethiam a,mahse,midang te min hmuh dan tur ka ngaihtuah a ka duh lo ru kher thung.

Samu-a rawn haw chu hlim takin kan Nufa in kan lo lawm a,a chau hmel takzet,a han buai viau a ni ngei ang. Nidanga ka hriat ngai miah loh in Zu rim a nam bawka,a Inbual zawh veleh a Mu nghal a,ka Mut ve chuan a lo hnar hman der tawh. ,Zan 3 lek nimahse ka ngai hman takzet a,tunah chuan amah ngheng in ka Mu leh thei tawh a,a Lungphu ri dat dat pawh ka ngaithla leh thei ta. Min chul kual dan dan chuan ka harh a,ka inlet thak a,a mitmeng thim raih mai chuan min lo en a,chakna lang pawh chu thup a tum lo. Mahse nidang ang lo taka a hmel insangmar teuh mai chu ka hmuh hmaih thei lo. ,Min rawn fawp chu min dim lo kher mai,min fawp bawrh bawrh a ni ber maia, a chetzia chu Ramsa koham tak chezia tur a ang.Ka hnute a tham a,a dim chuanglo,ka tal phat a,`min ti na dawn ania” ka ti sep a,ka thusawi ngaipawimawh loin a che zui buan buan a,hlauhna avangin ka khawng lo chauh thung, hetianga tihluihna a hman hi ka lo ring ngai lo. A duhtawk angah chuan a let thla tawp a,min hnungchhawn zui daih bawk,ka Mittui luang ngiai ngiai chu hru tur pawn ka che ngam lo,ka mut dan ngaiin ka mu kawm ngal mai. 

Ka mu meng kar a,Samu-a thawh lai pawh chuan ka mut dan ngaiin ka la mu a,dim te in a tho a,a che vel thawm chu ka ngaithla kar.A  tih dan pangngai in Pekpek-a Roomah a lut phei a, a kai tho a,an Pafa in min tih harh hlau in zawi te te in an Inbia a,Gym-ah an kal dawn tih ka hai lo,nidang ang chu nise min kai tho ang a,an chhuak tur ka thlir liam leh ngei ang,mahse,tun tum chu chutiang engmah a thleng lo,an chhuak thawm chu ka ngaithla kar a,an pen thawm zawi tial tial chuan keimah pawh hi min hnuchhawn niin ka inhria a,chhuak zet in ka Tap ta hlawp hlawp. Kan Inneih tirh khan Buai kha ka inring ran thin a,mahse,kan buai miah lo,tun ah thla 3 vel chauh a liam a,kan in hau lo,mahse,nupa nun min hmanpui duhdan kha a satliah lo lutuka, min Sual niber in ka hria..

Ka tho tur chu ka then sak mai,ka sil thum theia,ka Taksa natna ai chuan ka Rilru nat na a nasa zawk.,Bath Room Darthlalang a ka thla lo lang chu a mawi lo kher mai,ka pawr fap a,ka dang lap bawk. Zan khat lek vangin ka Hmuhnawm loh kher mai ka ti rilru a, an rawn let leh chuan Choka lamah ka lo pui a,Pekpek-a bual a,School kal tur a siam nghal angaih avangin ka zui chho a. Samu-an vawikhatmah min melh eih lo,`I ei ve nghal dawn em?” tih pah in a insiam mawlh mawlh chu ka melh a,`Dawn lo,Dawrah ka ei mai ang” a ti hmuk a,Pekpek-a Bag leh a Bag a khai nawlh a,min en chuang lo hian a chhuak ta daih a,ka thaw hawk mai, engthil dik lo nge maw ka tih tehreng ni??? A chet dan vang pawh khan amah zawk inthlahrung tur anih vei nen. 

Kan nun dan a inthlak ta thut, Zan-ah tlai tak takah a rawn haw a,midang awm lai lo chuan min be ngai lo. Ka nu leh Pa pawhin kan Boruak tha lo chu an hai lem lo,mahse,vawikhatmah min zawt lo,hreawm in an awm lo hrim hrim zawk. Zu a rawn nam haw zeuh zeuh ta fo bawk a,Kan In ka ngai kher mai,haw ngawt turin kan inhau der bawk silo,mahse,inhau hrep ila anuam zawk maithei,min be duh lo tawp a,ka awm ve tih hre lo ang hmak a a awm chuan min ti hrehawm zawk,hna tul chhuan lam in a lo haw lo ta fo bawk.

“Enge maw tihsual ka neih chuan min hrilh la,hetianga inbiak loh tawp chu hrehawm ka ti em mai” ka tita nge nge a,Laptopah hna a thawk mawlh mawlh a,ka biak hreawm pawn a awm chuang lo,`Samu….” Ka ti leh hman chiah chu a rawn hawi phei a,vin thak hian,`hna ka thawh hi i hmu lo em ni?” a ti hrawk a,ka Phu dawrh thei,mahse,ka zawt laklawh tawh a,tawng tir ka tum ve tlat,”I buai loh lai pawn min be chuang hleinem,ka tihsual chu min hrilh la ka siam that theih chuan ka siam tha em em ang” ka ti leh a,rum zet hian min rawn melh a,`Mifel leh tha tak ang khan awm lo teh,Ka Hmangaih lo che a,Nangpawn Min Hmangaih lo,tisa in it tawnna mai chauh anih kha,ka it tawh lo che animai,enge sawi tur dang la awm?” a ti hmuk hmuk a,a tawngkam chhuak zawng zawng chuan min chhun sawk sawk a ni ber,chhan let na chang hre lo in ka melh ngawt ngawt a,a tho thut a,a Laptop a khup a,a Thawmhnaw bawm a hawng a,tam vak lo a la chhuak a,`khawnge i kal dawn?” mangang zet hian ka ti a,`ka hmu peih rih lo che,Ka Inah ka riak rih ang” a ti bak hluka,chhan pawh ka chhan hma in a chhuak ta hmak. 

SOCCER – 16

Hamhaih takin ka awm ngaiin ka awm a,Kawngkhar lam ka melh ngawt ngawt  mai.Phone a rawn rik thut chuan ka phu zawka, ka awm ngaiin ka awm rei viau a ni ang, ka ke a mu churh churh hman. A kal chauha tinge min lo call leh si to rilru chungin ka pick thuai. `Ka pi,hei Motor Accident a awm a,Motor number chu …..” Mipa ka hriat ngai loh hian a rawn ti mawlh mawlh maia. "Eng maw motor Number kha? Ni leh lo, khawnge phone nei tu hi ” ka ti buai buai maia, min rawn betu chuan number a rawn sawi tha leh a," Phone neitu hi Motor khalhtu chu ania, tunah Motor Dangin Damdawiin lamah an kalpui chiah a,a Phoneah hian i Hming ka hmuh hmasak ber avangin ka lo call tawp che a,inchhungte anih chuan Civil Hospital ah ilo kal dawnnia” a rawn ti leh zung zung. Phone ka thlauh tawp..Inhnuai lamah ka tlan thla a, Step pawh a mal mala rap lo in ka zuan kan thla a,Ka pa te Room kawngka kik leh chhir ka rual a,Ka au pah bawk a.Ka nu-in a rawn hawn veleh chuan ka hmelah leh awmdanah dik lo a awm tih a hre nghal a ni ngei ang,`eng nge ni Bawihi?” min rawn vawn pah hian a rawn ti a,`Samu-a a Accident an rawn ti a,Civil ah an kalpui mek a, kal ila a that ka ring” chiai loh tum hram hram chungin ka ti a, mahse midang tan chuan ka zam hle tih hairual a ni lo ang.

Ka pa a rawn tho a, `Buai suh u,eng em a ti lo ang,insiam rawh u,Hminga kan kai tho ange” tih pah in Driver Room lam a pan nghal a,Insiam leh chuan ka mamawh in ka hre lo. Ka nu a in Control thei viau mai.Kawr Dang a va ha a,ka rilru ah Pekpek-a alo lang thuta,Hmanhmawh taka Inchung lam pan tum chuan Step tawpah bang bo hmel zet hian alo ding tau a. Ka nu te ka kaitho tur kha ka thawm a na deuh a ni ngei ang,Ka nuin min rawn ko leh a, `Pekpek-a hi a u te bulah lo awm se,keini chu kal phawt ang u. Angaihtuahawm lo vang” a rawn ti a,kan Nula te hi an vaiin `a-u ‘ tiin a ko vek a,a ngaina vek bawk.Kan nula te an lo tho phak phak a. Sawmi'n Pekpek-a a rawn ngaihven thuai a,a bak chu mumang ang ruai nimaiin ka hria. Engmah ka ngaihtuah fim thei lo.Hetianga Phili tur ka ni lo tih ka hria,mahse,ka hlauhna-in ka kawchhungah a man tlat a,ka khur ka khur maia, ka nuin a hlauhthawnawm lo vang ti ti mah mah se ani pawh eng vak a ni chuang bik lo.

“Helamah hian aw” tiin mi pakhat hian min lo ko a,ka hriat hnu a ang a,mahse chutiang ngaihtuah tur in hun ka nei lo. A hnungah chuan kan zui a,kawngkhar bulah min lo tiding leh riha,ka ke khur Nasa lutuk vangin ka ding tha thei lo. Pawna thutna an dahah chuan ka thu hnawk a,Ka pa leh Doctor inbe mawlh mawlh chu an thusawi hre miah lo hian ka melh reng ringawt,a hnu rei vak loah Ka nu a rawn thu ve a,ka kut a rawn dawm a,`Lungngai suh aw,an Zai nghal dawn a,zai huphurhawm pawh a ni lo e an tih chu,a tha leh mai ang an ti a” a rawn ti a,Mitmeng ngilneihna a khat in min en a,engmah tih theih ka nei lo. Ka inthiam lo ru em em maia, lo ve buai lo khan hna kha thawk ta mai se a kal chhuak awm der si lo….

An zai zawh-ah ICU ah an dah leh a,Pawn lamah an awm thup maia, an lo thlen lai pawh ka hre lo. ICU chhungah ka awm a,a Lu an tuam var luk chu ka en a,a ban an tuam bakah a ke veilam an cher bur bawk,Oxygen an pe renga,a hmel tha tak mai chu a dang lap mai. Darkar engzat nge hetiang hian a la mut ang le ka ti zet a,ni lo..Ni engzat nge ni ang tih zawk a ni. 

Kawngka Dimte in a rawn inhawng a,Pekpek-a leh Ka nu an rawn lut a,Pekpek-a  ka malchungah a rawn thu nghal tharh. Engmah sawi lo hian Apa’ engmah hre lo a Mu chu a melh kar a,a kut tereuhte chuan nghet zet in ka kut a chelh reng bawk. 

"Liz….va haw la,va mu hahchawl ta che aw,Pawnah sawn i nu pawh a awm a,Pekpek-a pawh hi Hruai haw leh mai ula” zawite hian Samu-a nuin a rawn ti a,ka Lu ka thing mai,Kalsawn san ka duh tlat lo,ka awmloh laiin alo harh ang a, min zawng maithei a, anih loh pawn ka kalsan laiin a chhe ber kan thleng thut thei. `Engtin nge Pekpek-a hi lo luh an phal zawk a?” ka ti let ta daih,"Ka u Fapa Doctor kha a Duty alawm” a ti leh sep a,nidawn tak,a Accident zana min lo buaipui tu pawh kha a ni a,ka hriathnu a ang kha ka ti ru mai maia, ka hamhaih lutuk khan Tunge anih ka hre chhuak lo mai mai zawk a lo ni. 

Inthiar tur a ka tho zawk anih loh chuan ICU ka kalsan ta miah lo, Damdawiin pawh ka chhuahsan ta hek lo. Ni 2 chu engmah awmzia awmlo in a Mu a,vawiin hi a ni 3 na a ni tawha.Thiante leh chhungte zawng zawng in min ngaihtuah em em a,kan chanchin an ngaihven reng bawk.Samu-a lah hi mi ngainat a lo hlawh ve bawk nen,Pawi an tih thu sawi a rawn Phone an awm zut reng bawk. Samu-a Nu leh Pa in min lainat a,anni tan pawh an Fapa a ni a,kei ai mahin na an ti ang. Mahse,ka hmuh laiin hrehawm ti awm in an awm ngai lo. ICU a luh an phal laiin ka lut a, a kut ka hmehsak laiin a che hrat hian ka hria a,Khumah dimte in ka dahthlaa. A ti che leh angem tiin ka en a, Kutzungtang a rawn ti che leh chiah chu ka tho zawk mai. A Hmai bulah ka va ding a,a rawn mengzui a,chauh hmel takin a meng dul raih mai. 

Pawna ka nu leh Ethel-i an lo thu duna,hlim tak hian `Nu,a harh ania. A lo meng chiah..” ka va ti chul a,ka tlan let leh nghal chu min rawn zui ve nghal vat. Ka nu-in a lu tuamna chul sak pah hian,`Mama, I tha em?” a ti a,lawm vangin a tap lo chauh ni berin ka hria. Ka va ding hnai ve nghal chu min melh zawk a.Ka nu leh Ethel-i lam a melh leh nghal daih chuan min ti  hnual ru rawih thei,a harhchhuah tirh phatah pawh min la hua tih alang reng maia, a theihnghilh lo anih pawhin a tilang zui lo ang chu ka lo ti asin le.

Doctor in a rawn en nghal zung zunga,a la chauh em avangin Mutna in an Jection leh a,keipawh Ka pa rualin ka haw ve ta nge nge.Zanah pawh kal tawh lo in In-ah ka riak nghal a,ka beisei loh takin ka mutui phian bawk,ka chau tawngkhawng a ni ngei ang.

“I tha em?” tih pah in a Khumah ka thu kai a,min melh reng a,a harh tirh atangin ka biak min la chhang miah lo va, tun tum pawh min chhan a tum lo leh dawn anih hi ka ti hman, Mahse a ngawih reng hnuah, `Ka tha" a ti zuai ruiha. "A lawmawm, na i nei em? " ka ti leh a, "Tunge i nih?” min en reng chungin a ti ta daih. A zawhna chuan min ti nghing lawih a,chhan tuma ka ang zuau chu Kawngka inhawng ri vang in ka thulh leh a.Asawm-i rawn lut mek nen chuan kan inmelh ta ran mai. "Lo kal rawh" ka rilruin lawm miah lo mah ila tha takin ka ti a, min rawn pan pheia, khuma Samu-a mu chu a en a,a nui saka. Samu-a pawh chuan  hlim hmel deuh hian a lo en ve reng. ,`ilo kal har hle mai” a la ti zuia,`Ka awm reng zawk alawm, thil pawimawhah vawiin chu ka chhuak zawk a” ati thuaia,ka Thutna bul setah a rawn thu ve a,

`Thiannu,Pawi i tih loh chuan …..” Samu-a min tih chuan mak ti em em in ka melh tlawk tlawk..A la chau hle nangin nimin lam ai chuan a tha tawh a,a harh tawh vangin ka lawm tehreng nen,tunah chuan engmah hre lo va a awm lai ai kha  min tibuai ta zawk. "Min chhuahsan thei em? " a rawn tih leh takah phei chuan ngawirengin Pawn lam ka pan ta hna hna. 

Ka nu leh Doctor in be mawlh mawlh chu ka lo nghak a,min hmuh veleh min rawn pan a,ka bulah a rawn thu ve a,`I va lo chhuak hma ve,a muhil em ni?” a rawn ti sawt sawt a,ka Lu ka thing a,ka tawng chhuak mai thei lo.

`Cabin kan chang thei dawn hlauh maia,rin aiin kan la awmrei hmel sia, a tihzia tak tak a ni” a ti leh siam siam a,Cabin kan chan avanga kan vanneihthu a sawi zui leh teuha,ka rilruah a thusawi chu a lut lo hrim hrim. 

A hnu deuh fe a Asawm-i Samu awmna atanga a rawn chhuak chu ka nu in a hmuh veleh a phun hlak maia, a ngaithei vak lo tih ka hria. 

`Nusang,a ko che a” ka nu hnenah a rawn ti a,Ka nu a tho nghal thuai a,`lo kal rawh Liz…” tih leh kal a rual a,ka zui lut ve a,Asawm-i pawh a lo lut veleh tho. Khumah a thu a,Samu-a chuan ngai hmel lutuk hian a lo vuan vat bawka,ka na nghal vawng vawng a ni ber.Ka nu pawh chuan thilawmdan a man lo ve tho tih ka hria,`Mama…I ziawm deuh em?” tih pah chuan a thu a,Kei erawh chu ka ding ran a,thil thlen dan vel hian min ti buai lutuk a ni tawp mai,`aw,ka ziawm,Nu…khawiah nge Cindy te hi?” a ti leh a,ka nu in an awmna a hrilh a,Cabin kan hmuh thu leh kan insawn nghal  tur a hrilh nghal mawlh mawlh bawk a,`Liz….lo thu la,I mangan tehlul nen a harh tawh hi,rilru nuam deuh in awm rawh” tih pah chuan Asawm-i chu a melh kawk a,khum lam pan ka tum lai ta ka `Nu….ani kha tunge a?” a tih ri chuan ka kawchhung a nghawr nghing a, khum lam hnaih loin ka tawlhhnung hrat mai. A awmdan mak ka tih em em kha min lo hriat loh vang ngei a lo ni. Nichinah "Thiannu’ min ti a,tunah` tunge’ tiin a zawt leh bawka,ka ipik mup mup a ni ber. 

`Bawiha,Liz-i hi i hre lo amaw?” ka nuin a ti a, a awah chuan mangan na a ri tel a,keilah milim ang maiin ka ding mawl tawp bawk.

A meng buai nak a,min hre lo takzet tih phat rual a ni lo,min rawn en a, `aih,hre miah lo,ka ngaihtuah chhuak zo lo,ka thian hlui zawk em ni?” a ti leh duah a,`Ngaihtuah hah duh rih suh,I chau ang” Asawm-in a lo tih phei chuan thinrimin rilru na teh mah se sawi ve tur reng reng ka hre lo.,`Hmm….nia,ka peih buai lo,nakinah Ka hre mai ang che”a ti nuah nuah a,ka biang rawn vawt thla ngiai ngiai ah chuan ka Mittui a tla tih ka hre chauh,ka hru zauh a,`min hrethiam teh u” ka ti thei tawka,ka pai chhuak ta nawk nawk. 

Cabin-ah kan insawn a,aman a duh tlat avangin Asawm-in a awmpui ta chawt a,kei erawh chu kal ziah mah ila min be ngai lem lo. Doctor khan a lu a sawh avangin a Hriatna lamah fel lo a awm tiin a sawi a,engtik ah nge a pangngai leh leh ang tih a sawi thei bik lo.Beiseina nena thlir tawp bak tihtheih kan nei lo. Ka rilru a hah em avangin  chaw ka ei thei lo va, ka muhil thei hek lo. Samu-a nu leh Pa in min lainat em em a, Abik in a nu phei chuan Asawm-i a ngaithei lo zual em em bawka. Mahse,Samu-a ber in a awmpui a duh miau a,sawi theih a nei bik si lo. A hriatna lam fel lo hi a tider lo tih a chianga,thil thenkhat chu la hre pangngai vek mah se tunhnaia thil thleng tam zawk a hre reng tlat lo lai hi a buaithlak ber. Dawr leh eizawnna lama a hmalakna pawh a chanve vel chauh a hria a,keimah chauh niloin, ka chhungte lam pawh tumah a hre chuang lo. A nuna ka tel ve na chin engmah hriat a nei lo va, Fa kan nei tih a hriat hmaa a nun kha a hria a ni deuh ber,,Mahse ,mak tak in kum a hre dik tho bawk si.

An rawn chhuah ni chuan Damdawiinah kal lo in In ah ka lo nghak a,min hriat miau loh avangin Room atangin ka insawn chhuak a,Pekpek-a Roomah ka thawmhnaw kan dah phei a,ka mittui a tla ru nasa ngang mai. ,Min Hmangaih lo mahse eng vangin nge min hriat loh tiin ka inzawt nasa a, Pathian hial pawh ka chhuahchhal a, .a Fair ka ti hlawl lo.

Gate bula dingin ka lo hmuak a,Motor atang in a thianpa ber Reuben-an a rawn kai chhuak a,a ke a la rin that theih loh avangin Reuben-a darah a kuah a,lehlam in Asawm-i a kuah thung a.Ben-an min rawn en a, min lainat tih ka hai lo. Samu-a pawh in Polite tak in min rawn nuih ve a,insumzo lo in lehlam ka hawi ta ngawt,ka Mittui far zawih zawih chu ka hru a,ka khawhmuh a phe ruai bawk.

Ka Pangngai deuh hnu a Inchhung ka luh chuan kan Nulate chauh an lo awm a,inchung lamah an awm vek a ni ngei ang.Chho duh em em mah ila ka chho ngam lo. Ka hmai ka phih hnuah kan Nula te Thingpui lum vel chu ka pui ta zawk a,anni pawh chuan min lainat ru takin min en hrek hrek tih ka hai lo. Ethel-i emaw Sangpuii zawk pawh awmse ka ziawm deuh tur ania. 

Ben-an min koh ri ka hriat chuan Common Roomah ka phei thuai a,Pawna a chhuak chu ka zui a.

`Liz….i tawrh nat dan tur ka hriatthiampui zo lo ang che,mahse tuar hram hram turin ka ngen che a,Sawm-i che Over vel khi chu hmuh hmaih tawp tum la. Engkim a tha leh vek mai ang”min hnem tum tak hian a ti a,ka Mittui bawk a rawn hnai leh a,dan kir tum in ka khap sak sak a,tawngka chhan ka harsat em avangin tawng loin ka bu nghat bawk.

`Ka kal mai loh chuan tlai lam Practices ka Off thei lo a” a ti leh a,`Chuti maw? Anih chuan tlaiah chaw ei turin lo phei a, I awm lou chuan a hrehawm em a,I awm hian ka tan pawh a ziawm a” ka tih chuan ka kut a rawn vuan a,nghet zet hian a chelh a,`Aw le…ka lo kal ang,Buaina i neih phawt chuan min rawn Phone vat ang che” a ti a,ka thlamuang huai huai mai.

“Liz….han chho ve la” Ka pa in min rawn ti a, a hmelahah enge a ngaihtuah hriat theih loh mah se min lainat tih ka hai lo. a,`um….mahse, Pekpek-a lo haw phawt se ” ka tih chuan min hrethiam tak hian a bu nghut a,min tihluih tum hmel a pu lo. 

Pekpek-a lo haw veleh inchung lamah ka hruai chho a,Apa a lo haw tawh tih ka hrilh chuan phur zet in ka hmaah a tlan nghala,ka umzui thuai. Samu-an tu nge anih a hre lo a,a han chimbuai lutuk chuan a lo hau maithei a, chu chu a thlen ka duh lo. Room a a tlan lut ka umzui a,a lo ding leh si chu ka su lo chauha,keipawh ka ding ve dawt tho mai.

Mak ti hmel taka khum lam a en tih ka hriat chuan ka en ve nghala, ka rin loh lutukin Khumah an lo mu dun a,Pekpek-a tan chuan apa leh Nu Asawmi ti a a koh thin lo mu dun ta ngawt mai chu mak tih loh ngaihna a awm lo. Mak takin Naupangte mah nise Asawmi a ngaina miah lo bawk. Asawmi kan thawm hriaiin a rawn hawi a, rang takin puanin a inkhuha. Pekpeka'n 

`Apa” a tih chuan Samu-a maimitchhing mek chu rawn mengin  tur zet hian a rawn hawi chhuak a,an che khaw lo lai tak hmu lo mah ila Asawmi lo awmdan leh a kawrhak inhlim vek atang chuan an lo mu dun satliah mai lo tih hai rual ni hek lo le, rilruna leh yenna inkawpin ka insum hman lo va,ka Uak thawt mai. Toilet chhungah ka tlan lut nghal a,ka luak zui bawrh bawrh bawk.Ka mittui rawn tla chu duh lo in thinrim zet hian ka hru a,ka thil hmuh kha ka rap lutuk,rei pawh a la ni lo a, Damdawiin a rawn chhuahsan dek deka, dam pawh la dam chian hma hmain khatiang kha a thleng nghal ania..Ka maimitchhinga, rang zet in ka meng leh nghal a,ka thil hmuh kha ka mitthlaah a cham kumkhua tawh dawn tih ka hre nghal bawk.

Pekpek-a ka hre chhuak zawk a,huphurh ru tak hian ka chhuak zui nghala. A din ngaiin a lo la ding ngar a. Asawmi chu tho chuanglo in in ngheng rial in an lo thu mu dun a,Samu-a chung atangin alo chhuk tawh hrim hrim pawh a lawmawm. Pekpek-a la chetsawn loh chhan ka hmu nghal,chhuatah chuan a zun a tling lang a,ka thaw hawk thei.Apa te In a a kal hmasak ber ni khan kan 3 vang in Zun a cheh tawh a,tunah kan 3 vang bawk in hlauthawngin zun hial a cheh leh ta. Kum 6 a tling ve tawh a,kan check-up tir reng bawk nen a ziawm viau tawh emaw ka lo ti asin le. 

Rang takin Bath Room a Chhuat nawhna awm ka va la chhuak a,Pekpek-a zun ka hrufai a,ani lah chu mangang tih hriat tak hian a pa en chungi a ding reng ringawt. 

Ka pawm nawlh a,min kuah nghal chial bawk,`a tha vek,I thawmhnaw kan thlak dawnnia” ka ti sep sep a,vawikhatmah Samu-a te lam ka melh lo.Kawngkhar ka hawnga,ka chhuak tur chu Samu-a tawng ri chuan min din tir leh chawt a,ka hresual emaw tiin ka inher a,khum lam ka en lo thei ta lo. 

“Thiannu,tu nge i nih ka hre lo che a,chuan Kha naupang kha ka hre ngai lo bawk a,awmdan mawi lo hrilh teh, mi roomah te tlan luh ngawt loh tur” a rawn ti leh a,rum takin ka en a,hei hi chu a over hret tawha,ka tuar theih phak bak a ni ve ta.

“Tehreng mai,ka lo hrilh em em ang. Naupang fel tak ania, mahse vawiin chu he Room-ah hian `A-pa’ a rawn zawng a,`A-pa’ emaw a ti palh hlauh che anih kha,pawi ka ti khawp mai” ka ti ve hmiah, ka inher hmak a,ka chhuahpui ta a,engkim a hriat leh hun te a awm a awm a, inthlen lo va kan la innei reng anih pawhin he Room-ah kher hi chuan kei hi chu ka let leh tawh ngai lo ang.

SOCCER – 17

“Ma…..ngatinge Apa kha Nu Asawmi nen an mut a” ka kut khal nauh nauh pah in a ti a,`ala dam tha lo a,nu Asawmi khan a enkawl a, chuvang anih kha,a dam vat mai ang” ka ti a,`keichu Kan In pakhat zawkah haw ka duh,he tah chuan nuam ka ti tawhlo” a ti leh a,ka lungchhe sa nen ka tah a chhuaha, ka muttui rawn hnam chu a hmuh hlauin ka hawisawn ta vat, ka aw ka thiana, theihtawp in ka in control a..`I Pa a dam veleh sawtah chuan kan kal dawn nia aw,tunah chuan i pain min mamawh rih alawm” ka ti a,a Sam bu chhah zet chu ka chul sak a,min rawn ngheng a.Naupang mah nise a rilru a na ve tih ka hria,a Tilang in a Sawi chhuak thiam ve lo a, chu tak chu ka lainat em em bawk. 

Tlai chaw ei turin Reuben-a a rawn kal a,kan chhuak tih hriain inleng kan nei teuh bawk a,Samu-a pawh natna dang a neih tawh chuangloh avangin a rawn thu thla ve a. Ka nu leh Ka u an rawn kal a,Pekpek-a chuan a hmuh veleh a pan a,Ka u bulah a awm ta chawt. Nidangah chuan Apa a kalsan hleithei lo thin a,mahse,tunah chuan a hlau niber in ka hria.Hnaih tumna reng reng a nei tawh lo `Mambawih,I nu te nen kan lo sawi ho a,I tan a hrehawm dawn lutuk a,I duh phawt chuan ilo haw phei rih thei ania” ka nu-in  min ti a,Roomah kan thu dun a,ka awmdan engkim min chik peih em em tu Ka nu hian ka rilru natna,midang hmuh theih loh chu a rawn hmu lehnghal chat tih ka hria. Ka lu ka thing a,`aih…hetah ka awm angai,ka hmuh phak loh-ah ka awm tir dawn lo” ka ti nghat a,min hre lo eng ang mah se ka Pasal  a ni tawha,kalsan tumna ka nei lo,a harh chhuah hunah inthen a duh tak tak anih erawh chuan ka ngaihtuah tha leh duh zawk,`Aw le…, i thu thu ania, ka tilui chuang lo che ania. I hrehawm kan hlauh pui vang che ania,Mahse Pekpek-a hi chu kan hruai phei mai dawn asin” a ti leh talh a,ka hnial dawn zet a,mahse,hnial loh a tha zawk in ka hria,hetah a awm anih chuan Apa leh Asawm-i khawsak dan a hmuh fo a tul dawn a,a rilru chhungrilah Apa demna nei chunga nun a hman ka duh lo.

`Ka pa te ka zuk rawn phawt ange,keima thu thu a tih chu a fel lo ang” ka ti a.

Inhnuai lamah chuan an lo ri laih laih a,hlim pawh a awm reng e. ,`Nu,khawiah nge Driver an awm?,Asawm-i hi va thlah lawk se”Samu-an a tih ri chuan ka beng a verh lo thei lo. A thilsawi chu tuman mak ti hmel an pu lo,awm ho chu kan chhung hnai leh thian tak tak te vek anni a,a Nat dan hrechiangtu an ni .Pangngai tak hian an awm vek mai.

`An awm lawm ni, va thlah se a nimai lawm” ka nu chuan lawm vak lo tih hriat zet hian a ti hmak a,min rawn en a,`enge ni Liz?” a rawn tih zawm nghala,a rawn tho zui bawk. Reuben-a chu min ngaihtuah hmel tak hian a rawn tho ve a. Chhang loin choka lam ka pan chu min rawn zui a,

"Pekpek-a hi Ka nu te In lamah ka dah phei rih mai dawn mawni ka ti a??” ka tih chuan rilru hah hmel zet hian min melh dun a,`eng lo ania,vawiin pawh khan an in vin deuh a,Apa hi a hlau mai dawn in ka hria” ka ti leh halh.`Um…ni e,a pawi lo ang,i pa chu ka lo hrilh mai ang,hruai phawt se. A ngaihtuahawm hauh lo nangin i awm dawn si lo va, ka ngaihtuah em mai,a pawi teh zawng anih hi” a ti vang vang a,keimah ang tho in a rilru a hrehawm tih ka hria,a theihna apiangah chuan Asawm-i khawsa lutuk tur a veng hram hram thin a,mahse vawiin kha zawng a thei ta bik lo a ni ang. Mahse, thil thleng tur anga ka ngaih kha hrilh tumna ka nei miah lo thung.

Pekpek-a pawn riah chhuah a pawi ti lo va, phai ka awmchhung zawngin a pi leh pu bula awm a ni bawka, a ngai em em bawk.Reuben-a leh Samu-a room ah an awm a,ka nu te tlan liam tur chu mittui tling chung in ka thlira,haw ve mai chakna in min tur et et bawk.

Kawngka bulah Reuben-a nen kan intawka,`I haw ve nghal mai dawn em ni? Thingpuite in leh phawt ila” ka ti a,min chhang loin pawn lamah min kai let leha,Veranda-ah kan ding dun a,a chet dan chu mak ka ti viau nangin engmah ka, sawi lo va. Kan din dun takah chuan min thlah ve mai bawk. A thaw deuh huaia, `I tuar hram hram angai dawn anih hi,chuan vawiin ah engthil nge thleng?...ka hriat ve chi anih chuan…?” a tih zawm zat a,ka aw ka thian kharh a,ka hrilh ang nge hrilh lo ang tih ka ngaihtuah zauha, hrilh mai ila a pawi ka ring lo. Kan Inneih in a Best a ni a. Harsatna kan neih chuan kan hrilh ngam na tur diktak a ni a, min sawichhuahsak ka ring hek lo. 

“vawiin khan Pekpek-an a pa a lo haw tih a hriat veleh Room ah a tlan chho a, ka rin loh deuhin anni lah chu khumah an lo mu dun a.Mu dun tih khan a pangngai chiah lo ang tih ring la, I hre thiam ang” ka ti bah nawk nawk a,ka Kut a rawn vuan a,nghet zet in a chelh a,`ka hrethiam e. A pawi mang e aw. Mahse, tih theih kan nei rih lo em a ni. Nidangah chuan i theihtawp in veng hram hram la,Samu-a hian engkim a hriat leh hunah a inchhirna tur a tih loh ka duh takzet. Kan Sawmi lah hian hetiang a rilru buai rih mai a ni tih a hre chungin a at a so duh tlat mai a. Midang chaklohna hman tangkaia, awmze nei lo va inhambuai duh chi hi chu mi pangngai an awm lo. Mihring mizia hi a lo hniam thei khawp mai” a ti duaha,ka thaw haka,`Vawiin khan a pawi tur chu a pawi zo vek tawhin ka hria a, a inchhirna tur thil a tih nan ni dang nghah pawh ngaiin ka hre lo” ka ti nghat.Ka sawi zawi deuh aniang `engmaw i tih?” a ti a,ka hmel chiang tawk in a rawn en a,`oh….LALPA….i sawi tum chu kan hlauh ber thil a thleng hman a ni maw?” a ti zui hluaia,a thinrim hmel kher bawk. "Ka sawi danah khan i hrethiam emaw ka tia sin" ka ti sap. "Aih, hre thiam chiah lo. An lo over satliah maiah ka ngaia.A pawi mang e" Ban chat hian a ti leh a. "Nia…Pekpek-a khan a hmu bawk si a,a hrethiam em phei chu ka hre lo nangin an lo mu dun kha mak a ti viau a…” ka ti leh a. Beidawnna avangin ka Mittui a rawn tla zui a,tah hi awmzia awm a ka hriat loh avangin tah ka duh lo em em a, mahse ka puakkeh a ni ta ber.

Hun a kal ve bek beka, Asawm-i a rawn lang cham chi a,Riah em chu a riak lo. Ka nu in a khak fek fek fo vang pawhin a riak ngam lo niin ka hria a, a mitmei hmu ngat se chu zak map loin a rawn awmchilh ang tih a chiang. Mahse,ka nu hian a lawm lo tih a chetdanah a tilanga, tawngkam pawh a nei fo. Ka pa erawh chu mipa a nih ang in engmah a sawi ve ngai lo. Mahse,a mizia ka hmuh dang tang hian a khak ve vek vek anih chuan a khak na khawpin ka ring. 

In khata chenga nitin kan inhmuh takah chuan Samu-a pawn min be ve ta zauh zauha. Mahse,nan nula dangte ang tho in min bia a,min hmuh danah chuan awmpui nen kan danglam lo anih hmel khawp mai. A Ke a hmang thei tan tawh a,Muangchangin a kal ve thei tawh a,Tlaiah kan Compound chhung- ah kal a zir thin a,tunah chuan a hma nen Danglamna a awm leh vak tawh lo. Chutihlaiin a hriatna lam erawh chuan hma a sawn meuh lo niin a lang thung.Pekpek-a tlawh turin ka kal deuh reng thin a,Kar hnih zet min awm loh san leh takah chuan kei pawn ngaiah ka nei leh tan tawh a,ka kal apiangin A-pa dam tawh leh tawh loh min lo zawt ziah thina,`Damlo” ti a ka chhan ziah avangin a phun nang nang thin a,,ka lainat avangin ka mittui a tla ru fo thin a,kei tak pawh hian Dam har ka ti ve tawh em a ni.

“Liz….khawiah emaw a hma in ka hmu tawh che em?” a rawn tih riah chuan ka ngaihtuahna a tangin ka harh zawk a,Ka piah Chairah chuan thatchhe zet hian a thu thluang duai a,kei erawh chuan Kawta pangpar ho ka siam tha a,Pot chhungah lei thar ka dah a,Sawmi’n min pui ve bawk. .

`Hmu tawh ang chu le,in In ah hian i Accident hma khan ka rawn insawn luta” ka ti ve mai a,Ka thlan rawn luang chu ka kut in ka hru a,Ni sa viau mah se,Compound chhungah Thing lian vak lo a awm nual a,Pangpar a awm teuh bawk nen Boruak a dai phian zawk a,chuti chung pawn lum tak a ni tho.

"Anih chu….eng emaw nangmahah hian Danglam a awm a,mahse,ka hre chhuak zo lo,Pawilo,ka la hre leh mai ang che” a ti sup a,a Hmel Pa zet mai chu a buai deuh nak bawk a,a hmel landan vangin Pekpek-a ka hre chhuak zawk bawk . Mahse,zangkhai tak hian "ni e,ila hre em em ang” ka ti a,Sawm-i lei rawn ken chu ka laksak a,Ka nghat leh rih a,Ka kawr ban tlawn hak phelhin Veranda Railing-ah ka bang a,ka inher leh chiah chu,`Liz…Lawk aw, I Thi kha ka lo en lawk” a rawn ti leh thut a,ka phu dawrh thei,ka rilruah lawmna tlem a rawn awm a,a rawn kalphei chu ka lo nghak a, Stepah a rawn chhuk a,Ka Thi awrh lai chu a rawn khawih a. He thi hi kan Inneih hnu lawkah aman min pek a ni a,Gold sinte in phiar leh a Locket a Chahbi tereuhte  inkhai a ni a. Uluk em em hian a melh a,ka lo thaw tha ngam mang lo. Ka rilru in ka Tawngtai mawlh mawlh a,a chal a tichuar a`Amak hle mai, hei chu Asawm-i ka pek ang chiah anih hi…amak hle maia” a ti nawn leh a,athusawi in min tihnat zia hre miah lo chuan a thutna lam a pan leh a,"Anih chu mawle" tih bak ka sawk thei lo. A thutna ngaiah a thu leh a,engemaw ngaihtuah niawm tak hian a en ngai a en ngur bawk. 

Thla khat zet a liam leh ta,a taksa lamah bak hmasawnna a nei lo emaw tih mai tur a ni.

Tlai khat chu Reuben-a nen an titi duna, kei erawh chu choka lamah Ka nu nen kan awma,Tlaiah Ethel-i te Nupa in chaw an rawn ei dawn a,ka chawhmeh siam a duh deuh kher thin avangin ka tih pui a,nidangah hi chuan ka tihpui vak ngai lo. Engmah ti lo mahila min sawisel miah lo ang tih ka hria,mahse,Inchhung tih fai leh enkawl hi chu ka tihtur ah ka ngai ve tawp tho. ,Min ko ri ka hriat veleh phur tak hian ka tlanchhuak thuai a,Pekpek-a Ethel-i ten an rawn hruai a lo ni a,a Ni hmaah chuan a rawn tlan a. Mahse,ka bul a rawn thlen hma in A-pa a hmu thut chu a tawi hrat a,a la hlau anih hmel khawp mai,ka Pan thuai a,`oiha….ilo kal ve alaw?,a va nuam ve”tih pah in ka kuah a,Ethel-i'n `A awm loh chuan a nuam lo thin em alawm…tiraw Soccer?” tih pah chuan a lu ah a rawn chul a,Phawk zet in ka melh a,ani erawh chuan a Mit a siai zauh thung.

`U…..eng nge tunah khan i sawi kha?” Samu-an a rawn ti ta tlat. ,`eng nge ka sawi a?" ngaihsak lo niawm tak hian awlsam takin a ti a. 

"Naute i koh dan kha" Samu-an a ti leh a, " Eee, kha kha maw? Ka Naute hi apa koh dan in ka ko anih kha..Apa-in Soccer a ti thin alawm…” a tiliam leh puat a,`lut ang u” a tizui nghal zat bawk. Kan kalsan veleh chuan zawi tein“Ka nuin `a chang hi chuan a hrechhuak dawn aniang,Liz-i hi a melh veng veng thin ‘a tia,ka ti lui anih kha” a rawn ti sa sa a,he mihring hi chu ka tan hi chuan a thain a fel thlawt. Ka rilru hahzual chang pawh hian a awm chuan nasa tak in min chhawk ziah reng a.Cindy erawh hi chuan Asawm-i lo kal vel hi pawi tihna nei awm in a awmngai lo reng reng thunga, atir a tang khan min lo lawm lo takzet pawh a ni mahna.

Kan Chawei Boruak ti chhe vek turin Asawm-i a lo lang leh chat mai. Ka nu chuan lawm lo tih hriat zet hian a melh ram ram mai a,Doctor khan thil a hriat chhuah kan duh luatah nawr vak lo turin min ti a,mahse,ka ngaihdan tak hi chuan kan dim mah mah niin ka hre ve thung.

Ethel-i ten chawei kham hnu rei vak loah Pekpek-a an hawpui a. Reuben-a erawh chu a la khawmuang a,ka pa nen engemaw an sawi lai ka hmu a,an sawi erawh ka hre pha lo.

`Ka va Drop lawk ang,Reuben…lo la awm rawh aw” tih pah chuan Chahbi dahna lam Samu-an a pan a.

`A ngai lo,midangin thlah rawh se. Motor khalh chi ila ni lo" ka rin loh takin ka pain a ti a, a aw ki hriam hraih mai chu ka hriat vawikhatna a ni. Samu-a pawh chu a ding chawta,maktih hmel zet hian a rawn hawi a,`Ka tha vek tawh alawm, ka rei lo ang ka pa..” a ti leh a,Luhlul leh luhlul an in hau dawn a ni phawt ang tiin Thinphu dawt dawt hian choka leh Common Room inkarah ka ding reng.

`A tul lo ka tih chuan a tul lo animai.Sawm-i, nangpawh lo kal tawh suh” ati leh a,a aw a chang tha beng bawng hle bawk. Mahse, Samu-a bawkin, `Ka pa,a ma thu in a lo kal hleinem,keiman ka ko anih kha,bakah ka chungah i lungawi lo anih chuan ka lo haw hunah kan sawi dun dawn nia” a ti ve ta hmuk a,a tawngkam a nem bik tawh lo.,

`Min thlah duh suh,keimah-in ka haw thei alawm” Asawm-in a lo ti ve a, amah vanga inhnial anni a, a nuam lo hle ang tih ka hriatpui ve deuh. 

"Sawi teuh angai lo,lo kal rawh” tiin Samu-an a kai chhuak ta daih. Ka pa hmel a dur khup a,Ka nu leh Reuben-a erawh chu an ngawi ran thung.

Kan ngawi thap chu Boruak tih zangkhai tumin Reuben-a rawn tawng chhuaka, kan titi ve bawk nangin kan rilru-ah thildang a awm avangin kan muk run hlawm tho.

 Kawngkhar a rawn inhawng a,Lungawilo hmel zet hian Samu-a a rawn lut a,ka lo thu ve chu min ngaithei lo hmel zet hian min en run a,ka ip ru chawih thei.

`Ka pa,Room-ah kan inbe dawn mi?” a ti bul hmuka,kan Inneih hma leh hnuah pawh hetiang taka a-pa a zah lo hi ka la hmu ngai lo.

`Room kher angai lo,hetah hian thu rawh” ka pain che eih lo hian a ti hmuk a,mahse Samu-a a la ding ngur tho a. Min rawn en zawka,`Anih chuan kan Awmpuite hriat laiin min tizak dawn tihna mi?” a ti ta hmuk a,min lo ngaihdan a chiang ta viau..ka pa tawng hun thaw tha ngam mang loin ka lo nghak tawp. 

A aw a thian khurha, `tumah awmpui an awm lo,thu mai rawh” a ti fan ruiha. Hreh hmel tak hian ka piahah chuan a thu ta nge nge. 

`Asawm-i hi engvanga haw tlat nge in nih?,a chhani in sawi ka duh” ka pa tawng leh hmain a ti hmuk a. `Kan haw reng reng lo,Mahse,Nupui nei lai i nia,hetianga i hriatrengna fel loh lai a hmangtangkai  hi kan duh lo mai zawk” dam diai hian Ka nu zawkin  a rawn ti a,a Hmel landan chu na taka  vuak sawk a ang ka ti ber,

`Engtin a? Nupui ka nei amaw??!!!” a ti thawta,Reuben-a lam a hawi a,tawng loin a lo buk khum nghat ringawt

"I Accident hma khan Nupui i nei a,chu Asawm-i ni loin Liz-i zawk kha a mi” Ka pa in a rawn tih leh takah chuan min rawn en a,a hmelah chuan maktihna  ai chuan awih lohna alang tam zawk.A thaw hawka, min rawn kawk chungin "he nu hi maw?” a ti hul huk.

Thil thlen dan ka pa-in a hrilh lai chuan Reuben-a leh Ka nuin an lo pui ve zauh zauh a,a thu ngawi run a,ka lak atangin a Mit a la sawn lo hrim hrim.

`Anih chuan kha Naupang kha kan Fapa tihna mi?’ kan ngawi thap laiin a ti  hrawk a,a nui zuia, ,a nui riah chuan awih lohna leh tih el na alang chiang viau..

"Aw, ni e. Mahse,I Natna avangin Liz-i nu te inah kan dah rih anih kha” ka nuin dam tak bawkin a ti leh a,a Lu a thing a,a thaw deuh huaia,`engmah hi ka hrethiam lo,ka chau aniang,Boss..ka mut san mai ang che” a ti sup a,a tho a,Inchunglam a pan nghala, Step a  chho chu ka melh ngawt ngawt ringawt. Tunah chuan engkim a hre vek tawha,mahse,a hriat tak vang khan amahah engmah dang lam a awm tih ka hai lo va. Tunah chuan ka beidawng ve ta tak tak. 

Ka muhil lai engemaw hian min ti harh a,ka inlet tur chu engemaw rit zet hian min lo delh bet a,ka nem sawn tur chu min rawn kuaha,hlauhna hian min rawn man nghal a,ka nem leh sawk a,a rum nghut a,`mu mai mai teh,Ka chau ania” Samu-a aw hian a ti sup a,ka thlawk lo chauh a ni ber. Che ngam lo hian ka mut ngaiin ka mu khawng at a,ani erawh chu a thaw sak sak a,athawk danah a muhil zui lehnghal a ni ngei ang,Engthil nge maw a tih le?? An thilsawi kha ngaihtuah zuiin engkim a hre fiah leh ta si em ni ang? Chutiang anih ka ring si lo. Dik tak chuan hriat leh thut chu Thil theih pawh a ni lo ang. Mahse, engatinge hetah a rawn mut ngawt na chhan hi ka hrethiam lo…Ka ngaihtuahna buai nuai nuai chu tih fim tum in ka maimitchhing vang vang. 

Ka rin loh takin ka lo muhil a, ka harh chuan khua a lo eng uar tawh,Peih lo zet hian ka tho chhuaka.Bath Room ah ka lut a,Darthlalanga ka in en chuan nizan a thil thleng kha ka rilruah a lo lang nghal zat a,atthlak zet hian ka Hnute ka hup ngawt bawk. Mahse, thil thleng a awm anih chuan ka hre ngeiin ka ring a. Atthlak taka thil tul lo ka ngaihtuah chu ka inhau leh hnuhnawh.

In hnuaia ka chhukthlak chuan Ka nu in Thingpui a lo in mek a,Kan Nula in min rawn pek ve chuan  ka lo ban thuai a,Verandaah ka nu bulah ka va thu a,ka mu tha em tih min lo zawt vat. Nu tha leh Pasal fanaute tana inpe zo em em a ni a,Samu-a hetiang anih hnu phei hi chuan min ngaihtuah zual em em bawk a,min hringtu ka nu tak pawn hetiang bak hian min Care chuang miah lo ang,

"Aw, mu tha e,Khawnge Samu-a hi?” ka ti let thuai a,a Thingpui in lai adawt hlak a,`Boruak thianghlim dawng tur in ka teichhuak mai mai dawn a ti anih kha..” a ti a,tlem in ka hlim deuha,mahse `ehe….a va la hma ve,a ke a tihnat leh a hlauhawm em mai” ka ti thuaia,abu nghat nghat ringawt. Eng emaw ngaihtuah nei niawm tak hian a melh ngai a melh ngar ngar mai. 

Samu-a rawn haw laiin chuan chhuak turin ka lo insiam meka,Pekpek-a Doctor hnenah hruai a hun leh tawh a. A doctor hi zingah a thu a, kan inziah lawk avangin ka kal hma vak duh lem lo thung.

Kawngka ka kalh lo tih pawh ngaihtuah lem loin bra chauh hain ka kawr hak tur ka en kual a,ka kawr duh tak ka hmuh chuan ka khai chhuak a. Dressing table pan tuma ka in her chiah chu Kawngka biang ngheng a Samu-a lo ding reng ka va hmu thut a,rang zet hian ka kawrin ka inkhuh a,a hmel tak run mai chu en duh loin hnuai lam ka en vat.

`eng nge ni a?’ ka ti nghala,min chhang loin a rawnlut a,kawngka a Lock nghal a. Min rawn pan  pah hian,`zak duh mah ta che, ka Nupui i lo ni tak tak a fa hial kan nei anih chuan ka hmu vek tawh tihna a ni mai” a ti hluk a,ka kawr ken lai a rawn phihthla thut a,ka theih ang ang in ka inhup tawk tawk thung. 

“Engatinge i khurh vela?,I Pasal ka ni ngei tih i fiah angai alawm” a ti lehzela,tihngaihna hre loin ka ding khawng lah ringawt. 

Soccer -18

Ka tawlh let dawrha, bang nghengin ka ding ta than. Ka rin loh tak hian khum bulah a ding chuta, hmel danglam chuang miah lo hian min en ta veng veng, ka melh zak zak a,Ka dinna bul a Towel inbang chu pawtthlain ka intuam sawk sawk a,che chuang lo hian min en renga, hmelah chuan Beidawnna a rawn lang chhuak a,a lu a dawm vang vang bawk.`Engtik-ah nge kan Inneih?” a rawn ti chhuak ta sup a,ka thaw huai a,tha tak chuan ka hrilh ve mai bawk. A ngawi leh vang vang a,`anih leh engatinge tunah khan min hlauh si a?,I Pasal ka nih te chuan ka bula awm i thlahlel tur a ni dawn lawmni?” a ti leh a,ka rin loh lam a rawn sawi daih avangin chhan ngaihna ka hre mai lo,`ok….min chhang duh suh,midang in Nupa kan ni tawh tih min hrilh se chuan ka ring kher lo ang,mahse,Ka nu leh Pa mai bakah Reuben-a ngeiin min hrilh avangin Dawt an sawi lo a ni phawt ang,an sawi ang ngeiin Nupa kan lo nitawh tih ka pawm ni rawhse. Khawiah nge kan inneih thlalak i dah? Roomah engmah intar a awm bawk si lo va” a ti ta duah a,damdawiin atanga a lo chhuah dawn khan amah tibuai zual thei anih takin tiin kan dahtha vek a,nupa kan ni tih an hrilh takah chuan a zawhna ho zawhna awm tak pawh a ni reng mai. " Engpawhnise kan lo nih tawhna chu ka pawm a,Nupa kan lo ni anih chuan a bul atangin kan tan leh mai ang chu,mahse,min hriatthiam ka ngai ve deuh ang,in ngaihtuah na hun ka mamawh dawn tlat” a ti zui leh a,engmah dang sawi tawh lo in a chhuak a,Kawngkhar Dimte in a rawn nam khar zui bawk. 

Pekpek-a ka va lam a,Doctor hnen ah ka kalpui nghala. Nidang ang bawkin a-pa chanchin min zawt leh a,`adam tan tawh a,ilo haw thei tep ang” ka tih chuan hlim tak hian a au a,ka lainat takzet mai. Apa nen reilo te hun nuam tak an hmang a,mahse tunah lem a bulah a awm leh thei lo thuta. A pa angaih zia hre chiangtu tan chuan lainat loh har tak a ni. .

Kan inentir zawhah keimahni In lamah bawk ka hruai haw leh a,ka rin loh lutuk hian kan kawtah chuan Samu-a Car a lo awm a,Pekpek-a lah chuan Phur em em hian,`enteh Ma….A-pa Motor a awm ania,min rawn hruai dawn a ni ngei ngei ang” a ti nghal sawt sawt a.Ka luh hma in a tlan lut nghal a,thil tha lo tak a thlen hlauhna avangin kei lah chu ka awm a nuam lo nghal teuh maia, enge thil tha lo thleng tur phei chu ka hre chuang lo. 

Inchhung ka luh veleh Sofa a an lo thu dun ka hmuh chuan ka thawl deuh huai.

`Apa….i dam tawh tak tak em?,min lo hruai dawn em ni?” a lo ti mek a,Samu-a chuan min rawn en a,engmah a hmel-ah a ngaihtuahna a awm a lang lo va, Pekpeka hi a fapa a ni tih a hre tak tak em pawh ka hre hek lo. 

`Aw,ka lo hruai dawn che,ka ngai tawh che a lawm” a ti dam thluam a,a Samah a chul sak a,Pekpek-a lah chuan thlamuang zet hian a ngheng ar ar bawk. A hmain hnaih duh mang lo mah se, Pafa na na na chu hun a kal leh tak nualah chuan Pekpek-a pawh in hlau hmel a pu leh tawh miah  lo.

A awmdan vel chu hriatthiam har ka ti viau, a accident hma ang mai khan a khawsa a,tukinah mai pawh engmah a la hre chhuak bawk si lo. Engtin nge tunah a lo hriat leh thut si ang. 

Kanu nen an in titi laiin Pekpek-a thawmhnaw ka siam fel a,ka hman veleh kan kal chu a ni nghal der.Pekpek-a a tawng siam siam a,zawhna chi hrang hrang a zawt vel a,Samu-a lah chuan chhaih pah in a chhang zel a,kei erawh chuan sawi tur engmah ka hre rih lo.Engkim mai hi mak ka la ti rih em em a ni ber.

Pekpek-a kan hruai haw chu Api leh Pu in anlo ngai ngang a ni ang,an kuah chung chung a,kum tam tak hmu tawh lo ang mai hian kan Nula te ho pawn an lo lawm a,ani lah in nuam a ti bawk. 

Pekpek-a Roomah a thawmhnaw ka dah chho a,Dik lo a awm tih ka hmu nghal chat. Ka Thawmhnaw engmah a awm lo.Toilet ah ka lut thuai a,Ka Bungrua engmah a awm chuanglo. Hmanhmawh taka inhnuai lama midang zawh tuma toilet atanga ka chhuak chu Room chhung-ah chuan Samu-a a lo ding a,ka che vel chu min lo en renga,`enteh….ka Thawmhnaw ho hi i khawih mial em?” ka ti nghal pawpa,a then suk. "Khawih e, ka Nupui i nih chuan kan Room ah i thawmhnaw a awm tur a ni dawn lawmni?” a ti zuia,ka ter nghal at. " Engvangin nge min rawn lo in ilo khawih ve ngawt?,saw Room ah sawn ka lut tawh dawn reng reng lo” ka ti tuar maia,insum thei ka ni tawh lo, midang pawn hre mah se pawi ka ti hek lo. Min chhang loin min rawn man bet thuta, `eng vang in maw i luh lovang?,chuti Nupa nih i duh leh si lo tihna mi?” tih pahin min thing nawk a,ka inthlah duh nghal thuai a,engkim a hre chhuak emaw ka lo ti a,a lo hre lo tawp tih ka hre chhuaka, nupa kan nih chuan tiin tha a tih ang angin a lo ti ve mai tih ka hrethiam.."oh…i sawi tum ka hrethiam leh si e,mahse,saw Roomah sawn ka lut duh tawh lo,Room dang kan hmang mai thei zawk angem?” awki pangngai takin ka ti a, min thlah a,mahse min en reng tho.`Asawm-i nen kan mut dunna ah i mu duh lo tih ka hrethiam,a pawi lo e. Inhnuai a Mikhual Room khu kan hmang mai ang chu” beidawn hmel tak hian a ti sup a,a awmdan chu ka khawngaih letling zawk.

Step a ka chhuk lai chuan Samu-an ka nu hnen ah a Room toilet siam that angaih vang-in Inhnuai lama Mikhual Room kan hmang dawn tih a lo hrilh mek a,a Thluak zawng a la hman tlak khawp e ka ti ru nauh nauh mai.Nuamti em em hian Pekpeka a tlan kual vel a. Keiin Pangpar tui ka pe a,tui an hmu tha bawka, an tha em em maia. Pangpar leh plant zawng zawng enkawl uluk anni tih hriat tak hian an duh hluah hluah a,he In ah hian mihring mamawh engmah hi awm lo pawh a awm lo niin ka hre hial thin,engkim mai hi mamawh ila a lo awm deuh zel a,a awm lo anih pawhin reilote-ah min rawn pe thuai thuai zel a,ka lo suangtuah thin ai pawhin an khawsak a la nuam zawk.

`Zan in chu Sawtah va riak zawk ang hmiang. Pekpek-a chu Ka pa te bulah nuam a ti zawk in ka hria” ka hnung mai atang hian a rawn ti thut a,Ka lo ngaihtuah nasa deuh aniang a lo kal hnaih lai pawh ka lo hre lo. `engati teh thut nge?” tha takin ka ti a,"ka Hruai tawh che in ka ring a,nangma lam kaihhnawih thil tam tak hriat chhuah tur pawh ka nei maithei asin” a ti sup a,a Hmelah chuan engemaw danglam a awm zawk a,mahse a bo leh nghal thuai a,enge anih ka hre lo.`Aw le,Mahse,Ka nu lo hrilh la” hreh ru tak chungin ka ti ve ta nge nge a. He Mihring hi zawng ka hnial thei ngai dawn lo anih hi.

Farm house kan thlen phei chuan tumah an lo awm lo va,mahse,Sangi’n kan kal dawn tih a lo hre lawk a ni phawt ang,engkim a lo fel fai thlap.Samu-a nen kan inneih zan bak kha ka la kal leh miah lo.`I duh leh lo va mu la,Inkhel kan en lawk ange ” a ti a,Tv a On nghal a,a Mood danglam leh ta vek chu a awmzia ka hre hrep lo e. Room ah ka lut a,Ka Mamawh zual chu ka dahsa a la awm a,Ka inthlak zawha common room a ka va chhuah leh chuan Samu-a a lo awm lo a,Tv erawh a in On reng.Kawngka chhung lamah a in kalh loh avangin a chhuak zawk anih ka ring mai a,choka lamah Thingpui ka in lum chawp a,Thingpui a duh ve leh ve loh zawh tum in ka let leh a,a lo la awm chuang lo. Pawnah ka chhuak a,Gate bula dingin tu emaw Phone in a bia tih ka va hmu a, let leh mai ka tum chu a Thilsawi chuan ka beng a verh zak mai,mi thusawi ngaihthlak ruk hi thil mawi a ni lo tih ka hria,mahse ka ngaithla duh tlat.Min hnung chhawn avangin min hmu ve lo a,a sawi leh tur nghakin ka ding ngawi ngal. "aw…ka hria e,lungngai suh,engkim a tha vek ang” a ti a, ,a ngawi leh vang vang a,`a mu tawh a,..oh…keipawh ka ngai che lawm,kan nghak rei lo tawp ang” a ti leh a,ngaithla peih tawh loin thawm dim tak hian Inchhungah ka lut a,Tunge a biak tih zawh kher ka mamawh lo..

Ka mu ta than a,eng vanga He In a kal lo duh pui ngawt nge maw ka nih reng reng ni?ka muthilh lai pawh hre lo in ka lo muhil a,ka la Muttui phian zui.

Ka lu a rawn sawi nawk nawkah chuan ka harh nghal kawka,Samu-an inbengkang uaih chung hian min lo en a, enge? Ti nge a?” ka ti bah nawk nawka,`I te vak a,I Mumang a tha lo aniang” tih pahin min rawn kuaha,kei erawh chuan kuah let lo in ka mut ngaiin ka mu a,a Lungphu ri dat dat ka ngaithla kar.

`Liz….titi mai mai ila” a ti sup a,ka chhang lo.`Asawm-i vang in min hua anih chuan min hmangaih tihna a ni thei em?” ka rin loh takin a ti a, ka chhip a thawk khum lum ham ham chu ka hre thei a,ka chhang chak lo teh nangin `ka haw hleinem,in in Hmangaihna kar a ka lo tla zep palh hi hrehawm ka ti zawk” tiin dik tak in ka chhang a,a in let thuk a,zangthal in a mu a,min kuahna erawh a lasawn chuang lo. 

`anih leh engvang a Innei nge kan nih?” a ti leh a,Light eng ruai hnuaiah chuan a hmel chu ka en a,Chunglam a melh reng,`ih..eng lo ania,kan Fapa vang hian kan innei a,Kan inneih hma kum 5 lai liam tawhah khan zankhat kan chetsual dun avangin a piang a,nang phei chuan i hre lo hrim hrim,mahse,tun hnua i hriat takah chuan i Bialnu kalsan in kan Fapa vangin kan Innei a,chu zawng chu a ni mai e"ka ti sep sep a,a thaw deuh hawka,`anih chu mawle.Thil tam tak hi la hrechhuak thei lo mah ila kan Fapa vang a Innei kan nih ka ring chiah lo. Asawm-i kalsan a ka nei che anih chuan a chhan a tha tawk hle ang,kum 7 lai ka kawp tawh a,chutiang maia awlsam chuan ka kalsan ka ring thei lo” a ti fan ruih,ka tawlhsawn a,`Kan Fapa hi a chhan chu a ni a,a tha tawk bawk alawm,ka bula i sawi dan chuan i bulah awm tir i duh a,Nu leh Pa karah seilian se i ti a” ka ti leh a,a ngawi vung vung a,thil tam tak ngaihtuah hmel a pu bawk.

                                                                    

"Anih chuan nangin mipa dang kawp lai i nei lo tihna mi? Inneih ka sawi chuan i pawm mai tihna mi? ” a rawn ti leh thut a,`aih,nei lo,dik tak chuan nangmah ka tawn hma che kha chuan zirlai mawlmang tak ka ni ve tawp thina,ka hmuh vawikhatnaah che ka chetsualpui che a,ka la rai zui bawka,Mipa dang hi chu ka ngaihven ta lo hrim hrim” ka ti a, ka nui zui hak mai. A rawn tawlh hnai a,min rawn kuah leh a,ka insangmar vaka, ka tang teuh a ni ber. ,`I mak reuh hle mai,engpawhnise hmeichhe tha tak i ni ngei ang,chuvang chu a ni ngei ngei ang ka Neih che,kan Fapa vang ngawt chu anih ka ring lem lo” a ti sup a,ka Beng a rawn fawp zauh a,ka mur deuh uai bawk a,kan Inneih zana thil thleng ka hrechuak lo thei lo.`Tunah hian Inthen i duh em?,ka Pasal ni mahla i hlim hi ka duh ber ,kan Inneih hlim khan kan hlim em em a,mahse,I thinrim chhan ka hriat si loh in i lungawi lo a,achhan ka zawt che a,Min hmangaih lo a,Min it ringawt a, min ning tawh tih i sawi bawk a,chuan heta riak turin i kal a,I Accident zui ta kha ania, tunah pawh kei chu min lo Hmangaih lo ngei tih ka hre zui ta anih h. Thil tamtak hre lo mah la i nupui i nih angin min hriat ka beisei ve lutuk,mahse min hre lo. I Rilru zawng zawng neitu zawk chauh i hre thei a…..” ka ti mial miala, ka Mittui rawn luang ngiai ngiai chuan min sawi zawh tir thei lo..

“Khai aw, tap lo teh” tih pahin a lam hawiin min kuai her a,a Chungah min pawt kai a,min hnem tum in ka samah a chul a,`chutiang chuan ka ti che amaw?!” a ti zuia, amah pawn a ring zo lo ni ber in ka hria, `Aw,…kei chu min hre lo mahla ka tuar thei,Pekpek-a lehzel i ti beidawng a,a Ngaihsan na zawng zawng che ti chhe vek turin kan Nupa Khumah khan a hmuh laiin Asawm-i i mutpui bawka” ka ti awkhur dar dar a,ka Mittui rawn hnam leh tan chu lungawilo tak hian ka hru tawk a.`LALPA leh….ka fapa a ni tih ka hre lo alawm,bakah nangpawn min hrilh si lo” a ti zuai ruiha, aw ah chuan na tuar a ang a,min demna ri ka hre tel bawk.`enge sawi se min tih?,Ka Pasal in Nula dang,chu pawh rei tak a lo kawp tawh lehnghal kan khumah a mutpui a,Mutpui satliah pawh ni loin….”

ka sawi zawh hma in ka tho thut a,Bath Room ah ka tlan lut a,nasa zet hian ka uak ta nghek, ka mitthlaah engkim angai ang maiin a rawn lang a,ka na a,ka natna zawng zawng ti zual turin ka luak a chhuak a ni ber. 

`Liz….lo hawng teh,I tha em?” tih pahin kawngka a rawn kik a,Tui ka herh haw nghal vat,ka Luak zawm leh chiam. 

Zawi zet hian ka chhuak a,Kawngkhar bulah chuan nuam ti lo hmel lutuk hian a lo ding reng. Khum pan lo in thutthleng lam chu ka pan a,min rawn zui a,`ka thiamloh a ni…Liz…ka ti tak tak..” ring vak lo hian a ti a, a aw ah chuan a tih tak zia ka hre thei. A Hmeltha tak leh pa hrak mai te,a Pian phung engkim mai chu ka duh a,a tel lo chuan ka hlimzo kher lo ang,mahse,thil thleng zawng zawng ka ngaintuah hian engmah hi rem thei dawnin ka hre si lo.…

“Ka hrethiam lutuk che,min ngaihtuah suh,lo muhil phawt rawh,reilote in ngaihtuah ka duh” tih pah in ka tho a,Room kawngkhar ka hawng a,ka chhuahsan lai pawh chuan a la che eih lo.

Pawnah ka chhuak a,Ware House lam panna kawng, thla eng in a chhun en raih lam chu  panin ka kal zel a,Inhnung lama thut chawlhna tura sak, Bukte ang deuh hlek, Bang nei lo lo awmah chuan ka lut a,ka thu hnawk. Ka ral lehlama Aizawl khawpui pe ut mai chu ka thlir a,sana ka en chuan dar 3 a lo pel tawh,mi zawng zawng deuh thaw chu an muhil mek anga,Pekpek-a ngei pawh a muhil tawh ang. A-nu leh Pa te erawh mikhual ang maiin kan awma,kan inkar a khi zau tak awm hi siam that ngaihna hre silo in kan buai tih a hre dawn der si lo.` LALPA….min pui lul teh,eng tin nge keimah chuan ka chinfel theih ang?,Samu-a hi a hriatna tal pe let leh la,kan awm dan zel tur kawng min hriatfiah tir hram rawh…” tiin ka tawngtaia, ka Tap chhuak ta hawk hawk. Samu-a vang hian ka va tap ngun ta em!!!,In Hmangaih taka innei ni ila chuan thil hi a fel duak nimai tur,kan ni der si lo lai hi a buaithlak ber. Mi kara tla zep ni a ka inhriatna hian min ti huai thei lo a,Nupui ka nihna ang in ka Pasal Bialnu pawh ka khak ngam hek lo,hetiang em em a natna tuara vanduai tur hian enge ka tihsual bik ni..a Fair thlawt lo..

Sava chiar nawk nawk thawm 

ah ka harh a,ka thutna Bukte ah ka lo muhil chu niin…ka tho vat a,min hmu tu an awm leh awm loh ka en kual nghal that thata,tumah ka hmu lo hlauh. In lam panin ka phei chhat chhat a,Kawt ka thlen chuan Car dang a lo awm a,Inleng kan nei animaw tih pah in kawngka ka hawng a,ka lut zui nghal a. Mahse, common Roomah tumah an lo awm lo. Bed Room lam ka pan a,Inbe thawm ka hriat rualin  ka ding nghal chawt a,Kawngka tlem a kau deuh atang chuan ka va bih a. Samu-a Khumah a lo thu a,a bulah min hnungchhawn zawngin hmeichhe pakhat a ding thung a,Ethel-i emaw ka ti hman a,mahse a rawn tawng takah chuan Tu nge anih ka hre chiang nghal viau. 

“ka hrilh che kha a dik ngei alawm.. I Nupui hi ring duh suh,in Fapa chu i Neih chhan a ni ngei a,a chhan pawh a vau che a,chutah a Bialpa nen an chesual lai ngei pawh video i hmuh tawh kha” a ti ta zat zat. Mak ti em em hian che loin ka dinga, ka chungchang chutiang taka dawt huai taka a sawi chu mak ka ti satliah lo. Samu-an a sam a tuai thuak a,`Ni lo, ….ka fapa vang ringawt ni loin chhan dang a awm tur a ni,nupui atana neih ka duh anih chuan englaimahin ka tihnat ka ring lo” a ti a, aw ah chuan a beidawng takzet tih ka hria. 

Kawngka pawh kik lo in ka lut tlang rawp a,phawk tak hian min rawn en rual thawt. "Asawm…tun thleng hian i hmangaih ka laksak che ni a ka inhriat avangin ka rilru a nuam lo thin. Mahse,tuna i sawi kha ka hrethiam lo,tu maw ka chetsual pui?” ka ti nghal hmak a,huatnaa khat hian min rawn en a, `chu chu ka sawi kher angai lo,I hre zawk daih” a ti ve hmak,a zam lo lutuk chu mak ka ti,Hmeichhe nasa tak tak hi ka lo hmu ve tawh thin a,an thil tawnin a zir loh vangah ka ngai fo. Tu te pawh hi kan duh loh lamah chuan kan nasa vek ka ti thin. Mahse,he mihring nu hi zawng a nasa satliah mai mai a lo ni hauh lo.

A mitah tak ka en a, “Ka Pasal min neih sak tur hian dawt i sawi kher angai lo asin,ka Pasal hi ka hmangaih a,mahse a hlimna hi ka duh ber,a Hmangaih chu nangmah i ni a,Dawt tel lo pawh khan i ta a ni asin. Vawiinah ka thawmhnaw vel ka lo la chhuak anga, kei chu ka inthiarfihlim thei. Mahse,dawt tel lo in tha tak in i lo nung tawh dawnnia” ka ti fak fak. Ka inher nghal hmak a,ka Thinlung tawt up up leh ka Mittui vang in ka khawhmuh a phe ruai bawk..

“Betty….kal rih suh,thu tawp chu keiman ka siam zawk tur a ni dawn lawmni?” ti a Samuel-a tawngkam fiah leh fel fak mai ka hriat rual chuan ka ding chawt a,Makti lutuk hian ka hawi let a,Samuel-a ka hriat thin ngei mai khan min lo nuih a. 

SOCCER – LAST EPISODE

“Samu…” kan ti rual thawt ,a Nui hmel chu Thinrimna in a rawn thlak a,`Betty…kal suh,engkim hi a tisualtu in a ma ka ngei atanga a sawi ka duh vang a ni” ati hmuka,min rawn pan a,ka hmaah tak dingin ka biang tawn tawnah a rawn vuan a,ka en reng ringawt. Ka awmdan chu ka mawl hmel ngawt in ka ring.

`Min ngaidam rawh aw,keimah Samu-a ngei kha ka ni e”a ti sup a,`I tha tawh tak tak tiraw?” ka ti chhuak ve ta hram,a Then suk a,`nakinah i duhtawkin min hau dawn nia aw..mahse,tunah chuan thil dang tih fel tur ka nei a,min lo nghak rawh ” ati leh nghuta,min en laia a hmel zaidamna a khat kha a bo leh vek tawh,a inher a,mahse,Ka Kut a chelh a thlah chuang lo. 

"le…tunah chuan i thil tih pawi zia zawng zawng hi i hmu a,nangman i sawi dawn nge ka sawi tir dawn che?” a ti bung vut,a Awah chuan a ti mai mai lo tih a chiang ngang mai.

“Mahse….Samu…” ati hman chauh a,`sawi rawh” Samu-an a tih tuar ah chuan ka phu dawrh a,Asawm-i pawh dang sawp sawp chung hian a tawlh hnung hrat a,a khur dar dar pawh chu ka hmuh hmaih lo,`enge ka sawi ang?” a ti tham tiak a,Samu-a a nui a,mahse a nuih avangin a thinrim lo tihna a ni lo,a hlauhawm zual sauh zawk,`Thlalak kha chu ka siam chawp ania,ka sawi ringawt chuan i awih dawn lo tih ka hria,chuan ,Chennai ami a Bialpa ka tih kha chu a thawhpui Vijay-a ania….” a tih laiin ka lo nui a,an sawi hre thiam vek lo mah ila ka chungchang an sawi tih ka hai lo,`Bet….khawngaihin….” Samu-an a ti a, thutthleng lamah min kaiin min thutpui nghala,a thu thluang duai a,a Dar ka ngheng a,ka hamhaih luat avangin a tih ang angin ka awm a ni ber.Asawmi a awm ve tih lam pawh ka ngaihven lo. 

`A dang chu i hriat tawh kha,kei min kalsan a ani i thlang kha ka na em a ni” Asawmi'n a rawn ti leh a,nichin lawka hlauthwng lutuk vang a khur kha chu a ni leh tawh lo,a in duhtawkna a rawn let a ni ngei ang.

`Betty vanga kalsan che ka ni lo,a chhan pawh i hriat kha,chuvangin ani hi puh tel suh” Samu-an ati leh hrawk a,kei erawh ka lo na ru vawng vawng thung.

"Nangmah avang a kan tuarna hi I hmu thei em?,ka Nupui mai pawh nilo in ka Fapa pawh i ti na asin” a ti leh khur khur a,Asawmi a dang lawp lawp a,`Samu…..duhtawk la,ani hi kal phawt rawhse,engmah kan siamtha tawh dawn lo” ka ti sap a,ka tho tur min pawt thu leh hnawk a,`kal suh ka tih che kha…Sawm-i, chhuak rawh” nelawmna tel miah lo hian a ti leh a, Asawm-i chu hlau hmel lutuk hian a petek chhuak ta nawk nawk a.Mak takin ka chunga a thiltih a huatthlala em em chungin ka la haw thei chuang lo. Ka fel viau vang lam ni loin a Thinlung kehchhiat vang in a tih duh loh pui a ti niin ka ngai a ni ber. 

“Le……min hau tawh rawh le,I duh leh min beng la,I duh leh min ham leh la,engtinmah ka ti let lo ang che” Samu-an a tih chhuan ka melh tlawk tlawk. Vawilehkhatah ka che phat a,a Samah ka tham a,a malchungah min pawt kaia,na thei ang ber in sawisak ka chaka,mahse ka thei lo…A Darah ka hmai ka phum a,ka lawmna leh thinrimna a in chen reng,`engatinge tihian min tih theih?” ka ti sep a,ka Tah a chhuah avangin thildang ka sawi thei lo..`Ka tihpalh ka tih kha…..Engkim hi ka thiam loh a ni e,mahse ka hriat duh ka hriat theih nan chuan khatia ka awm kha a ngai si alawm” a ti sup a,a inthlahrun hmel kher bawk,`Sex thleng pawh khan maw….” zawi tein ka ti a…min kuah nghet sauh a,`Mate….kha kha chu tihpalh a ni,ka hre lo takzet che a,ka Accident hnu khan Roomah ka hmu che a,ka hmuh hnu i ang ka ti a,mahse,ka hrechhuak zo chuang lo che. I tap lai ka hmuh apiang khan engemaw keimahah hian che a awm thin a,nasa takin ka ngaihtuah phah fo thin che. Ka hriat dan chuan Asawm-i kha ka Bialnu a ni tih chauh animai. Ani lah khan tunge i nih ka zawh apiang in ka hmelhriat hnai i nih thu bak a sawi ngai lo. Ka muthilh lai hian chianglo leh mumang ang deuh ruai in thil ka hre thin a,mahse,ka Room ah pawh i awm loh bakah Pekpek-a lah kha ka Fapa a ni tih tuman min hrilh hek lo.Damdawiin atang a kan chhuah tlai khan min rawn hmuh kha..khatiang deuh kha ka nunah ka tawng tawh niin ka hria a,,mahse,enge anih tak ka hrechhuak zo chuang lo. I Thi ka hmuh hmasak ber khan khatiang chiah kha tu emaw ka awrh tir tawh tih ka hria a,a hmel ka hmuh theih miau loh avangin Asawm-i-ah ka ngai lui leh a,amah ka zawh duh avangin Ka pa phal lo chung ka va Drop anih kha…chutiang thi ka pek a hriat loh thu min hrilh a,zanah khan i muhil lai ka rawn en che a,I bulah khan Paper a lo let ngat a,I thil lo ziahah khan ka hmuh theih loh kha ka hmu fiah ta uar uar maia. Ka that lohna hmang tangkai a pawisawi lo ang maia Asawmi a leng vel kha ka ten a,engkim kha aman a sawi hun ka nghak anih kha..” a ti ta duah, a tawng hnem bawka a sawi zo chu a thaw huai thei.

A mitah tak ka en a, " Engatinge ka chungah i thinrim?,engatinge min kalsan kher?” tah aw lek lek hian ka ti ve a. `I thlalak ka hmu teuh a,nichinah a sawi kha. Chennai a Mizo i kawm thin pakhat ka zuk zawt fiah a,ani lah khan engkim a dik a,hnamdang i Kawp thin ngei a,Nupa angin in khawsa niin min lo hrilh a,ka na lutuk ringawt…Ka Nupui i nih hma khan ka Hmangaih tawh che a,mahse ka lo hre lo a ni ngei ang..ka ten che a,ka kalsan thei bawk si lo che a..” a ti leh a, `Chennai ka awm lai khan Mizo ka kawm miah lo asin,tunge i zuk zawh chu ka hre lo. Chuan Vijay-a kha chu ka Thiannu,Hotela ka thawhpui Renuka….Beach ah pawh i hmuh kha,khami Pasal hual kha ania….chung te chu min zawt mai thei lo em ni?” ka ti let a,min kuai dak a,ka Mittui vang a ka mit hnawng chap chu a rawn fawp a,`ka chapo em a ni…I pha ngei dawn tih ka hre sa bawk nen,anih loh leh ‘aw’ ti a min chhan ka hlau bawk a.Pekpek-a hi chu chhuanlam mai a ni e,neih che kha ka tum ve hrim hrim” a ti leh a,a nui a….

A awmah ka chum dat a,a nui hawk a,`I duh tawk em ni. ,nidangah chuan kut min thlak ka remti dawn lo ania” a ti hluk a,a nghawngah ka hmai ka phum leh kak a,`Malsawmsang, tihnat che hi ka duh asin,ka lak a i chetdan avang pawh hian shock hrep tur che ka ni. Ka Thianghlimna ka hlan che a,nangin engahmah i ngai lo a,Pasal tel lo in nau ka pawm a,hmuhsitna zawng zawng keimah in ka tuar asin,kan inneih hnuah pawh hlimna min pek aia tam tahna min pe leh a,Misual tak i ni…mahse….ka Ti na thei lo che…ka Hmangaih che a,I hnen a ka inhlan hmasak ber khan tunge i nih ka hre lo,mi hausa emaw,rethei emaw engmah ka hre lo. I nihna ang khan ka Hmangaih tawh che…tun thleng pawh in” ka ti sep sep a,ka hawi chhuak chu ka rin loh lutuk hian a Mit a lo sen ram mai. Ka thaw ha ka, `chuan ….i Uire bawk a” ka ti leh a. A thaw huaia,`Mate,ka tihsual zawng zawng kha ka pawm e. Mahse,Ka Hmangaihna che avang hian ngaihdam tlak lo ni mah ila min pawm leh ka beisei asin.Betty….min kalsan suh,natna ka pek zawng zawng che hi Hlimna in ka rul leh ang che,ka hnen atang hian Natna engmah i dawng leh tawh ngai lo ang” inringtawk tak hian a tia,ka ngawi ran thung. A sawi laia a inrintawk tehlul nen, ka chhan loh vang nge ni, mangang hmel a pu ta thut, a meng buai nak a. Ka Hmangaih a ni. Chuvang takin ka ngaihdam angai…A tel lo chuan keipawh ka hlim chuang lo vang.

Kun hniamin a hmui lum ham ham chu ka fawp ta a,a hamhaih ve a ni ngei ang,min chhang lo in a awm a,duhthawh taka ka fawh leh takah chuan a rum hawk a,min rawn fawp let a,a chet dan chu Ramsa ko ham lutuk hi ang ka ti ber.`Rei tak chhung chu kan Khum a in mu dun lai khan min tibuai ang,chuvangin Kan room ah khan ka let duh tawh lo” ka ti a,a mitmeng a min Duatna lang chhuak chung in min en a,”ok…..Mate…I duh loh zawng engmah ka ti lo ang,Room dang kan hmang ang,I duh dan thlap in i chei dawnnia….Chuan,kan siam chhung in keini chu Honeymoon kan hmang daih dawnnia,inneih hlimah kal pawh kan kal miah loh kha” tih pah hian ka nghawng a rawn fawp a,ka mur uai a,ka danglam leh tan der,`khawiah nge kan kal ang?” a ti leh a,`hetah hian..” tiin rang zet hian ka chhang a,`khawiah maw?” a ti leh hu ,`hetah hian…..he In aia duh zawkna hmun dang engmah ka nei lo. Hmundangah kan kal dawn anih chuan Pekpek-a pawh kan hruai tel ang chu” ka ti a,a nui a…`oh….Sorry….Fapa ka nei tih ka lo hre leh tawh lo a” a ti a,za zet hian ka nui a,min en vang vang a,`tunah tak kha chuan School naupang hmeltha deuh,sam dum hlap mai,min tiphur em em tu kha ka mitthla ah ka hmu a” a ti ta daih.…

Engkim a pangngai piah lam vek a ni ta…Kan haw pah in Pekpek-a Schoolah kan lam kual a,kan 2 min hmu chu nuam a ti in a hlim kher bawk,`Apa…zan ah MPL ah khan ka Team te leh i Team te an inkhel dawn a,Ticket pawh nizan ah Pa Reuben-a khan min pe a,kan kal thei ang tiraw?” a ti sar sar a,`tehreng mai,kan kal ang,mahse,I pa Reuben-a chuan Ticket min pek ve angai anih chu” tih pah in a Fapa chu a melh a,ani te Chuan a Ban a vai kual a,"engatinge nang in Ticket i mamawh a?,I duh duh naah Football anih phawt chuan Ground ah i lut thei lo em ni?” a ti ta reuha,Apa a ngaihsanzia ka hmuh chuan ka nui lo thei lo. Samu-a pawh a nui suk a,`aih…thei bik nang,tunah chuan Footballer ka ni tawh lo alawm,tunah hi chuan Pekpek-a Pa chiah ka ni tawh” tih pah in Khum ah a let pui a,`nia….kan School ah pawh kan Miss in a sawi vek,I pa kha kan duh lutuk ati alawm…Ma..ka ti tak tak ania” a rawn ti leh a,Apa in a lo tibuai chu duh lo in a tal chhuak a,a Thawmhnaw ka dah fel lai chu min rawn bawh a,`anih chuan in Miss chu ka nei mai dawn em ni?” a rawn ti a,Pekpek-a duh lo rak that chu ka nuih a,Samu-a pawh za zet hian a nui a,hlimna zawng zawng hi ka ta ni ber in ka hria.Ka Hmangaihte 2 in fiam chu ka thil tih lai thulh meuh in ka thlir vang vang. 

Ka lu a nat deuh vangin ka tho peih lo a,ka lo muhil leh sek chu Hmui lum thar thar in min rawn fawh kual velah chuan peih lo tak hian ka meng a,Samu-an nui chung a min lo en chu ka hmu a,a rawn inthawlh ve a,`tho tawh teh,mut duh leh lutuk” a ti sup a,ka kawr chhungah a rawn zen a,`aih….ka peih rih lo,ka dam lo dawn aniang,ka nuam lo” ka ti sap,ka Chal a rawn dek a,`I khawsik a awm pawh ka hre lo.. Ruah a sur tho a,tihian mu nileng mai ang aw” a ti awlsam leh then a.Ruah  chuan bang a rawn theh thawt thawt a,a awmah ka hmai ka phum a,Muthilh leh ka tum a. Pekpek-a leh Ka nu leh Pa te hi Pekpek-a School chawlh lai hun remchang ah lain karkhat cham turin nimin khan Delhi ah an chhuk a,`Bawiha chu nuam a ti khawp mai ka nu in a ti a,nimin a an thlawk hlauh chu a tihzia asin,tunah khua a chhe nasa si” a ti leha,a Taksa lumna chuan min rawn ur ham ham a,`um..” ka ti ringawt….`Mate….Pekpek-a hian Nau nei tawh se a tha lo maw?” ka Sam fawh zauh pah hian a ti leh daiha,`That te chu tha e. Mahse, ka Rai thei tawh lo aniang,invenna engmah ka hmang lo ania” ka tih chuan a thaw hak a,`Pekpek-a kan nei tawh tho a,kan nei thei tawh lo anih pawhin a pawi lo, a tawk tho alawm” tih pah in Ka mal a rawn chul a,ka Mutkawr a hlim chho a,`ka muhil duh ania” ka ti hlak a,a nui a,a thil tih lai a chawl chuang lo.

Hah zet hian a chungah ka bawk thlar a,ka thaw hle hle maia, ani pawh a hah ve deuh a ni ngei ang..`engtikah mah ka hne thei dawn lo che anih hi” tih pahin ka sam thlan hnawng chap mai chu a chul a,`keipawh…” ka ti sep `Betty….Football ka chawlhsan chhan hi min zawt ngai dawn lo em ni?” a ti a,ka rin loh lam daih a rawn sawi avang chuan a hmel en thei turin ka inbeng kang a,`ka lo ngaihtuah ngai hleinem” ka ti ringawt. "Nia….nang hi chuan Football hi i tuipui lo alawm. Kei chuan nuam ka ti a,ka hlmpui bawka…Mahse maw,kha Tleirawl hmeltha leh Thianghlim tak,engmah sawi lo a ka kalsan tak kha Chennai a ka hmeichhe hmuh kha a ni tih ka hriat khan ka Future tur pawh ngai pawimawh zo tawh lo in Kha Hmeichhia kha zawn hmuh a belhchian ka duh ber a,ka Inkhel reng anih chuan mipa dang in an lo nei hman maithei a….ka tlai palh thei bawk. Ka inkhel anih chuan duh duh hunah chawlh ka nei thei hek lo. Sangpuii hnenah ka kal a,ani khan i awmna hrethei turin min lo pui a,mahse,a awlsam lo khawp mai…” a tih lai chuan a hmui ka hup a,`Engtin nge min hriat chhuah leh a?” ka lo ti a, mak ka tihna ka thup thei lo,a nui a. `I mitmeng kian kel kawl tak hi a ni phawt a,chuan heipawh hi..” tih pah in ka Dar a Kutchuk sen tiak mai chu a fawp vang vang a…`Anih leh Asawm-i kha i Nupui tur tiin min hrilh sia..” ka la ti fan..`khatihlai kha chuan a ni alawm,mahse,ahnu lawk khan min bum a,ka team mate 1 nen sex an lo hmang a,ka kalsana,ka lawm zawk bawk. ,Nangmah ka zawnna kawngah zalen tak in ka che thei miau a” a ti leh chu mak ka ti lutuk…vawilehkhatah ka lo inthiam loh rukna zawng zawng pawh a bo ta duak maia, ka hahdam nghal em em a ni ber. 

“min en suh” ka ti that a….a nui suk duh chauh….a nui pawh chu ka huat tawk a tling leh ta tho…`chhuak rawh,keimahin ka awm duh..” ka ti leh chiama,Room kawngka bul a a ding chu thinrim lutuk hian ka melh a,`enge ka tihsual a…..min hrilh " a ti hman a, a sawi zawh hma in Lukhamin  bang a va deng dawt . Ka luak chhuak in min rawn hnawh a,Bath Room chhung ka thleng hman tawk a ni ber.…Ka uak nasa lutuka,ka chau hnawk thei. 

Ka chhuah veleh inthlahrun hmel tak hian Samua a lo ding a,melh pawh ka melh peilo…Khumah ka lawn a,a mah hmu thei lo turin ka inkhuh hmak a,ka sual lutuk hi ka inngei thin.Mahse,ka hmuh hian ka Thinrim thin a, ..ka ngai em em a,a awm loh chuan ka hmu chak a,mahse,a lo haw veleh ka Thinrim leh tho si. Engmah ka ei thei  lo va,Pekpek-a ka pai khan heti em em hian ka haw der si lo.

Khum a che dat a,ka Puansin a rawn keu a,min rawn kuah bet nghala..`Mate…..lawks….ka ngai tawh lutuk che,hetiang tur chuan vawikhatmah nau i pai leh tawh lo ang,min hrem rei lutuk” a rawn ti a…ka Luak rawn chhuak leh up up chu tihreh tum in Lehlam ka hawi ta ngawt. 

“Pu Samu….i Fanu thar hi i atchilh viau niin kan lo hria a,kan lawmpui takzet che” kan bula thu, chanchinbu lam mi chuan a ti a. Samu-an  kan Fanu a pawm a,Pekpek-a erawh chu amah in a thu a,a Inti tlangval ve tawh viau,Nau a nei ta bawk nen pawm a duh tawh vak lo..`Kan lawm e" Zangkhai vuh hian a ti a,vawiin hian kan Fanu thla 2 tlin kan lawm a. Rinawma leh Mapuii pawh inneih mai hmabak anni tawha.Sangpuii pawn fa 2 a nei tawh bawk. Kei aiin Samu-a hian kan Naute hi a buaipui zawk niin ka hria a,ka Thik rum rum fo mai.

Min rawn kuah a,ka che duh lo…`I muhil mi?” a rawn ti a,`aih” ka ti hmak….min rawn kuah nghet sauha,`I Fanu i lo thik leh tawh mi?” a tih chuan a aw a nuihzatna chu ka hriat hmaih lo,ka thinur zual sauh a,ka tal chhuak tur chu min rawn pawm bet leh a,min bawhbet a.

`Thil ka hrilh ang che, Ngaithla lawk teh, khawvelah hian ka duh ber thlang dawn ila nangmah ka thlang ang che,kan Fate hi chu a 2 na an ni ang,Ka hmangaih che a, anni pawh ka hmangaih“ a ti nghet churh, rawn kun hniam a min rawn fawh takah chuan kan tihtur ka hai lo…..

“Naute dang i duh leh nghal ngawt tihna mi? ” ka ti hlak a,ka la thinrim der a,…`aih…nakinah pakhat chu a pawi lo ang.Pekpek-a hi chuan Football a khel dawn lo tih ka chianga,ka hnung zuitu tur  Pakhat tal an awm angai alawm” a ti a….a nui suk a. "Um,a dik ve tho…mahse,tunah chuan ka duh i hriat kha…..” ka ti sep a,ka Pasal a ni a zah tit tet angai ka ti lo..

“lawks…..invenna hmang ang….i thinchhe thei ropui si” a ti sup a,kan in en a,kan nui dun hawk hawk a.

A tawp ta..